, ,BKA' GDAMS THIG LE BCU DRUG GI BSTOD GZUNGS MDOR BSDUS BYA TSUL BZHUGS, NA MO GU RU MANYDZU GHO sh'A YA, BKA' GDAMS THIG LE BCU DRUG GI BSTOD GZUNGS MDOR BSDUS BYA TSUL NI, DANG PO THUGS RJE CHEN PO RGYAL BA RGYA MTSO LA, DUS GSUM BDE BAR GSHEGS PA CHOS KYI SKU, ,'GRO DRUG SEMS CAN RNAMS LA SPYAN RAS GZIGS, , NAM MKHA' LTA BUR KHYAD PA'I BCU GCIG ZHAL, ,GZI BRJID 'OD DPAG MED LA PHYAG 'TSAL LO, ,AOm MA nI PADME H'Um, ZHES DANG, GNYIS PA THUB CHEN RNAM SNANG GANGS CHEN MTSO LA, MKHA' MNYAM 'GRO LA MKHYEN BRTZES RAB DGONGS NAS, ,GRANGS MED GSUM DU TSOGS GNYIS RAB RDZOGS SHING, ,STONG GSUM MI MJID ZHING GI DPAL GYUR PA, ,THUB DBANG GANGS CHEN MTSO LA PHYAG 'TSAL LO, ,AOm MU NI MU NI MA H'A MU NA YE SV'A H'A, ZHES DANG, GSUM PA SPYAN RAS GZIGS RGYAL BA RGYA MTSO LA, PHYAG STONG 'KHOR LAS BSGYUR PA'I RGYAL PO
STONG; ;SPYAN STONG BSKAL PA BZANG PO'I SANGS RGYAS STONG, ,GANG LA GANG 'DUL DE LA DER STON PA'I, ,BTZUN PA SPYAN RAS GZIGS LA PHYAG 'TSAL LO, ,MA nI BZLA, BZHI PA 'BROM SHEL GYI KHYE'U LA, ZHI 'DZUM NYAMS LDAN DBU SGRA DPUNG PAR SLEBS, ,GA-YAS GA-YON PHYAG GIS BGRANG 'PHRENG 'KHAR BA 'DZIN, ,ZHABS GNYIS 'GRO BA'I DON DU MNYAM PAR BZHENGS, ,'BROM STON SHEL GYI KHYE 'UR PHYAG 'TSAL LO, ,MA NI DANG, LNGA PA YUM SHER PHYIN MA LA, SMRA BSAM BRJOD MED SHES RAB PHA ROL PHYIN, ,MA SKYES MI 'GAG NAM MKHA'I NGO BO NYID, ,SO SO RANG RIG YE SHES SPYOD YUL BA, ,DUS GSUM RGYAL BA'I YUM LA PHYAG 'TSAL LO, ,TAD-YA TH'A, AOm GA TE GA TE, P'A RA GA TE, P'A RA SANGGA TE, BO DHI SV'AH'A, ZHES DANG, DRUG PA THUB PA BDUD 'DUL LA; PHUN TSOGS DGE LEGS BYA BAS BSKRUN PA'I SKU, ,MTHA' YAS 'GRO BA'I RE BA SKONG BA'I GSUNG, ,MA LUS SHES BYA JI BZHIN GZIGS PA'I THUGS, ,SH'A KYA'I GTZO BO DE LA MGOS PHYAG 'TSAL, ,MA NI DANG, BDUN PA SPYAN RAS GZIGS PHYAG BZHI PA LA, SHES BYA MA LUS MKHYEN PA'I BCOM LDAN 'DAS, ,'GRO BA KUN LA BU GCIG LTA BUR BRTZE, ,LHUN GRUB RGYUN MI 'CHAD
, ,PA'I MDZAD PA CAN, ,MGON PO SPYAN RAS GZIGS LA PHYAG 'TSAL LO, ,MA nI DANG, BRGYAD PA SGROL MA ZHI PA LA, DBYINGS RIG RNAM DAG PAD ZLA'I GDAN STENG NA, ,MA RGAD MDOG CAN ZHAL GCIG PHYAG GNYIS MA, ,LANG TSO RAB RGYAS GA-YAS BRKYANGS GA-YON BSKUMS ZHABS, ,THABS SHES ZUNG 'BREL MA LA PHYAG 'TSAL LO, ,AOm T'A RE TU TT'A RE TU RE SV'AH'A, ZHES