*, ,LHA LNGA'I SGRUB THABS BDE CHEN 'BYUNG GNAS GYI BSDUS DON NYAMS LEN SGO BRGYA 'BYED PA'I LDE MIG SOGS BDE MCHOG YAB YUM GYI SKOR KHA SHAS BZHUGS, ,
, ,NA MA: SHR'I HE RU K'A YA, BDE MCHOG LHA LNGA'I SGRUB THABS BDE CHEN 'BYUNG GNAS NYAMS SU YEN TSUL LA GNYIS, THUN+YI NGO BO LA JI LTAR BYA BA NGA ,THUN MTSAMS SU JI LTAR BYA BA'O, ,DANG PO LA GSUM, THUN GYI 'GOR JI LTAR BYA BA, THUN DNGOS GZHIL JI LTAR BYA GTHUN GYI MJUG TU JI LTAR BYA BA'O, ,DANG PO LA GNYIS SNGON DU BYA BA'I RIM PA DANG, RNAL 'BYOR GYI YAN LAG BSGRUB TSUL LO, ,DANG PO LA LNGA, YO BYAD BSHAMS PA, SKYABS 'GRO SEMS BSKYED, SKAD CIG DKRONG BSKYED, NANG MCHOD BYIN RLABS, PHYI MCHOD BYIN RLABS SO, ,DANG PO NI, RNAL 'BYOR GYI YO BYAD RNAMS TSOGS PAR BYAS TE, ZHES PA'O, ,GNYIS PA SKYABS 'GRO SEMS BSKYED NI, SANGS RGYAS CHOS
, ,DANG, ZHES PA NAS, LAN GSUM BYA, ZHES PA'I BAR RO, ,GSUM PA SKAD CIG DKROD BSKYED NI, SKAD CIG GIS RANG NYID HE RU KA YUM DANG BCAS PA'I SKUR GYUR, CES PA'O, ,BZHI PA NANG MCHOD BYIN RLABS NI, NANG MCHOD BYIN RLABS, ZHES PA NAS BYIN GYIS BRLABS, ZHES PA'I BAR RO, ,LNGA PA PHYI MCHOD BYIN RLABS NI, MCHOD RDZAS RNAMS, ZHES PA NAS, BYIN GYIS BRLABS, ZHES PA'I BAR RO, ,GNYIS PA RNAL 'BYOR GYI YAN LAG BSGRUB TSUL LA BZHI, BSOD NAMS KYI TSOGS GSOG PA, 'CHI BA CHOS SKU'I LAM 'KHYER, BAR DO LONGS SKU'I LAM 'KHYER, SRUNG BA'I 'KHOR LO BSGOM PA'O, ,DANG PO LA GSUM, TSOGS ZHING SPYAN 'DREN PA, DE LA TSOGS GSOGS PA, TSOGS ZHING RANG LA BSDU BA'O, ,DANG PO NI, ,RANG HE RU KAR, ZHES PA NAS, THIMS PAR GYUR, CES PA'I BAR RO, ,GNYIS PA DE LA TSOGS GSOG PA LA GSUM, PHYAG 'TSAL BA, MCHOD PA 'BUL BA, RGYUN BSHAG BYA BA'O, ,DANG PO NI, NA MO GU RU, ZHES PA NAS, PHYAG BYAS, ZHES PA'I BAR RO, ,GNYIS PA MCHOD PA 'BUL BA NI, AOm SARBA, ZHES PA NAS, NYID KYIS MCHOD, CES
PA'I BAR RO, ,GSUM PA RGYUN BSHAGS BYA BA NI, DKON MCHOG GSUM LA, ZHES PA NAS, YID KYIS BZUNG, ZHES PA'I BAR RO, ,GSUM PA TSOGS ZHING RANG LA BLDU BA NI, TSOGS ZHING RNAMS RANG LA THIMS PAS BYIN GYIS BRLABS PAR GYUR, CES PA'O, ,GNYIS BA 'CHI BA CHOS SKU'I LAM 'KHYER NI, AOm SH'U NYA T'A DZNYA NA BADZRA SVA BH'A WA A'ATMA KO NYA HAm, ZHES PA'O, ,GSUM PA BAR DO LONGS SKU'I LAM 'KHYER NI, DE LTAR SNANG BA, ZHES PA NAS, GNAS PAR GYUR, CES PA'I BAR RO, ,BZHI PA SRUNG PA'I 'KHOR LO BSGOM PA NI, STONG PA'I NGANG LAS ZHES PA NAS, ME RI DANG BCAS PA'I, ZHES PA'I BAR RO, ,GNYIS PA THUN DNGOS GZHI LA JI LTAR BYA BA LA BDUN, GZHAL YAS KHANG GI GDAN BSKYED PA, RTEN BRTEN PA BSKYED PA SKYE BA SPRUL SKU'I LAM 'KHYER, BSKYED PA DE RIM GYIS GSAL GDAB PA, PHYOGS MTHUN GYI DAG PA BSGOM