, ,GRUB RGYAL LUGS KYI TSE DPAG MED LHA GCIG BUM GCIG GI DBANG BSKUR BZHUGS SO, ,
, ,NA MO GU RU MANYDZU GHO shA YA, SKU BZHI'I DBANG PHYUG BLA MA MCHOG RNAMS DANG, ,DBYER MED TSE SPYIN MGON LA GUS BTUD NAS, ,RANG GZHAN BLA MED RDZOGS BYANG SGRUB PA'I RTEN; ;YUN DU 'TSO BA'I THABS MCHOG BSHAD PAR BYA, ,DE LA 'DIR MA GCIG GRUB PA'I RGYAL MO'I LUGS KYI TSE DBANG LHA GCIG BUM GCIG TU GRAGS PA JI LTAR BSKUR BA'I TSUL LA GSUM, THOG MAR BCA' GZHI BSHAM TSUL, DBANG BSKUR GYI CHO GA DNGOS, MTHAR BSDU CHOG BSHAD PA'O, ,DANG PO NI, DUS TSES BZANG PO LA MTSAN NYID DANG LDAN PA'I GNAS KHANG BYI DOR BYAS LA TSE DPAG MED KYI SKU RTEN BKRAM, DE'I MDUN DU STEGS BU KHEBS LDAN MTHO GTZANG GI KHAR MAndAL PADMA 'DAB BZHI LTE BA DMAR ZHING 'DAB MA MDZES TSON DU BYAS PA'I STENG DU PHYE MAR LA MNGAR GSUM DAD BDUD
, ,RTZI'I PHYE MA BTAB PA'I TSE'I 'BRANG RGYAS BUM GZUGS RGYAN LDAN, DE'I GA-YAS SU TSOM BU'I STENG DU THONG PA'AM RIN PO CHE'I SNOD LA TSE CHAD MNGAR GSUM DANG BDUD RTZI'I PHYE MA BTAB PA; GA-YON DU TSOM BU'I STED DU RIN PO CHE'I SNOD LA MNGAR GSUM SPOD DANG SBYAR BA'I TSE RIL, DE RNAMS KYI MDUN DU DBUS SU 'BUL GTOR, GA-YAS SU CHOS SKYONG GI GTOR MA, GA-YON DU GZHI BDAG GTOR MA, DE'I MDUN DU BDAG MDUN GYI MCHOD PA RNAMS DANG, RANG GI MDUN DU RDOR DRIL, d'A MA RU, NANG MCHOD, 'THOR NAS, LAS BUM NANG RDZAS RDOR GZUNGS KHA RGYAN DANG BCAS PA, BGEGS GTOR, ME PHOR, LCE LDE, GUR YUNGS RNAMS PHYAG LEN BZHIN BSHAM MO, ,GNYIS PA LA GSUM, BSTEN PA'I CHO GA BDAG BSKYED BSHAD PA, SGRUB PA'I CHO GA MDUN BSKYED BSHAD PA, LAS SBYOR GYI CHO GA BLOB MA RJES BZUNG BSHAD PA'O, ,DANG PO NI STEN BDE BA LA 'KHOD NAS KUN SLONG BCOS LA SKYABS YUL DANG, SKYABS 'GRO'I RGYU GSAL BTAB STE, BLA MA SANGS RGYAS, ZHES SOGS TSIG RKANG GNYIS KYIS SKYABS 'GRO BDUD RTZI 'BEBS SBYANGS DANG BCAS PA DANG,
MAR GYUR 'GRO BA, ZHES SOGS TSIG RKANG GNYIS KYIS SEMS BSKYED DANG, SEMS CAN THAMS CAD BDE BA DANG, ZHES SOGS KYIS TSAD MED BZHI DANG, MA SEMS CAN THAMS CAD KYI DON DU x PHYIR DU 'CHI MED TSE'I RIG 'DZIN BSGRUB PAR BYA'O, ,ZHES PA GSUM GYIS KHYAD PAR GYI SEMS BSKYED BYAS LA, SKYABS YUL RNAMS 'ONG DU ZHU NAS RANG LA THIM PAS, RANG NYID SKAD CIG GIS BCOM LDAN 'DAS TSE DPAG MED DU GSAL BA'I THUGS KAR ZLA BA LA GNAS PA'I HR'I: DMAR PO'I 'OD ZER GYIS BDE BA CAN NAS BLA MA DANG GNYIS SU MED PA'I BCOM LDAN 'DAS TSE DPAG MED TSE KHRID BRGYUD PA'I BLA MA DANG BCAS PA LA, SANGS RGYAS DANG BYANG CHUB SEMS DPA'I TSOGS KYIS BSKOR BA MDUN GYI NAM MKHAR SPYAN DRANGS, 'OD ZER RANG GI SNYING GAR THIM, GANG GI DRIN GYIS x 'JIG RTEN 'DREN PA'I x GRUB PA'I RGYAL MO x AOm SARBA TA TH'A GA TA AA PA RI MI TA AA YURDZNYA NAS PA RI W'A RA AA RGHAm NAS, SHAPTA PRA T'I TZTSA YE SV'A H'A 'I BAR GYIS MCHOD, YID 'ONG DNGOS 'BYOR x SA ZLA'I NOR 'DZIN x ZHES YAN LAG BDUN PA MAndALA DANG BCAS PA PHUL TE, SNAR BA MTHA' YAS BDE GSHIGS KUN GYI GTZO, ,GRUB PA'I RGYAL MO 'CHI MED RIG 'DZIN BRNYES, ,GSANG SNGAGS SNGONG PO MCHOG GI 'BRAS BUS MDZES, ,GSOL BA 'DEBS SO TSE YI DNGOS GRUB STZOL, ,PHO NYA'I LAM GYIS MCHOG BRNYES RDO
, ,RJE GRAGS, ,SGRUB BRGYUD BSTAN PA'I SROG SHING MI LA RJE, ,ZLA 'OD GZHON NUR GRAGS PA'I SGAM PHO PA ,GSOL BA x PHAG MO GRU PA BDE GSHEGS 'DUS PA'I SKU, ,DE SRAS 'JIG RTEN MGON PO 'BRI GUNG PA,, RGYAL BA'I SRAS PO SPYAN SNGA RIN PO CHE, ,GSOL BA x RGYAL BA'I DBANG PO YANG DGON CHOS KYI RJE, ,THUGS SRAS DAM PA SPYAN SNGA RIN CHEN LDAN, ,KUN MKHYEN GNYIS PAR GRAGS PA'I ZUR PHUG PA, ,GSOL BA x BYAMS DANG SNYING RJE 'BYONGS BA'I 'BA' RA BA, ,SDE SNOD GSUM GYI MNGA' BDAG SHES RAB DPAL, ,SEMS DPA' CHEN PO TSUL KHRIMS DPAL BZANG ZHABS, ,GSOL BA x GNAS LUGS DON RTOGS RIN CHEN BSHES GNYEN DANG, ,BSLAB GSUM RNAM DAG SANGS RGYAS RGYA MTSO'I ZHABS, ,RGYAL BA KUN DNGOS RJE BTZUN SKYABS MCHOG DPAL, ,GSOL BO x SKU GSUM MNGON GYUR RGYAL BA DBEN SA PA, ,TSE DPAG MED DNGOS SANGS RGYAS YE SHES ZHABS, ,SLU MED LAM STON CHOS KYI RGYAL MTSAN LA; ;GSOL BA x SDOM BRTZON RGYAL PO'I TSUL 'DZIN PAD DKAR CAN, ,SNANG BA MTHA' YAS BLO BZANG YE SHES ZHABS, ,THAMS CAD MKHYEN PA BSKAL BZANG RGYA MTSO'I SDE, ,GSOL BA x RJE BTZUN BLO BZANG DPAL LDAN YE SHES DANG, BKA' DRIN MNYAM MED BSKAL BZANG CHOS RGYAL SOGS, ,DNGOS GRUB 'BYUNG GNAS RTZA BRGYUD BLA MA LA, ,GSOL BA x DRAN PAS TSE YI BAR GCOD KUN SEL ZHING, ,MCHOG DANG MTHUN MOD DNGOS GRUB KUN STZOL PA'I, ,LHA MI'I
