` (BDE MCHOG LHAN SKYES KYI SGRUB THABS MDOR BSDUS BZHUGS SO,,) ` NA MO GU RU TZA KRAS MBA R'A YA, BDE MCHOG LHAN SKYES KYI SGRUB THABS MDOR BSDUS NI, SANGS RGYAS CHOS DANG DGE 'DUN LA, ,RTAG TU BDAG NI SKYABS SU MCHI, ,SEMS CAN KUN GYI DON GYI PHYIR, ,BDAG NI HE RU KAR GYUR CIG ,CES SKYABS SEMS BYAS LA, AOm SH'U N+YA T'A DZNY'ANA BADZRA SVA BHA WA A'ATMA KONYA ? HI, RANG GI THUGS KA'I H'Um GI 'OD ZER GYIS BRTAN GA-YO THAMS CAD SBYANGS TE 'OD DU ZHU BA RANG LA THIM ZHING RANG YANG STOD SMAD NAS RIM GYIS THUGS KA'I H'Um LA THIM, H'Um YANG RIM GYIS 'OD DU ZHU NAS 'OD GSAL STONG PA NYID DU GYUR, CES 'CHI BA CHOS SKU DANG, STONG PA'I NGANG LAS RANG GI SEMS NA NGA'I GZUGS GYEN DU 'GRENG BA DKAR LA DMAR BA'I MDANGS CAN DU GYUR, CES PAR DO LONGS SKU DANG, STONG PA'I NGANG LAS SKAD CIG GIS RDO RJE'I SA GZHI RA BA GUR BLA RE ME RI DANG BCAS PA'I NANG DU RLUNG ME CHUS RI RAB KYI STENG
DU SNA TSOGS PADMA LA GNAS PA'I SNA TSOGS RDO RJE'I LTE BAR SNA TSOGS PADMA 'DAB MA BRGYAD PA'I DBUS SU DBYANGS DKAR PO PHYAG GNYIS DANG GSAL BYED DMAR PO PHRAG GNYIS ZHU BA LAS BYUNG BA'I ZLA BA'I DKYIL 'KHOR DKAR LA DMAR BA'I MDANGS CAN GYI DBUS SU NANG ? ZHUGS PA RIM GYIS H'Um YIG TU GRUB PA LAS 'OD ZER 'PHROS, DON GNYIS BYAS, 'DUS YONGS SU GYUR PA LAS RTEN DANG BRTEN PA'I DKYIL 'KHOR DUS CIG TU GRUB PAR GYUR, CES SKYE BA SPRUL SKU'I LAM 'KHYER BSGOM, DE YANG DUR KHROD SRUNG 'KHOR DANG BCAS PA'I NANG DU GZHAL YAS KHANG GRU BZHI SGO BZHI RTA BABS DANG BCAS PA MTSAN NYID THAMS CAD YONGS SU RDZOGS PA'I DBUS SU PAD NYI'I GDAN LA, RANG NYID BCOM LDAN 'DAS DPAL HE RU KA SKU MDOG SNGON PO ZHAL GCIG PHYAG GNYIS KYIS RDO RJE DANG DRIL BU 'DZIN PAS YUM RDO RJE PHAG MO DMAR MO GCER MO RUS PA'I RGYAN GYIS SPRAS SHING GRI THOD 'DZIN PA LA 'KHYUD PA, RAL PA'I THOR COG LA SNA TSOGS RDO RJE DANG ZLA PHYED KYIS MTSAN PA, THOD SKAM LNGA'I DBU RGYAN DANG RLON PA LNGA BCU'I DO SHAL CAN, STAG LPAGS KYI SHAM THABS DANG RUS PA'I RGYAN DRUG GSOL ZHING GAR DGU'I NYAMS DANG LDAN PA ZHABS GA-YAS BRKYANG PAS 'JIGS BYED NAG PO'I MGO BO DANG, GA-YON BSKUM PAS DUS MTSAN MA DMAR MO'I NUM MNAN PA, YE SHES KYI ME 'BAR BA'I DBUS NA BZHUGS PA'I SPYI BOR ZLA BA LA AOm DKAR PO,
, ,MGRIN PAR PADMA LA A'A: DMAR PO, THUGS KAR NYI MA LA H'Um SNGON PO, PHEEm; THUGS KA'I H'Um GI 'OD ZER GYIS BSGOM PA DANG 'DRA BA'I YE SHES PA DBANG LHA DANG BCAS PA SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR, YAB LA RDOR SEMS DANG YUM LA RNAM SNANG GIS DBU BRGYAN PAR GYUR, CES BSKYED LA, AOm TZAKRA SAMBA RA SA PA RI W'A RA AARGHAm, P'ADYAm, PUshPE, DH'U PE, D'IPE, GANDHE, NEE WI DYE, SHAPTA PRA T'I TZTSA SV'A H'AS PHYI MCHOD, AOm TZA KRA SAMBA RA SA PA RI W'A RA AOm A'A: H'Um GIS NANG MCHOD, YAB YUM SNYOMS PAR ZHUGS PAS LHAN SKYES KYI BDE STONG SKYES PAR GYUR GYIS GSANG MCHOD PHUL, AINDRA N'I LA'I LHUN PO LA, ,BYU RU'I 'KHRI SHING GIS 'KHYUD PA, ,SNGON MED GAR DGU'I ROL GAR MKHAN, ,BCOM LDAN YAB YUM LA PHYAG 'TSAL, ,ZHES BSTOD, LHA'I RNAL 'BYOR BSGOM ZHING SKYO NA, 'PHRENG BA GSUNG RDO RJE PADMA GAR DBANG GI NGO BOR GYUR, YAB YUM GYI THUGS KAR NYI GDAN LA H'Um YIG GI MTHAR SNGAGS 'PHRENG GIS BSKOR BA LAS SPRO BA DANG BSDU BA'I MDZAD PA CAN DU GYUR, AOm SHR'I BADZRA HE HE RU RU KAm H'Um H'Um PHAt, d'A KI N'I DZ'A LA SHA BA RAm SV'AH'A, ZHES YAB DANG, AOm BADZRA BEE RO TZA N'A YE H'Um H'Um PHAt SVAH'A, ZHES YUM GYI SNYING PO BZLA, MJUG TU, GZHAL YAS KHANG DANG YUM RANG LA THIM PAR BSAM LA, SEMS CAN KUN GYI DON GYI PHYIR, ,BDAG
NI HE RU KAR GYUR NAS, ,SEMS CAN THAMS CAD HE RU KA'I, ,GO 'PHANG MCHOG LA 'GOD PAR SHOG CES SMON LAM BYA'O, ,ZHES PA 'DI YANG DKYIL SHAR AA JO LAGS KYI NYAMS BZHES SU DHARMA BHA DRAS SBYAR BA'O,,