*, ,SMYUNG GNAS KYI CHO GA BSDUS PA'I 'KHRID YIG GRUB BSNYES DPAL MO'I DGONGS RGYAN ZHES BYA BA BZHUGS,, ,,
[DD] [LS] [LS] *, ,NA MA A'A RYA MA NYDZU SHRI YE KU M'A RA BHU T'A YA, *,, 'PHAGS PA 'JAM DPAL GZHON NUR GYUR PA LA PHYAG 'TSAL LO,, *, ,SDEB SBYOR MNYAM PA'I BRiTTA'I NANG TSAN YI GE BCU GSUM LA SHIN TU SKYE 'GRO LA LCI YANG GO RNAM 'GYUR MI 'DRA BA 2192 YOD PA LAS 'DIR 1401 PA RAB DGA' CAN ZHES BYA BA LA PRA ST'A RAS TSAR DU DNGAR BA'O), , [DD]
[DD] [LS] DZNYE YAm NE MA NI KHIL SA MMI D'A BA KI ,KHAm BA STA RMA SA K'A SA LA STA TSEB M'A YAm, SHES BYA'I DKYIL 'KHOR KUN LA MKHYEN PAS KHYAB, MKHA' MNYAM YID CAN KUN LA BU LTAR BRTZE, , [DD]
[LS] BYA GRO GOO NI KHI LA HI SHA TRU NAm BA BH'U BA: NA MRA SS'A RI WA GU RU S'A KA R'A YA D'A R'Am, MI MTHUN PHYOGS RNAMS KUN LA DGRAR GYUR PA'I, ,BLA MA LHAR BCAS KUN LA GUS PHYAG 'TSAL, ,
, ,GRUB MCHOG DGE SLONG DPAL MO LAS BRGYUD PA'I, ,'PHAGS MCHOG BCU GCIG ZHAL LDAN SGRUB PA'I THABS, ,RGYAL MCHOG LNGA PA CHEN POS MDZAD PA YI,, GZHUNG MCHOG 'DI DON BDAG GIS BSHAD PAR BYA, ,PHYOGS LHUNG RAB RIB LAS RGYAL BA'I, ,RNAM DPYOD 'DREN BYED GSAL LDAN DAG ,DON BRAL BYA BYED YONGS BTANG NAS, ,LEGS BSHAD GLEGS BU 'DI GZIGS 'TSAL, ,DE YANG GZHUNG 'DI 'CHAD PA LA GSUM, KLAD KYI DON, GZHUNG GI DON, MJUG GI DON NO, ,DANG PO LA GNYIS, MCHOD BRJOD DANG, BRTZAM PAR DAM BCA'O, ,DANG PO NI, NA MA A'ARYA LO KA SHVARA YA, ZHES PA, BOD SKAD DU BSGYUR NA, 'PHAGS PA 'JIG RTEN DBANG PHYUG LA PHYAG 'TSAL LO, ZHES PA'O, ,GNYIS PA BRTZAM PAR DAM BCA' NI, PHYAG NA PAD DKAR 'DZIN PAS RJES BZUNG BA'I, ,GRUB DBANG DPAL MO'I BZHED GZHUNG LAS 'ONGS PA, ,SMYUNG BAR GNAS PA'I CHO GA'I GZHUNG DNGOS LAS, ,NYUNG DU DANG PO'I LAS CAN DON DU SPEL, ZHES PA STE, CHO GA'I GZHUNG DNGOS NI, RJE DGE 'DUN RGYA MTSOS MDZAD PA DER MNGON LA, DANG PO'I LAS CAN NI, BSTAN 'DZIN D'A YAN RGYAL PO SOGS NA TSOD MTHO
ZHING SBYANGS PA CHUNG LA DBANG PO BRTUL BA DANG, BREL BA CHE ZHING BRTZON 'GRUS CHUNG BA RNAMS KYI DON DU STE, LHAG MA RNAMS NI GO SLA'O, ,GNYIS PA GZHUNG GI DON LA GNYIS, BCA' GZHI BSHAM TSUL DANG, CHO GA'I TSIG DON NO, ,DANG PO NI, DE YANG SNGON DU GNAS GTZANG MAR DKYIL 'KHOR, BUM PA, GTOR MA, MCHOD PA SOGS PHYAG LEN LTAR BSHAMS TE, ZHES PA'I PHYAG LEN NI, RTEN GYI GANG ZAG LAM, MTHUN MONG BAS RGYUD SBYANGS PA, BCU GCIG ZHAL LHA LNGA'I DBANG RJES GNANG DANG THEG CHEN GSO SBYONG GI SDOM PA DANG, CHO GA GZHUNG GI LUNG LEGS PAR THOB PA, DAM SDOM LA GCES PAR 'DZIN CING CHO GA'I TSIG DON LA THOS BSAM GANG LCOGS BYAS PA ZHIG GIS, SA GA ZLA BA'I TSE BCU GSUM LTA BU'I DUS TSES BZANG PO LA, GTZANG ZHING DBEN LA YID DANG MTHUN PA'I GNAS SU GNAS KHANG LA CHAG CHAG DANG BYI DOR LEGS PAR BYAS TE SKU GSUNG THUGS RTEN SPYI DANG KHYAD PAR GNAS KHANG GI BKOD PAS BDEN RANG NYID KHA NUB TU PHYOGS PA DANG ZHAL SPROD DU STEGS KYI KHAR BCU GCIG ZHAL LHA LNGA'I DKYIL THANG BKRAMS, GAL TE DKYIL THANG MA 'BYOR NA RDUL TSON NAM RAS BRIS KYI PADMA 'DAB BRGYAD LTE BA DMAR, 'DAB MA SHAR SNGO, LHO SER, NUB DKAR, BYANG LJANG, MTSAMS BZHI MDZES TSON DU BYAS
, ,PA'I DBUS DANG PHYOGS BZHI'I 'DAB MAR LHA GTZO 'KHOR LNGA'I SKU'AM SA BON NAM, RANG RANG GI SKU MDOG DANG MTSUNGS PA'I TSAN SPUNGS SAM 'BRU'I TSOM BU GANG RUNG BKOD DE'I SHAR DU CHU GTZANG LA TIL DKAR 'BRAS DKAR ME TOG DKAR PO DRI BZANG DKAR PO NAS KU SHA RNAMS KYI PHYE MA DANG 'O MA STE RDZAS BDUN DANG LDAN PA'I MCHOD YON, SHAR LHOR 'O MA DANG CHU BSRES ZHABS BSIL, LHOR ME TOG, LHO NUB TU AA KA RU'I BDUG SPOS, NUB TU RTZI BCUD KYI MAR ME, NUB BYANG DU CHU GTZANG LA GA PUR TZANDAN DKAR DMAR DZ'ATI GUR KUM RNAMS KYI PHYE MA BTAB PA'I DRI CHAB BYANG DU DKAR GSUM MDAR GSUM BTAB PA'I LHA BSHOS, BYANG SHAR DU MTSAMS 'DZIN GYI ME TOG RNAMS LHA GRANGS DANG MNYAM PA LA NYUNG MTHAR BYAS PA DANG, 'DOD YON SOGS KHA NA MA THO BA MED PA'I MCHOD RDZAS DNGOS DANG BCOS MA CI 'BYOR LEGS PAR BSHAMS, 'DIR TSOGS ZHING MCHOD PA YID SPRUL GYIS CHOG CING BDAG BSKYED DANG BUM PA'I MCHOD PA BSHAM MI DGOS, DKYIL 'KHOR GYI MDUN DU PHYE DANG CHU GTZANG LA'O MA ZHO MAR TE DKAR GSUM DANG, SBRANG RTZI KA RA BU RAM STE MNGAR GSUM BTAB NAS SPRUS PA'I YI DAM GYI GTOR MA DANG, DE'I GA-YAS GA-YON DU CHOS SKYONG
DANG GZHI BDAG GI GTOR MA RNAMS ZLUM PO PAD 'DAB BAM MTHEB SKYU BZHIS BSKOR CING DKAR RGYAN DANG LDAN PAR BSHAMS, DE'I MDUN DU ME TOG GI TSOM BU'AM PADMA 'DAB BRGYAD BRIS PA'I STENG DU LAS BUM MTSAN LDAN DAR RAM RAS KYI MGUL CHINGS CAN CHU GTZANG GIS GSUM GNYIS TZAM BKANG BA LA, TZAN DAN DKAR DMAR, DZ'A TI, GA PUR, GUR KUM STE DRI LNGA, SLE TRES, KAndA KA RI, DBANG LAG RGYA MTSO'I WU BA, SHU DAG DKAR PO STE SMAN LNGA, GSER, DNGUL, MU TIG, MU MEN, BYU RU STE RIN PO CHE LNGA, NAS, 'BRAS, GRO; SRAN DKAR, TIL DKAR TE 'BRU LNGA, SBRANG RTZI, KA RA, ZHO; 'O MA MAR TE BDUD RTZE LNGA DANG BCAS PA'I BUM RDZAS NYER LNGA GZHAG CING 'O MA CAN GYI SHING LO'AM KU SHAS KHA BRGYAN TE BSHAMS, RANG GI MDUN DU MAndAL, RDOR DRIL, KHRUS CHAS SOGS DGOS PA'I YO BYAD RNAMS BSHAM PAR BYA'O, ` GNYIS PA CHO GA'I TSIG DON LA GNYIS, THUN DANG PO LA DE LTAR BYA TSUL DANG, THUN MTSAMS DANG THUN GZHAN LA JI LTAR BYA TSUL LO, ,DANG PO LA GSUM, SBYOR PA'I CHO GA, DNGOS GZHI'I CHO GA, MJUG GI TSO GA'O, ,DANG PO NI, TSES BCU BZHI LTA BU'I LAG RIS MTHONG LA MI MTHONG GI DUS SU, LUS KYIS LAG PA GNYIS THAL MO KHA SPYAR BA PADMA KHA BYE BA'I TSUL DU BYAS LA SNYING GAR
, ,BZHAG PA PADMA'I RIGS KYI DAM TSIG GI PHYAG RGYA BCINGS NAS, NGAG TU, AOm PADMA AUD BHA WA YE SV'AH'A, ZHES BRJOD CING, YID LA SEMS CAN THAMS CAD KYI DON DU BYA RGYUR PADMA'I RIGS KYI BDAG PO THUGS RJE CHEN PO'I RNAL 'BYOR LA GNAS PAR BYA'O SNYAM DU DAM BCA'O, ,SNGAGS DE'I BOD SKAD NI, PADMA 'BYUNG BA LA GZHI TSUGS, ZHES PA'O, ,DE NAS CHU GTZANG MA'I RIL PO'AM, YAN LAG LNGA LDAN NAM, THA NA YANG BUM CHUS KHRUS LEGS PAR BYAS NAS GOS GTZANG MA BGO BA PHYI'I KHRUS DANG, SEMS KYI NYON MONGS BSAL NAS DGE SEMS BSKYED PA NANG GI KHRUS BCAS GSUNGS SO, ,DE NAS THEG CHEN GSO SBYONG GI SDOM PA LEN PA NI, DANG POR BLA MA'I DRUNG NAS LAN GCIG THOB NA PHYIS RANG GIS RTEN GYI DRUNG NAS BLANGS CHOG PAS, RANG GI MDUN DU ZHES SOGS BRJOD PA'I TSE, RANG GI MDUN DU SENG KHRI PAD ZLA'I STENG DU BLA MA THUGS RJE CHEN PO BCU GCIG ZHAL LA BLA MA YI DAM SANGS RGYAS BYANG SEMS NYAN RANG DPA' BO MKHA' 'GRO CHOS SKYONG SRUNG MA'I TSOGS KYIS BSKOR NAS MNGON SUM DU BZHUGS PAR MOS LA, PHYAG GSUM BTZAL TE, BLA MA THUGS RJE CHEN PO LA THEG CHEN GSO SBYONG GI SDOM PA ZHU BA'I RTEN DU MAndAL PHUL NAS, TZOG TZOG PUR THAL MO SBYAR TE, JI LTAR SNGON GYI SANGS
RGYAS RNAMS KYIS SEMS CAN THAMS CAD KYI DON DU THEG CHEN GSO SBYONG GI SDOM PA BZHES NAS BSRUNG BAR MDZAD PA DE BZHIN DU BDAG GIS KYANG BGYI'O SNYAM DU BLA MA THUGS RJE CHEN PO'I RJES SU ZLOS PAR MOS LA; JI LTAR SNGON GYI ZHES SOGS LAN GSUM BRJOD PA'I MTHAR SDOM PA THOB PA'I MOS PA BYED CING, CHO GA'I TSIG DON NI, JI LTAR NI DPER NA, DE BZHIN GSHEGS PA NI, RANG GIS SHES BYA'I DE KHO NA NYID JI LTA BA BZHIN DU GSHEGS PA STE RTOGS NAS GZHAN LA STON PA'O, ,DGRA BCOM PA NI, SGRIB GNYIS KYI DGRA BAG CHAGS DANG BCAS PA BCOM ZHING SPANGS PA'O, ,YANG DAG PAR RDZOGS PA'I SANGS RGYAS NI, YANG DAG PA STE PHYIN CI MA LOG PAR SHES BYA'I DKYIL 'KHOR YONGS SU RDZOGS PA LA MI SHES PA'I GNYID SANGS NAS BLO GROS KYI SNANG BA RGYAS PA'O, ,RTA CANG SHES LTA BU, GLANG PO CHEN PO, BYA BA BYAS SHING, BYED PA BYAS PA; ZHES PA BZHI NI, RTA CANG SHES LTA BUR BYA BA BYAS SHING, GLANG PO CHEN PO LTA BUR BYED PA BYED PA, ZHES BSGYUR NA GO BDE BAS, RTA'I RGYAL PO CANG SHES SPRIN GYI SHUGS CAN GYIS SRIN MO'I GLING GI TSO NGA PA RNAMS NAM MKHAR KHYER TE RGYA MTSO LAS BSGRAL BA LTA BUR RDZU 'PHRUL GYI RKANG PA BZHI DANG LDAN PAS RANG GI GDUL BYA RNAMS SING ZHI'I RGYA MTSO LAS SGROL BA'I BYA BA BYAS ZIN CING, GLANG PO CHE STOBS MCHOG
