`(GNYEN PO'I LHA GSUM GCIG TU 'DUS PA'I NGO BO DPAL GSANG BA'I BDAG POS BDAG LA MCHOG DANG MTHUN MONG LA SOGS PA'I DNGOS GRUB MA LUS PA STZAL DU GSOL,, ` PHYAG RDOR 'BYUNG 'DUL GYI SGRUB THABS BZHUGS,,) ` NA MO GU RU BADZRA P'A nA YE, ('BYUNG PO 'DUL BYED BSGOM PAR 'DOD PAS, SKYABS YUL GSAL BTAB LA, DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,ZHES SKYABS 'GRO DANG,) SEMS CAN THAMS CAD KYI DON DU RDZOGS PA'I SANGS RGYAS KYI GO 'PHANG THOB PAR BYA, DE'I CHED DU KHRO BO'I RGYAL PO 'BYUNG PO 'DUL BYED BSGOM PAR BGYI'O, ,ZHES SEMS BSKYED LAN GSUM RE BYA, DE NAS, AOm SH'UNA-YA T'A JNY'A NA BADZRA SVA BHA WA A'A TMA KANYA HAm, STONG PA NYID DU GYUR, STONG PA'I NGANG LAS HR'I: LAS PADMA DANG RAm LAS NYI MA'I STENG DU, RANG SEMS H'Um LAS RDO RJE H'Um GIS MTSAN PA LAS 'OD ZER 'PHROS, DON GNYIS BYAS, 'DUS YONGS SU GYUR PA LAS, RANG NYID DPAL PHYAG NA RDO RJE 'BYUNG PO 'DUL BYED SKU MDOG MTHING NAG KHRO BA'I NYAMS DANG LDAN PA'I ZHAL GCIG PHYAG BZHI PA, GA-YAS DANG POS RDO RJE RTZE LNGA PA DANG, GA-YON DANG POS ZHAGS PA 'DZIN CING, 'OG MA GNYIS KYIS THUGS KAR 'BYUNG PO 'DUL BA'I PHYAG
, ,RGYA MDZAD PA, THOD SKAM LNGA'I DBU RGYAN DANG RLON PA LNGA BCU'I DO SHAL DANG, KLU CHEN PO BRGYAD KYIS BRGYAN PA, DAR SNGON PO'I STOD GA-YOGS DANG STAG GI PAGS PA'I SHAM THABS CAN, ZHABS GA-YAS BSKUMS SHING GA-YON BRKYANGS PAS 'BYUNG PO GZHAN GYIS MI THUB PA DKAR PO MIG GSUM LAG BZHI PA, MGO GA-YAS SU BSTAN NAS KHA SBUB TU MNAN TE ME DPUNG 'BAR BA'I DBUS NA BZHUGS PA'I DPRAL BAR AOm, MGRIN PAR A'A: THUGS KAR H'Um, DE LAS 'OD ZER 'PHROS PAS, BSGOMS PA DANG 'DRA BA'I YE SHES PA DANG DBANG GI LHA RNAMS SPYAN DRANGS, DZA: H'Um BAm HO: GNYIS SU MED PAR GYUR, DBANG GI LHAS DBANG BSKUR, MI BSKYOD PA'I DBU BRGYAN PAR GYUR, CES BSKYED LA, AOm BH'U TA d'A MA RA SA PA RI W'A RA ARGHAm NAS, SHAPTA PRA T'I TZTSA SV'AH'A'I BAR GYIS MCHOD, DPAL CHEN DRI MED NAM MKHA'I MDANGS DANG LDAN, ,DUS MTHA'I SPRIN LTAR H'Um SGRA 'BRUG STONG CHE, ,'BAR BA'I RDO RJES BGEGS KYI KLAD PA 'GEMS, ,PHYAG NA RDO RJE BSNAMS LA PHYAG 'TSAL LO, ,ZHES BSTOD, RANG GI THUGS KAR NYI MA'I STENG DU H'Um YIG GI MTHAR SNGAGS 'PHRENG GIS BSKOR BA LAS LHA SKU YIG 'BRU PHYAG MTSAN ME DPUNG RNAMS PHAR SPROS PAS RANG GZHAN GYI SDIG SGRIB NAD GDON THAMS CAD BSREGS SHING TSAR BCAD, TSUR THIM PAS ZHI KHRO RAB 'BYAMS KYI BYIN RLABS NUS MTHU THAMS CAD THOB PAR GYUR
