*, ,DPAL 'KHOR LO SDOM PA'I RIN CHEN BZHI'I SNGAGS BTU'I RJES GNANG BYA TSUL LEGS BSHAD GSER GYI THUR MA ZHES BYA BA BZHUGS,,
, ,NA MO GU RU TZA KRA SAMBHA R'A YA, RAB MDZES AINDRA N'I LA'I SA 'DZIN LA, ,MTSAMS SPRIN GSAR PAS 'KHYUD PA'I MDZES SDUG CAN, ,BLA MA MCHOG DANG DBYER MED BCOM LDAN 'DAS, , 'KHOR LO SDOM PA YAB YUM LA BTUD NAS, ,DE YI GSANG SNGAGS RIN CHEN RNAM PA BZHI, LEGS PAR BTUS NAS SKAL LDAN SLOB MA'I RGYUD, ,BYIN GYIS BRLAB PHYIR RJES GNANG CHO GA'I TSUL, ,BRGYUD LDAN DAM PA'I PHYAG LEN GSAL BAR BYA, ,'DIR DPAL 'KHOR LO SDOM PA'I RIN CHEN BZHI'I SNGAGS BTU'I RJES GNANG BYA TSUL LA GSUM, SNGON 'GRO, DNGOS GZHI, MJUG CHOG GO ,DANG PO LA GNYIS, SLOB DPON GYIS BYA BA'I SNGON 'GRO DANG, SLOB MA LA BYA BA'I SNGON 'GRO'O, ,DANG PO NI, DBANG THOB CING DAM SDOM LA GNAS PA, BSNYEN PA SONG ZHING SNGAGS BTU'I RJES GNANG LEGS PAR THOB PA SOGS MTSAN NYID DANG LDAN PA'I
, ,PA'O YO BYAD SPYI DANG, KHYAD PAR RAS SOGS 'DRI GZHI GTZANG MA LA, PHAG MO GZHUNG DRUG GI NANG TSAN RI KHROD DBANG PHYUG GIS MDZAD PA'I ZHAL GNYIS MA CHUNG BA'I SGRUB THABS LAS, DE NAS GZHAN YANG BSHAD BYA BA, ,GSANG SNGAGS BTU BA'I CHO GA MCHOG ,GRU GSUM DKYIL 'KHOR NYAMS DGA' BA, ,RDO RJE ROL PA LAS BYUNG BA, , CHOS KYI 'BYUNG GNAS ZHES BSHAD CING, ,BTZUN MO'I BHA GA ZHES KYANG NGO, ,A'A LI K'A LI'I DBYE BAS DER, ,SDE TSAN BRGYAD KYI RIM PA NI, ,GZUGS ME 3 MDA' 5 DANG THUB 7 PA DANG, , BUG 9 PA DRAG 10 PO 'DOD 12 PA NYID, ,RE MIG RNAMS LA RIM BZHIN DU, ,MAN NGAG GIS NI DGOD PAR BYA, ,DANG PO AA YIG NAS BRTZAMS TE, ,YI GE HA YI MTHAR THUG PAR, ,GA-YON SKOR GYI NI SPYOD PA YIS, ,BDE MCHOG RGYA MTSAR GSUNGS BZHIN BYA, ,ZHES GSUNGS PA LTAR, CHOS 'BYUNG PHYI DKAR LA NANG DMAR BA'I NANG DU RE'U MIG ZHE DGU BYAS PA LA, KshA
YIG MA GTOGS PA'I DBYANG GSAL GYI YI GE ZHE DGU DPE RIS LTAR BKOD PA'I BTU GZHI'I DKYIL 'KHOR STEGS BU'I STENG DU BZHAG PA'I MTHAR MCHOD PA GA-YON SKOR DU BSHAM, RJE BTZUN MA'I MNGON RTOGS BSGOM, GSANG CHU BSGRUB, GTOR MGRON SPYAN DRANGS PA LA GTOR MA 'BUL BA RNAMS BYA'O, ,GNYIS PA SLOB MA LA BYA BA'I SNGON 'GRO NI, MTSAN NYID DANG LDAN PA'I SLOB MA LA KHRUS PHYAG MAndAL BGEGS SBYONG CHOS BSHAD CI RIGS KYI RJES SU, DPA' MO RNAL 'BYOR MA KUN GYI, ,RIG SNGAGS BLA NA MED PA'I GSUNG, ,BKLAGS PAS DON KUN 'GRUB BYED PA, ,DPA' BO CHEN POS BDAG LA STZOL, ,CES GSOL BA LAN GSUM 'DEBS SU BCUG LA, MTHUN MONG DANG MTHUN MONG MIN PA'I SDOM PA 'BOG GO ,GNYIS PA DNGOS GZHI LA GSUM, SNGAGS BTU GZHI LAS JI LTAR BTU BA, SNGAGS BYIN GYIS BRLABS NAS MCHOD PA, SNGAGS KYI RJES GNANG BYA TSUL LA, ,DANG PO NI, SLOB DPON GYIS GZHUNG TSIG RNAMS DAG PAR BKLAGS PA'I BRJOD DON DANG MTHUN PAR, LAS KYI RDO
, ,PAR; LAS KYI RDO RJES SPANG LEB BAM MAndAL DRI BZANG GIS BYUGS PA LA, SINDHU RA, GUR KUM, 'GI'U WANG, BDUD RTZI LNGA RNAMS MTSAL DANG BSRES PA'I SNAG TSA DANG, GSER RAM MI RUS SOGS KYI SMYUG GUS DBUS SU AOm GYI SHUL STONG PAR BZHAG ,DE NAS YI GE RNAMS DBU NANG DU BSTAN NAS GA-YON SKOR DU RIM PA BZHIN DU DAG PAR 'DRI, DE'I TSE BTU GZHI A'A LI K'A LI'I DKYIL 'KHOR LAS SNGAGS KYI YIG 'BRU RNAMS MAR ME GCIG LAS GNYIS CHAD KYI TSUL DU BYUNG NAS 'KHOD PAR BSAM MO, ,GZHUNG TSIG NI, RGYUD DANG DGONGS 'GREL PHAL CHER DU DANG POR LUS GSAL BYED BTUS PA BRIS, DE NAS YAN LAG DBYANGS BTUS PA LUS DANG SBYOR BAR GSUNGS PA BZHIN BYAS NA 'KHRUL NYEN SHIN TU CHE BAS, BDAG GI BLA MA RJE YONGS 'DZIN GRUB PA'I DBANG PHYUG CHEN PO'I BZHED PA LTAR GSAL BYED GANG YIN GYI THAD DU RANG RANG GI DBYANGS SBYAR TE 'THU BBHA LA, RTZA RGYUD LE'U LNGA PA LAS, BZHI PA'I LNGA PA GANG YIN DANG, ,LNGA PA YI YANG LNGA PA DANG, ,LE'U BDUN PA LAS, DE NAS DBYANGS YIG BCU GSUM NYID, , YI GE GNYIS PA DAG DANG SBYAR, ,LNGA PA YI NI BZHI PA DANG, ,DANG PO'I GSUM PA GANG YIN DANG, ,DE BZHIN NYI SHU RTZA DGU PA, ,BZHI PA'I DANG PO GANG YIN DANG, ,DBYANGS YIG BCU GCIG YANG DAG LDAN
