*, ,RJE BTZUN SENG LDENG NAGS KYI SGROL MA'I BSTOD PA LEGS BRIS MAR GRAGS PA'I 'GREL PA NYUNG DU RNAM GSAL ZHES BYA BA BZHUGS, ,
, ,NA MO GU RU SHTZA A'ARYA T'A R'A YEE, RJE BTZUN BLA MA THUGS RJE'I GTER CHEN DANG, ,DBYER MED 'PHAGS MA SGROL MA'I ZHABS PAD LA, ,GUS PAS BTUD NAS GANG GI BSTOD PA'I DON, ,MDOR BSDUS TSIG GIS 'CHAD LA RNA BA BLOGS, ,DE LA 'DIR PAn CHEN DGE 'DUN GRUB PA DPAL BZANG POS MDZAD PA'I RJE BTZUN SENG LDENG NAGS KYI SGROL MA GTZO 'KHOR GYI BSTOD PA MKHAS PA'I GTZUG RGYAN NAS, LEGS BRIS MAR GRAGS PA'I DON 'CHAD PA LA GSUM, KLAD KYI DON, GZHUNG GI DON, MJUG GDON NO, ,DANG PO LA GSUM, RGYA SKAD DU PHYAG 'TSAL BA, BSTOD PA'I MTSAN GYI DON, BOD SKAD DU MCHOD PAR BRJOD PA'I, ,DANG PO NI, DA LTA'I DPE DAG LA, NA MO A'ARYA T'A RA YE, ZHES 'BYUNG BA'I MO DANG RA DANG YE GSUM GYI ZUR CUNG ZAD NYAMS PA 'DRA STE, KA L'A PA LAS, AA LAS DBYANGS GZHAN LA DBYI BA'I MA YANG NA YA'O, ,ZHES DANG, BUD MED LA AA LAS A'A PRA'O, ,ZHES DANG,
, ,NGA LDAN RNAMS YEE Y'ASU Y'SU Y'A MU'O, ,ZHES PA LTAR, NA MA A'A RYA T'A R'A YEE, ZHES 'BYUNG DGOS LA, DE LTA NA, NA MA PHYAG 'TSAL LO, ,A'ARYA 'PHAGS MA, T'AR'A SGROL MA, YEE RNAM DBYE GNYIS PA'I DON DU BZHI PA'I DE BYIN PA'I RJES TE, 'PHAGS MA SGROL MA LA PHYAG 'TSAL LO, ,ZHES PA'O, ,GNYIS PA BSTOD PA'I MTSAN GYI DON NI, RJE BTZUN BCOM LDAN 'DAS MA SENG LDED NAGS KYI SGROL MA LA BSTOD PA MKHAS PA'I GTZUG RGYAN ZHES BYA BA, ZHES PA STE, PHAL CHER 'OG TU 'CHAD PAS GO SLA LA, MKHAS PA'I GTZUG RGYAN ZHES PA NI, TSIG DON SNYAN CING ZAB PAS LEGS NYES DPYOD PA'I BLO LDAN RNAMS KYIS GTZUG GI NOR BU LTAR GUS PAS BSTEN PAR 'OS PA'I DON NO, ,GSUM PA BOD SKAD DU MCHOD PAR BRJOD PA NI, 'PHAGS PA SPYAN RAS GZIGS DBANG PHYUG THUGS RJE'I GTER LA PHYAG 'TSAL LO, ,ZHES PA STE, TSIG DON SLA ZHING, SPRUL PA LA BSTOD PA'I SNGON 'GROR SPRUL GZHI LA MCHOD PAR BRJOD PA'O, ,GNYIS PA GZHUNG GI DON LA GSUM, BSTOD PA BYA BA, GSOL BA GDAB PA, SMON LAM GDAB PA'O, ,DANG PO LA GNYIS,
MDOR BSTAN PA DANG, RGYAS PAR BSHAD PA'O, ,DANG PO LA GNYIS, CHEN POS BTUD PA'I SGO NAS BSTOD PA DANG, NGO BO DANG BYED LAS KYI SGO NAS BSTOD PA'O, ,DANG PO NI, LEGS BRIS DPAL GYI ZHES SOGS TSIGS BCAD GCIG STE, DE LA LEGS BRIS NI LHA SPYI'I MING DANG LEGS BRIS GTZO NI BRGYA BYIN GYI MING STE, DE RNAMS KYI MGRIN PA DANG, RKANG PA DANG, LAG PA RNAMS LA BKRA SHIS PA'I RI MO YOD PAS SO, ,DPAL GYI BDAG PO NI, KHYAB 'JUG GI MING STE LHA MO DPAL MO'I BDAG PO YIN PAS SO, ,GSER GYI MNGAL NI TSANGS PA'I MING STE, GSER GYI RANG BZHIN GYI SGO NGA NI GSER YIN LA DE'I SNYING PO NI MNGAL TE DE LAS BYUNG BAS SO, ,LHA YI BLA MA NI PHUR BU STE SNGON BRGYA BYIN GYIS DRANG SRONG PHUR BU LHA GZHON NU RNAMS LA LEGS SBYAR SLOB PA'I DPON DU BSKOS PAS SO, ,GLANG GDONG NI TSOGS BDAG STE, SNGON AU MA 'DI MOD BSAM GO MED PA LA GLANG PO CHE'I MGO BCANG NAS SBYAR BAS SO, ,DPAL GYI MGRIN NI, DBANG PHYUG CHEN PO STE, SNGON RGYA MTSO LAS BYUNG BA'I DUG BUM PA GANG MGRIN PAR BZUNG BAS BEEd'URYA'I MDOG LTA BU'I MGRIN PA SHIN TU LEGS PAR GYUR PAS SO, ,PADMO'I GNYEN NI NYI MA STE NYI 'OD KYIS PADMO'I KHA 'BYED PAS SO; ;SOGS KHONGS NAS ZLA BA DANG GDONG DRUG SOGS STEN TE MDOR NA LHA'I GTZO BO BRGYA PHRAG DU MA'I LUS KYI CHA MTHO SHOS SPYI GTZUG GI RGYAN NOR BUS SGROL MA'I SKU'I CHA DMA' SHOS ZHABS GDAN GYI PADMA LA BTUD DE GUS PAS
