*, ,SNYING PO DON GSUM LAS BAR DO'I NYAMS LEN KYI STONG MTHUN BZHUGS,,
, ,NYAMS LEN HA CANG BSDUS DRAGS PAS GO DKA' BAR SNANG BAS 'DI 'CHAD PA LA GNYIS, BAR DO'I TSOD 'DZIN RMI LAM BSHAD PA DANG, BAR DO'I NYAMS LEN DNGOS BSHAD PA'O, ,DANG PO LA GNYIS, RMI LAM NGOS ZIN PA'I THABS BSHAD PA DANG, NGOS ZIN NAS PHYI NANG GSANG BSGYUR BYA TSUL BSHAD PA'O, ,DANG PO NI, NYEN BAR SNANG BA THAMS CAD RMI LAM GYI, ZHES SOGS TSIG RKANG GSUM STE, RMI LAM ZIN PA'I THABS NI, NYIN MO'I SNANG BA THAMS CAD RMI LAM YIN SNYAM DU DRAN SHES BSTEN PA DANG, NYAL KHAR BLA MA LHA TSOGS LA RMI LAM GSAL BA DANG ZIN PA DANG BSGYUR NUS PAR BYIN GYIS BRLAB TU GSOL ZHES GSOL BA 'DEBS PA DANG, RMI LAM SHAR BA RNAMS NGOS ZIN NAS BSGYUR BAR BYA'O
, ,NA MO GU RU MNYDZU GHO sh'A YA, BLA MA MCHOG DANG PHYAG NA PAD DKAR 'CHANG, ,DBYER MED ZHABS LA BTUD NAS DE NYID KYIS, ,RJES BZUNG GRUB DBANG MI TRA'I GDAMS PA MCHOG ,CHA SHAS TZAM ZHIG MDOR BSDUS TSIG GIS BSHAD, ,DE YANG RJE BTZUN SPYAN RAS GZIGS KYIS GRUB CHEN MI TRA DZO KI LA GNANG BA'I SNYING PO DON GSUM DU GRAGS PA'I GDAMS PA 'DI NYID LA 'KHRID KYI GZHUNG MTHA' YAS PA ZHIG YOD PA'I NANG NAS BDAG GI DPAL LDAN BLA MA DAM PA RJE BTZUN BDE CHEN PA CHEN POS MDZAD PA'I 'KHRID YIG BYANG CHUB NYE LAM 'DI NYID SPYIR RGYAS BSDUS 'TSAMS SHING TSIGS BCAD DU YOD PAS DAG TU 'DON BDE BA BCAS KHYAD PAR DU 'PHAGS MOD NA'ANG, BAR DO'I
SNYAM DU 'PHEN PA GTONG BA DANG, RANG NYID KHA SARBA' nIR GSAL BA'I MGRIN PAR PADMA DMAR PO 'DAB MA BZHI PA'I LTE BAR AOm YIG DMAR PO 'OD ZER 'PHRO BA ZHIG LA SEMS BZUNG NAS GNYID DU 'GRO BAR BYED PA RNAMS SO,, GNYIS PA NGOS ZIN NAS PHYI NANG GSANG BSGYUR BYA TSUL BSHAD PA NI, RMI LAM ZIN NAS YUL SNANG DAG PA'I ZHING, ZHES SOGS TSIGS BCAD GCIG TE, DE YANG TSIG RKANG DANG POS PHYI SNOD KYI 'JIG RTEN DAG PA'I ZHING DU BSGYUR TSUL DANG, GNYIS PAS NANG BCUD KYI SEMS CAN YI DAM GYI LHAR BSGYUR TSUL DANG, GSUM PA DANG BZHI PAS DAG MA DAG GI SNOD BCUD THAMS CAD SNANG LA RANG BZHIN MED PAR BSGOMS TE GSANG BAR BSGYUR TSUL NAMS BSTAN TO, ,DE LTAR RMI LAM 'PHYUG MED DU ZIN NAS BSGYUR NUS NA BAR DO YANG NGOS ZIN NAS BSGYUR NGES PAR NUS PAS, GNYIS PA BAR DO'I NYAMS LEN DNGOS BSHAD PA LA GSUM, BAR DO NGOS ZIN PA'I THABS BSHAD PA, NGOS ZIN NAS PHYI NANG GSANG BSGYUR BYA TSUL BSHAD PA, SKYE SRID DU NYID MTSAMS SBYOR TSUL BSHAD PA'O, ,DANG PO NI, GZHUNG 'DIR SNGAR RMI LAM GYI SKABS SU BSHAD PA DANG 'DRA BA LA DGONGS NAS GSAL BAR MA BSHAD KYANG, RTZA TSIG LAS, 'DI NYID BAR DOR SHES BYAS NAS, ZHES GSUNGS PA LTAR, TSE 'DI'I SNANG BA THAMS CAD BAR DO YI, ,'KHRUL SNANG YIN SNYAM RGYUN CHAGS
