*, ,GNAS BRTAN PHYAG MCHOD RGYAL BSTAN 'DZAD MED SNYING PO ZHES BYA BA BZHUGS,,
, ,NA MO GU RU MU NI AIND'A YA, DE LA 'DIR THUB DBANG GNAS BRTAN BCU DRUG DANG BCAS PA MCHOD CING GSOL BA GDAB TSUL SHIN TU BSDUS TE BRJOD PA NI; GNAS KHANG BYE DOR BYAS LA SKU GSUNG THUGS RTEN DGRAM PA DANG, MCHOD PA GA-YO MED CING BKOD PA MDZES PAR BSHAMS PA SOGS BYAS LA, STAN BDE BA LA 'KHOD DE DGE SEMS KHYAD PAR CAN GYI NGANG NAS, DRIN CAN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS LA SKYABS SU MCHI'O, ,RDZOGS PA'I SANGS RGYAS BCOM LDAN 'DAS RNAMS LA SKYABS SU MCHI'O, ,DAM PA'I CHOS RNAMS LA SKYABS SU MCHI'O, ,'PHAGS PA'I DGE 'DUN RNAMS LA SKYABS SU MCHI'O, ,THUB PA CHEN PO
, ,'PHAGS PA GNAS BRTAN BCU DRUG GI LHA TSOGS 'KHOR DANG BCAS PA RNAMS LA SKYABS SU MCHI'O, DPAL MGON DAM PA CHOS SKYONG BA'I SRUNG MA YE SHES KYI SPYAN DANG LDAN PA RNAMS LA SKYABS SU MCHI'O, ,LAN GSUM, MA SEMS CAN THAMS CAD KYI DON DU YANG DAG PAR RDZOGS PA'I SANGS RGYAS KYI GO 'PHANG THOB PAR BYA, DE'I PHYIR DU THUB PA CHEN PO 'PHAGS PA GNAS BRTAN BCU DRUG GI LHA TSOGS 'KHOR DANG BCAS PA RNAMS LA PHYAG MCHOD THUGS DAM BSKUL BA'I RIM PA LA 'JUG PAR BGYI'O, ,LAN GSUM, BDAG DANG SNANG BA THAMS CAD CHOS KYI DBYINGS KYI RANG BZHIN YIN PA LA, DE LTAR MA RTOGS PA'I SEMS
CAN THAMS CAD BDE BA DANG BDE BA'I RGYU DANG LDAN PAR BYA, SDUG BSNGAL DANG SDUG BSNGAL GYI RGYU DANG BRAL BAR BYA, SDUG BSNGAL MED PA'I BDE BA DANG MI 'BRAL BAR BYA, BDE SDUG GI RGYU CHAGS SDANG NYE RING GNYIS DANG BRAL BA'I BTANG SNYOMS LA GNAS PAR BYA'O, ,ZHES SKYABS 'GRO SEMS BSKYED TSAD MED BZHI BCAS SNGON DU BTANG NAS, MCHOG BDEN RGYAL BA SRAS BCAS BYIN RLABS DANG, ,TSOGS GNYIS MNGA' THANG CHOS DBYINGS DAG PA'I MTHUS, ,ZHING 'DI BDE BA CAN LTAR SNOD BCUD KYI, ,SRID ZHI'I PHUN TSOGS 'DOD DGUS 'BYOR GYUR CIG ,LAG MTHIL LTAR MNYAM RIN CHEN RGYAN GYIS SPRAS, ,LJON SHING CHU MTSOS BRGYAN PA'I SA GZHI'I DBUS, ,RIN CHEN LAS GRUB GRU BZHI SGO BZHI PA, ,PADMA NYI ZLAS BRGYAN PA'I GDAN STENG DU, ,THUB DBANG GNAS GRTAN BCU DRUG 'KHOR BCAS RNAMS, ,BZHUGS NAS GZUNGS RIG MOS STOBS KYIS BSKRUN PA'I, ,MCHOD SPRIN RGYA MTSOS GANG ZHING SPYOD GYUR CIG , CES GNAS DANG KHANG BZANG DANG GDAN KHRI DANG MCHOD PA RNAMS BYIN GYIS BRLABS LA, PUS MO BTZUGS SPOS DANG ME TOG THOGS TE GUS PA CHEN POS, THUGS RJES RTZOD PA'I DUS
, ,KYI GDUL BYA SNAMS, ,RNAM GROL LAM LA 'GOD MDZAD 'GRO BA'I MGON, ,THUB PA MCHOG DANG GNAS BRTAN CHEN PO RNAMS, ,'KHOR DANG BCAS PA GNAS 'DIR GSHEGS SU GSOL, PHYOGS BCU'I RGYAL BA SRAS BCAS THAMS CAD DANG, ,SHES RAB ME 'BAR NYON MONGS MTSO SKEM ZHING, ,RNAM GROL BSOD NAMS ZHING DU BKAS BSTOD PA'I, , PHYOGS BCU'I NYAN THOS DGE 'DUN BZHUGS SO 'TSAL, ,YON SBYOR MCHOD PA'I GNAS SU SPYAN 'DREN NA, ,'GRO BA'I DON PHYIR MCHOD KYIS GSHEGS SU GSOL, ,'GRO BA'I MGON PO SH'AKYA SENG GE YIS, ,SANGS RGYAS BSTAN PA GANG GI PHYAG TU BZHAG ,GSUNG RAB RIN CHEN SGROM GYI KHA 'BYED PA, ,CHOS SKYONG DGRA BCOM CHEN PO BZHUGS SO 'TSAL, ,DAM CHOS SPEL BA'I SLAD DU SPYAN 'DREN NA, ,'GRO BA'I DON PHYIR MCHOD KYIS GSHEGS SU GSOL, ,THUB PAS BKA' BSGOS BSTAN PA'I RGYAL MTSAN 'DZIN, ,YAN LAG 'BYUNG DANG MA PHAM NAGS NA GNAS, ,DUS LDAN RDO RJE MO'I BU BZANG PO DANG, ,GSER BE'U BHA RA DHA DZA GSER CAN MCHOG ,'PHAGS PA BA KU LA DANG SGRA GCAN 'DZIN, ,LAM PHRAN BHA DA DHA DZA BSOD SNYOMS LEN