, ,MCHOD PA'I YUL DU GYUR PA'I SGROL MA'I ZHABS LA BDAG KYANG GUS PAS 'DUD DO ZHES PA'O, ,GNYIS PA NGO BO DANG BYED LAS KYI SGO NAS BSTOD PA NI, THUGS RJE CHEN PO'I ZHES SOGS TA, 'PHAGS PA THUGS RJE CHEN PO NI, RGYAL BA KUN GYI THUGS RJE'I RANG GZUGS YIN PAS NGES 'GRO BA JI SNYED CIG 'KHOR BA LAS BTON KYANG NYUNG DU MA SONG BAS BSHUMS PA'I SMAN CHAB LAS, 'DAS MA 'ONGS DA LTA'I DUS GSUM GYI RGYAL BA THAMS CAD KYI MKHYEN PA'I YE SHES, BRTZE BA'I THUGS RJE, SKYOB PA'I NUS PA THAMS CAD GCIG TU BSDUS PA'I NGO BO RAB TU MDZES SHING 'PHRIN LAS SGRUB PA'I LHA MO'I SKUR 'KHRUNGS PA'I TSUL BSTAN NAS, SEMS CAN RNAMS 'GAL RKYEN GYIS MNAR CING MTHUN RKYEN GYIS PHONGS PA KUN LAS SKYOB PAR MDZANG PA'I RJE BTZUN MA SGROL MA'I ZHABS LA GUS PAS 'DUD PA'O, ,GNYIS PA RGYAS PAR BSHAD PA YIG SUM, SKU LA BSTOD PA, GSUNG LA BSTOD PA, THUGS LA BSTOD PA'O, ,DANG PO LA GSUM, SKU DNGOS LA BSTOD PA, SKU'I RGYAN GOS LA BSTOD PA, SKU'I 'KHOR LA BSTOD PA'O, ,DANG PO LA BZHI, SKU SPYI LA BSTOD PA, ZHAL RAS SOGS LA BSTOD PA, PHYAG STABS LA BSTOD PA, PHYAG MTSAN LA BSTOD PA'O, ,DANG PO NI; DBYINGS RIG RNAM DAG CES SOGS TE, DBYINGS RANG BZHIN GYIS RNAM PAR DAG PA MTSON PA'I SNA TSOGS PADMA DANG, RIG PA GLO BUR GYI RIMS RNAM PAR DAG PA MTSON PA'I ZLA BA'I GDAN GYI STENG NA, BYA BA GRUB PA'I YE SHES KYI
NGO BOR MTSON PA'I NOR BU MA RGAD LJANG GU'I MDOG CAN GYI ZHAL GCIG PHYAG GNYIS MA, BCU DRUG LON PA'I LANG TSO RAB TU RGYAS SHING DAR LA BABS PA, ZHABS GA-YAS SNANG PHYOGS THABS KYI CHA MTSON PA CUNG ZAD BRKYANGS SHING, GA-YON STONG PHYO GIS SHES RAB KYI CHA MTSON PA BSKUMS PA'I SEMS DPA'I SKYIL KRUNG GI TSUL DU BZHUGS PAS THABS SHES ZUNG DU 'BREL BAR MTSON MA LA PHYAG 'TSAL BA'O, ,GNYIS PA ZHAL RAS SOGS LA BSTOD PA NI, NU 'BUR RAB RGYAS ZHES SOGS TE, GA-YAS GA-YON GYI NU MA 'BUR ZHING RAB TU RGYAS LA MKHRAD PA NI NYON MONGS DANG MA 'DRES PA'I ZAG PA MED PA'I BDE BA'I GTER DU GYUR PA DANG, ZHAL RAS NI ZLA BA NYA GANG BA LTAR ZLUM ZHING RGYAS PA LAS 'DZUM MDANGS KYI 'OD ZER DKAR PO 'PHRO BA CAN, SPYAN ZUNG GYIS 'GRO BA LA GZIGS PA'I ZHI BA'I NYAMS DANG LDAN ZHING, SPYAN DKYUS RING ZHING YANGS PA'I THUGS RJE'I NYAMS DANG LDAN PA, SHING SENG LDENG LA SOGS PA'I NAGS TSAL GYIS SPRAS PA'I LHO PHYOGS GA-YU LO BKOD PA'I ZHING NA BZHUGS PA'I MDZES MA KHYOD LA 'DUD PA'O, ,GSUM PA PHYAG STABS LA BSTOD PA LA GNYIS, GA-YAS KYI PHYAG STABS LA BSTOD PA DANG, GA-YON GYI PHYAG STABS LA BSTOD PA'O, ,DANG PO NI, GA-YU YI LJON SHING, ZHES SOGS TE, NGO BO GA-YU LAS GRUB PA'I LJON PA'I SHING GI YAL GA BRKYANGS PA DANG 'DRA BA'I REG BYA 'JAM ZHING MNYEN LCUG DANG LDAN PA'I PHYAG GA-YAS PA PUS MO'I STENG DU PHYAG MTHIL GYEN LA BSTAN PA'I MCHOG SBYIN GYI PHYAG RGYA MDZAD PA NI, BLANG DAR LA MKHAS PA'I GDUL BYA RNAMS MCHOG GI DNGOS GRUB SANGS RGYAS KYI SA'I BDE BA'I DGA' STON GYI MGRON DU MYUR
