—

*, ,BYANG CHUB LAM GYI RIM BA'I BLA MA BRGYUD PA'I RNAM BAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA'I SMAD CHA BZHUGS SO, , @001 [DD1] !, ,ZUNG 'JUG SKU BSNYES CHOS KYI RDO RJE'I ZHABS, , #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA THUB DBANG RDO RJE 'CHANG DANG DBYER MA MCHIS PA'I ZHABS LA PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL, ,DPAL LDAN BLA MA BDE CHEN DNGOS GRUB KUN, ,KUN LA SBYIN MDZAD BLO BZANG RDO RJE 'CHANG, ,SKYABS GSUM KUN 'DUS RJE BTZUN SPRUL BA'I SKU, ,BLO BZANG DON GRUB ZHABS LA GSOL BA 'DEBS, ,ZHES BSNGAGS PA RGYAL BA DBEN SA PA BLO BZANG DON GRUB NI, SNGON 'DAS PA'I BSKAL PA BRJOD KYIS MI LANG BA'I YANG BRJOD KYIS MI LANG BA'I SNGON ROL NAS BYANG CHUB MCHOG TU THUGS BSKYED DE RGYAL SRAS KYI SPYOD PA RGYA MTSO'I PHA ROL TU SON PA ZHIG MI MJED 'JIG [DD2] !, ,SKU GSUM MNGON GYUR RGYAL BA DBEN SA PA, ,

[DD1] !, ,BLO BZANG CHOS KYI RGYAL MTSAN 'DZIN PA'I RJE, , *, ,RTEN GYI KHAMS 'DIR STON PA THUB PA'I DBANG PO'I MDO SNGAGS KYI BSTAN PA SPEL BA'I SLAD DU RGYA GAR SHAR NUB KHA CHE BAL YUL SOGS SU SPRUL PA'I BKOD PA SNA TSOGS BSTAN NAS RGYAL BA'I BSTAN PA 'DZIN CING SPEL BAR MDZAD, BYANG PHYOGS GANGS RI'I LJONGS 'DIR YANG SPRUL PA SNA TSOGS BSTAN TE GANG DU RGYAL BA'I BSTAN PA MA DAR BA'I SA RNAMS SU THUB DBANG BSTAN PA'I SGRON ME GSAR DU BTZUGS, CUNG ZAD DAR BA'I SA RNAMS SU NYAMS PA RNAMS GSOS, CUNG ZAD RGYUN GNAS PA RNAMS DAR BAR MDZAD PA'I 'PHRIN LAS RGYA CHE RGYUN MI CHAD DU 'JUG BZHIN PA LAS, DUS 'DIR 'JAM MGON BLA MA'I SNYAN RGYUD KYI BSTAN PA 'DZIN CING SPEL BA'I SLAD DU BSAM BZHIN DU BYON PA ZHIG STE, DE YANG G-YAS [DD2] !, ,LAM BZANG GSAL MDZAD DZNY'A NA DHA DZA'I ZHABS, ,

RU GTZANG 'GRAM DGE RGYAS BYE MA GLING GI GTZUG LAG KHANG DANG NYE BA'I SA'I CHA LHA KHUD CES BYA BA'I YUL GYI PHU DBEN SA ZHES PA SNGON BYON DAM PA DU MAS BYIN GYIS BRLABS PA'I GNAS SU MKHAS GRUB CHEN PO BSOD NAMS PHYOGS GLANG SOGS DAM PA DU MA 'KHRUNGS PA'I RGYUD PA, RUS KHYAD PAR CAN MDONGS KYI RUS, DE LTA BU'I RIGS RUS CHO 'BRANG RGYUD PA MA SMAD PA'I RIGS SU YAB BSOD NAMS RDO RJE ZHES GRAGS PA YA RABS KYI SPYOD TSUL GYI GZI BYIN DU MAS MDZES PA DANG, YUM DPAL 'DZOM SKYID CES PA GZUGS DANG LANG TSO PHUN SUM TSOGS PA ZHIG STE YAB YUM DE GNYIS KYI SRAS SU BSAMS BZHIN DU KHRO BO ZHES PA SHING MO GLANG GI LO ZLA BA DANG PO'I DKAR TSES BCU'I NYIN NGO MTSAR BA'I LTAS DANG BCAS TE SKU BLTAMS, BLTAMS MA THAG TU MA GYUR SEMS CAN THAMS CAD SNYING RE RJE AOm MA nI PADME H'Um, ZHES YI GE DRUG PA'I SGRA BSGRAGS PAS 'JIG RTEN THAMS CAD DU DBYANGS KYI NGA ROS KHYAB NAS LHA'I DBANG PO BRGYA BYIN DANG RGYAL PO CHEN PO BZHI LA SOGS PA DKAR PHYOGS SKYONG BA'I LHA DANG SRUNG MA THAMS CAD DGA' ZHING MGU LA NGO MTSAR RMAD DU GYUR TE

, ,DA NI 'JIG RTEN MGON DANG BCAS SO, ,THUB PA'I BSTAN PA NYAMS PA GSOS PAR 'GYUR RO, ,BDUD SDE DPUNG DANG BCAS PA NYAMS PAR 'GYUR RO, ,DKAR PHYOGS KYI LHA RNAMS RGYAL LO, ,ZHES DGA' BA'I CA CO'I SGRA BSGRAGS PA GONG NAS GONG DU 'OG MIN GYI BAR DU KHYAB PAR BYAS SO, ,PHYOGS BCU'I RGYAL BA SRAS DANG BCAS PA THAMS CAD DGYES NAS RGYAL SRAS BDAG NYID CHEN PO 'DI'I DON GRUB PAR GYUR CIG CES SMON LAM MDZAD CING ME TOG GTOR BAR NGES SO, ,RGYAL BA DBEN SA PA CHEN PO YUM GYI MNGAL NAS 'KHRUNGS MA THAG, RGYAL SRAS DPA' BO'I NGANG TSUL GSAL BAR BSTAN TE SNYING RJE'I SGRA DBYANGS BSGRAGS PA'I TSUL 'DI LA SRAS KYI THU BO MKHAS GRUB SANGS RGYAS YE SHES KYIS BSTOD PA 'DI LTAR MDZAD DE, BSKAL BZANG YUM GYI LHUMS BZHUGS BLTAMS PA'I TSE, ,'GRO LA BRTZE BA'I SNYING RJE'I SGRA DBYANGS BSGRAGS, ,GRUB PA'I GDUNG MCHOG 'DZIN PA'I DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES BSNGAGS SO, ,RGYAL SRAS BDAG NYID CHEN PO 'DI DBEN SAR YUM GYI MNGAL NAS BTZAS MA THAG SHANGS MDO

RI BO DGE 'PHEL GYI MKHAN PO RJE LEGS PA'I BLO GROS KYIS, JI LTAR GZHON NU DON GRUB YUM SGYU 'PHRUL MA LAS 'KHRUNGS MA THAG LHA RNAMS KYIS KHRUS GSOL BA JI LTA BAR RGYAL SRAS GZHON NU DE LA KHRUS GSOL ZHING DA NI 'JIG RTEN MGON DANG SKYABS DANG DPUNG GNYEN DANG BCAS SO ZHES GO BA'I CHED DU MTSAN MGON PO SKYABS ZHES BTAGS SO, ,DE 'DRA BA'I RGYAL SRAS GZHON NU DE NI, DBU GDUGS LTA BU DANG, DPRAL BA DBYES CHE ZHING SMIN MA 'DZAR LA SHANGS KYI GZENGS MTHO BA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL ZHING PAGS PA'I MDOG NI ME TOG KU MU DA LTAR DKAR BAS 'JIG RTEN GYI SKYE BO GZHAN DANG MI 'DRA BA'I MTSAN GYI DPAL GYIS MDZES PA MIG GI BDUD RTZI LTA BU ZHIG BYUNG NGO, ,DE'I TSE RJE SKYABS MCHOG DPAL BZANG DE NYID LHAG PA'I LHA RNAMS DANG BLA MA RNAMS KYIS 'JAM MGON SNYAN RGYUD KYI BSTAN PA 'DZIN PA'I SKYES BU DAM PA ZHIG DA BEN SAR MYUR DU 'BYUNG BAS DE LA MDO SNGAGS KYI LAM GYI GNAD THAMS CAD RDZOGS PAR STON CIG CES LUNG BSTAN PAS BSKUL TE DBEN SA'I DGON PA ZHOL DU PHEBS NAS THAMS CAD MKHYEN PA BSOD NAMS PHYOGS GLANG GI GDAN SAR BZHUGS TE; RIGS SAD PA DU MA LA DAM PA'I CHOS KYI BGO SKAL STZAL ZHING, GTZO BOR CHOS BRGYAD KYI ROL PA BTZAN THABS SU BCAD NAS ZAB PA DANG RGYA CHE BA'I LAM RNAMS LA RTZE GCIG TU SEMS SHING GOMS PAR MDZAD PAS GZHAL DU

, ,MED PA'I MNGON PAR RTOGS PA YANG BRNYES, RJE SKYABS MCHOG DPAL BA DBEN SA'I DGON BA ZHOL DU PHEBS SKABS RGYAL BA DBEN SA PA CHEN PO 'DI NYID 'KHRUNGS NAS RING PO MA LON PA SKU NA SHIN TU PHRA BA'I SKABS YIN YANG SNGON YUN RING PO NAS SMON LAM GYI MTSAMS SBYAR BA'I MTHU DANG, 'JAM MGON BSTAN SRUNG RNAMS KYIS BSKUL BA'I MTHUS, RGYAL BA DBEN SA BA RGYAL SRAS GZHON NU GSAR BA'I ZLA TSES LTA BUR GNAS PA 'DIS RJE SKYABS MCHOG DPAL BA'I MTSAN THOS PA TZAM GYIS DAD CING GUS PAR GYUR LA, RJE SKYABS MCHOG DPAL BA YANG RGYAL BA DBEN SA PA'I SKU GZIGS PA TZAM GYIS YUN RING MA 'PHRAD PA'I PHA BU GSAR DU 'PHRAD PA BZHIN DU DGA' BA DANG SPRO BAS SHIN TU GCES PAR 'DZIN PAR GYUR TO, ,DE'I TSE THA MAL CHU BUR MIG LDAN RNAMS KYI SNANG NGOR RJE SKYABS MCHOG DPAL BAS DBEN SAR 'KHRUNGS PA'I RGYAL SRAS GZHON NU 'DI LA THUGS MNYES PA'I STANGS KA MDZAD PA TZAM ZHIG TU SNANG YANG, NGES PA DON DU ZUNG 'JUG GRUB PA'I DPA' BO RJE SKYABS MCHOG DPAL BA DANG, RGYAS SRAS SPRUL PA'I GAR MDZAD PA DBEN SA PA GNYIS PO ZHAL 'DZOM STE DUS GSUM GSAL BAR GZIGS PAS BSTAN PA DANG SEMS CAN GYI DON DU JI LTAR MDZAD DGOS PA'I BKA' BGRO BA MDZAD CING, MA 'ONGS PA NA YAB SRAS GNYIS KYIS MDZAD PA JI LTAR MDZAD PA MTHA' DAG GSUNG MOL ZHIB

TU MDZAD DO, ,DE NAS RGYAL SRAS GZHON NU DE NYID SNGON YUN RING PO NAS RGYAL SRAS KYI SPYOD PA LA GOMS PA KLONGS SU GYUR PAS BYIS PA'I NGANG TSUL MTHA' DAG LAS 'DAS TE JI LTAR BYIS PA GZHAN DAG SKYES TZAM NYID NAS MA'I NU ZHO LEN PA LA GZHAN GYIS BSLAB MI DGOS PAR NGANG GIS 'JUG PA CI 'DRA BA DE 'DRA BAR RGYAL SRAS BDAG NYID CHEN PO 'DI NI SKYES TZAM NYID NAS GZHAN GYIS BSLAB MI DGOS PAR LHA DANG BLA MA LA GSOL BA 'DEBS PA LHUR BYED CING 'KHOR BA'I NGANG TSUL GANG DANG GANG LA'ANG MTHONG BA TZAM GYIS ZHEN PA LOG PA DANG, SEMS CAN SU DANG SU MTHONG YANG 'GRO BA NYAM THAG 'DI THABS GANG ZHIG GIS 'KHOR BA'I BTZON NANG NAS GDON PAR BYA SNYAM DU SNYING RJE DAM NGAM SHUGS KYIS SKYE BA DANG, LHAG PAR CHOS KYI RGYAL PO TZONG KHA PA CHEN PO NYID LA GSOL BA 'DEBS SHING RGYAL BA TZONG KHA PA'I BSTAN PA'I SNYING PO YONGS SU RDZOGS PA 'DZIN CING SPEL NUS PA DUS NAM ZHIG NA 'ONG SNYAM PA 'BA' ZHIG THUGS LA BRNAGS TE YUL DE'I SHAR PHYOGS NA PHUG GZHAN GYIS RNYED DKA' BA ZHIG YOD PAS PHUG DER BDAG NYID GCIG PUR ZHAG LNGA DRUG TZAM RE BSDAD PAS YANG YANG 'TSOL DGOS PA ZHIG YOD GSUNG, GCIG BU DBEN PA LA MNGON PAR DGYES PA ZHIG DE 'DRA BA'I GZHON NU NYID NAS RANG 'KHRUNGS SU YOD CING, DE DUS NAS STON PA THUB PA'I DBANG PO DANG RGYAL PA TZONG KHA PA LA GSOL 'DEBS NYIN MTSAN KHOR YUG TU SHUGS DRAG TU

, ,MDZAD PA NA BCOM LDAN 'DAS THUB PA'I DBANG PO DANG RGYAL BA BLO BZANG GRAGS PA GNYIS KYI ZHAL GZIGS SHING BYIN GYIS BRLABS PA'I SNANG BAS DUS 'DA' BA ZHIG BYUNG NGO, ,DE NAS DGUNG LO BRGYAD BZHES PA NA, NUB GCIG SEG RI'I RTZE NAS ZLA BA'I DKYIL 'KHOR NYA GANG BA ZHIG SHAR BYUNG BAS RANG NYID KYI SKU LA DAR DKAR GYI GOS DANG RIN PO CHE'I RGYAN GYIS BRGYAN, RDO DRIL 'DZIN PAS ZLA BA DE LA ZHUGS TE DRIL BU GSIL BA'I SGRAS 'JIG RTEN GYI KHAMS KHYAB PA CIG RMIS GSUNGS TE DE NI RGYAL BA DBEN SA PA CHEN PO 'DIS RJE BLA MA'I MDO SNGAGS KYI BSTAN PA 'DZIN MA'I KHYON THAMS CAD DU DAR ZHING RGYAS PAR MDZAD PA'I 'PHRIN LAS RGYA CHE RGYUN MI 'CHAD 'BYUNG PA 'DI LA DGONGS PAR NGES SO, ,RGYAL BA DBEN SA PA 'KHRUNGS TZAM NYID NAS BLA MA LHA'I RNAL 'BYOR GYI SGRUB PA LA ZHUGS PAS STON PA MCHOG DANG 'JAM MGON BLA MAS BYIN GYIS BRLABS PA'I SNANG BA KHYAD PAR CAN BYUNG BA'I TSUL DE LA SRAS KYI THU BO MKHAS GRUB SANGS RGYAS YE SHES KYIS BSTOD PA MDZAD PA NI, BLA MA MCHOG DANG LHAG PA'I LHA RNAMS KYIS, ,'GRO PA'I DPAL MGON MCHOG TU NYER GZIGS NAS, ,GZHON NU'I DUS NAS BYIN BRLABS DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS SNGON LAN CIG MA YIN PAR GOMS PA'I BAG CHAGS BZANG PO'I MTHU

YONGS SU BRTAS PAS, 'KHOR BA MTHA' DAG ME 'BAR BA'I RLUBS LTAR GZIGS PA'I NGES 'BYUNG GI BSAM PA SHUGS BRAG POS RAB TU 'BYUNG BA'I THABS JI LTAR BYA ZHES NYIN MTSAN KUN TU DE 'BA' ZHIG THUGS LA BRNAGS SO, ,DE NAS JI LTAR SMON PA LTAR DGUNG LO BCU GCIG BZHES PA PHAG LO ZLA BA DANG PO'I TSE'I BCU'I NYIN CHOS 'KHOR DBUS SDINGS KYI DGON PAR CHOS RJE LHA RI RTZA PA GRAGS PA DON GRUB PAS MKHAN PO DANG, ZHAL SNGA NAS TSUL KHRIMS RIN CHEN PAS SLOB DPON MDZAD, GNAS BRTAN CHOS KYI RGYAL MTSAN DANG, RAB 'BYAMS PA LEGS PA SOGS KHA SKONG BAR 'OS PA DAD PA'I DGE 'DUN YONGS SU RDZOGS PA'I DBUS SU KHYIM NAS KHYIM MED PAR RAB TU BYUNG STE MTSAN YANG BLO BZANG NGON GRUB CES BYA BAR GSOL TO, ,'DI NI SNGON THUB PA'I DBANG PO YUM SGYU 'PHRUL MA LAS 'KHRUNGS MA THAG RGYAL PO ZAS GTZANG MAS DON THAMS CAD GRUB PA ZHES MTSAN GSOL BA LTAR, RGYAL SRAS BDAG NYID CHEN PO 'DI YANG RGYAL BA'I BSTAN PA'I SGOR BYON MA THAG PHYOGS BCU'I RGYAL BA SRAS BCAS THAMS CAD KYIS MKHAN SLOB GNYIS BYIN GYIS BRLABS TE BLO BZANG THUB DBANG RDO RJE 'CHANG CHEN PO'I MDO SNGAGS SNYAN RGYUD KYI BSTAN PA YONGS RDZOGS DA NI 'JIG RTEN BDIR NGES PAR NGAR BAR 'GYUR BAS RGYAL BA SRAS BCAS KUN GYI THUGS LA BRANGS PA'I DON GRUB BO ZHES MTSON PA'I PHYIR BLO BZANG DON GRUB CES

, ,MTSAN GSOL BAR NGES SO, ,TSUL 'DI LA MKHAS GRUB CHEN PO SANGS RGYAS YE SHES KYIS, RJE BTZUN DAM PA GRAGS PA'I MTSAN CAN GYIS, ,BLO BZANG DON GRUB CES BYER? MTSAN GSOL NAS, ,BSTAN LA RAB TU BYUNG MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES BSNGAGS PA MDZAD DO, ,DE LTAR RGYAL SRAS BDAG NYID CHEN PO 'DI LHA DANG BCAS PA'I 'JIG RTEN MTHA' DAG GI YON GNAS DAM PA THUB PA'I DBANG PO GNYIS PA LTA BUR GYUR CING, DE'I TSE MKHAN SLOB DGE 'DUN DANG BCAS PAS KYANG ME TOG GTOR ZHING SHIS PA BRJOD DE DON DE LTAR DU 'GYUR BAR SMON LAM MDZAD DO, ,TSUL DE NI RGYAL BA DBEN SA PA CHEN PO RANG NYID KYI GSUNG LAS KYANG BYUNG STE, PHAG LO RTA ZLA'I TSES BCU LA, ,SO SO THAR PA'I SDOM PA BLANGS, ,SANGS RGYAS BSTAN LA ZHUGS PA DANG, ,NGUR SMRIG RGYAL MTSAN BSKON PA MNYAM, ,ZHES GSUNGS SO, ,RGYAL BA DBEN SA PA CHEN PO RANG NYID SNGON YUN RING PO NAS RGYAL SRAS KYI SPYOD PA RGYA MTSO LA BSLAB PAR MTHAR PHYIN PA ZHIG YIN YANG, PHYI RABS KYI GDUL BYA RNAMS RGYAL BA'I BSTAN PA LA ZHUGS NAS THOS BSAM SGOM GSUM 'DI LTAR BYA DGOS SO ZHES 'DOMS PA'I PHYIR DANG, RJE BLA MAS, DANG POR RGYA CHEN MANG DU THOS PA

BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN PA RGYAS PA'I CHED DU BSNGOS, ,TSUL 'DI BSAMS SHING MDUN MA LEGS NAS GDA', ,ZHES GSUNGS PA LTAR PHA RJES BUS ZIN PA ZHIG BYA BA'I PHYIR RGYA CHEN THOS PA 'TSOL BAR BZHED NAS DBYAR CHOS LA DGE 'PHEL DU PHEBS PA NA, SLOB DPON TSUL KHRIMS RIN CHEN PAS TSUL KHRIMS SGANG GI GDAN SA BZHAG STE 'BRAS SPUNGS LA PHEBS PA DANG THUG NAS 'BRAS SPUNGS SU MKHAN PO RIN PO CHE GRAGS PA DON GRUB DANG, SLOB DPON RIN PO CHE TSUL KHRIMS RIN CHEN PA GNYIS DANG LHAN DU BYON, DE NAS 'BRAS SPUNGS SU DBYAR STON SBREL NAS BZHUGS TE CHOS SPYOD KYI RIM PA CI RIGS PA THUGS LA CHUD PAR MDZAD, RJE LHA RI PA LA BYANG CHUB LAM GYI RIM PA DANG, DPE CHOS RIN SPUNGS SOGS CHOS BKA' DU MA DANG, DPAL DUS KYI 'KHOR LO'I DBANG, BCOM LDAN 'DAS RDO RJE 'JIGS BYED KYI DBANG BZHI YONGS SU RDZOGS PA ZHU BAR MDZAD, RJE LHA RI BA 'DIS RDO RJE THEG PA'I SGOR DANG POR SMIN PAR MDZAD PAS BKA' DRIN ZLA MED DU 'DZIN PAR MDZAD DO, ,DE NAS ZLA BA BCU PA'I MJUG TU DBEN SAR PHEBS, SLAR RI BO DGE 'PHEL DU CHOS KYI RJE BLO GROS RGYAL MTSAN PA'I DRUNG DU GSANG BA 'DUS PA MI BSKYOD PA'I DBANG BZHI, RTZA RGYUD KYI LUNG,

, ,RDO RJE MI 'KHRUGS PA'I DBANG RJES GNANG, GZUNGS KYI LUNG DANG BCAS PA, SMAN BLA'I RJES GNANG LUNG DANG BCAS PA, SNAR THANG BRGYA RTZA'I RJES GNANG LUNG DANG BCAS PA YONGS SU RDZOGS PAR GSAN NO, ,DE NAS RGYAL BA'I BSTAN PA LA ZHUGS NAS LAM LA SLOB PAR 'DOD PA RNAMS LA TSE 'DI'I RNYED BKUR SNYAN GRAGS TZAM GYI PHYIR DU THOS BSAM BYED PA NI BDUD RTZI DUG TU BSGYUR BA LTAR NGAL BA 'BRAS MED DU 'GYUR BA DANG, DAL BA STONG ZAD DU BYED DO ZHES 'DOMS PA DANG, THOS BSAM BYED PA'I TSE RANG RGYUD 'DUL BA'I PHYIR DU NYON MONGS PA'I GNYEN POR DRI MA MED PA'I RIGS LAM 'TSOL BA YIN GYI, DE LTA MIN PAR SHING RTA CHEN PO'I GZHUNG GI DGONGS PA MI 'TSOL BAR KHO 'DI ZER NA NGA 'DI ZER GYI GSHAGS 'GYED TZAM DANG, TSIG ZUR 'CHOS PA'I TZOD PA LHUR LEN PA NI SNYING PO GANG YANG MED DO ZHES 'DOMS PA DANG, RANG NYID GRUB PA'I GO 'PHANG MTHON POR GSHEGS PA'I NGANG TSUL STON PA SOGS KYI DGOS PA MANG PO GZIGS NAS DE'I DGUN BKRA SHIS LHUN POR PHEBS NAS THOS BSAM GLING GI GDAN SA PA 'JAM PA'I DBYANGS BLO BZANG BSHES GNYEN PA'I DRUNG DU BSDUS GRVA RTZI BA DANG GZHUNG DANG CHOS SPYOD MANG PO'I LUNG YANG GSAN, DE'I TSE THOG MAR NYIN GCIG TZAM ZHIG SBYOR

BA RTZI BA SOGS LA THOGS PA MED PA'I SPOBS PA MTHU CAN DU GYUR KYANG, PHYIS NI CHOS BRGYAD KYI ROL RTZED LA RGYAB KYIS PHYOGS PA SMYON PA LTA BU'I BRTUL ZHUGS KYIS GNAS NAS GZHAN DAG GIS THOS BSAM GYI SBYOR BA LA BSKUL BA'I BDAG RKYEN NYE BAR BSGRUBS KYANG, DON SKAD CIG KYANG NYAMS SU MI LEN PA'I TSIG GI SBYOR BA KHO NA LA BRTZON PA LHUR LEN PA LA SNYING PO RANG CI YOD, CHU'I LBUB DANG MTSUNGS PA'I TSIG PHRENG DAG NI NYIN RE BZHIN ZLOS BUR SMRA BA KHO NA'O, ,ZHES RIGS PA'I BRTUL ZHUGS KYI SENG GE'I SGRA CHEN PO BSGRAGS, DON 'DI NI, BDAG NYID CHEN PO RANG NYID TSE RABS DU MAR GOMS PAS LUNG GI CHOS KYI BDAG POR GYUR PAS SKU TSE 'DIR THOS BSAM GYI SBYANGS PA LA MI LTOS PA DANG, NYAMS LEN MED PAR LTAR SNANG GI TSIG 'KHRI LA SNYING POR 'DU SHES PA'I RTOG GE PA RNAMS SPA BKONG BAR MDZAD PA DANG GCIG TU RGYAL BA DGYES PA'I LAM BZANG BSGRUBS PAS SNYING PO'I BSTAN PA PHYOGS MTHAR SPEL BAR MDZAD PA LA DGONGS PA'O, ,DE NAS SLAR YANG, DGE 'PHEL DU RJE BLO GROS RGYAL MTSAN PA LA KUN MKHYEN STOBS 'BAR 'OD ZER GYIS MDZAD PA'I 'DUL BA'I BSLAB BYA, RJE BTZUN TZONG KHA PA'I RNAM THAR SOGS KYI LUNG DU MA GSAN, GZHAN YANG GNAS DER CHOS KYI RJE THUB BSTAN RNAM RGYAL BA'I DRUNG DU SPYAN

, ,RAS GZIGS BCU GCIG ZHAL, THUGS RJE CHEN PO PHYAG BZHI PA, DZAM LA DMAR PO YAB YUM, MGON PO'I BKA' CHEN BCU GSUM DU GRAGS PA'I RJES GNANG LUNG MAN NGAG DANG BCAS PA, CHOS RGYAL PHYI NANG GSANG GSUM, GTUM PO KHYUNG LNGA'I LUNG MAN NGAG DANG BCAS PA, NAM MKHA' SGO 'BYED, TSE RING MCHED LNGA'I DBANG DANG, 'JAM DBYANGS MGON PO'I GCOD GZHUNG t'IKKA DANG BCAS PA SOGS GCOD KYI GDAMS PA DU MA DANG, RJE BLA MA NAS BRGYUD PA'I N'A RO'I CHOS DRUG GI KHRID, GSANG 'DUS RIM LNGA'I KHRID LAG RJES, PAn CHEN CHOS RGYAL GYI BSRE 'PHO, PHYAG RGYA SROG RTZOL GYI GDAMS NGAG SOGS YIG CHUNG NGU MA DANG, 'PHO KHRID CHEN MO, NE GU CHOS DRUG GI KHRID, LHA MO SHRAM nA'I SGRUB THABS, MKHA' 'GRO SENG GDONG CAN, DPAL LDAN DMAG ZOR RGYAL MO, GUR, ZHAL, PHYAG BZHI PA, RNAM SRAS, GNOD SBYIN BEKTZE RNAMS KYI RJES GNANG DANG SNYING PO'I BZLAS LUNG DANG BCAS PA GSAN NO, ,DE LTAR MANG DU THOS PA MDZAD PA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, GCIG TU SNYING PO'I DON LA GZHOL BA'I THUGS, ,MCHOG TU GYUR PAS MKHAS GRUB GZHAN LAS KYANG, ,GDAMS PA'I BDUD RTZI MANG GSOL DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA

LTAR RO, ,DE NAS RGYAL BA DBEN SA PA CHEN POS CHOS 'KHOR DBUS SDINGS SU PHEBS TE ZUNG 'JUG GRUB PA'I DPA' BO BLA MA RJE BTZUN SKYABS MCHOG DPAL BZANG PO'I DRUNG DU GSANG BDE 'JIGS GSUM GYI DBANG YONGS RDZOGS, MGON PO, CHOS RGYAL, BCU GCIG ZHAL, DON ZHAGS, GTUM PO KHYUNG LNGA RNAMS KYI RJES GNANG BZLAS LUNG DANG BCAS PA, GRUB RGYAL LUGS KYI TSE DBANG LA SOGS PA MDO SNGAGS KYI CHOS BKA' YONGS SU RDZOGS PA ZHUS SHING, BLA MA DANG YI DAM DBYER MI PHYED PA'I YE SHES KYI DKYIL 'KHOR DNGOS SU GZIGS PA DANG, NGO MTSAR BA'I LTAS DU MA GZIGS PA NI RGYAL BA DBEN SA PA CHEN POS BDAG NYID CHEN PO RJE BTZUN SKYABS MCHOG DPAL BZANG LA PHYAG NA RDO RJE GTUM PO'I DBANG ZHUS PA'I DUS SU RJE SKYABS MCHOG DPAL BA DE SKU MDOG MTHING KHA 'OD ZER LNGA 'PHRO BA LA ME SNA LNGA 'BAR BAS MDZES PAR BSKOR BA, GTOR MA DANG RDO DRIL NAM MKHAR GNAS SHING, DRI ZHIM PO BRO BA DANG, LHA'I ROL MO'I SGRA YANG MNGON SUM DU GSAN, YANG DON ZHAGS DANG, BCU GCIG ZHAL GYI DBANG ZHUS PA'I DUS SU SNGAR BSTAN MA MTHONG BA'I RDUL TSON GYI DKYIL 'KHOR YID 'PHROG PA CIG LA LHA'I ME TOG SNA TSOGS PA SOGS MCHOD PA'I TSOGS KYANG DU MA 'DUG CING, DRI ZHIM PO DANG LHA'I SIL SNYAN GYI SGRA SNYAN PO YANG 'KHROL, RJE SKYABS MCHOG DPAL PA DE NYID KYI SKU YANG ZLA BA'I DKYIL 'KHOR MNGON PAR GANG BA LTA BUR DKAR ZHING 'OD ZER 'PHRO BA MTHONG BAS RKYEN BYAS NAS DGA' SPRO

, ,DPAG TU MED PA SKYES, DE NAS RGYAL BA DBEN SA PA CHEN POS RJE SKYABS MCHOG DPAL BA NYID LA GSOL BA YUN RING DU BTAB NAS, 'DAS MA 'ONGS KYI SKYE BA BZHES TSUL, SKU SKYE BA 'DI LA NGO MTSAR CHE BA'I YON TAN 'KHRUNGS TSUL RNAMS GSUNG PAR ZHUS PAS RJE SKYABS MCHOG DPAL BAS 'DI LTAR GSUNGS TE, SANGS RGYAS 'JIG RTEN DU BYON PA'I TSE BYANG CHUB SEMS DPA' 'DUL BA'I TOG CES PAR SKYES NAS SANGS RGYAS DNGOS LA THEG PA CHAN PO'I CHOS DPAG TU MED PA NYAN, DE'I 'OG TU RGYA GAR SHAR PHYOGS SU STOBS LDAN GYI RGYAL PO ZHIG TU SKYES TE CHOS LDAN GYI KHRIMS BCAS NAS MI DGE BA BYED PA RNAMS GYI MIG 'DON PA DANG, RKANG LAG GCOD PA SOGS BYAS PA'I STOBS KYIS MA 'ONGS PA NA MIG DANG RKANG LAG SOGS LA SKYON CUNG ZAD 'ONG BA 'DRA GSUNG, DE NAS SUM CU RTZA GSUM DU SKYES, DER YUN RING PO MA LON PAR RGYA GAR DU SLOB DPON YON TAN 'OD DU GYUR NAS BSTAN PA DANG 'GRO BA'I DON TSAD MED PA BYAS, DE'I PHYI MA RGYA NAG RI BO RTZE LNGAR SONG NAS RJE BTZUN 'JAM PA'I DBYANGS LA CHOS MANG DU NYAN ZHING RJE BTZUN GYIS LUNG BSTAN PA LA BRTEN NAS BAL POR RDO RJE GZHON NU ZHES BYA BA'I SNGAGS PA ZHIG GI RTEN BZUNG STE THEG PA CHEN PO GSANG SNGAGS KYI BSTAN PA DAR BAR BYAS, DE NAS LO TZ'A BA TSUL KHRIMS RGYAL BAR SKYES NAS JO BO RJE BOD LA GDAN 'DREN PA SOGS DKA' SPYAD MANG PO BYAS SHING DAM PA'I CHOS

MANG PO BSGYUR BA YANG DRAN GSUNG, GZHAN YANG RJE N'A RO PA'I SPRUL PAR GRAGS PA'I 'GRO BA'I MGON PO GTZANG BA RGYA RAS DANG, CHOS KYI RGYAL PO TZONG KHA PA CHEN PO'I SRAS KYI THU BO 'DUL 'DZIN GRAGS PA RGYAL MTSAN GNYIS KYANG DAM PA 'DI'I SKU'I SKYE BA YIN PA YANG RGYAL BA DBEN SA PA CHEN PO NYID KYI YE SHES KYIS MNGON SUM DU GZIGS SHING RJE BTZUN 'JAM PA'I DBYANGS KYIS GNANG BA'I LUNG BSTAN GSANG BA'I ME LONG LAS KYANG DE LTAR DU 'BYUNG NGO, ,DE NAS RJE SKYABS MCHOG DPAL BA DGUNG LO DRUG CU RE GSUM BZHES PA'I TSE 'JIGS BYED SGRUB MCHOD CIG MDZAD PA'I DUS SU DPAL RDO RJE 'JIGS BYED KYI DKYIL 'KHOR YONGS SU RDZOGS PA DANG, DGRA NAG DANG GSHED DMAR LHA LNGA'I DKYIL 'KHOR DANG BCAS PA'I ZHAL MNGON SUM DU GZIGS SHING, DE'I DUS SU RGYAL BA DBEN SA PA CHEN POS YI DAM GYI DBANG GSAN PAS SKU LAS ME 'BAR ZHING ZHABS BRDABS PAS SA G-YO BA DANG, DKYIL 'KHOR YANG ME KHA DOG SNA LNGA PAS BSKOR BA SOGS NGO MTSAR BA'I LTAS MANG DU GZIGS SO, ,DE NAS SPRE'U LO ZLA BA LNGA PA'I TSES BRGYAD KYI THO RANGS BCOM LDAN 'DAS MI BSKYOD RDO RJE'I DKYIL 'KHOR GYI ZHAL MTHONG LUS DBEN DANG NGAG DBEN LA BRTAN PA THOB GSUNG ZHING DE DUS RGYAL BA DBEN SA PA CHEN POS RJE SKYABS MCHOG DPAL BA LA GSANG BA 'DUS PA'I DBANG ZHUS TE YE SHES 'BEBS PA'I DUS SU, RJE SKYABS MCHOG DPAL BA'I SKU 'OD ZER KHA DOG SNA LNGA'I RANG BZHIN CAN DU

, ,BYAS NAS DKYIL 'KHOR GYI STENG NA PHAR 'BYON TSUR 'BYON MDZAD KYANG, RDUL TSON LA MI GNOD PA SOGS YA MTSAN PA'I STAS DU MA BYUNG NGO, ,DE'I TSE RJE SKYABS MCHOG DPAL BAS 'DI LTAR GSUNGS TE, DA NI RMI LAM LA BRTAN PA THOB NAS 'BAD MED DU ZIN, KHYAD PAR TSES BCO LNGA DANG GNAM GANG LA RMI LAM GYI LUS KHYAD PAR CAN BZUNG NAS THUB CHEN DANG, BYAMS PA RGYAL SRAS 'JAM DPAL SNYING PO SOGS KYI SPYAN SNGAR GSO SBYONG RGYUN PAR BYED CING CHOS MANG DU ZHUS ,GZHAN YANG BDE BA CAN DANG, 'OG MIN STUG PO BKOD PA DANG, MNGON DGA' SOGS LONGS SPRUL GYI ZHING KHAMS MANG PO BLTA BAR PHYIN PAS ZHING DE DAG GI RGYAL BA SRAS DANG BCAS PA YANG MTHONG, DBANG DANG BYIN RLABS DPAG TU MED PA YANG DAG PAR STZAL, BDAG NYID KYIS KYANG LUS TSAD MED PA SPRUL NAS BDUN RNAM DAG PHUL GSUNG NGO, ,DE NAS RJE SKYABS MCHOG DPAL BA DGUNG MO BDUN CU DON BRGYAD BZHES PA'I TSE BCOM LDAN 'DAS 'KHOR LO SDOM PA'I SGRUB PA ZHIG MDZAD PA'I DUS SU, BDE MCHOG LHA DRUG CU RTZA GNYIS KYI DKYIL 'KHOR YONGS SU RDZOGS PA'I ZHAL GZIGS SHING DER GTZO BOS DBANG BZHI RDZOGS PAR BSKUR NAS DA MYUR DU MKHA' SPYOD DU 'BYON PA'I 'DUN PA THONGS ZHES GSUNG GI GNANG BAS DBUGS DBYUNG BA BRNYES, DE'I TSE RGYAL BA DBEN SA PA CHEN POS BDE MCHOG GI DBANG ZHUS PAS NANG MCHOD KHA DOG LNGA LDAN DU KHOL BA DANG ,RDZE

SKYABS MCHOG DPAL BA DKYIL 'KHOR GYI STENG DU MDA' GANG TZAM 'PHAGS NAS GAR MDZAD PA SOGS PHUL DU BYUNG BA'I LTAS DUM ZHIG GZIGS, NYIN GCIG GI TSE RJE SKYABS MCHOG DPAL BA DANG RGYAL BA DBEN SA PA CHEN PO GNYIS KAS DBUS RI'I RTZER PHEBS PA NA RJE SKYABS MCHOG DPAL BA SPYAN NAM MKHAR HRIG HRIG GZIGS SHING PHYAG THUGS KAR THAL MO SBYOR BAR MDZAD, DE LA RGYAL BA DBEN SA PA CHEN POS CI 'DRA ZHIG MCHIS ZHUS PAS, RGYAL BA RDO RJE 'CHANG LA GRUB CHEN BRGYAD CUS BSKOR NAS BYIN GYIS BRLABS PA'I NYAMS SHIG SHAR GSUNG, DE NAS DGUNG LO BRGYAD CU GYA GCIG BZHES PA'I STON ZHIG ,DON DU NA, DBEN DGON 'DI NYID 'BYUNG BA'I SA GZHI BYIN GYIS BRLABS BAR 'DUG KYANG, THA MAL PA RNAMS KYI NGOR ZHABS 'CHAG PAR SNYAD DE, YAB SRAS GNYIS KAS DBUS RI'I RTZE MOR PHEBS PA NA RJE BTZUN SKYABS MCHOG DPAL BZANG PHYAG GNYIS THAL MO SBYAR NAS DBU GUG GUG PA LAN MANG DU MDZAD CING 'DUG PA LA RGYAL BA DBEN SA PA CHEN POS DE 'DRA CI YIN ZHUS PAS, RGYAL BA BLO BZANG GRAGS PA LA RGYA BOD KYI MKHAS GRUB MANG POS BSKOR NAS BYON, BYIN GYIS KYANG BRLABS GSUNG, LAN CIG DA NI DPAL MGON PO YAB YUM DANG, DAM CAN CHOS RGYAL 'KHOR BCAS KYIS BRAN BZHIN BKA' NYAN PAR 'DUG GSUNG NGO, ,DE'I TSE RJE SKYABS MCHOG DPAL PAS RGYAL BA DBEN SA PA CHEN PO LA ZHAL GDAMS 'DI LTAR MDZAD DE, KHO BOS

, ,KYANG SDE DGON GYI BDAG SPANGS, LTO GOS GTAM GSUM LA GYONG BSKUR, LA 'DOD DANG KHE GRAGS SPANGS NAS SBAS PA'I TSUL BZUNG STE, DGE SBYOR 'BA' ZHIG LA 'BUNGS PAS TSE YANG RING DU SLEBS, SEMS DBEN DANG, SGYU LUS, 'OD GSAL, ZUNG 'JUG GI BAR GYI RTOGS PA KHYAD PAR CAN 'DI BZHIN SKYES PA YIN NO, ,KHYOD KYIS KYANG TSE 'DI DON DU GNYER BA'I MI'I KHA LA MA NYAN PAR DBEN PAR DGE SBYOR RTZE GCIG TU GYIS SHIG, CES GSUNGS SHING, SPYIR SANGS RGYAS KYI BSTAN PA DANG SEMS CAN GYI DON BYA TSUL, KHYAD PAR RGYAL BA TZONG KHA PA CHEN PO'I SNYAN RGYUD KYI BSTAN PA 'DZIN CING SPEL LUGS SOGS ZHAL GDAMS MTHAR PHYIN PAR GNANG STE RJE SKYABS MCHOG DPAL BA CHOS BDAG PO LA PHROD PAS THUGS TSIM ZHING DED DPON YID BZHIN GYI NOR BU THOB STE RANG YUL DU DGA' BZHIN DU 'GRO BA LTAR RGYAL BA TZONG KHA PA'I MAN NGAG LA BRTEN NAS SA LAM RIM GYIS BGROD DE ZUNG 'JUG DBANG GI RGYAL PO THOB PAS NAM MKHA' MA ZAD KYI BAR DU 'GYUR BA MED PA'I GDENG THOB NAS RNAM SMIN GYI SKU LUS RAGS PA DOR TE 'JA' LTAR PHRA ZHING RGYUN 'CHAD PA MED PA'I ZUNG 'JUG GI SKU 'JAM MGON BLA MA GANG DU BZHUGS PA'I SA SOGS ZHING KHAMS RAB 'BYAMS SPRUL PAS 'GENGS SHING BZHUGS SO, ,DE LTAR RGYAL BA DBEN SA PA CHEN POS RJE BTZUN SKYABS MCHOG DPAL BZANG GI ZHABS

DRUNG NAS GSANG BDE 'JIGS GSUM GYI DBANG LUNG MAN NGAG SOGS SNGAGS KYI ZAB CHOS MTHA' YAS PA GSAN ZHING RDZU 'PHRUL GYI BKOD PA MTHA' YAS PA BSTAN PA SOGS BLA MA LHA'I GZIGS SNANG NGO MTSAR RMAD DU BYUNG BA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI ,'JAM DBYANGS BLA MAS DBANG BSKUR BYIN RLABS TSE, ,RDZU 'PHRUL DAG PA'I SNANG BA DPAG MED DANG, ,BLA MA LHAG PA'I LHAR GZIGS DBEN SA PA, , BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS RGYAL BA DBEN SA PA CHEN PO DGUNG LO BCU BDUN BZHES PA NA, PHYOGS KUN TU 'BRUM NAD KYIS KHYAB CING, RJE NYID KYANG SKU 'BRUM GYIS BSNYUN NAS YOD PA LA; NYIN GCIG CHA BA SGOR RTEN 'BREL BSTOD PA KHA TON DU BYED PA ZHIG BYUNG BA NA DE'I GSUNG GI GDANGS THOS BA TZAM GYIS LUS KYI SPU ZING ZHES BYED CING SNANG BA GTING NAS 'GYUR BA ZHIG BYUNG BAS, PHYIR PHEBS TE GZIGS PA NA DGE SLONG SMA RA DKAR PO'I AAG TSOM CAN, PHYAG DAR KHROD KYI CHOS GOS GSOL BA, SHIN TU DANG BA 'DREN PA CIG 'DUG PAS, NANG DU SPYAN DRANGS PA NA GRUB CHEN GYIS DON DU 'GYUR BA MKHYEN NAS, CHA RKYEN DANG 'TSAM PAR BSNYEN BKUR BA YANG LEGS PAR BZHES, DE LTAR RGYAL BA DBEN SA PA CHEN POS GRUB CHEN CHOS RDO RJE DANG THOG MAR MJAL BA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, KHYAD PAR DANG PA'I RGYAL POS

, ,PAD MTSOR BZHIN, ,RTOGS PA'I MNGA' BDAG DHARMA BADZRA ZHABS, ,BSAMS BZHIN YONGS DAG SKYES BU KHYOD DRUNG PHEBS, ,DANG PO'I RTEN 'BREL LEGS 'GRIG DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE'I TSE RGYAL BA DBEN SA PA CHEN PO'I THUGS LA 'DI NI GRUB PA MCHOG GI DNGOS GRUB BRNYES BA ZHIG GOR MA CHAG GO SNYAM DU DGONGS TE, MKHAS GRUB SANGS RGYAS YE SHES KYIS BSTOD PA MDZAD PA LAS ,DE NYID TSUL LA LEGS PAR BRTAGS PA NA, ,GSANG BA'I MDZOD 'DZIN CHOS KYI RGYAL MTSAN GYIS, ,THUGS SRAS MCHOG TU LEGS GZIGS DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA LTAR ,GDAMS PA'I GTER DU GYUR PA'I GRUB MCHOG TU GZIGS NAS RJES SU 'DZIN PAR ZHUS PAS ,GRUB CHEN CHOS RDO RJES KYANG DGYES BZHIN DU ZHAL GYIS BZHES TE BKRA SHIS RDZONG DGA'I PHU'I MGAR MO CHOS RDZONG DU DUS 'DI TZAM LA SHOG CES BKA' GNANG, DE NAS RGYAL BA DBEN SA PAS 'BRUM BU'I BSNYUN LAS GROL MA THAG BLA MA GRUB CHEN GYIS JI LTAR GSUNG BA'I DUS TSOD DE LAS YOL PA MED PAR DBEN GNAS MGAR MO CHOS RDZONG DU PHEBS ,GRUB CHEN CHOS RDO RJE MNYES PA GSUM GYIS MNYES PAR BYAS NAS RGYAL BA TZONG KHA BA'I SNYAN RGYUD KYI MAN NGAG YONGS SU RDZOGS PA ZHIG GNANG BA THUGS RJES GZUNG 'TSAL ZHES GSOL BA BTAB PAS GRUB

MCHOG CHOS RDO RJES KYANG DGYES BZHIN DU THOG MAR MDO SNGAGS KYI GSUNG RAB DGONGS 'GREL DANG BCAS PA'I DON MTHA' DAG SNYING POR BSDUS TE GANG ZAG GCIG GI NYAMS LEN GYI RIM PAR DRIL BA, LAS DANG PO PA'I SA NAS SANGS RGYAS KYI SA'I BAR GYI SA LAM 'BRAS BU DANG BCAS PA'I LAM GYI GNAD THAMS CAD TSANG BA BYANG CHUB LAM GYI RIM PA'I KHRID MAN NGAG ZHAL SHES DANG BCAS PA YONGS SU RDZOGS PA DANG, BDE GSANG 'JIGS GSUM SOGS BLA MED KYI DBANG DANG RIM GNYIS KYI MAN NGAG RNAMS YONGS SU RDZOGS PA GNANG STE RGYAL BA DBEN SA PA CHEN PO 'JAM MGON SNYAN RGYUD BSTAN PA'I BDAG POR MNGA' GSOL LO, ,RGYAL BA DBEN SA PA CHEN POS GRUB CHEN CHOS RDO RJE LA 'JAM MGON SNYAN RGYUD KYI MAN NGAG YONGS RDZOGS GSAN PA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, DE NAS DE NYID ZHABS GTUGS GSOL BTAB PAS, ,BLO BZANG GDAMS PA'I SNYING PO MA LUS STZAL, ,SNYAN RGYUD GDAMS PA'I GTER GYUR DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS GRUB CHEN CHOS RDO RJE DANG RGYAL BA DBEN SA PA CHEN PO GNYIS DPON SLOB LHAN CIG DBUS GTZANG GI LJONGS DE DANG DER SKAL LDAN GYI GDUL BYA DUM RJES SU 'DZIN PA DANG, MTHONG THOS DRAN REG GIS GNAS SKABS DANG MTHAR THUG GI PHAN BDE BSGRUB BA'I RTEN 'BREL KHYAD PAR CAN BSKRUN PA'I PHYIR, GANGS RI'I

, ,KHROD KYI GNAS DANG YUL LJONGS PHAL MO CHER BKRA SHIS PA'I MTSAN DANG LDAN PA'I ZHABS RDUL GYIS REG PA STZAL ZHING, MTHAR GRUB PA'I GNAS MCHOG PADMA CAN DU PHEBS TE YUN RING DU SGRUB PA BSAM GTAN GYI 'KHOR LO LA GZHOL BAR MDZAD, DE NAS GRUB CHEN CHOS RDO RJES RGYAL BA DBEN SA PA CHEN PO LA SPRUL PA'I GLEGS BAM GTAD DE BKA' RGYA DAM PO BTAB, RE SHIG TSE 'DI BLOS BTANG STE DBEN PA'I RI SUL DU SGRUB PA SNYING POR MDZAD DGOS BA DANG, MTHAR MDO SNGAGS KYI LAM YONGS RDZOGS LA NYAMS LEN MTHAR PHYIN TE RANG NYID MI NYAMS PA'I GDENG THOB PA NA SKAL BA DANG LDAN PA GZHAN DAG LA SNYAN RGYUD KYI MAN NGAG JI LTAR STON LUGS SOGS ZHIB TU 'DOMS PAR MDZAD DO, ,DE NAS RGYAL BA DPEN SA PA CHEN POS GRUB CHEN CHOS RDO RJE'I ZHAL GDAMS DANG, SNGAR RJE SKYABS MCHOG DPAL BZANG GIS KYANG GDAMS PA LTAR 'JIG RTEN GYI CHOS BRGYAD LA DGA' MI DGA'I RNAM RTOG DOR TE CHOS BRGYAD 'GO SNYOMS TSE 'DI'I 'KHRI BA PHRA MO 'ANG MED PAR MTHO MTHO RLUNG LA BSKUR DMA' DMA' CHU LA BSKYUR ZHES DAM PA GONG MA'I GSUNG BGROS LAS 'BYUNG BA LTAR PHYI NANG GI SPROS BA BTZAN THABS SU BCAD DE DBEN GNAS RNAMS SU ZAB LAM SNYING PO'I RNAL 'BYOR LAS SKAD CIG KYANG G-YEL BA MED PAR SHUGS DRAG LA RGYUN MI 'CHAD PA'I GOMS PA BSRINGS TE, ZHABS RDO RJE SKYIL

KRUNG BCAS PA'I SKU SHA RUL BA LA LCI BA'I THAL BA 'JAM PO BTAB, GZHAN BCOS SOGS MA MDZAD PAR THUGS DAM LA BRTZON PA CHER MDZAD PAS RING PO MA LON PAR DRAN SHES KYI 'BAD RTZOL LA MA LTOS BAR NYIN MTSAN KHOR MO YUG TU MNYAM PAR 'JOG NUS PA'I TING NGE 'DZIN NI BRNYES, DE LA BRTEN NAS 'DOD PA'I NYON MONGS MNGON GYUR 'GO GNON NUS PA DANG, RIM GYIS SEMS DGE BA LA 'JUG MI NUS PA'I 'CHOR NGAD KYI RNAM PA SANGS TE DGE BA'I DMIGS PA LA CI 'DOD DU 'JOG NUS PA DANG, SKU LUS KYI RLUNG GNAS NGAN LEN SKYED BYED RNAMS NI 'GAGS, LUS SEMS LAS SU RUNG BA'I BDE CHEN KHYAD PAR CAN THUGS LA 'KHRUNGS ,DE'I MTHUS RI RAB SOGS LA GZIGS PA NA RDUL PHRA RAB KYANG BGRANG THUB PA LTA BU'I GSAL NYAMS KYANG BYUNG GSUNG, DE NAS RE ZHIG NA DGE 'PHEL DU BZHUGS PA'I DUS THO RANGS RJE 'DI NYID BZHUGS SA NAS KHANG PA SKYA SBREL MANG PO'I NANG GCIG NAS GCIG TU SKYA SBREL LA THOGS PA MED PAR BYON PAS RDZU 'PHRUL DE MTHONG PA KUN NGO MTSAR DU GYUR TO, ,LAN CIG BRAG G-YANG CHEN PO MIS MI THAR BA ZHIG YOD PAR RDZU 'PHRUL GYIS GSHEGS PA BRANG DPON DON BKRIS BYA BAS MTHONG NAS, CHOS RJE LAGS DE 'DRA'I LTAD MO STON PA ZHES THAL MO SBYAR NAS PHYAG 'TSAL DU BYUNG BA LA RGYAL BA DBEN SA PA CHEN POS KHYOD SU DANG NOR GANG MTHONG GSUNGS, SNGAR GYI MTHONG TSUL ZHUS PAS, NGAS BRAG G-YANG DE 'DRA LA GA LA THAR BRANG DPON RANG MIG

, ,'KHRUL BA'AM, BRAG 'DI'I GZHI BDAG JO BO BRAG DKAR BA MTHONG BA YIN YONG GSUNGS, DE NAS, DGUNG LO NYI SHU LHAG TZAM 'GRO BA'I DUS RGYAL BA G-YUNG GI SGRUB GNAS BRAG RGYA BO RDO RJE'I PHO BRANG DU DPAL GSANG BA 'DUS PA'I MAN NGAG GI GNAD PHRA MO ZHIG THUGS NYAMS SU BZHES PA LA BRTEN NAS RMAD DU BYUNG PA'I RTOGS PA KHYAD PAR CAN BRNYES TE, RGYA BOD KYI MKHAS GRUB MANG PO'I GZHUNG RNAMS DANG, RGYAL BA'I BKA' RAB 'BYAMS NGAG NAS THOGS MED DU 'DON NUS BA BYUNG STE, TSUL DE LA MKHAS GRUB SANGS RGYAS YE SHES KYIS BSNGAGS PA NI, DE NAS RING POR MA LON SKAD CIG LA, ,GRUB PA'I GNAS MCHOG RDO RJE'I PHO BRANG DU, ,NYAMS DANG RTOGS PA CHER 'BAR DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES DANG, DE NAS CHOS KUN TSIG DON THUGS CHUNG CING, ,BDE CHEN CHANG GIS MYOS PA'I DPA' BO'I GAR, ,GCIG PU'I NYAMS KYIS BSGYUR MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA LTAR RO, ,GZHAN YANG 'PHAGS PA'I YUL GYI 'PHRAL SKAD DANG, ,LEGS SBYAR GYI SKAD SOGS SKAD KYI RIGS MI 'DRA BA DU MA LA'ANG MKHYEN PA THOGS PA MED PAR GYUR TE, LAN CIG SHANGS LA 'BYON PA'I LAM KHAR RGYAL PO CHU THAGS BUD MTSAMS NA YAR LA DZO KI 'GA' ZHIG DANG 'GROGS TE AA TZA RYA'I 'PHRAL SKAD KYIS DE DAG DANG GSUNG GLENG

MDZAD PAS TSONG PA MANG PO 'DUG PA YA MTSAN DU GYUR NAS 'DUG GSUNG, YANG DUS GCIG RONG PHYOGS SU PHEBS PAS SA SKYA'I BDAG CHEN RDO RJE GLING PA DANG, BYAMS CHEN PA'I SLOB DPON MANG PO DANG, SKYED TSAL BA'I DGE BSHES 'GA' ZHIG DANG, RTA NAG PA'I LO CHEN ZER BA GCIG RNAMS KHA RU STENG DU 'TSOGS NAS SGRA'I BSHAD BA YUS YUS BYED CING DGE LDAN RNAMS KYIS SGRA MI SHES ZER ZHING GTAM MANG PO GLENG BA'I SAR RJE BLA MA NYID KYIS BYON NAS, BRGYAD STONG PA SAm SKRi TA'I SKAD DU 'DON GYIN BSHAD PA MDZAD PAS, DE DAG GI SGRA'I YON TAN GYIS GANG DU YANG MA PHYIN CING LUNG RIGS GANG GIS KYANG LAN 'DON PAR MA NUS PA NA, BDAG NYID CHEN PO 'DI'I PAn ZHVA SER PO DANG, RAS KYI CHOS GOS DANG MTHANG GOS SOGS LA DPAGS TE 'DI NI RGYA 'DRE MNGON SUM MO ZHES ZHE SDANG SHIN TU 'BAR BA'I RGYUD DANG SBYAR BA'I TSIG NGAN GYI DUG MDA' SHIN TU MI BZAD PA'I CHAR PHAB KYANG DAM PA 'DIS LAN BRGYAR GOMS PA'I BZOD PA'I GO CHA LA BRTEN PAS BA SPU'I RTZE MO TZAM YANG 'KHRUGS PA MED DO, ,DE RNAMS KYI KHROD NAS NOR BU GLING PA'I SLOB DPON NA RE, DE 'DRA MA GSUNG KHONG SKYES BU NGO MTSAR CHE PA ZHIG SNANG ZER KHONG RANG GI DKAR YOL BKRUS NAS JA'I SKAL BA DRANGS, DER RGYAL BA DBEN SA PA CHEN PO NYID GDUL BYA MA RUNGS PA DE DAG SKRAG PAR BYA BA'I PHYIR STOD NAS ME 'BAR BA DANG, SMAD NAS CHU 'KHRUG PA SOGS RDZU 'PHRUL YA MA ZUNG STON PA DANG, KHRO BO'I

, ,DBANG PO'I SKUR BZHENGS TE 'DOD NA RI RAB KYANG THAL BAR RLOG PA SOGS MTHU STOBS DANG RDZU 'PHRUL DPAG MED STON NUS MOD KYANG GDUL BYA MA RUNGS PA DE DAG NYON MONGS PA'I GDON DRAG BOS ZIN PAS RE SHIG BCOS THABS MED DE, KHO BOS JI 'DRA BA'I RDZU 'PHRUL MNGON PAR 'DU BYAS KYANG GDON DRAG PAS BRLAMS PA'I NAD PA LA SMAN GYI RIGS GANG YANG MI 'PHROD PA LTAR SKAL PA MED PA'I SKYE BO 'DI DAG LA DON DU MI 'GYUR BAR MA ZAD, LOG PAR RTOG PA 'PHEL BAR 'GYUR RO SNYAM DU DGONGS NAS GTZANG LA PHEBS SO, ,DE'I CHE GRUB CHEN CHOS RDO RJE'I 'KHOR DU GRUB PA THOB PA'I SLOB MA BCU TZAM YOD PA'I NANG NAS ,RJE 'DI NYID SRAS KYI THU BOR DGONGS SNYAN RGYUD KYI BE'U BUM DANG, SPRUL PA'I GLEGS BAM PHYAG TU GTAD DE LHA DANG BLA MA'I TSOGS KYIS LHAN CIG TU CHOS KYI RGYAL TSAB TU DBANG BSKUR TO, ,DE LTAR RGYAL BA DBEN SA PA CHEN BO LA GRUB CHEN CHOS RDO RJES 'JAM MGON BLA MA'I MDO SNGAGS KYI SNYAN RGYUD MAN NGAG YONGS RDZOGS GNANG BA'I MTHAR SPRUL PA'I GLEGS BAM PHYAG TU GTAD DE SNYAN RGYUD BSTAN PA'I BDAG POR MNGA' GSOL BA'I TSUL LAS BRTZAMS TE, MKHAS GRUB SANGS RGYAS YE SHES KYIS BSTOD PA MDZAD PA NI, GRUB BA'I DBANG POS RANG GI 'KHOR RNAMS LA, ,SGRIB MED YE SHES SPYAN GYIS BRTAGS PA NA, ,KHYOD LAS MCHOG GZHAN MA GZIGS DBEN SA PA, ,BLO BZANG

DON GRUB ZHABS LA GSOL BA 'DEBS, ,ZHES DANG, DE NAS RANG GI CHOS KYI RGYAL TSAB TU, ,DBANG BSKUR SPRUL PA'I GLEGS BAM PHYAG TU BZHAG, CHOS KYI RGYAL SRID YONGS GTAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES DANG ,DE TSE BLA MA LHA DANG SRUNG MA'I TSOGS, ,DGONGS GCIG NYID KYIS LEGS PAR MNGA' GSOL BA, ,KHAMS GSUM CHOS KYI RGYAL PO DBEN SA PA, ,BLO BZANG DON GRUB ZHABS LA GSOL BA 'DEBS, ZHES GSUNGS SO, ,DE NAS RGYAL BA DBEN SA PA CHEN POS GRUB PA'I GNAS MCHOG PADMA CAN ZHES KYANG BYA PADMA 'OD KYI GZHAL YAS ZHES KYANG BYA BA'I GNAS DER DAG PA'I 'KHOR GYI TSOGS LA CHOS KYI 'KHOR LO DANG POR BSKOR ZHING, GZHAN YANG, GRUB PA'I GNAS DU MAR SKYE BO PHAL MO CHE LA LKOG TU GYUR PA'I TSUL GYIS SKAL BA DANG LDAN PA RNAMS LA CHOS KYI 'KHOR LO DU MA BSKOR BAS, GRUB PA'I GDUNG 'TSOB BRNYES PA'I SKYE BOS GANGS KHROD KYI DBEN PA MTHA' DAG KHYAB PAR RJE NYID KYI GSUNG LAS DON GYIS 'BYUNG NGO, ,RGYAL BA DBEN SA PA CHEN POS GRUB PA'I GNAS MCHOG TU DAG PA'I 'KHOR 'GA' ZHIG LA CHOS KYI 'KHOR LO THOG MAR BSKOR BA'I TSUL LA MKHAS GRUB SANGS RGYAS YE SHES KYIS BSTOD PA MDZAD PA NI, PADMA CAN DANG DE GZHAN GRUB PA'I GNAS, ,RNAMS SU ZAB RGYAS CHOS KYI CHAR PHAB NAS, ,KUN TU GRUB PAS KHYAB MDZAD DBEN SA PA, ,BLO BZANG DON GRUB ZHABS GSOL BA

, ,'DEBS, ,ZHES GSUNGS SO, ,DE DANG DE'I SKABS RNAMS SU YANG GANG DANG GANG DU ZHABS KYI 'KHOR LO BKOD PA'I SA PHYOGS DANG, DBEN PA'I GNAS DE DANG DE DAG GI MI BSRUN PA'I GZHI BDAG RNAMS DAM LA BTAGS TE, SROG GI SNYING PO BZHES NAS SLAN CHAD DGE BA'I BAR CHAD MI BGYID PA'I BKA' YANG DAG PAR STZAL, DE YANG PADMA CAN DU PHEBS PA'I LAM KHAR SDIG PA RVA CAN LUG THONG TZAM ZHiG BDAG NYID CHEN PO LA 'JIGS PA STON PA LTAR BYED PA NA, BDAG NYID CHEN POS JI MI SNYAM PAR TING NGE 'DZIN GYIS PHYAG RGYAS BCINGS TE PHEBS PAS CHO 'PHRUL RANG ZHING SONG ,PHYIS NI GZHI BDAG DES TSUL BZHIN 'PHRIN LAS BSGRUBS TE RJE 'DI BA 'TSO BA'I CHA RKYEN GYIS GTUGS NAS GNAS DE LAS 'BYON PAR BZHED PA NA RNA RO SOGS 'TSO BA'I YO BYAD SGRUB KHANG GI NYE LOGS SU YANG YANG 'JOG PAR BYED, DE'I TSUL RIG STE GNAS 'DIR RGYUN RING NA DGE SBYOR 'PHEL YANG SEMS CAN LA GNOD PAR DGONGS NAS PHEBS, PHYIS DBEN SAR BZHUGS PA'I TSE YANG, JO MO'I GZHI BDAG DES GSA'I RNAM PAR KUN GYIS MTHONG BAR BYAS TE RJE NYID MJAL PA LA BYUNG GSUNG NGO, ,TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, SKU GSUNG THUGS KYI RNAM PA SNA TSOGS PAS, ,ZHING SKYONG GZHI BDAG TSOGS RNAMS DAM LA BZHAG, ,'GRO LA PHAN BDE RGYAS MDZAD DBEN SA PA, ,BLO BZANG DON GRUB

ZHABS LA GSOL BA 'DEBS, ZHES GSUNGS SO, ,DE NAS RGYAL BA DBEN SA PA CHEN POS RI BO DGE 'PHEL DU THOG SHAS BZHUGS, DE'I DUS SU GANG SHAR BDE STONG DU SHAR BA'I RIG PA BRTUL ZHUGS KYI SPYOD PAS DUS 'DA' BAR MDZAD PAS, BLO MIG LDONGS PA'I SKYE BO PHAL MO CHES DBEN SA SMYON PA ZHES KYANG SGROG PAR BYED PA ZHIG BYUNG NGO, ,TSUL 'DI NI RGYAL BA DBEN SA PA CHEN PO NYID KYI GSUNG LAS KYANG, BLA MA LHA LA RTZE GCIG GSOL BTAB PAS, ,YID LA GANG DRAN 'PHRAL LA LAG LEN LA, ,'GEL BA SMYON PA 'DRA BA'I SPYOD PAS NI, ,SANGS RGYAS MYUR DU SGRUB PA BDAG GI LUGS, ,ZHES DANG, DE YANG 'DI LTAR, BLA MA DANG LHAG PA'I LHA LA GSOL BA RTZE GCIG TU BTAB NAS, DGE BA'I RNAM RTOG RNAMS LTA CI SMOS, YID LA SKYES SHING GANG DRAN PA'I 'DOD CHAGS SOGS MI DGE BA'I RNAM RTOG RNAMS KYANG BLA NA MED PA'I BYANG CHUB THOB PA'I RGYU DANG THABS SU BSGYUR NAS 'PHRAL LA DRAN PA 'PHRAL LA LAG LEN LA 'GEL BA'I NYAMS LEN LA BRTZON PAR BYAS PAS, DENG SANG GI MI PHAL CHE BA RNAMS KYIS BLTA BA DANG NYAN PA'I NGOR YID LA GANG DRAN LAG LEN LA 'GEL BA'I SMYON PA 'DRA BA'I SPYOD PA ZHIG NI YONG BAR 'DUG NA'ANG ,'GRO BA'I DON DU GO 'PHANG MCHOG DAM PA SANGS RGYAS MYUR BA MYUR BA NYID DU SGRUB PAR BYED PA'I CHOS LUGS MCHOG DAM PA 'DI NI BDAG BLO BZANG DON GRUB KYI LUGS SO, ,ZHES DANG ,BLA MA LHA LA RTZE GCIG GSOL BTAB NAS, ,GANG BYUNG RKYEN RNAMS

, ,PHAL CHER DGE SBYOR GYI, ,GROGS SU 'CHAR PHYIR SMYON SPYOD LA GNAS NAS, ,DBEN PAR GCIG PUR SDOD PA KHO BO'I LUGS, ,ZHES GSUNGS PA LTAR, RKYEN BZANG NGAN GANG BYUNG LA THOG BRDZIS SU BYAS NAS 'OG GNON PAR MDZAD DE BKA' LAS, YANG NA NI CHOS BRGYAD 'DI 'GO GNON NUS PA CIG DGOS PAR 'DUG ,YANG NA NI CHOS BRGYAD 'DI LAM DU 'KHYER NUS PA CIG DGOS PAR 'DUG ,DE LA YANG MA NOR BAR 'KHRID PA'I BSHES GNYEN ZHIG GIS ZIN DGOS PAR 'DUG GSUNG, DE DAG GI TSE RGYAL BA DPEN SA PA CHEN PO NYID BLA MA LHA'I RNAL 'BYOR LAM GYI SROG SHING DU BYAS TE MDO SNGAGS KYI GNAD THAMS CAD BSDUS PA'I LAM GYI SNYING PO THUGS NYAMS SU BSTAR BAR MDZAD PAR SNANG STE, GSUNG LAS, 'JAM DBYANGS BLA MA'I ZHABS LA PHYAG 'TSAL LO, ,DE LTA NA, LAM THUN MONG BA LA SBYANGS NAS RGYUD 'OS SU GYUR PA NA BLA MA MNYES PAR BYAS NAS RNAM PAR DAG PA'I DBANG LAM ZAB MO'I RTEN DU BSGRUB PAR NUS NGOS SHES PA BLANGS NAS DAM TSIG DANG SDOM PA BZUNG, DE NAS, SKABS DE DANG GZHAN DU BLANGS PA'I SDOM PA GSUM LA GCES SPRAS SU BYAS TE TSUL BZHIN DU BSRUNG BA GZHIR BZHAG NAS THUN BZHI'I RNAL 'BYOR GYIS RIM PA DANG PO BSNYOMS LA RDZOGS RIM GYI RTOGS PA KHYAD PAR CAN SKYE BA'I DGE BA'I RTZA PA SMIN PAR BYAS, DE NAS RDZOGS PA'I RIM PA KHYAD PAR CAN RIM GYIS BSKYED NAS ZUNG 'JUG GI SKU BSGRUBS NA MDO SDE DANG RGYUD SDE

MTHA' DAG GI GNAD RNAMS GANG ZAG GCIG 'TSANG RGYA PA'I CHA RKYEN DU GYUR PA LA NGES PA RNYED NAS, THUB PA'I BSTAN PA YONGS SU RDZOGS PA RANG GIS 'DZIN CING GZHAN LA SPEL NUS PA YIN NO, ,DHARM'A BADZRA GYI GSUNG RGYUN BLO BZANG GIS YI GER BKOD PA'O, ,ZHES GSUNGS TE, GZHAN DAG LA 'DI LTAR GYIS SHIG CES GO BAR MDZAD PA'O, ,YANG DE'I TSE PHYI RABS KYI GDUL BYA RNAMS LA 'DOMS PA'I PHYIR DGE SBYOR RGYEN DBANG DU MI GTANG BAR PHYOGS BCU'I RGYAL BA SRAS BCAS DPANG DU BZHAG STE MKHYEN PAR GSOL NAS LAM CHA TSANG LA SGRUB PA MTHAR PHYIN PAR MDZAD PA'I DAM BCA' 'DI LTAR MDZAD DE, NA MO GU RU BUDDHA BO DHI SATVA BHYA: GANG ZHIG CUNG ZAD YID LA DRAN PAS KYANG, ,DNGOS GRUB THAMS CAD DA LTA STZOL MDZAD PA'I, ,BLO BZANG GRAGS DANG THUB DBANG SPYAN RAS GZIGS, ,'KHOR BCAS RNAMS KYI 'DRA 'BAG DRUNG NYID DU, ,'KHOR BA'I SNANG TSUL RAB TU MTHONG NAS NI, ,TSE 'DI NYID LA SANGS RGYAS SGRUB 'DOD PA'I, ,BLO BZANG DON GRUB CES PA'I BTZUN PA NGAS, ,DGE 'PHEL RI BO'I RTZE NAS 'DI SKAD ZHU, ,SNGA SOR KHYED RNAMS DRUNG DU BDAG GI SU, ,TSE 'DIR GLO BUR BYA BA NGAN PA RNAMS, ,SPANGS TE SNYING NAS DAM CHOS SGRUB BYED PA'I, ,YID KYI DAM BCA' MANG PO BLANGS NA YANG, ,TSE 'DI'I 'KHRI BA PHRA MO MA CHOD PAS, ,YID DAM BCAS PA RNAMS LAS CUNG ZAD TZAM, ,'GAL BAR GYUR RNAMS BSHAGS PAS BZOD PAR MDZOD, ,SLAR YANG KHYED RNAMS DGYES PA BSKYED PHYIR DU,,

, ,TSOGS GNYIS BSAGS PA'I DGE SLONG BLO BZANG BDAG ,DGA' BDE LDAN PA'I NGANG NAS 'DI SKAD DU, ,NGO MTSAR LEGS BYED GTAM 'DI 'BUL BAR BYA, ,NGA NI LOG BA'I LAM DU 'KHRID PA'I RGYU, ,GNYEN DANG 'KHOR G-YOG GROGS DANG LONGS SPYOD DANG, ,TSE 'DIR DON MED BYA BA NGAN PA RNAMS, ,SPANGS NAS CHAGS SPANG MED PA'I DBEN GNAS SU, ,THAMS CAD MKHYEN PA'I LAM DU 'KHRID PA'I RGYU, ,GNYEN DANG 'KHOR G-YOG GROGS DANG LONGS SPYOD DANG, ,BCAS TE GTAN GYI MDUN MA BSGRUB PHYIR DU, ,CHOS KYI BYA BAS RGYUN DU 'DA' LAGS SO, ,ZHES DAM BCA' MDZAD DO, ,YANG DUS LAN CIG GI TSE RANG GIS RANG LA BSKUL BA 'DI LTAR MDZAD DE, SANGS RGYAS LAS KYANG DKON PA'I GDAMS PA MCHOG ,RNYED PAR DKA' BA RDO RJE THEG PA'I LAM, ,LAM 'DI PHYIS NAS RNYED PAR DKA' BAS NA, ,TSE 'DI'I 'DOD YON THED LA BOR MDZOD LA, ,RGYAL BAS BSNGAGS PA'I RI KHROD STONG BA RU, ,BSE RU BZHIN DU GCIG PUR GNAS MDZOD LA, ,LAN CIG MIN PAR YANG YANG SGOMS SHIG AANG, ,DE LTAR BSGOMS PAS BLO GROS BZANG PO KHYOD, ,SGRUB PA'I RGYAL MTSAN RTAG TU TSUGS SHIG AANG, ,KHYAD PAR PHA RGYUD GSANG BA 'DUS PA DANG, , RNAL 'BYOR MA RGYUD 'KHOR LO SDOM PA GNYIS, ,'BRAL BA MED BAR LUS LA STIMS SHIG AANG, ,ZHES PA'ANG GSUNGS SO, ,GNAS DER STON GYI RING LA BLA MA MGON PO'I SGRUB PA ZHIG MDZAD NAS, SKU KHAMS SENG BA'I PHYIR

GZIM KHANG GI STENG DU PHEBS PA NA, STON GYI MDZES MA LANG TSO DAR LA BAB PAS PHYOGS THAMS CAD MI GTZANG BA'I RDUL DANG BRAL TE DRI ZHIM POS BSGOS PA'I BSIR BU BSIL BA'I NGAD NI DAL BUS LDANG, YUL LJONGS PHAL CHER NI GSER GYI KHU BA DANG 'DRES PA'I RIN PO CHE MAR GAD KYI MDANGS NYE BAR 'DZIN, NAM MKHA'I DKYIL 'KHOR NI 'GA' ZHIG SPRIN GYI BLA BRES G-YOGS SHING PHAL CHER BEEd'URYA LTAR RAB TU DVANGS, KHYAD PAR PA SNAM JO MO LHA RI'I PHYOGS KYI STENG GI NAM MKHAR SPRIN DANG NA BUN CHU YI LCID KYIS LHAG PAR NON PA DNGUL CHU'I MDOG LTA BU ZHIG LDING ZHING, RI BO'I RTZE MOR CUNG ZAD CHAGS PA GZIGS PAS RKYEN BYAS TE, BYA BRAL THAMS CAD MKHYEN PA DHARM'A BADZRA DE NYID DUS DAL JO MO LHA RI'I GNAS NA SKU 'JA' LUS RDO RJE'I SKU BRNYES SHING, THUGS ZAB YANGS BDE STONG GI ROL PA LAS G-YEL BA MED PAR, GSUNG RIM GNYIS ZAB MO'I SGRA DBYANGS SGROGS BZHIN PAR, SPYIR GANGS CAN GYI 'GRO BA MTHA' DAG GI DPAL DU BZHUGS, KHYAD PAR BDAG NYID RJE RGYAL BA GNYIS PA'I BKA' RGYUD ZAB MO'I DON CI DGAR NYAMS SU BLANGS PAS CHOG CING CHOS LA BLO KHA PHYOGS NAS NYAMS LEN GYI GNAD LA NGES PA CUNG ZAD THOB PA 'DI YANG RJE BTZUN DAM PA 'DI'I BKA' DRIN YIN SNYAM DU DAD PA TSAD MED 'KHRUNGS TE MGUR 'DI GSUNGS SO, ,NA MO GU RU MAH'A K'A L'A YA, RJE SPYI GTZUG SENG GE'I KHRI STANGS SU, ,GDAN NYI ZLA PADMA'I DBUS BZHUGS LA, ,THUGS BRTZE BA CHEN POS

, ,NYER DGONGS NAS, ,MCHOG THUN MONG DNGOS GRUB STZAL DU GSOL, ,'BRU RTZI THOG RGYAS PA STON GYI DUS, ,DGUNG BEEd'URYA LTAR DVANGS PA'I 'O GA ,RLANGS NA BUN DNGUL GYI MDOG 'DRA BA, ,'DI MTHONG BA'I MOD LA BLA MA DRAN, ,LUS NYI KHRI CHIG STONG BA SPU G-YOS, ,MIG BKA' DRIN DRAN PA'I MCHI MAS BRLAN, ,NGAG SKAD GSANG MTHON POS GSOL BA 'DEBS, ,BDAG LUS NGAG YID GSUM BYIN GYIS RLOBS, ,MTSAN DRAN THOS 'GAL RKYEN SEL BA LA, ,DPAL MGON PO MCHOG DANG DBYER MED PA'I, ,DUS DA LTA MTSAN LDAN BLA MA DE, ,LHA JO MO LHA RI'I GNAS MCHOG NA, ,SKU 'JA' LUS RDO RJE 'DZIN PA'I TSUL, ,GSUNG RIM GNYIS ZAB MO'I DGA' STON 'GYED, ,THUGS ZAB YANGS BDE BA CHEN PO'I NGANG, ,SPYIR GANGS CAN SKYE 'GRO'I DPAL DU SHAR, ,SGOS SNYOMS LAS CAN GYI BLO BZANG BDAG, CHOS MDO RGYUD ZAB MO KUN GYI DON, ,RANG CI DGAR SPYAD PAS CHOG PA 'DI, ,RJE KHYED KYI BKA' DRIN CHE LAS THOB, ,NGA'I GSUM LDAN BLA MA 'GRAN ZLA MED, ,YID BKA' DRIN DRAN PAS GSOL BA 'DEBS, ,TSE 'DI LA RIM GNYIS RNAL 'BYOR GYIS, ,RGYUD SMIN CING GROL BAR BYIN GYIS RLOBS, ZHES GSUNGS SO, ,DE NAS YE SHES KYI MKHA' 'GRO MAS SANG NYIN GRUB CHEN DPAL 'BRAS RDO RJE'I SKYE BA PAndI TA ZHIG DANG 'PHRAD PA YONG PAS DE LA MAN NGAG RNAMS MA GSANG BAR STON ZHES LUNG BSTAN PA BZHIN BKRA SHIS LHUN

BOR KUN MKHYEN LEGS PA DON GRUB DANG ZHAL 'DZOM, PHAN TSUN DU LUNG RTOGS KYI YON TAN KHYAD PAR CAN MNGA' BA'I STOBS KYIS THUGS YID GCUGS PAR GYUR, KUN MKHYEN CHEN POS BSKUL NAS GSANG 'DUS DANG 'JIGS BYED KYI KHRID LAG RJES KYI RTZOM PA YANG MDZAD, 'PHRIN LAS CHE BA YONG BAS SBYAR BYANG KUN MKHYEN GYIS MDZOD GSUNGS MDZAD DO, ,DE DUS PHYI LTAR KUN MKHYEN GYIS MDZAD PAR GRAGS KYANG NANG LTAR RJE 'DI NYID KYIS MDZAD PA YIN, DENG SANG NI DPEN SA BKA' 'BUM GYI NANG NYID DU BZHUGS PA YONGS SU GRAGS PA LTAR RO, ,DE'I DUS GZIM KHANG SER POR, GDOD NAS DAG PA'I CHOS DBYINGS NAM MKHA' LA, ,SNA TSOGS RTEN 'BREL SPRIN PHUNG CI YANG BKRA, ,RNAM DAG RIGS PA'I RLUNG GIS DPYAD PA NA, ,SLAR YANG KUN GSAL NYID DU THIM PAR 'GYUR, ,ZHES SOGS LTA BA'I MGUR YANG MANG DU BZHES SO, ,MDOR NA RGYAL BA DBEN SA PA CHEN PO DANG KUN MKHYEN LEGS PA DON GRUB GNYIS THUGS YID GCIG TU 'DRES PA LTAR GYUR TE, TSUL DE LA MKHAS GRUB SANGS RGYAS YE SHES KYIS BSTOD PA MDZAD PA LAS, LUNG BSTAN BRNYES PA MKHAS PA'I DBANG PO DANG, ,THABS SHES ZUNG DU 'BREL BA'I RTEN 'BREL GYIS, ,BSTAN PA'I SNYING PO GSAL MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSANGS PA LTAR RO, ,DE'I TSE RGYAL BA DBEN SA PA CHEN POS YE SHES MKHA' 'GROS LUNG BSTAN PA LTAR, RJE RIN PO CHE LA MGON PO 'JAM DPAL

, ,DBYANGS KYIS GNANG BA'I SNYAN RGYUD KYI MAN NGAG THUN MONG MA YIN PA RNAMS DANG SPRUL PA'I GLEGS BAM CHEN MO LAS SKABS SU BAB PA 'GA' ZHIG KUN MKHYEN LEGS PA DON GRUB LA GNANG STE, DENG SANG DBEN SA BKA' 'BUM NA BZHUGS PA'I LUNG BSTAN GSANG BA'I ME LONG GI DUM BU YI GER 'KHOD PA 'DI DAG KYANG DE DUS KUN MKHYEN LEGS PA DON GRUB LA GNANG BA DANG RJES SU MKHAS GRUB SANGS RGYAS YE SHES LA GNANG BA DAG LAS MCHED PAR MNGON NO, ,DE NAS DGUNG LO SO GSUM LA BAB PA DGUN ZLA RA BA'I TSES BRGYAD LA, DPAL LDAN 'BRAS SPUNGS KYI CHOS GRVA CHEN POR 'BROM STON RGYAL BA'I 'BYUNG GNAS SLAR YANG BYON PA THAMS CAD MKHYEN PA DGE 'DUN RGYA MTSOS MKHAN PO DANG, 'DUL BA'I SLOB DPON LHA DBANG RIN CHEN PAS LAS SLOB DANG, 'BRAS SPUNGS BYANG 'DREN CHEN MOS GSANG STON MDZAD DE, DAD PA'I DGE 'DUN GRANGS TSANG BA LAS BSNYEN RDZOGS KYI SDOM PA BZHES TE SO SOR THAR PA'I DBANG DU BYAS PA'I LHAG PA TSUL KHRIMS KYI BSLAB PA LHA'I CHU BOS THUGS KYI BUM BZANG YONGS SU GANG, DE NAS BZUNG STA RANG BZHIN GYI NYES PAS GOS PA GA LA ZHIG ,BCAS PA'I CHA SHAS PHRA MO TZAM YANG SROG GI DBANG PO LAS GCES PAR BSRUNG BAR MDZAD DO, ,DE YANG GANGS RI'I KHROD KYI GRUB THOB TU GRAGS PA PHAL MO CHE RJES 'BRANG DANG BCAS PA NI RAB TU BYUNG BA'I RTAGS DANG CHA BYAD CHOS GOS GSUM SOGS 'CHANG BA DANG, CHANG DANG PHYI DRO'I KHA ZAS

SPANGS TE CHAB LEN PA DANG, RUNG CHU 'DEBS PA DANG, BYIN LEN BYED PA SOGS RGYAL BAS JI LTAR BCAS PA RNAMS TSUL BZHIN DU BSGRUB PA DAG MTHONG BA NA, TSAM TSOM MED PAR THEG PA DMAN PA'I NYAN THOS DBANG RTUL LO, ,ZHES LUG LTAR RMONGS PA'I KHYU CHEN PO'I DBUS SU SKAD GSANG MTHON POS SGROG PAR BYED CING, LAS NGAN PA'I MTHUS BCOM ZHING NYON MONGS PA'I GDON GYI DBANG DU SONG BA GZHAN NGAG NI ZHE SDANG GI SREG ZAS YID KYI BUD SHING KUN TU 'BAR BAR BYAS TE, DGE 'DUN GYI SDE RIS SU BCAD NAS YANG DAG PA MA YIN PA'I CA CO RGYUN MAR BSGRAGS NAS, RANG NYID DE BZHIN GSHEGS PAS GSUNGS PA'I CHOS 'DUL BA'I SPYOD TSUL LAS BSAMS BZHIN DU BRGAL BA LA DPA' BAR BYAS TE BLA NA MED PA'I LAM MTHON PO LA REG PAR SEM ZHING, SKYE BO PHAL CHER YANG DE LTA BU'I SPYOD TSUL LA MGU MOD, BDAG NYID CHEN PO 'DI NI GRUB PA'I GO 'PHANG MTHON POR GSHEGS KYANG BSTAN PA'I RTZA BA SO SO THAR PA NYID RGYAL BAS GSUNG DBYANGS MTHON POS MDO RGYUD DU MAR RGYA CHER BSNGAGS SHING MKHAS GRUB TSAD LDAN RNAMS KYIS KYANG DGONGS PA GCIG DANG DBYANGS GCIG GIS BSNGAGS PA THUGS LA BCAGS TE, JI SRID 'CHO'I BAR DU LTUNG BA PHRA MO'I RNYOG PAS KYANG GOS PA MED PAR BSRUNG BAR MDZAD DO, ,DE NAS RGYAL BA DBEN SA PA CHEN POS LHA SAR PHEBS TE JO BO RNAM GNYIS KYI DRUNG DU BSTAN PA DANG 'GRO BA'I PHAN BDE RGYAS PA'I SMON LAM YANG DAG PAR MDZAD, KA BA SHING LO CAN NAS BKA' CHEMS

, ,BKA' KHOL MA DE BTON NAS GZIGS GRABS SHIG MDZAD, 'ON KYANG DGOS PA LHAG PO MI 'DUG PAS BZHAG GSUNG, DE NAS NUB GCIG MNAL LAM DU 'DUL 'DZIN SH'AKYA BSHES GNYEN YIN ZER BA'I RNAL 'BYOR PA SMUG NAG DOM LPAGS KYI SHAM THABS CAN ZHIG GIS, 'JAM DBYANGS ME TOG GSAL BAR BYE BA GSUM GTAD NAS, NYID KYI DON LEGS PAR GRUB PAS GTZANG LA SONGS ZER NAS MI SNANG BAR GYUR TO, ,NANGS PAR DGE LDAN RA SGRENG SOGS MJAL BAR CHAS PA LAM LAM BAR DU BSNYEL GZHI SHIN TU DRAG PA CIG BYUNG BAS, MDANG GI RMI LAM DANG MTHUN PAR DA RES MA PHYIN PA LEGS BAR 'DUG SNYAM STE LDOG PAR BRTZAMS PA NAS SKU KHAMS RANG DNGAS BYUNG NGO, ,DE NAS SE RA THEG CHEN GLING DU PHEBS TE THAMS CAD MKHYEN PA DGE 'DUN RGYA MTSO'I DRUNG DU GRUB RGYAL LUGS KYI TSE KHRID DANG, CHE DBANG, SO THAR GYI MDO DANG CHOS SGRAGS KYI MDO, THAMS CAD MKHYEN PA RANG NYID KYI GSUNG 'BUM THOR BU'I LUNG TSANG MA GSAN SLAR GTZANG PHYOGS SU ZHABS KYI 'KHOR LO BKOD DE, DGE 'PHEL MKHAN PO LEGS PA'I BLO GROS PA LA SMYUNG GNAS KYI CHO GA'I LUNG, YI DAM GYI SNGAGS BTU'I RJES GNANG, BLA MA MGON PO DBYER MED KYI RJES GNANG, SMAN BLA'I LUNG SOGS CHOS BKA' CI RIGS PA GSAN NO, ,GZHAN YANG ,DE DAG GI SKABS SHIG TU GSER SDINGS SU PHEBS, PAn CHEN BYANG CHUB BLO GROS LA DPAL GSANG BA

'DUS PA'I RTZA RGYUD SGRON GSAL CHA LAG DANG BCAS PA SOGS 'DUS PA 'PHAGS PA'I SKOR GYI GDAMS PA CHA LAG DANG BCAS PA RDZOGS PAR GSAN NO, ,DE DUS GNAS RNYING YOL DU MNGA' RIS LO CHEN RNAM RGYAL BA LA SBA BZHI'I GDAMS PA DANG BDE MCHOG GDAN BZHI LA SOGS PA MA RGYUD LA BRTEN PA'I ZAB MO'I GDAMS PA MTHA' YAS PA GSAN CING, BLA MA 'DI KHA CHE KHRI GDAN DU SLOB DPON RDO RJE DRIL BU PA'I DNGOS SLOB MCHOG GI DNGOS GRUB BRNYES PA ZHIG DANG MJAL NAS RJES SU BZUNG ZHING; KHYAD PAR RGYAL BA TZONG KHA PA'I ZHAL MNGON DU GYUR NAS GDAMS PA MTHA' YAS PA THOB PA'I RNAL 'BYOR GYI DBANG PHYUG ZHIG GO ,GZHAN YANG DGOS PA KHYAD PAR CAN LA DGONGS NAS MKHAS BA DANG GRUB PA'I BLA MA DU MA ZHIG LAS KYANG ZAB PA DANG RGYA CHE BA'I GDAMS PA SNA TSOGS PA GSAN PAS LUNG GI BSTAN PA MTHA' DAG GI BDAG POR GYUR TO, ,DE LTAR RGYAL BA DBEN SA PA CHEN PO SBYIR BSTAN PA YONGS RDZOGS KYI BDAG POR GYUR CING, KHYAD PAR RJE BTZUN 'JAM DBYANGS KYIS RGYAL BA TZONG KHA PA CHEN PO LA DNGOS SU GNANG BA'I SNYAN RGYUD KYI MAN NGAG YONGS SU RDZOGS PA'I MDA' BDAG GCIG PUR GYUR PA NI RANG NYID KYIS KYANG ZHAL GYIS BZHES TE, RGYAL BA DBEN SA PA CHEN PO NYID KYIS GSUNG LAS, 'JAM PA'I DBYANGS KYI SRAS KYI THU BO MCHOG ,BLO BZANG GRAGS PA ZHES PA'I BLA MA DE'I, ,GSUNG GI SNYING PO SNYAN RGYUD 'DZIN PA NI, ,DENG SANG DUS NA KHO BO TZAM DU BAS, ,ZHES GSUNGS PA LTAR RO, ,MDOR NA DGUNG LO BCU BDUN NAS BZHI BCU ZHE GNYIS KYI BAR DU,

, ,BRAG RGYA RDO RJE'I PHO BRANG, DBEN SMAR STAG GZIG GLAN CHEN, KO BRAG ,KHYAD PAR PA SNAM JO MO LHA RI LA SOGS PA'I RI KHROD RNAMS SU SGRUB PA SNYING POR MDZAD DE, CHOS RJE NGAG DBANG GRAGS PA LA GNANG BA'I BKA' SHOG TU, BDAG KYANG ZLA RE ZLA GNYIS MA SHIN, SKYE BA 'DI'I PHYI MA'I MDUN MA ZHIG DANG, LO RE LO GNYIS MA SHI NA SKYE BA GTAN GYI MDUN MA ZHIG RKANG TSUGS SU BYED DGOS SNYAM PA'I BSAM PAS, RANG LO BCU BDUN NAS BZUNG DA BAR THEG PA MCHOG GI BRTUL ZHUGS LA GNAS PA'I RGYA BOD KYI MKHAS GRUB PHAL CHE BA RNAMS KYI GSUNG GI SNYING PO DON GYI GDAMS PA CIG NYAMS SU LEN PA'I DRAN 'DUN DANG MA BRAL BA YOD LAGS ZHES 'BYUNG ZHING, DE LTAR SGRUB PA YUN RING LA SHUGS DRAG POS GO 'PHANG JI LTA BU BRNYES PA YANG, NYID KYI GSUNG LAS, GANGS CAN LJONGS KYI SKAL LDAN MCHOG ,BLO BZANG DON GRUB CES PAS KYANG, ,LAM MCHOG 'DI NYID NYAMS BLANGS PAS, ,TSE 'DI NYID LA SANGS RGYAS THOB, ,CES GSUNGS TE, BSAM GYIS MI KHYAB PA'I RNAM THAR RO, ,DE NAS SKU TSE JI SRID PAR SKYE BO PHAL MO CHES MTHONG BA DANG THOS PA'I YUL LAS 'DAS PA DBEN PA NAS DBEN PA'I GNAS CHEN DAG TU RGYU ZHING GNAS PAR BYA'O SNYAM DU DGONGS PA LAS, DUS RE ZHIG GI TSE DBEN PAR THUGS DAM LA MNYAM PAR BZHAG PA'I THO RANGS ZHIG ZIL DANG 'UR CHOM SHIN TU CHE BA'I NGANG NAS SKU RGYAB KYI MGON PO'I BRIS SKU DES GSUNGS SNYAM PA LA,

NYI SHU RTZA BZHI'I MKHA' 'GRO'I GTZO, ,DPA' BO CHEN PO 'DIR BZHUGS LA, ,CHU SKYES KHONG PA'I PAD DKAR BZHIN, ,SBAS PA'I TSUL GYIS BYIN GYIS RLOBS, ,ZER BA ZHIG BYUNG GSUNGS, DE LTA BU'A MGON PO'I BRIS SKU BYIN RLABS CAN DE YANG DBEN DGON GYI MGON KHANG NA BZHUGS SO, ,DE LTAR LHA DANG BLA MAS LUNG BSTAN BA LA BRTEN NAS DBUS RI'I RTZER DBEN DGON BTAB NAS, MDO KHAMS, MNGA' RIS, DBUS GTZANG SO SO NAS DAD 'DUS KYI SKAL BA DANG LDAN PA'I GDUL BYA'I TSOGS RNAMS LA ZAB PA DANG RGYA CHE BA'I CHOS KYI 'KHOR LO BSKOR BAR MDZAD DO, ,DE'I TSE YANG GDUL BYA'I TSOGS RNAMS KYIS DAD PAS KUN NAS BSLANGS PA'I MCHOD PA DANG ZANG ZHING GI BSNYEN BKUR GYI TSOGS RGYANG RING BO DAG NAS KYANG DAM PA 'DI'I DRUNG DU NYE BAR LHAGS SHING SPYAN LAM DU BABS PA DAG KYANG BDAG GIR YONGS SU BZUNG BA GCIG KYANG MA MDZAD PAR GRAGS TE, NYID KYI GSUNG LAS, SNGON DUS KYI MI LA RAS PA DANG, ,DA DUS KYI BLO BZANG DON GRUB LA, ,'PHRAL CHAS KYI ZAS GOS MA GTOGS PA, ,NOR DNGOS PO'I 'DZIN PAS DGOS PA MED, ,TSE GCIG LA SANGS RGYAS BSGRUB PA LA, ,DE 'DRA YI SBYOD LA LEGS GNAS NAS, ,CHAGS SDANG SPANGS PA'I DBEN GNAS SU, ,DAL 'BYOR LA SNYING PO LEN PAR SHOG ,CES GSUNGS PA LTAR RO, ,DE LTAR RGYAL BA DBEN SA PA CHEN POS RNAL 'BYOR GYI DBANG PHYUG MI LA RAS PA SLAR YANG 'JAM MGON BLA MA'I BSTAN PA SPEL BA'I PHYIR SKRA BCAD DUR SMIG GI NA BZA' GSOL BA SOGS RAB

, ,TU BYUNG BA'I RTAGS CHA LUGS BZUNG STE BYON PA JI LTA BAR CHOS BRGYAD TSE 'DI'I 'KHRI BA PHRA MO TZAM YANG MED PAR, GSANG BA 'DUS PA'I RTZA RGYUD LAS, DGON PA CHEN PO'I SA PHYOGS SU, ,ME TOG 'BRAS BU SOGS KYIS BRGYAN, RI BO DBEN PA'I SA PHYOGS SU, ,DNGOS GRUB THAMS CAD BSDUS PA BSGRUB, ,CES GSUNGS PA LTAR, SNGON BYON DAM PA'I BSTI GNAS 'DU 'DZIS DBEN PA'I GRUB PA'I GNAS MCHOG DAG TU MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA MTHAR PHYIN PAR MDZAD DE, LAM THUN MONG BA'I DES 'BYUNG, BYANG CHUB KYI SEMS ,YANG DAG PA'I LTA BA RNAMS LA MYONG BA MTHAR PHYIN TE RGYAL SRAS KYI SPYOD BA RGYA MTSO'I PHA ROL TU SON, SNGAGS KYI DAM TSIG DANG SDOM PA RNAM PAR DAG PA BSRUNGS TE LAM RIM GNYIS LA BSLABS PAS RIM PA DANG PO'I RNAL 'BYOR MTHAR PHYIN TE GANG SHAR LHA'I RNAM ROL TU 'CHAR ZHING, ZAB GSAL GNYIS MED KYI RNAL 'BYOR MTHAR PHYIN TE RANG DANG GZHAN GYI TSE RABS BRGYA STONG DRAN TE RANG GI SKU TSE SNGA MA'I 'KHRUNGS RABS DAG PA'I 'KHOR LA GSUNGS PA NI, GAD GIS KHYOD KYI MTSAN TZAM DRAN PAS KYANG, ,'DI PHYI'I LEGS TSOGS THAMS CAD CIG CAR DU, ,STER MDZAD BLA MA THUB PA'I DBANG PO LA, ,RTAG TU GUS PA'I YID KYIS PHYAG 'TSAL LO, ,BDAG CAG THAR LAM BGROD PA'I GCOR GYUR PA, ,THAG CHEN BSTAN PA 'DZIN PA'I NYAN THOS SU, ,LEGS GYUR THUB PA CHEN

PO'I NYAN THOS KYI, ,RTOGS PA'I MCHOG TU GYUR PA YIN SNYAM YOD, ,DE NAS DA BAR BYANG CHUB SPYOD PA YI, ,DAL 'BYOR RTEN BZANG LEGS BAR THOB GYUR NAS, ,NGAN SONG GSUM SOGS SDUG BSNGAL RAB SPANGS NAS, ,LTA SPYOD LDAN PA'I NGAL 'BYOR THOB BAM SNYAM, BDAG GI LUS NGAG YID GSUM 'DI DAG NI, ,RGYAL BA THAMS CAD 'DUS PA'I SKU YI MCHOG ,THUB DBANG RDO RJE 'CHANG DU LEGS MTHONG NAS, ,DAD PA'I SPU LONG LEGS PAR G-YOS GYUR CING, ,NYIN MTSAN KUN TU GSOL BA 'DEBS PA DANG, SHUGS DRAG DAD PAS YAN LAG BDUN PAR NI, ,JI SRID BYANG CHUB BAR DU BRTZON PAR SHOG ,'DI YI DGE BAS BDAG GZHAN 'GRO BA KUN, ,'OG MIN MKHA' SPYOD DGA' LDAN BDE BA CAN, ,MNGON DGA' LA SOGS DAG PA'I ZHING KHAMS SU, ,MYUR BA MYUR BAR LEGS PAR SKYE BAR SHOG, BDAG LA LEGS PAR DAD PA'I SKYES BU RNAMS, ,CHO YI MTHAR YANG RGYAL BA 'OD DPAG MED, ,'KHOR DANG BCAS PA MTHONG NAS DE MA THAG, BU BU BDE BA CAN DU 'GRO'O ZHES, ,MTHAR THUG GSUNG GI GNANG BA THOB PAR SHOG ,SANGS RGYAS KUN GYIS GSUNGS BA'I THEG PA MCHOG ,HE RU KA BA LA SOGS YI DAM LHA'I, ,RIM GNYIS CHA LAG BCAS PA'I RTOGS PA RNAMS, ,TSE 'DI NYID LA MNGON DU RAB GYUR NAS, ,'GRO KUN BDE CHEN GNAS LA 'GOD BAR SHOG ,THUB DBANG RDO RJE 'CHANG DANG TZONG KHA PA, ,YID LA GANG 'DOD DNGOS GRUB MA LUS PA, ,STZOL MDZAD RTZA BRGYUD BLA MA'I TSOGS RNAMS DANG, ,PHYAG DRUG

, ,MGON PO LA SOGS BSTAN SRUNGS KYIS, ,'DI PHYI'I LEGS TSOGS THAMS CAD CIG CAR DU, ,LEGS PAR 'GRUB PAR BYED PA'I BKRA SHIS SHOG ,CES GSAL BAR GSUNGS, RDZU 'PHRUL LA MNGA' BRNYES TE SA RDO RI BRAG LA THOGS PA MED BA DANG NAM MKHA' LA 'PHUR BA SOGS KYI RDZU 'PHRUL BSTAN PA 'GA' ZHIG NI SNGAR BRJOD ZIN PA LTAR RO, ,BDE GSANG 'JIGS GSUM GYI RDZOGS RIM DANG, BLA MED KYI RDZOGS RIM MTHA' DAG GI GNAD BSDUS PA N'A RO CHOS DRUG GI NYAMS LEN MTHAR PHYIN TE 'KHOR LO GSUM GYI RTZA MDUD GROL NAS RGYAL BA'I BKA' RNAMS SAm SKRi TA'I SKAD DU 'DON PA SOGS LA THOGS PA MED PA SNGAR BRJOD ZIN PA LTAR DANG, GTZO BOR SEMS DBEN DANG SGYU LUS 'OD GSAL GYI RIM PA RNAMS MTHAR SON TE ZUNG 'JUG GI GO 'PHANG BRNYES PA NI 'JAM MGON SNYAN RGYUD 'DZIN PA'I SKYES BU DAM PA GONG MA RNAMS LA YONGS SU GRAGS TE, SKU GSUM GO 'PHANG MNGON GYUR DBEN SA BA, ,ZHES 'JAM MGON BSTAN PA 'DZIN PA'I SKYES BU DAM PA THAMS CAD MTHUN PAR SGROGS PA LTAR RO, ,DE LTAR RANG GIS RTOGS BA MCHOG BRNYES NAS SKAL BA DANG LDAN BA MTHA' YAS BA LA CHOS KYI BDUD RTZI STZAL BAS NA RGYUD 'DZIN GYI SLOB MA YANG MTHA' YAS PAS MTHA' DAG BAR SU ZHIG GIS BRJOD PAR NUS, GTZO BO 'GA' ZHIG BRJOD NA YE SHES MKHA' 'GROS LUNG BSTAN PA'I SKYE BA BDUN PA GRUB PA'I SKYES BU KUN MKHYEN LEGS PA DON GRUB LA'ANG RNAL

'BYOR BLA MED KYI KHRID LAG RJES THUN MONG MA YIN PA'I GDAMS PA MA LUS PA STZAL, BYANG STON SMRA BA'I DBANG PO BSAM GTAN 'OD ZER, ,KUN MKHYEN SHES RAB DPAL BA'I GDAN SA PA MDO BRJOD RJE BLO GROS RNAM RGYAL PA, CHOS RJE DGE LEGS RNAM RGYAL BA, ZHAL SNGA NAS SANGS RGYAS RGYAL MTSAN PA, CHOS RJE NGAG DBANG GRAGS PA SKU MCHED, KONG STON CHOS RJE 'JAM DBYANGS RGYAL PO, THON PA ZHAL SNGA NAS BKRA SHIS RGYAL MTSAN, CHOS RJE LHO PA BLO GROS RNAM RGYAL, BSAM GTAN PA CHEN PO RJE DBON LEGS TSOGS LHUN GRUB, MKHAN CHEN NOR BZANG RGYA MTSO, RGYUD SDE 'DZIN PA ZHAL SNGA NAS RNAM RGYAL DPAL BZANG, PAn CHEN BSAM GRUB DPAL BZANG, BSTAN PA'I MNGA' BDAG PAn CHEN DAM CHOS YAR 'PHEL, 'JAM DBYANGS BLA MA DGE 'DUN BLO BZANG, 'JAM DBYANGS SH'INTA PA CHEN PO, RJE BLO BZANG RGYA MTSO, MNGA' RIS SLOB DPON DGE 'DUN RGYAL MTSAN, THOS BSAM GLING BA RIN CHEN DPAL 'BYOR RGYA MTSO, GANGS CAN MKHAN PO PAn CHEN RIGS PA SENG GE LA SOGS BA BSTAN 'DZIN BGRANG PA LAS 'DAS PA BYON ZHING, MDOR NA DBUS GTZANG GI SDE SNOD 'DZIN PA DANG, RIS MED PA'I BAN SKYA'I TSOGS MTHA' YAS PA LA ZAB PA DANG RGYA CHE BA'I DAM PA'I CHOS KYI BKA' DRIN GYIS KHYAB PAR MDZAD DO, ,SNYAN RGYUD BSTAN PA'I BDAG PO RANG GI SRAS KYI THU BO RGYAL TSAB TU DBANG BSKUR BA NI MKHAS GRUB CHEN PO SANGS RGYAS YE SHES SO, ,RGYAL BA

, ,DBEN SA PA CHEN PO 'DIS PHYI RABS KYI GDUL BYA RNAMS KYI DON DU BYANG CHUB LAM GYI RIM PA'I KHRID YIG DNGOS GRUB KUN 'BYUNG, BLA MA LA GSOL BA 'DEBS BA'I RIM PAR PHYE BA DNGOS GRUB KUN 'BYUNG, SNYING PO'I GNAD THOR BU'I RIM PAR PHYE BA DNGOS GRUB KUN 'BYUNG, BYANG CHUB LAM GYI RIM PA'I SNYING PO GSOL 'DEBS TSIGS BCAD DU SDEBS PA DNGOS GRUB KUN 'BYUNG, RANG LA GDAMS PA BDE CHEN GTER MDZOD SOGS THOR BU'I SKOR, RJE RANG NYID THUGS BSKYED TSUL DANG, SDOM GSUM RIM GYIS BZHES TSUL, RGYAL BA SRAS BCAS LA ZHU YIG, DGE LDAN RNAL 'BYOR PHO MO NAMS KYI BCA' KHRIMS KYI YI GE DNGOS GRUB KUN 'BYUNG, RGYAL BA BLO BZANG GRAGS PA'I SGRUB THABS KYI RIM PAR PHYE BA DNGOS GRUB KUN 'BYUNG, RJE BLA MA LA BRTEN PA'I MTSON BSRUNG, BLA MA LHA'I RNAL 'BYOR TSIGS BCAD DNGOS GRUB KUN 'BYUNG, BLA MA RGYUD SDE BZHI'I RNAL 'BYOR GYI RIM PAR PHYE BA DNGOS GRUB KUN 'BYUNG, 'KHOR LO SDOM PA'I BLA MA'I RNAL 'BYOR DNGOS GRUB KUN 'BYUNG, BDE MCHOG LHAN SKYES KYI BLA MA'I RNAL 'BYOR DNGOS GRUB KUN 'BYUNG, BLA MA 'KHOR LO SDOM PA'I RNAL 'BYOR RGYAS PA DNGOS GRUB KUN 'BYUNG, BDE MCHOG DRIL BU PA'I SGRUB THABS DNGOS GRUB KUN 'BYUNG, RANG GI GDAN SA PA RJE CHOS SKYABS RDO RJE LA GNANG BA'I MAN NGAG DNGOS GRUB KUN 'BYUNG, BDE MCHOG LUS DKYIL SGOM TSUL GYI GNAD GSAL BAR BSTAN PA'I SNYING PO'I MAN NGAG DNGOS GRUB KUN 'BYUNG,

BLA MA GSANG BA 'DUS PA'I SGRUB THABS KYI SNYING PO DNGOS GRUB KUN 'BYUNG, BLA MA RDO RJE 'JIGS BYED KYI RNAL 'BYOR RGYAS PA DNGOS GRUB KUN 'BYUNG, BLA MA RDO RJE 'JIGS BYED YAB YUM GYI RNAL 'BYOR GYI SNYING PO DNGOS GRUB KUN 'BYUNG, 'JAM DBYANGS ZHI KHRO SBRAGS SGRUB KYI SNYING PO'I MAN NGAG DNGOS GRUB KUN 'BYUNG, GDONG DRUG GI SGRUB THABS KYI SNYING PO RGYAL BA SH'AKYA THUB PA'I SGRUB THABS GNYIS, BLA MA RDO RJE SEMS DPA'I RNAL 'BYOR GYI SNYING PO DNGOS GRUB KUN 'BYUNG, BLA MA'I RNAL 'BYOR BSDUS PA 'JAM DBYANGS DKAR PO'I SGRUB THABS BLA MA'I RNAL 'BYOR DNGOS GRUB KUN 'BYUNG, 'JAM DBYANGS DMAR SER LA BRTEN PA'I BLA MA'I RNAL 'BYOR DNGOS GRUB KUN 'BYUNG, BLA MA SPYAN RAS GZIGS KYI RNAL 'BYOR GYI SNYING PO DNGOS GRUB KUN 'BYUNG, SGROL LJANG SGRUB THABS GSOL 'DEBS DANG BCAS PA, SGROL DKAR SGRUB THABS, YE SHES KYI MKHA' 'GRO SENG GDONG MA'I SGRUB THABS, MI G-YO BA'I SGRUB THAB, RTA MGRIN GYI SGRUB THABS RGYAS BSDUS GNYIS, PHYAG RDOR 'KHOR CHEN GYI SGRUB THABS DNGOS GRUB KUN 'BYUNG, PHYAG RDOR GTUM PO KHYUNG LNGA'I SGRUB THABS KYI SNYING PO MAN NGAG GIS RNAM PAR BRGYAN PA DNGOS GRUB KUN 'BYUNG, YE SHES KHYUNG KHRI'I SGRUB THABS, RIG SNGAGS KYI RGYAL MO YI GE GCIG MA'I SGRUB THABS THUN MONG MA YIN PA DNGOS GRUB KUN 'BYUNG, BYANG CHUB LAM RIM GYI BLA MA'I RNAL 'BYOR DNGOS GRUB KUN 'BYUNG, LAM RIM GYI ZUR 'DEBS BSDUS PA DNGOS GRUB KUN 'BYUNG, LTA KHRID KYI SNYING

, ,PO DNGOS GRUB KUN 'BYUNG, DRAN PA BZHI LDAN GYI KHRID KYI SNYING PO DNGOS GRUB KUN 'BYUNG, SHES RAB KYI PHA ROL TU PHYIN PA'I SNYING PO'I DON GCOD YUL STAN THOG GCIG MA DNGOS GRUB KUN 'BYUNG, THUN DRUG GI RNAL 'BYOR GYI SNYING PO DNGOS GRUB KUN 'BYUNG, THEG CHEN GSO SBYONG GI SDOM PA LEN PA'I CHO GA DNGOS GRUB KUN 'BYUNG, 'DUL BA'I BSLAB BYA RGYA MTSO'I SNYING PO DNGOS GRUB KUN 'BYUNG, BYANG SEMS KYI BSLAB BYA RGYA MTSO LAS MDOR BSDUS PA DNGOS GRUB KUN 'BYUNG, SNGAGS KYI BSLAB BYA'I SNYING PO DNGOS GRUB KUN 'BYUNG, TSE DPAG MED KYI SGRUB THABS DNGOS GRUB KUN 'BYUNG, TSE KHRID RDO RJE'I RNAL 'BYOR 'CHI BDAG LAS RGYAL BA DANG, LHUN PO RDO RJE LA GNANG BA'I TSE SGRUB, SLOB DPON BSAM GTAN 'OD ZER LA GNANG BA'I TSE SGRUB, 'BAR LUGS TSE DBANG GI CHO GA DNGOS GRUB KUN 'BYUNG, BDE MCHOG DRIL BU PA'I LUGS KYI BSKYED RIM DNGOS GRUB KUN 'BYUNG, THABS LAM N'A RO CHOS DRUG GI LAG RJES DNGOS GRUB KUN 'BYUNG, 'KHOR LO SDOM PA'I RDZOGS RIM RNAL 'BYOR CHEN PO DNGOS GRUB KUN 'BYUNG, DPAL GSANG BA 'DUS PA'I DMAR KHRID KYI SNYING PO DNGOS GRUB KUN 'BYUNG, DPAL RDO RJE 'JIGS BYED KYI ZAB KHRID LAG RJES DANG BCAS PA DNGOS GRUB KUN 'BYUNG, GSHIN RJE'I GSHED KYI BSAD ZLOG BSRUNG BA'I GDAMS PA, SKYABS 'GRO SEMS BSKYED SPYAN 'DREN YAN LAG BDUN PA BYED TSUL DNGOS GRUB KUN 'BYUNG SKYABS

'GRO'I MAN NGAG DNGOS GRUB KUN 'BYUNG, THEG CHEN THUN MONG MA YIN PA'I SKYABS 'GRO'I NYAMS LEN SNYING PO DNGOS GRUB KUN 'BYUNG, THEG CHEN THUN MONG BA'I SKYABS 'GRO'I NYAMS LEN GYI SNYING PO DNGOS GRUB KUN 'BYUNG, BLA MA BDE MCHOG LHAN SKYES YAB YUM SGRUB PA'I MAN NGAG GI SNYING PO DNGOS GRUB KUN 'BYUNG, BDE MCHOG GI BSKYED RIM GYI SNYING PO BDE MCHOG LHAN SKYES LA BRTEN NAS NYAMS SU LEN TSUL DNGOS GRUB KUN 'BYUNG, BDE MCHOG GI BSKYED RIM GNAD BSDUS DANG DE'I GZHAL YAS KHANG SGOM TSUL DNGOS GRUB KUN 'BYUNG, DRIL BU LUGS KYI DPAL 'KHOR LO BDE MCHOG GI DBANG CHOG DNGOS GRUB KUN 'BYUNG, BDE MCHOG DRIL BU LUGS KYI SMON LAM SHIS BRJOD, BCOM LDAN 'DAS 'KHOR LO SDOM PA DRIL BU PA'I LUS DKYIL GYI RDZOGS RIM RIM PA LNGA'I DMAR KHRID ZAB MO DNGOS GRUB KUN 'BYUNG, PHYAG RGYA SROG RTZOL GYI MAN NGAG THUN MONG MA YIN PA SOGS BSKYED RDZOGS KYI ZAB GNAD KYI YIG CHUNG, YIG CHUNG GI SDEBS MAN NGAG SHIN TU ZAB MO ZHAL SHES YI GER BKOD PA, RIM GNYIS KYI DKA' GNAD MAN NGAG ZAB MO, DPAL GSANG BA 'DUS PA'I RTEN GYI DKYIL 'KHOR PHYIN CI MA LOG PA'I GSAL BYED, BLA MA 'JAM DBYANGS DKAR PO'I SGRUB THABS, BLA MA RDO RJE 'CHANG GI RNAL 'BYOR GYI SNYING PO'I MAN NGAG ,BLA MA RDO RJE 'CHANG YAB YUM GYI SGRUB THABS, BLA MA RDO RJE 'JIGS BYED KYI RDZOGS RIM GYI MAN NGAG GI

, ,SNYING PO, BLA MA 'JAL DPAL ZHI BA'I SGRUB THABS LHAG PA'I LHA TSE DANG YE SHES DPAG TU MED PA'I SGRUB THABS KYI SKOR RIM PAR PHYE BA TSAN PA BCU BDUN, GRUB CHEN TSEM BU LUGS KYI SPYAN RAS GZIGS KYI DMAR KHRID KYI SNYING PO MAN NGAG GIS RNAM PAR BRGYAN PA DNGOS GRUB KUN 'BYUNG, GRUB CHEN TSEM BU LUGS KYI MAN NGAG SPYAN RAS GZIGS KYI DMAR KHRID KYI SNYING PO NYAMS LEN DU BSDUS PA MAN NGAG GIS RNAM PAR BRGYAN PA DNGOS GRUB KUN 'BYUNG, RTA MGRIN GYI SGRUB THABS KYI RIM PA TSAN PA GSUM, DGE BSNYEN GYI SDOM PA 'BOGS CHOG ,DGE SLONG GI BSLAB BYA RGYAS PA, GTOR MA BRGYA RTZA'I RIM PA DNGOS GRUB KUN 'BYUNG, RGYAL BA BLO BZANG GRAGS PA'I RNAL 'BYOR, YI DAM DANG YE SHES 'PHAGS PA SRUNG MAR BCAS PA SOGS LA GTOR MA 'BUL BA'I CHO GA ,TSA BSUR GYI RIM PA, BLA MA PHYAG DRUG YE SHES MGON PO'I RNAL 'BYOR GYI RIM PAR PHYE BA DNGOS GRUB KUN 'BYUNG TSAN PA BZHI, MGON DKAR YID BZHIN NOR BU'I SGRUB THABS, GRIB SEL MGON PO'I GNAD 'BEBS, MYUR MDZAD YE SHES MGON PO'I CHOS SKOR GYI BLA MA BRGYUD PA'I RIM PA, DPAL MGON SDE LNGA LA MCHOD GTOR 'BUL TSUL 'KHYER BDE BA, CHOS SKYONG SPYI LA GTOR MA 'BUL TSUL, BLA MA 'JAM DPAL GSHIN RJE'I GSHED DANG SKYES BU GSUM GYI CHOS SKYONG BSTEN TSUL, DPAL LDAN LHA MO RDO RJE RAB BRTAN MA LA MCHOD GTOR

'BUL TSUL GYI RIM PA TSAN PA GSUM, GTER DUNG GI LO RGYUS, GRUB CHEN MI TRA'I LAM SROL SNYING PO DON GSUM ZHES GRAGS PA SPYAN RAS GZIGS SGRUB PA'I MAN NGAG GI SNYING PO, LTA KHRID, BCOM LDAN 'DAS MI 'KHRUGS PA LA BRTEN NAS SGRIB PA SBYONG TSUL, PHYAG DRUG SGRUB SKOR LA MGON PO BRAM CHEN GYI SGRUB THABS, LTA BZHI DRIL SGRUB, MGON PO TSE BDAG GI SGRUB THABS, MGON PO DBANG RGYAL SGRUB THABS, YE SHES MGON PO GSANG SGRUB, MGON PO YID BZHIN NOR BU'I SGRUB THABS RJES GNANG 'KHOR LO'I MAN NGAG DANG BCAS PA, GRIB SEL DBANG SDUD, GNAD 'BEBS, RTEN GZHI GNAD GSUM, YANG DBANG SDUD DANG NANG SGRUB, H'Um DRUG GI ZHAL SHES DMIGS SKOR; SNYING ZHUGS 'PHO BA ZHAL SHES DANG BCAS PA RGYAS BSDUS, BLA MA MGON PO DBYER MED KYI ZHAL SHES GNYIS, LAS SBYOR DANG GRIB SEL GYI DMIGS SKOR, DAM CAN GSHIN RJE'I RGYAL PA'I SGRUB YIG RGYAS 'BRING BSDUS GSUM, GSHIN RJE DKAR SER DMAR PO LA BRTEN BA'I ZHI RGYAS DBANG GSUM GYI MAN NGAG ,GSHIN RJE DMAR PO LA BRTEN PA'I DBANG GI 'PHRIN LAS SGRUB TSUL, GSHIN RJE DKAR SER SBRAGS SGRUB LA BRTEN PA'I ZHI RGYAS DNGOS GRUB SGRUB PA'I MAN NGAG ,LHA MO PHYAG BZHI MA'I SGRUB THABS, MA CIG RDO RJE RAB BRTAN MA LA MCHOD GTOR 'BUL TSUL, CHOS SKYONG SPYI'I BSKUL, BRUL GTOR GYI CHOG ,GTOR MA'I BSNGO BA, CHU'I BCUD LEN GYI SNYING PO, BRIS

, ,SKU MTHONG BA DON LDAN 'BRI TSUL, RTEN LA GZUNGS GZHUG 'BUL TSUL SOGS NYE BAR MTHO BA'I RIM PA, BKRA SHIS LHUN POR BSHES GNYEN BYON PA DANG 'BYON 'GYUR GYI BSHES GNYEN LUNG BSTAN, SNYING PO'I MAN NGAG GI DOGS GCOD DANG SPRUL SKU BSOD NAMS RGYA MTSO'I LUNG BSTAN, RJE BLA MA'I BSTAN PA'I GNAS TSAD, KUN MKHYEN LEGS DON PA'I GSANG MTSAN GYI DOGS GCOD 'PHROS DANG BCAS PA, LUNG BSTAN GDAMS NGAG MA BKA' RGYA BTAB PA 'PHROS DANG BCAS PA, SH'ANTI PA BLO GROS RGYAL MTSAN LUNG BSTAN PA, CHAB MDO CHOS RJE MI G-YO SNYING PO'I ZHUS LAN, LUNG BSTAN GSANG BA'I ME LONG LAS DGE LDAN BSTAN 'DZIN JI LTAR 'BYUNG BA CHE LONG TZAM GYI LUNG BSTAN PA, RJE DGE 'DUN BLO BZANG GI ZHU LAN, MKHAS GRUB LEGS PA DON GRUB KYI RNAM THAR, LEGS PA DON GRUB KYI GSANG BA'I RNAM THAR, RJE SKYABS MCHOG DPAL BZANG GI RNAM THAR DANG GSANG BA'I RNAM THAR; BSNGO BA'I RIM PA, LTA BA'I YIG CHUNG, 'JAM DBYANGS DMAR SER LA BRTEN PA'I BLA MA'I RNAL 'BYOR, BLA MA 'JIGS BYED YAB YUM GYI RNAL 'BYOR GYI SNYING PO, CHOS RGYAL NANG SGRUB 'KHOR BCAS KYI SGRUB YIG 'BRING PO RNAMS MDZAD DO, ,DE LTAR RGYAL BA DBEN SA PA CHEN POS SKU DNGOS KYIS GDUL BA'I MDZAD PA MTHAR PHYIN PAR MDZAD NAS, DPA' BO G-YUL LAS RGYAL BA'AM, DAD DPON NOR BU LON NAS RANG YUL DU LOG PA LTAR DU, TSE RAM LA

BRTEN PA'I BSNYAL TSUL CUNG ZAD BSTAN PA'I MU NAS, RJE BTZUN BLA MA DAM PA SANGS RGYAS YE SHES NYID KYI RGYAL TSAB TU MNGON BAR DBANG BSKUR TE ZAD BYED CES PA'I CHO 'PHRUL ZLA BA'I NYER GSUM LA THA MAL GYI GZUGS SKU'I BKOD PA CHOS KYI DBYINGS SU BSDU BAR MDZAD, DE'I TSE DGUNG ZHAG MA GROL GYI BAR DU NAM MKHA' LAS LHA RNAMS KYIS ME TOG GI CHAR 'BEBS PA DANG, 'JA' 'OD KYI BLA BRE PHYOGS MTSAMS SU BRES PA LA SOGS PA SKYE PO KUN GYI YID 'PHROG PA'I LTAS BAR MTSAN MA NGO MTSAR BA BSAM GYIS MI KHYAB PA BYUNG BAR GYUR TO, ,DE NAS DAD LDAN THAMS CAD KYIS SKU GDUNG RIN PO CHE LA PHYI NANG GSANG BA DE KHO NA NYID KYI MCHOD PA TSAD MED PAS MCHOD DE SMON LAM BTAB NAS 'JAM MGON SNYAN RGYUD KYI BSTAN PA NAM YANG MI NYAMS PAR 'PHEL BA'I RTEN 'BREL DU SKU GDUNG RIL POR MA NYAMS PA DBEN SA CHOS KYI PHO BRANG NYID NA LHA DANG BCAS PA'I 'GRO BA YONGS KYI BSOD NAMS KYI ZHING DU BYIN RLABS KYI GZI 'OD 'BAR BAR BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL BA DBEN SA PA CHEN PO BLO BZANG DON GRUB LA GSOL BA 'DEBS SHING, BDAG NYID CHEN PO 'DI'I RNAM THAR LTAR TSE 'DI'I BYA BYED BYIS PA'I ROL RTZED DANG 'BRAS BU MED PA'I SPUN PA PHYAR BA DANG SMYON PA'I ZLOS GAR LTAR BLTAS TE TSE 'DI'I 'KHRI BA CHOD PA ZHIG BYA BA DANG, 'KHOR BA'I PHUN TSOGS DUG SPRUL GYI GDENGS GA'I GRIB BSIL LTAR YID BRTAN MI RUNG BA GNOD PA DU MA'I

, ,'BYUNG GNAS SU BLTAS TE SRID PA MTHA' DAG LA ZHEN PA LOG PA'I NGES 'BYUNG BCOS MA MIN PA ZHIG BSKYED PA DANG, BDAG PAS GZHAN GCES PA'I BYANG CHUB KYI SEMS RIN PO CHE RGYUD LA BSKYED CI THUB BYA BA DANG, CHOS THAMS CAD SNANG ZHING STONG BA STONG ZHING SNANG BA'I RTEN 'BREL ZAB MO'I TSUL LA NGES PA GTING TSUGS PA ZHIG BTZAL LA GANG SNANG SGYU MA'I RNAM ROL TU BLTA BA DANG, ZAB LAM BLA MA LHA'I RNAL 'BYOR LAM GYI SROG TU BYAS TE BSKYED RDZOGS ZUNG 'BREL LA SLOB PA DANG, 'JAM MGON SNYAN RGYUD KYI MAN NGAG THOS PAR BYAS LA DBEN PA'I RI SUL DU SGRUB PA MTHAR PHYIN PA ZHIG BYA BA LA SKYES BU'I RTZAL CI YOD KYIS 'BAD CING THA NA SMON LAM GYI YUL DU'ANG BYAS TE BLO SBYANG BAR BYA'O,, ` ,,SNGON TSE THUGS BSKYED SMON LAM GRUB PA'I MTHUS, ,DA LTA BLO BZANG BSTAN PA'I SNYING PO 'DZIN, ,DGAG SGRUB SPANGS BLANG BRAL BA'I RNAL 'BYOR PA, ,SANGS RGYAS YE SHES ZHABS LA GSOL BA 'DEBS, ,ZHES BSNGAGS PA, MKHAS GRUB SANGS RGYAS YE SHES NI, GTZANG RONG GI YUL LHAN DRUG BRGYAR YAB DGE BSNYEN RDO RJE 'DZIN PA BLA MA RIN CHEN ZHES BYA BA DANG, YUM CHOS BSTAN ZHES BYA BA G-YO SGYU MED LA RANG BZHIN GYIS NYON MONGS CHUNG BA, NGO TSA KHREL YOD DANG LDAN PA, SKYE BO KUN GYI YID DU 'ONG BA ZHIG YOD PA DE GNYIS KYI SRAS SUS SKYONG ZHES PA SHING MO BYA'I LO NGO MTSAR BA'I LTAS DANG BCAS TE 'KHRUNGS SO, ,'KHRUNGS

MA THAG TU YAB YUM GNYIS KYIS KHRUS BYA BA DANG DKAR PHYOGS KYI LHA RNAMS MCHOD PA DANG, DGE 'DUN GYI SDE LA BSNYEN BKUR BA DANG, GNYEN BSHES RNAMS TSOGS TE DGA' STON BYA BA SOGS BTZAS STON LUGS DANG MTHUN PAR BYAS SO, ,DE LTAR 'KHRUNGS PA'I GZHON NU DE NI, GZUGS BZANG BA, BLTA NA SDUG PA, MDZES PA, GSAL BA, PAGS PA'I MDOG DKAR BA, MGON GDUGS LTA BU, LAG PA RING BA, DPRAL BA'I DBYES CHE BA, SMIN MA 'DZAR BA, SNA'I GZENGS MTHO BA, 'JIG RTEN KUN GYI MIG GI BDUD RTZI LTA BU ZHIG YOD PAR GRAGS SO, ,DE YANG YAB YUM DE GNYIS LA SRAS BZHI MNGA' BAS BDAG NYID CHEN PO 'DI CHUNG BA YIN LA, DE 'DRA BA'I RGYAL SRAS GZHON NU DE YAB YUM GCEN RNAMS DANG BCAS PAS KYANG SMAN GYI MYU GU LTAR BSKYANGS PAS RDZING GI PADMA LTAR DU SKYE DRAG PAR GYUR TO, ,DE LTA BU'I RGYAL SRAS DE SKU NA SHIN TU PHRA BA'I SKABS NYID NA'ANG SNGON YUN RING PO NAS LAM LA GOMS PA'I BAG CHAGS BRTAS PAS RGYUD 'JAM ZHING NGES PA DANG, BYIS PA'I SPYOD PA NGAN PA GANG GI'ANG DBANG DU MI 'GRO ZHING SKYES RABS DU MAR PAn GRUB KYI SKYE BA BRGYUD MAR BZHES PA'I BAG CHAGS KYIS RES 'GA' NI SLOB DPON GYI TSUL DU BDAG NYID CHOS 'CHAD BA DANG, RES 'GA' NI TING NGE 'DZIN SGOM PA DANG, RES 'GA' NI CHOS KYI GTAM BYED PA LA SOGS PA'I CHOS KYI RTZED MO 'BA' ZHIG MDZAD CING, DE'I DUS SU RJE GRUB PA'I DBANG PHYUG DBEN SA PA CHEN POS GZHON NU DE GZIGS PA

, ,NA JI LTAR 'KHOR LOS BSGYUR BA'I RGYAL PO LA BU GCIG BYUNG NA BU CHUNG DU DE LA DGA' BA DANG YID DU 'ONG BA DANG MA 'ONGS PA NA RGYAL TSAB TU 'GYUR BA'I RE BAS SHIN TU GCES PAR BYED PA JI LTA BAR RGYAL BA DBEN SA PA CHEN POS RGYAL SRAS GZHON NU DE MA 'ONGS PA NA RANG GI CHOS KYI RGYAL TSAB TU 'GYUR BAR MKHYEN NAS MNYES PA'I TSUL MDZAD CING, YAB YUM GNYIS LA'ANG GCES SPRAS SU BYA DGOS PAR GDAMS SO, ,DE NAS RGYAL SRAS GZHON NU DE TSE RABS MANG POR NGES 'BYUNG GI TSUL KHRIMS GOMS PAR BYAS PA'I MTHUS GZHAN GYIS BSKUL BA LA MI LTOS PAR, SKYES RABS LAS, GAL TE CHOS SPYOD KHYIM GYI SO NAM 'CHOR, ,KHYIM LA PHYOGS NA CHOS KYANG GA LA 'GRUB, ,CHOS KYI LAS NI RAB TU ZHI BA YIN, ,KHYIM GYI DON NI DRAG SHUL CAN GYIS 'GRUB, ,DE BAS CHOS DANG 'GAL BA'I SKYON YOD PHYIR, ,BDAG LA PHAN 'DOD SU ZHIG KHYIM NA GNAS, ,ZHES GSUNGS PA LTAR, KHYIM GYI GNAS NI NYON MONGS PA DANG NYES SBYONG DU MA'I 'BYUNG GNAS SU GZIGS SHING, GNYEN DANG NYE DU RNAMS NI THAR LAM BGROD PA LA GEGS BYED PA BTZON RA'I GSHED MA LTA BUR GZIGS NAS RGYAL BA'I BSTAN PA LA RAB TU 'BYUNG BAR 'DOD PA BCOS MA MIN PA SKYES SHING, YAB YUM GCEN RNAMS DANG BCAS PAS MTHUN PA'I RKYEN SBYAR TE DGUNG LO BCU TZAM LA NYE BA NA, MDO SNGAGS KYI GDAMS PA'I GTER DU GYUR BA YONGS KYI DGE BA'I BSHES GNYEN

YON TAN BZANG PO'I DRUNG DU YONGS RDZOGS DGE BSNYEN GYI SDOM PA BZHES, MTSAN CHOS SKYABS RDO RJE ZHES BTAGS SO, ,DE NAS YI GE'I PHYI MO'I GLOG PA DANG BRDA' SPROD KYI GTZUG LAG DON PA DANG, CHOS SPYOD THOR BU BDAG 'DZIN PA SOGS DE DANG DE'I GRVAR ZHUGS PA TZAM GYIS DKA' TSEGS MED PAR THUGS SU CHUD, DE NAS BA SO LHUN GRUB BDE CHEN DU YONGS KYI DGE BA'I BSHES GNYEN YON TAN BZANG PO LA MKHAN POR GSOL BA BTAB STE TSIGS SNGA MA DGE TSUL GYI SDOM PA YANG DAG PAR BZHES SHING, RGYAL SRAS GZHON NU DE RTAGS CHA LUGS BRJES TE CHOS GOS DUR SMRIG BGOS MYUR DU 'TSANG RGYA BA'I RTEN 'BREL DU MTSAN SANGS RGYAS YE SHES ZHES BTAGS, DRANG SRONG GI SNOD LHUNG BZED LAG TU THOGS PA LHA DANG BCAS PA'I 'GRO BA MTHA' DAG GI YON GNAS DAM PA THUB PA'I DBANG PO GNYIS PA LTA BUR GYUR TO, ,DE NAS MKHAS GRUB SANGS RGYAS YE SHES KYIS BLA MA YON TAN BZANG PO'I DRUNG DU DPAL RDO RJE 'JIGS BYED DANG, GSANG BA 'DUS PA, MI BSKYOD PA'I DBANG BZHI YONGS RDZOGS DANG, TSE DBANG DANG, MGON PO'I DBANG RJES GNANG SOGS KYIS MTSAN DBANG RJES GNANG DU MA DANG, BKA' GDAMS GLEGS BAM GYI LUNG LA SOGS PA DAM PA'I CHOS MANG DU GSAN NO, ,DE NAS MKHAS GRUB SANGS RGYAS YE SHES KYI THUGS LA 'DI LTAR DGONGS PAR NGES TE, BLANGS DOR GNAS LA KUN NAS 'THOMS PA'I MUN, ,YANG DAG THOS PA'I SGRON MES MA BSAL BAR, ,LAM MI SHES NA THAR

, ,PA'I GRONG MCHOG TU, ,'JUG PAR 'GYUR BA SMOS KYANG CI ZHIG DGOS, ,DE NYID PHYIR NA MI PHAM CHOS RJE DANG, ,'DZAM GLING RGYAN DRUG MCHOG GNYIS ZHES GRAGS PA'I, ,GZHUNG LA PHYOGS RE BA DANG RAGS PA RES; ;TSIM PAR MA BYAS KUN LA ZHIB TU SBYANGS, ,ZHES GSUNGS PA LTAR, MKHAS MANG 'DUS PA'I DBUS SU SHING RTA CHEN PO'I GZHUNG RNAMS LA SBYONG BAR BZHED DE DGUNG LO BCO LNGA LA BAB PA SGYUR BYED KYI LO'I DGUN CHOS THOG CHOS GRVA CHEN PO BKRA SHIS LHUN POR PHEBS TE THOS BSAM GLING GI GDAN SA PA RIGS PA'I DBANG PHYUG BRTZON 'GRUS RGYAL MTSAN GYI DRUNG DU MTSAN NYID DANG MTSON CHA'I RNAM GZHAG SOGS SBYOR BA RTZI BA LA ZHUGS SHING CHOS BKA' CI RIGS PA YANG GSAN NO, ,LO DE'I DPYID MKHAS GRUB SANGS RGYAS YE SHES ZLA GROGS GSUM BZHI TZAM BSDEBS BCAS TE SE NGAR MKHAS PA'I DBANG PO RJE BTZUN DAM PA CHOS KYI RGYAL MTSAN PA'I DRUNG DU PHEBS PAR BKA' BGROS PA LAS, GROGS PO ZHIG NA RE, DA NI RJE BTZUN CHOS KYI RGYAL MTSAN RANG NYID KYI DNGOS SLOB MKHAS PA'I BYA BA GSUM LA 'GRAN ZLA DANG BRAL BA'I CHOS KYI RJE RTA NAG PA DGE 'DUN BLO BZANG ZHES BYA BA, LEGS GRUB GRVA TSANG NA BZHUGS PA DE'I DRUNG DU PHYIN PA 'THAD ZER, DER SKYE BA SNGA MA MANG POR 'JAM DBYANGS DGE 'DUN BLO BZANG DANG DPON SLOB TU GYUR PA'I LAS 'BREL GYI MTHUS 'JAM DBYANGS DGE 'DUN BLO BZANG GI MTSAN THOS PA TZAM GYIS BSDU LDANG ZHING MCHI

MA 'KHRUG PA ZHIG BYUNG BAS LEGS GRUB GRA TSANG DU SLOB GNYER LA 'GRO BAR ZHAL GYI BZHES, DE NAS MYANG STOD DU BYON PA NA LEGS GRUB GRVA TSANG PA RNAMS 'BRAS MA'I DPYID CHOS LA 'DZOM PA DANG DUS MTSUNGS TE, 'JAM PA'I DBYANGS DGE 'DUN BLO BZANG PA'I ZHABS RDUL SPYI BOS BLANGS NAS, THOG MAR MTSAN MTSON GYI RNAM GZHAG ,SPYI DANG BYE BRAG GI RNAM RTAGS DANG THAL 'GYUR 'PHEN LUGS RTAGS DANG THAL 'GYUR 'PHEN LUGS SOGS RIGS PA'I SGO 'BYED SBYOR BA BRTZI BA SOGS MDZAD PAS RIGS PA'I SGO LEGS PAR BYE STE, MTHAR DGUN CHOS LA 'JAM DBYANGS DGE 'DUN BLO BZANG GI DRUNG DU TSAD MA RNAMS 'GREL GYI SPYI DON DANG, MTHA' GCOD MDZUB KHRID SOGS BKA' LUNG YANG DAG PAR MNOS SO, ,DE'I TSE 'JAM DBYANGS DGE 'DUN BLO BZANG GIS THEG PA GSUM GYI LAM GYI GNAD THAMS CAD DRI MA MED PA'I RIGS PA'I LAM NAS DRANGS TE GTAN LA 'BEBS PA LA ZLA DANG BRAL BA'I BSTAN BCOS TSAD MA RNAM 'GREL GYI DON DBYIS PHYIN PAR BSHAD DE THOG MAR RTZA BA DRANGS TE 'PHROS MTSAMS SBYAR, DE NAS BRJOD BYA'I KHOG PHUG PA'I SPYI DON, DE NAS LAM GYI YAN LAG MTHA' DAG LA NGES SHES DRANG BA'I PHYIR MTHA' GCOD, GZHUNG RANG RANG GI BRJOD BYA'I SNYING PO RANG LUGS BSHAD PA DE LA RTZOD SPONG RNAMS RTZI SHAG 'DZIN CHOS SU MDZAD PA MKHAS GRUB SANGS RGYAS YE SHES KYIS SKYOR 'OG MDZAD DE YONGS RDZOGS THUGS SU CHUD PAR MDZAD, SLAR YI GER PHAB STE DA LTA THOS BSAM GLING DU 'JAM

, ,DBYANGS DGE 'DUN BLO BZANG GI RNAM 'GREL GYI YIG CHA ZHES GANGS RI'I KHRID 'DIR TSAD MA RNAM 'GREL GYI SPYI DON MTHA' GCOD LA 'GRAN ZLA DANG BRAL BA 'DI BYUNG BA YIN NO, ,DON GYI DBANG 'DI GZIGS NAS GRUB CHEN BYAMS PA PHUN TSOGS KYIS 'JAM DBYANGS DGE 'DUN BLO BZANG LA BSTOD PA LAS, SANGS RGYAS KUN GYI YE SHES GCIG BSDUS NAS, ,DUR SMRIG GAR GYI BSHES GNYEN TSUL 'DZIN PA, ,DGAG SGRUB SPANG BLANG BRAL BA'I DAM PAS KYANG, ,ZHABS RDUL SPYI BOS LEN PA KHYOD PHYAG 'TSAL, ,ZHES BSNGAGS SO, ,DE NAS MKHAS GRUB SANGS RGYAS YE SHES KYIS DGUN CHOS LA BKRA SHIS LHAN POR BYON NAS RIGS GRVA LA LEGS PAR ZHUGS PA NA, DAM PA 'DI'I LUNG DANG RIGS PA PHUN SUM TSOGS PA'I DGA' STON LA MKHAS PA MTHA' DAG KYANG YID 'PHROG PAR GYUR TO, ,DE NAS DGUNG LO BCO BRGYAD KYI BAR DU DGUN DPYID PHAL CHER TSAD MA DANG, DBYAR PHAL CHER DBU MA LA LEGS PAR SBYANGS PAS DBU TSAD GNYIS KYI DKA' BA'I GNAS MTHA' DAG KYANG MNGON DU GYUR, DE'I TSE, THOS BSAM GLING GI 'CHAD NYAN DU RJE DGE 'DUN BLO BZANG PA NYID BZHUGS SHING, BLA MA DE NYID KYIS KYANG DAM PA 'DI LUNG DANG RIGS PA'I BDAG NYID DU GZIGS TE, DGUNG LO BCO BRGYAD KYI DGUN DBU MA'I SPYI SKYAR GYIS BKA' STZAL PA NA MKHAS GRUB CHEN PO 'DIS BKA' LUNG YANG DAG BSGRUBS TE, DGUN CHOS GNYIS KYI RING THOS BSAM GLING GI DGE 'DUN 'DUS PA'I

DBUS SU DBU MA'I GZHUNG LA DAM BCA' YANG YANG BZHAG, ,DGUNG LU BCU DGUR PHEBS PA'I ZLA BA DANG PO'I YAR TSES LA BSKAL BZANG KHYAMS RA CHEN MOR BKRA SHIS LHUN PO'I MKHAN SLOB DGE 'DUN TSANG MA 'DZOM PA'I DBUS SU DBU MA'I DAM BCA' BZHAG STE SHAR RTZE NAS DGE BA'I BSHES GNYEN SHIN TU MKHAS GRAGS CHE BA ZHIG DANG MNYAM DU BGRO GLENG MDZAD PA NA 'JIGS PA DANG YA NGA BA DANG BAG TSAB MED PAR LUNG DANG RIGS PA'I NGA RO RGYA CHER BSGRAGS PAS PHA ROL SPOBS PA LAN MED DU BYAS TE PHYOGS LAS RNAM PAR RGYAL BA'I GRAGS PA YANG THOB BO, ,DE NAS PHAR PHYIN DANG, 'DUL MDZOD LA SOGS PA PO TI PHYI MA RNAMS LA LEGS PAR SBYANGS PAS BLO GROS KYI SNANG BA THOGS PA MED PAR RGYAS SHING, KHYAD BAR, DRANG BA DANG NGES PA'I DON RNAM PAR 'BYED PA LEGS PAR BSHAD PA'I SNYING PO'I TSIG DON MTHA' DAG THUGS SU CHUD PAR MDZAD DE LEGS PAR BSHAD PA'I BDUD RTZIS MKHAS PA MTHA' DAG TSIM PAR MDZAD DO, ,DE NAS DGUNG LO NYI SHU RTZA LNGA LA BAB PA NA, CHOS GRVA CHEN PO DPAL 'KHOR BDE CHEN DU MKHAS MANG 'DUS PA RGYA MTSO'I DBUS SU DKA' BZHI'I GRVA SKOR MDZAD DE LEGS BSHAD SPRIN GYI SGRA DBYANGS RGYA CHER BSGRAGS PAS PHYOGS 'DUS KYI MKHAS MANG MDONGS LDAN MTHA' DAG LEGS BSHAD DBYAR SKYES SGRA DBYANGS KYIS TSIM NAS MKHAS GRUB CHEN PO 'DI 'BA' ZHIG GI YON TAN BSNGAGS PAS SDUS 'DAS TE GTAM GZHAN GLENG BA'I GOS KAB MED PA LTA BU GYUR TO, ,DE NAS 'JAM

, ,DBYANGS DGE 'DUN BLO BZANG GI BKAS BSKUL TE DGUNG LO NYER DRUG GI THOG BKRA SHIS LHUN PO'I CHOS KHRIMS BZUNG STE YANG DAG PA'I CHOS KYI KHRIMS KYI 'OD BSIL MNYAM PAR BKYE BAS CHOS GRVA KUNDA'I TSAL MTHA' DAG KUN TU 'BAR BA RDZOGS LDAN GYI DUS LA 'GRAN PA LTA BUR GYUR CING, ZANG ZING GI BSNYEN BKUR GYIS KYANG DGE 'DUN RNAMS LEGS PAR TSIM PAR MDZAD DO, ,DE RJES, SNGAR BKRA SHIS LHUN PO'I MKHAN PO MDZAD DUS NAS MDO SNGAGS KYI CHOS MANG DU GSAN ZHING THUGS MOS KYANG CHER YOD PA LTAR PAn CHEN RIN PO CHE DON YOD RGYAL MTSAN GYI ZHABS DRUNG DU CHOS GRVA CHEN PO GANGS CAN CHOS 'PHEL DU PHEBS TE BLO SBYONG MTHA' DAG GI LUNG DANG, KHYAD PAR DON BDUN MA'I NYAMS KHRID SOGS CHOS MANG DU ZHUS SHING DPYID CHOS NAS STON CHOS KYI BAR DU BZHUGS, SLAR BKRA SHIS LHUN BOR PHEBS, DE NAS ZHAL SNGA NAS DGE 'DUN BLO BZANG PA NYID KYIS DBEN DGON DU RJE GRUB BA'I DBANG PHYUG DBEN SA PA CHEN PO LA DPAL GSANG BA 'DUS PA'I DMAR KHRID LA SOGS PA'I GDAMS PA ZHU BA'I SNYAN GSAN DANG, ZHAL SNGA NAS RANG NYID 'PHRAL PHUGS SU JI LTAR BYA BA'I BSLAB DON ZHU BA'I ZHU YIG 'BUL BA'I BANG PHYIN LA 'BYON DGOS TSUL BYUNG BAS 'TSAMS SBYAR TE, BDAG NYID KYANG MNGON PAR DGYES BZHIN DU DBEN SA CHOS KYI PHO BRANG DU PHEBS MA THAG MJAL KHA YANG GEGS MED DU BYUNG ZHING, MJAL RTEN DU SPYI BLUGS SHIN TU LEGS

PA ZHIG YOD PA PHUL BAR DE DUS RGYAL BA DBEN SA PA CHEN PO GZHAN GYIS CHAS DNGOS PHUL BA BZHES PAR MI MDZAD KYANG BDAG NYID CHEN PO 'DI RGYAL BA DBEN SA BA RANG NYID KYI CHOS KYI RGYAL TSAB TU 'GYUR BAR GZIGS NAS DGYES BZHIN DU BZHES PA NA MKHAS GRUB SANGS RGYAS YE SHES RGYAL BA DBEN SA PA'I SKU GZIGS PA TZAM GYIS SNANG BA 'GYUR ZHING DAD GUS TSAD MED PAR 'KHRUNGS TE, CHOS KYI BKA' DRIN ZHIG KYANG ZHUS, ZHAL SNGA NAS DGE 'DUN BLO BZANG PA NYID LA NI ZAB DON GYI GDAMS PA STZOL BAR BKA' MA GNANG STE, SLAR BKRA SHIS LHUN POR PHEBS, DE NAS ZAB MO RDO RJE THEG PA'I SKYED TSAL DU 'JUG PAR DGONGS TE RJE RIN PO CHES, 'DI NA RDZOGS SANGS RGYAS SU BGROD PA LA, , ZAB MO RDO RJE THEG DANG PHAR PHYIN THEG ,RNAM PA GNYIS YOD GSANG SNGAGS PHAR PHYIN LAS, ,SHIN TU KHYAD PAR 'PHAGS PA YIN NO ZHES, ,NYI MA ZLA BA LTA BUR KUN TU GRAGS, ,TSIG DE DBEN PA'I TSIG TU 'DOD BZHIN DU, ,ZAB MO'I THEG DE JI LTA BU ZHIG CES, ,TSOL BAR MI BYED MKHAS PA'I KHUR 'DZIN PA, ,DE 'DRA DE YANG SHES RAB CAN YIN NA, ,DE LAS GZHAN PA'I DBANG PO RTUL PO GANG, ,SHIN TU PHRAD DGA' GONG NA MED PA'I LAM, ,'DI 'DRA YAL BAR 'DOR BA KYE MA'O MTSAR, ,DE NYID PHYIR NA RGYAL BA'I THEG PA MCHOG ,SANGS RGYAS LAS KYANG DKON BA'I RDO RJE THEG ,DNGOS GRUB GNYIS KYI GTER GYUR ZAB MO DER, ,ZHUGS NAS 'BAD PA MANG POS RING DU SBYANGS, ,ZHES GSUNGS PA LTAR, SANGS RGYAS

, ,LAS KYANG DKON PA'I CHOS BLA MED RDO RJE THEG PA DANG LAN CIG MJAL BA'I SKABS 'DIR RDO RJE THEG PA'I LAM LA SBYANGS TE SNYING PO LON PA ZHIG MA BYAS NA DAL PA STONG LOG TU 'GYUR RO SNYAM DU DGONGS NAS 'JAM MGON BLA MA'I SNGAGS KYI GSANG MDZOD 'DZIN PA'I GNAS DPAL LDAN SMAD RGYUD GRVA TSANG DU PHEBS BZHED DE CHOS KYI RJE DGE 'DUN BLO BZANG PA'I DRUNG DU GNANG BA GSOL ZHING, MAR LAM DBEN DGON DU RJE BLA MA'I DRUNG DU'ANG GNANG BA DANG BAR CHAD MI 'BYUNG BA'I THUGS DAM SKYABS 'JUG DANG PHYIS ZHABS DRUNG DU YONGS CHOG PA'I BKA' YANG DAG PAR ZHUS TE ZHABS SEN DBANG PO'I PHYOGS SU BKOD NAS DBUS PHYOGS SU PHEBS, YAR LAM SE 'BRAS LHA SA DANG BCAS PA LEGS PAR MJAL TE RI BO DGE LDAN RNAM PAR RGYAL BA'I GLING DU PHEBS, DER RGYUD SMAD KYI SLOB DPON RDO RJE 'CHANG NAM MKHA' GRAGS KYI ZHABS RDUL SPYI BOS BLANGS TE GUS PA DANG RTAG TU SBYOR BA'I BRTZON 'GRUS BSTEN PAS RGYUD KYI RGYAL PO'I TSIG DON GYI DE KHO NA NYID RING POR MA LON PAR MNGON DU GYUR TE, DER RGYUD KYI GRVA LA ZHUGS NAS LO GCIG CUNG MA LON TZAM LA, CHU HA CANG BSIL BA'I REG PAS NYEN TE ZHABS NAD KYIS MI BDE BA'I RNAM PA BYUNG BAS RE ZHIG SMAN DPYAD BSTEN PA SOGS GTZO BOR MDZAD PAS, RING PO MA LON PAR ZLA BA GZA' LAS GROL BA LTAR SKU KHAMS KYANG LEGS PAR DVANGS, DE NAS SMAD RGYUD GRVA TSANG GI PHYAG BZHES LTAR BDE GSANG 'JIGS GSUM GYI SGRUB

THABS DKYIL CHOG SBYIN SREG DANG BCAS BA'I PHYAG LEN GANG THIG DBYANGS GSUM DANG BCAS PA TSANG MA LEGS PAR SBYANGS TE THUGS SU CHUD PAR MDZAD NAS SLAR GTZANG PHYOGS LA PHYAGS BTEG ,THOS BSAM GLING DU CHOS KYI RJE DGE 'DUN BLO BZANG PA'I DRUNG DU PHEBS TE PHYAG MDZAD PAS, 'O DRUNG RAB 'BYAMS PA 'KHOR BA CIS KYANG LEGS, KHO BOS DPAL LDAN LHA MO LA NGA'I RAB 'BYAMS PA KHUG SHOG CIG CES BKA' BSGOS PAS DRUNG PA DBUS PHYOGS SU BZHUGS PA LA GNOD PAR MCHIS GSUNG, TSUL 'DI NI DAM PA 'DI NYID LHA SAR ZHABS BSNYEL BA'I SKABS SU DA NAD 'DI LAS GROL NA GTZANG LA 'GRO SNYAM DU DGONGS PA'I NUB CIG MNAL LAM DU'ANG BU MO GZHON NU MA ZHIG DA DON GRUB PAS GTZANG LA LOG 'GRO ZER BA CIG BYUNG GSUNG BA DANG MTHUN PAR SNANG NGO, ,DE NAS DBEN DGON DU PHYAGS PHEBS TE RJE GRUB PA'I DBANG PHYUG DBEN SA PA CHEN PO BSAM SBYOR GNYIS KYI SGO NAS LEGS PAR BSTEN CING, RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYI LAM SROL DPAL AA TI SHA DANG, RGYAL BA GNYIS PA TZONG KHA PA CHEN PO'I THUGS KYI BCUD PHYUNG BA, BYANG CHUB LAM GYI RIM PA'I MYONG KHRID SNYAN RGYUD KYI MAN NGAG ZHAL SHES GEGS SEL BOGS 'DON DANG BCAS PA LEGS PAR GSAN TE RGYAL BA DBEN SA PA CHEN PO NYID KYI ZHABS DRUNG DU 'TSO CHAS KYI RTZOL SGRUB TZAM YANG MA MDZAD PAR TSE 'DI'I 'KHRI BA GANG YANG MED PAR DKA' THUB LA GNAS TE YUN RING DU

, ,SGOM PAR MDZAD BAS PHAL BU SKYES PA LTAR THUGS SHIN TU MNYES PAR GYUR, DE'I TSE MKHAS GRUB SANGS RGYAS YE SHES KYIS LO GSUM GYI RING SKYES BU CHUNG DU GTZO BOR BYAS TE BSGOMS PAS RTZOL MED KYI MYONG BA THON TE, DE YAN GYI LAM GYI RIM PA RNAMS MYUR DU THUGS RGYUD LA 'KHRUNGS PA ZHIG BYUNG ZHES DBEN SA SNYAN RGYUD KYI BLA MA GONG MA RNAMS KYI GSUNG RGYUN LAS 'BYUNG NGO, ,DE NAS SRID PA MTHA' DAG LA ZHEN PA LOG BA'I NGES 'BYUNG BCOS MA MA YIN PA THUGS RGYUD LA 'KHRUNGS PA NA RGYAL BA'I BSTAN PA'I NANG MDZOD 'DUL BA'I BSLAB GZHI YONGS SU RDZOGS PA DGE SLONG GI SDOM PA LEN PAR BZHED NAS RGYAL BA DBEN SA PA CHEN PO LA ZHUS PAS DBEN SA PA CHEN POS JI LTAR LUNG BSTAN PA LTAR SHANGS MDO RI BO DGE 'PHEL DU GRUB PA'I DBANG PHYUG PHYOGS LAS RNAM PAR RGYAL BAS MKHAN PO DANG, BDE YANGS SLOB DPON CHOS RJE DGE LEGS PAS LAS SLOB DANG, NOR GDENGS PA CHOS RJE SH'AKYA DPAL BZANG PO BAS GSANG STON MDZAD DE, DAD PA'I DGE 'DUN GRANGS TSANG BA'I DBUS SU BSNYEN PAR RDZOGS TE LHAG PA TSUL KHRIMS KYI BSLAB PA LHA'I CHU BOS YID KYI RDZING BU YONGS SU GANG BAS SKYE DGU LAG LDAN MTHA' DAG GI PHAN BDE'I GZHI DANG YON GNAS BLA NA MED PAR GYUR TO, ,DE NAS MKHAS GRUB SANGS RGYAS YE SHES KYIS GRUB PA'I DBANG PHYUG PHYOGS LAS RNAM RGYAL BA'I DRUNG DU SNAR THANG BRGYA RTZA'I RJES GNANG LUNG DANG BCAS PA,

BKA' GDAMS LHA BZHI'I RJES GNANG, TSE DPAG MED LHA DGU DANG, KUN RIG GI DBANG SOGS DAM PA'I CHOS MANG DU GSAN TE SLAR DBEN DGON DU PHEBS NAS SGRUB PA LA RTZE GCIG TU BRTZON PAR MDZAD CING, KHYAD PAR DBEN SA PA CHEN PO LA BSNYEN RGYAB KYI THUGS DAM SKYABS 'OG ZHUS NAS DBEN SA'I DGON PA GZHOL GYI GTZANG KHANG DU DPAL RDO RJE 'JIGS BYED KYI BSNYEN BSGRUB MDZAD PAS RE ZHIG CIG NA THUGS DAM GYI RIM PA RNAMS KYANG GRUB STE NAM GYI GUNG LA REG NAS GZIMS PA NA, SKU GRANG BA'I NYAMS SHIN TU CHE BA ZHIG BYUNG BA NA RGYAL BA BLO BZANG DON GRUB NYID BLA BRANG GI 'DEGS SGO NA BZHUGS PA'I SKU BEM GYI SNE MOS RANG MNGON PAR BKAB PA'I NYAMS SHIN TU GSAL BA ZHIG BYUNG BAS BDE DROD TSAD MED PA RANG 'BAR BYUNG NGO, ,YANG DE'I DUS SDIG PA RVA CAN LAG PA TZAM ZHIG 'JIGS 'JIGS LTAR BDAG NYID KYI MDUN DU BYUNG BA LA BAG TSA BA MED PAR BTANG SNYOMS SU BZHAG PA NA RVA GNYIS MGAL ME LTAR 'KHOR ZHING 'DUG PAS DGOD CIG SHOR, DE KHAR RANG YAL DU SONG GSUNG, YANG DE'I DUS SU SNANG BA THAMS CAD BDUD DU SHAR NAS NYAMS SHIN TU MI DGA' BA CIG BYUNG BA LA DGONG GCIG BLA BRANG GI BA ZHIG YOD PA DES 'DU KHANG GI SGO PHYE NAS GTZANG KHANG DU BYUNG STE RANG NYID KYI SNYING GAR KHA BTZUGS TE SNYING DMAR TZAR GYIS KHYER SONG, DE MA KHAD YID MI BDE BA DE LHAG MA MED PAR SANGS SONG GSUNG, MDOR NA DE'I DUS DNGOS SU RNAL 'BYOR PA'I RNAM PA CAN DANG, BYA RI DVAGS LA SOGS

, ,GZUGS CAN SNA TSOGS BA ZHIG SKU DRUNG DU 'OD ZHING 'KHONG PA LA BDAG NYID LHA'I NGA RGYAL DANG, TING NGE 'DZIN SHIN TU BRTAN PA'I NGANG NAS GSANG SNGAGS KYI BZLAS BRJOD LAS SKAD CIG KYANG G-YEL BA MI MNGA' PAS SNANG BA DE DAG NAM MKHA'I DBYINGS SU SPRIN PHUNG ZHI BLTAR 'GRO BZHIS BYUNG, SNANG TSUL DE DAG RGYAL BA DBEN SA CHEN PO LA ZHUS PA NA SNANG BA DE DAG LA 'JIGS PA DANG YANG BA YANG MI DGOS, DE LAS 'JIGS PA STAG DANG RO LANGS LA SOGS PA YANG YOD, DE 'DRA BYUNG NA CI 'DRA MCHIS GSUNG, MDOR NA DE'I DUS NGO MTSAR BA'I GZIGS SNANG LHAG PA'I LTAS BYIN GYIS BRLABS PA'I SNANG BA RMAD DU BYUNG BA BRNYES SO, ,DE LTAR 'JIGS BYED KYI BSNYEN PA THON NAS RGYAL BA DBEN SA PA CHEN PO NYID KYI ZHABS DRUNG DU MGON PO'I BKA' CHEN BCU GSUM GYI RJES GNANG DANG, BE'U BUM GYI LUNG LA SOGS PA MGON PO'I CHOS SKOR YONGS SU RDZOGS PA DANG, CHOS RGYAL PHYI NANG GSANG GSUM GYI SGRUB SKOR RJES GNANG DANG BCAS PA YONGS SU RDZOGS PA DANG, GSANG BDE 'JIGS GSUM GYI DBANG BZHI YONGS RDZOGS KHRID LAG RJES DANG BCAS PA THUN MONG DANG THUN MONG MA YIN PA'I GDAMS PA RMAD DU BYUNG BA RNAMS DANG, LAM RIM CHE CHUNG GI LUNG GZABS BSHAD DANG BCAS PA RNAMS DANG, THUN MONG DANG THUN MONG MA YIN PA'I TSE DBANG KHRID DANG BCAS PA DANG, RJE BTZUN TZONG KHA PA CHEN PO'I SGRUB SKOR THUN MONG MA YIN PA RNAMS DANG, 'PHAGS PA

BCU GCIG ZHAL GYI RJES GNANG, SNYING PO DON GSUM DANG, TSEM BU DMAR KHRID SOGS 'PHAGS PA'I CHOS SKOR YONGS SU RDZOGS PA DANG, SKYER SGANG LUGS KYI RTA MGRIN GYI RJES GNANG SGRUB SKOR DANG BCAS PA'I LUNG DANG, YIG CHUNG NYI SHU RTZA GCIG GI LUNG DANG, MKHAS GRUB THAMS CAD MKHYEN PA'I LTA KHRID DANG, RGYAL SRAS BLO GROS SBAS PA'I LTA KHRID RNAMS KYI LUNG DANG, SKYABS 'GRO'I KHRID RIM THUN MONG DANG THUN MONG MA YIN PA RNAMS DANG, GCOD KYI CHOS SKOR YONGS RDZOGS DANG, THUN DRUG GI RNAL 'BYOR LA SOGS PA MDOR NA LHAG BA'I LHA DANG YI DAM DANG CHOS SKYONG DU MA'I RJES GNANG SGRUB SKOR MTHA' YAS PA DANG, GTOR 'BUM GYI LUNG DMIGS RIM DANG BCAS PA DANG, ME TOG DANG, RDO DANG, CHU'I BCUD LEN BYA TSUL GYI LUNG LA SOGS PA ZAB PA DANG RGYA CHE BA'I CHOS TSUL MTHA' YAS BA ZHUS SHING PHYAG LEN LA THEBS PAR MDZAD DO, ,DE LTAR RMAD DU BYUNG BA'I GDAMS PA'I GTER CHEN POR NI GYUR, SDOM PA GSUM YANG DAG PAR NOS NAS BCAS MTSAMS LAS SKAD CIG TZAM YANG MI 'DA' BAR MIG GI 'BRAS BU LTAR SKYONG BA'I DRAN SHES KYI GOMS PA NI YONGS SU RDZOGS, ZHI LHAG ZUNG DU 'BREL BA DANG BSKYED PA'I RIM PA GOMS PA MTHAR PHYIN TE BDE STONG DBYER MED KYI TING NGE 'DZIN KHYAD PAR CAN BRNYES PAS, DA NI TSE 'DI'I 'KHRI BA BTZAN THABS SU BCAD DE TSE DANG SGRUB BA MNYAM PA ZHIG BYA'O SNYAM DU DGONGS PA 'BA' ZHIG BYUNG STE, MKHAS GRUB SANGS RGYAS YE SHES RANG

, ,NYID KYI GSUNG LAS KYANG, DE DUS RJE BLA MA LA DAM PA'I CHOS 'DOD DGUR ZHUR YOD PA ZHIG YIN NA'ANG, THUN MONG MA YIN PA'I GDAMS PA RNAMS NI THOB, DA SNANG BA MI DANG MI BSTUN PA'I SGRUB BA ZHIG BYED PAS RNAM GRANGS MANG POS DGOS BA MI 'DUG SNYAM DU MA ZHUS BA DES CUNG ZAD THOB RGYA CHUNG BA BYUNG 'DUG GSUNGS, DE NAS, BDAG NYID CHEN PO 'DI DGE 'PHEL GYI MKHAN POR SPYAN 'DREN PA'I GSOL BA 'DEBS PA DANG, SDE PA RIN SPUNGS BA DPON BLON GYI PHYAG DMAN NA CHAGS PA DANG BCAS BYUNG BA LA, DAM PA 'DI NI SKYE BA MANG BOR DBEN PA LA THUGS GZHOL BAS DANG DU MA BZHES KYANG, RGYAL BA DBEN SA BA CHEN BOS DAM TSIG LA BKAR TE RANG DBANG MED PAR RE ZHIG MDZAD PA'I ZHAL LEN GNANG, DE NAS GZA' SKAR 'PHROD SBYOR LEGS PA'I THOG ,KUN MKHYEN CHEN PO SHES RAB DPAL BZANG GI GDAN SA SHANGS MDO RI BO DGE 'PHEL GYI CHOS KHRI LA 'KHOD NAS DON DU GNYER BA DAG LA LEGS PAR BSHAD PA'I CHAR CHEN PO YANG PHAB, DE'I MU NAS RJE GRUB BA'I DBANG PHYUG GI ZHABS LA TSER MA'I REG BAS NYEN PA'I BSNYUN TSUL BSTAN NAS, SKU'I BKOD BA NYE BAR BSDU BA LA GZHOL ZHING, SEMS DPA' CHEN PO 'DI NYID BDAG NYID KYI RGYAL TSAB TU 'OS PAR GZIGS NAS GDAN DRANGS TE LHA DANG BCAS PA'I 'GRO BA MTHA' DAG LA ZAB PA DANG RGYA CHE BA'I SNYAN RGYUD KYI GDAMS PA'I 'KHOR LO BSKOR BA'I CHOS GYI RGYAL SRID DU DBANG BSKUR BAR

MDZAD DO, ,DE NAS RING POR MA LON PAR RJE GRUB PA'I DBANG PHYUG DBEN SA PA CHEN PO MYA NGAN LAS 'DAS PA'I MDZAD PA BSTAN PA NA, CHOS DANG ZANG ZING GI SGO NAS THUGS DGONGS YONGS SU RDZOGS BAR MDZAD CING, KHYAD PAR DBEN DGON DU RJE GRUB PA'I DBANG PHYUG DBEN SA PA CHEN PO'I GZIM SPYIL BZO BCOS MED PAR GTZANG KHANG DU BZHAG NAS GTZUG LAG KHANG MGON KHANG BLA BRANG DANG BCAS PA'I 'GAM BTINGS TE 'KHOR LO GSUM GYI ROL PA KHO NAS DUS 'DA' BAR MDZAD, DE NAS RGYAL BA DBEN SA PA CHEN PO NYID KYI DON GYI DGONGS PA LTAR GTZANG KHANG GI NANG DU SKU GDUNG RIL POR BZHUGS SU GSOL TE, RIN PO CHE BRDAR BA'I PHYE MA DANG SMAN 'DAM LAS RJE BTZUN DAM PA RANG NYID KYI SKU 'DRA BYIN RLABS KYI GZI 'OD 'BAR BA KUN GYI MIG GI BDUD RTZIR SPUNGS PA LTA BUR PIR THOGS RGYAL PO SMAN THANG NAS CHOS KYI RJE BLO BZANG RGYA MTSO DPON SLOB RNAMS KYIS LEGS PAR BZHENGS, 'DI'I NANG BZHUGS SU DE BZHIN GSHEGS PA'I RING BSREL, DAM PA GONG MA MANG PO'I SKU GDUNG DANG RING BSREL, SKU BAL SOGS BYIN RTEN TSANG MED PA BZHUGS SO, ,GTZANG KHANG GI LOGS RNAMS LA BLA MA LHA'I RNAL 'BYOR GYI RIM PA DANG MTHUN PA'I GSANG BDE 'JIGS GSUM KYEE RDOR DUS 'KHOR RNAMS KYI SKU DANG STENG DU RANG RANG GI BLA MA BRGYUD PA, 'OG TU SO SO'I CHOS SKYONG DANG BCAS PA LEGS PAR BZHENGS, GTZANG KHANG GI RTEN BZHENGS RNAMS GRUB CING 'DU KHANG GI THOG KHEL MTSAMS SU 'GRO BA THAMS CAD

, ,KYI 'DREN PA DAM PA LNGA BRGYA PA RNAMS KYI GTZUG GI NOR BU GANGS CAN GYI MGON PO THAMS CAD MKHYEN PA BSOD NAMS RGYA MTSO'I DPAL GTZANG PHYOGS SU CHIBS KHA BSGYUR BA RTEN 'BREL LEGS BAR 'DZOM, DBEN DGON DU GDAN DRANGS RAB TU GNAS PA MDZAD CING ME TOG GI CHAR CHEN PO MNGON PAR PHAB, RGYAL BA THAMS CAD MKHYEN PA RANG NYID KYANG SKU GDUNG RIN PO CHER DBU GTUGS TE RGYUN RING DU BZHUGS DANG GUS TSAD MED PA 'KHRUNGS SHING, SKU 'DRA RIN PO CHE RDO RJE 'JIGS BYED KYI SKUR GZIGS SO, ,DE NAS MKHAS GRUB SANGS RGYAS YE SHES DPON SLOB RNAMS RGYAL BA THAMS CAD MKHYEN PA BSOD NAMS RGYA MTSO'I ZHABS PHYIR PHEBS TE, BKRA SHIS LHUN POR SGROL MA NYI SHU RTZA GCIG GI RJES GNANG DANG, BKA' GDAMS GLEGS BAM GYI LE'U 'GA' RE'I LUNG DANG, MGON PO ZHAL LUGS GSUM GYI RJES GNANG DANG THUN MONG MA YIN PA'I GTOR CHEN LAS TSOGS DANG BCAS PA GDAMS PA YONGS SU RDZOGS PA'I LUNG SOGS CHOS BKA' MANG DU GSAN, SLAR DBEN DGON DU PHEBS TE MKHAR LAS KYI 'PHRO YONGS SU RDZOGS PAR MDZAD DO, ,MTSAMS SHIG TU SPOR TOG TU PHEBS NAS GRUB PA'I DBANG PHYUG PHYOGS LAS RNAM RGYAL BA'I DRUNG DU DPAL DUS KYI 'KHOR LO'I DBANG GONG MA RNAMS DANG BCAS PA DANG, GZHAN YANG BKA' CHOS MANG DU GSAN, GLANG MIG TU YANG 'JAM DBYANGS LEGS PA'I BLO GROS KYI SKU SKYE RJE RIN PO

CHE GLANG MIG PA ZHES GRAGS PA DE NYID KYI DRUNG DU'ANG DAM PA'I CHOS MANG DU GSAN, DE NAS SMAN THANG NAS CHOS KYI RJE BLO BZANG RGYA MTSO DPON SLOB RNAMS KYIS THUGS KYI KHUR BZHES TE 'DU KHANG GI LOGS BRIS YONGS SU RDZOGS PAR MDZAD CING, GUNG DU RGYAL BA BLO BZANG DON GRUB KYI SKU 'DRA SKYA RIS BTAB PA'I TSE NYIN MTSAN KHOR YUG TU MAR ME BZUNG BA SOGS NGO MTSAR BA'I LTAS DU MA YANG BYUNG, SKU 'DRA 'DIS MKHAS GRUB SANGS RGYAS YE SHES LA MNAL LAM DU GSUNG LAN GNYIS TZAM BYON NO, ,DE LTAR 'BAD PAS MTHAR BDE BAR GSHEGS PA'I SKU DNGOS SU BYON PA LTA BU SKYE BO MTHA' DAG YID 'PHROG CING, MKHAS PA RNAMS MGU BA SKYED PA'I LOGS BRIS LEGS PAR GRUB NAS RAB TU GNAS PA'I DGA' STON RGYAS PAR BSGRUBS TE 'JAM MGON SNYAN RGYUD KYI BSTAN PA NAM YANG MI NYAMS PAR PHYOGS KUN TU 'PHEL ZHING RGYAS PA DANG, GRUB PA'I GNAS MCHOG 'DI YANG 'JAM MGON SNYAN RGYUD BSTAN PA'I 'BYUNG KHUNGS SU SGRUB PAR MDZAD DO, ,DE NAS MKHAS GRUB SANGS RGYAS YE SHES DPON SLOB RNAMS GANGS CAN CHOS 'PHEL DU PHEBS TE, RDO RJE 'DZIN PA CHEN PO RIGS PA SENG GE'I DRUNG DU BDE MCHOG LO DRIL GNYIS KYI DBANG, 'JIGS BYED KYI DBANG, KYEE RDOR GYI DBANG, 'KHOR CHEN GYI DBANG, TSE DPAG MED LHA DGU'I DBANG, DPAL LDAN LHA MO'I DBANG BZHI, GUR ZHAL GYI RJES GNANG, N'A RO CHOS DRUG GI KHRID, BDE MCHOG GI MNGON PAR RTOGS PA RGYA CHER BSHAD PA

, ,'DOD 'JO, RDZOGS RIM RNAL 'BYOR CHEN PO'I RNAM BSHAD, BRTAG GNYIS t'IKA CHEN, KYEE RDOR, BDE MCHOG RNAMS KYI MNGON DKYIL SO SO'I LUNG SOGS CHOS MANG DU GSAN NAS, SLAR GRUB PA'I GNAS MCHOG DBEN DGON DU PHEBS TE 'KHOR LO GSUM GYI BYA BAS 'JAM MGON SNYAN RGYUD KYI BSTAN PA 'PHEL ZHING RGYAS PAR MDZAD DO, ,DE NAS MKHAS GRUB SANGS RGYAS YE SHES DPON SLOB NYUNG BSDUS SHIG RGYAL BA BSOD NAMS RGYA MTSO SOG YUL LA PHEBS KHAR MJAL BAR BZHED DE, DPON SLOB THAMS CAD GLANG GI LO ZLA BA GSUM PA'I NANG DU DBUS PHYOGS SU PHEBS TE, THOG MAR LHA SAR JO ZHAL GNYIS SOGS RTEN RNAMS KYI DRUNG DU BSTAN PA RGYAS PA'I SMON LAM YANG DAG PAR MDZAD, DER DPAL GYI LHA MOS DNGOS SU GSUNG BYON PAR YANG 'DUG ,DE NAS RI BO DGE LDAN DU CHOS RJE BYAMS PA RGYA MTSO'I DRUNG DU'ANG LAM RIM GYI 'GO NAS CHOS 'BREL ZHIG GSAN, DE NAS RGYAL BA THAMS CAD MKHYEN PA'I DRUNG DU DAD GUS KYIS KUN NAS BSLANGS PA'I 'BUL BA YANG DAG PAS MNYES PAR BYAS SHING ZAB PA DANG RGYA CHE BA'I CHOS MANG DU ZHUS, LHA'I BTZUN PA BSOD NAMS DPAL BZANG PO'I DRUNG DU'ANG SPYOD 'JUG DANG MTSAN BRJOD LA SOGS PA'I LUNG DU MA ZHUS, DE'I TSE DAM PA 'DI NYID KYI DRUNG DU'ANG, STOBS KYI 'KHOR LOS BSGYUR BA DGE LDAN PA YAB SRAS LA SOGS PA'I MI CHEN DANG, DGE BA'I BSHES GNYEN DU MAS ZHABS

LA GTUGS SHING, MKHAS GRUB DAM PA 'DIS KYANG SKAL LDAN DE DAG LA ZAB PA DANG RGYA CHE BA'I CHOS KYI BKA' DRIN YANG DAG PAR STZAL TE SLAR GTZANG PHYOGS SU PHEBS, DE KHA'I STON GTZANG RONG GI SDE 'KHRUG CHEN PO BYUNG STE, GRA PA BYING BSOD SNYOMS LA BYON SHUL GZIM KHANG NA DPON SLOB GSUM LAS MED PA'I THO RANGS SHIG PA SNAM RDZONG GI SRUNG CHA BA'I KHROD NAS DVAGS PO DANG, DE LA BRTEN PA'I PA SNAM PA'I PHO YAN 'TSOGS PA'I DMAG GI TSOGS SHIN TU 'JIGS PAS BCOMS TE MDA' MTSON GYI CHAR PHAB, DE'I TSE BDAG NYID CHEN PO 'DIS DE LTAR MA BYED CES 'JIGS PA MED PA LTAR SKU MNGON DU PHYUNG STE SKAL NGAN DE DAG LA GO BAR MDZAD PA NA NGAN PA DE DAG GIS DAM PA 'DI LA CHES CHER BSDIGS NAS MDA' 'PHANGS BA PHAL CHER BDAG NYID CHEN PO'I SKU LAS YOL TE 'GRO ZHING, 'GA' ZHIG PHOG KYANG JI LTAR RDO RJE RIN PO CHE'I RANG BZHIN GYI BRAG RIL MDA' PHAL PA 'PHANGS PA LTAR GNOD PA MED PAR BRUL BAR BYED DO, ,DER SDIG PA CAN DE DAG KYANG 'DI LA NI MTSON BSRUNG BLA NA MED PA DANG LDAN PA ZHIG GO ,ZHES SGRA DBYANGS SGROGS MOD KYANG LHA DANG BLA MA'I THUGS RJE'I GZI BYIN YIN GYI MTSON SRUNG THA MAL PA NI GNYAN NAS MED GSUNG NGO, ,BDAG NYID CHEN PO 'DI NI BLA MA LHA'I RNAL 'BYOR LA BRTAN PA THOB PAS GANG SNANG THAMS CAD BLA MA LHA'I RNAM ROL TU 'CHAR ZHING, DAM CAN CHOS SRUNG RNAMS KYANG BLA MA LHA'I BYA SGRUB YE SHES KYI RANG SNANG DU SHAR TE RGYUD SDE NAS GSUNGS BA'I 'PHRIN LAS

, ,RAB 'BYAMS THAMS CAD BLA MA LHA'I RNAL 'BYOR GYIS SGRUB NUS 'BYUNG ZHING MKHAS GRUB CHEN PO 'DI NYID CHOS SKYONG LA MNGA' BRNYES PAS GTOR BRDEG DANG BSKANG GSO SOGS GANG GNANG YANG ZIL GZHAN BAS CHE BA ZIG 'ONG, GTOR BRDEG MDZAD PA'I SLA NGA LA ZHABS RJES BYON PA'ANG MANG DU BYUNG 'DUG CING, BSKYED BA'I RIM PA MTHAR PHYIN PAS LHAG PA'I LHA'I NGA RGYAL DANG GSAL SNANG SHIN TU BRTAN PA MNGA' BA'I STOBS KYIS NANG MCHOD RANG KHOL DANG, TSE RIL 'PHAR BA DANG, BDUD RTZI 'BAB PA DANG, TSE CHANG KHOL BA DANG, SPYAN DBYE'I CHE, LHAS ME TOG DNGOS SU BZUNG BA YANG DU MA ZHIG BYUNG, DE NAS DBEN DGON DU LO RE BZHIN MDO SNGAGS KYI ZAB CHOS RGYA CHER GNANG BAS PHYIS NI MKHAS SHING GRUB PA'I SNYAN GRAGS KYI 'UR LANGS TE PHYOGS PHYOGS KYI SDE DGON SO SO'I BLA MA DANG, SDE DPON MANG POS KYANG MCHOD GNAS 'GRAN ZLA MED PAR BZUNG BA YIN NO, ,DE'ANG DUS RGYUN PAR YANG BLA MA LHA'I RNAL 'BYOR KHO NA LA SGRUB PA SNYING POR MDZAD CING RTOGS PA KHYAD PAR CAN DE LA BRTEN NAS BRNYES TE, BKA' LAS, DPAL LDAN BDE CHEN DBEN PA'I PHO BRANG DU, ,RTZE GCIG BSGRUB LA BRTZON BA'I RNAL 'BYOR PA, ,RTAG TU BLA MA DRAN PA'I BSAM GTAN LA, ,G-YEL MED GCIG TU GZHOL ZHING BRTZON PAR BYED, ,CES GSUNGS, YANG BKA' LAS,

MA YENGS DRAN PA'I CHU 'DZIN 'THUG PO LAS, ,DON DAM RIG PA'I GNAM LCAGS CHAR PHAB NAS, ,MTHAR 'DZIN BRAG RI'I PHUNG PO MYUR BSHIG STE, ,BDE CHEN DAM PA'I GNAS SU BGROD PA NI, ,AE MA NGO MTSAR DPAL GYI DAM PA'O, ,ZHES GSUNGS, GZHAN YANG DGE BA'I BSHES GNYEN DU MAS BSKUL BA DANG, BDAG NYID KYANG RJE BTZUN BLO BZANG DON GRUB KYI BKA' DRIN PA'I NYAMS MGUR YANG MANG DU MDZAD DE, 'DI LTAR, NA MO MAH'A MU TR'A YA, PHA GI ZHIG RGYA MTSO CHEN PO NA, ,YID BZHIN NOR BU RIN CHEN YOD, ,DED DPON GYI THABS LA MA BRTEN NA, ,GTING MTHA' ZAB PAS RNYED BAR DKA', ,'DI KHA ZHIG GSUNG RAB KYI RGYA MTSO NA, ,SNYING PO YID BZHIN NOR BU YOD, ,MTSAN LDAN GYI THABS LAM BRTEN NA, ,ZAB RGYAS KYI SPROS PA RNYED PAR DKA', ,DKA' TSUL 'DI SNYING GI DKYIL DU CHONGS, ,DPA' BO DANG DPA' MO'I THUGS KYI BCUD, ,NGOMS PA RANG MED PAR GSOL BAR ZHU, ,ZHU BA 'DI RANG SEMS RGYAL PO LA, ,GDAMS PA BDE CHEN GYI GTER MDZOD YIN, ,ZHES PA DANG, YANG, NA MO MAH'A MU TR'A YA, RGYA MTSOR YOD PA'I NOR BU RIN CHEN DE, ,SHUGS DRAG RLABS KYIS PHYOGS SU BSKYOD NA YANG, ,BSOD NAMS LDAN PA'I 'GRO BA'I DPAL DU CHE, ,BSTAN PA'I SNYING PO RANG SEMS BDE CHEN DE, ,RNAM PAR RTOG PA'I 'KHRUL PAS G-YON YANG,

, ,DAD LDAN SKAL LDAN GDUL BYA'I DPAL DU CHE, ,CHE BAR GYUR CIG BLA MA LHAG PA'I LHA, ,ZHES BYA BA LA SOGS PA GSUNGS, ,DE NAS BDAG NYID CHEN PO DGUNG LO LNGA BCU NGA BRGYAD BZHES PA, SNA TSOGS ZHES PA CHU PHO RTA'I LO'I DGUN BSAM 'GRUB RTZE NAS PHYAG DAM NAN CHES BA'I STABS KYIS DGE 'PHEL KHRI THOG TU PHEBS, LO LNGA'I BAR DU DAM PA'I CHOS KYI 'KHOR LO BSKOR TE CHOS KYI KHRIMS KYANG YANG DAG BAR BSDAMS PAS BKA' DRIN GYIS KHYAB PAR MDZAD DO, ,DE NAS RGYAL BA DBEN SAB CHEN PO'I BKA' LUNG LTAR GRUB PA'I GNAS MCHOG DBEN SA CHOS KYI PHO BRANG NYID SKYONG BA GTZO BOR MDZAD BZHED DE DGE 'PHEL GYI GDAN SA BZHAG NAS 'PHAGS PA 'JIG RTEN DBANG PHYUG GI GDUNG 'DZIN 'GRO BA DU MA'I 'DREN PA GNAS RNYING NAS RJE 'JAM PA'I DBYANGS DGE 'PHEL GYI KHRIR BKOD NAS SLAR YANG GRUB BA'I GNAS MCHOG DBEN SA CHOS KYI PHO BRANG DU PHEBS TE DGUN PHAL CHER SGRUB BA BSAM GTAN GYI 'KHOR LO DANG, DBYAR CHOS LA PHYOGS PHYOGS KYI SDE SNOD 'DZIN PA DANG, GNYUG MAR GNAS PA RNAMS LA ZAB RGYAS MDO SNGAGS KYI CHOS BKA' RGYA CHER STZAL LO, ,DE SKABS RGYAL BA DBEN SA PA CHEN PO SLAR YANG 'JAM MGON SNYAN RGYUD KYI BSTAN PA SPEL BA'I PHYIR BSAM BZHIN DU BYON PA RJE BTZUN BLO BZANG CHOS KYI RGYAL MTSAN DBEN DGON DU GDAN DRANGS NAS DGE BSNYEN, DGE TSUL, DBANG LUNG MAN NGAG THAMS CAD YONGS

SU RDZOGS PAR GNANG STE DBEN SA CHOS KYI PHO BRANG GI MI 'JIGS SENG GE'I KHRI LA MNGON BAR DBANG BSKUR TE SNYAN RGYUD BSTAN PA'I BDAG BOR MNGA' GSOL, NAM MKHA'I DBYINGS THAMS CAD TIL GYI GANG BU LTAR GANG BA'I RGYAL BA SRAS BCAS RNAMS KYIS ME TOG GI CHAR PHAB BO, ,DE NAS RGYAL BA TZONG KHA BA'I RNAM THAR LTAR DBEN SA BA CHEN PO'I SPRUL PA'I SKU 'DI RGYAL BA TZONG KHA PA RANG NYID SLAR BYON PA LTA BU ZHIG 'ONG BAR BYA'O SNYAM DU THUGS LA BRNAGS TE BKRA SHIS LHUN POR THUGS GNYER LA BRDZANGS, DE NAS RJE BTZUN BLO BZANG CHOS RGYAL DGUNG LO BCU DGU'I THOG BKRA SHIS LHUN POR DKA' BZHI'I GRVA SKOR MDZAD PA LA NYE BA'I TSE 'BRUM BU'I BSNYUN GZHI BYUNG BA NA MKHAS GRUB SANGS RGYAS YE SHES DE MA THAG PHEBS TE DBANG BSKUR BYIN RLABS GNANG ZHING GZHUNG LUGS CHEN MO RNAMS LA SBYANGS BA MDZAD LUGS, DE NAS GZHUNG DON GDAMS PAR SHAR BA'I NYAMS LEN LA 'BAD DGOS LUGS, RANG NYID MI NYAMS PA'I GDENG THOB PA NA RJE BLA MA'I SNYAN RGYUD KYI BSTAN PA 'DZIN SKYONG SPEL GSUM 'DI LTAR MDZAD DGOS SO ZHES GDAMS PA MTHIL PHYIN PAR GNANG ZHING LUNG BSTAN GSANG BA'I ME LONG YANG ZHIG TU BSTAN TE, SKU TSE DE'I THA MA'I ZHAL CHEMS LTA BUR BSLAB BYA MTHAR PHYIN PAR MDZAD DE ZHAG GSUM BZHUGS NAS DBEN DGON NYID DU PHEBS SO, ,MDOR NA MKHAS GRUB SANGS RGYAS YE SHES ZHES YONGS SU GRAGS BA'I BDAG NYID CHEN PO 'DI NI TSUL KHRIMS

, ,GSUM GYIS YANG DAG PAR BSDAMS SHING CHAGS SDANG 'GO GNON PA, LHAG PA'I LHA'I RNAL 'BYOR LAS G-YEL BA MED CING BDE STONG GI TING NGE 'DZIN MNGA' BA, RGYAL BA BLO BZANG DON GRUB KYIS DBEN DGON 'DI GNYER DU GTAD PA'I BKA' LAS 'GONGS PA MED PAR SGRUB PA'I SDE 'DI KHO NA THUGS KYI DKYIL DU BCUG NAS 'KHOR LO GSUM GYIS DUS 'DA' BAR MDZAD DO, ,MKHAS GRUB SANGS RGYAS YE SHES KYIS 'DZAM MGON SNYAN RGYUD KYI MAN NGAG RNAMS MI NUB PAR YUN RING GNAS PA'I PHYIR, RJE BTZUN BLO BZANG DON GRUB KYI RNAM THAR GSOL 'DEBS, ZAB LAM BLA MA LHA'I RNAL 'BYOR NYAMS SU LEN TSUL RJE RIN PO CHE LA BRTEN PA'I PHYI NANG GSANG GSUM GYI BLA MA'I RNAL 'BYOR, LAM RIM GSOL 'DEBS DANG 'BREL BA'I BLA MA'I RNAL 'BYOR, LHAG PA'I LHA MANG PO LA BRTEN PA'I BLA MA'I RNAL 'BYOR MANG PO, BYANG CHUB LAM GYI RIM PA'I SKYES BU CHUNG DU'I DMIGS SKOR; GCOD KYI SKOR, TSOGS 'KHOR, RJE RIN PO CHE'I SGRUB THABS, MGON PO'I BLA RGYUD GSOL 'DEBS, BLA MA'I BSTOD PA'I RIM PA, BLA MA MCHOD PA'I CHOG ,THEG CHEN THUN MONG BA'I BLA MA LHA'I RNAL 'BYOR GYI SGO NAS SKYES BU GSUM GYI LAM GYI RIM PA'I KHRID, BLA MA LHA'I RNAL 'BYOR GYI SGO NAS TSE 'DI DON DANG LDAN PAR BYED PA, BLO SBYONG DON BDUN MA BSHAD CHOS TZAM MA YIN PAR RGYUD LA SBYOR TSUL, CHU SBYIN GYI DMIGS SKOR, DE BZHIN

GSHEGS PA BZHI'I DMIGS SKOR, DRIS LAN LEGS PAR BSHAD PA'I SNYING PO NYIN MOR BYED PA'I DPAL ZHES BYA BA, LTA SGOM SPYOD PA'I SNYING BO, GZHAN YANG MAN NGAG SHIN TU ZAB PA'I ZHAL GDAMS BCU GCIG, GZHI LAM 'BRAS BU'I DKA' BA'I GNAD KYI DRI BA DANG DE'I LAN RANG NYID KYIS MDZAD PA, DBU MA'I ZIN BRIS, RJE BKRA SHIS RIN PO CHE BA'I DRI LAN, THEG CHEN GSO SBYONG GI SDOM PA LEN TSUL DANG, THUGS RJE CHEN PO'I SGRUB THABS, YI DAM LA BLA BRE PHUL BA'I GNYER GTAD, CHAB SHOG, GRUB RGYAL LUGS KYI TSE DBANG, GTUM PO KHYUD LNGA'I RJES GNANG, SKYER SGANG LUGS KYI RTA MGRIN GYI RJES GNANG, MGON PO'I RJES GNANG BYED TSUL, RDO RJE 'JIGS BYED KYI SGRUB THABS BDUD THAMS CAD LAS RNAM PAR RGYAL BA NGAG 'DON GYI RIM PAR BSGRIGS PA, RTA MGRIN GYI RNAL 'BYOR NYAMS SU LEN TSUL, SMYUNG BAR GNAS PA'I CHO GA DNGOS GRUB KUN 'BYUNG, BLA MA YI DAM DPAL MGON SRUNG MA'I TSOGS LA MCHOD GTOR 'BUL BA'I RIM PA, CHOS RGYAL GYI SGRUB THABS BDUD DPUNG TSAR GCOD 'PHRIN LAS BZHI'I DNGOS GRUB, GTOR MA'I CHO GA'I RIM PA DNGOS GRUB KUN 'BYUNG, BLA MA LHA 'JAM DPAL DBYANGS KYI SGRUB THABS, BLA MA DPAL RDO RJE 'JIGS BYED KYI RNAL 'BYOR NYAMS SU LEN TSUL LA SOGS PA RNAMS MDZAD DO, DE LTAR MKHAS GRUB SANGS RGYAS YE SHES KYIS ZHING 'DI'I SKU DNGOS KYI GDUL BYA RNAMS KYI DON BSGRUBS ZIN PA NA

, ,NYID KYI DGUNG LO DRUG CU RE BDUN PA, BONG BU ZHES PA LCAGS MO YOS KYI LO ZLA BA BCU GNYIS PA'I NYER LNGA LA SKU TSE 'DI'I GDUL BYA'I THA MA BKA' ZHIG RJES SU GZUNG BZHED PA DANG, BYAMS MGON LA MCHOD 'BUL SMON LAM MDZAD BZHED PA SOGS DGOS PA KHYAD PAR CAN MANG PO ZHIG LA DGONGS TE RONG BYAMS CHEN DU PHEBS NAS JI LTAR BZHED PA'I THA MA'I MDZAD PA RNAMS MDZAD DE ZLA BA BCU GCIG PA'I YAR NGO'I TSES BCU BZHI LA NGO MTSAR BA'I LTAS DANG BCAS TE MYA NGAN LAS 'DA' BA'I TSUL BSTAN TO, ,DE NAS DGUNG ZHAG BDUN GYI BAR DU BSIR BU'I RGYU BA CHAD CING LHA'I ME TOG GI CHAR BABS SO, ,DE NAS RJE BTZUN BLO BZANG CHOS KYI RGYAL MTSAN GYI BKAS MNGAGS TE SKU GDUNG SLAR DBEN DGON DU GDAN DRANGS NAS ZHUGS LA SBYANGS, ZHAG ZHE DGU'I BAR DU TSOGS PAS GUNG TSIGS YAN LA DPAL RDO RJE 'JIGS BYED KYI DKYIL 'KHOR BSGRUBS NAS DBANG BLANGS SHING, DGUNG GI RING BLA MA MCHOD PA'I CHOG MDZAD, BKRA SHIS LHUN PO, DGE 'PHEL, BYAMS CHEN SOGS CHOS SDE RNAMS SU MANG 'GYED DANG, DNGOS 'BUL GYA NOMS PA MDZAD PA SOGS MDOR NA GRA BU SLOB, SDE DGON GYI SBYIN BDAG SO SO DANG BCAS PA TSANG MAS DAD PA CHEN POS THUGS DGONGS YONGS SU RDZOGS PAR MDZAD, DGUNG ZHAG GROL NAS SPUR KHANG ZHAL PHYE BA NA, RING BSREL SRAN MA TZAM ZHIG GIS SNYING POR BYAS SHING PHYI RNAMS RING BSREL

GYIS BYUR BUR GTAMS PA'I THUGS GNYIS, LJAGS, SPYAN, RTZA DBU MA BYANG SEMS DKAR DMAR GYIS GANG BA, DBU KLAD RING BSREL GYIS BYUR BUR GTAMS PA SOGS BYON ZHING, RING BSREL SIL BU BA NI SHIN TU MANG PAR BYON NO, ,DE NAS RJE BTZUN BLO BZANG CHOS KYI RGYAL MTSAN GYIS MKHAS GRUB CHEN PO 'DI NYID KYI SPUR KHANG GI SA PHAG RNAMS LA GZHI BYAS, PHYI ROL TU SKU TSE BYIN BRLABS KYI MCHOD RTEN SHIN TU LEGS PA ZHIG DGUNG ZHAG GROL 'PHRAL DU BZHENGS, DPAL 'KHOR LO SDOM PA'I SGO NAS RAB GNAS RGYAS PAR MDZAD DO, ,DE NAS RJE BTZUN BLO BZANG CHOS KYI RGYAL MTSAN NYID DE SKABS THUGS GNYER GYI SKABS YIN PA DANG, THUGS NGES 'BYUNG SKYO SHAS SHIN TU CHE BAS RTEN BZHENGS SOGS YO LANGS LA MI DGYES KYANG MKHAS GRUB CHEN PO DE NYID KYI SLOB MA MANG PO DANG SBYIN BDAG MANG PO ZHIG GIS BSKUL NAS CHOS KYI RJE BLO BZANG RGYA MTSO BAS SBYIN BDAG DANG ZHAL BKOD KYI MTHIL MDZAD NAS MKHAS GRUB SANGS RGYAS YE SHES KYI SKU 'DRA BSKAL BA DANG PO'I MI TSAD TZAM GSER ZANGS LAS GRUB PA BLTABS CHOG MI SHES PA ZHIG BSGRUBS TE, LHA BZO BA RNAMS KYANG 'BUL NOR GYIS MNYES PAR MDZAD, 'KHOR LO BDE MCHOG GI SGO NAS RAB TU GNAS PA RGYAS PAR MDZAD DE BYIN RLABS KYI GZI BYIN 'BAR BAR BZHUGS SO, ,DE LTA BU'I DAM PA 'DI LA DBUS GTZANG GI LJONGS 'DIR BU SLOB MANG DU BYUNG BA RGYAS PAR NI BRJOD PAR MI SPOBS MOD, RAGS PA TZAM SMOS NA, GNAS RNYING

, ,NAS RJE RIN PO CHE 'JAM PA'I DBYANGS, JO GDAN MKHAN RIN PO CHE NOR BZANG RGYA MTSO, SHAR RTZE SLOB DPON PA RJE SH'AKYA MCHOG GRUB, CHOS RJE BSAM BLO SHES RAB RGYAL MTSAN, CHOS RJE RGYAL BA'I 'BYUNG GNAS MNGA' RIS DKA' BCU PA BLO BZANG DPAL MGON, MKHAN PO SANGS RGYAS TSUL KHRIMS, MNGA' RIS MKHAN PO BSAM RDOR BA, CHU DBAR RIN CHEN DON YOD RGYA MTSO, DBUS PA CHOS RJE DGE LEGS PA, MTSAN SGROG MKHAN CHEN SDINGS PA NANG SO, ,KONG STON 'JAM DBYANGS RGYAL PO, ZHAL SNGA NAS 'JAM DPAL RDO RJE, CHOS RJE GUNG RU SHES RAB BKRA SHIS ,CHOS RJE CHOS DON PA SOGS BSTAN PA'I RTZA LAG TU GYUR PA'I BSHES GNYEN MTHA' YAS SHING THUGS KYI SRAS MCHOG 'JAM MGON SNYAN RGYUD KYI BDAG PO 'GRAN PA'I ZLA THAMS CAD DANG BRAL BA NI RJE BTZUN BLO BZANG CHOS KYI RGYAL MTSAN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB SANGS RGYAS YE SHES LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR 'JAM MGON SNYAN RGYUD 'DZIN PA'I BSHES GNYEN DAM PA TSUL BZHIN DU BSTEN NAS MDO SNGAGS GNYIS KA'I LAM GYI LUS RDZOGS BA'I MAN NGAG THOB PAR BYAS LA THOG MAR LAM THUN MONG PA LA MYONG BA THON NGES SHIG BYA, DE NAS THUN MONG MIN PA RDO RJE THEG PA'I LAM LA SBYANGS TE NGES PA RNYED PA NA BLA MA LHA'I RNAL 'BYOR LAM GYI SROG TU BYAS TE BSKYED

RDZOGS GNYIS LA MYONG BA THON NGES SHIG BYA'O,, ` ,,DGE LEGS YON TAN MA LUS 'BYUNG BA'I GNAS, ,DRI MED BLO BZANG BSTAN PA'I KHANG BZANG RTZER, ,CHOS KYI RGYAL MTSAN 'DZIN PA'I DPAL YON CAN, ,DPAL LDAN BLA MA'I ZHABS LA GSOL BA 'DEBS, ZHES BSNGAGS PA, PAn CHEN BLO BZANG CHOS KYI RGYAL MTSAN NI, GANGS CAN GRUB MCHOG RGYAL BA DBEN SA PA CHEN PO 'JAM MGON BLA MA'I MDO SNGAGS KYI BSTAN PA SPEL BA'I SLAD DU, SNYIGS MA'I 'GRO BA RNAMS THUGS RJES MA BZOD PA DANG RGYAL BA'I DAM CHOS 'DZIN PA'I SMON LAM RLABS PO CHE'I MTHUS BSAM BZHIN DU BYON PA ZHIG STE, DE YANG BDAG NYID CHEN PO 'DI GANG DU 'KHRUNGS BA'I YUL NI GTZANG RONG GI YUL LTAN ZHES BYA BA RTZI SHING NAGS TSAL RGYAS SHING, 'BRU BCUD LO TOG 'PHEL BA SNGON BYON DAM PA MANG POS BYIN GYIS BRLABS PA SOGS DGE MTSAN KHYAD PAR CAN DANG LDAN BA ZHIG STE, DE LTA BU'I YUL DE'I NANG DRUG BRGYAR, SBA YE SHES DBANG PO DANG, MTSUNGS MED G-YAG SDE PAn CHEN SOGS DAM PA DU MA 'KHRUNGS PA'I RIGS SU YAB NI SHER PHYIN BRGYAD STONG PA RGYUN DU KHA TON MDZAD PA SOGS LUNG DANG RTOGS PA'I YON TAN GYIS RGYUD PHYUG PA DRUNG 'TSO BA KUN DGA' 'OD ZER ZHES BYA BA DANG, YUM NI RANG BZHIN GYIS DRANG ZHING NYON MONGS CHUNG LA SKYE BO KUN LA PHAN SEMS CHE BA SOGS KUN GYIS BSNGAGS 'OS SU BYED PA MTSO RGYAL ZHES BYA BA GNYIS KYI SRAS SU, RAB MYOS ZHES PA LCAGS PHO RTA'I LO NGO MTSAR BA'I LTAS

, ,BSAM GYIS MI KHYAB PA DANG BCAS 'KHRUNGS SO, ,DE'I TSE DKAR PHYOGS KYI LHA RNAMS KYIS DA NI 'GRO BA MGON DANG BCAS SO ZHES DGA' BA'I CA CO'I SGRA SGROG, ME TOG 'THOR ZHING GOS KYIS G-YAB MO BYED, LHA 'GA' ZHIG GIS RGYAL SRAS GZHON NU 'DI LA MNGAL GYI DRI MAS GOS PA DAG PAR BYA BA'I PHYIR KHRUS GSOL, GNOD SBYIN LAG NA RDO RJE 'KHOR BRGYA PHRAG MANG PO DANG BCAS PAS PHYOGS PHYOGS SU 'KHOD NAS BAR CHAD BSRUNG, RGYAL BA SRAS BCAS THAMS CAD KYIS RGYAL SRAS 'DI'I DON GRUB PAR GYUR CIG CES BDEN TSIG GI SMON LAM MDZAD PAR NGES TE, SKU GSUM MNGON DU GYUR PA'I RDO RJE 'DZIN PA CHEN PO ZHING 'DIR GDUL BYA'I DON DU SPRUL PA'I SKU BZUNG BA YIN PAS NA ZHING GANG DANG GANG DU SPRUL PA'I SKU BYON PA DE DANG DE'I TSE SNGAR BSHAD PA'I RTAGS DANG MTSAN MA DE DAG 'BYUNG BAR RGYAL BA'I BKA' LAS GSUNGS SO, ,DE LTA BU'I RGYAL SRAS GZHON NU DE MTHUN PA'I DNGOS PO DAG GIS BSKYED BSRINGS SHING LHA DANG BLA MA'I LUNG BSTAN LTAR MTSAN CHOS RGYAL DPAL LDAN BZANG PO ZHES BTAGS SO, ,RGYAL SRAS GZHON NU DE NI BSKAL PA MANG PO'I SNGON ROL NAS LAM LA SBYANGS PA'I MTHU GRUB PA YIN PAS SKU NA SHIN TU PHRA BA'I GNAS SKABS DER YANG BYIS PA GZHAN DAG GI NGANG TSUL LAS 'DAS TE, THUGS RAB SHIN TU GSAL BAS GZHAN DAG GIS SGROL MA DANG, SHES RAB SNYING PO SOGS NGAG 'DON BYAS PA NA ZHAL NAS GSUNG

PAR MA MDZAD KYANG THUGS LA TSIG 'BRU GO RIM DANG BCAS PA GSAL BAR SHAR, DRUNG 'TSO BA ZHAG RE BZHIN MTSAN BRJOD KHA TON 'CHAG MED MDZAD PA GSAN PAS DGUNG LO GSUM PA'I SKABS MTSAN BRJOD THUGS LA GSAL BA NGAG TU 'ANG GTZANG SENG NGE PA 'DON NUS PA BYUNG, DGUNG LO LNGA LON DUS ZHAG RE BZHIN MTSAN BRJOD TSAR LNGA RE ZHAL TON DU MDZAD, DE DUS DBEN DGON PA DPON SLOB KYIS DBYAR GNAS DRUG BRGYAR MDZAD PAS, DE'I TSE RGYAL SRAS GZHON NU DE PHYI ROL TU THABS CI BYAS KYANG BZHUGS MA 'DOD PAR DBEN DGON TSOGS PA'I NANG DU BYON TE GRAL GONG DER BZHUGS PA ZHIG BYUNG, DE'I RGYUS, RDO RJE 'JIGS BYED KYI CHO GA DANG, MGON PO, CHOS RGYAL, LHA MO, PHYAG BZHI PA, GUR ZHAL RNAMS KYI BSKANG GSO RNAMS TSOGS PA'I ZHOR THEGS PA MKHYEN, DGAG DBYE GROL NAS GRVA PA RNAMS BSOD SNYOMS LA BYON, MKHAS GRUB CHEN PO SANGS RGYAS YE SHES ZLA BA GCIG TZAM DER BZHUGS PA'I JA'I GRAL DU MKHAS GRUB SANGS RGYAS YE SHES KYIS, SRAS CHUNG 'DI DBYAR GNAS KYI RING TSOGS DKYIL RANG DU BZHUGS TSUGS SHING, YI DAM DANG BSKANG GSO RNAMS KYI ZHOR 'DEGS KYANG LEGS PAR YONG 'DUG GSUNGS PAS, DRUNG 'TSO 'CHEN MO NA RE, 'DI SHES RAB DGA' RAB YIN PA 'DRA, BDAG GIS KHA TON BYAS PA'I RNA 'JAGS KYIS NA NING LO GSUM PA'I MJUG TU MTSAN BRJOD SHIN TU BYANG BA BYUNG NAS, KHA SANG SKABS SHIG NYIN RE LA TSAR MANG PO 'DON GYIN 'DUG LAGS, DA LTA SKU ZHABS SU RGYUGS PHUL DANG GSUNG, RGYAL

, ,SRAS GZHON NU DES DE 'PHRAL DU YE SHES YON TAN BZANG PO'I BSTOD PA SNGON DU BTANG, RGYA GAR SKAD NAS, MNGON PAR BSTOD DO'I BAR DANG, MJUG TU SHES BYA MKHA' DBYINGS MA'I SMON LAM DANG BCAS PA DAG CING GSAL BSANG BZHIG BSKYAR BAS MKHAS GRUB SANGS RGYAS YE SHES THUGS SHIN TU DGYES NAS 'DON KHYER DAG CING BYANG BA 'DUG, BTZUN PA ZHIG BYED DGOS PA YIN, BTZUN CHAS LEN MI MIN BLTA'O GSUNGS NAS DBU PAn DE PHUD NAS RGYAL SRAS GZHON NU'I DBU LA G-YOGS NAS BTZUN PA LEN PO YONG BA 'DUG CES GSUNGS TE, DE NI MKHAS GRUB SANGS RGYAS YE SHES KYIS RGYAL SRAS GZHON NU 'DI RGYAL BA DBEN SA PA CHEN PO'I SPRUL SKUR YID CHES NAS MA 'ONGS PA'I RTEN 'BREL BSGRIB PA'I PHYIR DE LTAR MDZAD PA YIN TE, RGYAL BA DBEN SA PA CHEN PO SKU'I BKOD PA BSDU BAR PHYOGS PA'I DRUNG DU, MKHAS GRUB CHEN PO SANGS RGYAS YE SHES NYID KYIS DNGOS SU TSIG GI LAM NAS ZHU BA NI MA SPOBS; YID LA GDUNG BA MI BZAD PA SKYES SHING, SKU'I SKYE BA MYUR DU 'BYON PAR GSOL BA RTZE GCIG TU BTAB BAS MKHAS GRUB SANGS RGYAS YE SHES KYI THUGS LA GANG SHAR RGYAL BA DBEN SA PA CHEN POS THUGS KYIS MKHYEN NAS, DRUNG RAB 'BYAMS PA DE TZAM GYI THUGS NGAL MDZAD MI DGOS, NGED KYANG SPEL BA'I DE RU MYUR DU YONG, ZHES GSUNGS PAS, MKHAS GRUB SANGS RGYAS YE SHES SLAR YANG 'JIGS PA DANG MOS PAS THUGS CHAD CHOD DU SONG BAS RGYU MTSAN ZHU MA THUB,

SLAR LHA KHUD SPEL BA ZER BA 'DIR RE BA BCAS TE BRTAGS KYANG DOGS PA TZAM YANG MA BYUNG, PHYIS DRUG BRGYA BA'I SPE'U MTHON PO DE LA RANG DGONGS SAM SNYAM PA BYUNG ZHING, MNAL LAM DU'ANG RGYAL BA DBEN PA DRUG BRGYAR SPRUL SKU STON PA'I LUNG BSTAN MTSAR BA ZHIG BYUNG, 'ON KYANG DA DUNG GDENGS MA BKAL BAR DE DUS RJE GLANG MIG PA CHOS KYI RGYAL MTSAN PA ZHES BYA BA DE MNGON MKHYEN THOGS MED DU GSUNG BAR BYED PAS KHONG LA DRUG BRGYA'I SRAS PO 'DI RGYAL BA DBEN SA PA CHEN PO'I SPRUL SKU YIN MIN BRTAG PA ZHUS PA NA, DRUG BRGYA'I DE SKYE BA GCIG 'PHAR DGOS BYUNG BA MA GTOGS THE TSOM DGOS PA MI BDOG, MING YANG NGED GNYIS MTSUNGS PA YOD PAS CHOS KYI RGYAL MTSAN ZHES 'DOGS PAR MDZOD GSUNG BAS, MKHAS GRUB SANGS RGYAS YE SHES RANG NYID KYI MTSAN LTAS DANG RGYAL BA DBEN SA PA CHEN PO ZHING GSHEGS KHA'I GSUNG RIS DANG, SRAS CHUNG DE RANG GI MDZAD SPYOD DANG YON TAN MTSUNGS PA MED PA DE DAG GZIGS PAS THUGS YID CHES TE DBEN SA PA CHEN PO'I SPRUL SKUR NGOS BZUNG, PHYIS RAB BYUNG SGRUB PAR MDZAD DUS RJE GLANG MIG PAS GSUNG BA LTAR CHOS KYI RGYAL MTSAN ZHES MTSAN BTAGS DE'I STENG DU BLO BZANG ZHES SBYOR BAR MDZAD DO, ,DE LTAR RGYAL BA DBEN SA PA CHEN PO NYID KYIS LHAN DRUG BRGYAR SPRUL PA'I SKU 'BYON PAR ZHAL GYIS BZHES PA DANG, LHA DANG BLA MA GZHAN GYI LUNG BSTAN DANG ,MKHAS GRUB SANGS RGYAS YE SHES KYIS

, ,MNGON SUM DU RGYAL SRAS 'DI'I MDZAD SPYOD RNAMS GZIGS PAS THUGS GTING NAS YID CHOS SHING, 'PHRAL DU YONGS LA BSGRAGS NA BAR CHAD BYUNG DOGS PAS YAB YUM LA'ANG DE RIGS MA GSUNGS PAR DON GYIS PAn ZHVA DBU LA G-YOGS TE 'JAM MGON SNYAN RGYUD KYI BSTAN PA'I BDAG POR 'GYUR BA'I RTEN 'BREL BSGRIG PAR MDZAD PA'O, ,RGYAL SRAS GZHON NU DE DGUNG LO LNGA PA'I DUS DE NYID DU BDE GSHEGS BDUN GYI CHO GA BZUNG STE DUS BZANG RNAMS SU 'CHAG MED ZHAL 'DON MDZAD, RDOR GCOD ZHIG YANG YANG BKLAG PAR MDZAD PAS, KLOG BYANG BA DANG THUGS SU CHUD PA MNYAM DU BYUNG, DUS DE SKABS MKHAS GRUB SANGS RGYAS YE SHES KYANG STON DUS PHAL CHER DRUG PA RGYAR BZHUGS PAS, TSE DBANG, MGON PO PHYAG DRUG PA'I BKA' RDZOGS PA, RTA MGRIN GYI RIM PA MANG PO'I RJES GNANG, RTA POD KYI LUNG, RIGS GSUM MGON PO, SGROL MA, RNAM RGYAL, RNAM 'JOMS, CHOS SKYONG MANG PO'I RJES GNANG SOGS DBANG LUNG MANG DU ZHU BAR MDZAD, DGE BA'I BSHES GNYEN RIN PO CHE GRANGS CAN PA LA BRGYAD STONG PA SOGS SHER PHYOGS DANG, MDO MANG DANG, 'DUL BA LUNG DANG, RGYUD 'GA' ZHIG SOGS LUNG SHIN TU MANG BA DRUNG 'TSO BA CHEN MO SOGS DANG LHAN CIG ZHU BAR MDZAD, MES PO DRUNG 'TSO BA NYID KYI DRUNG DU PHU BO DRUNG 'TSO BA RTA MGRIN BZANG PO'I RIGS BRGYUD KYI SRUNG MA DRANG SRONG CHEN PO R'A HU LA'I RIGS GTAD, GDAMS PA YONGS RDZOGS KYI LUNG, ZHANG BLON GYI RJES

GNANG, SGRUB SKOR, RGYUD BZHI'I LUNG SOGS SMAN DPYAD KYI SKOR GYI DBANG LUNG RNAMS KYANG ZHOR LA GSAN, DGUNG LO BDUN PA'I DUS SU 'GRAM SO GNYIS GSAR DU SKYES PAS, 'JIG RTEN GYI KHA DNGAGS SU PHAG 'GRAM SKYES NA TSE PHYED SONG, ZER BA GSAN PAS 'DI YANG PHAG 'GRAM YIN 'DUG LA, DE LTAR NA MYUR DU 'CHI BAR 'GYUR BAR GDON MI ZA'O SNYAM DU 'CHI BA RTZOL MED DU DRAN PA NAR MAR BYUNG NGO, ,SBYIN PA NI 'JIG RTEN PHYI MAR NOR BCOL BA LEN PA DANG 'DRA SNYAM DU DGONGS TE RANG NYID KYI KHA ZAS LA BGO BSHA' BYAS SHING BZA' BTUNG SOGS PHYAG TU CI BYUNG SLONG MO BA DANG, KHYI DANG BYA BYE'U SOGS LA SBYIN BAR MDZAD CING, PHYI MA BDE 'GRO'I RTEN BZANG THOB PA TSUL KHRIMS LA RAG LAS PAR DGONGS NAS MI DGE BCU LA SDOM SEMS BSTEN GOMS YANG YANG MDZAD, TSUL 'DI NI RJE BTZUN BLO BZANG CHOS KYI RGYAL MTSAN RANG NYID KYI ZHAL NAS SBYIR NA BYIS PA CHUNG DU'I GNAS SKABS NAS, RAB TU 'BYUNG KHA'I BAR RANG BZHIN GYI KHA NA MA THO BA GZHAN LTA ZHOG, BSAMS BZHIN DU SROG CHAGS GROG SBUR PHRA MO BKUMS PA TZAM YANG DRAN LAM NA MA MCHIS SO, ,ZHES GSUNGS, RGYAL SRAS GZHON NU DE SNGON YUN RING PO NAS 'KHOR BA MTHA' DAG LA ZHEN PA LOG PA ZHIG YIN PAS SKU NA PHRA MO DE DUS NAS GZHAN GYIS BSKUL BA LA MI BLTOS PAR KHYIM DU 'DUG PA LA BTZON RAR BCINGS PA'I 'DU SHES BCOS MA MIN PA 'KHRUNGS NAS KHYIM NA GNAS PA LA NAM YANG DGA' BAR MI MDZAD CING, SPYIR RAB TU BYUNG BA DANG,

, ,KHYAD PAR DBEN DGON PA'I DGE SLONG DAG BYUNG NA LHAG PAR DGYES SHING, RANG DBANG 'DUS NA DE DAG DANG 'GROGS NAS BZHUGS PA LA YUN JI TZAM RING YANG THUGS SKYO BA MI SKYE, NA MNYAM GZHAN DANG DAL BAR RTZE BA'I DUS SU RDUL GZAN SHAM THABS SU BYAS, DRUNG GNAS TSUL KHRIMS PA'I ZHVA SER BSAMS BZHIN BLANGS NAS DBU LA BZHES TE BYIS PA MANG PO'I DBUS SU RES 'GA' CHOS 'CHAD NYAN, RES 'GA' 'GRO GLENG, RES 'GA' GRVA TSANG 'DZUGS PA LTA BU'I RTZED MO 'BA' ZHIG MDZAD PA ZHIG YOD PAR SKU THOG MNYAM PA'I SKYE BO MANG PO'I MNGON SUM DU GYUR PA YIN NO ZHES RJE NYID KYI GSUNG LAS 'BYUNG NGO, DE NAS SNA TSOGS ZHES PA CHU PHO RTA'I LO DGUNG LO BCU GSUM PA'I NGO MTHONG BA'I TSE NYE DU LA SOGS PA'I 'CHING BA MED PAR MA ZAD, DE DAG GIS MTHUN PA'I RKYEN NYE BAR SBYAR TE CHO 'PHRUL ZLA BA'I TSES BCU'I NYIN KHYIM NAS 'THON TE DBEN SA CHOS KYI PHO BRANG DU PHEBS, ZLA BA DE KHA'I TSES BCU GSUM LA RGYAL PHUR 'DZOM PA'I 'GRUB SBYOR THOG, MKHAS GRUB CHEN PO RJE BTZUN SANGS RGYAS YE SHES KYIS MKHAN SLOB ZUNG 'BREL DU MDZAD NAS, GRIB TSOD NYI MA'I BRGYAD CHA SHAR BA LA TSIGS SNGA MA DGE TSUL GYI SDOM PA LEGS PAR BZHES SHING, MTSAN BLO BZANG CHOS KYI RGYAL MTSAN ZHES GSOL, RAB TU BYUNG 'PHRAL MKHAN SLOB TSOGS BA DANG BCAS PA RAB STON GYA NOM PAS MNYES PAR MDZAD DO, ,DE'I TSE MKHAS GRUB SANGS RGYAS YE SHES KYIS DGONG

JA'I THOG TSOGS LA BYIN RLABS NYE BRGYUD KYI BLA MA'I RNAL 'BYOR LAM GYI GNAD TSANG BA SHIN TU ZAB CING RGYAS PA ZHIG GNANG, ZLA BA DE'I GSUM MCHOD DANG BSTUN SMAN THANG PA CHOS KYI RJE DKON MCHOG LHUN GRUB PAS SNGON NAS GSOL BA BTAB PA LTAR DPAL GSANG BA 'DUS PA'I DKYIL 'KHOR DU DBANG BZHI YONGS SU RDZOGS PA ZHU BAR MDZAD, DE'I DPYID DUS MKHAS GRUB SANGS RGYAS YE SHES KYI BKA' LTAR RJE RIN PO CHES MDZAD PA'I BYAMS MGON GYI BSTOD PA TSANGS COD MA DANG, RJE BTZUN 'JAM PA'I DBYANGS KYI BSTOD PA BSTOD SBRIN RGYA MTSO DANG, RNAM RGYAL MA'I BSTOD PA 'CHI MED GRUB PA DANG, RDO RJE RNAM 'JOMS KYI BSTOD PA RNAMS 'DZIN PA LA 'BAD RTZOL MA DGOS BAR LAN RE GZIGS PA TZAM GYIS THUGS SU CHUD DE RGYUN DU ZHAL 'DON MDZAD, BKA' GDAMS LHA BZHI DANG, 'JAM DBYANGS RIGS 'GA' ZHIG DANG, 'JIGS BYED, MGON PO PHYAG DRUG PA RNAMS RGYUN BSNYEN GYI TSUL DU MDZAD, DE'I TSE YI DAM DANG CHOS SKYONG GI GZUNGS MANG TZAM BZLAS RES KYIS MNAL LAM DU DUR KHROD 'JIGS SU RUNG BA DANG, KHRO BO DANG, GCAN GZAN SNA TSOGS PA'I RNAM PA 'BYUNG PA DANG, DNGOS SU YANG YI DAM RDO RJE 'JIGS BYED DANG, MGON PO PHYAG DRUG PA SOGS DAM CAN CHOS SRUNG MANG PO'I ZHAL GZIGS, 'JAM MGON BSTAN PA'I SRUNG MA RNAMS KYIS 'PHRIN LAS RNAM BZHI SGRUB PAR ZHAL GYIS BZHES PA SOGS DAG PA'I GZIGS SNANG DPAG TU MAD BA BYUNG ZHING, RANG DANG GZHAN GYI TSE RABS BRGYA STONG DRAN PA DANG, 'DAS