LAM BRTAN KLU'I SDE SBED PHYIR MI PHYID PA, ,'KHOR DANG BCAS PA GNAS 'DIR GSHEGS SU GSOL, ,SPANGS DANG YE SHES PHUN TSOGS SANGS RGYAS KYANG, ,GDUL BYA'I DBANG GIS NYAN THOS TSUL 'DZIN PA, ,KHYAD PAR CAN GYI 'PHRIN LAS CHOS SKYONG BA'I, ,GNAS BRTAN BCU DRUG 'DIR BYON GDAN LA BZHUGS, ,BDE GSHEGS BKA' LUNG GTZOR MDZAD BSTAN PA SRUNG, ,RANG DON DOR NAS 'KHOR BA'I NAGS TSAL DU, ZHAN DON LHUR MDZAD GNAS BRTAN BCU DRUG PO, ,DAM BCAS THUGS RJE'I DBANG GIS GNAS 'DIR GSHEGS, ,DGE BSNYEN SKYABS GSOL BDEN PA'I TSIG BRTAN PA, ,DKON MCHOG GSUM GYI ZHAL BRING MCHIS SO 'TSAL, ,BSOD NAMS RIN CHEN GLING DU SPYAN 'DREN NA, ,'GRO BA'I DON PHYIR MCHOD KYIS GSHEGS SU GSOL, ZHES SPYAN DRANGS PAS RDZU 'PHRUL GYIS THOGS PA MED PAR BYON TE BYIN GYIS BRLABS PA'I PHO BRANG GI NANG DU DGYES BZHIN DU BZHUGS PAR BSAM, SPRO NA KHRUS GSOL MDOR BSDUS KYANG BYA, DE NAS, BKA' DRIN MNYAM MED RTZA BA'I BLA MA DANG, ,SH'AKYA'I RGYAL PO 'PHAGS MCHOG SHA RI'I BU, ,SGRA CAN 'DZIN DANG 'PHAGS PA KLU SGRUB SOGS, ,DNGOS BRGYUD BLA MA RNAMS LA PHYAG 'TSAL LO, ,MKHA' MNYAM 'GRO LA MKHYEN BRTZES RAB DGONGS NAS, ,GRANGS MED GSUM DU TSOGS
, ,GNYIS RAB RDZOGS TE, ,STONG GSUM MI MJED ZHING GI DPAL GYUR PA, ,'DREN MCHOG SH'AKYA'I RTOG LA PHYAG 'TSAL LO, ,THUB PAS BKA' BSGOS BSTAN PA'I RGYAL MTSAN 'DZIN, ,YAN LAG 'BYUNG DANG MA PHAM NAGS NA GNAS, ,DUS LDAN RDO RJE MO'I BU BZANG PO DANG, ,GSER BE'U BHA RA DHA DZA GSER CAN MCHOG, 'PHAGS PA BA KU LA DANG SGRA GCAN 'DZIN, ,LAM PHRAN BHA RA DHVA DZA BSOD SNYOMS LEN, ,LAM BRTAN KLU'I SDE SPONG BYED MI PHYED PA, ,GNAS BRTAN 'KHOR DANG BCAS LA PHYAG 'TSAL LO, ,PHYAG BYAR 'OS PA THAMS CAD LA, ,ZHING RDUL KUN GYI GRANGS SNYED KYI, ,LUS BTUNG PA YIS RNAM KUN TU, ,MCHOG TU DAD PAS PHYAG 'TSAL LO; ;JI SNYED SU DAG ,CES PA NAS, RGYAL BA KUN LA PHYAG 'TSAL MCHOD PAR BGYI, ,YAN LAG BRGYAD LDAN LHA YI GAD GA SOGS, ,PHYOGS DUS KUN NA MCHOD YON CI MCHIS PA, ,THUB DBANG GNAS BRTAN 'KHOR BCAS MNYES PHYIR 'BUL, ,BZHES NAS BDAG LA DNGOS GRUB STZAL DU GSOL, ,SHIN TU RNAM DAG DRI MED YID 'ONG BA'I, ,PHYOGS DUS KUN NA MCHOD YON CI MCHIS PA, ,THUB DBANG GNAS BRTAN 'KHOR DKAR PO SOGS, ,PHYOGS DUS KUN NA ME TOGx, THUB DBANGx, BZHES NASx, MA LA YA YI TZANDAN DRI LA SOGS, ,PHYOGS DUS KUN NA BDUG SPOSx, THUB DBANGx, BZHES NASx, MUN PA KUN SEL RTZI BCUD