, ,GIS GLANG CHEN PHAL PA 'BUM PHRAG GI KHUR THEG PA LTA BUR STOBS BCU'I STOBS DANG LDAN PAS SEMS CAN THAMS CAD KYI DON SGRUB PA'I BYED PA BYED PA STE MDZAD PA 'KHOR BA MA STONGS KYI BAR DU MDZAD BZHIN PA'O, ,KHUR BOR BA NI, GZHAN DON MDZAD PA LA 'BAD RTZOL GYIS NGAL BA'I KHUR BOR NAS 'PHRIN LAS LHUN GYIS GRUB PA'O, ,RANG GI DON RJES SU THOB PA NI, LAM DUS SU GZHAN DON KHO NA MDZAD KYANG 'BRAS DUS SU RANG DON SPANGS RTOGS ZHAR LA THOB PA'O, ,JI LTAR THOB NA, SRID PAR KUN TU SBYOR BA YONGS SU ZAD PA NI, SRID PA'I GNAS SU KUN TU SBYOR ZHING 'CHING BAR BYED PA'I CHAGS PA, KHONG KHRO, NGA RGYAL, MA RIG PA, LTA BA, THE TSOM, MCHOG 'DZIN, PHRAG DOG SER SNA STE DGU PO LTAG MED DU ZAD PA'O, ,YANG DAG PA'I BKA' NI, SHES BYA THAMS CAD MNGON SUM DU GZIGS NAS GSUNGS PAS BSLU BA MED PA'I GSUNG NGO, ,LEGS PAR RNAM PAR GROL BA'I THUGS NI, NYON SGRIB LAS LEGS PAR GROL ZHING, SHES SGRIB LAS RNAM PAR GROL BA'I THUGS CAN TE SPANGS PA'I YON TAN NO, ,LEGS PAR RNAM PAR GROL BA'I SHES RAB CAN NI, NYON SGRIB LAS LEGS PAR GROL ZHING SHES SGRIB LAS RNAM PAR GROL BA'I SHES RAB CAN TE RTOGS PA'I YON
TAN NO, ,DE YANG NYAN RANG DGRA BCOM RNAMS NYON SGRIB LAS GROL YANG SHES SGRIB LAS MA GROL BAS LUS NGAG GI GNAS NGAN LEN PHRA MO MA SPANGS SHING, BSKAL DON BZHI MI RTOGS PAS, DE LAS SPANGS RTOGS LHAG PAR STON PA'O, ,DE DAG GIS ZHES PA NI, DE LTA BU'I SANGS RGYAS RNAMS KYIS ZHES PA STE, SMRA SGO LAS, DAG DANG RNAMS NI MANG PO'I TSIG, CES DAG MANG TSIG TU 'CHAD PA'I LUGS SO,, CHED DU BYA BA RANG DON NYE TSE TZAM MA YIN PAR SEMS CAN THAMS CAD KYI DON BSGRUB PAR BYA BA'I PHYIR DU'O, ,SEMS CAN GYI DON JI LTA BU ZHE NA, GNAS SKABS SU PHAN PA PHUN SUM TSOGS PA BSGRUB PAR BYA BA'I PHYIR DANG, MTHAR THUG NYON MONGS PA DANG SHES BYA'I SGRIB PA GNYIS LAS GROL BAR BYA BA'I PHYIR DU'O, ,'O NA GNAS SKABS SU PHAN PA BSGRUB TSUL JI LTA BU ZHE NA, BKRES SKOM GYIS GZIR YANG BZA' LTUNG GIS PHONGS PA'I 'JIG RTEN GYI KHAMS KYI MU GE RNAMS MED PAR DPAL 'BYOR PHUN SUM TSOGS PA LA DGONG PAR BYA BA'I PHYIR DANG, TSE GRANG GIS BSDUS PA'I LUS SEMS KYI STENG GI NAD KYI RIGS RNAMS MED PAR BDE SKYID PHUN SUM TSOGS PA LA 'GRO BA MTHA' DAG SBYAR BAR BYA BA'I PHYIR DU'O, ,'O NA MTHAR THUG SGRIB GNYIS LAS SGROL TSUL JI LTA BU ZHE NA, TSOd LAM CHUNG NGUR DRAN PA NYER
, ,GZHAG BZHI, 'BRING DU YANG DAG SPONG BA BZHI, CHEN PO BRDZU 'PHRUL GYI RKANG PA BZHI, SBYOR LAM DRONG DANG RTZE MOR DBANG PO LNGA, BZOD PA DANG CHOS MCHOG TU STOBS LNGA, MTHONG LAm DU BYANG CHUB KYI YAN LAG BDUN, SGOM LAM DU 'PHAGS PA'I LAM YAN LAG BRGYAD DE BYANG CHUB KYI PHYOGS KYI CHOS SUM CU RTZA BDUN PO DE RNAMS YONGS SU RDZOGS PA RGYUD LA BSKYED NAS SGRIB GNYIS LAS GROL BA'I SANGS RGYAS LA DGOD PA'I PHYIR DU'O, ,DE LTAR SEMS CAN THAMS CAD KYI GNAS SKABS DANG MTHAR THUG GI DON MTHAR PHYIN PAR BYED PA LA, SNGON DU RANG NYID KYIS SANGS RGYAS KYI GO 'PHANG THOB DGOS PAS, DE'I PHYIR RANG NYID KYIS BLA NA MED PA YANG DAG PAR RDZOGS PA'I BYANG CHUB KYI GO 'PHANG NGES PAR RTAGS PA STE GDON MI ZA BAR THOB PA'I PHYIR DU THEG PA CHEN PO'I DGE RTZA GSO ZHING SDIG LTUNG SPYOD PAR BYED PA'I GSO SBYONG YANG DAG PAR MDZAD PAR JI LTA BA BZHIN DU, BDAG MING GSAL BAR SMOS PA 'DI ZHES BGYI BAS KYANG SEMS CAN GYI DON DU SANGS RGYAS THOB PA'I PHYIR RU DUS 'DI NAS BZUNG STE SANG GI NYI MA 'DZAM BU'I GLING 'DIR MA SHAR GYI BAR DU THEG PA CHEN PO'I GSO SBYONG GI SDOM PA YANG DAG PA STE KHA TSIG TZAM MA YIN PAR SNYING THAG PA NAS BSRUNG BAR
KHAS BLANG BAR BGYI'O, ZHES PA'O, ,DE NAS DENG NAS SROG GCOD CES SOGS LAN GCIG BRJOD DE RGYAL BA SRAS BCAS DPANG DU BZHAG NAS SPANG BYA YAN LAG BRGYAD SPONG BAR KHAS LEN CING DAM BCA'O,, TSIG DON NI, DUS DENG NAS BZUNG STE MI NAS GROG SPUR GYI BAR SEMS CAN SU'I YANG SROG GCOD PAR MI BYA BA NI YAN LAG DANG PO DANG, GZHAN GYIS BDAG TU BZUNG BA'I NOR RIN THANG TSANG BA NAS KHAB SKUD TZAM GYI BAR MA BYIN PAR BLANG BAR MI BYA BA NI YAN LAG GNYIS PA DANG, PHO MO'I DBANG PO GNYIS SBYOR BA'I 'KHRIG PA DNGOS SU MI SPYOD PA LTA CI SMOS, RNAM BSHAD RIGS PA LAS, CHOS NI SHES BYA LAM DANG NI, ,MYA NGAN 'DAS DANG YID KYI YUL, ZHES SOGS GSUNGS PA LTAR, 'KHRIG PA'I CHOS YANG YUL DU DRAN PA TZAM YANG MI SPYOD PA NI YAN LAG GSUM PA DANG, 'DU SHES BSGYUR BA'I RDZUN GYI TSIG THA NA BZHAD BGAD TZAM GYI PHYIR DU YANG MI SMRA BA NI YAN LAG BZHI PA DANG, NYES PA KUN GYI GZHI DANG RTZA BAR GYUR PA SOGS SKYON CHES MANG PO LA NYE BAR BRTEN PAR GSUNGS PA'I MYOS 'GYUR GYI KHU BA CHANG 'THUNG BA YONGS SU SPANG BAR BYA BA NI YAN LAG LNGA PA DANG, KHRI DANG STAN RIN THANG CHE BA DANG KHRU GANG LAS MTHO BA LA 'DUG CING NYAL BAR MI BYA BA NI YAN LAG DRUG PA DANG, DE BZHIN DU NYI
, ,MA PHYED YOL BA NAS SANGS SKYA RENGS DANG PO MA SHAR GYI BAR GYI DUS MA YIN PAR 'BRAS CHAN DANG ZAN DANG ZHO DANG 'O MA LA SOGS PA'I ZAS RAGS PA BZA' BAR MI BYA BA NI YAN LAG BDUN PA DANG, CHAGS SEMS KYIS LUS LA DRI BZANG DANG SPOS BYUG PA DANG, MGO LA ME TOG GI 'PHRENG BA SOGS 'CHING BA DANG, LUS LA RGYAN SNGAR 'DOGS BZHIN PA MA YIN PA'I GSAR PA 'DOGS PA DANG, RGOD BAG GIS RKANG PAS GAR BYED PA DANG, KHA NAS GLU LEN PA DANG, SOGS SGRAS BSTAN PA LAG PAS ROL MO'I SGRA BYED PA RNAMS SPANG BAR BYA BA NI YAN LAG BRGYAD PA STE, JI LTAR TE DPER NA THEG CHEN DGRA BCOM PA DANG SANGS RGYAS DON GCIG PAS, DE RNAMS KYIS DUS RTAG TU SROG GCOD LA SOGS PA'I SPANG BYA YAN LAG BRGYAD PO DE LUS NGAG GIS MI BYED PA LTAR BDAG GIS KYANG MI BYED CING, DE RNAMS KYIS KUN SLONG GI BSAM PA YID KYIS SPANGS PAR BZHIN DU BDAG GIS KYANG SOG GCOD LA SOGS PA'I KUN SLONG GI BSAM PA RNAMS NYIN ZHAG PHRUGS GCIG TU SPANG PAR BYA'O, ,DE LTAR SPANGS PA'I MTHUS BYANG CHUB DE'I BLA STO GDAN GZHAN MED PA'I SANGS RGYAS KYI BYANG CHUB BDAG GIS DUS MYUR DU THOB PAR SHOG CIG ,THOB NAS SDUG BSNGAL RNAM PA MANG PO'I
RBA KLONG DAG TU 'KHRUGS PA'I SRID PA'I RGYA MTSOR BYING BA'I 'JIG RTEN GYI, KHAMS KYI SEMS CAN 'DI RNAMS SRID PA'I RGYA MTSO CHEN PO LAS BDAG NYID GCIG PUS SGROL NUS PAR SHOG CIG ,CES PA'O, , DE NAS DON YOD ZHAGS PA'I RGYUD LAS, GSO SPYONG YAN LAG BRGYAD PA'I SDOM PA DANG SMYUNG GNAS LA GNAS TE, SMRA BA BCAD NAS TSUL KHRIMS RNAM DAG GI GZUNGS LAN NYER GCIG BRJOD NA, TSUL KHRIMS SNGAR NYAMS PA RNAMS GSOS SHING PHYIN CHAD TSUL KHRIMS RNAM PAR DAG PAR 'GYUR BA SOGS BSHAD PAS, AOm AA MO GHA ZHES SOGS TSUL KHRIMS RNAM DAG GI GZUNGS LAN NYER GCIG BRJOD PAR BYA'O; ;SDU PAS DON NI, AOm MO GHA NI DON YOD PA, SHI LA NI TSUL KHRIMS, SAm BHA RA NI TSOGS, BHAR BHAR NI RGYAS PA RGYAS PA, MA H'A NI CHEN PO, SHU DDHA NI DAG PA, SATVA NI SEMS DPA', PADMA NI RGYA BOD SKAD GCIG, PA NI RNAM PAR, BH'U shI TA NI BRGYAN PA, BH'U DZA NI PHYAG, DHA RA DHA RA NI 'DZIN PA 'DZIN PA, SA MANTA NA KUN NAS, AA BA LO KI TE NI SPYAN RAS GZIGS TE, DON YOD PA AI TSUL KHRIMS TSOGS, ,RGYAS RGYAS SEMS DPA' DAG PA CHE, ,PADMAS RNAM PAR BRGYAN PA'I PHYAG, 'DZIN 'DZIN KUN NA SPYAN RAS GZIGS, ZHES PA'O, ,DE NAS MCHOD PA RNAM BYIN GYIS BRLAB PA NI, LUS KYIS THAL MO KHONG STONG DU SBYAR BA
, ,SPYI BO'AM DPRAL BAR BZHAG PA NAM MKHA' MDZOD KYI PHYAG RGYA BCINGS NAS, NGAG TU, AOm SARBA BID CES SOGS LAN GSUM BRJOD CING, YID LA SNGAGS DON LTAR MCHOD RDZAS RNAMS KHYAD CHOS GSUM LDAN DU GYUR PAS NAM MKHA'I DBYINGS KHYAB PAR BSAM MO, ,SNGAGS DON NI, AOm NI RDO RJE GSUM DBYER MED PA MTSON BYED, SARBA BID NI THAMS CAD RIG PA STE, RDO RJE GSUM DBYER MED CING CHOS THAMS CAD MNGON SUM DU RIG PA'I YE SHES NI, MCHOD RDZAS RNAMS KYI NGO BO'I KHYAD PAR DANG, P'U RA P'U RA NI RDZOGS PA RDZOGS PA, S'U RA S'U RA NI MDZES PA MDZES PA STE, LHA DANG MI'I LONGS SPYOD YONGS RDZOGS TSANG ZHING MDOG DANG DBYIBS MDZES PA NI MCHOD RDZAS RNAMS KYI RNAM PA'I KHYAD PAR DANG, A'A WA RTA YA A'A WA RTA YA NI, KUN TU 'PHEL BA KUN TU 'PHEL BA, HO: NI MNYES PA'I SA BON TE, MCHOD RDZAS RNAMS LONGS SPYAD PAS MCHOD YUL GYI DBANG SHES DANG YID SHES LA BDE BA CHEN PO KUN TU 'PHEL BAS MNYES PAR BYED PA NI BYED LAS KYI KHYAD PAR RO, ,BADZRA NI RDO RJE, SPHA RA nA NI 'PHRO BA, KHA NI NAM MKHA'I SA BON TE, RDO RJE BDE STONG GI NGO BO'I MCHOD RDZAS RNAMS NAM MKHA' GANG BAR 'PHRO BA'I DON NI, ,DE NAS SKYABS 'GRO SEMS BSKYED NI, GONG DU GSO SBYONG GI SDOM PA LEN YUL DU GSOL