, ,PA'I DUS DANG MA 'ONGS PAR 'GYUNG 'GYUR MANG PO THUGS LA SHAR, SKAL BA DANG LDAN PA RE GNYIS LA DE BZHIN DU LUNG BSTAN YANG MDZAD, DE NAS MKHAS GRUB SANGS RGYAS YE SHES KYIS DBYAR CHOS LA LAM RIM GYI KHRID TSOGS CHOS SU GSUNGS PA BSGRIMS TE GSAN PAS TSIG DON THAMS CAD THUGS SU CHUD, DBYAR THOG DE LA DBEN DGON DU 'JIGS BYED KYI SGRUB MCHOD THOG MAR TSUGS THOG BDAG NYID CHEN PO 'DIS GTZOS DBEN DGON 'DUS TSOGS LA RDUL TSON GYI DKYIL 'KHOR DU YI DAM GYI DBANG BZHI RGYAS PAR GNANG BAS DBANG DON BRDA 'PHROD CING DMIGS RIM SHIN TU GSAL BA DANG, DBANG BSHAD GSAN STOBS KYIS BLA MED SPYI'I DBANG GI RNAM GZHAG LA 'KHRUL MED KYI NGES PA RNYED DE SNGAGS LAM LA GDENG THOB PA BYUNG STE BSAM GYIS MI KHYAB PA'I RNAM PAR THAR PA'O, ,DE'I STON RJE 'DI PA 'KHOR DANG BCAS PAS MKHAS GRUB SANGS RGYAS YE SHES LA BKA' GDAMS GLEGS BAM CHA LAG DANG BCAS PA, JO BO'I LAM YIG RGYAS BSDUS, SHAR BA'I LAM RIM, RGYAL SRAS BKA' 'BUM, LAM MCHOG RTZA 'GREL RNAMS KYI LUNG YONGS SU RDZOGS PAR GSAN NO, ,DE NAS RJE 'DI PAS DGUN GYI RING RIS MED PA'I DAM PA MANG PO'I RNAM THAR NYIN MTSAN KHOR YUG TU GZIGS PAS PHYOGS MED KYI BSTAN PA DANG DAM PA RNAMS LA CHOS KYI RJES SU 'BRANG BA'I THUGS DAD CHEN PO 'KHRUNGS SHING, BDAG NYID KYANG DAM PA RNAMS KYI RNAM

THAR 'DZIN PA'I DAM BCA' BRTAN PO DANG SPRO SHUGS 'PHEL PAR GYUR CING 'DI NANG GI 'DOD PA LA ZHEN PA SPANGS NAS GZHI TSUL KHRIMS RNAM PAR DAG PA LA GNAS BCAS ,RE SHIG MDO SNGAGS KYI THOS BSAM PHYOGS RE RAM SONG BA ZHIG BYAS DBUS GTZANG GI LJONGS 'DIR PHYOGS RIS SU MA SONG BAR SKYES BU DAM PA RNAMS KYI ZHABS LA GTUGS TE GSUNG GI BDUD RTZI'I BGO SKAL LA SPYAD NAS 'DU 'DZIS DBEN PA'I NAGS KYI SMAN LJONGS RNAMS SU TSE DANG SGRUB PA SNYOMS PA ZHIG CIS KYANG BYED SNYAM DU THUGS LA BCOS MIN DU 'CHAR BA ZHIG BYUNG NGO, ,DE DUS THUGS SKYO SHAS SHIN TU CHE ZHING ,RJE MI LA RAS PA DANG, 'JAM MGON TZONG KHA PA CHEN PO DANG, RGYAL BA DBEN SA PA CHEN PO SOGS SNGON BYON DAM PA'I RNAM THAR SKYONG BAR BZHED NAS ZHAL NAS KYANG DE DANG MTHUN PA'I GSUNG RIGS MDZAD PAS DBEN DGON PA'I DGE 'DUN RNAMS RIM GYIS BCOS MIN GYI DAD PA RNYED CING, RGYAL BA DBEN SA PA CHEN PO'I SPRUL SKUR YID CHES RNYED DE MKHAS GRUB SANGS RGYAS YE SHES LA DE LUGS BYAS CHOG PA DGOS ZHES ZHUS PA NA, MKHAS GRUB SANGS RGYAS YE SHES KYIS KYANG DA NI DUS LA BAB BO SNYAM DU DGONGS NAS DE LTAR MDZAD PAR ZHAL GYIS BZHES TE DGUNG LO BCU BZHI PA NYI MA ZHES PA CHU MO LUG GI LO ZLA BA GNYIS PA'I TSES GSUM GYI NYIN BSLAB GSUM LDAN PA'I DGE SLONG RI KHROD PA 'DUS PA'I TSOGS KYI DBUS SU MI 'JIGS SENG GE'I KHRI LA BKOD DE MKHAS

, ,GRUB CHEN PO SANGS RGYAS YE SHES KYIS SHIS PA RGYAS PAR BRJOD CING ME TOG GTOR NAS BYIN GYIS BRLABS, DE'I TSE NAM MKHA' SHIN TU DRANGS PA LA ME TOG KHA DOG SNA LNGA PA'I CHAR BABS PA SKYE BO KUN KYIS MTHONG BA BYUNG NGO, ,ZLA BA DE'I TSES BRGYAD LA MKHAS GRUB CHEN PO SANGS RGYAS YE SHES LA DBYANGS CAN MA DKAR MO'I RJES GNANG ZHUS TE TSES BCU NAS DBYANGS CAN MA'I BSNYEN PA ZHAG BDUN MDZAD PAS RGYAL BA KUN GYI YUM GCIG SGRA DBYANGS LHA MOR GRAGS PA DBYANGS CAN MA DKAR MO ZHAL GZIGS, KHYAD PAR DBYANGS CAN MA DE'I THUGS KA NAS LHA MO DBYANGS CAN MA SNGON MO PHYAG GNYIS RIN PO CHE'I YOL GO DNGOS GRUB GZUGS CAN LTA BU'I SHING THOG GSAR BAS BKANG BA 'DZIN PA ZHIG 'THON TE SNOD BCUD DANG BCAS PA GTZO MO LA PHUL BA, GTZO MO'I PHYAG G-YAS SU BZHES PA'I SHING THOG GI 'BRU GCIG LAS TSANGS PA'I SRAS MO DMAR MO GCIG THON BYUNG BA DES GTZO MO'I PHYAG NAS SHING THOG SNOD DANG BCAS PA BLANGS TE RJE 'DI LA PHUL BYUNG BA LONGS SPYOD BAS BLO GROS NAM MKHA' MDZOD KYI SGO THOG MAR BYE BA'I TSUL BSTAN, SKU TSE 'DIR DE GONG DU SNYAN NGAG SOGS THA SNYAD KYI GTZUG LAG LA THUGS SBYONGS MA MDZAD NA'ANG ,DE DUS DBYANGS CAN MA JI LTAR GZIGS PA LTAR, THUN MTSAMS SU LHA MO DBYANGS CAN MA'I BSTOD PA ZHIG RTZOM 'DOD 'KHRUNGS PA NA, DE MA THAG TSIG SBYOR RNAMS WAL GYIS SHAR NAS THOGS MED DU RTZOM PA 'DI LTAR MDZAD DE, NA MO SVA RA SVA STE Y'A, SGRA DBYANGS LHA MO DBYANGS CAN MA LA BSTOD PA

LHA'I GLU DBYANGS ZHES BYA BA, BCOM LDAN 'DAS NGAG GI DBANG PHYUG LA PHYAG 'TSAL LO, ,DBANG SNGON ZHU BA 'KHYIL 'DRA'I YID BZHIN MTSO, ,DAL GYIS RLABS PHRANG DBU BA'I 'DZUM DKAR CAN, ,CHU SKYES BLA BRES BRGYAN PA'I CHU GTER DOGS, ,RTZA SHA GZHON NU'I KHA DOG LTAR BKRA BA'I, ,YID 'PHROG BEE d'UR SNGON PO'I NE'U GSING STENG, ,ZLA BA NOR BU'I DO SHAL BKRAMS PA NI, ,'CHI MED LAM DU SKAR TSOGS GSAL BA BZHIN, ,MARGA TA YI KHU BA BYUGS 'DRA BA, ,YID 'ONG RKANG 'THUNG MDZES PA'I LAG MNYEN NI, ,DANG BA'I BSER BU'I PHO NYAS BSKUL BA NI, ,CHAGS LDAN YID DBANG 'GUGS PA'I G-YAB MO BZHIN, ,GSAR PA'I LANG TSO RGYAS PA'I PADMO RNAMS, ,LDEM LDEM GAR BSGYUR GE SAR ZE'U 'BRU DGOD, ,ME TOG SBRANG RTZIS PHYUG PA'I LDING KHANG DU, ,BUNG BA GZHON NU MGRIN PA'I RGYUD MANG BSGRENG, ,NE'U TZO'I GSHOG PA LTAR MDZES NAGS TSAL GYI, PHUN TSOGS GZHAL MED KUN DGA' BSKYED PA'I DBUS, ,PAD DKAR LAN TSAR G-YO BA'I LTE BAR NI, ,BDUD RTZI'I 'OD CAN GZI BYIN RGYAS PA'I STENG, , 'BUM PHRAG NAM MKHA'I NOR BU'I 'OD STONG GIS, ,RAB MYOS KII LA SHA YI RDUL BRTZEGS LA, ,'KHU LDAN DUNG GI 'KHRIL SHING MDZES MA 'DI, ,LTA BYED BDUD RTZI MA LUS SPUNGS PA BZHIN, ,BSIL 'OD BDAG PO PHYED PAS THOR TSUGS DANG, ,THOR TSUGS NAM MKHAR BSGRENG BAS ME TOG PHRENG, ,SPEL LEGS ME TOG PHRENG BAS SIL MA'I SKRA, ,KUN KYANG GDUGS DKAR YAN LAG MCHOG GIS MDZES, ,DPAL LDAN NAM MKHA'I LUS CAN KHYOD NYID KYI, ,'DREN BYED YON

, ,POR 'KHYOG PA'I SGRO LDAN NI, ,PANYTZA RDZOGS PA CI SMOS GCIG GIS KYANG, ,DPAL RKANG YID KYI BRTAN PA RDO RJE'I GO ,LAN BRGYAR 'BIGS NA DE LAS GZHAN PA'I CI, ,MCHU SGROS BYU RU'I SKYED TSAL NYAMS DGA' BAR; ;CHU SHEL GSAR BA'I SPU LONG PHANG PHUNG LA, ,'GONGS PA'I TSEMS DKAR PHRENG BA TSAR DU DNGAR, ,SNYAN TSIG GRE 'GYUR GDANGS KYIS SGRA 'DZIN GYI, ,DBANG PO RNAM PAR BZHAD PA'I BCUD LEN 'DIS, ,DRI ZA'I NA CHUNG MKHAR NYAL GNAS 'BROS SHING, ,GSER MNGAL SKYENGS NAS BSAM GTAN ZOL LA BRTEN, ,RIN CHEN SOR GDUB MDZES MAS DAM 'KHYUD PA'I, ,PHYAG ZUNG 'JAM MNYEN KA MA LA YI STENG, ,'PHANG 'GRO'I RNGA GSANG DBYAR SKYES DBYANGS BZHIN SGROG ,MKHRANG ZHING RAB RGYAS NU MA'I KHUR 'CHANG BA, ,SMIN LEGS NA CHUNG GTZUG RGYAN KHYOD KYIS NI, ,LUS CAN CHAGS PA'I BSAM GTAN LA 'GOD NA, ,'DI LAS GZHAN PA'I YID SRUBS MDA' DE GANG, ,RING NAS CHAGS DANG BRAL BA'I DRANG SRONG YANG, ,YA MTSAN KHYOD SKU'I DPAL 'DIR YID 'KHYOR BAS, ,MANDHA R'A YI DBU BA BRTZEGS 'DRA BA'I, ,MU TIG PHRENG TSOGS 'CHA' BAS DGOD PA BZHIN, ,DBANG SNGON 'DAB BRGYA BZHAD PA LA 'GRAN PA'I, ,SRAB 'JAM LHA RDZAS STOD G-YOGS RNAM PAR G-YO, ,PADMA R'A GA'I MDANGS KYI MA JES SDUG KYANG, ,PAM BYED SMAD G-YOGS SHAM THABS DRA BAS DKRIS, ,YID 'OD RNAM 'GYUR STONG GI RNAM ROL CAN, ,'PHO

'GYUR SPANGS PA'I BRGYAD ZUNG LANG TSO'I DBYINGS, ,MNGON DGYES DUS GSUM RGYAL BA'I YUM DE LA, ,GTZUG SKYES 'DZIN MAR BKOD PA'I PHYAG BGYID DO, ,SNYING LA KHYOD SKU'I SNANG BA DRAN TZAM GYIS, ,RAB 'BYAMS SHES BYA'I TSIGS RNAMS MA LUS PA, ,JI BZHIN RTOGS PA'I RNAM DPYOD 'OD STONG GIS, ,'GRO BA'I RMONGS MUN MA LUS SEL BAR SHOG ,BSHAD PAS BLO GSAL RNA BA MDZES BYED CING, ,RTZOD PAS LOG SMRA MA LUS KLAD PA 'GEMS, ,RTZOM PAS MKHAS RNAMS MGRIN PA'I RGYAN 'CHANG PA'I, ,DBYANGS CAN LHA MOS BKRA SHIS DENG 'DIR STZOL, ,CES PA 'DI, BTZUN PA BLO BZANG CHOS KYI RGYAL MTSAN GYIS NA TSOD LO BCU BZHI PA'I DUS SU SBYAR BA'O, ,ZHES PA 'DI PHYAG KHRIS SU MDZAD DO, BSTOD PA 'DI NI DBYANGS CAN MA'I SKU JI LTAR GZIGS PA LTAR DU BSTOD PA MDZAD PA YIN BAS 'DI LA DBYANGS CAN MA'I BSTOD PA GZIGS SNANG MA ZHES RJE BTZUN BLO BZANG CHOS KYI RGYAL MTSAN GYI THUGS SRAS GRUB CHEN RNAMS MTHUN PAR GSUNG NGO, ,DE NAS MKHAS GRUB SANGS RGYAS YE SHES KYI BKA' BZHIN LAM RIM CHUNG BA BZUNG NAS ZHAG BCU SKOR SONG BA'I MTSAMS LAM RIM CHE BA LA GZIGS PAS THUGS SHIN TU 'GRO BA ZHIG BYUNG STE 'DZIN PAR RTZOM PA NA BDAG CAG GI STON PA THUB PA'I DBANG PO SKU GSER GYI LHUN PO LA NYI MA 'BUM GYI MDANGS BYUGS PA LTA BU SKU CHE ZHING 'OD ZER PHYOGS KUN TU 'PHRO BA ZHIG ZHAL GZIGS TE, DE LA BSKOR BA LAN MANG DU BYAS TE GSOL BA BTAB PAS BYIN

, ,GYIS BRLABS TE LAM RIM CHEN MO YONGS SU RDZOGS PA THOGS PA MED PAR ZIN TE MKHAS GRUB SANGS RGYAS YE SHES LA RGYUGS PHUL, DE NAS DGUNG LO BCU DRUG LON PA'I DUS SU MGON PO ZHI BA LHA'I RTOGS BRJOD PADMA DKAR PO'I PHRENG BA ZHES PA SNYAN NGAG GI TSIG RGYAN PHUN SUM TSOGS BA ZHIG RTZOM PA MDZAD PAS SKYE BO BLO'I NOR LDAN RNAMS DGA' BA BSKYED PAR GYUR, RAB TU BYUNG NAS KHAS BLANGS PA'I TSUL KHRIMS MIG 'BRAS LTAR GCES PAR BSRUNG 'DOD KYIS THAMS CAD MKHYEN PA DGE 'DUN GRUB KYIS MDZAD PA'I 'DUL BA'I GLENG 'BUM CHEN MO YANG YANG GZIGS PAS TSIG DON THAMS CAD THUGS SU CHUD PA BYUNG ,TSUL 'DI LA NI RJE BLO BZANG CHOS KYI RGYAL MTSAN NYID KYI ZHAL NAS, DE DUS DKOR GYIS CHER MA SBAGS SHING NA TSOD GSAR PA RTZA KHAMS SHES PA SOGS KYANG GSAL BAS YIN PA 'DRA, GLEGS BAM BDAG NYID KYIS BLTAS PA DANG, ,CHOS BLA MAS GSUNGS PA SOGS LAN RE LAN GNYIS TZAM GYIS DON BLO LA 'CHAR BA BYUNG GSUNG NGO, ,MDOR NA DGUNG LO BCU BZHI NAS BCO BRGYAD KYI BAR MKHAS GRUB CHEN PO SANGS RGYAS YE SHES KYI ZHAL SNGA NAS GDUL BYA'I BSOD NAMS KYI ZHING DU PHYOGS SU GSHEGS PA'I SKABS MA GTOGS RGYUN DU ZHABS DRUNG DU BZHUGS NAS BU STON THAMS CAD MKHYEN PA'I GSUNG RAB 'GANGS CHE BA 'GA' ZHIG GI LUNG DANG, BLO SBYONG GI RIM PA MANG PO'I LUNG DANG, DPE CHOS RIN SPUNGS

RTZA 'GREL, BE'U BUM SNGON PO RTZA 'GREL SOGS KYI LUNG GSAN, GZHAN YANG LAM RIM CHE BA DANG 'DUS PA'I 'GREL PA BZHI SBRAGS SU GRAGS PA SOGS CUNG ZAD MA GTOGS, RJE BDAG NYID CHEN PO, SRAS KYI THU BO RNAM GSUM, RJE DGE 'DUN GRUB, BA SO CHOS RJE SOGS KYI GSUNG RAB YONGS SU GRAGS PA PHAL CHER GYI LUNG RNAMS GSAN, LAM RIM DANG BSKYED RDZOGS KYI KHRID GANG GSAN PA RNAMS LA NYAMS BZHES KYANG GDENG THOB PAR MDZAD, STON GYI DUS 'GOL BA'I SKABS SNAR THANG BRGYA RTZA'I RJES GNANG, JO BO LUGS KYI SGROL MA NYER GCIG GI RJES GNANG, BKA' GDAMS LHA BZHI'I RJES GNANG, BE'U BUM SO SO'I LUNG DANG BCAS PA, RDO RJE 'PHRENG BA DANG, MI TRA BRGYA RTZA'I DBANG LUNG YONGS RDZOGS GSAN, DBANG RJES GNANG GSAN PA'I LHA RNAMS LA BSNYEN PA 'GRO GANG CHE YANG MDZAD DO, ,DE NAS STON RJE RIN PO CHE'I RNAM THAR LTAR THOG MAR SHING RTA CHEN PO'I GZHUNG RNAMS LA BSLAB SBYONG GTING PHYIN PA ZHIG MDZAD PAR BZHED NAS THUGS LA 'DI LTAR 'KHRUNGS TE, DA NI DBANG LUNG GDAMS NGAG PHAL CHER YANG ZHUS ZIN, MDO SNGAGS KYI LAM GYI RIM PA RNAMS LA YANG GO BA RAGS PA TZAM CHAGS, LHAG PA'I LHA MANG PO'I BSNYEN SGRUB SOGS KYANG DGA' RAB BYUNG, DA NI BKRA SHIS LHUN POR PHYIN NAS SHING RTA CHEN PO'I GZHUNG YONGS RDZOGS LA BSLAB SBYONG MTHAR PHYIN PA ZHIG MYUR BAR BYA'O SNYAM DU DGONGS NAS MKHAS GRUB SANGS RGYAS YE SHES LA DE BZHIN ZHUS PA NA, SNGAR DANG GTAN MI 'DRA BA'I DGYES

, ,BA'I 'DZUM DANG BCAS TE, DA NI BKRA SHIS LHUN POR SLOB GNYER GYI RTZIS CIS KYANG LEGS ZHES BKA' STZAL TE LO DE KHA'I ZLA BA BCU GCIG PA'I YAR NGO'I TSES GSUM LA CHOS GRVA CHEN PO BKRA SHIS LHUN POR PHEBS, DE NUB MNAL LAM DU BUD MED GZHON NU MA PHO CHAS SU BYAS PA CIG NA RE, 'DI SNGAR KHYOD RANG GIS BZUNG BA'I NYI MA'I DKYIL 'KHOR YIN NO ZER SER KHOB PA 'OD ZER CHER MED PA MAndAL GYI DBYIBS CAN ZHIG PHYAG TU PHUL BYUNG BA LA, NYI MA YIN NA 'OD CHEN PO YONG DGOS RGYU LA GSUNGS PAS, DE NA RE, 'OD ZER RNAMS PHYIS NAS GSAL BAR 'GYUR RO, ,ZER BA ZHIG RMIS, DE YANG SLOB GNYER GSHA' MA ZHIG BYED NA SNYING THAG PA NAS CHOS GRVA RIGS LUNG DUS LAM MA YOL BA 'GRIM PA SOGS DKA' BA MA SPYAD NA DAM PA'I SKYE BO MKHAS PA RNAMS DGYES PA BSKYED MI NUS PA'I NYER PAR GZIGS NAS, 'KHRUNGS YUL DANG BSTUN THOS BSAM GLING GI CHOS GRVA 'GRIM PAR MDZAD, DE DUS 'KHOR YANG DGE BSHES DPAL 'BYOR BYA BA GCIG LAS MED CING, GRVA RKYANG SNYOMS CHUNG RANG LA THUGS GZHOL PAS DE KHA'I BRTUL ZHUGS 'DZIN PA YIN YANG BKRA SHIS LHUN PO'I BLA MA SLOB DPON THAMS CAD KYIS PHYAG DANG BSNYEN BKUR MTHONG GZOS CHER MDZAD CING, KHYAD PAR KHRI THOG NA PAn CHAN BSAM 'GRUB DPAL BZANG BZHUGS PA MJAL, DE RJES KHONG LA GRVA BA ZHIG GIS DE RING RJE DRUNG DBEN SA PA DANG

MJAL 'DZOM MDZAD 'DUG PA ZHES ZHUS PAS, SHIN TU MJAL, NGED GNYIS PHYAG 'TSAL RES NI MA BYUNG GSUNGS, CI YIN ZHUS PAS, KHONG NI THAMS CAD MKHYEN BA DGE 'DUN GRUB LA PHYAG 'TSAL GYIN 'DUG ,NGAS NI RGYAL BA BLO BZANG DON GRUB LA BTZAL, NGED GNYIS PHYAG 'TSAL RES MA BYUNG ZHES ZHAL KYAL YANG GSUNGS ZHES ZER, DE'I TSE GZIM KHANG DANG CHOS KHRIMS PA SOGS MANG POS MKHAN SLOB THAMS CAD KYIS PHYAG SOGS MDZAD NAS, TSOGS CHEN DU YANG KHRI STAN MTHO BA ZHIG CIS KYANG BZHES DGOS ZHES YANG YANG NAN GYIS ZHU BA BYUNG YANG, DGAG BYA CHE ZHING DGOS PA CHUNG BA DANG, RJE BLA MA'I DGONGS PAR YANG SNYOMS CHUNG GIS CHOS GRVA GSHA' MA 'GRIM PA ZHIG LA DGYES PAS DANG DU MA BZHES PA NA, 'O NA BTZUN CHUNG RNAMS DANG LHAN CIG GRAL 'DZIN GYI DKA' BA MI DGOS SHING, NYES PA GZHAN GANG YANG MED PAS DRE'U RDOG GIS KHYAD PAR DU BYAS PA'I GRAL KHUNGS SHIG CIS KYANG 'DZIN DGOS ZHES PAn CHEN RIN PO CHES NAN GYIS ZHU BAR MDZAD PAS, RJE 'DI THUGS BZHED PA BZHIN MA BYUNG YANG PAn CHEN RIN PO CHE'I BKA' LCID CHES BAS DANG DU BZHES, DE NAS THOS BSAM GLING GI SLOB DPON RIN PO CHE DPAL 'BYOR RGYA MTSO'I DRUNG DU SBYOR BA RTZI BA'I 'GO 'DZIN PAR BYON PA'I TSE RTEN 'BREL KHYAD PAR CAN MANG DU BYUNG ZHING, KHYAD PAR GZIM SKYIL GYI SGO DRUNG DU RNAL 'BYOR MA'I RNAM PA ZHIG GIS LO MA KA P'A LA GANG KHYER BYUNG BA, RJE 'DI PAS MA RGYUD PA'I BSLAB BYA G-YON SKOR DANG PHYAG MDZAD PAR MOS PAS,

, ,DES 'DZUM PA DANG BCAS SNOD BCU DE RJE 'DI'I SKU MDUN DU BTEG BYUNG BA DE LA MCHOD YAR ZHIG MDZAD NAS YAR CUNG ZAD CIG PHEBS TE, RNAL 'BYOR MA DE CI 'DRA ZHIG YIN SNYAM DU PHYI MIG CIG GZIGS PAS MI SNANG BAR GYUR 'DUG GSUNG, DE NAS SBYOR BA RTZI BA SOGS SPYI DANG MTHUN PAR MDZAD PAS SNGON YUN RING PO NAS SBYANGS PA'I MTHU CAN YIN PAR MA ZAD, MKHAS GRUB SANGS RGYAS YE SHES KYI ZHABS DRUNG DU MDO SNGAGS KYI LAM GYI DKA' GNAS THAMS CAD GSAN TE THUGS NYAMS SU BZHES PAR MDZAD PAS, DUS 'DIR CHOS GRVAR PHEBS TZAM NYID NAS LAM DANG LAM MIN 'BYED PA LA BLO GROS THOGS PA MED PAR GYUR KYANG ZLA BA GCIG TZAM ZHIG BUM NANG GI MAR ME'I TSUL DU BZHUGS, DBYAR GNAS LA DBEN DGON DU PHEBS, DE'I TSE MKHAS GRUB SANGS RGYAS YE SHES KYIS BDAG NYID CHEN PO 'DIS GTZOS DBEN DGON TSOGS PA LA SPYAN SNGA CHOS DRUG GI BSHAD LUNG DANG; CHOS RJE 'BA' RA BA'I GSUNG 'BUM GYI LUNG SOGS DANG, BDAG NYID CHEN PO 'DI LA SGER DU RGYAL BA TZONG KHA PA'I SNYAN RGYUD THUN MONG MIN PA KHRID CHEN BRGYAD DU GRAGS PA DANG, DPANG RJES GNANG SNGAR MA GSAN PA MANG DU GNANG, STON DUS RJE BTZUN MI LA'I RNAM MGUR GYI LUNG SOGS GSAN ZHING, DBEN PA LA THUGS SPRO BAS, NA MO GU RU MANYDZU GHO sh'A YA, GANG LA BRTEN NA BSLU BA MED PA'I SKYABS, ,BU RAM SHING PA'I ZHABS

SEN ZLA TSES DKAR, BDAG SNYING KUN DA'I ZE'U 'BRUR RTAG GZIMS PA'I, ,MDZES SDUG NAM YANG NYAMS PA MED GYUR CIG ,LHAR BCAS 'DREN PA STON PA SANGS RGYAS KYANG, ,DENG DUS THOS PA'I LAM DU GSHEGS GYUR NA, ,MTHON PO'I NOR 'DZIN LAS 'ONGS 'BAB CHU LTAR, ,G-YO BA'I 'JIG RTEN RTAG PA'I GO SKABS CI, ,DPAG MED TSE GNAS SNGON GYI MI RNAMS KYANG, ,DENG SANG MING GI LHAG MA TZAM ZHIG NA, ,SKAL NGAN SNYIGS DUS SKYE BO 'DI DAG GI ,TSE NI BAR SNANG GLOG DANG CIS MI MTSUNGS, ,SKYE RGA NA 'CHI'I DGRA TSOGS KUN BCOMS SHING, ,NYON MONGS G-YUL LAS RGYAL BA'I MKHAS PA'I TSOGS, ,KUN KYANG DUS KYIS RIM PAS BYON ZIN NA, ,BDAG LTA MYUR DU MI 'CHI'I NGES PA GANG, ,TSE NI BSER BUS BSKYOD PA'I AUTPAL GYI, ,'DAB RTZER 'BRENG BA'I CHU THIGS LTAR MTHONG ZHING, ,SRID PA'I PHUN TSOGS GDUG PA'I SBRUL GYI LCE, ,G-YO BA'I ZLOS GAR 'DI LA DGA' BA CI, ,'KHOR BA'I BDE 'BYOR KUN GYI RTZER SON PA, ,TSANGS DANG DBANG PO 'KHOR LOS BSGYUR RGYAL YANG, ,DBANG MED 'JIGS RUNG MNAR MED MES SREG NA, ,MKHAS PA SU ZHIG 'DOD LA CHAGS PAR BYED, ,'JIG RTEN PHUN TSOGS STOBS KYI MYOS CHU YIS, ,MNGON PAR MYOS PA'I DREGS LDAN 'DI DAG KYANG, ,RING POR MI THOGS RGYA MTSO 'KHRUGS PA'I NANG, ,GRUNG NA JI BZHIN 'GYUR BA'I CHOS CAN NYID, ,MDOR NA MTHON PO'I MTHA' RGUD BSAGS, PA MDZAD, ,'DUS PA 'BRAL ZHING SKYES PA KUN 'CHI ZHES, ,BSLU MED BDEN PA GSUNG BAS GANG GSUNGS PA, ,DE DE BZHIN DU 'JIG RTEN 'DI NA SNANG, ,RGYAL BA'I ZHAL GYI NYIN BYED LAS 'ONGS PA'I, ,'OD ZER GANG GIS YID LA MA REG PA, ,

, ,MI KHOM BRGYAD KYI MUN PA'I GLING CHUD NA, ,DE TSE DGE LEGS GO SKABS GA LA YOD, ,SNA TSOGS 'GRO BA'I MTHO DMAN 'GYUR LDOG DANG, ,SDANG DANG PHRAD DANG GNYEN DANG BRAL BA DANG, ,SKYE RGA NA 'CHI'I SNANG TSUL MTHONG NAS NI, ,BDAG KYANG DE DANG 'DRA BAR CIS MI LTA, ,DBYAR DUS MKHA' LA SHAR BA'I 'JA' TSON DANG, ,CHU 'DZIN LANG LING G-YO BA'I 'DU 'GOD LTAR, ,LANG TSO'I RANG BZHIN 'JIG PA'I NGANG TSUL CAN, ,'DI LA BLO LDAN SU ZHIG YID RAB RTON, ,GSER GYI RI LAS G-YU YI KHRON 'BAB CING, ,MI RNAMS BDAG GI BSHES SU SONG YANG CI, ,'BRAL MED NOR DU 'PHAGS PA'I NOR BDUN DANG, ,GTAN GYI GROGS POR BLA MED BYANG CHUB BZANG, ,DE PHYIR 'DI NANG CHOS BRGYAD SPROS PA'I RGYA, ,SHES RAB RAL GRI RNON POS DRAL BYAS TE, THUB PAS BSNGAGS PA DBEN PA'I NAGS TSAL DER, ,SEMS KHYOD ZHI BA'I BDUD RTZI CIS MI LEN, ,SPANGS LJONGS 'JA' TSON BKRA BA'I LDING KHANG DU, , ZLA BA NOR BU'I RDO LEB GCAL DU BKRAM, ,G-YUR GYIS DUD PA'I 'DAB MA'I GRIB BSIL LA, ,NYIN MO SPYOD PA'I RNAL 'BYOR SKYONG BAR SPRO, ,DE BZHIN ZLA BA'I SGRON ME 'OD 'BAR ZHING, ,RGYU SKAR DO SHAL RGOD PA'I MTSAN DUS SU, ,G-YENG MED RNAL 'BYOR BRTZON PA'I DGA' BDE 'DI'I, ,DPE YANG SRID PA GSUM NA GAL YOD, ,PADMO'I DRA BAS KHEBS PA'I NYAL 'GRO'I RGYUN, ,YONGS MDZES CHU BYA'I TSOGS RNAMS SNYAN SGROG CING, ,RMA BYA GZHON NU DGA' PA'I GAR BYED PA'I,

GNAS DER DAL 'BYOR DON LDAN BYAS NA SNYAM, ,ME TOG 'BRAS BUS GANG BA'I LJON SHING GI ,SPU LONG MNGON PAR RGYAS PA'I SA 'DZIN KHROD, ,SNGO LJANG LO MA'I SPYIL CHUNG NYAMS DGA' BAR, ,TING 'DZIN DGA' BDE'I DPAL LA SPYOD PAR SPRO; ;GANG DU ZA ZIR G-YENG BA KUN BOR NAS, ,RI SKYIBS NOR BU'I PHUG YANGS NYAMS DGA' BAR, ,'PHAGS PA'I RIGS BZHI LA GNAS DGA' BDE GANG, ,DE 'DRA RGYAL PO RNAMS LA'ANG YOD RE SKAN, ,'CHI MED SKYED TSAL 'DRA PA'I SMAN LJONGS SU, ,MI DGE'I SPYOD TSUL PHRA MO'ANG RGYANG BSRINGS TE, ,SGO GSUM DAM PA'I LAM BZANG SKYON MED PAR, ,MA BCOS LHUG PAR 'JOG LA SNYING NAS SPRO, ,DER NI THUB GZHUNG BDUD RTZI'I BCUD LEN GYIS, ,NYON MONGS YID KYI RNAG KHRAG KUN SBYANGS TE, ,TING 'DZIN SGO BRGYAD PHYE NAS YON TAN GYI, ,NGO MTSAR BGRANG YAS LTAD MO BLTA BAR SMON, ,DE SKAD SMRA BA DBEN PA'I NAGS TSAL LA, ,MNGON PAR SPRO BA'I DGE SBYONG GYI NA PA, ,BLO BZANG CHOS KYI RGYAL MTSAN ZHES BYA BAS, ,SMON PA JI BZHIN TSIG GI LAM DU SPEL, ,ZHES SOGS GSUNG MGUR MANG PO MDZAD, ,DE NAS DGUN CHOS DANG PO LA BKRA SHIS LHUN POR PHEBS TE RIGS CHEN LA BSGRIGS CHOS GRVA DANG RIGS LUNG CHEN MO'I GRVA THAMS CAD DU BGRO GLENG LA THUGS BRTZON SHIN TU CHE BAR MDZAD DE PHYAG MTHIL LA SGAL PA CHAGS SHING, PHYAG SEN GYI MTSAMS RNAMS AUTPAL LTAR GAS PA BYUNG NGO, ,DE NAS 'GAL BA ZHES PA SA MO GLANG GI LO'I SA GA ZLA BA'I

, ,DUS CHEN GYI THOG DBEN DGON DU PHEBS TE MKHAS GRUB SANGS RGYAS YE SHES KYIS RDUL MTSON GYI DKYIL 'KHOR DU BDE MCHOG GI DBANG GNANG BA GSAN, DE 'PHRAL DU BKRA SHIS LHUN POR PHEBS, DE DUS PHYOGS THAMS CAD 'BRUM NAD KYIS KHYAB NAS RJE 'DI LA'ANG 'BRUM BU'I BSNYUN GZHIS BTAB KYANG RIGS LUNG 'CHAG MED MDZAD, RJE 'DI 'BRUM BUS BSNYUN PA MKHAS GRUB SANGS RGYAS YE SHES KYIS GSAN 'PHRAL BKRA SHIS LHUN POR PHEBS, ZHAG GSUM BZHUGS NAS BYIN RLABS MDZAD DE 'PHRAL DANG YUN DU DGE PA'I BKA' THA MA STZAL NAS TSES GSUM LA DBEN DGON DU PHEBS, DE'I NYIN PAR GSOL JA BZHES 'DOD NAS ZHABS 'BRING RNAMS MI 'DOD CING 'JIGS BZHIN DU GSOL JA BZHES SHING ZHAL GZON GLOD PAS, MDOR NA NYER BDUN BRGYAD GNYIS SKU NGAL BA TZAM MA GTOGS BSNYUN GZHI'I RIGS CI YANG MED PAR ZHAG LNGA LA 'BRUM BU'I BSNYUN GZHI SANGS KYIS DVANGS PA ZHIG BYUNG ,DE YANG ZHABS 'BRING BA DGE BSHES MNGON SUM DU YOD PA MA GTOGS, SNYUN GZHI YUN THUNG BA DANG 'BRUM RJES MED PA LA DPAGS TE GZHAN DAG NI BDEN NAM BRTZUN ZHES THE TSOM GYI DPYAD THAG 'DZIN PA'ANG BYUNG ZHES GRAGS GO ,DE DUS MKHAS GRUB SANGS RGYAS YE SHES KYIS RJE 'DI PA LA BYIN RLABS GNANG ZHING SNYAN RGYUD KYI BSTAN PA'I BDAG POR BYIN GYIS BRLABS PA'I TSUL SOGS NI MKHAS GRUB SANGS RGYAS YE SHES KYI RNAM

THAR DU BRJOD ZIN PA LTAR RO, ,DE NAS THOS BSAM GLING ZHAL SNGA NAS SLOB DPON RIN PO CHES TSAD MA RNAM 'GREL GYI SPYI BSKYUR MDZAD DGOS TSUL NAN CHAGS PA LTAR ZHAL GYIS BZHES TE MKHAS MANG 'DUS PA RGYA MTSO'I DBUS SU TSAD MA RNAM 'GREL LA DAM BCA' BZHAG STE DRI MED RIGS PA'I SGRA DBYANGS SGROG PA LA DPAL LDAN CHOS KYI GRAGS PA SLAR YANG 'ONGS PA JI LTA BA BZHIN DU GYUR TE MKHAS PA MTHA' DAG GI YID 'PHROG PAR MDZAD DO, ,'BRUM BU'I BSNYUN GZHI DVANGS PA'I MJUG NAS SKU MTSAMS RGYUN BSKYANGS TE 'JAM DKAR DANG, 'JIGS BYED KYI BSNYEN PA SPREL NAS ZLA BA GCIG LHAG TZAM SKU MTSAMS MDZAD, DE SKABS MNAL LTAS NGO MTSAR BA DU MA BYUNG YANG PHYAG BRIS SU MA MDZAD, DE SKABS 'JA' TSON SNA LNGA'I GUR KHYIM GYI DBUS SU ZLA BA'I DKYIL 'KHOR GYI STENG DU AA DKAR PO'I MTHAR AA MA RA DZA'I YI GE SHEL LTAR DVANGS PAS BSKOR BA ,DE LAS 'OD ZER 'PHROS PAS RANG GZHAN SNOD BCUD THAMS CAD 'OD GSAL BAR BYED PA ZHIG MNGON SUM DU GZIGS TE, 'JAM MGON SNYAN RGYUD KYI MAN NGAG MTHAR THUG 'JAM DBYANGS ZHI KHRO SBRAGS SGRUB KYI BYIN RLABS RTOGS PA KHYAD PAR CAN BRNYES SO, ,DE NAS MKHAS GRUB SANGS RGYAS YE SHES ZHING GSHEGS PA GSAN NAS DBEN DGON DU PHEBS TE SKU GDUNG LA MCHOD PA DANG, DGONGS RDZOGS SU PHYI'I MCHOD RTEN DANG, GZIM MAL DU SKU 'DRA BZHENGS PA SOGS DGONGS RDZOGS JI LTAR MDZAD PA'I TSUL RNAMS NI MKHAS GRUB SANGS RGYAS YE

, ,SHES KYI RNAM THAR DU BRJOD ZIN PA LTAR RO, ,DE NAS BKRA SHIS LHUN POR PHEBS NAS DBU MA'I GZHUNG LA SBYANGS TE LUNG DANG RIGS PAS PHAS RGOL ZIL GYIS GNON PA LA SPOBS PA THOGS PA MED PAS SLOB DPON ZLA BA GRAGS PA SLAR YANG GANGS RI'I LJONGS 'DIR PHEBS PA JI LTA BA BZHIN DU GYUR TO, ,DE NAS LCAGS MO YOS LO'I GRO ZHUN ZLA BA'I DKAR PO'I TSES GSUM GYI NYIN GZIM KHANG RGYAL MTSAN MTHON POR PAn CHEN DAM CHOS YAR 'PHEL BA'I ZHAL SNGA NAS KYIS MKHAN PO DANG, SLOB DPON RIN CHEN DPAL 'BYOR RGYA MTSO BAS LAS SLOB, PAn CHEN LHA DBANG BLO GROS PAS GSANG STON MDZAD DE DAD PA'I DGE 'DUN GRANGS TSANG BA'I DBUS SU BSNYEN PAR RDZOGS PA DGE SLONG GI DNGOS PO YONGS SU RDZOGS PA BZHES TE, STON PA THUB PA'I DBANG PO SLAR YANG GANGS RI'I LJONGS 'DIR BYON PA JI LTA BAR GYUR TO, ,LO DE KHA'I STON MJUG DBUS PHYOGS SU BYON, JO ZHAL RNAM GNYIS SOGS KYI DRUNG DU DNGOS BSHAMS YID SPRUL GYIS MCHOD CING BSTAN PA RGYAS PA'I SMON LAM RNAM PAR DAG PA 'DEBS PAR MDZAD PAS BYIN GYIS BRLABS PA'I MTSAN MA KHYAD PAR CAN YANG MANG PO BYUNG, DE NAS MTHAR GYIS RI BO DGE LDAN DU PHEBS, DER DGA' LDAN KHRI RIN PO CHE DANG SDE PA SKYID SHOD PA SOGS KYIS BSKUL MA MDZAD PA LTAR SER SKYA STONG PHRAG MANG PO TSOGS PA'I DBUS SU DKA' CHEN BZHI LA DAM BCA' MDZAD PA NA BDAG NYID CHEN PO 'DI'I RIGS PA'I RNAM

'GYUR LA 'GRAN NUS PA SU YANG MA BYUNG BAS PHYOGS LAS RNAM PAR RGYAL BA'I GRAGS PAS SA'I STENG MA LUS PA KHYAB PAR GYUR TO, ,GNAS DER RJE BTZUN NAM MKHA'I MTSAN CAN GYI DRUNG DU GTZO BOR DUS KYI 'KHOR LO'I DBANG YONGS RDZOGS, BSDUS RGYUD, 'GREL CHEN, DBANG MDOR BSTAN SOGS KYI LUNG YONGS RDZOGS, BDE MCHOG DRIL BU PHYI NANG GNYIS KYI DBANG, KYEE RDOR THOD PA CAN DANG MTSON CHA CAN GNYIS KYI DBANG, 'KHOR CHEN GYI DBANG RTA MGRIN YANG GSANG GI DBANG, BDE MCHOG NAG PO PA'I DBANG, GSHED DMAR LHA LNGA, BKA' GDAMS THIG LE BCU DRUG GI DBANG, KUN RIG GI DBANG SOGS RNAL 'BYOR RGYUD KYI DBANG 'GA' DANG, TSE DBAG MED ,MI 'KHRUGS PA SOGS BYA SPYOD RNAMS KYI DBANG MANG PO DANG, DMAR PO SKOR GSUM GYI RJES GNANG DANG, GSUM GA'I GDAMS PA YONGS SU RDZOGS PA'I LUNG, BDE MCHOG DKAR BO, PHAG DKAR SHES RAB GSAL BYED, SNA TSOGS YUM, LHA MO SHR'A MA nA, DUR KHROD BDAG PO YAB YUM, LHA MO PHYAG BZHI MA, RNAM SRAS SER CHEN GYI RJES GNANG, BKA' GDAMS GZHUNG DRUG, BKA' GDAMS CHOS 'BYUNG, BU STON CHOS 'BYUNG, DPE CHOS RIN SPUNGS RTZA 'GREL, CHOS RJE NAM MKHA'I MTSAN CAN RANG NYID KYIS MDZAD PA'I 'JIGS BYED KYI BSKYED RDZOGS, BSHES SPRING, TSIG GSAL, 'JUG PA'I RANG 'GREL, LAM RIM CHEN MO RNAMS KYI LUNG GSAN, SLOB DPON RDO RJE 'DZIN PA DGE 'DUN RGYAL MTSAN PA'I DRUNG DU, 'DUS PA'I 'GREL PA BZHI SBRAGS KYI LUNG BSHAD, RJE DGE 'DUN RGYA MTSO'I GSUNG

, ,'BUM THOR BU BAS MTSON GSUNG RTZOM THAMS CAD KYI LUNG, TSE DBANG, PHYAG RDOR AU TZA, RNAM SRAS SER CHEN RNAMS KYI RJES GNANG RNAMS GSAN, SLOB DPON RIN PO CHE RNAM RGYAL DPAL BZANG BA'I DRUNG DU RGYUD PA RNAMS DANG LHAN CIG RIM LNGA GSAL SGRON GYI BSHAD LUNG, BOD DU 'GYUR BA'I 'DUS PA'I BSHAD RGYUD RNAMS KYI LUNG, TSAL LUGS KYI MGON PO PHYAG BZHI BA'I DBANG BZHI YONGS SU RDZOGS PA RNAMS GSAN, KHRI THOG PA SEMS DPA' CHEN PO DAM CHOS DPAL 'BAR BA'I DRUNG DU, KHROS NAG GI DBANG DANG, NAM MKHA' SGO 'BYED, GCOD GZHUNG SKAL LDAN 'JUG NGOGS SKOR GSUM GYI LUNG SOGS GCOD SKOR YONGS RDZOGS GSAN, ,DE DANG DE DAG GI TSE DON GNYER CAN MANG PO LA CHOS KYI BDUD RTZI'ANG RGYA CHER STZAL ,DE DUS YER PA DANG TSAL GUNG THANG GI GNAS MJAL YANG ZHIB TU MDZAD, YER PAR ZHAG BDUN BZHUGS RING THUGS DAM LA GCIG TU GZHOL BAR MDZAD CING, DRUNG PA BSAM GTAN PA SOGS DGE SLONG RI KHROD PA MANG PO LA LAM RIM DANG BLO SBYONG GI KHRID STZAL, PHYIR LAM TSAL YANG DGON GYI MGON PO DES BYIN GYIS RLOBS BA'I MTSAN MA STON PA DANG, LHAG PAR GUNG THANG GI MGON PO'I ZHABS LA BZUNG NAS 'PHRIN 'CHOL SHUGS DRAG MDZAD PA NA ZHABS 'GUL BSKYOD MDZAD PA BYUNG, DE NAS DBEN DGON DU PHEBS TE DBYAR GNAS THOG BLA MA SLOB DPON DANG DKA' BCU RAB 'BYAMS SOGS DGE BA'I BSHES GNYEN CHOS NYAN PA MANG PO 'DUS PA LA THUGS BZHED LTAR LAM RIM CHUNG

BKHRID DANG SBYAR, MDO DANG RGYA GZHUNG MANG PO'I LUNG GIS BRGYAN TE GZABS BSHAD RGYAS BAR STZAL BAS DGE BA'I BSHES GNYEN RNAMS LHAG PAR DGYES, SGO MANG SLOB DPON GZHUNG KHANG RAB 'BYAMS BA ZER BA ZHIG NA RE, NGAS DGE LDAN KHRI GDAN ZUR SOGS DBUS GTZANG GI BLA MA MANG PO LA CHOS NYAN, MGO BO SHIN TU MKHREGS PA ZHIG YIN YANG, RJE BLA MA KHYED NYID KYI GSUNG BSHAD RNAMS SEMS LA PHAN ZHING GZHAN LAS DAD PA MCHOG TU SKYES ZHES ZHUS, STON DER BZHUGS TE SKU MTSAMS BCAD NAS DKYIL 'KHOR CHEN PO MANG PO'I BSNYEN PA MDZAD ,DE NAS SKU MDUN BLO BZANG PA YANG DBUS NAS BYON TE RJE BTZUN BLA MA MKHAS GRUB SANGS RGYAS YE SHES KYI SKU BRNYAN GSER ZANGS LAS GRUB PA MI TSAD CHE LA GTOGS PA BZHENGS NAS RNAM BYUNG ZHES PA SA PHO 'BRUG LO'I NANG DU RDZOGS PAR GRUB STE, DPAL 'KHOR LO SDOM PA'I RDUL TSON GYI DKYIL 'KHOR DU RAB TU GNAS PA RGYAS PAR MDZAD CING BZO BO RNAMS KYANG YON GYIS TSIMS PAR MDZAD DO, ,DE NAS DBEN DGON DU MA 'ONGS PA'I BSTAN RGYUN LA DGONGS TE RTEN BZHENGS MANG DU MDZAD CING, RTEN BZHENGS GRUB 'PHRAL DU, DA NI SKYE BA 'DI LA BLTOS PA'I RNAM G-YENG DANG 'DRES PA'I BYA BA BYED DGOS KYANG DE TZAM GYIS MJUG BSDUS, ,TSE 'DI DON GNYER GYI MI DANG MI 'PHRAD, 'JIG RTEN CHOS BRGYAD KYI RNAM RTOG DANG MTSAMS PO CHE BCAD NAS TSE DANG SGRUB PA MNYAM PA ZHIG BYA'O SNYAM DU THUGS LA BCANGS SHING, SKU MDUN BLO BZANG PA DANG YANG BGROS TE DE 'PHRAL SKU MTSAMS DAM PAR BCAD, THUN MTSAMS RNAMS SU

, ,PHYAG DPE GZIGS PA SOGS KYANG BSHOL TE ZLA BA DRUG 'DUN GYI BAR DGE SPYOR LA BRTZON PAR MDZAD PAS DGE SBYOR LA BROD PA RNYED DE 'DI KHA'I RGYUN SKYONG RGYU BYUNG NA LAM SNA ZIN PA LA'ANG TSEGS MI YONG BA 'DUG SNYAM PA THUGS LA SHAR, DE DUS THUGS NGES 'BYUNG SKYO SHAS SHIN TU CHE BAS TSE 'DIR DPAL SHA BA RI PA DANG, RJE MI LA RAS PA LTAR TSE DANG SGRUB PA MNYAM PA ZHIG BYED SNYAM PA NAR MAR YOD PA NA RJE BTZUN TZONG KHA PA CHEN PO MDUN GYI NAM MKHAR BYON NAS, RANG DANG GZHAN LA PHAN PA'I PHYIR, ,THOS PAS NGOMS PAR MI BYA STE, ,SA GSUM BRNYES PA'I SEMS DPA' YANG, ,THOS PAS NGOMS PA MED LA LTOS, ,ZHES GSUNG BA ZHIG GSAL BAR BYUNG, DE NAS RING PO MA LON PAR SKU MTSAMS GROL TE MNAL LAM DANG MTHUN PAR DBANG LUNG MAN NGAG MTHA' YAS PA GSAN CING, GZHUNG CHEN MO'I RTZI 'GREL RNAMS LA'ANG ZHIB TU GZIGS TE, MNGON RTOGS RGYAN ,RGYUD BLA MA, RTZA BA SHES RAB, RIN CHEN PHRENG BA, RIGS PA DRUG CU BA, BSHES PA'I SPRING YIG, BZHI BRGYA BA, DBU MA 'JUG PA, BSLAB BTUS RTZA BA, BYANG CHUB SEMS DPA'I SPYOD PA LA 'JUG PA, BYANG CHUB LAM SGRON, BLO SBYONG RTZA BA 'GA', 'DUS PA'I RTZA RGYUD, BDE MCHOG RTZA RGYUD, BRTAG GNYIS, DUS 'KHOR BSDUS RGYUD BSDUS PA, MGON PO KLU SGRUB KYI RIM LNGA SOGS GZHUNG CHEN MO MANG PO LA ZHAL TON RE MOS SU MDZAD, RJE RIN PO CHE BKRAS RIN PA, TSOGS CHEN MKHAN PO RIN RGYAM PA SOGS DGE BA'I BSHES GNYEN BCU TZAM ZHIG LA BDE MCHOG L'U AI BA'I

DBANG DANG DMAR KHRID, SNAR THANG BRGYA RTZA'I RJES GNANG, SGROL MA NYER GCIG GI RJES GNANG, BRGYAD STONG BA'I LUNG, BKA' GDAMS GZHUNG DRUG GI LUNG, LAM RIM GYI KHRID SOGS CHOS KYI RNAM GRANGS SHIN TU MANG BA GNANG, DAM PA DE NYID KYI DRUNG DU'ANG, N'A RO MKHA' SBYOD MA'I DBANG, MKHA' SPYOD GZHAN GNYIS KYI RJES GNANG, 'JAM DBYANGS CHOS SKOR, ZHABS BRGYAD PA'I RJES GNANG, GLENG 'BUM CHEN MO, MDO RTZA, SUM BRGYA PA, MNGON BA KUN LAS BTUS DANG MDZOD RTZA PA, 'GREL PA DON GSAL, MDO KUN LAS BTUS ,JO BO'I CHOS CHUNG BRGYA RTZA, DBU MA RIGS TSOGS DRUG, BYAMS CHOS LNGA, 'JIGS BYED KYI BSKYED RIM CHEN MO MKHAS GRUB THAMS CAD MKHYEN PA'I GSUNG GI 'PHRO CHOS RJE BLO GROS CHOS SKYONG BAS MDZAD PA RNAMS KYI LUNG GSAN, NYIN MTSAN KHOR YUG LTA BUR PHAN TSUN RE MOS SU CHOS KYI 'KHOR LO BSKOR TE, MNGON CHUNG BAR DPEN DGON DU PHEBS, DE DUS DBEN PA LA SHIN TU DGYES PA CHE ZHING, DA LAM BYA BRAL GYI BRTUL ZHUGS BLANGS TE PHYIR ZLOG PA MED PA SNGON GYI GRUB THOB RNAMS DANG MTSUNGS PA ZHIG BYED, DE LTAR BYED PA LA 'DI NANG GI LTO GOS TZAM LA YANG 'KHRI BA CHOD BA ZHIG MA BYUNG NA BYA BRAL GYI MING BTAGS PA'I GNYIS MED SENG GER SONG NA MA LEGS SO SNYAM DU DGONGS TE BCUNG LEN GYI RNAM GRANGS DU MA LA GOMS PA NYAMS 'OG TU CHUD PAR MDZAD CING RLUNG SBYOR 'KHRUL 'KHOR SOGS LA GOMS PA PHUL PHYIN YOD KYANG DA DUNG BOGS DBYUNG BA'I PHYIR DGUN STOD BRAG RGYAR PHEBS NAS BRTZON PAR MDZAD PAS ZHAG BDUN TZAM GYIS

, ,BKA' RGYUD PA'I LUGS KYI RAS PHUD BTANG CHOG PA BYUNG, DER G-YENG BA MED CING THUGS RIG DANGS PAS NYAMS MGUR MANG PO MDZAD CING, 'GA' ZHIG YI GER MDZAD PA NI 'DI LTAR, NA MO GU RU MANYDZU GHOsh'A YA, BLO GTAD THUB KYI BLA MA DKON MCHOG GSUM, ,RKANG RUS PA'I KHONG NAS SKYABS BZUNG STE, ,BKA' MDO RGYUD KYI LAM LAS 'ONGS PA YI, ,GLU TSIG GSUM GYI SNYING GTAM 'DI SKAD SMRA, ,DUS DA LTA RANG DBANG YOD PA'I TSE, ,DON 'BRAS MED SBUN PA MA 'PHYAR BAR, ,LAS BYAS PAS 'TSENG PA'I RNAM DKAR LA, ,YID RTZE GCIG TU DRIL NA DON PO YIN, ,TSE 'DI YI MDUN MA CI BYAS SLA, ,TSE PHYI MA SHUL RING 'JIGS PA CHE, , LAM SHUL RING 'JIGS PA'I BSKYEL BSU DANG, ,BRGYAGS 'DZAD MED KYI GRABS GSHOMS BYAS NA LEGS, ,SNGAR 'DOD YON RO LA JI TZAM SPYAD, ,DE BSAMS NA SNYING PO CI 'DRA 'DUG ,DA RANG NYID RANG GIS MA BSLU BAR, , BLO 'GYOD MED KYI GDENGS DROD TSAGS SU TSUD, ,RANG MNGAL DU ZHUGS PA NAS BZUNG STE, ,DGRA 'CHI BDAG DRUNG DU CHAS ZIN CING, ,DUS YUD TZAM SDOD PA'I SKABS MED PAS, ,SNYING DANG RINGS KYI LONGS YOD BDUD KYIS BSLUS, ,DGUNG MKHA' LA SHAR BA'I 'JA' TSON DE, ,GZUGS MDZES KYANG MYUR DU YAL NAS 'GRO ,GZHON SHA KHRAG RGYAS PA'I LANG TSO YANG, ,DUS SKAD CIG GIS MI RTAG 'GYUR BA'I CHOS, ,DBYAR CHAR SPRIN NANG GI GLOG

DMAR BZHIN, ,DUS SNYIGS MA'I TSE THUNG ZHAG 'GA' 'O, ,MI RGAN GZHON GO RIM MI 'DUG PAS, ,PHYIS G-YENG MED DU BAG GZON DAM PO MDZOD, ,GNYEN 'KHOR G-YOG SPRIN GYI 'DU 'GOD DANG, ,SROG MI BRTAN CHU YI CHU LBUR DANG; ;NOR LONGS SPYOD RMI LAM DPAL 'DRA PAS, ,TSE RTAG 'DZIN GYI MDUN GRABS TZAM STE ZHOG ,RTEN DAL 'BYOR LDAN PA'I MI YI LUS, ,'DI RNYED PAR DKA' ZHING 'JIG PAR SLA, ,DUS DA RES LAN CIG RNYED PA 'DI, ,DON MDO MED DU GTONG NA SMYON PA YIN, ,YUL YUL CAN GYI CHOS RNAMS JI SNYED PA, ,BLOS MA BRTAGS MA DPYAD NYAMS DGA' YANG, ,DON DPYAD NA MI DMIGS STONG PA'I NGANG, ,DBYINGS DE RU RIG PA GCER BUR ZHOG ,SEMS CHAGS SDANG RJES SU MA 'PHRO BAR, ,RJE RGYAL BA'I GSUNG GI GCES PA'I MDZOD, ,LAM STONG NYID SNYING RJE'I SNYING PO CAN, ,'DI 'BRAL MED DU SGOMS DANG YUN DU DGE ,PHYI THOS BSAM SGRO 'DOGS MA CHOD KYANG, ,SEMS 'KHOR 'DAS RTZA BAR GSUNGS PA'I PHYIR, ,NANG SHES RGYUD ZHI ZHING DUL BAR GYIS, ,CHOS ZAB DON GYI SNYING PO BSDUS PA YIN, ,LUS SNANG STONG TSOGS PA LHA YI SKU, ,NGAG BRAG STONG BZLAS PA RGYUN MI 'CHAD, ,YID BDE STONG DBYINGS LAS MA G-YOS PAR, ,DA BLA MA'I RNAM THAR RJES SU SKYONGS, ,GTAM 'DI LTAR SMRAS PA'I DGE BA DES, ,KHAMS GSUM GYI 'KHOR BA'I SEMS CAN RNAMS, ,RGYU KUN 'BYUNG 'BRAS BCAS YONGS SPANGS TE, ,SKU GSUM GYI GO 'PHANG MYUR THOB

, ,SHOG ;DE NAS DBEN DGON TSOGS BA JE RGYAS SU SONG STE DGE 'DUN MANG DU TSOGS PA DANG, PHYOGS 'DUS KYI DAD LDAN BCAS LA LAM RIM, BLO SBYONG, BKA' GDAMS GLEGS BAM, DPE CHOS RIN SPUNGS, 'DUL BA'I BSLAB BYA, 'JIGS BYED DANG BDE MCHOG SOGS KYI BSKYED RDZOGS DMAR KHRID, LTA KHRID, GSANG BDE 'JIGS GSUM, GDUGS DKAR SOGS KYI DBANG, SNAR THANG BRGYA RTZA'I RJES GNANG, CHOS SKYONG MANG PO'I RJES GNANG, BSGRUB SKOR SOGS RGYAS PAR MDZAD DE KLOG PA THOS BSAM GYI 'KHOR LO DANG, STON DANG DGUN GYI DUS 'DU 'DZIS DBEN PAR MDZAD DE, SKU MTSAMS SU BZHUGS NAS LHAG PA'I LHA MANG PO'I BSNYEN BSGRUB SOGS BSAM GTAN GYI 'KHOR LO DANG, SOS DANG DBYAR MJUG MYANG STOD, SHAB, SHANGS, THON SOGS CI RIGS SU PHEBS NAS CHOS DANG MTHUN PAR SDE DPON RIGS DANG BAN SKYA'I TSOGS MANG PO'I BZHED PA 'GENGS PA SOGS BYA BA LAS KYI 'KHOR LO LA'ANG BRTZON PAR MDZAD, DE DAG GI SKABS SU'ANG, DAM PA'I 'GRO BA GNYIS YIN TE, ,THAMS CAD PHUN SUM TSOGS PA'AM, ,YANG NA NAGS SU GNAS PA'O, ,ZHES 'BYUNG BA LTAR, RAB MI GRAL NAS BUD DE, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES BKA' STZAL PA LTAR, GZHAN DON DU RANG DON GTZO BO LTAR BSGRUB PA'I SGRUB PA CIG BYED, DE BYED, DE MIN RANG DON GYI 'KHRI BA BCAD

DA BSTAN PA DANG SEMS CAN GYI DON PHUN SUM TSOGS PA GANG RUNG ZHIG BSGRUB PAR BYA'I, DE GNYIS GANG YANG MA YIN PA'I GSON PA TZAM LAS SHI BA LEGS SO SNYAM DU DGONGS PA BYUNG ZHING, DE DANG MTHUN PAR BLA MA DKON MCHOG LA YANG SNYING NAS RE DOGS DANG BRAL BA'I GSOL PA 'DEBS PA 'DI LTAR MDZAD DE, NA MO A'ARYA MEE TRI YA, STENG DGA' LDAN LHA BRGYA'I GTZUG RGYAN DU, ,RJE SA BCU'I DBANG PHYUG MI PHAM MGON, ,DPAL NAM MKHA' DRI MA MED PA DANG, , PHA MNYAM MED 'JAM DPAL SNYING PO'I ZHABS, ,SRAS DPAG MED SEMS DPA'I 'KHOR DBUS SU, ,CHOS THEG MCHOG DGA' STON 'GYED PA DER, ,BDAG GDUNG BA'I SEMS KYIS GSOL 'DEBS NA, ,THUGS BRTZE BA'I LCAGS KYUS DRANGS SU GSOL, ,DUS DENG SANG BSTAN PA'I GZUGS BRNYAN 'DI, ,LAR YID LA BRNAGS KYANG PHAN PA MED, ,DON DE PHYIR YID DGA' CHOS 'DZIN DU, ,DUS MYUR BA NYID DU BGROD PAR SMON, ,TSE 'DI NANG 'GAGS PA'I DE MA THAG ,RJE RGYAL TSAB CHOS KYI MDUN SA DER, ,YID DANG BA'I RLUNG GIS RAB 'PHANGS NAS, ,CHOS THEG PA CHE LA SPYOD PAR SHOG ,TSE 'DI NANG RANG GZHAN DON 'GRUB PA'I, ,LAS MTHU DANG LDAN PA MA MCHIS NA, ,PHA KHYED LA THUGS RJE TSAD MED PAS; ;DUS DA LTA GNAS DER DRANG DU GSOL, ,MI KHO BO'I 'DI PHYI'I BDE LEGS KUN, ,RJE BLA MA KHYED RNAMS MKHYEN LAGS PAS, ,DUS 'DI NAS BYANG CHUB MA THOB BAR, ,LAM NGANG PA'I G-YANGS LAS BSKYAB TU GSOL, ,CES

, ,PA'O; ,DE NAS RNAM 'PHYANG ZHES PA SA PHO KHYI'I LO CHOS GRA CHEN PO GANGS CAN CHOS 'PHEL GYI MKHAN POR 'BYON DGOS TSUL SDE PA LHUN PO RTZE PA DANG MCHOD YON THAMS CAD KYIS NAN GYIS GSOL BA BTAB PA LA BRTEN NAS LNGA MCHOD CHEN MO'I NYIN CHOS GRVA CHEN PO GANGS CAN CHOS 'PHEL GYI KHRI THOG TU PHEBS, TSOGS PA LA LAM RIM CHEN MO'I GZABS BSHAD DANG, DE'I DUS GANGS CAN DGE BSHES RAGS SHING MANG BAS, DKA' BCU RAB 'BYAMS BZHI BCU TZAM GYIS GSOL BA BTAB NAS LAM RIM GYI KHRID RGYAS PAR STZAL, THAMS CAD KYIS NGAG 'DZIN DANG SHAR SGOM DU MDZAD, DPYID DUS TSOGS PAR SNAR THANG BRGYA RTZA'I RJES GNANG DANG, GNAS PA PAn CHEN MKHAR BRAG PA, SHAR BYANG SLOB DPON GNYIS SOGS DGE BSHES DRAG RIM NYI SHU SKOR LA DGONGS JA NYIS SBREL GYI RING, RDO RJE 'CHANG CHEN PO'I LAM GYI RIM PA'I BSHAD LUNG GNANG, MJUG TU MDO SNGAGS KYI DKA' GNAS KYI 'BEL MCHID DANG RIGS LUNG RGYUN RING NYIN RE BZHIN MDZAD DE BSHAD SGRUB SHIN TU 'PHEL, DE NAS KHRO PHU'I SMON LAM LA PHEBS TE SKYA SER PHON CHE PA 'TSOGS PAR DGE 'DUN RNAMS LA MANG JA DANG 'GYED SOGS RGYA CHER GNANG ZHING, SKYE BO STONG PHRAG DU MA 'TSOGS PA LA BYAMS PA LUNG BSTAN PA'I MDO DANG, SKYES RABS THUN RE'I SPYI CHOS KYI SROL GSAR DU BTZUGS, MDOR NA SANGS RGYAS KYI BSTAN PA DANG, SEMS CAN GYI PHAN BDE RGYAS PA RJE NYID

MTHONG THOS DRAN REG TU GYUR PA THAMS CAD RJE BTZUN GYI ZHABS DRUNG DU SKYES NAS, BYAMS PA'I BSTAN PA LA BYA BA BYED PA'I SMON BRGYA CHER MDZAD, GANGS CAN GYI CHOS SDE SKYONG RING DBYAR CHOS GANGS CAN DANG, STON DUS SOGS RGYUN BAR DBEN DGON RANG DU BZHUGS NAS BSHAD SGRUB KYI RGYUN BSKYANGS, DE NAS GANGS CAN YANG YUN RING 'DZIN MI THUB, GANG BYED RING PHAN PA ZHIG BYA'O SNYAM DU DGONGS NAS 'DU KHANG LA ZHIG GSO DANG SKU GSUNG THUGS RTEN GSAR BZHENGS SPYI 'JOG SOGS CHOS ZANG ZING GNYIS KA'I SGO NAS BKA' DRIN ZLA MED MDZAD, DE NAS SRAD RGYUD DU PHEBS NAS SLOB DPON RIN PO CHE RGYUD CHEN SANGS RGYAS RGYA MTSO'I DRUNG DU 'JAM RDOR, GSHIN RJE GSHED DMAR NAG GNYIS, 'JIGS BYED LUGS GSUM SOGS BLA MED DANG, RDOR DBYINGS, DPAL RTZE SOGS RNAL 'BYOR RGYUD, RNAM SNANG MNGON BYANG, PHYAG RDOR DBANG BSKUR BA SOGS SPYOD RGYUD DANG, DAM TSIG GSUM BKOD, RNAM RGYAL MA, RNAM 'JOMS, GDUGS DKAR, 'OD ZER CAN, STON PA LA KHRUS KYI LHA MO BRGYAD KYIS BSKOR BA DANG, YANG STON PA LA BKRA SHIS KYI LHA MO BRGYAD KYIS BSKOR BA'I DBANG SOGS, RGYUD SDE BZHI'I RIGS KYI DBANG SUM CU SKOR DANG; 'DUS PA, BDE MCHOG ,RNAL 'BYOR MA'I SNGAGS BTU, SGRUB THABS BRGYA RTZA, SGRUB THABS RGYA MTSO, LEGS LDAN, STAG ZHON, DUD SOL MA, TRAKA SHAD RIGS MANG PO, PHAG MO, SROG SGRUB MA, DUS MTSAN MA, NAM

, ,MKHA'I GOS CAN MA SOGS KYI RJES GNANG, RNAM SRAS BKA' MI 'DRA BA BCU GSUM ,DE'I BE'U BUM YONGS RDZOGS KYI LUNG RNAMS DANG, GZHAN YANG ZAB RGYAS KYI GDAMS PA ZHAL SHES SHIN TU MANG BA GSAN, SRAD RGYUD NA BZHUGS SKABS BKRA SHIS LHUN PO'I KHRI THOG TU MYUR BAR PHEBS DGOS PA'I MNAL LAM GSAL BA BYUNG, DE NAS TSUR LAM ZHA LUR PHEBS, RJE 'DI SKU NA PHRA MO NAS, THAMS CAD MKHYEN PA BU STON RIN CHEN GRUB LA THUGS DAD LHAG PAR CHE BA ZHIG YOD PA'I STABS RI MTHI GNYIS KA'I GNAS GZIGS KYANG ZHIB TU MDZAD, RING PO MA LON PAR MYANG PHYOGS LA PHEBS DGOS BYUNG, DGE TSA DANG BSTUN DPAL 'KHOR BDE CHEN DU GRVA TSANG SO SOR 'DOD CHOS KYI CHAR PHAB CING, SPYI THOG TU BLA MA SLOB DPON MANG PO DGE BSHES RAGS BSDUS RNAMS LA BDE MCHOG L'U AI PA'I DBANG YONGS RDZOGS MDZAD, DE NAS DBEN DGON DU PHEBS TE DGA' LDAN SGRUB RGYUD KYI BSTAN PA NAM YANG MI NYAMS PAR BYA BA'I PHYIR DANG RJE GONG MA RNAMS KYI THUGS DGONGS YONGS SU RDZOGS PAR BYA BA'I PHYIR DANG DAD PA CAN GYI RDZAS RNAMS CHUD MI ZA BAR GTER DU SPA BA'I PHYIR SKU GSUNG THUGS RTEN GSAR BZHENGS, MCHOD RDZAS GSAR BZHENGS, DGE 'DUN GYI MKHO BA'I YO BYAD GSAR BZHENGS SOGS GANGS RI'I KHROD KYI SGRUB SDE ZHIG LA 'GRAN ZLA DANG BRAL PA BSKRUN PAR MDZAD, DE NAS BKRA SHIS LHUN PO'I BLA MA DGE 'DUN TSANG MAS DAD 'DUN RTZE GCIG PAS BKRA SHIS LHUN POR RJE DGE 'DUN

GRUB KYI GDAN SAR PHEBS DGOS ZHES NAN CHER GSOL BA BTAB BA LA BRTEN NAS DGUNG LO SO GCIG PA KUN LDAN ZHES PA LCAGS PHO BYI BA'I LO ZLA BA BCU GNYIS PA'I TSES GSUM LA CHOS GRVA CHEN PO BKRA SHIS LHUN PO'I KHRI THOG TU PHEBS 'DUS BA RGYA MTSO'I DBUS SU MI 'JIGS SENG GE'I KHRI LA ZHABS SEN BKOD NAS TSOGS CHEN LA SNAR THANG BRGYA RTZA'I RJES GNANG, SGROL MA NYER GCIG GI RJES GNANG, BKA' GDAMS CHOS 'BYUNG CHEN MO'I LUNG, RTZA BA SHES RAB, DBU MA 'JUG PA, MNGON RTOGS RGYAN RNAMS KYI LUNG GNANG, DE NAS RIM GYIS CHOS 'KHOR RGYA CHER BSKOR ZHING, DPYID GANGS CAN DU PHEBS NAS RAB BYUNG BSNYEN RDZOGS MANG DU GNANG ZHING GZHAN YANG CHOS 'KHOR RGYA CHER BSKOR, KHRO PHU'I SMON LAM LA PHEBS NAS SER SKYA BGRANG BA LAS 'DAS PA LA THAR PA'I SA BON BZHAG STE RGYAL BA'I BSTAN PA LA BYA BA RGYA CHER MDZAD, GANGS CAN BA RNAMS DBU MKHREGS, STAB STOB TU 'DUN PA SHIN TU DKA' BA ZHIG YIN NA'ANG, RJE 'DI LA NI RTZA BA'I DGON PA 'DEBS PA PO PAn CHEN BZANG PO BKRA SHIS LAS KYANG DAD MOS CHE BAR MDZAD DO, ,DE NAS GANGS CAN GYI GDAN SA 'JOG PAR MDZAD NAS BKRA SHIS LHUN POR DBYAR GNAS THOG TSOGS PAR THAMS CAD MKHYEN PA DGE 'DUN RGYA MTSO'I GSUNG 'BUM THOR BU'I LUNG DANG, 'JUG PA'I t'IKA CHEN DGONGS PA RAB GSAL GYI LUNG STZAL, DE'I STON GSER KHANG GONG PA DPON SLOB KYIS GDAN DRANGS, DGON RGYA 'OG DANG BCAS PA LA 'GRO DON 'PHRIN LAS JI LTAR MDZAD TSUL DE KHA'I DUS

, ,MKHAN CHEN NOR BZANG RGYA MCHOS BSKUL NAS DE 'PHRAL TSIGS BCAD DU MDZAD PA'ANG YOD DO, ,DE LTAR GSER KHANG GRVA TSANG PA RNAMS KYIS SPYAN DRANGS RJES, SNA TSOGS DBYIG GI LO'I BAR GYI STON RIM BZHIN DPAL 'KHOR BDE CHEN GI GRVA TSANG GZHI GNAS PA, LEGS GRUB PA, LHA KHANG PA, NOR BU DGE LDAN PA RNAMS KYIS RIM GYIS RANG RANG GI DGON RGYA 'OG DANG BCAS PAR GDAN DRANGS TE RNYED PA DANG BKUR STI BZANG PO 'GRAN PA BZHIN DU BSGRUBS, SKYA SER GYI SKYE BO STONG PHRAG MANG PO LA GANG 'TSAM GYI CHOS KYI CHAR PHAB STE NGAN 'GRO'I SGRO GTAN BCAD CING MTHO RIS DANG THAR PA'I LAM LAM PO CHE BZHIN DU MDZAD DO, ,DE NAS BKRA SHIS LHUN POR DGUN CHOS LA 'JAM DBYANGS CHOS SKOR YONGS SU RDZOGS PA GNANG, DBYID DBEN DGON DU RI KHROD PA RNAMS LA 'DOD CHOS CI RIGS STZAL NAS, SGRUB THABS RGYA MTSO DANG BRGYA RTZA'I LHA GTZO BO RNAMS KYI BSNYEN SGRUB ZHIG MDZAD, DE NAS SHANGS KHUL GYI DAD LDAN RNAMS KYIS GDAN DRANGS TE SHANGS SU MDA'I SER SKYA MTHA' DAG LA ZHAL MJAL DANG GSUNG GI BDUD RTZI STZAL TE THAR PA'I SA BON THEBS PAR MDZAD, DE NAS BKRA SHIS LHUN PO'I DGUN CHOS DANG BSTUN NAS DGONGS JA'I THOG SKYES RABS THUN RE'I GZABS BSHAD STZAL, DE YANG SNYIGS MA LNGA LHAG PAR BDO BA'I DUS 'DI 'DRA BAR NI YUL RTEN PHUN SUM TSOGS PA, GZHI TSUL KHRIMS RNAM PAR DAG PA'I DGE 'DUN BRGYA PHRAG MANG PO DANG LHAN CIG TU

CHO 'PHRUL CHEN PO'I DUS BZANG POR DKON MCHOG GSUM LA SKYABS SU SONG ZHING BYANG CHUB TU THUGS BSKYED, BSAG SBYANG GI GNAD BSDUS PA'I YAN LAG BDUN PA SNGON DU BTANG NAS, KUN TU BZANG PO'I SMON LAM TSUL BZHIN DU BSGRUBS PA NI DUS SKABS KYIS BSTAN PA DANG SEMS CAN GYI DON BLA NA MED PA DANG, RANG GZHAN GTAN GYI MDUN MA 'GRUB PA'I RTZA BA YIN NO SNYAM DU DGONGS NAS, THOG MAR MDZES BYED KYI LO RTA ZLA BA'I DKAR TSES GSUM NAS BCU DRUG GI BAR DU SMON LAM CHEN MO LEGS PAR 'DZUGS PAR MDZAD, DANG PO MANG JA RE RE TZAM YANG 'GRIG PA JI LTAR SNYAM DU THUGS YID 'PHYANG MO NYUG TU GYUR KYANG, PHYIS NI NYIN RE MANG JA LNGA DRUG TZAM YANG GTONG DGOS PA BYUNG, DE NAS BZUNG STE LO NYI SHU RTZA LNGA'I BAR LA BKRA SHIS LHUN POR DAD PA CAN GYI RDZAS RNAMS CHUD MI ZA BA'I PHYIR DANG, GDAN SA 'DI NYID LHA DANG BCAS PA'I 'GRO BA YONGS KYI BSOD NAMS KYI ZHING MCHOG DAM PAR BSGRUB PHYIR SKU GSUNG THUGS RTEN GSAR BZHENGS, MCHOD RDZAS GSAR BZHENGS DGE 'DUN LA BSNYEN BKUR GYI RGYUN SOGS GONG NAS GONG 'PHEL DU MDZAD, LHAG PAR CHO 'PHRUL SMON LAM 'DZUGS PAR MDZAD PA 'DI NYID RGYAL BA TZONG KHA PA'I YANG MDZAD CHEN GCIG YIN PA BCAS RJE 'DI RANG GI YANG MDZAD CHEN NGO MTSAR BA GCIG TU MDZAD DE, TSUL 'DI LA RJE RANG NYID KYI ZHAL NAS, 'DI NI KHO BO'I TSE 'DI LA LTOS PA'I RNAM THAR BZANG BA ZHIG YIN SNYAM PA YOD DE, DGE BA'I BSHES GNYEN PO TO BA'I RNAM THAR DU, BOD NA DGE 'DUN STONG PHRAG DU MA RNAM A

, ,THAR GCIG LA 'GOD NUS PA'I DGE SLONG YOD CES, DAM PA 'DI NYID RGYA GAR DU YANG GRAGS ZHES 'BYUNG BA LTAR, DGE 'DUN STONG RVA CAN BRGAL BA LO GRANGS DE SNYED DU THAMS CAD MKHYEN PA BSGRUB PA LA RTZE GCIG TU THUGS BSTUN NAS 'DUN PA RMAD DU BYUNG BA'I RNAM THAR LA 'GOD BAR BYAS PA'I PHYIR DANG, JI SKAD DU, GANG GIS PHYOGS BCU'I ZHING RNAMS JI SNYED PA, ,RIN CHEN BRGYAN TE RGYAL BA RNAMS LA PHUL, ,LHA DANG MI YI BDE BA'I MCHOG RNAMS NI, ,ZHING GI RDUL SNYED BSKAL BAR PHUL BA BAS, ,GANG GIS BSNGO BA'I RGYAL PO 'DI THOS NAS, ,BYANG CHUB MCHOG GI RJES SU RAB MOS SHING, ,LAN CIG TZAM YANG DAD PA BSKYED PA NI, ,BSOD NYAMS DAM PA'I MCHOG TU 'DI 'GYUR RO, ,ZHES SOGS RGYAL BA'I BKA' TSAD MAR GYUR BAS ZHAL GYIS BZHES PA'I BSOD NYAMS GZHAL DU MED PA RANG GZHAN GYI RGYUD LA BSKRUN PAR BYAS BA'I PHYIR RO, ,ZHES GSUNGS, DE NAS DAD LDAN MANG POS BSKUL NAS RTA NAG LA PHEBS, SKYE BO MTHA' YAS PA 'DUN PAR MDZAD CING, RJE 'GOS KYI SGRUB GNAS ZHAL GZIGS PHUG PA MJAL BAR MDZAD PAS, LHAS ME TOG GI CHAR 'PHAB CING TSE CHU'I RGYUN BABS, DE'I 'OG MKHA' SPYOD NA DPAL LDAN LHA MO'I LOGS BRIS BYIN RLABS CAN ZHIG 'DUG PA LA ME TOG 'THOR BAR MDZAD PAS 'OD ZER KHA DOG SNA LNGA 'PHRO ZHING, RNAM 'GYUR SNA TSOGS STON PA ZHIG GZIGS, DE NAS BKRA SHIS LHUN POR PHEBS, 'DI SKABS RGYAL BA THAMS CAD MKHYEN PA YON TAN RGYA MTSO

YANG BYANG PHYOGS KYI RGYUD NAS PHEBS, PHYI NANG GI RKYEN DU MAS BSKUL TE BKRA SHIS LHUN PO'I MKHAN SLOB THAMS CAD KYIS MJAL BAR BYON, PHEBS LAM DU YANG RTZAL BA CHEN POS BYON BAS YA MTSAN DU BYED BA BYUNG, DE DUS RJE RANG NYID NAS BDOG PA'I DNGOS BO'I PHYAG RTEN GZABS SHING, 'BRAS SPUNGS SU MANG JA 'GYED DANG BCAS PA GNANG, BKRA SHIS LHUN PO'I SLOB DPON PA RNAMS PHYIR THEGS, RJE RANG NYID RE SHIG BZHUGS RGYAL BA THAMS CAD MKHYEN PA CHEN POS CHOS BKA' MTHA' YAS PA GNANG DGOS TSUL GSOL BA BTAB PA LTAR, DGUN 'BRAS SPUNGS RANG DU BZHUGS NAS DBANG LUNG RJES GNANG SOGS LAM PA KA'I KU SHA'I GRANGS DANG MTSUNGS PA 'GRO GANG CHE GTZOR BTON MDZAD CING ZHAR LA 'BRAS SPUNGS KYI DKA' BCU RAB 'BYAMS PHAL CHER 'DUS PA LA DKA' CHEN BZHI'I RTZA BA'I LUNG YONGS RDZOGS DANG, RGYAL BA YON TAN RGYA MTSO DANG, DE'I ZHABS 'BRING PA SLOB DPON PA RNAMS GDAN 'DZOM PA LA DMAR NAG GNYIS, ZHE DGU MA, RO LANGS BRGYAD BSKOR, DPA' BO GCIG PA RNAMS KYI DBANG GNANG, GZHAN YANG SNGA PHYIR DBANG DANG, RJES GNANG DANG, ZAB KHRID MAN NGAG ZHAL SHES SOGS PHAL CHER PUM PA GANG BYO'I TSUL DU 'BUL BAR MDZAD DO, ,RGYAL BA THAMS CAD MKHYEN PA CHEN POS KYANG SKU TSE MANG PO'I SNGA ROL NAS RJE 'DI BA LA MNGON PAR DGYES PA'I THUGS KYI BAG CHAGS SAD PA LTAR MDZAD NAS, CHOS GSAN PA'I BLA MA MANG PO'I NANG NAS, RJE 'DI PHA RIGS KYI BDAG POR LEGS PAR

, ,BZHES TE THOG MTHA' BAR GSUM DU SO SKYE'I BLO YUL LAS 'DAS PA'I RNYED PA DANG BKUR STIS MCHOD PA NI DGE BSHES STON PA'I RNAM THAR DRI MA MED PA'I RGYUN 'KHRUL MED DU SKYONG BAR MDZAD PA YIN NO, ,DE NAS LHA SA'I SMON LAM GROL NAS BYANG RA SGRENG MJAL DU PHEBS, RA SGRENG BA RNAMS LA DAM BA'I CHOS RGYA CHER STZAL, RA SGRENG DU BZHUGS RING NGO MTSAR BA'I LTAS BSAM GYIS MI KHYAB BA BYUNG, RA SGRENG TSOGS BA LA BKA' GDAMS GLEGS BAM GZABS BSHAD DANG BCAS PA GNANG, DE NAS SLAR YANG RGYAL BA YON TAN RGYA MTSO DANG LHAN DU RGYAL ME TOG THANG LA PHEBS TE GTZO CHER RGYAL BA YON TAN RGYA MTSO LA DBANG LUNG MAN NGAG RNAMS NAR MAR GNANG ZHING SENG DBAR RNAMS SU LAM BAR GYI GNAS RNAMS LA MCHOD 'BUL DANG KHYAD BAR DGA' LDAN SGRUB RGYUD KYI CHU 'OG GRUB CHEN 'JAM DPAL RGYA MTSO'I SGRUB GNAS MAL GRO SPANG SA'I YANG DGON DANG, RJE RIN PO CHE 'KHOR DAG PA RNAM BRGYAD DANG BCAS PAS GANG DU SGRUB PA MDZAD PA'I GNAS 'OL KHA CHOS LUNG SOGS 'OL KHA DANG DVAGS PO'I GNAS RNAMS MJAL TE THUGS SMON MDZAD, RGYAL ME TOG THANG DU DPAL LDAN LHA MO DGYES PA'I CHO 'PHRUL NGO MTSAR BA BYUNG ZHING, GNAS GANG DANG GANG DU PHEBS PA DE DANG DER DAD LDAN RNAMS LA RANG RANG GI SKAL BA DANG 'TSAM PA'I CHOS KYI BDUD RTZI STZAL TE THAR PA'I SA BON THEBS PAR MDZAD, DE NAS GTZANG DU PHEBS TE BKRA SHIS LHUN PO'I 'DUS TSOGS LA DGUN CHOS SNGA PHYI'I SKABS TSOGS CHEN LA

SGRUB THABS RGYA MTSO'I RJES GNANG LUNG DANG BCAS PA STZAL, CHO 'PHRUL SMON LAM GROL RJES 'BRAS SPUNGS NAS GDAN 'DREN ZHU MI DOS DRAG BYUNG BA LTAR, DBUS SU PHEBS NAS DGA' LDAN PHO BRANG GI GZIM CHUNG NYI 'OD DU NAG NYA DANG BSTUN DPAL DUS KYI 'KHOR LO'I RDUL TSON GYI DKYIL 'KHOR BZHENGS TE RGYAL BA THAMS CAD MKHYEN PA YON TAN RGYA MTSO LA DUS KYI 'KHOR LO'I DBANG YONGS SU RDZOGS PA MTHA' RTEN DANG BCAS PA DANG, GZHAN YANG CHOS BKA' CI RIGS PA 'BUL BAR MDZAD, DE'I TSE LHO RGYUD PHYOGS NAS SDE DPON DU MAS PHEBS DGOS TSUL GSOL BA BTAB PA LA BRTEN NAS LHO KHAR PHEBS, DE DUS MKHAR TOG, 'PHYOD RGYAS RI BO BDE CHEN, SPYAN G-YAS, SNE'U GDONG, RTZES DANG, RONG CHA DKAR SOGS SU JO STAN TSOGS CHEN PA'I MKHAN CHEN GYIS MTSON PA'I BLA MA SLOB DPON DANG, DGE 'DUN MANG PO LA DBANG KHRID LUNG SOGS RGYA CHER STZAL, GANG DANG GANG DU PHEBS PA DE DANG DER SKYE BO'I TSOGS BRGYA STONG DU MA 'DUS PA LA YIG DRUG GI LUNG DANG, BLA MA'I RNAL 'BYOR SOGS DAM PA'I CHOS RGYA CHER STZAL, SNGON GYI DAM BA MANG PO'I BSTI GNAS JO BO CHEN PO LHA CIG GI GDUNG KHANG BZHUGS PA THANG PO CHE DANG, SPYAN G-YAS, YAM BU BLA SGANG, KHRA 'BRUG, RTZES DANG, BYAMS PA GLING, BSAM YAS SOGS KYI GNAS DANG RTEN MJAL ZHIB TU MDZAD, MCHOD 'BUL, BSAG SBYANG, SMON LAM RNAM DAG MDZAD BA NI SNGON BYON DAM PA'I RNAM THAR LTAR RMAD DU BYUNG BA'I MDZAD PA YIN LA, GANG

, ,DANG GANG DU PHEBS PA DE DANG DER ZANG ZING GI BSNYEN BKUR RGYA CHE BA DANG MI MANG GI 'A 'UR 'DU 'GOD MANG PA RNAMS LA NI DE DANG DE GZIGS PA TZAM GYIS SKYO SHAS NGES 'BYUNG SHUGS DRAG SKYE BA LAS ZANG ZING LA THUGS DGYES PA NI NAM YANG MI MDZAD DO, ,DE NAS BKRA SHIS LHUN POR PHEBS NAS DBYAR GNAS KYI KHONGS SU NYI SHU RTZA LNGA RTZA LNGA GRANGS SU BCAD DE TSOGS CHEN LA GDUGS DKAR GYI DBANG RGYAS PAR STZAL, DGAG DBYE THON NAS ZHAG NYER GCIG GI RING SKU MTSAMS BCAD NAS DKON MCHOG RJES SU DRAN PA GTZO BOR BSGOM PAR MDZAD NAS BSAG SBYANG LA BRTZON PAR MDZAD PAS STON PA THUGS RJE CAN DE'I BKA' DRIN DRAN PA'I DAD PA SHUGS DRAG 'KHRUNGS SHING GSOL 'DEBS GDUNG DBYANGS SU MDZAD PA NI 'DI LTAR, NA MO GU RU MU NI AINDR'A YA, 'JIG RTEN STOBS KYIS MNGON RLOM MTHA' DAG GI, GTZUG RGYAN GZHAL MED NOR BU'I PHRENG MDZES LA, ,ZHABS SEN GSAR PA'I ZLA TSOS NGAL BSO BA, , THUB DBANG LHA YI BLA MAS DGE LEGS STZOL, ,GANG SKU SER GYI SA 'DZIN MTHON PO'I RTZER, ,ZHAL DKYIL NYIN BYED RGYAS PA'I 'DZUM ZER KYIS, ,PHAN BDE'I 'OD BRGYA'I SNANG BAS SRID PA GSUM, ,YONGS 'GENGS STON PA DE LA BDAG CAG DAD, ,LAN DANG RNAM PAR SMIN LA MI RE BAR, ,MGON MED NYAM THAG RNAMS LA RJES BRTZE PA, ,BCOM LDAN ZHABS ZUNG RTEN PA'I PADMA LA'ANG, ,BYANG CHUB SNYING PO'I BAR DU BDAG SKYABS MCHI, ,GRANGS MED PA SKAL PAR GANG GI MTSAN

TZAM YANG, ,THOS PAR DKA' ZHING LAN CIG THOS NA YANG, 'JIGS PA KUN SEL DGE LEGS MCHOG STZOL BA'I, ,LHAR BCAS 'GRO BA'I BLA MAS BDAG SKYOBS SHIG ,THUGS RJE CHE MNGA' RGYAL BA GZHAN RNAMS KYIS, ,GDUL BAR MA NUS DMU RGOD 'DUL DKA' BA, ,BDAG DANG BDAG 'DRA'I SNYIGS DUS 'GRO RNAMS LA, ,KHYOD LAS LHAG PA'I MGON DANG SKYABS GZHAN CI, ,BDE MED SDUG BSNGAL BRGYAS GANG SRID PA 'DIR, ,GROGS MED GCIG PUR YANG YANG 'KHOR BA NA, ,NYAM CHUNG BDAG GI SKYID SDUG LEGS NYES KUN, ,MKHYEN BRTZE'I BDAG NYID THUB CHEN DPA' BO MKHYEN, ,SKYON BRAL YON TAN KUN GYI GTER GYUR CING, ,MA BCOL BAR YANG PHAN DANG BDE MDZAD PA'I, ,RNAM THAR BSAMS NA RKANG GI KHONG NAS KYANG, ,YID RAB DAD PAR MI BYED SEMS LDAN SU, ,THUB DBANG RJES SU RAB TU BYUNG GYUR KYANG, ,MNGON SUM MA MTHONG SEMS KYI ZUG RDU DE, ,BSAL PHYIR YID MTSOR RGYAL BA'I SKU BSKRUN YANG, ,SEL BAR MI NUS SLAR YANG STON PA DRAN, ,DGRA DANG BSHES MED KUN LA BRTZE BA'I GNYEN, ,THAMS CAD MKHYEN PA'I NYI MA NUB RI'I PHAG, THOS PA'I LAM DU GSHEGS PA'I DUS MTHA' 'DIR, ,SROG GI LHAG MA GSON YANG CI ZHIG RUNG, ,DES NA DBANG PHYUG BRGYAD LDAN MGON KHYOD KYIS, ,STON DUS DGUNG SNGON DBUS SU ZLA RGYAS BZHIN, ,BSOD NAMS PHUNG PO'I SKU DANG 'DZUM PA'I ZHAL, ,DA LTA MNGON SUM STON LA BDAG DBUGS DBYUNG, ,RNAM DKAR BYE BA LAS GRUB RTZIBS STONG CAN, ,'KHOR LO'I MTSAN MNGA' DANG PA'I DRA BA LTAR, ,RAB MDZES

, ,NOR BU'I 'OD 'BAR ZHABS SEN GYIS, ,REG PAS BDAG SNYING ZE'U 'BRU SKAL BZANG MDZOD, ,STON PA MCHOG DE DA LTA 'DIR BZHUGS ZHES, ,NGES PA MIN YANG RGYAL BA'I MDZAD PA YIS, ,ROL PA'I ZHING 'DIR RTZE GCIG YID GTAD KYIS, ,BDAG CAG RE BA'I 'BRAS BU MCHIS PAR MDZOD, ,PHA ROL BSKYAS CHEN 'DEGS PAR PHYOGS PA'I TSE, ,BSOD NYAMS BRGYA PHRAG LAS 'KHRUNGS GSER SBYANGS KYI, ,GLANG PO'I SNA LTAR MDZES PA'I PHYAG G-YAS DE, ,BDAG GI SPYI BOR MNGON SUM BZHAG TU GSOL, ,GAL TE SNGON GYI LAS NGAN DBANG BTZAN PAS, ,SRID PA NYAM NGA'I GNAS SU LHUNG GYUR KYANG, ,YID LA SH'AKYA'I GTZO BO DRAN PA DANG, ,THUB MTSAN RNA BAR THOS DANG 'BRAL MA GYUR; ;'JIGS DANG SDUG BSNGAL BRGYAS NYEN SDUG PA'I BU, ,BRTZE BA'I PHA YIS BSAMS SHING DOR BA LTAR, ,NYAM CHUNG SKAL NGAN BDAG CAG YAL BOR NAS, ,LHAR BCAS STON PA MCHOG DE GANG DU GSHEGS, ,'ON KYANG THUB PA'I MKHYEN BRTZE NUS PA LA, ,SGRIB THOGS MI MNGA' PHONGS PA'I GNYEN GCIG CES, ,BDEN PA GSUNG BA'I BKA' YI 'THOR 'THUNG GIS, ,STON DANG BRAL PA'I TSA GDUNG CUNG ZAD BSAL, ,DE BZHIN BU RAM SHING BA'I LUGS BZANG RNAMS,, BDAG LA DNGOS SU 'DOMS PA'I BLA MA'I TSOGS, ,MGON DE'I YE SHES SGYU MA'I RNAM ROL TU, ,BSAMS SHING DRAN PAS YID KYI NGAL BAS THOB, ,ZAS GTZANG SRAS KYI MDZAD PA'I CHA SHAS TZAM, ,BRGYUD NAS MTHONG THOS DRAN PA TZAM

GYIS KYANG, ,DAD DANG MOS DGA'I PHUN TSOGS 'DI 'DRA NA, ,MNGON SUM MTHONG NA AE MA CI 'DRA ZHIG, BDE BAR GSHEGS PA'I SNANG TSUL PHRA MO 'GA', ,YID LA SHAR TSE DAD DANG GDUNG BA YIS, ,MYOS PA'I BLA BRDOL ME TOG PHRENG BA 'DI, ,YID KYI GDUNG BA SEL PHYIR MGON POS BZHES, ,DE LAS 'ONGS PA'I DGE TSOGS KU MUD TA, ,ZLA SHEL DUNG LTAR DKAR BA CI THOB PAS, ,THUB DBANG GANG DU BZHUGS PA'I ZHABS DRUNG DU, ,SKYES NAS 'BRAL MED RJES SU 'DZIN GYUR CIG, CES PA'O; ;DE KHA'I STON 'BRING MTSAMS GCEN LUNG PHYOGS SU PHEBS NAS SKYE BO BRGYA PHRAG MANG PO BSNYEN GNAS SMYUNG GNAS, SROG GCOD SPONG BA, GZUNGS SNGAGS SOGS BZLAS BRJOD KYI DAM BCA' LEN PA SOGS DGE BA LA BKOD CING, KHYAD PAR GCEN LUNG KHA SPYOD DU TSOGS PA LA DPAL GSANG BA 'DUS PA MI BSKYOD PA'I DBANG BZHI YONGS SU RDZOGS PA DANG, GZHAN YANG 'DOD CHOS MANG DU STZAL, DE YANG MYANG STOD NAS BZUNG LHO RTZA KHOG BRGYUD NAS GCEN LUNG GI BAR GANG DANG GANG DU PHEBS PA DE DANG DER, KHROM CHEN PO GLO BUR DU TSOGS SHING RING POR MI THOGS PAR 'GYES PA DANG, DE DAG GI NANG NAS MANG PO ZHIG NI GNYEN BSHES YID DU 'ONG BA DANG BRAL BAS MTSI MA DANG BCAS BZHIN BSNGO BA ZHU BA DANG, 'GA' ZHIG NI LANG TSOS RGYAGS SHING 'JO SGEG DANG BCAS PA DANG, LA LA NI RGAS SHING RGAN PO 'CHI KHA MA LA GZIGS SHIG CES SNYING RJE LTAR DU 'DUG PA DANG, MANG PO NI MA BRTAGS NYAMS DGA' BAS BZHAD GAD DANG BCAS TE 'DUG PA DANG,

, ,PHAL CHER SER SNAS BSAGS PA'I DNGOS PO RJE NYID LA RE BA'I SEMS KYIS 'BUL BA GZIGS PAS 'KHOR BA THOG MA MED PA NAS LTA CI SMOS, TSE THUNG 'DI GCIG PU LA YANG GNYEN BSHES DANG DAR RGUNG KHROM GYI 'DU 'TSOGS DANG GZHON PA'I LANG TSO NAM MKHA'I 'JA' TSON DANG, SER SNAS BSAGS PA'I NOR RDZAS SBRANG MA'I SBRANG RTZI DANG 'DRA BA 'DI LTAR MNGON SUM DU GSAL BAR STON PA'I SLOB DPON NO SNYAM DU THUGS SHIN TU 'BYUNG BAR GYUR NAS NYAMS MGUR 'DI LTAR MDZAD DO,, NA MO GU RU MANYDZU GHO sh'A YA, DUS GSUM SANGS RGYAS KYI NGO BO, ,BKA' DRIN GSUM LDAN GYI BLA MA, ,'BRAL MED SPYI GTZUG TU BZHUGS LA, ,BYIN RLABS DNGOS GRUB KYI CHAR PHOBS, ,YID 'OD SNYING GROGS DANG MDZA' BSHES, ,NGES MED 'DU 'BRAL GYI ROL PA, ,DBYAR DUS DGUNG SNGON LA 'KHRIGS PA'I, ,MI RTAG LANG LONG GI CHU 'DZIN, ,NGAL BA BRGYA PHRAG GIS BSGRUBS BA, ,SRID PA'I PHUN TSOGS KYI DGA' STON, ,LHO PHYOGS DRI BZHON GYIS BSKYOD BA'I, ,PADMO'I 'DAB STENG GI ZIL PA, ,CHAGS LDAN BYIS PA YI DGA' BSKYED, ,YID 'ONG GZUGS MDZES KYI LANG TSO, ,NGAN SKYUGS BSHAD GCI YIS GANG BA'I, ,DBYIBS LEGS MI GCOD BA'I BUM PA, ,DENG SANG 'DZAM GLING GI MI TSE, ,RGAN GZHON GO RIM GYI NGES MED, ,SHUGS DRAG RLUNG DMAR GYI NANG GI, MAR ME JI BZHIN DU 'DUG PA, ,SRID GSUM SGYU MA YI GRONG KHYER, ,BDE MED SDUG BSNGAL GYI 'BYUNG GNAS, ,THAR MED

'JIGS RUNG GI BTZON RA, ,LCAGS KHANG 'BAR BA YI RANG BZHIN, ,STONG GSUM ZAS NOR LA DBANG YANG, ,SGREN MO LAG STONG DU 'GRO 'DI, ,MYA NGAM NYAM THAG GI THANG LA, ,GCIG PUR DGRA BO YIS BCOMS 'DRA, ,NYON MONGS LAS NGAN GYI SHUGS KYIS; ;'DI NANG 'DOD YON LA ZHEN PA, ,MI GTZANG PHUNG PO LA CHAGS PA'I, ,GDOL PA KHYI PHAG GI RNAM THAR, ,CI DRAG SANGS RGYAS DANG BYANG SEMS, ,DAM PA'I SKYES BU RNAMS THEGS BZHUD, ,BLUN PA BDAG NYID KYI NYES PAS, ,DA DUNG BTZON RA 'DIR LUS BYUNG, ,MTHA' MED SDUG BSNGAL GYIS RGYA MTSOR, ,GROGS MED GCIG PU RU 'GRO TSE, ,SKYABS GNAS BLA MA DANG DKON MCHOG, PHAN PA DAM CHOS LAS MED PA'I, ,TSUL 'DI SNYING KHONG NAS MA DRAN, ,BAG MED GU YANGS KYI SPYOD BAS; ;NYIN MTSAN DON MED DU 'DA' BA, ,SEMS MED YANG NA NI SMYON PA, ,NAM ZHIG 'CHI BDAG GIS BZUNG NAS, ,'JIGS SKRAG SDUG BSNGAL GYIS GZIR CING, ,NGAN SONG 'KHRUL SNANG KUN SHAR BA'I, ,DUS DER 'GYOD PO CIG 'BYUNG BAS, , BSAM BLO DA LTA NAS THONGS LA, ,SGO GSUM DAM PA YI LAM BZANG, ,NYIN MTSAN KHOR YUG TU BSTEN LA, ,THAR PA'I GRONG KHYER DU BSNYEGS SHIG, CES DANG, GZHAN YANG 'DI LTAR GSUNGS TE, NA MO GU RU MANYDZU GHOsh'A YA ,GSUM LDAN GYI BLA MA RDO RJE 'DZIN, ,BDAG SNYING GI PADMO'I DBUS BZHUGS LA, ,BYANG CHUB KYI SNYING POR MCHIS KYI BAR, ,'BRAL MED DU RJES SU GZUNG DU GSOL, ,THOG MED NAS THA MA DA LTA'I BAR, ,'JIGS RUNG GI 'KHOR BA'I BTZON KHANG 'DIR, ,

, ,LAS NYON GYI LCAGS SGROG DAM POS BCING, ,SDUG BSNGAL GYI GSHED MAS YANG YANG GTZOS, ,NGAN SONG GI GNAS SU GTAN YUL BYAS, ,TSA GRANG GI SDUG BSNGAL DRAG POS MNAR, ,RANG SHA DANG RANG KHRAG GRANGS MED ZOS, ,BRDEG 'TSOG GIS MNAR ZHING NGAL THAG BCAD, ,LAN 'GA' MTHO RIS KYI RTEN THOB KYANG, ,SKYID 'DOD KYIS SDIG BA'I LAS BYAS PAS, ,NGAN SONG GI YUL DU YANG YANG LOG, BDE MED KYI SDUG BSNGAL BRGYA PHRAG MYONG, ,DA DUNG YANG NYON MONGS CHU KLUNG 'DI, ,BZLOG NGES KYI CHU LON MA BSGRUBS NA, ,MTHA' MED KYI SRID PA'I RGYA MTSO 'DIR, ,NYAM THAG GI KLONG DU BYING NYEN GDA', ,BAR SNANG GI GLOG 'DRA'I TSE THUNG 'DI, ,SKYID PAS KYANG MI 'TSENGS SDUG MI PHUNG, ,MNAR MED KYI KHRO CHU KHOL MA'I NANG, ,YUN RING DU BSREGS NA AE BZOD SOMS, ,DAL 'BYOR DANG LDAN PA'I MI LUS 'DI, ,DON MED KYI BYA BAS DUS 'DA' BA, ,RIN CHEN GYI GLING NAS LAG STONG DU, ,GCER BU RU RANG KHYIM LDOG PA BZHIN, ,CHE THUNG 'DI CI LTAR BYAS KYANG PHYID, ,BYANG CHUB 'DI PHYIS NAS RNYED PAR DKA', ,SKYID SDUG GI 'DAM KA DA RES BYUNG, ,BSAM BLO DE SNYING GI DKYIL NAS THONGS, ,DBYAR DGUN SOGS NAM ZLA'I 'GYUR LDOG DANG, ,SKYA SER GYI SKYE BO'I 'CHI LUGS SOGS, ,MNGON SUM DU MIG GIS MTHONG BZHIN DU, ,JI SNYAM YANG MI SEMS RTAG 'DZIN CAN, ,GNYEN BSHES DANG LONGS SPYOD KUN BOR NAS, ,'CHI BDAG GI GSHIN RJES DBANG MED KHRID, ,RGYUS MED DU GCIG

BUR 'GRO BA'I TSE, ,PHAN NGES DE DAM CHOS KHO NA RANG, ,ZHES SO, ,SNGA PHYIR DAD 'BUL BYUNG BA RNAMS LA SKU GSUNG THUGS RTEN BZHENG BA DANG, DGE 'DUN LA BSNYEN BKUR MDZAD PA MTHA' YAS TE 'DIR MA BRIS SO, ,DE NAS BKRA SHIS LHUN BO'I SLOB DPON PA RNAMS KYIS GSOL BA NAN GYIS BTAB PA LA BRTEN NAS TSOGS CHEN LA RDUL TSON GYI DKYIL 'KHOR DU DPAL RDO RJE 'JIGS BYED KYI DBANG BZHI YONGS SU RDZOGS PA STZAL, DBYAR GNAS GROL 'PHRAL BDUN PHRAG GSUM BCAD RGYAR BZHUGS TE LAM GYI RIM PA'I NYAMS BZHES LA BRTZON PAR MDZAD, DE SKABS THUGS LA 'DI LTAR 'KHRUNGS TE SNGON CHAD BLA MA'I MING BTAGS CHOS BRGYAD DANG 'DRES MA'I RNAM G-YENG GI GZHAN DBANG DU SONG, SBYIN BA PO RNAMS KYI SEN MO DKAR DMAR GYI STENG NAS BCAD PA'I DAD RDZAS DANG BA, SHIN RDZAS CHUNG MI 'DZA' TZAM AE YONG BSAM LHA KHANG DANG RTEN BZHENGS SOGS BLOS CI LCOGS BGYIS SHING BSTAN PA DANG GZHAN DON YIN RGYU'I KHUL GYI DBANG BSKUR LUNG KHRID SOGS CHOS BSHAD MANG DU BYAS MOD KYANG NGES 'BYUNG DANG LTA BA RNAM DAG GIS RTZIS ZIN PA NI SHAS CHER DKA', DE GNYIS CI RIGS BAS MA ZIN PA'I ZAG BCAS KYI DGE BA RGYA CHER BYAS KYANG 'KHOR BA'I 'KHOR LO BSKOR BA KHO NAR 'DUG, ,SRID PA'I PHUN TSOGS JI TZAM THOB KYANG SKYE RGAN 'CHI'I RGUD BA NI RGUD PA NI SDUG BSNGAL GYI ME RAB TU 'BAR BAS SKAD CIG TZAM YANG BZOD GLAGS MI 'DUG, MI BZOD BZHIN DU 'JIGS PA CHEN PO LNGA PO 'DI LAS THAR BA'I THABS LA BRTZON PAR

, ,MI BYED PA NI KYE MA KYI HUD BDAG LA SNYING MED PA'AM, SMYON PA DNGOS SO SNYAM DU DGONGS, 'KHOR BA'I PHUN TSOGS THAMS CAD KYANG SDUG BSNGAL GYI RANG BZHIN DU GZIGS TE DON DE DAG 'PHAGS PA'I DBYANGS SU MDZAD PA NI, NA MO GU RU MANYDZU GHO sh'A YA, SKYON BRAL YON TAN KUN GYI MCHOG MNGA' BA'I, ,ZLA MED STON PA SH'AKYA'I RGYAL PO DANG, ,DBYER MED RJE BTZUN BLA MA'I ZHABS PAD LA, ,BYANG CHUB SNYING PO'I BAR DU SKYABS SU 'CHI, ,NYON MONGS CHU BO LAS NGAN RAB RLABS CAN, ,SHUGS DRAG DBANG GIS SKYE BA'I RGYA MTSO CHER, ,KYE MA YANG YANG NYING MTSAMS SBYAR BA'I TSUL, ,RGYUN DU LEGS PAR SOGS DANG SHES LDAN DAG, MDOG STOBS GZI NYAMS MI SDUG RNYINGS PA'I LUS, ,YID 'ONG YUL BRGYA 'TSOGS KYANG SPYOD MI NUS, ,DRAN DBANG BLO NYAMS 'GUM PAR MNGON PHYOGS PA, ,'JIGS RUNG RGAS PA'I TSUL 'DI GROGS DAG LTOS, ,'BYUNG BA 'KHRUGS PA'I ZUG RDU BRGYAS GTZES PAS, ,NYIN MTSAN MI 'KHYOL 'DOD RNAMS BSTEN DBANG MED, ,BCOS KYIS MI PHAN 'CHI BAR SHES SHING 'GYOD, ,THAR MED NAD KYIS GDUNGS 'DI KYI HUD 'JIGS, ,PHUN TSOGS BDE SKYID 'BYOR PA'I PAD TSAL YANG, ,BSOD NAMS MIN PA'I GLANG POS BCOMS PA NA, ,MYA NGAN ME 'BAR SHIN TU YA NGA BA, ,KYE BA 'JIG RTEN RGUD PA'I TSUL 'DI LTOS, ,YID 'PHROG GNYEN 'KHOR LUS DANG LONGS SPYOD SOGS, ,'BYOR BAS DREGS KYANG SGREN MO LAG STONG DU, ,GROGS MED MYUR DU 'JIG RTEN PHA ROL TU, ,GLO BUR 'CHI BA

'DI KO MKHAS PAS SOMS, ,STOBS DANG DPUNG GIS BZLOG PA'I SKABS MED CING, ,RTZAS SNGAGS NOR DANG MDZES MAS BSLUR MED BA'I, ,'JIGS RUNG DUS KYI CHAD PA RNAM PA LNGA, ,THOG LTAR 'BAB BO MKHAS PAS BAG YOD STEN, , SRID PA'I RTZE MO NAS BZUNG DMYAL BA'I BAR, ,KUN LA 'DOD DGUR DBANG BYED RGYAL PO LNGA'I, ,SNANG TSUL DRAN TSE CUNG ZAD YID SKYO BAS, BLO BZANG CHOS KYI RGYAL MTSAN ZHES BYAS SMRAS, ,ZHES GSUNGS, YANG DUS DE'I TSE, SKYID KYANG MI 'TSENGS SDUG KYANG MI PHUNG BA'I DGUN NYI DANG 'DRA BA'I TSE THUNG 'DI'I LUS SROG LONGS SPYOD LA GNOD PA BYED PA'I SKYE BO LA'ANG DGRA'I GTZO BOR 'DZIN PAR BYED NA 'KHOR BA THOG MA MED PA NAS 'GAL ME'I 'KHOR LO LTAR RGYUN MI 'CHAD PAR SKYE RGAN 'CHI'I RGYUD PA'I SDUG BSNGAL 'BAR BA'I RAL GRI RNON POS 'DEBS PA'I BYED PA PO NI, RANG RGYUD KYI NYON MONGS PA DUG GSUM PO 'DI YIN PAS 'DI NYID PHYI ROL GYI DGRA BOR THAMS CAD KYIS DPER MI PHOD PA, 'JIGS PA DANG YA NGA BA DANG, SDUG BSNGAL THAMS CAD KYI 'BYUNG GNAS GSHED MA BUR RDZUS LTA BU'I DGRA BOR BZUNG STE 'JOM BYA'I GTZO BOR GZIGS NAS 'BUR 'JOMS MDZAD CING, DE DANG MTHUN PAR 'PHAGS PA'I DBYANGS SU MDZAD PA'ANG 'DI LTAR, NA MO GU RU MANYDZU GHO sh'A YA, RGYA DKA' DUG GSUM G-YUL LAS RNAM RGYAL BA'I, ,DANG SRONG CHEN PO DE LA GUS 'DUD KYI, ,NYON MONGS 'BRAS DANG ZUG RDU 'CHI BDAG LTAR, ,KUN GYIS MTHONG ZHING RTOGS PAR BYIN GYIS RLOBS, ,THOG MED GOMS PA'I

, ,RGYUN GYIS STOBS LDAN ZHIG TSUL MIN YID BYED BSIR BUS CHER BSKYOD PAS, ,SDIG SDUG GTAM NGAN RBA KLONG RAB 'KHRUGS PA'I, ,NYON MONGS CHU BO'I RGYUN 'DI BCAD BAR DKA', ,THUB PAS SMAD CING 'PHAGS TSOGS KUN GYIS SPANGS, ,BSTEN PA TZAM GYIS 'BAD RTZO LA MI DGOS PAR, RANG GI NGANG GIS 'THUR NAS 'THUR 'GRO BA'I, ,KYE MA BZLOG DKA'I ZAG RGYUN SHUGS RE DRAG, DGA' MGU'I ZOL GYIS BDAG YID KHRID KHRID NAS, ,RING BOR MI THOGS THAR MED BTZON KHANG DU, ,BRGYA PHRAG SDUG BSNGAL DUD MO'I DKA' THUB DAG ,STER BYED NYON MONGS LAS GZHAN YOD RE SKAN, ,GANG ZHIG REG NA RDO RJE'I RI RAB KYANG, ,YUD TZAM ZHIG GIS THAL BAR BRLAG 'GYUR BA, ,RAB TSA MNAR MED 'BAR BA'I ME NANG DU, , REG PA'I RGYU GANG 'DI LAS GZHAN PA CI, ,MTHA' DANG DBUS MED 'JIGS RUNG SKYI G-YA' BA'I, ,MI BZAD 'KHOR BA'I 'BROG DGON NYAM NGA BAR, ,SKYABS MED MGON MED LAN CIG MA YIN PAR, ,YANG YANG NYING 'TSAMS SBYOR BA'ANG NYON MONGS DBANG, ,BSTEN CING GOMS NA DAM PAS KHREL 'GYUR ZHING, ,THAR PA DAM PA'I DPAL DANG GTAN PHRAL BYED, ,BDUD RNAMS DGA' BA'I GNYEN GYUR NYON MONGS TSOGS, ,'DI LA SHES LDAN SU ZHIG DGRAR MI LTA, ,DE BZHIN SDIG TSOGS MTHA' DAG 'BOD PA'I GROGS, ,MTHA' BRAL SRID PA'I RGYA MTSOR 'JUG PA'I RGYUN, ,NGAN SONG GSUM DU 'GRO BA'I SGO MO CHE, ,'DI KO THABS TSUL STONG GIS 'GEGS PA'I RIGS, ,TSE 'DI'I LUS SROG LAN CIG MA YIN PAR, ,LAN BRGYA STONG

DU 'JOMS BYED GANG GIS KYANG, ,DPER 'OS MIN PA'I NYON MONGS DGRA BO LA, ,YID RAB RTON PA DE DAG PHYUGS LAS PHYUGS, ,DE PHYIR KHAMS GSUM RGUD PA'I 'CHING BA LAS, ,RNAM GROL 'CHI MED BDUD RTZI'I DPAL THOB STE, ,BDE DGA' RGYA MTSOR 'JUG 'DOD MKHAS PA DANG, ,DUG GSUM G-YUL LAS RGYAL BA'I DGRA THABS STEN, ,RIGS TSUL 'BUM PHRAG RNO BA'I NGAR LDAN PA, ,STOBS LDAN GNYEN PO'I RAL GRI RAB 'BAR BAS, ,BZLOG DKA'I NYON MONGS DGRA TSOGS SROG 'PHROG PA, ,AE MA 'DI DAG MKHAS PA RNAMS KYIS BSNGAGS, ,BDAG KYANG DE NGAN NAS SKYE BA THAMS CAD DU, ,LHA SOGS 'GRO BA MA LUS DGRAR LANGS TE, ,SROG DANG 'TSO BA YANG YANG PHRAL GYUR KYANG, ,CUNG ZAD SDANG DANG KHRO BAR MA GYUR CIG ,DE BZHIN YID 'PHROG PHYI NANG DNGOS PO'I TSOGS, ,DGA' BSKYED YUL BRGYA DAG GIS KUN BSKOR KYANG, ,MI RTAG MI GTZANG SGYU MA LTAR MTHONG NAS, ,RMI LAM DU YANG CHAGS PAR MA GYUR CIG ,'JIGS RTEN 'JIG RTEN 'DAS PA'I LAM BZANG LA; ;KUN NAS 'THOMS PA'I MUN NAG MI BZAD PA, ,THOS BSAM SGOM PA'I SHES RAB SGRON 'BAR BAS, ,NAM YANG RMONGS PAS GOS PAR MA RAB SGRON 'BAR BAS, ,NAM YANG RMONGS PAS GOS PAR MA YON TAN RGYA MTSO GTZANG PHYOGS SU PHEBS PA BKRA SHIS LHUN POR GDAN 'DREN PA'I ZHAL BKOD MDZAD DE SPRE'U ZHES PA ME LUG ZLA BA DRUG PA'I YAR TSES LA CHOS GRVA ,CHEN PO'I MKHAN SLOB RNAMS KYIS GTZO MDZAD GZABS 'BYOR GYI RTA PA BRGYA PHRAG BRGAL PA PHEBS BSUR BYON,

, ,CHU SHAR DU YAB SRAS ZHAL MJAL SKABS, LHA'I RNGA BO CHE'I SGRA LTA BU'I SGRA BSGRAGS SHING LHA RNAMS KYIS ME TOG GI CHAR CHEN PO LEGS PAR PHAB PA THAMS CAD KYI MNGON SUM DU GYUR, DGE 'DUN SUM STONG LHAG PA'I SER SBRENG DANG BCAS DGE MTSAN PHUN SUM TSOGS PA DANG LDAN PAS CHOS GRVA CHEN POR PHEBS, ZLA BA PHYED GNYIS LHAG TZAM BZHUGS, RJE 'DI PAS ZANG ZING GI DNGOS 'BUL SPAM MTHO BA DANG, ZAB CHOS KYI RIM PA CI RIGS PA'ANG PHUL NAS THUGS MNYES PAR MDZAD DE GANGS CAN CHOS 'PHEL GYI BAR PHEBS SKYEL DU BYON, SLAR BKRA SHIS LHUN POR PHEBS NAS DGAG DBYE GROL 'PHRAL SKU MTSAMS LA BZHUGS, DE'I TSE THUGS LA CHOS LDAN GYI BYA BA YIN YANG ZA ZIR GYI RNAM PAR G-YENG BA SHIN TU CHE BA 'KHRUL PA'I BYA BYED DE DAG THAMS CAD NI SNYING PO MED PA SGYU MA DANG SMIG RGYU'I PHUNG PO LTA BU KUN RDZOB KYI GNAS TSUL RJEN CHER GYIS 'CHAR BA DANG, DE'I MTHUS BDEN STONG GI DON SPYI THUGS LA LAM LAM SHAR BA BZHIN 'DI LTAR GSUNGS TE, NA MO GU RU MANYDZU GHO sh'A YA, SKU MTHONG BAS DON LDAN GZI 'OD 'BAR, ,GSUNG YAN LAG DRUG CU'I DBYANGS SNYAN SGROG ,THUGS SRID ZHI LAS 'DAS MKHYEN BRTZE'I GTER, ,RJE RDO RJE 'CHANG ZHABS PADMOR 'DUD, ,GDON DNGOS 'DZIN 'KHRUL PAS YID BSKYOD NAS, ,SGO PHYIN CI LOG TU BTAGS SHING ZHE NA, ,DE'I MTHU LAS BDAG GZHAN RIS SU BCAD, ,LAS NYON MONGS DBANG GIS 'KHOR BAR

'KHYAMS, ,DA YIN LUGS RTOGS PA'I MTSON RNON GYIS, ,DGRA BDAG 'DZIN SROG DANG MA PHRAL NA, ,GNAS 'JIGS RUNG SRID PA'I RGYA MTSO 'DIR, ,YANG SDUG BSNGAL 'KHOR LO RGYUN MI 'CHAD, ,BLO MA RIG SGYU MA'I 'KHRUL 'KHOR 'DI'I, ,YUL GDOD NAS SKYE BA MED MTHONG BAS, ,PHYI GZUNG 'DZIN SPROS PA DBYINGS SU THIM, ,DPE CHAB ROM RGYA MTSO'I KLONG DU BZHIN, ,CHOS KUN GYI GNAS LUGS GDOD MA'I GSHIS, ,DON DBYER MED SPROS PA KUN DANG BRAL, ,DPES MTSON DU MED PA'I RANG BZHIN GYI; ;DBYINGS 'DI 'DRA'I RANG ZHAL BLTAS PA'I TSE, ,RJE SANGS RGYAS CHOS DANG DGE 'DUN GYI, ,MTSAN TZAM YANG DMIGS SU MA MCHIS NA, ,SEMS MA RIG DRIMS SBAGS MTHONG BA'I, ,GNAS 'KHOR BA'I SDUG BSNGAL GA LA YOD, ,YUL 'OD GSAL DANG DU RIG PA ZHUGS, ,CHOS KUN GYI NGO BO RJEN PAR MTHONG, ,SLAR BLTAS KYANG MTHONG BA'I YUL LAS 'DAS, ,DPE 'GAG MED NAM MKHA'I PHA MTHA' 'TSOL, ,KHYED 'KHOR BAS SKRAG PA'I 'GRO KUN KYANG, ,GZHI BDEN STONG YANGS PA'I GZIGS MO MDZOD, ,'DI MTHONG NA SNANG SRID SKYE BO KUN, ,DGRA'I GTZO BOR GYUR KYANG 'JIGS MI DGOS, ,LAS DGE SDIG 'BRAS BU MA DMIGS SHING, ,LAM SPANG GNYEN DGAG BSGRUB DANG YANG BRAL, ,YID 'BAD PAS BSGRUBS PA'I 'BRAS BUS DBEN, ,DBYINGS 'DI 'DRA RGYAL BA'I DGONGS PA SNYAM, ,YANG 'KHOR 'DAS CHOS LA PHAR BLTAS PAS, ,RKYEN 'DI PA TZAM GYI RGYU DANG 'BRAS, ,CHES PHRA ZHING BSLU BA MED PAR MTHONG, ,DPE 'CHI MED LAM NAS 'JA' TSON BZHIN, ,DBYINGS SPROS BRAL GDOD NAS

, ,DAG PA DANG, ,LAS RGYU 'BRAS BSLU BA MED PA YI, ,YUL SNANG STONG RES 'JOG MA YIN PA'I, ,DON ZUNG 'JUG MTHA' BRAL DBU MA'I LAM, ,LAM 'DI 'DRA RNYED PA BLA MA'I DRIN, ,DRIN CHE'O RGYAL PA GNYIS PA'I RJE, ,MA DRIN CAN 'GRO BA RNAMS KYIS KYANG, ,DON 'DI 'DRA RTOGS PAR BYIN GYIS RLOBS, ,ZHES PA DANG, YANG, NA MO GU RU MANYUDZU GHO sh'A YA, DBYINGS RIG PA DBYER MED LHA YI LAM, ,ZHING KUN KHYAB MIG 'PHRUL ZLOS GAR MKHAN, ,PHA BDEN MED RMI LAM LTA BU LA, ,BU SGYU MA'I SKYES BUS SNYING NAS 'DUD, ,CHOS CAN KUN BLTAS PAS SGYU MA TZAM, ,CHOS NYID LA BLTAS KYANG CANG MA MTHONG, ,SGYU MA DANG STONG PA ZUNG 'BREL LAM, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,CHOS NYID LA BLTAS PAS CHOS CAN BKRA, ,CHOS CAN LA DPYAD PAS STONG PAR BROS, ,SNANG STONG GNYIS RES 'JOG MI BYED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,DON DAM GYIS RGYU 'BRAS BSLU MED BSTAN, ,KUN RDZOB KYIS DON DAM RANG ZHAL PHYE, ,BDEN GNYIS KYI RANG BZHIN DBYER MED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR BZHOG ,

DON DAM GYI DBYINGS LA DPYAD PA'I TSE, ,RTEN 'BREL GYI MING YANG MED PA DANG, ,STONG PA DANG RTEN 'BREL ZUNG 'JUG 'DI, ,'GAL MED DU BLA MA'I DRIN GYIS SHES, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,'KHOR 'DAS KYI CHOS RNAMS MA LUS PA, ,BDEN MED DU SHES PAS BDEN PA GO ,BDEN RDZUN GYI RANG BZHIN DBYER MED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,MING RKYANG GI CHOS RNAMS BDEN PAS STONG, ,BDEN STONG KUN RGYU 'BRAS ROL PAR SHAR, ,STONG PA DANG RGYU 'BRAS DBYER MED LAM, ,AE MA HO BLA MA'I DRIN GYIS RNYED, ,AA LA LA RTAG CHAD KYI G-YANGS LAS GROL, ,ZHES SO, ,YANG DE DUS NGES DON ZAB MO'I NYAMS BZHES LA BRTZON PAR MDZAD BAS GZHUNG CHEN MO RNAMS DANG MTHUN PA'I MNYAM GZHAG DANG RJES THOB KYI RNAL 'BYOR GNYIS KA LA THUGS BKOL DU BTUB PA BYUNG NAS 'DI KHA'I RGYUN BSKYANG RGYU BYUNG NA STONG NYID MNGAN SUM DU RTOGS PA LA DKA' BA MI YOD PA 'DUG SNYAM PA THUGS LA SHAR ZHING SNANG BAS YONG MTHA' DANG STONG PAS MED MTHA' SEL BA'I THAL 'GYUR BA'I THUN MONG MA YIN PA'I KHYAD CHOS RTEN 'BYUNG ZAB MO'I TSUL LA THUGS NGES KHYAD PAR CAN THOB NAS LTA BA'I MGUR DBYANGS 'DI LTAR MDZAD DE, NA MO GU RU MANYUDZU GHO sh'A YA, DBYINGS BRJOD BRAL LHAN SKYES BDE BA CHE, ,DON CIR YANG 'CHAR BA'I

, ,SGYU 'PHRUL MKHAN, ,PHA RDO RJE 'CHANG DBANG BLA MA'I ZHABS, ,DGRA SRID BA'I 'JIGS 'PHROG DE LA 'DUD, ,DUS DE RING NYAMS KYI SNANG BA LA, ,SPYIR 'GAL MED 'GAL BA LTAR SNANG BA'I, ,YID NGO MTSAR RI MO SNA TSOGS SHAR; ;CHA TZAM ZHIG 'PHAGS PA'I DBYANGS SU BSDEBS, ,YUL GANG SHAR DO LA PHAR BLTAS PAS, ,KHO RANG TSUGS MA THUB BRDZUN KHUNG RIG ,DE RIG PAS BDEN PA'I RANG ZHAL BSTAN, ,SEMS GCER BU STONG NYID GOS KYIS KLUBS, ,CHOS KUN BYANG DBYE BA THA DAD RNAMS, ,DBYINGS DON DAM NGANG DU DBYER MED 'DRES, ,LAM DGAG BSGRUB BRAL YANG MDZANGS PA'I BLOS, ,LAS DGE SDIG BLANG DOR BYA RU BYUNG, ,NGAS DANG POR NGAR 'DZIN DGRAR BLTAS TE, ,LUNG RIGS PA'I MTSON RNON SNYING LA BSNUN, ,DA DMIGS MED YANGS PA'I ME LONG LA, ,YANG NGA ZHIG BLTAR MED TSUL DU BLTA, ,CHOS JI SNYED BLTAS BAS GZHI RTZA BRAL, ,YUL CHOS NYID BLTAS PAS CIR YANG SNANG, ,DON SNANG STONG ZUNG 'JUG YANGS PA'I LAM, ,LAM 'DI 'DRA'I ZHAGS PAS CHOS KUN BCINGS, ,GCIG THA DAD SPANGS KYANG RO GCIG LA, ,YANG GCIG KYANG DU MA'I ROL BAR SHAR, ,DPES MTSON KYANG MTSON PAR MI NUS PA'I, ,NGAG BRJOD BRAL DON 'DI BRJOD SNYING 'DOD, ,GZHI 'KHOR BA SPANG BYAR MA DMIGS SHING, ,LAM THAR PA THOB TU MA MCHIS KYANG, ,MA 'GRO BA'I SDUG BSNGAL MA BZOD PAS, ,MCHOG SKU GSUM MYUR DU THOB PAR SHOG ,CES SO, ,DE LTA BU'I TSUL GYIS

'KHOR 'DAS KYIS BSDUS PA'I CHOS THAMS CAD KYI SNANG TSUL DANG GNAS TSUL 'KHRUL MED DU GZIGS SHING, SNANG TSUL LA GZIGS PAS SEMS CAN RNAMS LA SNYING RJE RTZOL MED DU SKYE BA DANG, CHOS RNAMS KYI GNAS LUGS RTOGS PA'I DBANG GIS SPRO PA YANG NGANG GIS 'PHEL BA ZHIG BYUNG BAS RKYEN BYAS MGUR DBYANGS 'DI LTAR MDZAD DE, NA MO GU RU MANYDZU GHO sh'A YA, 'GAG MED DU SNANG BA CHOS KYI DBYINGS, ,BDEN STONG DU 'CHAR BA SEMS KYI RGYUN, ,DBYER MED DU 'DRES BA'I RO GCIG PA, ,SEMS PA DE SEMS KYI RDO RJER SONG, ,SRED LDAN GYI MA RGAN SEMS CAN RNAMS, ,'DOD YON LA SRED PA'I ZHAGS PAS BCINGS, ,THAR MED KYI BTZON KHANG RA BAR BCUG ,SDUG BSNGAL GYI TSOR BA DRAG POS MNAR, ,BDAG 'DZIN GYI 'GONG PO SNYING ZHUGS PAS, ,LTOS MED KYI BDAG CIG GCES PAR BZUNG, ,DE NYID LA DMIGS NAS RTAG CHAD SOGS, ,LTA NGAN GYI 'DRE GDON MANG POS GTZES, ,CHAGS SDANG GI TSA GRANG NANG MANG 'KHRUGS, ,LAS NGAN GYI 'KHRU SKYUGS KHRAG TU 'BAB, ,DGE LEGS KYI TSE SROG YANG YANG 'GAG ,YANG SRID DU SDUG BSNGAL PHUNG CHEN GRUB, ,SNANG TSUL 'DI MTHONG BAS MCHI MA SHOR, ,SNYING RE RJE NYAM THAG 'JIGS SHING SKYO; ;GNAS TSUL 'DI MTHONG BAS GANG MO SHOR, ,NYAMS RE DGA' GTING NAS ZHE BLO BDE, ,MO GSHAM GYI BU MO'I MDZES SDUG LA, ,CHAGS SDANG GIS BSLAD PA'I 'DU BYED KYIS, ,BDE SDUG GIS NYEN PA'I SKYE BO LA, ,SHES LDAN GYI GROGS

, ,RNAMS JI LTAR DGONGS, ,BRGYUD LDAN GYI RJE LA BLO PHUGS GTAD, ,NGES DON GYI GZHUNG MANG THOS BSAM BYAS, ,ZAB DON GYIS SNYING GI ZE'U 'BRU GTAMS, ,ZEGS MA TZAM TSIG GI LAM DU 'THOR, ,CES SO, ,DE NAS BKRA SHIS LHUN PO'I DBEN BSDUM MCHOD RTEN GSAR BZHENGS MDZAD DE RAB GNAS KYI SKABS GRUB CHEN SA RA HA DANG, ,GRUB CHEN CHOS RDO RJE GNYIS DNGOS SU BYON PA SOGS NGAG PA'I GZIGS SNANG NGO MTSAR RMAD DU BYUNG BA MTHA' YAS PA BYUNG SNANG NGO, ,DE NAS SDE PA THON PA SOGS DAD LDAN MANG POS GDAN DRANGS NAS THON PHYOGS SU PHEBS TE SKYA SER BGRANG BA LAS 'DAS BA LA CHOS KYI BDUD RTZI STZAL TE MTHO RIS DANG THAR PA'I SA BON 'DEBS PAR MDZAD, DE NAS SHANGS MDO RI BO DGE 'PHEL BA MCHOD YON RNAMS KYIS KUN MKHYEN SHES RAB DPAL BZANG GI GDAN SAR PHEBS DGOS TSUL NAN GYIS GSOL BA BTAB PA LA BRTEN NAS LNGA MCHOD CHEN MO'I DUS DGE 'PHEL DU PHEBS, TSOGS PA LA BDE GSHEGS BDUN GYI RJES GNANG DANG, MDO CHOG GI LUNG SOGS NYER MKHO'I CHOS KYI CHAR PHAB, SLAR BKRA SHIS LHUN POR PHEBS NAS, ZHI BA'I LO'I DGUN CHOS DUS SU NUB GCIG MNAL LAM DU DGE SLONG RNAM SBYAR DMAR SER GSOL CING, RIGS LNGAS DBU BRGYAN PA, PHYAG NA PO TI NA BZA' LEGS PO DU MA DANG SKU RAGS MDZES PAR BCINGS PA BSNAMS PA ZHIG GIS GLEGS BAM DE RJE RANG NYID KYI PHYAG TU GTAD NAS, 'DI SNGON NAS

BRIS ZIN TE DA BAR RAB TU GNAS PA MA GRUB PAS, DA LAM KHYOD KYIS ZHAL PHYE LA RAB GNAS SHIG GYIS GSUNGS, GLEGS BAM DE PHYAG TU BZHES NAS SKU RAGS BKROL TE GZIGS PA NA 'DUS PA'I RTZA RGYUD MTHING SHOG LA GSER GYIS BRIS PA SHIN TU LEGS PA ZHIG 'DUG PAS, RAB YANGS NAM MKHA' TIL GYI GANG BU BZHIN, ,ZHES RJE RANG NYID KYIS 'DON PAR MDZAD PA NA 'DI NAS BYUNG MED PAR NGO MKHYEN PA DANG MI MKHYEN PA'I TSOGS PA CHEN PO ZHIG 'DUS NAS SA G-YO BA TZAM GYI RAM BTEG STE 'DUS PA'I SHIS BRJOD YONGS RDZOGS 'DON PAR MDZAD PA ZHIG GSAL BAR BYUNG, DE'I SANG NYIN DKA' BCU RAB 'BYAMS PA BZHI LNGA TZAM GYIS 'DUS PA'I RTZA RGYUD KYI 'GREL BSHAD RGYAS PA GCIG KHYER NAS 'DI'I STENG NAS CHOS THUN RE CIS KYANG ZHU ZHES GSOL BA BTAB PA DANG, MDANG GI MNAL LAM GYIS KYANG RKYEN BYAS t'IKKA'I 'DZIN CHOS DANG, 'GREL BA BZHI SBRAGS KYI BSHAD PA RGYAS BA RE STZAL, DE DUS DGE BSHES DE DAG LA ZLA BA GCIG GNYIS TZAM LA'ANG RDO RJE THEG PA'I LAM GYI RNAM GZHAG CHAGS PA BYUNG NGO, ,BKRA SHIS LHUN PO'I RGYUD GRVA GSAR 'DZUGS MDZAD PA 'DI LA NI RJE RANG NYID KYANG THUGS SHIN TU DGYES PA BYUNG STE RJE RANG NYID KYI ZHAL NAS SNGAR GYI RMI LTAS DE YANG RGYUD GRVA 'DI NYID TSUGS PA'I LTAS DANG, PHYI'I MCHOD RTEN GYI SA CHOG DE YANG BSAM GZHIGS MED PAR DPAL GSANG BA 'DUS PA'I SGO NAS BYED PAR SHAR SONG BA YANG DE KHA'I RTEN 'BREL DU 'DUG ,RGYU MTSAN DE DAG GI PHYIR BDAG NYID KYIS KYANG THOG MTHA' BAR

, ,GSUM DU CHOS DANG CHOS LDAN GYI SGO NAS SMAN GYI LJON SHING LTAR BSKYANGS PA'I LAG RJES MKHAS PAS BSNGAGS PAR 'OS PA ZHIG YIN NO SNYAM DU RLOM PA'ANG MCHIS SO, ,ZHES GSUNGS, ,DE NAS 'GAL BYED CES PA LCAGS MO PHAG GI LO'I TSO 'PHRUL SMON LAM GROL 'PHRAL BSAM GRUB DGE LDAN PA MCHOD YON RNAMS KYIS GDAN DRANGS, LAM ZHOR DU DNGUL CHU CHOS RDZONG DU PHEBS, GZIM PHUG DANG SKU 'DRA RIN PO CHE MJAL BA MDZAD, DE SKABS RGYAL SRAS RIN PO CHE DANG DNGOS SU MJAL ZHING BYIN GYIS BRLABS PA LTA BU'I DAD MOS DANG DGA' BA THOB CING SMON LAM YANG DAG 'DEBS PAR MDZAD, DE NAS BSAM GRUB DGE LDAN DU PHEBS NAS SPYI SGER THAMS CAD KYIS BSNYEN BKUR BSAM GYIS MI KHYAB PAS MCHOD, RJE NYID NAS KYANG DGE 'DUN RNAMS LA MANG 'GYED DANG 'JIGS GSANG GNYIS KYI DBANG CHEN, CHOS SKYONG MANG PO'I RJES GNANG SOGS CHOS RGYA CHER GNANG ZHING RAB BYUNG BSNYEN RDZOGS KYANG MANG DU STZAL, PHYOGS DE'I SKYE BO BYINGS LA TSE DBANG GNANG, DE'I TSE LHA RNAMS KYIS ME TOG GI CHAR PHAB PA SOGS NGO MTSAR BA'I LTAS BSAM GYIS MI KHYAB PA BYUNG, DE NAS LAM BAR GYI CHOS SDE RNAMS SU RIM GYIS PHEBS NAS RTEN RNAMS LA MCHOD 'BUL SMON LAM DANG DGE 'DUN RNAMS LA SO SO'I 'DOD DANG MTHUN PA'I CHOS MANG DU STZAL TE BKRA SHIS LHUN POR PHEBS, DE NAS 'BRAS SPUNGS NAS GDAN 'DREN BYUNG BA LTAR PHEBS TE RGYAL BA YON TAN RGYA MTSO DANG

GZIM KHANG GONG SPRUL PA'I SKU SE 'BRAS KYI BLA MA RNAM PA SOGS NYI 'OD 'KHYIL DU GSHONG TZAM LA RDO RJE PHRENG BA'I DBANG RDZOGS PAR GNANG, 'DI DAG GI SKABS SU PHYOGS SNA TSOGS SU DAD LDAN GYI GDUL BYA'I BSOD NAMS KYI ZHING DU PHEBS PA NA GNAS DANG DUS DANG GANG ZAG LA SOGS PA SKAD CIG KYANG RTAG PA MED PA 'PHRAL 'PHRAL 'GYUR 'GRO BA MNGON SUM DU GZIGS PAS RKYEN BYAS, 'BAD RTZOL GYI GOMS PA LA MI LTOS PAR, 'KHOR BA'I PHUN TSOGS THAMS CAD NI RMI LAM GYI DGA' STON NAM ,SGYU MA'I ROL RTZED LTA BU DANG, 'DUS BYAS KYI NGANG TSUL NI GLOG GI ZLOS GAR RAM, CHU 'DZIN GYI 'DU 'GOD LTA BU DANG, SNYIGS DUS KYI SKYE BO'I TSE NI CHU YI CHU BUR RAM, RTZVA RTZE'I ZIL PA LTAR GZIGS ,KHYAD PAR RANG NYID KYANG DANG PO MNGAL DU ZHUGS PA NAS 'CHI BDAG GI KHAR CHUD CING, NYI MA RE RE BZHIN YANG 'CHI RKYEN SHIN TU MANG BAS MI 'CHI BA'I GDENG NI CI YANG MI 'DUG ,SNGON CHAD DUS KYI CHAD BA MA PHOG PA'ANG NGO MTSAR CHE, DA NI GLO BUR NYID DU BSKYAS CHEN 'DEGS PAR YANG NYE 'AM CI CHA SNYAM DU THUGS LA NGES 'BYUNG SHUGS DRAG TU 'KHRUNGS TE DON DE NYID 'PHAGS PA'I DBYANGS SU BSDEBS PAR MDZAD PA NI 'DI LTAR, NA MO GU RU MANYUDZU GHO sh'A YA, DUS GSUM GYI SANGS RGYAS MI GZUGS CAN, ,GSUM LDAN GYI BLA MA'I ZHABS PAD LA, ,BYANG CHUB KYI BAR DU SKYABS SU MCHI, ,'BRAL MED DU BRTZE BAS RJES 'DZIN MDZOD, ,MTHA' MED KYI 'KHOR BA'I RGYA MTSO 'DIR, ,LAS NYON GYI 'CHING BA DAM POS BCINGS, ,SKYE RGA

, ,DANG NA 'CHI'I RAB KLONG 'KHRUGS, ,GNAS TSUL 'DI BSAMS SHING GLO SNYING 'DAR, ,TSANGS DBANG DANG KHYAB 'JUG DRAG PO SOGS, ,'CHI MED KYI BDAG PO'I DPAL THOB KYANG, ,DBANG MED DU MNAR MED MES BSREG NA, ,MTHO RIS KYI BDE LA YID BRTAN CI, ,DPAG MED KYI TSE DANG 'BYOR PA CAN, ,GSER DNGUL GYI 'KHOR LOS BSGYUR RGYAL YANG, ,NGES MED DU 'KHOR BA'I YANG BRAN 'GYUR, ,AA TZA MA SRID 'DIR SNYING PO GANG, ,TSE SNGON GYI DGRA PO 'DI NANG GNYEN, ,'DI NANG GI DGRA YANG PHYI MA'I GROGS, ,ZA ZIR GYI 'KHOR BA'I NGANG TSUL 'DI, ,'BREL MED KYI SMYON PA'I ZLOS GAR RANG, ,SKAD CIG KYANG 'BRAL BAR MI PHOD PA'I, ,YID 'ONG GI SNYING GROGS MDZA' BSHES RNAMS, ,DUS TSOD KYIS SO SOR 'GRO BA 'DI, ,YID RE SKYO SEMS LA CUNG MA BAB, ,SDIG SDUG DANG GTAM NGAN KHYAD BSAD NAS, ,SER SNA YIS BSAGS PA'I ZAS NOR LAS, ,RDUL PHRAN TZAM 'KHYER BA'I DBANG MED PAR, ,LAG STONG DU 'GRO BA 'DI SEMS LA GZAN, ,TSE LHAG GI BSKYEL MA YUD TZAM LA, ,'CHI BDAG GI BSU MA BANG RE MGYOGS, ,PHA ROL GYI G-YANG SA 'JIGS PA CHE, ,CI RANG DRAG 'BROS THABS AE 'DUG SOMS, ,SNGAR BYAS KYI RANG GI LAS LA 'GYOD, ,SDIG LTUNG GI KHUR PO RI BAS LCI, ,GROGS MED DU BSKYAS CHEN 'DEGS PA 'DI, ,GTING NAS RANG SKYO ZHING 'TSER LA 'JIGS, ,'CHI MA LA DU BDAG NYID CHUD PA'I TSE, ,KHA DRAG GI DPA' BOS MI BZLOG CING, ,STONG GSUM KUN GANG BA'I ZAS NOR DANG, ,MDZES SDUG GI LANG TSOS BSLU RU MED, ,'TSO BYED KYI RGYAL PO GZHON NU DE, ,MNGON SUM

DU BYON YANG CI BYAR YOD, ,BRTZE GDUNG DANG LDAN PA'I GROGS DBUS NAS, ,GCIG PU RU 'GRO BA 'DI SHIN TU 'TSER, ,RGYUS MED KYI BAR DO LAM 'PHRANG DOG, LAS NGAN GYI 'KHRUL SNANG CHU LTAR 'KHRUGS, ,'JIGS SKRAG GI SDUG BSNGAL YANG BA; ;MNGON SUM DU SHAR TSE CI TZUG BYED, ,'DI NANG GI DGA' SKYID 'DZOM PA DANG, ,SGYU LUS KYI KHANG STONG SHUL DU BZHAG ,RNAM SHES DE BYA SPU RLUNG KHYER BZHIN, ,DON MED DU 'KHYAM PA 'DI SEMS KYI GCONG, ,LAS NGAN GYIS NYID 'TSAMS SBYAR BA'I TSE, ,LJAN LJIN GYI MI GTZANG DANG 'DRES NAS, ,MUN KHROD KYI MNGAL NANG DRI NGA BAR, ,'DUG TSUL 'DI BSAMS NA SNYING RLUNG LDANG, ,MNGAL GRIB KYIS DAM CHOS BAG CHAGS BRJED, ,RAB RMONGS KYI BYIS PA'I GNAS SKABS GYUR, ,BLANG DOR GYI GNAS LA LKUGS PA 'DRA, ,SPYOD TSUL DE DRAN PAS SHES PA 'PHYO, ,GZHON NU DANG LANG TSO DAR BA'I DUS, ,SDIG GROGS DANG DUG GSUM SHUGS DRAG GIS, ,BSLAD NAS KYANG NGAN 'GRO'I SDUG BSNGAL RGYU, ,BAG MED DU SGRUB NA CI RANG DRAG ,GTING ZAB KYI 'KHOR BA'I KHRON PA 'DIR, ,LEGS NYES KYI MTHO DMAN SNA TSOGS BA'I, ,BDE SDUG GI GAN BUG MANG PO ZHIG ,MGAL ME LTAR 'KHOR BA 'DI YID RAB SKYO, ,'KHOR BA NA SKYID SDUG CI YOD RNAMS, ,THOG MED NAS THA MA DA LTA'I BAR, ,YANG YANG RANG NYAMS SU MYONG LAGS NA, ,DE KA TZAM TSIM MAM SUN RE RAN, ,DRED PO KHYOD RANG LA SNYING RJES LTOS, ,SKYID SDUG GI 'DAM KA DA RES BYUNG, ,RANG NYID LA RANG GI GNYER BABS PAS, ,JI LTAR BYA RANG GI SEMS LA DRIS, ,SEMS NYID KYI DNGUL DKAR ME LONG

, ,LA; ;'KHOR BA 'DI'I SNANG TSUL SHAR BA'I TSE, ,BAB COL GYI TSIG PHRENG YI GE'I GZUGS, ,'GOD PA PO BLO BZANG CHOS RGYAN YIN, ,ZHES SO, ,DUS DE'I TSE LUNG BSTAN MKHAN PO MANG PO ZHIG GIS SKU TSE'I BAR CHAD CHE BAS TSE SGRUB MDZAD DGOS SO ZHES BSKUL BA NA CHOS BRGYAD 'OG SNYOMS KYI GSUNG 'DI LTAR BYON TE, RJE GSUM LDAN BLA MA RDO RJE 'DZIN, ,MI BDAG SNYING PADMO'I DBUS ZHUGS LA, ,DGRA CHOS BRGYAD SNANG ZHEN BKRAG PO CHE, ,'DI RTZAD NAS THON PAR BYIN GYIS RLOBS, ,TSE RING DU GNAS NA RNAM DKAR GYI, ,LAM BZANG PO SGRUB PO SHI YANG BDE, ,LAS BAG CHAGS BZANG PO'I NGANG DU 'CHI, ,AA LA LA GSON SHI SEMS LA SNYOMS, ,TSE SGRUB KUN JI LTAR DGYES DGYES MDZOD, ,DPAL PHUN TSOGS 'BYOR NA MCHOD SBYIN GYIS, ,TSOGS GSOG GO DBUL POR GYUR KYANG SLA, ,CHUD ZOS DOGS SER SNA'I SDUG BSNGAL MED, ,AA LA LA 'BYOR RGUD SEMS LA SNYOMS, ,NOR SGRUB KUN JI LTAR DGYES DGYES MDZOD, ,YONGS KUN GYIS BSTOD CING SNYAN GRAGS NA, ,YID MI BDE MED DO SMAD KYANG SLA, ,SGRA GRAG STONG SGYU MA'I BSLU BRID YIN, ,AA LA LA BSTOD SMAD SEMS LA SNYOMS, ,SNYAN GRAGS KUN JI LTAR DGYES DGYES MDZOD, ,DA LUS SEMS BDE NA DKON MCHOG GI ,DRIN YIN NO SDUG BSNGAL GYUR KYANG SLA, ,YID NGES 'BYUNG SNYING RJE NGANG GIS 'PHEL, ,AA LA LA BDE SDUG SEMS LA SNYOMS, ,SKYID 'DOD KUN JI LTAR DGYES DGYES MDZOD, ,SROG 'TSO 'CHI 'BYOR RGUD BDE

SDUG DANG, ,YONGS BSTOD SMAD SNYAN DANG MI SNYAN SOGS, ,GANG BYUNG YANG BLA MA'I BYIN RLABS YIN, ,AA LA LA CI BYAS GLO BA DGA', ,RE DOGS KUN JI LTAR DGYES DGYES MDZOD, ,DPAL ZHI BA LHA DANG MAR ME MDZAD, ,RJE RGYAL BA GNYIS PA LAS 'ONGS PA, ,DUG BDUD RTZIR BSGYUR BA'I GDAMS PA YIS, ,AA LA LA LTAS NGAN G-YANG DU LEN, ,RKYEN NGAN KUN JI LTAR DGYES DGYES MDZOD, ,CES PA DANG, YANG DON DAM PA'I DBANG DU MDZAD NAS, NA MO GU RU MANYDZU GHO sh'A YA, PHA RGYA CHEN SPROS PA KUN MKHYEN KYANG, ,DBYINGS SPROS BRAL NGANG DU RTAG GZIM PA, ,RJE RGYAL BA GNYIS PA BLO BZANG GRAGS, ,'BANGS BDAG CAG DA DUNG THUGS RJES SKYONGS, ,SNGON THOG MA MED NAS DA LTA'I BAR, ,GDON RANG GI SNYING LA GNAS BCAS NAS, ,YUL BDAG MED CIG LA BDAG TU BZUNG, ,'PHRAL PHAN PA'I ZOL GYIS BSLUS BYAS TE, ,NGA DMYAL BAR BSREGS PA'ANG BGRANG LAS 'DAS, ,DUS DE RING BLA MA'I BKA' DRIN GYIS, ,DGRA BDAG 'DZIN 'GONG PO'I MTSANG RIG PAS, , SEMS SPROS BRAL GNYUG MA'I NGO BO MTHONG, ,BU RANG BYUNG RIG PA'I GZHON NU DANG, ,YUL 'OD GSAL CHOS DBYINGS MDZES MA MJAL, ,DBYINGS RIG PA DBYER MED THABS SHES 'BREL, ,'DI 'DU 'BRAL MED PA'I GROGS SU BZANG, ,YE GDOD NAS CIR YANG MA GRUB PAS, ,YUL BDAG MED RTOGS PA'I NGES SHES KYIS, ,LAS RGYU 'BRAS BSLUB MED PAR RTOGS, ,DA CHAD PA'I G-YANG LA NYAM NGA MED, ,YANG RTEN NAS 'BYUNG BA'I CHOS RNAMS KUN, ,SNANG TZAM GYIS SGYU MA'I ROL PAR

, ,MTHONG, ,DE MTHONG BAS AA 'THAS 'CHING BA ZHIG ,DON DE PHYIR RTAG PA'I MTHA' LAS GROL, ,NGA STONG NYID NAM MKHA'I RNAL 'BYOR PA, ,YUL GANG SHAR BRDZUN PA'I RGYAS THEBS PAS, ,KHONG BDEN PAR 'DZIN BA'I CHOM RKUN PA, ,GZHI SKYE MED GDOD MA'I DBYINGS SU BROS, ,LAR 'KHOR 'DAS CHOS RNAMS MA LUS PA, ,MING BTAGS YOD TZAM GYI ROL PA LAS, ,DBYINGS NGO BO CIR YANG MA MCHIS PAS, ,NGA SKYE 'CHI GNYIS LA YANG MED, ,SNGAR DAL MED 'KHYAMS PA'I NGAL BSO'I GNAS, ,CHOS STONG NYID BDUD RTZI'I SNYING PO RNYED, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,NGA BLO BZANG RGYAL BA GNYIS PA'I BU, ,LAM PHYAG RGYA CHEN PO'I ROL RTZED KYIS; ;CHOS LTA BA'I GLU DBYANGS 'DI BZHIN LEN, ,GROGS THAR 'DOD KUN KYANG 'DI LTAR MDZOD, ,CES MDZAD DE LUNG BSTAN MKHAN PO DE DAG LA BSKUR BAR MDZAD DO, ,DE NAS DAD LDAN MANG POS BSKUL BA LTAR 'BRING MTSAMS DANG GCEN LUNG DU PHEBS TE DE DANG DE NA GNAS PA'I GDUL BYA RNAMS LA THAR PA'I SA BON BZHAG ,DE NAS ZAR DU PHEBS TE BYANG PHUG GI JO BO MJAL, ,MCHOD 'BUL, SMON LAM MDZAD, GNAS DER SKYO SHAS CHEN POS GDUNG DBYANGS 'DI LTAR MDZAD DE, NA MO GU RU MANYDZU GHO sh'A YA, SKU GSUM GYI GO 'PHANG MCHOG BRNYES KYANG, ,GZHAN SNANG DU THA MAL DGE SLONG TSUL, ,SANGS RGYAS KYI YE SHES BLO BZANG GRAGS, ,BDAG SNYING GI PADMO'I DBUS BZHUGS LA, ,DUR

SMRIG GIS PHYI TSUL MDZES LAGS KYANG, ,DUG GSUM GYI CHANG GIS CHER MYOS PAS, ,SENG LPAGS KYIS G-YOGS PA'I WA SKYES 'DRA'I, ,SNYING RUL GYI BU LA BRTZE BAS GZIGS, ,DUG LNGA YI NYON MONGS MTSANG RIG KYANG, ,NGAN GOMS KYI BAG CHAGS SHUGS DRAG CING, ,GDONG BZLOG GI GNYEN PO NGAR CHUNG BAS, ,MNAR MED KYI ME NANG SREG NYEN GDA'O, ,NGAG SNANG GIS RGYAL KHAMS SKOR 'DOD KYANG, ,KUN SLONG GI LA CHU 'PHRANG DOG PAS, ,PHRAG DOG DANG 'KHON 'DZIN ZER MGO RNO, ,CHOS SPONG GI G-YANGS SU LHUNG NYEN GDA'O, ,CHOS BSHAD KYIS GZHAN SEMS BSGYUR MKHAS KYANG, ,RANG RGYUD KYI KO SKAM GYONG POR LUS, ,GLU MKHAN DANG NE TZO'I CHOS BSHAD BZHIN, ,CHOS RGYUS MKHAN CHOS KYIS PHONGS NYEN GDA'O, ,ZAB DON GYI NYAMS LEN BYED 'DOD KYANG, ,RNYED GRAGS KYIS MI MGO BSKOR PHYIR DU, ,CHOS CHUNG GI RNAM GRANGS GSOG GSOG NAS, ,KUN SHES KYI GCIG RDUGS BYUNG GNYEN GDA'O, ,SKYO SHAS DANG NGES 'BYUNG BSGOMS LAGS KYANG, ,RTAG 'DZIN GYI GDON CHEN THUGS GSOL BAS, ,PHYI NANG GI DNGOS LA SHI SPAR 'THAMS, ,GSUNG TSUL DANG RNAM THAR 'GAL NYEN GDA'O, ,THEG TSAN GYI LAM DU ZHUGS RLOMS KYANG, ,RANG 'DOD KYI GSHED MA BUR RDZUS PAS, ,CHAGS SDANG GI PHYOGS RIS SU BAS CHE, ,'GRO DRUG GI PHA MA BSLUS NYEN GDA'O, ,BDEN MED KYI RANG ZHAL BLTAS BLTAS KYANG, ,MNYAM GZHAG GI GOMS PA 'DRIS CHUNG BAS, ,BDEN SNANG GI 'DZIN PA SBRING SBRING SHAR, ,DRAN SHES KYI SO BA YENGS NYEN GDA'O, ,ZHES SO, ,

, ,DA NAS BKRA SHIS LHUN POR PHEBS, DGUN CHOS THOG TSOGS CHEN LA THAMS CAD MKHYEN PA DGE 'DUN GRUB PA'I RNAM THAR GZABS BSHAD MDZAD, DE NAS YONGS 'DZIN ZHES PA CHU PHO BYI BA'I LO ZLA BA BRGYAD PA'I TSES BCU DGU LA LHO MON PHYOGS SU PHEBS TE, THOG MA G-YANG BU RTAG LUNG DU LHA RIN PO CHE DPON SLOB LA 'KHOR LO BDE MCHOG GI DPANG DANG, 'JIGS BYED RO LANGS BRGYAD BSKOR GYI DBANG, BDE MCHOG DKAR PO'I TSE SGRUB, MGON PO TRA KA SHAD KYI CHOS SKOR YONGS RDZOGS, SMAN BLA'I RJES GNANG LUNG DANG BCAS PA SOGS 'DOD CHOS RNAMS LEGS BAR STZAL, DE NAS RIM GYIS SPA GRO THIM BU DAR DKAR GYI BAR DU PHEBS, SPYIR LHO MON DE RANG RANG GI GRUB MTHA' DANG BLA MA SO SO'I PHYOGS 'DZIN GZHAN LAS CHE YANG RJE 'DI LA NI RANG NYID LA GRUB MTHA'I PHYOGS 'DZIN MED PAR KUN LA DAG SNANG MDZAD PA'I MTHUS THAMS CAD KYIS BSNYEN BKUR 'BUL BA ZHABS RTOG TSAD MED PA BYUNG ZHING, RJE 'DI NYID KYIS KYANG DGE 'DUN GYI SDE RNAMS SU ZANG ZING GI SGO NAS MANG 'GYED BZANG PO DANG, CHOS PHYOGS NGOS NAS DPAL GSANG BA 'DUS PA DANG 'JIGS BYED LA SOGS PA'I DBANG DANG ZAB KHRID DU MA DANG, YI DAM DANG CHOS SKYONG MANG PO'I RJES GNANG SOGS 'DOD CHOS MANG DU STZAL ZHING, KHROM MI STONG PHRAG MANG PO TSOGS PA RNAMS LA LAS 'BRAS KYI RNAM GZHAG GTZO BOR MDZAD PA'I TSE DBANG DANG, YIG DRUG GI LUNG STZAL NAS DGE BA'I

DAM BCA' CHED DU BSKUL BAS BSNYEN GNAS KYI DAM BCA' LEN MI BRGYA PHRAG DU MA DANG, BZANG SPYOD, BYAMS SMON, LTUNG BSHAGS, SGROL MA, SHER SNYING, SKYABS 'GRO, RANG GANG MOS KYI BLA MA'I GSOL 'DEBS, MA nI DUNG NAS BZUNG NYER GCIG RE YAN, SROG GCOD SPONG PA, NYAL PHYAG LANG PHYAG ,DUS KYANG RAB RNAMS KYIS JI SRID 'TSO'I BAR, THA MAS LO GCIG GI BAR DU DAM BCA' LEN MI BSAM GYIS MI KHYAB PA BYUNG BAS RJE 'DI PA GANG DU BYON PA'I YUL DE DANG DER DAM BCA'I RGYUN SKYONG BAS DGE BA'I LAM GSAL BAR MDZAD DO, ,KHYAD PAR DGUNG WANG LA BRTEN PA'I MI BRGYA STONG PHRAG MANG PO GSOD RES BYED CING RANG RANG GI BLA MA RNAMS KYIS KYANG MA 'DOMS PA'I RTZA BA MI SHA LEN PAR CHAS PA MANG PO LA DNGOS PO'I GNANG SBYIN SNGON DU 'GRO BAS, PHYAG PHRENG SPYI BOR BZHAG STE MI SHA MI LEN PA'I DAM TSIG LA BZHAG NAS SDIG PA'I RTZA BA BCAD PAS LHO MON PHYOGS BDE 'JAMS SU GNAS PA BYUNG NGO, ,DE LTA BU'I TSUL GYIS BSTAN PA DANG SEMS CAN LA PHAN PA RGYA CHEN PO MDZAD CING, SLAR BOD DU PHEBS PA NA, DBUS GTZANG GNYIS KAR DUS 'KHRUG MTHO DMAN GYI 'GYUR LDOG LHAG PAR CHE BAS LA LA SDUG BSNGAL DNGOS LA SPYOD, LA LA SDUG BSNGAL GYI RGYU LA DGA' DGA' LTAR SPYOD PA GZIGS PAS THUGS SKYO SHAS DRAG PO 'KHRUNGS TE NGES 'BYUNG GI GDUNG DBYANGS GSUNGS PA NI, NA MO GU RU MANYDZU GHOsh'A YA, DANG POR 'KHOR 'DAS KYI SKYON YON RIG ,BAR DU BLANG DOR GYI ROL PAS 'DAS, ,THA MAR KUN BYANG GI RANG BZHIN RNAMS, ,DBYER

, ,MED DU MKHYEN RNAMS BDAG GI SKYABS, ,RTAG 'DZIN GYI GDON CHE NA THUGS ZHUGS PAS, ,PHYI RTZIS KYI GRANGS SHOMS BYED BYED NAS, ,'BRAS MED KYI SPUN PA 'PHYAR BA BZHIN, ,DON MED DU 'DA' BA 'DI AA TZA MA, , SDIG SDUG DANG GTAM NGAN KHYAD BSAD DE, ,SER SNA YIS ZAS NOR BSAGS BSAGS NAS, ,RDUL PHRAN TZAM 'KHYER BA'I DBANG MED PAR, ,LAG STONG DU 'GRE BA 'DI AA TZA MA, ,NYON MONGS KYI GOMS PA SHUGS DRAG PAS, ,LANG SHOR GYI BAG YANGS SPYOD SPYOD NAS, ,THAR MED KYI DMYAL BA'I BTZON KHANG DU, ,TSA GRANG GI SDUG BSNGAL 'DI AA TZAM, ,GNYEN GROGS DAN 'KHOR MANG TSOGS PA'I DPUS, ,NGA SNYAM DU MNGON PAR 'GYID 'GYING NAS, ,MYA NGAM GYI THANG LA DGRAS BCOM BZHIN, ,GROGS MED DU NYAM THAG 'DI AA TZAM, ,SHA KHRAG GI LANG TSO YID 'PHROG CING, ,MDZES BYED KYI GSER G-YUS BRGYAN BRGYAN NAS, ,KENG RUS KYIS KHYAB PA'I DUR KHROD DU, ,GCER BU RU 'GRO PA 'DI AA TZA MA, ,BLO MTHUN GYI SNYING SDUG MANG PO DANG, ,DGA' 'DUS KYI NYAMS DGA' SKYONG SKYONG NAS, ,DBANG MED DU 'CHI BDAG BDUD PO DES, ,SO SO RU 'PHRAL BA 'DI AA TZAM, ,KHANG BZANG GI BKOD PA BRGYA BYAS SHING, ,DBYIBS LEGS KYI GNAS MAL GSHOM GSHOM NAS, ,RNAG KHRAG GIS SBAGS PA'I RO KHUNG DU, ,SGREN MO RU NYAL BA 'DI AA TZA MA, ,'JAM LEGS KYI GYON PA BRGYA PHRAG DANG, ,ZHIM DGU YI BZA' BTUNG SPYAD SPYAD NAS, ,MYUR BA RU DUR BRGYAGS KHAM GANG ZA, ,RO

SHUN GYIS DKRI BA 'DI AA TZA MA, ,STONG GSUM GYI KHYON LA DBANG BSGYUR ZHING, ,PHUN TSOGS KYI STOBS KYIS DREGS DREGS NAS, ,'JIGS RUNG GI GSHIN RJE CHOS RGYAL GYIS, ,DBANG MED DU 'KHRID PA 'DI AA TZA MA, ,MA BRTAGS PAR NYAMS DGA'I SKYE BO'I TSOGS, ,'DI NANG GI BDE LA ZHEN ZHEN PA'I, ,THUGS RGYUD LA GLU 'DI MI 'BAB MOD, ,DE KUN KYANG DE BAS AA TZA MA, ,AA TZA MA BCU YI GLU CHUNG 'DI, ,PHYOGS MED KYI RGYAL KHAMS MYUL MYUL NAS, ,SNYOM LAS KYI MAL DU RTAG NYAL BA'I, ,BLO BZANG GI CHOS RGYAN ZHES BYAS SMRAS, ,ZHES SO, ,DE NAS RIM GYIS BKRA SHIS LHUN POR PHEBS NAS MANG 'GYED RGYAS PAR STZAL NAS CHOS KYI 'KHOR LO RGYA CHER BSKOR, DE NAS RGYAL BA THAMS CAD MKHYEN PA YON TAN RGYA MTSO'I BKA' SHOG DANG GDAN 'DREN GYI MI SNA BCAS RJE 'DI LHA LDAN SMON LAM GYI TSOGS DBUR SPYAN DRANGS TE CHU GLANG NAS SA RTA'I BAR SMON LAM CHEN MO'I TSOGS DBU RGYUN DU MDZAD, GLANG LO'I SMON LAM GROL NAS SPRUL PA'I SKU BSOD NAMS DGE LEGS DPAL BZANG DANG, SE 'BRAS RGYUD STONG SMAD SOGS KYI DGE BA'I BSHES GNYEN BZHI BCU TZAM LA BSNYAN RDZOGS GNANG, 'BRAS SPUNGS TSOGS CHEN LA 'JAM DPYANGS CHOS SKOR YONGS RDZOGS DANG, THAMS CAD MKHYEN PA LA MGON PO ZHAL GYI RNAM 'GYUR MANG PO'I BKA' DANG, THUN MONG DANG THUN MONG MA YIN PA'I BE'U BUM LUNG ZHAL SHES DANG BCAS PA GNANG NGO, ,DE NAS BKRA SHIS LHUN POR PHEBS NAS SNGAGS GRVAR BZHUGS PA'I RAB 'BYAMS

, ,PA RNAMS LA 'DUS PA'I BSHAD NYAN GYI STENG DU DPAL DUS KYI 'KHOR LO'I RGYUD 'GREL GYI 'CHAD NYAN GSAR 'DZUGS MDZAD, DE NAS RE SHIG SKU MTSAMS MDZAD DE DPAL GSANG BA 'DUS PA'I ZAB LAM RIM PA LNGA LA NYAMS BZHES RTZE GCIG TU MDZAD PAS RIM LNGA'I RTOGS PA MNGON DU GYUR TE PHYI RABS KYI GDUL BYA RNAMS LA 'JAM MGON BLA MA'I RJES SU SLOB PAR 'DOD PA RNAMS KYIS RANG NGOS NAS NYAMS LEN BYUNG PHYIN RJE'I BSTAN PA 'DI LA TSE GCIG NYID LA ZUNG 'JUG BSGRUB PA'I NYE LAM 'DI LTA BU YOD DO ZHES RDO RJE'I SGRA DBYANGS SGROGS PAR MDZAD PA NI, NA MO GU RU MANYDZU GHO sh'A YA, RJE DUS GSUM SANGS RGYAS THAMS CAD KYI, ,DPAL BDE BA CHEN PO'I YE SHES SKU, ,PHYI NGUR SMRIG GAR GYIS RNAM ROL PA, ,PHA MA TI BHA DRA'I ZHABS LA 'DUD, ,DUS NYIN GCIG RIG PA DVANGS PA'I TSE, ,CHOS THOS PA'I SNYING PO CUNG ZAD BSAMS, ,DE BSAMS PAS BLA MA'I BKA' DRIN DRAN, ,LUNG MAN NGAG RIGS PAS NGES PA'I DON,, 'DI 'BRAS BU LAM BYED TSUL NYID DU, ,RJE BLA MA'I BKA' DRIN RJES DRAN PA'I, ,NGAG RDO RJE'I GLU DBYANGS 'DI BZHIN LEN, ,MGON THUGS RJE CAN DE'I BKA' DRIN GYIS, ,RTEN DAL 'BYOR TSANG BA'I MI LUS THOB, ,RJE RGYAL BA GNYIS PA'I BSTAN DANG MJAL, ,RGYUD SDOM PA GSUM GYIS MDZES PAR BYAS, ,GZHI DAM TSIG SDOM PA GCES PAR BSRUNGS, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,BKA' MDO RGYUD DON LA SGRO 'DOGS BCAD, ,GNAS

'KHOR BA'I RGYU 'BRAS NGANG TSUL RIG ,BYAMS SNYING RJE BYANG CHUB SEMS NYID SBYANGS, ,DBYINGS GNAS LUGS RTOGS PA'I LTA BA GO ,LAM RIM GNYIS ZAB MO'I NYAMS LEN SHES, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,GZHI MA DAG SKYE SHI BAR DO GSUM, ,RGYUD SMIN BYED SKU GSUM NGO BOR BSGYUR, ,YUL GANG SNANG DAG PA'I ROL PAR SHAR, ,LUS ZAB GSAL GNYIS MED LHA YI SKU, ,NGAG GRAG STONG SNGAGS KYI BZLAS PA SHES, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,NANG RDO RJE'I LUS KYI GNAS LUGS RTOGS, ,RTZA 'DAB BRGYAD NOR BU'I CHU SKYES DBUS, ,CHOS KHYAD PAR GSUM LDAN SMIN LEGS MAR, ,SEMS RTZE GCIG CHAGS PA'I ROL RTZED KYIS, ,MA YE SHES d'A KI'I GZI BRJID RGYAS, ,STENG CHU SHEL ZLA ZER SPROS SHING BSDUS, ,PHYIS JI SNYED CHOS KYI RI DVAGS KUN, ,SNGAR MNYAM GZHAG DRAN PA'I RGYA RU BCUG ,RGYA DE NYID BDE STONG LHA SKUR SHAR, , 'DI BSAMS SHING RJE BCUN BLA MA'I DRIN, ,DRIN CHE BAR NGES SO BLA MA RJE, ,SNYING MTSON CHA 'KHOR LO RTZIBS BRGYAD DBUS, ,SNGAGS BZANG PO'I THIG LES NGAR BLUD NAS, ,DGRA GZUNG 'DZIN BZHON PA'I BDUD SDE YI, ,MGUL CIG CAR 'DRAL BA'I DGRA THABS MKHAS, ,YANG CHOS 'KHOR PADMO'I LTE BA LA, ,DPAL YE SHES RDO RJE'I RANG BZHIN GYI, ,NOR BEEd'UR DKAR PO'I PI WAm NI, ,RGYUD 'OD ZER LNGA YI RI MO CAN, ,GDANGS MI SHIGS

, ,RDO RJE GSUM GYI DBYANGS, ,DPAL MKHA' SPYOD GRUB PA'I GTAM SNYAN 'DIS, ,DBYE DKA' BAM RIG MDUD PA 'BYED, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,THABS SHES RAB NGES GSANG RTZA MCHOG NI, ,CHES PHRA BA'I CHU SKYES MYU GU'I RTZER, ,RDZAS DKAR DMAR 'BRAS BU'I THIG LE MDZES, ,'DI ZOS PAS ZHE SDANG 'DOD CHAGS DANG, ,DE'I 'BRAS BU GTI MUG ME TOG RGYAS, ,SROG MA 'GAGS BZHIN DU MNGON SUM SHI ,LAR 'GAL 'DU'I LTAD MO CI YANG MTHONG, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,BLO MYUR MGYOGS DRAN PA'I LHA BZO YIS, ,KHAMS PHRA MO'I GSER SBYANGS BTZOM LAS, ,RTEN YE SHES RANG BZHIN LHA SKU BZHENGS, ,SKU DE YI CHO 'PHRUL BSAM MI KHYAB, ,KHAMS GSUM PO MA LUS RIL GYIS MID, ,MTHAR DE BZHIN GSHEGS PA'I TSOGS KUN BSAD, ,RJE SANGS RGYAS YUM YANG BDAG TU BZUNG, ,DE'I NGO TSAS RANG YANG STONG PAR BROS, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,SLAR NAM MKHA'I LAM LAS 'JA' TSON 'KHRUNGS, ,'JA' DE NYID MTSAN DPE'I 'OD DU 'BAR, ,THABS DBANG PO'I GZHU YIN CHUNG DANG, ,YUL 'OD GSAL CHANG GIS RTAG MYOS BA'I, ,DBYINGS LHAN SKYES GZHON NU MIG YANGS PO, ,DUS 'DU 'BRAL MED PA'I GROGS POR SONG, ,GROGS MDZA' BAS DNGOS PO GCIG TU 'DRES, ,DPAL ZAG MED NOR DANG LONGS SPYOD TSOGS, ,KHONG GZHAN

LAS PHROGS TE BDAG GIR BZUNG, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,DON DE BZHIN MNGON DU MA GYUR KYANG, ,CHOS ZAB MO THOS DANG BSAM PA'I MTHUS, ,RJE SANGS RGYAS LAS KYANG CHES DKON PA'I, ,LAM 'DI 'DRA BLA MA'I DRIN GYIS RNYED, ,MI NGA LA GTAD PA MA MCHIS KYANG, ,GLU 'DI NYID GSANG CHEN RGYUD SDE'I BCUD, ,YUL NYER BZHI'I DPAL BO RNAL 'BYOR MA, ,GLU 'DI 'DRA GSANG BA'I MGUR DU 'DZER, ,'DI BLO BZANG CHOS KYI RGYAL MTSAN GYIS, ,RJE'I BKA' DRIN DRAN TSE DBYANGS SU BSDEBS, ,GTAM 'DI YI DGE PAS 'GRO BA KUN, ,DPAL ZUNG 'JUG RDO RJE'I SKU THOB SHOG ,CES SO, ,DE NAS KUN DGA' ZHES PA SHING PHO STAG GI LO LHA LDAN SMON LAM CHEN MOR PHEBS TE TSOGS DBU MDZAD NAS SKYES RABS KYI GZABS BSHAD SOGS 'JAM MGON BLA MA'I MDZAD SROL NYAMS PA MED PAR BSKYANGS, THAMS CAD MKHYEN PA YON TAN RGYA MTSO BSNYEN PAR RDZOGS PA MDZAD PA'I MKHAN PO MDZAD, GZHAN YANG DON GNYER CAN BRGYA PHRAG MANG BOR RAB BYUNG BSNYEN RDZOGS GNANG, 'BRAS SPUNGS TSOGS CHEN LA SGRUB THABS RGYA MTSO RDZOGS PAR GNANG, DE DUS RJE NYID KYI ZHAL SLOB BSTAN PA LA PHAN DU RE BA MANG PO ZHIG GLO BUR GLO BUR DU 'DAS PAS RKYEN BYAS MI RTAG PA'I NGANG TSUL BCOS MIN THUGS LA 'KHRUNGS TE GSUNG MGUR 'DI LTAR MDZAD DE, NA MO GU RU MANYDZU GHOsh'A YA, KUN MKHYEN GYI RGYAL PO TZONG KHA PA'I, ,GDAMS PA YI MDZOD 'DZIN DBEN SA PA, ,DUS GSUM GYI

, ,SANGS RGYAS YE SHES DNGOS, ,MI BDAG SNYING GI PADMO'I ZE'U 'BRUR BZHUGS, ,'JIGS RANG 'JIGS LNGA BCU KHA RAL DUS, ,LO RGAN TSO BZHI BCU LNGA TZAM LON, ,RNAM G-YENG GI NGANG LA MI TSE ZAD, ,DA TSE LHAG 'DI SNUM ZAD MAR ME TZAM, ,RI GZAR GYI 'BAB CHU DRAG PO LTAR, ,SNYIGS DUS KYI TSE THUNG ZHAG 'GA'O, ,SUS BZUNG BAR MI NUS NAM MKHA'I GLOG ,'DI BSAMS NA TSE 'DI'I MDUN MAS CI, ,MTHO DMAN GYI GROGS PO PHAL MO CHE, , 'JIGS RUNG GI GSHIN RJES ZOS NAS ZIN, ,THAR MED KYI 'CHI BDAG ZA RES DE, ,MI BDAG CAG GI THOG TU 'BAB LA KHAD, ,RGYUS MED KYI BAR DO'I 'PHRANG BRGYUD NAS, ,RGYANG RING DU GCIG PUR 'GRO DOGS NA, ,BSLU MED KYI GROGS DANG 'DZAD MED KYI BRGYAGS, ,'GYOD MED DU TSAGS SU TSUD LAGS SAM, ,'DI NANG GI PHUN TSOGS CI 'BYOR KYANG, ,RMI LAM GYI YUL GYI LONGS SPYOD BZHIN, ,DON CHUNG LA MI TSE 'DZAD PA'I RGYU, ,DUG GSUM GYI SA BON SKYUG RE BRO, ,SNYING SDUG GI MDZA' GROGS MNGAN YANG, ,NGAN SONG GI 'THEN THAG 'CHING BA'I LCAGS, ,SING GLING GI SRIN MO MDZES MA LTAR, ,BDE 'GRO YI SROG GCOD THAR PA'I GSHED, ,GZHON GROGS DANG DGA' BA'I RTZED 'JO YANG, ,ZHIM 'DOD KYIS BTZAN DUG ZA BA BZHIN, , THAR MED KYI RO MYAGS 'DAM RDZAB TU, ,YUN RING DU NYAM THAG AA RE SDUG ,RO ZHIM GYI MYOS 'GYUR MANG 'THUNGS KYANG, ,DMAR 'BAR GYI KHRO CHU 'THUNG BA'I RGYU, ,'BUM PHRAG GI SKYE BA DUM RU, ,SEMS RNAL DU MI GNAS BA MA GLANG, ,BAN BUN GYI

'JIG RTEN BYA BA 'DI, ,AA 'THAS SU ZHEN PAS SDUG LA BKOD, ,BAG CHAGS KYIS BSLAD PA'I RMI LAM BZHIN, ,NYIN MTSAN KUN 'KHRUL PA'I BYA BAS 'DAS, ,DUG GSUM GYI BAG CHAGS TSAN CHES PAS, ,LANG SHOR GYI BAG MED BSAM SBYOR 'DI, ,BTZAN CHOD DU GNYEN POS MA SPANGS NA, ,'O BRGYAL TSOD DUNG BYUNG GIS DOGS, ,'DUS BYAS KYI MTSAN NYID MI RTAG CING, ,SNYIGS DUS KYI TSE LA LONG MED PAS, ,DA DON MED KYI BYA BAS MI 'DA' BAR, ,YANG DAG GI SNYING PO LEN PAR 'DOD, ,CES SO, ,LO DE LA STONG 'KHOR SPRUL SKU 'JAM DBYANGS RGYA MTSO DANG, SKYID SHOD ZHABS DRUNG BSTAN 'DZIN BLO BZANG RGYA MTSO SOGS BLA CHEN MANG POS GTZOS BSNYEN RDZOGS GSAR SGRUB BRGYA PHRAG MANG PO'I DON MDZAD, DE NAS BKRA SHIS LHUN POR PHEBS TE GONG SMOS BLA CHEN GNYIS PO DE DANG ZUR BZHI SLOB DPON RNAMS KYIS THOG DRANGS SDE SNOD 'DZIN PA SUM BRGYA LHAG TZAM LA RDO RJE PHRENG BA DANG MI TRA BRGYA RTZA'I DBANG RNAMS RDZOGS PAR STZAL, DE NAS LHUN RTZE CHOS SDE BA RNAMS KYIS GDAN DRANGS NAS GSANG BDE 'JIGS GSUM GYI DBANG CHEN DANG CHOS SKYONG MANG PO'I RJES GNANG SOGS CHOS MANG DU GNANG, DE NAS DMAR SER CAN ZHES PA ME SBRUL GYI LO ZLA BA BCU GNYIS PA'I NANG DU THAMS CAD MKHYEN PA YON TAN RGYA MTSO GLO BUR GYI RKYEN GYIS ZHING GZHAN DU GSHEGS NAS DGONGS PA CHOS KYI DBYINGS SU RDZOGS PAR BYA BA DANG, LHA LDAN SMON LAM GYI TSOGS DBU RNAMS DUS MTSUNGS SU MDZAD, SMON

, ,LAM GROL 'PHRAL RA SGRENG LA PHEBS, DGON PA GONG DU ZLA BA LHAG TZAM SKU MTSAMS BCAD DE SKU 'DRA RIN PO CHE DBU YON MA SPYAN DRANGS, GSOL BA RTZE GCIG TU 'DEBS PAR MDZAD PAS BYIN GYIS BRLABS PA'I MTSAN MA KHYAD BAR CAN BYUNG BAS JO BO CHEN PO DPAL LDAN AA TI SHA LA, NA MO GU RU MANYDZU GHO sh'A YA, RJE MI PHAM CHOS KYI MDUN SA'I RGYAN, ,LHA SKAL LDAN GRANGS MED YONGS KYI MGON, ,DPAL NAM MKHA' DRI MA MED PA'I ZHABS, MI BDAG SNYING PADMO'I ZE'U 'BRUR ZHOG ,ZHING BDE BCAN NA 'OD DPAG MED, ,RJE RGYAL BA'I SPYAN SNGAR BZANG PO SKYONG, ,YONGS LNGA RIG PAn CHEN KUN GYI GTZO, ,THUGS BRTZE BAS GZIGS SHIG AA TI SHA ,SNGON DPAG MED DUS NAS SANGS RGYAS KYANG, ,BDAG MGON MED 'GRO BA'I DON GYI PHYIR, ,KHRIMS BSLAB GSUM LDAN PA'I DGE SLONG TSUL, ,THUGS BRTZE BAS GZIGS SHIG AA TI SHA ,BOD 'DRE SRIN GDUL DKA' 'DUL MDZAD PA'I, ,DPAL MTHU STOBS DBANG PHYUG PADMA 'BYUNG, ,MGON KHYOD KYI YE SHES SGYU MA'I 'PHRUL, ,THUGS BRTZE BAS GZIGS SHIG AA TI SHA ,DUS MI BZAD SNYIGS MA LNGA BDO BA, ,YUL BYANG PHYOGS RMONGS PA'I MUN KHROD 'DIR, ,CHOS PHAN BDE'I GZI 'OD STONG 'BAR PA'I, ,DPAL MAR ME MDZAD DPAL AA TI SHA ,RIGS KHYAB BDAG BDE GSHEGS KUN GYI DNGOS, ,CHOS BRGYAD KHRI BZHI STONG 'BYUNG BA'I GNA, ,TSOGS 'PHAGS MCHOG KUN GYI 'DREN PA MCHOG ,SKYABS BSLU MED MGON PO AA

TI SHA ,PHA KHYOD ZHABS BSTEN CING MCHOD PA DANG, ,YID RTZE GCIG GDUNG BAS GSOL 'DEBS NA, ,MCHOG THUN MONGS DNGOS GRUB MA LUS KUN, ,DUS MYUR DU STZOL MDZAD AA TI SHA ,DA DENG NAS BYANG CHUB SNYING PO'I BAR, ,MGON KHYOD ZHABS PADMO SPANGS NAS NI, ,BDAG RE BA'I SKYABS GZHAN MI 'TSOL BAS, ,PHA THUGS RJES ZUNGS SHIG AA TI SHA ,RTEN RNYED DKA' 'JIG SLA'I MI LUS 'DI, ,PHYIS 'BRAS MED SPUN PA MI 'PHYAR BAR, ,DON RTZE GCIG SNYING PO LEN PA RU, , RGYUD BYIN GYIS RLOBS SHIG PHUL BYUNG ZHABS, ,DGRA BDAG 'DZIN 'GONG PO RTZAD NAS BTON, ,GNYEN 'GRO DRUG SEMS CAN GCES PAR BZUNG, ,LAM STONG NYID SNYING RJE DPYER MED PAR, ,RGYUD BYIN GYIS RLOBS SHIG PHUL BYUNG ZHABS,, SLAR MA 'ONGS SKYE BA RNAMS SU YANG, ,SPRANG BDAG GI SKYID SDUG LEGS NYES RNAMS, ,DPAL LHA CIG JO BO KHYED RANG MKHYEN, ,LAM LOG PAR MA GTONG AA TI SHA ,TSE 'DI NANG 'GAGS PAR GYUR PA NA, ,DPAL MAR ME MDZAD DPAL SNANG MTHA' YAS, ,DON DE PHYIR THUGS RJE'I 'OD ZER GYIS, ,BU SNYING MED BDE BA CAN DU DRONGS, ,MI NGA LA DAD CING GUS PA RNAMS, ,STENG DGA' LDAN LHA BRGYA'I GNAS MJAL ZHES, ,BKA' 'GYUR MED ZHAL GYIS BZHES PA YI, ,DON MNGON SUM BDAG LA BSTAN DU GSOL, ,CES DANG, 'BROM LA, NA MO GU RU MANYDZU GHO sh'A YA, LHA GANGS RI'I MGON PO SPYAN RAS GZIGS, ,DPAL MAR MA MDZAD PA'I THUGS KYI SRAS, ,RJE RGYAL BA KUN GYI 'BYUNG GNAS ZHES, ,MTSAN

, ,SNYAN PAR GRAGS PA'I RGYAL BA 'BROM, ,SRAS SA BCU'I DBANG PHYUG PAD DKAR 'DZIN, ,RGYUD MA DAG 'GRO BA 'DREN PA'I PHYIR, ,RTEN TSANGS SPYOD DGE BSNYEN TSUL 'DZIN KYANG, ,DON SNYING BO'I DGE SLONG RGYAL BA 'BROM, ,YUL BYANG PHYOGS AU PA S'I KA ZHIG ,MING CHOS 'PHEL SKAD DU 'BYUNG NGO ZHES, ,RJE RGYAL BA'I LUNG BSTAN MCHOG BRNYES PA'I, ,BOD GANGS CAN MGON PO RGYAL BA 'BROM, ,ZHING PHYOGS BCU'I BDE GSHEGS THAMS CAD KYI, ,THUGS BRTZE BA'I YE SHES GCIG BSDUS NAS, ,DPAL BKA' GDAMS MES PO'I SKUR STON PA, ,PHA BSTAN PA'I BDAG PO RGYAL BA 'BROM, ,TSE MI RTAG DGUN NYI LTA BU 'DI, ,DGRA CHOS BRGYAD RKYEN GYIS MI G-YENG BAR, ,DA RTZE GCIG DAM CHOS BSGRUB PA RU, ,RGYUD BYIN GYIS RLOBS SHIG 'BROM STON RJE, ,GYONG LTO GOS GTAM GYI STENG DU BSKUR, ,TSE 'DI NANG LUS SROG THED LA BOR, ,RANG GCES 'DZIN GCONG NAD THON PA RU, ,RGYUD BYIN GYIS RLOBS SHIG 'BROM STON RJE, ,BYAMS SNYING RJE BYANG CHUB SEMS GNYIS 'BYONGS DBYINGS SPROS BRAL BDAG MED MNGON SUM RTOGS, ,LAM RIM GNYIS RNAL 'BYOR MTHAR PHYIN PAR, ,RGYUD BYIN GYIS RLOBS SHIG 'BROM STON RJE, ,ZHES JO BO YAB SRAS GNYIS KYI GSOL 'DEBS PHYAG BRIS SU MDZAD DO, ,DE NAS 'BRAS SPUNGS SU PHEBS PA NA SE 'BRAS GNYIS KA'I MKHAN PO MDZAD DGOS ZHES BLA MA DGE 'DUN TSANG MAS GSOL BA RTZE GCIG TU BTAB PA RJE RIN PO CHE'I BSTAN RGYUN LA DGONGS NAS RE SHIG MDZAD PAR ZHAL GYIS BZHES TE SE 'BRAS GNYIS KA'I MKHAN

PO MDZAD, DE'I TSE STON PA THUB PA'I DBANG PO LA BDEN TSIG GSOL 'DEBS 'DI LTAR MDZAD DE, NA MO GU RU MU NI AINDR'A YA, BSKAL BZANG 'DREN PA RGYU SKAR STONG GI DBUS, ,SNYING STOBS CHA SHAS RDZOGS PA'I 'OD DKAR CAN, ,THUB DBANG SMRA BA'I ZLA BA'I ZHABS PAD LA, ,BYANG CHUB SNYING PO'I BAR DU SKYABS SU MCHI, ,'JIGS RUNG SNYIGS MA'I BYIN ZA CHER 'BAR BAS, ,RGYAL GZHAN MTHA' DAG SGRAG PA 'DZIN PA'I TSE, ,MKHYEN BRTZE'I SPRIN PHUNG THUGS RJE'I CHU RIS CAN, ,GDUGS SEL SH'AKYA'I GTZO BO LAS GZHAN CI, ,DE PHYIR THUB PA'I NYI MA MANG PO YIS, ,YAL BAR BOR BA'I DMU RGOD GDUL DKA' BA, ,NYAM THAG MGON SKYABS MED PA BDAG CAG LA, ,RE BA'I SKYABS GZHAN MED DO SH'AKYA'I TOG ,BSAM ZHING BSAMS SHING KUN MKHYEN NYI MA'I GNYEN,, MNGON SUM MA MTHONG GDUNG BA'I ME 'BAR BA, ,GZHOM PHYIR SPRIN DANG BRAL YANG MIG MKHA' LAS, ,MCHI MA'I CHAR ZIM G-YO BAS CI YANG KHEBS, ,DE SLAD LHAR BCAS STON PA MCHOG DE NYID, ,DRAN BA'I YUL DU GSHEGS KYANG GUS PA YIS, ,ZHABS PHYIR BSNYEGS PAR 'DOD PA BDAG CAG LA, ,BRTZE BAS PHYI BZHIN GZIGS DANG ZAS GTZANG SRAS, ,KHYOD KYI BSTAN PA'I CHA TZAM MI SGRUB PAR, ,NYON MONGS DUG GSUM CHANG GIS RAB MYOS PA, ,KHREL MED SMYON PA LTA BU BDAG CAG LA, ,BCOM LDAN THUGS RJE MNGA' BAS SKYABS MDZOD CIG ,DAL 'BYOR DON CHEN SNYING PO MI LEN PAR, ,DON CHUNG TSE 'DI'I BYA BAS DUS 'DA' BA, ,RIN CHEN DOR NAS MCHING BU LEN PA YI, ,BAG MED BZANG RDZU MKHAN LA THUGS RJES GZIGS, ,'DUS BYAS MI RTAG KHYAD PAR RANG

, ,GI TSE, ,RTZVA RTZE'I ZIL PA BAR SNANG GLOG 'DRA YANG, ,RNYED BKUR DON GNYER RTAG TU SDOD GRABS BYED, ,RTAG 'DZIN PHYI 'SHOL MKHAN LA THUGS RJES GZIGS, ,TSER MA'I SDUG BSNGAL TZAM YANG MI BZOD KYANG, ,BSKAL BRGYAR NGAN 'GRO'I SDUG BSNGAL MYONG BA'I RGYU, ,DGE SDIG KHYAD DU GSOD PA'I KHREL MED PO, ,SDIG LDAN SER GZUGS CAN LA THUGS RJES GZIGS, ,NYON MONGS DGRA BOR SHES KYANG SEMS LA 'CHANG, ,SDOM GSUM GNYEN DU MTHONG YANG YAL BAR 'DOR,, GZHAN GYIS DAM PAR BKUR YANG THA MAL PA, ,'GAL 'DU'I PHUNG PO BDAG LA THUGS RJES GZIGS, ,LDAN GROL MI LDAN DKOR GYIS RANG RGYUD TSOS, ,NYIN MTSAN KHOR YUG RNAM G-YENG RO NYAL MKHAN, ,CHOS BRGYAD KHOL PO GZHAN GNOR TSUL 'CHOS PA, ,SNYING RUL BLUN PO BDAG LA THUGS RJES GZIGS, ,GAR 'GRO'I GTOL MED GZHAN GYI LAM SNA 'DREN, ,RANG RGYUD MA DUL GZHAN LA DAM CHOS 'CHAD, ,RANG MGO MI THON MANG PO'I TSOGS DPON BYED, ,BTZUN PA'I GZUGS BRNYAN BDAG LA THUGS RJES GZIGS, ,TSUL 'DI BU RAM SHING PA'I RNAM THAR DANG, ,RANG GZHAN SPYOD TSUL DRAN PAS RKYEN BYAS TE, ,DGE SLONG BLO BZANG CHOS KYI RGYAL MTSAN GYIS, ,DPAL LDAN 'BRAS SPUNGS CHOS SDE CHEN POR SMRAS, ,ZHES SO, ,DUS DE DANG GZHAN GYI TSE YANG KHRIMS 'CHAL DUR SMRIG GIS DKRIS SHING DAD BAS BYIN PA LA 'DZEM MED SPYAD KYANG DBUL BA'I SDUG BSNGAL GYIS NYAM THAG PA DU MA SPYAN LAM DU GZIGS PAS LHAG PAR SNYING RJE 'KHRUNGS SHING THUGS YA NGA BAR

GYUR; DES MTSON TSE 'DI'I BDE SKYID DON DU GNYER BA'I PHYIR SDIG PA 'BA' ZHIG BYED PA RNAMS KYI BSAM SBYOR GZIGS PAS KYANG RKYEN BYAS, 'DI LTAR THUGS LA SHAR BA BZHIN 'PHAGS PA'I DBYANGS SU BSDEBS PAR MDZAD PA NI, NA MO GU RU MANYDZU GHO sh'A YA, PHA RJE BTZUN BLA MA'I ZHABS LA 'DUD, ,KHYED GSON DANG RNAM DPYOD YANGS PA KYE, ,KHE MNOG CHUNG GI BYA BAS CI ZHIG BYED, ,BDE 'DOD NA DAM PA'I LHA CHOS MDZOD, ,NOR ZANG ZING GI 'DU 'GOD STON KA'I SPRIN, ,GNYEN 'KHOR G-YOG GI LANG LONG TSONG DUS 'GRON, ,LUS SHA KHRAG GI LANG TSO NAM MKHA'I 'JA', ,'DI DGONGS SAM SHES LDAN GROGS PO DAG ,RTEN DAL 'BYOR 'DI NYIN MO'I SKAR MA 'DRA, ,DGRA 'CHI BDAG KHO MI SDOD TSUR TSUR 'OD, ,TSE PHA ROL GYI NGAM GROG G-YANG SA CHE, ,'DI DGONGS SAM SHES LDAN GROGS PO DAG ,SPYIR 'KHRO BA'I GNAS 'DI DUG SPRUL TSANG, ,DGOS 'DOD YON GYI LONGS SPYOD KIM PA'I 'BRAS, ,LHA TSANGS DBANG GI DPAL YANG CHU SHING 'DRA, ,'DI DGONGS SAM SHES LDAN GROGS PO DAG ,NYEN CHE DUS SU SKYOB PA DKON MCHOG GSUM, ,DUS MTHAR THUG GI GTAN GROGS DRIN CAN RJE, ,RANG DGOS DUS SU PHAN PA DAM PA'I CHOS, ,'DI DGONGS SAM SHES LDAN GROGS PO DAG ,SHU LA THAG RING GI BRGYAGS PHYE SBYIN PA'I GTER, ,LAM MTHO RIS KYI THEM SKAS TSUL KHRIMS DANG, , RGYAN GZUGS BZANG GI BYED PO BZOD PA STE, ,'DI DGONGS SAM SHES LDAN GROGS PO DAG ,KHYED 'DI NANG GI BDE LA CHAGS RIN MED, ,YUL 'DI LAS DGA' LDAN LHA YUL SKYID, ,ZAS 'DI LAS LHA YI BDUD RTZI ZHIM, ,'DI DGONGS SAM SHES LDAN GROGS PO

, ,DAG ,GOS 'DI LAS LHA RDZAS NA BZA' DRO, ,RGYAN 'DI LAS NOR BU RIN CHEN MDZES, ,GROGS 'DI LAS LHA DANG LHA MO BZANG, ,'DI DGONGS SAM SHES LDAN GROGS PO DAG ,MI'I 'DOD PA'I BDE LA ZHEN BAS CI, ,KYE LHA YI LUS DANG LONGS SPYOD YOD, ,KVA'I 'KHOR BA'I BDE BA 'DOD NA YANG, ,CHOS TSUL BZHIN MDZOD DANG 'DI BZHIN 'BYUNG, ,ZHES SO, ,DE SKABS DBEN PA'I GNAS SU SGRUB PA SNYING POR MDZAD PA LA THUGS SMON PA'I GSUNG DBYANGS 'DI LTAR MDZAD DE, NA MO GU RU MANYDZU GHO sh'A YA, RJE SANGS RGYAS KUN GYI YE SHES NYID, ,PHA 'GRAN ZLA MED PA'I BLO BZANG GRAGS, ,MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB STZAL DU GSOL, ,GNAS 'JIGS RUNG 'KHOR BA'I BTZON RA 'DIR, ,SNGAR SKYE RGA NA 'CHI'I 'KHOR LO BSKOR, ,DA RJE BTZUN BLA MA'I THUGS RJE YIS, ,LAS NYON MONGS SKYE BA BZLOG TU GSOL, ,GZHON LANG TSO RGYAS PA'I MYU GU DE, ,MTHAR LO ZLA 'GYUR BAS RIM BZHIN SMIN, ,SEMS COL CHUNG BYIS BA RGAN PO'I LUS, ,'DI BSAMS SHING SHES PA GTING NAS SKYO, ,DBYAR SPANG LJONGS BKRA BA'I ME TOG DE, ,DBYIBS RAB MDZES MTHONG NA YID 'PHROG KYANG, ,DUS NAM ZLA STON DU GYUR PA NA, ,MDOG MI LEGS RNYINGS SHING YID MI CHAGS, ,DON DE BZHIN YID 'ONG BLTA NA MDZES, ,RGYAN LANG TSOS DREGS PA'I GZHON NU YANG, ,MTHAR DAR YOL RGAS PA'I DUS KYI TSE, ,GZUGS MI SDUG RO LANGS MNGON SUM BZHIN, ,NANG SHA DANG KHRAG GI STOBS BRI BAS, ,PHYI LHAB LHAB 'PHYANG BA'I PAGS PA DE, ,RGYA GNYER MA MANG POS RGYA GRAM BCINGS, ,LUS DRANG POR SKYES

PA'ANG GZHU LTAR SGUR, ,SO'I GE SAR PHAL CHER LHUNG GYUR BAB, ,MA CHU'I YAL 'DAB G-YO YANG MDZES PA MED, ,NGAG MI GSAL LDAB LDIB SMRA BA 'DI, ,DBUGS CHUS CHAG CHAG 'GREMS PA BZHIN, ,YAR LDANG TSE SUG BZHI SA LA BGRAD, ,MAR SDOD TSE 'BEBS CHEN RGYAG DANG MTSUNGS, ,RKANG BYIN PA SOR BZHI'I KHRI DES KYANG, ,LUS SGROM BU MI THEG LING LING 'DAR, ,SKRA ZEGS SHING LHAG MA SKYA BOR GYUR, ,MIG MI GSAL MIG 'BRAS NANG DU BROS, ,GTAM 'GRO 'ONG RNA BA'I SGO LA BKAG ,BLO RMONGS SHING DRAN DANG DBANG PO NYAMS, ,LUS 'BAD BAS 'KHAR BA LA BRTEN YANG, ,'GROS 'KHYOR ZHING 'KHYOR ZHING RES 'GA' 'BUB, ,TSE PHAL CHER ZAD PAS PHA ROL NYE, ,GNYEN NYE 'BREL 'KHOR G-YOG BCAS PAS KYANG, ,DE MED NA BDE ZHES SHI SMON BYED, ,RGAS 'KHOGS SHING LANG CHO NYAMS GYUR PAS, ,SHING KHONG RUL SDONG PO RNYING PA 'DRA, ,TSUL 'DI 'DRA'I 'JIGS RUNG SDUG BSNGAL YANG, ,DUS LAN RE KHO NA MA YIN TE, ,RGYUN MI CHAD YANG DANG YANG DU MYONG, ,LAR RGAS PA'I SNANG TSUL 'DI LTA BU, ,YONGS KUN LA 'BYUNG BA'I RANG BZHIN YANG, ,GZHON LANG TSO RGYAS PA'I BYIS PA RNAMS, ,'DI MI SHES NA TSOD RTAG TU RE, ,PHYI GSER CHUS G-YOGS PA'I BSHANG GCI LA, ,SEMS CHAGS KYANG RANG MTSANG MYUR DU STON, ,TSON RI MO BKRA BA'I DBANG PO'I GZHU, ,MDANGS LEGS KYANG MYUR DU YAL NAS 'GRO, ,DON DE PHYIR LUS KYI RKYEN BZOD TSE, ,NAGS SMAN LJONGS MDZES PA'I DGA' TSAL DER, ,GRANGS BCU GNYIS SBYANGS PA'I YON TAN BLANGS, ,BKA' MDO RGYUD DAM PA'I RNAM THAR BLTA, ,CHOS MANG DU THOS PA'I GNAD RNAMS SEMS, ,DON TING 'DZIN BDE LA RTZE GCIG ROL, ,SLAR RJES THOB SGYUR MA'I RNAM THAR SKYONG, ,DUS RES 'GA'

, ,SA 'DZIN YANGS PAR 'CHAG, LAM THUN MONG RIM PA NAS BZUNG STE, ,DPAL ZUNG 'JUG BDE PA CHEN PO'I PAR, ,GZHI STAN THOG GCIG TU DRIL BYAS NAS, ,DUS NYIN MTSAN KHOR YUG BSGOM PAR SPRO, ,MTHAR NA TSOD YONGS SU SMIN GYUR KYANG, ,RJE KUN MKHYEN THUB PA'I DBANG PO YIS, ,CHOS MANG DU THOS PA'I DGE SLONG DE, ,NAGS BZANG PO'I SKYED MOS TSAL GYI KHROD, ,TSE LANG TSO YOL BA GNAS PA BDE, ,ZHES GSUNGS BZHIN RGA SHIS SKRAG PA MED; ;SEMS CHOS BRGYAD SPROS BRTZAD NAS BCAD, ,LHA'I SKYED TSAL 'DRA BA'I DBEN GNAS DER, ,PHA BLA MA'I RNAM THAR SKYONG BAR SPRO, ,STENG CHU 'DZIN BLA BRE LANG LING G-YO, ,BAR RMUGS PA'I STOD G-YOGS YOL BAS BRES, ,SMAD NAGS TSAL SNGON PO'I SHAM THABS MDZES, ,GZHI NE'U GSING ME TOG PHANG PHUNG CAN, ,'GROGS BDE BA'I BYA DANG RI DVAGS GROGS, ,YID BAG PHEBS BDE BAR ZLOS GAR SGYUR, ,TSE 'DI NANG CHAGS SDANG SKYE BA'I YUL, ,GNYEN NYE DU DGRA SOGS MING SDANG SKYE BA'I YUL, ,GNYEN NYE DU DGRA SOGS MING YANG MED, 'BYOR RGUD GSOG BSRUNG SDUG BSNGAL BRAL, ,'PHRAL GANG BYUNG CHOG SHES BDUD RTZIS 'TSO, ,CHOS 'PHAGS NOR BDUN GYI BANG MDZOD 'DZIN, ,LAS CI BYED SNA THAG RANG GIS BZUNG, ,RJE RGYAL BA KUN GYI RJES SU SLOB, ,TSUL 'DI 'DRA'I BDE SKYID KHYAD PAR GANG, ,LHA'I DBANG POS KYANG NI RNYED DKAR GSUNGS, ,DON DE PHYIR PADMO'I DRA BA YIS, ,STENG MDZES PAR KHEBS PA'I YID BZHIN MTSO, ,RGYANG MIG LAM

BAB PA'I NGANG PA BZHIN, ,GNAS DBEN PA'I DGA' TSAL SNYING LA DRAN, ,LAS NYON MONGS CHU SRIN MANG POS GTZES, ,RLABS SKYE RGA NA 'CHI'I RBA KLONG 'KHRUG ,GTING MTHA' MED 'KHOR BA'I RGYA MTSO LAS, ,DA MYUR DU SGROL PHYIR DBEN PAR 'GRO, LAM THABS SHES ZAB MO'I NYAMS LEN GYIS, ,DGRA SKYE RGA NA 'CHI RTZAD BCAD NAS, ,DUS RTAG TU 'DU 'BRAL MI BYED PA'I, ,LUS LONGS SPYOD GROGS SOGS SGRUB PAR SMON, ,TSUL 'DI LTAR RE BA'I DON PO RNAMS, ,SKYABS BSLU MED BLA MA DKON MCHOG GIS, ,YUN MI RING MYUR DU 'GRUB PA YI, ,GEGS ZHI ZHING MTHUN RKYEN 'GRUB PAR MDZOD, ,CES SO, ,DE DUS SU GU GE CHOS RGYAL GYIS GDAN 'DREN YANG YANG BYUNG BA LTAR ZHAL GYIS BZHES TE LHA LDAN NAS BKRA SHIS LHUN POR PHEBS, ZLA PHYED LHAG TZAM BZHUGS NAS RIM GYIS PHEBS TE LAM BAR DU BZHUGS PA'I DGE 'DUN GYI SDE DANG DAD PA CAN RNAMS KYIS MCHOD CING BSNYEN BKUR BA YANG DANG DU BZHES, CI 'DOD PA'I CHOS KYIS KYANG TSIM PAR MDZAD, ZLA BA BZHI PA'I NYER GSUM LA MA PHAM MTSO 'GRAM DU PHEBS NAS SKU KHRUS MDZAD CING MTSO'I RDE'U PHYAG SPAR GANG BZHES PAS PHAL CHER LHA'I RNAM PAR BYON, SANG GANGS RI'I MDUN NA PHAR PHEBS DUS GANGS RI'I RTZE NAS 'JA' TSON KHA DOG SNA LNGA RGYAL MTSAN DANG, BA DAN DANG, GDUGS LTA BU DANG, DAR BRKYANGS PA 'DRA BA DPAG TU MED PA BYUNG STE RJE 'DI PA'I STENG NGOS SU CHAGS PA BYUNG STE RJE 'DI GAR PHEBS KYI DBU'I THOG TU CHAGS PA BYUNG BAS GANGS RI'I GNAS 'DZIN PA 'DRI KHUNG RDOR 'DZIN

, ,'KHOR BCAS DAD PAR GYUR TE RJE 'DI'I PHYI BZHIN BSNYEGS NAS SHA LA TZA GONG DU MJAL KHA DANG BYIN RLABS ZHUS, NGED GANGS RIR SLEBS NAS LO BCU TZAM SONG YANG DE RING LAS RTAGS YA MTSAN CHE BA MA BYUNG, KHYED KYIS BDAG BYANG CHUB MA THOB KYI BAR DU THUGS RJES ZUNGS ZHES DAD GUS CHEN POS SMON LAM 'DEBS PAR BYED DO, ,DE NAS ZLA BA LNGA PA'I TSES BCU GSUM LA ZHABS DRUNG CHOS RJE, JO BO BDAG PO LHA SDE MI SDE'I GTZO BO RNAMS KYIS RTA PA MANG PO'I TSOGS DANG BCAS PHEBS BSU ZHUS TE ZHANG ZHUNG GI LUNG NANG SPA'I LDING ZHES BYA BAR PHEBS, 'DI SKABS LHA RNAMS KYIS ME TOG GI CHAR PHABS PA SOGS DGE MTSAN PHUN SUM TSOGS PA KUN GYI MNGON SUM DU GYUR, TSES BCO LNGA LA MTHO LDING GSER GYI LHA KHANG DU ZHABS DRUNG MI DBANG GIS, SKYES MCHOG LO TZ'A BA RIN CHEN BZANG PO'I BZHUGS KHRIR GDAN DRANGS TE RIN PO CHE'I MAndAL PHUL TE SER TSOGS KYI 'DUS PA RGYA MTSO LA MANG 'GYED KYI BSNYEN BKUR DANG BLA MA'I RNAL 'BYOR SOGS 'DOD CHOS ZHUS, ,DE NAS PHAL CHER CHOS GRVA SAR BZHUGS NAS MCHOD YON RNAMS LA GSANG BDE 'JIGS GSUM GYI DBANG, BSKYED RDZOGS, SNAR THANG BRGYA RTZA, 'JAM DBYANGS CHOS SKOR, BKA' GDAMS CHOS 'BYUNG GI LUNG SOGS ZAB RGYAS CHOS KYI 'KHOR LO BSKOR, MDOR NA GU GE BDAG PO SKU MCHED KHU DBON RNAMS KYIS THOG DRANGS PHYOGS DE'I LHA SDE MI SDE THAMS CAD KYIS DAD GUS TSAD MED PAS MCHOD, DE NAS ZLA BA DGU PA'I

TSES BCU GSUM LA GU GE NAS CHIBS BSKYOD DE GANGS RI'I BAR DU ZHAL NGO MCHOD YON RNAMS KYIS CHIBS BSKYEL ZHUS, GANGS RI CHEN PO LA ZHABS BSKOR MDZAD NAS GANGS RI'I SKU MDUN DU DAD 'DUS KYI SKYA SER GYI KHROM SHIN TU CHE BA TSOGS PA LA NYIN DGUNG KHROM DBANG ZHIG GNANG SKABS, GANGS RI CHEN PO BEE d'URYA'I MDOG LTAR SNGO BA LA GZUGS BRNYAN SNA TSOGS 'CHAR BA ZHIG TU GZIGS, SKU'I NYE SKOR DU YOD PA'I GRVA PA 'GA' ZHIG LA GANGS RI 'DI CI 'DRAR SNANG BKA' 'DRI GNANG BAR, DKAR ZHING 'TSER BAR 'DUG ZER, MKHAR NAG CHOS MDZAD LA BKA' 'DRI GNANG BAR RGYA MTHING BZANG PO'I MDOG LTA BU SHIN TU SNGO BA ZHIG 'DUG ZER, DE TZAM ZHIG MTHONG NAS YA MTSAN DU BYED DO, ,DE NAS ZLA BA BCU GCIG PA'I TSES BCU GSUM LA CHOS GRVA CHEN PO BKRA SHIS LHUN POR PHEBS NAS SER JA GSER 'GYED DANG BCAS PA GNANG, DE DUS LHA SA DANG 'BRAS SPUNGS KYI RGYAB RIR MI STONG PHRAG DU MA KHA BTAGS SHING SE 'BRAS GNYIS DMAG GIS BCOM SKABS SU MCHIS KYANG, YANG DAG PAR RDZOGS PA'I SANGS RGYAS BZHUGS SKABS SU'ANG GRONG KHYER SER SKYA PA RNAMS DANG KO SA LA PA'I DMAG 'KHRUG TSAN CHE BA DANG RGYA BOD GNYIS KAR BSTAN PA'I 'PHEL 'GRIB SNA TSOGS BYUNG YANG, LAS KYI RNAM SMIN BCOS SU DKA' BA LTAR THABS DANG BRAL YANG, BSTAN PA 'BA' ZHIG THUGS LA DGONGS TE SE 'BRAS GNYIS KAR MANG JA GSER 'GYED DANG BCAS PA LAN LNGA, KHA CHE'I CHAB BUM SPUS

, ,GTZANG BA CHA RE RE, 'BRAS SPUNGS BYAMS KHANG DANG DNGUL GDUNG KHANG DU GUG TING CHE LEGS BDUN TSAR RE RE PHUL BA SOGS SE 'BRAS GNYIS KA MI NYAMS PA'I THABS LA RNAM PA KUN TU 'BAD PAR MDZAD, DE NAS LO DE NYID KYI STON MJUG SOG DMAG DPUNG CHE BA BYANG RGYAB TU SLEBS, SDE SRID DPON BLON GYI BKAS RJE 'DI PA CHINGS LA PHEBS DGOS PA BYUNG, LHA SAR PHEBS PA'I NUB MO RJE RIN PO CHE'I RTOGS BRJOD MDUN LEGS MA TSANG MA ZHAL TON DU MDZAD PA'I MNAL LAM ZHIG BYUNG BA CHINGS DGA' RAB YONG DU RE BAS RONG PO 'DAM GYI BAR DU PHEBS KYANG THUGS BZHED BZHIN MA BYUNG, DE NAS RE ZHIG 'BRAS SPUNGS SU BZHUGS NAS SER 'BRAS GNYIS KA CHOS DANG ZANG ZING GNYIS KYI SGO NAS BSKYANGS TE SROG RTZA BZUNG, KHYAD PAR THAMS CAD MKHYEN PA BSOD NAMS RGYA MTSO'I DNGUL GDUNG GI SGRO RGYAN THAMS CAD BSHIG NAS MA RUNGS PAR BYAS PA, RJE 'DI PAS BSTAN RGYUN DANG RTEN 'BREL LA DGONGS TE GSER G-YU SOGS RIN PO CHE'I PHUNG PO LAS GSAR BSGRUBS MDZAD DE, THAMS CAD MKHYEN PA'I PHYAG RDZAS DAR LA BAB PA'I DUS SU BSGRUBS PA'I SGO RGYAN ZIL GYIS NGON PA LTA BU BZO BAR MDZAD DO, ,GZHAN YANG SE 'BRAS GNYIS KAR BDAG CAG GI STON PA'I SKU BRNYAN BKRA BA'I BKRA SHIS KHA BTAGS KYI 'PHAN GYI PHRENG BA RE RE DANG, GRVA SA GSUM GAR MANG JA'I BSNYEN BKUR YANG YANG MDZAD DE RE ZHIG 'BRAS SPUNGS SU SKU MTSAMS DAM PO LA BZHUGS SO, ,

DE NAS ZLA BA BDUN PA'I ZLA 'GO LA BOD DMAG THAMS CAD RKYANG THANG SGANG DU 'DRIL, TSES BCU GCIG GI TSA BA ZHES GROL MTSAMS SU SKAD CIG LA SOG PO'I RTA PA SGAR THOG BRGYUGS NAS MI BRGYA PHRAG DU MA BSAD CES SNYAN DU GSAN BAS, RJE 'DI PAS SKU DANG SROG LA'ANG MA GZIGS PAR SKU MTSAMS LA HAR 'DON MDZAD DE DAN 'BAG GI BAR ZHABS THANG GIS MGYOGS PAR PHEBS PAS, BOD DMAG RNAMS LCAGS PO RI'I MTSAMS SU 'KHAR ZHING SOG PO'I RTA PA LAN GNYIS PA RGYUG PAR RTZOM PA ME MDA' DANG NYAG PHRAN GYI CHAR 'BAB PA'I SKABS SU PHEBS, LHA BTZUN RANG LA ZANG ZING GI GNANG CHA GYA NOM PA DANG BCAS DNGOS SU ZHU BA NAN CHEN MDZAD PAS, LHA BTZUN GYIS KYANG CI GSUNG BKA' BZHIN DU NOD NAS RTA RGYUG 'PHRO BCAD PAS DMAG MI 'BUM PHRAG TU NYE BA SROG GCES PA LAS SKYOB PAR MDZAD DO, ,DE SKABS GTZANG SOG GNYIS KAS LHA SA SPYI MCHOD KYI PHYIR RJE 'DI PA LA PHUL, SO SOR TSIG SBYANGS SNGON DU 'GRO BA'I KHRA MA GNANG NAS, JO BO RIN PO CHE'I GSER THOG GI 'OD KYIS KHYAB PA'I SAR BRO DAM POS BKAG CING BRTAN PAR MDZAD DE NYID KYI SKU DANG SROG LA'ANG MA GZIGS BAR SE 'BRAS GNYIS KA BSKYANGS TE RGYAL BA TZONG KHA PA CHEN PO'I BSTAN PA'I SROG 'DZIN PAR MDZAD DO, ,DON GYI DBANG 'DI LA DGONGS NAS RJE BTZUN BLO BZANG CHOS KYI RGYAL MTSAN BYON TSUN GYI 'JAM MGON BLA MA'I LUGS BZANG 'DZIN PA'I MKHAS PA GZUR GNAS THAMS CAD RJE BTZUN BLO BZANG CHOS KYI

, ,RGYAL MTSAN NI 'JAM MGON BLA MA'I BSTAN PA 'DI LA 'JAM MGON BLA MA RANG NYID DANG MTSUNGS PAR BKA' DRIN ZLA MED DO ZHES MGRIN GCIG TU SGROG PAR MDZAD DO, ,DE DUS SEMS CAN SPYI MTHUN GYI LAS DANG BDUD SDIG TO CAN GYI MTHUS RGYAL BA'I BSTAN PA SPYI DANG KHYAD PAR 'JAM MGON BLA MA'I BSTAN PA 'PHEL BA LA GEGS 'TSUB SHIN TU CHE BAS THAMS CAD MKHYEN PA YON TAN RGYA MTSO GLO BUR GYI RKYEN GYIS ZHING GSHEGS, SPRUL SKU NGOS 'DZIN PA'ANG SHIN TU DKA' BAR BYUNG BA NA RJE BTZUN BLO BZANG CHOS KYI RGYAL MTSAN NYID KYIS ZANG ZING GI DNGOS PO GANG LA'ANG PHANGS PA MED PAR BTANG STE BYANG PHYOGS GANGS RI'I KHROD KYI SKYE BO GDUG RTZUB CAN RNAMS ZANG ZING GI DNGOS POS TSIM PAR MDZAD CING SU LA'ANG NYE RING MED BAR DMAG GZINGS JI SNYED CIG BYUNG BA THAMS CAD THUGS BYAMS PA DANG SNYING RJE SHUGS DRAG PA'I DBANG GIS PHAN TSUN SU LA'ANG KHON MED PAR BAR CHINGS DANG NAG CAN MANG PO'I SROG SKYOB PA DANG, GDUG RTZUB CAN RNAMS LA LAS RGYU 'BRAS KYI CHOS BSHAD NAS SEMS ZHI BAR BYAS TE RJE RANG NYID LA RANG DON BYA BA GANG YANG MED PAR SPYIR BOD 'BANGS KYI SEMS CAN THAMS CAD BDE 'JAGS SHIG DANG, DGE 'DUN GYI SDE RNAMS 'KHRUG PA MED PAR CHOS SPYOD 'PHEL BA ZHIG DANG, LHAG PAR THAMS CAD MKHYEN PA YON TAN RGYA MTSO'I MCHOG GI SPRUL SKU 'KHRUL MED DU NGOS ZIN PA ZHIG GI THABS LA NYID KYI SKU DANG SGROG LA'ANG MA GZIS PAR 'BANG

PAS; NGOS 'DZIN THUB STE RNGA CHEN ZHES PA CHU PHO KHYI'I LO THAMS CAD MKHYEN PA'I MCHOG GI SPRUL SKU 'PHYONG RGYAS NAS 'BRAS SPUNGS SU SPYAN DRANGS, GTZUG PHUNG BZHES TE MTSAN NGAG DBANG BLO BZANG RGYA MCHOR GSOL, DE NAS RIM GYIS TSIGS SNGA MA DGE TSUL GYI MKHAN PO MDZAD DE DGE TSUL DU BSGRUBS, THOG MAR TSE DBANG DANG, RDO RJE 'JIGS BYED KYI DBANG CHEN, CHOS SKYONG MANG PO'I RJES GNANG SOGS CHOS BKA' MTHA' YAS PA GNANG ZHING YID BZHIN GYI NOR BU LTAR GCES PAR SKYONG BAR MDZAD, DE NAS KHRAG SKYUG CES PA CHU MO PHAG GI LO LHA LDAN SPRUL PA'I GTZUG LAG KHANG GI THUGS RJE CHEN PO RANG BYUNG LDA LDAN GYI STENG GI RGYA PHUB SHIN TU RNYINGS PAS LHA KHANG THIB COMS SU 'GRO NYEN CHE PA THUGS KYIS MA BZOD PAR GZHI NAS GSAR GZO MDZAD DO, CHUL 'DI LA NI RJE RANG NYID KYI ZHAL NAS, JO BO RANG BYUNG LNGA LDAN GYI PHO BRANG GI RGYA PHIBS DE GSER ZAD PAS G-YAS ZOS THAR THOR DU GYUR, SHING RNAMS RUL BAS THOG KYANG RDIB NYEN SHIN TU CHE YANG LHA KHANG 'DI LHAG BAR GNYAN PAS, BLA MA SLOB DPON SDE DPON SOGS SUS KYANG 'CHOS MNUS PA 'DUG KYANG, KHO BOS NI 'PHAGS PA'I ZHABS TOG GI PHYIR LUS SROG KYANG YAL BAR DOR TE RTZA BA NAS BA SHIG, ZANGS KHAL BRGYA PHRAG DU MA DANG GSER ZHO STONG PHRAG DUM BRGAL BA LAS GZHI NAS GSAR DU BCOS PAS GEGS PHRA MO TZAM YANG MED BAR ZLA BA DRUG GI KHONGS SU LEGS PAR GRUB NAS RAB TU GNAS PA BGYIS TE, BOD SPYI'I BDE SKYID KYI

