@00 *, ,DPAL LDAN RDO RJE SEMS DPA'I BSGOM BZLAS DAG BYED BDUD RTZI'I BUM BZANG ZHES BYA BA BZHUGS SO,,
, ,NA MO GU RU MANYDZU GHO sh'A YA, LHUN GRUB SKU BZHI'I BDAG NYID BLA MA DANG, ,DBYER MED DPAL LDAN RDO RJE SEMS DPA' LA, ,GUS PAS BTUD NAS SDIG LHUNG DRI MA'I TSOGS, ,DAG BYED CHO GA'I RIM PA MDOR BSDUS BSHAD, 'DIR DPAL LDAN RDO RJE SEMS DPA'I BSGOM BZLAS LA BRTEN NAS SDIG LTUNG SPYONG TSUL LA BZHI, SDIG LTUNG GI 'PHEL KHA 'CHAD PHYI DA RGYUN DU BSGOM BZLAS BYA TSUL, SDIG LTUNG RTZA BA NAS DAG PHYIR RNGOR SEMS KYI BSNYEN PA BYA TSUL, BSGOM BZLAS LA SPRO SHUGS 'PHEL PHYIR KHUNGS DANG PHAN YON BSTAN PA; MTSAN DON DANG LAS SPYOR GYI RIM PA MDO TZAM SMOS PA'O, ,DANG PO LA GSUM, SNGON 'GRO, DNGOS GZHI, MJUG GO, DANG PO SNGON 'GRO NI, 'DI'I GZHUNG SLOB DPON 'JAM
, ,DPAL GRAGS PA'I SNYING PO RGYAN LAS THUN MTSAMS SU BSGOM BZLAS BYA BAR BSHAD KYANG BOD KYI BLA MA RNAMS KYI PHYAG LEN LA ZAB KHRID GANG BSGOM YANG DE'I THUN 'GOR MDZAD PAS, 'DIR YANG 'JIGS BYED BCU GSUM MA'I MNGON RTOGS KYI 'GOR BYA BA'I DBANG DU BYAS NAS BSHAD PA LA, BLA MED KYI DBANG DANG RDOR SEMS KYI THUN MONG MA YIN PA'I RJES GNANG THOB PA'I GANG ZAG GI MTSAN NYID DANG LDAN PA'I GNAS SU BDE BA'I STAN LA LEGS PAR 'KHOD NAS, MDUN GYI NAM MKHAR SENG KHRI PAD NYI'I STENG DU BLA MA RDO RJE 'JIGS BYED KYI LHA TSOGS LA RTZA BRGYUD KYI BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA'I TSOGS KYIS BSKOR NAS BZHUGS PA'I SKYABS YUL DANG, RANG DANG RANG GI MTHA' SKOR DU 'KHOD PA'I PHA MA SEMS CAN THAMS CAD 'KHOR BA DANG NGAN SONG GI SDUG BSNGAL RGYU BCAS LA SHIN TU 'JIGS NAS SDUG BSNGAL LAS SKYOB PA DANG SDIG
LTUNG SBYONG BA'I NUS PA MDUN GYI SKYABS YUL RNAMS LA YOD PAR YID CHES KYI DAD PA BSKYED DE SKYABS 'GRO'I RGYU GSAL BTAB LA, GRUB CHEN L'A LI TA BADZRA GYI LHA ZHE DGU MA'I SGRUB THABS LAS 'BYUNG BA'I, DKON MCHOG GSUM LA SKYABS SU 'GRO, ZHES SOGS TSIGS BCAD GCIG LAN MANG DU BRJOD PA'I TSIG RKANG DANG POS SKYABS 'GRO BYA TSUL STON CING, TSIG DON NI, SKABS 'DI'I DKON MCHOG GSUM ZHES PA THEG CHEN MTHUN MONG MA YIN PA'I DKON MCHOG GSUM YIN LA, DE LA YANG MA 'ONGS PA NA RANG RGYUD LA 'BYUNG RUNG GI DKON MCHOG GSUM NI 'BRAS SKYABS YIN PAS DE LA THOB BYAR YID CHES KYIS SKYABS SU 'GRO BA DANG, DA LTA GZHAN RGYUD LA BYUNG ZIN GYI DKON MCHOG GSUM NI RGYU SKYABS YIN PAS DE LA 'BRAS SKYABS LA SBYOR BA'I SKYABS BCOL NAS SKYABS SU 'GRO BA YIN PAS DMIGS PHYED PAR BYAS LA BDUD RTZI 'BEBS SBYANGS DANG BCAS BYA'O, ,TSIG RKANG PHYI MA GSUM GYIS SEMS BSKYED BYA TSUL STON CING, TSIG DON NI, BDAG GIS RDZOGS PA'I BYANG CHUB THOB PAR BYAS NAS, DE NAS SEMS CAN THAMS CAD BDAG GIS 'KHOR BA BAG CHAGS DANG BCAS PA LAS BSGRAL BAR BYA ZHING BLA NA MED PA'I BYANG CHUB KYI GO 'PHANG GI GNAS LA DGOD PAR 'GYI'O, ,ZHES DAM 'CHA' BA'I BYANG CHUB KYI SEMS NI YANG DAG PAR BSKYED
, ,PAR BGYI'O, ,ZHES BYA BA'I DON YIN PAR RNAM BSHAD GSAL BA'I GTZUG RGYAN LAS BSHAD LA, 'DIR NI DE'I CHED DU RDO RJE SEMS DPA'I BSGOM BZLAS BYA'O SNYAM PA'I 'JUG SEMS DANG LAM LA BRTEN PA YANG TSANG DGOS PA YOD DO, ,DE LTAR SKYABS SU 'GRO ZHING SEMS BSKYED PA NI, SDIG LTUNG GI GNYEN PO STOBS BZHI'I NANG NAS RTEN GYI STOBS YIN PAS, DE GNYIS RANG RGYUD DANG 'DRES NGES SHIG MA BYAS NA GNYEN PO STOBS BZHI MI TSANG BAS TSIG BSHAD TZAM DU MA SONG BA GAL CHE'O, ,GNYIS PA DNGOS GZHI LA GSUM, SPYI BOR RDOR SEMS YAB YUM YAN LAG BZHI RDZOGS SU BSKYED PA, SDIG LTUNG SBYONG BA'I BZLAS DMIGS GSAL GDAB PA, BZLAS BYA'I SNGAGS DON BOD SKAD DU BSHAD PA'O, ,DANG PO LA BZHI, BSNYEN PA'I YAN LAG DAM TSIG PA BSKYED PA, NYE SGRUB KYI YAN LAG GNAS GSUM BYIN RLABS, SGRUB PA'I YAN LAG YE SHES PA GZHUG PA, SGRUB CHEN GYI YAN LAG DBANG BSKUR RGYAS GDAB BO, ,DANG PO NI, RANG GI SPYI BOR PAm LAS PADMA DANG, ZHES PA NAS, YAB RDO RJE SKYIL KRUNG GIS BZHUGS PA, ZHES PA'I BAR TE, DE YANG SKYABS YUL RNAMS 'OD DU ZHU NAS RANG LA THIM PAS RANG NYID RDO RJE 'JIGS BYED ZHAL GCIG PHYAG GNYIS PA YUM BCAS SU BZHENGS PA'I SPYI BOR NGO BO
STONG NYID RTOGS PA'I YE SHES YIN PA LA, RNAM PA PAm YIG DKAR PO ZHIG THOL GYIS BYUNG, DE 'OD DU MER GYIS ZHU BA LAS PADMA DKAR PO 'DAB MA BRGYUD PA, RTZA BA LA DMAR MDANGS CHAGS SHING LTE BA LJANG LA ZE'U 'BRU DMAR SER CAN SHIN TU DRANGS PA, DE'I LTE BA'I STENG DU NGO BO BDE BA CHEN PO'I YE SHES YIN PA LA RNAM PA AA THUNG DKAR PO ZHIG THOL GYIS BYUNG, DE 'OD DU MED GYIS ZHU BA LAS ZLA BA'I DKYIL 'KHOR DKAR BSIL NYA GANG BA ME LONG GYEN DU BSTAN PA LTA BU, DE'I STENG DU NGO BO SANGS RGYAS THAMS CAD KYI THUGS BDE STONG GNYIS SU MED PA'I YE SHES YIN PA LA, RNAM PA H'Um YIG DKAR PO ZHIG THOL GYIS BYUNG, DE 'OD DU MER GYIS ZHU BA LAS RDO RJE DKAR PO RTZE LNGA PA GYEN DU 'GRENGS PA'I LTE BA'I NANG DU H'Um YIG DKAR POS MTSAN PA, DE YANG ZLA DKYIL 'O MA DANG, RDO RJE SHEL DKAR DANG, H'Um YIG DUNG MDOG TU BYAS NA, KHA DOG MA ZLOS PA YIN GSUNG, DE NAS H'Um YIG DE LAS 'OD ZER DPAG TU MED PA PHYOGS BCUR SPROS PA'I 'OD ZER LA LA'I SNE LA RDOR SEMS YAB YUM SEMS CAN GYI GRANGS DANG MNYAM PA SPROS TE SPYI BOR 'KHOD PA SNYOMS PAR ZHUGS PA'I SBYOR MTSAMS NAS BYANG SEMS DKAR PO'I RNAM PA CAN GYI BDUD RTZI'I RGYUN BABS PA SEMS CAN RNAMS KYI LUS SEMS LA ZHUGS PAS, NAD GDON SDIG SGRIB THAMS CAD GAR SONG CHA MED DU SBYANGS TE SHES RGYUD YONGS SU DAG PA LA RDOR SEMS YAB YUM RJES CHAGS KYI MES ZHU NAS THIM PAS, SEMS CAN THAMS CAD RDO RJE SEMS DPA'I GO 'PHANG LA BKOD, 'OD ZER LA LA'I SNE LA MCHOD