BTAB PA'I BLA MA THUGS RJE CHEN PO'I LHA TSOGS DE RNAMS MDUN DU GSAL BZHIN PA'I NGANG NAS, RANG DANG MTHA' SKOR DU GNAS PA'I MA RGAN SEMS CAN THAMS CAD 'KHOR BA SPYI DANG KHYAD PAR NGAN 'GRO'I SDUG BSNGAL GYIS MNAR BA LA 'JIGS SHING SNYING RJE BA'I BLO DANG, MDUN GYI SKYABS YUL RNAMS MKHYEN BRTZE NUS GSUM DANG LDAN PAS 'JIGS PA DE LAS SKYOB PA'I NUS MTHU YOD PAR YID CHES KYI DANG PA BRTAN PO DANG BCAS TE, RANG GZHAN THAMS CAD KYIS SKYABS 'GRO BYED PAR BSAMS LA, SANGS RGYAS CHOS DANG ZHES SOGS TSIG RKANG GNYIS LAN GSUM BYA STE, DE YANG SANGS RGYAS ZHES PA'I TSE BLA MA YI DAM SANGS RGYAS RNAMS SKYABS STON PA PO DANG, CHOS DANG ZHES PA'I TSE SKYABS YUL RNAMS KYI THUGS RGYUD KYI LUNG DANG RTOGS PA'I CHOS RNAMS SKYABS DNGOS DANG, TSOGS KYI MCHOG RNAMS ZHES PA'I TSE BYANG SEMS NYAN RANG MKHA' 'GRO CHOS SRUNG RNAMS SKYABS SGRUB PA'I ZLA GROGS SU BYANG CHUB MA THOB KYI BAR DU 'DZIN PAR KHAS LEN PA NYID SKYABS 'GRO'I GNANG MTHAR THUG PA YIN NO, ,DE NAS BDAG GIS SBYIN PA BTANG BA DANG, SOGS SGRAS BSTAN PA TSUL KHRIMS BSRUNGS PA DANG, THOS BSAM SGOM GSUM BGYIS PA'I BSOD NAMS JI SNYED RANG RGYUD LA YOD PA'I MTHU DANG NUS PA LA BRTEN NAS,
, ,MA RGAN 'GRO BA SEMS CAN THAMS CAD LA GNAS SKABS DANG MTHAR THUG GI PHAN BDE BSKYED PA'I PHYIR DU, SANGS RGYAS KYI GO 'PHANG MYUR DU 'GRUB PAR SHOG CIG SNYAM DU, BDAG GIS SBYIN SOGS ZHAS SOGS TSIG RKANG GNYAS LAN GSUM BRJOD DO, ,DE LTAR SKYABS 'GRO NI, BSTAN PA LA 'JUG PA'I SGO DANG, SEMS BSKYED NI THEG CHEN LA 'JUG PA'I SGO YIN CING, SKYABS 'GRO'I SKABS SU SKYES BU CHUD 'BRING DANG, SEMS BSKYED KYI SKABS SU SKYES BU CHEN PO'I LAM GYI GNAD 'GAG 'DU BAS GAL CHUNG DU MA SONG BA DGOS SO, ,DE NAS TSOGS ZHING MCHOD PA NI, SKYABS YUL RNAMS MTHA' NAS RIM BZHIN 'OD DU ZHU NAS BLA MA THUGS RJE CHEN PO LA THIM, BLA MA THUGS RJE CHEN PO 'OD DKAR PO'I RNAM PAR ZHU NAS RANG LA THIM, RANG YANG STOD SMAD NAS RIM GYIS 'OD DU ZHU NAS SNYING GA'I THANG DU SGRIB GNYIS DANG LHAN CIG STONG YAL DU SONG NAS YE SHES CHOS SKU MNGON DU GYUR PAR BSAM, DE'I NANG LAS PAD DKAR ZLA BA'I DKYIL 'KHOR GYI STONG DU SKAD CIG GIS RANG NYID THUGS RJE CHEN PO SKU MDOG DKAR PO ZHAL GCIG PHYAG GNYIS PA, GA-YAS MCHOG SBYIN DANG GA-YON CHOS 'CHAD KYIS PADMA DKAR PO'I YU BA BSNAMS PA, RIN PO CHE'I RGYAN DANG DAR GYI NA
BZA' CAN, ZHABS GNYIS MNYAM PAR BZHENGS PA'I RNAM PAR LAM GYIS GSAL BA'I THUGS KAR ZLA BA'I STENG DU HR'I: YIG DKAR PO RING CHA TSEG DRAG DANG BCAS PA, DE LAS 'OD ZER DMAR PO LCAGS KYU LTA BU DPAG TU MED PA 'PHROS PAS, RANG BZHIN GYI GNAS NAS BLA MA THUGS RJE CHEN PO LA TSOGS ZHING RNAMS KYIS BSKOR BA SPYAN DRANGS PAR BSAMS LA, LAG PA'I MKHRIG MA GNYIS BSNOL TE, MDZUB MO GNYIS LCAGS KYU LTAR BKUG PA DANG MNYAM DU MTHE BONG DANG GUNG MOS SE GOL GTOG PA RDO RJE BSDU PA'I PHYAG RGYA DANG, AOm BADZRA SA M'A DZA: ZHES RDO RJE BSDU BA'I SNGAGS BRJOD PAR BA'O, ,SNGAGS DON NI BU STON RJES, BADZRA NI RDO RJE STE, DE BZHIN GSHEGS PA RNAMS SO, ,SA M'A DZA: NI 'DUS PA STE, DE BZHIN GSHEGS PA THAMS CAD 'DUS SHIG PA'O, ZHES GANG GSUNGS PA LTAR RO, ,DE NAS RANG GI MDUN DU RIN PO CHE'I SA GZHI'I STENG DU 'O MA'I RGYA MTSO CHEN PO'I DKYIL PU PADMA'I SDONG PO YANGS SHING RGYA CHE BA 'DAB MA STONG DANG, PAD RIM LNGA DANG LDAN PA STENG RIM BZHIN RGYA JE CHUNG DANG DPANGS JE MTHOR SED PA'I STENG MA PAD 'DAB BZHI PA LTE BA DANG BCAS PA, LTE BAR ZLA GDAN LA BLA MA THUGS RJE CHEN PO BCU GCIG ZHAL, 'DAB MA BZHI LA DE BZHIN GSHEGS PA RIGS BZHI, STENG GI NAM MKHAR
, ,SPRIN GSEB TU RTZA BRGYUD KYI BLA MA, PAD RIM GNYIS PAR YI DAM RGYUD SNGO BZHI, GSUM PAR DUS GSUM GYI SANGS RGYAS, BZHI PAR BYANG SEMS NYAN RANG, LNGA PAR MKHA' 'GRO CHOS SKYONG RNAMS DGYES BZHIN DU BZHUGS PAR BSAM MO, ,DE NAS SHES SHING SPROS PA LA DGA' NA, BZANG SPYOD SMON LAM NAS 'BYUNG BA'I YAN LAG BDUN PA BYA STE, TSIG DON NI, BDAG GIS RNAM BSHAD PHAN BDE'I LAM STON DU BRIS ZIN PA LTAR RO, ,DE'I MCHOD PA'I YAN LAG RDZOGS NAS BSHAGS PA'I YAN LAG LAM SLEBS PA'I BAR DER MAndAL JI LTAR NUS PA PHUL LA TSOGS GSOG PA LA RTZAL 'DON BYA STE, DMIGS RIM JI LTAR BYA TSUL RNAMS NI 'KHRID YIG BSOD NAMS KYI CHU GTER NA GSAL BAR YOD DO, ,DE NAS LTUNG BSHAGS BRKYANGS PHYAG DANG SBRAGS PA BDUN NAM NYER GCIG TZAM BRJOD LA SDIG SGRIB SBYONG BA LA RTZAL 'DON BYA STE, DE BZHIN GSHEGS PA RNAMS KYI SKU MDOG PHYAG MTSAN DANG MTSAN GYI PHAN YON DANG ZHING KHAMS GANG DU BZHUGS PA SOGS NI, BDAG GIS BSDEBS PA'I BSTOD TSIG GANGGA'I CHU RGYUN DU YOD LA, TSIG DON RGYAS PAR NI, MKHAS GRUB SANGS RGYAS YE SHES KYI t'IKKA MTHONG BA DON LDAN SOGS NA BZHUGS PA LAS BTZAL BAR BYA LA, BSDUS
PA LA MOS NA, RANG GI LUS DPAG TU MED PAR SPRUL PA RE RE'I MTHAR MANG SEMS CAN THAMS CAD YOD PAR MAS NAS PHYAG 'TSAL ZHING BSTOD DBYANGS BRJOD PAR BSAMS LA, NA MO GU RU ZHES SOGS BRJOD DO, ,SNGAGS DON NI, NA MO NI PHYAG 'TSAL LO, ,GU RU NI BLA MA, BHYA: NI RNAMS LA STE, BLA MA RNAMS LA PHYAG 'TSAL LO, ,ZHES PA'O, ,DE YANG BLA MA THUGS RJE CHEN PO DANG DE'I STENG GI RTZA BRGYUD KYI BLA MA THAMS CAD LA 'TSAL BA YIN PAS TSIG NYUNG YANG DON RGYA SHIN TU CHE'O, ,YANG NA MA NI PHYAG 'TSAL LO, ,A'A RYA NI 'PHAGS PA, LO KE SHVE RA NI 'JIG RTEN DBAR PHYUG ,SA PA RI W'ARE BHYA: NI 'KHOR DANG BCAS PA RNAMS LA STE, 'PHAGS PA 'JIG RTEN DBANG PHYUG 'KHOR DANG BCAS PA RNAMS LA PHYAG 'TSAL LO, ZHES PA'O, ,'DI YANG BLA MA 'PHAGS PA 'JIG RTEN DBANG PHYUG DANG, DE'I 'KHOR RIGS BZHI, YI DAM SANGS RGYAS BYANG SEMS NYAN RANG MKHA' 'GRO CHOS SRUNG THAMS CAD LA'O, ,DE NAS AOm GU RU A'ARAYA ZHES SOGS BRJOD NAS CHU GNYIS NYER SPYOD ROL MO DANG BCAS PAS MCHOD, SNGAGS DON NI, AOm NI RDO RJE GSUM MTSON BYED, GU RU NI BLA MA, A'A RYA LO KE SHVA RA NI 'PHAGS PA 'JIG RTEN DBANG PHYUG ,SA PA RI WA RA NI 'KHOR DANG BCAS PA, AARGHAm NI MCHOD YON, P'A DYAm NI ZHABS BSIL, PUshPE NI ME
, ,TOG MA, DH'U PE NI BDUG SPOS MA, A'A LO KE NI SNANG GSAL MA, GANDHE NI DRI CHAB MA, NEE WI DYE NI ZHAL ZAS MA, SHAPTA NI ROL MO'I SGRA, PRA T'I TZTSA NI SO SOR BZHES, H'Um NI BDE STONG GI SA BON, SV'AH'A NI GZHI TSUGS TE, RJE STAG LOS, CHU GNYIS MA NING GI RTAGS LA SI MU, NYER SPYOD LNGA MO RTAGS SHRADDH'A LA BOD SI, ROL MO PHO RTAGS RKYANG PA YIN PAR GSUNGS, PHYAG RGYA NI, AOm ZHES BRJOD PA DANG MNYAM DU SNYING GA'I THAD NAS SE GOL KHA PHYIR BSTAN NAS BRNGABS RJES PAD KOR SNGON DU 'GRO BAS, MCHOD PA RANG RANG GI MING SNGAGS KYI TSE SO SO'I PHYAG RGYA BDAG GIS GSUR 'KHRID MTHONG BA DON LDAN DU BRIS ZIN PA LTAR BCAS, H'Um SV'AH'A, ZHES BRJOD PA'I TSE LAG PA GNYIS SNOL LA SE GOL KHA NANG DU PHYOGS NAS BRDAB PA'I PHYAG LEN YOD PAR GSUNGS PAS MA 'PHYUGS PAR BYA; DMIGS PA NI; RANG NYID SPYAN RAS GZIGS SU GSAL BA'I THUGS KA'I HR'I: YIG LAS 'OD ZER SPROS PA'I SNER MCHOD PA'I LHA MO MDZES SHING LTA NA SDUG PA PHYAG NA SKABS GANG YIN GYI MCHOD RDZAS THOGS PA NAM MKHA'I KHYON GANG BA SPROS TE TSOGS ZHING RE RE LA YANG YAN LAG BRGYAD LDAN GYI MCHOD YON ZHAL DANG, DAG BYED KYI ZHABS BSIL ZHABS DANG, LHA RDZAS KYI ME TOG SNA TSOGS PA'I 'PHRENG BA
DBU DANG, LHAN SKYES DANG SBYAR BYUNG GI BDUG SPOS SHANGS DANG, MUN SEL RTZI BCUD KYI MAR ME SPYAN DANG, BSIL SMAN GYIS BSGOS PA'I DRI CHAB THUGS KA DANG, RO MCHOG BRGYA LDAN GYI ZHAL ZAS LJAGS DANG,, 'BUD DKROL RDUNG RGYUD KYI ROL MO'I SGRA DBYANGS SNYAN RNAMS LA PHUL BAS ZAG MED KYI BDE BAS MNYES PAR MOS NAS LHA MO RNAMS RANG GI THUGS KA'I HR'I: YIG LA BSDU, ME TOG MA DKAR MO, BDUG SPOS MA SNGON MO; MAR ME MA DKAR MO, DRI CHAB MA LJANG GU, ZHAL ZAS MA SER MOR RGYAL SRAS THOGS MED BZANG PO'I 'DI KHA'I SGRUB THABS SU BSHAD KYANG GZHAN RNAMS LA GSAL KHA MI SNANG NGO, ,DE NAS, DKON MCHOG GSUM LA BDAG SKYABS MCHI, ZHES PAS SDOM PA THAMS CAD KYI RTEN DU GYUR PA'I SKYABS 'GRO'I YAN LAG DANG, SDIG PA THAMS CAD SO SOR BSHAGS, ZHES PAS BYANG CHUB KYI SEMS RGYUD LA SKYE BA'I 'GAL RKYEN SDIG PA BSHAGS PA'I YAN LAG DANG, 'GRO BA'I DGE LA RJES YI RANG, ZHES PAS BYANG CHUB KYI SEMS RGYUD LA SKYE BA'I MTHUN RKYEN TSOGS GSOG PA'I YAN LAG DANG, SANGS RGYAS BYANG CHUB YID KYIS BZUNG, ZHES PAS SEMS CAN GYI DON DU SANGS RGYAS KYI GO 'PHANG THOB PAR 'DOD PA'I SMON PA BYANG CHUB KYI SEMS DANG, DE'I PHYIR DU THUGS RJE CHEN PO'I RNAL 'BYOR BSGOM PAR BYA'O SNYAM PA'I
