, ,RTA MGRIN GSANG SGRUB KYI MNGON DKYIL BDUD RTZI'I YANG SNYING SOGS BZHUGS, ,
, ,NA MO GU RU HA YA GR'I W'A YA, ( 'DIR DPAL RTA MGRIN GSANG SGRUB KYI MNGON DKYIL MDOR BSDUS DGOD PA LA BZHI, BDAG BSKYED, BUM SGRUB, MDUN BSKYED, DBANG CHOG GO, ,DANG PO BDAG BSKYED NI, YO BYAD RNAMS DNGOS SU'AM YID KYIS MOS LA ), DKON MCHOG GSUM LA SKYABS SU MCHI, ,'GRO LA PHAN PHYIR SANGS RGYAS SHOG ,( LAN GSUM GYIS SKYABS SEMS BYA ), AOm SVA BH'A WA SHUDDHA: SRBA DHARM'A: SVA BH'A WA SHU DDHO NYA HAm, CHOS RNAMS MI DMIGS STONG PAR GYUR, ,STONG PA'I NGANG LAS PAD NYI'I STENG, ,HR'I: YIG DMAR PO'I 'PHRO 'DU LAS, ,RANG NYID RTA MGRIN SKU MDOG DMAR, ,DMAR LJANG DKAR BA'I ZHAL GSUm STENG, ,RTA MGO LJANG ZHUR RTA SKAD 'TSER, ,PHYAG DRUG RDO RJE KHA tV'Am GRI, ,SDIGS MDZUB MDUNG THUNG RGYU ZHAGS 'DZIN, ,GAR DGU'I NYAMS RDZOGS DUR KHROD KYI, ,CHOS CAN ZHABS BRGYAD GA-YAS
, ,BZHI BSKUMS, ,GA-YON BZHI BRKYANGS PAS SBRUL BRGYAD BRDZIS, ,ME DPUNG DBUS BZHUGS MGRIN PA NAS, ,LONG BU'I BAR KUN KHRO CHUNG GRTAMS, ,GNAS GSUM YI GE GSUM GYIS MTSAN, ,H'Um GI 'OD KYIS YE SHES PA, ,DBANG LHAR BCAS PA SPYAN DRANGS THIMS, ,DBANG LHAS DBANG BSKUR RIGS KYI BDAG ,'OD DPAG MED KYIS BRGYAN PAR GYUR, ,( CES BSKYED LA ), AOm A'A: H'Um, ( LAN GSUM GYIS NANG MCHOD DANG ), MCHOD PA RNAMS KHYAD CHOS GSUM LDAN DU GYUR, ( CES PAS PHYI MCHOD BYIN GYIS BRLABS TE ), AOm PADMA'NATA KRi TA AA RGHAm, ( NAS ), SHAPTA PRA T'I TZTSA SVA H'A'I ( BAR GYIS PHYI MCHOD DANG ), AOm PADMANTA KRi TA AOm A'A: H'Um ( GIS NANG MCHOD PHUL ), DUS GSUM BDE GSHEGS THAMS CAD KYI, ,GSUNG GI RANG BZHIN MTHU STOBS BDAG ,DBANG DRAG KHROS PA'I GAR MDZAD PA, ,PADMA
DBANG CHEN LA PHYAG 'TSAL, ,( ZHES BSTOD ), RANG GI SKU DANG THUGS KA SOGS, ,GNAS LAS ME 'OD 'PHROS PA YIS, ,BDE GSHEGS NUS MTHU BDAG LA THIMS, ,GDUG PA'I TSOGS RNAMS TSAR GCOD GYUR, , AOm HR'I: PADMANTA KRi TA BADZRA PRO DHA HA YA GR'I WA HU LU HU LU H'Um PHAt, ( CES RTZA SNGAGS BZLA'O ), ` ,( GNYIS PA BUM SGRUB NI ), HR'I: PADMANTA KRi TA H'Um PHAt, ( KYIS BSANGS ), SVA BH'A WAS SBYANGS, BUM PA MI DMIGS STONG PA'I NGANG, ,BAm LAS BYUNG BA'I BUM PA NI, ,PHYI NI BUM PA'I RNAM PA LA, ,NANG DU LHA YI GZHAL YAS KHANG, ,DE DBUS PADMA NYI MA'I STENG, ,HR'I: YIG DMAR PO'I 'PHRO 'DU LAS, ,RTA MCHOG ROL PA SKU MDOG DMAR, ,( ZHES PA NAS ), 'OD DPAG MED KYIS BRGYAN PAR GYUR, ,( CES PA'I BAR GYIS BSKYED LA, MCHOD PA BYIN GYIS BRLABS TE, SNGAR BZHIN MCHOD BSTOD BYA, GZUNGS THAG BZUNGS