*, ,BDE MCHOG DRIL BU LHA LNGAR LAS RUNG GI BSNYEN PA JI LTAR BYA TSUL GYI YI GE GNAD KYI DON GSAL ZHES BYA BA BZHUGS, ,,
, ,N'AMA SHshRI TZA KRA SMBA R'A YA, SKU BZHI'I DBANG PHYUG RTZA BRGYUD BLA MA DANG, ,YI DAM BDE MCHOG YAB YUM LA BTUD NAS, ,ZAB DON DRIL BU'I PHYI DKYIL LHA LNGA LA, ,BSNYEN PA'I CHO GA MDOR BSDUS BRI BAR BYA, ,DE YANG BDE MCHOG DRIL BU LHA LNGA LA SGRUB THABS BDE CHEN 'BYUNG GNAS KYI STENG NAS LAS RUNG GI BSNYEN PA BYA TSUL LA BZHI, GANG GIS BYA BA'I RTEN, GANG DU BYA BA'I GNAS, GANG GI TSE BYA BA'I DUS, JI LTAR BYA BA'I TSUL LO, ,DANG PO GANG GIS BYA BA'I RTEN NI, LAM MTHUN MONG PAS RGYUD SBYANGS PA, 'DI'I DKYIL 'KHOR DU DBANG BZHI THOB PA, SPYI BYE BRAG GI DAM SDOM LA GNAS PA, SGRUB THABS KYI TSIG DON LA SGRO 'DOGS CHOD PA RNAMS DGOS PAS BSNYEN PA TSUL BZHIN DU BYED PA RNAMS KYIS SNGON DU DE RNAMS TSANG BA LA 'BAD PAR BYA'O, ,GNYIS PA GANG DU BYA
, ,BA'I GNAS NI, RGYUD LAS GSUNGS PA'I DUR KHROD DANG MA MO'I KHYIM SOGS LAS DANG PO PAS 'CHUN DKA' BAS, DES NA SNGON BYON DAM PAS BYIN GYIS BRLABS SHING 'DU 'DZI'I GA-YENG BAS DBEN PA, MI DANG MI MIN GYI 'TSE BA SOGS 'GAL RKYEN MED CING CHU SHING SOGS MTHUN RKYEN 'DZOM PA, YID DANG MTHUN CING RANG DBANG THOB PA'I SGRUB KHANG DANG SNGAGS GA-YOG YOD PA'I GNAS SU BYA'O, ,GSUM PA GANG GI TSE BYA BA'I DUS NI, DGUN 'BRING RGYAL GYI ZLA BA STE HOR ZLA BCU GNYIS PA DANG, YANG NGO MAR NGO'I TSES BCU RNAM PA GNYIS LHA 'DIR SHIS PA'I DUS YIN CING, ZLA TSES GZHAN GYI GZA' SKAR 'PHROD SBYOR BZANG BA ZHIG NAS BRTZAMS KYANG MI RUNG BA MED LA, THUN GYI 'GO NI SROD THUN NAS 'DZUGS PAR GSUNGS SO, ,BZHI PA JI LTAR BYA BA'I TSUL LA GSUM, BSNYEN PA'I SBYOR BA, BSNYEN PA DNGOS, BSNYEN PA'I MJUG GO ,DANG PO BSNYEN PA'I SBYOR BA NA, ZHAG 'GA' ZHIG GI SNGON NAS BSNYEN PA GNAD DU 'GRO PHYIR
BSAG SBYANG DANG RIM GROR 'BAD PA DANG, YO BYAD STA GON DANG BSNYEN PA'I SKOR GYI DPE CHAR LTA RTOG LEGS PAR BYA, MTSAMS KYI NYIN SNGA DRO'I CHAR GNAS KHANG GI PHYI NANG LA PHYAG BDAR DANG GSANG BDUGS LEGS PAR BYAS LA BA BYUNG DANG BDUD RTZI LNGAS CHAG CHAG GDAB, RANG NYID KHA LHOR BLTAS CHOG PAR ZHAL BAR SNA TSOGS RDO RJE BRIS PA'I KHAR ME TOG GCAL DU BKRAMS LA RTZ'A DUR BA DANG 'BOL GDAN 'DING, GNAS KHANG GI LHO NAS ZHAL RANG LA PHYOGS PAR YI DAM YAB YUM GYI BRIS 'BUR GYI SKU DANG RGYUD KYI GLEGS BAM SOGS MCHOG GSUM GYI RTEN RNAMS BKRAMS, DE'I MDUN DU GTOR KHANG LTA BU'I NANG DU, PHYE GTZANG LA 'KHUR BA 'BRAS CHAN SRAN MA SGOG SKYA BTZOD RNAMS DANG BDUD RTZI'I PHYI MA BSRES PA, CHU CHANG 'AM MAR KHU RNAMS KYIS SPRUS PA'I ZAN LAS BYAS PA'I ZLUM GTOR BSHOS BU BZHIS BSKOR BA LA SMUG RTZIS BYUGS SHING ZLA NYI N'A DA SOGS DKAR DMAR GYI RGYAN DANG LDAN PA DANG, DE'I GA-YON DU MKHA' 'GRO SPYI GTOR DBA' BSHOS ZLUM PA SMUG RTZI DKAR DMAR GYI RGYAN DANG LDAN PA DANG, DE DAG GI MDUN DU BDAG MDUN GYI MCHOD PA CHU GNYIS NYER SPYOD TSAR GNYIS 'BUL YUL GYI GA-YON NAS BRTZAMS TE BSHAMS, RANG GI MDUN DU GA-YON NAS BRTZAMS TE MI RUS SAM BO DE TZE'I BGRANG 'PHRENG, CANG TE'U, DRIL BU, RDO RJE; NANG MCHOD, 'THOR