, ,'JUG PA BYANG CHUB KYI SEMS BSKYED PA'I YAN LAG RNAMS SO SOR DMIGS PHYED PAR BYAS LA, GUR NAS 'BYUNG BA'I RGYUN BSHAGS 'DI LAN GSUM NAN TAN DU BYA, DE LTAR RGYUN BSHAGS NAS BSTAN PA'I YAN LAG BZHI'I STENG DU GONG GI PHYAG DANG MCHOD PA'I YAN LAG GNYIS, MJUG TU TSAD MED KYI YAN LAG BCAS BSNAN TE YAN LAG BDUN PA'I THA SNYAD BYED PA YANG SNANG BAS, RGYAL SRAS CHEN PO'I SGRUB THABS LAS, DE NAS, SEMS CAN THAMS CAD BDE BA DANG LDAN PAR GYUR CIG ,SNYAM PA'I BYAMS PA DANG, SDUG BSNGAL DANG BRAL BAR GYUR CIG ,SNYAM PA'I SNYING RJE DANG, BDE BA DANG MI 'BRAL BAR GYUR CIG ,SNYAM PA'I DGA' BA DANG, CHAGS SDANG MED PAR GYUR CIG ,SNYAM PA'I BTANG SNYOMS TE TSAD MED BZHI DRAG TU BSGOM, ZHES GANG GSUNGS PA LTAR, MA CHAD PAR BYAS NA LEGS PAR GO'O, ,YANG KHA CIG GI 'DOD PA LTAR GSAG SBYANG RGYAS BSDUS GNYIS KA BYA BAR 'DOD NA, DANG POR, NA MO GU RU BHYA: ZHES SOGS KYIS PHYAG BYA, DE NAS, JI SNYED SU DAG, CES PA NAS, BDE BAR GSHEGS PA THAMS CAD BDAG GIS BSTOD, CES PA'I BAR GYIS PHYAG BYA, DE NAS MCHOD 'PHRENG TSIGS BCAD DANG BCAS, AOm GU RU A'ARYA ZHES SOGS KYIS MCHOD, DE
NAS; ME TOG DAM PA, ZHES PA NAS, RGYAL BA KUN LA PHYAG 'TSAL MCHOD PAR BGYI, ZHES PA'I BAR GYIS MCHOD, DE NAS MAndAL PHUL RJES SDOM GSUM SO SO'I BSHAGS PA, SPYI BSHAGS, LTUNG BSHAGS SOGS BYA, DE NAS, 'DOD CHAGS ZHE SDANG, ZHES PA NAS, THAMS CAD BDAG GIS BYANG CHUB PHYIR BSNGO'O, ZHES PA'I BAR GYIS YAN LAG LHAG MA RNAMS BYA, DE NAS, DKON MCHOG GSUM LA ZHES SOGS RGYUN BSHAGS DANG, SEMS CAN THAMS CAD CES SOGS TSAD MED BZHI RNAMS BYA BA YIN NO,, ` ,GNYIS PA DNGOS GZHI'I CHO GA LA GNYIS, BDAG BSKYED BSGOM PA DANG, MDUN BSKYED BSGRUB PA'O, ,DANG PO NI, AOm SVA BH'A WA ZHES SOGS KYIS CHOS THAMS CAD STONG PA NYID DU BSGOMS NAS MA DAG PA'I SNANG ZHEN SBYANG BAR BYA STE, DE YANG SNANG BA BSDUS PA'I STONG SANG TZAM GYIS MI CHOG PAS RANG BZHIN MED RTOGS KYI LTA THOG TU BZHAG NAS, YE SHES CHOS SKU'I NGA RGYAL DANG BCAS BSGOM DGOS PAR SNGAGS DON GYIS KYANG STON TE, AOm LA YI GE PHRAL NA AA AU MA GSUM YOD PAS, GONG GI TSOGS ZHING MCHOD PA'I SKABS KYI MCHOD YUL, MCHOD RDZAS, MCHOD MKHAN GSUM MTSON, SVA BH'A WA NI RANG BZHIN DANG, SHUDDHA NI DAG PA STE, MCHOD YUL MCHOD RDZAS MCHOD MKHAN GSUM LA RANG BZHIN DAG PA STE MED
, ,PAR STON, SARBA NI THAMS CAD, DHA RMA NI CHOS, SVA BH'A WA NI RANG BZHIN, SHUDDHA: NI DAG PA STE, CHOS THAMS CAD LA RANG BZHIN MED PAR STON, AA HAm NI NGA'O ZHES NGA RGYAL 'DZIN DGOS PAR STON PA YIN PAS, MDOR NA, MCHOD YUL TSOGS ZHING GI LHA RNAMS DANG, MCHOD RDZAS CHU GNYIS NYER SPYOD SOGS DANG, MCHOD MKHAN RANG NYID DANG, DE DAG LAS GZHAN PA'I CHOS THAMS CAD MING DANG RTOG PAS BTAGS PA TZAM MA GTOGS RANG BZHIN GYIS GRUB PA RDUL TZAM YANG MED PAR MNGON SUM DU RTOGS PA'I YE SHES CHOS SKU DE NGA'O SNYAM DU BSGOM PAR BYA'O, ,DE NAS STONG PA'I NGANG LAS ZHES SOGS KYIS CHOS SKU LAS MA GA-YOS PA'I NGANG LAS SEMS CAN GYI DON DU GZUGS SKUR BZHENGS PA'I MOS PA BYED PA STE, STOD SANG DE'I NGANG LAS BAm YIG LJANG GU ZHIG THOL GYIS BYUNG; DE 'OD DU MED GYIS ZHU BA LAS SNA TSOGS PADMA 'DAB MA BRGYAD PA YU BA DANG BCAS PA, LTE BA LJANG GU, GSER SER PO, PHYOGS BZHI'I 'DAB MA DMAR PO, SHAR LHO DANG NUB BYANG GI 'DAB MA SER PO, LHO NUB KYI 'DAB MA LJANG GU, BYANG SHAR GYI 'DAB MA SNGON PO CAN ZHIG THOL GYIS BYUNG, DE'I LTE BAR AA YIG DKAR PO ZHIG BYUNG BA 'OD DU ZHU BA LAS ZLA BA'I DKYIL 'KHOR SKYA KHYIL LE BSHEL
DKAR GYI MAndAL KHA PHUB PA LTA BU, PADMA'I LTE BA DANG RGYA KHYON MNYAM PA ZHIG BYUNG, DE'I STENG DU YI GE HR'I: DKAR PO RING CHA TSIG DRAG DANG BCAS PA, 'OD ZER 'PHRO ZHING RANG SGRA SGROG PA ZHIG THOL GYIS BYUNG BA LA RANG SEMS ZHUGS PA BZHIN DU BYAS TE GSUNG DBYANGS YAN LAG DRUG CU'I NGO BOR MOS NAS NGA RGYAL BYA, DE NAS HR'I: YIG DE NYID 'OD DU ZHU BA LAS RANG NYID 'PHAGS PA THUGS RJE CHEN PO BCU GCIG ZHAL, PHYAG STONG SPYAN STONG DANG LDAN PA, PHYAG MTSAN NA BZA' RGYAN DANG BCAS PA ZHIG TU SKAD CIG GIS LAM GYIS BSKYED NAS, MNGON RTOGS RNAMS RIM PA BZHIN DU GSAL GDAB PAR BYA'O, ,DE YANG SKU MDOG DKAR PO LANG TSO DAR LA BA BCING 'OD ZER DMAR SKYA 'PHRO BA, RAB DGA' NAS KUN TU 'OD KYI BAR GYI SA RNAMS YONGS SU RDZOGS PAR MTSON PA'I ZHAL BCU GCIG DANG LDAN PA'I 'OG MA GSUM MGRIN PA DANG DBU THOD GCIG LA SNYAN TSUN SO SOR GSAL BA'I RTZA ZHAL DKAR PO, GA-YAS ZHAL LJANG GU, GA-YON ZHAL DMAR PO, DE'I STENG GI ZHAL GSUM YANG GYES LUGS SNGAR LTAR GYI DBUS ZHAL LJANG GU, GA-YAS ZHAL DMAR PO, GA-YON ZHAL DKAR PO, DE'I STENG GI ZHAL GSUM YANG GYES LUGS SNGAR LTAR GYI, DBUS ZHAL DMAR PO, GA-YAS ZHAL DKAR PO, GA-YON ZHAL LJANG GU, DKAR PO GSUM ZHI ZHING 'DZUM PA'I NYAMS
, ,DANG LDAN PA'I ZHI PA'I ZHAL, LJANG GU GSUM BRJID CING BZHAD PA'I NYAMS DANG LDAN PA'I RGYAS PA'I ZHAL, DMAR PO GSUM SGEG CING CHAGS PA'I NYAMS DANG LDAN PA'I DBANG GI ZHAL, THAMS CAD KYANG DKYUS RING GI SPYAN DANG GNAG SNUM GYI DBU SKRA CAN, DE'I STENG NA KHRO ZHING GTUM PA'I NYAMS DANG LDAN PA'I DRAG PO'I ZHAL NAG PO, MCHE BA GTZIGS SHING LJAGS 'DRIL BA, DMAR LA ZLUM PA'I SPYAN GSUM DANG LDAN CING KHRO GNYER BSDUS PA, SMIN MA DANG SMA RA DANG RAL PA DMAR SER GYEN DU SGRENG BA, DE'I SPYI BOR MGUL PA RANG BCAS PA'I 'OD DPAG MED KYI ZHAL DMAR PO TSANGS PAR SPYOD PA'I CHA LUGS CAN GTZUG TOR GYIS MTSAN PA, 'KHOR LOS BSGYUR BA'I RGYAL PO STONG MTSON PA'I PHYAG STONG NI, GA-YAS GA-YON GYI SOG PA'I DKAR YOL KHA RE RE NAS MDUN RGYAB STENG 'OG GI RIM PAS THON PA'I MDUN PHYAG BZHI BZHI'I DANG PO GNYIS THUGS KAR THAL MO KHONG STONG DU SBYAR BAS RANG GIS BDE CHEN CHOS SKU MNGON DU MDZAD PA DANG PHYOGS BCU'I RGYAL BA RNAMS KYI THUGS RJE BSKUL BA MTSON, GNYIS PA GNYIS GYEN DU SGRENG BAS GA-YAS PAS NOR BU CHU SHEL GYI 'PHRENG BA DANG, GA-YON PAS PADMA DKAR PO'I YU BA 'DZIN PAS SEMS CAN RNAMS 'DREN PA'I SLAD DU 'KHOR BA'I GNAS SU
BZHUGS KYANG 'KHOR BA'I SKYON GYIS MA GOS PA MTSON, GSUM PA GNYIS 'THUR DU BRKYANG PA'I GA-YAS PA'I MCHOG SPYIN GYI PHYAG RGYA LAS BDUD RTZI 'BAB PAS YI DVAGS KYI BKRES SKOM SEL BA DANG, GA-YON PAS BDUD RTZIS GANG BA'I GSER GYI RIL BA SPYI BLUGS 'DZIN PAS SEMS CAN RNAMS LA YON TAN GYI MCHOG SBYIN PA DANG SKYON GYI DRI MA 'KHRUNG PA MTSON, BZHI PA GNYIS THAD KAR BRKYANG PA'I GA-YAS PAS GSER GYI 'KHOR LO RTZIBS STONG PA DANG, GA-YON PAS MDA' GZHU 'DZIN PAS SEMS CAN RNAMS LA CHOS KYI 'KHOR LO BSKOR NAS THABS SHES ZUNG 'BREL GYI RTOGS PA BSKYED PA MTSON, GA-YAS GA-YON GYI MDUN PHYAG BZHI PO DE'I RGYAB TU BCU DRUG RE, DE'I RGYAB TU DON GNYIS RE, DE'I RGYAB TU GYA BZHI RE, DE'I RGYAB TU GO DRUG RE, DE'I RGYAB TU BRGYA BRGYAD RE, DE'I RGYAB TU BRGYA NYI SHU RE STE PHYAG LHAG MA DGU BRGYA DANG DGU BCU RTZA GNYIS PO THAMS CAD 'JAM ZHING MCHOG SBYIN GYI PHYAG RGYA MDZAD PA, PHYAG RNAMS YAR DBU'I GTZUG TOR DANG MAR PUS MO'I LHA NGA LAS MI 'DA' ZHING, PHYAG MTHIL NA SANGS RGYAS STONG GI YE SHES MTSON PA'I ZHI BA'I SPYAN RE YOD PA, YID DU 'ONG BA'I ZHABS GNYIS 'GRO BA'I DON LA MNYAM PA'I STANGS STABS KYIS BZHED GNAS BZHUGS PA, NGO TSA KHREL YOD MTSON PA'I LHA RDZAS KYI DAR GYI STOD GA-YOGS SAM
