, ,TSE SGRUB MTHUN MONG DANG MTHUN MONG MA YIN PA ZAB GNAD CAN 'KHYER BDE KUN PHAN BZHUGS SO,,
, ,NA MO GU RA WE, BLA MA SANGS RGYAS CHOS DANG TSOGS MCHOG LA, ,BYANG CHUB MA THOB BAR DU BDAG SKYABS MCHI, ,MAR GYUR 'GRO BA KUN GYI DON BSGRUB PHYIR, ,BDAG GIS BYANG CHUB MCHOG TU SEMS BSKYED DO, ,GSUM, RANG GI SPYI BOR KHRI PAD ZLA BA'I STENG, ,RTZA BA'I BLA MA MGON PO TSE DPAG MED, ,SKU MDOG DMAR PO ZHAL GCIG PHYAG GNYIS KYIS, ,MNYAM GZHAG STENG NA TSE YI BUM BZANG BSNAMS, ,RIN CHEN RGYAN DANG DAR GYI NA BZAS KLUBS, ,ZHABS GNYIS RDO RJE'I SKYIL KRUNG GIS BZHUGS PA'I, ,GNAS GSUM AOm A'A: H'Um MTSAN 'OD ZER GYIS, ,YE SHES SPYAN DRANGS SKYABS KUN NGO BOR GYUR, ,'JIG RTEN 'DREN PA'I GTZO BO TSE DPAG MED, ,DUS MIN 'CHI BA MA LUS 'JOMS PA'I DPAL, ,SKYABS GSUM KUN 'DUS TSE DPAG MED MGON LA, ,PHYAG 'TSAL 'CHI MED TSE YI DNGOS GRUB STZOL, ,YID 'ONG DNGOS 'BYOR YID SPRUL MCHOD TSOGS 'BUL, ,SDIG LTUNG KUN BSHAGS DGE LA RJES YI RANG, ,'GRO LA THEG CHEN CHOS 'KHOR BSKOR BA'I PHYIR, ,RTAG PAR BZHUGS GSOL DGE RTZA
, ,BYANG CHEN BSNGO, ,SKYABS GNAS KUN 'DUS BLA MA LHAG PA'I LHA, ,MGON PO TSE DPAG MED LA GSOL BA 'DEBS, ,BDAG DANG MKHA' MNYAM SEMS CAN THAMS CAD LA, , 'CHI MED TSE YI DNGOS GRUB STZAL DU GSOL, ,GSUM, DE LTAR MCHOD CING GSOL BA BTAB PA'I MTHUS, ,MGON PO'I THUGS KAR ZLA STENG HR'I: YIG MTHAR, ,GZUNGS SNGAGS PHRENG BAS BSKOR LAS 'OD 'PHROS PAS, ,RANG DANG BSGRUB BYA'I BLA TSE YAR BA DANG, ,NAM MKHA' RLUNG ME CHUS 'BYUNG LNGA'I BCUD, ,LHA KLU MI YI TSE BSOD SHES RAB DANG, ,SRAS BCAS RGYAS BA'I GSANG GSUM BYIN RLABS RNAMS, ,BDUD RTZIR BKUG NAS PHYAG GI BUM PAR THIMS, ,LUNG PA'I RGYUN GYIS NANG GDON SDIG SGRIB BKRUS, ,'CHI MED TSE YI DNGOS GRUB THOB PAR GYUR, ,AOm AA M'A RA nI DZ'I WANT'I YE SV'AH'A, CI MANG BZLA, DGE 'DIS TSE RING NAD MED 'BYOR PA RGYAS, ,LUNG RTOGS YON TAN DBYAR MTSO LTAR 'PHEL TE, ,STOBS BCU'I GO 'PHANG THOB NAS MKHA' MNYAM GYI, ,'GRO BA'I MGON SKYABS DPUNG DU BDAG GYUR CIG ,
(CES PA 'DI YANG DHARMA BHA DRAS RANG GI NYAMS LEN DU BRIS,, ,, ` ,MTHUN MONG MA YIN PA NYAMS SU LEN TSE,) ` RANG GI SPYI BO'I TSE DPAG MED MGON SKU, ,RANG LA THIM PAR GYUR BAS RANG LUS 'DI, ,TSE DPAG MED MGON BSKYED RIM LA BRTEN NAS, ,'CHI MED TSE YI DNGOS GRUB THOB PAR GYUR, (,GZUNGS RING BZLA,) LUS GNAD RNAM SNANG CHOS BDUN LEGS BCAS NAS, ,YI DAM LHAR GSAL PHYI NANG STONG RA BSGOM, ,SPYI BO NAS BZUNGS LTE 'OG SOR BZHI'I BAR, ,AA BA DH'U DH'I SBOM PHRA SBA LCAG TZAM, ,PHYI SNGO NANG DMAR KHYAD CHOS GSUM DANG LDAN, ,SPYI BOR RTZA 'DAB SUM CU RTZA GNYIS DANG, ,MGRIN PAR BCU DRUG SNYING GAR BRGYAD DANG NI, ,LTE BAR DRUG CU RTZA BZHI GSAL BAR LTA, ,DH'U T'I'I MAS SNAR TSE DPAG MED MGON SKU, ,DMAR ZHING GSAL BA NYI MA LTA BU YI, ,THUGS KA'I HR'I: LAS 'OD ZER RAB 'PHROS PAS, ,'KHOR 'DAS BRTAN GA-YO'I TSE BCUD KUN 'DUS NAS, ,TSE DPAG MED PA'I BUM PAR THIM PA RNAMS, ,ZHU ZHING KHOL NAS BDUD RTZI DMAR POR LUNG, ,LTE SNYING MGRIN PA SPYI BO'I RTZA RNAMS KHENGS, ,'CHI MED TSE YI DNGOS GRUB THOB PAR GYUR, (,GZUNGS BZLA,) DH'U TI'I YAS SNAR TSE DPAG MED MGON SKU, ,DKAR ZHING GSAL BA ZLA BA LTA BU YI, ,THUGS KA'I HR'I: LAS 'OD ZER RAB 'PHROS PAS, ,'KHOR 'DAS BRTAN GA-YO'I TSE BCUD KUN BSDUS NAS, ,TSE DPAG MED PA'I BUM PAR THIMS PA RNAMS, ,ZHU ZHING KHOL NAS BDUD RTZI DKAR POR LUD, ,SPYI MGRIN SNYING GA LTE BA'I RTZA RNAMS KHENGS