YI GE (TE) DRUG PA BRGYAN PAR BYA, ,MTHAR GNAS PA YI BZHI PA DANG, ,DBYANGS KYI BZHI PA NYID KYANG NI, ,YI GE (NI) BDUN PA NYID DANG SBYAR, ,DE NYID KYI NI GNYIS PA DANG, ,DBYANGS YIG BCU GCIG PA NYID NI, ,MKHAS PAS YI GE BRGYAD PAR BYA, , SUM CU PA NI YANG DAG BLANG, ,DBYANGS YIG GNYIS PA DANG LDAN PAR, ,YI GE (SHA) DGU PA BRGYAN PAR BYA, ,DE BZHIN (YA) NYI SHU DRUG PA NYID, ,DE DAG THAMS CAD LEGS BSDUS LA, ` ,DE BZHIN (MA) BRGYA YI PHYED PHYED KYANG, ,DE NAS SUM CU RTZA GSUM GZUNG, ,DBYANGS KYI YI GE GNYIS PA NYID, ,YI GE (H'A) BCU GNYIS PA DANG SBYAR, ,DANG PO'I DANG PO NYID DAG DANG, ,MTHAR GNAS PA YI GSUM PA DANG, ,DBYANGS YIG GNYIS PAR LDAN PA NI, ,YI GE NYI SHU GCIG PA GZUNG, ,MKHAS PAS YI GE (W'A) BCU BZHI PA'O, ,DANG PO YI NI GSUM PA NYID, ,YI GE NYI SHU PA DANG SBYAR, ,DBYANGS KYI GSUM PA NYID DAG NI, ,YI GE BCO LNGA PA DANG SBYAR, ,SUM CU RTZA GNYIS NYID DAG DANG, ,DBYANGS YIG BCO LNGAR YANG DAG LDAN, ,YI GE BCU (SAm) DRUG PA MDZES BYA, ,BZHI PA YI NI LNGA PA DANG, ,DBYANGS YIG GSUM PA DANG LDAN PA'I, ,YI GE (NI) BCU BDUN PA RU 'DOD, ,LNGA PA'I YANG NI BZHI PA DANG, ,DBYANGS KYI GNYIS PA NYID DANG NI, ,YI GE (BH'A) BCO BRGYAD PA RU SBYAR, ,MTHAR GNAS PA YI (YA) DANG PO DANG; ` ;GNYIS PA YI NI (DZA) GSUM PA DANG, ,GSUM PA'I DANG PO GANG YIN DANG, ,DBYANGS YIG GI NI GNYIS PA NYID, ,YI GE (D'A) NYI SHU GCIG PAR LDAN, ,LNGA PA YI YANG LNGA PA DANG, ,DANG PO YI YANG DANG PO DANG, ,DBYANGS YIG LNGA PA NYID DANG
, ,NI; ;YI GE NYI SHU GSUM PA SBYAR, ,DE BZHIN BCU GCIG PA NYID DANG, ,DBYANGS YIG BCU GSUM PA NYID NI, ,YI GE (tO) NYI SHU BZHI PAR SBYAR, ,DE BZHIN MKHAS PAS BCU DRUG PA, ,SDE TSAN DANG PO BLANGS NAS NI, ,YI GE NYI SHU LNGA PAR SBAR, ,GSUM PA'I DANG PO GANG YIN DANG, ,DBYANGS YIG GNYIS PA DANG LDAN PAR, ,YI GE (t'A) NYI SHU RTZA DRUG 'GYUR, ,DE BZHIN NYI SHU RTZA DRUG PA, ` ,BZHI PA'I GSUM PA GANG YIN DANG, ,DBYANGS YIG BCO LNGA PA DAG NI, ,NYI (DAm) SH'A BRGYAD PA NYID DANG SBYAR, ,AUshMA YI NI GNYIS PA NYID, ,GSUM PA'I DANG PO YANG DAG LDAN, ,'OG MA'I CHANG NI ME DANG BCAS, ,DE BZHIN DBYANGS YIG GNYIS PA SBYAR, ,YI GE NYI SHU DGU PA'O, ,DANG PO'I (KA) DANG PO GANG YIN DANG, ,DE BZHIN NYI SHU RTZA BDUN PA, ,YI GE (R'A) GSUM CU RTZA GCIG PA, ,DBYANGS YIG GNYIS PA DAG DANG SBYAR, ,NYI SHU RTZA BRGYAD PA YANG NGO, ,YI GE (LO) SUM CU RTZA GNYIS PA, ,DBYANGS YIG BCU GSUM PA DANG SBYAR, ,DANG PO YI NI GSUM PA DANG, ,YI GE (GRA) ? SUM CU RTZA GSUM PA; ;NYI MAR YANG DAG LDAN PAR BYA, ,LNGA PA YI YANG BZHI PA DANG, ,DBYANGS YIG BZHI PA NYID DANG NI, ,YI GE (BH'I) SUM CU BZHIR LDAN PA, ,'DOD PA'I DON KUN SGRUB BYED YIN, ,DE BZHIN (shA) SUM CU RTZA GCIG BLANG, ,BCO LNGA (nA) PA NI NYID DAG DANG, DE BZHIN NYI SHU RTZA LNGA PA, ,DBYANGS KYI LNGA PA NYID DAG NI, ,SUM CU (MU) BDUN PAR YANG DAG LDAN, ,MKHA' 'GRO MA RNAMS SGRUB BYED YIN, ,DANG PO'I GNYIS PA GANG YIN DANG, SUM CU (KH'A) BRGYAD PA 'DI DAG NI, ,DBYANGS YIG GNYIS PA DANG SBYAR
BA; ;LHA RNAMS THAMS CAD SGRUB PA NI, ,'DI NYID YIN PAR THE TSOM MED, ,CES PA DANG, DE BZHIN (YA) NYI SHU RTZA DRUG PA, ,ZHES PA'O, ,GNYIS PA RKANG PA PHYI MA BZHI BTU BA NI, YI GE (SA) SUM CU RTZA GNYIS DANG, ,AUshMA YI NI (HA) THA MA NYID, ,SUM CU RTZA GNYIS PA NYID DANG, ,BZHI BCU (S'A) RTZA GNYIS PA NYID LA, ,'OG GI CHANG NI SGRUB PA POS, ,ME DANG SBYAR BAR BYA BA NYID, ,LNGA PA YI NI BZHI PA DANG, ,BZI BCU (BHU) GSUM PA NYID DAG NI, ,DBYANGS YIG LNGA PA NYID DANG SBYAR, ,GNYIS PA YI NI (DZA) GSUM PA DANG, ,LNGA PA YI NI BZHI PA DANG, ,YI