, ,BAR SHOG CES 'BOD PA 'DRA BA KHYOD LA PHYAG 'TSAL BA'O, ,GNYIS PA GA-YON GYI PHYAG STABS LA BSTOD PA NI, PHYAG GA-YON DKON MCHOG CES SOGS TE, PHYAG GA-YON PA RANG NYID KYI THUGS SANGS RGYAS, GSUNG CHOS, SKU DGE 'DUN TE DKON MCHOG GSUM TSANG BA'I SKYABS GNAS MTHAR THUG TU MTSON PA'I PHYIR MTHEB SRIN SBYAR NAS LHAG MA GSUM BSGRENG BA GA-YON GYI NU MA'I NANG DU PHYAG MTHIL MTHUR LA BSTAN PA'I SKYABS SBYIN GYI PHYAG RGYAS 'KHOR BA SPYI BYE BRAG GI 'JIGS PA BRGYA PHRAG DU MA MTHONG BA'I SKYE BO RNAMS LA, KYE BYED RNAMS MA 'JIGS SHIG NGA NI SKYABS GNAS KUN 'DUS YIN PAS MYUR DU 'JIGS PA LAS BSKYAB PAR BYA'O ZHES GSAL BAR MTSON PA KHYOD LA PHYAG 'TSAL BA'O, ,BZHI PA PHYAG MTSAN LA BSTOD PA NI, PHYAG GNYIS AUTPALA ZHES SOGS TE, PHYAG GA-YAS GA-YON GNYIS PHYAG MTSAN AUTPALA SNGON POS MTSAN PA NI MKHA' MNYAM GYI 'GRO BA KHYED RNAMS SRID PA'I BDE BA NI 'GYUR BA'I SDUG BSNGAL YIN PAS DE LA MA CHAGS PAR THAR PA CHEN PO SANGS RGYAS KYI GRONG KHYER DU ZHUGS SHIG CES BRTZON 'GRUS SKYED PA'I LCAG BSNUN TE YANG DANG YANG DU BSKUL BA DANG 'DRA BA KHYOD LA 'DUD PA'O, ,GNYIS PA SKU'I RGYAN GOS LA BSTOD PA LA GSUM, RIGS BDAG LA BSTOD PA, RIN PO CHE'I RGYAN LA BSTOD PA, LHA RDZAS KYI NA BZAR LA BSTOD PA'O, ,DANG PO NI, PADMA R'A GA'I ZHES SOGS TE, RIN PO CHE PADMAR'A GA'I MA DOG LTAR DMAR BA'I RGYAL BA 'OD DPAG MED ZHAL GCIG PHYAG GNYIS PA, MNYAM GZHAG GI PHYAG RGYA'I STENG NA 'CHI MED TSE'I BDUD RTZIS GANG BA'I BEd'UR YA'I LHUNG BZED
BSNAMS PAS SGRUB PA PO LA 'CHI MED TSE'I DNGOS GRUB STZOL BAR MDZAD PA'I RIGS KYI BDAG POS RJE BTZUN MA NYID KYI SKU'I SPYI BOR BRGYAN PAS NI GSOL BA 'DEBS PA PO BDAG GI 'CHI BDAG GI BDUD LHAG MED DU 'DZOM PAR MTSON MA KHYOD LA 'DUD PA'O, GNYIS PA RIN PO CHE'I RGYAN LA BSTOD PA NI, TSOGS GNYIS MTHO RIS ZHES SOGS TE, BSOD NAMS DANG YE SHES KYI TSOGS GNYIS MTHO RIS LHA'I BZO BO BI SHVA KARMA'I GZUGS SU BKOD PA DE'I LAG PA'I 'DU BYED KYIS, RIN THANG GZHAL DU MED PA'I LHA'I YID BZHIN GYI NOR BU RIN PO CHE RNAMS KYI MDZES PA PHYOGS GCIG TU BSDUS PA LTA BUR LTA BA PO RNAMS KYI YID KYI BRTAN PA DBANG MED DU 'BROG PA'I DBU RGYAN, SNYAN RGYAN, MGUL RGYAN, SE MO DO, DO SHAL, PHYAG GDUB, ZHABS GDUB, 'OG PAG STE RIN PO CHE'I RGYAN BRGYAD KYIS BRGYAN PA KHYOD LA PHYAG 'TSAL BA'O, ,GSUM PA LHA RDZAS KYI NA BZA' LA BSTOD PA NI, MRGAD RI BOS ZHES SOGS TE, NOR BU MRGAD LTAR LJANG BA'I RI BOS KHA DOG LNGA LDAN GYI 'JA' TSON GOS SU GYON PA BZHIN DU SKU STONG LA BSKYED NA STONG GSUM KHEBS SHING BTEG NA SOR MOS THEG PA'I LHA RDZAS KYI GOS KYIS GA SHAL DU BYAS SHING, LJON SHING GI LCUG PHRAN LTAR PHRA ZHING LDEM LA SHIN TU MDZES PA'I RKED SKABS MAN CHAD LA NI PANYTZA LI KA STE KHA DOG LNGA LDAN GYI SHAM THABS 'DZIN PA LA 'DUD PA'O; ;GSUM PA SKU'I 'KHOR LA BSTOD PA LA GSUM, GA-YAS GA-YON DU LDEM GYIS MDZES PA LA BSTOD PA, MCHOD PA'I LHA MOS MCHOD PA 'BUL BA LA BSTOD PA, 'JIG RTEN PA'I LTA MOS BSNYEN DKA' BA LA BSTOD PA'O, ,DANG PO NI, GA-YAS NA MYA NGAN ZHES
, ,SOGS TE, ,SKU'I GA-YAS PHYOGS NA MYA NGAN MED PA'I 'OD ZER CAN MA ZHI ZHING 'DZUM PA'I NYAMS DANG LDAN PA SKU GSER GYI MDOG CAN LAS NYI MA'I 'OD ZER LTA BU 'PHRO BA DANG, GA-YON PHYOGS NA RAL GCIG MA SKU MDOG SNGON MO SPRIN MED KYI NAM MKHA'I MDZES SDUG KYANG 'PHROG NUS PA LTA BU, KHRO ZHING CHAGS LA BRJID PA'I NYAMS DANG LDAN PA, 'KHOR GYI LHA MO 'DI GNYIS KYI PHYAG MTSAN LA MI 'DRA BA SNA TSOGS 'DUG KYANG, RJE 'DI NYID KYI BSTOD PAR SNGA MAS RDO RJE AO SHA DANG, PHYI MAS GRI GUG THOD PA 'DZIN PAR GSUNGS SO, ,DES NA DE LTA BU'I 'KHOR GYIS MDZES PA DE LA 'DUD PA'O, ,GNYIS PA MCHOD PA'I LHA MOS MCHOD PA 'BUL