, ,'CHI MED TSE YI DNGOS GRUB THOB PAR GYUR, (,GZUNGS BZLA,) RLUNG PHYIR 'GRO TSE MAS SNA'I BUM NANG GI, ,BDUD RTZI DMAR PO KHOL ZHING LUD PA YIS, ,LTE SNYING MGRIN PA SPYI BO'I RTZA RNAMS KHENGS, ,NANG DU 'JUG TSE YAS SNA'I BUM NANG GI, ,BDUD RTZI DKAR PO KHOL ZHING LUD PA YIS, ,SPYI MGRIN SNYING GA LTE BA'I RTZA RNAMS KHENGS, ,DKAR DMAR BDUD RTZIS LUS GANG BDE STONG GIS, ,'CHI MED TSE YI DNGOS GRUB THOB PAR GYUR, (,GZUNGS BZLA,) MAS SNA'I TSE DPAG MED MGON YAB YUM GNYIS, ,SNYOMS PAR ZHUGS PA'I BYANG SEMS DKAR DMAR GYIS, ,LTE BAR DGA' BA SNYING GAR MCHOG DGA' DANG, ,MGRIN PAR KHYAD DGA' SPYI BOR LHAN SKYES SKYES, ,BDE BAS STONG NYID RTOGS PA'I YE SHES KYIS, ,'CHI MED TSE YI DNGOS GRUB THOB PAR GYUR, (,GZUNGS BZLA,) LAS SNA'I TSE DPAG MED MGON YAB YUM GNYIS, ,SNYOMS PAR ZHUGS PA'I BYANG SEMS DKAR DMAR GYIS, ,SPYI BOR DGA' BA MGRIN PAR MCHOG DGA' DANG, SNYING GAR KHYAD DGA' LTE BAR LHAN SKYES SKYES, ,BDE% BAS STONG NYID RTOGS PA'I YE SHES KYIS, ,'CHI MED TSE YI DNGOS GRUB THOB PAR GYUR, (,GZUNGS BZLA,) SROG 'DZIN AOm GYI GDANGS KYIS NANG DU ZHUGS, ,H'Um GI GDANGS KYIS SNYING THIG H'Um LA GNAS, ,A'A: YI GDANGS KYIS SLAR YANG PHYIR LDANG BA'I, ,RLUNG SNGAGS DBYER MED RDO RJE'I BZLAS PA YIS, ,'CHI MED TSE YI DNGOS GRUB THOB PAR GYUR, (,RLUNG BZLA,) SROG 'DZIN STOD NAS LTE BA'I BAR DU BRNGUBS, ,THUR SEL SMAD NAS
LTE BA'I BAR DU DRANGS, ,LTE BA'I DKAR DMAR THIG LE'I H'Um YIG LA, ,KHA SBYAR BUM PA CAN GYI RNAL 'BYOR GYIS, ,'CHI MED TSE YI DNGOS GRUB THOB PAR GYUR, ,RLUNG 'DZIN, SRIN MDZUB BAR CHAD 'JUG PA'I RTZA NANG BZHIR, ,H'Um YIG MTHING GA ME STAG DMAR SMUG CAN, ,MGO BO PHYIR BSTAN BSGOMS PAS GDON BGEGS BSRUNGS, ,'CHI MED TSE YI DNGOS GRUB THOB PAR GYUR, (,GZUNGS BZLA,) RANG GI SNYING GAR THIG LE DKAR DMAR DBUS, ,RANG GI RNAM SHES NGO BO H'Um YIG NI, ,SNGO ZHING DVANGS BA'I RNAM PAR BSGOMS PA LAS, ,'CHI MED TSE YI DNGOS GRUB THOB PAR GYUR, (,GZUNGS BZLA,) RANG GI PHUNG PO LNGA PO TSE DPAG MED, ,RIGS LNGAR BSGOMS PA'I 'OD ZER LUS LA KHYAB, ,RDO RJE'I GO GYON BAR CHAD THAMS CAD BSRUNGS 'CHI MED TSE YI DNGOS GRUB THOB PAR GYUR, (,GZUNGS BZLA,) DH'U T'I'I STENG 'OG TSE DPAG MED DKAR DMAR, ,BSGOMS PAS DH'U T'I'I YAS SNAMS SNA BKAG ,BA SPU'I KHUNG BUR H'Um YIG SNGON POS GTAMS, ,'CHI MED TSE YI DNGOS GRUB THOB, PAR GYUR, (,GZUNGS BZLA,) DGE 'DIS TSE RING NAD MED 'BYOR PA RGYAS, (,ZHES SOGS BYA'O, ,'DI RJE DGE 'DUN GRUB KYI DGONGS PA LTAR TSE SGRUB MTHUN MONG BA'I DGE 'DIS TSE RING ZHES PA'I GONG DU 'JUG RGYUR DHARMA BHA DRAS SBYAR BA'O,, ,,SARBA MANGGA LA,, ZHAL GRO,, ,