*, ,BCOM LDAN 'DAS RDO RJE MI 'KHRUGS RGYAL PO LA BRTEN NAS SDIG PA SBYANG BA'I CHO GA LEGS BSHAD RGYA MTSO'I SNYING PO ZHES BYA BA BZHUGS SO,
, ,NA MO GU RU MANYDZU GHO sh'A YA, BCOM LDAN RDO RJE MI 'KHRUGS RGYAL PO DANG, ,DBYER MED RJE BTZUN BLA MA'I ZHABS PAD LA, ,GUS PAS BTUD NAS SBYANG CHOG BYA BA'I TSUL, ,SHIN TU MDOR BSDUS TSIG GIS BSHAD PAR BYA, DE YANG DBANG THOB CING DAM TSIG LA GNAS PA'I SGRUB PA POS YID MTHUN GYI GNAS SU YO BYAD RNAMS TSOGS PAR BYAS LA, STAN BDE BA LA GTZANG SBRA DANG DGE SEMS KYIS 'KHOD NAS, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BDAG DANG GZHAN DON BSGRUB SLAD DU, ,BDAG GIS BYANG CHUB SEMS BSKYED DO,, PHYOGS BCU DAG NA BZHUGS PA YI, ,SANGS RGYAS BYANG CHUB SEMS DPA' GSON, ,BDAG GIS RDZOGS PA'I BYANG CHUB PHYIR, ,DENG NAS BYANG CHUB SEMS BSKYED DO, ZHES LAN GSUM BRJOD NAS SKYABS 'GRO DANG SEMS BSKYED BYA, DE NAS RANG NYID SKAD CIG GIS BCOM LDAN 'DAS RDO RJE MI 'KHRUGS PAR GSAL BA'I THUGS KAR ZLA BA LA GNAS PA'I H'Um SNGON PO'I 'OD ZER LCAGS KYU'I
, ,RNAM PA CAN GYIS SHAR PHYOGS MNGON PAR DGA' BA'I ZHING NAS, BLA MA DANG GNYIS SU MED PA'I BCOM LDAN 'DAS RDO RJE MI 'KHRUGS PA'I DKYIL 'KHOR LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, 'OD ZER RANG GI SNYING GAR THIM, (ZHES TSOGS ZHING SPYAN DRANGS LA,) GANG GI DRIN GYIS BDE CHEN GNAS, ,SKAD CIG NYID LA 'CHAR BA GANG, ,BLA MA RIN CHEN LTA BU YI, ,RDO RJE CAN ZHABS BAD LA 'DUD, ,THUGS RJE CHE LDAN MTSAN TZAM ZHIG, THOS PAS MNAR MED 'BAR BA'I ME, ,MCHO LTAR BSIL MDZAD BCOM LDAN 'DAS, ,MI 'KHRUGS 'KHOR BCAS LA PHYAG 'TSAL, (ZHES BLA MA DANG LHA LA PHYAG BYA,) DE NAS RANG GI SNYING GA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, AOm SARBA TA TH'A GA TA BADZRA AKshO BHYA MAndA LA SA PA RI W'A RA AARGYAm NAS, SHAPTA PRA T'I TZCHA SV'A H'A'I BAR GYIS MCHOD, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO
BA'I DGE LA RJES YI RANG, ,SANGS RGYAS BYANG CHUB YID KYIS BZUNG, ZHES LAN GSUM GYIS RGYUN BSHAGS BYA, SEMS CAN THAMS CAD BDE BA DANG BDE BA'I RGYU DANG LDAN PAR GYUR CIG, ,SEMS CAN THAMS CAD SDUG BSNGAL DANG SDUG BSNGAL GYI RGYU DANG BRAL BAR GYUR CIG, SEMS CAN THAMS CAD SDUG BSNGAL MED PA'I BDE PA DANG MI 'BRAL BAR GYUR CIG, SEMS CAN THAMS CAD NYE RING CHAGS SDANG GNYIS DANG BRAL BA'I BTANG SNYOMS LA GNAS PAR GYUR CIG, (CES TSANG MED BZHI BSGOMS TE,) TSOGS ZHING RNAMS RANG GNAS SU GSHEGS PAR GYUR PAR BSAM MO, DE NAS AOm SVA BH'A WA SHUDDHA: SARBA DHARMA: SVA BH'A WA SHUDHHONYA HAm, BDAG DANG BSGOM BYA'O LHA DANG CHOS THAMS CAD RANG BZHIN STONG PA NYID DU RO GCIG PA'I BDAG NYID DU GYUR PAR BSAM PA NI DON DAM PA'I LHA'O STONG PA'I NGANG LAS, NA MO RATNA TRA Y'A YA, AOm KA KA NI KAm KA NI, RO TZA NI RO TZA NI, TRO tA NI TRO tA NI, TR'A SA NI TR'A SA NI, PRA TI HA NA PRA TI HA NA, SARBA KA-RMA PA RI PA R'A nI ME SARBA SA TV'A N'Am SV'A H'A, ZHES PA'I SNGAGS KYI GDANGS KYI RNAM PA NAM MKHA'I KHAMS KHYAB PAR GRAGS PAR GYUR, PAR BSAM PA NI SGRA'I LHA'O, ,BDAG DANG LHA'I DE KHO NA NYID DBYER MI PHYED PA'I RNAM PA CAN GYI RANG GI SEMS
, ,ZLA BA'I DKYIL 'KHOR DU GYUR PA'I STENG DU SNGAGS KYI GDANGS KYI RNAM PA NAM MKHA' LA GRAGS PA DE NYID SHIN TU DAG PA'I DNGUL CHU GSER GYI BYE MA LA ZHEN PA LTAR YIG 'BRU BRIS PA'I RNAM PA CAN DU 'KHOD PAR GYUR, PAR BSAM PA NI YI GE'I LHA'O, ,DE YONGS SU GYUR PA LAS, RDO RJE SNGON PO RTZE LNGA PA'I LTE BA LA, NA MO RA-TNA TRA Y'A YA, ZHES PA NAS, SARBA SA TV'A N'Am SV'A H'A, ZHES PAS MTSAN PAR GYUR, ZLA BA RDO RJE SNGAGS DANG BCAS PA LAS 'OD ZER SNA CHOGS 'PHROS PA'I RTZE MO LAS, BCOM LDAN 'DAS RDO RJE MI 'KHRUGS PA'I LHA'I SKU DPAG TU MED PA SPROS, NAM MKHA'I KHAMS THAMS CAD KHYAB PAR BYAS, RGYAL BA SRAS BCAS THAMS CAD LA MCHOD PA'I SPRIN CHEN PO SPRUL PAS LAGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BABS PAS DMYAL BA LA SOGS PA'I 'GRO BA THAMS CAD KYI SDUG BSNGAL GYI ME RNAMS ZHI ZHING, DE RNAMS BDE BAS TSIMS PAR BYAS NAS, LHA'I SKU DANG BCAS PA'I 'OD ZER SLAR LOG STE, RANG GI SEMS ZLA BA'I DKYIL 'KHOR RDO RJE SNGAGS 'PHRENG DANG BCAS PA LA ZHUGS, DE YONGS SU GYUR PA LAS, GLANG BO CHES BTEG PA'I RIN PO CHE'I KHRI DANG SNA
TSOGS PADMA DANG, ZLA BA'I DKYIL 'KHOR GYI STENG DU RANG NYID BCOM LDAN 'DAS RDO RJE MI 'KHRUGS PA SKU MDOG AINDRA N'I LA'I LHUN PO LA NYI MA SHAR BA LTAR SNGO ZHING RAB TU DANGS PA, ZHI ZHING 'DZUM PA'I ZHAL GCIG PHYAG GNYIS PA, GA-YAS SA GNON DANG, GA-YON MNYAM GZHAG GI STENG NA RDO RJE SNGON PO RTZE LNGA PA BSNAMS PA, NGA BU SKRA RAL PA'I THOR TSUGS CAN RIN PO CHE'I RGYAN BRGYAD KYIS BRGYAN CING, LHA RDZAS LAS GRUB PA'I DAR BZANG PO'I NA BZA' GSOL BA, MTSAN DPES MDZES SHING 'KHOR LOS BSGYUR BA'I RGYAL PO'I CHA BYAD CAN, NYI MA'I RGYAB YOL DANG 'OD KYI DRA BAS BSKOR PA'I DBUS NA ZHABS GNYIS RDO RJE'I SKYIL MO KRUNG GIS BZHUGS PAR GYUR, (PAR BSAM PA NI GZHUGS KYI LHA'O ), ,DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PA, DE NAS, AOm BADZRA AUDBHA BA YE SV'A H'A, ZHES LAN LNGA BRJOD NAS, THAL MO BZLOG STE SBYAR LA MTHE BONG GNYIS DANG MTHE'U CHUNG GNYIS SBYAR BA RDO RJE'I RIGS KYI DAM RGYAS SNYING GA DANG, SMAN MTSAMS DANG, MGRIN PA DANG, DPUNG MGO GA-YAS DANG, DPUNG MGO GA-YON RNAMS SU REG CING BYIN GYIS BRLAB PA NI PHYAG RGYA'I LHA'O, ,DE NAS, RANG GI THUGS KA'I H'Um LAS 'OD ZER 'PHROS, RANG BZHAN GYI GNAS NAS BSGOMS PA DANG 'DRA BA'I YE SHES PA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, BADZRA SA M'A DZA: ZHES YE SHES