, ,'BRU, LAS BUM BCUD LDAN RNAMS DANG, YONG NA KHA TV'Am GA DANG TSANGS SKUD DANG RUS RGYAN SOGS KYANG NYE LOGS SU 'JOG, GZHAN YANG BGEGS GTOR, ME LONG, GU GUL, YUNGS KAR; LCE LNGE GYI MTSAMS MTHO'I MCHOD GTOR BCAS 'DU BYAS LA, STAN LA 'KHOD NAS SKYABS 'GRO SEMS BSKYED DANG SKAD CIG DKRONG BSKYED BYAS TE, BUM PA'I NANG DU NYI MA'I DKYIL 'KHOR GYI STENG DU PAm YIG GI MTHAR SNGAGS 'PHRENG GIS BSKOR BA LAS 'OD ZER 'PHROS, PHYOGS BCU'I SANGS RGYAS BYANG SEMS DPA' BO MKHA' 'GRO CHOS SKYONG SRUNG MA THAMS CAD KYI MTHU STOBS NUS PA BYIN RLABS THAMS CAD DU MA SKYES MA'I RNAM PAR SPYAN DRANGS, SNGAGS 'PHRENG SA BON DANG BCAS PA LA THIM PAS BDUD RTZI'I RGYUN BABS PAS BUM PA'I CHU BGEGS DANG MI GTZANG BA SEL BA LA NUS PA DANG LDAN PAR BYIN GYIS BRLABS PAR BSAM LA, KHntA RO HE BZLAS NAS GSANG CHU BSGRUB, NANG MCHOD, PHYI MCHOD, GTOR MA RNAMS SGRUB THABS LTAR 'JUG PA GCIG TU BYIN GYIS BRLAB, BGEGS GTOR KHAntA RO HES BSANGS, SVA BH'A WAS SBYANGS, AA K'A RO LAN GSUM GYIS BYIN GYIS BRLABS LA, AOm SARBA BIBH'Am NA MA: SARBA TA TH'A GA TE BHYO BI SHVA MU KHE BHYA: SARBA TA DA KHAm AUNGGA TE SPHAR nA HI MAm GA GA NAm KHAm GRI HnE DI BA LAm TA YI SV'A H'A, ZHES LAN GSUM BSKOR LA ZHI PAS SBYANG, ZHAL BZHI PA'I
SNGAGS LAN GSUM DANG PHYIR BSKOR LA ZHI DRAG 'DRES MAS SBYANG, GANG DAG GNAS KHANG 'DIR GNAS SHING BSNYEN SGRUB LA BAR DU GCOD PA'I BGEGS KYI TSOGS THAMS CAD MCHOD SBYIN GYI GTOR MA 'DIS TSIMS PAR GYIS LA, GNOD PA DANG GDUG PA'I SEMS ZHI ZHING, ZHI BA DANG PHAN PA'I SEMS DANG LDAN PAS RANG RANG SO SO'I GNAS SU SONGS SHIG ,AOm SUMBHA NI DANG KHAndA RO HE BRJOD, GTOR MA PHYIR RO, GUL YUNGS GSANG CHU ROL MOR BCAS DRAG POS SBYANG, RANG GI THUGS KA'I H'Um LAS 'OD ZER 'PHROS PA SKAD CIG GIS RDO RJE'I SA GZHI, RA BA; GUR; BLA RE; ME RI DANG BCAS PAR GYUR, CES SRUNG 'KHOR BA SGOMS PA'I NANG DU MTSAMS KHONGS SU 'JUG 'OS RNAMS RE RE NAS BSNGO BGRANG BYAS TE CHUD PAR BSAMS, RANG GI SNYING GAR ZLA BA LA RDO RJE SEMS DPA'I NGO BO AOm HA DKAR PO, MGO BOR NYI MA LA RNAM SNANG GI NGO BO NA MA HI SER PO, SPYI GTZUG TU NYI MA LA PADMA GAR DBANG GI NGO BO SV'A H'A HU DMAR PO, PHRAG PA GNYIS SU NYI MA LA DPAL HE RU KA'I NGO BO BOO shA TA HE NAG PO, MIG GNYIS SU NYI MA LA RDO RJE NYI MA'I NGO BO H'Um H'Um HO DMAR SER, DPRAL BAR NYI MA LA RTA MCHOG GI DRO BO PHAt HAm LJANG GU, GTZO MO'I LTE BAR NYI MAL RDO RJE PHAG MO'I NGO BO AE BAm DMAR PO, SNYING GAR NYI MA LA GSHEN RJE MA'I NGO BO HA AOm SNGON PO, MGRIN PAR ZLA BA LA RMONGS BYED MA'I NGO BO HRIm MOm DKAR PO, MGO BOR NYI MA LA SKYOD BYED MA'I NGO BO HREm HRIm SER PO, SPYI GTZUG TU NYI MA LA SKRAG BYED MA'I NGO BO H'Um H'Um LJANG GU, DPRAL BAR NYI MA LA TZAndAm KA'I NGO BO PHAt PHAt DUNG KHA RNAMS KYIS MTSAN PAR GYUR, CES YAB YUM GYI GO CHA BKOD LA
