*, ,SGROL MAR PHYAG 'TSAL NYER GCIG GIS BSTOD PA'I RNAM BSHAD YID 'PHROG AUTPA LA'I CHUN PO ZHES BYA BA BZHUGS SO,,
, ,NA MO GU RU A'ARYA T'A R'A YEE, SKU GSUM YE SHES LNGA LDAN BLA MA DANG, ,DBYER MED RGYAL YUM SGROL MA'I ZHABS BTUD NAS, ,DE YI RNAM 'GYUR GCIG LHAG BCU PHRAG GNYIS, ,BSTOD PA'I RGYUD DON MDOR BSDUS BSHAD PAR BYA, DE YANG SGROL MAR PHYAG 'TSAL NYER GCIG GIS BSTOD PA'I DON 'CHAD PA LA GSUM, MDOR BSTAN PA, RGYAS PAR BSHAD PA, PHAN YON BSTAN PA'O, ,DANG PO NI, AOm RJE BTZUN MA 'PHAGS MA SGROL MA LA PHYAG 'TSAL LO, ,ZHES PA STE, AOm NI MTSAMS SBYOR PHRAL NA YI GE AA AU MA GSUM DU 'GYUR BAS, PHYAG YUL GYI SKU GSUNG THUGS GSUM MTSON LA, RGYAL BA'I YUM GYI MCHOG TU GYUR CING,
, ,SDOM PA GSUM DANG LDAN PAS NA RJE BTZUN MA, 'KHOR 'DAS LA MI GNAS PAS NA 'PHAGS MA, SEMS CAN THAMS CAD SDUG BSNGAL LAS SKYOB PAS NA SGROL MA STE, DE'I ZHABS LA PHYAG 'TSAL BA NI SGO GSUM GUS PAS 'DUD PA'O,, GNYIS PA RGYAS PAR BSHAD PA LA GSUM, LO RGYUS KYI SGO NAS BSTOD PA, SKU'I RNAM PA'I SGO NAS BSTOD PA, 'PHRIN LAS KYI SGO NAS BSTOD PA'O,, DANG PO NI, PHYAG 'TSAL SGROL MA MYUR MA DPAL MO,, SPYAN NI SKAD CIG GLOG DANG 'DRA MA, ,'JIG RTEN GSUM MGON CHU SKYES ZHAL GYI, ,GE SAR BYE BA LAS NI BYUNG MA, ZHES PA STE, PHYAG 'TSAL BA STE GUS PAS BDUD DO, ,GANG LA 'DUD CE NA, SEMS CAN 'KHOR BA LAS 'DON PAS NA SGROL MA, DE LA RGYAL BA GZHAN LAS 'PHRIN LAS MYUR BAS NA MYUR MA, BDUD SDE LHAG MED DU 'JOMS PAS NA DPAL MO, YE SHES KYI SPYAN NI SKAD CIG GI GLOG
'KHYUG PA DANG 'DRA BAR SHES BYA MTHA' DAG SKAD CIG LA GZIGS MA, SA 'OG KLU'I 'JIG RTEN, SA STENG MI'I 'JIG RTEN, SA BLA LHA'I 'JIG RTEN TE 'JIG RTEN GSUM GYI MGON SKYABS NI 'PHAGS PA SPYAN RAS GZIGS YIN LA, DE'I ZHAL GYI DKYIL 'KHOR LA GNAS PA'I SPYAN GYI CHU SPYAN CHAB LAS SKYES PA'I ME TOG PADMA'I GE SAR KHA BYE BA LAS BYUNG BA'I LO RGYUS DANG LDAN MA DE LA 'DUD PA STE, LO CHEN NAM BZANG GIS, TSIG RKANG GSUM PAR, 'JIG RTEN GSUM MGON ZHAL GYI CHU SKYES ZHES 'GYUR BCOS MDZAD PA LTAR BDE BAS DE BZHIN DU BSHAD DO, ,GNYIS PA SKU'I RNAM PA'I SGO NAS BSTOD PA LA GNYIS, LONGS SKU'I RNAM PA'I SGO NAS BSTOD PA DANG, CHOS SKU'I RNAM PA'I SGO NAS BSTOD PA'O, ,DANG PO LA GNYIS ZHI BA'I RNAM PA'I SGO NAS BSTOD PA DANG, KHRO MO'I RNAM PA'I SGO NAS BSTOD PA'O, ,DANG PO LA DRUG ,ZHAL MDANGS GSAL ZHING 'OD ZER 'PHRO BA'I SGO NAS BSTOD PA, SKU MDOG DANG PHYAG MTSAN DANG RGYU'I SGO NAS BSTOD PA, RGYAL BA DANG RGYAL SRAS KYIS GUS PAS BSTAN PA'I SGO NAS BSTOD PA, MI MTHUN PHYOGS GNON PA'I SGO NAS BSTOD PA, 'JIG RTEN PA'I LHA CHEN PO
, ,RNAMS KYIS BKUR BA'I SGO NAS BSTOD PA, PHA ROL 'JOMS PA'I SGO NAS BSTOD PA'O,, DANG PO NI, PHYAG 'TSAL STON KA'I ZLA BA KUN TU, ,GANG BA BRGYA NI BRTZEGS PA'I ZHAL MA, ,SKAR MA STONG PHRAG TSOGS PA RNAMS KYIS, ,RAB TU PHYE BA'I 'OD RAB 'BAR MA, ZHES PA STE, PHYAG 'TSAL LO, ,GANG LA NA, RDUL SPRIN LUG RNA SOGS DANG BRAL BA'I STON KA'I DUS KYI ZLA BA SKYE 'PHRO RDZOGS SHING 'BRI BA'I 'GO MA TSUGS PA'I NYA KUN TU GANG BA GRANGS BRGYA THAM PA NI, PHYOGS GCIG TU BRTZEGS PA STE SPUNGS PA LTA BUR MCHOG TU DKAR ZHING MDZES PA'I ZHAL RAS DANG LDAN MA, ZHAL DE LAS SKAR MA STONG PHRAG DU MA PHYOGS GCIG TU TSOGS PA LTA BU'I 'OD ZER RNAMS KYIS RAB TU PHYE ZHING GSAL BAR BYAS PA DANG 'DRA BA'I 'OD ZER DKAR PO RAB TU 'BAR ZHING 'PHRO MA DE LA'O, ,GNYIS PA SKU MDOG DANG PHYAG MTSAN DANG RGYU'I SGO NAS BSTOD PA NI, PHYAG 'TSAL GSER SNGO CHU NAS SKYES KYI, ,PADMAS PHYAG NI RNAM PAR BRGYAN MA, ,SBYIN PA BRTZON 'GRUS DKA' THUB ZHI BA, ,BZOD PA BSAM GTAN SPYOD YUL NYID MA, ,ZHES PA STE, PHYAG 'TSAL LO, ,GANG LA NA, SKU MDOG 'DZAM BU CHU BO'I GSER
