A Compilation of Rituals relating to the Practice of Termination in the Teachings of the One Mother

*, ,MA GCIG GI GCOD KYI SKOR RNAMS PHYOGS GCIG TU BSGRIGS BA BZHUGS SO, ,

, ,MA GCIG MKHA' 'GRO'I DBANG PHYUG LABS KYI SGRON MA'I SKU GSUNG THUGS KYI RTOGS PA CUNG ZAD TZAM BRJOD PAR BYED PA'I GTAM DAD PA'I SGO 'BYED CES BYA BA BZHUGS SO,, #, ,NA MO GU RU MANYDZU GHO sh'A YA, DUS GSUM RGYAL KUN YUM MCHOG SHER PHYIN MAS, ,KHAMS GSUM 'GRO BLOR SMIN LEGS TSUL BZUNG BA, ,GNAS GSUM MKHA' 'GRO'I DBANG MO LABS SGRON MAR, ,SGO GSUM MI PHYED DAD PAS PHYAG 'TSAL LO, ,DAL 'BYOR GNYIS DANG LDAN PA'I RTEN BZUNG NAS, ,LUNG RTOGS GNYIS KYI YON TAN LEGS BRNYES TE, ,BSTAN 'GRO GNYIS KYI DON CHEN MDZAD PA'I TSUL, ,SGRO SKUR GNYIS KYIS BSLAD PA BSAL TE BRJOD, ,LHAN CIG SKYES PA'I YE SHES NGANG NYID LAS, ,RO GCIG DU MAR SPRUL PA'I GAR MKHAN MA, ,MA GCIG YE SHES d'A KI'I RNAM THAR

, ,LA, ,RTZE GCIG GUS RNAMS RNA BA BLAGS TE NYON, ,DE YANG MDO SDE DVANGS SNYIGS 'BYED PA'I LE'U LNGA BCU RTZA GSUM PA LAS, SNYIGS MA RTZOD PA RGYAS PA'I DUS, ,BYANG PHYOGS KHA BA CAN LJONGS SU, ,SHES RAB PHA ROL PHYIN MA YI, ,SPRUL PA LABS SGRON ZHES BYA 'BYUNG, ZHES DANG, 'JAM DPAL RTZA BA'I RGYUD RGYAS PA LAS, NGA YI BSTAN PA'I SNYIGS MA LA, ,BYANG PHYOGS LABS KYI GRONG KHYER DU, ,RGYAL BA'I YUM GYI SPRUL PA NI, ,SGRON MA'I MING CAN 'BYUNG BAR 'GYUR, ,SKYE MED SNYING PO'I DON STON CING, ,GRONG DANG GRONG KHYER RI PHUG DANG, ,NGUR KHROD BAS MTHA' KHYAB PAR NYUL, ,DE YI CHOS NI RGYAS PAR 'GYUR, ZHES MDO RGYUD GNYIS KA NAS GSAL BAR LUNG BSTAN PA'I YE SHES KYI MKHA' 'GRO MA MA GCIG LABS KYI SGRON MA ZHES SRID GSUM GYI KHYON DU BTZUGS PA'I SNYAN

PA'I BA DAN DKAR PO GRAGS PA'I DRI BZHON GYIS CHES CHER BSKYOD PAR BYED PA GANG DE'I RNAM PAR THAR PA RGYA MTSO LTA BU LAS, SKU TSE 'DI NYID KHO NA'I DBANG DU BYAS PA'I RTOGS PA'I YON TAN SKRA RTZER CHAGS PA'I CHU THIGS TZAM ZHIG RANG DANG GZHAN GYI DAD PA'I GSOS 'DEBS SU BRJOD PA LA BZHI, YUL RIGS PHUN SUM TSOGS PAR SKYE BA BZHES PA'I TSUL, RTEN DE LA YON TAN BRNYES PA'I TSUL, BRNYES NAS BSTAN 'GRO'I DON MDZAD PA'I TSUL, MDZAD ZIN NAS GZUGS SKU'I BKOD PA BSDUS PA'I TSUL LO, ,DANG PO NI, YUL AE CHEN PO'I LABS SU, GRONG MTSO MER ZHES BYA BAR YAB YUL DE'I DPON PO KHE'U GANG CHOS KYI ZLA BA ZHES BYA BA DANG YUM KLU MO BZA' 'BUM LCAM GNYIS LA SRAS MING SRING GSUM MNGA' BA'I CHUNG SHOS SU LUG LO HOR ZLA GSUM PA'I TSES BCO LNGA'I SKYA RENGS DANG PO SHAR BA DANG MNYAM DU BU MO YE SHES MKHA' 'GRO'I MTSAN RTAGS DANG LDAN PA ZHIG 'KHRUNGS PA LA YUM SOGS KYI RNAL LTAS SU SGRON MES KHYIM DANG LUNG PA KHENGS PA YANG

, ,YANG BYUNG BA LTAR MTSAN SGRON NE MA ZHES BTAGS SHING, PHYIS DGUNG LO BCU BZHI'I DUS SU AE CHEN GYI LTAG MO LA BYON PAS SKYE 'BRAS SHIN TU LEGS PA'I RGYU MTSAN GYIS TSOGS PA KUN GYIS BSKOR NAS BU MO 'DI YUL GANG NAS YIN MING LA CI ZER ZHES 'DRI BA LA ZLA MOS YUL LABS NAS YIN CING MING LA SGRON NE MA ZER BYAS PA LA, DE KUN GYIS LABS KYI SGRON MA RANG DU 'DUG CES SMRAS PAS DE NAS BZUNG STE MTSAN LABS KYI SGRON MAR GRAGS PA YIN NO, ,GNYIS PA NI, DGUNG LO BDUN LON DUS BU MO STON MTSO RIN CHEN 'BUM GYI RJES SU, DGE BSHES AA STON GYI MJAL KHAR BYON PAS, DGE BSHES KYIS STON MA 'BUM ME KHYOD KYI NU MO 'DI LA d'A KI'I MTSAN RTAGS THAMS CAD TSANG 'DUG CING, CHOS SKAD KYANG BZANG PO 'DUG PAS 'DI KHAR ZHOG LA KLOG SLOBS DANG GSUNG PAR BRTEN DER KLOG BSLABS PAS 'DRI KLOG GNYIS KA BRDA BSTAN PA TZAM GYIS MKHYEN TE DGUNG LO BCU GNYIS BZHES CHO

KLOG MKHAS PA'I THOG CHOD PA BYUNG ZHING, GZHAN YANG DGE BSHES NAS RDZOGS PA CHEN PO'I CHOS SKOR THAMS CAD BUM PA GANG BYO'I TSUL DU GSAN NO, ,DE NAS RTAG PAR DAD PA DANG NGES 'BYUNG SHIN TU CHE BAR MA ZAD DGUNG LO BCU GSUM GYI TSE YUM DANG BCU DRUG LA YAB KYANG GSHEGS PA DANG, LHAG PAR DGE BSHES PAS ZHAL LTA PHEBS PA BCAS DGUNG LO BCU DRUG LA GA-YO RU GRA THANG DU DGE BSHES GRVA PA MNGON SHES KYI SPYAN SNGAR BYON NAS BTZUN MA MDZAD CING MTSAN DAD PA'I SGRON MER GSOL, DGE BSHES KYIS KYANG SKAL LDAN DU GZIGS NAS BKA' RGYAS 'BRING BSDUS GSUM 'DON PA'I MCHOD GNAS LO BZHI'I BAR DU GYIS SHIG GSUNGS NAS BSTEN TE, BKA' GDAMS KYI CHOS SKOR SPYI DANG LHAG PAR PHAR PHYIN GYI MAN NGAG RNAMS 'DOMS PAR MDZAD 'ON KYANG LEGS BSHAD LAS, MKHAS PA RANG GI DPYOD SHES KYI, ,BLUN PO GRAGS PA'I RJES SU 'BRANG, ,ZHES GSUNGS PA LTAR GZHUNG 'GA' ZHIG GI BSHAD PAS THUGS MTSIM PAR BRTEN SEMS CAN GYI RGYUD THA MAL DU BZHAG NAS SANGS RGYAS KYI SKU DANG YE SHES 'CHAD PA 'DI CI YIN ZHUS PAR, BLA MAS KYANG, LEGS BSHAD BYIS PA DAG LAS KYANG, ,MKHAS PA RNAMS NI

, ,YONGS SU LEN, ,ZHES GSUNGS PA LTAR KHYED BDEN SEMS DANG CHOS MA 'DRES PAR 'DUG GSUNGS NAS DAG PA MDZAD DO, ,DE'I TSE RGYA GAR LHO PHYOGS KYI GRUB CHEN PHA DAM PA SANGS RGYAS 'PHAN YUL RGYAL GYI LHA KHANG NA YUM GYI SDIG SPYOD MDZAD CING BZHUGS PA DE GRVAR MA GCIG NYID MJAL DU BYON PA MA GCIG GIS KYANG MKHYEN NAS PHEBS BSUR BYON TE GVA'I RDO 'PHRAD DU MJAL NAS DAM PAS MA GCIG LA PHA ROL TU PHYIN PA'I LUNG GNANG NAS BU MO KHYOD 'KHRI BA CHOD, ZHEN PA THONGS LA GNYAN KHROD DU SANGS RGYAS RANG GI SEMS LA TSOL DANG KHYOD KYI BSTAN PA MKHA' LA NYI MA SHAR BA BZHIN DU 'ONG NGO ZHES GSUNGS NAS GSHEGS, MA GCIG GIS SNGAR BZHIN KLOG 'DON MDZAD PAS NYI KHRI'I BDUD KYI LE'U'I SKABS SU STONG NYID KYI RTOGS PA KHYAD PAR CAN 'KHRUNGS TE ZAS GOS GNAS KHANG GROGS DANG YUL LNGA LA PHYOGS RIS ZHIG PAR GYUR TE, ,DE NAS DGUNG LO NYI SHU'I TSE BLA MA GRVA MNGON PA'I MCHOD GNAS KYI LO GRANGS RDZOGS NAS DA BDAG LA DBANG ZHIG ZHU LAGS ZHUS PAS GRVA PA'I ZHAL NAS NGAS KHYOD LA DBANG BSKUR MI NUS KYI DBANG DGE BSHES BSOD NAMS BLA MA LA ZHUS SHIG GSUNGS NAS DBANG YON GNANG STE BTANG, MA GCIG GIS KYANG JO

JO SH'AKYA RGYAL MTSAN LAS KYANG DBANG YON BLANGS TE AE'I GANGS BAR LHA KHANG DU SKYO SH'AKYA 'BYUNG GNAS KYI DBON PO BSOD NAMS GRAGS PA ZHES BYA BA MDO RGYUD LA MKHAS SHING 'KHAR MANG PO SKYONG BA ZHIG YOD PA DE 'KHOR DANG 'CHAD NYAN LA SKYO BA CHEN PO SKYES NAS GCIG PUR PHYOGS MED KYI RI KHROD 'GRIM PAR MDZAD PAS PHYIS SKYO STON BSOD NAMS BLA MA ZHES GRAGS PA DE'I SPYAN SNGAR BYON TE RJE GRVA PA MNGON SHES KYIS LUNG BSTAN PA LAGS PAS BDAG LA DBANG BSKUR ZHIG GNANG 'TSAL ZHUS PAS BLA MAS KYANG SNOD LDAN DU GZIGS NAS SNGAGS PA BZHI DANG MA GCIG STE LNGA LA PHA DAM PA NAS BRGYUD PA'I MH'A ? M'A Y'A LHA LNGA'I DBANG GNANG BAS YE SHES 'BEBS PA'I SKABS SU MA GCIG LA SKU GSUNG THUGS GSUM GA BAB STE SKU KHRU GANG GIS SA LA MA REG PA'I NAM MKHAR ZHI BA'I BA, RA, SNA NYI SHU RTZA LNGA MDZAD PA DANG, GSUNGS SAm SKRi TA'I SKAD DU CHOS SMRA BA DANG, THUGS TING NGE 'DZIN BZANG POR GYUR NAS RTZIG PA LAS THAL BYUNG DU THON TE CHU MIG 'OD PO GNAM KHOL GYI SHING SDONG PO GSER SLAG CAN BYA BAR BZHUGS NAS DE NA GNAS PA'I KLU DRAG PO ZLA BA SKYONG BYED CES BYA BA DE BTUL ZHING THO RANGS KHA RJE BTZUN MA SGROL

, ,MAS ZHAL GZIGS TE RNAL 'BYOR MA KHYOD KYIS CHU MIG GNYAN PO BRGYA RTZA BRGYAD TSOL LA SGRUB PA MTHAR SKYEL CIG GDOD PHYIR MI LDOG PA'I RTAGS THOB CING BSTAN PA YANG RGYAS PAR 'GYUR RO ZHES LUNG BSTAN YANG THOB BO, ,NAM LANGS NAS MCHED GROGS RNAMS KYI SAm BTZAL NAS KHRID DE BLA MA'I DRUNG DU BYON PAS, BLA MA'I ZHAL NAS MDANGS 'DUS BYAS RDZAS KYI DBANG DE KHYED RNAMS KYIS THOB CING CHOS NYID DON GYI DBANG DE DAD PA'I SGRON MES THOB CES GSUNGS TE SLAR YANG DBANG BZHI YONGS RDZOGS DANG MDO LUNG NAM MKHA' SGO 'BYED KYI DBANG DANG ZHI BYED KYI CHOS SKOR YONGS SU RDZOGS PA BCAS BUM PA GANG BYO'I TSUL DU GNANG ZHING MA GCIG NAS KYANG BLA MA 'DI RIGS KYI COD PAN MCHOG TU 'DZIN PAR MDZAD DO, ,GZHAN YANG DGE BSHES SHUD BU ZHVA DMAR CAN LA DBANG SOGS SNGAGS KYI CHOS SKOR MANG PO DANG, DGE BSHES YANG RTZE BA LA PHYAG RGYA CHEN PO'I CHOS SKOR THAMS CAD RDZOGS PAR GSAN TE MDOR NA DGUNG LO NYER BZHI'I BAR DU GZHI DAM TSIG DANG SDOM PA RNAM PAR DAG PA'I NGANG NAS MKHAS GRUB GNYIS LDAN GYI DAM PA DU MA BSTEN NAS THOS

BSAM CHU BO'I RGYUN BZHIN DU MDZAD PAS MDO SNGAGS KYI RTOGS PA THAMS CAD THUGS RGYUD LA SBYANGS PA BZHIN DU 'KHRUNGS PA'I TSUL BSTAN PA YIN NO, ,GSUM PA NI, DE NAS DGUNG LO NYI SHU RTZA LNGA'I LO BLA MA GRVA PA'I ZHAL NAS AE CHUNG NA NGA'I YON BDAG LHA MO SGRON BYA BA RABS CHAD BZA' MI GNYIS YOD PA DER ZLA BA GCIG MCHOD GNAS SU SNGOD ? LA 'BUM KLOGS SHIG GSUNG PAR BRTEN, DER 'BUM KLOG PA'I TSE YUL DE NA SANGS RGYAS THOD PA'I SPRUL PA THOD PA 'BAR DE BYA BA MDOS CHOG DANG BON CHOG BYED PA ZHIG YOD PA YANG YON BDAG DES CHO GA LA BOS PA DANG MJAL BAS SNGON GYI LAS SMON GYI 'BREL BA YOD PAR MA ZAD 'PHRAL DU BLA MA LHA'I LUNG BSTAN MANG PO BRNYES PA BZHIN BSTAN 'GRO'I DON LA BZA' MING SDEB TSUL BZHES PA LA, JI SKAD DU, MIG GIS RANG GI RDUL MI MTHONG, ,ZLA BA'I RVA NI RTOG PAR BYED, CES GSUNGS PA LTAR DBUS GTZANG THAMS CAD DU JO MO BKA' LOG MA ZHES SDIG GSOG CHEN PO BYUNG BAR MA ZAD 'TSOG CHAS KYANG 'DU MDZAD PAR KONG YUL DU BYON PAS MAR LAM LA KHAR SRAS MO ZHIG 'KHRUNGS PA LA MTSAN LA LCAM DANG, KONG PO'I MTHIL DU SRAS MO ZHIG 'KHRUNGS

, ,BAR MTSAN KONG LCAM DU 'DOGS PAR MDZAD, DER JO MOS KLOG 'DON DANG THOD PAS CHO GA MDZAD PAS YO BYAD MANG PO RNYENG DE YAR BYON NAS 'PHAN YUL GYI GLANG THANG DU BZHUGS, SRAS PO GSUM 'KHRUNGS PA LA CHE BA LA 'DI'I RING LA PHA ROL TU PHYIN PA'I SNYING PO 'DI DAR BA ZHIG 'ONG ZHING LUNG BSTAN GYI DON THAMS CAD KYANG GRUB PA YIN NO GSUNGS NAS MTSAN SNYING PO GRUB PA DANG, 'BRING PO LA GRUB CHUNG, CHUNG BA LA YANG GRUB TU BTAGS SO, ,DE NAS DGUNG LO SO DRUG GI TSE PHU MO NAS RANG RE SPUN GNYIS MKHA' SPYOD DU 'GRO'AM ZER BA LA NGA DA DUS 'DIR SEMS CAN 'GA' TZAM GYI DON LA GO BRGYAD BAR SDOD PAS AA LCE RANG SGRUB PA MYUR DU GYIS LA GSHEGS SHIG GSUNGS, DGUNG LO SO BDUN GYI TSE BU KHYO NOR DANG BCAS PA LINGS KYIS BZHAG NAS GTZANG LA STOD DING RI MAN CHAD KYI DBUS GTZANG GI LJONGS SU LDOM BU MDZAD PA DANG, GNYAN KHROD BRGYA RTZA BRGYAD 'GRIM STE GCONG YUL NYAMS SU BZHES PA DANG, MDZE SPRANG LA SOGS PA'I RIS MED KYI SKYES PA THAMS CAD LA SKU LUS SBYIN PAR BTANG NAS 'BREL PA 'JOG PA SOGS MDOR NA NYAM NGA MED PA SENGGE LTA BU'I BRTUL ZHUGS KYI SPYOD

PA YUN RING BSKYANGS NAS SKAL LDAN GYI GDUL BYA MTHA' YAS PA ZHIG SMIN GROL LA 'GOD PAR MDZAD, PHYIS SKU NA BGRES MOR PHEBS PA'I TSE GNAS BRTAN SKAM SDE DANG, YON BDAG MO DAR SGRON GNYIS KYIS SPYAN DRANGS PA LTAR ZANGS RI KHANG DMAR DU PHYAG PHEBS NAS BZHUGS, DE'I YANG JI SKAD DU, PHAN ZIL RIN CHEN LA LTA YI, ,'GAL DUM LA NI SU ZHIG DPYOD, CES GSUNGS PA LTAR 'GA' ZHIG GIS SKUR ZHUS CHER BYAS KYANG NAD GDON GYIS NYEN PA'I 'KHOR SHIN TU MANG BA 'DUS PA LA, DE THAMS CAD KYI NAD GSOS PA DANG, GDON ZHI BA DANG, SEMS LA BDE BA RNYED PA SOGS BYIN RLABS DANG GRUB RTAGS CHU 'BUR BAS MI NON PA LTA BU BYUNG NAS ZANGS RI KHANG DMAR NA JO MO LABS SGRON BYA BA LA, NAD BZHI BRGYA RTZA BZHI DANG GDON STONG PHRAG BRGYAD CUS MI TSUGS PA'I GDAMS NGAG PHA ROL TU PHYIN PA'I GCOD BYA BA YOD ZER BA'I SNYAN PA CHEN PO RGYAL KHAMS PHYOGS MED DU GRAGS NAS MKHAS DGU'I GTUGS DANG, NGAN DGU'I BRTEN SAR GYUR TE 'PHRIN LAS NAM MKHAR NYI MA SHAR BA LTAR GYUR PA YIN NO, ,GZHAN YANG YUM 'DIS RGYAL BA'I BSTAN PA LA BYA BA MDZAD PA'I PHYAG RJES BKA' RTZOM GYI RIM PA JI LTAR BZHUGS

, ,PA LA MANG NYUNG DANG CHINGS BYED TSUL MI 'DRA BA MANG DU YOD MOD KYI, RAGS BSDUS KHUNGS DANG 'GREL NGES KYI MTSAN TZAM 'GOD PA LA BZHI, PHYI BKA' TSOMS ZHI RGYAS SU BSHAD PA, NANG LE LAG NGO SPROD DU GDAB PA, GSANG BA BRDA CHOS LA ZLAR BSGYUR BA, DON KHONG RGOL GNAD THEMS SU BSTAN PA'O, ,DANG PO LA GSUM, BKA'I TSOMS SPYI'I CHINGS KYIS LTA SGOM GYI KHOG 'BUBS PA KHYUNG NAM MKHA' LA LDING BA LTAR BSHAD PA, YANG TSEMS GEGS SEL SGRON MAS LTA SGOM GYI GNAD SGROL LA RGYA MTSO LA GZA' SKAR SHAR BA LTAR BSHAD PA, NYING TSOMS CHOS KYI RTZA BAS LTA SGOM GYI MDO BSDU BA SHING 'DZAM BU PHRiKshA RTZA BA NAS BCAD PA LTAR BSHAD PA'O, ,GNYIS PA NANG LE LAG NGO SPROD DU GDAB PA LA GNYIS, LE LAG DANG, NGO SPROD DO, ,DANG PO LA GSUM, SPROS MED THUN MONG GI LE LAG BRGYAD KYIS BDUD BZHI ZIL GYIS GNON PA MKHA' LA NYI MA SHAR BA LTAR BSHAD PA, SPROS PA THUN MONG MA YIN PA'I LE LAG BRGYAD KYIS RKYEN NGAN SRID DU GCOD PA DGRA SRID SDER GYUR PA LTAR BSHAD PA, BSDUS PA KHYAD PAR GYI LE LAG BRGYAD KYIS SNYEMS BYED ZAS SU ZA BA DUG BDUD RTZIR GYUR

