` (MA nI RIL BSGRUB BYA TSUL BZHUGS,,) ` N'A RO GU RU LO KE SHVA R'A YA, 'DIR GRUB DBANG TSEM BU PA'I LUGS KYI SPYAN RAS GZIGS LA BRTEN PA'I MA nI RIL BU BSGRUB TSUL LA GSUM, SNGON 'GRO, DNGOS GZHI, MJUG CHOG GO ,DANG PO NI, RIL BU'I RGYU PHYE GTZANG LA GDUNG RING BSREL, MA nI RIL BU SOGS BYIN RTA, SMAN DANG RIN PO CHE'I BRDAR PHYE, DBU SKRA NA BZA' SOGS KYI BSREGS THAL BCAS BSRES PA DRI BZANG GI KHRUS CHUS SPRUS TE, RIL BU CHE CHUNG RAN PAR SGRIL NAS RIL CHAGS DANG MTSAL GYI NA BZA' GSOL LA GSHER THAG CHOD NAS, RNAM BUM TSAD LDAN MGUL CHINGS DKAR PO CAN GTZANG MAR SUM GNYIS GANG BAR BLUG PA'I KHA DAR DKAR GYIS BSTUMS TE RGYAS BTAB LA, STAGS MTHON PAR PAD DKAR 'DAB BRGYAD BRIS PAR BSGUL
, ,BSKYOD MED PAR BZHAG ,DE'I KHAR RDO RJE GZUNGS THAG DANG, STENG NGAM RGYAB NGOS SU THUGS RJE CHEN PO'I BRIS 'BUR GYI SKU BYIN CAN BZHUGS SU GSOL, MTHAR CHU GNYIS NYER SPYOD KYI MCHOD PA BZANG MDZES SU BSHAM MO, ,GNYIS PA DNGOS GZHI LA GNYIS, BDAG BSKYED BSGOM PA DANG, MDUN BSKYED BSGRUB PA'O, ,DANG PO NI, SANGS RGYAS CHOS DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,BDAG GIS SBYIN SOGS BGYIS PA'I TSOGS RNAMS KYIS, ,'GRO LA PHAN PHYIR SANGS RGYAS 'GRUB PAR SHOG ,CES LAN GSUM GYIS SKYABS 'GRO SEMS BSKYED BYAS LA, AOm SVA BHA SHDHA: ? SARBA DHA RM'A: BH'A WA SHU NGBHONYA HAm, CHOS DBYINGS NGANG LAS PAD DKAR ZLA BA'I STENG, ,RANG SEMS HR'I: LAS PADMA GRI: SA MTSAN PA'I, ,'OD KYIS DON GNYIS BYAS SHING 'DUS PA LAS, ,RANG NYID 'PHAGS MCHOG RJE BTZUN SPYAN RAS GZIGS, ,SKU MDOG DKAR PO ZHAL GCIG PHYAG BZHI PA, ,DANG PO THUGS KAR THAL SBYAR 'OG MA GNYIS, ,NOR BU'I 'PHRENG BA PADMA DKAR PO BSNAMS, ,BCU DRUG LANG TSO DGYES PA'I 'DZUM ZHAL LDAN, ,MTSAN DPE'I DPAL 'BAR RIN CHEN RGYAN MANG 'DZIN, ,LONGS SKU'I RNAM PA LHA RDZAS NA BZAS KLUBS, ,'OD ZER STONG 'BAR SKYIL KRUNG GIS BZHUGS PA'I, ,SPYI BOR AOm DKAR MGRIN PAR A'A: DMAR PO, ,THUGS KAR PAD STENG H'Um
MTSAN HR'I: YIG MTHAR, ,YIG DRUG 'OD ZER 'BAR BAS BSKOR BA YI, ,'OD KYIS YE SHES PA DANG DBANG GI LHA, ,SPYAN DRANGS DZA: H'Um BAm HO: DBANG GI LHAS, ,DBANG BSKUR 'OD DPAG MED PAS SPYI BOR BRGYAN, ,AOm A'ARYA LO KE SHVA RA AARGHA, P'A DYAm; PUsHPE: DH'U PE; A'A LO KE, GANDHE; NEE WI DYE, SHABTA PRA T'I TZTSA SV'AH'A, SKYON GYIS MA GOS SKU MDOG DKAR, ,RDZOGS SANGS RGYAS KYIS DBU LA BRGYAN, ,THUGS RJE'I SPYAN GYIS 'GRO LA GZIGS, SPYAN RAS GZIGS LA PHYAG 'TSAL LO, ,RANG GI THUGS KA'I HR'I: DANG SNGAGS 'PHRENG GI ,'OD KYIS 'PHAGS PA MCHOD CING 'GRO DON BYAS, ,BYIN RLABS NUS MTHU 'OD ZER DKAR PO YI, ,RNAM PAR BSDUS NAS HR'I: LA THIMS PAR GYUR, ,AOm MA nI PADME H'Um, ZHES BRGYA RTZA BRGYAD BZLA'O, ,GNYIS PA MDUN BSKYED BSGRUB PA NI, BUM PA RIL BU DANG BCAS PA AA MRi TAS BSANGS, SVA BHA WAS SBYANGS, STONG PA'I NGANG LAS PAD DKAR ZLA BA'I STENG, BH'Um LAS RIN CHEN BUM DKAR LTO BA CHE, ,MGRIN RING MCHU 'PHYANG NANG NI GZHAL YAS KHANG, ,DER GNAS RIL BU PAD DKAR ZLA BA'I STENG, ,HR'I: LAS PADMA DKAR PO HR'I: SA MTSAN PA'I, ,'OD KYIS DON GNYIS BYAS SHING 'DUS PA LAS, ,BLA MA 'PHAGS MCHOG RJE BTZUN SPYAN RAS GZIGS, ,ZHES PA NAS, DBANG BSKUR 'OD DPAG MED PAS SPYI BOR BRGYAN, ,ZHES PA'I BAR GONG LTAR BRJOD, MCHOD PA RNAMS PHUL DU BYUNG BA'I LHA RDZAS SU GYUR,