LTAR MDZES SHING CUNG ZAD SNGO BA'I RNAM PA CAN, CHU NANG NAS SKYES PA'I PADMA STE AU TPA LA'I YU BAS PHYAG GA-YON GYI MTHEB SRIN NI RNAM PAR BRGYAN CING 'DAB MA SNYAN THAD DU KHA BYE BAS MTSAN MA, RGYU SBYIN PA DANG, BRTZON 'GRUS DANG, BSRUNG DKA' BA THUB PA'I TSUL KHRIMS DANG, RMONGS PA'I MUN PA ZHI BA'I SHES RAB DANG, BZOD PA DANG, BSAM GTAN TE PHA ROL TU PHYIN PA DRUG MNGON SUM GYI SPYOD YUL DU BYAS PA NYID LAS BYUNG MA DE LA'O,, GSUM PA RGYAL BA DANG RGYAL SRAS KYIS GUS PAS BSTEN PA'I SGO NAS BSTOD PA NI, PHYAG 'TSAL DE BZHIN GSHEGS PA'I GTZUG TOR, ,MTHA' YAS RNAM PAR RGYAL BAR SPYOD MA MA LUS PHA ROL PHYIN PA THOB PA'I, ,RGYAL BA'I SRAS KYIS SHIN TU BSTAN MA, ZHES PA STE, PHYAG 'TSAL LO, ,GANG LA NA, DE BZHIN GSHEGS PA THAMS CAD KYI YUM YIN PAS DE RNAMS KYI DBU'I GTZUG TOR GYI RTZE NA, MI MTHUN PHYOGS MTHA' YAS PA LAS RNAM PAR RGYAL BA'I TSUL DU SPYOD CING BZHUGS MA, SA BCU MA LUS PA'I NGO BO PHA ROL TU PHYIN PA BCU THOB PA'I RGYAL BA'I SRAS BYANG CHUB SEMS DPA' RNAMS KYIS SHIN TU GUS PA'I GTZUG GIS BSTAN MA DE LA'O,, BZHI PA MI MTHUN PHYOGS GNON PA'I SGO NAS BSTOD PA NI, PHYAG 'TSAL TU TT'A RA H'Um YI GES, ,'DOD DANG PHYOGS DANG
, ,NAM MKHA' GANG MA, ,'JIG RTEN BDUN PO ZHABS KYIS MNAN TE, ,LUS PA MED PAR 'GUGS PA NUS MA, ZHES PA STE, PHYAG 'TSAL LO, ,GANG LA NA, GSUNG TU TTA GDUNG BA RA ZHES SOGS SNGAGS 'PHRENG LAS 'PHROS PA'I 'OD ZER DANG, THUGS STONG NYID SNYING RJE MTSON PA'I H'Um GI YI GE'I SGRA SKAD KYIS, DMYAL BA, YI DVAGS, DUD 'GRO, MI, LHA STE 'DOD KHAMS KYI 'GRO BA RGYUD LNGA DANG, PHYOGS TE GZUGS KHAMS DANG, NAM MKHA' STE GZUGS MED KHAMS PA'I GNAS GNYIS TE BDUN GANG BAR MDZAD MA, DE LTA BU'I 'JIG RTEN GYI KHAMS BDUN PO DE RNAMS 'OD DANG SGRAS GANG BAR MA ZAD SKU'I ZHABS KYIS KYANG MNAN PA STE BCAGS TE, DER GNAS PA'I 'GRO BA GCIG KYANG LUS PA MED PAR DBANG DU 'GUGS PAR NUS PA'I MTHU DANG LDAN MA DE LA'O, ,LNGA PA 'JIG RTEN PA'I LHA CHEN PO RNAMS KYIS BKUR BA'I SGO NAS BSTOD PA NI, PHYAG 'TSAL BRGYA BYIN ME LHA TSANGS PA, ,RLUNG LHA SNA TSOGS DBANG PHYUG MCHOD MA, ,'BYUNG PO RO LANGS DRI ZA RNAMS DANG, ,GNOD SBYIN TSOGS KYIS MDUN NAS BSTOD MA, ZHES PA STE, PHYAG 'TSAL LO, ,GANG LA NA, SHAR GYI PHYOGS SKYONG BRGYA BYIN DANG, SHAR LHO'I ME LHA DANG, STENG GI TSANGS PA DANG, NUB BYANG GI RLUNG LHA DANG, DE DAG GIS MTSON
