*, ,RJE BTZUN RDO RJE RNAL 'BYOR MA'I SNGAGS BTU'I RJES GNANG BYA TSUL GNAS GSUM MKHA' 'GRO'I SNYING THIG CES BYA BA BZHUGS, ,
, ,NA MO GU RU BADZRA YO GI NY+E, DBANG SNGON RDUL BRTZEGS LHUN PO LA, ,THUN MTSAMS SPRIN GYIS 'KHYUD PA LHA'I, ,HE RU KA DPAL YAB YUM DANG, ,DBYER MED BLA MA'I ZHABS BTUD DE, ,DPA' MO MKHA' 'GRO MA LUS PA'I, ,GSANG BA'I RIG SNGAGS AOm GSUM MA, ,BTUS NAS BYIN RLABS BYA BA'I TSUL, ,TSAD LDAN GZHUNG BZHIN BRJOD PAR BYA, ,'DIR RJE BTZUN RDO RJE RNAL 'BYOR MA'I GZUNGS SNGAGS AOm GSUM MA BTUS NAS BYIN RLABS BYA TSUL LA GSUM, SNGON 'GRO ,DNGOS GZHI, MJUG CHOG GO ,DANG PO LA GNYIS, SLOB DPON GYIS BYA BA'I SNGON 'GRO DANG, SLOB MA LA BYA BA'I SNGON 'GRO'O, ,DANG PO NI, MTSAN NYID DANG LDAN PA'I SLOB DPON GYIS GNAS KHANG BDUD RTZIS BYUGS PA LA ME TOG GI SIL MA GCAL DU BKRAMS, RDOR DRI LA CANG TE'U, LAS BUM, PHYI NANG GI MCHOD PA, GTOR MA, TSOGS RDZAS, BGEGS SBYONG GI CHAS, 'THOR 'BRU SOGS 'OG TU DGOS
, ,PA'I YO BYAD SPYI DANG, KHYAD PAR RAS SOGS 'DRI GZHI GTZANG MA LA, PHAG MO GZHUNG DRUG GI NANG TSAN RI KHROD DBANG PHYUG GIS MDZAD PA'I ZHAL GNYIS MA CHUNG BA'I SGRUB THABS LAS, DE NAS GZHAN YANG BSHAD BYA BA, ,GSANG SNGAGS BTU BA'I CHO GA MCHOG ,GRU GSUM DKYIL 'KHOR NYAMS DGA' BA, ,RDO RJE ROL PA LAS BYUNG BA,, CHOS KYI 'BYUNG GNAS ZHES BSHAD CING, ,BTZUN MO'I BHA GA ZHES KYANG NGO, ,A'A LI K'A LI'I DBYE BAS DER, ,SDE TSAN BRGYAD KYI RIM PA NI, ,GZUGS ME MDA' DANG THUB PA DANG, , BUG PA DRAG PO 'DOD PA NYID, ,RE MIG RNAMS LA RIM BZHIN DU, ,MAN NGAG GIS NI DGOD PAR BYA, ,DANG PO AA YIG NAS BRTZAMS TE, ,YI GE HA YI MTHAR THUG PAR, ,GA-YON SKOR GYI NI SBYOR BA YIS, ,BDE MCHOG RGYA MTSOR GSUNGS BZHIN BYA, ,ZHES GSUNGS PA LTAR, CHOS 'BYUNG PHYI DKAR LA NANG DMAR BA'I NANG DU RE'U MIG ZHE DGU BYAS PA LA, KshA
YIG MA GTOGS PA'I DBYANG GSAL GYI YI GE ZHE DGU DPE RIS LTAR BKOD PA'I BTU GZHI'I DKYIL 'KHOR STEGS BU'I STENG DU BZHAG PA'I MTHAR MCHOD PA GA-YON SKOR DU BSHAM, RJE BTZUN MA'I MNGON RTOGS BSGOM, GSANG CHU BSGRUB, GTOR MGRON SPYAN DRANGS PA LA GTOR MA DBUL BA RNAMS BYA'O, ,GNYIS PA SLOB MA LA BYA BA'I SNGON 'GRO NI, MTSAN NYID DANG LDAN PA'I SLOB MA LA KHRUS PHYAG MAndAL BGEGS SBYONG CHOS BSHAD CI RIGS KYI RJES SU, DPA' MO RNAL 'BYOR MA KUN GYI, ,RIG SNGAGS BLA NA MED PA'I GSUNG, ,BKLAGS PAS DON KUN 'GRUB BYED PA, ,DPA' BO CHEN POS BDAG LA STZOL, ,CES GSOL BA LAN GSUM 'DEBS SU BCUG LA, MTHUN MONG DANG MTHUN MONG MIN PA'I SDOM PA 'BOG GO ,GNYIS PA DNGOS GZHI LA GSUM, SNGAGS BTU GZHI LAS JI LTAR BTU BA, SNGAGS BYIN GYIS BRLABS NAS MCHOD PA, SNGAGS KYI RJES GNANG BYA TSUL LO, ,DANG PO NI, SLOB DPON GYIS GZHUNG TSIG RNAMS DAG PAR BKLAGS PA'I BRJOD DON DANG MTHUN PAR, LAS KYI RDO