'DREN PA MGON PO TSE DPAG MED, ,GSOL BA x BDAG DANG MTHA' YAS SEMS CAN MA LUS PA'I, ,DUS DANG DUS MIN 'CHI BA'I 'JIGS PA KUN, ,KHYOD ZHABS DRAN PA TZAM GYIS BSAL MDZAD NAS, ,TSE YI RIG 'DZIN THOB PAR BYIN BYIS RLOBS, ,ZHES GSOL BA BTAB NAS TSOGS ZHING BSDU, DE NAS AOm SVA BHA WAS CHOS THAMS CAD RANG BZHIN GYIS GRUB PAS STONGS PA'I STONG PA NYID DU GYUR, STONG PA'I NGANG LAS RMA BYAS BTEG PA'I RIN PO CHE'I KHRI'I STENG DU PAm LAS PADMA DANG AA LAS ZLA BA'I DKYIL 'KHOR GYI STENG DU RANG GI SEMS NYID YI GE HR'I: DMAR PO RING CHA TSEG DRAG DANG BCAS PA, RE LAS 'OD ZER 'PHROS, 'PHAGS PA MCHOD, SEMS CAN GYI DON BYAS TSUR 'DUS YONGS SU GYUR PA LAS, RANG NYID BCOM LDAN 'DAS TSE DANG YE SHES DPAG TU MED PA SKU MDOG DMAR PO ZHAL GCIG PHYAG GNYIS MNYAM GZHAG GI STENG NA 'CHI MED TSE'I BDUD RTZIS GANG BA'I GSER GYI BUM PA BSNAMS PA, DBU SKRA RAL PA'I THOR TSUGS CAN, MTSAN DANG DPE BYAD KYIS SPRAS PA, RIN PO CHE'I RGYAN BRGYAD DANG DAR GYIN BZAS KLUBS PA, DVANGS GSAL 'OD KYI RANG BZHIN CAN, SKU LAS SKYES PA'I 'OD KYI PHUNG PO'I DBUS NA ZHABS RDO RJE'I SKYIL KRUNG GIS BZHUGS PA, DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, LTE BAR SV'A SER PO, GSANG BAR H'A LJAR KHU 'OD ZER LNGA 'PHRO BA, THUGS KA'I H'Um LAS 'OD ZER 'PHROS PAS, RANG BZHIN GYI GNAS NAS BSGOMS PA DANG 'DRA BA'I YI SHES PA SPYAN DRANGS, DZA: H'Um BAm HO: GNYIS SU MED PAR GYUR, SLAR YANG THUGS
, ,KA'I H'Um LAS 'OD ZER 'PHROS PAS, DBANG GI LHA RNAMS SPYAN DRANGS, DE BZHIN GSHEGS PA THAMS CAD KYIS MNGON PAR DBANG BSKUR TU GSOL, ZHES GSOL BA BTAB PAS, DE RNAMS KYIS BDUD RTZES GANG BA'I BUM PA THOGS NAS; AOm SARBA TA TH'A GA TA AA BHI shE KA TA SA MA YA SHRI YE H'Um, ZHES GSUNGS SHING DBANG BSKUR, LUS GANG, DRI MA DAG ,CHU'I LHAG MA SPYI GTZUG TU GNAS PA YONGS SU GYUR PA YAS, BLA MA DANG DBYER MED PA'I SPRUL SKU TSE DPAG MED KYIS DBU BRGYAN PAR GYUR, DE NAS MCHOD PA RNAMS, AA MRi TAS BSANGS, SVABH'A WAS SPYANGS, STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA RNAMS KYI NANG DU H'Um LAS BYUNG BA'I MCHOD RDZAS RNAMS ZAG MED KYI BDE BA KHYAD PAR CAN BSKYED PAR GYUR, AOm ARGHAm NAS, SHAPTA A'A: H'Um GI BAR GYIS BYIN GYIS BRLABS LA, AOm AA PA RI MA TI AA YU RDZNYA NAS PA RI W'AR ARGHAm NAS SHATPA PRA TZTSI YE SV'AH'A 'I BAR GYIS PHYI MCHOD DANG, NANG MCHOD TSE CHAD LTAR BYIN GYIS BRLABS LA, GONG SNGAGS LA AOm A'A: H'Um BTAGS PAS PHUL, BCOM LDAN MGON PO TSE DPAG MED, ,SDIG PA'I DRI MA PHYIR BSAL NAS, ,MKHA' DANG MNYAM PA'I SKU MNGA' BA, ,MNYAM NYID SKU LA PHYAG 'TSAL LO, ,ZHES PAS BSTOD, DE NAS, RANG GI SNYID GAR ZLA BA'I DKYIL 'KHOR GYI STENG DU HR'I: YIG GI MTHAR SNYING PO DANG GZUNGS RING GIS BSKOR BA LAS 'OD ZER 'PHROS, RANG DANG BSGRUB BYA'I TSE 'BYUNG PO MA MI YIN GYIS PHROGS PA DANG, BRKUS PA DANG YAR BA THAMS CAD DANG, 'BYUNG BA LNGA'I BCUD DANG, SEMS CAN THAMS CAD KYI TSE BSOD DBANG THANG DANG, RGYAL BA SRAS
BCAS THAMS CAD KYI SKU GSUNG THUGS KYI BYIN RLABS RNAMS BDUD RTZI SNA LNGA 'OD ZER DANG BCAS PA'I RNAM PAR BKUG NAS, RIGS BDAG TSE DPAG MED KYI PHYAG GI BUM PA LA THIM, DE LAS BDUD RTZI'I RGYUN BABS PAS TSE THUNG 'GYUR GYI SDIG SGRIB NAD GDON THAMS CAD SPYANGS NAS 'CHI MED TSE'I RIG 'DZIN THOB PAR GYUR, CES BRJOD LA GZUNGS RING THUNG CI 'GRUB BZLA ZHING, BSNYEN TSAD NI RAB GZUNGS RING 'BUM PHRAG GCIG GAM, SNYING PO 'BRU 'BUM, 'BRING SNYING PO BZHI 'BUM, THA MA SNYING PO TSIG 'BUM MO, ,DE NAS YIG BRGYA BZLAS TE, DGE BA 'DI YIS MYUR DU BDAG ,CES SOGS KYIS DGE BA BSNGO'O, ,BSNYEN PA'I TSE THUN BZHI GA'AM THA MA'I MTHAR GTOR MA 'BUL LO, ,GNYIS PA NI, DANG POR LAS BUM BSANGS SPYANGS, STONG PA'I NGANG LAS BAm LAS BYUNG BA'I x DBYER MI PHYED PAR GYUR, BUM CHU'I STENG DU NYI MA'I DKYIL 'KHOR GYI DBUS SU H'Um YIG GI MTHAR LAS SNGAGS KYIS BSKOR BA LAS 'OD ZER 'PHROS, RGYAL BA SRAS BCAS KYI BYIN RLABS NUS MTHU THAMS CAD 'OD ZER GYI RNAM PAR BSDUS TE SNGAGS 'PHRENG LA THIMS PAS NUS LDAN DU GYUR PAR BSAM LA, AOm BADZRA AVA MRi TA KUndA LI HA NA HA NA H'Um PHAt, CES PA BRGYA RTZA TZAM BZLAS LA NYI DKYIL SNGAGS 'PHRENG SA BON DANG BCAS PA 'OD DU ZHU NAS BUM CHU LA THIM PAR GYUR CES BSANG CHU BSGRUB, TSE BUM AA MRi TAS BSANGS, SVA BHA WAS SBYANGS, BUM PA STONG PA NYID DU GYUR, STONG PA'I NGANG LAS BAm LAS BYUNG BA'I RIN PO CHE'I BUM PA DMAR PO LTO BA CHE BA, MGRIN PA RING BA, MCHU 'PHYANG BA, DPAG BSAM GYI SHING GIS KHA BRGYAN CING, LHA RDZAS
, ,KYI GOS KYIS MGUL PA BCINGS PA, PHYI BUM PA'I RNAM PA LA NANG LHA'I GZHAL YAS KHANG GRU BZHI SGO BZHI RGYAN RTA BABS DANG BCAS PA, DE'I DBUS SU RMA BYAS BTEG PA'I RIN PO CHE'I KHRI'I STENG DU, ZHES PA NAS, BSTOD PA'I BAR RANG NYID CES PA DOR NAS BDAG BSKYED LTAR BYAS LA, BUM NANG GI TSE DPAG MED KYI PHYAG MTSAN BUM PA'I NANG DU ZLA BA'I DKYIL 'KHOR GYI STENG DU, ZHES PA NAS, TSE'I RIG 'DZIN THOB PAR GYUR, CES BRJOD LA GZUNGS RING THUNG BZLA, DE NAS TSE CHANG BSANGS SPYANGS STONG PA'I NGANG LAS, YAm LAS RLUNG, RAm LAS ME, A'A: LAS MI MGO'I SGYID BU GSUM GYI STENG DU, A'A: LAS BYUNG BA'I THOD PA YANGS SHING RGYA CHE BA'I NANG GI PHYOGS MTSAMS DANG DBUS SU, BH'Um AAm DZRIm KHAm H'Am, LAm MAm PAm TAm BAm LAS SHA LNGA DANG BDUD RTZI LNGA'I STENG DU, AOm AAm: H'Um GIS MTSAN PA, RANG GI THUGS KA'I H'Um LAS 'OD 'PHROS, RLUNG GA-YOS, ME SPAR, THOD PA'I NANG GI RDZAS RNAMS ZHU ZHING KHOL, YI GE GSUM LAS 'OD 'PHROS, 'KHOR 'DAS KYI TSE BCUD THAMS CAD BKUG STE YI GE GSUM LA THIM PA THOD PAR LHUNGS NAS ZHU BAS SBYANGS RTOGS SBAR GSUM GYIS 'CHI MED KYI BDUD RTZIR GYUR, AOm A'A: H'Um LAN GSUM BRJOD, YANG TSE RIL BSANGS SPYANGS, STONG PA'I NGANG LAS BHR'Am LAS RIN PO CHE'I SNOD YANGS SHING RGYA CHE BA'I NANG DU HR'I: LAS TSE RIL RNAMS NAD RIGS BZHI BRGYA RTZA BZHI'I GNYEN POR GYUR PA'I SMAN SNA BZHI BRGYA RTZA BZHI 'DUS PA'I BCUD LEN GYI RIL BUR GYUR, CES BRJOD, DE NAS, TSE CANG DANG TSE RIL GYI STENG GI BZLAS PA'I SNGAGS
