*, ,BKA' GDAMS THIG LE BCU DRUG GI SGRUB DKYIL PHUL BYUNG DGONGS RGYAN SNYING PO ZHES BYA BA BZHUGS, ,
, ,AOm SVA STI, SDOM BRTZON GNAS LNGA KUN MKHYEN MAR ME MDZAD, ,'BROM STON RGYAL BA RGYA MTSO'I 'BYUNG GNAS MCHOG ,ZAB RGYAS BYIN RLABS BRGYUD PA'I BLA MA DANG, ,YI DAM LHA BZHI'I ZHABS LA GUS BTUD NAS, ,BKA' GDAMS LHA CHOS CHU SHEL DBANG PO'I KHAMS, ,BCU DRUG THIG LE'I CHA SHAS YONGS RDZOGS PA, ,DENG DUS 'GRO BLO'I KUN DA'I DGA' STON DU, ,BYIN 'DI MA DAG SNOD SKYON SPONGS LA NYON, ,'DIR BKA' GDAMS THIG LE BCU DRUG GI RAS BRIS SAM BSAM GTAN GYI DKYIL 'KHOR LA BRTEN PA'I SGRUB DKYIL MDOR BSDUS NYAMS SU BLANG BDE BAR DGOD PA LA BZHI, BCA' GZHI GSHAM PA, BDAG MDUN BUM GSUM BSGRUB PA, DBANG BLANG BA, MJUG
, ,GI CHO GA'O, ,DANG PO NI, MTSAN NYID DANG LDAN PA'I SGRUB PA POS GNAS KHANG LA CHAG CHAG DANG BYI DOR LEGS PAR BYAS LA, STEGS BU'I KHAR DKYIL THANG BKRAMS PA'I STENG DU MANYDZI'I KHAR RNAM RGYAL BUM PA DANG SHAR DU LAS BUM BKOD, DKYIL 'KHOR GYI MTHAR MCHOGS BDUN TSAR BCU DRUG LA BYUNG MTHAR BYAS PA GANG, MDUN DU KUN 'DUS KYI DKAR GTOR, RNGOR DRIS, MAndAL SOGS DGOS PA'I YO BYAD RNAMS PHYAG LEN STAR 'DU BYA BA'O, ,GNYIS PA NI, 'DIR BDAG MDUN BUM GSUM 'JUGS GCIG TU SGRUB PA YIN PAS DKYIL 'KHOR GYI NUB NAS SHAR DU PHYOGS PAR 'KHOD NAS, 'OD DPAG MED MGOR DPAL LDAN MAR ME MDZAD, ,SPYAN RAS GZIGS DBANG RGYAL PA'I 'BYUNG GNAS 'BROM, ,LEGS PA'I SHES RAB SHES RAB RGYAL MTSAN DAD, ,GZHON NU RGYAL MTSAN RNAMS LA GSOL BA 'DEBS, ,RIN CHEN RGYAL MTSAN DAR MA RGYAL MTSAN DPAL, ,BYANG CHUB
BZANG PO NAM MKHA'I RIN CHEN ZHABS, ,GZHON NU BLO GROS NYI MA RGYAL MTSAN DANG, ,RIN CHEN BYANG CHUB RNAMS LAx, RIGS KYI BDAG PO'I DPAL DANG BYANG CHUB DPAL, ,BSOD NAMS 'OD ZER SANGS RGYAS BZANG PO'I ZHABS, ,BSOD NAMS BZANG PO DPAL 'BYOR BZANG PO DANG, ,SENG GE RGYAL MTSAN RNAMS LA x ,THUGS RJE DPAL BA KUN MKHYEN DGE 'DUN GRUB; ;YE SHES RTZE MO DGE 'DUN RGYA MTSO'I DPAL, ,BDE LEGS NYI MA NAM MKHA' RGYAL MTSAN DANG, ,RGYAL BA YAB SRAS RNAMS LAx, 'DZAM DBYANGS GRAGS PA BSTAN 'DZIN 'PHRIN LAS CHE, ,BLO BZANG CHOS 'DZIN PHUN TSOGS RGYA MTSO'I ZHABS, ,YE SHES MTHA' LAS (RJE 'JAM DBYANGS GRAGS PAS PAn CHEN CHOS RGYAN DANG RGYAL MCHOG LNGA PA GNYIS KA NAS ZHUS,) DKON MCHOG 'JIGS MED DANG, ,RTZA BA'I BLA MA RNAMS LA GSOL BA 'DEBS, ,ZAB RGYAS BYIN RLABS BRGYUD LDAN BLA MA DANG, ,YI DAM LHA BZHI'I BYIN RLABS SNYING DBUS SU, ,ZHUGS NAS SA LAM BGROD PA MTHAR SON TE, ,ZUNG 'JUG BYANG SEMS THIG LE 'GRUB PAR SHOG ,(CES BLA BRGYUD GSOL 'DEBS BYA,) BDAG DANG 'GRO BA SEMS CAN THAMS CAD DUS 'DI NAS BZUNG
, ,STE JI SRID BYANG CHUB SNYING PO LA MA CHIS KYI BAR DU, RKANG GNYIS RNAMS KYI MCHOG SANGS RGYAS BCOM LDAN 'DAS RNAMS LA SKYABS SU MCHI'O, ,CHOS RNAMS KYI MCHOG ZHI BA 'DOD CHAGS DANG BRAL PA'I CHOS LA SKYABS SU MCHI 'O, ,TSOGS RNAMS KYI MCHOG 'PHAGS PA BYANG CHUB SEMS DPA' PHYIR MI LDOG PA'I DGE 'DUN CHEN PO RNAMS LA SKYABS SU MCHI'O, ,LAN GSUM GYIS SKYABS 'GRO BYA, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, BDAG DANG MKHA' MNYAM GYI SEMS CAN MA LUS PA THAMS CAD GYIS, SKYE BA 'DI DANG SKYE BA GZHAN DAG TU SBYIN PA'I RANG BZHIN DANG, TSUL KHRIMS KYI RANG BZHIN DANG, SGOM PA'I RANG BZHIN GYI DGE BA'I RTZA BA CI BGYIS PA DANG, BGYID DU STZAL BA DANG, DGYIS PA LA RJES SU YI RANG PA'I DGE BA'I RTZA BA DES, JI LTAR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DANG, SA CHEN PO LA RAB TU ZHUGS PA'I BYANG CHUB SEMS DPA' CHEN PO RNAMS KYIS, DANG PO BLA NA MED PA YANG DAG PAR RDZOGS PA'I BYANG CHUB TU THUGS BSKYED PAR MDZAD PA DE