PA, GO BGO ZHING YE SHES PA BZHUG PA, DBANG BSKUR NAS RGYAS GDAB PA, MCHOD CING BSTOD NAS DKYIL 'KHOR BSGOM PA'O, ,DANG PO NI, DBUS SU 'BYUNG GZHI, ZHES PA NAS, 'DAB MA BRGYAD PA'I, ZHES PA'I BAR RO, ,GNYIS PA RTEN BRTEN PA BSKYED PA SKYE BA SPRUL SKU'I LAM 'KHYER LA BZHI, MNGON BYANG DANG PO GNYIS BSKYED PA, MNGON BYANG GSUM PA BSKYED PA, MNGON BYANG BZHI PA BSKYED PA, MNGON BYANG LNGA PA BSKYED PA'O, ,DANG PO NI, DBUS SU MTSAN
, ,DPE'I, ,ZHES PA NAS, MNYAM PA NYID KYI YE SHES, ZHES PA'I BAR RO, ,GNYIS PA MNGON BYANG GSUM PA BSKYED PA NI, RANG NAM MKHA'I ZHES PA NAS, SO SOR RTOG PA'I YE SHES, ZHES PA'I BAR RO; ;GSUM PA MNGON BYANG BZHI BSKYED PA NI, H'Um LAS 'OD ZER, ZHES PA NAS, BYA SGRUB YE SHES SO, ,ZHES PA'I BAR RO, ,BZHI PA MNGON BYANG LNGA PA BSKYED PA NI, AOm A'A: H'Um, ZHES PA NAS, DBYINGS KYI YE SHES TE, ZHES PA'I BAR RO, ,GSUM PA BSKYED PA DE RIM GYIS GSAL GDAB PA LA GNYIS, RTEN GZHAL YAS KHANG GSAL GDAB PA DANG, BRTEN PA LHA GSAL GDAB PA'O, ,DANG PO NI DE YANG GZHAL YAS, ZHES PA NAS, LTE BAR NYI GDAN LA, ZHES PA'I BAR RO, ,GNYIS PA BRTEN PA LHA GSAL GDAB PA LA GNYIS, ,GTZO BO GSAL GDAB PA DANG, 'KHOR GSAL GDAB PA'O, ,DANG PO LA GNYIS YAB GSAL GDAB PA DANG, YUM GSAL GDAB PA'O, ,DANG PO NI, RANG NYID BCOM LDAN, ZHES PA NAS, BYUGS PA'O, ,ZHES PA'I BAR RO, ,GNYIS PA YUM GSAL GDAB PA NI, BCOM LDAN 'DAS LA, ZHES PA NAS; DO SHAL CAN, ZHES PA'I BAR RO, ,GNYIS PA 'KHOR GSAL GDAB PA LA GNYIS, PHYOGS KYI LHA MO BZHI GSAL GDAB PA DANG, MTSAMS KYI BUM THOD BZHI GSAL GDAB PA'O, ,DANG PO NI PADMA'I 'DAB MA, ZHES
PA NAS, BZHUGS PA, ZHES PA'I BAR RO, GNYIS PA MTSAMS KYI BUM THOD BZHI GSAL GDAB PA NI, ,MTSAMS SU BDUD RTZI'I, ZHES PA NAS, ,GANG BA RE RE, ZHES PA'I BAR RO, ,BZHI PA PHYOGS MTHUN GYI DAG PA BSGOM PA LA GSUM, GNAS BZHI BYIN GYIS BRLAB PA, GSANG GNAS BRLABS NAS DGA' BZHI 'DREN PA, DAG BA BSGOM PA DNGOS SO, ,DANG PO NI, YAB KYI LTE BA, ZHES PA NAS, RNAM PAR GYUR, CES PA'I BAR RO, ,GNYIS PA, GSANG GNAS BRLABS NAS DGA' BZHI 'DREN PA NI, AOm A'A: H'Um, SNYOMS PAR ZHUGS PAS DGA' BZHI RIM BZHIN DRANGS, ZHES PA'O, ,GSUM PA DAG PA BSGOM PA DNGOS NI, LHAN SKYES KYI, ZHES PA NAS, LTA BUR GYUR, CES PA'I BAR RO, ,LNGA PA GO BGO ZHING YE SHES PA GZHUG PA LA GNYIS, GO CHA BGO BA DANG, YE SHES GZHUG PA'O, ,DANG PO NI SPRON, ZHES PA NAS, H'Um SNGON PO, ,ZHES PA'I BAR RO, ,GNYIS PA YE SHES PA GZHUGS PA NI, PHEEm; THUGS KA'I, ZHES PA NAS, SHUDDHO 'TAm, ZHES PA'I BAR DO, ,DRUG PA DBANG BSKUR NAS RGYAS GDAB PA LA GNYIS, DBANG BSKUR BA DANG, RIGS BDAG GI RGYAS GDAB PA'O, ,DANG PO NI, AOm AARGHAm, ZHES PA NAS; DBANG BSKUR BAS, ZHES PA'I BAR RO, ,GNYIS PA RIGS BDAG GI RGYAS GDAB PA NI, GTZO BO LA, ZHES PA NAS, THIMS PAR GYUR, CES PA'I BAR RO, BDUN PA MCHOD CING BSTOD NAS DKYIL 'KHOR
