, ,NYE BRGYUD TSE KHRID 'CHI MED RDO RJE'I SROG SHING GI NGAG 'DON NAG 'GROS SU BKOD PA BZHUGS,,
, ,NA MO GU RA WE, 'DIR NYE BRGYUD TSE KHRID 'CHI MED RDO RJE'I SROG SHING GI NGAG 'DON NAG 'GROS SU BKOD PA NI, AOm PADM'ANTA KRi TA H'Um PHAt, AOm SVA BH'A WA SHUDDH'A: SARBBA DHARMM'A SVA BH'A WA SHUDDHONYRAHAm, STONG PA NYID DU GYUR, STONG PA'I NGANG LAS PADMA DANG NYI MA DANG, RU TRA BSNOL BA'I STENG DU RANG NYID SKAD CIG GIS DBANG DRAG PADMA RTA MGRIN GA-YAS GRI GUG DANG GA-YON THOD KHRAG 'DZIN PA, RTA MGO LJANG ZHUR RTA SKAD 'TSER BA, DUR KHROD KYI CHAS BRGYAD KYIS BRGYAN PA, YE SHES KYI ME RAB TU 'BAR BA'I DBUS NA BZHUGS PAR GYUR, BGEGS GTOR PADMANTA KRi TA KYIS BSANGS, SVA BH'A WAS SBYANGS, STONG PA'I NGANG LAS AOm LAS RIN PO CHE'I SNOD YANGS SHING RGYA CHE BA'I
, ,NANG DU, GTOR MA DVANGS SHING THOGS PA MED PA 'DOD PA'I YON TAN LNGAS KHYAD PAR DU BYAS PAR GYUR, A'Om SARB'A BIGHNNA NA MA: SARBBA TA TH'A GA TE BHYO BI SHVA MU KHE BHYA: SARBBA TH'A KHAm AUTA GA TE SPHA RA nA AI MAm GA GA NA KHAm GRI HnE DAm BA LIm TA YE SV'A H'A, GSUM, HR'I: GDON BGEGS 'BYUNG PO'I TSOGS RNAMS GNAS 'DI RU, ,MA 'DUG GTOR MA 'DI KHYER GZHAN DU DENGS, ,GAL TE MI 'GRO DBANG CHEN KHROS PA'I BKAS, ,THAL BA'I RDUL PHRAN BZHIN DU RLAG PAR 'GYUR, ,AOm SUMBHA NI SUMBHA NI H'Um GRI HnA GRI HnA H'Um, GRI HnA PA YA GRI HnA PA YA H'Um, A'A NA YA HO BHA GA W'ANA BIDY'A R'A DZA H'Um PHAt, GSUM, ,H'Um; STENG 'OG PHYOGS MTSAMS MA LUS RDO RJE DANG, ,KHRO BO KHA DOG SNA LNGA'I ME DPUNG GIS, ,BAR MTSAMS MED PAR GTAMS PA'I SRUNG BA YI, ,'KHOR LO'I GUR KHANG MTSAMS LAS MA 'DA' ZHIG ,AOm BADZRA RAKshA RAKshA YE SV'A H'A,
BLA MA SANGS RGYAS CHOS DANG TSOGS MCHOG LA, ,BYANG CHUB MA THOB BAR DU BDAG SKYABS MCHI, ,MAR GYUR 'GRO BA KUN GYI DON BSGRUB PHYIR, ,BDAG GIS BYANG CHUB MCHOG TU SEMS BSKYED DO, ,GSUM, RANG NYID DBANG CHEN DU GSAL BA 'OD DU ZHU BA LAS MGON PO TSE DPAG TU MED PAR GSAL BA'I THUGS KA LAS 'OD ZER 'PHROS, BLA MA DANG GNYIS SU MED PA'I TSE DPAG MED KYI LHA TSOGS RNAMS MDUN GYI NAM MKHAR SPYAN DRANGS, AOm SARBA TA TH'A GA TA AARGHAm, P'A dYAm; PUshPE, DH'U PE, A'A LO KE, GANDHA, NEE WE DYE, SHA PTA PRA T'I TZTSA YE, SV'AH'A; GANG GI DRIN GYI BDE CHEN GNAS, ,SKAD CIG NYID LA 'CHAR BA GANG, ,BLA MA RIN CHEN LTA BU'I SKU, ,RDO RJE CAN ZHABS PAD LA 'DUD, ,'JIG, RTEN 'DREN PA'I GTZO BO TSE DPAG MED, ,DUS MIN 'CHI BA MA LUS 'JOMS PA'I DPAL, ,MGON MED SDUG BSNGAL GYUR PA RNAMS KYI SKYABS, ,SANGS RGYAS TSE DPAG MED LA PHYAG 'TSAL LO, ,PHYAG 'TSAL BA DANG MCHOD CING BSHAGS PA DANG, ,RJES SU YI RANGS BSKUL ZHING GSOL BA YI, ,DGE BA CUNG ZAD BDAG GIS CI BSAGS PA, ,THAMS CAD BDAG GIS BYANG