, ,GSOS SMAN DU BYAS PA 'DI YANG DAM PA'I MDZAD PA DANG RJES SU MTHUN PAR RUNG NGAM SNYAM DU BGYID DO ZHES GSUNGS SO, ,DE NAS MIG DMAR ZHES PA SHING PHO BYI BA'I LO BKRA SHIS LHUN POR LHA KHANG MANG PO GSAR BSKRUN MDZAD, GZHAN YANG RIS SU MA CHAD PA'I DGE 'DUN GYI SDE MANG POR SKU GSUNG THUGS RTEN MCHOD RDZAS GSAR BZHENGS DANG BSNYEN BKUR NAR MAR MDZAD CING NAM MKHA' MDZOD LA MNGA' BRNYES PA LTAR BYANG PHYOGS GANGS RI'I LJONGS KYI GRUB MTHA' RIS SU MA CHAD PA'I DGE 'DUN GYI SDE THAMS CAD CHOS ZANG ZING GNYIS KA'I SGO NAS BSKYANGS SHING, SKU GSUNG THUGS RTEN RNAMS LA MCHOD PA TSAD MED PA MDZAD DE RGYAL BA'I BSTAN PA YUN RING GNAS PA'I THABS LA RNAM PA KUN TU BRTZON PAR MDZAD PA NI RJE BLO BZANG CHOS KYI RGYAL MTSAN RANG NYID KYI ZHAL NAS, MDOR NA RGYAL SRAS SKU MCHED GSUM GYI MDZAD PA RJES SU BSGRUBS TE, DGE BSHES CHEN PO PO TO PA'I GSUNG NAS, GCIG GIS DAD RDZAS ME LA BSREGS, ,GCIG GIS DAD RDZAS MKHAR DU BRTZIGS, ,NGA'I DAD RDZAS DKON MCHOG SO CAN GYI KHA NA, ,ZHES GSUNGS PA BZHIN, DGE BSHES PHU CHUNG BA DE DKON MCHOG MCHOD PA GTZO BOR MDZAD DE, KHONG RANG GI GSUNG NAS, NGAS DANG POR SPANG SPOS SNA TSA TING NGE BA PHUL, DE NAS RENG BU BZHI SBYOR MNGAR SING DE BA 'BUL RGYU BYUNG, DA LTA AA KA RU DANG, DU RU KA SOGS BSUNG CHING DE 'BUL

GSUNG ZHING, RES GCIG GSER SRANG NYI SHU RTZA GNYIS KYI SPOS SBYANGS ZHES GSUNGS PA LTAR, KHO BOS KYANG SPYIR DKON MCHOG GI MCHOD PA LA GTZO BOR BYAS SHING, KHYAD PAR CHUNG DU NAS DA LTA'I BAR GUR KUM BZANG PO RIN THANG CHE ZHING SPUS MI RNYED PA'I DUS SU KHA CHE BZANG PO GCIG BU'ANG SNGA PHYI BSDOMS NA SRANG GRANGS BRGYA PHRAG DU MA SBYAR BA'I BZANG SBOS KHOR YUG TU PHUL, DGE BSHES SPYAN SNGA BA DE GTZUG LAG KHANG DANG RTEN GSUM BZHENG BA GTZO BOR MDZAD PA LTAR, KHO BOS KYANG, RA SGRENG, DBEN DGON, BKRA SHI LHUN PO'I PHYI'I MCHOD RTEN DANG, 'BRAS SPUNGS DANG, BKRA SHIS LHUN PO'I DNGUL GYI MCHOD RTEN GNYIS DANG, THUGS RJE CHEN PO'I DBU THOG SOGS DBUS GTZANG GNYIS KA'I GSER THOG DANG GANYJI RA DANG, DBEN DGON DU RJE BLA MA'I SKU, BKRA SHIS LHUN POR DNGUL SKU BZHI, RJE BTZUN GYI LI SKU, STON PA'I GOS SKU SOGS BRIS 'BUR MANG PO DANG, DBEN DGON DGE 'PHEL GANGS CAN RNAMS SU'ANG BSTAN PA LA BSAMS PA'I MKHAR LAS CUNG ZAD BGYIS SHING, KHYAD PAR BKRA SHIS LHUN POR SNGAGS KHANG, LHA KHANG RNAM PA GSUM, GZIM KHANG, THA NA CHOS KHRIMS KHANG DANG, SKU GNYER KHANG STENG SHOD, GOS SKU SPE'U GRA SA'I RGYUN LA PHAN BAR RE BA'I KLU SDING GNYIS LA SOGS PA GSAR DU BGYIS, DGE BSHES PO TO BA DGE 'DUN GYI BSNYEN BKUR GTZO BOR MDZAD PA LTAR, KHO BOS KYANG SPYIR SNGAR SMOS PA LTAR BOD DBUS GTZANG, MNGA' RIS, LHO MON

, ,TSUN GYI RIS MED PA'I DGE 'DUN GYI SDE LA BSNYEN BKUR SNA RE TZAM MA BYAS PA MED CING, BKRA SHIS LHUN PO'I GRVA TSANG GSUM, GANGS CAN GYI GRVA TSANG GNYIS, DPAL 'KHOR BDE CHEN GRVA TSANG BDUN, 'BRONG RTZE CHOS SDE, RI BO DGE 'PHEL, GRVA TSANG CHEN MO, RI MKHAR CHOS SDE, LHUN GRUB RTZE'I CHOS SDE RNAMS SU MANG JA GNYIS GSUM GYI DGE RGYUN BTZUGS, KHYAD PAR BKRA SHIS LHUN POR NI, RTZA BA THAMS CAD MKHYEN PA DGE 'DUN GRUB DE NYID SPRUL PA'I SKYES MCHOG TU GYUR PAS DGE 'DUN GYI BSNYEN BKUR PHUL DU BYUNG BA MDZAD PA'I RGYUN DANG, DE'I STENG DU BRGYAD MCHOD, BDUN MCHOD SOGS MKHAN POS RGYUN CHAGS SU BTANG DGOS PA RNAMS BLA MA DE DANG DE DAG GI MDZAD PA 'PHRIN LAS KYI STOBS LAS, MCHOG DMAN SNA TSOGS BYUNG BA RNAMS KYANG GONG 'PHEL DU BYAS PA'I STENG DU DKON MCHOG GZHAN GYI CHED DU BSNGOS PA MA GTOGS, LHAG PO'I BDOG PA CI YOD RANG DON DU SER SNAS MA BZUNG BAR 'DUS PA RGYA MTSO'I TSOGS RNYED PA DANG BKUR STIS YANG DAG PAR MCHOD, DES NA RJE THAMS CAD MKHYEN PA DGE 'DUN GRUB KYI RNAM THAR RNAMS LA'ANG ZHIB TU BRTAGS NA, GDAN SA'I RGYUN DANG, RTEN GSUM MCHOD CHA'I RIM PA BSGRUBS PA DANG, DGE 'DUN GYI BSNYEN BKUR ZHABS TOG GI CHA NI RJE DE NYID LAS KYANG CUNG ZAD LHAG GAM SNYAM DU RLOM PA YANG MCHIS SO, ,MKHAS PA'I BYA BA GSUM GYI SGO NAS KYANG BSTAN PA LA PHAN PA DANG, STON PA LA BYA

BA CUNG ZAD BYAS TE, DE YANG NGAL BSO MED PAR PHYOGS MED KYI RGYAL KHAMS KUN TU MYUL NAS GANG LA GANG 'TSAM GYI RGYUD SDE BZHI DANG 'BREL BA'I DBANG, RJES GNANG, MDO SNGAGS KYI LUNG BSHAD MAN NGAG GI CHAR PHAB CING, CHED DU BSNYEN RDZOGS KYI MKHAN PO BYAS PA NI, LO LNGA'I BAR ZIN BRIS 'DUG PAS STONG TZAM ZIN PA'I RGYU MTSAN LAS NA, DA TZAM KHRI KHRAG BRGAL BAR SNANG LA, RAB BYUNG BSNYEN RDZOGS KYI MKHAN PO BYAS PA'I MKHAN BU THAMS CAD LA TSE RABS THAMS CAD DU MKHAN PO'I BYA BA BYAS TE PHAN PA SGRUB PA'I YI DAM BCAS, 'DI NI, STON PAS KUN DGA' BO, KHYOD KYIS MKHAN PO DANG SLOB DPON BYAS NAS RAB TU BYUNG BA DANG, BSNYEN PAR RDZOGS PA BYAS NA NGA LA BYA BA BYAS PA YIN NO, ,ZHES BKA' STZAL BA'I PHYIR KHO BO'I RNAM PAR THAR PA'I MCHOG YIN NO, ,DE LTAR NA RJE RGYAL BA GNYIS PA'I RING LUGS LA BRTEN PA SHAR RGYA NAG PO NAS NUB DZ'A LAN RDA RA'I BAR GYI CHOS KYI GDAN KHRI 'DZIN PA DANG, DREGS LDAN GYI COD PAN DU GYUR PA DANG RIGS MTHON PO'I BRGYUD PA 'DZIN PA DANG, SDOM PA GSUM DANG LDAN ZHING RIM GNYIS KYI RNAL 'BYOR LHUR LEN PA PHAL CHER LA CHOS KYI PHAN PA BSGRUBS, MDOR NA KHO BO RANG GI YON TAN LA GRUB MTHA' GANG LA YANG CHAGS SDANG GIS KUN NAS BSLANGS PA'I PHYOGS 'DZIN GTAN NAS MED PA'I MTHUS, BDAG LA MNGON PAR DGYES PA'I CHOS KYI BDUD RTZI YANG DAG PAR BZHES PA GRUB MTHA' SNA TSOGS PA'I BSTAN 'DZIN GYI SKYES BU CHE PHRA DU MAS NI BOD DBUS GTZANG GI PHYOGS

, ,MTSAMS KUN TU KHYAB CING, GZHAN YANG GRVA SA CHE CHUNG GI MGON DU BZHUGS PA LHA KHANG GSAR DU BGYI BAR BRTZON PA DANG, GTZUG LAG KHANG GI ZHIG BSOS DANG, GSER THOG GSER PHRU SOGS BYA BAR 'DOD PA DANG, RANG RANG GI SDE DE DANG DE'I GTONG SGO RNAMS KHRAL 'JAL TZAM LA NGO MTSAR BYAS TE GONG 'PHEL DU BZHED PA RNAMS KYANG KHO BO LA SPYAN YAR GZIGS PA'I 'PHRIN LAS KYI RGYUN DU SEMS SO, ,ZHES GSUNGS PA LTAR RO, ,RJE 'DI NI BSTAN PA DANG SEMS CAN GYI DON LA NAM YANG THUGS SKYO BAR MI MDZAD PAR DGUN DUS LHA LDAN DU BYON NAS SMON LAM CHEN MO'I TSOGS DBU MDZAD DE RJE RIN PO CHE'I MDZAD CHEN MA NYAMS PAR SKYONG ZHING LHA MI BGRANG BA LAS 'DAS PA SMIN GROL LA 'GOD PAR MDZAD, DBYAR DUS GTZANG DU PHEBS TE BKRA SHIS LHUN POS GTZOS GTZANG PHYOGS KYI CHOS SDE RNAMS LUGS GNYIS KYIS SKYONG ZHING SKAL BA DANG LDAN PA BGRANG BA LAS 'DAS PA SMIN GROL LA 'GOD PAR MDZAD, BAR SKABS SHIG LHO MON PHYOGS SU PHEBS TE DBEN PA'I NAGS TSAL RNAMS GZIGS PAS DBEN PA LA SPRO BA'I NYAMS MGUR 'DI LTAR MDZAD DE, NA MO GU RU, RJE DUS GSUM SANGS RGYAS KUN GYI DNGOS, ,PHA BKA' DRIN GSUM LDAN BLA MA DANG, ,DPAL MNYAM MED BU RAM SHING BA'I ZHABS, ,DGRA SRID PA'I 'JIGS 'PHROG DE LA 'DUD, ,LHA BSTAN SKYONG CHEN MO GNAS PA'I MGUL, ,BOD GANGS CAN LHO BOD GNYIS KYI MTSAMS, ,YUL SPANGS LUNG 'BRAS MO

GSHONGS KYI 'DABS, ,SA'I THIG LE KHANG BU ZHES GRAGS PA, ,GZHI RI KLUNG THAMS CAD MRGAD KYI, ,MDANGS BZANG PO'I 'JO SGEG ROL BA 'DZIN, ,NOR PADMA R'A GA BEEd'U RYA, ,GSER BTZOM DUNG DANG G-YU 'DRA BA'I, ,MDOG SNA TSOGS DBYIBS LEGS ME TOG GIS, ,PHYOGS KUN TU 'JA' TSON BKRAM PA BZHIN, ,SPANG SNGO LJANG RI BO MKHA' LA SNYEGS, ,G-YU MTSO 'DAB MDZES PA'I NAGS TSAL RGYAS, ,BYA SNA MANG MGRIN PA'I GSUNG SNYAN SGYUR, ,PHU GANGS DANG G-YA' YI RA BAS BSKOR, ,SHEL DKAR 'TSER DBU BA'I GOS GYON PA'I, ,CHU MI CHE MI CHUNG SNYOMS PAR 'BAB, ,STENG CHU 'DZIN SNGON PO LANG MA LING, ,DUS RES 'GA' SBRANG CHAR ZIM BU 'BAB, ,NAD BZHI BRGYA RTZA BZHI 'JOMS BYED CING, ,RO KHA DOG NUS PA SNA TSOGS PA'I, ,SMAN BZANG POS SA YI PHYOGS KUN BRGYAN, ,LI GA DUR B'A SHUG BA LU SOGS, ,SPOS BZANG PO'I DRI DANG RGYUN DU 'THUL, ,LHA'I DGA' TSAL LTA BU'I YUL LJONGS DER, ,RJE ZAS GTZANG SRAS KYI RNAM THAR BZHIN, ,DRAN SHES BZHIN LDAN PAS 'CHAG CING 'DUG ,DUS DE RING NAGS KYI SMAN LJONGS NGOGS, ,BLO 'KHRUL BAS BRTAGS SHING MTHONG BA YI, ,YID NGO MTSAR RI MO SNA TSOGS KYANG, ,DON DPYAD NA MI DMIGS STONG PA'I DANG, ,RJE RGYAL BA KUN GI THUGS KYI BCUD, ,BKA' BRGYAD KHRI BZHI STONG SNYING PO'I DON, ,SRAS DUS GSUM 'PHAGS BZHI BSKYED PA'I YUM, ,'DI GSAL BAR STON PA'I SLOB DPON DANG, ,YUL SNANG TZAM MA BRTAGS NYAMS DGA' YANG, ,DON GNAS TSUL NAM MKHA'I PADMO

, ,BZHIN, ,'DI MA RTOGS 'KHOR BA'I SEMS CAN RNAMS, ,CHES BZOD DKA'I SDUG BSNGAL YANG YANG MYONG, ,GDON DNGOS 'DZIN SGYU MAS RMONGS PA YI, ,MA KHAMS GSUM 'KHOR BA'I SEMS CAN GYIS, , DON 'DI 'DRA RTOGS NA DGA' BA LA, ,LAM 'DI 'DRA RNYED NA SKYID PA LA, ,MI NGA LA NGES BA MA MCHIS KYANG, ,MI KHO BO'I DPUNG GNYEN ZAS GTZANG SRAS, ,MGON DE NYID NAS BZUNG ZAB MO'I LAM, ,TSIG SGRA SPYI'I RGYUD 'DZIN MA YIN PAR, ,'DI MNGON DU MDZAD PA'I GRUB THOB KYI, ,PHA RGYUD LDAN BLA MA TSUL BZHIN BSTEN, ,BOD GANGS CAN BSTAN 'DZIN MTHA' DAG LA, ,SEMS KHONG NAS DAG PA'I SNANG BA SBYANGS, ,RGYUD CHOS SPONG LOG LTAS MA SBAGS TZAM, ,'DI BSTAN PA 'GAL MED RTOGS PA'I DRIN, ,SPYIR 'KHRUL PA'I SEMS CAN THAMS CAD DANG, ,SOGS RMI LAM YUL GYI GNYEN BSHES 'DRA'I, ,BDAG MTHONG THOS DRAN REG GYUR RNAMS LA'ANG, ,DUS KUN TU DGE BA'I SMON LAM BSGRUBS, ,SKYABS MCHOG GSUM BSLU MED THUGS RJE YIS, ,NGA RDZUN PA SGYU MA'I DGE SLONG LA, ,LAS CI BYAS 'BRAS BU 'TSENG NGAM SNYAM, ,DA SHI YANG 'GYOD PA CUNG ZAD MED, ,GTAM 'DIS KYANG 'GRO BA MA LUS PA, ,RGYUD CHAGS SDANG DRI MAS MA GOS PAR, ,LAM STONG NYID SNYING RJE'I SNYING PO CAN, ,CHOS THAMS CAD GZIGS PA THOB PAR SHOG ,CES SO, ,LHO PHYOGS NAS BOD DU TSUR PHEBS SKABS MYANG STONG PHYOGS SU DAD LDAN 'GA' ZHIG LA GDAMS PA 'DI LTAR MDZAD DE, RJE NA MO GU RU DKON MCHOG GSUM, ,

MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB MA LUS PA, ,DUS DA LTA NYID DU STZAL DU GSOL, ,SBYIR SANGS RGYAS 'BYUNG BA RNYED DKA' ZHING, ,SGOS DAL 'BYOR MI LUS THOB DKA' NA, ,TSE 'DI NANG BDE LAM CHAGS PAR, ,DUS GTAN GYI MDUN MA SGRUB RE RAN, ,GZHON SHA KHRAG RGYAS PA'I LANG TSO YANG, ,DGUNG MKHA' LA SHAR BA'I 'JA' TSON DANG, ,SROG CHU BUR BZHIN DU 'JIG 'GYUR BAS, ,DA RTAG 'DZIN MA BYED CHOS LA 'BUNGS, ,KHONG TSANGS DBANG 'KHOR LOS BSGYUR RGYAL YANG, ,GNAS 'KHOR BA'I BDE 'BYOR PHUN TSOGS KYANG, ,SLAR MNAR MED 'BAR BA'I MES BSREG NA, ,DA SRID PA'I BDE LA YID BRTAN CI, ,KHYED SNYING NAS RANG LA PHAN DGONGS NA, ,RJE LAM SNA 'DREN PA'I BLA MA DANG, ,TSE KUN TU MI 'BRAL DGE BA'I NOR, ,LAM BSLAB GSUM 'BRAL MED BSTEN NA LEGS, ,'DI PHYOGS MED MYUL BA'I BYA BRAL BA, ,SPRANG SMYON PA CHOS KYI RGYAL MTSAN LA, ,BU SBYIN PA RGYA MTSOS BSKUL BA'I NGOR, ,DPAL 'KHOR LO BDE CHEN ZHES BYAR BKOD, , CES DANG, NA MO GU RU MA H'A MU DR'A YA, RJE RIGS KUN KHYAB BDAG RDO RJE 'CHANG, ,GSUM LDAN GYI BLA MA'I ZHABS LA 'DUD, ,TSE GCIG GIS SANGS RGYAS SGRUB PA'I THABS, ,MTSAN LDAN GYI RJE BTZUN BLA MA LA, ,YENGS MED DU GSOL BA 'DEBS PA 'DI, ,ZAB LAM GYI SNYING PO BSDUS BA YIN, ,RGYU 'BRAS KYI RTEN 'BREL MI BSLU BA, ,CHU ZLA LTAR SNANG BA KUN RDZOB GSHIS, ,RI BONG GI RVA YI RNO RTUL LTAR, ,SPROS PA DANG BRAL BA DON DAM YIN, ,GZHI BDEN GNYIS KYI RNAM DBYE RTOGS PA'I

, ,BLO; ;THABS BYANG CHUB SEMS KYI RTZIS ZIN PA, ,LAM STONG NYID SNYING RJE'I SNYING PO CAN, ,'DI CHOS KUN YANG SNYING MTHAR THUG LAGS, ,LAM DE 'DRA BSGOMS BA LAS BYUNG PA, ,SGRIB BRAL GYI YON TAN NAM MKHA'I MDZOD, ,MTHAR THUG GI ZUNG 'JUG PHYAG RGYA CHE, ,SKU GSUM GYI BDAG NYID 'BRAS BU YIN, ,BDEN 'DZI GYI 'CHING BA BSHIG BYAS TE, ,'KHOR 'DAS KYI CHOS RNAMS MA LUS PA, ,RANG BZHIN DANG BRAL BA'I STONG PA NYID, , JI BZHIN DU RTOGS PA LTA BA'I MCHOG ,'KHOR 'DAS KYI RANG BZHIN STONG PA'I DANG, ,RNAM DAG GI RIGS PA'I MDUNG BSKOR BYAS, ,G-YENG MED DU CHU BO'I GZHUNG BZHIN DU, ,RTZE GCIG TU 'JOG PA SGOM PA YIN, ,DON DAM DU SPROS PA KUN BRAL YANG, ,RJES THOB TU 'KHYER SO GSUM GYI DANG, ,RGYAL SRAS KYI SPYOD PA'I RJES SLOB PA, ,SKYON MED KYI RLABS CHEN SPYOD PA YIN, ,LAM 'DI 'DRA BSGOM BA'I RNAL 'BYOR PA, ,AE MA HO SKYID PA'I NYI MA 'CHAR, ,AA LA LA DGA' BA'I GLU DBYANGS LEN, ,DBYANGS MCHOD PAR BZHES SHIG DKON MCHOG GSUM, ,ZHES GDAMS SO, ,DE NAS, DBUS SU LHA LDAN SMON LAM GYI TSOGS DBUR PHEBS DE'I TSE 'BRAS SPUNGS SU MCHOG GI SPRUL PA'I SKU NGAG DBANG BLO BZANG RGYA MCHOS GTZOS DBUS PHYOGS KYI BLA MA SPRUL SKU DGE BSHES RAGS BSDUS BCAS LA 'JAM DBYANGS CHOS SKOR SOGS DBANG LUNG MAN NGAG MTHA' YAS PA GNANG, DE SKABS DBUS GTZANG GI DGE 'DUN GYI SDE PHAL MO CHES RJE 'DI PA SO

SO'I GNAS SU GDAN DRANGS TE MCHOD CING BSNYEN BKUR BA DANG, CHOS KYI BKA' DRIN ZHUS, RJE 'DI PAS KYANG GANGS RI'I LJONGS KYI DGE 'DUN GYI SDE GANG NA YOD PA THAMS CAD LA CHOS KYI BKA' DRIN STZAL ZHING, RJE 'DI'I GSUNG THOS PA TZAM GYIS GRUB MTHA' RIS SU MA CHAD BA MTHA' DAG GIS SNYING NAS DAD CING MOS PAS CHOS KYI BDUD RTZI ZHU BAR BYED LA, LHAG PAR 'BRUG PA RNAMS NI RJE 'DI LA RNAL 'BYOR GYI DBANG PHYUG MI LA RAS PA DANG MTSUNGS PA'I DAD GUS BYED CING, 'BRUG PA SANGS RGYAS RDO RJES RJE 'DI LA PHYAG CHEN RTZA 'GREL GYI LUNG ZHUS TE DA PHYIN CHAD BDAG GIS 'DI'I 'PHRIN LAS SPEL LO ZHES DAM BCAS, RJE 'DI LA MI PHYED PA'I DAD PA THOB STE YON TAN LA CHES CHER BSNGAGS PA'I RNAM THAR YANG BSGRIGS ZHES GRAG GO ,BAR SKABS SU RI BO DGE LDAN GYI BLA MA DGE 'DUN TSANG MAS RAB TU DGA' LDAN GDAN SA GTAN DU MDZAD PA ZHIG DGOS, MA MTHA' 'ANG RE SHIG DGA' LDAN DU BZHUGS NAS RJE'I SKU GDUNG RIN PO CHE'I STENG GI RGYA PHUB HA CANG RNYINGS PAS GRUM NAS THIGS PAS MCHOD KHANG YANG CHUD ZA BA 'DI LA THUGS RJES GZIGS DGOS ZHES MGRIN GCIG TU GSOL BA BTAB PA NA GDAN SA MDZAD PAR ZHAL GYIS MA BZHES KYANG SKU GDUNG RIN PO CHE'I RGYA PHUB BZO BAR ZHAL GYIS BZHES TE BYANG RTZER PHEBS, DE DUS NGO MTSAR BA'I MTSAN LTAS BYUNG BA BRDA TSIG GIS YI GER 'GOD PAR MDZAD PA NI 'DI LTAR, SVASTI, MDANGS GNYID KYIS LOG PA'I RMI LAM DU, ,BAG CHAGS KYI NYING 'KHRUL SNA TSOGS SHAR, ,DUS DANG POR BDEN

, ,BA'I RGYA YIS BCINGS, ,SLAR 'KHRUL PA'I RANG MTSANG RIG PA YIS, ,SEMS CHOS NYID NAM MKHA'I DBYINGS SU THIM, ,DPE RGYA MTSO'I NANG DU CHAB ROM BZHIN, ,YANG DGUNG SNGON DBYINGS NAS 'JA' TSON DANG, ,SLAR CHU NANG ZLA BA'I GZUGS BRNYAN LTAR, ,BLO YANG DAG DANG LTAR SNANG CI RIGS PA'I, ,YUL SNA TSOGS KYI BKOD PA MA 'DRES DANG, ,LAR NGO MTSAR GYI RI MO SNA TSOGS MTHONG, ,DPE DGUNG SNGON GYI DBYINGS NAS 'JA' TSON BZHIN, ,TSIG GSAL PAR BKOD KYANG SGRO SKUR RGYU, ,DON DE PHYIR KHA BYANG TZAM ZHIG BKOD, ,CES SO, ,DE DUS ZHAG GNYIS GSUM ZHIG KHUG RNA 'KHRIGS PA'I RKYEN GYIS NYI MA KHRAG MDOG TU 'CHAR BA BYUNG ZHING, DE DANG BSTUN DGE BA'I BSHES GNYEN 'GA' ZHIG GIS LUNG BSTAN MANG PO BKOD PAS SKYE BO DU MA RE DOGS KYI CA CO KUN TU SGROG PA RJE 'DI BA'I SNYAN DU GSAN PAS THUGS LA 'DI LTA BU 'KHRUNGS TE, KYE MA 'GRO BA 'DI DAG NI SHES BYA THAMS CAD LA LKOG TU MA GYUR BA'I SPYAN MNGA' BA SANGS RGYAS BCOM LDAN 'DAS BDEN PA GSUNG BA DES, TSE RABS THAMS CAD DU MI SHIS PA DANG, SDUG BSNGAL DANG, 'JIGS PA MTHA' DAG 'BYUNG BA'I SA BON DANG, LTAS NGAN PAR LUNG GSAL BAR BSTAN PA G-YO SGYU KHRAM GSUM GYIS MI DGE BA SPYOD PA LA RANG GI NGANG GIS 'JUG ,CHED DU SER GZUGS PHAL CHER NI SDOM PA DANG DAM TSIG YAL BAR DOR NAS MKHAN SLOB MCHED GROGS DGRA BO'I DANG MAR 'DZIN, KHYAD PAR SKYE BO PHAL CHER

'CHI BDAG GI GSHIN RJE MCHE BA GTZIGS SHING 'JIGS SU RUNG BA MA RANGS PA'I GAD MO DGOD PA, RANG GI SLAD BZHIN 'BRANG BA'I CHAD PA DRAG PO THOG TU NGES BAR 'BAB CING DE YANG NAM YONG NGES PA MED PA LA BAG GZON NAM NYAMS SNANG CUNG ZAD KYANG MED PAR TSE 'DI'I PHYI NANG GI MTSAN MA CUNG ZAD TZAM LA DOGS PA 'DI LTAR BYED PA, KYE MA MA LA TSES CHER RMONGS PA'AM, GDON THUGS LA ZHUGS PA RANG YIN PA 'DRA, BSHES GNYEN CHEN PO PO TO BA'I ZHAL NAS, 'O SKOL SANGS RGYAS KYI MKHYEN PA LA MO MA RNO SHOS TZAM DU'ANG MI RTZI GSUNG BA SHIN TU MED SNYAM DU THUGS LA SHAR BA CHA TZAM TSIG TU GSAL BAR MDZAD PA 'DI LTAR, AOm SVASTI, GANG LA BRTEN NA BSLU BA MED PA'I SKYABS, ,BDEN PA GSUNG BA DE LA GUS BTUNG NAS, ,RNAM DPYOD LDAN PA DAM PA'I RJES 'BRANG BA'I, ,GZUR GNAS SKYE BO YONGS LA 'DI LTAR GLENG, ,YONG NGAM MI YONG THE TSOM ZA BA YI, ,RGYA SOG BOD KYI 'DRE YI DMAG 'DUS PA'I, ,DMAG DPON BDUD NAG SENG GES 'GO BYAS TE, , BYUNG NGOS MKHA' DBYINGS SPAR MOS GZHAL BAS CI, ,YONG NGES SHES SHING BZLOG THABS MED PA YI, ,DUS KYI SRIN PO'I KHA YI NANG CHUD CING, ,'JIGS RUNG NGAN 'GRO'I G-YANG SA MDUN GNAS PA, ,BZLOG PA'I THABS MKHAS BSGRUBS NA MI LEGS SAM, ,SKYID KYANG MI 'TSENGS SDUG KYANG MI PHUNG BA'I, ,TSE THUNG 'DI YI RE DOGS MDUN MAS CI, ,NGES PAR YONG ZHING NAM YONG CHA MED PAS, ,'CHI GRABS TSAGS SU BTZUD NA MI LEGS SAM, ,TSE GCIG GNYEN 'DUN 'JIGS

, ,SAR SKYEL MA SOGS, ,RMONGS PA RNAMS KYANG 'BAD PAS TSOL BYED NA, ,NAM GZHAG GTAN GYI MDUN MA BSGRUB PA LA, ,DUS RNAM KUN TU BRTZON BA BSTEN BA'I RIGS, ,TSUL 'DI DRAN PA YIS KYANG GDUNG SEL BA, ,'DREN PA MNYAM MED SGYU 'PHRUL SRAS BO YI, ,PHYI BZHIN 'DRANG BA'I DGE SLONG GYI NA PA, ,BLO BZANG CHOS KYI RGYAL MTSAN ZHES BYAS SPRINGS, ,DGE BAS 'GOR KUN GROG SKAM NYA RGYA DANG, ,SGYU MA'I GSHIN RJE KHROS LA 'JIGS PA LTA'I, ,RE DOGS CHOS BRGYAD 'CHING BA LAS GROL TE, ,KUN MKHYEN 'GRO BA'I RTZA LAG THOB PAR SHOG ,CES SO, ,GZHAN YANG DE DUS NYAMS MGUR 'DI LTAR MDZAD DE, NA MO GU RU, DKYIL 'KHOR GYI 'KHOR LO BYE BA'I GTZO, , DUS MTHA' 'DIR DUR SMRIG RNAM ROL GYIS, ,SANGS RGYAS KYI MDZAD PA MNGON SUM BSGRUBS, ,DA DUNG YANG YE SHES SPYAN GYIS GZIGS, ,'KHOR 'DAS KYI CHOS RNAMS JI SNYED PA, ,SNANG BA LTAR MA ZHEN GNAS TSUL LTOS, ,SNANG GNAS KYI NGO BO GNYIS MTHONG NA, ,RTAG PA DANG CHAD PA'I MTHA' LAS GROL, ,MDO RGYUD KYI RGYAB RTEN DPUNG CHE ZHING, ,GDAMS NGAG GI NANG BYAN TSUD PA YI, ,BYIN RLABS KYI BRGYUD PA MA NYAMS PA'I, ,MTSAN LDAN GYI RJE BTZUN BSTEN PAS 'TSENGS,, THAR 'DOD KYI SKAL LDAN KHYED RNAMS KYANG, ,CHOS NYID KYI RANG ZHAL GZIGS BZHED NA, ,SKAM BSHAD KYI THA SNYAD MKHAN PO DANG, ,THOS CHUNG GI SGAM SGOM MA YIN PA'I, ,YONGS GRAGS KYI RJE LA BLO SNYING GTOD, ,SHUGS DRAG GI BSAGS

SBYANGS YUN DU BSRINGS, ,SNANG THOG TU ZHEN PA'I GZHI RTZA SHIG ,RIG THOG TU YOD MED MTHA' DANG BRAL, ,SNANG TZAM GYI RTEN 'BREL MI BSLU ZHING, ,RTEN 'BREL GYIS STONG PA'I DON STON PA, ,ZUNG 'JUG TU SKYONG BA'I RNAL 'BYOR 'DI, ,LTA BA DANG SGOM PA SPYOD PA GSUM, ,ZUNG 'JUG TU 'KHYER BA'I NYAMS LEN YIN, ,ZHES DANG, RJE BKA' DRIN GSUM LDAN RDO RJE 'CHANG, ,MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB MA LUS PA, ,DUS DA LTA NYID DU BDAG LA STZOL, , LO DKAR PO'I SA GA ZLA BA LA, ,DUS NYIN GCIG DGE LDAN RI BO'I NGOS, ,KHAMS 'DUS PA BSANG PHYIR SONG PA'I TSE, ,YUL RI MO SNA TSOGS SO SOR SNANG, ,SGO MA 'GAGS SNANG BA'I TSUL BRTAGS PAS, ,KUN BYANG GI CHOS RNAMS NGO BOS STONG, NGO BO DANG BRAL YANG CI YANG SHAR, ,SNANG STONG GNYIS 'GAL BA MA YIN PA'I, ,ZUNG 'JUG GI GZHAL MED NYAMS DGA' PA, ,'DI GANG SHAR GYI NGO BO BSKYANGS PAS MTHONG, ,CHOS PHUNG PO BRGYAD KHRI BZHI STONG KUN, ,LAM 'DI NYID KYI STENG DU 'BAB PAR GSUNGS, ,BZANG NGAN GYI SNANG PA GANG SHAR YANG, ,MING RTOG PAS BTAGS PA TZAM ZHIG LAS, ,RDUL TZAM YANG DMIGS SU MA MCHIS NA, ,LAR DGAG SGRUB KYI SPROS PAS CI RANG BYED, ,DA MNAR MED 'BAR BA'I ME NANG DU, , YUN BSKAL PAR BSREGS KYANG NYAM NGA MED, ,RMI LAM GYI RAB 'BAR MES BSREGS KYANG, ,SREG MKHAN DANG BSREG BYA SREG BYED GANG, ,DON DE PHYIR TSANGS DBANG LA SOGS PA, ,DPAL SRID PA'I PHUN TSOGS THAMS CAD LA'ANG, ,YID

, ,'DUN CING CHAGS PA CUNG ZAD MED, ,LAR SGYU MAS SPRUL PA'I LONGS SPYOD BZHIN, ,DON 'DI BZHIN NGES PA BLA MA'I DRIN, ,TSIG SKAM BSHAD KYI RGYUD PA MA YIN PA, ,DPAL BYIN RLABS KYI RGYUD PA MA NYAMS PA'I, ,PHA YONGS GRAGS KYI RJE BTZUN BSTEN BAS 'TSENGS, ,CES PA DANG, YANG HA HA, SEMS GSAL RIG 'GAG MED DU SKYE BA 'DI, ,SKYE MED DU MTHONG BA YA RE MTSAN, ,SKYE MED LA GNAS DANG 'GAG PA GANG, ,MO GSHAM GYI BU MO'I 'GYING BAG BZHIN, ,SEMS RANG BZHIN SPROS PA'I MTHA' DANG BRAL, ,GDANGS 'GAG MED CIR YANG 'CHAR ZHING SNANG, ,DBYINGS GZUNG 'DZIN GYI SGROG LAS RNAM GROL KYANG, ,DENG SBAR 'DZIN BYED PA 'DI CI 'DRA ZHIG ,KHONG GZHAN TSO LTA KHRID DANG PHYAG CHEN SGOM, ,MI KHO BO LA BSGOM BYA SGOM BYED DANG, ,DON 'DI BSGOM GYI MTSAN MA RDUL TZAM MED, ,SGOM SGRUB KUN JI LTAR DGYES DGYES MDZOD, ,DA MYUR DU SHI'AM GSON YANG BLA, ,SEMS SNANG STONG BDE CHEN GYI GROGS MCHOG DANG, ,DUS SKAD CIG KYANG MI 'BRAL 'GROGS NAS 'GRO, ,SDUG BSNGAL KUN JI LTAR DGYES DGYES MDZAD, ,KHA PHYI LTA'I THA SNYAD RTOG GE PAS, ,'DI THOS NA 'GAL 'DU'I PHUNG POR SEMS, ,DON NYAMS MYONG CAN GYI RNAL 'BYOR PAS, , GLU 'DI 'DRA GSAN NA 'DZUM PA 'CHOR, ,ZHES DANG, NA MO MAH'A MU DR'A YA, PHA BKA' DRIN MNYAM MED BLA MA RJE, ,MI BDAG SNYING PADMO'I ZE'U 'BRUR BZHUGS, ,RTEN DAL 'BYOR MI LUS RNYED DKA' ZHING, ,'DI MI RTAG MYUR DU 'CHI BAS NA, ,

RGYUD NGANG RING LE LO MA MCHIS PAR, ,DA G-YEL MED SGRUB LA BRTZON PAR MDZOD, ,RJE BSLU MED BLA MA DKON MCHOG LA, ,SNYING RUS PA'I GTING NAS SKYABS 'GRO ZHING, ,MA KHAMS GSUM 'KHOR BA'I SEMS CAN LA, ,BYAMS SNYING RJES DRANGS PA'I SEMS BSKYED 'TSAL, ,SNGON THOG MA MED NAS DA LTA'I BAR, ,SEMS 'KHRUL PA'I DBANG GIS 'KHOR BAR 'KHYAMS, ,DA 'KHRUL PA'I RJES SU MA 'BRENG BAR, ,CHOS KUN GYI RANG BZHIN GDOD MA'I GSHIS, , DON G-YEL MED SEMS KYI RDO RJE STE, ,LAM PHYAG RGYA CHEN POR GRAGS PA YIN, ,DER RE DOGS DGAG SGRUB MA BYED PAR, ,SEMS CHOS DBYINGS NGANG DU LHOD KYIS GLOD, ,LUS SNANG STONG DAG PA LHA YI SKU, ,NGAG GRAG STONG RDO RJE'I BZLAS PA DANG, ,SEMS GSAL STONG PHYAG RGYA CHEN PO'I DANG, ,DUS RTAG TU G-YENGS MED MNYAM PAR ZHOG ,RJES MTSAN MA'I DUG DANG MA 'DRES PAR, ,DPAL TSOGS GNYIS BYANG CHUB CHEN POR BSNGOS, ,ZHES PA RNAMS MDZAD, DE NAS RJE'I SKU GDUNG RIN PO CHE'I DBU THOG TU RGYA PHUB BYA 'DAB DANG BCAS PA GSAR BZOS LEGS PAR GRUB STE PHUL NAS RAB TU GNAS PA RGYAS PAR MDZAD, GZHAN YANG SKU GDUNG RIN PO CHE'I SKU MDUN DU MCHOD PA'I BYE BRAG BSAM GYIS MI KHYAB PA PHUL ZHING, DGA' LDAN 'DUS TSOGS LA MDO SNGAGS KYI CHOS MANG DU STZAL, DE NAS GTZANG PHYOGS SU PHEBS TE GCEN LUNG DANG, LHO PHYOGS SU DAD LDAN MANG POS GDAN DRANGS PA LTAR PHEBS TE, GANG DANG

, ,GANG DU PHEBS PA'I SA DE DANG DER SKYE BO RNAMS LA MTHO RIS DANG THAR PA'I SA BON THEBS PAR MDZAD CING, LHO PHYOGS KYI GZHI BDAG DKAR PHYOGS PA RNAMS KYIS GUS PA CHEN POS MCHOD CING, RJE NYID NAS KYANG THUGS MNYES PA'I GSUNG MGUR 'DI LTAR MDZOD DE, NA MO GU RU BUDDHA BO DHI SATVA BHYA: PHA BGA' DRIN GSUM LDAN BLA MA RJE, ,BDAG MOS PA'I BU LA THUGS RJES GZIGS, ,LO RAB MYOS SKYES BDAG GNYIS KYI MTSAMS, ,KHONG DANG LDAN SKYE BOS 'TSAMS SBYAR NAS, ,BOD MON MTSAMS NOR 'DZIN YANGS PA'I GZHIR, ,ZAS BSOD SNYOMS 'TSOL BA'I DON DU PHYIN, ,DER PHYIN BAS LHA CHEN BZANG RA SOGS, ,KHONG DKAR PHYOGS SKYONG BA'I GZHI BDAG RNAMS, ,YID DGA' BAS MCHOD PA'I SPRIN GYIS BSUS, ,SPYIR DAD LDAN SKYE BO'I ZHING SA LA, ,DUS KUN TU DGE BA'I SA BON BTAB, ,KHROM 'DU 'GYES ROL BA SNA TSOGS PA'I, ,PHYI RNAM G-YENG BAN BUN RGYAR CHUD KYANG, YUL GANG SHAR MI RTAG SDUG BSNGAL BA, ,DPE SGYU MA RMI LAM DRI ZA'I GRONG, ,CHU DVANGS PA'I ZLA GZUGS LTAR MTHONG BAS, ,DBYINGS SPROS BRAL GSAL BAR STON PA BZHIN, ,DON DE PHYIR SGYU MAS BSLUS PA YI, ,MA KHAMS GSUM 'KHOR BA'I 'GRO KUN LA, ,SNYING RUS PA'I GTING NAS SNYING RJE SKYES, ,DE SKYES KYANG GZHI MED RTZA BA BRAL, ,DON SNA MANG BYA BA'I SGROG CHUD CING, ,RGYUD SNYOMS LAS LE LO'I DBANG GYUR KYANG, ,CHOS PHUNG PO BRGYAD KHRI BZHI STONG GI ,DON GCES

PA'I BRJOD BYA MCHOG GYUR PA, ,LAM STONG NYID SNYING RJE'I SNYING PO CAN, ,'DI RES 'JOG RES 'GA' ZUNG 'JUG PA'I, ,DON NYAMS LEN GNAD DANG MA BRAL TZAM, ,BKA' MDO RGYUD KUN GYI SNYING PO MCHOG ,CHOS STONG NYID SNYING RJE'I SNYING BO CAN, ,'DI KUN GYIS NGES NA AA LA LA, ,DON NGES NAS GROL NA AE MA HO, ,ZHES SO, ,DE NAS BKRA SHIS LHUN POR PHEBS NAS BSTAN PA'I RGYUN LA DGONGS TE BKA' 'GYUR RIN PO CHE DAG NGES SHIG BZHENG BAR BZHED NAS ZHA LU NAS CHOS RJE BU STON RIN PO CHES ZHUS DAG MDZAD PA'I BKA' 'GYUR GDAN DRANGS, GZHAN YANG BKA' 'GYUR GYI DPE KHUNG MA MANG PO BSAGS TE RJE 'DI NYID KYI SPYAN LAM DU PHAB PA'I ZHUS DAG LEGS PAR MDZAD NAS GANGS RI'I LJONGS KYI YIG MKHAN MKHAS PAR GRAGS PA RNAMS BSDUS TE BKA' 'GYUR GSAR BZHENGS MDZAD PA DE LA NI BKA' 'GYUR SKYA BOD CHEN MO LJAGS ZHUS MAR GRAGS SHING, YANG GSER 'BA' ZHIG GIS BRIS PA'I BKA' 'GYUR ZHIG KYANG GSAR BSKRUN MDZAD DE BKA' 'GYUR GNYIS KA BKRA SHIS LHUN PO'I GTZUG LAG KHANG NA BZHUGS SO, ,DE SKABS DUS GZIR GYI 'GYUR BA LA BRTEN BLA CHEN MI CHEN MANG PO ZHIG DAR RGUD KYI 'GYUR LDOG SNA TSOGS BYUNG BA GZIGS PAS, RGYAL SRAS RIN PO CHES, PHYI MA'I SO TSIS GROG SKAM NYA RGYA 'DRA, ,BSAM PA THOG TU MI KHEL 'DOD 'DUN SKYUNGS, ,CIS KYANG DRAN NA 'BYOR RGUD 'DU 'BRAL SOMS, ,LTOS THUB CHOS LAS 'DUG GE MA nI BA, ,ZHES GSUNGS PA BZHIN PHYI TSIS KYIS ZAS NOR BSAGS KYANG SBRANG MA'I SBRANG RTZI DANG

, ,'DRA BAR MNGON SUM DU MTHONG ZHING GRUB KYANG, DA DUNG SNYING PO MED PA LA SNYING POR 'DU SHES PA 'DI DAG NI KYEM GYI HUD SNYING DANG MIG MED PA'O SNYAM DU MI RTAG PA DANG, SDUG BSNGAL BA DANG, BDAG MED BAR NGES PA'I NGES SHES DANG SGYU MAS RMONGS PA'I 'GRO BA MTHA' DAG LA SNYING RJE SHUGS DRAG TU 'KHRUNGS NAS 'KHOR BA'I NGANG TSUL THUGS LA SHAR BA LTAR TSIG TU MTSON PAR MDZAD PA NI 'DI LTAR, NA MO SH'AKYA MU NA YE, TSANGS DBANG DANG 'KHOR LOS BSGYUR BA YI, ,DGA' STON YANG GSHED MA LTAR DGONGS TE, ,CHOG SHES KYI BDUD RTZIS NGOMS PA RNAMS, ,AE MA HO MCHOG TU BSNGAGS PAR 'OS, ,RTAG 'DZIN GYI 'BYUNG POS YID BSGYUR NAS, ,CHOS BRGYAD KYI DUG CHUS RAB MYOS PA'I, ,DRED PO KHYOD SKYE RGA NA 'CHI YI, ,GNAS TSUL 'DI SNYING NAS BSAM PA'I RIGS, ,NYI RGAS KYI GRIB MA JI BZHIN DU, ,'CHI BDAG KHO MI SDOD TSUR TSUR 'ONG, ,BROS PAS KYANG THAR SA MI 'DUG PAS, ,'CHI GRABS LA PHYI SHOL MA BYED CIG ,STONG GSUM GYI KHYON LA DBANG BSGYUR ZHING, ,ZAS NOR SOGS RGYA MTSO'I 'JING GNAS KYANG, ,'CHI BDAG GI GSHIN RJE'I ZHAGS PA YIS, ,DBANG MED DU PHA ROL GCER PUR 'KHRID, ,GNAD GCOD KYI MTSON RNON DRAG POS BSNUN, ,NGAN SONG GI 'KHRUL SNANG SNA TSOGS SHAR, ,SNGAR BYAS KYI LAS LA 'GYOD CING 'TSER, ,AA TZAM CI BYA GTOL MED GYUR, NGAN SKYUGS DANG BSHAD GCI DRI NGA BA, ,'DAM RDZAB KYI NANG DU BYING ZHING NUB, ,BYANG SHA RNAMS PHYIR SBOS MIG 'BRAS RDIB, ,KHA ZAS KYI ZHEN LOG SKOM PAS GDUNGS, ,RIG RIG TU BLTA ZHING YAN LAG G-YOB, ,NGAR NGAR GYI DBUGS PHRENG GYEN DU BRTZEG ,NYAM THAG GI NGA ROS

BOS BYAS KYANG, ,RANG NYES KYIS SKYOB MKHAN GCIG KYANG MED, ,'JIGS RUNG GI G-YANG SAR LHUNG MTHONG NAS, ,RANG NYID LA GTING NAS YI MUG SKYES, ,LAG STONG DU SGREN MOR 'GRO DGOS PA, ,NAM YONG LA NGES PA MI 'DUG NA, ,GZON MED DU BDE PAR SDOD PHOD DAM, ,DON CHUNG GI KHE NYEN RTZI RTZI NAS, ,GLO BUR DU SKYAS CHEN 'DEGS DGOS BA'I, ,DANG TSUL 'DI SNYING NAS MI BRAN PA, ,PHYUGS LAS KYANG BLUN PA'AM YANG NA SMYO, ,GTAM NGAN DANG SDUG BSNGAL KHYAD BSAD NAS, ,SER SNA YIS BSAGS PA'I ZAS NOR LAS, ,RDUL TZAM YANG KHYER BA'I DBANG MED PAR, ,GCER BU RU BAR DO'I 'PHRANG LA 'KHYAM, ,'BAD RTZOL GYIS BSGRUBS PA'I NOR RDZAS DE, ,SPRANG MA YIS BSAGS PA'I SBRANG RTZI BZHIN, ,'BREL MED KYI SKYE BO GZHAN GYIS SPYOD, ,GNAS TSUL 'DI MNGON SUM MTHONG BZHIN DU, ,DA DUNG PHYI CHIS KYI GSOG RUN MKHAN, ,BLO NGAN GYI SKYE BO CE RE LONG, ,DA GSOG NA DUS GSUM 'PHAGS PA'I NOR, ,'GYUR MED KYI DAD PA RNAM DAG KHRIMS, ,THOS PA DANG GTONG BA NGO TSA SHES, ,KHREL YOD DANG SHES RAB NOR RNAMS SOGS, , 'PHAGS NOR GYIS GANG BA'I BANG MDZOD DE, ,SKYE RGA DANG NA 'CHI'I DGRA KUN GYIS, ,DUS NAM YANG 'PHROG PAR MI NUS PA, ,MTHAR THUG TU MI 'BRAL 'GROGS PAS BDE, ,ZHES DANG, NA MO GU RU MANYDZU GHO sh'A YA, BSKAL BZANG 'DI LA BDE GSHEGS NI, , MANG PO'I MDZAD PAS RNAM ROL PA, ,DRIN CAN RTZA BA'I BLA MA DE, ,DRAN PAS SRID PA'I GDUNG BA SEL, ,DENG NAS BYANG CHUB MA THOB BAR, ,NGAN SONG 'JIGS PA LAS SGROL ZHING, ,MTHO RIS THAR PA'I LAM 'DREN PA, ,BLA MA MCHOG

, ,LA RAG LAS KYANG, ,BKA' DRIN GSUM LDAN BLA MA LAS, ,LHAG BA'I SKYABS GNAS GZHAN 'TSOL BA, ,YID BZHIN NOR BU MCHOG THOB PA, ,DOR NAS MCHING BU LEN PA BZHIN, ,LHA LAS LHAG PA'I RTEN BZANG 'DI, ,RNYED DKA' DON CHE SHES GYUR KYANG, ,DON CHEN SNYING PO MI LEN PAR, ,TSE 'DI'I BYA BAS DUS 'DA' BA, ,DBUL PO 'GA' ZHIG STES DBANG GIS, ,NOR BU'I GLING DU SLEBS NAS KYANG, ,LAG STONG GCER BUR RANG KHYIM DU; ;'JUG PA LAS KYANG SHIN TU BLUN, ,'DI NA LO ZLA'I KHONGS TZAM DU, ,YONG PAR NGES SHING NAM 'ONG BA, ,NGES PA MED PA'I DGRA DAG LA, ,RMONGS PA'I 'JIG RTEN SKYE BO YANG, ,NYIN RE BZHIN DU BAG BYED NA, ,NGES PAR 'ONG ZHING NAM 'ONG BA, ,NGES MED 'CHI BDAG DGRA BO LA, ,GZON MED BDE BAR 'DUG PA 'DI, ,KYE MA KYI HUD PHYUGS LAS BLUN, ,'JIGS RUNG 'CHI BDAG ZA RES DE, ,DE RING THOG TU MI 'BAB PA'I, ,BDAG LA GDENGS YOD MA YIN NA, ,CI PHYIR BDAG YID BDE BAR 'DUG ,MI BZAD BZOD DKA'I NAD KYIS BTAB, ,BSHAD GCI'I GDAN LA 'GRE LDOG BYED, ,DROD BSDUS DBUGS RTZEGS DAR SGRA DAG ,'BYIN BA'I DUS SHIG MYUR DU 'ONG, ,GNYEN BSHES DU BAS MTHA' SKOR ZHING, ,SMAN DANG RIM GROS BCOS SU MED, ,YAN LAG G-YOB CING RIG RIG BLTA, ,'ON KYANG RTAG 'DZIN DBANG GYUR PAS, ,DA DUNG GSON PAR RE NA YANG, ,'CHI BDAG GSHIN RJE GNYAN ZHON TE, ,MAR RANGS KHREL NAS

GAD MO DGOD, ,GCES PAR BSKYANGS PA'I SHA RUS KYANG, ,BZHAG NAS GROGS MED GCER BU RU, ,'JIGS PA'I THANG LA DGRAS BCOM LTAR, ,MYUR DU 'GRO BA'I DUS SHIG 'ONG, ,STONG GSUM NOR LA DBANG BSGYUR YANG, ,RDUL PHRAN TZAM YANG KHYER DBANG MED, ,GNYEN BSHES MDZA' BAS MTHA' BSKOR YANG, ,GCIG TZAM RJES SU 'BRANG BA MED, ,DE TSE BDAG GI MING TZAM YANG, ,SHUL DU LUS NA GZHAN CI SMOS, ,'JIGS CHEN 'DI 'DRA MA DREN PAR, ,'BREL MED TSE 'DI'I BYA BA LA, ,ZHEN PA BDAG DANG BDAG 'DRA BA'I, ,MGON MED 'GRO BA MTHA' DAG LA, ,BRTZE BAS GZIGS SHIG BLA MA LHA, ,ZHES SOGS NYAMS MGUR MANG DU MDZAD DO, ,SPYIR SNYIGS MA'I NGANG TSUL CHES CHER BDO BA DANG, LHAG PAR PHYOGS LHUNG GDON GYIS YID DKRUGS NAS BSTAN 'DZIN DAM PA RNAMS LA 'TSE ZHING DRIN LAN LOG PAR 'JAL BA'I SDIG CAN 'GA' ZHIG GI NGANG TSUL GZIGS PAS THUGS SKYO BA'I NYAMS MGUR 'DI LTAR MDZAD DE, NA MO GU RU MANYDZU GHO sh'A YA, THUGS RJE DANG LDAN PA'I RGYAL GZHAN GYIS, ,'DUL BA RU MA NUS SPANGS PA YI, ,MGON MED KYI LONG PA BDAG CAG LA, ,G-YEL MED DU GZIGS SHIG ZAS GTZANG SRAS, ,'DUS BYAS KYI PNGANG TSUL STON KA'I SPRIN, , DGRA GNYEN GYI 'TSOGS 'DU TSONG DUS 'GRON, ,SNYIGS DUS KYI MI TSE NAM MKHA'I GLOG ,SHES LDAN 'DRA YOD NA BSAM PA'I RIGS, ,NAG PHYOGS KYI BDUD RIGS STOBS LDAN PAS, ,KHREL MED KYI NGAN SPYOD CHU LTAR 'KHRUG ,

, ,'DOD NAG GI DUG CHUS YID MYOS PAS, ,YA RABS KYI SPYOD TSUL RGYANG DU BSRINGS, ,DAM TSIG DANG SDOM PA RTZA LTAR DOR, ,NGO TSA DANG GTAM NGAN KHYAD BSAD NAS, ,'JIGS RUNG GI NGAN 'GRO'I G-YANGS SA CHER, ,SU MGYOGS RANG MDZAD TSOS CI DGONGS NA, ,RGYANG RING GI SNANG TSUL PHAR ZHOG GI ,DBYAR DGUN SOGS NAM ZLA'I 'GYUR LDOG DANG, ,DENG DUS KYI SKYE BO'I DAR RGUD 'DI, ,SHES BZHIN DU MI MTHONG CE RE LONG, , 'DI NANG GI BYA BA CI BYAS BDE, ,BYANG CHUB 'DI PHYIS NAS BTZAL THABS MED, ,THAR MED KYI BTZON KHANG RA BA LAS, ,'BROS THABS 'DRA AE 'DUG LEGS PAR SOMS, ,RI GZAR GYI 'BAB CHU DRAG PO LTAR, ,SKYES TZAM NAS 'CHI BDAG PHYOGS RGYUG PA, ,GANG GIS KYANG BZLOG PAR MI NUS NA, ,BDE MO RU SDOD PA PHYUGS LAS BLUN, ,'DI NANG GI DGRA 'DUL GNYEN SKYONG SOGS, ,'JIG RTEN GYI BYA BAR ZHEN PA TSO, ,'BRAS MED KYI SPUN PA 'PHYAR 'PHYAR NAS; ;DON PO MNAR MED KYI BUD SHING NYID, ,STONG GSUM LA DBANG BSGYUR RGYAL PO YANG, ,SKAD CIG KYANG SDOD PA'I DBANG MED PAR, ,PHA ROL TU GCER BUR 'GRO DGOS NA, ,'KHOR BA'I PHUN TSOGS LA YID BRTAN CI, ,DON CHUNG LA MI TSE 'DZAD PA'I RGYU, ,BAN BUN GYI G-YENG BAS CI RANG MDZAD, ,RLUNG DMAR GYI NANG GI MAR ME BZHIN, ,NAM 'CHI LA NGES BAM MCHIS PA, ,RMI LAM GYI DGA' STON LTA BU YI, ,ZAG BCAS KYI BDE LA ZHEN RIN MED, ,'GYUR

MED KYI ZUNG 'JUG BDE BA CHE'I, ,GRONG KHYER DU ZHUGS NA MI LEGS SAM, ,ZHES SO, ,LAS BDAG GIR BYA BA'I SNYIGS MA'I 'GRO BA RNAMS LA RGYAL BAS KYANG CI BYAR MED PAR NYAM THAG PAR GZIGS NAS STON PA THUGS RJE CAN LA GSOL 'DEBS SHUGS DRAG TU MDZAD PAS STON PA THUGS RJE CAN GSER GYI LHUN PO LA NYI MA BYE BA'I MDANGS BYUGS PA LTA BU ZHIG ZHAL GZIGS NAS DE'I MDUN DU YAN LAG BDUN BA MAndAL DANG BCAS PA PHUL TE GSOL BA 'DEBS PA'I GDUNG DBYANGS 'DI LTAR MDZAD DE, NA MO GU RU MU NI AAINDRA YA, MI MJED KYI ZHING GI STON PA DANG, ,DBYER MED KYI RTZA BA'I BLA MA LA, ,BYANG CHUB KYI SNYING POR SKYABS SU MCHI, ,'BRAL MED DU THUGS RJE'I LCAGS KYUS ZUNGS, ,RGYUD DRUG GI MA RGAN SEMS CAN RNAMS, ,KHAMS GSUM GYI BTZON KHANG RA BA 'DIR, ,NYON MONGS KYI LCAGS SGROG DAM POS BCINGS, ,LAS NGAN GYI RLUNG NAG 'TSUBS MAS G-YENGS, ,SDUG BSNGAL GYI MDA' CHAR DRAG POS MNAR, , GROGS MED DU MYA NGAM THANG LA 'KHYAMS, ,MGON MED KYI LONG BA NYAM THAG PA, ,SNYIGS DUS KYI SKAL NGAN 'GRO BA LA, ,BSLU MED KYI 'DREN MCHOG SH'AKYA'I TOG ,LONGS SPRUL GYI ZHING KHAMS GAR BZHUGS KYANG, ,SGRIB BRAL GYI SPYAN GYIS GZIGS MDZOD LA, ,BTZOM YI GSER SBYANGS ME LONG 'DRA'I, ,'DZUM ZHAL GYI BDUD RTZIS DBUGS PHYUNG LA, ,THUGS RJE DANG THABS TSUL BRGYA PHRAG GIS, ,DRIN CAN GYI 'GRO BA MA LUS PA, ,MTHO RIS KYI THEM

, ,SKAS LA BRGYUD NAS, ,SKU GSUM GYI GZHAL MED KHANG DU DRONGS, ,ZHES SO, ,DE NAS NA TSOD LDAN ZHES PA SHING MO PHAG GI LO 'TSUB LHONGS CHE ZHING PHYI NANG GI MTSAN LTAS KYANG 'TSUB 'GYUR CHE BA BYUNG NAS BKRA SHIS LHUN PO'I BLA MA RNAMS KYIS GTZOS RJE NYID KYI SLOB MA GTZO CHE BA MANG POS SKU TSE TSE SGRUB MDZAD DGOS ZHES GSOL BA BTAB CING RKYEN BZLOG DGOS TSUL NAN GYIS ZHUS KYANG RJE NYID NI SNGON GYI GRUB CHEN RNAMS KYI RNAM THAR LTAR 'JIG RTEN CHOS BRGYAD 'GO SNYOM ZHING, RKYEN BZANG NGAN GANG BYUNG YANG LAM DU 'KHYER BA LAS RKYEN BZLOG SOGS MA MDZAD CING, CHOS BRGYAD 'GO SNYOM PA'I GSUNG YANG 'DI LTAR BYON TE, NA MO GU RU RATNA TRA Y'A YA; GANG LA BRTEN NA BSLU BA MED PA'I, ,DKON MCHOG GSUM DANG RJE BTZUN BLA MA, ,DBYER MED SNYING GA'I PADMOR BZHUGS LA, ,MCHOG DANG THUN MONG DNGOS GRUB KUN STZOL, ,DENG SANG BAR SNANG GLOG 'DRA'I TSE THUNG, ,BSRINGS KYING DGUN GYI DGONG NYI 'DRA BA, ,GSON YANG CI BYA DE BAS GTAN GYI, ,MDUN GRABS BYAS NA LEGS PA MIN NAM, ,RMI LAM LO BRGYA LON DANG YUD TZAM, ,SONG NAS SAD PA GNYIS KA MTSUNGS LTAR, ,MI RTAG SGYU MA CHU BUR GLOG 'DRA, ,DE BAS NAM MKHA' GNAS PA DE SRID, ,SKYE RGA NA 'CHI MED PA'I PHUN TSOGS, ,BSGRUBS NA 'GRUB CING SGRUB DBANG YOD DUS, ,SGRUB PAR MI BYED BYIS PA'I SPYOD PA, ,SDIG SDUG GTAM NGAN KHYAD DU BSAD NAS, ,SKYID KYANG MI 'TSENGS

SDUG MI PHUNG BA'I, ,TSE 'DI'I PHUN TSOGS SGRUB RNAMS MTHONG TSE, ,GANG ZHIG THOB PAS NYES KUN MUN TSOGS, ,YONG YE MTHAR BYED NAM MKHA'I NOR BU, ,'GYUR MED BDE BA CHEN PO'I RANG BZHIN, ,SKU GSUM GZHAL MED PHO BRANG CHEN POR, , SEMS SHES LDAN PA SU ZHIG MI 'JUG ,'JIG RTEN 'DI YI BDE SKYID SGRUB DANG, ,GRUB RNAMS BRTAN DANG RGYAS PA'I DON DU, ,BZLAS BRJOD RIM GRO MCHOD SBYIN LA SOGS, ,BRTZON PA CHEN POS LEGS PAR BSGRUBS KYANG, ,BZANG PO'I KHA ZAS RNON PO'I DUG DANG, ,SBYOR BA'AM GSER BZANG SIL MA'I RIN GYIS, ,MI GTZANG KHROD KYI 'BRAS MED SPUN PA, ,NYON BA LAS KYANG BLUN PA MIN NAM, ,RANG DON KHO NAR NOR DANG TSE SGRUB, ,DBANG SDUD DRAG PO'I MNGON SPYOD LA SOGS, ,NGAN SONG SKRUB PA'I MYUR LAM YIN ZHES, ,MDO RGYUD KUN LAS GSUNGS PA MIN NAM, ,BDAG LA PHAN PAR 'DOD PA'I GROGS PO, ,RNAM DPYOD YANGS PA'I SKYE BO GANG DAG ,TZA NAG KYI YA BRAM ZE'I KHYE'U'I, ,RNAM THAR TSUL LA RJES SU 'JUG NA, , MIG CAN G-YANG DU MCHOD PA MIN NAM, ,CHOS BRGYAD 'CHING BA'I LCAGS SGROG SPANGS NAS, ,BDAG NYID PHYIR DU BRGYA PHRAG DKA' BAS, ,G-YEL MED THAR PA BSGRUB PA DE YANG, ,THEG MCHOG LAM LAS RGYAB KYIS PHYOGS NA, ,'DI NANG BDE SKYID 'BA' ZHIG SGRUB PHYIR, ,BZLAS BRJOD DKA' THUB RNAM DKAR DGE TSOGS, ,BRTZON PA'I 'BRAS BU JI LTAR 'GYUR ZHES, ,SHES LDAN RNAMS LA DAL BUS GLENG NGO, ,ZHES DANG, NA MO GU RU, LHA DKON MCHOG GSUM GYI NGO BO

, ,NYID; ;PHA RJE BTZUN BLA MA'I ZHABS LA 'DUD, ,DUS MA RUNGS SNYIGS MA LNGA BDO BAS, ,BDUD NAG PO'I RIGS RNAMS STOBS LDAN ZHING, ,LHA DKAR PO'I PHYOGS RNAMS SGRUB THAG RING, ,MI PHAL CHER MI DGE SDIG LA RNGAMS, ,KHYIM SPANGS PA'I DGE SBYONG PHAL CHER YANG, ,RGYUD KHRIMS 'CHAL G-YO SGYU TSUL 'CHOS MKHAN, ,RJE ZAS GTZANG SRAS KYI BSTAN PA YANG, ,SNUM ZAD PA'I MAR ME DAG DANG MTSUNGS, ,DON DE PHYIR THAR PA 'DOD PA RNAMS, ,SEMS BAG YOD BRTZON PA BSTEN PA'I RIGS, ,SPYIR 'DUS BYAS MTSAN NYID DBYAR GYI SPRIN, ,SOGS DENG SANG MI TSE GLOG 'DRA BAS, ,DON 'DO MED BYA BAS MI G-YENG BAR, ,DUS GTAN GYI MDUN MA SGRUB RE RAN, , DE RAN PAR MA ZAD 'PHYIS PA TZAM, ,GNAS 'KHOR BA'I RGYA MTSO GTING ZAB CING, ,SGOS NGAN SONG SDUG BSNGAL BZOD DKA' BAS, ,SEMS YOD NA 'BROS PA'I DUS LA BAB, ,LUS 'DOR LEN YANG DANG YANG BYAS PA'I, ,SHA RUS PA BSAGS NA LHUN PO BRGAL, ,ZANGS BZHU BA'I KHU BA BTUNGS PA DANG, ,ZAS MI GTZANG RANG KHRAG SPYAD PA DANG, ,LHA'I BDUD RTZI 'THUNGS PA GANG YIN PA'I, ,DPER RGYA MTSO RUNG BA MA YIN GSUNGS, ,KHONG GZHAN DANG 'THABS SHING RTZONG PA YIS, ,MGO BCAD NAS SPUNGS NA'ANG RI RAB 'DAS, ,SNYING NYE BA'I MDZA' BSHES DANG BRAL BAS, ,NGAG SMRE ZHING DUS PA'I MCHI MA YANG, ,PHYOGS GCIG TU BSKYIL NA RGYA MTSOR MTSUNGS, ,'DI SHES

SHING BDE BAR SDOD KHOM PA, ,YID MYOS SAM KHYOD SNYING LCAGS LAS BYAS, ,TSE 'DI SNANG SKYEL MAS 'DOR LA KHAD, ,DGRA GSHIN RJE'I GDAN 'DREN MDUN DU SLEBS, ,LAM BAR DO'I 'PHRANG 'DI YA YANG NGA, ,TSE PHYI MA'I 'BYON SA CI 'DRA RANG, , YAR BDE 'GROR SKYES KYANG MKHAS PA YIS, ,DON BSAMS NA DMYAL ME LTA BUR 'JIGS, ,MI SNYING CAN RANG LA SNYING RJES LTOS, ,RANG BSAM NA PHYI MA'I MDUN GRABS GYIS, ,SNGON LAN BRGYAR MYONG BA MA YIN PA'I, ,LAR SRID PA'I BDE BA GANG ZHIG YOD, ,DE SPYAD PAS DON 'BRAS CI 'DRA 'BYUNG, ,DA BSAMS NA SNYING PO GANG 'DRA 'DUG ,'DI SOMS LA PHYIN CHAD 'DOD 'DUN BSKYUNGS, ,RJE 'DREN MCHOG RGYAL PO BLA MA'I ZHABS, ,'DI 'BRAL MED SPYI BO'I RGYAN BZUNG LA; ;BKA' MDO RGYUD RGYA MTSO'I BCUD BSDUS PA, ,LAM THABS SHES ZAB MO'I NYAMS LEN GYIS, ,DPAL SKU GSUM BDE BA CHEN PO DE, ,TSE 'DI LA BSGRUBS NA MI LEGS SAM, ,ZHES SOGS NYAMS MGUR MANG DU MDZAD DO, ,DE SKABS GANGS LJONGS 'DIR GTZANG SOG 'DZINGS PA'I DUS 'KHYOMS DANG, 'BRI PHAG SDE GZAR GYI DUS 'KHYIMS SOGS DMAG 'KHRUG BRGYUD MAR BYUNG BAS GSHIN RJE'I 'JIG RTEN MI YUL DU 'PHOS BA LTAR 'KHYIG BRDUNG DANG GSOD GCOD DBUL ZHING PHONGS PAS NYAM THAG PA SOGS SDUG BSNGAL MTSO RDOL BA LTAR GYUR CING, DENG SANG GI SKYE BO RNAMS KYI DGRA GNYEN DANG MTHO DMAN YID BRTAN MI RUNG BA'I 'GYUR LDOG ,LHAG PAR DUS NGAN GYI KHREL MED SPYI DANG BYE BRAG TU BSTAN

, ,PA'I SGOR ZHUGS PAR RLOMS PA'I SER GZUGS SNYIGS MA LNGA'I GDON GYIS BSKYOD CING, CHAGS SDANG DANG PHRAG DOG DANG G-YO SGYU'I CHANG GIS YID LHAG PAR MYOS PAS NGAN 'GRO'I ME DONG 'JIGS SU RUNG BA'I STENG DU DGA' MGUR ZLOS GAR BSGYUR BA MANG PO GZIGS SHING, SNYAN DU GSAN PAS DE DAG GI BYED SPYOD LA SGRUB BYED 'PHEN PA'I TSUL DU NYAMS MGUR 'DI LTAR MDZAD DE, NA MO GU RU MANYDZU GHO sh'A YA, SPROS DANG BRAL YANG MTSAN DPE'I RGYAN GYIS SPRAS, ,GSUNG GCIG NYID KYANG DU MA SO SOR STON, ,DBYINGS LAS G-YO BA MED KYANG CHOS KUN GSAL, ,'CHID BA BCAD KYANG SNYING RJES DAM DU BCINGS, ,BSLU MED 'DREN PA SH'AKYA'I RGYAL PO DANG, ,DBYER MED RJE BTZUN BLA MA THUGS RJE CAN, ,DUS NGAN SNYIGS MA'I BDAG CAG 'GRO RNAMS LA, ,'BRAL MED BRTZE BAS GZIGS LA MCHOG STZOL ZHIG ,CHOS MED MI LA CHOS KYI RJER BTAGS PA, ,BDAG DANG BDAG 'DRA'I BLA MAR RLOM MTHONG TSE, ,DUL ZHING ZHI SOGS YON TAN BCU LDAN PA'I, ,BZLOG PHYOGS BLA MA'I MTSAN NYID LAGS SAM SNYAM, ,'GRO BA'I 'DREN PAR MNGON RLOM PHYOGS RIS CAN, ,KHROS PA'I TSE NA YUL DANG SDE DGON 'JOMS, ,RGYAL PO'I RNAM THAR SKYONG RNAMS MTHONG BA'I TSE, MTHO RIS THAR PA'I YAR 'DREN CI 'DRA RANG, ,PHAN BDE'I 'BYUNG GNAS BSTAN DANG BSTAN 'DZIN CES, ,GSUNGS MOD BSTAN 'DZIN PHAL CHER CHAGS SDANG GIS, ,SKYE DGU'I PHAN BDE 'JOMS PA MTHONG BA'I TSE, ,SANGS RGYAS BSTAN

PA'ANG SDUG BSNGAL 'BYUNG BA'I SGO, ,DGE LEGS RTZA BA TSUL KHRIMS YONGS POR BA'I, ,THEG MCHOG RNAL 'BYOR DBANG BO MANG MTHONG TSE, ,'GRAM RTZA MED PA'AM ZAGS PA'I KHANG RUL STENG, ,KHANG BRTZEGS BRTAN PO'I BKOD PA RUNG SNYAM SEMS, ,GRONG 'DABS DANG 'BREL DGON PA'AM GZHAN DU YANG, ,BKOD PAS MDZES PA'I KHRI GDAN LA 'DUG STE, ,MJO'I ZHABS 'BRING CAN DE'ANG RNAM GROL GYI, ,SROG LDAN CI ZHIG TSUL KHRIMS NOR LA SOMS, ,BKA' DRIN GSUM LDAN BLA MA'I THUGS DKRUG CING, ,BKA' BZHIN MI SGRUB SLOB MA'I TSOGS MTHONG TSE, ,MNAR MED KHRO CHU KHOL MA'I ZANGS MO CHE, ,CHAG GAM RDOL BA'I GTAM SNYAN THOS SAM SNYAM, ,BSTAN PA'I SGOR ZHUGS DUR SMRIG GOS GYON NAS, ,KHRIMS 'CHAL BAG MED SPYOD PA'I TSOGS MTHONG TSE, ,NGAN SONG GSUM GYI GNAS DE LEGS BRIS KYI, ,DGA' BA'I TSAL LTAR MTHONG BA YIN NAM SNYAM, ,SKRA BREGS LUS BSGYUR CHOS KYI SGOR ZHUGS KYANG, ,KUN SLONG DUG CHUS YID MYOS DGE 'DUN GYI, ,SDE BCAS DAM CHOS SPONG PA'I TSOGS MTHONG TSE, ,BSTAN LA ZHUGS PA YIS KYANG LHAG PAR PHUNG, ,BRDZUN DANG NGAN G-YO KHRAM GYIS RANG DON DAG ,SGRUB RNAMS SPYANG GRUNG 'DZOM PAR BYED MTHONG TSE, ,RANG DON DOR NAS GZHAN DON GTZOR MDZAD PA'I, ,SEMS DPA' MCHOG RNAMS MI GLUNG BLUN PA SNYAM, ,DAM PAS SMAD PA'I MI DGE'I LAS RNAMS LA, ,BAG MED DGA' MGUR 'JUG RNAMS MTHONG BA'I TSE, ,DGE SDIG SHAN 'BYED CHOS KYI RGYAL PO DE, ,SHI'AM MCHE BA ZAD PAR SHES PA 'DRA, ,SEMS

, ,CAN MGU BYA MA GTOGS RGYAL BA RNAMS, ,MNYES PA'I THABS GZHAN MED KYANG MCHOD SBYIN PHYIR, ,SKYA 'GRO KHRAL GYIS MNAR BA MTHONG BA'I TSE, ,'TSE BA CHOS SU SMRA LA NYES PA CI, ,DUS MTHA'I SKYE BO KUN GYI SPYOD TSUL RNAMS, ,STON PA'I GSUNG RAB PEE d'UR SA GZHI'I NGOS, ,GSAL BAR SHAR BA'I SNANG TSUL TZUNG ZAD TZAM, ,BLO BZANG CHOS KYI RGYAL MTSAN ZHES BYAS BKOD, ,DGE BAS MTHA' YAS 'GRO BA MA LUS PA, ,DUS BZANG YON TAN BRGYA LA LONGS SPYOD CING; ;SKYON BRAL SDOM PA GSUM GYIS RGYUD BSDAMS NAS, ,SKU GSUM GO 'PHANG MYUR DU THOB PAR SHOG ,BDAG KYANG TSE RABS KUN TU 'GRO RNAMS KYI, ,NGAN SPYOD SKYON GYI TSOGS LA MI RTOG PAR, ,DAG SNANG BYAMS BRTZE'I 'OD KYIS KHYAB BYAS TE, ,RNAM GROL DGA' BA'I TSAL DU MYUR 'JUG SHOG ,CES DANG, NA MO GU RU MANYDZU GHO sh'A YA, GANG GI ZHABS SEN NOR BU'I 'OD CHAGS, ,DRAN PAS DNGOS GRUB 'DOD DGU STZOL MDZAD, ,BLA MA MCHOG DANG SH'AKYA'I GTZO BO, ,DBYER MED SNYING GA'I PADMO'I DBUS BZHUGS, THOG MED DUS NAS DA LTA'I BAR DU, ,SKYE RGA NA 'CHI'I RBA KLONG 'KHRUG CING, ,SDUG BSNGAL CHU SRIN MANG POS GANG BA'I, ,'KHOR BA'I RGYA MTSO CHEN PO'I NANG 'KHYAMS, ,NGAN SONG GNAS SU GTAN YUL BYAS SHING, ,PHAL CHER MNAR MED 'BAR BA'I MES BSREGS, ,SKABS 'GAR BDE 'GRO'I LUS RTEN THOB KYANG, ,MA RIG 'THUG BOS BLO MIG BSGRIBS PAS, ,MI DGE'I BSHES DANG SDIG PA'I GROGS DANG, SDUG BSNGAL 'GRUB PA'I RGYU DANG SDUG BSNGAL, ,BDE BAR 'DZIN PA'I LOG

SHES DBANG GIS, ,DGA' MGUR DGOD CING BYAS PA'I 'BRAS BU, ,'JIGS RUNG BTZON KHANG RA BAR BCUG NAS, ,MI BZAD SDUG BSNGAL CHAR LTAR 'BAB CING, ,MGON MED SKYABS MED MCHIMS GDONG G-YOGS, ,DU BZHIN NYAMS SU MYONG BAR 'GYUR RO, SKYE RGA NA 'CHI YID 'ONG BRAL DANG, ,MI SDUG PHRAD DANG 'DOD PA MA RNYED, ,'DU BYED SDUG BSNGAL 'BAR BA'I MTSON GYIS, ,BCOM ZHING MI 'JOMS SRID NA CI ZHIG ,SRID NA NGA RGYAL RLOM BAS 'GYING ZHING, ,DREGS PA'I NGA RO CHES CHER SGROG PA'I, ,LHA CHEN TSANGS DBANG MDA' LNGA PA SOGS, ,'DOD PA'I BDE LA YUN RING SPYAD NAS, ,MNAR MED RAB TU TSA BA'I ME NANG, ,BSREG CING 'PAR BA'I THO BAS PHYER 'THAG ,MTHO RIS BU MO'I NU MA'I REG PAS, ,MNGON PAR DGA' ZHING RTZES NAS SLAR YANG, ,RAB RNO BZANG RING SHAL MA'I RI YIS, ,GTING DU 'BIGS SHING TSAL PAR GSHEG GO ,LHA YUL RO BRGYA LDAN PA'I BDUD RTZIR, ,NGOMS PA MED PAR YANG YANG SPYAD NAS, ,MI GTZANG RANG BZHIN RANG KHRAG RUL PA, ,DRI NGA BTZOG PA'I BSHANG GCIS 'TSO 'GYUR,, GLING BZHI'I KHYON LA 'DOD DGUR BSGYUR BA, ,STOBS KYIS SNYEMS BA'I GTZO BOR GYUR NAS, ,BYIS NAS BLUN CING RMONGS PA'I DUD 'GRO, ,BKOL SPYAD GZHAN GYI DBANG DU 'GYUR RO, ,YUD TZAM ZHIG KYANG 'BRAL MI PHOD PA'I, ,GNYEN 'KHOR MDZA' BA MANG POS BSKOR YANG, ,MYUR DU RGYUS MED NYAM NGA'I GNAS SU, ,GROGS MED RANG NYID GCIG PUR 'GO'O, ,SER SNAS BSAGS PA'I ZAS NOR PHUNG PO, ,RGYA MTSO'I GOS CAN GANG BAR DBANG YANG, ,RING POR MI THOGS LHAN CIG SKYES PA'I, ,LUS KYANG

, ,BZHAG STE LAG STONG 'GRO'O, ,MTHO RIS BDE 'GRO'I LUS DANG LONGS SPYOD, ,GNYEN GROGS 'KHOR G-YOG PHUN TSOGS GANG LA'ANG, ,YID BRTAN RUNG BA CUNG ZAD MED CING, ,BDE MED SDUG BSNGAL BRGYA YIS GTZES NAS, , LAS NGAN DBANG GIS LUS NGAN BLANGS PA'I, ,DMYAL BA YI DVAGS DUD 'GRO LA SOGS, ,NGAN SONG LOG PAR LTUNG BA RNAMS KYI, ,SDUG BSNGAL 'DI LA BZOD THABS AE 'DUG ,MI BZOD BZHIN DU RANG NYES 'BRAS BU, ,DUS KYI LO TOG BZHIN DU SMIN NAS, ,MI 'DOD TSOR BA DRAG POS MNAR TSE, ,SANGS RGYAS KYIS KYANG SKYOB PA'I THABS MED, ,DE PHYIR RANG DBANG YOD PA'I DUS 'DIR, ,SKYE RGA NA 'CHI RGUD PA'I SDUG BSNGAL, ,MTHA' DAG SPANGS PA'I SKU GSUM GO 'PHANG, ,BSGRUB PA'I TSUL LA BRTZON PAR GYIS SHIG ,CES SOGS NGES 'BYUNG SHUGS DRAG POS BSKYOD PA'I NYAMS MGUR MANG DU MDZAD DO, ,LHAG PAR DE DUS CHEN POR RLOMS PA STOBS KYIS DREGS PA MANG PO ZHIG DUS 'KHRUG GIS NYAM THAG PAR GYUR PA GZIGS PAS DNGOS SU DE DAG LA PHAN PA BYED BA'I SKABS MA RNYED CING THUGS NGES 'BYUNG DANG SNYING RJES BSKUL BA'I DKON MCHOG LA GSOL 'DEBS 'DI LTAR MDZAD DE, GU RU BUDDHA BODHI SATVA YA NA MA: SGYU MAS RMONGS PA'I 'GRO BA 'DI'I, ,DUG GSUM DRIM 'KHRUD PA'I PHYIR, ,DAM CHOS BDUD RTZI'I CHAR 'BEBS PA'I, ,SH'AKYA'I GTZO BO DE LA 'DUD, ,'JIGS RUNG SRID PA'I RGYA MTSO 'DIR, ,LAS DANG NYON MONGS RBA KLONG 'KHRUG ,SDUG BSNGAL CHU SRIN GYIS GTZES PA'I, ,NYAM THAG 'GRO

'DI THUGS RJES SKYOBS, ,DMYAL BA YI DVAGS DUD 'GRO SOGS, ,SDUG BSNGAL DRAG POS MNAR BA YI, ,MGON SKYABS MED PA'I 'GRO BA KUN, ,THUGS RJE MNGA' BAS BSKYAB TU GSOL, ,BDE BAR 'GRO BA ZHES GRAGS KYANG, ,'DU BYED 'GYUR BA'I SDUG BSNGAL GYI, ,MDA' CHAR 'BAB PA 'DI DAG LA, ,THUGS RJE MNGA' BAS BSKYAB TU GSOL, ,'DUS PA 'BRAL ZHING BSAGS PA 'DZAD, ,SKYES PA 'CHI ZHING MTHON PO'I MTHA', ,RGUD BAS MNAR BA'I 'GRO BA RNAMS, ,THUGS RJE MNGA' BAS BSKYAB TU GSOL, ,SKYE RGA NA 'CHI RGUD BA YI, ,'JIGS RUNG SRIN PO'I MCHE BA BZHI'I, ,PHRAG TU ZHUGS PA'I SKYE BO YI, ,MGON SKYABS MDZOD CIG ZAS GTZANG SRAS, ,DENG SANG DUS KYI 'GYUR BA 'DI, ,KUN MKHYEN THUB PA'I GSUNG RAB LAS, ,SRID PA'I PHUN TSOGS RMI LAM DANG, ,ZAS NOR SBRANG MA'I SBRANG RTZI DANG, ,'DUS BYAS SA 'DZIN MTHON PO YI, ,RTZE NAS LHUNG BA'I 'BAB CHU BZHIN, ,GSUNGS DON RMONGS PA'I SKYE BO LA, ,MNGON SUM STON PA'I SLOB DPON BZHIN, ,KHA CIG RNGON PAS GCES PA YI, ,RI DVAGS JI BZHIN SKRAG PAS NYEN, ,LA LA 'JIGS RUNG MYA NGAM GYI, ,THANG LA DGRAS BCOM 'GRON PO BZHIN, ,'GA' ZHIG BDE BA 'DOD PA'I PHYIR, ,DGOD CING SDIG PA'I LAS BYAS PAS, ,MCHIMS GDONG G-YOGS DU BZHIN DU, ,RNAM SMIN MYONG BA'I LAS LA SPYOD, ,PHAL CHER BAR DO'I SEMS CAN BZHIN, ,LAS NGAN GDON GYIS DKRUGS PA YI, ,NYAM THAG 'GRO BA 'DI RNAMS LA, ,THUGS RJE MNGA' BAS MI DGONGS NA, ,KHYOD LAS LHAG PA'I SKYABS GZHAN CI, ,DE PHYIR BSKAL PA DPAG MED NAS, ,

, ,BDAG CAG SNYIGS MA'I 'GRO BA RNAMS, ,PHYAG MTSAN BZHES BZHIN THUGS RJES SKYOBS, ,CES SO, ,GTZANG SOG GZIR BA'I DUS CHOS SDE MANG PO ZHIG KYANG 'GA' ZHIG DBANG MED DU DMAG LA BSKUL BA DANG, 'GA' ZHIG NI BSAM BZHIN DU SER DMAG BYAS PA SOGS, RGYAL BA'I BSTAN PA CHES CHER NYAMS PA'I NGANG TSUL GZIGS PA DANG, SKYE BO PHAL MO CHE'I SNANG TSUL SNA TSOGS PA ZHIG GZIGS PAS THUGS PHYUNG ZHING 'KHOR BA'I GNAS SU NYAM THAG PA'I 'GRO BA 'DI DAG LA PHAN PA BLA NA MED PA SBYIN PA'I SKYABS GNAS STON BA MTSUNGS PA MED PA SH'AKYA'I GTZO BO LA GSOL 'DEBS 'DI LTAR MDZAD DE, NA MO GU RU MANYDZU GHOsh'A YA, BTZO MA'I GSER SBYANGS LHUN PO NI, ,LI KHRI'I MTSAMS SPRIN GOS GYON NAS, ,DGE MTSAN 'OD KYIS 'GENGS 'DRA BA'I, ,SH'AKYA'I GTZO BO DE LA 'DUD, ,KYE MA BDAG CAG SKAL BA NGAN, ,'JIGS RUNG DUS KYI SRIN PO LNGAS, ,SNOD BCUD KUN GYI MDANGS PHROGS PA'I, ,MTHA' 'KHOB MUN PA'I YUL 'DIR SKYES, ,THUB DBANG SMRA BA'I NYI MA DE, ,DUS KYIS NUB RI'I PHAG TU GSHEGS, ,RGYAL SRAS 'PHAGS PA'I TSOGS RNAMS DANG, ,BSTAN 'DZIN DAM PA'I SKYES BU RNAMS, ,DAG PA'I ZHING DU BTANG SNYOMS MDZAD, ,BSTAN PA RIN CHEN SGRON ME YANG, ,BUD SHING ZAD PA'I ME DANG MTSUNGS, ,STON PA'I BKA' KHRIMS YID BZHIN NOR, ,GUS PAS GTZUG GI RGYAN 'DZIN PA, ,'OD STONG BDAG PO'I GZI BYIN GYIS, ,LHA LAM BKANG PA'I RGYU SKAR BZHIN, ,DAM PA'I GZUGS KYI

TSANG TSING NAGS, ,CHAGS SDANG G-YO SGYU PHRAG DOG GI ,GDUG PA'I SBRUL GYIS GANG BA YI, ,KHA RLANGS ME YI 'BRAS BUS KHYAB, ,DUR SMRIG MDZES PA'I GOS 'CHANG YANG, ,KHREL DANG NGO TSA SDOM PA GSUM, ,CIG CAR SPANGS PA'I ZLOS GAR GYIS, CHU SRIN RGYAL MTSAN CAN SDE'I TSOGS, ,NYIN BYED ZER GYIS REG PA YI, ,PADMO GZHON NU LTA BUR 'DZUM, ,THA MAL SKYE BO PHAL CHER YANG, ,CHAGS SDANG DRAG PO'I GDON ZHUGS PAS, ,DAM PAS SMAD PA'I LAS RNAMS LA, ,'DZEM MED CI DGAR KUN TU SPYOD, ,SNGON DUS DGE BA'I MI DBANG GIS, ,SKYE DGU BDE BA'I DON BCAS PA'I, ,KHRIMS RNAMS BZHI MDO'I RTZA LTAR 'DOR, ,RANG 'DOD GZU LUMS SPYOD PA YI, ,SDIG SPYOD RGYAL PO'I KHRAL GYIS MNAR, ,NAD RIMS 'THAB RTZOD MU GE YI, ,GNAM LCAGS SER CHEN STONG BAB PAS, ,SKYE DGU'I PHAN BDE'I PAD TSAL BCOM, ,'DI 'DRA'I 'GRO BA NYAM THAG PA, ,RI DVAGS RGYA RU CHUD 'DRA BA'I, ,MGON SKYABS MED PA BDAG CAG LA, ,THUGS RJE CHE LDAN STON PA LAS, , LHAG PA'I SKYABS GZHAN CANG MA MCHIS, ,KHYOD SNGON BDE GSHEGS RIN PO CHE, ,SNYING PO'I YAB TU GYUR PA'I TSE, ,RNYOG MAS SBAGS PA'I RTZOD DUS 'DI, ,BRTZE LDAN GZHAN GYIS SPANGS DUS SU, ,RLABS CHEN SMON LAM 'BUM PHRAG GIS; ;THABS MKHAS THUGS RJES PHYAG MTSAN BZUNG, ,DE PHYIR SNYIGS MA'I BYIN ZA YIS, ,GDUNGS BA'I BDAG CAG 'GRO BA RNAMS, ,THUGS RJE'I CHAR GYIS BSIL BAR MDZOD, ,MTHA' MED 'KHOR BA'I RGYA MTSO CHE, ,

, ,SDUG BSNGAL RBA GLONG 'KHRUG PA'I GLONG, ,BYING BA'I MGON MED 'GRO BA 'DI, ,THUGS RJE'I LCAGS KYUS DRANG DU GSOL, ,BLANG DOR GNAS LA LTA BA'I MIG ,MA RIG LING THOG GIS BSGRIBS PAS, , DMUS LONG G-YANGS SAR MCHONG 'DRA BA'I, ,RMONGS PA'I 'GRO LA BRTZE BAS GZIGS, ,KHYI PHAG MI GTZANG PHUNG PO LA, ,CHAGS SHING ZHEN PA JI LTA BAR, ,SDUG BSNGAL BDE BAR 'DZIN PA YI, ,LOG SHES CAN RNAMS THUGS RJES SKYOBS, ,'DOD CHAGS RI GZAR CHU BZHIN 'KHRUG ,ZHE SDANG DUS MTHA'I ME LTAR 'BAR, ,PHRAG DOG RLUNG DMAR LTAR 'TSUBS PA'I, ,RMONGS BA'I 'GRO RNAMS THUGS RJES SKYOBS, ,BDE 'DOD SDUG BSNGAL 'DOR 'DOD KYANG, , DGE LA DGRAR BLTA SDIG PA LA, ,DGA' ZHING BRTZON PAS 'JUG PA YI, ,LOG SHES CAN RNAMS THUGS RJES SKYOBS, ,THA MA'I DUS KYANG SKYENGS BYED PA'I, ,MTSON DANG MU GE NANG RIMS KYI, ,MI BZANG MDA' CHAR DRAG PO YIS, ,GDUNGS BA'I 'GRO RNAMS THUGS RJES SKYOBS, ,RGYAL BA'I BSTAN LA RAB BYUNG NAS, ,CHOS GOS BZHIN DU GO CHA GYON, ,GSIL BYED BZHIN DU MDA' MTSON THOGS, ,MIG CAN 'BAR BA'I ME NANG DU, ,MCHONG 'DRA'I 'GRO RNAMS THUGS RJES SKYOBS, ,MI BZAD DRI NGA MI GTZANG PA'I, ,LJAN LJIN MUN PA'I NANG ZHUGS TE, ,BZOD DKA' GDUNG BAS NYAM THAG PA'I, ,SKYE GNAS CAN RNAMS THUGS RJES SKYOBS, ,LANG TSO RGYAS PA'I ME TOG KYANG, ,DUS KYI BA MOS BCOM PA YI, ,'GRAM

ZAGS KHANG RUL LTAR 'JIG PA'I, ,'CHI BAR NYE RNAMS THUGS RJES SKYOBS, ,MDZA' BA'I GNYEN DANG BSAGS PA'I NOR, ,LUS DANG LONGS SPYAD KUN BOR NAS, ,MGON MED SKYABS MED PHA ROL TU, ,GCIG PUR 'GRO RNAMS THUGS RJES SKYOBS, ,SDUG DANG BRAL ZHING DGRA DANG PHRAD, ,'DOD 'BRAS KYIS DBEN MI 'DOD PA'I, ,DNGOS RNAMS THOG LTAR BAB PA YI, ,MGON MED RNAMS LA THUGS RJES SKYOBS, ,ZAS NOR LONGS SPYOD STOBS RNAMS KYIS, ,NGA RGYAL DREGS PAS 'GYING RLOM YANG, ,DBANG MED RGUD PA'I LCAGS SGROG GIS, ,DAM POR BCINGS RNAMS THUGS RJES SKYOBS, ,TSA GRANG BZOD DKA'I SDUG BSNGAL DANG, ,BKRES SKOM BKOL SPYAD GCIG LA GCIG ,ZA BA'I 'JIGS RUNG SDUG BSNGAL GYIS, ,MNAR BA'I 'GRO RNAMS THUGS RJES SKYOBS, ,MDOR NA NAM MKHA'I MTHAS KLAS PA'I, ,MAR GYUR 'GRO BA MA LUS PA, ,SRID ZHI'I RGYA MTSO LAS BSGRAL TE, ,THAMS CAD GZIGS PA'I GNAS SU DRONGS, ,ZHES SO, ,RJE 'DIS NOR 'DZIN YANGS PA'I KHYON THAMS CAD DU RGYAL BA'I BSTAN PA RIN PO CHE SBEL PAR MDZAD CING LHAG PAR DBANG PHYOGS GONG MA'I RGYAL KHAB 'DI RGYA CHE ZHING STOBS MNGA' THANG CHE BAS PHYOGS DER RJE RIN PO CHE'I BSTAN PA SNGON DUS RJE RIN PO CHE'I BKAS BYAMS CHEN CHOS RJE MNGAGS TE CUNG ZAD DAR BAR BYUNG NA'ANG DUS PHYIS DAR CHA CHUNG BAS THABS TSUL JI LTA BU ZHIG GIS DAR BAR BYA SNYAM DU YE SHES KYI GZIGS PA NA SE CHEN CHOS RJE LA 'PHRIN LAS KYI BKA' BAB YONG PAR GZIGS NAS SE CHEN

, ,CHOS RJE BKAS MNGAGS TE SBYOR JID KYI RGYAL PO LA RGYU MTSAN ZHIB BKOD KYI PHYAG DAM RTEN SBRAGS GNANG STE BTANG BAR 'PHRIN LAS DUS SU BAB STE SBYOR JID KYI RGYAL POS SE CHEN CHOS RJE GUS BAS BKUR TE PHYOGS DER 'JAM MGON BSTAN PA GSAR DU BTZUGS PAS SBYOR JID KYI RGYAL PO BSOD NAMS KYI STOBS CHES CHER RGYAS TE RGYA NAG GI RGYAL SRID LA 'KHOD NAS DBANG PHYOGS SU RJE RIN PO CHE'I BSTAN PA CHES CHER DAR BAR BYAS SHING SE CHEN CHOS RJE SLAR BOD DU BYON PA'I TSE GONG MA RGYAL BOS RJE 'DI PA DANG RGYAL DBANG THAMS CAD MKHYEN PA GNYIS KA LA GUS 'DUD BLA MED MDZAD, MNGAGS 'OS GZENGS BSTOD KYI GSER YIG GNANG BA BYUNG, RJE 'DIS NOR 'DZIN GYI KHYON MTHA' DAG RJE RIN PO CHE'I RING LUGS KYIS KHYAB PAR MDZAD CING, RGYAL DBANG THAMS CAD MKHYEN PA NGAG DBANG BLO BZANG RGYA MTSOR GSANG BA DE 'JIGS GSUM GYI DBANG RDO RJE PHRENG BA'I DBANG SOGS DBANG BKA' DANG RJES GNANG PHAL CHER DANG, LAM RIM GYI KHRID BSKYED RDZOGS KYI KHRID SOGS RJE RIN PO CHE'I MAN NGAG RNAMS GNANG STE BSTAN PA YONGS RDZOGS KYI BDAG POR MNGA' GSOL, GZHAN YANG CHAB MDO 'PHAGS PA LHA, GZIM KHANG GONG SPRUL BA'I SKU, DE MO SPRUL PA'I SKU, RGYAL SRAS SPRUL SKU, SEMS DPA' SPRUL SKU, RJE DRUNG SPRUL SKU SOGS SKU PHRENG RIM PAR BYON PA'I SPRUL SKU RNAMS DANG, GRVA SA CHEN PO BZHI'I GDAN

KHRI 'DZIN PA'I BLA MA RNAMS KYIS GTZOS BLA CHEN RNAMS DANG, BSTAN PA LA BYA BA MDZAD PA'I BSHES GNYEN CHEN PO RNAMS KYIS GTZOS BSIL LDAN LJONGS KYI CHOS DON GNYER BA PHAL MO CHE LA MDO SNGAGS KYI CHOS MTHA' YOS PA STZAL ZHING; LHAG PAR SE 'BRAS DGE GSUM BKRA SHIS LHUN PO RGYUD STOD SMAD BCAS KYI DGE 'DUN RNAMS LA SNGA PHYI LAN MANG POR GSANG BDE 'JIGS GSUM GYI DBANG BSKYED RDZOGS KYI KHRID, RDO RJE 'CHANG CHEN PO'I LAM GYI RIM PA'I GZABS BSHAD, 'GREL PA BZHI SBRAGS, RIM LNGA GSAL SGRON GYI GZABS BSHAD, BDE MCHOG RGYUD 'GREL SBAS DON KUN GSAL GYI GZABS BSHAD RNAMS YANG YANG STZAL ZHING, SGRUB PA SNYING POR MDZAD PA MANG PO LA LAM RIM DANG BSKYED RDZOGS RNAMS 'DZIN CHOS SU YANG LAN MANG DU STZAL, LHAG PAR BKRA SHIS LHUN POR SRAS KYI THU BO GRUB CHEN MANG PO DANG 'DUS TSOGS BCAS LA RJE RIN PO CHE'I SNYAN RGYUD LAM RIM GYI KHRID ZLA SBREL GYI BAR LA 'DZIN CHOS SU STZAL BA THUGS SRAS THU BO RNAMS KYIS ZIN BRIS SU BTAB PA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM ZHES YONGS SU GRAGS PA 'DI BZHIN DANG, GSANG BDE 'JIGS GSUM GYI BSKYED RDZOGS RNAMS 'DZIN CHOS SU STZAL BA THUGS SRAS THU BO RNAMS KYIS ZIN BRIS SU BTAB PA BDE GSANG 'JIGS GSUM GYI BSKYED RIM GYI KHRID YIG GSUNG 'BUM DU BZHUGS PA 'DI BZHIN DANG, RJE THAMS CAD MKHYEN PA'I PHYAG

, ,BZHES LTAR BDE GSANG 'JIGS GSUM GYI BDAG BSKYED, MDUN BSKYED, BUM SGRUB, DBANG CHOG DANG BCAS PA NGAG 'DON CHOG BSGRIGS SU MDZAD PA, RJE RIN PO CHE'I RING LUGS 'DZIN PA MTHA' DAG LA YONGS SU GRAGS PA LTAR YIN ZHING, CHOG SGRIGS 'DI DAG RJE BLO BZANG CHOS KYI RGYAL MTSAN NYID KYIS MDZAD PA YIN YANG GSUNG 'BUM GRAS SU MA BCUG PAR RGYUD PA GRVA TSANG GI 'DON CHA ZHES ZUR DU BZHAG PA DA LTA'I BAR DU DE RGYUN DU GNAS PA 'DI DAG RJE BLO BZANG CHOS KYI RGYAL MTSAN NYID KYIS MDZAD PA YIN PA NI SO SO'I GSHAM DU MDZAD BYANG BKOD PA LTAR RO, ,DE LTAR NA, RJE BLO BZANG CHOS KYI RGYAL MTSAN 'DI NYID NI MDO SNGAGS GANG GI THAD LA'ANG, ,RJE RIN PO CHE'I LUGS BZANG BSRE BSLAD MED PAR 'DZIN CING SPEL BA LA RJE RIN PO CHE RANG NYID SLAR BYON PA LTA BUR GYUR TO, ,TSUL 'DI YANG KHO BO CAG GIS RMONGS ZHEN DANG 'DU SHES BSGYUR TE RAB BRTAGS DANG ZOL BSTOD BYAS PA MIN GYI RANG BZHIN BRJOD PA STE DE LTA MIN NA RJE RIN PO CHE'I LUGS BZANG 'DZIN CING SPEL BA LA RJE 'DI DANG 'PHRIN LAS MTSUNGS PA YOD KYANG SNANG DU MI RUNG BA SU ZHIG YOD, PHYOGS SU MA LHUNG BAR GZU BO'I BLOS BSAMS NA MI RNYED DO, ,DE LTAR RJE 'DIS MDO SNGAGS GANG GI THAD LA'ANG, RJE RANG NYID SLAR BYON PA LTAR BSTAN PA LA BYA BA RGYA CHEN PO MDZAD PA, DE YANG BDAG CAG LTA BU SKU DNGOS SU MTHONG BA'I SKAL BA MED PA RNAMS LA THUGS BRTZE BAS DGONGS TE RJE'I LUGS BZANG DRI MA MED PA STON PA'I BSTAN

BCOS 'DI LTAR MDZAD DE, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM, RJE RANG NYID KYI MDZAD PA RNAM THAR GSAL BAR STON PA NOR BU'I PHRENG BA, RGYAL BA BLO BZANG DON GRUB KYI SKYES PA RABS KYI PHRENG BA LA BSTOD PA, MKHAS GRUB CHEN PO GSUM GYI RTOGS PA BRJOD PA, DGE LDAN BKA' RGYUD RIN PO CHE'I ZAB LAM BRGYUD PA'I RNAM PAR THAR PA MDOR BSDUS, 'PHAGS PA'I GNAS BRTAN CHEN PO RAB 'BYOR GYI RTOGS BRJOD, RIGS LDAN GRAGS PA'I RTOGS BRJOD, SLOB DPON AA BHYA Y'A KA RA'I RTOGS BRJOD, CHOS KYI RJE SA SKYA PAndI TA'I RTOGS BRJOD, G-YUNG STON RI KHROD PA'I RTOGS BRJOD, BYANG CHUB SEMS DPA' SEMS DPA' CHEN PO ZHI BA LHA'I RTOGS BRJOD, SKYE DGU'I BDAG MO'I RTOGS BRJOD, MKHYEN RAB DBANG PHYUG GRAGS PA BZANG PO'I RTOGS BRJOD, SA GSUM MA'I t'IKKA TSIG DON GSAL BA, GRUB PA'I DBANG PHYUG MI LA LA BRTEN PA'I RNAL 'BYOR DANG GSUNG MGUR 'GA' ZHIG ,RJE BTZUN BLA MA'I RNAL 'BYOR DANG NANG GI KHONG SKRAN 'DON PA'I SKYUG SMAN, BLA MA MCHOD PA'I CHO GA ,THUN DRUG GI RNAL 'BYOR, BLA MA'I RNAL 'BYOR RGYAS BSDUS SNA TSOGS, RGYAL SRAS SHES RAB 'PHEL GYI GSOL 'DEBS DANG DGE SLONG MKHAR SKYA PA'I BKA' LAN, RDO RJE PHRENG BA'I DKYIL 'KHOR CHEN PO BZHI BCU RTZA GNYIS KYI SGRUB THABS, MGON PO KLU SGRUB KYIS MDZAD PA'I RIM PA LNGA'I RNAM PAR BSHAD PA, RGYUD THAMS CAD KYI RGYAL PO DPAL GSANG BA 'DUS PA'I BSKYED

, ,RIM GYI RNAM BSHAD, RGYUD THAMS CAD KYI RGYAL PO DPAL GSANG BA 'DUS PA'I RDZOGS RIM, RGYUD THAMS CAD KYI RGYAL PO DPAL GSANG BA 'DUS PA'I GDAMS NGAG RIM LNGA GSAL SGRON, DPAL GSANG BA 'DUS PA'I BLA MA'I RNAL 'BYOR DANG MNGON PAR RTOGS PA, BCOM LDAN 'DAS DPAL 'KHOR LO BDE MCHOG L'U AI PA'I LUGS KYI BSKYED RIM, BDE MCHOG L'U AI PA'I BSKYED RDZOGS SNYING POR DRIL BA TSIGS BCAD DANG L'U DRIL GNYIS KYI RDZOGS RIM, YI DAM RDO RJE 'JIGS BYED LA BRTEN PA'I LAM ZAB MO BLA MA'I RNAL 'BYOR NYAMS SU LEN TSUL, DPAL RDO RJE 'JIGS BYED KYI BSKYED RIM RNAM BSHAD, 'JAM DPAL GSHIN RJE MTHAR BYED KYI MAN NGAG 'JAM DBYANGS BLA MA'I GSUNG GI MAN NGAG ZHI KHRO SPRAGS SGRUB NYAMS SU LEN TSUL, DPAL RDO RJE 'JIGS BYED KYI RDZOGS RIM RNAL 'BYOR BZHI'I RIM PA, GTOR CHEN DRUG CU PA'I RNAM GZHAG RGYAS PA, RTZA TSIG BSDUS PA DANG MAN NGAG BKA' RGYA MA, 'CHI BDAG KHRAG GI MDOG CAN DANG DAM CAN BKA' SDOD RNAM GSUM GYI ZUR 'DEBS, 'DOD KHAMS DBANG PHYUG DPAL LDAN DMAG ZOR RGYAL MO'I 'PHRIN LAS DRAG PO'I ZUR 'DEBS, CHOS SKYONG DREGS PA LCAM DRAL LA BRTEN PA'I BSNYEN SGRUB, RGYUD THAMS CAD KYI RGYAL PO BCOM LDAN 'DAS DPAL DUS KYI 'KHOR LO'I RGYAS 'GRAL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED BA'I SNYING PO BSDUS PA YID BZHIN NOR BU, DUS 'KHOR GYI SMON LAM SHIS BRJOD, BCOM LDAN 'DAS DUS KYI

'KHOR LO'I ZAB LAM RDO RJE'I RNAL 'BYOR, DUS 'KHOR SGRUB THABS, 'JIGS BYED DPA' GCIG PA'I DKYIL CHOG ,RDO RJE 'JIGS BYED DPA' PO GCIG PA RO LANGS BRGYAD BSKOR ZHE DGU MA GSUM GYI SGRUB THABS, RDO RJE 'JIGS BYED KYI DBANG CHOG DANG BUM BSKYED KYI ZUR 'DEBS, 'JIGS BYED LA BRTEN PA'I DBANG DRAG GI SBYIN SREG, TSOGS 'KHOR DANG SBYIN SREG BYA TSUL, TSE CHOG ,TSE DBANG, KUN RIG GI CHO GA ,KUN RIG BUM BSKYED, KUN RIG GI SGO NAS TSE 'DAS RJES SU 'DZIN TSUL, RNAM SNANG MNGON BYANG GI DKYIL 'KHOR GYI CHO GA ,RNAM RGYAL SGRUB DKYIL, MI 'KHRUGS PA'I SGRUB DKYIL YONGS SU RDZOGS PA'I CHO GA, SMAN BLA'I MDO CHOG GI SNYING PO BSDUS PA, 'JAM DKAR GYI SGRUB THABS, 'PHAGS PA ZHAL BCU GCIG PA'I SGRUB THABS SMYUNG BAR GNAS PA'I CHO GA DANG DE'I DBANG CHO GA ,KHYUNG 'KHRA'I SGRUB THABS, GDON 'GROL BYED TSUL, SGROL MA NYI SHU RTZA GCIG GI SGRUB THABS, SGROL MA G-YUL BZLOG JI LTAR BYA BA'I CHO GA, RDO RJE RNAM PAR 'JOMS PA'I CHO GA ,KHRO BO SME PA BRTZEGS PA'I SGRUB THABS, CHOS RGYAL GYI BSKANG BSHAGS BZLOG PA MNGA' GSOL, TSES GCIG GTOR MA RTEN 'DZUGS, BSTAN PA SPYI DANG RGYUD SDE BZHI'I RNAM GZHAG ,DGE LDAN BKA' RGYUD RIN PO CHE'I BKA' SROL PHYAG CHEN RTZA BA RGYAL BA'I GZHUNG LAM, DGE LDAN BKA' RGYUD RIN PO CHE'I BKA' SROL PHYAG CHEN RTZA BA'I 'GREL PA YANG GSAL SGRON ME, BYANG CHUB LAM GYI SGRON MA'I RNAM BSHAD, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN SKABS DANG PO'I 'GREL PA, BYANG CHUB LAM

, ,GYI RIM PA'I KHRID YIG TSIGS BCAD MA, DGE SLONG GI BSLAB BYA NYER MKHO, TSUL KHRIMS BSRUNG BA'I MAN NGAG ,THAR PA DON DU GNYER BA'I RI KHROD PA RNAMS LA KHRIMS SU BCA' BA, BLO SBYONG DMAR KHRID, STOBS BZHI'I BSHAGS BSDAMS, SDIG MUN SEL BYED, DRI BA LHAG BSAM RAB DKAR GYI DRIS LAN, SGRA PA SHES RAB RIN CHEN PA'I RTZOD LAN, N'A RO'I ZAB KHRID, SNYING PO DON GSUM GYI KHRID, NAM MKHA' SGO 'BYED, GCOD KYI GDAMS PA, ZHAL GZIGS DANG RDO RJE GDAN GYI RI KHROD YOL DKAR RNAMS KYI GNAS BSTOD, ,BDE BA CAN GYI ZHING DU THOGS PA MED PAR BGROD PA'I MYUR LAM, BKRA SHIS LHUN PO'I MCHOD RTEN MTHONG BAS DON DANG LDAN ZHING THOS PAS RNAM PAR GROL BA'I DKAR CHAG, BKRA SHIS LHUN PO'I PHYI'I MCHOD RTEN DANG RVA SGRENG DU MCHOD RTEN BZHENGS PA'I DKAR CHAG ,BYAMS PA'I 'PHO BA, KHRO MO SME BA BRTZEGS PA'I SGRUB THABS BKRU BYA BA BSRUNG GSUM BYA TSUL, TRAKSHA DA KYI MCHOD GTOR, PHYING DKAR BA'I BSANGS MCHOD ,GZUNGS GZHUG GNOD SBYIN 'KHOR LO BYA TSUL, RAB GNAS KYI CHO GA GTZUG TOR BZLOG CHEN GYI CHO GA RGYAS 'BRING BSDUS GSUM, 'BAR MA'I GTOR CHO GA ,BRGYA BZHI'I CHO GA ,GTOR MA BRGYA RTZA, BRGYA RTZA BSDUS PA, BRUL GTOR ,CHA BZHI, KLU GTOR GYI RIM PA, TSA BSUR YID LA 'DOD 'JO, 'BYUNG BZHI GTOR MA, SU R'U PA, RJE BTZUN BLA MA THAMS CAD MKHYEN PA BLO BZANG GRAGS BA'I DPAL LA GSOL BA 'DEBS PA DANG PA'I LJON SHING RGYAS PA'I ME TOG ,BLA MA DAM PA DU MA'I BSTOD TSOGS, SDOM GSUM,

PHAR PHYIN, BDE MCHOG ,RDO RJE 'JIGS BYED LA SOGS PA'I BRGYUD PA'I BLA MA LA GSOL BA 'DEBS PA'I RIM PA, STON PA YANG DAG PAR RDZOGS PA'I SANGS RGYAS KYIS CHO 'PHRUL CHEN PO BSTAN PA'I MDZAD PAR BSTOD PA, SANGS RGYAS BYANG SEMS MANG PO'I BSTOD PA, DPAL 'KHOR LO SDOM PA LHA LNGA'I SGRUB THABS, BDE MCHOG DKAR PO'I SGO NAS TSES SGRUB PA SOGS RGYUD SDE BZHI'I LHA TSOGS MANG PO'I SGRUB THABS, RGYAL BA'I BKA' SRUNG GTZO BO MANG PO'I SGRUB THABS SNYING POR DRIL BA GSER GYI YANG ZHUN LA SOGS PA CHOS SKYONG BA'I BSRUNG AM SNA TSOGS PA'I SGRUB THABS, ZHI GNAS SGOM TSUL DANG DBU MA'I LTA KHRID SOGS GDAMS PA SHIN TU ZAB PA SNA TSOGS, SMON LAM SHIS BRJOD LA SOGS PA GDAMS PA SHIN TU MANG PO PHYOGS GCIG TU BSGRIGS PA, BKRA SHIS RTZE PA NANG SO BLO BZANG DBANG RGYAL LA GDAMS PA'I ZHAL GDAMS, BSANGS KYI CHO GA DNGOS GRUB KYI GZI 'OD 'BAR BA NGO MTSAR RIN PO CHE'I PHRENG BA, BSANGS KYI CHO GA DNGOS GRUB KYI GZI 'OD 'BAR BA 'BRING PO, , BSANGS CHO GA BKRA SHIS CHAR 'BEBS MCHOD SPRIN RGYA MTSO RNAMS MDZAD DO, ,DE LTAR RJE 'DIS DGUNG LO BRGYA PHRAG BRGAL BA'I BAR DU BSTAN PA'I BYA BA MDZAD PA NA, RJE NYID KYI ZHAL NAS, 'JIGS RUNG SNYIGS MA LNGA YI ME 'BAR BAS, ,MI RNAMS TSE THUNG 'DOD DGU'I 'BYOR PA NI, RUS SBAL SPU LTAR MTSUNGS PA'I DUS MTHA' 'DIR, ,BDE GSHEGS SKU GSUNG THUGS KYI RTEN BSGRUBS SHING, ,RIS MED 'DUN LDAN RGYA MTSO'I TSOGS RNAMS LA, ,MCHOD SBYIN RNAM MANG ME TOG GIS MCHOD PA, ,BRGYA PHRAG LO

, ,LAS BRGAL BA'I NANG BSGRUBS PA, ,RLOM SEMS BRAL PAS RMAD BYUNG SKAL BA BZANG, ,ZHES GSUNGS PA LTAR RO, ,DE NAS SKU TSE 'DI'I DNGOS KYI GDUL BYA PHAL CHER RDZOGS PA NA, ZHING RJE BA'I SNGA LTAS SU SKU GZUGS SNGAR DANG MI 'DRA BAR PHYIS PA LO BRGYAD TZAM GYI BONG TSOD GZHON SHA CHAGS SHING 'OD KYI RANG BZHIN CAN ZHIG TU GYUR CING, THUGS DAM ZAB MO LAS G-YO BA MED PAR BZHUGS SHING THUN MTSAMS RNAMS SU BYAMS PAS DAM BCAS PA'I GZUNGS GTZO BOR ZHAL TON DU MDZAD PA DANG, GSOL DPON BLO BZANG BSTAN 'DZIN SOGS LA MI RTAG PA'I GSUNG GLENG MANG PO DANG, SNGA PHYIR 'KHOR BA'I MTHA' DANG MNYAM TZAM DU, ,RGYA CHE RING BA'I NYIN DANG MTSAN GYUR LA, ,DE 'DRA BSAGS PAS LOR GYUR DUS RING BA'I, ,BSKAL PA RGYA MTSO'I CHU THIGS GRANGS RNYED KYIS, ,BYANG CHUB MCHOG GI SEMS GCIG SKYE 'GYUR LA, ,DE 'DRA'I RNAM PAS TSOGS GZHAN RE RE ZHING, ,SGRUB DGOS GYUR KYANG SNYING RJES SKYO BA MED, ,BYANG CHUB DAM PA SGYID LUG MED PAR SGRUB, ,'KHOR TSE RANG GI SDUG BSNGAL SEMS BTANG ZHING, ,GO CHA BRTAN PA DPAG YAS DE BSKYED NA, ,BRTUL ZHUGS DPA' BO SNYING RJE'I NGANG CAN LA, ,YANG DAG BLANGS PA DANG PO YIN PAR BRJOD, ,CES SOGS BYANG CHUB KYI SEMS RLABS CHEN POS NAM MKHA' MA ZAD KYI BAR DU SEMS CAN GYI DON MDZAD PA LAS SKYO NGAL MED PA'I GSUNG YANG YANG 'BYON PA ZHIG BYUNG, DE NAS BKRA SHIS LHUN PO'I DGE 'DUN RNAMS KYIS GTZOS DAD LDAN TSANG MAS ZHABS PAD BRTAN DGOS ZHES ZHUS SHING ZHABS BRTAN TSIGS BCAD GCIG KYANG GNANG DGOS ZHES ZHUS PAR,

THUB DBANG GNYIS PA BLO BZANG GRAGS PA YI, ,MDO SNGAGS CHOS KYI RGYAL MTSAN 'OD 'BAR BAS, ,MTHA' YAS GDUL BYA'I RMONGS PA KUN SEL ZHING, ,PHAN BDE 'DAB BRGYA'I DGA' TSAL RGYAS GYUR CIG ,CES PA 'PHRAL LA GNANG NAS BZHAD MO CUNG ZAD MDZAD CING, SKYON MED NGA RGAS KHOGS LO BRGYA PHRAG LON PA YIN PAS, BSTAN PA'I DPAL DU BLA MA RIN PO CHE ZHABS PAD BRTAN YANG GSUNG BA LAS BZHUGS PA'I ZHAL BZHES MA GNANG, DE NAS DGE BYED CES PA CHU PHO STAG GI LO DRI ZHIM ZLA BA'I TSES BCU GSUM GYI NYIN SKU'I BKOD PA SDUD DU NYE BA NA ZHABS RDO RJE SKYIL KRUNG MDZAD DE MNYAM GZHAG LA BZHUGS NAS 'OD GSAL CHOS SKU MNGON DU MDZAD, 'OD GSAL DE LAS BZHENGS MA THAG DGA' LDAN CHOS KYI PHO BRANG DU MI PHAM 'JAM DPAL SNYING PO ZHABS DRUNG DU PHEBS TE MCHOD SPRIN RGYA MTSOS MCHOD CING GZHAN YANG SANGS RGYAS KYI ZHING RAB 'BYAMS MU MED PAR DE SNYED KYI SPRUL PA'I BKOD PA BSTAN TE RGYAL BA SRAS BCAS THAMS CAD MCHOD PA DANG MKHA' KHYAB KYI GDUL BYA RNAMS LA RANG RANG GI SKAL BA DANG 'TSAM PAR SKU'I BKOD PA BSTAN TE RANG RANG GI DBANG PO DANG 'TSAM PA'I CHOS STON PA SOGS SEMS CAN GYI DON MDZAD PA LA G-YEL BA MED PA'I NGANG NAS ZHING 'DIR THUB PA'I BSTAN PA SPEL BA'I PHYIR SLAR YANG SPRUL BA'I SKU BSTAN TE SEMS CAN GYI DON MDZAD PA'I TSUL NI 'CHAD PAR 'GYUR RO, ,DE LTAR RJE BLO BZANG CHOS KYI RGYAL MTSAN GYIS DGUNG LO BRGYA PHRAG BRGAL PA'I PAR DU BSTAN PA'I BYA BA RGYA CHEN PO

, ,MDZAD PAS SKU TSE STOD SMAD PAR GSUM GYI SLOB MA BSTAN 'DZIN DAM PA BGRANG BA LAS 'DAS PA BYON PAS MTHA' DAG SU ZHIG GIS BGRANG BAR NUS, RGYUD 'DZIN GYI GTZO BO THUB BSTAN YONGS RDZOGS KYI BDAG POR MNGA' GSOL BA NI GANGS CAN 'GRO BA'I MGON PO RGYAL DBANG THAMS CAD MKHYEN PA NGAG DBANG BLO BZANG RGYA MTSO DPAL BZANG PO'O, ,DBEN BA'I RI SUL DU SGRUB PA SNYING POR MDZAD BA'I SGO NAS 'PHRIN LAS RGYA CHER SPEL BAR MDZAD PA NI SRAS KYI THU BO GRUB PA'I DBANG PHYUG BRTZON 'GRUS RGYAL MTSAN, GU GE CHOS RJE SNYING STOBS RGYA MTSO, RJE NYID KYI RGYAL TSAB TU BKRA SHIS LHUN PO'I RGYUD PA GRVA TSANG GI GDAN SAR MNGA' GSOL BA RDO RJE 'DZIN PA DKON MCHOG RGYAL MTSAN ,GRUB PA'I DBANG PHYUG GNAS BCU RAB 'BYAMS PA DGE 'DUN RGYAL MTSAN, SNYAN RGYUD 'PHRIN LAS KYI BKA' BAB DRUNG PA RTA PHUG PA DAM CHOS RGYAL MTSAN, ZHABS DRUNG LHA PA BLO BZANG BSTAN PA DAR RGYAS, DBANG RJES GNANG GI 'PHRIN LAS KYI BKA' BAB SKYID SHOD ZHABS DRUNG NGAG DBANG BSTAN 'DZIN 'PHRIN LAS, ZAB DON LTA BA'I BKA' BAB DKA' CHEN NAM MKHA' RDO RJE, DBANG PHYUG GI STOBS KYIS BSTAN PA SKYONG BA'I BKA' BAB SE CHEN CHOS RJE SOGS NYI ZLA LTAR YONGS SU GRAGS PA'I BSTAN 'DZIN DAM PA'ANG CHES MANG NGO, ,DE LA SRAS KYI THU BO DRUNG PA RGYAL TSAB PA BLO BZANG BRTZON 'GRUS RGYAL MTSAN NI, MNGA' RIS CHOS RGYAL SKYI LDE NYI MA MGON GYI GDUNG RGYUD BZANG LA RGYAL PO'I SRAS

SU SKU 'KHRUNGS, 'KHRUNGS TZAM NYID NAS SNGON GYI BAG CHAGS BZANG PO'I MTHU BRTAS TE, DKON MCHOG LA SKYABS SU 'GRO ZHING DAM PA'I CHOS KHO NA SEMS PA ZHIG BYUNG, YAB YUM MA MA DANG BCAS PAS BSKYED BSRINGS TE NAR SON PA NA DBUS GTZANG GI LJONGS SU DAM PA'I CHOS 'TSOL BA LA 'BYON PAR BZHED PA BYUNG YANG RGYAL PO'I SRAS SU SONG BAS RGYAL BLON 'BANGS DANG BCAS PAS RGYAL SRID SKYONG DGOS ZHES CHOS LA GTONG BA'I SKABS MED PA ZHIG BYUNG BA NA YUN RING PO NAS SBYANGS PA'I THUGS BSKYED KYI MTHUS LA DAGS RGYAL POS DMAG DRANGS TE BZANG LA'I RGYAL SA PHROGS PA NA 'CHING BYED THAMS CAD RANG SAR ZHIG STE DAM PA 'DI PA DANG GROGS KHA YAR BCAS BYA BRAL GYI RNAM PAS DBUS GTZANG DU PHEBS PA NA LA DVAGS RGYAL POS SHES NAS BZANG LA RGYAL PO'I SRAS SU SONG BAS BZUNG ZHING GSOD PAR BSDIGS PA NA GROGS GZHAN RNAMS NI 'JIGS SHING SKRAG PAS SKANG NGAN 'DON, DAM PA 'DI NI 'JIGS SKRAG MED PAR MA ZAD THUGS DGA' ZHING RANGS PAR GYUR TE, DA LAM BSAD NA DBUS GTZANG DU CHOS RNAM DAG CIG BYED U 'GRO BA'I 'DUN PA BZANG PO YOD PA 'DIS BAG CHAGS BZANG PO'I NGANG DU SHIN PHYI MA DBUS GTZANG DU SKYES NAS DAM P'I CHOS DAD MJAL BA ZHIG NGES PAR 'ONG DGONGS PA BYUNG STE SHIN TU DGYES PAR MDZAD, TSUL 'DI NI DPAG PAR DKA' BA'I RNAM THAR TE DKON MCHOG GSUM LA SNYING THAG PA NAS SKYABS SU SONG ZHING LAS 'BRAS LA YID CHES KYI DAD PA BCOS MA MIN PA YOD PAS 'GRO BA BZHIS CHOS LAS MI 'DA' PA DANG, CHOS KYI PHYIR DU SROG KYANG GTONG

, ,PHOD PA'I SNYING STOBS YOD PA, YUM SDUD PA LAS, CHOS PHYIR SROG KYANG 'DOR LA RNAL 'BYOR RAB TU BRTZON, ,ZHES GSUNGS PA LTAR PHYIR MI LDOG PA'I RTAGS THOB PA YIN PAS PHYI RABS KYI SKYE BO KUN GYIS RJES SU YI RANG BAR BYA BA'I RNAM THAR RO, ,DE NAS DAM PA 'DI'I MDZAD SPYOD LA LA DAGS RGYAL PO'ANG NGANG NAS GNOD PA MA BYAS PAR BTANG, DE NAS DGUNG LO NYI SHU RTZA BZHI BA LA DBUS GTZANG DU PHEBS NAS PAn CHEN BLO BZANG CHOS KYI RGYAL MTSAN GYI ZHABS RDUL SPYI BOS BLANGS TE DGE TSUL DANG DGE SLONG GI SDOM PA RNAMS RIM GYIS BZHES, DE NAS RJE RIN PO CHE'I RNAM THAR LTAR, DANG POR RGYA CHEN THOS PA 'TSOL BAR BZHED NAS SER BYES GRVA TSANG DU BZHUGS TE 'KHON STON DPAL 'BYOR LHUN GRUB YONGS 'DZIN DU BSTEN NAS GZHUNG LUGS LA SBYANGS, DE NAS DVAGS PO GRVA TSANG DU PHEBS TE DKA' CHEN BZHI LA BRTZON BA CHEN POS SBYONG BAR MDZAD, SLAR YANG SE RAR PHEBS NAS SHING RTA CHEN PO'I GZHUNG RNAMS LA ZHIB TU GZIGS SHING LO SHAS BZHUGS, DE NAS RGYUD STOD LA PHEBS TE LA SHAS BZHUGS NAS RGYUD SDE RGYA MTSO LTA BU LA SBYANGS, DE'I TSE RGYUD PA'I BLA MA BSKO SHAG LA RTZOD PA CHEN PO BYED PA GZIGS PAS THUGS SKYO SHAS CHEN PO 'KHRUNGS TE PAn CHEN BLO BZANG CHOS KYI RGYAL MTSAN GYI ZHABS DRUNG DU PHEBS NAS GSUNG RAB THAMS CAD KYI SNYING PO'I DON RGYAL BA SRAS BCAS KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID DPAL DPEN SA BSNYAN RGYUD KYI MAN NGAG LTAR NYAMS LEN MYONG KHRID DU MDZAD DE

SNYAN RGYUD KYI MAN NGAG ZHAL SHES GEGS SEL BOGS 'DON DANG BCAS PA LA GDENG THOB PAR MDZAD, DE NAS 'JAM MGON SNYAN RGYUD KYI MAN NGAG DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI DANG BCAS PA MYONG KHRID DU GSAN TE GDENG THOB PAR MDZAD, DE NAS BLO SBYONG DON BDUN MA'I KHRID DANG NAM MKHA' SGO 'BYED KYI DBANG DANG GCOD YUL GYI ZAB KHRID, RGYUD SDE BZHI DANG 'BREL BA'I DBANG LUNG MAN NGAG MTHA' YAS PA DANG, LHAG PAR BSKYED RDZOGS KYI KHRID RNAMS DANG, N'A RO CHOS DRUG SOGS RJE THAMS CAD MKHYEN PA'I MAN NGAG ZHAL SHES RNAMS RDZOGS PAR GSAN, DE NAS RJE BTZUN BLO BZANG CHOS KYI RGYAL MTSAN GYIS GTZANG PHYOGS KYI RI KHROD RNAMS SU SGRUB PA BYAS NA LEGS PA'I BKA' PHEBS PA LTAR RE SHIG SRAS PHYOGS LA PHEBS TE RI KHROD SNA TSOGS SU BZHUGS NAS SGRUB PA MDZAD, DE NAS RTA NAG PHYOGS LA PHEBS TE YOL DKAR DANG GRUB CHEN CHOS RDO RJE'I 'KHRUNGS SA GO BO TSANG DANG, RJE 'GOS KYI SGRUB GNAS ZHAL GZIGS RNAMS SU BZHUGS NAS SGRUB PA DAR DRAG LA RGYUN RING BA MDZAD, DE SKABS BYA BRAL KUN SPANGS MDZAD PAS BAR SKABS SHIG NA BZA' SHIN TU DKON PAS DGUN DUS SA BRUS PA'I KHUNG BUR RTZA'I SPUBS SU BZHUGS TE SGRUB PA MDZAD PA SOGS RNAL 'BYOR GYI DBANG PHYUG MI LA RAS BA DANG MTSUNGS PA'I DKA' SPYAD KYI SGO NAS SGRUB PA MDZAD, DAM PA 'DI NI PAn CHEN BLO BZANG CHOS KYI RGYAL MTSAN

, ,GYIS SPYAN GYI 'BRAS BU LTAR SKYONG BAR MDZAD PA ZHIG YIN PAS 'TSO BAS PHONGS DON MI 'DUG KYANG 'JAM MGON SGRUB RGYUD KYI BSTAN PA 'DZIN PA'I RTEN 'BREL DANG SNGON BYON DAM PA'I RNAM THAR SKYONG BAR BZHED PA DANG, RJE BLO BZANG CHOS KYI RGYAL MTSAN GYIS KYANG RE ZHIG DBEN PA'I RI SUL DU 'TSO BA DKA' THUB LA GNAS NAS SGRUB PA SNYING POR MDZAD NA BSTAN PA LA PHAN CHE BAR GZIGS NAS TSUL DE LTA BU'I DKA' THUB LA SBYOR BAR MDZAD DO; ;DE LTAR 'JAM MGON SNYAN RGYUD KYI MAN NGAG LA SGRUB BA DAR DRAG LA RGYUN RING BA MDZAD PAS LAM THUN MONG BA DANG THUN MONG MIN PA THAMS CAD LA RTZOL BCAS DANG RTZOL MED KYI MYONG BA RIM GYIS THON TE PHYIR MI LDOG PA'I GDENG THOB PA NA SKAL BA DANG LDAN PA GZHAN DAG LA CHOS KYI BDUD RTZI STZAL, RIM GYIS 'PHRIN LAS RJE RGYAS SU SONG STE SA CHEN PO'I KHYON THAMS CAD SNYAN PA'I GRAGS PAS KHYAB NAS PHYOGS MTHA' DAG NAS CHOS DON GNYER BA 'DUS PA RNAMS LA GTZO POR BYANG CHUB LAM GYI RIM PA'I KHRID RGYA CHER GNANG ZHING, RJE RIN PO CHE'I BSTAN PA LA GTING NAS YID CHES PA'I GDUL BYA MDO SNGAGS GNYIS KA'I LAM GYI LUS RDZOGS PA LA SLOB PAR NUS PA DAG LA DGA' LDAN PHYAG RGYA CHEN PO'I ZAB KHRID RGYAS PAR GNANG, DE TZAM GYI BLO'I MTHU MED PA RJE'I SNYAN RGYUD LA MOS PA CHE BA DAG LA SBYOR BA'I CHOS DRUG LA NAN TAN DANG, DE NAS SKYES BU GSUM GYI LAM LA KHRID DE SPYOD PA SPYI BSLAB SONG NAS ZHI LHAG GI SKABS

SU SLEB PA NA DGA' LDAN PHYAG RGYA CHEN PO'I ZAB KHRID THUN MONG BA RE GNANG BAR MDZAD, BLO MCHOG TU GYUR PA 'GA' ZHIG LA BSKYED RDZOGS KYI KHRID DANG LHAG PAR N'A RO CHOS DRUG RGYAS PAR GNANG BAR MDZAD, DE NAS PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS SHANGS MDO RGOD TSANG DU SPONG BA BSAM GTAN GYI SDE GSAR 'DZUGS MDZAD PA'I MGON DU MNGA' GSOL TE SKU TSE'I MJUG LA RGOD TSANG DANG LHA LNGA BRAG GNYIS SU BZHUGS TE BSTAN PA'I BYA BA RGYA CHER MDZAD, MTHAR DGUNG LO BRGYAD CU GYA BZHI BA'I THOG SKU TSE 'DI'I DNGOS KYI GDUL BYA RNAMS RDZOGS PA NA LHA LNGA BRAG TU SKU'I BKOD PA BSDU BA LA PHYOGS PA NA 'JAM MGON SGRUB RGYUD KYI BSTAN PA'I CHE BA 'DON PAR BZHED NAS 'BYUNG BA'I SDUD RIM RNAMS RIM GYIS SONG STE STONG CHEN 'OD GSAL LA 'JUG TU NYE BA NA SKU LUS MDA' LTAR BSRANGS TE 'OD GSAL THAMS CAD STONG PA'I DANG DU ZLA BA LHAG TZAM GYI BAR DU THUGS DAM LA BZHUGS, DE'I TSE DAM PA 'DI NYID THUGS DAM LA BZHUGS PA'I 'OD GSAL NI 'DI LTA BU ZHIG GO ZHES MTSON PA LTAR DU DE SKABS ZLA BA BCU PA'I GNAM GANG LA GSHEGS NAS BCU GCIG PA'I SKABS GRANG NGAR CHE ZHING RLUNG DMAR 'TSUB PA'I SKABS YIN YANG DAM PA 'DI NYID THAGS DAM LAS MA BZHENGS KYI BAR STON GNAM G-YA' DAG PA LTAR DU NAM MKHA' SHIN TU DVANGS SHING BSIR BU'I RGYU BA PHRA MO 'ANG MED PAR SHANGS KHUL GYI RI KLUNGS THAMS CAD LA DROD SKYES TE SHANGS CHU'I

, ,DAR CHAGS PA'ANG ZHIG NAS STON DUS LTAR GYUR PA SOGS KUN GYI MTHUN SNANG DU GRUB PA BYUNG, DE NAS 'OD GSAL LAS BZHENGS PA NA SRAS KYI THU BO RNAMS KYIS GTZOS DAD LDAN RNAMS KYI MCHOD PA TSAD MED PAR PHUL ZHING SKU GDUNG ZHUGS LA PHUL BAS THUGS LJAGS SPYAN GSUM MA NYAMS PAR BYON PA 'GRO BA LHA DANG BCAS PA'I BSOD NAMS KYI ZHING DU RGOD TSANG RI KHROD KYI DNGUL GDUNG NANG NA BZHUGS SO, ,RJE BTZUN BLO BZANG CHOS KYI RGYAL MTSAN DPAL BZANG POS BYANG CHUB LAM GYI RIM PA'I KHRiD YANG DANG YANG DU STZAL BAS BRGYUD TSUL MTHA' YAS PA YOD CING ,LHAG PAR THUGS SRAS THU BO RNAMS LAS BRGYUD TSUL SO SOR YOD MOD, 'PHRIN LAS KYI RGYUN RING DU GNAS PA NI, RJE BLO BZANG CHOS KYI RGYAL MTSAN NAS RDO RJE 'DZIN PA DKON MCHOG RGYAL MTSAN, DE NAS RJE BTZUN BLO BZANG YE SHES LA BRGYUD PA DANG, YANG RJE BLO BZANG CHOS KYI RGYAL MTSAN NAS DRUNG PA RTA PHUG PA, DE NAS RJE DGE LEGS RGYA MTSO LA BRGYUD PA GNYIS 'PHRIN LAS RGYA CHE RGYUN RING BA BYUNG LA, KHO BOS KYANG BRGYUD PA DE GNYIS KA THOB PA YIN PAS 'DIR YANG BRGYUD PA DE GNYIS KA'I BLA MA RNAMS KYI RNAM THAR BRJOD PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD BA RNAMS KYIS RJE BTZUN BLO BZANG CHOS KYI RGYAL MTSAN LA GSOL BA 'DEBS SHING RJE 'DI'I RNAM THAR LTAR MDO SNGAGS KYI LAM GYI LUS YONGS SU RDZOGS PA LA 'KHRUL MED KYI NGES PA BRTAN PO RNYED PAR

BYAS TE JI LTAR NYAMS SU LEN TSUL 'JAM MGON SNYAN RGYUD KYI MAN NGAG THOB PAR BYAS LA KHA PHYI LTAR MA SONG BAR SGRUB PA SNYING POR BYA BA LA SKYES BU'I RTZAL CI YOD KYIS 'BAD PAR BYA'O,, ` ,,DKON MCHOG GSUM GYI MKHYEN BRTZE GCIG BSDUS NAS, ,RGYAL BA GNYIS PA'I LUNG RTOGS DAM CHOS KYI, ,BSHAD SGRUB RGYAL MTSAN 'DZIN PA'I MCHOG GYUR PA, ,YONGS 'DZIN DAM PA'I ZHABS LA GSOL BA 'DEBS, ,ZHES BSNGAGS PA, RDO RJE 'DZIN PA DKON MCHOG RGYAL MTSAN NI, ,LA STOD SHEL DKAR GYI SA PHYOGS MTSO SGO LHUN GRUB SGANG CHEN NAS KYI SRAS SU YONGS 'DZIN ZHES PA CHU PHO BYI BA'I LO SKU 'KHRUNGS, SNGON GYI BAG CHAGS BZANG POS GZHON NU'I DUS NYID NAS SDE DPON CHEN PO'I STOBS 'BYOR LA MA CHAGS PAR CHOS RNAM DAG CIG BYED BAR THUGS 'DUN 'KHRUNGS, YAB YUM 'BANGS DANG BCAS PAS KYANG BKAG PA MED PAR MTHUN PA'I RKYEN BYAS TE CHOS GRVA CHEN PO BKRA SHIS LHUN POR PAn CHEN THAMS CAD MKHYEN PA BLO BZANG CHOS KYI RGYAL MTSAN GYI ZHABS DRUNG DU RAB TU BYUNG STE DGE TSUL GYI SDOM PA BZHES, ,MTSAN DKON MCHOG RGYAL MTSAN ZHES BTAGS, SHAR RTZE GRVA TSANG DU BZHUGS TE THOG MAR RIG PA'I SGO 'BYED MTSAN NYID DANG MTSON BYA'I RNAM GZHAG, SBYI DANG BYE BRAG GI RNAM GZHAG SOGS BSDUS PA LA SBYANGS, SKYES THOB KYI SHES RAB SHIN TU CHE BAS RING POR MA THOGS PAR SBYOR BA RTZI BA LA THOGS PA MED PAR GYUR TE KUN MKHYEN LEGS PA DON

, ,GRUB KYI YIG CHA'I STENG NAS TSAD MA RNAM 'GREL GYI MTHA' GCOD SPYI DON RNAMS LA SBYANGS, DE NAS DRI MA MED PA'I RIGS PA'I STOBS CHES CHER RGYAS BA NA RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED DANG, MKHAS GRUB THAMS CAD MKHYEN PAS MDZAD PA'I tIKA CHEN RIG PA'I RGYA MTSO GNYIS KYI STENG NAS RNAM 'GREL GYI GZHUNG LA SBYANGS TE MKHAS PA'I PHUL DU PHYIN PAR GYUR PA NA BKRA SHIS LHUN PO'I MKHAN SLOB DGE 'DUN TSANG MA'I DBUS SU DAM BCA' BZHAG STE THOS BSAM GLING NA MKHAS PAR GRAGS PA DPAL TSUL ZHES PA ZHIG DANG BGRO GLENG LA BZHENGS TE DRI MA MED PA'I RIG PA'I NGA ROS RGOL BA'I SPOBS PA LAN MED DU BYAS TE MKHAS PA'I GRAGS PAS PHYOGS THAMS CAD DU KHYAB PAR GYUR, DE NAS PHAR PHYIN DANG DBU MA DANG 'DUL BA DANG MDZOD RNAMS LA SBYANGS TE GZHUNG LUGS CHEN MO DE DAG LA MKHAS PA'I PHUL DU PHYIN PAR GYUR PA NA; GZHUNG DON GDAMS PAR SHAR BA'I NYAMS LEN MDZAD BZHED NAS THOG MAR PAn CHEN THAMS CAD MKHYEN PA BLO BZANG CHOS KYI RGYAL MTSAN LA MKHAN POR GSOL BA BTAB STE BSNYEN PAR RDZOGS PA'I SDOM PA BZHES NAS DRAN SHES BAG YOD BRTAN POS KHRIMS NYIS BRGYA DANG LNGA BCU RTZA GSUM BSRUNG BA LA G-YEL BA MED PAR MDZAD, DE NAS PAn CHEN THAMS CAD MKHYEN PA CHEN PO DE NYID LA DUS GSUM GYI SANGS RGYAS THAMS CAD KYI BGROD PA

GCIG PA'I LAM PO CHE BYANG CHUB LAM GYI RIM PA'I ZAB KHRID DPAL DBEN SA SNYAN RGYUD KYI MAN NGAG GEGS SEL BOGS 'DON DANG BCAS PA YONGS SU RDZOGS PA GSAN, DE NAS BLO SBYONG DON BDUN MA'I KHRID DANG, NAM MKHA' SGO 'BYED KYI DBANG DANG, GCOD KYI ZAB KHRID DANG, DGA' LDAN PHYAG RGYA CHEN BO'I ZAB KHRID SNGON 'GRO KHRID CHEN BZHI DANG BCAS PA LEGS PAR GSAN, DE NAS SPYIR DBANG LUNG MAN NGAG MTHA' YAS PA DANG, LHAG PAR BDE GSANG 'JIGS GSUM GYI DBANG DANG BSKYED RDZOGS KYI KHRID RNAMS LEGS PAR GSAN, DE NAS MDO SNGAGS GNYIS KA'I LAM GYI LUS YONGS SU RDZOGS PA LA 'KHRUL MED KYI NGES BA BRTAN PA RNYED PA NA TSE 'DI'I 'KHRI BA BCAD DE DBEN PA'I GNAS SU TSE DANG SGRUB PA SNYOMS PA RNAL 'BYOR GYI DBANG PHYUG MI LA RAS PA DANG GRUB CHEN DBEN SA PA YAB SRAS KYI RNAM THAR 'KHYONGS PA ZHIG CIS KYANG BYED SNYAM DU THAG GCAD DE PAn CHEN THAMS CAD MKHYEN PA BLO BZANG CHOS KYI RGYAL MTSAN LA SKYABS 'JUG ZHUS TE DBEN DGON DU TSE MTSAMS LA BZHUGS, DE'I TSE NYIN RE BZHIN NYAMS LEN GYI RTOGS PA GONG 'PHEL DU GYUR TE SGO GSUM LA DRAN PA NYE BAR GZHAG NAS SDOM PA GSUM GYI BCAS MTSAMS DANG 'GAL BA'I NYES LTUNG PHRA MOS KYANG MA GOS PA ZHIG BYED SNYAM DU 'DUN PA SHUGS DRAG TU MDZAD CING, RANG LA RANG GIS BSKUL BA'I DAM BCA'I NYAMS MGUR YANG 'DI LTAR MDZAD DE, NA MO GU RU BHYA: BLA MA DANG YI DAM DKON

, ,MCHOG GSUM, ,BDAG MOS PA'I SPYI GTZUG RGYAN DU BZHUGS, ,DA JI LTAR BSAMS PA'I DON 'DI RNAMS, ,DUS MYUR DU 'GRUB PAR BYIN GYIS RLOBS, ,KHYED BKA' SDOD CHOS SKYONG SRUNG MA'I TSOGS, ,MI KHO BO'I GROS 'DEBS GSAN MDZOD LA, ,GROS JI BZHIN THEBS PA'I BAR CHAD KUN, ,DUS DA LTA SEL BAR MDZAD DU GSOL, ,GZUGS MI LA DUD 'GRO'I BSAM BA CAN, ,NGO TSA BAS MI PHAN CUNG ZAD NYON, ,NGAS KHYED KYI SEMS LA GROS SHIG 'DEBS, ,DON DE PHYIR MTSANG GTAM TSIG GSUM SMRA, ,RTEN RNYED PAR DKA' PA'I DAL 'BYOR RNYED, ,LAM MJAL DKA' SANGS RGYAS BSTAN DANG MJAL, ,PHA MTSAN LDAN BLA MA'I TSOGS RNAMS KYIS, ,CHOS ZANG ZING DRIN GYIS RGYUN DU BSKYANGS, ,KHYOD DAL 'BYOR LOG PA'I LAM DANG SBYAR, ,LAM SANGS RGYAS BSTAN PA DRI MAS BSGOS, ,RJE MTSAN LDAN BLA MA'I TSOGS RNAMS BSLUS, ,MI KHYOD LA MTSANG CHEN 'DI RNAMS MTHONG, ,MI KHYED KYIS DA LTA PHAN CHAD LA, ,CHOS TSUL BZHIN SKAD CIG MA BYAS PAR, ,GZUGS CHOS PA'I GZUGS SU BYAS NAS KYANG, ,LONGS CI SPYAD DAD RDZAS GSHIN RDZAS KYIS, ,RTEN DAL 'BYOR LOG PA'I G-YANG LA BSKYUR, ,PHA BLA MA MKHAN SLOB MTSAN LDAN LA, ,LAM SDOM PA GSUM GYI BKA' DRIN NOS, ,KHYOD RTZA BA'I NYES PA MED 'DOD KYANG, ,RJE RGYAL BA'I BCAS PA SHIN TU PHRA, ,KHYOD DBANG PO BRTUL ZHING GNYEN PO ZHAN, ,RGYU DES NA BSTAN PA DRI MAS BSGOS, ,SNGAR RDO RJE THEG

BA'I SDOM PA DANG, ,LAM BYANG CHUB SEMS DPA'I BSLAB PA LA, ,DGRA RTZA BA'I LTUNG BA CHAR LTAR BABS, ,GZHAN SDOM PA'I YAN LAG PHRA RAG KUN, ,PHAL CHE BA SHES BZHIN KHYAD DU BSAD, ,'GA' MI SHES DBANG GIS LOG PAR SBYAD,, RGYUD LTUNG BA'I MI GTZANG 'DAM DU BYINGS, ,KHYOD DE LTAR GYUR KYANG RAB BYUNG SOGS, ,LAS DGE SLONG BYED RGYU GANG YIN DANG, ,DBANG BSKUR SOGS RDO RJE SLOB DPON GYI, ,LAS RKYED PAR YANG BAG TSA MED, ,RGYU DES NA BSTAN PA DRI MAS BSGOS,, CHOS ZAB CING RGYA CHE BDUD RTZI'I RGYUN, ,MI KHYOD KYI SNOD DU CI BLUGS KYANG, ,CHOS TSIG DON SNOD KYIS MA THUB PAS, ,DON DE LAS BSLUS THABS CHE BA CI, ,LAR DE LTAR 'BYUNG BA'I RGYU MTSAN YANG, ,CHOS TSIG BZHE'I DON YANG MA RTOGS PAR,, RANG MKHAS PAR 'DZIN PA'I NGA RGYAL DANG, ,RGYUD LTUNG BA'I NANG DU BYING NAS KYANG, ,RANG BTZUN PAR 'DZIN PA'I LOG LTA DANG, ,SEMS CHAGS SDANG DBANG DU GYUR PA LA, ,RANG BZANG POR 'DOD PA'I KHENGS SEMS CAN, ,LAS CI BYAS CHOS BRGYAD BYED BZHIN DU, ,RANG CHOS PAR RLOM PA'I RLOM SEMS DES, ,BDUD DE BZHIN SNYING LA ZHUGS BAS LAN, ,BDUD SNYING LA 'JUG PA'I RTZA BA YANG, ,LUS GZUGS BRNYAN MI KHYUR BSDAD PA DANG, ,GTAM MI ZER KHA LA NYAN PA DANG,, BLO MI MTHUN MI DANG BSTUN BAS LAN, ,MTSAD 'DI RNAMS YOD MED SEMS LA DRIS, ,RGYU DE RNAMS YIN MIN BSAM MNO THONGS, ,SNGAR MTSANG DU MA SHES DON SNYING RUL, ,DON DE PHYIR SNGAR BYAS DON MED SONG, ,DA TSE 'JUG NAM

, ,MKHA'I GLOG 'DRA 'DI, ,RTEN DAL 'BYOR SNYING PO LEN 'DOD CING, ,RANG LEGS PA'I LAM DU 'JUG 'DOD NA, ,MTSANG YUL NAS 'DON LUGS DE LTAR MDZOD, ,CHOS TSIG GCIG MA GO'I MKHAS PA DANG, ,KHO BLUN CING RMONGS PA'I BA GLANG GNYIS, ,MKHAS MI MKHAS KHYAD PAR GANG GIS 'BYED, ,KHO BA GLANG MKHAS PAR 'DZIN PA MED, ,CHOS DE YIS BA GLANG KHYAD PAR 'PHAGS, ,RGYUD LTUNG BAS GOS PA'I BTZUN PO DANG, ,ZAS MI GTZANG ZA BA'I KHYI PHAG GNYIS, ,BTZUN MI BTZUN KHYAD PAR GANG GIS 'BYED, ,KHO KHYI PHAG BTZUN POR LTA BA MED, ,CHOS DE YIS KHYI PHAG KHYAD PAR 'PHAGS, ,GNOD GANG 'KHYOL BYED PA'I BZANG PO DANG, ,KHREL GTONG NAS BOR PA'I GYAG KHYER GNYIS, ,BZANG MI BZANG KHYAD PAR GANG GIS 'BYED, ,BZANG MI BZANG KHYAD PAR MED PA LA, ,KHO GYAG KHYER BZANG POR 'DOD PA MED, ,CHOS DE YIS GYAG KHYER KHYAD PAR 'PHAGS, ,CHAS CHOS BRGYAD BYED PA'I CHOS PA DANG, ,KHRAM G-YO SGYU BYED BA'I KHYIM PA GNYIS, ,CHOS BYED MED KHYAD PAR GANG GIS 'BYED, ,CHOS BYED MED KHYAD PAR MED PA LA, ,KHO KHYIM PA CHOS KYIS RLOMS PA MED, ,CHOS DE YIS KHYIM PA KHYAD PAR 'PHAGS, ,KHYOD MKHAS BTZUN BZANG POR 'DOD PA DANG, ,CHOS BYAS SO SNYAM PA'I 'KHRUL PA ZHIG, DA KHYOD LAS DMAN PA'I SEMS CAN SU, ,DE SHES NA DMAN CHA 'DZIN RE RAN, ,SEMS MI GAL MI SNYEG DMAN CHA BZUNG, ,LUS MI YI GSEB NAS DA BUD LA, ,GNAS MI MED SA YI BAS MTHA' STEN, ,SEMS TSA 'DI'I

'KHRI BA GTING NAS CHOD, ,GYONG LTO GOS GNYIS KYI STENG DU BSKUR, ,ZAS DKA' THUB BCUD LEN BDUD RTZI ZO, ,GOS PHYAG DAR KHROD KYIS CHOG SHES STEN ,DA DKOR ZAS DUG CHU'I ZHEN PA SPONGS, ,RGYUD SDOM PA GSUM GYI NOR LUG RNAMS, ,BYAMS SNYING RJE LHAG BSAM THANG CHEN DU, ,DRAN SHES BZHIN RDZI BOS LEGS SKYONGS LA, ,DA YAN LAG PHRA MO SNA GCIG KYANG, ,SEMS NYON MONGS DGRA LA MA SHOR BAR, ,RGYUD TSUL KHRIMS 'PHEL SKABS CHE BAR MDZOD, ,BLO BLA MA DKON MCHOG GSUM LA GTOD, ,DUS 'BRAL MED RGYUN DU GSOL BA THOB, ,CHOS THOS BSAM SGOM GSUM TSUL BZHIN GYIS, ,SEMS DNGOS 'DZIN 'KHRUL PA RTZAD NAS CHOD, ,MI SMRA MKHAS CHOS BRGYAD SLOB BYUNG NA, ,TSIG GCIG KYANG DE LA MA NYAN PAR, STOBS CI YOD DE YI LOG PHYOGS SGRUBS, ,KHO GTING NAS MA DGA' 'GYOD PA MED, ,DA GTAM DANG GROGS NGAN SNA TSOGS DANG, ,MI KUN GYIS RING DU SPANGS PA DANG, ,'PHRAL 'TSO BA'I YO BYAD DKON PA SOGS,, KHONG 'JIG RTEN CHOS DANG MI MTHUN PA'I, ,RKYEN MI 'DOD SNA TSOGS CI BYUNG YANG, ,CHOS SNYING NAS BYED PA'I BSAM PA GRUB, ,MTSANG YUL 'DON SEMS LA GROS 'DEBS 'DI, ,RANG NYES KYI DOGS NAS SMRAS BA YIN, ,GROS SEMS LA ZHOG LA NYAMS SU LONGS, ,DUS GTAN GYI MDUN MA 'GRUB STE MCHI, ,ZHES SO, ,DE SKABS PAn CHEN BLO BZANG CHOS KYI RGYAL MTSAN DBEN DGON DU PHEBS PA ZHIG GI DUS, N'A RO CHOS DRUG GI ZAB KHRID RGYAS PA ZHIG DGOS ZHES ZHUS PAR

, ,PAn CHEN THAMS CAD MKHYEN PA CHEN PO DE NYID SPYIR YANG DBEN PA'I RI SUL DU SGRUB PA BYED PA RNAMS LA SHIN TU DGYES SHING, LHAG PAR DAM PA 'DI NYID SPYAN GYI 'BRAS BU LTAR SKYONG BAR MDZAD PAS MTSAMS GROL NA DGE SBYOR LA G-YENG BA YONG GSUNGS NAS PAn CHEN THAMS CAD MKHYEN PA CHEN PO NYID DAM PA 'DI'I SGRUB KHANG DU PHEBS NAS N'A RO CHOS DRUG GI KHRID RGYAS PAR STZAL ZHING SGRUB PA MTHAR PHYIN PA'I PHYIR LAM GYI GEGS SEL BOGS 'DON RNAMS ZHIB PAR GSUNGS, GZHAN YANG MTSAMS KHONGS SU GRUB PA'I DBANG PHYUG GNAS BCU RAB 'BYAMS PA DGE 'DUN RGYAL MTSAN GDAN DRANGS NAS MAN NGAG DU MA GSAN ZHING, LHAG PAR N'A RO CHOS DRUG SKOR SOGS 'KHRUL 'KHOR GYI SKOR RNAMS MTHIL PHYIN PAR ZHUS NAS SBYANGS TE GDENG THOB PAR MDZAD, DE LTAR SGRUB PA YUN RING DU MDZAD NAS NYAMS RTOGS GONG 'PHEL DU GYUR TE TSE 'DI LA GNYEN NYE 'BREL NOR LONGS SPYOD GANG LA'ANG CHAGS PA MED PAR SGRUB PA MTHAR PHYIN PA DPAL SHA BA RI DANG MTSUNGS PA ZHIG BYED DGONGS PA YOD PA LA, PAn CHEN BLO BZANG CHOS KYI RGYAL MTSAN GYIS BKRA SHIS LHUN POR RGYUD GRVA GSAR 'DZUGS MDZAD DE GZHUNG LUGS RAB 'BYAMS LA SBYANGS PA MTHAR PHYIN PA'I DGE BA'I BSHES GNYEN SHA STAG BSDUS TE RGYUD GRVAR GZHUG PAR MDZAD PA'I MGON DU DAM PA 'DI NYID 'BYON DGOS PA'I BKA' PHEBS PA NA TSE MTSAMS LA BZHUGS PA YIN YANG PHYOGS BCU'I RGYAL BA THAMS CAD

MCHOD PA BAS BLA MA'I BA SPU'I BU GA GCIG MCHOD PA PHAN YON CHE BAR GSUNGS PA DANG, SANGS RGYAS KYI SAR MYUR PA MYUR BAR BGROD PA LA RDO RJE SLOB DPON GYI BKA' BZHIN SGRUB PA NYID BSNGAGS PAR RGYUD DANG GRUB CHEN GYI GZHUNG THAMS CAD LAS GSUNGS PA'I TSUL LA NGES PA RNYED NAS TSAM TSOM MED PAR MTSAMS GROL TE PAn CHEN BLO BZANG CHOS KYI RGYAL MTSAN GYI BKA' BZHIN BKRA SHIS LHUN PO'I SNGAGS KHANG GI GDAN SAR PHEBS, PAn CHEN THAMS CAD MKHYEN PA CHEN PO BLO BZANG CHOS KYI RGYAL MTSAN LA RGYUD KYI RGYAL PO DPAL GSANG BA 'DUS PA 'GREL BA SGRON GSAL MCHAN BU, BSDUS DON, MTHA' GCOD BZHI'I SGO NAS 'GREL TSUL RGYAL BA TZONG KHA PA CHEN PO'I MAN NGAG RNAMS LEGS PAR ZHUS, MTHA' DRUG DANG TSUL BZHI'I DKA' GNAS RNAMS LA KHONG NA GNAS PA'I DOGS PA PHRA MO'ANG CHOD BAR MDZAD NAS RGYUD GRVAR BZHUGS PA'I RAB 'BYAMS SMRA BA'I SDE RNAMS LA BLO'I RGYUN LTAR BSHAD CING ;DPAL GSANG BA 'DUS PA GTZO BOR BTON, DPAL 'KHOR LO SDOM PA, RDO RJE 'JIGS BYED, DUS KYI 'KHOR LO RNAMS KYI DBANG LUNG MAN NGAG RNAMS KYANG RGYA CHER GNANG BAS RGYUD GRVAR BZHUGS PAS RAB 'BYAMS SMRA BA'I SDE RNAMS DANG, PHYOGS MTHA' DAG NAS 'DUS PA'I DON GNYER CAN MTHA' DAG GSANG CHEN RDO RJE THEG PA'I BDUD RTZIS TSIM NAS DAM PA 'DI LA RDO RJE 'CHANG DNGOS KYI 'DU SHES SKYES TE RDO RJE 'DZIN PA CHEN PO ZHES MTSAN YONGS

, ,SU GRAGS PAR GYUR, DE SKABS RJE BTZUN BLO BZANG CHOS KYI RGYAL MTSAN DGUNG LO BRGYAR NYE BA'I DUS SU PHEBS NAS PHYOGS KYI THA GRU KUN NAS 'DUS PA'I CHOS DON GNYER BA RNAMS LA CHOS BKA' HA CANG RGYA CHE BA GNANG BAR MA MDZAD PA NA, RDO RJE 'DZIN PA CHEN PO 'DIS GDUL BYA SO SO'I DBANG PO'I RIM PA DANG 'TSAMS PAR LAM RIM GYI KHRID DANG, BLO SBYONG GI KHRID DANG, DGA' LDAN PHYAG RGYA CHEN PO'I ZAB KHRID DANG, BDE GSANG 'JIGS GSUM GYI BSKYED RDZOGS KYI KHRID SOGS MDO SNGAGS KYI CHOS MTHA' YAS PA STZOL BAR MDZAD, DE NAS RJE BTZUN BLO BZANG CHOS KYI RGYAL MTSAN ZHING GSHEGS NAS KYANG RE SHIG SNGAGS KHANG GI GDAN SA MDZAD DE RJE BLO BZANG CHOS KYI RGYAL MTSAN GYI MAN NGAG RNAMS MI NUB PAR BZUNG ZHING SBEL, DE NAS BRUL TSANG DU MCHOG GI SPRUL SKU PHEBS PA NA GONG SA LNGA PA CHEN POS BKRA SHIS LHUN PO'I SNGAGS KHANG GI GDAN SA PA DE PAn CHEN THAMS CAD MKHYEN PA CHEN PO DE NYID KYI THUGS SRAS THU BO LUNG RTOGS KYI YON TAN GANG SA NAS BZANG BA ZHIG YIN 'DUG PAS MCHOG GI SPRUL SKUR BRTAG DBYAD BYED PA DANG NGOS 'DZIN PAR KHONG PA BYON NA LEGS ZHES BKA' PHEBS PA LTAR RDO RJE 'DZIN PA DKON MCHOG RGYAL MTSAN NYID BRUL TSANG DU PHEBS TE BRTAG DPYAD MDZAD PAS MCHOG GI SBRUL SKUR 'KHRUL MED KYI NGES RNYED NAS SKU KHRUS GSOL BA DANG, SKU TSE RING PA'I

RTEN 'BREL BSGRIG PA SOGS MDZAD, DE NAS MCHOG GI SPRUL SKU BKRA SHIS LHUN POR GDAN DRANGS, 'GRO BA LHA DANG BCAS PA'I MGON DU MNGA' GSOL GRUB NAS SNGAGS KHANG GI GDAN SA BZHAG STE SHANGS MKHA' SPYOD GZIM SPYI LA GSAR BSKRUN GNANG NAS SPONG PA PA'I SDE DANG BCAS BZHUGS TE 'JAM MGON SNYAN RGYUD KYI BSTAN PA 'DZIN CING SPEL BAR MDZAD, DE NAS MCHOG GI SPRUL PA'I SKU RJE BTZUN BLO BZANG YE SHES DPAL BZANG PO GUNG LO NYI SHUR PHEBS PA'I TSE RDO RJE 'DZIN PA 'DI NYID BLA BRANG RGYAL MTSAN MTHON POR GDAN DRANGS, RJE BTZUN BLO BZANG CHOS KYI RGYAL MTSAN GYI MAN NGAG RNAMS YONGS SU RDZOGS PA ZHIG GNANG DGOS PAR GSOL BA BTAB PA NA, RDO RJE 'DZIN PA CHEN PO 'DIS KYANG DGYES BZHIN DU ZHAL GYIS BZHES TE BLA BRANG RGYAL MTSAN MTHON PO'I GZIM CHUNG DGA' LDAN NYID DU BZHUGS TE THOG MAR RJE BTZUN BLO BZANG YE SHES LA BSNYEN RDZOGS KYI SDOM PA PHUL, DE NAS BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI STENG NAS LAM KHRID DPAL DBEN SA SNYAN RGYUD KYI MAN NGAG ZHAL SHES YONGS SU RDZOGS PA DANG, DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI DANG BCAS PA, LHAG PAR MDO SNGAGS KYI LAM GYI LUS YONGS SU RDZOGS PA ZAB LAM BLA MA LHA'I RNAL 'BYOR GYI KHRID MAN NGAG ZHAL SHES MTHA' DAG YONGS SU RDZOGS PA DANG, GSANG BDE 'JIGS GSUM

, ,GYI DBANG LUNG BSKYED RDZOGS KYI KHRID RNAMS YONGS SU RDZOGS PA DANG, GRUB CHEN DRIL BU LUGS KYI PHYI NANG GI DKYIL 'KHOR DU DBANG BSKUR BA DANG ZAB KHRID RNAMS YONGS SU RDZOGS PA DANG, GZHAN YANG RGYUD SDE BZHI DANG 'BRAL BA'I DBANG LUNG MAN NGAG MTHA' YAS PA DANG, YONGS SU GRAGS PA'I CHOS SKYONG RNAMS KYI RJES GNANG SOGS RJES GNANG MTHA' YAS PA GNANG ZHING CHOS BDAG PO LA 'PHROD PAR MDZAD NAS SKU TSE 'DI'I MDZAD PA THAMS CAD RDZOGS PA NA DGUNG LO BDUN CU DON DRUG PA RAB BYUNG ZHES PA ME MO YOS KYI LO LA BKRA SHIS LHUN PO'I BLA BRANG RGYAL MTSAN MTHON PO NYID DU CHO 'PHRUL ZLA BA'I TSES BCU'I PHYI NANG GI MNGON BYANG MTSUNGS PAR SKU'I BKOD PA BSDUS TE 'OD GSAL CHOS SKU MNGON DU MDZAD, DE'I TSE BDE MCHOG RTZA RGYUD NAS JI LTAR GSUNGS PA LTAR GYI 'OD GSAL MNGON DU MDZAD PA'I PHYI NANG GI RTAGS RTEN 'BREL RNAMS TSANG BAR BYUNG STE NAM MKHA' DANGS SHING 'JA' 'OD KYIS KHYAB PA SOGS SKYE BO KUN LA MTHUN SNANG DU BYUNG STE MCHOG DMAN BAR MA'I SKYE BO MTHA' DAG DAD CING GUS PA DANG 'JAM MGON SNYAN RGYUD KYI BSTAN PA LA YID CHES RNYED PAR MDZAD DO, ,DE NAS RJE BTZUN THAMS CAD MKHYEN PA BLO BZANG YE SHES DPAL BZANG POS PHYOGS BCU'I SANGS RGYAS THAMS CAD MCHOD PA BAS BLA MA MCHOD PA DON CHE'O ZHES KUN LA 'DOMS PA'I PHYIR SKU GDUNG LA MCHOD PA TSAD MED PAS MCHOD DE DPAL DBEN SA SNYAN RGYUD KYI BSTAN PA

YUN RING DU GNAS PA'I RTEN 'BREL DU SKU GDUNG RIL POR DNGUL GYI MCHOD RTEN GYI BUM PA'I NANG DU BZHUGS TE BKRA SHIS LHUN PO'I SNGAGS KHANG NA BZHUGS SO, ,RDO RJE 'DZIN PA CHEN PO 'DIS MCHOG DMAN PAR MA BGRANG BA LAS 'DAS PA LA MDO SNGAGS KYI CHOS KYI BDUD RTZI RGYA CHER STZAL BAS RGYUD 'DZIN YANG DE SNYED BYUNG MOD, GTZO BO NI MDO SNGAGS YONGS SU RDZOGS PA'I BSTAN PA'I BDAG PO RJE BTZUN THAMS CAD MKHYEN PA BLO BZANG YE SHES DPAL BZANG PO'O; ;GZHAN YANG RDO RJE 'DZIN PA DGE LEGS RAB RGYAS, ,RDO RJE 'DZIN PA BLO BZANG MGON PO, RJE ZHAL SNGA NAS 'JAM DBYANGS CHOS 'PHEL, SKYID SHOD ZHABS DRUNG BSTAN 'DZIN 'PHRIN LAS, LCANG SKYU SBRUL PA'I SKU NGAG DBANG BLO BZANG CHOS LDAN SOGS BSTAN 'DZIN DAM PA MANG DU BYON NO, ,RDO RJE 'DZIN PA CHEN PO 'DIS PHYIR BAS KYI GDUL BYA RNAMS KYI DON DU PAn CHEN BLO BZANG CHOS KYI RGYAL MTSAN GYI MAN NGAG ZHAL SHES DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI, BLO SBYONG SDUG BSNGAL LAM KHYER DANG DON BDUN MA'I 'GREL PA ,'KHOR LO SDOM PA'I DKYIL CHOG, BDE MCHOG LUS DKYIL GYI MNGON RTOGS, LHO SGO'I CHOG ,DRIL BU LHA LNGA'I MNGON RTOGS, 'DUS PA'I RDUL TSON CHAB LA 'DREN TSUL, NAM MKHA' SGO 'BYED KYI DBANG BSKUR TSUL, KLU GTOR BYA TSUL, S'A TZTSA'I CHOG SOGS NYER MKHO KHA SHAS, YI GE BRGYA PA'I 'GREL PA, SO SKYE THA MAL PA'I RUS CHOG, LAM RIM

, ,TSIG BCAD MA ZHI GNAS KYI YIG CHUNG DANG BCAS PA, BCOM LDAN 'DAS DAM TSIG GSUM BKOD KYI SGRUB DKYIL YONGS SU RDZOGS PA'I CHOG SGRIGS, 'JAM DBYANGS CHOS SKOR GYI RJES GNANG CHOG SGRIGS RNAMS MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RDO RJE 'DZIN PA DKON MCHOG RGYAL MTSAN LA GSOL BA 'DEBS SHING DAM PA 'DI'I RNAM THAR LTAR LEGS TSOGS THAMS CAD KYI RTZA BA DAM PA'I MGON LA BRTEN NAS MDO SNGAGS KYI LAM GYI LUS YONGS SU RDZOGS PA LA 'KHRUL MED KYI NGES PA BRTAN PO RNYED PAR BYA BA DANG, NGES PA RNYED NAS TSE 'DI'I 'KHRI PA BCAD DE DBEN PA'I GNAS SU LAM CHA TSANG LA SGRUB PA SNYING BOR BYA'O,, ,,BLO GROS YANGS PA'I SKAL BZANG GDUL BYA'I TSOGS, ,GTZUG NA BSOD NAMS YE SHES 'BRAS BU YIS, ,LEGS DUD RLUNG GI RGYAL MTSAN LTAR BKRA BA, ,DPAL LDAN BLA MA'I ZHABS LA GSOL BA 'DEBS, ZHES BSNGAGS PA, DON GYI SLAD DU MTSAN NAS SMOS TE BDAG GI MKHAN PO RIN PO CHE RJE BTZUN THAMS CAD MKHYEN PA BLO BZANG YE SHES DPAL BZANG PO NI, SNGON BYON DAM PA MANG POS BYIN GYIS BRLABS PA'I YUL THOB RGYAL BRUL TSANG DU MDZES BYED CES PA CHU MO YOS LO'I ZLA BA BDUN PA'I TSES BCO LNGA'I ZLA BA SHAR BA DANG MNYAM DU YAB ZHABS DRUNG BSOD NAMS DBANG GRAGS DANG, YUM TSE BRTAN BU KHRID GNYIS KYI SRAS SU BSAM BZHIN DU SKU 'KHRUNGS, DE'I TSE DKAR PHYOGS KYI LHA RNAMS

KYIS DA NI 'GRO BA MGON DANG BCAS SO ZHES DGA' BA'I DBYANGS SA GSUM 'GENGS PAR BSGRAGS SHING, BDAG NYID CHEN PO 'DI LA MCHOD PA'I DON DU MKHA' DBYINGS 'JA' 'OD KYIS KHYAB CING ME TOG GI CHAR BABS PA SOGS NGO MTSAR BA'I BLTAS BSAM GYIS MI KHYAB PA BSTAN, DKAR PHYOGS KYI LHA RNAMS KYIS KHRUS GSOL BA DANG CHABS CIG PAR YAB YUM GNYIS KYIS KYANG KHRUS PHUL TE MNGAL GYI DRI MAS GOS PA RNAMS LEGS PAR DAG PAR BYAS TE, KHYE'U CHU SHEL DRI MA MED PA LTAR SKU LUS DKAR LA DMAR BA'I MDANGS CHAGS PA, ZHI ZHING DES PA'I NGANG TSUL 'DZUM MDANGS CAN ,DBU GDUGS LTA BU, DPRAL BA'I DBYES CHE BA, SHANGS KYI GZENGS MTHO BA, SNYAN DUNG G-YAS A'KHYIL GYI RNAM PAR YOD PA, SPYAN AUTPA LA'I 'DAB MA LTAR MDZES PA, YAN LAG DANG NYID LAG RGYAS LA DKU SKABS PHYED PA DANG, DBANG PO YONGS SU GSAL ZHING 'JIG RTEN KUN GYI MIG GI BDUD RTZI LTA BU ZHIG BYUNG NGO, ,BTZAS NAS RING PO MA LON PAR BLA MA MKHYEN ZHES CHOS KYI SGRA DBYANGS BSGRAGS SHING ,LHA DANG SRUNG MAS LUNG BSTAN PA LTAR MTSAN BSOD NAMS BSTAN PA'I RGYAL MTSAN ZHES BTAGS, DE NAS YAB YUM GNYIS KYIS DKON MCHOG GI MCHOD PA, DGE 'DUN GYI SDE LA BSNYEN BKUR ,DKAR PHYOGS SKYONG BA'I SRUNG MA RNAMS LA MCHOD GTOR RGYA CHER PHUL, BTZAS STON GYIS GNYEN DANG NYE DU RNAMS TSIM PAR BYAS SHING MTHUN PA'I DNGOS PO DAG GIS BSKYED BSRINGS TE MTSO'I NANG GI PADMA LTAR BSKYED DRAG PAR NGYUR TO, ,DE NAS BDAG NYID CHEN PO 'DI LA

, ,DKAR PHYOGS KYI LHA RNAMS KYIS MCHOD PA'I RTAGS RGYUN DU 'BYUNG BA DANG, BYIS PA THA MAL PA'I SPYOD PA LAS LOG STE SKYIL KRUNG BCAS NAS CHOS DANG MTHUN PA'I GSUNG YANG YANG GNANG BA DANG, CHOS STON PA'I PHYAG RGYA MDZAD PA SOGS SKU'I RNAM 'GYUR GYIS PHYOGS DE'I SKYE BO THAMS CAD RANG DBANG MED PAR DAD PAR GYUR PA DANG, RJE BLO BZANG CHOS KYI RGYAL MTSAN GYIS ZHING GSHEGS KHAR GSOL DPON BLO BZANG BSTAN 'DZIN LA BRUL TSANG DU PHEBS PA'I BRDA STON PAR MDZAD PA DANG SPRUL PA'I SKU LA BCANG RGYU'I SRUNG MDUD 'DI BZHIN PHUL CIG PA'I BRDA MDZAD DE SRUNG MDUD GSUM BZHUGS GDAN GYI 'OG TU 'JOG PAR MDZAD PA SOGS KYIS ZHABS 'BRING PA RNAMS BRUL TSANG GI SRAS DE MCHOG GI SPRUL SKU YIN PAR YID CHES RNYED KYANG PHYI CHAR DU GSANGS SHING, SNA TSOGS DBYIG CES PA SHING MO SBRUL GYI LO DGUNG LO GSUM GYI THOG GSANG STABS KYIS BKRA SHIS LHUN POR GDAN DRANGS, RGYAL MTSAN MTHON PO'I GZIM KHANG DU PHEBS BA'I NYIN ZHABS PHYI NANG 'KHOR MA GTOGS GZHAN GYIS MTSOR YANG PHYI NANG GI RTAGS RTEN 'BREL KHYAD PAR CAN MANG DU BYUNG ZHING, KHYAD PAR RTA DKAR PO DUNG GI MDOG CAN KHYAD PAR DU 'PHAGS PA ZHIG 'KHRID NAS 'DI 'BUL RGYU YIN ZER RTA DE BDE YANGS SU BTAGS TE 'BUL MI DE GAR SONG CHA MED PA ZHIG BYUNG BAS DKAR PHYOGS SKYONG BA'I SRUNG MA ZHIG GIS PHUL BAR NGES PA SOGS NGO MTSAR YA MTSAN CHE BA DPAG TU MED PA BYUNG ZHING GZIM CHUNG MDO SBUGS

RNAMS SU PHEBS LUGS DANG BZHUGS LUGS, THUGS DAM RTEN RNAMS LA NGOS 'DZIN RJE BLO BZANG CHOS KYI RGYAL MTSAN RANG NYID KYIS JI LTAR MDZAD PA LTAR MDZAD PAS KUN YID CHES BLA NA MED PA THOB, MI RING BAR GSANG STABS KYIS BRUL TSANG NYID DU PHEBS, DE NAS RGYAL BA THAMS CAD MKHYEN PA NGAG DBANG BLO BZANG RGYA MTSOR RGYU MTSAN SNYAN ZHU PHUL BAR, SNGAGS PA BLA MA DKON MCHOG RGYAL MTSAN BRJE DE NYID KYI THUGS SRAS THU BO YIN PA DANG, LUNG RTOGS KYI YON TAN GANG SA NAS BZANG BA BCAS KHONG PA PHEBS NAS BRTAG DBYAD BYAS NA LEGS ZHES PHEBS PAR, RDO RJE 'DZIN PA DKON MCHOG RGYAL MTSAN PHEBS TE BRTAG DPYAD MDZAD PAS MCHOG SPRUL DU 'KHRUL MED KYI NGES PA BRTAN PO RNYED NAS SKU KHRUS GSOL ZHING SKU TSE RING DU GNAS PA'I RTEN 'BREL BSGRIGS, DE NAS RGYAL BA THAMS CAD MKHYEN PAR TSUL 'DI LTAR SNANG ZHES ZHUS PAR DGYES PA CHEN POS 'PHRAL DU GDAN SAR GDAN 'DREN ZHU DGOS TSUL PHEBS BAR SPRE'U ZHES PA ME MO LUG GI LO ZLA BA BCU PA'I TSES BCU GSUM GYI NYIN KHYIM PA'I RTAGS RNAMS DOR NA BZA' DUR SMRIG DANG PAn ZHVA GSOL TE SNGAR SBRUL PA'I CHOS SKYONG GIS PHUL BA'I CHIBS DUNG GI MDOG CAN DE LA CHIBS NAS BRUL TSANG NAS CHIBS BSKYOD DE LAM BAR GYI SER SKYA BGRANG BA LAS 'DAS PA LA MTHO RIS DANG THAR PA'I SA BON THEBS BAR MDZAD CING RIM GYIS CHIBS BSKYOD DE BKRA SHIS LHUN POR SNYUG MAR GNAS PA DANG PHYOGS 'DUS KYI DGE 'DUN KHRI KHRAG BRGAL BAS MCHOD PA'I BYE BRAG SNA TSOGS THOGS

, ,PAS BSUS TE ZLA BA BCU PA'I TSES BCU BDUN GYI NYIN GZIM KHANG RGYAL MTSAN MTHON POR PHEBS, DE'I SANG NYIN TSES BCO BRGYAD KYI NYIN GZIM CHUNG YID DGA' CHOS 'DZIN DU RJE BLO BZANG CHOS KYI RGYAL MTSAN GYI BZHUGS KHRI LA BZHUGS SU GSOL TE DBANG BSKUR, RGYAL BA THAMS CAD MKHYEN PA'I SKU TSAB SOGS 'DZIN MA'I KHYON LA GNAS PA'I CHE DGU KUN GYIS MCHOD NAS BKRA SHIS KYI TSIGS BCAD BRJOD CING ME TOG GTOR TE RGYAL BA THAMS CAD MKHYEN PA'I BKAS RJE BTZUN THAMS CAD MKHYEN PA BLO BZANG YE SHES DPAL BZANG PO ZHES MTSAN GSOL TO, ,TSUL 'DI LA RJE RANG NYID KYI ZHAL NAS, RGYAL BAS MDO RGYUD DU MAR BZANG NGAN GYI, ,LAS SPYAD 'BRAS BU JI BZHIN SMIN GSUNGS BZHIN, ,SNGON NAS RNAM DKAR SA BON LEGS BTAB MTHU, ,NYER BRTAS TSANGS SPYOD RTEN RUNG MI LUS LJON, ,PHYAG NA PADMO BLO BZANG RGYA MTSO'I SDE'I, ,THUGS RJE'I MKHA' LA BYIN RLABS GRU CHAR RGYUN, ,NYER 'KHREGS BLO BZANG CHOS RGYAN MTSAN BYIN DANG, ,LHAN CIG LEGS PHAB RIS MED 'GRO TSOGS LA, ,'DI PHYI GTAN DU PHAN BDE'I MCHOG STZOL MKHAN, ,BLO BZANG CHOS KYI RGYAL MTSAN YONGS 'DU CHE, ,GNYIS PAR GYUR CIG DGONGS PA'I THUGS BRTZER BCAS, ,THUB BSTAN LHA YI DGA' TSAL MDZES RGYAN BSKRUN, ,ZHES GSUNGS SO, ,DE NAS MI RING BAR THOB RGYAL DGA' LDAN RAB RGYAS NAS RJE ZHAL SNGA NAS BLO BZANG BSTAN 'DZIN YONGS 'DZIN DU SPYAN DRANGS TE, THOG MAR YI GE 'DRI

KLOG DANG CHOS SPYOD RNAMS KYI SNYAN BSKUL ZHUS PA NA THOGS PA MED BAR MKHYEN, DE NAS SKU TSE 'DIR CHOS GSAN PA'I THOG MAR BYANG CHUB LAM GYI RIM PA'I BLA MA BRGYUD PA'I GSOL 'DEBS LAM MCHOG SGO 'BYED GSAN TE, DE NI SKU TSE 'DIR RJE GONG MA'I RNAM THAR LTAR 'JAM MGON BLA MA'I BSTAN PA BSRE BSLAD MED PAR SKYONG BA'I RTEN 'BREL DU NGES SO, ,DE NAS RIM BZHIN RJE BTZUN BLO BZANG CHOS KYI RGYAL MTSAN GYI GSUNG 'BUM YONGS RDZOGS KYI LJAGS LUNG GSAN, DE NAS RJE RIN PO CHE'I RNAM THAR LTAR THOG MAR SHING RTA CHEN PO'I GZHUNG RNAMS LA SBYONG BAR BZHAD NAS MTSAN MTSON GYI RNAM GZHAG ,RGYU 'BRAS KYI RNAM GZHAG, THAL 'GYUR GYI RNAM GZHAG SOGS LA SBYONG BA'I TSUL MDZAD PA NA THOGS PA MED PAR MKHYEN CING, SUM CU PA DANG RTAGS 'JUG SOGS RIG GNAS RNAMS KYANG BRDA PHUL BA TZAM GYIS THOGS MED DU MKHYEN TO, ,DE NAS SKYES RABS THAMS CAD DU RAB TU BYUNG BA'I TSUL KHRIMS RNAM PAR DAG PA LA GNAS PA'I BAG CHAGS KYI MTHU BRTAS TE, RGYAL BA'I BSTAN BA LA RAB TU 'BYUNG BAR 'DOD PA'I THUGS 'DUN SHUGS DRAG PO 'KHRUNGS SHING, DE YANG SNGON THUGS BSKYED PA NAS BZUNG YAB SRAS DAM TSIG RDO RJE'I LU GU RGYUD DU 'BREL BAS RGYAL BA THAMS CAD MKHYEN PA CHEN PO ZHAL MJAL BAR SHIN TU RINGS PAR GYUR TE, DE NAS DGUNG LO BRGYAD BA THUN MONG ZHES PA LCAGS PO KHYI'I LO DBUS PHYOGS SU CHIBS BSKYOD DE PHO BRANG CHEN PO PO TA LAR ZLA BA DRUG PA'I TSES BCO LNGA'I NYIN THOG MAR

, ,TSOM CHEN DU RGYAL BA MCHOG GI ZHAL MJAL YAB SRAS THUGS SHIN TU MNYES PA'I GSUNG GLENG MJAD, ZLA BA DE'I TSES NYER GCIG GI NYIN GZIM CHUNG BDE BA CAN DU RGYAL BA MCHOG LA CHOS ZHU BA'I DBU BTZUGS TE, THOG MAR 'JAM DPAL MTSAN BRJOD PHAN YON DANG BCAS PA, GDUGS DKAR, RGYAL BA TSE DPAG MED KYI MTSAN BRGYA RTZA BRGYAD PA TSE MDO DANG, SHER SNYING, SGROL MA PHYAG 'TSAL NYER GCIG GI BSTOD PA SGROL GSOL DANG BCAS PA, PHUNG PO GSUM BA'I MDO, BZANG SPYOD, BYAMS SMON, SPYOD 'JUG SMON LAM, KHAMS GSUM 'GRO BA'I BLA MA TZONG KHA PA CHEN PO'I GSUNG THOR BU BA RNAMS KYI LUNG GSAN, ZLA BA BDUN PA'I TSES GNYIS KYI NYIN RJE THAMS CAD MKHYEN PA DGE 'DUN RGYA MTSO'I GSUNG 'BUM LAS GNAS BRTAN PHYAG MCHOD KYI CHO GA'I LUNG GSAN, DE NAS ZLA BA BDUN BA'I TSES BCO LNGA'I NYIN GZIM CHUNG KHAMS GSUM RNAM RGYAL DU RGYAL BA THAMS CAD MKHYEN PA NGAG DBANG BLO BZANG RGYA MTSO DPAL BZANG POS MKHAN SLOB ZUNG 'BREL MDZAD DE DGE BSNYEN RAB BYUNG TSIGS SNGA MA DGE TSUL GYI SDOM PA RNAMS LEGS PAR BZHES, ZLA BA BDUN PA'I TSES NYER BZHI'I NYIN DPAL RDO RJE 'JIGS BYED LHA BCU GSUM MA'I DBANG GI SNGON 'GRO STA GON DANG, NYER LNGA LA DBANG BZHI RDZOGS PAR GSAN, ZLA BA BRGYAD BA'I TSES GNYIS NAS THAMS CAD MKHYEN PA DGE 'DUN RGYA MTSO'I GSUNG 'BUM GYI LUNG GSAN 'PHRO YI DAM SGRUB SKOR

YONGS RDZOGS DANG, RGYA DBON PO LA GNANG BA'I BLA MA'I RNAL 'BYOR, BLA MA'I RNAL 'BYOR GO SLAR BKOD PA, NI GU CHOS DRUG GI KHRID YE SHES MKHA' 'GRO'I ZHAL LUNG, DE'I KHRID MDOR BSDUS GNAD DON GSAL BA'I ME LONG, SNYING PO DON GSUM GYI KHRID, MKHA' SPYOD MA DKAR MO'I 'PHO BA, MGON PO SNYING ZHUGS KYI 'PHO BA, LTA KHRID THAR 'DOD 'JUG NGOGS, LTA KHRID SNYING GI MUN SEL, BSAM 'GRUB DPAL BZANG LA GNANG BA'I LTA KHRID, RI KHROD BA BSAM GTAN LA GNANG BA'I LTA KHRID TSIGS BCAD MA, BYANG SEMS CHEN MO DPAL LDAN NOR 'DZIN SGROL MA LA GNANG BA'I LTA KHRID, RDO RJE RGYAL MTSAN LA GNANG BA'I GSANG BA 'DUS PA'I DKA' GNAD, KUN DGA' DPAL MO LA GNANG BA'I BYANG CHUB SEMS KYI BSGOM TSUL, RGYAL MTSAN DPAL GYI NGOR GNANG BA'I TSEM BU LUGS KYI DMAR KHRID TSIGS BCAD MA, GCOD KYI RTZA TSIG MDOR BSDUS RNAMS KYI LUNG GSAN, TSES BZHI NAS TSE DPAG MED DKAR PO, SENG LDENG NAGS KYI SGROL MA, 'JAM DPAL AA RA PA TZA NA, THUGS RJE CHEN PO KHA SARB'A nI, PHYAG RDOR 'BYUNG 'DUL, YE SHES KHYUNG KHRA, RTA MGRIN YANG GSANG, YE SHES MGON PO PHYAG DRUG PA, GRUB RGYAL LUGS KYI TSE DPAG MED, LAS GSHIN, SGROL DKAR RNAMS KYI RJES GNANG DANG, RGYAL BA THAMS CAD MKHYEN PA NGAG DBANG BLO BZANG RGYA MTSO DPAL BZANG PO NYID KYI GSUNG 'BUM THOR BU PA'I GRAS DU MA'I LUNG GSAN, GZHAN YANG MDO MANGS KYI NANG TSAN, DBANG SKONG PHYAG RGYA PA, 'CHI MED RNGA SGRA'I GZUNGS, RGYAL MCHAN RTZE MO'I DPUNG

, ,RGYAN; 'DA' KHA YE SHES, STOBS PO CHE, GTZUG TOR 'BAR BA, GTZUG TOR RNAM RGYAL, 'OD ZER CAN, GZA' YUM, PHYOGS BCU MUN SEL, BKRA SHIS BRTZEGS PA, TSONG DPON GA GON DANG BZANG PO GNYIS LA GNANG PA'I SHIS BRJOD, RDO RJE RNAM 'JOMS KYI GZUNGS, MDO SDUD PA, BGRES MOS ZHUS PA, KHYE'U RIN CHEN ZLA BAS ZHUS PA, MCHU SDE LNGA, YANGS PA'I GRONG KHYER DU 'JUG PA'I MDO RNAMS DANG, JO BSTOD SUM CU PA, DPAL LDAN SA GSUM MA, RNAM DAG GANGS RI MA, DPAL LDAN YON TSOGS MA SOGS KYI LUNG RNAMS GSAN, DE NAS RNAM THAR DAD PA'I 'JUG NGOGS NAS DBU TSUGS TZAM ZHIG MJAD, DE NAS RGYAL BA THAMS CAD MKHYEN PA CHEN BOS RE SHIG GZHUNG LUGS RNAMS LA SBYANGS PA MTHAR PHYIN PA MDZAD DGOS PA SOGS KYI ZHAL TA LEGS PAR GNANG, RJE 'DI BAS KYANG RGYAL DBANG MCHOG LA ZHABS PAD BSKAL BRGYAR BRTAN PA DANG, MDO SNGAGS YONGS RDZOGS KYI CHOS KYI BDUD RTZI ZHUS CHOG PA DGOS ZHES ZHUS TE GTZANG PHYOGS SU CHIBS KHA BSKYOD, DE NAS BKRA SHIS LHUN POR PHEBS NAS RE SHIG SKU MTSAMS MDZAD, LO DE'I ZLA BA BCU GCIG PA'I TSES LNGA'I NYIN 'DUS PA RGYA MTSO'I TSOGS KYIS SPYAN DRANGS TE THAMS CAD MKHYEN PA DGE 'DUN GRUB NAS BZUNG RJE BTZUN BLO BZANG CHOS KYI RGYAL MTSAN GYI BAR 'JAM MGON BSTAN PA'I SROG SHING 'DZIN PA'I DAM PA BAR MA CHAD PAS CHOS KYI 'KHOR LO BSKOR PA'I KHRI LA ZHABS SEN BKOD DE LHA DANG BCAS PA'I 'GRO BA

MA LUS DBUGS PHYIN PAR MDZAD DO, ,TSUL 'DI LA RJE RANG NYID KYI ZHAL NAS, GDOD NAS BSOD NAMS BRGYA YIS NYER BSGRUBS RTEN, ,DAL 'BYOR YONGS 'DU GTAN BDE'I MCHOG STER BA, ,TSE 'DI'I PHUN TSOGS BSGRUB BLO'I BA MO YIS, ,MA BCOM NGES LEGS 'BRAS BU SMIN RE NAS, ,MCHOG GSUM NGO BO RJE BTZUN PAD DKAR 'DZIN, ,THAMS CAD MKHYEN PA BLO BZANG RGYA MTSO'I SDER, ,GUS PAS BTUD DE TSANGS SPYOD BRTUL ZHUGS BLANGS, ,MGON DE'I SPYAN SNGAR JI LTAR KHAS BLANGS PA'I, ,BSLAB GZHI PHRA RAGS BCAS PA'I MTSAMS LA'ANG, ,NYES PA'I SKYON GYIS NAM YANG MA GOS PAR, ,BYA'O SNYAM PA'I BLO DPUNG YANG DAG BSKYED, ,MCHOG GSUM NGO BO THAMS CAD MKHYEN PA YI, ,THUGS RJE'I GZI DANG BCOM LDAN SNANG MTHA'I MGON, ,BSHES GNYEN TSUL BZUNG BLO BZANG CHOS RGYAN RJE'I, ,MTSAN GYI BYIN RLABS BZANG PO NYER ZHUGS MTHUS, ,'DUS LDAN RGYA MTSO'I TSOGS KYI DBUS NYID DU, ,SPYAN RAS GZIGS DBANG THAMS CAD MKHYEN PA YI, ,CHOS KYI KHRI LA CI DGAR SPYOD CIG CES, ,MANG POS BKUR BA'I MI RJE JI BZHIN DU, ,'DUS TSOGS SBYIN BDAG BCAS PAS MNGA' GSOL MDZAD, ,CES GSUNGS SO, ,DE SKABS CHOS GRVA TSAN POR 'BRUM BU'I NAD BYUNG BAR DBEN GNAS BYANG CHUB CHEN PO'I PHO BRANG DU 'BRUM YOL LA PHEBS, BYANG CHEN DU BZHUGS RING MDO SDUD PA, 'JAM DPAL MTSAN BRJOD, BYANG CHUB LAM GYI SGRON MA, RJE BTZUN CHOS KYI RGYAL PO TZONG KHA PA CHEN PO'I GSUNG MDUN LEGS MA, BLA MA LNGA BCU PA, BLO SBYONG

, ,MTSON CHA 'KHOR LO, ,RMA BYA DUG 'JOMS, RJE BTZUN BYAMS PA'I BSTOD PA TSANGS COD MA, RJE BTZUN 'JAM DBYANGS KYI BSTOD PA BSTOD SPRIN RGYA MTSO SOGS BSTOD CHEN BZHI, GZHAN YANG CHOS GRVA CHEN POR 'DON SROL YOD PA'I CHOS SPYOD KYI SKOR SOGS LJAGS 'DZIN MDZAD DE RGYUN DU ZHAL 'DON DU MDZAD, BYANG CHEN DU BZHUGS RING THUGS DAM SHIN TU 'PHEL BAS NUB GCIG MNAL LAM DU DPAL RDO RJE 'JIGS BYED ZHAL PHYAG YONGS SU RDZOGS PA ZHABS 'OG NA SROG CHAGS MED PA ZHIG DANG, CHOS RGYAL LA MA HE MED PA ZHIG DANG, DPAL LDAN LHA MO DRE'U MED PA SOGS CHOS SKYONG BA'I SRUNG MA DU MA MNGON SUM DU GZIGS PA LTA BU'I SNANG BA DANG, KHYAD PAR RDO RJE 'JIGS BYED LA PHAR BKA' BSGO BYED PA ZHIG RMIS GSUNGS TE, DON DU DE SKABS LHAG PA'I LHA DANG SRUNG MA MANG PO'I ZHAL GZIGS PA YIN ZHES PAn CHEN THAMS CAD MKHYEN PA CHEN PO BLO BZANG DPAL LDAN YE SHES DE NYID GSUNG NGO, ,DE'I TSE RI KHROD PA RNAMS LA CHOS KYI BDUD RTZI'ANG KHA YAR STZAL ZHING, 'BRUM THAG CHOD NAS BKRA SHIS LHUN POR CHIBS KHA BSKYOD SNGAGS KHANG DU GDAN DRANGS TE RGYUD GRVAR BZHUGS PA'I DGE BA'I BSHES GNYEN RNAMS LA CHOS KYI BDUD RTZI STZAL, DE NAS DGUNG LO BCUR PHEBS PA CHU BYI ZLA BA LNGA BA'I TSES LNGA'I NUB MNAL LAM DU THEG PA CHEN PO'I DAM PA'I CHOS DKON MCHOG BRTZEGS PA YONGS SU RDZOGS PA THUGS LA BZUNG NAS SKYAR BAS, SLOB DPON RIN PO CHE BLO BZANG BSTAN 'DZIN

SHIN TU DGYES NAS RJE RANG NYID LA PHYAG MDZAD PA'I SNANG BA BYUNG ZHING, TSES BRGYAD KYI NYIN RTZOM PA'I TSIG DON 'GA' YAR THUGS YUL DU 'CHAR BA'ANG BYUNG BAR, AOm SVASTI, DUS GSUM RGYAL BA KUN GYI MCHOG ,THAMS CAD MKHYEN PAS RJES SU BZUNG, ,GUS PA CHEN POS SNYING NAS BTUD, ,CES PA DANG, SLAR YANG, 'DOD KHAMS DBANG PHYUG RE MA TI SOGS KYIS, ,DNGOS BSHAMS YID KYIS SPRUL PA'I MCHOD SPRIN 'DI, ,MYUR DU BZHES LA RNAL 'BYOR 'KHOR BCAS KYI, ,'GAL RKYEN KUN SOL MTHUN RKYEN MA LUS SGRUBS, ,DENG 'DIR YID LA BSAMS PAR GYUR PA RNAMS, ,GEGS MED YID BZHIN 'GRUB PAR MDZAD DU GSOL, ,ZHES PA DANG, YANG TSES DRUG GI NUB MO MNAL LAM DU, NAM MKHA' LA 'JA' GUG STE SHAR BA, DE SGOR MOR SONG BA'I DKYIL NA RJE BTZUN 'JAM PA'I DBYANGS DMAR SER BZHUGS PA'I THUGS KA NAS 'OD ZER 'PHROS PA RJE BLA MA RANG NYID KYI THUGS KAR THIM PA DANG, THO RANGS PAn CHEN THAMS CAD MKHYEN PA RJE BTZUN BLO BZANG CHOS KYI RGYAL MTSAN GYI SKU GDUNG LA 'PHAN PHYE PHUR SOGS PHUL TE MCHOD PA MDZAD PA'I SNANG BA'ANG BYUNG, SANGS RGYAS CHOS KYI 'KHOR LO BSKOR, ,SEMS CAN THAMS CAD RTAG TU BDE, ,DGOS 'DOD THAMS CAD CHAR DU PHAB, ,MTHAR THUG SANGS RGYAS 'GRUB PAR SHOG ,CES DANG, RJE BTZUN CHOS KYI RGYAL BO DPAL BZANG PO'I, ,BSHAD SGRUB BSTAN PA'I BYA BA LEGS TSOGS RNAMS, ,YAR NGO'I ZLA LTAR 'PHEL ZHING RGYAS PA DANG, ,MCHOG DANG THUN MONG DNGOS GRUB STZAL DU GSOL,,

, ,ZHES PA RNAMS THOGS MED DU GSUNGS, DE NAS SA CHEN PO'I KHYON MTHA' DAG NAS 'DUS PA'I DAD LDAN SER SKYA BGRANG BA LAS 'DAS PA DAG LA ZHAL GYI DKYIL 'KHOR STON PA DANG, GSUNG GI BDUD RTZI STZOL BA DANG, DAD PAS PHUL BA'I DNGOS PO RNAMS BZHES TE NYIN RE BZHIN 'GRO BA BGRANG BA LAS 'DAS PAR MTHO RIS DANG THAR PA'I SA BON 'DEBS PAR MDZAD DO, ,DE NAS TSAD MA RNAM 'GREL LA SPYONG BAR BZHED DE 'JAM DBYANGS DGE 'DUN BLO BZANG GIS MJAD PA'I RNAM 'GREL GYI YIG CHA YONGS RDZOGS THUGS LA BZUNG STE BSKAL BZANG KHYAMS RA CHEN MOR 'DUS PA RGYA MTSO DANG LHAN CIG RIGS LUNG LA RTAG PAR PHEBS TE 'JAM MGON BLA MA'I RNAM THAR SKYONG BAR MDZAD DO, ,BAR SKABS SU BYANG RGYUD RGYAL PO 'KHOR BCAS DAD PA CHEN POS 'DUS BAR SO SO'I BSNYEN BKUR RNAMS BZHES SHING, RGYAL PO 'KHOR BCAS LA LAM RIM TSIGS BCAD MA, LAM RIM DMAR KHRID, SMAN BLA'I MDO CHOG ,LAM RIM CHUNG BA SOGS DANG, SRAS BGRES PAR THUB DBANG ZHAL PAD MA SOGS RANG RANG GI 'DOD PA DANG BSTUN PA'I CHOS KYI BDUD RTZI STZAL, DE'I TSE 'DUS PA RGYA MTSO'I TSOGS LA'ANG TSAD MA RNAM 'GREL GYI DBU NAS RIM GYIS GNANG BA'I 'OG TSUGS, TSAD MA RNAM 'GREL LA THUGS RAB THOGS PA MED PAR RGYAS PA'I TSUL BZHES TA THAMS CAD MKHYEN PA DGE 'DUN GRUB KYIS MDZAD PA'I SPYI DON RIGS RGYAN YONGS RDZOGS THUGS LA BZUNG, GZHAN YANG TSAD MA RNAM 'GREL GYI t'IKKA 'JAM DBYANGS SMON

LAM DPAL BA LEGS PA'I BLO GROS KYIS MDZAD PA'I SMON t'IKKA TU GRAGS PA DANG, THAMS CAD MKHYEN PA DGE 'DUN GRUB KYIS MDZAD PA'I RNAM 'GREL GYI t'IKKA NAS THOGS SHAS THUGS LA BZUNG STE ZHAG 'GA' RIGS LUNG CHOS SPYOD LA PHEBS NAS BGRO GLENG LA BRTZON PAR MDZAD, DE YANG SPYI DON RIGS RGYAN 'DI THAMS CAD MKHYEN PA DGE 'DUN GRUB KYIS RJE BTZUN BLA MA TZONG KHA PA CHEN PO BKRA SHIS RDO KHAR PHEBS PA'I TSE TSAD MA RNAM NGES KYI SKOR LA DOGS GCOD ZHUS PA'I ZIN BRIS DANG, RI BO DGE LDAN DU RGYAL TSAB THAMS CAD MKHYEN PA LA TSAD MA'I SKOR LA ZHIB BSHAD ZHUS PA RNAMS LA GZHI MDZAD NAS GZHUNG GSAR RTZOM GNANG BA YIN 'DUG PA DANG, THAMS CAD MKHYEN PA DGE 'DUN RGYA MTSOS KYANG CHOS GRVA CHEN PO 'DIR TSAD MA RNAM 'GREL GYI GZHUNG LA GSAN SBYONG GNANG BA'I SKABS SPYI DON RIGS RGYAN DANG, SMON t'IKA GNYIS LA ZHIB TU GZIGS SHING, KHYAD PAR SMON t'IKA LA THUGS YID 'PHROG PAR BYUNG NAS PHAL CHER THUGS LA BZUNG STE NGA'I TSAD MA'I SLOB DPON 'DI YIN GSUNG BA'I BSNGAGS BRJOD KYANG MDZAD PA BYUNG 'DUG CING, CHOS GRVA CHEN PO 'DIR BSDUS TSAD GTZO BOR MDZAD PA'I RGYU MTSAN YANG, BKA' GDAMS GLEGS BAM LAS, RGYAL MTSAN STOD LA CHOS GRVA 'ONG, ,CHOS RGYAL DHARM'A K'IRTI YI, ,CHOS KYI RGYAL MTSAN LEGS PAR 'DZUGS, ,ZHES DANG, THAMS CAD MKHYEN PA DGE 'DUN GRUB DGE 'PHEL DU BZHUGS SKABS MNAL LAM DU, BKRA SHIS LHUN PO'I RGYAB RI'I RTZE'I RNAM BA NAS, RJE BTZUN TZONG KHA PA CHEN POS DGE 'DUN GRUB CES 'BOD

, ,BAR MDZAD NAS, SA PHYOGS 'DIR TSAD MA RNAM 'GREL GYI BSTAN BA RGYAS PAR 'GYUR BA YIN, ZHES LUNG BSTAN GSUNGS PA BZHIN, THAMS CAD MKHYEN PA DGE 'DUN GRUB KYIS CHOS GRVA 'DIR BAR SKABS SHIG LHA SH'AKA GI 'GREL PA SOGS RGYA GZHUNG, t'IKA CHEN RIGS PA'I RGYA MTSO SOGS BOD GZHUNG 'GA' ZHIG LA GZHI MDZAD NAS SPROS BSHAD GNANG BAS THAMS CAD THUGS PHROGS TE MKHAS PA DRI MED BSHES GNYEN SOGS ZHAL SLOB CHE BA RNAMS KYIS ZIN BRIS KYANG MDZAD 'DUG , GZHAN YANG RJE BDAG NYID CHEN POS, LOG SMRA TSAR GCOD PHYOGS GLANG GRAGS PA LAS, ,LEGS PAR 'ONGS PA'I RIGS LAM BDUD RTZI'I CHUS, ,BLO MIG DRI MA YANG YANG MA BKRUS NA, ,SHIN TU ZAB GNAD MTHONG BA SMOS CI DGOS, ,RIGS PA'I LUNG DON LA YANG DPYOD PA NA, ,PHAL CHER LOG PAR RTOG PA 'PHEL 'GYUR ZHING, ,GAL TE YANG DAG DAM BCA' TZAM ZHIG GIS, ,NGES PA RNYED KYANG SGRUB DANG SUN 'BYIN GYI, ,TSAD MA'I STOBS KYIS THE TSOM MCHOD PHYIR, ,'DAM LA BTAB PA'I PHUR PA BZHIN 'GYUR BAS, , YANG DAG BAG CHAGS BRTAN PO 'JOG MI NUS, ,ZHES GSUNGS PA LTAR, LTA SPYOD GANG LA YANG RIGS LAM NAS DRANGS PA'I BSGOM BYA'I DON LA NGES PA MA RNYED NA 'KHRUL MED KYI LAM LA 'JUG DKA' BAR GZIGS SHING, SHES RAB DANG DON GNYER CAN RNAMS DPE CHA 'DRI BA'I DKA' CHE GAS LA BLTAS NA PHAN PA CHEN PO YONG BAR DGONGS TE THOG MAR SPYI DON RIGS RGYAN DANG, DE NAS RIM BZHIN 'DUL BA MOD RTZA BA, MDZOD RTZA, RNAM 'GREL RTZA BA, 'GREL PA DON GSAL, 'JUG PA RNAMS PAR DU BRKO

BA MDZAD, GZHAN YANG DON GNYER CAN MANG POR LUNG DANG RJES GNANG SOGS MTHA' YAS PA RIM PAR GNANG ZHING, ,DAD RDZAS RNAMS CHUD MI ZA BA'I PHYIR SKU GSUNG THUGS RTEN MTHA' YAS PA BZHENGS SHING, DE DAG GI BZHUGS GNAS LHA KHANG MANG PO'ANG GSAR BSKRUN MDZAD DE BSTAN RGYUN LA DGONGS NAS SKU GSUNG THUGS RTEN GSAR BZHENGS RNAMS CHOS SRUNG LA GNYER DU GTAD KYI 'PHRIN 'CHOL MDZAD PA NI, AOm SA MA YA TIshthA, DUS GSUM RGYAL BA'I YAB GCIG 'JAM PA'I DBYANGS, ,SNYIGS DUS GDUL DKA' MTHA' DAG 'DUL BA'I PHYIR, ,GTUM DRAG RNGAMS BA'I SKUR BSTAN LHAG PA'I LHAR, ,BTUD NAS GNYER DU GTAD PA'I DAM TSIG BRJOD, ,MTHU LDAN MYUR MDZAD MGON PO PHYAG DRUG PA, ,YAB YUM GNOD SPYIN BKA' NYAN 'KHOR BZHI DANG, ,LEGS NYES SHAN 'BYED CHOS KYI RGYAL PO DANG, ,TZ'A MUNdI DANG PHO BRGYAD MO BRGYAD SOGS, ,BSTAN DGRA TSAR GCOD DPAL LDAN RE MA TI, ,GUR MGON MA H'A K'A LA PHYAG BZHI PA, ,GTUM DRAG RDO RJE NAG PO YAB YUM DANG, ,SGROL GYING SROG BDAG DMAR PO 'KHOR BCAS LA, ,BKRA SHIS LHUN GYIS GRUB PA'I CHOS GRVA CHER, ,LHAG BSAM DAG PAS GSAR DU BSKRUN PA YI, ,RTEN GSUM MCHOD RDZAS JI SNYED MCHIS BA RNAMS, ,GNYER DU GTAD DO G-YEL MED BYA RA MDZOD, ,GAL TE 'DI DAG MTHU YIS 'PHROG PA'AM, ,'JAB BUS BRKU SOGS BSAM SBYOR LOG PA YIS, ,RDUL PHRAN TZAM YANG GZHAN DU 'KHYER BYED NA, ,SKAD CIG

, ,DE LA DRAG POS TSAR CHOD MDZOD, ,GZHAN YANG PHAN BDE'I 'BYUNG GNAS CHOS GRVA CHE'I, ,GTZUG LAG KHANG DANG DGE 'DUN CHOS 'BANGS LA, ,'TSE BA'I SNYING KHRAG ZHAL DU RAB DRANGS NAS, ,BDE CHEN GO 'PHANG THOB PA'I 'PHRIN LAS MDZOD, ,SHUGS DRAG DAD PAS MCHOD CING BSNYEN BKUR BA'I, ,MTHA' DAG SKYE DGU TSE RING 'BYOR LDAN ZHING, ,MTHAR THUG SKU GSUM GO 'PHANG MYUR THOB NAS, ,PHYOGS 'DIR BSHAD SGRUB MNGA' THANG 'PHEL GYUR CIG; CES SO, ,RJE 'DI PA NI SNGON BSKAL PA BGRANG BA LAS 'DAS PA NAS THUGS BSKYED DE ZHING 'DIR THUB PA'I BSTAN PA SPEL BA'I SLAD DU BSAMS BZHIN DU BYON PA YIN PA DANG, THA MAL BA RNAMS KYI SNANG NGOR YANG BYANG CHUB KYI SEMS RIN PO CHE NYID THUGS DAM GYI THIL DU MDZAD DE SPYIR 'GRO BA MTHA' DAG DANG, KHYAD PAR BYANG PHYOGS GANGS RI'I KHROD KYI 'GRO BA RNAMS LA YUL PHYOGS DANG GRUB MTHA'I PHYOGS LHUNG GANG YANG MED PAR THAMS CAD BYAMS BRTZES SKYONG BAR MDZAD PAS MCHOG DMAN BAR MA THAMS CAD KYIS BSNYEN BKUR PA'I ZHING MCHOG TU BZUNG STE RANG RANG GI GCES PA'I NOR RNAMS RJE 'DI'I PHYAG TU 'BUL CI THUB BYAD PAS ZANG ZING GI YO BYANG MTHA' YAS PA BYUNG BA DE DAG THAMS CAD SKU GSUNG THUGS RTEN GSAR BZHENG DANG, RIS SU MA CHAD PA'I DGE 'DUN GYI SDE MTHA' DAG LA BSNYEN BKUR NAR MAR MDZAD CING, DE THAMS CAD KYANG BSNGO BAS RGYAS THEBS PAR MDZAD DE, DE'I TSE BSNGO BA'I TSIGS BCAD KYANG 'DI LTAR, NA MO GU RU BUDDHA BO DHI SATV'A YA, GSER

SPYANGS BTZO MA'I LHUN PO RNAM MANG PHRAS, ,BTAB PA JI BZHIN MTSAN DPE'I DPAL 'BAR BA, ,SH'AKYA'I TOG SOGS RGYAL BA SRAS BCAS LA, ,PHYAG 'CHAL YID SMON 'GRUB PA'I GROGS MDZOD CIG ,BDAG GIS SKU GSUNG THUGS RTEN BZHENGS MCHOD DANG, ,DGE 'DUN BSNYEN BKUR DBUL PHONGS TSIM BYAS SOGS, ,DGE BA 'DI DAG GIS MTSON BDAG GZHAN GYIS, ,SNGON NAS DA LTA'I BAR BSGRUBS DGE TSOGS MTHUS, ,'BRU KUN SKYE LAS BZHIN YID CAN LA, ,PHAN BDE BLA MED STER LA MED MI RUNG; ;THUB PA'I BSTAN PA LUNG RTOGS NYI 'OD KYIS, ,'CHI MED LAM BZHIN PHYOGS KUN KHYAB GYUR CIG ,'JIG RTEN KHAMS SU MI 'DOD BSKYED PA'I GZHI, PHAN TSUN RTZOD SOGS MI DGE'I TSOGS ZHI ZHING, ,RDZOGS LDAN GSAR DU BZHAD PA'I DGA' STON LA, ,'GRO KUN GTAN DU SPYOD PA NYID GYUR CIG ,GRANGS MED BGROD KYANG BZOD PA'I LAM CHEN BZHIN, ,SDUG BSNGAL GYIS MNAR 'GRO TSOGS SGROL BA'I KHUR, ,LCI YANG BZOD PA'I BYANG CHUB SEMS MCHOG DANG, ,NAM YANG 'BRAL BA MED PA NYID GYUR CIG ,THUB PAS 'GRO KUN DON CHED GRANGS MED PA'I, ,BSKAL PA GSUM DU SKU LUS LONGS SPYOD SOGS, ,BTANG BAS TSOGS GNYIS YONGS RDZOGS BYANG CHUB BRNYES, ,BDAG GI SPYOD PA'ANG DE DANG MTSUNGS PAR SHOG ,JI LTAR SMON BZHIN BSOD NAMS YE SHES KYI, ,RLABS CHEN TSOGS DAG YONGS SU RDZOGS GYUR NAS, ,SKYON BRAL YON TAN KUN GYI DPAL LDAN PA'I, ,BLA MED BYANG CHUB MYUR DU THOB GYUR CIG ,DE THOB NAS KYANG 'KHOR BAR 'KHYAMS BA'I 'GRO, ,MA LUS KUN MKHYEN RGYAL

, ,BA'I GO 'PHANG LA, ,'GOD PA'I BRTZON 'GRUS THUB PA MCHOG NYID DANG, ,MI MNYAM MED PA NYID DU BDAG GYUR CIG ,CES SO, ,DE NAS DON GRUB CES PA SA MO LUG GE LO ZLA BA DRUG PA'I NANG DU DBUS PHYOGS SU CHIBS KHA BSKYOD DE RGYAL BA THAMS CAD MKHYEN BA NGAG DBANG BLO BZANG RGYA MTSO LA GSER GYI MAndAL DANG NAM MKHA' MDZOD KYI SGO 'PHAR PHYE BA LTAR DNGOS PO TSAD MED PAS MCHOD DE DBANG LUNG MAN NGAG MTHA' DAG YONGS SU RDZOGS PA ZHIG GNANG DGOS ZHES GSOL BA 'DEBS PAR MDZAD PAS, RGYAL DBANG THAMS CAD MKHYEN PA CHEN POS DA LAM CHOS BKA' YONGS RDZOGS 'BUL THUB PA MI YONG YANG NYER MKHO GANG 'GRUB CIG 'BUL GSUNG NAS, THUB PA GTZO 'KHOR GSUM, THUGS RJE CHEN PO GTZO 'KHOR GSUM, RJE BTZUN MI G-YO MGON PO, SGROL MA GTZO 'KHOR GSUM DANG BCAS TE BKA' GDAMS LHA BZHIR GRAGS PA'I RJES GNANG, SMAN BLA BDE GSHEGS BRGYAD MTHO BRTZEGS SU BZHUGS PA'I RJES GNANG ,PAndI TA GSER GDUGS CAN GYI BZHED SROL 'JAM DKAR SHES RAB 'KHOR LO'I RJES GNANG KHRO PHU LO TZ'A BA NAS BRGYUD PA, DGE SLONG MA DPAL MA NAS BRGYUD BA'I THUGS RJE CHEN PO ZHAL BCU GCIG PA PHYAG STONG SPYAN STONG GI RIGS GTAD KYI RJES GNANG, BA RI BA'I LUGS KYI RNAM 'JOMS LJANG SNGON GYI RJES GNANG, 'JAM DBYANGS DKON MCHOG LHUN GRUB KYI YI GE'I STENG NAS PHYAG NA RDO RJE 'BYUNG PO 'DUL BYED KYI RJES GNANG GUR NAS

'BYUNG NGA, RJE BTZUN SA SKYA PA'I ZAB CHOS SU GRAGS PA DBANG GI SGROL MA DMAR MO'I RJES GNANG, 'PHAGS PA KLU SGRUB KYIS MDZAD PA'I SGRUB THABS DANG GONG MA'I PHYAG LAN LTAR KLU DBANG RGYAL PO GTZO 'KHOR LNGA'I RJES GNANG, ,MI G-YO BA'I RJES GNANG, DPAL SNAR THANG PA RIG RAL GYI PHYAG LEN DANG MTHUN BA MI G-YO CHU SRUNGS KYI RJES GNANG YAR KLUNGS PA YON TAN BKRA SHIS KYI PHYAG LEN DANG MTHUN PA, YANG DE NYID KYI PHYAG LEN DAD MTHUN PA MI G-YO BA DKAR PO GTUM PO'I RJAS GNANG, 'JAM DBYANGS MKHYEN BRTZE'I YI GE'I STENG NAS GUR NAS GSUNGS PA'I SO SOR 'BRANG MA'I RJES GNANG, RAB 'BYAMS PA RIN CHEN DPAL BZANG GI YI GE'I STENG NAS SVA'I SNGAGS 'CHANG SNYE MO SH'AKYA DPAL LA GSANG BA'I BDAG POS DNGOS SU GSUNGS PA GUR NAS 'BYUNG BA DANG 'BREL BA'I PHYAG RDOR 'BYUNG 'DUL GYI RJES GNANG MI'I DBANG DBANG BCAS PA, 'JAM DBYANGS MKHYEN BRTZE'I DBANG PHYUG GI YI GE'I STENG NAS 'OD ZER CAN GTZO RKYANG GI RJES GNANG, SPYAN SNGA NGAG DBANG CHOS GRAGS KYI YIG CHA'I STENG NAS JO PO LUGS KYI SME BRTZEGS LJANG NAG GI RJES GNANG, 'JAM DBYANGS MKHYEN BRTZE'I ZIN BRIS GYI STENG NAS SME BRTZEGS DUD KA'I RJES GNANG, RTA MGRIN LCAGS RAL CAN ZLA RGYAL LUGS SU GRAGS PA'I RJES GNANG YIG RNYING DANG MTHUN PA, RTA MGRIN SHVA NA BZHI SKOR GYI RJES GNANG JO BO CHEN PO NAS BRGYUD PA, SHE'U LO TZ'A BA'I YIG CHA'I STENG NAS JO BO CHEN PO LA 'PHAGS PA SPYAN RAS GZIGS KYIS GNANG BA'I DZAM LA DKAR PO 'BRUG ZHON GYI RJES GNANG,

, ,YANG DZAM LA SER PO DANG NAG PO GNYIS KYI RJES GNANG, SLOB DPON AA BHA YA'I BZHENG SROL CHAG LO SUM PAS MDZAD PA'I SREG BYED ME'I MTSON CHA'I YI GE'I STENG NAS GTZUG TOR 'BAR BA'I RJES GNANG, SGRUB THABS RGYA MTSO'I NANG GI RDO RJE DBYANGS CAN MA DMAR MO ZHAL GSUM PHYAG DRUG BA'I RJES GNANG, THAR RTZE NAM MKHA' DPAL BZANG GIS MDZAD PA'I YIG CHA'I STENG NAS JO BO CHEN POS YOL CHOS DBANG LA GNANG BA'I RTA MGRIN GSHOG BA CAN ZHAL GSUM PHYAG DRUG PA'I RJES GNANG ,PAndI TA NAGS KYI RIN CHEN NAS BRGYUD PA'I SENG GDONG MA DMAR MO'I RJES GNANG, SA SKYA PA'I GSER CHOS SU GRAGS PA'I SENG GDONG MA NAG MO'I RJES GNANG, YANG SA SKYA PA'I LCAGS RI MI 'DA' BA'I GSER CHOS SU GRAGS PA 'PHAGS PA 'JIG RTEN DBANG PHYUG SENG GE SGRA'I RJES GNANG, DAM PA SANGS RGYAS NAS BRGYUD PA'I 'JAM DBYANGS SMRA SENG YUM BCAS KYI RJES GNANG, PHYAG RDOR AU TZARYA'I BYABS BSRUNG DANG RJES GNANG RNAMS GSAN, GZHAN YANG JO BO CHEN PO LHA CIG NAS BRGYUD PA'I SGROL MA NYER GCIG GI SNGON 'GROR, SER LDENG NAGS KYI SGROL MA'I RJES GNANG BCAS YONGS RDZOGS DANG, DPAL LDAN LHA MO'I RJES GNANG, K'A MA RU PA NAS BRGYUD BA'I ZHAL BRAM NAG GI RJES GNANG, TSE DPAG MED DKAR BO'I RJES GNANG RNAMS GSAN, 'DI SKABS RGYAL BA THAMS CAD MKHYEN PA CHEN POS RJE 'DI BA LA RJE BDAG NYID CHEN PO'I THUGS DAM RTEN STON PA THUB PA'I DBANG PO'I SKU

BRNYAN 'PHAGS YUL LA MI NGO MA KHYAD MTSAR ZHIG GNANG STE, MNYAM MED BU RAM SHING PA'I MDO SNGAGS KYI BSTAN BA SPYI DANG, KHYAD PAR KHAMS GSUM CHOS KYI RGYAL PO TZONG KHA BA CHEN PO'I BSTAN PA'I BDAG PO MDZOD CES BSTAN PA'I BDAG POR MNGA' GSOL, DE MTHUN GZHAN GYI ZHU BA PE MED BAR DGONGS DPYAD KYIS, RGYAL KUN NGO BO BLO BZANG GRAGS SNYAN BSTAN, ,'DZIN BAR BSOD NAMS SA BON DANG DRAG LAS, ,YE SHES MCHEG GI YONGS 'DU SA BRTOL RTZER, , SPRUL SKU'I 'BRAS BZANG SMIN LA GSOL BA 'DEBS, ZHES SOGS ZHABS BRTAN GSOL 'DEBS BKA' RTZOM GSAR DU GNANG STE PHYAG TU PHUL, GSOL 'DEBS DE NYID PHYOGS MTHA' DAG LA'ANG 'GYED BAR MDZAD, DE SKABS THON PHYAG GI SKABS YAB SRAS GNYIS KA PHAN TSUN 'BRAL MI PHOD PAR SPYAN CHAB MANG DU BYUNG ZHING THUGS 'PHRENG BA'I RNAM PA CHOR MDZAD PA NA ZHABS 'BRING BA TSANG MA'ANG RGYAL BA YAB SRAS 'DI GNYIS KYI MDZAD SPYOD 'DI 'DRA SNYAM DU YAB SRAS GNYIS KAR GUS BA BLA MED THOB CING SPYAN CHAB 'BYIN PA BYUNG 'DUG STE, DE NI SKU TSE 'DIR YAB SRAS GNYIS SLAR MI MJAL BAR GNYIS KAS MKHYEN PAR MNGON NO, ,TSUL DE DAG LA RJE NYID KYIS 'DI LTAR GSUNGS TE, RGYAL BA KUN DNGOS BLO BZANG GRAGS BA DANG, ,DBYER MED GTAN GYI SKYABS GCIG THAMS CAD MKHYEN, ,PHYAG NA PADMO'I ZHAL DKYIL LEGS MJAL TE, DAM CHOS BDUD RTZI'I DGA' STON DPAG MED MYANGS, ,THUB BA'I SNANG BRNYAN DNGOS PO'I GNANG SKYES BCAS, ,STZAL NAS THUNG