, ,BSGOM PA LA GSUM, MCHOD PA 'BUL BA, BSTOD PA BYA BA, DKYIL 'KHOR BSGOM PA'O, ,DANG PO LA BZHI, PHYI'I MCHOD PA, NANG GI MCHOD PA, GSANG BA DANG DE KHO NA NYID KYI MCHOD PA, SNGAGS KYI MCHOD PA'O; ;DANG PO NI, MCHOD PA, ZHES PA NAS, BAR GYIS MCHOD, CES PA'I BAR RO, ,GNYIS PA NANG GI MCHOD PA NI, DRIN CAN RTZA BA, ZHES PA NAS, AOm A'A: H'Um RJES MA'I BAR RO, ,GSUM PA GSANG BA DANG DE KHON NYID KYI MCHOD PA NI; YAB YUM SNYOMS PAR, ZHES PA NAS, MNYES PAR GYUR, CES PA'I BAR RO, ,BZHI PA SNGAGS KYI MCHOD PA NI, DE NAS, ZHES PA NAS, SNGAGS MCHOD BYA, ZHES PA'I BAR RO, ,GNYIS PA BSTOD PA BYA BA NI, SHES SHING SPRON; ZHES PA NAS, ZHES PAS BSTOD, CES PA'I PAR RO, ,GSUM PA DKYIL 'KHOR BSGOM PA NI, MTSAMS 'DIR, ZHES PA NAS, BRTZON PAR BYA, ZHES PA'I BAR RO, ,GSUM PA THUN GYI MJUG TU JI LTAR BYA BA LA BZHI, BZLAS PA JI LTAR BYA BA, GTOR MA JI LTAR BYA BA, NYER BSDU JI LTAR BYA BA, BSNGON SMON JI LTAR BYA BA'O, ,DANG PO LA BZHI, BZLAS 'PHRENG BYIN RLABS, BZLAS PA'I DMIGS PA, BZLA BYA'I SNGAGS, BZLAS PA'I KHA SKONG NGO, ,DANG PO NI, BSGOMS PAS SKYON, 'PHRENG BA GSUNG RDO RJE'I NGO BOR BYIN GYIS BRLABS LA, ZHES PA'O, ,GNYIS PA BZLAS PA'I DMIGS PA NI, DAM TSIG GI BZLAS PA'AM, GONG BU'I
BZLAS PA CI RIGS PA'I SGO NAS, ZHES PA'O, ,GSUM PA BZLA BYA'I SNGAGS NI, AOm SHR'I BADZRA, ZHES PA NAS, AOm R'U PI n'I YE HUm HUm PHAd, CES PA'I BAR RO, ,BZHI PA BZLAS PA'I, BSKONG NI, HE RU KA'I YIG BRGYA BZLAS, ZHES PA'O, GNYIS PA GTOR MA JI LTAR BYA BA NI, 'OG NAS, 'DAS PA DANG MA 'DAS PA'I GTOR MA'I RIM PA LA BRTZON PAS DAL BA DON LDAN DU BYA'O, ,ZHES PA'O, ,GSUM PA NYER BSDU JI LTAR BYA BA NI, NYER BSDU BYAS TE, ZHES PA'O, ,BZHI PA BSNGO SMON JI LTAR BYA BA NI, SRID PA GSUM 'BAR, ZHES PA NAS, RDZOGS BYANG DU BSNGO, ,ZHES PA'I BAR RO, ,GNYIS PA THUN MTSAMS SU JI LTAR BYA BA NI, THUN MTSAMS SU YANG, ZHES PA NAS, ,BZAS KYI RNAL 'BYOR DANG, ZHES PA'I BAR RO, ,ZHES SGRUB THABS BDE CHEN 'BYUNG GNAS KYI BSDUS DON NYAMS LEN SGO BRGYA 'BYED PA'I LDE MIG CES BYA BA 'DI NI, DGE TSUL MA SKAL BZANG CHOS SKYID NAS NAN CHER BSKUL BA LTAR BA NE DHARMA BHA DRAS DGA' BA'I LO ME CHU ZLA BA'I DKAR TSES BZANG PO GSUM PA'I NYIN BZHAD DNGUL CHU'I RI PHUG T SPYAR BA'O,, ~ BDE MCHOG RDZOGS RIM RIM LNGA'I SMON LAM BZHUGS,), ` NA MA: SHR'I TZA KRA SA MBA R'A YA, RNAL 'BYOR MA RGYUD RGYAL POR SBAS PA'I DON, ,GRUB