, ,BDAG BSRUNG, DE NAS SGRUB KHANG GI SGO 'GRAM LTA BUR MTSAMS MTHO BZHAG PA'I MDUN DU MCHOD GTOR BSHAMS BSGRUB THABS LTAR BYIN GYIS BRLABS LA, MTHO YOR KHAndA RO HES BSANGS, SVA BH'A WAS SBYANGS, STONG PA'I DANG LAS PAD ZLA'I STENG DU RGYAL CHEN 'PHAGS SKYES PO SKU MDOG SNGON PO ZHAL GCIG PHYAG GNYIS KYIS RAL GRI 'DZIN PA, DAR DANG RIN PO CHES BRGYAN CING RGYAL PO ROL PA'I STABS KYIS BZHUGS PA'I SPYI BOR AOm, MGRIN PAR A'A: THUGS KAR H'Um, THUGS KA'I H'Um LAS 'OD ZER 'PHROS PAS, RI RAB KYI LHO PHYOGS NAS RGYAL CHEN 'PHAGS SKYES PO 'KHOR DANG BCAS PA, AOm BADZRA SA M'A DZA: DZA: H'Um BAm HO: GNYIS SU MED PAR GYUR, CES BSKYED LA, RGYAL CHEN 'PHAGS SKYES PO'I LJAGS 'OD ZER GYI SBU GUS GTOR MA'I BCUD DRANGS TE GSOL BAR GYUR, AOm MA H'A R'A DZA BI R'U dHA KA SA PA RI W'A RA AI DAm BA LIm TA KHA KHA KH'A HI KH'A HI, LAN GSUM GYIS PHUL, AOm MA H'A R'A DZA BAm R'U dHA KA SA PA RI W'A RA ARGHAm, NAS; SHAPTA PRA T'I TZTSA YE SV'A H'A 'I BAR GYIS MCHOD, DPA' BO CHEN PO STOBS PO CHE, ,KHA DOG SNGON PO RAL GRI 'DZIN, ,GRUL BU MCHOGS LA DBANG BSGYUR PA'I, ,'PHAGS SKYES PO LA PHYAG 'TSAL LO, ,ZHES BSTOD, BDAG GI BSNYEN PA'I BYA BA 'DI, ,JI SRID LEGS PAR GRUB KYI BAR, ,PHYI NANG 'GAL RKYEN KUN ZHI ZHING; ;MTHUN RKYEN 'GRUB PA'I 'PHRIN LAS MDZOD, ,CES ME TOG GTOR LA 'DOD DON ZHU ZHING MCHOD PA BSDU'O, ,GNYIS PA BSNYEN PA DNGOS NI, MKHA' 'GRO 'DU BA'I DUS SROD KYI TSE BDE BA'I STAN LA LUS GNAD DANG LDAN PAS 'DUG LA, KUN
SLONG BCOS TE BLA BRGYUD GSOL 'DEBS, SKYABS 'GRO SEMS BSKYED, SKAD CIG DKRONG BSKYED, NANG MCHOD DANG BDAG BSKYED KYI MCHOD PA BYIN RLABS, SPRO NA TSEM BU DMAR KHRID KYI 'KHRID YIG TU BRIS YOD PA LTAR RDOR SEMS BSGOM BZLAS, TSOGS ZHING MCHOD PA SH'U N+YA TA'I RJES SU SNOD BCUD KYI CHOS THAMS CAD RANG LA THIMS SHING, RANG YANG MI DMIGS PA'I STONG PA NYID DU GYUR, CES 'CHIB CHOS SKU'I LAM 'KHYER, BAR DO LONGS SKU'I LAM 'KHYER, SRUNG 'KHOR 'BYUNG BZHI RI RAB KYI STENG DU MNGON BYANG LNGA LAS RTEN DANG BRTEN PA'I DKYIL 'KHOR CIG CAR DU BSKYED PA SKYE BA SPRUL SKU'I LAM 'KHYER, RIM GYIS GSAL 'DEBS PA, YAB YUM GYI GNAS BZHI DANG GSANG GNAS BYIN GYIS BRLABS NAS SNYOMS PAR ZHUGS TE PHYOGS MTHUN GYI DAG PA BSGOM PA, SPRO NA GONG DU BSHAD PA LTAR SNGAGS TZAM GYIS YAB YUM GYI GO CHA 'GOD PA, LHA THAMS CAD KYI GNAS GSUM BYIN RLABS, YE SHES PA GZHUG PA, DBANG BSKUR RGYAS GDAB, PHYI NANG GSANG BA DE KHO NA NYID KYI MCHOD PA, SNGAGS MCHOD, SPRO NA YAB GYI RKANG BRGYAD RGYA RKAD AOm NA MO BHA GA WA TE W'I RE SH'A YA H'Um H'Um PHAt AOm MA H'A KA WA GNI SAm NI BHA YA H'Um H'Um PHAmt, AOm DZA t'A MA KU tO TKA t'A YA H'Um H'Um PHAt, AOm DAmsHtA KA R'A LO GRA BHA shA nA MU KH'A YA H'Um H'Um PHAt, AOm S'A HA SA BHU DZA BHA SU R'A YA H'Um H'Um PHAt, ,AOm PA RA SHU P'A SHOdYA TA SH'U LA KHA tVAm GA DHA RI nI H'Um H'Um PHAt, AOm BY'A GHRA DZE N'A M'A RA DHA R'A YA H'Um H'Um PHAt, AOm MA H'A DHU MPR'ANDHA K'A RA WA PU sh'A YA H'Um H'Um PHAt, CES PA DANG, YUM GYI RKANG BRGYAD RGYA SKAD, AOm NA MO BHA GA WA TE BADZRA W'A R'A H'I BAm H'Um H'Um PHAt, AOm NA MA A'ARYA AA PA RA DZI TE TREE LO KYA M'A TIm BI DYE SHVA RI H'Um H'Um PHAt, AOm NA