PAR BSAMS LA, AOm BH'U TA d'A MA RA BH'U T'A DHI PA TI, AKshO BHYA KI RI KRI nA, SARBA BH'U TA PRE TA PI SH'A TZANS'A DHA YA H'Um PHAt, CES SNGAGS RING CUNG ZAD DANG, H'Um BADZRA PHAt, CES SNGAGS THUNG GANG MANG BZLA, BSNYEN TSAD SNGAGS RING 'BUM DANG SNGAGS THUNG SA YA GCIG TU GSUNGS, MJUG TU, DGE BA 'DI YIS MYUR DU BDAG ,'BYUNG PO 'DUL BYED 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BRJOD PAR BYA'O,, BSNYEN DUS SU ZLUM GTOR MTHEB SKYUS BSKOR BA BSHAMS LA, AA MRi TES BSANGS, SVA BHA WAS SBYANGS, STONG PA'I NGANG LAS A'A: LAS THOD PA'I NANG DU H'Um LAS BDUD RTZI'I RGYA MTSOR GYUR, AOm A'A: H'Um, LAN GSUM, RANG GI THUGS KA'I H'Um LAS 'OD ZER 'PHROS PAS DPAL PHYAG NA RDO RJE'I BYUNG PO 'DUL BYED 'KHOR DANG BCAS PA SPYAN DRANGS PA'I LJAGS 'OD ZER GYI SBU GUS GTOR MA GSOL BAR GYUR, AOm BH'U TA d'A MA RA SA PA RI W'A RE BH'U TA AA KA RO SOGS LAN GSUM GYIS PHUL, ,MCHOD BSTOD, 'DOD GSOL, BZOD GSOL, AOm BADZRA SA M'A DZA: GTOR MGRON RNAMS RANG LA THIMS PAR GYUR, SMON LAM SHIS BRJOD BYA'O, ,ZHES PA 'DI YANG 'DI SKOR GYI YIG CHA MANG PO'I SNYING PO BYUNGS TE LAN GZUGS DHA RMA BHA DRAS SBYAR BA'O,, ` 'BYUNG 'DUL GYI RGYUD NAS BSTAN PA'I SNYING PO YI GE BZHI PA'I DON NI, H'Um THUGS, BADZRA RDO RJE, PHAt DAGS PA STE MTSAN MA DANG RNAM RTOG GO
, ,H'Um YIG KHA PHRAL TE BSHAD NA, HA'I SGRA LAS, GRA HA KA GZUNG BA, GRA HA CA 'DZIN PA, ZHABS SKYED A'U LA SHA BYIN PA SH'UN-YA T'A STONG PA NYID, KLANG KOR MA NI MA NO TA YID DE GZUNG 'DZIN GNYIS KYIS STONG PA'I YID CES PA'O, ,RDO RJE GUR GYI RGYUD NAS BSTAN PA'I SNGAGS RING GI DON NI, AOm MCHOG GI STER PA, BH'U TA d'A MA RA 'BYUNG PO 'DUL BYED, BH'Um TA AA DHI PA TI 'BYUNG PO'I BDAG PO, AAKshO BHYA KI RI KRI nA MI BSKYOD PA'I COD PAN CAN, SARBA THAMS CAD, BH'A TA 'BYUNG PO, PRI TA YI DVAGS, PI SHA TZA BA ZA RNAMS, S'A DHA YA SGRUBS SHIG ,H'Um CHOS DBYINGS YE SHES, PHAt MTSAN RTOG DGOS PA'O,,