'The Three Features,' an Explanation of How to Perform an Abbreviated Fire Offering in Consummation of a Retreat upon the Five Angels of the Practice of the Glorious Sphere of Highest Bliss (Chakrasamvara); in addition to the Offerings of the Meeting and an Outline, together with Notes on the Inner Diagram

, ,DPAL 'KHOR LO BDE MCHOG LHA LNGA'I BSNYEN PA'I KHA SKONG GI SBYIN SREG MDOR BSDUS BYA TSUL KHYAD CHOS GSUM LDAN ZHES BYA BA DANG TSOGS MCHOD DANG SA BCAD BSDUS PA NANG THEG BCAS BZHUGS,, ,,

, ,NA MO GU RU SHR'I HE RU K'A YA, BLA MA DPAL LDAN HE RU KA ,'KHOR DANG BCAS LA GUS BTUD NAS, ,DE NYID SBYIN SREG CHO GA YI, ,NGAG 'DON KHYAD PAR MDOR BSDUS BRJOD, ,DE YANG BDE MCHOG LHA LNGA'I BSNYEN PA'I KHA SKONG GI SBYIN SREG MDOR BSDUS BYA TSUL NI, GNAS DUS BZANG POR MTSAN LDAN GYI SGRUB PA POS YO BYAD RNAMS ZHI BA'I SBYIN SREG SPYI LTAR BSHAMS, MNGON RTOGS BSGOMS NAS BSANG CHU BSGRUBS, DE NAS, RDO RJE NI THABS DANG DRIL BU NI SHES RAB STE, DE GNYIS KA'ANG DON DAM PA'I BYANG CHUB KYI SEMS KYI RANG BZHIN NO, , ZHES RDOR DRIL BZUNG NAS KHAndA RO HE BRJOD CING BSANG CHU DANG NANG MCHOD GA-YON NAS GA-YAS SKOR DU 'THOR BA LAN GSUM RES BSANGS, 'DAS MA 'DAS KYI MI LHA'I MCHOD RDZAS CHU BZHI NYER SPYOD ROL MO,

, ,'DOD YON DANG BCAS PA MDUN BSKYED LTAR BYIN GYIS BRLAB, AOm SV'AH'A, AOm A'A: SV'AH'A, AOm SHR'I SV'AH'A, AOm DZRAm SV'AH'A, AOm KU RU KU RU SV'AH'A, RDZAS RNAMS KYI MTSAN NYID DANG MI LDAN PA'I NYES SKYON THAMS CAD SBYANGS SHING DAG NAS BDUD RTZI LNGA'I NGO BOR GYUR, AOm A'A: H'Um, LAN GSUM GYIS SBAR BA'I MES KHAndA RO HE BRJOD NAS LAS MTHUN GYI LCE LDE SBAR BA LAS SNGAGS DANG BSANG CHU NANG MCHOD KYIS LAN GSUM RE BSANGS NAS THAB NANG DU BCUG ,AOm DZVA LA DZVA LA H'Um GIS GZI BYIN BSKYED, H'Um ZHES RLUNG YAB KYIS SBAR, YAB KYI SNYING PO DANG MAR KHU BLUGS GZAR BDUN GYIS RAB TU SPAR, AOm BADZRA SA TVA A'A: LAN BDUN GYIS BYIN GYIS BRLABS PA BKU SHA SNGAGS LAN LNGAS THAB LA DGRAM ZHING GA-YOGS LA, BCOM LDAN 'DAS RDO RJE SEMS DPA' BGEGS