BZHIN DU, BDAG SOGS SEMS CAN THAMS CAD KYIS KYANG DUS 'DI NAS BZUNG STE JI SRID BYANG CHUB SNYING PO LAM CHIS KYI BAR DU, BLA NA MED PA YANG DAG PAR RDZOGS PA'I BYANG CHUB CHEN PO LA SEMS BSKYED PAR BGYI'O, ,SEMS CAN MA BSGRAL BA RNAMS BSGRAL BAR BGYI'O, ,MA GROL BA RNAMS DGROL BAR BGYI'O, ,DBUGS MA PHYUNG BA RNAMS DBUGS DBYUNG BAR BGYI'O, ,YONGS SU MYA NGAN LAS MA 'DAS PA RNAMS YONGS SU MYA NGAN LAS BZLA BAR BGYI'O, ,(LAN GSUM GYIS SEMS BSKYED,) AOm SVA BH'A WA SHUR'HA: SARBA DHARMA: SRA BRH'A WA SHUDDNYO ? NYAHAm, SNOD BCUD KYIS BSDUS PA'I CHOS THAMS CAD STONG PA NYID DU GYUR, STONG PA'I NGANG LAS RANG GI SEMS KYI CHA SHAS LAS GRUB PA'I 'JA' TSON SNA LNGA'I GUR KHYIM GYI DBUS SU PAD DKAR 'DAB MA STONG LDAN GYI LTA BAR, GZHAL YAS KHANG GRU BZHI SGO BZHI 'DOD SNAM PHA GU DRA BA DRA PHYED MDA' YAB PU SHU RGYAN RTA BBAS SOGS MTSAN NYID THAMS CAD YONGS SU RDZOGS PA, NANG GI STENG AOm DKAR PO, SHAR MA DKAR PO, LHO nI SER PO, NUB PAD DMAR PO, BYANG ME LJANG GU, 'OG H'Um SNGON PO, KHA DOG DANG DBYIBS RNAMS MA 'DRES PAR SO SOR BKRA BA'I GZHAL YAS KHANG GI NANG DU PAm LAS PADMA DKAR PO 'DAB MA STONG LDAN GYI LTE BAR AA LAS ZLA BA'I DKYIL 'KHOR GYI STENG DU HRI: LAS THIG LE DKAR PO NAM MKHA' LTAR MTHA' DANG BRAL BA'I RANG BZHIN CAN YONGS SU GYUR PA LAS,
, ,BKOD PA BSAM GYIS MI KHYAB PA'I THUGS RJE CHEN PO RGYAL BA RGYA MTSO NAM MKHAS GAR KHYAB TU SKUS KHYAB PA, DBU BCU GCIG PHYAG STONG SPYAN STONG DANG LDAN PA, RTZA ZHAL DKAR GA-YAS DMAR GA-YON LJANG DE'I STENG GI ZHAL DBUS LJANG GA-YAS DKAR GA-YON DMAR, DE'I STENG GI ZHAL DBUS DMAR GA-YAS LJANG GA-YON DKAR BA, DE'I STENG NA KHRO ZHAL NAG PO MCHE BA GTZIGS PA, SPYAN GSUM PA, RAL BA DMAR SER GYIN DU BRDZES PA, DE'I SPYI BOR ZHI BA'I ZHAL DMAR PO GTZUG TOR CAN, RTZA BA'I PHYAG DANG PO GNYIS THUGS KAR THAL MO SPYAR BA, GA-YAS GNYIS PA NA BGRANG 'PHRENG, GSUM PAS YI DVAGS KYI SKOM PA SEL BA, BZHI PA NA 'KHOR LO, GA-YON GYI GNYIS PA NA PADMA, GSUM PA NA RIL BA SPYI BLUGS, BZHI PA NA MDA' GZHU 'DZIN PA, PHYAG LHAG MA DGU BRGYA DANG DGU BCU RTZA GNYIS PO THAMS CAD MCHOG SPYIN MDZAD PA, ZHABS RDO RJE SKYA'I ? KRUNG GIS BZHUGS PA, BA SPU'I BU GA RE RE NA SANGS RGYAS KYI ZHING GRANGS MED PA, DE RNAMS NA SANGS RGYAS BYANG SEMS MTHA' KLAS PA BZHUGS PA, GNAS GSUM GYI YIG 'BRU LAS 'OD ZER GYI TSOGS 'PHROS PAS SEMS CAN GYI DON DPAG TU MED PA MDZAD PA, DE'I THUGS KAR THIG LO GNYIS PA MI MJED KYI THIG LE SNGAR LTA BU'I GZHAL YAS KHANG GI NANG DU PAD ZLA'I STENG NA AOm SER PO LAS THUB PA CHEN PO RNAM PAR SNANG
MDZAD GANGS CHEN MTSO SPRUL SKU'I CHA BYAD CAN, GA-YAS SKYABS SBYIN GYI PHYAG RGYA DANG GA-YON MNYAM GZHAG MDZAD PA, GA-YAS GA-YON DU MCHOG ZUNG BZHENGS TE BZHUGS PA, THEG PA GSUM GYI 'KHOR TSOGS RGYA MTSOS BSKOR BA, DE'I THUGS KAR THIG LE GSUM PA KHA BA CAN GYI THIG LE GZHAL YAS KHANG GI NANG DU PAD ZLA'I STENG NA HR'I: DKAR PO LAS SPYAN RAS GZIGS RGYAL BA RGYA MO MTSO BKOD PA BSAM GYIS MI KHYAB PA JI LTA BA BZHIN BZHUGS PA, DE'I THUGS KAR THIG LE BZHI PA DBU RU BYANG PHYOGS KYI THIG LE GZHAL YAS KHANG GI NANG DU PAD ZLA'I STENG NA HR'I: DKAR PO LAS 'BROM SHEL GYI KHYI'U DKAR PO ZHI ZHING 'DZUM PA, DBU SKRA MTHING GA DPUNG PA'I THAD DU SLEBS PA, GA-YAS SHEL DKAR GYI 'PHRENG BA DANG, GA-YON SHEL GYI 'KHAR BRTZE MOR PAD MA DKAR PO 'DAB MA STONG LDAN GYI LTE BAR ZLA GDAN LA YUM CHEN MO GA-YAS SU BLA MA MAR ME MDZAD, GA-YON DU RGYAL BA SH'A KYA THUB PA, 'DAB MA STONG LA SANGS RGYAS STONG BZHUGS PAS MTSAN PA 'DZIN PA, ZHABS GNYIS MNYAM PA'I STABS KYIS BZHENGS PA, DE'I THUGS KAR THIG LE LNGA PA GZHAL YAS KHANG GI NANG DU PAD ZLA'I STENG NA AA SER PO LAS YUM SHER PHYIN MA SER MO ZHAL GCIG PHYAG BZHI MA, GA-YAS DANG PO THUGS KAR SKYABS SBYIN GYI PHYAG RGYA DANG GA-YON DANG PO MNYAM GZHAG MDZAD PA,
, ,GA-YAS 'OG MAS RDO RJE DANG GA-YON 'OG MAS GLEGS BAM 'DZIN PA, ZHABS RDO RJE SKYIL KRUNG GIS BZHUGS PA, 'KHOR PHYOGS BCU'I RGYAL BA SRAS BCAS KYIS BSKOR BA, DE'I THUGS KAR THIG LE DRUG PA GZHAL YAS KHANG GI NANG DU PAD ZLA'I STENG NA MUm SER PO LAS THUB PA BDUD 'DUL SPRUL SKU'I CHA BYAD CAN, GA-YAS GNON GYI PHYAG RGYA DANG GA-YON MNYAM GZHAG MDZAD PA, 'KHOR SA BCU'I BYANG CHUB SEMS DPA' 'BA' ZHIG GIS BSKOR BA, DE'I THUGS KAR THIG LE BDUN PA GZHAL YAS KHANG GI NANG DU PAD ZLA'I STENG NA HR'I: DKAR PO LAS SPYAN RAS GZIGS ZHAL GCIG PHYAG BZHI PA, DANG PO GNYIS THUGS KAR THAL MO SBYAR BA, 'OG MA GNYIS SHEL PHRENG DANG PAD DKAR 'DZIN PA, ZHABS RDO RJE SKYIL KRUNG GIS BZHUGS PA, 'KHOR BYANG CHUB SEMS DPA'I TSOGS KYIS BSKOR BA, DE'I THUGS KAR THIG LE BRGYAD PA GZHAL YAS KHANG GI NANG DU PAD ZLA'I STENG NA T'Am LJANG GU LAS SGROL MA LJANG GU ZHAL GCIG PHYAG GNYIS MA, GA-YAS MCHOG SBYIN GYI PHYAG RGYA DANG GA-YON AUTPAL MTHEB SRIN GYIS THUGS KAR 'DZIN PA, 'KHOR ZHI BA'I LHA MO DPAG TU MED PAS BSKOR BA, DE'I THUGS KAR THIG LE DGU PA GZHAL YAS KHANG GI NANG DU PAD NYI'I STENG NA T'Am LJANG NAG LAS SGROL MA DRAG MO LJANG NAG ZHAL GCIG PHYAG BZHI