, ,AOm A'A: H'Um, LAN GSUM GYIS BYIN GYIS BRLABS LA, ,STONG GSUM 'DI 'AM STONG GSUM GZHAN DAG NA, ,LHA RDZAS MCHOD YON JI SNYED YOD PA RNAMS, ,BCOM LDAN BUM PA'I LHA LA BDAG 'BUL NA; ;BZHES SHING BLA MED GRUB MCHOG THOB PAR SHOG ,AOm GU RU A'ARYA LO KE SHVA RA SA PA RI W'A RA AARGHm PRA T'ITZTSA SV'AH'A, MCHOD YON GYI GNAS SU ZHABS BSIL NAS ROL MO'I BAR DANG, AARGHAm GYI GNAS SU P'A DYAm NAS SHAPTA'I BAR BCUG NAS MCHOD, SKYON GYIS MA GOS SKU MDOG DKAR, ,ZHES SOGS DANG, 'PHAGS PA SPYAN RAS GZIGS DBANG THUGS RJE'I GTER, ZHES BYA NAS, MYUR DU SANGS RGYAS SA LA BZHAG TU GSOL, ZHES PA'I BAR GYIS BSTOD CING GSOL BA BTAB, THUGS RJE'I GTER GYUR SPYAN RAS GZIGS DBANG LA, ,MCHOD BSTOD GDUNG SHUGS DRAG POS GSOL 'DEBS NA, ,DAM RDZAS RIL BU 'DI LA BYIN RLABS LA, ,MTHA' YAS 'GRO RNAMS SMIN GROL MDZAD DU GSOL, ,DE LTAR RTZE GCIG GSOL BA BTAB PA'I MTHUS, ,THUGS KA'I HR'I: LAS 'OD ZER PHYOGS BCUR 'PHROS, ,BLA MA YI DAM MCHOG GSUM CHOS SRUNG SOGS, ,SKYABS GNAS KUN GYI BYIN RLABS NUS MTHU'I TSOGS, ,'OD DANG BDUD RTZI PHYAG MTSAN YIG 'BRU DANG, ,'PHAGS PA'I SKU YI RNAM PAR THOGS MED BSDUS, ,RIL BU THUGS RJE CHEN POR GSAL BA LA, ,DBYER MED THIMS PAS MYONG GROL NUS LDAN GYUR, ,CES PA'I DMIGS PA DANG BCAS
GZUNGS THAG DANG 'PHRENG BA BLANGS TE MA nI MANG DU BZLAS MTHAR PADMA'I YIG BRGYAS BRTAN PAR BYAS LA, AOm GU RU A'ARYA LO KE SHVA RA SA PA RA W'A RA A'A GHAm TI TZTSA SOGS KYIS MCHOD, SKYON GYIS MA GOS ZHES SOGS KYIS BSTOD, DGE BA 'DI YIS MYUR DU BDAG ,CES SOGS KYIS BSNGO SMON BYAS LA GZUNGS THAG SGRUB GROGS RE MOS PA'I LHA SKU'I PHYAG LA GTAN NAS THUN MTSAMS LA 'JUG ,THUN RJES MA'I 'GOR MCHOD BSTOD MDOR BSDUS DANG, THUGS GTER GYUR SPYAN RAS GZIGS DBANG LA, ,ZHES SOGS KYIS BZLAS DMIGS GSAL BTAB NAS BZLAS PA SNGAR LTAR BYED, DE LTAR THUN BZHIR BCAD PA'I THOR THUN GYI 'GOR BDAG MDUN BSKYED CHOG GANG BZHIN BYA'O, GSUM PA MJUG CHOG NI, SGRUB ZHAG THIMS PA'I SNGA THUN GYI YIG BRGYA'I MTHAR MCHOD BSTOD GANG RGYAS KYI RJES SU, MA LUS RGYAL BA SRAS DANG BCAS RNAMS KYI, ,GSANG GSUM BYIN RLABS GONG BUR 'DUS PA'I LHA, ,'OD DU ZHU NAS MYANGS PA TZAM NYID KYIS, ,SMIN CING GROL 'GYUR RIL BU'I RNAM PAR GYUR, ,AOm SU PRA TIsHtHA BADZRA SV'AH'A, ZHES ME TOG GTOR LA BRTAN BZHUGS DANG, DGE BA 'DI YIS MYUR DU BDAG ,CES SOGS KYIS BSNGO SMON DANG; NYIN MO BDE LEGS MTSAN BDE LEGS, ZHES SOGS KYIS SHIS BRJOD PA'O, ,ZHES PA 'DI NI LHA MON MTSO SNA BA DGE SLONG GRAGS PA RGYA MTSOS 'PHRIN YIG GI LAM NAS NAN CHEN POS BSKUL NGOR DGE SLONG
, ,DHARMA BHA DRAS DAM PA GONG MA MANG PO'I GSUNG GI NYING KHU BSDUS TE GA-YAR KHRAL DU SBYAR BA'O,,