, ,RJES KHRUS LONG DRI BZANG GIS PHYUGS PA LA, SINDHU RA, GUR KUM, 'GI'U LBANG, BDUD RTZI LNGA RNAMS MTSAL DANG BSRES PA'I SNAG TSA DANG, GSER RAM MI RUS SOGS KYI SMYU GUS, CHOS 'BYUNG GRU GSUM NYIS BRTZEGS KYI MDUN RGYAB GNYIS SPANGS PA'I GRVA BZHIR DGA' 'KHYIL DANG, NANG GI DBUS SU BAm YIG , DE'I MDUN NAS GA-YON SKOR DU AOm GSUM MA DBU PHYIR BSTAN 'PHRENG GCIG LA SNYOMS PAR 'DRI'O, ,GZHUNG TSIG NI, THA STENG (AA AO) SUM 'GYUR BYAS NAS NI, ,THIG (mAR) ? LE N'A NGAS RNAM (DHA) PAR BRGYAN, BHA STENG (SA) TSA STENG (BA) YI GE NYID, ,tA YI STENG MAS ? SPYI BOR BRGYAN, ,TZA SA'I (A'A BA) DBUS NAS BLANGS NAS NI, (KRA) ,dA YI 'OG (AA) MAS 'OG TU BRGYAN, ,SHA ( RA NA) STENG SHA LOG (AI) STENG (DHA) MA NI, ,DE BZHIN YANG (YA) DAG SBYAR BA'O, ,Li THUNG 'OG GI (AI) YI GE LA, ,NYA YI 'OG MAS RNAM (BA) PAR BRGYAN, ,PA (KA) STENG TA LOG 'OG MAS BRGYAN, ,PHA STENG (NA) THA LOG (A'I'OG MAS BCING, ,HA tA'I DBUS (MA) GNAS YI GE LA, ,nA YI STENG (AA) NA GNAS PAS BRGYAN, ,shA YI (BA) 'OG NA GNAS PA BZUNG, ,BHA 'OG STAN DU nA 'OG BYA, ,HA YI
STENG GNAS YI GE NYID, ,RA YI STENG MA (nA) NYIS BRTZEGS LA, ,tA YI (RA) STENG MA SPYI BOR SBYAR, ,PHA YI (NA) STENG NA GNAS PA LA, ,thA YI (AI) 'OG NA GNAS PAS BRGYAN, ,NYA (YA) STENG nA (AE) STENG GIS BRGYAN PA, ,MAN NGAG BZHIN DU SHES PAR BYA, ,TZA SA'I (BA) BAR NA GNAS PA BLANG, ,BHA 'OG STAN DU nA (RA) 'OG SBYAR, ,DE BZHIN TSA YI STENG (BA) MA BLANG, ,TA YI STENG (AE) NA GNAS PAS BRGYAN, ,nA YI (RA) 'OG MAR THA STENG (AO) SBYAR, ,PHA YI (TZA) 'OG NA GNAS PA BLANG, ,DHA PA'I (NA) DGUS GNAS YI GE LA, ,thA YI (A'I) 'OG MAS RNAM PAR BRGYAN, ,NYA LA'I (YA) DBUS GNAS YI GE LA, ,nA YI (AE) STENG MAS BRGYAN PAR BYA, ,LBA MA'I (HA) DBUS GNAS YI GE LA, ,R'i RING (A'U) 'OG MA GDAGS PAR BYA, ,THIG LE N'A DE YANG DAG LDAN, ,SUM 'GYUR DU NI BYA BA YIN, ,NA (PHA) 'OG RA YI (CA) 'OG MAS DBYE, ,SNGA MA BZHIN DU SUM 'GYUR BYA, ,SHA YI (SA) 'OG MA THA 'OG BZHON, ,NYA YI (A'A) 'OG NA GNAS PA SBYAR, ,LBA MA'I (HA) BAR NA GNAS PA GZUNG, ,DZHA YI (A'A) MDUN GYI DBYANGS KYIS BRGYAN, ,BLA MA'I MAN NGAG LAM GYIS NI, ,GSANG SNGAGS BTU BA'ANG SHES PAR BYA, ,ZHES PA'O, ,GNYIS PA SNGAGS BYIN GYIS BRLABS NAS MCHOD PA NI, BTUS PA'I SNGAGS 'KHOR DE BTU GZHI'I DKYIL 'KHOR GYI STENG