SGRON ME SOGS, ,PHYOGS DUS KUN NA SNANG GSALx, THUB DBANGx, BZHES NASx, TZAN DAN GUR KUM DRIS BSGOS SPOS CHU SOGS, ,PHYOGS DUS KUN NA DRI CHAB, ,THUB DBANGx, ,BZHES NASx, DKAR GSUM MNGAR GSUM BDUD RTZI'I ZAS LA SOGS, ,PHYOGS DUS KUN NA ZHAL ZASx, THUB DBANGx, BZHES NASx, YAN LAG DRUG LDAN LHA YI SIL SNYAN SOGS, ,PHYOGS DUS KUN NA ROL MOx, THUB DBANGx, BZHES NASx, GZUGS BRNYAN KUN GSAL RIN CHEN BEEd'UR SOGS, ,PHYOGS DUS KUN NA GZUGS MCHOGx, THUB DBANGx, BZHES NASx, DPAG BSAM LAS BYUNG BRJOD BRAL DBYANGS LA SOGS, ,PHYOGS DUS KUN NA SGRA SNYANx, THUB DBANGx, BZHES NASx, YID 'ONG TZAN DAN DKAR PO'I DRI LA SOGS, ,PHYOGS DUS KUN NA DRI MCHOG x, THUB DBANGx, BZHES NASx, STONG GSUM SNYING PO TSANGS GNAS BDUD RTZI SOGS, ,PHYOGS DUS KUN NA RO MCHOGx, THUB DBANGx, BZHES NAS x, SRAB 'JAM PA NYTZA LI KA'I GOS LA SOGS, ,PHYOGS DUS KUN NA REG MCHOGx, THUB DBANGx, BZHES NASx, 'JIG RTEN 'DI YI PHUN SUM TSOGS PA'I MCHOG ,RIN CHEN BDUN GYIS LHA YI LAM BKANG STE, ,THUB DBANGx, BZHES NASx, 'DOD CHAGS ZHE SDANG ZHES PA NAS, BYANG CHUB PHYIR BSNGO'O, ,MAndAL RGYAS PA'AM MDOR BSDU NA, SA
, ,GZHI SPOS KYIS BYUGS SHING ME TOG BKRAM, ,RI RAB GLING BZHI NYI ZLAS BRGYAN PA 'DI, ,SANGS RGYAS ZHING DU DMIGS TE PHUL BA YIS, ,'GRO KUN RNAM DAG ZHING LA SPYOD PAR SHOG, ,THUB DBANG GNAS BRTAN BCU DRUG 'KHOR BCAS RNAMS, ,BRTZE BA CHEN POS BDAG LA DGONGS SU GSOL, ,SNGON TSE BDEN TSIG SMON LAM MDZAD PA RNAMS, ,DENG 'DIR BDAG LA MNGON SUM BSTAN DU GSOL ZHES LAN GSUM BRJOD, DE NAS, STON PA BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DPAL RGYAL BA SH'AKYA THUB PA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, MTSUNGS MED LTA BAS MI NGOMS SHING, ,GSER GYI MDOG CAN MDZES PA'I SKU, ,ZHAL GCIG PHYAG GNYIS SKYIL KRUNG BZHUGS, ,SA GNON MNYAM BZHAG MDZAD PHYAG 'TSAL, ,THABS MKHAS THUGS RJES SH'AKYA'I RIGS 'KHRUNGS SHING, ,GZHAN GYIS MI THUB BDUD KYI DPUNG 'JOMS PA, ,GSER GYI LHUN PO LTA BUR BRJID PA'I SKU, ,SHAKYA'I RGYAL PO DE LA PHYAG 'TSAL LO, ,DNGOS BSHAMS GZUNGS RIG MOS STOBS KYIS SAL BA'I, MCHOD TSOGS KUN 'BUL SDIG LTUNG THAMS CAD BSHAGS, ,DGE LA YI RANG BSKUL ZHING GSOL BA 'DEBS, ,'DIS MTSON DGE BA BYANG CHUB CHEN POR BSNGO, ,RGYAL BA'I MTSAN THOS DRAN
BRJOD PHYAG MCHOD MTHUS, ,THUB PA'I BSTAN DAR BSTAN 'DZIN ZHABS PAD BRTAN, ,BDAG DANG MKHA' MNYAM 'GRO BA MA LUS PA'I, ,'GAL RKYEN KUN ZHI LEGS TSOGS 'PHEL GYUR CIG ,'PHAGS PA GNAS BRTEN CHEN PO YAN LAG 'BYUNG 'KHOR DGRA BCOM PA STONG DANG SUM BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, GANGS RI CHEN PO TE SE LA, ,'PHAGS PA GNAS BRTAN YAN LAG 'BYUNG DGRA BCOM STONG DANG SUM BRGYAS BSKOR, ,SPOS PHOR RNGA YAB 'DZIN PHYAG 'TSAL, ,GANG SKU MTHONG THOS DRAN REG THAMS CAD LA, ,NYON MONGS ME YI GDUNG BZHI MDZAD CING, ,BSLAB GSUM YAN LAG NYAMS MED 'BYUNG, MDZAD PA, ,'PHAGS PA YAN LAG 'BYUNG LA PHYAG 'TSAL LO, ,DNGOS BSHAMS GZUNGS RIG NAS, CHEN POR BSNGO, 'PHAGS PA'I MTSAN THOS DRAN BRJOD PHYAG MCHOD MTHUS, ,THUB PA'I BSTAN DAR BSTAN 'DZIN ZHABS PAD BRTAN, ,BDAG DANG MKHA' MNYAM 'GRO BA MA LUS PA'I, ,'GAL RKYEN KUN ZHI LEGS TSOGS 'PHEL GYUR CIG ,'PHAGS PA GNAS BRTAN CHEN PO MA PHAM PA 'KHOR DGRA BCOM PA BRGYA PRAG GCIG GIS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, DRANG SRONG RI YI NGOS SHEL NA, ,'PHAGS PA GNAS BRTAN MA PHAM PA, ,DGRA BCOM BRGYA PHRAG GCIG GIS