, ,PA'I LHA MO MCHOD RDZAS SNA TSOGS THOGS PA DPAG TU MED PA SPROS TE, PHYOGS BCU'I SANGS RGYAS DANG BYANG CHUB SEMS DPA' THAMS CAD LA PHYI NANG GSANG BA'I MCHOD PA PHUL BAS THUGS RGYUD LA ZAG MED KYI BDE STONG KHYAD PAR CAN GSAR DU 'KHRUNGS PAS MNYES PAR BSAM STE, SKABS 'DIR DON GNYIS BYED PA RGYU'I MDZAD PA DANG 'OG TU DON GNYIS BYED PA 'BRAS BU'I MDZAD PA LAM DU BYED PA YIN GSUNG, DE NAS SEMS CAN RDOR SEMS SU BYAS PA DANG, SNGON NAS GRUB PA'I RGYAL BA SRAS BCAS THAMS CAD 'OD ZER GYI SNE LA TSUR 'DUS TE, RDO RJE H'Um DANG BCAS PA LA THIM PAS RDO RJE H'Um DANG BCAS PA DE 'OD DU MER GYIS ZHU BA LAS, PAD ZLA'I STENG DU SANGS RGYAS THAMS CAD KYI YE SHES GCIG TU BSDUS PA'I NGO BO RTZA BA'I BLA MA DANG DBYER MED PA'I DPAL RDO RJE SEMS DPA' SKU MDOG GANGS RIL NYI MA SHAR BA LTAR DKAR BA, ZHAL GCIG PHYAG GNYIS KYIS GA-YAS RDO RJE DKAR PO RTZE LNGA PA DANG, GA-YON DRIL BU 'DZIN PAS YUM GYI MTSAN 'OG NAS 'KHYUD CING ZHABS RDO RJE SKYIL KRUNG GIS BZHUGS PA, DE'I PAD NA YUM RDO RJE BSNYEMS MA SKU MDOG DKAR MO ZHAL GCIG PHYAG GNYIS KYIS GA-YAS RDO RJE GRI GUG DANG, GA-YON BDUD RTZIS GANG BA'I THOD PA 'DZIN PAS YAB KYI MGUL NAS 'KHYUD CING, ZHABS GNYIS YAB KYI BRLA STENG NAS 'KHRIL BA'I PADMA'I SKYIL KRUNG GIS BZHUGS PA, GNYIS KA'ANG MTSAN BZANG PO SUM
CU RTZA GNYIS DANG DPE BYAD BZANG PO BRGYAD CU DANG LDAN PA, DBU RGYAN SNYAN RGYAN MGUL RGYAN SE MO NGO DO SHAL PHYAG GDUB ZHABS GDUB 'OG PAG STE RIN PO CHE'I RGYAN BRGYAD KYIS BRGYAN CING, SKU STOD LHA RDZAS KYI GOS KYI GA SHAL DANG, SKU SMAD LHA RDZAS KYI DAR GYI SHAM THABS GSOL BA, CHE CHUNG MTHA' GANG TZAM ZHIG BSKYED PAR BYA'O, ,GNYIS PA NYE SGRUB KYI YAN LAG GNAS GSUM BYIN RLABS NI, GZHUNG DU DE'I THUGS KAR ZLA BA'I STENG DU H'Um YIG DKAR PO ZHES PA TZAM LAS MA GSUNGS KYANG 'KHRID RGYUN LA YOD PA LTAR YAB YUM GNYIS KA'I SPYI BOR 'KHOR LO DKAR PO RTZIBS BRGYAD PA'I LTE BAR SKU RDO RJE'I NGO BO AOm YIG DKAR PO, MGRIN PAR PADMA DMAR PO 'DAB MA BRGYAD PA'I LTE BAR GSUNG RDO RJE'I NGO BO A'A: YIG DMAR PO, THUGS KAR KUN RDZOB BYANG CHUB KYI SEMS KYI NGO BO ZLA BA'I DKYIL 'KHOR GYI LTE BAR DON DAM BYANG CHUB KYI SEMS KYI NGO BO H'Um YIG DKAR PO ZHIG BSAM STE, SPYIR THUGS KA'I H'Um YIG SNGON PO BYED PA MANG YANG, 'DIR DKAR PO BYED PA NI, SDIG SGRIB SBYONG BA ZHI BA'I LAS YIN PAS DE 'GRUB PA'I CHED DU YIN GSUNG, GSUM PA SGRUB PA'I YAN LAG YE SHES PA GZHUG PA NI, DE LAS 'OD ZER 'PHROS, RANG 'DRA'I YE SHES PA SPYAN DRANGS, GNYIS SU MED PAR GYUR, CES PA STE, YAB YUM GYI THUGS KA'I H'Um DE LAS 'OD ZER DMAR PO LCAGS KYU LTA BU PHYOGS BCUR SPROS PAS, PHYOGS BCU'I SANGS RGYAS THAMS CAD RANG BZHIN CHOS SKU'I GNAS NAS BSGOMS PA DANG 'DRA BA'I GZUGS SKU'I RNAM PAR SPYAN DRANGS PA RNAMS GCIG LA GCIG THIM NAS
, ,MTHAR RDOR SEMS YAB YUM ZUNG GCIG TU GYUR PA DZA: ZHES PAS DAM TSIG PA SO SO'I SPYI BOR MI THOG TU MI BRTZEGS PA LTAR DGUG ,H'Um ZHES PAS DAM TSIG PA SO SO LA ME LONG GI NGOS LA GZUGS BRNYAN SHAR BA LTAR GZHUG ,BAm ZHES PAS DAM YE DBYER MED DU CHU LA CHU 'DRES PA LTAR BCING, HO: ZHES PAS DAM TSIG PA LA YE SHES PA MI DGYES PA MED PAR LANG TSO CAN LA 'DONG LDAN CHAGS PA LTAR MNYES SHING DBANG DU GYUR PAR BSAM STE, GZHUNG DU MI GSAL YANG RJE'I CHOS DRUG YID CHES GSUM LDAN DANG, RIM LNGA GDAN RDZOGS KYI DMAR 'KHRID GNYIS SU 'BYUNG BAS DZA: H'Um BAm HO: NGAG TU BRJOD PA LEGS SO,, BZHI PA SGRUB CHEN GYI YAN LAG DBANG BSKUR RGYAS GDAB NI, SLAR YANG THUGS KA'I H'Um LAS 'OD ZER 'PHROS, ZHES PA NAS, MI BSKYOD PAS DBU BRGYAN PAR GYUR, CES PA'I BAR TE, SLAR YANG THUGS KA'I H'Um LAS 'OD ZER SNGAR BZHIN SPROS PAS, STENG 'OG GI RGYAL BA THAMS CAD MI BSKYOD PA SNGON PO YAB YUM DANG, SHANG DANG SHAR LHO'I RGYAL BA THAMS CAD RNAM SNANG DKAR PO YAB YUM DANG, LHO DANG LHO NUB KYI RGYAL BA THAMS CAD RIN 'BYUNG SER PO YAB YUM DANG, NUB DANG NUB BYANG GI RGYAL BA THAMS CAD 'OD DPAG MED DMAR PO YAB YUM DANG, BYANG DANG BYANG SHAR GYI RGYAL BA THAMS CAD DON GRUB LJANG GU YAB YUM GYI RNAM PAR SPYAN
DRANGS PA RNAMS GCIG LA GCIG THIM NAS MTHAR RIGS LNGA YAB YUM TSAN PA GCIG TU GYUR PA LA, THAL MO SPYAR TE MI BSKYOD PA GTZO BOR BZHUGS PA'I DE BZHIN BSHEGS PA RIGS LNGA YAB YUM THAMS CAD KYIS SPYI BO'I RDOR SEMS YAB YUM DAM YE GCIG TU GYUR PA 'DI LA MNGON PAR DBANG BSKUR TU GSOL, ZHES SNYING THAG PA NAS GSOL BA BTAB PAS, DE BZHIN GSHEGS PA RIGS LNGA YAB RNAMS KYIS DBANG BSKUR BA'I DGONGS PA MDZAD, YUM RNAMS KYIS PHYAG NA YE SHES KYI BDUD RTZIS GANG PA'I BUM PA DKAR PO THOGS TE, ZHAL NAS SNGAGS BRJOD PA DANG BCAS RDOR SEMS YAB YUM GYI SPYI BO NAS CHU RUB KYI TSUL DU BLUG STE DBANG BSKUR BAS DRI MA THAMS CAD LHAG MED DU DAG ,YAB YUM GNYIS KA'I SKU'I NANG THAMS CAD YE SHES KYI BDUD RTZI'I RGYUN GYIS GANG BAS THUGS RGYUD LA BDE STONG KHYAD PAR CAN GSAR DU 'KHRUNGS, CHUS SKU GANG BA'I LHAG MA SPYI GTZUG TU RGYANGS KYIS LUNG PA 'OD DU MED GYIS ZHU BA LAS RAL PA'I THONG COG GI RTZER YAB LA MI BSKYOD PA DANG YUM LA RDO RJE SEMS DPA' SPRUL SKU'I RNAM PA CAN GYIS BRGYAN CING DBANG LHA RNAMS KYANG RIGS BDAG LA THIM PAR BSAM MO, ,DE LA DBANG BSKUR BA'I SNGAGS DON NI, THOG MTHA'I AOm DANG H'Um LA BSGYUR RGYU MED KYANG, SARBA THAMS CAD, TA TH'A DE BZHIN GA TA GSHEGS PA, AA BHI MNGON PAR, shE KA TA DBANG