, ,CHUB PHYIR BSNGO'O, ,TSOGS ZHING RNAMS RANG LA THIM PAR GYUR, HR'I: NUB PHYOGS BDE BA CAN GYI ZHING KHAMS NAS, ,BCOM LDAN MGON PO YE SHES TSE DPAG MED, ,'CHI MED TSE YI DNGOS GRUB MA LUS PA, ,DUS 'DIR BDAG CAG RNAMS LA STZAL DU GSOL, ,BSGRUB PA'I DAM RDZAS SNOD BCUNG MA LUS LA, ,TSE BKRAG GZI MDANGS NUS PA'I RTZAL KUN PHOB, ,DBANG CHEN BSKUR LA SDIG SGRIB BAR GCOD SOL, ,RE BA'I 'BRAS BU TSE YI RIG 'DZIN STZOL, ,YE SHES RANG SNANG GRUB PA'I GZHAL YAS NAS MKHA' 'GRO'I DBANG PHYUG GSANG BA YE SHES KYIS, ,'CHI MED TSE YI SOGS LHAG MA RNAMS RIGS 'GRE, PADMA 'OD KYI GZHAL YAS KHANG CHEN NAS, ,SLOB DPON PADMA THOD 'PHRENG TSE DBANG RTZALx, THOD BRTZEGS RDO RJE GSANG BA'I GZHAL MED NAS, ,ZUNG 'JUG SKU BRNYES DPAL LDAN RDO RJE YISx, GRU 'DZIN NYI 'OD 'KHYIL BA'I GZHAL MED NAS, ,RGYAL BA KUN DNGOS BSOD NAMS RGYA MTSO'I SDESx, BYANG CHUB SHING KHROD DE WI KO tI NAS, ,RDO RJE 'CHANG DBANG 'KHON STON CHOS KYI RJESx, GRU 'DZIN KHAMS GSUM ZIL GNON PHO BRANG
NAS; RGYAL KUN NGO BO BLO BZANG RGYA MTSO'I SDESx ,YUL DBUS PO TA LA YI GNAS MCHOG NAS, ,MANG THOS GNAS BRTAN 'JAM DBYANGS GRAGS PA YISx ,MCHEN MKHAR CHOS KYI PHO BRANG DAM PA NAS, ,'JAM DPAL DBYANGS DNGOS BKRA SHIS RGYA MTSO YISx ,LHA SHING RVA BAS BSKOR BA'I GNAS MCHOG NAS, ,GRUB DBANG DON LDAN NGAG DBANG CHOS 'PHEL GYISx ,DGA' LDAN PHUN SUM TSOGS PA'I GLING MCHOG NAS; MKHAS GRUB SLOB DPON NGAG DBANG BSTAN 'PHEL GYISx ,DBEN GNAS DAM PA GA-YU LO'I KHANG BZANG NAS, ,NGAG GI DBANG PHYUG DGE LEGS 'BYUNG GNAS KYISx ,'BRAS SPUNGS DGA' LDAN MKHA' SPYOD GZIMS CHUNG NAS, ,GRUB MCHOG BSKAL BZANG BSTAN PA DAR RGYAS KYISx ,LDOG STOD SHAR RTZE DPAL GYI NAGS KHROD NAS, ,BKA' 'GYUR BLA MA DGA' LDAN BSTAN 'DZIN GYISx ,PA RNAM BDE CHEN DGA' LDAN CHOS RDZONG NAS, ,'DREN MCHOG YE SHES SBYIN PA'I MTSAN CAN GYISx ,SKYI GTZUG PADMA NYI ZLA'I GDAN STENG NA, ,RTZA BA'I BLA MA GSUM LDAN RDO RJE 'DZIN, ,'CHIx RUSx BSGRUBx TSEx DBANGx ,RE BA'I 'BRAS BU TSE YI RIG 'DZIN STZOL, ,TIshthA BADZRA, RANG GI THUGS KA NAS SPROS PA'I RAm YAm KHAm GYIS BSGRUB RDZAS MCHOD GTOR RNAMS KYI MA DAG PA'I NYES SKYON RNAMS SBYANGS, NGO BO ZAG PA