MA; DANG PO GNYIS GRI THOD, 'OG MA GNYIS d'A MA RU DANG KHAtVAm GA 'DZIN PA, MI LPAGS KYI GA-YANG GZHI DANG STAG LPAGS KYI SHAM THABS DANG RUS PA'I RGYAN DRUG GSOL ZHING GA-YON BRKYANG GIS BZHUGS PA 'KHOR LHA MO DRAG MO'I TSOGS DPAG TU MED PAS BSKOR BA, DE'I THUGS KAR THIG LE BCU PA GZHAL YAS KHANG GI NANG DU PAD NYI'I STENG NA H'Um MTHING NAG LAS MI GA-YO BA MTHING NAG ZHAL GCIG PHYAG GNYIS PA, KHRO ZHING GTUM PA, GA-YAS RAL GRI DANG GA-YON ZHAGS PA 'DZIN PA, SPRUL DANG RIN PO CHES BRGYAN CING GLANG LPAGS DANG STAG SHAM GSOL BA, GA-YON BRKYANG GIS TSOGS KYI BDAG PO'I GDAN LA ME DPUNG GI DBUS NA KHRO BO'I TSOGS KYIS BSKOR TE BZHUGS PA, DE'I THUGS KAR THIG LE BCU GCIG PA GZHAL YAS KHANG GI NANG DU PAD ZLA'I STENG NA H'Um DKAR PO LAS MGON PO AA TIG LONGS SPYOD RDZOGS SKU'I CHA BYAD CAN, GA-YAS RDO RJE DANG GA-YON DRIL BU 'DZIN PA, ZHABS RDO RJE SKYIL KRUNG GIS BZHUGS PA, DE'I MDUN DU THUB PA LONGS SKU'I CHA BYAD CAN, GA-YAS SU SPYAN RAS GZIGS, GA-YON DU SGROL MA, RGYAB TU MI GA-YO BA, SHAR LHOR JO BO PAndI TA'I CHA BYAD CAN, LHO NUB TU 'BROM DGE BSNYEN GYI CHA BYAD CAN, NUB BYANG DU RNGOG DANG BYANG SHAR DU KHU GNYIS BOD STON RAB BYUNG GI CHA BYANG CAN, STENG GI CHA LA BRGYUD PA GSUM GYI BLA MA'I TSOGS RNAMS
, ,BZHUGS PA, DE'I THUGS KAR THIG LA BCU GNYIS PA GZHAL YAS KHANG GI NANG DU BAD ZLA'I STENG NA HR'I: DKAR PO LAS 'BROM CHOS KYI RGYAL PO LONGS SKU'I GAR CHAS SU BZHUGS PA, DGUNG LO BCU DRUG LON PA'I NA TSOD CAN, GA-YAS PAD DKAR DANG GA-YON DRIL BU 'DZIN PA, ZHABS RDO RJE SKYIL KRUNG GIS BZHUGS PA, DE'I MDUN DU PHYI LTAR NA RANG DANG CHA LUGS MTSUNGS PA'I KHYI'U DKAR PO BZHI, GA-YAS SU SER PO BZHI, GA-YON DU LJANG GU BZHI, RGYAB TU DMAR PO BZHI, NANG LTAR NA SKU MCHED GSUS SOGS, GSANG BA LTAR NA RIGS LNGA'I DANG, STENG GI CHA LA BRGYUD PA GSUM GYI BLA MA RNAMS DANG, GSANG BA YE SHES SOGS MKHA' 'GRO'I TSOGS RNAMS GAR STABS SNA TSOGS SU BSGYUR BA, DE'I THUGS KAR THIG LE BCU GSUM PA GZHAL YAS KHANG GI NANG DU PAD ZLA'I STENG NA ME SER PO LAS RGYAL BA BYAMS PA DGE SLONG CHOS GOS RNAM GSUM GSAL ZHING MTSAN DPE DANG LDAN PA, PHYAG GNYIS CHOS 'CHAD KYI PHYAG RGYA MDZAD PA, GA-YAS GA-YON DU NAM MKHA' DRI MA MED PA DANG BTZUN PA SPYAN RAS GZIGS GNYIS DGE SLONG GI CHA BYANG CAN GYIS BZHENGS PA, STENG GI CHA LA THOGS ME DANG BYIG GNYEN SOGS RGYA CHEN SPYOD BRGYUD KYI BLA MA'I TSOGS RNAMS BZHUGS PA, DE'I THUGS KAR THIG LE BCU BZHI PA GZHAL YAS KHANG GI NANG DU PAD ZLA'I STENG NA DH'I: DMAR SER LAS
RJE BRTZUN 'JAM DBYANGS RAB BYUNG SPRUL SKU'I CHA BYANG CAN, PHYAG GNYIS CHOS 'CHAD KYI PHYAG RGYA MDZAD PA, ZHABS RDO RJE SKYIL KRUNG GIS BZHUGS PA, GA-YAS GA-YON DU JO BO DANG SPYAN RAS GZIGS GNYIS RAB BYUNG GI CHA PHYAD CAN, STENG GI CHA LA KLU SGRUB ZLA BRAGS SOGS ZAB MO LTA BRGYUD KYI BLA MA'I TSOGS RNAMS BZHUGS PA, DE'I THUGS KAR THEG LE BCO LNGA PA GZHAL YAS KHANG GI NANG DU SER KHRI PADMA NYI ZLA'I STENG NA H'Um SNGON PO LAS RGYAL BA RDO RJE 'CHANG SKU MDOG SNGON PO LONGS SPYOD RDZOGS SKU'I CHA BYAD CAN, GA-YAS RDO RJE DANG GA-YON DRIL BU THUGS KAR BSNOL TE 'DZIN PA, ZHABS RDO RJE SKYIL KRUNG GIS BZHUGS PA, GA-YAS GA-YON DU MCHOG ZUNG LONGS SKU'I CHA BYAD CAN GYIS BZHENGS PA, STENG GI CHA LA TE LO NA RO SOGS NYAMS LEN BYIN RLABS BRGYUD KYI BLA MA'I TSOGS RNAMS BZHUGS PA, DE'I THUGS KAR THIG LE BCU DRUG PA GZHAL YAS KHANG GI NANG DU PAD ZLA'I STENG NA H'Um MTHING SKYA LAS SANGS RGYAS CHOS KYI SKU MTHING SKYA ZHAL GCIG PHYAG GNYIS PA, TING NGE 'DZIN GYI PHYAG RGYA MDZAD PA, ZHABS RDO RJE SKYIL KRUNG GIS BZHUGS PA, DE'I THUGS KAR SHIN TU PHRA BA'I RLUNG SEMS THIG LE DKAR SER RTEN BRTEN PA'I RNAMS CAN YUNGS KAR GYI 'BRU TSAD TZAM 'OD ZER SNA LNGA'I RANG BZHIN CAN DU GYUR, LHA TSOGS THAMS CAD KYI SPYI BOR AOm DKAR PO, MGRIN PAR A'A: DMAR PO, THUGS