, ,PA SPYAN DRANGS, DZA:H'Um BAm HO: DAM TSIG PA DANG GNYIS SU MED PAR GYUR, PAR BSAM, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, DE RNAMS KYIS AOm SARBA TA THAG TA AA BHIshA KA TA SA MA YA SHRI YE A'A: H'Um ZHES GSUNGS SHING BDUD RTZI'I CHUS DBANG BSKUR, LUS GAD; DRI MA DAG, CHU'I LHAG MA SPYI GTZUG TU GNAS PA YONGS SU GYUR PA LAS, MI BSKYOD PAS DBU BRGYAN CING DBANG GI LHA RNAMS KYANG RANG LA THIM PAR GYUR, PAR BSAM, DE NAS BDAG BSKYED KYI MCHOD PA RNAMS, AOm N'I L'Am WA RA DHA RA BADZRA P'A nI H'Um PHAt, KYIS BSANGS, AOm SVA BH'A WA HAm, STONG PA NYID DU GYUR, STONG BA'I NGANG LAS BHR'Um LAS RIN PO CHE'I SNOD YANGS SHING RGYA CHE BA RNAMS KYI NANG DU AOm 'OD DU ZHU BA LAS BYUNG BA'I MCHOD YON; ZHABS BSIL, ME TOG, BDUG SPOS, MAR ME, DRI CHAB, ZHAL ZAS, ROL MO RNAMS RANG BZHIN STONG PA, RNAM PA SO SO'I RNAM PA CAN, BYED LAS ZAG PA MED PA'I BDE BA KHYAD PAR CAN STER BAR GYUR, AOm ARGHAm A'A: H'Um, NAS, AOm SHAPTA A'A: H'Um, GI BAR GYIS BYIN GYIS BRLABS NAS, RANG GI SNYING GA'I H'Um LAS BYUNG BA'I MCHOD PA'I LHA MO RNAMS KYIS MCHOD PAR GYUR, PAR BSAM LA, AOm SARBA TA TH'A
GA TE BADZRA AKshO BHYA SA PA RI WA RA ARGHAm, NAS, SHABTA PRAT'I TZTSA SV'A H'A'I BAR BYIS GONG LTAR MCHAD, CHOS DBYINGS RANG BZHIN AINDRA N'I LA'I MDOG, ZHAL GCIG PHYAG GNYIS SA GNON MNYAM GZHAG BZHUGS, ,LHA YI GOS DANG RIN CHEN RGYAN MANG MDZES, ,BCOM LDAN MI 'KHRUGS PA LA PHYAG 'TSAL LO, ZHES PAS BSTOD, DE NAS SKU MDOG PHYAG MTSON SOGS RIM CAN DU SEMS PA BSAM GTAN GYI SGOM PA DANG, RTZE GCIG TU 'JOG PA TING NGE 'DZIN GYI SGOM PA GNYIS KYI SGO NAS SNANG NGOR RANG NYID RDO RJE MI 'KHRUGS PA DVANGS GSAL 'OD GYI RANG BZHIN CAN NAM MKHA'I 'JA' TSON LTA BUR SNANG BA'I GSAL SNANG DANG, DES NGOR RANG BZHIN MED PAR NGES PA'I NGES SHES DAM SGRID DE PA GNYIS TSOGS DE LA GDAGS GZHER BYAS NAS SKYON KUN ZAD YON TAN KUN RDZOGS KYI RDO RJE MI 'KHRUGS PA DNGOS SU GSAL BA DE NGA'O SNYAM DU NGA RGYAL SHUGS DRAG BSKYED NAS SROG RTZOL DANG BYING RGOD BKAG STE DRAN SHES GNYIS LDAN GYI SGO NAS RTZE GCIG TU MNYAM PAR 'JOG PA NI MTSAN MA'I LHA'O, ,BSGOMS PAS SKYON, BZLAS PA BYA BA NI, RANG GI THUGS KAR ZLA BA'I DKYIL 'KHOR GYI DBUS SU H'Um YIG GI MTHAR SNGAGS 'PHRENG GIS BSKOR BA LAS 'OD ZER 'PHROS, RGYAL BA SRAS BCAS THAMS CAD LA MNYES PA'I MCHOD PA PHUL, SKU GSUNG THUGS KYI BYIN RLABS NUS MTHU THAMS CAD BDUD RTZI 'OD ZER DKAR PO'I RNAM PAR SPYAN DRANGS TE, H'Um YIG SNGAGS 'PHRENG DANG BCAS PA LA THIM ZHING, DE LAS SLAR YANG BDUD RTZI 'OD ZER DKAR PO 'PHROS PA RANG GZHAN SNOD
, ,BCUD SKYI DANG KHYAD PAR DMIGS YUL RNAMS LA 'PHOG PAS LAS NYON SDIG SGRIB SDUG BSNGAL NYES SKYON THAMS CAD SPYANGS, DAG PA'I RTEN DANG BRTEN PAR BSGYUR NAS H'Um YIG SNGAGS 'PHRING DANG BCAS PA LA THIM PAR GYUR PAR BSAM LA, NA MO RATNA TRA Y'A YA, NAS N'Am SV'AH'A, ZHES CI MANG BZLA STE, BSNYEN PA'I GRANGS NI RAB 'BUM PHRAG GCIG, THA MA KHRI PHRAG GCIG GO, DE NAS YIG BRGYAS LHAG CHAD BSKANG ZHING BRTAN PAR BYAS LA SNGAR BZHIN MCHOD PA BYIN GYIS BRLABS LA MCHOD BSTOD BYAS TE, DGE BA 'DI YIS MYUR DU BDAG, MI 'KHRUGS RGYAL PO 'GRUB GYUR NAS, ZHES SOGS DANG, DGE BA'I LAS RNAMS BGYIS PA 'DI DAG GIS, ZHES SOGS BSNGO SMON BYA'O, ,DE NAS KHRUS BUM SGRUB PA NI, NANG RDZAS MCHOD PA SOGS LAG LEN BZHIN BSHAMS LA, AO NI L'Am WA RA DHA RAS BSANGS, AOm SVA BH'A WAS, BUM PA STONG PA NYID DU SBYANGS, STONG PA'I NGANG LAS BAm LAS BYUNG PA'I RIN PO CHE'I BUM PA DKAR PO LTO BA CHE BA MGRIN PA RING BA MCHU 'PHYANG BA LA SOGS PA'I MTSAN NYID THAMS CAD DANG LDAN PAR GYUR, AOm TAPTE TAPTE MA H'A TAPTE SV'A H'A, LHA'I CHU BO GANG G'A DANG BUM BA'I CHU DBYER MI PHYED PAR GYUR, RNAM RGYAL BUM PA'I NANG DU PAm LAS SNA TSOGS PADMA DANG, AA LAS ZLA PA'I DKYIL 'KHOR GYI STENG DU H'Um LAS RDO RJE SNGON PA RTZE LNGA PA'I LTE BA LA H'Um GIS MTSAN PA, DE YONGS SU GYUR PA LAS BCOM LDAN 'DAS RDO RJE MI 'KHRUGS PA SKU MDOG AINDRA N'I LA'I ZHES PA NAS
RDO RJE'I SKYIL MO KRUNG GIS BZHUGS PAR GYUR, DE'I MDUN DU PAm LAS SNA TSOGS PADMA DANG RAm LAS NYI MA'I DKYIL 'KHOR GYI STENG DU H'Um LAS RDO RJE H'Um GIS MTSAN PA, DE YONGS SU GYUR PA LAS DPAL PHYAG NA RDO RJE SKU MDOG SNGON PO ZHAL GCIG PA, MCHE BA GTZIGS SHING SPYAN GSUM PA, DBU SKRA DMAR SER GYEN DU 'BAR BA, PHYAG GNYIS KYIS GA-YAS RDO RJE 'PHYAR ZHING, GA-YON THUGS KAR SDIGS MDZUB MDZAD PA, RIN PO CHE DANG SBRUL GYIS BRGYAN CING, GOS SNGON PO'I STONG GA-YOGS DANG STAG GI PAGS PA'I SHAM THABS CAN, GA-YON BRKYANG GIS ME DPUNG 'BAR BA'I DBUS NA BZHUGS PA, DE GNYIS KA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR GYUR, THUGS KA'I H'Um LAS 'OD ZER 'PHROS, (ZHES PA NAS,) CHU'I LHAG MA SPYI GTZUG TU GNAS PA YONGS SU GYUR PA LAS MI BSKYOD PA RE RES DBU BRGYAN CING DBANG GI LHA RNAMS KYANG LHA SO SO LA THIM PAR GYUR PAR (BSAM, DE NAS MCHOD PA BYIN RLABS NAS,) BCOM LDAN MI 'KHRUGS PA LA PHYAG 'TSAL LO, (ZHES PA'I BAR BRJOD NAS, PHYAG RDOR LA, ) STOBS PO CHE LA DRAG SHUL CHE, ,RIG SNGAGS RGYAL PO DGE BA CAN, ,GDUL DKA' PO DAG 'DUL BA PO; ;RDO RJE 'DZIN LA PHYAG 'TSAL BSTOD, (CES PAS BSTONG, DE NAS,) RANG GI THUGS KA NAS 'OD ZER 'PHROS PA GZUNGS THAG LA 'KHRIL TE SONG BAS BUM NANG GI LHA'I THUGS KAR ZLA NYI'I DKYIL 'KHOR GYI DBUS SU H'Um
