*, ,'PHAGS PA SGO DRUG PA'I GZUNGS KYI RNAM BSHAD RAB GSAL SGRON ME ZHES BYA BA BZHUGS SO, ,
, ,SVA STE PRA DZ'A BHYA: MDO RGYUD STON PA THUB DBANG RDO RJE 'CHANG, ,MKHAS MCHOG DBYIG GI GNYEN DANG SGROL BA'I MGON, ,BSKAL BZANG RGYA MTSO RTZA BA'I BLA MA LA, , BKA' DRIN DRAN NAS SGO GSUM GUS PHYAG 'TSAL, ,SDUG BSNGAL SEL DANG BDE BA SGRUB PA DANG, ,SDIG PA BSHAGS DANG BDUD LAS SPONG BA DANG, ,TSOGS CHEN SDUD DANG RNAM DAG YE SHES KYI, ,SGO DRUG GZUNGS KYI MDO DON BSHAD PAR BYA, ,DE LA 'DIR 'PHAGS PA SGO DRUG PA'I GZUNGS KYI DON MDOR BSDUS BSHAD PA LA BZHI, MTSAN GYI DON, 'GYUR GYI PHYAG ,GZHUNG GI DON, MJUG GI DON NO, ,DANG PO NI, RGYA GAR SKAD DU, A'A RYA sh'A t'A MU KH'I N'A MA DH'A RA nI, BOD SKAD DU, 'PHAGS PA SGO DRUG PA ZHES BYA BA'I GZUNGS, ZHES PA STE, RGYA GAR 'PHAGS
, ,PA'I YUL DU SKAD RIGS CHEN PO BZHI YOD PA'I LEGS SBYAR GYI SKAD 'DI GANGS CAN BOD KYI SKAD DU BSGYUR NA, A'A RYA NI 'PHAGS PA, shA tA NI DRUG ,MU KHA NI SGO STE, DE LA DBYANGS CAN SGRA MDO LAS, MA DANG AA MTHA' AU PA DH'A LAS BA TU AIN DAG GOS, YOD PA'I DON LA AIN BYIN, AI AA NGAG GI DBYI 'OS, KHA'I AA PHYIS, DBYANGS KYIS DMAN PAS ROL TU YANG DAG PAR SBYOR ROS, KHA AI LA DRANG, RTAGS KYI DON LA DANG PO 'OS, SI BYIN, AIN RNAMS KYI SHI DANG SA LA 'OS, KHI RING POR SONG, HA SA A'I P'A LA SI DBYI 'OS, SI PHYIS, DHI MA YIN PA LA MING GI NU DBYI 'OS, NA PHYIS PAS MU KH'I ZHES PA 'GRUB, 'DI DANG RGYAL BA MCHOG GI GZHUNG LA KHRI RING THUNG GI KHYAD PAR BYUNG BA BSGRUB TSUL DAG
MIN 'DRA STE MKHAS PA RNAMS KYIS DPYAD PAR 'TSAL, DON DU shA tA MU KH'I NI SGO DRUG PA, N'A MA NI ZHES BYA BA, DH'A RA nI NI GZUNGS, ZHES PA STE, THEG DMAN GYI GZHUNG MAN CHAD LAS BRJOD BYA KHYAD PAR DU 'PHAGS SHING 'OG TU 'CHAD PA LTAR GYI GZUNGS LA SGO'I DBYE BA DRUG YOD PA'I DON NO, ,GNYIS PA 'GYUR GYI PHYAG NI, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,ZHES PA STE, GZUNGS 'DI MDO SDE'I SDE SNOD DU GTOGS PAS SNGON GYI BKAS BCAD DANG MTHUN PAR 'GYUR MTHAR PHYIN PA'I PHYIR PHYAG MDZAD PA STE TSIG DON NI SLA'O, ,GSUM PA GZHUNG GI DON LA GSUM, GLENG GZHI BSHAD PA, GZUNGS DNGOS BSHAD PA, MJUG SDUD BSHAD PA'O, ,DANG PO NI, 'DI SKAD BDAG GIS THOS PA DUS GCIG NA BCOM LDAN 'DAS 'KHOR GYI KHAMS GNAS GTZANG MA'I STENG GI NAM MKHA'I DKYIL NA GNAS PA RIN PO CHE SNA BDUN RAB TU PHYE BAS RNAM PAR SPRAS PA NA, BYANG CHUB SEMS DPA'I TSOGS GRANGS MED PA DANG THABS CIG TU BZHUGS TE, ZHES PA STE, 'DI SKAD NI 'OG NAS BSTAN PA'I CHOS PHUN SUM TSOGS PA'O, ,BDAG GIS THOS PA NI, BKA' SDUD PA PO PHUN SUM TSOGS PA PHYAG NA RDO RJE LA SOGS PA SA GNAS KYI BYANG CHUB SEMS DPA'I RNAMS KYIS STON PA BDE BAR GSHEGS PA LAS DNGOS SU THOS PA'O, ,DUS GCIG NA NI, DUS PHUN SUM TSOGS PA LAN