BA LA BSTOD PA NI, DRUG LDAN GLU DANG ZHES SOGS TE, KHA NAS PHRA SBOM 'GYUR KHUGS 'DEGS 'JOG STE YAN LAG DRUG DANG LDAN PA'I GLU LEN PA DANG, RKAD PAS MDZES PA'I GAR SNA TSOGS BSGYUR BA LA MKHAS SHING, LAG PAS GDUGS DKAR PO GSER GYI YU BA CAN DANG, RNGA YAB NOR BU'I YU BA CAN DANG, BEd'URYA'I PI WANG RGYUD STONG DANG LDAN PA DANG, GSER GYI GLING BU SOBS GRANGS RAB 'BYAMS KYI LHA MI'I MCHOD RDZAS 'DZIN PA'I MCHOD PA'I LHO MO'I TSOGS NAM MKHA'I KHYON THAMS CAD GANG BAS DUS RTAG TU MCHOD PAR MDZAD PA LA PHYAG 'TSAL BA'O, ,GSUM PA 'JIG RTEN PA'I LHA MOS BSNYEN DKA' BA LA BSTOD PA NI, DPAL MO LEGS BRJOD CES SOGS TE, KHYAB 'JUG GI CHUNG MA DPAL MO DANG, BRGYA BYIN GYI CHUNG MA LEGS BRJOD MA DANG, DBANG PHYUG GI CHUNG MA RI SKYES MA SOGS YID DU 'ONG BA'I 'CHI MED LHA'I BU MO STONG PHRAG MANG POS KYANG RJE BTZUN MA KHYED KYI DRUNG DU BRAN GA-YOG
MO'I GOS TZAM YANG THOB PAR DKA' BA'I MDZES SHING SNYING DU SDUG PA'I LHA MO SGROL MA'I SKU LA PHYAG 'TSAL BA'O, ,GNYIS PA GSUNG LA BSTOD PA NI, THUGS RJE'I CHU 'DZIN ZHES SOGS TE, SEMS CAN SDUG BSNGAL GYIS MNAR BA LA MI BZOD PA'I THUGS RJE'I CHU 'DZIN TE CHAR SPRIN SHIN TU RGYAS PA'I KLONG DKYIL YANGS PO NAS, GSUNG RNA BAR SNYAN CING RGYUN RING DU GRAG PAS TSANGS PA'I DBYANGS NI SPRIN GYI RNGA SGRA STE 'BRUG SGRA'I GZUGS SU BYAS PA NGES RANG GI GDUL BYA'I 'DZIN MA STE SA GZHIR, LTA RTOG DAG LAS 'TSO DANG RTZOL, ,DRAN TING 'PHAGS LAM YAN LAG BRGYAD, ,CES DANG, DVANGS BSIL YANG 'JAM DRI RO ZHIM, ,MGRIN PA LA PHAN LTOR MI GNOD, ,CES PA LTAR, YAN LAG BRGYAD DANG LDAN PA'I CHOS KYI CHAR CHEN PO DUS KUN TU RAN PAR 'BEBS MKHAS MA LA PHYAG 'TSOL BA'O, ,GSUM PA THUGS LA BSTOD PA LA BZHI, MKHYEN RAB MTHAR PHYIN LA BSTOD PA, BRTZE BE MTHAR PHYIN LA BSTOD PA, MDZAD PA MTHAR PHYIN LA BSTOD PA, NUS PA MTHAR PHYIN LA BSTOD PA'O, ,DANG PO NI, SHES BYA KUN GZIGS ZHES SOGS TE, JI LTA JI SNYED KYI SHES BYA THAMS CAD MNGON SUM DU GZIGS PA DANG, ZAG MED SDE TSAN NYER GCIG SOGS YON TAN RGYA MTSO'I GTER DU GYUR PA JI LTA BA BZHIN DU SEMS CAN SUS KYANG BRJOD PAR MI NUS KYANG MDOR BSDUS GNAD KYI DON TZAM NI, BLO GROS SHES BYA GANG LA'ANG THOGS RDUGS MED PAS GNAS DANG GNAS MA YIN PA DANG, LAS KYI RNAM PAR SMIN PA DANG, MOS PA SNA TSOGS PA DANG, KHAMS SNA TSOGS PA DANG, DBANG PO MCHOG DANG MCHOG MA YIN PA DANG, THAMS CAD DU 'GRO BA'I LAM DANG, KUN NAS NYON MONGS DANG RNAM PAR BYANG BA DANG, SNGON GYI GNAS RJES SU DRAN PA DANG,
, ,'CHI 'PHO BA DANG SKYE BA DANG, ZAG PA ZAD PA RNAMS JI LTA BA BZHIN DU MKHYEN PA'I STOBS BCU MNGA' BA'I THUGS DANG LDAN PAS NA MKHYEN PA RAB KYI MTHAR PHYIN MA LA PHYAG 'TSAL BA'O, ,GNYIS PA BRTZE BA MTHAR PHYIN LA BSTONG PA NI, ZHI BA BRNYES KYANG ZHES SOGS TE, MKHYEN PAS SDUG KUN SA BON DANG BCAS PA ZHI BA'I GO 'PHANG BRNYES KYANG THUGS RJE CHEN PO'I GZHAN DBANG DU GYUR PAS 'KHOR BA SPYI BYE BRAG GI SDUG BSNGAL GYI RGYA MTSO'I KLONG DU BYING BA'I MA RGAN 'GRO BA RNAMS THUGS RJE'I PHYAG RING BRKYANGS TE MYUR DU MI GNAS PA'I MYANG 'DAS SU 'DREN PAR MDZAD PA'I BRTZE MTHAR KYI MTHAR PHYIN MA LA PHYAG 'TSAL BA'O, ,GSUM PA MDZAD PA MTHAR PHYIN LA BSTOD PA NI, ZHI RGYAS DBANG DANG ZHES SOGS TE, MI MTHUN PHYOGS ZHI BA DANG YON TAN RGYAS PA DANG, 'DOD DON DBANG DU BSDU BA DANG, DGRA BGEGS TSAR