, ,YIG GI MTHAR SNGAGS 'PHRENG GIS BSKOR BA LA 'PHOG PAS DE LAS 'OD ZER 'PHROS RGYAL BA SRAS BCAS THAMS CAD KYI SKU GSUNG THUGS KYI BYIN RLABS NUS MTHU THAMS CAD BDUD RTZI 'OD ZER DKAR PO'I RNAM PAR SPYAN DRANGS TE, H'Um YIG SNGAGS 'PHRENG DANG BCAS PA LA THIM ZHING, DE LAS BDUD RTZI'I RGYUN BABS PAS BUM PA GANG BAR GYUR, PAR BSAM LA, KAm KA NI DANG, AOm N'I L'Am WA RA DHA RA GNYIS BRGYA RTZA BRGYAD RE BZLAS RJES YIG BRGYAS LHAG CHAD BSKANGS, MCHOD PA BYIN GYIS BRLABS NAS MCHOD BSTOD GONG BZHIN BYAS L E AOm BADZRE MU: BUM PA'I LHA YE SHES PA RANG BZHIN GYI GNAS S GSHEGS, DAM TSIG PA 'OD DU ZHU NAS BUM PA'I CHU DANG RO GCIG TU GYUR PAR BSAM MO, DE NAS, SBYANG CHOG BYA TSUL NI, YO BYED RNAMS LAG LEN LTAR TSOGS PAR BYAS LA, RTEN BSKYED PA NI, AOm N'I L'Am WA RA DHA RAS BSANGS, AOm SH'U NYA T'A ZHES SOGS KYIS RTEN SNANG BA MI DMIGS PA'I STONG PA NYID DU GYUR, STONG PA'I NGANG LAS TSE 'DAS KYI MING YIG DANG PO THIG LES BRGYAN PA YONGS SU GYUR PA LAS, TSE LAS 'DAS PA THA MAL PA'I CHA BYAD CAN, PHUNG PO DANG KHAMS DANG SKYE MCHED THAMS CAD GSAL ZHING YONGS SU RDZOGS PAR GYUR, PAR BSAMS LA, RDO RJE BSDAMS PA NANG DU BCANGS LA, MDZUB MO GNYIS BRKYANGS BCUNG ZAD BKUG NAS LCAGS KYU LTAR BYAS, MTHE'U CUNG GNYIS KHAB LTAR BRKYANGS PA DE'I MGO BOR BZHAG NAS
AOm BADZRA SATVA H'Um DZDZA: SANGS RGYAS KYI BDEN PA DANG, CHOS KYI BDEN PA DANG, DGE 'DUN GYI BDEN PA DANG, DE BZHIN GSHEGS PA DANG, RDO RJE DANG, RIN PO CHE DANG, PADMA DANG, LAS KYI RIGS SU BZHUGS PA THAMS CAD DANG, SNYING PO DANG, PHYAG RGYA DANG, GSANG SNGAGS DANG, RIG SNGAGS KYI LHA'I KHYAD PAR THAMS CAD DANG, KHYAD PAR DU BCOM LDAN 'DAS RDO RJE MI 'KHRUGS PA'I LHA TSOGS 'KHOR DANG BCAS PA'I BDEN PA DANG; BDEN PA'I BYIN GYIS BRLABS KYIS, TSE LAS 'DAS PA CHE GE MO ZHES BYA BA'I RNAM PAR SHES PA SRID PA BAR DO, KHAMS GSUM 'GRO BA RIGS DRUG, SKYE GNAS BZHIS BSDUS PA'I 'JIG RTEN GDAN GNAS KYANG, SKAD CIG THANG CIG YUNG TZAM LA 'DIR MCHIS PAR GYUR CIG, THUGS KA NAS 'OD ZER LCAGS KYU LTA BU 'PHROS PAS, TSE 'DAS KYI RNAM SHES KHA DOG DMAR ZHING GSAL BA AA THUNG GI GZUGS CAN BKUG STE, SPYI GTZUG NAS ZHUGS, SNYING GAR THIM PAR GYUR, DZA: H'Um BAm HO: ZHES RNAM SHES BKUG, DE NAS RDO RJE BSNGAMS PA LAS GUNG MO GNYIS BSGRENG BA'I PHYAG RGYA DANG, AOm SHO DHA NE SHO DHA NE SARBBA P'A PAm A'A NA YA H'Um, TSE 'DAS KYI SDIG SGRIB THAMS CAD BKUG PAR GYUR, CES BRJOD CING, SEMS CAN THAMS CAD KYI SDIG SGRIB DANG LHAN CIG TU 'OD ZER NAG PO'I RNAM PAR SNYING GA'I AA THUNG LA THIM PAS PAm NAG PO'I RNAM PAR GYUR PAR BSAM, DE
, ,NAS SDIG PA 'JOMS PA'I PHYAG RGYA DANG, AOm BDZR'A KshOO BHYA: SRBA AA P'A YA BI SHO DHA NE H'Um PHAt SV'A H'A, ZHES PA DANG, SNYING GAR RDO RJE BSDAMS PA SGRA DANG BCAS PA LAN GSUM BRAL BA'I PHYAG RGYA DANG, AOm BDZRA PHAt TRAt; TSE 'DAS KYI SDIG SGRIB BAG CHAGS DANG BCAS PA SBYANGS BAR GYUR, CES BRJOD CING, TSE 'DAS KYIS PHYAG RGYA DE DAG MTHONG BA DANG, RANG GI THUGS KA NAS 'OD ZER 'PHROS PA 'PHOG PAS SDIG SGRIB THAMS CAD SKAD CIG LA NGAG NAS RNAM SHES AA DKAR PO DRI MA MED PA'I RNAM PAR GYUR PAR BSAM, DE NAS RTEN LAS SNGAGS KYIS BSANGS, AOm SVA BH'A WAS SBYANGS, STONG PA'I NGANG LAS, PADMA DANG ZLA BA'I STENG DU H'Um LAS RDO RJE H'Um GIS MTSAN PA LAS, BCOM LDAN 'DAS RDO RJE MI 'KHRUGS PA SKU MDOG SNGON PO ZHAL GCIG PHYAG GNYIS PA, SA GNON DANG MNYAM GZHAG GI STENG NA RDO RJE BSNAMS PA, ZHABS GNYIS RDO RJE SKYIL KRUNG GIS BZHUGS PA'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON POS MTSAN PAR GYUR, PAR BSAM, DE NAS DNGOS GZHI LA BGEGS SBYANG BA NI, SKAD CIG GIS RANG NYID DPAL PHYAG NA RDO RJER GYUR, PAR BSAM LA, BGEG GTOR LAS SNGAGS KYIS BSANGS, SVA BH'A WAS SBYANGS, STONG PA'I DANG LAS AOm LAS RIN PO CHE'I SNOD YANGS SHING RGYA CHE BA'I NANG DU GTOR MA GZUGS SGRA DRI RO REG BYA 'DOD PA'I YON TAN PHUN SUM TSOGS PAR GYUR, AOm A'A
H'Um, LAN GSUM KYIS BYIN GYIS BRLABS TE, RANG GI THUGS KA'I H'Um LAS 'OD ZER 'PHROS PAS TSE LAS 'DAS PA CHE GE MO ZHES BGYI BA LA GNOD CING 'TSE BAR BYED PA'I BGEGS KYI TSOGS THAMS CAD BKUG PAR GYUR PAR BSAM LA, AOm SARBA BIGYANN NA MA: SARBA TA TH'A GA TE BHYO: BI SHVA MA KHE BHYA: SARBA TA TKHAm AUNGGA TE SPHA RA nA AI MAm GA GA NA KHAm, KRi HNE DAm LA AIm TA YE SV'A H'A, (ZHES LAN GSUM GYIS BGEGS LA BSNGO BA NI ZHIBS SBYANGS BA), AOm SUMBHA NI SUMBHA H'Um, GRI HnA GRi HnA H'Um GRi HnA PA YA GRi HnA PA YA H'Um, A'A NA YA HO BHA GA W'AN BDZRA H'Um PHAt, CIS BRJOD CING TING LO DANG CHANG BU GSUM GYIS BSKOR BA NI ZHI DRAG PHYED MAS SBYANGS, SANGS RGYAS KYI BDEN PA DANG, ZHES PA NAS, BDEN PA'I BYIN GYIS BRLABS KYIS, TSE LAS 'DAS PA CHE GE MO ZHES BGYI PA LA GSON GYI DUS NA TSE GNAS PA LA BAR DU GCOD CING, TSE 'PHOS NAS GANG DU GNAS PA'I LUS SROG DANG MTHO RIS DANG THAR PA LA BAR DU GCOD PA'I BGEGS KYI TSOGS THAMS CAD DANG, TSE LAS 'DAS PA'I CHA BYAD BZUNG NAS, DE'I NYE 'BREL DANG, 'JIG RTEN PA RNAMS LA BSLU ZHING GNOD PAR BYED PA'I GNOD SBYIN DANG SHA ZA DANG 'BYUNG PO LA SOGS PA THAMS CAD GTOR MA 'DIS TSIM PAR GYIS LA, GNOD PA DANG 'TSE BA'I BSAM PA THAMS CAD SPONGS LA, PHAN PA DANG BYANG CHUB KYI SEMS DANG LDAN PAS RANG RANG SO SO'I GNAS SU SONGS SHIG ,GAL TE MI 'GRO NA YE
