*, ,CHAB GTOR SH'AKYA THUB MA'I 'KHRID YIG GNAD DON MDZUB BTZUGS ZHES BYA BA BZHUGS,,
, ,NA MO GU RU MANYDZU GHO sh'A YA, ,'DREN PA MNYAM MED THUB PA'I DBANG PO DANG, ,DBYER MED DRIN CAN BLA MA LA BTUD DE, ,CHAB GTOR SH'AKYA THUB PA MAR GRAGS PA'I, ,GO DON DMIGS GNAD CHE LONG TZAM BSHAD BYA, ,DE YANG CHAB GTOR SH'AKYA THUB MAR GRAGS PA'I DON NYAMS SU LEN TSUL LA GSUM, ,SNGON 'GRO DNGOS GZHI, MJUG CHOG GO, DANG PO LA GNYIS, BSHAM PA'I SNGON 'GRO DANG, BSGOS PA'I SNGON 'GRO'O, ,DANG PO NI, YONGS 'DZIN PAndI TAS, GTOR SNOD DU ZAN RIL CHU BCAS BSHAMS LA, ZHES GSUNGS PA LTAR, RIN PO CHE'I GTOR TEB GTZANG MA DRI SMAN 'BRU SNYING RIN CHEN GYI PHYE MA BSRES PA'I ZAN RIL DANG CHU GTZANG GIS BKANG BA SOGS CHU GTOR GYI YO BYAD RNAMS SPYI LTAR GSHAM DGOS LA, ZAN RIL GYI GRANGS LA BZHAD TSUL SNA TSOGS SNANG YANG, BDAG GI BLA MA'I PHYAG RGYUN LA BDUN
, ,NAM NYER GCIG MDZAD PA NI, RJE DGE 'DUN GRUB KYIS, DE DAG RNAMS LA ZAN GRANGS DANG MNYAM PA'I SKYABS 'GRO SEMS BSKYED GZUNGS SNGAGS SOGS DGOS SO, ,ZHES GSUNGS PA LTAR, GZHUNG DU SNGAGS BDUN BRJOD PAR GSUNGS SHING, 'BUL YUL MGRON BDUN YOD PAS MGRON TSAN RE LA ZAN RIL RE RE'AM GSUM GSUM 'BUL BA'I DBANG DU BYAS PA STE DE BZHIN DU BYA'O GNYIS PA BSGOM PA'I SNGON 'GRO NI, SKYABS 'GRO SEMS BSKYED BYA BA STE, DGE SEMS KHYAD PAR CAN GYI NGANG NAS, MDUN GYI NAM MKHAR SENG KHRI PAD ZLA'I GDAN LA BLA MA THUB PA'I DBANG PO LA SKYABS YUL DKON MCHOG GSUM GYIS BSKOR BA DANG, RANG GI MTHA' SKOR DU SEMS CAN THAMS CAD GSAL BTAB NAS, DAD GUS DANG 'JIGS SKRAG DANG BYAMS SNYING RJES KUN NAS BSLANGS TE, SANGS RGYAS CHOS
DANG TSOGS KYI MCHOG RNAMS LA, ,BYANG CHUB BAR DU BDAG NI SKYABS SU MCHI, ,ZHES LAN GSUM BRJOD PAS SKYABS YUL RNAMS LAS BDUD RTZI 'OD ZER DANG BCAS PA BYUNG BAS RANG GZHAN GYI SDIG SGRIB DAG CING SKYABS 'OG TU CHUD PA'I MOS PA DANG, SEMS CAN GYI DON DU SANGS RGYAS THOB PAR BYA, DE'I PHYIR DU MCHOD SBYIN GYI BYA BA LA 'JUG PAR BYA'O SNYAM PAS, BDAG GIS SBYIN SOGS BGYIS PA'I TSOGS RNAMS KYIS, ,'GRO LA PHAN PHYIR SANGS RGYAS 'GRUB PAR SHOG ,CES LEN GSUM BRJOD PAS SKYABS YUL RNAMS DGYES BZHIN DU RANG GI SMIN MTSAMS SU THIMS NAS BYIN GYIS BRLABS PAR BSAM MO, ,GNYIS PA DNGOS GZHI LA GSUM, GANG GIS GTONG BA'I RTEN LHAR BSKYED PA, GANG ZHIG GTONG BA'I GTOR RDZAS BYIN GYIS BRLAB PA, YUL GANG LA JI LTAR GTONG BA'I TSUL LO, ,DANG PO NI, GTOR