*, ,RJE BTZUN N'A RO MKHA' SPYOD MA'I BSNYEN YIG GNAD KYI LDE MIG CES BYA BA BZHUGS, ,
, ,NA MO GU RU MANYDZU GHO sh'A YA, BKA' DRIN GSUM LDAN RTZA BA'I BLA MA DANG, ,DBYER MED RJE BTZUN RDO RJE RNAL 'BYOR MAR, ,GUS PAS BTUD NAS DE YI BSNYEN YIG NI; ;TSIG NYUNG DON 'DUS GO BDER BSHAD PAR BYA, DE YANG RJE BTZUN N'A RO MKHA' SPYOD MA'I BSNYEN PA BYA TSUL LA RTEN GNAS DUS BSNYEN BZHI LAS, DANG PO RTEN NI, LAM MTHUN MONG BAS RGYUD SBYANGS PA, BDE DGYES SOGS BLA MED KYI DBANG DANG RJE BTZUN MA'I BYIN RLABS THOB PA, TSES BCU'I MCHOD PA SOGS SPYI BYE BRAG GI DAM SDOM LA GNAS BA, SGOM BZLAS CHAG MED DU SKYONG ZHING LUNG KHRID LEGS PAR THOB PA'O, ,GNYIS PA GNAS NI, SNGON BYON DAM BAS BYIN GYIS BRLABS SHING MI DANG MI MIN GYI 'TSE BA MED BA, CHU SHING SOGS
, ,CHOS MTHUN GYI YO BYAD RNYED SLA ZHING BSAM GTAN GYI TSER MAS DBEN PA, RANG DBANG 'DUS SHING YID DANG MTHUN PA'I SGRUB KHANG YOD PA'O, ,GSUM PA DUS NI, DGUN 'BRING RGYAL GYI ZLA BA DANG YAR MAR GYI TSES BCU RNAM GNYIS MCHOG TU BSNGAGS SHING, DE MIN ZLA TSES GANG RUNG GI GZA' SKAR 'PHROD SBYOR BZANG BA'I NYIN GYI DGONGS THUN NAM SROD THUN NAS BRTZAMS PAR GSUNGS SO, ,BZHI PA BSNYEN PA DNGOS LA SBYOR DNGOS MJUG GSUM LAS, DANG PO SBYOR BA NI, BSAG SBYANG DANG RIM GROR 'BAD PA, YO BYAD DANG MTSAMS GA-YOG STA GON BYED PA, CHO GA'I TSIG DON LA SGRO 'DOGS GCOD PA SOGS SNGON DU BTANG STE, MTSAMS KYI NYIN SNGA DRO'I CHAR GNAS KHANG LA PHYAG BDAR DANG GSANG BDUGS LEGS PAR BYAS LA BDUD RTZI LNGAS CHAG CHAG GDAB, KHA NUB TU BLTAS CHOG PAR ZHAL BAR SNA TSOGS RDO RJE BRIS PA'I KHAR ME TOG GCAL DU BKRAMS LA 'BOL GDAN 'DING, DE'I MDUN NAS ZHAL RANG LA
PHYOGS PAR RJE BTZUN MA'I BRIS 'BUR GYI SKU DANG RGYUD KYI GLEGS BAM SOGS MCHOG GSUM GYI RTEN RNAMS BSHAM, DE'I MDUN DU GTOR KHANG LTA BUR PHYE GTZANG LA 'KHUR BA 'BRAS CHAN SRAN MA, SGOG SKYA BTZONG RNAMS KYI PHYE MA BSRES PA, CHU CHANG 'O MA MAR KHU RNAMS LA BDUD RTZI'I PHYE MA BTAB STE SBRUS PA'I ZAN LAS ZLUM GTOR PANG 'DAB BZHIS BSKOR BA LA SMUG RTZI'Am MAR DKAR GYI KHU BAS BYUGS SHING DKAR DMAR GYI RGYAN DANG LDAN PA DANG, DE'I MDUN DU GTOR 'BUL GYI SKABS DANG BDAG BSKYED KYI MCHOD BA CHU GNYIS NYER