BA LTAR BSHAD PA'O, ,GNYIS PA NGO SPROD LA GSUM, YE SHES SPYI LUGS KYI NGO SPROD, KUN GZHI SDE SKOR GYI NGO SPROD, SHES BYA DRUG SKOR GYI NGO SPROD PHYI NANG BAR GSUM STE MA LNGA DANG, KUN GZHI GTAN LA 'BEBS PA'I CHOS BDUN, LAM NYAMS SU LEN PA'I CHOS BDUN, LAM LA BOGS 'DON PA'I CHOS BDUN TE BU NYI SHU RTZA GCIG DANG, GNAS PA GZHI'I GZER BU LNGA, 'JUG PA LAM GYI GZER BU LNGA, NANG 'BYIN 'BRAS BU'I GZER BU LNGA STE GUNG DU SBAS PA'I GZER BU BCO LNGA'O, ,GSUM PA GSANG BA BRDA CHOS LA ZLAR BSGYUR BA LA GNYIS, BRDA CHOS DANG, LA ZLA'O, , DANG PO LA GSUM, BEM RIG DBRAL BA'I BRDA, SEMS CHOS BSRE BA'I BRDA, CHOS RNAMS ZANG SAR SKYE LA BA'I BRDA'O, ,GNYIS PA LA ZLA BA NI, LTA BA'I CHOS GSUM GYIS GZA' GTAD MED PAR LA ZLA BA NAM MKHA'I DBYINGS LTA BU DANG, SGOM PA'I GNAD GSUM GYIS DMIGS GTAD MED PAR LA ZLA BA NYI MA'I SNYING PO LTA BU DANG, SPYOD PA'I CHOS GSUM GYIS SPANG BLANG MED PAR LA ZLA BA SMYON PA LTA BU DANG, 'BRAS BU'I YON TAN GSUM GYIS RE DOGS MED PAR LA ZLA BA RGYAL BUS RGYAL SA NON PA LTA BU SEL ZLA YID CHES BCU GNYIS SO, ,BZHI PA DON KHONG

, ,RGOL GNAD THEMS SU BSTAN PA LA LNGA, SNYING PO DON GYI GDAMS NGAG SNYAN BRGYUD KYIS LTA SGOM GNYIS MED DU BSTAN PA TZAN DAN DANG DRI LTA BU, KHONG RGOL KHA 'THOR NYAMS KYI GDAMS NGAG GIS THE TSOM GYI GEGS BSAL BA SNGAR STOR GYI NOR RNYED PA LTA BU, GNAD KYIS SPYOD PA'I RTZA LA SBYANG BA DGA' BO GA-YUL NGOR ZHUGS PA LTA BU, THEMS YIG GIS NYAMS KYI BOGS 'DON PA ZLA BA YAR NGO LTA BU, MTHAR THUG NYAMS KYI DGONGS PAS CHOS DANG GANG ZAG BSRE ZHING BTANG BA ZHIG CHOD BZUNG BA YID BZHIN GYI NOR BU LTA BU RNAMS YOD DE, ,GZHAN YANG BRGYUD 'DZIN SLOB MA'I TSOGS KYANG SPYIR BRJOD KYIS MI LANG YANG BRGYUD PA ZIN NGES GTZO CHE RAGS BSDUS KYI DBANG DU BYAS NA SRAS PO BZHI, SRAS MI BZHI, RANG DANG MNYAM PA'I SRAS BRGYAD DE NYE SRAS LCAM SRING BCU DRUG YOD DE, DE YANG SRAS PO BZHI NI, SKU LAS 'KHRUNGS PA'I SRAS RGYAL DBUS ? BA DON GRUB, BRGYUD 'DZIN GYI SRAS STOD (LHO BRAG) SDE NGAG GI DBANG PHYUG ,THUGS ZIN GYI SRAS GROL (KONG PO) SDE RGYAL BA'I 'BYUNG GNAS, SKAL LDAN GYI SRAS KHU SGOM (GTZANG) CHOS KYI SENGGE DANG BZHI'O, ,SRAS MO (KHAMS) BZHI NI, LABS LUNG BAR GYI 'GRO TSAD RGYAN, GANGS BAR RTZA GRONG GI ZHANG LCAM DPAL RGYAN, RNON MDA'I RDO TSA 'BUM RGYAN, 'PHAN YUL GYI MYANG MO

BSOD NAMS RGYAN DANG BZHI'O, ,RANG DANG MNYAM PA'I SRAS (GNYALO RE ? BRGYAD NI, MKHYEN PA RANG DANG MNYAM PA DVAGS PO RONG GI SKYE MED DGA' YAN, RTOGS PA RANG DANG MNYAM PA LA STONG PA DRUG GI PHO SMYON SENGGE, BYIN RLABS RANG DANG MNYAM PA BYANG SMI TI'I SMYON PA RANG SNANG, BRTUL ZHUGS RANG DANG MNYAM PA BSAM YAS KYI DOL PA BZANG THAL, NUS MTHU RANG DANG MNYAM PA LHO BRAG BLTAMS SHUL GYI ZHIG PO DHUR THUM, THUGS RJE RANG DANG MNYAM PA 'PHAN YUL GYI SKAL LDAN SENGGE, MNGON SHES RANG DANG MNYAM PA MA LA GRO'I RGYA SGOM STAG STON, 'GRO DON RANG DANG MNYAM PA KONG PO'I RJE BTZUN ZIL GNON DANG BRGYAD DO, ,DE LTAR GANG LA GANG 'TSAMS KYI THABS MKHAS KYI MDZAD PA BZANG POS BSTAN 'GRO'I DON BSAM BRJOD KYI YUL LAS 'DAS PA ZHIG MDZAD CING THUGS BSKYED DANG SMON LAM RLABS PO CHE'I STOBS KYIS RNAM PAR DKAR BA'I 'PHRIN LAS KYI RGYUN YANG DA LTA'I BAR DU CHAD PA MED PAR GNAS PA 'DI LAGS SO, ,BZHI PA NI, DE NAS DGUNG LO DGU BCU GO BRGYAD DU PHEBS PA SPRE'U'I LO LA SRAS RGYAL BA DON GRUB KYIS ZANGS RI KHANG DMAR NAS AE CHUNG GLANG LUNG GI DGON PA 'OG MAR SPYAN DRANGS NAS BZHUGS PA'I RAM ZLA'I TSES BCO LNGA'I

, ,NAM THO RANGS KA ZHIG NA, YUM GYI ZHAL NAS, ,SKYE MED RTOGS PA'I LTA BA 'DI, ,LTA BA PHAL GYI NGO ZLA MIN, ,DRAN MED GNAS PA'I NYAMS MYONG 'DI, ,SGOM LA PHAL GYI NGO ZLA MIN, ,RNAM RTOG MED PA'I SPYOD PA 'DI, ,SPYOD PA PHAL GYI DO ZLA MIN, ,STONG NYID RTOGS PA'I 'BRAS BU 'DI, ,'BRAS BU PHAL GYI NGO ZLA MIN, ,SGYU LUS PHUNG PO 'BOR LAGS KYANG, ,RIG PA YE SHES NYAM MI NGA, ,ZHES GSUNGS NAS LJAGS DBUGS KHROG STE MKHA' SPYOD KYI GNAS SU GSHEGS PAR GYUR TO, ,DE NAS SRAS KYI SKU BZHI DANG, NGO MTSAR LNGA DANG, PHAR PHYIN DRUG DANG, YON TAN BCU GNYIS DANG, DRIN LAN RNAMS KYI SGO NAS BSTOD BZHIN PAR PUR ZHUGS KYIS SBYANGS PA NA BAR SNANG 'JA' 'OD KYIS KHEBS PA'I DKYIL NAS MKHA' MGRO MA RNAMS KYIS KYANG BSTOD TSIG GI GLU DBYANGS LEN PA LA SOGS PA NGO MTSAR BA'I LTAS MANG PO ZHIG KYANG BYUNG BAR GSUNGS SO, ,'DIR SMRAS PA, AE CHEN LABS LUNG GSER GYI KONG BU RU, ,GANGS CAN LEGS BYAS MAR BU 'KHYIL BA'I KHROD, ,RGYAL KUN MKHYEN RAB SDONG BU BTZUGS PA LA, ,'BAR BA'I SGRON ME SRID PA'I RTZE MOR SNYEG ,RNAM DAG KHRIMS KYI LAG LDAN SPYI BO NA, ,MANG THOS 'DREN

BYED BRGYA PHRAG PHYOGS MNGA' ZHING, ,RTOGS PA'I ZHO 'THUNG RTZA BRGYA 'DZIN PA 'DI, ,GROGS PA'I MU KHYUD CAN DE MA YIN NAM, ,'CHAD PAS SKAL BZANG GDUL BYA'I BLO MUN SEL, ,RTZOD PAS LOG SMRA RGYU SKAR ZIL GYIS GNON, ,RTZOM PAS RGYAL BSTAN PADMO KHA 'BYED PA, ,CHOS DBYINGS NAM MKHA'I NOR BU 'DI RMAD BYUNG, ,GANGS KHROD GDUL BYA'I LAS SKAL RDZOGS PA NA, ,MKHA' SPYOD NUB RI'I PHAG TU MNAL MOD KYI, ,KHYOD KYI 'PHRIN LAS 'OD ZER 'PHRENG BA LA, ,ZAD PA'I MTHA' DE NAM MKHA'I ME TOG BZHIN, ,MGON KHYOD GSANG GSUM YON TAN 'DAB BRGYA'I MTSOR, , BDAG YID RKANG DRUG CAN DE RAB CHAGS NAS, ,RTOGS BRJOD MGRIN 'GYUR CHA TZAM BSGRAGS PA 'DIS, ,BDAG 'DZIN BDUD BZHI'I GA-YUL LAS RGYAL GYUR CIG (,CES MA GCIG MKHA' 'GRO'I DBANG PHYUG LABS KYI SGRON MA'I SKU GSUNG THUGS KYI RTOGS PA CUNG ZAD TZAM RJOD PAR BYED PA'I GTAM DANG BA'I SGO 'BYED CES BYA BA 'DI NI GU RU AA GHA SHAS MDZAD PA'I GCOD KYI BLA MA BRGYUD PA'I LO RGYUS DANG, GNYAN KHROD PA MTHA' YAS RGYA MTSOS MDZAD PA'I GCOD 'KHRID KYI BRGYUD PA'I LO RGYUS GNYIS YIG NOR RIM BSAGS LAS GZHAN MA MTHUN SHAS CHE BAR SNANG BAS GZHIR BZUNG BA LA MI GSAL BA GSAL DU BTANG

, ,DGOS PA RNAMS RNAM THAR GTER MA LAS CUNG ZAD KHA BSKANGS TE, YUL GANGS CAN GYI LJONGS SU SKYES PA'I SH'AKYA'I DGE SLONG SNYOM LAS PA DHA RMA BHA DRAS RANG LO SO BZHI PA KHRO BO ZHES PA SHING GLANG LO'I KHRUM STOD ZLA BA'I GRAL TSES 18 LA GTZANG PA RNAM BDE CHEN RI KHROD KYI MTSAMS KHANG DU SBYAR BA 'DIS KYANG GCOD YUL GYI BSTAN PA PHYOGS MED DU RGYAS PAR BYED PA'I MTHU DANG LDAN PAR GYUR CIG , ,,MANGGA LAm,, ` BYIN RLABS NAM MKHA' SGO 'BYED KYI DBANG BSKUR BA'I CHO GA BDUD RTZI'I CHU RGYUN ZHES BYA BA BZHUGS,, ,,` NA MO GU RU MANYDZU GHA sh'A YA, GNAS GSUM MKHA' 'GRO'I DBANG PHYUG LABS SGRON MA, , RIGS GSUM RGYAL BA'I 'DUS SKU TZONG KHA PA, ,SKYABS GSUM MNGA' BDAG RTZA BA'I BLA MA STE, ,RNAM GSUM ZHABS PAD GTZUG NA BRTAN BKOD NAS, ,SKAL LDAN SLOB MA'I TSOGS RNAMS LA, , BYIN RLABS NAM MKHA' SGO 'BYED KYI, ,DBANG BSKUR DAM PA'I PHYAG BZHES LTAR, ,GSAL LA 'DUS PAR 'DIR BSHAD BYA, ,DE YANG MTSAN NYID DANG LDAN PA'I SLOB DPON GYIS, LAM MTHUN MONG BAS RGYUD SBYANGS SHING BLA MED KYI DBANG THOB NAS DAM SDOM LA GNAS PA'I SNOD LDAN GYI SLOB MAR NAM MKHA' SGO 'BYED KYI DBANG DU GRAGS PA'I BYIN RLABS BYA TSUL LA GSUM, SNGON 'GRO YO BYAS BSHAMS

NAS BDAG MDUN SGRUB PA, DNGOS GZHI SNOD LDAN GYI SLOB MA RJES SU 'DZIN PA, MJUG TSOGS LA ROL NAS BSDU BA'I CHO GA'O, ,DANG PO NI, TSOGS RDZAS, LAS BUM, BGEGS GTOR SOGS SBYANG NAS, RGYAN DRUG DNGOS SAM GZUGS BRNYAN, d'AR RKANG RNAMS STA GON BYED PA DANG, BDAG BSKYED KYI MJUG TU, AOm BADZRA AA MRi TA KUndRA LI HA NA HA NA H'Um PHAt, CES BZLAS NAS BSANG CHU SGRUB, GZHAN MA BCA' GZHI NAS GTOR 'BUL RDZOGS PA'I BAR BSNYEN YIG RAB GSAL BKLAGS PAS DON GRUB TU BKOD ZIN PA JI LTA BA BZHIN DU BYAS LA, RTZA BRGYUD KYI BLA MA GCIG MKHA' 'GRO'I TSOGS DANG BCAS PA RNAMS KYIS BDAG DANG SLOB MA RNAMS LA MCHOG MTHUN MONG GI DNGOS GRUB MA LUS PA STZAL DU GSOL, ZHES BRJOD PAR BYA'O, ,GNYIS PA DNGOS GZHIG SNOD LDAN GYI SLOB MA RJES SU 'DZIN PA LA GSUm SNGON 'GRO, DNGOS GZHI, MJUG GO ,DANG PO NI, KHRUS PHYAG ME TOG BKYE BSDU MAndAL BGEGS GTOR RNAMS SNGON DU SONG RJES, DAL 'BYOR, MI RTAG PA, LAS 'BRAS, 'KHOR BA'I SDUG BSNGAL RNAMS BSHAD LA NGES 'BYUNG DANG, MAR SHES DRIN DRAN DRIN GZO BYAMS PA SNYING RJE LHAG BSAM RNAMS BSHAD NAS BYANG CHUB KYI SEMS BSKYED PA SPYI'I CHOS BSHAD YIN, BYE BRAG GI CHOS BSHAD NI,

, ,SANGS RGYAS THOB PA LA THABS SHES ZUNG DU 'JUG PA'I GCOD KYI GDAMS PA NYAMS SU LEN DGOS, DE LA BYIN RLABS NAM MKHA' SGO 'BYED KYI DBANG THOB DGOS PAS, BLA MA YUM CHEN MOR GSAL BA LA DBANG GI DON DU GSOL BA 'DEBS PA 'DI'I RJES ZLOS MDZOD, DUS GSUM RGYAL BA BSKYED MDZAD MA, ,BCOM LDAN SHES RAB PHA ROL PHYIN, ,THUGS RJES SNA TSOGS SKUR SPRUL PA, , YUM CHEN BDAG LA BYIN GYIS RLOBS, ,LAN GSUM, RGYUD DAG PA'I SLAD DU GNAS KHANG 'DI YANG YE SHES RANG SNANG LAS GRUB PA'I GZHAL MED KHANG DANG, MAndAL RTEN GTOR DANG BCAS PA 'DI RNAMS KYANG, PADMA'I SDONG PO YANGS SHING RGYA CHE BA, LTE BA 'DAB MA BZHI DANG BCAS PA'I DBUS SU, ZHES PA NAS, CHOS SKYONG SRUNG MA'I TSOGS KYIS BSKOR NAS BZHUGS PAR MOS NAS, YAN LAG BDUN GYI SGO NAS BYANG SDOM 'DZIN PA 'DI'I RJES ZLOS MDZOD, DKON MCHOG GSUm LA BDAG SKYABS MCHI, NAS, SANGS RGYAS 'GRUB PAR SHOG ,LAN GSUM, 'DIR SPRO NA SNGAGS SDOM YANG BZUNG CHOG PAR LUNG RIGS KYIS 'GRUB, GNYIS PA DNGOS GZHI LA GSUM, LUS LA RGYAN DRUG RUS PA'I DBANG BSKUR BA, NGAG LA GSUNG SKAD PHAt: KYI DBANG BSKUR BA, SEMS LA CHOS NYID DON GYI DBANG BSKUR BA'O, ,DANG PO LA GNYIS, RGYAN

DRUG RUS PA'I DBANG DNGOS BSKUR BA DANG, DE'I YAN LAG PHYAG MTSAN GYI DBANG BSKUR BA'O, ,DANG PO NI, THOG MAR DBANG GI GZHI 'GOD PA'I SLAD DU DMIGS PA 'DI BZHIN MDZOD, SLOB MA RNAMS AA MRi TAS BSANGS, SVA BHA WAS SBYANGS, STONG PA'I NGANG LAS PADMA DANG ZLA BA'I GDAN LA SLOB MA RNAMS RE RE NAS SANGS RGYAS RIGS KYI MKHA' 'GRO MA MA GCIG LABS KYI SGRON MA SKU MDOG DKAR LA DMAR BA'I MDANGS CHAGS PA, SPYAN GSUM DANG LDAN PA'I ZHAL GCIG PHYAG GNYIS MA, PHYAG GA-YAS SENG LDENG GI d'A MA RU KHRO LO LO 'KHROL ZHING, GA-YON DNGUL DKAR GYI DRIL BU GSIL BA, DAR DKAR GYIS DBU SKRA PHYED BCINGS SU BYAS SHING LHAG MAS SKU STONG KHEBS PA, 'DZUM ZHING SGEG PA'I NYAMS DANG LDAN PA, LHA RDZAS LAS GRUB PA'I DAR GYI NA BZAS BRGYAN CING NYI MA STONG GI MDANGS LTA BU'I 'OD DANG GZI BRJID 'BAR BA'I DBUS NA, ZHABS GA-YAS BRKYANGS SHING GA-YON BSKUMS PA'I GAR STOBS KYIS BZHUGS PA'I SPYI BOR AOm, MGRIN PAR AA: THUGS KAR H'Um GIS MTSAN PAR GYUR, CES BSKYED LA, MGUL RGYAN, GDU BU, RNA RGYAN, DBU RGYAN, MCHOD PHYIR THOGS, RKED RGYAN TE RGYAN DRUG RIM PA LTAR, SBYIN PA, TSUL KHRIMS, BZOD PA, BRTZON 'GRUS, BSAM GTAN,

, ,SHES RAB STE PHAR PHYIN DRUG RNAM PAR DAG PA'I BDAG NYID DU DPON SLOB GNYIS KAS BSAMS LA, 'DI NI DPA' BO THAMS CAD DANG, ,GNAS GSUM MKHA' 'GRO THAMS CAD KYI, ,PHA ROL PHYIN DRUG DAG PA'I RGYAN, ,RGYAN 'DI THOGS LA BDAG 'DZIN CHOD, ,RGYAN DRUG RUS PA'I DBANG BSKUR RO, ,ZHES RGYAN DRUG GIS BRGYAN PAR MOS SU BCUG LA, SPYI BOR BZHAG STE BYIN RLABS BYA'O, ,GNYIS PA DE'I YAN LAG PHYAG MTSAN GYI DBANG BSKUR BA NI, d'A MA RUS SHES RAB STONG PA NYID KYI RANG SGRA SGROG PAR BSAMS LA, 'DI NI DPA' BO THAMS CAD DANG, ,GNAS GSUM MKHA' 'GRO THAMS CAD KYI, ,SKYE MED RANG SGRA SGROG PA'I SGRA, ,SGRA 'DI SGROGS LA BDAG 'DZIN CHOD, ,d'A MA RU YI DBANG BSKUR RO, ,ZHES BDAG 'DZIN GYI GNYEN POR BDAG MED PA'I RANG SGRA SGROG PAR MOS LA, d'A MA RU DKROL BZHIN DU SLOB MA'I LAG PA GA-YAS SU GTANG NAS SPYI BOR 'KHROL DU GZHUG ,YANG RKANG GLING GIS CIR SNANG BDEN MED KYI RANG SGRA SGROG PAR BSAMS LA, 'DI NI DPA' BO THAMS CAD DANG, ,GNAS GSUM MKHA' 'GRO THAMS CAD KYI, ,SNANG BA BDEN MED BSGYUR BA'I SKAD, ,SKAD 'DI BSGYUR LA BDAG 'DZIN CHOD, ,MI RKANG GLING BU'I DBANG BSKUR RO, ,ZHES RKANG GLING GI

SGRAS CIR SNANG BDEN PAR 'DZIN PA'I BDAG 'DZIN GYI GNYEN POR GANG SNANG THAMS CAD BDEN MED SGYU MA LTA BUR LHANG LHANG STON PAR MOS LA, RKANG GLING 'BUD CING SLOB MA'I LAG PA GA-YON DU GTAD NAS 'BUD DU GZHUG GO ,GNYIS PA DGRA LA GSUNG SKAD PHAt: KYI DBANG BSKUR BA LA GNYIS, GSUNG SKAD PHAt: KYI DBANG DNGOS BSKUR BA DANG, DE'I YAN LAG BZLAS PA'I LUNG SBYIN PA'I, ,DANG PO NI, PHAt: CES PA NI KHOS SHIG STE, BDAG 'DZIN GYI MGO BO KHOS SHIG PA'I RANG SGRA SGROG PAR BSAMS LA, 'DI NI DPA' BO THAMS CAD DANG, ,GNAS GSUM MKHA' 'GRO THAMS CAD KYI, ,BDAG 'DZIN RTZAD NAS GCOD PA'I SKAD, ,SKAD 'DI THON LA BDAG 'DZIN CHOD, ,GSUNG SKAD PHAt: KYI DBANG BSKUR RO, ,PHAt: DRAG TU BRJOD RJES ZLOS LAN GSUM TZAM BYED PA DANG MNYAM DU BDAG 'DZIN LHAN SKYES RNAM GNYIS KYI ZHEN YUL RIGS PAS BKAG PA'I MED DGAG 'DZIN STANGS KYI YUL DU BYAS TE YUN CI GNAS BSGOM DU GZHUG GO ,GNYIS PA DE'I YAN LAG BZLAS PA'I LUNG SBYIN PA NI, STONG PA'I NGANG LAS SKAD CIG GIS PAD ZLA'I STENG DU SLOB MA RNAMS RE RE NAS YUM CHEN MO SKU MDOG SER MO ZHAL GCIG PHYAG BZHI'I, ZHES PA NAS, THUGS KAR H'Um GIS MTSAN PAR GYUR, CES BSKYED LA, BLA MA YUM