, ,CIG ,KHO NAR THOS ZHES THOS DKA' BA DANG MI BRJED PA'I GZUNGS THOB PAR STON PA'O, ,BCOM LDAN 'DAS NI STON PA PHUN SUM TSOGS PA STE, BDUD BZHI BCOM ZHING SKAL BA DRUG DANG LDAN LA SRID ZHI'I MTHA' LAS 'DAS PA'O, ,'KHOR GYI KHYAMS NI, 'KHOR GRANGS MED PA RNAMS 'DU ZHING 'TSOG PA'I GNAS PHUN SUM TSOGS PA'O, ,GNAS GTZANG MA'I STENG GI NAM MKHA'I DKYIL NA GNAS PA NI, GNAS DE YUL PHYOGS PHUN SUM TSOGS PA GANG DU YOD CE NA, GZUGS KHAMS BSAM GTAN BZHI PA'I NANG TSAN MI CHE BA, MI GDUNG BA, GYA NOM SNANG BA, SHIN TU MTHONG BA, 'OG MIN TE GNAS GTZANG MA LNGA'I STENG GI PHYOGS KYI NAM MKHA'I DKYIL NA GNAS PA'I GZUGS KHAMS GNAS RIS BCO BRGYAD PA 'OG MIN CHEN PO DER YOD DO, ,DE'I YON TAN NI, GSER DANG DNGUL DANG BEE d'URYA DANG SPUG DANG RDO'I SNYING PO DANG SHEL DANG MU TIG DMAR PO STE RIN PO CHE SNA BDUN RAB TU PHYE BA STE BKOD PA'I DBYE BDU MAS SPRAS SHING BRGYAN PA'O, ,DE YANG RNAM GRANGS PA'I MDO LAS, KHA DOG DBYIBS TSAD YUL DANG RGYU, ,'BRAS BU BDAG PO PHYOGS DANG NI, ,ZHABS 'BRING LONGS SPYOD 'PHRIN LAS DANG, ,PHAN THOGS 'JIGS MED RTEN DANG LAM, ,BZHON PA SGO DANG GZHI BCO BRGYAD, ,'OG MIN GNAS KYI SPYI BSDOMS YIN, ,ZHES GSUNGS PA LTAR SHES PAR BYA'O, ,BYANG CHUB SEMS DPA'I TSOGS GRANGS MED PA DANG THABS CIG TU BZHUGS TE NI,
'KHOR PHUN SUM TSOGS PA STE, SANGS RGYAS KYI MTHUS NYAN RANG SOGS 'KHOR DU 'DU BA'I MTHA' MA BKAG KYANG, LONGS SKU'I RTZA BA'I 'KHOR NI SA BCU GA LA GNAS PA'I BYANG SEMS 'PHAGS PA SHA STAG STE, DE LTAR NA GLENG GZHI'I GZHUNG GIS CHOS DANG, SDUD PA PO DANG, DUS DANG, STON PA DANG, GNAS DANG, YUL PHYOGS DANG, 'KHOR PHUN SUM TSOGS PA BDUN BSTAN TO, ,GNYIS PA GZUNGS DNGOS BSHAD PA LA BZHI, GZUNGS NYAN PAR GDAMS PA, GZUNGS KYI SGO BSHAD PA, GZUNGS KYI SNGAGS BSHAD PA, GZUNGS KYI PHAN YON BSHAD PA'O, ,DANG PO NI, DE NAS BCOM LDAN 'DAS KYIS BYANG CHUB SEMS DPA' RNAMS LA BKA' STZAL PA, RIGS KYI BU DAG KHYED KYIS 'GRO BA THAMS CAD LA PHAN PA DANG BDE BA'I PHYIR SGO DRUG PA ZHES BYA BA'I GZUNGS 'DI ZUNGS SHIG ,CES PA STE, BCOM LDAN 'DAS NI