'PHRENG LAS 'OD ZER 'PHROS, RANG DANG BSGRUB BYA'I TSE, ZHES PA NAS, RNAM PAR BKUG NAS TSE CHANG DANG TSE RIL LA THIM PAR GYUR, CES BRJOD LA GZUNGS RING THUNG BZLA ZHING YIG BRGYAS LHAG CHAD BSKANGS, DE NAS GTOR MA GSUM GA TSE CHANG LTAR BYIN RLABS MTHUN MONG DU BYAS LA, BUM NANG GI LHA'I LJAGS 'OD ZER GYI SPU GUS GTOR MA'I BCUD DRANGS TE GSOL BAR GYUR, AOm AA PA RI MA TE A'A YURDZNYA NAS PA RI WA RA AI DAm BA LIm TA KHA KHA KH'A HI KH'A HI, LAN GSUM GYIS 'BUL, GONG LTAR PHYI NANG GIS MCHOD, 'DOD YON x BDUD RTZI x RGYAL BA x KHYAD PAR x LHA TSOGS x BZHES NAS x 'CHI MED x ZHES 'DOD DON LA GSOL BA BTAB LA, RDOR DRIL DANG BCAS THAL MO SBYAR TE, BCOM LDAN 'DAS TSE DPAG MED KYIS BDAG NYID LA TSE DBANG BSKUR BA'I GNANG BA STZAL TE; SLOB MA RNAMS KYIS 'CHI BA MED PA TSE'I DNGOS GRUB THOB PAR BYIN GYIS BRLAB TU GSOL, ZHES GNANG BA ZHU, GTOR MA GNYIS PA MKHA' 'GRO CHOS SKYONG RNAMS GYI LJAGS 'OD ZER GYI SBU GUS GTONG MA'I BCUD DRANGS TE GSOL BAR GYUR, AOm d'A KIN'I SHR'I DHARMA P'A LA SA PA RI W'A RA AI DAm BA LIm TA KHA KHA KH'A HI KH'A HI, LAN GSUM GYIS 'BUL, GONG SNGAGS LA MCHOD SNGAGS DANG 'BRU GSUM BTAGS NAS MCHOD, 'DOD YON x BDUD RTZI x MKHA' 'GRO x KHYAD PAR x BKA' SDOD x BZHES NAS x 'PHRIN LAS x ZHES 'DOD DON LA GSOL BA BTAB, GTOR MA GSUM PA GNAS BDAG GZHI BDAG RNAMS KYIS 'DOD YON LA LONGS SPYAD PAS TSIM BAR GYUR, AOm BHU MI PA TI SA PA RI W'AR AI ? DAm PA LIm TA KHA KHA KH'A HI KH'A HI, LAN GSUM GYIS BSNGO, GONG
, ,SNGAGS LA MCHOD SNGAGS DANG, 'BRU GSUM BTAGS NAS MCHOD, 'DOD YON x BDUD RTZI x STONG GSUM x KHYAD PAR x GNAS BDAG x BZHES NAS x STONGS GROGS x CES 'DOD DON BRJOD DO, ,GSUM PA LA GSUM, SNGON 'GRO, DNGOS GZHI, MJUG GO ,DANG PO NI, SLOB MA RNAMS PHYAG KHRUS DANG ME TOG BKYE BSDU BYAS TE GRAL DU 'KHOD PA LA, BDUD BZLOG DANG SLOB MA RNAMS KYI TSE BSRING BA LA BAR DU GCOD PA'I BGEGS KYI TSOGS RNAMS SBYANG GSUM GYIS BSAL LA BSRUNG 'KHOR BSGOM, DE NAS JO BO CHEN POS, GZHAN LA GDAM NGAG BYED PA NA, ,SNYING RJE PHAN SEMS LDAN PAR MDZOD, ,CES GSUNGS PA LTAR, RANG LA RNYED BKUR SNYAN GRAGS SOGS ZANG ZING 'DOD PA'I BLO SPANGS NAS GZHAN LA PHAN 'DOD KYI BSAM PA BZANG POS, 'O LAGS, GSER 'DUS RTZA RGYUD LE'U BRGYAD PA LAS, ZHING 'DI x CAN GYIS DBUL, ZHES GSUNGS PA LTAR, BLA MA DANG BCOM LDAN 'DAS TSE DPAG MED DBYER MA MCHIS PA'I DRUNG DU MA GCIG GRUB PA'I RGYAL MO'I LUGS KYI TSE DPAG MED LHA GCIG BUM GCIG GI TSE DBANG ZAB MO ZHU BA'I YAN DU MAndAL ZHIG 'BUL PAR MDZOD, CES BSKUL BA NAS, 'OD SKAD DU RJE BDAG NYID CHEN POS, 'DIR 'JUG PA NA SKAL BA BZANG NGO ZHES, ,LEGS PAR SOMS LA DGA' BA'I BZHIN GYI MA DANGS, ,RAB GSAL 'DZUM PA'I NYAMS DANG LDAN PA LAS, ,RNAM GA-YENG SNOD KYI SKYON GSUM SPONGS LA NYON, ,ZHES GSUNGS LTAR, SEMS GZHAN DU GA-YENGS BA SNOD KHA SBUB PA LTA BU DANG, KUN SLONG NGAN PAS NYAN PA
SNOD DRI MA CAN LTA BU DANG, BRJOD DU 'JUG PA SNOD ZHABS RDOL LTA BU'I SKYON GSUM SPANGS NAS, GNAS SKABS SU SKU TSE'I 'GAL RKYEN ZHI NAS 'CHI MED TSE'I DNGOS GRUB THOB PA DANG, MTHAR THUG SKU BZHI YE SHES LNGA'I BDAG NYID BCOM LDAN 'DAS TSE DPAG MED KYI GO 'PHANG MNGON DU BYAS NAS SEMS CAN LA PHAN BDE RGYA CHEN PO BSGRUB PAR BYA, DE'I PHYIR DU TSE DPAG MED LHA GCIG BUM GCIG GI TSE DBANG ZAB MO ZHU SNYAM PA'I SGO NAS RTZE GCIG TU BSGRIMS TE LEGS PAR GSAN 'TSAL, GSAN BYA DAM PA'I CHOS NI PAn CHEN BLO BZANG CHOS KYI RGYAL MTSAN GYIS, LUS CAN RNAMS LA RANG SROG LAS, ,GCES PA'I DNGOS PO GZHAN YOD MIN, ,DE PHYIR DE NYID DKAR PHYOGS KYI, ,ZLA LTAR SGRUB PA 'DI NA KO, ,ZHES GSUNGS PA LTAR, RANG CAG SO SKYE RNAMS LA PHYI NANG GI DNGOS PO'I KHROD NA RANG GI SROG LAS GCES PA MED PA BZHIN DU TSE SROG GONG DU SPEL BA'I GDAMS PA YANG GDAMS PA THAMS CAD KYI YANG RTZE KHO NA YIN LA, DE LA YANG LHA'I RNAM PA DANG RGYUD SDE'I RIM PA DANG, BZHENG SROL GYI KHYAD PAR JI SNYED CIG YOD PA LAS MCHOG TU GYUR PA NI MA GCIG GRUB PA'I RGYAL MO'I LUGS KYI TSE DPAG MED LHA GCIG BUM GCIG TU GRAGS PA TSE DPAG MED RNAL 'BYOR BLA MED DU SGRUB PA 'DI YIN TE, RGYAL MCHOG BSKAL BZANG RGYA MTSOS, 'CHI MED TSER DBANG GRUB PA'I RGYAL MO LAS, ,NYER 'ONGS 'OD MTSAN STONG DU 'BAR BA'I GZIS, ,NYES BRGYA'I SMAG RUM SEL BA'I STA GON DU, ,CHOG BSGRIGS SKYA RENGS GZHON NU 'DI NA BRAL, ,ZHES GSUNGS PA'I PHYIR, DE YANG SNGON BSKAL PA CHEN PO 'DZIN PAR 'KHOR LOS