, ,MA: SARBA BHU TA BHA Y'A BA HE MA H'A BADZRE HUm H'Um PHAt, AOm NA MO BADZRA SA NI AA DZE TE AA PA RA DZI TE WA SHAm KA RAm NE TRA HUm H'Um PHAt, AOm NA MO BHRA MA nI SHO shA nI RO shA nI KRO DHE KA LE HUm H'Um PHAt, AOm NA MA STRA SA NI MA RA nI PRA STE TA N'I PA RA DZA YE H'Um H'Um PHAt, AOm NA MO BI DZA YE DZA MBHA NI STA MBHA Ni MO HA NI H'Um H'Um PHAt, AOm NA MO BADZRA W'A R'A H'I MA H'A YO GA N'I K'A ME SHVA RI KHA GE HUm H'Um PHAt, CES PA GNYIS DANG, HE RU KA DPAL DPA' BO CHE, ZHES SOGS KYIS KYANG BSTOD, DE NAS BSKYED RIM YUD TZAM BSGOM SKYON; 'PHRENG BA GSUNG RDO RJE'I NGO BOR GYUR, CES BYIN GYIS BRLABS LA, BZLAS PA'I DMIGS PA NI, LHA RANG RANG GI THUGS KAR NYI GDAN LA GNAS PA'I H'UM YIG GI MTHAR BZLAS BYA'I SNGAGS KYIS GA-YON SKOR DU BSKOR BA'I DBUS KYI H'Um YIG LAS DKYIL 'KHOR GYI LHA TSOGS SPROS, 'GRO BA'I DON BYAS, SLAR 'DUD NAS H'Um YIG LA THIMS PA'I SPRO BA DANG BSDU BA'I MDZAD PA CAN DU GYUR PAR BSAM NAS BZLA BA LA DAM TSIG GI BZLAS PA DANG GONG BU'I BZLAS PA GNYIS KA'I GNAD TSANG BAS DE'I NGANG NAS, GA-YON PA'I MTHEB SRIN GYIS 'PHRENG BA BZUNG STE BZLA'O, ,BZLAS PA'I GRANGS NI, LAS RUNG TZAM LA, GTZO BO YAB YUM GYI SNYING PO 'BUM PHRAG RE, NYE SNYING GNYIS CI 'GRUB, 'KHOR DANG YE SHES 'BEBS PA'I SNGAGS KHRI PHRAG RE; KHA SKONG ZHI BA'I SBYAN SREG CI 'GRUB BCAS YIN CING, YE SHES 'BEBS PA'I SNGAGS BSDUS PA LA MOS NA, AOm HR'I: HA HA HUm H'Um PHAt, AOm TE shtHA MA H'A KRO DHA A'A BE SH'A YA H'Um, ZHES PAS CHOG PAR TSAD LDAN GYIS BSHAD PAS DE'I DMIGS PA NI, RANG GI
THUGS KA'I H'Um GI 'OD ZER DMAR PO LCAGS KYU LTA BUS, SANGS RGYAS DANG BYANG SEMS, DPA' BO DANG RNAL 'BYOR MA THAMS CAD 'KHOR LO BDE MCHOG GI LHA'I RNAM PAR SPYAN DRANGS, RANG GI LUS LA CHAR CHEN PO BAB PA BZHIN DU BA SPU'I SGO THAMS CAD NAS ZHUGS SHING GNYIS SA MED PAR THIMS PAR GYUR PAR BSAM PA'O, ,BZLAS PA'I MJUG TU, RIGS BDAG SO SO'I THUGS KAR ZLA GDAN LA H'Um GI MTHAR HE RU KA'I YIG BRGYAS GA-YON SKOR DU BSKOR BA LAS BDUD RTZI 'BEBS SBYANG DANG BCAS BZLAS LA LHAG TSAD BSKANG ZHING BYIN RLABS BRTAN PAR BYA'O, ,MTSAMS 'DIR GTOR MA 'BUL BA RJE BLA MA'I DGONGS PA YIN PAS DE'I TSUL NI, 'DAS MA 'DAS KYI MCHOD GTOR BYIN GYIS BRLABS LA, PHEEm, THUGS KA'I H'Um GI 'OD ZER GYIS, DUR KHROD BRGYAD NA GNAS PA'I PHYOGS SKYONG ZHING SKYONG KLU LA SOGS PA'I 'KHOR DANG BCAS PA'I HE RU KA LHA LNGA'I DKYIL 'KHOR BDUN GYI NAM MKHAR SPYAN DRANGS, LHA RNAMS KYI LJAGS LA H'Um LAS SKYES PA'I, ZHES PA NAS, TRI SHYA HO: ZHES PA'I BAR LAN GSUM GYIS 'DAS GTOR PA LA, AOm SARBA TA TA GA TA ARGHAm, NAS; SHAPTA PRA T'I TZTSA SV'A H'A'I BAR GIS KYI MCHOD DANG, SO SO'I SNGAGS LA AOm A'A H'Um BTAGS PAS NANG MCHOD PHUL, AOm BCOM LDAN DPA' BO'I DBANG PHYUG LA PHYAG 'TSAL H'Um H'Um PHAt, AOm BSKUR PA CHEN PO'I MI DANG MNYAM PA'I 'OD H'Um H'Um PHAt, AOm RAL PA'I COD PAN MI BZANG PA DANG LDAN H'Um H'Um PHAt, AOm MCHEB RNAM POR GTZIGS PA 'JIGS PA'I ZHAL H'Um H'Um PHAt, AOm PHYAG NI 'OD ZER STONG PHRAG 'BAR BA CAN H'Um H'Um PHAt, AOm DGRA STA ZHAGS GDENGS MDUNG DANG KHA tV'Am