SNGAR BZHIN DANG, GZHAN DON DU BYANG CHUB LA THOB BYAR SEMS PA'I BYANG CHUB SEMS DPA' 'KHOR RNAMS LA ZHAL NAS DNGOS SU BKA' STZAL PA THEG CHEN GYI RIGS DANG LDAN PA'I BU DAG CES BOS NAS KHYED RNAMS KYIS RANG DON TZAM MA YIN PAR 'GRO BA THAMS CAD LA PHYI MA PHAN CHAD LA PHAN PA DANG, TSE 'DIR BDE BA THOB PA'I PHYIR SGO DRUG PA ZHES BYA BA'I GZUNGS 'DI ZUNGS SHIG PA'O, ,PHAN BDE LA 'JIG RTEN LAS 'DAS MA 'DAS KYI PHUN TSOGS LA BYED PA DANG, 'DOD PA BSOD NYAMS DANG, DAL ZHING DUB PA'I MTHA' SPANGS PA LA BYED PA SOGS KYANG YOD DO, ,GNYIS PA GZUNGS KYI SGO BSHAD PA LA
, ,GNYIS, MDOR BSTAN PA DANG, RGYAS BAR BSHAD PA'O, ,DANG PO NI, DE 'DI LTA STE, ZHES PA STE, DE ZHES PA NI SGO DRUG PA'I GZUNGS TE, DE LA DMIGS YUL GYI SGO NAS DBYE NA, BZOD PA DANG GSANG SNGAGS DANG TSIG DANG DON GYI GZUNGS BZHI YOD LA, GZUNGS ZHES PA NI, TSIG DON MI BRJED PA DANG LEGS PA'I LAM LAS MI NYAMS PAR 'DZIN PA'I DRAN PA DANG SHES RAB MTSUNGS LDAN DANG BCAS PA'O, ,GZUNGS STON PA'I TSIG LA BRTEN NAS DON RTOGS PA'I DRAN SHES KYI GZUNGS SKYE BAS NA GZUNGS KYI TSIG LA GZUNGS KYI SGO ZHES BYA STE, DE YANG GNYEN PO DANG, MI MTHUN PHYOGS DANG, TSOGS DANG, LAM GYI NGO BO DANG, LAM GYI BYED PA LNGA LA BLTOS NAS DRUG TU GRANGS NGES PAS, DE NI 'OG NAS 'BYUNG BA 'DI LTAR RO ZHES PA'O, ,GNYIS PA RGYAS PAR BSHAD PA LA DRUG ,SDUG BSNGAL SEL BA'I GZUNGS KYI SGO BSHAD PA, BDE BA SGRUB PA'I GZUNGS KYI SGO BSHAD PA, SDIG PA BSHAGS PA'I GZUNGS KYI SGO BSHAD PA, BDUD LAS SPONG BA'I GZUNGS KYI SGO BSHAD PA, TSOGS CHEN SDUD PA'I GZUNGS KYI SGO BSHAD PA, RNAM DAG YE SHES KYI GZUNGS KYI SGO BSHAD PA'O, ,DANG PO NI, BDAG 'KHOR BA NA 'KHOR BA'I TSE SDUG BSNGAL GANG CI MYONG BA DE THAMS CAD SEMS CAN THAMS CAD DANG MNYAM PA NYID DU MI SHES PA'I MTSAN NYID DU MA GYUR CIG ,CES PA STE, BDAG 'KHOR BA NA LAS NYON GYI DBANG GIS MTHO
DMA' NGES PA MED PAR 'KHOR BA'I TSE NA SDUG BSNGAL GANG CI MYONG BA DE THAMS CAD KUN RDZOB DANG DON DAM PA'I MNYAM PA NYID KYI TSUL GNYIS LA BRTEN NAS SEMS CAN THAMS CAD DANG MNYAM PA NYID DU MI SHES PA'I MTSAN NYID DE SKYON DU MA GYUR CIG STE, SEMS CAN THAMS CAD DANG MNYAM PA NYID DU SHES PA'I SGO NAS SDUG BSNGAL DE DAG GIS MI BRDZI BAR RANG GI SDUG BSNGAL BZHIN DU SEMS CAN DE DAG GI SDUG BSNGAL SEL BA LA BRTZON PAR GYUR CIG ,CES SMON CING DAM BCA' BA'O, ,SDUG BSNGAL BYUNG NA DES ZHUM PA'AM ZHE SDANG BSKYED NAS