, ,CHEN MOR GSAL BA'I THUGS KAR ZLA BA'I DKYIL 'KHOR GYI STENG DU H'Um SNGON PO AA SER POS MTSAN PA'I MTHAR SNGAGS 'PHRENG GIS BSKOR BA LAS MAR ME GCIG LAS GNYIS CHAD KYI TSUL DU BYUNG BA BLA MA'I ZHAL NAS THON TE, SLOB MA RNAMS YUM CHEN MOR GSAL BA'I ZHAL DU ZHUGS, THUGS KAR ZLA BA'I STENG DU H'Um AAS MTSAN PA'I MTHAR 'KHOD BA LA, PHYOGS BCU'I RGYAL BA SRAS BCAS KYI MKHYEN BRTZE NUS GSUM 'OD ZER GYI RNAM PAR BSTIMS PAS, LAN DANG PO'I TSE BYIN GYIS BRLABS, GNYIS PA'I TSE DBYER MED DU 'DRES, GSUM PA'I TSE BRTAN PAR BYAS PA'I MOS PA DANG BCAS TE SNGAGS 'DI'I RJES ZLOS MDZOD, CES PA'AM, YANG NA SNGAGS DON, TADYA TH'A 'DI LTA STE, AOm 'KHOR GSUM YONGS DAG GI STONG NYID MTSON BYED, GTE GA TE SONG MA SONG MA, P'A RmA GA TE PHA ROL TU SONG MA, P'A RAm SAm GA TE PHA ROL TU YANG DAG PAR SONG MA, BO DHI BYANG CHUB, SV'A H'A GZHI TSUGS TE, STONG NYID RTOGS ZIN THABS MKHAS RANG LDAN PAR BSGOMS NA TSOGS SBYOR MTHONG SGOM RIM GYIS BGROD NAS MI SLOB LAM MNGON DU 'GYUR BA'I DON YIN PAS, KHYED RANG RNAMS YUM CHEN MOR GSAL BA'I NGANG NAS YUM DON STONG PA NYID LA MNYAM PAR BZHAG BZHIN PAS

SNGAGS 'DI'I RJES ZLOS LAN NYI SHU RTZA GCIG MDZOD, TADYA TH'A, AOm GA TA GA TE, P'A RAm GA TE, P'A RAm SANGGA TE, BO DHI SV'A H'A, ZHES PA'I RJES ZLOS BYED DU GZHUG GE ,GSUM PA SEMS LA CHOS NYID DON GYI DBANG BSKUR BA LA GNYIS, CHOS NYID DON GYI DBANG BSKUR BA DNGOS DANG, DE'I YAN LAG GTOR DBANG BSKUR BA'O, ,DANG PO NI, 'KHOR BA'I SDUG BSNGAL GYI RTZA BA BDAG 'DZIN YIN TSUL DANG, DE LA GANG ZAG DANG CHOS KYI BDAG 'DZIN GNYIS YONG TSUL DANG, DE GNYIS RGYUN GCOD PA LA BDAG MED RTOGS PA'I LTA BA TSOL DGOS TSUL DANG, BDAG MED RTOGS PA'I LTA BAS BDAG 'DZIN GYI ZHEN YUL GCOD PAS NA GCOD CES ZER BA YIN TSUL RNAMS GO BDE BAR BSHAD LA, MA GCIG GIS, BCA' GZHI GSUM GYIS BKA' THOG TU BZHUG PA, ZHES RDO RJE MNYAM GZHAG ,RDO RJE KHU TSUR, RDO RJE THAL MO STE LUS KYI BCA' GZHI GSUM GANG RUNG GI SGO NAS BEM RIG PHRAL LA, BKA' SHES RAB KYI PHA ROL TU PHYIN PA'I DON STONG PA NYID KYI THOG TU RANG SEMS MNYAM PAR 'JOG PAR GSUNGS PA BZHIN DU, KHYED RANG RNAMS RKANG PA GNYIS GSHIBS NAS LANGS SHING LAG PA'I SOR MO PHAN TSUN SNOL BA'I RDO RJE THAL MO SPYI BOR SBYAR TE 'DUG PA'I LUS PHRU MA PHUS BTAB PA LTA BU'I DBUS DRANG POR, RTZA

, ,DBU MA DMAR PO KHOG STONG MDA' SMYUG TZAM, YAR SNA SPYI BOR THAL GYIS ZUG CING, MAR SNA LTE 'OG TZAM NAS GA-YAS GA-YON GNYIS SU GYES TE RKANG MTHIL DU SLEBS PA'I 'OG TU RANG RANG GI RNAM SHES KYI NGO BO 'OD DKAR PO SRAN MA TZAM RE RE YOD PA LA SEMS ZHUGS PA LTAR BZUNG LA, DES RTZA DBU MA'I NANG DU YAR BLTAS PAS, STENG GI NAM MKHAR YUM CHEN MO BZHUGS PAR MNGON SUM DU MTHONG BA'I ZHAL NAS, KYE RIGS KYI BU YAR LA SHOG ,SKYID PAR 'ONG, BDE BAR 'ONG, MTHAR THUG GTAN GYI BYANG CHUB LA KHO MOS DGONG NGO, ,ZHES GSUNG PA MNGON SUM DU THOS PA'I MOS PA MDZOD, CES BRDA SPRAD LA, BDUG RDZAS BSREGS SHING, d'A MA RU DANG DRIL BU DKROL BA DANG, PHAt: DRAG PO'I RJES ZLOS DANG BCAS, PHAt: SLOB MA RNAMS KYI RNAM SHES RKANG MTHIL NAS ZHUGS TE LTE BAR GCIG TU 'DRES, PHAt: SNYING GAR SLEBS, PHAt: MGRIN PAR SLEBS, PHAt, SPYI BOR SLEBS, PHAt: SPYI BO NAS NAM MKHA'I DBYINGS SU SKAR MDA' 'PHANGS PA LTAR SONG BAS BDE STONG CHOS SKU'I DBYINGS SU THIM PAR GYUR, CES BRDA SPRAD NAS YUN CI GNAS MNYAM PAR 'JOG TU BCUG LA, DE NI MDO LAS, NAM MKHA' RNAM PAR LTA BA'I TING NGE 'DZIN, ZHES PA DANG, GTZUG TOR RNAM

PAR LTA BA'I TING NGE 'DZIN, ZHES PA DANG, MA GCIG GIS, BEM RIG PHRAL LA DBYINGS RIG PA BSRE, ,DBYINGS DANG RIG PA DBYER MED BSRE, ,STONG PA'I NGANG DU CI NUS BZHAG ,CES GSUNGS PA'I DGONGS PA NAM MKHA' SGO 'BYED KYI DBANG GI DNGOS GZHI YIN NO, ,GNYIS PA DE'I YAN LAG GTOR DBANG BSKUR BA NI, STONG PA'I NGANG LAS SKAD CIG GIS SLOB MA RNAMS SANGS RGYAS MKHA' 'GRO MA'I SKUR BZHENGS PA'I SPYI BOR LTAR BSKYED PA'I TSOM BU'AM GTOR MA BZHAG STE, RTZA BRGYUD KYI BLA MA MA GCIG MKHA' 'GRO'I TSOGS DANG BCAS PA RNAMS KYIS BYIN GYIS RLOBS SHIG ,CES BYIN RLABS BYAS RJES, MDUN BSKYED KYI BLA MA LHA'I TSOGS BZHUGS GNAS DANG BCAS PA KHYED RANG RNAMS KYI SPYI BOR BYON PA LA GDUNG SHUGS DRAG POS GSOL BA 'DEBS PA 'DI'I RJES ZLOS MDZOD, ,'OG MIN CHOS KYI PHO BRANG DU, ,RDO RJE 'CHANG CHEN BYIN RLABS CAN, ,BYIN RLABS CAN LA GSOL BA 'DEBS, ,RGYA NAG RI BO RTZE LNGA RU, ,RJE BTZUN 'JAM DBYANGS x, BYIN RLABS x, 'JAM DPAL GRUB PA'I DKYIL 'KHOR DU, ,DPA' BO RDO RJE x, BYIN RLABS x, 'BROG RI CHEN PO DGE LDAN DU, ,BLO BZANG GRAGS PA x, BYIN RLABS x, MAL GRO SPANG SA'I DKON PA RU, ,'JAM DPAL RGYA MTSO x, BYIN RLABS x, BA SO LHUN GRUB

, ,BDE CHEN DU, ,CHOS KYI RGYAL MTSAN x, BYIN RLABS x, PADMA 'OD KYI GZHAL YAS SU, ,CHOS KYI RDO RJE x, BYIN RLABS x, DBEN SA CHOS KYI PHO BRANG DU, ,BLO BZANG DON GRUB x, BYIN RLABS SKU GSUM LHUN GRUB PHO BRANG DU, ,SANGS RGYAS YE SHES x, BYIN RLABS x, GRUB THOB GONG MA'I GDAN SA RU, ,BLO BZANG CHOS RGYAN x, BYIN RLABS x, ,MKHA' SPYOD DBEN PA'I GNAS MCHOG TU, DKON MCHOG RGYAL MTSAN x, BYIN RLABS x, DBEN GNAS CHU BAR CHOS RDZONG DU, ,BLO BZANG RDO RJE x, BYIN RLABS x, NGES MED DBEN PA'I GNAS MCHOG TU, ,'PHRIN LAS CHOS 'PHEL x, BYIN RLABS x, SKYID GRONG DGE LDAN PHUG PO CHER, ,BLO BZANG RNAM RGYAL x, BYIN RLABS x, TSE MCHOG GLING GI DGON PA RU, ,YE SHES RGYAL MTSAN x, BYIN RLABS x, PA RNAM BDE CHEN RI KHROD DU, ,YE SHES SBYIN PA x, BYIN RLABS x, SPYI GTZUG NYI ZLA'I GDAN STENG DU, ,RTZA BA'I BLA MA x, BYIN RLABS x, BDE STONG CHES SKU'I GZHAL YAS SU, ,YUM CHEN SHER PHYIN x, BYIN RLABS x, SNYING GA CHOS KYI PHO BRANG DU, ,YI DAM LHA TSOGS x, BYIN RLABS x, NYI SHU RTZA BZHI'I GNAS MCHOG TU, ,DPA' BO MKHA' 'GRO x, BYIN RLABS x, DUR KHROD CHEN PO'I GNAS BRGYAD DU, ,CHOS SKYONG SRUNG MA

BYIN RLABS x, DAM TSIG GTZANG MA'I TSOGS GAL DU, ,RDO RJE SPUN TSOGS x, BYIN RLABS x, DAL 'BYOR RNYED DKAR SHES PA DANG, ,DON CHEN SNYING PO LEN PA RU, ,GSOL BA 'DEBS SO BYIN GYIS RLOBS, ,MI RTAG 'TSI BA DRAN PA DANG, ,LONG MED RGYUD LA SKYE BA RU, ,GSOL BA x, TSE 'DI BLO YIS THONGS PA DANG, ,PHUNG PO ZAN DU BSKYUR BA RU, ,GSOL x, GNYAN SA RI KHROD ZIN PA DANG, ,BYAMS DANG SNYING RJE 'BYONGS PA RU, ,GSOL BA x, BDAG MED GNAS LUGS RTOGS PA DANG, ,BDAG 'DZIN RTZAD NAS CHOD PA RU, ,GSOL BA x, BDUD BZHI RANG SAR ZHI BA DANG, ,SKU GSUM MNGON DU 'GYUR BA RU, ,GSOL BA x, SNANG SRID DBANG DU 'DU BA DANG, ,'BREL TSAD DON DANG LDAN PA RU, ,GSOL BA 'DEBS SO BYIN GYIS RLOBS, ,ZHES GSOL BA BTAB PAS RTZA BRGYUD KYI BLA MA MA GCIG MKHA' 'GRO'I TSOGS DANG BCAS PA RNAMS KYI GNAS GSUM GYI AOm A'A: H'Um LAS BDUD RTZI DKAR DMAR MTHING GSUM BABS PA GCIG TU 'DRES TE SPYI BO NAS ZHUGS, MGRIN PA YAN CHAD GANG BAS LUS KYI SDIG SGRIB DAG ,BU DBANG THOB, ,SPRUL SKU 'GRUB PA'I NUS PA BZHAG ,SNYING GA YAN CHAD GANG BAS NGAG GI SDIG SGRIB DAG ,GSANG DBANG THOB, LONGS SKU 'GRUB PA'I NUS PA BZHAG ,LHE BA YAN CHAD

, ,GANG BAS YID KYI SDIG SGRIB DAG ,SHER DBANG THOB, CHOS SKU 'GRUB PA'I NUS PA BZHAG ,LUS THAMS CAD GANG BAS SGO GSUM GYI SDIG SGRIB DANG, ,TSIG DBANG THOB, ZUNG 'JUG RDO RJE 'TSANG 'GRUB PA'I NUS PA BZHAG BYUNG SNYAM PA MDZOD, CES BDUD RTZI CHU RGYUN GCIG PA'I DBANG BZHI BSKUR BAR BYA STE, SKABS 'DIR 'DI LTA BU'I DBANG BSKUR BA BYA MI RUNG BA YANG MA YIN CING, 'DI TZAM GYIS SMIN BYED RGYU'I DBANG GI GO CHOD PA YANG MA YIN PAS NYA DANG NYUNG MA BSRE BAR MI BYA'O, ,GSUM PA MJUG NI, 'DI'I SKABS KYI DAM TSIG DANG SDOM PA RNAMS LEGS PAR BSRUNG SNYAM PAS 'DI'I RJES ZLOS MDZOD, GTZO BAS JI LTAR BKA' STZAL BA, ,DE DAG THAMS CAD BDAG GIS BGYI, ,LAN GSUM, BTANG RAG GI MAndALA PHUL, RANG GI SGO GSUM BLA MA'I BRAN DU 'BUL SNYAM PAS 'DI'I RJES ZLOS MDZOD, DENG NAS BRTZAMS TE BDAG BRAN DU, ,KHYED LA BDAG NI 'BUL LAGS KYI, ,KHYED KYIS SLOB MAR GZUNG BA DANG, ,CHA YIS KYANG NI SPYAD DU GSOL, LAN GSUM, BYIN RLABS NAM MKHA' SGO 'BYED KYI DBANG THOB PAS DAL 'BYOR DON LDAN DU BYAS SO SNYAM PAS 'DI'I RJES ZLOS MDZOD, DENG BDAG SKYE BA 'BRAS BUR BCAS, ,BDAG GI GSON PA'ANG 'BRAS BUR BCAS, ,DE RING SANGS RGYAS RIGS

SU SKYES, ,SANGS RGYAS SRAS SU DENG BDAG GYUR, ,LAN GCIG ,DES NAM MKHA' SGO 'BYED KYI DBANG GI RIM PA RNAMS BRGYUD LDAN DAM PA'I PHYAG BZHES NYAMS MED DU PHUL ZIN PAS, THABS SHES ZUNG DU 'JUG PA'I NYAMS BZHES KYI SGO NAS BDAG 'DZIN BDUD BZHI'I GA-YUL LAS RNAM PAR RGYAL BA'I DGRA THABS LA MKHAS PAR MDZAD DU GSOL LO, ,GSUM PA MJUG CHOGS LA ROL NAS BSDU BA'I CHO GA NI, TSOGS RDZAS BYIN GYIS BRLABS TE PHUL ZHING LONGS SPYAD NAS LHAG MA BTANG BA SPYI LTAR BYA, MCHOD PA BRLABS TE, MCHOD BSTOD, YIG BRGYA, BZOD GSOL, GSHEGS GSOL, BSNGO SMON, SHIS BRJOD RNAMS BSNYEN YIG TU BKOD PA LTAR BYAS LA LAS KYI RJES MI MNGON PAR BYA'O, ,SMRAS PA, SNGON BYON MKHAS DANG GRUB PA SO SO YI, ,THUGS KYI NYID KHU'I GZHUNG MANG RKANG 'THUNG DBUS, ,DBYANG GSUM DAG PA'I DRI BSUNG MNGAR PO CAN, ,DHVA DZA RNAM GSUM LEGS BSHAD TZANDA LDAN, ,GANG GI BRJOD DON MA 'KHYOGS DRANG PO'I THIG ,RJOD BYED RGYAS BSDUS MTHA' BRAL DBU MA'I LAM, ,SDEB LEGS SNYAN PA'I TSIG SBYOR KHU BYUG SKAD, ,'DIS KYANG BDAG BLO'I DPYID DPAL DAR DE MTSON, ,ZAG BCAS SGYU LUS SPRUL SHUN LTAR BSKYUR NAS, ,GSAL RIG SEMS KYI RDO

, ,RJE MKHAR BSRE BA'I, ,THABS TSUL MAN NGAG ZAB MO GSAL BYAS PA'I, ,DGE BAS SGRIB GNYIS GA-YUL LAS RGYAL GYUR CIG , (CES BYIN RLABS NAM MKHA' SGO 'BYED KYI DBANG BSKUR BA'I CHO GA BDUD RTZI'I CHU RGYUN ZHES BYA BA 'DI NI, PAn CHEN CHOS KYI RGYAL PO'I DGONGS PA THUGS SRAS DKON MCHOG RGYAL MTSAN GYIS GSAL BAR MDZAD PA LAS BTUS SHING DAM PA MANG PO'I LEGS PAR BSHAD PAS MDZES PAR BYAS TE, DGE SLONG DHARMA BHA DRAS KHYU MCHOG GI LO'I SMON ZLA BA'I MAR NGO'I TSES BCU LA BZHAD DNGUL CHU'I RI PHUG TU SBYAR BA'O,) ,MANGGA LAm,, ,,` (YUM CHEN MKHA' 'GRO SDE LNGA'I BSNYEN YIG RAB GSAL BKLAGS PAS DON GRUB CES BYA BA BZHUGS SO,,) ` ,,NA MO GU RU DE BA RTZA NI, NI BHYA: SKU GSUM DBANG PHYUG RTZA BRGYUD BLA MA DANG, ,DBYER MED RGYAL YUM MKHA' 'GRO'I TSOGS LA 'DUD, ,DE NYID BSNYEN CING BSGRUB PA'I CHO GA'I TSUL, ,DANG PO'I LAS CAN DON DU MDOR BSDUS BYA, ,DE YANG LAM MTHUN MONG PAS RGYUD SBYANGS SHING, BLA MED KYI DBANG DANG NAM MKHA' SGO 'BYED KYI BYIN RLABS THOB NAS DAM SDOM LA GNAS PA'I SGRUB PA POS YUM CHEN MO DANG MKHA' 'GRO SDE LDA'I BSNYEN PA BYA TSUL NI, GTZANG ZHING YID DU 'ONG BA'I GNAS SU MAndAL GYI KHAR PADMA 'DAB BZHI'I LTE 'DAB TU MKHA' 'GRO SDE LDA'I SKU MDOG DANG MTHUN PA'I

TSOM BU 'GOD PA'AM, YANG NA TSOM BU'I TSAB TU MANYDZI'I STENG DU 'BRANG RGYAS ZUR GSUM PA SHA MAR BU RAM GYIS BRGYAN PA LNGA LA 'BYOR NA TZAKA LI GTOR GDUGS DANG BCAS PA 'DZUGS, DE'I MDUN DU BLA MA MKHA' 'GRO DANG CHOS SKYONG LA DMAR GTOR, RIGS DRUG DANG GZHI BDAG LA DKAR GTOR, CHU GNYIS NYER SPYOD DANG BCAS PA'I BDAG MDUN GYI MCHOD PA, NANG MCHOD, RDOR DRIL CANG TE'U BGRANG 'PHRENG SOGS DGOS PA'I YO BYAD RNAMS TSANG BAR BSHAM, BDE BA'I STAN LA RNAM PAR DAG PA'I KUN SLONG GIS LEGS PAR 'KHOD NAS, SKYABS YUL DANG SKYABS 'GRO'I RGYU GSAL BTAB STE, DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,LAN GSUM GYIS SKYABS 'GRO DANG, MA SEMS CAN THAMS CAD KYI DON DU MYUR BA MYUR BAR BLA MA SANGS RGYAS KYI GO 'PHANG THOB PAR BYA, DE'I PHYIR DU YUM CHEN MKHA' 'GRO'I TSOGS KYI SGOM BZLAS ZAB MO NYAMS SU BLANG BAR BGYI'O, ,LAN GSUM GYIS SEMS BSKYED LA, RANG SKAD CIG GIS YUM CHEN MOR GSAL BA'I THUGS KA'I AA YIG GI 'OD ZER GYIS, 'OG MIN NAS

, ,BLA MA DANG GNYIS SU MED PA'I YUM CHEN MO MA GCIG MKHA' 'GRO SDE LNGA DANG BCAS PA LA SANGS RGYAS DANG BYANG CHUB SEMS DPA'I TSOGS KYIS BSKOR BA AOm BADZRA SA M'A JA: ZHES MDUN GYI NAM MKHAR SPYAN DRANGS, NA MO GU RU MAH'A M'A T'A PA NYTZA d'A KI NI SA PA RI W'A RE BHYA: ZHES PHYAG BTZAL, AOm GU RU MAH'A M'A T'A PANYTZA d'A KI NIS PA RI W'A RA AA RGHAm PRA TI TZTSA YE SV'A H'A, P'A DYAm PRA T'I TZTSA YE SV'A H'A, BADZRA PU shPE, DH'U PE, A'A LO KE, GANDHE, NEE WI DYE, SHAPTA A'A: H'Um, ZHES MCHOD, DKON MCHOG GSUM LA BDAG SKYABS 'CHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, LAN GSUM GYIS RGYUN BSHAGS DANG, SEMS CAN THAMS CAD BDE BA DANG LDAN PAR GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR CIG ,BTANG SNYOMS LA GNAS PAR GYUR CIG ,CES TSAD MED BZHI BSGOM, AOm SVA BHA WA SHUDDHA: SARBA DHA RM'A: SVA BH'A WA SHUDDHONYA HAm, CHOS THAMS CAD STONG PA NYID DU GYUR, STONG PA'I NGANG LAS PAm LAS PADMA'I LTE BAR, AA LAS ZLA BA'I DKYIL 'KHOR GYI STENG DU, RANG GI SEMS NYID AA SER PO, DE LAS 'OD ZER 'PHROS, DON GNYIS BYAS