, ,SHES KYI RDO RJE ME RAB TU 'BAR BA RNAMS KYIS SREG CING RNAM PAR 'JOMS PAR GDON MI ZA'O, ZHES BRJOD CING, SUM BHA NI'I SNGAGS DRAG TU BZLAS, GU GUL GYIS BDUGS, YUNGS KAR GYIS BRABS, ROL MO'I SGRA DRAG TU BYA BA NI DRAG POS SBYANG PA'O, ,DE NAS SBYIN SREG GIS SBYANG BA NI, ME LAS SNGAGS KYIS BSANGS, SVA BH'A WAS SBYANGS), STONG PA'I NGANG LAS, RAm LAS YE SHES KYI ME 'BAR BA'I NANG DU SKAD CIG GIS KHRO BO RDO RJE MKHA' 'GRO SKU MA DOGS MTHING NAG, RAB TU GDANGS PA'I ZHAL GCIG PHYAG GNYIS KYIS RDO RJE DANG DRIL BU 'DZIN PAR GYUR, TSE 'DAS LTAR GSAL BA'I RKANG MTHIL GNYIS SU RLUNG GI DKYIL 'KHOR, LTE BAR YE SHES KYI MI 'BAR BA; SNYING GAR SDIG PA'I SA BON PAm NAG PO LA LUS NGAG YID GSUM GYI SDIG SGRIB THAMS CAD 'DUS PAR BSAMS LA, LTE BA'I YE SHES KYI ME 'BAR BA'I 'OD ZER GYIS SNYING GA'I PAm DED NAS SNA SGO NAS THON SDIG PA RVA CAN GYI RNAM PAR GYUR NAS RANG GI LAG PAR BZUNG BA'I TIL LA THIM PAR GYUR, PAR BSAMS LA, AOm BDZRA d'A KA KHA KHA KH'A HI KH'A HI SARBA P'A PAm DA HA NA BHA SMIm KU RU SV'A H'A, TSE LAS 'DAS PA CHE GE MO ZHES BGYI BA'I SDIG SGRIB THAMS CAD SH'ANTAm KU RU SV'A H'A, ZHES KHRO BO'I ZHAL DU PHUL BAS GSOL BAR BSAM LA, DAM TSIG PA MI DMIGS PAR GYUR, BAR BSAM MO, DE NAS PHYIR BZLOG GIS SBYANG BA NI, AOm NA MO BHA GA WA TE SARBA
DU RGA TE PA RI SHO DHA NA R'A DZ'A YA, TA TH'A GA T'A YA, ARHA TE, SERYA KSAm BU DDHA YA, TD-YA TH'A, AOm SHO DHA NE SHO DHA NE SHU DDHE BI SHU DDHE, SARBA KARMA AA BA RA n'A BI SHO DHA NE WV'A H'A, ZHES RTZA RIG DANG, NA MO RTNA NAS, SARBA SA TVA NAm SV'A H'A, (ZHES MI 'KHRUGS PA DANG), AOm BHRUm SV'A H'A, AOm AA MRiT A'A YU RDA DEE: SV'A H'A, (ZHES RNAM RGYAL MA DANG), AOm NA MA STEE YA DH'I K'A N'Am, SARBA TA TH'A GA TA HR'I DA YA GA RGHA, DZVA LA DZVA LA, DHARMA' DD'A TU GRBHE, SAm BHA RA MAM A'A YU: SAm SHODHA YA MA MA SARBA P'A PAm, SARBA TA TH'A GA TA SA MA NTA shnA shI PI MA LE BI SHUDDHE H'Um H'Um H'Um H'Um Am BAm SAm DZm: SV'A H'A, ZHES DRI MED DANG, AOm PADMO shnI shA BI MA LE H'Um PHAt, (CES DON ZHAGS RNAMS KYI GZUGS NYER GCIG RE DANG YIG BRGYA BCAS LA) TSE LAS 'DAS PA CHE GE MO ZHES BGYI BA'I SDIG BSGRIM THAMS CAD SH'A NTAm KU RU SV'A H'A, ZHES BTAGS PA BZLAS LA BYE MA 'Am YUNGS KAR LA BTAB STE, NA MO RATNA NAS, SARBA STVA N'Am SARBA NA RAK GA TI HE TUm H'Um PHAt, TSE LAS 'DAS PA CHE GE MO ZHES BGYI BA'I DMYAL BAR SKYE BA'I RGYU THAMS CAD SH'ANTIm KU RU SV'A H'A, NA MO, NAS, SARBA SATVA N'm SARBA PRE TA GA TI HE TUm H'Um PHAt, TSE LAS 'DAS PA CHE GE MO ZHES BGYI BA'I YI DVAGS SU SKYE BA'I RGYU THAMS CAD SH'INTAm KU RU SV'A H'A, NA MO, NAS, SARBA STV'A N'Am SARBA TI R-YA KA GA TI HE TUm H'Um PHAt, TSE LAS 'DAS PA CHE GE MO ZHES BGYI BA'I DUD 'GROR SKYE BA'I RGYU THAMS CAD SHINTAm KU RU SV'A H'A, ZHES BRJOD CING, YE SHES KYI SNGAGS 'PHRENG
, ,'OD ZER DANG BCAS PA TSE 'DAS LA 'PHOGS PAS SDIG SGRIB THAMS CAD SBYANGS BAR BSAM LA BRANG PAR BYA'O, DE NAS, BRUS KYIS SBYANG BA NI, JI LTAR BLTAMS PA TZAM GYIS NI, LHA RNAMS KYIS NI KHRUS GSOL LTAR, LHA YI CHU NI DAG PA YIS, ,DE BZHIN BDAG GIS SKU KHRUS GSOL, AOm SARBA TA THA GA TA AA BHI shE KA TA SA MA YA SHRI YE H'Um, RGYAL BA'I SKU GSUNG THUGS LA NYON MONGS MI MNGA' YANG, ,TSE 'DAS LUS NGAG YID GSUM SGRIB PA SBYANG SLAD DU, ,RGYAL BA'I SKU GSUNG THUGS LA KHRUS CHAB 'DI GSOL PAS, ,TSE 'DAS LUS NGAG YID GSUM SGRIB PA DAG GYUR CIG ,AOm SARBA, NAS, SHRI YE H'Um, DE DAG SKU LA MTSUNGS PA MED PA'I GOS, ,GTZANG LA DRI RAB BSGOS PAS SKU PHYI'O, AOm H'Um TR'm HR'I: AA: K'A YA BI SHO DHA NE SV'A H'A, ZHES RTEN KHRUS GSOL BA'I CHUS 'THOR BZHIN PAS, 'DI NI SBYIN PA'I RANG BZHIN CHU, ,SER SNA'I DRI MA SBYONG MDZAD CING, ,GTONG BA DRI YIS LEGS BSGOS CHU, ,KHRUS LEGS MDZAD KYIS KHRUS BYA'O, NA MO, NAS, SARBA SATV'A N'Am SV'A H'A, DE BZHIN DU SBYIN PA'I GNAS SU, TSUL KHRIMS, BZOD PA'I, BRTZON 'GRUS, BSAM GTAN, SHES RAB, (CES DANG, SER SNA'I GNAS SU), TSUL 'CHAL, KHONG KHRO'I, LE LO'I, RNAM GA-YENG, SHES 'CHAL, ZHES DANG, GTOR BA'I GNAS SU, SRUNG BA, BYAMS PA, RTZON PA, TING 'DZIN, YE SHES, ZHES PA
RNAMS BCUG PA'I MTHAR GZUNGS RING RE BRJOD PA'I RJES SU, 'JIG RTEN 'DI NAS PHA ROL TU SONG ZHING TSE LAS 'DAS PA CHE GE MO ZHES BGYI BA'I TSE 'KHOR BA THOG MA MED PA NAS BSAGS PA'I SDIG PA DANG SGRIB PA THAMS CAD DANG, KHYAD PAR DU YANG PHA ROL TU PHYIN PA DRUG GI MI MTHUN PHYOGS BYANG ZHING DAG NAS PHA ROL TU PHYIN PA DRUG YONGS SU RDZOGS TE MYUR DU MNGON PAR RDZOGS TE MYUR DU MNGON PAR RDZOGS PA 'TSANG RGYA BAR GYUR CIG ,(CES BRJOD PAR BYA, DE NAS, BDEN MTHUS SBYANG BA NI), 'DOD CHAGS ZHE SDANG GTI MUG RNAMS, DE DAG 'JIG RTEN DUG GSUM STE, ,BCOM LDAN SANGS RGYAS DUG MI MA BAR, ,SANGS RGYAS GZI YIS DUG BCOM MO, NA MO NAS, SARBA SATV'A N'Am SV'A H'A, DE BZHIN DU (BCOM LDAN SANGS RGYAS KYI GNAS SU), BCOM LDAN DAM CHOS DANG, 'PHAGS PA'I DGE 'DUN ZHES DANG, SANGS RGYAS KYI GNAS SU, DAM CHOS DANG, DGE 'DUN, ZHES PA RNAMS BCUG PA'I MTHAR GZUNGS RING RE BRJOD PA'I RJES SU, 'JIG RTEN 'DI NAS PHA ROL TU SOD ZHING TSE LAS 'DAS PA CHE GE MO ZHES BGYI BA'I TSE 'KHOR BA THOG MA MED PA NAS BSAGS PA'I SDIG PA DANG SGRIB PA THAMS CAD DANG, KHYAD PAR DU YANG NYON MONGS PA DANG DE'I DBANG GIS BYUNG BA'I DUG THAMS CAD, DKON MCHOG GSUM GYI BDEN MTHUS BYANG ZHING DAG NAS MYUR DU MNGON PAR RDZOGS PA 'TSANG RGYA BAR GYUR CIG, CES DANG, SA NI