PA'I GSHIN RJE DANG KLU SOGS SDE RIS SNA TSOGS KYI DBANG PHYUG STE GTZO BO RNAMS KYIS GUS PAS MCHOD PA'I GNAS SU GYUR MA, DBANG LDAN GYI 'KHOR 'BYUNG PO RNAMS DANG, SRIN PO'I 'KHOR RO LANGS RNAMS DANG, BRGYA BYIN GYI 'KHOR DRI ZA RNAMS DANG, LUS NGAN GYI 'KHOR GNOD SBYIN SOGS 'KHOR GYI TSOGS RNAMS KYIS KYANG SKU MDUN DU BTUD NAS GUS PAS BSTOD PA'I YUL DU GYUR MA DE LA'O, ,DRUG PA PHA ROL 'JOMS PA'I SGO NAS BSTOD PA NI, PHYAG 'TSAL TRAt CES BYA DANG PHAt KYIS, ,PHA ROL 'KHRUL 'KHOR RAB TU 'JOMS MA, ,GA-YAS BSKUMS GA-YON BRKYANGS ZHABS KYIS MNAN TE, ,ME 'BAR 'KHRUG PA SHIN TU 'BAR MA, ,ZHES PA STE, PHYAG 'TSAL LO, ,GANG LA NA, ZHAL NAS DRAL BA TRAt CES BYA BA DANG 'GAS PA PHAt CES BYA BA'I RIG SNGAGS KYI NGA RO BSGRAGS PA TZAM GYIS PHA ROL BYAD MAS BSAM SBYOR NGAN PAS BYAS PA'I 'KHRUL 'KHOR GYI NUS PA THAMS CAD SKAD CIG LA RAB TU 'JOMS PAR MDZAD MA, GA-YAS BSKUMS SHING GA-YON BRKYANGS PA STONG NYID SNYING RJE MTSON PA'I ZHABS KYI 'OG TU BYAD MA DANG RBAD 'DRE LA SOGS PA MNAN TE, SKU LAS YE SHES KYI ME 'BAR ZHING 'KHRUG PA DANG, SHIN TU 'BAR BAS THAL BA TZAM YANG MA LUS PAR SREG PAR MDZAD MA DE LA'O,, ZHABS ZHI BA'I BZHUGS TSUL YIN KYANG ME
, ,'BAR BA'I DBUS NA BZHUGS PA CUNG ZAD KHRO TSUL TZAM MO, ,GNYIS PA KHRO MO'I RNAM PA'I SGO NAS BSTOD PA LA BDUN, BDUD DANG SGRIB GNYIS SBYONG BA'I SGO NAS BSTOD PA, GA-YAS GA-YON GYI PHYAG MTSAN GYI SGO NAS BSTOD PA, DBU RGYAN DANG BZHAD SGRA'I SGO NAS BSTOD PA, PHYOGS SKYONG BCUS 'PHRIN LAS SGRUB PA'I SGO NAS BSTOD PA, DBU RGYAN GYI SGO NAS BSTOD PA, DRAG PO'I BZHUGS TSUL GYI SGO NAS BSTOD PA, H'Um YIG LAS 'OD ZER 'PHRO BA'I SGO NAS BSTOD PA'O, ,DANG PO NI, PHYAG 'TSAL TU RE 'JIGS PA CHEN MO, ,BDUD KYI DPA' BO RNAM PAR 'JOMS MA, ,CHU SKYES ZHAL NI KHRO GNYER LDAN MDZAD, ,DGRA BO THAMS CAD MA LUS GSOD MA, ZHES PA STE, PHYAG 'TSAL LO, ,GANG LA NA, MYUR MA TU RE ZHES SOGS GSUNG GI NGA RO DANG, 'JIGS PA CHEN MO STE SHIN TU DRAG MO'I SKU'I RNAM 'GYUR GYIS, BDUD KYI NANG NAS GDUL DKA' BA'I DPA' BO NI NYON MONGS PA'I BDUD YIN PAS DE LA SOGS PA'I BDUD BZHI 'JOMS PAR MDZAD MA, CHU SKYES TE PADMA RGYAS PA LTAR MDZES PA'I ZHAL RAS NI KHRO GNYER DANG LDAN PA'I RNAM PAR MDZAD PA DE YIS, PHYI ROL GYI DGRA BO THAMS CAD KYANG LHAG MA MA LUS PAR GSOD PAR MDZAD MA DE LA'O, ,'DIR THAR PA'I DGRA NYON SGRIB DANG, RNAM MKHYEN GYI DGRA SHES
SGRIB LA BYAS NA BSDUS DON DANG MTHUN NO, ,GNYIS PA GA-YAS GA-YON GYI PHYAG MTSAN GYI SGO NAS BSTOD PA NI, PHYAG 'TSAL DKON MCHOG GSUM MTSON PHYAG RGYA'I, ,SOR MOS THUGS KAR RNAM PAR BRGYAN MA, ,MA LUS PHYOGS KYI 'KHOR LOS BRGYAN PA'I, ,RANG GI 'OD KYI TSOGS RNAMS 'KHRUG MA, ZHES PA STE, PHYAG 'TSAL LO, ,GANG LA NA, PHYAG GA-YON PA'I MTHEB SRIN GYIS AUTPA LA'I YU BA BZUNGS SHING, MDZUB MO GUNG MO MTHE'U CHUNG GSUM SGRENG BA DKON MCHOG GSUM 'DUS PA'I BDAG NYID DU MTSON PA'I PHYAG RGYA'I SOR MO RNAMS KYIS THUGS KAR RNAM PAR BRGYAN MA, MA LUS PA'I PHYOGS KYI CHA THAMS CAD PHYAG GA-YAS PA'I MCHOG SBYIN GYI MTHIL 'KHOR LOS BRGYAN PA LAS 'PHROS PA'I RANG GI 'OD ZER GYI TSOGS RNAMS PHAN TSUN 'KHRUG PAS GANG BAR MDZAD NAS 'OD GZHAN THAMS CAD ZIL GYIS GNON MA DE LA'O, ,'DI DANG 'OG GI SA BCAD LNGA PA GNYIS LA KHRO NYAMS MI SNANG YANG, DE'I GRAS SU BYUNG BA MI LDOG NAS YIN NAM BRTAG GO ,GSUM PA DBU RGYAN DANG BZHAD SGRA'I SGO NAS BSTOD PA NI, PHYAG 'TSAL RAB TU DGA' BA BRJID PA'I, ,DBU RGYAN 'OD KYI 'PHRENG BA SPEL MA, ,BZHAG PA RAB BZHAD TUTT'A RA YIS, ,BDUD DANG 'JIG RTEN DBANG DU MDZAD