'DUS YONGS SU GYUR PA LAS, RANG NYID YUM CHEN MO SKU MDOG SER MO ZHAL GCIG PHYAG BZHI'I GA-YAS KYI DANG PO NA GSER GYI RDO RJE RTZE DGU PA DANG, GA-YON GYI DANG PO NA YUM GYI PO TI BSNAMS SHING PHYAG 'OG MA GNYIS MNYAM GZHAG MDZAD PA, MTSAN DPES MDZES SHING LONGS SKU'I CHA BYAD CAN, RIN PO CHE'I RGYAN DANG DAR GYI NA BZAS KLUBS SHING, ZHABS RDO RJE'I SKYIL KRUNG GIS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS BSGOMS PA DANG 'DRA BA'I YE SHES PA DANG DBANG GI LHA RNAMS AOm BADZRA SA MA DZA: DZA: H'Um BAm HO: DAM TSIG PA DANG GNYIS SU MED PAR GYUR, DBANG GI LHAS DBANG BSKUR, AA YIG GIS DBU BRGYAN PAR GYUR, CES YAN LAG BZHI RDZOGS SU BSKYED LA, MCHOD PA RNAMS PHUL DU BYUNG BA'I LHA RDZAS SU GYUR PAR BSAM NAS, AOm MAH'A M'A T'A AARGHAm NAS, SHPTA A'A: H'Um, GI BAR GYIS SNGAR LTAR MCHOD, SMRA BSAM BRJOD MED SHES RAB PHA ROL PHYIN, ,MA SKYES MI 'GAG NAM MKHA'I NGO BO NYID, ,SO SO RANG RIG YE SHES SPYOD YUL BA, ,DUS GSUM RGYAL BA'I YUM LA PHYAG 'TSAL LO, ,ZHES BSTOD, RANG GI THUGS KAR ZLA BA'I DKYIL 'KHOR GYI STENG DU H'Um SNGON PO AA SER POS MTSAN PA'I MTHAR

, ,SNGAGS 'PHRENG GIS BSKOR BA LAS 'OD ZER 'PHROS, DON GNYIS BYAS 'KHYER SO GSUM GYI RNAL 'BYOR DANG LDAN PAR GYUR, TA DYA TH'A, AOm GA TE GA TE PA RA GA TE PAR SAm GA TE BO DHI SV'AH'A, ZHES BSNYEN TSAD RAB SUM 'BUM, 'BRING CHIG 'BUM THA MA CHIG KHRI BZLA BAR GSUNGS PA BZHIN THUN RER CI NAS BZLAS RJES, DGE BA 'DI YIS MYUR DU BDAG ,YUM CHEN SHER PHYIN 'GRUB GYUR NAS, ,'GRO BA GCIG KYANG MA LUS PA, ,DE YI SA LA 'GOD PAR SHOG ,CES BSNGO SMON BYA'O, ,DE NAS MDUN GYI BSGRUB GZHI, AA MRi TAS BSANGS, SVA BH'A WAS SBYANGS, STONG PA'I NGANG LAS MDUN BSKYED KYI GNAS SU PADMA'I SDONG PO YANGS SHING RGYA CHE BA, LTE BA 'DAB MA BZHI DANG BCAS PA'I DBUS SU ZLA GDAN LA NGO BO RANG GI RTZA BA'I BLA MA DANG DBYER MED PA'I YUM CHEN MO YIN PA LA RNAM PA SANGS RGYAS RIGS KYI MKHA' 'GRO MA MA GCIG LABS KYI SGRON MA SKU MDOG DKAR MO PHYAG GA-YAS d'A MA RU 'KHROL BA, SHAR GYI PAD 'DAB LA RDO RJE'I RIGS KYI MKHA' 'GRO MA SKU MDOG SNGON MO PHYAG GA-YAS RDO RJE 'DZIN PA, LHO'I PAD 'DAB LA RIN CHEN RIGS KYI MKHA' 'GRO MA SKU MDOG SER MO PHYAG GA-YAS RIN PO CHE 'DZIN PA, NUB KYI PAD 'DAB LA PADMA'I RIGS

KYI MKHA' 'GRO MA SKU MDOG DMAR MO PHYAG GA-YAS PADMA 'DZIN PA, BYANG GI PAD 'DAB LA LAS KYI RIGS KYI MKHA' 'GRO MA SKU MDOG LJANG MO PHYAG GA-YAS RAL GRI 'DZIN PA, THAMS CAD KYANG GA-YON PA RNAMS DRIL BU GSIL ZHING SPYAN GSUM DANG LDAN PA'I ZHAL GCIG PHYAG GNYIS MA, LANG TSO BCU DRUG LON PA'I NYAMS CAN, DBU SKRA RAL PA'I THOR COG BCINGS SHING RUS PA'I RGYAN DRUG GIS BRGYAN PA, ZHABS GA-YAS BRKYANGS SHING GA-YON BSKUMS PA'I SKYIL KRUNG PHYED PA'I GAR STABS KYIS BZHUGS PA, STENG DU RTZA BRGYUD KYI BLA MA RNAMS BZHUGS GNAS DANG BCAS PA SPRIN GTIBS PA LTA BUR YOD PA, MTHA' SKOR DU YI DAM SANGS RGYAS BYANG SEMS DPA' BO DPA' MO CHOS SKYONG SRUNG MA'I TSOGS KYIS BSKOR NAS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS BSGOMS PA DANG 'DRA BA'I YE SHES PA DANG DBANG GI LHA RNAMS SPYAN DRANGS, CHOS DBYINGS DAG PA'I PHO BRANG NAS, ,SGYU 'PHRUL DRA BA'I SKUR STON PA, ,GNAS GSUM MKHA' 'GRO'I DBANG PHYUG MA, ,BRTZE BAR DGONGS LA GNAS 'DIR GSHEGS, ,AOm BADZRA SA M'A DZA: DZA: H'Um

, ,BAm HO: DAM TSIG PA DANG GNYIS SU MED PAR GYUR, DBANG GI LHAS DBANG BSKUR, RANG RANG GI RIGS BDAG GIS DBU BRGYAN PAR GYUR, CES BSKYED LA, NANG MCHOD AA MRI TAS BSANGS, SVA BH'A WAS SBYANGS, STONG PA'I NGANG LAS YAm LAS RLUNG, RAm LAS ME'I STENG DU MI MGO'I SKYID BU GSUM LA GNAS PA'I AA: LAS BYUNG BA'I THOD PA PHYI DKAR LA NANG DMAR BA'I NANG DU SHA LNGA BDUD RTZI LNGA SBYANGS RTOGS SBAR GSUM BYAS PA LAS BYUNG BA'I ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm A'A: H'Um, LAN GSUM DANG, PHYI MCHOD AA MRi TAS BSANGS, SVA BHA WAS SBYANGS, STONG PA'I NGANG LAS A'A: LAS BYUNG BA'I THOD PA'I NANG DU H'Um LAS BYUNG BA'I MCHOD RDZAS RNAMS ZAG MED KYI BDE BA KHYAD PAR CAN BSKYED PAR GYUR, AOm AA RGHAm NAS SHAPTA A'A: H'Um GI BAR GYIS BYIN GYIS BRLABS LA, AOm GU RU MAH'A M'A T'A ZHES SOGS KYIS TSOGS ZHING GI SKABS LTAR PHYI MCHOD DANG, AOm GU RU MA H'A M'A H'A PANYTZA d'A KI N'I SA PA RI W'A RA AOm A'A: H'Um GIS NANG MCHOD PHUL, CHOS SKU NAM MKHA' BZHIN DU DBYER MED KYANG, ,GZUGS SKU 'JA' TSON BZHIN DU SO SOR GSAL, ,THABS DANG SHES

RAB MCHOG LA MNGA' BRNYES PA, ,RIGS LNGA MKHA' 'GRO'I TSOGS LA PHYAG 'TSAL LO, ,ZHES PAS BSTOD, DE NAS BLA MA MKHA' 'PHRENG GIS BSKOR BA'I 'OD ZER GYI SPRO BSDUS LAS THAGRO SD 'PHRENG GIS BSKOR BA'I 'OD ZER GYI SPRO BSDUS LAS THAMS CAD SGRUB PAR GYUR, AOm BUDDH'A d'A KI NI H'Um H'U PHAt SV'A H'A, AOm RATNA d'A KI NI H'Um H'Um PHAt SV'A H'A, AOm PADMA d'A KI N'I H'Um H'Um PHAt SV'A H'A, AOm KA RMA d'A KA NI H'Um H'Um PHAt SV'A H'A, ZHES MKHA' 'GRO SDE LNGA'I SNGAGS RNAMS KHRI TSAR DANG, AOm A'A: H'Um GU RU BA HA RI NI SA SIDDHI DZA: ZHES MKHA' 'GRO SPYI'I SNGAGS RAB TSIG 'BUM, THA MA CHIG KHRI BZLA BA BSNYEN TSAD DU GSUNGS PA BZHIN THUN RER CI NUS BZLAS RJES YIG BRGYAS LHAG CHAD BSKANG ZHING BYIN RLABS BRTAN PAR BYAS TE, GTOR MA DANG PO NANG MCHOD LTAR BYIN GYIS BRLABS LA, AOm GU RU MAH'A M'A T'A PANYTZA d'A KI NI SA PA RI W'A RA AI DAm BA LIm TA KHA KHA KH'A HI KH'A HI, LAN GSUM GYIS BLA MA MKHA' 'GRO'I TSOGS LA PHUL, GONG LTAR PHYI NANG GI MCHOD PAS MCHOD, 'DOD YON LNGA LDAN ZAG MED MCHOD GTOR 'DI, ,BLA MA YI DAM MKHA' 'GRO'I TSOGS LA 'BUL, ,BZHES NAS BDAG DANG MKHA' MNYAM 'GRO KUN LA, ,MCHOG DANG MTHUN

, ,MONG DNGOS GRUB STZAL TU GSOL, ZHES 'DOD DON ZHU, GTOR MA GNYIS PA'ANG NANG MCHOD LTAR BYIN GYIS BRLABS LA, AOm SHR'I DHARMA P'A LA SA PA RI W'A RA AI DAm BA LIm TA KHA KHA KH'A HI KH'A HI, LAN GSUM GYIS CHOS SKYONG RNAMS LA PHUL, AOm SHRI DHARMA P'A LA SA PA RI W'A RA AA RGHAm ZHES SOGS KYIS PHYI NANG GI MCHOD PA PHUL, 'DOD YON LNGA LDAN ZAG MED MCHOD GTOR 'DI, ,DAM CAN CHOS SKYONG SRUNG MA'I TSOGS LA 'BUL, ,BZHES NAS SANGS RGYAS BSTAN PA BSRUNG BA'I PHYIR, ,ZHI RGYAS DBANG DRAG LAS KUN MDZAD DU GSOL, ZHES 'PHRIN LAS BCOL, GTOR MA GSUM PA, AA MRi TAS BSANGS, SVA BH'A WAS SBYANGS, STONG PA'I NGANG LAS BHRUm LAS RIN PO CHE'I SNOD YANGS SHING RGYA CHE BA'I NANG DU, AOm LAS GTOR MA ZAG PA MED PA'I YE SHES KYI BDUD RTZI'I RGYA MTSO CHEN POR GYUR, AOm AA: H'Um LAN GSUM GYIS BYA RGYUD LTAR BYIN GYIS BYA RGYUD LTAR BYIN GYIS BRLABS LA, SAM BHA RA LAN GSUM GYIS RIGS DRUG SPYI LA BSNGO, DE BZHIN GSHEGS PA BZHI'I MTSAN BRJOD, 'DOD YON LNGA LDAN ZAG MED GTOR MA 'DI, ,PHA MA RIGS DRUG SEMS CAN KUN LA BSNGO, ,MCHOD SBYIN GTOR MAS LEGS PAR TSIM GYUR

NAS, ,RANG RANG SDUG BSNGAL RGYU BCAS ZHI GYUR CIG ,CES SMON LAM GDAB, GTOR MA BZHI PA'ANG BYA RGYUD LTAR BYIN GYIS BRLABS LA, ,SAMBHA RA LAN GSUM GYIS YUL LHA GZHI BDAG LA BSNGO, DE BZHIN GSHEGS PA BZHI'I MTSAN BRJOD, 'DOD YON LNGA LDAN ZAG MED GTOR MA 'DI, ,YUL LHA GZHI BDAG GNAS PO'I TSOGS LA 'BUL, ,BZHES NAS RU NGA PHRAG DOG MA MDZAD PAR, ,DAM CHOS SGRUB PA'I MTHUN RKYEN STONGS GROGS MDZOD, CES GROGS DON BCOL, SPRO NA BDEN STOBS BRJOD, YIG BRGYAS LHAG CHAD SBYANGS, MA RNYED YONGS SU MA SHES DANG, ZHES SOGS KYIS BZOD PAR GSOL, DGE BA 'DI YIS TSE RABS THAMS CAD DU, ,MA NOR LAM STON THEG MCHOG BSHES GNYEN GYIS, ,'BRAL BA MED PAR RJES SU 'DZIN PA DANG, ,GSUNG GI BDUD RTZI NGOMS MED 'THUNG BAR SHOG ,DE YI MTHU LAS NGES 'BYUNG BYANG CHUB SEMS, ,YANG DAG LTA DANG PHYIN DRUG RIM PA GNYIS, ,'KHOR DANG BCAS PA'I NYAMS LEN MTHAR PHYIN TE, ,STOBS BCU MNGA' BA'I GO 'PHANG MYUR THOB SHOG ,CES BSNGO SMON DANG, YID BZHIN NOR DANG BUM BZANG 'DOD 'JO'I BA, ,DPAG BSAM SHING

, ,LTAR 'DOD PA'I RE BA KUN, ,'BAD MED STZOL MDZAD BLA MA YI DAM LHA, ,MKHA' 'GRO CHOS SKYONG SRUNG MA'I BKRA SHIS SHOG ,CES SHIS PA BRJOD DO, ,DE LTA BU'I TSUL GYIS THUN BZHI DANG THUN MTSAMS KYI BYA BA RNAMS BSNYEN SGRUB SPYI DANG MTHUN PAR BSGRUBS TE, BSNYEN PA SONG BA'I TSE BSNGO SMON GYI MJUG TU RTEN YOD NA, 'DIR NI RTEN DANG LHAN CIG TU, ,'GRO BA'I DON DU BZHUGS NAS KYANG, ,NAD MED TSE DANG DBANG PHYUG DANG, ,MCHOG RNAMS LEGS PAR STZAL TU GSOL, AOm SU PRA TI shthA BADZRA YE SV'AH'A, ZHES BRTAN BZHUGS DANG, RTEN MED NA, AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, BADZRA MU: YE SHES PA RANG BZHIN GYI GNAS SU GSHEGS, AOm BADZRA SAM'A DZA: DAM TSIG PA RANG NYID LA THIM PAR GYUR, CES GSHEGS GSOL BYAS LA GONG LTAR SHIS PA BRJOD PAR BYA'O, ,SMRAS PA, RANG GI SGO GSUM LHA YI GSANG GSUM DU, ,SGRUB BYED BSNYEN PA'I CHO GA

MTHA' YAS KYANG, ,RGYAS BSDUS 'TSAM ZHING BKLAGS PAS DON 'GRUB PA, ,'DI 'DRA DANG PO'I LAS CAN RNAMS LA MKHO, ,LA LA TSIG GI PHUNG POS NYI RING 'PHUL, , KHA CIG DON GYI SNYING PO 'GOL SAR 'JOG ,GZHAN DAG SMA BCAD LKUGS PA'I BRTUL ZHUGS 'DZIN, ,DE PHYIR 'DIR 'BAD DGOS PA MED MA YIN, ,'DIS MTSON RANG GZHAN LEGS SPYAD JI SNYED MTHUS, ,BLA MAS RJES BZUNG MKHA' 'GROS GROGS MDZAD NAS, ,MYUR LAM RTOGS PA TSE 'DIR MNGON GYUR TE, ,ZUNG 'JUG THOB CING 'GRO KUN SGROL GYUR CIG ,CES YUM CHEN MKHA' 'GRO SDE LNGA'I BSNYEN YIG RAB GSAL BKLAGS PAS DON GRUB CES BYA BA 'DI NI, DAD DAD DAM TSIG GTZANG MA'I RGYAN LDAN DGE TSUL MA SKAL BZANG CHOS SKYID KYIS NAN CHEN POS BSKUL BA LA BRTEN NAS DGE SLONG DHARMA BH'A DRAS BLA MA GONG MA RNAMS KYI GSUNG GI GNAD 'GAG PHYOGS GCIG TU BSDUS TE, 'DZIN BYED KYI LO CHU STOD ZLA BA'I DKAR PHYOGS KYI RDZOGS PA DANG PO'I TSES LA BZHAD DNGUL TSU'I RI PHUG TU SBYAR BA'I,, ,,DGE LEGS 'PHEL,, ,,

, ,GCOD GZHUNG MA GCIG MKHA' 'GRO'I DBANG MO'I ZHAL LUNG ZHES BYA BA SOGS BZHUGS SO,, ` ,,NA MO GU RU PANYTZA d'A GI NI BHYA: DMIGS MED THUGS RJE'I GTER MNGA' BLA MA DANG, ,DBYER MED LABS KYI SGRON MAR GUS BTUD NAS, ,BDAG MED GNAS LUGS LTA BA RTOGS PA'I THABS, ,ZLA MED GCOD KYI GDAMS PA BSHAD PAR BYA, ,DE YANG SEMS CAN THAMS CAD YI DAM DU BSGOMS NAS BDUD RTZIS MCHOD DE DNGOS GRUB ZHU BA'I TSUL DKAR 'GYED KYI RIM PA MDOR BSDUS TE NYAMS SU BLANG BA LA GSUM, SNGON 'GRO 'KHRID CHEN BZHIS RGYUD SBYANG BA, DNGOS GZHI SKU GNYIS KYI LAG RJES 'JOG BYED TSOGS GNYIS GSAG PA, MJUG BSAGS PA'I DGE BA RNAMS BYANG CHUB CHEN POR BSNGO BA'O, ,DANG PO LA BZHI, RGYUD SNOD RUNG DU BYED PA SKYABS 'GRO SEMS BSKYED KYI 'KHRID, BYIN RLABS 'JUG

PAR BYED PA BLA MA'I RNAL 'BYOR GYI 'KHRID, TSOGS GSOG PAR BYED PA YAN LAG BDUN PA MAndAL DANG BCAS PA'I 'KHRID, SDIG SGRIB DAG PAR BYED PA AA YIG BDUD RTZI'I CHU RGYUN GYI 'KHRID DO, ,DANG PO NI, BDE BA'I STAN LA 'KHOD NAS, GA RE BDAG GIS DAL 'BYOR LAN CIG THOB PA'I SKABS 'DIR 'KHOR BA'I GNAS LA MA CHAGS PAR MA RGAN SEMS CAN THAMS CAD 'KHOR BA'I GNAS NA SDUG BSNGAL GSUM GYIS NYAM THAG PA 'DI RNAMS MYUR DU 'KHOR BA'I BTZON RA 'DI LAS BSGRAL BA'I PHYIR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA'O, ,SNYAM PA'I DGE SEMS KHYAD PAR CAN GYI NGANG NAS, MDUN GYI NAM MKHAR SENG KHRI PAD ZLA'I GDAN LA, RTZA BA'I BLA MA DANG GNYIS SU MED PA'I MA GCIG LABS KYI SGRON MA SEMS DPA' GSUM BRTZEGS CAN LA, DNGOS DANG BRGYUD PA'I BLA MA YI DAM SANGS RGYAS BYANG SEMS DPA' BO DPA' MO CHOS SKYONG SRUNG MA'I LHA TSOGS RNAMS KYIS BSKOR NAS BZHUGS PAR

, ,GYUR, CES SKYABS YUL DANG, RANG DANG RANG GI MTHA' SKOR DU 'KHOD PA'I PHA MA SEMS CAN THAMS CAD 'KHOR BA DANG NGAN SONG GI SDUG BSNGAL LA 'JIGS SHING SKRAG NAS, RE SA DKON MCHOG GSUM LAS GZHAN NA MED PAS DUS 'DI NAS BYANG CHUB MA THOB KYI BAR DU SKYID RUNG SDUG RUNG DUS DANG GNAS SKABS CIR GYUR KYANG, DKON MCHOG RIN PO CHE RNAM PA GSUM MKHYEN NO, ,ZHES SKYABS 'GRO'I RGYU GSAL BTAB NAS, RTZA BRGYUD BLA MA YI DAM LHA TSOGS DANG, ,RDZOGS SANGS RGYAS DANG DAM CHOS DGE 'DUN TSOGS, ,DKON MCHOG GSUM LA SNYING NAS SKYABS SU MCHI, ,BDAG RGYUD SMIN CING GROL BAR BYIN GYIS RLOBS, ZHES LAN GSUM GYIS SKYABS 'GRO DANG, DKON MCHOG GSUM LAS BDUD RTZI'I RGYUN BAB RANG GZHAN SEMS CAN THAMS CAD KYI LUS SEMS LA ZHUGS PAS, LAS NGAN SDIG SGRIB THAMS CAD SPANGS, DKON MCHOG GI BYIN RLABS SEMS LA ZHUGS NAS TSE DANG BSOD NAMS LUNG RTOGS KYI YON TAN THAMS CAD RGYAS PAR GYUR, CES BDUD RTZI 'BEBS SBYANG BYA, DE NAS, SDUG BSNGAL RGYA MTSOR BYING BA'I 'GRO BA RNAMS, ,BSGRAL PHYIR BYANG CHUB MCHOG TU SEMS BSKYED NAS