, ,DU MANYDZI BTZUGS PA'I KHAR BZHAG LA, KHAndA RO HES BSANGS, SVA BHA LBA SA SBYANGS, STONG PA'I NGANG LAS YAm LAS RLUNG DKYIL, ZHES PA NAS, MKHA' SPYOD CHEN PO'I GO 'PHANG THOB PAR SHOG ,CES PA'I BAR MDUN BSKYED LTAR SGRUB CING MCHOD, DE NAS MTSAMS 'DIR YIG CHA LOGS SU GSAL BA LTAR TSOGS 'KHOR SBYOR DNGOS RJES GSUM TSANG BAR BYA'O, ,GSUM PA SNGAGS KYI RJES GNANG BYA TSUL NI, SLOB MA RNAMS KHAndA RO HES BSANGS, SVA BH'A LBAS SBYANGS, STONG PA'I NGANG LAS SLOB MA RNAMS KYI GO SAR AE AE LAS CHOS 'BYUNG DMAR PO GRU GSUM NYIS BRTZEGS KYI NANG DU X, NYI MA'I DKYIL 'KHOR GYI STENG DU, SLOB MA RNAMS RJE BTZUN RDO RJE RNAL 'BYOR MA'I SKUR GYUR PA NI, ZHES PA NAS, YE SHES KYI ME 'BAR BA'I DBUS NA BZHUGS PA'O, ,ZHES PA'I BAR GYIS LHAR BSKYED LA, MDUN BSKYED KYI RJE BTZUN MA DANG, SLOB DPON DANG SLOB MA RJE BTZUN MAR GSAL BA GSUM GA'I THUGS KAR CHOS 'BYUNG DMAR PO GRU GSUM NYIS BRTZEGS KYI NANG DU ZLA BA'I DKYIL 'KHOR GYI DBUS SU BAm YIG LA AOm GSUM MA'I SNGAGS 'PHRENG KHA DOG DMAR POS GA-YON SKOR DU BSKOR BAR BLA SLOB GNYIS KAS GSAL BTAB STE, AOm GSUM MA'I RJES
ZLOS LAN GSUM BYED DU BCUG STE, LAN RE RE LA MDUN BSKYED DANG SLOB DPON GNYIS KA'I THUGS KA'I BAm YIG SNGAGS 'PHRENG DANG BCAS PA LAS RANG 'DRA GNYIS PA RE CHAD PA ZHAL NAS THON, SLOB MA RNAMS KYI KHA NAS ZHUGS TE, SNYING GA'I BAm YIG SNGAGS 'PHRENG DANG BCAS PA LA THIMS PAS GSANG SNGAGS RIG SNGAGS GZUNGS SNGAGS THAMS CAD KYI BYIN RLABS THOB PAR BSAM LA SUM BSRES BYAS PA'I MTHAR, SLOB MA RNAMS KYIS RANG RANG GI SNYING GA'I BAm YIG SNGAGS 'PHRENG DANG BCAS PA LA DMIGS LA, NYI MA RE RE BZHIN GZUNGS SNGAGS CHAG MED DU BZLA'O, SNYAM PAS LAN BDUN NAM, NYER GCIG GAM, BRGYA RTZA BRGYAD LA SOGS PA DAM BCA' DANG MTHUN PAR BZLA'O, ,DE NAS SLOB DPON GYIS BTU GZHI DANG BTUS PA'I 'KHOR LO'I YI GE RNAMS LA GA-YON PA'I MTHEB SRIN GYIS BYUG CING, SLOB MA RNAMS KYI SPYI MGRIN SNYING GA GSUM DU REG NAS, DBYANGS GSAL DANG AOm GSUM MA BRJOD PAS, MDUN BSKYED KYI LHA TSOGS THAMS CAD 'OD DU ZHU NAS DBYANGS GSAL DANG AOm GSUM MA'I YIG 'BRU'I RNAM PAR GNAS GSUM NAS LUS LA ZHUGS PAS RGYUD BYIN GYIS BRLABS PAR BSAM MO, ,DE NAS, BCOM LDAN BDAG LA STZAL LAGS KYIS, ,