, ,DUG GI MA YIN TE, ,SA NI DUG GI PHA YANG YIN, ,BDEN PA'I BDEN TSIG DE DAG GIS, ,CHE GE'I DUG NI DUG MED SHOG ,DUG NI SA YI NANG DU SONGS, ,GANG BA'I SNOD DU DUG SONGS SHIG SV'A H'A, NA MO, NAS SARBA SA TV'A N'm SV'A H'A, DE BZHIN DU, SA'I GNAS SU, CHU; ME; RLUNG ZHES DANG, GANG BA'I GNAS SU, GSHER BA'I, 'BAR BA'I, GA-YO BA'I, ZHES PA RNAMS BCUG PA'I MTHAR GZUNGS RING RE BRJOD PA'I RJES SU, 'JIG RTEN 'DI NAS PHA ROL TU SONG ZHING TSE LAS 'DAS PA CHE GE MO ZHES BGYI BA'I TSE 'KHOR BA THOG MA MED PA NAS BSAGS PA'I SDIG PA DANG SGRIB PA THAMS CAD DANG, KHYAD PAR DU YANG 'BYUNG BA DANG 'BYUNG BA LAS GYUR PA'I DUG THAMS CAD BYANG ZHING DAG NAS MYUR DU MNGON PAR RDZOGS PA 'TSAD RGYA BAR GYUR CIG ,CES BRJOD PAR BYA'O, ,DE NAS MI SHIS PA SBYANG BA NI, STON MCHOG DAM PA LHA MIS MCHOD 'OS PA, ,SANGS RGYAS PHYAG 'TSAL DENG 'DIR BDE LEGS SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD DENG 'DIR BDE LEGS SHOG ,ZHI BA CHAGS BRAL LHA MIS MCHOD 'OS PA, ,CHOS LA PHYAG 'TSAL DENG 'DIR BDE LEGS SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD DANG 'DIR BDE LEGS SHOG ,TSOGS KYI DAM PA LHA MIS MCHOD 'OS PA, ,DGE 'DUN PHYAG 'TSAL DENG 'DIR BDE LEGS SHOG ,
SEMS CAN GANG DAG 'GRO DANG MI 'GRO BA, ,DE DAG THAMS CAD DENG 'DIR BDE LEGS SHOG, 'JIG RTEN 'DI NAS PHA ROL TU SONG ZHING TSE LAS 'DAS PA CHE GE MO ZHES BGYI LA BAR DU DANG MI MTHUN PA'I PHYOGS THAMS CAD LAS RGYAL NAS SHIN TU BKRA SHIS PAR GYUR CIG ,(CIS BRJOD PAR BYA'O, ,DE NAS TSOGS GSOG PA NI, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS, SHAR PHYOGS MNGON PAR DGA' BA'I ZHING NAS; BLA MA DANG GNYIS SU MED PA'I BCOM LDAN 'DAS RDO RJE MI 'KHRUGS PA'I DKYIL 'KHOR LA SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS PA LA RANG DANG TSE 'DAS GNYIS KAS PHYAG SOGS GDUNG SHUGS DRAG PO'I SGO NAS BYED PAR BSAM LA, ZLA MED STON PA THUB PA'I DBANG PO NAS, ,BKA' DRIN MTSUNGS MED RTZA BA'I BLA MA'I BAR, ,MA NOR LAM BZANG STON MDZAD THUGS RJE CAN, ,DNGOS BRGYUD BLA MA RNAMS LA PHYAG 'TSAL LO, ,MTSAN TZAM THOS PAS NGAN 'GRO'I 'JIGS LAS SKYOB, ,GSOL BA BTAB NA DNGOS GRUB KUN STZOL BA'I, , SKYABS MGON BCOM LDAN MI 'KHRUGS RGYAL PO LA, ,SGO GSUM GUS PA CHEN POS PHYAG 'TSAL LO, ,'DREN PA MNYAM MED SH'AKYA'I RGYAL PO DANG, ,RDO RJE SNYING POS RAB TU 'JOMS PA SOGS, ,SANGS
, ,RGYAS SO LNGA BDE GSHEGS DPA' BO BDUN, ,SNYIGS MA'I MGON PO DE BZHIN GSHEGS PA BRGYAD, ,BSKAL BZANG 'DREN PA THUB PA'I NYI MA STONG, ,MAR ME MDZAD DANG THUB DBANG BYAMS MGON SOGS, ,DUS GSUM RGYAL BA SRAS BCAS THAMS CAD LA, ,PHYAG 'TSAL MCHOD CING SNYING NAS SKYABS SU MCHI, ,BDAG CAG NGAN SONG SRID PA'I 'JIGS LAS SKYOBS, ,JI SNYED SU DAG; NAS, BDAG GIS BSTOD, CES PHYAG DANG, CHU GNYIS NYER SPYOD ROL MO 'DOD YON DANG BCAS PA'I MCHOD PA RGYAS PAR BSHAMS PA, BSANGS SBYANGS BYIN GYIS BRLABS RJES, YAN LAG BRGYAD LDAN LHA YI GANGGA SOGS, , PHYOGS DUS KUN NA MCHOD YON CI MCHIS PA, ,BCOM LDAN MI 'KHRUGS LHA TSOGS MNYES PHYIR 'BUL, ,BZHES NAS BDAG LA DNGOS GRUB STZAL DU GSOL, ZHES SOGS SNGAGS DANG BCAS PAS CHU GNYIS NAS RIN CHEN BDUN GYI BAR PHUL NAS, ME TOG DAM PA, NAS, MCHOD PAR BGYI, ZHES MCHOD PA DANG, PHYOGS DUS KUN NA BZHUGS PA'I RGYAL RNAMS DANG, ,THUGS RJE CHE LDAN RGYAL SRAS DPA' BO RNAMS, , BRTZE BA'I THUGS KYIS BDAG LA DGONGS SU GSOL, ,BDAG GIS THOG MED DUS NAS DA LTA'I BAR, ,DUG GSUM DBANG GIS MTSAMS MED NYE BA LNGA, ,MI DGE BCU DANG MCHOG GSUM DKOR PHROGS
SOGS, ,'JIGS RUNG NGAN SONG GSUM DANG MI KHOM PA'I, ,GNAS SU SKYE 'GYUR MI DGE SDIG PA'I LAS, ,BCAS DANG RANG BZHIN KHA NA MA THO BA, ,BGYIS DANG BGYID STZAL RJES SU YI RANG BA, ,GNOD ZHING 'GYOD PAS 'CHAB CING MI SPED PAR, ,'JIGS SHING SKRAG PAS MGON PO RNAMS KYI DRUNG, ,SGO GSUM GUS PAS THAL MO SBYAR BYAS TE, ,BSAM PA THAG PAS YANG DANG YANG DU BSHAGS, ,BRTZE BA'I THUGS KYIS NONGS PAR GZUNG DU GSOL, ,PHONGS PA'I GNYEN MCHOG SLU MED SKYABS KYI PHUL, ,DUS GSUM BDE GSHEGS SRAS DANG BCAS RNAMS LA, ,MCHOG TU GUS PAS THAL SBYAR GSOL BA NI, ,NGAN SONG NGAN 'GRO MI KHOM BRGYAD RNAMS SU, ,MI 'DOD SDUG BSNGAL SNA TSOGS 'BYUNG BA'I SGO, ,LUS NGAG YID KYI SDIG LTUNG MI DGE'I LAS, ,DENG NAS PHYIN CHAD SHING TU PHRA BA YANG, ,MI BGYID SROG DANG BSDOS TE YANG DAG SDOM, 'DOD CHAGS ZHE SDANG, BYANG CHUB PHYIR BSNGO'O, (ZHES PA'I BAR GYIS YAN LAG LHAG MA RNAMS DANG), RTZA BRGYUD BLA MA YI DAM LHA TSOGS DANG, ,RDZOGS SANGS RGYAS DANG DAM CHOS DGE 'DUN TSOGS, , DKON MCHOG GSUM LA SNYING NAS SKYABS SU MCHI, ,BDAG RGYUD SMIN CING GROL BAR BYIN GYIS RLABS, ZHES SKYABS 'GRO DANG, SDUG BSNGAL RGYA MTSOR BYING BA'I 'GRO BA RNAMS, ,BSGRAL PHYIR BYANG CHUB MCHOG
, ,TU SEMS BSKYED NAS, ,DUS GSUM BDE GSHEGS SRAS KYI SPYOD PA LA, ,ZHUM MED BSAM PA THAG PAS BSLAB PAR BGYI, ZHES SMON 'JUG GI SEMS BSKYED DANG, DE NAS, SA ZLA'I NOR 'DZIN LCAGS RIS BSKOR BA'I DBUS, ,LHUN PO'I DBANG PO GLING BZHI GLING PHRAN BRGYAD, ,GLANG PO KHYIM BDAG RTA MCHOG BTZUN MO DANG, ,DMAG DPON 'KHOR LO NOR BU GTER CHEN PO, ,NYI ZLA'I 'OD SNANG 'PHRO BA'I MAndAL 'DI, ,BLA MA YI DAM SANGS RGYAS BYANG SEMS DANG, ,MKHA' 'GRO BSTAN SRUNG RGYA MTSOR LEGS 'BUL NA, ,THUGS RJES BZHES NAS BYIN RLABS DNGOS GRUB STZOL, ZHES MAndAL PHUL LA, DGE BAS 'PHANGS PA'I TSE DANG BSOD NAMS ZAD, ,'JIGS RUNG BDUD DANG GSHIN RJES PHA ROL KHRID, ,MGON MED NYAM THAG BAR DO'I 'GRO BA LA, ,THUGS RJES GZIGS SHIG BLA MA YI DAM LHA, ,BZLOG MED LAS RLUNG DRAG POS RGYAB NAS BDAS, ,NYON MONGS ZHAGS PA NAG POS SKE NAS BCINGS, ,CE BYA GTOL MED BAR DO'I 'GRO KUN GYI, ,SKYABS MGON MDZOD CIG BLA MA YI DAM LHA, ,CHA MED YUL DU GROGS MED GCIG PUR 'KHYAMS, ,'JIG SKRAG 'KHRUL PA'I SNANG BA CHU LTAR 'KHRUG ,GAR SKYE'I GDENGS MED BAR DO'I 'GRO KUN GYI, ,SKYABS MGON MDZOD CIG BLA MA YI DAM LHA, ,LAS LAS GRUB PA'I DMYAL BA'I PHO NYA'I TSOGS, ,BRTZE MED GAD MO