GE (BH'A) BZHI BCU LNGA PA NI, ,DBYANGS KYI YI GE GNYIS PAR SBYAR, ,AUshMA YI NI GSUM PA DANG, ,DBYANGS YIG LNGA PA NYID DAG KYANG, ,BZHI BCU RTZA DRUG (MU) PA LDAN PA, ,DPA' BO THAMS CAD RAB MCHOD YIN, ,GZHAN YANG NYI SHU RTZA BDUN PA, ,BZHI BCU (R'A) RTZA BDUN PA NYID NI, ,DBYANGS YIG GNYIS PA DANG SBYAR BA, ,'DI NI RDO RJE SEMS DPA' MCHOG ,AANTA STHA YI (YA) DANG PO DANG, ` ,DE BZHIN NYI SHU (PA) RTZA GCIG PA, ,AANTA STHA YI (RA) GNYIS PA DANG, ,DE BZHIN YANG NI SUM CU PA; ;YI GE (SHU) LNGA BCU RTZA GCIG PA, ,DBYANGS YIG LNGA PA NYID DAG GIS, ,MDZES PA MCHOG NI YIN PAR 'DOD, ,LNGA PA YI NI DANG PO DANG, ,(P'A) LNGA BCU RTZA GNYIS PA NYID NI, ,DBYANGS YIG GNYIS PA DANG SBYAR BA, ,LHA RNAMS THAMS CAD SGRUB PA NI; ;'DI NYID YIN PAR THE TSOM MED, ,AUshMA YI NI DANG PO NYID, ,YI GE (SHO) LNGA BCU RTZA GSUM PA'ANG, ,DBYANGS YIG BCU GSUM PA DANG SBYAR, ,DE BZHIN YI GE (BY'A) BY'A NYID DANG, ,BZHI PA'I DANG PO GANG YIN DANG, ,AUshMA'I DANG PO GANG YIN DANG,
, ,YI GE LNGA BCU (SH'U) RTZA DRUG PA, ,DBYANGS YIG DRUG PA DANG YANG SBYAR, ,DGRA RNAMS NGES PAR GCOD BYED YIN, ,DE BZHIN NYI SHU (LA) RTZA BRGYAD PA, ,DANG PO'I GNYIS (LA) PA GANG YIN DANG, ,GSUM PA'I DANG PO NYID DAG DANG, ,AANTA STHA YI BZHI PA DANG, ,DBYANGS YIG GNYIS PAR SBYAR BAR BYA, ,DE BZHIN BCO LNGA PA DANG SBYAR, ,DNGOS GRUB THAMS CAD SGRUB PA YIN, ,YI GE LNGA BCU RTZA DGRU 'GYUR, ,DANG PO'I (RA) GSUM PA GANG YIN DANG, , BZHI PA'I BZHI PA GANG YIN DANG, ,YI GE (DZ'A) DRUG CU RTZA GCIG NYID, ,DBYANGS YIG GNYIS PA DAG DANG SBYAR, ,'DI NYID MCHOG NI YIN PAR BSHAD, ,AANTA STHA YI GNYIS PA DANG, ,YI GE (RI) DRUG CU RTZA GNYIS PA, ,DBYANGS YIG GSUM PAR SBYAR BA NI, ,MKHA' 'GRO MA YI MCHOG TU 'DOD, ,GSUM PA YI YANG LNGA PA DANG, ,YI GE DRUG CU RTZA GSUM NYID, ,DBYANGS YIG BCU GCIG DAG DANG LDAN, ,MDZES PA'I YI GE KUN MCHOG NYID, ` ,YI GE (BY'A) BY'A NI DE NAS BLANG, ,DANG PO YI NI BZHI PA DANG, ,DE BZHIN (GHA) DRUG CU RTZA LNGA LA, ,RDO RJE SEMS DPAS PHYE BA DAG ,SA BON GYIS NI LHA RDZAS MCHOG ,GRUB SBYIN THAR PA SBYIN CHEN PO, ,DE NAS BRGYAD PA NYID DAG DANG, ,YI GE (JI) DRUG CU RTZA DRUG PA DBYANGS YIG GSUM PA DANG YANG SBYAR, ,BYA BA KUN LA GRUB SBYIN PAR, ,DE LTAR DE BZHIN GSHEGS PAS GSUNGS, ,BZHI PA'I LNGA PA GANG YIN DANG, ,YI GE (N'A) DRUG CU RTZA BDUN PA, ,DBYANGS YIG GNYIS PAR YANG DAG
LDAN; ;RNAL 'BYOR MA YI DGONGS PA KUN, ,'DI NYID YIN PAR THE TSOM MED, ,LNGA PA YI YANG LNGA PA DANG, ,DRUG CU BRGYAD PA NYID LA YANG, ,DER NI YI GE BA SBYAR BA, ,SA BON YI GE 'DI YI NI, ,'OG GI CHAR NI BRTAG PAR BYA, DE BZHIN NYI SHU RTZA BDUN PA, ,BZHI PA YI NI BZHI PA DANG, ,SLAR YANG NYI SHU RTZA BDUN PA, ,YI GE BDUN CU RTZA GCIG PA, ,DBYANGS YIG GNYIS PA YANG DAG SBYAR, ,YI GE KUN LA MDZES PA NI, ,'DI NYID YIN PAR THE TSOM MED, ,DE BZHIN NYI SHU RTZA DRUG PA, ` ,NYI SHU RTZA LNGA YANG DAG BLANG, ,SUM CU RTZA GSUM NYID DAG DANG, ,BDUN CU RTZA BZHI PA NYID NI, ,DBYANGS YIG GNYIS PAR SBYAR BA DAG ,GDOD NAS GRUB PA YIN PAR NI, ,DE BZHIN GSHEGS PA'I ZHAL NAS GSUNGS, ,BZHI PA YI NI BZHI PA DANG, ,YI GE BDUN CU LNGA PA NYID, ,MA MO DRUG PA DANG LDAN PA, ,'DI NI RNAL 'BYOR RAB MCHOG STE, ,BYA BA KUN LA DAM PA YIN, ,LNGA PA YI NI LNGA PA DANG, ,BDUN CU RTZA DRUG PA NYID NI, ,DBYANGS YIG GNYIS PA DANG LDAN CING, ,NYI MA YIS NI DBYE BA STE, ,YI GE BA LA DE SBYAR BYA, ,MCHOG TU MDZES PA GZHAN YOD MIN, ,BZHI PA YI YANG LNGA PA DANG, ,YI GE BDUN CU RTZA BDUN PA, ,DER NI DHA DANG SBYAR BAR BYA, ,SA BON 'DI NI LHA RDZAS MCHOG ,MKHA' 'GRO MA YI MDZES PAR 'DOD, ,DANG PO'I DANG PO NYID DAG DANG, ,BDUN CU RTZA BRGYAD PA NYID NI, ,DBYANGS YIG GNYIS PA DANG LDAN CING, ,SA BON 'DI NI MCHOG BZANG PO, ,RGYU YI MCHOG NI YIN PAR 'DOD, ,