, ,BSKOR, ,PHYAG GNYIS MNYAM GZHAG MDZAD PHYAG 'TSAL, ,GANG SKU MTHONG THOS DRAN REG THAMS CAD LA, ,BYID RGOD RNAM RTOG GA-YENG BA ZHI MDZAD CING, ,ZHI GNAS LHAG MTHONG RTOGS PA RGYAS MDZAD PA, ,'PHAGS PA MA PHAM PA LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO NAGS NA GNAS 'KHOR DGRA BCOM PA STONG DANG BZHI BRGYAG BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, LO MA BDUN PA'I RI PHUG NA, ,'PHAGS PA GNAS BRTAN NAGS NA GNAS, ,DGRA BCOM STONG DANG BZHI BRGYAS BSKOR, ,SDIGS MDZUB RNGA YAB 'DZIN PHYAG 'TSAL, ,'PHAGS NOR LO MA BDUN LDAN NAGS NA GNAS, ,SDIGS MDZUB RNGA YAB PHYAG MTSAN MTHONG TZAM GYIS, ,PHYI NANG NYER 'TSO KUN LAS SKYOB MDZAD PA, ,'PHAGS PA NAGS NA GNAS LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO DUS LDAN 'KHOR DGRA BCOM PA STONG DANG CHIG BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O,, LAN GSUM, 'DZAM BU GLING GI ZANGS GLING NA, ,'PHAGS PA GNAS BRTAN DUS LDAN NI, ,DGRA BCOM STONG DANG CHIG BRGYAS BSKOR, ,GSER GYI RNA KOR 'DZIN PHYAG 'TSAL, ,GANG GI SKU MTHONG GSUNG DBYANGS
THOS TZAM GYIS, ,BYAMS DANG SNYING RJE BYANG CHUB SEMS SKYI ZHING, ,RLABS CHEN RGYAL SRAS SPYOD LA SBYOR MDZAD PA, ,'PHAGS PA DUS LDAN ZHABS LA PHYAG 'TSAL LO, ,DNGOS BSHAMS NAS, ,'PHEL GYUR CIG, ,'PHAGS PA GNAS BRTAN CHEN PO RDO RJE MO'I BU 'KHOR DGRA BCOM PA STONG PHRAG GCIG GIS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, SING GA LA YI GLING NA NI, ,GNAS BRTAN RDO RJE MO YI BU, ,DGRA BCOM STONG PHRAG GCIG GIS BSKOR, ,SDIGS MDZUB RNGA YAB 'DZIN PHYAG 'TSAL, ,GANG SKU MTHONG THOS DRAN DANG REG PAS KYANG, ,MI MTHUN GNOD PA KUN LAS THAR MDZAD CING, ,THEG PA MCHOG LA NGES PAR SBYOR MDZAD PA 'PHAGS PA RDO RJE MO'I BU LA PHYAG 'TSAL, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO BZANG PO 'KHOR DGRA BCOM PA STONG DANG NYIS BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, CHU BO YA MU NA'I GLING NA, ,'PHAGS PA GNAS BRTAN BZANG PO NI, ,DGRA BCOM STONG DANG NYIS BRGYAS BSKOR, ,CHOS 'CHAD MNYAM GZHAG MDZAD PHYAG 'TSAL, ,RNAM SNANG CHOS BDUN LDAN PA GANG GI SKU, ,MTHONG BA'I MOD LA SRID LA ZHEN LOG STE, ,YANG DAG LAM LA NGES PAR SBYOR MDZAD PA, ,'PHAGS PA BZANG PO'I ZHABS LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PHA
, ,GNAS BRTAN CHEN PO GSER BE'U 'KHOR DGRA BCOM PA LNGA BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, GNAS MCHOG KHA CHE'I YUL NA NI, ,'PHAGS PA GNAS BRTAN GSER BE'U, ,DGRA BCOM CHEN PO LNGA BRGYAS BSKOR, ,RIN CHEN ZHAGS PA 'DZIN PHYAG 'TSAL, ,MCHOG DANG MTHUN MONG DNGOS GRUB MA LUS PA, ,CI DANG CI 'DOD NGA YIS SBYIN NO ZHES RIN CHEN DON YOD ZHAGS PA PHYAG NA BSNAMS, ,'PHAGS PA GSER GYI BE'U LA PHYAG 'TSAL, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO BHA RA DHRA DZA GSER CAN 'KHOR DGRA BCOM PA BDUN BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, NUB KYI BA LANG SPYOD GLING NA, ,BHA RA DHVA DZA GSER CAN NI, ,DGRA BCOM CHEN PO BDUN BRGYAS BSKOR PHYAG GNYIS MNYAM GZHAG MDZAD PHYAG 'TSAL, ,GANG SKU MNYAM GZHAG MDZAD PA'I PHYAG RGYA DE, ,MTHONG BAS LUS SEMS GDUNG BA KUN ZHI NAS, ,RGYAL BA'I SRAS KYI SA LA 'GOD MDZAD PA, ,'PHAGS PA BHA RA DHVA DZA LA PHYAG 'TSAL, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO BA KU LA 'KHOR DGRA BCOM PA DGU BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O