, ,GSHAL DANG, RAS BZANG PO'I SHAM THABS MDUN RGYAB GNYIS LEB CHAGS PA LA STA ZUR GA-YAS GA-YON GYI THANG DU SUL MANG PO YOD PA'I NA BZA' GSOL ZHING, SNYING RJE MTSON PA'I RI DVAGS KRishnA SA RA'I PAGS PA MGO DANG SUG BZHI MA NYAMS PAS NU MA GA-YON PA BKAB PA, KHRO ZHAL LA THOD SKAM LNGA'I DBU RGYAN DANG, RUS PA'I RNA RGYAN, ZHAL 'OG MA DGU LA DBUS SU 'OD DPAG MED KYIS GTZO BO BYAS PA'I RIGS LNGAS MTSAN PA'I RTZE PHRAN LNGA'I DBU RGYAN, RIN PO CHE GSER GYIS BSDAMS PA'I SNE MOR MU TIG GI CHUN PO 'PHYANG BA'I SNYAN RGYAN LA SNYAN GONG DU AUTPA LA'I GDENGS KA DANG SNYAN RGYAB TU DAR DPYANGS KYIS MDZES PA, RIN PO CHE SNA TSOGS LAS BYAS PA'I MGRIN PA 'KHOR TZAM GYI MGUL RGYAN, THUGS KAR SLEBS PA'I MU TIG GI SE MO DO, LTE BAR SLEBS PA'I RIN PO CHE'I DO SHAL, PHYAG RNAMS KYI DPUNG PA DANG MKHRIG MAR RIN PO CHE'I PHYAG GDUB, ZHABS KYI LONG BUR GSER GYI ZHABS GDUB DRIL GA-YER GYI SGRA SGROG PA, SKU RKED DU GSER GYI SKA RAGS BCINGS PA NAS NOR BU'I RGYAN DANG DRA BA DRA PHYED ZHABS RTING GI BAR DU SLEBS PAS SPRAS PA STE, RIN PO CHE'I RGYAN BRGYAD KYIS BRGYAN PA, SKU SNANG LA RANG BZHIN MED PA 'JA' 'OD LTA BU'I RTZA ZHAL GYI DPRAL BA'I THAD KYI
DBU'I NANG DU SKU'I NGO BO AOm DKAR PO, MGRIN PA'I NANG DU GSUNG GI NGO BO AA: DMAR PO, THUGS KA'I NANG DU THUGS KYI NGO BO H'Um SNGON POS MTSAN PA, THUGS KA'I H'Um DE LAS 'OD ZER DMAR PO LCAGS KYU LTA BU BA SPU'I LAM NAS PHYOGS BCUR 'PHROS PAS, RANG BZHIN GYI GNAS NAS PHYOGS BCU'I SANGS RGYAS THAMS CAD BSGOMS PA DANG 'DRA BA'I YE SHES PA THUGS RJE CHEN PO ZHAL BCU GCIG PA'I RNAM PAR SPYAN DRANGS PAR BSAMS LA, BDZRA SA M'A DZA: ZHES RDO RJE BSDU BA'I SNGAGS RGYA SNGAR BZHIN BYA, DE NAS DZA: ZHES PAS YE SHES PA RNAMS GCIG TU 'DUS NAS DAM TSIG PA'I SPYI BOR MI THOG TU MI BRTZEGS PA LTAR DGUG ,H'Um ZHES PAS DAM TSIG PA LA ME LONG GI NGOS LA GZUGS BRNYAN SHAR BA LTAR GZHUG ,BAm ZHES PAS DAM YE DBYER MED DU CHU LA CHU 'DRES PA LTAR BCING, HO: ZHES PAS DAM TSIG PA LA YE SHES PA MNYES SHING DBANG DU GYUR PAR BSAM STE, DGUG GZHUG BCING MNYAS KYI PHYAG RGYAN, KHU CHUR GA-YON GYI MTHE CHUNG DANG, ,GA-YAS PA'I MDZUB SBREL LCAGS KYU STE, ,KHU TSUR RGYAB SBYAR ZHAGS MIG LTAR, BYAS PA ZHAGS PA'I PHYAG RGYA'O, ,MTHE CHUNG MDZUB MO PHAN TSUN DU, ,SO SOR SBREL BA LCAGS SGROG YIN, ,KHU TSUR BCANGS PA'I MKHRIG MA GNYIS, ,SNOL BA'I RGYAB SBYAR DRIL BU'O, ZHES PA LTAR RO, ,SLAR YANG
, ,THUGS KA'I H'Um LAS 'OD ZER DMAR PO SNGAR BZHIN 'PHROS PAS, STENG 'OG GI RGYAL BA THAMS CAD 'OD DPAG MED DMAR PO'I RNAM PA DANG, SHAR DANG SHAR LHO'I RGYAL BA THAMS CAD MI BSKYOD PA SNGON PO DANG, LHO DANG LHO NUB KYI RGYAL BA THAMS CAD RIN 'BYUNG SER PO DANG, NUB DANG NUB BYANG GI RGYAL BA THAMS CAD RNAM SNANG DKAR PO DANG, BYANG DANG BYANG SHAR GYI RGYAL BA THAMS CAD DON GRUB LJANG GU'I RNAM PAR RDO RJE BSDU BA'I SNGAGS RGYAS SPYAN DRANGS PA RNAMS GCIG LA GCIG THIM NAS, MTHAR 'OD DPAG MED GTZO BOR BZHUGS PA'I RIGS LNGA TSAN PA GCIG TU GYUR PA LA THAL MO SBYAR TE, RGYAL BA RIGS LNGA KHYED RNAMS KYIS MNGON PAR DBANG BSKUR BA STZAL DU GSOL, ZHES GSOL BA BTAB PAS, RIGS LNGA'I THUGS KA NAS GOS DKAR MO LA SOGS PA'I LHA MO PHYAG NA BDUD RTZIS GANG BA'I BUM PA THOGS PA RE SPROS PA RNAMS KYIS, BUM PA'I CHUS RANG DAM TSIG PAR GSAL BA'I SPYI BO NAS CHU RUB KYI TSUL DU DBANG BSKUR BAS, LUS KYI NANG THAMS CAD GANG, THA MAL GYI SNANG ZHEN LA SOGS PA'I NAD GDON SDIG SGRIB KYI DRI MA THAMS CAD SANGS KYIS DAG ,BDUD RTZI'I CHU RGYUN GYIS LUS GANG BA'I LHAG MA SPYI GTZUG TU KHYIL LE 'KHYIL BA 'OD DU
ZHU BA LAS, SPYI GTZUG TU BLA MA'I NGO BO 'OD DPAG MED, DPRAL BAR MI BSKYOD PA, RNA LTAG GA-YAS PAR RIN 'BYUNG, LTAG PAR RNAM PAR SNANG MDZAD, RNA LTAG GA-YON PAR DON YOD GRUB PA STE RGYAL BA RIGS LNGAS DBU BRGYAN PAR BSAM MO, ,DBU BRGYAN TSUL 'DI LHA ZHAL GCIG PA RNAMS LA BDE YANG 'DIR ZHAL MANG PO YOD PAS JI LTAR BYED GSAL BAR BSHAD PA MI SNANG YANG, 'JIGS BYED ZHAL DGU LA RIGS BDAG GCIG GIS CHOG PA'I RIGS PA SBYAR NA, RTZA ZHAL GYI MTSOG MAR MI BSKYOD PA, DE'I GA-YAS ZHAL LJANG GU'I MTSOG MAR RIN 'BYUNG, RTZA ZHAL GYI LTAG PAR RNAM SNANG, GA-YON ZHAL DMAR PO'I MTSOG MAR DON GRUB, KHRO ZHAL NAG PO'I SPYI BO'I ZHI ZHAL DMAR PO DANG BLA MA'I NGO BO 'OD DPAG MED DBYER MED TU BYAS NA CHOG GAM SNYAM STE, MKHAS PA RNAMS KYIS DPYAD PAR MDZOD CIG ,DBANG LHA YAB YUM RNAMS NI RANG GI BA SPU'I SGO NAS SNYING GAR BSTIM PAR BYA'O, ,DE NAS RANG NYID DAM TSIG SEMS DPA' BCU GCIG ZHAL DU GSAL BA'I THUGS KAR ZLA BA'I GDAN GYI STENG DU YE SHES SEMS DPA' 'PHAGS PA SPYAN RAS GZIGS SKU MDOG DKAR PO ZHAL GCIG PHYAG GNYIS PA, GA-YAS MCHOG SBYIN DANG GA-YON CHOS 'CHAD KYI PADMA DKAR PO'I YU BA BSNAMS PA, RIN PO CHE'I RGYAN DANG DAR GYI NA
, ,BZA' CAN, ZHABS GNYIS MNYAM PAR BZHENGS TE BZHUGS PA, DE'I THUGS KAR ZLA BA'I GDAN LA TING NGE 'DZIN SEMS DPA' HR'I: YIG DKAR PO RING CHA TSEG DRAG DANG BCAS PA STE; SEMS DPA' GSUM BRTZEGS SU BSKYED NAS SKU MDOG PHYAG MTSAN SOGS RIM CAN DU SEMS PA BSAM GTAN GYI SGOM PA DANG, RTZE GCIG TU 'JOG PA TING NGE 'DZIN GYI SGOM PA GNYIS KYI SGO NAS SNANG NGOR RANG NYID THUGS RJE CHEN PO ZHAL BCU GCIG PA SEMS DPA' GSUM BRTZEGS CAN DVANGS GSAL 'OD KYI RANG BZHIN CAN NAM MKHA'I 'JA' TSON LTA BUR SNANG BA'I GSAL SNANG DANG, NGES NGOR RANG BZHIN MED PAR NGES PA'I NGES SHES DAM SGRING NGE BA GNYIS TSOGS DE LA GDAGS GZHIR BYAS NAS SKYON KUN ZANG YON TAN KUN RDZOGS KYI THUGS RJE CHEN PO DNGOS DE NGA'O SNYAM PA'I NGA RGYAL SHUGS DRAG BSKYED NAS SREG RTZOL DANG BYING RGOD BKAG STE DRAN SHES GNYIS LDAN GYI SGO NAS RTZE GCIG TU MNYAM PAR 'JOG GO ,BSGOMS PAS SKYON BZLAS PA BYA BA NI, TING NGE 'DZIN SEMS DPA' HR'I: YIG DKAR PO DE'I MTHAR, AOm MA nI PAD ME H'Um, ZHES PA'I YI GE DRUG PA'I SNGAGS 'PHRENG DKAR POS MDUN NAS GA-YAS SKOR DU BSKOR BAR BSAMS LA, DAL BREL MA SNYOMS PA, SGRA HA CANG CHE CHUNG, NGAG SMRA BA,
SEMS YENGS PA, RING THUNG GO LDOG PA STE SKYON BRGYAD DANG BRAL BAR MA nI BRGYA STONG SOGS BZLA'O, ,SNGAGS DON NI, AOm NI MGO 'DREN, MA nI PADME NI KYE NOR BU PADMA CAN, ZHES NOR BU CHU SHEL GYI 'PHRENG BA DANG, GSER GYI PADMA PHYAG MTSAN DU BSNAMS PA'I LHA'I MTSAN NAS 'BOD PA, H'Um NI THUGS KYI SA BON YIN PAS THUGS RJE BSKUL BA'O, ,BZLA TSUL NI, PADMA'I SNYING PO'AM, BO DE TZE'AM, SHEL DKAR PO GANG RUNG GI 'PHRENG BA BRGYA RTZA BRGYAD, GZHON NU MA GTZANG MA'AM, DAM TSIG GTZANG MAS BKAL BA'I SKUD PA GSUM SGRIL GYI 'PHRENG THAG CAN SNYING GAR LAG PA GA-YAS PA'I GUNG MO DANG MTHE'U CHUNG BRKYANGS, MDZUB MO RGYAB TU BZHAG NAS SRIN LAG DANG MTHE BONG GIS BGRANG BAR GSUNGS PA LTAR RO, ,BZLAS DMIGS NI, THUGS KA'I HR'I: YIG SNGAGS 'PHRENG DANG BCAS PA LAS 'OD ZER 'PHROS PA'I SNER MCHOD PA'I LHA MO MCHOD RDZAS SNA TSOGS THOGS PA BSAM GYIS MI KHYAB PA SPROS TE, PHYOGS BCU'I RGYAL BA SRAS BCAS THAMS CAD LA MNYES PA'I MCHOD PA PHUL, SKU GSUNG THUGS KYI BYIN RLABS NUS MTHU THAMS CAD BDUD RTZI 'OD ZER DKAR PO'I RNAM PAR SPYAN DRANGS TE, HRI: YIG SNGAGS 'PHRENG DANG BCAS PA LA THIM ZHING, SLAR YANG 'OD ZER DKAR PO'I TSOGS 'PHROS PAS RANG GI SPYI BO NAS
, ,RKANG MTHIL GYI BAR GYI LUS THAMS CAD GANG, SDIG SGRIB NAD GDON THAMS CAD MUN KHUNG DU SGRON ME SBAR BA LTAR GAR SONG CHA MED DU SPYANGS, 'OD ZER PHYIR 'PHROS PA'I SNER THUGS RJE CHEN PO'I LHA TSOGS BSAM GYIS MI KHYAB PA SPROS TE, DMYAL BA'I TSA GRANG, YI DVAGS KYI BKRES SKOM, DUNG 'GRO'I GLEN LKUGS BKOL SPYOD, LHA MA YIN GYI 'THAB RTZOD, MI'I SKYE RGA NA 'CHI; LTA'I 'CHI 'PHO LTUNG BA SOGS RIGS DRUG SPYI BYE BRAG GI SDUG BSNGAL DANG LAS NYON DANG GNAS KYI SKYON LA SOGS PA THAMS CAD SBYANGS TE, SNOD THAMS CAD DAG PA'I ZHING KHAMS DANG, BCUD KYI SEMS CAN THAMS CAD THUGS RJE CHEN PO'I SKUR GYUR PAR MOS PA GZUGS SNANG SKU'I 'KHYER SO, 'BYUNG BA DANG 'BYUNG GYUR GYI SGRA'I SKYON THAMS CAD SBYANGS TE, RANG DANG SEMS CAN THAMS CAD THUGS RJE CHEN POR GSAL BA RNAMS KYIS MA nI 'UR DING DING 'DREN PAR MOS PA SGRA GRAG GSUNG GI 'KHYER SO, SEMS KYI 'CHAR SGO THAMS CAD THUGS RJE CHEN PO'I THUGS STONG NYING SNYING RJE'I SNYING PO CAN DU GYUR PAR MOS PA DRAN RTOG THUGS KYI 'KHYER SO RNAMS YANG DANG YANG DU GSAL 'DEBS BZHIN DU BZLA BA YIN NO, ,GNYIS PA MDUN BSKYED SGRUB PA NI, MDUN GYI BSGRUB GZHI LA BSANG CHU GTOR TE, AOm PADMAN