, ,BCOM LDAN BDAG LA BYIN GYIS RLOBS, ,ZHES LAN GSUM ZLOS LA, ME TOG BLA MA LA DBUL, BLA MAS DE BLANGS TE SNGAGS KYI 'PHRENG BAR BYIN GYIS BRLABS LA, SLOB MA RNAMS KYI SPYI BOR BZHAG LA, BCOM LDAN 'DI LA STZAL LAGS KYIS, ,BCOM LDAN 'DI LA BYIN GYIS RLOBS, ,ZHES PA DANG, RJE BTZUN RDO RJE RNAL 'BYOR MA'I SKU GSUNG THUGS KYI BYIN RLABS THAMS CAD 'JUG PAR GYUR CIG ,CES BRJOD DO, ,DE NAS NANG MCHOD KYIS BTU GZHI DANG BTUS PA'I YI GE RNAMS BKRUS LA, BLA MA RANG GIS KYANG BTUNG ZHING LUS LA BYUG ,SLOB MA RNAMS KYI YANG GNAS GSUM DU BYUG CING, KHYOR BAR BYIN PA 'THUNGS SHING LUS LA BYUG PAS, LUS KYI CHA SHAS RNAMS SU DE BZHIN GSHEGS PA DANG, DPA' BO DANG, RNAL 'BYOR MA'I TSOGS RNAMS THIM PAS RGYUD BYIN GYIS BRLABS PAR BSAM MO, ,GSUM PA MJUG CHOG NI, SLOB MA RNAMS KYI GNAS RNAMS SU ZLA BA'I DKYIL 'KHOR GYI STENG DU LTE BAR AOm DMAR MO, ZHES SOGS GO CHA DANG, AOm SUM BHA NI SUM BHA HUm H'Um PHAt, ? CES SOGS TSAM DAMS SNGAGS KYI BSRUNG BA BYAS LA, GTANG RAG GI MAndAL BUL RJES, DGE BA 'DI YIS MYUR DU BDAG ,CES SOGS SMON LAM DANG, PHUN TSOGS
DGE LEGS KUN GYI DPAL MNGA' BA, ZHES SOGS SHIS BRJOD BYA'O, ,SMRAS PA, 'KHOR LO SNGOM PA'I RTZA BSHAD RGYUD KYI DON, ,SHA BA RI DANG STONG NYID TING NGE 'DZIN, ,BIRBA PA YI GZHUNG GIS BKRAL BA GANG, ,SBAS DON KUN GSAL NYI MAS PHYE MTHONG NAS, ,AA 'DUS KA 'PHRENG LDAN PA'I MTSO 'JING LAS, ,AOm GSUM RGYAN MDZES GSANG SNGAGS NOR BU'I 'PHRENG, ,BTUS NAS SNOD RUNG GDUL BYA'I MGUL RGYAN DU, ,BYIN 'DI KHYO MIN SKYES PAS SBRUMS BZHIN SNGA, ,'DI LTAR BSKRUN LAS BYUNG BA'I RNAM DKAR DGES, ,PHYI NANG MKHA' LA SPYOD PA'I DPAL THOB NAS, ,SDUG BSNGAL RGYA MTSO'I KLONG BYINGS MA RGAN 'GRO'I, ,SKYABS MGON DPUNG GNYEN MCHOG TU BDAG GYUR CIG ,CES RJE BTZUN RDO RJE RNAL 'BYOR MA'I SNGAGS BTU'I RJES GNANG BYA TSUL GNAS GSUM MKHA' 'GRO'I SNYING THIG CES BYA BA 'DI NI BDE MCHOG GI RIN CHEN BZHI'I SNGAGS BTU DANG, N'A RO MKHA' SPYOD MA'I LUNG GSUM GYI RJES GNANG GI RGYUN LEGS PAR THOB PA'I BENDA DHARMA BHA DRAS SA SKYONG GI LOR DNGUL CHU'I RI PHUG TU SBYAR BA'O,, ,,
, ,AOm SVA STI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR BKRA SHIS DGE 'PHEL CHOS GRVA NAS, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA MANGGA LAm, ,SDE DGE'I PAR RKOS SHES RAB BZANG POS PAR DU BSGRUBS PA DGE'O, ,ZHAL GRO,