, ,DE BZHIN NYI SHU RTZA BDUN PA, ,ANTA STHA YI BZHI PA DANG, ,DE BZHIN NYI SHU RTZA GCIG PA, ,YI GE BRGYAD CU RTZA GCIG PA, ,BZHI PA'I MTHA' YI KHYAD PAR BYED, ,GDOD NAS SGRUB BYED 'DI YIN TE, ,DNGOS GRUB KUN LA 'JUG BYED PA'O, ,AUshMA YI NI GNYIS PA NYID, ,YI GE BRGYAD CU RTZA GNYIS PA, ,DBYANGS YIG GNYIS DANG SBYAR BAR BYA, ,ZHES PA DANG, DE BZHIN NYI SHU RTZA DRUG PA'O, ,ZHES PA'O, ,GNYIS PA KAR KA RA'I RTZA SNGAGS BTU BA LA GSUM, BRGYAD TSAN DANG PO'I SNGAGS BTUB, BRGYAD TSAN BAR PA'I SNGAGS BTU BA, BRGYAD TSAN THA MA'I SNGAGS BTU BA'O, ,DANG PO NI, LO TZA BA GNYIS 'DUS KYIS BSGYUR BA'I RTZA RGYUD LE'U LNGA PA LAS, DANG PO'I DANG PO NYID DANG NI, ,MTHAR GNAS PA YI GNYIS PA NYID, ,AA SDE DANG POR BYAS PA'I; GNYIS PA YI NI DANG PO NYID, ,DRUG PA YI YANG GNYIS PA'O, ,DANG PO YI NI DANG PO DANG, ,GNYIS 'DUS 'GYUR GYI RTZA RGYUD LE'U BDUN PA LAS, MA MO RNAMS LAS LNGA PA NYID, ,DE BZHIN YI GE BRGYAD CU BRGYAD, ,MTHAR GNAS GNYIS PA DE BZHIN TE, ,MA MO DAG LAS LNGA PA NYID, ,YI GE BRGYAD CU RTZA DGU PA, ,AA SDE NAS, GNYIS PA YI NI DANG PO DANG, ,MA MO RNAMS LAS LNGA PA NYID, ,DE BZHIN YI GE DGU BCU PA, ,AA SDE NAS, BDUN PA YI NI GNYIS PA DANG, ,MA MO DAG LAS LNGA PA DANG, ,YI GE DGU BCU RTZA GCIG PA, ,DRUG PA YI YANG BZHI PA DANG, ,BZHI PA YI YANG LNGA PA LA, ,BZHI PA YIS NI SBYAR BAR BYA,,
MTHAR GNAS PA YI BZHI PA DANG, ,AA SDE NAS LNGA PA YI YANG LNGA PA LA, ,BZHI PA YIS NI GDAN DU BYAS, ,AA SDE NAS; LNGA PA YI NI DANG PO LA, ,'OG TU ME YI GDAN DANG LDAN, ,MA MO RNAMS LAS GNYIS PA NYID, ,YI GE DGU CU RTZA DRUG PA; ;AUshMA nA YI GSUM DE BZHIN, ,MTHAR GNAS PA YI DANG PO YANG, ,BZHI PA YI NI DANG PO NYID, ,ME YIS GDAN DU BYAS PA 'O, ,DBYANGS DAG LAS NA GNYIS PA DANG, ,YI GE DGU BCU RTZA DGU PA, ,BDUN PA YI NI GSUM PA DANG; ;YI GE BRGYA PA YANG DAG LDAN, ,GDUG PA RNAMS NI SKRAG BYED CING, ,SNGAGS PA RNAMS LA BDE 'BYUNG BYED, ,DRUG PA YI NI DANG PO GANG, ,KA shAR GRAGS PA DANG PO GZUNG, ,DBYANGS RNAMS KYI NI BCU GSUM PA, ,YI GE GNYIS PAR YANG DAG LDAN, ,LNGA PA YI NI BZHI PA DANG, ,MTHAR GNAS PA YI DANG (YA) PO DANG, ,DE BZHIN YANG NI RIL PO NYID, ,DBYANGS LAS BCU GSUM PA NYID DANG, ,YI GE LNGA PA YANG DAG LDAN, ,GDUG PA RNAMS NI ZA BYED CING, ,MKHA' 'GRO RNAMS KYI BDE 'BAB PA'O, ,LNGA PA YI NI BZHI PA DANG, ,AA SDE NAS; BDUN PA YI YANG DANG PO DANG, ,AUshMA nA YI BZHI PA GZUNG, ,DBYANGS RNAMS LAS NI BCU BZHI NYID, ,YI GE BRGYAD PAR YANG DAG LDAN, ,BCO LNGA PA YI GDAN DU BYAS, ,BDUN PA YI NI BZHI PA LA, ,RDO RJE SEMS DPAS PHYE BA DAG ,DBYANGS DAG LAS NI BCU BZHI PA, ,YI GE DGU PAR YANG DAG LDAN, ,SPYI BOR THIG LES MTSAN PA'O, ,SGRUB PAR 'OG GI NGAG SGRAS RA STA BSTAN MKHA' 'GRO
, ,MA RNAMS KYI, ,KHYAD PAR DU NI DGA' BYED PA'O, ,AUshMA nA YI BZHI PA NYID, ,'OD BYED GDAN DU BYAS PA 'O, ,BDUN PA YI NA BZHI PA LA, ,'OG TU YANG NI MA YI GDAN, ,TSEG DRAG DAG NI YANG DAG LDAN LNGA PA YI NI GNYIS PA DANG, ,DBYANGS RNAMS LAS NI BCU GCIG PA, ,BCU GNYIS PA YI YANG DAG LDAN, ,SPYI BOR THIG LES MTSAN PA'O, ,'BYUNG PO THAMS CAD SKRAG BYED CING, ,SGRUB PO RNAMS LA PHAN 'BYUNG BA'O, ,DE BZHIN NYI SHU GNYIS PA NYID, ,BCU GCIG PA NI YANG DAG LDAN, ,YI GE BCU GSUM PA NYID LA, ,THIG LES RNAM PAR MTSAN PA'O, ,'BYUNG PO THAMS CAD SKRAG 'BYUNG DANG, ,SGRUB PO RNAMS LA PHAN 'BYUNG BA'O, ,GNYIS PA BRGYAD TSAN BAR PA'I SNGAGS BTU BA NI, AA SDE NAS, DRUG PA YI NI GNYIS NYID DANG, ,DE BZHIN BCU GCIG PAR NI DES, ,SLAR YANG NYI SHU RTZA GNYIS GZUNGS, ,GSUM PA YI NI DANG PO DANG, ,BZHI PA YI NI GSUM PA DANG, ,AUshMA nA YI BZHI PA NYID, ,AA SDE NAS, LNGA PA YI NI GSUM PA DANG, ,BDUN PA YI NI BZHI PA DANG, ,NYI SHU GCIG PA DE NAS BTU, ,GNYIS PA YI NI DANG PO DANG, ,LNGA PA YI NI DANG POR DES, ,AA SDE NAS; GNYIS LAS DRUG PA'I YI GE'O, ,LNGA PA YI NI BZHI PA DANG, ,DE BZHIN KA shA RA GRAGS PA NYID, ,NYI SHU BZHI BDE NAS BTU, ,SLAR YANG RIL PO DE BZHIN DANG, ,LNGA PA YI NI GSUM PA DANG, ,AUshMA nA YI GSUM PA DANG, ,MTHAR GNAS PA YI GNYIS PA NYID, ,DBYANGS