DANG, DGU PA SGROL MA DRAG MO LA, 'JIGS CHEN SDUG BSNGAL BRGYAD DANG 'BYUNG PO'I GDON, ,NYON MONGS SHES BYA'I SGRIB PA'I 'JIGS PA RNAMS, ,KHYOD ZHABS DRAN PA'I MOD LA SKYOB MDZAD MA, ,NUS PA MTHAR PHYIN MA LA PHYAG 'TSAL LO, ,AOm T'A RE TU RE TT'A RE TU RE H'Um PHAt, CES DANG, BCU PA MI GA-YO BA LA, SKU MDOG SNGON PO RAL GRI ZHAGS PA 'DZIN, ,GA-YAS BSKAMS GA-YON BRKYANGS BDUD BZHI RAB TU 'JOMS, ,MA GA-YO MI GA-YO BA MI MNGA' BA'I, ,BCOM LDAN MI GA-YO MGON LA PHYAG 'TSAL LO, AOm TZAndA MAH'A RO shA nA H'Um PHAt, CES DANG, BCU GCIG PA MGON PO AA TI SHA LA, RGYAL BA'I MDUN NA RGYAL SRAS BZANG PO SKYONG, ,KHA BA CAN NA DPAL LDAN MAR ME MDZAD, ,DGA' LDAN GNAS NA NAM MKHA' DRI MA MED,, DPAL LDAN AA TI SHA LA PHYAG 'TSAL LO, ,AOm MAH'A GU RU D'I PAm K'A R'A TI SHA SV'AH'A, ZHES DANG, BCU GNYIS PA 'BROM CHOS KYI RGYAL PO LA, YONGS KYI DGE BA'I BSHES GNYEN YONGS KYI MGON, ,RGYAL BA'I GDUNG 'TSO BA
GYUR PA RGYAL PA'I SRAS, ,RANG GZHAN DON GNYIS 'BYUNG GNAS RIN PO CHE, ,BSHES GNYEN STON PA'I ZHABS LA PHYAG 'TSAL LA, ,MA nA DANG, BCU GSUM PA RGYA CHEN SPYOD BRGYUD LA, BYAMS PA THOGS MED DBYIG GNYEN RNAM GROL SDE; ;MCHOG SD'E DUL BA'I SDE DANG GRAGS PA'I SDE, ,SENG BZANG KU S'A LI GNYIS GSER GLING PA, ,RGYA CHEN SPYOD BRGYUD BLA MAR PHYAG 'TSAL LO, ,AOm MEE TR'I YE SV'AH'A, ZHES DANG, BCU BZHI PA ZAB MO LTA BRGYUD LA, 'JAM DBYANGS YOD MED PHYAGS 'JIG KLU SGRUB DANG, ,ZLA BA GRAGS PA RIGS PA'I KHU BYUG CHE, ,SANGS RGYAS DGONGS SKYONG 'PHAGS PA YAB SRAS TE, ,ZAB MO LTA BRGYUD BLA MAR PHYAG 'TSAL LO, ,AOm W'A G'I SHVA RA MAm, ZHES DANG, BCO LNGA PA NYAmS LEN BYIN RLABS BRGYUD LA, THUGS RJE CHEN PO BDE GSHEGS RDO RJE 'CHANG, ,MCHOG GZIGS TEE LO PA DANG N'A RO PA, ,DPAL MCHOG dOM BHI PA DANG AA TI SHA, ,NYAMS LEN BYIN BRGYUD BLA MAR PHYAG 'TSAL LO, ,AOm BADZRA DHA KI H'Um; ZHES DANG, BCU DRUG PA SANGS RGYAS CHOS KYI SKU LA, YE SHES 'JA' 'OD 'KHRIGS PA'I GZHAL MED DBUS, ,'KHOR 'DAS BRTAN GA-YO KUN GYI RANG BZHIN DANG, ,DBYER MED SGRIB BRAL YE SHES CHOS KYI SKU, ,RNAM PA YONGS SKUR SHAR LA PHYAG 'TSAL LO, ,AOm DHARMA K'A YA SIDDHI H'Um, ZHES BZLA BAR BYA'O, ,ZHES BKA' GDAMS THIG LE BCU DRUG GI PHYAG BZLAS MDOR BSDUS 'DI NI MKHAR KHANG LCAM DRUNG LAGS KYI NYAMS BZHES SU DHARMA BHA DRAS BSGRIGS PA'O,,