, ,MA ,ZHES PA STE, PHYAG 'TSAL LO, ,GANG LA NA, DANG LDAN RNAMS KYI RE BA SKONG BAS RAB TU DGA' BA BSKYED CING, MA DAD PA RNAMS ZIL GYIS GNON PAS BRJID CHAGS PA'I RIN PO CHE'I DBU RGYAN 'OD ZER GYI 'PHRENG BA KHA DOG SNA TSOGS PA SPEL TE 'PHRO MA, SNGAGS KYI BZHAD MO RAB TU BZHAD PA'I SGRA TUTT'A RA ZHES SOGS KYIS 'DOD KHAMS KYI BDAG PO BDUD DGA' RAB DBANG PHYUG DANG, DE'I GZHAN DBANG DU GYUR PA'I 'JIG RTEN MTHA' DAG DBANG DU SDUD PAR MDZAD MA DE LA'O,, BZHI PA PHYOGS SKYONG BCUS 'PHRIN LAS BSGRUB PA'I SGO NAS BSTOD PA NI, PHYAG 'TSAL SA GZHI SKYONG BA'I TSOGS RNAMS, ,THAMS CAD 'GUGS PAR NUS PA NYID MA, ,KHRO GNYER GA-YO BA'I YI GE H'Um GIS, ,PHONGS PA THAMS CAD RNAM PAR SGROL MA, ZHES PA STE, PHYAG 'TSAL LO, ,GANG LA NA, SA GZHI SKYONG BA PHYOGS SKYONG BCU DANG, DE DAG GI 'KHOR GYI TSOGS RNAMS THAMS CAD 'PHRIN LAS SGRUB PA'I BRAN DU 'GUGS PAR NUS PA'I BDAG NYID MA, ZHAL KHRO GNYER GA-YO BA'I RNAM PAR BZHUGS PA'I THUGS KA'I YI GE H'Um GI 'OD ZER GYI LCAGS KYUS 'DOD RGU THAMS CAD BKUG NAS, SEMS CAN DBUL ZHING PHONGS PA'I SDUG BSNGAL GYIS GZIR BA THAMS CAD RNAM PAR
SGROL BAR MDZAD MA DE LA'O, ,LNGA PA DBU RGYAN GYI SGO NAS BSTOD PA NI, PHYAG 'TSAL ZLA BA'I RTZE MOS DBU RGYAN, ,BRGYAN PA THAMS CAD SHIN TU 'BAR MA, ,RAL PA'I KHROD NA 'OD DPAG MED LAS, ,RTAG PAR SHIN TU 'OD NI MDZAD MA, ZHES PA STE, PHYAG 'TSAL LO, ,GANG LA NA, ZLA BA'I RTZE MO STE TSES GCIG GI ZLA BAS DBU LA BRGYAN CING, DE LA SOGS PA'I RGYAN GYIS BRGYAN PA THAMS CAD LAS SDUG BSNGAL SEL BA'I 'OD ZER DKAR PO SHIN TU 'BAR ZHING 'PHRO MA, GNAG CING SNUM PA'I RAL PA'I KHROD NA SANGS RGYAS 'OD DPAG MED RIGS BDAG TU BZHUGS PA LAS KYANG DUS RTAG PAR SEMS CAN GYI DON DU SHIN TU 'OD ZER GYI TSOGS NI 'GYED PAR MDZAD MA DE LA'O, ,DRUG PA DRAG PO'I BZHUGS TSUL GYI SGO NAS BSTOD PA NI, PHYAG 'TSAL BSKAL PA THA MA'I ME LTAR, ,'BAR BA'I 'PHRENG BA'I DBUS NA GNAS MA, , GA-YAS BRKYANGS GA-YON BSKUMS KUN NAS BSKOR DGA', ,DGRA YI DPUNG NI RNAM PAR 'JOMS MA, ZHES PA STE, PHYAG 'TSAL LO, ,GANG LA NA, BSKAL PA THA MA MA 'JIG GI DUS KYI ME LTAR YE SHES KYI ME DPUNG 'BAR BA'I 'PHRENG BA 'KHRUG PA'I DBUS NA GNAS MA, DE YANG ZHABS GA-YAS BRKYANGS SHING GA-YON BSKUMS PA'I STABS KYIS BZHUGS NAS, SGO KUN NAS CHOS KYI 'KHOR LO BSKOR BA
, ,LA DGA' BA'I GDUL BYA'I RGYUD KYI PHYI NANG GI DGRA YI DPUNG TSOGS RNAMS NI RNAM PAR 'JOMS PAR MDZAD MA DE LA'O, ,BDUN PA H'Um YIG LAS 'OD ZER 'PHRO BA'I SGO NAS BSTOD PA NI, PHYAG 'TSAL SA GZHI'I NGOS LA PHYAG GI ,MTHIL GYIS BSNUN CING ZHABS KYIS BRDUNG MA, ,KHRO GNYER CAN MDZAD YI GE H'Um GIS, ,RIM PA BDUN PO RNAMS NI 'GEMS MA, ZHES PA STE; PHYAG 'TSAL LO, ,GANG LA NA, RI RAB GLING DANG BCAS PA'I SA GZHI CHEN PO'I NGOS LA, SDIGS MDZUB DANG BCAS PA'I PHYAG GI MTHIL GYIS DRAG TU BSNAN CING ZHABS KYI MTHIL GYIS BRDUNG BAR MDZAD MA, DE YANG ZHAL KHRO GNYER BSDUS PA SOGS SHIN TU DRAG MO'I RNAM PA CAN DU MDZAD PA'I PHYAG ZHABS KYI MTHIL DU YI GE H'Um SNGON PO RE RE GNAS PA LAS RDO RJE'I ME CHAR SPROS PAS, GZHI DANG, LHAG PA'I GZHI DANG, GZHI MED PA DANG, GZHI NYID DANG, BCUD KYI GZHI DANG, GZHI BZANG PO DANG, DAG PA'I GZHI STE, SA 'OG RIM PA BDUN PO NA GNAS PA'I KLU DANG LHA MIN DANG GSHIN RJE SOGS GDUG PA CAN RNAMS NI 'GEMS PA STE 'JOMS PAR MDZAD MA DE LA'O, ,GNYIS PA CHOS SKU'I RNAM PA'I SGO NAS BSTOD PA NI, PHYAG 'TSAL BDE MA DGE MA ZHI MA, ,MYA NGAN 'DAS ZHI