RNAMS LAS NI LNGA PA NYID, ,YI GE SUM CU GNYIS PAR LDAN, ,AA SDE NAS; LNGA PA YI NI BZHI PA DANG, ,DBYANGS RNAMS LAS NI GSUM PA DANG, ,YI GE SUM CU GSUM PAR LDAN, ,SLAR YANG 'OD BYED SBYIN PAR BYA, ,DBYANGS KYI GNYIS PA NYID DANG NI, ,YI GE SUM CU BZHI PAR LDAN, ,YI GE NYI SHU'I 'OG TU NI, ,BCU DRUG PA NI GDAN DU PYA, ,'OG TU ME YIS GSAL BYAS PA, ,LNGA PA YI NI LNGA PA DANG, ,DBYANGS RNAMS LAS NI GNYIS PA NYID, ,YI GE SUM CU DRUG PAR LDAN, ,MTHAR GNAS PA YI GE SUM PA DANG, ,THOG MA RI GNYIS PAR YANG DAG LDAN, ,YI GE SUM CU RTZA BDUN PA, ,LNGA PA YI NI GSUM PA DANG, ,DRUG PA YI YANG GSUM PA DANG, ,MTHAR GNAS PA YI BZHI PA DANG, ,NYI SHU LNGA PAS KHYAD PAR DBYE, ,DBYANGS LAS GSUM PA YANG DAG LDAN, ,YI GE BZHI BCU PA LA 'O, ,BZHI PA YI NI LNGA PA DANG, ,MA MO BCU GCIG YANG DAG LDAN, ,YI GE BZHI BCU RTZA GCIG PA, ,AA SDE NAS; GNYIS PA YI NI GSUM PA LA, ,NYI MA'I BU YIS KHYAD PAR DBYE, ,DBYANGS DAG LAS NI GSUM PA NYID, ,YI GE BZHI BCU GNYIS PAR LDAN, ,AUshMAnA YI BZHI PA DANG, ,'OG TU BCO LNGA PA YIS GDAN, ,DANG PO YI YANG GSUM PA DANG, ,DE NAS ME YIS GDAN DU BYA, ,DBYANGS DAG LAS NI GSUM PA NYID, ,YI GE BZHI BCU BZHI PAR LDAN, ,BDUN PA YI NI BZHI PA DANG, ,'OG TU BCO LNGA PA YIS GDAN, ,AUshMA nA YI GSUM PA NYID, ,LNGA PA YI YANG DANG PO LA, ,BCU DRUG PA YIS
, ,GDAN DU'O, ,DE NAS NYI SHU GCIG PA BLANG, ,MA MO LAS NI GNYIS PA NYID, ,YI GE GZHI BCU BRGYAD PAR LDAN, ,BZHI PA YI NI DANG PO DANG, ,DBYANGS DAG LAS NI GNYIS PA NYID, ,YI GE BZHI BCU DGU PAR LDAN, ,MTHAR GNAS PA YI GSUM PA DANG, ,AA SDE NAS; GNYIS PA YI NI GSUM PA DANG, ,BZHI PA YI NI DANG PO DANG, ,LNGA PA YI NI BZHI PA DANG, ,MA MO RNAMS LAS LNGA PA NYID, ,YI GE LNGA BCU GSUM PAR LDAN; ;AA SDE NAS; GSUM PA YI NI GSUM PA DANG, ,YI GE LNGA BCU RTZA BZHI PA, ,THIG LES KYANG NI RNAM BRGYAN PA'O, ,DANG PO YI NI GSUM PA DANG, ,YI GE LNGA BCU RTZA LNGA PA, ,SPYI BOR THIG LES MTSAN PA LA, ,DBYANGS KYI GNYIS PA SBYAR BA'O, ,AUshMA nA YI GSUM PA NYID, ,DE BZHIN NYI SHU RTZA GCIG PA, ,'OD BYED MNYAM PAR MNAN PA'O, ,YI GE LNGA BCU RTZA BDUN PA, ,SPYI BOR THIG LES MNAN PA'O, ,LNGA PA YI NI GSUM PA DANG, ,DBYANGS RNAMS LAS NI GNYIS PA NYID, ,YI GE LNGA BCU RTZA BRGYAD PA, ,BZHI PA YI NI (TA) DANG PO DANG, ,(AA SDE NAS); GSUM PA YI NI GSUM PA LA, ,ME YIS STENG NAS GSAL BAR BYA, ,MTHAR GNAS PA YI (YA) DANG PO GSUNGS, ,DE NAS YI GE BCU DRUG 'OG ,AA SDE NAS; GSUM PA YI NI GSUM PA DANG, ,SPYI BOR ME YI YI GES MTSAN, ,DE BZHIN NYI SHU DRUG PA NYID, ,AA SDE NAS, DANG PO YI NI DANG PO DANG, ,MA MO LAS NI GNYIS PA NYID, ,YI GE DRUG CU RTZA LNGA PA'O,,
(AA SDE NAS;) GNYIS PA YI NI DANG PO DANG, ,GSUM PA YI NI BZHI PA LA, ,BCU GSUM PA YIS (tdZA) MNAN PA'O, ,AA SDE NAS; DANG PO'I DANG PO DE BZHIN TE, ,MA MO LAS NI GNYIS PA NYID, ,YI GE DRUG CU BRGYAD PAR LDAN, ,DNGOS GRUB THAMS CAD 'GUGS BYED CING, ,SGRUB PO RNAMS LA DPAL SBYIN PA'O, ,AA SDE NAS; GNYIS PA YI NI DANG PO DANG, ,GSUM PA YI NI BZHI PA YIN, ,STENG DU BCU GSUM PA NYID DANG, ,AUshMA nA YI BZHI PA LA, ,NYI SHU BDUN PAS GDAN DU BYAS; ;MA MO LAS KYI BZHI BA NYID, ,YI GE BDUN CU GCIG PAR LNGA NA, ,THIG LES KYANG NI RNAM PAR BRGYAN, ,YA YIG BRGYAD PA'I SA BON LA, ,'OD BYED KYIS NI GSAL BYAS PA, ,MA MO LAS NI BZHI PA NYID, ,YI GE BDUN CU GNYIS PAR LDAN; ;SEMS CAN THAMS CAD DBANG BYED PA, ,THIG LE YIS NI MNYAM PAR MNAN, ,GNYIS PA YI NI GSUM PA