DGONG PA'I BSU MAS BSKOR, ,SKYABS 'TSOL RIG RIG LTA BA 'DI DAG LA, ,THUGS RJES GZIGS SHIG BLA MA YI DAM LHA, ,MNGON SHES PHRA MOS RANG GI SNGA PHYI'I RGYUS, ,CUNG ZAD SHES PAS RANG LA YID CHAD CING; ;'GYOD PA MTSON GYIS RANG SROG BCANG BZHIN BRGYAL, ,'DI 'DRA'I 'JIGS LAS SKYOBS SHIG THUGS RJE CAN, ZHES DANG, BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RDO RJE MI 'KHRUGS PA LA PHYAG 'TSAL LO MCHOD DO SKYABS SU MCHI'O, ,TSE LAS 'DAS PA CHE GE MO ZHES BGYI BA 'DI NYID MNGON DGA'I ZHING DU DA LTA NYID DU DRANG DU GSOL, (LAN NYER GCIG BRJOD NAS,) ZHES GDUNG SHUGS DRAG POS GSOL BA BTAB PAS TSOGS ZHING RNAMS BCOM LDAN 'DAS LA THIM ZHING, BCOM LDAN 'DAS DGYES BZHIN DU YE SHES PA'I TSUL GYIS TSE 'DAS DAM TSIG PAR GSAL BA LA THIM PAR GYUR, DZA: H'Um BAm HO: GNYIS SU MED PAR GYUR, (PAR BSAM LA,) ,AOm SARBA TA THA GA TA (SOGS KYIS MCHOD,) CHOS DBYINGS RANG BZHIN (SOGS KYIS BSTOD, DE NAS LAM BSTAN PA NI,) DKON MCHOG RIN CHEN DPAL ZHING DU, ,DKON MCHOG RIN CHEN LAS BYUNG BA; ;DKON MCHOG RIN CHEN 'OD ZER GYIS, ,REN CHEN 'PHRENG BA RNAM DAG PA, ,TSOGS KYI LAM DANG SBYOR BA'I LAM, ,MTHONG BA'I LAM DANG SGOM PA'I LAM, ,BLA NA MED PA'I KHYAD PAR LAM, ,BYANG CHUB BAR
, ,CHAD MED PA'I LAM, ,RNAM PAR GROL BA'I LAM DAG LA, ,BRTEN NAS SDIG PA KUN SBYANGS NAS, ,'PHAGS PA'I LAM DER 'GRO BAR SHOG ,AOm RADNE RADNE MA H'A RADNE RADNE SAm BHA WA, RADNE KI RADNE, RADNA M'A LA BI SHU DDHE, SHO DHA YA SARBA P'A PAm H'Um PHAt, (CES PA'O, ,LAM SBYANG BA NI,) PADMA 'DAM GYIS MA GOS LTAR, ,SRID GSUM DRI MAS MA GOS PA'I, ,SRID PA'I PADMA LAS BYUNG BA, ,MNGON DGA'I ZHING DU SKYE BAR SHOG ,AOm PADME PADME, PADMA AUDBHA WE, MA H'A AA BHI NA NAm GTZAN TU SV'A H'A, TSE 'DAS KYI RNAM SHES DANG LHA YE SHES PA DBYER MED DU 'DRES PA SPYI GTZUG NAS THON TE, MNGON DGA'I ZHING DU GSHEGS PAS DER PADMA LAS BRDZUS TE SKYES NAS, DE NA GNAS PA'I BYANG SEMS RANG PA RNAMS KYIS, AOm SARBA TA THA GA TA ARGHAm, NAS, SHAPTA PA T'I TZTSA SV'A H'A, ZHES MCHOD PAR GYUR, DES KYANG BCOM LDAN 'DAS RDO RJE MI 'KHRUGS PA'I ZHAL MTHONG STE, AOm SARBA, NAS, SV'A H'A, ZHES MCHOD NAS, GDAMS PA DANG RJES SU GNANG BA THOB PAR GYUR, DE'I TSE LHA RNAMS KYIS DE BDAG GI MTHUR SHES NAS BDAG NYID LA, AOm SARBA NAS, SV'A H'A, ZHES MCHOD CING, SANGS RGYAS 'DRA BA'I STAN PA MED, ,CHOS DANG 'DRA BA'I DGE BA MED, ,DGE 'DUN 'DRA BA'I SNOD MED DE, ,SNGAGS RANG 'DRA BA'I 'DREN PA MED, CES CHED DU BRJOD PAR GYUR
NGES KYANG DER SKYE BA'I RGYU BRTAGS PAS, BDAG GIS CHO GA BYAS BA'I NUS MTHUR SHES NAS SKAD CIG GIS 'ONGS NAS, AE MA SANGS RGYAS RNAMS KYI NI, ,SNGAGS KYI BYIN RLABS YA MTSAN CHE, ,GANG PHYIR MTSAMS MED LTUNG BA YI, ,SEMS CAN LHA GNAS MYUR DU SKYES, ZHES CHED DU BRJOD NAS, BDAG NYID LA, AOm SARBA, NAS, SV'A H'A, ZHE MCHOD DE, SLAR YANG MNGON DGA'I ZHING DU SONG BAR GYUR, AOm SARBA BUDDHA KshE TRA GATZTSANTU SV'A H'A, ZHES BRJOD CING ME TOG GTOR, DE NAS, LHA DANG RNAM SHES GSHEGS PA'I PHUNG PO LHAG MA BYANG BU'I RNAM PAR GYUR PA DANG SDIG SGRIB LHAN CIG RAm LAS SKYES PA'I YE SHES KYI MES BSREGS PAR GYUR, PAR BSAM LA, STONG NYID YE SHES 'BAR BA'I MES, ,TSE 'DAS SGRIB PA'I BUNG SHING DANG, ,'KHOR BA'I SDUG BSNGAL MA LUS PA, ,YE SHES SNANG BAR 'BAR GYUR CIG ,NA MO RATNA TRA YA YA, NAS, SRBA SA TVA N'Am SV'A H'A, ZHES BRJOD CING BSREGS LA, SDIG SGRIB 'KHOR GSUM RMI LAM SGYU MA DANG, ,CHU ZLA BZHIN DU SNANG YANG BDEN PAS STONG, ,BDEN MED SPROS BRAL NAM MKHA' LTA BU'I DANG, ,DBYINGS RIG DBYER MED STONG PA'I NGANG DU GYUR, CES BRJOD LA MNYAM PAR BZHAG GO, DE NAS, DGE BA 'DIS MTSON DUS GSUM DANG 'BREL BA'I, ,RNAM DKAR LEGS TSOGS GCIG BSDUS MTHU DPAL DES, ,BDAG GZHAN 'GRO KUN SKYE BA THAMS CAD DU, ,THEG CHEN
, ,DGE BA'I BSHES KYIS ZIN PAR SHOG ,SRID PA'I PHUN TSOGS KUN LAS NGES 'BYUNG ZHING, ,RANG NYID ZHI BA'I BDE LA MA CHAGS PAR, ,MKHA' MNYAM MA RNAMS SDUG BSNGAL RGYA MTSO LAS, ,SGROL 'DOD BYANG CHUB SEMS MCHOG SKYE BAR SHOG ,BLA MA LHA LAS SMIN PHYED DBANG NOD CING, ,KHAS BLANGS DAM TSIG SROG BZHIN SRUNG BA DANG, ,BYA RGYUD RIGS GSUM SPYI DANG BYE BRAG GI ,RGYUD DON GDAMS PA'I MCHOG TU 'CHAR BAR SHOG ,YID MTHUN GNAS DANG MTSAN LDAN SNGAGS GA-YOG SOGS, ,CHOS BZHIN SGRUB PA'I MTHUN RKYEN TSANG PA DANG, ,PHUL BYUNG ZHING MCHOG MI 'KHRUGS LHA YI TSOGS, ,MCHOD PAS RLABS CHEN DGE TSOGS 'PHEL BAR SHOG ,DE BZHIN NYID DANG GRAG STONG SNGAGS KYI GDANGS, ,YIG 'BRU MTSAN DPE'I GZUGS RDZOGS DAM TSIG RGYA, ,MTSAN MA'I LHA DRUG GSAL SNANG NGA RGYAL GYIS, ,THA MAL SNANG ZHEN MA LUS GCOD PAR SHOG ,YAN LAG BZHI LDAN BZLAS BRJOD BSAM GTAN LA, ,BRTEN NAS DNGOS GRUB MA LUS 'GRUB PA DANG, ,ME DANG SGRA LA GZHOL BA'I RNAL 'BYOR GYIS, ,BDE DOD PHUL BYUNG TING 'DZIN RDZOGS PAR SHOG ,MTSAN 'DZIN DMIGS GTAD KUN ZHIG NAM MKHA' LTAR, ,RNAM DAG THAR PA STER BA'I BSAM GTAN CHE, ,THABS MKHAS