, ,BSTAN BDAG PO GYIS SHIG CES, ,SH'AKYA'I RGYAL POS 'PHAGS PA 'OD SRUNGS LA, ,JI BZHIN BSTAN PA'I KHUR CHEN BDAG LA STZAL, ,BLO DMAN BDAG 'DRAS DE 'DRA'I KHUR LCI BA, ,BZOD PAR DKA' YANG RJE BTZUN BLA MA'I BKA', ,'DOR MED YANG NGAG BSGRUB NUS GYUR CIG BA'I, ,SMON LAM BZANG PO RTZE GCIG YID KYIS BTAB, ,CES SO, ,DE NAS GTZANG DU PHEBS BKRA SHIS LHUN PO'I DBYAR CHOS KYI THOG DBU MA'I GZHUNG LA SBYONG BAR BZHED DE KHYUNG PHRUG BYAMS PA BKRA SHIS KYIS MDZAD BA'I DBU MA'I SPYI DON DANG, SER RJE BTZUN BAS MDZAD BA'I DBU MA'I SPYI DON CHEN MO DANG, DBU MA'I SA LAM RNAM GZHAG YONGS RDZOGS THUGS LA BZUNG STE NYIN LTAR SNGA DRO'I CHA LA BLA BRANG NYID DU MTSAN NYID ZHABS PHYI RNAMS DANG BGRO GLENG MDZAD, DGONG MO BSKAL BZANG KHYAM RA CHEN MOR 'DUS TSOGS KYI RIGS LUNG DANG BSTUN NAS ZUR BZHI BLA MA RNAMS DANG BCAS RIGS LUNG 'CHAG MED MDZAD, PHUN TSOGS RGYA MTSOS MDZAD PA'I DBU MA'I MTHA' DPYOD DANG, SGOM SDES MDZAD BA'I DBU MA'I t'AKKI GNYIS KYANG THUGS LA BZUNG, GZHAN YANG 'JAM DBYANGS DGA' BLOS MDZAD PA'I DBU MA'I MTHA' DPYOD DANG, RJE DGE 'DUN RGYA MTSOS MDZAD PA'I LTA KHRID CHEN MO DANG, CHOS RJE BDE LEGS NYI MAS MDZAD PA'I DBU MA'I SPYI DON RNAMS KYANG THUGS LA BZUNG ZHING, 'JUG PA'I RNAM BSHAD DGONGS PA RAB GSAL YANG PHAL CHER THUGS LA BZUNG STE ZAB MO DBU MA'I LTA BA GTAN LA 'BEBS PA LA SLOB DPON ZLA BA

GRAGS BA SLAR YANG 'JIG RTEN 'DIR BYON PA LTAR LUNG DANG RIGS PA'I DBANG PHYUG CHEN POR GYUR TO, ,DE NAS RDO RJE 'DZIN BA DKON MCHOG RGYAL MTSAN SPYAN DRANGS TE RIN PO CHE'I MAndAL SOGS MCHOD SPRIN MTHA' YAS PHAS MCHOD NAS 'JAM MGON BLA MA'I BSTAN PA'I SNYING PO GRUB CAN DBEN SA PA YAB SRAS KYI SNYAN RGYUD KYI MAN NGAG ZHAL SHES DANG BCAS PA GSAN ZHING DPAL GSANG BA 'DUS BA MI BSKYOD PA'I DBANG GI STA GON DANG, DNGOS GZHI BCAS GSAN ,DE NAS RIM GYIS BDE MCHOG L'U DRIL GNYIS, TSE DPAG MED LHA DGU SOGS KYI DBANG SO SOR STA GON DANG BCAS PA, NAM MKHA' SGO 'BYED KYI DBANG, BDE MCHOG L'U DRIL GNYIS DANG RDO RJE 'JIGS BYED KYI RDZOGS RIM GYI KHRID, BYANG CHUB LAM GYI RIM PA'I KHRID, YE SHES MGON PO PHYAG DRUG PA, DAM CAN CHOS KYI RGYAL PO, DPAL LDAN DMAG ZOR RGYAL MO, DPAL MGON ZHAL BZHI PA, RGYAL CHEN RNAM SRAS RNAMS KYI RJES GNANG, THUN DRUG GI RNAL 'BYOR GYI BSHAD LUNG DANG BCAS BA DANG, BLA MA MCHOD PA'I ZAB KHRID SNYAN RGYUD MAN NGAG ZHAL SHES YONGS RDZOGS DANG, MGON BO'I BKA' CHEN BCU GSUM GYI RJES GNANG, KHYUNG NAG ME'I SPU GRI'I RJES GNANG, BCOM LDAN 'DAS DAM TSIG GSUM BKOD RGYAL PO'I DBANG GI STA GON DNGOS GZHI DANG BCAS PA, DE NYID KYI SGRUB DKYIL YONGS SU RDZOGS PA'I CHOG SGRIGS RDO RJE 'DZIN BA RANG NYID KYIS MDZAD PA'I LUNG, DPAL RDO RJE 'JIGS BYED DPA' BO GCIG PA DANG BCU GSUM MA

, ,GNYIS KYI DBANG BZHI YONGS RDZOGS SO SOR STA GON DANG BCAS PA DANG, SNGAGS BTU BA'I RJES GNANG, KHAMS GSUM 'GRO BA'I BLA MA TZONG KHA PA CHEN POS MDZAD PA'I N'A RO CHOS DRUG GI KHRID YIG YID CHES GSUM LDAN GYI STENG NAS KHRID LUNG SBRAGS MA DANG RKANG PA'I 'KHRUL 'KHOR GYI SKABS SU 'DI SKOR GYI LAG LAN RNAMS LEGS PAR GSAN, BSRE BA SKOR DGUL GSUNG BSHAD 'THUS 'DOMS CHE BA ZHIG KYANG GNANG GSUNG, GZHAN YANG PHYAG RDOR GTUM CHEN DANG GTUM CHUNG GNYIS KYI RJES GNANG, DPAL 'KHOR LO BDE MCHOG LHA LNGA'I DBANG BZHI YONGS SU RDZOGS PA, PHYAG RDOR GOS SNGON CAN GYI RJES GNANG, 'JAM DBYANGS NAG PO'I RJES GNANG, RGYAL BA'I SRAS BO THOGS MED BZANG PO DPAL GYIS MDZAD PA'I BLO SBYONG GI KHRID YIG STENG NAS KHRID LUNG SBRAGS MA, SGOM SDE THAMS CAD MKHYEN PAS MDZAD PA'I DPAL RDO RJE 'JIGS BYED CHEN PO'I BSKYED RDZOGS KYI LUNG RNAMS GSAN ZHING THUB PA DAM TSIG GSUM BKOD KYI DBANG MANG GSAN, LHAG BAR DGA' LDAN SNYAN RGYUD KYI MAN NGAG YONGS SU RDZOGS PA GSAN, DE NAS DGUNG LO NYER GNYIS PA MIG DMAR ZHES PA SHING PHO BYI BA'I LO RGYAL ZLA BA'I YAR TSES BRGYAD KYI NYIN BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU RDO RJE 'DZIN PA DKON MCHOG RGYAL MTSAN DPAL BZANG BO'I ZHAL SNGA NAS KYIS MKHAN SLOB ZUNG 'BREL DANG, SNGAGS GRVA ZHAL SNGA NAS SLOB DPON RIN PO CHE BLO BZANG MGON

BOS GSANG STON ,DKYIL KHANG ZHAL SNGA NAS MGON PO DPAL BZANG GIS GREB CHOD PA, THOS BSAM GLING ZHAL SNGA NAS BLO BZANG BYAMS PAS LHUNG BZED 'BRIM PA, SHAR RTZE ZHAL SNGA NAS BLO BZANG DPAL 'BYOR SOGS KHA SKOR DU 'OS PA DAG GIS KHA SKONG BA MDZAD DE DAD PA'I DGE 'DUN GRANGS CHANG BA'I DBUS SU BSTAN PA LA ZHUGS LA YONGS SU RDZOGS PA DGE SLOB GI SDOM PA LEGS PAR BZHES TE THUB PA'I DBANG PO SLAR YANG GANGS RI'I LJONGS 'DIR BYON PA JI LTA BAR GYUR TO, ,TSUL NGAL NI RJE NYID KYI ZHAL NAS, MKHAN CHEN RDO RJE 'DZIN BA'I DED DPON GYIS, ,BDAG BLO'I GRU CHEN LHAG BA TSUL KHRIMS KYI, ,BSLAB PA YONGS RDZOGS RIN CHEN GTER GYIS BKANG, ,BKA' DRIN CHE'O DKON MCHOG RGYAL MTSAN ZHANGS, ,GZHAN YANG SRID ZHI'I GTZUG RGYAN RDO RJE 'CHANG, ,MKHAN CHAN RNAM GNYIS BKA' DRIN LA BRTEN NAS, ,BYANG SEMS RIG 'DZIN SDOM PA'I NOR BUS KYANG, ,RNYED DKA'I DAL 'BYOR GRU CHEN BYUR BUR GTAMS, ,SDOM GSUM CHU GTAR LAS 'ONGS TSUL KHRIMS NI, ,RNAM GSUM RIN CHEN GYIS GANG GZINGS BZANG PO, ,NYON MONGS CHU SRIN CHOM RKUN MA RUNGS PAS, ,MI 'JIGS DRAN SHES SO BCAS BRTZON PAS BSRUNG, ,CI YI PHYIR NA 'JAM MGON BLA MA YIS, ,TSUL KHRIMS NYES SPYOD DRI MA 'KHRUD PA'I CHU, ,NYON MONGS TSA GDUNG SEL BA ZLA BA'I 'OD, ,SKYE DGU'I DBUS NA LHUN PO LTA BUR BRJID, ,STOBS KYIS BSDIGS BA MED BAR 'GRO KUN 'DUD, ,CES SOGS BSNGAGS

, ,PA'I TSUL LA NGES RNYED CING, ,THUB BA'I BSTAN PA YANG DAG GZUNG BAR YANG, ,LEGS PAR RTOGS PAS 'BAD DE BSRUNG BAR SMON, ,DE'ANG TSE 'DIR RNYED BKUR SNYAN GRAGS DENG, ,PHYI MA MNGON MTHO'I BDE 'BRAS THOB CHED MIN, ,'PHRAL YUN BSTAN 'GROR PHAN BDE BSGRUB PA SOGS, ,'JAM DPAL DPA' BO'I SPYOD PA JI LTAR SMON, ,'DI LAS BYUNG BA'I DGE TSOGS 'OD DKAR GYIS, ,KHAMS GSUM 'KHOR BA'I GNAS KUN KHYAB GYUR NAS, ,MAR GYUR 'GRO BA'I MA RIG MUN SANGS TE, ,SGRIB BRAL BAS LEGS LAM BZANG THOB GYUR CIG ,CES GSUNGS SO, ,RJE 'DI NI RGYAL BA TZONG KHA PA CHEN PO'I MDZAD PA RNAM THAR LTAR SHING RTA CHEN PO'I GZHUNG LUGS RNAMS LA SBYANGS PA MTHAR PHYIN PA ZHIG MDZAD BZHED NAS RNAM 'GREL DANG DBU MA GNYIS LA SBYANGS PA MTHAR PHYIN PA MDZAD NAS PHAR PHYIN GYI GZHUNG LA SBYONG BAR BZHED DE, PAn CHEN SHANTI PA'I PHAR PHYIN GYI SBYI DON DANG MTHA' DPYOD YONGS RDZOGS, ZUR BKOL RTEN 'BREL, BSAM GZUGS, DGE 'DUN NYI SHU, THOD BRGAL, SA LAM RNAM GZHAG RNAMS YONGS RDZOGS THUGS LA BZUNG STE NYIN LTAR RIGS LUNG 'CHAG MED MDZAD, DE NAS SER RJE BTZUN PAS MDZAD PA'I PHAR PHYIN GYI SPYI DON YANG PHAL CHER BZUNG ZHING, GTZO BOR LEGS BSHAD GSER PHRENG DANG RNAM BSHAD SNYING PO RGYAN GNYIS LA GZIGS TE SHER PHYIN GYI MDO SDE RIN PO CHE'I DON RJE BTZUN BYAMS PA MGON

BOS NYAMS LEN GYI RIM PAR BSGRIGS PA'I GZHUNG MNGON RTOGS RGYAN GYI DGONGS PA BYANG CHUB LAM RIM DANG SBYAR TE GTAN LA 'BEBS PA LA GDENG THOB BAR MDZAD, DE NAS 'DUL BA LA SBYONG BAR BZHED DE SE RA RJA BTZUN PAS MDZAD BA'I 'DUL BA'I YIG CHA YONGS RDZOGS BZUNG ZHING SNGA SOR 'BUL BA MDO RTZA BA YONGS RDZOGS THUGS LA BZUNG BA BAR SKABS CUNG ZAD MNYEL BA'ANG SKABS 'DER GSOS TE 'DUL BA MDO RTZA BZHAL TON DU MDZAD CING, DE DANG 'DUL t'IKA RIN CHEN PHRANG BA RTZA 'GREL SBYAR TA MTHA' DAG PAR GTAN LA PHAB, 'DUL BA NAS JI LTAR GSUNGS BA LTAR 'GRO 'CHA GNYAL 'DUG GI SPYOD LAM THAMS CAD DANG, ZAS DANG GOS DANG SMAN DANG GNAS MAL JI LTAR LONGS SPYOD BA'I TSUL RNAMS PHRA MO'ANG MA 'PHYUGS BAR PHYAG LEN LA THABS BAR MDZAD DE 'PHAGS MCHOG NYE BAR 'KHRO GANGS RI'I KHROD 'DIR SLAR YANG BYON PA JI LTA BAR GYUR TO, ,DE NAS MNGON PA MDZOD LA SBYONG BAR BZHED DE MDZOD RTZA BA DANG, DKYIL KHANG GRA TSANG GI YIG CHA MNGON BA MDZOD LUNG RIGS GTER MJOD YONGS RDZOGS THUGS LA BZUNG ZHING GZHAN YANG MNGON PA KUN BTUS SOGS RGYA BOD KYI MNGON BA'I YIG CHA PHAL MO CHE LA GZIGS TE MTHA' CHOD PAR MDZAD, DE NAS DGE BA'I BSHES GNYEN BSOD NAMS GRAGS BA YONGS 'DZIN DU BSTEN TE YONGS 'DZIN DAM PA DE NYID LA BAn CHEN THAMS CAD MKHYEN PAS MDZAD PA'I DPAL GSANG BA 'DUS PA'I KHRID LAG RJES ZHAL SHES DANG BCAS PA RDO RJE 'DZIN PA DKON MCHOG

, ,RGYAL MTSAN GYIS ZIN BRIS SU GNANG BA DANG, BYANG CHUB LAM GYI SGRON MA, RJE SANGS RGYAS YE SHES KYIS MDZAD PA'I BLO SBYONG, SNAR THANG BA'I LAM MCHOG RTZA BA, BE'U BUM SNGON PO'I RTZA PA, DE'I 'GREL PA LHA 'BRI SGANG PAS MDZAD PA, SPYOD 'JUG ,CHED DU BRJOD PA'I TSOMS, BSLAB PA KUN LAS BTUS, RJE BDAG NYID CHEN PO'I GSUNG LAM RIM CHE CHUNG GNYIS, TSUL KHRIMS LE'U'I RNAM BSHAD, BYANG CHUB GZHUNG LAM; BLA MA LNGA BCU PA'I RNAM BSHAD, RDO RJE 'CHANG CHEN PO'I LAM GYI RIM PA, BDE MCHOG RTZA RGYUD DANG DE'I 'GREL PA SPAS DON KUN GSAL, BDE MCHOG L'U AI PA'I RNAM BSHAD 'DOD 'JO, BDE MCHOG GI RDZOGS RIM DNGOS GRUB SNYE MA, L'U AI PA'I RDZOGS RIM RNAL 'BYOR CHEN PO'I KHRID, DRIL BU RIN LNGA'I RNAM BSHAD, SBAS DON LTA BA'I MIG 'BYED, L'U AI PA'I SGRUB THABS BDE CHEN GSAL PA, BDE MCHOG DRIL BU PA'I SGRUB THABS DGONGS PA RAB GSAL, RIM LNGA GSAL SGRON, YE SHES RDO RJE KUN LAS BTUS DANG DE'I 'GREL PA, LHA MO BZHI ZHUS KYI RGYUD DANG DE'I 'GREL PA, 'PHO t'A KI GSER GYI SGO 'PHYED, RNAL 'BYOR BZHI RIM GYI t'AKKI, ,'JAM DPAL ZHI KHRO GNYIS KYI BSRUNG BA DRBAN A'A TZ'ARYA'I MAN NGAG LAS BYUNG BA, 'JIGS BYED KYI RTZA'I DAG SBYOR, KYEE RDOR ZIN BRIS, BDAG MED MA'I SGRUB DKYIL ZIN BRIS, SPRIN DRIL BA'I MAN NGAG RJE THAMS CAD MKHYEN PAS MDZAD PA, MKHAS

GRUB RIN PO CHES MDZAD PA'I RTZA LTUNG RNAM BSHAD, SBOM PO BRGYAD PA'I RNAM BSHAD, BLA MA LNGA BCU PA ,RTZA LTUNG BCU BZHI PA, SPOM PO BRGYAD PA, YANG RJE'I GSUNG 'JUG PA'I RNAM BSHAD DGONGS PA RAB GSAL DANG, DRANG NGES RNAM 'BYED LEGS BSHAD SNYING PO, DE'I DKA' 'GREL THAMS CAD MKHYEN PA DGE 'DUN RGYA MTSOS MDZAD PA SOGS GSUNG PHAL CHER, GSANG PA 'DUS PA'I BSHAD RGYUD DGONGS PA LUNG STON LE'U BCU GNYIS PA, DPAL GSANG BA 'DUS PA'I BSHAD RGYUD RNAL 'BYOR CHEN PO'I RGYUD DPAL RDO RJE PHRENG BA MNGON PAR BRJOD PA, RGYUD KYI RGYAL PO DPAL GSANG BA RNAM PAR 'BYED PA ZHES BYA BA LE'U DRUG CU RTZA BRGYAD PA, YE SHES RDO RJE KUN LAS BTUS PA ZHES BYA BA'I RNAL 'BYOR CHEN PO'I RGYUD DANG, DPAL RDO RJE SNYING PO RGYAN GYI RGYUD, RNAL 'BYOR CHEN PO'I DE KHO NA NYID CES BYA BA DANG, DPAL RDO RJE 'JIGS BYED KYI RGYUD RTOG BA BDUN PA, NGAN SONG THAMS CAD YONGS SU SBYONG BA'I RGYUD KYI RGYAL PO, TING NGE 'DZIN RGYAL PO'I MDO, DPAL SDOM PA 'BYUNG BA'I RGYUD KYI RGYAL PO, DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO BRGYAD BRGYA PA, BLO SBYONG MTSON CHA 'KHOR LO DANG RMA BYA DUG 'JOMS, RGYAL SRAS BKA' 'BUM YONGS RDZOGS, BLO SBYONG DPAL YE MA, SPYAN SNGA BLO GROS RGYAL MTSAN GYIS MDZAD PA'I THOG MA'I BLO SBYONG, YANG RJE'I GSUNG BDE MCHOG DRIL BU LUS DKYIL GYI DKYIL CHOG RIN PO CHE'I BANG MDZOD DANG, RTZA SHE t'IKA CHEN,

, ,RIM LNGA GDAN RDZOGS, GZHAN YANG DUS 'KHOR BSDUS RGYUD DANG, BYAMS PA DAM BCAS KYI GZUNGS PHAN YON DANG BCAS PA, YON SBYONG PA'I GZUNGS, 'JAM DBYANGS DAM BCAS PHAN YON DANG BCAS PA, RDO RJE 'DZIN PA DKON MCHOG RGYAL MTSAN GYIS MDZAD PA'I 'JAM DBYANGS CHOS SKOR GYI RJES GNANG CHOG SGRIGS, 'JAM DBYANGS CHOS SKOR PAR LA 'KHOD PA RNAMS KYI LUNG DANG, 'JAM DBYANGS CHOS SKOR NANG GI CHOS RGYAL GSUM MA GTOGS PA'I RJES GNANG, GZHAN YANG BKA' GDAMS GLEGS BAM CHA LAG DANG BCAS PA, LAS CHEN KUN RGYAL BAS MDZAD PA'I BKA' GDAMS CHOS 'BYUNG, MKHAS GRUB SANGS RGYAS YE SHES KYI BKA' 'BUM YONGS RDZOGS, JO BO'I CHOS CHUNG BRGYA RTZA YONGS RDZOGS, RJE DGE 'DUN GRUB KYIS MDZAD PA'I THUB DBANG GI BSTOD PA BDUD DPUNG PHYE MAR 'THAGS PA, MI CHOS GNAD PHRENG, DPE CHOS RIN SPUNGS, YIG CHUNG NYER GCIG ,'DUL BA'I GLENG 'BUM CHEN MO BCAS KYI LUNG RNAMS GSAN, DE LTAR MANG DU THOS PAR GYA CHER 'TSOL BAR MDZAD CING, DE DAG GI SKABS SHING RTA CHEN PO'I GZHUNG LUGS RNAMS KYI DON LA RIGS PAS DPYAD PA NA BDE BA 'DOD KYANG RMONGS NAS SDUG BSNGAL GYI RGYU SGRUB PA'I SEMS CAN RNAMS LA SNYING RJE DANG MI RTAG SDUG BSNGAL STONG PA'I DANG TSUL DGONGS NAS NGES 'BYUNG SHUGS DRAG BO DANG SNGON BYON DAM PA RNAMS KYI RNAM THAR LA SLOB 'DOD SHUGS DRAG 'KHRUNGS SHING, LHAG PAR RJE THAMS CAD MKHYEN PAS DENG SANG GI BYED

SPYOD LTAR CHUNG DU NAS BLA CHEN GYI TSUL BZUNG NAS CHE SGROB BYED PA 'DI 'DRA MIN PAR CHOS RJE DON GRUB RIN CHEN NAS BZUNG MKHAS DANG GRUB PA'I DAM BA MANG PO'I ZHABS LA GTUGS TE GDAMS PA MANG DU GSAN PA DANG, GRVA SA CHEN PO RNAMS SU MKHAS PA BLO GSAL DON GNYER CAN RNAMS DANG MNYAM 'PHRE MDZAD DE GZHUNG LUGS LA MTHA' CHOD PAR SPYANG BAR MDZAD PA DANG, LHAG PAR RJE BTZUN 'JAM PA'I DBYANGS KYI BKAS BSKUL TE 'KHOR DAG PA RNAM BRGYAD DANG BCAS BYA BRAL LA PHEBS NAS DBAN PA'I RI SUL RNAMS SU DPON MED G-YOG MED SPYOD PA RANG DBANG 'DUS PA'I BYA BRAL GYI BRTUL ZHUGS LA GNAS TE 'TSO BA DKA' THUB MDZAD CING DPAG PAR DKA' BA'I BSAG SBYANG MDZAD PA'I RNAM THAR DE DAG LA BSAMS NA BDAG NI BLA CHEN GYI GO SAR SBYIN BDAG GRVA RIGS MANG PO'I GZHAN DBANG DU SONG STE PHA BLA MA'I RNAM THAR SKYANG BA'I DBANG MED PA 'DI LTA BU SNYAM DU THUGS SHIN TU SKYON NAS SPYAN CHAB RGYUN MA CHAD PAR BYUNG ZHING RJE BLA MA'I RNAM THAR LA SMON PA'I GSUNG MGUR 'DI LTAR MDZAD DO, NA MO GU RU SU MA TI K'IRTIYE, PHUL BYUNG BLO GROS ZAB YANGS YID BZHIN MTSOR, ,BSLAB GSUM RNAM DAG RIM GNYIS NOR BZANG POS, ,LEGS GTAMS YID CAN YONGS KYI RE SKONG ZHES, ,GRAGS BA'I RLABS PHRENG SRID GSUM G-YO KHYOD RGYAL, ,GDENGS CAN DBANG PO'I TSOGS KYI GTZUG RGYAN BZHIN, ,GANG GI ZHABS SEN PAD RAG MDANGS CHAGS PA, ,SPYI BO BDE CHEN 'KHOR LO'I STENG BKOD NAS, ,BYANG CHUB SNYING PO'I BAR DU MCHOD LA BRTZON, ,NYI 'OD GCIG GIS

, ,GRANGS MED SKAR MA'I TSOGS, ,PHAM BAR BYED BZHIN KHYOD KYI THUGS RJE'I ZER, ,GCIG GIS MA RIG SMAG TSOGS 'JOMS PA'I MTHU, ,MTHONG BAS RAB DAD BTUD DE PHYAG BGYID DO, ,JI LTAR DBYAR GYI LANG TSO BRTAS PA'I DUS, ,DGUNG SNGON DBYINGS LAS 'BRUG GI SGRA BSGRAGS TSE, ,MDONGS LDAN TSOGS RNAMS ZLOS GAR BSGYUR BA BZHIN, ,RJE YI RNAM THAR DRAN PAS YID RAB G-YOS, ,'JIG RTEN PA DAG GSER GYI GTER MTHONG DUS, ,TSE 'DE'I BDE BA BSGRUB PHYIR DER 'JUG NA, ,GTAN GYI BDE BA DAM PA STER BYED PA'I, ,RNAM THAR BZANG BA'I TSUL LA CIS MI 'JUG ,DAL 'BYOR RNYED DKA' TSE 'DI'I MDUN THABS LA, ,SNYING PO MED GZIGS BTZON KHANG DANG 'DRA BA'I, ,PHA YUL SPANGS NAS TSANGS SPYOD BRTUL ZHUGS BZHES, ,NYES LTUNG DRIS DBEN DE BZHIN BDAG KYANG BSGRUB, ,GZHON NU NYID NAS BSHES GNYEN DAM PA'I TSOGS, ,NYER BSTEN BKA' LAS MI 'DA' BSGRUB PA DANG, ,SRI ZHU BKUR STI BLA MAR BGYI MKHAS PA'I, ,'JAM MGON BLA MA'I RJES SU BDAG KYANG 'JUG, GLING BZHIR DBANG BSGYUR RGYAL PO'I DPAL THOB KYANG, ,CHU SHING LTA BUR SNYING PO MED GZIGS NAS, ,YANG DAG RDZOGS BYANG BSGRUB LA RAB GZHOL BA'I, ,RMAD BYUNG SPYOD DER BDAG KYANG 'JUG PAR SPRO, ,SDE DGON BDAG BZUNG RNYED BKUR SNYAN GRAGS PHYIR, ,BSHAD CHOS DON GNYER CHOS MIN CHOS BTAGS SU, ,GZIGS TE CHAGS ZHEN KUN BOR BYA BRAL MDZAD, ,DE LTAR BSGRUB SKAL DMAN YANG YID

KYIS SMON, ,'JAM PA'I DBYANGS SOGS BSHES GNYEN DAM PA YI, ,ZHAL GYI BUM BZANG LAS 'ONGS BDUD RTZI'I BCUD, ,DBEN PA'I GNAS SU RTZE GCIG MYANG MKHAS PA'I, ,SPYOD TSUL DER YANG YID KYIS SMON PA LAGS, ,SRID PA'I PHUN TSOGS NYES MANG MNOG CHANG BA'I, ,BDER CHAGS SDUG BSNGAL BSGRUB PA'I DRIN CAN MA, ,SGROL BA'I RLABS CHEN KHUR 'CHANG BLO BZANG GRAGS, ,KHYOD KYI SPYOD TSUL CI 'DRAR BDAG KYANG SMON, ,NYE RING SPANGS PAS CHAGS SNGA DANG SDANG PA MED, ,'JIG RTEN CHOS BRGYAD SGYU MA BRAG CA BZHIN, ,SNYING PO MED GZIGS 'GO SNYOMS MDZAD PA YI, ,BLO BZANG GRAGS PA'I RJES SU BDAG KYANG 'JUG ,LAN DANG RNAM PAR SMIN PAR MI LTA BAR, ,PHYI NANG DNGOS PO MCHOD SBYIN GTONG BA DAB, ,MI 'JIGS CHOS DANG BYAMS SOGS SBYIN PA YIS, ,'GRO DON RLABS CHEN MDZAD PA DE RJES 'JUG ,SDOM PA GSUM MNOS NYES SPYOD KUN SDOM ZHING, ,DGE BAR SPYOD DANG SEMS CAN DON BSGRUB PA'I, ,RNAM GSUM TSUL KHRIMS MTHAR PHYIN 'GRO BA'I MGON, ,BLO BZANG GRAGS PA'I RNAM THAR RJES SU SLOB, ,BRDEG 'CHOG MTSANG 'BRU GSHE SKUR SOGS MTSON GYIS BSKAL PAR BTAB KYANG YI PHIGS BZOD PA'I GO ,LEGS MAN BAS RJE BTZUN BLO BZANG GRAGS PA YI, ,GO CHE BTZAN PO DE LTAR BDAG KYANG BGO, ,GZHON NU NYID NAS JI LTA DAM BCAS PA'I, ,RLABS CHEN SPYOD PA'I KHUR CHEN CHES LCI YANG, ,MI 'DOR BZOD PA'I BRTZON 'GRUS SA GZHI LTAR, ,RAB BRTAN RJE BTZUN RDZAS SU BDAG KYANG 'DZUG ,DMIGS

, ,PA'I NGO BO GANG LA GTAD GYUR KYANG, ,LE LO LA SOGS NYES PA'I SKYON LNGA GIS, ,NAM YANG MI G-YO YON TAN LEGS 'PHEL BA'I, ,BSAM GTAN MTHAR PHYIN KHYOD RJES BDAG KYANG 'JUG ,DE YI NGANG LAS BDAG GNYIS 'DZIN PA'I NAGS, ,DRUNGS NAS 'BYIN PA'I SHES RAB ME CHEN GYIS, ,BDAG 'DZIN TSAL BCOM SHIN SBYANGS BDE 'ONG 'BAR, ,SHES RAB MTHAR PHYIN KHYOD RJES BDAG KYANG 'JUG ,BDE GSHEGS RNAMS KYI GZUGS SKU BSOD NAMS DANG, ,CHOS SKU YE SHES TSOGS KYIS BSGRUB DGOS PA, ,DE'ANG PHAR PHYIN DRUG TU 'DUS GZIGS NAS, ,BRTUN TE BSGRUB MKHAS KHYOD RJES BDAG KYANG 'JUG ,DE DAG RER YANG PHAR PHYIN DRUG CHANG DANG, ,SNYING RJE SHES RAB KYIS ZIN RANG DON SPANGS, ,BLA MED BYANG CHUB RGYU RU BSNGO BA STE, ,THABS MKHAS GSUM LDAN MDZAD PA DE RJES 'JUG ,DE LTAR RJE BTZUN BLA MA'I RNAM THAR LA, ,RJES SU YI RANG DE BSGRUB RAB SMON BA'I, ,DGE BA 'DIS MTSON ZLA 'OD LTAR DKAR KUN, 'GRO BA'I DON DU RDZOGS BYANG THOB PHYIR BSNGO, ,DENG NAS JI SRID BYANG CHUB SNYING PO'I BAR, ,BLO BZANG GRAGS PA'I SPYOD TSUL CI 'DRA BAR, ,SMON TE 'JAM DPAL DPA' BO THABS MKHAS PAS, ,'GRO DON RLABS CHEN SPYOD PA'I RJES 'GROR GYUR, THUB DBANG GNYIS BA BLO BZANG GRAGS PA YI, ,LUNG RTOGS PAD TSAL THUGS RJE'I NYI 'OD KYIS, ,PHYE LA SPYOD PA'I SKAL LDAN BHRA MA RAS, ,THEG GSUM SHIS GLU SRID MTHAR SGROGS GYUR CIG ,CES GSUNGS SO, ,DE NAS RJE ZHAL SNGA

NAS BLO BZANG MGON PO LA, DPAL GSANG BA 'DUS PA'I 'GREL BA BZHI BA SGRAGS KYI BSHAD LUNG DANG, MKHAS GRUB THAMS CAD MKHYEN PAS MDZAD PA'I DPAL RDO RJE 'JIGS BYED KYI BSKYED RIM STOD CHA KHA SKONG 'BRONG RTZE BLO GROS CHOS SKYONG GIS MDZAD PA DANG BCAS PA, 'JUG PA RANG 'GREL DANG BCAS PA, 'GREL PA DON GSAL, RJE RIN PO CHES MDZAD PA'I RTZA LTUNG RNAM BSHAD DANG, SBYIN SREG DNGOS GRUB RGYA MTSO, DPAL RDO RJE 'JIGS BYED CHEN PO'I MNGON RTOGS ZA MA TOG ,'DUL 'DZIN GRAGS PA RGYAL MTSAN GYIS MDZAD PA'I GZHI GSUM CHO GA ,BU STON THAMS CAD MKHYEN PAS MDZAD PA'I 'DUL BA'I LAS CHOG ZHAR BYUNG KHYIM PA LA PHAN GDAGS PA YAN BCAS KYI LUNG GSAN NO, ,BAR SKABS SHIG PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO'I THUGS SRAS SGRUB PA'I RGYAL MTSAN 'DZIN PA RNAMS KYI MCHOG TU GYUR PA DRUNG PA BLO BZANG DAM CHOS RGYAL MCHAN DPAL BZANG PO'I ZHAL SNGA NAS LA PHYAG CHEN GYI KHRID LUNG, 'JAM DBYANGS CHOS SKOR GYI LUNG, GCOD KHRID THAR 'DOD DENG DPON GYI KHRID LUNG RNAMS GSAN NO, ,DE NAS RDO RJE 'DZIN PA CHEN PO BLO BZANG DON GRUB LA RJE GRUB PA'I DBANG PHYUG BLO BZANG DON YOD GRUB PA'I BKA' 'BUM YONGS RDZOGS, MKHAS GRUB THAMS CAD MKHYEN PAS MDZAD PA'I 'KHRUL 'KHOR RNAM BSHAD CHEN MO, ,MYUR MDZAD YE SHES MGON PO PHYAG DRUG PA'I BE'U BUM MKHAS GRUB RJES ZHUS DAG MA, 'DUS PA'I SGRUB THABS RNAL 'BYOR DAG RIM DANG DKYIL CHOG

, ,DBANG DON DE NYID GSAL BA RNAMS KYI LUNG DANG, KUN RIG GI DBANG, 'DUL 'DZIN GRAGS PA RGYAL MTSAN GYIS MDZAD PA'I KUN RIG GI CHO GA CHEN MO DANG, 'KHRUL 'KHOR RNAM BSHAD KYI ZHAL SHES YIG CHUNG DANG YANG CHUNG SKOR GYI LUNG, RDO RJE PHRENG BA'I DBANG YONGS RDZOGS, DPAL DUS KYI 'KHOR LO'I RDUL TSON GYI DKYIL 'KHOR DU MKHAS GRUB THAMS CAD MKHYEN PA'I SGRUB DKYIL LA BRTEN NAS DBANG YONGS SU RDZOGS PA, PHRENG BA RNAM GSUM DANG SGRUB THABS RGYA MTSO RGYA GZHUNG GI LUNG, SNAR THANG BRGYA RTZA NAS 'BYUNG BA'I LHA RNAMS KYI RJES GNANG DANG DE'I GZHUNG GI LUNG, 'DUL 'DZIN BLO GROS SBAS PAS MDZAD PA'I GCOD KHRID PHUL BYUNG GSER PHRENG, SPYAN SNGA BLO GROS RGYAL MTSAN GYIS MDZAD PA'I BLO SBYONG 'JIG RTEN BYA BA'I RNAM GZHAG ,BYANG SEMS RA SGRENG PAS MDZAD PA'I BLO SBYONG CHEN MO'I LUNG, BA RI BRGYA RTZA'I RJES GNANG DANG SGRUB THABS KYI LUNG, LO TZ'A BA GRAGS PA RGYAL MTSAN GYIS BSGYUR BA'I SGRUB THABS RGYA MTSOR GRAGS PA'I RJES GNANG YONGS RDZOGS, PHYAG RDOR 'KHOR CHEN GYI DBANG BZHI YONGS RDZOGS, RGYAL BA LNGA PAS MDZAD PA'I DKYIL CHOG GI STENG NAS GSHED DMAR LHA LNGA'I DBANG DANG DKYIL CHOG GI LUNG, RJE TZONG KHA PA CHEN POS MDZAD PA'I DKYIL CHOG GI STENG NAS GSHIN RJE'I GSHED DMAR NAG LHA BCU GSUM MA GNYIS KYI DBANG, MI TRA BRGYA RTZA'I DBANG YONGS SU RDZOGS PA, RNAM SNANG MNGON BYANG, GSANG 'DUS 'JIG RTEN DBANG PHYUG,

DPAL RDO RJE 'JIGS BYED ZHED GU MA DANG RO LANGS BRGYAD SKOR, DPAL MO LUGS KYI SPYAN RAS GZIGS BCU GCIG ZHAL GTZO 'KHOR LNGA PA, BKA' GDAMS THIG LE BCU DRUG RNAMS KYI DBANG DANG, RNAM SRAS BKA' BCO LNGA, DPAL LHA DUNG SKYONG MA, LHA MO DUD SOL MA RNAMS KYI RJES GNANG, DPAL RDO RJE 'JIGS BYED DPA' BO GCIG PA'I RJES GNANG, DE'I CHOG SGRIGS SGRUL SKU NGAG DBANG BSTAN 'DZIN 'PHRIN LAS KYIS MJAD PA'I LUNG, GZHAN YANG TSOGS BDAG DMAR PO PHYAG BCU GNYIS PA, DUR KHROD BDAG PO YAB YUM, RDO RJE RAB BRTAN MA, ZHANG BLON RDO RJE BDUD 'DUL, KHRO MO SME BRTZAGS, LHA MO SHRA MA nA, RDO RJE SEMS DPA', TSE RING MCHED LNGA RNAMS KYI RJES GNANG DANG, 'JAM DBYANGS DMAR SER LA BRTEN PA'I DBYANGS GSAL GYI RJES GNANG, RTEN 'BREL SNYING PO'I RJES GNANG, BENG LCAM DRAL DANG, MGON PO PHYAG BZHI PA, GUR LHA BRGYAD, PHYAG RDOR 'KHOR CHEN, BCU GCIG ZHAL LA BRTEN PA'I MKHA' 'GRO SDE LNGA, DBYANGS CAN MA DKAR MO RNAMS KYI RDZAS GNANG, LHO BRAG GRUB CHEN LAS KYI RDO RJE'I LUGS KYI SNYAN RGYUD KYI TSE DBANG, PHYAG RDOR LA BRTEN PA'I DON DAM BYANG CHUB SEMS BSKYED KYI RJES GNANG, PHYAG RDOR SKU LNGA'I RJES GNANG, PHYAG RDOR ZHAL GSUM PHYAG DRUG PA GTZO 'KHOR DGU PA'I RJES GNANG, PHAG DKAR SHES RAB GSAL BYED DANG, KU RU KULLE GNYIS KYI RJES GNANG, TSE DPAG MED LHA LNGA PA NYE RGYUD KYI RJES GNANG TSE DBANG DU GRAGS PA, GZHAN YANG BYAMS CHOS SDE LNGA, D'U MA RIGS TSOGS DRUG ,BZHI BRGYA PA,

, ,'DUL BA MDO RTZA, MDZOD RTZA, 'JUG PA, MNGON PA KUN BTUS, TSAD MA KUN BTUS, TSAD MA SDE BDUN, SKYES RABS SO BZHI BA, LAM SGRON RANG 'GREL, RNAM BSHAD THAR LAM GSAL BYED, RNAM BSHAD SNYING PO'I RGYAN, SPYOD 'JUG DAR t'IKA, STONG THUN SKAL BZANG MIG 'BYED, BSKYED RIM DNGOS GRUB RGYA MTSO, SDOM GSUM RNAM GZHAG THUB BSTAN BYI DOR, MKHAS GRUB THAMS CAD MKHYEN PA'I GSUNG THOR BU, RJE TZONG KHA PA'I RNAM THAR DAD PA'I 'JUG NGOGS, MKHAS GRUB RJES MDZAD PA'I 'DUS PA'I ZHI RGYAS KYI SBYIN SREG ,'DUL 'DZIN GRAGS PA RGYAL MTSAN GYIS MDZAD PA'I DGE SLONG GI BSLAB BYA CHEN MO DANG KUN RIG t'IKA CHEN, BSLAB BYA GNAM RTZENG LTENG MA, BU STON CHOS 'BYUNG, BU STON THAMS CAD MKHYEN PAS MDZAD PA'I THUB PA'I RNAM THAR CHEN MO DANG, SNYING THUR BDUD MO LA SMAD PA DANG BCAS PA, SA SKYA LEGS BSHAD, SHES BYA'I MKHA' DBYINGS MA, YE SHES YON TAN BZANG PO'I BSTOD PA, BSKAL BZANG RGYAN PHRENG, 'DUL LUNG KA PA NAS BZUNG RGYAL BA'I BKA' 'GYUR RIN PO CHE YONGS RDZOGS, MGON PO PHYAG DRUG PA DANG ZHAL GYI BSKAD GSO, SPYAN SNGA BLO GROS RGYAL MTSAN GYI GSUNG 'BUM YONGS RDZOGS, DPAL DUS KYI 'KHOR LO'I 'GREL CHEN DRI MED 'OD, RGYAL BA LNGA PAS MDZAD PA'I SMAN BLA'I MDO CHOG ,'DUL BA'I LAS CHOG ,SPYAN SNGA CHOS DRUG ,RJE RIN PO CHE'I GSUNG ZIN BRIS SKOR MANG BA DANG, MKHAS GRUB RJES MDZAD PA'I RGYUD SDE SPYI RNAM, SNGAGS 'CHANG GZUNGS KYI DPAL BA DANG

BLA MA 'PHAGS PA SOGS KYI MAN NGAG GIS BRGYAN PA'I KHYUNG KHRA'I LAS TSOGS, RNAM SRAS BE'U BUM, DUR KHROD BDAG PO'I LAS TSOGS, DAM PA SANGS RGYAS KYIS MDZAD PA'I 'JAM DBYANGS CHOS SKOR, RTOGS BRJOD DPAG BSAM 'KHRI SHING, RGYAL BA LNGA PAS MDZAD PA'I BLA MA'I RNAL 'BYOR GYI SKOR, G-YANG PA CHOS RJES MDZAD PA'I RGYAL BA DGE 'DUN RGYA MTSO'I RNAM THAR ZHABS STEGS DANG BCAS PA, DZE T'A RIS MDZAD PA'I TSE DPAG MED KYI BSTOD BA SGRUB THABS DANG BCAS PA, SGRA MI SNYAN GYI TSE SGRUB BLA MA RTOGS LDAN PAS MDZAD PA'I RJE'I RNAM THAR LEGS BSHAD KUN 'DUS, RGYAL BA LNGA PA'I RNAM THAR GA BA'I STOD CHA NAS LUNG GI 'PHRO YOD PA RNAMS, RJE RIN PO CHES MDZAD PA'I 'DUL BA'I ZIN BRIS, SPYOD 'JUG SHER LE'U ZIN BRIS, BDAG BYIN RLABS KYI ZIN BRIS, MKHAS GRUB RJE SKU MCHED KYI YIG CHUNG, RJE GRAGS PA RGYAL MTSAN GYIS MDZAD PA'I RAB GNAS RNAMS KYI LUNG DANG, KUN RIG GI DBANG, NGAN SONG SBYONG BA'I DKYIL 'KHOR BCU GNYIS KYI DBANG, GDUGS DKAR LHA SO LNGA DANG BCU BDUN MA GNYIS KYI DBANG STA GON DANG BCAS PA, 'JAM DBYANGS CHOS SKOR GYI NANG GI SGROL DKAR GYI RJES GNANG DANG NYER MKHO'I LUNG 'GA' ZHIG RNAMS GSAN ZHING, LCAGS RTA SA GA ZLA BA'I TSES BCU BZHI BCO LNGA GNYIS LA DAM PA 'DI'I ZHABS DRUNG DU THEG CHEN GSO SBYONG GI SDOM PA BZHES NAS, SMYUNG BAR GNAS PA'I CHO GA JI LTAR BYA BA'I TSUL RNAMS KYANG SNGA GONG NAS DOGS GCOD MDZAD DE SBYOR DNGOS GNYIS KA RNAM PAR DAG PAR MDZAD DO, ,RJE 'DI NI LEGS TSOGS THAMS CAD

, ,KYI RTZA BA BSHES GNYEN BSTEN TSUL LA SHIN TU BZO BAR MDZAD PAS BLA CHEN GYI GO SAR BZHUGS PA TZAM LAS BLA MA RNAMS LA CHE 'GYING NAM YANG MI MDZAD BAR SHIN TU GUS PAS PHYAG 'TSAL ZHING MCHOD PA'I DNGOS PO YID DU 'ONG BA MTHA' DAG GIS MCHOD CING BKA' BZHIN SGRUB PA LAS NAM YANG MI G-YEL BAR MDZAD DE RJE NYID KYI ZHAL NAS, THOS PA'I TSOM LAS, THOS PAS CHOS RNAMS SHES PAR 'GYUR, ,THOS PAS SDIG LAS LDOG PAR BYED ,THOS PAS DON MA YIN PA SPONG, ,THOS BAS MYA NGAN 'DAS PA THOB, ,CES DANG, SDIG PA DANG NI DGE BA'I CHOS, ,MA THOS BAR DU SHES MI 'GYUR, ,MIG LDAN MAR ME YOD PA YIS, ,GZUGS RNAMS MTHONG BA JI LTA BAR, ,DE BZHIN DGE DANG SDIG PA'I CHOS,, THOS BAS RNAM BAR SHES PAR 'GYUR, ,ZHES SOGS GSUNGS PA LTAR RGYAL BA'I BKA' DANG DE'I DGONGS 'GREL GYI BSTAN BCOS MANG BO'I LUNG THOB PAR 'DOD PA DANG, DE'ANG BDAG NYID LTA BU'I BLO DMAN GYIS THOS PA TZAM GYIS DGONGS DON ZAB MO RNAMS RTOGS DKA' BAS RTAG TU DGE BA'I BSHES GNYEN DAM PA DANG MI 'BRAL BAR BYA DGOS SNYAM STE, SGRA GOR NAS MKHAN CHEN RDO RJE 'DZIN PA CHEN PO DANG, KHYAB BDAG 'KHOR LO'I MGON PO BLO BZANG DON GRUB PA'I ZHAL SNGA NAS DANG, BKA' DRIN MTSUNGS MED BSOD NAMS GRAGS PA'I ZHAL SNGA NAS GSUM LA'ANG BLA BRANG RANG DU BZHUGS DGOS PA'I GSOL BA BTAB, DE YANG DGE BA'I BSHES GNYEN PO TO BA CHEN PO'I ZHAL NAS, RNAM GROL BSGRUB PA LA BLA

MA LAS GAL CHE BA MED DE, TSE 'DI'I BYA BA BLTAS NAS BYAS CHOG BA LA YANG SLOB MKHAN MED PAR MI 'ONG NA NGAN SONG NAS 'ONG MA THAG PA 'GRO MA MYONG BA'I SAR 'GRO BA LA BLA MA MED PAR GA NA 'ONG, GSUNGS PA DE MAD SNYAM PA BYUNG, DA YANG GO SA'I DBANG GIS BLA CHEN GYI 'GYING TSUL LA GNAS DGOS PA TZAM MA GTOGS BSHES GNYEN DAM PA DE DAG LA MI GUS PA SKAD CIG TZAM YANG SKYE MA MYONG ZHING, PO TO BAS SPYAN SNGA'I GRVA PA RNAMS LA, KHYED NGA'I DGE BSHES BYANG CHUB SEMS DPA' 'DI LTA PU DANG 'PHRAD NAS BKA' BZHIN BSGRUB TU YOD PA BSOD NAMS CHE'O, ,ZHES GSUNGS PA LTAR 'DI DAG LTA BU'I BSHES GNYEN DAM PA DANG MJAL PA BSOD NAMS CHA ZHING SKAL BA BZANG SNYAM PA DANG, YANG DAM PA DE NYID KYI GSUNG GI 'PHROS LAS DA KHUR DU MI 'GRO BAR RGYAN DU 'GRO BAR GYIS SHIG GSUNGS PA YANG MDO PAS DE BZHIN DU BGYI'O SNYAM PA YANG BYUNG, DRAG SHUL CAN GYIS ZHUS PA'I MDO LAS, CHIGS BCAD GCIG NYAN NA DE'I CHIG 'BRU'I GRANGS DANG MNYAM PA'I BSKAL PAR BDE BA'I YO BYAD THAMS CAD KYIS MCHOD KYANG, DE'I DRIN LAN MI 'KHOR GSUNGS PA LTAR, BDAG NYID KYIS KYANG DE DAG BLO LA BCANGS NAS GUS MCHOD JI LTAR BYAS RUNG DRIN 'KHOR THABS MA MCHIS MOD, 'ON KYANG SGO GSUM MI PHYED DANG BA'I SGO NAS DUS DANG RNAM PA KUN TU BLA MAR BGYIS SHING, DBANG LUNG MAN NGAG SOGS ZHU BA'I SKABS SU SKYES RABS LAS, RAB TU DMA' BA'I STAN LA 'DUG ,DUL BA'I DPAL NI RNAM PAR SKYED, ,CES SOGS GSUNGS PA BZHIN, SLOB DPON STAN MTHON PO'I

, ,STENG DU BZHUGS SU GSOL, BDAG NYID KYIS KHENGS PA BSKYUNGS TE DMA' BAR BSDAD, PHYAG SOGS YAN LAG BDUN PA MAndAL DANG BCAS PHUL BAS MTSON PA'I GUS MCHOD DANG, SKABS MTSAMS SO SOR DNGOS PO'I YON DANG, RGYUN PAR YANG NYER SEMS YANG DAG BGYIS SO, ,ZHES GSUNGS PA LTAR RO, ,DE LTAR YONGS 'DZIN DAM PA MANG PO LAS CHOS RGYA CHER GSAN PA'I TSUL DE DAG LA NI RJE RANG NYID KYI ZHAL NAS, RDO RJE 'CHANG DNGOS BLO BZANG DON GRUB DANG, ,'DUL 'DZIN BSOD NAMS GRAGS PA'I ZHABS BSTEN NAS, ,DBANG LUNG MAN NGAG BDUD RTZI'I RGYUN 'THUNGS TE, ,THOS BSAM SGOM PA'I RO MCHOG SPEL MAR MYANGS, ,LUS SEMS NGAL BRGYAS BSGRUBS PA SGYU MA'I NOR, ,BDAG 'DZIN LCAGS SGROG GIS BCINGS SPYAD MI BZOD, ,PHANGS MED BDAG LA GTAD NAS 'DI PHYI YI, ,SKYABS GNAS BCOL BA'I 'GRO BA GRANGS MED GDA', ,BDAG LA DE DAG SKYOB PA'I NUS MED KYANG, ,MCHOG GSUM DAM PA'I RTEN GSUM BZHENGS MCHOD DANG, ,DGE 'DUN BSNYEN BKUR DBUL PHONGS SPYIN GTONG RGYUR, ,BSNGOS LAS BDAG TU GZUNG BA'I DNGOS PO MED, ,TSUL 'DI GZUR GNAS MKHAS PAS BRTAGS GYUR NA, ,DRIN LAN LEGS GZHAL RE 'BRAS CHUD MA ZOS, ,DKON MCHOG THUGS RJE'I NUS PA MTHU BTZAN PAS, ,RE BLTOS BCAS PA NGAN 'GROR LTUNG MI SRID, ,RANG GZHAN SKYE 'PHAGS KUN GYIS DUS GSUM DU, ,BSAGS PA'I DGE TSOGS MKHA' MNYAM DRIN CAN MA, ,BLA MED BYANG CHUB

THOB PA'I RGYUR BSNGO ZHING, ,BDAG KYANG DE DAG KUN GYI 'DREN PAR SMON, ,ZHES GSUNGS SO, ,DE LTAR GSAN SBYONG MDZAD PA'I SKABS RNAMS SU'ANG PHYOGS PHYOGS NAS 'DUS PA'I CHOS DON GNYER CAR RNAMS LA RANG RANG GI DBANG PO DANG 'TSAM PA'I CHOS KYI BDUD RTZI BRGYUD MAR STZAL, KHYAD PAR BKRA SHIS LHUN PO'I SNGAGS GRVAR BZHUGS PA'I DGE BA'I BSHES GNYEN RNAMS KYIS GSOL BA BTAB NAS SNGAGS GRVA BA TSANG MA'I THOG PHYOGS PHYOGS NAS 'DUS PA'I BLA CHEN MANG PO DANG BCAS PA LA RDO RJE 'JIGS BYED BCU GSUM MA'I DKYIL 'KHOR DU STA GON DANG DBANG BZHI YONGS SU RDZOGS PA RJE RGYAL BA GNYIS PA'I THUGS KYI BCUD PHYUNG PA'I SNGAGS KYI ZAB BSHAD RGYAS PA DANG BCAS STZAL, DGE 'DUN 'DUS BRGYA MTSO'I TSOGS LA'ANG DBANG DANG RJES GNANG RIM PAR STZAL TE THOG MAR RI PO DGA' LDAN PA'I THUN MONG MIN PA'I ZAB CHOS 'JAM DBYANGS CHOS SKOR YONGS RDZOGS KYI RJES GNANG DANG LUNG, CHOS SPYOD RAB GSAL SOGS CHOS KYI 'KHOR LO BRGYUD MAR BSKOR, SLAR YANG RJE ZHAL SNGA NAS 'JAM DBYANGS CHOS 'PHEL GYIS GSOL BA BTAB NAS DGE BA'I BSHES GNYEN RAGS BSDUS SHIG LA RDO RJE 'JIGS BYED LHA BCU GSUM MA'I DBANG CHEN RGYAS PAR GNANG, BAR SKABS SHIG BKRA SHIS RTZE PA YUM SRAS KYIS ZHABS BRTAN PHUL BAR THUGS DGYES PA CHEN POS RTEN 'BREL LEGS PO BYUNG ZHES SMON LAM 'DI LTAR MDZAD DE, NA MO GU RU SH'AKYA MU NA YE, BTZO SBYANGS SA ZLA'I LHUN POR RTA BDUN RGYAL, ,'BUM PHRAG ZER STONG SPRO BAS RAB

, ,SPUD KYANG, ,BSGRUN PAR MI NUS MTSAN DPE'I DPAL 'BAR BA, ,MNYAM MED ZAS GTZANG SRAS POS DGE LEGS STZOL, ,BKA' DRIN MTSUNGS MED GANGS CAN 'GRO BA'I MGON, ,THAMS CAD MKHYEN BA BLO BZANG RGYA MTSO'I SDE; ;LHA CHOS BDUN LDAN DKON MCHOG RGYAL MTSAN TE, ,MKHAN CHEN RNAM GNYIS ZHABS RDUL SPYI BOR BSTEN, ,DUS GSUM PHYOGS BCU'I SANGS RGYAS THAMS CAD DANG, ,BRGYAD KHRI BZHI STONG NAD 'JOMS SMAN MCHOG CHOS, ,TSUL BZHIN BSGRUB PA THEG GSUM DAG 'DUN TE, ,RIN CHEN RNAM PA GSUM LA MGOS PHYAG 'TSAL, ,BEM GZUGS YID BZHIN NOR BUR GSOL BTAB PAS, ,YID LA 'DOD DGU'I 'BYOR PA KUN 'BYUNG NA, ,RDZUN SPANGS BDEN GSUNG RGYAL BA'I BDEN PA YIS, ,BDAG GI SMON LAM JI BZHIN CIS MI 'GRUB, ,DES NA BLA MA RGYAL BA SRAS DANG BCAS, ,DVANGS PA'I MKHA' LA RGYU SKAR GSAL JI BZHIN, ,DAD LDAN SMON PA'I ZHING DU LEGS BZHUGS LA, ,RE BA JI BZHIN 'GRUB PA'I GROGS MDZOD CIG ,SO THAR RIS BDUN YON TAN GZHI RTEN DU, ,RGYAL BAS GSUNGS BZHIN GRANGS MED DRIN CAN MA, ,RIM GYIS DE SGOR 'JUG DANG KHYAD PAR DU, ,DUR SMRIG 'DZIN BAS LJONGS 'DIR 'GENGS NUS SHOG ,DE DAG KUN KYANG MI DGE BCU BRAL ZHING, ,RNAM DAG BSLAB GSUM LDAN PA'I DGE SBYONG MCHOG, TSUL KHRIMS BSUNG ZHIM 'THUL BA'I YONGS 'DU CHE, ,BSTAN 'PHROR PHAN BDE STER NUS NYID GYUR CIG ,SRID MTSOR 'KHYAMS PA'I PHAM GRANGS MED TSOGS, ,PHYAG GIS DRANGS NAS THAMS CAD MKHYEN GLENG DU, ,SGROL BA'I NUS PA RGYAL BA RNAMS LA'ANG

MED, DES NA THABS MKHAS GRU 'DIS SGROL NUS SHOG ,RANG RANG GRUB MTHAR ZHUGS PA'I KHRIMS LDAN TSOGS, ,KUN KYANG THUB BSTAN NYID DU KHYAD MED LA, ,PHYOGS LHUNG GDON GYIS BSKYOD SHUGS MI LDANG BAR, ,GRU NANG SKYES BU BZHIN DU THUGS MTHUN SHOG ,'JIG RTEN KHAMS KYI BDE SKYID MA LUS PA, ,THAMS CAD THUB PA'I BSTAN LA RAG LAS PAS, ,DUR SMRIG RGYAL MTSAN 'DZIN PA'I TSOGS RNAMS KYIS, ,TSUL KHRIMS RIN CHEN GTER BUM GCES 'DZIN SHOG ,THUB BSTAN SO SO THAR PA RIS BDUN DANG, ,KHYAD PAR TSANGS SPYOD DPAL LDAN DGE SBYONG GIS, ,PADMO'I TSAL LA BUNG BA'I TSOGS JI BZHIN, ,'DZIN MA'I LTO 'DI BDAG GIS 'GENG NUS SHOG ,'DI LTAR SMON LAM LHAG BSAM DAG SGO NAS, ,BTAB PA'I DGE PAS TSE RABS THAMS CAD DU, ,MTHO RIS YON TAN BDUN LDAN RTEN THOB STE, ,RTAG TU DGE SPYOD DNGOS PO THOB PAR SHOG ,DE THOB NAS KYANG PHA MAR GYUR PA'I 'GRO, THABS MKHAS 'DI YIS SGROL LA MI ZHUM PA'I, ,SNYING STOBS PHUL BYUNG NAM YANG MI 'DOR SOGS, ,KUN BZANG SPYOD KUN BDAG GIS SPYOD GYUR CIG ,CES SO, ,RJE 'DI LA RGYA BOD HOR GSUM NAS MAndAL DANG MKHO DGU'I YO BYAD 'BUL MI GRANGS KYIS MI LANG BA LA BKRA SHIS RTZE PAS MAndAL PHUL BA 'DI LA LHAG PAR DGYES TSOR CHE BAS SMON TSIG 'DI LTAR MDZAD PA NI MA 'ONGS PA'I 'BYUNG 'GYUR LA DGONGS PAR MNGON NO, ,DE SKABS GONG MA CHEN PO'I GSER YIG PA GSER SRANG LNGA BRGYA DANG DNGUL SRANG NYIS STONG GIS GTZOS PA'I DNGOS PO TSAD MED PA DANG BCAS 'BUL MI GNANG BA 'BYOR PAR ^ GONG MA CHEN PO'I BKA' NGAG LA NGA'I PA'I

, ,THOG RGYAL DBANG THAMS CAD MKHYEN PA SPYAN DRANGS PAS BSTAN 'GROR PHAN CHE ZHING RGYA BOD LUGS LEGS PA BYUNG, NGA RGOS SBOG THO PAn CHEN GYIS RGYAL BA'I BSTAN PA DANG SEMS CAN GYI DON LA DGONGS NAS RGYA NAG TU PHEBS DGOS TSUL GSER YIG DANG BKA' NGAG BCAS BYUNG BA'I THOG SDE SRID RIN PO CHE NAS KYANG ^ GONG MA CHEN PO'I BKA' 'DI 'DRA PHEBS PA RMI LAM DU BSGUGS PA MNGON SUM DU BYUNG BA LTA BU YIN 'DUG BAS DA LAM CIS KYANG PHEBS DGOS ZHES ZHU BA MDZAD PAR RJE 'DI PA NI GSER DANG BONG BA MNYAM, NAM MKHA' DANG LAG MTHIL DU MNYAM PA'I THUGS MNGA' BA YIN GSHIS RGYA NAG TU 'BYON PA DGAG BYA CHE ZHING DGOS PA CHUNG BAR GZIGS NAS GONG MA'I GSER YIG PA RNAMS LA BKA' 'DI LTAR GNANG STE, DNGOS GZHI GONG MA CHEN PO MCHOG TU DGYES PA'I BKA' LUNG YIN 'DUG KYANG 'BRUM PA MA THAR PAS 'GRO BSKYOD CI LA 'ONG RUNG, GONG MA'I THAM KHA LA BLTAS NAS ZHIB CHA RJES LA YONG BKA' PHEBS SHING, MGRON GNYER LA YANG KHONG MI SNA RNAMS LA ZHUS PA BZHIN DE RIGS BSLAB STON SPANG BLANG ZHU THUB MDOG MA KHA BAS DGONGS SEL GYI ZHU YIG 'THUS PA BYED GSUNGS SHING, 'JAM DBYANGS ^ GONG MA CHEN POR YANG ZHU YIG RTEN SBRAGS DANG BCAS RGYA NAG PHYOGS SU 'GRO BA LA 'BRUM DOGS KYIS BAG GZON BYED DGOS SOGS RGYU MTSAN ZHIB 'THUS GNANG ,DE MTSUNGS MI SNA RNAMS LA YANG NGAG MAR, DNGOS GZHI GONG MA CHEN PO SHIN TU DGYES SHING SPYAN BSKYANGS CHE BA'I BSLAB STON YIN 'DUG GSHIS BKA' DAD LEN ZHU SPRO YANG,

SPYIR THOS BSAM PHYED PA'I 'PHRO YIN PAR MA ZAD 'BRUM PA'I NAD MTHAR BAS 'DIR YANG DUS RGYUN DU 'BRUM NAD LA PAG GZON GYIS BCAD MTSAMS DAM POR SDOD DGOS PA BCAS DGAG BYA CHE BA DANG, YANG SGRES SU BDAG LTA BU ZHIG GIS BSTAN PA DANG SEMS CAN LA PHAN DKA' GSHIS 'GRO 'DUG NGAL BTZAM LAS DGOS PA CHUNG BA BCAS SPYI SGOS GANG SA NAS DGONGS PA ZHU DGOS KYI ZHU YIG ZHIB 'THUS PHUL YOD PAS, KHYED RNAMS KYIS KYANG ^ GONG MA CHEN PO'I SKU ZHABS SU DE LUGS BZHIN DGONGS BA RTZA , YANGS BRTZE BAS GZIGS DGOS PA'I BSLAB STON GANG DRAG ZHU GROGS MDZOD GSUNGS SHING ,MGRON GNYER 'BRI LUNG PAR YANG SDE SRID RIN PO CHE'I ZHU YIG TU ZHIB 'THUS PHUL YOD PA LTAR DGONGS YANGS THUGS RJE CHE DGOS PA'I BSLAB STON ZHU GROGS, MDZOD CES GSUNGS SHING, DE MTHUN ^ GONG MA'I ZHU LAN DU'ANG DE LTAR 'BUL BAR MDZAD, YANG DE'I PHYI LO GONG MA CHEN PO NAS GSER DNGUL LA SOGS PA'I YO BYAD PHON CHE BA DANG BCAS YANG SKYAR RJE 'DI PA PHO BRANG DU GDAN 'DREN PA'I GSER YIG DANG BKA' NGAG BCAS 'BYOR PA, MI SNA RNAMS KYI NGAG NAS 'DI LTAR ZHU BA BYUNG STE, ^ GONG MA RGYAL PO'I BKA' LA PAn CHEN MCHOG GI SPRUL SKU RIN PO CHE SNGA SOR GDAN 'DREN BTANG YANG BYON PA MA BYUNG, DA LA MA CIS KYANG 'BYON DGOS TSUL GSER YIG DANG BKA' NGAG MA BCAS BYUNG BAR RJE 'DIS LAN DU 'DI LTAR GSUNGS TE, DED LA LUNG RTOGS KYI YON TAN CI YANG MED PAR SHAR PHYOGS ^ GONG MA'I RGYAL KHAB TU YONG DGOS BKA' STZAL PHEBS PA BDAG NYID LA GZIGS PA SHIN

, ,TU MTHO BA'I BKA' STZAL YIN 'DUG KYANG, 'BRUM NAD LA 'DZEM DGOS KYI DGAG BYA CHE BA BCAS KHAS LEN ZHU MI NUS 'DUG PAS, DE DON LTAR KHYED MI SNA SBREL POS KYANG ZHU GANG LEGS KYI SGO NAS DGONGS KHROL YONG BA'I GROGS DAN DGOS TSUL GSUNGS NAS PHEBS PAR MA BZHED, SDE SRID RIN PO CHE NAS ^ GONG MA CHEN PO'I BKA' BCAG NA SKU NYID RANG LA YA YUD YONG ZHING RGYA BOD KYI BSTAN SRID LA'ANG MI 'GA BCOS TSA NAN ZHUS 'DUG KYANG RJE 'DI PA NI SRID GSUM SGYU MA DANG RMI LAM LTAR GZIGS SHING SEMS CAN LA PHAN NA NI DMYAL BA'I ME NANG DU'ANG 'BYON PAR BZHED LA, DE LTA MIN NA RANG DON DU NI TSANGS PA DANG BRGYA BYIN GYI DPAL YANG MI BZHED CING, RANG DON DU THAR PA'I BDE BA'ANG SGRUB PAR MI BZHED NA TSE 'DI'I PHUN TSOGS LA THUGS CHAGS PA'I GO SKABS GA LA YOD, TSUL 'DI NI BDAG GI DRIN CAN RTZA BA'I BLA MA RJE BTZUN THAMS CAD MKHYEN PA 'DI'I RNAM PAR THAR PA THUN MONG MIN PA ZHIG STE, DENG SANG SNYIGS MA LNGA CHES CHER BDO BAS SKYE BO PHAL CHER TSE 'DI'I LTO GOS TZAM ZHIG DON DU GNYER BA LAS CHOS LA SEMS PA'I GO SKABS BRAL ZHING, CHOS PAR RLOM PA PHAL MO CHE YANG TSE 'DI'I RNYED BKUR NGAN NGAN RE LA CHAGS NAS SGO GSUM GYI SPYOD PA CI BYED RNYED BKUR SNYAN GRAGS SGRUB PA'I THABS KHO NAR BYED PA LAS CHO 'DI'I 'KHRI BA BCAD DE RGYAL BA DGYES PA'I LAM LA SLOB PA NYIN MO'I SKAR MA LTAR DKON PA'I DUS MTHA' 'DIR, YANGS PA'I SA CHEN

PO LA STOBS KYIS 'KHOR LOS BSGYUR BA GONG MA BDAG PO CHEN POS GUS PAS MCHOD PA'ANG BDAG GIR MI MDZAD CING RI DVAGS LA SHA BYIN PA LTAR TSUL 'DIS RKYEN BYAS NAS SRID PA'I PHUN TSOGS MTHA' DAG LA CHES CHER SKRAG PAR MDZAD PA 'DI 'DRA BA'I RNAM PAR THAR PA NI BLO GZU BOR GNAS PA RNAMS KYIS LEGS PAR BSAMS NA SNYIGS MA LNGA BDO BA'I DUS MTHA' 'DIR 'DI 'DRA BA'I BDAG NYID CHEN PO BYON PA NI SNYIGS MA'I 'GRO BA RNAMS MGON DANG BCAS SO SNYAM DU SNYING NAS DAD CING GUS PAS GSOL BA GDAB PAR BYA BA'I GNAS SO, ,TSUL 'DI DAG LA NI RJE RANG NYID KYI ZHAL NAS 'DI LTAR GSUNGS TE, MKHAN SLOB KYI SPYAN SNGAR JI LTAR KHAS BLANGS PA'I LHAG PA TSUL KHRIMS KYI BSLAB PA RIN PO CHER GCES SPRAS SU BYED PA'I SGO NAS YI DAM GYI LHA DU MA'I BSNYEN SGRUB LA BRTZON PAR BYAR YOD PA DANG, GONG MA CHEN POR DGONGS PA ZHU BDE PA SOGS 'BRUM PA MA THAR BA YANG RKYEN NGAN DGE BA'I BSHES GNYEN DU CHE BA BYUNG NGO, ,SMRAS PA, DAL 'BYOR RTEN BZANG LAN CIG THOB DUS 'DIR, ,RTZE GCIG DAM CHOS BSGRUB PA'I LONG MED PAR, ,RTAG TU GZHAN NGO BSRUNG BAS 'DA' DGOS SKABS, ,'BRUM NAD MA THAR BA YANG GROGS SU BZANG, ,SA YI TSANGS PA 'JAM DBYANGS GONG MA'I BKAS, ,SBYANGS STOBS YON TAN CHUNG BA'I SNYOM LAS PA, ,BDAG 'DRAR SHAR PHYOGS GONG MA'I RGYAL KHAB TU, ,BSTAN 'GRO'I PHAN BDE SPEL PHYIR SHOG CES GSUNGS, ,BKA' NAN LCI BA RI GZAR RBAB LTA BU, ,BZLOG PAR DKA' ZHING BSTAN

, ,'GROR PAN GYUR NA, ,'GRO BAR SMON YANG RNAM G-YENG MI 'PHEL BA, ,RKYEN NGAN DGE BA'I BSHES GNYEN CHEN POR BYUNG, ,MDO RGYUD ZAB DON DPAG PAR DKA' BA'I GNAD, ,TSUL BZHIN MA RTOGS RGYA CHE'I BSHAD RTZOM SOGS, ,MKHAS BYA'I GNAS LUGS KUN LA MI MKHAS KYANG, ,SPROS PA'I MTSAN MA RNAMS LA BDAG MI SPRO, ,DE PHYIR RTAG TU TSUL KHRIMS GTZANG LDAN ZHING, ,RIS MED BSTAN 'GROR GUS DANG BRTZE SEMS KYIS, ,THUB BSTAN NYAMS PA MED PAR 'DZIN PA LA, ,BLO BZANG GRAGS PA'I DPAL DANG MTSUNGS GYUR CIG ,CES GSUNGS SO, ,DE NAS SDE SRID RIN PO CHES ZHU SAM ZHIG LA SNGA SOR GONG SA LNGA PA CHEN PO CHU KHYI HOR ZLA GNYIS PA'I TSES NYER LNGA LA ZHING GSHEGS KYANG RE SHIG GSANG BA MI BYED DKA' MED BYUNG ZHING DA CHA MCHOG GI SPRUL SKU MTSO SNA PHYOGS SU 'KHRUL BRAL BABS NAS GDAN 'DREN RTZIS YIN PAS PAn CHEN RIN PO CHE NYID DGE TSUL GYI MKHAN POR SNA DKAR RTZER PHEBS DGOS TSUL ZHUS PAR RJE 'DIS KYANG THUGS DGYES BZHIN DU ZHAL GYIS BZHES TE CHIBS KHA BSGYUR NAS SNA DKAR RTZER PHEBS TE DUS CHOS KHYAD PAR CAN GYI NYIN SNA DKAR RTZE'I GZIM CHUNG DU RJE 'DIS MKHAN SLOB SBRAGS MA MDZAD DE, RGYAL BA LNGA PA CHEN PO'I MCHOG GI SPRUL PA'I SKU LA, DGE BSNYEN, BAR MA RAB BYUNG, DGE TSUL GYI SDOM PA RNAMS RIM GYIS PHUL TE BLO BZANG RIN CHEN TSANGS DBYANGS RGYA MTSO ZHES MTSAN GSOL, DE NAS CHOS KYI THOG MAR 'JAM DPAL MTSAN BRJOD DANG, TSE MDO ,

GDUGS DKAR, SGROL BSTOD PHYAG 'TSAL NYER GCIG ,SHER SNYING, 'DA' KHA YE SHES, SMON LAM RNAM GSUM, BSTOD CHEN BZHI SOGS KYI LUNG DANG, RJE TZONG KHA PA CHEN PO'I BKA' 'BUM THOR BU, RNAM THAR DAD PA'I 'JUG NGOGS , THAMS CAD MKHYEN PA DGE 'DUN RGYA MTSO'I GSUNG 'BUM LAS RJE RANG NYID KYI RNAM THAR DANG, YAB RJE KUN DGA' RGYAL MTSAN GYI RNAM THAR GYI LUNG BCAS 'BUL BAR MDZAD, DE NAS RIM GYIS RGYAL BA DGE 'DUN RGYA MTSO'I GSUNG 'BUM GYI LUNG RNAMS PHUL, DE NAS PHO BRANG PO TA LAR PHEBS NAS GONG SA MCHOG GI SPRUL PA'I SKU LA DPAL RDO RJE 'JIGS BYED LHA BCU GSUM MA'I DBANG BZHI YONGS SU RDZOGS PA 'BUL BAR MDZAD CING GZHUNG SA NAS BSKUL MA MDZAD PA LTAR RGYAL DBANG LNGA PA CHEN PO'I SKU GDUNG RIL POR BZHUGS PA'I GSER GYI MCHOD SDONG 'DZAM GLING RGYAN GCIG LA RAB TU GNAS PA RGYAS PAR MDZAD, DE NAS RGYUD STOD SMAD SE 'BRAS SOGS DBUS PHYOGS KYI CHOS DON GNYER BA RNAMS LA RANG RANG GI DBANG PO DANG 'TSAM PA'I CHOS KYI BDUD RTZI RGYA CHER STZAL ZHING RAB BYUNG BSNYEN RDZOGS NAR MAR SGRUB PAR MDZAD, DE NAS DGA' LDAN RNAM BAR RGYAL BA'I GLING DU PHEBS TE RJE BDAG NYID CHEN PO'I GSAR KHRI'I STENG NAS DGA' LDAN 'DUS TSOGS DANG PHYOGS 'DUS KYI DAD LDAN BGRANG BA LAS 'DAS PA LA CHOS KYI BDUD RTZI STZAL ZHING YAR NGO'I GSO SBYONG DANG DUS 'GRIG PAS CHOS BSGRAGS KYI MDO DANG SO THAR GYI MDO 'DON PA SOGS GSO SBYONG MDZAD DE RJE RGYAL BA GNYIS PA'I

, ,BSTAN PA RIN PO CHE DAR ZHING RGYAS LA YUN RING DU GNAS PA'I RTEN 'BREL BSGRIG BAR MDZAD, DE SKABS DGA' LDAN SKU GDUNG RIN PO CHE'I DBU THOG TU GSO BZANG BSGRIGS KYI GNAM RGYAN DANG, GSER KHRI'I DBU THOG TU GSER ZANGS KYI GANYDZI RA GSAR BZHENGS KYI THEBS DNGOS PO PHON CHE BA GNANG, GSER GDUNG RIN PO CHE'I SKU MDUN DU MCHOD PA TSAD MED PA PHUL TE SMON LAM RGYA CHER MDZAD, DGA' LDAN DU GLING SKOR ZHIG LA PHEBS SKABS NAM MKHA' LA 'JA' KHA DOG SNA LNGAS KHYAB PA SOGS PHYI NANG GI RTAGS RTEN 'BREL NGO MTSAR MTHA' YAS PA BYUNG, TSUL DE DAG LA RDZE NYID KYI ZHAL NAS 'DI LTAR GSUNGS TE, NA MO GU RU MANYDZU GHO sh'A YA, MANG MANG RGYAL BA'I YAB GCIG 'JAM PA'I DBYANGS, ,LEGS LEGS NGUR SMRIG 'DZIN PA'I SKUR BSTAN NAS, ,YANG YANG 'KHOR MTSOR 'KHYAMS PA'I DRIN CAN MA, ,NGES NGES LEGS LAM 'KHRID MKHAS DER PHYAG 'TSAL, ,BKA' BSTAN DU MAR LUNG BSTAN 'JAM MGON RJE'I, ,GDAN SA RI BO DGE LDAN RTEN GSUM DANG, ,BSLAB PA GSUM LDAN MKHAS MANG 'DUS PA'I TSOGS, ,MNGON SUM MJAL BAS YID KYI LJON PA BRTAS, ,JI LTAR DVANGS MTSOR DANG TSOGS DGA' ROL BZHIN, ,DAD PA'I SHUGS KYIS RTEN GSUM DGE 'DUN SDER, ,GUS PAS MCHOD SOGS BSNYEN BKUR BGYIS PA YI, ,RAB DKAR BSOD NAMS JI SNYED MCHIS PA'I MTHUS, ,RGYAL BSTAN SPYI DANG 'JAM MGON TZONG KHA PA'I, ,MDO SNGAGS BSTAN PA DI BRAL

ZLA 'OD KYIS, ,SNOD BCUD SDIG 'BRAS MUN PA'I TSOGS BCOM STE, ,RDZOGS LDAN KUNDA'I BZHIN RAS BYE GYUR CIG ,MA 'DRIS 'GRO BA'I GNYEN GCIG TZONG KHA PA, ,KHYOD KYI RJES 'JUG ZHVA SER 'CHANG BA'I TSOGS, ,RNAM DAG BSLAB PA GSUM GYI MDZOD 'DZIN CING, ,LUNG RTOGS BSTAN PA'I RGYAL MTSAN RAB BSGRENG SHOG ,BDAG KYANG RJE BTZUN BLA MA'I THUGS BSKYED SMON, ,MA LUS BSGRUB LA MI ZHUM RAB DPA' BAS, ,'GRO KUN KHYOD KYI RLABS CHEN MDZAD BZANG LA, ,SBYIR MKHAS BSTAN 'GRO'I NYER 'TSO CHEN POR SHOG ,MCHOG GSUM BSLU MED BDEN PA'I BYIN RLABS DANG, ,CHOS KYI RGYAL PO LA SOGS BSRUNG MA'I MTHUS, ,DGE LDAN BSTAN PA PHYOGS BCUR RGYAS PA DANG, ,'GRO KUN BDE SKYID LDAN PA'I BKRA SHIS SHOG ,CES SO, , DE NAS GTZANG LA CHIBS KHA BSKYOD PA'I LAM ZHOR DU YER BA DANG, LHA SA'I RTEN RNAMS LA MCHOD 'BUL SMON LAM RGYA CHER MDZAD, RIM GYIS LAM BAR RNAMS SU PHYOGS PHYOGS NAS 'DUS PA'I CHOS DON GNYER BA RNAMS LA CHOS KYI BDUD RTZI STZAL ZHING RAB BYUNG BSNYEN RDZOGS KYI SDOM PA'ANG ZAM MA CHAD PAR GNANG, DE SKABS 'BRAS SPUNGS NAS BSNYEN RDZOGS KYI SDOM PA DON GNYER BA KHA SHAS RJES SNYEGS SU BYUNG BAR RJE 'DI PAS RGYAL BA'I BSTAN PA 'BA' ZHIG LA DGONGS TE NGAL BA KHYAD DU BSAD NAS GAM PA LA'I NGOS LA GSOL TSIGS GNANG SKABS KYANG RAB BYUNG BSNYEN RDZOGS 'GA' ZHIG GNANG ZHING, DE BZHIN DU TSA ZHAG GAR BABS SU RAB BYUNG BSNYEN RDZOGS MANG DU GNANG STE 'JAM MGON RGYAL BA GNYIS

, ,BA'I BSTAN PA'I SROG SHING 'DZIN PAR MDZAD DO, ,DE NAS DBEN DGON DU PHEBS TE DPEN DGON 'DUS TSOGS LA DPAL RDO RJE 'JIGS BYED LHA BCU GSUM MA'I DBANG STA GON DANG BCAS PA DANG, DPAL 'KHOR LO SDOM PA L'U AI PA'I LUGS KYI DBANG CHEN STA GON DANG BCAS PA, DGA' LDAN SNYAN RGYUD KYI MAN NGAG ZAB BSHAD RGYAS PA STZAL, GZHAN YANG DBEN DGON 'DUS TSOGS LA MGON PO BAR CHAD KUN SEL DANG, DAM CAN CHOS KYI RGYAL PO PHYI SGRUB, 'DOD KHAMS DBANG PHYUG DMAG ZOR RGYAL MO GSUM GYI RJES GNANG DANG, DPAL MGON SDE LNGA, LHA MO RNAM GSUM RNAMS KYI BSKANG GSO, BDE MCHOG RTZA RGYUD, BDE MCHOG L'U AI BA'I SGRUB THABS BDE CHEN GSAL BA SMON LAM SHIS BRJOD DANG BCAS PA, 'JIGS BYED BCU GSUM MA'I SGRUB THABS ZA MA TOG SOGS CHOS KYI BDUD RTZI RGYA CHER STZAL TO, ,DE LTAR BSTAN 'GRO'I DON RGYA CHER MDZAD PA DE DAG LA NI RJE RANG NYID KYI ZHAL NAS 'DI LTAR GSUNGS TE, RNYED BKUR SNYAN GRAGS DON GNYER CHAGS SDANG GIS, ,RANG GZHAN GRUB MTHA'I PHYOGS 'DZIN BLO SPANGS NAS, ,SGO GSUM MI DGE BCU YIS MA GOS PAR, ,BKA' GDAMS GONG MA'I RING LUGS LEGS PAR BSKYANGS, ,GZHON NU NYID NAS YANG DAG BLANGS PA'I KHRIMS, ,NYAMS MED BSRUNGS MTHUS RIS MED SKYE BO KUN, ,CHU GTER CHEN POR CHU PHRAN KUN 'DUS BZHIN, ,DAD PA'I BA SPU G-YO BZHIN 'DUS BAR GYUR, ,TSUL DER BRTAGS PAS

DKAR NAG LAS KYI 'BRAS, ,MI SLUR NGES RNYED BRTZON PA'I SHUGS BSKYED NAS, ,SGO GSUM DGE BA GONG DU SPEL BA LA, ,SPRO DGA' YAR NGO'I ZLA BZHIN LHAG PAR 'PHEL, ,SPYAN RAS GZIGS DBANG SPRUL PA'I SKU MCHOG LA, ,SDOM PA RIM PHUL RDO RJE 'JIGS BYED KYI, ,DKYIL 'KHOR CHEN POR BCUG NAS DBANG BSKUR TE, ,GANGS CAN 'GRO BA'I MGON POR MNGA' GSOL BGYIS, ,CHOS SPYOD DANG PO'I LUGS 'DZIN BZO RIG DAG ,BSDUS NAS 'DRI ZHING PAR DU BRKO BA DANG, ,BLA MA MCHOG GSUM RIS MED 'DUS TSOGS LA, ,DNGOS DANG YID SPRUL MCHOD PAS RTAG TU MCHOD, ,CHOS DANG ZANG ZING 'DOD PA'I SKYE DGU LA, ,CI 'DOD DE DANG DE YIS TSIM PAR BYAS, ,ZHI DUL THUGS BRTZER LDAN PA'I BA SHES GNYEN MCHOG , BSTEN NAS MDO RGYUD GZHUNG LUGS MTHA' DAG MNYAN, ,RGYU YON SBYANG NAS GSUNG RAB KLOG PA DANG, ,RANG GI'ANG BKLAGS TE TSIG DON BLO LA BLANGS, ,BLO STOBS BSKYED NAS MNGON DANG MI MNGON PA'I, ,DRIN CAN PHA MAR DAM PA'I CHOS KYANG BSHAD, ,CHED GNYER DAD 'DUS SKYE BO'I DON BSGRUBS LAS, ,RNAM G-YENG KUN BOR PHAL CHER ZLA MED BSDAD, ,KHA TON DE DON SEMS DANG BSGOMS PA YI, ,CHOS SPYOD RNAM BCU'I RGYUN BZANG 'CHAG MED BSKYANGS, ,'DI DAG LAS BYUNG RNAM DKAR DGE BA'I MTHUS, ,MYUR DU RDZOGS PA'I BYANG CHUB THOB PA DANG, ,'GRO KUN SGROL LA NAM YANG MI ZHUM PA, ,KUN BZANG 'JAM PA'I DBYANGS DANG MTSUNGS PAR SMON, ,ZHES GSUNGS, DE NAS BKRA SHIS LHUN PAR PHEBS NAS 'DUS PA RGYA

, ,MTSO'I TSOGS DANG PHYOGS 'DUS KYI DON GNYER CAN MANG POR DBANG LUNG RJES GNANG RIM BAR STZAL ZHING, LHAG PAR BYA RGYUD DE BZHIN GSHEGS PA'I RIGS KYI GTZO BO BCOM LDAN 'DAS DAM TSIG GSUM BKOD RGYAL PO'I DBANG GI NYER BSDOGS DANG, PHYI NYIN DNGOS GZHI YONGS SU RDZOGS PA STZAL ZHING, DE NAS MU SBREL TE SNAR THANG BRGYA RTZA NAS 'BYUNG PA'I LHA RNAMS KYI RJES GNANG DANG, DE DAG GI MNGON RTOGS RNAMS KYI LUNG, RNAM 'GREL, DBU MA, 'DUL MDZOD, PHAR PHYIN RNAMS KYI RTZA BA'I LUNG STZAL, GZHAN YANG PHYOGS PHYOGS NAS 'DUS PA'I DON GNYER CAN RNAMS LA DGE TSUL DANG DGE SLONG GI SDOM PA BRGYUD MAR GNANG ZHING MTHONG THOS DRAN REG GI 'GRO BA RNAMS RJES SU BZUNG STE MTHA' DBUS SKYE 'GRO BGRANG BA LAS 'DAS PA LA MTHO RIS DANG THAR PA'I DGE BA'I RTZA BA BSKYED PAR MDZAD CING, DE DAG GI SKABS KUN TU NANG DU THUGS DAM ZAB MO'I NYAMS BZHES LAS NAM YANG G-YO BA MED PAR MDZAD PA NI RJE NYID KYI ZHAL NAS, GO SA'I DBANG GIS 'PHRAL RNAM G-YENG CHE BA TZAM MA GTOGS SGO GSUM LA MI DGE BA BCUS GOS MA GOS BRTAG PA DANG, BSHAGS SHING SDOM PA SOGS RANG RGYUD 'DUL THABS LA GTZO BO DANG, GZHAN YANG CHOS SPYOD BCU DANG, PHA ROL TU PHYIN PA DRUG LA SOGS PA'I SGO NAS RANG GZHAN GYI DON BSGRUB PA LA SOGS BA SGO GSUM DGE BA LA DUS RNAM KUN TU GZHOL BAR BGYIS ZHES GSUNGS, DE NAS ZHAL SNGA NAS TSE BRTAN RGYAL MTSAN BKRA

SHIS LHUN PO'I CHOS KHRIMS CHEN MO MDZAD SKABS BKRA SHIS LHUN PO'I TSOGS CHEN DANG, DBEN PA'I RI SU LA DU BZHUGS PA'I SPONG BA PA'I SDE RNAMS BCAS LA GSANG BDE 'JIGS GSUM GYI DBANG GNANG DGOS ZHES GSOL BA BTAB BA NA DGYES BZHIN ZHAL GYIS BZHES TE DPAL GSANG BA 'DUS PA MI BSKYOD PA LHA SO GNYIS KYI DBANG STA GON DANG BCAS PA DANG, BDE MCHOG L'U AI PA LHA DRUG CU RE GNYIS PA'I DBANG STA GON DANG BCAS PA, RDO RJE 'JIGS BYED LHA BCU GSUM MA'I DBANG STA GON DANG BCAS PA DANG, 'JAM DBYANGS CHOS SKOR RNAMS DKYUS GCIG LA GNANG STE THUB DBANG RDO RJE 'CHANG SLAR YANG 'JIG RTEN DU BYON PA LTAR GSANG CHEN RDO RJE THEG PA'I CHOS KYI 'KHOR LO RGYA CHER BSKOR BAR MDZAD DO, ,DE NAS BKRA SHIS LHUN PO'I SNGAGS GRVA BA RNAMS LA CHOS SKYONG YONGS RDZOGS KYI RJES GNANG SOGS CHOS BKA' MTHA' YAS PA GNANG ZHING TSOGS CHEN LA KUN RAG RNAM PAR SNANG MDZAD DANG TSE DPAG MED LHA DGU'I DBANG YANG GNANG, DE NAS SKYE 'GRO YONGS KYI BSOD NAMS MIN PA'I LAS KYI MTHU GRUB PAS SDE SRID RIN PO CHE DANG RGYAL PO LHA SANGS THUGS MA MTHUN PAS DUS GZER TE BOD SOG GI DMAG 'KHRUG CHEN PO BYUNG BA NA ^ GONG SA RIN PO CHES RJE 'DI BA LA CHINGS MDZAD DGOS TSUL GSOL BA BZHIN RJE 'DIS NGAL BA KHYAD DU BSAD NAS DBUS PHYOGS SU CHIBS KHA BSKYOD KYANG GZHUNG SA'I BKAS RE SHIG PHEBS STABS MA BDE BAR LAM BAR DU RGYUN RING BZHUGS DGOS BYUNG, RJES SOR PHEBS CHOG PA BYUNG NAS PHEBS KYANG SDE SRID RIN PO CHE STOD LUNG SNANG RTZER RKYEN DBANG

, ,DU SONG BAS BYA THABS MA BYUNG ZHING, DE DAG GI TSE 'KHOR PA'I NGANG TSUL LA THUGS SKYO BAS GSUNG MGUR 'DI LTAR MDZAD DE, NA MO GU RU LO KA SHVA R'A YA, PHA GANGS RI'I MGON PO SPYAN RAS GZIGS, ,DRIN 'KHOR MED BLO BZANG RGYA MTSO'I SDE, ,MGON KHYOD KYIS GDUL BA'I ZHING 'DI NA, ,DUS 'GYUR BA'I NGANG TSUL 'DI 'DRAR SNANG, ,SPYIR DENG SANG MI RNAMS DMU RGOD CING, ,SGOS LOG SPYOD NGAN BA DAR DUS 'DIR, ,RJE BU RAM SHING BSTAN BDAG GTAD NAS, ,PHA KHYOD NYID RANG ZHI'I BDER GZIMS SAM, ,MA 'GRO BA DU: KHAS GZIR SKABS 'DIR, ,RJE KHYOD KYI THUGS RJES MI SKYOB NA, ,BOD GANGS CAN YONGS KYI MGON PO ZHES, ,MTSAN GRAGS PAS KHYAB PA DGOS BA CI, ,'ON GYUR KYANG SKYON BRAL YON TAN GTER, ,MGON KHYOD KYI 'PHRIN LAS BSAM MI KHYAB, ,DUS SNYIGS MA'I LOG SPYOD NGANG TSUL LA, ,BDAG SKYO BAS GDUNG YUS TZAM DU ZAD, ,BOD GANGS CAN LJONGS GNAS 'GRO BA KUN, ,NYON ME 'OD ZHEN BA'I PHYE MA LE BA, ,DUS DANG BOR BSRUNGS DUS MA THUB NA, ,MTHAR ME DONG LHUNG NAS CI BYAR YOD, ,RJE RGYAL BAS BDE BA'I THABS BSTAN PA, ,DUS DANG PO NYID NAS MI SPYOD NA, ,LAS NGAN BA'I 'BRAS BU RANG SMIN DUS, ,RJE SANGS RGYAS KYIS KYANG SKYOB PAR DKA', ,YUL KHA BA CAN GYI LJONGS 'DI NA, ,RANG CHE BAR RLOM ZHING KUN GYIS BKUR, ,MTHAR DBANG MED GSHEGS TSUL 'DI LTOS LA, ,KUN DMAN CHA BZUNG LA GNOD SEMS SPONGS, ,NOR LONGS SPYOD 'DOD DGU'I GTER LDAN YANG, ,MTHAR TIL 'BRU TZAM DANG RUNG LUS KYANG, ,BDAG BYA PA'I DBANG MED TSUL LTOS LA, ,LUS

LONGS SPYOD KUN LA SNYING PO LONGS, ,RTEN LAN CIG RNYED PA MI YI LUS, ,'DI MYUR 'JIG RTZVA RTZE'I ME DANG MTSUNGS, ,TSE 'DI YI BYA BYED KUN BOR LA, ,DUS RTAG TU MI RTAG 'CHI BA SOMS, ,LUS RJES SU 'BRAD BA'I GRIB MA BZHIN, ,SHI RJES SU DKAR NAG LAS 'BRANG BAS, ,SDIG MI DGE BCU PO RAB SPONGS LA, ,CHOS DGE BA RNAM BCU 'BAD PAS SGRUBS, ,TSE 'DI YI DGRA 'DUL GNYEN SKYONG PHYIR, ,NYIN MTSAN DU NGAL BA BRGYAS BSGRUBS KYANG, ,MTHAR MI BZAD BA MYAL BA'I BTZON DONG DU, ,BTZO BSREG SOGS SDUG BSNGAL DPAG MED MYONG, ,TSE 'DI YI LUS SEMS DU BKYANG BLA'I, ,DGRA BDAG 'DZIN GYI 'GOD PO 'DI THUL NA, ,DUS GTAN GYI BDE BA KUN 'BYUNG PAS, ,DA RANG SEMS 'DUL THABS KHO NAR 'BUNGS, ,YONGS 'KHOR MTSOR 'KHYAMS PA'I 'GRO BA KUN, ,DRIN CHE BA'I PHA MA SHA STAG YIN, ,DON DE PHYIR CHAGS SHING SDANG BA 'KHRUL, ,BYAMS SNYING RJES KUN LA KHYAB PAR MDZOD, ,SNGON THOG MA MED NAS DA LTA'I BAR, ,BLO 'KHRUL PA 'DI YIS BSLAD PA'I MTHUS, ,KUN GTAN SDUG PHUNG PO 'DI 'DRAR SBYAR, ,NGA RGYAL SRAS SPYOD KUN SPYAD NA LEGS, ,MI BDAG LA GTANG SO MA MCHIS KYANG, ,RJE RGYAL BAS GDAMS DON MDOR BSDUS YIN, ,TSUL 'DI TZAM 'BAD PAS BSGRUBS NA YANG, ,RANG GZHAN KUN BDE BA'I DPAL LA SBYOR, ,DUS DA LTA RANG DBANG YOD SKABS 'DIR, ,TSE 'DI PHYI 'DAM KA MA LOG PAR, CHOS DGE BA BCU LA 'BUNGS SHIG CIS, ,MI KHO BOS KUN LA GROS SU 'DEBS, ,SKYABS BSLU BA MED PA'I DKON MCHOG GSUM, ,MKHYEN RAB KYI LHA LAM KHYON YANGS LAS, ,BRTZE CHEN GYI BYIN RLABS CHAR PHOBS LA, ,GDUG RTZUB KYI ME CHEN ZHI BAR MDZOD, ,

, ,RJE RGYAL BA SRAS BCAS THUGS BSKYED SMON, ,CI BTAB KUN DENG DUS 'BYOR GYUR TE, ,BRTAN G-YO YI SDIG 'BRAS KUN ZHI NAS, CHOS DGE BCU'I DPAL 'BYOR RGYAS GYUR CIG ,CES SO, ,DE NAS LO SHAS KYI RING LA BKRA SHIS LHUN PO NYID DU CHOS KYI 'KHOR LO RGYA CHER BSKOR ZHING PHYOGS 'DUS KYI 'GRO PA BGRANG BA LAS 'DAS PA LA MTHO RIS DANG THAR PA'I SA BON BSKRUN PAR MDZAD, DE NAS BAR SKABS SHIG RGYAL PO LHA SANGS BANG GIS GNGAN DRANGS TE LHA LDAN JO BO RIN PO CHE'I SKU MDUN DU PAD DKAR 'DZIN PA NGAG DBANG YE SHES RGYA MTSO LA DGE BSNYEN DGE TSUL BSNYEN RDZOGS KYI SDOM PA RNAMS DKYUS GCING LA 'BUL BAR MDZAD, PHO BRANG DU PHEBS NAS DBANG LUNG MAN NGAG MTHA' YAS PA RIM PAR 'BUL BAR MDZAD, GZHAN YANG SE 'BRAS DGE GSUM RGYUD STOD SMAD SOGS DBUS PHYOGS KYI CHOS DON GNYER BA RNAMS LA DBANG LUNG MAN NGAG MTHA' YAS PA DANG, RAB BYUNG BSNYEN RDZOGS BGRANG BA LAS 'DAS PA STZAL, LHAG PAR ZHABS DRUNG LHA PA'I SKU SKYE BLO BZANG 'PHRIN LAS LA BYANG CHUB LAM GYI RIM PA'I DMAR KHRID, LAM GTZO'I KHRID, BLA MA MCHOD PA'I KHRID, SNYING PO DON GSUM GYI KHRID DANG BLA BRGYUD GSOL 'DEBS KYI LUNG, RJE BLA MA LA BRTEN PA'I BLA MA'I RNAL 'BYOR, NANG GA KHONG SKRAN 'DON PA'I SKYUG SMAN SOGS CHOS BKA' MTHA' YAS PA STZAL TE ZHABS DRUNG LHA PA'I SPRUL SKU 'DI RJE RGYAL BA GNYIS PA'I BSTAN PAR PHAN RE CHE BAS SNGA PHYI LAN MANG POR GZIM TSUNG DU GCIG

BU LA RJE BLA MA'I SNYAN RGYUD KYI GDAMS PA MANG DU STZOL BAR MDZAD DO, ,DE NAS YANG BOD KHAMS 'DIR SEMS CAN SPYI MTHUN GYI LAS NGAN PA'I MTHUS DUS GZINGS CHE BAR BYUNG STE JUN SGAR NAS RGYAL PO HONG TH'A JIS DMAG DBUNG CHEN PO BTANG STE RGYAL PO LHA SANGS BOD DMAG DANG BCAS PA RNAMS DANG 'DAM DU 'KHRUG GZINGS BYAS TSE RJE 'DI BAS THUGS SNYING RJE CHEN POS MA BZOD PAR NGAL BA KHYAD DU BSAD NAS 'DAM DU CHIBS KHA BSGYUR TE ZANG ZING GI DNGOS PO PHANGS MED BTANG NAS CHINGS BSGRIGS MDZAD KYANG MA 'DUMS PAR JUN SGAR GYI DMAG STONG PHRAG BZHI TZAM LHA SAR SHOR, BOD DMAG RNAMS 'THOR TE BROS, RGYAL PO LHA SANGS DPON G-YOG RNAMS KYIS PO TA LA BZUNG STE BZHUGS PA'I TSE RJE 'DIS LHA SA BLA BRANG DU BZHUGS NAS JUN SGAR GYI DMAG DPON RNAMS SKU MDUN DU BOD BAR MDZAD DE RGYAL PO LHA SANGS 'KHOR BCAS LA SROG SKYON MED PAR NGED LA GNANG DGOS, RGYAL PO HONG TH'A JI LA NGED RANG GIS ZHUS CHOG CES DNGOS PO SBAM CHE BA GNANG STE ZHU BA MDZAD KYANG RGYAL PO LHA SANGS RANG JUN SGAR GYI DMAG DPON TSE RING DON GRUB KYI GDONG DU BYUNG NA DED RANG NGOS KYI RGYU MTSAN ZHIB SED BYAS NAS BLA MA'I BKA' BZHIN ZHUS CHOG ,DE MIN BYA THABS MED, LAR NI RGYAL PO HONG TH'A JIS MI NOR MANG PO 'DI LA BLTOS PA MED PAR NGED TSO DMAG LA BTANG PA 'DI RGYAL PO HONG TH'A JI RANG LA RANG 'DOD GANG YANG MED, BOD KYI MI NGAN 'GA' ZHIG GIS RGYAL BA TZONG KHA PA'I BSTAN PA LA GNOD PA CHEN PO BYAS PA THUGS KYIS MA BZOD NAS RGYAL BA'I BSTAN PA KHO NA'I CHED DU NGED TSO BTANG BA YIN, LHA SANGS KHANG RANG LA DE TZAM

, ,GYI SKYON MED ZER ZHING DA DUNG RGYAL BO'I SKU SROG SKYOB THUB PA ZHIG YONG RES PHAN SKOR SNA TSOGS MDZAD CING LHA LDAN RANG DU BZHUGS KYANG RGYAL PO LHA SANGS KYIS PO TA LA NAS 'THON TE 'THAB 'DZING DU PHEBS PA JUN SGAR GYI DMAG MIS RGYAL PO NGO MA SHES PAR RKYEN DBANG DU SONG BAS MDZAD THABS MA BYUNG, DA DUNG BOD KYI MI DRAG MANG PO LA HONG TH'A JI'I BKA' BKYON YOD SKAD GSAN PAS DE RIGS LA SROG SKYOB 'DRA THUB PA YONG RES RE SHIG LHA LDAN RANG DU BZHUGS RTZES MDZAD KYANG JUN SGAR GYI DMAG DPON RNAMS NAS 'DIR MA BZHUGS PAR GTZANG LA 'PHRAL DU CHIBS BSKYOD MDZOD CES ZHU NAN CHE BAS MDZAD THABS GANG YANG MA BYUNG BAR GTZANG LA CHIBS BSKYOD GNANG, DE SKABS BDE BA 'DOD KYANG BLANG DOR GO LOG STE SDUG BSNGAL GYI RGYU LA RNGAM ZHING 'JUG PA MANG PO DANG, 'GA' ZHIG DBANG MED DU SDUG BSNGAL DRAG POS MNAR TE SDUG BSNGAL DANG SDUG BSNGAL GYI RGYU LA GNAS PA SNYIGS MA'I SKYE BO RNAMS KYI NGANG TSUL LA THUGS SKYO NAS SKYO SHAS KYI NYAMS MGUR 'DI LTAR MDZAD DE, NA MO GU RU MANYDZU GHO sh'A YA, 'DREN PA KUN GYI MCHOG GYUR ZAS GTZANG SRAS, ,RGYAL BA'I RGYAL TSAB 'JAM MGON TZONG KHA PA, ,BKA' DRIN MNYAM MED RTZA BA'I BLA MA LA, ,SNYING KHONG RUS PA'I GTING NAS SKYABS SU MCHI, ,RTEN RNYED PAR DKA' BA DAL 'BYOR LUS, ,'DI THOB NAS GTAN MDUN MI SGRUB PAR, ,NOR RIN CHEN BZHAG NAS MCHING BU LEN, ,RTEN STONG LOG BYED LA BRTZEBS GZIGS, ,MTHO LHA LAM YANGS PA'I CHU 'DZIN LTAR, ,DUS

DENG SANG SKYE BO'I DAR RGUD DANG, ,YID GYA GYU MANG PO'I 'GYUR LDOG RNAMS, ,'DI MTHONG YANG NGES 'BYUNG BLO DANG BLAL, ,YID BRTAN DU MED PA'I SRID 'BYOR LA, ,DUS RTAG TU 'DOD SRED ZHAGS PAS BCINGS, ,'DI SBRANG MAS BSAGS PA'I SBRANG RTZI BZHIN, , NER RANG GIS BSAGS PA GZHAN GYIS SPYOD, ,RANG SKYES NAS 'JIGS RUNG 'CHI BDAG GI ,KHAR CHUD NAS LAS NGAN MCHE RNON GYI, ,PHRAG CHUD KYANG TSE 'DI'I MDUN THABS BSGRUB, ,DON PHYIN CI LOG PA SMYON PA RANG, ,GNYEN 'KHOR MANG 'DOD DGU'I DPAL ROL KYANG, ,RANG GCIG PUR PHA ROL 'GRO BA'I TSE, ,CHOS MIN BA PHAN PA CANG MED PAS, ,NOR 'DOD DGU DMYAL BA'I BUD SHING YIN, ,DA SRID RTZE NAS BZUNG DMYAL 'KHOR MTSOR, ,LAS DUG GSUM RBA RLABS DRAG 'KHRUG CING, ,SKYEN RGA 'CHI BA'I SDUG BSNGAL GYIS, ,DUS RTAG PAR GTZES PA'I GNAS TSUL SOMS, ,SNGAR BSAGS PA 'DZAD CING 'DUS PA KUN, ,NGES 'BRAL ZHING MTHON PO'I MTHA' MA RGUD, ,SKYE BZHIN DU 'CHI BAR MNGON PHYOGS SHING, ,DA GTAN GYI MDUN MA BSGRUB LA BRTZON, , SPYIR CHOS BRGYAD SNANG BA BSLU BRID MKHAS, ,SGOS SNYIGS DUS MI TSE BAR SNANG GLOG ,DA NGAN SONG G-YANG SA YA NGA BA, ,DE BZLOG PA'I THABS LA 'BAD PAR MDZOD, ,'KHOR BA'I PHUN TSOGS DMYAL ME'I 'OBS LTAR MTHONG, ,'GRO KUN DON DU BYANG CHUB SEMS BSKYED DE, ,RGYAL SRAS RLABS CHEN SPYOD LA BRTZON 'GRUS KYIS, ,YID CAN 'KHOR BA'I MTSO LAS SGROL BAR SHOG ,CES SO, ,DE NAS BKRA SHIS LHUN POR PHEBS NAS PHYOGS 'DUS KYI DAD LDAN BGRANG BA LAS 'DAS PA LA RANG RANG GI

, ,DBANG PO DANG 'TSAM PA'I CHOS KYI BDUD RTZI BRGYUD MAR STZAL ZHING RGYA MTSO'I GLING BAR TSUN CHAD NAS DAD LDAN DAG GIS RJE 'DI NYID LA MKHO DGU'I YO BYAD THAMS CAD 'BUL ZHING ZHAL BLTA BA DANG, CHOS KYI BDUD RTZI 'DOD NAS 'DUS PA MTHA' DAG GI RE BA SKONG BAR MDZAD CING NAM MKHA' MDZOD LA MNGA' BRNYES PAS, GSER DANG DNGUL LA SOGS PA'I RIN PO CHE DANG, GOS DAR SOGS ZANG ZING GI DNGOS PO RNAMS RGYAL BA'I BSTAN PA YUN RING DU GNAS PAR BYA BA'I PHYIR DANG 'BREL THOGS KYI SEMS CAN RNAMS LA PHAN GDAGS PAR BYA BA'I PHYIR GSER ZANGS 'BA' ZHIG LAS GRUB PA'I LAM RIM BLA MA BRGYUD PA'I SKU BRNYAN YONGS SU RDZOGS PA'I LHA KHANG DANG BCAS PA SOGS SKU RTEN DANG, BKA' 'GYUR RIN PO CHE GSER 'BA' ZHIG GIS BRIS PA SOGS GSUNG RTEN MTHA' YAS PA DANG BKRA SHIS LHUN PO'I DGE 'DUN RNAMS THUGS MTHUN KHRIMS GTZANG BSHAD SGRUB 'PHEL BA'I PHYIR DU DBYEN BSDUM MCHOD RTEN GSAR BZHENGS SOGS SKU GSUNG THUGS RTEN BGRANG BA LAS 'DAS PA DANG, RIS MED PA'I DGE 'DUN GYI SDE MTHA' DAG LA BSNYEN BKUR NAR MAR MDZAD, DE NAS CANG JUN SOGS RGYA DMAG BGRANG BA LAS 'DAS PA BOD KYIS DANG NYE BAR SLEB PA GSAN BAS SEMS CAN RNAMS LA THUGS BRTZE BA CHEN POS MA BZOD PAR RJE NYID RANG PHEBS BZHED KYANG DE SKABS SKU KHAMS BSNYUN PA ZHIG DANG THUG PAS CHIBS BSKYOD MA THUB PAR PHYAG MDZOD CHEN MO DNGOS PO'I GNANG SBYIN PHON CHE BA DANG BCAS GTONG

BA GNANG STA 'THAB 'DZINGS SU MA SONG BAR MTHUN SBYOR LUGS LEGS SHIG DGOS ZHES BKA' NGAG DANG PHYAG DAM BCAS GNANG YANG SEMS CAN SPYI MTHUN GYI LAS NGAN PA'I MTHU BZLOG TU MED PAS RGYA DANG MTSO SNGON GYI DMAG DPUNG LTOS CHE BA LHA SAR 'BYOR, JUN SGAR PA RNAMS GNAM MTSO BRGYUD NAS PHYIR LOG ,MTSO SNGON DPON BSTAN 'DZIN WANG SOGS DBON KHAG MANG PO'I MI SNA ^ GONG SA RIN PO CHE'I MI SNA SOGS MI SNA MANG POS RJE 'DI PA LHA LDAN DU CHIBS BSKYOD DGOS TSUL NAN BSKYED ZHUS PAR DE SKABS SKU GZUGS GCONG BAR YOD KYANG SKYES RABS KUN TU RGYAL BA YAB SRAS GNYIS DAM TSIG RDO RJE'I LU GU BRGYUD DU 'BREL BA'I RTEN 'BREL DANG, MI MANG PO ZHIG GI SROG SKYOB PA ZHIG YONG THUB RE BCAS NGAL BA KHYAD DU BSAD NAS LHA LDAN DU CHIBS BSKYOD GNANG, 'JAM DBYANGS GONG MA BDAG PO CHEN PO'I ZHABS 'BRING BA CANG JUN CHEN PO SOGS SER SKYA STONG PHRAG MANG POS BSUS TE PHO BRANG CHEN PO PO TA LAR PHEBS, RGYAL BA YAB SRAS GNYIS ZHAL 'DZOM, CANG JUN CHEN POS RJE 'DI PA LA DNGUL SRANG LNGA STONG GIS GTZOS PA'I DNGOS 'BUL TSAD MED PA MDZAD DE ZHABS BRTAN PHUL, DE NAS SE 'BRAS DGE GSUM RGYUD STOD SMAD SOGS DBUS KHUL GYI CHOS SDE RNAMS KYI BLA MA LAS SNE RNAMS DANG, GONG MA'I MI DRAG CANG JUN CHEN PO, MTSO SNGON DPON KHAG, RGYAL BA'I YAB RJE SOGS TSANG MAS CHOS 'KHOR RGYA CHER BSKOR DGOS PA'I GSOL BA BTAB CING, GONG SA MCHOG GI SPRUL SKU RIN PO CHES RJE 'DI LA MDO SNGAGS KYI CHOS MTHA' DAG GNANG DGOS PA DANG, LHAG PAR DGE TSUL GYI SDOM PA'I

, ,MKHAN PO MDZAD DGOS PA'I GSOL 'DEBS SHUGS DRAG GNANG, RJE 'DIS KYANG DGYES BZHIN DU PHO BRANG CHEN PO PO TA LA'I GZIM CHUNG NYI 'OD 'KHYIL BAR GONGS MCHOG GI SPRUL SKU RIN PO CHER DGE TSUL GYI SDOM BA 'BUL BA GNANG ZHING BLO BZANG BSKAL BZANG RGYA MTSO ZHES MTSAN GSOL, DE NAS GONG SA RIN PO CHER LAM RIM CHEN MO'I LUNG SOGS CHOS BKA' RNAMS RIM GYIS 'BUL BA'I DBU TSUGS PAR MDZAD, DE SKABS BKA' BLON BKRA SHIS RTZE PA SOGS BOD KYI MI DRAG MANG POR RGYA'I BKA' BKYON PHOG PAR RJE 'DI PAS SROG SKYOB GNANG THUB RAS RTZOL BA CHEN PO MDZAD KYANG THABS GANG GIS KYANG BZLOG MA THUB, DE'I TSE SNYIGS MA'I NGANG TSUL CHES CHER BDO BAS MTHO DMA'I 'GYUR LDOG MANG PO DANG SKYE BO PHAL MO CHE SDUG BSNGAL MTSO RDOL BA LTA BUR GZIGS SHING BLA CHEN DANG MI CHEN GYI GO SA LA'ANG THUGS YI MUG NAS, 'DI LTAR GSUNGS TE, KHO BO NI GO SA GOG PO'I CHE RLOM 'DI SHIN TU YI MUG PAS, SEMS BLONG BLONG POR GYUR, DE DAG GI SKABS SU SPYIR 'KHOR BA'I SNANG TSUL BZOD PAR DKA' ZHING, SOGS DENG SANG SNYIGS MA LNGA BDO'I GDON GYIS GZIR BA'I 'GRO BA RNAMS DGRA GNYEN DANG MTHO DMAN 'GYUR LDOG ,NYON MONGS PA DUG GSUM GYI CHAD GYIS MYOS PAS, NGAN 'GRO'I G-YANG SA 'JIGS SU RUNG BAR DGA' MGU'I ZLOS GAR BSGYUR BA'I BLANG DOR PHYIN CI LOG DANG, 'GA' ZHIG RGUD PA'I SDUG BSNGAL GYI ME RAB TU 'BAR BA'I SPYOD TSUL LA YID LHAG PAR GDUNG BAS SMRAS PA, NA MO GU RU MU NI AINDR'A YA, GSER

ZHUN LHUN PO MTSAN DPE'I DPAL 'BAR SKU, ,TSANGS DBYANGS BSGRUN MIN DRUG CU'I DBYANGS SNYAN GSUNG, ,CHOS KUN MTHA' DAG GSAL BAR GZIGS PA'I THUGS, ,SNYIGS DUS 'GRO LA GZIGS SHIG SH'AKYA'I TOG ,YANG DAG LUNG LAS RGYA MTSO TSE'I, ,STENG GI GNYA' SHING BU GA RU, ,RUS SBAL LONG BA MGRIN CHUD LAS, ,BDE 'GRO THOB PA SHIN TU DKON, ,THOB KYANG SKAL DMAN BDAG CAG RNAMS, ,CHOS MIN MUN PA'I PHYOGS 'DIR SKYES, ,'DREN MCHOG THUB DBANG NYI MA DE, ,TZA RA MA NI'I PHAG TU GSHEGS, ,RGYAL BA SRAS BCAS SKYES CHEN RNAMS, ,RANG RANG ZHING DU BTANG SNYOMS SHING, ,LUNG RTOGS CHOS KYI SGRON ME YANG, ,BUD SHING ZANG PA'I ME DANG 'DRA, ,THAR MED 'KHOR BA'I RGYA MTSO CHER, ,LAS NGAN DUG GSUM RBA RLABS 'KHRUG, BZOD DKA'I SDUG BSNGAL CHU SRIN GYIS, ,YANG YANG GTZES PA MA LAGS SAM, ,MTHO RIS BDAG PO'I DBAL MNGA' BA'I, ,TSANGS DBANG KHYAB 'JUG LHA YI GTZO, ,RANG DBANG MA THOB DMYAL MES SREG ,SRID PA'I BDE LA YID BRTAN GANG, ,BDE SKYID MKHO DGU'I 'BYOR LDAN PA'I, ,RIN CHEN 'KHOR LOS BSGYUR RGYAL YANG, ,MA NGES 'KHOR BA'I BRAN DU KHOL, ,GDENG MED SRID LA ZHEN PA 'KHRUL, ,TSE STOD GNYEN NI DGRAR LDANG ZHING, ,'DI NANG DGRA BO PHYI MA'I GNYEN, ,SKAD CIG TZAM GYIS 'GYUR LDOG MANG, ,YID BRTAN MI RUNG 'KHOR BA'I CHOS, ,SNYING GROGS MDZA' BSHES YID 'ONG KUN, ,YUD TZAM BRAL BAS SDUG BSNGAL NA, ,GTAN DU SO SOR 'BRAL

, ,BA 'DI, ,KYE MA SEMS LA SHIN TU GCONG, ,NGO TSA GTAM NGAN SDIG SDUG RNAMS, ,KHYAD BSAD SER SNAS BSAGS PA'I NOR, ,TIL 'BRU TZAM YANG 'KHYER DBANG BRAL, ,SGREN MOR 'GRO BA SEMS LA GTZER, ,TSE LHAG LAS RLUNG SKYEL MAS BDAS, ,'CHI BDAG MUN PA'I BSU MA MGYOGS, ,'JIGS RUNG G-YANG SA CHEN PO DER, ,'BROS THABS MED PA'I DUS LA BAB, ,SNGAR BSAGS LAS NGAN 'CHI KHAR 'GYOD, ,DGE LA MA 'BAD YI MUG CING, NYES LTUNG KHUR LCI LTAG KHYER NAS, ,GROGS MED BAR DO'I 'PHRANG DER 'TSER, ,'JIGS RUNG 'CHI BDAG GSHIN RJE YIS, ,BZOD DKA'I BTZON KHANG ME 'BAR BAR, ,MNAR MED BSREGS PA'I SDUG BSNGAL YANG, ,THAR MED CI BYA GTOL MED GYUR, ,SHI NAS MED DE MI 'GRO BAR, ,KHAMS GSUM 'KHOR BA 'DIR 'KHYAMS TSE, ,BDE 'GRO THOB KYANG SDUG BSNGAL GYI, ,RANG BZHIN DAG LAS MA 'DAS SHING, ,BSTAN BCOS BZHI BRGYA PA NYID LAS, ,MKHAS PA RNAMS LA MTHO RIS KYANG, ,DMYAL BA DANG MTSUNGS 'JIGS BSKYED 'GYUR, ,BDE BA NAM YANG MED PAR GSUNGS, ,GZOD NAS SRID PA'I GTZONG RONG 'DIR, ,LAS NGAN SKYE RGA NA 'CHI YIS, ,MGAL ME'I 'KHOR LO LTAR 'KHOR BAS, SDUG BSNGAL SHUGS DRAG BZOD LAGS SAM, ,'DUS BYAS MI RTAG STON KA'I SPRIN, ,RTZOD DUS MI TSE BAR SNANG GLOG ,GNYEN 'KHOR DGA' 'DUS TSONG DUS 'GRON, ,NOR RDZAS LONGS SPYOD SBRANG RTZIR MTSUNGS, ,SKYE BO LOG LTAS RGYUD

DKRUGS NAS, ,CHAGS SDANG NGAN SEMS G-YO SGYU CAN, ,CHOS MIN MI DGE'I LAS LA SPYOD, ,DMYAL BAR LTUNG BAR THE TSOM MED, ,SNYIGS DUS RAB BYUNG BDUD KYIS BRLAMS, ,BLO LOG 'DOD PAS TSAS BSKYUNGS NAS, ,RGYAL PO STOBS 'BYOR DREGS SOGS KYI, ,PHO NYA DAG LA MGU ZHING 'JUG ,HOR GYI CHA LUGS MDA' MTSON THOGS, ,SDIG RNGAMS GTUM POS PHYOGS KUN MYUL, ,SHA KHRAG CHANG LA DGA' MGUR SPYOD, ,SEMS CAN SDUG BSNGAL DAG LA BKOD, ,RIGS DRUG BZOD DKA'I SDUG BSNGAL KUN, ,MI LUS RTEN LA RDZOGS PAR GNAS, ,BDE SKYID 'DZOM PA'I SEMS CAN DANG, ,CHOS BYED NYIN SKAR TZAM DU DKON, ,DA NI 'KHOR BA'I CHOS NYID LA, ,SNYING PO MED BAR RTOGS GYUR NAS, ,GTAN GYI MDUN MA BSGRUB RE RAN, ,RAN PAR MA ZAD SHIN TU 'GYANGS, ,'KHOR BA BZOD DKA'I BTZON RA 'DRAR, ,SRID 'BYOR 'DOD PA'I BLO SPANGS NAS, ,NGO TSA KHREL YOD 'PHAGS PA'I NOR, ,BSTEN NAS THAR BAR BGROD THABS MDZOD, ,NYAM THAG 'GRO KUN BDAG GI MAS, ,GRANGS MED BRTZE BAS DRIN GYIS BSKYANGS, ,SDUG BSNGAL ZUG RNGUS RTAG MNAR PA, ,BDAG 'DRAS PHAN PA BSGRUB DKA' BAS, ,BLA MA RGYAL BA SRAS BCAS RNAMS, ,THUGS BSKYED DAM BCA' RJES DGONGS LA, ,CHER SNYIGS SKYABS MED 'GRO RNAMS KYI, ,MGON SKYABS MDZOD CIG BLA MA LHA, ,ZHES GDUNG DBYANGS KYI NYAMS MGUR MDZAD DO, ,DE NAS GONG SA RIN PO CHER LAM RIM CHEN MO'I LUNG GI 'PHRO, ,RJE RIN PO CHE'I BKA' 'BUM THOR BU, BA RI BRGYA RTZA'I RJES GNANG YONGS

, ,RDZOGS SO SO'I RGYA GZHUNG GI LUNG SOGS DBANG LUNG MAN NGAG RGYA CHER 'BUL BAR MDZAD, ,DE NAS SKU KHAMS BSNYEL GZHI CHE BAS PHYOGS 'DUS KYI CHOS DON GNYER CAN RNAMS LA CHOS 'BREL PHRAN BU RE LAS RGYA CHER GNANG MA THUB, ,DE NAS GTZANG DU CHI BAS BSKYOD GNANG BAR BZHED DE GONG SA RIN PO CHER LCAM SRING GI RJES GNANG ZHIG GNANG, RGYAL BA TZONG KHA PA'I BSTAN PA 'DZIN CING SPEL BA'I THUGS BSKYED MDZAD PA DANG, GTZO BOR BSLAB KHRIMS DAG PA GZHIR BZUNG NAS RE SHIG GSAN SBYONG LA THUGS BRTZON CHE BA SOGS RGYAL BA TZONG KHA PA CHEN PO'I RNAM THAR 'KHYONGS PA ZHIG MDZAD DGOS SO ZHES ZHAL TA ZHIB RGYAS SU GNANG STE GTZANG DU CHIBS KHA BSKYOD, DE NAS BKRA SHIS LHUN POR PHEBS NAS TSOGS CHEN DANG SPONG BA PA'I SDE DANG BCAS PA LA PHYAG DBANG GNANG ZHING CHOS KYI BDUD RTZI RIM PAR STZAL, DE NAS RJE NYID DGUNG LO DRUG CU RE GCIG TU PHEBS PA CHU YOS ZLA BA DRUG PA'I TSES BCU LA TSOGS CHEN DGE BSKOS CHEN MO DKA' CHEN DON GRUB RGYA MTSOS 'DUS PA RGYA MTSO'I TSOGS LA DBANG CHEN ZHIG DANG, GZHAN YANG CHOS BKA' GANG ZAB DGONGS DPYAD KYIS THUGS RJES GZIGS DGOS TSUL ZHUS PAR SNGA SOR TSOGS CHEN LA GSANG BDE 'JIGS GSUM GYI DBANG CHEN LEGS PAR PHUL BA YIN YANG, GSHIN RJE GSHED DMAR NAG GNYIS KYI DBANG CHEN DENG SANG RGYUN DKON ZHING, LHAG PAR YONGS 'DZIN BSOD NAMS GRAGS PA'I ZHAL CHEMS SU YANG SLAR TSOGS CHEN LA

GSHIN RJE GSHED DMAR NAG GNYIS KYI DBANG CHEN ZHIG GNANG THUB PA MDZAD DGOS ZHES GSUNGS BYUNG BA BCAS BLA MA'I DGONGS PA RDZOGS PA DANG, 'JAM MGON BLA MA'I BSTAN RGYUN LA PHAN RES DA LAM GSHIN RJE GSHED DMAR NAG GNYIS KYI DBANG CHEN ZHIG BYED CES DGYES BZHIN DU ZHAL GYIS BZHES TE TSES BCU'I NYIN GSHED DMAR GYI DBANG GI STA GON DANG, TSES BCU GCIG LA DBANG DNGOS GZHI, CHES BCU BDUN LA GSHIN RJE GSHED DGRAS NAG GI DBANG GI STA GON DANG, TSES BCO BRGYAD LA DBANG DNGOS GZHI DGE 'DUN GSUM STONG BRGAL BA LA DGYES BZHIN DU STZAL, DE NAS RIM GYIS SA CHEN PO'I KHYON MTHA' DAG NA GNAS PA'I DAD PA CAN RJE 'DI'I ZHAL GYI DKYIL 'KHOR BLTA BA DANG, GSUNG GI BDUD RTZI THOB PAR 'DOD PA DANG, LHAG PAR RAB BYUNG BSNYEN RDZOGS 'DOD PA RNAMS LA BRGYUD MAR STZAL ZHING, BAR SKABS SHIG RGYAL BA 'PHAGS PA LHAR DGE TSUL GYI SDOM PA DANG, 'JIGS BYED KYI DBANG CHEN SOGS CHOS BKA' MANG DU STZAL, DE NAS BRIL? GNON ZHES PA ME PHO RTA'I LO GONG SA RIN PO CHE THUGS RJEGS BZHES PA DANG, DBANG LUNG MAN NGAG MANG PO GSAN PHYIR DBUS PHYOGS SU 'BYON DGOS TSUL ZHUS PAR SKU NA MTHO ZHING SKU GZUGS GCONG TSUL CHE YANG 'JAM MGON BLA MA'I BSTAN RGYUN LA DGONGS NGAL BA KHYAD DU BSAD DE DBUS PHYOGS SU CHI BAS KHA BSKYOD, LO DE'I SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG

, ,DU JO BO SH'AKYA MU NE'I SKU MDUN DU RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO LA BSNYEN PAR RDZOGS PA'I SDOM PA PHUL TE THUB BSTAN YONGS SU RDZOGS PA'I BDAG POR MNGA' GSOL MDZAD, DE NAS PO TA LA'I GZIM CHUNG BDE BA CAN DU BZHUGS TE, RGYAL BA THAMS CAD MKHYEN PA CHEN POR DPAL GSANG BA 'DUS PA MI SKYOD PA LHA SO GNYIS KYI DBANG CHEN STA GON DANG BCAS PA GSANG CHEN RGYUD SDE RGYA MTSO'I SNYING PO'I BCUD PHYUNG BA ZAB BSHAD DANG BCAS PA DANG, DPAL 'KHOR LO BDE MCHOG L'U AI PA LHA DRUG CU RE GNYIS PA'I DBANG CHEN STA GON DANG BCAS BA RKYAS PAR GNANG, DE NAS RGYAL BA THAMS CAD MKHYEN PA BLO BZANG BSKAL BZANG RGYA MTSOS RJE 'DI PA LA DAD GUS CHEN POS RABS SU LO KHA SHAS BZHUGS NAS DBANG LUNG MAN NGAG YONGS SU RDZOGS PA ZHIG GNANG BA DANG, MA THA ZLA BA BCU SKOR TZAM ZHIG BZHUGS NAS DBANG LUNG MAN NGAG DGONGS DPYAD KYIS GANG DRAG THUGS RJES GZIGS DGOS TSUL NAN BSKYED ZHU BAR MDZAD PA NA, RJE 'DIS RGYAL BA MCHOG LA RANG GIS GANG SHES KYI MAN NGAG RNAMS 'BUL BAR CIS KYANG SPRO YANG, NA MTHO ZHING GZUGS GZHI GCONG BA BCAS DA LAM RES GTZANG DU PHYIN CHOG PA DGOS ZHES ZHU BAR MDZAD DE, MA DAG PA'I GDUL BYA RNAMS KYI SNANG NGOR SKU GZUGS GCONG BAS BZHUGS MA THUB PA LTA BUR SNANG YANG, DON DU NI MYUR DU DBUS GTZANG DUS GZIR GYI DUS 'KHRUG CHEN PO DE 'BYUNG BAR MNGON SHAS KYIS GZIGS NAS BZHUGS KYANG DGOS PA

MED PAR DGONGS TE MYUR DU CHIBS KHA BSKYOD PA YIN ZHES BLA MA DAM PA MANG PO GSUNG NGO, DE NAS RGYA BOD HOR GSUM GYI GDUL BYA BGRANG BA LAS 'DAS PA LA ZHAL GYI DKYIL 'KHOR BSTAN NAS THUGS SNYING RJES BRLAN PA'I SPYAN GYIS GZIGS PA TZAM GYIS MCHOG DMAN MTHA' DAG LA THAR PA'I SA BON 'DABS PAR MDZAD DE RIM GYIS BKRA SHIS LHUN POR PHEBS NAS SNYUG MAR GNAS PA DANG PHYOGS NAS 'DUS PA'I DAD LDAN BGRANG BA LAS 'DAS PA LA RAB BYUNG BSNYEN RDZOGS BRGYUD MAR GNANG BA SOGS BSTAN PA'I SROG SHING 'DZIN PAR MDZAD DE, TSUL 'DI LA NI RJE RANG NYID KYI ZHAL NAS, SA GLANG NAS 'DI LO PHAN BDAG NYID KYIS SO SO THAR PA'I SDOM PA DON DU GNYER PA RNAMS KYI BZHED DON LEGS PAR BSGRUBS TE RGYAL BA'I BSTAN PA RIN PO CHE'I ZHABS 'DEGS DANG 'GRO BA LA PHAN BDE BLA NA MA MCHIS PA 'GYIS PA YIN TE, DE YANG DPAL LDAN ZLA BA GRAGS PAS, SO SO'I SKYE BO RNAMS DANG GSUNG SKYES DANG, ,RANG BYANG CHUB LA BDAG NYID NGES RNAMS DANG, ,RGYAL SRAS RNAMS KYI NGES PAR LEGS PA DANG, ,MNGON MTHO'I RGYU NI TSUL KHRIMS LAS GZHAN MED, ,CES GSUNGS PA LTAR, TSUL KHRIMS 'DI NI YON TAN KUN GYI GZHI RTZA'AM 'BYUNG GNAS YIN PAR BKA' DANG DGONGS 'GREL DU MNAS GSUNGS PA BZHIN, MNYAM MED YANG DAG PAR RDZOGS PA'I SANGS RGYAS KYI RING LUGS 'DZIN PA 'PHAGS BOD KYI MKHAS BTZUN BZANG PO RIM BYON RNAMS KYIS MKHAN SLOB KYI BYA BA MDZAD NAS THUB BSTAN GANGS LA NYI MA SHAR BA BZHIN

, ,GSAL BAR MDZAD, GDUL BYA RNAMS PHAN PA DANG BDE BA'I LAM BZANG POR 'GOD PAR GNANG BA DE DAG LA BDAG NYID KYI SMON PA DANG 'JUG PA'I BSAM PAS KUN NAS BSLANGS TE BSIL LJONG 'DIS MTSON PA'I YUL PHYOGS PHAL MO CHE MTHA' DAG NAS, NGES 'BYUNG GI BSAM PAS RGYAL BA'I BSTAN PA RIN PO CHE'I SGOR GZHUG CING, DE LA RIM GYIS SLOB 'DOD MCHOG DMAN BAR MA'I TSOGS STONG PHRAG DU MA BGRANG BAR RNYED BKUR SNYAN GRAGS KYIS MA BSLAD PAR, BDAG CAG GIS MKHAN SLOB KYI BYA BA LA 'BAD NAS, MNYAM MED SH'AKYA THUB PA'I BSTAN PA LA SRI ZHU DANG, GDUL BYA RNAMS LA PHAN BDE 'BYUNG BA'I BYA BA LA BRTZON PA BGYIS PA DE DAG NI BDAG NYID KYI BYA BA KUN GYI NANG NAS MCHOG TU GYUR PA YIN NO SNYAM MO ZHES GSUNGS SHING, DE MTHUN NYAMS MGUR TSIGS BCAD DU MDZAD PA'ANG 'DI LTAR, SVA STI PRA DZA BHYA: KHAMS GSUM 'GRO BA'I SDUG BSNGAL BZOD DKA' BA, ,BRTZE BAS GRANGS MED TSOGS GNYIS YONGS RDZOGS PAS, ,LHAR BCAS SKYE DGU'I 'DREN PA BLA NA MED, ,RNAM 'DREN GZHAN GYIS BSGRUN MIN TSUL KHRIMS GTER, ,MA 'DRIS YID CAN KUN LAM LTAR BRTZE, ,GSAL 'GRIB SPANGS PA'I DAM BCA' SROG GI SHING, ,SRID ZHI'I SNYING POR SKYES PA'I LJON BA'I RTZA, ,RAB BRTAN ZAS GTZANG SRAS DE GTZUG NA RGYAL, ,GANG GI MGUL NAS BDEN PA GSUNGS PA YI, ,RAB 'BYAMS MDO RGYUD RGYA MTSO'I GZHUNG LUGS LAS, ,MNGON MTHO NGES LEGS RMAD BYUNG

NGO MTSAR BA'I, ,LEGS TSOGS KUN 'BYUNG LHAG PA'I TSUL KHRIMS BSNGAGS, ,NGAL BA KHYAD BSAD PHYOGS KUN NAS, ,THUB BSTAN SGOR ZHUGS DON GNYER GYI, ,SKAL LDAN YID KYI KA LA SHA, ,TSANGSm SPYOD TSUL KHRIMS BDUD RTZIS BKANG, ,DA DAG SKAL BZANG GDUL BYA'I TSOGS, ,THUB PA'I BSTAN PA'I SGOR ZHUGS NAS, ,KHRIMS LDAN DUR SMRIG RGYAL MTSAN MDZES, ,BAG YOD BSGRUB LA BRTZON PAR SMON, ,NGES 'BYUR BSLAB PA MA LA YA'I, ,TSUL GNAS SDOM PA'I TZENDAN DRIS, ,LNGA BDE'I 'GRO BA'I TSA GDUNG BCIL, ,GSER 'GYUR RTZI YIS LCAGS KHAMS BZHIN, ,THUB PAS DGAG SGRUB GNANG GSUM GYI, ,BCAS MTSAMS G-YAG RNGA LTAR BSRUNG ZHING, ,RNAM DAG KHRIMS DANG RAB LDAN PAS, ,KUN GYIS BSNGAGS 'OS BLA NA MED, , RGYAL BSTAN SNYING PO SO THAR GYI, ,TSANGS SPYOD BRTUL ZHUGS DANG LDAN PA'I, ,DUR SMRIG 'CHANG BAS GSER LDAN MA, ,TIL GYI GANG BU LTAR GANG SHIG ,BDAG NI TSE RABS KUN TU YANG, ,LUG SROG NGAG LA MI BLTA BAR, ,NYI MA'I GNYEN GYI LUGS BZANG RNAMS, ,'DZIN SKYONG SPEL BA'I MCHOG 'GYUR SHOG ,CES SO, ,DE NAS ME MO LUG GI LOR BSTAN PA'I GEGS DANG LJONGS 'DI'I SKYE 'GRO RNAMS KYI BSOD NAMS MIN PA'I LAS KYI MTHUS DUS GZIR BYUNG STE LO NGO GNYIS TZAM GSHIN RJE'I 'JIG RTEN MI YUL DU 'PHOS PA LTAR MCHOG DMAN MTHA' DAG SDUG BSNGAL GYIS GZIR ZHING DGE 'DUN RNAMS KYI BSHAD SGRA BA NYAMS TSABS CHE BAR BYUNG BAR RDZE 'DI PAS NOR LONGS SPYOD

, ,GANG LA'ANG PHANGS PA MED PAR CHINGS SGRIGS SOGS MDZAD KYANG THABS MTHON, DE NAS GONG MA'I SKU CHE AA LI AAM PA SOGS 'BYOR NAS GONG MA CHEN PO'I BKAS LHA LDAN DU PHEBS DOGS CHUL NAN CHE BYUNG YANG RJE 'DI BAS SKU NA MTHO ZHING SKU GZUGS SHIN TU GCONG BA BCAS DA LAM GONG MA'I BKA' NYAN PAR PHYAG MDZOD BTANG CHOG BA DGOS TSUL ZHU BA MDZAD KYANG GONG MA'I BKA' LA BSGYUR BKOD MI YOD GSUNG NAS MA GSAN PAR RJE 'DI DPUS SU CHIBS BSKYOD GNANG DGOS BYUNG, DE NAS PO TA LAR PHEBS NAS RGYAL BA YAB SRAS ZHAL 'DZOM, ,RJE 'DIS GZIM CHUNG BDE BA CAN DU BZHUGS, DE DUS GONG MA'I BKAS GTZANG PHYOGS KYI SA RIGS TSANG MA MCHOD GZHIS SU GNANG BA YIN TSUL BKA' BSGYUR BAR RJE 'DIS BDAG NI NA RGAS SHING GZUGS GZHI GCONG BA BCAS MCHOD GZHIS MANG BO'I KHA 'DZIN MI GCOGS SHING MCHOD GZHIS RNYING PA RNAMS KYIS DGE 'DUN GYI PHOGS JA TSUL 'DANG TZAM BYUNG PHYIN SA RIGS GSAR PA'I RIGS MI ZHU ZHES NAN CHER ZHU BAR MDZAD KYANG 'GONG MA CHEN PO'I BKA' GCOG RGYU MI YONG ZHING, LHAG PAR KHYED PHONGS NAS PHUL BA MIN BSTAN PA DANG SEMS CAN LA PHAN CHE BAR DGONGS NAS PHUL BA YIN GSUNG BAS MDZAD THABS MU BYUNG BAR, ,DE LTA NA GONG MA CHEN PO'I BKA' MA BCAG TZAM DU SA CHA KHA SHAS SHIG ZHUS CHOG PA DGOS ZHES LHA NGAM PHUN GSUM BZHES PAR MDZAD, CHUL 'DI YANG RJE 'DI'I RNAM THAR THUN MONG MIN PA ZHIG STE, DENG SANG CHOS BYED PHAL CHER TSE 'DI'I RNYED BKUR SNYAN GRAGS

'BA' ZHIG 'TSOL ZHING LHAG PAR GZHUNG LUGS LA SBYANGS PA MTHAR PHYIN PAR BYAS PA DANG, BLA MA'I GDAN KHRI 'DZIN PA PHAL CHER YANG RNYED BKUR NGAN DON RE YANG BLOS MI THONGS PAR DGON PA CHUNG DU RE DANG SA CHA PHRAN BU RI LA YANG CI THOB BYED PA'I DANG TSUL 'DI LA DPAGS NA BDAG GI DRIN CAN RTZA BA'I BLA MA RJE THAMS CAD MKHYEN PA 'DI NI NOR 'DZIN YANGS PA'I KHYON LA STOBS KYIS 'KHOR LOS BSGYUR BA'I GONG MA BDAG PO CHEN PO LTA BUS BSNYEN BKUR BA'ANG DANG DU MI BZHES SHING SA CHEN PO LI KHYON LA DBANG BSGYUR BA'I DPAL PHUL YANG DGYES PA MED CING TSUL DES LHAG PAR 'JIGS SHING SKRAG BA DANG SKYO ZHING YID 'BYUNG BAR MDZAD NAS DGE 'DUN GYI SDE GNAS PA'I RTAN TZAM LAS RANG DON DU GSER SE PA GANG DANG, SA ROL GANG TZAM YANG MI BZHES PAR NGES 'BYUNG DANG BYANG CHUB KYI SEMS RLABS CHEN POS 'GRO BA'I SDUG BSNGAL ZHI BA DANG RGYAL BA'I BSTAN PA 'PHEL BA 'BA' ZHIG THUGS LA BRNAGS TE SGO GSUM GYI BYA BA CI MDZAD THAMS CAD BSTAN PA DANG SEMS CAN KHO NA'I DON DU MDZAD PA 'DI 'DRA BA NA RGYAL BA SRAS BCAS THAMS CAD KYIS LAN CIG MIN BAR BSNGAGS PA'I GNAS YIN ZHING, SNGON CHOS KYI RGYAL PO TZONG KHA PA CHEN PO ZHING 'DIR BYON NAS MDZAD PA DE LTAR DU MDZAD PA DUS MTHA' 'DIR BDAG GI DRIN CAN RTZA BA'I BLA MA 'DIS PHAG LEN DU THEBS PAR MDZAD BA YIN PAS RGYAL BA'I BSTAN PA LA BYA BA MDZAD PA'I RNAM PAR THAR PA NGO MTSAR RMAD DU BYUNG BA ZHIG GO ,DE NAS RJE 'DIS RGYAL BA THAMS CAD MKHYEN PA CHEN PO LA THOS BSAM SGOM GSUM 'CHAD RTZOD RTZOM GSUM

, ,GYI SGO NAS 'JAM MGON BLA MA'I BSTAN PA BSRE BSLAD MED PAR SKYONG DGOS TSUL ZHAL TA ZHING RGYAS SU MDZAD DE BSTAN PA'I BDAG POR MNGA' GSOL NAS GTZANG DU CHIBS KHA BSKYOD, BKRA SHIS LHUN POR PHEBS NAS SNYUG MAR GNAS PA DANG PHYOGS 'DUS KYI DANG LDAN SER SKYA BGRANG BA LAS 'DAS PA LA ZHAL GYI DKYIL 'KHOR STON PA DANG, PHYAG GIS BYIN RLABS MDZAD PA DANG, CHOS KYI BDUD RTZI STZAL BA DANG, LHAG PAR RAB BYUNG BSNYEN RDZOGS KYI SDOM PA BRGYUD MAR STZAL BA SOGS BSTAN 'GRO'I DON RGYA CHER MDZAD CING, SHI GSON GYI RDZAS RNAMS CHUD MI 'DZA BA'I PHYIR BKRA SHIS LI MA LHA KHANG SOGS LHA KHANG MANG PO DANG, BSTAN BCOS 'GYUR RO COG RNAMS DANG, RJE YAB SRAS KYI GSUNG RAB SOGS SKU GSUNG THUGS RTEN GSAR BZHENGS MANG BO DANG, SNGAR YOD RNAMS LA MCHOD RDZAS DANG, RGYAL BSTAN JI SRID GNAS PA'I BAR DU MI NYAMS PA'I MCHOD PA'I THEBS DANG, RIS SU MA CHAD PA'I DGE 'DUN GYI SDE MTHA' DAG LA BSNYEN BKUR NAR MAR MDZAD PA SOGS SNGON BYON PA'I DAM PA RNAMS KYI MDZAD PA RNAM THAR BZANG PO RNAMS RJE 'DIS MA NYAMS PAR BSKYANGS SHING MA 'ONGS PA NA 'BYON PAR 'GYUR BA'I BSTAN 'DZIN DAM PA THAMS CAD KYI MIG LTOS SU 'GYUR BA ZHIG MDZAD DO, ,MDOR NA BDAG CAG GI DPAL LDAN BLA MA DAM PA 'DIS NI BKA' GDAMS SKU MCHED GSUM GYI RNAM PAR THAR PA RJES SU BSKYANGS TE, DE YANG DGE BA'I BSHES GNYEN PHU CHUNG PA CHEN PO NI 'GRO BA'I PHAN BDE DKON MCHOG GI THUGS RJE LA RAG LAS PAR DGONGS NAS

DKON MCHOG MCHOD PA GTZO BOR MDZAD PA'I RNAM PAR THAR PA LTAR, RJE 'DIS KYANG BSKAL BZANG LI MA LHA KHANG SOGS MCHOG GSUM GYI RTEN BSAM LAS 'DAS PA GSAR DU BZHENGS SHING ,DE DAG DANG SNGON BZHUGS PA'I MCHOG GSUM GYI RTEN RNAMS LA MCHOD PA'I DNGOS PO BSAM GYIS MI KHYAB PAS MCHOD, DE YANG JI SRID BSTAN PA NAM GNAS KYI BAR DU MCHOD PA RGYUN MI 'CHAD PAR 'BYUNG BAR MDZAD PA'ANG MTHA' YAS TE, NGA LTA SKYE BO KUN GYI MIG LAM DU SNANG BA 'DI BZHIN NO, ,DGE BA'I BSHES GNYEN SPYAN SNGA BA NI SEMS CAN GYI BDE SKYID DGE 'DUN GYI SDE GNAS PA LA RAG LAS PAR DGONGS NAS, GTZUG LAG KHANG DANG, LHA KHANG MANG DU BRTZIGS PA'I RNAM THAR LTAR, RJE 'DIS KYANG BOD YUL GYI LJONGS 'DIR GTZUG LAG KHANG CHES DAR RGYAS SU MDZAD DE ,BKRA SHIS LHUN PO'I GTZUG LAG KHANG RGYA CHER 'PHEL BA 'DI BZHIN DANG, GANGS RI'I LJONGS KYI RI SUL RNAMS SU BSAM GTAN GYI SDE MANG DU 'DZUGS PAR GNANG BA SOGS RJE 'DI NYID KYI BKA' DRIN LAS GANGS CAN GYI LJONGS 'DIR KHRIMS LDAN 'DUS PA'I SDE RGYA CHER 'PHEL BA KUN GYI MIG LAM DU SNANG BA 'DI'O, ,DGE BA'I BSHES GNYEN PO TO BA CHEN PO NI DGE 'DUN GYI BSNYEN BKUR DANG, BKA' GDAMS GZHUNG DRUG GI SGO NAS JO BO'I MAN NGAG 'CHANG BA GTZO BOR MDZAD PA BZHIN, RJE 'DIS KYANG RIS SU MA CHAD PA'I DGE 'DUN GYI SDE MTHA' DAG LA BSNYEN BKUR GTZO BOR MDZAD CING, LHAG PAR BKRA SHIS LHUN PO NI CHOS DANG ZANG ZING GNYIS KA'I SGO NAS SPYAN GYI 'BRAS BU LTAR BSKYANGS TE, DGE 'DUN ZHAL GRANGS JE 'PHEL DU GYUR CING, BYANG PHYOGS BSIL

, ,LDAN YANGS PA'I LJONGS 'DIR LUGS GNYIS KA'I SGO NAS BRAN ZLA DANG BRAL PA KUN GYI MIG LAM DU SNANG BA 'DI BZHIN NO, ,MDZAD PA THAMS CAD KYI NANG NAS GTZO BOR GYUR PA NI RGYAL BA'I BSTAN PA LA BYA PA MDZAD PA YIN PAS, BSTAN PA LA BYA BA MDZAD PHYIR RJE RANG NYID KYI TSUL KHRIMS RNAM PAR DAG PA'I DRI BSUNG LA 'KHOR PA'I DAD LDAN GYI SKYES BU GTZANG DBUS KHAMS GSUM MTHA' DAG DANG, THA NA RGYA MTSO'I MTHA' DANG GLING BAR TSUN CHAD NAS RANG DBANG MED PAR 'DUS PA NGAG LA DGE BSNYEN ,DAG TSUL, DGE SLONG GI SDOM PA RNAMS GNANG BA NI BGRANG BA LAS 'DAS TE, 'DZAM GLING YANGS PA'I RGYAL KHAMS THAMS CAD RJE NYID LA BSLAB PA MNOS PA'I KHRIMS LDAN GYIS KHYAB CING, LHAG PAR GANGS CAN 'GRO BA'I MGON PO RJA BTZUN BLO BZANG BSKAL BZANG RGYA MTSO DPAL BZANG POR, DGE TSUL GYI SDOM PA, DGE SLONG GI SDOM PA, GSANG BDE 'JIGS GSUM GYI DBANG RNAMS PHUL TE SDOM PA GSUM LDAN DU BSGRUBS SHING, RJE RGYAL BA GNYIS PA'I BSTAN PA'I BDAG POR MDA' GSOL BAS 'DZAM GLING YANGS PA'I RGYAL KHAMS MTHA' DAG RGYAL BA YAB SRAS GNYIS KYI 'PHRIN LAS RNAM PAR DKAR BA'I GDUGS GCIG GIS KHYAB CING, RJE BTZUN BLA MA NGAG DBANG BYAMS PA LA DGE SLONG GI SDOM PA DANG, CHOS BKA' GZHAN YANG MANG DU GNANG NAS RGYAL BA 'OD DPAG MED KYI SKU BRNYAN LI DMAR LAS GRUB PA PHYAG TU GNANG NAS THEG CHEN BSTAN PA'I SNYING PO RJE RGYAL BA GNYIS PA'I BSTAN PA RIN PO

CHE'I SROG SHING DU MNGA' GSOL, DUS GSUM GYI RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA GTZO BOR BTON PA'I SGO NAS RJE RGYAL BA GNYIS PA'I LUGS SROL BZANG PO RGYA CHER SPEL DOGS PA'I ZHAL TA GNANG ZHING, PHYOGS KYI THA GRU KUN TU RJE BTZUN BLA MA 'DI'I 'PHRIN LAS RGYA CHER 'PHEL BA'I RTEN 'BREL BSGRIG BAR MDZAD PAS SHAR PHYOGS RGYA MTSO'I MTHA' LA THUG GI BAR DU BYANG CHUB LAM GYI RIM PA'I 'PHRIN LAS KYIS KHYAB PA 'DI YANG RJE 'DI NYID KYI THUGS RJE'I NUS MTHU LAS GRUB PA YIN PAS GANGS CAN PA RNAMS LA BKA' DRIN ZLA MED DU MDZAD PA YIN NO, ,MA 'ONGS PA NA BSTAN PA SPYI DANG KHYAD PAR RJE RGYAL BA GNYIS PA'I SNYAN RGYUD KYI BSTAN PA YUN RING DU GNAS PA'I PHYIR BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I MYUR LAM ZHES GRAGS PA DPAL DBEN SA SNYAN RGYUD KYI MAN NGAG RNAMS CHES GSOL BAR BKOD PA SNGON MED PA'I LEGS BSHAD 'DI MDZAD CING, GZHAN YANG BYANG CHUB LAM GYI RIM PA'I BLA MA BRGYUD PA'I RNAM PAR THAR PA PADMAR DKAR PO'I 'PHRENG BA, LAM GYI GTZO BO RNAM GSUM GYI RNAM BSHAD GSUNG RAB KUN GYI GNAD BSDUS PA LEGS BSHAD SNYING PO, SNYING PO DON GSUM GYI KHRID YIG THAMS CAD MKHYEN PAR BGROD PA'I NYE LAM, PAn CHEN BLO BZANG CHOS KYI RGYAL MTSAN GYI RNAM THAR GSAL BAR STON PA NOR BU'I PHRENG BA'I SMAD CHA, RJE DRUNG SPRUL SKU DGE 'DUN CHOS RGYAL DBANG PHYAG GI RNAM THAR GRUB DBANG DGYES PA'I ROL MTSO, BLA MA'I RNAL 'BYOR GYI 'GREL PA DANG BKA'

, ,DRIN GSOL 'DEBS, BLO CHEN RGYAL KUN MA, RGYUD KYI RGYAL PO DPAL GSANG BA 'DUS PA'I BSHAD PA RDZOGS PA'I 'OG TU RDO RJE SLOB DPON LA GTANG RAG GI MCHOD PA SOGS BYA TSUL, THUGS RJE CHEN PO RGYAL PA RGYA MTSO LHA DGU'I BLA BRGYUD GSOL 'DEBS DANG SHIS BRJOD, THUGS RJE CHEN PO RGYAL BA RGYA MTSO LHA DGU'I SGRUB THABS, THUGS RJE CHEN PO RGYAL BA RGYA MTSO LHA DGU'I DKYIL CHOG ,THUGS RJE CHEN PO RGYAL BA RGYAL MTSO LHA DGU'I SBYIN SREG GI CHO GA, DRIS LAN GYI SKOR, TSE SGRUB 'CHI MED BDUD RTZI'I CHU RGYUN, 'PHAGS MA GDUGS DKAR CAN GYI SGRUB THABS MCHOG THUN DNGOS GRUB CHAR 'BEBS, GSHIN PO RJES 'DZIN THAR PA'I LAM STON, BLA MA'I RNAL 'BYOR, BLA MA'I BSTOD TSIG GSOL 'DEBS, YI DAM 'GA' LA BRTEN PA'I BLA MA'I RNAL 'BYOR, BRTAN BZHUGS TSIGS BCAD MANG BA, LHA 'GA'I SGRUB THABS DANG RJES GNANG BYED TSUL, BSNYEN GNAS BSRUNGS PA DANG SMYUNG GNAS BYAS PA'I PHAN YON, SKU GDUNG GI DKAR CHAG LE TSAN, RTEN SOGS BZHENGS PA'I RGYAB YIG ,DGON SDE 'GA' ZHIG GI KHRIMS SU BCA' BA, RTEN GSUM BZHENGS PA SOGS KYIS MTSAN PA'I DGE BSNGO'I SMON LAM TSIGS BCAD, MGON DKAR YID BZHIN NOR BU'I GTOR CHOG DGE LEGS KUN 'BYUNG, YE SHES KYI MGON PO GRI GUG DANG CHER GSEB CHOS SKYONG BSTAN MA GSUM GYI GTOR CHO GA, BSTAN SRUNG RGYA MTSOR MCHOD GTOR 'BUL TSUL DANG 'PHRIN BCOL, BSANGS KYI CHO GA, SNYAN NGAG ME LONG LAS LE'U GNYIS PA'I DPER BRJOD MTSO BYUNG DGYES

PA'I ME TAG ,LE'U GNYIS PA'I GZUGS CAN BCU GNYIS PA YAN GYI DPER BRJOD, MDO RGYUD ZAB MO'I LUNG RJES GNANG DBANG KHRID GSAN YIG GZHAN PHAN RIN CHEN DBANG RGYAL LHAG BSAM PUndA RI KA'I PHRENG BAS SPUD PA, SKU GZHON NU NYID NAS RGYAL BA'I BSTAN PA RIN PO CHE'I SGOR ZHUGS NAS BLA MA DAM PA MTSAN NYID DANG LDAN PA DU MA ZHIG GUS PA CHEN POS BSTEN PA'I SGO NAS RAB 'BYAMS MDO DANG RGYUD SDE'I GZHUNG LA LEGS PAR BSLABS NAS, THOS BSAM SGOM PA DANG 'CHAD RTZOD RTZOM PA LA SOGS PA, SKU GSUNG THUGS KYI RTEN BZHENGS PA DANG MCHOD PA, RIS MED PA'I DGE 'DUN MANG PO LA BSNYEN BKUR BA SOGS BSTAN 'GRO'I BYA BA MTHA' DAG LA BRTZON PAR MDZAD PA'I RNAM THAR 'OD DKAR CAN GYI PHRENG BA RNAMS MDZAD DE BSTAN PA LA BYA BA RGYA CHER MDZAD NAS DGUNG LO DON LNGA LA PHEBS PA ME MO SPRUL GYI LO GDUL BYA RTAG 'DZIN CAN RNAMS CHOS LA BSKUL BA'I PHYIR RE ZHIG GZUGS SKU'I BKOD BA BSDU BA'I TSUL BSTAN TO, ,RJE 'DI LA NI NOR 'DZIN YANGS PA'I KHYON LA GNAS PA'I CHE DGU MTHA' DAG GIS GUS PAS MCHOD CING RIS SU MA CHAD PA'I BSTAN 'DZIN DAM PA PHAL MO CHES RJE 'DI PA LAS BSLAB SDOM BLANGS SHING, CHOS KYI BKA' DRIN NOS PAS NA RGYUD 'DZIN GYI SLOB MAS SA'I STENG KHYAB PAS MTHA' DAG BGRANG BAR GA LA NUS, THUGS SRAS KYI GTZO BO THUB BSTAN YONGS RDZOGS KYI BDAG POR MNGA' GSOL BA RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO DANG,

, ,MDO KHAMS BSTAN PA'I SGRAN ME CHAB MDO 'PHAGS PA LHA, BRAG G-YAB SPRUL SKU RNAM GNYIS, DBANG PHYOGS BSTAN PA'I SGRON ME RJE LCANG SKYA RIN PO CHE YE SHES BSTAN PA'I SGRON ME, BA SO SPRUL PA'I SKU, 'JAM MGON BSTAN PA'I SROG SHING RJE BTZUN NGAG DBANG BYAMS PA, GRUB PA'I DBANG PHYUG RJE DON YOD MKHAS GRUB ,GRUB CHEN BLO BZANG BYAMS PA, SNGAGS CHEN DGE LEGS RAB RGYAS, RJE ZHAL SNGA NAS 'JAM DBYANGS CHOS 'PHEL, THOS BSAM GLING PA CHEN PO DPAL LDAN YE SHES, RDO RJE 'DZIN PA BLO BZANG RIG GROL, BYA BRAL GRUB PA'I DBANG PHYUG BLO BZANG RNAM RGYAL, SNGAGS CHEN DAM CHOS DPAL 'BYOR, SNYAN RGYUD 'PHRIN LAS KYI BKA' BAB ZHABS DRUNG LHA PA SPRUL SKU BLO BZANG 'PHRIN LAS, DBANG DANG RJES GNANG GI BKA' BAB RDO RJE 'DZIN PA YE SHES DPAL 'BYOR ,RGYUD 'DZIN 'PHRIN LAS KYI BKA' BAB GRUB PA'I DBANG PHYUG BLO BZANG BZOD PA SOGS BSTAN 'DZIN DAM PA BGRANG BA LAS 'DAS PA BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE BTZUN THAMS CAD MKHYEN PA BLO BZANG YE SHES DPAL BZANG PO LA GSOL BA 'DEBS SHING RJE 'DI'I MDZAD PA BZANG PO RNAMS DRAN PAR BYAS LA 'JAM MGON BSTAN PA'I SNYING PO LA YID CHES KYI DAD PA BRTAN POS BLO SNA NANG DU BKUG STE BYANG CHUB LAM GYI RIM PA LA BAG CHAGS CI THEBS BYA'O,, ~ ,,MKHYEN RAB DBANG PHYUG 'JAM DBYANGS CHOS 'PHEL ZHES BSNGAGS PA, RJE ZHAL SNGA NAS 'JAM DBYANGS CHOS 'PHEL NI SRAD DU SKU 'KHRUNGS, SNGON YUN RING PO NAS LAM LA SBYANGS PA'I BAG CHAGS KYI MTHU BRTAS PAS

KHYIM GYI 'DU 'DZAL CHAGS PA MED PAR GZHON NU NAS RGYAL BA'I BSTAN PA LA RAB TU BYUNG, CHOS GRVA CHEN PO BKRA SHIS LHUN POR PHEBS TE RJE BTZUN BLO BZANG CHOS KYI RGYAL MTSAN GYI ZHABS LA BSNYEN CING ,THOG MAR TSAD MA RNAM 'GREL LA SBYANGS PA NA MKHYEN RAB MTSUNGS PA MED PAS RING POR MA THOGS PAR SDE BDUN MDO DANG BCAS PA'I DON LA MI 'JIGS PA'I SPOBS PA THOB, DE NAS PHAR PHYIN DANG, DBU MA DANG, 'DUL BA DANG, MDZOD RNAMS LA RIM BZHIN SBYANGS TE MKHAS PA'I PHUL DU PHYIN PAR GYUR PA NA DGE 'DUN 'DUS PA RGYA MTSO'I DBUS SU DAM BCA' BZHAG STE SNGAR BRJOD PA'I GZHUNG CHEN MO DE RNAMS LA GRVA SKOR MDZAD, DE NAS DRUNG PA YAB SRAS DANG, RDO RJE 'DZIN PA DKON MCHOG RGYAL MTSAN SOGS RJE BTZUN BLO BZANG CHOS KYI RGYAL MTSAN GYI THUGS SRAS MKHAS GRUB MANG PO LAS RGYUD SDE BZHI DANG 'BREL BA'I DBANG LUNG MAN NGAG MANG DU GSAN ZHING, KHYAD PAR JO BO RJE DPAL LDAN AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG PA'I MAN NGAG GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I ZAB KHRID DBEN SA SNYAN RGYUD KYI MAN NGAG ZHAL SHES DANG BCAS PA GSAN NAS NYAMS SU BLANGS TE MYONG BA THON PAR MDZAD, DE NAS LUNG DANG RTOGS PA'I YON TAN GYI GTER CHEN POR GYUR PA NA RJE BTZUN BLO BZANG YE SHES KYI BKAS THOS BSAM GLING GI GDAN SAR PHEBS TE SDE SNOD 'DZIN PA STONG PHRAG BRGAL BA LA SHING RTA CHEN PO'I GZHUNG LUGS RNAMS RGYA CHER 'CHAD PAR MDZAD, DE NAS SNGAGS KHANG GI GDAN SAR

, ,PHEBS TE RGYUD THAMS CAD KYI RGYAL PO DPAL GSANG BA 'DUS PA MTHA' DRUG TSUL BZHI'I SGO NAS 'CHAD PA LA MKHAS PA'I PHUL DU PHYIN PAR GYUR TE SDE SNOD 'DZIN PA BRGYA PHRAG MANG PO LA 'GREL PA BZHI SBRAGS DANG, 'KHOR LO BDE MCHOG GI RGYUD 'GREL PA DANG BCAS PA DANG, DUS KYI 'KHOR LO'I RGYUD 'GREL PA DANG BCAS PA SOGS RDO RJE THEG PA'I BSTAN PA RGYA CHER SPEL BAR MDZAD CING, DE DAG GI BAR BAR DU SKAL BA DANG LDAN PA MANG PO LA BYANG CHUB LAM GYI RIM PA'I KHRID SOGS MDO SNGAGS KYI CHOS MTHA' YAS PA STZAL TE BSTAN PA LA BYA BA RGYA CHER MDZAD, MTHAR SNGAGS KHANG GI GDAN SA'I THOG NYID DU ZHING GSHEGS, DE'I TSE THUGS DAM LA RGYUN RING BZHUGS SHING SKU GZUGS KYANG 'OD KYI RANG BZHIN CAN JE CHUNG JE CHUNG DU SONG STE THUGS DAM LAS BZHENGS PA'I TSE SPUR DAR KHA GANG LA 'THUMS PA ZHIG BYUNG, GDUNG ZHUGS LA PHUL BA'I TSE GDUNG LA RJE BTZUN SGROL MA RANG BYON DU PHEBS PA SOGS NGO MTSAR YA MTSAN CHE BA'I MTSAN MA MANG DU BYUNG BA ZHIG GO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BDAG NYID CHEN PO 'DI LA GSOL BA 'DEBS SHING, 'DI'I RNAM THAR LTAR MDO SNGAGS KYI GZHUNG LA SBYANGS PA MTHAR PHYIN PAR BYAS LA GZHUNG LUGS GDAMS PAR 'CHAR BA'I NYAMS LEN LA 'BAD DE RANG RGYUD BTUL NAS SKAL BA DANG LDAN PA GZHAN DAG LA'ANG PHAN THOGS PA ZHIG BYA'O,, ` ,,BLO BZANG THUGS RJE'I YE SHES 'OD STONG GIS, ,GANG GIS BLO GROS PADMO KHA PHYE NAS, ,

SKAL LDAN 'PHRIN LAS SPRANG RTZI'I DGA' STON CAN, ,YONGS 'DZIN DAM PA'I ZHABS LA GSOL BA 'DEBS, ,ZHES BSNGAGS PA, ZHABS DRUNG LHA PA SPRUL SKU BLO BZANG 'PHRIN LAS NI, PAn CHEN BLO BZANG CHOS KYI RGYAL MTSAN GYI THUGS SRAS ZHABS DRUNG LHA PA BLO BZANG BSTAN PA DAR RGYAS ZHES YONGS SU GRAGS PA'I MKHAS GRUB CHEN PO DE NYID ZHING GSHEGS GONG DANG, GSHEGS NAS SPUR SBYONG BA'I SKABS KYI RTAGS DANG MTSAN MA DANG, LHA DANG BLA MA MANG POS LUNG BSTAN PA LTAR SPRUL BA'I SKU 'DI NYID DBUS PHYOGS SU SKU 'KHRUNGS, GZHON NU'I DUS NAS SNGON GYI BAG CHAGS BZANG PO'I MTHU BRTAS PAS SRID PA'I PHUN TSOGS GANG LA'ANG MA CHAGS PAR RGYAL BA'I BSTAN PA RIN PO CHE'I SGOR RAB TU BYUNG, ,PAn CHEN BLO BZANG CHOS KYI RGYAL MTSAN GYI THUGS SRAS MANG PO'I ZHABS LA GTUGS SHING, LHAG PAR DRUNG BA YAB SRAS LA MDO SNGAGS KYI GDAMS NGAG MTHA' YAS PA GSAN ZHING ,LUNG DANG RTOGS PA'I MNGA' BDAG RIN CHEN DON GRUB LA PAn CHEN BLO BZANG CHOS KYI RGYAL MTSAN NAS GRUB CHEN NAM MKHA' RDO RJE LA BRGYUD PA'I BYANG CHUB LAM GYI RIM PA'I KHRID DBEN SA SNYAN RGYUD KYI MAN NGAG ZHAL SHES CHA LAG DANG BCAS PA RGYAS PAR GSAN TE NYAMS SU BZHES PAS NYAMS RTOGS KHYAD PAR CAN 'KHRUNGS, GRUB CHEN NAM MKHA' RDO RJE NAS BRGYUD PA'I MAN NGAG BLA MA RIN CHEN DON GRUB KYIS ZIN BRIS MDZAD PA'I LAM RIM GYI KHRID YIG KHYAD PAR CAN ZHIG KYANG YOD DO, ,ZHABS DRUNG RIN PO CHE 'DI SNGON SBYANGS KYI BAG CHAGS SANG PAS NGES 'BYUNG SKYO SHAS CHE ZHING

, ,SDOM PA GSUM GYI BCAS MCHAMS RNAM PAR DAG PA DANG, BDAG PAS GZHAN GCES PA'I BYANG CHUB KYI SEMS THUGS LA MNGA' BAS SKAL BA DANG LDAN PA MTHA' YAS PA LA THAR PA DANG THAMS CAD MKHYEN PA'I SA BON 'DEBS NUS PA ZHIG BYUNG STE, PAn CHEN THAMS CAD MKHYEN PA RJE BTZUN BLO BZANG YE SHES KYIS KYANG SPYAN MTHONG SHIN TU CHE BAR MDZAD DE ZHABS DRUNG RIN PO CHE 'DI LA LAM RIM GYI KHRID DANG, BLA MA MCHOD PA'I KHRID DANG, SNYING PO DON GSUM GYI KHRID DANG, DGA' LDAN PHYAG RGYA CHEN PO'I KHRID RNAMS DGYES BZHIN DU GNANG ZHING SNAR THANG BYANG CHEN GYI BLA MAR BSKO BAR MDZAD DE 'DI PA BYANG CHEN DU BZHUGS SKABS SKYA SER MANG PO LA PHAN CHE BAR GZIGS NAS PAn CHEN THAMS CAD MKHYEN PA CHEN POS GZIM CHUNG YID DGA' CHOS 'DZIN DU ZHABS DRUNG RIN PO CHE 'DI GCIG PU LA SMYUNG GNAS KYI SDOM PA YANG STZAL, ZHABS DRUNG RIN PO CHE 'DI PAS KYANG PAn CHEN THAMS CAD MKHYEN PA'I BKA' BZHIN BSGRUBS TE LO RE BZHIN SNAR THANG BYANG CHEN DU SKYA SER BRGYA PHRAG MANG PO LA SMYUNG GNAS KYI SDOM PA GNANG ZHING, GZHAN YANG DGE BA'I BSHES GNYEN DON GNYER CAN RNAMS LA CHO 'PHRUL GYI DUS DANG CHOS 'KHOR BSKOR BA'I DUS LA SOGS PA DUS KHYAD PAR CAN RNAMS LA SMYUNG GZHAS KYI SDOM PA GNANG STE THUGS RJE CHEN PO'I CHOS SKOR CHES CHER DAR BAR MDZAD, LHAG PAR MDO SNGAGS GSUNG RAB THAMS CAD KYI SNYING PO'I DON RGYAL BA THAMS CAD GANG NAS BYON PA'I LAM PO CHE BYANG CHUB LAM GYI RIM PA'I KHRID YANG

YANG STZAL TE BSTAN PA LA BYA BA RGYA CHER MDZAD, LAM GYI RIM PA LA BLO SBYANGS TE THABS BRTAN PAR GYUR PA RNAMS LA SHER PHYIN GYI MDO SDE RIN PO CHE'I SNYING PO'I DON, DPAL MGON 'PHAGS PA KLU SGRUB KYIS NGES DON GYI MDO SDE'I DON LEGS PAR BKRAL BRTEN 'BYUNG SPROS PA'I MTHA' THAMS CAD DANG BRAL BA DRI MA MED PA'I RIGS LAM NAS DRANGS TE MTHA' DAG PAR 'DOMS PA LA ZLA DANG BRAL BA ZHIG STE, BYA BRAL GRUB PA'I DBANG PHYUG BLO BZANG RNAM RGYAL GYIS GTZOS SDE SNOD 'DZIN PA MANG PO ZHIG GIS ZHABS DRUNG RIN PO CHE 'DI PA LA LAM RIM GYI KHRID ZHUS PAR CHE BA SHES GNYEN BSTEN TSUL NAS LHAG MTHONG GI BAR DMIGS SKOR RE RE NAS MYONG KHRID DU BYAS TE ZLA SBREL GYI BAR RGYAS PAR GNANG ZHING, LHAG PAR ZAB MO DBU MA'I LTA BA RTAG CHAD KYI MTHA' THAMS CAD DANG BRAL BA RIGS PA'I RNAM GRANGS MTHA' YAS PAS GTAN LA PHAB NAS 'DOMS PAR MDZAD CING, SGOM TSUL GYI MAN NGAG SNYING PO'I DON MGON PO 'JAM PA'I DBYANGS KYIS RJE BDAG NYID CHEN PO PHA JI LTAR STZAL BA'I SNYAN RGYUD KYI MAN NGAG LTAR 'KHRID PAR MDZAD, LAM RIM GYI KHRID GRUB NAS SPYIR LAM GYI LUS YONGS SU RDZOGS PA DANG KHYAD PAR DBU MA'I LTA BA MTHAR THUG BA SHER PHYIN GYI MDO SDE RIN PO CHE'I KHUNGS DANG SBYAR BA BRGYAD STONG PA'I GZABS BSHAD MDZAD PAS 'JAM MGON SNYAN RGYUD KYI BSTAN PA LA BKA' DRIN ZLA MED DU MDZAD DO, ,BDAG NYID CHEN PO 'DI'I SKU TSE RIL PO'I MDZAD PA RNAM THAR ZHIB TU STON PA'I YI GE MA MTHONG BAS SLAR RNYED NA 'DIR BSNAN

, ,PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS ZHABS DRUNG RIN PO CHE SPRUL PA'I SKU BLO BZANG 'PHRIN LAS LA GSOL BA 'DEBS SHING, BDAG NYID CHEN PO 'DI'I RNAM THAR LTAR 'JAM MGON SNYAN RGYUD KYI MAN NGAG LA SGRUB PA SNYING POR BYAS TE DAL BA DON LDAN DU BYA'O,, ` ,,THUB PA'I DGONGS DON ZAB DANG RGYA CHE'I GZHUNG, ,BLO GSAL SKAL BZANG GDUL BYAR RNAM KUN TU, ,SPEL MDZAD RGYAL BA DGYES PA'I LAM BZANG LA, ,'GOD MKHAS BSHES GNYEN BZANG POR GSOL BA 'DEBS, ZHES BSNGAGS PA, BYA BRAL GRUB PA'I DBANG PHYUG BLO BZANG RNAM RGYAL NI ,CHOS GRVA CHEN PO BKRA SHIS LHUN PO NAS LHO PHYOGS SU DPAG TSAD GCIG LHAG TZAM GYI SAN LCAGS LUNG PA ZHES BYA BA, PHUN RTZVA RI PHUN SUM TSOGS PA LA 'BROG SDE DANG ,MDA' NAS GZHI LO TOG PHUN SUM TSOGS PA SKYE BA'I ZHING PA MI KHYIM MANG DU YOD PA ,SNGON BYON DAM PA DU MAS ZHABS KYIS BCAGS SHING BYIN GYIS BRLABS PA, LHAG PAR PAn CHEN THAMS CAD MKHYEN PA BLO BZANG CHOS KYI RGYAL MTSAN PHYOGS DER PHEBS NAS BKRA SHIS KYI GSO SBYONG MDZAD PA SOGS DGE MTSAN DU MAS BRGYAN PA'I SA'I THIG LE DE'I PHUN BCUS KHANG DMAR SHAR BA ZHES BYA BA'I KHYIM DU YAB MGON PO TSE RGYAL ZHES BYA BA DANG, YUM SRAS MO LAGS ZHES GRAGS PA GNYIS KYI SRAS SU BSAM BZHIN DU SKYE BA BZHES TE LCAGS PHO KHYI'I LOR KHYE'U DBU GDUGS LTAR ZLUM ZHING SPYI GTZUG MTHO BA, DPRAL BA'I DBYES CHE

ZHING SHANGS KYI GZENGS MTHO PA, SPYAN DKYUS RING ZHING MCHU SGROS PADMA'I 'DAB MA JI LTA BA, PAGS PA'I MDOG NI DKAR LA DMAR BA'I MDANGS CHAGS PA 'GRO BA KUN GYI MIG GI BDUD RTZI LTA BU ZHIG NGO MTSAR BA'I LTAS DANG BCAS TE 'KHRUNGS SO, ,'DI SKABS RJE BTZUN BLO BZANG CHOS KYI RGYAL MTSAN ZHING GSHEGS NAS LO DGU DANG, RJE BTZUN BLO BZANG YE SHES 'KHRUNGS NAS LO BRGYAD SONG BA'I SKABS DE YIN NO, ,DE 'DRA BA'I GZHON NU DE NI SNGON YUN RING PO NAS LAM LA GOMS PA'I BAG CHAGS SAD PAS BYIS PA'I RGUD PA MTHA' DAG LAS 'DAS SHING DAM PA'I CHOS 'TSOL BA LHUR LEN PA'I NGANG TSUL CAN ZHIG BYUNG STE, KHYIM GYI GNAS LA MNGON PAR MI DGA' BAR KHYIM NA GNAS PA NI BYA BA NGAN PA SNA TSOGS KYIS BREL NAS DGE BA'I BSAM PA MA SKYES PA MI SKYE ZHING SKYES PA RNAMS RIM GYIS 'GRIB PAR BYED PA, TSONG DANG ZHING LAS SOGS LAS NGAN PA SNA TSOGS PA DANG, DE DAG GI CHED DU PHAN TSUN 'THAB PA DANG RTZOD PA SOGS BZOD PAR DKA' BA'I SDUG BSNGAL DU MAS LUS SEMS KUN NAS GDUNG BAR BYED PA, 'DOD PA SPYOD PA NI DUG SBRUL NAG PO'I GDENGS KA'I GRIB BSIL LTAR MNOG CHUNG ZHING NYEN CHE BA, MDOR NA NYES PA DU MA'I 'BYUNG KHUNGS SU GYUR LA, RAB TU BYUNG BA NI NYES PA THAMS CAD LAS LDOG CING YON TAN THAMS CAD SKYE BA'I RTEN SA GZHI LTA BU, RGYAL BA SRAS BCAS THAMS CAD KYIS BSNGAGS PA'I GNAS YIN PAR MKHYEN NAS RAB TU 'BYUNG 'DOD GTING NAS YOD PA'I KHAR,

, ,RGYAL PO DGA' LDAN TSE DBANG GI CHOS TSAB BTZUN CHUNG KHA SHAS 'JUG RTZIS KYIS BRTAGS PA NA, DAM PA 'DI NYID GZHON NU BLO GROS GSAL ZHING RIGS RUS BTZUN PA SOGS GANG CIR 'OS PAR GZIGS NAS, 'DI NYID DANG GZHAN YANG BTZUN CHUNG KHA SHAS BCAS CHOS TSAB TU 'JUG PAR MDZAD PA'I RKYEN GYIS NYE BAR BSKUL TE KHYIM NAS KHYIM MED PAR RAB TU 'BYUNG BAR 'DOD NAS CHOS GRVA CHEN PO BKRA SHIS LHUN PO PHYOGS THAMS CAD LAS RNAM PAR RGYAL BA'I GLING DU MGON PO 'OD DPAG MED NGUR SMRIG GAR GYI RNAM PAR ROL PA PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I DRUNG DU PHEBS, DE SKABS RJE BTZUN BLO BZANG YE SHES KYIS BSNYEN RDZOGS BZHES MA GRUB PAS MKHAN PO'I BYA BA MI MDZAD PAS THOS BSAM GLING GI BLA MA RJE ZHAL SNGA NAS GRUB CHEN BLO BZANG BYAMS PA LAS RAB TU BYUNG ZHING TSIGS SDE MA DGE TSUL GYI SDOM PA NOD PAR MDZAD DE, MTSAN BLO BZANG RNAM RGYAL ZHES 'DOGS PAR MDZAD DO, ,DE NAS THUGS BSAM 'DI LTA BU DAG 'KHRUNGS TE STON PA'I BSTAN PA LA RAB TU BYUNG BA RNAMS KYI BYA BA NI GNYIS TE, KLOG PA THOS BSAM DANG, SPONG BA BSAM GTAN NO, ,DE YANG MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR, SGOM RNAM DAG BYED PA LA BSAM PAS NGAS SHES 'DREN PA SNGON DU 'GRO DGOS, DE LA THOS PA MA NOR PA ZHIG BYAD DGOS, DE YANG GANG BYUNG BYUNG LA THOS PAS BYAS PAS MI CHOG PAS, RGYAL BA'I DGONGS PA 'GREL PA LA

TSAD MAR GYUR DPANG DU GYUR PA KLU SGRUB LA SOGS PA SHING RTA CHEN PO RNAMS KYI GZHUNG LA MKHAS PA BSTEN NAS SBYANG DGOS PAR DGONGS NAS THOG MAR RIGS PA'I GZHUNG LUGS RNAMS LA GSAN SBYONG MDZAD PA LA ZHUGS SHING, RJE ZHAL SNGA NAS GRUB CHEN BLO BZANG BYAMS PA DANG, ZHAL SNGA NAS 'JAM DBYANGS CHOS 'PHEL SOGS KYI ZHABS LA GTUGS NAS, THOG MAR CHOS SPYOD RNAMS 'DZIN PA DANG, RIGS PA'I SGO 'BYED MCHED MTSON RTAGS GSAL RTZI LUGS THAL 'GYUR 'PHEN LUGS SOGS LA SBYONG BA SBRAGS NAS MDZAD, DE NAS RTAGS GSAL 'PHEN LUGS KYI GNAD MKHYEN CING RIGS GZHUNG LA BLO KHA BYE BAR GYUR PA NA, RIGS 'BRING DU PHEBS TE 'JAM DBYANGS DGE 'DUN BLO BZANG GI YIG CHA LA BRTEN NAS TSAD MA RNAM 'GREL GYI LE'U BZHI'I MTHA' DPYOD SPYI DON DANG BCAS PA THUGS LA BZUNG ZHING BGRO GLENG LA BRTZON PAR MDZAD PAS, RING POR MA THOGS PAR GZHUNG GI LUS RNAM GZHAG, GZHUNG SNGA PHYI'I 'TSAMS SBYOR SO SO'I 'PHROS DON SOGS RTOG GE'I TSIG DON MTHA' DAG LA BLO GROS RAB TU RGYAS PAR GYUR TE, PHYI NANG GI GRUB MTHA'I KHYAD PAR RNAMS DRI MA MED PA'I RIGS PAS LEGS PAR PHYE NAS, PHYI ROL PA'I GRUB MTHA' RNAMS NI LONG BA LAG NOM BYED PA DANG 'DRA BAR RMONGS PA 'BA' ZHIG GI DBANG DU SONG BA DANG ,RGAN PO G-YO CAN GYIS LAG PA STONG PAS BYIS PA SLU BAR BYED PA LTAR THAR 'DOD RNAMS SLU BAR BYED PA KHO NA DANG, SANGS RGYAS BCOM LDAN 'DAS KYI BSTAN PA KHO NA THAR 'DOD RNAMS KYI 'JUG NGOGS SU GTING THAG PA NAS YID CHES BSKYED PA'I THABS SGRUB NGAG YANG

, ,DAG DANG RTAGS SBYOR YANG DAG GNYIS KYI SGO NAS RANG DANG SNOD LDAN RNAMS LA NGES SHES SKYED PAR BYED CING, LOG PAR SMRA BA RNAMS NI SUN 'BYIN PA'I THAL NGAG GI SGO NAS TSAR GCOD PAR MDZAD PA'I DRI MED RIGS PA'I NGA RO SGROG PA LA NAM YANG ZHUM PA MED PAR GYUR TO, ,DE NAS RNAM 'BREL GYI MTHA' GCOD RNAMS LA SHIN TU MKHAS PAR GYUR PA NA RIGS CHEN DU PHEBS TE, TSAD MA RNAM 'GREL DANG, NAM BSHAD THAR LAM GSAL BYED GNYIS RTZA 'GREL SBRAGS NAS THUGS 'DZIN MDZAD CING, DON GYI GNAD RNAMS LA GO BA 'TSOL BA LA SHIN TU 'GRUS PAR MDZAD, DE YANG THAR PA DANG THAMS CAD MKHYEN PA THOB PAR BYED PA'I LAM GYI GNAD RNAMS RIGS PA'I LAM NAS RNYED PA ZHIG MA BYUNG NA, LUNG TZAM SKYABS SU BZUNG STE MOS BLO BYAS KYANG GTING NAS NGES PA 'DRONGS PA'I THABS MI 'JUG CING, NGES PA DE LTAR DU SKYE BA YANG GZHUNG LUGS 'DI NYID LA RAG LAS PAR DGONGS NAS TSIG TZAM DANG DON GYI 'O LA SPYI TZAM GYIS TSIM PA MA YIN PAR, YAB RJE THAMS CAD MKHYEN PA'I BKA' LTAR THEG PA GSUM GYI LAM GYI GNAD THAMS CAD RIGS PA'I LAM NAS RNYED PA ZHIG NAM ZHIG NA 'ONG SNYAM DU THUGS BRTZON SHIN TU CHE BAR MDZAD DO, ,DE NAS RNAM 'GREL GYI DKA' GNAS RNAMS THUGS LA CHUD PAR GYUR PA'I TSE, DGE 'DUN 'DUS PA RGYA MTSO'I DBUS SU DAM BCA' YANG YANG 'JOG PAR MDZAD CING, KHYAD PAR DKYIL KHANG NAS MNGA' RIS PA MKHAS PAR GRAGS PA ZHIG DANG SPYI SKYUR GYI BGRO GLENG LA BZHENGS TE, RJE ZHAL SNGA NAS

RNAMS KYIS DBU MDZAD MKHAS MANG RGYA MTSO LTA BU'I DBUS SU BDAG NYID CHEN PO PHYOGS GLANG CHOS GRAGS MU STEGS KYI RGOL BA 'JOMS PHYIR ZHUGS PA BZHIN DU DRI MA MED PA'I RIGS PA'I NGA RO DANG 'BEL BA'I GTAM GYIS MKHAS PA MTHA' DGE DGYES PAR MDZAD CING SNYAM GRAGS KYIS GLING KHYAB PAR GYUR TO, ,DE NAS GZHUNG LUGS CHEN MO GZHAN RNAMS LA'ANG RIM GYIS SBYONG BAR MDZAD DE, DE YANG DUS GSUM GYI RGYAL BA THAMS CAD KYI YUM SHES RAB KYI PHA ROL TU PHYIN PA RGYAS 'BRING BSDUS GSUM GYI DON RNAMS NYAMS LEN GYI RIM PAR BSGRIGS PA RJE BTZUN BYAMS PAS MDZAD PA'I MNGON RTOGS RGYAN DANG, DE'I 'GREL PA SLOB DPON SENG GE BZANG POS MDZAD PA GNYIS SBYAR NAS PHAR PHYIN GYI SKOR DANG, SLOB DPON KLU SGRUB KYI DBU MA'I GZHUNG RNAMS NYAMS LEN GYI RIM PAR BSGRIGS PA SLOB DPON ZLA BA GRAGS PAS MDZAD PA'I DBU MA LA 'JUG PA DANG, DE'I 'GREL PA RJE THAMS CAD MKHYEN PAS MDZAD PA'I DGONGS PA RAB GSAL LA BRTEN NAS DBU MA'I SKOR DANG, 'DUL BA LUNG SDE BZHI'I GNAD RNAMS BSDUS PA SLOB DPON YON TAN 'OD KYIS MDZAD PA'I 'DUL BA'I MDO DANG, DE'I 'GREL PA RJE DGE 'DUN GRUB KYIS MDZAD PA'I 'DUL t'IKA RIN CHEN PHRENG BA DANG, CHOS RJE BDE LEGS NYI MA'I 'DUL BA SOGS LA BRTEN NAS 'DUL BA'I SKOR RNAMS LA SBYANGS SHING LHAG PAR ZAB MO DBU MA'I LTA BA 'DI MA BTZAL NA MDO SNGAGS GNYIS KA'I LAM GYI SROG STOR BAR 'GYUR ZHING, BTZAL KYANG SHIN TU RTOGS DKA' BA YIN PA'I TSUL LA THUGS NGES DRAG

, ,PO 'KHRUNGS TE, DGONGS PA RAB GSAL LA ZHIB TU SBYONG BAR MDZAD CING, BYANG CHUB SEMS DPA' RTAG TU DU SHER PHYIN 'TSOL BAR ZHUGS PA CI 'DRA BAR ZAB MO'I LTA PA 'DI 'TSOL BA'I PHYIR DU MKHAS PA DU MA'I ZHABS LA GTUGS SHING, BLA MA DANG LHAG PA'I LHA LA GSOL BA 'DEBS PA DANG, BSAG SBYANG LA 'BAD PA SOGS RJE BLA MA LA RJE BTZUN 'JAM PA'I DBYANGS KYIS GSUNGS PA LTAR GYI RGYU TSOGS KUN LA BRTZON PA CHU BO'I RGYUN BZHIN NAR MAR MDZAD DO, ,'DUL BA'I SKOR LA'ANG GZHUNG GI TSIG RIS DANG SBYOR NGAG 'GOD SHES PA TZAM GYIS CHOG PA MA YIN PAR RGYAL BA RANG NYID KYI DGONGS PA BZHIN DU SDOM PA MA THOB PAR BYED PA, THOB PA MI NYAMS PAR SRUNG THABS, NYAMS NA PHYIR BCOS THABS, DE DAG LA YANG DGAG SGRUB GNANG GSUM GYI BCAS MTSAMS PHRA ZHING PHRA BA MTHA' DAG JI BZHIN DU NGES PAR MDZAD CING, DE YANG LAG LEN LA SBYOR BA'I THUGS RTZIS 'BA' ZHIG MDZAD DO, ,DE LTAR THUGS SBYONG MDZAD PA'I SKABS RNAMS SU YANG THOS BSAM GYI SKABS YIN ZER NAS BSLAB KHRIMS KHYAD DU BSAD NAS RTZIR SPYOD BYED PA DE 'BRAM YIN PAR ,BSLAB PA'I BCAS MTSAMS SRUNG BA GZHIR MDZAD NAS CHOS GANG THOS NYON MONGS PA'I GNYEN POR 'GYUR BA ZHIG DANG, RE ZHIG GZHUNG LUGS CHEN MO 'DI DAG LA SBYANGS NAS, MTHAR 'DI DAG GI DON LA SGRUB PA SNYING POR BYED PA ZHIG BYUNG NA CI MA RUNG SNYAN DU DGONGS NAS RGYUN DU SMON LAM DANG, LHAG PAR DUS BZANG GI SKABS RNAMS SU CHOS MTHUN GYI GROGS 'GA' DANG

BCAS CI 'BYOR PA'I MCHOD PA BZANG PO BSHAMS TE SMON LAM RGYA CHER 'DEBS PAR MDZAD CING, GTZO BOR TSE MJUG DBEN PA'I GNAS SU TSE DANG SGRUB PA MNYAM PA ZHIG GI THUGS SMON RANG 'DEBS PAR MDZAD, DE NAS GZHUNG LUGS RNAMS LA GSAN SBYONG RAGS RIM GRUB PA NA, RJE BLA MAS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR YIN MTSAN KUN TU NYAMS SU BLANGS, ,KUN KYANG THUB BSTAN RGYAS PA'I CHED DU BSNGOS, ,ZHES GSUNGS PA LTAR, DA NI GZHUNG CHEN MO RNAMS LA SBYANGS PA'I DON TSE MJUG 'DIR SGRUB PA RNAM PAR DAG PA ZHIG BYED DGONGS PA NAR MAR BYUNG ZHING SGRUB PA BYED PA LA MAN NGAG RNAMS GSAN DGOS PAR DGONGS NAS, YANG DAG PAR RDZOGS PA'I SANGS RGYAS NAS BZUNG STE DAM PA BAR MA CHAD PA LAS BRGYUD PA'I MAN NGAG MNGA' BA'I BSHES GNYEN DAM PA RNAMS KYI ZHABS LA GTUGS NAS GZHUNG LUGS GDAMS NGAG TU 'CHAR PA'I MAN NGAG GI GNAD RNAMS 'TSOL BA LA ZHUGS SO, ,DE NAS PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I ZHES DRUNG DU RJE RIN PO CHE'I RNAM THAR DAD PA'I 'JUG NGOGS, ,SLOB DPON DPA' BOS MDZAD PA'I 'KHRUNGS RABS SO BZHI BA'I GZABS BSHAD, MDZOD RTZA, 'DUL BA MDO RTZA BA, TSAD MA RNAM 'GREL, 'GREL PA DON GSAL, DBU MA LA 'JUG PA, BYAMS PAS DAM BCAS PA'I GZUNGS, SNAR THANG BRGYA RTZA, LAM GYI GTZO BO RNAM GSUM

, ,GYI 'GREL PA RJE RANG NYID KYIS MDZAD PA, BKA' DRIN GSOL 'DEBS, BKRA SHIS LHUN PO'I PAR DU 'KHOD PA'I CHOS SPYOD RAB GSAL, RJE BLO BZANG CHOS RGYAN GYIS MDZAD PA'I GTOR MA'I SKOR RNAMS PHAL CHER BCAS RIM GYIS GSAN, YANG RJE RIN PO CHES MDZAD PA'I LAM RIM CHUNG BA, RJE RIN PO CHE DANG BLA MA DBU MA PA LA RJE BTZUN 'JAM PA'I DBYANGS KYIS GNANG BA 'JAM DBYANGS CHOS SKOR ZHES GRAGS PA THUN MONG MA YIN PA'I ZAB CHOS RNAMS RIM GYIS GSAN TO,, DE NAS RJE ZHAL SNGA NAS 'JAM DBYANGS CHOS 'PHEL BA'I DRUNG DU BYANG CHUB LAM GYI RIM PA'I ZAB KHRID YONGS SU RDZOGS PA GSAN ZHING CHOS BKA' GZHAN YANG MANG DU GSAN NO, ,DE NAS SNAR THANG BYANG CHEN DU ZHABS DRUNG RIN PO CHE BLO BZANG 'PHRIN LAS KYI DRUNG DU PHEBS TE SGO GSUM GUS PA CHEN POS ZHABS LA GTUGS SHING, DUS GSUM GYI RGYAL BA THAMS CAD KYI BGROD PA GCIG PA'I LAM PO CHE, GSUNG RAB THAMS CAD KYI SNYING PO'I DON SHING RTA CHEN PO GNYIS KYI BZHED SROL ,DPAL LTA CIG 'DI BAm KA RA'I MAN NGAG CHOS KYI RGYAL PO TZONG KHA PA CHEN PO'I THUGS KYI BCUD PHYUNG BA BYANG CHUB LAM GYI RIM PA'I DMAR KHRID MAN NGAG GI CHA LAG YONGS SU RDZOGS PA GNANG DGOS ZHES LUS LONGS SPYOD THAMS CAD LTOS PA MED PAR PHUL TE GSOL BA SHUGS DRAG TU 'DEBS PAR MDZAD PA NA ZHABS DRUNG RIN PO CHES KYANG GANG ZAG DAM PA ZHIG YIN PAR DGONGS NAS THUGS DGYES PA CHEN POS ZHAL GYIS BZHES TE, BYANG CHUB LAM GYI RIM PA'I SNGON 'GRO, DNGOS GZHI, RJES KYI

DMIGS SKOR THAMS CAD DPAL DBEN SA PA CHEN PO'I MAN NGAG GIS BRGYAN NAS ZLA SBREL GYI BAR LA SHIN TU RGYAS PAR GNANG ,DE'I TSE DMIGS SKOR RE RE NAS TSIG BLO LA BZUNG ZHING DON LA DPYAD SGOM DANG 'JOG SGOM GNYIS KYI SGO NAS DMIGS RNAM SKYONG BA LA SHIN TU 'GRUS PAR MDZAD, THA NA BLA MAS GNANG BA'I TSIG ZUR PHRA MO TSUN CHAD NYAMS PA MED PAR THUGS LA BZUNG STE CHOS GSAN PA'I KUN SLONG KUN SPYOD THAMS CAD RNAM PAR DAG CING MTSAN NYID THAMS CAD TSANG BA BYANG CHUB SEMS DPA' GZHON NU NOR BZANG RJE BTZUN BYAMS PA MGON PO'I DRUNG DU THEG PA CHEN PO'I CHOS GSAN PA CI 'DRA BA DE 'DRAR MDZAD PAS ZHABS DRUNG RIN PO CHE YANG THUGS SHIN TU MNYES SHING MAN NGAG GI GNAD MTHA' DAG DANG, KHYAD PAR RJE BTZUN TZONG KHA PA CHEN POS MGON PO 'JAM PA'I DBYANGS LA GSOL BA SHUGS DRAG TU BTAB STE, DKA' BA BRGYA PHRAG DU MA'I SGO NAS RGYAL PA'I DGONGS PA'I SNYING PO ZAB MO DBU MA'I LTA BA JI LTAR RNYED PA DE NYID KYI MAN NGAG RNAMS BUM PA GANG BYA'I TSUL DU GNANG BAR MDZAD PAS BKA' DRIN ZLA MED DU GYUR CING RIGS KYI COD PAN DU 'DZIN PAR MDZAD DO, ,DE'I TSE BLA MA NYID KYI THUGS RAB TU TSIMS SHING RGYA MTSOR ZHUGS PA'I DED DPON GYIS YID BZHIN GYI NOR BU RNYED PA LTAR, RING NAS SMON PA'I DON RGYAL BA'I GSUNG RAB THAMS CAD GANG ZAG GCIG GI NYAMS LEN GYI RIM PAR BSGRIGS PA BYANG CHUB LAM GYI RIM PA'I GNAD MTHA' DAG THUGS SU CHUD, DE'I NANG NAS KYANG, ZAB ZHI SPROS BRAL

, ,'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES GSUNGS PA LTAR, SHIN TU RTOGS DKA' ZHING MA RTOGS NA MDO SNGAGS GANG GI SKABS SU YANG LAM GYI SROG MI RNYED PA SNGON DUS KYI BSHES GNYEN DAM PA RIG GNAS RGYA MTSO LTA BU LA SBYANGS SHING ,TSE 'DI'I BUN LONG BLOS BTANG STE DBEN PA'I GNAS SU TSE DANG SGRUB PA SNYOMS PAR MJAD PA DU MAS KYANG SHIN TU RTOGS DKA' BAR BYUNG PA, SHER PHYIN GYI MDO SDE RIN PO CHE'I SNYING PO'I DON SNANG BAS YOD MTHA' SEL ZHING STONG PAS MED MTHA' SEL BA, RTEN 'BYUNG STONG PA'I DON DANG STONG PA RTEN 'BYUNG GI DON DU 'CHAR BA, RGYAL BA SRAS DANG BCAS PA THAMS CAD KYIS KUN NAS BSNGAGS PA'I GNAS ZAB MO DBU MA'I LTA BA PHU THAG CHOD PA THUGS LA 'KHRUNGS PAS THUGS RAB TU TSIMS SHING ,BLA MA'I YON TAN DANG BKA' DRIN DRAN PA'I DAD BA DANG GUS PA, NYAM CHUNG RMONGS PA'I 'GRO LA BRTZE BA, STON PA THUGS RJE CAN DE LA SHES NAS DAD PA 'PHEL BA, SHING RTA CHEN PO SPYI DANG, KHYAD PAR CHOS KYI RGYAL PO TZONG KHA PA CHEN PO'I BKA' DRIN DRAN TE GUS PAS GSOL BA 'DEBS PA SOGS NYAMS RTOGS KYI YON TAN MTHA' YAS PA ZHIG THUGS LA SPUNGS PA BZHIN DU 'KHRUNGS PAR GYUR TO, ,DON 'DI LA DGONGS NAS ZHABS DRUNG LHA PA SPRUL SKU RIN PO CHE BLO BZANG 'PHRIN LAS LA ,SKU MTHONG BAS DAD PA'I SPU LONG G-YOS, ,GSUNG THOS PAS

LTA NGAN BRAG RI 'JOMS, ,THUGS BRTZE BAS 'GRO KUN BU BZHIN GZIGS, ,SKYABS KUN 'DUS BLO BZANG 'PHRIN LAS RGYAL, ,ZHES BSTOD BA MDZAD DO, ,DE SKABS LAM RIM GYI BRGYUD 'DEBS SU BCUG CHOG PA'I GSOL 'DEBS SHIG KYANG ZHABS DRUNG RIN PO CHE RANG NYID NAS MDZAD PA ZHIG DGOS TSUL ZHUS PAR, BLO BZANG THUGS RJE'I YE SHES 'OD STONG GIS, ,GANG GI BLO GROS PADMO KHA PHYE NAS, ,SKAL LDAN 'PHRIN LAS SBRANG RTZI'I DGA' STON CAN, ,YONGS 'DZIN DAM PA'I ZHABS LA GSOL BA 'DEBS, ,ZHES PA 'DI YANG ZHABS DRUNG RIN PO CHE NYID KYIS MDZAD PA YIN NO, ,DE NAS LAM GYI RIM PA'I RGYAB CHOS SAM KHUNGS MTHAR THUG PA BRGYAD STONG PA'I LUNG YANG LEGS PAR ZHUS, GZHAN YANG THOG MA'I BLO SBYONG, SPYAN SNGA BA'I LAM RIM GZHAN PHAN SNYING PO, BSLAB PA KUN LAS BTUS, SBYOD 'JUG, BYANGS, MDO SDE RGYAN, TSOMS, SKYES RABS SO BZHI PA, DBU MA RTZA BA SHES RAB, DPE CHOS RIN CHEN SPUNGS PA LCE SGOM PAS SDEBS PA, JO BO'I CHOS CHUNG BRGYA RTZA, RJE MI LA'I RNAM THAR MGUR 'BUM, BLO SBYONG DPAL YE MA, RJE THAMS CAD MKHYEN PAS MDZAD PA'I LAM RIM CHE BA, LAM RIM CHUNG BA, RJE'I GSUNG THOR BU, RNAM BSHAD DGONGS PA RAB GSAL, SNGAGS RIM CHEN MO, RJE NAM MKHA' DPAL GYIS MDZAD PA'I BLO SBYONG DON BDUN MA'I RNAM BSHAD NYI MA'I 'OD ZER, RJE BLO BZANG 'PHRIN LAS RANG NYID KYIS MDZAD PA'I RTEN 'BREL GYI CHOS SKOR, DES MDZAD PA'I LAM RIM GYI KHRID GZHAN PHAN SNYING PO, ,RGYAL DBANG THAMS CAD MKHYEN PAS MDZAD PA'I LAM GTZO'I 'GREL PA DANG MCHAN BU

, ,GNYIS SOGS KYI LUNG DANG, MGON PO CHEN BCU GSUM GYI RJES GNANG SOGS CHOS BKA' DPAG TU MED PA GSAN NO, ,DE NAS BKA' GDAMS GONG MA'I LKOG CHOS BDAG PAS GZHAN GCES PA'I BYANG CHUB KYI SEMS SBYONG BA'I MAN NGAG BLO SBYONG DON BDUN MA'I SKOR RNAMS GSAN PAR BZHED NAS NU MA CHOS LUNG DU PHEBS NAS GRUB PA'I DBANG PHYUG CHOS RGYA MTSO BA LA BLO SBYONG DON BDUN MA'I KHRID RGYAL SRAS DNGUL CHU CHOS RDZONG PA'I YIG CHA'I STENG NAS LEGS PAR GSAN, GZHAN YANG BLA MA 'DI'I ZHABS DRUNG DU CHOS MANG DU GSAN TO, ,DE NAS RI KHROD 'DZIN PA'I BSHES GNYEN DAM PA BLO BZANG TSE DBANG GI ZHABS DRUNG DU RGYAL BA DBEN SA BA'I BKA' 'BUM SOGS CHOS MANG DU GSAN, DE NAS 'DUL 'DZIN STOBS LDAN RGYA MTSO'I DRUNG DU BLO SBYONG LEGS BSHAD KUN 'DUS SOGS CHOS MANG DU GSAN, DE NAS RDO RJE 'DZIN PA BLO BZANG RIG GROL GYI ZHABS DRUNG DU BCU GCIG ZHAL GYI DBANG CHEN SOGS CHOS MANG DU GSAN, DE NAS BLA MA NYID DGUNG LO NYI SHU RTZA DGU LA BAB BA NA DBEN GNAS BYANG CHEN DU DRIN CAN RTZA BA'I BLA MA ZHABS DRUNG RIN PO CHE'I SKU MDUN DU PHEBS TE, SMYUNG BAR GNAS PA'I SDOM PA'I BKA' DRIN ZHUS TE SA PHO STAG GI LO CHO 'PHRUL ZLA BA'I TSES BDUN LA SBYOR BA DANG, BRGYAD LA DNGOS GZHI'I GSO SBYONG GI SDOM PA BZHES PA MDZAD CING, SMYUNG GNAS KYI CHOG PHYAG LEN SOGS MTHA' DAG ZHIB PA RE GSAN NAS, PHYIS SKU NA MTHON POR GYUR BA NA YANG SMYUNG GNAS LA THUGS BRTZON CHER MDZAD KYIN YOD PA NI, SPYIR BSAG

SBYANGS LA SHIN TU GAL CHE BA YIN PA DANG, LHAG PAR ZHABS DRUNG RIN PO CHE NAS THOB PAS BYIN RLABS KYI TSAN KE CHE BA LA DGONGS PA YIN NAM SNYAM MO, ,DE NAS SNGAR LTAR GZHUNG LUGS RNAMS LA SBYONG BA'I MU NAS NANG DU NYAMS LEN LA GZHOL BAR MDZAD CING, LHAG PAR BDAG 'DZIN 'DUL BA'I MAN NGAG SHIN TU ZAB PA MA CIG GI GCOD SKOR LA THUGS BZHED CHE BAR GYUR TE, RJE ZHAL SNGA NAS BLO BZANG RIG GROL LA NAM MKHA' SGO 'BYED KYI DBANG DANG GCOD KYI GDAMS PA GSAN ZHING; BYA BTANG 'PHRIN LAS CHOS 'PHEL LA YANG NAM MKHA' SGO 'BYED KYI DBANG DANG GCOD KYI DMIGS SKOR RNAMS MTHIL PHYIN PAR GSAN NAS MNGON CHUNG GI SGO NAS THUGS NYAMS SU BZHES, BYANG CHUB LAM GYI RIM PA DANG GCOD GNYIS ZUNG DU SBREL NAS NYAMS LEN LA SHIN TU 'GRUS PAR MDZAD PAS GCOD KYI LHONGS MANG DU BYUNG ZHING, LHAG PAR DGONG GCIG SROD KYI CHA LA GCOD KYI DMIGS SKOR LA GNAD DU BSNUN PA'I TSE GLO BUR DU 'BRUG SGRA DRAG PO BSGRAGS SHING THOG NYE SKOR DU BABS PAS MI DANG BONG BU MANG PO BRGYAL BA DANG, LHAG PAR GRANG MO CHE BA'I GRVA PA GCIG THOG GZER GYIS GSHEGS PA BYUNG YANG NYID LA NI GNOD PA GANG YANG MA BYUNG ZHES BLA MA NYID KYI ZHAL LAS DNGOS SU THOS SO; ;DE NAS ME PHO KHYI'I LO ZLA BA BDUN PA'I TSES BCU GSUM GYI NYIN GZIM CHUNG YID DGA' CHOS 'DZIN DU LHAR BCAS 'GRO BA'I BLA MA DON GYI SLAD DU MCHEN NAS SMOS TE MKHAN PO RIN PO CHE RJE BTZUN BLO BZANG YE SHES DPAL BZANG BOS

, ,MKHAN SLOB SBRAGS MA DANG, KHA SKONG BA'I DGE 'DUN GRANGS TSANG BA DANG BCAS PA'I DBUS SU BSNYEN PAR RDZOGS PA DGE SLONG GI SDOM PA LEGS PAR BZHES SO, ,BSNYEN RDZOGS BZHES NAS DGE SLONG GI BCAS MTSAMS THAMS CAD PHRA ZHING ZHIB PAR BSRUNG BAR MDZAD DE, LTUNG BA SDE LNGA SO SO'I SRUNG MTSAMS LEGS BAR ZIN PAR MDZAD, 'TSE BA'I YO BYAD DANG MKHO BA'I YO BYAD 'CHANG LUGS, BYIN LEN BYA TSUL, NUB LHAG GCOD PA, RUNG CHU 'DEBS PA SOGS 'DUL BA'I BCAS MTSAMS PHRA MO ZHIG YAN CHAD THAMS CAD PHYAG LEN LA CI THEBS MDZAD CING, CUNG ZAD 'DAS NA YANG DE MA THAG PHYIR BCOS PA'I THABS LA BRTZON PAR MDZAD DO, ,DE LTAR GZHUNG LUGS CHEN MO RNAMS LA SBYANGS SHING BYANG CHUB LAM GYI RIM PA'I NYAMS LEN LA BRTZON PAR MDZAD PAS, LAM THUN MONG BA'I STENG DU GSANG SNGAGS KYI LAM GYI BSNON PA BTAB NAS TSE GCIG NYID LA SEMS CAN THAMS CAD KYI DON DU SANGS RGYAS KYI GO 'PHANG BSGRUB DGOS PAR GZIGS NAS GSANG SNGAGS LA 'JUG 'DOD SHUGS DRAG PO THUGS LA 'KHRUNGS PA NA, GSANG SNGAGS KYI LAM GYI RTZA BA DANG 'JUG SGO NI DBANG DANG DAM TSIG YIN PAR GZIGS NAS RDO RJE 'CHANG CHEN PO RJE BTZUN BLO BZANG YE SHES KYI ZHABS DRUNG DU DPAL GSANG BA 'DUS PA'I DBANG BZHI YONGS SU RDZOGS PA, 'KHOR LO SDOM PA'I DBANG BZHI YONGS SU RDZOGS PA, RDO RJE 'JIGS BYED KYI DBANG BZHI YONGS SU RDZOGS PA, MI 'KHRUGS PA'I DBANG CHEN, TSE DPAG MED LHA DGU'I DBANG RNAMS

GSAN ZHING, GZHAN YANG RGYUD SDE BZHI'I LHA MANG BO'I RJES GNANG DANG BZLAS LUNG, SGRUB THABS MANG BO'I LUNG BCAS CHOS BKA' MTHA' YAS PA GSAN PAS ZHABS DRUNG RIN PO CHE DANG, RJE 'DI GNYIS NI RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE NAS RJE ZHAL SNGA NAS BLO BZANG RIG GROL LA BDE MCHOG GI DBANG CHEN, 'JIGS BYED KYI SNGAGS BTU, 'JAM DBYANGS NAG PO'I RJES GNANG, GDUGS DKAR GYI DBANG, CHOS RGYAL PHYI NANG GSANG GSUM GYI RJES GNANG SOGS DBANG DANG RJES GNANG MANG DU GSAN, LHAG PAR GSANG SNGAGS KYI LAM RIM PA GNYIS KYI DMAR KHRID GNANG DGOS TSUL GSOL BA BTAB PAS DGYES BZHIN DU YI DAM RDO RJE 'JIGS BYED KYI BSKYED RDZOGS GNYIS KA'I ZAB KHRID, RGYAL BA DBEN SA BA NAS BRGYUD PA'I 'PHO BA SHIN TU ZAB PA'I KHRID, LAM GYI LUS RDZOGS PA'I BLA MA'I RNAL 'BYOR GYI ZAB KHRID RNAMS LEGS PAR GSAN ZHING DMIGS SKOR GYI GNAD THAMS CAD LA SHIN TU ZHIB PAR DPYAD NAS GCIG PUR SGRUB PA MDZAD PA'I TSE GZHAN LA 'DRI MI DGOS PA'I GDENG THOB PAR MDZAD DO, ,DE NAS RDO RJE 'DZIN PA LHUN GRUB RGYA MTSO'I ZHABS DRUNG DU, 'JIGS BYED KYI DBANG CHEN, 'JAM DBYANGS BZHAD PAS MDZAD PA'I 'JIGS BYED KYI BSKYED RDZOGS GNYIS KYI LUNG, DBYANGS CAN MA'I SGRUB THABS, BDE MCHOG DRIL BU LHA LNGA'I DBANG CHEN, 'OD DPAG MED LA BRTEN BA'I TSE SGRUB SOGS CHOS BKA' MTHA' YAS PA GSAN TO, ,DE NAS BSHES GNYEN DAM PA BLO BZANG TSE DBANG GZHIBS DRUNG DU BDE MCHOG BDE CHEN

, ,GSAL BA, GSANG 'DUS YIG CHUNG NYER GCIG, MKHAS GRUB RIN PO CHE'I BKA' 'BUM THOR BU, BSKYED RIM DNGOS GRUB RGYA MTSO, ,BDE CHEN ROL MTSO, MGON PO'I BE'U BUM YONGS RDZOGS, SKYID SHOD BKA' 'BUM GRAS NAS RJES GNANG GI SKOR KHA SHAS, SANGS RGYAS BKA' 'BUM, RJE GONG MA'I GSUNG 'BUM BKA' RGYA MA'I SKOR, CHOS SKYONG YONGS RDZOGS KYI BSKANG GSO'I SKOR, MDO PHRAN KHA SHAS BCAS KYI LUNG, 'JIGS BYED KYI BSKYED RDZOGS KYI SKOR, GCOD GZHUNG GI KHRID, LAM RIM GYI KHRID DANG LUNG, BLA MA MCHOD PA'I KHRID, PHYAG CHEN GYI KHRID, SPYOD 'JUG DAR t'IKA GI LUNG, STONG MTHUN SKAL BZANG MIG 'BYED KYI LUNG, PO TO BA'I CHIG LAB RING MO'I LUNG, BCUD LEN GYI SKOR RNAM GRANGS MANG PO DANG, SGRUB THABS LAS TSOGS KYI SKOR MANG PO'I LUNG DANG LAG KHRID BCAS CHOS BKA' MTHA' YAS PA GSAN TO, ,YANG GRUB DBANG CHOS RGYA MTSO'I ZHABS DRUNG DU BKA' GDAMS BE'U BUM SNGON PO'I LUNG ,PHYAG CHEN GYI KHRID, BLO SBYONG LAM RIM GYI SKOR SOGS CHOS BKA' MTHA' YAS PA GSAN, DE NAS 'DUL 'DZIN DKON MCHOG GI ZHABS DRUNG DU PHYAG CHEN GYI KHRID, N'A RO CHOS DRUG GI KHRID, BLO SBYONG GI DMAR KHRID SOGS CHOS BKA' MANG DU GSAN, DE NAS DBEN SA CHOS KYI PHO BRANG DU RAB 'BYAMS SMA BA RJE DRUNG LAGS KYI ZHABS DRUNG DU PHEBS NAS CHOS 'BREL ZHIG MDZAD, BYA BTANG 'PHRIN LAS CHOS 'PHEL GYI ZHABS DRUNG DU PHEBS NAS RGYAL SRAS BKA' 'BUM, BKA' GDAMS

THOR BU, GZHI GSUM CHOG, DPAL GSANG BA 'DUS PA'I RTZA RGYUD YONGS RDZOGS, DPAL GSANG BA 'DUS PA'I CHO GA CHA LAG DANG BCAS PA TSANG MA, MDO MANG GI GNANG NAS LUNG RGYUN MA BZHUGS PA KHA SHAS MA GTOGS YONGS RDZOGS KYI LUNG SOGS MDO SNGAGS KYI LUNG MTHA' YAS PA GSAN ZHING, DGA' LDAN PHYAG RGYA CHEN PO'I ZAB KHRID SNGON 'GRO'I MAN NGAG ZHAL SHES DANG BCAS PA ,GCOD GZHUNG THAR 'DOD DAD DPON MA'I ZAB KHRID MAN NGAG ZHAL SHES DANG BCAS PA LEGS PAR GSAN PAS BLA MA 'DI BKA' DRIN CHE BA ZHIG TU MDZAD DO, ,DE LTAR BLA MA BDAG NYID CHEN PO 'DI THOS PA RGYA MTSO'I GTER DU GYUR NAS DON GNYER CAN GYI BLO GSAL BA MANG PO LA'ANG RTZI SHAG GTONG BA DANG RIGS LAM SLOB PA SOGS KYANG MDZAD DGOS PA BYUNG ZHING, DE DAG GI TSE THUGS BSAM LA 'DI LTA BU DAG 'KHRUNGS PAR GYUR TE, MDO RGYUD BSTAN BCOS THAMS CAD NAS DBEN PAR SGRUB PA SNYING POR BYED PA LA RGYA CHER BSNGAGS SHING, SNGON BYON DAM PA THAMS CAD KYIS KYANG TSE 'DI BLOS BTANG STE DBEN PA'I GNAS RNAMS SU SGRUB PA MDZAD PA SHA STAG YIN PAS, BDAG KYANG THOS PA'I DON RNAMS LA DBEN PA'I GNAS RNAMS SU SGRUB BA SNYING POR BYED PA ZHIG MA BYUNG NA THOS BA TZAM GYIS NYON MONGS 'JOMS MI NUS SHING, GONG MA'I YON TAN KHYAD BAR CAN RNAMS MI THOB PAS DAL 'BYOR GYI RTEN BZANG PO 'DI 'DRA THOB NAS SNYING PO MA LON PAR SHIN NI DBUL POS YID BZHIN GYI NOR BU RNYED BA DON MA GRUB PAR STOR PA DANG KHYAD MED PAS

, ,SHIN TU PHANGS SO SNYAM DU NGES 'BYUNG DRAG POS BSKUL NAS TSE 'DI BLOS BTANG STE DBEN PA'I GNAS SU TSE DANG SGRUB PA MNYAM PA ZHIG BYED PA'I THUGS 'DUN NAR MAR YOD PA'I THOG ,DE SKABS THOS BSAM GLING ZHAL SNGA NAS DAM CHOS RGYAL MTSAN ZUR BZHUGS MDZAD NAS, RJE ZHAL SNGA NAS DPAL LDAN YE SHES KHRI THOG NA PHEBS YOD PA DES THUGS GZIGS SHIN TU CHE BAS SPYAN GYI 'BRAS BU LTAR BSKYANGS SHING, LHAG PAR BLA MA 'DI NYID LUGS GNYIS KA LA MKHYEN PA CHE ZHING THUGS KYI GTING DPAG PAR DKA' BA ZHIG YOD PA'I STABS KYIS, RJE ZHAL SNGA NAS KYIS LUGS GNYIS KYI BYA BYED GANG LA'ANG YANG YANG BOD BAR MDZAD PAS THUGS DAM LA GNOD PAR GYUR NAS THUGS SHIN TU SUN BAR BYUNG ZHING, DE'I KHAR MI CHOS KYI SKU MCHED DANG SKU TSA RNAMS KYANG YANG YANG SHING 'TSONG LA YONGS PAS THUGS GTING NAS SUN TE, KYE MA BDAG RAB TU BYUNG NAS KHYIM PA DANG BSRE BSLAD 'DI LTAR CHE BA NI SHIN TU MA LEGS PAS, DA NI NGES PAR YUL THAG RING ZHIG TU 'GRO BAR BYA'O SNYAM DU DGONGS NAS DBUS PHYOGS SU 'BYON PA'I ZLA GROGS BTZAL ZHING, NYID KYI ZHABS PHYI DRUNG RAM PA BLO BZANG RAB BRTAN LA YO BYAD RNAMS 'BOGS PA DANG 'DI LTAR GYIS ZHAL TA YANG GNANG, SOG BTZUN DGE PHRUG MANG DU YOD PA RNAMS LA YANG SO SOR ZHAL TA GNANG NAS RJE ZHAL SNGA NAS DPAL LDAN YE SHES LA DGONGS PA NAN GYIS ZHUS TE TSE 'DI SNANG GI GNYEN NYE GROGS GRVA SLOB MCHED GROGS NOR LONGS

SPYOD RANG YUL GRVA SA DANG BCAS PA GANG LA YANG CHAGS ZHEN MED PAR ZLA GROGS JO STAN PA ZHIG DANG BSDEBS NAS DBUS PHYOGS LA PHEBS SO, ,RIM GYIS BYON PAS CHOS 'KHOR LHA SAR PHEBS TE JO BO SH'AKYA MU NE DANG 'PHAGS MCHOG RANG BYUNG LNGA LDAN SOGS MJAL NAS CI 'BYOR PA'I MCHOD PA PHUL TE SMON LAM MANG DU 'DEBS PAR MDZAD CING JO BO RIN PO CHE'I SKU MDUN DU THUGS BSKYED KYANG MDZAD SNANG NGO, ,DE MTHUN RA MO CHE'I JO BOR YANG PHYAG DANG SKOR BA SMON LAM SOGS MANG DU MDZAD, GNAS CHEN PO TA LAR PHEBS NAS PAD DKAR 'DZIN PA NGAG DBANG YE SHES RGYA MTSO ZHAL MJAL ZHING ,MCHOD MJAL YANG ZHIG TU MDZAD, DE NAS GRUB PA'I GNAS MCHOG PHA BONG KHAR PHEBS NAS GNANG 'BREL MDZAD CING DE'I BLA MA LA CHOS 'BREL ZHIG KYANG ZHU BAR MDZAD, DE NAS BKRA SHIS CHOS GLING DU PHEBS NAS GNAS 'BREL DANG CHOS 'BREL SOGS MDZAD, DE NAS PHUR BU LCOG TU PHEBS NAS RJE GRUB PA'I DBANG PHYUG DGE LEGS RGYA MTSO'I ZHAL DKYIL MJAL ZHING BYIN RLABS ZHUS ,DAM PA'I CHOS MANG DU GNANG DGOS PA'I GSOL BA BTAB PA'I TSE, DGYES BZHIN ZHAL GYIS BZHES NAS GCOD STAN THOG GCIG MA'I ZAB KHRID DANG DPA' BO G-YUL 'JUG MA'I KHRID GNANG BA LEGS PAR GSAN, GZHAN YANG 'PHO BA'I RNAM GRANGS MANG PO DANG BCUD LEN GYI SKOR, BLA MA'I RNAL 'BYOR SOGS CHOS MANG DU GSAN, DE NAS MKHAR RDOR PHEBS NAS RJE BZOD PA RGYA MTSO MJAL ZHING CHOS 'BREL