MA TING NGE 'DZIN DANG SNGAGS DANG PHYAG RGYAS BYIN GYIS BRLABS TE 'BUL BA LA RANG NYID LHA'I RNAL 'BYOR LA GNAS DGOS SHIG, LHA YANG CHAB GTOR SH'A KA THUG MA 'DIR MTSAN DON LTAR SH'AKYA'I RGYAL PO'I RNAL 'BYOR BYED PA SKABS SU BAB PAS BLA MED KYI RGYUD DON LA 'JUG PA LAS, DE NI SKU DANG LONGS SPYOD DANG GNAS DANG MDZAD PA YONGS SU DAG PA'I TSUL GYIS 'JUG PAS NA 'BRAS BU STE, ZHES GSUNGS PA LTAR 'DI LA BZHI, GNAS YONGS DAG DANG
, ,MTHUN PAR GDAN BSKYED PA, LUS YONGS DAG DAR MTHUN PAR LHA BSKYED PA, MDZAD PA YONGS DAG DANG MTHUN PAR SNGAGS BZLA BA, LONGS SPYOD YONGS DAG DANG MTHUN PAR MCHOD BSTOD BYA BA'O,, DANG PO NI, SNOD BCUD THAMS CAD 'OD DU ZHU NAS RANG DANG RANG YANG 'OD DU ZHU NAS CHOS SKU'I NGA RGYAL BYA, DE'I NGANG LAS, PHYOGS BZHI DMAR LA ME RLUNG SER, ,BDEN BRAL LJANG LA DBANG LDAN SNGO, ,LTE BA LJANG LA GE SAR SER, ,ZHES PA LTAR GYI SNA TSOGS PADMA'I LTE BA'I STENG DU ZLA BA'I DKYIL 'KHOR DKAR ZLUM CHU SHEL GYI MAndAL LTA BU BSKYED PA'O, ,GNYIS PA LUS YONGS DAG DANG MTHUN PAR LHA BSKYED PA NI, GDAN PAD ZLA DE'I STENG DU SKAD CIG DKRONG BSKYED KYIS RANG NYID CHOS GZUGS KYI SKU'I PHUN TSOGS DANG LDAN PAS DPAL, SBAD BYA MI MTHUN PHYOGS LAS RGYAL BA'I RGYAL BA, BRTUL PHOD PA'I RIGS SU 'KHRUNGS PAS SH'AKYA, BDUD DANG MU STEGS ZIL GYIS GNON PAS SENG GE ,DE LTA BU'I MTSAN DON DANG LDAN PAS STON PA SANGS RGYAS SKU MDOG SER PO GSER SBYANGS BTZO MA'I MDANGS LTA BU, 'DZUM DKAR 'PHRO BA'I ZHAL GCIG PHYAG GNYIS PA, GA-YAS SA GNON GYI PHYAG RGYA DANG, GA-YON MNYAM GZHAG GI STENG NA BDUD RTZIS GANG BA'I BEEd'URYA'I LHUNG BZED BSNAMS PA, SKU LA PHYAG ZHABS KYI MTHIL
'KHOR LOS MTSAN PA LA SOGS PA'I MTSAN BZANG PO SUM CU RTZA GNYIS DANG, SEN MO ZANGS MDOG LTAR DMAR BA LA SOGS PA'I DPE BYAD BZANG PO BRGYAD CUS SPRAS PA, 'DOM GANG KHOR YUG TZAM DU DKAR SER DMAR LJANG SNGO BA'I 'OD KYI DRA BAS BSKOR BA, SKU'I BA SPU'I SGO NAS GDUL BYA SMIN GROL LA 'GOD PA'I 'OD ZER MTHA' YAS PA 'PHRO BA, SNAM SBYAR BLA GOS MTHANG GOS TE NA BZA' CHOS GOS RNAM GSUM MDZES PAR GSOL ZHING ZHABS GNYIS RDO RJE SKYIL KRUNG GIS BZHUGS PA ZHIG TU LAM GYIS BSKYED PAR BYA'O, ,GSUM PA MDZAD PA YONGS DAG DANG MTHUN PAR SNGAGS BZLA BA NI, RANG NYID LHAR GSAL BA'I THUGS KAR ZLA BA'I DKYIL 'KHOR GYI STENG DU, AA DKAR PO H'Um SER POS MTSAN PA'I MDUN NAS GA-YAS SKOR DU, TA DYA TH'A, AOm MU NE MU NE