GCOD PA'I DRAG PO'I 'PHRIN LAS RNAM PA BZHI PO RNAMS RGYA MTSO'I RLABS 'PHRENG ZHAG BDUN BDUN NAS 'BYUNG BA DE GANG GIS KYANG MI BZLOG PA BZHIN DU DUS LAS SKAD CIG KYANG MI 'DA' BAR 'BAD RTZOL MED PAR LHUN GYIS GRUB CING RGYUN CHAD PA MED PAR GDUL BYA'I RGYUD LA 'DUG PAR MDZAD PAS NA MDZAD PA RAB KYI MTHAR PHYIN MA LA PHYAG 'TSAL BA'O, ,BZHI PA NUS PA MTHAR PHYIN LA BSTOD PA NI, 'JIGS CHEN SDUG BSNGAL ZHES SOGS TE, 'OG NAS 'BYUNG BA LTAR GYI 'JIGS PA CHEN PO LAS BYUNG BA'I SDUG BSNGAL BRGYAD DANG, 'BYUNG PO'I GDON GYIS GTZES PA DANG, NYON SGRIB DANG SHES SGRIB KYI 'JIGS PA RNAMS, DRI MED 'OD LAS, 'DI YI DPAL NI MYUR THOB SLAR,
RTAG TU RNAL 'BYOR MA RNAMS ZHABS, ,RNAL 'BYOR GANG ZHIG SGOM PA DE'I, ,BGEGS NI RTAG TU NYAMS PAR 'GYUR, ,ZHES GSUNGS PA LTAR, LHA MO KHYOD KYI ZHABS GA-YAS GA-YON GNYIS YID LA DRAN PA DE'I MOD LA SKYOB PAR MDZAD PAS NA NUS PA RAB KYI MTHAR PHYIN MA LA PHYAG 'TSAL BA'O, ,GNYIS PA GSOL BA GDAB PA LA GSUM, MDOR BSTAN PA, RGYAS PAR BSHAD PA, DON BSDU BA'O, ,DANG PO NI, DE LTAR SKYABS 'OS ZHES SOGS TE, DE LTAR MKHYEN BRTZE NUS PA MTHAR PHYIN MNGA' BAS GTAN GYI SKYABS SU 'OS PA'I 'PHAGS MA KHYOD KYIS BDAG DANG BDAG 'DRA BA'I MKHA' MNYAM GYI LUS CAN RNAMS RLUNG LA SOGS PA'I NAD DANG, NYIN GCIG PA LA SOGS PA'I RIMS DANG, GDON RIGS SUM BRGYA DRUG CU DANG, BGEGS RIGS STONG PHRAG BRGYAD CU DANG, DUS MA YIN PA'I 'CHI BA RNAM PA BRGYAD DANG, GNYID DUS KYI RMI LAM NGAN PA DANG, SAD DUS KYI MTSAN MA NGAN PA SOGS 'JIGS PA CHEN PO KUN LAS MYUR DU BSKYAB PAR MDZAD DU GSOL BA'O, ,GNYIS PA RGYAS PAR BSHAD PA LA BRGYAD LAS, DANG PO NGA RGYAL DANG SENG GE'I 'JIGS PA LAS SKYOB PAR GSOL BA NI, 'JIG TSOGS LTA BA'I ZHES SOGS TE, RANG GI PHUNG PO LA DMIGS NAS NGA DANG NGA YIR 'DZIN PA'I 'JIG TSOGS LA LTA BA'I RI BO'I SUL DU GNAS BCAS TE, DMAN PA 'DI LAS BDAG KHYAD PAR DU 'PHAG SO SNYAM DU GZHAN LAS RANG NYID MCHOG TU 'DZIN PAS SEMS RGYUD RAB TU KHENGS SHING, PHA ROL DMAN PAR BLTAS NAS KHYAD DU GSOD PA'I SBAR KHYIM MI BZAD PA DANG LDAN PA'I NANG RANG RGYUD KYI NGA RGYAL DANG, PHYI SENG GE'I 'JIGS PA LAS BSKYAB PA'I
, ,PHYIR DU GSOL BA 'DEBS PA STE, SNGON YANG SHING 'THUN ZHIG NAGS SU SONG BA SENG GE MO BKRES PA DANG 'PHRAD NAS KHAR THOGS TE ZA BAR BRTZAMS PA NA, SGROL MA LA GSOL BA BTAB PAS, BUD MED SHING LO'I GOS CAN ZHIG BYUNG BAS SENG GE'I KHA NAS BLANGS TE TSONG DUS SU BZHAG PA LTAR RO, ,GNYIS PA GTI MUG DANG GLANG PO'I 'JIGS PA LAS SKYOB PAR GSOL BA NI, DRAN SHES LCAGS KYU ZHES SOGS TE, BLANG DOR MA BRJED PA'I DRAN PA DANG, LEGS NYES GANG LA SPYOD SHES PA'I SHES BZHIN GYI LCAGS KYU RNON POS MA BTUL ZHING, GZUGS SGRA DRI RO REG BYA'I 'DOD YON LNGA DANG, RANG GI DPRAL BA'I MYOS BYED KYI BUM PA NAS BABS PA'I CHU 'THUNGS BSAM GO BO 'THOMS PA'I MTHUS, PHYIN CI LOG GI LAM DU ZHUGS NAS, GZHAN LA GNOD CING 'TSE BA'I MCHE BA GTZIGS PAR BYED PA'I NANG RANG RGYUD KYI CHOS KYI GNAS LUGS LA RMONGS PA'I GTI MUG DANG, PHYI GLANG PO'I 'JIGS PA LAS BSKYAB PAR GSOL BA STE, SNGON YANG BU MO ZHIG ME TOG 'THU DU SONG BA GLANG CHEN GTUM PA'I SNAS BCINGS TE MCHE BA BSNUN PAR BRTZAMS PA NA, SGROL MA LA GSOL BA BTAB PAS, RDO BA'I STEGS DANG, CHOD DUS DANG, 'DUN KHAR DANG, LHA KHANG DANG, RGYAL PO'I SGO KHANG RNAMS SU RIM PA LTAR BZHAG STE SNA SHAL GYIS PHYAG BYAS PAS BSOD NAMS CAN DU RIG NAS RGYAL PO'I BTZUN MOR GYUR PA LTAR RO, ,GSUM PA ZHE SDANG DANG ME'I 'JIGS PA LAS SKYOB PAR GSOL BA NI, TSUL MIN YID BYED CES SOGS TE, TSUL BZHIN MA YIN PA NYON MONGS CAN GYI YID LA BYED PA'I RLUNG GIS BSGUL BA LA BRTEN NAS, LUS NGAG