DUS GSUM BDE GSHEGS SRAS KYI SPYOD PA LA, ,ZHUM MED BSAM PA DAG PAS BSLAB PAR BGYI, ZHES LAN GSUM GYIS SEMS BSKYED, SEMS CAN THAMS CAD BDE BA DANG LDAN PAR GYUR CIG ,SEMS CAN THAMS CAD SDUG BSNGAL DANG BRAL BAR GYUR CIG ,SEMS CAN THAMS CAD BDE BA DANG MI 'BRAL BAR GYUR CIG ,SEMS CAN THAMS CAD BTANG SNYOMS LA GNAS PAR GYUR CIG ,CES TSAD MED BZHI BSGOM, MA SEMS CAN THAMS CAD KYI DON DU MYUR BA MYUR BAR BLA MA SANGS RGYAS KYI GO 'PHANG THOB PAR BYA, DE'I PHYIR DU LAM ZAB MO GCOD KYI SNYING PO NYAMS SU BLANG PAR BGYI'O, ,ZHES KHYAD PAR GYI SEMS BSKYED LAN GSUM BYA, DE LTAR SEMS BSKYED PA LA BRTEN NAS SKYABS YUL RNAMS RANG GI SMIN MTSAMS SU THIM PAS RGYUD BYIN GYIS BRLABS PAR GYUR PAR BSAM MO, ,GNYIS PA BYIN RLABS 'JUG PAR BYED PA BLA MA'I RNAL 'BYOR GYI 'KHRID NI, MDUN GYI NAM MKHAR SENG GE CHEN PO BRGYAD KYIS BTEG PA'I KHRI MTHO ZHING YANGS PA'I STENG DU SNA TSOGS PADMA 'DAB MA STONG LDAN GYI LTE BAR PADMA DANG ZLA BA'I GDAN LA, NGO BO RANG GI RTZA BA'I BLA MA DANG DBYER MED PA'I MA GCIG LABS KYI SGRON MA YIN PA LA RNAM PA SANGS RGYAS

, ,RIGS KYI MKHA' 'GRO MA SKU MDOG DKAR LA DMAR BA'I MDANGS CHAGS PA, ZHAL GCIG PHYAG GNYIS MA, PHYAG GA-YAS SENG LDENG GI d'A MA RU KHROL LO LO 'KHROL ZHING, GA-YON DNGUL DKAR GYI DRIL BU GSIL BA, DAR DKAR GYIS DBU SKRA PHYED BCINGS SU BYAS SHING, LHAG MAS SKU STOD KHEBS PA, 'DZUM ZHING SGEG PA'I NYAMS DANG LDAN PA, LHA RDZAS LAS GRUB PA'I DAR GYI NA BZA' DANG, RIN PO CHE'I RGYAN BRGYAD KYIS BRGYAN CING, NYI MA STONG GI MDANGS LTA BU'I 'OD DANG GZI BRJID 'BAR BA'I DBUS NA ZHABS GA-YAS BRKYANGS SHING, GA-YON BSKUMS PA'I GAR STABS KYIS BZHUGS PA, DE'I THUGS KAR PAD ZLA'I GDAN LA, YUM CHEN MO SKU MDOG SER MO ZHAL GCIG PHYAG BZHI'I, GA-YAS KYI DANG PO NA GSER GYI RDO RJE RTZE DGU PA DANG, GA-YON GYI DANG PO NA YUM GYI PO TI BSNAMS SHING, PHYAG 'OG MA GNYIS MNYAM GZHAG MDZAD PA, ZHABS RDO RJE'I SKYIL KRUNG GIS BZHUGS PA, DE'I THUGS KAR ZLA GDAN LA AA YIG DKAR PO 'OD ZER LNGA 'PHRO BA, DE DAG GI MTHA' SKOR DU DNGOS DANG BRGYUD PA'I BLA MA YI DAM SANGS RGYAS BYANG SEMS DPA' BO DPA' MO CHOS SKYONG SRUNG MA'I LHA TSOGS

RNAMS KYIS BSKOR NAS BZHUGS PA, DE RNAMS KYI SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, LTE BAR SV'A SER PO, GSANG BAR H'A LJANG GU 'OD ZER LNGA 'PHRO BA, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BCOM LDAN 'DAS MA SANGS RGYAS RIGS KYI MKHA' 'GRO MA LA, BLA MA DKON MCHOG GSUM GYIS BSKOR BA SPYAN DRANGS, PHAt: CHOS DBYINGS DAG PA'I PHO BRANG NAS, ,SGYU 'PHRUL DRA BA'I SKUR STON PA, ,GNAS GSUM MKHA' 'GRO'I DBANG PHYUG MA, ,BRTZE BAR DGONGS LA GNAS 'DIR GSHEGS, AOm AA: GU RU BADZRA SARBA BUDDHA BO DHI SATVA SARBA d'A KI N'I SA PA RI W'A RA BADZRA SA MA YA DZA: DZA: DZA: H'Um BAm HO: DAM TSIG PA LA THIM PAS SKYABS GNAS KUN 'DUS PA'I BDAG NYID DU GYUR, CES BSKYED DO, ,GSUM PA TSOGS GSOG PAR BYED PA YAN LAG BDUN PA MAndAL DANG BCAS PA'I 'KHRID NI, RANG DANG RANG GI MTHA' SKOR DU 'KHOD PA'I PHA MA SEMS CAN THAMS CAD KYIS MGRIN GCIG TU YAN LAG BDUN PA 'BUL BAR GYUR PAR BSAM LA, PHAt: LHUN GRUB SPROS DANG BRAL BA'I CHOS KYI DBYINGS, ,BDE CHEN LONGS SPYOD RDZOGS PA'I ROL PA LAS, ,SNA TSOGS DU MAR SPRUL PA'I

, ,d'A KI MA, ,BCOM LDAN SANGS RGYAS MKHA' 'GRO LA PHYAG 'TSAL, ,BDE STONG LHAN CIG SKYES PA NAM MKHA'I KLONG, ,ZAG MED BDE BA BSKYED PA'I MCHOD PA'I SPRIN, ,PHUN TSOGS RNAM 'GYUR STONG GI RNAM ROL CAN, ,MA LUS DGYES PA BSKYED PHYIR KHYED LA 'BUL, ,CHOS KUN RANG BZHIN MKHA' LTAR RNAM DAG KYANG, ,THOG MED MA RIG 'KHRUL PA'I BAG CHAGS KYIS, ,RMI LAM BZHIN DU NONGS PA'I TSOGS MCHIS PA, ,BRJOD BRAL RANG BZHIN DAG PA'I DBYINGS SU BSHAGS, ,SMRA BSAM BRJOD LAS 'DAS PA DAM PA'I DON, ,DGE DANG MI DGE'I MTSAN MA MI MNGA' YANG, ,KUN RDZOB ZLA SHEL LTAR DKAR RTEN 'BREL LA, ,BDAG CAG BSAM PA THAG PAS YI RANG NGO, ,BDEN PAS STONG YANG BRAG CHA'I SGRA SNYAN BZHIN, ,BDAG SOGS 'GRO LA KUN TU BZANG PO'I LAM, ,'DOMS PHYIR JI SRID PHA MTHA' MI MNGON PA'I, ,BGRANG YAS BSKAL PA'I BAR DU BZHUGS SU GSOL, ,DE LTAR SNANG STONG TSOGS PA'I ROL PA LAS, ,'ONGS PA'I BSOD NAMS PHUNG PO JI SNYED PA, ,BDEN MED 'GRO BA MA LUS BSGRAL BA'I PHYIR, ,ZUNG 'JUG RDO RJE 'CHANG GI RGYU RU BSNGO, ,PHAt: SA ZLA'I NOR 'DZIN LCAGS RIS BSKOR

BA'I DBUS, ,LHUN PO'I DBANG PO GLING BZHI GLING PHRAN BRGYAD, ,GLANG PO KHYIM BDAG RTA MCHOG BTZUN MO DANG, ,DMAG DPON 'KHOR LO NOR BU GTER CHEN PO, ,NYI ZLA'I 'OD SNANG 'PHRO BA'I MAndAL 'DI, ,BLA MA YI DAM SANGS RGYAS BYANG SEMS DANG, ,MKHA' 'GRO BSTAN SRUNG RGYA MTSOR LEGS 'BUL NA, ,THUGS RJES BZHES NAS BYIN RLABS DNGOS GRUB STZOL, ,ZHES YAN LAG BDUN PA MAndAL DANG BCAS PA LEGS PAR 'BUL LO, ,BZHI PA SDIG SGRIB DAG PAR BYED PA AA YIG BDUD RTZI'I CHU RGYUN GYI 'KHRID NI, GA RE BDAG GIS THOG MED NAS LUS BLANGS PA'I SHA RUS BSAGS NA RI RGYAL LAS KYANG MTHO, KHRAG DANG CHU SER BSAGS NA RGYA MTSO BAS KYANG MANG BA'I LUS BLANGS KYANG 'DRE GDON SOGS PHA MA'I DON DU GYUR PA NI GCIG KYANG MA BYUNG 'DUG ,DA LAN LUS 'DI LA BRTEN NAS GNAS SKABS SU 'DRE GDON LA SOGS PA PHA MA SHA KHRAG GI BDUD RTZIS TSIM PA DANG, MTHAR THUG SEMS CAN THAMS CAD LA PHAN PA 'GRUB PA ZHIG BYA'O, ,DE LTAR BYED NUS PAR BLA MA LHAS BYIN GYIS BRLAB TU GSOL, SNYAM DU, PHAt: SKU GSUM MNGON GYUR KHYAB BDAG RDO RJE 'CHANG, ,ZAG MED BDE BA STER MDZAD RJE BTZUN MA, ,RGYAL SRAS THU BO RJE

, ,BTZUN MKHYEN PA'I GTER, ,GSOL BA 'DEBS SO BDAG RGYUD BYIN GYIS RLOBS, ,GRANGS MED RGYAL BA KUN GYI THUGS RJE NI, ,GCIG TU BSDUS PA BSKAL BZANG SKYE DGU'I GNYEN, ,DBANG PHYUG BRGYAD LDAN BLO BZANG GRAGS PA'I DPAL, ,GSOL BA x ,KUN MKHYEN GNYIS PA 'JAM DPAL RGYA MTSO DANG, ,GDAMS PA'I MCHOG MNGA' CHOS KYI RGYAL MTSAN ZHABS, ,RDO RJE'I SKU BRNYES CHOS KYI RDO RJE LA, ,GSOL BA x ,RDO RJE 'CHANG DNGOS BLO BZANG DON GRUB DANG, DE SRAS MKHAS GRUB SANGS RGYAS YE SHES ZHABS, ,RJE BTZUN BLO BZANG CHOS KYI RGYAL MTSAN LA, ,GSOL BA x ,GRUB PA MCHOG BRNYES DKON MCHOG RGYAL MTSAN DANG, ,LHA YI BTZUN PA BLO BZANG RDO RJE'I ZHABS, ,GCOD YUL MTHAR PHYIN 'PHRIN LAS CHOS 'PHEL LA, ,GSOL BA x ,GRUB PA'I DBANG PHYUG BLO BZANG RNAM RGYAL DANG, ,MKHAS GRUB CHEN PO DZNY'A NA DHA DZA'I ZHABS, ,SNYAN BRGYUD MDZOD 'DZIN YE SHES MTSAN CAN LA, ,GSOL BA x ,SKU GSUM GO 'PHANG BDE BA CHEN PO'I GNAS, ,YID LA DRAN PA TZAM GYIS STZOL MDZAD PA, ,RTZA BA'I BLA MA SANGS RGYAS MKHA' 'GRO MAR, ,GSOL BA x ,

RTZA BRGYUD BLA MA YI DAM LHA TSOGS DANG, ,SKYABS KYI MCHOG GSUM DPA' BO MKHA' 'GRO MA, ,MTHU LDAN BKA' SRUNG RGYA MTSOR BCAS PA LA, ,GSOL BA x ,BSHES GNYEN DAM PA TSUL BZHIN BSTEN PA DANG, ,DAL 'BYOR DON CHE RNYED PAR DKA' BA DANG, ,MYUR DU 'JIG PAR SLA BA'I TSUL RTOGS NAS, ,TSE 'DI BLO YIS THONGS PAR BYIN GYIS RLOBS, ,'KHOR BA'I NGANG TSUL ME 'OBS LTAR MTHONG NAS, ,BDAG GZHAN BRJE BA'I BYANG CHUB SEMS MCHOG GIS, ,SGYU MA'I PHUNG PO ZAN DU BSGYUR BA DANG, ,GNYAN SA RI KHROD 'GRIM PAR BYIN GYIS RLOBS, ,BDAG MED GNAS LUGS RTOGS PA'I YE SHES KYIS, ,NYES BRGYA'I RTZA BA DRUNG NAS 'BYIN PA DANG, ,THABS SHES GCOD KYI NYAMS LEN MTHAR PHYIN NAS, ,BDUD BZHI RANG SAR ZHI BAR BYIN GYIS RLOBS, ZHES GDUNG SHUGS DRAG POS GSOL BA BTAB LA, AA AA AA, ZHES LAN NYER GCIG BRJOD PAS, MDUN GYI BCOM LDAN 'DAS MA'I THUGS KA'I AA LAS BDUD RTZI'I RGYUN BABS, RANG GZHAN SEMS CAN THAMS CAD KYI LUS SEMS LA ZHUGS PAS, ,SDIG SGRIB NAD GDON CHAGS GO THAMS CAD DAG PAR GYUR PAR BSAM MO, ,GNYIS PA DNGOS GZHI SKU GNYIS KYI LAG RJES 'JOG

, ,BYED TSOGS GNYIS BSAG PA LA GNYIS, SGYU LUS MCHOD PAR PHUL TE BSOD NAMS KYI TSOGS GSAG PA DANG, RANG GZHIN MED PAR BSGOMS TE YE SHES KYI TSOGS GSAG PA'O, ,DANG PO LA GSUM, SNGON DU MCHOD PA'I 'KHOR GSUM BSKYED PA, MCHOD PA JI LTAR 'BUL BA'I TSUL DNGOS, PHUL NAS DNGOS GRUB ZHU BA'I TSUL LO, ,DANG PO LA GSUM, GANG LA MCHOD PA 'BUL BA'I YUL SEMS CAN YI DAM DU BSKYED PA, GANG GIS MCHOD PA 'BUL BA'I RTEN RANG SEMS PHAG MOR BSKYED PA, GANG MCHOD PAR 'BUL BA'I RDZAS RANG LUS BDUD RTZIR BSKYED PA'O, ,DANG PO NI, PHAt: SNOD THAMS CAD GZHAL YAS KHANG DANG, 'DRE GDON SOGS BCUD THAMS CAD LHA DANG LHA MO'I RANG BZHIN DU GYUR PA'I SPYI BOR AOm DKAR PO, MGRIN PAR A'A : DMAR PO, THUGS KAR H'Um SNGON PO, LTE BAR SV'A SER PO, GSANG BAR H'A LJANG GU 'OD ZER LNGA 'PHRO BA, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BSGOMS PA DANG 'DRA BA'I YE SHES PA SPYAN DRANGS, DZA: H'Um BAm HO: GNYIS SU MED PAR GYUR,

CES BRJOD DO, ,GNYIS PA GANG GIS MCHOD PA 'BUL BA'I RTEN RANG SEMS PHAG MOR BSKYED PA NI, RANG GI LUS SHEL GONG LTAR DAG PA'I DBUS NA YAR RTZA DBU MA DMAR PO YAS SNA SPYI BO LA ZUG PA RGYA MTHONG LTAR THAL LE YOD PA, MAS SNA LTE 'OG TU ZUG PA'I LTE BA'I RTZA 'KHOR GYI DBUS NA PADMA DANG NYI MA'I GDAN LA, RANG GI RNAM PAR SHES PA'I NGO BO BCOM LDAN 'DAS RDO RJE PHAG MO, SKU MDOG DMAR MO ZHAL GCIG PHYAG GNYIS MA, PHYAG GA-YAS SDIGS MDZUB DANG BCAS PAS GRI GUG NAM MKHA' LA 'PHYAR ZHING, GA-YON PAS GDUG PA'I KHRAG GIS GANG BA'I THOD PA THUGS KAR 'DZIN PA'I MCHAN KHUNG NA KHA tV'Am GA BSNAMS PA, KHRO ZHING 'DZUM PA'I MCHE BA CUNG ZAD GTZIGS PA, SPYAN GSUM HUR BAG DANG LDAN ZHING, THOD SKAM LNGA'I DBU RGYAN DANG, BSKAM PO LNGA BCU'I DO SHAL CAN, GCER MO SKRA ZHIG PA, PHYAG RGYA LNGAS BRGYAN CING, NYI MA STONG GI MDANGS LTA BU'I 'OD DANG GZI BRJID 'BAR BA'I DBUS NA ZHABS GA-YAS BRKYANGS SHING, GA-YON BSKUMS PA'I GAR STABS KYIS BZHUGS PA, 'PHAR LA KHAD, 'PHUR LA KHAD PA ZHIG YOD PA, YAR 'PHO SNYAM PA'I 'DUN PA DRAG POS, PHAt:

, ,SNYING GAR SLEBS, PHAt: MGRIN PAR SLEBS, PHAt: SPYI BO NAS RGYANGS KYIS THON TE NAM MKHAR GNAS PAR GYUR, CES BRJOD DO, ,GSUM PA GANG MCHOD PAR 'BUL BA'I RDZAS RANG LUS BDUD RTZIR BSKYED PA NI, PHAt: LUS BEM PO DE LING STE 'GYEL BAS GANGS RIL NYI 'OD 'PHOG PA LTAR DKAR ZHING CHE LA TSO ZHING SNUM PA ZHIG TU GYUR PA'I MDUN DU, YA LAS RLUNG, RAm LAS ME, A'A: LAS MI MGO'I SKYED BU RI RAB TZAM PA GSUM GRUB PAR GYUR, RANG GI RNAM SHES KYI NGO BO MKHA' 'GRO MAS GRI GUG PHUNG PO RNYING PA'I SMIN PHRAG TU BTZUGS TE, THOD PA LING GIS BKOG NAS SGYID BU'I STENG DU DMAR TZAR GYIS BKAL BA RGYA STONG GSUM DANG MNYAM PA LTA BU'I NANG DU PHUNG PO DE BCUG NAS GRI GUG GIS DUM BUR GTUBS, 'OG GI RLUNG GA-YOS, ME SBAR BAS RDZAS RNAMS ZHU BA'I RLANGS PAS DE BZHIN GSHEGS PA'I YE SHES KYI BDUD RTZI BKUG NAS THOD PAR BABS PAS, DRI MA THAMS CAD SBYANGS, KHA DOG DRI RO PHUN SUM TSOGS PA, NA BA MED PA SMAN GYI BDUD RTZI, 'CHI BA MED PA TSE'I BDUD RTZI, ZAG PA MED PA YE SHES KYI BDUD RTZI'I RGYA MTSOR GYUR, AOm A'A: H'Um, ZHES LAN GSUM GYIS BYIN RLABS BYA'O, ,GNYIS

PA MCHOD PA JI LTAR 'BUL BA'I TSUL DNGOS NI, RANG GI THUGS KA NAS SPROS PA'I 'DOD YON GYI LHA MO THOD PA THOGS PA RNAMS KYIS BDUD RTZI BCUS TE PHUL BA, MGRON RNAMS KYI LJAGS RDO RJE'I 'OD ZER GYI SBU GUS DRANGS TE GSOL BAR GYUR BAR BSAM LA, HO: BDE SKYONG STONG GSUM LTAR YANGS KA P'A LAR, ,DAM RDZAS BDUD RTZI RAB 'KHYIL TSOGS MCHOD 'DI, ,BLA MA YI DAM SANGS RGYAS BYANG SEMS SOGS, ,DKON MCHOG SRI ZHU'I MGRON RNAMS MNYES PHYIR 'BUL, ,DGYES BZHIN BZHES NAS SGRUB MCHOG BDAG CAG LA, ,MTHUN MONG MCHOG GI DNGOS GRUB STZAL DU GSOL, ,HO: BDE SKYONG x ,DAM RDZES x ,DPA' BO DPA' MO CHOS SKYONG SRUNG MA SOGS, ,MGON PO YON TAN MGRON RNAMS MNYES PHYIR 'BUL, ,DGYES BZHIN, x ,MTHUN MONG x ,HO: BDE SKYONG x ,DAM RDZAS x ,BYAMS PA'I PHA DANG BRTZE BA'I MA LA SOGS, ,RIGS DRUG SNYING RJE'I MGRON RNAMS MNYES PHYIR 'BUL, ,DGYES BZHIN x ,MTHUN MONG x, ,HO: BDE SKYONG x ,DAM RDZAS x ,DGRA BGEGS RKYEN DANG LAS LUS GNAS GDON SOGS, ,GDON BGEGS LAN CHAGS MGRON RNAMS MNYES PHYIR 'BUL, ,DGYES BZHIN x ,MTHUN MOR x ,ZHES PHUL BAS MGRON

, ,RNAMS KYI RGYUD LA ZAG MED KYI BDE BA DANG, BDE BA DES STONG NYID NGES PA'I BDE STONG DBYER MED KYI YE SHES SKYES PAS DGYES BAR GYUR PAR BSAM MO, ,GSUM PA PHUL NAS DNGOS GRUB ZHU BA'I TSUL NI, MGRON RNAMS KYI GNAS LNGA LAS BDUD RTZI SNA LNGA'I RGYUN BABS PA, RANG GI GNAS LNGAR THIM PAS SGO GSUM THA MAL DU 'DZIN PA'I DRI MA BAG CHAGS DANG BCAS PA SBYANGS, RDO RJE GSUM GYI BDAG NYID MNGON DU BYAS PAR GYUR PAR BSAM MO, ,GNYIS PA RANG BZHIN MED PAR BSGOMS TE YE SHES KYI TSOGS GSAG PA NI, PHAt: SNANG BA THAMS CAD 'OD KYI RNAM PAR RANG GI SNYING GAR BSDUS PA'I MI DMIGS PA'I STONG NYAMS NAM MKHA' LTA BU DANG, NGES DON RANG BZHIN MED PAR 'DZIN PA'I 'DZIN STANGS DAM SGRID DE BA GNYIS TSOGS KYI MNYAM GZHAG NAM MKHA' LTA BU'I RNAL 'BYOR LA GNAS PAR GYUR, CES BRJOD CING BSAM LA, DANG POR DGAG BYA BDEN GRUB NGOS 'DZIN TSUL, BAR DU 'GOG BYED KYI RIGS PAS DPYAD PA BYA TSUL, MTHAR MED DGAG GI STENG DU MNYAM PAR 'JOG TSUL RNAMS DGE LDAN PHYAG RGYA CHEN PO'I ZAB KHRID LAS 'BYUNG BA LTAR BSKYANG BAR BYA'O, ,GSUM PA MJUG BSAGS PA'I DGE BA RNAMS BYANG CHUB