, ,'DZIN H'Um H'Um PHAt, AOm STAG GI PAGS PA'I NA BZA' 'DZIN PA CAN H'Um H'Um PHAt, AOm SKU CHEN DUD KHA BGEGS MTHAR MDZAD LA 'DUD H'Um H'Um PHAt, CES YAB DANG, AOm BCOM LDAN 'DAS MA RDO RJE PHAG MO LA PHYAG 'TSAL H'Um H'Um PHAt, AOm 'PHAGS MA RIG MA'I DBANG PHYUG KHAMS GSUM GYI MI THUB H'Um H'Um PHAt, AOm 'BYUNG PO'I 'JIGS PA THAMS CAD RDO RJE CHEN POS 'JOMS H'Um H'Um PHAt, AOm RDO RJE GDAN BZHUGS GZHAN GYIS MI THUB DBANG BYED SPYAN H'Um H'Um PHAt, AOm GTUM MO KHRO MO'I GZUGS KYI TSANGS PA SKEM PAR MDZAD H'Um H'Um PHAt, AOm BDUD RNAMS SKRAG CING SKEM PAS GZHAN GYI PHYOGS LAS RGYAL H'Um H'Um PHAt, AOm RMUGS BYED RENGS BYED RMONGS BYED KUN LAS RNAM PAR RGYAL H'Um H'Um PHAt, AOm RDO RJE PHAG MO SBYOR CHEN 'DOD DBANG MKHA' 'GROR 'DUD H'Um H'Um PHAt, CES YUM GYI RKANG BRGYAD BOD SKAD KYIS BSTOD, SRID PA DANG MNYAM ZHIB CHAGS BCOM KUN TU RTOG PA 'JOMS, ZHES SOGS KYIS 'DOD DON LA GSOL BA GDAB, DUR KHROD BRGYAD NA GNAS PA'I PHYOGS SKYONG ZHING SKYONG KLU LA SOGS PA SKAD CIG GIS 'OD GSAL DU BCUG PA LAS, BDE MCHOG YAB YUM GYI SKUR BZHENGS PA'I LJAGS LA H'Um LAS SKYES PA'I, ZHES PA NAS, DNGOS GRUB KUN GYI BKA' DRIN BDAG LA STZOL, CES 'PHRIN LAS 'CHOL BA'I BAR BDE CHEN SNYING POR BSHAD PA LTAR LA, 'PHRIN 'CHOL BSDU NA, PHYOGS SKYONG ZHING SKYONG KLU SOGS KYIS, ,MCHOD SBYIN GTOR MA 'DI BZHES LA, ,RNAL 'BYOR BDAG CAG 'KHOR BCAS LA, ,CI 'DOD DNGOS GRUB STZAL DU GSOL, ,ZHES PAS BYA, AOm BADZRA MU: 'JIG RTEN
PA RNAMS RANG GNAS SU GSHEGS PAR GYUR, AOm YOG SHUDDHA: SARBA DHARM'A: YOG SHUDDHONYAHAm, DKYIL 'KHOR GYI 'KHOR LO BDAG NYID LA THIMS PAR GYUR, ZHES BRJOD PAR BYA'O, ,DE NAS, SROD THUN LA SMON LAM DANG BKRA SHES BYAS NAS DANG, THUN GZHAN GSUM LA GTOR MA 'BUL NA GTOR MGRON GSHEGS NAS DANG, MI 'BUL NA BZLAS PA'I MJUG TU, THUGS KA'I H'Um GI 'OD ZER GIS, RTEN GZHAL YAS KHANG 'KHOR RNAMS LA THIMS, 'KHOR RNAMS ZHAL BZHI LA THIMS, RANG YAB YUM THUGS KA'I H'Um LA THIM H'Um YIG YONGS SU GYUR PA L'A RANG NYID HE RU KAR GSAL BA'I GNAS GSUM DU AOm A'A: H'Um GIS MTSAN PAR GYUR, CES NYER BSDU BYAS TE, SRID PA GSUM 'BAR SKU NI RJE CHAGS DUL BAR LDAN, ZHES SOGS KYIS BSNGO SMON BYA'O, ,DE NAS NYAL BA'I RNAL 'BYOR NA; GZHAN NYER BSDU LTAR YA H'Um YIG 'OG NAS RIM GYIS NA DA'I BAR DU THIMS, N'A DA YANG MI DMIGS PAR BDE STONG DBYER MED KYI CHOS SKUR GYUR PAR BSAMS LA NYAL LO, ,SANG THO RANGS LDANG BA'I RNAL 'BYOR NI, RNAL 'BYOR MA RNAMS KYIS GLU DANG tVA MA RU'I SGRAS BSKUL NAS SANG PAR MOS LA, STONG PA'I NGANG LAS RANG NYID HE RU KAR GSAL BA'I GNAS GSUM DU AOm A'A: H'Um GYIS MTSAN PAR GYUR, CES LDANGS RJES KUN SLONG BCOS PA NAS, BSNGO SMON GYI BAR SNGAR BZHIN BYA, SNGA THUN, DGONGS THUN SROD THUN GSUM LA CHO GA CUNG ZAD BSDU NA, BLA BRGYUD GSOL 'DEBS, RDOR SEMS BSGOM BZLAS, GO CHA DGONG PA, RKANG BRGYAD KYI BSTONG PA RNAMS BZHAG PAS CHOG ,GTOR 'BUL DANG BKRA SHIS KYANG SROD THUN LA MA GTOGS MA BYAS KYANG CHOG ,GZHAN