GI NYES SPYOD DU MA'I DUD PA SPRIN PHUNG LTA BUR 'KHRUG PA'I KLONG DKYIL NA 'BAR BAS BSKAL PA BRGYA STONG DU BSAGS PA'I DGE BA'I NAGS TSAL YAR SKAD CIG LA SREG PA'I NUS PA CAN GYI NAD RANG RGYUD KYI SDUG BSNGAL DANG DE'I GNAS LA DMIGS NAS KHONG KHRO BO'I ZHE SDANG DANG; PHYI ME'I 'JIGS PA LAS BSKYAB PAR GSOL BA STE, SNGON YANG KHYIM KHANG ZHIG LA MTSAN MO SHA 'KHON CAN GYI DGRA BOS ME SBAR BA NA 'GROS PAR BRTZAMS KYANG MTHAR PA'I CHA SGROL MA LA GSOL BA BTAB PAS, KHYIM GYI STENG DU SPRIN SNGO ZHING MDZES PA ZHIG BYUNG BA LAS CHAR RGYUN GNYA' SHING TZAM BABS PAS ME ZHI BA LTA BU'O, ,BZHI PA PHRAG DOG DANG SPRUL GYI 'JIGS PA LAS SKYOB PAR GSOL BA NI, MA RIG 'THIBS PO'I ZHES SOGS TE, BLANG DOR LA RMONGS PA'I MA RIG PA NAGS 'THIBS PA'I KHUR DU MNGON PAR ZHEN CING GANG ZAG GZHAN GYI 'BYOR PA PHUN SUM TSOGS PA MTHONG BA'I TSE MI BZOD CING SEMS 'KHRUG PA'I GDUG PA'I DUG GIS MYUR DU RANG GZHAN LA KHYAB PAR BYED PA'I NANG RANG RGYUD KYI PHRAG DOG DANG, PHYI DUG SPRUL GYI 'JIGS PA LAS BSKYAB PAR GSOL BA STE, SNGON YANG SMAD 'TSONG MA ZHIG MU TIG GI DO SHAL LNGA BRGYA LTAR BA'I TSONG DPON ZHIG GI KHYIM DU CHAS PA'I LAM DU SHING LA GNAS PA'I DUG SPRUL LUS LA 'KHRIL PA'I TSE, SGROL MAR GSOL BA BTAB PAS, SPRUL DE ME TOG GI 'PHRENG BAR GYUR NAS ZHAG BDUN LUS KYI RGYAN DU GYUR PA LTA BU'O, ,LNGA PA LTA NGAN DANG KUN PO'I 'JIGS PA LAS SKYOB PAR GSOL BA NI, BRTUL ZHUGS DMAN PA'I ZHES SOGS TE, ME LNGA BSTEN PA DANG GA-YANG GZHI 'CHAD PA SOGS BRTUL ZHUGS DMAN PA'I GRONG LAS 'PHAGS PA'I 'PHROG DGON PA 'JIGS SU
, ,DUNG BA DANG, BDAG LA DMIGS NAS RTAG PA THER ZUG DANG, CHAD PA 'CHI 'PHO MED PAR LTA BA'I CHU DANG BRAL BA'I MYA NGAM GYI THANG LA RAB TU RGYU ZHING, GNAS SKABS MTHAR THUG GI PHAN BDE'I GRONG SDE DANG, DGON GNAS KUN 'JOMS PAR BYANG BA'I, 'JIG LTA, MTHAR LTA, LTA BA MCHOG 'DZIN, TSUL ZHUGS MCHOG 'DZIN, LOG LTA STE NANG DANG RGYUD GYI LTA NGAN LNGA DANG, PHYI RKUN PO'I 'JIGS PA LAS BSKYAB PAR GSOL BA STE, SNGON YANG YUL BHA RU KATZDZA'I TSONG DPON LONGS SPYOD DANG LDAN PA ZHIG RNGA MONG STONG DANG, KHYU MCHOG LNGA BRGYA LA TSONG ZONG BKAL TE MA RU'I YUL DU CHAS PA'I LAM GYI 'BROG DGON PAR MI SHA ZA BA'I CHOM RKUN STONG TZAM GYIS 'JOMS PA NA, SGROL MAR GSOL BA BTAB PAS, GLO BUR DU DPA' BO GO MTSON THOGS PA DPAG TU MED PA BYUNG STE CHOM RKUN RNAMS RGYANG RING POR BSKRAD NAS BDE BAR PHYIN PA LTA BU'O, ,DRUG PA SER SNA DANG LCAGS SGROG GI 'JIGS PA LAS SKYOB PAR GSOL BA NI, MI BZAD SRID PA'I ZHES SOGS TE, SNGAG BSNGAL DRAG CING MI BZAD PA DANG LDAN PA'I SRING PA 'KHOR BA'I BTZON KHANG GI RA BAR LUS CAN RNAMS RANG LA DBANG MED PAR DAM DU 'CHING BAR BYED CING, 'DOD CHAGS SRED PA'I SGO LCAGS DBYE BAR DKAR BAS 'KHYUD PA'I NANG RANG RGYUD KYI YO BYAD GTONG MI NUS PAR 'DZIN PA'I SER SNA DANG, PHYI LCAGS SGROG GI 'JIGS PA LAS BSKYAB PAR GSOL BA STE, SNGON YANG RKUN PO'I DPON ZHIG GIS RGYAL PO'I MDZOD PHUG STE ZHUGS PAS CHANG GI BUM PA DANG PHRAD PA 'THUNGS BAS BZI NAS GNYID DU SONG BA BDAG POS RIG STE, BTZON RAR LCAGS