, ,BSGYUR BA'I RGYAL PO RTZIBS KYI MU KHYUD? CES BYA BAS BDE GSHEGS RIN CHEN SNYING PO'I DRUNG DU THUGS BSKYED NAS RDZOGS SMIN SBYANGS GSUM MTHAR PHYIN TE, BDE BA CAN GYI ZHING DU RGYAL BA TSE DPAG MED KYI NGO BOR SANGS RGYAS SHING, RGYAL BA DE'I SKU TSE BSKAL PA 'DI NYID KYI BAR THUB PO ZHES TSAD BZUNG DU MED PAS NA MTSAN YANG TSE DPAG MED TU GRAGS SO, ,DES MA GCIG GRUB PA'I RGYAL MO ZHES BYA BA 'CHI MED RIG 'DZIN GYI SKU BRNYES PA DE LA DBANG LUNG MAN NGAG YONGS SU RDZOGS PA GNAD DES TI PHU GSANG SNGAGS SDONG PO LA GNAD, MA GCIG DANG TI PHU GNYIS KAS RJE RAS CHUNG RDO RJE GRAGS PA LA GNANG NGO, ,DE YANG RJE RAS CHUNG PA NYID KYIS, RJE BLA MA'I BKA' LUNG RDO RJE'I GSUNG, ,BSGRUB PHYIR RGYA GAR YUL DU PHYIN, ,LAM 'PHRAD 'JIGS PA CHE BAS NA, ,DKA' SPYAD SDUG BSNGAL MANG PO MYONG, ,'ON KYANG DKA' BA SPYAD RIN CHOG ,TI PHU GSANG SNGAGS SDONG PO DANG, ,MA GCIG GRUB PA'I RGYAL MO MJAL, ,NGO MTSAR CHE BA'I GDAMS NGAG MTHONG, ,MKHA' 'GRO'I LUNG BSTAN RTAGS DANG MJAL, ,RANG RE 'DOD PA'I MAN NGAG NI, ,RIG PA YE SHES SGRON ME DANG, ,RTZA RLUNG DRA MIG 'KHOR LO DANG, ,RO SNYOMS PHYI YI ME LONG DANG, ,BDE CHEN GSUNG GI RIN CHEN DANG, ,DAM TSIG RANG SEMS ME LONG DANG, ,DAM RDZAS RTOGS PA'I NYI MA DANG, ,SPYOD PA CHU YI RAL GRI DANG, RANG GROL PHYAG RGYA CHEN PO DANG, ,'CHI MED 'DUD RTZI'I BCUD LEN THOB, ,CES GSUNGS PA LTAR, STON PA DAR BLO'I RTZOD PA BZLOG PA DANG, LUS MED MKHA' 'GRO'I CHOS SKOR BZHES PA'I PHYIR RJE RAS CHUNG PA RGYA GAR LA PHYI MA PHEBS PA'I TSE, BLA MA TI PHU GSANG
SNGAGS SDONG PO LA LUS MED MKHA' 'GRO'I CHOS SKOR DANG PO BRGYAD ZHUS NAS BOD DU 'BYON KHAR, BLA MA'I ZHAL NAS, DE RING GRONG KHYER GYI TSONG DUS SU LTAR SONG GSUNGS NAS BYON PAS, RNAL 'BYOR PA SNGO BSANG NGE BA, KHRI SNYAN SA LE'I PHAGS PA PHRAG PA GA-YAS LA BKAL BA, RVA DUNG 'BUD PA ZHIG 'DUG PA DE GRUB CHEN AA MO GHA BADZRA CHUNG BA YIN PAS DES SPYAN CER GZIGS NAS, KHYOD LA ZHAG GAM ZLA BA BDUN GYI TSE LAS MI 'DUG GSUNGS PAS, SHIN TU BRED DE, TI PHU'I DRUNG DU BYON NAS LO RGYUS ZHUS PAS, KHYOD LA TSE DE LAS MED PA NGAS KYANG SHES TE MA SMRAS PA YIN, NGA MA GCIG GRUB PA'I RGYAL MO ZHES BYA BA TSE DPAG MED DNGOS SU GRUB PA ZHIG ,LHO PHYOGS NAGS TSAL DRA BA CAN NA YONG PAS DER SONG LA, GDAMS NGAG ZHUS SHIG GSUNGS PA LTAR BYON NAS GSER SRANG GSUM PHUL TE DBANG ZHUS NAS ZLA BA BDUN BSGOMS PAS DGUNG LO ZHE BZHI BSRANGS NAS BRGYAD CU GYA BZHI BZHUGS PAR GRAGS SHING, SLAD TI PHUS KYANG TSAR GCIG GNANG STE BOD DU BYON NAS RJE MI LA DANG MJAL BA'I TSE, MI LA'I ZHAL NAS SNGAR BOD DU MA GRAGS PA'I ZAB CHOS KHYAD PAR CAN ZHIG NGA LA SKYES SU PHUL CIG GSUNGS PAS BKA' MA CHOGS PAR CHOS 'DI RJE MI LA LA PHUL, DES SLOB MA'I GTZO BO NYI MA LTAR GRAGS PA DVAGS PO ZLA 'OD GZHON NU LA GNANG, DES SLOB MA'I GTZO BO KHAMS PA MI GSUM GYI NANG TSAN DPAL PHAG MO GRU PA RDO RJE RGYAL PO LA GNANG, DES SKU TSE'I BAR GYI SLOB MA'I GTZO BO 'BRI KHUNG SKYOB PA 'JIG RTEN MGON PO RIN CHEN DPAL LA GNANG, DES SPYAN SNGA GRAGS PA 'BYUNG GNAS LA GNANG, DES RGYAL BA YANG DGON CHOS RJE
, ,THUGS KYI RDO RJE LA GNANG, DES THUGS SRAS SPYAN SNGA RIN CHEN LDAN LA GNANG, DES ZUR PHUG PA RIN CHEN DPAL BZANG LA GNANG, DES 'BA' RA BA RGYAL MTSAN DPAL BZANG LA GNANG, DE LTAR RJE 'BA' RA PA'I BAR CHIG BRGYUD KHO NAR BZHUGS PA LA, SKYES MCHOG DES MKHA' 'GRO'I LUNG BSTAN BZHIN BKA' RGYA BKROL BAS CHOS 'DIS GRUB PA'I MTHA' THAMS CAD LA KHYAB CING LHAG PAR KUN MKHYEN CHEN PO SHES RAB DPAL BZANG LA GNANG, DES SEMS DPA' CHEN PO TSUL KHRIMS DPAL BZANG LA GNANG, DES 'KHRUL ZHIG RIN CHEN BSHES GNYEN LA GNANG, DES RAB 'BYAMS PA SANGS RGYAS RGYA MTSO LA GNANG, DES RJE BTZUN SKYABS MCHOG DPAL BZANG LA GNANG, DES RGYAL BA BLO BZANG DON GRUB LA GNANG, DES MKHAS GRUB SANGS RGYAS YE SHES LA GNANG, DES PAn CHEN BLO BZANG CHOS KYI RGYAL MTSAN LA GNANG, DES KUN MKHYEN NGAG DBANG BLO BZANG RGYA MTSO LA GNANG, DES RJE BTZUN BLO BZANG YE SHES LA GNANG, DES RGYAL MCHOG BSKAL BZANG RGYA MTSO LA GNANG, DES RJE BTZUN BLO BZANG DPAL LDAN YE SHES LA GNANG, DES BDAG CAG GI 'DREN MCHOG RJE BTZUN DAM PA BLO BZANG BSKAL BZANG CHOS RGYAL DPAL BZANG PO'I ZHAL SNGA NAS LA GNANG, RJE DE'I ZHABS DRUNG NAS BDAG GIS CHOS 'DI'I DBANG LUNG MAN DAG PHYAG LEN MTHA' DAG GI BKA' DRIN LEGS PAR THOB PAS NA, BRGYUD PA ZAM MA CHAD PAS BYIN RLABS KYI NGANG MA YAL ZHING, TSUL 'CHAL DANG DAM NYAMS DANG 'DRES KHYER GYI LHAD MA ZHUGS PAS MI BAR