LAN GSUM, BYANG GI SGRA MI SNYAN NA NI, ,'PHAGS PA GNAS BRTAN BA KU LA, ,DGRA BCOM CHEN PO DGU BRGYAS BSKOR, ,PHYAG GNYIS NE 'U LI 'DZIN PHYAG 'TSAL, ,GANG SKU YID LA DRAN TE GSOL BTAB NA,, DUS MIN 'CHI DANG BKRES SKOM DBUL PHONGS SOGS, ,PHYI NANG NYER 'TSE THAMS CAD ZHI MDZAD PA, ,'PHAGS PA BA KU LA LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO SGRA GCAN 'DZIN 'KHOR DGRA BCOM PA STONG DANG CHIG BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, PRI YANG KU YI GLING NA NI, ,'PHAGS PA GNAS BRTAN SGRA GCAN 'DZIN, ,DGRA BCOM STONG DANG CHIG BRGYAS BSKOR, ,RIN CHEN PROG ZHU 'DZIN PHYAG 'TSAL, ,DPAG MED BSKAL PA'I SNGON NAS SANGS RGYAS KYANG, ,'GRO LA BRTZE BAS RGYAL SRAS TSUL BZUNG STE, ,DRAN PAS SRID ZHI'I 'JIGS LAS SKYOB MDZAD PA, ,'PHAGS PA SGRA GCAN 'DZIN LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO LAM PHRAN BRTAN 'KHOR DGRA BCOM PA STONG DANG DRUG BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, BYA RGOD PHUNG PO'I RI BO LA, ,'PHAGS PA GNAS BRTAN LAM PHRAN BRTAN, ,DGRA BCOM STONG DANG DRUG
, ,BRGYAS BSKOR, ,PHYAG GNYIS MNYAM GZHAG MDZAD PHYAG 'TSAL, ,MTHA' YAS 'GRO LA LAM BZANG 'DOMS PA LA, ,GNAS BRTAN KUN GYI NANG NAS PHUL BYUNG BAS, ,CHOS SMRA RNAMS GYI MCHOG TU RA BAB SNGAGS PA, ,'PHAGS PA LAM PHRAN BRTAN LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO BHA RA DHVA DZA BSOD SNYOMS LEN 'KHOR DGRA BCOM PA STONG PHRAG GCIG GIS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, SHAR GYI LUS 'PHAGS GLING NA NI, ,BHA RA DHVA DZA BSOD SNYOMS LEN, ,DGRA BCOM STONG PHRAG GCIG GIS BSKOR, ,GLEGS BAM LHUNG BZED 'DZIN PHYAG 'TSAL, ,PHYAG MTSAN GLEGS BAM MTHONG DANG REG PAS KYANG, ,MI SHES RMONGS BA'I MUN PA RAB BSAL NAS, ,BSLAB GSUM RTOGS PA RGYUD LA BSKYED MDZAD PA, ,'PHAGS PA BSOD SNYOMS LEN LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO LAM BRTAN 'KHOR DGRA BCOM PA DGU BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, LHA GNAS SUM CU RTZA GSUM NA, ,'PHAGS PA GNAS BRTAN LAM BRTAN NI, ,DGRA BCOM CHEN PO DGU BRGYAS BSKOR, ,GLEGS BAM CHOS 'CHAD
MDZAD PHYAG 'TSAL, ,GLEGS BAM CHOS 'CHAD PHYAG RGYA DRAN TZAM GYIS, ,SDE SNOD GSUM GYI TSIG DON MTHA' DAG LA, ,BLO GROS SPOBS PA'I SNANG BA STZAL MDZAD PA, ,'PHAGS PA LAM CHEN PA LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO GLU'I SDE 'KHOR DGRA BCOM PA STONG DANG NYIS BRGYAS BSKOR BA LA PHYAG 'TSAL LO, ,MCHOD DO SKYABS SU MCHE'O, ,LAN GSUM, RI YI RGYAL BO NGOS YANGS LA, ,'PHAGS PA GNAS BRTAN KLU YI SDE, ,DGRA BCOM STONG