THAMS CAD ZHI BA DANG BKRA SHIS PAR MDZAD DU GSOL, ZHES BRJOD, DE NAS THAB LAS SNGAGS DANG BSANG CHUS BSANGS, SVA BH'A WAS SBYANGS, STONG PA'I NGANG LAS H'Um DKAR PO ZHU BA LAS BYUNG BA'I YE SHES KYI THAB KHA DOG DKAR ZHING DBYIBS ZLUM PA, MU RAN KHA KHYER DANG BCAS PA, KHA KHYER LA RDO RJE'I 'PHRAD BA DANG GRA BZHIR ZLA PHYED RDO RJES MTSAN PA, DVANGS SHING THOGS PA MED PAR GYUR, THAB KYI NANG DU RAm LAS SKYES PA'I ME GRU GSUM GYI DBUS SU SNA TSOGS PADMA DANG ZLA BA'I STENG DU RAm LAS PADMA DKAR PO RAm GYIS MTSAN PA YONGS SU GYUR PA LAS, ME LHA SKU MDOG DKAR PO SHIN TU ZHI BA'I NYAMS CAN, ZHAL GCIG PHYAG BZHI'I GA-YAS GNYIS PAD DKAR DANG SHEL 'PHRENG, GA-YON GNYIS RIL BA DANG DUNG 'DZIN PA, DAR DKAR PO'I NA BZA' DANG RIN PO CHE'I RGYAN GYIS BRGYAN PA'I THUGS KAR ME GRU GSUM PA RAm GYIS MTSAN PAR GYUR, DAM TSIG PA'I THUG GAS KA'I RAm YIG GI 'OD ZER LAS SPROS PA'I KHRO BO 'DOD RGYAL GYIS, SHAR LHO NAS BSGOMS PA DANG 'DRA BA'I ME LHA DRANG SRONG GI 'KHOR GYIS BSKOR BA SPYAN DRANGS, AOm tIKKA H'Um DZA: LAS SNGAGS DANG BSANG CHUS BGEGS BSKRAD, DZA:H'Um BAm HO: DAM TSIG PA DANG GNYIS SU MED PAR GYUR, CES

, ,BRJOD, DE NAS, AOm A'A: HR'I: PRA WA RA SAD K'A RAm BRO KshA n'Am PRA T'I TZTSA H'Um SV'AH'A, ZHES SOGS KYIS BSANG GTOR, ZHAL BSIL, MCHOD YON, ZHABS BSIL TE CHU BZHI, AOm AGNA YE BADZRA PUshPA, NAS; BADZRA SHAPTA A'A: H'Um GI BAR GYIS NYER SPYOD DANG ROL MO, AOm AGNA YE AOm A'A: H'Um GIS NANG MCHOD RNAMS PHUL, 'JIG RTEN DBANG PHYUG TSANGS DBANG MGON GYI SRAS, ,ME LHA'I RGYAL BO tKKIS DBANG BSKUR BA; ;SHES RAB MCHOG GIS NYON MONGS THAMS CAD SREG ,'DZIN BYED ME LHA NYID LA RNAM PAR 'DUD, ,CES BSTOD, DE NAS, ME LHA'I LJAGS RDO RJE'I RNAM PA CAN DKAR PO LA RAm YIG DANG, DGANG BLUGS KYI KHAL H'Um YIG 'OD ZER DANG BCAS PAS MTSAN PAR GYUR, AOm AGNA YE, BDAG DANG SEMS CAN THAMS CAD KYI NAD GDON SDIG SGRIB THAMS CAD SH'ANTI KU RU SV'A H'A, ZHES MAR KHU DGANG BLUGS GSUM MAM BDUN PHUL NAS, ME LHA'I RGYAL POS BDAG DANG SEMS CAN THAMS CAD KYI 'GAL RKYEN BAR GCOD MI MTHUN PA'I PHYOGS THAMS CAD ZHI ZHING, MTHUN RKYEN LEGS TSOGS THAMS CAD YID BZHIN DU 'GRUB PAR MDZOD CIG ,CES 'DOD GSOL BYA, YAM SHING RNAMS BYANG CHUB KYI SHING GI RANG BZHIN GYI BDUD RTZIR GYUR, AOm BO DHI PRi Ksh'A YA, BDAG DANG SEMS