MH'A MU NE YE SV'AH'A, ZHES PAS BSKOR BA'I SNGAGS 'PHRENG SER PO LA DMIGS PA GTAD DE, NYER GCIG NAS BRGYA RTZA BRGYAD KYI BAR MA NYUNG CI RIGS BZLAS PAS, SA BON SNGAGS 'PHRENG LAS 'OD ZER 'PHROS PA'I SNER MCHOD RDZAS SPROS NAS RGYAL BA SRAS BCAS LA MCHOD CING BYIN RLABS 'OD ZER GYI RNAM PAR RANG LA BSDU BA DANG, YANG 'OD ZER SPROS NAS MA DAG PA'I SNOD BCUD SBYANGS NAS DAG PA'I SNOD BCUD DU BSGYUR BA'I MOS PA BYA'O, ,SNGAGS DON NI, 'DI LTA STE, THUB PA THUB PA THUB PA CHEN PO LA GZHI TSUGS, ZHES PA STE, LAN GCIG BZLAS PAS BSKAL PA KHRI'I SDIG PAR 'DAG PAR MDO LAS GSUNGS SO, ,
, ,BZHI PA LONGS SPYOD YONGS DAG DANG MTHUN PAR MCHOD BSTOD BYA BA NI, RANG GI THUGS KA'I SA BON LAS MCHOD PA'I LHA MO CHU GNYIS NYER SPYOD ROL MO THOGS PA MED PA SPROS TE RANG NYID LA TSUR MCHOD PAS DBANG PO DRUG LA BDE BA SKYES PAS STONG PA DE YUL DU BYAS PAR MOD LA, BYA RGYUD LTAR GYI PHYAG RGYA DANG BCAS, AOm AARGHAm, P'A DYAm, PUshPE, DH'U PE, A'A LO KE, GANBHE, NEEWI DYE, SHAPTA PRA T'I TZTSA SV'A H'A, ZHES PAS MCHOD LA, MCHOD LHA RNAMS KYIS RANG LA, 'DOD KHAMS, GZUGS KHAMS, GZUGS MED KHAMS TE KHAMS GSUM GYI GNAS NA RANG DBANG MED PAR LAS NYON GYI DBANG GIS 'GRO BA'I 'GRO BA KUN GYI DMYAL BA YI DVAGS DUD 'GRO STE NGAN SONG GSUM GYI SDUG BSNGAL DANG, DE NYAMS SU MYONG BA'I RGYU'I LAS NYON THAMS CAD SBYOR BAR MDZAD CING, ZAB PA DANG RGYA CHE BA'I CHOS KYI 'KHOR LO RGYUN CHAD MED PAR BSKOR NAS MNGON MTHO DANG NGES LEGS KYI GNAS SU 'DREN PAR MDZAD PA'I SH'AKYA SENG GE DE LA SGO GSUM GUS PAS 'DUD CES 'PHRIN LAS NYER BDUN GYI YON TAN BRJOD NAS BSTOD PAR BSAM MO, ,GNYIS PA GANG ZHIG GTONG BA'I GTOR RDZAS BYIN GYIS BRLAB PA LA GNYIS, ,SNOD BYIN GYIS BRLAB PA DANG, BCUD BYIN GYIS BRLAB PA'O,, DANG PO NI, LAG PA GA-YAS KYI MTHE BONG DANG MTHE'U CHUNG RTZE SPRAD, SOR MO GZHAN GSUM BSGRENG BA RTZE GSUM
GYI PHYAG RGYA BYAS PA GTOR SNOD LA GTAD PA NI PHYAG RGYAS BYIN GYIS BRLAB PA'O, ,AOm SARBA KA RA H'Um, ZHES PA LAN GSUM BRJOD PA NI SNGAGS KYIS BYIN GYIS BRLAB PA STE, SNGAGS DON NI, THAMS CAD BYED PA, ZHES PA'O, ,GTOR MA'I SNOD THAMS CAD KYI SKYON SBYANGS NAS RGYU RIN PO CHE GSER DNGUL SOG LAS GRUB CING YANGS SHING RGYA CHE BA STONG GSUM GYI RGYA KHYON DANG MNYAM PAR GYUR BAR BSAM PA NI TING NGE 'DZIN GYIS BYIN GYIS BRLAB PA STE, STONG GSUM GYI RGYA KHYON NI, GLING BZHI NAS TSANGS PA'I 'JIG