DANG NYIS BRGYAS BSKOR, ,BUM PA 'KHAR GSIL 'DZIN PHYAG 'TSAL, ,BYANG PHYOGS SO BDUN MTSON PA'I GSIL BYED SGRAS, ,'GRO KUN MA RIG GNYID LAS SLONG MDZAD CING, ,BUM PA BZANG POS CI 'DOD STZOL MDZAD PA, ,'PHAGS PA KLU YI SDE LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO SBED BYED 'KHOR DGRA BCOM PA STONG DANG BZHI BRGYAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, RI YI RGYAL PO BI HU LAR, ,'PHAGS PA GNAS BRTAN SBED BYED NI; ;DGRA BCOM STONG DANG BZHI BRGYAS BSKOR, ,PHYAG GNYIS GLEGS BAM 'DZIN PHYAG 'TSAL, ,SDE SNOD GSUM GYI GLEGS BAM ZHAL PHYE STE, ,'GRO LA THEG PA GSUM GYI LAM BSTAN NAS, ,RGYAL BA'I BSTAN
, ,PA PHYOGS BCUR RGYAS MDZAD PA, ,'PHAGS PA SBED BYED ZHABS LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA GNAS BRTAN CHEN PO MI PHYED PA 'KHOR DGRA BCOM PA STONG PHRAG GCIG GIS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, GANGS CAN RI YI RGYAL PO LA, ,'PHAGS PA GNAS BRTAN MI PHYID PA, ,DGRA BCOM STONG PHRAG GCIG GIS BSKOR, ,BYANG CHUB MCHOD RTEN 'DZIN PHYAG 'TSAL, ,STON PA THUB PA'I DBANG POS BYIN BRLABS PA'I, ,BYANG CHUB MCHOD RTEN PHYAG GNYIS KYIS BZUNG STE, ,'GRO KUN SMIN GROL LAM LA 'GOD 'DZAD PA,, 'PHAGS PA MI PHYED PA LA PHYAG 'TSAL LO, ,DNGOS BSHAMS NAS, 'PHEL GYUR CIG ,'PHAGS PA'I DGE BSNYEN CHEN PO DHARMA TA LA 'KHOR DGE BSNYEN GYI TSOGS DPAG TU MED PAS BSKOR BA LA PHYAG 'TSAL LO, ,MCHOD DO SKYABS SU MCHI'O, ,LAN GSUM, DGE BSNYEN DHARMA TA LA NI, ,RAL PA'I THOD BCINGS GLEGS BAM KHUR, ,SNANG BA MTHA' YAS MDUN GNAS SHING, ,RDA YAB BUM PA 'DZIN PHYAG 'TSAL, , NYAM THAG 'GRO RNAMS 'JIGS PA BRGYAD LA SOGS, ,PHYI NANG NYER 'TSE KUN LAS SKYOB PA'I PHYIR, ,RNGA YAB BUM PA BZUNG NAS SPRUL PA 'GYED, ,'PHAGS PA DHARM'A TA LA PHYAG 'TSAL LO, ,DNGOS BSHAMS
NAS, 'PHEL GYUR CIG ,RGYAL PO CHEN PO YUL 'KHOR SRUNG DANG, 'PHAGS SKYES PO DANG, SPYAN MI BZANG DANG, RNAM THOS SRAS LA SOGS PA CHOS SRUNG YE SHES KYI SPYAN DANG LDAN PA RNAMS LA PHYAG 'TSAL LO, MCHOD DO SKYABS SU MCHI'O, ,LAN GSUM, YUL 'KHOR SRUNG DANG 'PHAGS SKYES BO, ,SPYAN MI BZANG DANG RNAM THOS SRAS, ,RANG RANG 'KHOR 'DUL SGO BZHI SRUNG, ,RGYAL CHEN BZHI LA PHYAG 'TSAL LO, , THUB DBANG GNAS BRTAN BCU DRUG 'KHOR BCAS RNAMS, ,GANG DU 'GRO DON MDZAD DER RJES 'BRANGS NAS, ,BSTAN PA SRUNG LA NAM YANG MI GA-YEL BA, ,'JIG RTEN SKYONG BA BZHI LA PHYAG 'TSAL LO, ,DNGOS BSHAMS NAS, BSNGO; RGYAL CHEN BZHI YI MTSAN BRJOD PHYAG MCHOD MTHUS, ZHES PA NAS, 'PHEL GYUR CIG ,CES SPYI DANG SO SO'I PHYAG MCHOD THUGS DAM BSKUL BA LEGS PAR BYAS NAS, AOm NA MO BHA GA WA TE, SH'AKYA MA NA YE, TA TH'A GA T'A YA, AA RTA TE SAMYA KSAm BU DDHA YA, TADYA TH'A, AOm MU NE MU NE MA H'A MU NA YE SV'AH'A, ZHES CI MANG BZLA'O, ,DE NAS; BKA' DRIN MNYAM MED RTZA BA'I BLA MA DANG, ,SH'AKYA'I RGYAL PO 'PHAGS MCHOG SHA RI'I BU, ,SGRA GCAN 'DZIN DANG 'PHAGS PA KLU SGRUB SOGS, ,DNGOS BRGYUD BLA MA RNAMS LA PHYAG 'TSAL LO, ,THUB DBANG GNAS BRTAN CHEN PO BCU DRUG DANG, ,BKA' SDONG DGE