CAN THAMS CAD KYI GZI BRJID PHUN SUM TSOGS PA LA BAR DU GCOD PA DANG NAD GDON SDIG SGRIB THAMS CAD SH'ANTAm KU RU SV'AH'A, ZHES YAM SHING DANG, AOm AGNA YE, BDAG DANG SEMS CAN THAMS CAD KYI 'BYOR PA PHUN SUM TSOGS PA LA x SV'AH'A, ZHES MAR KHU DANG, AOm SARBA P'A PAm DA HA NA BADZR'A YA, BDAG DANG SEMS CAN THAMS CAD KYI NAD GDON SDIG SGRIB x SV'AH'A, ZHES TIL DANG, AOm BADZRA A'A YU shE, BDAG DANG SEMS CAN THAMS CAD KYI TSE MTHAR BYIN PA LA x SV'AH'A, ZHES DUR BA DANG, AOm BADZRA PUshtR'I YA, BDAG DANG SEMS CAN THAMS CAD KYI BSOD NAMS RGYAS PA LA x SV'AH'A, ZHES 'BRAS MA GRUGS PA DANG, AOm SARBA SAm P'A DE, BDAG DANG SEMS CAN THAMS CAD KYI BDE BA MCHOG LA x SV'AH'A, ZHES ZAS MCHOG DANG, AOm AA PRA TI HA TA BADZR'A YA, BDAG DANG SEMS CAN THAMS CAD KYI SRUNG BA MCHOG LA BAR DU GCOD PA DANG, GRIB DANG MI GTZANG BA THAMS CAD x SV'AH'A, ZHES KU SHA DANG, AOm SARBA AA NA SIDDHA YE, BDAG DANG SEMS CAN THAMS CAD KYI BGE GAS DANG NAD GDONx SV'AH'A, ZHES YUNGS KAR DANG, AOm BADZRA BI DZ'A YA, BDAG DANG SEMS CAN THAMS CAD KYI NOR DANG 'BRU RGYAS PA LA x SV'AH'A, ZHES SO BA DANG, AOm MA H'A BE G'A YA, BDAG DANG SEMS CAN THAMS CAD KYI MYUR BA'I SHUGS PHUN SUM TSOGS PA LA x SV'AH'A, ZHES NAS DANG, AOm MA H'A BA L'A YA, BDAG DANG

, ,SEMS CAN THAMS CAD KYI STOBS RGYAS PA LA x SV'AH'A, ZHES SRAN MA DANG, AOm BADZRA GHA SMA R'I, BDAG DANG SEMS CAN THAMS CAD KYI NAD GDON x SV'AH'A, ZHES GRO DANG, AOm AGNA YE, BDAG DANG SEMS CAN THAMS CAD KYI SHES RAB PHUN SUM TSOGS PA LA x SV'AH'A, ZHES RDZAS KHYAD PAR BA RNAMS GNAS SO SOR PHUL LA, AOm A'A: HR'I: ZHES SOGS KYIS ZHAL BSIL DANG BSANG GTOR 'BUL, DE NAS ME LHA'I THUGS KAR ME GRU GSUM 'BAR BA'I DBUS SU BHR'Um LAS GZHAL YAS KHANG GRU BZHI, SGO BZHI, RTA BABS BZHI DANG BCAS PA, MTSAN NYID THAMS CAD YONGS SU RDZOGS PA'I DBUS SU SNA TSOGS, PADMA 'DAB MA BRGYAD PA'I LTE BAR NYI GDAN LA, BCOM LDAN 'DAS DPAL HE RU KA ZHES PA NAS, BYANG CHUB KYI SEMS KYIS GANG BA RE RE, LHA RNAMS KYI SKU LAS 'OD ZER DKAR PO'I TSOGS 'PHRO BAR GYUR PA'I SPYI BOR ZLA BA LA AOm DKAR PO, ZHES PA NAS, MKHA' 'GRO MA SOGS BZHI LA RIN 'BYUNG GIS DBU BRGYAN PAR GYUR, CES PA'I BAR MDUN BSKYED LTAR BRJOD, DE NAS, AOm A'A:HR'I: ZHES SOGS KYI CHU BZHI, AOm SA RBA TA TH'A GA TA PUshPE, NAS; SHAPTA PRA TVI TZTSA SV'AH'A'I BAR GYAS NYER SPYOD DANG ROL MO, SO SO'I SNGA GSAL, AOm A: H'Um BTAGS PAS NANG MCHOD RNAMS PHUL, AOm BCOM LDAN DPA' BO'I DBANG PHYUG LA PHYAG 'TSAL