LA, ,BCO LNGA PA YIS GDAN BYA BA, ,DBYANGS KYI BCU BZHI PAR NGES LDAN, ,YI GE BDUN CU RTZA GSUM PA'O, ,GNYIS PA YI NI GSUM PA LA, ,GSUM PA'I LNGA PA LA NI BSKYON, ,MA MO LAS NI BCU BZHI PA, ,YI GE BDUN CU BZHI PAR LDAN, ,DE BZHIN THIG LES RNAM BRGYAN PA'O, ,GSUM PA BRGYAD TSAN THA MA'I SNGAGS BTUB NI, KA sHA'I SA BON BTUS NAS NI; ;NYI SHU LNGA PAS GDAN DU BYA, ,DBYANGS RNAMS LAS NI GNYIS PA NYID, ,'DI NAS TSIG RKANG BCU BZHI MNGON BRJOD 'BROG 'GYUR LAS BSKANGS, YI GE BDUN CU LNGA DANG SBYAR, ,THIG LIS KYANG NI RNAM PAR BRGYAN, ,RIL PO MDZES PA
, ,BTUS NAS NI, ,YI GE MA YI GDAN DU BYA, ,PHYI MO YI NI GNYIS PA YANG, ,YI GE BDUN CU DRUG DANG SBYAR, ,AUshMA nA YI BZHI PA NYID, ,BDUN PA YI NI BZHI PA DANG, ,THIG LE GNYIS KYIS YANG DAG BRGYAN,, PHYI MO YI NI GNYIS PA YANG, ,YI GE BDUN CU BDUN DANG SBYAR, ,YA SOGS BRGYAD PA'I SA BON DANG, ,MA MO'I BZHI PA NYID DANG NI, ,YI GE BDUN CU BRGYAD DANG SBYAR, ,THIG LES MGO LA MNAN PAR BYA, ,DE BZHIN SUM CU GSUM 'DIR MNGON BRJOD LAS H'Am GNYIS GCIG TU BGRANGS PA LTA BUR SNANG YANG, SO SOR BGRANGS NAS LUS KYI YI GE'I GRANGS BRGYA GO BRGYAD DU BYED PA LO TZ'A BA GNYIS 'DUS KYI 'GYUR GYI DGONGS PA LTAR LEGS PAR RJES GSUNGS SO; PAR NGES, ,DBYANGS YIG BZHI PA DAG KYANG NI,, YI GE H'Um H'Um BDUN CU DGU DANG SBYAR, ,THIG LE SGRA YIS BSKYED PA STE, ,THIG LES KYANG NI RNAM PAR BRGYAN, ,LNGA BA'I BDAG NYID YONGS BTUS LA, ,YANG NI DE LA GNYIS PAR NGES, ,DBYANGS RNAMS LAS NI DRUG PA NYID, ,RTA YI RGYAL PO SKYED PA LA, ,THIG LE N'A DAS RNAM BRGYAN PA, ,AA SDE NAS, GNYIS PA YI NI DANG PO DANG, ,MTHAR GNAS PA YI GSUM PA DANG, ,DE BZHIN SUM CU RTZA GNYIS PA, ,DRUG PA YI NI GSUM PA DANG, ,BDUN PA YI NI BZHI PA DANG, KI LI KI LI SI LI SI LI HI LI HI LI DHI LI DHI LI DRUG PA'I GSUM PA DE BZHIN TE, ,AA SDE NAS; LNGA PA YI NI BZHI PA DANG, ,DRUG PA YI NI GSUM PA STE, ,GNYIS GNYIS RKANG PA BZHI YIN NO, ,ZHES PA DANG, DBYANGS RNAMS LAS NI GSUM PA NYID, ,YI GE BCU DRUG LA LDAN NO,,
YI GE'I GRANGS NI BRGYA YIN TE, ,DGU BCU DANG NI RTZA BRGYAD DO, ,ZHES PA'O, ,GSUM PA RTZA SNGAGS KYI THOG MTHA'I YI GE BTU BA NI, LE'U BDUN PA LAS, YI GE AOm NI DANG POR TE, ,H'Um H'Um PHAt NI THA MAR SBYAR, ,ZHES GSUNGS PA LTAR, DBUS SU AOm DANG DHI LI'I RJES SU H'Um H'Um PHAt 'DRI'O, ,GNYIS PA YAB KYI SNYING PO DANG NYE SNYING BTU BA NI, LE'U BRGYAD PAR, H'A SV'A RAm BA SHAm LA DZ'A N'I KId'A dAPHA H'Um H'Um KAm RU RU HE HE DZRAB SR'I AOm, ZHES SNYING PO DANG, LE'U BCU GNYIS PAR, tA PHA H'Um H'Um HA HA DR'I: AOm, ZHES NYE SNYING GO LDOG TU YOD PA LUGS MTHUN DUR TZA SNGAGS LA MTHUD NAS 'DRI BA'O, ,GSUM PA YUM GYI SNYING PO DANG NYE SNYING BTU BA NI, LE'U LNGA BCU BAR, AOm BADZRA BEE RO TZA N'I YE H'Um H'Um PHAt SV'A H'A, ZHES YUM GYI SNYING PO LUGS MTHUN DU 'BYUNG BA LTAR DANG, LE'U BZHI BCU RTZA BRGYAD PAR, H'A SV'A tA PHA H'Um H'Um YI N'AI RnAWA DZRAB YIN'I KI d'A DDHA BU RBA SA AOm, ZHES NYE SNYING LUGS LDOG TU 'BYUNG BA LUGS MTHUN DU YAB LA MTHUD NAS 'DRI BA'O, ,BZHI PA YAB YUM GYI GO CHA'I SNGAGS GNYIS BTU BA NI, LE'U DRUG PA LAS, YA SOGS BRGYAD PA'I SA BON DANG, ,DE BZHIN GUG BYED BCU GNYIS KYI, ,YI GE THA MA DOR BYAS PA, ,YAN LAG DRUG HE RU KAR BRJOD, ,DPA' BO DRUG DANG MNYAM SBYOR BA, YI GE GCIG TU YANG DAG GNAS, ,AOm NA MA SV'A H'A BOO shAt, ,H'Um H'Um PHAt DANG YANG DAG LDAN, ,ZHES GSUNGS PA LTAR, AOm HA; NA MA HI, SV'A H'A HU, BOO shA tA HE, AHUm H'Um HO, PHAt HAm, ZHES YAB KYI GO CHA DRUG DANG, LE'U BRGYAD PA LAS, tA PHA H'Um