BSOD NAMS DPUNG DANG LDAN PA YIS, ,SHES NYON SGRIB GNYIS DRUNG NAS 'BYIN PAR SHOG ,RING MIN CHOS KUN MNGON RDZOGS YE SHES KYI, ,BSAM 'PHEL GZUGS SKU'I 'OD ZER DRA BA CAN, ,THOB NAS RGYUD LNGAS BSDUS PA'I 'GRO BA RNAMS, ,SMIN GROL 'PHRIN LAS LHUN GYIS 'GRUB PAR SHOG ,MDOR NA BDAG DANG DMIGS PA'I YUL LA SOGS, ,NAM MKHA'I MTHA' DANG MNYAM PA'I SEMS CAN KUN, , BCOM LDAN MI 'KHRUGS RGYAL POS RJES BZUNG STE, DNGOS GRUB RNAM GNYIS LHUN GYIS 'GRUB PAR SHOG ,CES SMON LAM DANG., KUN GSAL DBYINGS NAS BCOM LDAN MI 'KHRUGS PA'I, ,DKYIL 'KHOR LHA RNAMS ME TOG CHAR 'BEBS SHING, ,SHIS BRJOD DBYANGS KYIS KHYOD LA DGE LEGS KYI, ,MTSAN MA BSKRUN LA LHAG PAR DGA' BA SKYED, ,RTZA BA'I BLA MA KHYAB BDAG RDO RJE 'CHANG, ,GSANG BA'I BDAG PO DGRA LAS RNAM RGYAL SOGS, ,DNGOS DANG BRGYUD PA'I BLA MA MCHOG RNAMS KYI, ,DRI MED RNAM THAR 'KHYONGS PA'I BKRE SHIS SHOG ,BCOM LDAN RDO RJE ME 'KHRUGS RGYAL PO DANG, ,BKRA SHIS LHA MO BRGYAD DANG SGO MA BZHI; ;LA SOGS YI DAM ZHI KHRO'I LHA TSOGS KYIS, ,MCHOG MTHUN DNGOS GRUB STZOL BA'I BKRA SHOS SHOG ,ZAS GTZANG SRAS PO'I LEGS BSHAD KUN GYI MCHOG ,BYA RGYUD RIGS GSUM SPYI DANG BYE BRAG GI,
, ,BRJOD BYA MTSAN BCAS MTSAN MED RNAL 'BYOR GYI, ,LAM BZANG RGYUD LA SKYE PA'I BKRA SHIS SHOG ,RAB 'BYAMS ZHING BZHUGS BCOM LDAN MI 'KHRUGS PA'I, ,GZUNGS SNGAGS MTSAN TZAM 'DZIN PA YAN CHAD KYI, ,DGE 'DUN RNAMS KYIS ZAB LAM TSUL BZHIN DU, ,SGRUB PA'I STONG GROGS MDZAD PA'I BKRA SHIS SHOG, ZAB GSAL GNYIS SU MED PA'I YE SHES KYI, ,GZUNG CHA SNA TSOGS RIN CHEN LAS GRUB PA'I, ,GZHAL MED KHANG GI RNAM PAR SHAR BA YI, ,DAG PA'I SNOD LA SPYOD PA'I BKRA SHIS SHOG ,CES BKRA SHIS RNAMS BRJOD PAR BYA'O, SMRAS PA 'JIGS RUNG GSHIN RJES KHRID PA'I NYAM THAG 'GROR, ,PHAN BYED CHO GA'I RIM PA MDOR BSDUS 'DI, ,RGYUD DANG DE DON 'GREL BYED 'PHAGS BOD KYI, ,MKHAS PA'I GZHUNG LUGS KUN LA RING SBYANGS NAS, ,RGYAS BSHAD TSIG LOS DON SDONG BSGRIBS PA DANG, GNAD 'GAG 'BRAS BUS STONGS PA'I AERndA, ,MA YIN LEGS BSHAD BRGYA PHRAG RO BRO BA'I, ,DPAG BSAM LJON PA'I SPUN ZLAR BDAG GIS BSGRUBS, ,DGE BA 'DI YIS SNGON MED GZHUNG CHOG 'DI, ,NYAM THAG DU: KHAS MNAR BA'I 'GRO KUN GYI, ,SKYABS MGON DPUNG DANG GNYEN DU GYUR NAS NI, ,MNGON PAR DGA' BA'I ZHING DU 'JUG GYUR CIG ,CES BCOM LDAN 'DAS RDO RJE MI 'KHRUGS
RGYAL PO LA BRTEN NAS SDIG PA SBYANG BA'I CHO GA LEGS BSHAD RGYA MTSO'I SNYING PO ZHES BYA BA 'DI NI YUL GTZANG STONG KYI DGE SLONG DHA RMA BHA DRAS SHING BYI HOR ZLA BDUN PA'I TSES NYER LNGA LA BRIS PA DGE LEGS 'PHEL,, ` SBYONG STEGS KHRU GANG GRU BZHI'I STENG, ,PADMA DKAR PO 'DAB BRGYAD KYI, ,LTE BAR 'KHOR LO RTZIBS BRGYAD BRI, ,DE STENG DRI GOS BZHAG PA LA, ,MING BYANG SMYUG MAR SBRAGS TE GTZUGS, ,CHU GNYIS NYER SPYOD TSAR GNYIS DANG, ,MTHEB SKYU DKAR RGYAN RGYAB PA GSUM, ,TING LO GSUM DANG CHANG BU GSUM, ,GU GUL ME PHOR TIL NAG DANG, ,YUNGS KAR BYE MA KHRUS KYI CHAS, ,RNAM BUM LAS BUM RDOR DRIL DANG,, MAR ME 'GRIM RLON TSVA PAR BCAS, ,STA GON BYA STE MING BYANG NI, ,SHOG PU NYIS STAB MDUN PHYOGS LA, ,PAD ZLA'I STENG DU MING YIG NI, ,DANG PO THIG LES BRGYAN PA YI, ,STENG DU GDUGS DANG GA-YAS GA-YON LA, ,RGYAL MTSAN BA DAN BRI BAR BYA, ,RGYAB TU BCOM LDAN CHE GE YIS, ,TSE 'DAS CHE GE ZHES BGYI BA'I, ,SDIG SGRIB SH'ANTI KU RU YE, SV'A H'A ZHES PA BRIS PA LA, ,DRI BZANG LEGS PAR BYUG PAR BYA,,,, *, SDE DGE'I PAR RKOS SHES RAB BZANG POS PAR TU BSGRUBS PA DGE'O,, SARBA MANGGA LAm,, ,,
, ,RNAL 'BYOR MA'I SBYANG CHO GA MDOR BSDUS KYI ZIN BRIS BZHUGS,, `, ,NA MO GU RU BDZRA DHA RM'A YA, RJE BTZUN RDO RJE RNAL 'BYOR MA LA BRTEN PA'I SBYANG CHO GA SHIN TU BSDUS PA BYA TSUL NI, DGES PA'I YO BYAD RNAMS 'DU BYAS NAS BDAG BSKYED DANG BUM SGRUB SNGON DU 'GRO BAS, RTEN KHAndA RO HES BSANGS, SVA BH'A WAS SBYANGS, STONG PA'I NGANG LAS NI LAS TSE LAS 'DAS PA THA MAL PA'I RNAM PA CAN PHUNG PO DANG KHAMS DANG SKYE MCHED THAMS CAD YONGS SU RDZOGS PAR GYUR, SHI BA 'GUGS PA'I PHYAG RGYA MGOR BZHAG STE, AOm BADZRA SA TVA H'Um DZA: ZHES SNGAGS BRJOD LA, NA MO; RTZA BRGYUD KYI BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA SPYI DANG, KHYAD PAR DU YANG RJE BTZUN MKHA' SPYOD DBANG MO'I LHA TSOGS 'KHOR DANG BCAS PA'I BDEN PA'I MTHU LA BRTEN NAS, TSE LAS 'DAS PA CHE GE MO'I RNAM PAR SHES PA RIGS DRUG BAR DO GANG NA GNAS KYANG SKAD CIG LA 'DIR MCHIS PAR GYUR CIG ,LAN GCIG GAM GSUM, RANG GI THUGS KA NAS 'OD ZER LCAGS KYU LTA BU 'PHROS PAS, TSE 'DAS KYI RNAM SHES KHA DOG DMAR ZHING GSAL BA AA THUNG GI GZUGS CAN BKUG STE, SPYI GTZUG NAS THIM PAR GYUR, DZA: H'Um BAm HO: SEMS MA RDO RJE MA'I PHYAG RGYA BCINGS TE, AO SHO DHA NA SHO DHA NE SRBA P'A PAm A'A NA YA H'Um, TSE 'DAS KYI SDIG SGRIB THAMS CAD BKUG PAR GYUR, SDIG PA 'JOMS PA'I PHYAG RGYA BCINGS LA, AOm SARBA BID SARBA AA P'A YA BID SHODHA