, ,MCHOG DRIL BU ZHABS KYIS GSAL MDZAD PA, ,ZAB LAM RIM LNGA'I RTOGS PA MNGON GYUR TE, ,TSE 'DIR HE RU KA DPAL THOS PAR SHOG ,CHOS 'KHOR PADMO'I LTE BA'I H'Um YIG DANG, ,RLUNG SNGAGS DBYER MED RDO RJE'I BZLAS PA LA, ,SEMS GZHOL BDAG BYIN RLABS PA'I RIM PA YIS, ,DBYE DKA'I MA RIG MDUD PA 'GROL BAR SHOG ,DH'A T'I'I MAR SNE YAR SNE'I RDO RJE'I RTZER, ,CHES PHRA'I H'Um DANG NYI ZLA SKAR SUM LA, ,DMIGS PA SNA TSOGS RDO RJE'I RIM PA YIS, ,LHAN SKYES BRTAN CING BYED SEMS RGYAS PAR SHOG ,DAM TSIG LAS CHOS PHYAG CHEN SGEG MO BZHI'I, ,REG BYA'I BSIR BUS BSKUL BA'I TSANGS PA'I MES, ,STONG PHRAG DON GNYIS KUN BZHUS PA'I CHUS, ,NOR BU 'GENGS PA'I RIM PA MTHAR PHYIN SHOG ,SUM MDO DZVA LA DHA RAR CHOS 'BYUNG NANG, ,RIGS LNGA'I TSOM BU RA KHA SBYOR BUM PA CAN, ,BZUNGS PAS AA HAm 'BAR 'DZAG CHER GA-YOS TE, ,RGYAL KUN THUGS RJE' 'O RGYUN 'THUNG BAR SHOG ,SPYOD PA GSUM DANG BSAM GTAN GNYIS LA SOGS, ,PHYI NANG THABS MKHAS SGYU 'PHRUL LA BRTEN NAS, ,SGYU LUS 'OD GSAL DBYER ME ZUNG 'JUG PA'I, ,BSAM MI KHYAB KYI RIM PA MTHAR PHYIN SHOG ,DHARMA BHA DRAS SBYAR RO,, ,, ` AOm SVA STI SIDDHAm, AOm GSUM MA'I SNGAGS DON LA, RJE'I 'DOD 'DOR, BADZAL
BE RO TZA NA'I RDO RJE RNAM PAR SNANG MDZAD MA'O, ,SARBA BU DDHA d'A KI N'I YE NI SANGS RGYAS THAMS CAD KYI MKHA' 'GRO MA'O, ,BDZRA WA RnA RA'I YE NI RDO RJE RAB BSNGAGS MA'O, ,ZHES GSUNGS, RJE BYAMS PA CHOS LEGS KYI BSKYED RIM DU, SNGAGS DON NI, AOm AOm AOm SKU GSUNG THUGS, SARBA BUDDHA d'A KI NA'I YE SANGS RGYAS MKHA' 'BRO THAMS CAD DANG, BDZRA WA RnA NA'I YE RDO RJE'I RIGS CAN NAM MDOG CAN BDZRA BEE RO TZA NA'I YE RDO RJE RNAM PAR SNANG MDZAD, H'Um H'Um H'Um SKU GSUNG THUGS, PHAt PHAt PHAt SKU GSUNG THUGS, S''A H'A GZHI TSUGS, SKU GSUNG THUGS GONG 'OG GSUM GYI DANG PO CHOS SKU, GNYIS PA LONGS SKU, GSUM PA SPRUL SKU'I SKU GSUNG THUGS SO, ,ZHES GSUNGS, BSKYED RIM MUN SEL SGRON MER, AOm GSUM MA 'DI NYID BLA MA GONG MA'I SNYAN BRGYUD KYI SGO NAS RTZA SNGAGS, SNYING PO NYE SNYING RNAMS GCIG TU BSDOMS PAS NA, MGO BOR AOm GSUM DANG, MJUG TU H'A DANG PHAt GSUM GSUM SBYAR BA, YIG 'BRU SUM CU SO GNYIS YOD PAS CHES ZAB PA YIN, ZHES 'BYUNG BA LA, NGAG DBANG NYI ZLA BZANG PO DANG BDAG CHEN KUN DGA' BSOD NAMS PAS, 'DI LA KHA CIG AOm GSUM YONG BA'I RGYU MTSAN RTZA SNGAGS DANG SNYING PO DANG NYE SNYING PHYOGS GCIG TU