, ,YAR KHA SHAS GSAN, DE GAR ZLA BA LHAG TZAM BZHUGS NAS SGRUB PA LA BRTZON PAR MDZAD CING, GTZO CHER DER BZHUGS RING BCUD LEN SBYONG BAR MDZAD DO, ,DE NAS RIM GYIS YER PA DANG GSANG SNGAGS MKHAR SOGS LAM BAR GYI GNAS RNAMS MJAL ZHING RI BO DGE LDAN DU PHEBS NAS GSER GDUNG RIN PO CHE'I SKU MDUN DU DNGOS BSHAMS YID SPRUL GYI MCHOD TSOGS PHUL TE 'DI PHYIR DGE BA'I SMON LAM MKHO THAG CHOD PA 'DEBS PAR MDZAD CING ZHABS SKYOR YANG MANG DU GNANG, DE NAS RIM GYIS BKA' GDAMS GONG MA'I GNAS RNAMS MJAL ZHING RA SGRENG RGYAL BA'I DBEN GNAS SU PHEBS DNGOS BSHAMS YID SPRUL GYI MCHOD TSOGS PHUL NAS SMON LAM 'DEBS PAR MDZAD CING ZHABS SKAR YANG MANG DU GNANG, GNAS DE BKA' GDAMS GLEGS BAM LAS 'BYUNG BA LTAR SHIN TU BAG PHEBS SHING NYAMS DGA' BA DANG, JO BO YAB SRAS KYIS BYIN PHYIS BRLABS PA'I GNAS YIN PA DANG, RJE THAMS CAD MKHYEN PAS KYANG BYIN GYIS BRLABS PA'I GNAS YIN PAS GNAS DER SGRUB PA MDZAD PA LA THUGS SPRO BAR GYUR NAS RA SGRENG YANG DGON GYI BRAG SENG GE'I ZHOL ZHES BYA BA SNGON RJE THAMS CAD MKHYEN PAS YUN RING BZHUGS SHING LAM RIM CHEN MO'I RTZOM PA SOGS MDZAD PA'I GNAS BYIN RLABS CAN DER THUGS PHAB NAS GCIG PU GNYIS SU MED PAR SGRUB PA LA BRTZON PAR BZHUGS SO, ,DE'I TSE 'TSO CHAS SHIN TU BKREN PA YOD KYANG NANG DU NYAMS LEN LA BOGS SHIN TU CHE BA BYUNG STE, DE YANG

BLA MA NYID KYI ZHAL NAS, DE SKABS NGA LA YO BYAD GZHAN SHIN TU DKON PA YOD KYANG, SKU ZHABS RIN PO CHE NAS GSOL RAS SU GNANG BA'I BZANG JA CUNG ZAD CIG YOD PAR JA DANG TSA GNYIS MANG NYUNG MNYAM PAR BTAGS NAS SKOL BA PHOR PA GANG RO DO RE 'THUNG GI NA YOD PA YIN TE SHIN TU ZHIM PA RIG PA DVANGS SHING DGE SBYOR LA YAR SKYED TSE BAR BYUNG, DE BLA MA'I BYIN RLABS SHIG GIS YIN PA 'DRA ZHES GSUNG NGO, ,DE NAS GNAS DER YUN RING SONG BA NA BZHUGS LUGS DANG MDZAD PHA BZANG PO GZHAN DANG MA 'DRA BA'I STABS KYIS YANG DGON RI KHRAD DU BZHUGS PA RNAMS KYIS DAD GUS CHEN PO BYAS SHING, RIM GYIS RA SGRENG PHYOGS KYI BYANG 'BROG RNAMS KYIS DAD GUS CHEN POS 'TSO BA'I MTHUN RKYEN 'BUL MI YANG MANG DU BYUNG BA NA THUGS LA DA PHYOGS 'DIR YANG YUN RING NA 'DOD YON GYI DBANG DU 'GRO BA 'DUG CING, DE LTAR NA RANG YUL GRVA SA DANG BCAS PA BLOS BTANG NAS GZHAN GYI YUL DU RNAM G-YENG 'PHEL BA NI, MKHAS GRUB RIN PO CHES, RANG YUL NYE DU LONGS SPYOD KUN BOR NAS, ,RTZE GCIG DAM CHOS SGRUB PAR DAM BCAS TE, ,GZHAN GYI YUL DU RNAM G-YENG 'DU 'DZI YIS, ,DAL 'BYOR DON MED BYED BA SMYON PA YIN, ,ZHES GSUNGS PA LTAR, SHIN TU MA LEGS PAS DA NI DBEN GNAS GZHAN ZHIG TU 'GRO DGOS SNYAM DU DGONGS PA NA, TZVA RIR 'BYON PAR BZHED NAS ZLA GROGS SRAD PA BLO BZANG NOR BU DANG BSDEBS NAS TZVA RI'I GNAS LA PHEBS, RIM GYIS KONG PO'I YUL LA BSOD SNYOMS MDZAD CING TZVA RIR BYON NAS GNAS

, ,MJAL DANG SMON LAM MDZAD, DE'I TSE YUL DE'I MI RNAMS MTHUN BSNGABS KYIS GNAS MJAL DU YONGS NAS GNAS RNAMS SU GLU GZHAS KYI MCHOD PA BYED PA'I SROL YOD 'DUG PA, DE SKABS BLA MA NYID GCOD KYI NYAMS LEN LA SHIN TU 'GRUS PAR MDZAD PA'I SKABS YIN PAS GNAS RNAMS SU GCOD KYI NYAMS LEN MDZAD CING NYAMS DBYANGS MANG PO 'THON PAR MDZAD PA'I TSE, GSUNG TSANGS PA'I DBYANGS LTAR SNYAN ZHING GANG GI RNA BA'I LAM DU SONG BA THAMS CAD YID GTING NAS 'GYUR BA ZHIG YOD PA'I STOBS KYIS, PHYOGS DE'I SKYE BO RNAMS KYIS GSUNG GI GDANGS THOS PA'I MOD LA GTZANG PA DGE SLONG GI MGUR MNYAN DU 'GRO ZHES RANG RANG GI GLU DANG GZHAS BYED 'PHRO BTANG STE BLA MA NYID KYI NYE SKOR DU THAMS CAD 'DUS PA YANG BYUNG 'DUG GO ,GNAS GZIGS LA 'BYON PA'I LAM 'PHRAD ZHIG TU 'BRAS SBUNGS KYI GRVA PA MTSAN NYID LA MKHAS PAR GRAGS PA 'BYOR PA CAN ZHIG BRAG 'PHRANG ZHIG LA G-YANG DU LHUNG BAR PHYOGS PA NA, MI 'DI DANG 'DI LA BA'I NOR 'DI DANG 'DI YOD DO ZHES NOR LA CHAGS PA'I CHO DE CHEN PO 'DON PA ZHIG GZIGS PAS, SPYIR 'KHOR BA'I CHOS GANG LA'ANG SNYING PO MED PA DANG, LHAG PAR ZANG ZING GI NOR LA CHAGS PA NI 'DI LTAR PHUNG BAR BYED PA'O SNYAM DU THUGS LA SKYO SHAS SHIN TU CHE BA 'KHRUNGS SHING, DES RKYEN BYAS NAS 'KHOR BA MTHA' DAG LA ZHEN PA LOG PA'I NGES 'BYUNG DANG, BYANG CHUB KYI SEMS SOGS NYAMS RTOGS RNAMS CHES CHER 'PHEL BAR GYUR,

DUS PHYIS KYANG DE SKABS GRVA PA DE'I NGANG TSUL MTHONG BA DE LAS SEMS PA PHAN PA MA BYUNG ZHES YANG YANG GSUNG NGO, ,TZVA RI'I GNAS GZIGS GRUB NAS RIM GYIS 'OL KHA DANG 'PHYONG RGYAS PHYOGS SU BYON NAS, YAB RJE THAMS CAD MKHYEN PA 'KHOR DAG PA RNAM BRGYAD DANG BCAS PAS PHYOGS DER ZHABS KYIS BCAGS NAS SGRUB PA MDZAD PA DANG, RJE BLA MAS RJE BTZUN 'JAM DBYANGS LA SOGS PA LHAG PA'I LHA MANG PO'I ZHAL GZIGS SHING GSUNG GI GNANG BA THOB PA DANG, NYAMS RTOGS KHYAD PAR CAN 'KHRUNGS PA'I GNAS DE DANG DE DAG TU RIM GYIS PHEBS TE MAndAL PHUL NAS SMON LAM MANG DU 'DEBS PAR MDZAD, LHAG PAR RDZING PHYI'I JO BO RIN PO CHE'I SKU MDUN DU SMON LAM SHUGS DRAG TU 'DEBS PAR MDZAD, 'DI DAG GI SKABS SU BYANG CHUB LAM GYI RIM PA, ZAB LAM PHYAG RGYA CHEN PO, THABS SHES SPYOD KYI NYAMS LEN RNAMS LA SHIN TU 'GRUS PAR MDZAD, PHAL CHER ZLA GROGS KYANG MED PAR RNAL 'BYOR GYI DBANG PHYUG MI LA RAS PA BZHIN DU RDZA KHROD DANG GANGS KHROD DANG NAGS KHROD SOGS DBEN GNAS BDAG MED RNAMS SU GCIG PUR BZHUGS NAS THUGS DAM LA CHIG SGREL DU GZHOL BAR MDZAD, DE'I NANG NAS KYANG GCOD KYI NYAMS BZHES GTZO BOR MDZAD PA NI BLA MA NYID KYI ZHAL NAS, DA GNAS DE DAG TU 'GRO BA'I TSE GANG DANG GANG DU SLOB PA DE'I TSE NYAL GANG BYUNG DU BYED CING DGOR MO GCOD YAGS PO RE BTANG NAS NYAL SDOD KYIN YOD CES GSUNG, DE NI MA CIG LABS SGRON GYI ZHAL NAS, NYAL BAS CHOG PA'I CHOS SHIG YOD DE, ,KHYED BU SLOB RNAMS KYIS

, ,NYAL MI SHES, ,DES KYANG RGAN MO NGA BLO MA BDE, ,ZHES GSUNGS PA LTAR TSIG NUS PA SHIN TU CHE BA YIN PAS, STONG NYID SNYING RJE'I SNYING PO CAN LAS THUGS G-YO BA MED PAR BZHUGS KYIN YOD PA'I BRDA TZAM ZHIG BDAG LA THUGS BRTZE BAS GSUNGS PA YIN NAM SNYAM MO, ,'DI SKABS SNGA SOR TZVA RIR 'DRIS YOD PA'I 'OL KHA BA 'PHAGS PA CHOS BZANG ZHES BYA BAS SKU TSE RIL PO 'OL KHA'I SGRUB GNAS SHIG TU BZHUGS DGOS ZHABS TOG 'O MI BRGYAL BA SGRUB CES NAN GYIS GSOL BA BTAB KYANG ZHAL GYIS BZHES PA MA MDZAD DO, ,DE NAS 'PHYONG RGYAS SU PHEBS NAS GNAS MJAL ZHIB TU MDZAD CING SMON LAM BTAB, GNAS GANG BYUNG NGES MED DU BZHUGS NAS THUGS DAM LAS G-YEL BA MED PAR MDZAD, DE DAG GI TSE 'TSO CHAS HA CANG BKREN PAR GYUR TE RTZAM BSOD MDZAD PA NA, 'PHYONG RGYAS RI BO BDE CHEN GYI GRVA BDAG SNANG CHE CHE 'DRAS BSLAB BYA BYAS PA LTAR DGE BSKOS LA GNANG BA ZHUS NAS 'DU KHANG GI SGO KHANG DU BZHUGS NAS TSOGS PA LA RTZAM BSOD MDZAD PA'I TSE, DE GA'I DGE 'DUN RNAMS 'BYOR PA CHE BA DANG, DAM PA 'DI'I SKU MTHONG BA TZAM GYIS THAMS CAD DANG BA SKYES PA BCAS TSOGS PA PAL MO CHES RANG RANG GI RTZAM SNOD RNAMS KHA PHYE NAS DAM PA 'DI'I NA BZA'I STENG DU BLUGS BA NA TSOGS PA'I PHYED CEM? MA SONG BAR RTZAM KHUR LONGS PA BYUNG BAS SLONG 'PHRO BSHOL TE GANG BYUNG BA RNAMS KHYER NAS DBEN GNAS SHIG TU PHEBS TE RE ZHIG MTHUN RKYEN TSANG BA'I NGOS NAS SGRUB PA LA BRTZON PAR

MDZAD DE NAS RI BO BDE CHEN NA CHOS RJE NGAG DBANG DPAL 'BYOR ZHES BYA BA'I BSHES GNYEN DAM PA ZHIG BZHUGS YOD PA DE'I DRUNG DU BABS NAS MA nI BKA' 'BUM YONGS RDZOGS KYI LUNG DANG, THUGS RJE CHEN PO'I RJES GNANG, CHOS RGYAL SRONG BTZAN SGAM POS RGYAL BA BSOD NAMS RGYA MTSO LA DNGOS SU GNANG BA'I SPYAN RAS GZIGS KYI RJES GNANG, CHAG LO TZ'A BA NAS BRGYUD PA'I PHAG DKAR GYI RJES GNANG, DZAM NAG GI RJES GNANG, KHRO MO SME BRTZAGS KYI RJES GNANG, GONG SA LNGA PA CHEN PO'I GSUNG MANG PO'I LUNG, LHO BRAG GRUB CHEN GYI BKA' 'BUM GYI LUNG DANG, DE NAS 'BYUNG BA'I DBANG RJES GNANG KHA SHAS BCAS GSAN, DE NAS RI BO BDE CHEN BA'I GRA PA PHAL MO CHES DAG SNANG CHEN PO MDZAD CING DAM PA 'DI'I SKU'I DBYIBS GSUNG GI GDANGS MDZAD SPYOD RNAMS GZHAN DANG MI 'DRA DA MTHONG BA'I RKYEN GYIS 'DI NI GANG ZAG RANG DGA' BA ZHIG MAN PA 'DUG CES GLENG ZHING GRAGS CHE BAR BYUNG NAS, DE GA'I DBU MDZAD SOGS KYIS NANG DU BOS NAS BDAG RKYEN BZANG PO MDZAD CING, KHYOD RANG DGA' BA ZHIG MIN PA 'DUG YUL PHYOGS GANG NAS YIN, GRVA SA GANG DU BZHUGS, SLOB GNYER CI 'DRA BYAS ZHES ZHIB TU DRIS PAS, BLA MA NYID NGES 'BYUNG SHUGS DRAG PA'I STOBS KYIS RANG GI YON TAN MI BRJOD PAR MA ZAD GRVA SA 'DI NAS YIN YANG GSAL BA RANG MA GSUNGS PAR BDAG GTZANG GI GZHIS DGON ZHIG NAS YONGS PA'I SPRANG 'KHYAMS PA ZHIG YIN ZHES GSUNG BAR MDZAD, 'GA' ZHIG GIS DA DUNG ZHIB TU DRIS PA NA SNAR THANG

, ,LTA BU NAS YIN RGYU'I KHUL MDZAD NAS SPRANG RDZU RANG MDZAD KYANG, PHYOGS GANG NAS BLTAS KYANG THA MAL PA ZHIG MIN PAR 'DUG CES KUN GYIS GLENG, DE NAS RE ZHIG NA ZHABS LA BS'UNG GZHI ZHIG BYUNG BA DE JE NGAN JE NGAN LA SONG STE SKU LA BSNYUNG GZHI TSABS CHE BAR BYUNG BA'I TSE, RI BO BDE CHEN NA SMAN PA MKHAS PA ZHIG 'DUG PA DE LA PHYAG RTZA STON PAR MDZAD PAS SMAN PA DES RING ZHIG BRTAGS NAS LAG PA THAL MO SBYAR TE, NYID RANG DGA' BA ZHIG MIN PAR 'DUG BAS NGA LA GSAL BAR SHOD DGOS ZHES NAN GYIS ZHUS KYANG SPRANG 'KHYAMS BA ZHIG YIN TSUL LAS GSAL BAR GSUNG MNYAN, DE NAS SMAN PA DES NYID SPRANG 'KHYAMS PA RANG ZHIG MIN PA 'DUG GRVA SA CHEN PO ZHIG GI BLA MA'AM, SPYI MI 'AM MTHONG CHE BA ZHIG NGES PAR YIN PAR 'DUG ,BSNYUN GZHI 'DI YANG GRVA SA DE GA'I CHOS SRUNG GI 'PHRUL DU 'DUG PAS, DA NYID RANG LOG THEGS NA LEGS PA 'DUG CES SHIN TU GSAL PAR LUNG BSTAN PA ZHIG BYUNG 'DUG PAS, SMAN PA DE YANG RANG DGA' BA ZHIG MIN NAM SNYAM MO, ,SMAN PA DES DAM PA 'DI NYID LA BYANG CHUB KYI SEMS RTZA YIN PAR SHES NAS CHAB RTAGS BZHAG PA'ANG SMAN PA DES 'THUNGS ZHES THOS SO, ,DE NAS BLA MA NYID KYI THUGS LA YANG NAD 'DI MI YONG TZAM LA RMI LAM DU DPAL LDAN LHA MO'I 'TSUB KYI RNAM PA ZHIG KYANG BYUNG, SNGA SOR RJE ZHAL SNGA NAS KYI DGONGS PA GTING NAS KHROL BA RANG ZHIG MED PA DE GA'I RKYEN GYIS SMAN PAS ZER BA'ANG YIN PA SRID SNYAM DU DGONGS NAS

GTZANG PHYOGS LA 'BYON PA'I THUGS BSAM BTANG BA NA BSNYUN GZHI DE YANG RIM GYIS DVANGS PAR GYUR, DE NAS RIM GYIS BYON TE GTZANG DBUS KYI MTSAMS NA JO MO KHA RAG CES BYA BA'I GNAS CHEN ZHIG YOD BA DE LA PHEBS TE, SGRUB GNAS RNAMS MJAL BAS GNAS LA THUGS SPRO BAR GYUR TE PHUG PA ZHIG TU BZHUGS NAS SGRUB PA LA BRTZON PAR MDZAD, DE'I TSE YUL PHYOGS DE'I MI RNAMS SNGAR 'DRIS SHES GANG YANG MED PA'I STABS KYIS 'TSO BA 'BUL MI MA BYUNG ZHING GRONG DU BSOD SNYOMS LA YANG MA PHEBS PAS 'TSO CHAS SHIN TU BKREN PAR GYUR TE, ZAS RLUNG 'DZIN TZAM LA BRTEN PA'I DKA' THUB DRAG PO'I SGO NAS SGRUB PA LA SHIN TU BRTZON PAR MDZAD DO, ,'TSO CHAS SHIN TU BKREN PA'I STOBS KYIS SKU LUS NYAMS SHING SKYA BO BSENG BSENG POR GYUR KYANG NANG DU NYAMS LEN GYI 'CHAR SGO CHES CHER 'PHEL BAS THUGS LA DGA' BDE RGYAS PAR GYUR CING, SNGON BYON DAM PA RNAMS KYI RNAM THAR LTAR DBEN PA'I RI SUL DU DKA' THUB LA GNAS TE LAM CHA TSAD LA SGRUB PA SNYING POR BYAR YOD PA 'DI 'DRA NI, RGYAL BA DBEN SA BA CHEN PAS, SNGON DUS KYI MI LA RAS PA DANG, ,DA DUS KYI BLO BZANG DON GRUB LA, ,'PHRAL CHAS KYI ZAS GOS MA GTOGS PA, ,NOR DNGOS PO'I 'DZIN PAS DGOS PA MED, ,TSE GCIG LA SANGS RGYAS SGRUB PA LA, ,DE 'DRA BA'I SPYOD LA LEGS GNAS NAS, ,CHAGS SDANG SPANGS PA'I DBEN GNAS SU, ,DAL 'BYOR LA SNYING PO LEN PAR SHOG ,CES GSUNGS PA LTAR DAL BA'I RTEN

, ,LA SNYING PO LON PA YIN BAS SHIN TU SKAL BA BZANG SNYAM DU THUGS LA SPRO BA 'PHEL BAR GYUR, DON 'DI LA BLA MA NYID KYI ZHAL NAS, NGA KHA RAG DU SDOD RING DGUN THOG CIG LA RTZAM PA THANG KHUG GANG MIN PA STER MKHAN MA BYUNG, JA SHIN TU SLA BA PHOR RE POR DO RE DANG PHYE RLUNG 'DZIN TZAM RE ZOS SHING, JA LA MAR 'DEBS RGYU MED SHA'I CHIL BU CUNG ZAD RE BTAB NAS 'THUNGS, 'TSO BA SHIN TU BKREN YANG LUS BDE ZHING DGE SBYOR 'PHEL BA BYUNG ZHES ZHAL LAS DNGOS SU THOS SO, ,DE NAS DBEN SA BA CHEN PO DANG RJE BTZUN BLO BZANG CHOS KYI RGYAL MTSAN SOGS KYIS SGRUB PA MDZAD CING BYIN GYIS BRLABS PA'I GNAS CHEN BRAG RGYA RDO RJE'I PHO BRANG DU PHEBS NAS RGYAL BA G-YUNG GI SGRUB PHUG TU LAM THUN MONG BA DANG, THUN MONG MIN PA GSANG SNGAGS BLA NA MED PA'I LAM RIM PA GNYIS LA THUN BZHI'I RNAL 'BYOR MDZAD CING BZHUGS SO, ,'DI DUS GSOL CHAS RNAMS NI RJE ZHAL SNGA NAS KYIS THOS BSAM GLING NAS PHUL ZHING, DGE SLONG TSUL KHRIMS KYIS ZLA RE'I GSOL CHAS 'BUL BA SOGS KYI ZHABS PHYI BGYIS SO, ,DE LTAR THUGS DAM THUN BZHI'I RNAL 'BYOR LA CHU BO'I RGYUN BZHIN DU 'BAD PAS NGES 'BYUNG, BYANG CHUB KYI SEMS, YANG DAG PA'I LTA BA, LAM RIM PA GNYIS KYI GNAD RNAMS LA RGYAL BA DGYES PA'I NYAMS RTOGS RMAD DU BYUNG BA MTHA' YAS PA 'KHRUNGS SO, ,DE YANG BLA MA NYID KYI GSUNG TSAD MA DBANG POR GYUR PA LAS SHES TE, DE'I TSE NYAMS RTOGS GONG

'PHEL DU GYUR PA'I NYAMS MGUR BSAM LAS 'DAS PA YOD TSOD 'DUG KYANG THAMS CAD YI GER 'KHOD BA MA BYUNG ZHING, THUGS BRTZE BAS DGONGS TE CUNG ZAD CIG YI GER 'GOD PAR MDZAD PA NI 'DI LTAR, NA MO GU RU MANYDZU GHO sh'A YA ,DUS GSUM GYI SANGS RGYAS DBEN SA PA, ,GSUM LDAN GYI BLO BZANG YE SHES ZHABS, ,GUS LDAN GYI BU LA BRTZER DGONGS LA, ,BYIN RLABS KYI CHAR RGYUN DBAB TU GSOL, ,LUS SEMS GNYIS BDE BA'I NGANG NYID NAS, ,PHYOGS MED KYI RGYAL KHAMS MYUL MYUL BA'I, ,GU YANGS KYI SPRANG PO YAN PA NGA, ,NYAMS DGA' BA'I GLU DBYANGS 'DI BZHIN LEN, ,DAL 'BYOR GYI MI LUS THOB NGOS NAS, ,SANGS RGYAS LAS LHAG PA'I RJE DANG MJAL, ,NYAMS LEN LA 'BAD 'BUNG BYED BYED PA'I, ,MI LUS LA DON LDAN NGA'I SKYID PA, ,SKYE SA YI PHA YUL BOR NGOS NAS, ,NYE 'BREL LA ZHEN CHAGS MI BYED PAR, ,RANG MGO NI RANG GIS 'DON 'DON PA'I, ,PHO RGOD KYI RNAL 'BYOR NGA'I SKYID PA, ,GAR SKYID LA PHA YUL BYAS NGOS NAS, ,SU BYAMS LA PHA MAR BLTAS GYUR TE, ,PHYOGS MED DU DAG SNANG SBYONG SBYONG BA'I, ,GU YANGS KYI SPRANG PO NGA'I SKYID PA, ,BDAG 'DZIN GYI DGON BA BOR NGOS NAS, ,MI NGAN LA NGO SRUNG MI BYED PAR, ,RANG DBANG NI RANG GIS BZUNG BZUNG BA'I, ,DPON MED DANG G-YOG MED NGA'I SKYID PA, ,YO BYAD KYI SOG RUN POR NGOS NAS, ,'GRO DUS SU KHUR PO MI 'KHUR BAR, ,SGO RTZAM LA ZAD LEN BYED BYED PA'I, ,SPRANG PO YI KHYU RGYAN NGA'I SKYID PA, ,MDO RGYUD LA THOS BSAM BYAS NGOS

, ,NAS; ;PHAN MED KYI KHA BSHAD MI BYED PAR, ,NYAMS PHEN LA MTHIL THON BYED BYED PA'I, ,PHO GRUNG GI RNAL 'BYOR NGA'I SKYID PA, ,SGYU LUS LA GCES 'DZIN BOR NGOS NAS, ,GAR SHI LA 'GYOD MED BYAS GYUR TE, ,NA RGA DANG SHI SKYID BYED BYED PA'I, ,THAG CHOD DANG BLO BDE NGA'I SKYID PA, ,'DI 'DRA YI SKYID PA MI BYED PAR, ,TSE 'DI'I BDE BA LA SRED GYUR PA'I, ,SNYIGS DUS SKYA SER GYI SKYE BO'I TSOGS, ,SNYING MED YANG NA NI SMYON PA RANG; ;DENG SANG 'JIG RTEN GYI KHAMS 'DI NA, ,RANG RE SPRANG PO LAS SKYID PA NI MI 'DUG ,SKYID PA'I SKYID GLU ZHIG BLANGS GYUR NAS, ,RGYAL KHAMS GANG BZANG LA CHAS 'GRO AANG, ,HAHA, ZHES PA DANG, GRUB PA'I GNAS MCHOG KHYAD PAR CAN DE NYID LA BSTOD PA'I NYAMS MGUR 'DI LTAR YANG MDZAD DE, NANG RIM GNYIS RNAL 'BYOR MTHAR PHYIN PAS, ,PHYI LHA 'DRE SDE BRGYAD ZIL GYIS GNON, ,LHA DAM CAN GSHIN RJE BRAN DU 'KHOL, ,RJE G-YUNG STON RDO RJE DPAL LA 'DUD, ,MGON DE YIS BYIN GYIS BRLABS GYUR PA'I, ,BRAG RGYA BO RDO RJE'I PHO BRANG ZHES, ,SNGON DAM PA DU MAS CHER BSNGAGS PA'I, ,GNAS 'DI LA BDAG GIS CUNG ZAD BSTOD, ,RI MTHO ZHING BRJID CHAGS LHUN PO 'DRA; ;DE'I SHAR GYI MTHON PO'I NGOS DAG NA, ,CHOS PHUNG PO GRANGS MED BRTZEGS 'DRA BA'I, ,BRAG RGYA CHEN MTHOL SHIN TU MDZES, ,DE'I STENG DU MRGAD MDOG CAN GYI, ,DAR BZANG PO'I GUR 'DRA SPANG GIS BRGYAN, ,BRAG DE YI

MTHON PO'I DBUS DAG NA, ,BRAG BLA GAB 'DRA BA'I BRAG SKYIBS SU, ,RDO DKAR PO'I G-YAM SPYIL PHUB PA NI, ,RANG SHONG TZAM DU MA BKOD PAS MDZES, ,DE'I STENG DANG G-YAS G-YON NGOS DAG NA, ,BYA RGOD PO'I TSANG GI TSOGS RNAMS KUN; ;BLO CHAGS SDANG BRAL BA'I KHYIM MTSES TSUL, ,MDUN MTHON PO'I MKHA' DBYINGS DBUS DAG NA, ,DUS RGYUN CHAD MED PAR LDING SKOR BYED, ,BRAG DE YI MDUN GYI SA PHYOGS LA, ,SHING LJON PA SNA TSOGS 'KHRIGS PA YI, , LHA'I DGA' TSAL LTA BU'I NAGS KYIS MDZES, ,NAGS DE LA 'KHOR BA'I BYA DANG BYE'U NI, ,DBYIBS 'DAB GSHOG MI GCIG DU MA'I TSOGS, ,GNAS DE RU BZHUGS PA'I RNAL 'BYOR LA, ,YID MOS PA'I GLU DBYANGS DI RI RI; ;RI DE YI G-YAS G-YON MDUN DAG NA, ,DRIS DPAG TSAD KHOR YUG KHYAB PA YI, ,RIGS MI GCIG BSANG SNA DU MA 'KHRIGS, ,NAGS TSANG TSING DE YI KHROD DAG NA, ,KHONG GNYIS SKYES LHA BYA GONG MO'I TSOGS, , DAG SNYAN PA'I GLU DBYANGS KYU RU RU, ,GNAS DE YI MDUN GYI PHYOGS DAG NA, ,RJE G-YUNG STON CHEN PO'I SGRUB CHU'I RGYUN, ,NAD TSA GRANG KUN LA SNYOMS PA YI, ,LHA'I BDUD RTZI LTA BU'I CHAB KYI RGYUN, ,DUS DBYAR DGUN SKYE BRI MI BYED PAR, ,GNAS DE LA YON CHAB 'BUL BA'I TSUL, ,DUS RGYUN CHAD MED PAR KHRO LA LO LO, ,G-YAS PHYOGS NAS MRGAD MDOG CAN GYI, ,DAR BZANG PO'I YOL BAS BSKOR 'DRA BA'I, ,SPANG NGOS 'JAM MTHO BAS

, ,LEGS PAR BSKOR, ,DE'I NGOS LA RI DVAGS DU MA'I TSOGS, ,NYAMS DGA' BA'I BANG RTZAL SHA RA RA, ,G-YON PHYAGS NAS GCING CHAB SNGON MO NI, ,GNAS DE LA YON CHAB 'BUL BA'I TSUL, ,MDUN PHYOGS NAS G-YAS LA 'KHOR RO RO, ,SHAR PHYOGS KYI MDUN GYI YUL PHYOGS NA, ,THANG CHEN PO DPAG TSAD DU MA'I BAR, ,DBYIBS ZLUM PO GSER GYI MAndAL 'DRA, ,DE'I DBUS KYI LTE BA'I NGOS NGAG NA, ,GNAS CHEN PO GTZANG GI PHUNG PO RI, , DE'I PHYOGS DANG PHYOGS MTSAMS RNAMS SU NI, ,KHYIM CHE CHUNG MI 'DRA DU MA NI, ,GLING BZHI DANG GLING PHRAN BRGYAD KYI TSUL, ,THANG DE YI MTHA' DBUS BAR BAR NA, ,G-YU BZANG PO LA SOGS RIN CHEN LDAS, ,SPRAS 'DRA BA'I NE'U GSING SNGON PO DANG, ,SA'I KHA DOG SDO DMAR SER PO SOGS, ,MDANGS MA 'DRES RANG RANG SO SOR GSAL, ,SNGON KUN BZANG SMON LAM MTHUS GRUB PA'I, ,DBUS LHUN PO GLING BZHI NYI ZLA DANG, ,NOR RIN CHEN BDUN SOGS LHA MI YI, ,DPAL PHUN TSOGS MA LUS TSANG GYUR PA'I, ,NGO MTSAR BA'I MAndAL BZANG PO 'DI, ,GNAS 'DI RU BZHUGS PA'I MCHOG GSUM LA, ,DUS BSKAL BRGYA'I BAR DU PHUL NAS GDE', ,AE MA RANG BYUNG GI MAndAL BZANG PO 'DI, ,BDAG 'DRA YI SPRANG POS BLOS BSLANGS TE, ,DPEN SA PA'I BKA' RGYUD MA LUS DANG, ,BLO BZANG GI YE SHES MCHOG LA 'BUL, ,YID 'ONG GI GNAS MCHOG 'DI NYID DU, ,TSA GRANG DANG BKRES SKOM LA SOGS PA'I, ,'GAL RKYEN LA ZUR 'GROS MI BYED PAR, ,GANG

'DOD DU NYAL NUS BDAG LA STZOL, ,SPROS BCAS KYI BYA BA MI MANG BAR, ,SPROS MED KYI MAL BDE GU YANGS SU, ,NYIN MTSAN LA NGO SHES MI BYED PAR, ,GANG 'DOD DU NYAL NUS BDAG LA STZOL, ,GNAS LUGS KYI NGANG DU NYAL DUS SU, , 'KHOR 'DAS LA RE DOGS MI BYED PAR, ,MTHA' BRAL GYI DBYINGS SU DBYER MED PA'I, ,RO GCIG GI LAM BZANG BDAG LA STZOL, ,KUN BZANG GI MDZES MA'I LANG TSO DANG, ,RANG SEMS KYI KHYE'U DBYER MED DANG, ,'GRO KUN RNAMS BRTZE BAS SKYONG NUS PA'I, ,THABS SHES KYI LAM BZANG BDAG LA STZOL, ,RANG MAL NAS LANGS PA'I GNAS SKABS DER, ,PHYI NANG GI CHOS RNAMS MA LUS PA, ,RMI LAM DANG SGYU MAR NGES NUS PA'I, ,GRUB THOB KYI LAM BZANG BDAG LA STZOL, ,'KHOR BA 'DI MA STONGS PAR DAG TU, ,SKYE 'CHI SOGS 'GYUR LDOG MI BYED PA'I, ,'JIG MED KYI LUS SEMS NGANG NYID NAS, ,'GRO KUN RNAMS SGROL NUS BDAG LA STZOL, ,PHA RGAN GYI LAM BZANG BDAG LA STZOL, ,BKA' RGYUD KYI LAM BZANG BDAG LA STZOL, ,DBEN SA PA'I LAM BZANG BDAG LA STZOL, ,SPRANG PO YI SEMS LA THAG CHOD STZOL, ,CES GNAS BSTOD DANG THUGS DAM GYI NYAMS RTOGS MTHON POR GYUR PA'I GSUNG MGUR 'DI DAG PHYI MA'I SKYE BO RNAMS LA THUGS BRTZE BAS PHYAG BRIS SU 'GOD PAR MDZAD DO, ,GNAS DER BZHUGS RING ZHEN LOG SKYO SHAS DRAG POS THUGS DAM LA BOGS SHIN TU CHE ZHING DAG BA'I GZIGS SNANG MANG DU BYUNG YOD TSOD 'DUG KYANG THAMS CAD GSAL BAR MI GSUNG NGO, ,DE NAS RTA NAG CHOS SDINGS

, ,SU PHEBS, DE NA GNAS DBEN LA CHU SHING 'DZOM ZHING 'BRAS BU'I SHING MANG PO YOD PA, BRAG PHUG BTZAN ZHING SUS KYANG GLAGS RNYED MI NUS BA ZHIG YOD PA DER BZHUGS NAS SGRUB PA LA BRTZON PAR MDZAD, GSOL CHAS RNAMS NI THOS BSAM GLING ZHAL SNGA NAS KYIS RTA NAG GZHIS KA NAS PHYAG MA THOGS PAR PHUL, DE NAS RE SHIG NAS RTA NAG KHUL GYI MI RNAMS KYIS DAG SNANG CHE CHE BYAS PA NA, DA 'DIR YANG YUN RING NA DGE SBYOR GYI BAR CHAD DU 'GRO NYEN CHE DGONGS NAS GNAS SPO BAR BZHED NAS BYA BRAL SGRUB SDER BYON, DON GNYER CAN KHA SHAS LA PHYAG CHEN GYI KHRID SOGS CHOS BKA' CI RIGS KYANG GNANG, DER 'GA' ZHIG GIS PHYAG CHEN GSOL 'DEBS LA 'JUG RGYU'I GSOL 'DEBS SHIG DGOS TSUL ZHUS PA LTAR, LAM SNYAN RGYUD ZAB MO'I SNYING PO'I DON, ,YUL PHYOGS MED GNAS SU LEGS BSKYANGS PA, ,BYA BRAL BLO BZANG RNAM RGYAL LA GSOL BA 'DEBS, ,ZHES PA 'DI YANG GNAS DER MDZAD DO, ,DE NAS 'PHAGS MCHOG THUGS RJE CHEN PO'I SPRUL PA RGYAL SRAS THOGS MED PA'I SGRUB GNAS DNGUL CHU CHOS RDZONG DU PHABS, GNAS DE RGYAL SRAS RIN PO CHES BYIN GYIS BRLABS PA'I GNAS BAG PHEBS SHING BYIN CHAGS PA ZHIG 'DUG PAR, GNAS 'DIR SNGON RGYAL SRAS RIN PO CHES LO MANG PO'I BAR DU SKU MTSAMS LA BZHUGS NAS SGRUB PA MDZAD PAS NYAMS RTOGS GONG 'PHEL DU GYUR BA DE BZHIN DU, BDAG GIS KYANG GNAS 'DIR G-YENG BA THAMS CAD

SPANGS TE LO KHA SHAS KYI RING LA SGRUB PA LA BRTZON PAR BYA'O SNYAM DU SGRUB PA'I DAM BCA' BRTAN PAR MDZAD NAS SKU MTSAMS LA BZHUGS SO, ,GNAS DER LO GSUM TZAM GYI RING LA THUGS DAM SHIN TU 'PHEL BAR BYUNG ZHING, GCOD KYI LHONGS SOGS KYANG MANG DU BYUNG BA'I LO RGYUS SNANG NGO, ,DE NAS RE SHIG NA THOS BSAM GLING NAS ZHAL SNGA NAS DPAL LDAN YE SHES KYIS BANG PHYIN PA ZHIG CHED MNGAGS GNANG BAR DA LAM BANG PHYIN PA 'DI PA DANG MNYAM DU THOS BSAM GLING DU PHEBS DGOS PA'I BKA' SHOG NAN CHEN PHEBS PAR, BANG MI DE LA KHYOD RANG DE RING LOG SONG, NGA SANG NYIN YONG ZHES BKA' GNANG ZHING PHEBS RTZIS MDZAD PAR BANG MI THON 'PHRAL THUGS BSAM ZHIG MDZAD PAS MI LEGS PAR DGONGS TE, BANG MI RI SKED CAM DU SLEB PA YAR BOD PAR MDZAD NAS RJE ZHAL SNGA NAS LA DA RES SKU MDUN DU BCAR THUB PA MI 'DUG PAS DGONGS PA MI KHREL BA DANG, THUGS DAM GYI SKYABS 'JUG MKHYEN MKHYEN ZHU BA SOGS ZHU YIG DANG NGAG MA NAN CHEN ZHUS TE BANG MI GTONG BAR MDZAD, DE NI ZHAL SNGA NAS DPAL LDAN YE SHES JUN SGAR DU PHEBS RGYU DANG BLA MA NYID THOS BSAM GLING DU SKU TSAB TU 'JOG PA MDZAD RTZIS YIN PA DE THUGS MKHYEN GYIS MKHYEN PAR NGES SO, ,DE LTAR NA DAM PA 'DI NYID NI CHOS GRVA CHEN PO BKRA SHIS LHUN PO LTA BU'I GRVA TSANG GI GDAN SA PHUL YANG THUGS DGYES PA MED NA BSNYEN BKUR NGAN NGON TZAM LA TSAGS PA'I GO SKABS GA LA YOD, DE'I PHYIR RJE BTZUN MI LA DANG MDZAD PA MTSUNGS SO ZHES GRAGS PA'ANG DON DANG

, ,MTHUN BA'O, ,DE NAS DNGUL CHU'I RI KHROD PA RNAMS DANG, BZHAD BKRA SHIS DGE 'PHEL GYI BLA MA SOGS DON GNYER CAN KHA SHAS LA NAM MKHA' SGO 'BYED KYI DBANG DANG, GZHAN YANG CHOS BKA' CI RIGS GNANG, BZHAD KHUL GYI MI SDE RNAMS KYIS KYANG DAD GUS CHER BYAS SHING 'TSO BA'I MTHUN RKYEN 'BUL BA'ANG MANG DU BYUNG BA NA, DA NI GNAS 'DIR YANG YUN RING NA 'DOD YON GYI DBANG DU 'GRO BAR 'DUG CING, DE LTAR NA DGE SBYOR GYI BAR CHAD DU 'GYUR NYEN CHE PAS YUL GZHAN ZHIG TU 'GRO BAR BYA'O SNYAM DU DGONGS NAS ZHABS 'BRING BA DGE SLONG TSUL KHRIMS DANG MNYAM DU PHYOGS DE'I DBEN GNAS SNA TSOGS LA NGES MED DU BEBS SHING, DE'I TSE BLA MA NYID SKYO SHAS SHUGS DRAG PAS CHOS MTHUN GYI 'TSO BA GANG BYUNG MDZAD CING BSOD SNYOMS SPYOD PA'I TSE YANG, RJE MI LA'I RNAM THAR LTAR THEG MAR SGO GANG PHRAD DU SLONG ZHING BSOD SNYOMS PHUL NA GANG SBYIN PA DES CHOG SHES PA DANG, MA PHUL KYANG YID MI BDE BA MED CING YUN RING MI BZHUGS PAR PHEBS PAS ZHABS 'BRING BA DGE SLONG TSUL KHRIMS 'TSO BAS NYON MONGS NAS 'KHRUL BA BSKYED PA'ANG BYUNG ZHES THOS SO, ,DE DAG GI DUS KYI TSE DAM PA 'DI NYID CHOS BRGYAD 'OG SNYOMS PA DANG, BDAG PAS GZHAN GCES PA'I BYANG CHUB KYI SEMS SBYONG BA'I MAN NGAG BLO SBYONG GI SKOR LA NYAMS BZHES MDZAD PA LA 'CHAD KHA BA'I GSUNG RNAMS SHIN TU GAL CHE BAR DGONGS NAS, 'CHAD KHA BA'I BLO SBYONG GCIG DANG LNGA PA ZHES BYA BA, MTHUN RKYEN

SNA GCIG KYANG MED PA'I NANG DU PHUN SUM TSOGS PA'I YANG RTZE RNYED PA GCIG DANG, BAR CHAD SPRIN 'THIBS PA LTA BU'I NANG DU GNOD PA GCIG KYANG MED PA GCIG DANG, SDUG BSNGAL RI RDIB PA LTA BU'I NANG DU BDE PA CHEN PO RNYED PA GCIG DANG, DGRA 'DRE NYI RGAS GYI GRIB SO LTA BU'I NANG DU DGE BA'I BSHES GNYEN GYI NYI MA SHAR BA GCIG DANG, NYON MONGS BSKAL PA'I ME LTA BU'I NANG DU SANGS RGYAS KYI CHOS TSANG BA GCIG STE LNGA'O, ,ZHES GSUNGS PA 'DI THUGS LA BZUNG ZHING, DE'I NANG NA NYAMS LEN GYI GNAD MANG PO YOD PAR DGONGS NAS, RJE BTZUN BLO BZANG YE SHES DPAL BZANG PO LA BLO SBYONG 'DI'I 'GREL PA MAN NGAG GI GNAD RNAMS GSAL BAR STON PA ZHIG DGOS ZHES NAN GYIS GSOL BA BTAB PAS PAn CHEN THAMS CAD MKHYEN PA CHEN POS KYANG DGYES BZHIN ZHAL GYIS BZHES NAS, NA MO GU RU BADZRA DHA R'A YA, SKU MTSAN BZANG RMAD BYUNG LONGS SPYOD RDZOGS, ,ZHES PA NAS, RJE BKA' GDAMS GONG MA'I DGONGS PA'I DON, ,PHYOGS KUN TU DAR RGYAS BKRA SHIS SHOG , CES PA'I BAR SHLOO KA NYI SHU RTZA GNYIS YOD PA TSIG SBYOR PHUN SUM TSOGS PA RKYEN NGAN LAM DU 'KHYER BA'I MAN NGAG GI GNAD RNAMS GSAL BAR STON BA SNGON MED PA'I LEGS BSHAD 'DI MDZAD DO, ,DE NAS BLA MA NYID 'DRIS SHES MED PA'I SA YUL THAG RING ZHIG TU PHEBS NAS TSE DANG SGRUB BA SNYOMS PA ZHIG MDZAD BZHED NAR MAR YOD PA'I KHAR, CHOS 'PHEL DZA' SANG SOGS KYIS KYANG BLA MA 'DI NYID GZHAN DANG MI 'DRA BA YOD TSUL THOS NAS AO RGYEN KYI YUL DU GDAN 'DREN 'DOD YOD PA'ANG GSAN PAS

, ,NYE BAR BSKUL TE, DA NI MYUR DU THAG RING ZHIG LAM PHYIN NA SDE DGON GOG PO ZHIG GI BDAG GZUNG BYED DGOS PA'AM, RGYAL PO'I MCHOD GNAS BYA BA MING SNYAN YANG DON BZANG BTZON ZHIG BYED MI DGOS PA'I NGES BA YANG MI 'DUG PAS SUS KYANG MTHONG TSOR MED PA'I YUL ZHIG TU 'PHRAL DU 'BRO DGOS PA 'DUG ,DE YANG SANGS RGYAS DNGOS KYI BSHES GNYEN 'DI LTA BU BZHUGS BZHIN DU MA ZHUS PAR 'GRO BA'ANG MI LEGS PAS SKYABS MGON CHEN PO NYID LA ZHUS NAS BKA' GNANG BA LTAR BYED DO SNYAM DU DGONGS NAS ZHU YIG GSUNG BRTAG GI TSUL DU PHUL BA, BDAG TSE 'DI'I RNYED BKUR SNYAN GRAGS RNAM G-YENG GANG GI YANG DBANG DU MA SONG BAR SGRUB PA MTHAR PHYIN PA ZHIG BYED 'DOD LAGS PAS SA PHYOGS GANG DU PHYIN PA LEGS ZHES ZHUS PA NA, STOD PHYOGS SU LEGS PA'I BKA' PHEBS, DE NAS LCAGS SU PHEBS NAS LO TZ'A PA LHA BTZUN BLO BZANG 'BYUNG GNAS LA 'DOD CHOS MANG DU STZAL CING, SLAR SKYID GRONG PHYOGS SU 'DZOM PA'I ZHAL NGAN MDZAD, DE NAS BLA MA NYID DGUNG LO LNGA BCU LA PHEBS PAS MO PHAG GI LO NYE GNAS DRUNG RAM PA DANG BCAS STOD PHYOGS SU PHEBS SO, ,DE SKABS PAn CHEN THAMS CAD MKHYEN PA LA CHOS 'PHEL JA'I SANG SOGS MI CHEN DANG, SDE DGON MANG PO NAS DAM PA 'DI NYID BLA MAR GNANG DGOS TSUL ZHUS KYANG, SNGAR NAS DE RIGS MI DGOS PA'I SNYAN 'BUL ZHUS ZIN PA DANG, THAG RING DU PHEBS PA'I GRAGS PA DES GYENG RKYEN BYAS NAS, KHONG GAR YOD

MI SHES PAS DE 'DRA GA LA YONG ZHES SKU ZHABS RTZE SHOD GNYIS GNAS GNANG BAR MA MDZAD CING, PHYIS KYANG DE RIGS MANG DU BYUNG YANG GNANG BAR MA MDZAD DO, ,DE NAS DING RI NAS BU SE LA 'DZEGS TE RNAL 'BYOR DBANG PHYUG MI LA RAS PA'I SGRUB GNAS ZHING SKYENG GI MKHA' 'GRO 'DU BA'I GNAS CHEN DBANG NAS BRIN GYI CHU DBAR LA PHEBS SO, ,DE NAS RJE BTZUN MI LA ZHING KHAMS GZHAN DU GSHEGS PA'I TSUL BSTAN PA'I GNAS 'DRE LCE PHUG ,SPRO BDE BKRA SHIS SGANG, 'GRO PHAN GLING SOGS ZHIB TU MJAL ZHING SMON LAM MDZAD, DE NAS DBEN GNAS KYI ERTZE MO LA PHEBS TE GTZO CHER BRAG DMAR MCHOD LUNG RANG DU BZHUGS NAS SGRUB PA MDZAD, SKABS 'GAR SPO MTHO NAM MKHA' RDZONG, KHU BYUG DPEN BA RDZONG, SKYID PHUG NYI MA RDZONG SAGS RJE BTZUN RIN PO CHES BZHUGS PA'I GNAS DE DANG DE DAG TU PHEBS NAS THUN BZHI'I RNAL 'BYOR DANG, THUN MTSAMS KYI NYAMS LEN RNAMS LA BRTZON PAR MDZAD PAS THUGS DAM LA BOGS SHIN TU CHE BAR GYUR, CHU DBAR CHOS SDE DE GONG SA LNGA PA CHEN PO'I BKA' DRIN GYIS LONGS SPYOD 'DZOM ZHING DBANG SHED SHIN TU CHE BA ZHIG YIN 'DUG KYANG, DAM PA 'DI NYID LA NI SKU MTHONG BA TZAM GYIS DAD GUS CHEN PO BYAS SHING CHOS 'BREL DANG BYIN RLABS ZHU BA MANG DU BYUNG, DE SKABS SNGAGS RAM PA YA SHAS SKAL LDAN SOGS DPAL LDAN STONG RGYUD GRVA TSANG NAS SGRUB PA SNYING POR MDZAD 'DOD PA GSUM TZAM ZHIG BYON PA, SNGAR NAS BLA MA 'DI NYID KYI MTSAN MA THOS KYANG ZHAL MJAL BA TZAM GYIS DAD PA'I SPU LONG G-YOS NAS CHOS KYI

, ,BKA' DRIN GNANG DGOS PAR GSOL BA BTAB PAS, BLA MA NYID KYANG THUGS SHIN TU DGYES PA BYUNG, DE NAS YE SHES GRAGS PA GRAGS PA GROGS MCHED GNYIS KYANG SKU MDUN DU SLEB NAS CHOS KYI BKA' DRIN DANG, LHAG PAR BSNYEN RDZOGS KYI BKA' DRIN ZHUS PA NA DGYES BZHIN ZHAL GYIS BZHES, DE NAS ZA KHA LUNG GI RGYAN PHUG TU BZHUGS SHING, BSNYEN RDZOGS DANG RAB BYUNG MANG DU GNANG, DE NAS RGYUD STOD PA GSUM GYIS GTZO BYAS DAD 'DUS KHA SHAS LA BYANG CHUB LAM GYI RIM PA'I KHRID, BLO SBYONG GI KHRID, 'JIGS BYED BSKYED RIM KYI KHRID, PHYAG CHEN GYI KHRID SOGS KHRID DANG LUNG MANG DU STZAL TO, ,DE NAS RGYUN STOD PA GSUM GYIS GSOL BA BTAB NAS NAM MKHA' SGO 'BYED KYI DBANG DANG, GCOD KYI CHOS SKOR RNAMS DGYES BZHIN DU GNANG, DE NAS GNAS DER 'PHYOD RGYAS RI BO BDE CHEN PA'I DGE SLONG ZHIG DANG, 'GRO PHAN GLING GI GRVA PA DAD LDAN ZHIG GIS BSKUL NAS GCOD GZHUNG THAR 'DOD DED DPON MA'I t'IKKA TSIG DON GSAL BA'I SGRON ME ZHES BYA BA TSIG DON PHUN SUM TSOGS SHING MAN NGAG GIS BRGYAN PA BYANG CHUB LAM GYI RIM PA DANG GCOD GNYIS ZUNG DU SBREL NAS NYAMS SU LEN PA LA NYE BAR MKHO BA'I BSTAN BCOS PHUN SUM TSOGS PA 'DI MDZAD DO, ,DE NAS TSE RING MA'I BLA MTSO GZIGS BAR PHEBS, MTSO'I DRUNG DU PHEBS SU NYE BAN DRUNG RAM PA SOGS ZHABS PHYI RNAMS LA KHYED RANG RNAMS NGED KYI RJES LA MA YONG BAR 'DIR CUNG ZAD SDOD CES BKA' GNANG NAS, BLA MA

NYID GCIG PU MTSO 'GRAM LA PHEBS NAS MTSO 'GO NGOS SU PHEBS PA NA, DRUNG RAM PA SOGS KYI MTHANG SNANG LA MTSO DE'I DKYIL NA 'KHYAG PA'I RNAM PA LTA BU SKYA LING LING BA ZHIG 'DUG PA, BLA MA NYID MTSO' 'GOR PHEBS PA NA MTSO DKYIL NAS TSUR DAR DKAR PO'I RNAM PA LTAR BLA MA NYID KYI SKU MDUN DU SKYAN RA SONG BA ZHIG MTHONG 'DUG BAS, DE'I TSE DAG PA'I GZIGS SNANG NGO MTSAR CHE BA ZHIG BYUNG BA GOR MA CHAG KYANG, BLA MA NYID YON TAN SBED PA GTZO BOR MDZAD PAS DE RING RTEN 'BREL LEGS PO ZHIG BYUNG GSUNG BA LAS 'DI BYUNG GSUNG BA MI SNANG NGO, ,DE NAS 'GRA PAN GLING GI SPO MTHO LHA KHANG DU ZLA BA BZHI'I RING LA DPAL 'KHOR LO SDOM PA'I BSNYEN SGRUB LA 'GRUS PAR MDZAD, BSNYEN MTSAMS GROL NAS DUS KHYAD PAR CAN ZHIG DANG BSTUN BDE MCHOG GI SBYIN SREG MDZAD BA NA 'JA' DKAR PO ZHIG GANG DU SBYIN SREG MDZAD PA'I GNAS DER ZUG NGA SOGS NGO MTSAR YA MTSAN CHE BA'I LTAS MANG PO SKYE BO KUN GYIS MTHONG BA BYUNG, DE'I TSE SNGAGS RAM PA YE SHES SKAL LDAN GANG ZAG DAM PA ZHIG YIN PAR GZIGS NAS SPYAN GYI 'BRAS BU LTAR SKYONG BA GNANG ZHING, 'TSO BA'I MTHUN RKYANG SOGS KYANG PHYAG MA THOGS PAR GNANG BAR MDZAD, GNAS DER LO LNGA TZAM BZHUGS NAS DPON SLOB THAMS CAD KYIS THUGS DAM LA SHIN TU 'GRUS PAR MDZAD PAS THAMS CAD LA BOGS CHE BAR BYUNG NGO, ,DE NAS CHU MO YOS LO ZLA BA BCU GNYIS PA'I 'GOL BLA YUL DU PHEBS NAS, STAG MO LUS SBYIN DANG, SNYE SHANGS GUR RTA SOGS GNAS

, ,BRAN RNAMS MJAL NAS SMON LAM MDZAD, DE NAS BYA RUNG KHA SHOR DU PHEBS NAS ZHAG GSUM PA ZHUGS, ZHABS SKOR DANG SMON LAM SHUGS DRAG TU MDZAD, DE NAS 'PHAGS PA SHING KUN DU PHEBS ZHAG LNGA TZAM BZHUGS NAS ZHABS SKOR DANG SMON LAM MDZAD, DE'I RING LA DE'I NYE SKOR GYI GNAS PHRAN RNAMS KYANG ZHIB TU MJAL BAR MDZAD, DE SKABS RONG GI LAM ZHIG TU MON PA'I RKUN JAG BYUNG BAR CHAS DNGOS KHA SHAS RKUN MAR SHOR ZHING, LHAG PAR YUM GYIS BZO BAR MDZAD BA'I SKU GZAN RNYING PA ZHIG YOD PA MON PA LA SHOR BAS, CHAS DNGOS GZHAN RNAMS LA THUGS SNANG MI MDZAD CING, SKU GZAN DE LNGA'I AA MA'I GZAN DE MON BA NGAN PA'I LAG TU SHOR ZHES THUGS PHANGS PHANGS MDZAD CING, PHYIS NAS KYANG YANG YANG GSUNG NGO, ,DE NI DAM PA 'DI NYID 'BREL TSAD DON LDAN YIN PAS YUM GYI BKA' DRIN BSAB PHYIR GZAN DE SKU LA YUN RING BCANG BZHED YIN PAR NGES TE; YUM GYIS BCOS PA'I SKA RAGS SHIG YOD PA PHYIS PHAN PHUN DU GYUR PA NA PHYI NANG NAS LHAN PAS GLANG TE NAM GSHEGS KYI BAR SKU LA BCANG BAR MDZAD PA BDAG CAG GIS MNGON SUM DU MTHONG DO, ,DE NAS RIM GYIS SKYID GRONG DU PHABS NAS JO BO RIN PO CHE'I SKU MDUN DU CI 'BYOR PA'I MCHOD BA PHUL TE SMON LAM SHUGS DRAG TU MDZAD, DE NAS BLA MA LHA BTZUN NGAS GDAN DRANGS TE ZLA BA BCU GNYIS PA'I MJUG LA GYANG KHANG DU PHEBS, BLA MA LHA BTZUN

DANG LHAN CIG TU LO GSAR GYI DGA' STON MDZAD, DE SKABS 'BA' SPRUL SKU'I MNAL LAM DU PHA DAM PA'I SPRUL PA 'DI LTA BU ZHIG 'BYON KYIN YOD PAS MJAL DU SOD ZER BA'I LUNG BSTAN GSAL BA ZHIG BYUNG BA LTAR BLA MA 'DI NYID PHA DAM PA'I SPRUL PA YIN PA'I GRAGS PA'ANG BYUNG 'DUG GO ,DE NAS BLA MA LHA BTZUN DANG, BLA MA SNGAGS RAM PA GNYIS KYIS GTZO MDZAD DGE 'DUN MANG POS GSOL BA RTZE GCIG TU BTAB NAS BDE LAM GYI BKA' KHRID DGE LDAN BKA' RGYUD RIN PO CHE'I ZAB LAM PHYAG RGYA CHEN PO'I BKA' KHRID, BLO SBYONG DON BDUN MA'I BKA' KHRID RNAMS STZAL CING, LAM RIM CHE CHUNG GI LUNG, SNGAGS RIM CHEN MO'I LUNG SOGS ZAB CHOS MANG DU GNAR NGO, ,DE'I TSE DGE LDAN PHYAG RGYA CHEN PO'I SA BCAD KYANG RTZOM PAR MDZAD, DER ZLA BA LNGA TZAM BZHUGS, DE NAS GNAS KYI RGYAB RI GRUB CHEN AO RGYAN BA'I GZIM PHUG TU ZLA BA GCIG TZAM BZHUGS, DE NAS RJE BTZUN RED MDA' BA CHAN PO DANG RJE CHOS LDAN RAB 'BYOR SOGS BKA' GDAMS BSTAN 'DZIN DAM PA MANG POS BZHUGS SHING BYIN GYIS BRLABS PA'I GNAS ME TOG MDANGS CAN DU PHEBS NAS, RJE BTZUN RED MDA' PA'I SGRUB PHUG CHEN MOR BZHUGS TE SKU MTSAMS MDZAD, SKU MTSAMS GROL NAS DON GNYER CAN KHA SHAS LA GTUM MO'I KHRID LA SOGS PA'I CHOS BKA' CI RIGS PA GNANG NGO, ,DE NAS RJE BTZUN SA PAn LA 'JAM DBYANGS LHA LNGAS ZHAL GZIGS PA'I GNAS LHA LNGA PHUG TU BZHUGS, GNAS DER DGE SLONG MANG DU 'DUS PA RNAMS KYIS CHOS GSUNG BAR

, ,GSOL BA BTAB PA NA CHOS MANG DU GNANG BA'I ZHAL BA ZHES YOD PA LA 'GA' ZHIG GIS BKA' GDAMS THOR BU DE SNGON LA NAN GYIS ZHUS PAS DE GNANG NAS, DE'I NANG NA SNYIGS MA'I DUS 'DIR GZHAN MGO 'DON PA'I DUS MA YIN RANG MGO 'DON PA'I DUS YIN, ZHES SOGS KYI MTSAMS SU SLEB PA NA SPYAN CHAB MNAN PAS MI THUB PA BYUNG ZHING, THUGS LA NGES 'BYUNG SHUGS DRAG TU SKYES NAS SPYAN CHAB BCAD MA THUB BAR DE'I NYIN CHOS 'PHRO GNANG MA THUB, SANG NYIN GNANG RGYU'I RTZIS MDZAD PA NA YANG DE'I MTSAMS LA GZIGS PA TZAM GYIS SPYAN CHAB BYUNG ZHING MGUL 'GAGS NAS GNANG MA THUB PAR 'PHRO LUS, DE NAS DE 'PHRAL SLAR YANG ME TOG MDANGS CAN DU PHEBS, CHU BTAGS GSAR PA BA'I BU BSOD NAMS PHUN TSOGS KYIS ZHABS PHYI ZHUS SHING, DGE SLONG RNAMS KYANG PHEBS SKYEL DU PHEBS NAS MKHA' 'GRO'I GSANG PHUG TU PHEBS, DE NAS DGE SLONG RNAMS LA SO SOR THUGS DAM LA BRTZON BA MDZAD DGOS PA'I ZHAL TA DANG, NGED RANG YANG TSE 'DI'I RNAM G-YENG GANG GI YANG DBANG DU MA SONG BAR SGRUB PA GSHA' MA ZHIG BYED, DE LTAR BYED MIN KHYED GROGS PO RNAMS KYIS KYANG BLTAS NAS CHOS DANG 'GAL BA BYUNG NA KHYED RNAMS KYIS KYANG LAB DGOS SO, ,MDOR NA RANG RE RNAMS TSE MJUG 'DIR BYA RGYU CHOS LAS MED BAS RANG RANG GANG 'DOD KYI GNAS SU DGE SBYOR LA BRTZON PAR MDZOD CES BKA'

GNANG NAS SO SOR BTANG STE G-YENG BA GANG YANG MED BAR SKU MTSAMS DAM PO LA BZHUGS, DE LTAR ME TOG MDANGS CAN DU LO GSUM LHAG TZAM BZHUGS NAS THUGS DAM CHU BO RGYUN GYI RNAL 'BYOR LA GNAS PAR MDZAD, DE'I TSE ZHABS 'BRING PA ZHIG DBUS PHYOGS SU GNAS SKOR LA 'GRO 'DOD NAS DGONGS PA ZHUS SHING, ZHAL GDAMS SHIG DGOS ZHES GSOL BA BTAB PA LTAR NYAMS MGUR 'DI LTAR MDZAD DE, NA MO GU RU, DUS GSUM GYI SANGS RGYAS DBEN SA PA, ,MTSUNGS MED KYI RJE BTZUN THAMS CAD MKHYEN, ,BLO BZANG GI YE SHES SKYABS KYI MCHOG ,'BRAL MED DU SPYI PO'I RGYAN DU BZHUGS, ,RANG BLO NI CHOS LA PHYOGS PA'I TSE, ,SDUG DOGS KYIS NOR RDZAS BSAGS GYUR NAS, ,SDIG GSOG GI SER SNA BYED PA LAS, ,ZANG ZING GI 'BYOR PA SPANGS NA BDE, ,RANG BLO NI CHOS LA 'KHUL BA'I TSE, ,RE DOGS KYI BSAM RGYA MANG PO YIS, ,BLO MANG GI BYA BA BYED PA LAS, ,BYA BA RNAMS BLO YIS BTANG NA BDE, ,NGES MED KYI RGYAL KHAMS 'KHYAMS PA'I TSE, ,RKYEN NGAN GYI BAR CHANG BYUNG DOGS NAS, ,BLO CHUNG GI GROGS DANG 'GROGS PA LAS, ,SKYID SDUG LA THOG RDZIS BYAS NA BDE, ,RGYAL KHAMS SU 'CHO BA SLONG BA'I TSE, ,MA 'ONGS PA'I BSAM RGYAS BSLANGS GYUR NAS, ,SGYU LUS LA KHUR PO 'GREL BA LAS, ,SGO RTZAM LA ZAD LEN BYAS NA BDE, ,RGYAL KHAMS SU RI KHROD 'GRIM PA'I TSE, ,CHAGS SDANG GI SEMS RTZA 'KHRUG 'GYUR BA'I, ,DON MED KYI KHYIM MTSES BSTEN PA LAS, ,BSE RU BZHIN GCIG BUR GNAS NA BDE, ,NGES MED KYI RI KHROD 'GRIM PA'I TSE, ,NGES BZUNG

, ,GI SBYIN BDAG BTZAL GYUR NAS, ,NGO SRUNG GI DGE SBYOR BYED PA LAS, ,NGES MED KYI BSOD SNYOMS BYAS NA BDE, ,GCIG PU RU RI LA SDOD PA'I TSE, ,SDIG GSOG GI MKHAR LAS BYAS GYUR NAS, , 'DZAD MED KYI LAS NGAN GSOG PA LAS, ,SA PHUG DANG BRAG PHUG BSTEN NA BDE, ,GZHI GCIG TU YUN RING GNAS GYUR NAS, ,CHAGS SDANG GI SEMS RTZA 'KHRUG BA LAS, ,NYAMS LEN LA BOGS 'DON BYED PA'I PHYIR, , DBEN PA NAS DBEN PAR 'PHOS NA BDE, ,NYAMS LEN GYI GNAD LA SBYOR BA'I TSE, ,SDOM GSUM LA GCES SPRAS GTZOR BTON TE, ,THOS BSAM GYI RGYA MTSO'I GRUR ZHUGS NAS, ,THOS DON RNAMS RGYUD LA SBYANG NA BDE, ,THOS BSAM GYI GNAD LA SBYOR BA'I TSE, ,LTA SPYOD GNYIS YA BRAL MA SONG BAR, ,ZUNG 'BREL GYI NYAMS LEN MKHAS GYUR NA, ,ZUNG 'JUG GI RGYU RU 'GYUR BAS BDE, ,ZAB DON GYI GNAD LA SBYOR BA'I TSE, ,DANG PO NAS 'JOG SGOM MI BYED BAR, ,DPYAD SGOM GYIS NGES SHES DRANGS GYUR NAS, ,'JOG DUS SU BLO THAG CHOD BAS BDE, ,RJES THOB TU BYA BA GANG BYED CHO, ,THA MAL GYI SNANG ZHEN SPANGS GYUR NAS, ,MNYAM GZHAG GI RGYA YIS BCINGS GYUR NA, , SDIG LTUNG RNAMS RANG SHUGS 'GAGS PAS BDE, ,DGE PHYOGS RNAMS BSNGO BAS RGYAS 'DEBS TSE, ,RANG DON GYI BSAM PA SPANGS GYUR NAS, ,GZHAN DON DANG BDEN MED RTZIS ZIN NA, ,CHOS GZUGS KYI RGYU RU 'GYUR BAS

BDE, ,BDE BDE YI GLU DBYANGS RING MO 'DI, ,MKHAS 'DOD KYIS BRTZAMS BA MA YIN YANG, ,GROGS MCHOG GI BLO NGO MA BZOD PAR, ,ME TOG GI MDANGS CAN GNAS SU SBYAR, ,'DI DON BZHIN NYAMS LEN BYAS BA'I DANG, , RGYAL KHAMS SU LO GSUM 'GRIMS GYUR NAS, ,BAN RGAN GYI SGYU LUS BLTA BA'I PHYIR, ,MJAL 'DZOM GYI SMON LAM YANG DAG THOB, ,CES SO, ,GNAS DER BZHUGS RING 'TSO BA MTHA' GNYIS LA MA LHUNG TZAM LA BRTEN NAS THUN BZHI'I RNAL 'BYOR LA GNAS TE, DPAL GSANG BA 'DUS PA DANG, YI DAM RDO RJE 'JIGS BYED SOGS LHAG PA'I LHA MANG PO'I BSNYEN SGRUB GNANG ZHING KHA SKONG BA'I SBYIN SREG KYANG ZHAG BCU SKOR SGREL NAS MDZAD, CHU DBAR DU BZHUGS SKABS NAS BZUNG YAR NGO MAR NGO'I TSES BCU RNAM GNYIS LA 'KHOR LO SDOM BA'I SGRUB MCHOD RGYAS BAS BDAG NYID 'JUG CING DBANG BZHES BA SOGS MDZAD, DE'I TSE MI DBANG PO LHA NAS KYIS DAM PA 'DI'I SNYAN GRAGS GSAN NAS DPAL LDAN RDO RJE CHED MNGAGS SU GNANG BAR, SANGS RGYAS KYI BSTAN PA'I DON DU SPYIR SKU RIM GANG DRAG MDZAD DGOS TSUL DANG, LHAG PAR DRAG PO'I LAS SBYOR GNANG DGOS TSUL DNGUL SRANG SUM CU SKOR DANG BCAS PHUL BA NA, NANG DU GTONG BAR MA MDZAD CING BUG SGO NAS NGED RANG DGE SKYOR CI BYED RGYAL BA'I BSTAN PA 'BA' ZHIG GI CHED DU BYED PA YIN, DE MIN DPON PO CHEN PO'I RIM GRO BYED PA BAS MI YOD, ,LHAG PAR DRAG PO'I LAS SBYOR GTAN NAS

, ,MI YONG ZHES NGO 'DZIN GANG YANG MA MDZAD PAR ZHU YIG RTEN BCAS PHYIR LOG BAR MDZAD DO, ,'DI NI RGYAL BA DGYES PA'I RNAM PAR THAR PA RMAD DU BYUNG BA ZHIG STE, YANGS PA'I SA CHEN PO LA STOBS KYIS 'KHOR LOS BSGYUR BA'I RGYAL PO'I BSNYEN BKUR YANG MCHIL SNABS BZHIN DU 'DOR BAR MDZAD NA, BSNYEN BKUR NGAN NGON TZAM LA MI CHAGS PA LTA CI SMOS, GNAS DER NGO MTSAR YA MTSAN CHE BA'I GCIGS SNANG SOGS MANG DU BYUNG MOD KYANG PHAL CHER GSUNG BAR MI MDZAD CING , RDZA PHUG TU BZHUGS SKABS DE'I SHAR NGOS KYI RI LA BDE GSHEGS MCHOD RTEN GYI RNAM PA RANG BYUNG DU YOD PA CHES GSAL BAR GZIGS SHING MCHOD RTEN GYI STENG NAS CHU 'BAB PA RGYUN PAR NYUNG DU DANG, DUS BZANG RNAMS LA CHER 'BAB CING BUG RON GYI RNAM PA LTA BU KHYU CHEN POS MCHOD RTEN LA SKOR BA MANG DU BYED PA GZIGS 'DUG CING , GZHAN YANG RJE BTZUN RED MDA' PA'I SKABS KYI GRUB PA'I MTSAN MA YA MTSAN CHA BA MANG DU GZIGS PA'ANG BYUNG 'DUG GO , DE NAS BLA MA 'DI NYID DGUNG LO RE GCIG TU PHEBS BA LTZAL SA PHO KHYI'I LOR MKHAN PO RIN PO CHE RJE BTZUN BLO BZANG YE SHES DPAL BZANG PO'I ZHAL DKYIL MJAL ZHING GSUNG GI BDUD RTZI MYONG BA DANG, RGYAL PA'I BSTAN PA LA

BYA BA MDZAD BZHED PA BCAS DGOS LA MANG DU GZIGS NAS NYE GNAS DANG BCAS TE CHOS GRVA CHEN PO BKRA SHIS LHUN POR PHEBS, LHAR BCAS 'GRO BA'I BLA MA PAn CHEN THAMS CAD MKHYEN PA CHEN PO'I ZHAL MJAL ZHING, RANG NYID LA DAD LDAN RNAMS KYIS PHUL BA'I CHAS DNGOS PHRAN BU YOD PA RNAMS DANG LUS LONGS SPYOD THAMS CAD LTOS PA MED PAR MAndAL DANG BCAS TE PHUL NAS, BDAG GZHAN RNAM DKAR DGE BA'I PHUNG PO'I MTHUS, , MGON KHYOD BSKAL BRGYA'I BAR DU ZHABS BRTAN NAS, ,RGYAL BA'I BSTAN PA PHYOGS BCUR RGYAS MDZAD DE, ,'GRO KUN BDE LA 'GOD PA'I BKRA SHIS STZOL, ,ZHES GSAR DU BRTZAMS PA'I TSIGS BCAD DANG BCAS ZHABS PAD BSKAL BRGYAR BRTAN NAS CHOS KYI 'KHOR LO BSKOR DU GSOL ZHES GSOL BA SHUGS DRAG TU 'DEBS PAR MDZAD, DE NAS SKU MDUN DU JA GRAL ZHIG GNANG BAR BLA MA'I YON TAN MTHONG BA'I DAD PA DANG, BKA' DRIN RJES SU DRAN PA'I GUS PA CHEN PO YOD PA'I KHAR GDUL BYA'I SNANG NGOR SKU NA MTHON POR PHEBS TSUL GZIGS PA'I RKYEN BYAS NAS SPYAN CHAB MNAN PAS MI THUB PA BYUNG, DE NAS BYIN RLABS ZHUS HE RE ZHIG NOR BU BRANG KHANG DU BZHUGS , RIM GYIS MGRON GNYER RNAMS BRGYUD NAS SKYABS MGON CHEN PO'I GSUNG RTZOM GANG YIN LA LUNG ZHIG DANG , LAM RIM MYUR,

, ,LAM LA BKA' KHRID CIG KYANG THUGS RJES GZIGS DGOS ZHES SNYAN 'BUL ZHUS PA NA, MGRON GNYER HA LAS PA LTAR BYAS TE, DE 'DRA GA NA YONG ZHES GSAN 'JOG MA MDZAD, SLAR YANG DAR PHUL TE NGA BAN RGAN SA'I MTHA' NAS GNAS 'DIR DON 'DI ZHU BA LA YONGS PA LAGS BAS CIS KYANG ZHU ROGS THUGS RJES GZIGS DGOS ZHES ZHUS PA NA, MGRON GNYER GYIS BKA' BKYON MANG DU MDZAD CING SKYABS MGON CHEN PO SPYAN MI GSAL BA'I TSUL BZHES LA DE 'DRA SUS ZHU NUS ZHES ZHU ROGS MA MDZAD PA NA, SLAR YANG DAM PA 'DI NYID TSE 'DI'I THUGS BSAM BLOS DOR TE BSTAN PA 'BA' ZHIG LA DMIGS PA'I THUGS KYIS, YANG MGRON GNYER GYI DRUNG DU PHEBS TE DON 'DI RNAMS SKYABS MGON CHEN PO'I SNYAN DU 'KHYOL BA ZHIG CIS KYANG ZHU ROGS MDZOD, SKU NA MTHO PA DANG SBYAN MI GSAL TSUL GYIS DA LTA MI YONG NA SLAR YONG NGAM, CHOS 'DI DAG GI LUNG RGYUN CHAD NA NI RANG RE RJES 'JUG KHA THABS ZHAN PAR 'GYUR, YONG MI YONG JI LTAR YANG SKYABS MGON CHEN BO'I SNYAN DU LHUNG BA ZHIG ZHU ROGS MDZOD, MI YONG BA'I BKA' PHEBS BYUNG NA BYA BA GZHAN MED PAS DBEN PA'I GNAS LA 'GRO ZHES NGO 'DZIN MED PAR THUGS NGAR DANG BCAS ZHUS PA NA MGRON GNYER YANG MDZAD THABS DKAL BA BYUNG NAS SNYAN 'BUL ZHUS PA NA, THUGS DGYES BZHIN DU ZHAL GYIS BZHES NAS, DE SNGA PHAN SHLOO KA RE GNYIS KYI LUNG GNANG YANG DMIGS

BSAL GYI YI GE CHEN PO BRIS NAS GNANG DGOS PA LA, DE SKABS PAR MA RANG GI STENG NAS SHOG BU SUM CU TZAM RE THUN RER GNANG BAS ZHABS 'BRING PA SOGS TSANG MA SANGS RGYAS KYI MDZAD PA NI SO SO SKYE BO'I BLO YUL LAS 'DAS SO ZHES NGO MTSAR YA MTSAN DU 'DZIN PA BYUNG, DE NAS DAM PA 'DI NYID DANG ZUR BZHI DPON SLOB SOGS BSHES GNYEN RGOS BSDUS LA SHRE YA'I LUNG TSANG MA GNANG, DENG SANG PAn CHEN THAMS CAD MKHYEN PA'I BKA' 'BUM LUNG RGYUN MA CHAD PAR BZHUGS PA NI BLA MA GRUB PA'I DBANG PHYUG 'DI NYID KYI BKA' DRIN YIN NO, ,DE NAS SLAR YANG LAM RIM GYI KHRID GNANG DGOS TSUL NAN GYIS ZHUS KYANG, SKU NA MTHO TSUL BZHES PA SOGS KYIS GNANG BA MA BYUNG BA'I TSE GSOL BA 'DEBS PA MAN NGAG BZHIN ZHES BYA BA'I MAN NGAG DE YI GER 'KHOD PA ZHIG CIS KYANG DGOS ZHES GSOL BA 'DEBS PAR MDZAD PAS, SKYABS MGON CHEN POS KYANG THUGS DGYES BZHIN DU LAM RIM GSOL 'DEBS KYI DMIGS SKOR MAN NGAG ZHAL SHES GYIS BRGYAN PA 'DI RTZOM PA GNANG NAS LJAGS LUNG YANG GNANG, DE NAS BLA MA NYID KYIS SNGA SOR GRVA SAR BZHUGS SKABS ZHABS DRUNG LHA PA SPRUL SKU RIN PO CHE DANG, ZHAL SNGA NAS 'JAM DBYANGS CHOS 'PHEL SOGS LA LAM RIM GYI KHRID GTING PHYIN PAR GSAN ZHING DBEN PA BSTEN NAS LO MANG POR THUGS NYAMS SU BZHES PAS RANG NYID KYI THUGS LA MI BDE BA GANG YANG MED KYANG, MYUR LAM 'DI LA KHRID RGYUN DAR BA ZHIG BYUNG NA DGONGS NAS SHAR RTZE ZHAL SNGA NAS BLO BZANG MGON

, ,PO LA MYUR LAM GYI KHRID LEGS PAR GSAN ZHING SKYABS MGON CHEN POR YANG RGYU MCHAN ZHUS BA NA, BLA MA NYID LA MYUR LAM GYI KHRID GNANG CHOG PA'I BKA' YANG KHROL PA BCAS PAn CHEN THAMS CAD MKHYEN BA'I GSUNG RNAMS MI NUB CING PHYOGS KUN TU DAR BA'I RTEN 'BREL 'GRIG PAS THUGS RAB TU TSIMS PAR GYUR TO, ,DE NAS BKRA SHIS LHUN POR BZHUGS RING BLO GSAR DON GNYER CAN RNAMS LA TSAD MA RNAM 'GREL ,DBU MA 'JUG PA SOGS GZHUNG MANG PO'I LUNG DANG, BLO SBYONG SOGS CHOS BKA' MANG DU GNANG NGO, ,DE NAS SNAR THANG SOGS GTZANG KHUL GYI GNAS RNAMS LA MCHOD 'BUL SMON LAM MDZAD NAS RIM GYIS GNYA' NANG BRGYUD DE BLA YUL DU PHEBS, KHYUNG RANG BYUNG SOGS BLA YUL GYI GNAS GRAGS CHE BA RNAMS MJAL NAS SMON LAM MDZAD, GTZO BOR SNGON RGYA GAR GYI PAn GRUB RNAMS KYIS KYANG RANG BYUNG GI MCHOD RTEN ZHES BSNGAGS BA RGYA CHER MDZAD PA 'PHAGS PA SHING KUN TU PHEBS, DER ZLA BA GCIG TZAM BZHUGS NAS DE'I RING LA ZHABS SKOR DANG, PHYAG 'BUM ZHIG GSOG BAR MDZAD, DE SKABS THUGS DAM BOGS CHE BA BYUNG YOD 'DUG STA BLA MA NYID KYI ZHAL NAS, ZAB MO DBU MA'I LTA BA 'DI RTOGS PA LA BLA MA LA GSOL BA 'DEBS PA DANG, BSAG SBYANG RANG GAL CHE GSUNG, BSAG SBYANG LA MANG DU 'DUG PA LAS GANG GAL CHE ZHUS PAS, LTUNG BSHAGS LA BRTEN NAS BYED PA GAL CHE TSUL SNGON RJE BTZUN TZONG KHA PA CHEN PO DANG, RTOGS LDAN 'JAM DPAL RGYA MTSO SOGS BKA' RGYUD

'DI'I DAM PA GONG MA RNAMS KYIS MDZAD TSUL GYI KHANGS DANG BCAS ZHIB TU GSUNG, BLA MA NYID KYIS JI LTAR MDZAD ZHUS PAS, NGAS SHING KUN TU LTUNG BSHAGS LA RTEN NAS BSAG SBYANG ZLA BA GCIG GI RING BYAS, DE DGA' MO BYUNG ZHES GSUNG ,DA NAS RIM GYIS YAR PHABS TE SKYID GRONG DU PHEBS, DE NAS 'DIR BZHUGS KYI NGES PA MED PA LA, DGE SLANG DGE 'DUN GYIS CHU TSAN BAR PHEBS BSUR PHYIN NAS, BLA MA RIN PO CHE'I BZHUGS GNAS PHUG PO CHE ZHES BYA BA ME TOG MDANGS CAN LAS SA DMA' ZHING, DBYAR BSIL LA DGUN DRO BA, SHING LJON PA BZANG POS KHOR MOR BSKOR BA, GNAS DBEN ZHING YID DU 'ONG BA ZHIG BTZAL NAS YOD BAS DER PHEBS BAR ZHU ZHES GSOL BA BTAB BA NA, MA 'ONGS PA'I 'BYUNG 'GYUR MKHYEN CING DUS LA BAB PAR GZIGS NAS LCAGS MO PHAG GI LOR DGA' LDAN PHUG PO CHER PHEBS SO, ,DE LTAR DGA' LDAN PHUG PO CHER PHEBS TE SA GZHI BYIN GYIS BRLABS SHING ZLA SHES BZHUGS NAS GANGS RIR PHEBS RTZIS MDZAD PA NA ,BLA MA SNGAGS RAM PAS DA RES BZHUGS DGOS PA'I GSOL 'DEBS MDZAD PAS RE ZHIG BZHUGS PAR ZHAL GYIS BZHES, DE NAS BLA MA NYID LA MI PHYED PA 'DAD BA CAN RDZONG DKAR MKHAN PO DKA' CHEN CHOS MDZAD KYIS SNGA MO NAS GSOL BA BTAB PA LTAR; KHONG GIS GTZO MDZAD DGE 'DUN MANG TZAM LA BYANG CHUB LAM RIM CHEN MO, LAM RIM CHUNG BA, RDO RJE 'CHANG CHEN PO'I LAM GYI RIM PA, RTZA LHUNG RNAM BSHAD, BLA MA LNGA BCU PA'I RNAM BSHAD SOGS RJE RIN PO CHE'I GSUNG

, ,MANG PO'I LUNG; RJE BTZUN BLO BZANG CHOS KYI RGYAL MTSAN DPAL BZANG PO'I GSUNG 'BUM PHAL CHE BA'I LUNG, ZAB LAM NAM MKHA' SGO 'BYED KYI BKA' DBANG, GCOD GZHUNG THAR 'DOD DED DPON MA'I KHRID MAN NGAG ZHAL SHES KYIS BRGYAN PA NYAMS MGUR GYI DBYANGS DANG GNYAN SAR 'GRO TSUL SOGS PHYAG LEN RNAMS KYANG MTHIL PHYIN KHRID PAR MDZAD, GZHAN YANG LHA BTZUN RDO RJE NAS BRGYUD PA'I CHOS BKA' MANG BO DANG, BLO SBYONG GI KHRID, LAM RIM GYI KHRID SOGS ZAB CHOS MANG DU STZAL, DE NAS RDZONG DKAR MKHAN POS SBYIN BDAG MDZAD NAS DGE SLONG RNAMS KYI TSOGS KHANG DANG RUNG KHANG SOGS BZO BAR MDZAD, 'DI SKABS TSOGS KHANG GI GZHI 'DING BA NA, SA DE NA PHA BONG MANG DU YOD PA RNAMS MI GZHAN GYIS THABS CI BYAS KYANG BSGUL MI THUB PA RNAMS, BLA MA NYID KYIS LCAGS KYI THUR MA CHUNG DU ZHIG GIS THABS MDZAD NAS DKA' TSEGS MED PAR 'THON PAR MDZAD PAS 'DI NI NGES BAR RDZU 'PHRUL LO ZHES GRAGS PA'ANG BYUNG 'DUG ,'DU KHANG GI 'OG GZHI'I SA'I NANG NAS DPAL LDAN LHA MO'I RTEN GTOR CI 'DRA BA'I RDO ZHIG THON PAS KUN YA MTSAN CHE BAR BYUNG ZHING, SLAR TSOGS KHANG GI SBUG TU 'JOG PAR MDZAD DO, ,DE SNGA PHAN GSHIN PO'I BSNGO ZHUS SOGS GTAN NAS BZHES PAR MI MDZAD PA LA, RDZONG DKAR MKHAN PO LA SOGS PAS SHI GSON KUN LA PHAN PA'I PHYIR BSNGO ZHUS LA SOGS PA RNAMS CIS KYANG BZHES DGOS ZHES GSOL BA BTAB PHAS, DE PHYIN CHANG BZHES PAR MDZAD

NAS DAR KHA GANG YAN CHAD RDZAS CHE CHUNG CI BYUNG YANG BDAG GIR MI MDZAD PAR DGE 'DUN LA BSNGO BAR MDZAD CING, CHUD ZOS SU MI 'GYUR BA'I DAM BSGRAGS NAN CHE BAR MDZAD, SKABS SHIG TU GRVA CHOS GLING NAS 'BA' RA SPRUL SKU MJAL BAR PHEBS TE CHOS KYI BKA' DRIN ZHUS PA NA, THUGS DGYES PA CHEN POS JO BO RJE DPAL LDAN AA TI SHA'I CHOS CHUNG BRGYA RTZA SOGS CHOS BKA' MANG DU GNANG, DE NAS BLA MA NYID DGUNG LO RE LNGAR PHEBS PA STAG GI LO'I NANG DU SKYABS MGON CHEN PO'I ZHAL MJAL BA'I PHYIR GTZANG PHYOGS SU PHEBS BZHED PA NA, RDZONG DKAR MKHAN POS KYANG GANG CI'I ZHABS TOG 'O MI BRGYAL BA MDZAD RTZIS ZHUS NAS RDZONG DKAR MKHAN PO DPON G-YOG RNAMS DANG STABS GCIG TU RIM GYIS PHEBS NAS BKRA SHIS LHUN PO'I KLU SDINGS SU COG GUR PHUB NAS BZHUGS, GLANGS LO'I MJUG NAS BZUNG PAn CHEN THAMS CAD MKHYEN PA CHEN PO RJE BTZUN BLO BZANG YE SHES SKU KHAMS BSNYUN TSUL BZHES NAS, STAG LO ZLA BA DANG BO GNYIS PA'I NANG DU SKU BSNYUN TSUL CHER BZHES SHING, DE DAG GI TSE NAM MKHA' 'JA' 'OD KYIS KHYAB CING SKABS SKABS SU 'JA' DKAR PO ZUG PA YANG YANG BYUNG, GZHAN YANG LTAS SNA TSOGS BYUNG BA BCAS GRVA SA CHEN PO RNAMS KYIS GTZOS THA GRU KUN NA BZHUGS BA'I DGE 'DUN RNAMS KYIS ZHABS BRTAN SKU RIM LA KHOR MO YUG TU 'GRUS PAR MDZAD CING, LHAG BAR BLA MA NYID LA BLA BRANG CHEN PO NAS SKYABS MGON CHEN BO'I ZHABS BRTAN LA DMIGS PA'I TSE SGRUB CIG MDZAD DGOS TSUL GNANG BAR BKRA SHIS

, ,LHUN PO'I GLING DU BZHUGS NAS ZLA SBREL GYI BAR LA SKU MTSAMS SHIN TU DAM PAR BCAD NAS GRUB RGYAL LUGS KYI TSE SGRUB LA THUN BZHIR MDZAD, DE'I TSE LHAR BCAS 'GRO BA'I BLA MA 'DIM BZHUGS NA NI SKYA BO THAMS CAD MGON DANG BRAL ZHING THUB PA'I BSTAN PA YANG CHU DANG BRAL BA'I PADMA BZHIN DU SKAD CIG LA NYAMS PA LA TSOGS MED CING, DE LTAR NA 'GRO BA'I BDE SKYID KYANG NUB PAR 'GYUR BAS, SKYABS MGOM CHEN PO 'DI NYID KYI ZHABS BRTAN LA 'BAD BA NI 'GRO BA SEMS CAN THAMS CAD KYI DON GYI MCHOG GO SNYAM DU DGONGS NAS TSE SGRUB LA SHIN TU 'GRUS PAR MDZAD CING, THUN RER GZUNGS RING STONG PHRAG RE MA THA 'GRO BAR MDZAD PA SOGS BYA DKA' BA'I BRTZON 'GRUS KYIS BZLAS SGOM LA BRTZON PAR MDZAD PAS, MGON PO TSE DPAG MED KYIS BYIN GYIS BRLABS PA'I DAG PA'I MTSAN MA KHYAD PAR CAN YANG BYUNG ZHING 'DOD PA'I DON GRUB PA'I RTAGS DANG MTSAN MA LEGS PAR BYUNG NAS SKU MTSAMS GROL, DE NAS SKYABS MGON CHEN PO YANG GDUL BYA YONGS KYI BSOD NAMS KYI MTHUS SKU KHAMS LEGS PAR DVANGS TSUL BZHES, DE NAS MI RING BAR SKYABS MGON CHEN POR BYIN RLABS ZHUS TE DON GNYER CAN KHA SHAS LA LHO BRAG BKA' 'BUM SOGS TSOS BKA' MANG DU GNANG NAS PAn CHEN THAMS CAD MKHYEN PA CHEN POR 'DI PHYIR DGE BA'I SKYABS 'JUG ZHUS NAS RIM GYIS PUG CHEN SGRUB SDER PHEBS, DE NAS RE SHIG SKU MTSAMS DAM PO LA BZHUGS, SKU MTSAMS GROL NAS YOS LO ZLA BA BZHI BA'I NANG DU SMYUNG GNAS

GYI 'GO BTZUGS NAS CHOG BRGYAD TSAR GSUM SBREL NAS ZLA BA PHYED GNYIS LHAG TZAM GYI RING LA SMYUNG GNAS MDZAD DE, GDAN GCIG DANG KHRUS KYI RIM PA, DNGOS GZHI LHA DRUG SGOM TSUL SOGS BYA BA'I RGYUD NAS BSHAD PA LTAR PHYAG LEN SHIN TU DAG BAR MDZAD CING, PO BSTOD NYER GCIG GI RING DBYANGS DANG BCAS TE PHYAG 'TSAL LA BRTZON PAR GNANG, GTZO CHER YIG DRUG GA BSNYEN PA THUN RER KHRI TSO RE TZAM 'GRO BAR MDZAD NAS SHIN TU 'GRUS PAR MDZAD PAS NUB CIG MNAL LAM DU MI DKAR BO ZHIG GIS DA GZUNGS RING BGRANG NA LEGS ZHES BRJOD PA ZHIG GSAL BAR BYUNG BAS DE PHYIN GZUNGS RING LA BRTZON PAR MDZAD, TSUL 'DI LA DPAGS NA DE'I TSE DAG PA'I MTSAN MA MANG PO BYUNG YOD TSOD 'DUG KYANG DE TZAM LAS GSUNG BA MI GNANG, DE'I TSE GRVA SLOB RNAMS BLA MA BDAG NYID CHEN PO SKU NA 'DI LTAR DU MTHO BA YANG PHYAG 'TSAL SOGS BSAG SBYANG LA 'DI LTAR 'GRUS PAR MDZAD NA, BDAG CAG LE LOR GNAS PA GA LA RIGS SNYAM DU CHUD DANG PHRAD PA'I PADMA BZHIN DU DPON SLOB TSANG MA THUGS DAM SHIN TU 'PHEL, ZLA BA BDUN PA'I NANG DU BSLAB PA KUN LAS BTUS PA, RGYAL SRAS BKA' 'BUM, DGONGS PA RAB GSAL, RTZA SHE'I t'IKA CHEN SOGS CHOS MANG DU GNANG, DON GNYER CAN KHA SHAS LA BSNYEN RDZOGS KYANG GNANG, DE NAS STON GYI RING LA MKHAS GRUB THAMS CAD MKHYEN PA'I BKA' 'BUM THOR BU BA, SDOM GSUM RNAM GZHAG THUB BSTAN BYI DOR, ZHU LAN NOR BU'I PHRENG BA, BLO SBYONG MTSON CHA

, ,'KHOR LO, MDO SDE RGYAN, MI RTAG PA'I TSOMS, DRANG NGES RNAM 'BYED, MDO SDE BSKAL BZANG, MDZANGS BLUN, BRGYAD STONG BA RNAMS KYI LUNG GNANG ZHING BRGYAD STONG BA GNANG SKABS SPYAN CHAB MANG DU BYUNG BA SHANGS PHYIS KYI SHANGS SNABS PHYID PA'I RNAM PA DANG, ZHAL GDONG LA 'GEB PA SOGS MDZAD NAS, SPYAN CHAB MI MNGON PAR MDZAD KYANG, BRGYAD STONG PA GNANG RING SPYAN CHAB NAR MAR BYUNG ZHING, SKABS SKABS SU SPYAN HUR BAG TU MDZAD NAS DGYES PA'I RNAM PA SHIN TU CHE BA RE YANG MDZAD, RES 'GA' ZAB MO'I DKA' GNAS 'DRA LA GZIGS NAS DAN SO RGAS SONG GZHAN MA CHOS BYA RGYU RANG ZHIG 'DI NA 'DUG PA YIN TE ZHES GSUNG BAR YANG MDZAD, 'DI NI RGYAL BA'I BSTAN BA SPYI'I GNAD MKHYEN PA'I MKHAS BA RNAMS LA NGO MTSAR BSKYED PA'I RNAM BAR THAR BA ZHIG STE, SNYIGS MA LAS KYANG CHES SNYIGS MAR GYUR PA'I DUS 'DIR RGYAL BA'I GSUNG RAB RNAMS RIM GRO LA NYE BAR MKHO BA DANG, PHYAG MCHOD KYI YUL TZAM DU 'DZIN PA MA GTOGS NYAMS LEN GYI GNAD RNAMS DE NA YOD PA'I THE TSOM TZAM YANG SKYE BA SHIN TU DKON PA LA, DAM PA 'DIS NI GDAMS PA'I GNAD MTHAR THUG RNAMS GSUNG RAB NYID LA YOD PAR GZIGS PA YIN NO, ,DE NAS 'BRUG LO ZLA BA BZHI PA'I NANG DU DON GNYER CAN RNAMS KYIS YUN RING MO NAS GSOL BA BTAB BA LTAR DUS GSUM GYI SANGS RGYAS THAMS CAD GANG NAS GSHEGS SHING GSHEGS PAR 'GYUR BA'I LAM PO CHE, SDE SNOD GSUM GYI BRJOD BYA THAMS CAD PHYOGS GCIG TU BSDUS PA,

DPAL LHA CIG D'I BAm KA RA DANG CHOS KYI RGYAL BO TZONG KHA BA CHEN PO GNYIS KYI THUGS KYI BCUD BYANG CHUB LAM GYI RIM BA'I DMAR KHRID, RJE BTZUN BLO BZANG YE SHES DPAL BZANG PO'I GSUNG MYUR LAM GYI STENG NAS SHIN TU RGYAS PA DPAL DBEN SA PA'I MAN NGAG GI GNAD RNAMS TSANG BAR ZLA BA GCIG GI RING GNANG, CHOS KYI DKYIL TZAM DU SKU KHAMS MI BDE BA ZHIG BYUNG NAS NYIN GCIG GNYIS CHOS MTSAMS MDZAD DGOS BYUNG BAS, DGE SLONG RNAMS KYIS RANG RANG GI 'BYOR PA CI YOD BSDUS NAS BLA MA GRUB PA'I DBANG PHYUG CHEN POR SKU GSUNG THUGS RTEN, DBU ZHVA, SNAM SPYAR, LHUNG BZED, GDING BA SOGS YO BYAD CI 'BYOR DANG BCAS MAndAL PHUL TE ZHABS PAD BSKAL BRGYAR BRTAN PA DANG SKU BSNYUN BA'I TSUL MI STON PAR CHOS KYI 'KHOR LO BSKOR DU GSOL ZHES GSOL BA BTAB PA NA, CHOS PHYIR LUS LONGS SPYOD THAMS CAD 'BUL BA NI KHYED RANG RNAMS TSOGS RDZOGS SHING SNGON GYI GRUB CHEN RNAMS KYI RNAM THAR DANG MTHUN PAS RTEN 'BREL LEGS ZHES GSUNG ZHING DGYES NYAMS CHEN PO MDZAD, DE MA KHAD BSNYUNG GZHI LEGS PAR DVANGS SHING CHOS 'PHRO YANG DGYES BZHIN RDZOGS PAR GNANG, CHOS GROL NAS GTANG RAG GI MCHOD PA RGYAS BAR BSHAMS TE SEMS BSKYED ZHUS PAR SPYOD 'JUG NAS 'BYUNG BA LTAR DGYES BZHIN DU GNANG, 'BRUG LO'I STON RJE MI LA'I RNAM MGUR, TSUL KHRIMS LE'U'I RNAM BSHAD BYANG CHUB GZHUNG LAM, 'DUL BA MDO RTZA, TSAD MA RNAM 'GREL, DBU MA RIGS TSOGS DRUG ,'DUL BA'I BSLAB BYA CHAN MO, GZHI GSUM CHO GA SOGS LUNG MANG

, ,PO DANG, BYIN RLABS NAM MKHA' SGO 'BYED KYI DBANG, GCOD KYI ZAB KHRID RGYAS BA BCAS GNANG NGO, ,DE NAS SBRUL LO'I NANG DU PHAL CHER SKU MTSAMS LA BZHUGS SHING DON GNYER CAN RNAMS LA PAn CHEN THAMS CAD MKHYEN PA RJE BLO BZANG YE SHES KYI GSUNG 'BUM GYI LUNG SOGS CHOS BKA' MANG DU GNANG, DA NAS RTA LO DANG LUG GI LO PHAL CHER SKU MTSAMS LA BZHUGS SHING, LUG LO'I STON DGA' LDAN PHYAG RGYA CHEN PO'I BKA' KHRID SNGON 'GRO'I KHRID BZHI DANG BCAS PA RGYAS PAR STZAL, DE LTAR BLA MA BDAG NYID CHEN PO 'DIS BSTAN PA'I DON DU DGE 'DUN GYI SDE BTZUGS SHING BCAS KHRIMS DAM PAR MDZAD, RDZONG DKAR CHOS SDE NAS RAB BYUNG DON DU GNYER BA RNAMS LA YANG DGYES BZHIN DU GNANG, GZHAN YANG GRUB MTHA'I PHYOGS LHUNG GTAN NAS MI MNGA' BAR RIS SU MA CHAD PA'I SKYE 'GRO KUN LA THUGS BRTZE BA 'BA' ZHIG MDZAD PAS, GRUB MTHA' RIS SU MA CHAD PA'I BSTAN 'DZIN THAMS CAD KYANG DAM PA 'DI'I ZHABS LA GTUGS NAS BYIN RLABS DANG CHOS 'BREL ZHU BA DANG, DGE BSNYEN, DGE TSUL, DGE SLONG GI SNGOM PA BLANGS NAS THUB PA'I BSTAN PA LA ZHUGS TE BCAS KHRIMS SRUNG BA MANG DU BYUNG BAS, BAL BOD MTSAMS KYI YUL PHYOGS 'DIR THUB PA'I BSTAN PA MING TZAM YANG MA LUS PAR NUB PA'I DUS 'DIR BLA MA GRUB PA'I DBANG PHYUG CHEN PO 'DIS THUB PA'I BSTAN BA DAR BAR MDZAD PAS NA RGYAL BA'I BSTAN PA LA BYA BA CHEN PO MDZAD CING BAL BOD MTSAMS KYI SKYE 'GOR RNAMS LA BKA' DRIN ZLA MED DU MDZAD DO,,

DA LTAR SKU DNGOS KYI GDUL BYA 'DUL BA'I MDZAD PA RNAMS RDZOGS NAS ZHING KHAMS GZHAN DU 'BYON PA'I DGONGS PA GTAD BAN MI RTAG PA'I GSUNG YANG YANG GNANG ZHING, DUS BZHI'I 'GYUR LDOG LA BRTEN NAS NAM ZLA DBYAR KHA KHO SONG, STON KA RU SLEB BYUNG GSUNG BA SOGS MI RTAG PA'I GTAM RANG GSUNG, RES 'GA' GSUNG SGROS KYI MU NAS SNGON GYI BYUNG BA MANG PO DANG, JO BO RJE DANG, RJE BTZUN TZONG KHA BA YAB SRAS RNAMS KYIS DGUNG LO JI TZAM BZHUGS PA SOGS GSUNGS NAS , SNGON GYI DAM PA RE GNYIS MA GTOGS NGED RANG YANG LO RING TSAD DU SLEB PA YIN PAR 'DUG CES GSUNG BA DANG, YANG LAN CIG LO GSUM TZAM NAS 'CHI BA SHES KYIN YOD PA 'DRA, LO GCIG NAS 'CHI BA NI SHES TSOD RANG DU 'DUG CES GSUNGS NAS BZHAD MO MDZAD DE ,DE NI RANG NYID JI TZAM LA GSHEGS MKHYEN PAR 'DUG GO, DE NAS SKU BSNYUNG TSUL MDZAD CING BZHENG BZHUGS DKA' BAR BYUNG BA'I TSE, DA NI GSUNG RIS DANG MDZAD PA GANG LA BRTAGS KYANG MA LEGS SO SNYAM NAS ZHABS BRTAN LA BRTZON PAR BYAS SHING, SPYI SGER THAMS CAD NAS ZHABS BRTAN PHUL BAR THUGS MNYES MNYES MDZAD CING ZHAL BZHES NI MA GNANG, TSE RING DU GNAS NA RNAM DKAR GYI, ,LAS BZANG PO SGRUB PO SHI YANG BDE, ,LAS BAG CHAGS BZANG PO'I DANG DU 'CHI, ,AA LA LA GSON SHI SEMS LA SNYOMS, ,TSE SGRUB KUN JI LTAR DGYES DGYES MDZOD, ,CES GSUNGS PA DE YIN PAR 'DUG CES GSUNG BA DANG, YANG LAN CIG KHYED GROGS PO TSOS 'DI GTZAM GYI DAG SNANG BYED LUGS KYIS

, ,DBEN SA SNYAN RGYUD KYI BSTAN PA 'DI DA DUNG DAR RGYU YIN SHAS CHE ZHES TSIG NUS PA CAN DBYAD DKA' BAR GSUNG, DE NAS BLA MA NYID KYI PHYAG NA YOD PA'I DNGOS CHAS RNAMS DGE PHYOGS SU BSNGO BAR MDZAD, ZHABS 'BRING DU 'KHOD PA'I DGE SLONG RNAMS LA YUM GSUNG SGROG DANG RDO RJE 'JIGS BYED KYI SGRUB MCHOD CIG TSUGS GSUNGS, DE LTAR BKA' BZHIN DU BSGRUBS SKU GZUGS BSNYUNG BAB LCI YANG ZHAL MDANGS SHIN TU RGYAS SHING DED DPON YID BZHIN GYI NOR BU THOB NAS RANG YUL DU 'GRO BA LTAR ZHING BRJE BA LA DGYES NYAMS KYI SPRO BA CHEN BO MDZAD CING, SKU DNGOS KYI GDUL BYA RNAMS RDZOGS PA NA DGUNG LO DON GNYIS SU PHEBS PA LCAGS MO BYA LO'I ZLA BA GSUM PA'I TSES BCU'I NAM LANGS TZAM LA LHA DANG LHA MO RNAMS KYIS GDUGS DANG, RGYAL MTSAN DANG, BA DAN DANG, ROL MO SOGS MCHOD PA'I BYE BRAG BSAM GYIS MI KHYAB BA THOGS PA'I BSU BA DANG BCAS TE DGA' LDAN YID DGA' CHOS 'DZIN DU GSHEGS SO,, DE'I TSE THAMS CAD STONG PA 'OD GSAL MNGON DU MDZAD PA NA, 'OD GSAL DE NYID 'DI 'DRA'O ZHES MTSON PA'I PHYIR DU NAM MKHA' NI SPRIN DANG, RDUL DANG, KHUG RNA SOGS GANG GIS KYANG SGRIB PA MED PA SHIN TU G-YA' DAG CING, SA GZHI LA RLUNG GI RGYU BA PHRA MO TZAM YANG MED PAR GYUR TE, DE NAS DGE SLONG RNAMS KYIS DPAL RDO RJE 'JIGS BYAD CHEN PO'I DKYIL 'KHOR ZHAL PHYE NAS BLA MA DANG DKYIL 'KHOR GYI GTZO BO THA MI DAD PA LA PHYI NANG GSANG BA DE KHO NA NYID KYIS MCHOD CING, SMON LAM

KHOR YUG TU MDZAD, STENG 'OG NAS BYANG SEMS BABS PA SOGS THUGS DAM GROL BA'I RTAGS RNAMS BYUNG BAN, PHYOGS MTHA' DAG NAS 'DUS PA'I DAD LDAN RNAMS KYIS MCHOD PA DPAG TU MED PA PHUL ZHING GSOL BA BTAB NAS LAS BZANG PO'I 'BREL PA BZHAG ,THUGS DAM GROL BA NAS BZUNG NAM MKHA'I DKYIL RGYA MTHING BZANG PO'I MDOG LTAR SNGO ZHING DANGS PA LA, PHYOGS KYI RI RTZE RNAMS SU SPRIN GSAR DKAR PO BLA BRE LTAR BRES PA DANG, 'GA' ZHIG GDUGS LTA BU, 'GA' ZHIG BA DAN LTA BU, 'GA' ZHIG RGYAL MTSAN LTA BU DANG, PHYOGS PHYOGS SU 'JA' 'OD KHA DOG SNA LNGA PA 'PHYANG BA SOGS ZHAG MANG PO'I BAR LHA RNAMS KYIS MCHOD PA'I LTAS DPAG TU MED PA BYUNG NGO, ,BLA MA BDAG NYID CHEN PO 'DI'I RNAM PAR THAR PA RGYAS PAR NI THUB BSTAN MDZES RGYAN RIN PO CHE'I PHRENG BA DANG, GSANG BA MCHOG GI MDZAD PA LAS BRTZAMS TE RTOGS PA BRJOD PA DNGOS GRUB KYI SNYE MA ZHES BYA BA GNYIS SU BDAG GIS RGYAS PAR BRIS ZIN PAS DA DAG LAS SHES SAR BYA'O, , DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BYA BRAL GRUB PA'I DBANG PHYUG CHEN PO 'DI LA GSOL BA 'DEBS SHING, BDAG NYID CHEN PO 'DI'I RNAM THAR LTAR MDO SNGAGS KYI GZHUNG LA THOS PA PHU THAG CHOD PA BYAS SHING SNYAN RGYUD KYI MAN NGAG THOB PAR BYAS LA TSE 'DI BLOS BTANG STE DBEN PA'I RI SUL DU 'CHO BA DKA' THUB LA GNAS NAS TSE DANG SGRUB PA MNYAM PAR BYA ZHING, DE TZAM MA THUB KYANG BDAG NYID CHEN PO 'DI'I MDZAD PA RNAM THAR RNAMS

, ,SMON LAM GYI YUL DU BYAS TE NYIN RE BZHIN LAM CHA TSANG LA BAG CHAGS CI THEBS BYA'O,, ` ,,RJE BTZUN BLO BZANG CHOS KYI RGYAL MTSAN NAS DRUNG BA YAB SRAS RNAMS DANG DE NAS RJE SGRUB KHANG PA SOGS LA BRGYUD PA'I BLA MA RNAMS KYI RNAM PAR THAR PA 'CHAD PA LA DRUNG BA RGYAL TSAB BA'I RNAM THAR NI SNGAR BRJOD ZIN LA, RJE BTZUN BLO BZANG DAM CHOS RGYAL MTSAN ZHES BSNGAGS PA, DRUNG PA RTA PHUG PA BLO BZANG DAM CHOS RGYAL MTSAN NI, STOD MNGA' RIS SKONG GSUM GYI NANG TSAN ZANGS DKAR GYI YUL GYI CHA ZANGS LA ZHES BYA BAR YAB MNGA' RIS CHOS RGYAL GYI GDUNG RGYUD DPAL LDE ZHES BYA BA DANG, YUM SKYID 'DZOM ZHES PA GNYIS KYI SRAS SU LUG GI LO NGO MTSAR BA'I LTAS DANG BCAS TE 'KHRUNGS, DE GONG DU SRAS MANG PO TSE MA ZIN PAS SRI CHOD THABS SU GZHON NU 'DI'I MTSAN LA KHYI DPAL LDE ZHES BTAGS, SKYES RABS MANG BOR LAM LA SBYANGS PA'I BAG CHAGS SAD PAS MNO SHES PA NAS BZUNG BYIS PA THA MAL PA LTAR NGAN SPYOD GANG YANG MI MDZAD PAR SKU GSUNG THUGS RTEN MTHONG NA DGA' ZHING DE LA MCHOD PA BYED PA DANG, GSUNG NGAG MA BYE GONG DU YANG TSIG 'BRU MI GSAL BAR CHOS DANG GZUNGS SNGAGS SNA TSOGS BZLA BA ZHIG BYUNG, DE NAS DBUS GTZANG CHOS KYI ZHING DU PHYIN NAS CHOS RNAM DAG CIG BYA 'DOD PA NAR MAR BYUNG YANG YAB YUM DANG NYE DU SOGS KYIS GTONG DU MA NYAN PAR RE SHIG KHYIM DU

ZHUGS NAS 'DRI KLOG DANG CHOS SPYOD 'DZIN PA SOGS LA BRTZON PAR MDZAD, DE NAS DGUNG LO BCU DRUG LON PA'I TSE DRUNG BA BLO BZANG RNAM RGYAL ZHES PA'I DAM PA ZHIG YOD PA DE'I DRUNG DU SKRA BCAD, YONGS RDZOGS DGE BSNYEN KYI SDOM PA ZHUS, DE SKABS PAn CHEN BLO BZANG CHOS KYI RGYAL MTSAN GU GE MTHO LDING DU PHEBS NAS MNGA' RIS SKOR GSUM GYI SKYA SER TSANG MAS DAD GUS BLA LHAG TU CHE BAR BYED PAS DAM PA 'DI LA'ANG DRUNG PA BLO BZANG RNAM RGYAL GYIS PAn CHEN BLO BZANG CHOS KYI RGYAL MTSAN GYI MTSAN NAS DRAS TE BLO BZANG RGYAL MTSAN ZHES BTAGS, DE NAS RTZA BZHI CHANG DANG BCAS PA SROG DANG BSDOS TE BSRUNG ZHING YUL DE'I DBEN GNAS DU MAR DGE SBYOR LA BRTZON PAR MDZAD, DE'I TSE BYA BRAL GNAS NGES MED DU 'BYON PA MTHONG TSE BDAG KYANG NAM ZHIG NA TSE 'DI'I GNYEN NYE DU GANG GIS KYANG MTHONG TSOR MED PAR DBEN PA'I RI SUL DU 'TSO BA DKA' THUB LA GNAS NAS DPON MED G-YOG MED SNA THAG MGO DKRIS KYI SPYOD PAS SGRUB PA SNYING BOR BYED BZHIG NAM 'ONG SNYAM PA 'BA' ZHIG 'KHRUNGS, DE NAS SNGAR DBUS GTZANG DU SLOB GNYER LA 'GRO MYONG BA 'GA' ZHIG GIS MNGON RTOGS RGYAN ZIN NA YONG ZHES BSKUL BA NA DRUNG PA 'DI BA GROGS MCHED GSUM GYIS 'DZIN PAR MDZAD DE NYIN RE BZHIN NAM LANGS TE YI GE MTHONG TZAM NAS KHANG BA LA NYIM MA SHAR GYI BAR LA SHLOO KA BCO BRGYAD RE 'CHAG MED DU 'DZIN PAR MDZAD, GZHAN YANG BSHES SPRID DANG DBU MA 'JUG PA SOGS GZHUNG MANG PO GZUNG BAS DER GNAS PA KUN NGO MTSAR YA MTSAN DU

, ,GYUR NAS 'DI 'DRA BA'I MKHYEN RABS CHE BA DBUS GTZANG DU PHYIN NAS GZHUNG LUGS CHEN MO RNAMS LA SBYANGS NA GZHAN DANG MI 'DRA BA ZHIG 'ONG ZHES BSNGAGS PA BYUNG, DE NAS DGUNG LO NYER LNGA LA BAB PA NA KHYIM GYI GNAS NI SDUG BSNGAL DU MA'I 'BYUNG GNAS SU RIG NAS YID 'BYUNG DANG SKYO SHAS SHUGS DRAG POS DA RIS DAL BA'I RTEN LAN CIG THOB PA 'DI DON LDAN DU BYA PHYIR DBUS GTZANG DU PHYIN LA CHOS RNAM DAG CIG BYA'O SNYAM DU THAG BCANG NAS RANG YUL NOR LONGS SPYOD GNYEN NYE DU THAMS CAD DANG GSON BRAL BYAS NAS RIGS MTHON POR SKYAS PA'I NGA RGYAL DANG SNYEM BA GANG YANG MED PAR 'TSO BA BSOD SNYOMS LA BRTEN TE BYA BRAL RTUL ZHUGS KYI SPYOD PAS DBUS GTZANG GI LJONGS SU PHEBS SO, ,DE NAS BKRA SHIS LHUN POR PHEBS PA NA PAn CHEN BLO BZANG CHOS KYI RGYAL MTSAN SOGS DMAG GI CHIN GSAL PHEBS PA DANG THUGS STE MA BZHUGS PAS DKYIL KHANG GI RDZA ZHAL SNGA NAS SMAN BLA MA'I DRUNG DU RAB TU BYUNG STE DGE TSUL BSGRUBS, MTSAN SNGAR GYI DE'I STENG DU DAM CHOS ZHES PA BSNAN TE BLO BZANG DAM CHOS RGYAL MTSAN ZHES BTAGS, DGE TSUL GYI BSLAB BYA RNAMS LEGS PAR BSRUNG ZHING GZHUNG LUGS LA SBYOD BA'I 'GO BRTZAMS, DE NAS PAn CHEN THAMS CAD MKHYEN PA BLO BZANG CHOS KYI RGYAL MTSAN PHEBS PA NA MJAL BAR BYON PAS DRUNG PA 'DI NYID RJE NYID KYI THUGS SRAS DAM BAR 'GYUR BAR MKHYEN NAS SKU MDUN DU BZHAG NAS YUL GANG NAS YIN DON GANG LA

'ONGS SOGS BKA' DRI ZHIB TU GNANG BAR RANG GI YUL DANG DE NAS 'ONGS PA'I BSAM BA'I KHYAD PAR RNAMS ZHIB TU ZHUS BA NA THUGS SHIN TU MNYES NAS DA KHYOD 'DI RU SDOD DAM DBUS SU 'GRO GSUNGS, DRUNG PA 'DI BAS AA KHU DRUNG PA RGYAL TSAB PA DANG POR DVAGS PO GRVA TSANG LA BYON PAS BDAG KYANG DVAGS PO GRVA TSANG LA 'GRO ZHUS PAS, PAn CHEN THAMS CAD MKHYEN PA CHEN PO'I ZHAL NAS GRVA SA GAR PHYIN YANG RANG GIS NUS PHYIN MTSAN NYID KYI SLOB GNYER BYED PA LA KHYAD MED DE DBANG LUNG MAN NGAG THOB PA LA 'DIR BSDAD NA LEGS BA YONGS GSUNG BA LA DRUNG PA 'DI PAS THUGS LA GANG SHAR DRANG POR ZHUS TE, 'DIR SDOD BA LA CHAS DNGOS KYANG GANG YANG MED AA KHU DRUNG PA RGYAL TSAB PA YANG DVAGS PO GRVA TSANG LA PHEBS PA BCAS DER 'GRO BSAM PA YONG ZHUS PA NA PAn CHEN THAMS CAD MKHYEN PAS 'ON 'U RANG GNYIS SHO DRIL, NGA'I SHO CHE BA BYUNG NA 'DIR SDOD, DRUNG PA RANG SHO CHE BA BYUNG NA DBUS SU RGYUG GSUNGS NAS PHYAG GIS DUNG SHO GNYIS DRIL TE 'DI 'AM BU'I YIN; 'DI DRUNG PA'I YIN ZHES ZHAL BA'I STENG DU DRIL BA NA DRUNG PA 'DI PA'I SHO MIG CHUNG BA BYUNG PAS PAn CHEN THAMS CAD MKHYEN PA THUGS MNYES NAS 'DIR SDOD PA DGA' BA 'DUG ,DBANG LUNG RJES GNANG SOGS CHOS GANG 'DUG KYANG SHOG GSUNGS, 'DI PAS KYANG THUGS RJE? CHE ZHES ZHUS, DE NAS CHOS GRA 'GRIMS TE THOG MAR RNAM 'GREL LA SLOB GNYER MDZAD CING PAn CHEN THAMS CAD MKHYEN PA CHEN POS CHOS GANG GNANG YANG BLA BRANG NAS BRDA GTONG BAR MDZAD PAS MDO SNGAGS

, ,KYI CHOS BKA' MTHA' YAS PA RIM PAS THOB, BAR SKABS SHIG CHU MA 'PHROD BAS BAD KAN GYIS BSNYUN TSABS CHE TZAM ZHIG BYUNG BA SMAN BA RNAMS KYIS NAD 'DI LAS MI THAR ZHES BLOS BTANG BA NA, PAn CHEN THAMS CAD MKHYEN PA CHEN POR SKYABS 'JUG ZHUR PHEBS BAS BAn CHEN THAMS CAD MKHYEN PA CHEN POS SGROL LJANG GI MNGON RTOGS SHIG GI LJAGS LUNG GNANG NAS SNGON GYI LAS 'BREL ZHIG 'DUG PAS SGROL MA 'DI LA BSNYEN PA ZHIG GYIS DANG DGA' MO YONG ZHES BKA' PHEBS, DE 'PHRAL DU MTSAMS BCAD DE BSNYAN PA MDZAD PAS RJE BTZUN MA SGROL MA'I ZHAL GZIGS BSNYUN GZHI YANG DRANGS, DE NAS BZUNG STE SKU TSE PHRIL POR NYIN RER SGROL BSTOD GANG 'GRUB RE DANG, LEGS BRIS MA TSAR RE 'CHAG MED ZHAL 'DON MDZAD, DE NAS BAR SKABS SHIG GNAS BSKOR ZHIG MDZAD, DE NAS BKRA SHIS LHUN POR PHEBS NAS SNGAR RGYUN BZHIN THUGS GNYER LA BRTZON PAR MDZAD PAS 'BRUM BU'I NAD KYIS PHYOGS THAMS CAD KHYAB CING NAD BYUNG TSAD SHI BA ZHIG BYUNG BA NA MNGA' RIS PHYOGS KYI SLOB GNYER BA PHAL CHER RANG YUL LA BROS, DAM PA 'DIBS PAn CHEN THAMS CAD MKHYEN PA CHEN PO'I SKU MDUN DU PHYIN NAS RANG YUL LA PROS PA LEGS SAM JI LTAR LEGS ZHES ZHUS PA NA, DA LAM DGA' MO YONG 'GRO GSUNG ZHING SRAN NAG BDUN LA LJAGS SNGAGS BTAB STE DAR DMAR ZHIG LA DRIL NAS RGYAS BTAB STE 'DI SKE LA THOGS, ZHAG BDUN SONG BAN YANG LEN DU SHOG GSAR PA STER BA YIN

RNYING PA'I SRAN MA RNAMS KHYUR MID GYIS CHOS GRVA MA CHAG PAR RGYUG GSUNGS, BKA' BZHIN BYAS BAS 'BRUM BU'I NAD MA BYUNG ZHING SLOB GNYER 'PHEL BA BYUNG BAS BLA MA LA SANGS RGYAS DNGOS GYI 'DU SHES BCOS MA MIN PA 'KHRUNGS, DE NAS RE SHIG DRUNG PA RGYAL TSAB PA DANG MNYAM DU DBEN BA'I GNAS MANG POR THUGS DAM GANG 'PHEL MDZAD, LHAG PAR RTA NAG LA KHAR BZHUGS RING RJE ZHAL SNGA NAS SMAN BLA BA LA KHA CHOS SDE'I BLA MAR PHEBS PA DANG THUG PAS MJAL BAR PHEBS, DE'I TSE BLA MA DE'I ZHAL NAS KHYED RI KHROD PA TSOS BKA' DRIN GSOL 'DEBS MA 'DZIN DGOS GSUNGS, BLA MA DGONG JA'I TSOGS LA PHEBS PA DANG MNYAM DU 'DI BAS BKA' DRIN GSOL 'DEBS MA BZUNG BAS BLA MA DGONGS TSOGS NAS TSUR PHEBS DUS ZIN THUB PA BYUNG BLA MA LA ZHUS PAS BLA MA HA LAS TE DE 'DRA MI BDEN RIB TZAM ZHIG LA DE TZAM ZIN MI THUB GSUNG, 'DI PAS ZIN NAS 'KHYOR TZAM YOD ZHUS NAS BSKYAR BAS BLA MA DES NGO MTSAR YA MTSAN DBE MED DU 'DZIN PAR MDZAD DE, PAn CHEN BLO BZANG CHOS KYI RGYAL MTSAN GYIS MDZAD PA'I BKA' DRIN GSOL 'DEBS MA 'DI LA SHOG BU BZHI TZAM YOD PA DGONG TSOGS RI'I YUN LA LJAGS 'DZIN THUB PA 'DI NI MKHYEN RAB RMAD DU BYUNG BA ZHIG GO ,DE NAS NUB GCIG MNAL LAM DU PAn CHEN BLO BZANG CHOS KYI RGYAL MTSAN GYIS THOG MA'I BLO SBYONG GI LJAGS LUNG YONGS RDZOGS GNANG BA GSAL BAR RMIS BZHIG BYUNG, DE NAS BKRA SHIS LHUN POR PHEBS TE PAn CHEN THAMS CAD MKHYEN

, ,PA MJAL BA NA DRUNG PAS THOG MA'I BLO SBYONG GI LUNG THOB BAM GSUNG, SNGAR MA THOB ZHUS PA NA 'O NA DA LTA LUNG ZHIG BYED DGOS YOD BAS SHOG RI KHROD BA LA 'DI GAL CHE GRUB CHEN GNAS BCU PA 'DI YANG THOG MA'I BLO SBYONG THOS PA'I RKYEN GYIS BLO CHOS LA 'KHUL TE RTOGS PA MTHON POR SONG BA YIN GSUNGS NAS DGYES BZHIN DU LUNG GNANG, DE NAS DGUNG LO SUM CU SO GNYIS SU PHEBS BA NA PAn CHEN THAMS CAD MKHYEN PA CHEN POR BSNYEN RDZOGS KYI SDOM PA ZHUS 'DUL BA'I BSLAB BYA RNAMS KYANG RGYAS PAR SLOB BAR MDZAD, PAn CHEN THAMS CAD MKHYEN PA CHEN PO LA THOG MA MJAL PA NAS BZUNG CHOS BKA' MTHA' YAS PA GSAN ZHING TSOGS CHEN DU GNANG BA'I GRAS LA, SGRUB THABS BRGYA RTZA'I NANG GI LHA RNAMS KYI RJES GNANG DANG LJAGS LUNG, LHO BRAG GRUB CHEN GYI BKA' 'BUM, 'JAM DBYANGS CHOS SKOR ,JO BO'I CHOS CHUNG BRGYA RTZA, RJE DGE 'DUN RGYA MTSO'I GSUNG 'BUM GYI STOD, BSLAB BTUS, BYANG CHUB GZHUNG LAM, SBYIN SREG DNGOS GRUB RGYA MTSO, MKHAS GRUB RIN PO CHES MDZAD PA'I 'JIGS BYED KYI BSKYED RIM, STON PA'I RNAM THAR CHEN MO, DGA' LDAN CHOS 'BYUNG, GTZUG TOR GDUGS DKAR GYI MDO SOGS KYI LUNG, SGROL MA NYER GCIG GI RJES GNANG, PHAG DKAR SHES RAB GSAL BYED KYI RJES GNANG, 'JAM DBYANGS DBA' GCIG ,AA RA PA TZA NA, 'JAM DBYANGS DKAR PO, 'JAM DPAL NAG PO, 'JAM DBYANGS SMRA SANG, DUS MA CHEN MA, KU RU KULLE, DBYANGS CA NA MA, SGROL DKAR LJANG, RI KHROD MA, GTZUG

TOR GDUGS DKAR, RNAM RGYAL MA, SME BRTZEGS, SENG GDONG MA, DZAM SER NAG ,THUB BA RDO RJE GDAN MA, MI G-YO PA SNGON PO, SPYAN RAS GZIGS PHYAG BZHI PA, SENG GE SGRA, RTA MGRIN GSANG SGRUB, LCAGS RAL CAN, SNA TSOGS YUM RNAMS KYI RJES GNANG, GSANG 'DUS, 'JIGS BYED BDUD LAS RNAM RGYAL, 'JIGS BYED BCU GSUM MA RNAMS KYI DBANG, MGON PO PHYAG DRUG BA, CHOS RGYAL PHYI NANG GSANG GSUM, ZHAL BZHI PA, LHA MO, GUR MGON, RNAM SRAS, BEG TZE, PHYAG RDOR 'KHOR CHEN, GTUM PO, AU TZARYA, GOS SNGON CAN RNAMS KYI RJES GNANG GSAN, GZIM CHUNG DU SGER DU GNANG BA LA GSANG 'DUS MI BSKYOD PA'I DBANG, BDE MCHOG L'U AI PA'I DBANG, 'JIGS BYED BCU GSUM MA'I DBANG, MI 'KHRUGS PA'I DBANG, NAM MKHA' SGO 'BYED KYI DBANG DANG GCOD KYI KHRID RNAMS GSAN ZHING, LHAG PAR LAM RIM GYI KHRID DPAL DBEN SA SNYAN RGYUD KYI MAN NGAG SKYES BU CHUNG NGU YAN DAM BA 'DI GCIG PU LA GZIM CHUNG DU RGYAS PAR GNANG ZHING, SKYES BU 'BRING TSUGS NAS DRUNG PA RGYAL TSAB PA YANG DER PHEBS PA DANG THUG STE DRUNG PA GNYIS PO LA LAM KHRID YONGS RDZOGS SNYAN RGYUD KYI MAN NGAG GEGS SEL BOGS 'DON DANG BCAS PA TSANG BAR GNANG ZHING DE'I TSE GANG GNANG BA THAMS CAD BDAG NYID CHEN PO 'DIS THUGS SU CHUD PAR MDZAD DO, ,DE NAS DRUNG PA 'DIS LAM RIM CHUNG BA THUGS 'DZIN MDZAD NAS NYIN RE BZHIN GZIM CHUNG DU PHEBS TE 'DI PA GCIG PU LA LAM RIM CHUNG BA

, ,'GO NAS MJUG RDZOGS KYI BAR TSIG GCIG KYANG MA LUS PA MTHA' DAG PAR GZABS BSHAD GNANG ZHING DKA' BA'I GNANG RNAMS LA DRI GTUGS KYI SGO NAS MTHA' CHOD PAR MDZAD DE, DE LTAR NA DAM PA 'DI NI PAn CHEN BLO BZANG CHOS KYI RGYAL MTSAN GYI NANG THUGS KYI SRAS SHIN TU GCES PAR MDZAD PA ZHIG GO ,DRUNG PA 'DIS NYIN GCIG PAn CHEN THAMS CAD MKHYEN PAn CHEN PO MJAL BAR BYON TE SKU MDUN DU GCIG PU YUN RING BZHUGS RGYU BYUNG PA NA BDAG LA JO BO RJE DANG BKA' GDAMS LHA BZHI LA BRTEN PA'I BLA MA'I RNAL 'BYOR ZHIG GNANG DGOS ZHES GSOL BA BTAB PA NA DGYES BZHIN DU DA LTA RANG BYAS PAS CHOG GSUNGS NAS JO BO RJE BKA' GDAMS LHA BZHI DANG BCAS PA'I BLA MA'I RNAL 'BYOR ZHIG THUGS THOG NAS GNANG BA DRUNG PA 'DI PAS GANG GSUNGS THAMS CAD 'DZIN THUB PA BYUNG, DE NAS BZUNG STE SKU TSE HRIL POR NYIN RE BZHIN JO BO RJE LA GSOL BA 'DEBS BA DANG BKA' GDAMS LHA BZHI'I SNYING PO RNAMS BRGYA RTZA RE 'CHAG MED BZLA BAR MDZAD, DE NAS PAn CHEN THAMS CAD MKHYEN PAn CHEN POS 'DI PA LA DA RI KHROD LA SONGS LA SGRUB BA GYIS ZHES BKA' STZAL, DRUNG PA 'DI PAS BDAG GIS THOS PA MTHAR MA PHYIN PAS SGRUB PA TSAD LDAN ZHIG MI 'ONG NGAM ZHES ZHUS PA NA, PAn CHEN THAMS CAD MKHYEN PA CHEN POS SNGON LA THOS PA BYAS, DE NAS RI KHROD DU THUGS DAM BYED ZER BA MANG PO YONG GI 'DUG KYANG DE THOG TU 'GRO BA DANG MTHAR THON PA MI YONG BA 'DUG ,RI KHROD DU

PHYIN NAS THOS BSAM SGOM GSUM ZUNG 'BREL DU BYED DGOS PA YIN, DGE BA'I BSHES GNYEN PO TO BDE GZHUNG LUGS RGYA MTSO LTA BU LA GZIGS PA YIN YANG DA LTA'I CHOS GRVA'I 'CHAD NYAN LTA BU MIN, RE SHIG RI KHROD DU DRUNG PA RGYAL TSAB PA LA BRTEN LA DOGS DPYOD ZHU YIN BYED, MNYAM DU MA SDOD, TSE BLOS BTANG GI RI KHROD MTHAR PHYIN BA ZHIG BYED DGOS GSUNG, DE NAS 'DI BAS BKA' BZHIN ZHU ZHES ZHUS TE RI KHROD DU 'BYON PAR THAG BCAD, THON KHAR PHYAG DBANG LA BYON PA NA THUGS DGYES BZHIN DU BYANG DAR DMAR PO LA MDUD BA MANG PO GNANG BZHIG DANG, DBU LO BUBS PHYED GNANG STE 'DI GNYIS LUS LA THOGS SLAR CHOS GANG 'DUG KYANG SNYAN GSAN BYED MI DGOS YONGS CHOG CES BKA' PHEBS, DE NAS DRUNG PA 'DI PAS BLA MA'I BKA' BZHIN DU MTHO MTHO RLUNG LA BSKUR, DMA' DMA' CHUL BSGYUR ZER BA LTAR GANG LA'ANG CHAGS ZHEN MED BAR CHOS GOS GSUM DANG LHUNG BZED GDING BA CHU TSAGS, NYER MKHO'I GLEGS BAM BOD GCIG ,'BRAL SPANG GI SKU, NYIN GNYIS KYI BRGYAGS PHYE MA GTOGS GZHAN GANG YANG MED PAR SPO 'KHAR BSNAMS TE RTA NAG PHYOGS KYI RI KHROD LA PHEBS SO, ,DE NAS RTA NAG PHU'I RI KHROD DBEN BA ZHIG TU 'TSO BA DKA' THUB LA BRTEN TE BYANG CHUB LAM GYI RIM PA'I NYAMS LEN LA BRTZON PA CHU BO'I RGYUN BZHIN MJAD CING BZHUGS SO, ,DE NAS PAn CHEN THAMS CAD MKHYEN PAn CHEN PO RTA NAG PHYOGS SU PHEBS PA NA 'DI PAS SKU MDUN DU MJAL BAR BYON PA'I TSE PAn CHEN

, ,THAMS CAD MKHYEN PA CHEN POS DGYES BZHIN DU ZHAL TA MANG DU GNANG ZHING, LHAG PAR LAN CIG 'DI PA GCIG BU LA BLA MA MCHOD PA'I KHRID, 'JAM MGON SNYAN RGYUD KYI MAN NGAG DGA' LDAN PHYAG RGYA CHEN PO'I LTA BA SKYONG TSUL DANG BCAS PA CHES ZHEB BA ZHIG GNANG, DE NAS SNGAR LTAR RI KHROD DBEN BA DE RANG DU SGRUB PA LA BZHUGS TE RTZAM PA RLUNG 'DZIN TZAM RE LAS MED KYANG THUGS RIG SHIN TU DANGS SHING DGE SPYOR 'PHEL BA BYUNG, SKABS 'GAR RTZAM PA RLUNG 'DZIN TZAM YANG MED PAR RDE'U'I BCUD LEN LA BRTEN TE DKA' THUB DRAG PO'I SGO NAS SGRUB PA SNYING POR MDZAD, SKABS SHIG RTZAM PA 'BUL MI PHRAN BU ZHIG BYUNG STE RTZAM PA RLUNG 'DZIN TZAM RE GSOL ZHING YOD PA LA GTZANG SOG 'KHRUGS PA'I DMAG ZINGS KYIS GZHIS KA RTZE'I CHU LHO BYANG THAMS CAD DU SKYE 'GRO RNAMS SDUG BSNGAL GYIS NYAM THAG CING MU GE SHIN TU CHE BA ZHIG BYUNG BAS, NUB GCIG JAG RKUN PA MI BZHI 'DI PA'I SGRUB PHUG TU SLEB; THOG MAR 'DI PA ZIN NAS SNYING GAR GRI BTZUGS TE BSDIGS MO BYAS, DE LA 'DI PAS KHONG KHRO GANG YANG MA MDZAD PAR KHONG RANG TSO GANG BYED DU BZHAG PA NA JAG RKUN PA DE RNAMS GYI NANG NAS GCIG GIS 'DI PA MNAN, GZHAN RNAMS KYIS ME SBAR TE CHAS DNGOS G-YENG PA NA 'DI PA LA CHAS DNGOS GANG YANG MED PAS JAG PA DE RNAMS KYIS DGE SLONG GI RTZAM PA GAN YOD ZER, DE LA DAM PA 'DI PAS RTZAM PA NYUNG ZAD GCIG YOD PA SHING DE'I GSEB NA YOD GSUNGS

KHONG TSOS YID MA CHES PAR 'DI PA 'KHYIG RTZIS BYAS PA LA 'KHYIG BA'I THAG PA MA RNYED BA NA 'DI PAS PHYI'I YOL BDE LA THAG PA YOD GSUNGS PAS RKUN MA TSOS PHYI'I YOL BA DE SHED KYIS 'THEN PAN THAG BA GAR SONG MA BYUNG BAR YOL BAS LA BABS, DE NAS DAM PA 'DI PAS KHYED RANG TSO CIS KYANG 'KHYIG 'DOD NA SDAS KYI 'OG NA SGA RAGS YOD GSUNGS PAS RKUN MA TSOS SKA RAGS SLANGS TE BKHYIG RTZIS BYAS PA NA DAM PA 'DIS KHYED TSO RANG YID MI TSES PA BYED MI DGOS, NGAS GANG YANG BYAS MI YONG GSUNGS PA NA RKUN MA TSOS NGA TSO YID MI CHES PA 'DUG PAS CUNG ZAD CIG 'KHYIG DGOS ZER NAS DAM PA 'DI PA GCER BUR BTON NAS PHYAG GNYIS BKYIGS TA BZHAG, SGRUB KHANG DEN YOD BA'I SHING GI TSAL BU YAN CHAD KHYER BA'I GRAGS BYAS; DE NAS DAM PA 'DI PAS DA KHYED RANG RNAMS THUG PA SKOL LA THUNGS GSUNGS PAS THUG PA SKOL LONG MI 'DUG ZER, DE NAS DAM PA 'DE BAS DA'I 'BRAL SPANG GI SKU 'DRA DE DANG CHOS GOS DE ZHOG ,KHYED TSOL PHAN GANG YANG MI THOGS , GZHAN MA GANG YONG KHYER GSUNGS PAS RKUN MA DE TSOS DGE SLONG GI CHOS GOS DANG SKU 'DRA BZHAG YOD DO, ,GLEGS BAM 'DING NANG NA NGED TSOL NGAN SDUGS BYED RGYU 'DU YOD SHAS CHE BAS BYER RGYU YIN, NGED TSOS MI ZAS MA MYONG BA ZLA BA GNYIS SONG, SROG BLOS MA THONGS PAR 'DI 'DRA BYED DGOS BYUNG, DGE SLONG GIS DED TSOL NGAN SNGAGS MA BYED CIG ZER NAS SONG, DE NAS DAM PA 'DI PAS SPYIR 'KHOR BA'I CHOS NYID DANG, LHAG PAR SKYE BO NYAM THAG DE TSO GZIGS PAS

, ,KHONG KHRO MI SKYE BAR MA ZAD THUGS SKYO LA NYAMS DGA' BZHIG BYUNG NAS JAG RKUN DE TSO LA DMIGS NAS SPYOD 'JUG SMON LAM ZHIG 'DON PAR MJAD, DE NAS MTSAN MO DE NA BZA' GZHAN GANG YANG MED BAR CHOS GOS DE STOD LA BKAB, STAN DE SMAD NGOS LA BKAB NAS GZIMS PAS MNAL SHIN TU SKYID PA ZHIG BYUNG, NAM LANGS NAS GZIGS PAS YOL BA'I THAG PA MIS 'GROL THUB PA MOD KYANG RI GSHAM NA MAR SLEB NAS BSDAD 'DUG PA GZIGS PAS CHOS SRUNG NGAM DKAR PHYOGS LA DGA' BA'I LHA ZHIG GIS 'PHANGS PA YIN SNYAM PA THUGS LA SHAR, DE NAS DKA' THUB DE KHA'I RGYUN LA BZHUGS BAS RE SHIG NAS DRUNG PA RGYAL TSAB PA LA PAn CHEN THAMS CAD MKHYEN PAS BKA' PHEBS NAS DRUNG PA KHONG DENG SANG SO SOD PO AE YOD NA, DENG SANG RI KHROD PAS RI THUB KYANG, RIS RI KHROD PA MI THUB BYA BA'I SKABS YIN PAS KHYED RANG GNYIS KA LOG SHOG ,BTZAN SA ZHIG LA 'GRO BA DGA' GSUNG BA'I BKA' PHEBS, DE NAS DRUNG PA RGYAL TSAB PAS DA NGED RANG GNYIS KA BLA MA MJAL BAR 'GRA GSUNGS NAS, GNYIS KAS BKRA SHIS LHUN POR PHEBS TE PAn CHEN THAMS CAD MKHYEN PA MJAL BAR PHEBS PAS PAn CHEN THAMS CAD MKHYEN PA CHEN POS DAM PA 'DI'I DBU PHYAG GIS MNAN NAS DA LAM 'KHYIG THAG RDO 'DRA BA ZHIG AE BYUNG GSUNG, LAN ZHU MA NUS PAR LA LA ZHUS PAS, DE DUS DRED PO AE BYUNG GSUNG, DRED PO RANG MA BYUNG ZHUS PAS, 'O NA GA 'DRA BYUNG, KHONG KHRO SKYES BYUNG NGAM

GSUNG, MA BYUNG LAGS ZHUS PAS, 'O YAGS, DE RNAMS LA SMON LAM BZANG PO BTAB SNYING RJE SGOM DGOS GSUNG, DE NAS DRUNG PA GNYIS KA PAn CHEN THAMS CAD MKHYEN PA'I BKAS RGOD TSANG LA PHEBS, DE DUS RGOD TSANG SGRUB SDE MA CHAGS PA'I DUS YIN PAS DRUNG PA RNAM GNYIS DANG GZHAN KHA SHAS BCAS SGRUB PA LA BZHUGS, DE NAS DAM PA 'DI PAS DBEN DGON LA PHEBS TE GNAS DER PAn CHEN THAMS CAD MKHYEN PAS BKA' GNANG BA'I MTHUS DBEN DGON PA RNAMS KYIS MTHUN RKYEN PHUL TE MTHUN RKYEN TSANG BA'I SGO NAS SGRUB PA RTZE GCIG TU MDZAD PAS BYANG CHUB LAM GYI RIM PA LA MYONG BA POGS CHE BAR THON, DE SKABS NAS BZUNG STE NYAMS MGUR YANG MANG DU MDZAD, DE NAS PAn CHEN THAMS CAD MKHYEN PA CHEN POS RGOD TSANG SGRUB SDE GSAR 'DZUGS MDZAD DE DRUNG PA RGYAL TSAB PA BLA MAR BSKO BAR MDZAD, DRUNG PA 'DI PAS NI GNAS NGES MED MDZAD DE BYANG CHUB LAM RIM GYI NYAMS LEN LA CHIG BSGRIL MDZAD, DE NAS PAn CHEN THAMS CAD MKHYEN PA CHEN PO DBEN DGON DU PHEBS PA ZHIG LA MJAL KHAR BYON PAS ZHAL NAS DBUS PHYOGS KYI BLA MA BSTAN PAR PHAN RE CHE BA ZHIG LA 'JIGS BYED KYI DBANG ZHIG BYED DGOS YOD PAS DRUNG PA RANG 'DOD NA GNANGS NYIN SHOG GSUNGS THUGS RJE CHE ZHUS NAS ZHUNG PHEBS PAS KHONG BCU GSUM LA 'JIGS BYED KYI DBANG BZHIN TU RGYAS PA ZHIG GNANG, DE NAS DBYAR CHOS KYI THOG SPRUL SKU GRAGS PA RGYAL MTSAN PHEBS NAS GSOL BA BTAB PA LTAR LAM

, ,RIM CHEN MO DANG 'JAM DBYANGS CHOS SKOR SOGS CHOS BKA' MTHA' YAS PA GNANG BA ZHU BAR MDZAD, DE'I STON PAn CHEN THAMS CAD MKHYEN PA CHEN PO RGOD TSANG DU PHEBS, SGRUB SDE LA RAB GNAS DANG RI KHROD PA RNAMS LA LAM RIM GYI KHRID SHIN TU RGYAS PA ZHIG DANG, BE'U BUM SNGON PO'I LUNG SOGS CHOS BKA' MANG DU GNANG BA RNAMS ZHU BAR MDZAD, DE NAS DAM PA 'DI PAS DBEN PA'I RI SUL MANG POR LAM RIM SGOM PA LA RTZE GCIG TU BZHUGS SHING; SKABS SKABS SU PAn CHEN THAMS CAD MKHYEN PA MJAL BAR PHEBS TE DBANG LUNG MAN NGAG MTHA' YAS BA GSAN, DE NAS DAM PA 'DIS DBUS PHYOGS KYI GNAS BSKOR LA PHEBS TE, LHA SA, YER PA, DGA' LDAN, RA SGRENG; BSAM YAS, RGYAL ME TOG THANG, DVAGS PO DANG 'OL KHA'I PHYOGS KYI RJE'I SGRUB GNAS RNAMS MJAL ZHING GNAS DE DANG DE DAG TU LAM RIM GTZO BOR BSKYANGS SHING GCOD KYI DMIGS SKOR LA'ANG 'GRUS PAR MDZAD, DE SKABS PAn CHEN BLO BZANG CHOS KYI RGYAL MTSAN GYI THUGS SRAS GRUB PA'I DBANG PHYUG DKA' CHEN NAM MKHA' RDO RJE YANG PHYOGS DER PHEBS PA DANG MJAL, ZHAG SHAS LHAN DU BZHUGS TE LTA SGOM SPYOD GSUM LAS BRTZAMS TE GSUNG MOL ZHIB TU MDZAD PAS GNYIS KA'I DGE SBYOR LA BOGS CHEN PO THON ZHING, LHAG PAR DKA' CHEN NAM MKHA' RDO RJE NI DBU MA'I LTA BA LA MNGA' BRNYES PA ZHIG YIN PAS DAM PA 'DI LA LTA BA'I BOGS 'DON SHIN TU CHE BA BYUNG STE GNAS DER

LTA BA'I MGUR DBYANGS MANG DU MDZAD, DE NAS LOG PHEBS TE PAn CHEN THAMS CAD MKHYEN PA DBEN DGON DU BZHUGS PA DANG MJAL TE BDE MCHOG GI MAN NGAG RNAMS ZHUS TE NYAMS LEN LA THE TSOM CHOD PAR MJAD, DE NAS DAM PA 'DI DANG DRUNG PA RGYAL TSAB PA GNYIS KA BRAG RGYA RDO RJE'I PHO BRANG LA PHEBS TE SGRUB PA MDZAD PAS NYAMS RTOGS YAR NGO'I ZLA BZHIN 'PHEL BA BYUNG, DE NAS DAM PA 'DIS GRUB CHEN CHOS RDO RJE'I SGRUB GNAS PA SNAM JO MO LHA RIR PHEBS TE ZUNG 'JUG PHUG SOGS MA LA ZHING, PADMA 'OD DU BZHUGS TE SGRUB PA RTZE GCIG TU MDZAD, DE NAS 'GAR MO CHOS RDZONG DU BZHUGS TE DGE SBYOR CHU BO'I RGYUN BZHIN MDZAD PAS NYAMS RTOGS DBYAR GYI MTSO LTAR 'PHEL BA BYUNG, DE NAS SHANGS PHYOGS SU BYON TE MKHAS GRUB KHYUNG PO'I SGRUB GNAS RNAMS MJAL TE GNAS DE DAG TU SGRUB PA RTZE GCIG TU MDZAD, DE NAS RGOD TSANG DU PHEBS TE DRUNG PA RGYAL TSAB PA DANG MJAL BAS DE DUS DRUNG PA RGYAL CHAB PAS DON GNYER CAN MANG PO ZHIG LA LAM RIM GYI KHRID RGYAS PA ZHIG GNANG BA DANG THUG PAS DAM PA 'DIS KYANG ZHU BAR MDZAD, DRUNG PA RGYAL TSAB PA NI LAM RIM 'CHAD PA LA MNGA' BRNYES PA ZHIG STE, DPAL DBEN SA SNYAN RGYUD KYI MAN NGAG GZHUNG BSRANGS PA'I STENG DU RGYAL BA'I BKA' DANG DGONGS 'GREL GYI BSTAN BCOS RNAMS DANG, DE DAG GI DON DRI MA MED PA'I RIGS LAM NAS DRANGS TE MTHA' CHOD PAR STON PAR MDZAD PAS DE DUS KYI CHOS NYAN PA RNAMS KYIS DAM PA 'DI LA DA RES DRUNG PA RGYAL TSAB BA'I GSUNG 'DI RNAMS LA ZIN

, ,BRIS SHIG MDZAD DGOS ZHES ZHUS PAN DAM PA 'DI PAS BDE LAM GYI SNGON 'GRO'I MAN NGAG CHES ZHIB BSNGAR PAn CHEN BLO BZANG CHOS KYI RGYAL MTSAN GYI ZHAL LAS THOS PA RNAMS GZHIR BYAS DRUNG PA RGYAL TSAB PA'I ZHAL LAS THOS PA RNAMS KYIS KYANG BRGYAN TE SHIN TU GSAL ZHING GO BDE BA ZHIG MDZAD DO, ,DAM PA 'DIS PAn CHEN THAMS CAD MKHYEN BA BLO BZANG CHOS KYI RGYAL MTSAN GYI BKA' LTAR DPAL DBEN SA SNYAN RGYUD KYI MAN NGAG BYANG CHUB LAM GYI RIM PA LA SGRUB PA CHU BO'I RGYUN BZHIN MDZAD PAS MYONG BA PHUL PHYIN THON PA NI DAM PA 'DI NYID RANG GI ZHAL NAS, BDAG GIS SGRUB BA SNYING BOR BYAS PA'I TSUL GLENG NA, DE YANG BKA' DRIN MNYAM MED DPAL LDAN BLA MA DAM PA MKHYEN BRTZE NUS PA'I BDAG NYID CAN PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO MCHAN BRJOD BAR DKA' BA DE NYID KYIS BDAG RJES SU BZUNG BAS BRTZE BA CHEN POS 'DI PHYI THAMS CAD DU BDAG BDE BA DANG LEGS BA'I LAM LA 'GOD BA'I PHYIR RI KHROD DU SGRUB PA LA 'GRO BA DGA' GSUNGS NAS YANG YANG BSKUL BAR MDZAD BA'I MTHAR, PHAN PA'I LAN DU MCHOD PA BYA BA NI, ,BSGO PA'I TSIG BZHIN NYAMS SU LEN PA YIN, ,ZHES GSUNGS PA'I DON BDAG GIR BYAS NAS BKA' DANG DU BLANG NAS KHAS BLANGS DAM BCAS PAS DRIN CAN RTZA BA'I BLA MA PAn CHEN THAMS CAD MKHYEN PA BLO BZANG CHOS KYI RGYAL MTSAN THUGS DGYES PA'I RNAM 'GYUR DANG BCAS, DE YANG CHO BLOS BTANG

GI RI KHROD PA GZHAN GYI MIG LTOS LA PHAN PA RANG CIG BYED DGOS, RI KHROD DU THOS BSAM SGOM GSUM DANG, LTA SGOM SPYOD PA'I NYAMS LEN LA 'BAD DGOS GSUNG NAS LAM GYI RIM PA SPYI DANG KHYAD PAR SNYAN NAS SNYAN DU BRGYUD PA'I ZHAL SHES KYE GDAMS PA ZAB RGYAS GSUNG GI BDUD RTZI MGUR GYI BUM BZANG LAS 'ONGS SHING ZHAL GYI PADMO LAS 'KHRUNGS PA'I BCUD KYI ZEGS MA BDAG GI SGRA 'DZIN GYI RTZER CHAGS PA DAD PAS MYANGS BAS YID DGA' BAR BYED PA'I RO MCHOG SNYING GI BUM PAR 'KHYIL BA RAS SUM BOR BAR GAL PO CHER MTHONG NAS GUS PAS NYAMS SU BLANGS BA LAS, MI RTAG PA DANG, NGAN 'GRO'I SDUG BSNGAL DANG, 'KHOR BA'I CHOS LA SKYO ZHING YID 'BYUNG BA'I NGES 'BYUNG GI BSAM BA MYONG BA SNA ZIN SKYES PA'I DBANG GIS LAS DANG 'BRAS BU'I GNAS TSUL LA MI PHYED PA'I DAD PA BRTAN PO THOB, RANG BZHIN DANG BCAS PA'I KHA NA MA THO PA'I NYES DMIGS MTHONG NAS JI LTAR KHAS BLANGS PA'I TSUL KHRIMS KYI SDOM PA GTZO BOR BYAS, BSLAB PA GSUM GYI BSLAB BYA'I RIM PA RNAMS LAG TU BLANG THUB PA RNAMS GLANGS, MI THUB PA RNAMS BSLAB PA LA KHYAD GSOD DANG BRNYAS BCOS SUM SONG BA'I NGOS NAS SKYE BA PHYI MA RNAMS SU SLOB PAR NUS PA'I RGYU LA BSLAB PA DANG, SLOB PAR DAM BCA' BA DANG SMON LAM GYIS KHA BSGYUR PA DANG, BCAS MTSAMS PHRA ZHING PHRA BA LA NYES PAS MA GOS PAR BYED PA NI THAR PA'I SA BON THEBS PA YIN YANG, SRID PA'I RTZA BA DRUNG NAS 'BYIN PAR BYED PA'I SMAN MCHOG BDUD RTZI'I THIGS BA LTA BU

, ,ZAB MO STONG PA NYID KYI DON NI, YOD MAN MED MIN GNYIS KA MIN, ,GNYIS KA'I BDAG NYID MIN BA'ANG MIN, ,MTHA' BZHI RNAM PAR GROL BA YI, ,DE NYID DBUM PA YI RIG ,CES GSUNGS PA LTAR, RTAG CHAD KYI MTHAL BZHI DANG BRAL BA'I NGES DON MTHAR THUG GI LTA BA PHYAG RGYA CHEN PO 'PHAGS PA YAB SRAS KYI THUGS KYI BCUD 'KHRUL MED KYI LTA BA 'DI LHAG MTHONG CHE CHUNG DANG, SRAS KYI THU BO RNAMS KYIS GSUNGS PA'I LTA KHRID DANG, RTZA BA'I BLA MA THAMS CAD MKHYEN PA NYID KYIS GSUNGS PA'I DMAR KHRID KYI LHAG MTHONG DANG, LTA BA'I SKOR GYI GSUNG MGUR RNAMS LA BLTA ZHING DON NYAMS SU BLANGS PAS STONG NYID LA THOG MAR GO BA CUNG ZAD CHAGS BA DANG, DON SPYI'I TSUL GYIS SGOM PA DAD, DA LAS LANGS NAS GANG SHAR SGYU MA LTA BU'I RNAM ROL GYI DANG NAS SPYOD PHYOGS RNAMS LA BSLABS PAS BDAG GI SKYE BA 'DI'I MI LUS CHUD MA ZOS PA 'DI RANG GI RNAM PAR THAR PA LAGS SO ZHES GANG GSUNGS PA LTAR RO, ,DE NAS DAM PA 'DIS BYANG CHUB LAM GYI RIM PA LA MYONG BA PHUL PHYIN THON TE RANG NYID MI NYAMS PA'I GDENG THOB BA NA RTA NAG PHUG TU SGRUB SDE 'DZUGS PAR MDZAD, RTA PHUG RDO RJE'I GUR KHANG ZHES MTSAN BTAGS SHING DER SDONG BA PA'I SDE BSKYANGS, DE NAS STAG GI LO DRUNG PA RGYAL TSAB PA SKU GSHEGS BAN BLA BRANG RGYAL MTSAN MTHON PO NAS BSKUL TE DAM PA 'DI BA RGOD TSANG BLA MAR 'BYON DGOS BYUNG, DE NAS RTA PHUG DANG RGOD TSANG GNYIS KA BSKYANGS TE RES RTA PHUG TU PHEBS NAS DER GNAS

PA'I RI KHROD BA RNAMS DANG PHYOGS 'DUS KYI DAD LDAN MANG POR LAM RIM GYI KHRID DANG, DGA' LDAN PHYAG RGYA CHEN PO'I KHRID DANG, BLO SBYONG GI KHRID DANG, GCOD KYI KHRID DANG, N'A RO CHOS DRUG GI KHRID DANG, GZHAN YANG DBANG LUNG MAN NGAG RGYA CHER GNANG, RES RGOD TSANG DU PHEBS TE DBANG LUNG MAN NGAG RGYA CHER GNANG STE RJE SGRUB KHANG PAS DAM PA 'DI LA LAM KHRID SOGS GSAN PA NI RGOD CHANG YIN LA, LCANG SKYA ZHABS DRUNG NGAG DBANG BLO BZANG CHOS LDAN DANG, BLA MA SMAN KHANG PA SOGS KYIS DAM BA 'DI LA CHOS GSAN PA NI RTA PHUB YIN NO, ,DE NAS PAn CHEN BLO BZANG CHOS KYI RGYAL MTSAN ZHING GSHEGS NAS PAn CHEN MCHOG GI SPRUL PA'I SKU RJE BTZUN BLO BZANG YE SHES BKRA SHIS LHUN POR PHEBS NAS YANG YANG MJAL BAR BYON ZHING, RJE BTZUN BLO BZANG YE SHES KYIS DAM PA 'DI LA NAM MKHA' SGO 'BYED KYI DBANG DANG, GCOD KYI KHRID DANG, 'JAM DBYANGS CHOS SKOR SOGS CHOS BKA' MANG DU GSAN NO, ,DE NAS DAM PA 'DI'I 'PHRIN LAS CHES CHER RGYAS PA NA DBUS GTZANG KHAMS GSUM NAS CHOS DON GNYER BA MANG DU 'DUS SHING RANG RANG GI KHAMS DANG BSAM BA DANG MTHUN BAR CHOS STON BAR MDZAD CING, GTZO BOR NI BYANG CHUB LAM GYI RIM PA'I KHRID RTZAL DU 'DON BAR MDZAD, DE'I YAN LAG TU BLO SBYONG GI KHRID DANG, GCOD KYI KHRID RNAMS MDZAD CING, GDUL BYA DBANG PO RAB TU GYUR BA LAM THUN MONG BA LA MYONG BA THON PA 'GA' LA SNGAGS KYI SKYED RDZOGS RNAMS STON PAR MDZAD CING, LHAG PAR DAM PA 'DI NYID N'A RO CHOS DRUG LA MNGA' BRNYES

, ,BAS SNGON 'GRO'I 'KHRUL 'KHOR RNAMS KYANG ZHIB TU STON PAR MDZAD, DAM PA 'DI NYID NAS BRGYUD PA'I N'A RO CHOS DRUG GI KHRID RGYUN NI DENG SANG DAR CHA CHE BAR SNANG NGO, ,DAM PA 'DIS BSTAN PA'I DON DU BYANG CHUB LAM GYI RIM PA'I SNGON 'GRO'I CHOS SKOR DANG, NYAMS LEN GYI GNAD LAS BRTZAMS PA'I GSUNG MGUR MANG DU SNANG ZHING, LHAG PAR RANG RGYUD LA BSKUL MA 'DEBS PA'I MGUR MA MDZAD PA NI 'DI LTAR, PHA BLA MA RNAMS DANG YI DAM LHA, ,SKYABS BSLU BA MED PA DKON MCHOG GSUM, ,SNYING RUS PA'I GTING NAS GSOL BA 'DEBS, ,BDAG SKYE RGA NA 'CHI'I 'JIGS LAS SKYOBS, ,LAR LAS DANG NYON MONGS STOBS SHUGS KYIS, ,DBANG MED DU SRID PAR YANG YANG 'KHYAMS, ,DUS DA LTA THAR LAM MA BSGRUBS NA, ,RTEN DAL 'BYOR THOB PA'I DON PO CI, ,LHA TSANGS DBANG BRGYA BYIN BYA BA YANG, ,SNGON BSAGS PA'I 'BRAS BU SPYAD SPYAD NAS, ,YANG 'KHOR BAR YANG BRAN NYID DU 'GYUR, ,GNAS MTHO RIS NA YANG BDE SKABS MED, ,SPYIR YID BRTAN MI RUNG 'KHOR BA'I CHOS, ,TSUL 'DI LA MA BRTAGS MA BSAM PAS, ,DRI NGAN PA'I KHROD KYI SPRANG BU BZHIN, ,CHOS BDUD RTZI MYONG BA DKA' MOR GDA', ,SGOM PHYI RU MI GSAL NANG DU GSAL, , DPA BKLAGS PAS MI GO BSAMS PAS GO ,RJE BLA MA'I BYIN RLABS SEMS LA 'JUG ,RGYUD SMIN CING GROL BAR BYIN GYIS RLOBS, ,BLO BAN BUN SPRIN PA MA DVANGS NA, ,SEMS GSAL STONG GI NYI MA MI MNGON PAS, ,YUL YUL

CAN RNAM RTOG SGO BKAG NAS, ,SKABS GANG YIN GDAMS NGAG MA BRJED DGOS, ,DER DRAN PA'I 'DZIN STANGS SHUGS BSKYED LA, ,GROGS SHES BZHIN PHRA MOS BYA RA GYIS, ,DGRA BYING RGOD BYUNG NA DA'I GNYEN POR, ,'DU BYED PA SGOM GYI 'GO 'DREN YIN, ,RTEN BCAS PA DAM PO'I TSUL KHRIMS DANG, ,DON NANG DU BSAMS PA'I NYAMS MYONG DANG, ,RKYEN DKA' SPYAD BZOD PA'I ZHE RUS CAN, ,CHOS MED KYANG BLA MA'I SGOM PHRUG YIN, ,ZHES DANG, NA MO GU RU BUDDHA MEE TR YE, STENG DGA' LDAN LHA BRGYA'I GTZUG RGYAN DU, ,RJE SA BCU'I DBANG PHYUG MI PHAM MGON, ,DPAL NAM MKHA' DRI MA MED PA DANG, ,MTSAN 'JAM DPAL SNYING POR GRAGS PA'I ZHABS, ,SRAS DPAG MED SEMS DPA'I 'KHOR GYI DBUS, ,NOR RIN CHEN DU MA LAS GRUB PA'I, ,KHRI RAB 'BAR GDONG LDAS BTEG PA'I KHAR, ,GDAN CHU SKYES ZLA BA'I DBUS BZHUGS PA'I, ,SKU RAB BRJID STON MCHOG GNYIS PA YIS, ,CHOS THEG CHEN DGA' STON 'GYED PA DER, ,BDAG GDUNG BA'I YID KYIS GSOL BA 'DEBS, ,THUGS BRTZE BA'I LCAGS KYUS DRANG DU GSOL, ,SNGON BYON PA'I RGYAL BAS BTANG SNYOMS MDZAD, ,DUS DA LTA'I BLA MA SANGS RGYAS KYIS, ,'DUL MA NUS BLO DRED CHOS DRED NGA, ,RGYUD CHU NANG RDO BZHIN SKAM POR LUS, ,CHER SNYIGS PA'I BSTAN PA'I GZUGS BRNYAN 'DI, ,LAR YID LA BRANGS KYANG YID THANG CHAD, ,DON DES NA YID DGA' CHOS 'DZIN DU, ,DUS

, ,BA LTA 'PHOS NA DGA' BA LA, ,GSHIS RANG BZHIN NGAN PA'I MI RNAMS NI, ,RGYUD PHYOGS LHUNG DBANG GIS BSTAN PA YANG, ,'BRAS SDUG BSNGAL 'BYIN PA'I PHYOGS SU BRNYIL, ,'DI BSAMS NA BLO SNYING MGRIN PA 'DAR, ,GZHON BCU GSUM LON NAS KHYIM NAS BYUNG, ,SKABS DANG PO'I BSNYEN RDZOGS SDOM PA NOS, ,RJE BLA MAS BSTAN PA'I SGOR BTZUD NAS, ,THUGS NYE BAS BDAG BLO CHOS LA BSGYUR, ,DRIN CHE MOD SNGON LAS MTHU BA TZAN PAS, ,SEMS COL CHUNG PHYI CHIS GRAB GSHOM DANG, ,PHUGS MDO MED RNAM G-YENG 'DU 'DZIR 'CHOR, ,SNYING NANG DU RUL YANG CHOS BAR BRDZU, ,MING 'JIG RTEN GTAM GRAGS LO 'DOD DANG, LUS DMAR SER SNAL MAS DKRIS LAGS KYANG, ,THABS BLANG DOR BSLAB BYA'I GNAS LA RMONGS, ,DUS LNGA PAR GTUGS CHE 'GYOD KYANG CI, ,GANG THOS PA'I TSIG RNAMS YI GER LAS, ,RGYUD CHOS DANG GANG ZAG LTAR SPROD SONG, ,RANG MA DUL GZHAN GYI YAR 'DREN BYAS, ,MING CHOS LA SNYAD NAS CHOS MIN BSGRUBS, ,GZHAN BSLU SNYAM KUN SLONG CI ZHIG STE, ,G-YO BRDZUN SBYOR ZOG PO'I RNAM THAR DANG, ,SNGAGS NOR 'KHRUL DES MED PHYAG MTSAN GYIS, ,'BRID MKHAS KYANG MYONG 'GYUR BSAM PAR RIGS, ,TSE 'DI YI BDE SDUG SLONG LEN TZAM, ,CHED GNYER BA BYOL SONG PHYUGS LA'ANG YOD, ,DON DE LAS LOG PA'I SGOM SGRUB KYIS, ,RTEN MI LUS DON

LDAN CIS MI BYED, ,SROG NAM ZHIG 'GAGS PA'I DE MA THAG ,RJE RGYAL TSAB CHOS KYI MDUN SA DER, ,YID RLUNG DANG HIKA GIS DRANGS PA NA, ,SKABS DE RU BYAMS MGON THUGS BSKYED CIG ,LUS RTEN MED SHING BAL RLUNG KHYER BZHIN, ,GNAS GAR SKYE'I GDENG MAD DNGANGS SKRAG GIS, ,MIG HRIG HRIG SKYABS 'TSOL 'PHYAN PA'I TSE, ,LHA BLA MA RNAM GSUM TSUR SPYON CIG ,DE'I BYIN GYIS YID 'ONGS LHA YI BU'I, ,LUS BZUNG NAS DAD BRTZON, GZUR GNAS KYIS, ,CHOS LEGS BSHAD THOS BSAM SGOM PA'I DON, ,ZHI BA SA BCU'I SPO LA MNGON PAR RTZEG, ,DUS DE NAS SKYE RGYUN MI MANG BAR, ,LAM ZAB MO BLA MA'I RNAL 'BYOR GYIS, ,DPAL CHOS KYI SKU DANG LONGS SPYOD RDZOGS, ,STABS GCIG TU 'BREL BA'I SMON LAM 'DEBS, ,GTAM DE SKAD GLENG BA'I SPONG BA PA, ,YUS DAG PA'I NYAMS MYONG GA LA ZHIG ,RJE BAL MA DAM PA GUS BSTEN PAS, ,GSUNG YON TAN RDUL GYIS GSO PA YIN, , DON 'DIS MTSON DUS GSUM BSAGS PA'I DGE, RANG ZHI BDE'I BSAM PAS MA SBAGS PAR, ,MA NYAG THAG 'GRO BA'I DON DU BSNGO, ,'DI BU RAM LSHING PA'I BKA' SROL YIN, ,ZHES 'DI YANG SA MTHA'I GYI NA PA, ,MING BLO BZANG DAM CHOS RGYAL MTSAN GYIS, ,GNAS RTA PHUG CES BYA'I SPYIL PU RU, ,YID SKYO BA'I SMRE NGAG TSIG TU BSGRIGS, ,ZHES GSUNGS, DE LTAR DAM PA 'DIS PAn CHEN BLO BZANG CHOS KYI RGYAL MTSAN BSAM SBYOR GNYIS KYIS

, ,TSUL BZHIN DU BSTEN TE 'JAM MGON SNYAN RGYUD KYI MAN NGAG YONGS SU RDZOGS PA THOB PAR BYAS, TSE 'DI BLOS BTANG STE DBEN PA'I RI SUL DU SGRUB PA SNYING POR BYAS TE BYANG CHUB LAM GYI RIM PA LA MYONG BA PHUL PHYIN THON BAR MDZAD, SGRUB 'BRAS KYIS RGYAL BA'I BSTAN PA LA BYA BA MDZAD PHYIR RJE SGRUB KHANG PA SOGS DAM PA MANG PO RJES SU BZUNG STE 'JAM MGON SNYAN RGYUD KYI BSTAN PA RGYA CHER SPEL NAS DGUNG LO BRGYAD CU GYA GRANGS LA PHEBS PA NA DED DPON YID BZHIN GYI NOR BU RNYED NAS RANG YUL DU 'GRO BA LTAR SKU'I BKOD PA BSDUS TE DGA' BZHIN SPRO BZHIN DU DGA' LDAN CHOS KYI PHO BRANG DU PHEBS NAS RGYAL TSAB BYAMS PA MGON PO DANG, RJE NAM MKHA' DRI MA MED PA DANG, RJE 'JAM DPAL SNYING PO 'KHOR SA BCU'I BYANG CHUB SEMS DPA' BGRANG BA LAS 'DAS PA DANG BCAS PA LA MCHOD CING CHOS KYI 'GRO BA MDZAD BA DANG, SPRUL PA'I BKOD BA MU MED PAR STON CING BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DRUNG PA RTA PHUG PA BLO BZANG DAM CHOS RGYAL MTSAN LA GSOL BA 'DEBS SHING, DAM PA 'DI'I RNAM THAR LTAR BYANG CHUB LAM GYI RIM PA'I SNYAN RGYUD KYI MAN NGAG LEGS PAR THOB PAR BYAS LA TSE 'DI'I 'KHRIB MED PAR DBEN PA'I RI SUL DU BYANG CHUB LAM GYI RIM PA'I NYAMS LEN LA 'BAD PAR BYA'O,, ` ,,DGE LEGS SNYAN GRAGS RGYA MTSO'I MTHAR KHYAB PA, ,ZHES BSNGAGS PA, RJE SGRUB KHANG PA DGE LEGS RGYA MTSO NI MNGA' RIS ZANGS DKAR

GYI SA'I CHA ZANGS LA ZHES PAR YAB GU RU DKON MCHOG DANG YUM BU MO MCHOG GNYIS KYIS SRAS SU LCAGS MO SPRUL GYI LO NGO MTSAR BA'I LTAS DANG BCAS TE 'KHRUNGS, DE NAS YAB YUM GNYIS KYIS BSKYED BSRING BA'I THABS LA 'BAD CING DMIG ZA ZHES MTSAN GSOL, DAM PA 'DI NI SKU CHE SNGA MA MANG POR LAM LA GOMS PA'I BAG CHAGS SAD DE SGO GSUM BAG YOD LA SBYOR BA'I DRAN SHES BZHIN DANG LDAN PAS GZHON NU'I DUS NAS KYANG DAM PAS SMAD PA'I NYES SPYOD LA MI 'JUG CING BYIS PA RNAMS KYI NANG DU'ANG CHOS LDAN GYI RTZED MO SNA TSOGS MDZAD BA LA BYIS PA GZHAN LAS BLO RNO ZHING GZI BRJID DANG LDAN BA SOGS BSNGAGS PA'I 'OS SU GYUR PA ZHIG BYUNG NGO, ,DE NAS DGUNG LO DRUG LON PA'I CHE YAB GSHEGS YUM BDAG NI SMUG PO'I GCONG GIS ZIN NAS NAD TSABS CHE BAR BYUNG BA DAM PA 'DIS PHA MA NI BSNYEN BKUR BA'I ZHING DU RGYAL BAS GSUNGS PA LTAR RIM GRO MDZAD 'OS YIN PA DANG DRIN CHE BAR DGONGS NAS NGAL BA DANG SKYUG BRO BA'I 'DU SHES GANG YANG MED PAR LO BCU BDUN GYI BAR DU BSHANG CI 'DOR BA TSUN CHAD MA'I BSNYUN G-YOG LEGS PAR MDZAD, YUM GYI BSNYUN G-YOG LA BREL NAS KLOG LA DE TZAM RTZAL DU 'DON RGYUN MA BYUNG YANG SHIN TU BYANG BAR THUGS SU TSUD, DGUNG LO BCU BDUN LON PA'I TSE YUM GSHEGS PA'I PHUNG PO NYID KYIS BSNAMS NAS BAS MTHI 'DUR KHROD DU BSKYED BA SOGS RJES KYI BYA BA RNAMS TSUL DANG MTHUN PAR MDZAD DE, YUM CI 'DRA BA DE BZHIN DU BDAG KYANG DE LTA BU'I

, ,CHOS CAN DE LTA BU'I RANG BZHIN LAS MA 'DAS SO SNYAM DU NYIN MTSAN KUN TU 'KHOR BA'I NGANG TSUL SEMS PA 'BA' ZHIG GIS DUS 'DA' BAR MDZAD DO, ,YUM GSHEGS NAS RING POR MA LON PAR DGON SDE CHEN PO BYAMS PA GLING DU SLOB DPON RIN PO CHE BLO BZANG LEGS PA'I DRUNG DU YONGS RDZOGS DGE BSNYEN GYI SDOM PA MNOS TE RTZA BZHI CHANG DANG BCAS PA LEGS PAR SPANGS DGON GNAS DER LO GNYIS BZHUGS SO, ,DAM PA 'DI NI THEG CHEN BSTAN PA'I SROG SHING DU 'GYUR BAR DGONGS NAS, DPAL YE SHES KYI MGON PO PHYAG DRUG PAS CHUNG NGU'I DUS NA RJES SU BSKYANGS SHING, MNAL LAM DU KHYOD BUD MED DANG MA 'GROGS PAR DBUS SU SONGS SHIG GSUNG BA DRAN NAS, DBUS GTZANG DU SLOB GNYER LA 'BYON 'DOD SHUGS DRAG SKYES TE, PHA YUL DANG GNYEN BSHES RNAMS LA CHAGS ZHEN MED PAR DGA' BZHIN SPRO BZHIN DU LAM DU ZHUGS NAS RIM GYIS PHEBS TE CHOS GRVA CHEN PO BKRA SHIS LHUN PONG PHEBS NAS SNANG BA MTHA' YAS NGUR SMRIG GAR GYI RNAM PAR ROL PA PAn CHEN BLO BZANG CHOS KYI RGYAL MTSAN DPAL BZANG PO'I ZHAL GYI DKYIL 'KHOR MJAL ZHING BYIN RLABS THOB PAS DGA' SPRO TSAD MED PA BYUNG ZHING DAD PA'I SPU LONG G-YOS, DE NAS SHANGS RGOD TSANG DU PHEBS DRUNG BA RGYAL TSAB PA BRTZON 'GRUS RGYAL MTSAN DPAL BZANG PO'I ZHABS DRUNG DU 'BYOR PAS SNGON GYI 'BREL PA BZANG PO'I MTHUS DANG GUS TSAD MED PA 'KHRUNGS, DRUNG PA RIN PO CHE PAS DAM PA 'DI GANG ZAG KHYAD PAR CAN DU MKHYEN

NAS THUGS SHIN TU DGYES PA'I ZHAL TA MANG DU GNANG ZHING RE ZHIG NGAL SOS SDONG GSUNGS, RAB BYUNG GI MKHAN BOR GSOL BA BTAB PAS DGYES PA CHEN POS RAB BYUNG DANG DGE TSUL GYI SDOM PA GNANG STE RAB TU BYUNG BA'I MTSAN DGE LEGS RGYA MTSO ZHES GSOL, DE NAS BZUNG STE KHYIM PA'I RTAGS DANG CHA LUGS SPANGS TE MING BSGYUR BA'I DGOS PA BZHIN 'JIG RTEN PA'I LUGS KYI DGRA GNYEN GYI PHYOGS RIS DANG 'DOD YON LA ZHEN PA'I SPYOD PA LAS PHYIR PHYOGS TE, DGE SBYONG GI CHOS BZHI LAS NAM YANG MI 'DA' BAR MDZAD DO, ,DE NAS MKHAN POS DGE TSUL GYI BSLAB BYA BLANGS 'DAS SO DRUG GI BSRUNG MTSAMS NGO 'PHROD PA'I BKA' CHOS DANG, GZHAN YANG, RGYAN 'JUG GNYIS KYIS GTZOS PA'I CHOS SPYOD RNAMS LA 'DZIN SKYOR DGOS TSUL DANG, GRVA SA GZHAN DU MA 'DUG PAR DVAGS PO GRVA TSANG RANG DU SONGS LA SLOB GNYER LAN SO GZHON PA'I SKABS SU SNYING RUS BSKYED NAS 'BAD DGOS, LO BCU'I BAR DU MI TSE STONG ZAD LA MA GTONG BAR SLOB GNYER LA 'BAD NAS NGA'I RTZAR SHOG DANG DE NAS LAM RIM GYI KHRID GTONG, TSE MJUG SGRUB PA LA DRIL DGOS, SGRUB PA LA SHES DGOS, SHES PA LA SLOB DGOS PAS THOG MAR SLOB GNYER BYAS LO TZAM MA YIN PAR RANG SEMS KHO THAG CHOD PA ZHIG GYIS LA SHOG GSUNGS, DE NAS DAM PA 'DIS DRUNG BA RGYAL TSAB PA'I BKA' BZHIN DU DBUS SU BYON DVAGS PO GRVA TSANG DU PHEBS NAS RJE BTZUN BLO GROS BRTAN PA NAS BZUNG STE SLOB DPON RIN PO CHE LHA SDINGS PA BLO BZANG DON GRUB PA'I BAR

, ,MKHAS SHING GRUB BA BRNYES PA'I DAM PA BAR MA CHAD BAR BYON ZHING, MKHAS MANG BRGYA PHRAG 'DU BA'I BSTI GNAS SHAR PHYOGS BSTAN PA'I SGRON ME DVAGS PO GRVA TSANG DU RANG RGYUD GTAN LA 'BEBS PA'I CHED DU THES PA RGYA CHER 'TSOL BA LA ZHUGS SO, ,DE NAS DRUNG BA RGYAL TSAB PA'I BSLAB BYA RNAMS THUGS LA BZHAG NAS THOG MAR RIGS PA'I SGO 'BYED BSDUS GRA CHE CHUNG, DE NAS TSAD MA RNAM 'GREL PHAR PHYIN 'DUL BA MNGON PA MDZOD RNAMS LA LO BCU DRUG GI BAR DU SBYANGS TE MKHAS PA'I PHUL DU PHYIN PAR MDZAD, THOS BSAM MDZAD PA'I SKABS DE DAG GI CHO YANG ZAS GOS NGAN NGON TZAM GYIS CHOG SHES PAR MDZAD NAS MTSAN MO MNAL YE MA GZIM PAR NYIN MTSAN KHOR YUG TU SBYONG BAR MDZAD, DE LTAR SLOB GNYAR MDZAD PA'I GNAS SKABS THAMS CAD DU ZAS GOS 'DU 'DZI GNYID KYI BDE BA LA ZHEN PA MED TSUL DANG, 'DZIN GRVA GONG 'OG SOGS GANG LA'ANG CHAGS SDANG 'GRAN SEMS MED PAR BSAM PA BZANG BA, DAD PA DANG BRTZON 'GRUS CHE BA, BZHUGS LUGS SOGS LA MKHAS PA RNAMS SHIN TU YA MTSAN PAR BYED CING, CHOS RNAMS KYI RANG SPYI'I MTSAN NYID LA RMONGS PA MED PA'I SHES RAB RNO LA GTING ZAB PAS DON LA RTON GYI TSIG LA MI RTON PA, GZHUNG LUGS RNAMS LAS JI LTAR BSHAD PA THAMS CAD RANG RGYUD 'DUL BA'I THABS 'BA' ZHIG TU GO ZHING GZHAN LA'ANG DE LTAR STON PA, NYAMS MTSAR GSHAGS 'DEBS RTZED MO JI LTA BU MDZAD KYANG

GZHAN DANG MI 'DRA BAR TSIG 'GRIG PA, NYAMS DOD PA, ZHIB TU DPYAD NA SEMS 'DUL BA'I THABS 'BA' ZHIG TU 'ONG BA ZHIG YOD CES GRAG GO, THUGS GNYER MDZAD PA'I SKABS SU'ANG BYANG CHUB LAM GYI RIM PA'I NYAMS LEN LA BRTZON PAR MDZAD PAS RGYA CHEN SPYOD RGYUD DANG, ZAB MO LTA RGYUD KYI BLA MA RNAMS KYI ZHAL GZIGS PA SOGS DAG PA'I MTSAN MA'ANG MANG DU BYUNG NGO, ,DE LTAR LO BCU DRUG GI BAR DBU TSAD PHAR PHYIN 'DUL BA MNGON PA RNAMS LA TSIG SPYI TZAM DU MA LUS PA'I THUGS GNYER MTHAR PHYIN BAR MDZAD DE, DON GNYER CAN GYI DGE PHRUG 'GA' RE LA RTZI SHAG GNANG ZHING, RIGS LAM LA SHIN TU BYANG BA'I MKHAS BA DU BA'I THE TSOM GCOD PA BOR GYUR CING SDE SNOD 'DZIN PA RNAMS KYI GTZUG GI RGYAN DU BZHUGS SO, ,DE NAS THUGS LA 'DI LTAR DGONGS TE THOS DON SGRUB PA SNYING POR BYED PA ZHIG MA BYUNG PHYIN, THOS PA TZAM GYIS RANG RGYUD 'DUL MI NUS LA, RANG MA DRAL BAS GZHAN 'DUL MI NUS BAS DBEN PA'I GNAS SU THOS DON SGRUB PA SNYING POR BYED DGOS PAR 'DUG ,SNGAR BLA MA'I BSLAB STON LAS KYANG 'GYANGS SONG BAS DA NI MYUR DU MA SONG NA DENG BYA SONG BYA'I NGANG LA TSE ZAD NAS RANG GZHAN GYI DON CHEN PO SGRUB PA LAS NYAMS BAR 'GYUR BAR 'DUG SNYAM NAS NYIN MTSAN KUN TU DBEN PA'I YON TAN GYIS YID PHROGS NAS YOD PA'I TSE, GRVA TSANG DE KHA'I DGE BSKOS BYED DGOS KYI GRAL MTSAMS SU YANG SLEB YOD PAS BLA MAS DGE BSKOS DANG GRVA SKOR DGOS PA'I BSLAB STON PHEBS PAR BLA

, ,MAL DGANGS PA JI LTAR ZHUS KYANG MA GNANG BA'I RKYEN GYIS DGE BSKOS LA BYOL THABS KYIS BROS NAS 'BRAS SPUNGS SU PHEBS, GZIM SHAG MKHAN PO BLO BZANG MKHAS BTZUN GYI DRUNG NAS LAM RIM CHEN MO'I LJAGS LUNG TSAR GCIG GSAN, DE NAS BLA MAS LCAGS RI'I PHYI ROL TU SKYAL THUNG MDZAD NAS BSLAB BYA YANG DAG GNANG STE GTZANG DU BYON, SHANGS RGOD TSANG DU DRUNG BA RIN PO CHE'I ZHABS DRUNG DU PHEBS PAS, DRUNG PA RIN PO CHE'I ZHAL NAS KHYOD MTSAN NYID LA RGYUN RING DRAGS BYUNG, LO BCU SONG NAS 'ONGS NA 'GRIG RGYU YIN, DA LE LO MA BYED PAR RI KHROD RANG BYAS PA DGA' GSUNG ZHING GANG SHES RGYUD LA SBYOR DGOS PA'I BKA' CHOS BSLAB BYA DANG 'BREL PA MANG DU GNANG, DE NAS DRUNG PA RIN PO CHE LA BSNYEN RDZOGS KYI MKHAN POR GSOL BA BTAB BAS, DGYES PA CHEN POS ZHAL GYIS BZHES SHING, MKHAN SLOB GRANGS TSANG BA'I DGE SLONG GI DGE 'DUN DANG BCAS PA'I DBUS SU BSNYEN PAR RDZOGS PA DGE SLONG GI DNGOS PO THOB STE, THUB PA'I RGYAL TSAB GNAS BRTAN 'DUL BA 'DZIN PA CHEN POR GYUR TO, ,DE NAS SKU KHAMS MI SNYOMS PA CUNG ZHIG BYUNG BA NA DRUNG PA RGYAL TSAB PA'I ZHAL NAS DVAGS PO GRVA TSANG GI DGONGS PA MA KHROL BAS LHA MO'I 'TSUB KYI RNAM PAR 'DUG, GRVA TSANG GI DGONGS PA LEGS PAR ZHUS LA SHOG GSUNG, DE NAS DVAGS PO GRVA TSANG DU PHEBS TE DGONGS BA ZHUS, DE KHA'I BLA MA DGE 'DUN TSANG MAS DANG BA CHER MDZAD DE

GRVA TSANG GI KHRI LA 'JOG 'DOD MDZAD KYANG, DAM PA 'DI NGES 'BYUNG SKYO SHAS CHE BAS GRVA TSANG GI BLA MA LA MDZAD CING, BLO GSAL DON GNYER CAN 'GA' ZHIG LA DRANG NGES RNAM 'BYED KYI BSHAD PA ZHIG GNANG, DE NAS RGYUD STANG DU CHOS THOG GCIG TZAM PHEBS NAS DGE RGAN RE SGO AA TZA RA RI GONG BYA BA'I RI KHROD DU BZHUGS BAS DER PHEBS, ZAB CHOS MANG DU GSAN CING, BYANG CHUB SEMS KYI GDAMS NGAG THUGS TSIM BAR ZHUS TE, SLAR YANG GTZANG DU PHEBS BAS DRUNG PA RIN PO CHE GZUGS SKU'I BKOD PA CHOS KYI DBYINGS SU BSDUS NAS DAD LDAN GYI SLOB MA RNAMS NYID KYI THUGS SRAS DRUNG PA RTA PHUG PA BLO BZANG DAM CHOS RGYAL MTSAN GYIS BLA MA RGYAL TSAB PA NYID LAS MI ZHAN PAR SKYONG SKABS SU SDANG BAS DRUNG PA RIN PO CHE DANG BKRA SHIS LHUN PO'I DKYIL KHANG DU MJAL NAS BSNYEN BKUR DANG 'BUL BA GANG 'BYOR PHUL TE SKYES BU GSUM GYI LAM GYI RIM PA'I KHRID KYI SNYAN 'BUL ZHUS PAS, DER BDE LAM GYI KHRID DBU 'DZUGS TZAM MDZAD, 'PHROS RNAMS RGOD TSANG DU SLEBS NAS YONG GSUNG, DER PHABS NAS ZHUS PAS MTSAN NYID BA LA LAM RIM GYI KHAG MI 'ONG GSUNGS NAS MA GNANG BAS CHOS LA GDUNG DRAG NAS YANG YANG ZHUS PAS SGO DU MA NAS BKA' BKYON MDZAD PA LAS BKA' CHOS KYI ZHAL BZHES MI MDZAD PAR THUGS MI MNYES PA LTA BU LAN MANG DU MDZAD PAS THUGS LA NGA LAS SGRIB CHE BAS SNOD DU MA GYUR PA YIN 'ONG, SNGON LA BSHAGS SBYANGS LAS SGRIB DAG PA'I MTSAN MA THOB BA ZHIG BYED, DE NAS YANG ZHABS BSKUL

, ,ZHU DGONGS TE BKRA SHIS LHUN POR PHEBS SKOR BA GSOG PA'I TSE, NYIN GCIG SKOR LAM DU RO KHYER BA GZIGS PAS, NGA 'DI DANG MNYAM DU MA SHI BA'I BDEN NAM RDZUN YA MTSAN, DE RING RANG YANG 'CHI NYEN 'DUG ,RTEN BZANG PO 'DI 'DRA THOB NAS BYANG CHUB LAM GYI RIM PA LA BLO SBYONG RGYU MA BYUNG BAR SHIN JI LTAR BYED, SLAR 'DI LTA BU'I RTEN THOB MI 'THOB CHA CI YOD SNYAM NAS DAL 'BYOR DANG 'CHI BA MI RTAG PA ZUNG 'BREL DU GO NAS BRTZON 'GRUS DRAG POS BANG BTANG NAS SKOR BA MDZAD, DE'I TSE THUGS LA NGA DA LTA RANG YANG 'CHI NYIN 'DUG ,'JIGS PA CHEN PO 'DI PAn CHEN THAMS CAD MKHYEN PAS DGONGS NI DGONGS THUGS BRTZE BAS GCIG GSUNG RIGS PAR 'DUG SNYAM PA BYUNG, SKOR BA BSOGS NAS SLAR YANG RGOD TSANG DU PHEBS, BKA' CHOS KYI ZHABS BSKUL ZHUS PA NA KHYED MTSAN NYID PA LA LAM RIM BSHAD PA LA DGOS PA MED GSUNGS MA GNANG BAS, 'CHI RKYEN MANG LUGS DANG; GSON RKYEN NYUNG LUGS, SROG NYAM CHUNG LUGS GANG LA BSAMS KYANG, TSE 'DI LA LAM RIM GYI KHRID THOB PA'I SKAL BA MI 'DUG, SKYE BA RJES MA LA BYANG CHUB LAM RIM STON PA'I BLA MA MTSAN NYID DANG LDAN PA ZHIG DANG MJAL NAS CHOS DE LA THOS BSAM SGOM PA MTHAR PHYIN PA ZHIG 'ONG BA'I BSNGO SMON DANG, DE'I GEGS MI DAG BA GANG BYAS LA BSHAGS SDOM 'GYOD MED CIG BYA BA LAS 'OS MI 'DUG SNYAM STE, ZHUM PA MED PAR SNYING STOBS BSKYED NAS,

RGOD TSANG GI NYE SKOR PHUG BA DBEN PA ZHIG TU, RTZAM BA NYUNG TZAM LA BZHES CHOD MDZAD CING GCIG PUR BZHUGS NAS, NYI MA RE LA BRKYANG PHYAG STONG PHRAG GSUM RE BTZAL NAS BSHAGS SBYANGS LA 'BAD PAS, RE ZHIG LON NAS YUL DE NA DMAR BSHAL GYI RIMS BYUNG BAS, LAN CIG KHRAG MANG PO 'KHRU BA BYUNG, PHUG BA'I NANG DU BYON KHRAG 'KHRU BA DE BDEN NAM BRDZUN SNYAM SLAR GZIGS PAR PHEBS PAS GANG YANG MI 'DUG RUNG, NGA NAD NGAN DE THEBS 'DUG MYUR DU 'CHI SNYAM DGE SBYOR LA BRTZON PA DRAG TU BTANG BAS DA STE ZHAG BDUN NAS KHYOD 'CHI'O ZER BA'I SGRA ZHIG MNGON SUM DU BYUNG BAS, ZHAG BDUN SONG BA'I NYIN 'CHI BAR THAG CHOD NAS 'CHI GRABS 'GYOD MED CIG BYED DGOS SNYAM NYIN RE BZHIN BSAG SBYANGS LA 'BAD CING NYIN BDUN BA LA DGE RTZA RNAMS BSNGO SMON RNAM PAR DAG PAS RGYAS BTAB, SEMS 'PHRENG BA'I CHAS KA DANG MDZA' BSHES NI MED, TSE 'DI LA LAM RIM MA THOS KYANG LAS 'BRAS MI BSLU BAS PHYI MTHOB NGES 'GYOD PA SPU TZAM MED SNYAM 'CHI BAR THAG BCAD NAS BZHUGS PAS ZHAG NI BDUN SONG, GRONGS NI MA GRONGS, DE RING MA SHI PA DE BLA MA DKON MCHOG GI BKA' DRIN YIN SNYAM THUGS DAM SNGAR LAS KYANG NUS PAR MDZAD PAS RMI LAM DU CHOS GOS RNAM GSUM BZHES NAS SEL BO STONG PA ZHIG BSNAMS PHEBS PA RMIS PAS CHOS GOS RNAM GSUM GYON PA LEGS MOD SEL BA STONG BA KHUR BA BZANG RGYU MI 'DUG SNYAM STE SNGAR BZHIN THUGS DAM RGYUN BSKYANGS PAS

, ,RMI LAM DU GOS DKAR PO DRI MA MED PA ZHIG GYON NAS NAM MKHA'I DBYINGS THAMS CAD DU THOGS MED DU 'GRO BA ZHIG RMIS PA SDIG PA DAG PA'I RTAGS YIN NGES SHES PA BYUNG, DA NI SHI YANG MI 'GYOD DO SNYAM BZHUGS PAS, DGONG, CIG RMI LAM DU BLA MA RTA PHUG PA DE NYID RGOD TSANG GI RI RTZER PHEBS NAS, KUN GZHAN GYIS G-YAB MO MDZAD PA ZHIG RMIS THUGS LA DA RANG PHYIN PA BLA MAS GSUNG CHOS GNANG BA 'DRA DGONGS NAS RGOD TSANG DU BYON PAS THUGS SHIN TU DGYES PA'I SGO NAS DUS GSUM SANGS RGYAS THAMS CAD KYI BGROD PA GCIG PA'I LAM PO CHE, SHING RTA CHEN PO KLU SGRUB DANG THOGS MED GNYIS KYI LAM SROL, SKYES BU GSUM GYIS NYAMS SU BLANG BAR BYA BA'I RIM PA MTHA' DAG MA TSANG BA MED PAR STON PA, SNYIGS DUS KYI RGYAL BA GNYIS PA SHAR TZONG KHA PA BLO BZANG GRAGS PA'I THUGS KYI NYING KHU BYANG CHUB LAM GYI RIM PA'I MYONG KHRID GNANG BAS SKOM PAS GDUNGS PA CHU THOB PA'AM, DBUL POS GTER RNYED PA LTA BU'I DGA' SPRO BSAM GYIS MI KHYAB PA 'KHRUNGS, NYIN LTAR CHOS THUN GROL MA THAG GZHAN LA NGAG MA BTANG BAR SPYIL POR PHEBS NAS, BLA MAS JI LTAR GSUNGS PA'I TSIG RIS PHRA MO TSUN CHAD ZUR MA NYAMS PAR 'DI'I SKABS SU 'DI GSUNGS 'DI'I SKABS SU 'DI GSUNGS SNYAM DU TSIG SKYOR BA DANG, DON SEMS PA SOGS LA SNOD KYI SKYON GSUM GAD GIS KYANG MA GOS BAR MDZAD, BLA MA'I RNAL 'BYOR GYI SKABS SU KLOG SLOB PA'I SLOB DPON BTZUN LO GCIG YOD PA DE LA SANGS RGYAS

DNGOS KYI 'DU SHES SKYE DKA' BAR BYUNG BA BLA MA LA ZHUS PAS, SLOB DPON BTZUN LOG DE NYID TSOGS ZHING GI GTZO BOR GYIS THUB PA'I DBANG POR BSGOMS LA DANG PA SBYONGS, NAM SANGS RGYAS SU MTHONG BA'I DAD PA BYUNG TSE KHONG RANG GI GRAL DU BZHUGS LA DANG PA SGOMS GSUNGS, DE LTA BU'I TSUL GYIS 'GO BSHES GNYEN BSTEN TSUL NAS MJUG LHAG MTHONG GI BAR GYI DMIGS SKOR MTHA' DAG LA THOS BSAM GYIS MTHA' CHOD PAR GTAN LA PHAB STE DOGS PA SHIN TU GCOD DKA' BA RNAMS BLA MA RANG LA ZHUS NAS LAM SGOM PA'I THOG MTHA' BAR GSUM GYI GNAD 'GA' PHRA ZHING PHRA BA RNAMS KYANG THAG CHOD PAR MDZAD DE, GCIG PUR BZHUGS TSE GZHAN LA DOGS GCOD 'DRI MI DGOS PA'I GDENG THOB PAR MDZAD DO, ,KHRID SKYONG BA LA SHIN TU BRTZON PAR YOD PA'I SKABS SHIG MNAL LAM DU LHA KHANG CHEN PO SGO SHAR LA BSTAN PA SGO LCAGS CHEN PO RGYAB PA ZHIG GI SGO DRUNG NA NYID RANG BZHUGS 'DUG PA LA MI ZHIG GIS LDE MIG CHEN PO ZHIG BYIN BYUNG, DES SGO LCAGS DE PHYE NAS SGO PHYE BA DANG DUS MNYAM DU SHAR PHYOGS NAS SPRIN DANG BRAL BA'I NYI MA'I DKYIL 'KHOR 'OD ZER SHIN TU GSAL BA ZHIG SHAR BA KHANG PA DE'I NANG DU BSTAN PA'I BDAG PO'I SKU SHIN TU CHE BA ZHIG BZHUGS 'DUG PA DE'I THUGS KAR 'OD ZER PHOG PAS SKU DE LAS KYANG 'OD ZER 'PHROS PAS KHANG BA DE NYID GANG NAS 'OD DANG 'OD ZER PHYOGS BCUR 'PHOR BA ZHIG RMIS, THO RENGS MNAL SAD TZA NA RMI LAM YA MTSAN CAN DE 'DRA CI YIN NAM SNYAM BZHUGS PAS PHAN TSUN GYI SPYIL PO

, ,RNAMS KYI KHAR RDO 'PHEN PAR 'DUG PAS, RMI LAM LA DPAGS NA DE RING BKA' CHOS SHIG GNANG BAR THAG CHOD SNYAM NAS MYUR DU BLA GRANG DU BYON PAS, RTZA BA'I BLA MA DE NYID BZHUGS KHRI PHUN SUM TSOGS PA ZHIG GI STENG NA SKU STOD GTZER PU MDZAD, CHOS GOS RNAM GSUM LEGS PAR BZHES PHYAG TU LAM RIM CHEN MO'I GLEGS BAM BSNAMS, NYI MA DRO SA ZHIG NA DANG BA 'DREN PA ZHIG MDZAD NAS BZHUGS 'DUG ,RMI LAM LA DPAGS NA RANG NGOS NAS BYUNG PHYIN BLA MA SANGS RGYAS YIN PAR THAG CHOD PA'I NGES SHES CHEN PO SKYES, BLA MAS DGYES BZHIN DU LAM RIM CHEN MO'I BSHAD LUNG RGYAS PAR GNANG BAS BLA MA DANG CHOS LA NGES SHES KHYAD PAR CAN 'KHRUNGS TE LUS KYI PA SPU LDANG; MIG NAS MCHI MA 'KHRUG BZHIN PAS BLA MA RGYANG 'BOD LA 'BAD CING, RIS DGA' BSTAN PA'I BDAG PO'I BKA' DRIN DRAN NAS SKABS GSUM PA MANG DU BTON NAS DAD PA DANG SKYO SHAS 'GRAN PA ZHIG YOD CING ,BLA MA LA BKA' DRIN DRAN PA'I DAD GUS RGYUN MI 'CHAD PA BYUNG ZHING BLA MA'I BYIN RLABS ZHUGS PA'I MTSAN MA'ANG THOB, RGOD TSANG RI KHROD KYI BSGRAGS LA ZHUGS NAS LO GSUM BZHUGS, LAM RIM GTZO BOR BSKYANGS PA'I BAR DU BKRA SHIS LHUN POR SNGAGS CHEN RDO RJE 'DZIN PA DKON MCHOG RGYAL MTSAN PA'I DRUNG NAS GSANG BDE 'JIGS GSUM SOGS KYI DBANG CHEN DU MA DANG, CHOS SKYONG SKOR PHAL CHER GYI RJES GNANG, SGRUB THABS DU MA'I LUNG BCAS CHOS BKA' CI RIGS

PA GSAN NO, ,DE NAS DRUNG PA RTA PHUG PAS DAM PA 'DI NYID DBUS PHYOGS SU RJE'I BSTAN PA LA PHAN PA CHEN PO 'BYUNG BAR GZIGS NAS NYIN GCIG SKU MDUN DU BOS NAS, ,NGA KHYOD DBUS LA SONGS GSUNGS TE NYID KYI SKU 'GAG BZHAS PA DE PHUD NAS GNANG, DBEN PA BSTEN PA'I TSE DKA' SPYAD DGOS TSUL, SGRUB PA BYED TSUL, DE LA BRTEN NAS BSTAN PA DANG 'GRO DON JI LTAR BYA BA'I BSLAB DON RGYAS PAR GNANG, KHYAD PAR DU GOS RGYAB DROS DANG ,'TSO BRTZAM PAS TSAG SHES GYIS LA DBEN PAR LAM RIM RANG LA DRIL CIG GSUNGS, DE NAS BLA MA SANGS RGYAS SU MTHONG BA'I DAD PA DANG, BKA' DRIN DRAN PA'I GUS PA CHEN POS DRANGS PA'I MCHI MAS BRLAN ZHING 'BRAL MI PHOD PA BYUNG YANG BKA' BZHIN SGRUB PA BLA MA MNYES PA'I MCHOD PA'I MCHOG DANG BKA' DRIN GZHAL BA'I MCHOG TU GZIGS TE DBUS SU BYON PAS SNYE THANG DU PHEBS PA'I TSE SE RA'I RGYAB RI'I LDEBS NA RJE'I SGRUB KHANG GI CHU MIG DANG SHING NAGS GZIGS PAS DGA' BA DANG SKYO BA 'DRES PA'I SPYAN CHAB MANG DU BYUNG, NGA YA GI RANG DU SGRUB PA BYAS LA 'DUG SNYAM PA BYUNG, DE NAS SGRUB KHANG DU PHEBS GNAS DER ZIL GNON DMIGS PA SKOR GSUM MDZAD, PHYAG BDAR LEGS PAR BYAS, SHIN TU BAG PHEBS PA DANG, DBEN PA BSTEN PA'I DGA' BAS THUGS RAB TU TSIM NAS RTZVA'I GDAN LA BZHUGS NAS LAM RIM DANG GCOD GNYIS KA LA BRTZON PAR MDZAD PAS, NUB DANG PO NAS SGO'I RTZAR SHU RGYAGS PA DANG 'GRAM LCAG GTONG BA DANG ,RMI LAM

, ,DU PO TA LA'I RGYAB NAS BZUNG, SGRAB KHANG GI BAR DU GUR KHRA CHEM ME BA'I SGAR BA CHEN PO'I MTHA' THAMS CAD 'BROG PA'I CHA LUGS CAN GYI RTA BA KHOR GSUM CHER MA 'DRA BA BTAGS PAS BSKOR BA DANG, NYANG BRAN PHU NAS G-YAG NAG PO RI 'DRA BZHIG NGAR SGRAS PA GZHO 'DAR ZHING ME STAG 'PHRO BA'I RLUNG 'TZUB DANG BCAS BYUNG BAS SGRUB KHANG 'OG GZHAN DANG BCAS PA RVA RTZER BSKOR BA RNAMS GCOD KYI DMIGS PA BRTAN POS GZI BAS, G-YAG RGOD DE CHUNG DU CHUNG DU SONG BA'I MTHAR THA 'OG PA'I LHA RTEN GYI RTZAR MAR ME CHUNG NGU ZHIG TU GYUR SONG ZHING, THABS SHES SPYAD KYI NYAMS LEN LA RGYUN BSKYANGS PAS BDAG 'DZIN 'GONG PO'I CHO 'PHRUL RANG ZHI LA SONG BA'I MTHAR GNAS DE'I GZHI BDAG RNAMS BRAN DU KHOL TE PHYIN CHAD BKA' BZHIN DU 'PHRIN LAS SGRUB PA ZHIG BYUNG NGO, ,DE NAS DUS RE ZHIG NAS NA BZA' DANG 'TSO CHAS RNAMS ZAD PA NA, RI NAS RTZVA BRNGAS NAS GDAN DANG G-YAS G-YON RNAMS SU RTZVA SPUNGS NAS SGOM PAR MDZAD, DE'I TSE G-YAS G-YON MDUN RGYAB GANG KRANG SA DER RTZVA MANG BAR SPUNGS NAS BSGOMS, MCHOD PA GZHAN CHER MED PAS PHOR BA BKRUS NAS YON CHAB DUS DRUG RE NYIN LTAR PHUL TE BYANG CHUB LAM RIM BSGOM PA LA BRTZON PA CHU BO'I RGYUN BZHIN MDZAD DO, ,DA LTAR BYANG CHUB LAM RIM GYI DMIGS RNAM SKYONG BA LA 'DABS THUGS RGYUD LA RTOGS PA SKYE PA'I RKYEN NI SGOM PA'I THUN BAR ZHIG LA CHU LEN PAR PHEBS BAS LA MKHAN SBRANG BU ZHIG CUNG ZAD 'BUR NAS

SA LA YANG YANG LHUNG BAR 'DUG ,'DI CI YIN SNYAM ZHIB TU GZIGS PAS SBRANG BU'I BRANG LA GROG MA ZHIG GIS MCHU BTZUGS NAS 'DUG ,DES RKYAN BYAS NAS LAS 'BRAS LA BSAM PAS, RANG GIS LAS NGANG ZHIG BSAGS PHYIN JI LTAR BYAS KYANG 'BRAS BU MYANG DGOS 'DUG, SBRANG BU LA MIG 'DUG ,GSHOG PA 'DUG ,GROG MA LA MIG KYANG MI 'DUG LA, GSHOG PA YANG MI 'DUG STE LAS KYIS BKUG NAS GNAS SKABS 'DI 'DRAR GYUR 'DUG PAS DGE MI DGE'I LAS NGES PA CAN SOGS STON PA SANGS RGYAS KYIS GSUNGS PA LA NAM YANG BSLU BA MED PA'I NGES SHES KHYAD PAR CAN 'KHRUNGS TE, DES SNA DRANGS NAS LAM GYI RTOGS BA MTHA' DAG RGYUD LA SPUNGS BA BZHIN DU 'KHRUNGS SO, ,DE LTAR BSHES GNYEN BSTEN TSUL NAS ZHI LHAG GI BAR LA RTZOL BCAS DANG RTZOL MED KYI MYONG BA RIM GYIS THON TE RANG NYID MI NYAMS PA'I GDENG THOB PA NA SKAL DANG YI GDUL BYA RE GNYIS LA GANG LA GNAG 'TSAM GYI ZAB CHOS MNGON CHUNG GI SGO NAS GNANG, BAR SKABS SHIG DGOS PA KHYAD PAR CAN 'GA' GZIGS TE, 'O KHA DANG, NRGYAL DANG, DVAGS PO DANG, RTZVA RI'I RTZE SKOR SOGS LA PHEBS, 'DI SKABS SU BLA MA DRUNG RAM PA RIN CHEN DON GRUB LA GCOD STON THOG GCIG MA'I KHRID, NAM MKHA' SGO 'BYED KYI DBANG, DPON SLOB LHA SDINGS PA LA CHOS SPYOD RAB GSAL GYI LUNG, RE SGO AA TZA RA LA BLO SBYONG GZHAN DON DON GNYER, BYANG CHUB DON GNYER, BZOD PA'I PHAR PHYIN LA BSLOB TSUL SOGS CHOS MANG DU GSAN

, ,NO; ;DE NAS THUGS LA SNGAR GTZANG DU BZHUGS SKABS BLA MA'I ZHAL NAS GCOD LA BZHED PA CHEN PO 'DUG PA, BAR GRVA TSANG GI GCOD ZHIG NYAN NA 'ONG GSUNG BA ZHIG YOD PA DRAN NAS ,CI NAS KYANG DA RES 'GRO DGONGS TE PHEBS PAS, CHOS LUNG BYA BAR ZHAL SNGA NAS CHOS 'PHEL RGYA MTSO'I DRUNG DU 'BYOR, GCOD KYI GDAMS PA GNANG DGOS TSUL ZHUS PAS THUGS DGYES DGYES DPAG MED MDZAD, GCOD KHRID ZAB RGYAS GNANG, ZHAG BZHI BZHUGS, DE DUS ZHAL SNGA NAS DER DA LTA BREL BA YOD RJES SOR SHOG DANG, GCOD KYI DPE YANG STER GSUNGS TE THUGS LA BZHAG NAS SLAR YANG PHEBS PAS ZHAG BCU BZHI'I RING LA GCOD DBANG DANG ,SKAL LDAN 'JUG DOGS CHE CHUNG GNYIS, MA CIG RKYANG SGOM DANG BCAS PA'I KHRID LUNG DPE DANG BCAS PA GNANG, NGAS GCOD KHRID ZHUS NAS MA CHAG PAR BTANG BA YIN, NGA KHYOD KYIS KYANG MA CHAGS PAR THONGS GSUNGS TE, MA CIG BLA MA DANG BCAS PAS THABS SHES SPYOD KYI GDAMS PA'I MNGA' BDAG CHEN POR MNGA' GSOL BA'I RTEN 'BREL GYIS GDAMS PA 'DIS MA CIG GI DGONGS PA JI LTA BA BZHIN GDAMS NGAG BLO SBYONG SPYI DANG MTHUN ZHING, KUN SPYOD 'DUL BA LTAR MDZAD DE NANG GSANG SNGAGS LTAR GNAS NAS KUN RDZOB BYANG CHUB KYI SEMS KYIS RANG GCES 'DZIN BCAD, DON DAM BYANG CHUB KYI SEMS KYIS BDAG 'DZIN BCAD DE BDUD BZHI RANG SAR GROL, RANG SEMS DBANG DU 'DUS, DE'I MTHUS LHA 'DRE MI

GSUM DBANG DU 'DUS NAS GDAMS PA 'DI'I SGO NAS SKAL LDAN DU MA SMIN GROL LA BKOD CING, MING DON MTHUN PA'I GCOD KYI BSTAN PA NYIN MO LTAR GSAL BAR MDZAD NAS GDON GYIS BRLAMS PA'I NAD PA DU MA NAD LAS GROL BAR MDZAD TSUL YANG MTHA' YAS SO, ,GZHAN YANG DBUS STOD PHYOGS SU LAN 'GA' RE PHEBS TE, BLA MA SNYAN GRAGS KYI DRUNG NAS LAM RIM CHUNG NGU, DMIGS BRTZE MA'I LAS TSOGS SOGS CHOS MANG DU GSAN, HOR BKA' CHEN BLO BZANG DON GRUB KYI DRUNG NAS BE'U BUM SNGON PO'I 'GREL PA, 'JIGS BYED KYI BSKYED RDZOGS, BLO SBYONG SNYAN RGYUD CHEN MO, YI DAM SGRUB SKOR, BAR DO GSOL 'DEBS, GTOR MA SNA TSOGS, SMAN BLA'I BLA MA'I RNAL 'BYOR, PHYAG CHEN RNAMS GSAN, SLOB DPON BYAMS PA CHOS LDAN LA DMAR KHRID 'JAM DPAL ZHAL LUNG GI MYONG KHRID SEMS BSKYED CHO GAS 'DZIN TSUL DANG BCAS PA GSAN, SEMS BSKYED MCHOD PA'I SKABS ME TOG DKAR PO'I CHAR BABS PAS BLA MA SHIN TU MNYES PAR GYUR, GZHAN YANG NYI SDINGS BLA MA DGE 'DUN PHUN TSOGS KYI DRUNG NAS SRAD RGYUD LUGS KYI 'JIGS BYED KYI BSKYED RDZOGS KYI KHRID SMIN RGYAS GSAN, SNGA PHYI DU MER PO TA LAR PHEBS NAS RDO RJE 'CHANG CHEN PO DGE SLONG 'JAM DBYANGS GRAGS PA'I DRUNG NAS, TSE DPAG MED KYI KHRID, SNYING PO DON GSUM GYI KHRID LUNG, BLO SBYONG DON BDUN MA'I KHRID LUNG, DMIGS BRTZE MA'I BLA MA'I RNAL 'BYOR GYI KHRID LUNG SOGS CHOS MANG DU GSAN NO, ,DE LTAR THOS BSAM SGOM PA

, ,GSUM LA DRIL NAS GCIG GI GEGS GCIG GIS BSAL, GCIG GROGS SU GCIG SONG BAS LUNG RTOGS KYI YON TAN RNAMS MTSO'I PADMA LTAR GYUR TE, THAR 'DOD DU MA LA LEGS BSHAD KYI DGA' STON 'GYED PAR MDZAD DO, ,DE NAS MA 'ONGS PA'I BSTAN RGYUN LA DGONGS TE SER RE RTZE'I SGRUB KHANG DU SGRUB SDE 'DZUGS PAR MDZAD DE THOG MAR DGE SLONG BCU BDUN LONGS PA'I DGE 'DUN GYI SDE CHAGS, DE NAS GDUL BYA LAS CAN RNAMS LA LAM RIM GTZO BOR MDZAD PA'I GCOD SNYING PO DON GSUM SOGS KYI CHOS 'KHOR DU MA BSKOR BAS SLOB MA THAMS CAD KYANG NYID KYI RJES SU SLOB PAS YUN RING PO'I BAR DU GNAS DER SANGS RGYAS KYI BSTAN PA SGRUB PA'I LE'U'I DUS LTAR GNAS PAR GYUR TO, ,DE NAS RKYEN CI RIGS PAS BSKUL NAS 'OL KHAR PHEBS TE 'GAR PHUG DANG, CHOS LUNG SOGS SU RE ZHIG BZHUGS PAS, 'GAR PHUG GI RJE'I SGRUB KHANG DU DAM CAN CHOS RGYAL ZHAL GZIGS, GCOD KYI LHONGS LA PHAG RGOD NAG PO RA TZIM ZHIG RLUNG DMAR DRAG TU G-YO BA DANG BCAS BYUNG BA DMIGS PAS GZIR BAS MTHAR PHYI BA GSUM DU SONG, DE YANG DMIGS PAS GZIR NAS THAL BA'I RDUL DU BRLAG STE RNAM SHES CHOS KYI DBYINGS SU 'PHANGS NAS LTA THOG TU MNYAM PAR BZHAG PAS PHYI NYIN NYI MA LAM GYI MA DROS PAR MNYAM GZHAG THUN GCIG LA SONG, MNYAM GZHAG LAS LANGS MA THAG 'KHOR 'DAS MNYAM NYID DANG SNANG STONG ZUNG 'BREL GYI MGUR MA ZHIG KYANG GSUNGS,

RGYAL DU PHEBS PAS DPAL LDAN LHA MO'I ZHAL GZIGS PA SOGS DAG PA'I MTSAN MA MANG DU BYUNG, DE NAS TSUR PHEBS PAS SANG ZANGS RIR PHEBS RGYU'I DGONG MO MNAL LAM DU, MI ZHVA NAG PO GYON PA DUNG LONG BRGYAB PA ZHIG GIS, DOG BDE'I NANG DU MCHOD RTEN YOD DER KHANG PA BRTZIGS NA 'ONG ZER BA ZHIG BYUNG, SANG ZANGS RI KHANG DMAR DU PHEBS RTEN MJAL MDZAD PAS SRAS THOD SMYON BSAM 'GRUB KYI SKU DE RMI LAM DU BYUNG BA JI LTA BAR 'DUG GSUNG, DE NAS SE RA RTZER PHEBS NYIN DGE 'DUN RNAMS KYIS BSU BA MDZAD, 'DU KHANG DU MCHOD PA BRGYA TSAR PHUL, DGE 'DUN THAMS CAD KYIS ZHABS SPYI BOR BLANGS, DA PHYIN CHAD GDAN SA 'DI RANG DU BZHUGS NAS CHOS GSUNG BAR GSOL BA MGRIN GCIG TU BTAB PAS THUGS DGYES PA CHEN POS ZHAL GYIS BZHES TE, DA NGAS KYANG LAM RIM RANG 'CHAD KHYED RANG RNAMS KYANG LAM RIM RANG SGOMS SHIG GSUNG, DE NAS BZUNG STON DPYID GNYIS LA LAM RIM GYI KHRID TSAR RE PAL CHER GNANG, DPON SLOB THAMS CAD BSHAD SGRUB SHIN TU 'PHEL, SEMS BSKYED MCHOD PA DANG MAndAL RNAMS LA BSNGAGS BRJOD CHEN PO MDZAD PAS DAR RGYA CHE RU SONG, DE NAS SNGAR MNAL LAM DU BYUNG BA'I DOG BDE'I NANG GI MCHOD RTEN YOD PA RTZAD DPYAD PAS, BUR BU LCOG TU MCHOD RTEN 'GA' ZHIG 'DUG PAS DAR RJE 'DI NYID KYIS SA 'BUL DANG BKOD PA MDZAD NAS, SPYIN BDAG KHRA 'BUR SOGS KYIS DER GZIM KHANG ZHIG BRTZIGS, DAM PA 'DI DGUNG LO DRUG CU THAM PA BZHES PA LCAGS PO 'BRUG GI LO

, ,PHUR BU LCOG TU BYON, NYIN MANG PO'I BAR MDO SDA BSKAL BZANG BKLAGS SHING MCHOD PA GZABS PA PHUL, BYANG CHUB MCHOG TU SEMS BSKYED DGOS TSUL GYI GSUNG BSHAD RNO LA RGYAS PAR GNANG NAS MDO SDE BSKAL BZANG DBANG DU BZHAG NAS SBYOR DNGOS RJES GSUM TSANG BA'I SEMS BSKYED RE DPON SLOB THAMS CAD KYIS MGRIN GCIG TU MDZAD DO, ,BSKAL BZANG LAS DE BZHIN GSHEGS PA GRAGS PA SNGON THAG PAR GYUR PA'I CHE RAS KYI KHA TSAR PHUL NAS SEMS BSKYED PA DANG, DE BZHIN GSHEGS PA 'OD 'PHRO RTZVA'I SGRON ME PHUL NAS SEMS BSKYED PAR GSUNGS PA YI GER BRIS NAS MGUL DU BZHES, NGED RANG TSO SEMS BSKYED PA'I RDZAS LA MA THOGS DAD PA LA THOGS GSUNGS PA SOGS GSUNG CHOS RUS BA CAN MANG DU GNANG, DE NAS RGYAL DGA' TSAL DBU MDZAD KYIS RJE BTZUN THAMS CAD MKHYEN PA BLO BZANG YE SHES LA GSOL BA BTAB NAS LAM RIM GYI MAN NGAG CHES GSAL BA MYUR LAM ZHES BYA BA GNANG BA GSAN NAS RGYAL DU PHEBS TE BRAG RTZA BLA MA BLO BZANG RGYAL MTSAN LA SNGAGS RIM CHEN MO, 'DUL BA'I GLENG 'BUM CHEN MO, PAn CHEN THAMS CAD MKHYEN PAS MDZAD PA'I MYUR LAM RNAMS KYI LUNG GSAN CING BYAMS CHEN GYI MDUN DU SEMS BSKYED DANG, BSTAN PA RGYAS PA'I BSNGO SMON MDZAD NAS 'OL KHAR PHEBS DRUNG RAM PA BLO BZANG CHOS RGYAL LA SMON LAM MTHA' YAS PA'I GCOD SOGS BKA' CHOS CI RIGS GSAN NAS SER RTZER PHEBS

SNGAR BZHIN BSHAD SGRUB KYIS 'DUS SDA RNAMS LEGS PAR BSKYANGS SO, ,DE NAS PHUR BU LCOG TU DGE SLONG BRGYAD SDE ZHIG 'DZUGS PA'I THUGS 'DUN YOD BA BZHIN ME KHYI LO HOR ZLA GSUM PA'I MJUG GZA' SKAR 'PHROD SBYOR LEGS PA ZHIG GNAS BZUNG 'BAD RTZOL CHER MED PAR THAR 'DOD DU MA RJE BLA MA NYID KYI THUGS RJES 'UR GYIS 'DUS NAS THOG MAR BRGYAD SDE DANG, DE NAS RIM GYIS 'DUS NAS DGE 'DUN NYI SHU LONGS BA'I SGRUB SDE PHUN SUM TSOGS PA CHAGS PAS DAD LDAN BSOD NAMS GSOG PA'I ZHING SA MCHOG TU GYUR PA 'DI BYUNG NGO, ,'DI SKABS NAS BZUNG SGRUB SDE RNAMS SU TSOGS NAM 'TSOG RES KYIS THOG MAR PHYAG 'TSAL BA DANG SBRAGS PA'I YAN LAG BDUN PA MAndAL DANG BCAS PA PHUL NAS SEMS BSKYED PA DANG, TSOGS 'DU SOGS GANG DU PHEBS KYANG MAndAL BSNAMS PA'I SROL BTZUGS, PHUR BU LCOG GI SGRUB SDE CHAGS NAS 'DU KHANG LOGS BRIS GRUB RJES RJE BTZUN BLA MA NGAG DBANG BYAMS PAS DBU MDZAD DGE SLONG RNAMS KYIS ZLA BA GCIG GI BAR 'DU KHANG DU DGONG MO RE RE BZHIN BRGYAD PHYAG LNGA BRGYA RE LA NYUNG THA BYAS NAS BSAG SBYANGS LA BRTZON PAR MDZAD PAS THUGS SHIN TU MNYES NAS NGA LAS KHYED TSE SNYING RUS CHE BA 'DUG ,CHUNG DU'I DUS NAS RJE BLA MA LA BLO SNYING GTAD NAS RI KHROD CIG LA 'GRO BSAM PA YOD, SNYING RUS KHYED TSO TZAM MED GSUNGS, LAM RIM CHEN MO'I BSHAD LUNG DANG 'JAM DPAL ZHAL LUNG GI KHRID RGYAS PAR GNANG, DE NAS RA KHA BRAG SGRUB SDE CHAGS TE SER RTZE DANG PHUR BU LCOG GI DGE

, ,'DUN RNAMS KYANG SPYAN DRANGS NAS SEMS BSKYED MCHOD BA RGYAS PAR MDZAD, THOG MAR DGE SLONG BCU GNYIS CHAGS, DE NAS RIM GYIS JE 'PHEL DU GYUR TO, ,DE NAS BZUNG SGRUB SDE SO SOR ZLA BA YAR NGO MAR NGO'I GSO SBYONG DANG DBYAR GNAS, DGAG DBYE SOGS BSTAN PA RIN PO CHE'I RTZA BA SO SOR THAR PA'I PHYAG LEN RNAM PAR DAG PA 'DZUGS PAR MDZAD, SA MO GLANG LO'I ZLA PA DANG PO NAS SGRUB SDE PHAN TSUN SO SOR SEMS BSKYED MCHOD PA ZHU MI DU MA BYUNG BA LA SPYAN DRANGS PA BZHIN SKYA SER MANG PO LA THEG PA CHEN PO'I SEMS RIN PO CHE'I GSUNG BSHAD GNANG, ZLA BA GSUM PA'I NANG DU LHA RI BLA MA LHO RTING SKYES BLA MA SE 'BRAS DGE GSUM RGYUD STOD SMAD KYI DGE BA'I BSHES GNYEN MANG PO DANG SGRUB SDE GSUM GYI DGE SLONG RNAMS GTZO BOR BYAS PA'I THAR 'DOD NYIS BRGYA MA LONGS TZAM LA BYANG CHUB LAM GYI RIM PA'I MYONG KHRID ZLA BA GCIG GI BAR DU GNANG NGO, ,DE NAS MA 'ONGS PA'I BSTAN RGYUN LA DGONGS TE SNGA SNOD RIN PO CHE GSUM GYI BRJOD BYA LAG LEN DU 'DEBS TSUL SPONG BA'I KHRIMS SU BCA' BA, PAn CHEN RIN PO CHE BLO BZANG YE SHES DPAL BZANG POS MDZAD PA DE LA DAM PA NYID KYIS CUNG ZAD KHA BKANG STE SGRUB SDE SO SOR GNANG NAS SGRIGS LAM DE GA SOR GNAS DGOS TSUL GYI BSLAB STON RGYAS PAR GNANG STE, RA KHA BRAG TU DBYAR ZHAL BZHES MDZAD, DGAG DBYE TSAR NAS RA KHA BRAG DANG PHUR BU LCOG TU BDE MCHOG DRIL BU LHA LNGA'I CHO GA BTZUGS, ZHAG BDUN GYI