HUm H'Um PHAt, CES SOGS RKAD BRGYAD GNYIS KYIS BSTOD, DE NAS LHA RNAMS KYI LJAGS RDO RJE RTZE GSUM PA DKAR PO DANG, DGANG BLUGS KYI KHA LA H'Um YIG 'OD ZER DANG BCAS PAS MTSAN PAR GYUR, AOm SHR'I BADZRA HEE HE RU RU KAm HUm H'Um PHAt d'A KI N'I DZ'AL SHAm WA RAm, BDAG DANG SEMS CAN THAMS CAD KYI NAD GDON SDIG SGRIB THAMS CAD SH'INTA KU RU SV'AH'A, ZHES LAN GSUM MAM BDUN PHUL NAS, DPAL 'KHOR LO SDOM PA'I LHA TSOGS RNAMS KYIS BDAG DANG SEMS CAN THAMS CAD KYI 'GAL RKYEN BAR GCOD MI MTHUN PA'I PHYOGS THAmS CAD ZHI ZHING, MTHUN RKYEN LEGS TSOGS THAMS CAD YID BZHIN DU 'GRUB PAR BYIN GYIS BRLAB TU GSOL, ZHES 'DON GSOL BYA, YAM SHING RNAMS BYANG CHUB KYI SHING GI RANG BZHIN GYI BDUD RTZIR GYUR, AOm SHR'I BADZRA HE HE RU RU KAm HUm H'Um PHAt d'A KI N'I DZ'A ? LA SHAm WA RAm SV'AH'A, AOm BADZRA BEE RO TZA N'I YE HUm H'Um PHAt SV'AH'A, AOm BO DHI BRiKsh'A YA, BDAG DANG SEMS CAN THAMS CAD KYI GZI BRJID PHUN SUM TSOGS PA LA BAR DU GCOD PA DANG, NAD GDON SDIG SGRIB THAMS CAD SH'ANTAm KU RU SV'AH'A, ZHES YAM SHING NAS RDZAS KHYAD PAR BA'I BAR RNAMS THOG MTHAR YAB YUM GYI SNYING PO DANG, RDZAS SNGAGS DANG, SKABS GANG YIN GYI SPEL TSIG GSUM GA SPEL BA DANG, BAR DU SNYING PO GNYIS SPREL NAS SNYING PO RE RE LA RDZAS RE RE 'BUL, DE NAS, AOm d'A KI NI YE HUm H'Um PHAt

, ,AOm L'A ME HUm H'Um PHAt, AOm KHAnNGA RO HE HUm H'Um PHAt, AOm R'A BI n'I YE HUm H'Um PHAt, AOm BO DHI BRi KshA YA, BDAG DANG SEMS CAN THAMS CAD KYI GZI BRJID PHUN SUM TSOGS PA LA BAR DU GCOD PA DANG NAD GDON SDIG SGRIB THAMS CAD SH'ANTIm KU RU SV'AH'A, ZHES SOGS RDZAS KHYAD PAR BA'I BAR LA GONG GI REGS 'GRO SBYAR NAS SNGAGS RE RE LA RDZAS RE RE 'GRO BA LAN GSUM MAM BDUN SOGS 'BUL, DE NAS, LHA RNAMS KYI THUGS KA NAS SPROS PA'I LHA MO RNAMS KYIS BUM PA DKAR PO BDUD RTZI DKAR POS GANG BA THOGS NAS BSGRUB BYA ZLA BA'I DKYIL 'KHOR LA GNAS PA LA KHRUS BYAS PAS, NAD GDON SDIG SGRIB THAMS CAD DAG NAS LUS SHEL LTAR GYUR, CES BRJOD LA, AOm SHR'I BADZRA ZHES SOGS YAB KYI SNYING PO RKYANG PAS DGANG BLUGS GSUM MAM BDUN PHUL NAS, DAG CING DRI MED YID 'ONG BA'I, ZHES SOGS DANG, AOm A'A: HR'I: ZHES SOGS KYIS MCHOD YON, BSANG GTOR, ZHAL BSIL TE CHU GSUM DANG, SRAB 'JAM YANG PA LHA YI GOS, ,ZHES SOGS DANG, AOm BADZRA WA SA SYA SV'A H'ASA GOS ZUNG DANG, DKAR LA THAGS BZANG BZHI BCU TSANG BA'I TSEMS, BRGYAD KHRI BZHI STONG CHOS LA MNGA' BSGYUR YANG, ,BDAG CAG DAD PAS SO RTZI DBUL BAR BGYI, ,'GRO BAS SANGS RGYAS GSUNG DBYANGS THOB PAR SHOG, ,AOm BADZRA TAMPULA SV'AH'ASA SO RTZI DANG, STON ZLA'I