, ,MA MNGON RTOGS KYI GZHUNG 'DI SHIN TU MDOR BSDUS YIN PAS 'DI LAS KYANG BSDUS PA BYA MI 'TSAL, THUN MTSAMS SU YANG LUS LHA SKU, NGAG BZLAS BRJOD, YID BDE STONG LAS MA GA-YOS PA'I SPYOD LAM GYI RNAL 'BYOR, BZA' BTUNG NANG MCHOD LHAR BYIN GYIS BRLABS NAS, SNYING GA'I H'Um YIG LHA THAMS CAD 'DUS PA'I NGO BOR MCHOD PA'I BSAM PAS LONGS SPYOD PA KHA ZAS KYI RNAL 'BYOR, THUGS KA'I 'OD ZER GYIS SPYAN DRANGS PA'I LHA MO KHRUS BUM THOGS PA RNAMS KYIS DBANG BSKUR BAS NAD GDON SDIG SGRIB DAG NAS BDE STONG SKYES PAR BSAM NAS KHA LAG BKRU BA KHRUS KYI RNAL 'BYOR SOGS 'DIR MI GSAL BA'I SBYOR DNGOS MJUG GSUM GYI BYA BA RNAMS RIS MTHUN GYI BSNYEN YIG GZHAN DANG, BSKYED RAM GYI 'KHRID YIG RNAMS LA BLHAS NAS SHES PAR BYAS TE, CUNG ZAD KYI MTHO DMA' LA ZHUM KHENGS DANG RE DOGS KYI RNAM RTOG BSKYUNGS NAS DGA' SPRO CHEN PO'I NGANG NAS CHU BO'I RGYUN BZHIN BRTZON PAR BYA'O, ,GSUM PA BSNYEN PA'I MJUG NI, DE LTAR GRANGS BSNYEN LEGS PAR SOD RJES MCHOD GTOR GSAR PA BSHAMS LA GTANG RAG TU MCHOD BSTOD BSKANG 'PHRIN, TSOGS 'KHOR, KHA SKONG ZHI BA'I SBYIN SREG ,YIG BRGYA, BZOD GSOL, BSNGO SMON, SHIS BRJOD RNAMS LA NAN TAN BYED CING; LNGA THUN ZHIG GI MJUG TU, MTSAMS MTHO'I MDUN DU MCHOD GTOR BSHAMS PA GZHUNG LTAR BYIN GYIS BRLABS TE, RGYAL CHEN 'PHAGS SKYES PO'I LJAGS 'OD ZER GYI SPU GUS ZHES PA NAS, 'PHAGS SKYES PO LA PHYAG 'TSAL LO, ,ZHES
PA'I BAR GONG LTAR BRJOD, YIG BRGYAS CHAD LHAG SBYANG, MA 'BYOR BA DANG NYAMS PA DANG, ZHES SOGS KYIS BZOD PAR GSOL, AOm; RGYAL CHEN 'PHAGS SKYES 'KHOR BCAS KYIS, ,STONGS GROGS 'PHRIN LAS BSGRUBS PA LEGS, ,RANG GI GNAS SU GSHEGS NAS KYANG, ,JI BZHIN DUS SU 'DIR SPYON CIG ,BADZRA MU: YE SHES PA RANG BZHIN GYI GNAS SU GSHEGS SHING, DAM TSIG PA RANG LA THIMS PAR GYUR, CES BRJOD, DE NAS MCHOD GTOR RNYING PA RNAMS BYIN RLABS SU MOS NAS LONGS SPYOD PA'AM CHU KLUNG SOGS SU GSHEGS PA DANG, BSGRUB RJES RNAMS MI MNGON PAR BYAS LA PHYI NANG GI MTSAMS RIM GYIS GROL BAR BYA'O, SMRAS PA, BSKAL CHEN GRANGS MED GSUM LA MI LTOS PAR, ,SNYIGS DUS TSE THUNG GCIG LA SKU GSUM GYI, ,GO 'PHANG MCHOG STER RNAL 'BYOR BLA MED RGYUD, ,BYE BA NYER GNYIS NANG NA CHES ZAB PA, ,'KHOR LO SDOM PA'I RTZA BSHAD RGYUD KYI DON, ,GRUB DBANG DRIL BU PA DANG SLO BZANG GRAGS, ,DHARMA DHVA DZA GSUM GYIS BSDUS PA'I BCUD, ,BDUD RTZI'I YANG SNYING LTA BU'I GZHUNG BZANG LA, ,BRTEN NAS LAS RUNG GRANGS BSNYEN BYA BA'I TSUL, ,MKHAS SHING GRUB PA'I DAM PA MANG PO'I GSUNG, ,JI BZHIN GSAL BAR BSHAD PA'I DGE BA YANG, ,ZUNG 'JUG GO 'PHANG 'THOB PA'I RGYUR GYUR CIG ,CES BDE MCHOG DRIL BU LHA LDAR LAS RUNG GI BSNYEN PA JI LTAR BYA TSUL GYI YI GE GNAD KYI DON GSAL ZHES BYA BA 'DI NI, SHAKYA'I BANDE DHARMA BHA DRAS BONG BU'I LO'I CHU STONG ZLA BA'I YAR TSES BZANG PO DANG BOD BZHAD DNGUL CHU'I RI PHUG TU SBYAR BA'O, SHU BHA MA SHU,, `, ,ZHING SKYONG DUR KHROD BDAG PO'I BSNYEN YIG MDOR