, ,BSKUR BA, SAM YA DAM TSIG ,SHRI YE DPAL GYI CHED DU ZHES PA STE, DAM TSIG DPAL GYI CHED DU DE BZHIN GSHEGS PA THAMS CAD KYI MNGON PAR DBANG BSKUR BA'O DBANG BSKUR BA'I DGOS PA YANG RDO RJE SEMS DPA' SOGS SANGS RGYAS RNAMS LA DAG RGYU'I DRI MA DANG BDE STONG GSAR DU BSKYED DGOS PA CI YANG MED MOD KYI SGRUB PA PO RANG RGYUD KYI DRI MA DAG PA DANG, RTOGS PA BSKYED PA'I CHED DU YIN TE, RGYAL BA'I SKU GSUNG THUGS LA NYON MONGS MI MNGA' YANG, ,SEMS CAN LUS NGAG YID GSUM SGRIB PA SBYANG SLAD DU, ZHES GSUNGS PA LTAR RO GSUNG, 'DIR YUM LA RDOR SEMS KYIS RGYAS GDAB PAR RJE NGAG DBANG BYAMS PA'I GSANG 'DUS BSKYED RIM DU BSHAD LA, DE YANG YAB LA MI BSKYOD PAS BRGYAN PA NI RGYU LA 'BRAS BUS RGYAS BTAB PA DANG, YUM LA RDOR SEMS KYIS BRGYAN PA NI, 'KHOR LA GTZO BOS RGYAS BTAB PA YIN GSUNG, GNYIS PA SDIG LTUNG SBYONG BA'I BZLAS DMIGS GSAL GDAB PA NI, BCOM LDAN 'DAS RDO RJE SEMS DPA', ZHES PA NAS, MTHU STOBS PHUN SUM TSOGS PAR GYUR, CES PA'I BAR TE, RANG YI DAM DU GSAL BA'I THUGS KA'I H'Um YIG LA SEMS ZHUGS PA LTAR BYAS NAS �BZUNG STE, DES YAR BLTAS PAS SPYI BO'I BLA MA RDO RJE SEMS DPA'I THUGS KAR ZLA DKYIL GYI LTE BAR H'Um YIG DKAR PO DANG, DE'I MTHAR MDUN
NAS BRTZAMS TE GA-YAS SKOR DU YI GE BRGYA PA'I SNGAGS GYEN 'GRENG DUNG 'PHRENG BSTAR LA BRGYUS PA LTA BUS BSKOR BA GSAL BTAB LA, KYE BCOM LDAN 'DAS RDO RJE SEMS DPA'I ZHES MTSAN NAS LHANG STE BOS LA, BDAG GZHAN SEMS CAN THAMS CAD 'KHOR BA'I GNAS NA SDUG BSNGAL MTHA' MED DU MYONG BA'I RGYU SNGAR BSAGS KYI LAS NGAN SDIG SGRIB SPYI DANG, KHYAD PAR GSANG SNGAGS KYI DAM TSIG DANG SDOM PA NYAMS PA'I SKYON CHAGS PA THAMS CAD LA DUG KHONG DU SONG BA LTA BU'I 'GYOD SEMS RNAM PAR BSUN 'BYIN PA'I STOBS BSKYED NAS, DE RNAMS LHAG MED DU BYANG ZHING DAG PAR MDZAD DU GSOL, ZHES GDUNG SHUGS DRAG POS GSOL BA BTAB PAS, THUGS KA'I H'Um YIG SNGAGS 'PHRENG DANG BCAS PA LAS 'OD ZER DKAR PO PHYOGS BCUR 'PHROS PHYOGS BCU'I SEMS CAN THAMS CAD LA 'OD ZER GYIS REG PA TZAM GYIS SGRIB GNYIS BAG CHAGS DANG BCAS PA DAG NAS RDO RJE SEMS DPA' YAB YUM DU GYUR PA DANG, SNGAR BZHIN 'OD ZER DKAR PO PHYOGS BCUR 'PHROS PA SEMS CAN THAMS CAD KYI SPYI BOR ZUG PA LA 'KHRIL NAS BDUD RTZI DKAR PO'I RGYUN BABS PAS SGRIB GNYIS BAG CHAGS DANG BCAS PA BKRUS NAS LUS BDUD RTZI'I RGYUN GYIS GANG STE RDO RJE SEMS DPA' YAB YUM DU GYUR PA DANG, SNGAR BZHIN 'OD ZER DKAR PO PHYOGS BCUR 'PHROS PA'I
, ,SNE LA RDOR SEMS YAB YUM ZHAL SBYOR GYI RNAM PA CAN DPAG TU MED PA SPROS TE, SEMS CAN RNAMS KYI SPYI BOR YAB YUM ZUNG RE BZHUGS NAS SNYOMS 'JUG MDZAD PA'I SBYOR MTSAMS NAS BYANG SEMS DKAR PO'I RNAM PA CAN GYI BDUD RTZI'I RGYUN BABS PA SEMS CAN RNAMS KYI LUS SEMS LA ZHUGS PAS, SGRIB GNYIS BAG CHAGS DANG BCAS PA LHAG MED DU BKRUS TE SHES RGYUD YONGS SU DAG PA LA, RDOR SEMS YAB YUM RJES CHAGS KYI MES BDE STONG GI NGO BOR ZHU NAS THIM PAS, SEMS CAN THAMS CAD RDO RJE SEMS DPA'I GO 'PHANG LA BKOD PAR MOS PA STE, MDOR NA SEMS CAN THAMS CAD KYI SDIG SGRIB SBYANGS, ZHES PA'I SKABS SU GZHAN DON GYI DMIGS PA DE GSUM GANG BDE ZHIG BYA'O, ,DE NAS YANG THUGS KA'I H'Um YIG SNGAGS 'PHRENG DANG BCAS PA LAS 'OD ZER DKAR PO PHYOGS BCUR 'PHROS PA'I SNE LA MCHOD PA'I LHA MO MCHOD RDZAS SNA TSOGS THOGS PA DPAG TU MED PA SPROS TE, PHYOGS BCU'I SANGS RGYAS SRAS BCAS THAMS CAD LA THUGS MNYES PA'I MCHOD PA SNGAR BZHIN PHUL NAS LHA MI RNAMS MCHOD YUL SO SO'I THUGS KAR THIM ZHING 'OD ZER GYI SNE MO THUGS KAR THUG PA LA 'KHRIL NAS SEMS CAN RDOR SEMS SU BYAS PA DANG, SNGON NAS GRUB PA'I RGYAL BA SRAS BCAS RNAMS KYI SKU GSUNG THUGS KYI YON TAN THAMS CAD BDUD RTZI DKAR PO 'OD ZER DKAR DMAR MTHING GSUM 'PHRO BA DANG BCAS PA'I RNAM PAR BSDUS NAS SPYI BO'I
RDOR SEMS YAB YUM GYI SKU SPYI DANG, KHYAD PAR THUGS KA'I H'Um YIG SNGAGS 'PHRENG DANG BCAS PA LA THIM PAS, RDO RJE SEMS DPA' YAB YUM SNGAR LAS KYANG SKU'I GZI BRJID DANG, SDIG SGRIB SBYONG BA'I MTHU STOBS NUS PA PHUN SUM TSOGS PAR GYUR TE, SKU LAS 'OD ZER MU MED DU 'PHRO ZHING THUGS KA'I H'Um YIG SNGAGS 'PHRENG DANG BCAS PA LAS BDUD RTZI DKAR PO SKYA PHRO MA PHRO DU 'DZAG BZHIN PA ZHIG TU GYUR PAR BSAMS LA, DMIGS PA 'CHAR BDE NA, GSANG 'DUS RTZA RGYUD LAS, 'DOD PA SNYING GAR BZHAG BYA STE, ZHES GSUNGS PA'I MAN NGAG ZHAL SHES LTAR, RANG GI THUGS KA'I H'Um YIG GI THIG LE'I NANG DU ZLA GDAN GYI STENG DU DBUS SU RANG NYID THA MAL PA, DE'I MDUN DU TSE 'DI'I PHA MA, GA-YAS SU SPUN ZLA, GA-YON DU MDZA' GROGS, RGYAB TU GNYEN 'KHOR, DE RNAMS KYI MTHA' SKOR DU KHAMS GSUM GYI SEMS CAN THAMS CAD PA'I DREG PA LTAR SMUG SHIG GAR YOD PAR BSAM STE, SPYI BO'I RDOR SEMS KYI THUGS KA'I SNGAGS 'PHRENG BKLAGS TE SNGAGS DON LTAR GSOL BA 'DEBS PAR MOS NAS YIG BRGYA BZLAS PAS, YAB YUM GNYIS KA'I SKU'I CHA THAMS CAD DANG, KHYAD PAR H'Um YIG SNGAGS 'PHRENG DANG BCAS PA LAS BDUD RTZI DKAR PO'I RGYUN 'O RKYAL MDUNG GIS PHUG PA LTAR SKYA RGYANGS KYIS BYUNG BAS RANG GZHAN THAMS CAD KYI SPYI BO NAS RKANG MTHIL GYI BAR DU YAS RIM GYIS GANG NAS SDIG SGRIB THAMS CAD SOL KHU DANG, DUD KHU'I