, ,KAR H'Um SNGON PO, THUGS KA'I H'Um LAS 'OD ZER 'PHROS PAS, DAG PA RAB 'BYAMS KYI ZHING KHAMS NAS BSGOMS PA DANG 'DRA BA'I YE SHES PA LA SANGS RGYAS DANG BYANG CHUB SEMS DPA'I TSOGS KYIS BSKOR BA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS PAS, DBANG GI LHA NAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL, ZHES GSOL BA BTAB PAS, AOm SARBA TA TH'A GA TA AA BHI shAK TA SA MA YA SHRI YE H'Um, ZHES DBANG BSKUR, LUS GANG, DRI MA DAG ,CHU LHAG MA SPYI GTZUG TU 'KHYIL PA LAS RANG RANG GI SA BON GYIS DBU BRGYAN PAR GYUR, (CES BSKYED LA; RANG NYID LAS RANG NYID GNYIS PA ZHIG CHAD PA 'OD DU ZHU NAS SPYAN RAS GZIGS ZHAL GCIG PHYAG GNYES PAR GYUR PAR BSAM STE, PHYAG DANG PHYAG YUL GNYIS STONGS PA'I, ,RNAM DAG SKU LA YE PHYAG 'TSAL,, SKYE GNAS 'JIG PAS MGOS PA'I, ,DRI MED MCHOD TSOGS 'BUL LO LHA, ,SGO GSUM SKYE GNAS 'JIG BRAL BA'I, ,NYES PA'I GA-YANG SA MTHOL LO BSHAGS, ,STONG YANG SNA TSOGS SKUR STON PAS, ,GRANGS MED 'DREN LA RJES YI RANG, ,SMON DANG MTSAN MAS STONGS PA YI, ,'KHOR LO DBYINGS SU BSKOR DU GSOL, ,SKYE BAS STONGS PA'I CHOS SKU KHYED, ,LHUN GRUB GNAS PA'I RANG GZHIN LAS, ,GANG DU'ANG 'DA'
BAR MA MDZAD CEG ,DGE BA 'DI YIS 'KHOR BA RNAMS, ,'DI 'DRAR RTOGS TE 'DI 'DRA BA'I, ,GZHAL YAS KHANG DU 'DRONGS GYUR TE, ,GSANG SNGAGS 'DI BZHIN SPYOD PAR BSNGO, (ZHES YAN LAG BDUN PA 'BUL, DE NAS); RANG GI THUGS KA'I HR'I: LAS 'OD 'PHROS, SNOD BCUD KYI MA DAG PA SBYANGS, AOm LAS RIN PO CHE'I SNONG YANGS SHING RGYA CHE BA'I NANG DU, H'Um 'OD DU ZHU BA LAS BYUNG BA'I GTOR MA DVANGS SHING THOGS PA MED PA NAM MKHA' DANG MNYAM PAR GYUR, AOm A'A: H'Am, (LAN GSUM GYIS GTOR MA DANG,) RANG GI THUGS KA'I HR'I: LAS 'OD 'PHROS, SNOD BCUD KYI MA DAG PA SBYANGS, AOm LAS RIN PO CHE'I SNONG YANGS SHING RGYA CHE BA RNAMS KYI NANG DU, H'Um 'OD DU ZHU BA LAS BYUNG BA'I MCHOD YON, ZHABS BSIL, ME TOG, BDUG SPES, SNANG GSAL, DRI CHA BA, ZHAL ZAS, ROL MO LA SOGS PA RNAMS DVANGS SHING THOGS PA MED PA DPAL KUN TU BZANG PO'I RNAM PAR SPRUL PA LAS BYUNG BA'I MCHOD PA'I SPRIN ZAD MI SHES PA NAM MKHA' DANG MNYAM PAR GYUR, AOm SARBA TA THAS TA AA RGHAm NAS SHABTA A'A: H'Um GI BAR GYIS MCHOD PA BYIN GYIS BRLABS TE LHA TSOGS RNAMS KYI LJAGS RDO RJE'I 'OD ZER GYI SBU GUS GTOR MA'I BCUD THAMS CAD DRANGS TE GSOL BAS TSIMS PAR GYUR, AOm GU RU BUDDHA BO DHI SA TVA SARBA TA TH'A GA TA DHARMA P'A LA SA PA RI WAm RA AI DAm BA LIm
, ,TA KHA KHA KH'A HI KH'A HI, (LAN GSUM GYIS PHUL LA,) YID BZHIN 'O MTSO 'KHYIL BA LA 'GRAN PA'I, ,MCHOD YON ZHABS BSIL GANGGA'I RGYUN BZHIN 'BAB, ,CHU SKYES YAL 'DAB ZE'U 'BRU GA-YUR DU ZA, ,BDUG SPOS DBYAR SKYES SPRIN BZHIN LANG LONG GA-YO, ,SNANG GSAL SGRON ME NYI ZLA'I 'OD BZHIN GSAL, ,DRI BZANG NGANG LDAN RBA RLABS PHYOGS BCUR 'KHRUG ,BSHOS BZANG 'CHI MED BDUD RTZI'I DPAL LA 'KHU, ,GRANGS MED ROL MO RNA BA'I GSOS SU 'JEBS, ,PHUL BYUNG KUN TU BZANG PO'I MCHOD PA'I SPRIN, ,DNGOS BSHAMS YID KYIS RNAM PAR RAB SPRUL NAS, ,BLA MA YI DAM CHOS SKYONG SRUNG MA LA, , GUS PAS 'BUL LO BZHES NAS DNGOS GRUB STZOL, ,AOm GU RU BUDDHA BO DHI SATVA SARBA TA TH'A GA TA DHARMA P'A LA SA PA RI W'A RA AARGHAm NAS, SHAPTA PRA T'I TZTSA SV'A H'A, YID 'PHROG GZUGS BSGYUR SNYAN PA'I ROL MO SGROG ,DRI ZHIM NGANG? 'THUL RO MCHOG PHYUR BUR SPUNGS, ,'JAM MNYEN REG BYA'I TSOGS KUN 'BUL BYED NA, ,NYE BAR BZHES LA DNGOS GRUB STZAL DU GSOL, ,AOm GU RU BU DDHA BO DHI SATVA SARBA TA TH'A GA TA DHARMA P'A LA SA PA RI W'A RA R'U PA NAS SPARSHA PRA T'I TZTSA SV'A H'A, RTZIBS STONG 'KHOR LO RIN CHEN DBANG GI RGYAL, ,YID 'ONG BTZUN MO KHYIM BDAG RIN PO CHE, ,GNYIS 'THUNG DBANG PO CANG SHES RTA MCHOG DPAL, ,BDUD SDE'I GA-YUL LAS RGYAL BA'I DMAG
DPON SOGS, ,RGYAL SRID BDUN DANG BKRA SHIS RTAGS BRGYAD RDZAS, ,YID 'PHROG PHYI NANG GSANG BA'I MCHOD PA'I TSOGS, ,SLU MED MCHOG GSUM DAM PA'I TSOGS LA 'BUL, ,MCHOG DANG MTHUN MONG DNGOS GRUB STZAL DU GSOL, ,AOm GU RU BUDDHA PO DHI SATVA SARBA TA TH'A GA TA DHARMA P'A LAS PA RI W'A RA SAPTAR T'A AAshtA MANGGA LA PRA T'I TZTSA SV'AH'A, (ZHES MCHOD PA PHUL,) MA DAG ZHING GI 'JIG RTEN JI SNYED PA, ,DAG PA RAB 'BYAMS LHA YI GZHAL YAS SU, ,MNGON PAR LEGS BSGYUR BCOM LDAN THUB PA CHE, ,RJE BTZUN PHYAG NA PADMA'I TSOGS LA BSTOD, ,SDE SNOD GSUM GYI YUM CHEN SHER PHYIN MA, ,SANGS RGYAS ZHI DANG KHRO BO MKHA' 'GRO'I TSOGS, ,KUN 'DUS BKA' GDAMS LHAG PA'I LHA MCHOG BZHI, ,SKYABS MCHOG YI DAM CHOS SKYONG RNAMS LA BSTOD, ,RGYA CHEN SPYOD DANG ZAB MO LTA BA'I LAM, ,NYAMS LEN SNYEN BRGYUD GDAMS PA MCHOG GI GTER, ,RGYUN CHAD MED PAR 'DZIN CING SPEL MKHAS PA, ,LHA CHOS BDUN LDAN BRGYUD PA RNAMS LA BSTOD, ,GDOD NAS RNAM DAG SNANG STONG DAG PA'I GSHOS, ,BZHIN LAG MTSAN DPA'I 'JA' TSON RNAM BKRA BA, ,'GYUR MED CHOS SKU GSAL STONG RLUNG SEMS ZUNG, ,CHES PHRA THIG LE'I RNAM PAR SHAR LA BSTOD, ,LHA CHOS BDUN GYI NYING KHU THIG LE'I CHOS, ,NYAMS SU BSTAR BAS TSE 'DIR ZUNG 'JUG SKU, ,MNGON DU BYAS TE DON GNYIS MA LUS PA, ,'BAD MED