SPYOD YUL NYID MA, ,SV'A H'A AOm DANG YANG DAG LDAN PAS, ,SDIG PA CHEN PO 'JOMS PA NYID MA, ZHES PA STE, PHYAG 'TSAL LO, ,GANG LA NA, 'BRAS BU SDUG BSNGAL MED PAS BDE MA, RGYU MI DGE BA MI GSOG PAS DGE MA, SPANG BYA NYON MONGS DPAS ZHI MA, SGRIB GNYIS KYI MYA NGAN LAS 'DAS PA'I ZHI BA MCHOG GI DBYINGS LA RTAG TU MNYAM PAR 'JOG PAS DE'I SPYOD YUL CAN NYID DU GYUR PA; DE'I MTHUS NYID KYIS GSUNGS PA'I RIG SNGAGS, T'A RE TU TT'A RE TU RE, ZHES PA'I MJUG TU SV'AH'A DANG, 'GOR AOm DANG YANG DAG PAR LDAN PAR BYAS PA'I YI GE BCU PA NYID TSE GA BZHIN DU BZLAS PAS ZLOS PA PO'I RGYUD KYI MTSAMS MED LNGA DANG CHOS SPONG SOGS SDIG PA CHEN PO RNAMS DANG, DE'I RGYU CHAGS SDANG SOGS NYON MONGS CHEN PO RNAMS DANG, 'BRAS BU CHE GRANG SOGS SDUG BSNGAL CHEN PO RNAMS KYANG LHAG MED DU 'JOMS PAR MDZAD PA'I BDAG NYID MA DE LA'O, ,GSUM PA 'PHRIN LAS KYI SGO NAS BSTOD PA LA DRUG ,ZHI KHRO'I SNGAGS KYI 'PHRIN LAS KYI SGO NAS BSTOD PA, KHRO MOS SA GSUM GA-YO BA'I 'PHRIN LAS KYI SGO NAS BSTOD PA, BRTAN GA-YO'I DUG RNAMS SEL BA'I 'PHRIN LAS KYI SGO NAS BSTOD PA, RTZOD PA DANG RMI LAM NGAN PA SEL BA'I 'PHRIN LAS KYI SGO NAS BSTOD PA, RIMS NAD SEL
, ,BA'I 'PHRIN LAS KYI SGO NAS BSTOD PA, GDON DANG RO LANGS 'JOMS PA'I 'PHRIN LAS KYI SGO NAS BSTOD PA'O, ,DANG PO NI, PHYAG 'TSAL KUN NAS BSKOR RAB DGA' BA'I, ,DGRA YI LUS NI RAB TU 'GEMS MA, YI GE BCU PA'I NGAG NI BKOD PA'I, ,RIG PA H'Um LAS SGROL MA NYID MA, ZHES PA STE, PHYAG 'TSAL LO, ,GANG LA NA, SGO KUN NAS CHOS KYI 'KHOR LO BSKOR BA LA RAB TU DGA' BA'I GDUL BYA'I RGYUD KYI PHYI NANG GI DGRA YI LUS NI RAB TU 'GEMS SHING 'JOMS PAR MDZAD MA, DE YANG ZHI BA LA THUGS KAR T'Am YIG GI MTHAR YI GE BCU PA'I NGAG STE SNGAGS NI AOm TU RE TU TT'A RE TU RE SV'AH'A, ZHES PA YIN PAS DE BKOD PA'I SGO NAS DANG, KHRO MO LA THUGS KAR RIG PA STE RIG SNGAGS, AOm NA MA STA RE, NA MO HA RE H'Um HA RE SV'AH'A, ZHES PAS BSKOR BA'I DBUS SU H'Um YIG BKOD PA LAS 'OD ZER SOGS SPROS NAS DGRA BGEGS SOGS SGROL MA NYID MA DE LA'O, ,GNYIS PA KHRO MOS SA GSUM GA-YO BA'I 'PHRIN LAS KYI SGO NAS BSTOD PA NI, PHYAG 'TSAL TU RE'I ZHABS NI BRDABS PA'I, ,H'Um GI RNAM PA'I SA BON NYID MA, ,RI RAB MAN DA RA DANG 'BIGS BYED, ,'JIG RTEN GSUM RNAMS GA-YO BA NYID MA, ZHES PA STE, PHYAG 'TSAL LO, ,GANG LA NA, TU RE TE MYUR MA'I ZHABS
GNYIS NI DRAG TU BRDABS PAS SO, ,MYUR MA DE JI 'DRA BA ZHE NA YI GE H'Um GI RNAM PA CAN GYI SA BON LAS SKYES PA'I KHRO MO'I BDAG NYID MA'O, ,DE'I ZHABS BRDABS PAS CI ZHIG MDZAD CE NA, RI'I RGYAL PO RI RAB DANG, RI MANDA RA DANG, RI NAG PO 'BIGS BYED LA SOGS PA MDOR NA SA 'OG SA STENG SA BLA'I 'JIG RTEN GSUM BCUD KYI SEMS CAN DANG BCAS PA RNAMS GA-YO BAR MDZAD PA YIN PAS, DE LTA BU'I MTHU STOBS KYI BDAG NYID MA DE LA'O, ,GSUM PA BRTAN GA-YO'I DUG RNAMS SEL BA'I 'PHRIN LAS KYI SGO NAS BSTOD PA NI, PHYAG 'TSAL LHA YI 'TSO YI RNAM PA'I, ,RI DVAGS RTAGS CAN PHYAG NA BSNAMS MA, ,T'A RA GNYIS BRJOD PHAt KYI YI GES, ,DUG RNAMS MA LUS PAR NI SEL