CHEN POR BSNGO BA NI, STONG PA'I NGANG LAS PADMA DANG NYI MA'I GDAN LA, RANG NYID BCOM LDAN 'DAS RDO RJE PHAG MO SKU MDOG DMAR MO ZHAL GCIG PHYAG GNYIS MA'I SKUR BZHENGS PAR GYUR, CES LDANGS LA, DE LTAR RANG GZHAN 'KHOR 'DAS KYIS BSDUS PA'I CHOS THAMS CAD RANG BZHIN GYIS STONGS PA'I SNANG STONG TSOGS PA SGYU MA LTA BU'I RNAL 'BYOR LA GNAS PAR GYUR PAR BSAM STE, PHAt: DE LTAR SNANG STENG SGYU MA'I RNAL 'BYOR GYIS, ,THABS SHES ZUNG 'BREL LAM BZANG LA 'BAD PA'I, ,TSOGS GNYIS ZLA ZER 'THUNGS PA'I KUNDA LTAR, ,RAB DKAR KUN GSAL PHA MTHA' 'CHING BA DES, ,SKYE 'PHRENG KUN TU DAL BRGYAD 'BYOR BCU'I RTEN, ,THOB CING BSHES GNYEN DAM PAS RJES BZUNG STE, ,TSANG LA MA NOR MDO SNGAGS LAM RIM DON, ,RNYED NAS SGRUB PA SNYING POR BYED PAR SHOG ,KHYAD PAR ZAB LAM BCOD KYI NYAMS LEN LA, ,THOS DANG BSAM PAS SGRON 'DOGS LEGS CHOD NAS, ,SKYABS SEMS TSAD MED BZHI LDAN NYAMS BSTAR BAS, ,BSTAN DANG THEG MCHOG CHOS SGOR TSUD PAR SHOG ,PHUL BYUNG ZHING GI DAM PA BLA MA LHAR, ,DAD CING GUS PAS RNAM 'DUN MAndAL BCAS, ,PHUL NAS GDUNG SHUGS DRAG POS GSOL BTAB MTHUS, ,SGRIB BYANG TSOGS RDZOGS BYIN RLABS 'JUG PAR SHOG

, ,'DRE GDON BLA MA LHA YI RNAM 'PHRUL DU, ,RTOGS NAS BEM LUS ZAG MED YE SHES KYI, ,BDUD RTZIR BSGYUR TE PHUL BAS RAB DGYES NAS, ,BYIN RLABS DNGOS GRUB CHAR GYIS TSIM PAR SHOG ,CHOS BRGYAD SPROS PAS DBEN PA'I DUR KHROD DU, ,LHAN SKYES BDE STONG ROL BA'I GAR BSGYUR ZHING, ,RTEN 'BYUNG SKYE BA MED PA'I PHAt KYI SGRAS, ,BDAG 'DZIN 'GONG PO'I KLAD PA 'GEMS PAR SHOG ,MTSAN DPE'I SKU DANG RMAD BYUNG MKHYEN BRTZE'I THUGS, ,ZUNG DU 'JUG PA'I GO 'PHANG MNGON GYUR TE, ,RANG NYID GANG LA GNAS PA'I PHUN TSOGS DER, ,MA RGAN 'DRE GDON MA LUS 'GO PAR SHOG ,MCHOG GSUM BYIN RLABS DRANG SRONG BDEN MTHU DANG, CHOS DBYINGS RNAM DAG RGYU 'BRAS MI BSLU ZHING, ,BDAG GI LHAG BSAM DKAR BA'I BDEN PA'I MTHUS, ,JI LTAR SMON BZHIN 'GRUB PA'I BKRA SHIS SHOG ,CES GNAS SKABS DANG MTHAR THUG TU DGE BA'I BSNGO BA DANG SMON LAM RNAM PAR DAG PA GDAB BO, ,'DIR SMRAS PA, MKHA' 'GRO'I DBANG PHYUG LABS KYI SGRON MA DANG, ,RGYAL BA GNYIS PA'I GDAMS PA ZUNG GCIG TU, ,SBREL BA'I LEGS BSHAD 'O MA'I RGYA MTSO CHE, ,BSKYIL MDZAD PAn CHEN DHA RMA DHVA DZA'I GZHUNG, ,RNAM DAG LUNG GI LHUN STUG RI BO

LA, ,KHUNGS LDAN MAN NGAG LHAG MA CAN BTAGS NAS, ,DRI MED RIGS PA'I RTZAL GYIS BSRUBS LAS SLAR, ,SNGON MED CHOG BSGRIGS SA MOS GNYEN 'DI BSKRUN, ,'DIR 'BAD LEGS BYAS MKHA' LDING PHU BO YIS, ,YANG DAG LTA BA 'OD STONG CAN DRANGS TE, ,THOG MED DUS NAS SEMS LA NYER ZHUGS PA'I, ,RMONGS PA'I SMAG RUM MTHUG PO SANGS GYUR CIG ,CES GCOD DKAR 'GYED KYI NGAG 'DON MDOR BSDUS TE BRJOD PA MA GCIG MKHA' 'GRO'I DBANG MO'I ZHAL LUNG ZHES BYA BA 'DI NI, LAM 'DI LA MCHOG TU DAD PA'I DGE SLONG SNYOM LAS PA DHARMA BHA DRAS KHRO BO'I LO KHRUMS ZLA BA'I YAR TSES BZANG POR PA RNAM BDE CHEN RI KHROD KYI SPONG KHANG DU SBYAR BA'O,, ,,

, ,(GCOD GZHUNG LEGS PA ZHIG BZHUGS SO),, ` ,NA MO GU RU DE BA d'A KI N'I YE, DE LA 'DIR LCANG SKYA NGAG DBANG BLO BZANG CHOS LDAN GYIS, THABS SHES ZUNG 'BREL LA SPYOD CING, , BDAG 'DZIN 'KHRI BA GCOD PA YI, ZHES GSUNGS PA LTAR SKAL BA DANG LDAN PA SANGS RGYAS KYI SAR BGROD PA'I LAM MCHOG THABS SHES GCOD KYI SNYING PO NYAMS SU LEN TSUL LA BZHI, GANG DU NYAMS SU LEN PA'I GNAS, GANG GIS NYAMS SU LEN PA'I RTEN, GANG ZHIG NYAMS SU LEN PA'I GDAMS PA, GANG NYAMS SU BLANGS PA LA BRTEN NAS TSAR LHONGS JI LTAR 'BYUNG TSUL LO, ,DANG PO NI LCANG SKYA RIN PO CHES, YID PHEBS SDOD NYAMS SPRO BA DANG, ,DAM PAS BYIN GYIS BRLABS PA DANG, ,GNYAN KHROD 'JIGS PA SKYE BA SOGS, ,GANG YANG RUNG BA'I DBEN GNAS SU, ,ZHES GSUNGS PA LTAR RO, ,GNYIS PA GANG GIS NYAMS SU LEN PA'I RTEN NI, THAR 'DOD DED DPON MA NYID LAS, SRID PA'I PHUN TSOGS CHU SHING LTA BUR MTHONG NAS BYAMS PA DANG SNYING RJES BRAN DU BZUNG NAS THAMS CAD MKHYEN PA NYID YID LA GCAGS PAS 'KHOR BA'I SA BON DRUNG NAS 'BYIN PAR 'DOD PAS YIN GYI, RNYED BKUR DANG GRAGS 'DOD KYI BSAM PAS 'JIG RTEN GYI LHA 'DRE LA BSNGO BA DANG, DE'I PHYIR

SA GNYAN SLOG CING CHU GNYAN DKRUG PA DANG, SHING GNYAN GCOD PA DAG NI CHOS 'DI'I 'GAL ZLAR SHES PAR GYIS SHIG ,CES GSUNGS PA LTAR, NGES 'BYUNG BYANG SEMS LTA BA RNAM DAG GSUM LA SBYANGS PAS MYONG BA CUNG ZAD SKYES PA NA BOGS LHAG PAR 'BYIN PA'I PHYIR DU, GCOD GTONG 'DOD KYI BSAM PA DANG, DBANG LUNG MAN NGAG PHYAG LEN NYAMS DBYANGS MTHA' DAG LEGS PAR NOS TE TSAGS SU TSUD PA ZHIG MA MTHAR DGOS SO, ,GSUM PA GANG ZHIG NYAMS SU LEN PA'I GDAMS PA LA GSUM, BSTAN PA LA 'JUG PA'I SGO DAM PA SKYABS 'GRO'I RIM PA, SKU GNYIS KYI LAG RJES 'JOG BYED TSOGS GNYIS GSOG PA, BSAGS PA'I DGE BA RNAMS CHUD MI ZA BAR BYA BA'I PHYIR BYANG CHUB CHEN POR BSNGO BA'O, ,DANG PO NI, RIN CHEN 'PHRENG BA LAS, SNGA MA SNGA RU MA NON NA, ,DGRA NGAN DAG LA BYA SHOR 'DRA, ZHES GSUNGS PA LTAR, MGO SKOR GYI TSAR TSAD MI 'BYUNG BA'I PHYIR DU RNAL 'BYOR 'GRO LUGS RNAM BZHI DANG ZIL GNON DMIGS PA SKOR GSUM LA 'BAD DGOS PAS, PHYI MA'I NYAMS LEN PHYOGS GCIG TU DRIL BA NI, RANG GI MAL DER RIG PA NGAR LDAN GYI LTA BA'I NGANG NAS, NAM MKHA' BAR SNANG SA GZHI GSUM LA GTAD DE PHAt: DRAG POR RGYAB NAS, RANG GI LUS 'DI NGO BO BLA

, ,MA YI DAM SANGS RGYAS BYANG SEMS MKHA' 'GRO CHOS SKYONG THAMS CAD KYI THUGS RJE'I BDAG NYID YIN PA LA RNAM PA MCHOD RTEN RI RAB TZAM ZHIG TU GYUR NAS SA GZHI THAMS CAD BYIR TE MNAN PAS MER GYI MA GAD NAS PHAL PA'I SA RDO GANG YANG MED PAR GYUR, PHAt: GZHI BDAG 'DIS GTZO BYAS SNANG SRID KYI LHA 'DRE THAMS CAD PHA MA DRIN CAN SHA STAG YIN, 'DI RNAMS BDAG 'DZIN GYIS BCINGS TE 'KHOR BAR 'KHYAMS NAS SDUG BSNGAL GYIS MNAR BA SNYING RE RJE, 'DI RNAMS BLA NA MED PA'I BDE BA LA 'GOD PA'I PHYIR BDAG NYID SA PHYOGS 'DI NAS 'KHOR BA MA STONGS KYI BAR DU GA-YO BAR MI BYA 'GUL BAR MI BYA'O SNYAM PA'I BYAMS SNYING RJE'I SEMS DANG 'DRES PA'I RLUNG SNA BUG NAS PHYIR BUS PA PHYOGS THAMS CAD DU SONG BAS 'JIG RTEN GYI KHAMS KYI LHA 'DRE THAMS CAD RANG DBANG MED PAR RLUNG NANG DU RDUB PA DANG MNYAM DU BSDUS TE RANG GI MTHA' SKOR DU 'KHOD PA'I STENG 'OG PHYOGS MTSAMS THAMS CAD KHROS MA NAG MOS BAR MTSAMS MED PAR BSKOR BAR GYUR, CES BRJOD DE SEMS SPROS PA'I MTHA' THAMS CAD DANG BRAL BA'I STONG NYID LA RTZE GCIG TU MNYAM PAR 'JOG CI THUB BYA, DE'I NGANG NAS, PHAt: MDUN GYI NAM MKHAR

SENG KHRI PAD ZLA'I STENG, ,BKA' DRIN GSUM LDAN RTZA BA'I BLA MA DANG, ,DBYER MED MA GCIG LABS KYI SGRON MA LA, ,DKON MCHOG GSUM GYIS BSKOR NAS BZHUGS PAR GYUR, CES SKYABS YUL GSAL BTAB STE, SKYABS 'GRO'I RGYU GNYIS DANG LDAN PAS, PHAt: DENG NAS JI SRID BYANG CHUB SNYING PO'I BAR, ,BLA MA DKON MCHOG GSUM LA SKYABS SU MCHI, ,MAR GYUR SEMS CAN KUN GYI DON GYI PHYIR, ,RDZOGS SANGS RGYAS KYI GO 'PHANG THOB PAR BYA, ,ZHES LAN GSUM GYIS SKYABS 'GRO SEMS BSKYED DANG, SEMS CAN THAMS CAD BDE DANG LDAN PA DANG, ,SDUG BSNGAL DANG BRAL SDUG BSNGAL KUN MED PA'I, ,BDE DANG MI 'BRAL NYE RING CHAGS SDANG DANG, ,BRAL BA'I BTANG SNYOMS MCHOG LA GNAS PAR GYUR, CES TSAD MED BZHI DANG, MA SEMS CAN THAMS CAD KYI DON DU MYUR BA MYUR BAR BLA MA SANGS RGYAS KYI GO 'PHANG THOB PAR BYA, DE'I PHYIR DU LAM ZAB MO SPYOD KYI SNYING PO NYAMS SU BLANG BAR BGYI'O, ,ZHES LAN GSUM GYIS KHYAD PAR GYI SEMS BSKYED RNAMS RGYUD DANG 'DRES NGES BYAS RJES, SKYABS YUL RNAMS RANG LA THIM PAS BYIN GYIS BRLABS PAR GYUR, CES BRJOD PAR BYA'O, ,GNYIS PA SKU GNYIS KYI LAG RJES 'JOG BYED TSOGS GNYIS GSOG PA LA GNYIS, THUN MONG BA GZUGS SKU'I LAG RJES 'JOG BYED

, ,BSOD NAMS KYI TSOGS GSOG PA DANG, THUN MONG MA YIN PA CHOS SKU'I LAG RJES 'JOG BYED RANG BZHIN MED PAR BSGOM PA'O, ,DANG PO NI, PHAt: RANG GI SPYI BOR PAD NYIR GDAN STENG, ,NGO BO RANG GI RTZA BA'I BLA MA DANG, ,DBYER MED MA GCIG LABS KYI SGRON MA LA, ,RNAM PA BCOM LDAN RDO RJE PHAG MO NI, ,SKU MDOG DMAR MO ZHAL GCIG PHYAG GNYIS MA, ,PHYAG GA-YAS GRI GUG GA-YON PAS THOD KHRAG 'DZIN, ,MCHAN KHUNG KHA t'Am GA YIS MDZES PAR BRGYAN, ,KHRO CHAGS SPYAN GSUM MCHE BA CUNG ZAD GTZIGS, ,SKRA GROL GCER MO RUS PA'I RGYAN DRUG GSOL, ,'OD DANG GZI BRJID 'BAR BA'I DBUS NYID NA, ,GA-YAS BRKYANGS GA-YON BSKUMS GAR STABS KYIS BZHUGS PA'I, ,SPYI BOR AOm DKAR MGRIN PAR AA: DMAR PO, ,THUGS KAR H'Um SNGON H'Um GI 'OD ZER GYIS, ,RANG BZHIN GNAS NAS BLA MA MKHA' 'GRO MAR RDO RJE PHAG MO LA, ,DKON MCHOG GSUM GYIS BSKOR BA SPYAN 'DREN NA, ,'KHOR BCAS THOGS MED GNAS 'DIR GSHEGS SU GSOL, PHAt: CHOS DBYINGS DAG PA'I PHO BRANG NAS, ,SGYU 'PHRUL DRA BA'I SKUR STON PA, ,GNAS GSUM MKHA' 'GRO'I DBANG PHYUG MA, ,BRTZE BAR DGONGS LA GNAS 'DIR BSHEGS, ,DZA: H'Um BAm HO: DBYER MED RO GCIG

GYUR, ,SLAR YANG 'OD 'PHROS ZHI KHRO RAB 'BYAMS RNAMS, ,SPYAN DRANGS SPYI BO'I BLA MA LHA LA THIM, ,DE NYID SKYABS GSUM KUN 'DUS NGO BOR GYUR, ,SLAR YANG 'OD ZER LCAGS KYU ZHAGS PA DANG, ,LCAGS SGROG DRIL BU'I RNAM PA DPAG MED 'PHROS, ,GNOD BYED GTZO BYAS RIGS DRUG SNYING GA NAS, ,LCAGS KYUS BZUNG ZHING MGRIN PA ZHAGS PAS BCINGS, ,YAN LAG LCAGS SGROG DAG GIS DAM DU BSDAMS, ,DRIL BU'I SGRA YIS DBANG DU BSDUS GYUR NAS, ,SA YI DREG PA CHAGS PA JI BZHIN DU, ,RANG GI MTHA' SKOR DAG TU 'KHOD PAR GYUR, ,CES TSOGS ZHING GSAL BTAB NAS, PHAt: LHUN GRUB SPROS DANG BRAL BA'I CHOS KYI DBYINGS, ,BDE CHEN LONGS SPYOD RDZOGS PA'I ROL BA LAS, ,SNA TSOGS DU MAR SPRUL PA'I d'A KI MA, ,BCOM LDAN (SANGS RGYAS MKHA' 'GRO) RDO RJE PHAG MO LA PHYAG 'TSAL, ,BDE STONG LHAN CIG SKYES PA NAM MKHA'I KLONG, ,ZAG MED BDE BA BSKYED PA'I MCHOD PA'I SPRIN, ,PHUN TSOGS RNAM 'GYUR STONG GI RNAM ROL CAN, ,MA LUS DGYES PA BSKYED PHYIR KHYED LA 'BUL, ,CHOS KUN RANG BZHIN MKHA' LTAR RNAM DAG KYANG, ,THOG MED MA RIG 'KHRUL PA'I BAG CHAGS KYIS, ,RMI LAM BZHIN DU NONGS PA'I TSOGS MCHIS PA, ,BRJOD BRAL RANG BZHIN DAG PA'I DBYINGS SU BSHAGS, ,SMRA

, ,BSAM BRJOD LAS 'DAS PA DAM PA'I DON, ,DGE DANG MI DGE'I MTSAN MA MI MNGA' YANG, ,KUN RDZOB ZLA SHAL LTAR DKAR RTEN 'BREL LA, ,BDAG CAG BSAM PA DAG PAS YI RANG NGO, BDEN PAS STONGS YANG BRAG CHA'I SGRA SNYEN BZHIN, ,BDAG SOGS 'GRO LA KUN TU BZANG PO'I LAM, ,'DOMS PHYIR JI SRID PHA MTHA' MI MNGON PA'I, ,BGRANG YAS BSKAL PA'I BAR DU BZHUGS SU GSOL, ,DE LTAR SNANG STONG TSOGS PA'I ROL PA LAS, ,'ONGS PA'I BSOD RNAMS PHUNG PO JI SNYED PA, ,BDEN MED 'GRO BA MA LUS BSGRAL BA'I PHYIR, ,ZUNG 'JUG RDO RJE 'CHANG GI RGYU RU BSNGO, ,(ZHES YAN LAG BDUN PA PHUL NAS), PHAt: BLA MA'I SKU GSUM THUGS KYI BYIN RLABS RNAMS, ,SKU YI CHA LAS BDUD RTZI'I RNAM PAR BABS, ,RANG GZHAN SEMS CAN LUS SEMS LA ZHUGS PAS, ,SDIG SGRIB NANG GDON CHAGS GO THAMS CAD DAG ,PHAt: RANG LUS DBUS SU DBU MA SBA LCAG TZAM, ,LTE BA NAS BZUNG SPYI BOR THAL GYIS ZUG ,LTE BAR RANG SEMS THIG LE COG SGONG TZAM, ,DKAR 'TSER 'PHAR LA 'PHUR LA KHAD PAR GYUR, , PHAt: RANG SEMS LTE BA NAS THON SNYING GAR SLEBS, ,PHAt: SNYING GA NAS THON MGRIN PA'I GNAS SU SLEBS, ,PHAt: MGRIN PA NAS THON SPYI BO'I GTZUG TU SLEBS, ,PHAt: SPYI BO NAS THON BLA MA'I THUGS

KAR THIM, ,PHAt: RANG LUS RNYING PA SHING SDONG BCAD PA BZHIN, ,LING GIS 'GYEL BAS STONG GSUM GANG BAR GYUR, ,PHAt: SLAR YANG RANG SEMS BLA MA'I THUGS KA NAS, ,MKHA' 'GRO GRI THONG 'DZIN PA'I RNAM PAR THON, ,PHAt: GRI GUG 'BAR BAS PHUNG PO RNYING PA DE'I, ,SPYI BO NAS BZUNG GSUM PHRAG PAR DU GSHAGS, ,PHAt: SNYING GA NAS BZUNG LAG GA-YAS RTZE'I BAR GSHAGS, ,PHAt: SNYING GA NAS BZUNG LAG GA-YON RTZE'I BAR GSHAGS, ,PHAt: GSUM PHRAG NAS BZUNG RKANG GA-YAS RTZE'I BAR GSHAGS, ,PHAt: GSUM PHRAG NAS BZUNG RKANG GA-YON RTZE'I BAR GSHAGS, ,PHAt: PAGS PA SBUD DE BSHUS NAS CHAL TE BKRAMS, ,RGYA NI STONG GSUM KHYON DANG MNYAM PAR GYUR, ,PHAt: PHAGS PA RAB MDZES GSER GYIS GZHI'I STENG, ,KHRAG CHEN BDUD RTZI'I CHU YIS CHAG CHAG BTAB, ,SHA KHRAG ME TOG PHANG PHUNG TSOM BUR GYUR, , YAN LAG RNAMS LAS GLING CHEN BZHI DANG NI, ,NYID LAG GLING PHAN BRGYAD DU GYUR PA'I DBUS, ,KHOG PA RIN CHEN RDUL MANG BRTZEGS PA'I RTZER, ,MGO BO RNAM PAR RGYAL BA'I KHANG BZANG MDZES, ,MIG GNYIS MUN SEL NYI MA ZLA BA DANG, ,SNYING NI YID BZHIN NOR BU RIN PO CHE, ,DBANG PO NANG KHROL YONGS SU GYUR PA LAS, ,LHA MI'I 'DOD YON DPAL 'BYOR PHUN SUM TSOGS, ,PHAt: 'DOD DGU'I RGYA MTSO MAndAL BZANG