MDOG CAN ZHAL GCIG PHYAG BZHI MA, ZHES SOGS KYIS NYER SPYOD ROL MO DANG, GNGAS RI'I MDOG CAN ZHAL GCIG PHYAG BZHI MA, ZHES SOGS KYIS RIG MA DRUG DANG, SO SO'I SNGAGS LA AOm AA: H'Um BTAGS PAS NANG MCHOD BCAS PHUL, SKU BZHI'I BDAG NYID KHYAB BDAG RDO RJE 'CHANG, ,ZHES SOGS KYIS BSTOD CING PHYAG BYAS NAS, AOm A'A: HR'I: ZHIS SOGS KYIS MCHOD YON PHUL, DE NAS, GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,DE KUN MGON POS BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA BGYIS PA GANG, ,DE KUN KHYED KYIS BZOD MDZAD RIGS, ,ZHES BZOD GSOL DANG 'DOD GSOL BYAS LA HE RU KA'I YIG BRGYA BA ZLA, AOm KHYED KYIS SEMS CAN DON KUN MDZAD, ,CES SOGS DANG, BADZRA MU: YE SHES PA RNAMS RANG BZHIN GYI GNAS SU GSHEGS SHING, DAM TSIG PA RNAMS RANG LA THIM PAR GYUR, CES BRJOD, DE NAS ME LHA LA, AOm AA GNA YE BADZRA PUshBE ZHES SOGS KYIS NYER SPYOD ROL MO NANG MCHOD, AOm A'A: HR'I: ZHES SOGS KYIS BSANG GTOR DANG ZHAL BSIL, AOm BADZRA TAMPU LA SV'A H'AS SO RTZI, AOm BADZRA WA SA SYA SV'A H'A SA GOS ZUNG, AOm BO DHI PRiKshA YA, ZHES SOGS KYIS YAM SHING NAS RDZAS KHYAD PAR BA'I BAR GYI BSREG RDZAS

, ,BCAS PHUL NAS, 'JIG RTEN DBANG PHYUG TSANGS DBANG MGON GYI SRAS, ,ZHES SOGS KYIS BSTOD, YANG AOm A'A: HR'I: ZHES SOGS KYIS ZHAL BSIL DANG BSANG GTOR, AOm AAGNA YE BADZRA PUshPE ZHES SOGS KYIS NYER SPYOD DANG ROL MO, GTOR MA NANG MCHOD LTAR BYIN GYIS BRLABS LA, AOm AAGNA YE SV'A H'A, AOm AA K'A RO MU KHAm SARBA DHA RM'A n'Am A'A DYA NU TPA NNA T'A TA AOm A'A :H'Um PHAt SV'A H'A, LAN GSUM GYIS PHUL; AOm AAGNA YE BADZRA PUshPE ZHES SOGS KYIS NYER SPYOD LNGA PHUL, ME STE BSREG BYA ZA BA'I LHA, ,DRANG SRONG RGYAL PO GDON GYI BDAG ,SHAR LHO ME LHA'I TSOGS BCAS LA, ,MCHOD CING BSTONG DE PHYAG KYANG 'TSAL, ,ZHES BSTOD, MCHOD SBYIN GTOR MA 'DI SNOMS LA, ,RNAL 'BYOR BDAG CAG 'KHOR BCAS KYI, ,'GAL RKYEN BAR GCOD KUN ZHI ZHING, ,MTHUN RKYEN YID BZHIN 'GRUB BAR MDZOD, ,CES 'PHRIN LAS BCOL, AOm A'A:HR'I: ZHES SOGS KYIS MCHOD YON PHUL, GANG YANG BDAG BLO RMONGS PA YIS, ZHES SOGS KYIS BZOD GSOL DANG 'DOD GSOL BYAS LA, AOm BADZRA SATVA A'A: ZHES BZLA, RANG GI DON DANG GZHAN GYI DON, ,SGRUB BYED BSREG BYA ZA BA GSHEGS, ,JI BZHIN DUS SU TSUR SBYON ZHING, ,BDAG GI DNGOS GRUB THAMS CAD SGRUBS, ,AOm MU: ME LHA YE SHES PA RANG GNAS SU GSHEGS SHING