KHYIS MCHOD PAR MKHA' 'GRO'I KHA RLANGS 'THUL BZHIN PAR BYON PA, YE SHES SKYE BA'I SNA 'DREN RJES GNANG GI PHYAG LEN RGYAS PA LA TSE'I DBANG ZHES GRAGS PA'I ZAB CHOS 'DI NYID 'CHAD PA SKABS SU BAB PA YIN LA, DE LA 'CHAD PA PO'I SLOB DPON YANG, LA MTHUN MONG PAS RGYUD SBYANGS PA, RGYUD SDE BZHI GANG RUNG GI DBANG THOB PA, DAM SDOM TSUL BZHIN DU SRUNG BA, GRANGS BSNYEN TSAD DU BSKYAL BA, BSKUR BYA'I TSE DBANG GI RGYAN THOB CING TSE DBANG BSKUR BA'I CHO GA LA MKHAS PA ZHIG DGOS PA LA, BDAG LTA BU'I 'CHED BA KUN LDAN GYI BLUN PO LA YON TAN NGA 'DRA'I CHA SHAS TZAM YANG MA MCHIS RUNG, SA SKYA LEGS BSHAD LAS, YON TAN KUN LDAN DKON PA LTAR, ,YON TAN CI YANG MED PA'ANG DKON, ,SKYON DANG YON TAN 'DRES PA LAS, ,YON TAN GTZO CHE MKHAS PAS STEN ZHES GSUNGS PA LTAR, CHOS RGYUN THOB CING CHO GA NGAG NAS THON PA RGYU MTSAN DU BYAS NAS 'CHAD PA YIN, 'CHAD YUL GYI SLOB MA YANG, GZU BOR GNAS SHING BLO GROS DANG LDAN PA, BLA MA DKON MCHOG DANG CHOS LA DAD 'DUN CHE BA, DKYIL 'KHOR GANG RUNG DU ZHUGS SHING DBANG BSKUR THOB PA ZHIG DGOS PA LA, SPYIR SNOD RUNG GI GTZO BO DAD PA CHE ZHING, BYE BRAG TU GSANG SNGAGS ZAB MO'I SNOD RUNG DBANG BSKUR THOB GSHIS DON GYIS TSANG BAR MNGON, DES NA TSE DBANG DNGOS GZHI 'BUL BA LA THOG MAR BLA MA LNGA BCU PA LAS, MDUN DU DUL BAR 'DUG PA DANG, ,GOS SOGS TSUL NI BSDAMS PA DANG, ,PUS BTZUGS THAL MO SBYAR BA YIS, ,NYAN SOGS 'DOD PAS GSOL GSUM GDAB, CES GSUNGS PA LTAR, ZHI ZHING DUL BA'I SPYOD LAM GYIS, ME TOG DANG BCAS
, ,SNYING GAR THAL MO SBYAR TE, BLA MA DANG NI RDO RJE 'DZIN, ,THA DAD PAR NI MI BRTAG GO ,ZHES GSUNGS PA LTAR, BLA MA TSE DPAG MED DU GSAL BA LA DAD MOS DANG LDAN PAS TSE'I DBANG BSKUR GYI RIM PA RNAMS STZAL TU GSOL SNYAM DU GSOL BA 'DEBS PA 'DI'I RJES ZLOS MDZOD, KUN MKHYEN YE SHES PHUNG PO CAN, ,SRID PA'I 'KHOR LO RNAM 'JOMS PA, ,DE RING BSHAD PA'I RIN CHEN GTER, ,GTZO BOS BDAG LA BKA' DRIN STZOL, ,LAN GSUM, DA MAndAL BSTAN PA ZHES BYA BA, GNAS KHANG 'DI YANG NUB PHYOGS BDE BA CAN GYI ZHING KHAMS SA GZHI THAMS CAD RIN PO CHE LAG MTHIL LTAR SNYOMS PA, RIN PO CHE'I RI DANG, DPAG BSAM GYI SHING DANG, KHRUS KYI RDZING BU DANG, ME TOG SNA TSOGS DANG, CHU BYA SNA TSOGS DANG, RIN PO CHE'I KHANG BZANG SNA TSOGS KYIS BRGYAN PA ZHIG TU BSGOMS PA'I DBUS SU TSE BUM 'DI YANG RIN PO CHE'I BUM PA DMAR PO PHYI BUM PA'I RNAM PA LA NANG BCOM LDAN 'DAS TSE DPAG MED KYI YE SHES RANG SNANG LAS GRUB PA'I LHA'I GZHAL YAS KHANG x ZHABS RDO RJE'I SKYIL KRUNG GIS BZHUGS PA, DE NYID KYI STENG GI NAM MKHAR CHOS SKU SNANG BA MTHA' YAS NAS, BDAG CAG GI 'DREN MCHOG RJE BTZUN DAM PA BLO BZANG BSKAL BZANG CHOS RGYAL DPAL BZANG PO'I ZHAL SNGA NAS KYI BAR GYI RTZA BRGYUD KYI BLA MA RNAMS DANG, MTHA' SKOR DU YI DAM SANGS RGYAS BYANG SEMS NYAN RANG DPA' BO MKHA' 'GRO CHOS SKYONG SRUNG MA RNAMS KYIS BSKOR NAS GZHAL YAS KHANG GI KHYON THAMS CAD MER GYIS GANG BA'I TSUL DU BZHUGS YOD SNYAM PA DANG, BLA MA YANG GONG LTAR TSE DPAG MED
DU GSAL BTAB NAS, DE DAG GI SPYAN SNGAR SKYABS YUL DKON MCHOG GSUM LA SKYABS SU 'GRO BA DANG, SROG GCOD SOGS SNGAR BSAGS KYI SDIG LTUNG RNAMS STOBS BZHI'I SGO NAS BSHAGS PA DANG, RANG GZHAN GYI DGE RTZA LA RJES SU YI RANG GI DGA' BAS SGOM PA GSUM SNGON DU BTANG STE, BDAG BSAM NAM MKHA' DANG MNYAM PA'I SEMS CAN THAMS CAD KYI DON DU THOB BYA BLA NA MED PA YANG DAG PAR RDZOGS PA'I SANGS RGYAS KYI GO 'PHANG RIN PO CHE CI NAS KYANG THOB PAR BYA, DE'I PHYIR DU TSUL KHRIMS GSUM GYIS BSDUS PA'I RGYAL SRAS KYI SPYOD PA MTHA' DAG LA BYANG CHUB MA THOB KYI BAR DU TSUL BZHIN DU BSRUNG PAR BYA'O SNYAM DU SMON 'JUG BYANG CHUB KYI MCHOG TU SEMS BSKYED PA 'DI'I RJES ZLOS MDZOD, DKON MCHOG GSUM LA x YID KYIS BZUNG, LAN GSUM, DA DBANG GI GZHI DGONG PA ZHES BYA BA, BSANGS SBYANGS SNGON DU 'GRO BAS KHYED RANG RNAMS KYI LUS GZHI LHAR BSKYED PA YIN PAS DENG GYI CHO GA'I TSIG RIS DANG BSTAN NAS SPYAN DMIGS BRTAN PO MDZAD PAR ZHU, AOm BADZRA AA MRi TAS BSANGS, AOm SVA BHA WAS SBYANGS, STONG PA'I NGANG LAS SLOB MA RNAMS KYI GO SAR RMA BYAS BTEG PA'I RIN PO CHE'I KHRI'I STENG DU PAm LAS PADMA DANG AA LAS ZLA BA'I DKYIL 'KHOR GYI STENG DU SGOM RNAMS KYI SEMS NYID YI GE HRI: DMAR PO x 'OD ZER LNGA 'PHRO BAR GYUR, CES BRJOD DO, ,GNYiS PA DNGOS GZHI LA BZHI, TSE BUM LA BRTEN PAS DBANG BSKUR BA, TSE CHANG LA BRTEN NAS DBANG BSKUR BA, TSE RIL LA BRTEN NAS DBANG BSKUR BA, SHIS BRJOD LA BRTEN NAS TSE SPEL BA'O, ,DANG PO LA GSUM, YAR BA 'GUGS PA, NYAMS PA GSO BA, TSE BSTIM PA'O,
