` (DZE T'A RI'I LUGS KYI TSE DPAG MED KYI BSGOM BZLAS MDOR BSDUS BZHUGS,,) ` NA MO GU RU AA PA RI MI T'A YURDZNYA N'A YA, 'DIR DZI T'A RI'I LUGS KYI TSE DPAG MED LA BSNYEN PA BYA TSUL NI, SANGS RGYAS CHOS DANG TSOGS MCHOG LA, ZHES SOGS SKYABS SEMS SNGON DU BTANG LA, RANG NYID SKAD CIG GIS BCOM LDAN 'DAS TSE DPAG MED DU GSAL BA'I THUGS KAR ZLA BA LA GNAS PA'I HR'I: DMAR PO'I 'OD ZER GYI BDE BA CAN NAS BLA MA DANG GNYIS SU MED PA'I BCOM LDAN 'DAS TSE DPAG MED LA SANGS RGYAS DANG BYANG CHUB SEMS DPA'I TSOGS
, ,KYIS BSKOR BA MDUN GYI NAM MKHAR SPYAN DRANGS, 'JIG RTEN 'DREN PA'I GTZO BO TSE DPAG MED, CES SOGS KYIS PHYAG BYA, AOm SARBA TA TH'A GA TA AA PA RI MI TA A'A YURDZNY'A NA SA PA RI W'A RA AARGHAm NAS, SHAPTA PRA T'I TZTSA S'AH'A'I BAR GYIS MCHOD, DKON MCHOG GSUM LA BDAG SKYABS MCHI, ZHES SOGS KYIS RGYUN BSHAGS BYA, SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG ,CES SOGS KYIS TSAD MED BZHI BSGOM, TSOGS ZHING RNAMS RANG GNAS SU GSHEGS MAR GYUR PAR BSAM MO, ,AOm SH'U NYA T'A DZNY'A NA BDZRA SVA BHA WA A'ATMA KANYAHI, STONG PA NYID DU GYUR, STONG PA'I NGANG LAS SKAD CIG GIS RDO RJE'I SA GZHI RA BA, GUR, BLA RE; ME RI DANG BCAS PA'I DBUS SU SNA TSOGS PADMA LA GNAS PA'I SNA TSOd RDO RJE'I LTE BAR GZHAL YAS KHANG GRU BZHI SGO BZHI RTA BABS BZHI DANG BCAS PA, MTSAN NYID THAMS CAD YONGS SU RDZOGS PA'I NANG GI SHAR SNGO, LHO SER, NUB DMAR, BYANG LJANG, DBUS DKAR BA'I NANG DU, PAm LAS PADMA DMAR PO 'DAB MA BRGYAD PA'I LTE BAR AA LAS ZLA BA'I DKYIL 'KHOR GYI STENG DU HR'I: DMAR PO RING CHA TSEG DRAG DANG BCAS PA, DE LAS 'OD ZER 'PHROS, 'PHAGS PA MCHOD, SEMS CAN THAMS CAD KYI SDIG SGRIB SBYANGS, TSE DPAG MED KYI GO 'PHANG LA BKOD, TSUR 'DUS HRI: LA THIM PA YONGS SU GYUR PA LAS, RANG NYID BCOM
LDAN 'DAS DE BZHIN GSHEGS PA TSE DANG YE SHES DPAG TU MED PA SHIN TU RNAM PAR NGES PA GZI BRJID KYI RGYAL PO, SKU MDOG BYU RU'I LHUN PO LA NYI MA BYE BA'I MDANGS KYIS 'KHYUD PA LTA BUR DMAR ZHING 'OD ZER 'PHRO BA, ZHI ZHING 'DZUM PA'I NYAMS DANG LDAN PA'I ZHAL GCIG ,PHYAG GNYIS TING NGE 'DZIN GYI PHYAG RGYA'I STENG NA, TSE'I BDUD RTZIS GANG BA'I BUM BZANG DGOS 'DOD 'BYUNG BA'I DPAG BSAM SHING GI KHA RGYAN CAN BSNAMS PA, DBU SKRA RAL PA'I THOR TSUGS CAN, RIN PO CHE'I DBU RGYAN, SNYAN RGYAN, MGUL RGYAN, PHYAG GDUB, ZHABS GDUB, MU TIG GI SE MO DO, DO SHAL LA SOGS PA RIN PO CHE'I RGYAN THAMS CAD KYIS BRGYAN PA, MTSAN DPES SPRAS PA'I LONGS SPYOD RDZOGS PA'I SKU, LHA RDZAS LAS GRUB PA'I DAR GYI NA BZAS MDZES PAR KLUBS SHING, ZHABS GNYIS RDO RJE'I SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR ZLA GDAN LA HR'I: DMAR PO H'Um SNGON POS MTSAN PA, THUGS KA'I HR'I: LAS 'OD ZER 'PHROS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I HR'I: LAS 'OD ZER 'PHROS, DBANG GI LHA RIGS LNGA 'KHOR BCAS SPYAN DRANGS, DE BZHIN GSHEGS PA THAMS CAD KYIS MNGON PAR DBANG BSKUR DU GSOL, ZHES GSOL BA BTAB PAS,