, ,BSNYEN DHA RM'A TA LA'I ZHABS, ,SGO SRUNG RGYAL CHEN SDE BZHIR BCAS PA LA, ,PHYAG 'TSAL MCHOD CING SNYING NAS SKYABS SU MCHI, DNGOS BSHAMS NAS, BSNGO; SANGS RGYAS SPRUL PA DGRA BCOM 'PHAGS PA'I TSOGS, ,'GRO BA'I DON DU BSTAN PA SKYONG MDZAD PA, ,DKON MCHOG GSUM DNGOS GNAS BRTAN BCU DRUG GIS, ,BSTAN PA YUN RING GNAS PAR BYIN GYIS RLOBS, ,THUGS RJE'I BDAG NYID GNAS BRTAN BCU DRUG GI, 'KHOR TSOGS SRID MTSO LAS BRGAL NYON MONGS MED, ,KHRI DANG DRUG STONG BZHI BRGYA'I TSOGS RNAMS KYIS, ,BSTAN PA YUN RING GNAS PAR BYIN GYIS RLOBS, ,SEMS CAN KUN GYI GSOS GYUR DGRA BCOM PA, ,RIG DANG ZHABS LDAN SKYI RGU'I SPYIN GNAS CHE, ,'PHAGS PA'I GANG ZAG CHEN PO KHYED RNAMS KYIS, ,BSTAN PA YUN RING GNAS PAR BYIN GYIS RLOBS, ,BDAG GZHAN DGE BA'I RTZA BA 'DI YI MTHUS, ,PHAN BDE'I 'BYUNG GNAS BSTAN PA 'PHEL GYUR CIG ,SDUG BSNGAL KUN 'BYUNG MA LUS RAB SPANGS NAS, ,SRID PA'I RGYA MTSO MYUR DU SKEM PAR SHOG ,BSOD NAMS RGYA MTSO YONGS SU RDZOGS GYUR CING, ,YE SHES RGYA MTSO RNAM PAR DAG GYUR TE, ,YON TAN RGYA MTSO MA LUS KUN RDZOGS NAS, ,'JIG RTEN KUN LAS KHYAD PAR 'PHAGS PAR SHOG ,THUB DBANG GNAS BRTAN BCU
DRUG 'KHOR BCAS LA, ,GSOL BA BTAB PAS PHEN BDE KUN GYI GZHI, ,RGYAL BA'I BSTAN PA YUN RING GNAS PA DANG, ,PHYOGS DUS KUN TU DAR ZHING RGYAS GYUR CIG ,CES GTANG RAG GI MCHOD PA DANG 'DOD GSOL BYAS RJES, MA 'BYOR BA DANG NYAMS PA DANG, ,GANG YANG BDAG RMONGS BLO YIS NI, ,BGYIS PA DANG NI BGYING STZAL GANG, ,DE YANG BZOD PAR MDZAD DU GSOL, ZHES BZOD PAR GSOL TE, RTEN YOD NA, 'DIR NI RTEN DANG LHAN CIG TU, ,'GRO BA'I DON DU BZHUGS NAS KYANG, ,NAD MED TSE DANG DBANG PHYUG DANG, ,MCHOG RNAMS LEGS PAR STZAL DU GSOL, ,ZHES BRTAN BZHUGS DANG, RTEN MED NA, KHYED KYIS SEMS CAN DON KUN MDZOD, ,RJES SU MTHUN PA'I DNGOS GRUB STZOL, ,SANGS RGYAS YUL DU GSHEGS NAS KYANG, ,SLAR YANG THUGS RJES 'BYON PAR MDZOD, ,CES GSHEGS GSOL BYA'O, ,DE NAS, TSOGS GNYIS MTHAR PHYIN DUS GSUM RGYAL BA YI, ,'PHRIN LAS SGRUB CING YON TAN RNAM DBYER MED, ,SKAL BA MNYAM PA'I GDUL BYA SMIN MDZAD PA'I, ,MNYAM MED BLA MA MCHOG GI BKRA SHIS SHOG, RGYAL BA'I NYI MA GZHAN GYIS MTHUL BA, ,MGON MED LNGA BRGYA THA MA'I 'GRO BA LA, ,BDEN TSIG SMON LAM RGYA MTSOS MCHOG SGRUB PA, ,MNYAM MED SH'AKYA'I RGYAL PO'I BKRA SHIS SHOG ,DUS GSUM RGYAL BA RGYAL
, ,SRAS THUGS RJE YIS, ,NYAN THOS TSUL BZUNG SRID PA JI SRID BAR, ,BSTAN PA SKYONG ZHING 'GRO BA'I DON MDZAD PA'I, ,GNAS BRTAN CHEN PO RNAMS KYI BKRA SHIS SHOG ,RDZU 'PHRUL STOBS DANG MNGON PAR, SHES PA'I DPAL, ,NYE BAR THOB NAS THUB PA'I BKA' BZHIN DU, ,BSTAN PA RIN CHEN BANG MDZOD LEGS SKYONG BA'I, ,RDO RJE'I CHOS SKYONG RNAMS KYI BKRA SHIS SHOG ,BSOD NAMS DAR RGYAS RI RGYAL LHUN PO BZHIN, ,SNYAN GRAGS CHEN POS NAM MKHA' BZHIN DU KHYAB, ,TSE RING NAD MED BZHED DON LHUN GYIS GRUB, ,YON TAN RGYA MTSO MTSOG GI BKRA SHIS SHOG, (CES SHIS PA BRJOD CING ME TOG CHAR DBAB BO, ,ZHES THUB DBANG GNAS BRTAN BCU DRUG DANG BCAS PA LA MCHOD CING GSOL BA GDAB TSUL SHIN TU BSDUS PA 'DI