SPYOD DANG BCAS PA 'BUL YUL GYI GA-YON NAS BRTZAMS TE BSHAM, RANG GI MDUN DU GA-YON NAS BRTZAMS TE MI RUS SAM BO DE TZE'I BGRANG 'PHRENG, CANG TE'U, DRIL BU, RDO RJE; NANG MCHOD, 'THOR 'BRU, LAS BUM BCUD LDAN RNAMS DANG, GZHAN YANG BGEGS GTOR, ME PHOR, GU GUL, YUNGS KAR, LCE LDE, MTSAMS MTHO'I MCHOD GTOR BCAS KYANG BSHAMS LA, STAN LA 'KHOR NAS GZHUNG LAS 'BYUNG BA LTAR SKYABS YUL GSAL BTAB STE SKYABS 'GRO SEMS BSKYED DANG SKAD CIG DKRONG BSKYED BYAS LA, LAS BUM KHAndA RO HES BSANGS, SVA BH'A WA SA SBYANGS, STONG PA'I NGANG LAS BH'Um LAS RIN PO CHE'I BUM PA'I NANG
, ,DU; H'Um LAS BSANG CHU RDZAS RNAMS KYI BGEGS DANG MA DAG PA SEL BA'I NUS PA DANG LDAN PAR GYUR, AOm KHAndA RO HE HUm H'Um PHAt, CES BZLAS NAS BSANG CHU BSGRUB, DE NAS NANG MCHOD, PHYI MCHOD, GTOR MA RNAMS BYIN RLABS GZHUNG LTAR BYA, RANG GI THUGS KA'I BAm LAS 'OD ZER 'PHROS PAS BSNYEN SGRUB LA BAR DU GCOD PA'I GDON BGEGS THAMS CAD BKUG PAR GYUR, AOm SARBA BIGHNAN NA MA: SARBA TA TH'A GA TE BHYO BI SHVA MU KHE BHYA: SARBA TANG KHAm AUDGA TE SPHA RA nA HI MAm GA GA NA KHAm GRiHnE DAm BI LAm TA YE SV'A H'A, LAN GSUM, AOm SU MBHA NI SU MBHA HUm H'Um PHAt, AOm GRIHnA GRIHnA HUm H'Um PHAt, AOm 'GRIHn'A PA YA GRIHn'A PA YA HUm H'Um PHAt, AOm A'A NA YA HO BHA GA WA NA BADZRA HUm H'Um PHAt, LAN GSUM, NA MO RTZA BRGYUD KYI BLA MA YI DAM SANGS RGYAS BYANG SEMS DPA' BO MKHA' 'GRO CHOS SKYONG SRUNG MA SPYI DANG, KHYAD PAR DU YANG RJE BTZUN MKHA' SPYOD DBANG MO'I LHA TSOGS 'KHOR DANG BCAS PA'I BDEN PA'I MTHU LA BRTEN NAS BSNYEN SGRUB LA BAR DU GCOD PA'I GDON BGEGS THAMS CAD GTOR MA 'DIS TSIM PAR GYIS LA RANG RANG SO SO'I GNAS SU SANGS SHIG ,AOm SUMBHA NI DANG, KHAndA RO HE BRJOD, GTOR MA GUL YUNGS BSANG CHU ROL MOS BSKRAD,
RANG GI THUGS KA'I BAm LAS 'OD ZER PHYOGS BCUR 'PHROS PAS, RDO RJE'I SA GZHI RVA BA GUR BLA RE DANG BCAS PA'I PHYI ROL TU KHA DOG SNA LNGA PA'I MED BUNG GA-YON SKOR DU 'KHYIL ZHING 'BAR BAR GYUR, CES SRUNG 'KHOR BSGOMS PA'I NANG DU MTSAMS KHONGS SU 'JUG 'OS RNAMS CHUNG BAR BSAM, RANG GI GNAS RNAMS SU ZLA BA'I DKYIL 'KHOR GYI STENG DU, NAS; TZAndI KA'I NGO BO RNAMS SU GYUR, CES BDAG BSRUNG, DE NAS SGRUB KHANG