SGROG GIS BCINGS SHING SDUG LAS BTAD PA NA, SGROL MAR GSOL BA BTAB PAS, 'DAB CHAGS KHA DOG LNGA LDAN ZHIG BYUNG NAS LCAGS SGROG BKROL TE CI BDER BTANG ZHING SLAR 'KHOR DANG BCAS PA CHOM RKUN SOGS SDIG SPONG DGE SGRUB LA SBYANG BA LTA BU'O, ,BDUN PA 'DOD CHAGS DANG CHU'I 'JIGS PA LAS SKYOB PAR GSOL BA NI, SHIN TU BRGAL DKA' ZHES SOGS TE, GTANG MTHA' MANG PAS SHIN TU BRGAL BAR DKA' ZHING BRGAL BA PO RNAMS SRID PA'I RGYUN PHYOGS SU 'KHYER BA DANG, LAS NGAN GYI RLUNG SHUGS DRAG PO'I RKYEN DANG NYE BAR 'GROGS PA LAS SKYE BA'I SDUG BSNGAL DANG RGA BA'I SDUG BSNGAL DANG, NA BA'I SDUG BSNGAL DANG, 'CHI BA'I SDUG BSNGAL GYI RBA GLONG RAB TU 'KHRUG PA'I NANG RANG RGYAR KYI ZAG BCAS KYI DNGOS PO LA TSAGS PA'I 'DOD CHAGS DANG, PHYI CHU'I 'JIGS PA LAS BSKYAB PAR GSOL BA STE, SNGON YANG TSONG PA LNGA STONG TZAM GYIS GRU BO CHE GSUM DANG BCAS RIN PO CHE'I GLING DU PHYIN NAS GRU GZHAN PA GNYIS RIN PO CHE DANG TZDAN SA MCHOG GIS BSKAD STE SLAR LDOG PAS, RGYA MTSO'I NOR BDAG KHROS NAS MI MTHUN PA'I RLUNG GIS NYAM NGA BA'I PHYOGS SU KHYER TE RBA KLENG DRAG TU 'KHRUGS PAS GRU THAG CHAD NAS RIN PO CHE DANG TZANDAN GYI GRU STOR, GRU BO CHE YANG CHUNG NUB LA KHANG PA NA TSONG PA RNAMS KYIS 'JIG RTEN PA'I LHA LA GSOL BA YUN RING DU BTAB KYANG MA PHAN PA NA, DGE BSNYEN ZHIG GIS SGROL MA LA GSOL BA BTAB PAS, DE MA THAG TU MTHUN PA'I RLUNG BYUNG STE GRU GSUM GZHAG GCIG RANG LA 'DZAM GLING DU SLEBS PA LTA BU'O, ,BRGYAD PA THE TSOM DANG SHA ZA'I 'JIGS PA LAS SKYAB PAR GSOL BA NI, KUN TU RMONGS PA'I ZHES SOGS TE, SHES BYA LA KUN TU RMONGS PA'I
, ,NAM MKHA' LA RAB TU RGYU ZHING, NGES PA STE BDEN PA MTHONG BA DON DU GNYER BA RNAMS LA LHAG PAR DU 'TSE BA DANG, THAR PA'I SROG LA RGOL BA'I GDUG RTZUB CAN GYI NANG RANG RGYUD KYI MTHA' GNYIS SU DOGS PA'I THE TSOM PA, , PHYI SHA ZA'I 'JIGS PA LAS BSKYAB PAR GSOL BA STE, SNGON YANG RGYA GAR SHAR PHYOGS KYI GTZUG LAG KHANG ZHIG TU NYAN THOS SENDHA PA'I DGE 'DUN MANG DU GNAS PA LAS, LAN CIG NUB RE BZHIN PHYI ROL DU SONG BA'I DGE SLONG RE RE SHI NAS TSOGS PA BRI ZHING, NUB GZHAN PAR DGE TSUL ZHIG GIS PHYI ROL DU PHYIN PAS, SHA ZA MDOG NAG CING MCHE BA GTZIGS PA ZHIG GIS MGO BO NAS BZUNG BA NA, SGROL MA LA GSOL BA BTAB PAS, LHA ME NAG MO RAL GRI THOGS PA ZHIG GIS SHA ZA LA BSDIGS PAS, SHA ZA DES SA 'OG NAS LCAGS BUM MU TIG GIS GANG BA PHYUNGS NAS, DGE TSUL LA PHUL TE BZOD PAR GSOL BA LTA BU'O, ,GSUM PA DON BSDU BA NI, KHYOD LA BSTOD CING ZHES SEGS TE, RJE BTZUN BCOM LDAN 'DAS MA KHYOD LA YON TAN DRAN NAS BSTOD CING 'DOD DON 'GRUB PAR GSOL BA BTAB PA'I MTHU LA BRTEN NAS DAM PA'I CHOS SGRUB PA'I PHYI NANG GSANG BA'I 'GAL RKYEN THAMS CAD LHAG MED DU ZHI BA DANG, TSE DANG BSOD NAMS DANG DPAL DANG 'BYOR PA PHUN SUM TSOGS PA SOGS MTHUN PA'I RKYEN RNAMS YID LA JI LTAR BSAM PA BZHIN DU 'GRUB PAR MDZAD DU GSOL BA'O, ,GSUM PA SMON LAM GDAB PA LA GNYIS, GZHAN GYI 'DOD DON 'GRUB PAR SMON PA DANG, RANG GI 'DOD DON 'GRUB PAR SMON PA'O, ,DANG PO NI, ZHING MCHOG BDE BA ZHES SOGS TE, SANGS RGYAS KYI ZHING RNAMS KYI