NE H'Um PHAt SB'A H'A, SDIG PA DRAL BA'I PHYAG RGYA BCINGS LA, AOm BADZRA BANDHA TRA tA, LAN GSUM, TSE 'DAS KYI SDIG SGRIB BAG CHAGS DANG BCAS PA SBYANGS BAR GYUR, DE'I SPYI BOR AOm DKAR PO, MGRIN PAR A'A: DMAR PO, SNYING GAR H'Um SNGON POS MTSAN PAR GYUR, BGEGS GTOR BSANGS SBYANGS, STONG PA'I NGANG LAS BHR'Um LAS RIN PO CHE'I SNOD KYI NANG DU, AOm LAS GTOR MA BDUD RTZI'I RGYA MTSOR GYUR, AOm A'A: H'Um, LAN GSUM, RANG GI THUGS KA'I BAm LAS 'OD ZER 'PHROS PAS, TSE LAS 'DAS PA CHE GE MO LA GNAS SKABS KUN DU GNOD CING 'TSE BA'I, GDON BGEGS THAMS CAD BKUG PAR GYUR, AOm SARBA BI GHNANAx TA YE SV'A H'A, LAN GSUM, AOm SUMBHA NIx H'Um H'Um PHAt, LAN GSUM, NA MO RTZA BRGYUD KYIx MTHU LA BRTEN NAS TSE LAS 'DAS PA CHE GE MO LA GNAS SKABS KUN DU GNOD CING 'TSE BA'I BDON BGEGS THAMS CAD GTOR MA 'DIS TSIMS PAR GYIS LA RANG RANG SO SO'I GNAS SU SONGS SHIG ,AOm SUMBHA NI DANG, KHAndA RO HE BRJOD, ME BSANGS SBYANGS, STONG PA'I NGANG LAS RAm LAS YE SHES KYI ME 'BAR BA'I NANG DU, SKAD CIG GIS KHRO BO RDO RJE MKHA' 'GRO SKU MDOG MTHING NAG ZHAL GCIG PHYAG GNYIS KYIS RDO RJE DANG DRIL BU 'DZIN CING, ZHAL GDANGS PAR GYUR, TSE 'DAS KYI RKANG MTHIL GNYIS SU RLUNG GI DKYIL 'KHOR LTE BAR YE SHES KYI ME 'BAR BA, SNYING GAR SDIG PA'I SA BON PAm NAG PO LA LUS NGAG YID GSUM GYI SDIG SGRIB THAMS CAD 'DUS PA, LTE BA'I YE ASHES KYI ME 'BAR BA'I 'OD ZER GYIS SNYING GA'I
, ,PAm DED PA SNA SGO NAS THON, SDIG PA RVA CAN GYI RNAM PAR GYUR NAS TIL LA THIM PAR GYUR, AO BADZRAd'A KA KHA KHA KH'A HI KH'A HI SARBA P'A PAm DA HA NA BHASMA KUm RU SV'A H'A, GANG MANG, DAM TSIG PA MI DMIGS PAR GYUR, DU RGA; KAm KA NI, GTZUG TOR RNAM RGYAL, GTZUG GTOR DRI MED, PADMO shIn shA STE NGAN SONG SBYONG BA'I GZUNGS SNGE LNGA DANG, AOm GSUM MA SPEL TSIG DANG BCAS PA BYE MA DANG YUNGS KAR LA BZLAS PAS BRAB CING, AOm BRI TA BRI TA SARBA A'A WA RA n'A NI H'Um PHAt, TSE 'DAS KYI LUS KYI SDIG SGRIB THAMS CAD SH'ANTA KU RU SV'A H'A, AOm TRA tA TRA tA SARBA A'A WA RA n'A NI H'Um PHAt, TSE 'DAS KYI NGAG GI SDIG SGRIB THAMS CAD SH'ANTIm KU RU SV'A H'A, AOm TZTSANDHI TZTSANDHI SARBA A'A WAR n'A NI H'Um PHAt; TSE 'DAS KYI YID KYI SDIG SGRIB THAMS CAD SH'ANTIm KU RU SV'A H'A, AOm DA HA DA HA SARBA NA RAK GA TI HE TUm H'Um PHAt, TSE 'DAS DMYAL BAR 'GRO BA'I RGYU THAMS CAD SH'INTAm KU RU SV'A H'A, AOm PA TZA PA TZA SARBA PRE TA GA TE HE TUm H'Um PHAt, TSE 'DAS YI DVAGS SU 'GRO BA'I RGYU THAMS CAD SH'INTAm KU RU SV'A H'A, AOm MA THA MA THA SARBA TI RA-YAK GA TI HE TUm H'Um PHAt, TSE 'DAS DUD 'GROR 'GRO BA'I RGYU THAMS CAD SH'INTA KUm RU SV'A H'A, JI LTAR BLTAMS PA ZHES SOGS SNGAGS DANG BCAS PAS RTEN LA KHRUS GSOL BA BUM PAR BLUG PA 'THOR BZHIN PAR, 'DI NI PHYIN DRUG RANG BZHIN CHU, ,MI MTHUN DRI MA SBYANG MDZAD CING, ,MTHUN PHYOGS DRI YIS LEGS BSGOS CHU, ,KHRUS LEGS MDZAD KYIS KHRUS BYA'O, ,AOm GSUM MA BJOD,
'JIG RTEN 'DI NAS PHA ROL TU SONG PA CHE GE MO ZHES BYA BA'I CHO THOG MA MED PA NAS BSAGS PA'I SDIG PA DANG SGRIB PA THAMS CAD DANG, KHYAD PAR DU YANG PHA ROL TU PHYIN PA DRUG GI MI MTHUN PHYOGS BYANG ZHING DAG NAS PHA ROL TU PHYIN PA DRUG YONGS SU RDZOGS TE MYUR DU MNGON PAR RDZAGS PAR 'TSANG RGYA PAR GYUR CIG ,'DOD CHAGS ZHE SDANG GTI MUG GSUM, ,DE DAG 'JIG RTEN DUG GSUM STE, ,SANGS RGYAS CHOS TSOGS DUG MI MNGA', ,MCHOG GSUM GZI YIS DUG BCOM MO, ,AOm GSUM MA BJOD, 'JIG RTEN 'DI NAS x KHYAD PAR DU YANG NYON MONGS PA DANG DE'I DBANG GIS BYUNG BA'I DUG THAMS CAD BYANG ZHING DAG NAS x GYUR CIG ,'BYUNG BZHI DUG GI MA YIN TE, ,'BYUNG BZHI DUG GI PHA YANG YIN, ,BDEN PA'I BDEN TSIG DE DAG GIS, ,TSE 'DAS DUG NI DUG MED SHOG ,DUG NI 'BYUNG BZHI'I NANG DU SONG, ,RANG RANG SNOD DU DUG SONGS SHIG SV'A H'A, AOm GSUM MA BRJOD, 'JIG RTEN 'DI NAS x KHYAD PAR DU YANG 'BYUNG BA DANG 'BYUNG BA LAS GYUR PA'I DUG THAMS CAD BYANG ZHING DAG NAS x GYUR CIG ,ME TOG 'THOR BAS, STON MCHOG DAM PA LHA MIS MA CHOD 'OS PA, ,SANGS RGYAS PHYAG 'TSAL DENG 'DIR BDE LEGS SHOG ,SEMS CAN GANG DAG 'GRO DANG MI 'GRO BA, ,DE DAG THAMS CAD DENG 'DIR BDE LEGS SHOG ,ZHI BA CHABS BRAL LHA x CHOS LA PHYAG x SEMS CAN x DE DAG x TSOd KYI DAM PA LHA x DGE 'DUN PHYAG x SEMS CAN x DE DAG x 'JIG RTEN 'DI NAS PHA ROL DU SONG BA CHE GE MO ZHES BYA BA BDUD DANG MI MTHUN PA'I PHYOGS THAMS
, ,CAD LAS RGYAL NAS SHIN TU BKRA SHIS PAR GYUR CIG ,PHYAG DANG BCAS, GTZO BO RGYAL BA ZHES SOGS SAM, YANG NA DGE BAS 'PHANGS PA'I x THUGS RJE CAN, ZHES BRJOD, DKON MCHOG RIN CHEN DPAL ZHING DU, ,DKON MCHOG RIN CHEN LAS BYUNG BA, ,DKON MCHOG RIN CHEN 'OD ZER GYIS, ,RIN CHEN 'PHRENG BA RNAM DAG PA, ,TSOGS KYI LAM DANG SBYOR BA'I LAM, ,MTHONG BA'I LAM DANG SGOM PA'I LAM, ,BLA NA MED PA'I KHYAD PAR LAM, ,BYANG CHUB BAR CHAD MED PA'I LAM; ;RNAM PAR GROL BA'I LAM DAG LA, ,BRTEN NAS SDIG PA KUN SBYANGS NAS, ,'PHAGS PA'I LAM DER BGROD PAR SHOG ,AOm RATNE RATNE, MAH'A RATNE, RATNA SAMBHA WE, RATNA KI RA nI, RATNA M'A LA, BI SHUDDHE, SHODHE YA, SARBA P'A PAm H'Um PHAt KYIS LAM BSTAN, PADMA 'DAM KYIS MA GOS LTAR, ,SRID GSUM DRI MAS MA GOS PA'I, ,SRING BA'I PADMO LAS BYUNG BA, ,MKHA' SPYOD GNAS SU SKYE BAR SHOG ,AOm PADMA PADMA, PADMA SAMBHA WE, MA H'A SU KHA BA TE GATZTSA RTU SV'A H'AS LAM SBYANGS, TSE 'DAS KYI RNAM SHES AA YIG DKAR PO'I RNAM PAR SPYI GTZUG NAS THON DAG PA MKHA' SPYOD KYI GNAS SU RJE BTZUN RDO RJE RNAL 'BYOR MA'I THUGS KAR THIM PAS GNYIS SU MED PAR GYUR PAR BSAM, DE NAS BYANG BU SDIG SGRIB DANG LHAN CIG TU RO LAS SKYES PA'I YE SHES KYI MES BSREGS PAR GYUR STONG NYID YE SHES 'BAR BA'I MES, ,TSE 'DAS SGRIB PA'I BUD SHING DANG, ,'KHOR BA'I SDUG BSNGAL MA LUS PA, ,YE SHES SNANG BAR 'BAR GYUR CIG ,AOm GSUM MA BRJOD MJUG GTOR 'BUL SMON LAm SHIS BRJOD BCAS BYA, 'DI DHA RMA BHA DRAS ZIN BRIS BYAS PA YIN, ,