RTEN BAR STONG LA STONG SPYI PHUD DANG, SPYI PHUD STONG LA STONG BAR MA DANG, BAR MA STONG LA STONG GSUM DU BSHAD PA LTAR RO, ,GNYIS PA BCUD BYIN GYIS BRLAB PA NI, SNGAR GYI RTZE GSUM GYI PHYAG RGYA DE NYID GTOR MA LA GTAD PA NI, PHYAG RGYAS BYIN GYIS BRLAB PA'O, ,AOm SARBA SIDDHI H'Um, ZHES LAN GSUM BRJOD PA NI, SNGAGS KYIS BYIN GYIS BRLAB PA STE, SNGAGS DON NI, THAMS CAD GRUB PA ZHES PA'O, ,BCUD ZAN RIL DANG CHU THAMS CAD KYI SKYON SBYANGS NAS BRGYA BYIN DANG TSANGS PA SOGS KYI LONGS SPYOD DANG MTSUNGS PA'I LHA RDZAS KYI BDUD RTZIR GYUR PAS NAM MKHA'I KHAMS THAMS CAD KHENGS PA TZAM DU GYUR PAR BSAM PA NI, TING NGE 'DZIN GYIS BYIN GYIS BRLAB PA STE, 'DIR SNOD BCUD GNYIS KA LA THAMS CAD CES MANG TSIG 'BYUNG BA NI, NAM MKHAR SHAR BA'I ZLA BA'I GZUGS BRNYAN GCIG NYID, SA STENG GI
, ,CHU SNOD THAMS CAD LA 'CHAR BA LTAR, RANG GI MDUN GYI GTOR MA SNOD BCAS DE 'DRA BA RE SRID ZHI'I MGRON JI SNYED PA'I MDUN DU SPRUL NAS BYIN GYIS RLOB PA'O, ,GSUM PA YUL GANG LA TSUL JI LTAR GTONG BA'I TSUL LA GSUM, SPYIR BSNGO BA, BYE BRAG TU SMON LAM GDAB PA, MAR MGRON LA CHOS SBYIN BYA BA'O, ,DANG PO NI, YONGS 'DZIN PAndI TA CHEN POS, 'DI NI SNGON DUS MCHOD SBYIN LUGS SU GRAGS PA MGRON SPYAN 'DREN DANG GSHEGS GSOL MI DGOS PAR GAR BZHUGS SO SO'I GNAS SU PHUL BAS CHOG BAR BSHAD PA DE YIN ZHING, ZHES GSUNGS PA LTAR, DKON MCHOG SRI ZHU DANG, MGON PO YON TAN TE ZHI BA MYANG 'DAS KYI MGRON TSAN GNYIS DANG, RIGS DRUG SNYING RJE DANG, LAN CHAGS GDON BGEGS TE SRID PA 'KHOR BA'I MGRON TSAN GNYIS TE RANG RANG SO SO'I GNAS NA BZHUGS PA'I MGRON RNAMS KYIS RANG RANG GI MDUN NA SPRUL PA'I GTOR MA LHA RDZAS KYI BDUD RTZI DE LJAGS 'OD ZER GYI SPU GUS DRANGS TE LONGS SPYAD PAS YAR MGRON RNAMS MNYES SHING MAR MGRON RNAMS TSIMS PAR BSAM PA NI TING NGE 'DZIN GYIS BSNGO BA'O, ,NA MA:SARBA TA TH'A GA TA AA BA LO KE TE, AOm SAMBHA RA SAMBHA RA H'Um, ZHES RGYA CHEN SHUGS LDAN 'OD KYI SNGAGS LAN BDUN BRJOD PA NI, SNGAGS KYIS BSNGO BA STE, SNGAGS DON NI, DE BZHIN GSHEGS PA THAMS CAD KUN