GI SGO 'GRAM DU MTSAMS MTHO BZHAG PA'I MDUN DU MCHOD GTOR BSHAMS PA SGRUB THABS LTAR BYIN GYIS BRLABS LA, MTHO YOR KHAndA RO HES BSANGS, SVA BH'A WAS SBYANGS, STONG PA'I NGANG LAS PAD ZLA'I STENG DU RGYAL CHEN 'PHAGS SKYES PO SKU MDOG SNGON PO ZHAL GCIG PHYAG GNYIS KYIS RAL GRI 'DZIN PA, DAR DANG RIN PO CHAS BRGYAN CING RGYAL PO ROL PA'I STABS KYIS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS, RI RAB KYI LHO PHYOGS NAS RGYAL CHEN 'PHAGS SKYES BO 'KHOR DANG BCAS PA AOm BADZRA SA M'A DZA: DZA: H'Um BAm HO: GNYIS SU MED PAR GYUR, CES BSKYED LA, RGYAL CHEN 'PHAGS SKYES BO'I LJAGS 'OD ZER GYI SBU GUS GTOR MA'I BCUD DRANGS TE GSOL BAR GYUR, AOm MAH'A R'A DZA BI R'U dHA KA SA BA RI W'A RA AI DAm BA LIm TA KHA KHA KH'A HI KH'A HI, LAN GSUM GYIS PHUL, AOm MAH'A R'A DZA BI RU dHA KA SA PA RI W'A RA AARGHAm, NAS
, ,SHAPTA PRA T'I TZTSA YE SV'A H'A'I BAR GYIS MCHOD, DPA' BO CHEN PO STOBS PO CHE, ,KHA DOG SNGON PO RAL GRI 'DZIN, ,GRUL BUM TSOGS LA DBANG BSGYUR BA'I, ,'PHAGS SKYES BO LA PHYAG 'TSAL LO, , ZHES BSTOD, BDAG GI BSNYEN PA'I BYA BA 'DI, ,JI SRID LEGS PAR GRUB KYI BAR, ,PHYI NANG 'GAL RKYEN KUN ZHI ZHING, ,MTHUN RKYEN 'GRUB PA'I 'PHRIN LAS MDZOD, CES ME TOG GTOR LA 'DOD DON ZHU ZHING MCHOD PA BSDU'O, ,GNYIS PA DNGOS GZHI NI, SROD KYI TSE BDE BA'I STAN LA LUS GNAD DANG LDAN PAS 'DUG LA, BDUD RTZI MYANG BA, TSAD MED KYIS BSDUS PA SKYABS 'GRO SEMS BSKYED, RDOR SEMS SGOM BZLAS, BLA MA BSKYED BSTIM, SKU GSUM LAM 'KHYER TSANG BA'I BDAG LHAR BSKYED PA, 'GRO BA DAG PA, LUS DKYIL BSKYED BA, DPA' BO DPA' MO'I BYIN RLABS GO BGO BA, DBANG BSKUR RGYAS GANG BA, MCHOD BSTOD RNAMS GZHUNG LTAR SNGON DU BTANG STE, NGA RGYAL, RNAM PA SPYI BYE BRAG ,LUS DKYIL BCAS LA CUNG ZAD RE SEMS 'DZIN, DE NAS BGRANG 'PHRENG SNYIM PAR BZUNG LA, AOm BA DE PA DE MA H'A DZNY'A NAm SARBA BUDDHA MA H'A BHA BE H'Um H'Um H'Um HO HO HO A'A: KHAm SV'A H'A, LAN GSUM BZLAS PA'I KHA RLANGS KYIS BTAB STE, GA-YON PA'I MTHEB SRIN GYIS BGRANG ZHING, BZLAS DMIGS GSAL BTAB STE, HA CANG MYUR BA DANG, YI GE RE RE NAS 'DON PA'I HA CANG NGAL BA DANG, GZHAN GYIS THOS