DON MED DON LOG LA SBYOR BAS DANG DU LEN DGOS SHING, LEN TSUL LA GNYIS LAS, KUN RDZOB PA'I MNYAM NYID BSGOM TSUL NI, RANG LA SDUG BSNGAL BYUNG BA'I TSE SDUG BSNGAL 'DI BDAG KHO NA LA BYUNG BA MIN GYI, GZHAN RNAMS LA'ANG 'DI RANG 'DRA BA'AM CHES LHAG PA'I SDUG BSNGAL MI 'DOD BZHIN DU MYONG DGOS PA SHA STAG YOD CING, DE RNAMS KYANG RANG GI DRIN CAN GYI MA YIN PAS DE DAG GI SDUG BSNGAL THAMS CAD BDAG LA SMAN PAR GYUR CIG SNYAM PA BYA'O, ,DON DAM PA'I MNYAM NYID BSGOM TSUL NI, GNOD BYA DANG GNOD BYED DANG GNOD PA GSUM DANG, SDUG BSNGAL BA PO DANG, SDUG BSNGAL GYI RGYU DANG, SDUG BSNGAL RNAMS NI RANG RANG GI GDAGS GZHI'I STENG DU RTOG PAS BTAGS PA'I MING RKYANG TZAM RE MA GTOGS BDEN PAR GRUB PA CUNG ZAD KYANG MED PAR NGES PA'I NGES SHES KYI STENG DU GLOD NAS 'JOG PA'O, ,
, ,GZHAN YANG MDO SDE RGYAN LAS, SEMS CAN RNAMS LA BDAG MED DANG, ,SDUG BSNGAL DANG NI DON BYED DANG, ,LAN MI RE LA 'DI SEMS SNYOMS, ,RGYAL SRAS GZHAN DANG 'DRA BA YIN, ,ZHES SA DANG POR MNYAM PA NYID LNGA THOB PAR GSUNGS PA'I RGYU TSOGS BSGRUB TSUL RNAMS KYANG 'DIR SHES PAR BYA'O, ,GNYIS PA BDE BA SGRUB PA'I GZUNGS KYI SGO BSHAD PA NI, BDAG GIS 'JIG RTEN PA'I PHUN SUM TSOGS PA'I BDE BA GANG CI MYONG BA DE SEMS CAN THAMS CAD DANG MTHUN MONG DU LONGS SU SPYOD PAR GYUR CIG ,CES PA STE, BDAG GIS 'KHOR BAR SKYES PA'I GNAS SKABS SU MNGON MTHO'I LUS DANG, LONGS SPYOD DANG, 'KHOR DANG, GNAS LA SOGS PA 'JIG RTEN PA'I PHUN SUM TSOGS PA'I BDE BA GANG CI MYONG BA DE THAMS CAD DANG, DE DAG GI RGYU'I ZAG BCAS KYI DGE BA RNAMS LA RANG NYID GCIG PU BDE BA'I PHYIR MA CHAGS PAR SEMS CAN THAMS CAD LA BTANG BA'I SGO NAS DE DAG DANG MTHUN MONG DU LONGS SU SPYOD PAR GYUR CIG ,CES SMON CING DAM BCA' BA'O, ,DE YANG 'KHOR BA'I PHUN TSOGS LA CHAGS NA NYON MONGS DANG SDUG BSNGAL SKYED PA'I NYES DMIGS DANG, GZHAN LA SNYING RJES BTANG NA RANG GZHAN GYI PHAN BDE 'GRUB PA'I PHAN YON SGO SNA TSOGS NAS SEMS PA NI GZUNGS 'DI BSGRUB PA'I MAN NGAG DAM PA'O, ,GSUM PA SDIG PA BSHAGS PA'I GZUNGS KYI SGO BSHAD PA NI, BDAG