, ,BSDEBS PAS THOG MTHAR AOm DANG H'Um PHAt GSUM 'BYUNG BA YIN ZHES ZER RO, ,DE MIN TE, 'DI LA SNYING PO DANG NYE SNYING GNYIS YOD KYANG, RTZA SNGAGS KYI CHA SHAS TZAM YANG MI SNANG BA'I PHYIR DANG, YOD NA SNGAGS KYI YI GE 'DI DAG YIN ZHES SMRA DGOS PA LA, DE STON RGYU MED PA'I PHYIR TE, YAB YUM GYI RTZA SNGAGS SO SOR NGO SHES PAR YOD PAS SO, ,ZHES 'BYUNG, GA-YA' SEL 4 LNA 4 LAS, 'DRI NAM MKHA' LA 'GRO BA LA'O, ,ZHES PA'I BYINGS LA, dA RKYEN, dA PHYIS GROG GI AA BZHAG, dA RJES SU 'BREL BA LA MTHA'I DBYANGS LA SOGS PA 'OS, BYINGS KYI NGA DANG Am GNYIS KA PHYIS, MTSAMS SBYAR BAS dA GRUB, AA KA GYA GYUR 'GRO BA LA'O, ,ZHES PA'I BYINGS LA, AA TZA RKYEN, TZA RJES 'BREL PHYIS, AA DRANGS BAS AA KA GRUB, dA DAR MTSAMS SBYAR BAS d'A KA DE LA LDAN RKYEN AIN BYIN, AI'I YI GE DANG DBYANGS DANG YA'I RKYEN LA'ANG DBYI'O, ,ZHES PAS KA'I AA PHYIS, MTSAMS SBYAR BAS, d'A KA NI ZHES PA LA, MO RTAGS SU BYED PA'I RKYEN A'I BYIN PAS, d'A KI N'I ZHES PA MKHA' 'GRO MA DANG, ZHES 'BYUNG, SGRA'I SNYE MAR, YI GE RNAMS YA WARnAR BRJOD, CES DANG, WARnA BRDUNG DKROL CHOGS BCANG KHA, ZHES DANG, MI 'GYUR BA RANG GSAL BAR BYED, ,RJOD PAR BYED PA'I NUS LDAN PHYIR, ,YI
GE ZHES NI BRJOD PA YIN, ,ZHES DANG, RJE ZHA LU BAS, WARnA ZHES PA RUS PA DANG LDAN PA YIN TE, RJOD PAR BYED PA'I NUS PA DANG LDAN PA'I PHYIR RO, ,ZHES GSUNGS SO, ,RIG GNAS KUN SHES LAS NGES TSIG AA K'A RA BYANYDZA DANG, ,WARnA ZHES PA GZHAN DU MI 'GYUR DANG, ,MING TSIG GSAL DANG DON RNAMS RJOD BYED DO, ,ZHES WARnA ZHES PA DON RJOD BYED DU BSGYUR, ` DE NYID SNANG BAR SH'I TA NI BOD SKAD DU BSAL BA'AM DKAR PO STE, CHU GZHAN LAS BSIL ZHING LBU BA DKAR POS GA-YOGS PA'O, ,ZHES GSUNGS, ,` SHES BYA RGYUD DANG BSGOM BYA SNGAGS, ,SKYE BA YE SHES SNYING PO GSAD, ,NAG PO'I RDZOGS RIM RIM PA BZHI'O,, ` TSE RING DBANG 'DU MDUD 'GROL BDE CHEN 'BAR, ,NYAMS RTOGS 'PHEL SOGS BYIN RLABS SHIN TU CHE,, ` NA MO GU RU BDZRA YO GI N'I BLA: LTE BA'I RTZA GSUm DBUS GAN DMAR NAG RAm; ;STENG 'OG RLUNG GIS SNGAR BA'I TSANGS PA'I MES, ,STONG PHRAG DON GNYIS SNYIGS MA'I KHAMS BSREG TE, ,DVANGS MAS DH'A T'I YONGS SU GANG BAR SHOG ,KHA DOG LNGA LDAN SMIN MTSAMS THIG LE NI,, SPYI BOR SON LAS BYUNG BA'I ZLA CHU'I RGYUN, ,GSANG BA'I CHU SKYES ZE'U 'BRU'I BAR DAG TU, ,YAS BABS MAS BRTAN DGA'Am BA ZHIS TSIM PAR SHOG, ,THIG LE DE LAS 'PHROS PA'I 'OD LNGA'I ZER, ,PHOG PAS
, ,RANG LUS LA SOGS BRTAN GA-YO KUN, ,DVANGS GSAL 'JA' TSON PHUNG POR GYUR LAS SLAR, ,RANG GNAS BDE STONG DBYINGS SU 'JUG PAR SHOG, ` PHAG MO RDO RJE SEMS DPA' DKAR, ,GSHIN RJE MA NI RNAM SNANG SER, ,RMONGS BYED PADMA GAR DBANG DMAR, ,SKYOD BYED DPAL HE RU KA NAG ,SKRAG BYED RDOR NYI DMAR SER RO, ,TZAndA KI NI RTA MCHOG LJANG,, ` DKON MCHOG GSUM DANG BLA MA LA SKYABS SU 'GRO BA BYAS NAS, RANG NYID LHA'I SKU PHYAG RGYA CHEN POR BSKYED LA, RDO RJE DANG DRIL BU'I DE KHO NA NYID DRAN TE BZUNGS NAS, RANG LA MCHOD PAR BYED CING, THEG PA GSUM LA MKHAS PAR BYAS NAS, NYES SPYOD