, ,LHUN GYIS GRUB PAR BYIN GYIS RLOBS, (ZHES PA DANG, GZHAN YANG BSTOD PA GSOL 'DEBS SOGS SKABS SBYAR BYA,) DE NAS, THIG LE BCU DRUG PO'I LHA TSOGS THAMS CAD KYI ZHAL NAS SNGAGS KYI SGRA 'BRUG GI SGRA LTAR SGROG CING, SKU GSUNG THUGS LAS 'OD ZER GRANGS MED PA 'PHROS PAS 'PHAGS PA'I TSOGS RNAMS MCHOD, BDAG GZHAN SEMS CAN THAMS CAD KYI SDIG SGRIB NYES LTUNG GI TSOGS RNAMS BYANG ZHING DAG ,MCHOG DANG MTHUN MONG GI DNGOS GRUB MA LUS PA STZOL BAR GYUR, (CES DMIGS PA GSAL BTAB LA, THIG LE DANG PO LA,) AOm MA nI PADME H'Um, (GNYIS PA LA,) AOm MU NI MU NI MAH'A MUN YE SV'AH'A, (GSUM PA LA,) MA nI, (BZHI PA LA,) MA nI, (LNGA PA LA,) TADYA TH'A, AOm GA TE GA TE, P'A RA GA TE, P'A RA SAm GA TE, BO DHI SV'A H'A, (DRUG PA LA,) MU NI, (BDUN PA LA,) MA nI, (BRGYAD PA LA,) AOm T'A RE TUTT'A RE TU RE SV'AH'A, (DGU PA LA,) AOm T'A RE TU TT'A RE TU RE H'Um PHAt, (BCU PA LA,) AOm TZAndA MA H'A RO shA nA H'Um PHAt, (BCU GCIG PA LA,) AOm MA H'A GU RU D'I PAm K'A R'A TI SHA SV'A H'A, (BCU GNYIS PA LA,) MA nI, (BCU GSUM PA LA,) AOm MA TR'I YE SV'AH'A, (BCU BZHI PA LA,) AOm W'A GI SHVAR MAm, (BCO LNGA PA LA,) AOm BADZRA DHRAm KA H'Um, (BCU DRUG PA LA,) AOm DHARMA K'A YA SIDDHI H'Um, (ZHES PA RNAMS CI NUS SU BZLA ZHING,) BSNYEN TSAD MA MTHA' KHRI TSO RE YIN, BDAG BUM MDUN GSUM CIG CER DU BSGRUBS PA'I TSE, THIG LE
BCU PA LAS GNYIS PA ZHIG CHAD PA 'OD DU ZHU NAS BSANG CHU DANG, LHA TSOGS RNAMS LAS GNYIS PA ZHIG CHAD PA 'OD DU ZHU NAS BUM CHUR GYUR, (CES BRJOD CING,) BDAG BSKYED RKYANG PA'I TSE SMON LAM NYER BSDU BKRA SHIS BCAS BYA'O,, GSUM PA DBANG BLANG PA NI, LAS BUM GYIS KHRUS DANG,) PHYAG BYAS, BLA MA DANG GTZO BO THA MI DAD PA'I ZHABS DRUNG DU DKYIL 'KHOR DU 'JUG PA DANG DBANG GI YON DU MAndAL PHUL, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, SLOB DPON BDAG LA DGONGS SU GSOL, BDAG MING 'DI ZHES BGYI BAS NYES DMIGS CAN GYI 'KHOR BA 'DI SPANGS TE THAR PA'I YON TAN THOB PAR 'TSAL BAS SLOB DPON GYIS DE'I LAM BSTAN DU GSOL, (ZHES LAN GSUM GSOL BA GDAB,) SLOB DPON GYIS MING 'DI ZHES BYA BA KHYED 'KHOR BA'I 'DAM LAS 'DA' BAR BYED PA'I LAM MTHUN MOD MA YIN PA DE LAS NYAN PAR 'DOD DAM; (ZHES 'DRI BA LA,) DE KHO NA LTAR 'TSAL BAS THUGS BRTZE BA CAN, SLOB DPON KHYED KYIS THUGS BRTZE BA'I SLAD DU BDAG LA THUGS BRTZE BAR MDZAD DU GSOL, (ZHES LAN GDAB,) DE NAS, BDAG DANG 'GRO BA SEMS CAN THAMS CAD, (CES SOGS LAN GSUM GYIS SKYABS 'GRO DANG,) PHYOGS BCU NA BZHUGS PA'I, (ZHES SOGS LAN GSUM GYIS SEMS BSKYED SNGAR BZHIN BYA, SPRO NA SNGAGS SDOM YANG MDOR BSDUS 'DZIN,) DE NAS, BLA MA DANG GTZO BO THA MI DAD PA
, ,LAS SPYAN RAS GZIGS ZHAL GCIG PHYAG GNYIS PA 'PHROS PAS PHYI BKOD PA BSAM GYIS MI KHYAB PA'I THIG LE'I GZHAL YAS KHANG GI SHAR SGO PHYE NAS RANG NYID NANG DU KHRID PAR GYUR, RANG NYID LAS SNGAGS KYIS BSANGS, SRA BH'A WAS SBYANGS, STONG PA'I NGANG LAS RANG NYID SPYAN RAS GZIGS ZHAL GCIG PHYAG GNYIS PAR GYUR PA'I SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, BLA MA DANG GTZO BO THA MI DAD PA'I THUGS KA'I SA BON GYI 'OD ZER GYIS PHYOGS BCU'I SANGS RGYAS DANG BYANG CHUB SEMS DPA' THAMS CAD THIG LE BCU DRUG GI LHA TSOGS KYI RNAM PAR SPYAN DRANGS TE, RANG LA THIMS PAS BYIN GYIS BRLABS PAR GYUR, AOm SARBA TA TH'A GA TA A'ARYA LO KE SHVA RA SA PA RI W'A RA SA MA YA A'A BE SHA YA AA AA, ZHES BZLAS TE YE SHES PA DBAB PO, ,DE NAS DBANG DNGOS GZHI'I DON DU, GANG GI DRIN GYIS BDE CHEN GNAS, ,SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, (LAN GCIG GIS BSTOD), KUN MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,DE RING BSHAD PA'I RIN CHEN GTER, ,GTZO BOS BDAG LA BKA' DRIN STZOL, (LAN GSUM GSOL BA GDAB), PHYAG DANG PHYAG YUL GNYIS STONGS PA'I, (ZHES PA NAS), GSANG SNGAGS 'DI BZHIN SPYOD PAR BSNGO, ZHES PA'I