, ,RNAM PA DANG, NAD THAMS CAD BSHANG GCI DANG RNAG KHRAG GI RNAM PA DANG, GDON THAMS CAD SDOM DANG SDIG PA RVA CAN GYI RNAM PAR CHU SNE LA RTZVA SPUNG DED PA LTAR SPANGS NAS 'OG SGO GNYIS DANG BA SPU'I BU GA THAMS CAD NAS THON TE DBANG CHEN GSER GYI SA GZHI'I 'OG TU SONG, LUS SHEL GONG RDUL PHYIS PA LTAR DANG SA GSAL 'OD KYI RANG BZHIN CAN DU GYUR PAR BSAM PA NI, YAS 'DED KYI DMIGS PA DANG, YANG SNGAR BZHIN BDUD RTZI BYUNG BAS RANG GZHAN THAMS CAD KYI RKANG MTHING NAS SPYI BO'I BAR DU MAS RIM GYIS GANG NAS SDIG SGRIB NAD GDON THAMS CAD RTZA SBUR CHU STENG DU GA-YENGS PA LTAR BTEG NAS DBANG PO'I SGO DANG BA SPU'I BU GA THAMS CAD NAS THON TE GAR SONG CHA MED DU DAG ,LUS SHEL GONG RDUL PHYIS PA LTAR DVANGS GSAL 'OD KYI RANG BZHIN CAN DU GYUR PAR BSAM PA NI, MAS 'DED KYI DMIGS PA DANG, YANG SDIG SGRIB NAD GDON THAMS CAD RANG GZHAN GYI SNYING GAR SOL PHYE'I PHUNG PO LTAR NAG 'GAR RE GNAS PA LA, SNGAR BZHIN BDUD RTZI'I RGYUN DRAG TU BABS PAS 'BAB CHU DRAG PA'I STENG DU GAD PA LHUNGS PA LTAR NAG 'DUD GYIS SBYANGS, LUS SHEL GONG RDUL PHYIS PA LTAR DVANGS GSAL 'OD KYI RANG BZHIN CAN DU GYUR PAR BSAM PA NI, PHUNG 'DED KYI DMIGS PA STE, MDOR NA RANG DON GTZO CHA BA'I DMIGS PA DE GSUM RE MOS KYIS NYAMS SU LEN CING BAR BAR DU SPYI BO'I
RDO RJE SEMS DPA' YAB YUM NYID SANGS RGYAS THAMS CAD KYI YE SHES GCIG TU BSDUS PA'I NGO BO RTZA BA'I BLA MA DANG DBYER MED DU BLTAS TE MOS GUS SHUGS DRAG TU BYED PA DANG, DON DAM PAR BZLAS BSGOM BYED PA PO DANG, BZLAS BYA'I SNGAGS DANG, SBYANG BYA'I SDIG SGRIB SOGS RANG BZHIN GYIS GRUB PA'I CHOS RDUL TZAM YANG MED PAR NGES PA'I 'KHOR GSUM MI DMIGS PA'I RGYAS 'DEBS DANG, KUN RDZOB TU RGYU 'BRAS BSLU BA MED PAS RMI LAM BZHIN DU YID CHU'I ME 'ONG BA'I RNAM SMIN 'BYIN PA'I NUS PA CAN GYI SDIG SGRIB RNAMS BLA MA RDO RJE SEMS DPA'I BYIN RLABS DANG, STOBS BZHI TSANG BA'I TING NGE 'DZIN GYI MTHU STOBS DANG, GZUNGS SNGAGS ZAB MO'I BZLAS BRJOD KYI NUS PA LA BRTEN NAS NGES PAR SBYONG NUS SO SNYAM DU BSAM PA DANG, RANG DANG SNYING GA'I SEMS CAN THAMS CAD KYIS SNANG STONG TSOGS PA SGYU MA LTA BU'I NGANG NAS YI GE BRGYA PA'I BZLAS BRJOD 'UR CHEM CHEM BYED PA'I MOS PA RNAMS KYANG BYA'O, ,GZHAN YANG TING NGE 'DZIN GYI DBANG BZHI LEN TSUL DANG, RDZOGS RIM ZAB MO'I NYAMS LEN DANG RJES SU MTHUN PA'I DMIGS PA'I BSGYUR TSUL SOGS BRGYUD LDAN BLA MA MNYES PA'I GSUNG LAS 'BYUNG BA YANG 'GA' ZHIG YOD GSUNG, GSUM PA BZLAS BYA'I SNGAGS DON BOD SKAD DU BSHAD PA NI, SNGAGS NI YI GE BRGYA PA YIN LA, DE LA YANG PADMA DANG GSHIN RJE'I GSHED DANG HE RU KA DANG RDO RJE SEMS DPA'I
, ,YIG BRGYA SOGS DU MA YOD PA LAS 'DIR PHYI MA'O, ,SPYIR YIG BRGYA ZHES PA NI YI GE STOG LDAN BRGYA BLAG GCIG YOD PA'I DON YIN LA, DE YANG SARBA SIDDHI YAN CHAD LA YI GE LNGA BCU DANG, ME PRA YATZTSA MAN CHAD LA YI GE LNGA BCU YOD PAR GSUNGS PAS, MTHA'I H'Um PHAt GNYIS NI GSHIN RJE'I GSHED DANG HE RU KA'I YIG BRGYA KHA MAm BGRANGS NA 'CHAD CING, PADMA DANG RDO RJE SEMS DPA'I YIG BRGYA LA BGRANGS NA LHAG PAR MNGON NO, ,DE LTAR NA THOG MTHA' BAR GSUM GYI AOm A'A: H'Um GSUM DANG, HA BZHI DANG, STE LNGA NI, BOD SKAD DU BSGYUR RGYU MED KYANG RDO RJE GSUM DANG YE SHES LNGA'I MTSON BYED YIN PAR 'DOD PA LEGS LA, DE PHYIN GYI YI GE GO GNYIS LA'ANG BSGYUR LUGS MANG DU YOD KYANG 'DIR LEGS CHA BSDUS NAS BSGYUR NA, BADZRA RDO RJE, SATVA SEMS DPA' SA MA YA DAM TSIG ,MA NU RJES SU, P'A LA YA SKYONGS SHIG STE, RDO RJE SEMS DPA' DAM TSIG RJES SU SKYONGS SHIG ,CES DANG, BADZRA RDO RJE, SATVA SEMS DPA', TVEN NYID KYIS, AU PA NYE BAR, TIshthA GNAS PAR MDZOD DE, RDO RJE SEMS DPA' NYID KYIS NYE BAR GNAS PAR MDZOD, CES DANG, DRi dHO BRTAN PA, ME BDAG LA BT'A BA DNGOS POR MDZOD DE, BDAG LA BRTAN PA'I DNGOS POR MDZOD, CES DANG, SU YAN TU, TO shYO DGYES PA, ME BDAG LA, BH'A BA DNGOS POR MDZOD DE, BDAG LA SHIN TU DGYES PA'I DNGOS POR MDZOD, CES DANG, AA
NU RJES SU RAKTO CHAGS PA, ME BDAG LA, BH'A BA DNGOS POR MDZOD DE, BDAG LA RJES SU CHAGS PA'I DNGOS POR MDZOD, CES DANG, SU SHIN TU, PO shYO RGYAS PA, ME BDAG LA, BH'A BA DNGOS POR MDZOD DE, BDAG LA SHIN TU RGYAS PA'I DNGOS POR MDZOD, CES DANG, SARBA THAMS CAD, SID DHI DNGOS GRUB, ME BDAG LA, PRA RAB TU, YATZTSA STZOL TE, DNGOS GRUB THAMS CAD BDAG LA RAB TU STZOL, CES DANG, SARBA THAMS CAD, KARMA LAS, SU TZA LA MANG, ME BDAG GI ,TZIHTAm STEMS, SHR'I YA DGE BAR ,KU RU MDZOD DE, LAS THAMS CAD LA YANG BDAG GI SEMS DGE BAR MDZOD, CES DANG, BHA GA W'AN BCOM LDAN 'DAS, SARBA THAMS CAD, TA TH'A DE BZHIN, GA TA GSHEGS PA, BADZRA RDO RJE, MA ME MUNYTZA BDAG MA GTONG ZHIG STE, BCOM LDAN 'DAS DE BZHIN GSHEGS PA THAMS CAD KYI RDO RJE BDAG MA GTONG ZHIG ,CES DANG, BADZR'I RDO RJE CAN, BH'A BA DNGOS POR MDZOD, MAH'A CHEN PO, SA MA YA DAM TSIG ,SATVA SEMS DPA' STE, RDO RJE CAN GYI DNGOS POR MDZOD DAM TSIG SEMS DPA' CHEN PO, ZHES PA'O, ,MDOR NA MDOR BSTAN RGYAS BSHAD DON BSDU'I TSUL GYIS DNGOS GRUB LA GSOL BA 'DEBS PA SNGAGS 'DI'I DON YIN CING, RGYAS BSHAD KYANG DNGOS GRUB RAB YE SHES LNGA DANG, 'BRID GRUB PA CHEN PO BRGYAD DANG, THA MA LAS BZHI'I DON DU GSOL BA 'DEBS PA YIN GSUNG, GZHAN YANG SNGAGS 'DI'I MTSON DON GSANG 'DUS KYI DBANG DU BYAS TE