, ,DANG PO NI, BLA MA TSE DPAG MED DU GSAL BA'I THUGS KA'I HR'I: LAS 'OD ZER 'PHROS PA BUM NANG GI TSE DPAG MED KYI THUGS KA'I HR'I: LA 'PHOG ,DE LAS 'OD ZER 'PHROS PA'I SNE MOR LHA MO DMAR SER PHYAG GA-YAS NA LCAGS KYU DANG GA-YON NA BUM PA THOGS PA DPAG TU MED PA SPROS PA RNAMS KYIS KHYED RANG RNAMS KYI TSE 'CHI BDAG GI GSHIN RJE DANG, BAN BON MTHU BO CHE DANG, RGYAL GDON SOGS 'BYUNG PO MI MA YIN GYIS PHROGS PA DANG BRKUS PA DANG, YAR BA THAMS CAD RDO KHAB LEN GYIS LCAGS PHYE LEN PA LTAR BUM PA DANG THOD PA DANG LHUNG BZED BDUD RTZIS GANG BA'I RNAM PAR BKUG STE LHA MO RNAMS KYI PHYAG GI BUM PA LA THIM, 'OD DANG BDUD RTZI DMAR SER DU ZHU BA'I RGYUN GYIS KHYED RANG RNAMS TSE DPAG MED DU GSAL BA'I SPYI BO NAS CHU RUB KYI TSUL DU DBANG BSKUR BAS, LUS KYI PHYI NANG BAR GSUM THAMS CAD DAG PAR BKRUS, TSE THUNG 'GYUR GYI NAD GDON SDEG SGRIB THAMS CAD SMRA SHAD DANG SHOG RO, SDOM DANG SDIG RA, SO LA KHU DANG DUD KHU'I RNAM PAR DBANG PO'I SGO DANG BA SPU'I BU GA THAMS CAD NAS PHYIR THON TE GAR SONG CHA MED DU DAG, LUS DVANGS GSAL 'OD KYI RANG BZHIN CAN DU GYUR PA DE 'CHI MED TSE'I BDUD RTZI DMAR SER 'OD ZER DANG BCAS PAS MER GYIS GANG, TSE NYAMS PA GSOS, YAR BA KHUGS, CHANG PA 'THUD, YO BA BSRANGS TE RDZAS KYI RDO RJE PHA LAM LTAR PHAR BA DNGOS POR 'DZIN PA THAMS CAD 'JOMS SHING, TSUR LA GANG GIS KYANG GZHOM ZHIG MA NUS PA'I 'CHI MED TSE'I RIG 'DZIN THOB BYUNG SNYAM PA'I MOS PA BRTAN PO MDZOD CIG ,CES BRJOD LA,
d'A DRIL DKROL ZHING, AOm AA MAR nI DZ'I WANT'I YE SV'AH'A, SKAL LDAN RIGS KYI BU 'DI LA TSE DBANG DU GYUR CIG ,TSE DNGOS GRUB TU GYUR CIG ,TSE MI 'GYUR BA'I GA-YUNG DRUNG DU GYUR CIG ,TSE MI SHIGS PA'I RDO RJER GYUR CIG ,TSE MI NUB PA'I RGYAL MTSAN DU GYUR CIG , 'CHI BA MED PA TSE'I RIG 'DZIN THOB PAR GYUR CIG, CES BRJOD LA ME TOG GTOR RO, ,GNYIS PA NYAMS PA GSO BA LA GSUM, TSE NYAMS PA GSO BA, BSOD NAMS NYAMS PA GSO BA, DAM SDOM NYAMS PA GSO BA'O, ,DANG PO LA LNGA LAS, NAM MKHA'I KHAMS KYI SGO NAS TSE NYAMS PA GSO BA NI, SLAR YANG BLA MA TSE DPAG x LHA MO SNGON MO x SPROS PA RNAMS KYIS RGYAN NAM MKHA' DANG, BU GA NAM MKHA' LA SOGS PA 'BYUNG BA NAM MKHA'I TSE BCUD THAMS CAD RDO KHAB LEN GYI LCAGS PHYE LEN PA LTAR 'OD DANG BDUD RTZI SNGON PO MTHING ZHUN MA'I MDOG CAN GYI RNAM PAR BKUG STE LHA MO RNAMS KYI PHYAG GI BUM PA LA THIM, DES KHYED RANG RNAMS x DAG PAR BKRUS, NAM MKHA'I KHAMS LA BRTEN NAS TSE GNAS PA LA GEGS BYED KYI NAD GDON x TSE'I BDUD RTZI SNGON PO 'OD ZER DANG BCAS PAS MER GYIS GANG, RNAM SHES DRUG DANG BU GA DGU SOGS NANG GI NAM MKHA'I KHAMS KYI SGO NAS TSE NYAMS PA RNAMS SOR CHUD DE BDUD RTZI LUS KYI ZUNGS DANG SROG GI RTEN DU GYUNG PA'I SGRO NAS 'CHI MED x THOB PAR GYUR CIG ,GNYIS PA RLUNG GI KHAMS KYI SGO NAS TSE NYAMS PA GSO BA NI, SLAR YANG x LHA MO LJANG KHU x SPROS PA RNAMS KYIS SHAR PHYOGS KYI RLUNG DANG, LHO x NUB x BYANG x SHAR LHO'I x LHO NUB KYI x NUB BYANG GI x BYANG SHAR GYI x STANG GI x 'OG GZHI RLUNG GI DKYIL 'KHOR LA SOGS
, ,PA 'BYUNG BA RLUNG KHAMS KYI TSE BCUD x BDUD RTZI LJANG KHU MRGAD ZHUN MA'I x DAG PAR BKRUS, RLUNG GI KHAMS LA BRTEN NAS x TSE'I BDUD RTZI LJANG KHU 'OD ZER DANG BCAS PAS MER GYIS GANG, RTZA BA'I RLUNG LNGA DANG YAN LAG GI RLUNG LNGA STE NANG GI RLUNG KHAMS KYI SGO NAS x CHUD DE, LUS SRED MED KYI BU DANG, GLANG PO CHE RAB BRTAN LTA BUR STOBS DANG YANG RTZAL PHUN SUM TSOGS PA DANG LDAN PA'I SGO NAS x THOB PAR GYUR CIG ,GSUM PA ME'I KHAMS KYI SGO NAS TSE NYAMS PA GSO BA NI, SLAR YANG x LHA MO DMAR MO x SPROS PA RNAMS KYIS NAGS TSAL GYI ME DANG RDO SOL GYI ME DANG, ME SHEL GYI ME DANG, SBYOR BSGRUBS KYI ME DANG, RGYUN BZHAG GI ME DANG, RTA GDONG GI ME DANG, TING NGE 'DZIN GYI ME DANG 'OG GZHI ME'I DKYIL 'KHOR LA SOGS PA 'BYUNG BA ME KHAMS KYI TSE BCUD x BDUD RTZI DMAR PO MTSAL ZHUN MA'I x DAG PAR BKRUS, ME'I KHAMS LA BRTEN NAS x TSE'I BDUD RTZI DMAR PO 'OD STONG DANG BCAS PAS MER GYIS GANG, LUS KYI BDE DRONG NANG GI ME KHAMS KYI SGO NAS x CHUD DE, LUS ME SHEL DANG, NYI MA'I SNYING PO LTA BUR BKRAG MDANGS DANG, GZI BRJID PHUN SUM TSOGS PA DANG LDAN PA'I SGO NAS x THOB PAR GYUR CIG, BZHI PA CHU KHAMS KYI LHO NAS TSE NYAMS PA GSO BA NI, SLAR YANG x LHA MO DKAR MO x SPROS PA RNAMS KYIS, MTSO DANG RDZING BU DANG, CHU MIG DANG KHRON PA DANG, LU MA DANG 'BAB CHU DANG LTENG GA DANG, SID TA DANG SINDHU DANG, PAKshU DANG, GANGH'A DANG, CHU GTER MA DROS PA DANG, NANG GOR LA MTSO BDUN DANG, PHYI'I RGYA RGYA MTSO CHEN PO DANG, 'OG GZHI TSU'I DKYIL 'KHOR LA SOGS PA 'BYUNG BA CHU KHAMS
KYI TSE BCUD x BDUD RTZI DKAR PO'O MA'I x DAG PAR BKRUS, CHU'I KHAMS LA BRTEN NAS x TSE'I BDUD RTZI DKAR PO 'OD ZER DANG BCAS PAS MER GYIS GANG, LUS KYI KHRAG DANG CHU SER LA SOGS PA NANG GI CHU KHAMS KYI SGO NAS x CHUD DE, LUS PADMA'I RTZA BA LTAR DKAR ZHING SNUM BAG PHUN SUM TSOGS PA DANG LDAN PA'I SGO NAS x THOB PAR GYUR CIG ,LNGA PA SA KHAMS KYI SGO NAS TSE NYAMS PA GSO BA NI, SLAR YANG x LHA MO SER MO x SPROS PA RNAMS KYIS, RI'I RGYAL PO RI RAB DANG, GSER GYI RI BDUN DANG, LCAGS RI NAG PO LA SOGS BA'I RIN PO CHE'I RI, MA LA YA LA SOGS PA'I NAGS RI, SPOS NGAD LDAN LA SOGS PA'I SPANG RI, GSER GYI BYA SKYIBS CAN LA SOGS PA'I BRAG RI, GANGS CAN LA SOGS PA'I GANGS RI, GZHAN YANG SA DANG RDO DANG RTZVA DANG SHING DANG 