BA'I SGRA CHES PA DANG, RANG GI'ANG MI THOS PA'I SGRA HA CANG CHUNGS PA DANG, GTAM SMRA BAS BAR CHOD PA DANG, SEMS GZHAN DU GA-YENGS PA DANG, THUNG NGU RING POR 'DON PA DANG, RING PO THUNG NGUR 'DON PA STE SKYON BRGYAD DANG BRAL BAR NGAG BZLAS LA GRANGS BSAGS RJES, YID BZLAS LAN GSUM TZAM DANG, ZHAR BYUNG RDZOGS RIM GNYIS SAM, MTHUN MONG MA YIN PA'I RTZA DBU MA'I DMIGS SKOR GSUM GANG RUNG LA BSHAR SGOM RE BYAS TE, BSAM MI KHYAB MTHUN MONG BA DANG MTHUN MONG MIN PA GANG RUNG GIS MJUG BSDUS NAS RGYUN SPYOD KYI LHAR LANGS LA GO CHA DANG TSAM DAMS KYIS BSRUNG, DE NAS MCHOD GTOR BYIN GYIS BRLABS LA, GTOR 'BUL, 'DOD GSOL, HE RU KA'I YIG BRGYA, BZOD GSOL, GSHEGS GSOL, SMON LAM, SHIS BRJOD BCAS GZHUNG LTAR BYAS LA, NYAL BA'I RNAL 'BYOR GSAL BTAB STE NYAL LO, ,SANG THO RANGS LDANG BA'I RNAL 'BYOR GSAL BTAB STE LANGS LA, BDUD RTZI MYANG BA NAS TSAM NGAMS KYIS BSRUNG BA'I BAR SNGAR LTAR LA SMON LAM RGYAS BSDUS GANG RUNG BYAS NAS THUN MTSAMS SPYOD LAM GYI RNAL 'BYOR LA 'JUG ,DE YANG NYIN RE BZHIN THOR THUN, SNGA THUN, DGONGS THUN, SROD THUN TE THUN BZHIR BYED CING, NYI MA 'CHAR NUB KYI ZER KHA GNYIS DANG, NYIN MTSAN GYI GUNG GNYIS TE BZHIR THUN MTSAMS KHEL BA BYA, THUN SNGA MA GSUM LA SHIS BRDOD ?
, ,DANG PHYI MA GSUM LA RDOR SEMS SGOM BZLAS MI DGOS SHING, GTOR 'BUL YANG SROD THUN GYI MTHA' KHO NAR BYAS PAS CHOG GO ,MNGON RTOGS THUN THAMS CAD LA RGYAS PA MA GRUB NA PHYI MA GSUM LA BSDUS PAS RUNG BAS DE'I BSDU TSUL NI, BDUD RTZI MYANG BA DANG SKYABS SEMS GZHUNG LTAR LA, SKU GSUNG THUGS KYI BYIN RLABS THOB PAR 'GYUR, MDUN GYI NAM MKHAR SENG KHRI PADMA NYI ZLA BRTZEGS PA'I STENG DU, NAS; SKYABS GNAS THAMS CAD 'DUS PA'I NGO BOR GYUR, DUS GSUM SANGS RGYAS THAMS CAD KYI NGO BO BLA MA RIN PO CHE LA GSOL BA 'DEBS SO, ,BDAG GI RGYUD BYIN GYIS BRLAB TU GSOL, LAN GSUM, RTZA BA'I BLA MA RANG LA RJES SU CHAGS PAS 'OD DMAR PO'I RNAM PAR ZHU BA, NAS, YE SHES KYI ME 'BAR BA'I DBUS NA BZHUGS PA, RNAM SNANG HE RU KA YUM DANG BCAS PAS DBU BRGYAN PA'O, ,RANG GI SNYING GAR CHOS 'BYUNG DMAR PO, NAS; DE THAMS CAD RDO RJE RNAL 'BYOR MA'I SKUR GYUR, PHEEm; RANG GI THUGS KA'I BAm YIG LAS 'OD ZER 'PHROS PA SMIN MTSAMS NAS THON TE, NAS; TZAndI KA'I NGO BO RNAMS SU GYUR, MTSAMS 'DIR NGA RGYAL DANG RNAM PA SPYI BYE BRAG LA SEMS CUNG ZAD RE ZIN NAS, RANG GI SNYING GAR CHOS 'BYUNG DMAR PO, NAS, ? RGYUD BYIN GYIS BRLABS PAR GYUR, DE NAS NGAG BZLAS YID BZLAS GNYIS BYA, BSAM MI