DAM TSIG PA ME 'BAR BA'I RNAM PAR GYUR, RANG GI SNYING GAR ZLA BA LA RDO RJE SEMS DPA'I NGO BO AOm HA DKAR PO, ,ZHES SOGS YAB YUM GYI GO CHAS BSRUNGS LA, DE LTAR DPAL LDAN 'KHOR LO BDE MCHOG GI, ,ZHES SOGS KYIS SMON LAM DANG, RAB YANGS KUN GSAL KHYON 'GENGS DKYIL 'KHOR LHA, ,ZHES SOGS KYIS SHIS BRJOD BYA ZHING, LAG LEN DANG DMIGS GNAD SOGS RES MTHUN GYI GZHUNG GZHAN LAS RTOGS PAR BYA'O, , SMRAS PA, 'PHAGS YUL GRUB DBANG RDO RJE DRIL BU PA'I, ,BZHED SROL 'KHOR LO BDE MCHOG LHA LNGA LA, ,SREG BLUGS MCHOD PA 'BUL BA'I CHO GA 'DI, ,TSAD LDAN MKHAS PA'I GZHUNG LAS BTUS TE SBYAR, , SPYI CHOS GZHAN LA KHA 'PHANGS YI GE NYUNG, ,SGOS CHOS GSAL BAR BSHAD PAS TSIG ZUR PHYIN, ,RJOD BYED TSIG BSDUS BRJOD DON GNANG TSANG BA, ,'DI GSUM GZHUNG MCHOG 'DI YI KHYAD CHOS NYID, ,TSUL 'DIR 'BAD LAS THOB PA'I DGE BA'I TSOGS, ,RAB DKAR KHA BA'I SA 'DZIN RJES 'GRO GANG, ,RIS MED 'GRO BA'I DPAL GYUR HE RU KA'I, ,GO 'PHANG TSE 'DIR THOB PA'I RGYUR GYUR CIG ,CES BDE MCHOG LHA LNGA'I BSNYEN PA'I KHA SKONG GI SBYIN SREG MDOR BSDUS BYA TSUL KHYAD CHOS GSUM LDAN ZHES BYA BA 'DI NI, THAMS CAD MKHYEN PA DGE 'DUN RGYA MTSO DANG, LCANG SKYA ROL BA'I RDO RJE'I DRIL BU LUS DKYIL GYI SBYIN SREG DANG, YONGS

, ,'DZIN DZNY'A NA DHVA DZA'I DRIL'U LHA LNGA'I SBYIN SREG SOGS LAS BTUS TE DGE SLONG DHARMA BTADRAS SBYAR BA'O, ` ,,AOm SVA STI, DPAL 'KHOR LO BDE MCHOG LHA LNGA'I TSOGS MCHOD NI, SHA CHANG TSOGS GOR SOGS BSHAMS PA NANG MCHOD LTAR BYIN GYIS BRLABS TE 'BUL BA NI, H'Um; BDE SKYONG STONG GSUM LTAR YANGS KA P'A LAR, ,DAM RDZAS BDUD RTZI RAB 'KHYIL TSOGS MCHOD 'DI, ,RTZA BRGYUD BLA MA'I TSOGS RNAMS MNYES PHYIR 'BUL, ,BZHES NAS SGO GSUM BYIN GYIS BRLAB TU GSOL, ,AOm A'A: GU RU BADZRA DHA RA SA PA RI W'A RA GA nA TZA KRA KH'A HI, PANYTZA AA MRi TA KH'A HI, H'Um; BDE SKYONGx, DAM RDZASx, HE RU KA DPAL YAB YUM MNYES PHYIR 'BUL, ,BZHES NAS MCHOG MTHUN DNGOS GRUB STZAL DU GSOL, ,AOm A'A: SHR'I HE RU KA BADZRA W'A RA H'I SA PA RI W'A RA GA nAx ,H'Um; BDE SKYONGx DAM RDZASx PHYOGS KYI LHA MO RNAM BZHI MNYES PHYIR 'BUL, ,BZHES NAS MCHOG MTHUN DNGOS GRUB STZAL DU GSOL, ,AOm A'A: TZA TU RJE W'A SA PA RI W'A RA GA nAx H'Um; BDE SKYONGx DAM RDZASx YI DAM DKYIL 'KHOR LHA TSOGS MNYES PHYIR 'BUL, ,BZHES NAS MCHOG MTHUN DNGOS GRUB STZAL DU GSOL, ,AOm A'A: MAndA LA DE WA SA PA RI W'A RA GA nAx H'Um; BDE SKYODx DAM RDZASx DKON MCHOG RIN CHEN TSOGS RNAMS MNYES PHYIR