KRIT H'Um PHAt, CES BRJOD CING RANG GI THUGS KA'I HR'I: LAS KHRO RGYAL RTA MGRIN SKU MDOG DMAR PO ZHAL GCIG PHYAG GNYIS PA, GA-YAS PADMAS MTSAN PA'I DBYUG TO 'PHYAR ZHING, GA-YON THUGS KAR SDIGS MDZUB MDZAD PA, SPYI BOR RTA MGO LJANG NAG RTA SKRA DA 'I TSER ZHING KHRO BO'I NYAMS DANG RGYAN CHAS SPRAS PA DPAG TU MED PA SPROS NAS BSGRUB GZHI LA GNAS PA'I BGEGS RNAMS RGYA MTSO'I PHA 'GRAM DU BSKRAD PAR BSAM STE, SNGAGS DON NI, PADMA MTHAR BYED DE, PADMA CHUS MA GOS PA BZHIN DU NYON MONGS PA RNAMS KYIS GOS PAR MA GYUR CING, NYON MONGS PA DE NYID 'JIG PAR MDZAD PAR MDZAD PAS NA PADMA MTHAR BYED DO,, NANG GI BGEGS NYON MONGS KYANG 'JOMS NUS NA PHYI'I BGEGS 'JOMS PA LTA CI SMOS SO, ,SVA BH'A WA'I SDAGS KYIS DKYIL 'KHOR GYI BSGRUB GZHI GANG YIN PA DE STONG PA NYING DU SBYANGS, STONG PA'I NGANG LAS RANG GI THUGS KA'I HR'I: LAS RNAM SNANG GI SA BON BHR'Um YIG DKAR PO 'OD ZER LNGA 'PHRO BA ZHIG CHAD NAS MDUN GYI DKYIL 'KHOR GYI GO SAR GNAS PA YONGS SU GYUR PA LAS, SNA TSOGS PADMA LA GNAS PA'I SNA TSOGS RDO RJE'I LTE BAR RGYU RIN PO CHE SNA TSOGS LAS GRUB PA'I GZHAL YAS KHAD GRU BZHI SGO BZHI PA, PHYI NAS RIM PA BZHIN SNGO SER DKAR LDANG DMAR BA'I RTZIG PA LNGA DANG LDAN PA, 'DOD SNA MA PHA GU DRA BA
, ,DRA PHYED SHAR BU MNGA' YAB RGYAN RTA BABS SOGS MTSAN NYID THAMS CAD DANG LDAN PA'I NANG GI STENG 'OG RNAMS SHAR SNGO, LHO SER, NUB DKAR, BYANG LJANG, DBUS DMAR BA ZHIG BSKYED DGOS TE, GZHAL YAS KHANG THIG GIS 'DRI TSUL DANG BLOS BSLANGS BSGOM TSUL SOGS YI GE NYUNG DUS GTAN LA MI PHEBS SHING, BLO DMAN PA RNAMS KYIS GZHUNG THOG NAS JI BZHIN RTOGS DKA' BA YIN PAS SHES PAR 'DOD NA BLA MA'I DAG LAS BLANG BAR BYA'O, ,GZHAL YAS KHANG GI NANG GI DBUS SU SENG GES BTEG PA'I RIN PO CHE'I KHRI'I STENG DU, SNA TSOGS PADMA 'DAB MA BRGYAD PA'I LTE BA DANG PHYOGS BZHI'I 'DAB MA'I STENG DU ZLA BA'I GDAN RE RE, DBUS KYI GDAN LA HRI: DKAR PO YONGS SU GYUR PA LAS, NGO BO RANG GI RTZA BA'I BLA MA YIN PA LA RNAM PA THUGS RJE CHEN PO BCU GCIG ZHAL SNGAR BDAG BSKYED KYI SKABS SU BSHAD PA JI LTA BA BZHIN DANG, SHAR GYI GDAN STENG DU H'Um SNGON PO 'OD DU ZHU BA LAS MI BSKYOD PA SNGON PO GA-YAS SA GNON DANG GA-YON MNYAM GZHAG MDZAD PA, LHO'I GDAN STENG DU TR'Am SER PO 'OD DU ZHU BA LAS RIN 'BYUNG SER PO GA-YAS MCHOG SBYIN DANG GA-YON MNYAM GZHAG MDZAD PA, NUB KYI GDAN STENG DU AOm DKAR PO 'OD DU ZHU BA LAS RNAM SNANG DKAR PO GA-YAS PA'I MTHEB MDZUB
SGRENG BA'I KHU TSUR KHA PHYIR BSTAN PA'I MTHEB MDZUB GNYIS, GA-YON PA KHA NANG DU BSTAN PA NYI MTHE'U CHUNG SRIN LAG GUNG MO GSUM GYI KHU TSUR GYIS BSDAMS SHING, GA-YON PA'I MTHEB MDZUB GNYIS SGRENG BA BYANG CHUB MCHOG GI PHYAG RGYA MDZAD PA, BYANG GI GDAN STENG DU AA: LJANG GU 'OD DU ZHU BA LAS DON GRUB LJANG GU GA-YAS SKYABS SBYIN DANG GA-YON MNYAM GZHAG GI PHYAG RGYA MDZAD PA, BZHI GA-YANG RIN PO CHE'I RGYAN DANG DAR GYI NA BZAS MDZES SHING, ZHAL GTZO BO LA PHYOGS TE ZHABS RDO RJE'I SKYIL KRUNG GIS BZHUGS PA'I DAM TSIG PA BSKYED, LHA THAMS CAD KYI DPRAL BAR AOm, MGRIN PAR A'A: THUGS KAR H'Um, ZHES GNAS GSUM BYIN GYIS BRLAB, THUGS KA'I H'Um LAS ZHES SOGS KYIS RANG 'DRA'I YE SHES PA SPYAN DRANGS NAS BSTIM, SLAR YANG THUGS KA'I H'Um LAS ZHES SOGS KYIS DBANG LHA SPYAN DRANGS NAS, DBANG BSKUR RGYAS GDAB BYA TSUL RNAMS GTZO RKYANG DANG 'KHOR BCAS KYI KHYAD PAR MA GTOGS SNGAR BSHAD PA DANG 'DRA ZHING, 'DIR RGYAL BA RIGS LNGAS DBU BRGYAN PA'I DON GTZO BO LA 'OD DPAG MED DANG 'KHOR RNAMS LA RANG RANG GI RIGS BDAG SPRUL SKU'I CHA LUGS CAN GYIS DBU BRGYAN PA'I MOS PA BYAS NA DMIGS PA BDE ZHING, BDAG GI BLA MA RIN PO CHE DANG, RJE DKON MCHOG 'JIGS MED DBANG PO'I
, ,DGONGS PAR GNAS PAS LEGS PAR YOD DO, ,DE NAS AOm GU RU A'AR+YA ZHES SOGS KYIS SNYING GNAS MCHOD PA'I LHA MO SPROS PA RNAMS KYIS SNGAR BYIN GYIS BRLABS PA'I MCHOD RDZAS RNAMS TSOGS ZHING MCHOD PA'I SKABS SU BSHAD PA LTAR RDZAS SNGAGS PHYAG RGYA TING 'DZIN TSOGS PAS 'BUL, SPRO NA, YAN LAG BRGYAD LDAN LHA YI GANGGA SOGS, ZHES SOGS MCHOD 'PHRENG DANG BCAS CHU GNYIS, NYER SPYOD, ROL MO, 'DOD YON, RGYAL SRID SNA BDUN SOGS KYANG PHUL CHOG ,DE NAS, BDE GSHEGS SNANG BA ZHES SOGS KYIS TSIG DON DRAN BZHIN DU BSTOD PAR BYA STE, TSIG DON NI, BDE GSHEGS SNANG BA MTHA' YAS SPYI BOR RIGS BDAG TU BZHUGS PA'I GTZO BO PADMA DKAR PO PHYAG MTSAN DU 'DZIN PA'I THUGS RJE CHEN PO ZHAL BCU GCIG PA DANG, SHAR GYI MI BSKYOD MGON PO DANG, LHO'I RIN CHEN 'BYUNG GNAS DANG, NUB KYI RNAM PAR SNANG MDZAD DANG, BYANG GI DON YOD GRUB PA DANG, SOGS SGRAS BSTAN PA RIGS BDAG SNANG MTHA'I THUGS KAR BZHUGS PA'I RTZA BRGYUD KYI BLA MA RNAMS DANG, RGYUD KHANG NA BZHUGS PA'I BYA RGYUD RIGS GSUM GYI PO TI DANG, LHA RNAMS KYI BA SPU'I BU GA RER YANG SANGS RGYAS KYI ZHING KHAMS MANG DU YOD PA RNAMS LA YID KYIS DAD GUS
DANG LUS KYIS PHYAG 'TSAL DANG, NGAG GIS BSTOD DBYANGS BRJOD PAR BGYI'O, ZHES PA'O, ,DE NAS RANG NYID PHYAG STONG SPYAN STONG GI BDAG BSKYED LA GNAS PA DANG, MDUN BSKYED BLA MA PHYAG STONG SPYAN STONG GNYIS KA'I PHYAG MCHOG SPYIN GYI PHYAG RGYA MDZAD PA THAMS CAD KYI PHYAG MDZUB LNGA LAS, NGO BO THUGS RJE CHEN PO'I ZAG PA MED PA'I YE SHES YIN PA LA, RNAM PA SGO GSUM GYI NAD GDON SDIG SGRIB BAG CHAGS DANG BCAS PA THAMS CAD DAG PAR BYED PA'I BDUD RTZI DKAR PO'O MA'I RGYUN LTA BU BABS PAS BUM PA GANG BAR GYUR BA'I MOS PA BYED BZHIN DU MA nI BRGYA STONG SOGS BZLA, DE NAS RANG GI SPYI BO STE RTZA ZHAL GYI MTSOG MA'I STENG DU PADMA DANG ZLA BA'I GDAN LA RTZA BA'I BLA MED PA DBYER MED PA'I DGE SLONG MA DPAL MO RAB TU BYUNG BA'I CHA BYAD CAN PHYAG GNYIS THUGS KAR THAL MO SBYAR BAS 'PHAGS PA'I THUGS RJE BSKUL BA'I NGO CHEN DANG BSTOD PA'I GROGS MDZAD PAR BSAM ZHING, RANG GI MTHA' SKOR DU PHA MAR GYUR PA'I RIGS DRUG GI SEMS CAN THAMS CAD KYANG 'KHOD PAS, LUS KYIS PHYAG 'TSAL ZHING, NGAG GIS PO BSTOD 'UR CHEM CHEM 'DON PA DANG, YID KYIS BSTOD PA'I TSIG DON DRAN NAS MOS GUS DRAG POS SKYABS SU 'GRO BAR BSAMS LA, BRKYANGS PHYAG DANG BCAS PO BSTOD NYI SHU RTZA GCIG GIS DAG CING
, ,GSAL BAR BSTOD BAR BYA STE, TSIG DON RNAMS NI, BYA RGYUD DON GSAL GYI LE'U BDUN PA DANG, RJE BTZUN DAM PA NGAG DBANG RDO RJE'I ZHAL SNGA NAS MDZAD PA'I PO BSTOD KYI 'GREL PA TSIG NYUNG LA DON GSAL PA'I LEGS BSHAD RMAD DU BYUNG BA ZHIG BZHUGS PAS, DE DAG LAS RTOGS PAR BYA'O, ,GSUM PA MJUG GI CHO GA NI, 'PHAGS MCHOG THUGS RJE'I ZHES SOGS KYIS 'DOD DON LA GSOL BA SHUGS DRAG TU GDAB PAR BYA STE, 'PHAGS MCHOG SPYAN RAS GZIGS KYIS THUGS RJE'I PHYAG RKYONGS LA BDAG SOGS PHAM SEMS CAN RNAMS SKYE BA PHYI MAR NUB PHYOGS BDE BA CAN GYI ZHING DU DRONGS SHIG ,DER DRANGS NAS KYANG BYANG CHUB MA THOB BAR GYI TSE RABS KYI 'PHRENG BA KUN TU ZAB RGYAS KYI LAM BZANG STON PA'I DGE BA'I BSHES GNYEN MDZOD LA, BSTAN PA'I GDAMS PA SNYAMS SU BLANGS TE SA LAM MYUNG DU BGROD NAS SEMS CAN GYI DON DU SANGS RGYAS KYI GO 'PHANG THOB PAR BYIN GYIS RLOBS SHIG ,CES PA'O, ,GSOL 'DEBS DE LAS RGYAS PAR BYED SPRON, 'PHAGS PA SPYAN RAS GZIGS DBANG THUGS RJE'I GTER, ZHES SOGS RJE DGE 'DUN RGYA MTSO'I GSUNG GIS BYA STE, TSIG RKANG DANG PO GNYIS DGONGS GSOL, DE NAS GNYIS 'KHOR BA LAS SGROL BA, DE NAS GNYIS
MTHUN RKYAN BYANG CHUB KYI SEMS GNYIS SKYE BA, DE NAS GNYIS 'GAL RKYEN LAS NYON DAG PA, DE NAS GNYIS BDE BA CAN DU 'DREN PA, DE NAS GNYIS DGE BA'I BSHES GNYEN MDZAD PA, DE NAS GNYIS LAM BSTAN NAS SANGS RGYAS LA 'GOD PA'I GSOL 'DEBS YIN PAS, TSIG DON LEGS PAR DRAN NAS GDUNG SHUGS DRAG POS GSOL BA BTAB STE, JI LTAR GSOL BA BTAB PA LTAR ZHAL GYIS BZHES PA'I MOS PA BYED DGOS PAR GSUNGS SO, DE NAS GTOR MA RNAMS LA CHAB KYIS BRAN LA, AOm A'A: H'Um, LAN GSUM BRJOD PAS, GTOR MA SNOD DANG BCAS PA 'OD DU ZHU NAS STONG PAR SBYANGS PA'I GO SAR SKAD CIG GIS RIN PO CHE'I SNOD YANGS SHING RGYA CHE BA RNAMS KYI NAD DU, GTOR MA ZAG PA MED PA'I BDUD RTZI'I RGYA MTSO CHEN POR GYUR PAR BSAM LA BYIN GYIS BRLABS TE, RANG GI THUGS KA NAS RIN PO CHE'I SNOD THOGS PA'I LHA MO SPROS PA RNAMS KYIS BYIN GYIS BRLABS PA'I GTOR MA'I BDUD RTZI NAS BCUS TE, MGRON RNAMS LA PHUL BAS LJAGS RDO RJE'I 'OD ZER GYI SBU GUS DRANGS NAS GSOL BAS MNYES SHING TSIMS PAR BSAMS LA, AOm GU RU A'RYA ZHES SOGS LAN GSUM GYIS 'PHAGS PA THUGS RJE CHEN PO GTZO 'KHOR RNAMS LA 'BUL, SNGAGS DON NI, AOm NI MCHOD PA'I 'KHOR GSUM DAG PA'I RNAM