LA ), RANG GI THUGS KA'I HR'I: YIG LAS, ,'OD 'PHROS GZUNGS THAG LA 'KHRIL SONG, ,BUM PA'I LHA YI THUGS KAR PHOG, THUGS RGYUD BSKUL TE DE'I SKU LAS, ,BDUD RTZI'I RGYUN BAB BUM CHU DANG, ,'DRES TE GNYIS SU MED PAR GYUR, ,( CES BRJOD LA RTZA SNGAGS BZLA, SNGAR BZHIN MCHOD BSTOD BYAS LA ), AOm A'A: H'Um GIS ( MCHOD YON PHUL BAS, BUM PA'I LHA 'OD DU ZHU STE BUM CHU DANG RO GCIG TU GYUR PAR BSAM MO, ` ,( GSUM PA MDUN BSKYED NI, HR'I: PADM'ANTA KRi TA KYIS BSANGS, SVA BH'A WAS SBYANGS, DKYIL 'KHOR MI DMIGS STONG PA'I
, ,DANG, ,RDO RJE'I SA GZHI RVA GUR DANG, ,BLA RE ME RIS BSKOR BA'I NANG, ,BAmH'U LAS MTSAN NYID THAMS CAD DANG, ,LDAN PA'I LHA YI GZHAL YAS KHANG, ,DE DBUS PADMA NYI MA'I STENG, ,( ZHES PA NAS ), PADMA DBANG CHEN LA PHYAG 'TSAL, ,( ZHES PA'I BAR SNGAR BZHIN LA, SPRO NA, NANG MCHOD DANG BSTOD PA'I BAR DU ), RANG SNANG THABS DANG SHES RAB NI, ,RDO RJE PADMA MNYAM PAR SBYOR, ,BDE STONG LHAN CIG SKYES PA'I DNGOS, ,BCOM LDAN RTA MCHOG ROL PAR 'BUL, ,( ZHES 'JUG ), LHA YI SKU DANG THUGS KA SOGS, ,( ZHES SOGS BZLAS DMIGS GSAL BTAB STE, RTZA SNGAGS BZLAS RJES ), ,AOm A'A: H'Um, ( LAN GSUM GYIS GTOR MA BYIN GYIS BRLABS TE ), LJAGS 'OD ZER GYI SBU GUS GTOR MA GSOL BAR GYUR, AOm PADMA'NTA KRi TA AI DAm BA LIm TA KHA KHA KH'A HI KHA' HI, ( GSUM GYIS PHUL LA MCHOD BSTOD BYA'O, ` ,( BZHI PA DBANG CHOG NI ), GSER GZHI LCAGS RIS BSKOR BA'I NANG, ,RI GLING NYI ZLAS BRGYAN PA 'DI, ,BLA MA RTA MCHOG ROL PA LA, ,'JUG CHOS ZHU BA'I RTEN DU DBUL, ,( ZHES MAndAL PHUL TE ), DGA' CHEN KHYOD BDAG STON PA STE, ,SLOB DPON KHYOD NI DGONGS SU GSOL, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, ,SKYABS GSUM BDAG LA STZAL DU GSOL, ,THAR PA CHEN PO'I GRONG MCHOG TU, ,MGON
POS BDAG NI GZHUG TU GSOL, ,( LAN GSUM GSOL BA GDAB ), AOm TZAKshUR BANDHA WA RA MA N'A YA H'Um GIS MIG DAR 'CHING, A'A: KHAm BI RA H'Um GIS ME TOG GZUNG, HR'I: PADMA'NTA KRITA H'Um PHAt ( KYIS BGEGS BSANGS ), RANG NYID RTA MGRIN DU GYUR PAR BSAMS DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,( LAN GSUM GYIS BYANG SDOM GZUNG ), SANGS RGYAS BYANG CHUB SEMS DPA' KUN, ,BDAG LA DGONGS PAR MDZAD DU GSOL, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,SEMS CAN KUN GYI DON GYI PHYIR, ,BDAG GIS SDOM PA MA LUS GZUNG, ,MA BRGAL PA RNAMS BDAG GIS BSGRAL, ,MA GROL BA RNAMS BDAG GIS DGROL, ,DBUGS MA PHYIN PA DBUGS DBYUNG ZHING, ,SEMS CAN MYA NGAN 'DAS LA DGOD, ,( LAN GSUM GYIS SNGAGS SDOM GZUNG ), HR'I: RANG NYID DKYIL 'KHOR GYI NANG DU ZHUGS, BLA MA DANG RTA MGRIN DBYER MED PA'I THUGS KA'I HR'I: 'I 'OD ZER GYI DPAL RTA MGRIN GYI LHA TSOGS SPYAN DRANGS, RANG GI LUS LA CHAR CHEN PO BAB PA BZHIN DU THIMS PAR GYUR, BADZRA A'A BE SHA AA AA, ( ZHES BRJOD CING ROL MO DANG BCAS YE SHES DBAB ), PRA T'I TZTSA BADZRA HO: ZHES ME TOG DOR, AOm PRA TI GRiHnA STVA AI MAm STVA MAH'A BA LA, ( ZHES ME TOG 'PHRENG BA'I DBANG LEN, MIG DAR PHYE LA ), HE BDZRA PA' SHYA, RTEN DANG BRTEN PA'I DKYIL 'KHOR MTHONG BAR GYUR, ,DE
, ,RNAS, DBANG BZHI ZHU BA'I RTEN DU DBUL, ( ZHES MAndAL PHUL TE ), BLA MA KHRO RGYAL RTA MGRIN GYIS, ,DBANG BZHI BDAG LA BSKUR DU GSOL, ,( LAN GSUM GSOL BA GDAB ), DBANG RDZAS CHU, COD PAN, RDO RJE, DRIL BU, RDOR DRIL RNAMS RIGS LNGA DANG RDO RJE SEMS DPA' YAB YUM GYI NGO BOR GYUR, CHU DANG COD PAN RDOR DRIL MING DBANG RNAMS, ,BSKUR BAS RIGS LNGA'I DNGOS GRUB THOB PA DANG, ,RDOR DRIL PHYAG RGYA'I DAM TSIG SNGON 'GRO BAS, ,SLOB DPON DBANG BSKUR SPRUL SKU THOB PAR SHOG ,( CES BUM DBANG DANG ), BLA MA YAB YUM BYANG SEMS DKAR DMAR GYIS, ,DBANG BSKUR LONGS SPYOD RDZOGS PA'I SKU THOB SHOG ,( CES GSANG DBANG DANG,) RANG NYID RTA MGRIN YAB YUM SNYOMS PAR ZHUGS, ,SHER DBANG BSKUR BAS CHOS SKU THOB PAR SHOG ,( CES SHER DBANG DANG ), 'BRAS BU MTHAR THUG RTA MGRIN YAB YUM DU, ,TSIG GIS NGO SPRAD DBANG BZHI LEGS PAR THOB, ,( CES TSIG DBANG RNAMS BLANGS NAS ) DBANG BZHI GNANG BA'I YON DU DBUL, ,( ZHES GTANG RAG GI MAndAL DANG MCHOS BSTOD BYA ), RTZA BRGYUD BLA MA'I BYIN RLABS SNYING LA ZHUGS, ,NGES 'BYUNG BYANG SEMS YANG DAG LTA BA RTOGS, ,DBANG GIS RGYUD SMIN DAM SDOM SROG LTAR SRUNG, ,RIM GNYIS SPYOD DANG BCAS PA MTHAR PHYIN SHOG ,( CES SMON LAM GDAB, PADMA'I YIG BRGYA DANG, BZOD GSOL BYA ), RTZA BRGYUD BLA MA RNAMS KYI BKRA SHIS SHOG ,YI DAM RTA MCHOG ROL PA'I BKRA SHIS SHOG ,DKON
MCHOG RIN CHEN GSUM GYI BKRA SHIS SHOG ,MKHA' 'GRO CHOS SKYONG SRUNG MA'I BKRA SHIS SHOG ,( CES SHIS BRJOD BYA'O ), ,( KHRO RGYAL RTA MGRIN GSANG SGRUB KYI, ,MNGON DKYIL BDUD RTZI'I YANG SNYING 'DI, ,BLO BZANG CHOS KYI RGYAL MTSAN DANG, ,BLO BZANG ( CHOS KYI NYI MA YI, ,DGONGS PA'I GNAD DON GUNG BSGRIGS NAS, ,DHARMA BHA DRAS YI GER BKOD, ,DGE BAS MKHA' MNYAM 'GRO BA KUN, ,MI MTHUN PHYOGS LAS RGYAL GYUR CIG ,SHU STAm ),, ,, *, ,? AOm SVA STI, ZHAL GSUM RTA MGOS STENG GDON PHA MTHAR SKROD, ,PHYAG DRUG MTSAN MAS BAR GDON RTZAD NAS 'BYIN, ,BRKYANGS BSKUMS ZHABS BRGYAD 'OG GDON KLAD PA 