MTHA' DAG LAS LDOG PA DANG, DGE BA'I CHOS MTHA' DAG BSDUS NAS SBYIN PA BZHI'I SGO NAS SEMS CAN GYI DON BYED PA'O, ,'DI RNAMS RJE DHARMA BHA DRA'I GSUNG NGO,, ,, ` ,BRJED BYAD SKOR BZHUGS, ` NA MO GU RU BHYA: RDO RJE RNAL 'BYOR MA'I BSKYED RDZOGS KYI 'KHRID GTONG TSUL MTHONG GROL LDE MIG LAS, BSDUS PA ZHAG BCU GSUM TZAM LA GRUB PA BYED NA SGRO 'DOGS GCOD PA'ANG DKYUS RING DU BYAS NAS SEMS 'DZIN DANG LHAN DU RDZOGS PA BYED CES PA LTAR, NYIN DANG POR NYAL BA LDANG BA BDUD RTZI MYANG BA TSAD MED KYI RNAL 'BYOR BZHI LA SGRO 'DOGS
BCAD NAS SKYABS 'GRO DANG SEMS BSKYED GSOG, ` GNYIS PAR SKAD CIG DKROD BSKYED, NANG MCHOD MCHOD PA BYIN RLABS, RDOR SEMS BSKYED CHOG RNAMS LA SGRO 'DOGS BCAD NAS YIG BRGYA GSOG, ` GSUM PAR BLA MA'I RNAL 'BYOR DANG MAndAL LA SGRO 'DOGS BCAD NAS TSOM BU BDUN MA GSOG, ` BZHI PAR SKU GSUM LAM 'KHYER LA SGRO 'DOGS BCAD NAS MNGON RTOGS YONGS RDZOGS LA BSNGO BGRANG TZAM BYAS TE, NGA RGYAL DANG RNAM PA SPYI LA SEMS 'DZIN, ` LNGA PAR BSKYED ZIN GYI RTEN BRTEN PA GSAL 'DEBS PA DANG 'GRO BA DAG PA'I RNAL 'BYOR LA SGRO 'DOGS BCAD NAS SPYAN DBUS MA LA SEMS 'DZIN, ` DRUG PAR LUS DKYIL, DPA' BO DPA' MOS BYIN GYIS BRLABS, GO CHA BCING BA RNAMS LA SGRO 'DOGS BCAD NAS SPYAN GA-YAS GA-YON NAS MCHU SGROS BAR LA SEMS 'DZIN, ` BDUN PAR DBANG BSKUR RGYAS GDAB, MCHOD BSTOD, NGAG BZLAS RNAMS LA SGRO 'DOGS BCAD NAS MGUL PA NAS PHYAG GA-YAS GA-YON GYI BAR LA SEMS 'DZIN, ` BRGYAD PAR YID BZLAS DANG ZHAN BYUNG RDZOGS RIM DANG RTING LA SGRO 'DOGS BCAD NAS SKED PA NAS ZHIBS KYI BAR LA SEMS 'DZIN, ` DGU PAR BSAM MI KHYAB DANG
, ,SPYOD LAM GYI RNAL 'BYOR 'KHOR BCAS LA SGRO 'DOGS BCAD NAS RGYAN CHA LUGS LA SOMS 'DZIN, ` BCU PAR DBANG PO RAB 'BRING THA GSUM GROL TSUL LA SGRO 'DOGS BCAD NAS LUS DKYIL GTZO 'KHOR LA SEMS 'DZIN, ` BCU GCIG PAR RLUNG SEMS DBU MAR BSDU BA'I DMIGS PA GTONG, ` BCU GNYIS PAR RLUNG LUS LA GNAS PAS BDE BA DANG SEMS LA GNAS PAS STONG PA BSGRUB PA DANG MTHAR 'BRAS BU 'GRUB TSUL GYI DMIGS PA GTONG, ` BCU GSUM PAR 'PHO BA GANG RUNG NGAM BSAM MI KHYAB MTHUN MONG MIN PA'I DMIGS PA BTANG STE TSAR CHOS RGYUN GYI NYAMS LEN SNYING POR DRIL NAS STON, CHOS THUN RE RE BZHIN GYI 'GOR, DMIGS BRTZE MA, SKYABS SEMS, DKRONG BSKYED, RDOR SEMS BSGOM BZLAS, NANG MCHOD PHYI MCHOD GTOR MA RNAMS BYIN GYIS BRLABS NAS GTOR MA 'BUL BA, GO CHA DANG TSAM LNGA MAS GYIS SRUNG BA, MAndAL DANG DE'I MJUG TU BDE STONG LHAN CIG SKYES PA'I ZHES SOGS DANG, DNGOS GRUB 'BYUNG GNAS BYIN RLABS GTER, ,GSANG BA LAS KYANG GSANG BA CHE, ,DPAL LDAN RDO RJE RNAL 'BYOR MA'I, ,RIM GNYIS MAN NGAG BSHAD DU GSOL, ,ZHES PA DANG, BRGYUD 'DEBS, SANGS RGYAS CHOS TSOGS LA LAN