KHYAB GNYIS GANG RUNG GI MTHAR SPYOD LAM GYI LHAR LANGS NAS GO CHA TSAM NGAMS SMON LAM BSDUS PA BCAS BYED PA'O, ` ,NYAL BA'I RNAL 'BYOR RDZOGS RIM SBROS MED KYIS BYED NA YID BZLAS KYI MJUG TU GTOR 'BUL NAS SHIS BRJOD KYI BAR BTANG NAS, BSAM MI KHYAB MTHUN MONG BA'I 'OD GSAL STONG PA NYID DU THIM PAR GYUR, CES NYAL LA, SANG THO RANGS STONG PA'I NGANG LAS RANG NYID SKAD CIG GIS RJE BTZUN RDO RJE RNAL 'BYOR MAR GYUR PA'I GNAS RNAMS SU ZHES SOGS LDANG BA'I RNAL 'BYOR BYA, MTSAMS STAN LAS LDANG BA'I TSE GDAN GYI KHAR STENG GOS KYI STENG DU 'PHRENG BA LA RDO RJE'I MDUD PA BTAB STE 'JOG ,THUN MTSAMS SU'ANG SPYOD LAM GYI RNAL 'BYOR DANG KHA ZAS KYI RNAL 'BYOR DANG, RNAL 'BYOR GYI GROGS SU 'GRO NA, KHRUS KYI RNAL 'BYOR DANG, GNAS KHANG BYI NGOR DANG, MCHOD PA BSDU 'BUL DANG, 'CHAG MED DAM BCA' YOD PA'I YI DAM CHOS SKYONG GI BZLAS SGOM GTOR 'BUL DANG CHOS MTHUN DGOS GAL CHE NGES KYI MTSAMS GA-YOG DANG PHRAN BU NGAG SMRA BA DANG, BSNYEN SGRUB SKOR GYI RNAM GZHAG STON PA'I GZHUNG LA LTA BA DANG, SKRA SEN SOGS HA CANG RING BAS 'DUL BA'I BCAS MTSAMS LAS 'GAL NYEN 'DUG NA 'DREG PA RNAMS LA 'GAL BA MED, GZHAN MA LUS LHA SKU, NGAG BZLAS BRJOD, YID BDE STONG GI RNAM ROL TU 'CHAR BA LA MOS PA YID
, ,BYED TSUN CHAD KYIS BRLAB DGOS, MDOR NA THUN DNGOS GZHI DANG THUN MTSAMS KYI BYA BA THAMS CAD RNAL 'BYOR BLA MED KYI BSNYEN YIG RGYAS PA RNAMS DANG BRGYUD LDAN DAM PA'I PHYAG BZHES LAS JI LTAR 'BYUNG BA LAS CHAD LHAG MED PAR DRAN SHES DANG SNYING STOBS BSKYED NAS STENG NAS THOG BABS PA DANG 'OG NAS MTSO RDOL BA SOGS BYUNG YANG GA-YO 'GUL MI BYED PAR BSNYEN SGRUB MTHAR DBYUNG BA'I ZHE DAM DRAG TU BYED CING, DE LTAR NUS PAR BLA MA DKON MCHOG MKHYEN SNYAM PA BYA'O, ,GSUM PA MJUG NI, BSNYEN PA'I BZLAS GRANGS SONG BA NA BTANG RAG GI TSUL DU MCHOD GTOR TSOGS RDZAS BZANG PO DANG BCAS NYIN KHA SHAS DKYIL 'KHOR SGRUB MCHOD DANG BDAG 'JUG ,KHA SKONG BA'I SBYIN SREG SOGS BYED CING, SNGA THUN MDOR BSDUS SHIG GI MJUG