'BRU DANG SMAN DANG 'OG GZHI DBANG CHEN GSER GYIS GZHI LA SOGS PA 'BYUNG BAS KHAMS KYI TSE BCUD x BDUD RTZI SER PO GSER ZHUN MA'I x DAG PAR BKRUS, SA'I KHAMS LA BRTEN NAS x BDUD RTZI SER PO 'OD ZER DANG BCAS PAS MER GYIS GANG, LUS KYI SHA DANG RUS PA LA SOGS PA NANG GIS KHAMS KYI SGO NAS x CHUD DE, LUS RI'I RGYAL PO RI RAB LTAR SA ZHING BRTAN BRLING PHUN SUM TSOGS PA DANG LDAN PA'I SGO NAS x THOB PAR GYUR CIG ,GNYIS PA BSOD NAS NYAMS PA GSO BA NI, SLAR YANG x LHA MO KHA DOG SNA TSOGS PA x SPROS PA RNAMS KYIS TSANGS PA DANG BRGYA BYIN LA SOGS PA STENG GI LHA TSE RING PO RNAMS DANG, DGA' PO DANG 'JOG PO LA SOGS PA 'OG GI KLU TSE RING PO RNAMS DANG, STONG 'KHOR LOS BSGYUR PA'I RGYAL PO DANG, GRUB PA THOB PA DANG, RIG PA 'DZIN PA DANG, MKHAS PA
, x,KAndA TA LA SOGS PA BAR GYI MI TSE RING PO RNAMS KYI TSE DANG BSOD RNAMS, ,DPUNG DANG BU RTA, KHAS DRAG DBANG CHE, DPAL 'BYOR LONGS SPYOD, BKRAG MDANGS GZI BRJID THAMS CAD RDO KHAB LEN GYIS LCAGS PHYE LEN PA LTAR, BKRA SHIS RTAGS BRGYAD DANG RDZAS BRGYAD, RGYAL SRID SNA BDUN DANG NYE GA'I RIN CHEN SNA BDUN GYI RNAM PAR BKUG STE, LHA MO RNAMS KYI PHYAG GI BUM PA LA THIM, 'OD DANG BDUD RTZI SNA LNGAR ZHU BA'I RGYUN GYIS KHYED RANG RNAMS x DAG PAR BKRUS, STOBS 'BYOR BSOD NAMS CHEN PO'I SGO NAS TSE GNAS PA LA GEGS BYED KYI NAD GDON x BDUD RTZI SNA LNGA 'OD ZER DANG BCAS PAS SER GYIS GANG, STOBS 'BYOR TSE BSOD NYAMS PA RNAMS SOR CHUD DA, LHA RNAMS KYI DBANG PO BRGYA BYIN DANG, STONG GSUM MI MDZED KYI BDAG PO TSANGS PA SOGS DANG SKAL PA MNYAM PA'I SGO NAS x THOB PAR GYUR CIG ,GSUM PA DAM SDOM NYAMS PA GSO BA NI, SLAR YANG x LHA MO DKAR DMAR MTHING GSUM x SPROS PA RNAMS KYIS PHYOGS BCU'I ZHING RAB 'BYAMS NA BZHUGS PA'I TSE KHRID BRGYUD PA'I BLA MA YI DAM SANGS RGYAS BYANG SEMS DPA' BO MKHA' 'GRO TSES SKYONG SRUNG MA LHA MI'I GRUB PA DANG RIG PA 'DZIN PA RNAMS KYI SKU'I BYIN RLABS THAMS CAD TSE DPAG MED KYI SKU DANG, GSUNG GI BYIN RLABS RNAMS PO TI DANG YIG 'BRU DANG DBYANGS GSAL GYI RNAM PA DANG, THUGS KYI BYIN RLABS RNAMS RDOR DRIL DANG, TSE'I BUM PA DANG, PADMA DMAR PO LA SOGS PA PHYAG MTSAN SNA TSOGS GYI RNAM PAR BKUG STE, 'OD DANG BDUD RTZI DKAR DMAR MTHING GSUM DU ZHU BA'I RGYUN GYIS KHYED RANG RNAMS x DAG PAR
BKRUS, LUS NGAG YID GSUM GYIS BSAGS PA'I TSE THUNG 'GYUR GYI NAD GDON x BDUD RTZI DKAR DMAR MTHING GSUM GYIS MER GYIS GANG, DAM TSIG DANG SDOM PA NYAMS PA RNAMS SOR CHUD DE, BLA MA LHA TSOGS RNAMS KYI BYIN RLABS ZHUGS PA'I SGO NAS x THOB PAR GYUR CIG ,GSUM PA TSE BSTIM PA NI, SLAR YANG x DE LAS 'OD ZER 'PHROS PAS NUB PHYOGS BDE BA CAN NAS BCOM LDAN 'DAS TSE DPAG MED LA TSE KHRID BRGYUD PA'I BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA RNAMS KYIS BSKOR BA SPYAN DRANGS, BUM NANG GI TSE DPAG MED LA THIM, DE LAS RANG 'DRA GNYIS PA RE CHAD NAS KHYOD RANG RNAMS TSE DPAG MED DU GSAL BA'I SBYI BOR BZHUGS PA LA, NGED KYIS GSOL BA BTAB BAS SKU'I CHA LAS BDUD RTZI SNA LNGA 'OD ZER DANG BCAS PA'I RGYUN BABS, LUS KYI PHYI NANG BAR GSUM THAMS CAD DAG PAR BKRUS, TSE THUNG 'GYUR GYI x LUS DVANG SA GSAL 'OD GYI RANG BZHIN CAN DU GYUR PA DE LA SPYI BO'I TSE DPAG MED THIM PAS, KHYOD RANG RNAMS KYI LUS NGAG YID GSUM DANG TSE DPAG MED KYI SKU GSUNG THUGS DBYER MED RO GCIG TU GYUR PA'I SGO NAS x MDZOD CIG ,CES BRDA SPRAD LA, TSE BUM MGO THOG TU BZHAG STE, PHYOGS BCU DUS GSUM GYI RTZA BA DANG BRGYUD PAR BCAS PA'I DPAL LDAN BLA MA DAM PA RNAMS KYIS BYIN GYIS RLOBS SHIG ,CHOS SKU SNANG BA MTHA' YAS KYIS x NAS GCIG GRUB PA'I RGYAL MOS x CES PA NAS, BDAG GI 'DREN MCHOG DAM PA x ZHAL SNGA NAS KYIS x YI DAM x SANGS RGYAS x DPA' PO x CHOS SKYOR x KHYAD PAR DU YANG BCOM LDAN 'DAS TSE DPAG MED KYI LHA TSEGS
, ,'KHOR DANG BCAS PA RNAMS KYIS x KHYED RNAMS LA MKHYEN PA'I YE SHES, BRTZE BA'I THUGS RJE, MDZAD PA'I 'PHRIN LAS, SKYOB PA'I NUS MTHU BSAM GYIS MI KHYAB PA MNGA' BA LAGS PAS SLOB MA 'DI NYID KYI RLUNG MKHRIS BAD KAN 'DUS PA LA SOGS PA'I LUS KYI NA TSA, MYA NGAN SMYO 'BOG SNGANGS SKRAG LA SOGS PA'I SEMS KYI SDUG BSNGAL, DGRA JAG CHOM RKUN GCAN GZAN LA SOGS PA'I GZUGS CAN MI DANG, DUD 'GRO'I GNOD PA, STENG GDON GZA' DANG RGYU SKAR, 'OG GDON KLU DANG SA BDAG ,BAR GDON BTZAN DANG RGYAL 'GONG LA SOGS PA'I GZUGS MED LHA 'DRE'I GNOD PA, SA CHU ME RLUNG 'KHRUGS PA LA SOGS PA'I SEMS MED 'BYUNG BA'I GNOD PA, LO ZLA ZHAG SKAG RMI LTAS MTSAN NGAN DUS MIN 'CHI BA SOGS 'GAL RKYEN BAR GCOD MI MTHUN PA'I PHYOGS THAMS CAD LAS BSRUNG BAR MDZOD, BSKYAB PAR MDZOD, SPA BAR MDZOD, TSE DANG BSOD NAMS, DPUNG DANG BU RTA, KHAS DRAG DBANG CHE, DPAL 'BYOR LONGS SPYOD, BKRAG MDANGS GZI BRJID LUNG RTOGS KYI YON TAN SOGS MTHUN RKYEN LEGS TSOGS THAMS CAD YAR DO'I ZLA BA LHAR GONG NAS GONG DU 'PHEL ZHING RGYAS PAR MDZAD DU GSOL, ZHES DANG GZUNGS RING THUNG BZLAS LA, ZHES GSOL BA BTAB PAS, RGYAL BA TSE DPAG MED LAS RANG 'DRA GNYIS PA ZHIG CHAD NAS SLOB MA TSE DPAG MED DU GSAL BA LA THIM PAS SLOB MA'I LUS NGAG YID GSUM DANG TSE DPAG MED KYI SKU GSUNG THUGS DBYER MED RO GCIG TU GYUR PA'I SGO NAS BYIN GYIS BRLABS PAR GYUR, DZA: H'Um BAm HO