BAR GYIS YAN LAG BDUN PA BYA, AOm MA nI PADME H'Um, ZHES SKOR BA BYED CING BZLAS PAS, THUGS RJE CHEN PO RGYAL BA RGYA MTSO'I GNAS GSUM LAS 'OD ZER DKAR DMAR MTHING GSUM BYUNG, RANG GI GNAS GSUM DU THIMS, LUS NGAG YID GSUM GYI SDIG SGRIB DAG, SKU GSUNG THUGS KYI BYIN RLABS THOB PAR GYUR PAR BSAM, DE NAS BLA MA DANG GTZO BO THA MI DAD PA'I THUGS KA'I SA BON GYI 'OD ZER GYIS PHYOGS BCU'I ZHING NAS SANGS RGYAS BYANG SEMS LHA DANG LHA MO KHRO BO KHRO MO DPAG TU MED PA SPYAN DRANGS TE RANG GI STENG PHYOGS SU BZHUGS, DBANG LHA RNAMS KYIS GDUGS DANG RGYAL MTSAN LA SOGS PA'I MCHOD SPRIN GYIS BAR SNANG 'GENG, ME TOG DANG GUR KUM DANG TZANDAN PHYE MA SOGS KYI CHAR 'BEBS, LHA'I RNGA BO CHE LA SOGS PA ROL MO'I SGRA DANG BKRA SHIS KYI TSIGS BCAD GSUNG PAR GYUR, THAMS CAD LA, PHUN SUM TSOGS PA ZHES SOGS SAM, YANG NA; DUS GSUM BDE BAR GSHEGS PA CHOS KYI SKU, ,'GRO DRUG SEMS CAN RNAMS LA SPYAN RAS GZIGS, ,NAM MKHA' LTA BUR KHYAB PA'I BCU GCIG ZHAL, ,GZI BRJID 'OD DPAG MED KYI BKRA SHIS SHOG , JI LTAR BLTAMS PA TZAM GYIS NI, ,LHA RNAMS KYIS NI KHRUS GSOL LTAR, ,LHA YI CHU NI DAG PA YIS, ,DE BZHIN BDAG GIS KHRUS BGYI'O, ,AOm SARBA TA TH'A GA TA AA BHI shE KA TA SA MA YA SHRI YE H'Um, ZHES DBANG BSKUR,
, ,LUS GANG, DRI MA DAG ,CHU LHAG MA SPYI GTZUG TU 'KHYIL PA LAS HR'I: YIG DKAR POS DBU BRGYAN CING, DBANG LHA RNAMS RANG LA THIMS PAR GYUR, CES BRJOD DE, DE NAS, THUGS RJE CHEN PO RGYAS BA RGYA MTSO DGYES TE THUGS KA'I SGO PHYE NAS RANG NYID THIG LE GNYIS PA'I GZHAL YAS KHANG GI NANG DU ZHUGS NAS LHA TSOGS THAMS CAD MNGON SUM DU MTHONG BAR GYUR, PHYAG DANG PHYAG YUL x YAN LAG BDUN PA BYA, AOm MA NI MU NI MAH'A MUN YE SV'AH'A, ZHES SKOR BA BYED CING BZLAS PAS, THUB CHEN RNAM SNANG GANGS CHEN MTSO'I GNAS GSUM LAS x GSUNG PAR GYUR, MKHA' MNYAM 'GRO LA MKHYEN BRTZES RAB DGONGS NAS, ,GRANGS MED GSUM DU TSOGS GNYIS RAB RDZOGS SHING, ,STONG GSUM MI MJED ZHING GI DPAL GYUR PA, ,THUB DBANG GANGS CHEN MTSO YI BKRA SHIS SHOG, x AOm YIG SER POS DBU BRGYAN CING, x CES BRJOD DO, ,DE NAS, THUB CHEN RNAM SNANG GANGS CHEN MTSOD DGYES TE, x GSUM PA'I x AOm MA NI PADME H'Um, x SPYAN RAS GZIGS RGYAL BRGYA MTSO'I GNAS, x PHYAG STONG 'KHOR LOS BSGYUR PA'I RGYAL PO STONG, ,SPYAN STONG BSKAL PA BZANG PO'I SANGS RGYAS STONG, ,GANG LA GANG 'DUL DE LA DER STON PA'I, ,BTZUN PA SPYAN RAS GZIGS KYI BKRA SHIS SHEG , x HR'I: YIG DKAR POS x DE NAS, SPYAN RAS GZIGS RGYAL BA RGYA MTSO
DGYES TE, x BZHI PA'I x ,AOm MA nI PADME H'Um, x 'BROM SHEL GYI KHYE'U'I GNAS x ZHI 'DZUM NYAMS LDAN DBU SKRA DPUNG PAR SLEBS, ,GA-YAS GA-YON PHYAG GIS BGRANG 'PHRENG 'KHAR BA 'DZIN, ,ZHABS GNYIS 'GRO BA'I DON DU MNYAM PAR BZHENGS, ,'BROM STON SHEL GYI KHYE'U'I BKRA SHIS SHOG , x HR'I: YIG DKAR POS x DE NAS, 'BROM SHEL GYI KHYE'U DKYES TE x LNGA PA'I x TADYA TH'A, AOm GTE GTE, P'A RA GA TE P'A RA SANGGA TE BO DHAm SV'AH'A, YUM SHER BYEN MA'I GNAS x SMRA BSAM BRJOD MED SHES RAB PHA ROL PHYIR, ,MA SKYES MI 'GAG NAM MKHA'I NGO BO NYID, ,SO SO RANG RIG YE SHES SPYOD YUL PA, ,DUS GSUM RGYAL BA'I YUM KYI BKRA SHIS SHOG , x AA YIG SER POS x DE NAS YUM SHER PHYIN MED ? GYES TE x DRUG PA'I x AOm AU NI MU NA MAH'A MUN YE SV'AHA', THUB PA BDUD 'DUL GYI GNAS x PHUN TSOGS DGE LEGS BYE BAS BSKRUN PA'I SKU, ,MTHA' YAS 'GRO BA'I RE BA SKONG BA'I GSUNG, MA LUS SHES BYA JI BZHIN GZIGS PA'I THUGS, ,SH'AKYA'I GTZO BO DE YI BKRA SHES SHOG , x MU YIG SER POS x DE NAS, THUB PA BDUD 'DUL DGYES TE x BDUN PA'I x AOm MA nI PADME H'Am, SPYAN RAS GZIGS PHYAG BZHI PA'I GNAS, x SHES BYA MA LUS MKHYEN PA'I BCOM LDAN 'DAS, ,'GRO BA KUN LA BU GCIG LHA BUR BRTZE, ,LHUN GRUB RGYUN MI 'CHAD PA'I MDZAD PA CAN, ,MGON PO SPYAN RAS GZIGS KYI BKRA SHES SHOG , x HR'I:
, ,YIG DKAR POS x DE NAS, SPYAN RAS GZIGS PHYAG BZHI PA DGYIS TE, x BRGYAD PA'I x AOm T'A RE TU TT'A RI TU RE SV'AH'A, SGROL MA ZHI BA'I GNAS, x DBYINGS RIG RNAM DAG PAD ZLA'I GDAN STENG NA, ,MAR GAD MDOG CAN ZHAL GCIG PHYAG GNYIS MA, ,LANG TSO RAB RGYAS GA-YAS BRKYANGS GA-YON BSKUMS ZHABS, ,THABS SHES ZUNG 'BREL MA YI BKRA SHIS SHOG , x TR'Am YIG LJANG GUS x DE NAS, SGROL MA ZHI PA DGYES TE, x DGU PA'I x AOm T'A RE TU TT'A RE TU RE H'Um PHAt, SGROL MA DRAG MO'I GNAS, x 'JIGS CHEN SDUG BSNGAL BRGYAD DANG 'BYUNG BA'I GDON, ,NYON MONGS SHES BYA'I SGRIB PA'I 'JIGS PA RNAMS, ,KHYOD ZHABS DRAN PA'I MOD LA SKYOB MDZAD MA, ,NUS PA MTHAR PHYIN MA YI BKRA SHIS SHOG , x T'Am YIG LJANG NAG GIS x DE NAS, SGROL MA DRAG MO DGYES TE, x BCU PA'I x AOm TZA n'A MA H'A RO shA nA H'Um PHAt, MI GA-YO BA'I GNAS x SKU MDOG SNGON PO RAL GRI ZHAGS PA 'DZIN, ,GA-YAS BSKUMS GA-YON BRKYABS BDUD BZHI RAB TU 'JOMS, ,MA GA-YO MI GA-YO GA-YO BA MI MNGA' BA'I, ,BCOM LDAN MI GA-YO MGON GYI BKRA SHIS SHOG , x H'Um YIG MTHING NAG GIS, x DE NAS, MI GA-YO BAD GYES TE, x BCU GCIG PA'I x AOm MAH'A GU RU D'I PAm K'A R'A TI SHA SV'AH'A, MGON PO AA TI SHA'I GNAS, x RGYAL BA'I MDUN NA RGYAL SRAS BZANG PO SKYONG, ,KHA BA CAN NA DPAL
LDAN MAR ME MDZAD, ,DGA' LDAN GNAS NA NAM MKHA' DRI MA MED, ,DPAL LDAN AA TI SHA YI BKRA SHIS SHOG , x H'Um YIG DKAR POG x DE NAS, MGON PO AA TI SHA DGYES TE, x BCU GNYIS PA'I AOm MA nI PADMA H'Um; 'BROM CHOS KYI RGYAL PO'I GNAS, YONGS KYI DGE BA'I BSHES GNYEN YONGS KYI MGON, ,RGYAL BA'I GDUNG 'TSOB GYUR PA RGYAL BA'I SRAS, ,RANG GZHAN DON GNYIS 'BYUNG GNAS RIN PO CHE, ,BSHES GNYEN STON PA'I ZHABS KYI BKRA SHIS SHOG , x HR'I: YIG DKAR POS x DE NAS, 'BROM CHOS KYI RGYAL PO DGYES TE, x BCU GSUM PA'I x AOm MEE TR'I YE SV'A H'A, RGYAL BA BYAMS PA'I GNAS, x BYAMS PA THOGS MED DBYIG GNYEN RNAM GROL SDE, ,MCHOG SDE DUL BA'I SDE DANG GRAGS PA'I SDE, ,SED BZANG KU S'A LI GNYIS GSER GLING PA, ,RGYA CHEN SPYOD BRGYUD BLA MA'I BKRA SHIS SHOG , x MEEm YIG SER POS, x DE NAS, RGYAL BA BYAMS PA DGYES TE, x BCU BZHI PA'I x AOm W'E G'I SHVA RA MAm, RJE BTZUN 'JAM DBYANGS KYI GNAS, x 'JAM DBYANGS YOD MED PHYOGS 'JIG KLU SGRUB DANG, ,ZLA BA GRAGS PA RIG PA'I KHU PHYUG CHE, ,SANGS RGYAS DGONGS SKYONG 'PHAGS PA YAB SRAS TE, ,ZAB MO LTA BRGYUD BLA MA'I BKRA SHOS SHOG , x DHRI: YIG DMAR SER GYIS x DE NAS, RJE BTZUN 'JAM DBYANGS DGYES TE, x BCO LNGA PA'I x AOm BADZRA DHRAm KA H'Um,
, ,RGYAL BA RDO RJE 'CHANG GI GNAS, ZHES SOGS SAM, SPRO NA, BLA MA'I THUGS KA'I YUM BZHIS RIGS LNGA'I DNGOS, ,BUM CHU COD PAN RDOR DRIL MING DBANG BSKUR, ,DAM TSIG GSUM LDAN YUM 'KHYUD BUM DBANG THOB, ,BSKYED RIM LA DBANG SPRUL SKU'I SA BON BZHAG ,BLA MA RDO RJE 'CHANG CHEN YAB YUM GNYIS, ,SNYOMS ZHUGS BYANG SEMS LCE YIS MYANGS PA'I MTHUS, ,BDE STONG SKYES SHING GSANG BA'I DBANG MCHOG THOB, ,SGYU LUS LA DBANG LONGS SKU'I SA BON BZHAG ,GSANG BA YE SHES PHYAG RGYAR STZAL BA DANG, ,BDAG NYID 'DU SHES GSUM GYIS SNYOMS PAR ZHUGS, ,LHAN SKYES BDE STONG SKYES SHING SHER DBANG THOB, ,'ONG GSAL LA DBANG CHOS SKU'I SA BON BZHAG ,(CES DBANG ZHU), BLA MA DANG GTZO BO THA MI DAD PA'I x THUGS JE CHEN PO BDE GSHEGS RDO RJE 'CHANG, ,MCHOG GZIGS TEE LO PA DANG N'A RO PA, ,DPAL MCHOG dO MA BHI PA DANG AA TI SHA, NYAMS LEN BYIN BRGYUD BLA MA'I BKRA SHIS SHOG , x H'Um YIG SNGON POS, x DE NAS, RGYAL BA RDO RJE 'CHANG DGYES TE, x BCU DRUG PA'I x AOm DHA RMA K'A YA SIDDHA H'Um, SANGS RGYAS CHOS KYI SKU'I GNAS, (ZHES SOGS SAM), SPRO NA, TSANGS PA'I DBYANGS KYIS ZUNG 'JUG NGO SPRAD PAS, ,MTHAR THUG DON RTOGS TSIG DBANG RIN CHEN THOB, ,ZUNG 'JUG LAM BZANG
BSGOM PA DBANG BAR BYAS, ,'BRAS BU NGO BO NYID SKU'I SA BON BZHAG ,CES DBANG ZHU, BLA MA DANG GTZO BO THA MI DAD PA'I x YE SHES 'JA' 'OD 'KHRIGS PA'I GZHAL MED DBUS, ,'KHOR 'DAS BRTAN GA-YO KUN GYI RANG BZHIN DANG, ,DBYER MED SGRIB BRAL YE SHES CHOS KYI SKU, ,RNAM PA LONGS SKUR SHAR BA'I BKRA SHIS SHOG, x H'Um YIG MTHING SKYAS DBU BRGYAN CING DBANG LHA RNAMS RANG LA THIM PAR GYUR, (CES BRJOD PAR BYA'O; ;BZHI PA MJUG GI CHOG GA NI, SNGAR BZHIN), DKYIL 'KHOR DU BCUG NAS DBANG STZAL BA'I GTANG RAG TU MAndAL PHUL, AOm SARBA TA TH'A GA TA AA RGHAm NAS SHAPTA PRA T'I TZTSA SV'A H'A'I BAR GYIS MCHOD, 'JIG RTEN LHAR SGOM RTEN GYI THIG LE BZHI, ,BRTEN PA YI DAM THIG LE RNAM PA DRUG ,JO BO YAB SRAS BRGYUD GSUM BLA MA'I LNGA, ,MTHAR THUG BYANG SEMS THIG LER BCAS LA BSTOD, CES BSTOD, DE LTAR ZAB LAM THIG YE BCU DRUG GI ,BSGOM BZLAS MCHOD BSTOD BGYIS PA'I DGE TSOGS MTHUS, ,MTSAN LDAN DGE BA'I BSHES KYIS RJES BZUNG NAS, ,DAL 'BYOR RTEN LA SNYING PO LON PAR SHOG ,THUB PA SPYAN GZIGS SGROL MA MI GA-YO MGON, ,LHAG PA'I TSUL KHRIMS TING 'DZIN SHES RAB STE, ,LHA BZHI CHOS GSUM THIG LE BCU DRUG CAN, ,LHA CHOS BDUN GYI NYAMS LEN MTHAR PHYIN SHOG ,'JIG RTEN LHAR SGOM RTEN GYI THIG LE BZHI, ,BRTEN PA YI DAM THIG LE RNAM PA DRUG ,