GSUM, RNAL 'BYOR BCU GCIG ,RIM GNYIS KYI 'KHRID, DE NYID BCU BZHI RNAMS KYI SDOM TSIG NAS TSEGS BCAD RE'I 'DZIN CHOS RNAMS BYA ZHING, MJUG TU GTANG RAG GI MAndAL, BDE STONG LHAN SKYES MA; AE MA'O SANGS RGYAS AE MA'O CHOS, ,CHOS BSHAD PA NI NGO MTSAR CHE, ,YANG DAG DON NI DAG PA'I DON, ,BYANG CHUB SEMS LA PHYAG 'TSAL LO, ,ZHES CHED BRJOD DANG, DPAL LDAN RDO RJE RNAL 'BYOR MA'I RIM GNYIS MAN NGAG LEGS PAR GSUNGS, ,MGON PO BDAG CAG YI RANG NGO, ,LEGS SO LEGS SO LEGS PAR GSUNGS, ,RNAM GROL 'BRAS BU 'TSAL BA YI, ,'GRO BA MGON MING RNAMS DANG NI, ,BDAG CAG YANG DAG RDZOGS PA YI, ,BYANG CHUB THOB PA'I DON CHEN MDZAD, ,CES RJES SU YI RANG DANG LEGS SO 'BUL BA, SMON LAM SHIS BRJOD BCAS BYA'O,, ` NYIN BDUN LA 'GRO BA BYED NA, NYIN DANG POR NYAL BA NAS RDOR SEMS BSKYED CHOG BAR LA SGRO 'DOGS BCAD NAS SKYABS SEMS DANG YIG BRGYA GSOG , ` GNYIS PAR BLA MA'I RNAL 'PHYOR LA SGRO 'DOGS BCAD NAS MAndAL TSOM BU BDUN MA GSOG , ` GSUM PAR BDAG LHAR SBKYED PA DANG 'GRO BA DAG PA'I RNAL 'BYOR LA SGRO 'DOGS BCAD NAS MNGON RTOGS LHAG MA BSNGO BGRANG TZAM BYAS TE NGA RGYAL DANG RNAM PA SPYI LA SEMS 'DZIN, ` BZHI PAR LUS DKYIL NAS
, ,YID BZLAS BAR LA SGRO 'DOGS BCAD NAS RNAM PA BYE BRAG PA LAS MES 'DZIN, ` LNGA PAR ZHAR BYUNG RDZOGS RIM NAS DBANG PO THA MA'I GROL TSUL BAR LA SGRO 'DOGS BCAD NAS LUS DKYIL LA SEMS 'DZIN, ` DRUG PAR RTZA DBU MA CHUD PA DANG 'BRAS BU 'GRUB TSUL, ` BDUN PAR 'PHO BA'AM BSAM MI KHYAB GANG RUNG DANG MJUG SDUD TSAR CHOS RNAMS BYA'O,, ` 'DZIN CHOS NYIN DANG PO BZHI LA TSIGS BCAD GNYIS RE DANG, LNGA PA LA GCIG GTONG, SHU BHAm, YANG NA NYIN DANG PO GSUM LA TSIGS BCAD GNYIS RE DANG, BZHI PA DANG LNGA PA LA PHYED GNYIS RE GTONG, ` SKYABS YUL LTE BAR BDE MCHOG YAB YUm DANG RTZA BRGYUD KYI BLA MA, MDUN DU YI DAM, GA-YAS SU SANGS RGYAS, RGYAB TU CHOS, GA-YON DU DGE 'DUN MKHA' 'GRO MTHA' SKOR DU CHOS SKYONG NGO,, ` BLA MA'I RNAL 'BYOR BSDUS PA THUN GCIG POR YANG MAndAL TSOM BU BDUN MA GSOG , ` GTOR MA 'BUL SNGAGS LAN GSUM BRJOD NA, BLA MA YI DAM MCHOG GSUM, MKHA' 'GRO CHOS SKYONG, 'JIG RTEN PA RNAMS DMIGS, LNGA BRJOD NA, BLA MA; YID DAM, MCHOG GSUM, MKHA' 'GRO CHOS SKYONG, 'JIG RTEN PA RNAMS LA DMIGS, BDUN BRJOD NA, BLA MA; RNAL 'BYOR MA'I LHA TSOGS, YI DAM, ,MCHOG GSUM, MKHA' 'GRO, CHOS SKYONG, 'JIG RTEN