LA SDIG PA MI DGE BA'I LAS KYI SGRIB PA GANG CI YOD PA DE SO SOR BSHAGS PA BLA NA MED PAS SO SOR MA BSHAGS PAR MA GYUR CIG ,CES PA STE, BDAG LA SDIG PA MI DGE BAR GYUR PA'I LAS KYI SGRIB PA GANG CI YOD PA DE RNAMS SO SOR RAM, YANG DANG YANG DU BSHAGS PA BLA NA MED PA RTEN DANG, SUN 'BYIN PA DANG, SLAR LDOG PA DANG, GNYEN PO KUN SPYOD DE STOBS BZHI TSANG BA'I SGO NAS SO SOR MA BSHAGS PAR MA GYUR CIG STE BSHAGS PAR GYUR CIG ,CES SMON CING DAM BCA' BA'O, ,DE YANG SDIG PA DANG MI DGE BA DON GCIG CING, DE NI RNAM SMIN YID MI 'ONG 'BYIN PAR BYED PA'I RIGS CAN GYI LAS DANG NYON MONGS THAMS CAD LA BYA LA, LAS KYI SGRIB PA NI, MDZOD LAS MTSAMS MED PA YI LAS RNAMS DANG, ,NYON MONGS SHAS CHEN NGAN 'GRO DANG, ,'DU SHES MED PA'I SEMS CAN DANG, ,SGRA MI SNYAN SGRIB GSUM DU 'DOD, ,CES GSUNGS PA LTAR, MTSAMS MED KYI LAS LTA BU NI, LAS KYI SGRIB PA DANG, NYON MONGS SHAS CHE BA NI NYON MONGS PA'I SGRIB PA DANG, NGAN SONG DANG 'DU SHES MED PA'I LHA DANG SGRA MI SNYAN PA LTA BU NI RNAM SMIN GYI SGRIB PA YIN TE, DE RNAMS KYIS 'PHAGS LAM DANG DER SBYOR BA'I DGE RTZA LA SGRIB PAS SO, ,DES NA DUG GSUM LTA BU MI DGE BA YIN YANG LAS KYI SGRIB PA MA YIN PA'I MU, 'DU SHES MED PAR SKYE 'GYUR GYI LAS LTA BU LAS KYI SGRIB PA YIN YANG MI DGE BA MA YIN PA'I MU, NGAN 'GROR SKYE 'GYUR GYI
, ,LAS LTA BU MI DGE BA DANG LAS KYI SGRIB PA GNYIS KA YIN PA'I MU, 'DOD PA'I LHA MIR SKYE 'GYUR GYI LAS LTA BU MI DGE BA DANG LAS KYI SGRIB PA GNYIS KA MA YIN PA'I MU STE BZHI YOD DO, ,BZHI PA BDUD LAS SPONG BA'I GZUNGS KYI SGO BSHAD PA NI, BDAG LA BDUD KYI LAS GANG DAG YOD PA DE DAG YONGS SU SHES PA BLA NA MED PAS YONGS SU MI SHES PAR MA GYUR CIG ,CES PA STE, BDAG LA LHA'I BU'I BDUD KYI LAS GANG DANG GANG DAG YANG PA DE DANG DE DAG BDUD KYI LAS YIN PAR DE YONGS SU SHES PA NI BDUD LAS SPONG BA'I THABS BLA NA MED PA YIN PAS NGO YONGS SU MI SHES PAR MA GYUR CIG STE NGO SHES PAR GYUR CIG ,CES SMON CING DAM BCA' BA'O, ,BDUD KYI LAS NI, MNGON RTOGS RGYAN LAS, SKYON NI BCU TSAN BZHIR BCAS PA, ,DRUG TU NGES PAR RTOGS PAR BYA, ,ZHES PA LTAR, RANG LA BRTEN PA NYI SHU, RANG GZHAN GANG RUNG LA BRTEN PA NYER GSUM, GZHAN LA BRTAN PA GSUM STE YON TAN SKYE BA DANG GNAS PA DANG 'PHEL BA LA GEGS BYED PA'I SKYON NAM BDUD LAS ZHE DRUG YOD LA, DE'I GNYEN PO NI, SDUD PA LAS, RGYU RNAM BZHI YIS BYANG CHUB SEMS DPA' MKHAS STOBS LDAN, ,BDUD BZHIS THUB PAR DKA' ZHING BSKYOD PAR MI NUS TE, ,STONG PAR GNAS DANG SEMS CAN YONGS SU MI GTONG DANG, ,JI SKAD SMRAS BZHIN BYED DANG BDE BSHEGS BYIN RLABS CAN, ,