'BUL, ,BZHES NAS SRID ZHI'I 'JIGS LAS BSGRAL DU GSOL, ,AOm A'A:RATNA TRA LA SA PA RI W'A RA GA nAx H'Um: BDE SKYONGx DAM RDZASx MKHA' 'GRO CHOS SKYONG TSOGS RNAMS MNYES PHYIR 'BUL, BZHES NAS RNAL 'BYOR 'PHRIN LAS BSGRUB TU GSOL, ,AOm A'A: d'A KI N'I DHARMA P'A LA SA PA RI W'A RA GA nAx H'Um; BDE SKYONGx DAM RDZASx MA GYUR RIGS DRUG TSOGS RNAMS MNYES PHYIR 'BUL, ,BZHES NAS, 'KHRUL SNANG SDUG BSNGAL ZHI GYUR CIG ,AOm A'A:shA tA K'U LA AA R'A: GA nAx DE NAS LAS KYI RDO RJES PHYAG PHUL LA BZA' BTUNG LAG TU THOGS NAS, HO: DPA' BO CHEN PO DGONGS SU GSOL, ,'DI LA THE TSOM MI BYA STE, ,BRAM ZE KHYI DANG GDOL PA GSUM, ,DBYER MED GCIG TU DGONGS TE ROL, ,ZHES PHUL, LEN PA PO RNAMS KYIS KYANG, H'Um; BDAG NYID RGYAL BA KUN GYI GTZO, ,BCOM LDAN 'KHOR LO BDE MCHOG DNGOS, ,YE SHES BDUD RTZI'I RGYA MTSO CHE, ,LHA RNAMS TSIM PAR BYA PHYIR ROL, ,AA HO MA H'A SU KHA, ZHES BRJOD NAS NANG GI SBYIN SREG GI TSUL DU ROL, DE NAS TSOGS LHAG BSDUS PA GONG LTAR BYIN GYIS BRLABS LA, H'Um; BDE SKYONGx DAM RDZAS BDUD RTZI RAB 'KHYIL TSOGS LHAG 'DI, ,DAM CAN ZHING SKYONG TSOGS RNAMS MNYES PHYIR 'BUL, ,BZHES NAS 'GAL RKYEN SEL LA MTHUN RKYEN SGRUBS, ,AOm A'A: KshE TRA P'A LAS PA RI W'A RA GA nAx ZHES BRJOD PAR BYA'O, ,

, ,'DI DHARMA BHA DRAS LCAGS YOS ZLA TSES LA SBYAR BA'O,, ` ,,NAM: SHR'I HE RU K'A YA, BDE MCHOG LHA LNGA'I SGRUB THABS BDE CHEN 'BYUNG GNAS NYAMS SU LEN TSUL LA GNYIS, THUN GYI NGO BO LA JI LTAR BYA BA DANG, THUN MTSAMS SU JI LTAR BYA BA'O, ,DANG PO LA GSUM, THUN GYI 'GOR JI LTAR BYA BA, THUN DNGOS GZHI LA JI LTAR BYA BA, THUN GYI MJUG TU JI LTAR BYA BA'O; ;DANG PO LA GNYIS, SNGON DU BYA BA'I RIM PA DANG, RNAL 'BYOR GYI YAN LAG BSGRUB TSUL LO, ,DANG PO LA LNGA, YO BYAD BSHAMS PA, SKYABS 'GRO SEMS BSKYED, SKAD CIG DKRONG BSKYED, NANG MCHOD BYIN RLABS, PHYI MCHOD BYIN RLABS SO, ,GNYIS PA RNAL 'BYOR GYI YAN LAG BSGRUB TSUL LA BZHI, BSOD NAMS KYI TSOGS GSOG PA, 'CHI BA CHOS SKU'I LAM 'KHYER BAR DO LONGS SKU'I LAM 'KHYER, SRANG BA'I 'KHOR LO BSGOM PA'O, ,DANG PO LA GSUM, TSOGS ZHING SPYAN 'DREN PA, DE LA TSOGS GSOG PA, TSOGS ZHING RANG LA BSDU BA'O, ,GNYIS PA LA GSUM, PHYAG 'TSAL BA, MCHOD PA 'BUL BA, RGYUN BSHAGS BYA BA'O, ,GNYIS PA THUN DNGOS GZHI LA JI LTAR BYA BA LA BDUN, GZHAL YA SA KHANG GI GDAN BSKYED PA, RTEN BRTEN PA BSKYED PA SKYE BA SPRUL SKU'I