, ,BSHAD NA, YI GE BRGYAS DAM PA RIGS BRGYA DANG, HA BZHI DANG HO STE LNGAS DE NYID RIG LNGA DANG, AOm AA: H'Um GSUM GYIS GSUNG PA RIGS GSUM DANG, DBUS KYI H'Um YIG GIS GSANG CHEN RIGS GCIG GI RDO RJE SEMS DPA' MTSON PA YIN GSUNG, GZHAN YANG MTSAMS NAM MKHA' GRAGS KYIS BSGRIGS PA'I SNAR THANG BRGYA RTZA LAS, RDO RJE SEMS DPA' NYE BA NYID DU SBYONG, ,RIG PA'I RGYAL PO BDAG LA BRTAN PAR DGONGS, ,GSANG BA'I DBANG PHYUG BDAG LA GOS PAR GOMS, RTOGS PA CHOS BZHIN BSKYED LA DGYES PA BSKYED, ,'DOD PA KUN BYED BDAG LA CHAGS PA STON, ,DANG PO'I SANGS RGYAS MNYAM MED THUGS RJE CAN, LAS RNAMS KUN LA BDAG SEMS DGE BAR SGYUR, ,BDAG GI DGE BA'I LAS RNAMS THAMS CAD LA, ,RDO RJE SEMS DPAS BYIN GYIS BRLAB TU GSOL, ,RDO RJE SEMS DPA'I YI GE BRGYA PA JO BO RJE DANG LO TZ'A BA RIN CHEN BZANG POS BSGYUR BA'O, ,ZHES RDOR SEMS KYI YIG BRGYA DANG, SANGS RGYAS BKA' 'BUM LAS, AOm; GSHIN RJE GSHED PO DAM TSIG RJES SU SKYONGS, ,GSHIN RJE GSHED PO NYID KYIS NYER GNAS MDZOD,, BDAG LA BRTAN ZHING BRTAN PA'I DNGOS POR MDZOD, ,BDAG LA SHIN TU DGYES PA'I DNGOS POR MDZOD, ,BDAG LA RJES SU CHAGS PA'I DNGOS POR MDZOD, ,BDAG LA SHIN TU RGYAS PA'I DNGOS POR MDZOD,,
BDAG LA DNGOS GRUB THAMS CAD RAB TU STZOL, ,LAS RNAMS KUN TU GA-YO BA'I BDAG GI SEMS, ,GNYIS MED YE SHES NYID DU MDZAD DU GSOL, ,H'Um YE SHES LNGA BDAG BCOM LDAN DE BZHIN GSHEGS, GSHIN RJE GSHED PO RAB GROL RDO RJER MDZOD, ,SEMS DPA' CHEN PO NYID DANG MNYAM PAR MDZOD, ,A'A: H'Um H'Um PHAt PHAt SV'AH'A, ZHES GSHIN RJE GSHED YIG BRGYA TSIGS BCAD DU BSGYUR BA YANG YOD DO, GSUM PA MJUG NI, BZLAS PA'I MTHAR, BDAG NI MI SHES RMONGS PA YIS, ,ZHES PA NAS, DBYER MI PHYED PAR GYUR, CES PA'I BAR TE, BZLAS PA ZIN PAR MTHAR THAL MO SBYAR TE YID RTZE GCIG PAS, PHYIN CHAD SDIG LTUNG SROG LA BAG KYANG MI BYA'O SNYAM PA'I SDOM SEMS DANG LDAN PA'I SGO NAS, AA BHI DHA NA STE BDE MCHOG GI BSHAD RGYUD MNGON BRJOD BLA MA NAS 'BYUNG BA'I TSIGS BCAD PHYED DANG GNYIS KYIS GSOL BA 'DEBS PA NI NYES PA LAS SLAR LDOG PA'I STOBS SO, GSOL 'DEBS KYI TSIG DON NI, BDAG NI MI SHES RMONGS PA'I DBANG GIS SDOM PA GSUM GYI RTZA BA DANG YAN LAG GI DAM TSIG TSUL BZHIN DU SRUNG BA LAS 'GAL ZHING NYAMS PA DANG, GZHAN YANG BCAS PA DANG RANG BZHIN GYI KHA NA MA THO BA'I SDIG PA DANG SGRIB PA SNGON CHAD DPAG TU MED PA BSAGS PA DE DAG THAMS CAD LA GNOD ZHING 'GYOD PA'I SGO NAS
, ,BSHAGS PA YIN PAS BLA MA DANG MGON PO RDO RJE SEMS DPA' KHYED KYIS BDAG LA SKYABS MDZOD CIG ,PHYIN CHAD DE LTA BU SROG LA BAB KYANG MI BYED CING, SMON PA YID BZHIN DU 'GRUB PAR THUGS RJE CHEN PO'I BDAG NYID CAN 'GRO BA THAMS CAD DANG RIGS KUN GYI GTZO BO RDO RJE 'DZIN PA KHYOD LA SNYING THAG PA NAS RE LTOS 'CHA' BA YIN PAS, KHYED KYIS BDAG LA MGON SKYABS DPUNG GNYEN MDZOD CIG ,CES PA'O, ,DE LTAR GDUNG SHUGS DRAG POS GSOL BA BTAB PAS SPYI BO'I RDO RJE SEMS DPA' SHIN TU DGYES NAS ZHAL 'DZUM BAG DANG BCAS TE RIGS KYI BU ZHES RANG LA BOS NAS KHYOD KYI SDIG SGRIB SPYI DANG KHYAD PAR SNGAGS KYI DAM TSIG NYAMS CHAGS THAMS CAD BYANG ZHING DAG PA YIN NO, ,ZHES GSUNG GIS DBUGS DBYUNG STZAL TE, THUGS KA'I 'OD ZER BSDUS PAS DE'I SNE LA BZHUGS PA'I SEMS CAN THAMS CAD RDO RJE SEMS DPAR BYAS PA DANG, PHYOGS BCU'I RGYAL BA SRAS DANG BCAS PA BKUG NAS, SPYI BO'I RDO RJE SEMS DPA' YAB YUM LA THIM, YAB YUM NYOMS PAR ZHUGS PAS RJES CHAGS KYI MES BDE STONG GI NGO BO'I BYANG CHUB KYI SEMS SU ZHU BA RANG GI TSANGS BUG NAS ZHUGS TE DH'U T'I'I LAM BRGYUD NAS SNYING GA'I MI SHIGS PA'I THIG LE'I NGO BO H'Um YIG BSGRUB BYA DANG BCAS PA LA THIM PA YONGS SU GYUR PA
LAS; RANG GI SHIN TU PHRA BA'I SGO GSUM DANG, RDO RJE SEMS DPA'I SKU GSUNG THUGS DBYER MED DU 'DRES PA'I RDOR SEMS YAB YUM GYI SKU MTSON GANG TZAM ZHIG LA SEMS ZHUGS PA BZHIN DU NGA RGYAL BZUNG NAS, DGE BA 'DI YIS MYUR DU BDAG ,CES SOGS DANG, 'JAM DPAL DPA' BOS JI LTAR MKHYEN PA DANG, ZHES SOGS KYIS DGE RTZA BSNGO BA DANG SMON LAM BYA'O, ,GNYIS PA SDIG LTUNG RTZA BA NAS DAG PHYIR RDOR SEMS KYI BSTEN PA BYA TSUL NI, SDIG LTUNG SBYANG BA ZHI BA'I LAS YIN PAS ZLA BA YAR NGO'I TSES GCIG LA SOGS PA'I DUS TSES BZANG PO'I NYIN YID MTHUN GYI GNAS SU RDO RJE SEMS DPA'I BRIS 'BUR GYI SKU RTEN DANG, ZLUM GTOR DKAR PO DANG, PHYI NANG GI MCHOD PA RNAMS LEGS PAR BSHAM, GZHAN YANG NAG PHYOGS PA BSKRAD PA DANG, DKAR PHYOGS PA LA 'PHRIN LAS 'CHOL BA DANG, MTSAMS MTHO SLONG BA SOGS BSNYEN MTSAMS SPYI LA DGOS PA'I STA GON RNAMS BYAS LA, SROD KYI DUS SU STAN BDE BA LA SHAR DU PHYOGS PAS 'KHOD DE, MDUN GYI NAM MKHAR SENG KHRI PAD ZLA'I GDAN LA BLA MA RDO RJE SEMS DPA'I LHA TSOGS SOGS SKYABS YUL DANG SKYABS 'GRO'I RGYU GSAL BTAB LA, SKYABS 'GRO SEMS BSKYED TSAD MED BZHI BCAS RNAMS SPYI LTAR BYAS TE SKYABS YUL RNAMS RANG LA BSTIM, DE NAS BSNYEN PA'I SKABS
, ,RANG NYID RDOR SEMS SU BSGOMS NAS BYAS PAS CHOG MOD KYANG, BLA MA RNAMS KYI PHYAG BZHES LA SPYI BOR BSGOMS NAS MDZAD PA BDUD RTZI 'BEBS SBYANG GI DMIGS PA SKYONG BDE KHYAD YIN PAS, 'DIR YANG RANG THA MAL DU GNAS PA'I SPYI BOR SNGAR BZHIN RDOR SEMS YAB YUM YAN LAG BZHI RDZOGS SU BSKYED NAS BZLAS DMIGS GSAL BTAB STE, THUN RE LA YIG BRGYA LNGA BRGYA NAS TSIG STONG TZAM GYI BAR JI LTAR RIGS PA BZLAS LA GRANGS BZUNG STE, MJUG TU, BDAG NI MI SHES RMONGS PA YIS, ZHES PA NAS, ZHES GSUNGS NAS RANG LA THIM PAS RANG NYID RDO RJE SEMS DPA' YAB YUM DU GYUR PA'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, CES BSKYED LA, BSNYEN DUS SU THUN MTHAR GTOR MA NGES PAR 'BUL DGOS PAR GSUNGS PAS DE'I TSUL NI, PHYAG RGYA DANG BCAS TE, AOm A'A: H'Um HA HO HR'I: LAN GSUM GYIS NANG MCHOD DANG GTOR MA BYIN GYIS BRLABS, BADZRA AA MRi TAS BSANGS, SVA BH'A WAS SBYANGS, STONG PA'I NGANG LAS A'A: LAS THOD PA'I SNOD RNAMS KYI NANG DU, H'Um LAS MCHOD RDZAS RNAMS RANG BZHIN BDE STONG, RNAM PA MCHOD RDZAS, BYED LAS ZAG MED KYI BDE BA BSKYED PA'I NUS PA DANG LDAN PAR GYUR, AOm ARGHAm A'A: H'Um NAS AOm SHAPTA A'A: H'Um GI BAR GYIS MCHOD PA