TU, MTSAMS MTHO'I MDUN DU MCHOD GTOR BSHAMS PA BYIN GYIS BRLABS TE, RGYAL CHEN 'PHAGS SKYES PO'I LJAGS 'OD ZER GYI SBU GUS, ZHES PA NAS, 'PHAGS SKYES BO LA PHYAG 'TSAL LO, ,ZHES PA'I BAR GONG LTAR BRJOD LA, YIG BRGYAS CHAD LHAG BSKANGS, MA 'BYOR BA DANG NYAMS PA DANG, ZHES SOGS KYIS BZOD PAR GSOL, AOm; RGYAL CHEN 'PHAGS SKYES 'KHOR BCAS KYIS, ,STONGS GROGS 'PHRIN LAS BSGRUBS PA LEGS, ,RANG GI GNAS
SU GSHEGS NAS KYANG, ,JI BZHIN DUS SU 'DIR SPYON CIG ,BADZRA MU: YE SHES PA RANG BZHIN GYI GNAS SU GSHEGS SHING, DAM TSIG PA RANG LA THIM PAR GYUR, CES BRJOD, DE NAS MTSONG GTOR DAM RDZAS RNYING PA RNAMS RANG DANG DAM LDAN RNAMS KYIS BYIN RLABS SU LONGS SPYOD PA'AM CHU KLUNG DU GSHEGS PA DANG, BSGRUB RDZAS RNAMS DBEN PAR BSDUS RJES DAM TSIG GTZANG BA ZHIG NAS BZUNG STE PHYI MI RNAMS DANG RIM GYIS 'PHRANG NAS GRIB DANG 'DRIS SU 'JUG PA DANG, SGOM BZLAS CHAG MED KYI RIM PA LA RGYUN DU 'BAD PA'I SGO NAS DAL BA'I RTEN LA SNYING PO BLANG BAR BYA'O, ,SMRAS PA, GRANGS MED d'A KI'I GTZO MO MKHA' SPYOD MA, ,ZAB LAM SGOM DANG BZLAS PAS BSNYEN BYAS TE, ,DPA' BO MKHA' 'GRO BYE BA'I STI GNAS MCHOG ,MKHA' SPYOD RIG 'DZIN GNAS SU 'JUG THABS 'DI, ,RTZA BSHAD RGYUD DANG NGE 'GREL RGYA BOD GZHUNG, ,MKHAS GRUB ZHAL LUNG RIM BRGYAD MAN NGAG GSUM, ,PHAL KHA SBYAR NAS BRIS MOD DE LTA NA'ANG, ,BYIS BLOS GANG NONGS LHA DANG BLA MAR 'CHAGS, ,DGE TSOGS DUNG DANG ZHO GSAR STON ZLA'I SPUN, ,GANG ZHIG THOB DES MKHA' MNYAM MA RGAN 'GRO ,MA LUS MKHA' SPYOD GNAS SU KHRID NAS KYANG, ,BCU GSUM RDO RJE 'DZIN PA'I SAR 'GOD SHOG ,(CES RNGA BTZUN N'A RO MKHA' SPYOD MA'I BSNYEN YIG GNAD KYI LDE MIG CES BYA BA 'DI YANG CHA TSANG BA'I LAM LA TSE BLOS
, ,BTANG GIS SGRUB PA SNYING POR MDZAD PA DPON CHAD TSE DBANG RDO RJE'I GSUNG GIS BSKUL MA NAN CHER MDZAD NGOR, BDAG CHEN KUN DGA' BKRA SHIS, RGYAL RTZE BA NGAG DBANG BSOD NAMS, RMOR CHEN KUN DGA' LHUN GRUB RNAMS KYI GZHUNG LA BRTEN NAS, BAN GZUGS SNYOM LAS PA DHARMA BHA DRAS SBYAR BA'O,,) ` ,,AOm SVASTI, PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BBZANG LA, ,SPYOD PHYIR RI BO GRU 'DZIN CHOS GRVA NAS, ,CHOS SBYIN 'DZAD MED DAL 'GRO'I RGYUN 'DI SPEL,, ,,SARBA DZA GA TAm,, ,