LAM 'KHYER, BSKYED PA DE RIM GYIS BSAL GDAB PA, PHYOGS MTHUN GYI DAG PA BSGOM PA, GE BGO ZHING YE SHES PA GZHUG PA, DBANG BSKUR NAS RGYAS GDAB PA, MCHOD CING BSTOD NAS DKYIL 'KHOR BSGOM PA'O, GNYIS PA LA BZHI, MNGON BYANG DANG PO GNYIS BSKYED PA, MNGON BYANG GSUM PA BSKYED PA, MNGON BYANG BZHI PA BSKYED PA, MNGON BYANG LNGA PA BSKYED PA'O, ,GSUM PA BSKYED PA DE RIM GYIS GSAL GDAB PA LA GNYIS, RTEN GZHAL YAS KHANG GSAL GDAB PA DANG, BRTEN PA LHA GSAL GDAB PA'O, ,GNYIS PA LA GNYIS, GTZO BO GSAL GDAB PA DANG, 'KHOR GSAL GDAB PA'O, ,DANG PO LA GNYIS, YAB GSAL GDAB PA DANG, YUM GSAL GDAB PA'O, ,GNYIS PA 'KHOR GSAL GDAB PA LA GNYIS, PHYOGS KYI LHA MO BZHI GSAL GDAB PA DANG, MTSAMS KYI BUM THOD BZHI GSAL GDAB PA'O, ,BZHI PA PHYOGS MTHUN GYI DAG PA BSGOM PA LA GSUM, GNAS BZHI BYIN GYIS BRLAB PA, GSANG GNAS BRLABS NAS DGA' BZHI 'DREN PA, DAG PA BSGOM PA DNGOS SO, ,LNGA PA GO BGO ZHING YE SHES PA GZHUG PA LA GNYIS GO CHA BGO BA DANG, YE SHES PA GZHUG PA'O, ,DRUG PA DBANG BSKUR RGYAS GDAB PA LA GNYIS, DBANG BSKUR BA DANG, RIGS BDAG GI RGYAS GDAB PA'O, ,BDUN PA MCHOD CING BSTOD NAS DKYIL 'KHOR BSGOM

, ,PA LA GSUM, MCHOD PA 'BUL BA, BSTOD PA BYA BA, DKYIL 'KHOR BSGOM PA'O, ,DANG PO LA BZHI, PHYI'I MCHOD PA, NANG GI MCHOD PA, GSANG BA DANG DE KHO NA NYID KYI MCHOD PA, SNGAGS KYI MCHOD PA'O, ,GSUM PA THUN GYI MJUG TU JI LTAR BYA BA LA BZHI, BZLAS PA JI LTAR BYA BA, GTOR MA JI LTAR BYA BA, NYER BSDU JI LTAR BYA BA, BSNGO SMON JI LTAR BYA BA'O, ,DANG PO LA BZHI, BZLAS 'PHRENG BYIN RLABS, BZLAS PA'I DMIGS PA, BZLA BYA'I SNGAGS, BZLAS PA'I KHA SKONG NGO, ,ZHES PA 'DI SNGAR BRTZAMS PA LAS SA BCAD RKYANG PA BKOL TE DHARMA BHA DRAS BRIS PA'O,, ` ,,NA MO GU RA WE BDE MCHOG DRIL BU LHA LNGA'I NANG THIG NI, DBUS NAS CHA CHUNG BZHI DANG GCIG ,BRGYAD DANG GCIG MTHAR ZLUM THIG BZHI, ,PADMA'I LTE BA GE SAR DANG, ,'DAB MA MU KHYUD PHYI THIG YIN, ,'DAB MA'I THIG STENG TSANGS NAS CHANGS, ,ZUR NAS ZUR BAR GRU BZHIR BCAD, ,'PHRED MTSAMS GA-YAS GA-YON SNOL THIG GDAB, ,'DAB MA'I RTZE BRGYAD ZLUM BSKOR BYA, ,'DI DBEN SA SNYAN BRGYUD LTAR DHARMA BHA DRAS BRIS,