ZHES GSUNGS PA LTAR RO, ,LNGA PA CHAGS CHEN SDUD PA'I GZHUNGS KYI SGO BSHAD PA NI, BDAG GI PHA ROL TU PHYIN PA DANG LDAN PA'I DGE BA'I RTZA BA 'JIG RTEN PA'AM 'JIG RTEN LAS 'DAS PA YANG RUNG, GANG CI YONG SU DE'I 'BRAS BU BLA NA MED PA'I YE SHES SU GYUR CIG ,CES PA STE, BSNGO BYA'I RDZAS BDAG GI RGYUD LA SBYIN PA TSUL KHRIMS BZOD PA BRTZON 'GRUS BSAM GTAN SHES RAB STE PHA ROL TU PHYIN PA DRUG GAM, SHER PHYIN LAS PHYE BA'I THABS STOBS SMON LAM YE SHES BZHI BSNAN PAS PHAR PHYIN BCU DANG LDAN PA STE 'BREL BA'I DGE BA'I RTZA BA RJES THOB 'JIG RTEN PA'AM, MNYAM GZHAG 'JIG RTEN LAS 'DAS PA YIN KYANG RUNG GANG CI YOD PA DE'I 'BRAS BU BLA NA MED PA'I SANGS RGYAS SU GYUR CIG ,CES SMON CING DAM BCA' BA'O, ,'JUG PA LAS, SBYIN LA SBYIN BYA LEN PO GTONG POS STOBS, ,'JIG RTEN 'DAS PA'I PHA ROL PHYIN CES BYA, ,GSUM PO DAG LA CHAGS SKYES GYUR PAS SKYE RAB 'JIG RTEN PA YI PHA ROL PHYIN ZHES BSTAN, ,CES GSUNGS PA LTAR, STONG NYID MNGON SUM DU RTOGS PA LA SHES RAB KYIS MA ZIN PA LA 'JIG RTEN PA DANG, ZIN PA LA 'DAS PA'I PHAR PHYIN DU BZHAG PA LTAR YANG LEGS SO, ,DRUG PA RNAM DAG YE SHES KYI GZUNGS KYI SGO BSHAD PA NI, BDAG GI RNAM PAR GROL BA GANG YIN PA DES SEMS CAN THAMS CAD RNAM PAR THAR PAR GYUR CIG ,'KHOR BA DANG MYA NGAN LAS 'DAS PA LA BDAG GNAS
, ,PAR MA GYUR CIG ,CES PA STE, BDAG GI SEMS KYI CHOS NYID DRI MA THAMS CAD LAS RNAM PAR GROL BA MNGON DU BYAS PA GANG YIN PA DE'I MTHU LA BRTEN NAS RNAM RTOG DANG 'BAD RTZOL MED KYANG SMON LAM DANG THUGS RJE'I DBANG GIS GANG 'DUL GYI GZUGS SKU'I BKOD PAS SEMS CAN THAMS CAD KYANG SGRIB GNYIS KYI 'CHING BA LAS RNAM PAR THAR PAR BYED NUS PAR GYUR CIG DE LTAR GNAS LUGS RTOGS PA'I SHES RAB CHEN POS SO SKYE LTAR 'KHOR BA'I MTHA' DANG, SEMS CAN LA RJES SU CHAGS PA'I SNYING RJE CHEN POS NYAN RANG LTAR ZHI BA'I MTHA' LA GNAS PAR MA GYUR PAR MI GNAS PA'I MYANG 'DAS THOB PAR GYUR CIG ,CES SMON CING DAM BCA' BA'O, ,'DI'I BDAG RNAM PAR GROL BA NI 'KHOR BA'I MTHA' LA MI GNAS PA DANG, SEMS CAN THAD BAR BYED PA NI MYANG 'DAS KYI MTHA' LA MI GNAS PA YIN PAS, SMON LAM SNGA PHYI GNYIS GZUNGS KYI SGO GCIG TU BYA BAR GSUNGS SO, ,GSUM PA GZUNGS KYI SNGAGS BSHAD PA NI, TARYA TH'A, AOm KshA ME KshA ME, KshANTE KshANT, DA ME DA ME, D'ANTE D'ANTE, BHA DRE BHA DRE, SU DHA DRE SU BHA DRE, TZANDRE TZANDRE, TZANDA KI RA nE, TZANDRA BA TI, ,TE TZO BA TI, DHARMA BA TA, YA SHO BA TI, PRA HMA BA TI, SARBA KRA SHA BI SHODDHA NI, SARBA AARTHA S'A DHA NI, ,SARBA AA NA RTHA PRA SHA MA NI, PA RA MA AARTHA S'A DHA NI, K'A YA BI SHO DHA NI, W'A KA BI SHO DHA NI, MA NA: SAm SHO DHA NI SV'A