MA, ZHES PA STE, PHYAG 'TSAL LO, ,GANG LA NA, LHA'I YID KYI MTSO LTAR DKAR ZHING ZLUM PA'I RNAM PA CAN GYI ZLA BA'I DKYIL 'KHOR DBUS SU RI DVAGS RI BONG GI RTAGS MTSAN CAN DE PHYAG NA BSNAMS NAS BRTAN PA'I DUG SEL BAR MDZAD MA, T'A RA GNYIS BRJOD KYIS MTSON PA'I YI GE BCU PA LA SV'AH'A'I GNAS SU PHAt KYI YI GE BTAGS PA'I SNGAGS BRJOD PAS GA-YO BA'I DUG GI TSOGS RNAMS LHAG MA MA LUS PAR NI SEL MA DE LA'O, ,SGROL BA BZHI BRTZOD PA DANG RMI LAM NGAN PA SEL BA'I 'PHRIN LAS KYI SGO
, ,NAS BSTOD PA NI, PHYAG 'TSAL LHA YI TSOGS RGYAL PO DANG, ,LHA DANG MI 'AM CI YIS BSTEN MA, ,KUN NAS GO CHA DGA' BA'I BRJID KYIS, ,RTZOD DANG RMI LAM NGAN PA SEL MA ZHES PA STE, PHYAG 'TSAL LO, ,GANG LA NA, 'DOD GZUGS KYI LHA'I TSOGS RNAMS KYI RGYAL PO BRGYA BYIN DANG TSANGS PA SOGS DANG, LHA PHAL PA DANG, MA'I CI LJON PA RTA MGO LA SOGS PA RNAMS KYI GTZUG GIS GUS PAS ZHABS PAD BSTEN MA, SGO KUN NAS LHA MO'I SKU BSGOM PA DANG SNGAGS BZLA BA'I GO CHA BGOS PA LA SHIN TU DGA' BA'I GZI BRJID KYIS, PHA ROL GYI RTZOD PA DANG RMI LAM NGAN PA THAMS CAD SEL BAR MDZAD MA DE LA'O, ,LNGA PA RIMS NAD SEL BA'I 'PHRIN LAS KYI SGO NAS BSTOD PA NI, PHYAG 'TSAL NYI MA ZLA BA RGYAS PA'I, ,SPYAN GNYIS PO LA 'OD RAB GSAL MA, ,H'A RA GNYIS BRJOD TUTTA RA YIS, ,SHIN TU DRAG PO'I RIMS NAD SEL MA, ZHES PA STE, PHYAG 'TSAL LO, ,GANG LA NA, NYI MA RGYAS PA LTA BU'I KHRO MO'I SPYAN GA-YAS GA-YON GNYIS DANG, ZLA BA RGYAS PA LTA BU'I ZHI BI'I SPYAN GA-YAS GA-YON GNYIS PO LA, CHE BA DANG BSIL BA'I 'OD RAB TU GSAL BA DANG LDAN MA, NGAG TU KHRO MO'I SNGAGS 'PHROG PA HA RA GNYIS BRJOD
KYIS MTSON PA'I, AOm NA MA: T'A RE NA MO HA RE H'Um HA RE SV'AH'A ZHES PA DANG ZHI BA'I SNGAGS TUTT'A RA YIS MTSON PA'I, AOm T'A RE TUTT'A RE TU RE SV'AH'A, ZHES PA BRJOD PAS SHIN TU DRAG PO STE GSO BAR DKA' BA'I RIMS NAD MA LUS PA YANG SEL BAR MDZAD MA DE LA'O, ,DRUG PA GDON DANG RO LANGS 'JOMS PA'I 'PHRIN LAS KYI SGO NAS BSTOD PA NI, PHYAG 'TSAL DE NYID GSUM RNAMS BKOD PAS, ,ZHI BA'I MTHU DANG YANG DAG LDAN MA, ,GDON DANG RO LANGS GNOD SBYIN TSOGS RNAMS, ,'JOMS PA TU RE RAB MCHOG NYID MA, ZHES PA STE, PHYAG 'TSAL LO, ,GANG LA NA, SGRUB PA PO LHA MO'I RNAL 'BYOR LA GNAS PA'I SPYI BOR SKU'I DE NYID AOm, MGRIN PAR GSUNG GI DE NYID A'A: SNYING GAR THUGS KYI DE NYID H'Um STE DE NYID GSUM PO DE RNAMS GNAS GSUM DU BKOD NAS BSGOM PAS SGO GSUM GYI NYER 'TSE THAMS CAD LHAG MED DU ZHI BA'I MTHU NUS DANG YANG DAG PAR LDAN MA, NAM GRU'I GDON LA SOGS PA GDON BCO BRGYAD DANG, RO LANGS KYI LAS RBOD GTONG LA SOGS PA'I NGAN SNGAGS DANG, MDANGS 'PHROG PA'I GNOD SBYIN LA SOGS PA'I GNOD PA'I TSOGS RNAMS, MYUR DU 'JOMS PA'I MCHOG DANG RAB KYI BDAG NYID MA DE LA STE, RJE BTZUN SGROL BA'I MGON POS, TSIG RKANG BZHI PAR, MYUR DU 'JOMS PA'I MCHOG RAB NYID MA,,