, ,HREm HRIm HAm AOm RNAMS, ,YI GE BAm DANG YOm DANG NI, ,YI GE MOm DANG HRIm NYID DANG, ,H'Um DANG PHAt DANG SBYAR BA NI, ,RNAL 'BYOR MA NI DRUG TU BSHAD, ,CES GSUNGS PA LTAR, AOm BAm; HAm YOm; HRIm MOm; HRIm HRIm; H'Um H'Um; PHAt PHAt; CES YUM GYI GO CHA DRUG RNAMS YUM GYI NYE SNYING LA MTHUD NAS 'DRI BA'O, ,GNYIS PA SNGAGS BYIN GYIS BRLABS NAS MCHOD PA NI, DE NAS BTUS PA'I SNGAGS 'KHOR DE BTU GZHI'I DKYIL 'KHOR GYI STENG DU MANYDZI BTZUGS PA'I KHAR BZHAG LA, ` RANG GI THUGS KA'I H'Um DANG GTU GZHI DANG, ,BTUS PA'I SNGAGS LAS SPROS PA'I 'OD ZER GYIS, ,RAB 'BYAMS RGYAL BA'I MKHYEN BRTZE GSUNG NUS KUN, ,LHA SNGAGS PHYAG MTSAN RNAM PAR SPYAN DRANGS TE, ,BTUS PA'I SNGAGS 'KHOR LA THIMS NGO BO LHAR, ,RNAM PA SNGAGS 'KHOR GZI MDANGS LDAN PAR GYUR, ,CES BSAMS LA, MCHOD PA BRLABS NAS, AOm SARBA TA TH'A GA TA ARGHAm, ZHES SOGS KYIS MCHOD, LHAG PA'I LHA MCHOG BLA MA HE RU KA: ZHES SOGS KYIS BSTOD, DE NAS YIG CHA LOGS SU GSAL BA LTAR THOGS 'KHOR SBYOR DNGOS RJES GSUM TSANG BAR BYA'O, ,GSUM PA SNGAGS KYIRJES GNANG BYA TSUL NI, SLOB MA RNAMS KHAndA RO HES BSANGS, SVA BH'A WAS SBYANGS, STONG PA'I NGANG LAS SLOB MA RNAMS KYI GO SAR PAD NYI'I STENG DU H'Um LAS RDO RJE H'Um GIS MTSAN PA LAS, SLOB MA RNAMS RE RE NAS BCOM LDAN 'DAS DPAL HE RU KA SKU MDOG MTHING GA ZHES PA NAS, BSKAM PO LNGA BCU'I DO SHAL CAN DU GYUR, CES PA'I BAR GYIS GTZO BO
YAB YUM DU BSKYED LA, MDUN BSKYED DANG, SLOB DPON DANG, SLOB MA GSUM GA HE RU KA ZHAL BZHI PHYAG BCU GNYIS PAR GSAL BA'I DPRAL BAR ZLA BA'I STENG DU AOm DKAR PO LA RTZA SNGAGS KYIS BSKOR BAR BLA SLOB GNYIS KAS GSAL BTAB LA, AOm NA MO BHA GA WA TE W'I RE SH'A YA, MAH'A KA LP'A GNI SAm NI BH'A YA, DZA t'A MA KU tO TKA T'A YA, DAm shdA KA R'A LO GRA BHI shA nA MU KH'A YA, SA HA SRA BHU DZA BH'A SU R'A YA, BA RA SHU P'A SHO DY'A TA SH'U LA KHA tV'Am GA DH'A RI nI, BY'A GHRA DZI N'A MBA RA DHA R'A YA, MAH'A DH'U MPR'A NDHA K'A RA WA PU sh'A YA, KA RA KA RA, KU RU KU RU, WANDHA WANDHA, HR'A SA YA TR'A SA YA, KshO BHA YA KshO BHA YA, HROOm HROOm; HRA: HRA: PHEm PHEm; PHAt PHAt, DA HA DA HA, PA TZA PA TZA, BHA KshA BHA KshA, BA SA RU BHI R'A NTRA M'A LNGA PA LA MWI NI, GRI HnA GRI HnA, SAPTA P'A T'A LA GA TA BHU DZAm G'Am SARBAm B'A, TA RDZA YA TA RDZA YA, A'A KA ddHA A'A KA ddHA, HR'Im HR'Im; DZnOOm DZnOOm, KshM'Am KshM'Am, H'Am H'Am, H'Im H'Im, H'Um H'Um, KI LI KI LI, SI LI SI LI, HI LI HI LI, DHI LI DHI LI, H'Um H'Um PHAt, CES RTZA SNGAGS KYI RJES ZLOS LAN GSUM BYED DU BCUG STE, LAN RE RE LA MDUN BSKYED DANG SLOB DPON GNYIS KA'I SNGAGS 'PHRENG AOm DANG BCAS PA LAS RANG 'DRA GNYIS PAR CHAD NAS, SLOB MA'I DPRAL BA'I SNGAGS 'PHRENG AOm DANG BCAS PA LA BSTIMS LA GSUM BSRES BYAS PA'I MTHAR, SLOB MA RNAMS KYIS RANG RANG GI DPRAL BA'I SNGAGS 'PHRENG DKAR PO LA DMIGS LA RTZA SNGAGS LAN GSUM BZLA'O, ,YANG MDUN BSKYED BLA SLOB GSUM GA'I MGRIN PAR ZLA BA'I STENG DU A'A: DMAR PO LA YAB YUM
, ,GYI SNYING PO GNYIS KYIS BSKOR BA GSAL BTAB LA, AOm SHR'I BADZRA ZHES SOGS DANG, AOm BADZRA BEE BO ZHES SOGS SNYING PO GNYIS KYI RJES ZLOS LAN GSUM BYAS PA'I LAN RA RA LA, MDUN BSKYED DANG SLOB DPON GYI MGRIN PA'I SNGAGS 'PHRENG A'A: DANG BCAS PA LAS RANG 'DRA GNYIS PA RE CHAD NAS, SLOB MA'I MGRIN PA'I SNGAGS 'PHRENG A'A: DANG BCAS PA LA BSTIMS LA GSUM BSRES BYAS PA'I MTHAR, SLOB MA RNAMS KYIS RANG RANG GI MGRIN PA'I SNGAGS 'PHRENG DMAR PO LA DMIGS LA SNYING PO GNYIS LAN BDUN RE BZLA'O, ,YANG MDUN BSKYED BLA SLOB GSUM GA'I THUGS KAR ZLA BA'I STENG DU H'Um SNGON PO LA YAB YUM GYI NYE SNYING GNYIS KYIS BSKOR BA GSAL BTAB LA; AOm HR'I: HA HA ZHES SOGS DANG, AOm SARBA BU DDHA ZHES SOGS NYE SNYING GNYIS KYI RJES ZLOS LAN GSUM BYAS PA'I LAN RE RE LA, MDUN BSKYED DANG SLOB DPON GYI THUGS KA'I SNGAGS 'PHRENG H'Um DANG BCAS PA LAS RANG 'DRA GNYIS PA RE CHAD NAS, SLOB MA'I SNYING GA'I SNGAGS 'PHRENG H'Um DANG BCAS PA LA BSTIMS LA GSUM BSRES BYAS PA'I MTHAR, SLOB MA RNAMS KYIS RANG RANG GI SNYING GA'I SNGAGS 'PHRENG SNGON PO LA DMIGS LA NYE SNYING GNYIS LAN NYER GCIG RE BZLA'O GO CHA'I RJES GNANG LA, SNGAGS RANG RANG GI GNAS SU DGOD MI DGOS SHING, AOm HA; NA MA HI, SV'A H'A HU, BOO shA tA HE, H'Um H'Um HO, PHAt HAm, ZHES DANG, AOm BAm; HAm YOm; HRIm MA; HRIm HRIm; H'Um H'Um; PHAt PHAt, CES RJES ZLOS LAN GSUM