H'A, ZHES PA STE, ,TADYA TH'A NI, 'DI LTA STE, AOm NI SNGAGS KYI 'GO 'DREN KshA ME KshA ME NI, BZOD PAR BYA BA GNYIS DANG, KshANTE KshANTE NI BZOD PAR BYED PA GNYIS TE, BZOD PA'O, ,DA ME DA ME NI DUL BA GNYIS TE TSUL KHRIMS SO, ,D'ANTE D'DTE NI SBYIN PAR BYED PA GNYIS TE SBYIN PA'O, ,BHA DRE BHA DRE NI BZANG PO GNYIS DANG, SU BHA DRE SU BHA DRE NI RAB TU BZANG PO GNYIS TE BRTZON 'GRUS SO, ,TZANDRE TZANDRE NI ZLA BA GNYIS DANG, SU TZANDRE SU TZANDRE NI ZLA BZANG GNYIS DANG, TZANDRE KI RE nE NI ZLA 'OD DE BSAM GTAN NO, ,PHAR PHYIN 'DI LNGA MO RTAGS SU BYED NA SHER PHYIN DANG ZUNG DU 'BREL DGOS PA'I DON NO, ,TZANDRA BA TI NI ZLA BA LDAN PA DANG, TE DZOB TI NI GZI BRJID LDAN PA DANG, DHA RMA BA TI NI CHOS LDAN PA STE SHES RAB BO, ,YA SHO BA TI NI GRAGS PA LDAN PA DANG, BRAHMA BA TI NI TSANGS PA LDAN PA STE THABS SO, ,SARBA KLE SHA BI SHO DHA NI NI NYES PA THAMS CAD RNAM PAR SBYONG BA STE STOBS SO, ,SARBA AARTHA S'A DHA NA NI DON THAMS CAD GRUB PA DANG, SARBA AARN RTHA PRA SHA MA NI NI DON MED THAMS CAD RAB TU ZHI BA DANG, PA R'A MA AARTHA S'A DHA NI NI MCHOG GI DON GRUB PA STE SMON LAM MO, ,K'A YA BI SHO DHA NI NI LUS RNAM PAR SBYONG BA DANG, W'A KRA BI SHO DHA NI NI NGAG RNAM PAR SBYONG BA DANG, MA NA: SAm SHO DHA NI NI YID YANG DAG PAR SBYONG BA STE YE SHES SO, ,SV'A H'A NI SNGAGS KYI MTHA' RTEN NO, ,BZHI BAS GZUNGS KYI PHAN YON BSHAD PA NI, RIGS KYI BU DE LTA NA, RIGS KYI BU'AM RIGS KYI BU MO GANG LA LAS, SGO DRUG
, ,PA ZHES BYA BA'I GZUNGS 'DI NYIN LAN GSUM MTSAN LAN GSUM DU BRJOD NA, DE'I LAS KYI SGRIB PA THAMS CAD BYANG BAR GYUR NAS SKYE BA BDUN GYI BAR DU DES NI SKYE BA DRAN PAR 'GYUR RO, ,BLA NA MED PA YANG DAG PAR RDZOGS PA'I BYANG CHUB TU 'TSANG RGYA BAR 'GYUR RO, ,ZHES PA STE, RIGS KYI BU ZHES BOS NAS, GZUNGS DRUG BSHAD ZIN PA DE LTA YIN PAS NA, RIGS KYI BU'AM RIGS KYI BU MO GANG LA LAS SGO DRUG PA ZHES BYA BA'I GZUNGS 'DI'I DON YID LA BSAM ZHING, SNGAGS KYI TSIG SNGA DRO GUNG PHYI DRO STE NYIN LAN GSUM DANG, SROD NAM GUNG THO RANGS TE MTSAN LAN GSUM DU BRJOD NA DE'I MTSAMS MED LNGA LA SOGS PA'I LAS KYI SGRIB PA THAMS CAD CI RIGS PAR BYANG BAR GYUR NAS, SKYE BA BDUN GYI BAR GYI SNGON GYI SKYE GNAS GANG ZAG DES NI DRAN PAR 'GYUR RO ZHES PA NI GNAS SKABS KYI PHAN YON DANG, GZUNGS DE RNAMS GONG 'PHEL DU NYAMS SU BLANGS PAS BLA NA MED PA YANG