, ,ROL DU MTSON BYED, GU RU A'AR+YA NI, BLA MA 'PHAGS PA, LO KE SHVAR NI 'JIG RTEN DBANG PHYUG ,SA PA RI W'A RA NI 'KHOR DANG BCAS PA, BA LIm NI GTOR MA, PRA T'I TZTSA YE NI SO SOR BZHES LA; SV'A H'A NI LEGS PA KUN SPYIN, ZHES PA STE, MDOR NA DBUL BYA 'BUL BYED 'BUL YUL TE GTOR MA'I 'KHOR GSUM THAMS CAD DAG PA YE SHES KYI RNAM ROL DU SHAR BA'I NGANG NAS, BLA MA DANG DBYER MED PA'I 'PHAGS PA 'JIG RTEN DBANG PHYUG 'KHOR DE BZHIN GSHEGS PA BZHI DANG BCAS PA RNAMS LA, BDUD RTZIR BSGYUR BA'I GTOR MA 'BUL BA LAGS NA, SO SOR BZHES LA LEGS PA MCHOG MTHUN GYI DNGOS GRUB KUN SBYIN PAR MDZAD DU GSOL, ZHES PA'O, ,DE BZHIN DU MGON PO PHYAG DRUG PA LA SOGS PA'I MKHA' 'GRO CHOS SKYONG RNAMS DANG, STAR KO'I LHA BTZAN MCHED LNGA LA SOGS PA'I LHA KLU GZHI BDAG RNAMS RANG GI MDUN DU SKAD CIG GIS GSAL BTAB LA, AOm AA K'A RO ZHES SOGS LAN GSUM GYIS 'BUL, SNGAGS DON NI, AOm NI RDO RJE GSUM DBYER MED PA, AA K'A RO NI AA YIG NYID MU KHAm NI SGO'O, ,SARBA NI THAMS CAD, DHARM'A n'Am NI CHOS RNAMS KYI, A'A D+YA NI GDONG MA NAS, NU TPA NAN NI SKYE BA MED PA'I, TV'A DA NI PHYIR, AOm A'A: H'Um NI SKU GSUNG THUGS MTSON BYED, PHAt NI KHOG
SHIG STE SKYON SEL BYED, SV'A H'A NI LEGS PA SBYIN TE YON TAN SDUD BYED DE, SNANG DOR GTOR MA DANG RANG DANG MGRON GSUM GA SKU GSUNG THUGS KYI RDO RJE GSUM DBYER MED PA'I BDUD RTZI DANG LHAR GSAL ZHING; NGES NGOR BAR GYI SNGAGS DON AA YIG NYID GDOD MA NAS SKYE BA MED PA'I PHYIR CHOS THAMS CAD KYI SGO'O, ZHES PA LTAR, AA YIG GI MTSON DON CHOS THAMS CAD KYI GNAS LUGS STONG PA NYID KYI LTA BA DRAN BZHIN PA'I NGANG NAS GTOR MA PHUL LA, PHAt SV'AH'A'I BSTAN DON LTAR 'GAL RKYEN BAR GCOD THAMS CAD ZHI BA DANG, MTHUN RKYEN LEGS TSOGS THAMS CAD BSGRUB PA'I 'PHRIN LAS 'CHOL BA'O,, RGYAL MCHOG LNGA PA'I GZHUNG DU DE LAS MI 'BYUNG ZHING, SNGAGS DON LEGS POR GO BA RNAMS PA DE KHAS CHOG PAR SNANG NA'ANG, BLO DMAN PA RNAMS LA RNAM PA GSAL BA'I PHYIR, AOm GU RU A'ARYA ZHES SOGS KYIS YAR MGRON RNAMS LA CHU GNYIS NYER SPYOD ROL MO DANG BCAS PA'I MCHOD PA PHUL RJES, THUGS RJE CHEN PO'I ZHES SOGS KYIS 'DOD GSOL 'PHRIN 'CHOL BYAS PAS ZHAL GYIS BZHES SHING KHAS BLANGS PAR BSAM STE, TSIG DON NI, THUGS RJE CHEN PO'I DKYIL 'KHOR GYI LHA TSOGS RNAMS DANG, MKHA' 'GRO CHOS SRUNG RNAMS DANG, LHA KLU GZHI BDAG RNAMS TE, GTOR MGRON TSAN PA GSUM 'KHOR DANG
, ,BCAS PA KHYED RNAMS KYIS, YAR MGRON LA DAD PAS MCHOD CING MAR MGRON LA SNYING RJES SBYIN PA'I GTOR MA 'DI BZHAS LA, BDAG DANG SEMS CAN THAMS CAD LA MCHOG GI DNGOS GRUB SANGS RGYAS KYI GO 'PHANG DANG, MTHUN MONG GI DNGOS GRUB, RAL GRI RI LU MIG SMAN RKANG MGYOGS DANG, ,MI SNANG BCUD LEN MKHA' SPYOD SA 'OG BRGYAD, CES PA LTAR, GRUB PA CHEN PO BRGYAD DANG, ZHI RGYAS DBANG DRAG STE LAS BZHI'I DNGOS GRUB RNAS STZOL BAR MDZOD CIG ,CES PA'O, ,DE NAS DNGOS SU ME LONG LA DKYIL 'KHOR GYI LHA'I GZUGS BRNYAN SHAR BA LA SNGAR BSGRUBS PA'I BUM CHUS KHRUS GSOL BYA ZHING, BSGOM DON LA RANG GI THUGS KA NAS SPROS PA'I LHA MO PHYAG NA BUM PA DKAR PO BDUD RTZIS GANG BA THOGS PA RNAMS KYIS MDUN BSKYED KYI LHA TSOGS RNAMS LA SKU KHRUS GSOL BAS, RANG GI SPYOD PA NGAN PAS DE RNAMS LA GRIB KYIS PHOG PA DANG, MCHOD RDZAS LA MI GTZANG BAS 'BAGS PA LA SOGS PA'I NYES PA THAMS CAD LHAG MED DU DAG PAR BSAMS LA, 'GRO BA'I SGRON MA ZHES SOGS BRJOD, TSIG DON NI, 'GRO BA SEMS CAN RNAMS LA BLANG DOR GSAL BAR STON PA'I SGRON ME LTA BU'I MGON PO SPYAN RAS GZIGS 'KHOR DANG BCAS PA RNAMS LA, SHIN TU
DRI ZHIM PA'I BDUD RTZI DKAR PO'I RGYUN GYIS SKU KHRUS GSOL BA'I DGE BA LA BRTEN NAS, BDAG SOGS 'GRO BA RNAMS KYI NYON SGRIB DANG SHES SGRIB GNYIS KYI DRI MA BAG CHAGS DANG BCAS PA KUN BSAL NAS; DRI MA DANG BRAL BA'I RGYAL BA'I CHOS SKU LONGS SKU SPRUL SKU GSUM MYUR DU BRNYES PA STE THOB PA'I BKRA SHIS SHOG CIG ,CES PA'O, ,DE NAS RANG GI SPYI BO'I RIGS BDAG GI THUGS KAR ZLA BA'I DBUS SU H'Um YIG GI MTHAR AOm BADZRA SATVA H'Um, ZHES PA RDO RJE SEMS DPA'I MTSAN SNGAGS KHA DOG DKAR POS GA-YAS SKOR DU BSKOR BA LAS, BDUD RTZI DKAR PO'I RGYUN BABS PAS LHAG CHAD LA SOGS PA'I NYES PA THAMS CAD LHAG MED DU BKRUS PAR BSAM LA MANG DU BZLAS NAS, MDUN BSKYED LA ME TOG DANG BCAS PAS THAL MO SBYAR TE, BDAG GIS TING NGE 'DZIN MA GSAL BA DANG, GSANG SNGAGS MA DAG PA DANG, CHO GA LHAG CHAD DU GYUR PA DANG, GTZANG SBRA CHUNG BA LA SOGS PA'I NYES PA BGYIS PA MTHA' DAG THUGS RJE CHEN PO KHYED LA BZOD PAR GSOL GYI, BDAG LA SGRIB PAR MI 'GYUR BAR MDZAD DU GSOL, ZHES BZOD PAR GSOL, AOm MA nI PADME H'Um, ZHES MANG DU BRJOD PAS, MDUN BSKYED KYI THUGS KA NAS 'OD ZER 'PHROS PA'I SNER, DBUS SU 'PHAGS PA YI GE DRUG PA, DE'I
, ,GA-YAS SU SRAS NOR BU 'DZIN PA, GA-YON DU YUM YI GE DRUG MA STE, 'PHAGS PA YI GE DRUG PA GTZO 'KHOR GSUM GA SKU MDOG DKAR PO ZHAL GCIG PHYAG BZHI PA, DANG PO GNYIS THUGS KAR THAL MO SBYAR BAS BDUD RTZI DKAR POS GANG BA'I BUM PA DANG, GA-YAS 'OG MAS SHEL 'PHRENG DANG, GA-YON 'OG MAS PAD DKAR BSNAMS PA DANG GYI NA BZA' DANG RIN PO CHE'I RGYAN CAN, RANG GI MDUN GYI NAM MKHAR BYON NAS SPYI BOR KHRUS BLUG PAS DANG POS NYON SGRIB DAG ,GNYIS PAS SHES SGRIB DAG ,GSUM PAS SKYE MED CHOS SKU THOB PAR BSAM LA, DNGOS SU BUM CHUS LAN GSUM 'KHRU ZHING SBYOR BA'I NYIN KHONG DU YANG LAN GSUM 'THUNGS NAS, MTHAR GTZO 'KHOR GSUM PO RANG GI SPYI BO NAS THIM PAS THUGS YID GCIG TU 'DRES PAR BSAM MO, ,DE NAS DGE BA 'DI YIS ZHES SOGS KYIS BSNGO SMON BYA STE, TSIG DON NI, DE LTAR THEG CHEN GSO SBYONG GI SDOM PA LA GNAS PA'I DANG NAS, 'PHAGS PA THUGS RJE CHEN PO'I SGOM BZLAS DANG MCHOD BSTOD SOGS LA 'BAD PA'I DGE BA BSAGS PA 'DI YI MTHU LA BRTEN NAS, BDAG GIS DUS MYAR DU THUGS RJE CHEN PO DNGOS SU 'GRUB PAR GYUR NAS, MRGAN RIGS DRUG GI 'GRO BA GCIG TZAM YANG
'KHOR BA'I GNAS SU MA LUS PAR THUGS RJE CHEN PO ZHES GRAGS PA DE YIS GNAS SAM GO 'PHANG LA BDAG NYID KHO NAS 'GOD NUS PAR SHOG CIG ,CES PA'O,, ` GNYIS PA THUN MTSAMS DANG THUN GZHAN LA JI LTAR BYA TSUL NI, DE LTAR THUN SNGA MA GROL NAS PHYI MA MA TSUGS PA'I BAR GYI THUN MTSAMS RNAMS SU YANG, ZHAL PHYAG LHAG MA RTZA BA'I ZHAL PHYAG LA THIMS PAR BSAMS NAS, RANG THUGS RJE CHEN PO ZHAL GCIG PHYAG GNYIS PA'I NGA RGYAL DANG GSAL SNANG LAS MA GA-YOS PA'I NGANG NAS, GZUGS SNANG SKU, SGRA GRAG GSUNG, DRAN RTOG THUGS TE 'KHYER SO GSUM GSAL GDAB CING; KHAS BLANGS PA'I SDOM GSUM GYI BSLAB BYA SPYI DANG, KHYAD PAR SPANG BYA YAN LAG BRGYAD BSRUNG BA LA 'BAD PA DANG, LUS KYIS MCHOD 'BUL PHYAG SKOR RTEN BZHENG,? DAG GIS BZLAS BRJOD 'DZIN SKYONG KLOG 'DON, YID KYIS LAM GTZO GSUM DANG RJES DRAN DRUG SGOM PA SOGS DGE BA'I BYA BAS DUS 'DA' DGOS SHING, RANG LHAR GSAL BAS, BZA' BTUNG BDUD RTZI DANG, GOS LHA RDZAS DANG, GNAS KHANG GZHAL YAS KHANG DU MOS NAS LONGS SPYOD PA LA ROL PA GSUM DU GRAGS PAS DE BZHIN DU BYA, SBYOR BA'I NYIN SHA CHANG, SGOG BTZOD, LA PHUG ,TIL, SRAN MA, SPAGS PA, RANG GI KHA 'PHRO SOGS,
, ,SLANGS TE, DKAR GSUM LA BRTEN PA'I GDAN GCIG BYA BAR GSUNGS PAS, DE'I TSUL NI, NYI MA PHYED KYI TSE KHA LAG BKRUS TE STAN LA 'DUG NAS DKAR GSUM SOGS DUS, RUNG GI BZA' BA LA TSIMS PAR LONGS SPYAD LA KHA CHUS BSHAL ZIN NAS MI ZA BA'O, ,DE'I TSE SNOD 'KHAR PA DANG LO MA DANG LAG MTHIL RNAMS SU ZA MI RUNG ZHING, PHYI DRO JA BU RAM KA RA SBRANG RTZI SOGS LONGS SPYOD PA LAS, ZHO DAR BA 'O MA SHING TOG GI RIGS SOGS 'DUL BA NAS DUS RUNG GI ZAS SU GSUNGS PA RNAMS MI ZA, ,DNGOS GZHI'I NYIN THO RANGS GNYID SANG PA NAS SMRA BA BCAD DE, GRUB NA CHO GA-YANG DAG TU MI BRJOD PAR YID SKYONG BYED PAR BSHAD MOD, MA GRUB NA TSIG DANG DMIGS PA 'BRAL MED DU BYA, BZA' BTUNG 'BRU NYAG GCIG GAM, CHU THIGS GCIG TZAM YANG MI BYED PAR MA ZAD MCHIL MA YANG MI MID PAR PHYIR 'PHO BA BZANG BAR GSUNGS, SBYOR DNGOS GNYIS KYI THUN GSUM PA'I SMON LAM GYI MJUG TU BKRA SHIS BYAS LA, NAM GYI CHA BAR PA'I TSE, RANG LHAR GSAL BA'I ZHES SOGS BRJOD CING, RANG THUGS RJE CHEN PO SEMS DPA' GSUM BRTZEGS SU GSAL BA'I DAM TSIG SEMS DPA' PHYAG STONG ZHAL BCU GCIG PA, 'OD DKAR POR ZHU NAS THUGS KA'I YE SHES