'GEMS, ,KHRO RGYAL RTA MCHOG ROL PA LA PHYAG 'TSAL, ,( ZHES PA 'DI YANG CHIBS DPON SPEN PA NAS DGOS TSUL LTAR ( DHARMA BHA DRAS THOL BYUNG DU BRIS ),, ,,*, ,NA MO GU RU BHYA: ( CHANG PHUD LA 'BRU SMAN RIN PHYE SOGS BTAB PA, AOm A'A: H'Um GIS BYIN GYIS BRLABS LA ), H'Um, KHYAB BDAG RDO RJE 'CHANG DBANG SOGS, ,RTZA BA BRGYUD PA'I BLA MA YIS, ,GSER SKYEMS GTZANG MA 'DI BZHES LA, ,BDAG GI MGON SKYABS DPUNG GNYEN MDZOD, ,H'Um, DPAL LDAN RDO RJE 'JIGS BYED SOGS ,YI DAM RGYAL BA ZHI KHRO YIS, ,GSER SKYEMS x, MCHOG MTHUN DNGOS GRUB STZOL BAR MDZOD, ,H'Um, RGYAL YUM DMAG ZOR RGYAL MO SOGS, ,BSTAN SRUNG DAM CAN RGYA MTSO YIS, ,GSER SKYEMS x,ZHI RGYAS DBANG DRAG 'PHRIN LAS MDZOD, ,H'Um, ZANGS PHUR BRAG BTZAN CHEN PO SOGS, ,DKAR PHYOGS LHA KLU SDE
, ,BRGYAD KYIS, ,GSER SKYEMS x,SRUNG SKYOB BYA RA GA-YEL MED MDZOD, ,MDOR NA SRID ZHI'I MGRON RNAMS KUN, ,GSER SKYEMS MCHOD PAS RAB DGYES NAS, ,BDAG CAG GZHI BYES GANG, DU YANG, ,CHOS MTHUN BSAM DON LHUN GRUB MDZOD, ,( CES PA 'DI YANG BSTAN 'DZIN BKRA SHIS NAS BSKUL BA LTAR DHARMA BHA DRAS THOL BYUNG DU BRIS, BI SHUDDHA, ,SRBA DZA GA TAm,,
, ,RTA MGRIN GSANG SGRUB KYI BRGYUD 'DEBS KYI, SANGS RGYAS YE SHES PAn CHEN THAMS CAD MKHYEN, ,GSOL BA x ZHES PA YAN SGRUB THABS LTAR LA, DE NAS, BSTAN 'DZIN 'PHRIN LAS BSTAN PAR BA RGYAS DANG, ,BSTAN PA DAR RGYAS TSUL KHRIMS BSTAN PA'I NYI, ,NGAG DBANG YAR 'PHEL DGE LEGS BSTAN 'DZIN CHER, ,GSOL BA x MANG THOS DGE SLONG RDO RJE GRAGS PA'I ZHABS, ,SNGAGS CHEN BLO BZANG BSTAN 'DZIN DPAL 'BYOR DANG, ,BKA' DRIN MNYAM MED DHARMA BHA DRA LA, ,GSOL BA x DE LTAR GSOL BA BTAB PA'I BLA MA DANG, ( ZHES SOGS DANG ), NANG MCHOD KYIS PAn CHEN RIN PO CHE YAN SGRUB THABS LTAR LA, DE NAS, SKYID SHONG SPRUL SKU NGAG DBANG BSTAN 'DZIN 'PHRIN LAS KYI ZHAL DU AOm A'A: H'Um, SNGAGS RAM PA BLO BZANG BSTAN PA RAB RGYAS KYI x RJE BTZUN BLO BZANG BSTAN PA DAR RGYAS KYI x ZHABS DRUNG TSUL KHRIMS BSTAN PA'I NYI MA'I x LHA RAM PA NGAG DBANG YAR 'PHEL GYI x THO YON BLO BZANG DGE LEGS BSTAN 'DZIN GYI x MANG THOS DGE SLONG RDO RJE GRAGS PA'I x SNGAGS CHEN RDO RJE 'CHANG BLO BZANG BSTAN 'DZIN DPAL 'BYOR GYI x GZHAN YANG DBANG BSKUR RGYUD BSHAD, ZHES SOGS DKYUS LA 'JUG GO, ,ZHES TH'U BKVAN BLO BZANG CHOS KYI NYI MAS MDZAD PA'I SGRUB THABS RTA ZHAL GYI BRGYUD 'DEBS DANG NANG MCHOD KHA SKONG 'DI YANG RANG DBON DBYANGS CAN GRUB PA'I RDO RJES LHA 'DI'I BSNYEN PA BYED SKABS DGOS TSUL LTAR DHARMA BHA DRAS BRIS, ,SHU BHAm,, , , ,