, ,PO 'DI, ,RTZA BRGYUD BLA MA YI DAM LHA TSOGS DANG, ,SANGS RGYAS BYANG SEMS DPA' BO RNAL 'BYOR MA, ,BSTAN SRUNG RGYA MTSOR BCAS LA LEGS 'BUL NA, ,THUGS RJES BZHES NAS BYIN RLABS DNGOS GRUB STZOL, ,ZHES MAndAL PHUL TE, PHAt: MKHA' MNYAM MA RGAN DRIN CAN 'DI DAG KUN, ,NYON MONGS KYIS SMYO GTI MUG MUN PAS BSGRIBS, ,NYES SPYOD DBANG GIS SPYIR GYI 'KHOR BA DANG, ,KHYAD PAR 'JIGS RUNG NGAN 'GRO'I ME NANG DU, ,SREG CING BSREG LA PHYOGS RNAMS SGROL BA'I KHUR, ,THOG MED DUS NAS GCES PAR BSKYANGS PA'I BU, ,BDAG LA PHAB PHYIR RANG NYID YAL DOR NAS, , MA RNAMS GCES PAR BZUNG STE PHAN BDE DANG, ,SPANG NAS SDUG BSNGAL RGYU BCAS LAS PHRAL TE, ,STOBS BCU'I DPAL LA BDAG GIS DGONG BAR BYA, ,DE PHYIR MYUR DU BLA MA SANGS RGYAS KYI, ,GO 'PHANG RIN CHEN BSGRUB CING KHYAD PAR DU, ,SNGON NAS DA BAR GRANGS MANG LUS BLANGS KYANG, ,MAR GYUR 'GRO LA CI YANG MA PHAN PAS, ,DA RES LUS 'DIS GNOD BYED KYIS MTSON PA'I, ,'GRO LA PHAN PAR BLA MAS BYIN GYIS RLOBS, ,ZHES BRJOD CING MDUN GYI NAM MKHAR BLA MA LHA'I TSOGS BZHUGS GNAS DANG BCAS PA GSAL BTAB LA, PHAt: SKU GSUM MNGON GYUR KHYAB BDAG RDO RJE 'CHANG, ,ZAG MED BDE

BA STER MDZOD RDO RJE BTZUN MA, ,RGYAL SRAS THU BO RJE BTZUN MKHYEN PA'I GTER, ,GSOL BA 'DEBS SO BDAG RGYUD BYIN GYIS RLOBS, ,GRANGS MED RGYAL BA KUN GYI THUGS RJE NI, ,GCIG TU BSDUS PA SKAL BZANG SKYE DGU'I GNYEN, ,DBANG PHYUG BRGYAD LDAN BLO BZANG GRAGS PA'I DPAL, ,GSOL BA x, KUN MKHYEN GNYIS PA 'JAM DPAL RGYA MTSO DANG, ,GDAMS PA'I MCHOG MDA' CHOS KYI RGYAL MTSAN ZHABS, ,RDO RJE'I SKU BRNYES CHOS KYI RDO RJE LA, ,GSOL BA x, ,RDO RJE 'CHANG DNGOS BLO BZANG DON GRUB DANG, ,DE SRAS MKHAS GRUB SANGS RGYAS YE SHES ZHABS, ,THAMS CAD MKHYEN PA BLO BZANG CHOS RGYAN LA, ,GSOL BA x GRUB PA MCHOG BRNYES BLO BZANG DAM CHOS DANG, ,LHA MI'I 'DREN MCHOG BLO BZANG YE SHES ZHABS, ,GCOD YUL MTHAR PHYIN 'PHRIN LAS CHOS 'PHEL LA, ,GSOL BA x GRUB PA'I DBANG PHYUG BLO BZANG RNAM RGYAL DANG, ,YONGS 'DZIN DAM PA YE SHES RGYAL MTSAN ZHABS, ,SLU MED SKYABS MCHOG DGE 'DUN BZANG PO LA, ,GSOL BA x SKU GSUM GO 'PHANG BDE BA CHEN PO'I GNAS, ,YID LA DRAN PA TZAM GYIS STZOL MDZAD PA, ,RTZA BA'I BLA MA RJE BTZUN RNAL 'BYOR MAR, ,GSOL BA x RTZA BRGYUD BLA MA YI DAM LHA TSOGS DANG, ,SKYABS KYI MCHOG GSUM DPA' BO MKHA' GRO MA,

, ,MTHU LDAN BKA' SRUNG RGYA MTSOR BCAS PA LA, ,GSOL x BSHES GNYEN DAM PA TSUL BZHIN BSTEN PA DANG, ,DAL 'BYOR DON CHE RNYED PAR DKA' BA DANG, ,MYUR DU 'JIG PAR SLA BA'I TSUL RTOGS NAS, ,TSE 'DI BLO YIS THONGS PAR BYIN GYIS RLOBS, ,'KHOR BA'I NGANG TSUL ME 'OBS LTAR MTHONG NAS, ,BDAG GZHAN BRJE BA'I BYANG CHUB SEMS MCHOG GIS, ,SGYU MA'I PHUNG PO ZAN DU BSGYUR BA DANG, ,GNYAN SA RI KHROD 'GRIMS PAR x BDAG MED GNAS LUGS RTOGS PA'I YE SHES KYIS, ,NYES BRGYA'I RTZA BA DRUNG NAS 'BYIN PA DANG, ,THABS SHES SPYOD KYI NYAMS LEN MTHAR PHYIN TE, ,BDUD BZHI RANG SAR ZHI BAR x, DE LTAR GDUNG SHUGS DRAG POS GSOL BTAB PAS, ,BLA MA'I SKU GSUNG THUGS KYI BYIN RLABS RNAMS, ,SKU YI CHA LAS BDUD RTZI'I RNAM PAR BABS, ,RANG GZHAN LUS ZHUGS SDIG SGRIB THAMS CAD DAG ,PHAt: RANG LUS DBUS SU DBU MA SBA LCAG TZAM, ZHES PA NAS, RGYA NI STONG GSUM KHYON DANG MNYAM PAR GYUR, ,PHAt: KLAD PA KHU BA LA SOGS DVANGS MA RNAMS, ,'DOD YON LNGA LDAN MCHOD SPRIN RGYA MTSOR GYUR, ,AOm A'A: H'Um, (LAN GSUM BRJOD NAS BYIN GYIS BRLABS TE), PHAt: RANG BZHIN BDE STONG NGANG NYING LAS, ,BYUNG BA'I YID 'ONG MCHOD PA'I TSOGS, ,ZAG MED BDE STER

RGYA MTSO 'DI, ,RTZA BRGYUD BLA MA YI DAM LHA, ,SANGS RGYAS BYANG CHUB SEMS DPA'I TSOGS, ,DPA' BO RNAL 'BYOR MA RNAMS DANG, ,BSTAN SRUNG RGYA MTSOR BCAS RNAMS LA, ,GUS PAS 'BUL LO BRTZE BAS BZHES, ,PHAt: TSIGS MA SHA KHRAG RUS PAS STONG GSUM GYI, ,KHYON KUN GANG BA'I DBUS SU RANG SEMS KYI, ,NGO BO GRI THOD 'DZIN PA'I MKHA' 'GRO MAS, ,GRI GUG 'BAR BAS PHYOGS BCUR GA-YAB BZHIN DU SRID RTZE NAS BZUNG MNAR MED DMYAL BA'I BAR, ,GNAS PA'I SRID GSUM GDON BGEGS 'BYUNG PO'I TSOGS, ,LHA KLU BTZAN BDUD GZA' DMU SRIN PO DANG, ,DKOR BDAG MA MO SPYI DANG KHYAD PAR DU, ,RANG LA GNOD BYED PHO GDON RGYAL PO DANG, ,MO GDON SEN MO LA SOGS LHA 'DRE'I TSOGS, ,MA PHOS MA MTHONG MA SLEBS MA ZER BAR, ,MYUR BA MYUR BAR 'DIR TSOGS 'DIR 'DUS SHIG ,PHAt: SGYU MA'I LUS 'DI SPYIR GYI 'GRO KUN DANG, ,SGOS SU CHOS MDZAD YANG SGOS BLA MA YI, ,GLUD DU 'BUL ZHING KHYAD PAR KHYED RNAMS KYI, ,DON DU SANGS RGYAS GO 'PHANG THOB BYA'I PHYIR, ,DON MCHOG SRI ZHU'I MGRON LA MCHOD PAR 'BUL, ,MGON PO YON TAN MGRON LA GTANG RAG GTONG, ,RIGS DRUG SNYING RJE'I MGRON LA SBYIN PA DANG, GDON BGEGS LAN CHAGS 'GRON LA BU LON 'JAL, ,PHAt: SHA LA DGA' BA

, ,RNAMS KYIS SHA ZO ZHIG KHRAG LA DGA' BA RNAMS KYIS KHRAG 'THUNGS SHIG ,MDOR NA RUS PA CHIL BU RKANG MAR DANG, ,NANG KHROL DBANG PO TSE SROG BKRAG MDANGS DANG, ,GZI BRJID LA SOGS RANG RANG GANG 'DOD PA, ,DE DANG DE DAG CI BDER LONGS SU CHOD, ,PHAt: PHAt: PAGS PA DUM BUR GTUBS PA ZAS GOS DANG, ,YO BYAD GNAS MAL NOR 'BRU RIN CHEN SOGS, ,CI 'DOD DNGOS POR GYUR PA KHYER NAS NI, ,NAM MKHA'I MTHONGS DANG GSER GYI SA GZHI'I GTING, ,RI RTZE LUNG NANG CHU GZHUNG RGYA MTSO'I KLONG, ,DKAR DMAR BRAG DANG RTZI SHING NAGS KYI GSEB, ,TSONG DUS LHA KHANG DKOR KHANG LA SOGS PA, ,RANG RANG SO SO'I GNAS SU DA SONGS SHIG PHAt: (CES BRJOD PAR BYA'O), ,GNYIS PA MTHUN MONG MA YIN PA CHOS SKU'I LAG RJES 'JOG BYED RANG BZHEN MED PAR BSGOM PA NI, RIN CHEN 'PHRENG BA LAS, BAR PA BAR DU MNON NA, ,DPA' BO LAG GI MTSON SHOR 'DRA, ZHES GSUNGS PA LTAR, SPYIR MCHOD SBYIN GYI 'KHOR GSUM SOGS CHOS THAMS CAD RANG BZHIN GYIS STONGS PA'I SNANG STONG SGYU MA LTA BU'I NYAMS DANG SKABS THAMS CAD DU MA BRAL BA DGOS SHING KHYAD PAR, PHYI MA PHYI RU MA NON NA, ,KHYI NGAN DAG GIS RJES BSNYEGS 'DRA, ,ZHES GSUNGS PA LTAR, MJUG 'DIR LTA BA'I RGYAS 'DEBS NAN TAN

DU BYA DGOS PAS, PHAt: SBYIN BYA'I RDZAS DANG SBYIN YUL DANG, ,SBYIN PA PO RNAMS RANG BZHIN GYIS, ,GRUB PA RDUL TZAM MED PA LA, ,NGES SHES DRANGS LA MNYAM GZHAG BYA, ,DE YANG SBYIN PA PO YID, ,RANG BZHIN GYIS NI MA GRUB STE, ,GRUB NA RTEN GZHI BEM RIG DANG, ,GCIG DANG THA DAD GANG DU GRUB, ,DE GNYIS LAS GZHAN GRUB MI SRID, ,GCIG NA RTEN GZHI BEM RIG GNYIS, ,'BRAL MI NUS TE RANG BZHIN GYIS, ,GRUB PA'I NGA DANG GCIG YIN PHYIR, ,THA DAD NA NI BEM RIG GNYIS, ,PHRAL RJES 'DI ZHES BZUNG RGYU ZHIG ,YONG DGOS PA LAS MED PA'I PHYIR, ,RANG BZHIN MED PAR THAG BCAD BYA, ,PHAt: MCHOD BYIN 'KHOR GSUM RMI LAM SGYU MA DANG, ,CHU ZLA BZHIN DU SNANG YANG BDEN PAS STONG, ,PHAt: BDEN MED SPROS BRAL NAM MKHA' LTA BU'I NGANG, ,DBYINGS RIG DBYER MED STONG PA'I NGANG DU GYUR, ,PHAt: PHAt: PHAt: (CES BRJOD DE), TSOGS ZHING SOGS SNANG BA THAMS CAD 'OD KYI RNAM PAR RJES ZHIG GI RIM PAS BSDUS NAS SNANG NGOR STONG NYAMS NAM MKHA' LTA BU DANG, NGES NGOR RANG BZHIN MED PAR NGES PA'I NGES SHES DAM SGRING NGE BA'I KHYAD PAR GNYIS LDAN GYI NGANG DU MNYAM PAR 'JOG CI THUB BYA'O, ,GSUM PA BSAGS PA'I DGE BA RNAMS CHUNG MI ZA BA'I PHYIR BYANG CHUB CHEN POR BSNGO BA NI, STONG PA'I NGANG LAS DAG PA'I RNAM ROL TU LANGS LA GNAS

, ,SKABS DANG MTHAR THUG TU DGE BA'I BSNGO BA DANG SMON LAM RNAM PAR DAG PA GDAB BO, ,BZHI PA GANG NYAMS SU BLANGS PA LA BRTEN NAS TSAR LHONGS JI LTAR 'BYUNG TSUL NI, LCANG SKYA RIN PO CHES, DE LTAR NYAMS SU BLANGS PA YIS, ,DNGOS NYAMS RMI LAM CI RIGS PAR, ,'BYUNG POS 'JIGS SKRAG BSKYED PA SOGS, ,CHO 'PHRUL BYUNG NA PHYI YI LHONGS, ,NA TSA BYUNG NA NAD GI LHONGS, ,NYON MONGS 'PHEL CHES, DE LTAR NYAMS SU BLANGS PA YIS, ,DNGOS NYAMS RMI LAM CI RIGS PAR, ,'BYUNG POS 'JIGS SKRAG BSKYED PA SOGS, ,CHO 'PHRUL BYUNG NA PHYI YI LHONGS, ,NA TSA BYUNG NA NAD GI LHONGS, ,NYON MONGS 'PHEL SOGS GSANG BA'I LHONGS, ,DE RJES DE DAG RIM PA BZHIN, ,DNGOS NYAMS RMI LAM CI RIGS PAR, ZHI BA'I MTSAN MA MTHONG GYUR NA, ,PHYI NANG GSANG BA'I TSAR TSAD YIN, ,DE RJES DNGOS NYAMS RMI LAM DU, ,MI MIN BSNYEN BKUR BYED PA DANG, ,LUS LAS MI GTZANG THON PA DANG, ,DGE LA SPRO ZHING NYAMS RTOGS 'PHEL, ,NYON MONGS BRI RNAMS RIM PA BZHIN, ,PHYI NANG GSANG BA'I CHOD TSAD YIN, ,'DI DAG 'ONG DU MI RE ZHING, ,BYUNG YANG RLOM SEMS BYA MI RUNG, ZHES GSUNGS PA LTAR RO, ,DE DAG NI SEMS CAN PHA MAR BSGOMS NAS BYANG CHUB KYI SEMS BSKYED DE SHA KHRAG STER BA'I TSUL DMAR 'GYED DU GRAGS PA'I NYAMS LEN YIN CING, YANG SEMS CAN YI DAM DU BSGOMS NAS DNGOS GRUB ZHU BA'I TSUL DKAR 'GYED DU GRAGS PA'I NYAMS LEN BYED PAR 'DOD NA THOG MAR SKYABS 'GRO SEMS BSKYED SOGS

SNGAR LTAR LA, TSOGS ZHING BSKYED SKABS, PHAt: RANG GI SPYI BOR PADMA ZLA BA'I STENG, ,NGO BO RANG GI RTZA BA'I BLA MA DANG, ,DBYER MED MA GCIG LABS KYI SGRON MA LA, ,RNAM PA SANGS RGYAS RIGS KYI MKHA'I 'GRO NI, , DKAR DMAR MDANS CHAGS ZHAL GCIG PHYAG GNYIS MA, ,PHYAG GA-YAS SENG LDENG d'A MA RU 'KHROL ZHING, ,GA-YON PA DNGUL DKAR DRIL BU GSIL LI LI, ,DBU SKRA PHYED BCINGS LHAG MAS SKU STOD KHEBS,, 'DZUM SGEG NYAMS LDAN DAR GYI NA BZA' GSOL, ,'OD DANG GZI RJID 'BAR BA'I DUS YID NA, (ZHES PA NAS, YAN LAG BDUN PA MAndAL BRGYUD 'DEBS SOGS PHAL CHER SNGAR BZHIN BYAS RJES, PHAt: SLARR YANG RANG SEMS BLA MA'I THUGS KA NAS, ,MKHA' 'GRO GI GUG 'DZIN PA'I RNAM PA CAN, ,SKAR MDA' CHAD PA BZHIN DU RGYANGS TE THON, ,PHUNG PO RNYING PA'I STENG DU 'KHOD PAR GYUR, PHAt: SNOD KYI 'JIG RTEN DAG PA'I GZHAL YAS KHANG, ,'DRE GDON LA SOGS BCUD KYI SEMS CAN RNAMS, ,LHA DANG LHA MO'I RANG BZHIN DU GYUR PA'I, ,GNAS GSUM YI GE GSUM GYIS MTSAN PAR GYUR, ,RANG RANG THUGS KA'I H'Um YIG 'OD ZER GYIS, ,RANG BZHIN GNAS NAS RANG RANG YE SHES BA, ,SPYAN DRANGS RANG RANG DAM TSIG PA LA THIM, ,DZA: H'Um BAm HO: DBYER MED RO GCIG GYUR, RANG LUS RNYING PA SA 'DZIN DBANG PO LTAR, ,CHE

, ,ZHING DKAR LA DMAR BA'I BKRAG MA DANGS CAN, ,TSO LA SNAM ZHING YID DU 'ONG BA DANG, ,MA RNYING MA RUL SO MA NYID DU GYUR, ,DE YI MDUN DU YAm LAS RLUNG DKYIL DANG, ,DE STENG RAm LAS ME YI DKYIL 'KHOR DANG, ,DE STENG A'A: LAS MI MGO'I SKYID BU NI, ,RI RAB LHUN PO LTA BU GSUM DU GYUR, ,PHAt: RANG SEMS MHA' 'GROS GRI GUG 'BA BA YIS, ,PUNG PO RNYING PA'I THOD PA LING BKOG NAS, ,SKYE DBU'I STENG DU DAMR TZAR GYIS BKAL BA, ,RGYAN STONG GSUM KYON LTA YANGS BAR GYUR, ,PHUNG PO RNYING BA DE YI NANG BCUG NAS, ,GRI GUG 'BAR BAS DU MA BU DUM BUR GTABS, ,GA-YAS BSORR DAG TU THEN GSUM DKRUGS NAS NI, ,LUNG GA-YOS ME SPARR TTHOD PA'I RDZAS RNAMS ZHU, ,BLANGS PAS PHYOGS BCU'I DE BZHIN GSHEGS PA YI, ,SU GSUNG THUGS KYI BYIN RLABS YE SHES YI, ,BDUD RTZI'I RNAM PAR DPAG TU MED PAR KUG ,THOD PAR BABS PAS DRI MA THAMS CAD SBYANGS, ,KHA DOG DRI RO PHUN SUM TSOGS PA YI, ,NA BA MED PA SMAN GYI BDUD TZI DANG, ,'CHI BA MED PA TSE YI BDUD RTZI DANG, , ZAG MED YE SHES BDUD RTZI'I RGYA MTSOR GYUR, ,AoM A'A: H'Um, (LAN GSUM RJOD NAS BYIN GYIS BRLABS LA), MGRON RNAMS KYI LJAGS RDO RJE'I 'OD ZER GYI SBU GUS DRANGS TE GSOL BAR GYUR, (CES RJOD NAS), ,

RANG SEMS MKHA' 'GRO'I THUGS KA NAS RANG 'DRA'I MHA' 'GRO PHYAG NA THOD PA THOGS PA DPAG TU MED PA SPROS TE, DE RNAMS KYIS THOD BAS BDUD RTZI LUM LUM BCUS TE MGRON RNAMS LA PHUL BAR BSAM NAS, PHAt: RANG BZHIN BDE STONG DANG LAS BYUNG BA YI, ,ZAG MED YE SHES BDUD RTZI'I TSOGS MCHOD 'DI, ,BLA MA YI DAM SANGS RGAYS BYANG SEMS DANG, DPA' BO MHA' 'GRO CHOS SKYONG SRUNG TSOGS DANG, ,PHYOGS SKYONG DREGS PA SDE BRGYAD DANG, ,TSE RING MCHED LNGA BSTAN MA BCU GNYIS DANG, ,YUL LHA GZHI BDAG 'KHOR BCAS LA SOGS PA, ,MDOR NA 'DIR GSHEGS 'GRON RNAMS KUN LA 'BUL, ,DGYES SHING TSIMS NAS RANG RANG THUGS RGYUD LA, ,ZAG MED BDE BA 'KHRUNGS TE SKU'I CHA LAS, ,BDUD TZI'I RGYUN BABS BDAG GI GNAS SNGAR THIM, ,SGO GSUM RDO RJE GSUM GYI NGO BOR GYUR, CES BRJOD CING MJUG TU MI DMIGS PAS RGYAS 'DEBS SOGS KYANG GONG BZHIN BYA LA CUNG ZAD SPRO NA, SKYABS SEMS DANG RING BRGYAD GSOL 'DEBS THAR 'DOD DED DPON MA BZHIN BYA ZHING GSAN RGYUN YONGS 'DZIN RIN PO CHE BLO BZANG SUL KHRIMS KYI LTAR BYED NA, SLU MED SKYABS MCHOG BLO BZANG CHOS RGYAN LA, ,GSOL BA x NAM MKHA' RDO RJE RIN CHEN DON GRUB DANG, ,GRUB PA'I