NI, SNAR THAD BRGYA RTZA'I NANG GI GNAS BRTAN PHYAG MCHOD, RGYAL MCHOG LNGA PAS MDZAD PA'I RGYAL BSTAN 'DZAD MED, YONGS 'DZIN PAndE TA CHEN PO'I GNAS BRTAN RTOGS BRJOD RGYAS PA DANG, MCHOD CHOG THUB BSTAN RGYAS BYED YID BZHIN NOR BU RNAMS LA ZHIB TU BRTAGS TE, RANG NYID KYI NYAMS LEN DU DGE SLONG DHARMA BHA DRAS MIG DMAR GYI LO'I SA GA ZLA BA'I TSES 8 LA BZHAD DNGUL CHU RI KHROD DGA' LDAN RTZER SUG BRIS SU BYAS PA DGE LEGS 'PHEL,, *, SDE DGE'I PAR RKOS BSTAN PA DAR RGYAS KYIS LHAG BSAM RNAM PAR DAG PA'I SGO NAS PAR DU BSGRUBS PA DGE'O, ,ZHAL GRO ,SARBA MANGGA LAm,, ,,
, ,NA MA: SARBADZNYA YA, 'DIR GNAS BRTAN PHYAG MCHOD KYI SKABS SU KHRUS GSOL MDOR BSDUS BYA TSUL NI, YO BYAD RNAMS TSOGS PAR BYAS LA, GANG 'DIR BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS, RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO BSGYUR BA BLA NA MED PA, LHA DANG MI RNAMS KYI STON PA SANGS RGYAS BCOM LDAN 'DAS DPA' RGYAL BA SH'A KYA THUB PA 'PHAGS PA GNAS BRTAN BCU DRUG GI LHA TSOGS 'KHOR DANG BCAS PA RNAMS LA, YO BYAD THAMS CAD DANG LDAN PA'I KHRUS 'DI GSOL BAR BGYI'O, ,KHRUS KYI KHANG PAx, JI LTAR BLTAMS PAx, AOm SARBA TA TH'Ax, BKA' DRIN MNYAM MEDx A'A: H'Um, THUB DBANG GNAS BRTAN CHEN PO BCU DRUG DANG, ,BKA' SDOD DGE BSNYEN DHARM'A TA LA'I ZHABS, ,SGO SRUNG RGYAL CHEN SDE BZHIR BCAS PA LA, ,GLU GAR ROL MOR BCAS PAS SKU KHRUS GSOL AOm SARBAx, THUB DBANG GNAS BRTAN 'KHOR DANG BCAS RNAMS LA, ,DRI ZHIM BDUD RTZI'I KHRUS CHAB 'DI GSOL PAS, ,'GRO BA'I SGRIB GNYIS DRI MA KUN BYANG NAS, ,DRI BRAL SKU GSUM THOB PAR BYIN GYIS RLOBS, ,AOm SARBA x, DE DAG SKU LA MTSUNGS PA MED PA'I GOS, ,GTZANG LA DRI RAB BSGOS PAS SKU PHYI'O, ,AOm H'Um x, THUB DBANG GNAS BRTAN 'KHOR DANG BCAS RNAMS LA, ,CHOS GOS RNAM GSUM GDING LHUNG GSIL BYED SPOS, ,GLEGS BAM MCHOD
RTEN PROG ZHU BUM PA DANG, ,RNGA YAB NE'U LE RNA ZHAGS PHUL BA YIS, ,BSTAN PA RIN CHEN PHYOGS BCUR RGYAS PA DANG, ,'JIG RTEN BDE LEGS CHEN POS KHYAB PA DANG, ,LHAR BCAS 'GRO BA'I GTZUG GI RGYAN GYUR PA'I, ,STOBS BCU MNGA' BA'I GO 'PHANG THOB PAR SHOG ,BCOM LDAN 'DIR NI BYON PA LEGS, ,BDAG CAG BSOD NAMS SKAL BAR LDAN, ,JI SRID MCHOD PA BDAG 'BUL NA, ,DE SRID BCOM LDAN BZHUGS SU GSOL, ,ZHES PA'O, ` ,MCHOD 'PHRENG GIS TAN GDUGS DKAR GSER NYA BUM BZANG PADMA DANG, ,DUNG DKAR DPAL BE'U RGYAL MTSAN 'KHOR LO RNAMS, ,THUB DBANG x, BZHES NAS x, ME LONG 'GI'U WANG BA ZHO DUR PA DANG, ,BIL PA CHOS DUNG LI KHRI YUNGS KAR RNAMS THUN PA'I RDZAS PA ZHES NASx, 'DI RNAMS DHARMA BHA DRAS BRIS,, ,*, ,MCHOD PA'I SPRIN GYI GZUNGS NI, AOm NA MO BHA GA WA TE, BADZRA S'A DA PRA MARNGA NE, TA TH'A GA TA YA, AARHA TE, SAMYA KSAm BUDDHA YA, TADYA TH'A, AOm BADZRE BDZRE, MA H'A BADZRE, MA H'A TE DZA BADZRE, MA H'A BIDYA BADZRE, MA H'A BO DHI TZI TTA BADZRE, MA H'A BO DHI MAndO PA SAm KRA MA nA BADZRE, SARBA KARMA A'A WA RA nA BI SHO DHA NA BADZRE SV'AH'A, ZHES PA'O, ` ,'DRI KLOG LAN 'DON MCHOD SBYIN DANG, ,'CHAD NYAN BSAM SGOM CHOS SPYOD BCU'O,