GNYIS PA TSE CHANG LA BRTEN NAS DBANG BSKUR BA NI, RIGS LNGA'I NGO BO SHA LNGA DANG YUM LNGA'I NGO BO BDUD RTZI LNGA RDO RJE GSUM GYIS SPYANGS RTOGS SPAR GSUM BYAS PA LA 'KHOR 'DAS KYI TSE BCUD THAMS CAD BSTIM PA'I MCHI MED KYI BDUD RTZI 'DI MYANGS PA LA BRTEN NAS RTZA RLUNG THIG LE RNAMS LAS RUNG DU BYAS NAS RDZOGS RIM GYI RTOGS PA BSKYED PA'I SGO NAS TSE BSRING BA'I DAM RDZAS KHYAD PAR CAN YIN PAS 'DI BZHES PAR MDZOD, 'CHI MED RIGS LNGA ZHU BA'I RDZAS, ,'KHOR 'DAS YON TAN DVANGS MA'I BCUD, ,GSOL BAS LAS RLUNG 'CHI BDAG DGRAS, ,MI GA-YO BDE STONG RDZOGS PAR SHOG ,AOm AAM x SV'AH'A, GSUM PA TSE RIL LA BRTEN NAS DBANG BSKUR BA NI, NANG RIGS BZHI BRGYA RTZA BZHI'I GNYEN POR GYUR PA'I SMAN SNA BZHI BRGYA RTZA BZHI BSDUS PA LA, 'KHOR 'DAS KYI TSE BCUD THAMS CAD BSTIM PA'I BCUD LEN KYI RIL BU 'DI MYANGS PA LA BRTEN NAS RAGS LUS KYI 'BYUNG BZHI CHA SNYOMS SU BYAS NAS BSKYED RIM GYI RTOGS PA BSKYED PA'I SGO NAS TSE BSRING BA'I DAM RDZAS KHYAD PAR CAN YIN PAS 'DI BZHES PAR MDZOD, BZHI BRGYA RTZA BZHI'I NAD 'JOMS SMAN, ,SNYING PO KUN 'DUS DPAL GYI ZAS, ,GSOL BAS BAR CHAD NANG GDON LAS, ,RGYAL TE 'JIG MED SKU BRNYES SHOG ,AOm AA MA x SV'AH'A, BZHI PA SHIS BRJOD LA BRTEN NAS TSE SPEL BA NI, SLAR YANG x DE LAS 'OD ZER 'PHROS PAS, TSE KHRID BRGYUD PA'I BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA THAMS CAD SPYAN DRANGS TE, MDUN GYI NAM MKHAR BZHUGS NAS ME TOG GI CHAR 'BEBS SHING GAR ROL DANG BCAS TE SHIS
, , ,BRJOD KYI GLU DBYANGS BSGRAGS PAS KHYED RANG RNAMS KYI TSE SNGAR YONG GONG 'PHEL DU GYUR PA'I MOS PA MDZOD, SBYIN PA'I STOBS KYIS ZHES SOGS SAM, RAB YANGS MDUN GYI NAM MKHA' LA, ,RTZA BA'I BLA MA TSE DPAG MED, ,BRGYUD PA'I BLA MA SPRIN LTAR 'THIBS, ,YI DAM LHA TSOGS 'KHOR GYIS BSKOR, ,MA MO MKHA' 'GRO GAR STABS BSGYUR, ,CHOS SKYONG SRUNG MA BRAN DU 'KHOL, ,SNYAN PA'I DBYANGS KYI 'BRUG STONG LDIR, , BKRA SHIS ME TOG CHAR DU 'BEBS, ,'DIR 'DUS SKAL LDAN TSOGS RNAMS LA, ,'CHI MED TSE YI BKRA SHIS SHOG ,DPAL 'BYOR SNYAN GRAGS BKRA SHIS SHOG ,BDE CHEN YE SHES BKRA SHIS SHOG ,BSAM PA 'GRUB PA'I BKRA SHIS SHOG ,MDANGS RGYAS LUS KYI BDE STOBS 'PHEL BA DANG, ,NGAG SNYAN BRJOD PA'I RANG SGRA BDE BA DANG, ,DAG GSAL SEMS KYI 'CHAR SGO YANGS PA RU, ,GDAN GSUM TSANG BA'I LHA YIS BYIN GYIS RLOBS, , AOm NA MO x SV'AH'A, GSUM PA MJUG NI, DE LTAR TSE DBANG THOB PA'I SKABS KYI DAM TSIG DANG SDOM PA RNAMS LEGS PAR BSRUNG SNYAM PAS 'DI'I RJES ZLOS MDZOD, GTZO BOS JI LTAR BKA' STZAL PA, ,DE DAG THAMS CAD BDAG GES BGYI, ,ZHES TSAR GSUM, 'O DES MA GCIG GRUB PA'I RGYAL MO'I LUGS KYI TSE'I DBANG BSKUR GYI RIM PA RNAMS LEGS PAR PHUL GRUB PA YIN PAS, DE'I BKA' DRIN GTANG RAG GI YON DU RANG GI LUS BRAN DU
'BUL SNYAM PAS 'DI'I RJES ZLOS MDZOD, DENG NAS BRTZAMS TE BDAG BRAN DU, ,KHYED LA BDAG NI 'BUL LAGS KYI, ,KHYED KYI SLOB MAR GZUNG BA DANG, ,CHA YIS KYANG NI SPYAD DU GSOL, ,ZHES PA DANG MAndAL 'BUL DU GZHUG GO ;GSUM PA MTHAR BSDU CHOG BSHAD PA NI, MCHOD KHA GSOS PA BYIN GYIS BRLABS LA MCHOD BSTOD, YIG BRGYA, BZOD GSOL RNAMS BYAS TE, BADZRA MU: TSE BUM GYI LHA YE SHES PA RANG BZHIN GYI GNAS SU GSHEGS, DAM TSIG PA RANG NYID LA THIM PAR GYUR, CES BRJOD LA, BSNGO SMON SHIS BRJOD BCAS BYAS TE LAS KYI RJES MI MNGON PAR BYA'O, ,SMRAS PA, GANG MTSAN BCU GNYIS BDAG PO'I 'OD SNANG CHA, ,SGRA 'DZIN KHUNG BUR ZHUGS PA TZAM GYIS KYANG, ,MTSUN LHA'I SMAG RUM PHA MTHAR SKROD DO ZHES, ,RNAM 'DREN BZHI PA'I LJAGS YANGS KLONG LAS BSGRAGS, ,DE PHYIR SNOD RUNG ZAB MO'I RGYUN THOB CING, ,SNGON DU BSNYEN PAS RANG GI RGYUD SBYANGS NAS, ,MA NOR CHO GAS GZHAN LA PHAN GDAGS PA, ,DE 'DRA'I PHAN YON SMOS KYANG CI ZHIG 'TSAL, ,'ON TE SNOD MIN MANG PO'I 'KHOR DBUS SU, ,NOR 'KHRUGS CHO GA'I GZUGS BRNYAN LHUR LEN KYANG, ,GRAGS CAN SANGS RGYAS DNGOS SU RLOM PA RNAMS, ,SREG 'TSANG ME NUS BI SHVA NA RA'I SPUN, ,TSUL 'DIR 'BAD LAS THOB PA'I DGE TSOGS MTHUS, ,DUS MIN 'CHI BA'I DGRA LAS RNAM RGYAL TE,
, ,MTHA' YAS 'GRO LA GNAS SKABS MTHAR THUG GI ,PHAN BDE TSE 'DI NYID LA STER GYUR CIG ,CES MA GCIG GRUB PA'I RGYAL MO'I LUGS KYI TSE DPAG MED LHA GCIG BUM GCIG TU GRAGS PA'I TSE DBANG BSKUR TSUL 'CHI MED SROG GI DPAL STER ZHES BYA BA 'DI NI, YUL GCAD STOD GA-YAS RU'I CHAR SKYES PA'I SH'AKYA'I DGE SLONG DHARMA BHA DRAS RAB BYUNG BCU BZHI PA'I NANG TSAN RNAM 'BYUNG GI LO'I SNON ZLA BA'I GRAL TSES BZANG POR BRIS, ,SARBA MANGGA LAm SARBA DZA GA TAm,, ,,*, ( SDE DGE'I PAR RKOS PADMA NOR BU YI GANG SHES BRTZON 'GRUS KYI SGO NAS PAR TU 'GRUB PA'O, ,ZHAL GRO ),, ,,