, ,DBANG PHYUG DGE LEGS RGYA MTSO'I ZHABS, ,DPAL LDAN MHA DO BLO BZANG SGOM CHUNG LA, ,GSOL x KHYAD PAR RGYAL BA KUN 'DUS RDO RJE 'CHANG, ,RJE BTZUN KHYAB BDAG NGAG DBANG BYAMS PA DANG, ,GRUB DBAN GTZUG RGYAN BLO BZANG BZOD PA LA, ,GSOL X ZUNG 'JUG NGON GYUR DPAL LDAN YE SHES DANG, ,THUGS SRAS MKHAS GRUB YE SHES TSUL KHRIMS ZHABS, ,GCOD YUL MTHAR SON SH'I LA'I MTSAN CAN LA, ,GSOL BA x ZHES BRJOD PAR BYA'O, ,ZHES PA 'DI NI PHUL BBYUNG GSER GYI 'PHRENG BA, GCOD GZUNG MTHA' YAS RGYA MTSO, ,SPYOD YUL STAN THOG GCIG MA, GSANG SPYOD RMI LAM MA, RGOD PHRUG RAS PA'I GCOD 'KHRID, LHA BTZUN BLO BZANG RDO RJE'I GCOD GZHUNG LE TSAN, LCANG SKYA RIN PO CHE'I GCOD GZHUNG, GRUB DBANG BLO BZANG RNAM RGYAL GYI GCOD GZHUNG THAR 'DOD DED DPON MA'I t'IKAK TSIG DON RAB TU GSAL BA'I SGRON MI, YONGS 'DZIN PAndI TA CHEN PO'I GCOD GZHUNG DONGS PA RAB GSAL DANG COD 'KHRID RIN CHEN SGRON MA, YONGS 'DZIN RIN PO CHE BLO BZANG TSUL KHRIMS DPAL BZANG PO'I GCOD GZHUNG THAR 'DOD DED DPON MA'I DGONGS PA RAB TU GSAL BA'I ME LONG DANG DKAR 'GYED KYI CHOG BSGRIGS SOGS DAM PA DU MA'I GZHUNG

SPYI DANG KHYAD PAR SU DH'I ? MANGGA'I MTSAN CAN GYIS MDZAD PA'I LAM ZAB MO KU SU LU'I TSOGS GSOG DKAR 'GYED KYI NGAG 'DON ZHES BYA BA'I LEGS BSHAD RMAD DU BYUNG BA DE LA BRTEN NAS GCOD GZHUNG THAR 'DOD DED DPON MA'I DGONGS ZAB PHYOGS TZAM RTOGS PA'I SH'AKYA'I DGE SLONG DBANG PHYUG CHOS BZANG GIS RANG GI NYAMS LEN DU LCAGS SPRE SNON GYI ZLA BA'I YAR TSES RGYAL BA DANG PO'I NYIN BZHAD DNGUL CHU RI KHROD DGA' LDAN RTZE'I BSTI GNAS SU BRIS PA AA TI GUPTA KURWANTU,, ` (GCOD KYI SMON LAM MDOR BSDUS BZHUGS SO ),, ` NA MO GU RU DE BA DH'A KI NI'I BHYA: DE LTAR SNANG STONG SGYU MA'I RNAL 'BYOR GYIS, ,THABS SHES ZUNG 'BREL LAM BZANG LA 'BAD PA'I, ,TSOGS GNYIS ZLA ZER 'THUNGS PA'I KUNDA LTAR, ,RAB DKAR KUN GSAL PHA MTHA' 'CHING BA DES, ,SKYE 'PHRENG KUN TU DAL BRGYAD 'BYOR BCU'I RTEN, ,THOB CING BSHES GNYEN DAM PAS RJES BZUNG STE, ,TSANG LA MA NOR MDO SNGAGS LAM RIM DON, ,RNYED NAS SGRUB PA SNYING POR BYED PAR SHOG ,KHYAD PAR ZAB LAM BCOD KYI NYAMS LEN LA,, THOS DANG BSAM PAS SGRO 'DOGS LEGS CHOD NAS, ,'DI SNANG ZHEN MED 'GRO LUGS RNAM PA BZHIS, ,'JIGS RUNG GNYAN KHROD 'GRIM PA'I GDENGS LDAN SHOG ,DER NI ZIL GNON TING 'DZIN RNAM

, ,GSUM GYIS, ,GNAS DANG LHA 'DRE BDAG NYID DPA' BKONG STE, ,SKYABS SEMS TSAD MED BZHI LDAN NYAMS BSTAR BAS, ,BSTAN DANG THEG MCHOG CHOS SGOR TSUD PAR SHOG PHUL BYUNG ZHING GI DAM PA BLA MA LHAR, ,DAD CING GUS PAS RNAM BDUN MAndAL BCAS, ,PHUL NAS GDUNG SHUGS DRAG POS GSOL BTAB MTHUS, , SGRIB BYANG TSOGS RDZOGS BYIN RLABS 'JUG PAR SHOG ,'GRO KUN DRIN CAN PHA MAR NGO SHES NAS, ,BDAG GZHAN BRJE BA'I BYANG CHUB SEMS MCHOG GIS, ,CES SHING PHANGS PA'I SHA KHRAG PAGS RUS TSOGS, ,BYIN PAS TSIM ZHING DRIN LAN KHYER BAR SHOG ,'DRE GDON BLA MA LHA YI RNAM 'PHRUL DU, ,TSOGS NAS BEM LUS ZAG MED YE SHES KYI, ,BDUD RTZIR BSGYUR TE PHUL BAS RAB DGYES NAS, ,BYIN RLABS DNGOS GRUB CHER GYIS TSIM PAR SHOG ,STON MCHOG ZAS GTZANG SRAS PO'I RJES ZHUGS TE, ,LUS DANG LONGS SPYOD DGE TSOGS NYAM THAG 'GROR, ,BTANG NAS SDIG SGRIB RGYU 'BRAS SNYING DBUS SU, ,BLANGS PAS GCES 'DZIN KHOD SKAN THON PAR SHOG ,CHOS BRGYAD SPROS PAS DBEN PA'I DUR KHROD DU, ,LHAN SKYES BDE STONG ROL PA'I GAR BSGYUR ZHING, ,RTEN 'BYUNG SKYE BA MED PA'I PHAt: KYI SGRAS, ,BDAG 'DZIN 'GONG PO'I KLAD PA 'GEM

PAR SHOG ,PHYI NANG GSANG BA'I TSAR LHONGS RNAM 'GYUR LA, ,RE ZHING DOGS PA'I 'KHU 'PHRIG RAB SPANGS TE, ,THABS SHES ZUNG 'BREL LAM BZANG RTZE GCIG TU, ,BSGOMS PAS BDUD BZHI'I GA-YUL LAS RNAM RGYAL SHOG ,MTSAN DPE'I SKU DANG RMAD BYUNG MKHYEN BRTZE'I THUGS, ,ZUNG DU 'JUG PA'I GO 'PHANG MNGON GYUR TSE, ,RANG NYID GANG LA GNAS PA'I PHUN TSOGS DER, ,MA RGAN 'DRE GDON MA LUS 'GOD PAR SHOG ,MCHOG GSUM BYIN RLABS DRANG SRONG BDEN MTHU DANG, ,CHOS NYID RNAM DAG RGYU 'BRAS MI BSLU ZHING, ,BDAG GI LHAG BSAM DKAR BA'I BDEN PA'I MTHUS, ,JI LTAR SMON BZHIN 'GRUB PA'I BKRA SHIS SHOG ,( CES ZAB LAM SPYOD KYI SMON TSIG MDOR BSDUS PA 'DI NI LCAGS SPRE SNON ? ZLA BA'I YAR TSES RGYAL BA DANG PO'I NYIN DGE SLONG DBANG PHYUG CHOS BZANG GIS THOL BYUNG DU BRIS ),,` ,,GCOD MDOR BSDUS RGYUN 'KHYER NYAMS SU LEN TSUL BZHUGS,, ` ,,NA MO GU RU DE WA d'A KI N'I BYA: 'DIR SPYOD MDOR BSDUS RGYUN 'KHYER NYAMS SU LEN TSUL NI, PHAt: MDUN GYI NAM MKHAR SENG KHRI PAD ZLA'I STENG, ,BLA MA YUM CHEN LABS KYI SGRON MA LA, ,RTZA BRGYUD BLA MA YI DAM DKON MCHOG GSUM, ,BSTAN SRUNG RGYA MTSOS BSKOR NAS BZHUGS PAR GYUR, CES SKYABS YUL GSAL BTAB

, ,NAS, BDAG DANG MKHA' MNYAM 'GRO BA MA LUS PA, ,RTZA BRGYUD BLA MA YI DAM LHA TSOGS DANG, ,SKYABS MCHOG SANGS RGYAS CHOS DANG DGE BDUN LA, ,BYANG CHUB SNYING PO'I BAR DU SKYABS SU MCHI, ,ZHES SKYABS 'GRO DANG, SDUG BSNGAL RGYA MTSOR BYING BA'I 'GRO BA RNAMS, ,BSGRAL PHYIR BYANG CHUB MCHOG TU SEMS BSKYED NAS, ,DUS GSUM BDE GSHEGS SRAS KYI SPYOD PA LA, ,ZHUM MED BSAM PA THAG PAS BSLAB PAR BGYI, ,ZHES SEMS BSKYED, DE NAS PHAt: RANG GI SPYI BOR PADMA NYID DKYIL STENG, ,BLA MA MCHOG DANG DBYER MED LABS KYI SGRON RNAM PA RDO RJE PHAG MO SKU MDOG DMAR, ,PHYAG GA-YAS GRI GUG GA-YON PAS THOD KHRAG 'DZIN, ,MCHAN KHUNG KHA TV'Am ? GA YIS LEGS PAR BRGYAN, ,KHRO 'DZUM MCHE GTZIGS RUS PA'I RGYAN GYIS MDZES, , GCER MO SKRA GROL 'OD ZER 'BAR BA'I DBUS, ,GA-YAS BSKUMS GA-YON BRKYANGS STABS BZHUGS GNAS GSUM DU, ,YI GE GSUM MTSAN H'Um YIG 'OD ZER GYIS, ,RANG BZHIN GNAS NAS RDO RJE RNAL 'BYOR MAR, ,ZHI KHRO RAB 'BYAMS TSOGS KYIS YONGS BSKOR BA, ,THOGS MED SPYAN DRANGS GNYIS SU MED PAR GYUR , ,SLAR YANG THUGS KA'I H'Um LAS 'OD ZER 'PHROS, ,GNOD

BYED GDON BGEGS RIGS DRUG SEMS CAN KUN, ,PADMA'I MTSO LA NGANG MO'I 'DU 'GOD LTAR, ,DBANG DU BSDUS TE RANG GI MTHA' SKOR 'KHOD, ,CES TSOGS ZHING GSAL GDAB, PHAt: BDE CHEN LHUN GRUB CHOS SKU'I ROL BA LAS, ,YID 'PHROG SGEG MOR SHAR BA'I MDZES SDUG GIS, ,KHAMS GSUM BRTAN PA 'PHROG PA'I DPAL YON CAN, ,BLA MA RDO RJE PHAG MO LA PHYAG 'TSAL, , PHYI NANG GSANG GSUM DE BZHIN NYID KYIS MCHOD, ,LUS NGAG YID GSUM SDIG SGRIB SO SOR BSHAGS, ,RNAM DKAR DUS GSUM DGE LA RJES YI RANG, ,'GRO LA THEG GSUM CHOS 'KHOR BSKOR DU GSOL, ,RTAG PA'I CHOS GSUM NGO BOR BZHUGS GSOL 'DEBS, ,DGE KUN SKU GSUM GO 'PHANG THOB PHYIR BSNGO, ,ZHES YAN LAG BDUN PA DANG, PHAt: PAGS PA DBANG CHEN GSER GYIS GZHI'I STENG, ,KHRAG ZHAG BDUD RTZI'I CHU YIS CHAG CHAG BTAB, ,RGYU MA LCAGS RI YAN LAG GLING BZHI'I DBUS, ,SGAL TSIGS RIN CHEN RDUL BRTZEGS LHUN POR GYUR, ,GA-YAS GA-YON MIG GNYIS NYI ZLA RNA BA GNYIS, ,GDUGS DANG RGYAL MTSAN SNYING NI YID BZHIN NOR, ,PHYI SHA NANG SHA YONGS SU GYUR PA LAS, ,LHA MI'I 'DOD YON DPAL 'BYOR PHUN SUM TSOGS, ,'DOD RGU'I RGYA

, ,MTSO MAndAL BZANG PO 'DI, ,BLA MA YI DAM SANGS RGYAS BYANG SEMS DANG, ,MTHU LDAN BSTAN SRUNG RGYA MTSOR LEGS 'BUL NA, ,THUGS RJES BZHES NAS BYIN RLABS DNGOS GRUB STZOL, ,CES MAndAL PHUL, DE NAS, PHAt: STON PA SANGS RGYAS RJE BTZUN 'JAM DBYANGS DANG, A'A R+YA DE WA PHA GCIG DAM PA SOGS, ,PHA RGYUD THABS KYI BRGYUD PA'I BLA MA LA, ,GSOL BA 'DEBS SO BDAG RGYUD BYIN GYIS RLOBS, ,YUM CHEN SHER PHYIN RJE BTZUN SGROL MA DANG, ,SU KHA SIDH'AI ? MA GCIG LABS SGRON SOGS, ,MA RGYUD SHES RAB BRGYUD PA'I BLA MA LA, ,GSOL BA x, STON PA SANGS RGYAS RJE BTZUN BYAMS PA DANG, ,'PHAGS PA THOGS MED GCUNG GCIG DBYIG GNYEN SOGS, ,SRAS RGYUD ZUNG 'JUG BRGYUD PA'I BLA MA LA, ,GSOL BA x, RDO RJE 'CHANG CHEN RJE BTZUN 'JAM DBYANGS DANG, ,DPA' BO RDO RJE BLO BZANG GRAGS PA SOGS, ,NYE RGYUD BYIN RLABS BRGYUD PA'I BLA MA LA, ,GSOL BA x, ZAG MED BDE STER RJE BTZUN RNAL 'BYOR MA, ,SLU MED BLA MA YI DAM DKON MCHOG GSUM, ,MTHU LDAN BSTAN SRUNG RGYA MTSOR BCAS PA LA, ,GSOL BA x, TSE 'DI BLO YIS THONGS PAR BYIN GYIS RLOBS, ,NGES 'BYUNG BYANG SEMS 'BYONGS PAR BYIN GYIS RLOBS, ,BDAG

MED GNAS LUGS RTOGS PAR BYIN GYIS RLOBS, ,GCOD YUL MTHA' RU PHYIN PAR BYIN GYIS RLOBS, ,DE LTAR GSOL BA BTAB PAS BLA MA LHA'I, ,SKU LAS BDUD RTZI 'OD ZER TSOGS SPROS PA, ,RANG GZHAN LUS ZHUGS NAD GDON SDIG SGRIB DAG ,SEMS NYID SPROS BAL GNAS LUGS MNGON DU GYUR, ,CES GSOL BA GDAB, PHAt: RANG GI SPYI BO NAS BZUNG LTE BA'I BAR, ,DBU MA PHYED KAR NANG DMAR MDA' SMYUG TZAM, ,DE NANG LTE DBUS RANG SEMS THIG LE'I GZUGS, ,'PHAR ZHING 'TSUR LA KHAD PA'I RNAM PA CAN, ,RTZA MCHOG AA BA DH'U T'I'I RGYUN LAM NAS, ,BLA MA LHAG PA'I LHA YI THUGS KAR 'PHANGS PHAt: RANG GI PHUNG PO RNYING PA LINGS TE 'GYEL, ,DKAR ZHING TSO LA SNUM PAS STONG GSUM KHYAB, ,PHAt: RANG SEMS BLA MA LHA YI THUGS KA NAS, ,MKHA' 'GRO GRI GUG 'DZIN PA'I RNAM PAR THON, , RGONG PO SHA LA LDING BZHIN GRI GUG GIS, ,SPYI BO NAS BZUNG SUM PHRAG BAR DU GSHAGS, ,SNYING GA NAS BZUNG GA-YAS GA-YON LAG RTZER GSHAGS, ,SUM PHRAG NAS BZUNG GA-YAS GA-YON RKANG RTZER GSHAGS, ,PAGS PA ZUL TE BSHUS PA DMAR CHAL BKRAMS, ,DE STENG MI MGO'I SGYED BU GSUM GYI STENG, ,THOD PA BREGS TE BTZUGS PA'I NANG NYID DU, ,KLOD PA KHU BA RKANG SOGS DVANGS MA KUN, ,BLU

, ,NAS GRI GUG GA-YAS SKOR LAN GSUM DKRUGS, ,SMAN TSE YE SHES BDUD RTZI'I RGYA MTSOR GYUR, AOm A'A: H'Um, LAN GSUM BRJOD, PHAt: THUGS KA'I MKHA' 'GROS THOD PAS BCUS PA YI, ,ZAG MED BDUD RTZI'I MCHOD SPRIN RGYA MTSO 'DI, ,RTZA BRGYUD BLA MA'I TSOGS LA MCHOD PAR 'BUL, ,DRI MED RNAM THAR 'KHYONGS PAR BYIN GYIS RLOBS, ,YI DAM MKHA' 'GRO'I TSOGS LA GTOR MAR 'BUL, ,MCHOG DANG MTHUN MONG DNGOS GRUB STZAL DU GSOL, ,DKON MCHOG SRI ZHU'I MGRON LA MCHOD PAR 'BUL, ,SRID DANG ZHI BA'I 'JIGS LAS BSGRAL DU GSOL, ,MGON PO YON TAN MGRON LA GTANG RAG GTONG, ,RNAL 'BYOR 'PHRIN LAS TSUL BZHIN SGRUB PAR MDZOD, ,GDON BGEGS LAN CHAGS MGRON LA BU LON 'JAL, ,GNOD PA'I SEMS SPANGS BYAMS PA'I SEMS LDAN SHOG ,RIGS DRUG SNYING RJE'I MGRON LA SBYIN PAR GTONG, ,DRIN LAN 'KHOR ZHING SDUG BSNGAL LAS GROL SHOG ,CES DKAR 'GYED BYA, DE NAS, PHAt: LHAG MA SHA KHRAG RUS PA'I TSOGS RNAMS KYIS, ,STONG GSUM KHYON GANG ZANG MI SHES PAR GYUR, ,RANG SEMS YE SHES MKHA' 'GROR GSAL BA YIS, ,GRI GUG MKHA' LA GA-YAB CING 'DI SKAD DO, ,PHAt: SRID PA'I RTZE MO NAS BZUNG

DMYAL BA'I BAR, ,'KHOD PA'I SNANG SRID LHA 'DRA'I TSOGS RNAMS DANG, ,KHYAD PAR GNOD BYED GDON BGEGS GZHI BDAG BCAS, ,BYAMS PA'I SEMS KYIS 'DIR TSOGS 'DIR 'DUS SHIG , PHAt: 'DIR TSOGS SNANG SRID LHA 'DRE'I TSOGS RNAMS NYON, ,KHAS DRAG DBANG CHE 'THAB RTZOD MA BYED PAR, ,SHA KHRAG PHUNG PO RI LTAR SPUNGS PA LA, ,PHAN TSUN MA BU'I TSUL GYIS ROL BAR MDZOD, ,PHAt: SHA LA DGA' BA'I RIGS NI SHA RNAMS ZO, ,KHRAG LA DGA' BA'I RIGS NI KHRAG RNAMS 'THUNGS, ,RUS PA LA DGA' LHA 'DRES RUS PA MUR, ,NANG KHROL SOGS LA CI BDER LONGS SPYOD CIG ,PHAt: 'DIR TSOGS SNANG SRID LHA 'DRE'I TSOGS RNAMS KUN, ,RDOS BCAS SHA KHRAG PHUNG POR LONGS CHOD LA, ,SKYE 'GRO KUN LA GNOD 'TSE'I SEMS BOR TE, ,BYAMS DANG SNYING RJE MNGON DU 'GYUR BAR MDZOD, ,CES DMAR 'GYED BYA, DE NAS PHAt: PAGS PA DUM BUR GTUBS PA GSER DNGUL DANG, ,DAR ZAB 'BRU SMAN KHANG BZANG RGYAN GOS SOGS, ,CI 'DOD DNGOS POR GYUR PA KHYER NAS NI, ,SO SO'I GNAS GSHEGS PHAN SEMS LDAN PAR MDZOD, ,CES SNA TSOGS 'GYED BYA, DE NAS, PHAt: SBYIN PA'I 'KHOR GSUM MING BRDAS PHAR BZHAG TZAM, ,MA GTOGS YUL GYI NGOS NAS RDUL PHRAN TZAM, ,GRUB PA MED PHYIR BRTAN GA-YO'I

, ,CHOS RNAMS KUN, ,BDEN PAR SNANG YANG SGYU MA BZHIN DU STONG, ,PHAt: CHOS RNAMS RANG BZHIN SPROS DANG BRAL GYUR KYANG, ,THA SNYAD SNA TSOGS ROL PA CIR YANG 'CHAR, ,AE WAm THABS SHES ZUNG DU 'JUG PA GANG, ,SGRIB BRAL CHOS GZUGS SKU GNYIS THOB PHYIR BSNGO, ,CES LTA BA'I RGYAS 'DEBS DANG BSNGO BA BYA'O, ,ZHES PA 'DI YANG 'JAM DBYANGS BZHAD PA SKU GONG 'OG GI GSUNG LA GZHI BYAS BAN GZUGS DHARMA BHA DRAS RANG GI NYAMS LEN DU BRIS, ,SARBA DZA GA TA ,, ,,