RNAMS BYIN GYIS BRLABS LA, RANG GI THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS DPAL RDO RJE SEMS DPA' YAB YUM LA SANGS RGYAS DANG BYANG CHUB SEMS DPA'I TSOGS GYIS BSKOR BA SPYAN DRANGS TE, MDUN GYI NAM MKHAR BZHUGS PAR LJAGS 'OD ZER GYI SPU GUS GTOR MA'I BCUD THAMS CAD DRANGS TE GSOL BAR GYUR, AOm BADZRA SAH'A SA PA RI W'A RA AI DAm BA LIm TA KHA KHA KH'A HI KH'A HI, ZHES PA BDUN GYIS DBUL, AOm BADZRA SA TVA SA PA RI WA RA ARGHAm NAS SHAPTA PRA T'I TZTSA H'Um SV'A H'A'I BAR GYIS PHYI MCHOD DANG, AOm BADZRA SA TVA SA PA RI W'A RA AOm A'A: H'Um GIS NANG MCHOD PHUL, MI BSKYOD RDO RJE YE SHES CHE, ,RDO RJE DBYINGS NI MKHAS PA CHE, ,RDO RJE GSUM MCHOG DKYIL 'KHOR GSUM, ,RDO RJE SEMS DPA' LA PHYAG 'TSAL, ,ZHES PAS BSTOD, GANG YANG BDAG BLO RMONGS PA YIS, ,ZHES SOGS KYIS BZOD PAR GSOL, YIG BRGYAS KHA BSKANGS, BCOM LDAN 'DAS RDO RJE SEMS DPA' BDAG DANG SEMS CAN THAMS CAD KYI SDIG SGRIB THAMS CAD ZHI BA DANG, MCHOG MTHUN MONG GI DNGOS GRUB MA LUS PA STZAL TU GSOL, ZHES 'DOD DON LA GSOL BA BTAB, AOm BADZRA MU: GTOR MGRON RNAMS RANG NYID LA THIM PAR GYUR, CES BSDUS LA, DGE BA 'DI YIS MYUR DU BDAG ,RDO RJE SEMS DPA' 'GRUB GYUR NAS, ZHES SOGS KYIS BSNGO SMON DANG, NYIN
, ,MO BDE LEGS MTSAN BDE LEGS, ZHES SOGS KYIS SHIS PA BRJOD NAS THUN MTSAMS LA 'JUG GO ,DE LTA BU'I TSUL GYIS NYIN RE BZHIN THO RANGS SNGA DRO PHYI DRO SROD DE THUN BZHI'I SGO NAS GRANGS BSNYEN 'BUM PHRAG GCIG GAM, BSKUL BYED KYI GZUNGS NAS BSHAD PA'I RMI LTAS YANG YANG 'BYUNG BA SOGS SDIG SGRIB DAG PA'I MTSAN MA BRTAN PO MA BYUNG GI BAR DU BSNYEN PAR BYA'O, ,GSUM PA BSGOM BZLAS LA SPRO SHUGS 'PHEL PHYIR KHUNGS DANG PHAN YON BSHAD PA NI, RJE BDAG NYID CHEN POS N'A RO CHOS DRUG GI 'KHRID YIG YID CHES GSUM LDAN DU RDO RJE SEMS DPA' YUM RDO RJE BSNYEMS MA GRI THOD 'DZIN PA CAN BSGOMS NAS HE RU KA'I YIG BRGYA BZLA BAR GSUNGS PA NI, BSHAD RGYUD AA BHI DHA NA'I LE'U NYER BZHI PA NYER LNGA PA NYER DRUG PA GSUM LA GTZO BOR BRTEN LA, YANG 'DUS PA'I RIM LNGA GDAN RDZOGS KYI DMAR KHRID DU RDO RJE SEMS DPA' YUM RDO RJE DBYINGS PHYUG MA RDOR DRIL 'DZIN PA CAN BSGOMS NAS RDO RJE SEMS DPA'I YIG BRGYA BZLA BAR GSUNGS PA NI, SLOB DPON KLU BYANG GI 'DUS PA'I DKYIL CHOG NYI SHU PA DANG, NAG PO DAM TSIG RDO RJE'I MCHOD CHOG DANG, RNAL 'BYOR RGYUD DE NYID BSDUS PA SOGS LA GTZO BOR BRTEN PAR MNGON NO, ,DE LTAR RGYUD DANG GRUB CHEN GYI DGONGS PA BLA MA DAM
PA'I MAN NGAG GIS BKRAL BA'I CHO GA JI LTA BA BZHIN DU YI GE BRGYA PA BZLAS PA LA NI PHAN YON MTHA' YAS PA ZHIG YOD DE, RTZA RGYUD DE NYID BSDUS PA LAS YI GE BRGYA PA BRJOD PA'I PHAN YON GYIS MTSAMS MED LNGA BYAS PA DANG, DE BZHIN GSHEGS PA THAMS CAD BSLUS PA DANG, DAM PA'I CHOS SPANGS PA DANG, TSUL KHRIMS DANG KUN SPYOD DANG 'TSO BA LOG PA'I NYES PA CHEN PO RNAMS KYANG DAG NAS, SGRUB PA PO LA RDO RJE SEMS DPA' BRTAN PAR 'GYUR BA DANG, MCHOG THUN MONG GI DNGOS GRUB THAMS CAD THOB PAR GSUNGS TE, SLOB DPON KUN SNYING DANG SH'AKYA BSHES GNYEN GNYIS KAS KYANG RGYUD DE'I DON DE BZHIN DU BSHAD DO, , MNGON BRJOD LAS, DPA' BO DANG NI RNAL 'BYOR MA, ,'DI NI KUN GYI GSANG SNGAGS TE, ZHES DPA' BO DANG RNAL 'BYOR MA THAMS CAD KYI GSANG SNGAGS SU BSHAD CING, DE BZHIN DU MNYAM SBYONG LAS KYANG DE BZHIN GSHEGS PA THAMS CAD KYI SNYING POR BSHAD DO, ,GZHAN YANG DARPAN A'A TZARYA'I GSHIN RJE GSHED KYI MAN NGAG 'TSO BA'I DE KHO NA NYID CES BYA BA LAS KYANG, YIG BRGYAS RANG GI LHAG PA'I LHA MNYES PAR GSUNGS SO, ,KHYAD PAR DU SLOB DPON 'JAM DPAL GRAGS PA'I GSANG BA THAMS CAD KYI SPYI'I CHOG SNYING PO RGYAN LAS, SANGS RGYAS KUN GYI SKU GCIG PU, ,PAD DKAR ZLA BA'I DBUS GNAS
, ,SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, ZHES GDAN PADMA DKAR PO DANG, ZLA BA'I STENG GI DBUS SU SANGS RGYAS THAMS CAD KYI SKU GSUNG THUGS GSUM GCIG TU BSDUS PA'I NGO BO BCOM LDAN 'DAS RDO RJE SEMS DPA' SKU MDOG DKAR PO RDO RJE DANG DRIL BU BSNAMS SHING, RIN PO CHE'I RGYAN GYIS SPRAS PA'I SKU LEGS PAR DMIGS SHING BSGOM PA BSTAN NAS, YI GE BRGYA PA CHO GA BZHIN, ,NYI SHU RTZA NI RE RE BZLAS, ,LTUNG SOGS BYIN GYIS BRLABS 'GYUR BAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, ,THUN MTSAMS SU NI SPYAD PAR BYA, ZHES RDO RJE SEMS DPA'I YI GE BRGYA PA BZLA BA'I CHO GA JI LTA BA BZHIN DU NYI SHU RTZA GCIG RE NYIN RE BZHIN BZLAS NA SNGAGS KYI RTZA LTUNG LA SOGS PA SDOM PA GSUM GYI BCAS PA DANG 'GAL BA'I NYES PA RNAMS MI 'PHEL BAR BYIN GYIS BRLABS PAR 'GYUR BAS GONG NAS GONG DU 'PHEL BA RU NI MI 'GYUR RO, ,ZHES GRUB PA MCHOG BRNYES PA RNAMS KYIS RGYUD DANG DE'I DGONGS 'GREL GYI BSTAN BCOS LAS BSHAD PAS, SNGAGS KYI NYAMS LEN THUN BZHI LA SOGS PAR SDOM PA'I RNAL 'BYOR PAS THUN MTSAMS SU RDO RJE SEMS DPA' BSGOM PA DANG YI GE BRGYA PA BZLA BA RNAMS TSUL BZHIN DU SPYAD PA STE NYAMS