TU GZIGS LA PHYAG 'TSAL LO, ,YANG DAG PAR RGYAS PA, YANG DAG PAR RGYAS PA ZHES PA'O, ,'DIR PHYAG LAN DU GA-YAS MCHOG SBYIN DANG GA-YON MNYAM GZHAG BYAS NAS SNGAGS MTHAR SE GOL GTOG PAR MDZAD PA NI PHYAG RGYAS BSNGO BA'O, ,GNYIS PA BYE BRAG TU SMON LAM GDAB PA LA GNYIS, MDOR BSTAN PA DANG, RGYAS PA BSHAD PA'O,, DANG PO NI, 'PHAGS PA STE DKON MCHOG SRI ZHU'I MGRON RNAMS LA GUS PAS BDUD RTZI'I MCHOD PA PHUL BAS THUGS MNYES PAR GYUR CIG ,DAM CAN TE MGON PO YON TAN GYI MGRON RNAMS LA GTOR MA PHUL BAS THUGS DAM SKONGS SHING NYAMS CHAGS GSOS PAR GYUR CIG ,'GRO BA RIGS DRUG SNYING RJE'I MGRON RNAMS LA SNYING RJE GTOR MA BSNGOS PAS YID TSIMS SHING MGU BAR GYUR CIG ,LAN CHAGS GDON BGEGS KYI MGRON RNAMS LA GTOR MA BTANG BAS BU LON DANG LAN CHAGS KHYAD PAR GYUR CIG SNYAM PA BYA'O, ,GNYIS PA RGYAS PAR BSHAD PA LA BDUN LAS DANG PO NI, TING NGE 'DZIN DANG SNGAGS DANG PHYAG RGYA GSUM GYIS BRLABS PA'I YAR MGRON LA MCHOD PA DANG MAR MGRON LA SBYIN PAR BYA BA'I GTOR MA MIG TU GZUGS MDZES PA, RNA BAR SGRA SNYAN PA, SNAR DRI ZHIM PA, LCER RO BDA' BA, LUS LA REG BYA 'JAM PA STE 'DOD PA'I YON TAN LNGA DANG LDAN PA 'DIS MDO PHYOGS KYI LUNG 'KHRID SDOM PA STER BA'I RTZA BA DANG BRGYUD PA'I BLA MA DAM PA RNAMS DANG, 'DAS
, ,MA 'ONGS DA LTA'I DUS GSUM GYI BDE BAR GSHEGS PA SRAS DANG SLOB MAR BCAS PA RNAMS LA DANG GUS KYIS MCHOD PA PHUL BAS BDAG DANG SEMS CAN THAMS CAD KYI SDIG SGRIB BAG CHAGS DANG BCAS PA LHAG MED DU BYANG BAR SHOG CIG SNYAM PA BYA'O, ,GNYIS PA NI, SNGAR BSHAD PA LTAR BYIN GYIS BRLABS PA'I GTOR MA 'DIS, RGYUD SDE CHEN PO BZHI DANG 'BREL BA'I YI DAM GYI LHA DANG, DE DAG GI DBANG BRGYUD MAN NGAG STON PA'I RDO RJE SLOB DPON DANG, SKYE BA 'DI DANG, 'DI'I SNGA PHYI'I DUS GSUM DU BYAS DANG BYED 'GYUR GYI PHA MA RNAMS LA DAD GUS KYIS MCHOD PA PHUL BAS BSOD NAMS DANG YE SHES KYIS BSDUS PA'I TSOGS GNYIS RLABS PO CHE THOB PAR SHOG CIG SNYAM PA BYA'O, ,GSUM PA NI, BYIN GYIS BRLABS PA'I GTOR MA 'DIS, LUNG DANG RTOGS PA'I BSTAN PA SRUNG BA'I CHOS SKYONG SRUNG MA YE SHES KYI SPYAN DANG LDAN PA RNAMS LA DAD GUS KYIS GTOR MA PHUL BAS BYANG CHUB SGRUB PA'I STONG GROGS SKAD CIG KYANG MI GA-YEL BAR BYED PAR SHOG CIG SNYAM PA BYA'O, ,BZHI PA NI, BYIN GYIS BRLABS PA'I GTOR MA 'DIS, LHA MI LHA MIN DUD 'GRO YI DVAGS DMYAL BA STE 'GRO BA RIGS DRUG TU, MI GA-YO BA, BSOD NAMS, BSOD NAMS MIN PA'I LAS KYIS BSDUS SHING SKYES PA'I SEMS CAN RNAMS LA LAN DANG RNAM SMIN LA MI RE BAR SNYING RJES SBYIN PA BTANG BAS SBYIN YUL RNAMS LUS BDE ZHING SEMS SKYID PA DANG DUS RTAG