, ,BSDUS BZHUGS, ` NA MO GU RA WE, HA RU KA DPAL YAB YUM DANG, ,DBYER MED BLA MA LA BTUD NAS, ,BKA' SDOD DUR BDAG YAB YUM GYI, ,BSNYEN YIG MDOR BSDUS BSHAD PAR BYA, ,'DI'I BSNYEN PA BYA TSUL LA GSUM, SBYOR BA, DNGOS GZHI, RJES SO, ,DANG PO NI, BDE DGYES SOGS BLA MED KYI DBANG DANG LHA 'DI'I RJES GNAD SGRUB LUNG THOB PA'I SGRUB PA POS, DBEN PA'I GNAS SU BYI DOR BYAS LA RANG KHA NUB TU PHYOGS PA'I MDUN DU RGYAR MDA' GANG TZAM GYIS STEGS LA MTHO GANG GIS ZLUM POR BSKOR BA LA RDUL CHON DKAR POS DUNG DANG MGRON BU KHA SPROD DU BRIS PA'I STENG DU 'BRU'I TSOM BU DGU DBUS DANG PHYOGS MTSAMS SU BKOD PA'I STENG DU, MI RKANG NGAM SHING LA THOD SKAM SGAL TSIGS DANG BCAS PA'I RNAM PA BCOS PAR DKAR RTZIS BYUGS PA GSUM BCINGS PA'I KHRI'U MCHOG RKANG DU GRAGS PA'AM, MA 'BYOR NA MANYDZI'I KHAR KA P'A LA'AM GTOR SDER GYI NANG DU GTOR MA STONG ZUR GSUM, SMAD ZLUM PO CHANG BU MDUN GYEN DU BSLANGS TE SBYAR BA LA MAR GYI RGYAN DANG MTHAR MDZO DREL MA GTOGS PA'I RI BOR LA SOGS PA'I SHA SNA DANG, DKAR GSUM MNGAR GSUM SOGS ZAS SNAS BSKOR BA BSHAMS, DE LA NOR BU GNYIS ZHES PA DUNG DKAR DANG, MGRON BU BU MA DANG, YAB YUM GYI PHYI NANG GSANG RTEN GYI SKU BCAS BTAGS PA'I STENG DU DAR DKAR GYI GUR DBUB, DE'I MDUN NAS GA-YAS SKOR DU CHU GNYIS
NYER SPYOD KYI MCHOD PA DANG, BDUN DRANG THAD DU RGYUN GTOR ZLUM PO RGYAN LDAN BYA, RANG GI MDUN DU RDO RJE DRIL BU NANG MCHOD d'A MA RU ME TOG SOGS DGOS PA'I YO BYAD RNAMS TSANG BAR BSHAM MO, ,GNYIS PA DNGOS GZHI LA GNYIS, MTSAM GCOD TSUL DANG, BCAD NAS BSNYEN PA BYA TSUL LO, ,DANG PO NI, SKYABS SEMS, DKROD BSKYED, BSANG CHU SGRUB PA, MCHOD GTOR BYIN RLABS, BGEGS SBYONG, SRUNG 'KHOR, GO CHA; MTHO BSKYED RNAMS SPYI DANG 'DRA BA LA, KHYAD PAR DU SGRUB KHANG DU BUD MED MI GTONG PA DAM TSIG YIN PAS SHIN TU GCES PAR GSUNGS SO, ,GNYIS PA BCAD NAS BSNYEN PA BYA TSUL NI, THUN BZHIR BYED PA'I SNGA THUN NAS 'GO BRTZAMS TE, KUN SLONG RNAM PAR DAG PAS GONG BSNYEN BYAS PA'I BDE MCHOG GAM NA RO MKHA' SPYOD LTA BU'I BDAG BSKYED RGYAS BSDUS GANG RUNG GI SPYOD LAM GYI LHAR GSAL BAS MCHOD GTOR DANG, MDUN GYI BSKYED GTOR DE'I GZHUNG LTAR BYIN GYIS BRLABS RJES, LAS SNGAGS KYIS BSANGS, SVA BH'A WAS SBYANGS STONG PA'I NGANG LAS RANG GI MDUN DU H'Um YIG LAS AE CHAD PA'I NAM MKHAR, ZHES SOGS KYIS DAM TSIG PA BSKYED, YE SHES PA BSTIMS, DBANG BSKUR RGYAS BTAB, DAM BZHAG GTOR 'BUL RNAMS SNGON DU 'GRO BAS, THOG MAR YI DAM GYI SNYING PO GCIG TZAM GYIS GNYA' MNAN TE, BZLAS DMIGS GSAL BTAB LA SKYON BRGYAD DANG BRAL BAR SNGAGS BZLAS LA GANGS BZUNG, MJUG TU MCHOD BSTOD, YIG BRGYA, BZOD GSOL, BSNGO SMON BCAS BYAS LA, MDUN BSKYED KYI YE SHES PA BSHEGS BSDU MI BYED PAR