, ,DRAN PA BSTEN, ,'CHI KHAR BAR DO ZIN PA'I THABS LA 'BAD, ,CES BSGYUR RGYU YIN LA, DE YANG BAR DO NGOS ZIN PA'I THABS NI, TSE 'DI'I SNANG BA THAMS CAD BAR DO YIN SNYAM DU DRAN SHES BSTEN PA DANG, 'CHI KHAR BLA MA LHA TSOGS LA BAR DO ZIN PA DANG, PHYI NANG GSANG BSGYUR NUS PA DANG, BSAM BZHIN DU NYID MTSAMS SBYOR NUS PAR BYIN KYIS BRLAB TU GSOL, ZHES GSOL BA 'DEBS PA DANG, TSUL DE LTAR DU NGES PAR BYA'O SNYAM DU 'PHEN PA DAG PO YANG YANG GTONG BA RNAMS, ,GNYIS PA NGOS ZIN NAS PHYI NANG GSANG BSGYUR BYA TSUL BSHAD PA NI, RTZA TSIG LAS, PHYI NANG GSANG BA BSGYUR BYAS TE, ZHES GSUNGS PA LTAR, BAR DO ZIN NAS YUL SNANG DAG PA'I ZHING, ZHES SOGS TSIGS BCAD GCIG GI DON SNGAR RMI LAM GYI SKABS SU BSHAD PA LTAR LA TSIG PHRAD BSGYUR BA YIN NO,, GSUM PA SKYE SRID DU NYING MTSAMS SBYOR TSUL BSHAD PA NI, RTZA TSIG LAS, STONG NYID SNYING RJE'I RNAL 'BYOR GYIS, ,MKHAS PAS NYID MTSAMS SBYAR BA BYA, ,ZHES GSUNGS PA LTAR TE, DE YANG NAM ZHIG BAR DO'I SNANG BA SHAR BA'I TSE, ZHES SOGS TSIG RKANG GNYIS KYIS DGA' LDAN SOGS DAG ZHING DU 'PHO TSUL BSTAN PA NI PHAL CHER 'CHI KHA'I NYAMS LEN GYI SKABS SU RGYAS PAR BSHAD PA LTAR YIN LA, YANG
NA 'DZAM GLING MI YI SRID 'DZIN NA, ZHES SOGS TSIG RKANG DRUG GI DON NI, SNGAGS SPYOD PA'I RTEN KHYAD PAR CAN 'DZAM BU GLING PA'I MI MNGAL SKYES KHAMS DRUG LDAN DU SKYE BA LEN PAR 'DOD NA, RIGS RUS STOBS 'BYOR DANG LDAN PA'I PHA MA BTZAL TE, DE GNYIS NYAL PO BYED PA STE 'KHRIG PA SPYOD PA'I DUS SU LAS DBANG GIS RANG NYID PHOR SKYE NA MA LA CHAGS SHING PHA LA SDANG BA DANG, MOR SKYE NA PHA LA CHAGS SHING MA LA SDANG BA 'BYUNG LA DE 'DRA'I THA MAL GYI SNANG ZHEN DANG CHAGS SDANG GIS RKYEN BYAS NAS NYING MTSAMS SBYAR NA RTEN DMAN PA ZHIG LAS MI 'BYUNG BAS, DES NA CHAGS YUL RANG BZHIN GYIS MA GRUB PA'I STONG NYID DANG, SDANG YUL SDUG BSNGAL DANG SDUG BSNGAL GYI RGYU DANG BRAL 'DOD KYI SNYING RJE BSGOMS LA CHAGS SDANG BKAG NAS, DE GNYIS KA LA THA MAL GYI SNANG ZHEN SBYANGS NAS, PHA YI DAM THUGS RJE CHEN PO RGYAL BA RGYA MTSO DANG MA MKHA' 'GRO MA GSANG BA YE SHES SU BSGOMS NAS, BDAG GIS YUM 'DI'I MNGAL DU NYING MTSAMS SBYAR NAS DAL 'BYOR GYI RTEN BZANG PO BZUNG STE, RTEN DE LA SNGAR BSGOMS PA'I LAM GYI 'PHRO RNAMS NYAMS SU BLANG BAR BYA'O SNYAM PA'O, ,( SMRAS PA, TSUL 'DI LUGS GNYIS 'JAL BA'I 'DREN BYED DKYUS, ,KUN GSAL PHA MTHAR RNYEG PA'I DGUNG BLON DES, ,BSKUL TSE MTHON PO'I RI RA GNAS BAN GZUGS KYIS, ,SMIN DRUG ZLA BA'I GRAL TSES BZANG POR BRIS,, ,,)