RE BYAS PAS, SLOB MA RANG RANG GI LUS KYI BA SPU'I SGO THAMS CAD NAS SNGAGS DE RNAMS TSUR ZHUGS TE SHA LPAGS KYI BAR THAMS CAD KHYAB PAS SRUNG BA CHEN POR GYUR PAR BSAM MO, ,DE NAS SLOB DPON GYIS BTU GZHI'I DKYIL 'KHOR GYI YI GE RNAMS LA GA-YON PA'I MTHEB SRIN GYIS BYUG CHED, SLOB MA RNAMS KYI SPYI BOR RAG STE DBYANGS GSAL BRJOD PAS, DE BZHIN GSHEGS PA'I TSOGS THAMS CAD SPYI BO NAS A'A LI K'A LI'I RNAM PAS LUS LA ZHUGS PAS RGYUD BYIN GYIS BRLABS PAR BSAM, DE BZHIN DU BTUS PA'I DKYIL 'KHOR GYI RTZA SNGAGS LA BYUG CING SPYI BO DANG, SNYING PO GNYIS LA BYUG CING MGRIN PA DANG, NYE SNYING GNYIS LA BYUG CING SNYING GAR REG PAS, GNAS DANG GNAS BDE MCHOG GI LHA TSOGS THAMS CAD 'OD DU ZHU NAS SNGAGS GSUM GYI YIG 'BRU'I RNAM PAR LUS LA ZHUGS PAS RGYUD BYIN GYIS BRLABS PAR BSAM, DE NAS GO CHA'I SNGAGS LA BYUG CING SPYI BOR RAG PAS GO CHA BRTAN CING BYIN GYIS BRLABS PAR BSAM MO, , DE NAS, BCOM LDAN BDAG LA STZAL LAGS KYIS, ,BCOM LDAN BDAG LA BYIN GYIS RLOBS, ,LAN GSUM ZLOS LA ME TOG BLA MA LA DBUL, BLA MAS DE BLANGS TE SNGAGS KYI 'PHRENG BAR BYIN GYIS BRLABS NAS, SLOB MA RNAMS KYI SPYI BOR BZHAG LA, BCOM LDAN 'DI LA STZAL LAGS KYIS, ,BCOM LDAN 'DI LA BYIN GYIS RLOBS, ,DPAL 'KHO LO BDE MCHOG GI SKU GSUNG THUGS KYI BYIN RLABS THAMS CAD 'JUG PAR GYUR CIG ,CES BRJOD DO, ,DE NAS NANG MCHOD KYIS
, ,BTUS PA'I YI GE RNAMS BKRUS LA, BLA MA RANG GIS KYANG BTUD ZHING LUS LA BYUG ,SLOB MA RNAMS KYI YANG GNAS GSUM DU BYUG CING, KHYOR BAR BYIN PA 'THUNGS SHING LUS LA BYUGS PAS, LUS KYI CHA SHAS RNAMS SU DE BZHIN GSHEGS PA DANG, DPA' BO DANG, RNAL 'BYOR MA'I TSOGS RNAMS THIMS PAS RGYUD BYIN GYIS BRLABS PAR BSAM MO, ,GSUM PA MJUG CHOG NI, SLOB MA RNAMS KYI SNYING GAR ZLA BA LA RDO RJE SEMS DPA'I NGO BO AOm HA DKAR PO, ZHES SOGS GO CHA GNYIS DANG, AOm SUMBHA NI SUMBHA H'Um H'Um PHAt, CES SOGS TSAM NGAMS SNGAGS KYI SRUNG BA BYAS LA, BTANG RAG GI MAndAL PHUL RJES, DE LTAR DPAL LDAN 'KHOR LO BDE MCHOG GI ,ZHES SOGS SMON LAM DANG, RAB YANG KUN GSAL KHYON 'GENGS DKYIL 'KHOR LHA, ,ZHES SOGS KYIS SHIS PA BRJOD PAR BYA'O, ,SMRAS BA, NYUNG DU'I RTZA RGYUD ZLA BA'I MA MA RU, ,SBAS PA'I YID SKYOB RIN CHEN RNAM PA BZHI, ,LUNG RIGS SKYA BA 'CHANG BA'I BLO BZANG GI ,DED DPON MCHOG NGES NYER BLANGS BYI DOR MDZAD, ,GANG DE GRUB MCHOG NYI ZLA RNAM GNYIS KYIS, ,RANG GZHUNG RGYAL MTSAN TOG TU RAB BKOD NAS, ,DPYOD LDAN RNAMS KYI YID LA DGOS RGU'I CHAD, ,BSNYIL BAS NOR 'DZIN KHYON YANG DOG POR BYAS, ,'ON TE RNAM DPYOD GZUGS 'DZIN KUN RMONGS KYI, ,RAB RIB MTHUG POS SBAGS PA BDAG 'DRA'I 'GROR, ,PHAN PHYIR TSIG NYUNG DON GSAL KANYTZA NA'I, ,THUR MA'I RJES SU SNYEG 'DI BDAG GIS,
BSKRUN, ,TSUL 'DIR 'BAD LAS THOB PA'I LEGS BYAS MTHUS, ,ZUNG 'JUG SKU BZHI'I DNGOS PO MYUR GRUB NAS, ,GSON GSHIN 'BREL THOGS KYIS MTSON LUS CAN KUN, ,GNAS SKABS MTHAR THUG PHAN DANG BDER 'GOD SHOG ,CES DPAL 'KHOR LO SDOM PA'I RIN CHEN BZHI'I SNGAGS BTUS NAS BYIN GYIS BRLAB TSUL MDOR BSDUS GO BDE BAR BRJOD PA'I LEGS BSHAD GSER GYI THUR MA ZHES BYA BA 'DI NI 'DI KHA'I RTZA RGYUD, SBAS DON KUN GSAL, RIN CHEN 'PHRENG BA, NYI MA'I SNYING PO RNAMS LA LEGS PAR BRTAGS NAS SNYING PO'I BCUD PHYUNGS TE, GSER 'PHYANG GI LO DGE SLONG DHARMA BHA DRAS DNGUL CHU'I RI PHUG TU SBYAR BA'O,, ` ,,SDE DGE'I BAR RKOS SHES RAB BZANG POS BAR TU BSGRUBS PA DGE'O,, ,SARBA MANGGA LAm,, ,,