, ,NA MO GU RU BHYA: 'DIR SMAN BLA MCHED BDUN LA GSOL BA GDAB TSUL NI, BLA MA SANGS RGYAS CHOS DANG DGE 'DUN LA, ,BYANG CHUB BAR DU GUS PAS BDAG SKYABS MCHI, ,'GRO BA'I DON DU SANGS RGYAS THOB BYA'I PHYIR, ,BDE GSHEGS BDUN LA GSOL BA GDAB PAR BGYI, ,LAN GSUM RANG GI SPYI BOR SANGS RGYAS SMAN GYI BLA, ,SKU MDOG SNGON PO PHYAG GA-YAS MCHOG SBYIN GYIS, ,AARU RA DANG GA-YON PAS MNYAM GZHAG STENG, ,SMAN GYI BDUD RTZIS GANG BA'I LHUNG BZED BSNAMS, ,DE YI SPYI BOR MNGON MKHYEN RGYAL PO NI, ,SKU MDOG DMAR PO MCHOG SBYIN MNYAM GZHAG MDZAD, ,DE YI SPYI BOR CHOS BSGRAGS RGYA MTSO'I DBYANGS, ,SKU MDOG DKAR DMAR PHYOG GNYIS CHOS 'CHAD MDZAD, ,DE YI SPYI BOR MYA NGAN MED MCHOG DPAL, ,SKU MDOG DMAR SKYA PHYAG GNYIS MNYAM GZHAG MDZAD, ,DE YI SPYI BOR GSER BZANG DRI MED DE, ,SKU MDOG SER PO PHYAG GNYIS TSES 'CHAD MDZAD, ,DE YI SPYI BOR SGRA DBYANGS RGYAL PO NI, ,SKU MDOG SER PO MCHOG SPYIN MNYAM GZHAG MDZAD, ,DE YI SPYI BOR MTSAN LEGS YONGS GRAGS DPAL, ,SKU MDOG SER PO SKYABS SBYIN MNYAM GZHAG MDZAD, ,THAMS CAD CHOS GOS GSUM GSOL MTSAN DPES SPRAS, ,PAD ZLA'I GDAN LA SKYIL MO KRUNG GIS BZHUGS, ,MTSAN SNYAN GA PUR ZEGS MA REG TZAM BYAS, ,MNAR MED ME YANG RAB BSIL PAD MTSO LTAR, ,SGYUR MDZAD SNYIGS MA'I MGON PO MCHED BDUN LA, LUS NGAG YID GSUM GUS PAS PHYAG 'TSAL LO, ,DNGOS BSHAMS GZUNGS RIG ,NAS; MNGON SUM BSTAN DU GSOL, ,MTSAN LEGS KYI MTSAN LAN BDUN BRJOD, DE BZHIN GSHEGS PA MTSAN LEGS PAR YONGS GRAGS DPAL 'OD DU ZHU NAS SGRA DANG
RGYAL PO LA THIM PAR GYUR, DE'I MTSAN LAN BDUN BRJOD, DE BZHIN GSHEGS PA SGRA DBYANGS RGYAL PO 'OD DU ZHU NAS GSER BZANG DRI MED LA THIM PAR GYUR, DE'I MTSAN LAN BDUN BRJOD, DE BZHIN GSHEGS PA GSER BZANG DRI MED 'OD DU ZHU NAS MYA NGAN MED MCHOG DPAL LA THIM PAR GYUR, DE'I MTSAN BDUN BRJOD, DE BZHIN GSHEGS PA MYA NGAN MED MCHOG DPAL 'OD DU ZHU NAS CHOS BSGRAGS RGYA MTSO'I DBYANGS LA THIM PAR GYUR, DE'I MTSAN BDUN BRJOD, DE BZHIN GSHEGS PA CHOS BSGRAGS RGYA MTSO'I DBYANGS 'OD DU ZHU NAS MNGON MKHYEN RGYAL PO LA THIM PAR GYUR, DE'I MTSAN BDUN BRJOD, DE BZHIN GSHEGS PA MNGON MKHYEN RGYAL PO 'OD DU ZHU NAS SMAN PA'I RGYAL PO LA THIM PAR GYUR, DE'I MTSAN BDUN BRJOD, DE BZHIN GSHEGS PA SMAN PA'I RGYAL PO 'OD DU ZHU NAS RANG LA THIM PAS RANG GI NANG GDON SDIG SGRIB THAMS CAD DAG NAS SMAN PA'I RGYAL POR GYUR PA'I THUGS KAR ZLA BA'I STENG DU H'Um YIG SNGAGS 'PHRENG DANG BCAS PAS MTSAN PAR GYUR, TARYA TH'A, AOm BHE shA DZYO BHA shA DZYO MAH'A BHEE shA DZYO BHEE shA THYE ?, R'A J'AS MUNGGA TE SV'A H'A; BZLA; BDE GSHEGS MCHOD BDUN PHYAG MCHOD MTSAN BZLAS DGES, ,GONG GI SNGON TSE BTAB PA'I SMON LAM CHOG ,BRGYAD GNYIS BZHI BZHI BCU GNYIS GRANGS LDAN PA, ,BDAG SOGS 'GRO BAS DENG 'DIR 'GRUB GYUR CIG ,CES PA 'DI YANG THAR RTZE NAM MKHA' DPAL BZANG DANG, KU S'A LI DHARMA BADZRA GYI GSUNG LA BTUS NAS BAN GZUGS DHARMA BHA DRAS RANG GI NYAMS LEN DU BRIS,, ` PAR 'DI BZHAD LJONGS DGE 'PHEL CHOS GRVAR BZHUGS,, DGE LEGS 'PHEL,, ,,