, ,JO BO YAB SRAS BRGYUD GSUM BLA MA'I LNGA, ,MTHAR THUG BYANG SEMS THIG LE MNGON 'GYUR SHOG ,BKA' BRGYUD LAM BZANG SGRUB LA BRTZON PA NA, ,DKAR PO BRGYAD CU SGROL MA BCU GNYIS SOGS, , MTHU LDAN CHOS SKYONG SRUNG MA'I TSOGS RNAMS KYIS, ,GA-YEL BA MED PAR RTAG TU GROGS BYED SHOG ,RMAD BYUNG SRAS BCAS RGYAL BA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,BDAG GI LHAG BSAM DAG PA'I MTHU STOBS KYIS, ,RNAM DAG SMON PA'I GNAS 'DI 'GRUB PAR SHOG ,(CES SMON LAM BTAB LA, YIG BRGYA BZLAS), MA 'BYOR PA DANG ZHES SOGS KYIS BZOD PAR GSOL, RAS BRIS YIN NA, 'DIR NI RTEN DANG LHAN CIG TU, (ZHES SOGS KYI BRTAN BZHUGS BYA, BSAM GTAN TZAM LA BRTEN TSE), PHYI BKOD PA BSAM GYIS MI KHYAB PA'I THIG LE'I SNOD KYI GZHAL YAS KHANG 'OD DU ZHU, BCUD KYI LHA RGYAL BRGYA MTSO LA THIMS, DE BZHAN DU PHYI MA PHYI MA NANG MNANG MA LA RIM BZHIN THIM STE, SANGS RGYAS CHOS KYI SKU YANG SHIN TU PHRA BA'I RLUNG SEMS KYI NGO BO'I THIG LE LA THIMS, THIG LE YANG JE PHRA JE PHRAR NAM MKHA' LA 'JA' YAL BA LTAR GYUR, STONG PA'I NGANG LAS RANG NYID SPYAN RAS GZIGS ZHAL GCIG PHYAG GNYIS PAR GYUR PA'I SPYI BOR AOm, MGRIN PAR A'A: THUGS KA x H'Um GIS MTSAN PAR GYUR, (CES
BRJOD), DE NAS, MDO RGYUD STON PA THUB CHEN RDO RJE 'CHANG, ,MKHYEN BRTZE'I MNGA' BDAG 'JAM DBYANGS MI PHAM MGON, ,BSTAN PA'I SROG SHING JO 'BROM YAB SRAS SOGS, ,RTZA BRGYUD BLA MA RNAMS KYI BKRA SHIS SHOG ,RGYAL YUM SHER PHYIN THUB PA'I DBANG PO DANG, ,SPYAN RAS GZIGS DANG SGROL MA ZHI KHRO ZUNG, ,KHRO RGYAL MI GA-YO MGON SOGS RGYUD SDE BZHI'I, ,YI DAM SANGS RGYAS RNAMS KYI BKRA SHIS SHOG; SDE SNOD GSUM DANG RGYUD SDE RNAM PA BZHI'I, ,BRJOD BYA BSLAB PA GSUM DANG RIM PA GNYIS, ,'GAL MED GDAMS PAR SHAR NAS BSGOM PA'I GZHI, ,LUNG RTOGS DAM PA'I CHOS KYI BKRA SHIS SHOG; MU MED ZHING BZHUGS LHA CHOS BDUN LDAN GYI, ,GTZANG MA'I RNAM THAR CHA TZAM 'DZIN PA NAS, ,SA GNAS RGYAL SRAS DPA' BO MKHA' 'GRO'I BAR, ,TSOGS MCHOG DGE 'DUN RNAMS KYI BKRA SHES SHOG , NAM MKHA'I MTHA' KHYAB STONG GSUM MI MJED ZHING, ,KHA BA CAN DANG DBU RU BYANG GI PHYOGS, ,GZUNGS MCHOG YIG 'BRU'I RDUL CHA LAS GRUB PA'I, ,RIN CHEN GZHAL MED KHANG GI BKRA SHIS SHOG , (CES SHIS PA BRJOD CING ME TOG GI CHAR 'BEBS SO, ,SMRAS PA), RNAM 'DREN ZAS GTZANG SRAS KYI MDO RGYUD BKA', ,'GAL MED GDAMS PAR SHAR BA'I LUGS BZANG 'DI'I, ,YANG SNYING BCU DRUG THIG LE'I NYAMS LEN
, ,GANG; ;DAL RTEN SNYING PO LEN PA'I MCHOG GYUR KYANG, ,PHAL CHER TSUL 'DIR MI SMRA'I BRTUL ZHUGS 'DZIN, ,LA LA RGYA CHEN TSIG TSOGS RI LTAR LCI, ,DE PHYIR TSIG NYUNG GNAD TSAD DON GSAL BA'I; ;GZHUNG 'DI PHUL BYUNG DGONGS RGYAN SNYING PO YIN, ,TSUL 'DIR RING NAS 'BAD PA'I RGYA CHEN TSOGS, ,ZLA ZER 'THUNGS PA'I KUN DA'I RJES 'GRO DES, ,LHA CHOS BDUN LDAN GSAR RNYING BKA' GDAMS SROL, , 'DZIN PAS SA CHEN KHYON KUN KHYAB GYUR CIG, (CES BKA' GDAMS THIG LE BCU DRUG GI SGRUB DKYIL PHUL BYUNG DGONGS RGYAN SNYING PO ZHES BYA BA 'DI NI, BKA' GDAMS KYI RING LUGS LA SNYING NAS MOS PA'I BANDHE DHARMA BHA DRAS MI ZAD PA'I LO'I GRO BZHIN ZLA BA'I DMAR PHYOGS RGYAL BA GSUM PA'I NYIN BZHAD DNGUL CHU'I RI PHUG TU SPYAR BA'O,,) ,,SHU BHA MASTU,, ` ,SKAL BA DANG LDAN PA KHYED RNAMS KYIS THIG LE BCU DRUG GI DKYIL 'KHOR DU DBANG YONGS SU RDZOGS PA THOB PA YIN PAS, DAM TSIG DANG SDOM PA TSUL BZHIN DU BSRUNG BA GZHIR BYAS NAS, SDE SNOD GSUM DANG RGYUD SDE BZHIS BSDUS PA'I MDO SNGAGS KYI GSUNG RAB DGONGS 'GREL DANG BCAS PA GDAMS NGAG TU SHES PAR BYAS NAS LAM GYI LUS YONGS SU RDZOGS PA'I NYAMS LEN LA BRTZON PAR BYA DGOS SHING, BKA' GDAMS LHA CHOS
BDUN LDAN GYI RNAM THAR GCOD MA BSRE BSLAD MED PAR SKYOD DGOS SO, ,GTZO BOS JI LTAR BKA' BSGO BA'I, ,GSUNG NI DE LTAR BDAG GIS BGYI,,