DAG PAR RDZOGS PA'I BYANG CHUB TU 'TSANG RGYA BAR 'GYUR RO ZHES PA NI MTHAR THUG GI PHAN YON NO, ,RJE T'A RA N'A THAS, DES NI SKYE BA BDUN GYI BAR GYI SKYE BA DRAN PAR 'GYUR RO ZHES PA'I DON YIN PAS, BAR DU ZHES PA NI DRUG PA'I DON LA BDUN PA'I TSIG YIN NO, ,ZHES GSUNGS PA LTAR BSHAD DO, ,GSUM PA MJUG SDUD NI, BCOM LDAN 'DAS KYIS DE SKAD CES BKA' STZAL NAS, BYANG CHUB SEMS DPA'
SEMS DPA' CHEN PO DE DAG DANG, GNAS GTZANG MA'I RIS KYI LHA'I BU DE DAG YI RANGS TE, BCOM LDAN 'DAS KYIS GSUNGS PA LA MNGON PAR BSTOD DO, ,ZHES PA STE, BCOM LDAN 'DAS KYIS GONG DU BSHAD PA DE SKAD CES BKA' STZAL PA LA, 'KHOR GYI GTZO BO 'OG MIN CHEN PO'I RTEN CAN GYI BYANG CHUB SEMS DPA' SEMS DPA' CHEN PO DE DAG DANG, 'KHOR BA LA PA GNAS GTZANG MA LNGA'I RIS KYI LHA'I BU DE DAG GZUNGS KYI SGO THOB CING NYAMS MED GONG 'PHEL DU GYUR PA LA DGA' ZHING YI RANGS TE, BCOM LDAN 'DAS KYIS JI LTAR GSUNGS PA LA GUS PAS MNGON PAR BSTOD DO, ,ZHES PA'O, ,BZHI PA MJUG GI DON NI, 'GYUR BYANG MI SNANG YANG, BU STON CHOS 'BYUNG LAS SGO DRUG PA'I GZUNGS 'DI LA SHLO KA BCO BRGYAD YOD PA DANG, SGYUR BA PO LO TZ'A BA SKA BA DPAL BRTZEGS YIN PAR GSUNGS SO, ,SMRAS PA, RNAM 'DREN GSUNG GI YANG SNYING MTSO SKYES KHA, ,'PHAGS BOD MKHAS PA'I LEGS BSHAD SNANG GTER GYIS, ,PHYE LAS DON BZANG SBRANG RTZI 'JOG BZHIN YANG, ,TI THUG ZLA ZER SPROS LA DGOS PA CI, ,'ON TE CHER SNYIGS LNGA BDO'I CHAR MUN KHROD, ,LEGS BSHAD DPAL BYI BU LAS LAM GYI SNA, ,'DREN LA GDOL GTAM BZOD PA'I MU KHYUD CAN, ,LHAG CES BSKUL TSIG GCAM BU'I MGRIN SKYES DER, ,'BAD RTZOL DRAG POS TIL GYI MAR KHU BZHIN, ,BTZIR LAS THON PA'I RNAM BSHAD SGRON ME 'DIS, ,SKAL
, ,MNYAM YID CAN SNYING NYAL STUG PO'I MUN, ,RAB BSAL BYANG CHEN BSHUL BZANG MTSON GYUR CIG ,CES 'PHAGS PA SGO DRUG PA'I GZUNGS KYI RNAM BSHAD RAB GSAL SGRON MA ZHES BYA BA 'DI NI, SGRUB BRTZON DAM PA ZHABS DRUNG BLO BZANG CHOS 'PHEL LAGS NAS NAN CHEN POS BSKUL NGOR, MKHAS MCHOG DBYIG GNYEN, RJE T'A RA N'A THA, RGYAL MCHOG BSKAL BZANG RGYA MTSO RNAMS KYI 'GREL PA LA BRTEN NAS BAN RGAN DHA RMA BHA DRAS DGE BYED KYI LO SNRON ZLA'I YAR TSES BZANG PO LA BZHAD DNGUL CHU'I RI PHUG TU SBYAR BA'O,, SVA STI, PHAN BDE'I 'BYUNG GNAS RGYAL BSTAN GRUB BO CHES, ,'GRO KUN RNAM MKHYEN NOR BU'I GLING MCHOG TU, ,DKRI PHYIR BZHAD LJONGS DGE 'PHEL CHOS GRVA NAS, ,CHOS SBYIN 'DZAD MED 'DOD RGU'I CHAR 'DI PHAB, ,MANG GA LAm,, ,,