RING TSOGS 'KHOR MCHOD PA DGE 'DUN RNAMS LA BSNYEN BKUR LEGS PAR MDZAD DO, ,DE NAS PHUR BU LCOG TU PHEBS THAR BDON GNYER CAN MANG PO LA BSNYEN RDZOGS KYI SDOM PA GNANG, SGRUB SDE SO SOR SKYA SER MANG POS SEMS BSKYED MCHOD PA DUM PHUL BAR BYANG CHUB SEMS KYI GDAMS NGAG DANG SEMS BSKYED BSNGO SMON YANG DAG MDZAD, DGE SLONG DNGOS GRUB KYIS ZHUS NAS NYUNG SHAS SHIG LA BKA' GDAMS THIG LA BCU DRUG GI DBANG GNANG, MNAL LAM DU MI MANGS PA'I SKYON BYUNG GSUNG, BAR SKABS SHIG MKHAR RDO MKHAN PO BZOD PA RGYA MTSOS GDAN DRANGS NAS SEMS BSKYED MCHOD PA MDZAD, GNAS DER DGE 'DUN GYI SDE YUN RING GNAS PA'I THUGS SMON MDZAD DE NYIN 'KHOR DU PHUR BU LCOG TU PHEBS, DE NAS SGRUB SDE GSUM GYI DGE 'DUN THAMS CAD LA, SPYIR CHOS LAM RIM 'DI LA LONG BAS GLANG MJUG LTAR BYED DGOS, KHYAD BAR DU TSAD MED BZHI'I SGO NAS BYANG CHUB KYI SEMS LA BLO SGYONG DGOS, SGRUB SDE SO SOS SGRIGS LAM 'DUL BA'I BSLAB BYA GZHIR BZHAG BYAS TE THEG PA KHUR BLANGS DGOS TSUL RGYAS PAR GSUNGS, SHIN TU THUGS SKYO BA'I RNAM PA MDZAD CING, YANG SGOS KHYAD PAR CAN DU BYANG CHUB KYI SEMS 'DI LA THAMS CAD KYIS MA 'BAD NA, BYANG CHUB KYI SEMS KYI SKAD CHA DE TZAM ZHIG BYAS PA GO RGYU CI YANG MED PA 'DI 'DRA NGA RANG NA SO SONG, SO BUD PA DANG BCAS GO BRDAM 'PHROD PA YIN PA 'DRA BSAM PA YONG GI 'DUG GSUNG BA SOGS THEG CHEN BSTAN PA NYAMS PA THUGS KYIS MA BZOD NAS GNAD DU BSNUN

, ,PA'I ZHAL TA MANG DU GNANG BAS DER TSOGS PA THAMS CAD LA BOGS CHE BAR BYUNG NGO, ,DE NAS CHU PHO 'BRUG GI LO SGRUB SDE GSUM SO SOR SEMS BSKYED MCHOD PA MANG DU BYUNG ZHING BYANG CHUB KYI SEMS RANG SGOM DGOS GSUNG BA SOGS GSUNG CHOS GNAD CAN MANG DU GNANG ZHING YUN RING MI BZHUGS PA'I RTAGS SU ZHAL NAS, NA TSOD DAR BAB KHO LANGS SONG, ,SKRA DKAR GNYER MA KHO SLEBS BYUNG, ,MI RTAG 'CHI BA KHO SLEBS RAN, ,'GYOD MED DAM CHOS KHO REMS PAS, ,SLEBS RUNG 'GYOD RGYU CANG MI GDA', ,ZHES BYA BA LA SOGS PA'I MI RTAG PA'I SKYO MGUR DU MA GSUNG ZHING, THUGS KYIS GTAD PA'I SLOB MA RNAMS LA MNGON CHUNG GI SGO NAS 'PHRAL DU PHUGS JI LTAR BYA BA'I ZHAL TA GNAD 'GAG CAN DU MA GNANG NGO, ,DE LTAR DAM PA 'DIS SKU TSE'I STOD LA THOS PA RGYA CHEN PO BTZAL, BAR DU LUNG RIGS PA GDAMS NGAG THAMS CAD KYIS TSUL BZHIN DU BSAMS, THA MAR BSAMS PA'I DON DE LA THUN BZHIR BCAD NAS SGOM PA 'DI SKU BSNYUN PA DANG, THUGS BREL CHE PA SOGS RKYEN CI BYUNG YANG CHAG TU MI 'JUG LA, BSAM PA BZANG PO BYANG CHUB KYI SEMS LA THUGS DAM GYI MTHIL DU MDZAD NAS GZHAN LA YANG DE BZHIN DU 'DOMS PAR MDZAD DE; ZHAL NAS NGAS DANG POR BLA MA LAS BYANG CHUB SEMS KYI GDAMS NGAG THOS PAS SKOM PAS CHU'I GTAM THOS PA LTAR SEMS DE RGYUD LA SKYE BA'I DUS SHIG NAM 'ONG SNYAM STE RI'I RTZER SONG YANG DE DRAN, KLUNGS DU SONG YANG DE DRAN,

MI MANG PO'I NANG DU PHYIN RUNG, GCIG PUR BSDAD RUNG MDOR NA SPYOD LAM CI BYED KYANG DE KHO NA DRAN, CI DRAG LA THUG PA BYUNG NAS BSLAB BTUS LAS 'BYUNG BA'I RJE BTZUN 'JAM DBYANGS SNGON RGYAL PO NAM MKHAR GYUR DUS SEMS BSKYED PA'I TSIGS BCAD YI GER BRIS NAS SKE LA BTAGS PA YIN, DA BSAMS NA DE BYUNG 'DUG SRUNG BA LA DE LAS LHAG PA MI 'ONG BA 'DRA GSUNGS, YANG LAN CIG 'GA' RES KHO LA DUS RGYUN DU BYANG CHUB KYI SEMS SGOMS ZER RGYU ZHIG LAS MED BSAM SHAS CHE STE, NGA LA DE KA LAS ZER RGYU MED, YAGS PO BYED NA BYANG CHUB KYI SEMS 'DI DBUL POS GTER RNYED PA LTAR RANG GIS RGYUS YOD BYAS NAS 'CHAD PA LAS 'DI YOD PA'I SKAD CHA GZHAN LA GTONG MI PHOD PA ZHIG YIN TE, PHAN PA ZHIG AE YONG BSAMS NAS DUS RGYUN DU 'DI'I SKAD CHA BYAS BA YIN GSUNG, GNAS GANG NAS GANG DU PHEBS KYANG PHEBS KHA DANG, PHAGS MA THAG DANG, NGAL SO BA DANG, ME TOG DANG, CHU DANGS PA DANG, SA PHYOGS NYAMS DGA' BA SOGS MCHOD PAR 'OS PA'I DNGOS PO CI 'DRA BA ZHIG GZIGS PA DANG, MI MA YIN GYI LHA RTEN GYI DRUNG DU PHEBS PA'I TSE YAN LAG BDUN BA SEMS BSKYED DANG BCAS PA'AM, MA THA YANG SA GZHI SPOS BYUd BA DANG THAL MO SBYAR NAS SEMS BSKYED RE NGES PAR MDZAD, SGRUB SDE PHAN TSUN DU PHEBS PA NA, SER RTZE'I SHAR GYI RI GDONG DANG, RA KHA BRAG GI MTHA'I GONG PHUR BU LCOG GI NUB KYI BRAG 'BUR GONG RNAMS SU PHEBS PHYIN YAN LAG BDUN PA SEMS BSKYED DANG BCAS PA RE NGES PAR MDZAD,

, ,SA MTHO SA NAS SEMS BSKYED NA SEMS BSKYED RGYA CHEN PO 'ONG BAR RJE BLA MAS GSUNGS PA YIN GSUNG, BRAG 'BUR GONG DE LA SEMS BSKYED SKANG ZHES MING 'DOGS MDZAD, DE LTA BU'I TSUL GYIS BYANG CHUB SEMS KYI BSTAN PA NYIN MO LTAR GSAL BAR MDZAD PAS RJE BDAG NYID CHEN PO'I BSTAN PA LA BYA BA MDZAD DO, ,DE LTAR BYANG CHUB SEMS KYIS 'PHANGS PA'I SKU GSUNG THUGS KYI KUN SPYOD YONGS SU DAG PAS SO THAR GYI TSUL KHRIMS LA SDOMS KYIS BSDUS PA'I NYES BYAS PHRA MO DANG, BYANG SEMS KYI TSUL KHRIMS LA 'DOD PA'I SEMS KYI RJES SU 'JUG PA'I NYE BYAS TZAM DANG, GSANG SNGAGS KYI TSUL KHRIMS LA LHA'I MTSAN MA DANG DMAN MA LA 'GOM PA'I NYES PA TZAM GYIS KYANG MA GOS PA LA 'BAD CING, BRGYAL GOS NA YANG RANG RANG GI GZHUNG NAS 'BYUNG BA'I PHYIR BCOS TSUL BZHIN MDZAD PAS TSUL KHRIMS RNAM PAR DAG PA'I DRIS GZIM KHANG GI NANG DANG NYE SKOR THAMS CAD BSUNG CHING NGE SPOS BZANG PO SBAR BA LTAR YOD LA THA NA GZIM KHANG DU BZHAG PA'I CHAS KA DANG PHYAGS G-YOG TSUL GYI GOS LA'ANG TSUL KHRIMS KYI DRI NGAD LDANG BA YOD, TSUL KHRIMS RNAM PAR DAG PA LAS TING NGE 'DZIN BZANG PO 'KHRUNGS, DE LAS MNGON PAR SHES PA DANG NGO MTSAR CAN GYI DAG PA'I GZIGS SNANG DU MA YOD PAR MCHIS TE, GZHAN SEMS MKHYEN PA'I MNGON SHES MNGA' BAS RES 'GA' DA RES CHOS ZAB MO JI LTA BU ZHIG GSUNG NA SNYAM TZAN CI YANG MI GSUNG, RES THUGS

BREL CHE ZHING SKU GZUGS MI BDE BA JI LTA BU LA'ANG MI GZIGS BAR SHIN TU RGYAS PAR GSUNG NGO, ,DE LTAR PHAR PHYIN THEG PA'I DBANG DU BYAS NAS YON TAN RGYA CHEN PO DANG LDAN PAR MA ZAD, GSANG SNGAGS RDO RJE THEG PA'I DBANG DU BYAS NAS KYANG RDZOGS RIM GYI RTOGS PA KHYAD PAR CAN BRNYES TE, SKU TSE'I SMAD LA DPAL RDO RJE 'JIGS BYED KYI LAM RIM PA GNYIS LA GTZO BOR BRTZON PAR MDZAD CING ZHAL NAS SNGAR GYIN NANG ZHAG RE MI MANG SAR BSDAD NA SUN SNANG CHEN PO 'ONG BA YIN TE; DA MI MANG SAR BSDAD PA DANG THANG STONG ZHIG TU RANG GCIG PUR BSDAD PA DANG, RI KHROD DU MTHUN RKYEN 'DZOM PO BYAS NAS BSDAD PA GANG BYAS KYANG BLA MA DKON MCHOG GI THUGS RJES BDE BA CHEN PO NGAM DAM SHUGS KYIS SKYE BA ZHIG YOD GSUNG, DE LTAR MKHAS PA 'CHAL PHAR MA SHOR BA, BTZUN PO RMONGS PAR MA SHOR BA, BSHAD PA KHA BSHAD DU MA SHOR BA, SGRUB PA RANG DON DU MA SHOR BA'I SKYES MCHOG DAM PA 'DIS MTHON PO'I KHRI LA BZANG PO'I ZAS GSOL SPYID CING RMONGS PA'I 'KHOR GYIS BSKOR BAS BSTAN PA DANG 'GRO BA'I DON MI 'ONG BAR GZIGS NAS, MI MED LUNG STONG 'GRIMS, 'TSO BA BYA 'TSOL MDZAD, YON TAN THAMS CAD SBAS, 'OG NAS 'GRO BA CHU LAS MED PA'I DMAN SA BZUNG, CHOS BRGYAD NGAN SKYUGS BZHIN DU DOR, BSLAB KHRIMS RNAMS KHAS BLANGS TZAM LA MA BZHAG BAR NGO LKOG MED PAR BSRUNGS, DKON MCHOG SPYI BOR KHUR, NYAM CHUNG BRTZE BAS BSKYANGS, SDE SNOD GSUM GYI DON THAMS CAD SKYES BU GSUM GYI LAM

, ,RIM DU BSDUS NAS NYAMS SU BLANGS PAS THEG PA CHEN BO'I DGE BA'I BSHES GNYEN GYI MTSAN NYID THAMS CAD TSANG BAR MDZAD, PHYI 'DUL BA LTAR DANG NANG GSANG SNGAGS LTAR GYI MDZAD PAS BKA' GDAMS RIN PO CHE'I RNAM THAR GTZANG MA LAGS PAR PHYAG LEN LA THEBS PAR MDZAD PAS RMAD DU BYUNG BA'I RNAM PAR THAR PA MCHIS SO, ,DE NAS SKU TSE 'DI'I DNGOS KYI GDUL BYA RDZOGS PA NA DGUNG LO DON GSUM LA PHEBS PA CHU MO SPRUL LO ZLA BA DANG PO'I TSES BDUN GYI NYIN PHUR BU LCOG TU SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,RJE SGRUB KHANG PA CHEN PO 'DIS 'JAM MGON BSTAN PA'I SROG SHING BZUNG STE BYANG CHUB LAM GYI RIM PA RGYA CHER SPEL BAS RGYUD 'DZIN GYI SLOB MA BSAM GYIS MI KHYAB PA BYUNG ZHING THUGS SRAS DAM PA RJE NYID KYI RGYAL TSAB TU DBANG BSKUR BA THUB BSTAN YONGS RDZOGS KYI BDAG PO NI RJE BTZUN BLA MA NGAG DBANG BYAMS PA YIN LA, GZHAN YANG MKHAR RDO MKHAN PO BZOD PA RGYA MTSO DANG, RGYUD SMAD MKHAN PO NGAG DBANG MCHOG LDAN DANG, KHRI RIN PO CHE BLO BZANG DAR RGYAS SOGS 'PHRIN LAS RGYA CHER SPEL BA'I BSTAN 'DZIN DAM PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE SGRUB KHANG PA DGE LEGS RGYA MTSO LA GSOL BA 'DEBS SHING, RJE 'DI'I RNAM THAR LTAR DPAL AA TI SHA DANG RGYAL BTZONG KHA BA'I BSTAN PA'I SNYING PO BYANG CHUB LAM GYI RIM PA LA TSE DANG SGRUB PA MNYAM

PA ZHIG BYA BA LA SKYAS BU'I RTZAL CI YOD KYIS 'BAD PAR BYA'O,, ,,RJE DGE LEGS RGYA MTSO'I THUGS SRAS MKHAR RDO MKHAN PO BZOD PA RGYA MTSO NI, CHOS 'KHOR LHA SAR YAB SNGAGS 'CHANG NGAG DBANG TSUL KHRIMS DANG, YUM AA LCE SKYID SKYID GNYIS KYI SRAS SU YONGS 'DZIN CES PA CHU PHO BYI BA'I LO 'KHRUNGS, YAB YUM GNYIS KYIS SHES RAB RGYA MTSO ZHES MTSAN BTAGS, DAM PA 'DI RANG TSE RABS SNGA MA NAS SBYANGS PA'I BAG CHAGS YOD PA DANG, YAB YUM GNYIS KYANG CHOS DANG MTHUN PAS SMRA SHES TZAM NAS YI GE DRUG PA BZLA BA DANG, CHOS SPYOD SNA TSOGS 'DON BA DANG, KLOG YIG SLOB PA DANG, MI DGE BCU PHRA MO NAS SPONG BA DANG, PHYAG DANG BSKOR BA SOGS SGO GSUM DGE LA SBYOR BA ZHIG BYUNG, DE NAS DGUNG LO DRUG BDUN LON TE BSAM BLO RNYED PA NA KHYIM LA BTZON RA'I 'DU SHAS SKYES TE, SKAD CIG KYANG 'DUG MI PHOD PAR SE 'BRAS GANG RIGS SHIG TU ZHUGS TE CHOS RNAMS DAG CIG BYA 'DOD PA NAR MAR GYUNG STE, YAB YUM GNYIS LA'ANG DON DE LTAR GSOL BA NA YAB YUM DE GNYIS KYANG CHOS DANG MTHUN BAS BKAG PA MA BYAS PAR DAM PA 'DI RANG GI THUGS BZHED LTAR CHOS SGOR 'JUG PA'I MTHUN RKYEN SBYAR TE DGUNG LO BCU GSUM GYI LO SER THEG CHEN GLING DU PHEBS TE BYES MKHAS MANG GRVA TSANG DU ZHUGS NAS BYES PA'I DPON SLOB RGYAL MTSAN DON GRUB KYI DRUNG DU RAB TU BYUNG NAS DGE TSUL GYI SDOM PA BZHES, MTSAN BZOD PA RGYA MTSO ZHES BTAGS, LO DE'I RING LA CHOS SBYOD RNAMS BZUNG, DGUNG LO

, ,BCU BZHI BA LA CHOS GRVA 'GRIMS TE THOG MAR BSDUS GRAR BZHUGS TE SBYOR BA RTZI BAR MDZAD PAS GZHAN GYIS BSKUL BA LAM BLTOS PAR THUGS BRTZON SHIN TU CHE BAS RING PO MA THOGS PAR SBYOR BA LA BYANG BAR GYUR NAS PAR PHYIN LA SBYANGS, RJE BTZUN CHOS KYI RGYAL MTSAN GYI PHAR PHYIN GYI YIG CHA RNAMS THUGS LA BZUNG, NYIN MTSAN KUN TU THUGS BRTZON SHIN TU CHE BAR MDZAD PAS LO GSUM TZAM GYI RING LA PHAR PHYIN GYI GZHUNG LA MKHAS PAR GYUR CING, LAS RGYU 'BRAS DANG SA LAM BGROD TSUL SOGS PHAR PHYIN GYI GZHUNG DON NYAMS SU LEN TSUL LA NGES SHES GTING CHUGS PA RNYED NAS SGRUB PA SNYING POR BYED 'DOD SHUGS DRAG PO 'KHRUNGS TE DGE RGAN DANG GROGS RNAMS LA DE BZHIN GYI 'PHROS BYAS BA NA SGRUB PA LA BSKUL BA SU YANG MA BYUNG ZHING, THAMS CAD KHA MTHUN PAR RE SHIG SGRUB PA BYED PA MI YOD TSUL GLEGS PA NA, DAM PA 'DI LA RTA BZANG PO LCAGS GIS BRUBS BA LTAR SGRUB PA LA BSKUL MAR GYUR TE, 'DI DAG GIS ZER BA LTAR DAL 'BYOR LAN CIG THOB PA'I SKABS 'DIR NYAMS LEN KHO THAG CHOD PA ZHIG BYED RGYU MA BYUNG BAR SHI NA DAL BA STONG ZAD DU 'GRO BA 'DUG CING, DE RING RANG YANG MI 'CHI BA'I GDENG MI 'DUG PAS 'PHREL DU SGRUB PA RNAM DAG CIG BYA'O SNYAM PA'I 'DUN PA SHUGS DRAG 'KHRUNGS, SNGA SOR GRVA SAR ZHUGS TZAM NAS PHAR PHYIN GYI 'OG LUGS DANG, DBU MA LA SBYANGS TE ZAB MO DBU MA'I LTA BA LA GO BA

CHAGS TZAM BYUNG NA DE NAS SGRUB BA RNAM DAG CIG BYED SNYAM PA NAR MAR YOD THOG NAM 'CHI CHA MED DRAN PA DANG, TSE 'DIR CHAGS PA'I SKYE BO RNAMS KYI BYED SPYOD DANG BRJOD TSUL DE DAG GIS RKYEN BYAS TE DBU MA'I GZHUNG LA SBYONG LONG MA BYUNG BAR SE RA RTZE'I RJE'I SGRUB KHANG NA BLA MA BZANG PO ZHIG BZHUGS 'DUG GO ZER BA GSAN PAS LUS KYI SPU ZING ZHES BYED CING SMRA MI SHES PA'I DAD GUS CHEN PO 'KHRUNGS TE NGA YANG BLA MA DAM BA DE'I ZHABS DRUNG DU PHYIN TE TSE DANG SGRUB PA MNYAM PA ZHIG BYED SNYAM PA BYUNG STE, MKHA' 'GRO CHOS SKYONG DBANG DU BZHAG STE DE LTAR BYED PA'I DAM BCA' DRAG PO MDZAD, DE NAS BYES PA BLA MA'I DRUNG DU PHEBS TE SPYAN MCHI MA DANG BCAS RGYU MTSAN ZHIB TU ZHUS NAS DGONGS PA NAN GYIS ZHUS TE DGUNG LO BCU BDUN GYI THOG SER RTZER RJE SGRUB KHANG PA MJAL DU PHEBS, RJE BTZUN MI LAS LHO BRAG MAR BA LA JI LTAR GSOL BA BTAB BA LTAR RJE SGRUB KHANG PA LA LUS NGAG YID GSUM PHUL TE RGYAL BA TZONG KHA BA'I BSTAN PA'I SNYING PO BYANG CHUB LAM GYI RIM PA LA TSE DANG SGRUB PA MNYAM PA ZHIG YONG BAR GSOL BA BTAB, RJE SGRUB KHANG PAS KYANG DGYES BZHIN DU ZHAL GYIS BZHES TE, DUS GSUM GYI RGYAL BA KUN GYI BGROD PA GCIG PA'I LAM PO CHE CHOS PHUNG BRGYAD KHRI UBZHI STONG GI BRJOD BYA'I DON THAMS CAD GANG ZAG GCIG GI NYAMS LEN GYI RIM PAR BSDUS PA BYANG CHUM LAM GYI RIM PA'I KHRID RGYAS PAR GNANG, SKYES BU CHEN PO'I SKOR LA THEG CHEN SEMS BSKYED SBYONG BA'I MAN NGAG JO BO RJE DPAL LDAN AA TI SHA'I SNYAN RGYUD RGYAL BA'I SRAS PO BZANG

, ,PO DPAL GYI KHRID YIG SDOM TSIG LTA BUR MDZAD PA BLO SBYONG DON BDUN MA'I KHRID DANG, ,LAM RIM GYI GEGS SEL BOGS 'DON DU GCOD KYA KHRID DANG, GRUB CHEN MI TRA LA MGON PO SPYAN RAS GZIGS KYIS MDO SNGAGS GNYIS KA'I LAM GYI GNAD BSDUS NAS BSTAN PA SNYING PO DON GSUM GYI KHRID RNAMS MYONG KHRID DU BYAS TE LAGS PAR GSAN, DGUNG LO NYI SHU LA BAB PA NA SNGAR DGE TSUL GYI MKHAN PO BYES BLA MA RGYAL MTSAN DON GRUB LA BSNYEN RDZOGS KYI SDOM PA ZHUS, RJE SGRUB KHANG PA'I BKA' LTAR SE RA RTZER RANG SHONG GI KHANG BU ZHIG GSAR DU BZOS, LO BCU DGU NAS NYI SHU RTZA GSUM GYI BAR LO LNGA'I RING LA PHYI NANG GI G-YENG PA GANG YANG MED PAR 'TSOL DKA' THUB LA GNAS NAS BYANG CHUB LAM GYI RIM PA'I NYAMS LEN LA TSIG BSGRIL DU 'BAD CING, GEGS SEL BOGS 'DON GCOD KYI DMIGS SKOR DANG BLO SBYONG GI NYAMS BZHES LA 'BAD PAS BSHES GNYEN BSTEN TSUL NAS ZHI LHAG GI BAR LAM GYI LUS YONGS SU RDZOGS PA LA RTZOL BCAS KYI MYONG BA LAGS PAR THON, DE NAS NYAMS LEN LA BOGS 'DON PHYIR RJE THAMS CAD MKHYEN PA 'KHOR DAG PA RNAM BRGYAD DANG BCAS PAS GANG DU MTHONG BA'I CHOS LA RTOGS PA MCHOG BRNYES PA'I SA 'OL KHA'I SGRUB GNAS RNAMS SU BSGRUB PA BYA PHYIR PHEBS TE THOG MAR 'ON GYI SGRUB PHUG CIG TU LO GCIG BZHUGS, DGE SBYOR LA BOGS SHIN TU CHE BA BYUNG ZHING, MGON PO PHYAG

DRUG PA SOGS LHA'I GZIGS SNANG YANG KHA YAR BYUNG, DUS DE TZAM NAS BZUNG DAM PA 'DI'I YON TAN LA 'KHOR BA'I SLOB MA DAD PA CAN YANG MANG DU BYUNG STE GANG DANG GANG DU SLOB MA DAD PA CAN GYIS GSOL BA BTAB PA DE DANG DE DAG LA RANG RANG GI DBANG PO DANG 'TSAM PA'I CHOS CI RIGS PA KA NANG ZHING RGYUN DU NI RNAL 'BYOR DBANG PHYUG MI LA RAS PA LTAR GCIG PU DBEN PAR GNAS TE 'GA' ZHIG TU RDE'U'I BCUD LEN DANG, 'GA' ZHIG TU ME TOG BCUD LEN DANG, 'GA' ZHIG TU CHU'I BCUD LEN MDZAD, RGYUN DU RTZAM PA MA CHAD TZAM RE DANG THUG PAS CHOG SHES PAR MDZAD CING, 'PHAGS PA'I RIGS BZHI DANG, DGE SBYONG GI CHOS BZHI LA GNAS TE 'OL KHA CHOS LUNG SOGS RJE'I SGRUB GNAS RNAMS SU SGRUB PA LA BRTZON PAR MDZAD, DE NAS CHOS 'KHOR RGYAL GYI GNAS RNAMS DANG, RTZVA RI'I GNAS RNAMS SU SGRUB PA MDZAD PAS DGE SBYOR LA BOGS CHE BAR BYUNG ZHING DAG PA'I GZIGS SNANG YANG MANG DU BYUNG, DE NAS TSUR PHEBS TE YER PA LHA RI SNYING PO DANG, 'PHAN YUL GYI BKA' GDAMS GONG MA'I GNAS RNAMS DANG LHAG PAR RA SGRENG DU SGRUB PA YUN RING DU MDZAD, GNAS DE DANG DE DAG TU'ANG BSHES GNYEN DAM PA MANG PO LA DBANG LUNG MAN NGAG MANG DU GSAN, DE NAS MKHAR RDOR PHEBS TE ZIL GNON DMIGS PA SKOR GSUM GYI SGO NAS GZHI BDAG DAM LA BTAGS TE SLAR SGRUB SDE CHAGS PA'I RTEN 'BREL BSGRIGS, DE NAS DGE SBYOR LA BOGS DBYUNG BA DANG GDUL BYA SKAL BA DANG LDAN PA DAG LA

, ,PHAN GDAGS PHYIR GTZANG PHYOGS LA BYON TE, RGYAL BA DBEN SA PA YAB SRAS KYIS GRUB PA BRNYED PA'I SA DBEN DGON DANG, SHANGS MDO RGOD CHANG SOGS SU BZHUGS TE DBEN SA PA YAB SRAS KYI RNAM THAR BSKYANGS, DRUNG PA YAB SRAS KYI THUGS SRAS BLA MA BRTZON 'GRUS RGYA MTSO LA BLA MA MCHOD PA'I KHRID SOGS DBEN SA SNYAN RGYUD KYI MAN NGAG MANG DU GSAN, BKRA SHIS LHUN POR PHEBS NAS PAn CHEN BLO BZANG YE SHES MJAL, DE NAS SNAR THANG, GANGS CAN, KHRO PHU, RGYAL SRAS THOGS MED BZANG PO DPAL GYI SGRUB GNAS DNGUL CHU CHOS RDZONG RNAMS MJAL ZHING GNAS 'BREL MDZAD, DE NAS RTA NAG LA PHEBS TE RJE 'GOS LO CHEN PO'I SGRUB GNAS ZHAL GZIGS DANG, GRUB CHEN CHOS RDO RJE 'KHRUNGS PA'I GNAS DANG, RGYAL BA DGE 'DUN RGYA MTSO 'KHRUNGS PA'I GNAS DANG, DRUNG PA RTA PHUG PA'I BZHUGS GNAS RTA PHUG RDO RJE'I GUR KHANG RNAMS MJAL TE, GNAS DE DAG TU SGRUB PA MDZAD PAS DGE SBYOR LA BOGS CHE BAR BYUNG ZHING LHAG PAR RTA PHUG TU RI KHROD PA DANG LDAN MANG PO LA LAM RIM DANG BLO SBYONG SOGS CHOS MANG DU STZAL, RTA PHUG RI KHROD PA RNAMS KYIS GSOL BA BTAB STE DRUNG PA RTA PHUG PA'I RNAM THAR MDOR BSDUS PA ZHIG KYANG BRTZAMS, DE NAS DBUS SU PHEBS TE SER RTZER SGRUB KHANG PA CHEN PO MCHOD CING BSNYEN BKUR BAS MNYES PAR MDZAD DE MDO SNGAGS KYI CHOS MANG DU GSAN, SER NAS CHOS DON GTER CAN BYUNG BA RNAMS LA DBANG LUNG

KHRID 'GA' YAR MDZAD, DE NAS MKHAR RDO'I SGRUB SDE CHAGS TE MKHAR RDOR GZHI PHAB NAS BZHUGS, SNYAN PA'I GRAGS PA PHYOGS THAMS CAD DU RGYAS TE PHYOGS PHYOGS NAS 'DUS PA'I DAD LDAN RNAMS LA DBANG LUNG MAN NGAG RGYA CHER STZAL, BSTAN PA'I DON DU PHYAG RJES SU MKHAR RDO'I SGRUB SDER SPONG KHANG MANG DU BRTZIGS SHING LHA KHANG MANG DU BZHENGS, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI TSOGS ZHING MAN NGAG ZHAL SHES LTAR BRIS THANG PAR DU BRKOS, RGYAL BA TZONG KHA PA GTZO BOR BYAS PA'I LAM GTZO'I KHRID DANG MTHUN PA'I TSOGS ZHING GI THANG SKU'ANG PAR DU BRKOS, BKA' GDAMS LHA BZHI SOGS SKU PAR MANG PO DANG, DKYIL THANG MANG PO DANG, GSUNG PAR YANG MANG PO BZHENGS, DAD LDAN KHYIM PA DAG LA'ANG PHAN GDAGS PA MANG DU MDZAD CING, BSTAN PA YUN RING DU GNAS PA'I PHYIR GSUNG RTZOM YANG DAM PA RANG NYID KYI RNAM THAR, BLANGS DOR MUN SEL, BLA MA MCHOD PA'I KHRID, BLA MA MCHOD PA'I KHRID KYI LHAN THABS, PHA BONG KHA'I DKAR CHAG ,BDE LAM GYI ZHAL SHAS LHAN THABS, RDOR SEMS KHRID YIG ,CHOS KYI RGYAL PO TZONG KHA PA LA BRTEN PA'I BLA MA'I RNAL 'BYOR, MKHAR RDO BSAM GTAN GLING GI DKAR CHAG, ME TOG BCUD LEN GYI GDAMS PA, RGYUN 'KHYER GCOD KYI SNYING PO, GNAS BCU'I CHO GA, RGYUN 'KHYER TSOGS MCHOD SNYING PO, RDO RJE 'JIGS BYED KYI BSNYEN YIG ,RDOR SEMS BUM SGRUB, MGUR MA PHYOGS BSDEBS, BYANG CHUB

, ,LAM GYI RIM PA'I SNGON 'GRO'I DON BSAM PA MDO LUNG GSAL BA'I NYI MA, BDE LAM LHAG MTHONG GI LHAN THABS, RJE DGE LEGS RGYA MTSO'I RNAM THAR, SGOM SDE DGE BSHES KYI RNAM THAR, GSOL 'DEBS BRTAN BZHUGS SOGS THOR BU 'GA' YAR RNAMS MDZAD, DE LTAR BSTAN 'GRO'I DON RGYA TSER MDZAD NAS SKU TSE 'DI'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO,, ,, ` NGAG GI DBANG PHYUG RJE BTZUN TZONG KHA PA'I, ,MDO SNGAGS LEGS BSHAD CHOS KYI RGYA MTSO CHE, ,BYAMS PAS 'GRO LA SPEL BA'I SNYING STOBS CAN, ,BKA' DRIN MTSUNGS MED ZHABS LA GSOL BA 'DEBS, ,ZHES BSNGAGS PA, DUS GSUM GYI SANGS RGYAS THAMS CAD KYI THUGS RJE'I RANG GZUGS 'JAM MGON BSTAN PA'I SROG SHING BDAG GI DRIN CAN RTZA BA'I BLA MA BKA' DRIN MTSUNGS ZLA MED PA DON GYI SLAD DU MTSAN NAS SMOS TE RJE BTZUN BLA MA NGAG DBANG BYAMS PA DE NYID GANG DU 'KHRUNGS PA'I YUL NI MDO STOD ZAB MO SGANG GI CHAR GTOGS PA CHAB MDO DANG NYE BA'I SA'I CHAR YAB AA NU 'PHAGS PA ZHES BYA BA DANG, YUM BKRA SHIS MTSO GNYIS KYI SRAS SU RNGA CHEN ZHES PA CHU PHO KHYI'I LO NGO MTSAR PA'I LTAS BSAM GYIS MI KHYAB PA DANG BCAS 'KHRUNGS, DE YANG BDAG NYID CHEN PO 'DI YUM GYI MNGAL DU ZHUGS PA NA YUM GYI MNAL LAM DU DPAL GSANG BA 'DUS PA'I DKYIL 'KHOR RANG GI LUS LA THIM PA'I RMI LAM BYUNG STE, DPAL

GSANG BA 'DUS PA'I DKYIL 'KHOR NI SANGS RGYAS THAMS CAD GZHAL YAS KHANG GCIG TU 'TSOGS PA'I TSOM BU YIN PAS NA DRIN CAN RTZA BA'I BLA MA 'DI SANGS RGYAS THAMS CAD KYI MKHYEN BRTZE NUS GSUM GCIG TU BSDUS TE BDAG CAG SNYIGS MA'I 'GRO BA RNAMS KYI MGON SKYABS DANG DPUNG GNYEN DU BYON PA YIN PAS NA YUM LA MTSAN LTAS DE LTAR BYUNG BA YIN PAR NGES SO, ,DE LTAR SKU BLTAMS PA'I GZHON NU DE NI 'DAM GYI KHROD NAS PADMA DKAR PO THON PA'AM, SPRIN RUM NAS ZLA BA SHAR BA BZHIN DU ZHAL GYI DKYIL 'KHOR DKAR ZHING DANGS PA, DBU GDUGS LTAR ZLUM PA, DPRAL BA DBYES CHE BA, SPYAN DKYUS RING BA, SHANGS KYI GZENGS MTHO BA, MTSAN DPE RJES MTHUN PA DANG LDAN PA, 'JIG RTEN KUN GYI MIG GI BDUD RTZI LTA BU ZHIG BYON NO, ,DE'I TSE DKAR PHYOGS SKYONG BA'I LHA DANG KLU RNAMS KYIS DA NI SNYIGS MA'I 'GRO BA RNAMS MGON DANG BCAS SO ZHES DGA' BA'I CA CO'I SGRA SGROG CING, LHA'I CHU BOS SKU KHRUS GSOL BAR NGES LA, BSKAL BZANG GI SANGS RGYAS STONG GIS GANG LA BSTAN PA GTAD PA MTHU STOBS DBANG PHYUG GSANG BA'I BDAG PO 'KHOR BRGYA PHRAG MANG PO DANG BCAS PA'ANG GNAS DER LHAGS NAS RGYAL SRAS GZHON NU DE BSRUNG BA DANG, BSKYAB BA DANG, SBA BAR BYA BA LA SKAD CIG KYANG MI G-YAL BAR DUS KUN TU BSGRIMS TE GNAS PAR NGES TE, GANG GIS BYANG CHUB TU SEMS BSKYED PA TZAM GYIS GSANG BA'I BDAG PO 'KHOR BRGYA PHRAG DU MA DANG BCAS PA PHYI BZHIN RJES SU 'BRANGS TE BSRUNG BA DANG, BSKYAB PA DANG, SBA

, ,BAR BYED BAR MDO SDE LAS GSUNGS NA, THEG CHEN BSTAN PA'I SROG SHING BDAG NYID CHEN PO 'DI LTA BU 'JIG RTEN 'DIR BYON PA LA GSANG BA'I BDAG PO 'KHOR BCAS KYIS BSRUNG SKYOB DE LTAR BYED PAR 'OS MED KYI RIGS PAS 'GRUB BO, ,DE'I TSE YAB YUM GNYIS KYI MCHOD GNAS BLA MA DAM PA ZHIG BZHUGS PA DES RGYAL SRAS 'DI LA BDE MCHOG SRUNG ZHES MTSAN BTAGS SO, ,DE NAS RGYAL SRAS GZHON NU DE 'KHRUNGS NAS RING PO MA LON PAR BZHENGS NAS YUM LA BOD PAR MDZAD PA SOGS BYIS PA THA MAL PA DAG GI NGANG TSUL LAS 'DAS PA'I MDZAD PA NGO MTSAR BA MANG DU BSTAN CING, DGUNG LO BDUN BA'I DUS SU YI GE 'DRI KLOG BRDA BSTAN PA TZAM GYIS MKHYEN TE GLEGS BAM KLOG PA LA BRTZON PAR MDZAD, CING DAD LDAN GZHAN GYI MCHOD GNAS KYANG MDZAD LA, DE SKABS GSER 'OD DAM PA KLOG BAR MDZAD PAS, DE BZHIN GSHEGS PA SNGON RGYAL BU SNYING STOBS CHEN POR 'KHRUNGS PA'I TSE STAG MO LA LUS BYIN PA'I MDZAD PA RNAM THAR DE GZIGS PA NA MI PHYED PA'I DAD PA CHEN PO 'KHRUNGS TE BDAG KYANG 'DI LTAR DU RGYAL SRAS KYI SPYOD PA RLABS PO CHE LA ZHUM PA MED PAR BSLABS TE RANG GI LUS KYANG SEMS CAN GYI DON DU GTONG NUS PA NAM ZHIG NA 'OD SNYAM DU SNYING RJE'I SHUGS KYIS BSKYED PA'I SPYAN CHAB RGYUN MI 'CHAD PA ZHIG BYUNG STE, BDAG NYID CHEN PO 'DI NI SNGON YUN RING PO NAS RGYAL SRAS KYI SPYOD PA RLABS PO CHE LA SBYANGS PA'I MTHU GRUB PA ZHIG YIN PAR 'BRAS BU'I RTAGS KYIS

SHES TE, SKYE BO GZHAN DAG DGE BA'I BSHES GNYEN GYIS NAN GYIS KHRID KYANG 'JIG RTEN PHYI MA DON GNYER GYI BSAM PA BCOS MA TZAM YANG SKYE DKA' NA RTZOL BA MED PA'I SNYING RJE'I SHUGS KYIS RGYAL SRAS KYI SPYOD PA RLABS PO CHE LA SLOB 'DOD SKYE DKA' BA LTA CI SMOS, DE YANG SPYOD 'JUG LAS, GZHAN NGAG RANG GI DON DU YANG, ,MI 'BYUNG SEMS CAN DON SEMS GANG, ,SEMS KYI RIN CHEN KHYAD PAR 'DI, ,SNGA NA MED PA'I RMAD CIG 'KHRUNGS, ,ZHES GSUNGS PA LTAR CHOS MA THOS PA'I SKYE BO GZHAN DAG LTA CI SMOS, CHOS SGOR ZHUGS TE TSE HRIL POR SBYANGS PA RNAMS KYANG TSE 'DI LA MA CHAGS PAR 'JIG RTEN PHYI MA DON GNYER GYI BSAM PA BCOS MIN SKYE BA SRID MTHAR SNANG NA, MKHA' KHYAB KYI SEMS CAN 'KHOR BA NAS SGROL BAR 'DOD PA'I BSAM PAS RGYAL SRAS KYI SPYOD PA RLABS PO CHE LA SLOB 'DOD BCOS MIN SKYE BA NI NYIN MO'I SKAR MA LTAR SHIN TU DKON ZHING BRGYA LAM NA SRID THA TZAM MO, ,DE LTAR CHE HRIL POR SBYANGS PA RNAMS LA'ANG BSAM PA DE LTA BU SKYE DKA' NA GANG YANG MA SBYANGS PA'I SKYE BO RNAMS LA BSAM PA RLABS PO CHE DE LTAR SKYE BA'I GO SKABS GA NA YOD, DES NA BDAG CAG GI BLA MA BDAG NYID CHEN PO 'DI NI SKU CHE 'DIR GZHAN GYIS BSKUL BA LA MI LTOS PAR GLEGS BAM GZIGS BA TZAM GYIS DE LTA BU'I RGYAL SRAS KYI SPYOD PA LA SLOB PA'I BSAM PA RLABS NGO TSA RANG 'KHRUNGS SU BYUNG BA NI SNGON YUN RING PO NAS SBYANGS PA'I MTHU GRUB PA YIN PAR GDON MI ZA'O, ,DE'I PHYIR BLA MA DAM BA 'DI NI BDAG CAG SNYIGS MA'I 'GRO BA RNAMS

, ,KYI MGON DU BSAM BZHIN DU BYON PA ZHIG YIN PAR NGES SO, ,DES NA BLA MA DAM PA 'DI'I RJE SU SLOB PAR 'DOD PA RNAMS KYIS RNAM PAR THAR PA 'DI TZAM ZHIG BSAMS NAS KYANG DAD GUS CHEN POS GSOL BA 'DEBS PAR BYA'O, ,GZHAN YANG DE DUS KHYIM DE NA MDZO MO MDONGS SGRON ZER BA ZHIG YOD PA DE YAB KYIS GZHAN LA CHONG BA'I PHYIR KHRID PA NA MDZO MO'ANG RANG NYID TSONG BAR SHES NAS KHANG PA'I PHYOGS LA YANG YANG 'THEN GYIN 'DUG PA GZIGS PAS RKYEN BYAS, MDZO MO 'DI NGED RANG LA MA LTAR DRIN CHE BAR 'DUG PA 'DI 'DRA GZHAN LA TSONG BOD AANG SNYAM DU DGONGS NAS SPYAN CHAB MANG DU GSIL ZHING KHONG RNAMS TSONG BSGRIG PA'I SKABS SU'ANG THUGS SKYO BA DANG SPYAN CHAB KYI RGYUN MA CHAD PAS GNAS DE LAS LKOG CIG TU BYOL TE BZHUGS DGOS PA BYUNG BA DANG, 'KHRUNGS GZHIS DE LA MNGA' 'BANGS DUD KHA BDUN TZAM ZHIG YOD PA LA, YAB KYIS DE RNAMS NAS KHRAL 'BAB BZHES PA ZHIG GI SAR BYON PA'I TSE MI TSANG ZHIG LA 'BRU SPUS NGAN NYUNG DU ZHIG LAS GTAD RGYU MI 'DUG PAR YAB KYIS DE LA KHRO TSIG BRJOD PA GSAN PAS, DAM PA 'DI SNYING RJE 'KHRUNGS NAS SPYAN CHAB DANG BCAS TE YAB LA ZHU BA MDZAD PAS YAB KYIS KYANG DNGOS PO DE KAS 'ONG BAR MDZAD NAS BZHES PA ZHIG BYUNG STE TSUL 'DI DAG NI BLA MA RIN PO CHE 'DI NYID KYIS CHOS GNANG BA'I ZHAR LA GSUNG BA YANG YANG THOS SHING, DE YANG BLA MA RIN PO CHE DE NYID KYIS RANG NYID DMAN SA 'DZIN PA KHO NA LHUR MDZAD PAS, MNGON SHES DANG RDZU 'PHRUL

DANG SA LAM GONG MA'I YON TAN YOD PAR ZHAL GYIS MI BZHES SHING, SKYON 'DI DANG 'DI YOD CES RANG SKYON 'BYIN PA LHUR MDZAD, 'ON KYANG CHOS KYI BAG CHAGS SHIG NI YOD, CHUNG NGU'I DUS SU'ANG BSAM PA 'DI 'DRA SKYE MYONG ZHES GSUNG BAR MDZAD, DE NAS DGUNG LO BCU GNYIS LON PA NA KHYIM NA GNAS PA NYES BA DU MA'I 'BYUNG KHUNGS SU GZIGS SHING, RAB TU BYUNG BA NI RGYAL BAS RNAM GRANGS DU MAR BSNGAGS PA DANG YON TAN THAMS CAD KYI GZHI RTEN DU GZIGS NAS YAB YUM GNYIS LA RGYAL BA 'PHAGS PA LHA'I ZHABS DRUNG DU CHOS BYAS CHOG PA DGOS ZHES YANG YANG GSOL BA NA YAB YUM GNYIS DANG NYE 'BREL GZHAN TSANG MAS BDE MCHOG SRUNG 'DI NI PHA MA LA GUS SHING YA RABS KYI NGANG TSUL DANG LDAN PA BYA BA THAMS CAD LA MKHAS PA SHIN TU SGRIN PA CIG 'DUG PAS 'DI KHYIM DU BZHAG NAS RIGS BRGYUD 'DZIN DGOS, SPUN GZHAN ZHIG 'PHAGS PA LHA'I DRUNG 'KHOR DU ZHUGS PA LEGS ZHES BGROS NAS CHOS BYED PAR YAB YUM GYIS MA GNANG BA NA, RGYAL SRAS BDAG NYID CHEN PO 'DI SNGON YUN RING PO NAS GOMS PA'I MTHUS SPYIR 'KHOR BA'I GNAS MTHA' DAG ME 'BAR BA'I RLUBS LTAR GZIGS SHING, KHYAD BAR KHYIM NA GNAS PA NI NYES PA DU MA'I 'BYUNG GNAS SU GZIGS TE YAB YUM GNYEN BSHES RTZA LAG DANG BCAS PA TSOGS PA'I DBUS SU BZHENGS TE, NGA CHOS BYED DU MI 'JUG NA KHYIM 'DIR SKAD CIG KYANG SNGOD RI ZHES DBU MNA' BZHES TE SPYAN CHAB RGYUN MA CHAD PAR BYUNG BA NA YAB YUM GNYEN

, ,DANG BCAS PA TSANG MA BYA THABS ZAD NAS DGUNG LO BCU GSUM PA SHING PHO KHYI'I LO RGYAL BA 'PHAGS PA LHA RGYAL BA RGYA MTSO'I ZHABS DRUNG DU PHEBS TE SKRA BCAD LUS BSGYUR DUR SMRIG GSOL RAB TU BYUNG NAS DGE TSUL GYI SDOM PA BZHES ,DE'I TSE RGYAL PA 'PHAGS PA LHAS RAB BYUNG GSAR BU THAMS CAD LA 'PHAGS PA'I MTSAN ZUNG YOD PA'I MING BYANG BRIS TE STER BAR MDZAD PA LA DAM PA 'DI LA NI RGYAL BA 'PHAGS PA LTA NYID KYIS NGAG DBANG BYAMS PA ZHES MTSAN BTAGS SO, ,RGYU MTSAN 'DI LAS NA, DUS PHYIS BLA MA RIN PO CHE 'DI PA 'PHRIN LAS CHES CHER RGYAS PA NA CHAB MDO'I GRVA RGAN RNAMS KYANG RGYAL BA 'PHAGS PA LHAS RAB BYUNG GZHAN GYI NI NGA 'DOGS LUGS DANG MI 'DRA BAR CHED DMIGS SU MDZAD NAS BYAMS PA'I MING BTAGS PA DE NI BLA MA 'DI BYAMS MGON GYI SPRUL PA YIN PAR NGES SO ZHES BRJOD NAS BYAMS MGON GYI SPRUL BAR GRAGS BA BYUNG, BLA MA RIN PO CHE DE NYID KYI GCUNG PO RIN CHEN LEGS PAS NGED CAG GI BLA MA 'DI BYAMS MGON GYI SPRUL PA YIN PA'I RGYU MTSAN MANG PO YOD CES KHO BO RANG LA'ANG DNGOS SU GSUNG BA BYUNG, DE MTHUN DGE BA'I BSHES GNYEN MANG POS ZHABS BRTAN GSOL 'DEBS ZHU BA'I DUS SU'ANG BYAMS MGON GYI SPRUL PA YIN PA'I RGYU MTSAN MANG DU ZHU BAR BYED PA DE DUS KYI SLOB MA YONGS LA GRAGS, 'ON KYANG BLA MA RIN PO CHE NYID RANG NI BYAMS MGON GYI SPRUL PA YIN PAR ZHAL BZHES GA LA MDZAD DE SA THOB PA ZHIG YIN PA

YANG GTAN NAS ZHAL BZHES MI MDZAD, DER MA ZAD LAM SNA ZIN PA ZHIG YIN PAR YANG ZHAL GYIS MI BZHES, GZHAN DAG DGE BA'I BSHES GNYEN GRAGS CHE TSAD SPRUL BA RER SKYEL BA LA'ANG THUGS MI MNYES PA'I GSUNG MANG DU 'BYON, DE NI SNGON RNAL 'BYOR GYI DBANG PHYUG MI LA RAS PAS RANG NYID CHOS SGOR ZHUGS NAS DKA' SPYAD MDZAD TSUL RNAMS GSUNGS PA'I TSE RJE BTZUN LA RAS PA ZHI BA 'OD KYIS RJE BTZUN GYIS, CHOS ZHU TSE BLA MA'I DRUNG DU MOS GUS DANG DKA' SPYAD MDZAD LUGS SAM, CHOS THOB NAS RI LA BSGOM PA'I THUGS RUS SAM, GANG NAS BSAMS RUNG BLOS MI 'KHYUD PA GDA' BAS, MDZAD PA DE RNAMS LA BSAMS NA, BDAG CAG RNAMS KYI CHOS 'DI RANG BYED BLOR GDA' BAS, 'KHOR BA MI GROL BAR 'DUG, CI RANG DRAG NA ZHES MANG DU DUS PAS, RJE BTZUN GYI ZHAL NAS, 'KHOR BA DANG NGAN SONG GI SDUG BSNGAL LA BSAMS NA, MOS GUS DANG SNYING RUS DE YANG CHOS SKYON RANG MI 'DUG, SNYING YOD RNAMS KYIS RGYU 'BRAS KYI CHOS THOS NAS LAS 'BRAS LA YID CHES RTING DE TZAM GYI SNYING RUS KUN GYIS NUS PAR GDA' STE, CHOS LA YID MA CHES PAR GO YUL DU LUS SHING, CHOS BRGYAD BLOS MA THONGS PA YIN PAS, RGYU 'BRAS LA YID CHES PA GAL CHE, RGYU 'BRAS RAGS PA TZAM LA'ANG YID MA CHES PA'I RTAGS NAR MAR BSTAN RTING, STONG NYID KYI BSHAD PA LUNG RIGS DANG MTHUN MTHUN MO MANG PO BYAS RUNG, STONG NYID DE BAS KYANG PHRA BAS GO BA DANG YID CHES PA DKA',

, ,STONG NYID LA YID CHES RTING, STONG NYID RANG RGYU 'BRAS SU SHAR BAR GO NAS, RGYU 'BRAS KYI 'DOR LEN SDIG SPONG DGE SGRUB LA BRTZON DU RANG 'GRO BA YIN ZHING, ,CHOS KUN GYI RTZA BA RGYU 'BRAS LA YID CHES PA 'DI YIN PAS, SDIG SPONG DGE SGRUB KYI PHYAG LEN LA ZHIB PA DANG BRTZON PA GAL CHE'O, ,NGAS DANG PO STONG NYID KYI DON MA RTOGS TE RGYU 'BRAS LA YID CHES PAS SDIG PA TSABS CHEN DE BSAGS RTING, NGAN SONG GSUM LAS BTANG SA MED SNYAM 'JIGS SKRAG, BLA MA LA MOS GUS DANG SGOM PA LA SNYING RUS MI YONG DBANG MED BYUNG BA YIN, KHYED RNAMS KYANG NGA RANG GI NGAG LTAR GSANG SNGAGS KYI NYAMS LEN DA LTA'I 'DI BZHIN DU GYIS LA RI KHROD DU GCIG PUR SDOD NUS PAR GYIS SHIG, 'KHOR BA LAS THAR BA'I KHAG MI RGAN NGA RANG GIS KHUR BA YIN NO GSUNG, YANG NGAN RDZONG STON PA BO DHI R'A DZAS, RJE BTZUN RIN PO CHE RANG RDO RJE 'CHANG CHEN MI'I GZUGS SU SKU SPRUL NAS MDZAD PA DE RNAMS SEMS CAN GYI DON DU STON PA CIG YIN BA 'DRA, DE MIN RUNG, BSKAL PA DPAG TU MED PA NAS TSOGS BSAGS PA, PHYIR MI LDOG PA'I SEMS DPA' CHEN PO ZHIG YIN PAR THAG CHOD GDA' STE, CHOS PHYIR SROG KYANG 'DOR ZHING RNAL 'BYOR RAB TU BRTZON, ,ZHES BYA BA'I RTAGS RNAMS RJE BTZUN LA TSANG GDA', DE MIN BDAG SOGS SO SO SKYE BO RNAMS KYIS NI, BLA MA'I DRUNG GI DAD GUS KYI MDZAD PA SOGS, CHOS PHYIR DKA' BA SPYAD TSUL RJE BTZUN GYI DE 'DRA BLO RANG GI YANG MI 'KHYUD

NA, PHYAG LEN LA SUS KHEL, BRGYA LA PHYAG LEN LA BKA' RUNG LUS KYIS RKYEN MI THEG PAR 'DUG PAS, RJE BTZUN DANG PO NAS SANGS RGYAS BYANG SEMS GANG RUNG GCIG YIN PAR THAG CHOD GDA', DES NA BDAG NI CHOS MA NUS RUNG RJE BTZUN GYI ZHAL MTHONG GSUNG THOS PA'I SEMS CAN RNAMS KYANG 'KHOR BA LAS GROL SNYAM PA GDA' BAS, RJE BTZUN RDO RJE 'CHANG NGAM, BYANG CHUB SEMS DPA' GANG GI SPRUL PA LAGS PA DE GSUNG DU GSOL ZHES ZHUS PAS, RJE BTZUN GYI ZHAL NAS, NGA GANG GI SPRUL PA YIN NGA RANG LA YANG CHA MED, NGAN SONG GSUM GYI SPRUL PA YIN RUNG, KHYED RANG RNAMS KYIS RDO RJE 'CHANG SOGS GANG DU MTHONG BA DE'I BYIN RLABS 'JUG PAS MOS GUS GYIS, SPRUL PA YIN SNYAM PA DE KHYED RANG RNAMS KYIS NGA LA DAG SNANG YIN TE, CHOS LA LOG LTA DE BAS CHE BA MI YONG, CHOS RNAMS DAG BYED PA'I CHE BA MA MTHONG BAS LAN, SPYIR DAM PA'I CHOS KYI CHE BAS, TSE STOD LANG LTA BUR SDIG PA TSABS CHEN BYAS PA'I SO SO SKYE BO ZHIG YIN RUNG, PHYIS RGYU 'BRAS LA YID CHES NAS, TSE BLOS BTANG STE SGO GSUM G-YO MED DU BSGOM NUS NA SANGS RGYAS THOB PA LA THAG RING MI 'DUG, KHYAD PAR BLA MA MTSAN LDAN ZHIG GIS RJES SU BZUNG ZHING ,GSANG SNGAGS NYE LAM GYI MAN NGAG DANG SNYING PO'I DON THA SNYAD KYI SGRIB G-YOGS MED PAR GCER MTHONG DU NGO SPROD PA'I DBANG DANG GDAMS NGAG THOB NAS BSGOM NUS NA, TSE 'DIR SANGS RGYA MI RGYA THE TSOM MI 'DUG CING, TSE 'DIR

, ,MI DGE BCU DANG MTSAMS MED LNGA'I LAS TSABS CHEN BYAS NA SHI MTHAG DMYAL BA MNAR MED DU SKYE MI SKYE THE TSOM MI 'DUG STE, RGYU 'BRAS LA YID MA CHES SHING SNYING RUS CHUNG BAS LAN, SNYING THAG PA NAS RGYU 'BRAS LA YID CHES NA, NGAN SONG GI SDUG BSNGAL LA 'JIGS SKRAG, SANGS RGYAS THOB 'DOD KYI SGO NAS DANG POR BLA MA LA MOS GUS, BAR DU GDAMS NGAG BSGOM PA LA SNYING RUS, MTHAR NYAMS RTOGS SKYONG LUGS SOGS KYI SNYING RUS PA'I 'DI PAS MA ZHAN PA SO SKYE SNYING RUS CAN KUN LA YONG BAR 'DUG, BYUNG TSE SANGS RGYAS DANG BYANG CHUB SEMS DPA'I SPRUL PAR RLOM PA 'DUG STE, GSANG SNGAGS KYI NYE LAM LA YID MA CHES PA'I RTAGS YIN PAS, DA KHYED RANG RNAMS RGYU 'BRAS LA YID CHES PAR GYIS LA, GONG MA'I RNAM THAR, LAS RGYU 'BRAS, 'KHOR BA'I NYES DMIGS, DAL 'BYOR RNYED DKA', NAM MCHI CHA MED RNAMS SOGS LA, ,GSANG SNGAGS KYI NYAMS LEN LA 'BUNGS SHIG, NGAS KYANG LTO GOS GTAM GSUM LA GYONG BTANG, SEMS LA DPA' BSKYED, LUS LA BAB BSKUR SDUG BSNGAL KHYAD DU BSAD NAS MI MED KYI RI LA BSGOMS PAS NYAMS RTOGS KYI YON TAN SKYES PA YIN, KHYED RNAMS KYANG NGA'I RJES SU ZHUGS LA NYAMS SU LONGS SHIG GSUNGS PA DE LTA BU'I TSUL LA DGONGS PAR MNGON NO, ,'ON KYANG BLA MA RIN PO CHE 'DI NYID BYAMS MGON GYI BYIN RLABS THUGS LA ZHUGS PA ZHIG YIN PA NI BLA MA RIN PO CHE NYID KYI GSUNGS

LAS; SHES RAB ME LONG DAG PA'I NGOS, ,SHES BYA'I GZUGS BRNYAN GSAL BA'I TSE, ,SHES 'DOD MED KYANG SHES MDOG GI, SHES RAB RTZAL 'DI SU YIS 'GOG, NGAG LA NGAG GI DBANG PHYUG GIS, ,BYIN GYIS BRLABS SHING SEMS RGYUD LA; ;BYAMS PA'I 'PHRIN LAS ZHUGS PA ZHIG, BLA MA'I RNAM THAR DRAN NAS BRIS, ,ZHES GSUNGS PA LTAR RO, ,DE LTAR CHAB MDO CHOS SDER RGYAL BA 'PHAGS PA LHA'I ZHABS DRUNG DU RAB TU BYUNG NAS DUR SMIG GI RGYAL MTSAN GSOL TE 'GRO BA LHA DANG BCAS PA THAMS CAD LA MYUR BA MYUR BAR THUB BSTAN YONGS SU RDZOGS PA BZUNG STE DAM PA'I CHOS GYI SGRA DBYANGS BSGRAGS NAS 'GRO BA MA RIG PA'I GNYID KYIS NON PA RNAMS MYUR DU SAD PAR BYA, 'KHIR BA'I BTZON RAR BCINGS PA RNAMS MYUR DU SGROL BAR BYA, BLO GROS KYI MIG LDONGS TE GAR 'GRO'I GTOL MED PA RNAMS LA MTHO RIS DANG THAR PA'I LAM MYUR DU GSAL BAR BYA'O ZHES DBUGS 'BYIN PAR MDZAD DO, ,DE NAS THUGS BSAM 'DI LTA NGAG 'KHRUNGS TE, SNGON STON PA THUGS RJE CAN DES RGYAL BA'I BSTAN PA LA ZHUGS NAS RAB TU BYUNG BA RNAMS KYIS LAS SU BYA BA NI GNYIS BKA' STZAL TE, KLOG PA THOS BSAM DANG, SPONG BA BSAM GTAN NO, ,BDAG GIS KYANG STON PA THUGS RJE CAN GYI BKA' LTAR THOG MAR KLOG PA THOS BSAM DANG, DE NAS SPONG BA BSAM GTAN BYAS TE RGYAL BA DGYES PA'I LAM BZANG BSGRUB PAR BYA'O SNYAM DU DGONGS NAS THOG MAR 'PHAGS PA LHA'I BKA' LTAR CHAB MDO GRVA TSANG GI CHOS SPYOD RNAMS LAGS PAR

, ,BZUNG, ,DGUNG LO BCU BZHI PA'I DUS SU 'PHAGS BA LHA LA RDO RJE 'JIGS BYED CHEN PO'I DBANG LEGS BAR GSAN, DE NAS 'PHAGS PA LHA'I SKU MDUN DU RAB 'BYAMS SMRA BA 'GA' ZHIG BGRO GLENG BYED PA GZIGS PAS SHING RTA CHEN PO'I GZHUNG LA DAD PA CHES CHER 'KHRUNGS NAS LUS KYI PA SPU RNAMS ZINGS ZHES BYED CING RANG DBANG MED PAR SPYAN CHAB BYUNG ZHING BDAG KYANG NAM ZHIG NA SHING RTA CHEN BO'I GZHUNG LUGS RNAMS LA SBYANGS TE CHOS DANG CHOS MIN RIGS PAS 'BYED THUB PA ZHIG 'OD SNYAM DU THUGS 'DUN DRAG PO 'KHRUNGS TE 'PHAGS PA LHAR DBUS PHYOGS SU SLOB GNYER LA PHYIN CHOG PA DGOS ZHES DGONGS BZHUS PA NA, 'PHAGS PA LHAS KYANG 'JAM MGON BSTAN PA'I SROG SHING DU 'GYUR BAR MKHYEN NAS DGYES BZHIN DU GNANG NAS DGUNG LO BCO LNGA'I LO DBUS PHYOGS SU PHEBS, THOG MAR SE RAR PHEBS NAS GNAS MJAL ZHIG BYAS, DE NAS DGA' LDAN DU PHEBS NAS SLOB GNYER MDZAD DGONGS PA YOD PA LA, BYES GRVA KHANG GI GNAS GZIGS LA PHEBS PA NA, GRVA KHANG GI NANG DU LOGS BRIS RNAMS GZIGS PA DANG DUS MNYAM DU RLUNG BSIR BU ZHIG SKU LA REG PAS RKYEN BYAS, ,SMRA MI SHES PA'I DGA' BA DANG DAD BA CHEN PO ZHIG 'KHRUNGS NAS, DA NI GRVA TSANG 'DI KHA RANG DU SLOB GNYER BYED SNYAM BA BYUNG NAS BYES GRVA TSANG DU ZHUGS ,BYES PA BLA MA NGAG DBANG RGYA MTSO YONGS 'DZIN DU BSTEN NAS THOG MAR RIGS PA'I SGO 'BYED BSDUS GRA

RNAMS RTZI BA LA ZHUGS PAS TSEGS MED PAR MKHYEN TE YUN RING BOR SBYANGS PA'I MKHAS BA DAG DANG BGRO GLENG BYAS BA NA DRI MA MED PA'I RIGS PA'I NGA ROS MKHAS PA DAG DPA' ZHUM BAR MDZAD PAS MKHAS PA DAG NGO MTSAR DU GYUR NAS 'DI NI GRVA SA GZHAN DU SBYANGS ZIN PA ZHIG YIN PA'AM, YANG NA SA THOB PA ZHIG YIN PAR NGES SO ZHES GLENG BAR BYED DO, ,DE NAS DGUNG LO BCU DRUG GI DUS PHAR PHYIN GYI GZHUNG LA SBYANGS TE LO GNYIS KYI RING LA PHAR PHYIN LA MKHAS PAR GYUR TE DGUNG LO BCU BDUN PA LA RIGS CHUNG TSOGS LANGS MDZAD PAS MKHAS PA THAMS CAD NGO MTSAR BA'I GNAS SU GYUR, LO DE'I STON DUS SER RTZER RJE SGRUB KHANG BA MJAL BAR PHEBS BAS RJE SGRUB KHANG BA'I ZHABS PHYIR BLA MA RIN PO CHE 'DI PA'I KHU BO DKA' BCU SKAL LDAN ZER BA ZHIG BZHUGS PAS DES SANG NYIN SEMS BSKYED MCHOD PA YIN PAS ME TOG GANG 'BYOR NYOS LA SANG NYIN SNGA BAR SHOG CES ZHAL TA GNANG BA BZHIN BLA MA RIN PO CHES KYANG DE BZHIN MDZAD NAS SANG NYIN ME TOG MANG PO BSNAMS NAS SGRUB KHANG DU PHEBS TE LAM KHRID GSAN GRUB PA'I DGE SLONG MANG PO DANG LHAN CIG SEMS BSKYED ZHU BAR MDZAD, CHOS GROL NAS RJE SGRUB KHANG PA CHEN PO MJAL BAR PHEBS PAS RJE SGRUB KHANG PA CHEN POS BKA' 'DRI ZHIB TU GNANG NAS GZHON NU 'DI LTA BU NAS BYANG CHUB SEMS DPA' BYED THUB PA SHIN TU LEGS GZHUNG CHEN MO RNAMS LA SLOB SBYONG 'GRUS PAR GYIS SKABS SKABS SU 'DIR SHOG, NGED NAS NYAMS LEN LAS BRTZAMS PA'I BSLAB BYA BYED CES DGYES PA'I GSUNG BYON,

, ,DE NAS KHU BO DKA' BCU PA'I SAR PHEBS BAS, DKA' BCU PAS, KHYOD KYIS DE RING BLA MAS GSUNGS PA RNAMS NGES SAM GSUNG, DES BYUNG LAGS ZHES ZHUS PA NA, DKA' BCU PAS, 'O NA SKYOR DANG GSUNG BAR BLA MA RIN PO CHE 'DI LAS RJE SGRUB KHANG PAS GANG GSUNGS PA THAMS CAD CHAD LHAG MED PAR BSKYAR BAS DKA' BCU PA CHES NGO MTSAR TE KHYOD NI BAG CHAGS BZANG PO ZHIG 'DUG CES GSUNG, DE NAS SA RAR THUGS GNYER MDZAD BZHIN PA'I MUR DGUNG LO BCO BRGYAD LA BAB PA'I TSE BLA MA RIN PO CHE 'DI BAS MKHAR RDO DPON SLOB RIN PO CHE 'OL KHA NAS SKYID SHOD DU PHEBS TE, LHA SA NAG TSANG BYANG DU TSOGS MCHOD KYI DUS SLAB MA'I TSOGS DU MA LA BYANG CHUB LAM GYI RIM PA'I KHRID PAn CHEN CHOS KYI RGYAL PO BLO BZANG CHOS KYI RGYAL MTSAN DPAL BZANG PO'I MAN NGAG DAM PA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI STENG NAS STZAL BA GSAN PAR PHEBS PAS LAM GYI NGO BO DANG, GRANGS DANG, GO RIM DANG, DBYE BA, SO SO'I DON RNAMS LA NGES PA GTING TSUGS PA 'KHRUNGS TE, RGYU 'BRAS MAN NGAG BDUN GYI DANG PO MAR SHES KYI SKABS NAS 'BYUNG BA LTAR DE PHYIN CHAD NAS BZUNG STE SEMS CAN GZIGS SO COG LA 'DI NI BDAG GI DRIN CAN GYI MA'O SNYAM DU 'BANG MED DU THUGS LA 'CHAR BA ZHIG BYUNG BA 'DI NI GZHAN GYIS YI RANG BA TZAM YANG BYA BAR DKA' BA'I GNAS RNAMS LA MYONG BA

MTHAR PHYIN PHA MNGON DU MDZAD PA'O, ,BLA MA RIN PO CHE 'DI BAS LAM RIM GSOL 'DEBS GRAS SU, ,BLO BZANG RGYAL BA'I RIN PO CHEN GZHUNG LUGS LA, ,'DOD DGUR SPYOD PA'I RLABS CHEN SNYING STOBS CAN, ,BZOD PA'I GO CHA RGYA MTSO LEGS BGOS PA'I,, SGOM CHUNG RI KHROD DBANG POR GSOL BA 'DEBS, ,ZHES NGES PAR 'JUG PAR MDZAD KYIN YOD PA SKU NA PHRA MO'I DUS DE SKABS MKHAR RDO MKHAN PO 'DI PAS BDE LAM GYI KHRID GNANG BA DE THUGS LA SHIN TU 'PHROD PA ZHIG BYUNG BAS DE LTAR MDZAD PA YIN GYI BRGYUD RIM LA MED MI RUNG MIN TE, PAn CHEN BLO BZANG CHOS KYI RGYAL MTSAN GYIS DRUNG PA RTA PHUG PA, DES RJE SGRUB KHANG PA, DES BLA MA RIN PO CHE 'DI PA LA GNANG BA YONGS SU GRAGS PA LTAR RO, ,DE NAS RJE SGRUB KHANG PA CHEN POR RIGS GSUM SPYI SGRUB KYI BLA MA'I RNAL 'BYOR GYI KHRID NYIN GSUM GYI RING ZHU BAR MDZAD DE, DUS DE NAS BZUNG BLA MA'I RNAL 'BYOR 'DI 'CHAG MED MDZAD CING ,LHAG PAR GROGS DPAL 'BYOR GRAGS PA DANG BSDEBS NAS RA KHA BRAG TU DGUN THOG GCIG RIGS GSUM SPYI SGRUB KYI BLA MA'I RNAL 'BYOR SKYONG ZHING BZHUGS, DE SKABS RA KHA BRAG GI SGRUB SDE MA CHAGS PAS GNYIS KAS PHUG BA RE BZUNG NAS SO SOR BZHUGS, BLA MA RIN PO CHE 'DI PAS THUN DNGOS GZHI LA RJE BTZUN 'JAM PA'I DBYANGS KYI RNAL 'BYOR SNGON DU BTANG STE RIGS GSUM SPYI SGRUB KYI BLA MA'I RNAL 'BYOR BSGOMS NAS DMIGS BRTZE MA GANG 'GRUB DANG, THUN MTSAMS SKU LTUNG BSHAGS SUM CU SO LNGA RE DANG BRKYANG PHYAG SBRAGS PA'I BSAG SBYANGS LA

, ,'BAD PAS SKU LA BYED KYI GZUNGS NAS JI LTAR BSHAD PA LTAR GYI LAS SGRIB DAG PA'I MTSAN MA BRTAN BO THOB CING, LHAG BAR NUB CIG PHYAG TU RAL GRI ZHIG BYUNG BA BSNAMS TE NAM MKHA' LA 'PHUR BA'I MTSAN LTAS SHIN TU GSAL BA BYUNG, BLA MA RIN PO CHE RANG YON TAN SBA BA GTZO BOR MDZAD PAS 'DI TZAM LAS MI GSUNG MOD, DON DU NA RJE BTZUN 'JAM PA'I DBYANGS DANG RJE RIN PO CHE'I SKU DANG GSUNG GI SNANG BA BYUNG BAR NGES SO, ,DE NAS CHOS RAB TU RNAM 'BYED KYI SHES RAB CHES CHER RGYAS TE BSHES GNYEN LA DAD PA NAS ZHI LHAG GI BAR LAM GYI NGO BO DANG GRANG NGES GO RIM RNAMS LA NGES BA BRTAN PO RNYED CING, NGES 'BYUNG DANG BYANG CHUB KYI SEMS DANG YANG DAG PA'I LTA BA RNAMS LA MYONG BA PHUL PHYIN THON, DE SKABS 'TSO BA DKA' THUB LA GNAS PAS NYIN RE'I GSOL ZAS TZAM YANG MED KYANG 'KHOR BA'I PHUN TSOGS GANG LA YANG YID SMON NAM YANG MI SKYE, 'KHOR BA'I PHUN TSOGS GANG DANG GANG MTHONG TZAM GYIS 'JIGS SKRAG ZHEN LOG NGANG GIS SKYE BA ZHIG BYUNG, SKU MTSAMS GROL NAS SE RAR PHEBS DUS LO GSAR GYI SKABS YIN PAS KHANG TSAN GYI GRVA BA RNAMS LO GSAR GYI DGA' STON YIN ZER NAS BZA' BTUNG SNA TSOGS BYED CING RAB TU BYUNG BA'I RTAGS CHA LUGS TZAM YANG TSUL MTHUN MI 'DZIN PAR PHAN TSUN RTZED 'JO BYED CING, HA HA HU HU ZER NAS DGA' DGA' SKYID SKYID LTAR BYED PA RNAMS GZIGS BA

NA, DE RING RANG YANG MI 'CHI BA'I GDENG MED CING GAR 'GRO'I GTOL MED PAR 'DI 'DRA BYED PHOD PA MI 'DI DAG NGES BAR SMYO BA YIN PAR 'DUG SNYAM PA BCOS MIN DU 'CHAR ZHING, DE'I RING LA SPYAN CHAB RGYUN MI 'CHAD DU 'BAB PA THABS CI BYAS KYANG CHAD MI THUB PA ZHIG BYUNG GSUNG, DE KHA'I MUR RGYAL PO LHA BZAS KYIS SDE SRID RIN PO CHE BCOM STE GRONG SMAD KYI DNGOS CHAS RNAMS SOG PO'I GRVA PA RNAMS LA BYIN TE GRVA PA RNAMS HAB THOB BYED PA GZIGS PA NA SKYO ZHING YID 'BYUNG BA CHES CHER 'PHEL TE PHA PHA 'DI 'DRA BYED PHOD PA SNYAM DU SPYAN CHAB RGYUN MI 'CHAD PA NYIN MTSAN KHOR YUG TU BYUNG BAS SKU GZUGS KYI ZUNGS KYANG SHIN TU NGAN PA BYUNG GSUNG, TSUL 'DI LA RGYAL BA'I GSUNG RAB DANG SHING RTA CHEN PO'I GZHUNG GI DON LA 'DRIS PA SNGON BYON DAM PA'I RNAM THAR GYI RGYUS YOD PA DAG GIS BLTAS NA DBAG PAR DKA' BA'I RNAM THAR YIN TE MYUR DU 'CHI BA'I TSUL LA MYONG BA THON NAS TSE 'DI LA MA CHAGS PAR PHYI MA DON GNYER GYI BSAM PA BCOS MIN SKYE BA'ANG SHIN TU DKA' NA SRID PA'I PHUN TSOGS LA ZHEN PA GTING NAS LOG PA'I NGES 'BYUNG SKYE DKA' BA DANG, NGES 'BYUNG DE LTAR SKYES NA NGO MTSAR BA'I GNAS YIN PA LTA CI SMOS, STON PA THUGS RJE CAN DES DGE SLONG RNAMS LA GSER DNGUL LA REG PA TZAM YANG MI RUNG BA SOGS 'DUL BA'I BCAS PA JI SNYED CIG MDZAD PA THAMS CAD 'DI 'DRA BA'I NGES 'BYUNG BCOS MIN SKYE BA'I THABS SU MDZAD

, ,PA YIN PAS NA BLO GROS DANG LDAN BA RNAMS KYIS BLA MA RIN PO CHE 'DI'I MDZAD PA RNAM THAR 'DI 'DRA BA LA YID SMON DU BYA'O, ,DE NAS SNGAR LTAR GZHUNG LUGS LA SBYONG BA DAD BSAG SBYANG LA 'BAD BA LTAR DANG, BLA MA DANG LHAG PA'I LHA LA GSOL BA 'DEBS PA RNAMS LA BRTZON PAR MDZAD CING, CHOS GRVA'I SKABS NYIN GCIG GI 'TSO BA'I MTHUN RGYEN TZAM YANG MED KYANG TSOGS KYI MANG JA TZAM LA BRTAN TE SNGA CHOS DGONG CHOS 'CHAG MED DANG, DE'I BAR RNAMS SU GZHUNG GI 'DZIN SKYOR DANG BSAG SBYANG LA BRTZON PAR MDZAD, DE'I TSEN BZA' HRUL LA 'TSO CHAS SHIN TU BKREN PAS MTHANG GOS HRAL HRUL DU GYUR TE PUS MO SNGO HRENG HRENG BA KUN GYIS MTHONG BA DANG, ZLA GAM HRAL HRUL DU GYUR TE TSOGS SU DGE 'DUN RNAMS MANG JA LA GSOL BA BZHES PA'I CHE GSOL ZHIB YONG RGYU'I KHUL GYIS ZLA GAM GYIS GDONG BTUMS KYANG G-YAS G-YON THAMS CAD RAL PA'I SKAR KHUNG DU GYUR TE SBA MI THUB PAR KUN GYIS MTHONG BA ZHIG BYUNG BAS TSE 'DI'I SNANG SHAS CAN DAG NI TSUL 'DI MTHONG BAS YA NGA ZHING SNYING RJE'I GNAS SU BYED PA DANG, SKYE BO DAM PA RNAMS NI NGO MTSAR BA'I GNAS SU BYAD BA ZHIG BYUNG NGO, ,DE 'DRA BA'I 'CHO CHAS BKREN PA'I SKABS SU'ANG 'BYOR BA CAN DAG GZIGS PA NA YID SMON MI SKYE BAR MA ZAD LHAG PAR SNYING RJE SKYE ZHING RE SHIG GZHUNG LUGS CHEN MO 'DI RNAMS LA

SBYANGS LA NAM ZHIG NA DBEN PA'I GNAS SU 'TSO BA DKA' THUB LA GNAS NAS LAM CHA TSANG LA SGRUB PA BYED PA ZHIG NAM 'ONG SNYAM PA 'BA' ZHIG THUGS LA BRNAGS SHING DON DE LTAR DU YANG DANG YANG DU SMON LAM 'DEBS PAR MDZAD DO, ,DE LTAR PAR PHYIN LA SBYOD BA'I TSE PHAR PHYIN GYI SPYI DON DANG MTHA' DPYOD, ZUR BKOL BZHI YONGS RDZOGS THUGS LA BZUNG STE DGE 'DUN TSOGS PA'I DBUS SU SKYOR BA'I TSOGS BSOG KYANG MDZAD ,DE NAS BYES PA BLA MAS GLING BSRE'I GRVA SKOR MDZOD CES GSUNGS BA NA RJE GRUB PA'I DBANG PHYUG DGE LEGS RGYA MTSO'I ZHABS DRUNG DU PHEBS NAS GRVA SKOR BYED NA, DE'I TSE BSHAD PA GANG LA BYED ZHUS PAS SGRUB KHANG PA CHEN POS 'JAM DPAL ZHAL LUNG BZUNG NAS BSHAD PA BYAS NA SLAR GZHAN LA KHRID GTONG BA LA KHYAD CHEN PO 'OD ZHES MA 'ONGS LUNG BSTAN DANG BCAS GSUNGS ,DE NAS BLA MA RIN PO CHE 'DI BAS RJE SGRUB KHANG PA'I BKA' LTAR 'JAM DPAL ZHAL LUNG YONGS RDZOGS THUGS LA BZUNG STE DGUNG LO NYI SHU RTZA GCIG PA CHU PHO RTA'I LO SE RAR GLING BSRE'I GRVA SKOR MDZAD PAS BSHAD PAS BSTAN PA'I MIG RGYAN LA PHAN PA DANG, DRI MA MED PA RIGS PA'I NGA ROS MKHAS PA MTHA' DAG GI YID 'PHROG PAR MDZAD, GLING BSRE'I GRVA SKOR GRUB NAS RJE SGRUB KHANG PA PHUR BU LCOG TU BZHUGS PA'I SKU MDUN DU MJAL BAR PHEBS PAS SGRUB KHANG PA CHEN POS SGRUB KHANG DU 'GRO BAS KHYOD RANG 'DI KHYER SHOG GSUNGS NAS

, ,GCI BAS GANG BA'I SGYE MO SHIN TU LCI BA ZHIG BSKUR BAR MDZAD PA NA, BLA MA RIN PO CHE 'DI BA DA SKABS DKA' BCU'I GRVA SKOR GRUB PAS SE RAR MKHAS PA'I GRAGS BA CHE BA YOD KYANG MKHAS PA'I BSNYEMS BA MAD PAR BLA MA'I ZHABS TOG TU SHI YANG SKAL BA BZANG SNYAM DU SPRO BA CHEN POS SHING KHUR CHEN PO DE BSNAMS TE SER RTZER PHEBS PAS RJE SGRUB KHANG PA CHEN PO SHIN TU MNYAS NAS KHONG RANG GIS SNGAR THUGS GNYER MDZAD LUGS, BLA MA RTA PHUG PA BSTEN LUGS, DE NAS DKA' SPYAD SNYING RUS KYIS SGRUB PA MDZAD LUGS RNAMS GSUNGS NAS KHYOD RANG YANG DE 'DRA ZHIG YOD BA BYED DGOS GSUNG ZHING DA KHYOD RANG CHOS YAGS BO ZHIG BYAS NA 'ONG GSUNG BAR BLA MA RIN PO CHE 'DI PAS CHOS YAGS PO JI LTAR BYED DGOS ZHUS PAR, RJE SGRUB KHANG PAS, CHOS RNAM DAG CIG BYED NA RI KHROD LA 'GRO DGOS, DE KHYOD KYIS YONG MI YONG RJE BTZUN MI LA LA ZHU'O GSUNGS NAS RJE BTZUN GYI RNAM MGUR LA CHOS MO LAN GSUM MDZAD SOD BAS BZANG PO SHA STAG BAB PAS RJE SGRUB KHANG BA SHIN TU MNYES, BLA MA RIN PO CHE 'DI PA'ANG DAD CING SBRO BAR GYUR NAS RJE SGRUB KHANG BA CHEN PO'I ZHABS LA SPYI BOS GTUGS TE, 'JIG RTEN 'JIG RTEN 'DAS PA'I DGE LEGS KYI, ,YON TAN KUN GYI RTZA BA DRIN CAN RJE, ,YID LA DRAN PA TZAM GYIS DUS KUN TU, ,MOS GUS RTZOL MED SKYE BAR BYIN GYIS RLOBS, ,ZHES SOGS LAM GTZO'I SMON LAM YONGS RDZOGS 'DEBS PAR MDZAD DO, ,DE NAS

BLA MA RIN PO CHE 'DI PA DGUNG LO NYER GSUM LA BAB PA NA PAn CHEN THAMS CAD MKHYEN PA CHEN PO RJE BTZUN BLO BZANG YE SHES DPAL BZANG PO LA BSNYEN RDZOGS KYI SDOM PA ZHU BAR BZHED NAS KHRES PO BSNAMS NAS BKRA SHIS LHUN POR PHEBS, PAn CHEN THAMS CAD MKHYEN PA CHEN PO LA BSNYEN RDZOGS KYI GSOL BA BTAB PA NA DGYES BZHIN ZHAL GYIS BZHES TE BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU BDE LDAN ZHING GI MGON PA DUR SMRIG GAR GYI RNAM PAR ROL PA GANGS RI'I KHROD KYI 'DUL 'DZIN THAMS CAD KYI GTZUG GI NOR BU PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG POS MKHAN PO DANG, YONGS 'DZIN BSOD NAMS GRAGS PAS GSANG STON MDZAD DE KHA SKONG GI DGE 'DUN GRANGS TSANG BA'I DBUS SU BSNYEN PAR RDZOGS PA'I SDOM PA BZHES TE THUB PA'I RGYAL TSAB CHEN POR GYUR TO, ,DE NAS DBUS SU PHEBS TE DBU MA DANG 'DUL BA DANG MDZOD RNAMS LA'ANG SBYANGS BA MTHAR PHYIN PAR MDZAD NAS DGUNG LO NYER LNGA'I LO LHA LDAN CHO 'PHRUL SMON LAM CHEN MO'I DUS SU DKA' BZHI'I GRVA SKOR MDZAD DE 'JAM MGON BLA MA TZONG KHANG PA CHEN PO'I MDZAD PA RNAM THAR RJES SU BSKYANGS, GRVA SKOR GYI SKABS SU'ANG RJE SGRUB KHANG PA'I ZHAL GDAMS THUGS LA BZHAG NAS PHYIR BRGOL SU LA'ANG MTSANG 'BRU BA DANG, SKYON BRJOD PA'I TSIG RTZUB PHRA MO'ANG MA GSUNGS SHING, TSIG LA MI RTON DON LA RTON TE BSTAN BCOS GANG DANG GANG YIN PA DE DANG DE'I BRJOD BYA BA'I DON THAMS

, ,CAD RANG GI RGYUD 'DUL BA'I THABS SHA STAG TU 'KHYER BA'I TSUL GO BAR BYED PA DANG, RGYAN DRUG MCHOG GNYIS KYI GZHUNG NAS JI LTAR 'BYUNG BA LTAR DAM BCA' GANG DANG GANG BZHAG PA DE DANG DE LA 'GAL BA DANG MA NGES PA DANG, MA GRUB PA'I SKYON PHRA MO'ANG MED CING BZLOS BUR SMRA BA'ANG MED PAR BSGRUB BYA'I DON TSUL GSUM PA'I RTAGS KYIS SGRUB BA'I DRI MA MED PA'I RIGS BA'I NGA RO RGYA CHER BSGRAGS PAS GZU BOR GNAS PA'I MKHAS PA MTHA' DAG GZHAN DU LO MANG POR THOS PA BYAS PA LAS BLA MA RIN PO CHE 'DI PA'I RIGS PA'I RNAM 'GYUR LAN CIG MTHONG BA DANG THOS PA DON CHE'O, ,ZHES SMRA BAS SNYAN PA'I GRAGS PAS SA'I STENG KHYAB PAR GYUR TO, ,GRVA SKOR GRUB 'PHRAL RJE SGRUB KHANG PA MJAL DU PHEBS PAS RJE SGRUB KHANG PAS SEMS BSKYED CIG GNANG BA DANG THUG STE BLA MA RIN PO CHE 'DI BAS DA NI SROG LA BAB KYANG SANGS RGYAS MA THOB KYI BAR DU BYANG CHUB KYI SEMS MI GTAD NGO SNYAM DU DAM BCA' BRTAN PO MDZAD, TSUL 'DI LA BLA MA RIN PO CHE NYID KYI ZHAL NAS DA DUS SEMS BSKYED KYI DAM BCA' BRTAN PO DE 'DRA BYAS PA YIN, SEMS BSKYED KYI BSLAB BYA RGYA CHE, BSLAB BYA LAS 'DAS PA'I NYES PA GRANGS MANG BAS NYES PA DE 'DRAS DMYAL BAR LHUNG YANG SNGON THOG MA MED PA NAS LAS NGAN 'BA' ZHIG BSAGS TE DMYAL BA'I SDUG BSNGAL BRGYUD MAR MYONG BA'I RTZIS BTANG NA DA RES SEMS BSKYED KYI BSLAB BYA LAS 'DAS PA'I NYES PAS DMYAL BAR SKYE DGOS BYUNG YANG BZOD, DON MED DU

LAS NGAN BSAGS PA'I RTZIS BTANG NA THEG CHEN GYI CHOS SGRUB PA'I PHYIR DU SDUG BSNGAL CI MYONG DGOS BYUNG YANG SKAL BZANG GSUNG BA THOS PAS TSUL 'DI YANG DPAG PAR DKA' BA'I RNAM PAR THAR PA ZHIG STE, DENG SANG SNYIGS MA LNGA CHES CHER BDO BAS SANGS RGYAS KYI BSTAN PA NYAMS PA LA PHYOGS SHING, LHAG PAR THEG PA CHEN PO MING TZAM YANG NUB PA LA PHYOGS PA'I SKABS 'DIR RGYAL SRAS KYI SNYING STOBS RLABS PO CHE 'DI 'DRA BA MDZAD PA'I RNAM THAR NI BLO CHEN DAG KYANG RJES SU YI RANG ZHING SMON LAM GDAB PA'I GNAS SO, ,DE NAS BLA MA RIN PO CHE 'DI PAS RJE SGRUB KHANG PA LA BDAG BLA MA'I ZHABS DRUNG DU RI KHROD DU BSDAD CHOG PA DGOS ZHES ZHU BAR MDZAD PAS, LAN DU RJE GRUB PA'I DBANG PHYUG GIS PHYAG BRIS SHIG STZAL 'DUG PA'I NANG NA, 'O DANG POR GAL CHE BA PHA YUL DANG GNYEN BSHES BLOS DOR, BAR DU GAL CHE BA RGYUD DANG RI KHROD GANG RIGS SHIG TU THOS BSAM GTZO BOR THON, MTHA' MAR GAL CHE BA CHE DANG SGRUB PA MNYAM BAR BYA BA THEG PA CHEN PO'I LAM GYI RTZA BA TSUGS PA'I SGRUB PA SNYING POR MDZOD MDZOD GSUNG BA PHYAG BRIS SU GNANG, BLA MA RIN PO CHE 'DI PA NI RJE SGRUB KHANG PA LA SANGS RGYAS DNGOS KYI 'DU SHES BCOS MA MIN PA YOD PAS GANG GSUNGS TSAD MAR 'DZIN PAR MDZAD DE 'PHRAL DU RI KHROD DU PHEBS BAR THAG BCAD, DE YANG SPYOD 'JUG LAS, NAGS NA RI DVAGS BYA RNAMS DANG, ,SHING RNAMS MI SNYAN BRJOD MI BYED, ,'GROGS NA BDE BDE DAG DANG, ,NAM ZHIG LHAG CIG BDAG GNAS 'GYUR, ,PHUG GAM LHA KHANG STONG

, ,BA'AM, ,LJON SHING DRUNG DU GNAS BCAS TE, ,NAM ZHIG RGYAB TU MI LTA ZHING, ,CHAGS BA MED PAR 'GYUR ZHIG GU, ,SA PHYOGS BDAG GIR BZUNG MED PA, ,RANG BZHIN GYIS NI YANGS RNAMS SU, ,RANG DBANG SPYOD CING CHAGS MED PAR, ,NAM ZHIG BDAG NI GNAS PAR 'GYUR, ,LHUNG BZED LA SOGS NYI TSE DANG, ,KUN LA MI MKHO'I GOS 'CHANG ZHING, ,LUS 'DI SBA BA MA BYAS KYANG, ,'JIGS MED GNAS PA NAM ZHIG 'GYUR, , DUR KHROD SONG NAS GZHAN DAG GI, ,RUS GONG DAG DANG BDAG GI LUS, ,'JIG PA'I CHOS CAN DAG TU NI, ,NAM ZHIG 'GO SNYOMS BYED PAR 'GYUR, ,ZHES DANG, DE LTAR 'DOD LA SKYO BYAS TE, ,DBEN PA LA NI DGA' BA SKYED, ,RTZOD DANG NYON MONGS KYIS STONG PA, ,ZHI BA'I NAGS KYI NANG DAG TU, ,SKAL LDAN ZLA 'OD TZAN DAN GYIS BSIL BA'I, ,YANGS PA'I RDO LEB KHANG BZANG NYAMS DGA' BAR, ,DGRA MED ZHI BA'I NAGS KLUNG G-YO BA YIS, ,GZHAN LA PHAN DON SEMS SHING 'CHAG PAR BYED, ,KHANG STONG SHING DRUNG PHUG DAG TU, ,GANG DU JI SRID 'DOD GNAS SHING, ,YONGS 'DZIN BSRUNG BA'I SDUG BSNGAL SPANGS, ,LTOS PA MED PAR BAG YANGS SPYOD, ,RANG DBANG SPYOD CING CHAGS MED LA,, GANG DANG YANG NI 'BREL MED PA, ,CHOG SHES BDE SPYOD GANG YIN PA, ,DBANG POS KYANG NI DE RNYED DKA', ,ZHES GSUNGS PA LTAR DBEN PA'I YON TAN GYIS THUGS YID LEGS PAR 'PHROGS NAS RJE SGRUB KHANG PA CHEN PO LA SKYID RUNG SDUG

RUNG BA LA BLA MA MIN BA BLO RTZE GTAD SA MED PAS 'DI KHAR BLA MA'I ZHABS LA GTUGS NAS BLAD CHOG BA DGOS ZHES NAN ZHUS MDZAD PAS, GRUB PA'I DBANG PHYUG CHEN PO DGE LEGS RGYA MTSO LEGS PAR DGYES NAS, DA 'O NA 'DI KHA RANG DU SNOD, KHRID SKYONG BAR BYED BA LA SPYIL BU RANG DBANG 'DUS PA ZHIG DGOS PA YIN PAS RTZIGS SHIG GSUNGS NAS DE'I MTHUN RKYEN PHRAN BU'ANG STZAL, DE NAS BLA MA RIN PO CHE 'DI PAS SGRUB KHANG BA'I BKA' LTAR PHUR BU LCOG TU RANG SHONG SPYIL BU ZHIG BZOS, BYES PA BLA MA LA DGONGS PA ZHUS TE TSE 'DI'I RNYED BKUR SNYAN GRAGS GANG LA'ANG CHAGS PA MED PAR PHUR BU LCOG TU RJE SGRUB KHANG PA'I ZHABS DRUNG DU PHEBS, PHEBS 'PHRAL LAM RIM DMAR KHRID BDE LAM GYI KHRID CIG GNANG BA GSAN, DE'I TSE SGRUB KHANG PA CHEN POS PHUR BU LCOG TU DGE SLONG BRGYAD GRVA ZHIG GI SGRUB SDE 'DZUGS PAR BZHED NAS, 'DU KHANG RUNG KHANG GZIM CHUNG RNAMS KYI ZHAL BKOD MDZAD PA NA BLA MA RIN PO CHE 'DI PAS SNGON RJE BTZUN MI LAS LHO BRAG MAR PA'I ZHABS DRUNG DU MKHAR LAS JI LTAR MDZAD PA DE KHO NA LTAR RANG NYID MKHAS PA CHEN PO YIN PA'I NGA RGYAL DANG RLOM PA PHRA MO'ANG MED PAR, BRAN KHOL LTAR DU SA RDO DANG CHU LEN BA SHING 'DREN PA 'JIM PA BSKYEL BA RTZIG PA RNAMS LA ZHAL BA BYED BA LHA BRIS PA'I LAG G-YOG TU TSON BSNUR BA DRES 'DAM BRDUNG BA SOGS SGO GSUM NGAL BA KHYAD DU BSAD NAS RUSON BA CHEN BOS BLA MA'I BKA' BZHIN SGRUB PAR MDZAD, DE NAS RJE SGRUB KHANG PA CHEN POS LAM KHRID 'JAM DPAL

, ,ZHAL LUNG GI KHRID RGYAS PA ZHIG DANG, BLO SBYONG DON BDUN MA'I KHRID RGYAS PA ZHIG GNANG, RJE SGRUB KHANG PA DE SNGAGS LA SHIN TU DAM DOG CHE BA YOD NA'ANG BLA MA RIN PO CHE 'DI PA GCIG PU LA RDO RJE 'JIGS BYED KYA SGRUB THABS ZA MA TOG GI LUNG DANG, BSKYED RDZOGS GYI MAN NGAG GNAD BSDUS SHIG GNANG STE, SGRUB PA MTHAR PHYIN PA ZHIG BYED PA LA LAS SGRIB SBYONG PHYIR YIG BRGYA 'BUM THER ZHIG DANG YI DAM RDO RJE 'JIGS BYED KYI BSNYEN PA TSED DU 'KHYOL BA ZHIG NGES PAR BYAD DGOS GSUNG BA LTAR BKA' BZHIN DU SGRUB PAR MDZAD, PHUR BU LCOG GI SGRUB SDE THOG MAR CHAGS SKABS BLA MA RIN PO CHE 'DI PAS DBU MDZAD DGE SLONG RNAMS KYIS DGONG MO'I CHA LA 'DU KHANG DU MANG JA MED KYANG 'TSOGS NAS BRKYANG PHYAG LNGA BRGYA TZAM RE BTZAL, LAM KHRID 'JAM DPAL ZHAL LUD CHAR RE SKYOR BA RGYUN RING POR MDZAD PAS SGRUB KHANG PA CHEN PO SHIN TU MNYES NAS NGA LAS KHYED TSO SNYING STOBS CHE BA BYUNG ZHES BSNGAGS BRJOD MDZAD, DE SKABS BLA MA RIN PO CHE 'DI PAR GSOL JA BZHES RGYU GTAN NAS MED PAR RI'I RTZVA ZHIG GI RTZA BA BRKOS NAS DE SKOL BA'I KHU BAS SKOM PA SEL BAR MDZAD PA SOGS DKA' THUB KHO NA MDZAD, BAR SKABS SHIG RDO RJE BRAG NA RJE RIN PO CHE'I GSUNG 'BUM GYI LUNG GNANG GI 'DUG ZER BA GSAN PAS RJE SGRUB KHANG PA CHEN BOR NGA YANG DER RJE'I GSUNG 'BUM GYI LUNG ZHIG ZHU BAR 'GRO 'DOD 'DUG PAS PHYIN NA AE YONG ZHUS PAR, SGRUB KHANG PA CHEN POS 'GRO 'DOD YOD NA SONGS

GSUNGS, DE LA BLA MA RIN PO CHE 'DI PAS RANG GI 'DOD PAR GANG YOD BYED RGYU MIN, PHYIN PA LEGS PA ZHIG YOD NA 'GRO, ,MI LAGS NA MI 'GRO GLO SNYING BRANG GSUM BLA MA RANG LA GTAD PA YIN, NGA RANG GI BSAM PA LA GANG SHAR ZHUS PA LAGS, ZHES ZHU BAR MDZAD PAS SGRUB KHANG PA CHEN PO MNYES NAS, 'ON SDOD, LAR DENG SANG THAMS CAD NYAMS LEN BYED BSAMS PA MED PAR MANG PO ZHIG THOS DGOS PA 'DUG, CHOS RNAM DAG CIG BYED NA LAM RIM 'DI LA SBYANGS ZHAS RANG GI SEMS 'DI KO BA MNYED MNYED BYED DGOS RGYU YIN, LAM RIM GYI STENG DU N'A RO CHOS DRUG GI KHRID CIG YIN NA NGES PAR THOB PAR BYED DGOS GSUNG, DE LA BLA MA RIN PO CHE 'DI PAS BKA' DRIN CHE ZHES ZHUS NAS BLA MA'I BKA' BZHIN MTSAMS BCAD DE YIG BRGYA 'BUM THER DANG, BRKYANG PHYAG 'BUM THER ZHIG BSAGS, LAM RIM RANG LA THUN BZHIR BCAD NAS LO MANG PO'I BAR DU BSGOMS TE MYONG BA THON PAR MDZAD, DE YANG DMIGS SKOR RE RE NAS DPYAD SGOM DANG 'JOG SGOM GNYIS KYI SGO NAS BSKYANGS TE RGYUD LA 'CHAR DKA' BA RNAMS LA DMIGS APHUG NAS BSGOMS, DE YANG DMYAL BA'I SDUG BSNGAL SGOM PA'I TSE GRANG DMYAL BA RNAMS LA SDUG BSNGAL JI LTAR YOD LTA BA'I PHYIR DGUN DGU 'DREN PA'I SKABS SU THO RANGS GCER BUR 'THON NAS KHANG PA'I PHYIR PHEBS TE SGROL MA GSUM BZHI RE'I RING GCER BUR BZHUGS PA NA GRANG BA'I NGAD KYIS LUS SGRIB NAS ZUG GZER CHER MI MNGAN, DE NAS NANG DU 'ONGS TE GOS BGOS TE YBZHUGS PA NA CHER 'DAR ZHING RUS,

, ,PA'I GTING LA ZUG GZER BZOD PAR DKA' BA BYUNG BA NA DE LAS BYE BA PHRAG BRGYA 'GYUR GYIS GRANG DMYAL GYI SDUG BSNGAL CHE BA YOD TSUL LA SAMS NAS RGYUD THOG TU BKAL TA MYONG BA THON PAR MDZAD, DE LTAR DMIGS SKOR RE RE NAS RGYUD LA SBYAR TE MYONG BA THON PAR MDZAD, SKABS SKABS SU RJE SGRUB KHANG PA MJAL NAS LAM RIM GYI KHRID DANG BLO SBYONG GI KHRID DANG GCOD KYI KHRID RNAMS GSAN ZHING YANG DANG YANG DU SEMS BSKYED ZHUS, GZHAN YANG MDO BSTAN BCOS KYI LUNG DANG MAN NGAG MANG DU GSAN, DE NAS BLA MA RIN PO CHE 'DI PA LA CHAB MDO NAS SKU MCHED RNAMS GDAN 'DREN DU YANG DANG YANG DU 'ONGS PA DANG, 'PHAGS PA LHAS KYANG 'BYON DGOS PA'I BKA' SHOG PHEBS PA BCAS MDZAD DKA' BAR BYUNG BA NA RJE SGRUB KHANG PA LA ZHUS PAS SGRUB KHANG BA CHEN POS KHYOD LAM RIM CHEN MO'I BSHAD LUNG ZHIG MA THOB PAR KHAMS SU 'GRO DGOS BYUNG NA PHANGS GSUNGS NAS SGRUB KHANG PA CHEN POS THUN PAR THUN BAR LA LAM RIM CHEN MO'I BSHAD LUNG SHOG BU KHA SHES RE GNANG STE LO GSUM LA LEGS PAR GRUB PAR MDZAD, DE NAS KYANG GDAN 'DREN YANG YANG BYUNG BSAD PHEBS DGOS RGYU AE YIN DGONGS PA BYUNG BA NA NYIN CIG TSOGS SU DGE SLONG RNAMS SGROL MA 'DON PA'I CHE THUGS BSAM LA KHAMS PHYOGS LA PHEBS DGOS BYUNG NA CI 'DRA 'OD DGONGS NAS BLA MA LA PHYAG DBANG DANG SKYABS 'JUG ZHUS TE SKU MDUN NAS PHYI 'GROS KYIS PHEBS NAS GZIM CHUNG GI PHYI ROL TU SON PA'I RNAM PA THUGS LA

MDZAD PA'I TSE THUGS SKYO NAS SNYING 'GAS PA CAM GYI TSOD 'ONG BAR SNANG ZHING, DE NAS KYANG RIM GYIS LAM SO SOR ZHUGS TE RI RE'I RTZER PHEBS PA'I RNAM PA MDZAD NAS PHA GI'I THAD DU BLA MA BZHUGS PA'I LUNG PA DANG BLA MA'I SKU'I RNAM PA'ANG 'DRA YOD SNYAM PA SOGS BSGOM PAR MDZAD PA NA SPYAN CHAB DBANG MED DU YONG GI NA 'DUG GSUNG, DE NAS NGA BLA MA 'DI 'DRA DANG BRAL NAS 'GRO THABS MI 'DUG SNYAM DU THAG BCAD NAS RGYAL BA 'PHAGS PA LHA LA DE LUGS KYI ZHU YIG BZOS, ZHU YIG DE LA SGRUB KHANG PA CHEN POS BDEN PA'I MTHU BRJOD PA'I SMON LAM DANG BYIN RLABS SHIG MDZAD NAS 'PHAGS PA LHAR PHUL BAS PHEBS MA DGOS, DE NAS SGRUB KHANG PA CHEN POS JO BO YAB SRAS KYI THUGS KYI BCUD PHYUNG BA'I MAN NGAG BKA' GDAMS THIG LE BCU DRUG GI DBANG DANG GDAMS NGAG RNAMS KYANG BLA MA RIN PO CHE 'DI PA DANG, SKAL LDAN GYI GDUL BYA GZHAN GCIG BCAS GNYIS LA GZIM CHUNG SBUG TU GSANG STABS KYIS DGYES BZHIN DU GNANG, BLA MA RIN PO CHE 'DI PAS DUS DE NAS BZUNG STE THIG LE BCU DRUG LA THUGS DAM GTZO BOR MDZAD CING, CHOS 'DI'I 'PHRIN LAS KYI BKA' BAB STE, DE'I TSUL NI 'OG TU STON NO, ,BAR SKABS SHIG STENG GDON GYI GNOD PA ZHIG BYUNG BA RJE SGRUB KHANG BA CHEN PO LA ZHUS PAS SGRUB KHANG PA CHEN POS PHYAG RDOR GYI RJES GNANG STZAL TE 'DI'I BSNYEN PA ZHIG GYIS GSUNG BAR, RGYUN GYI THUGS DAM RIGS GSUM SPYI SGRUB KYI BLA MA'I RNAL 'BYOR GYI SGO NAS RJE RIN PO CHE'I THUGS KAR PHYAG

, ,RDOR BSKYED NAS BZLAS PA MDZAD PAS STENG GDON GYI GNOD PA LAS GROL, RJE SGRUB KHANG BA CHEN POS TSE RABS GTAN GYI LHAG BA'I LHA RJE BTZUN SGROL MA DKAR MO LA BSNYEN SGRUB CIG BYAS NA LEGS PA 'DUG GSUNG BAR SGRUB KHANG PA CHEN POR SGROL DKAR GYI RJES GNANG ZHUS NAS ZLA BA GSUM GYI RING SGROL DKAR YID BZHIN 'KHOR LO'I BSNYEN SGRUB MDZAD PAS CHOS RAB TU RNAM 'BYED KYI SHES RAB CHES CHER RGYAS TE 'CHAD RTZOD RTZOM GSUM LA SPOBS PA THOGS MED DU GYUR NAS, DE GONG SGRA DANG SNYAN NGAG LA SBYONG BAR MA MDZAD KYANG, DUS DE NAS BZUNG MDO RGYUD GSUNG RAB KYI DGONGS 'GREL RTZOM PA DANG, SANGS RGYAS BYANG SEMS KYI BSTOD PA MDZAD PA SOGS RTZOM PA GANG MDZAD KYANG SPOBS PA THOGS PA MED CING, SNYAN NGAG GI RGYAN GYI NYAMS NGO MTSAR BA DAG RANG SHUGS KYIS 'BYUNG BA ZHIG BYUNG STE, TSUL DE NI BLA MA RIN PO CHE 'DI BA'I GSUNG RTZOM RNAMS BLTAS LAS GSAL LO, ,DE LTAR BLA MA RIN PO CHE 'DI PAS RJE SGRUB KHANG PA CHEN PO BSAM SBYOR GNYIS KYIS TSUL BZHIN DU BSTAN TE SROG GI PHYIR YANG BKA' BZHIN DU SGRUB PA LAS MI 'DA' BAR GTZO BOR BYANG CHUB LAM RIM GYI DMIGS RNAM BSKYANGS, DE'I GEGS SEL DANG MTHUN RKYEN BSGRUB PHYIR RGYAL KUN NGO BO RJE BTZUN TZONG KHA PA CHEN PO LA RTZE GCIG TU GSOL BA 'DEBS PA DANG, LHAG BA'I LHA RNAMS KYI BSNYEN SGRUB LA 'BAD PA DANG, DPAG PAR

DKA' BA'I BSAG SBYANG MDZAD PA DANG, ZAB LAM GCOD KYI RNAL 'BYOR SKYOD BAR BA SGRUB KHANG PA CHEN PO'I BKA' LTAR DPAL LDAN DMAG ZOR RGYAL MO'I BSNYEN SGRUB DANG RGYUN DU MCHOD GTOR 'CHAG MED MDZAD PA SOGS RGYU TSOGS CHAD PA'I NYAMS LEN LA CHU BO'I RGYUN BZHIN 'BAD PAS RGYU MTSANG BA MED BA LAS 'BRAS BU 'BYUNG BRTEN 'BREL GYI CHOS NYID YIN PAS BLA MA RIN PO CHE 'DI PA LA'ANG LAM GYI LUS YONGS SU RDZOGS PA LA MYONG BA PHUL DU PHYIN PA'I RTOGS PA 'KHRUNGS TE, BLA MA RIN PO CHE NYID KYI ZHAL NAS NGA CHUNG DU'I DUS RJE SGRUB KHANG PA LAS LAM RIM THOG MAR ZHUS TZAM NAS, GSUNG RAB KYI DON LA GO YUL RGYA CHEN PO RANG MED KYANG, BLO LA THAG CHOD SHIN TU CHE BA BYANG GSUNGS, DE YANG BSHES GNYEN BSTAN TSUL GYI SKABS BLA MA DAM PA'I BKA' BZHIN SGRUB PA SNYING POR BYED GOS PAR THAG CHOD, DAL 'BYOR GYI SKABS TSE THUNG 'DI LA CHOS RNAM DAG CIG BYED DGOS PAR THAG CHOD, SKYES BU CHUNG DU'I SKABS TSE 'DI BLOS GTANG DGOS PAR THAG CHOD, 'BRING GI SKABS 'KHOR BA'I PHUN TSOGS MTHA' DAG LA ZHEN PA GTING NAS LOG DGOS PAR THAG CHOD, CHEN BO'I SKABS BYANG CHUB TU SEMS BSKYED NAS CI BYED SEMS CAN GYI DON DU BYED CING TSOGS GNYIS ZUNG 'BREL DU SLOB DGOS PAR THAG CHOD PA'I BLO SKYES, RJES SU BSAMS KYANG THAG GCOD LUGS DE KHA RANG RENG GSUNG BA KHO BO RANG GIS DNGOS SU THAS BAS THOG MAR RJE SGRUB KHANG PA DANG

, ,MJAL TE LAM KHRID GSAN TZAM NYID NAS DE LTA BU'I THAG CHOD GDENG KHEL THUGS LA 'KHRUNGS SHING, DE NAS RJE RGYAL BA GNYIS BA'I SNYAN RGYUD GYI MAN NGAG DAM PA BYANG CHUB LAM GYI RIM PA LA BSHAD BA TZAM MA YIN PAR, RJE GRUB PA'I DBANG PHYUG GI GSUNG GI BDUD RTZI BZHIN MYONG BA THON NGES BAR DPYAD SGOM DANG 'JOG SGOM GNYIS BLA MA LHA LA GSOL BA 'DEBS PA'I GNAD DAM PA DANG BCAS TE NYAMS MYONG LA BKAR NAS BSGOM BAR MDZAD PAS, BSHES GNYEN DAM PA SANGS RGYAS DNGOS SU MTHONG PA, RANG GIS THOB PA'I DAL 'BYOR DON CHE ZHING RNYED DKA' BA, 'CHI BA MI RTAG PA, NGAN SONG GSUM GYI SDUG BSNGAL, DE LAS THAR BA'I THABS DKON MCHOG LA SKYABS 'GRO DANG SDIG SPONG DGE BA BSGRUB PA, MTHO RIS KYI BDE BA THOB KYANG SDUG BSNGAL GYI RANG BZHIN LAS MA 'DAS SHING MI BRTAN PA, DER 'KHOR BAR BYED PA'I RTZA BA 'JIG LTA LA SOGS PA'I NYON MONGS RNAMS YIN PA, DE SPONG BYED KYI THABS LAM BSLAB PA RIN PO CHE GSUM YIN PA, RANG NYID 'KHOR BA'I SDUG BSNGAL LAS 'GROL KYANG SEMS CAN GZHAN 'KHOR BA'I SDUG BSNGAL GYIS MNAR BA RNAMS DRIN CAN GYI MA SHA STAG YIN PAS DE RNAMS LA BYAMS PA DANG, SNYING RJE DANG, DRIN DU BZO BA DANG, BDAG GZHAN BRJE BA'I 'PHRUL KHYAD PAR CAN LA BRTEN NAS BYANG CHUB DAM PA SANGS RGYAS BCOM LDAN 'DAS KYI GO 'PHANG LA DMIGS PA'I SMON SEMS

DANG 'JUG SEMS KYI BLO'I STOBS YANG DAG PAR BSKYED NAS SBYIN SOGS PHA ROL TU PHYIN PA DRUG DANG, BSDUS RNAM BZHI LA LEGS PAR BLO SBYONG BA DANG, LUS SEMS SHIN SBYANGS DANG BCAS PA'I ZHIG NAS DANG, GNAS LUGS STONG PA NYID KYI DON LA DMIGS PA'I LHAG MTHONG RNAMS ZUNG DU 'BREL BA RNAMS LA RDO RJE THEG PA'I LAM GYIS BSNON MA BTAB NAS NYAMS SU LEN TSUL RNAMS RGYAL BA THUGS RJE DANG BKA' DRIN MTSUNGS PA'I ZLA THAMS CAD DANG BRAL BA SH'AKYA'I RGYAL PO'I GSUNG RAB KYI DGONGS DON RGYAL BA NYID KYIS RANG GI RGYAL TSAB DAM PAR DBANG BSKUR BA MI PHAM MGON PO DANG, SHING RTA CHEN PO RNAMS KYIS LEGS PAR BSHAD PA'I GDAMS PA'I CHU PO GCIG TU 'DRES PA DPAL LHA CIG 'DI PAm KA RA'I BSHAD SROL RJE RGYAL BA GNYIS PA YAB SRAS KYI GSUNG LAS 'BYUNG BZHIN DU THUGS RGYUD LA RTOGS PA'I YON TAN 'KHRUNGS TE, 'GO BSHES GNYEN BSTEN TSUL NAS 'BRAS BU ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS BA'I DMIGS SKOR DE DANG DE DAG GANG DANG GANG GI DON LA MNYAM PAR BZHAG PA'I TSE, MNYAM GZHAG GI DUS SU DE DANG DE'I GNAD KYI DON BCOS MA MA YIN PA'I TING NGE 'DZIN LA KHYUR GYIS 'GRO ZHING, RJES THOB TU YANG MNYAM GZHAG GI DMIGS PA DE'I STOBS KYIS YUL GANG SNANG THAMS CAD DNGOS GZHI'I DMIGS SKOR DE DANG DE'I GROGS SU 'GRO BA ZHIG BYUNG STE, BSHES GNYEN BSTEN TSUL LA BLA MA'I GZIM KHANG DANG, ZHABS PHYI DANG, ,GZIM KHANG DANG NYE BA'I BYA RI DVAGS CHUN CHAD

, ,KYANG BLA MA'I RNAM 'PHRUL YIN SNYAM PA BCOS MAN DU 'CHAR BA LTA BU DMIGS SKOR MTHA' DAG LA BYUNG STA, TSUL 'DI NI LAM GYI GNAD MKHYEN PA'I MKHAS PA RNAMS KYIS BRTAGS NA DPAG PAR DKA' BA'I RNAM BAR THAR PA YIN PAS BYANG CHUB LAM GYI RIM PA LA BLO SBYONG BAR 'DOD PA RNAMS KYIS BLA MA RIN PO CHE 'DI'I MDZAD PA RNAM THAR 'DI DAG BSAMS LA RJES SU BSLAB PAR BYA ZHING THA NA SMON LAM GYI YUL CHUN CHANG DU BYA'O, ,DE NAS RJE SGRUB KHANG PA CHEN PO ZHING BRJE BA'I SNGA LTAS MANG DU SHAR TE, MI RTAG PA'I GSUNG MANG DU 'BYON PA DANG, SGRUB GNAS RNAMS LAM 'ONGS PA NA JI LTAR BYA BA'I LUNG BSTAN MDZAD PA DANG, BLA MA RIN PO CHE 'DI PA DON GYIS RGYAL TSAB TU BSKO BAR MDZAD PA SOGS GANG SA NAS YUN RING MI BZHUGS PA'I RTAGS BSTAN PA NA, BLA MA RIN PO CHE 'DI PAS 'JIGS SAR SKYEL MAS BOR PA 'DRA BA ZHIG MYUR DU 'ONG BAR 'DUG SNYAM DU DGONGS NAS CHU PO 'BRUG GI LO'I NANG DU SEMS BSKYED MCHOD BA BYUNG RAS KYI GSUNG BSHAD RNAMS ZIN BRIS SU MDZAD DE, SGRUB KHANG RIN PO CHE ZHING GZHAN DU GSHEGS PA'I THUGS 'DUN CHER MNGON PA'I TSE, SNGAR ZIN BRIS SU MDZAD PA'I GDAMS DAG RNAMS RJE DRUB PA'I DBANG PHYUG CHEN POR SPYAN 'BEGS ZHU RGYU PHUL NAS, BLAMS LONG BA THANG SKYUR 'DI 'DRA ZHIG MDZAD PAR 'DUG ,DE DUS RANG GI SNYING LA BCANG RGYU BLA MA'I SKU TSAB CIG DGOS PAR 'DUG BSAMS NAS GSUNG 'GA' ZHIG ZIN BRIS SU 'TA' PA 'DI LA BLA MAS PHYAG GIS BYIN RLABS SHIG GNANG DGOS ZHES GDUNG SHUGS

DRAG POS GSOL 'DEBS DANG BCAS TE GZIGS 'BUL ZHU RGYU BSNYUN G-YOG TSUL KHRIMS RGYAL MTSAN LA 'CHOL BAR MDZAD BAS, BLA MAS DE NAS SHOG BU KHA SHAS SHIG LJAGS KLOG GNANG NAS MTHAR THUGS SMON RGYA CHER SCAL TE, PHYAG MTHE PONG KER NAS 'DI 'DRA MO BYUNG 'DUG GSUNG ZHING RAB 'BYAMS PA BYAMS PA KHO SNYING RJE PO RANG YIN, ZHES GSUNGS BA ZHIG BYUNG, DE DUS RJE SGRUB KHANG PA'I MNAL LAM DU BLA MA RIN PO CHE 'DI PA LA 'PHRIN LAS RGYA CHEN 'OD BA GSAL POR SHAR BA BYUNG STE SGRUB KHANG RIN PO CHE'I MNAL LAM DU RAB 'BYAMS PA BYAMS PA 'DI DA'I PANG DU BZHAG PAS KHO RANG SDOD PA LA MTSER BO BYED 'DUG, 'ON KYANG KHO BA'I BANG DU BSDAD MA THAG NYI MA SHAR BA LTA BU'I 'OD ZER 'PHROS PAS MUN PA THAMS CAD SANGS SHING NAM MKHA'I KHAMS THAMS CAD KHYAB SONG BA ZHIG BYUNG, 'DI LEGS PO ZHIG 'OD BA 'DUG GSUNG BA ZHIG BYUNG, BLA MA RIN PO CHE 'DI PA THEG CHEN BSTAN PA'I SROG SHING DU 'GYUR BAR MKHYEN NAS RJE SGRUB KHANG BAS MGON PO PHYAG DRUG PA'I RJES GNANG ZHIG BLA MA RIN PO CHE 'DI BA LA CHED MDAGS SU STZAL, DE NAS SGRUB KHANG PA ZHING GSHEGS NAS DGONGS RDZOGS RNAMS RJE SGRUB KHANG BA'I DGONGS PA LTAR BSGRUBS TE DGONGS BA YONGS SU RDZOGS PAR MDZAD, DE NAS BLA MA RIN PO CHE DGUNG LO SO GSUM DU PHEBS PA SHING PO RTA'I LO NAS 'PHRIN LAS KYIS THOG MAR BYE STE SKAL LDAN GYI GDUL BYA 'GA' RES GSOL BA BTAB PA LTAR BE'U BUM SBON PO'I LUNG SOGS CHOS BKA' CI RIGS STZAL, DA NAS SNYAN GRAGS RJE RGYAS

, ,SU SONG STE DGUNG LO SO DRUG TU PHEBS BA BYA LO'I NANG DU YONGS KYI DGE BA'I BSHES GNYEN DAM PA DGA' LDAN KHRI RIN PO CHE BLO BZANG DAR RGYAS KYI BKAS BSKUL NAS, KHRI CHEN BLO BZANG DAR RGYAS NYID KYI SKU TSA BSOD NAMS RAB BRTAN LA ZHAL LUNG GI KHRID GNANG DAGS PAR GSOL BA BTAB PAS, RJE BTZUN BLA MA DAM PA 'DI NYID KYIS RE SHIG SKU MTSAMS MDZAD NAS BRTAG PA ZHIG MDZAD DE, SKABS SU BAB PA'I MTSAN MA BRTAN PO GZIGS NAS ZHAL GYIS BZHAS PA'I ZHU 'PHRIN 'BUL BAR MDZAD PAS, KHRI RIN PO CHE NAS LAN DU KHO BO BDE MCHOG L'U AI BA'I BDAG 'JUG LEN PA'I GSANG DBANG GI SKABS SU 'PHRIN YIG 'BYOR BYUNG BA GSANG DBANG GSUNG GI BYIN RLABS YIN PAS NYID KYI KHRID 'GRO DON CHEN PO YOD PA'I BRTEN 'BREL 'GRIG ,DES NA DA LAM LAM KHRID SHIN TU NAS THONGS, 'ON KYANG DGOS ZER TSAD LA BTANG NA CHOS GTZIGS CHUNG DU 'GRO BAS LO RE LA KHRID ZLA BA LONGS PA'I THONGS, ZHES GSUNGS PAS 'TSAMS SBYAR NAS, BYA LO SA GA ZLA BA'I CHES BRGYAD NAS BZUNG STE DBON CHUNG BSOD NAMS RAB BRTAN, BLA MA DKON MCHOG RDO RJE GNYIS KYIS GTZO BYAS PA'I SKAL LDAN GYI GDUL BYA DGE 'DUN BZHI BCU SKOR LA DUS GSUM RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID RGYAS PAR STZAL ZHING RJE RGYAL BA GNYIS PA'I BSTAN PA RIN PO CHE MI NUB PA'I CHOS KYI RGYAL MTSAN BTZUGS, CHOS KYI RNGA BO CHE

BRDUNGS TE 'DZIN MA'I KHYON MA LUS CHOS KYI SGRA DBYANGS KYAS KHYAB PAR MDZAD, DE'I SEMS BSKYED MCHOD PA'I SKABS CHAR CHEN BO ZHIG BABS PAS BLA MA RIN PO CHE 'DI PAS SKU TSE RI LA POR CHOS KYI CHAR 'BEBS PA'I RTEN 'BREL LAGS PAR 'GRIG ,DE DUS JUN SGAR NAS HONG THA' JIS DPUNG CHEN BTEG NAS LHA BZANG KHANG BCOM STE BOD LJONGS KHA LO BSGYUR BA'I SKABS DE YIN, JUN SGAR GYI SOG PO RNAMS KYIS BLA MA RIN PO CHE 'DI'I SNYAN GRAGS THOS NAS JUN SGAR DU GDAN 'DREN PA'I BKOD PA MANG DU BYAS KYANG RA DVAGS LA SHA BYIN PA LTAR SRID PA'I PHUN TSOGS LA 'JIGS SHING SKRAG PAR MDZAD NAS 'BYON DU MA BZHED, TSUL 'DI YANG LAM GYI GNAD SHES PA RNAMS KYIS BLTAS NA NGO MTSAR BA'I RNAM THAR TE, STOBS KYI 'KHOR LOS BSGYUR BA'I RGYAL PO'I BSNYEN BKUR LA'ANG DGA' BAR MI MDZAD CING 'GO BA'I NAD DANG DUG LTAR DU SGREG BAR MDZAD NA BSNYEN BKUR NGAN NGON LA CHAGS PA'I GO SKABS GA LA YOD, DA LTA BDAG DANG BDAG 'DRA BA'I CHOS BYED PHAL MO CHE BSNYEN BKUR NGAN NGON RE YANG BLOS MI THONGS PAR KHA GSAG GZHOGS SLONG GIS LOG 'TSO SGRUB PA'I NGANG TSUL 'DI LTAR NA BLA MA RIN PO CHE 'DI PA'I MDZAD PA 'DI NI DENG SANG GI SKYE BO BLO CHUNG DAG GIS RJES SU YI RANG TZAM YANG BYA DKA' BA'I RNAM THAR RO ,DUS DE NAS BZUNG STE BLA MA RIN PO CHE 'DIS DPYID DUS 'JAM DPAL ZHAL LUNG GI KHRID DANG, STON DUS BDE LAM GYI KHRID RE

, ,PHAL CHER 'CHAG MED DU GNANG, THOG MAR PHUR BU LCOG GI DGE SLONG RNAMS KYI 'DU KHANG DU SHONG TZAM DANG, DE NAS JE 'PHEL DU SONG STE PHYI'I KHYAMS DANG BCAS PAR SHONG CAS DANG, DE NAS 'PHRIN LAS JE RGYAS SU SONG STE DGE 'DUN MANG DU 'DUS BAN BOD KYI SRID SKYONG MI DBANG BSOD NAMS STOBS RGYAS KYIS CHOS GRVA CHEN MO GSAR BSKRUN MDZAD DE LO SHAS DER SHONG TZAM DANG, DE NAS 'DZAM BU GLING GIS SA'I CHA THAMS CAD NAS LAM KHRID DON DU GNYER BA LHAGS PA NA DER YANG MA SHONG BAR CHOS GRVA CHEN MO'I LTAG TU GTZANG KHANG GTOD, MDOR SGO MANG BZOS TE KHYAMS CHEN PO GTOD NAS DGE 'DUN STONG PHRAG BRGAL BA LA LO LTAR DBYID DUS ZLA BA GSUM PA'I TSES BRGYAD NAS BZHI PA'I TSES BDUN GYI BAR LAM KHRID 'JAM DPAL ZHAL LUNG TSES BRGYAD NYIN SEMS BSKYED MCHOD PA, TSES DGU NAS BCU GNYIS BAR LA 'DOD CHOS CI RIGS, TSES BCU GSUM LA THUGS RJE CHEN PO'I DBANG CHEN NAM RJES GNANG GANG RIGS, BCU BZHI DANG BCO LNGA GNYIS LA SMYUNG GNAS SBYOR GUG ,TSES BCO BRGYAD BCU DGU TZAM NAS BLA MED KYI DBANG CHEN THOB PA SHA STAG LA BDE GSANG 'JIGS GSUM GYI BSKYED RDZOGS GANG RIGS RE, STON DUS ZLA BA BRGYAD PA'I TSES BCO BRGYAD NAS GNAM GANG GI BAR LA BDE LAM GYI KHRID TSAR RE BCAS LO LTAR 'CHAG MDAG NANG ZHING, LAM KHRID KYI SKABS GZHUNG SA NAS SBYIN BDAG MDZAD DE, NYIN RER MANG JA BDUN DANG THUG PA GNYIS RE SEMS BSKYED MCHOD

BA'I SKABS BLA MA RIN PO CHER BRTAN BZHUGS RNAMS 'CHAG MED MDZAD, DPON PO YAB SRAS 'DAS NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSOS LHAG PAR BSNGAGS 'OS GZENGS BSTONG DU MDZAD DE, STON DPYID LAM KHRID LA 'DUS PA'I DGE 'DUN RNAMS LA BSNYEN BKUR GONG 'PHEL DANG, SEMS BSKYED KYI THOG MGRON GNYER RE CHED GNANG GIS BLA MA RIN PO CHER MAndAL SKU GSUNG THUGS RTEN, NA BZA' CHA TSANG, DNGOS BO SPAM MTHOB BCAS LO LTAR STZAL, BLA MA RIN PO CHE 'DI PAS CHAB MDOR PHEBS PA'I SKABS DANG, BYANG RA SGRENG DU PHEBS PA'I SKABS DANG, GTZANG DU PHEBS PA'I SKABS 'GA' ZHIG MA GTOGS DGUNG LO SUM CU SO DRUG NAS DGUNG LO BRGYAD CUR PHEBS PA'I BAR LAN KHRID 'CHAG MED DU GNANG STE 'JAM MGON BSTAN PA'I SROG SHING BZUNG, MDO PHYOGS KYI BSTAN PA'I SROG SHING BZUNG BAR MA ZAD SNGAGS KYI BSTAN PA'I SROG SHING YANG 'DZIN PAR MDZAD DE, BLA MA RIN PO CHE 'DI THOG MAR CHAB MDOR BZHUGS SKABS RGYAL BA 'PHAGS PA LHA LA RDO RJE 'JIGS BYED BCU GSUM MA'I DBANG CHEN GSAN, DE NAS RJE SGRUB KHANG PA LA RDO RJE 'JIGS BYED KYI SGRUB THABS KYI LUNG DANG BSKYED RDZOGS GNYIS KYI MAN DAG GSAN, KHRI RIN PO CHE BLO BZANG DAR RGYAS LA GSANG BA 'DUS PA LUGS GNYIS KYI DBANG SOGS RDO RJE PHRENG BA YONGS RDZOGS DANG, ZUR BKA' DBANG RJES GNANG MANG DU GSAN, GRUB PA'I DBANG PHYUG DON YOD MKHAS GRUB LA GSANG BA 'DUS PA'I DBANG SOGS DBANG MANG PO

, ,DANG; GSANG BA 'DUS PA DANG RDO RJE 'JIGS BYED GNYIS KYI BSKYED RDZOGS KYI ZAB KHRID RGYAS PA DANG, RIM LDAGS LA SGRON GYI GZABS BSHAD SOGS BSNGAGS KYI CHOS MTHA' YAS PA GSAN, GRUB PA'I DBANG PHYUG 'JAM DPAL RGYA MTSO 'AM, MTSAN GZHAN 'JAM DBYANGS BDE BA'I RDO RJE LA BDE MCHOG L'U AI PA'I BSKYED RDZOGS GNYIS KA'I MYONG KHRID, N'A RO MKHA' SPYOD MA'I DBANG DANG BSKYED RDZOGS SOGS CHOS MANG DU GSAN, RGYUD SMAD MKHAN PO MKHAS SHING GRUB PA NGAG DBANG MCHOG LDAN LA 'GREL BA BZHI SBRAGS SOGS CHOS MANG DU GSAN, YER PA'I BLA MA MKHAS GRUB PHUN TSOGS RGYA MTSO LA DRIL BU LUGS KYI PHYI NANG GNYIS KA'I DBANG DANG, DRIL BU LUS DKYIL GYI BSKYED RIM DANG RDZOGS RIM LNGA'I KHRID RNAMS GSAN, BYA BRAL BLO BZANG RIN CHEN LA MKHAS GRUB RIN PO CHE NAS BRGYUD PA'I KYEE RDOR LHA DGU'I DBANG GSAN, BLA MA BSOD NAMS BZANG PO LA RJE RIN PO CHE'I GSUNG 'BUM PHAL CHE BA SOGS MDO SNGAGS KYI CHOS MANG DU GSAN TE, JI LTAR GSAN BA LTAR GSANG BDE 'JIGS GSUM SOGS SNGAR DBANG GSAN PA'I YI DAM RNAMS KYI BSNYEN SGRUB MTHAR PHYIN BA MDZAD, BSKYED RDZOGS KYI MAN NGAG RNAMS THUGS NYAMS SU BZHES TE NUS PA THON PAR MDZAD NAS SKAL BA DANG LDAN PA GZHAN DAG LA'ANG RGYA CHER SPEL BAS BLA MA RIN PO CHE 'DI NYID 'PHRIN LAS CHER 'PHEL TE SKAL BA DANG LDAN PA MANG PO LA BYANG CHUB LAM GYI RIM PA'I KHRID YANG YANG GNANG, BAR SKABS SHIG

GRUB PA'I DBANG PHYUG DON YOD MKHAS GRUB LA DPAL GSANG BA 'DUS PA'I BSKYED RDZOGS KYI KHRID RNAMS LEGS PAR GSAN, DE'I TSE GDUL BYA GZHAN DAG LA CHOS GANG SHES RGYUD LA SBYOR DGOS SO ZHES 'DOMS PA'I PHYIR RANG RGYUD LA BSKUL MA 'DEBS PA'I GSUNG MGUR YANG 'DI LTAR MDZAD DE, NA MO GU RU, PHUL BYUNG YON TAN DANG LDAN PAS, ,KUN GYI SPYI GTZUG GIS MCHOD KYANG, ,NYAM CHUNG LA LHAG PAR BRTZE BA'I, ,BLA MA LA SNYING NAS 'DUD DO, ,RANG NYID LA RANG GIS BRTZE NA; ;RANG SEMS LA RANG GIS GROS 'DEBS, ,RANG MTSANG LA RANG GIS RGOL BA'I, ,RANG TSIG 'DI RANG GIS GSAN DANG, ,SNGON MTHA' MI MNGON PA'I 'KHOR BAR, ,'KHOR BA'I BDE 'BYOR KUN SPYOD KYANG, ,SAMS LA TSIM BA ZHIG MA BYUNG, , MI BZOD SDUG BSNGAL KUN MYONG YANG, ,DA DUNG THAR 'DOD CIG MA SKYES, ,LUS RTEN BGRANG YAS SHIG BLANGS KYANG, ,CHOS LDAN MI LUS SHIG MA THOB, ,BLANGS DOR MA NOR BAR STON PA'I, ,MTSAN LDAN BLA MA DANG MA MJAL, ,NGES BAR SRING ZHI LAS SGROL BA'I, ,THUB BSTAN CHOS SGO RU MA TSUD, ,DA RES STABS LEGS KYI DBANG GIS, ,DAL 'BYOR PHUN TSOGS 'DI THOB NAS, ,GZHON NU NAS RAB TU BYUNG STE, ,THUB BSTAN YONGS RDZOGS KYI BDAG BO, ,BSHES GNYEN DU MA DANG MJAL ZHING, ,MDO SNGAGS GZHUNG LUGS KYI SNYING PO, ,NGES 'BYUNG SEMS BSKYED DANG LTA BA, ,RIM GNYIS NYAMS LEN GYI GNAD RNAMS, ,PHYOGS 'GRO RE LEGS PAR GO DUS, ,GO YUL SEMS RGYUD DANG 'BREL PHYIR, ,MI RTAG SKYO SHAS KYIS BSKUL NAS, ,PHA

, ,YUL NYE DU DANG MDZA' GROGS, ,LTOS MED RGYANG BSKYUR CIG BYAS NAS, ,SPANG GSHONG RI SUL DANG SHING DRUNG, ,CHAGS MED DBEN GNAS KUN 'GRIM ZHING, ,ZAS GOS SROG 'CHO TZAM BRTEN NAS, ,LONG MED BRTZON 'GRUS SHIG RTZOM RAN, ,MDUN MA GTAN LEGS DANG GTAN NYES, ,DA RES TSE MJUG 'DIR THUG 'DUG ,LONG YOD SNYING KHAMS 'DI DOR NAS, ,ZHE BCAD SNYING RUS SHIG BSKYED RNA, ,DAM CHOS BYED 'DOD CIG YOD KYANG, ,'DI SNANG YENG YENG LA ZAD NAS, ,DAL 'BYOR STONG LOG LA CHA BAS, ,'PHRUL DU THAG CHOD CIG BYA RAN, ,CHU LA DBYU GU YIS BRIS 'DRA'I, ,'DI SNANG BLO BRID KUN DOR NAS, ,BLA MA'I GDAMS NGAG 'DI BSGOM RAN, ,SNOD BCUD MI RTAG CING MI BRTAN, , NAM MKHA'I 'JA' TSON DANG 'DRA BAR, ,HA CANG ZHEN PA 'DI DOR NAS, SNYING PO DAM CHOS SHIG BYA RAN, ,MTSAR SDUG LANG TSO DANG LDAN ZHING, ,NAD MED LONGS SPYOD KUN 'DZEM YANG, ,MA NGES GLO BUR DU 'CHI BAS, ,'DU 'DZI BTZAN CHOD DU SPONG RAN, ,'DZOM DUS KHA GSAG LA MKHAS PA'I, ,MDZA' GROGS BZHIN 'DZUM CAN MANG YANG, ,NA TSA DBUL PHONGS KYIS GDUNGS TSE, ,MI PHAN GROGS NGAN KUN 'DOR RAN, ,ZAS GOS SMAN BCOS KYIS BSKYANGS KYANG, ,NA TSA SDUG BSNGAL GYI 'BYUNG KHUNGS, ,MI GTZANG 'DOR NGES KYI LUS 'DI, ,'DOR TSE 'GYOD MED CIG BYA RAN, ,THABS TSUL SNA TSOGS KYIS BSGRUBS KYANG, ,GSOG BSRUNG SDUG BSNGAL DANG SDIG PAS, ,'DI PHYI GNYIS KA LA 'PHUNG BA'I, ,

NOR RDZAS 'CHING THAG 'DI GLOD RAN, ,'JIGS RUNG DUG SBRUL GYI TSANG 'DRA'I, ,SRID GSUM 'KHOR BA 'DI RGYU BCAS, ,DA RES BSLAB GSUM GYI NYAMS LEN, ,BRTZON PA SHUGS DRAG GIS SPONG RAN, ,BDE 'DOD SDUG BSNGAL LA 'JIGS KYANG, , DGE SPONG SDIG PA LA REM PA'I, ,BLANG DOR GO LOG GI PHA MA, ,SGROL 'DOD BYANG SEMS MCHOG BSKYED RAN, ,SNGON CHAD LAS RO LA SONG BA'I, ,'KHOR BA'I BYA BA LA BSAMS NA, ,BYA SLA DON CHEN GYI SPYOD PA, ,RGYAL SRAS RNAM THAR LA BSLAB RAN, , RGYU RKYEN SNA TSOGS KYIS BCOS PA'I, ,BCOS MA'I KUN RDZOB LA BLTOS TSE, ,RDZUN PA BDEN GRUB TU 'DZIN PA'I, ,G-YO CAN BDAG 'DZIN 'DI 'DUL RAN, ,GRANGS MED BSKAL BA LA MI BLTOS, ,SNYIGS DUS TSE THUNG GCIG KHO NAR, ,NGES PAR SANGS RGYAS NYID STER BA'I, ,GSANG SNGAGS ZAB LAM ZHIG SGOM RAN, ,SNANG BA GDONG 'DED KYI BAN CHUNG, ,DPON MED G-YOG MED KYI BLO BDE, ,DGRA MED GNYEN MED KYI YUL DU, ,RE MED DOGS MED CIG BYA RAN, ,BLO PHUGS DAM CHOS LA GTAD NAS, ,MI MED LUNG STONG LA GNAS PA'I, ,BLO 'GEL DKON MCHOG LA BYAS NAS, ,CHE GNYAN NGO 'DZIN GYIS CI BYED, ,DPANG PO RANG SEMS LA BCOL NAS, ,DGE SBYOR LA DO LKOG MED NA, ,MI MANG GI KHA LOG BYUNG YANG, ,'CHI DUS SU 'GYOD PA CI YOD, ,DAD PA SKYO SHAS GNYIS 'DRES NAS, ,SEMS RGYUD DAM CHOS DANG 'DRES NA, ,LTO GOS JI LTAR DU PHONGS KYANG, ,GZHAN 'BYOR LA SMON RGYU CI YOD, ,TSANG LAM NOR BA'I LAM MCHOG ,TSUL BZHIN SGRUB PA LA REM

, ,NA; ;NYAMS RTOGS YON TAN GYIS DBUL YANG, ,CHOS RDZU 'DI BYED DON CI YOD, ,DAL 'BYOR 'DI SHIN TU RNYED DKA', ,RNYED PA 'DI YUD TZAM MI RTAG ,PHYI MA 'DI SHUL RING YANG, ,'DI SNANG LA YENGS LONG MI 'DUG ,CUNG ZAD GZHUNG LUGS LA SBYANGS PA, ,TSE MJUG SGRUB BA LA BSGRIL BAR, ,BLA MA LHAS BYIN GYIS RLOBS SHIG ,CHOS SKYONG TSOS 'PHRIN LAS SGRUB MDZOD, ,CES SO, ,DE NAS SLAR YANG BLA MA DON YOD MKHAS GRUB LA YUN RING POR GSOL BA BTAB NAS ZLA BA GCIG DANG ZHAG NYI SHU'I RING LA GSANG CHEN RGYUD SDE'I SNYING PO'I BCUD BSDUS PA SNYIGS DUS KYI TSE THUNG GCIG LA ZUNG 'JUG SGRUB PA'I THABS RDO RJE 'CHANG DNGOS SU BYON YANG DE PHAN CHAD DU GSUNG DU MED PA'I MAN NGAG MTHAR THUG RIM LNGA GSAL SGRON GYI GZABS BSHAD GSAN, DE'I TSE GRUB DBANG DON YOD MKHAS GRUB RIN PO CHE NAS BLA MA RIN PO CHE 'DI CHOS GRVAR SENGGE'I KHRI LA BZHUGS SU GSOL NAS TSE DPAG MED KYI SKU DANG, ZHAL DKAR YU RING ZHOS GANG BA BCAS PHYAG TU PHUL NAS, RJE DON YOD MKHAS GRUB PA SKYA BCUN DU MA'I 'KHOR DANG BCAS PA LA, RGYAN 'JUG DANG RTZA SHE SPYOD 'JUG RNAMS KYI LUNG GSUNG BAR GSOL BA 'DEBS PAR MDZAD PA BZHIN RJE 'DIS KYANG LEGS PAR STZAL, RJE DON YOD MKHAS GRUB PAS 'KHOR RNAMS LA LUNG BZHI PO DE RNAMS LAS RANG RANG GIS JI LTAR 'DOD PA RE 'DON DGOS PA'I KHAS LEN SKOR BAR MDZAD NAS, RJE BTZUN BLA MA 'DI BSTAN PA YONGS SU RDZOGS PA'I MNGA' BDAG

CHOS KYI RGYAL SRID CHEN BOR MNGA' GSOL BAR MDZAD DO, ,DE NAS CHAB MDO 'PHAGS PA LHAS SPYAN DRANGS NAS CHAB MDOR PHEBS TE, RGYAL BA 'PHAGS BA LHAS GTZO MDZAD CHA BA MDO'I DGE 'DUN RNAMS LA LAM RIM GYI KHRID DANG, LAM RIM CHEN MO'I BSHAD LUNG DANG, 'GREL BA BZHI SBRAGS SOGS CHOS BKA' MTHA' YAS STZAL ZHING PHYOGS DE'I DAD LDAN MANG BOS DNGOS PO PHUL BA'I RIGS RNAMS LA BKA' DANG BSTAN BCOS KYI PU STA KA MANG PO GSER DNGUL LAS BZHENGS PAR MDZAD PA'I LHAG RNAMS 'BRAL CHAS SU MKHO BA 'GA' ZHIG MA GTOGS KHANG BA ZHIG TU BZHAG NAS LDE MIG RGYAL BA 'PHAGS PA LHA'I PHYAG TU PHUL TE, GZHUNG BZHI'I 'DON PA GRA RJE RGYAS SU MDZAD DE RGYAL BA'I BSTAN PA 'BA' ZHIG THUGS LA BRNAGS NAS SKAL BA DANG LDAN BDAG LA CHOS GNANG BA LAS ZANG ZING GI DNGOS PO GANG YANG BDAG GIR MI MDZAD BAR DANG RDZAS DANG GSHIN RDZAS CI BYUNG THAMS CAD CHUD MA ZOS PAR DGE PHYOGS SU GTONG BAR MDZAD PA 'DI 'DRA BA'I RNAM BAR THAR BA NI PHYI RABS KYI CHOS BYED RNAMS LA KHA YAR LTA'I MIG LTOS SU CHE ZHING SKYE BO PHAL CHER ZANG ZHING GI DNGOS PO 'BA' ZHIG DON DU GNYER BA'I DUS MTHA' 'DI 'DRA BAR 'DI LTA BU'I RNAM PAR THAR PA NI RGYAL BA'I BSTAN PA LA BYA BA BLA LHAG TU MDZAD PA'I RNAM BAR THAR BA'O, ,DE NAS YAR PHEBS TE PHUR BU LCOG NYID DU BSHAD SGRUB KYIS DUS 'DA' BAR MDZAD CING, BAR SKABS SHIG SNYIGS MA'I SKYE BO DAG GI SPYOD TSUL NGAN PA SNA TSOGS BYUNG BAS THUGS YID PHYUNG ZHING,

, ,SKYE BO GZHAN DAG LTA CI SMOS RGYAL BA'I BSTAN PA LA ZHUGS NAS MDO SNGAGS KYI GZHUNG CHEN MO RNAMS LA LEGS PAR SBYANGS PA'I MKHAS PAR RLOM PA PHAL MO CHE YANG TSE 'DI'I SNANG SHAS KYIS BSLUS NAS RNYED BKUR SNYAN GRAGS SGRUB PA LHUR LEN PA MANG PO ZHIG GZIGS PAS THUGS LHAG PAR SKYO NAS, RANG LA BSKUL BA'I TSUL DU GSUNG MGUR 'DI LTAR MDZAD DE, GNAS 'KHOR BA'I GNAS TSUL SNYING NAS DRAN, ,MA DRIN CAN BLO YI PHUG TU BCUG ,LAM THABS SHES ZUNG 'BREL NYAMS LEN LAS, ,DUS NAM YANG G-YO MED BLA MAR 'DUD, ,KYE NYON DANG CHOL CHUNG 'GAL 'DU MKHAN, ,MING BLA MA DGE BSHES DGE SLONG ZER, ,LUS DGE SBYONG CHA LUGS MTSAR POS BRGYAN, , GNAS DBEN PAR 'DUG KHYOD BSAM BLO THONGS, ,KHYOD BYUNG NA BSU ZHING SONG NA SKYEL, ,KHYOD 'DUG NA GDAN 'DING RNYED BKUR 'BUL, ,PHAR CHOS 'CHAD SKYABS 'JUG PHYAG DBANG STER, ,KHYOD RANG TSOD BZUNG LA RANG LAM TSOL, ,RGYUD GONG MAR GYUR LA BLA MA ZER, ,GZHAN DGE BAR SBYOR LA DGE BSHES ZER, ,LAM LEGS PAR 'TSOL LA DGE SLONG ZER, ,SEMS 'DOD SRED SPONG PHYIR DUR SMRIG GYON, ,CHOS RTZE GCIG SGRUB PHYIR DBEN PA BSTEN ,DON DE RNAMS RANG LA TSANG BA'I PHYIR, ,MI RANG LA RANG GIS MA BSKUL NA, ,MING BLA MA YON TAN 'DREBS CHUNG, ,MING DGE BSHES BYED SBYONG KHYIM PA DNGOS, ,MING DGE SLONG SPYOD PA KHYI PHAG 'DRA, ,PHYI DGRA BCOM NANG DON NYON MONGS MTSO, ,KHYOD PHYI NANG MI

MTSUNGS BRTAG DKA' BAS, ,KUN 'KHRUL NAS KHYOD LA RE 'CHAB YANG, ,PHYOD SNGON BZHIN KUN SPYOD 'DI BSTEN NA, ,MING BLA MA ZER YANG TSOM RKUN PA, ,MING DGE BSHES ZER YANG SDIG PA'I GROGS, ,MING DGE SLONG ZER YANG MI NAG PA, , LUS SER GOS GYON YANG WA SKYES 'DRA, ,GNAS DBEN PAR 'DUG KYANG SPYANG KYI 'DRA, ,KHYOD PA LA CHER KHYI RKUN LTAR 'KHYAMS NAS, ,MI DRAG GZHAN DU MA'I SAR BYIN TE, ,THABS KHA GSAG GZHOGS SLONG SNA TSOGS GYIS, ,ZAS RNYED BA CUNG ZANG BYUNG BA RNAMS, ,GNAS DBEN BAR DGA' 'DUS BAG MAD SPYOD, ,GROGS TSANG SPYOD SKYON DANG CHAGS SDANG GTAM, ,DUS NYIN MTSAN THUN MTSAMS 'DAS 'DAS SMRA, ,SEMS 'DOD YON MYOS CHUS MYOS PA'I MTHUS, ,LUS BYA MIN SPYOD LA NGO TSE MED, ,NGAG BTZOG GTAM SMRA LA NGO TSA MED, ,SEMS TSUL MIN YID BYED GNYEN PO MED, ,LAS RGYU 'BRAS BSAMS NAS 'DZEM 'DOD MED, ,RANG KHAS BLANGS DRAN NAS SDOM SEMS MED, ,RJE BLA MA'I DRUNG DU GNONG SEMS MAD, ,GROGS TSANGS SPYOD 'DUS KYANG KHREL GZHUNG MAD, ,RANG CHOS LA BSKUL YANG NYAN 'DOD MED, ,MI RANG LA RANG GIS SHA TSA MED, ,CHOS BLANG DOR SHES PA'I SHES RAB MED, ,MAR 'KHOR BA'I GNAS LA SKYO BA MED, , YAR THAR PA'I GO 'PHANG THOB 'DOD MED, ,MA SEMS CAN KUN LA SNYING RJE MED, ,MED BCU GSUM 'DZOMS LA SANGS RGYAS MED, ,DER MA ZAD THAR PA'I GO 'PHANG MED, ,DER MA ZAD PHYI MA MTHO RIS MED, ,DER MA ZAD TSE 'DI'I MI CHOS MED, ,

, ,YOD DGOS PA GCIG KYANG MED BZHIN DU, ,KUN 'DZOM PA'I MKHAS BTZUN BZANG PO'I GRAR, ,SNYEGS NUS PA AE MA'O NGO MTSAR CHE, ,TSE BLOS BTANG THAR BDON GNYER GRAR, ,'TSANG NUS PA AE MA'O NGO MTSAR CHE; ;RGYUD SNGON GSUM LDAN PA'I RAB BYUNG GRAR, ,'DUG NUS PA AE MA'O NGO MTSAR CHE, ,KHYOD 'BRAS BU MED PA'I PHRED YAG ,KHONG LO YAGS SNYE MA'I GRAR CHUD MTSAR, ,ZHES SO, ,DE NAS GSUNG NGAG BCAD DE ZLA BA MANG PO'I BAR LA SGROL DKAR YID BZHIN 'KHOR LO'I BSNYEN MTSAMS LA BZHUGS PAS NYAMS RTOGS LHAG PAR 'PHEL ZHING THUGS RAB LHAG PAR RGYAS TE GZHUNG LUGS KYI DON GANG DANG GANG LA'ANG BLO GROS KU SHA'I RTZE LTAR RNO ZHING PHRA BAS DON GYI GTING DPOG NUS BA DANG RANG DANG GZHAN GYI TSE RABS MANG PO DRAN PA DANG, LHAG PAR SNYIGS MA'I DUS SU MI DGE BA'I BDAG 'BRAS BDO BAS LOG SKYOD 'BYUNG 'GYUR MANG PO'ANG MKHYEN NAS GSUNG MGUR 'DI LTAR MDZAD DE, AOm SVASTI, SEMS BSKYED RTZAB DMIGS MED SNYING RJE'I CHUS, ,YANG YANG BRLAN PAS THABS SHES YAL 'DAB RGYAS, ,DON GNYIS MTHAR PHYIN 'BRAS BUR RAB BRJID PA'I, ,THUB DBANG DPAG BSAM LJON PA RGYAL GYUR CIG ,GANG GIS LEGS GSUNGS MDO SNGAGS CHOS KYI ROS, ,LEGS PAR TSIM PA'I DGA' BAS LEGS BSHAD GLU, ,CI YANG LEN PA KLU SGRUB THOGS MED SOGS, ,GNYIS SKYES MANG POS 'PHAGS YUL SKYED TSAL GANG, ,RING MO ZHIG NA CHOS RGYAL LO PAn SOGS, ,

SMON LAM MTHU LDAN DED DPON BRGYA PHRAG GIS, ,RGYA GAR DAM CHOS RIN CHEN 'BYUNG GNAS NAS, ,BSHAD SGRUB DBANG GI RGYAL BO BOD DU BLANGS, ,CHOS SRID 'BYOR BA SRID PA'I MIG 'BAR BAS, ,GANGS CAN LJONGS 'DI'I RGUD PA'I MUN KUN BSAL, ,DE NYID GLANG DAR SGRA GCAN BRLANGS KYIS, ,PHYOGS 'DI'I 'GRO LA YUN RING SNANG MA GYUR, ,DE NAS BYANG CHUB 'OD KYI SMON LAM DANG, ,'GRO 'DI'I SPYI MTHUN BSOD NAMS RGYA MTSO LAS, ,AA TI SHA DANG RGYAL BA'I 'BYUNG GNAS KYI; ;NYI ZLA ZUNG GCIG THUB BSTAN RGYAN DU GYUR, ,THUB BSTAN RGYA MTSOR CI DGAR LONGS SPYOD PA'I, ,KHRIMS LDAN DUR SMRIG 'DZIN PA'I NGANG PA KHYU, ,THABS SHES GSHOG YANGS DKAR PO'I GAR MANG BSGYUR, ,SLAR YANG DE NYID CUNG ZAD 'GRIB PA'I TSE, ,BLO BZANG DKYIL 'KHOR GRAGS PA'I GZI BRJID 'BAR, ,GANGS CAN SKYE 'GRO'I LEGS BYAS SHAR RI'I RTZER, ,'PHAGS NAS THUB BSTAN PAD TSAL RGYAS PA'I CHE, ,PHYOGS MED MKHAS PA'I RKANG DRUG GSHOG RTZAL 'GRAN, ,MAN NGAG SGRANG RTZIS MYOS NAS LEGS BSHAD KYI, ,GLU DBYANGS 'GYUR KHUG STONG PHRAG 'THEN BA NA, ,MDO SNGAGS DGONGS 'GREL TSIG GI 'DAB BRGYA RGOD, ,DON GYI GSER SO PHRENG NGOM BA BZHIN, ,RGYAL BA GNYIS BA'I LUGS BZANG LUS PHRA MA'I, ,BSHAD SGRUB LANG TSO DAR LA BAB PA YIS, ,MKHAS MANG YID KYI BRTAN PA NYAMS BYAS PAS, ,YUN RING 'KHOR LO GSUM GYI RTZONG 'JOS BREL, ,DAM BA'I RING LUGS DBYAR DUS ZAD PA

, ,NA; ;MI BZAD SNYIGS MA'I GRANG REG CHER G-YOS TE, ,BSRE BSLAD BRAL BA'I BSHAD SGRUB 'DAB BRGYAB, ,SKAD CIG NYID LA MOG POR BYAS PAS SKYO, ,KHA BSHAD LTA BA MTHON PO'I MKHAR 'PHAGS KYANG, ,BLO GROS 'KHYOG PO RDZUN GYIR RI CAN, ,SNGAGS PAR RLOM PA TSES PA'I CHU SHEL GYIS, ,MKHAS PA'I GSUNG RAB PAD DKAR 'DAB BRGYA ZUM, ,SANGS RGYAS RANG LA YOD PA'I KHA PO DANG, ,NYON MONGS MA SPANGS 'TSANG RGYA'I GDAMS NGAG GIS, ,SNGAGS BSKYUR DAD CAN RNAMS SPOBS PA DANG, ,BLUN PO DAD LDAN BSLU BA MNYAM DU BYAS, ,SKAD CIG SEMS NGO 'PHROD PA'I SNYAN RGYUD 'DIS, ,RGYA CHEN MDO SNGAGS GZHUNG DANG SHES RAB MIG ,THAR 'DOD KUN LA MI MKHO'I CHOS LUGS DANG, ,THOS BSAM SGOM PA 'DOR BA LHAN CIG BYAS, ,HA CANG TSIG LA ZHEN PA'I GO RGYA DANG, ,TSIG GI RGYAL PHAM RTZOD PA'I THOS PA 'DIS, ,BLO SNA NANG DU BKUG PA'I NYAMS LEN DANG, ,SNGAR BSAGS DGE RTZA 'JOMS PA MNYAM DU BYAS, ,'DAG SBYAR MTSAMS NAS 'JIG RTEN PHO RUS DANG, 'DI BYA 'DI BYAS SEMS PA'I BLO NGAN 'DIS, ,PHYI MA NGAN 'GRO'I RGYU TSOGS BSGRUB PA DANG, ,'DI PHYI GNYIS KA MED PA CHABS CIG BYAS, ,NGAM CHOS DAR BA'I MI YI GTZO BO RNAMS, ,KHREL MED GDOL PA'I SPYOD PA BYED PA 'DIS, ,GSHAN PA GDOL PA LAS KA MED PA DANG, ,RANG GZHAN GNYIS

KA PUNG BA DUS GCIG BYAS, ,BSAM NGAN GDUG PA'I CHANG GIS MYONG GYUR CING, ,DAM BAS SMAD PA'I SNA ZHAGS RING SKYONG BA, ,DKAR DANG SER BA'I GNYIS 'THUNG MANG PO YIS, ,'GRO BA'I BDE SKYID PAD TSAL LHAG MED BYAS, ,SGOM PA SRID RTZE'I SNYOM 'JUG THOB GYUR KYANG, ,SLAR YANG 'OG MA'I SEMS SU LHUNG BAS SKYO, ,BSAM BA RIG PA'I GNAS LDAR MKHAS GYUR KYANG, ,DUD 'GRO JI BZHIN TSE 'DIR ZHEN PAS SKYO, ,THOS BA GZHUNG LUGS 'BUM PHRAG NGAG BTON KYANG, ,RGYAL PO GDUG PA'I GROS DPON BYED PAS SKYO, ,'KHOR BA'I BDE 'BYOR JI LTAR PHUN TSOGS KYANG, ,THA MA NGES PAR RGUD PAS 'JOMS PAS SKYO, ,GSON PA 'CHI BAS NGES PAR 'JOMS PA DANG, ,LANG CHO RTA BAS NGES PAR 'JOMS PAS SKYO, ,NAD MED NGES PAR NAD KYIS 'JOMS PA DANG, ,'DUS PA NGES PAR SO SOR 'BRAL BAS SKYO, ,MTHON PO DMA' POR NGES BAR LHUNG BA DANG, ,'BYOR PA THAMS CAD NGES PAR 'DOR BAS SKYO, ,PHAN GNOD GANG LA'ANG YID BRTAN MED PA DANG, ,'DOD PA BRTEN PAS TSIM PA MED PAS SKYO, ,LA LA DGA' BZHIN SDUG BSNGAL RGYU LA 'JUG ,LA LA SDUG BZHIN DBANG MED MNAR BAS SKYO; ;KUN KYANG BDE BDOD MI DGE SBYOD PA DANG, ,SDUG BSNGAL MI 'DOD GE BA SPANGS PAS SKYO, ,MDOR NA 'GRO BA'I MGON PO'I GSUNG RAB LAS, ,'KHOR BA'I GNAS TSUL JI LTAR GSUNGS PA BZHIN, ,'KHRUL MED MNGON

, ,SUM MTHONG BAS SKYO BA DANG, ,THUB PA'I GSUNG LA YID CHES CUNG ZAD RNYED, ,BLUN PO RMONGS PA CHOS RGYUS MED PA DANG, ,CHES DRED KHENGS PAS 'GYING LA CI CHA YOD, ,KHO BO SNGON BSAGS DGE BAS DAL 'BYOR THOB, ,RGYUD LDAN DAM BA MANG POS RJES SU BZUNG, ,MDO SNGAGS MAN NGAG THUGS KYI NYING KHUS GSOS, ,GNAS DANG GROGS SOGS CHOS KYI MTHUN RKYEN TSENG, ,DE PHYIR MNOG CHUNG TSE 'DI'I MDUN MA DOR, , SNA THAG MI LAG MA SHOR RANG GIS 'DZIN, ,LTO GOS MTHA' GNYIS MA LHUR DBEN GNAS 'GRIMS, ,G-YENG MED BLA MA'I MAN NGAG NGOMS PAR SPYOD, ,SKYO SHAS KHRI SNYAN SA LE'I PAGS STENG NA, ,KHREL YOD NGO TSA'I KYI SHIG GYON ZHING, ,SKYABS GNAS DKON MCHOG GSUM GYI THOR COG BCINGS, ,TSAD MED BZHI YI MIG RTZA DMAR 'KHRUG CING, ,TSANGS SPYOD ZHI DUL AAG TSOM RING BOS BRJID, ,LHA BZHI'I TSANGS SKUD DKAR PO LUS LA 'CHANG, ,SDE SNOD GSUM GYI GSANG TSIG NGAG NAS 'DON, ,BSLAB GSUM BDUD RTZIS SEMS KYI RIL BA BKANGS, ,BDAG GZHAN MNYAN BRJE'I THAB KHUNG DKAR PO'I NANG, ,MTHA' BRAL LTA BA'I ME LCE 'BAR BA'I DBUS, ,RANG NYID GCES PAR 'DZIN PA'I BUD SHING DANG, ,'JIG LTA'I MAR KHU LHAG MED BSREG LA BRTZON, ,BKA' GDAMS BRAM ZAG GTZANG MA'I RNAM THAR LA, ,GNYIS SKYES PHRA MO BDAG

KYANG LHAG BAR MOS, ,SKYABS GNAS DKON MCHOG GSUM GYI THUGS RJE YIS, ,RNAM THAR 'DI 'DRAS TSE MTHAR PHYIN PAR SHOG ,DAM PA'I RNAM THAR TSUL BZHIN BSKYANGS PA'I MTHAR, ,YUN RING 'GROGS PA'I GROGS BZANG LUS SEMS GNYIS, ,MA RUNGS 'CHI BDAG PHRA MAS PHYE BA'I TSE, ,DE YI MOD LA SEMS KYI GZHON NU YIS, ,DE LA MI 'DOD MED PAR DGA' BZHIN DU, ,SMON LAM TSUL KHRIMS BZHON PA LA ROL TE, ,MI PHAM RGYAL BA'I MDUN SAR LEGS BGROD DE, ,RGYAL SRAS MTHU CHEN RNAMS DANG LHAN CIG TU, ,THEG MCHOG CHOS KYI DGA' STON MYONG BAR SHOG ,ZHING KHAMS BYE BAR RGYAL RNAMS BLTA BA DANG, ,NGO MTSAR MCHOD PA RGYA MTSOS MCHOD PA DANG, ,SEMS CAN RGYA MTSO SMIN PAR BYA BA'I PHYIR, ,DPAG MED LUS KYI BKOD PA STON PAR SHOG ,TSOGS GNYIS RGYA MTSO'I PHA MTHAR PHYIN PA NA, ,YON TAN RGYA MTSO RGYAL BA SRAS BCAS KYI; ;MDZAD PA RGYA MTSO BYE BRAG JI SNYED PA, ,BSKAL PA RGYA MTSOR BDAG GIS SBYOD PAR SHOG ,RNAM DPYOD DNGUL DKAR ME LONG YANGS PA'I NGOS, ,KUN KYANG CHOS KYI BZHIN RAS GSAL BA 'DI, , SNGON BSAGS RNAM DKAR BZANG PO'I BYED LAS DANG, ,YONGS 'DZIN GSUNG GIS BYI DOR BYAS PA'I MTHUS, ,ME MO LUG LO HOR ZLA BCU GCIG PAR, ,SMRA BCAD MTSAMS NGOS YID BZHIN 'KHOR

, ,LO LA, ,GSOL BA BTAB TSE SEMS LA SHAR BA BZHIN, ,MEE TRI'I MING GES PHUR BU LCOG TU BRIS, ,ZHES SO, ,DE NAS BLA MA RIN PO CHE NYID DGUNG LO LNGA BCUR PHEBS PA LCAGS MO PHAG GI LO GTZANG DU PHEBS NAS PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO ZHAL MJAL, MAndAL PHUL TE ZHABS PAD YUN DU BRTAN PA'I GSOL 'DEBS MDZAD, DE'I TSE PAn CHEN THAMS CAD MKHYEN PA CHEN POS BLA MA RIN PO CHE 'DI LA THUGS DGYES PA CHEN POS GRA SA 'DI'I DGE 'DUN CHOS DON GNYER CAN RNAMS LA LAM RIM CHEN MO'I BSHAD LUNG ZHIG MDZOD CES BKAS BSKUL TE BLA MA RIN PO CHE 'DIS BDE LEGS KHANG GSAR DU DGE 'DUN LNGA BRGYA SKOR LA LAM RIM GYI KHRID DANG, LAM RIM CHEN MO'I BSHAD LUNG RGYAS BA ZHIG MDZAD, DE NAS SNAR THANG DU PHEBS SNAR THANG GI DGE 'DUN RNAMS LA'ANG CHOS KYI BDUD RTZI STZAL ZHING SNAR THANG GI 'DU KHANG CHEN MOR GLO BUR DU KA BA ZHIG GI MDUN DU DAM BCA' 'JOG MKHAN GZHAN ZHIG YOD PA LTAR DU BZHENGS TE BGRO GLENG GTONG BAR MDZAD, 'KHOR GSUM BSKOR ZHING LUNG RIGS KYI NGA RO CHES CHER BSGRAGS TE THAL SKAD KYANG CHES CHER 'DON PAR MDZAD, ,DER 'KHOD PA'I SKYE

BO RNAMS NI NGO MTSAR ZHING RTZED MO'I 'DU SHES KYIS GAD MO BYED PA LAS RGYU MCHEN GZHAN GANG YANG MA BSAMS, DUS PHYIS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES KYIS BLA MA RIN PO CHES SNGA SOR SNANG THANG DU PHEBS DUS DE 'DRA MDZAD 'DUG PA DE CI YIN ZHUS PAR BLA MA RIN PO CHE 'DI PA'I ZHAL NAS DE DUS 'DUL BA 'DZIN PA'I NYAMS SHIG SHAR NAS DE LTAR BYAS BA YIN GSUNGS BYUNG ZHES PAn CHEN THAMS CAD MKHYEN PA CHEN PO'I ZHAL LAS BDAG GIS DNGOS SU THOS SO, ,DE YANG BLA MA RIN PO CHE 'DI PA LA BKRA SHIS LHUN PO'I DGE 'DUN RNAMS LHAG BAR DAD ZHEN CHE BA ZHIG BYED PA DE LA 'GA' ZHIG GIS 'DI CI YIN SNYAM DU BRTAGS PA NA, DGE BA'I BSHES GNYEN 'GA' ZHIG GIS BLA MA RIN PO CHE 'DI 'DUL 'DZIN BLO GROS SBAS PA DANG THUGS RGYUD GCIG CING 'DUL 'DZIN BLO GROS SBAS BA NI RJE DGE 'DUN GRUB KYI SRAS KYI THU BO BKRA SHIS LHUN BO'I DGON GNAS THOG MAR 'DEBS PA DANG, DGON GNAS BTAB NAS DGE 'DUN GYI SDE SKYONG BA DANG, RJE DGE 'DUN GRUB ZHING GSHEGS NAS KYANG DGONGS RDZOGS DANG DGE 'DUN GYI SDE MI NYAMS PAR SKYONG BA'I ZHAL BKOD MDZAD BA SOGS DGON GNAS 'DI LA BKA' DRIN ZLA

, ,MED DU CHE BA ZHIG YIN PAS DGON GNAS 'DI'I GRVA PA RNAMS PAn CHEN THAMS CAD MKHYEN PA MA GTOGS GZHAN SU BYUNG LA MGO MI GTOD PA ZHIG YIN PA LA BLA MA RIN PO CHE 'DI BA LA DAD GUS LHAG PAR CHE BA 'DI DE'I RTEN 'BREL GYI YIN ZHES GLENG BA BYUNG STE, DE NI 'DI LTAR DON LA GNAS SAM SNYAMS TE, BLA MA RIN PO CHE 'DI NYID KYIS PAn CHEN THAMS CAD MKHYEN PA LA DE LTAR GSUNGS PA DANG, DUS RGYUN DU'ANG BYANG SEMS 'DUL DKAR BAS 'DI LTAR MDZAD CES 'DUL 'DZIN BLO GROS SBAS PA'I MDZAD PA RNAMS THUGS RGYUS SHIN TU ZHIB PA ZHIG YOD PA LTAR GSUNG BA YANG DANG YANG DU THOS SO, ,DE NAS DGUNG LO LNGA BCU NGA GNYIS SU PHEBS PA CHU MO GLANG GI LO MI DBANG BSOD NAMS STOBS RGYAS KYIS BLA MA DON YOD MKHAS GRUB LA LAM RIM CHEN MO'I BSHAD LUNG GI GSOL BA BTAB STE LHA LDAN RGYUD KHANG LCANG LO CAN DU PHYOGS 'DUS KYI DGE 'DUN BRGYAD BRGYA SKOR LA LAM RAM CHEN MO'I BSHAD LUNG GNANG BA'I TSE BLA MA DON YOD MKHAS GRUB RIN PO CHES GUNG YOL NAS NYI RGAS KYI BAR LA LAM RIM CHEN MO'I BSHAD LUNG GNANG, DE SKABS BLA MA RIN PO CHE 'DI PA'ANG PHEBS NAS SNGA DRO'I CHI LA BLA MA RIN PO CHE 'DI PAS RMI RUR LAM RIM BDE LAM GYI KHRID DANG, ZHAL LUNG GI KHRID DANG, BLO SBYONG GI KHRID SOGS BLA MA MKHAS GRUB RIN PO CHE'I BSHAD LUNG MA RDZOGS KYI BAR SNGA DRO'I CHAR CHOS BKA' RGYA CHER STZAL,

DA NAS BLA MA RIN PO CHE 'DI BA DGUNG LO LNGA BCU NGA GSUM DU PHEBS PA SHING PHO STAG GI LO GTZANG DU PHEBS TE PAn CHEN THAMS CAD MKHYEN PA RJE BTZUN BLO BZANG YE SHES LA BRTAN BZHUGS 'BUL BAR MDZAD, DE'I TSE PAn CHEN THAMS CAD MKHYEN PA CHEN POS BLA MA RIN PO CHE 'DI PA LA KHYED RANG LA 'DI KHA'I DGE 'DUN RNAMS DAD MOS CHE BAR 'DUG PAS LAM RIM GYI KHRID CIG GNANG BAR MDZOD, CHOS MTHO MTHO ZAB ZAB MANG PO LAS GDUL BYA BLO MTHO DMA' THAMS CAD LA CHOS LAM RIM 'DI RANG PHAN CHE ZHES BKA' STZAL, BLA MA RIN PO CHES KYANG PAn CHEN THAMS CAD MKHYEN PA'I BKA' BZHIN ZLA BA DRUG PA'I TSES BZHI NAS BDUN PA'I TSES BZHI'I BAR ZLA BA GCIG GI RING BDAG CAG DAD LDAN LNGA BRGYA SKOR LA LAM RIM BDE LAM GYI KHRID RGYAS PA DANG, DE NAS LAM RIM CHEN MO'I BSHAD LUNG DANG DGA' LDAN LHA BRGYA MA'I KHRID SOGS CHOS MANG DU STZAL CING GZHUNG LUGS LA SBYONG BA'I BLO GSAR BA RNAMS LA RJE BTZUN SGROL MA'I RJES GNANG ZHIG DGYES BZHIN STZAL, LAM KHRID GRUB PA'I SEMS BSKYED MCHOD PA'I NYIN DGE 'DUN GYIS STONG TZAM TSOGS TE STENG 'OG BAR GSUM THAMS CAD DGE 'DUN GYIS GANG BAS SEMS BSKYED RGYAS PA GNANG BAR ME TOG GI CHAR CHEN PO BABS BA SOGS NGO MTSAR BA'I LTAS BSAM GYIS MI KHYAB PA BYUNG, DE'I TSE DON GNYER CAN 'GA' ZHIG GIS BLA MA MCHOD PA'I KHRID CIG ZHUS PA NA DBANG CHEN THOB BA RNAMS LA GNANG RTZIS KYIS TSOMS CHEN DU GRA BSGRIGS KYANG DGE

, ,'DUN THAMS CAD 'UR LANGS KYIS BKAG MA THUB PAR BDE LEGS KHANG GSAR GYI PHYI'I KHYAMS GANG BA NA BLA MA RAN PO CHE'I BZHUGS GDAN YANG RAB GSAL NAS PHYIR 'PHANGS TE PHYI'I KHYAMS SU BZHUGS KHRI BA SHAMS NAS BLA MA MCHOD PA'I KHRID GNANG, DE'I TSE 'DI LTAR GSUNG STE BLA MA MCHOD PA BDE STONG DBYER MED MA 'DI NI SPYIR MDO SNGAGS GNYIS KA'I LAM GYI GNAD TSAD BA DANG, LHAG BAR BLA MED KYI BSKYED RDZOGS GNYIS KA'I LAM GYI GNAD TSANG BA YIN PAS SNGAGS KYI DBANG CHEN MA THOB PA LA BSHAD MI RUNG YANG KHYED CAG DGE 'DUN RNAMS 'DI TZAM GYI DAD PA CHE BA MDZAD NA NGAS BLA MA MCHOD PA'I KHRID LEGS PAR BTANG, KHYED RNAMS LA PHAN THOGS NA NGA SNOD MIN LA GSANG BA BSHAD PAS DMYAL BAR SHOR YANG BZOD GSUNG STE, TSUL 'DI NI THUGS BYANG CHUB SEMS KYI DBANG DU GYUR BA'I RNAM THAR YIN PAS SHIN TU NGO MTSAR RO, ,RANG GI DON DU THAR PA'ANG BDE PA'ANG MI BZHED LA, SEMS CAN GYI DON DU 'GYUR NA DMYAL BA'I ME NANG DU'ANG 'JUG PAR SPRO BA NI RGYAL SRAS BDAG NYID CHEN PO'I SNYING STOBS BLA NA MED PA STE, TSUL 'DIS BLA MA RIN PO CHE'I THUGS RGYUD LA BYAMS SNYING RJE BYANG CHUB KYI SEMS RLABS PO CHE BLO CHUNG RNAMS KYIS RJES SU YI RANG TZAM YANG BYA BAR DKA' BA YOD PA 'BRAS BU'I RTAGS KYIS SHES PAR BYAS LA RGYAL BA DGYES PA'I LAM LA SLOB PAR 'DOD PA RNAMS KYIS BLA MA RIN PO CHE 'DI'I MDZAD BA BZANG PO

'DI DAG LA SNYING NAS MOS PAR BYA'O, ,DE NAS DBUS SU PHEBS TE SNGAR RGYUN LTAR PHUR BU LCOG TU DBYAR DGUN GNYIS SKU MTSAMS DANG STON DBYID GNYIS SU SKAL BA DANG LDAN BA BGRANG BA LA 'DAS PA LA RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA RGYA CHER SPEL BAR MDZAD DO, ,DE SKABS BOD KYI SRID SKYONG MI'I DBANG POS BLA MA RIN PO CHE 'DI PA GANGS CAN MKHAS PA KUN GYI GTZUG RGYAN DU GYUR PA YIN GSHIS DGA' LDAN GYI GSER KHRIR PHEBS DGOS SO ZHES ZHU BA MDZAD KYANG BLA MA RIN PO CHE 'DI PA NI CHEN PO'I GO SA GTAN NAS MI BZHED PAS ZHAL GYIS BZHES PAR MA MDZAD DER MA ZAD PHYOGS MTHA' DAG NAS DAD LDAN RNAMS ZHABS DRUNG DU 'DU BAS 'PHRAL GYI GSOL CHAS KYI THEBS RE BZHES NA ZHES ZHU BA MANG DU BYUNG YANG GANG YANG BZHES PAR MA MDZAD CING, SKU TSE RIL POR BKA' GDAMS SKU MCHED GSUM RGYAL BA DBEN SA PA CHEN PO SOGS SNGON BYON DAM PA'I RNAM THAR SKYONG BAR BZHED PA LAS ZHING ROL GANG YANG 'DEBS BAR MI MDZAD CING, DNGUL SKAR MA GANG DANG SMAN RTZE KHA GANG YAN CHAD KYI TSONG DANG BUN SKYED SOGS MDZAD PA BDAG CAG DNGOS KYI GDUL BYA SUS KYANG MTHONG BA MED CING DAD PA CAN GYIS PHUL BA'I RDZAS GANG BYUNG THAMS CAD TSUNG MA ZOS PAR DKON MCHOG GI MCHOD PA DANG DGE 'DUN GYI BSNYEN BKUR SKU GSUNG THUGS RTEN BZHENG BA SOGS DGE PHYOGS KHO GNAR GTONG BAR MDZAD, DE NAS PAn CHEN THAMS CAD MKHYEN PA RJE BTZUN BLO BZANG YE SHES ZHING

, ,GSHEGS NAS MCHOG GI SPRUL SKU PHEBS PA NA PAn CHEN MCHOG GI SPRUL PA'I SKU'I MJAL KHAR BKRA SHIS LHUN POR PHEBS SHING, DE DUS KYANG BKRA SHIS LHUN PO'I DGE 'DUN RNAMS LA BLO SBYONG DON BDUN MA'I KHRID RGYAS PA SOGS CHOS MANG DU STZAL, BLA BRANG NAS GSOL BA BTAB STE PAn CHEN MCHOG GI SPRUL PA'I SKU LA TSE DBANG DANG BYABS BSRUNG 'JIGS BYED BDUD LAS RNAM RGYAL GYI DBANG CHEN SOGS CHOS MANG DU 'BUL BAR MDZAD, RGYAL DBANG THAMS CAD MKHYEN PA RJE BTZUN BLO BZANG BSKAL BZANG RGYA MTSOS KYANG BLA MA RIN PO CHE 'DI PA MJAL KHAR PHEBS RES KYIS GSOL TSIGS LHAN DU GNANG ZHING, MDO SNGAGS KYI DKA' GNAD LAS BRTZAMS PA'I DRI GTUGS RGYA CHER MDZAD, ZHAL NAS KYANG NGAS BLA MA LA MAndAL PHUL NAS CHOS ZHU BA MA BYUNG YANG MDO SNGAGS KYI DKA' GNAD RNAMS LA DRI BA ZHUS BLA MAS KYANG SPA GSANG MED PAR LHUG PAR GSUNG BAR MDZAD PAS SEMS LA PHAN THOGS SHIN TU CHE BA BYUNG BAS DON GYIS CHOS ZHUS PA DANG KHYAD MED CES DAG SNANG GI GZIGS PA BLA MED MDZAD, STON DPYID KYI CHOS RNAMS LA'ANG BSNYEN BKUR DANG SEMS BSKYED MCHOD PA'I DUS BRTAN BZHUGS DNGOS 'BUL RNAMS KYANG GONG 'PHEL KHO NAR MDZAD CING GONG SA MCHOG NYID KYI GSOL ZHIB KYI RGYU PHUB DKAR GYI GRAS NAS LO LTAR ZHIB RGYU 'DEB NGES GNANG,

BLA MA RIN PO CHE 'DI PAS KYANG RGYAL BA MCHOG GI ZHABS DRUNG DU YANG YANG PHEBS NAS MAndAL PHUL TE THUGS RJE BSKUL BA'I GSOL 'DEBS NAR MAR MDZAD, RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO SHING KHYI LO RGYAL LA PHEBS ZHOR SE RAR PHEBS SKABS BLA MA RIN PO CHE 'DI PAS RGYAL BA MCHOG LA SE RA'I DGE 'DUN RNAMS KYIS GTZOS PHYOGS 'DUS KYI DAD LDAN MANG POR GNAS BCU'I RJES GNANG ZHU BAR MDZAD, DE LO BLA MA RIN PO CHE 'DI PA DGUNG LO DON GSUM DU PHEBS PA'I DGUNG KAG YIN YANG SKU KHAMS SHIN TU DANGS SHING, GDUL BYA SO SO'I KHAMS DANG BSAM PA DANG 'TSAM PA'I ZAB CHOS MANG DU STZAL, ZLA BA BRGYAD PA'I NANG DU BDAG GIS YUN RING PO NAS GSOL BA BTAB PA LTAR BKA' GDAMS BSTAN PA'I SNYING PO JO BO YAB SRAS KYI GSANG CHOS THIG LE BCU DRUG GI DBANG RGYAS PA ZHIG STZAL, DE'I TSE RANG RGYUD BSKUL 'DEBS DAD PA'I LJON SHING YONGS RDZOGS THUGS THOG NAS BTON TE SKYES BU GSUM GYI LAM RIM DANG SBYAR NAS RGYAS PAR STZAL CING DBANG DNGES GZHI'I SKABS 'BROM RIN PO CHE'I SNGON GYI 'KHRUNGS RABS BKA' GDAMS GLEGS BAM LAS JI LTAR 'BYUNG BA LTAR ZHIB TU GSUNGS SHING, 'KHRUNGS RABS DA DANG DE'I MDZAD PA BZANG PO RNAMS GDUL BYA'I NYAMS LEN DANG SBYAR TE CHES ZHIB PAR STON PAR MDZAD PAS BKA' GDAMS BSTAN PA'I SNYING PO GZHI NAS GSO BA LTA BUR MDZAD, STON CHOS BDE LAM GYI KHRID KYANG SNGAR RGYUN LTAR

, ,STZAL ZHING, KONG PO MKHAN CHEN SKU SKYE DANG BDAG CAG SOGS DAD LDAN MANG POR BLA MA RIN PO CHE NYID KYI GSUNG BKA' RGYA MA'I GRAS BDE GSANG 'JIGS GSUM GYI BSKYED RDZOGS RNAMS DANG SNGON CHAD LUNG GNANG MA GRUB PA'I GSUNG RTZOM THOR BU RNAMS KYI LUNG DGYES BZHIN DU STZAL, GZIM CHUNG DU SKAL LDAN NYUNG SHAS LA DPAL RDO RJE 'JIGS BYED LHA BCU GSUM MA'I DBANG SNGAGS KYI ZAB BSHAD RGYAS PA BCAS STZAL, DE SKABS MNAL LAM ZHIG LA PAn CHEN MCHOG GI SPRUL PA'I SKU LA, BDE LAM GYI KHRID CIG 'BUL BA'I MTSAN LTAS BYUNG GSUNG STE DE NI MA 'ONGS PA'I 'BYUNG 'GYUR MKHYEN PAR NGES SO, ,DE NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO ZHING BRJES NAS PAn CHEN MCHOG GI SPRUL PA'I SKU RJE BTZUN BLO BZANG DPAL LDAN YE SHES KYIS RGYAL BA MCHOG LA ZHU MA THUB PA'I MDO SNGAGS KYI CHOS BKA' RNAMS GSAN PHYIR BLA MA RIN PO CHE 'DI PA SPYAN DRANGS TE BYANG CHUB LAM GYI RIM PA'I KHRID DANG LAM RIM CHEN MO'I BSHAD LUNG DANG GSANG BA DE 'JIGS GSUM GYI BSKYED RDZOGS KYI MAN NGAG RNAMS DANG 'GREL PA BZHI SBRAGS, BDE MCHOG L'U DRIL GNYIS KA'I DBANG DANG KHRID BCAS ZHU BAR MDZAD, BLA MA RIN PO CHE 'DI PAS KYANG MDZES CHOS SU MA SONG BAR LAM RIM GYI KHRID DMIGS RNAMS 'DZIN CHOS SU MDZAD CING BSHAD LUNG GI SKABS RANG DANG GZHAN GYI GRUB PA'I MTHA' RGYA MTSO LTA BU LA

DRI MA MED PA'I RIGS PAS MTHA' DPYAD DE MTHA' DAG PAR STON PAR MDZAD PAS PAn CHEN MCHOG GI SPRUL PA'I SKU NYID GLO BUR DU MKHYEN RAB KLONGS BRDOL BA'I TSUL BZHES TE, 'CHAD RTZOD RTZOM GSUM GANG GI THAD LA'ANG THOGS PA MED PA MKHAS GRUB SMRA BA'I NYI MA SLAR YANG 'JIG RTEN 'DIR BYON PA JI LTA BAR GYUR PA NA BLA MA RIN PO CHE 'DI PAS PAn CHEN THAMS CAD MKHYEN PA 'DUS PA RGYA MTSO'I TSOGS DBUR SPYAN DRANGS TE MCHOD SPRIN TSAD MED PAS MCHOD CING PAn CHEN DBEN SA PA YAB SRAS KYI RNAM THAR RGYAS BAR GSUNGS NAS DA NI PAn CHEN BSTAN PA'I BDAG PO KHYED 'JIG RTEN DU NYI MA SHAR BA LTAR BSTAN PA YONGS RDZOGS LA MKHAS SHING 'CHAD RTZOD RTZOM GSUM LA THOGS PA MED BAR GYUR, 'JAM MGON BSTAN PA'I SNYING PO 'DI LAS PHYI ROL TU GZHAN GYIS DKRI BAR MI NUS PA'I GDENG THOB PAR MDZAD PA 'DI LTA BU BYUNG BAS RGAN PO SHI YANG BLO BDE ZHES GSUNG BAR MDZAD, DE NAS PAn CHEN THAMS CAD MKHYEN PAS BKRA SHIS LHUN PO RANG DU RE SHIG BZHUGS DGOS PAR GSOL BA BTAB KYANG LO LTAR STON DPYID GNYIS SU PHUR BU LCOG GI CHOS GRVA CHEN MOR LAM RIM GYI KHRID 'CHAG MED MDZAD PA DE SKU TSE 'DI'I MDZAD PA'I GTZO BO YIN PAS JI SRID 'TSO'I BAR DU MA 'CHAG PAR MDZAD BZHED PA DANG, NYE CHAR DBANG PHYOGS BSTAN PA'I SGON ME RJE LCANG SKYA RIN PO CHE DBUS SU PHEBS NYE BAS BDAG NYID CHEN PA GNYIS ZHAL 'DZOM NAS BSTAN PA'I GNAD LAS BRTZAMS PA'I BKA' BGRO BAR

, ,BZHED PAS YUN RING BZHUGS PAR ZHAL GYIS MA BZHES PAR DBUS PHYOGS SU PHEBS RJE LCANG SKYA RIN PO CHE DANG ZHAL 'DZOM, GANGS RI'I KHROD 'DIR RGYUD SDE BZHI'I NANG NAS SPYOD RGYUD RNAM SNANG MNGON BYANG GI DBANG RGYUN CHAD DU NYE BA RJE LCANG SKYA RIN PO CHE LA DE'I RGYUN BZHUGS PAS GSOL BA BTAB NAS DE'I DBANG GSAN PAR MDZAD, RJE LCANG SKYA RIN MO CHES KYANG BLA MA RIN PO CHE 'DI LA MKHAS GRUB RIN PO CHE NAS BRGYUD PA'I KYEE RDOR LHA DGU'I DBANG RGYUN YOD PAR MKHYEN NAS DE'I DBANG ZHU BAR MDZAD, DE LTAR 'JAM MGON BSTAN PA'I SROG SHING RNAM PA GNYIS PO 'DI PHAN TSUN YID CHES KYI DAD PA THOB NAS THUGS YID GCIG TU 'DRES, DE NAS BLA MA RIN PO CHE 'DI BAS PHUR BU LCOG TU BSHAD SGRUB BSTAN PA'I RGYAL MCHEN BSGRENGS SHING, CHOS KYI RNGA BO CHE BRGYUD MAR BRDUNGS, 'JIG RTEN KUN GYI RMONGS PA'I MUN PA SEL BA'I CHOS KYI SGRON ME RGYUN DU SBAR, SNYIGS MA'I 'GRO BA NYAM THAG YONGS LA DUG GSUM GYI NAD SEL BA'I CHOS KYI SMAN SBYIN RGYUN MA CHAD PAR MDZAD, YID SRUBS BDAG PO DPUNG DANG BCAS PAS G-YO BAR MI NUS PAR 'JAM MGON BSTAN PA'I SROG SHING BZUNG, RGYAL BA SRAS BCAS KUN GYI MDZAD PA GANG GI SNYING STOBS LHAG BSAM CHEN POS KHYER NAS 'JAM MGON BSTAN BA'I SNYING BO 'DZIN PA LA NAM YANG G-YO BA MED PAR BZHUGS, DE NAS BLA MA RIN PO CHE 'DI BA DGUNG LO BRGYAD CUR PHEBS PA LCAGS ME SPRUL GYI LO PAn CHEN THAMS

CAD MKHYEN PA CHEN POS GTZANG DU SPYAN DRANGS NAS RIM LNGA GSAL SGRON GYI GZABS BSHAD KYI DON DU GSOL BA BTAB, 'JAM MGON BSTAN PA'I SNYING PO 'DI GSAN PA LA BLA MA RIN PO CHE 'DI SKU DVANGS SHING BAR CHAD MI 'BYUNG BA ZHIG GI PHYIR ZHABS BRTAN SKU RIM RLABS CHEN PO SGRUB PAR MDZAD, BLA MA RIN PO CHE 'DI BAS KYANG SKU NA PHEBS CHE ZHING SPYAN MI GSAL TZAM YOD KYANG PAn CHEN THAMS CAD MKHYEN PA 'JAM MGON BSTAN PA'I BDAG POR SONG GSHIS RTZOL BA CHEN POS DKA' BA KHYAD DU BSAD NAS RIM LNGA GSAL SGRON GYI GZABS BSHAD RGYAS PAR GNAD, DE NAS PAn CHEN THAMS CAD MKHYEN PA CHEN POS 'JAM DPAL ZHAL LUNG GI KHRID CIG KYANG GNANG DGOS PAR GSOL BA BTAB, RNAM SNANG MNGON BYANG GI DBANG DANG, KYEE RDOR LHA DGU'I DBANG ZHIG KYANG GNANG DGOS PAR GSOL BA BTAB CING, BLA MA RIN PO CHE SKUN MTHO BAS BAR CHAD BYUNG DOGS NAS ZHABS BRTAN SKU RIM RGYA CHEN PO MDZAD, BLA MA'I SKU TSE SPEL PHYIR TSE DPAG MED LHA DGU'I DBANG ZHIG KYANG 'BUL BAR MDZAD PAS BSTAN PA'I BDAG PO GNYIS KA THUGS BSKYED RLABS CHE BAS BAR CHAD KYI MTSAN MA MED PAR RNAM SNANG MNGON BYANG GI DBANG DANG, KYEE RDOR LHA DGU'I DBANG GNYIS KYANG RGYAS PAR GNANG ZHING, DE NAS 'JAM DPAL ZHAL LUNG GI KHRID CHOS THUN BCU BDUN LA RDZOGS PA ZHIG RTZI SHAG DANG BCAS RGYAS PAR GNANG, 'JAM DPAL ZHAL LUNG GI BKA' KHRID GRUB PA'I SEMS BSKYED TSAR MA THAG RGYAL BA THAMS CAD MKHYEN PA'I MCHOG SPRUL

, ,LHA RI SGANG DU 'KHRUL BRAL GSAL DVANGS SU PHEBS PA 'JAM DBYANGS GONG MA BDAG PO CHEN POS NGOS 'DZIN GYI LUNG PHEBS NAS DE 'PHRAL BKRA SHIS LHUN POR GDAN DRANGS, BLA MA RIN PO CHE 'DI PAS KYANG RGYAL BA THAMS CAD MKHYEN PA ZHAL MJAL NAS DBUS SU PHEBS TE STON DPYID KYI LAM KHRID SNGA MU BZHIN GNANG, DE NAS GONG SA MCHOG GI SPRUL SKU RIN PO CHE DBUS SU SPYAN DRANGS NAS SNYE THANG BDE BA CAN DU BZHUGS SKABS BLA MA RIN PO CHE 'DI PA DANG ,RGYUD SMAD MKHAN PO NGAG DBANG CHOS GRAGS GNYIS GONGS MCHOG GI YONGS 'DZIN DU GDAN DRANGS, BLA MA RIN PO CHE 'DI PA SKU NA PHEBS CHE BAS ZHABS PHYI 'GRUB RE MED KYANG RTEN 'BREL GYI KHYAD DGYES, BZHIN ZHAL GYIS BZHES TE SNYE THANG DU PHEBS TE KHRI 'DON MDZAD, RGYAL BA MCHOG LA SPYIR SEMS CAN THAMS CAD DANG, SGOS KHA BA CAN BA RNAMS KYI MGON DU ZHABS PAD BRTAN CING THUGS BSKYED RGYA CHEN DGOS PA'I GSOL 'DEBS MDZAD NAS LAM SGRON GYI LUNG DANG TSE DBANG GDUGS DKAR SGROL MA 'JAM DBYANGS RNAMS KYI RJES GNANG 'BUL BAR MDZAD, DE NAS PHUR BU LCOG TU PHEBS TE DGUN GYI RING BCAD RGYAR BZHUGS, DPYID CHOS SNGA MU LTAR TSUGS RTZIS MDZAD PAR SKU NA PHEBS CHE BA'I KHAR CHAB KYI SNYUN GZHI ZHIG KYANG BZHES PAS ZHABS 'BRING BA RNAMS KYIS 'DI LO BKA' CHOS SKU GZUGS KYIS LCOGS RI MI 'DUG PAS 'THEN DGOS ZHES GSOL BA

BTAB KYANG GSAN DU MA BZHED PAR NGA CHOS KHRI'I THOG TU SHIN BSAM PA RDZOGS PA YIN GSUNGS NAS CHOS BTZUGS, DE NI DUS RGYUN DU YANG DGE BA'I BSHES GNYEN PO TO BA CHEN PO ZHING GSHEGS KHAR CHOS KHRI'I THOG TU PHEBS NAS DGE 'DUN LA ZHAL BSTAN, CHOS GSUNG 'PHRO LA SEMS CAN MGON MED PA RNAMS KYI MGON DANG, SKYABS MED PA RNAMS KYI SKYABS DANG, 'KHRA SA MED PA RNAMS KYI 'KHRA SAR SHOG GSUNGS NAS THAL MO SHAG GI PHYE NAS ZHING GSHEGS PA YIN, NGA YANG DE 'DRA ZHIG LA SMON LAM 'DEBS, ZHES YANG YANG GSUNG GI YOD, DE NAS CHOS THUN RE GNYIS TZAM LAS GNANG MA THUB, ZLA BA BZHI PA'I TSES BRGYAD LA SEMS BSKYED KYI TSOGS DBUR PHEBS, TSES BCU BZHI DANG, BCO LNGA LA SMYUNG GNAS KYI SDOM PA STZAL, DE NAS CHAB KYI SNYUN GZHI JE LOD DU SONG NAS GSUNG GLO CHE ZHING BZHENG BZHUGS DKA' TZAM BYUNG YANG THUGS BDE ZHING SPRO BA'I NYAMS KHO NA MDZAD, BSTAN PA RIN PO CHE'I RGYUN DANG SLAD KYI RTEN 'BREL LA DGONGS NAS GSER SBYANGS PA 'BA' ZHIG LAS GRUB PA'I BKA' 'GYUR RIN PO CHE BZHENG BAR BZHED NAS, PHYAG NA YOD PA'I GSER RNAMS GUNG PAndI TAR GNANG NAS BZHED DGOS PA'I BKA' DANG, DE YANG DA LO RANG BYED DGOS PHEBS BAR; KHONG NAS KYANG GUS PA CHEN POS BKA' SPYI BOS NOS TE, MTHING SHOG BZANG PO LA GSER SBYANGS 'BA' ZHIG LAS GRUB PA'I POD BRGYA DANG BCU GCIG CHA TSANG DANG, BYANG CHUB LAM GYI RIM PA CHEN MO DANG, SNGAGS RIM CHEN MO

, ,GNYIS POD RE BCAS 'JIG RTEN KUN GYI MIG GI BDUD RTZIR SPUNGS PA LTA BU, DBU KHANG DANG POR PHAN TSUN DBU LHA TSON BRIS LCAGS SGIR GYI DKYIL DU MU TIG GI PHRA LDAN BZANG GOS GSER MA SPUS LEGS KYI ZHAL KHEBS NYIS BRTZEGS, GDONG DAR GSUM BRTZEGS MDO RTAGS RNAMS PAR PHYIN, GLEGS SHING MTSAL GYIS BYUGS PA YAS SPANG GI MTHONGS LA RTEN 'BREL SNYING PO DANG, GDONG SNE PHAN TSUN DU GZUNGS SNGAGS LANYTZA 'BUR DU YOD PA LA GSER SHOG DANG, DE PHYIN LA GSER GYI ME TOG RIS KYIS MDZES PA, GLEGS THAG THAD MA MDZOD GOS NGUR SMRIG GIS GTUMS PA, ZANGS TSA GSER MA'I GLEGS CHAB RDO RJE GZUGS RKOS MA PHRA LDAN, CHOS KHRI TSON RTZI GSER SHOG GIS PHYUG PA BCAS GSAR DU BSKRUN PA'I RGYUR GSER THUR SRANG BZHI BRGYA DANG GSUM, BZANG GOS GSER MA SPUS LEGS YUG PHYED DANG LNGA DANG, MDZOD GOS NGUR SMRIG YUG LNGA, GOS LING DANG CHU RTZE 'DRES MA YUG NYI SHU, MU TIG SPUS LEGS SRAN MA TZAM RDOG NYIS BRGYA DANG NYI SHU RTZA DRUG RNAMS NGO THOG DANG, AE PA DANG SNYE MO BA'I BRIS PA LTO GAR BA BZHI DANG BYINGS BRIS SHOG PA BSDOMS MI DGU BCU GO BRGYAD, DGE BSHES ZHUS DAG PA BRGYAD, LHA BIS NGA; SHING RKOS PA, GSER DNGUL BZO PA, TSEM BU PA BCAS BZO PHRAN MI NYI SHU RTZA GCIG ,LAG G-YOG MI NYI SHU RTZA BDUN BCAS KYI LAS RGYUN RING GI PHOGS DANG ZUR GSOS, GLA YON DANG, LEGS GNANG, 'DZUGS SGANG GROL

GSUM GYI STON MO GNANG CHA DANG, GZHUNG SAR GLEGS SHING DANG SHOG BU'I RIN PHUL BA BCAS LA DNGUL GYI MAndAL SNE 'DOGS CAN, NA BZA' CHA 'GRIG ,DNGUL DANG GOS CHEN, PHO MO'I RGYAN GOS, RTA SGA 'KHOR, DRE'U, MDZO MO, KHA BTAGS CHE CHUNG SOGS YANG TIG DNGUL RKYANG THOG DNGOS PO'I RI GONG BSNAN PA BCAS KHYON DNGUL SRANG SUM STONG BRGYAD BRGYA DGU BCU GO LNGA ZHO DO SKAR LNGA BCAS PHUL NAS BKA' 'GYUR RIN PO CHE GSAR BZHENG RMAD DU BYUNG BA GNANG, LI THANG GI BKA' 'GYUR MTSAL PAR MA DE SHIN TU DAG PA YOD 'DUG PAS, DE YANG TSAR GCIG BZHENG THUB PA GYIS ZHES BKA' GNANG, NYE GNAS RAB 'BYAMS PAS KYANG DE 'PHRAL DU LI THANG DU PAR BRGYAG RGYU'I BKOD PA MDZAD, DE SKABS GONG SA LHA MI'I 'DREN PA MCHOG PHO BRANG CHEN PO'I GSER KHRI LA MNGA' GSOL BA'I SKABS YIN PAS PAn CHEN THAMS CAD MKHYEN PA CHEN PO YANG DBUS SU CHIBS KHA BSKYOD NAS PHO BRANG PO TA LAR BZHUGS PA'I SKABS YIN PAS BLA MA RIN PO CHE 'DI PA'ANG PAn CHEN THAMS CAD MKHYEN PA CHEN PO MJAL BZHED CHE BA BYUNG ZHING, PAn CHEN THAMS CAD MKHYEN PA CHEN POS KYANG PHYI RABS KYI GDUL BYA RNAMS LA RANG LA LAM MA NOR BAR STON PA'I BSHES GNYEN DAM PA NI SANGS RGYAS THAMS CAD LAS KYANG LHAG PA'I BSOD NAMS KYI ZHING DAM PA YIN PAS, RANG NYID CHEN PO'I GO SA JI 'DRA ZHIG LA GNAS KYANG TSE 'GYING MI BYA BAR BLA MA BSTEN TSUL 'DI LTAR BYA DGOS SO ZHES 'DOMS PA'I PHYIR PHUR BU LCOG TU CHIBS

, ,BSKYOD NAS BLA MA RIN PO CHE'I GZIM CHUNG DU PHEBS TE SKU TSE BSRING BA'I PHYIR TSE DBANG ZHIG PHUL, DE NAS MAndAL DANG SKU GSUNG THUGS RTEN, DNGOS PO SPAM MTHO BA BCAS 'BUL BAR MDZAD DE ZHABS PAD YUN RING BRTAN DGOS PA'I GSOL 'DEBS MDZAD, GONG SA LHA MI'I 'DREN PA MCHOG NAS MGRON GNYER DGE SLONG BSKAL BZANG CHED GNANG GIS DNGUL GYI MAndAL DANG SKU GSUNG THUGS RTEN DNGOS 'BUL BCAS ZHABS PAD YUN RING BRTAN DGOS ZHES ZHU BAR MDZAD, DE SKABS BLA MA RIN PO CHE 'DI CHAB GZHI'I BSNYUN BAB LCI BAS THA MAL BA RANG BZHIN YIN NA GSUNG BGROS GNANG RE MED PA'I TSOD DU GYUR KYANG, BLA MA RIN PO CHE NI THUGS SNANG GANG YANG MED PAR, PAn CHEN THAMS CAD MKHYEN PA CHEN PO LA BSTAN PA'I GNAD LAS BRTZAMS PA'I GSUNG GLENG CHES MANG BA DANG, LHAG PAR TSAD MA RNAM 'GREL GYI RIGS PA'I DKA' GNANG PHRA MO LAS BRTZAMS TE 'BREL GTAM CHES ZHIB CING RGYAS PAR MDZAD, YONGS 'DZIN BLO BZANG CHOS 'PHEL LA'ANG SEMS TZAM PA'I PHYI DON 'GOG PA'I RIGS PA LAS BRTZAMS PA'I BKA' 'DRI MANG DU GNANG ZHING, SKU BSNYUN PA'I TSUL MED PAR DGYES NYAMS SHIN TU CHE BAR MDZAD, DE NAS PAn CHEN THAMS CAD MKHYEN PA CHEN PO CHOS GRVA CHEN MO'I BZHUGS KHRIR SPYAN DRANGS, DE SKABS GLO BUR DU DAD 'DUS CHES MANG BA LA CHOS STON PAR GSOL BA 'DEBS PAR MDZAD CING, MAndAL SKU GSUNG THUGS RTEN DNGOS 'BUL RGYA CHEN PO DANG BCAS ZHABS

BAD YUN RING DU BRTAN TE 'JAM MGON BSTAN PA'I SROG SHING DU G-YO BA MED PAR BZHUGS DGOS ZHES GSOL BA 'DEBS PAR MDZAD ,DE NAS PAn CHEN THAMS CAD MKHYEN PA CHEN PO PHO BRANG DU CHIBS KHA BSKYOD, DE NAS ZHAG KHA SHAS NAS, RGYAL BA THAMS CAD MKHYEN PA CHEN PO PHO BRANG CHEN PO'I GSER KHRIR MNGA' GSOL BA LA LEGS 'BUL RGYAS PA ZHIG BYED DGOS ZHES BKA' PHEBS, 'BUL THO'I 'OG BRJOD KYANG BLA MA RIN PO CHE NYID KYIS RGYAS PAR BKA' STZAL; PAn CHEN THAMS CAD MKHYEN PA CHEN PO LA'ANG DNGOS 'BUL GTOS CHE BAR MDZAD DU RGYUR ZHU YIG 'GO BRJOD BLA MA RIN PO CHE NYID KYIS MDZAD, BKA' 'GYUR GSER MA GSAR BZHENGS KYI SKU YON TSANG MA 'PHRAL 'BUL BYED DGOS PA DANG, SE RA SMAD KYI GRVA KHANG GSAR BZHENGS LA ZUG STON RGYAS PA ZHIG KYANG 'PHRAL DU GYIS ZHES NYE GNAS LA BKA' PHABS, NYE GNAS RAB 'BYAMS PAS KYANG BLA MA RIN PO CHE'I BKA' GANG PHEBS THAMS CAD 'PHRAL RANG DU GRUB PAR MDZAD DE, 'DI DANG 'DI LTA BU BGYIS SO ZHES SNYAN DU GSOL, DE NAS ZHABS 'BRING PA RNAMS NAS SE 'BRAS DGE GSUM RGYUD STOD SMAD RI KHROD KHAG BCAS LA ZHABS BRTAN SKU RIM NAR MAR BSGRUBS, SBYIN BDAG CHEN PO RDO RING NO YON DANG BKA' BLON MDO MKHAR BA SOGS DANG LDAN TSANG MAS BLA MA RIN PO CHE NYID LA MAndAL PHUL TE GSOL BA 'DEBS PA DANG RANG RANG GI 'BYOR PA DANG BSTUN PAS DGE 'DUN GYI SDE RNAMS LA BSNYEN BKUR TE ZHABS BRTAN SKU RIM SGRUB

, ,PA LA TSANG MAS BRTZON PA CHIG BSGRIL DU BYAS SO, ,DE LTAR BDAG CAG GI DPAL LDAN BLA MA DAM PA 'DIS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN BA RGYAS PA'I CHED DU BSNGOS, ,ZHES RJE RIN PO CHES GANG GSUNGS PA DE KHO NA LTAR PHYAG LEN LA THEBS PAR MDZAD DE, DANG POR RGYAL BA'I BSTAN PA LA ZHUGS NAS SDOM PA GSUM RIM GYIS BZHES SHING THUB PA'I BCAS MTSAMS LAS NAM YANG 'DA' BA MED PA GZHIR BZUNG NAS MDO RGYUD DGONGS 'GREL DANG BCAS PA LA THOS PA PHU THAG CHOD PA MDZAD, SANGS RGYAS NAS BZUNG STE DAM PA BAR MA CHAD PA LAS BRGYUD PA'I MDO SNGAGS GNYIS KA'I SNYAN RGYUD KYI MAN NGAG RNAMS YONGS SU RDZOGS PA GSAN, BAR DU TSE 'DI BLOS BTANG STE DKA' SPYAD SNYING RUS KYI SGO NAS NYAMS LEN MTHAR PHYIN PAR MDZAD, RANG NYID MI NYAMS PA'I GDENG THOB PA'I MTHAR SKAL BA DANG LDAN PA DAG LA DGE TSUL GYI BSLAB BYA K'A RI KA NAS RGYUD THAMS CAD KYI RGYAL PO DPAL GSANG BA 'DUS PA'I MTHAR THUG ZUNG 'JUG 'GRUB PA'I BAR RGYAL BA'I BSTAN PA YONGS SU RDZOGS PA DRI MA MED PA'I RIGS PA'I LAM NAS DRANGS TE RGYA CHER BSHAD CING ,CHOS TSIG BZHI PA ZHIG YAN CHAD KHA PHYI BLTAR MA SONG BAR RANG GI RGYUD 'DUL BA'I PHYIR DU NYAMS LEN GYI GNAD DU BSDUS TE BYANG CHUB LAM GYI RIM PA NYID LA BSGRIL NAS STON PAR MDZAD CING ,DBUGS

PHYI NANG DU RGYU BA TSUN CHAD SGO GSUM GYI SPYOD PA THAMS CAD RGYAL BA'I BSTAN PA RGYAS PA'I THABS KHO NAR MDZAD DE NUB PHYOGS KHA CHE'I YUL NAS, SHAR PHYOGS RGYA MTSO CHEN PO LA THUG GI BAR DANG GLING BAR TSUN CHAD SA CHEN PO'I KHYON 'DI BKA' GDAMS LHA CHOS BDUN LDAN GYI RNAM THAR GTZANG MA BYANG CHUB LAM GYI RIM PA LA NYAMS LEN SNYING POR BYED PAS KHYAB PAR MDZAD DO, ,MA 'ONGS PA'I GDUL BYA RNAMS KYI DON DU RJE BTZUN BLA MA DGE LEGS RGYA MTSO'I RNAM PAR THAR PA, RJE RIN PO CHE'I RTOGS BRJOD MDUN LEGS MA'I 'GREL PA RTEN 'BREL BSTOD PA'I t'IKKA, 'JAM DPAL DBYANGS KYIS RJE BLA MAR DNGOS SU GNANG BA'I GDAMS PA MDOR BSDUS KYI t'IKKA, MA PHAM MGON POR BSTOD PA TSANGS PA'I COD PAN GYI DON 'GREL, STAG TSANG LO TZA BA'I BRGAL LAN, BRGYAD STONG PA'I DON SLOB DPON SENG BZANG DANG PHYOGS GLANG GNYIS KYI 'CHAD TSUL, SDOM PA GSUM GYI NYES LTUNG NGOS BZUNG NAS BSHAGS SDOM BYED TSUL, DRIS LAN SOM NYI GCOD PA'I RAL GRI, GSUNG MGUR BSLAB BYA'I RIM PA, SKYES BU CHEN PO'I LAM LA BLO SBYONG TSUL, BYANG CHUB LAM RIM LAS BRTZAMS PA'I DRIS LAN, 'JIGS BYED GTZO RKYANG GI MNGON RTOGS, SENG GDONG MA DANG RTA MGRIN GSANG SGRUB KYI SGRUB THABS, BDAG MED PA'I CHOS KYI PHYAG RGYA GTAN LA 'BEBS TSUL, THIG LE BCU DRUG GI CHOS SKOR DANG SGROL MA BCU GNYIS KYI GTOR 'BUL, 'JAM DBYANGS NANG SGRUB KYI SGRUB THABS, SGROL DKAR GYI BSNYEN YIG DANG DE'I BUM SGRUB,

, ,GSANG 'DUS 'JAM RDOR SGRUB THABS 'DOD 'JO'I BUM BZANG, DE'I BUM SGRUB, DE'I DKYIL 'KHOR SGRUB PA DANG BDAG 'JUG NGAG 'DON, DE'I ZHI RGYAS KYI SBYIN SREG ,'DUS PA YE SHES ZHABS LUGS KYI BSKYED RDZOGS RIN CHEN PHRENG BA, GSANG 'DUS BSKYED RIM DNGOS GRUB SNYING PO, DE'I RDZOGS RIM RIM LNGA GDAN RDZOGS KYI SNYING PO, 'JIGS BYED BSKYED RIM ZA MA TOG GI SNYING PO, DE'I RDZOGS RIM RNAL 'BYOR BZHI NYAMS SU LEN TSUL; ;DPAL 'KHOR LO SDOM PA L'U AI PA'I RIM PA DANG PO'I DMAR KHRID, GRUB CHEN KUN TU DGE BA'I LUGS KYI RDZOGS RIM RNAL 'BYOR CHEN PO'I DMIGS RIM, 'KHOR LO SDOM PA'I BSNYEN YIG ,'JAM LUGS TSE DBANG RIGS LNGA'I ZUR 'DEBS, RDOR SEMS BUM SGRUB DANG RIL SGRUB BYED TSUL, MA nI BUM SGRUB, SGROL MA MAndAL BZHI PA SOGS NYER MKHO'I RIGS, RIGS GSUM SPYI SGRUB, RDO RJE 'CHANG DON YOD MKHAS GRUB KYI RNAM THAR, BYANG CHUB LAM RIM GYI KHRID YIG, SNYING PO DON GSUM GYI KHRID YIG ,RGYAL BA MA PHAM PA'I THUGS RJE BSKUL BA'I GSOL 'DEBS SMON LAM SOGS GSOL 'DEBS LTAR BSTOD TSOGS KYI RIM PA DANG 'DOD GSOL BRTAN BZHUGS KYI RIM PA, RTEN GSUM GSAR BZHENGS KYI DKAR CHAG ,SMON TSIG ,RGYAB YIG, MCHOD RDZAS GSAR BZHENGS KYI 'DOD GSOL, LAM KHRID 'JAM DPAL ZHAL LUNG GI NGOGS GCOD, GRVA SA CHEN PO BZHI DANG RGYUD STONG SMAD CHAGS TSUL,

GTOR 'BUL GYI RIM PA, BCA' YIG GI RIM PA, PAn CHEN THAMS CAD MKHYEN PA'I DOGS GCOD GSUNG LAN, BYANG CHUB KYI SEMS SBYONG TSUL GYI GDAMS NGAG THOR BU ZIN BRIS SU BKOD PA, BSNGO BA DON GNYIS PHUN TSOGS RNAMS, MDZAD DO, ,DE NAS SKU TSE 'DI'I DNGOS KYI GDUL BYA RNAMS RDZOGS PA NA DGUNG LO GYA GCIG TU PHEBS PA SNA TSOGS ZHES PA CHU PO RTA'I LO STON ZLA 'BRING PO'I YAR NGO'I TSE GNYIS KYI NYIN SKU'I BKOD PA BSDUS TE 'OD GSAL LA BZHUGS, 'OD GSAL DA LAS BZHENGS MA THAG DGA' LDAN CHES KYI PHO BRANG DU RJE BTZUN BYAMS PA MGON PO DANG, RJE NAM MKHA' DRI MA MED PA DANG, RJE 'JAM DPAL SNYING PO 'KHOR DANG BCAS PA'I CHOS KYI MDUN SAR PHEBS SO, ,DE LTAR 'JAM MGON BSTAN PA'I SROG SHING BLA MA RIN PO CHE 'DES MCHOG DMAN THAMS CAD LA CHOS KYI BDUD RTZI RGYA CHER STZAL BAS BRGYUD 'DZIN GYI SLOB MAS SA'I STENG THAMS CAD KHYAB CING, BSTAN PA YONGS RDZOGS KYI BDAG POR MNGA' GSOL BA NI PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE BTZUN BLA MA THUGS RJE'I BDAG NYID MTSAN BRJOD PAR DKA' BA DON GYI SLAD DU MTSAN NAS SMOS TE NGAG DBANG BYAMS PA LA GSOL BA 'DEBS SHING, BLA MA RIN PO CHE 'DI'I MDZAD PA RNAM THAR RNAMS BSAMS LA RJES SU BSLAB PAR BYA'O,, ` ,,BLO BZANG RGYAL BA'I RING LUGS PADMO'I TSAL, ,DPAL LDAN YE

, ,SHES 'OD KYIS RGYAS MDZAD PA'I, ,RIS MED 'GRO BA'I 'DREN PA KUN GYI GTZO, ,RJE BTZUN BLA MA'I ZHABS LA GSOL BA 'DEBS, ZHES BSNGAGS PA, BDE LDAN ZHING GI MGON PO SNYIGS DUS 'GRO BA'I MGON DU BSAMS BZHIN DU BYON PA PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO NI SHANGS BKRA SHIS RTZER YAB THANG LHA DANG, YUM NYI ZLA DBANG MO GNYIS KYI SRAS SU RAB BYUNG BCU GNYIS PA'I DUS KYI PHO NYA ZHES PA SA PHO RTA'I LO HOR ZLA BCU PA'I TSES BZHI GZA' SKAR PHUN SUM TSOGS PA'I NYIN NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE'I TSE TSANGS PA DANG BRGYA BYIN LA SOGS PA'I DKAR PHYOGS SKYONG BA'I LHA RNAMS GNAS DER LHAGS TE MKHA' DBYINGS 'JA' SPRIN GYIS KHYAB PAR BYAS, ME TOG GI CHAR PHAB, DGA' BA'I CA CO'I SGRA BSGRAGS, RJE BTZUN THAMS CAD MKHYEN PA BLO BZANG YE SHES DPAL BZANG POS BKA' BSGOS DAM LA BZHAG PA'I SRUNG MA THAMS CAD DANG, KHYAD PAR DPAL LDAN DMAG ZOR RGYAL MO DANG, NE SER JO BO CHEN PO GNYIS 'BRAL MED DU BYON TE RJE 'DI SKU BLTAMS PA DANG MNYAM DU DPAL LDAN LHA MOS NAG PHYOGS BDUD SDE ZIL GYIS GNON PHYIR DRE'U'I NGAR SKAD YANG YANG 'DON PA DANG, GZIM KHANG GI KHO RA KHOR YUG TU TSIG SGRA DANG 'UR SGRA CHEN PO NAR MAR BYUNG, NE SER BAS NI RGYUN DU GUS PAS

MCHOD PA'I TSUL DANG, GNAS BDAG GI TSUL DU SPRUL PA SNA TSOGS BSTAN TO, ,DE LTAR YUM LAS SKU BLTAMS PA'I RGYAL SRAS GZHON NU DA NI SRID ZHI'I DGE LEGS THAMS CAD GZUGS CAN GCIG TU BSDUS TE ZLA BA DAG PA'I GZUGS SU BYAS PA LTAR, PAGS PA'I MDOG NI DKAR ZHING DANGS LA 'OD 'TSER BA, DBU GDUGS LTAR ZLUM ZHING RGYAS LA SPYI GTZUG MTHO BA, SPYAN DKYUS RING ZHING DKAR NAG 'BYES PA, SHANGS KYI GZENGS MTHO ZHING MCHU SGROS BIM PA LTAR DMAR BA SOGS MTSAN DPE DANG LDAN PA 'JIG RTEN KUN GYI MIG GI BDUD RTZI LTA BU ZHIG BYUNG NGO, ,DE'I TSE DKAR PHYOGS KYI LHA DANG KLU RNAMS KYIS KHRUS GSOL BAR NGES SHING, DNGOS SU YAB YUM GYI MCHOD GNAS DGE SLONG RNAM DAG GCIG GIS SKU KHRUS YANG YANG GSOL, 'KHRUNGS NAS ZLA BA GNYIS TZAM SONG BA NA PHYAG GNYIS THAL MO YANG YANG SBYOR BAR MDZAD PA DANG, ZHAL NAS MA nI DANG DMIGS BRTZE MA RGYUN DU 'DON PAR MDZAD, BYIS PA THA MAL PA'I SPYOD PA LAS RNAM PA KUN TU 'DAS TE SKYIL KRUNG BCAS NAS THUGS DAM MDZAD PA DANG, PHYAG THAL MO SBYAR TE MCHOG GSUM GYI THUGS RJE BSKUL BA'I GSOL 'DEBS MDZAD PA DANG CHOS STON PA'I PHYAG RGYA MDZAD PA DANG, RDO DRIL BZUNG NAS THUGS DAM MDZAD PA DANG, GLEGS BAM LA GZIGS NAS KLOG PA'I TSUL MDZAD PA SOGS SKYE BO DAM PA'I SPYOD PAS DUS 'DA' BAR MDZAD PA ZHIG BYUNG BA NA PHYOGS THAMS CAD DU DE'I SNYAN GRAGS RGYAS TE BKRA SHIS

, ,LHUN PO NAS MGRON GNYER SA KHUD PA BRTAG PA MDZAD DU BYON PAR RJE GONG MA'I SKU'I NYER SPYAD RNAMS 'KHRUL MED DU NGOS 'DZIN PAR MDZAD PA SOGS 'KHRUL BRAL YID CHES KYI NGES PA RNYED, 'ON KYANG 'JIG RTEN THAMS CAD YID CHES PAR BYA BA'I PHYIR RGYAL BA THAMS CAD MKHYEN PA CHEN PO DANG MI DBANG BSOD NAMS STOBS RGYAS MCHOD YON BKRA SHIS LHUN PO'I SKU TSAB BCAS NAS, LA MO CHOS SKYONG SPYAN DRANGS NAS LUNG BSTAN ZHUS PAR BKRA SHIS RTZE'I SRAS PO 'DI PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I SKU'I YANG SRID 'KHRUL MED YIN TSUL SNGA PHYI'I RGYU MTSAN DU MA DANG BCAS LUNG BSTAN NAS 'PHRAL DU GDAN SAR SPYAN DRANGS NAS MNGA' GSOL BYED DGOS TSUL GSUNG BA LTAR DGUNG LO GSUM DU PHEBS PA LCAGS PHO SPRE'U'I LO ZLA BA DGU PA'I TSES NYER DRUG GI NYIN RGYAL BA THAMS CAD MKHYEN PA CHEN PO NAS BLO BZANG DPAL LDAN YE SHES ZHES MTSAN GSOL GNANG ZHING, GANGS LJONGS KYI SA'I CHA THAMS CAD DU DRIL BSGRAGS TA LHA SDE MI SDE THAMS CAD KYIS GTAM SNYAN DAR PHYAR BYAS, DE NAS DGUNG LO BZHIR PHEBS PA LCAGS MO BYA'I LO ZLA BA DRUG PA'I BYA'I LO ZLA BA DRUG PA'I TSES GCIG RGYAL PHUR 'GRUB SBYOR 'DZOM PA'I THOG BKRA SHIS LHUN PO NAS PHYAG MDZOD CHEN MO BLO BZANG TSE DBANG DRUNG 'KHOR RAGS RIM DANG BCAS PHEBS TE BKRA SHIS RTZE NAS GDAN DRANGS, RGYAL BA THAMS CAD MKHYEN PA'I