SEMS DPA' ZHAL GCIG PHYAG GNYIS PA LA THIMS, YE SHES SEMS DPA' THUGS KA'I TING NGE 'DZIN SEMS DPA' HR'I: YIG LA THIMS, HR'I: YIG DE YANG JE PHRA JE PHRAR 'OD DU ZHU NAS 'JA' YAL BA LTAR MI DMIGS PAR BSAMS NAS LTA THOG TU BZHAG STE GNYID DU 'GRO BAR BYA, SANG STONG PA'I NGANG LAS THUGS RJE CHEN PO ZHAL GCIG PHYAG GNYIS PA'I SKUR THOL GYIS BZHENGS PAR MOS LA DNGOS GZHI'I NYIN KHRUS BYAS NAS GSO SPYOD LEN PA SOGS BYA, RJES KYI NYIN SKYA RENGS SHAR NAS DANG POR DAG 'GROL GYI BUM CHU BTANG, DE NAS THOR THUG GTONG, SMYUNG GNAS SBREL NAS GTONG NA BUM CHU'I RJES SU GSO SBYONG GI SDOM PA BLANGS NAS THOR THUG GTONG BA YIN, GZHAN YANG BZLAS PA'I SKABS SU GNYID DANG, GLAL BA DANG, SPRID PA DANG, LUD PA DANG, 'OG RLUNG DANG, NGAG SOGS SHOR NA NYE RIG BYAS NAS BZLAS PA BSKYAR TSUL DANG, BZA' BYA MIN PA ZOS PA SOGS KYI NYES PA ZHI THABS BA BYUNG GI SNGAGS MANG BSGRUB TSUL DANG, KHONG KHROS DGE RTZA 'JOMS PA'I GNYIN POR DGE RTZA LHA LA 'BUL TSUL DANG, 'DZAG GEGS SRUNG PA'I SRUNG SKUD 'CHING TSUL SOGS KYANG SHES PAR BYAS LA LAG LEN DU 'GEL BA GRUB NA GAL CHE BAR YOD DO, ,SBYOR BA DANG DNGOS GZHI GNYIS LA SNGA THUN GUNG THUN DGONGS THUN
, ,TE CHOG THUN GSUM RE BYA DGOS PAS, THUN DANG PO GNYIS SNGAR BSHAD ZIN PA LTAR DANG, THUN BAR THA GNYIS DANG RJES CHOG LA GSO SPYONG GI SDOM PA LEN MI DGOS PAS, PADMA'I RIGS KYI DAM RGYA BCAS TE, AOm PADMA AUD BHA WA YE SV'AH'A, ZHES BRJOD LA KHRUS BYA, DE NAS MCHOD PA RNAMS, AOm SARBA BID, CES SOGS NAM MKHA' MDZOD KYI SNGAGS RGYAS BYIN GYIS BRLABS LA, RANG GI MDUN DU BLA MA THUGS RJE CHEN PO LA RGYAL BA SRAS BCAS KYIS BSKOR NAS BZHUGS PAR GYUR, CES SKYABS YUL GSAL BTAB STE, SANGS RGYAS CHOS TSOGS MAS SKYABS 'GRO SEMS BSKYED BYED PA NAS, DE YIS LA 'GOD PAR SHOG ,CES PA'I MJUG GI SMON LAM GYI BAR THUN DANG PO JI LTA BA BZHIN DU BYA ZHING, THUN GSUM PA GNYIS KYI MJUG TU, NYIN MO BDE LEGS ZHES SOGS KYIS BKRA SHIS BYA STE, TSIG DON NI, NYIN MO BDE LEGS ZHES PAS NYIN MO'I THUN DANG PO DANG, MTSAN BDE LEGS ZHES PAS MTSAN MO'I THUN DANG PO DANG, NYI MA'I GUNG YANG BDE LEGS ZHES PAS NYIN MO'I GUNG THUN DANG, YANG GI SGRAS MTSAN MO'I GUNG THUN DANG, NYIN MTSAN RTAG TU BDE LEGS ZHES PAS NYIN MO'I THUN THA MA DANG, MTSAN MO'I THUN THA MA STE, NYIN MTSAN
DUS DRUG TU DKON MCHOG GSUM GYI SHIS PAS, GNAS SKABS SU LUS SEMS BDE BA DANG MTHAR THUG TU LEGS PA'I RGYU DGE BA LA GNAS PAR SMON PA YIN NAM SNYAM STE DPYAD PAR 'TSAL LO, RJES CHOG LA BZLAS PA DANG, PO BSTOD KYI GRANGS KYANG NYUNG DUS CHOG CING, SMON LAM GYI MJUG TU, MDUN BSKYED KYI BSGRUB GZHI RAS BRIS KYI DKYIL 'KHOR YIN NA, AOm SU PRA TIshthA BADZRA YE SV'AH'A, YE SHES PA RNAMS BRTAN PAR BZHUGS SU GSOL, ZHES ME TOG 'THOR ZHING BRTAN BZHUGS BYA STE, SNGAGS DON NI, AOm LA MTSAMS SBYOR PHRAL NA AA AU MA GSUM YOD PA'I, AA NI THUGS, AU NI GSUNG, MA NI SKU MTSON BYED, SU PRA NI LEGS PAR RAB TU, TIshthA NI GNAS PA, BADZRA YE NI RDO RJE LA, SV'A H'A NI GZHI TSUGS TE, DAM TSIG PA'I SKU GSUNG THUGS LA YE SHES PA'I SKU GSUNG THUGS LEGS PAR RAB TU GNAS PA RDO RJE LTAR DBYER MI PHYED PAR GZHI TSUGS, ZHES PA'O, ,BSGRUB GZHI TSOM BU'I DKYIL 'KHOR YIN NA, AOm BADZRA MU: YE SHES PA GSHEGS SHING DAM TSIG PA RANG LA THIMS PAR GYUR, CES GSHEGS GSOL BYA STE, SNGAGS DON NI, AOm NI SKU GSUNG THUGS, BADZRA NI RDO RJE, MU: NI GSHEGS PA 'AM BSDU BA STE, SKU GSUNG THUGS KYI RDO RJE'I NGO BOR GYUR PA'I YE SHES PA
, ,RANG BZHIN GYI GNAS SU GSHEGS SHING, DAM TSIG PA 'OD DU ZHU NAS RANG GI SNYING GAR BSDU BA'I DON NO, ,DE NAS SNGAR BSHAD PA LTAR NYIN MO BDE LEGS ZHES SOGS KYIS BKRA SHIS BYA STE, DE LTAR NA GZHUNG DU LAG LEN DANG DMIGS PA SOGS GZHAN NAS RTOGS DGOS PAR BSHAD PA DE SHIN TU GSAL BAR BRJOD ZIN TO, ` ,GSUM PA MJUG GI DON LA GNYIS, CHE BA BSTAN PA DANG, SBYAR BYANG SMOS PA'O, ,DANG PO NI, SNYING NAS MOS KYANG 'JIG RTEN BYA BAS GA-YENGS, ,MAR TSIG KHUR GYIS 'JIGS LA BDUD RTZI YI, ,RGYA MTSO'I ZEGS MA TZAM GYI BCUD 'DIS KYANG, ,GTAN BDE'I 'CHI MED SGRUB PA AE MA MTSAR, ZHES PA STE, TSIG DON GZHAN RNAMS GO SLA ZHING, RGYA MTSO'I ZEGS MA LTA BU'I GZHUNG NYUNG DU 'DIS GTAN BDE SANGS RGYAS KYI GO 'PHANG BSGRUB NUS PAR BSTAN PAS, RNAM 'GREL LAS, GTZO BO'I DON LA MI BSLU'I PHYIR, ,PHAL RNAMS RJES SU DPAG PAR BYA, ZHES GSUNGS PA LTAR, MCHOG GI DNGOS GRUB SANGS RGYAS KYI GO 'PHANG YANG BSGRUB NUS NA, MTHUN MONG GI DNGOS GRUB RNAMS BSGRUB NUS PA LTA CI SMOS, ZHES TSUL 'DI NYAMS SU BLANGS PA'I PHAN YON STON PA
YIN PAS, DE LA SANGS RGYAS GANGG'A'I KLUNG DRUG CU RTZA GNYIS KYI BYE MA SNYED KYI RDUL GYI GRANGS DANG MNYAM PA LA MCHOD CING BSNYEN PA DANG, 'PHAGS PA SPYAN RAS GZIGS KYI MTSAN TZAM 'DZIN PA DANG, DE LA PHYAG LAN CIG TZAM BYAS PA PHAN YON MNYAM PAR DAM CHOS PADMA DKAR PO LAS GSUNGS PA DANG, LHA MCHOG 'DI'I SNYING PO LAN CIG TZAM BRJOD PAS KYANG RTZA LTUNG BZHI DANG MTSAMS MED LNGA'I NYES PA THAMS CAD BYANG BAR ZHAL BCU GCIG PA'I GZUNGS LAS GSUNGS PA DANG, BSNYEN GNAS TZAM BSRUNGS PA LA YANG PHAN YON TSAD MED PAR BYAMS PA LUNG BSTAN PA'I MDO LAS GSUNGS NA, THEG CHEN GSO SBYONG BSRUNGS PA'I PHAN YON LTA CI SMOS SHING, YAN LAG BRGYAD RE RE NAS BSRUNGS PA'I PHAN YON DPAG TU MED PA KUN TU RGYU SEN RING GI MDO NAS GSUNGS PA DANG, SMYUNG GNAS LAN CIG BGYIS PAS BSKAL PA BZHI KHRI'I 'KHOR BA BSNYIL ZHING BDE BA CAN DU SKYE BA DANG, LUS SMYUNG BAR BYAS PAS LUS KYI SGRIB PA 'DAG YI DVAGS SU MI SKYE, NGAG SMRA BCAD BYAS PAS NGAG GI SGRIB PA 'DAG DUD 'GROR MI SKYE, YID KYIS GZUNGS SNGAGS BZLAS PAS YID KYI SGRIB PA 'DAG DMYAL BAR MI SKYE, LUS NGAG YID GSUM SNANG LA RANG BZHIN MED PAR SHES PAS 'KHOR BA LAS
, ,GROL LO, ZHES SOGS MTHA' YAS PAR GSUNGS TE, RGYUD GZHUNG RNAM THAR SOGS LAS RTOGS PAR BYA'O, ,GNYIS PA SBYAR BYANG SMOS PA NI, ZHES RGYAL MCHOG LNGA PAS MDZAD PA'I SMYUNG GNAS KYI CHOG BSGRIGS 'DI YANG DGE SLONG DHARMA BHA DRAS PHAN 'DOD KYIS BRIS PA DGE LEGS 'PHEL, ZHES PA STE, 'PHAGS MCHOG SPYAN RAS GZIGS NYID SDOM BRTZON RGYAL PO'I TSUL DU BYON PA KUN MKHYEN LNGA PA CHEN PO'I GSUNG GZHIR BZHAG PA LA, YAN LAG BDUN PA, LTUNG BSHAGS, PO BSTOD SOGS MTSAMS GANG DU SBYOR GYI CHOG BSGRIGS CUNG ZAD BYAS PA YIN PAS, RGYAL MCHOG NYID KYI GZHUNG LA BRTAGS TE YID CHES PA'I GNAS SU GZUNG BAR BYA'O, ,SMRAS PA, BGRANG YAS SHING BZHUGS RNAM 'DREN MTHA' DAG GI, TSAD MED THUGS RJE'I RANG GZUGS GSAR PA LA, ,SNYIGS DUS GANGS LJONGS 'GRO BA SGROL PA'I MGON, ,'PHAGS MCHOG SPYAN RAS GZIGS KYI MTSAN DU CHAGS, ,GANG DE'I SGRUB THABS SA 'DZIN BYE BA'I DBUS, ,DPAL MO'I LUGS BZANG LHUN PO LTAR BRJID PAR, ,GZIGS NAS MKHAS DANG GRUB PA'I 'CHI MED BU, ,PHAL CHER YID KYI RE BA'I GNAS SU BYED, ,'ON TE BRAG CHA'I RJES SONG
TSIG SKAM SGRA, ,ZLOS BUR BRJOD PAS AA THAD CHAD RNAMS LA, ,YANG DAG DON GYI SNYING PO 'DI NA ZHES, ,STON PA'I 'KHRID GZHUNG SOR MO'I RTZE 'DRA BYAS, ,DE LTA NA YANG GZHUNG DON ZAB CING BRLING, ,BDAG 'DRA'I SKYES SBYANGS BLO GROS NYAM CHUNG BAS, ,MA BSHAD LOG PAR BSHAD SOGS SKYON GYI CHA, ,GANG MCHIS RNAM DPYOD LDAN PAS SPYAD DU GSOL, ,LEGS BSHAD RNAM DKAR GA-YAS SU 'KHYIL BA'I DUNG, ,LHAG BSAM DAR GYI CHUN PO 'CHANG PA'I SGRAS, ,'GRO KUN RMONGS CHEN GNYID MTHUG LAS BSLANGS TE, ,SGRIB GNYIS RIMS NAD DRANG? NAS 'BYIN GYUR CIG ,(CES SMYUNG GNAS KYI CHO GA BSDUS PA'I 'KHRID YIG GRUB BRNYES DPAL MO'I DGONGS RGYAN ZHES BYA BA 'DI YANG, DAD BRTZON DAM TSIG GTZANG MA'I RGYAN DANG LDAN PA DGE SDINGS NE'U GSING PA'I LCAM DRUNG LAGS NAS NAN CHEN POS BSKUL BAR MA ZAD PHYOGS 'DI'I DAD LDAN MANG PO LA PHAN DU RE BA'I BSAM PAS SA SKYONG ZHES PA SHING BYA CHO 'KHRUL ZLA BA'I YAR TSES BCO LNGA'I NYIN BZHAD DNGUL CHU'I RI PHUG TU DGE SLONG DHARMA BHA DRAS SBYAR PA'O, MANGGA LAm,,