SU BLANG DGOS PAR BSTAN, YANG; 'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ZHES GONG DU BSHAD PA LTAR RDO RJE SEMS DPA' LEGS PAR BSGOMS NAS YIG BRGYA CHO GA BZHIN DU 'BUM PHRAG GCIG GI BAR DU BZLAS PAR GYUR NA LTUNG BA DANG SDIG PA RNAMS KYANG CHA SHAS CI RIGS PA RTZA BA NAS RNAM PAR DAG PA'I BDAG NYID DU 'GYUR RO ZHES BSTAN NO, ,LVA BA'I NA BZA' CAN LA SOGS PA'I GRUB CHEN GYI GZHUNG MANG POR YANG, BZLAS PA DANG CHO GA'I LHAG CHAD RAB TU BSKANG BA'I DON DU YI GE BRGYA PA'I SNGAGS BZLA BAR GSUNGS PA BZHIN DA LTA'I BAR DU PHYAG LEN GYI RGYUN LA YOD PA 'DI YIN PAS, RGYUD DANG GRUB CHEN GYI GZHUNG LAS GSUNGS PA'I BZLAS BSGOM GYI PHAN YON LA YID CHES KYI NGES PA DRANGS NAS GSANG SNGAGS KYI RGYUL PO YI GE BRGYA PA'I BZLAS BSGOM GYI SGO NAS DAL BA'I RTEN LA SNYING PO BLANG BAR BYA'O, , BZHI PA MTSAN DON DANG LAS SBYOR GYI RIM PA MDO TZAM SMOS PA NI, 'O NA RDO RJE SEMS DPA' ZHES PA'I MTSAN DON JI LTA BU YIN CE NA, 'DI LA GNYIS LAS, RGYUD SDE 'OG MA DANG THUN MONG GI MTSAN DON NI, RDO RJE RTZE MO'I SEMS DPA' BCU DRUG GI BSHAD PA LAS, CI PHYIR RDO RJE SEMS DPA' YIN, ,BYANG CHUB MCHOG GI YE SHES GANG, ,DE NI RDO RJER NGES PAR BRJOD, ,YE SHES RDO RJE DE LAS BYUNG, ,DE NI RDO RJE SEMS
, ,DPER BRJOD, CES GSUNGS PA LTAR, BYANG CHUB GSUM GYI MCHOG DE KHO NA NYID DANG DBYER MED PAR BZHUGS PA'I CHOS KYI SKU'I YE SHES NI RDO RJE DANG, DE LAS BYUNG BA'I GZUGS KYI SKU NI SEMS DPA' STE, CHOS GZUGS KYI SKU GNYIS DBYER MED PA LA RDO RJE SEMS DPA' ZHES BYA'O, ,BLA MED THUN MONG MA YIN PA'I MTSAN DON NI, MNYAM SBYOR LAS, RDO RJE STONG PA NYID DU BRJOD, ,SEMS DPA' YE SHES TZAM NYID DE, ,DE DAG BDAG NYID GRUB PA NI, ,RDO RJE SEMS DPA' ZHES BRJOD DO, ,ZHES GSUNGS PA LTAR, YUL STONG PA NYID NI RDO RJE DANG, YUL CAN BDE BA CHEN PO'I YE SHES NI SEMS DPA' STE, DE 'DRA BA'I YUL YUL CAN GNYIS DBYER MI PHYED PA NI NGES DON GYI RDO RJE SEMS DPA' DANG, BDE STONG DE NYID BZHIN LAG GI RNAM PAR SHAR BA NI DRANG DON GYI RDO RJE SEMS DPA' YIN GSUNG, LAS SBYOR NI, 'DI'I THUN MONG MA YIN PA'I SMIN BYED KYI RIM PA DANG, BUM PA BSGRUBS NAS BKRU BYA BAS SRUNG GSUM DANG GSHIN PO RJES 'DZIN GYI SBYANG CHOG BYA TSUL DANG, RIL BU SGRUB TSUL LA SOGS PA DPAL LDAN SRAD RGYUD KYI PHYAG BZHES LAS JI LTAR 'BYUNG BA RNAMS YIN NA,, SMRAS PA, KYE MA NYES LTUNG MTSAN MO'I MUN BZHIN 'THIBS, ,DGE BA'I BLO GROS GLOG 'OD LAS KYANG DKON, ,'ON TE STOBS BZHI'I DKYIL 'KHOR YONGS
RDZOGS PA'I, ,BSGOM BZLAS NAM MKHA'I NOR BU DENG 'DIR SHAR, ,TSUL 'DI PHRAG DOG DUG CHUS RNAM DPYOD MIG ,NYAMS PA'I GNYIS SKYES YID LA RNO MTSON TE, ,GZUR GNAS BLO GSAL RKANG DRUG TSOGS RNAMS LA; ;LEGS BSHAD SBRANG RTZI STER BA'I BLA MA YIN, ,'DIR 'BAD RNAM DKAR BDUD RTZI'I KA LA SHAS, ,GNYUG SEMS LA CHAGS BLO BUR DRI BKRUS TE, ,MTSAN DPE'I LANG TSO RGYAS PA'I MDZES SDUG GIS, ,MKHAS MNYAM YID CAN MA LUS RJES 'DZIN SHOG ,(CES DPAL LDAN RDO RJE SEMS DPA'I BSGOM BZLAS DAG BYED BDUD RTZI'I BUM BZANG ZHES BYA BA 'DI YANG, LUNG RTOGS CHOS KYI MDZOD 'DZIN DAM PA DGE SLONG YE SHES BSHES GNYEN LAGS NAS BSKUL MA MDZAD NGOR, MKHAS GRUB DAM PA NGAG DBANG RDO RJE DPAL BZANG PO'I ZHAL SNGA NAS DANG, THUB BSTAN YONGS KYI MNGA' BDAG RJE BTZUN BLO BZANG BSTAN 'DZIN DPAL BZANG PO'I ZHAL SNGA NAS GNYIS LAS CHOS 'DI'I ZAB 'KHRID LEN MANG DU NOD PA LA BRTEN NAS 'DI SKOR GYI GZHUNG LUGS MANG PO'I YANG DAG DANG LTAR SNANG GI RNAM DBYE LEGS PAR PHYED PA'I SH'AKYA'I DGE SLONG DHARMA BHA DRAS DKAR PO'I LO'I CHU STOD ZLA BA'I YAR TSES BCO LNGA'I NYIN BZHAD DNGUL CHU RI KHROD DGA' LDAN RTZE'I SPONG BA BSAM GTAN GYI KHANG BUR SBYAR BA'O,, *, ,SVA STI, BSHAD GRA PHYAG MDZOD RDO RJE TSE RING ZHES, ,DAD 'BYOR LDAN DES PAR 'DI BSKRUN PA'I DGES, ,GNAS SKABS TSE RING NAD MED 'BYOR PA RGYAS, ,MTHAR THUG SGRIB BYANG TSOGS GNYIS MYUR RDZOGS SHOG ,SARBA MANGGA LAm,, *, ,RDOR SEMS KYI BSGOM BZLAS MDOR BSDUS BYA TSUL BZHUGS SO,
, ,NA MO GU RU MANYDZU GHO sh'A YA, SKU BZHI'I BDAG NYID BLA MA DANG, ,DBYER MED RDO RJE SEMS DPA' LA, ,BTUD NAS SDIG LTUNG DRI MA'I TSOGS, ,DAG BYED CHO GA MDOR BSDUS BSHAD, ,'DIR RDOR SEMS KYI BSGOM BZLAS MDOR BSDUS BYA TSUL NI, MDUN GYI NAM MKHAR SENG KHRI PAD ZLA'I STENG DU BLA MA RDO RJE SEMS DPA' LA SKYABS YUL DKON MCHOG GSUM GYIS BSKOR NAS BZHUGS PA LA DAD GUS DANG, RANG DANG MTHA' SKOR DU SEMS CAN THAMS CAD 'KHOD PA LA NGES 'BYUNG DANG SNYING RJE GSAL BTAB STE DKON MCHOG GSUM LA SKYABS SU 'GRO, ZHES PA'I SKYABS 'GRO DANG, SEMS CAN THAMS CAD BDAG GIS SGROL, ,BYANG CHUB GNAS LA DGOD PAR BGYI, ,BYANG CHUB SEMS
, ,NI YANG DAG BSKYED, CES PA'I SEMS BSKYED LAN GSUM RE BYAS NAS SKYABS YUL RNAMS RANG LA BSDU BA NI, RTEN GYI STOBS YIN NO, ,DE NAS CHO GA'I TSIG RIS LTAR RANG GI SPYI BOR PAm YIG DKAR PO LAS PADMA DKAR PO 'DAB MA BRGYAD PA'I LTE BAR AA THUNG DKAR PO LAS ZLA BA'I DKYIL 'KHOR, DE'I STENG DU H'Um YIG DKAR PO LAS RDO RJE DKAR PO RTZE LNGA PA GYEN 'GRENG GI LTE BAR H'Um YIG DKAR POS MTSAN PA, DE LAS 'OD 'PHROS 'PHAGS PO RNAMS MCHOD CING SEMS CAN RNAMS KYI SDIG SGRIB SBYANGS NAS TSUR 'DUS TE RDO RJE H'Um DANG BCAS PA LA THIM PAS 'OD DU ZHU NAS, YAB RDO RJE SEMS DPA' SKU MDOG DKAR PO ZHAL GCIG PHYAG GNYIS KYIS SHEL DKAR GYI RDO RJE RTZE LNGA PA DANG DRIL BU 'DZIN PA LA, YUM RDO RJE SNYEMS MA DKAR MO ZHAL GCIG PHYAG GNYIS KYIS GRI GUG DANG THOD PA 'DZIN PAS 'KHYUD PA, YAB YUM GNYIS KA'ANG DAR BZANG PO'I NA BZA' DANG, RIN PO CHE'I RGYAN BRGYAD KYIS