, ,ZHES PA STE, BCOM LDAN 'DAS MA NYID DANG LHAN CIG TU BZHUGS PA'I RGYAL BA SPRUL PA'I SKU GRANGS BYE BA PHRAG BDUN RNAMS KYIS MYUR DU STE TSE 'DI NYID LA 'OD ZER RAM BDUD RTZI'I RGYUN GYIS DBANG NI BSKUR BAR 'GYUR LA, DE'I MTHUS GNAS SKABS SU DA LTA'I GNAS SKABS 'DI LAS CHE ZHING MCHOG TU GYUR PA'I GNAS LUS LONGS SPYOD 'KHOR RNAMS PHUN SUM TSOGS PA NYID NI THOB CING, MTHAR THUG GI 'BRAS BUR SA LAM MYUR DU BGROD NAS SANGS RGYAS KYI GO 'PHANG DER 'GRO BAR 'GYUR RO, ZHES PA STE TSIG RKANG BZHI PA LA 'GYUR KHA CIG TU, MTHAR THUG SANGS RGYAS GO 'PHANG DER 'GRO, ZHES PA LTAR BSHAD DO, ,GNYIS PA SKYON LDOG PA'I PHAN YON LA GNYIS, SDUG BSNGAL GYI RGYU LDOG PA'I PHAN YON DANG, 'BRAS BU SDUG BSNGAL LA LDOG PA'I PHAN YON NO, ,DANG PO NI; DE YI DUG NI DRAG PO CHEN PO, ,BRTAN GNAS PA'AM GZHAN YANG 'GRO BA, ,ZOS PA DANG NI 'THUNGS PA NYID KYANG, ,DRAN PAS RAB TU SEL BA NYID THOB, CES PA STE, GNAS SKABS DANG MTHAR THUG GI PHAN YON DE THOB PA LA BAR DU GCOD CING SDUG BSNGAL TSABS CHEN BSKYED PAR BYED PA'I DUG CHAGS SOGS NYON MONGS NI, MNGON MTHO DANG NGES LEGS KYI SROG 'PHROG PAS NA DRAG PO DANG, 'KHOR BA DANG
NGAN SONG GI SDUG BSNGAL BSKYED PAS NA CHEN PO YIN PAS DE DANG, BTZAN DUG SOGS BRTAN PAR GNAS PA SNOD KYI 'JIG RTEN LA YOD PA'AM, GZHAN YANG SBRUL DUG SOGS GA-YO ZHING 'PHROS BCUD KYI SEMS CAN LA YOD PA'I DUG RNAMS KHAR ZOS PA DANG NI 'THUNGS PA DANG REG PA LA SOGS PA NYID KYANG, LHA MO'I SKU SOGS DRAN NAS BSTOD PA BRJOD PA TZAM GYIS RAB TU SEL BA NYID THOB PAR 'GYUR RO, , GNYIS PA 'BRAS BU SDUG BSNGAL LDOG PA'I PHAN YON NI, GDON DANG RIMS DANG DUG GIS GZIR BA'I, ,SDUG BSNGAL TSOGS NI RNAM PAR SPONG STE, ZHES PA STE, GZHAN YANG NAM GRU LA SOGS PA'I GDON DANG; NYIN GCIG PA LA SOGS PA'I RIMS DANG, PHYI NANG GI DUG GIS GZIR BA STE BSKYED PA'I SDUG BSNGAL DANG NYER 'TSE'I TSOGS NI RNAM PAR SPONG NUS PA YIN TE, DE DAG GI RGYU RNAMS BDE BLAG TU SEL NUS PA'I PHYIR RO, ,GNYIS PA BSGRUB BYA GZHAN LA 'BYUNG BA'I PHAN YON NI, SEMS CAN GZHAN PA RNAMS LA YANG NGO, ,ZHES PA STE, SGRUB PA PO RANG NYID LA PHAN YON 'BYUNG BAR MA ZAD, NGES SBYIN BDAG SOGS SEMS CAN GZHAN PA RNAMS KYI CHED DU DMIGS NAS BSTOD TSIG BRJOD KYANG GONG 'OG TU BSHAD PA'I PHAN YON RNAMS JI LTA BA BZHIN DU 'BYUNG NGO, ZHES PA'O, ,BZHI PA GRANGS KYI SGO NAS MDOR BSDUS
, ,ZHES BGYUR BCOS MDZAD PA LTAR BSHAD DE, TU RE ZHES PA MYUR MA'AM, SKABS THOB KYIS MYUR DU LA'ANG 'JUG PAS SO, ,GSUM PA PHAN YON BSTAN PA LA BZHI, BSAM PA'I KHYAD PAR BSTAN PA, DUS KYI KHYAD PAR BSTAN PA, PHAN YON DNGOS BSTAN PA, GRANGS KYI SGO NAS MDOR BSDUS TE BSTAN PA'O, ,DANG PO NI, RTZA BA'I SNGAGS KYIS BSTOD PA 'DI DANG, ,PHYAG 'TSAL BA NI NYI SHU RTZA GCIG ,LHA MO LA GUS YANG DAG LDAN PA'I, ,BLO LDAN GANG GIS RAB DANG BRJOD PAS, ZHES PA STE, ZHI BA DANG KHRO MO'I RTZA BA'I SNGAGS GNYIS DANG SPEL BAS NA DE'I SGO NAS SGROL MA NYER GCIG LA BSTOD PA 'DI LA TSIGS BCAD NYI SHU RTZA GCIG YOD PA DANG, PHYAG 'TSAL LO ZHES PA YANG NI NYI SHU RTZA GCIG YOD PA'I GZHUNG 'DI NYID LHA MO SGROL MA NYID LA BKA' DRIN DRAN PA'I GUS PA YANG DAG PA DANG LDAN PA'I GANG ZAG LEGS NYES 'BYED PA'I BLO GROS MCHOG TU GYUR PA DANG LDAN PA GANG DANG GANG GIS TSIG DON LTAR YON TAN DRAN PA'I RAB TU DAD PA BRTAN POS BRJOD PAS 'OG NAS 'BYUNG BA'I PHAN YON RNAMS 'BYUNG NGO ZHES BSAM PA DANG GUS CHEN POS BSTOD DGOS PAR BSTAN TO, ,GNYIS PA DUS KYI KHYAD PAR BSTAN PA NI, SROD DANG THO RANGS LANGS PAR BYAS NAS, ,