PA RNAMS LA DMIGS SO, ,'DI RNAMS KYANG RJE DHA RMA BHA DRAS BSNYEL BYANG DU MDZAD PA'O,, ` AOm SVA STI SIDDHAm, RJE BTZUN NA RO MKHA' SPYOD MA'I LUS DKYIL RGYAS PA BSGOM TSUL NI, RANG GI SNYING GAR NANG GI DMAR CHA, ZHES PA NAS, DE RNAMS YONGS SU GYUR PA LAS, ZHES PA'I BAR BSDUS PA LTAR BYA, DE NAS DBUS SU NAM MKHA'I KHAMS KYI NGO BO AA THUNG LAS RDO RJE RNAL 'BYOR MA DMAR MO, ,GA-YON DU RLUNG KHAMS KYI NGO BO YA LAS L'A MA LJANG GU, RGYAB CHU ME KHAMS KYI NGO BOR LAS KHANdA RO HE DMAR MO, ,GA-YAS SU SA KHAMS KYI NGO BO LA LAS GZUGS CAN MA SER MO, ,MDUN DU CHU KHAMS KYI NGO BO BO LAS MKHA' 'GRO MA DKAR MO, ,DE RNAMS KYI MTHA' SKOR DU MDUN NAS BRTZAMS TE, SKRA MTSAMS MI PHYED MA'I NGO BO AOm LAS RAB GTUM MA, SPYI GTZUG PHRA GZUGS MA'I NGO BO AOm LAS GTUM MIG MA, RNA BA GA-YAS RTZE BA MA'I NGO BO AOm LAS 'OD LDA ? NAM, LTAG PA RTZA GA-YON PA MA'I NGO BOS LAS SNA CHEN MA, RNA BA GA-YON THUNG DU MA'I NGO BO RBA LAS DPA' BO'I BLO CHEN MA, SMIN MTSAMS RUS SBAL SKYES MA'I NGO BO BU LAS KHAR WA RI, MIG GNYIS SGOM PA MA'I NGO BO DDHA LAS LANGKA'I DBANG PHYUG MA, PHRAG PA GNYIS DBANG MA'I NGO BO d'A LAS SHING GRIB MA STE THUGS KYI DPAL MO BRGYAD DMAR MO GA-YON NAS BRTZAMS TE MCHAN KHUNG GNYIS SKYON LDAN MA'I NGO BO KAm LAS SA SRUNG MA, NU MA GNYIS 'JUG MA'I NGO BO NI LAS 'JIGS BYED CHEN MO, ,LTE BA MA MO'I NGO BO ME LAS RLUNG SHUGS MA, SNA RTZI MTSAN MA'I NGO BO BA LAS CHANG 'THUNG MA, KHA BSIL SBYIN MA'I NGO BO DZRA LAS SNGO SANGS LHA MO, , MGRIN PA TSAB MA'I NGO BO WA LAS RAB BZANG MA, SNYING GZHOL MA'I NGO BO RndA LAS RTA RNAM, 'BRAS BU GNYIS RANGS MA'I NGO BO NI LAS BYA GDONG MA STE GSUNG GI DPA' MO BRGYAD DMAR MO, RGYAB NAS BRTZAMS TE MTSAN MA SHIN TU GZUGS CAN MA'I NGO BO YE LAS 'KHOR LO'I SHUGS CAN MA, BSHAD
, ,LAM SPYI MA'I NGO BO BA LAS DU BSKYES MA, BRLA GNYIS RGYU SBYIN MA'I NGO BO DZRA LAS CHANG 'TSONG MA, BYIN PA GNYIS SBYOR BRAL MA'I NGO BO BI LAS 'KHOR LO'I GO CHAM, SOR MO BCU DRUG SDUG GU MA'I NGO BO RO LAS SHIN TU DPA' MO, BOL GONG GNYIS GRUB PA MA'I NGO BO CA LAS STOBS TEN MA, MTHE BONG BZHI 'CHED PA MA'I NGO BO NI LAS 'KHOR LOS BSGYUR MA, PUS MO GNYIS YID BZANG MA'I NGO BO YE LAS BRTZON 'GRUS CHEN MO STE SKU'I DPA' MO BRGYAD DMAR MO, GA-YAS NAS BRTZAMS TE KHAR SON PA'I RTZE'I NGO BO H'Um LAS, BRA GDONG MA, LTE BAR SON PA'I RTZA'I NGO BO H'Um LAS 'UG GDONG MA, RTAGS SU SON PA'I RTZA'I NGO BO HRI LAS KHYI GDONG MA, BSHANG LAM DU SON PA'I RTZA'I NGO BO PHAt LAS PHAG GDONG MA, MDZED SPUR SON PA'I RTZA'I NGO BO PHAt LAS GSHIN RJE BRTAN MA, RNA BAR SON PA'I RTZA'I NGO BO PHAt LAS GSHIN RJE PHO NYA MO, MIG TU SON PA'I RTZA'I NGO BO SV'A LAS GSHIN RJE MCHE BA MA, SNAR SON PA'I RTZA'I NGO BO H'A LAS GSHIN RJE 'JOMS MA STE SGO MTSAMS MA BRGYAD DMAR MO, ,THAMS CAD KYANG ZHAL GCIG PHYAG GNYIS, ZHES SOGS DKYUS LTAR BRJOD PAR BYA'O, ,'DI DHARMA BHA DRAS BRIS,, ,,