SKU TSAB DANG, 'JAM DBYANGS GONG MA BDAG PO CHEN PO'I BKAS MNGAGS PA'I MI DRAG MANG PO DANG, MI DBANG BSOD NAMS STOBS RGYAS SKU 'KHOR GTOGS CHE BA BCAS RGYA BOD HOR GSUM GYI RTA PA STONG PHRAG MANG PO DANG, BKRA SHIS LHUN PO'I BLA MA DGE 'DUN TSANG MA'I THOG PHYOGS 'DUS KYI DGE 'DUN KHRI KHRAG MANG POS MCHOD PA'I BYE BRAG SNA TSOGS PA THOGS TE BSDUS NAS ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI PHO BRANG RGYAL MTSAN MTHON PO'I GZIM CHUNG BKA' GDAMS PHO BRANG DU PHEBS SO, ,DE NAS SA'I STENG GI CHE DGU MTHA' DAG GIS ZHABS KYI PADMO LA SPYI BOS GTUGS TE, MNGON PAR MCHOD CING MKHO DGU'I YO BYAD THAMS CAD RDZOGS LDAN GYI SPRIN BZHIN DU 'DUS TE RJE 'DI PA'I ZHABS DRUNG DU PHUL NAS GSOL BA 'DEBS PA LA BRTZON PAR GYUR TO, ,DE NAS RJE 'DI PAS GZIM CHUNG GI SKU GSUNG THUGS RTEN RNAMS LA LEGS PAR GZIGS TE 'DI DANG 'DI'O ZHES NGOS 'DZIN MDZAD CING, RJE GONG MA'I DUS KYI SKU GSUNG THUGS RTEN DNGOS SU MA BZHUGS PA 'GA' ZHIG GAR YOD CES BKA' 'DRI MDZAD PAS THAMS CAD YID CHES KYI DAD PA'I GNAS LA BKOD, DE NAS YI GE 'DRI KLOG BRDA PHUL BA TZAM GYIS MKHYEN CING, GANG BLO MA, SHES BYA MKHA' DBYINGS MA SOGS CHOS SPYOD RNAMS GZIGS PA TZAM GYIS ZHAL 'DON DU MDZAD CHOG PA BYUNG,

, ,DE NAS RJE 'DI PA DGUNG LO LNGAR PHEBS PA CHU PHO KHYI'I LO RJE BTZUN BLA MA NGAG DBANG BYAMS PA MJAL KHAR PHEBS NAS DNGOS 'BUL TSAN CHE BA DANG BCAS ZHABS BRTAN GSOL 'DEBS RGYAS PAR MDZAD CING, LHAG PAR SKU NA PHRA MO'I DUS 'DI NYID NAS PAn CHEN DBEN SA PA SKU GONG MA RNAMS KYI RNAM THAR BZANG BO LA SPYAN YAR LTA MDZAD NAS BCOS SLAD MED PA ZHIG DANG, GROGS NGAN GYI DBANG DU MA SONG BAR THOS BSAM SGOM GSUM LA THUGS BRTZON CHE BAR MDZAD DE CHOS GRVA CHEN PO 'DIR 'JAM MGON RGYAL BA GNYIS PA'I RING LUGS DRI MA MED PA CHES CHER 'PHEL ZHING RGYAS PAR BYA BA'I THUGS KHUR CHEN PO CI NAS KYANG BZHES DGOS ZHES GSOL 'DEBS MDZAD BA THUGS LA SHIN TU 'PHROD PA BYUNG STE, DUS PHYIS KYANG BLA MA RIN PO CHE NAS NGA CHUNG NGU'I DUS NA ZHAL TA 'DI 'DRA MDZAD BYUNG BA DE SNYING LA PHUR PA BTAB PA LTA BU ZHIG BYUNG ZHES RJE 'DIS YANG YANG GSUNG NGO, ,DE NAS LA MO CHOS SKYONG CHEN POS DGE PA'I BSHES GNYEN BYAMS PA RIN PO CHE'I DRUNG NAS CHOS 'DRA GSAN NA LEGS ZHES LUNG PHEBS PA LTAR RJE BTZUN BLA MA NGAG DBANG BYAMS PA'I DRUNG NAS, BYANG CHUB LAM SGRON GYI LUNG, RNAM 'JOMS KYI BYABS BSRUNG, TSE DBANG GRUB RGYAL LUGS DANG 'JAM LUGS, RTA MGRIN GSANG SGRUB, GTZUG TOR RNAM RGYAL, SGROL DKAR, GDUGS DKAR, KHYUNG NAG ,'JAM DBYANGS NANG SGRUB, KHRO BO SME BRTZEGS, MGON PO PHYAG DRUG PA'I CHO GA'I

LUNG BCAS GSAN, BKA' CHOS GSAN PA'I TSE, RJE BTZUN BLA MA NGAG DBANG BYAMS PA RIN PO CHE BZHUGS KHRI MTHON PO DANG, RJE RANG NYID STAN DMA' BA'I STENG DU BZHUGS TE CHOS GSAN PA'I KUN SPYOD 'DUL BA DANG MDO SDE NAS 'BYUNG BA LTAR MDZAD PAS BSTAN BA'I MIG RGYAN DU GYUR PA MDZAD DO, ,RJE 'DI PAS BLA MA RIN PO CHE DE NYID LA THUGS DAD TSAD MED PA MDZAD CING, LAM SGRON GYI LUNG GSAN SKABS DBU SHOG PHYAG TU PHUL BA SMRA BRJOD GTZANG ZHING SHAR RGYAG KLOG PA GNANG BAS BLA MA RIN PO CHE THUGS SHIN TU DGYES PA BYUNG NGO, ,DE NAS DGUNG LO DRUG TU PHEBS PA CHU MO PHAG GI LO ZLA BA DANG PO'I TSES BCU GCIG GI NYIN GRUB PA'I DBANG PHYUG SNGAGS CHEN ZHAL SNGA NAS BLO BZANG BZOD PA YONGS 'DZIN DU MNGA' GSOL TE, THOG MAR PAn CHEN BLO BZANG CHOS KYI RGYAL MTSAN GYI GSUNG 'BUM NANG NAS RJE BTZUN TZONG KHA PA CHEN PO LA BRTEN PA'I BLA MA'I RNAL 'BYOR, DBYANGS CAN MA'I BSTOD PA LHA'I GLU DBYANGS, 'JAM DKAR GYI SGRUB THABS SHES RAB MCHOG SBYIN, 'JAM DBYANGS AA RA PA TZA NA'I SGRUB THABS NOR BU CHU SHEL DANG BLO GSAL KUNDA'I DGA' BYED, SMRA SENG GE SGRUB THABS RMONGS PA'I RNYOG SEL NOR BU CHU DANGS MA DANG SHES RAB GSAL BYED, DBYANGS CAN MA'I SGRUB THABS, 'JAM DBYANGS KYI BSTOD PA SHES RAB GSAL BYED, 'JAM DKAR GYI BSTOD PA BLO GROS MIG 'BYED KYI THUR MA DANG, RJE'I GSUNG THOR BU NAS DBYANGS CAN MA'I SGRUB THABS RNAMS KYI LUNG

, ,GSAN PAR MDZAD DO, ,DE NAS YONGS 'DZIN RIN PO CHE 'DI LA BDE GSANG 'JIGS GSUM GYI DBANG DANG RJES GNANG MANG PO DANG, BKA' 'GYUR RIN PO CHE'I LUNG DANG, RJE RIN PO CHE'I GSUNG 'BUM GYI LUNG SOGS GSAN PAS RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE NAS RJE 'DI PA DGUNG LO BDUN DU PHEBS PA SHING PHO BYI BA'I LO BKRA SHIS LHUN PO'I DGE 'DUN TSANG MAS 'DUS PA RGYA MTSO'I DBUS SU MI 'JIGS SENG GE'I KHRI LA PHEBS NAS DGE 'DUN TSANG MAR PHYAG DBANG DANG CHOS KYI BDUD RTZI GNANG DGOS ZHES YANG YANG GSOL BA BTAB PA NA YONGS 'DZIN RIN PO CHE BLO BZANG BZOD PA LAS BSLAB SDOM BZHES TE DUR SMRIG GI RGYAL MTSAN GSOL NAS ZLA BA DGU PA'I TSES BCU'I NYIN MI DBANG BSOD NAMS STOBS RGYAS KYIS SPYAN DRANGS TE GTZUG LAG KHANG CHEN POR MI 'JIGS SENG GE'I KHRI LA PHEBS NAS TSANGS PA'I DBYANGS KYIS MCHOG GSUM GYI THUGS RJE BSKUL TE BDEN PA'I MTHU BRJOD PA'I LJAGS BSNGO GNANG ZHING DGE 'DUN TSANG MAR PHYAG DBANG STZAL PAS DGE 'DUN RNAMS THUGS YID TSIM PAR MDZAD, RGYAL BA MCHOG NAS KYANG DGE 'DUN GYI SDE CHEN PO'I DBUS SU CHOS KYI BDUD RTZI GNANG BA'I DBU TSUGS PA LEGS ZHES RTEN 'BYUNG GI DNGOS PO RGYA CHE BA STZAL ZHING, MI DBANG BSOD NAMS STOBS RGYAS SOGS CHE DGU TSANG MAS SRID NA DKON PA'I

'BYOR PA'I KHYAD PAR SNA TSOGS PA PHUL TE MCHOD, DE NAS RJE 'DI NYID DGUNG LO BCU GNYIS SU PHEBS PA SA MO SPRUL GYI LO SNGAGS CHEN ZHAL SNGA NAS BLO BZANG DPAL 'BYOR GYIS DBUS SNGAGS GRVA'I DGE 'DUN TSANG MAS ZHABS BRTAN GSOL 'DEBS SHIG GI BKA' RTZOM ZHUS PAR, AOm BDE LEGS SU GYUR CIG, ,BLO GROS DPAG BSAM LJON PA'I RTZA BA BRTAN, ,BZANG PO'I YAL GA LO MA ME TOG RGYAS, DPAL LDAN YE SHES 'BRAS BUS 'GRO BA KUN, TSIM MDZAD RJE BTZUN BLA MAR GSOL BA 'DEBS, ,DGE LEGS YON TAN KUN GYI GZHIR GYUR PA'I, ,BLO BZANG RGYAL BA'I BSTAN PA 'DZIN PA LA, ,DPAL LDAN MKHAS KUN GTZUG GI RGYAN GYUR PA, ,YE SHES MTSAN LDAN ZHABS LA GSOL BA 'DEBS, ,BLO BZANG MKHYEN BRTZE'I DKYIL 'KHOR RGYAS PA LAS, ,DPAL LDAN YE SHES SNANG BA 'BUM 'PHRO BAS, ,GDUL BYA'I NYON MONGS MUN PA MA LUS PA, ,SEL MDZAD RJE BTZUN BLA MAR GSOL BA 'DEBS, ,THUB MCHOG ZAS GTZANG SRAS PO'I BSTAN PA DANG, ,KHYAD PAR BLO BZANG RGYAL BA'I RING LUGS KUN, ,SPEL ZHING 'GRO RNAMS THAR LAM 'GOD MDZAD PA'I, ,DPAL LDAN YE SHES DBANG PO ZHABS BRTAN SHOG ,DENG NAS BDAG SOGS 'GRO BA MA LUS PA, ,THEG MCHOG DGE BA'I BSHES KYIS RJES BZUNG NAS, ,MDO SNGAGS ZUNG 'BREL NYAMS LEN MTHAR PHYIN TE, ,SA BCU RIM BGROD RNAM MKHYEN MYUR THOB SHOG ,

, ,CES PA DANG, BLA BRGYUD GSOL 'DEBS KHA SKONG DU BCUG CHOG PA'I TSIGS BCAD GCIG DGOS ZHUS PAR, BLO BZANG RGYAL BA'I RING LUGS PADMO'I TSAL, ,DPAL LDAN YE SHES 'OD KYIS RGYAS MDZAD PA'I,, RIS MED 'GRO BA'I 'DREN BA KUN GYI GTZO, ,RJE BTZUN BLA MA'I ZHABS LA GSOL BA 'DEBS, ,ZHES PA GNANG STE 'DI GNYIS NI SKU TSE 'DI'I BKA' RTZOM GYI THOG MA YIN ZHING, DE SNGA SNYAN NGAG LA SBYONG BAR MA MDZAD KYANG SNYAN NGAG GI TSIG RGYAN NGO MTSAR BA'I TSIG SBYOR PHUN SUM TSOGS PA THOGS MED DU GNANG BA 'DI 'DRA BA NGO MTSAR CHE'O ZHES MKHAS PA RNAMS YA MTSAN DU 'DZIN CING, SKU TSE 'DIR MKHAS GRUB SMRA BA'I NYI MA SLAR DNGOS SU BYON PA 'DRA BA ZHIG NGES PAR 'BYUNG NGO ZHES DGE 'DUN TSANG MA YID CHES KYI DAD PA THOB STE, RJE 'DI'I BSTOD BSNGAGS 'BA' ZHIG BRJOD PAS GTAM GZHAN GLENG BA'I GO SKABS PHROGS PA LTA BUR GYUR TO, ,DE NAS RJE 'DI PA RGYAL BA THAMS CAD MKHYEN PA CHEN PO MJAL BAR SHIN TU RINGS PAR GYUR NAS LO 'DIR RGYAL BA THAMS CAD MKHYEN PA CHEN PO'I ZHAL MJAL ZHING DGE TSUL GYI SDOM PA ZHU BA SOGS KYI CHED DU PHEBS TSOGS PA DGOS ZHES RGYAL DBANG MCHOG LA ZHU BAR MDZAD PA NA RGYAL BA THAMS CAD MKHYEN PA CHEN PO YANG THUGS SHIN TU DGYES NAS NGED KYANG PAn CHEN MCHOG GI SPRUL PA'I SKU MJAL 'DOD SKOM PA CHU 'DOD LTA BUR YOD PAS DBUS PHYOGS SU PHEBS BZHED PA CIS KYANG LEGS ZHES MGRON GNYER YON TAN LEGS

GRUB SOGS DRUNG 'KHOR KHA SHAS PHEBS BSUR GTONG BA GNANG, DE NAS BKRA SHIS LHUN PO NAS CHIBS BSKYOD DE LAM BAR GYI DAD LDAN THAMS CAD MTHONG THOS DRAN REG GI SGO NAS SMIN GROL LA BKOD CING, ZLA BA BZHI PA'I TSES BCU'I NYIN PO BRANG CHEN PO PO TA LAR PHEBS TE RGYAL BA YAB SRAS GSER ZHAL LHAN RGYAS NAS LHA MI THAMS CAD TSIM PAR MDZAD, DE NAS SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS TE SANGS RGYAS DNGOS DANG DBYER MA MCHIS PA JO BO SH'AKYA MU NE'I DRUNG DU GANGS RI'I MGON PO RGYAL DBANG THAMS CAD MKHYEN PA CHEN PO RJE BTZUN BLO BZANG BSKAL BZANG RGYA MTSO DPAL BZANG POS MKHAN SLOB SBRAGS MA MDZAD, YONGS 'DZIN BLO BZANG BZOD PAS DUS GO BA DANG, DE MO SPRUL PA'I SKU SOGS GANGS RI'I KHROD KYI 'DUL 'DZIN MCHOG TU GYUR PA BCU TSOGS KYI DBUS SU TSIGS SNGA MA DGE TSUL GYI SDOM PA LEGS PAR BZHES TE, STON PA THUB PA'I DBANG PO'I GDUNG 'TSO BA DUR SMRIG GI RGYAL MTSAN 'DZIN PA RNAMS KYI GTZUG GI NOR BUR DBANG BSKUR BAR MDZAD DO, DE SKABS RGYAL BA THAMS CAD MKHYEN PA CHEN PO LA 'JAM DBYANGS AA RA PA TZA NA DANG, SGROL DKAR YID BZHIN 'KHOR LO SOGS KYI RJES GNANG DANG, RJE BDAG NYID CHEN PO'I BSTAN PA'I SNYING PO LAM RIM BSDUS DON DANG, SHES RAB BLO 'PHEL GYI GDAMS PA'I MCHOG DGA' LDAN LHA BRGYA MA BCAS GSAN ZHING, DBANG LUNG MAN NGAG MTHA' DAG SLAR BUM PA GANG BYO'I TSUL DU RIM GYIS ZHUS

, ,CHOG PA DGOS ZHES ZHU BAR MDZAD, DE NAS GTZANG DU CHIBS KHA BSKYOD DE CHOS GRVA CHEN PO BKRA SHIS LHUN POR RGYAL BSTAN MI NUB PA'I SROG SHING DU G-YO BA MED PAR BZHUGS SHING, GDUL BYA RNAMS LA 'DOMS PHYIR KLOG PA THOS BSAM DANG, SPONG BA BSAM GTAN GYIS DUS 'DA' BAR MDZAD, DE NAS RJE BDAG NYID CHEN PO'I MDZAD PA RNAM THAR LTAR DANG POR RGYA CHEN THOS PA MANG DU 'TSOL BAR BZHED NAS YONGS 'DZIN BLO BZANG BZOD PA LA MDO SNGAGS KYI CHOS NAR MAR GSAN ZHING, RJE 'DI PA DGUNG LO BCO LNGAR PHEBS PA CHU PHO SPRE'U'I LO RGYAL BA THAMS CAD MKHYEN PA CHEN POR MDO SNGAGS KYI CHOS BKA' RGYA CHEN PO ZHU BA'I PHYIR ZLA BA LNGA PA'I NANG DU SKU MDUN DU BCAR CHOG PA DGOS ZHES ZHU BAR MDZAD PAR, RGYAL BA THAMS CAD MKHYEN PA CHEN PO THUGS SHIN TU DGYES NAS PHEBS BSU BA GNANG, RJE 'DIS BKRA SHIS LHUN PO NAS CHIBS KHA BSKYOD DE ZLA BA DRUG PA'I TSES LNGA'I NYIN PHO BRANG CHEN POR PHEBS, ZLA BA DRUG PA'I TSES BCU GNYIS GZA' SKAR 'PHROD SBYOR PHUN SUM TSOGS PA'I NYIN NAS CHOS KYI DBU BTZUGS TE RDO RJE PHRENG BA'I DBANG YONGS RDZOGS, MI TRA BRGYA RTZA, BA RI BRGYA RTZA, SNAR THANG BRGYA RTZA, SGRUB THABS RGYA MTSO, MGON CHEN BCU GSUM, 'JIGS BYED BCU GSUM MA'I DBANG SOGS SPYI BKA' DANG ZUR BKA' MTHA' YAS PA GSAN, BDE MCHOG 'KHOR BSGYUR GYI DBANG GI SKABS RGYAL BA THAMS CAD MKHYEN PA CHEN PO DPAL 'KHOR LO SDOM PA'I SKUR

DNGOS SU BZHENGS NAS DBANG BSKUR BA'I BYA BA MDZAD PAR GZIGS BA SOGS DAG PA'I GZIGS SNANG NGO MTSAR BA BSAM GYIS MI KHYAB PA BYUNG, ZLA BA DGU PA'I TSES BRGYAD LA DPAL DUS KYI 'KHOR LO'I DBANG CHEN GSAN BA'I DBU CHUGS TE, TSES BRGYAD KYI NYIN SLOB MA RJES 'DZIN DANG, DGU LA STA GON GNANG, DE NAS TSES BCU BZHI'I BAR LAS CHOG DANG RDUL TSON GYI DKYIL 'KHOR SGRUB PAR MDZAD, CHOS BCO LNGA NAS DUS 'KHOR GYI DBANG DNGOS GZHI BYIS PA LTAR 'JUG PA'I DBANG BDUN, DBANG GONG MA, GONG CHEN, RDO RJE SLOB DPON BDAG PO CHEN PO'I DBANG BCAS MKHAS GRUB THAMS CAD MKHYEN PA NAS BRGYUD PA'I DBANG ZAB MO PHYAG LEN RNAM PAR DAG PA RGYAS PAR STZAL TE RIGS LDAN 'JAM DPAL GRAGS PA SLAR YANG GANGS CAN 'GRO BA'I MGON DU BYON PA YIN PA LTAR 'JIG RTEN KUN LA DA LTAR YIN NO ZHES GO BAR BYA BA'I PHYIR DPAL DUS KYI 'KHOR LO'I BDAG POR DBANG BSKUR BAR MDZAD DO, ,DE NAS DED DPON YID BZHIN GYI NOR BU RIN PO CHE RNYED NAS RANG YUL DU LOG PA LTAR RJE 'DI PA 'PHAGS MCHOG PHYAG NA PADMO'I ZHAL GYI BUM BZANG LAS 'ONGS PA'I MDO SNGAGS LEGS BSHAD KYI BDUD RTZIS THUGS LAGS PAR TSIM NAS GANGS RI'I MGON PO RGYAL BA MCHOG LA NAM MKHA' MDZOD KYI SGO 'PHAR PHYE BA LTAR SRID NA DKON PA'I YO BYAD KYI KHYAD BAR MTHA' YAS PAS MCHOD, DBUS PHYAGS KYI SKAL BA DANG LDAN PA MTHA' DAG ZHAL GYI DKYIL 'KHOR MTHONG BA DANG, GSUNG GI BDUD RTZI

, ,THOS PA DANG, PHYAG GIS REG PAS RANG RANG GI SKAL BA DANG 'TSAM PAR SMIN GROL LA 'GOD PAR MDZAD NAS GTZANG DU CHIBS KHA BSKYOD DE CHOS GRVA CHEN PO BKRA SHIS LHUN POR PHEBS, DE NAS RGYAL BA MCHOG GI BKAS BSDUS GRVA NAS BZUNG GZHUNG LUGS CHEN MO RNAMS LA GSAN SBYONG MDZAD DGOS PAR BSKUL MA MDZAD PA THUGS LA BCANGS TE, DGUNG LO BCU DRUG PA CHU BYA LO ZLA BA DRUG PA'I TSES BZHI NAS BSDUS GRVA'I GSAN SBYONG GI DBU BTZUGS PA RING POR MA THOGS PAR RIGS PA'I SGO BYE STE MKHAS PA MTHA' DAG DRI MA MED PA'I RIGS PA'I NGA ROS SKRAG PAR MDZAD, LO GCIG LA BSDUS GRVA'I GSAN SBYONG MTHAR PHYIN PAR MDZAD DE DGUNG LO BCU BDUN PA SHING KHYI LO ZLA BA DANG PO'I TSES BRGYAD NAS TSAD MA RNAM 'GREL GYI MTHA' DPYOD LA SBYONG BA'I DBU TSUGS, RJE 'DI PA BSDUS GRVA'I GSAN SBYONG MDZAD PA'I GONG TZAM NAS YONGS 'DZIN BLO BZANG BZOD PA ZHING GSHEGS TE; RIGS PA SMRA BA'I GTZUG NOR DKYIL KHANG ZHAL SNGA NAS BLO BZANG CHOS 'PHEL YONGS 'DZIN DU PHEBS TE GSAN SBYONG GI ZHABS BSKUL ZHUS, DE NAS RNAM 'GREL GYI MTHA' DPYOD MYUR BAR MTHAR PHYIN TE RNAM 'GREL GYI GZHUNG LA SBYONG BAR BZHED PA NA RNAM 'GREL RTZA BA DANG RJE SMON LAM DPAL BA'I RNAM 'GREL GYI t'IKKA GNYIS SBYAR TE SBYONG BAR MDZAD CING, RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED DANG, MKHAS GRUB

THAMS CAD MKHYEN PAS MDZAD PA'I t'IKA CHEN RIGS PA'I RGYA MTSO GNYIS LA'ANG LEGS PAR GZIGS TE GZHAL BYA'I GNAS GSUM TSAD MA GSUM GYIS GTAN LA 'BEBS PA LA DPAL LDAN CHOS KYI GRAGS PA SLAR YANG 'ONGS PA BZHIN DRI MA MED PA'I RIGS PA'I NGA RO RE RES KYANG GANGS RI'I KHROD KYI MKHAS PAR RLOMS PA MTHA' DAG GI SPOBS PA LAN MED DU MDZAD DO, ,DE NAS RJE NYID DGUNG LO NYI SHUR PHEBS PA ME MO GLANG GI LO RGYAL BA THAMS CAD MKHYEN PA CHEN POR THUGS RDZOGS BZHES PAR PHEBS PAR THAG CHOD KYANG BSTAN 'GRO SPYI'I GEGS CHAGS KYIS RGYAL BA THAMS CAD MKHYEN PA CHEN PO LO DE'I ZLA BA GNYIS PA'I TSES GSUM LA ZHING GSHEGS PA GSAN PAS THUGS NGAL TSAD MED PA MDZAD CING DGONGS RDZOGS RGYA CHEN PO SGRUB PAR MDZAD, DE NAS LO DE'I ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN NYIN BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU, RIGS PA SMRA BA'I GTZUG GI NOR BU GNAS BRTAN 'DUL BA 'DZIN PA CHEN PO YONGS 'DZIN BLO BZANG CHOS 'PHEL GYIS MKHAN PO MDZAD, THOS BSAM GLING ZHAL SNGA NAS BLO BZANG BKRA SHIS KYIS LAS SLOB, SHAR RTZE ZHAL SNGA NAS BLO BZANG MKHAS MCHOG GIS GSANG STON; DKYIL KHANG ZHAL SNGA NAS BLO BZANG BRTZON 'GRUS KYIS DUS GO BA, SNGAGS CHEN ZHAL SNGA NAS BLO BZANG DPAL 'BYOR GYIS LHUNG BZED 'BRIM PA MDZAD NAS KHA SKONG GI DGE 'DUN GRANGS TSANG BA'I DBUS SU BSNYEN RDZOGS BZHES TE

, ,THUB PA'I DBANG PO SLAR YANG GANGS RI'I KHROD DU BYON PA JI LTA BAR GYUR TO, ,DE NAS 'JAM MGON BSTAN PA'I SROG SHING RJE BTZUN BLA MA NGAG DBANG BYAMS PA GDAN DRANGS NAS THOG MAR BYANG CHUB LAM RIM BDE LAM GYI KHRID MYONG KHRID DU MDZAD DE RGYAS PAR GSAN, DE NAS LAM RIM CHEN MO'I BSHAD LUNG GSAN PAS RANG DANG GZHAN GYI GRUB MTHA' RGYA MTSO'I PHA ROL TU PHYIN PAR GYUR TE GANGS RI'I KHROD 'DIR BYANG CHUB LAM RIM 'CHAD PA LA SUS KYANG 'GRAN DU MED PA MKHAS GRUB SMRA BA'I NYI MA SLAR YANG BYON PA JI LTA BAR GYUR TO, ,DE NAS RIM BZHIN RJE BTZUN NGAG DBANG BYAMS PA'I ZHABS DRUNG DU DPAL GSANG BA 'DUS PA'I DBANG DANG 'DUS PA'I RTZA RGYUD 'GREL PA BZHI SPRAGS NAS 'CHAD PA'I BSHAD SROL GSANG CHEN RGYUD SDE RGYA MTSO'I SNYING PO'I BCUD PHYUNG BA GONG NA MED PA'I LEGS BSHAD KYI GTER CHEN PO GSAN, DE NAS DPAL GSANG BA 'DUS PA'I RIM GNYIS KYI KHRID DANG, DPAL 'KHOR LO SDOM PA'I DBANG DANG, DE'I RIM GNYIS KYI KHRID, BDE MCHOG DRIL BU LUGS PHYI NANG GNYIS KA'I DBANG DANG, DE'I RIM GNYIS KYI KHRID, DPAL RDO RJE 'JIGS BYED CHEN PO'I RIM GNYIS KYI KHRID, BKA' GDAMS THIG LE BCU DRUG GI DBANG DANG MAN NGAG BCAS GNANG STE, RJE BTZUN BLA MA NGAG DBANG BYAMS PAS RJE 'DI GSANG CHEN BSTAN PA'I BDAG POR MNGA' GSOL TO, ,DE NAS SNGAGS GRVA'I DGE 'DUN TSANG MAS GSOL BA NAN GYIS BTAB NAS RJE 'DI SNGAGS KHANG DU

PHEBS TE SNGAGS PA TSOGS YONGS KYI THOG ,SKAL BA DANG LDAN PA GZHAN MANG PO BCAS DGE 'DUN DRUG BRGYA SKOR LA DPAL RDO RJE 'JIGS BYED CHEN PO'I DBANG BZHI STA GON DANG BCAS PA RGYAS PAR STZAL, DE NAS RJE BTZUN BLA MA NGAG DBANG BYAMS PAS BKRA SHIS LHUN PO'I TSOGS CHEN LA LAM RIM GYI KHRID RGYAS PA ZHIG GNANG DGOS SO ZHES BSKUL MA MDZAD PA LTAR TSOGS CHEN LA LAM RIM GYI KHRID RGYAS PA SEMS BSKYED MCHOD PA DANG BCAS PA GNANG, DE NAS LCANG SKYA RIN PO CHE PHEBS TE RJE 'DI TSOGS DBUR SPYAN DRANGS NAS ZHABS BRTAN RGYAS PA 'BUL BAR MDZAD CING CHOS KYI BDUD RTZI STZOL DGOS PAR GSOL 'DABS MDZAD PA LTAR GZIM CHUNG NYI 'OD 'KHYIL PAR LCANG SKYA RIN PO CHE 'KHRO BCAS DANG; DE SKABS BDAG KYANG SKYABS MGON MCHOG GI ZHAL MJAL BAR 'ONGS PA DUS 'GRIG STE BDAG CAG RNAMS LA DPAL RDO RJE 'JIGS BYED LHA BCU GSUM MA'I DBANG BZHI CHES RGYAS PAR STZAL, GZHAN YANG LCANG SKYA RIN PO CHE LA SNGAGS KYI ZAB CHOS MANG DU GNANG ZHING, LCANG SKYA RIN PO CHE 'DI NYID MDO SNGAGS THAMS CAD LA MKHAS PA'I PHUL DU PHYIN PA SUS KYANG 'GRAN DU MED BA ZHIG YIN YANG RJE BLA MA MCHOG 'DI'I DBANG BSHAD RNAMS LA THUGS SHIN TU DGYES NAS LEGS SO BRJOD PAR MDZAD, DE NAS BDAG GIS GSOL BA BTAB STE GZIM CHUNG YID DGA' CHOS 'DZIN DU BDAG DANG ZLA BO RI KHROD PA BCU DRUG TZAM ZHIG LA DPAL RDO RJE 'JIGS BYED CHEN PO'I BSKYED RIM DANG RDZOGS RIM GYI KHRID LAG RJES

, ,SGYU LUS MCHOD BA DANG BCAS PA RGYAS PAR STZAL, DE NAS CHOGS CHEN LA LAM RIM CHEN MO'I BSHAD LUNG RGYAS PAR STZAL, RIM GYIS TSOGS CHEN LA GDUGS DKAR GYI DBANG CHEN, TSE DPAG MED LHA DGU'I DBANG CHEN, THUB PA DAM TSIG GSUM BKOD KYI DBANG CHEN, DPAL MO LUGS BCU GCIG ZHAL GYI DBANG CHEN RNAMS SO SOR STA GON DANG BCAS RGYAS PAR STZAL, DA NAS LCANG SKYA RIN PO CHES DBUS SU SPYAN DRANGS TE DPAL DUS KYI 'KHOR LO'I DBANG CHEN GNANG DGOS BAR GSOL BA BTAB PA NA PHO BRANG CHEN PO PO TA LA'I GZIM CHUNG KHAMS GSUM RNAM RGYAL DU SLOB MA RJES 'DZIN GYI CHO GA MDZAD, DE NAS TSOM CHEN DU LCANG SKYA RIN PO CHES DBUS DGE 'DUN NYIS STONG BRGAL BAR DPAL DUS KYI 'KHOR LO'I DBANG STA GON DANG BCAS PA YONGS SU RDZOGS PA GNANG STE DPAL DUS KYI 'KHOR LO'I BSTAN PA NYIN MO LTAR GSAL BAR MDZAD DO, ,DE NAS SE 'BRAS DGE GSUM RGYUD STOD SMAD SOGS DBUS PHYOGS KYI DGE 'DUN RNAMS LA MDO SNGAGS KYI CHOS RGYA CHER STZAL TE BSTAN PA LA BYA BA RGYA CHER MDZAD DO, ,DE NAS GTZANG DU PHEBS BZHED PA NA DGANG LDAN RNAM PAR RGYAL BA'I GLING DU SPYAN DRANGS TE GSER KHRI'I STENG NAS BSTAN PA'I RTZA BA SO SO THAR PA'I MDO 'CHAD PA SOGS CHOS KYI 'KHOR LO RGYA CHER BSKOR, DE NAS BKA' GDAMS BSTAN PA'I 'BYUNG GNAS RA SGRENG DU PHEBS TE SNYUG MAR GNAS PA DANG PHYOGS 'DUS KYI DGE 'DUN BGRANG BA LAS

'DAS PA RNAMS LA CHOS KYI 'KHOR LO RGYA CHER BSKOR, JO BO'I SKU 'DRA DBU YON MAR GRAGS PA LA MCHOD 'BUL RGYA CHEN PO DANG BCAS GSOL 'DEBS SHUGS DRAG MDZAD PA NA DAG PA'I GZIGS SNANG DANG JO BO PHYING DKAR BA DGYES PA'I MTSAN MA NGO MTSAR BA MANG DU BYUNG, YAR LAM DGA' LDAN RAB RGYAS SU CHIBS BSKYOD DE ZHAG BCO LNGA TZAM BZHUGS NAS CHOS 'KHOR RGYA CHER BSKOR, DE SKABS RGYAL BA MCHOG GI SPRUL PA'I SKU THOB RGYAL LHA RI SGANG DU PHEBS PA PHYI CHAR DU MA GRAGS KYANG RGYAL BA YAB SRAS GNYIS YE SHES SGRIB PA MED PAS GCIG GIS GCIG GSAL BAR GZIGS TE LHA RI SGANG PA'I YUM SRAS BCAS RJE 'DI PA MJAL DU BYON PA NA RGYAL BA YAB SRAS GNYIS ZHAL MJAL TE GSANG BA ZAB MO'I BKA' MCHID MDZAD CING MYUR DU GSER KHRI LA MNGA' GSOL BA'I RTEN 'BREL BSGRIG PAR MDZAD DO, ,DE NAS GDAN SA CHEN PO BKRA SHIS LHUN POR PHEBS TE GZHIS BYAS KYI DGE 'DUN BGRANG BA LAS 'DAS PA LA PHYAG DBANG DANG CHOS KYI 'KHOR LO RIM PAR BSKOR BAR MDZAD CING, RJE BDAG NYID CHEN PO'I RNAM THAR LTAR SHING RTA CHEN PO'I GZHUNG RNAMS LA SBYANGS PA MTHAR PHYIN PA ZHIG MDZAD BZHED NAS RNAM 'GREL GYI RIGS LUNG GONG 'PHEL THOG MNGON RTOGS RGYAN THUGS LA BZUNG STE PHAR PHYIN GYI GSAN SBYONG DANG, DBU MA 'JUG PA THUGS LA BZUNG STE DBU MA'I GSAN SBYONG DANG, 'DUL BA MDO RTZA BA THUGS LA BZUNG STE 'DUL BA'I GSAN SBYONG DANG, MNGON PA MDZOD THUGS LA BZUNG STE MNGON PA'I GSAN SBYONG RNAMS DANG RGYA GAR MKHAS PA'I GZHUNG RNAMS

, ,DANG RJE YAB SRAS KYI GZHUNG RNAMS LA LEGS PAR GZIGS TE MTHA' CHOD BAR MDZAD CING, 'DZAM BU'I GLING GI SA'I CHA MTHA' DAG NAS 'DUS PA'I CHOS DON GNYER BA RNAMS LA SDE SNOD GSUM DANG RGYUD SDE BZHIS BSDUS PA'I MDO SNGAGS KYI CHOS MTHA' YAS PA BRGYUD MAR STZAL, BSTAN PA'I GSAL BYED RJE LCANG SKYA RIN PO CHE NAS BSKUL MA MDZAD PA LTAR SNGAGS KHANG DU BDE MCHOG GI CHO GA GSAR 'DZUGS MDZAD RGYUR, SNGAGS PA TSOGS YONGS LA BDE MCHOG GI DBANG CHEN STZAL NAS SNGAGS KHANG DU BDE MCHOG GI CHO GA 'DZUGS PAR MDZAD, SNGAGS PA'I DGE BSHES DRAG RIM NAS BDE MCHOG GI BSNYEN PA BYED DGOS PA'I BKA' 'DOMS MDZAD DE BSNYEN SONG MANG DU BYUNG BA NA RJE NYID DGUNG LO NYI SHU RTZA LNGAR PHEBS PA CHU PHO RTA'I LO ZLA BA BCU GCIG PA'I TSES BCU GSUM GZA' SKAR 'PHROD SBYOR LEGS PA'I NYIN NAS BDE MCHOG SGRUB MCHOD KYI DBU TSUGS TE JI SRID RGYAL BSTAN NAM GNAS KYI BAR DU MI NYAMS PA'I BKA' 'DOMS MDZAD, RJE RGYAL BA GNYIS PA'I BSTAN PA'I SNYING PO GSANG CHEN RDO RJE THEG PA'I BSTAN PA MTHAR THUG MA RGYUD KYI GTZO BO DPAL 'KHOR LO SDOM PA'I BSTAN PA GSAL BAR MDZAD PA NI NGO MTSAR RMAD DU BYUNG BA'I RNAM PAR THAR BA ZHIG GO ,DE NAS SA SKYONG ZHES BA SHING MO BYA'I LO DUS 'KHOR GYI SGRUB MCHOD 'DZUGS PAR MDZAD DE JI SRID RGYAL BSTAN NAM GNAS BAR NAG PA ZLA BA'I NANG DU DUS 'KHOR

SGRUB MCHOD CHAG MED YONG BA'I BKA' 'DOMS MDZAD, DE'I TSE SNGON SHAMBHA LAR RIGS LDAN 'JAM DPAL GRAGS PAS DRANG SRONG NYI MA'I SHING RTA SOGS SKAL LDAN GYI SLOB MA BYE BA PHRAG MANG BO DKYIL 'KHOR CHEN POR 'DZUD PAR MDZAD PA LTAR RJE 'DIS KYANG DPAL DUS KYI 'KHOR LO'I BSTAN PA CHES CHER RGYAS PAR BYA BA'I RTEN 'BREL DU BKRA SHIS LHUN PO'I DGE 'DUN TSANG MA DUS 'KHOR SGRUB MCHOD KYI THOG DKYIL 'KHOR MJAL BA DANG RJE NYID KYI BYIN RLABS ZHU BA BCAS LA GTONG BAR MDZAD, DE SKABS GNAS GSUM GYI DPA' BO DANG DPA' MO RNAMS CHES CHER DGYES PA'I RTAGS SU NAM MKHAR 'JA' SPRIN 'KHRIGS PA SOGS NGO MTSAR BA'I LTAS MANG DU BYUNG NGO, ,DE NAS RNAM 'DREN RGYAL BA'I DBANG POS SPYAN 'DREN ZHUS TE DBUS PHYOGS SU PHEBS, ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN, LHA LDAN SPRUL PA'I GTZUG LAG KHANG GI JO BO SH'AKYA MU NE'I DRUNG DU RJE 'DIS MKHAN SLOB SBRAGS MA MDZAD YONGS 'DZIN RIN PO CHE DAG DBANG CHOS GRAGS KYIS DUS GO BA MDZAD, DE MO SPRUL PA'I SKU RIN PO CHE SOGS DGE 'DUN GRANGS TSANG BA'I DBUS SU RAB TU BYUNG ZHING DGE TSUL GYI SDOM PA BZHES TE GANGS CAN 'GRO BA'I MGON PO RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES THUB DBANG SLAR YANG PHYOGS 'DIR BYON PA JI LTA BA BZHIN DUR SMRIG 'DZIN PA'I MCHOG TU GYUR TO DE NYIN DKAR PHYOGS KYI LHA RNAMS CHES CHER DGA' STE,

, ,DA NI THUB PA'I BSTAN PA 'PHAL ZHING SNYIGS MA'I 'GRO BA RNAMS MGON DANG BCAS PAR GYUR TO ZHES DGA' BA'I CA CO'I SGRA 'OG MIN GYI BAR DU'ANG BSGRAGS SHING, SKYE BO THA MAL PA RNAMS KYI MTHONG SNANG DU'ANG NAM MKHA'I KHYON THAMS CAD 'JA' SPRIN GYIS KHYAB PAR GYUR PA ZHIG BYUNG BAS MCHOG DMAN BAR MA'I 'GRO BA THAMS CAD RGYAL BA YAB SRAS GNYIS KA LA MI KHYED PA'I DAD PA THOB PAR GYUR TO, ,DE NAS RGYAL BA YAB SRAS GNYIS KA PHO BRANG CHEN PO PO TA LAR PHEBS TE, RJE 'DIS RGYAL BA MCHOG LA 'KHRUNGS RABS SO BZHI PA SOGS LUNG MANG PO DANG, LAM RIM BDE LAM MYUR LAM SOGS 'JAM MGON RGYAL BA GNYIS PA'I SNYAN RGYUD KYI MAN NGAG RGYA CHER 'BUL BAR MDZAD, RJE 'DI NI BSTAN PA'I DON LA DKA' BA CI BYUNG YANG SKYO NGAL MI MDZAD PAR DE'I TSE PHYOGS MTHA' DAG NAS 'DUS PA'I CHOS DON GNYER BA RNAMS LA RANG RANG GI 'DOD PA LTAR CHOS KYI BDUD RTZI RGYA CHER STZAL ZHING, LHAG PAR BSNYEN RDZOGS BSGRUB BYA STONG PHRAG BRGAL BA BYUNG YANG BSTAN PA'I RTZA BA SO SO THAR PA YIN PAS DKA' BA CI BYUNG YANG BZOD GSUNGS NAS NYIN MANG POR SBREL NAS GNANG ZHING RES 'GA' GUNG YOL NAS TSUGS PA SROD THUN YOL GYI BAR DU GNANG DGOS PA BYUNG YANG SKYO NGAL MI MDZAD PAR THUGS SPRO ZHING GNANG BA NI RGYAL BA'I BSTAN PA

'BA' ZHIG THUGS LA BCANGS PA'I RNAM BAR THAR PA RMAD DU BYUNG BA ZHIG GO, DE NAS RGYAL BA MCHOG LA DPAL RDO RJE 'JIGS BYED CHEN PO LHA BCU GSUM MA'I DBANG DANG, GDUGS DKAR LHA SO BDUN MA'I DBANG DANG, LEGS LDAN MCHED GSUM GYI RJES GNANG DANG, MGON PO RGYAN CAN GYI RJES GNANG DANG, SGRUB THABS BRGYA RTZA'I NANG NAS 'OD ZER CAN MA DANG 'JAM DBYANGS SMRA SENG SOGS RJES GNANG 'GA' ZHIG 'BUL BAR MDZAD CING; GZHAN MA DON GNYER CAN MANG POR DBANG LUNG MAN NGAG MTHA' YAS PA STZAL, DE NAS GTZANG DU CHIBS BSKYOD MDZAD RGYUR PHO BRANG NAS PHEBS TE 'BRAS SPUNGS 'DU KHANG CHEN MOR 'BRAS SPUNGS TSOGS CHEN GYI THOG PHYOGS 'DUS MANG PO BCAS DGE 'DUN STONG PHRAG MANG POR LAM GTZO'I KHRID STZAL DE NAS RIM GYIS LAM BAR GYI DAD LDAN SER SKYA BGRANG BA LAS 'DAS PA LA MTHO RIS DANG THAR PA'I SA BON 'DEBS PAR MDZAD CING, CHOS GRVA CHEN PO BKRA SHIS LHUN POR PHEBS NAS 'KHOR LO GSUM GYI BYA BAS ROL PAR MDZAD, DE NAS MI ZAD CES PA ME PHO KHYI'I LO SNGAGS CHEN ZHAL SNGA NAS SOGS SNGAGS GRVA'I DGE 'DUN TSANG MAS GSOL BA BTAB NAS PHO BRANG RGYAL MTSAN MTHON PO'I GZIM CHUNG NYI 'OD 'KHYIL BAR YONGS 'DZIN RIN PO CHE, PHYAG MDZOD CHEN MO, GRVA TSANG BLA MA BZHI, SNGAGS PA TSOGS YONGS GZHAN YANG SKAL LDAN KHA SHAS BCAS LA DPAL DUS

, ,KYI 'KHOR LO'I DBANG CHEN SLOB MA RJES BZUNG NAS GONG CHEN BDAG PO CHEN PO'I DBANG GI BAR RGYAS PAR STZAL TE RIGS LDAN 'JAM DPAL GRAGS BA SLAR YANG GANGS RI'I KHROD DU PHEBS NAS DPAL LDAN DANG PO'I SANGS RGYAS KYI RGYUD CHEN GSAL BAR MDZAD DO ZHES SA STENG MA LUS GRAGS PAS KHYAB PAR GYUR TO, ,DE NAS ZLA BA LNGA PA'I NANG DU BDAG CAG SKYID GRONG RI KHROD PA RNAMS SKU MDUN DU BCAR TE MAndAL PHUL NAS RJE NYID ZHABS PAD YUN RING BRTAN PA'I GSOL BA BTAB CING, 'JAM MGON BLA MA'I BSTAN PA'I SNYING PO MTHAR THUG PA MDO SNGAGS KYI MAN NGAG MTHA' DAG RGYA CHER SBEL BAR MDZAD PA DANG, LHAG PAR RDO RJE 'CHANG CHEN PO'I LAM GYI RIM PA'I GZABS BSHAD RGYAS PA ZHIG STZOL BAR GSOL BA BTAB PAS DGYES BZHIN ZHAL GYIS BZHES TE RGYAL MTSAN MTHON PO'I GZIM CHUNG NGO MTSAR BKOD PAR GRVA TSANG BLA MA BZHI DANG, SNGAGS GRVA'I DGE BSHES DRAG GRAS 'GA' ZHIG ,BDAG CAG SKYID GRONG RI KHROD PA RNAMS BCAS LA SNGAGS RIM CHEN MO'I BSHAD LUNG CHOS THUN NYI SHU SKOR ZHIG RGYAS PAR STZAL, CHOS TSUGS PA'I 'GOR BLA MA YI DAM SRUNG MAR BCAS PA LA TSOGS MCHOD DANG, GRUB NAS KYANG GTANG RAG GI TSOGS MCHOD DANG MAndAL RGYAS BAR PHUL, RJE 'DIS 'JAM MGON BLA MA'I BSTAN PA'I SNYING PO MTHAR

THUG PA RNAMS MING TZAM YANG NYAMS PA LA PHYOGS PA GSO BAR MDZAD PAS BSTAN PA LA BYA BA BLA NA MED PA MDZAD DO, ,DE LTAR BSTAN PA'I BYA BA RGYA CHEN PO MDZAD PA 'JAM DBYANGS GONG MA BDAG PO CHEN POS GSAN NAS LEGS SO'I GNANG SKYES 'JA' SA GSER THAM SOGS PHEBS TE, RJE 'DI'I RNAM PAR DKAR BA'I 'PHRIN LAS KYIS SA GSUM MA LUS KHYAB PAR GYUR TO, ,DE NAS RIM GYIS LO LO BZHIN BKRA SHIS LHUN PO'I TSOGS CHEN LA DBYAR GNAS KYI THOG SHING RTA CHEN PO'I GZHUNG RNAMS KYI BSHAD LUNG DANG, LHAG PAR SKYES RABS SO BZHI PA'I GZABS BSHAD CHES RGYAS PA DANG, LAM RIM CHEN MO'I BSHAD LUNG, LAM RIM BDE LAM GYI KHRID, BLO SBYONG DON BDUN MA'I KHRID, DGA' LDAN LHA BRGYA MA'I KHRID, BLA MA MCHOD PA'I KHRID, RGYUD SDE BZHI DANG 'BREL BA'I DBANG DANG LHAG PA'I LHA MANG PO'I RJES GNANG RIM PAR STZAL, DE NAS RGYAL BA THAMS CAD MKHYEN PAS MDO SNGAGS KYI CHOS BKA' RGYA CHEN PO GSAN PHYIR DBUS SU SPYAN DRANGS TE PHO BRANG CHEN POR PHEBS NAS RGYAL BA MCHOG SKU 'KHOR RAGS RIM DANG BCAS PA LA 'JAM DBYANGS CHOS SKOR GYI RJES GNANG YONGS RDZOGS, DPAL GSANG BA 'DUS PA MI BSKYOD RDO RJE'I DBANG STA GON DANG BCAS PA, DPAL 'KHOR LO SDOM PA L'U AI PA'I LUGS KYI DBANG STA GON DANG

, ,BCAS PA, SGROL MA NYER GCIG GI RJES GNANG YONGS RDZOGS, RNAM 'GREL, 'DUL BA, PHAR PHYIN, DBU MA, MDZOD RNAMS KYI LUNG DANG, RDO RJE 'JIGS BYED KYI BSKYED RIM GYI KHRID, DAM CAN CHOS KYI RGYAL PO'I RJES GNANG, LHA MO DMAG ZOR MA'I RJES GNANG, DPAL MGON ZHAL BZHI PA'I RJES GNANG, LCAM SRING GI RJES GNANG, DPAL LHA'I RJES GNANG, MGON PO PHYAG BZHI PA'I RJES GNANG RNAMS RIM GYIS 'BUL BAR MDZAD, DE NAS GTZANG LA CHIBS BSGYUR GNANG STE BKRA SHIS LHUN POR PHEBS NAS 'JAM MGON BSTAN PA'I SROG SHING G-YO BA MED PAR BZUNG NAS RAB BYUNG BSNYEN RDZOGS BRGYUD MAR BSGRUB PA DANG, MDO SNGAGS KYI CHOS KYI 'KHOR LO BRGYUD MAR BSKOR TE BSTAN PA'I BYA BA RGYA CHER MDZAD DO, ,'DI SKABS RJE BLA MA 'DIS SNGON STON PA THUGS RJE CAN DES GANG DU SANGS RGYAS PA'I TSUL BSTAN PA'I GNAS RDO RJE GDAN SOGS 'PHAGS YUL GYI GNAS CHEN RNAMS LA MCHOD 'BUL SMON LAM MDZAD PHYIR BKRA SHIS LHUN PO'I GRVA PA CHOS MTHUN BZHI TZAM ZHIG GTONG BAR MDZAD PA RGYA GAR KA SHI'I RGYAL POS DAD PA CHEN POS ZHABS 'GYUR BYAS TE LAM BAR GYI 'JIGS PA LAS BSKYABS SHING RGYUS YOD KYI ROGS BTANG STE RDO RJE GDAN DU 'BYOR NAS BYANG CHUB CHEN PO LA GSER CHAB DANG, SNA LNGA'I STONG MCHOD SOGS MCHOD 'BUL RGYA CHEN PO

BYAS PA NA RGYA GAR GYI YUL GRU THAMS CAD DU CHES CHER GRAGS TE BOD KYI BLA MA CHEN POS BYANG CHUB CHEN PO LA MCHOD PA TSAD MED PA PHUL, DE YANG SEMS CAN THAMS CAD KYI DON DU YIN PA 'DUG CES THOS NAS RJE 'DI'I THUGS BSKYED KYI MTHUS 'PHAGS YUL GYI RGYAL BLON 'BANGS DANG BCAS PA DAD PA'I SA LA BKOD, RGYA GAR SHAR NUB DBUS DANG BCAS PA'I RGYAL PO SO SO NAS RJE 'DI LA ZHU 'PHRIN 'BUL ZHING RANG RANG GI YUL GYI DPYAD PA NGO MTSAR BA SNA TSOGS 'BUL BA DANG, RJE 'DI LA GSOL BA 'DEBS PA DANG, BKA' BZHIN DU SGRUB PAR DAM 'CHA' BA SOGS SNGON MED PA'I NGO MTSAR YA MTSAN CHE BA BYUNG NGO, ,DE NAS RJE NYID DGUNG LO SO BRGYAD DU PHEBS PA MYOS BYED CES PA SHING MO LUG GI LO BOD KYI SRID SKYONG DE MO RIN PO CHES BSAM YAS LA ZHIG GSO RLABS CHEN MDZAD PAR ZHAL 'DEBS DANG MCHOD 'BUL RLABS CHE BA MDZAD, BRAG G-YAB SPRUL SKU SOGS SKAL LDAN MANG PO LA LAM RIM GYI KHRID DANG, 'JIGS BYED BDUD LAS RNAM RGYAL GYI DBANG, GDUGS DKAR GYI DBANG DANG, TSE DPAG MED LHA DGU'I DBANG DANG, BCU GCIG ZHAL GYI DBANG DANG, DRIL BU LUS DKYIL GYI DBANG, 'JAM DBYANGS CHOS SKOR GYI RJES GNANG SOGS MDO SNGAGS KYI CHOS MTHA' YAS PA STZAL, LO DE'I DBYAR GNAS KYI THOG TSOGS CHEN LA LAM RIM GYI KHRID ZHI BA LHA'I LUGS KYI SEMS BSKYED

, ,KYI CHO GA DANG BCAS PA RGYAS PAR STZAL, ZLA BA BDUN PA'I NANG DU BDAG CAG SKYID GRONG RI KHROD BA RNAMS 'BYOR TE TSES BDUN GYI NYIN RJE BLA MA 'DI NYID TSOGS DBUR SPYAN DRANGS TE DNGOS 'BYOR GYI 'BUL BA DANG BCAS ZHABS BRTAN GSOL 'DEBS ZHUS, DE SKABS THAN PA SHIN TU CHE BA YOD PA LA, DE NYIN RJE 'DI TSOGS CHEN GYI BZHUGS KHRI'I STENG DU PHEBS MA THAG MKHA' LA GLO BUR DU SPRIN 'KHRIGS TE 'BRUG SGRA DRAG PO BRGYUD MAR BSGRAGS SHING CHAR DRAG PO BABS TE 'DZIN MA'I KHYON THAMS CAD CHUS BRLAN PAR BYAS PAS RJE NYID THUGS SHIN TU DGYES TE RTEN 'BREL SHIN TU LEGS PA BYUNG ZHES BKA' PHEBS, DE NYIN LHA KHANG RNAMS SU PHEBS TE KHRUS GSOL RGYAS PA MDZAD, DPAL LDAN DMAG ZOR RGYAL MO LA RTZAM KHAL BRGYA PHRAG BRGAL BA LAS GRUB PA'I GTOR MA BSHAMS TE 'DUS PA RGYA MTSO'I TSOGS DANG LHAN CIG TU DPAL LDAN LHA MO LA GTOR 'BUL DANG 'PHRIN 'CHOL RGYAS PA MDZAD, GZHAN YANG LO DE LA SKAL BA DANG LDAN PA BGRANG BA LAS 'DAS PA LA CHOS KYI 'KHOR LO BSKOR BA DANG, RGYAL BA'I BKA' DANG BSTAN BCOS 'GYUR RO COG TSANG MA GSER BTZO MA'I KHU BAS 'DRI BAR MDZAD PA SOGS BLO DMAN DAG GIS RJES SU YI RANG TZAM YANG BYA DKA' BA'I BSTAN PA'I BYA BA RGYA CHER MDZAD DO, ,DE NAS RJE BLA MA 'DI NYID DGUNG LO SO DGUR PHEBS

PA GDONG NGAN ZHES PA ME PHO SPRE'U'I LO KHAL KHA RJE BTZUN DAM PA'I DGONGS RDZOGS PA NO MO HAN 'JAM DPAL RDO RJE SOGS SOGS 'GRUL GTOS CHE BA 'BYOR TE BLA MA DGE 'DUN TSANG MAR BSNYEN BKUR RGYA CHEN PO BYAS SHING, RJE 'DI PAS KYANG SO SO'I 'DOD PA DANG MTHUN PA'I DBANG RJES GNANG LUNG MAN NGAG MTHA' YAS PA STZAL CING 'DI LO DBYAR GNAS KYI THOG DGE 'DUN 'DUS PA RGYA MTSO'I TSOGS LA RJE NYID KYI BKA' RTZOM SNGAR YOD PHAL CHE BA'I LUNG GNANG, DBYAR GNAS KYI SKABS 'DIR BDAG KYANG DBUS NAS 'KHOR TE SKYABS MGON MCHOG 'DI NYID LA DPAL GSANG BA 'DUS PA'I RTZA BA'I RGYUD, SGRON GSAL SOGS 'GREL PA BZHIS 'CHAD PA'I BSHAD SROL BZANG PO CHOS KYI RGYAL PO TZONG KHA PA CHEN POS GANGS RI'I KHROD 'DIR SNGON MED PA'I SHING RTA'I LAM SROL PHYE BA, 'GREL PA BZHI SBRAGS SU GRAGS PA'I GSANG BA ZAB MO'I ZAB CHOS STZOL BAR GSOL BA BTAB PAS DGYES BZHIN ZHAL GYIS BZHES TE BDAG CAG SKYID GRONG RI KHROD PA RNAMS DANG RJE NYID KYI SKU'I PHU PO PHYAG MDZOD CHEN MO, GRVA TSANG BZHI'I BLA MA, SNGAGS GRVA'I 'GREL DPON PA KHA SHAS BCAS LA ZLA BA BRGYAD PA'I TSES BCU DRUG NAS DBU BTZUGS TE NYIN LTAR SNGA DRO NYI SHAR NAS GSOL TSIGS BAR CHOS THUN RING PO RE MDZAD NAS 'GREL PA BZHI SBRAGS GZABS BSHAD DANG BCAS PA ZLA BA GCIG GI RING RGYAS PAR STZAL, DE'I

, ,TSE THOG MAR BLA MA RDO RJE 'CHANG CHEN PO LA PHYI NANG GSANG BA DE KHO NA NYID KYI MCHOD PA RIN PO CHE'I MAndAL DANG BCAS PA RGYAS PAR PHUL TE GSOL BA 'DEBS PA BLA MA RGYUD MCHOD DU GRAGS PA RGYAS PAR BYAS SHING CHOS THUN RE RE BZHIN RDOR SEMS SGOM BZLAS YI DAM DKYIL 'KHOR GYI LHA TSOGS DANG PHYOGS SKYONG RNAMS DANG DAM CAN CHOS KYI RGYAL POR GTOR 'BUL BLA MA BRGYUD PA'I GSOL 'DEBS RNAMS DKAR CHAG THO'I YIG CHUNG LAS 'BYUNG BA LTAR MDZAD CING, LEGS PAR GRUB BA'I RJES SU GTANG RAG GI TSOGS 'KHOR RIN PO CHE'I MAndAL CI 'BYOR PA'I DNGOS PO RNAMS KYIS MCHOD, RJE BLA MA RDO RJE 'CHANG CHEN BO NYID KYIS GLEGS BAM PHYAG TU BZHES TE BDAG CAG RNAMS LA DBANG BSKUR BRGYAS BAR GNANG BA SOGS MKHAS GRUB THAMS CAD MKHYEN PAS 'JAM MGON BLA MA'I BKA' SROL BZANG PO RNAMS MI NUB PAR BYA BA'I PHYIR RDO RJE SLOB DPON MCHOD PA DANG 'CHAD NYAN JI LTAR BYA BA'I CHUL DKAR CHAG THO'I YIG CHUNG DU BKOD BA CHANG MA CHAD LHAG MED PA MDZAD BAS 'JAM MGON BLA MA'I BSTAN PA LA BKA' DRIN ZLA MED DU MDZAD DO, ,DE NAS DUS 'KHOR CHO GA BA RNAMS KYIS ZHUS NGOR KHONG RNAM PA DANG BDAG CAG RI KHROD BA RNAMS BCAS LA DUS 'KHOR GYI CHOG YONGS RDZOGS KYI LUNG DANG, DUS KYI 'KHOR LO'I MAN NGAG PHYI NANG GZHAN GSUM SBYOR TSUL RNAMS SBA GSANG MED

PAR CHES ZHIB PAR STZAL, TSOGS CHEN DGE BSKOS CHEN MOS ZHUS NAS 'DUS TSOGS LA RNAM 'GREL DBU MA PAR PHYIN 'DUL BA RNAMS LAM RIM GYI NYAMS LEN DANG SBYAR NAS RGYAS PAR GSUNGS TE RJE YAB SRAS KYI MDZAD SROL BZANG PO NYAMS PA MED PAR MDZAD DO, ,BDE MCHOG SGRUB MCHOD KYI THIG SNGAGS GRVA'I DGE 'DUN RNAMS LA SGRUB MCHOD KYI RING TSA RTING MA'I TSOGS BAR LA BDE MCHOG SBAS DON KUN GSAL BDE MCHOG RTZA RGYUD DANG RTZA 'GREL SBRAGS TE CHOS THUN RE LO LTAR GNANG SROL MDZAD 'DUG PA 'DI LO BDAG GIS TSAR GCIG TSANG MA GSUNG BAR GSOL BA BTAB STE MA RGYUD THAMS CAD KYI GTZO BO DPAL 'KHOR LO SDOM PA'I RTZA RGYUD RJE THAMS CAD MKHYEN PAS MDZAD PA'I RGYUD 'GREL SBAS DON KUN GSAL DANG RTZA 'GREL SBRAGS TE DKA' BA'I GNAD RNAMS LA GZABS BSHAD DANG BCAS RGYAS BAR STZAL, 'DI'I TSE BLA MA RDO RJE 'CHANG CHEN PO DKYIL 'KHOR GYI LHA TSOGS DANG BCAS BA LA PHYI NANG GSANG BA DE KHA NA NYID KYI MCHOD PA RIN PO CHE'I MAndAL DANG BCAS PA SNGA PHYI GNYIS SU RGYAS PAR BYAS SHING, GTANG RAG GI TSOGS 'KHOR DANG ZANG ZING GI LONGS SPYOD CI 'BYOR BAS MCHOD DE GSANG CHEN RDO RJE THEG BA'I BSTAN BA'I SNYING PO MTHAR THUG PA BDE MCHOG RTZA RGYUD KYI BSHAD SROL BZANG PO PAn CHEN N'A RO TA PA'I

, ,MAN NGAG CHOS KYI RGYAL PO TZONG KHA PA CHEN POS MGON PO 'JAM PA'I DBYANGS KYI MAN NGAG LA BRTEN NAS LEGS PAR PHYE BA 'DI NYID MING TZAM YANG NUB PA LA NYE BA'I DUS 'DIR NYAMS PA GSOS TE 'PHEL ZHING RGYAS PA'I BKA' DRIN MDZAD PAS RJE 'DIS RGYAL BA'I BSTAN PA LA BYA BA MDZAD PA THAMS CAD KYI NANG NAS DPAL GSANG BA 'DUS PA'I RGYUD KYI BSHAD SROL DANG, DPAL DUS KYI 'KHOR LO'I BSHAD SROL DANG, RDO RJE 'CHANG CHEN PO'I LAM GYI RIM PA'I SGO NAS RGYUD SDE BZHI KA'I LAM GYI BSHAD SROL DANG, DPAL 'KHOR LO SDOM PA'I RGYUD 'GREL GYI BSHAD SROL 'DI RNAMS NI MDZAD PA KUN GYI NANG NAS MDZAD PA'I MCHOG TU GYUR PA BSTAN PA'I BYA BA BLA NA MED PA YIN PAS GANGS CAN PA THAMS CAD KYIS BKA' DRIN BSAB PAR SLAB MA YIN ZHING TSUL 'DI DAG GI SGO NAS RJE 'DI'I BKA' DRIN DRAN PAR BYA BA DANG, RJE 'DI'I SKU CHE BA'I YON TAN LA BSNGAGS TE PHYOGS SU LHUNG PA MA YIN PAR GZU BO'I BLOS RJE 'DI'I RNAM THAR BRJOD CING DRAN PAR BYA'O, ,DE NAS GSER 'PHYANG ZHES PA ME MO BYA'I LO RGYAL BA THAMS CAD MKHYEN PA RJE BTZUN BLO BZANG BSTAN PA'I DBANG PHYUG 'JAM DPAL RGYA MTSOS THUGS RDZOGS BZHES PA DANG, DPANG LUNG MAN NGAG RGYA CHEN PO GSAN PA SOGS KYI CHED DU RJE 'DI SPYAN 'DREN ZHUS TE DBUS PHYOGS SU PHEBS NAS PHO BRANG CHEN PO PO TA LAR RGYAL BA THAMS CAD MKHYEN PA CHEN PO LA GSUNG RAB DGONGS

'GREL DANG BCES PA'I SNYING PO'I DON BSTAN PA YONGS RDZOGS GANG ZAG GCIG GI NYAMS LEN DU 'KHYER BA'I MAN NGAG 'JAM MGON BLA MA TZONG KHA PA CHEN PO'I THUGS KYI BCUD BYUNG BA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI KHRID DANG, SA GSUM GYI SGRON ME GCIG PU LEGS BSHAD MA LUS 'DU BA'I CHOS KYI RGYA MTSO CHEN PO BYANG CHUB LAM RIM CHEN MO'I BSHAD LUNG DANG, LHAG PA'I LHA MANG PO'I RJES GNANG SGRUB THABS SO SO'I LUNG RNAMS 'DUL BAR MDZAD CING, SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS NAS JO BO SH'AKYA MU NE'I SKU MDUN DU RJE 'DIS MKHAN PO MDZAD, YONGS 'DZIN RIN PO CHE NGAG DBANG CHOS GRAGS KYIS LAS SLOB, YONGS 'DZIN ZHAL SNGA NAS BLO BZANG CHOS 'PHEL GYIS GSANG STON, DGA' LDAN KHRI RIN PO CHE BLO BZANG BSTAN PAS DUS GO BA, BSTAN PA'I GSAL BYED CHEN PO CHA GAN NO MO HAN GYIS LHUNG BZED 'BRIM PA PO MDZAD CING, SHAR BYANG GI CHOS RJE GNYIS DANG SE 'BRAS DGE GSUM GYI BLA MA KHRI PA RNAMS KYIS GTZOS GANGS RI'I KHROD KYI 'DUL 'DZIN DAM PA NYI SHU RTZA LNGA'I DBUS SU GANGS CAN 'GRO BA'I MGON PO RGYAL DBANG THAMS CAD MKHYEN PA RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO GSOL BZHI'I LAS KYIS BSNYEN PAR RDZOGS TE THUB PA'I RGYAL TSAB BYANG PHYOGS BSIL LDAN LJONGS KYI BSTAN PA YONGS

, ,RDZOGS KYI BDAG POR MNGA' GSOL, DE NAS PHO BRANG CHEN PO PO TA LAR PHEBS NAS RJE BTZUN RDO RJE RNAL 'BYOR MAS SLOB DPON AA BHYA YA KA RE RJES SU BZUNG STE GSANG CHEN RDO RJE THEG PA'I DBANG GI CHU BO MANG PO GCIG TU BSDUS PA RDO RJE PHRENG BAR GRAGS PA'I STA GON DANG BCAS PA YONGS SU RDZOGS PA RGYAL BA THAMS CAD MKHYEN PA CHEN POR 'BUL BA GNANG STE, DE YANG THOG MAR SLOB MA RJES 'DZIN, DE NAS SLOB MA STA GON, DE NAS GSANG 'DUS 'JAM PA'I RDO RJE'I DBANG CHEN NAS BZUNG BAR MA CHAD PAR RIM GYIS GNANG STE RDO RJE PHRENG BA NAS BSHAD PA'I DBANG ZHE GNYIS DANG, KRi YA SA MUTZTSA NAS BSHAD PA'I DGE LEGS SU BYED PA'I DKYIL 'KHOR GSUM STE DKYIL 'KHOR ZHE LNGA'I DBANG YONGS SU RDZOGS PAR 'BUL BAR MDZAD, DE NAS GRUB CHEN MI TRA DZO KI'I BZHED SROL MI TRA BRGYA RTZAR GRAGS PA'I LHA RNAMS KYI DBANG YONGS SU RDZOGS PA DANG, SGRUB THABS RGYA MTSO'I RJES GNANG YONGS SU RDZOGS PA DANG, MGON PO'I BKA' CHEN BCU GSUM YONGS RDZOGS DANG, GZHAN YANG LHAG PA'I LHA MANG PO'I DBANG DANG RJES GNANG BZLAS LUNG MAN NGAG LAG KHRID SOGS MTHA' YAS PA GNANG STE RGYAL BA THAMS CAD MKHYEN BA CHEN PO MDO SNGAGS BSTAN PA'I BDAG POR MNGA' GSOL LO, ,DE NAS SE 'BRAS DGE GSUM RGYUD STOD SMAD SOGS DBUS PHYOGS KYI DGE 'DUN BGRANG

BA LAS 'DAS PA DANG, DBUS PHYOGS KYI SKYE BO KHYIM PA DANG LDAN BGRANG BA LAS 'DAS PA DANG, PHYOGS 'DUS KYI SER SKYA BGRANG BA LAS 'DAS PA DAG LA ZHAL GYI DKYIL 'KHOR BSTAN TA SKU MTHONG BA DANG, GSUNG THOS PA DANG, PHYAG GIS GANG GI MGO LA REG PA THAMS CAD RIM GYIS SMIN CING GROL BA'I 'PHRIN LAS MDZAD, PHYI RABS KYI GDUL BYA RNAMS LA RANG LA LAM MA NOR BAR STON PA'I DGE BA'I BSHES GNYEN NI PHYOGS BCU'I SANGS RGYAS THAMS CAD LAS LHAG PA'I MCHOD YUL DAM PA YIN ZHING, PHYOGS BCU'I RGYAL BA THAMS CAD MCHOD BA BAS BLA MA'I SKU'I BA SPU GCIG MCHOD PA DANG, BLA MA'I 'DRA 'BAG MCHOD PA BSOD NAMS LHAG PAS BDAG LEGS SU 'DOD PA DAG GIS RANG NYID CHEN PO'I GO SA CI 'DRA ZHIG LA GNAS PA YIN YANG RANG LA CHOS STON PA'I BLA MA LA GUS PA 'DI LTAR BYA DGOS SO, ,ZHES 'DOMS PA'I PHYIR PHUR BU LCOG TU PHEBS TE RJE BTZUN BLA MA NGAG DBANG BYAMS PA'I SKU GDUD LA MCHOD TSOGS RGYA CHEN POS MCHOD PAR MDZAD CING, BLA MA RIN PO CHE DE NYID KYI DGONGS PA YONGS SU BKANG BA'I PHYIR CHOS RA CHEN MO'I KHRI LA PHEBS TE DAD 'DUS KYI SER SKYA STONG PHRAG BRGAL BAR SEMS BSKYED GNANG ZHING, BYAMS MGON BLA MA RIN PO CHE DE NYID KYIS JI LTAR GSUNG BA LTAR RGYAL BSTAN SNYING PO BYANG CHUB LAM GYI RIM PA PHYOGS THAMS CAD DU 'PHEL ZHING RGYAS PA DANG, LAM 'DI STON PA'I BSHES GNYEN DAM PA THAMS CAD

, ,SKU TSE BRTAN CING 'PHRIN LAS RGYAS PA DANG, MTHA' DBUS SKYE 'GRO MA LUS LAM BZANG 'DI LA ZHUGS TE SMIN CING GROL BA'I THUGS SMON RGYA CHER MDZAD, DE NAS PHO BRANG CHEN POR PHEBS NAS GANGS CAN 'GRO BA'I MGON PO RGYAL DBANG MCHOG LA MTHA' DBUS SKYE 'GRO MA LUS DAM PA'I CHOS KYIS TSIM PAR MDZAD PA DANG, MGON PO THUGS RJE CAN NYID KYIS SNGON YUN RING PO NAS PHYAG MTSAN DU BZUNG BA'I BYANG PHYOGS GANGS RI'I LJONGS 'DI LUGS GNYIS KYIS SKYONG TSUL 'DI LTAR MDZAD DGOS SO ZHES ZHAL TA ZHIB RGYAS SU ZHU BAR MDZAD NAS RGYAL BA YAB SRAS GNYIS KA PHAN TSUN THUGS 'PHRENG BZHIN PAS SKYABS 'JUG ZHU BAR MDZAD DE RJE 'DIS GTZANG PHYOGS SU CHIBS KHA BSKYOD NAS BKRA SHIS LHUN POR PHEBS TE SNYUG MAR GNAS PA DANG, PHYOGS PHYOGS NAS 'DUS PA'I DGE 'DUN BGRANG BA LAS 'DAS PA LA CHOS KYI 'KHOR LO BRGYUD MAR BSKOR ZHING, RJE 'DI NYID LA 'DZAM GLING YANGS PA'I SA CHEN PO'I KHYON LA GNAS PA'I SKYE BO MTHA' DAG GIS RANG RANG GI YO BYAD GCES PA GANG YOD 'BUL BAR BYED PAS GSER DANG DNGUL LA SOGS PA'I RIN PO CHE'I BANG MDZOD DANG, GZHAN YANG YO BYAD KYI KHYAD PAR RNAM THOS KYI BU'I NOR LA 'GRAN PA LTA BU MCHIS PA RNAMS NAM YANG CHUD MI ZA BA'I PHYIR DAD LDAN SO SO'I TSOGS RDZOGS PA'I THABS DANG, RGYAL BA'I BSTAN PA RIN PO CHE 'PHEL BA'I THABS 'BA' ZHIG TU SBYOR BAR

MDZAD DE SKU GSUNG THUGS RTEN BZHENG BA DANG, RIS SU MA CHAD PA'I DGE 'DUN GYI SDE LA BSNYEN BKUR BA DANG, DBUL PHONGS RNAMS LA GANG LA GANG 'DOD KYI SBYIN PA MDZAD CING, LHAG PAR SKABS 'DIR RGYAL BA'I BSTAN PA LA SRI ZHU BLA LHAG TU MDZAD BZHED PA DANG, SNGON SANGS RGYAS MTHONG BA'I DKAR PHYOGS KYI LHA KLU RNAMS DGA' ZHING MGU BAR BYA BA DANG, STOBS 'BYOR CAN RNAMS LA SNGON BSAGS BSOD NAMS KYI MTHUS 'BYOR PA THOB PA RNAMS TSUL 'DI LTAR DU CHUD MI ZA BAR BYA DGOS SO ZHES 'DOMS PAR BYA BA'I PHYIR GSER ZHO STONG PHRAG MANG PO BZHU BTUL MDZAD DE RGYAL BA'I BKA' GANGS CAN DU 'GYUR RO COG THAMS CAD DANG, DPAL MGON 'PHAGS PA KLU SGRUB DANG 'PHAGS PA THOGS MED SOGS RGYAL BAS LUNG BSTAN PA'I SHING RTA CHEN PO RNAMS KYIS RGYAL BA'I GSUNG RAB KYI DGONGS PA 'GREL BA'I PHYIR DU MDO SNGAGS KYI BSTAN BCOS JI SNYED CIG MDZAD PA RNAMS DANG, GZHAN YANG 'PHAGS YUL GYI PAn GRUB BGRANG BA LAS 'DAS PAS RGYAL BA'I GSUNG RAB KYI DGONGS PA 'GREL BA'I BSNGAN BCOS MDZAD PA MTHA' YAS PA YOD PA LAS GANGS RI'I LJONGS 'DIR SNGON CHAD BSTAN BCOS 'GYUR RO COG THAMS CAD DANG, KHAMS GSUM CHOS KYI RGYAL PO TZONG KHA PA CHEN PO'I GSUNG 'BUM YONGS RDZOGS DANG, RGYAL TSAB DANG MA RIN CHEN GYI GSUNG 'BUM YONGS RDZOGS DANG, MKHAS GRUB DGE LEGS DPAL BZANG PO'I GSUNG 'BUM YONGS RDZOGS DANG,

, ,PAn CHEN BLO BZANG CHOS KYI RGYAL MTSAN GYI GSUNG 'BUM YONGS RDZOGS DANG, RJE BTZUN BLO BZANG YE SHES KYI GSUNG 'BUM YONGS RDZOGS DANG, RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO'I GSUNG 'BUM YONGS RDZOGS RNAMS MTHING SHOG BZANG PO'I NGOS LA GSER 'BA' ZHIG GIS BRIS PA GLEGS BAM SO SOR NA BZA' GDONG DAR GLEGS SHING SKU RAGS RNAMS KHYAD PAR DU 'PHAGS PA POD BZHI BRGYAR NYE BA GSAR BSKRUN MDZAD DE BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI GTZUG LAG KHANG DU RIN PO CHE SNA TSOGS KYIS PHRA BKOD PA'I GDAN KHRI BZANG PO LA BZHUGS SU GSOL TE MCHOD PA'I DNGOS PO TSAD MED PAS MCHOD CING, BSLAB GSUM LDAN PA'I DGE 'DUN STONG PHRAG MANG PO DANG LHAN CIG TU JI SRID BYAMS MGON DBUS 'GYUR TSAL DU MA BYON BAR DU GNAS 'DIR RGYAL BSTAN MI NYAMS SHING GONG NAS GONG DU 'PHEL BA'I BDEN TSIG BRJOD CING RAB TU GNAS PA RGYAS PAR MDZAD DO, ,DE LTAR RJE 'DIS RGYAL BA SRAS BCAS THAMS CAD KYI MDZAD PA'I KHUR BDAG GIR BZHES TE THOS BSAM SGOM GSUM 'CHAD RTZOD RTZOM GSUM GYI SGO NAS BSTAN PA'I BYA BA RGYA CHER MDZAD CING PHYI RABS KYI GDUL BYA RNAMS LA MDO SNGAGS KYI CHOS LA BSLAB TSUL 'DI LTAR BYA DGOS SO ZHES 'DOMS

PHYIR LEGS BSHAD KYI RTZOM PA'ANG MANG DU MDZAD DE, 'DI LTAR GSUNG RAB DGONGS 'GREL DANG BCAS PA'I DON THAMS CAD GANG ZAG GCIG GI NYAMS LEN GYI RIM PAR BSGRIGS PA BYANG CHUB LAM GYI RIM PA'I KHRID YIG GZHAN PHAN BDUD RTZI'I BUM PA, BDE LAM MYONG KHRID, RJE BTZUN BLO BZANG YE SHES DPAL BZANG PO'I SKU GSUNG THUGS KYI MDZAD PA MA LUS PA GSAL BAR BYED PA'I RNAM PAR THAR PA 'OD DKAR CAN GYI PHRENG BA'I SMAD CHA, RJE BTZUN NGAG DBANG BYAMS PA RIN PO CHE'I RNAM THAR DAD PA'I 'DAB BRGYA BZHAD PAR BYED PA'I NYI MA, RJE BTZUN THAMS CAD MKHYEN PA BLO BZANG BSKAL BZANG RGYA MTSO'I SKU GDUNG YID BZHIN GYI NOR BU SNYING POR BZHUGS PA'I LHAR BCAS SKYE DGU'I MCHOD SDONG CHEN PO'I DKAR CHAG 'OD ZER PHYOGS BRGYAR 'GYED PA'I SNANG BYED, RJE BTZUN RDO RJE 'CHANG CHEN BLO BZANG BZOD PA DPAL BZANG PO'I RNAM THAR NGO MTSAR DPAG MED, DMIGS BRTZE MA'I LAS TSOGS BCU GCIG NAG 'GROS SU BKOD PA, DE'I DON BSHAD PA, DGA' LDAN LHA BRGYA MA'I SKABS SU NYER MKHO'I KHA TSAR, RJE BLA MA TZONG KHA PA CHEN PO'I BLA MA'I RNAL 'BYOR MKHAS GRUB RJER ZHAL GZIGS DANG MTHUN PA; 'PHAGS PA GNAS BRTAN BCU DRUG GI RNAM THAR, RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO'I BRTAN BZHUGS DANG RJE RANG NYID KYI BRTAN BZHUGS SOGS BRTAN BZHUGS DANG 'KHRUNGS RABS

, ,GSOL 'DEBS RJES 'DZIN SMON LAM GYI RIM PA MANG PO, ,MDO SNGAGS KYI GNAD RNAMS LA DRI BA ZHUS BA'I DRIS LAN, 'DOD LHA SNA TSOGS KYI BSTOD TSOGS GSOL 'DEBS MANG PO, BSLAB BYA SPYI DANG DGON SDE KHAG GI BCA' YIG MANG PO, RTEN GSAR BZHENGS KYI DKAR CHAG DANG RGYAB YIG ZHAL BYANG SOGS, 'DOD LHA SNA TSOGS LA BRTAN PA'I LTUNG BA BSHAGS BSDAM BYA TSUL, CHAB SHOG GI SKOR MANG PO , DBEN SA CHOS KYI PHO BRANG GI GNAS BSTOD SOGS GNAS BSTOD MANG PO, LHA SNA TSOGS KYI SGRUB THABS KYI MJUG TU BYA BA'I SMON LAM SHIS BRJOD, GRUB CHEN DRIL BU LUGS KYI LUS DKYIL GYI MNGON RTOGS NGAG 'DON , BCOM LDAN 'DAS 'JAM DPAL RDO RJE'I BDAG MDUN BUM GSUM SLOB MA STA GON DANG BCAS PA, RTEN GSUM RNAMS LA SNYAN SHAL SPYAN GZIGS NA BZA' BCAS PHUL BA'I 'DOD GSOL MANG PO, BDE GSANG 'JIGS GSUM SOGS LHA MANG PO LA BRTEN PA'I BLA MA'I RNAL 'BYOR MANG PO, 'KHOR LO SDOM PA L'U AI PA'I LUGS KYI BDAG BSKYED BSDUS PA, BDE MCHOG ,'KHOR CHEN, DGA' LDAN LHA BRGYA MA, DUS 'KHOR BCAS KYI BSNYEN YIG ,BLA MA SANGS RGYAS BYANG SEMS LA BRTEN PA'I 'PHO BA MANG PO, SPYAN RAS GZIGS RGYAL BA RGYA MTSO'I SGRUB THABS SOGS LHAG PA'I LHA MANG PO'I SGRUB THABS DU MA, MA nI RIL SGRUB, BRIS 'BUR GYI SKU SOGS

RTEN GSUM BZHENG TSUL, LHA SNA TSOGS KYI LAS BZHI'I SPYIN SREG GI CHO GA, DPAL 'KHOR LO SDOM BA'I ZHI BA'I SBYIN SREG DANG DRAG PO'I SBYIN SREG GI KHA SKONG, DPAL RDO RJE 'JIGS BYED KYI DBANG GI SBYIN SREG ,DPAL DUS KYI 'KHOR LO'I ZHI BA'I SBYIN SREG ,RDOR DBYINGS KYI SBYIN SREG ,SGROL MA'I SBYIN SREG ,'JAM DBYANGS DKAR PO'I SPYIN SREG ,YE SHES MGON BO PHYAG DRUG PA'I ZHI RGYAS KYI SBYIN SREG ,CHOS SKYONG DREGS PA LCAM SRING GI SBYIN SREG ,TSE BDAG MGON PO LA BRTEN PA'I TSE DBANG BYA TSUL, BZANG SPYOD LA BRTEN PA'I 'CHI BLU, GSANG BA 'DUS PA SOGS KYI TSOGS MCHOD, SMYUNG GNAS BLA RGYUD RNAM THAR PHAN YON DANG BCAS PA, BLA RGYUD GSOL 'DEBS KYI SKOR, DPAL DUS KYI 'KHOR LO'I SKU GSUNG THUGS YONGS SU RDZOGS PA'I SGRUB THABS BDUD RTZI'I 'BYUNG GNAS, DE'I SGRUB THABS RIN PO CHE'I GTER MDZOD, DPAL RDO RJE 'JIGS BYED KYI BSKYED RIM, DE'I BSKYED RIM TSIGS BCAD MA, DE'I RDZOGS RIM, YANG DE'I LAM RIM GNYIS KYI KHRID MDOR BSDUS, DE'I SGO NAS RAB GNAS BYA TSUL MDOR BSDUS, DE LA BRTEN NAS GSHIN PO RJES 'DZIN, DE LA BRTEN NAS DUG ZHI BAR BYED THABS, 'JIGS BYED DMAR PO ZHAL GCIG PHYAG GNYIS PA LA BRTEN PA'I DUG DBANG BSKUR TSUL, DPAL 'KHOR LO SDOM PA'I DBANG DON ZAB GSANG GI GNAD BSDUS PA, 'KHOR LO SDOM PA DRIL BU LHA LNGA'I SGRUB THABS BLA RGYUD DANG BCAS PA,

, ,DE'I BUM BSKYED DANG MDUN BSKYED DBANG CHOG DANG BCAS PA, DGYES RDOR LHA DGU'I SGRUB THABS BDUD RTZI'I CHU RGYUN, RNAM SNANG MNGON BYANG GI BDAG BSKYED, DE'I DKYIL CHOG ,DE'I DBANG CHOG SMON LAM SHIS BRJOD DANG BCAS PA, RMA BYA'I RGYAL PO GSER DU SNANG PBA LA BRTEN NAS DUG ZHI BAR BYED TSUL, LAM RIM GNYIS KY GNAD RNAMS RDO RJE'I MGUR DU BZHES PA'I DGONGS DON 'GREL BAR BYED PA GSANG CHEN LAM GYI SGO 'BYED, GTOR CHEN DRUG CU PA'I ZHAL SHES, RDO RJE MKHA' LDING NAG PO LA BRTEN PA'I RANG GZHAN GYI SDIG SGRIB SBYONG ZHING MI GTZANG PA BKRU TSUL, SHAMBHA LAR SKYE BA'I SMON TSIG DANG DE'I ZHING BKOD 'DRI TSUL, LHA MO DBYANGS CAN MA LA BSTOD PA, MYUR MDZAD YE SHES KYI MGON PO PHYAG DRUG PA SOGS CHOS SKYONG MANG PO LA MCHOD GTOR 'BUL TSUL DANG SGRUB THABS LAS TSOGS KYI RIM PA DU MA, GSANG SNGAGS RGYUD PA GRVA TSANG GI GTOR BZO'I RIM PA, GZHI BDAG GTOR MA DANG BKA' BSGO'I RIM PA, GSUNG THOR BU BA SOGS LEGS BSHAD MTHA' YAS PA MDZAD DO, ,DE LTAR RJE 'DIS DBUS GTZANG GI LJONGS SU SKU TSE 'DIR DNGOS SU 'DUL BA'I SNOD RUNG GI GDUL BYA MTHA' DAG LA 'PHRIN LAS GANG MDZAD DGOS PA RNAMS MDZAD ZIN NAS SNGON STON PA THUB PA'I DBANG POS DNGOS KYI GDUL BYA PHAL MO CHE'I DON MDZAD ZIN NAS SKU TSE DE'I GDUL BYA'I THA MA KUN TU RGYU RAB BZANG DANG, DRI ZA'I RGYAL PO RAB DGA' 'DUL PHYIR

GRONG KHYER RTZVA CAN DU BYON PA JI LTA BAR RJE 'DIS KYANG MDO KHAMS PHYOGS KYI GDUL BYA BGRANG BA LAS 'DAS PA DANG, RGYA HOR GYI GDUL BYA BGRANG BA LAS 'DAS PA ZHIG LA MTHONG THOS DRAN REG GI 'BREL BA BZHAG STE SMIN GROL LA 'GOD PAR MDZAD BZHED PA DANG, GTZO BOR NI SNGON YUN RING PO NAS THUGS BSKYED DE 'JAM MGON BSTAN PA 'DZIN CING SPEL BA DANG SKYONG BA'I SMON LAM RLABS PO CHE'I MTHU GRUB PA SA'I TSANGS PA CHEN PO 'JAM DBYANGS GONG MA BDAG PO CHEN PO DANG ZHAL 'DZOM STE 'DZAM GLING SKYE 'GRO YONGS LA PHAN BAD SPEL BA DANG, LHA DANG BCAS PA'I 'GRO BA MA LUS PA'I PHAN BDE'I GZHI GCIG PU RGYAL BA'I BSTAN BA RIN PO CHE MI NYAMS SHING 'PHEL BA DANG, LHAG BAR 'JAM MGON BLA MA'I LUGS BZANG DRI MA MED PA 'DI NYID NAM YANG MI NYAMS SHING CHES CHER 'PHEL BAR BYA BA SEGS RGYAL SRAS DPA' BO'I MDZAD PA'I TSUL LAS BRTZAMS TE GSANG BA ZAB MO'I BKA' BGRO BA MDZAD BZHED PAS DBANG PHYOGS SU CHIBS KHA BSKYOD, LAM BAR DAG TU NYI MA RE RE BZHIN SKYE BO BGRANG BA LAS 'DAS PA ZHAL GYI DKYIL 'KHOR LA BLTAS TE GSOL 'DEBS KYI NGA RO DBYANGS SU SGROGS PA DAG DANG, RIN PO CHE'I ME TOG GTOR TE GSOL BA 'DEBS BA DAG DANG, BLO MCHOG TU GYUR PA 'GA' ZHIG GSUNG RAB KYI DKA' GNAS LAS BRTZAMS TE DRI BA ZHU BA DANG, SNGON BYON DAM PA'I RJES SU SNYEG PAR 'DOD PA 'GA' ZHIG MAN NGAG GI BDUD RTZI ZHU BA SOGS GDUL BYA RANG RANG GI DBANG PO DANG, KHAMS

, ,DANG, BSAM PA DANG, BAG LA NYAL DANG MTHUN PAR CHOS STON PA SOGS MTHO RIS DANG THAR PA'I SGO PHYE ZHING, NGAN SONG GSUM GYI SGO BKAG NAS SNGON STON PA THUB PA'I DBANG POS MA GA DHA BZANG MOS GSOL BA BTAB PA LTAR BU RAM SHING 'PHEL DU BYON PA'I MDZAD PA RNAM THAR JI LTA BA DE BZHIN DU MDZAD DO, ,DE LTAR RIM GYIS BYON NAS KUN LDAN ZHES PA LCAGS PHO BYI BA'I LO BKRA SHIS PA'I DUS TSES DGE PAR YANGS PA'I SA CHEN PO LA STOBS KYI 'KHOR LOS BSGYUR BA 'JAM DBYANGS SA'I TSANGS PA CHEN PO DANG ZHAL MJAL TE, DE'I TSE SNGON STON PA THUB PA'I DBANG PO SUM CU RTZA GSUM DU PHEBS PA'I TSE LHA'I DBANG PO BRGYA BYIN GZI BRJID BZOD PAR DKA' BA'I NYE DBANG RNAMS KYI GTZOS LHA BGRANG BA LAS 'DAS PA DAG GIS BSKOR ZHING 'JIG RTEN SKYONG BA BZHI 'KHOR BGRANG BA LAS 'DAS PA DANG BCAS PA DAG GIS LHA'I ROL MO SNA TSOGS PA DKROL ZHING LHA'I GDUGS DANG, LHA'I RGYAL MTSAN DANG, LHA'I BA DAN DANG, LHA'I ME TOG GI PHRENG BA DAG GIS MCHOD CING BSUS NAS RNAM PAR RGYAL BA'I KHANG BZANG CHEN POR PHEBS PA JI LTA BA DE 'DRA BAR SRID 'BYOR GYI YO LANG BSAM GYIS MI KHYAB PA DANG BCAS SA'I TSANGS PA CHEN PO DANG ZHAL 'DZOM STE, SKYE 'GRO'I BDE SKYID DANG RGYAL BA'I BSTAN PA JI LTAR SPEL BA'I TSUL LAS BRTZAMS TE BKA' BGRO BA YANG DANG YANG DU MDZAD CING, 'JAM DBYANGS GONG MA

BDAG PO CHEN PO BSTAN 'GRO YONGS KYI SPYI DPAL DU SKU TSE KHRI PHRAG MANG POR MI SHIGS RDO RJE'I G-YUNG DRUNG LTAR BRTAN PA DANG, MDZAD PA 'PHRIN LAS RNAMS DBYAR GYI LANG TSO DAR LA BAB PA'I MTSO CHEN LTAR CHAS CHER 'PHEL BA DANG, 'JAM MGON BLA MA'I BSTAN PA 'DZIN CING SKYONG BA LA NAM YANG 'GYUR BA MED PAR RDO RJE'I KHAMS LTAR BRTAN PA'I 'PHRIN LAS MDZAD, RGYA MTSO'I GLING BAR TSUN CHAD NAS ZHAL GYI DKYIL 'KHOR BLTA BA'I PHYIR LHAGS PA DAG LA DGE BA'I RTZA BA BSKRUN PAR MDZAD DE SKU TSE 'DI'I DNGOS KYI MDZAD PA MTHA' DAG RDZOGS PA NA GDUL BYA RTAG 'DZIN CAN RNAMS LA SPYIR 'DUS BYAS THAMS CAD NI SDOD PA'I MTHU MED CING, LHAG PAR SNYIGS MA'I DUS KYI MI RNAMS NI YUN RING POR SDOD BA'I MTHU MED PAS 'DI LTAR MI RTAG GO ZHES 'DOMS PA'I PHYIR DANG, SKYE BO DAM PA 'JIG RTEN DU 'BYUNG BA DKON NO ZHES 'DOMS PA DANG, SKYE BO DAM PA DANG MJAL NAS CHOS KYI BDUD RTZI THOB PA NI SHIN TU DKON NO ZHES 'DOMS PA DANG, LAM STON PA'I BSHES GNYEN DAM PA DANG MJAL BA'I TSE CHOS KYI BDUD RTZI THOB MA THAG PHYI SHOL MI BYA BAR MYUR BA MYUR BAR LAM LA BSLABS TE RGYUD SMIN CING GROL BAR BYA DGOS SO ZHES 'DOMS PA SOGS KYI PHYIR MYA NGAN LAS 'DA' BA'I TSUL BSTAN TO, DE LTAR THA MAL PA RNAMS KYI SNANG NGOR ZHING BRJE BA'I TSUL BSTAN KYANG NGES PA'I DON DU NI 'KHOR BA MA STONGS KYI BAR DU MYA NGAN LAS 'DA' BA MAD CING CHOS STON PA'I GSUNG 'GAG PA MED PAR RGYUN MI 'CHAD

, ,DU 'BYUNG LA THA MAL PA RNAMS KYI SNANG DOR YANG RJE 'DIS SPRUL PA RGYUN MI 'CHAD PA 'BYUNG NGO ZHES GO BAR MDZAD DE, BKRA SHIS LHUN PO NAS DBANG PHYOGS SU CHIBS BSKYOD KHAR DGE 'DUN THAMS CAD KYIS MYUR DU 'BYON PAR GSOL BA BTAB PA NA KHO BO LO GSUM NAS GDAN SA 'DIR SLEB PA NGES PAR 'ONG ZHES YANG DANG YANG DU GSUNG BAR MDZAD CING, DE'I TSE BKRA SHIS LHUN PO'I GRVA RGAN ZHIG GIS GDUNG BA CHEN POS GSOL BA BTAB BA NA RJE 'DI'I ZHAL NAS KHO BOS DGE 'DUN 'DUS PA RGYA MTSO'I DBUS SU JI LTAR BRJOD PA DE LTAR LO GSUM NAS NGES BAR 'DIR SLEBS 'ONGS BAS SEMS NGAL MA BYED CES GSUNGS PA NA, GRVA RGAN DES SLAR YANG DES NA THUGS RJE CHE, 'DIR PHEBS DUS PHYOGS GANG NGOS NAS PHEBS PA 'ONG ZHES ZHUS PA NA CUNG ZHIG DGONGS PA LA ZHUGS NAS NGA 'DIR 'ONG DUS MYANG PHYOGS NAS 'ONG, DE NAS TSONG DUS NAS BRGYUD 'DIR SLEBS 'ONG ZHES GSUNGS 'DUG PA LTAR, DENG SANG GI GDUL BYA RNAMS THUGS BRTZE BAS MA BOR BAR ZHING GSHEGS MA THAG DGA' LDAN LA SOGS PA'I SANGS RGYAS KYI ZHING BRJOD DU MED PA DAG TU SPRUL PAS BYON TE RGYAL BA SRAS DANG BCAS PA THAMS CAD MCHOD CING BKA' 'GRO BAR MDZAD NAS MYUR BAR PA SNAM SKYID SHONGS SU SPRUL PA'I SKU BZUNG STE SNGAR DGE 'DUN 'DUS PA'I TSOGS DANG DAD LDAN GRVA RGAN DE LA JI LTAR ZHAL BZHES MDZAD PA LTAR PHAG LO ZLA BA BDUN PA'I NANG DU DBANG

PHYOGS SU CHIBS BSKYOD PA NAS LO GSUM SONG BA STAG LO ZLA BA BZHI PA'I NANG DU PA SNAM SKYID SHONGS SU SKU BLTAMS, SKU BLTAMS MA THAG TU RGYAL BA THAMS CAD MKHYEN PA CHEN PO DANG 'JAM DBYANGS GONG MA BDAG PO CHEN PO GNYIS BKA' BGROS TE SPRUL SKU 'KHRUL MED DU NGOS BZUNG NAS DGA' LDAN LEGS BSHAD CHOS GLING DU SPYAN DRANGS, DE NAS MI RING BAR ZHA LU TSONG DUS KYI LAM NAS BKRA SHIS LHUN GYIS GRUB PA'I CHOS GRVA CHEN POR SPYAN DRANGS, RGYAL BA THAMS CAD MKHYEN PA CHEN PO CHIBS BSKYOD DE MNGA' GSOL, ME TOG GI CHAR PHAB, RJE BTZUN MCHOG GI SPRUL PA'I SKU BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO ZHES MTSAN GSOL, MTSAN DON DANG MTHUN PAR BKRA SHIS LHUN GYIS GRUB PA'I LHUN PO'I SPOR MCHOG GI SPRUL SKU'I NYIN BYED GSAR DU SHAR NAS 'PHRIN LAS KYI SNANG BA MKHA' KHYAB TU 'PHRO BZHIN PAR BZHUGS SO, ,` RJE THAMS CAD MKHYEN PAS SKAL BA DANG LDAN PA BGRANG BA LAS 'DAS PA LA BYANG CHUB LAM GYI RIM PA'I KHRID STZAL CING, RJE'I THUGS SRAS MKHAS GRUB DAM PAS NUB DZ'A LANDHA RA NAS SHAR PHYOGS RGYA MTSO'I MTHA' LA THUG GI BAR KHYAB PAS RJE BDAG NYID CHEN PO NAS BYANG CHUB LAM GYI RIM PA'I KHRING KYI BRGYUD TSUL YANG DE SNYED BYUNG MOD, DENG SANG YONGS SU GRAGS PA NI BDE LAM DANG 'JAM DPAL ZHAL LUNG GI KHRID RGYUN GNYIS SU BZHUGS PA LAS, BDE LAM KYI KHRID RGYUN LTAR DPAL DBEN SA SNYAN RGYUD KYI BLA MA GONG MA GCIG NAS GCIG

, ,TU BRGYUD PA'I BRGYUD RIM LTAR GYI BLA MA RNAMS KYI RNAM PAR THAR PA MDOR BSDUS BRJOD ZIN NAS, 'JAM DPAL ZHAL LUNG GI RGYUD 'DEBS LAS 'BYUNG BA LTAR RJE RIN PO CHE NAS MKHAS GRUB SHES RAB SENGGE DANG, DE NAS RJE DGE 'DUN GRUB SOGS LA RIM GYIS BRGYUD PA'I BLA MA RNAMS KYI RNAM PAR THAR PA BRJOD PA NI, MKHAS GRUB CHEN PO SHES RAB SENGGE'I ZHABS, ,ZHES BSNGAGS PA, MKHAS GRUB CHEN PO SHES RAB SENGGE NI GTZANG GI SA'I CHA SRAD KYI GUR MA ZHES BYA BAR YAB DAM BA DMAR PO ZHES BYA BA DANG, YUM CHOS SKU BKRA SHIS GNYIS KYI SRAS SU SKU 'KHRUNGS, GZHON NU'I DUS NAS SNGON GYI BAG CHAGS BZANG PO SAD PA'I MTHUS KHYIM GYI 'DU 'DZIL MI DGA' ZHING DAM PA'I CHOS 'TSOL BA LA NGANG GIS GZHOL BA ZHIG BYUNG NGO, ,DE NAS DGUNG LO BCU GSUM BZHES PA'I TSE NA NI DAL 'BYOR GYI LUS THOB PA'I DUS 'DIR 'KHOR BA LAS THAR PA'I THABS SHIG BYA DGOS PAR 'DUG ,DE YANG DENG BYA SANG BYA'I NGANG DU LUS NA CHE 'DI'I SNANG SHAS KYIS BSLUS NAS DAL BA STONG LOG TU SONG STE 'CHI PA'I NYEN YOD PAS 'PHRAL RANG DU RGYAL BA'I BSTAN PA LA RAB TU BYUNG NAS MDO SNGAGS GSUNG RAB RNAMS LA THOS BSAM SGOM GSUM TSUL DANG MTHUN PA CIG BYED DGONGS PA DANG, MNAL LAM DU RJE BTZUN SGROL MAS DA MYUR DU RAB TU BYUNG NA LEGS SO ZHES BSKUL BA LA BRTEN NAS DGUNG LO BCU BZHI BZHES PA'I TSE SANGS RGYAS SMAN PA'I RGYAL PO'I RNAM 'PHRUL MKHAN CHEN GRUB PA SHES RAB KYIS MKHAN PO MDZAD, LAS SLOB DUS GO

BA DGE 'DUN DANG BCAS PA'I DBUS SU DGE BSNYEN GYI SDOM PA DANG, BAR MA RAB BYUNG GI TSUL KHRIMS DANG, DGE TSUL GYI SDOM PA BZHES SHING MTSAN SHES RAB SENGGE ZHES 'DOGS PAR GNANG, SNGAR NAS NGO TSA DANG BAG YOD LA GNAS PA'I STENG DU, 'DI NAS BZUNG STE DGE TSUL GYI BSLAB BYA RNAMS LA LEGS PAR SLOB PAR MDZAD PAS GZHON NU NAS BTZUN PA'I MCHOG TU GYUR PA CIG BYUNG, DE NAS SLOB DPON MKHAS PA ZHIG LA BRTEN NAS PHYAG BRIS SLOB PA DANG 'DRI BA LA SBYANGS BDAR GNANG BAS TSOGS MED PAR MKHYEN PAR GYUR, DE 'PHRAL BSTAN BCOS MNGON RTOGS RGYAN 'GREL PA DANG BCAS PA THUGS LA BZUNG STE ZHAL 'DON LAN MANG DU GNANG BA'I TSE, LAN CIG GZIGS SNANG LA NUB PHYOGS NAS BLA GOS DUR SMRIG BZHES PA, DBU GTZUG TOR DANG BCAS PA, PHYAG NA GSIL BYED DANG LHUNG BZED BSNAMS PA ZHI ZHING 'DZUM PA ZHIG BYON NAS BYIN GYIS BRLABS PA'I GNANG PA'I MTSAN MA BZANG PO BYUNG STE, DE NI CHOS KYI RGYAL PO TZONG KHA PA CHEN PO DANG MJAL BA'I LNGAS SU MNGON ZHES RJE NYID GSUNG, DE NAS MKHAS PA CHEN PO G-YAS PHRUG BA SANGS RGYAS DPAL DE NYID MKHAN CHEN GRUB PA SHES RAB MJAL BAR PHEBS PA LA MKHAN CHEN PAS RJE 'DI NYID KYIS GTZO MDZAD PA'I BLO GSAL 'GA' ZHIG SBYOR GTAD GNANG STE, KHYED KYIS BLO GSAL DON GNYER CAN 'DI RNAMS RE ZHIG CHOS DANG ZANG ZING GNYIS KAS LEGS PAR SKYONGS SHIG CES BKA' STZAL BA BZHIN ZHAL GYIS BZHES NAS DE BZHIN MDZAD PAS DAM PA 'DI NYID KYIS MKHAS PA CHEN PO SANGS RGYAS DPAL LA BRTEN NAS BYAMS CHOS LNGA DANG, DBUM RIGS TSOGS DRUG, 'JUG PA RTZA 'GREL, SPYOD 'JUG, TSAD MA MDO DANG SDE BDUN SOGS LA SBYANGS PA MDZAD PAS DE DAG GI TSIG DON LA MKHAS PAR GYUR CING MKHAS PA CHEN PO SANGS RGYAS

, ,DPAL BAS KYANG RJE 'DI LA MKHAS GRUB CHEN POR MTSAN GSOL, DE NAS DGUNG LO NYI SHU BZHES PA'I TSE SNAR THANG DU TSIGS SNGA MA'I MKHAN PO MKHAN CHEN GRUB PA SHES RAB KYIS MKHAN PO MDZAD CING, GZHAN YANG LAS KYI SLOB DPON, GSANG STE STON PA, GRIB TSOD PA, KHA SKONG GI DGE 'DUN RNAMS TSAD BA'I DBUS SU DGE SLONG GI SDOM PA LEGS PAR BZHES TE BSTAN PA RIN PO CHE LA ZHUGS LA YONGS SU RDZOGS PA'I DPAL THOB, DE NAS BZUNG STE DGE SLONG GI BSLAB BYA RNAMS LA TSUL BZHIN DU SLOB PAR MDZAD PAS 'JIG RTEN GYI YON GNAS DAM PAR GYUR, GZHAN YANG SNAR THANG DU BZHUGS SKABS SU GTZO BOR SNGAR SMOS PA'I MTSAN NYID KYI GZHUNG RNAMS LA SBYONG BAR MDZAD CING, ZHAR LA DE'I MKHAN SLOB SOGS LA DBANG DANG RJES GANG DANG, LUNG DANG BSHAD PA SOGS CHOS BKA' RNAM GRANGS MANG PO GSAN PAR MDZAD PAS, GNAS DE'I MKHAN SLOB DGE 'DUN GYI SDE DANG BCAS PA RNAMS KYIS BSNGAGS PA'I GNAS SU GYUR, DE NAS SNGON GYI SMON LAM DANG CHOS KYI RGYAL PO TZONG KHA PA CHEN PO'I MKHAS BTZUN BZANG GSUM GYI SNYAN GRAGS GSAN PAS RKYEN BYAS NAS DBUS SU PHEBS, RIM GYIS RA SA 'PHRUL SNANG DANG RA MO CHE SOGS KYI RTEN RNAMS MJAL TE PHYAG DANG BSKOR BA SMON LAM 'DEBS PA RNAMS LA NAN TAN CHEN PO GNANG, DE DUS CHOS KYI RGYAL PO TZONG KHA PA

CHEN PO DGE LDAN RNAM PAR RGYAL BA'I GLING NA DBUS GTZANG KHAMS GSUM NAS PHEBS PA'I DGE BA'I BSHES GNYEN CHOS DON DU GNYER BA RNAMS LA CHOS KYI 'KHOR LO BSKOR BA'I SKABS SU PHEBS, DE NAS GZIM KHANG DKAR MOR RJE RIN PO CHE MJAL BAR PHEBS PAS RJE THAMS CAD MKHYEN PA'I SKU GZIGS PA TZAM GYIS SANGS RGYAS KYI 'DU SHES 'KHRUNGS TE DAD GUS BCOS MA MIN PA 'KHRUNGS, DUS DE NAS BZUNG STE RJE THAMS CAD MKHYEN PA BSAM SBYOR GNYIS KYI SGO NAS TSUL BZHIN DU BSTEN NAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA SOGS MDO SNGAGS KYI DAM BA'I CHOS MANG PO GSAN, DE NAS RGYAL BA TZONG KHA PA CHEN POS MTHUN RKYEN DANG BCAS NAS SKYOR MO LUNG DU MKHAN PO BSAM GTAN DON GRUB PA'I DRUNG DU 'DUL BA DANG MNGON PA GSAN PA LA RDZONG BA GNANG , RJE 'DI NYID KYIS DER PHEBS TE 'DUL MNGON GNYIS LA GSAN SBYONG MTHAR PHYIN PAR MDZAD, DE NAS RGYAL BA TZONG KHA PA CHEN PO MI'I DBANG PO GRAGS PA RGYAL MTSAN GYIS 'ON MNGA' BKRA SHIS DO KHAR GDAN DRANGS BA'I PHYAGS PHYIR RJE 'DI NYID KYIS PHEBS NAS DER DBU MA RTZA SHE'I RNAM BSHAD DRANG NGES RNAM 'BYED, TSAD MA RNA MA NGES KYI DKA' GNAS, RTZA LTUNG RNAM BSHAD RNAMS GSAN, DE RJES CHOS RJE GUNG THANG PA MDZES PA DPAL LA CHOS GSAN PAR PHEBS PA'I DRUNG DU 'KHOR LO SDOM PA LUS DKYIL

, ,GYI DBANG GSAN ZHING, THAMS CAD MKHYEN PA DGE 'DUN GRUB PA YANG DER BYON NAS RJE RIN PO CHE DANG MJAL, DE NAS RGYAL BA TZONG KHA PA CHEN PO PHYIR DGE LDAN DU PHEBS, RJE 'DI BAS RGYAL BA TZONG KHA BA'I BKA' BZHIN DU GSANG PHUR PHEBS NAS RJE DGE 'DUN GRUB PA SOGS BSHES GNYEN MANG PO LA LEGS BSHAD KYI DGA' STON THOG MAR STZAL CING, DPAL 'KHOR LO SDOM PA LUS DKYIL GYI BDAG 'JUG GI CHO GA MANG DU MDZAD, DE NAS SNON GYI 'CHAD DGON ZHES PAR PHEBS TE CHOS 'CHAD NYAN LA BRTZON BAR MDZAD BA'I TSE MNAL LAM DU DPAL LDAN CHOS GRAGS KYIS BYIN GYIS BRLABS NAS, RIGS KYI BU, DE RING NAS KHYOD KYI TSE'I PHYED RDZOGS SO ZHES GSUNGS TE MI SNANG BAR GYUR, MNAL LAM DE'I LTAS DPAL LDAN CHOS GRAGS KYI GZHUNG LA BRTEN NAS GZHAN LA PHAN PA RGYA CHEN PO 'BYUNG BA DANG DGUNG LO RE GSUM THUB PA'I LTAS SU MNGON ZHES RJE NYID GSUNG NGO, ,DE NAS BAR CHAD KYI MTSAN MA RTZUB BA ZHIG BYUNG BA NA RJE BTZUN SGROL MA LA GSOL BA BTAB PAS MNAL LAM DU NAM MKHA' LA SGROL MA'I SNYING PO YI GE BCU GSER GYI MDOG CAN ZHIG GSAL BAR GZIGS SHING, GZHAN YANG NAM MKHA' LAS SGROL MA DKAR MO'I SGO NAS TSE BSRING THABS SLOB DPON NGAG DBANG GRAGS PA'I GZHUNG LA BRTEN NAS GYIS SHIG PA'I SGRA GSAL BAR BYUNG, DES BSKUL MA BYAS NAS RJE BTZUN MA YID BZHIN 'KHOR LO'I RJES GANG DANG MAN NGAG ZHU BA GNANG

STA ZHAG RE BZHIN SNYING PO SPEL TSIG DANG BCAS BA STONG PHRAG DRUG RE'I LJAGS BZLAS RGYUN DU GNANG, DE'I TSE SLOB MA RNAMS KYIS GSOL BA BTAB PA'I DOR, RJE DGE 'DUN GRUB BAS DRUNG YIG GNANG NAS TSAD MA RNAM 'GREL GYI RNAM BSHAD LEGS PA CIG THUGS RTZOM YANG GNANG, DE NAS GRUB BA'I GNAS MCHOG DGE LDAN RNAM PAR RGYAL BA'I GLING DU PHEBS TE RDO RJE 'CHANG GI NGO BO RGYAL BTZONG KHA BA CHEN PO'I ZHABS DRUNG DU SHING RTA CHEN PO GNYIS KYI LAM SROL BYANG CHUB LAM GYI RIM PA CHE CHUNG GNYIS KYI DON RNAMS NYAMS LEN DU DRIL BA GSUNG BSHAD DANG BCAS PA GSAN PAS THUGS RANG DBANG MED PAR PHROGS TE, BSHES GNYEN BSTEN TSUL NAS LHAG MTHONG LA SLOB PA'I BAR GYI LAM RNAMS DMIGS PA'I RIM PAR DRIL NAS THUGS NYAMS SU BZHES PAS LAM THUN MONG BA LA THUGS NGES CHEN PO 'KHRUNGS SHING, KHYAD PAR SLOB DPON KA MA LA SH'I LA'I BZHAD PA RGYU 'BRAS BDUN GYI SGO NAS BYANG CHUB KYI SEMS SBYONG TSUL DANG, SLOB DPON ZHI BA LHA'I BZHED PA BDAG GZHAN BRJE BA'I SGO NAS BYANG CHUB KYI SEMS SBYONG TSUL GNYIS LA BRTEN NAS SMON PA SEMS BSKYED LA LEGS PAR SBYANGS, DE LA BRTAN PA THOB NAS SMON PA SEMS BSKYED CHO GAS BZUNG STE PHAR PHYIN DRUG DANG BSDU BA BZHI SOGS RGYAL SRAS KYI SPYOD PA RNAMS LA SLOB PAR MDZAD, GZHAN YANG MDO SDE DU MA DANG BSLAB BTUS SOGS BYANG SEMS KYI SDE SNOD

, ,DGONGS 'GREL DANG BCAS PA LA SBYANGS PAS BYANG CHUB KYI SEMS LA THUGS NGES SHIN TU CHE BA 'KHRUNGS, DE NAS RJE BLA MA BLO BZANG THUB DBANG RDO RJE 'CHANG BLO BZANG GRAGS PA'I DPAL NYID LA RGYUD KYI RGYAL PO DPAL GSANG BA 'DUS PA'I CHOS SKOR RNAMS GSUNG BAR GSOL BA 'DEBS PA GNANG BAS, RJE BLA MA BLO BZANG GRAGS PA'I DPAL GYIS RGYAL BA'I SRAS PO BZANG SKYONG LA RJE BTZUN 'DI NYID KYI RGYUD YONGS SU SMIN PAR MDZOD CIG CES BKA' STZAL BA ZHAL GYI BZHES TE, 'PHAGS LUGS KYI 'DUS PA'I DKYIL 'KHOR DU BCUG NAS DBANG BZHI RDZOGS PAR BSKUR BAR MDZAD, DE NAS RJE BDAG NYID CHEN POS TSUL KHRIMS LE'U DANG BLA MA LNGA BCU PA RTZA LTUNG BCU BZHI PA RNAMS KYI RNAM BSHAD GSUNGS, RJE 'DI NYID KYIS DE DAG GI TSIG DON THUGS LA BZUNG NAS DAM TSIG DANG SNGOM PA TSUL BZHIN DU BSRUNG BAR MDZAD PA'I NGANG NAS RJE BLA MA TZONG KHA PA CHEN PO NYID LA DPAL GSANG BA 'DUS PA'I RTZA RGYUD DANG 'GREL PA SGRON GSAL CHA LAG DANG BCAS PA DANG BSHAD RGYUD LNGA SGRUB THABS MDOR BYAS MDO SRE GNYIS RNAM GZHAG RIM PA DANG RIM LNGA SOGS 'PHAGS LUGS KYI 'DUS PA'I GDAMS PA RNAMS DANG, RJE MAR PA DANG 'GOS LA SOGS PA BOD KYI BLA MA RNAMS KYIS MDZAD PA'I MAN NGAG DANG GZHUNG BSHAD DANG, 'DUS PA YE SHES LUGS DAN GSHIN RJE GSHED

SKOR DANG, 'KHOR LO SDOM PA DANG KYEE RDO RJE, DUS KYI 'KHOR LO RNAMS KYI 'GRE BSHAD DANG BCAS PA RNAMS DANG, DE DAG GI MAN NGAG RNAMS GSAN NAS BRTZON PA CHEN POS SBYANGS PAS SPYIR RGYUD SDE BZHIG DANG, KHYAD PAR BLA MED KYI RGYUD SDE'I DON LA MKHAS PA'I PHUL TU PHYIN PAR GYUR, DE DUS RJE BDAG NYID CHEN POS 'GREL PA BZHI SBRAGS PHYAG TU BSNAMS NAS KHYED CAG MKHAS PA RNAMS KYI KHROD NA DPAL GSANG BA 'DUS PA'I RGYUD KYI BSHAD SREL 'DZIN NUS PA SU YOD CES BKA' LAN 'GA' ZHIG STZAL BA NA, MKHAS PA GZHAN SUS KYANG ZHAL GYIS BZHES MA NUS PA'I TSE, RJE 'DI NYID KYIS DE LTA BU BDAG GIS BGYI'O ZHES ZHAL GYIS BZHES PAR MDZAD PA NA RGYAL BA TZONG KHA PA CHEN PO THUGS SHIN TU DGYES NAS GSANG BA 'DUS PA'I GSER SKU KHYAD 'PHAGS DANG, 'GREL PA BZHI SBRAGS KYI GLEGS BAM, CHOS RGYAL GYI ZHAL 'BAG 'CHAM GOS DBYUG TO ZHAGS PA SOGS GNAD NAS SNGAGS KYI BSTAN PA'I BDAG POR MNGA' GSOL, DE NAS RGYAL BTZONG KHA PA CHEN POS RJE 'DI LA KHYOD RANG GTZANG PHYOGS SU BYON LA RGYUD KYI 'CHAD NYAN MDZOD DANG ,GNOD SBYIN MA CHEN MO ZHIG GIS SBYIN BDAG GI GTZO BO BYED PAR 'DUG CES LUNG BSTAN YANG GNANG NGO, ,RJE 'DIS DE DUS DANG GZHAN GYI TSE YANG RGYAL TSAB DAR MA RIN CHEN, 'DUL 'DZIN GRAGS PA GYAL MTSAN, MKHAS GRUB DGE LEGS DPAL BZANG, CHOS RJE LEGS

, ,PA RGYAL MTSAN SOGS YONGS 'DZIN DAM PA MANG PO LA DBANG DANG RJES GNANG, LUNG DANG BSHAD PA MAN NGAG SOGS DAM PA'I CHOS MTHA' YAS PA CIG GSAN PAR MDZAD, DE DUS PHO BRANG CHEN PO SNE'U GDONG RTZE NAS MI YI DBANG PO GRAGS PA RGYAL MTSAN GYIS RJE 'DI NYID LA RGYAL BA TZONG KHA PA CHEN PO'I BKA' 'BUM BZHENGS NA 'DI NAS GROGS DAN ZHU BAS 'DI PHYOGS SU PHEBS PAR ZHU ZHES PA'I BKA' SHOG PHEBS PAS THUGS SHIN TU DGYES NAS DE 'PHRAL SNE'U GDONG DU PHEBS BAR MI'I DBANG POS RJE RIN PO CHE'I BKA' 'BUM BZHENGS GROGS BDAG RGYEN BZANG PO GNANG ZHING , ZHAR LA KHRA 'BRUG GI GTZUG LAG KHANG YANG MJAL BAR GNANG, BKA' 'BUM BZHENGS GRUB PA DANG DE NYID BSNAMS NAS SKYID SHOD DU PHEBS PA NA PHEBS LAM DU RJE RIN PO CHE'I GSUNG RAB KYI GLEGS BAM 'GA' ZHIG LUS PA NA, GSHIN RJE CHOS KYI RGYAL POS MNGON SUM DU BYON NAS GLEGS BAM MYUR DU LONGS SHIG CES BSKUL BAS DE 'PHRAL LEN PAR PHEBS PAS PHYAG TU 'BYOR, DE NAS BZUNG STE CHOS SKYONG 'DIS 'PHRIN LAS TSUL BZHIN BSGRUB CING LUNG BSTAN YANG MANG DU MDZAD PA YIN PAR SNANG, DE NAS GSANG PHUR PHEBS TE GLING STOD KYI MTHONG SMON GRVA TSANG GI SLOB DPON LO SHAS GNANG NAS MDO PHYOGS KYI BSHAD NYON MDZAD PAS BSTAN PA LA PHAN THOGS RAB BYUNG, DE NAS RJE

'DI NYID DANG RJE DGE 'DUN GRUB GNYIS KAS GTZANG PHYOGS SU PHEBS, RI ZHIG SNAR THANG DU BZHUGS NAS PHAR TSAD LA SOGS PA MTSAN NYID KYI 'CHAD GNANG BAS GRVA BA MANG DU 'DUS, DE DUS RDZONG DPON SANGS RGYAS SKYABS KYIS SBYIN BDAG MDZAD NAS SNAR THANG DANG BYANG CHEN GNYIS DANG, RTA NAG DGE SBYONG DKAR POS SBYIN BDAG MDZAD NAS RI KHUD DANG, 'PHYONG RGYAS STAG RTZE BA HOR DPAL 'BYOR BZANG PO DE DUS BSAM GRUB RTZE'I RDZONG DPON YIN PAS KHONG GIS SBYIN BDAG MDZAD CING, BSAM GRUB CHOS SDE BRAG DMAR PHUL BAS GNAS DE RNAMS SU RJE 'DI NYID KYIS SGRON GSAL SOGS SNGAGS PHYOGS DANG, RJE DGE 'DUN GRUB PAS PHAR TSAD SOGS MDO PHYOGS KYI BSHAD PA MDZAD PAS DGE BSHES THON CHE RAB BYUNG, DE NAS SLAR BYANG CHEN DU BZHUGS DUS DPON SLOB GNYIS KA LA GZHAN GYIS BYANG KHA LTA BU'I SKU DOG SHIN TU CHE BA'I MTSAN MA BYUNG BAS DE DUS RJE 'DI NYID BSAM GRUB RTZE'I GZIM CHUNG BDE GSAL DU SKU SNYUN BA'I TSUL BSTAN , DE'I TSE RNAL 'BYOR GYI DBANG PHYUG BZANG PO RGYAL MTSAN GDAN DRANGS TE KHONG GIS YE SHES KYI MGON PO PHYAG DRUG PA'I GTOR CHEN THUN MONG MA YIN PA MDZAD PAS DE 'PHRAL SNYUN DVANGS NAS SNGAR BZHIN RGYUD KYI 'CHAD NYAN LA BRTZON PAR GNANG ZHING, RJE DGE 'DUN GRUB PAS KYANG BYANG CHEN DU PHEBS NAS SGROL DKAR GYI BSNYEN SGRUB LA BRTZON PAR MDZAD, DE DUS RGYAL TSAB RJE DANG MKHAS

, ,GRUB RJE GNYIS GNAS RNYING DU LHAN CIG TU PHEBS PA LA RJE SHES RAB SENG GE DON SROB GNYIS KYIS MJAL BAR PHEBS TE, RGYAL TSAB RIN PO CHER KHONG RANG GI GNANG BA'I MDON PA KUN BTUS KYI RNAM BSHAD SOGS GSUNG CHOS MANG PO YANG GSAN, DE NAS RJE SHES RAB SENG GE DPON SLOB GNYIS BSAM GRUB RTZEL PHEBS, RJE DGE 'DUN GRUB PA LA STOD LHOR CHOS BAR LA PHEBS PA'I SKYEL MAR RJE 'DI NYID KYIS CHU 'DUS BAR DU PHEBS, DE NAS PHYIR LOG PHEBS DUS RJE DGE 'DUN GRUB KYIS RJE 'DI NYID LA PHYAG PHUL TE ZHABS SPYI BOR BLANGS NAS YUN RING DU BZHUGS PA'I GSOL BA BTAB STE GRVA PA MTSAN NYID PA RNAMS KHRID NAS SHEL DKAR PHYOGS SU PHEBS, RJE 'DI NYID KYIS GRVA PA SNGAGS PA RNAMS 'KHRID NAS BSAM GRUB RTZER PHEBS TE RE ZHIG BZHUGS NAS RGYUD KYI 'CHAD NYAN 'PHEL BAR YOD PA'I TSE, RJE BLA MA TZONG KHA PA CHEN POS SNGAR LUNG BSTAN GNANG BA BZHIN GNOD SBYIN MO'I SPRUL PA BDAG MO SH'AKYA DPAL GYIS GDAN DRANGS, DER CHOS RJE 'PHAGS 'OD YON TAN RGYA MTSO SOGS LA GSANG 'DUS DANG BDE MCHOG SOGS GSANG SNGAGS KYI CHOS MTHA' YAS PA ZHIG GSUNGS TE KHONG DPON SLOB RNAMS DGE LDAN PA'I CHOS RGYUD 'DZIN PA LA BSGYUR, 'PHAGS 'OD YON TAN RGYA MTSO RDO RJE SLOB DPON DU BSKOS TE GNAS DER RGYUD KYI

'CHAD NYAN BTZUGS, BYIN RLABS KYI RTEN DU SNGAR RJE RIN PO CHES GNANG BA'I DAM CAN CHOS RGYAL GYI ZHAL 'BAG DANG, 'CHAM GOS DBYUG TE BCAS GNANG, DE NAS SRAD KYI SA'I CHAR DGA' LDAN PHO BRANG ZHES PA'I DGON GNAS BTAB STE RGYUD KYI RGYAL PO'I 'CHAD NYAN 'DZUGS PAR MDZAD NAS 'DUL 'DZIN DPAL LDAN BZANG PO 'CHAD NYAN PAR BSKO BZHAG MDZAD, BYIN RLABS KYI RTEN DU RJE RIN PO CHES GNANG BA'I 'GREL PA BZHI SGRAGS KYI GLEGS BAM GNANG, DE NAS DBUS PHYOGS SU PHEBS NAS GDAN SA CHEN PO DGA' LDAN RNAM PAR RGYAL BA'I GLING DU RGYUD KYI 'CHAD NYAN BTZUGS, DE NAS DAM PA'I CHOS KYI 'BYUNG GNAS ZHA LUR PHEBS TE MKHAN CHEN GRAGS PA RGYAL MTSAN GYI DRUNG DU DPAL MCHOG DANG RTZE MO DANG RDOR DBYINGS SOGS RGYUD SDE 'OG MA RNAMS KYI DBANG DANG RGYUD BSHAD, LUNG DANG MAN NGAG DPAG TU MED PA GSANG CING DE DAG LA SBYANGS PA MDZAD PAS MKHAS PAR GYUR, DE NAS SLAR YANG DGA' LDAN RNAM PAR RGYAL PA'I GLING DU PHEBS, RGYAL TSAB RIN PO CHER DUS 'KHOR GYI CHOS SKOR GSANG PA'I THUGS 'DUN YOD PA LA DGE SBYONG DKAR POS RTA NAG TU GDAN DRANGS TE RI KHUNG CHOS SDE PHUL BAS DE NYID ZHAL BDAG GNANG STE LO KHA SHAS 'CHAD NYAN 'PHEL BAR BZHUGS, DE DUS RI BO DGE 'PHEL DU PHEBS NAS KUN MKHYEN SHES RAB DPAL BZANG YAB SRAS KYI DRUNG DU YANG CHOS BKA' MANG PO GSAN PAR MDZAD, DE NAS RJE DGE 'DUN GRUB BA DPON SLOB RNAMS

, ,LA STOD PHYOGS NAS PHEBS TE YAB SRAS MJAL BAS PHAN TSUN THUGS SHIN TU DGYES PAR GYUR, DE NAS YAB SRAS BKA' BGROS GNANG STE RJE DGE 'DUN GRUB PA RI KHUD KYI GDAN SAR BSKOS NAS RJE 'DI NYID KYIS DBUS SU PHEBS, DGE LDAN RNAM PAR RGYAL BA'I GLING DU MKHAS GRUB RIN PO CHER DUS 'KHOR GYI DBANG DANG RGYUD 'GREL GYI BSHAD PA SBYOR DRUG GI KHRID SOGS GSUNG CHOS MANG PO GSAN, RGYUD KHANG NYID DU THUGS DAM LA BRTZON PAR BZHUGS PAS BAR GCOD CUNG ZAD BYUNG BA THUGS DAM GYIS BZLOG PAR MDZAD, GNAS DER 'DUS PA'I RIM PA DANG PO'I LAM LA GOM PAR MDZAD PA THA MAL GYI SNANG ZHEN 'GAGS SHING, RIM PA GNYIS PA'I LAM LA MNYAM PAR 'JOG PAR MDZAD BAS KUN RTOG G-YO BYED KYI RLUNG RNAMS DHU T'I RR THIM PAR GYUR, DE LA BRTEN NAS MNYAM GZHAG TU BDE BA CHEN PO 'KHRUNGS SHING, BDE BA CHAN POS STONG PA NYID NGES PAR MDZAD DE BDE STONG DBYER MED KYI TING NGE 'DZIN YUN RING DU SKYONG BAR MDZAD NAS MNYAM GZHAG DE LAS BZHENGS PA'I RJES THOB TU YUL DU SNANG BA THAMS CAD BDE BA CHEN PO'I RNAM ROL DU 'CHAR BA DANG, DE GNYIS KYANG LHA SKUR 'CHAR BA BYUNG ZHING , SROG RTZOL GSUM GYI RDOR BZLAS DANG, RLUNG BUM PA CAN DANG KHYAB BYED KYI RLUNG LA RDOR BZLAS GNANG BAS GRUB PA'I DBANG PHYUG TU GYUR, DE NAS SNGAR GSAN PA'I MDO SNGAGS KYI CHOS RNAMS GDUL BYA RNAMS LA BSHAD NA LEGS

PAR DGONGS TE, CHOS DON DU GNYER BA RNAMS LA BYANG CHUB LAM RIM DANG 'DUS PA BDE MCHOG SOGS KYI KHRID DANG BSHAD PA DBANG RJES GNANG SOGS GNANG ZHING, KHYAD PAR RJE BLA MA TZONG KHA BA CHEN PO'I SPYAN SNGAR 'DUS PA'I RGYUD KYI BSHAD SROL 'DZIN PAR ZHAL GYIS BZHES PA BZHIN DU DE'I TSE SNE'U GDONG NAS DPON NAM MKHA' DPAL 'BYER GYIS SBYIN BDAG MDZAD DE NAN GYIS GSOL BA BTAB PA'I NGOR STOD LUNG GI GNAM RTZENG LTENG DU PHEBS, GNAS DER DGE BA'I BSHES GNYEN MANG DU 'DUS PA LA RGYUD KYI RGYAL PO DPAL GSANG BA 'DUS PA'I RGYUD 'GREL GYI BSHAD PA RJE BLA MA RDO RJE 'CHANG GI GSUNG RGYUN BZHIN GNANG BAS DGE BA'I BSHES GNYEN DE RNAMS LA THUGS BSKYED SHIN TU CHE BA BYUNG ZHING KHONG DPON SLOB RNAMS KYANG DAD PA LHAG PAR 'KHRUNGS, DE NAS BZUNG STE RJE 'DI NYID KYI THUGS LA DGE BA'I BSHES GNYEN 'DI RNAMS SDOM GSUM GYI NYAMS LEN LA GNAS PA'I DANG NAS 'DUS PA'I RGYUD 'GREL DANG BSKYED RDZOGS GNYIS KYI 'CHAD NYAN RGYUN TSUGS SHIG BYUNG NA DGONGS TE, DPON SLOB RNAMS PHYOGS PHYOGS SU CHOS BAR BTEG NAS DBYANG SOS GNYIS RGYUD 'GREL GYI BSHAD PA DANG, STON DUS 'DUS PA'I RDZOGS RIM RIM LNGA GDAN RDZOGS KYI DMAR KHRID, SPYOR BA YON LAG DRUG GI KHRID, N'A RO CHOS DRUG GI KHRID, 'KHOR LO SDOM PA'I RDZOGS RIM RNAL 'BOR CHEN PO'I KHRID, DE'I RDZOGS RIM RIM PA LNGA'I KHRID,

, ,RDO RJE 'JIGS BYED GYI RDZOGS RIM RNAL 'BYOR BZHI'I KHRID RNAMS 'DEBS BAR MDZAD LA, 'DI RNAMS LA KHRID CHEN DRUG CES GRAGS SHING, DE'I STENG DU 'KHOR LO CHEN PO'I RDZOGS RIM GYI KHRID DANG, YE SHES ZHABS LUGS KYI 'DUS PA'I RIM GNYIS KYI KHRID BSNAN NAS KHRID CHEN BRGYAD DU YANG GRAGS PA DANG, DE'I STENG DU BYANG CHUB LAM GYI RIM PA'I KHRID DANG, DBU MA THAL 'GYUR BA'I LTA KHRID KYANG 'DEBS PAR MDZAD DO, ,DE RNAMS KYI NANG NAS 'DUS PA DANG 'KHOR LO SDOM PA GNYIS KYI RDZOGS RIM GYI KHRID LA RJE BLA MA TZONG KHA PA CHEN PO'I ZHAL SLOB GZHAN LA MED PA'I MAN NGAG ZHAL SHES YI GE MED BA MANG PO YANG RJE 'DI NYID LA YOD BAS DE RNAMS KYANG GSUNGS SHING, KHRID DE RNAMS DUS PHYIS KYANG LAN RE GNYIS TZAM MIN BAR LO RE BZHIN 'DEBS PAR MDZAD BAS BSTAN PA'I RGYUN LA PHAN PAR BYUNG ZHING BLO LDAN RNAMS KYIS BSNGAGS PA'I GNAS DANG , SKYE DUG RNAMS KYI BDE SKYID KYI GSOS SU GYUR PA LAGS, DE NAS RGYUD KYI 'CHAD NYAN RGYUD CHEN SBYIN PA DPAL BA LA GTAD CING, GRVA TSANG GI BYIN RLABS KYI RTEN DU RJE RIN PO CHES GNANG PA'I GSANG BA 'DUS PA'I GSER SKU BYIN RLABS CAN DE GNANG NGO, ,DE LTAR RGYUD KYI 'CHAD NYAN GNANG BZHIN PA'I NGANG NAS SKU 'KHOR RNAMS LA DPE CHA 'DI RNAMS DGE 'DUN GRUB PA'I SAR SKYOL , RGYUD SDE'I 'CHAD NYAN 'DI SBYIN PA DPAL BAS GYIS, DE'I

GROGS DGOS PA GRAGS PA BZANG PO LA CHOL, ZHES GSUNGS NAS MYA NGAN LAS 'DA' BA'I THUGS 'DUN GTAD, DE NAS RGYUD KYI GRVA TSANG DANG LHAN CIG TU DGE LDAN RNAMS PAR RGYAL BA'I GLING DU PHEBS TE RIM GNYIS KYI RNAL 'BYOR LA BRTZON BA'I NGANG NAS THUN MTSAMS SU CHOS GSAN MI RNAMS LA RANG RANG GI 'DOD PA DANG MTHUN PA'I CHOS RNAMS STZAL, DE'I TSE RJE 'DI NYID KYI THUGS RGYUD LA MNGON BAR RTOGS PA'I YON TAN BSAM GYIS MI KHYAB PA 'KHRUNGS SO, , DE NAS SKU CHE 'DI'I DNGOS KYI GDUL BYA RDZOGS TE ZHING GZHAN DU 'BYON PAR DGONGS BAN THUGS DAM RIM GNYIS KYI RNAL 'BYOR LA RTZE GCIG TU BZHUGS SHING, DE'I TSE DAG PA'I GZIGS SNANG LA SKU MDUN GYI BAR SNANG LA RJE BTZUN BYAMS PA DANG 'JAM DBYANGS GNYIS KYIS SHER PHYIN GSUNGS SHING, SHER PHYIN GYI MDO SGROGS SHIG CES BKA' STZAL PA YANG DE BZHIN DU MDZAD CING, DPAL GSANG BA 'DUS PA, 'KHOR LO SDOM PA, DUS KYI 'KHOR LO SOGS YI DAM MANG PO'I ZHAL GZIGS, ,DE GA'I DANG NAS 'OD GSAL CHOS SKU MNGON DU MDZAD NAS DE'I NGANG LA YUN RING MNYAM PAR 'JOG PA GNANG, DE LAS LONGS SKUR BZHENGS PA'I TSE LHA RNAMS KYIS ME TOG GI CHAR DANG ROL MO'I SGRA LA SOGS PAS MCHOD CING NAM MKHA' G-YA' DAG PA LA 'JA' 'OD KYIS KHYAB PA DANG, DPA' BO DANG RNAL 'BYOR MA RNAMS KYIS GDUGS DANG RGYAL MTSAN DANG ROL MO'I SGRA LA SOGS PAS MCHOD CING BSUS TE DGA' LDAN CHOS KYI PHO

, ,BRANG DU RJE BDAG NYID CHEN PO YAB SRAS KYI DRUNG DU PHEBS SO, ,DE NAS RJES 'JUG RNAMS KYIS SKU GDUNG LA MCHOD PA RGYA CHER BYAS TE ZHUGS LA PHUL BA NA DBU THOD RIL POR MA NYAMS PAR BYON PA DANG, RING BSREL CHES NGO MTSAR BAR BYON PA DAG NI RJE DGE 'DUN GRUB KYIS BZHES TE BKRA SHIS LHUN PO'I THUB CHEN GYI SKU'I NANG DU BZHUGS SO, ,DE LTAR RJE SHES RAB SENG GE 'DIS CHOS KYI RGYAL PO TZONG KHA PA CHEN PO'I BSTAN PA'I SNYING PO MTHAR THUG PHA RNAMS RGYA CHER SPEL BAR MDZAD PAS RGYUD 'DZIN GYI SLOB MA MTHA' YAS PA BYON ZHING, RGYUD KYI BSHAD SROL 'DZIN PA NI GTZANG DU 'DUL NAG PA DPAL LDAN BZANG POS SRAD DU RGYUD GRVA BTZUGS TE 'DUS PA'I BSHAD SROL MA NYAMS PAR BSKYANGS ,PAn CHEN BZANG PO BKRA SHIS KYIS GANGS CAN DU MDO SNGAGS GNYIS KA'I BSHAD GRVA BTZUGS TE BSHAD SROL MA NYAMS PAR BSKYANGS, RGYUD CHEN SPYIN PA DPAL BAS RGYUD SMAD GRVA TSANG DU RJE'I SNGAGS KYI BSHAD SROL MA NYAMS PAR BSKYANGS, RGYUD CHEN KUN DGA' DON GRUB KYIS 'CHUM MDA' SOGS SU RGYUD KYI BSHAD SROL MA NYAMS PAR BSKYANGS PA LA RGYUD STOD DU GRAGS PA BYUNG, 'PHAGS 'OD YON TAN RGYA MTSOS LHUN PO RTZER 'DUS PA'I BSHAD SROL MNYAMS BAR BSKYANGS SHING SGRON GSAL GYI MCHAN BU RJE BDAG NYID CHEN PO'I DGONGS PA RMA MED PAR BKOD PA SGRON GSAL

RNAM NGES ZHES BYA BA'I LEGS BSHAD RMAD DU BYUNG BA 'DI MDZAD DO, ,GZHAN YANG RGYUD 'DZIN GYI SLOB MA MTHA' YAS PA BYUNG ZHING THAMS CAD KYI NANG NAS RGYAL MTSAN GYI TOG LTAR MNGON PAR MTHO BA 'GRAN PA'I ZLA THAMS CAD DANG BRAL ZHING 'PHRIN LAS NAM MKHA' DANG MNYAM PA NI THAMS CAD MKHYEN PA DGE 'DUN GRUB PA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB CHEN PO SHES RAB SENG GE LA GSOL BA 'DEBS SHING ,BDAG NYID CHEN PO 'DI'I RNA MTHAR LTAR MDO SNGAGS GNYIS KA'I LAM GYI LUS YONGS SU RDZOGS PA LA BAG CHAGS CI THEBS BYA'O,, ` ,,RIG GROL PHUN TSOGS DGE 'DUN 'DUS PA'I GTZO, ,GRUB PA'I DBANG PHYUG MKHAS PA KUN GYI DPAL, ,'PHRIN LAS BZANG POS BSTAN PA RGYAS MDZAD BA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA, THAMS CAD MKHYEN PA DGE 'DUN GRUB PA DPAL BZANG PO NI, GUR MA ZHES BYA BA'I YUL GYI LHAS RA ZHIG TU, YAB MGON PO RDO RJE DANG, YUM JO MO NAM SKYID CES BYA BA GNYIS KYI SRAS SU LCAGS MO LUG GI LO NGO MTSAR BA'I LTAS DANG BCAS TE 'KHRUNGS, RJE 'DI SPRUL PA'I SKYES BUR STON PHYIR 'KHRUNGS PO'I NUB MO DE PHYOGS KYI 'BROG BA LA DGRA JAG BYUNG STE YUM GYIS KHYE'U 'KHRUNGS MA THAG PA DE KHYER MA THUB PAR RDO'I GSEB CIG TU SBAS TE NANG MI THAMS CAD BROS, SANG NYIN NAM LANGS NAS LTAR 'ONGS PAS, DE'I MTHA' SKOR LA BYA

, ,DANG GCAN GZAN MANG PO 'KHOR NAS YOD PA LA, BYA ROG CHEN PO GCIG GIS KHYE'U 'KHRUNGS MA THAG PA DE GCAN GZAN SOGS KYI GNOD PA LAS BSRUNGS TE MA NONGS PAR BZHUGS BAN THONG STE DGA' ZHING NGO MTSAR YA MTSAN DU BZUNG NAS KHYE'U DE KHYER TE BROS NAS PHYIN, DE DUS KYI BYA ROG CHEN PO DE NI DPAL MGON ZHAL GYI RNAM 'PHRUL DU 'DUG ,MGON PO 'DIS PHYIS KYANG DE DUS KYI DRIN NGO DANG, KHYOD LTA BU'I BSTAN 'DZIN LA NGA LTA BU'I CHOS SKYONG BSTEN DGOS PA YIN NO ZHES YANG YANG GSUNG GIN YOD GSUNG STE BSAM GYIS MI KHYAB PA'I RNAM THAR RO, ,DE LTA BU'I GZHON NU DE NYID NI, BYIS PA'I GNAS SKABS NYID NAS KYANG BYIS PA'I RGUD PA THAMS CAD LAS YANG DAG PAR 'DAG SHING, BAG MED BAR RTZE BA MTHA' DAG LAS NGANG GIS LOG, NYES SPYOD RNAMS NI RANG BZHIN GYIS BSDAMS, BLO GROS DPAG PAR DKA' ZHING DAM PA'I CHOS 'CHOL BA LA NGANG GIS ZHUGS PA SOGS BYANG CHUB SEMS DPA'I SPYOD PA RLABS PO CHE RNAMS LAS NAM YANG NYAMS PA MED CING ,KHYAD PAR RANG DANG NA TSOD MNYAM PA'I BYIS PA MANG NGO BSAGS NAS DE DAG LA RANG NYID KYIS CHOS 'CHAD PA'I RNAM PA MDZAD CING, GZHAN YANG RTEN BZHENG DANG, GTZUG LAG KHANG DANG, CHOS KHRI DANG, CHOS RA RTZIG BA YIN GSUNGS NAS, NYIN MTSAN KUN TU PHYAG DAL BAR BZHUGS PA'I SKABS MED BLTA BU ZHIG YOD CES GRAG GO, DE NAS RJE 'DI'I YAB YUM RNAMS KYANG NOR DGRA LA SHOR TE

SBRAM TSUGS BAR RE ZHIG LA KHA STOD KYI GRONG YUL RNAMS SU BZHUGS TE RJE 'DIS KYANG GRONG BA DAG GI RDZI BO SOGS MJAD DE SEMS CAN LA PHAN PA MDZAD, KHYAD PAR RTZEN DKAR BYA BA'I YUL DU BZHUGS, DGUNG LO LNGA BA'I DUS NYIN RE BZHIN PHYOGS GZHAN ZHIG TU 'BYON PA ZHIG BYUNG BA LCAM MO ZHIG YOD PA DES LTAR PHYIN PAS RDO MANG PO LA MA nI PHYAG BRIS MDZAD DE BRKO YIN 'DUG ,CI MDZAD ZHUS PAS, 'DI LA NGA'I PHA MA'I SGRIB SBYONG BYED PA YIN GSUNG, PHA MANG LTA MA SHI LAGS ZHUS PAS, PHA MA SHI BA DANG MA SHI BA MANG PO YOD PAS DE THAMS CAD KYI SGRIB SBYONG YIN GSUNG, DE 'DRA'I MA nI DE YUL DE NA DA LTA YANG YOD PAR GRAGS, DE NAS KHA STOD MTHONG SMON BYA BAR YUM SRAS RNAMS KYI BYON, YUL DE'I PHYUG PO ZHIG GI RA RDZI MDZAD DE RI GDONG ZHIG GI BRAG LDEBS LA 'BRU DRUG DANG, 'BRU GSUM DANG, H'Um DANG HR'I: LA SOGS PA'I GSUNG YIG 'BRU MANG PO DANG, GDUGS DANG, RGYAL MTSAN DANG, BA DAN SOGS MCHOD PA'I YO BYAD MANG PO PHYAG BRIS SU BSKO BAR MDZAD PA DA LTA YANG YUL DE NA BZHUGS ,DE NAS ZHU RONG BYA BAR PHEBS TE 'GRO DON MDZAD, DE NAS SNAR THANG GI PHU DGE STENG BYA BAR BZHUGS, DGUNG LO BDUN PA'I TSE YAB DE SKU GSHEGS, DE'I TSE RJE 'DIS STON PA SMAN PA'I RGYAL PO'I MDO ZHIG PHYAG BRIS MDZAD DE BZHENGS, 'DI LA BDAG GI PHA'I SGRIB SBYONG BYED PA YIN NO GSUNG, DE NAS YAB YUM DAG 'BYOR PA CHUNG BAS RGYAL SRAS 'DIS

, ,SNAR THANG DU DGE 'DUN GYI TSOGS LA BSGRU BA LA BYON, DE LA YANG NA BZA' SER PO RE BZHES, DBU SKRA BREGS TE BYON, DE LA MI RNAMS KYIS BTZUN CHUNG RAG SKYA ZHES 'BOD PA BYUNG, DE NAS RGYAL BA'I BSTAN PA LA 'JUG PAR BZHED DE SNANG THANG MKHAN CHEN GRUB PA SHES RAB LAS YONGS RDZOGS DGE BSNYEN GYI SDOM PA BZHES TE BSLAB KHRIMS RNAMS TSUL BZHIN DU BSRUNG BAR MDZAD CING, CHOS SPYOD MANG PO ZHAL TON DU MDZAD PA NA BTZUN CHUNG PAD RDOR ZHES 'BOD PA BYUNG, DE NAS SNAR THANG MKHAN PO'I GSUNG NAS, DA RA ZHIG LA YON TAN THAMS CAD KYI RTZA BA YIN PAS KLOG YIG LA SBYONGS SHIG GSUNGS NAS, DE DUS KYI KLOG DPON RGYA STON TZANDRA PA ZHES PA SLOB MA BRGYA PHRAG MANG PO BSTEN PA GCIG LA GTAD DE KLOG YIG SBYONG BA'I TSUL BSTAN PA TZAM GYIS THOGS MED DU MKHYEN PA BYUNG, DE NAS RGYA STON PA'I ZHAL NAS, DA NI NGA BAS KHYOD MKHAS PAR 'DUG PAS NGA'I SLOB MA RNAMS KHYOD KYIS SKYONGS SHIG GSUNGS NAS, DE DUS KYANG KLOG GIS BU SLOB SKYONG BA SOGS MDZAD, DE NAS YANG, DE DUS KYI YIG DBON SH'AKYA DPAL ZHES PA LA YI GE SBYONG BA'I TSUL BSTAN PA TZAM GYIS YI GE'I RIGS, RGYA YIG ,BOD YIG ,HOR GYI YI GE, RGYA GAR GYI YI GE'ANG, LANYTSA, WARDHU, BOD YIG LA'ANG, CHE YIG ,CHUNG YIG ,DE LA'ANG, 'BRU MA, TSAG BRIS, ZLUM BRIS SOGS THAMS CAD THOGS PA MED PAR

MKHYEN, DE LTAR MKHYEN CING RAB TU BYUNG BA'I RJES SU'ANG SNAR THANG DU KLOG YIG GI PA BU SLOB MANG PO BSKYANGS BAS MI RNAMS KYIS DBON YIG DGE 'DUN GRUB CES 'BOD PA'ANG BYUNG ZHING, DE LTAR YIG RIGS THAMS CAD MKHYEN PAS GSAN SBYONG MDZAD DUS KYI PHYAG DPE PHAL CHE BA PHYAG BRIS MDZAD DE BZHENGS, CHOS BAR SOGS LA BYON DUS GTZUG LAG KHANG GANG DU BYON SAR 'PHAN GDUGS RGYAL MTSAN SOGS PHUL BA RNAMS LA DKAR CHAG RE PHYAG BRIS SU MDZAD, PHYIS BKRA SHIS LHUN PO'I PHYI NANG KUN TU BLA MA SANGS RGYAS BYANG SEMS KYI MTSAN DANG, MA nI JI SNYED YOD PA PHAL CHE BA DANG, KHYAD PAR GTZUG LAG KHANG GI NANG NA YOD PA LANYTSA SOGS YIG RIGS PHAL CHE BA RNAMS RJE 'DI'I PHYAG BRIS YIN ZHING, RJE 'DIS MDZAD PA'I PHYAG BRIS CHAD LHAG NOR GSUM GYI SKYON DANG BRAL BAR RJE RANG NYID KYIS ZHAL GYIS BZHES SO, ,DE NAS 'DI SNYAM DU DGONGS TE, RGYAL BA'I BSTAN PAL ZHUGS TE KHYIM NAS KHYIM MED PAR RAB TU BYUNG NAS THOS BSAM SGOM GSUM 'CHAD RTZOD RTZOM GSUM GYI SGO NAS RGYAL BA'I BSTAN PA RIN PO CHE CHES CHER SPEL THUB PA ZHIG BYA'O SNYAM DU DGONGS NAS DGUNG LO BCO LNGA PA SHING MO BYA'I LO ZLA BA GSUM PA'I NYER GCIG GI NYIN DPAL SNAR THANG GI GTZUG LAG KHANG DU MKHAN CHEN GRUB PA SHES RAB PAS MKHAN PO DANG, BSHES GNYEN CHEN PO BLO LDAN PA ZHES PAS SLOB DPON MDZAD DE ,

, ,RAB TU BYUNG ZHING CHIGS SNGA MA DGE TSUL GYI SDOM BA YANG DAG BAR MNOS TE, DGE 'DUN GRUB PA DPAL BZANG PO ZHES MCHAN GSOL, DE LTAR RAB TU BYUNG NAS 'DI SNYAM DU DGENGS TA, SANGS RGYAS BCOM LDAN 'DAS KYI RJES SU RAB TU BYUNG BA DAG GI LAS SU BYA BA NI GNYIS TE, 'DI LTAR KLOG PA THOS BSAM DANG, SGRUB PA BSAM GTAN GYI RIM PA'O, ,DE BAS NA BDAG GIS KYANG KLOG PA THOS BSAM DANG SPONG BA BSAM GTAN GNYIS KYI SGO NAS RGYAL BSTAN YONGS SU RDZOGS PA RANG GI RGYUD LA 'DZIN CING GZHAN LA'ANG RGYA CHER SPEL BAR BYA'O SNYAM DU DGONGS NAS DE DUS SNAR THANG NA MAH'A PAndI TA SADGHA SHR'I ZHES PA'I MKHAS GRUB CHEN PO ZHIG YOD PA LA, SNYAN DNGAGS ME LONG DANG, 'CHI MED MDZOD DANG, SGRA 'TSAMS SBYOR LNGA BA RNAMS GSAN CING, GTUM PO DKAR PO'I RJES GNANG SOGS KYI BKA' YANG MANG RAB GSAN LA, BSHES GNYEN DAM PA GZHAN MANG PO LA'ANG DBANG LUNG MAN NGAG RGYA CHER GSAN NO, ,DE NAS DGUNG LO NYI SHU BZHES PA LCAGS PHO STAG GI LO ZLA BA GNYIS PA'I GRAL TSES BCU GCIG GI NYIN TSIGS SNGA MA'I MKHAN PO GNAS LNGA RIG PA GRUB PA SHES RAB PAS MKHAN PO DANG, TSIGS SNGA MA'I SLOB DPON BLO LDAN PAS LAS SLOB, DE'I GDAN SA PA CHEN PO GRAGS PA SHES RAB PAS GSANG STON MDZAD CING MTSAN NYID LDAN PA'I KHA SKONG GRANGS TSANG BAS

DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE, LHAG PA TSUL KHRIMS KYI BSLAB PA YONGS SU RDZOGS PA'I LHA'I CHU BOS THUGS RGYUD KYI BAM BZANG NYE BAR GTAMS SHING, LHA DANG BCAS PA'I 'JIG RTEN GYI YON GNAS GCIG PUR GYUR TO, ,DE NAS TSAD MA RNAM 'GREL GYI GZHUNG LA SPYANGS TE SNAR THANG DU GRVA SKOR YANG MDZAD, DE NAS SNAR THANG MKHAN CHEN SOGS BSHES GNYEN MANG PO LA MDO SNGAGS KYI CHOS MANG DU GSAN, DE DAG GI TSE YANG YON TAN THAMS CAD KYI GZHI DANG RTZA BA TSUL KHRIMS SU DGONGS NAS LHAG PA'I TSUL KHRIMS NYES LTUNG GI DRI MA THAMS CAD DANG BRAL BA ZHIG MNGA' BAS GNAS BRTAN 'DUL BA 'DZIN PA GSER RI'I PHRENG BA LTA PU'I DBUS NA LHUN PO LTAR MNGON PAR 'PHAGS SHING, BDAG PAS GZHAN GCES PA'I BYANG CHUB KYI SEMS BCOS MIN THUGS RGYUD LA RGYUN CHAGS PAR MNGA' BAS 'GRO BA KUN LA PU GCIG BA LTAR DGONGS TE, BSTAN PA DANG SEMS CAN LA PHAN PAR GZIGS NA DMYAL BA'I ME YANG PADMA'I TSAL LTAR GZIGS NAS 'JUG PA LA YA MI NGA ZHING RANG GI CHED DU DAG PA'I ZHING GI 'BYOR PA YANG RMI LAM GYI DGA' STON LTAR GZIGS NAS BLTOS PA MED CING, BSKYED RDZOGS KYI TING NGE 'DZIN SHIN TU BRTAN PO BRNYES PAS THUN MONG DANG THUN MONG MA YIN PA'I MNGON PAR RTOGS PA'I YON TAN NI, SO SO SKYE BO'I BYANG CHUB SEMS

, ,DPA' PHAL MO CHE DAG GIS RJES SU YI RANG BA TZAM YANG BYA DKA' BA'I RGYAL SRAS KYI SNYING STOBS PHUL DU BYUNG BA MNGA' BAS, RGYAL BA'I SPYAN SNGAR KHAS BLANGS PA'I DAM TSIG LAS MI G-YEL BA'I SRUNG MA KHYAD BAR CAN DANG DKAR PHYOGS SKYONG BA'I LHA DAG GIS DNGOS SU BSNYEN BKUR ZHING LEGS SO GSOL BA'I TSIG GIS MNGON PAR BSNGAGS SHING, GZHAN LA CHOS STON PA'I 'PHRIN LAS LHUR MDZAD PA LA DGONGS PA MNGON DU PHYOGS PAR GYUR TO, ,DE NAS 'DI LTAR DGONGS TE, DE YAN CHAD NYER 'DZIN CHEN PO'I GSUNG DANG DU BLANGS, BSTAN PA DANG SEMS CAN LA PHAN GANG CHE'I SGO NAS 'GRO BA'I DON BYAS, DA NI SNGAR NAS YID LA YANG DANG YANG DU YOD PA BZHIN DAM PA'I CHOS 'TSOL BA DANG, RJE BTZUN CHOS KYI RGYAL PO TZONG KHA PA CHEN PO'I DRUNG DU MYUR DU 'GRO BAR BYA'O SNYAM DU DGONGS NAS DE LUGS KYI GRABS BYAS NAS DGUNG LO NYER LNGA PA SHING MO LUG GI LO LA DBUS PHYOGS LA BYON TE, KHRA 'BRUG TU SEMS DPA' CHEN PO KUN BZANG PA LA TSAD MA DANG DBUM SOGS KYI THUGS SPYOD MDZAD, DE NAS RJE BTZUN TZONG KHA BA CHEN POS SKYONG MI'I DPANG PO GRAGS PA RGYAL MTSAN GYIS BKRA SHIS RDO KHAR SPYAN DRANGS PA'I DRUNG DU, SEMS DPA' CHEN PO KUN BZANG PA'I PHYAGS PHYI MJAD DE BYON NAS, DER RJE RIN PO CHE LA TSAD MA RNAM NGES KYI DOGS GCOD, DRANG NGES RNAM 'BYED,

RTZA SHE'I RNAM BSHAD, BLA MA LNGA BCU BA'I RNAM BSHAD, RTZA LTUNG GA NAM BSHAD SOGS CHOS MANG PO GSAN CING, RJE RIN PO CHE YANG THUGS SHIN TU DGYES BAR BYUNG STE, 'DUL BA'I BSLAB KHRIMS KHYAD PAR CAN SPEL PA'I RTEN 'BREL BSGRIG PA'I PHYIR DU MTHANG GOS BZHES 'PHRO ZHIG GI GNANG SBYIN KYANG MDZAD, DE NAS RJE BTZUN TZONG KHA PA'I GSUNG GIS THANG BO CHE'I BLA BRANG BA NYI MA RGYAL MTSAN PA LA DPAL GSANG BA 'DUS PA'I BKA' ZHIG ZHU BA LA PHYIN PA LEGS ZHES BSKUL TE DER BYON, RJE NYI MA RGYAL MTSAN PA LA DPAL GSANG BA 'DUS PA MI BSKYOD PA DANG, RDO RJE 'JIGS BYED BCU GSUM MA DANG, GSHED DMAR BCU GSUM MA DANG, GSHED DMAR LHA LNGA MA SOGS KYI BKA' MANG PO GSAN NO, ,DE NAS DBON SLOB RNAMS DGE LDAN DU BYON, RJE SHES RAB SENGGE GSANG PHU LA BYON, DGE LDAN DU RJE RIN PO CHE'I DRUNG DU RJE BLA MA 'DIS, BDAG GSANG PHUR RJE SHES RAB SENGGE'I DRUNG DU PHYIN NA BSAM PA LAGS ZHUS PAS, CIS KYANG LEGS GSUNGS NAS SLOB DPON RAB MCHOG PA DANG GNYIS LA SPYI RU GSER ZHO GANG, RDUL GZANG LEGS PO ZHIG GNANG, GSER KHOD PA LA PHUL, GZAN DE RJE 'DI PAS BSNAMS TE DGUN CHOS LA GSANG PHUR PHEBS RIGS 'BRING MAN CHAD LA MA BRTEN PAR DANG PO NAS TSAD MA'I RIGS CHEN MDZAD, THUGS GSAL BA DANG STON BA BZANG PA'I SNYAN PA'I GRAGS PA YANG RGYA CHER BYUNG NGO, ,DE NAS RJE 'DI BAS STON CHOS SOGS

, ,LA DGE LDAN DU PHEBS, RJE RIN PO CHE LA LAM RIM CHEN MO, 'KHOR LO BDE MCHOG GI RTZA RGYUD KYI BSHAD PA, SNGAGS DBANG, SGRUB DKYIL GYI LUNG SOGS SNGAGS CHOS MANG PO GSAN ZHING,, RJE DAR MA RIN CHEN LA TSAD MA, PHAR PHYIN, BYAMS CHOS PHYI MA SOGS KYI BSHAD PA MANG DU GSAN BAS RJE DAR MA RIN CHEN 'DI PHA ROL TU PHYIN PA'I THEG PA'I PHYOGS LA BKA' DRAN CHE BA YIN GSUNG, YANG GSANG PHUR PHEBS TE RIGS LUNG 'GRIM BA SOGS KYI THUGS SBYONG MDZAD, STON DGE LDAN LA PHEBS TE RJE RIN PO CHE DANG RGYAL TSAB RJE STE YAB SRAS GNYIS LA MDO SNGAGS KYI CHOS RGYA CHER GSAN PA DANG, 'DUL 'DZIN CHEN PO GRAGS BA RGYAL MTSAN PA LA DRANG DES RNAM 'BYED TSAR GCIG DANG, GZHAN YANG CHOS BKA' CI RIGS GSAN, DE LTA BU'I TSUL GYIS GSANG PHU DGE LDAN GNYIS LA LO GSUM TZAM ZHIG BZHUGS, DE NAS SA MO PHAG GI LO RJE BTZUN CONG KHA PA CHEN PO STOD LUNG CHU TSAN LA BYON TE SLAR 'BRAS SPUNGS SU PHEBS PA'I TSE RJE 'DIS KYANG DER BYON TE LAM RIM GYI KHRID, N'A RO CHOS DRUG, DBU MA 'JUG PA, GSANG BA 'DUS PA'I RGYUD LA SOGS PA MANG DU GSAN NO, ,DE NAS 'DI LTAR DGONGS TE, SPYIR 'DUL BA'I BSLAB KHRIMS RNAM PAR DAG PA CIG BYED PA LA 'DUL BA SHES DGOS PAR 'DUG ,KHYAD BAR GROS 'DI 'DUL BA'I 'BYUNG KHUNGS LTA BUR 'DUG PAS DER 'DUL BA SLOB TU 'GRO SNYAM DU DGONGS TE DE'I RGYU MTSAN RJE

BTZUN TZONG KHA PA CHEN PO LA ZHUS PAS, 'DUL BA SLOB PA LA NYAMS SU LEN 'DOD KYI BSAM PAS SLOB DGOS PA YIN, DE LTAR YIN NA NGO MTSAR CHE GSUNGS NAS TSAS KYI MTHUN RKYEN DU GSER ZHO GANG GNANG, DE'I CHA SHAS SHIG LA LHA SA NAS RTZAM PA BSGRUBS TE SGO LA LA BYON, LAM DU MA THEG PAR RDUL GZAN GYI SNAM PA GCIG PHOG STE DRUBS PA'I NANG DU RTZAM PA THOGS GCIG BZHAG, DER RDO LA PHYAG BRIS MDZAD DE 'DI SU DANG PHRAD PAS LONGS SPYAD KYANG NYES PA MED DO, ,ZHES BRIS PA BZHAG NAS GRO SAR BYON, DE'I DUS SU RJE SHES RAB SENG GE PAS DMAR STON YAB SRAS KYI DRUNG DU, DGE BSHES 'DI BDAG GI SLOB MA'I DANG MA YIN PAS 'DUL MDZOD PHUL DU PHYIN PA CIG SLOB PAR ZHU ZER BA'I ZHU YIG KYANG PHUL, DMAR STON DPAL LDAN RIN CHEN PA DANG RGYA MTSO RIN CHEN PA GNYIS LA LO GNYIS KYI BAR DU MDO RTZA BA DANG MNGON PA MDZOD LEGS BAR GSAN, KHYAD PAR RGYA MTSO RIN CHEN PA LA LUNG SDE BZHI'I LUNG YANG GSAN LA; DMAR STON PA'I ZHAL NAS, NGED KYI SLOB MA GTZANG PHYOGS NA KHYED DANG DKA' BCU PA GZHON NU RGYAL MCHOG GNYIS LAS 'DUL BA LA MKHAS PA MED PAS KHYOD KYIS KYANG BSTAN PA LA PHAN PA'I 'CHAD NYEN LEGS PO MDZOD, NGAS KYANG LO BCU DRUG NAS DA LTA'I BAR DU 'CHAD NYAN MA CHAG PAR BYAS PA 'DI BSTAN PA 'BA' ZHIG LA BSAMS PA YIN NO, ,ZHES GSUNGS, DE NAS SLAR YANG GSANG PHUR PHYAGS PHEBS, SNGAR GYI THUGS SBYONG GI 'PHRO RNAMS LEGS

, ,BAR MJAD, GLING STOD DU MTHONG SMON BA ZHAS PA'I GRVA TSANG ZHIG GI 'CHAD NYAN PA RJE SHES RAB SENG GES MDZAD KYIN YOD PA'I GDAN SAR RJE 'DI PA DANG SHAR DVAGS PO'I PAndI TA BKRA SHIS RNAM RGYAL BA GNYIS BSKRA BZHAG MDZAD DE LO KHA YAR 'CHAD NYAN KYANG MDZAD, DE DUS GSANG PHU'I BRAG PHUG CIG TU THUGS DAM MDZAD PA'I MNAL LAM DU BYANG SHAR PHYOGS NAS THUB DBANG GI SKU SHIN TU CHE BA ZHIG GZIGS PA'I MDZOD SPU NAS ZLA BA NYA GANG BA GCIG CHAD DE RJE RANG NYID LA THIM PA RMIS, DE RJE SHES RAB SENG GE LA ZHUS PAS, SANGS RGYAS KYI 'PHRIN LAS 'JUG CING TSE RING PO 'ONG BA'I LTAS YIN, NGED KYI RMI LAM DU'ANG KHYOD MGO SKYA YER YER 'CHAD NYAN BYED KYIN 'DUG PA RMIS GSUNG, YANG DE DUS MNAL LAM LA NAM MKHA' NAS AOm WA G'I SHVA RI MUm ZER BA ZHIG LANYTSA'I RNAM PAR NAR TA BYUNG BA RJE NYID KYI LCE THOG TU BABS PA DANG, NGA 'TSENGS, NGA 'TSENGS, ZER BA LAN GSUM BRJOD BA DUS MNYAM PA CIG BYUNG GSUNG, DE NAS MA PHO RTA LO LA GTZANG PHYOGS LA PHYAGS PHEBS TE BYANG CHEN DU GRVA PA BDUN CU TZAM LA 'CHAD NYAN MDZAD, RIGS LUNG KYANG SHIN TU 'PHEL BAR BYUNG, DE NAS GRVA TSOGS KYANG RJE CHE LA SONG STE SNAR THANG BYANG CHEN RTA NAG RI KHUD RNAMS LA RIM GYIS CHOS PAR LA BYON TE LO LNGA DRUG GI RING LA 'CHAD NYEN 'PHEL BAR BYUNG, DE DUS LCAGS PHO KHYI LO LA SNAR THANG DU 'JUG PA'I RNAM BSHAD DGONGS PA RAB TU GSAL BA'I ME LONG GCI MA

BA YANG MDZAD, SLAR YANG GSANG PHU'I 'CHAD NYAN LA GDAN 'DRAN BYUNG YANG MI PHEBS, YANG DE DUS RGYAL TSAB RJE DANG MKHAS GRUB RJE YAB SAS GNYIS GNAS RNYING DU PHEBS, DE'I DRUNG DU RJE SHES RAB SENG GE DANG YAB SRAS GNYIS KYIS KYANG BYON TE RGYAL TSAB RJE LA SPYIR CHOS MANG PO DANG, KHYAD PAR MNGON LA KUN LAS BTUS KYI t'IKKA DE GSAN, RIM GYIS RJE 'DI PAS PHYAG BRIS MDZAD DE GZHAN LA YANG GSUNGS LA, MKHAS GRUB RJE LA YANG CHOS MANG DU GSAN NO, , DE NAS LCAGS MO PHAG LA RJE SHES RAB SENGGE DANG YAB SRAS PHOGS MTHUN LA STOD LA CHOS BAR LA BYON, YAR LAM GCEN LUNG DANG CHU 'DUS SOGS SU BYANG SAMS SH'AKYA DPAL BAS SBYIN BDAG MDZAD DE CHOS AR MDZAD, DE NAS STOD PHYOGS KYI CHOS SDE MANG POR BYON ZHING SKAL BA DANG LDAN BA MANG PO LA MTHO RIS DANG THAR BA'I SA BON 'JOG BAR MDZAD, DE NAS DPON SLONG RNAMS KYIS PADMA CHOS SDENGS SU BYON, YAR LAM GLANG SKOR DU PHA DAM PA'I SKU GDUNG KA RU MJAL, SPYIR DE LA MTHONG TSUL SNA TSOGS SHIG YOD PA LA, RJE 'DI PAS DAM PA RANG GI SKU DNGOS SU GZIGS PA YIN ZER BA'I LO RGYUS SKU GNYER GYIS BRJOD BA DANG LTA'I BAR DU YOD DO, ,DE NAS PADMA CHOS SDIGS SU BYON TE; PAn CHEN 'JIGS BRAL DANG MJAL, ZHAG SHAS DER BZHUGS, CHOS MANG DU ZHUS, KHYAD BAR SGROL MA NYER GCIG MA, SGROL MA LHA BCU BDUN MA SOGS KYI DPANG DANG, RJE BTZUN MA DKAR SNGO GNYIS DANG, DBYANGS

, ,CAN MA, GDUGS DKAR SOGS KYI RJES GNANG MANG DU ZHUS, PAn CHEN GYIS DRI BA MANG PO MDZAD BA RNAMS LA LAN PHUL BA RNAMS LA'ANG THUGS SHIN TU DGYES PAR BYUNG NAS, DA PHYIN CHAD THAMS CAD MKHYEN PA DGE 'DUN GRUB GYIS ZHES PA'I MNGA' GSOL YANG MDZAD DO, ,DE NAS SLAR YANG SHEL DKAR DU PHEBS TE CHOS BAR MDZAD, DE DUS NUB GCIG GI MNAL LAM DU RGYAL TSAB RJE BYON NAS, RJE BTZUN MA LA GSOL GDA' KYI RJES SU, BCOM LDAN 'DAS MA MCHOD BYAS PAS, ,ZHES SOGS SHLOOKA 'DI LAN GSUM RE GYIS GSUNG BA RMIS, DE LA BRTAGS NA DE DUS RGYAL TSAB RJE GZHAN DON LA GSHEGS YAR 'DUG BAS, NGA PO TA LA NAS BDE BA CAN DU 'GRO, KHYED KYANG DE LTAR MDZOD CES AR GO NAS TSIGS BCAD TSOGS SU MA CHAG BAR BTZUGS GSUNG, DE NAS CHU PHO BYE BA'I LO NAG PA ZLA BA'I TSES BZHI LA TSAD MA RNAM 'GREL GYI T'IKKA 'DI'I RTZOM PA YANG MDZAD DO, ,DE NAS CHU MO GLANG GI LO SLAR YANG SNAR THANG DU BYON, RTZA SHE'I RNAM BSHAD RIN PO CHE'I PHRENG BA'I RTZOM PA MDZAD DE 'CHAD NYAN GYI SGO NAS GTAN LA PHAB, DE RJES RI KHUD DU PHEBS, DE'I TSE RJE SHES RAB SENGGE SNGAR RJE BLA MA 'DI BA LA STOD LA CHOS BAR LA BYON BA'I SKYEL MAR CHU 'DUS BAR BYON, DE NAS PHYIR BYON TE DGE LDAN DU RGYAL TSAB RJE LA DUS 'KHOR GSAN PA LA PHEBS BZHED YIN PA LA, RTA NAG TU DGE SBYONG DKAR PO BAS SBYAN DRANGS TE RI KHUD CHOS SDE PHUL, ZHAL BDAG MDZAD NAS LO SHAS BZHUGS,

DE DUS SHANGS BA KUN MKHYEN CHEN PO DANG DE'I GDAN SA PA SEMS DPA' CHEN PO TSUL KHRIMS DPAL BZANG PO GNYIS LA CHOS BKA' MANG DU GSAN, GSANG BA 'DUS PA'I RGYUD KYI 'CHAD NYAN YANG 'PHEL BAR MDZAD, DE THAD DU RJE BLA MA 'DI YANG PHEBS TE DE DUS YAB SRAS BKA' BGROS MDZAD, RJE SHES RAB SENGGE DGE LDAN DU MKHAS GRUB RJE LA DUS KYI 'KHOR LO GSAN PA LA BYON, RJE 'DI PA RI KHUD KYI GDAN SAR BSKO BA SOGS KYI ZHAL TA DRUNG CHEN DGE SPYONG BA DANG YON MCHOD ZHAL 'DZOM PA LA GNANG STE DBUS PHYOGS LA PHEBS, RJE 'DI PAS RI KHUD CHOS SDE'I ZHAL BDAG MDZAD, DRUNG CHEN DGE SBYONG BAS SBYIN BDAG MDZAD DE RTEN 'BREL KHYAD PAR CAN BSGRIG PA'I PHYIR DU RJE BTZUN BYAMS PA'I SKU KHYAD PAR CAN ZHIG BZHENGS, GTZUG LAG KHANG GI SGO SGYUR BA DANG RDO GCAL 'DING BA SOGS KYI SGO NAS CHOS SDE LA PHAN PA CHE BAR MDZAD DO, ,DE NAS YANG SNAR THANG PHYOGS LA PHEBS, BYANG CHEN SOGS SU CHOS BAR MDZAD, DE NAS BO DONG LA BYON, DPAL LDAN DMAG ZOR LHA MO 'DI SKU SKYE MANG PO NAS KYI CHOS SKYONG YIN PA LA SNGAR RJES GNANG ZHU BA SOGS MA MDZAD PAS, DE ZHU BA LA DE DUS BO DANG NA RGYAL SRAS RIN PO CHE'I DNGOS SLOB RIN PO CHE CHOS BZANG DPAL BA ZHES PA BZHUGS PAS DER BYON, LHA MO'I RJES GNANG DGOS ZHUS BAS KHONG GI ZHAL NAS, MDANG RMI LAM BZANG, LHO PHYOGS 'DI NAS RLUNG NAG 'TSUB MA'I DKYIL NAS DGE SLONG ZHIG BO DONG GI SGO RTZAR SLEBS

, ,BYUNG BA LA 'DI NAS BUD MED RGYAN CAN ZHIG SONG STE, BSTAN 'DZIN CHEN PO LA BSU BA BYA ZER NAS BYUNG BRMIS, DA RES RAB 'BROG MO HOR GYIS 'KHYER BA 'DRA, HA HA GSUNG ZHING, LHA MO 'DI'I DKA' LUNG MAN NGAG DANG BCAS PA RDZOGS BAR GNANG, GZHAN YANG KHONG PA LA RGYAL SRAS RIN PO CHE'I BKA' 'BUM GYI LUNG SOGS CHOS MANG RAB GSAN NO, ,DE NAS BYANG CHEN DU PHEBS TE SKABS SHIG TU RJE 'DI'I THUGS LA 'CHAD NYAN 'DI JI LTA BU ZHIG 'ONG SNYAM YOD PA LA, NUB CIG RMI LAM NA SNGAR RI BO DGE LDAN DU BZHUGS DUS ZHAL 'DRIS YOD PA'I DGE SLONG TSES MTHUN ZHIG YOD PA DE BYUNG NAS, KHYED KYI DON DE NGAS RMI LAM DU BRTAG GIS GSUNGS NAS GNYID LOG PA'I CHUL MDZAD, DE NAS GNYID SANG DE LAG BAS PHYAG RGYA ZHIG MDZAD NAS, PHUN TSOGS GROL THOB CIG 'ONG BA'I RIGS SU NI YOD, BDEN, ZHES DANG, SKRAG MI DGOS BLO 'DUN DKON MCHOG LA GTOD LA BLO LTOS CHOL, ZHES SHUGS DRAG TU ZER BA ZHIG RMIS PAS DA NI, NGA RANG BLO DKON MCHOG LA GTAD LA BSHAD NYAN BYED PAR THAG BCAD SNYAM PA THUGS LA 'KHRUNGS, DE'I TSE 'DI LTAR DGONGS TE, BYANG CHEN 'DIR CHOS BAR 'DRA DANG, SKABS SU THUGS DAM BYED BA'I KHANG PA CIG DGOS PAR 'DUG SNYAM DU DGONGS TE, DE'I MTHUN RE NA SHING CHA SOGS BSTAN PA'I SBYIN BDAG CHEN MO SH'AKYA DPAL BA LA BKA' LUNG GNANG ZHING, KHONG

GIS KYANG GANG DGOS PHUL TE SA GZHI BAR BYAS NA GDUL BYA 'PHRIN LAS RGYA CHER 'ONG BA'I MTSAN LTAS SOGS KYANG YOD PAS THEG CHEN PHO BRANG ZHES PA'I GZIM KHANG CHEN PO MA PHO 'BRUG GI LO LA BTAB BO, ,DE NAS SNGAR BKRA SHIS RDO KHAR RJE BCUN TZONG KHA PA CHEN POR TSAD MA RNAM NGES KYI DOGS GCOD GSAN PA'I ZIN BRIS RNAMS DANG, DGE LDAN DU RGYAL TSAB RJE LA RNAMS 'GREL GSAN PA'I GSUNG RGYUN RNAMS LA GZHI BYAS TE TSAD MA'I BSTAN BCOS CHEN PO RIGS PA'I RGYAN CES BYA BA ME MO SBRUL GYI LO'I ZLA BA BCU PA LA RDZOGS PAR MDZAD DO, ,DE NAS SHANGS MDO RI BO DGE 'PHEL DU PHEBS NAS ZLA BA GCIG TZAM SKU MTSAMS MDZAD DE BZHUGS PA'I NUB GCIG MNAL LAM NA DA LTA BKRA SHIS LHUN PO'I RGYAB RI 'DI'I RNAM PA CAN GYI RI RTZE NA RJE TZONG KHA PA BZHUGS, RKED PA CAM NA SEMS DPA' CHEN PO 'DUL 'DZIN BLO GROS SPAS BA BZHUGS, DE'I SMAD TZAM NA RJE RANG NYID BZHUGS 'DUG ,DE NAS SEMS DPA' CHEN PO BLO GROS SBAS PA'I ZHAL NAS, RJE BLA MA'I 'DI LA YAR SNYAN GTOD LA GSON DANG, RJE TZOD KHA PA CHEN PO RANG RE LA LUNG BSTAN MANG PO MDZAD KYIN 'DUG ZER BA LA RJE 'DI BAS LEGS PAR GSAN PAS GSUNG GI SGRA DBYANGS MANG PO ZHIG SGROG PAR PHAL CHER MA GO ,GSUNG GI CHA SHAS SHIG LA, DGE 'DUN GRUB CES BOS NAS, KHYOD LA BRTEN NAS SA PHYOGS 'DIR TSAD MA RNAM 'GREL GYI BSTAN BRGYAS BAR 'GYUR BA ZHIG 'ONG BA YIN, ZHES GSUNG BA ZHIG GSAL BAR TSOR

, ,BAS LUS KYI BA SPU G-YO BA ZHIG BYUNG, DE'I TSE 'DUL 'DZIN BLO GROS SBAS PA RJE RIN PO CHE'I DRUNG NA BZHUGS NAS RJE DGE 'DUN GRUB LA RJE RIN BO CHES LUNG BSTAN 'DI LTAR GNANG ZHES GSUNG BDE CI BA LTA BA YIN NAM SNYAM DU DGONGS NA, SKYE BA PHYI MA RJE DANG MJAL BA KHONG SNGA BA ZHIG 'ONG BA YIN NAM SNYAM PA CIG BANG, YANG RMI LAM DE KHA'I 'PHRO LA TE'I SI TU CHEN PO DE GOS 'GANG DKAR PO ZHIG GYON, ZHO KHO GCIG LAG TU KHYER NAS RI DE'I RTZER RJE BTZUN TZONG KHA PA LA MJAL GYIN 'DUG PA RMIS PA ZHIG BYUNG STE MTSAN LTAS DE DAG NI RJE DGE 'DUN GRUB KYIS BKRA SHIS LHUN PO 'DEBS PA DANG, DGON GNAS 'DIR RJE RIN PO CHE'I BSTAN PA CHES CHER 'PHEL BA DANG MDO SNGAGS KYI GZHUNG SPYI DANG KHYAD PAR TSAD MA RNAM 'GREL DAR BA'I LUNG BSTAN 'KHRUL MED DU BYUNG BA YIN ZHING, JI LTAR LUNG BSTAN BA LTAR CHOS GRVA CHEN PO BKRA SHIS LHUN POR RJE BLA MA'I MDO SNGAGS KYI BSTAN BA CHES CHER DAR BA KUN GYI MIG LAM DU SNANG BA LTAR RO, ,DE NAS DE GE LDAN DU PHEBS NAS BYANG RTZE CHOS RJE NAM MKHA' DPAL BA LA, BCOM LDAN 'DAS 'KHOR LO CHEN PO'I BYIN RLABS RGYUD KYI DBANG LUNG MAN NGAG SOGS DANG, TSE DPAG MED LHA DGU'I DBANG YANG GSAN CING, KHONG GIS MDZAD PA'I DE'I SGRUB DKYIL ZHIG 'DUG PA'I YIG MKHAN YANG MDZAD DO, ,GZHAN YANG SNGAGS KYI BKA' LUNG MANG PO GSAN CING, THUN MONG BA BYANG CHUB LAM

GYI RIM BA'I KHRID DANG RJE TZONG KHA PA NAS BRGYUD BA'I BLO SBYONG SNYAN RGYUD CHEN MO SOGS ZAB CING RGYA CHE BA'I CHOS MANG PO GSAN NO, ,DE NAS LCAGS PHO SBRE'U'I LO LAG TZANG PHYOGS LA PHEBS, SNAR THANG DU BYON, DE SKOR LA SNAR THANG BYANG CHEN GNYIS SU PHAL CHER BSHAD NYAN MDZAD, KHYAD PAR SNAR THANG DU 'DUL BA'I GLENG 'BUM CHEN MO DANG SO THAR GYI t'IKKA'I RTZOM PA MDZAD, DE NAS BSAM GRUB RTZE NAS RJE SHES RAB SENG GE DANG, RJE DGE 'DUN GRUB GNYIS KA GDAN DRANGS TE MDO SNGAGS KYI 'CHAD NYAN MDZAD PA'I BDAG RKYEN BZANG PO RIM PA BZHIN DU MDZAD, DE NAS BYANG CHEN SNAR THANG SOGS SU RIM PAR BYON TE BSHAD NYAN GTZO BOR MDZAD, DE DUS DGONGS BA LA, SNGA DUS 'OD 'DIR LO CHEN YAB SRAS KYI RING LA BSHAD NYAN DAR BAR BYUNG 'DUG NA'ANG GZHI GSUM GYI PHYAG LEN CHER MA BYUNG, DA 'DUL BA'I BSLAB KHRIMS RNAM BAR DAG BA CIG GZHIR BZUNG STE DE'I STENG NAS BSHAD NYAN GTZO BOR BYED PA CIG BYA DGOS TE, DE'I RTEN 'BREL DU BSLAB KHRIMS BCA' YIG CHEN MO 'DI CHU MO PHAG GI ZLA BA DRUG PA'I YAR TSES LA DPAL BYANG CHUB CHEN POR MDZAD, DE NAS BZUNG STE GZHI GSUM GYI PHYAG LEN BAR MA CHAD DU YOD BA YIN NO, ,DE NAS GLEGS BAM RIN PO CHE'I LUNG YANG SNGAR NAS MA GSAN PAS GSAN 'DOD CHE BA DANG, SGRA KA L'A BA'I SA BRIS YONGS SU RDZOGS PA CIG MDZAD BZHED KYIS KUN NAS BSLANGS TE, LO DE'I STON MJUG LA DPAL SDINGS LA BYON TE, LO TZ'A BA CHEN PO THUGS RJE

, ,DPAL BA LA SGRA'I SA BRIS THOGS SHIG ZHUS, YONGS SU RDZOGS PA RTING SOR MDZAD PAR ZHUS TE SHING MO GLANG LO'I DGUN CHOS LA BO DONG LA BYON CHOS THOG GCIG BZHUGS, CHOS GROL MTSAMS SHIG TU BLA BRANG SER POR GRAGS PA DER THO RANGS SHIG DPU 'PHUR NAS BZHUGS YOD TZA NA BAR SNANG LA BUD MED DUS PA'I SKAD LHANG BA ZHIG BYUNG, DBU 'PHUR BA BSANGS TE, CI BYUNG BA YIN DRIS PAS, NGA'I MING PO SANGS RGYAS KYI BSTAN PA LA GCES PA CIG YOD PA DE GSHEGS PAS DU BA YIN ZER, DE SU YIN BYAS PAS, DE BSHAD NA KHYOD KYANG MYA NGAN BYED DU 'ONG BAS MI SMRA ZER, CI YIN NAM SNYAM DU SEMS MA BDE BA ZHIG BYUNG, YANG DE DUS THO RANGS SHIG SNGAR GYI BUD MED DE'I SKAD LHANG BA CIG BYUNG, MGO BO BSANGS TE NYAN PAS, DE NA KHYOD KYI DGON PA YOD, ,GDUL BYA DAG KYANG DER 'DU ZHING, ,KHO MO'ANG KHYOD KYI RJES SU 'BRANG, ,KHYOD KYI RJES 'BRANG SKYOB BAR BYED, , CES ZER, DGON PA JI LTA BU ZHIG 'ONG, DGON PA'I MING LA JI SKAD ZER BYAS PAS, LAG PA GNYIS THAL MO KHONG STONG DU SPYAR TE, DGON PA 'DI LTA BU ZHIG 'ONG, DGON PA'I MING LA MU KHYUD CAN ZER, DE MKHA' 'GRO'I BRDA SKAD YIN NO AANG ZER TE YAL SONG, YANG DE DUS LHA MO 'DI'I ZHAL NAS, RTEN 'BREL KHYAD PAR CAN YOD PAS TSOGS SU MA nI BRGYA RTZA RE YANG MA CHAG PAR TSUGS SHIG GSUNG, YANG DE DUS DGE BSHES SHIG LA LHA

MO 'DI SPYAN DRANGS PA BYON PA LA, NGAS BSHAD SAB GANG BYAS NA BSTAN PA DANG SEMS CAN LA PHAN, DGON PA GA NA YOD, DGE TSUL CIG KYANG GA NA YOD ZHUS PAS, DE'I ZHAL NAS, BSHAD SGRUB DANG KHYAD PAR 'CHAD NYAN BYAS NA BSTAN PA LA PHAN STOBS CHE, DGON PA CIG MA GI NA YOD, MING LA MU KHYUD CAN, DE YANG BRDA SKAD YIN NO AANG, DGE TSUL CIG PHA GI NA YOD, SNYING RJE RJE ZHIG PHA GI NA YOD DO ZER RO, ,DE NAS BDE CHEN RTZER STON CHOS LA LO CHEN THUd RJE DPAL BA SPYAN DRANGS TE SNGAR GYI KA L'A PA'I SA BRIS KYI 'PHRO DANG, SDEB SBYOR RIN CHEN 'BYUNG GNAS SOGS THA SNYAD KYI GTZUG LAG KYANG MANG DU GSAN, KHYAD PAR KA L'A PA'I GZHUNG DON 'GA' ZHIG LA, 'DI RANG 'GREL BA DANG BSTUN NA 'DI LTAR YIN PA 'DRA ZHES YAR ZHUS PAS KHONG GIS THAL MO SBYAR TE, NGO MTSAR CHE, KHYED RANG SNGA NAS MKHAS PAR 'DUG ,NGA LAS SLOB MI DGOS PAR 'DUG GO GSUNG NAS SHIN TU DGYES PA BYUNG, GZHAN YANG SGROL MA YID BZHIN NOR BU'I RJES GNANG SOGS BKA' YANG 'GA' RE GSAN CING, KHYAD PAR SNGA NAS YANG YANG YID LA GCAGS PA'I GLEGS BAM RIN PO CHE'I LUNG GSAN DUS, DRUNG NAS KYIS SU LA GSAN ZHUS PAS KHONG GI ZHAL NAS, BDAG GIS CHOS 'KHOR SGENG PA CHOS RJE SENGGE RGYAL MTSAN LA ZHUS, KHONG 'BROM GYI SPRUL PAR BYED PAR GDA' GSUNG ZHING, GZHAN YANG DE DUS KHONG GIS GSUNG NAS, GLEGS BAM RIN PO CHE NAS 'BYUNG BA LTAR DA STE YUN

, ,MI RING BAR KHYED RANG GI YUL PHYOGS SU BSTAN 'DZIN GYI DGE SLONG BGRES BO ZHIG ,'BROM GYI RNAM THAR ZHU ZER 'ONG GIS, DE DUS DGE SLONG DE LA 'BROM GYI 'DU SHES ZHIG, KHYOD RANG SPYAN RAS GZIGS SU SGOMS LA GLEGS BAM RIN PO CHE LEGS PAR STON CIG GSUNG GIN 'DUG PA DANG MTHUN PAR KHO BO SKAL BAR LDAN, GLEGS BAM RIN PO CHE 'DI 'BROM LAS THOS NAS 'BROM LA 'CHAD PAR 'DUG PAS, DA NI CHOS BDAG PO LA 'PHROD PA YIN NO ZHES GSUNGS NAS THUGS DGYES PAR BYUNG LA 'DI RNAMS LA BRTAGS NA YANG RJE BLA MA 'DI NYID 'BROM THUGS RJE CHEN PO'I SPRUL PA YIN PAR GDON MI ZA BA YIN NO, ,DE NAS SNAR THANG DU RJE 'DI PAS NYE GNAS CHEN PO DON GRUB GRAGS PA LA, NGED LA TSE 'DIR RJE SHES RAB SENGGE BKA' DRIN CHE BA YIN, DE'I BKA' DRIN BSAB PHYIR DU CHOS PHYOGS NAS BSHAD NYAN BYAS TE LAG RJES SHIG 'JOG ,'JIG RTEN ZANG ZING GI LONGS SPYOD PHYOGS NAS NANG RTEN DU RTEN BZHENG ZHIG BYAS TE LAG RJES DOD PA CIG BYAS NA BSAM PAS, RTEN DE BZHUGS SA ZHIG JI LTAR BYA ZHES DRI BA MDZAD CING DE JI LTAR BYAS NA 'ONG SNYAM DU DGONGS PA BTANG BAS, DANG PO RJE BTZUN TZONG KHA PAS LUNG BSTAN PA DE DANG, PHYIS BO DONG DU LHA MO 'DIS LUNG BSTAN PA'I DGON PA DE YANG 'DI GA YIN PA SRID, KHYAD PAR SNGAR RJE SHES RAB SENGGE BSAM GRUB RTZE NAS SNAR THANG LA 'BYON RES KYIS BKRA SHIS LHUN PO'I DGON PA 'DI LA PHYAG

MDZUB GTAD DE, SA PHYOGS 'DI NA DGE 'DUN GRUB MGO BO SKYA YER YER CHOS 'CHAD KYIN 'DUG PA CIG SEMS SANG LA DUS RGYUN DU 'ONG GSUNG BA CIG YANG YANG YOD PA LA BRTEN, SA PHYOGS 'DI GA DGON PA'I GNAS SU BZANG BAR GZI? TE 'DI NYID DU DGON PA 'DEBS PAR THUGS THAG BCAD LA, SPYIR SNGA ME NAS BLA MA LHA DANG BCAS PAS LUNG BSTIN DE LTAR YOD CING RJE RANG LA NGES NGES YOD NA'ANG SBAS PA'I TSUL DU DE LTAR MDZAD DO, ,DE NAS ME MO YOS LO'I DBYAR SOS NAS BRTZAMS TE BSAM GRUB RTZE'I BRAG DMAR BLA BRANG DU RTEN BZHENG GI 'GO BTZUGS TE LUGS BTANG BAS, THANG LA MA BYUNG BA LA, MYANG STOD PA'I DKA' BCU PA GCIG RMI LAM BRTAG TU BCUG PAS, KHONG GI RMI LAM DU CHA LUGS MDZES BA'I BUD MED GSUM MI RKANG GI GLING BU 'BUD CING 'DI SKAD LO, SKYES BU DAM PA'I THUGS KYI MUN PA GTING NAS BSAL, ,GANG DANG GANG DU BZHUGS PA DE RA, ,'OD DPAG MED PA'I SMON LAM MA, ,'GRO LA DGYES PA'I 'DZUM STON MA, ,YANG DANG YANG DU SPYAN 'DREN NO, ,LUGS PHUD RJE BTZUN SGROL MA 'TSAL, ,SENG GDONG GEGS MED 'BYON PA LA, ,THUB DBANG MNGAL SKYES KYI BSTOD PA 'TSAL, ,PE HAR GYI RTZOM PA CUNG ZAD YOD, ,RTA MGRIN NAG PO'I ZLOG PA 'TSAL, ,NGED TSO YANG SPE GDONG CAN GZUNGS KYI DPAL DANG, ,MKHAS GRUB DU MA BSTEN PA YIN, ,YANG DANG YANG DU 'ONG GIN YOD, ,ZER GYIN 'DUG ,YANG NA KHA CIG NA BUD MED SMUG MO GCIG NA RE, BAR CHAD MI 'ONG,

, ,'PHRIN LAS DANG GROGS DAN NGED LCAM DRAL GYIS BYED PA YIN ZER BA CIG RMIS LAGS ZHUS PAS, DE MA THAG THUB PA CHEN PO LA BDUD DPUNG PHYE MAR 'THAG PA ZHES BYA BA'I BSTOD PA DE MDZAD DE LUGS PHUD LA RJE BTZUN MA'I SKU BZHENGS SHING, DE NAS STON PA'I SKU RGYAB MTHO NYER LNGA PA CIG GI LUGS BTANG BAS BYIN RLABS KYI GZI 'OD 'BAR ZHING NGO MTSAR BAR BYON NAS RTEN DE'I THUGS KAR RGYAL BA TZONG KHA PA CHEN POS THOG DRANGS RTZA RGYUD KYI BLA MA SANGS RGYAS BYANG SEMS KYI RING BSREL MANG POS GTAMS PA'I DNGUL GYI RGYAL BA 'OD DPAG MED KYI SKU, RJE BTZUN SHES RAB SENGGE'I DBU THOD RIN PO CHE SNA TSOGS PAS BKAD BA DANG BCAS PA BZHUGS SHING, GZHAN YANG SKU'I STOD SMAD KYI CHAR GZUNGS SNGAGS BYIN RLABS CAN MANG PO BSHAD TSOD DANG MTHUN PAR BZHUGS, KHYAD PAR SKU'I SMAD KYI CHA LA 'DUL BA'I GSUNG RAB KYA GLEGS BAM MANG PO ,RJE BTZUN TZONG KHA PA'I MTHANG GOS DANG BCAS BA RTEN 'BREL KHYAD PAR CAN BSGRIG PA'I PHYIR DU BZHUGS, MDOR NA DE NAS BRTZAMS TE RTEN GYI NANG BZHUGS SOGS YONGS SU RDZOGS PAR 'BRUG LO ZLA BA GSUM PA YAN LA RDZOGS PAR GRUB PA YIN NO, ,DE NAS RTEN YAR PHYOGS LA SPYAN 'DREN NAM SNYAM DU DGONGS TE DAR RGYAS PA LA KHRAB RMOG GRI GSUM GYI GNANG SBYIN MDZAD, BKA' BGROS MDZAD PA LA RDO RING PA'I DPON PO NA RE, RJE KHYED RANG DKON MCHOG LA GSOL BA THEBS PA'I GANG ZAG YIN PAS DKON

MCHOG LA GSOL BA BTAB NAS, BSTAN PA DANG SEMS CAN LA GANG DU BZHUGS NA PHAN PA CHE BAR LUNG BSTAN PA CIG MDZAD PAR ZHU YAR MAR LA KHYAD PAR MA BYUNG NA 'DI PHYOGS LA BZHUGS PA CIG ZHU ZER, DAR RGYAS PA'I ZHU BA LA; DA SKU 'DI GANG DU BZHUGS KYANG GTZUG LAG KHANG GI ZHABS TOG BDAG RANG GIS BYED PA LAGS PAS YON MCHOD RING DU MI GTONG BZHU ZER, DE NAS BSAM GRUB RTZER GZHIS BYES KYI DGE 'DUN MANG PO BSAGS NAS RJE BTZUN MA LA GSOL BA BTAB PAS 'DI PHYOGS LA BZHUGS PA LUNG BSTAN BYUNG, DE NAS DGON PA'I 'GRAM GDING BAR BZHED DE DNGOS KYI SBYIN BDAG DAR RGYAS PA DGON BSOD NAMS DPAL BZANG BAS MDZAD NAS, RAB BYUNG ZHES PA ME MO YOS LO'I SMIN DRUG ZLA BA'I YAR TSES BZANG PO LA RJE RANG NYID SBYIN BDAG DANG BCAS PA 'DIR PHEBS, SA BRTAG PA, GZHI BDAG LA GTOR MA SBYIN PA LA SOGS PA'I CHO GA RGYAS PAR MDZAD DE, SA'I CHA 'DIR GTZUG LAG KHANG, 'DIR BLA BRANG, 'DI RNAMS SU BRANG KHANG SO SO RNAMS GYIS GSUNGS TE, GTZUG LAG KHANG DRI GTZANG KHANG DBUS MA DANG BCAS PA'I 'GRAM BTING STE, BKRA SHIS LHUN PHO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING BTAB BO, ,DE YANG GTZANG KHANG CHEN MO LA KA BA DRUG GIS DANG, 'DU KHANG LA KA BA BZHI BCU ZHE BRGYAD KYIS YOD CING, BYAMS KHANG LA KA BA BCU GNYIS KYIS DANG, SKROL MA LHA KHANG LA KA BA DRUG GIS DANG, MGON KHANG LA KA

, ,BA GNYIS KYIS RNAMS PHYIS BZHENGS PA YIN NO, ,YANG DE'I DUS SU RJE BLA MA 'DI GTZUG LAG KHANG 'DI'I KHYAMS SU GUR DKAR PO ZHIG GI NANG DU BZHUGS PA'I THO RANGS SHIG SNGAR GYI BUD MED DE'I SKAD BAR SNANG LA LHANG BA CIG BYUNG BA LA GSAN PAS, DGON PA'I MING LA BKRA SHIS LHUN PO GYIS, SNGAR GYI MKHA' 'GRO'I BAD SKAD DES KHROL LO AANG GSUNG BA CIG BYUNG BAS BKRA SHIS LHUN PO ZHES PA LHA MO 'DIS BTAGS PA YIN; DPAL GYI SDE CHEN PHYOGS THAMS CAD LAS RNAM PAR RGYAL BA'I GLING ZHES PA RJE RANG GIS BYAS PA YIN GSUNG NGO, ,YANG DE DUS SU DGON PA'I MDUN GYI NE'U THANG DER RAB BYUNG ZHIG BSGRUBS, DE GNAS DER RAB BYUNG BYED PA'I THOG MA YIN PAS MING TSOGS PA RGYA MTSO 'PHEL DU BTAGS, RAB BYUNG SGRUB PA'I DUS RJE ZHAL DGON PA PHYOGS LA BSTAN TE GZIGS PAS SNGAR RI BO DGE 'PHEL DU RMI LAM LA, RJE BTZUN TZONG KHA PAS LUNG BSTAN PA'I GNAS DE 'DI YIN PAR GOR MA CHAG PAR 'DUG SNYAM DU THUGS NGES DANG, KHYAD PAR RJE YAB SRAS GSUM GYI BZHUGS SA SOGS LA CHER DPYAD BAS THUN MONG MA YIN PA'I NGES SHES BYUNG, DE'I PHYIR DGON PA 'DI RJE BTZUN TZONG KHA PA YAB SRAS DANG LHA MO 'DIS LUNG BSTAN PA YIN NO ZHES GSUNG, KHYAD PAR GLEGS BAM RIN PO CHE LAS KYANG DGON BA 'DI NYID KYI LUNG BSTAN MANG DU GSUNGS SHING, CHES GSAL BAR, GLANG CHEN BZHENGS DANG

BZHUGS 'DRA BA, ,MTHAR THUG BSAM GTAN LHUN GRUB SHOG ,CES DANG, LTA BAS MI NGOMS GZI BRJID CAN, ,MTSUNGS PA MED PA'I BKRA SHIS GNAS, ,BKRA SHIS LHUN PO RGYAS 'GYUR SHOG ,'DOD DGU 'BYUNG BA'I RIN PO CHE, , DE DANG MTHUN PA DPAG BSAM SHING, ,DGOS 'DOD 'BYUNG BA'I BKRA SHIS GNAS, ,BKRA SHIS MCHOG RAB RGYAS 'GYUR SHOG ,CES SOGS KYIS BKRA SHIS LHUN PO'I RGYAB RI DANG, GNAS KYI DBYIBS DANG, DE'I GANG ZAG DANG, DE'I BSAM GTAN 'GRUB LUGS DANG, RTEN KHYAD PAR CAN 'BYON LUGS LA SOGS PA RNAMS LUNG BSTAN TO, ,DE NAS LCAGS PHO RTA'I LO'I DGUN CHOS GROL MTSAMS SHIG TU RJE BLA MA 'DI RI BO DGE LDAN GYI MKHAN PO LA GDAN 'DREN PA LA BLA MA DKA' BCU BA SBYIN PA DPAL BA DANG DGE BSKOS DPAL LDAN RIN CHEN PA GNYIS KYIS THOG DRANGS DPON SLOB THEGS SHIG GIS SLEBS NAS RJE 'DI PA LA DGA' LDAN GYI GDAN SA LA 'BYON DGOS PA'I ZHU BA PHUL BAS RJE 'DI BAS BDAG DGE LDAN GYI GDAN SA BYED DU MI 'GRO ,DE'I RGYU MTSAN YANG DGON PA 'DI YANG BTAB MA THAG TU SONG BAS RGYUN BRTAG PA CIG MA BYUNG DOGS SHING, KHYAD PAR SNGAR BYAS PA THAMS CAD KYANG BSTAN PA SPYI SGOS 'BA' ZHIG LA BSAMS DA DUNG YANG RJE BTZUN TZONG KHA PA CHEN PO'I BSTAN PA 'BA' ZHIG LA BSAMS TE 'DI KHAR SNGOD PA YIN, DA LAM MKHAS GRUB RIN PO CHE'I GCUNG PO CHOS RJE BSO BA 'DI LUNG RTOGS KYI YON TAN GANG SA NAS RJE'I GDAN SAR 'OS PA

, ,YOD PAS 'DI DGE LDAN GYI KHRI LA GDAN 'DREN PAR MDZOD GSUNGS NAS RJE NYID MI 'BYON PAR THAG BCAD, DE NAS RTA NAG RI KHUD DANG, LHA RGYAL RTZE SOGS SU CHOS BAR MDZAD CING SKAL BA DANG LDAN PA MTHA' YAS PA LA CHOS STON PAR MDZAD DO, ,DE DAG GI BAR SKABS SHIG RJE 'DI NYID BYANG CHEN DU SKU MTSAMS LA BZHUGS NAS RGYAL BA TZONG KHA PA'I BSTAN PA'I SNYING PO MTHAR THUG PA RNAMS LA NYAMS BZHES MDZAD PAS SKYES BU GSUM GYI LAM GYI RIM PA RNAMS DANG SNGAGS KYI ZAB LAM RIN PA GNYIS KYI GNAD RNAMS LA MYONG PA PHUL PHYIN 'KHRUNGS SHING SHAR GYI RI BO'I RTZER SPRIN DKAR PO ZHIG GZIGS PA'I RKYEN BYAS RJE YAB SRAS KYI BKA' DRIN DRAN PA'I MOS GUS SHUGS DRAG 'KHRUNGS TE, SHAR GANGS RI DKAR PO'I RTZE MO NA, ,ZHES SOGS KYI NYAMS MGUR MDZAD, DE DUS GTZANG PHYOGS SU LUS MED BDAG PO SNYING LA ZHUGS PA MANG POS 'JAM MGON BLA MA'I BSTAN PA 'PHEL BA LA GEGS CHEN PO BYAS KYANG, RJE 'DI PAS RANG GI SKU DANG SROG LA'ANG MA GZIGS PAR 'JAM MGON BLA MA'I BSTAN PA CHES CHER 'PHEL PHYIR CHOS GRVA CHEN PO BKRA SHIS LHUN PO BTAB CING, MDO SNGAGS GNYIS KA'I BSHAD SGRUB RKANG TSUGS PAR MDZAD DE BSTAN PA'I SROG SHING BZUNG BAS NA RJE 'DI NI 'JAM MGON BLA MA'I BSTAN PA 'DI LA BKA' DRIN BLA LHAG TU CHE BA ZHIG GO ,DE NAS RJE 'DI'I DGONGS PA LA, SNGA MO NAS MKHAS GRUB THAMS CAD MKHYEN

PA MNAL LAM DU BYON TE, RJE BTZUN BYAMS PA'I SKU ZHIG BZHENGS NA BSTAN PA DANG SEMS CAN LA PHAN PA RGYA CHEN POR 'GYUR BA'I LUNG BSTAN CIG YOD PA DANG, GZHAN YANG RANG GI SLOB MA NYAMS RTOGS CAN 'GA' ZHIG GI NYAMS DANG RMI LAM LA, RJE BTZUN GYI SKU BZHENGS NA PHAN THOGS RGYA CHEN PO 'OD ZER BA MANG PO YOD PA SOGS LA BRTEN NAS RJE BTZUN BYAMS MGON GYI SKU BZHENG BAR RTZOM PAN RJE 'DI PAS LHA BTZUN BSTAN PA'I RGYAL MTSAN LA, RJE BTZUN GYI SKU TSAD JI TZAM 'ONG GI BRTAG PA CIG BYED DGOS PA 'DUG PAS, GYANG LOGS SHIG LA PHYAG MTHO DRUG GI TSAD MDZAD NAS, 'DI LA DPES PA'I ZHAL ZHIG BRIS GSUNGS, KHONG GIS BRIS PAS TSAD 'PHYUGS NAS MTHO DGU TZAM DU SONG BA DANG RJE'I ZHAL NAS, BLA MA ZHANG GIS LHA CHEN DPAL 'BAR BZHENGS DUS NYE GNAS KYIS SROG SHING TSAD 'PHYUGS PA'I RTEN 'BREL GYIS SKU SHIN TU CHE BA CIG BYUNG ZER, 'O SKOL LA YANG SKU CHEN PO ZHIG 'ONG BA YIN YOD GSUNG, DE NAS ZHAL BRIS NAS MCHOD PA PHUL, GSOL BA BTAB PAS DE'I NUB MO LHA RI RTZE NAS SER SNAM GYI GSOL BEMS LEGS PA CIG 'BUL BA LA BTANG BYUNG BAS, RTEN 'BREL SHIN TU LEGS ZHES GSUNG, DE'I THO RANGS MNAL LAM DU, SUM BRGYA DRUG CU THOB ZER BA'I SGRA LHANG BA ZHIG BYUNG GSUNG, DE'I TSE SPRUL PA'I BZO BO RNAMS SPYAN RAS GZIGS DANG SGROL MAS RGYUD BSKUL, DPAL LDAN LHA MOS LAM SRUNGS MDZAD NAS CHU 'DUS SU SLEBS, DE NAS DRUNG CHOS RGYAL BAS LHA BZO PA RNAMS KHRID NAS

, ,'DIR SLEBS, RJE'I DRUNG DU RGYU MTSAN PHUL BAS RJE'I GSUNG NAS, SHIN TU LEGS, MI GSAR GYI KHA NAS GTAM BYUNG, SLANG TSA DUS KYI SKAM PA BYAS PA YIN GSUNG, DE NAS SANG NYIN BZO BO RNAMS LA ZANGS LEB RNAMS BSTAN PAS KHONG RNAMS NA RE, DA NI, RGYU YANG LDANGS SHING, ZANGS LEB RNAMS KYANG LEGS PO 'OD ZER NAS DBU'I TSUG DRANGS TE BZO TSUGS SO, ,DE NAS SPRUL PA'I BZO BO RNAMS KYIS SKAD CIG KYANG MA YENGS BAR BZO BYAS PAS THOG MAR DBU LEGS PAR GRUB, DE LA RAB GNAS MDZAD DE GSOL BA BTAB BAS MDZOD SPU LA ME TOG GCIG CHAGS SHING, KHYAD PAR SNYAN RGYAN G-YAS KYI 'BUR DBUS MA LA RGYAL BA TZONG KHA PA'I SKU RANG BYON SHIN TU MTSAR BA ZHIG SKYE BO THAMS CAD KYI MTHUN GRUB TU BYON, GZHAN YANG DE'I TSE CHOS SKYONG GI GTOR SGRUB 'DZUGS PA SOGS KYI RIM GRO 'DZUGS PA DANG BCAS TE BAL PO RNAMS KYIS BZO LEGS PAR BRTZAMS, DE'I TSE SKU RIM PA RNAMS DANG BZO BO RNAMS KYI NYAMS SNANG LA NYIN MO MI DANG MTSAN MO MI MA YIN GYIS BZO SGRUB PA'I SNANG BA RGYUN MI 'CHAD CING, DE LTAR BSGRUBS PAS RING POR MA THOGS PAR KHRU NYI SHU RTZA LNGA'I SKU TSAD DANG LDAN PA'I RJE BTZUN GYI SKU NGO MTSAR CAN DE CHU MO LUG GI LO LA GRUB STE RTEN GYI NANG BZHUGS LA YANG DAM PA MANG PO'I RING BSREL SOGS SANGS RGYAS BYANG SEMS KYI SKU GDUNG RING BSREL DANG LDAN ZHING, RGYU RIN PO CHE LAS GRUB PA'I LUGS SKU MANG PO BZHUGS

SHING; GZHAN SKU'I STOD SMAD KYI CHA LA BSHAD TSOD DANG MTHUN PA'I GZUNGS SNGAGS MANG PO DANG, GSUNG RAB PO TI MANG PO BZHUGS, GZHAN YANG SMAN SNA, 'BRU SNA, ZAS SNA, GOS DAR GYI SNA MANG PO SOGS MTSANG BA MED BAR BZHUGS, GZHAN YANG RTEN GYI NANG BZHUGS KHYAD PAR CAN ZHIG GZHAN SU LA YANG RGYUS MED PAR RJE RANG NYID KYIS MTSAN MO BYON TE, RTEN GYI THUGS KAR BZHUGS SU GSOL NAS GSOL BA GDAB PA DANG SMON LAM MANG PO YANG MDZAD CES GRAGS SO, ,DE LTA BU'I RTEN NGO MTSAR CAN DE'I RAB TU GNAS PA LUG LO ZLA BA LNGA PA'I YAR TSES BZANG PO LA DPAL GSANG PA 'DUS PA'I DKYIL 'KHOR BZHENGS TE, DE'I SGO NAS RAB TU GNAS PA RGYAS PAR MDZAD, DE'I DUS NAM MKHA' LA 'JA' TSON GYI GUR DANG, ME TOG GI CHAR 'BAB PA SOGS NGO MTSAR BA'I LTAS DPAG TU MED PA DANG, KHYAD PAR RJE RANG NYID KYIS DE NUB RJE BTZUN GYI ZHABS DRUNG DU BZHUGS TE GSOL BA RTZE GCIG TU BTAB PAS RJE BTZUN BYAMS PA SNAM SBYAR RDO TSOS MA GYON PA'I DGE SLONG GI RNAM PA CAN ZHIG SKU DE NYID LA YANG DANG YANG DU THIM PA'I SNANG BA BYUNG ZHING, DE'I THO RANGS DE LTA BU'I DGE SLONG ZHIG GIS; KHYOD KYIS BSTAN PA DANG SEMS CAN LA PHAN PA RGYA CHEN PO DE GRUB ZIN PAS DGA' BA SGOMS SHIG CES PA'I LUNG BSTAN YANG BYUNG NGO, ,DE NAS RJE BTZUN BYAMS MGON GYI SKU LEGS PAR GRUB

, ,PA'I RJES SU, RGYAB MTHO BCU DRUG DANG LDAN PA'I RJE BTZUN MA'I GSER SKU DANG, G-YAS G-YON DU RJE BTZUN MA SNGON MO DANG SGROL DKAR YID BZHIN 'KHOR LO'I SMAN SKU GNYIS MTSAR CHAGS BYIN RLABS DANG LDAN PAR GRUB STE, NANG BZHUGS LA THUGS KA NA SANGS RGYAS BYANG SEMS KYI SKU GDUNG RING BSREL MANG PO DANG, MGRIN PA NA RJE BTZUN MA RANG GI SKU 'JIM PA LAS RANG BYUNG DU BYON PA MTHO GANG TZAM ZHIG BZHUGS SHING, GZHAN YANG STOD SMAD KYI CHA RNAMS GZUNGS SNGAGS SKU TSE BSRING BA'I SPEL TSIG DANG BCAS PA MANG PO 'KHOR LO DANG BCAS PA BSHAD TSOD BZHIN DU BZHUGS PA'I RTEN NGO MTSAR CAN 'DI DAG LEGS PAR GRUB PA RAB TU GNAS PA LO DE'I ZLA BA BRGYAD PA'I TSES BZANG PO LA LEGS PAR BSGRUBS, DE'I TSE NAM MKHA' LA 'JA' 'OD 'KHRIGS PA, ME TOG GI CHAR 'BAB PA, KHYAD PAR BAR SNANG LA GLO BUR DU GAndI'I SGRA GLING STOD PA RNAMS KYIS GLING SMAD DANG, GLING SMAD PA RNAMS KYIS CIG SHOS NA GRAG PAR THOS PA SOGS NGO MTSAR BA'I LTAS MANG PO BYUNG NGO, ,DE NAS PHYI RABS 'BYOR LDAN SKYE BO RNAMS KYI DMIGS RKYEN DU BSTAN PA'I GTZO BO'I GOS SKU CHEN MO BZHENG BAR DGONGS TE, LHAG PA'I LHAS RGYUD BYIN GYIS BRLABS PA PIR THOGS RNAMS KYI RGYAL PO SMAN BLA DON GRUB PA DPON SLOB SPYAN DRANGS TE BZO'I RTZOM PA MDZAD DE DKYUS SU 'DOM BCO BRGYAD DANG, ZHENG DU 'DOM BCU GNYIS KYI TSAD DANG LDAN

PA'I SKU BZANG ZHING MTSAR CHAGS BYIN RLABS DANG LDAN PA YONGS SU RDZOGS PAR GRUB STE, GOS SKU 'DI'I THUGS KA NA RJE RANG NYID KYIS MDZAD PA'I BSTAN PA RGYAS PA'I SMON LAM GYI TSIG MANG PO BRIS NAS BZHUGS LA, DE'I RAB TU GNAS NGA YANG NGO MTSAR BA'I LTAS MANG PO DANG BCAS TE GRUB BO, ,DE LTA BU'I GOS SKU 'DI'I RGYU LA GOS YUG DGU BCU GO LNGA, GONG PA LA RTEN KHEBS NYI SHU RTZA LNGA, BLA BRE GNYIS, G-YAS G-YON GYI MTHA' LA DAB YUG LNGA, DAR CHAG LA DAR YUG GCIG DANG DAR KHA LNGA, SKUD PA LA GOS DAR 'DRES PA KHA BZHI BCU ZHE DGU DANG SE THA'U 'DOM PA DO, SMAD KYI MTHA' LA DAR YUG SNGON BO GCIG RNAMS SONG GSUNG NGO, ,DE NAS RJE BTZUN MA'I GOS SKU CHUR 'DOM BRGYAD DANG, ZHENG DU 'DOM DRUG GI TSAD DANG LDAN PA, RGYU BZANG ZHING BYIN RLABS KYI GZI 'OD 'PHRO BA DANG BCAS PA YONGS SU RDZOGS PA MYUR DU GRUB STE, RAB TU GNAS PA YANG NGO MTSAR BA'I LTAS MANG BO DANG BCAS TE LEGS PAR GRUB BO, ,GOS SKU 'DI'I MDZOD SPU NA MU TIG STONG NYIS BRGYA BDUN CU DON LNGA KHROM TSOGS SU YOD PA'I DBUS NA CHAR 'BEBS SHIG GI DUS SU GZHI GBDAG NA SER BAS RJE RANG NYID LA PHUL BA'I RIN PO CHE CHU SHEL GCIG DANG, DE BZHIN GSHEGS PA'I 'PHEL GDUNG, GLANG POR 'KHRUNGS PA'I SKU GDUNG, MCHIMS BLO BZANG GRAGS PA'I SKU GDUNG, SNAR THANG NYER 'DZIN CHEN PO'I SKU GDUNG, RING BSREL MANG PO DANG BCAS PA BZHUGS SHING, PHYAG G-YAS LA BYU RU MU MEN RNAMS 'DRAS PA

, ,BRGYA DANG NYER LNGA, PHYAG G-YON LA BYU RU NYIS BRGYA DANG GSUM, MGUL PA LA BYU RU DGU BCU, SHANGS KYI RTZE LA SBOS SHEL BZANG PO ZHIG DANG MU TIG RNAMS YOD GSUNG NGO, ,DE NAS RJE 'DI PAS BKRA SHIS LHUN GYIS GRUB PA'I CHOS GRVA CHEN POR GZHI PHAB NAS BZHUGS NAS CHOS KYI 'KHOR LO RGYUN MI 'CHAD DU BSKOR TE, DE YANG SNGA CHOS LA TSAD MA RNAM 'GREL DANG, MNGON BA MDZOD GNYIS GSUNGS, DE RJES ZHU MI DANG BSTUN, PHYI DRO DANG POR PHAR PHYIN, DE NAS 'DUL BA, DE NAS RTZA 'JUG GAM, BYANG CHUB LAM RIM, RGYUD 'GREL SOGS 'DOD PA DANG BSTUN TE GSUNGS, RNAM 'GREL LHA SH'A KA DANG DAR t'IKA MKHAS GRUB t'IKKA SOGS LA BRTEN NAS GSUNG, MNGON PA MCHI MAS DANG NEL PA'I t'IKKA GNYIS LA BRTEN GZHI MDZAD NAS DGONGS PAS DPYOD PAR SNANG, PHAR PHYIN GSER PHRENG DANG DAR t'IKA, 'DUL PA DMAR t'IKA DANG RGYA CHER 'GREL, RTZA 'JUG GSUNG DUS t'IKA CHEN TSAR PA RE BKLAGS NAS DON GYI SNYING PO DRIL BA RE LA BSKYAR CHOS MDZAD, LAM RIM BSLAB BYA BLO SBYONG SOGS LA'ANG BSHAD PA RE DANG BSKYAR CHOS GNYIS RE 'ONG NGO, ,BLO SBYONG LA 'DAR STON BYANG CHUB DPAL GYIS ZIN BRIS RGYAS PA CIG MDZAD SNANG, CHOS GSUNG BA'I DUS SU ZHAL 'DZUM MDANGS DANG LDAN PA CIG 'ONG, DRUNG NA 'DUG BA DANG THAG RING PO NA 'DUG PA LA KHYAD PAR MED PA CIG 'ONG, GSUNG GI GDANGS DAL ZHING 'GRO GZHAN LAS CHE BA

CIG 'ONG, GZHUNG GI GCOD MTSAMS MDZAD PA RANG GIS GO THUB PA 'DRA BA CIG 'ONG, CHOS GSUNG BA'I BUS GZHAN LA SMOD PA SOGS KYI CHOS DMAG DANG ZER CHU YE MI 'ONG GRUB MTHA'I 'DOD CHUL MI 'DRA BA DANG, DOGS PA MANG DU BKOD NAS 'DI TSE RIGS LUNG GI SAR DPYAD DGOS GSUNG, NYAMS SU LEN NA 'DI 'DRA ZHIG 'ONG TSOD DU GDA' ZHES PHYOGS RGYAG RE MDZAD DA BLO GZHAN LAS 'KHUL BA CIG 'ONG, BGRO GLENG GNANG BA'I DUS ZHAL PHO DANG BCAS TE HUR PHYUNG NAS MDZAD, THAL SKAD KYANG SHIN TU BDE BA SNYING RLUNG SANGS PA 'DRA BA CIG YOD, BGRO GLENG MDZAD PAR GRUB MTHA' MANG DU BZHAG NAS, SKYON GTONG RGYU CI YOD CES GSUNG, 'CHAD NYAN PA RNAMS DANG GRVA PAS KYANG BLO NUS JI YOD KYIS BGRO GLENG PHUL TE SONG BA MI 'ONG BAR GDA', SPYIR MI GCIG LA DGYES PA'I BZHAD GNANG TZA NA TSOGS PA THAMS CAD SPRO SING GIS 'ONG, GCIG LA BKA' BKYON DUS GZHAN MA'ANG SKRAG 'ONG BA CIG YOD , DGYES PA'I STABS MDZAD DUS ZHAL GYI DKYIL 'KHOR THAMS CAD 'DZUM GYI RANG BZHIN DU SONG BA 'DRA BA CIG 'ONG, DBU NI GDUGS LTA BU SGOR KHYIL BA CIG YOD, SHANGS MTHO ZHING SNYAN SHAL RING BA, DPRAL BA YANGS PA ZHAL CHE BA, SPYAN ZUR GSUM LTA BUR GZIGS PA 'DAB, SKU SHA CUNG SNGO BA, RGYANG NAS BLTAS NA CUNG ZAD SGUR BA LTA BUR MNGON PA, PHYAG NGAR SBOM PA CIG YANG, PHAL CHER DBU ZHVA MI BSNAMS SHING, NA BZA' GANG BYUNG BZHES PAS MI KUN GYIS NGO