, ,AOm SARBA TA THA GA TA AA BHI shE KA TA SA MA YA SHRI YE H'Um, ZHES DBANG BSKUR, LUS THAMS CAD GANG, DRI MA THAMS CAD DAG ,CHU LHAG MA SPYI GTZUG TU GNAS PA YONGS SU GYUR PA LAS, 'OD DPAG MED SPRUL SKU'I RNAM PA CAN GYIS DBU BRGYAN PAR GYUR, CES YAN LAG BZHI RDZOGS SU BSKYED LA, AOm SARBA TA TH'A GA TA ZHES SOGS KYIS SNGAR BZHIN MCHOD, 'KHOR BA'I SEMS CAN MA LUS PA, ,KHYOD KYI MTSAN TZAM 'DZIN PA LA, ,TSE DANG YE SHES STZOL MDZAD PA'I, ,TSE DPAG MED LA PHYAG 'TSAL LO, ,ZHES BSTOD, DE NAS ZAB GSAL GNYIS MED KYI RNAL 'BYOR BSGOM ZHING, SKYO NA; THUGS KA'I ZLA BA LA HR'I: YIG GI MTHAR SNGAGS KYIS BSKOR BA LAS 'OD ZER 'PHROS, MA DAG PA'I SNOD BCUD SBYONG BA SOGS 'GRO BA'I DON BYAS, SANGS RGYAS SRAS BCAS KYI SKU GSUNG THUGS KYI BYIN RLABS, MDOR NA, SRID ZHI'I YON TAN THAMS CAD BSDUS NAS SNGAGS 'PHRENG LA THIM PAR GYUR PAR BSAMS LA, AOm NA MO BHR'Um A'A YURDZNYA NA HR'I: A'A RO LI KA H'Um HR'I: ZHES PA'I SNYING PO CI MANG BZLA'O, ,DE NAS RANG GI SNYING GAR RIGS LNGA TSE DPAG MED, SPYI BOR YE SHES TSE DPAG MED, DE'I THUGS KA'I 'OD ZER GYIS TSE DPAG MED KYI LHA TSOGS DANG, SANGS RGYAS BYANG SEMS MKHA' 'GRO CHOS SKYONG THAMS CAD DANG, LHA MI'I RIG 'DZIN THAMS CAD KYI TSE DANG YE SHES BYIN RLABS RNAMS
TSE'I BDUD RTZI 'OD ZER DANG BCAS PA'I RNAM PAR SPYAN DRANGS, SPYI BO'I YE SHES TSE DPAG MED LA THIM PAS, TSE'I BDUD RTZIR ZHU BA SPYI BO NAS SNYING GA'I RIGS LNGA TSE DPAG MED LA THIM PAS, DE LNGA YANG 'CHI MED TSE'I BDUD RTZIR ZHU NAS RANG GI SPYI BO NAS RKANG MTHIL GYI BAR TSE'I BDUD RTZIS MER GYIS GANG, LUS KYI ZUNGS DANG SEMS KYI RTEN DU GYUR, 'CHI MED TSE'I DNGOS GRUB THOB, SGO GSUM TSE DPAG MED KYI SKU GSUNG THUGS SU GYUR PAR BSAM LA BYIN RLABS ZHU, DE NAS GTOR MA DBU PA NA, AA MRi TAS BSANGS, SA BHA WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA RNAMS KYI NANG DU, AOm 'OD DU ZHU BA LAS BYUNG BA'I MCHOD PA DANG GTOR MA RNAMS PHUL DU BYUNG BA'I LHA RDZAS SU GYUR, CES BYIN GYIS BRLABS LA, BDAG BSKYED KYI YE SHES PA MDUN GYI NAM MKHAR BZHUGS PA'I LJAGS 'OD ZER GYI SPU GUS GTOR MA'I BCUD THAMS CAD DRANGS TE GSOL BAR GYUR, AOm SARBA TA TH'A GA TA AA PA RA MI TA A'A YURDZNYA NA SA PA RI W'A RA BA LIm PRAT'I TZTSA SV'AH'A, LAN GSUM GYIS PHUL, MCHOD BSTOD SNGAR BZHIN BYAS LA, BCOM LDAN 'DAS BDAG DANG SEMS CAN THAMS CAD LA TSE DANG BSOD NAMS LA SOGS PA MCHOG DANG MTHUN MONG GI DNGOS GRUB MA LUS PA STZAL DU GSOL, ZHES 'DOD DON LA GSOL BA GDAB, AOm BADZRA MU: YE SHES PA RANG BZHIN GYI GNAS SU GSHEGS, GZHAL YAS KHANG RANG
, ,LA THIM PAR GYUR, DGE BA 'DI YIS MYUR DU BDAG ,TSE DPAG MED MGON 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BSNGO SMON DANG, NYIN MO BDE LEGS MTSAN BDE LEGS, ZHES SOGS KYIS SHIS BRJOD BYA'O, ,ZHES DZE T'A RI'I LUGS KYI TSE DPAG MED KYI BSGOM BZLAS MDOR BSDUS 'DI YANG PAn CHEN CHOS KYI RGYAL PO SOGS DAM PA MANG PO'I GSUNG LA BRTEN NAS DHARMA BHA DRAS BRIS,,