BRGYAN PA, YAB RDO RJE'I SKYIL KRUNG DANG, YUM PADMA'I SKYIL KRUNG GIS BZHUGS PA, YAB KYI THUGS KAR ZLA GDAN GYI STENG DU H'Um YIG DKAR PO, DE LAS 'OD ZER DMAR PO LCAGS KYU LTA BU PHYOGS BCUR 'PHROS PAS RANG BZHIN BDE BA CHEN PO'I DBYINGS NAS DAM TSIG PA YAB YUM RANG DANG RNAM PA 'DRA BA'I YE SHES PA YAB YUM SPYAN DRANGS NAS DAM TSIG PA DANG GNYIS SU MED PAR BSTIM, SLAR YANG THUGS KA'I H'Um LAS 'OD ZER SNGAR BZHIN 'PHROS PAS PHYOGS BCU NAS DBANG GI LHA RIGS LNGA YAB YUM RNAMS SPYAN DRANGS PA LA, DE BZHIN GSHEGS PA RIG LNGA YAB YUM THAMS CAD KYIS SPYI BO'I RDOR SEMS YAB YUM 'DI LA MNGON PAR DBANG BSKUR DU GSOL, ZHES GSOL BA BTAB PAS, DBANG LHA DE RNAMS KYIS YE SHES KYI BDUD RTZIS GANG BA'I BUM PA'I CHUS, AOm SARBA TA TH'A GA TA AA BHI shE KA TA SA MA YA SHRI YE A'A: H'Um, ZHES GSUNGS NAS RDOR SEMS YAB YUM LA DBANG BSKUR BAS YAB YUM GYI SKU YE SHES KYI BDUD RTZI'I RGYUN GYIS GANG BA'I LHAG MA YAB KYI SPYI GTZUG TU LUD PA YONGS SU GYUR PA LAS MI BSKYOD PA SNGON PO RDOR DRIL 'DZIN PAS DBU BRGYAN PAR BSAM, DE NAS SNGAR BYAS KYI SDIG LTUNG SPYI BYE
, ,BRAG THAMS CAD LA DUG KHONG DU ZOS PA LTA BU'I 'GYOD SEMS RNAM PAR SUN 'BYIN PA'I STOBS GSAL BTAB STE, YAB KYI THUGS KA'I ZLA GDAN GYI KHAR H'Um YIG LA YIG BRGYA'I SNGAGS 'PHRENG DKAR POS BSKOR BA LA DMIGS NAS, BCOM LDAN 'DAS RDO RJE SEMS DPA' ZHES BOS NAS BDAG DANG PHA MA SEMS CAN THAMS CAD KYI SDIG SGRIB SPYI DANG, BYE BRAG TU GSANG SNGAGS KYI DAM TSIG NYAMS CHAGS THAMS CAD BYANG ZHING DAG PAR MDZAD DU GSOL, ZHES GSOL BA BTAB PAS THUGS KA'I H'Um YIG SNGAGS 'PHRENG DANG BCAS PA LAS 'OD ZER DKAR PO 'PHROS PA SEMS CAN THAMS CAD LA PHOG PAS SDIG SGRIB BAG CHAGS DANG BCAS PA SBYANGS NAS RDOR SEMS KYI GO 'PHANG LA BKOD, 'OD ZER LA LA'I SNER MCHOD RDZAS DPAG TU MED PA SPROS NAS RGYAL BA SRAS BCAS LA THUGS MNYES PA'I MCHOD PA PHUL, MCHOD YUL DE RNAMS KYI SKU GSUNG THUGS KYI YON TAN THAMS CAD BDUD RTZI DKAR PO 'OD ZER DKAR DMAR MTHING GSUM 'PHRO BA DANG BCAS PA'I RNAM PAR SPYAN DRANGS NAS YAB KYI THUGS KA'I H'Um YIG SNGAGS 'PHRENG DANG BCAS PA LA THIM PAS, SKU'I GZI BRJID
DANG SDIG SGRIB SBYONG BA'I MTHU STOBS SNGAR LAS KYANG PHUN SUM TSOGS PAR BSAM STE, SNGAGS 'PHRENG BKLAGS TE GSOL BA 'DEBS PA'I TSUL DU YIG BRGYA BZLAS PAS, YAB YUM GNYIS KA'I SKU'I CHA SPYI DANG KHYAD PAR YAB KYI THUGS KA'I YIG 'BRU RNAMS LAS BDUD RTZI DKAR PO 'OD ZER NYI 'OD LTA BUR 'PHRO BA'I RGYUN BABS PA SBYOR MTSAMS NAS 'DRES TE RANG GI TSANGS BUG NAS ZHUGS PAS LUS KYI PHYI NANG THAMS CAD BKRUS PAS, NANG THAMS CAD RNAG KHRAG DANG CHU SER, GDON THAMS CAD SDIG SBRUL DANG SBAL LCONG, SDIG SGRIB THAMS CAD DUD KHU DANG SOL KHU'I RNAM PAR GAR SONG CHA MED DU SBYANGS NAS LUS SHEL GONG RDUL PHYIS PA LA NYI 'OD 'PHOG PA LTAR DVANGS GSAL 'OD KYI RANG BZHIN CAN DU GYUR PA'I MOS PA YANG DANG YANG DU BYA BA NI, GNYEN PO KUN TU SPYOD PA'I STOBS YIN CING, SPRO NA MAS 'DED DANG PHUNG 'DED KYI SBYONG TSUL YANG BYA'O, ,DE NAS THUN BSDU BA'I TSE SNGAR BYAS KYI SDIG SGRIB THAMS CAD LHAG MED DU DAG ZIN NAS LAS NGAN GYI 'BRAS BU MYONG DGOS MED CING, PHYIN CHAD SDIG PA'I LAS 'CHI BA'I SROG LA THUG KYANG GTAN NAS MI BYA'O SNYAM DU BLO THAG BCAD PA'I SDOM SEMS NYES PA LAS SLAR LDOG PA'I STOBS GSAL BTAB STE, BDAG NI MI SHES RMONGS PA YIS, ZHES
, ,SOGS TSIG RKANG DRUG BRJOD PAS, SPYI BO'I RDOR SEMS YAB YUM DGYES NAS, ZHAL 'DZUM BAG DANG BCAS TE, KYE RIGS KYI BU KHYOD KYI SDIG SGRIB SPYI DANG KHYAD PAR DAM TSIG NYAMS CHAGS THAMS CAD BYANG ZHING DAG NAS RNAM SMIN NGAN PA MYONG MI DGOS PAR BYIN GYIS BRLABS PA YIN NO, ,ZHES GSUNGS NAS RJES CHAGS KYI MES BYANG SEMS DKAR DMAR GYI RNAM PAR ZHU NAS RANG LA THIM PAS, RANG GI SGO GSUM RDO RJE SEMS DPA'I SKU GSUNG THUGS DANG DBYER MED DU GYUR PAR BSAM LA DAR CIG MNYAM PAR BZHAG NAS, DGE BA 'DI YIS MYUR DU BDAG ,RDO RJE SEMS DPA' 'GRUB GYUR NAS, ZHES SOGS BSNGO SMON DANG SHIS BRJOD KYIS BRGYAN PAR BYA'O, SMRAS PA, (DENG DUS SKYE BO KHAS LEN CHE YANG, ,BLANGS BZHIN SRUNG BA NYIN SKAR LAS DKON, ,DE PHYIR SDIG LTUNG SBYONG THABS 'DI KO, ,ZA BA'I KHA LAS MKHO BA MIN NAM, ,SDIG LTUNG SBYONG THABS RNAM PA MANG YANG, ,RJOD BYED TSIG TSOGS NYUNG BAS BYA SLA, ,BRJOD BYA STOBS BZHI RDZOGS PAS NUS CHE, ,'DI DANG MTSUNGS PA GZHAN YOD MIN NO, ,TSUL 'DI CHOS MTHUN MDZA' GROGS DGE SLONG, ,YE SHES PHUN TSOGS GSUNG GIS BSKUL NAS, ,BHIKshU ? DHARMA BHA DRAS BRIS PAS, ,'GRO BA YONGS LA PHAN PAR GYUR CIG ,SARBA MANGGA LAm),,) ` RTEN GYIS DBANG 'BRAS GNYEN POS RNAM SMIN DANG, ,SUN 'BYIN MYONG MTHUN
SLAR LDOG BYED MTHUN 'DAG, ` LHA GZHAN SKYABS 'GRO SEMS CAN GNOD 'TSE DANG, ,GROGS NGAN SPONG BA DGAG PA'I BSLAB BYA GSUM, ,SKU GZUGS GSUNG RAB DGE 'DUN RTAGS TZAM LA'ANG DNGOS LTAR GUS PA SGRUB PA'I BSLAB BYA GSUM, ` KHYAD PAR YON TAN DRAN NAS SKYABS SU 'GRO, ,BKA' DRIN DRAN NAS RTAG TU MCHOD PAR BRTZON, ,SNYING RJE DRAN NAS GZHAN YANG SKYABS 'GROR 'GOD, , DE DGOS CI LA'ANG MCHOD GSOL THABS GZHAN SPANG, ,PHAN YON DRAN NAS DUS DRUG SKYABS SU 'GRO, ,MCHOG GSUM SROG GAM BZHAN BGAD PHYIR MI SPANG, ` NANG PAR TSUD CING SDOM PA'I RTEN DU 'GYUR, ,LAS SGRIB ZAD CING BSOD NAMS RGYA CHEN GSOG ,NGAN 'GROR MI LTUNG BAR CHAD KYIS MI TSUGS, ,CI BSAM 'GRUB CING MYUR DU 'TSANG RGYA'O,, ('DI RNAMS DGE SLONG DHARMA BHA DRAS BRIS, ,MANGGA LAm,,)