, ,MED PA'I BDUD RTZI LA, RNAM PA RANG RANG GI BYED LAS DANG NUS PA DANG LDAN PAR GYUR, AOm AA: H'Um, GSUM, SVA BH'A WAS SBYANGS, STONG PA'I NGANG LAS SENG GES BTEG PA'I RIN PO CHE'I KHRI'I STENG DU, PAm LAS PADMA, RAm LAS NYI MA, AA LAS ZLA BA'I DKYIL 'KHOR GYI STENG DU RANG GI SEMS NYID YI GE HR'I: DMAR PO RING CHA TSEG DRAG DANG BCAS PA YONGS SU GYUR PA LAS, BCOM LDAN 'DAS MGON PO TSE DPAG MED SKU MDOG DMAR PO ZHAL GCIG PHYAG GNYIS PA, MNYAM GZHAG GI STENG NA 'CHI BA MED PA'I TSE'I BDUD RTZIS GANG BA'I BUM PA DPAG BSAM GYI SHING GI KHA BRGYAN PA BSNAMS PA ZHABS RDO RJE'I SKU LI? MO KRUNG GIS BZHUGS PA, DAR DANG RIN PO CHE'I RGYAN DANG MTSAN DPE GSAL RDZOGS KYIS SPRAS PA, ZHI ZHING 'DZUM LA SGEG PA'I NYAMS CAN, 'OD KYI RANG BZHIN CAN DU GYUR PA'I SPYI BOR AOm MGRIN PAR A'A: THUGS KAR H'Um, LTE BAR SV'A, GSANG BAR H'A, THUGS KA'I H'Um LAS 'OD ZER 'PHROS PAS, BDE BA CAN NAS BSGOMS PA DANG 'DRA BA'I YE SHES PA SPYAN DRANGS, DZA: H'U BAm HO GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA DBANG BSKUR DU GSOL, ZHES GSOL BA BTAB PAS, AOm SARBA
TA TH'A GA TA AA GHI shE KA TA SA MA YA SHRI YE H'Um, ZHES BUM PA'I CHUS DBANG BSKUR, SKU GANG DRI MA DAG CHU'I LHAG MA YAR LUD PA LAS SNANG BA MTHA' YAS KYIS DBU BRGYAN PAR GYUR, AOm HR'I: R'A GA BADZRA AARGHAm P'ADYAm PUshPE, DH'U PE, A'A LO KE ,GANDHE, NEE WE DYE, SHAPTA, R'U PA, SHAPTA, GANDHE, RA SA; SPARSHA PRA T'I TZTSA YE SV'A H'A, 'JIG RTEN 'DREN PA'I ZHES SOGS TSIGS BCAD GCIG GIS BSTOD, TSE NYAMS PA GSO BA'I DMIGS PA DANG BCAS TE, AOm BADZRA SA RA HA KA RA RI SHVA RA RI H'Um PHAt SV'A H'A, DANG; AOm AA M'A RA nI DZI WANTI YE SVA H'A, DANG; GZUNGS RING BCAS KYI BZLAS PA BYA, TSE 'GUGS PA NI, HR'I: 'CHI BA MED PA'I MGON PO TSE YI LHA, ,TSE YI tA KI GSANG BA YE SHES MA, ,'BYUNG BA LNGA LA DBANG SGYUR LHA MO LNGAS, ,'CHI MED TSE YI 'PHRIN LAS DUS LA BAB, ,DRAG PO'I LAS MDZAD SNGON MO 'BUM SDE YIS, ,'BYUNG BA NAM MKHA'I BCUD SDUS TSE SROG KHUG ,GDON BGEGS LHA 'DRES KHYER BA'I TSE SOG KHUG ,BRTAN GA-YO'I TSE DANG BSOD NAMS DBANG DU SDUS, ,THAMS CAD LAS MDZAD LJANG MO 'BUM SDE YIS, ,'BYUNG BA RLUNG GI BCUD SDUS TSE SROG KHUG ,GDONx ,BRTANx, DBANG GI LAS MDZAD DMAR MOx ,'BYUNG BA ME YIx, GDONx, BRTANx, ZHE BA'I LAS MDZAD DKAR MOx, 'BYUNG BA CHU YIx, ,GDONx, BRTANx, RGYAS PA'I