NANG NAS RANG CAG GI SMON YUL MCHOG TU GYUR PA NUB PHYOGS BDE BA CAN DER MA RGAN 'GRO BA KUN SKYES NAS 'DREN MCHOG 'OD DPAG MED KYIS GSUNG GI BDUD RTZIS RJES SU BZUNGS NAS DKA' BA BRGYA PHRAG MANG POS RGYAL SRAS KYI SPYOD PA LA MA SPYAD PAR YANG TSE GCIG GNYIS LTA BU'I DUS MYUR BA NYID DU SANGS RGYAS KYI SA LA REG PA STE GO 'PHANG THOB PAR GYUR CIG PA'O, ,GNYIS PA RANG GI 'DOD DON 'GRUB PAR SMON PA LA GSUM, GZHAN DON 'GRUB PA'I RGYU LA SMON PA, GZHAN DON 'GRUB PA'I RKYEN LA SMON PA, GZHAN DON 'GRUB PA'I RTEN LA SMON PA'O, ,DANG PO NI, BDAG KYANG RTAG TU ZHES SOGS TE, BDAG KYANG 'DI NAS BZUNG STE DUS RTAG TU TSE RABS SNGA MA'I GNAS TSUL GSAL BAR DRAN PA DANG, SEMS CAN GYI DON DU SANGS RGYAS THOB PAR 'DOD PA'I BYANG CHUB KYI SEMS DANG DUS NAM YANG MI 'BRAL ZHING; RGYAL BA'I SRAS KYI SPYOD PA PHAR PHYIN DRUG DANG BSDU BA BZHI SOGS RLABS PO CHE TSOL BA'I NGANG TSUL CAN DU BYED PA LA SPRO BA'I BRTZON 'GRUS CHU BO CHEN PO'I RGYUN BZHIN DU BSTEN PAR SHOG CIG PA'O, ,GNYIS PA GZHAN DON 'GRUB PA'I RKYEN LA SMON PA NI, RANG DON BSGRUB LA ZHES SOGS TE, RANG DON BSGRUB PA'I PHYIR DU NYAN RANG GI BYANG CHUB LA NAM DU YANG MI RE ZHING, GZHAN DON DU SANGS RGYAS GO 'PHANG 'BA' ZHIG BSGRUB PA LA RTZE GCIG TU GZHOL BA DANG, SHA'I SPYAN, LHA'I SPYAN, SHES RAB KYI SPYAN, CHOS KYI SPYAN, SANGS RGYAS KYI SPYAN TE SPYAN LNGA DANG, RDZU 'PHRUL GYI MNGON SHES, LHA'I RNA BA'I MNGON SHES, GZHAN SEMS SHES PA'I MNGON SHES, SNGON GNAS RJES SU DRAN GYI MNGON SHES, LHA'I MIG GI MNGON SHES, ZAG PA ZAD PA'I MNGON SHES TE MNGON SHES DRUG DANG, CHOS KYI DON GDUL BYA LA SMRA BA
, ,LA MKHAS PA DANG, CHOS 'CHAD PA'I DKA' LAS BZOD PA SOGS GZHAN DON TSUL BZHIN DU BYED PA'I MTHUN RKYEN RNAMS TSANG BAR SHOG CIG PA'O, ,GSUM PA GZHAN DON 'GRUB PA'I RTEN LA SMON PA NI, RAB 'BYAMS ZHING DU ZHES SOGS TE, PHYOGS BCU RAB 'BYAMS RGYA MTSO'I ZHING KHAMS SU RGYAL BA'I MDO SNGAGS LUNG RTOGS KYI DAM PA'I CHOS KUN DANG ZHING RGYAS PAR BYED PA LA DUS NAM YANG BLO'I DPA' MI ZHUM ZHING, DUS RTAG TU SEMS CAN THAMS CAD KYI GNAS SKABS DANG MTHAR THUG GI DON RNAMS MTHAR PHYIN PAR BSGRUB PA'I PHYIR DU RNAM MKHYEN RGYAL BA'I GO 'PHANG BDE BLAG TU THOB PAR GYUR CIG PA'O, ,GSUM PA MJUG GI DON NI, RJE BTZUN BCOM LDAN 'DAS MA SENG LDENG NAGS KYI SGROL MA LA BSTOD PA MKHAS PA'I GTZUG RGYAN ZHES BYA BA 'DI NI, SH'AKYA'I DGE SLONG DGE 'DUN GRUB PA DPAL BZANG POS YUN RING DU GSOL BA BTAB STE BYANG CHUB CHEN PO'I DBEN GNAS THEG CHEN PHO BRANG DU LEGS PAR SBYAR BA'O, ,ZHES PA STE TSIG DON GO BAR SLABS MA BKRAL LO, , SMAS PA, GRANGS MED RGYAL KUN BYA GRUB YE SHES MDANGS, ,MRGAD RI BO'I RNAM ROL RJE BTZUN MA'I, ,YON TAN PHUNG PO RJOD PAR BYED PA'I GZHUNG, ,TSIG DON RGYA MTSO'I MJING LTAR DPAG DKA' ZHING, ,SNGON CHAD MKHAS DANG GRUB PA'I TSOGS RNAMS KYIS, ,LEGS BSHAD SOR MOS MA BKAL DE YI SLAD, ,BYIS GLOS JI BZHIN BYED PAR MA GYUR KYANG, ,GANG SHES 'BAD PAS SBYAR BA'I DGE TSOGS KYIS, ,BDAG GZHAN 'GRO KUN DAG PA'I ZHING BRGYUD NAS, ,BLA MED GO 'PHANG DAM PA
'JOG PA'I GEGS, ,MTHA' DAG RJE BTZUN SGROL MAS LEGS BSAL NAS, ,GTAN GYI 'DUN MA LHUN GYIS GRUB GYUR CIG ,(CES RJE BTZUN MA SGROL MA'I BSTOD PA LEGS BRIS MAR GRAGS PA'I 'GREL PA 'DI YANG 'DI NANG GI RNAM GA-YENG DOR NAS GTAN BDE SGRUB PA LA RTZE CIG TU GZHOL BA DKAR BA'I GCES TSE RING DON GRUB LAGS NAS SNGA PHYIR NAN CHEN POS BSKUL DOR DGE SLONG DHARMA BHA DRAS GSER 'PHYANG BI LOR DNGUL CHUR SBYAR BA'O, ,SHUBHAm,, ,,