DRAN PAS MI 'JIGS THAMS CAD RAB STER, ,SDIG PA THAMS CAD RAB TU ZHI BA, ,NGAN 'GRO THAMS CAD 'JOMS PA NYID DO, ,ZHES PA STE, TSE 'DIR NAD GDON DGRA RKUN SOGS KYIS 'JIGS NAS GSOL BA 'DEBS NA, SROD KYI DUS SU KHRO MO'I SKU SOGS GTZO BOR DRAN NAS BSTOD PA DANG, PHYI MAR NGAN 'GRO'I SDUG BSNGAL GYIS 'JIGS NAS GSOL BA 'DEBS NA, THO RANGS KYI DUS SU MAL NAS LANGS PAR BYAS NAS ZHI BA'I SKU SOGS GTZO BOR DRAN NAS BSTOD PAS, PHYI NANG GI 'JIGS PA CHEN PO BRGYAD 'JOMS PAS NA, MI 'JIGS PA THAMS CAD RAB TU STER ZHING, NGAN 'GRO'I RGYU MI DGE BA BCU SOGS SDIG PA THAMS CAD RAB TU ZHI BAR BYED PAS NA, 'BRAS PHU DMYAL BA SOGS NGAN 'GRO THAMS CAD KYANG 'JOMS PA NYID KYI PHAN YON YOD DO, ,ZHES DUS KYI KHYAD PAR DANG BSTUN DGOS PAR BSTAN TO, ,GSUM PA PHAN YON DNGOS BSTAN PA LA GNYIS, SGRUB PA PO RANG LA 'BYUNG BA'I PHAN YON DANG, SGRUB BYA GZHAN LA 'BYUNG BA'I PHAN YON NO, ,DANG PO LA GNYIS, YON TAN 'THOB PA'I PHAN YON DANG, SKYON LDOG PA'I PHAN YON NO, ,DANG PO NI, RGYAL BA BYE BA PHRAG BDUN RNAMS KYIS, ,MYUR DU DBANG NI BSKUR BAR 'GYUR LA, ,'DI LAS CHE BA NYID NI THOB CING, ,SANGS RGYAS GO 'PHANG MTHAR THUG DER 'GRO, ,
, ,BSTAN PA NI, GNYIS GSUM BDUN DU MNGON PAR BRJOD NA, ,BU 'DOD PAS NI BU THOB 'GYUR ZHING, ,NOR 'DOD PAS NI NOR RNAMS NYID THOB, ,'DOD PA THAMS CAD THOB PAR 'GYUR TE; ;BGEGS RNAMS MED CING SO SOR 'JOMS 'GYUR, ZHES PA STE, NYIN MTSAN GYI CHA GNYIS PO RE RE LA THUN GSUM GSUM DU BYAS TE, THUN RE RE LA BSTOD TSIG LAN BDUN BDUN DU MNGON PAR BRJOD NA, RIGS DANG CHOS BRGYUD 'DZIN PA'I BU 'DOD PA RNAMS KYIS NI BU DANG SLOB MA THOB PAR 'GYUR ZHING, 'DI PHYI'I BDE BA SGRUB PA'I NOR 'DOD PA RNAMS KYIS NI NOR DANG LONGS SPYOD PHUN SUM TSOGS PA RNAMS BDE BLAG NYID DU THOB PA SOGS, ,MDOR NA MTHUN PHYOGS GNAS SKABS DANG MTHAR THUG GI 'DOD PA JI SNYED YOD PA THAMS CAD THOB PAR 'GYUR TE, DE LA MI MTHUN PHYOGS KYI BGEGS DANG BAR DU GCOD PA RNAMS GSAR DU 'BYUNG BA MED CING, SNGAR BYUNG ZIN PA RNAMS KYANG, RJE BTZUN MA SKABS GANG YIN GYI NUS PAS SO SOR LHAG MED DU 'JOMS PAR 'GYUR RO, ZHES PA'O, ,SMRAS PA, RGYAL KUN 'PHRIN LAS GCIG BSDUS SGROL MA LA, ,RGYAL BA KUN GYIS MGRIN GCIG BSTOD PA'I DON, ,RGYAL BA DGE 'DUN GRUB KYI t'I KKA DANG, ,RGYAL BA'I DGONGS PA JI BZHIN BDAG GIS BSHAD,
YANG DAG LTAR SNAD DBYE BA MI PHYED CING, ,PHRAG DOG ZUG RDUS MNAR BA'I DENG DUS 'GROR, ,PHAN PA'I RE BA BDAG LA MA MCHIS KYANG, ,RANG BLO 'PHEL PHYIR BSKRUN PA'I LEGS SPYAD MTHUS, ,RGYAL YUM SGROL MAS 'BRAL MED RJES 'DZIN CING, ,RGYAL BA'I 'PHRIN LAS SRID MTHAR SPEL BA LA, ,RGYAL SRAS GZHAN LAS SNYING STOBS RMAD BYUNG BA, ,RGYAL BA GNYIS PA LTA BUR BDAG GYUR CIG, (CES SGROL MAR PHYAG 'TSAL NYER GCIG GIS BSTOD PA'I RNAM BSHAD YID 'PHROG AUTPA LA'I CHUN PO ZHES BYA BA 'DI NI, PAn CHEN DGE 'DUN GRUB YI t'I KA LA GZHI BYAS, RJE BTZUN GRAGS PA RGYAL MTSAN, THAMS CAD MKHYEN PA DGE 'DUN RGYA MTSO,? RJE T'A RA N'A THA RNAMS KYI 'GREL PA NAS LEGS CHA BSDUS, DPAL LHA GCIG D'I PAm KA RA DANG, PAn CHEN NYI MA SBAS PA'I BZHED SROL DANG YANG GUNG CHUNG ZAD BSGRIGS NAS SH'AKYA'I DGE SLONG DHARMA BHA DRAS 'BU MANG GI LO'I DIBO ZLA BA'I YAR TSES BZANG PO LA BZHAD DNGUL CHU'I RI SBUG TU SBYAR BA'O, ,'DAS KYANG BSTAN 'GROL PHAN THOGS PAR GYUR CIG , MANGGA LAm,, ,,