, ,LAS MDZAD SER MOx, 'BYUNG BA SA YIx, GDONx, BRTANx, SRA BRTAN RDO RJE LTA BU'I TSE SROG KHUG ,LEGS TSOGS DPAL 'BYOR RGYAS PA'I GA-YANG SKYOBS SHIG , NYAMS DANG ZAD DANG YAR DANG 'THOR BA YI, ,TSE SOS TSE KHUG TSE YI DNGOS GRUB STZOL, ,TSE BCING BA NI, TSE RTEN 'OD DKAR PO'I DBUS SU RNAM PAR SHES PA YI GE NRi'I RNAM PA NYI ZLA GA'U KHA SBYOR GYI NANG DU YOD PA DE NYID RDO RJE LU GU RGYUD KYI THAG PAS BAR MTSAMS MED PAR BCINGS PAR GYUR, NYI ZLA GA'U KHA SBYOR DAG ,MI PHYED SRA BRTAN RDO RJE YI, ,LU GU RGYUD KYIS NYER BSDAMS PAS, ,NAM YANG MI GA-YO BRTAN PAR GYUR, ,AOm BADZRA RAKshA RAKshA YE SV'A H'A, TSE SBA BA NI, THUGS KA LAS 'PHROS PA'I 'OD ZER GYIS SNOD BCUD THAMS CAD 'OD DU ZHU STE RANG LA THIMS, DE YANG GA'U, DE 'OD, DE YI GE DE YANG 'JA' YAL BA LTAR GYUR, GANG GIS GNOD PAR MI NUS PA'I, ,GDOD NAS DAG PA'I STONG PA NYID, ,SKYE BA MED PA'I KLONG YANGS SU, ,MI 'GYUR BRTAN PA'I TSE SBAS SO, ,AOm SVA BH'A WA SHUDDHA SARBA DHARM'A: SVA BH'A WA SHUDDHO NYAHAm, TSE SRUNG BA NI, STONG PA'I NGANG LAS SKAD CIG GIS RANG NYID TSE DPAG MED DU GSAL BA'I SMIN MTSAMS KYI RTZA SGOR DPAL RTA MGRIN GRI GUG DANG THOD KHRAG 'DZIN PA,
'JIGS SU RUNG BA, ME DPUNG 'BAR BA'I DBUS NA BZHUGS PAS BAR CHAD THAMS CAD SRUNG BAR GYUR, SMIN MTSAMS RTZA YI SGO 'PHAR DU, ,RTA MGRIN KHRO RGYAL DBANG GI LHA, ,BZOD PAR DKAL BA'I GZI BRJID KYIS, ,TSE YI BAR CHAD THAMS CAD SRUNGS, ,AOm PADMANTA KRi TA H'Um PHAt, TSE SPEL BA NI, RAB YANGS MDUN GYI NAM MKHA' LA, ,RTZA BA'I BLA MA TSE DPAG MED, ,BRGYUD PA'I BLA MA SPRIN LTAR GTIBS, YI DAM LHA TSOGS 'KHOR GYIS BSKOR, ,MA MO MKHA' 'GRO GAR STABS SGYUR, ,CHOS SKYONG SRUNG MA BRAN DU 'KHOL, ,SNYAN PA'I DBYANGS KYI 'BRUG STONG LDIR, ,BKRA SHIS ME TOG CHAR DU 'BEBS, 'DIR 'DUS SKAL LDAN TSOGS RNAMS LA, ,'CHI MED TSE YI BKRA SHIS SHOG ,DPAL 'BYOR SNYAN GRAGS BKRA SHIS SHOG ,BDE CHEN YE SHES BKRA SHIS SHOG ,BSAM PA 'GRUB PA'I BKRA SHIS SHOG ,MDANGS RGYAS LUS KYI BDE STOBS 'PHEL BA DANG, ,NGAG SNYAN BRJOD PA'I RANG SGRA BDE BA DANG, ,NGAG GSAL SEMS KYI 'CHAR SGO YANGS PA RU, ,GDAN GSUM TSANG BA'I LHA YIS BYIN GYIS RLOBS, ,AOm SU PRA TIshthA BADZRA YE SV'A H'A, DE LTAR RGYAL MCHOG LNGA PAS MDZAD PA'I NYE BRGYUD TSE KHRID 'CHI MED RDO RJE'I SROG SHING GI RANG NYID KYI TSE BSGRUB TSUL BLA MA'I MAN NGAG BZHIN NAG 'GROS KYI TSUL DU, DAD
, ,BRTZON RNAM DPYOD YANGS PA DGE SDINGS NE'U GSING PA'I JO GSUM THAR LAGS KYIS 'PHRIN LAM NAS BSKUL NGOR BAN GZUGS DHA RMA BHA DRAS SBYOR BA'O,, BKRA SHIS SHOG,