, ,KHRA PHUNG NGE BZHUGS PAR BSAM LA THUN MTSAMS KYI BYA BA LA 'JUG ,DGONGS THUN NAS BZUNG STE BSNYEN PA MA SONG GI BAR GYI THUN RJES MA RNAMS LA RANG NYID LHAR GSAL BAS MCHOD GTOR BYIN GYIS BRLABS TE MDUN GYI LHA STONG SBYANGS DANG SA BON LAS GSAR DU MI BSKYED PAR SNGAR YONG GSAL 'DEBS KYI TSUL DU RANG GI MDUN GYI NAM MKHAR RLUNG DKYIL KHRAG MTSO ZHING LPAGS RI RAB KYI STENG DU THOD PA'I MKHAR GRU BZHI PA'I NANG DU PAD NYI ZLA BA'I GDAN LA DPAL DUR KHROD KYI BDAG PO YAB YUM SKU MDOG DKAR PO ZHAL GCIG PHYAG GNYIS PA, ZHES PA MAN CHAD SNGAR BZHIN NO, ,SNYEN TSAD NI, LAS RUNG TZAM LA 'DI'I RGYUD LAS, GSAR PA'I SNYING PO 'BUM DU BZLAS, ZHES GSUNGS PA LTAR DANG, LAS RAB 'BYAMS SGRUB PA'I BSNYEN PA LA, SDOM 'BYUNG LAS, RTZOD LDAN BZLAS PA BZHI 'GYUR RO, ,ZHES PA LHAR BZHI 'BUM LA NYUNG MTHAR BYAS PA'O, ,GSUM PA RJES NI, DE LTAR BZLAS GRANGS SONG BA NA SNGA THUN ZHIG GI BZLAS PA'I MJUG TU, KHRO BO'I KHU TSUR KHA GYEN DU BSTAN PA'I MTHE'U CHUNG SBREL, MDZUS RTZE SPRAD DE GYEN DU 'DEGS PA RDO RJE SLONG BA'I PHYAG RGYA DANG, H'Um BADZRE TTishthA, ZHES PA'I SNGAGS BRJOD NAS, MDUN GYI CHOS SKYONG 'KHOR DANG BCAS PA STENG GI NAM MKHAR BZHUGS PAR GYUR PAR BSAM LA, BSKYED GTOR GSOS BAN RLABS GSUM BYAS TE GZHUNG LTAR PHUL, MCHOD BSTOD, YIG BRGYA, MZOD GSOL, YE SHES BRTEN GYI SKU LA BRTAN BZHUGS, BSNGO SMON SHIS BRJOD BCAS BYAS LA, BSKYED
GTOR GYI ZAS SNA RNAMS CHOS SKYONG GIS DNGOS GRUB TU STZAL BAR MOS LA RANG GIS SPYOD CINGS GTZANG DU GSHEGS, SKU RTEN DANG NOR BU GNYIS MI MNGON PAR BCANG ZHING, MTSAMS MTHOG SHEGS GSOL DANG, PHYI NANG GI MTSAMS GROL TSUL SOGS SBYOR DNGOS RJES GSUM GYI BYA BA 'DIR MI GSAL BA RNAMS BSNYEN YIG GZHAN DANG BLA MA'I PHYAG LEN LTAR BYA'O, ,SMRAS PA, RJE BTZUN NA RO MKHA' SPYOD MA'I, ,BKA' SDOD ZHING SKYONG YAB YUM GYI, ,BSNYEN YIG GNAD DON 'BRAS LDAN YANG, ,TSIG NYOG LO MAS DBEN PA 'DI, ,MKHA' LA SPYOD PA'I DBANG MO DE'I, ,RIM GNYIS RNAL 'BYOR LA GZHOL BA, ,SKAL BZANG CHOS SKYID KYIS BSKUR NGOR, ,BAN RGAN DHARMA BHA DRAS SBYAR, 'DIR 'BANG LEGS BYAS STON DUS KYI, ,ZLA ZER PHOG PA'I KUN DA LTAR, ,RAB DKAR JI SNYID MCHIS DE YANG, ,BSTAN 'GROR SMAN PA'I RGYUR GYUR CIG, ` 'DI'I PHYI RTEN NI, DUR KHROD RO RAS KYI BZHIS DRIL PA'I SKU DANG, NANG STEN NI, 'BRU RNA TSOGS LA RIN PO CHE BRDAR PA LAS BYAS PA'I SKU DANG, GSANG RTEN NI, LHA BZO BA DBANG THOB CING NGAM SDOM DANG LDAN PAS, YAR NGO'I SKAR MA RGYAL DANG LDAN PA'I SNGA DRO NAS LAS 'GO BRTZAMS TE RGYAR BA RIN PO CHE LNGA, 'BRING BA SO'AM RUS PA, THAMS LA RIN CHEN PHYE MA BSRES PA LAS, YAB YUM GYI SKU CHA TSAD DANG LDAN PAR BZHENGS PA LA, DAR DKAR LA GSER LA SOGS PAS SNYING PO'I SNGAGS BRIS PA AOm SGRIL BYAS PA DANG, GSER DU MAN BZA' SER POS GRIL BA LHAN CIG TU BYAS PA SKU BRNYAN SO SO'I THUGS KAR BCUG LA RAB GNAS LEGS PAR BYAS PA'O,, ` SDE DGE'I SHES RAB BZANG POS PAR TU BSGRUBS DGO'O