TU LDAN PAR SHOG CIG SNYAM PA BYA'O, ,LNGA PA NI, BYIN GYIS BRLABS PA'I GTOR MA 'DIS, ,TSE RABS MANG POR GRANGS SU BGRANGS PA'I SKABS KYI LUS SROG LONGS SPYOD KYI LAN CHAGS PA DANG, PHAN GNOD GNYIS KA BYED PA'I GDON DANG, BAR DU GCOD PA'I BGEGS RNAMS LA, GTOR MA BU LON DU BCAL BAS LAN CHAGS DANG BU LON KHYER BAR SHOG CIG SNYAM PA BYA'O,, DRUG PA NI, BYIN GYIS BRLABS PA'I GTOR MA 'DIS, RANG NYID GANG DU 'KHOD PA'I YUL PHYOGS SU GNAS PA'I BTZAN DANG RGYAL PO LA SOGS PA'I GNAS BDAG DANG, THUGS RJE KUN TU SNANG BA'I BLO GROS DANG, GSOD NAMS DGE BA'I BLO GROS LA SOGS PA'I GZHI BDAG RNAMS LAS, BSNGOS PAS 'THOB PA LA TING NGE 'DZIN DANG SNGAGS DANG PHYAG RGYAS BSNGOS SHING, BSHAMS PAS 'THOB PA LA LEGS PAR BSHAMS PAS SHA 'KHON DANG ZHE 'GRAS MED PAR SHOG CIG SNYAM PAR BYA'O, ,BDUN PA NI, LHAG MAR LUS PA'I GTOR MA'I RDZAS KYI DNGOS PO 'DI DAG LHAG LA RE BA'I MGRON RNAMS LA BYIN PAS, RANG RANG GI YID LA JI LTAR 'DOD PA'I LONGS SPYOD RNAMS CHAR BZHIN DU BABS NAS TSIMS PAR SHOG CIG SNYAM PA BYA'O, ,GSUM PA MAR MGRON LA CHOS SBYIN BYA BA NI, CHOS RNAMS THAMS CAD RGYU LAS BYUNG, ,DE RGYU DE BZHIN GSHEGS PAS GSUNGS, ,RGYU LA 'GOG PA GANG YIN PA, ,DAG SBYOR CHEN POS 'DI SKAD GSUNGS, ,ZHES CHOS BSTAN PAS SMIN CING
, ,GROL BAR BSAM MO, ,GSUM PA MJUG CHOG NI, MGRON RNAMS MI DMIGS PAR BSAMS LA, ,'DI LTAR BGYIS PA'I BSOD NAMS DANG, ,BDAG GI DUS GSUM DGE BA'I MTHUS, ,NYAM THAG 'GRO BA MTHA' DAG GI, MGON SKYABS DAM PAR BDAG GYUR CIG ,BDAG KYANG TSE RABS THAMS CAD DU, ,DAL 'BYOR RTEN BZANG DGE BA'I BSHES, ,YID BZHIN NOR BU SPYI BOR 'DZIN, ,THOS BSAM SGOM PA'I GRUR ZHUGS NAS, ,SKU GSUM GLING DU PHYIN GYUR CIG ,YID BZHIN NOR DANG BUM BZANG 'DOD 'JO'I BA, ,DPAG BSAM SHING LTAR 'DOD PA'I RE BA KUN, ,'BAD MED STZOL MDZAD BLA MA YI DAM DANG, ,MKHA' 'GRO CHOS SKYONG SRUNG MA'I BKRA SHIS SHOG ,CES BSNGO BA DANG SMON LAM DANG SHIS BRJOD BYAS LA GTOR MA SA GTZANG SAR DOR BAR BYA'O, ,SMRAS PA, SNGON RABS YIG RNYING BSAM 'PHEL DBANG GI RGYAL, ,CHOS KYI RGYAL MTSAN LEGS BSHAD TOG BKOD PA, ,DMIGS 'BYED 'KHRID KYI KHANG BZANG RTZER 'PHYAR BAS, ,'GRO KUN CI 'DOD CHAR GYIS TSIMS GYUR CIG ,(CES CHAB GTOR SH'AKA THUB MA'I 'KHRID YIG GNANG ? DON MDZUB BTZUGS ZHES BYA BA 'DI YANG, SHEL DKAR LEGS BSHAD GLING GI RAB 'BYAMS SKYA BA DON GRUB 'OD ZER DANG, DGE 'DUN 'PHRIN LAS RNAM PA GNYIS NAS NAN TAN CHEN POS BSKUL MA MDZAD NGOR BAR ?) RGAN DHARMA BHA DRAS RNAM 'PHYANG GI LO CHU STOD ZLA BA'I TSES LA DNGUL CHU'I RI PHUG TU SBYAR BA'O, ,SARBA MADGA LAm, ?)