, ,MI SHES PA 'ONG, NA BZA' RTZI MA DANG GOS DAR DRAG LHAN CAN GYI RING 'GAG 'BUL MI BYUNG YANG, GOS DAR RNAMS DKON MCHOG NYID KYI PHYOGS SU BSNGO, NA BZA' DANG SPYOD LAM LA PHYI NANG DANG MI DRAG ZHAN GYI SAR KHYAD MI MDZAD, GZHAN GYI 'BUL BA DANG BSNYEN BKUR BYUNG BA'I TSE DE 'PHRAL LA DKON MCHOG GSUM GANG RUNG GI CHED DU BSNGO BA MDZAD, 'BUL BA CHE CHUNG GANG PHUL KYANG 'DI YANG NGED LA 'DI LTAR MKHO BA YOD CES MNYES MNYES MDZAD, GSOL JA RKYANG PA RE LA'ANG GDAN DRANGS PAR CHOS RJE NYID PHEBS PAR MDZAD, BZHUGS GDAN KYANG BEM PO SOGS GANG BYUNG GIS CHOG ,ZANG ZING GIS YON BDAG DANG DPON GYI PO 'DZIN, SLOB MA LA 'DI LA BYAMS DANG 'DI LA MI BYAMS MED SU LA 'BOD KYANG DRUNG PA ZHES ZHE SA RE MDZAD, KUN LA NYE RING MED PA'I THUGS RJE CHEN PO MNGA' YANG SNYING RJE RJE LTAR MI STON, 'CHAL TSUL KYI RNYOG PA DA 'BRAL BA'I TSUL KHRIMS MNGA' YANG ZHI ZHING DUL DUL LTAR MI MDZAD, MTHA' MED PA'I MKHYEN PA MNGA' YANG MKHAS PA NYID DU ZHAL BZHES MI MDZAD, RIGS LUNG LA BYUNG MA BYUNG LA GTZIGS STING CHE BAR MDZAD DE, CHOS GRVAR BYUNG MA BYUNG LA DGONGS PAR MI MDZAD, GRVA PA BYUNG BA'AM SONG BA LA DGYES MI DGYES MI MNGA' ZHING, YON BDAG DANG SLOB MA MI NYO, MDOR NA 'JIG RTEN GYI CHOS BRGYAD MNYAM PAR DGONGS SHING, BYIS PA'I SPYOD PA LAS RING DU SONG BA DANG RGYAL SRAS KYI SPYOD PA RLABS PO

CHE MTHA' DAG ZHUM BA MED PAR SKYONG BA DGE BSHES STON PA'I RNAM PAR THAR PA JI LTA BA BZHIN DU MDZAD SNANG NGO, ,RJE 'DIS DGON GNAS 'DEBS PA DANG, SKU GSUNG THUGS RTEN BZHENG BA SOGS MDZAD PA RGYA CHEN PO DE TZAM ZHIG MDZAD KYANG, NANG DU THUGS DAM THUN BZHI'I RNAL 'BYOR LAS NAM YANG MI G-YEL ZHING SNGAR BSHAD PA LTAR GYI GZHUNG CHEN MO'I CHOS 'CHAD DE DAG KYANG NAM YANG 'CHAG MED MDZAD DE 'DI NI SPRUL PA'I MDZAD PA SHA STAG YIN LA, SANGS RGYAS STONG GI RDO SKU BZHENG BAR BZHED NAS SKU RGYU'I RDO GANG NAS BTZAL BAR BYA ZHES BGROS PA NA, 'GA' ZHIG GIS RGYAL CHEN RTZE'I PHYOGS NAS BTZAL NA LEGS ZHUS PA LA, DE THAG RING BAS 'DREN BA DKA' GSUNG, 'O NA NYE SKOR NAS MI RNYED ZHUS PA'I SKABS SHIG NA, NYIN GCIG PHYAGS PHYI LA SKU 'KHOR KHA YAR KHRID DE RDO 'TSOL DU 'GRO BA YIN GSUNGS NAS, DGON PA'I NYE LOGS MKHAR LUNG ZHES PA'I LUNG BA CIG YOD PA DER THEGS TZA NA YA GI NA BYA ROG GCIG LDING GI GDA' ZHUS PAS, 'O NA DER 'DED GSUNGS NAS, RI 'BOG GCIG GI RTZER THEGS TE 'DI NAS BRAG RKOS SHIG CES GSUNGS NAS BRAG GSHEGS PAS G-YAM BA CHE LA MANG BA CI 'DOD BYUNG NGO, ,DGE 'DUN THAMS CAD KYIS DE NYIN GCIG LA DRANGS NAS, BSKAL BA BZANG PO'I SANGS RGYAS STONG MTSAN DANG BCAS PA, SANGS RGYAS SUM CU SO LNGA MTSAN DANG BCAS PA 'BUR DU BRKOS TE BZHENGS, DE BZHIN GSHEGS PA'I SKU

, ,SHA RNAMS LA GSER BZANG PO 'BA' ZHIG GSOL TE PHYI'I BAR KHYAMS LA THOG BKAL BA'I 'OG TU BZHUGS TE, DE LA BSKAL BZANG LHA KHANG DU GRAGS TE, 'DI YANG SPRUL PA'I MDZAD PA YIN TE DUS PHYIS SKYE BO GZHAN MANG POS MKHAR LUNG SBUG NAS RDO JI TZAM BTZAL YANG RJE 'DIS GTER BZHES PA'I RDO'I CHAG GRUM PHRAN BU 'DRA RNYED PA LAS STONG SKU'I RDO 'DI DAG DANG 'DRA PA SUS KYANG MA RNYED DO, ,MDOR NA RJE BLA MA 'DI NYID KYIS SKU TSE 'DI LA 'DUL BA'I BSLAB KHRIMS RNAM PAR DAG PA GZHIR BZUNG, GZHI GSUM GYI PHYAG LEN MA NYAMS PA'I NGANG NAS BSHAD NYAN, RTEN BZHENGS, GTZUG LAG KHANG BZHENGS PA, DKON MCHOG GI MCHOD PA, GSUNG RAB KYI RTZOM PA MDZAD PA SOGS THAMS CAD PHYOGS GCIG TU RGYUN MI 'CHAD PAR MDZAD PA NI, SNGON CHAD GANGS RI'I KHROD KYI CHEN PO GANG GI'ANG RNAM PAR THAR PAS BSGRUN PAR BZOD PA MA YIN NO, ,RJE THAMS CAD MKHYEN PA DGE 'DUN GRUB 'DIS DAM PA'I CHOS SPEL BA'I CHED DU DAM PA'I CHOS 'DUL BA'I GLENG 'BUM CHEN MO, MDO RTZA'I t'IKA CHEN, SO SO THAR PA'I t'IKKA, RNAM 'GREL GYI t'IKKA, SPYI DON RIGS PA'I RGYAN, RTZA 'JUG GNYIS LA t'IKKA RE RE, THUB PA'I BSTOD PA LUNG KUN LAS BTUS PA, BDUD DPUNG PHYE 'THAG MA, SANGS RGYAS KYI GSUNG LA BSTOD PA, RGYAL TSAB RJE'I BSTOD PA KUN TU BZANG PO, RNAM DPYOD LANG TSO MA, MKHAS GRUB THAMS CAD MKHYEN PA'I BSTOD PA, BYANG RTZE BA

NAM MKHA' DPAL BA LA BSTOD PA, SPYAN SNGA BSOD NAMS LHUN GRUB PA LA BSTOD PA, SPYAN SNGA RIN CHEN 'PHEL LA BSTOD PA, 'JAM DBYANGS RIN CHEN RGYAL MTSAN LA BSTOD PA, SEMS DPA' CHEN PO TSUL KHRIMS DPAL BZANG LA BSTOD PA, RJE BTZUN 'JAM DBYANGS LA BSTOD PA, SENG LDENG NAGS KYI SGROL MA'I BSTOD PA, DE'I PHO BRANG NAGS KYI BSTOD PA, RJE BTZUN MA DKAR MO'I SGRUB THABS, DE'I BSTOD PA, MI G-YO BA SNGON PO'I SGRUB THABS, 'DUS PA LA BRTEN PA'I RAB GNAS KYI CHO GA, LHA MO DBYANGS CAN MA'I BSTOD PA, RDO RJE KHYUNG KHRI'I BSTOD PA, SA'I SNYING PO'I BSTOD PA, MGON PO GRI GUG GI BSTOD PA, MGON PO ZHAL BZHI PA'I BSTOD PA, DAM CAN CHOS RGYAL GYI BSTOD PA, DE'I ZLOG PA RGYAS PA, DAM CAN GSANG SGRUB DMAR PO'I BSTOD PA, TZ'A MUNtI'i BSTOD PA, DMAG ZOR LHA MO'I BSTOD PA, DE'I GTOR CHOG MDOR BSDUS, NYAMS MGUR SHAR GANGS RIM, KA MAD LA GRAS PA'I NYAMS MGUR, LHA RGYAL RTZER MDZAD PA'I NYAMS MGUR, DKON RTZEGS NAS 'BYUNG BA'I SMON LAM, DKON MCHOG GSUM LA YAN LAG BDUN PA'I BSTOD PA, MGON PO LA MNGA' GSOL GYI TSIGS BCAD, 'OD DPAG MED GTZO 'KHOR LA BSTOD PA SMON LAM DANG BCAS PA, SMON LAM CHEN MO'I DUS SU MDZAD PA'I SMON LAM MDOR BSDUS, BYAMS CHEN BZHENGS TE MDZAD PA'I SMON LAM MDOR BSDUS, SENGGE GDONG CAN GYI ZLOG PA BYA THABS, DZAMBHA LA

, ,SER PO LA CHU 'BUL BA'I CHOG ,TA'I SI TU RNAM RGYAL GRAGS PA'I DRIS LAN RNAMS YOD LA, RJE NYID KYIS GSUNGS PA LA GZHAN GYIS ZIN BRIS BYAS PA 'GA' YAR DANG, KHYAD PAR RJE NYID LA PO TI NYI SHU TZAM NYAN PA'I SKYOR 'GO LO MANG POR MDZAD CING, PHYIS BSTAN 'DZIN CHEN POR GYUR PA 'DAR STON BYANG CHUB DPAL ZHES PA DAM PHAR TSAD, 'DUL MDZOD, RTZA 'JUG SOGS LA ZIN BRIS MDZAD PA YOD CING, GZHAN YANG RJES 'JUG MKHAS GRUB BGRANG BA LAS 'DAS BA YOD PAS SO SOS ZIN BRIS MDZAD PA MANG DU MCHIS SO, ,RJE 'DI NI BKA' GDAMS GLEGS BAM LAS, SPYAN RAS GZIGS DBANG BZANG POR SPRUL, ,ZHES LUNG BSTAN PA LTAR KHA BA CAN GYI MGON PA SPYAN RAS GZIGS NYID 'JAM MGON BLA MA'I BSTAN PA SPEL BA'I CHED DU BSAMS BZHIN DU SPRUL BA'I SKU BZUNG STE THAMS CAD MKHYEN PA DGE 'DUN GRUB PA DPAL BZANG PO ZHES MTSAN NYI ZLA LTAR GRAGS SHING RJE BTZUN MA SGROL MAS 'PHRIN LAS KYI GROGS MDZAD DE CHOS GRVA CHEN PO BKRA SHIS LHUN PO BTAB NAS 'JAM MGON BLA MA'I BSTAN PA DRI MA MED PA BSRE BSLAD THAMS CAD DANG BRAL BA MDO SNGAGS YONGS SU RDZOGS PA'I BSHAD PA DANG SGRUB PA GNYIS KA TSANG BA RKANG TSUGS PAR MDZAD DE 'DZAM BU'I GLING GI PHYOGS MTHA' DAG NAS 'DUS PA'I MKHAS GRUB BGRANG BA LAS 'DAS PA RJE BDAG NYID CHEN PO'I LEGS BSHAD KYIS TSIM PAR MDZAD DE SA CHEN PO'I

KHYON THAMS CAD RNAM THAR GTZANG MAS KHYAB PAR MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LA BRGYAD CU GYA BZHIR PHEBS PA SHING PHO RTA'I LO RGYAL ZLA BA'I YAR TSES BRGYAD KYI THO RENGS ZHABS RDO RJE SKYIL KRUNG, PHYAG GNYIS MNYAM GZHAG MDZAD DE, STONG PA GSUM RIM GYIS THIM NAS THAMS CAD STONG BA 'OD GSAL DON DAM BA'I BDEN BA MNGON DU MDZAD DE, DE YANG SNGAR SNYUN PA SOGS KYIS SKU MDANGS CUNG ZHIG CHUNG BAR YOD NA'ANG, DE'I TSE GLO BUR DU SKU LUS ZLA BA RGYAS PA LTAR GYUR TE, SNGAR GYI SKU'I GNYAR MA RNAMS KYANG MED PAR BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG Ni SKU'I 'OD DMAR SER, KHA CIG NI DKAR SER, KHA CIG NI GSER BTZO MA LTA BUR SNANG NGO, ,ZHES ZER RO, ,DE BAS NA RJE 'DI NI, DE'I TSE 'OD GSAL DON DAM PA'I BDEN PA MNGON SUM DU MDZAD DE, 'CHI BA CHOS SKUR BSGYUR BA'I SGO NAS BAR DO SGYU MA'I SKUR BZHENGS TE, DE LA BRTAN NAS MCHOG GI DNGOS GRUB MNGON DU MDZAD PA YIN PAR GDON MI ZA BA YIN NO, ,'O NA PHYI MA RGYA NAG TU SKU SKYE BA BZHES PAR GSUNGS PA SOGS JI LTAR YIN ZHE NA, RJE RANG GI GSUNG NAS, SPRUL PAS SKYE BA 'DZIN PA YIN PAS MI 'GAL, GSUNG BA LTAR YIN NO, ,DUS DE DAG GI TSE NAM MKHA' NI, THAMS CAD STONG PA 'OD GSAL MNGON DU MDZAD PA'I TSUL NI, 'DI 'DRA'O ZHES 'JIG RTEN THAMS CAD LA GO BAR BYED PA BZHIN DU SHIN TU G-YA' DAG PAR GYUR TE, THA MAL GYI SPRIN

, ,DANG RDUL LA SOGS PA THAMS CAD DANG BRAL ZHING SA GZHI RLUNG GI RGYU BA THAMS CAD DANG BRAL NAS BSER BU PHRA MO'I 'GRO 'ONG YANG RGYUN CHAD PA ZHAG BZHI BCU ZHE LNGA TZAM GYI BAR DU BYUNG LA, GZHAN YANG LHA RNAMS KYIS MCHOD PA ME TOG SNA TSOGS PA RNAMS PHAL CHE BA KUNDA LTAR DKAR ZHING MU TIG LTAR 'OD GSAL BA, ZLA BA LTAR 'TSER BA LAG MTHIL TZAM DANG SHING RTA'I 'PHANG LO TZAM DPAG TU MED PA DANG, KHA DOG KYANG 'GA' ZHIG NI SNGON PO, 'GA' ZHIG NI SER PO, 'GA' ZHIG NI DMAR PO SOGS CHAR LTAR BABS BAR GYUR TO, ,GZHAN YANG SKU'I THAD DRANG DU 'JA' TSON KHA DOG SNA LNGA PA SHIN TU DANGS SHING 'OD 'TSER BA RNAM PAR BKRA BA ZHIG YUN RING BO'I BAR DU GNAS PAR GYUR LA, PHAL CHE BA NAM MKHA'I LAM THAMS CAD 'JA' TSON DKAR PO BLA BRE LTAR BRES PA DANG, BA DAN LTAR 'PHYANG BA DANG, DGON PA'I G-YAS G-YON THAMS CAD 'JA' TSON SNA TSOGS PAS LDA LDI LTAR KHRIG GIS GANG BA LA SOGS PA ZHAG MANG PO'I BAR DU BYUNG ZHING, DPA' PO DANG MKHA' 'GRO MA RNAMS KYIS MNGON PAR BSGRAGS PA'I 'KHAR RNGA SOGS ROL MO'I BYE BRAG BSAM GYIS MI KHYAB PA MTSAN DGUNG LA GRAG PA DANG, NYIN MO YANG GAndI BRDUNGS PA'I SGRA CHEN PO GRAG STE THAMS CAD THE TSOM DU GYUR NAS BRTAGS KYANG MI ZHIG GIS BRDUNGS PA MA YIN BAR NGES PA TZAM DU ZAD KYI GZHAN DU GZHAN JI LTA BU ZHIG GIS GNAS GANG DU BRDUNGS

BA SOGS GANG DU'ANG BRTAG PAR MI NUS BAR YUN RING DU SGRA SHIN TU GRAG PA ZHIG BYUNG NGO, ,MDOR NA BCOM LDAN 'DAS RTZVA MCHOG TU MYA NGAN LAS 'DA' BA'I TSUL BSTAN PA'I TSE, LHA RNAMS KYIS MNGON PAR MCHOD PA JI LTA BA BZHIN DU 'DIR YANG BYUNG BAR GYUR TO, ,DE NAS SRAS KYI THU BO 'DUL 'DZIN RIN PO CHES GTZO MDZAD, DGE 'DUN PHYED DANG NYIS STONG TZAM GYIS ZLA BA PHYED TZAM GYI BAR DU GSOL 'DEBS GDUNG MCHOD SMON LAM RGYAS BAR MDZAD CING, SBYIN BDAG GRVA BU SLOB RNAMS DANG, BLA BRANG GI PHYAG RDZAS RNAMS KYIS SKU GDUNG GI SKU MDUN DANG, PHYI NANG GI MCHOD KHANG THAMS CAD DU MCHOD PA'I TSOGS BSAM GYIS MI KHYAB PA DANG, BRANG KHANG SO SO'I THOG KHAR YANG MAR ME'I PHRENG BA LA SOGS PA'I MCHOD PAS MCHOD PAR MDZAD CING RTZE GCIG TU GSOL BA 'DEBS PAR MDZAD DO, ,DE LTAR BSOD NAMS DANG YE SHES KYI TSOGS RLABS PO CHES DGONGS PA YONGS SU RDZOGS PAR MDZAD NAS, LUG GI LO GSAR MA THAG MKHYEN PA'I MNGA' BDAG RDO RJE SLOB DPON BZANG PO BKRA SHIS GANGS CAN NAS SPYAN DRANGS, GDUGS DANG RGYAL MTSAN DANG BA DAN LA SOGS PAS BSU BA MDZAD DE, BDAG NYID CHEN PO'I SENGGE'I KHRIL BZHUGS SU GSOL TE RGYAL TSAB TU DBANG BSKUR, 'DUL 'DZIN SEMS DPA' CHEN POS ME TOG GTOR TE SHIS PA BRJOD PAR MDZAD DO, ,RJE 'DIS BSTAN PA LA BYA BA RGYA CHER MDZAD PAS RGYUD 'DZIN MTHA' YAS PA BYUNG ZHING 'PHRIN LAS RGYA CHER SPEL

, ,BA'I BSTAN 'DZIN DAM PA 'DUL 'DZIN BLO GROS SBAS PA, BYANG SEMS 'DUL NAG PA DPAL LDAN BZANG PO, PAn CHEN BZANG PO BKRA SHIS, PAn CHEN LUNG RIGS RGYA MTSO, PAn CHEN YE SHES RTZE MO, KUN MKHYEN CHOS 'BYOR DPAL BZANG, MKHAS GRUB NOR BZANG RGYA MTSO, GNAS RNYING ZHABS DRUNG KUN DGA' BDE LEGS, LAS CHEN KUN DGA' RGYAL MTSAN, 'JAM DBYANGS DGA' BA'I BLO GROS, KUN MKHYEN PHYOGS LHA 'OD ZAR SOGS MANG DU BYON PA LAS SRAS KYI THU BO NI 'DUL 'DZIN BLO GROS SPAS PA'O, ,'DUL 'DZIN BLO GROS SBAS PA ZHES BYA BA'I BDAG NYID CHEN PO 'DI NI, GTZANG STOD CHU SGO'I G-YO GRONG ZHES PAR LCAGS PHO 'BRUG GI LO LA SKU BLTAMS, BYIS PA'I DUS KYI TSE SEMS CAN LA SNYING RJE BSGOMS TZA NA MCHI MA RANG DBANG MED PAR 'ONG BA CIG YOD DE, SNYING RJE'I DMIGS RNAM RANG NI MA SHAR BAR 'DUG GSUNG, DE NAS DPAL SNAR THANG DU MKHAN CHEN GRUB PA SHES RAB KYI SPYAN SNGAR RAB TU BYUNG, MCHAN BSAM 'GRUB GRAGS PA DPAL LDAN ZHES BTAGS, CHEN PO LO TZ'A BA SANGGHA SHR'I LA SLOB DPON BCOL TE SGRA DANG BSTAN BCOS MANG DU GSAN NO, ,DE NAS RGYAL GYI RTZIBS RI LA SOGS PA'I SGRUB GNAS MANG DU MTHONG BAS, DA NI SGOM CHEN ZHIG RANG BYA SNYAM DU DGONGS PA 'KHRUNGS PAS, GROGS KHAMS BA DGE RGAN ZHIG YOD PA DE NA RE, RE SHIG SLOB GNYER BYAS, DE

NAS BSGOMS NA LEGS PO 'ONG, DA LTA NAS BSGOMS NA GLEN BSGOM DU 'GRO ZHES ZER BAS SLOB GNYER GYI 'GRO BSKYANGS, NGAS DE DUS RTZIBS RIR SDAD NAS BSGOMS NA SGOM CHEN BZANG ZER BA CIG 'OD PA YOD DE, DBU MA'I LTA PA ZAB MO 'DI DANG AE 'PHRAD NI MI SHES GSUNGS, DE NAS GROGS 'GA' ZHIG DANG BCAS TE DBUS LA PHEBS PA'I TSE, BSAM YAS KYI RI MTHONG BA'I LAM KHA CIG TU THUGS DRAN MED DU BRGYAL BA CIG BYUNG 'DUG ,GROGS MCHED RNAMS KYIS LEGS PAR BOS, KHONG RANG GI SNANG BA LA BTZUN PA CIG DANG 'GROGS TE PHYIN, BSAM YAS YIN RGYU'I GTZUG LAG KHANG ZHIG GI RTZAR SLEB, BTZUN PA DE DANG LHAN DU SGO LA PHYIN DUS MI DKAR PO ZHIG GIS 'DI GAR 'GRO BA YIN ZHES NGA MA GTANG, DE DUS MNAL LAM DU GZHAN GYIS BOS PA'I SKAD GRAG PAS RKYEN BYAS TE DRAN PA RNYED PAR GYUR CES GSUNGS, MI DKAR PO DE NI BLA MA 'DI'I LHAG PA'I LHA GTUM PO DKAR PO YIN PAS DES BAR CHAD BSAL BA YIN ZHES GSUNG, DE NAS PHAR PHYIN LA NAN TAN MDZAD PAS LO GSUM TZAM LON TZAN LUNG CHOS LA THOGS PA MED PA'I MKHYEN PA CAN DU GYUR, DE NAS DA DBU TSAD SLOB SNYAM DU SEMS CAN, GROGS PO KHAMS BA DGE RGAN DE NA RE, KHYED DBU TSAD SLOB NA DGA' LDAN PA DRAG ZER, DES RKYEN BYAS NAS RI BO DGA' LDAN DU RGYAL CHAB RIN PO CHE BSTAN PA'I BDAG PO MDZAD PA'I SAR BYON, CHOS RJE SHES RAB SENGGE DANG RJE DGE 'DUN GRUB

, ,GNYIS DANG YANG DE DUS MJAL, DE NAS THUGS DGONGS LA PHAR PHYIN NGA RANG GI 'DI KAS 'ONG, DBU TSAD GNYIS MKHAS PAR BSLAB SNYAM NAS, RGYAL TSAB RIN PO CHE'I DRUNG DU LEGS PAR MNYAN, CHOS RJE SHES RAB SENG GE DANG RJE DGE 'DUN GRUB PA GNYIS LA YANG GSAN PAS, PHAR PHYIN GYI DE SNGA'I GRUB MTHA' RNAMS KYANG 'GYUR TE, RJE YAB SRAS KYI THUN MONG MA YIN PA'I GRUB MTHA' LA YID CHES RNYED PA CIG BYUNG, LHAG PAR RJE DANG MA MJAL YANG RJE NYID LA SANGS RGYAS DNGOS KYI 'DU SHES SKYE BA CIG BYUNG STE LAS 'BREL ZHIG YOD PA 'DRA GSUNG, GROGS PO DGE RGAN DE NGA LA DRIN CHE BA CIG BYUNG GSUNG, DE NAS RGYAL SRAS 'DUL BA 'DZIN PA 'DIS RANG LO NYI SHU RTZA DRUG PA SHING MO SBRUL GYI LO RGYAL TSAB RIN PO CHES MKHAN PO DANG, 'DUL 'DZIN CHEN PO GRAGS PA RGYAL MTSAN GYIS LAS KYI SLOB DPON, SHAR BA BYANG SEMS RIN RGYAL BAS GSANG STE STON PA MDZAD DE DGE 'DUN CHOS GSUM DANG LDAN PA'I DBUS SU BSNYEN PAR RDZOGS PA DGE SLONG GI DNGOS PO MNOS, DE NAS BRTZAMS TE LTUNG BA PHRA MOS KYANG MA GOS PAR TSUL KHRIMS MIG GI 'BRAS BU BZHIN DU BSRUNG BAR MDZAD PAS 'DUL BA PA ZHES GRAGS, DE NAS DGONGS PA LA 'DUL BA'I BSLAB BYA ZHIG MA NYAN NA GZHAN GYIS DKA' BCU PA YANG 'DUL BA'I LAG LEN MI SHES BAR SNANG SNYAM NAS 'ONG BAS 'DUL BA LUNG SDE BZHI NAS GSUNGS PA'I DGAG SGRUB GNANG GSUM

GYI BSLAB BYA MTHA' DAG LA 'KHRUL PA MED PAR LEGS PAR SHES PA ZHIG BYA SNYAM DU DGONGS NAS 'DUL 'DZIN CHEN PO GRAGS PA RGYAL MTSAN LA BSLAB BYA CHA LAG DANG BCAS PA GSAN, BYANG CHUB LAM GYI RIM PA YANG THOG MAR RIN PO CHE 'DUL BA PA LA GSAN GSUNG STE, GZHAN YANG CHOS MANG DU GSAN NO, ,DE NAS RGYAL SRAS 'DUL BA 'DZIN PA 'DIS CHOS RJE SHES RAB SENGGE'I DRUNG DU GSAD BA 'DUS PA'I RGYUD 'GREL PA DANG BCAS PA, GDAN RDZOGS, GSAL SGRON LA SOGS PA'I RJE'I GSUNG RAB DANG, 'PHAGS SKOR MTHA' DAG TSANG BAR GSAN, BDE MCHOG GI RGYUD KYI BSHAD PA DANG 'DOD 'JO, L'U DRIL GYI RDZOGS RIM LA SOGS PA'I BDE MCHOG GI SKOR RNAMS DANG, GSANG SNGAGS DANG PHAR PHYIN GNYIS KYI LAM RIM, ZAB MO DBU MA'I LTA KHRID, TSUL KHRIMS LE'U, RTZA LTUNG BCU BZHI PA, BLA MA LNGA BCU PA RNAMS KYI RJE'I RNAM BSAHD DANG, MTSAN NYID KYI CHOS SKOR YANG MANG DU GSAN TE, GTZO BOR RDO RJE TEHG PA'I BKA' DRIN RNAMS BLA MA 'DI LA RDZOGS PAR MNOS PAS RTZA BA' IBAL MA BKA' DRIN CHE SHOS SU MDZAD PA YIN NO, ,DKA' CHEN BZHIS GTZO BYAS PA'I MTSAN NYID KYI PO TI SHIN TU MANG BA NI SLOB DPON THAMS CAD MKHYEN PA DGE 'DUN GRUB LA GSAN PAS SNGE SNOD KYI PHYOGS LA BKA' DRIN CHE BA'I BLA MA GCIG TU MDZAD DO, ,RGYAL SRAS 'DIS MANG DU THOS PA RGYA CHER BTZAL BA'I TSUL RANG NYID KYI ZHAL NAS,

, ,NGAS SLOB DPON RIN PO CHE THAMS CAD MKHYEN PA LA 'DUL BA MDO RTZA BA'I BSHAD PA BSKYAR CHOS SU BYAS PA RANG TSAR DRUG NYAN, CHOS RJE GZHON NU RGYAL MCHOG PA'I DRUNG DU TSAR GCIG STE BDUN NYAN PA YIN ZHES GSUNGS, YANG BA SO DGON PAR LTA KHRID CIG GSUNGS PA'I SKABS SU, GCIG DU BRAL GYI BSHAD PA RGYAS PA CIG MDZAD DE, NGAS 'DI TSO SLOB DPON THAMS CAD MKHAN PO LA NYAN NAS BRJED MA BCUG PA YIN ZHES GSUNGS, YANG NGAS SLOB DPON RIN PO CHE LA THEG PA CHEN PO'I BLO SBYONG 'DI NYAMS KHRID DU TSAR GCIG THOB PA YIN GSUNG NGO, ,DE NAS RGYAL SRAS 'DUL BA 'DZIN PA CHEN PA BLO GROS SBAS PA 'DI NI THAMS CAD MKHYEN PA'I PHYAGS PHYIR DGE 'DUN 'DUS PA'I GRAL DPON MDZAD CING SLOB MA'ANG MANG DU SKYONG BAR MDZAD, BAR SKABS SU LHUN PO RTZER BYON TE 'PHAGS 'OD YON TAN RGYA MTSO LAS GSANG SNGAGS KYI GDAMS PA MANG PO BLANGS SHING PHYAG LEN KYANG DE NYID LAS KHRID PAR MDZAD DO, ,RJE DGE 'DUN GRUB DANG RGYAL SRAS 'DUL BA 'DZIN PA 'DI GNYIS KYIS BSTAN PA LA BYA BA RGYA CHER MDZAD CING, LHAG PAR GTZANG DU RJE RIN PO CHE'I BSTAN PA RGYA CHER SPEL PHYIR CHOS GRVA CHEN PO BKRA SHIS LHUN PO 'DEBS PA SOGS DKA' BA CHEN PO MDZAD NAS CHOS GRVA CHEN PO LEGS PAR GRUB STE 'DZAM GLING YANGS PA'I PHYOGS MTHA' DAG NAS THAMS CAD MKHYEN PA DGE 'DUN

GRUB LA CHOS KYI BKA' DRIN ZHU BA BGRANG BA LAS 'DAS PA 'DUS NAS 'PHRIN LAS KHYAB BDAL? CHEN POR GYUR PA NA RGYAL SRAS 'DUL BA 'DZIN PA BLO GROS SBAS PAS MTHO MTHO RLUNG LA BSKUR DMA' DMA' CHU LA BSKYUR ZER BA LTAR TSE 'DI'I BYA BA THAMS CAD BLOS BTANG STE BYA RNYI LAS THAR BA BZHIN DU KHAB GUNG THANG NAS NYE BAR BZUNG STE, GANGS RI'I RGYAL PO TE SE DANG, KHA CHE'I 'GRAM MAR YUL GYI MTHAR THUG BAR BYON TE, DBEN PA'I GNAS RNAMS SU BSAM GTAN LA RTZE GCIG TU GNAS PAR MDZAD PAS, SNGON GYI SKYE GNAS RJES SU DRAN PA LA SOGS PA'I MNGON PAR SHES PA DANG, LHAG MTHONG GI LTA BA KHYAD PAR CAN 'KHRUNGS SHING, RGYA GAR DANG BOD KYI PAn GRUB DU MA ZHIG GI GZIGS SNANG YANG BYUNG SNANG ZHING, KHYAD PAR DU RJE BTZUN TZONG KHA PA DANG SKU TSE SNGA MA LA KHA CHA'I YUL DU DPON SLOB TU GYUR PA NYID KYI 'BREL BAS RJE RIN PO CHE'I SKU DANG GSUNG GI SNANG BA NI NAM 'DOD DU 'ONG BA CIG YIN PAR SNANG NGO, ,RJE'I SKU SKYE SNGA MA LA CHOS JI LTAR GSAN PA'I TSUL DUS PHYIS MGUR DU GSUNGS PA NI 'DI LTAR, SANGS RGYAS BSTAN PA NYI LTAR GSAL BYED PA, ,MKHAS GRUB BGRANG LAS 'DAS PA 'BYUNG BA'I GNAS, ,RGYAL BAS BSNGAGS PA DPAL LDAN KHA CHE'I YUL, ,YUL DE MDZES PA'I RGYAN MCHOG MKHAS GRUB CHE, ,MDO SNGAGS BSTAN PA'I BDAG POR MNGA' GSOL BA, ,MA TI BHA TRA ZHES BYA'I PAn CHEN DE'I, ,ZHABS

, ,PAD DI MA MED PA'I ZE'U 'BRUL, ,SPYI POS REG PA'I BLO GROS SPAS PA NGAS, ,RGYAL BA DE YI ZHAL GYI PADMO LAS, ,'DUL BA SDE BZHI'I SNYING PO 'DUL BA'I MDO, ,LEGS PAR THOS SHING NYAMS SU BLANGS PA LAS, ,DA LTA DAM CHOS 'DUL BA'I SNOD DU GYUR, ,MDO SDE'I SNYING PO RGYAL SRAS SEMS BSKYED DANG, ,RLABS CHEN SPYOD PA ZHAL GYI PADMO LAS, ,YANG YANG THOS SHING NYAMS SU BLANGS PA LAS, ,DA LTA BYANG SEMS SDOM PA'I SKAL BA THOB, ,SANGS RGYAS KUN GYI GSANG BA KUN 'DUS PA, ,DPAL LDAN 'DUS PA'I SMIN BYED DBANG BZHI YI, ,SA BON MKHAS GRUB ZHAL LAS LEGS THOB PAS, ,DA LTA GSANG SNGAGS SDOM PA'I SKAL BA THOB, ,RIGS MTHO GZUGS MDZES RGYAL PO'I SRAS PO NGAS, ,'DZAM GLING MDZES BYED MA TI PAn CHEN DRUNG, ,MTHA' BRAL LTA BA'I SA BON BZHAG PA LAS, ,AE MA HO DA LTA THAR PA'I LAM BZANG RNYED, ,TSUL 'DI BSAMS TSE MA TI PAn CHEN DE'I, ,BKA' DRIN MNYAM MED DA LTA YID LA DRAN, ,DRAN PA'I MOD LA 'KHOR BAS NYAM THAG BDAG ,THEG PA DMAN DANG 'KHOR PA'I G-YANG LAS DRONGS, ,'DI DON DRAN YANG MA RUNG SKYA BO'I TSOGS, ,PHAL CHER LOG PA'I PHYOGS SU LTUNG BAS NA, ,DA LTA'I BAR LA GTER BZHIN SBAS NAS BZHAG ,TSE 'DI NUB RI'I NYI BZHIN GYUR TSE BKOD, ,CES JI SKAD GSUNGS PA NYID DO, ,DE'I TSE BLA MA 'DI

NUB RI'I RGYAL PO'I SRAS SU 'KHRUNGS PA NYID KYI TSUL YANG GSAL BAR GSUNGS SO, ,MAR YUL DU BZHUGS DUS CHOS RJE SHES RAB BZANG PO LA GSUNG CHOS MANG DU GSAN ZHING, DE'I DGE 'DUN RNAMS LA'ANG NYID KYI GDAMS PAS TSIM BAR MDZAD DO, ,DER KHONG DPON SLOB KYIS DE TSOR BZHUGS PA'I ZHU BA PHUL BA LA, DA GRVA TSANG MA GI 'DRA BA BZHAG NAS DA 'DI'I DGON PA GA LA 'DZIN DGONGS PA BYUNG GSUNG, YANG DE'I DUS KYI TSE, CHOS KYI RGYAL PO RGYAL BA ZAS GTZANG SRAS, ,RGYAL BA GNYIS PA BLO BZANG GRAGS PA'I DPAL, ,BKA' DRIN DRAN NO SLAR YANG 'KHOR BA LAS, ,LAN CIG MIN PAR YANG YANG BSKYAB TU GSOL, ,RGYAL BA'I SRAS PO DPAL LDAN RDO RJE 'DZIN, ,SHES RAB SENG GE PAn CHEN DGO 'DUN GRUB, ,THAG RING SA MTHA'I YUL DU MDUN NA DRAN, ,DRAN PA'I MOD LA THUGS RJE'I LCAGS KYUS DONGS, ,ZHES PA LA SOGS PA DANG, SHES RAB SENGGE DE SRAS DGE 'DUN GRUB, , BKA' DRIN YON TAN DRAN PA'I STOBS NYID LAS, ,ZHES BYA BA LA SOGS PA'I MGUR MA'ANG MANG DU MDZAD, RJE BTZUN SHES RAB SENG GE GSHEGS PA'I DUS MNGA' RIS SU RMI LAM SHIN TU GSAL BAR BYUNG GSUNG STE RANG DANG GZHAN KYI 'DAS MA 'ONGS RNAMS GSAL BAR GZIGS PA'I MNGON MKHYEN MNGA' BAR SNANG NGO, ,MNGA' RIS SKOR DU LO DRUG BDUN TZAM BZHUGS TE, BLA MA MJAL BA'I DGONGS PAS DBUS GTZANG DU PHYIR PHEBS, BYANG GI

, ,BDE GLING ZHES BYE BAR DBU MA'I STONG THUN DE BRTZAMS, PHYIS K'A RI KA'I t'IKA CHEN ZHIG KYANG MDZAD, BYANG CHUB LAM RIM GYI YIG SNA DU MA DANG, MA CIG GI GCOD SKOR DANG, SGRUB THABS CHE CHUNG DU MA DANG, THUGS SKYO SHAS CHE ZHING GSANG BDE BAS NYAMS MGUR DANG BSTOD PA'ANG DU MA ZHIG MDZAD SNANG STE BRTZAMS CHOS LA BO TI GNYIS TZAM YOD DO, ,GTZANG DU PEBS NAS THAMS CAD MKHYEN PA DANG YAB SRAS MJAL ZHING CHOS KYI BGO BA MANG DU MDZAD, SLAR YANG BSAM GTAN DGA' LDAN CHOS RDZONG LA SOGS PA'I RI KHROD RNAMS SU LO BCU SKOR GYI BAR DU THUGS DAM LA BZHUGS PAR MDZAD DE, NGAS DAL 'BYOR RNYED DKA' RANG YANG ZLA BA BCO BRGYAD KYI PAR DU BSGOMS SHING, DE BZHIN DU LAM RIM GYI DMIGS SKOR MTHA' DAG YUN RING DU BSGOMS NAS MYONG BA THON NGES BYAS GSUNG, DGUNG LO DRUG CU RE GRANGS NAS 'JAD KYI BYANG CHUB CHOS LUNG, ROG PA TSANG BO DONG GI LUNG NAG SHEL DKAR, BOR THOG, LHUN PO RTZE, BYANG CHEN, RTA NAG RI MKHAR, SKOL MA SDINGS, NYA RI DGA' BA TSAL, PHUR MO CHOS RDZONG, RGYAL CHEN RTZE, LHAN BA SO, GNAS RNYING, MAN LUNG, KHROM MDA' BGON GSAR, 'BRONG RTZE, BKRA SHIS LHAN PO LA SOGS BA RNAMS SU, LAM RIM CHE CHUNG, BSLAB BYA CHE CHUNG, TSUL KHRIMS LE'U DANG, RTZA LTUNG RNAM BSHAD, BLA MA LNGA BCU PA'I RNAM BSHAD, 'DRUS PA'I BSKYED

RDZOGS, 'KHOR LO SDOM PA'I BSKYED RDZOGS, GCOD KHRID DANG LTA KHRID LA SOGS PA'I CHOS MANG DU GSUNGS TE, KHYIM PA DANG RAB TU BYUNG PA MANG PO LA PHAN GDAGS PA, LAM RIM DANG LTA KHRID GSUNGS PA DGE BA'I BSHES GNYEN 'DI BAS MANG BA MA BYUNG BA 'DUG ZER, THAMS CAD MKHYEN PA'I ZHAL NAS, 'U CAG GIS MI TSE RIL POR 'DUL BA BSHAD PA BAS, DRUNG 'DUL PA PAS BSLAB BYA TSAR RE BSHAD PA DRAG PAR 'DAG SNANG GSUNG, 'DUL 'DZIN RIN PO CHE'I ZHAL NAS, NUB GCIG RMI LAM DU NYI SHU LNGA MCHOD CIG BYED KYI 'DUG PAS, DER CHOS RJE RIN PO CHE CHIBS MDZO ZHIG LA CHIBS NAS PHEBS BYON BA LA GSOL BA BTAB PAS, NGA YANG JO BO YAB SRAS LA DAD KYI, KHYOD RANG YANG JO BO YAB SRAS LA DANG PA SGOMS SHIG CES GSUNG BA CIG RMIS, SANG DE NAS NGA'I RO STOD GZER BA CIG YONG GI YOD PA DE GTAN MA BYUNG, YANG NUB GCIG MNAL LAM DU DGE BA'I BSHES GNYEN 'BROM STON BAS BKA' GDAMS GLEGS BAM GYI 'GO NAS MJUG GI BAR TSAD MAR GNANG BA CIG RMIS TE, NGA'I LUNG DE KHAS GO CHOD PA YIN GSUNG, YANG ZHAL NAS, DA RTZA RLUNG 'GRIBS NAS CHOS BSHAD RE BYAS PA YIN, MNGA' RIS SU SDONG DUS ZHAG LNGA DRUG RI'I BAR DU ZA BA BZA' DGOS PA MA BYUNG ZHES GSUNG STE, TING 'DZIN PHUN SUM TSOGS PA MNGA' BA LAGS PAR GDA', YANG NYIN GCIG CHOS GLAR, NGAS BAL PO, KHA CHE RDZA LAN

, ,DHA RA RNAMS SU 'GRO MYONG GSUNG STE, DE LA SOGS PA'I 'DAS PA'I DUS KYI GTAM SHOR 'OD GI SNANG, BYANG CHUB CHOS LUNG DU BZHUGS PA'I DUS, NGA SANG PHOD 'GRO BAR YOD BAS, CHOS NYAN 'DOD YOD BA RNAMS DA LO NYAN PA LEGS ZHES GSUNGS, DE'I GTAM DE KHA CIG GIS CHOS RJE THAMS CAD MKHYEN PA'I SNYAN DU GSON PAS ZHAL NAS KHONG GI DE LA TIG PO MI BDOG ,KHONG SNGAR BZHAG BTUN NAS 'CHI BAR YOD PA YIN ZER TE BZHUD PAS, YANG LOG BYUNG GSUNG, DE'I RJES LA KHONG PA GRONGS DUNG BDE BA NAS BDE BAR 'GRO BA YIN TE GSUNG NGO, ,YOS LO'I DGUN THAMS CAD MKHYEN PA'I BKA' LUNG PHEBS PAS BKRA SHIS LHUN POR BZHUGS NAS GSUNG CHOS MANG DU GSUNGS, YAB SRAS GNYIS KYIS BSNYEN PAR RDZOGS PA'ANG BZHI BCU LHAG TZAM BSGRUBS, DE DUS CHOS RJE RIN PO CHES KYANG BKA' LUNG GNANG ZHING, SLOB DPON RNAMS PAS KYANG GSAL BA BTAB STE; DBYAR DGUN BKRA SHIS LHUN POR PHEBS PA GNAD DAGS, GZIM KHANG ZHIG KYAD RTZIG PA YIN ZHUS PAS LEGS PAR ZHAL GYIS BZHES TE, THAMS CAD MKHYEN PA MYA NGAN LAS 'DA' KHA'I BAR DU BZHUGS PAR MDZAD DE; ;THAMS CAD MKHYEN PA SKU KHAMS CHER BSNYEL DU SONG BA NA, SLOB DPON RNAM BA LA GDAN 'DREN THONG ZHES BKA' STZAL PAS, 'DUL 'DZIN RIN PO CHES GCO MDZAD, 'CHAD NYAN PA RNAMS ZHABS DRUNG DU 'KHOD PA LA, NGED

RANG RE ZHIG SDOD BSAM PA YIN TE DA 'GRO PAR SNANG, 'ON NA'ANG 'GYOD PA MED PAR TSE'I DUS BYED PA YIN, KHYED SLOB DPON RNAM PAS KYANG BKRA SHIS LHUN PO LA BRTEN NAS SANGS RGYAS KYI BSTAN PA LA CI PHAN MDZAD 'TSAL, SMON LAM DE DANG NGA'I DGONGS RDZOGS GNYIS SGRAGS PAS 'ONG, RTEN GSUM BZHED DGOS PA NI MED, NGA'I RUS BU 'DI SREGS LA MI 'KHRUGS PA'I STONG SKU ZHIG THOB, SGROL MA RANG YANG 'DIR SHOG GSUNGS NAS BTZUN CHUNG 'DIS LO SUM CU LHAG CIG GI BAR DU NGA'I G-YOG BYAS PA YIN, 'DI LA KHYED RNAM PAS BGOS SKAL MI PHAM PA CIG KYANG BYIN GSUNGS NAS LDE MIG RNAMS SLOB DPON RNAM PA'I DRUNG DU 'PHANGS PAR GDA', DE NAS SLOB DPON RNAM PAS GDAN SA 'DI JI LTAR BGYI BA BKA' LUNG GNANG DGOS ZHUS PAS, RJE'I ZHAL NAS DRUNG 'DUL BA PA DANG, KHYED RANG DPON SLOB KYIS BRTAG PA BYAS NAS GANG LEGS PA CIG LA GYIS SHIG GSUNGS, MYA NGAN LAS 'DA' KHAR 'DUL BA 'DZIN PAS THUGS DAM GSAL 'DEBS 'DRA DGOS LAGS SAM ZHUS PAS MI DGOS BAR GDA' ZHES GSUNG, DE NAS RJE DGE 'DUN GRUB ZHING GSHEGS NAS 'DUL 'DZIN BLO GROS SBAS PAS RJE DGE 'DUN GRUB KYI DGONGS RDZOGS DANG; DGON GNAS MI NYAMS PAR BYA BA'I PHYIR GDAN SA BSKO BA SOGS THUGS KHUR CHE BA ZHES MDZAD DO, ,DE LTAR NA RGYAL SRAS 'DUL 'DZIN CHEN PO 'DI NI THAMS CAD MKHYEN PA DGE 'DUN GRUB KYI GRVA TSANG GI DANG PO'I RTZA BA 'DZIN

, ,BA; BAR DU MI NYAMS PAR SKYONG BA, MTHAR 'PHRIN LAS SPEL ZHING DGONGS RDZOGS DANG GDAN SA'I BSKO BZHAG GI BAR DU MDZAD DE, CHOS RJE NYID DANG BKA' DRIN KHYAD PAR MED CING, BU SLOB SBYIN BDAG RNAMS KYIS KYANG YAB SAS DBYER MED DU 'KHUR BAR MDZAD PA YIN NO, ,DGUN CHOS GNYIS PA LA 'DUL 'DZIN RIN PO CHES RIM LNGA'I DMAR KHRID ZHAL SHES KYIS BRGYAN PA CIG DGE BA'I BSHES GNYEN BLO MCHOG TU GYUR PA DRUG CU LHAG TZAM LA GSUNG PA MDZAD, GSUNG CHOS DE THON NAS RTA NAG AO RGYAN RDZONG DU THEGS TE ZLA GCIG TZAM GYI BAR DU BZHUGS SHING, CHOS KYANG MANG DU GSUNGS, DPYID GZHUG LHUN PO RTZER SPYAN DRANGS, DER DGE 'DUN BRGYA PHRAG MANG PO LA MDO SNGAGS KYI GDAMS BA ZAB DGU COG GIS TSIM PAR MDZAD, DER SKU KHAMS CUNG MI BDE BA'I RNAM PA CIG KYANG BYUNG, CUNG ZAD SNYUN PA'I 'PHRO NYID LA BKRA SHIS LHUN PO'I DBYAR CHOS LA PHEBS BA GNANG, PHEBS MA THAG NA GZIM KHANG SAR PAR SKU MTSAMS LA BZHUGS, DER LHA RJE ZHIG KYANG ZHABS DRUNG DU BOS, KHYOD KYIS NGA'I NAD GZHI 'DI LA PHAN PA'I THABS 'DUG NA GYIS, SDOD RTZIS NA MI BYED, LUS GOG PO 'DIS RANG GZHAN GYI DON GANG YANG MI 'ONG BAR 'DUG PAS, NGA 'DI NAS DGA' LDAN DU 'GRO ,RGYAL BA TZONG KHA PA CHEN PO'I ZHABS DRUNG NA MKHAS GRUB THAMS CAD MKHYEN PA DANG RJE BTZUN SHES RAB SENGGE GNYIS KYANG BZHUGS 'DUG ,LHA BU GZHON

NU ZHIG GI LUS BLANGS NAS CHOS NYAN, 'GRO BA MANG PO'I DON BYED PA YIN, DE NAS RGYA GAR SHAR PHYOGS SU SKYE BA LEN, DER YANG RJE'I SPRUL PA CIG GIS RJES SU 'DZIN, PHO BA'I LAM GYIS SA LAM BGROD BA CIG 'ONG BAR SNANG ZHES GSUNG BAR GDA', LHA RJE DES GRVA PA RNAMS LA SNYUN GZHI 'DI 'CHOS THUB PAR 'DUG STE, ZHAL SNGA NAS BZHUGS PA'I THUGS 'DUN YE MI 'DUG PAS GSOL BA THEBS BA RANG NI DKA' BAR GDA', SKU RIM ZHIG BYAS NA KHYAD AEN RE AE YOD ZER BAS, NYI SHU GSUM GYA RANG GSOL DPON SGROL MAS MANG JA'I SBYIN BDAG MDZAD DE, TSOGS PAS SMAN BLA'I CHO GA MDZAD, DE SKU MDUN DU GSAN PAS LHA RJE LA'ANG BKYON TE KHYOD KYIS NGA LA GNOD PO ZHIG BYAS, NGA SANG DANG DE RING GNYIS KYANG DE RING 'CHI BA LA 'DAM PA LA GSUNG, NYI SHU LNGA'I NYIN MKHO BA'I YO BYAD DU BYIN GYIS BRLABS PA'I SNAM RAS BUBS GNYIS TZAM DANG, PHYAG DPE PO TI BZHI TZAM 'DUG PA TSOGS SU 'BUL BA MDZAD, NYI SHU DRUG LA THOS BSAM GLING DU SROD JA GCIG GI STENG DU SKU RIM BGYI BA'I ZHAL TA ZHUS PAS, NGA LA RIM GRO GTAN NAS BYED MI DGOS PA YIN TE, DA 'ON DPAL LDAN SA GSUM MA THON LA RJE NYID LA GSOL BA THOB CIG GSUNG, DE NAS DGUNG LO DON DRUG BSHING LUG ZLA BA LNGA PA'I NYER BRGYAD KYI NAM LANG SU NYE BA NA 'PHO BA MDZAD DE, BYAMS PA'I MDUN SAR 'JAM DPAL SNYING PO'I

, ,ZHABS DRUNG DU GSHEGS PAR MDZAD, DE'I TSE 'JA' DANG 'OD LA SOGS PA'I NGO MTSAR BA'I LTAS DU MA BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS THAMS CAD MKHYEN PA DGE 'DUN GRUB YAB SRAS 'DI GNYIS LA GSOL BA 'DEBS SHING BDAG NYID CHEN PO 'DI GNYIS KYI RNAM THAR LTAR TSUL KHRIMS DAG CING LTA GRUB GTZANG BA'I SGO NAS GZHUNG LUGS GDAMS BAR SHAR BA'I NYAMS LEN LA BRTZON PA LHUR BLANG BAR BYA'O,, ` ,,SKU GSUM GO 'PHANG MNGON GYUR NOR BU BZANG, ,ZHES BSNGAGS PA, MKHAS GRUB NOR BZANG RGYA MTSO NI, GTZANG RTA NAG RANG BYUNG DU, YAB NAM MKHA' DPAL BZANG DANG, YUM CHOS SKYABS 'BUM GNYIS KYI SRAS SU MDZES BYED KYI LO LA NGO MTSAR BA'I LTAS DANG BCAS TE SKU 'KHRUNGS, GZHON NU NYID NAS CHOS KYI BAG CHAGS BRTAS PAS KLOG YIG SOGS TSEGS MED PAR MKHYEN CING, KHYIM GYI GNAS NI NYES BA DU MA'I 'BYUNG GNAS SU RIG NAS, SPYIR 'KHOR BA'I PHUN TSOGS MTHA' DAG DANG, KHYAD PAR KHYIM GYI 'DU 'DZIN DANG LONGS SPYOD LA MA CHAGS PAR DGUD LO BCU GSUM PA NA BRAG DMAR CHOS SDINGS SU, CHOS RJE BLO GROS MGON PO BAS MKHAN PO DANG, BYANG SEMS CHOS 'PHEL RGYAL MTSAN PAS SLOB DPON MDZAD NAS RAB TU BYUNG STE MKHAN SLOB KYI SPYAN SNGAR JI LTAR KHAS BLANGS PA'I BCAS MTSAMS LAS

NAM YANG MI 'DA' ZHING, RGYAL BA'I BSTAN PA LA RAB TU BYUNG BA RNAMS KYI BYA BA KLOG PA THOS BSAM DANG, SPONG BA BSAM GTAN GNYIS LAS THOG MAR SDE SNOD GSUM LA THOS PA BYA DGOS PAR GZIGS NAS RI KHUD CHOS SDER MKHYEN RAB DBANG PHYUG GRAGS PA BZANG PO'I ZHABS LA GTUGS TE SDE SNOD GSUM LA MANG DU THOS PA 'TSOL BA LA ZHUGS SO, ,DAM PA 'DI RI KHUD CHOS SDER BZHUGS PA'I DUS SU MKHAS GRUB SHES RAB SENGGE DANG, THAMS CAD MKHYEN PA DGE 'DUN GRUB DANG, 'DUL 'DZIN BLO GROS SBAS PA RNAMS KYANG MKHYEN RAB DBANG PHYUG GRAGS PA BZANG PO DANG YON BDAG CHEN PO DGE SBYONG DKAR PO SOGS KYIS GDAN DRANGS TE ZHAL 'DZOM NAS SDE SNOD GSUM DANG DE DAG GI DGONGS 'GREL SHING RTA CHEN PO'I GZHUNG LUGS RNAMS KYI CHOS SGRA RGYA CHER SGROG PAR MDZAD, DE DUS RI KHUD CHOS SDE NA MKHAS GRUB CHEN PO GONG DU SMOS PA DE DAG DANG DE DAG GI THUGS SRAS SEMS DPA' CHEN PO MANG PO 'TSOGS TE THAMS CAD KYANG TSUL KHRIMS RNAM PAR DAG CING TSE 'DI'I BYA BA LA RGYAB KYIS PHYOGS PA SDE SNOD GSUM GYI CHOS SGRA BRGYUD MAR SGROG PA SANGS RGYAS 'JIG RTEN DU BYON PA'I DUS 'DRA BA ZHIG YOD CES MKHAS GRUB NOR BZANG RGYA MTSO NYID GSUNG NGO, ,DE NAS DAM PA 'DIS GRVA TSANG CHEN MO SOGS SU'ANG THUGS GNYER LA BYON TE GZHUNG LUGS RNAMS LA SBYANGS PAS RING POR MA THOGS PAR RIGS LAM LA MKHAS PAR GYUR CING, DE NAS 'CHUMS BDE CHEN DANG, CHOS 'KHOR SGANG SOGS SU BYON NAS GZHUNG LUGS RNAMS LA

, ,THOS PA RGYA CHER BTZAL ZHING, KUN MKHYEN SHES RAB RIN PO CHEN SOGS BSHES GNYEN DAM PA DU MA LA DBANG LUNG MAN NGAG DU MA GSAN, DA NAS CHOS GRVA CHEN PO BKRA SHIS LHUN POR PHEBS NAS THAMS CAD MKHYEN PA DGE 'DUN GRUB KYI ZHABS LA GTUGS TE DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO GNYIS KYIS LAM SROL DPAL AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID LEGS PAR GSAN NAS THUGS RGYUD LA SBYAR TE MYONG BA THON PAR MDZAD, GZHAN YANG PHAR PHYIN, DBU MA, 'DUL BA, MNGON PA RNAMS DANG, LHAG PAR TSAD MA RNAM 'GREL LA ZHIB TU SBYANGS TE, GZHUNG LUGS CHEN PO DE DAG GDAMS NGAG TU 'CHAR TSUL THAMS CAD MKHYEN PA DGE 'DUN GRUB KYI ZHAL NAS GSUNGS PA MTHA' DAG LEGS PAR GSAN TE RANG DANG GZHAN GYI GRUB MTHA' RGYA MTSO'I PHA ROL TU SON PAR GYUR, DE NAS DBUS SU PHEBS NAS GSANG PHU SOGS SU PHEBS TE GRVA SKOR MDZAD PAS MKHAS PA'I GRAGS PAS SA STENG KHYAB PAR GYUR, DE NAS DAM PA 'DI DGUNG LO SO LNGA LA BAB PA NA DGA' LDAN RNAM PAR RGYAL BA'I GLING DU PHEBS TE, CHOS KYI RJE BLO GROS CHOS SKYONG BAS MKHAN PO, CHOS RJE GRAGS 'OD PHAS LAS SLOB, RONG PO BLO BZANG PAS GSANG STON MDZAD DE, BSNYEN PAR RDZOGS TE RGYAL BA'I BSTAN PA LA ZHUGS LA YONGS SU RDZOGS PA'I DPAL THOB STE THUB PA'I RGYAL TSAB CHEN POR GYUR TO, ,DE

NAS CHOS RJE BLO GROS CHOS SKYONG SOGS BSHES GNYEN DU MA LA RJE THAMS CAD MKHYEN PA'I GSUNG RNAMS KYI LUNG SOGS MDO SNGAGS KYI CHOS MANG DU GSAN, DE NAS DGUNG LO SO BDUN LA 'OL KHAR PHEBS TE, DBEN GNAS RIN CHEN SGANG DU CHOS RJE CHOS GRAGS PA LA CHOS MANG DU GSAN NO, ,DE LTAR MDO SNGAGS KYI GZHUNG LA THOS PA RGYA CHER MDZAD DE GDAMS PA'I GTER DU GYUR PA NA TSE 'DI'I 'KHRI BA PHRA MO'ANG MED BAR RNAL 'BYOR GYI DBANG PHYUG MI LA RAS PA DANG MCHUNGS PAR SROG 'TSO'I 'TSE BA DKA' THUB LA BRTEN NAS GTZO BOR DBAN GNAS RIN CHAN SPANG DANG GZHAN YANG AE'I TE'U RA DANG, 'OL KHA CHOS LUNG DANG, RGYA SOG PHU DANG, LHA SDINGS SOGS RJE RIN PO CHE'I SGRUB GNAS RNAMS SU LO BZHI BCU TZAM GYI BAR DU SGRUB PA LA RTZE GCIG TU BZHUGS TE RGYU TSOGS TSANG BA'I NYAMS LEN LA 'BAD PAS SKYES BU GSUM GYI LAM GYI RIM PA'I NYAMS LEN MTHAR PHYIN ZHING, RIM LNGA DANG SBYOR DRUG SOGS BLA MED KYI LAM RIM GNYIS LA MYONG BA PHUL PHYIN THON TE RANG DANG GZHAN GYI TSE RABS BRGYA STONG DRAN PA DANG, LHAG BA'I LHA MANG PO'I ZHAL GZIGS SHING, GZUNGS DANG, SPOBS PA DANG, MNGON PAR SHES PA SOGS YON TAN MTHA' YAS PA THOB STE 'CHAD RTZOD RTZOM GSUM LA THOGS PA MED PAR GYUR NAS THUN BZHI'I RNAL 'BYOR 'CHAG MED KYI NGANG NAS SKAL BA DANG LDAN BA BGRANG BA LAS 'DAS PA LA LAM RIM GYI KHRID DANG, SNGAGS KYI DBANG LUNG MAN NGAG MTHA' YAS PA STZAL ZHING BSTAN PA YUN RING DU GNAS PA'I CHED DU DUS 'KHOR

, ,SPYI DON DRI MED 'OD RGYAN, PAD DKAR ZHAL LUNG, DPAL GSANG BA 'DUS PA'I RIM GNYIS KYI GNANG DON GSAL BAR STON PA RIM LNGA YANG GSAL SOGS LEGS BSHAD MANG DU MDZAD CING, GTZO BOR 'JAM MGON BLA MA'I SGRUB RGYUD KYI BSTAN PA BZUNG STE PHYIR RABS KYI GDUL BYA RNAMS LA 'DI LTAR BYA DGOS SO ZHES 'DOMS PHYIR THUN BZHI'I RNAL 'BYOR LA BRTZON PA CHU BO'I RGYUN BZHIN MDZAD NAS, 'JAM MGON BLA MA'I MAN NGAG LA BRTEN NAS ZUNG 'JUG GRUB STE SKU TSE 'DI'I DNGOS KYI GDUL BYA RDZOGS PA NA DGUNG LO GO GCIG TU PHEBS PA CHU BYA ZLA BA DRUG PA'I NYER LNGA LA SKU'I BKOD PA BSDUS TE DGA' LDAN CHOS KYI PHO BRANG LA SOGS PA DAG PA'I ZHING KHAMS RAB 'BYAMS SU SPRUL PA BYE BA PHRAG BRGYAR STON CING BZHUGS SO, ,BDAG NYID CHEN PO 'DI LA RGYUD 'DZIN GYI SLOB MA MANG DU BYUNG BA LAS 'GRAN PA'I ZLA THAMS CAD DANG BRAL BA BSTAN PA YONGS RDZOGS KYI BDAG PO NI THAMS CAD MKHYAN PA DAG 'DUN RGYA MTSO'O, , DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB NOR BZANG RGYA MTSO LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR SDOM PA GSUM GYI BCAS MTSAMS PHRA ZHING PHRA BA NYAMS BA MED PAR BSRUNG BA GZHIR BZHAG NAS TSE 'DI'I 'KHRI BA BCAD DE DBEN PA'I GNAS SU MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN SNYING POR BYA'O,, ` ,,DGOS 'DOD KUN

'BYUNG NOR BU BSAM 'PHEL KHYOD, ,YON TAN THAMS CAD MA BSLABS THUGS SU CHUD, ,THOS BSAM SGOM PA MTHAR PHYIN GRUB PA BRNYES, ,'PHRIN LAS RGYUN MI 'CHAD LA GSOL BA 'DEBS, ,ZHES BSNGAGS PA, THAMS CAD MKHYEN PA DGE 'DUN RGYA MTSO GANG DU BLTAMS PA'I YUL NI GCANG RTA NAG GI SA'I CHA YOL DKAR RDO RJE GDAN ZHES BYA BA STE, DE YANG THAMS CAD MKHYEN PA DGE 'DUN GRUB DE NYID DGA' LDAN CHOS KYI PHO BRANG NA RJE BTZUN BYAMS PA MGON PO DANG, RGYAL SRAS NAM MKHA' DRI MA MED PA DANG, BYANG CHUB SEMS DPA' 'JAM DPAL SNYING PO RNAMS GUS PAS MCHOD CING BSNYEN BKUR NAS RGYAL BA SRAS BCAS DE RNAMS KYI GDAMS NGAG DANG RJES SU BSTAN PA GSAN TE, BDAG GANG DU 'GRO DON LA 'GRO ZHUS BAS, RGYAL SRAS 'JAM DPAL SNYING POS PADMA DKAR PO ZHIG NAM MKHA' LA 'PHANGS TE 'DI GAR SONG BAR 'GRO DON GYIS SHIG CES LUNG BSTAN BA NA ME TOG DE RDO RJE GDAN GYI DBEN GNAS YOL DKAR DPAL GYI SDE TSEN DU BABS SO, , RJE THAMS CAD MKHYEN PAS JI LTAR LUNG BSTAN PA LTAR YAB KUN DGA' RGYAL MTSAN DANG YUM KUN DGA' DPAL MO GNYIS KYI SRAS SU SHING MO LUG GI LO RGYAL ZLA BA'I TSES GSUM GYI NYIN NYI MA DROS BRDAL BA NA BAR GYI NAM MKHA' LA RDUL DANG BSER BU MED PAS NAM MKHA' NI RGYA MTHING BZANG POS BYUGS PA BZHIN GYUR, NYI MA'I DKYIL 'KHOR NI 'JA' TSON SNA LNGA'I GUR GYI DBUS NA 'OD ZER GYI DRA BAS DKRIGS TE GZHON NU'I ZHAL GYI DKYIL 'KHOR LTA BA LA RINGS PA

, ,BZHIN DU 'KHOD, LHA RNAMS KYIS 'JA' TSON GYI YOL BA BRES PA'I GSAB NAS ME TOG GI CHAR BAB PA NI GZHON NU RDUL GYIS GOS NA MI RUNG NGO ZHES 'DZIN MA'I STENG KUN TU CHED DU BKRAM PA BZHIN BYAS TE, GZIM KHANG LA SKU DKAR GSOL ZIN PA DANG MNYAM DU YUM THUGS DMAL GNAS BZHIN PA'I NGANG NAS KHYE'U SHEL LTAR DKAR ZHING 'OD ZER 'PHRO BA, 'PHAGS PA SPYAN RAS GZIGS DE NYID PANYTZA LI KA'I STOD G-YOGS DANG SMAD G-YOGS SPANGS TE SKRAL BA DANG LDAN PA'I GDUL BYA RNAMS KYI MIG GI BDUD RTZIR 'GOS KHUG PA LHAS BTZAS LA SOGS PA'I DPA' BO DANG, YE SHES KYI MKHA' 'GRO MA YE SHES MTSO RGYAL SOGS DPA' MO DU MA 'KHRUNGS PA'I BYA 'DAB, G-YAS RU GTZANG GI RTA NAG CES GRAGS PA DAM PA DU MA'I ZHABS KYI PADMO YANG YANG BKOD PA'I MTHU LAS BKRA SHIS DANG DGE MTSAN DU MA'I DPAL DANG LDAN PA'I SA LUNG PA ZHES BYA BA'I SA'I THIG LE, BCOM LDAN 'DAS MNGON PAR RDZOGS PAR SANGS RGYAS PA'I GNAS DANG MTSUNGS PA RDO RJE GDAN ZHES BYA BAR SKU BLTAMS PAR GYUR TO, ,BLTAMS MA THAG TU RJE BTZUN SGROL MA'I GZUNGS SNGAGS T'A RE RGYUN DU BZLA BA ZHIG BYUNG ZHING, DGUNG LO GNYIS GSUM GYI DUS NAS RJE BTZUN TZONG KHA PA CHEN PO'I ZHAL GZIGS, DE'I TSE PHYAG THAL MO SBYAR SPYAN BAR SNANG LA GZIGS NAS DBU DUD DUD YANG YANG MDZAD PA ZHIG BYUNG BAR YAB YUM GYIS RGYU MTSAN ZHUS PAR PHA BLA MA BLO BZANG GRAGS PA BYON 'DUG

CES GSUNG ZHING, DE NAS BZUNG STE DUS RGYUN DU RJE BLA MA'I SKU ZHIG 'BRAL MED DU BCANG BAR MDZAD CING, DE MA BYUNG BA'I SKABS RNAMS SU'ANG RDO SMUG PO RE SKU MDUN DU BZHAG NAS PHA BLA MA BLO BZANG GRAGS PA GSUNG ZHING DE LA MCHOD PA DANG GUS PA'I RNAM PA MDZAD, SNGON GNAS RJES SU DRAN PAS RJE DGE 'DUN GRUB KYI SKABS KYI GSUNG 'PHROS YANG DANG YANG DU GNANG BA ZHIG BYUNG, LHAG PAR DGUNG LO GSUM PA'I DUS SU LHA MO DMAG ZOR MAS ZHAL GZIGS SHING DMAG ZOR MA'I BSTOD BSKUL YANG BRTZAMS, GZHAN YANG SANGS RGYAS BYANG SEMS KYI BSTOD PA SOGS RTZOM PA MANG PO THOGS MED DU GNANG BA ZHIG BYUNG, DE NAS BKRA SHIS LHUN PO NAS RJE DGE 'DUN GRUB KYI GSOL DPON SGROL MA DANG, THOS BSAM GLING PA CHEN PO KUN MKHYEN CHOS 'BYOR DPAL BZANG GI BANG MI DANG BLA BRANG GI BANG MI ZHU YIG GSOL 'DEBS SOGS BYUNG BAR ARJE 'DI PAS GSOL DPON SGROL MA GZIGS 'PHRAL NGO MKHYEN NAS KHYOD SDUG PO MA BYUNG PA MA GSUNG ZHING; RJE DGE 'DUN GRUB KYI SKABS SU JI LTAR MDZAD PA LTAR GYI GSUNG GLENG BAG PHEBS BA GNANG BAS KUN NGO MTSAR DU GYUR CING, RJE DGE 'DUN GRUB KYI SPRUL SKU 'KHRUL MED DU YID CHES RNYED, DE NAS DGUNG LO BCU GCIG BZHES PA'I TSE THAMS CAD MKHYEN PA'I RGYAL TSAB GNYIS PA PAn CHEN LUNG RIGS RGYA MTSO'I ZHAL SNGA NAS KYIS GTZO MDZAD BSTAN PA GSAL MDZAD CHES KYI RJE SLOB DPON RNAM PA BKA' BGROS TE GZHON NU DE NYID THAMS CAD MKHYON PA RANG GI

, ,ZHAL CHAMS LAS MA G-YOS PAR SPYAN 'DREN PA'I PHO NYAR SPYIS NAS GSOL DPON SGROL MA DANG DKA' BCU PA RDOR RGYAL GNYIS, DKYIL KHANG NAS CHOS MDZAD RGYAL BA, THOS BSAM GLING NAS DGE BSHES RGYAL MTSAN GRAGS, SHAR RTZE NAS CHOS MDZAD KHA RAG PA RNAMS MNGAGS TE BSTAN PA RIN PO CHE'I RGYAL MTSAN GYI TOG TU DMIGS NAS BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING DU SPYAN DRANGS PAR GYUR TO, ,DE NAS RTA LO HOR ZLA DRUG PA'I TSES BZHI YONGS SU GRAGS PA'I SANGS RGYAS KYIS CHOS KYI 'KHOR LO BSKOR BA'I DUS KHYAD PAR CAN LA DBU SKRA BCAD, DUR SMRIG GI RGYAL MTSAN BZHES, PAn CHEN LUNG RIGS RGYA MTSO'I DRUNG DU YONGS SU RDZOGS PA DGE BSNYEN GYI SDOM PA BZHES TE, MTSAN DGE 'DUN RGYA MTSO DPAL BZANG PO ZHES BYA BAR GSOL NAS LHA DANG BCAS PA'I 'JIG RTEN GYI DPAL MGON DAM PAR MNGA' GSOL TO, ,DE NAS RDZE DGE 'DUN GRUB KYI THUGS SRAS GNAS RNYING ZHABS DRUNG KUN DGA' BDE LEGS RJE 'DI'I DRUNG DU PHEBS, RJE 'DIS KYANG GUS PA CHEN PO MDZAD DE GNAS RNYING CHOS RJE DE NYID KYIS MKHAN PO GNANG, PAn CHEN LUNG RIGS RGYA MTSO'I ZHAL SNGA NAS KYIS SLOB DPON, DBU MDZAD SANGS RGYAS TSUL KHRIMS PAS DUS GO BA MDZAD, GNAS BRTAN SDE SNOD 'DZIN PA GSER RI'I PHRENG BA LTA BU BCU PHRAG GSUM GYI DBUS SU DGE TSUL GYI BRTUL ZHUGS YANG DAG PAR BZHES TE BCOM LDAN

'DAS KYIS LAGS PAR GSUNGS PA'I CHOS 'DUL BA LA RAB TU BYUNG BAR GYUR TO, ,DE NAS PAn CHEN LUNG RIGS RGYA MTSO DANG PAn CHEN YE SHES RTZE MO LEGS SOGS YONGS 'DZIN DU BSTEN NAS TSAD MA RNAM 'GREL LA SBYANGS SHING, GZHUNG CHEN MO GZHAN RNAMS LA'ANG SBYANGS TE LUNG RIGS SENGGE'I SGRA DBYANGS BSGRAGS PAS LOG PAR SMRA BA'I PHAS BGROL MTHA' DAG ZIL GYIS MNAN CING CHOS GRVA CHEN PO'I DGE 'DUN MTHA' DAG DAD PA'I SA LA BKOD, PAn CHEN YE SHES RTZO MO LA DBANG LUNG MAN NGAG MTHA' YAS PA GSAN NO, ,DE NAS 'BRAS SPUNGS BLO GSAL GLING GI GDAN SA BA 'JAM DBYANGS LAGS PA CHOS 'BYOR GYIS DBUS PHYOGS SU 'BYON DGOS PAR BSKUL ZHING, DGA' LDAN KHRI RIN PO CHE 'JAM DBYANGS SMON LAM DPAL BAS KYANG DBUS PHYOGS SU BYON NA BSTAN PAR PHAN CHE BAR LUNG BSTAN PA SOGS RKYEN SNA TSOGS PAS BSKUL TE ZHABS 'BRING PA 'JAM DPAL GRAGS DANG BCAS DBUS PHYOGS SU PHEBS PA NA 'JAM DBYANGS LEGS PA CHOS 'BYOR GYI MNAL LAM DU NUB PHYOGS NAS NYI MA'I DKYIL 'KHOR ZHIG SHAR BYUNG BA'I 'OD KYIS GANGS CAN GYI LJONGS KUN GSAL BAR BYAS PA CIG BYUNG SNANG, SANG DE SKU 'KHOR RNAMS LA, SKYES BU DAM PA CIG 'BYON PA'I LTAS SU 'DUG CES LUNG BSTAN YANG MDZAD, DE NAS RIM GYIS PHEBS TE DPAL LDAN 'BRAS SPUNGS KYI GCUG LAG KHANG, BLO GSAL GYI SKYE BA BRGYA PHRAG DU MAS BYUR BUR GTAMS PA'I DBUS NA YUN RING MO NAS YID LA BSAMS PA'I DGE

, ,BA'I BSHES GNYEN BYAMS PA'I SRAS PO LEGS BA CHOS 'BYOR DE NYID SKAL BA DANG LDAN PA'I MKHAS PA'I TSOGS LA SHES RAB KYI PHA ROL TU PHYIN PA'I CHOS ZAB MO RGYUN MI 'CHAD DU 'DOMS PAR MDZAD PA DE GZIGS PAR GYUR TO, ,DE NAS LO GSUM DU 'JAM DBYANGS LEGS PA CHOS 'BYOR GYI ZHABS DRUNG DU BSNYEN NAS GSAN PA MDZAD PA RAGS PA TZAM BRJOD NA, RTZA 'JUG GI BSHAD PA MDZUB KHRID DANG BCAS PA ZHIG THOG MAR GSAN, DE NAS PHAR TSAD, 'DUL MDZOD, MNGON PA GONG MA, MDO SDE RGYAN, RGYUD BLA MA, 'BYED RNAM GNYIS, TSAD MA MDO, DRANG NGES RNAM 'BYED, SNYAN NGAG ME LONG SOGS MTSAN NYID KYI GZHUNG DU MA'I BSHAD PA MDZUB KHRID DANG BCAS PA GSAN ZHING, DE THAMS CAD KYI SKYOR 'GO RJE 'DI PA RANG GIS MDZAD, GZHAN YANG DPAL GSANG PA 'DUS PA'I DBANG BZHI RDZOGS PAR GSAN NAS 'GREL PA SGRON GSAL CHA LAG DANG BCAS PA, RGYUD KYI MDZUB KHRID, RIM PA LNGA GSAL BA'I SGRON ME, GDAN RDZOGS, RJE BTZUN SHES RAB SENG GE NAS BRGYUD PA GSUNG NGAG LAG RJES SU GRAGS PA, BSKYED RIM t'IKKA, GZHAN YANG YIG CHA MANG PO'I BSHAD PA, SNGAGS RIM CHEN MO, BDE MCHOG t'IKKA CHEN GYI BSHAD LUNG, BDE MCHOG 'DOD 'JO, RDZOGS RIM RNAL 'BYOR CHEN PO'I RNAM BSHAD, DE'I KHRID SOGS DANG, N'A RO CHOS DRUG GI KHRID, DRIL BU RIM LNGA'I RNAM BSHAD, DE'I KHRID, RGYAL TSAB RJE'I

DUS 'KHOR GYI KHRID YIG, BA SO RJE'I DUS 'KHOR BSKYED RDZOGS, KYEE RDOR GYI RGYUD LA MKHAS GRUB RJE'I t'I KA CHEN STENG NAS BSHAD PA MDZUB KHRID DANG BCAS PA, GZHAN YANG 'JIGS BYED KYI DBANG, KYEE RDOR, 'KHOR CHEN RNAMS KYI BSKYED RDZOGS KYI ZIN THUN, GSANG 'DUS KYI BSKYED RDZOGS KYI ZIN THUN, LAM RIM CHEN MO, SNYING PO DON GSUM, LTA KHRID, RJE YAB SRAS KYI BKA' 'BUM, 'JAM DBYANGS CHOS RJE'I RNAM THAR, RJE BRTZUN MI LA'I RNAM THAR SOGS KYI LUNG YANG MANG DU GSAN NO, ,DE NAS LHA SAR PHEBS TE JO BO RIN PO CHE'I SKU MDUN DU MCHOD PA DANG SMON LAM MDZAD PA'I TSE DAG PA'I GZIGS SNANG NGO MTSAR BA MANG DU BYUNG DE NAS LNGA MCHOD CHEN MO DANG BSTUN DNGUL GDUNG RIN PO CHE MJAL BA LA DGA' LDAN DU PHEBS, DER MCHOD PA PHUL GSOL BA BTAB PAS RJE DANG MJAL ZHING BYIN GYIS BRLABS PA'I MTSAN MA BZANG PO BYUNG, DE NAS RJE NYID DGUNG LO NYER GCIG BZHES PA'I YOS LO'I DPYID SLOS TSIGS SNGA MA'I MKHAN PO GNAS RNYING RIN PO CHED BUS PHYOGS LA BYA BRAL GYI TSUL GYIS PHEBS PA 'BRAS SPUNGS SU SPYAN DRANGS, CHOS RJE DE NYID KYIS MKHAN PO DANG, 'BRAS SPUNGS RJE LEGS PA CHOS 'BYOR BAS LAS KYI SLOB DPON, RA CAG NAS CHOS RJE SANGS RGYAS BZANG PO BAS GSANG STE STON PA, RIGS PA SMRA BA SANGS RGYAS BZANG PO BAS DUS GO BA MDZAD DE DAD PA'I DGE 'DUN GRANGS TSANG ZHING KHA SKONG BAR 'OS PA'I DBUS SU HOR ZLA GNYIS PA'I TSES BRGYAD KYI

, ,CHO 'PHRUL GYI DUS CHEN LA DPAL LDAN 'BRAS SPUNGS SU YONGS SU RDZOGS PA DGE SLONG GI DNGOS BO BRNYES TE 'PHAGS PA DGYES PA'I TSANGS PAR SPYOD PA MCHOG DANG LDAN PAR GYUR TO, ,DE NAS 'JAM DBYANGS LEGS PA CHOS 'BYOR PA'I DRUNG DU DGE SLONG GI BSLAB BYA CHEN MO, TSUL KHRIMS LE'U'I RNAM BSHAD, BSLAB BTUS, SPYOD 'JUG ,BLA MA LNGA BCU PA'I t'IKKA, RTZA LTUNG RNAM BSHAD, CHOS RJE BYAMS PA GLING PA'I BSHES SPRING t'IKKA, PAn CHEN NAGS RIN NAS BRGYUD PA'I DUS 'KHOR SBYOR DRUG SOGS KYANG GSAN, DE DUS DBYANGS CAN MA'I RJES GNANG ZHUS DUS LHA MO RMI LAM DU BYON BYUNG GSUNG, 'JAM DBYANGS SMRA SENG MKHAS GRUB RJE NAS BRGYUD PA THUN MONG MA YIN PA, G-YAG RONG NAS BRGYUD PA'I MI G-YO DKAR BO'I CHOS SKOR, 'JAM DBYANGS CHOS RJES RJE BTZUN 'JAM DBYANGS NYID LA GSAN PA'I 'JAM DBYANGS DKAR PO'I CHOS SKOR SOGS DANG, RJE'I RNAM THAR CHE CHUNG, 'PHO KHRID CHEN MO, MDOR BYAS, MDO BSRE, SPYOD BSDUS, RDO RJE SEMS DPA'I SGRUB THABS, RNAM GZHAG RIM PA SOGS 'PHAGS SKOR GYI GZHUNG DU MA SOGS MDOR NA DE'I DUS CHOS RJE DE NYID GSAN RGYA CHE BAR GRAGS SHING, CHOS RJE NYID LA BZHUGS PA THAMS CAD BUM PA GANG BYOR GNANG NGO, ,DE LTAR GZHUNG LUGS RNAMS LA RGYA CHEN THOS PA MTHAR PHYIN PAR MDZAD NAS SGRENG RGYAL BA'I DBEN GNAS DANG PO DE GUNG RGYAL GYI DBEN GNAS SOGS RJE RGYAL BA

GNYIS PA TZONG KHA PA CHEN PO DE NYID KYIS BYIN GYIS BRLABS PA'I GNAS DA DAG BLTA ZHING, THOS PA'I DON RNAMS NYAMS SU BLANG BAR BYA'O SNYAM DU DGONGS TE BSTAN PA DANG SEMS CAN THUGS KYIS MA BZOD PA'I SGO NAS THUGS LA SKYO SHAS DRAG PO YANG 'KHRUNGS, DE'I TSE DBEN PA LA DGA' BA'I NYAMS MGUR MDZAD PA NI, PHA BLA MA RNAMS LA PHYAG 'TSAL LO, ,MA LUS RGYAL BA'I THUGS KYI DBYINGS CHEN POR, ,MKHYEN BRTZE'I DKYIL 'KHOR RDZOGS PA'I NYIN MOR BYED; ;GDUL BYA PADMO'I DPAL GYUR RDO RJE 'CHANG, ,YAB RJE DAM PA'I ZHABS LA SNYING NAS 'DUD, ,SMRAS PA, SGRIB MED MKHYEN BRTZE'I 'OD STONG DRA BA CAN, ,THUB DBANG NYI MA NUB RI'I RTZE LA 'DZEGS, ,THUB BSTAN 'DAB STONG RDZOGS PA'I PAD TSAL YANG, ,DUS KYI BA MO'I REG PAS NYIN BZHIN 'JOMS, ,BSTAN 'DZIN RKANG DRUG LDAN PA'I TSOGS RNAMS KYANG, ,RNYED BKUR SBRANG RTZI'I RO LA LHAG PAR CHAGS, ,BDUD KYI DBANG GYUR LOG SMRA 'BYUNG PO'I BYA, , 'DZEM MED MKHAS PA'I KHROD NA RNAM PAR RGYU, ,SKYE BO PHAL CHER LEGS NYES 'BYED PA'I MIG ,LJONGS PAS G-YANG SA'I MTHA' LA GOM PA 'DOR, ,KHA CIG PHRAG DOG DUG CHUS GZHAN DAG LAS, ,RANG NYID RGYAL BA'I SGYU THABS LHUR LEN GYUR, ,GZHAN DAG NGAN SEMS G-YO SGYU'I DUG GI CHUS, ,YID RAB MYOS KYANG BSTAN 'DZIN GZUGS SU RLOM, ,KYI HUD GANGS CAN KHRID 'DIR SENG CHEN LAS, ,SHVA NA'I BU NYID SKAD GSANG MNGON BAR MTHO, ,'DOD

, ,DGU'I 'BYUNG GNAS YID BZHIN RIN CHEN LAS, ,MCHING BU'I RDO BA LHAG PAR GCIS SU BYED, ,GCONG RONG NAGS KYI KHROD NA NYI MA PAS, ,ME KHYER MCHOG TU RLOM PA'I MTHONG BAS SKYO, ,DE LTAR MI BZAD SNYIGS MA'I DUS KYI MTHA', ,DMU RGOD SKYE BO BYUNG RGYAL SPYOD PA'I DUS, ,RGYAL DANG RGYAL SRAS MKHAS PA'I TSOGS RNAMS KYANG, ,ZHI BA'I DBYINGS SU GZIM NAS BTANG SNYOMS MDZAD, ,'THOR RLUNG DRAG PO'I MDUN SAR MAR ME YIS, ,MUN PA'I SMAG RUM SEL BAR BYED DAM CI, ,DE PHYIR NYAM CHUNG SKYE BOS THUB BSTAN GYI, ,KHUR CHEN MI BZAD 'KHYER BA NGAL BA'I GNAS, ,RTZOD PA'I DUS 'DIR THAMS CAD MKHYEN PA LTAR, ,MA LUS 'GRO BA'I MIG GCIG TZONG KHA PA, ,DE YI LEGS BSHAD BDUD RTZI MYANG BA'I PHYIR, ,GCIG PUR DBEN PA BSTEN PA MI LEGS SAM, ,RNAM DKAR BSOD NAMS STONG GIS LEGS BSKRUN PA'I, ,SHIN TU RNYED PAR DKA' BA'I DAL 'BYOR 'DI, ,DON MED 'JIG RTEN BYA BAS CHUD GZON PA, ,BDAG LA SNYING MED GYUR PAR GDON MI ZA, ,RIN CHEN BDUN LDAN GLING BZHIR DBANG SGYUR BA'I, ,'KHOR LOS SGYUR BA'I DPAL YANG CHU SHING 'DRA, ,SKABS GSUM BDAG PO'ANG RANG GI PHUN TSOGS KUN, ,MI BZAD LAS KYI DBANG GIS 'DOR DGOS KYANG, ,CUNG ZAD BDE BA'I DBANG GIS SRED PA 'PHEL, ,PHAL CHER MI BZAD ZUG RDU SKYE BA'I RGYU, ,NYES BRGYA'I 'BYUNG GNAS 'KHOR BA'I PHUN TSOGS LA, ,MKHAS PA SU ZHIG LHAG PAR

CHAGS PAR BYED, ,DE PHYIR KUN DGA' RGYAS PA'I NAGS KYI LJONGS, ,ME TOG MNGON PAR RGYAS PA'I 'JO SGEG CAN, ,BUNG BA'I NA CHUNG MGRIN PA'I GLU LEN CING, ,RMA BYA GZHON NU DGA' BA'I ZLOS GAR SGYUR, ,KHU BYUG MGRIN PA'I LAM NAS DRIL CHEN 'KHROL, ,KA LA PING KA KYUR KYUR GLU DBYANGS SGROG, ,DBU BA'I PHRENG MDZES 'BAB CHU'I NA CHUNG MA, ,LHUNG LHUNG SGRA SNYAN SGROG CING PHYOGS SU 'BAB, ,RAB SMIN 'BRAS BU'I KHUR 'CHANG LJON PA'I SHING, ,LO MA ME TOG RGYAS PAS PHYOGS KUN GANG, ,STENG NAS STOD G-YOGS CHU 'DZIN DKAR PO G-YO, ,NGOS NAS MU TIG CHU BO'I DO SHAL 'BAB, ,SKAD SKABS NAGS TSAL SNGON PO'I SHAM THABS CAN, ,SA 'DZIN BU MOS PHYOGS KUN MDZES PAR BSKOR,, 'OG GZHI BEE d'URYA YI NE'U GSING, ,NE TZO'I GSHOG PA LTA BUR MCHOG TU MDZES, ,SNA TSOGS ME TOG DRA BAS KHEBS PA LA, ,RI DVAGS SNA TSOGS BAG PHEBS RNAM PAR RGYU, ,'DU 'DZI'I CHOM RKUN SGRIB LA 'ONGS PA BZHIN, , 'KHRI SHING PHRENG BAS BAR MTSAMS MED PAR DKRIGS, ,DE LTAR PHUN TSOGS NAGS TSAL DBEN PA'I GNAS, ,LHA YI SKYED TSAL LTA BUR NYAMS DGA' BAR, ,TSE 'DI'I CHOS BRGYAD SNANG BA KUN DOR NAS, ,'KHRUL MED TING 'DZIN RO LA RTZE GCIG TU, ,ROL PA'I SPYOD TSUL 'DI LA SNYING NAS SPRO, ,MANG DU THOS PA'I BZLAS BRJOD LHUR LEN CING, ,BDE STONG LHAN CIG SKYES PA'I YE SHES MES, ,GNYIS SNANG 'KHRUL BA'I BAG CHAGS KUN BSREGS NAS, ,RNAM KUN

, ,MCHOG LDAN ZUNG 'JUG SGYU MA'I SKUR, ,LANGS NAS SNA TSOGS SPRUL PA'I THABS MKHAS KYI, ,LCAGS KYUS MA DAG SRID PA'I 'KHOR LO 'DI, ,MCHOG TU MI 'GYUR BDE BA'I DBYINGS CHEN POR, ,GANG DRANGS RNAL 'BYOR MCHOG DE SKAL BZANG, ,DE SKAD SMRA DE BZHAD PA'I RDO RJE NYID, ,SNGON BYON DAM PA'I RNAM THAR SNYING LA 'GROGS, ,SNYIGS DUS SKYE BO'I SPYOD PAS GTING NAS SUN, ,BLO GROS LUS STOBS RGYAS PAS CUNG ZAD DEGS, CHU YI LCID KYIS LHAG PAR NON PA'I SPRIN, ,'BRUG SGRA BSGRAGS PA MED PAR LDOG MA YIN, ,DE PHYIR SNYAN NGAG MGRIN PA'I GLU DBYANGS MCHOG ,MA SMRAS PAR YANG BDAG BLO CI ZHIG TSIM, ,TSUL 'DI SKYE BAS THOB PA'I BLO GROS KYIS SNYAN NGAG DRIL CHEN SGROG LA THOGS MED PA, ,LHAG BSAM KHO NA SNYING LA RAB 'GROGS PA, ,DBYANGS CAN BZHAD PA'I RDO RJES GTAM DU BYAS, ,ZHES SO, ,DE NAS YOS LO ZLA BA DGU PA'I DUS CHEN LA THUGS DMIGS GTAD DE PHUN CHUNG GI GNAS MJAL, DE'I LA LA BRGYUD DE PHEBS PA NA DE DUS 'PHAGS PA'I GRUB THOB KUN DGA' RGYAL MTSAN BZHES PA CIG BYANG RA SPRENG NA BZHUGS PA'I MNAL LAM DU, SANG 'BROM STON PA PHEBS PA YOD ZER BA CIG BYUNG 'DUG PAS, KHONG GIS KYANG RGYANG RING PO NAS BSDUS NAS GUS MCHOD CHEN PO MDZAD, GZHAN YANG THUGS DAM PA SO SO'I MNAL LAM DU 'BROM STON PA DANG MJAL BA DANG NYI ZLA SHAR BA SOGS BYUNG DUG PAS GNAS

DER PHEBS 'PHRUL NYID NAS RA SGREN BA KUN GYIS, PHA STON PA RIN PO CHE ZHES ZHABS LA BTUD, LHAG PAR DRUNG BYANG SEMS PA ZHES SKU SKYA BA NYI SHU TZAM DRAN PA ZHIG YOD PA DES KHONG RANG GI SPYIL BUR SPYAN DRANGS, LDUM NGAN ME TOG RTZA BA SUM CU TZAM YOD PA'I ME TOG THAMS CAD BTUS NAS DA RJES KHONG GIS BDEN TSIG BRJOD BA NI, SKU SKYE RIN PO CHE 'DI 'BROM GYI SPRUL PA YIN DES NA BDEN PA DES GNANG TSA BA ZHES KYI RING LA 'DIR ME TOG BRGYA RTZA GCIG 'CHAR BAR SHOG CIG, MIN NA GCIG KYANG MI 'BYUNG BAR SHOG CIG ,DE'I DPANG PO DKON MCHOG GSUM DANG, JO BO YAB SRAS DANG, KHYAD PAR CHOS SKYONG ZHAL DMAR BAS MDZOD CIG BYAS NANG DU BYON, DPON SLOB RNAMS KYIS GSOL JA 'DEBS GCIG GI RING LA ME TOG PHYED DANG NYIS BRGYA DUS GCIG TU SHAR 'DUG PAS KHONG DAD PA SHUGS DRAG TU 'BAR RO, ,DE NAS RJE DGE 'DUN GRUB KYI THUGS SRAS PAn CHEN PHYOGS LHA 'OD ZER 'PHYOD RGYAS RI BO BDE CHEN NA BZHUGS PA DES RJE 'DI'I SNYAN PA GSAN NAS RJE DGE 'DUN GRUB KYI BKA' DRIN BSAB PA'I PHYIR SPRUL PA'I SKU 'DI'I 'PHRIN LAS RGYA CHER SPEL BAR BYA'O SNYAM DU DGONGS NAS RJE 'DI LHO KHA PHYOGS SU SPYAN DRANGS, LHA KHA PHYOGS KYI CHOS SDE MTHA' DAG DANG, RJE DGE 'DUN GRUB KYI SBYIN BDAG 'BYOR PA CAN MTHA' DAG BSKUL TE RJE 'DI'I ZHAL BLTA BA DANG GSUNG GI BDUD RTZI MYANGS SU GZHUG PHYIR PAn CHEN RANG GIS GTZO MDZAD DE DGE 'DUN RNAMS KYIS RGYANG RING PO NAS BSU BA MDZAD, MJAL

, ,MA THAG TU PAn CHEN RIN PO CHE LAS DANG PA THOB PA LTA DU'I DGYES PA CHEN PO BYUNG BA YIN PA 'DUG, DE NAS RI BO BDE CHEN GYI GZHAL YAS KHANG GI STENG DU SPYAN DRANGS BKUR STI PHUL DU BYUNG BA MDZAD, THOG MAR DPAL LDAN LHA MO'I BKA' ZHIG GNANG DGOS ZHUS PAS, DANG PO BO DONG DU BYAS ZIN PAS DA BSKYAR LDAB MI DGOS BYA BA DANG, GZHAN YANG SNGON RJE NYID PA LA POR PAndI TA CIG TU 'KHRUNGS DUS KHYED DE DUS 'KHOR 'DI LTA BU ZHIG YIN GSUNGS PAS PAn CHEN NYID KYANG THUGS TSIM ZHING MOS GUS PHUL DU PHYIN PA 'KHRUNGS, DE NAS NYIN CIG NA BZA' CHA TSANG LA SOGS PA'I 'BUL BA BSAM GYIS MI KHYAB PA MDZAD DE PAn CHEN RIN PO CHES ZHABS SPYI POR BLANGS TE, DGE BA'I BSHES GNYEN PA LAGS, KHYED NI 'BROM STON PA RGYAL BA'I 'BYUNG GNAS DNGOS YIN, BDAG RDOG LEGS PA'I SHES RAB MIN YANG DE'I GDAN SA PA YIN PAS SNGON YER PA LHA RI SNYING PO'I MGUL DU RDOG LEGS PA'I SHES RAB KYIS JO BO YAB SRAS LA CHOS KYI 'KHOR LO BSKOR BAR GSOL BA BTAB PA LTAR BDAG KYANG GSOL BA 'DEBS NA, BKA' GDAMS KYI BSTAN PA RGYAS PA DANG, 'GRO BA MA LUS PA'I PHAN BDE SPEL BA'I PHYIR GLEGS BAM RIN PO CHE'I ZAB PA DANG RGYA CHE BA'I CHOS KYI CHAR BA GANGS CAN KYI 'DZIN MA'I KHYON THAMS CAD DU 'BEBS PAR MDZAD DU GSOL ZHES GSOL BA BTAB, DA'I CHE GANGS CAN GYI MGON PO SPRUL SKU

MTHONG BA DON LDAN DE NYID DGUNG LO NYI SHU RTZA GCIG LA BAB PA, SKU SHEL GYI RI BO THUN MTSAMS KYI SPRIN GYIS G-YOGS PA LTA BU, ZHABS RGYAS PA CUNG ZAD BRGYANGS TE GANGS CAN PA DAG LA BAL 'JUS SHIG CES DON GYIS GO BAR BYED PA DE SKAL BA DANG LDAN PA'I GDUL BYA'I DBUS NA RGYU SKAR RAB TU RGYAS PAS BSKOR BA'I ZLA BA'I DKYIL 'KHOR LTAR MTHONG BA TZAM GYIS GDUNG BA SEL BA, RI DVAGS KYI RGYAL PO SENG+GE LTA BUR 'KHOR GYI DBUS NA 'JIGS PA KUN DBANG GAL BA, GLING BZHI'I DBUS NA LHUN PO LTA BUR DGE MTSAN DU MAS MNGON PAR MTHO BA DE BKA' GDAMS KYI BSTAN PA RIN PO CHE GSAL BAR BZHAD PA'I THUGS BSKYED DANG, GANGS CAN GYI 'GRO BA KUN GYI SDUG BSNGAL MA LUS PA BSAL BAR BZHED PA'I LHAG BSAM RAB TU DKAR BA DE LUD PA LTA BU'I 'DZUM DKAR GYIS GANGS RI'I DPAL DANG LDAN PA'I SA'I DKYIL 'KHOR G-YOGS, BZHIN DU MDZAD DE, GSUNG GI GDANGS SNYAN PO 'GRO BA GANG GI RNA LAM DU SONG BA NA DANG POR LUS KYI BA SPU G-YO ZHING MTHAR THAR PA'I SA BON 'DEBS PAR MDZAD PAS LHA'I RNGA BO CHE'I SGRA BZHIN DU PAn CHEN PHYOGS LHA 'OD ZER GAS THOG DRANGS RI BO BDE CHEN GYI SKAL BA DANG LDAN PA'I DGE 'DUN RNAMS DANG, GZHAN YANG CHOS ZAB MO LA LHAG PAR MAS BA'I LHA DANG KLU DANG GNOD SBYIN DPAG TU MED PA LA, GLEGS BAM RIN PO CHE CHA LAG DANG BCAS BA DANG, RJE'I GSANG BA'I RNAM THAR THOG MAR STZAL, DE'I TSE NAM MKHA' LA 'JA' 'OD DANG ME TOG GI

, ,CHAR YANG DPAG TU MED PA BYUNG, DER 'KHOD PA THAMS CAD KYANG DAD PA'I SA LA BKOD DO, ,DE NAS SNGON CHOS KYI RGYAL PO TZONG KHA PA CHEN POS KYANG PHYOGS DE'I SA'I THIG LER MKHAS PA'I DBANG PO STONG PHRAG DU MA DANG, RGYAL PHRAN BYE BA'I GTZUG RGYAN GYIS ZHABS KYI PADMO MCHOD PA CHOS SKYONG BA'I MI'I DBANG PO RNAMS LA CHOS KYI 'KHOR LO BSKOR BA'I SROL BZANG PO DE NYID GOS BAR BZHED PAS CHOG GRVA CHEN PO'I SLOB DPON RNAMS DANG; SDE SNOD 'DZIN PA DANG DGE BA'I BSHES GNYEN DPAG TU MED PA LA BKA' GDAMS GLEGS BAM, RIM LNGA GSAL SGRON SOGS BKA' GDAMS GSAR SNYING GI GDAMS PA'I BCUD PHYUNG PA'I CHOS KYI CHAR PHAB, DE4R GNAS PA'I MKHAS PA RNAMS SKU NA PHRA MO 'DI LTA BU 'DI LA BU'I BLO GROS PHUL DU BYUNG BA NI RGYAL BA NYID KYI 'PHRIN LAS GZUGS SU BGYIS PAR GOR MA CHAG GO ZHES DAD GUS PHUL DU BYUNG BA MDZAD DO, ,DE NAS GANGS RI'I DBANG PO 'O DE GUNG RGYAL GYI MGUL NA, THAMS CAD MKHYEN PA DGE 'DUN GRUB KYI GSUNG LAS SKYES PA, LO BCU PHRAG BZHI'I BAR DU SGRUB PA'I RGYAL MTSAN BTZUGS PAS RTZA BA DANG YAN LAG GI RLUNG LA RDO RJE'I BZLAS PA MTHAR SON PAS CHOS 'KHOR LTA SAR LHA SA ROL MO PHUL BA 'OL KHA'I GANGS SUL DU GSAL BAR GSAN PA, MDOR NA SEMS DBEN GYI DPE'I 'OD GSAL MNGON DU GYUR PAS ZUNG 'JUG GI GO 'PHANG YANG LAG MTHIL NA GNAS PA LTA BU,

GRUB PA'I DBANG PHYUG RJE NOR BZANG RGYA MTSO'I ZHABS DRUNG DU PHEBS TE, BSAM SPYOR GNYIS GYIS TSUL BZHIN DU BSTEN NAS GSUNG RAB DGONGS 'GREL DANG BCAS PA THAMS CAD KYIS NYING PO'I DON MDO SNGAGS GNYIS KA'I LAM GYI GNAD YONGS SU RDZOGS PA BYANG CHUB LAM GYI RIM PA'I KHRID DANG, ZAB LA MO RIM PA GNYIS KYI KHRID SOGS MDO SNGAGS KYI MAN NGAG MTHA' YAS PA GSAN PAS GDAMS PA'I GTER DU GYUR TE, MKHAS GRUB NOR BZANG RGYA MTSO 'DI NYID BKA' DRIN ZLA MED DU 'DZIN PAR MDZAD DO, ,DE NAS LUG GI LO SKYID SHOD LA PHEBS, THOG MAR GSANG PHU NE'U THOG TU GLING SMAD CHOS RJES SPYAN DRANGS, CHOS DUNG GTONG BA'I SKABS DANG 'GRIG ,RTEN 'BREL LEGS PAR BYUNG GSUNG, NGAS MJAL GNANG, JO BO RIN PO CHE'I DRUNG DU PHEBS, MCHOD PA DANG SMON LAM RGYA CHER GNANG, DE NAS 'BRAS SPUNGS RJE'I DRUNG DU RIN PO CHE DANG NA BZA' SOGS KYI 'BUL BA, DGE 'DUN LA MANG JA SOGS KYANG GNANG, 'BRAS SPANGS RJE'I DRUNG DU BCOM LDAN 'DAS DUS KYI 'KHRO LO'I BDAG PO CHEN PO'I BKA' DANG, DAM CAN CHOS KYI RGYAL PO'I RJES GNANG ZHIG GSAN DUS YAB SRAS GNYIS KAR CHOS RGYAL GYI GZIGS SNANG BYUNG NGO, ,DE NAS RJE 'DI DGUNG LO NYI SHU RTZA LNGA BZHES PA LCAGS PHO SPRE'U'I LO YER PA LHA RI SNYING PO'I MGUL DU PHEBS NAS SKAL LDAN GYI GDUL BYA MANG PO LA GLEGS BAM RIN PO CHE CHA LAG DANG BCAS PA GSUNGS, DE'I TSE NYIN RE BZHIN NAM MKHA'

, ,G-YA' DAG PA LA 'JA' GUR DANG ME TOG GI CHAR SOGS NGO MTSAR BA'I LTAS DPAG TU MED PA CIG BYUNG NGO, ,DE NAS RA SGRENG DU PHEBS, JO BO YAB SRAS LA MCHOD PA RGYA CHEN PO PHUL, GSOL BA BTAB NAS DE'I DUS SNGA SOR GROD PA MYU LU ZHES PA'I SHUG PA MING CAN ZHAG BSKAMS 'DUG PA LA, NGA DGE BSHES STON PA'I RNAM 'PHRUL YIN NA SHUG PA KHYOD LA YAL GDANG ME TOG SKYE BAR GYUR CIG CES DBEN PA BDAR BAS LO AM GSAR DU SKYES, CHU MIG GSER PA CIG KYANG RDAL, GZHAN YANG SHUGS PA GSER LDAN SNGAR NGOS MA ZIN PAR SNANG BA LA NGOS 'DZIN GYI DAR 'DZUGS PA YANG MDZAD, DE'I TSE 'JA' TSON GYI DRA BA DRA PHYED KYI DBUS NAS ME TOG GI CHAR CHEN PO YANG BABS, GNAM SA BAR SNANG THAMS CAD KYI CHO 'PHRUL 'DI 'DRA NA, PHA STON PA RIN PO CHE, BDAG CAG GDUL BYA RNAMS LA BRTZE BAS GZIGS SHIG CES NGA RO CHEN POS GSOL BA 'DEBS PA SOGS SA RA SGRENG BA KUN GYIS GUS PA BSAM GYIS MI KHYAB PA MDZAD DO, ,DE NAS RTZVA RI YUL SMAD DU PHEBS, SPANG CHUNG ZHES BYA BAR G-YON GRAL BA'I SPANG MAR PHYOGS PHEBS MA THAG NAM MKHA' G-YA' DAG STE SPANG MO DE NYID RANG NAS DAG PA SHR'I GSAL BAR GZIGS, MTSO RNAMS CHUR MJAL DU BYUNG PA'I GZIGS SNANG SHAR, GNAS SO SO'I THAD DU 'JAB ZUG ,SPANG MO DE NYID RANG NAS GNAS SO SO'I GNAS BSHAD PHUL CHOG PA BYUNG BAR SNANG

BAS RI PA RNAMS SNGON CHAD 'DI LTA BU BYAS CHO GA PA SU LA YANG BYUNG BA'I GTAM SKAD MI 'DUG CES THAMS CAD MGRIN GCIG TU SMRA ZHING, KUN GYIS GUS PA BSAM GYIS MI KHYAB BA MDZAD, DPA' BO DANG MKHA' 'GRO RNAMS LA TSOGS KYI 'KHOR LO BSKOR TE GSOL BA BTAB PAS BCOM LDAN 'DAS MA RDO RJE PHAG MO LHA BCU GSUM GYI RTEN DANG BRTEN PAR BCAS PA'I DKYIL 'KHOR ZHAL GZIGS SO, ,DE NAS DGUNG LO NYER BRGYAD PA'I 'JAM DBYANGS LEGS PA CHOS 'BYOR SOGS DAM PA MANG POS BSKUL NAS MTSAN YANG DAG PAR BRJOD PA'I t'I KA CHEN RDO RJE'I RNAL 'BYOR GYI DE KHO NA NYID SNANG BAR BYED PA'I NYI MTSAN CHEN PO ZHES BYA BA'I THUGS RTZOM YANG YONGS SU RDZOGS PAR MDZAD DO, ,PHAG LO'I STON GTZANG PHYOGS SU PHEBS, YOL DU PHEBS PA'I NUB MGON PO'I ZHAL GZIGS, GAM PA LA'I RTZER RJE BTZUN MI LA'I ZHAL GZIGS, DE NAS RIM GYIS RTA NAG TU PHEBS TE YAB RJE KUN DGA' RGYAL MTSAN LA DBANG LUNG MAN NGAG MANG DU GSAN, DE NAS DBUS SU PHEBS TE RTZE THANG DU CHOS KYI 'KHOR LO RGYA CHER BSKOR, DE NAS BYANG SGRENG DU THOG GCIG BZHUGS RTZIS KYIS RTZIS THANG NAS PHEBS TE THOG MAR RI BO DGA' LDAN GYI DGE 'DUN RNAMS DANG, RGYUD STOD SMAD GNYIS KA'I DGE 'DUN LA CHOS 'KHOR RGYA CHER BSKOR, DE NA SAR SGRENG DU PHYAGS PHEBS, DE NA BZHUGS PA'I RTEN RNAMS DANG DGE 'DUN LA MCHOD PA BZANG PO YANG MDZAD, DE

, ,DUS RGYA MA NAS SPYAN SNGA RIN PO CHE BLO GROS 'JIGS MED PA PHEBS, MCHOD PA RGYA CHEN PO 'DZUGS BA GNANG, DE'I GRAL DBU LA, DA NI 'BROM STON PA DNGOS PHEBS RTING LA KHONG SPYAN 'DREN GSUNGS NAS RJE NYID TSOGS LA SPYAN DRANGS, SMON LAM YANG LHAN CIG TU MDZAD GSUNG, DE NAS THOG MAR SKU MTSAMS BCAD, SKU 'DRA RIN PO CHE DBU YON MA GZIMS SNGAS 'GOR SPYAN DRANGS, GSOL BA DRAG TU 'DEBS PA DANG, YI DAM GYI LHA MANG PO'I BSNYEN SGRUB KYANG MDZAD PAS DE'I DUS BKA' GDAMS LHA BZHI, RTA MGRIN NAG PO, RJE BTZUN SGROL DKAR SOGS YI DAM DU MA'I ZHAL GZIGS DANG, KHYAD PAR DU 'BROM STON PA RGYAL BA'I 'BYUNG GNAS NA BZA' BER PHYAM DKAR PO BZHES PA CIG ZHAL GZIGS TE DE'I ZHAL NAS GTZANG PHYOGS DANG, 'OL DVAGS GNYIS SU 'PHRIN LAS KYI 'JUG SGO YOD GSUNG BA'I LUNG BSTAN KYANG BYUNG, GZHAN YANG RA SGRENG GI CHOS SKYONG GZHI BDAG DANG BCAS PAS NGO MTSAR BA'I LTAS MANG DU STON PA YANG BYUNG, DE NAS BSAG SBYANG BYAS NA LEGS PAR GZIGS NAS GUNG TSIGS GROL RJES SU DGON GONG 'OG GI DGE 'DUN RNAMS DANG CHOS NYAN GZHAN YANG STOBS CHE BA LA GLEGS BAM GYI CHOS THUN RE GNANG, SNGA DGONG GNYIS GLING SKOR MDZAD, KHYAD PAR KA GNYIS MA DANG SPYAN SNGA SKU 'BUM LA SKOR BA STONG LAS MI NYUNG NGA RE MDZAD DO, ,

DA DUS PHYI'I SHUG SKOR YANG MANG DU GNANG, PHYAGS PHYIR YOD BA RNAMS LA, NANG GI RTEN GSUM DANG PHYI'I SHUG PA RNAMS LA KHYAD PAR SPU TZAM MED DO GSUNGS SHING, SHUG BA'I KHYON KUN RGYAL BA SRAS BCAS KYIS GANG BAR ZHAL GZIGS, CHOS GNANG BA'I SKABS KUN TU YANG ME TOG GI CHAR DANG, 'JA' TSON GYI GUR, BAR BAR DU 'JI' BLA BRE DANG, SGRA SNYAN PA MANG PO NAM MKHA' SA 'BYUNG BA DANG, GNAS DE'I BYA LA SOGS PA 'GRO BA GZHAN GYIS KYANG GZIM KHANG DANG CHOS KHRI LA SKOR BA BYED PA DANG, BYA YID DU 'ONG BA MANG PO SNGA DRO RE RE BZHIN PHYAG 'BUL BA'I TSUL DU 'ONGS NAS GUS BA'I RNAM 'GYUR BYED PA SOGS NGO MTSAR CHEN PO MTHA' YAS PA BYUNG, DE NAS STABS KAR PHEBS, SPRUL PA'I GLEGS BAM RIN PO CHE BZHUGS PA'I MCHOD RTEN MJAL DUS LHA'I SIL SNYAN GYI SGRA DANG, ME TOG GI CHAR BABS SO, ,DE NAS YAB RJE KUN DGA' RGYAL MTSAN SNYUN NAS GTZANG LA PHEBS TE RTA NAG RDO RJE GDAN DU PHEBS, YAB ZHING GSHEGS TE DNGOS SU ZHAL MJAL THUB PA MA BYUNG YANG DGONGS RDZOGS RGYA CHEN PO MDZAD, DE NAS DBUS SU PHEBS TE LAM BAR GYI DAD LDAN RNAMS LA CHOS KYI BDUD RTZI RGYA CHER STZAL CING MTHONG THOS DRAN REG GI 'BREL PA 'JOG PAR MDZAD, DE NAS SER NAS CHOS KYI RJE DPAL 'BYOR LHUN GRUB PA'I BKAS BSKUL TE SER TSOGS PAS SER SPRENG GIS SPYAN DRANGS, RTEN 'BREL

, ,GYI SGO YOD PAS CHOS KHRI CHEN MO'I THOG NAS GSUNG CHOS GNANG DGOS ZHES GSUNGS NAS MKHAS BA'I DBANG PO DON YOD DPAL LDAN PA'I ZHAL SNGA NAS DANG, MDO SNGAGS RAB 'BYAMS KYI GZHUNG LA MI 'JIGS PA'I SPOBS PA BRNYES KYANG KHENGS PA'I DRI MAS DBEN PA RJE BTZUN CHOS KYI RGYAL MTSAN PA'I ZHAL SNGA NAS DANG, CHEN PO DON GRUB PA, DKA' RAB 'BYAMS SMRA BA TSUL KHRIMS 'OD ZER BA RNAMS KYIS GTZO MDZAD TSOGS PA LA GSUNG CHOS GNANG, KUN GYIS GUS PA CHEN PO MDZAD DO, ,DE NAS 'BRAS SPUNGS NAS DBU MDZAD CHEN MO DPAL 'BYOR RGYAL MTSAN, DBU MA PA CHEN MO RIN CHEN DAR MA, MDO SMAD PA SHES RAB BLO GROS, DKA' RAB 'BYAMS SMRA BA SANGS RGYAS LEGS PA, SLOB DPON RGYAL MTSAN BLO GROS, RAB 'BYAMS PA RIN CHEN RNAM RGYAL, BDE MCHOG RAB 'BYAMS PA KUN DGA' RGYAL MTSAN, 'DUL BA 'DZIN PA RIN CHEN GRAGS PA, MNGA' RIS PA DKON MCHOG BZANG PO, CHOS RJE DPON PO DKON MCHOG DAR BA, DPON SLOB DPAL LDAN 'OD ZER LA SOGS TE BSTAN PA'I GSAL BYED RNAMS KYIS GTZO MDZAD DGE 'DUN TSOGS PA RGYA MTSO LTA BUS DPAL LDAN 'BRAS SPUNGS SU SPYAN DRANGS, TSOGS SU CHOS KYI 'KHOR LO BSKOR, KUN GYIS RGYAL BA TZONG KHA PA DANG GUS PA MNYAM BAR MDZAD, RGYAL BA GNYIS PA DE ZHING KHAMS

GZHAN DU GSHEGS RJES SKYID SHOD DU BSTAN PA LA PHAN THOGS SHING SKYE BO'I BKUR MTHONG SOGS RJE 'DI PA DANG MNYAM PA SU YANG MA BYUNG ZHES KUN MTHUN PAR GLENG NGO, ,DE NAS BKA' GDAMS GLEGS BAM LAS LUNG BSTAN PA LTAR, DPA' BO MKHA' 'GRO SPRIN BZHIN 'DU BA'I GNAS SBAS PA'I YUL DANG DPAL LDAN DMAG ZOR MA'I BLA MTSO MJAL BAR PHEBS, DE LTA BU'I GNAS NGO MTSAR CAN DE ZHABS KYIS BCAGS, YAR NGO'I GSO SBYONG ZHIG DANG 'GRIG NAS GSO SBYONG YANG DER MDZAD, YUL LHA DANG GZHI BDAG RNAMS LA CHOS KYANG GSUNGS SHING DAM LA BZHAG GO ,DE NAS SA MO SPRUL GYI LO SNRON GYI ZLA BA'I DKAR PHYOGS KYI GZA' SKAR DANG 'PHROD SBYOR PHUN SUM TSOGS PA LA LAG GI BLA BSKO BA DANG, LTO 'PHYE'I THIG 'DEBS PA DANG, RDO BA BTEG PA'I MTHA' LAS BYUNG BA'I RUNG KHANG GCOD PA SOGS SNGAGS MTSAN NYID KYI PHYAG LEN RGYUD SDE DANG 'DUL BA NAS BSHAD PA BZHIN GYI RNAM PAR DAG PA LA BRTEN PA'I LTE BA DE NYID DU GTZUG LAG KHANG DNGOS GZHI LA KA CHEN 'DUN CU, GTZANG KHANG LA KA CHEN BRGYAD, SGO KHANG LA KA CHEN BZHI, YONGS SU DRIL BAS KA CHEN BRGYAD CU GYA GNYIS KYI 'GRAM BTING STE, THOG MAR DGE 'DUN DAR ZHES PA GCIG GIS 'GRAM BRUS PA'I 'OG NAS RDO'I DUNG G-YAS 'KHYIL RANG BYUNG ZHIG DANG, RDO PANG 'DAB CAN BZHI THON BYUNG BAS DE'I TSE ME TOG GI CHAR CHEN PO YANG

, ,BABS SO, ,DE NAS RGYAL LEGS BSHAD SGROG PA'I DGA' CHAL BKRA SHIS LHUN GYIS GRUB PA'I GNAS CHEN 'DI NYID BSTAN PA'I SNANG BYED DU NI BZHENGS, MTHA' 'KHOB KYI 'GRO BA MA LUS PA NI SMIN GROL GYI LAM LA BKOD DO, ,DE NAS BKRA SHIS LHUN PO NAS PAn CHEN YE SHES RTZE MOS GTZO MJAD MKHAN SLOB DGE 'DUN TSANG MAS BKRA SHIS LHUN PO'I GDAN SAR 'BYON DGOS ZHES MGRIN GCIG GIS GSOL BA BTAB PA LTAR GTZANG PHYOGS SU PHEBS, BKRA SHIS LHUN PO DANG NYE BAR PHEBS PA NA, BLO GSAL LUNG RIGS SMRA BA 'DUS PA RGYA MTSOS MCHOD PA'I BYE BRAG DU MA THOGS TE ZAM PA SHAR NAS BKRA SHIS LHUN PO'I BAR DU SER SBRENG GIS TSAR DU DNGAR BAR GYUR PA NI, SNGON DUS NGANG PA'I RGYAL PO YUL 'KHOR SKYONG, ,RNYI LAS RANG GROL PAD MCHOR 'KHOR BA LAS, ,RAB DGA' LDAN PA'I DUR BA'I PHRENG BA YIS, ,TSAR DU DNGAR NAS GUS PAS GAR BYAS BZHIN, ,DE'I DUS PO BRANG BSAM GRUB RTZE'I SKYE BO'I TSOGS THAMS CAD KYANG YID RAB TU DGA' BAS ZHAL GYI DKYIL 'KHOR LTA BA LA 'KHOD PA NI DBYAR GYI CHAR SPRIN BZHIN, THAMS CAD KYIS SKYABS SU MCHI'O ZHES PA'I SGRA SGROG PA NI 'BRUG GI GAD MO BZHIN DU GYUR, LHA RNAMS DGA' BA'I LTAS KHYAD PAR CAN MANG PO DANG BCAS TE BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING DU PHYAGS PHEBS PAR GYUR TO, ,DE NAS GZA' SKAR DANG 'GRUB SBYOR BZANG PO LA

SENGGE'I KHRI LA MNGON PAR 'JEGS TI PAn CHEN RIN PO CHES GTZO MDZAD DGE 'DUN CHOGS PAS BKRA SHIS KYI ME TOG GTOR, PAn CHEN RIN PO CHES BLA BRANG SER POR KUN SPANGS MDZAD, RJE NYID BLA BRANG RGYAL MTSAN MTHON POR GZHI PHAB STE BSTAN PA RIN PO CHE NYIN MO LTAR GSAL BAR MDZAD TSUL NI, DE NAS DGUN CHOS DANG PO BTZUGS NAS NYI SHAR LA BZHUGS KHRI'I THOG TU PHEBS PAR MDZAD DE TSAD MA RNAM 'GREL GYI ZHUNG CHOS GSAN PA SUM BRGYA LHAG PA LA THAMS CAD MKHYEN PA DGE 'DUN GRUB KYI t'IKKA'I SA BCAD GZHIR BZHAG PA LA THAR LAM GSAL BYED DANG MKHAS GRUB t'IKA CHEN SKABS SU GANG BAB PA'I STENG DU LHA SHAG SOGS 'GREL CHEN RNAMS KYI BSHAD BAS BRGYAN TE GNANG, LHAG PAR LE'U GNYIS PA'I SKABS SU THAR BA DANG THAMS CAD MKHYEN PA DNGOS PO STOBS ZHUGS KYIS SGRUB PA'I RIGS LAM RNAMS LAM GYI RIM PAR BSGRIGS TE THAR 'DOD KYI NYAMS LEN DU SBYAR NAS GSUNGS BAS, GDAMS PA'I MCHOG NI 'DI KHO NA'O ZHES BSTAN PA DANG STON BA LA CHAD MAS DRANGS PA'I NGES PA 'DRONGS PA BYUNG STE NYIN MTSAN BSHAD SGRUB KYA BYA BAS DUS 'DA' BA LAS TSE 'DI'I RTOG PA RGYUN CHAD PA'I RIGS GRVA 'GRIM MKHAN LNGA BRGYA LA NYE BA 'DUG GO ZHES MTHUN PAR SMRA, MKHAS PA BLO GROS RGYA MTSO BA NI, SNGON CHAD GANGS RI'I KHROD 'DIR TSAD MA RNAM 'GREL GYI GZHUNG CHOS NYAN MKHAN PHYOGS GCIG NGAR 'DI BAS MANG BA MA BYUNG BA 'DRA ZHES GSUNG, DE'I RJES SU 'JUG PA'I t'IKA CHEN, DE'I RJES SU DRANG NGES RNAM 'BYED, MNGON PA MDZOD RNAMS GSUNGS

, ,TE CHOS GSAN MI YANG NYIS BRGYAR NYE BA DANG, GUNG TSIGS GROL NAS PHAR PHYIN RNAM BSHAD SNYING PO RGYAN GYI THOG NAS GZABS BSHAD MDZAD, LUNG GRVA 'GRIM MKHAN YANG NYIS BRGYA LHAG PA BYUNG, DE RJES 'DUL t'IKA CHEN MO, DPAL GSANG BA 'DUS PA'I RGYUD KYI 'GREL PA SGRON GSAL MCHAN MA'I STENG NAS GZABS BSHAD MDZAD, PHYI DRO 'KHAR RNGA BTANG STE TSOGS PA THAMS CAD LA GLEGS BAM RIN PO CHE'I CHOS THUN LAM PA RE GNANG, DE'I MUS LA DGE BA'I BSHES GNYEN SDE SNOD 'DZIN PA NYIS BRGYAR NYE BA LA RIM LNGA GSAL BA'I SGRON ME GZABS BSHAD KYANG MDZAD, DE LTAR DGUN CHOS GNYIS, DPYID CHOS GNYIS DBYAR CHOS DANG BCAS TE CHOS THOG LNGA'I RING NYIN RE BZHIN DE KHO NAS DUS 'DA' BAR MDZAD DO, ,DE LTA BU NI SNGON THAMS CAD MKHYEN PAS BKRA SHIS LHUN PO BTAB PA NAS BZUNG DENG SANG GI BAR GYI PHYAG SROL MA NYAMS PA DE NYID SLAR YANG RJE NYID KYIS RGYAS PAR MDZAD PAS NA RGYAL BA'I BSTAN PA LA RGYAL BA LAS KYANG BKA' DREN CHE BAR MDZAD DO, ,DE LTA BU'I CHOS 'KHOR RGYA CHEN PO BSKOR NAS SLAR YANG DBUS PHYOGS SU PHEBS TE RGYAL DU DGE 'DUN BRGYA PHRAG MANG BO 'TSOGS PA LA CHOS 'KHOR BTZUGS, DE NAS BZUNG STE LO RE BZHIN DGUN DPYID GNYIS 'BRAS SPUNGS SU BZHUGS, DBYAR STON GNYIS RGYAL DU BZHUGS NAS RGYAL BA'I BSTAN PA RGYA CHER SPEL BAR MDZAD DO, ,DE LTA BU'I TSUL GYIS RNAM DKAR GYI MDZAD PAS GANGS CAN GYI SA'I

KHYON PHAL CHER ZHABS KYIS BCAGS TE 'GRO BA MTHA' DAG LA THUGS RJE'I 'PHRIN LAS KYI MTHUS PHAN BDES KHYAB PAR MDZAD PA'I SKAL BZANG GI SKYE BO MTHA' YAS PA DAG DANG, THAN MTSAN TZAM 'DZIN BA'I PHYOGS MTHA' 'GRO BA GRANGS LAS 'DAS PA DAG KYANG DGA' LDAN CHOS KYI PHO BRANG DU 'DREN BAR BZHED PA'I THUGS RJE CHEN POS KUN NAS BSKYOD DE RGYAL LEGS BSHAD SGROG PA'I DGA' TSAL BKRA SHIS LHUN GYIS GRUB PA'I GTZUG LAG KHANG DU RGYAL BAM PHAM PA'I SKU ZHIG BZHENG BAR BYA'O SNYAM DU DGONGS NAS, LUG GI LO DPON SLOB RGYAL DU PHEBS NAS BAL PO'I DPON MO CHE MKHAS PA NYI MA DPAL GYIS THOG DRANGS SPRUL PA'I BZO BO DPON SLOB BDUN 'KHOR G-YOG DANG BCAS PAS DE'I LO CHU STOD ZLA BA NYIS BRTZEGS BYUNG BA'I DRUG PA SNGA MA'I TSES BCU GSUM GYI GZA' SKAR DANG 'PHROD SBYOR PHUN SUM TSOGS PA LA RJE BTZUN MA PHAM PA'I SKU RGYAB MTHO DRUG CU'I TSAD DANG LDAN PA ZHIG BZHENG BA'I BZO THAB LEGS PAR BTZUGS, DE'I CHE BZOR LA 'JA' TSON SNA LNGA PA THAL BYUNG DU YANG YANG ZUG PA DANG, 'JA'I GUR ME TOG GI CHAR SOGS NGO MTSAR BA'I LTAS BSAM GYIS MI KHYAB PA BYUNG NGO, ,SPRE'U'I LO GZUNGS GZHUG DANG BCAS PA GRUB STE RAB GNAS MDZAD PA'I TSE RJE BTZUN BYAMS PA BYON BYUNG STE RTEN CHEN LA THIM SONG BA DNGOS SU MTHONG GSUNG STE, DE'I DON GYIS RTEN CHEN 'DI RJE BTZUN BYAMS PA DNGOS SU BZHUGS PA YIN LA, GZHAN YANG RJE'I MNAL LAM DU, RJE TZONG KHA

, ,PA'I THUGS 'DI RJE BTZUN GYI THUGS KAR CHUG ZER BA ZHIG KYANG BYUNG GSUNG NGO, ,DE NAS ME PHO KHYI'I LO LA GTZO BOR GONG MA CHEN PO DPON BLON GYI BKA' NAN DANG, DGA' LDAN KHANG GSAR NAS DPON SA YUM SRAS, SE RA NAS CHOS KYI RJE DPON SLOB RNAM PAS THOG DRANGS DGE 'DUN RNAMS KYIS GSOL BA BTAB PA LA BRTEN SER THEG CHEN GLING GI GDAN SAR PHEBS TE THOG MAR DER BZHUGS KYI DGE 'DUN RNAMS LA GLEGS BAM RIN PO CHE CHA LAG DANG BCAS PA GSUNGS, KUN MI PHYED PA'I DAD PA G-YOS TE TSOGS KYI KUN SPYOD RNAM PAR DAG CING CHOS 'CHAD NYAN SOGS CHES PHUL DU BYUNG BAR GYUR TO, ,DE NAS RJE NYID KYI DGONGS PA LA, SNGA SOR NI SHAR PHYOGS KONG YUL NAS GTZANG STOD KYI BAR BOD DBUS GTZANG GI SKYE 'GRO KUN MTHONG THOS DRAN REG DANG, BSHAD PA'I SGO NAS SANGS RGYAS KYI 'PHRIN LAS SPEL ZHING SKAL LDAN RNAMS MNGON MTHO DANG NGES LEGS KYI LAM LA BKOD DA NI RANG GI BSTI GNAS DAM PAR RJES 'JUG RNAMS SGRUB PA NYAMS LEN LA SBYAR TE SGRUB PA'I SGO NAS SANGS RGYAS KYI 'PHRIN LAS SPEL BA 'DI MCHOG DANG GTZO BOR GSUNGS PAS GDUL BYA RNAMS RGYAL BA'I DGONGS PA BZHIN DU SGRUB PA NYAMS LEN LA 'GOD PAR BYA'O DGONGS TE SKAL BZANG RNAMS THAR PA DANG THAMS CAD MKHYEN PA'I SAR DGOD PHYIR DU LCAGS MO YOS NAS NYE BAR BZUNG PHAL CHER RGYAL RANG DU BZHUGS NAS 'KHOR RNAMS LA BKA' STZAL PA, THOS BA'I RJES 'JUG SGRUB

PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES DANG, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES DANG, TSUL GNAS THOS DANG BSAM LDAN PAS, ,SGOM PA LA NI RAB TU SBYAR, ,ZHES GSUNGS BA LTAR DPON SLOB KUN SGRUB PA LA BRTZON BAR MDZAD DO, ,DE LTAR DGUNG LO BCU GCIG NAS BZUNG DGUNG LO RE DRUG GI BAR LA BSTAN 'GRO'I DON RGYA CHER MDZAD NAS; BSTAN PA YUN RING DU GNAS PA'I PHYIR PHYI RABS KYI GDUL BYA RNAMS LA THUGS BRTZE BAS NYE BAR DGONGS TE MDO SNGAGS KYI GSUNG RAB RNAMS KYI DGONGS BA 'GREL BA'I LEGS BSHAD MTSAN BRJOD 'GREL CHEN, STONG NYID BDUN CU PA'I RNAM BSHAD, DBU MA 'JUG PA'I RNAM BSHAD, SMON LAM BDUN CU PA'I RNAM BSHAD, RTEN 'BREL BSTOD PA'I RNAM BSHAD, SGROL MA PHYAG 'TSAL NYER GCIG GI RNAM BSHAD, GRUB MTHA' RGYA MTSOR 'JUG PA'I GRU RDZINGS, DRANG NGES RNAM 'BYED KYI DKA' 'GREL, 'DUL 'DZIN BLO GROS SBAS BA'I MGUR GYI 'GREL PA, JA MCHOD RTZA 'GREL, PAn CHEN YE SHES RTZE MO'I RNAM THAR, RDO RJE 'CHANG KUN DGA' RGYAL MTSAN GYI RNAM THAR, RJE RANG NYID KYI RNAM THAR, BLA MA DANG SANGS RGYAS BYANG SEMS KYI BSTOD TSOGS, GDAMS MGUR GYI RIM PA, DPAL GSANG BA 'DUS PA'I RIM PA DANG PHO NYAMS SU LEN TSUL, DPAL RDO RJE 'JIGS BYED KYI RIM PA DANG PO NYAMS SU LEN TSUL, N'A RO CHOS DRUG GI DMIGS RIM, DRIL BU LHA LNGA'I SGRUB THABS, DRIL BU LUGS KYI SBYIN

, ,SREG ,DRIL BU LUS DKYIL GYI BSKYED RIM, 'KHOR LO SDOM PA'I RIM PA DANG PO LA SLOB TSUL, DRIL BU LUGS KYI RDZOGS RIM, YI DAM SGRUB SKOR DANG RJES GNANG GI SKOR, SMYUNG GNAS KYI CHO GA ,RAB GNAS KYI CHO GA, GNAS BRTAN PHYAG MCHOD, BCUD LEN GYI GDAMS PA RIM PA LNGA PA, DKAR GTOR DANG GTOR MA BRGYA RTZA'I RIM PA, BRGYA BZHI'I CHO GA, DKAR CHAG SNYAN NGAG, DGE SLONG GI BSLAB BYA, CHOS SKYONG GI SKOR, CHAB SHOG GI SKOR, 'JIGS BYED KYI SHIS BRJOD SMON LAM, DON RGYAN SO LNGA'I DPER BRJOD, BKA' GDAMS GLEGS BAM GYI BSDUS DON, BRTAN BZHUGS KYI SKOR, SMAN BLA'I SHIS BRJOD SOGS RMAD DU BYUNG BA'I LEGS BSHAD 'DI RNAMS MDZAD DO, ,DE NAS SKU TSE 'DI'I DNGOS KYI GDUL BYA RDZOGS PA NA DGUNG LO RE BDUN DU PHEBS PA DGE BYED CES PA CHU PHO STAG GI LO NAG PA ZLA BA'I TSES BRGYAD KYI SKYA RENGS DANG PO 'CHAR BA'I DUS SU SKU'I BKOD PA BSDUS TE DGA' LDAN CHOS KYI PHO BRANG SOGS SANGS RGYAS KYI ZHING RAB 'BYAMS RNAMS SU SPRUL PA'I BKOD PA BYE BA PHRAG BRGYA SPRUL TE RGYAL BA RNAMS MCHOD PA DANG SEMS CAN RNAMS KYI DON MDZAD CING BZHUGS SO, ,RJE 'DIS CHOS KYI 'KHOR LO BSKOR BA'I RGYUD 'DZIN BGRANG BA LAS 'DAS PA BYON PAS MTHA' DAG BGRANG BAR MI NUS SHING BYANG CHUB LAM GYI RIM PA'I 'PHRIN LAS SPEL BA'I BKA' BAB RGYUD 'DZIN GYI GTZO BO NI KHRI RIN PO CHE BDE BA CAN PA CHOS RJE DGE LEGS DPAL BZANG PO'O, ,

DES NA BYANG CHUB LAM GYI RAM PA LA BLO SBYONG BAR 'DOD PA RNAMS KYIS RGYAL BA DGE 'DUN RGYA MTSO LA GSOL BA 'DEBS SHING RJE 'DI'I MDZAD PA RNAM THAR LTAR RGYAL BA'I DAM CHOS MA LUS 'DZIN PA'I SMON LAM 'DEBS SHING GTZO BOR BYANG CHUB LAM GYI RIM PA LA BLO SBYANG BAR BYA'O,, ` ,,SMRA BA'I NYI MA DGE LEGS DPAL BZANG PO, ,ZHES BSNGAGS PA, KHRI RIN PO CHE BDE BA CAN PA DGE LEGS DPAL BZANG NI, 'OL KHA GYANG SAR DU SHING MO GLANG GI LO SKU 'KHRUNGS, GZHON NU NAS RGYAL BA'I BSTAN PA LA RAB TU BYUNG STE GZHUNG LUGS CHEN MO RNAMS LA SBYANGS PAS MKHAS PA'I PHUL DU PHYIN PAR GYUR, DE NAS RGYUD STOD DU PHEBS TE SPYIR GSANG SNGAGS RGYUD SDE BZHIG LA SBYANGS SHING KHYAD PA RGYUD KYI RGYAL PO DPAL GSANG BA 'DUS PA LA LEGS PAR SBYANGS, DE NAS THAMS CAD MKHYEN PA DGE 'DUN RGYA MTSO LA MKHAN PO ZHUS TE BSNYEN PAR RDZOGS SHING BYANG CHUB LAM GYI RIM PA'I KHRID GSAN NAS NYAMS SU BZHES TE MYONG BA THON PAR MDZAD, GZHAN YANG DGE BA'I BSHES GNYEN DU MA LAS MDO SNGAGS KYI ZAB CHOS MANG DU GSAN TE MDO SNGAGS GNYIS KA LA MKHAS PA'I PHUL DU PHYIN PAR GYUR PA NA RGYUD STOD KYI KHRI LA PHEBS TE RGYUD CHEN KUN DGA' DON GRUB KYI MDZAD BA RNAM THAR BZANG PO RNAMS RJES SU BSKYANGS TE SDOM PA GSUM GYI BCAS MCHAMS RNAM PAR DAG PA LA GNAS NAS DPAL GSANG BA 'DUS PA'I RGYUD KYI 'CHAD NYAN LEGS PAR BSKYANGS SHING SHAR RTZE CHOS RJE MDZAD, DE NAS DGUNG LO NGA BZHI PA SA PHO RTA'I LO DGA' LDAN

, ,GSER KHRIR PHEBS TE RJE BDAG NYID CHEN PO'I MDZAD BA RNAM THAR RNAMS RJES SU BSKYANGS TE DGUN DUS LAM RIM CHEN MO 'CHAD PA DANG, LHA LDAN SMON LAM CHEN MO'I DUS SKYES RABS SO BZHI PA GZABS BSHAD DU MDZAD CING, RGYUN DU GSER KHRI'I STENG NAS RGYA BOD HOR GSUM GYI DAD LDAN RNAMS KYIS RJE RIN PO CHE'I BSTAN PA BSTAN 'DZIN DANG BCAS PA LA MCHOD CING BSNYEN BKUR BA'I DAG BA RNAM CHUD MI ZA ZHING RGYA CHER SPEL PHYIR BSNGO BA YON BSHAD NAR MAR MDZAD PA DANG, PHYOGS PHYOGS NAS 'DUS PA'I CHOS DON GNYER CAN MANG POR RJE'I MDO SNGAGS KYI MAN NGAG RNAMS RGYA CHER SPEL ZHING LHAG PAR DUS GSUM GYI RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID LAN MANG GU GNANG STE BSTAN PA LA BYA BA RGYA CHER MDZAD, DGA' LDAN RNAM PAR RGYAL BA'I GLING DU RJE BTZUN BYAMS PA MGON PO'I SKU BRNYAN GSER ZANGS LAS BSGRUBS PA CHE LEGS BZHENGS PA SOGS PHYI RABS KYI MIG LTOS SU CHE BA'I PHYAG RJES BZANG PO 'JOG PAR MDZAD, DE NAS DGUNG LO DRUG CUR PHEBS PA SHING PHO BYI BA'I LO KHRI THOG BZHAG NAS BDE BA CAN DU ZUR BZHUGS MDZAD PAS CHOS RJE BDE BA CAN BA ZHES GRAGS, RJE 'DI PA 'PHRIN LAS CHE BAR BYUNG BAS THAMS CAD MKHYEN BA BSOD NAMS RGYA MTSOS KYANG BSNYEN PAR RDZOGS PA'I MKHAN PO ZHUS SHING CHOS MANG DU GSAN, MAL GRO RIN CHEN GLING DANG, PHAG MO CHOS SDE SOGS DGE 'DUN GYI SDE MANG PO BSKYANGS TE BSTAN PA'I BYA BA

RGYA CHER MDZAD DO, ,DE NAS SKU TSE 'DI'I DNGOS KYI GDUL BYA RDZOGS BA NA DGUNG LO RE GSUM PA ME MO YOS KYI LO DGA' LDAN RNAM PAR RGYAL BA'I GLING DU ZHING GSHEGS TE DGA' LDAN CHOS KYI PHO BRANG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS KHRI RIN PO CHE DGE LEGS DPAL BZANG LA GSOL BA 'DEBS SHING KHRI RIN PO CHE 'DI'I RNAM THAR LTAR RJE RIN PO CHE'I LTA GRUB BSRE LHAD MED PAR BZANG NAS BYANG CHUB LAM GYI RIM PA LA BLO SBYONG BAR BYA'O,, ` , MKHAS GRUB LHA BTZUN BSOD NAMS DPAL BZANG PO, ,ZHES BSNGAGS PA, MKHAS GRUB DAM PA LHA BTZUN BSOD NAMS DPAL BZANG PO NI, MNGA' RIS MANG YUL STOD KYI RGYAL PO'I RIGS SU SKU 'KHRUNGS, GZHON NU NAS SPE THUB CHOS SNGER DU PHEBS TE BKRA SHIS LHUN POR TSAD MA RNAMS 'GREL DANG, PHAR PHYIN, DBU MA, 'DUL BA, MDZOD RNAMS LA SBYANGS TE MKHAS PA'I PHUL DU PHYIN PAR GYUR PA NA, DBUS SU PHEBS TE RTZES THANG SOGS SU GRVA SKOR MDZAD, GRUB PA'I DBANG PHYUG SNGAGS RAM PA DGE 'DUN BKRA SHIS LA PHYAG RDOR 'KHOR CHEN GYI DBANG SOGS DBANG LUNG MAN NGAG MANG DU GSAN, THAMS CAD MKHYEN PA BSOD NAMS RGYA MTSOR SNYING BO DON GSUM GYI KHRID SOGS CHOS MANG DU GSAN, DE NAS KHRI RIN PO CHE BDE PA CAN PA BSAM SBYOR GNYIS KYIS TSUL BZHIN DU BSTEN TE GSUNG RAB DGONGS 'GREL DANG BCAS PA THAMS CAD KYI SNYING BO'I DON THAMS CAD GANG ZAG GCIG GI NYAMS LEN GYI RIM PAR DRIL BRJE BDAG

, ,NYID CHEN PO'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID RGYAS PAR GSAN TE TSE 'DI'I G-YENG BA MTHA' DAG DOR NAS DBEN BA'I GNAS SU BYANG CHUB LAM GYI RIM PA'I NYAMS LEN LA TSIG SGRIL DU GZHOL BAR MDZAD, DE NAS SNYAN PA'I GRAGS PA PHYOGS BCUR RGYAS TE CHOS DON GNYER BA MANG DU 'DUS PA RNAMS LA RANG RANG GI DBANG PO DANG 'TSAM PA'I GDAMS NGAG 'DOMS PAR MDZAD, LHAG PAR SHAR BA CHOS RJE SGOM BDE NAM MKHA' RGYAL MTSAN DANG, KHRI RIN PO CHE DGE 'DUN RGYAL MTSAN DANG, GANGS CAN MGON PO THAMS CAD MKHYEN PA BSOD NAMS RGYA MTSO SOGS BSTAN 'DZIN DAM PA MANG PO SLOB MAR 'DUS, BYANG CHUB LAM GYI RIM PA'I KHRID RGYA CHER SPEL ZHING ,GTZO BOR TSE 'DI'I G-YENG BA GANG YANG MED PAR SGRUB PA MTHAR PHYIN PAR MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB CHEN PO LHA BTZUN BSOD NAMS DPAL BZANG LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR BYANG CHUB LAM GYI RIM PA'I MAN NGAG LEGS PAR THOB BAR BYAS LA TSE 'DI'I BYA BA LA RGYAB KYIS PHYOGS TE DBEN PA'I GNAS SU LAM RIM SGOM PA MTHAR PHYIN PAR BYA'O,, ,,PHYAG NA PADMO BSOD NAMS RGYA MTSO'I SDE, ,ZHES BSNGAGS BA, THAMS CAD MKHYEN PA BSOD NAMS RGYA MTSO NI, STOD LUNG KHANG GSAR GONG DU YAB SDE PA RNAM RGYAL GRAGS PA DANG, YUM DPAL 'DZOM BU KHRID GNYIS

KYI SRAS SU CHU MO YOS KYI LO DPYID ZLAR BA'I NYER LNGA LA NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE YANG GROD 'HUMS SU 'KHRUNGS TE SHEL LTAR DKAR ZHING DNGAS BA'I GROD PA'I NANG DU BZHUGS PA NYI 'OD KYIS PADMA BYE PA LTAR 'KHRUNGS MA THAG NGANG GIS GROD PA BYE NAS SHEL LTAR DNGAS BA'I SKU BLTA BAS CHOG MI SHES PA MTSAN DPE DANG LDAN PA ZHIG BYON NO, ,DE'I TSE NAM MKHA'I KHYON THAMS CAD 'JA' GUR GYIS GANG ZHING LHA RNAMS KYIS ME TOG GI CHAR PHAB, 'KHRUNGS MA THAG RA MA DKAR MO'I 'O MA ZHAL DU GSOL BA DANG MNYAM DU YAB YUM GNYIS KYIS SHIS PA BRJOD CING RA NU SRI CHOD DPAL BZANG PO ZHES MTSAN GSOL, 'KHRUNGS TZAM NYID NAS MA nI ZHAL 'DON DU MDZAD PA ZHIG BYUNG ZHING THA MAL GYI SPYOD BA THAMS CAD LAS 'DAS TE CHOS 'CHAD PA'I PHYAG RGYA DANG, TING NGE 'DZIN LA BZHUGS PA'I TSUL MDZAD CING, DGUNG LO GSUM TZAM NAS RGYAL BA DGE 'DUN RGYA MTSO'I DUS KYI MDZAD PA RNAM THAR THAMS CAD RJES SU DRAN TE DE DANG DE'I NGANG TSUL KHO NA MDZAD CING, ZHAL NAS KYANG DE BZHIN DU GSUNG BA ZHIG BYUNG BAS PHYOGS THAMS CAD DU RGYAL BA DGE 'DUN RGYA MTSO'I SPRUL SKUR GRAGS, DE NAS DRUNG CHEN GSUNG RAB PA DANG, 'BRAS SDUNGS KYI BLA SPYI RNAMS GROS MTHUN PAR ME PHO RTA'I LO NAG PA ZLA BA'I DKAR PHYOGS KYI RGYAL BA GNYIS PA RGYAL PHUR 'DZOM BA'I 'GRUB SBYOR GYI NYIN 'BRAS SPUNGS KYI DGE 'DUN TSANG MAS MCHOD PA'I BYE BRAG SNA TSOGS PA THOGS

, ,DPAL LDAN 'BRAS SPUNGS CHOS KYI SDE CHEN PO PHYOGS THAMS CAD LAS RNAM PAR RGYAL BA'I GLING DU PHEBS TE DGA' LDAN PHO BRANG GI 'JIGS PA MED PA'I SENG GE'I KHRI CHEN PO LA ZHABS KYI PADMO BKOD DO, ,DE NAS SLOB DPON RIN PO CHE BSOD NAMS GRAGS PA'I DRUNG DU, YONGS RDZOGS DGE BSNYEN GYI SDOM PA BZHES TE, MTSAN BSOD NAMS RGYA MTSO DPAL BZANG PO BSTAN BA'I NYI MA PHYOGS THAMS CAD LAS RNAM PAR RGYAL BAR GSOL, DE NAS HOR ZLA LNGA PA'I TSES GSUM LA 'BRAS SPUNGS NAS BTEG STE RIM GYIS LAM BAR GYI SKYE 'GRO RNAMS LA MTHONG THOS DRAN REG GI 'BREL PA BZHAG STE HOR ZLA DRUG PA'I TSES LNGA LA RGYAL ME TOG THANG DU PHEBS, DE'I TSE DPAL LDAN DMAG ZOR MAS DGYES PA'I CHO 'PHRUL SNA TSOGS BSTAN CING, RGYAL GYI RTEN RNAMS LA MCHOD 'BUL SMON LAM DANG DGE 'DUN RNAMS LA CHOS KYI BDUD RTZI STZAL, DE NAS TSUR 'BRAS SPUNGS SU PHEBS, ZHI BZHES PA SA MO BYA'I LOS GA ZLA BA'I DUS CHEN TSES BCO LNGA'I NYIN PAn CHEN BSOD NAMS GRAGS PAS MKHAN PO DANG, GSANG PHU CHOS RJE LEGS PA DON GRUB KYIS LAS SLOB MDZAD DE DGE TSUL DU SGRUB PAR MDZAD, DE NAS PAn CHEN BSOD NAMS GRAGS PA'I DRUNG DU TSE DBANG GRUB RGYAL MA, RNAM SRAS SER CHEN, 'DOD KHAMS DBANG PHYUG DMAG ZOR MA, MKHAS GRUB DPAL LDAN SENG GE'I LUGS KYI DPAL MGON ZHAL, MGON PO PHYAG DRUG PA, CHOS RGYAL PHYI SGRUB RNAMS KYI RJES

GNANG GSAN, GLING STOD CHOS RJE LEGS DON PA'I DRUNG DU 'JIGS BYED KYI SNGAGS BTU, BLA MA LNGA BCU PA'I t'IKKA, LAM RIM CHE CHUNG, LAM SGRON, BYANG CHUB GZHUNG LAM, 'DUL BA'I BSLAB BYA CHE CHUNG, GZHI GSUM CHO GA, LAS CHOG ,RTZA 'JUG GNYIS DANG, DE'I t'IKA CHEN, 'GREL PA DON GSAL, RNAM BSHAD SNYING PO RGYAN, TSAD MA RNAM 'GREL, RNAM BSHAD THAR LAM GSAL BYED, MDZOD, MDO RTZA, DRANG NGES RNAM 'BYED, DPE CHOS, RIM LNGA GSAL SGRON, RIM LNGA GDAN RDZOGS, MKHAS GRUB BKA' 'BUM THOR BU, BSKYED RIM DNGOS GRUB RGYA MTSO RNAMS KYI LUNG GSAN, SHAR RTZE LEGS DON PA'I DRUNG DU, 'JAM DKAR, SPYAN RAS GZIGS PHYAG BZHI PA, MGON PO SNYING ZHUGS, 'KHROR BRGYAD MA, RTA MGRIN GSANG SGRUB, LCAGS RAL CAN, AU TZARYA, PHYAG BZHI PA TSAL LUGS, SGROL DKAR, TSE RING MCHED LNGA, YE SHES KHYUNG KHRA, BEKTZE, DMAR PO SKOR GSUM, KU RU KULLE GSANG SGRUB, SGROL MA NYI SHU RTZA GCIG, RNAM SRAS RTA SNGON CAN, BE CON CAN, MDUNG DMAR CAN, PHYAG MTSAN BZHI PA, GAR MKHAN MCHOG, DRAG BYED DKAR PO TSE SGRUB, SHR'A MAn, SENG LDENG NAGS SGROL, SENG GDONG MA, SME BRTZEGS RNAMS KYI RJES GNANG, 'JIGS BYED GYI SNGAGS BTU, 'JAM DBYANGS ZHI KHRO SBRAGS SGRUB KYI LUNG, GSANG 'DUS 'JAM RDOR DANG, 'JIG RTEN DBANG PHYUG GNYIS KYI DBANG, BKA' GDAMS THIG LE BCU DRUG

, ,DANG GLEGS BAM GYI LUNG RNAMS GSAN, DE RNAMS KYI DON THAMS CAD THOS BSAM GYIS GTAN LA 'BEBS PA DANG NYAMS BZHES MDZAD DO, ,DE NAS RGYAL DANG 'BRAS SPUNGS GNYIS RE MOS SU BZHUGS SHING LAM BAR GYI CHOS SDE RNAMS SU CHOS KYI BDUD RTZI RGYA CHER STZAL, DE NAS YONGS 'DZIN CES PA CHU PHO BYI BA'I LO PAn CHEN BSOD NAMS GRAGS PAS ZUR BZHUGS MDZAD DE DPAL LDAN 'BRAS SPUNGS CHOS KYI SDE CHEN PO'I 'JIGS MED SENG GE'I KHRI LA ZHABS SEN BKOD DE LUGS GNYIS KYIS SKYONG BAR MDZAD DO, ,DE NAS BAG YOD CES PA CHU MO GLANG GI LO LHA LDAN SMON LAM CHEN MO'I TSOGS DBUR PHEBS TE SNGA DRO 'KHRUNGS RABS SO BZHI BA'I GZABS BSHAD, PHYI DRO SMON LAM DANG BSNGO BA MDZAD PA SOGS RJE RIN PO CHE'I MDZAD CHEN MA NYAMS PAR SKYONG BAR MDZAD, DE'I TSE DKAR PHYOGS KYI LHA RNAMS DGA' BAS ME TOG GI CHAR CHEN PO PHAB PA SOGS NGO MTSAR BSAM GYIS MI KHYAB PA BYUNG NGO, ,DE NAS CHOS RJE BSOD NAMS GRAGS PA'I DRUNG DU, GSANG BA 'DUS PA MI BSKYOD PA'I DBANG, RIG BYED MA'I RJES GNANG, LAS CHEN KUN RGYAL BA'I BKA' GDAMS CHOS 'BYUNG BE'U BUM SNGON PO RTZA 'GREL, KARMA SHA TAm, ME TOG PHRENG RGYUD, DGA' LDAN CHOS 'BYUNG, GNAS BTZU' SGRUB YIG RNAMS KYI LUNG GSAN NO, ,DE NAS GRUB PA'I DBANG PHYUG SNGAGS RAM PA DGE 'DUN BKRA SHIS LA SPYAN RAS GZIGS DON YOD ZHAGS PA DANG, BCU

GCIG ZHAL, TSE DPAG MED LHA DGU GSUM GYI DBANG GSAN, DE NAS RIM GYIS, RDO RJE PHRENG BA'I DBANG LA BRGYUD TSUL SNGON CHAD MANG DU BYUNG YANG, KRi YA SA MUTZTSA DANG GCIG TU BSRES PA'I DKYIL 'KHOR ZHE LDAM SA BZANG 'PHAGS PA NAS DBANG GI CHU PO GCIG TU 'DRES PA 'DI NYID, CHOS RJE RDO RJE 'CHANG AE WAm PA YAB SRAS MA GTOGS, PHRENG BA MKHAN POR GRAGS PA PHAL CHER GYI SPYOD YUL DU MA GYUR KYANG DAM PA 'DI NYID LA MNGA' BAS RDZOGS PAR PHUL, GZHAN YANG ZUR BKA'I DBANG, 'DUS PA 'PHAGS LUGS DANG YE SHES ZHABS LUGS GNYIS, BDE MCHOG L'U AI PA, DRIL BU PHYI DKYIL DANG LUS DKYIL, SAMBU tA, KYEE RDOR MAN NGAG LUGS DANG RNGOG LUGS, BDAG MED LHA MO BCO LNGA, GUR RIGS BSDUS, DRAG PO GDAN CAN, RVA LUGS KYI 'JIGS BYED, DGRA NAG, GNYOS LUGS RO LANGS BRGYAD BSKOR DANG DGRA NAG, ZHANG LUGS KYI ZHE DGU MA, DPAL 'DZIN LUGS KYI GSHED DMAR BCU GSUM MA, RNAL 'BYOR DBANG PHYUG LUGS KYI GSHED DMAR LHA LNGA, 'KHOR CHEN, GTUM PO KHYUNG NYI SHU RTZA GCIG KHRO BO BZHI DANG BCAS PA'I NYER LNGA MA, KUN RIG, MI 'KHRUGS PA, GDUGS DKAR, GRVA LNGA, MI TRA LUGS KYI SPYAN RAS GZIGS, DUS 'KHOR RNAMS KYI DBANG, PHYAG RDOR KHYUNG LNGA, AU TZARYA 'GRO BZANG LUGS, RNAM 'JOMS, TSE DPAG MED GRUB RGYAL LUGS, NOR RGYUN MA, 'OD ZER CAN MA, DZI BHA LA, LO MA

, ,GYON MA RNAMS KYI RJES GNANG, SA RA HA'I LUGS KYI MGON PO ZHAL GSUM PHYAG DRUG PA'I DBANG BZHI, MGON PO BCU GSUM GYI RJES GNANG, LHA MO PHYAG BZHI MA GNOD SBYIN DANG BCAS PA'I RJES GNANG, SNYING ZHUGS THUN MONG MA YIN PA'I RJES GNANG, PHYAG BZHI PA RAS BRIS DANG LUS DKYIL LA BRTEN PA'I DBANG, GUR ZHAL LEGS LDAN MCHED GSUM, BDE MCHOG DANG 'JIGS BYED KYI SNGAGS BTU, DBYANGS GSAL, YE DHARMA, YI GE BRGYA PA RNAMS KYI RJES GNANG, MGON PO BZHI SBRAGS DANG DUS MTSAN MA'I DBANG, SENG GDONG RIGS LNGA'I DBANG DANG DE'I SGRUB THABS LAS TSOGS DANG BCAS PA, 'JAM DBYANGS CHOS SKOR GYI DBANG RJES GNANG LUNG DANG BCAS PA ,GDUGS DKAR GYI DBANG, RNAM SRAS GSANG SGRUB LJANG SER DANG DRAG BYED KLU CHEN BRGYAD KYIS BSKOR BA, SER CHEN DKAR PO, BDUD MO BZHI SKOR, GSHIN RJE LTAR SGRUB PA, DRAG BYED RKANG THANG MA RNAMS KYI RJES GNANG, MI TRA KHRID DRUG GI RJES GNANG, YE SHES MGON PO PHYAG DRUG PA'I BE'U BUM DKAR NAG, GTOR CHEN 'KHOR LO SOGS KYI PHYAG LEN ZHAL SHES DANG BCAS PA, RVA BOD, GSHIN RJE'I 'KHRUL 'KHOR, DRUG CU PA SOGS KYI PHYAG LEN MAN NGAG SOGS, MDOR NA DBANG KHRID LUNG GI RIM PA MTHA' YAS PA BUM PA GANG BYO'I TSUL DU GSAN PAR MDZAD DO, ,DE NAS BYANG GI HOR RNAMS KYIS GSOL BA BTAB NAS HOR GYI YUL DU PHEBS TE SKYE BO SDIG CAN RNAMS DGE BA BCU'I KHRIMS LA BKOD CING 'JAM MGON BA MA'I

BSTAN PA CHES CHER 'PHEL BAR MDZAD DO, ,DE NAS RA SGRENG DU PHEBS PA NA JO BO PHYING DKAR BAS DNGOS SU GZUGS BSTAN TE PHASU BA BYAS SHING, RA SGRENG 'DUS TSOGS LA BKA' GDAMS GLEGS BAM DANG SNYING PO DON GSUM SOGS CHOS MANG DU GNANG; DE NAS 'BRAS SPUNGS SU PHEBS PA NA PAn CHEN CHOS KYI RGYAL MTSAN GYI SLOB MA 'JA' LUS GRUB PA RDO RJE MCHED GSUM GYI NANG TSAN STOD LUNG PA DPAL LDAN RDO RJE DANG MJAL TE 'JAM MGON SNYAN RGYUD KYI GDAMS NGAG MANG DU GSAN NO, , DE NAS MIG DMAR ZHES PA SHING PHO BYI BA'I LO, YANG DAG PAR RDZOGS PA'I SANGS RGYAS KYI DUS CHEN GSUM 'DZOM HOR ZLA BZHI PA SA GAS NYA BA'I TSES BCO LNGA'I NYIN, DGE LDAN KHRI RIN PO CHE ZUR PA MKHAS GRUB DGE LEGS DPAL BZANG POS MKHAN PO, KHRI LAS THOG PA DGE BSHES PO TO LA'I RNAM PAR SPRUL PA DGE 'DUN BSTAN PA DAR RGYAS KYIS LAS SLOB, SHANGS DGE 'PHEL CHOS RJE PHYOGS LAS RNAM RGYAL BAS GSANG STON, LHA'I BTZUN PA BSOD NAMS DPAL BZANG GIS DUS GO BA MDZAD DE, DAD PA'I DGE 'DUN GRANGS TSANG BA'I DBUS SU, DGE SLONG GI SDOM PA BZHES, MKHAN SLOB SOGS LA ZANG ZING GI BSNYEN BKUR DPAG TU MED PA MDZAD, DE'I TSE MKHAN SLOB KYI SPYAN SNGAR JI LTAR ZHAL GYIS BZHES PA LTAR 'DUL KHRIMS MTHA' DAG NYAMS PA MED PAR BSRUNG BAR MDZAD DE THUB PA'I RGYAL TSAB CHEN POR GYUR TO, ,DE NAS BKRA SHIS LHUN PO'I GRA TSANG BLA MA RNAMS DANG, SPYI NAS GTZANG PHYOGS SU 'BYON DGOS PA'I GDAN 'DREN BYUNG STE GTZANG PHYOGS SU PHEBS, LAM BAR GYI

, ,SER SKYA BGRANG BA LAS 'DAS PA LA MTHO RIS DANG THAR PA'I SA BON 'DEBS PAR MDZAD CING DBEN DGON DU PHEBS NAS RGYAL BA DBEN SA PA CHEN PO'I SKU GDUNG LA MCHOD 'BUL SMON LAM MDZAD CING, MKHAS GRUB SANGS RGYAS YE SHES KYIS GSOL BA BTAB NAS DBEN DGON 'DUS TSOGS LA CHOS MANG DU GNANG, DE NAS BKRA SHIS LHUN PO'I DGE 'DUN RNAMS KYIS MCHOD PA'I BYE BRAG SNA TSOGS BAS BSUS TE 'JIGS MED SENGGE'I KHRI LA ZHABS SEN BKOD NAS MDO SNGAGS KYI CHOS MANG DU STZAL, DE NAS BKA' GDAMS BSTAN PA'I 'BYUNG GNAS SNAR THANG DU PHEBS TE RTEN RNAMS LA MCHOD 'BUL SMON LAM RGYA CHER MDZAD CING SER SKYA MANG PO LA CHOS KYI BDUD RTZI STZAL, DE NAS GANGS CAN CHOS 'PHEL DU PHEBS TE DPAL LDAN DMAG ZOR MA LA BSKANG BA DANG 'PHRIN 'CHOL RGYA CHER MDZAD CING 'DUS TSOGS LA CHOS KYANG STZAL, DE NAS KHRO PHUR PHEBS TE BYAMS CHEN LA MCHOD 'BUL SMON LAM RGYA CHER MDZAD, DE NAS SA SKYAR PHEBS TE RTEN RNAMS LA MCHOD 'BUL MDZAD CING, LHAG PAR BSE 'BAG DE LA SUS KYANG REG MI NUS PAR BYED PA LA RJE 'DIS PHYAG GIS RDUL RNAMS PHYIS SHING PHYAG GIS BZUNG STE SPYAN DMIGS MDZAD PA NA CHOS SKYONG DGYES PA'I MTSAN MA NGO MTSAR BA BYUNG, DE NAS KHA'UR PHEBS TE DPAL MGON ZHAL LA 'PHRIN 'CHOL MDZAD PAS CHOS SKYONG DGYES PA'I MTSAN MA STON PA DNGOS SU BYUNG, DE NAS RIM GYIS 'BRAS SPUNGS SU PHEBS TE BSTAN PA RIN PO CHE'I SROG SHING G-YO BA

MED PAR BZUNG, DE NAS SE RA'I DGE 'DUN TSANG MAS DAD 'DUN RTZE GCIG PAS GDAN DRANGS NAS SE RAR PHEBS TE MDO SNGAGS KYI CHOS MANG DU GSUNGS, DE LTAR RJE 'DI NI BSTAN PA'I DON DU NGAL BA MED PAR DBUS GCANG GI SA'I CHA PHAL MO CHER ZHABS KYIS BCAGS NAS RGYAL BA'I BSTAN BA LA MA DAD PA RNAMS DAD PAR BYAS DANG PA RNAMS PHYIR ZHING DAD PA 'PHEL BAR BYAS TE 'JAM MGON BSTAN PA PHYOGS KUN TU 'PHEL BAR MDZAD, GTZO BOR 'BRAS SPUNGS DANG RGYAL GNYIS GDAN SA 'DRA BAR MDZAD DE GNYIS KAR RE MOS KYIS BZHUGS SHING CHOS ZANG ZING GNYIS KA'I SGO NAS LEGS BAR BSKYANGS, BSTAN PA'I BYA BA DE LTAR MDZAD PA'I SKABS KUN TU'ANG THUGS DAM GYI RIM PA RNAMS 'CHAG MED DU MDZAD, DE YANG NYIN ZHAG PHRUGS GCIG LA THUGS DAM GYI RIM PA JI LTAR MDZAD PA NI, THOG MAR KHRUS DANG NYE REG GNAS BSRUNG BA, SKYABS 'GRO, PHYAG MCHOD, LAM RIM GYI KHRID, SGRA MI SNYAN DANG, MGON PO CHE CHUNG GI TSE SGRUB, LHA BZHI BRIL SGRUB KYI DPAG SNYING ZHUGS 'PHO BA DANG BCAS PA, 'JAM NAG, 'JAM DBYANGS, BLA MA'I RNAL 'BYOR, SEMS BSKYED, BSAM GTAN NYAL CHOG, BDE MCHOG LUS DKYIL, RTZA SNGAGS BRGYA RTZA, SNYING PO DANG NYE SNYING SUM BRGYA, MI 'KHRUGS PA, DE'I GZUNGS SNGAGS BRGYA RTZA, BKA' GDAMS LHA BZHI'I SGOM BZLAS DANG SNGAGS BRGYA RTZA, BSTOD CHOGS DANG SMON LAM SKOR 'GA' ZHIG, TSE DPAG MED KYI BSKYED KYI BSKYED RDZOGS, TSE KHRID, SGROL DKAR, 'JAM DBYANGS, DBYANGS CAN DKAR

, ,DMAR, MKHA' SPYOD MA RNAMS KYI BZLAS BSNYEN, BDE MCHOG GDAN BZHI'I BSNYEN PA SUM BRGYA, SNGAGS RING NYER GCIG RE BZLA ZHING, GTZO BOR LAM RIM, BLO SBYONG, GCOD DMIGS, RIM GNYIS KYI KHRID RNAMS SKYONG BAR MDZAD CING, CHOS SKYONG MANG PO'I BSKANG GSO BSTOD BSKUL RNAMS 'CHAG MED DU MDZAD, DE NAS LCAGS LUG GI LO AAL THAN RGYAL POS RJE 'DI'I SNYAN PA GSAN PAS DAD PA THOB STE SHAR PHYOGS SOG YUL DU 'BYON DGOS PAR GSOL BA BTAB, RJE 'DIS KYANG RANG GI GDUL SKAL DU GZIGS NAS 'BYON PAR ZHAL GYIS BZHES, SLAR MTSO KHAR MCHOD YON ZHAL 'DZOM RTZIS KYI ZHAL BKOD GNANG STE RE SHIG BLA MCHOD DU 'DUL BA BLA MA BRTZON 'GRUS BZANG PO RDZONG TA MDZAD, DE NAS MTSO SNGON DU PHEBS PA'I DUS LA BAB PA NA PHEBS BSKYEL DU BYON PA'I DGA' LDAN KHRI RIN PO CHE GDAN ZUR, SE 'BRAS KYI SLOB DPON, RIN PO CHE BOD MKHAR BA, GCANG PA PAn CHEN RIG PA SENGGE, DBEN SA PA SANGS RGYAS YE SHES, DPON SLOB BKRAS RIN PA, RGYAL NAS SGAR PA DPON SLOB NAM MKHA' BYAMS PA SOGS MDOR NA AE DVAGS YAR KLUNGS PHYOGS KYI MKHAN SLOB MANG PO, RTZE GONG DKAR GYI SKU TSAB, SDE PHRAN MANG PO'I NGO TSAB DANG, SA SKYONG BKRA SHIS RAB BRTAN DPON G-YOG SOGS PHAL CHER DE KHA NAS LOG RTZIS KYIS GSUNG GLENG GNANG SBYIN MDZAD, RA SGRENG NAS CHIBS THOG TU 'KHYOL THOG, SA SKYONG BKRA SHIS RAB BRTAN PAS CHIBS YOB LA 'DUS NAS, BSTAN PA'I DPAL GYUR BLA MA'I ZHABS PAD BRTAN, ,BSTAN

'DZIN SKYES BUS SA STENG YONGS LA KHYAB, ,CES TSIG RKANG GNYIS 'PHRAL RTZOM MDZAD THOG, MCHI MAS BRNABS TE GSUNG RGYU MA BYUNG BAS, BSTAN PA'I SBYIN BDAG MNGA' THANG 'BYOR BRGYAS, ,BSTAN PA YUN RING GNAS PA'I BKRA SHIS SHOG , CES CHIBS THOG NAS GNANG NGO, ,DE NAS CHIBS BSKYONG DE 'BRI CHU KHAR PHEBS PA NA LHA 'DRE'I TSO 'PHRUL GYIS 'BRI CHU GLO BUR DU 'KHRUGS SHING G-YO BAS PHAN TSUN DU BGROD DKA' BA LA, KHRO BO'I LTA STANGS DANG SDIGS MDZUB MDZAD PA TZAM GYIS MI PHYUGS MTHA' DAG BDE BAR BGROD TSOG PA BYUNG, DE NAS RIM GYIS NYA MTSO STOD DU PHEBS, DGON PAS GTZOS PA'I SKYA SER GYI KHROM CHEN PO 'TSOGS TE, GSER SRANG STONG PHRAG GSUM TZAM GYI GTZOS BA'I ZANG ZING GI 'BUL BA RGYA CHER PHUL, BLA MA'I RNAL 'BYOR, YI GE DRUG PA'I BZLAS LUNG, RAB BYUNG BSNYEN RDZOGS STONG PHRAG TU NYE BA SOGS GNANG STE KUN KYANG THAR PA'I LAM LA BKOD, DE NAS SMA CHU'I 'GRAM DU BZHUGS SGAR PHEBS PA NA, TSUR MTHONG GI SKYE BO RNAMS, CHU 'DI HA CANG CHE BAS RE SHIG SGROL BAR MI NUS SO ZHES SMRAS PA LA, SANG NAM LANGS TE LHAS TZA NA DONG BUS NUB TZAM LAS MI 'DUG PAS THAMS CAD SMRA MI SHES PA'I YA MTSAN DU GYUR, DE NAS RIM GYIS AA RIG DKAR PA THANG DU BZHUGS SGAR BTEG SKABS AA RIG RNAMS KYIS RTA STONG PHRAG DANG PHYUGS KHRI TSOR NYE BA'I 'BUL PA PHUL, 'JA' 'OD KYI GUR DANG LHA'I ME TOG GI CHAR BABS, SKYE BO MTHA' DAG LA THAR PA'I SA BON BSKRUN PAR MDZAD, DE NAS SNGAR AAL THAN TA RGYAL PO'I BLA MCHOD DU RDZONG TA GNAD

, ,BA'I CHOS RJE BRTZON 'GRUS BZANG PO DANG, LO TZ'A BA G'O SHR'I GNYIS KYIS GTZOS PA'I RTA BA LNGA BRGYA SKOR RGYAL PO'I GAM NAS BSU BA LA 'BYOR, RIM GYIS PHEBS TE HOR ZLA LNGA PA'I TSES BCO LNGA'I NYIN, SKYA DAR, RGYA GLING, LAS TSAN GO RIM PA SOGS GONG MA RGYAL PO'I BLA MA LA 'OS PA'I CHE BA DANG BCAS TE, YON TAN RIGS STOBS SOGS KYIS MNGON PAR MTHO BA'I DRUNG 'KHOR RNAMS LAS TSAN 'DI'I RJES SU 'DI 'GRO SOGS YID LA GANG DRAN BYAS PA MA YIN PA'I YA RABS KHUNGS BTZUN GYI SGRIGS BCA' BSTAR DANG LDAN PA'I CHIBS RAGS GLANG PO CHE SA LA RAB BRTAN 'CHI MED DBANG PO'I KHRUS KYI RDZING BUR DAL GYIS RGYU BA LTAR GSHEGS PA'I G-YAS G-YON DANG RGYAB RNAMS SU, RGYA DANG SOG PO SKYA SER GYI RTA PA STONG PHRAG MANG POS GZHI MTHA' DAG G-YOGS PA LTAR BSKOR TE TSA KHANG GCIG TZAM PHEBS PA NA, TSE RING GNAM GYI SHE MONG LA BRTEN NAS RTZOD DUS KYI 'KHOR LOS SGYUR BA, AAL THAN RGYAL PO NYID, MTHA' 'KHOB MUN PA'I GLING DKAR POR BYAS PA'I BRDA CHAD DU GOS DKAR PO GSOL, 'KHOR KHRI KHRAG TZAM DANG DE NYID KYI BTZUN MO'ANG 'KHOR MANG PO DANG BCAS TE 'ONGS NAS, MCHOD YON MJAL BA'I DGA' STON GYI THOG MAR, DNGUL SRANG LNGA BRGYA LAS GRUB PA'I MAndAL GSER GYI PHOR PA YUL DBUS KYI BRE TSAD SHONG BA ZHIG RIN PO CHES BKANG BA, GOS YUG DKAR SER DMAR LJANG SNGON PO RNAMS NYI SHU RE, RTA DKAR PO RIN PO CHE'I SGA SRAB KYIS BRGYAN PA BCUS THOG DRANGS PA'I RTA BRGYA, KHROM

ZIL GNON GYI GOS CHEN SNA LNGA PA YUG BCU, DNGUL SRANG STONG PHRAG GCIG, RAS DAR SOGS DNGOS PO BSAM GYIS MI KHYAB PA PHUL, DE NAS KHROM 'BUM PHRAG TZAM TSAGS PA'I DBUS SU MCHOD YON NYI ZLA ZUNG GCIG PHEBS TE, HONG THA'I JIS GTAM BTING, GOO SHR'I BAGshIS LO TZ'A BSGYUR TE, SNGON NAS CHAD DKAR GNAS GYI RIGS LAS CHAD PAS STOBS CHE, RGYA BOD HOR GSUM DRAG POS DBANG DU BSDUS ,SA SKYA PA DANG MCHOD YON DU 'BREL TE CHOS DAR, SLAR THE MUR RGYAL PO NAS CHOS CHAD, LAS SU SDIG DANG ZAS SU SHA KHRAG KHO NA LA LONGS SPYOD PA'I MUN NAG KHRAG MTSO'I GLING LTA BUR, MCHOD YON NYI ZLA ZUNG GCIG GI BKA' DRIN LAS DAM PA CHOS KYI LAM BTOD, KHRAG MCHE 'O MAR BSGYUR PA 'DI BKA' DRIN CHE BAS, PHYOGS 'DI NA YOD PA'I RGYA BOD HOR SOGS KUN KYIS KYANG DGE BA BCU'I KHRIMS LA GNAS PA DGOS, NYI MA DE RING NAS KHYAD PAR SOG PO CHAD DKAR LA KHRIMS SU BCA' BA NI, SNGAR SOG PO SHI BA'I RJES SU DRAG ZHAN GYI RNAM DBYES RANG GI CHUNG MA BRAN G-YOG RTA NOR SOGS SROG GCOD PA YIN NA'ANG, NGA PHYIN CHAD SROG GCOD KYI YUL DU GYUR PA'I RTA NOR SOGS KYI STENG DU JI TZAM BLOS 'CHAM PAR BCAD NAS, DGE 'DUN DANG BLA MA LA PHUL, BSNGO BA SMON LAM ZHUS, ,SHIN PO'I RJES SU A GS PA'I SROG GCOD GTAN MA BYED, GAL TE SNGAR BZHIN MI BSAD PA BYUNG NA KHRIMS KYIS LUS SROG 'BRAL BA YIN, RTA PHYUGS BSAD PA BYUNG NA KHRIMS KYIS NOR THAMS CAD 'PHROG, BLA MA DANG DGE 'DUN GYI CHA LUGS CAN LA BRDUL 'TSOGS

, ,SOGS LAG BZHAG PA BYUNG NA LAG 'JOG MKHAN GYI GZHI MA THAMS CAD GTOR, SNGAR AONG BKOD DU GRAGS PA'I GSHIN PO THAMS CAD KYI GZUGS BYAS PA LA MING BTAGS PA'I ZLA BA BYUNG RES KYI NYA STONG BRGYAD GSUM LA RTA PHYUGS BSAD PA'I KHRAG GIS MCHOD PA DANG, LO DUS KYI MCHOD PA LA DRAG ZHAN GYI DBYE BAS MANG NYUNG MTHA' YAS BA ZHIG GSOD PA RNAMS, DENG PHYIN CHAD NAS BZUNG RTEN DE RNAMS ME LA BSREGS NAS LO ZLA'I DUS KYI MCHOD PAR SROG GCOD PA GTAN NAS MA BYED, GAL TE BYAS PA BYUNG NA KHRIMS KYI CHAD PA RTA NOR GANG BSAD KYANG, DE'I BCU 'GYUR 'PHROG, AONG BKOD ME LA MA BSREGS NA KHYIM GTOR, AONG BKOD KYI TSAB TU YE SHES KYI MGON PO PHYAG DRUG PA'I SKU RE 'DZIN PA DANG, DE LA YANG DKAR GSUM GYI MCHOD PA MA GTOGS, SHA KHRAG GI MCHOD PA GTAN NAS MA BYED, GZHAN YANG THAMS CAD KYIS DGE BA LA 'BAD PA DANG, NYA STONG BRGYAD GSUM LA BSNYEN GNAS SRUNGS, RGYA BOD HOR KUN LA DGOS MED KYI 'PHROG 'JOMS MA BYED, MDOR NA BOD YUL DBUS GTZANG DU JI LTAR BYA BA LTAR YUL PHYOGS 'DIR YANG BYA DGOS ZHES KHRIMS MANG DU BSGRAGS SO, ,THUGS RJE CHEN PO'I BZLAS LUNG GNANG BA, LO TZ'A BAS SOG PO'I SKAD DU BSGYUR TE KUN GYIS GO BAS, MCHOG DMAN MTHA' DAG YI GE DRUG PA BZLA BA LA BRTZON BAR GYUR, 'JA' 'OD KYI GUR DANG ME TOG GI CHAR MANG DU BABS PA SOGS PHYOGS DER 'JAM MGON BLA MA'I BSTAN PA CHES CHER 'PHEL ZHING

RGYAS PA LA DKAR PHYOGS KYI LHA RNAMS DGA' BA'I RTAGS DANG MTSAN MA NGO MTSAR CAN MANG DU BYUNG NGO, ,DE NAS MCHOD YON MJAL BA'I SA DER GTZUG LAG KHANG BZHENGS, GNAS DER RTEN GSUM DANG DGE 'DUN GYIS DE MANG DU BTZUGS ,RAB TU GNAS PA RGYA CHER MDZAD, DGA' STON LA KHROM ZIL GNON GYI SKU BER GSUM GYIS GTZOS PA'I GOS BZOM BRGYA, KHA DOG SNA LNGA PA'I GOS YUG BRGYA, RIN PO CHE'I PHRENG BAS GTZOS PA'I PHRENG BA BRGYA, LUG, RA SOGS PAGS RIGS BRGYA, GSER GYI PHOR PA CHEN PO MU TIG GIS BKAD GA DNGUL DAM 'BRUG 'KHOR YOD PA BDUN TSAR, DNGUL SRANG STONG LAS GRUB PA'I KHOG MA, GSER GYI ZHVA DANG NA BZA' CHA CHANG SOGS RGYAL PO RANG NYID KYI CHAS, DNGUL SRANG GSUM RE LAS GRUB PA'I CA NE DANG SNGAR MA BDUN TSAR, RTA RMIG LUG RMIG GI DBYIBS CAN DNGUL SRANG LNGA BRGYA, RAS ZAM STONG PHRAG GCIG ,RTA DKAR PO RIN PO CHE'I SGRA SRAB KYIS SPRAS PA GSUM GYIS GCOS PA'I RTA BRGYA SOGS 'BUL BA GRANGS KYIS MI LANG BA PHUL PHYOGS DE'I DAD LDAN SER SKYA THAMS CAD LA RANG RANG GI DBANG PO DANG 'TSAM PA'I CHOS KYI BDUD RTZI STZAL ZHING THAMS CAD KYANG MGON PO SPYAN RAS GZIGS DANG RJE BTZUN TZONG KHA PA CHEN PO LA DAD PA RTZE GCIG PA'I GNAS LA BKOD DE HOR GYI YUL GRU CHEN POR GNAS PA'I MI DE NGAG SNGON CHAD ZAS SU SHA DANG KHRAG LA DGA' ZHING, LUS SU SROG CHAGS GSOD PA SOGS SDIG PA'I LAS 'BA' ZHIG SPYOD PA, BON SNANG ZHEN GYIS BSLUS TE MI SHI BA'I RJES SU'ANG SROG CHAGS

, ,MNGAS BSAD DE LHA MCHOD PA SOGS SDIG PA'I LAS KHO NA SPYOD PA LA RJE 'DIS SDIG PA'I LTA BA CAN DE DAG THAMS CAD BTUL TE PHYOGS DE DAG TU DKON MCHOG GSUM GYI RTAN BZHENG BA DANG, YI GE DRUG PA DANG DMIGS BRTZE MA KHON 'DON PA DANG, GSHIN PO'I DGE RTZAR YANG DKON MCHOG GSUM KHO NA MCHOD PA'I SROL BTZUGS, 'JAM MGON BLA MA'I BSTAN PA YUN RING DU GNAS PA'I PHYIR LI THANG THUB CHEN BYAMS PA GLING DANG, 'JAM MGON BLA MA GANG DU 'KHRUNGS PA'I SA SKU 'BUM SOGS SU DGE 'DUN GYI SDE MANG DU BTZUGS, KHYAD PAR SKU 'BUM DU RJE RIN PO CHE 'KHRUNGS PA'I LTE BA'I MTSAL KHRAG LAS BYUNG BA'I TZAN DAM GYI SDONG PO 'JIG RTEN KUN GYI BSOD NAMS KYI ZHING MCHOG DAM PA DE NYID DNGUL GYIS GTUMS TE MCHOD RTEN DU BYAS, MDO SNGAGS GNYIS KYI BSHAD GRVA RNAM PAR DAG PA BTZUGS PA SOGS PHYOGS DE DAG THAMS CAD 'JAM MGON BLA MA'I BSTAN PA'I GDUGS GCIG GIS KHYAB PAR MDZAD DO, ,DON GYI DBANG 'DI GZIGS NAS RJE BTZUN BLO BZANG CHOS KYI RGYAL MTSAN GYIS RJE 'DI LA BSTOD PA MDZAD PA NA, BDAG NYID CHEN PO GZHAN GYIS GDUL DKA' BA, ,MA RUNGS MTHA' 'KHOB SKYE BO MTHA' DAG LA, ,BSOD NAMS YE SHES RGYA MTSO'I MTHA' PHYIN PA'I, ,RGYAL BA'I MDZAD PA SGRUB LA GSOL BA 'DEBS, ,ZHES DANG, RJE BLO BZANG YE SHES KYIS, GDUL DKA' MTHA' 'KHOB SKYE 'GROR THAR PA'I LAM, ,STON MKHAS BSOD NAMS RGYA MTSOR GSOL BA 'DEBS, ,ZHES

BSNGAGS SO, ,RJE 'DIS PHYI RABS KYI GDUL BYA RNAMS KYI DON DU PHYANG CHUB LAM GYI RIM PA'I KHRID YIG GSER GYI YANG ZHUN MDZAD CING, GZHAN YANG GSOL 'DEBS BSTOD TSOGS DANG NYAMS MGUR SOGS MANG DU YOD DO, ,DE NAS SE 'BRAS DGE GSUM SOGS DBUS GTZANG GI LJONGS KYI SER SKYA DAD CAN TSANG MAS DBUS GTZANG DU 'BYON DGOS PAR GSOL BA SHUGS DRAG BTAB, RJE 'DI NYID KYANG YANG 'BYON PAR PHYOGS KYANG KHAR CHIN GYI RGYAL POS PHO NYA MNGAGS TE, MTHA' 'KHOB KYIS PHAL CHER NA 'KHOD PA'I GDUL BYA'I RE BA SKONG BAR MDZAD ZIN PAS, NGED KYI YUL DU PHEBS DGOS PA'I RGYU MTSAN NAN DU PHUL BAS, KUN MKHYEN ZAS GTZANG SRAS PO GYAD KYI YUL RTZVA CAN DU GSHEGS PA LTAR, KHAR TSON GYI GSER YIG PAR PHEBS PA'I BKA' LAN GNANG STE, BZHUGS SGAR RIM GYIS BTEG NAS, HOR RGYAL PO'I DUS KYI PHO BRANG SHANG TO ZHES PA'I SHUL GYI SAR PHYAGS PHEBS, RGYAL BLON 'GA' ZHIG LA BCOM LDAN 'DAS KYEE RDO RJE'I DBANG DANG, SKYE BO PHAL CHER YAN LAG BRGYAD PA'I KHRIMS SOGS DGE BA LA BKOD, RGYAL PO'I 'BUL CHEN GYI DUS, DNGUL LAS GRUB PA'I KHANG PA KA GNYIS MA TZAM ZHIG TU BZHUGS GDAN BKOD PAS, RE ZHIG SNGAS PA NTZAM YIN YANG 'DOD BA DANG BSTUN PAS CHOG GSUNGS TE, DNGUL GDUNG GI RTEN 'BREL DU DGONGS, GSER DNGUL GOS DAR RTA KHRAB SOGS 'BUL BA KHRI PHRAG BRGAL BA PHUL, DER DGE 'DUN GYI SDE BTZUGS 'DUG PA LA RAB TU GNAS PA RGYAS PAR MDZAD, KUN

, ,'DZIN ZHES PA SA BYI'I LO GSAR DANG, SMON LAM RLABS PO CHE GNANG, ZLA BA DANG PO'I MJUG NAS CUNG ZAD BRO 'TSAL BA'I RNAM PA BSTAN, RGYA NAG GONG MA RGYAL POS PHO BRANG DU PHEBS DGOS PA'I GDAN 'DREN PAR MI BRGYAD KYIS GNYA' BAS BTEG PA'I GSER YIG PA MDAGS KVA DING TA'I GOO SHR'I'I MTSAN DANG, LAS KA CHE BA 'DI RIS BYUNG, RTEN 'BREL DU DGONGS NAS PHO BRANG DU PHEBS PA'I ZHAL BZHES MDZAD, NAG PA ZLA BA NAS SNYUN BAB LCI BA'I TSUL BSTAN TE, GSUNG GI THA MA DANG LDAN YONGS LA ZHAL GDAMS PHYAG BRIS SU MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO ZHE DRUG TU PHEBS PA KUN 'DZIN ZHES PA SA PHO BYI BA'I LO NAG PA ZLA BA'I NYER DRUG GI THO RANGS ZHI BAR GSHEGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL BA BSOD NAMS RGYA MTSO LA GSOL BA 'DEBS SHING, RJE 'DIS LAM KHRID GSER ZHUN DU JI LTAR GDAMS PA LTAR GSUNG RAB THAMS CAD KYI SNYING PO'I GNAD BSDUS PA BYANG CHUB LAM GYI RIM PA'I NYAMS LEN LA BRTZON PAR BYA'O, , ` ,,ZAB DON GDAMS PA'I BKA' BAB CHOS DPAL BZANG, ,ZHES BSNGAGS PA, SPYAN SNGA CHOS DPAL BZANG PO NI, LHAS LUNG PA GRA NAM KHANG DU SPYAN SNGA BLO GROS RGYAL MTSAN SOGS MKHAS SHING GRUB PA'I SKYES BU DAM PA BRGYUD MAR BYON PA'I

DGYER GYI RIGS SU SKU 'KHRUNGS, GZHON NU NAS KHYIM GYI 'DU 'DZIN LA MA CHAGS PAR RGYAL BA'I BSTAN PA LA RAB TU BYUNG STE LHANG TZUN BSOD NAMS DPAL BA DANG RJE BTZUN CHOS KYI RGYAL MTSAN SOGS BSHES GNYEN DAM PA MANG PO BSTEN NAS SHING RTA CHEN PO'I GZHUNG LUGS RNAMS LA SBYANGS SHING, KHYAD PAR RGYAL BA BSOD NAMS RGYA MTSO BSAM SBYOR GNYIS KYIS TSUL BZHIN DU BSTEN TE GSUNG RAB DGONGS 'GREL DANG BCAS PA'I SNYING PO'I DON, DUS GSUM GYI RGYAL BA THAMS CAD GANG NAS GSHEGS PA DANG GSHEGS PAR 'GYUR BA'I LAM PO CHE, BYANG CHUB LAM GYI RIM PA'I KHRID LEGS PAR GSAN TE MDO RGYUD DGONGS 'GREL DANG BCAS PA THAMS CAD GANG ZAG RANG NYID 'TSANG RGYA BA'I MAN NGAG TU NGES PA RNYED NAS TSE 'DI'I BYA BA THAMS CAD BTZAN CHOD DU BTANG STA SANGS RGYAS DBON GYIS BTAB PA'I DBEN GNAS LHAS LTAG DGON DU BYANG CHUB LAM GYI RIM PA SGOM PA LA RTZE GCIG TU BZHUGS TE LO MANG PO'I BAR DU SGRUB PA RTZE GCIG TU MDZAD PAS BSHES GNYEN BSTEN TSUL NAS 'BRAS BU ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS PA LA RTZOL BYAS DANG RTZOL MED KYI MYONG BA RIM GYIS THON TE RANG NYID MI NYAMS PA'I GDANG THOB PA NA SKAL BA DANG LDAN PA GZHAN DAG LA'ANG CHOS KYI BDUD RTZI STZAL BAS SNYAN PA'I GRAGS PAS PHYOGS THAMS CAD DU KHYAB STE, DE'I TSE BYANG CHUB LAM GYI RIM PA DON DU GNYER BA'I SKAL LDAN RNAMS LHAS LTAG DGON DU 'DU BA ZHIG BYUNG STE RJE 'DIS BSTAN PA RGYA CHER

, ,SPEL BAS RGYUD 'DZIN GYI SLOB MA BGRANG BA LAS 'DAS PA BYUNG ZHING, BYANG CHUB LAM GYI RIM PA'I 'PHRIN LAS KYI BKA' BAB NI 'KHON STON DPAL 'BYOR LHUN GRUB BO, ,DE LTAR SPYAN SNGA CHOS DPAL BZANG PO ZHES YONGS SU GRAGS PA'I MKHAS GRUB CHEN PO DES RGYAL BA'I BSTAN PA LA BYA BA RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS SPYAN SNGA CHOS DPAL BZANG PO LA GSOL BA 'DEBS SHING MKHAS GRUB CHEN PO 'DI'I RNAM THAR LTAR MDO RGYUD DGONGS 'GREL DANG BCAS PA THAMS CAD KYI DON LAM GYI LUS GCIG TU DRIL BA BYANG CHUB LAM GYI RIM PA'I NYAMS LEN LA BRTZON PA TSIG BSGRIL DU BYA'O,, ` ,,RIGS KUN BDAG PO SNANG MDZAD RDO RJE'I ZHABS, ZHES BSNGAGS PA, 'KHON STON DPAL 'BYOR LHUN GRUB NI AE'I SKYONG KHAR DU YAB DBON TSE DBANG NOR RGYAS DANG YUM RGYAL MO 'DZOM GNYIS KYI SRAS SU LCAGS MO BYA'I LO SKU 'KHRUNGS, 'KHRUNGS TZAM NYID NAS DH'I: YIG DANG HR'I: YIG NGAG NAS BZLA BA DANG, 'JAM DBYANGS KYI GZUNGS BRGYUD MAR BZLA BA ZHIG BYUNG, TSE RABS MANG POR GOMS PA'I BAG CHAGS SAD PAS KHYIM GYI 'DU 'DZIN LA MI DGA' ZHING CHOS LA DGA' BA DANG, GZHAN LA CHOS STON PA DANG, GZHAN LA DBANG BSKUR BA'I STANGS KA BYED PA ZHIG BYUNG, YI GE 'DRI

KOG BRDA BSTAN PA TZAM GYIS MKHYEN ,DGUNG LO BDUN BRGYAD NAS SPYIR 'KHOR BA'I GNAS MTHA' DAG LA SKYO ZHING YID 'BYUNG BA DANG, LHAG PAR KHYIM GYI GNAS LA BTZON RA'I 'DU SHES NGANG GIS SKYE BA ZHIG BYUNG, SRANG BAR GYI KHYIM NYAM THAG ZHIB GZIGS PAS RKYEN BYAS SEMS CAN THAMS CAD LA SNYING RJE CHEN PO RGYUN DU SKYE BA ZHIG BYUNG, DGUNG LO BCU PA'I TSE THAMS CAD MKHYEN PA BSOD NAMS RGYA MTSO DANG MJAL, THOG MAR SKYABS 'GRO SEMS BSKYED GYI KHRID GSAN, DE NAS DBANG LUNG MAN NGAG RGYA CHER GSAN ZHING DGE BA'I BSHES GNYEN GZHAN MANG PO LA'ANG MDO SNGAGS KYI CHOS MTHA' YAS PA GSAN, DE NAS THAMS CAD MKHYEN PA BSOD NAMS RGYA MTSO LA GTZUG PHUD PHUL TE DGE BSNYEN GYI SDOM PA BZHES, MTSAN BSOD NAMS RNAM RGYAL ZHES GNANG, DE NAS BSHES GNYEN DAM PA MANG PO LA CHOS MANG DU GSAN ZHING, DGUNG LO NYI SHU LA BAB PA NA, MKHAS PA'I DBANG PO 'OL KHA BA BLO BZANG RGYA MTSO'I DRUNG DU DGE TSUL GYI SDOM PA BZHES TE, DVAGS PO GRVA TSANG DU PHEBS, MKHAS PA'I DBANG PO DE NYID YONGS 'DZIN DU BSTEN TE, PHAR PHYIN DANG, DBU MA DANG, 'DUL BA DANG, MDZOD DANG, RNAM 'GREL RNAMS LA SPYANGS PAS MKHAS PA'I PHUL DU PHYIN PAR GYUR, DE NAS SER BYES SU PHEBS NAS MKHAS PA'I DBANG PO DPAL 'BYOR BSOD NAMS LHUN GRUB DANG, MKHAS PA'I DBANG PO 'PHRIN LAS LHUN GRUB GNYIS RIM BZHIN YONGS 'DZIN DU BSTEN TE SE RA RJE BTZUN PA'I YIG CHA'I STENG NAS SHING RTA CHEN PO'I GZHUNG LUGS RNAMS LA

, ,SBYANGS PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON TE GRVA SKOR MDZAD, DE NAS LHAS LTAG DGON DU PHEBS TE SPYAN SNGA CHOS DPAL BZANG PO BSAM SBYOR GNYIS KYIS TSUL BZHIN DU BSTEN TE DPAL AA TI SHA DANG, CHOS KYI RGYAL PO TZONG KHA PA GNYIS KYI THUGS KYI BCUD PHYUNG PA'I MAN NGAG GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I KHRID GSAN TE MYONG BA THON PAR MDZAD, DE NAS SHAR PA CHOS RJE NAM MKHA' RGYAL MTSAN LA DPAL RDO RJE 'JIGS BYED CHEN PO'I DBANG DANG, RIM GNYIS KYI KHRID GSAN TE BSGOMS NAS MYONG BA THON PAR MDZAD, DE NAS DGUNG LO SO BZHI PA SHING PHO RTA'I LO DGA' LDAN RNAM PAR RGYAL BA'I GLING DU PHEBS NAS CHOS RJE DPAL 'BYOR RGYA MTSOS MKHAN PO DANG, CHOS RJE DGE 'DUN RGYAL MTSAN GYIS SLOB DPON MDZAD DE BSNYEN PAR RDZOGS, DPAL 'BYOR LHUN GRUB TU MTSAN GSOL, DE NAS RGYUD SMAD DU PHEBS TE MKHAS GRUB RNAM RGYAL DPAL BZANG BSAM SBYOR GNYIS KYIS TSUL BZHIN DU BSTEN TE DPAL GSANG BA 'DUS PA'I RGYUD 'GREL LA SBYANGS SHING RJE THAMS CAD MKHYEN PA NAS BRGYUD PA'I BDE GSANG 'JIGS GSUM GYI MAN NGAG SOGS CHOS MANG DU GSAN ZHING LO BZHI BZHUGS, DE NAS DGE BA'I BSHES GNYEN DU MA LA RJE BDAG NYID CHEN PO'I MDO SNGAGS KYI CHOS RNAMS LEGS PAR GSAN, DE NAS MKHAS SHING GRUB PA'I SNYAN PA PHYOGS THAMS CAD DU RGYAS PA NA GSANG PHU NYI MA THANG GI KHRI

LA GDAN DRANGS TE LO GCIG GI RING 'CHAD NYAN MDZAD, DE NAS SER BYES MKHAS MANG GRVA TSANG GI KHRI LA GDAN DRANGS TE 'CHAD NYAN RGYUN RING MDZAD THAMS CAD MKHYEN PA YON TAN RGYA MTSOS PAn CHEN THAMS CAD MKHYEN PA BLO BZANG CHOS KYI RGYAL MTSAN SPYAN DRANGS TE 'BRAS SPUNGS DGA' LDAN PHO BRANG GI GZIM CHUNG NYI 'OD 'KHYIL PAR MDO SNGAGS KYI CHOS MTHA' YAS PA GSAN PA'I CHE DAM PA 'DIS KYANG PHEBS TE, PAn CHEN THAMS CAD MKHYEN PA CHEN PO LA GSOL BA BTAB NAS RDO RJE PHRENG BA'I DBANG YONGS SU RDZOGS PA GSAN, PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS KYANG DAM PA 'DI LA BSNGAGS PA CHE BAR MDZAD DO, ,DE NAS SE RA BYES KYI KHRI BZHAG STE PHA BONG KHAR PHEBS NAS BSGRUB PA YUN RING DU MDZAD PAS PHA BOD KHA BA 'KHON STON DPAL 'BYOR LHUN GRUB CES YONGS SU GRAGS, 'KHON STON ZHES PA NI RIGS RGYUD LAS MTSAN DU BTAGS PA STE 'JAM DBYANGS 'KHON GYI RIGS YIN PAR BSHAD DO, ,DE NAS SKAL BA DANG LDAN PA MANG PO LA RGYAL BA TZONG KHA PA CHEN PO'I THUGS KYI BCUD PHUNG BA'I MAN NGAG BYANG CHUB LAM GYI RIM PA'I KHRID DANG GSANG BDE 'JIGS GSUM GYI DBANG DANG BSKYED RDZOGS KYI KHRID SOGS CHOS RGYA CHER STZAL CING, KUN MKHYEN LNGA PA CHEN POS KYANG YONGS 'DZIN DU BSTEN TE RIGS KYI COD PAN DU 'DZIN PAR MDZAD DO, ,DAM PA 'DIS PHYI RABS KYI GDUL BYA RNAMS KYI DON DU GSHIN RJE GSHED KYI CHOS 'BYUNG DANG SKYABS 'GRO'I KHRID YIG SOGS LEGS BSHAD KYI RTZOM

, ,PA'ANG MANG DU MDZAD, DAM PA 'DIS BSTAN PA'I BYA BA RGYA CHER MDZAD PAS RGYUD 'DZIN GYI SLOB MA MTHA' YAS PA BYUNG ZHING, GTZO BO NI GANGS CAN 'GRO BA'I MGON PO KUN MKHYEN LNGA PA CHEN PO DANG, BYANG CHUB LAM GYI RIM PA'I 'PHRIN LAS KYI BKA' BAB PA NI DPAL 'BYOR 'PHRIN LAS RAB RGYAS SO, ,DE LTAR BSTAN 'GRO'I DON RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO DON BDUN DU PHEBS PA ME MO GLANG GI LO ZHI BAR GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS 'KHON STON DPAL 'BYOR LHUN GRUB LA GSOL BA 'DEBS SHING MKHAS GRUB CHEN PO 'DI'I RNAM THAR LTAR MDO SNGAGS KYI GZHUNG LA THOS PA PHU THAG CHOD PAR BYAS NAS DBEN PA'I GNAS SU SKYES BU GSUM GYI LAM GYI RIM PA BSGOM PA LA BRTZON BAR BYA'O, ` ,,BKA' DRIN MNYAM MED SHR'I BHU TI'I MTSAN, ,ZHES BSNGAGS PA, ZUR DPAL 'BYOR 'PHRIN LAS RAB RGYAS NI, 'BROM CHU RIGS KYI RGYUD DU YAB ZUR GZHON NU DON GRUB DANG, YUM YID 'DZIN GNYIS KYI SRAS SU KHRO MO ZHES PA SHING PHO 'BRUG GI LO SKU 'KHRUNGS, MTSAN CHOS RJE NOR BUR BTAGS, DE NAS YI GE 'DRI KLOG RNAMS TSEGS MED PAR MKHYEN CING, DGUNG LO BDUN PA'I DUS CHOS RJE NGAG DBANG YE SHES GRUB PAR GTZUG PHUD PHUL MTSAN NGAG DBANG BKRA SHIS KUN DGAR BTAGS, DE NAS YAB KYI RIGS DANG MTHUN PAR GSANG SNGAGS GSAR RNYING GI CHOS MANG DU

GSAN CING, KHYAD PAR 'KHON STON DPAL 'BYOR LHUN GRUB KYIS RJES SU BZUNG STE DGE BSNYEN DANG BAR MA RAB BYUNG GNANG NAS MTSAN DPAL 'BYOR 'PHRIN LAS RAB RGYAS SU GSOL, BCAR BZHUGS NGOS PHYAG G-YOG 'PHRAL SEL MDZAD, NYI SHU'I TSE DE NYID LA DGE TSUL DANG BSNYEN PAR RDZOGS PA'I SDOM PA BZHES, SDIR? MDO SNGAGS KYI CHOS MANG DU GSAN CING KHYAD PAR MDO SNGAGS GSUNG RAB THAMS CAD KYI SNYING PO'I DON SKYES BU GSUM GYI LAM GYI RIM PA'I KHRID RGYAS PAR GSAN TE THUGS NYAMS SU BZHES NAS MYONG BA THON PAR MDZAD, DE NAS 'GREL PA BZHI SBRAGS, RIM LNGA GSAL SGRON, BDE MCHOG SBAS DON KUN GSAL, MKHAS GRUB NOR BZANG PA'I DUS 'KHOR GYI SPYI DON, GSANG 'DUS KYI BSKYED RDZOGS RNAMS GSAN NAS RTZES THANG DU GRVA SKOR MDZAD, DE NAS PHA BOD KHA NYID DU BZHUGS TE BKA' GDAMS GLEGS BAM, BSTAN RIM CHEN MO, BE'U BUM SNGON PO, DPE CHOS SKOR GSUM, BLO SBYONG SKOR, BKA' GDAMS GZHUNG DRUG, BYAMS CHOS SDE LNGA, RIGS TSOGS DRUG, SNGAGS RIM CHEN MO, GSANG 'DUS GSHED SKOR BDE DGYAS DUS 'KHOR SOGS KYI MNGON DKYIL BSKYED RDZOGS, LAM RIM CHE CHUNG, RTZA 'JUG GI RNAM BSHAD SOGS DANG, 'DUL 'DZIN PA'I GLENG 'BUM, BSLAB BYA CHE CHUNG, KUN RIG t'IKA CHEN SOGS RJE'I RJES 'BRANG GI YIG CHA DU MA, YANG GSANG 'DUS KYI RIM LNGA, 'PHO KHRID GSER GYI SGO 'BYED, BLO SBYONG DON BDUN MA'I KHRID, BYANG CHUB LAM GYI RIM PA, RJE PHA BONG KHA PA NYID KYIS MDZAD PA'I LTA PA SPYI KHYAB

, ,TU NGO SPROD PA RNAMS DMAR KHRID DU GSAN, MKHAS GRUB RIN PO CHES MDZAD PA'I KHAMS GSUM RNAM RGYAL GYI STENG NAS RDO RJE 'JIGS BYED KYI 'PHRIN LAS BZHI'I 'KHRUL 'KHOR, PHYAG DRUG PA'I BE'U BUM, PHRENG BA ZHE LNGA MA'I DBANG DNGOS GTZANG BA, ZUR BKA' GSANG 'DUS MI BSKYOD PA, BDE MCHOG L'U DRIL, 'JIGS BYED, 'KHOR CHEN GSHED DMAR, KUN RIG, MI 'KHRUGS PA, TSE DPAG MED SOGS DANG, GZHAN YANG SGRUB THABS BRGYA RTZA, SGROL MA NYER GCIG, MGON PO BCU GSUM SOGS DBANG LUNG MAN NGAG SHIN TU MANG BA GSAN, PAn CHEN BLO BZANG CHOS KYI RGYAL MTSAN LA BDE MCHOG L'U AI PA'I DBANG DANG, MGON PO ZHAL BZHI BA'I DBANG, PHYAG CHEN YANG GSAL SGRON ME'I LUNG RNAMS GSAN, DE LTAR GDAMS BA'I GTER DU GYUR PA NA SKAL BA DANG LDAN PA MANG PO LA MDO SNGAGS KYI CHOS RGYA CHER STZAL ZHING MAL YOR PA BAS BTAB PA'I YER BA SBOS DGA' DANG GUNG THANG CHOS KHRI LHO LCOG GI GDAN SAR PHEBS, KUN MKHYEN LNGA PA CHEN POS KYANG YONGS 'DZIN DU BZHES TE SPYIR MDO SNGAGS KYI CHOS MTHA' YAS PA GSAN ZHING, KHYAD PAR BYANG CHUB LAM GYI RIM PA'I MYONG KHRID RGYAS PAR GSAN PAS RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE LTAR BSTAN 'GRO'A DON RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO NGA BZHI PA ME MO BYA'I LO ZHI BAR GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB DAM PA DPAL 'BYOR 'PHRIN LAS

RAB RGYAS LA GSOL BA 'DEBS SHING, DAM PA 'DI'I RNAM THAR LTAR LEGS TSOGS THAMS CAD KYI RTZA BA BSHES GNYEN DAM PA BSAM SBYOR GNYIS KYIS TSUL BZHIN DU BSTEN NAS MDO SNGAGS KYI MAN NGAG LEGS PAR THOB PAR BYAS LA MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN SNYING POR BYA'O,, ,,KUN MKHYEN BLO BZANG BSTAN PA'I RGYA MTSO CHER, ,MTSAMS SPRIN LA 'GRAN DUR SMRIG GSAR PA YI, ,SGRANG RTZI'I RGYAL MTSAN 'DZIN PA'I PAD DKAR CAN, ,SPRUL BAS 'GRO BA 'DREN LA GSOL BA 'DEBS, ,ZHES BSNGAGS PA RGYAL BA THAMS CAD MKHYEN PA NGAG DBANG BLO BZANG RGYA MTSO NI, 'PHYONG RGYAS 'PHYING BAR STAG RTZER YAB HOR BDUD 'DUL RAB BRTAN DANG YUM KHRI LCAM KUN DGA' LHA MDZES KYI SRAS SU RAB BYUNG BCU PA'I ME SBRUL LA SKU 'KHRUNGS, 'KHRUNGS TZAM NYID NAS BYIS PA'I RGUD PA MTHA' DAG LAS 'DAS TE, 'GRO BA RNAMS LA CHOS STON BA'I PHYAG RGYA MDZAD PA SOGS BSAMS BZHIN DU SPRUL PA'I SKU GZUNG BA'I DANG TSUL GSAL BAR BSTAN, JO BO RJE DANG RJE BTZUN TZONG KHA PA CHEN PO SOGS LHA DANG BLA MA DAM PA MANG PO'I ZHAL GZIGS, BKA' GDAMS GLEGS BAM LAS GSAL BAR LUNG BSTAN PA LTAR PAn CHEN BLO BZANG CHOS KYI RGYAL MTSAN DANG, CHOS SKYONG KHAG RNAMS MTHUN PAR RGYAL BA YON TAN RGYA MTSO'I SPRUL SKUR NGOS ZIN, DE SKABS DUS GZER PAS GEGS DBANG DU SONG DOGS NAS PAn CHEN BLO BZANG CHOS KYI RGYAL MTSAN GYIS SDE SRID

, ,GTZANG PA LA ZHU MKHAS KYIS RTZOL BA CHEN PO MDZAD DE 'BRAS SPUNGS SU GDAN 'DREN PA'I BKOD PA MDZAD NAS DGUNG LO DRUG PA CHU KHYI HOR ZLA GNYIS PA'I NYER LNGA LA GANGS CAN 'DZIN MA'I RGYAN GCIG CHOS SDE CHEN PO DPAL LDAN 'BRAS SPUNGS SU SDE SRID BSOD NAMS CHOS 'PHEL, SE 'BRAS KYI BLA MA DPON SLOB RNAMS DANG, DGE 'DUN 'DUS PA RGYA MTSO SPRUL PA'I CHOS RGYAL CHEN PO KHOG TU BRLAMS BA SOGS KYIS PHEBS BSU SER SBRENG BSAM GYIS MI KHYAB PA, SKYE BO KHRI PHRAG BRGAL BA'I KHROM BCAS DGA' LDAN PHO BRANG DU PHEBS, DGUNG LO DGU BAR PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS MKHAN PO DANG, KHRI RIN PO CHE DKON MCHOG CHOS 'PHEL GYIS SLOB DPON MDZAD DE DGE TSUL BZHES NAS MTSAN BLO BZANG RGYA MTSOR GSOL, DE NAS PAn CHEN BLO BZANG CHOS KYI RGYAL MTSAN LA THOG MAR DGE TSUL GYI BSLAB BYA DANG, CHOS SPYOD RNAMS KYI LUNG, YI DAM GYI DBANG CHEN 'JAM DBYANGS CHOS SKOR GYI RJES GNANG SOGS DBANG DANG RJES GNANG MANG PO DANG, LAM RIM CHE CHUNG GI LUNG SOGS LUNG MTHA' YAS PA GSAN, KHRI CHEN DKON MCHOG CHOS 'PHEL LA LAM RIM CHEN MO'I BSHAD LUNG SOGS CHOS MANG DU GSAN TE RGYAN GYI YONGS 'DZIN TU BSTEN, 'KHON STON DPAL 'BYOR LHUN GRUB KYANG YONGS 'DZIN DU BSTEN NAS CHOS MANG DU GSAN, GZHAN YANG YONGS 'DZIN MANG DU BSTEN NAS MDO SNGAGS KYI CHOS MTHA'

YAS PA GSAN ZHING, RIGS PA'I GNAS LNGA LA'ANG SBYANGS PA MTHAR PHYIN PAR MDZAD, DE NAS DGUNG LO NYER GNYIS SU PHEBS BAS PHO STAG GI LO ZLA BA GSUM PA'I TSES LNGA'I NYIN JO BO RIN PO CHE'I SKU MDUN DU PAn CHEN THAMS CAD MKHYEN PA BLO BZANG CHOS KYI RGYAL MTSAN LA BSNYEN RDZOGS KYI SDOM PA BZHES TE THUB DBANG SLAR YANG GANGS RI'I KHROD DU BYON PA LTA BUR GYUR TE, ,DE NAS DGUNG LO NYER LNGA PA LCAGS MO SBRUL GYI LO GO SHR'I BSTAN 'DZIN CHOS KYI RGYAL POS GCES SDE SRID BCOM NAS BDE KHRI SKOR BCU GSUM DBANG DU BSDUS TE KUN MKHYEN LNGA PA CHEN PO 'DI'I PHYAG TU PHUL, PHO BRANG CHEN BO PO TA LA BRTZIGS TE BZHUGS YUL MDZAD, BOD KYI LHA CIG 'PHAGS PA THUGS RJE CHEN PO LO KE SHVA RA'I SKU RANG BYUNG YANG PHEBS NAS PHO BRANG DU BZHUGS, ZUR DPAL 'BYOR 'PHRIN LAS RAB RGYAS YONGS 'DZIN DU BSTEN NAS BYANG CHUB LAM GYI RIM PA'I KHRID RGYAS PAR GSAN, PAn CHEN BLO BZANG CHOS KYI RGYAL MTSAN GDAN DRANGS NAS SPYI BKA' RDO RJE 'PHRENG BA DANG, ZUR BKA' BDE GSANG 'JIGS GSUM SOGS RGYUD SDE BZHI DANG 'BREL BA'I DBANG DANG RJES GNANG MTHA' YAS PA DANG, DBEN SA BKA' 'BUM GYI LUNG SOGS DBEN SA SNYAN RGYUD KYI MANG NGAG RNAMS KYANG LEGS PAR GSAN, GOO SHR'I BSTAN 'DZIN CHOS RGYAL GYIS GDAN DRANGS NAS GTZANG PHYOGS SU PHEBS TE CHOS GRVA CHEN PO BKRA SHIS LHUN BO'I DGE 'DUN RNAMS LA

, ,CHOS KYI BDUD RTZI STZAL ZHING, MCHOD YON GNYIS KAS PAn CHEN BLO BZANG CHOS KYI RGYAL MTSAN LA GUS 'DUD DANG BSNYEN BKUR RGYA CHEN PO MDZAD, SER SKYA BGRANG PA LAS 'DAS BA LA ZHAL GYI DKYIL 'KHOR BSTAN CING CHOS KYI BDUD RTZI STZAL NAS MTHONG THOS DRAN REG THAMS CAD RJES SU 'DZIN PAR MDZAD, DGUNG LO SO DRUG TU PHEBS PA CHU PHO 'BRUG GI LO SHAR PHYOGS RGYA NAG PHO BRANG DU PHEBS TE RGYA DANG HOR SOG GI SKYE BO BGRANG PA LAS 'DAS PA'I DON MDZAD, SLAR PHO BRANG DU PHEBS NAS MTHA' DBUS SKYE 'GRO BGRANG BA LAS 'DAS PA LA RANG RANG GI DBANG PO DANG 'TSAM PA'I CHOS KYI 'KHOR LO RGYA CHER BSKOR ZHING LHAG PAR RAB BYUNG DANG BSNYEN RDZOGS KYI SDOM PA BGRANG BA LAS 'DAS PA STZAL, CHOS 'KHOR YANG RTZI SOGS CHOS GRVA CHEN PO MANG POR 'JAM MGON BLA MA'I BSTAN PA'I RGYUN GSAR 'DZUGS MDZAD, SNGAGS GRVA'I DGE 'DUN GYI SDE YANG MANG DU BTZUGS TE KUN MKHYEN LNGA PA CHEN POS GSAR 'DZUGS MDZAD PA'I GLING CHEN BCU GSUM ZHES YONGS SU GRAGS PA LTAR DANG, GZHAN YANG SNGAR YOD PA'I DGE 'DUN GYI SDE RNAMS LA CHOS GZHI GNANG STE, GONG 'PHEL DU MDZAD, DGE 'DUN GYI SDE GANG NA YOD PA THAMS CAD LA BCA' KHRIMS DAM POR MDZAD, GDUL BYA'I KHAMS DANG BSAM PA LA GZIGS NAS GSANG SNGAGS SNGA 'GYUR GYI CHOS KYANG MANG DU GSAN ZHING

GANGS RI'I LJONGS KYI SA'I CHA THAMS CAD DU SKU GSUNG THUGS RTEN MANG DU SPEL, RGYAL BSTAN YUN RING DU GNAS PA'I PHYIR DGE 'DUN GYI SDE RNAMS SU RE MOS KYIS BKA' 'GYUR GSUNG SGROG RGYUN MI 'CHAD DU MDZAD, JO BO SH'AKYA MU NE LA RIN PO CHE LAS GRUB PA'I DBU RGYAN GSAR DU BSGRON, BOD KHAMS BDE THABS SU MCHOG DMAN BAR MA THAMS CAD KYIS YI GE DRUG PA BZLA BA DANG, DGE 'DUN GYI SDE RNAMS SU SMAN BAL BDE GSHEGS BRGYAD KYI THUGS DAM BSKUL BA'I CHO GA DANG, GNAS BRTAN CHEN PO BCU DRUG MCHOD PA'I CHO GA RGYUN ME 'CHAD PA'I GZHI BTZUGS SHING BKA' 'DOMS CHE BAR MDZAD, RGYAL BSTAN YUN RING DU GNAS PA'I PHYIR GSUNG RAB DGONGS 'GREL DANG BCAS PA THAMS CAD KYI SNYING PO'I DON PHYOGS GCIG TU DRIL BA'I MAN GNAG BYANG CHUB LAM GYI RIM PA'I KHRID YIG 'JAM PA'I DBYANGS KYI ZHAL LUNG, LAM GYI GTZO BO RNAM GSUM GYI MCHAN 'GREL, BKA' GDAMS THIG LE BCU DRUG GI DBANG KHRID YUL BYUNG DGONGS RGYAN, DMIGS BRTZE MA'I t'IKKA, PHAR PHYIN BLO BZANG DGONGS RGYAN, DBU MA'I RNAM BSHAD, CHOS MNGON RIN CHEN 'DREN PA'I SHING RTA, 'DUL BA'I LAS CHOG GSER MDOG RNAM RGYAL, SO THAR GYI BSLAB BYA, MDO CHOG YID BZHIN DBANG RGYAL, GNAS BCU'I CHO GA ,GZUNGS 'BUL LAG LEN, PAn CHEN BLO BZANG CHOS KYI RGYAL MTSAN GYI RNAM THAR SOGS BLA MA GONG MA'I RNAM THAR KHAG MANG PO DANG, GSAN YIG GANGG'A'I CHU RGYUN DANG ,RGYAL

, ,BA MCHOG NYID KYI RNAM THAR DU KU LA'I GOS BZANG DANG, BOD KHAMS LUGS GNYIS KYIS SKYONG PHYIR RGYAL RABS DANG KHRIMS YIG, LHAG PA'I LHA MANG PO'I SGRUB THABS SOGS BKA' RTZOM BOD SUM CU SKOR BZHUGS SO; ;DE LTAR GANGS RI'I MGON PO RJE BTZUN SPYAN RAS GZIGS NGUR SMRIG GAR GYI RNAM PAR ROL PA GUN MKHKYEN LNGA PA CHEN PO NGANG DBANG BLO BZANG RGYA MTSOS BYANG PHYOGS GANGS RI'I KHROD 'DI LUGS GNYIS KYIS BSKYANGS TE BSTAN 'GRO'I DON RLABS CHEN MDZAD NAS SKU TSE 'DI'I DNGOS KYI GDUL BYA RDZOGS PA NA DUNG LO RE DRUG TU PHEBS BA CHU PHO KHYI'I LO ZHI BAR GSHEGS SO, ,MDZAD PA RNAM THAR CHES ZHIB PAR NI ^ RGYAL BA MCHOG NYID KYIS MDZAD PA'I RNAM THAR DU KU LA'I GOS BZANG DU GSAL BA LTAR RO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS ^ RGYAL BA THAMS CAD MKHYEN PA NGAG DBANG BLO BZANG RGYA MTSO LA GSOL BA 'DEBS SHING ^ RGYAL BA MCHOG 'DIS GANGS CAN GYI GDUL BYA RNAMS LA ZHAL GDAMS SU STZAL BA 'JAM DPAL ZHAL LUNG LAS, MA DAG SNED KYI SKYON SPANGS GZUR GNAS KYI, ,RNA BAR DAM PA'I CHOS KYI DBYANGS SNYAN PO, ,YONGS 'DZIN ZHAL GYI SGO LAS NYER THOS PA, , BSKAL PAR BSGRUBS PA'I BSOD NAMS ZONG GIS RNYED, ,KHYAD PAR RGYA BOD MKHAS GRUB MA LUS PA'I, ,THUGS KYI NYING KHU CHE BA BZHI LDAN CHOS, ,MCHOG DMAN 'GRO LA RIS MED PHAN PA'I SMAN, ,BDUD RTZI'I SPUN ZLA GNYIS PA RNYED

DKA'I LAM, ,LAM MCHOG 'DI 'DRA POS BSAM SGOM GSUM GYIS, ,NYAMS SU BLANG BYAR YOD PA'I SKAL BZANG RNAMS, ,MNOG CHUNG TSE 'DI'I MDUN MA RGYANG BSRINGS TE, ,ZHEN LOG SKYO SHAS DRAG POS RGYUD BSKUL NAS, , 'DU 'DZIS DBEN PA'I SA 'DZIN MTHON PO'I NGOS, ,SPANG LJONGS NAGS MAL ME TOG KHOR YUG CAN, ,RDO BA'I SPYIL CHUNG RANG SHONG KHANG BU RU, ,GRIB MA GNYIS PA'I GROGS DANG LHAN CIG PAR, ,LHUNG LHUNG DAL GYIS 'BAB PA'I NYAL 'GRO DANG, ,BAG PHEBS RI DVAGS RGYU BA'I SKAD GNYIS LAS, ,GZHAN DU DUG GSUM BSKYED PA'I LONG GTAM GYIS, ,BSAM GTAN TSER MA'I BYED PO DMIGS SU MED, ,PHYAG DANG KHROD PA'I GOS DANG BSOD SNYOMS KYIS, NYER 'TSO DKOR NAG DUG CHUS MA SBAGS PAS, ,RNAM DKAR DGE LA BSKUL NUS LUS NGAG YID, ,GTAN GYI BDE SGRUB MDUN MA'I YANG RTZER SON, ,ZHES GSUNGS PA LTAR DAL RTEN LAN CIG THOB PA'I SKABS 'DIR TSANG LA MA NOR PA'I LAM LA BAG CHAGS CI THEBS BYA'O,, ` ,,'JAM DPAL DBYANGS DNGOS NGAG DBANG DPAL BZANG PO, ,ZHES BSNGAGS PA KHRI RIN PO CHE SBYIN PA RGYA MTSO MTSAN GZHAN NGAG DBANG DPAL BZANG ZHES GRAGS PA DE NI, MDO KHAMS KYI SA'I CHA SAM CHU'I BYANG NGOS SU SKU 'KHRUNGS SKU GZHON NU NAS CHOS KYI BAG CHAGS SAD DE KHYIM GYI 'DU 'DZIL MA CHAGS BAR RGYAL BA'I BSTAN PA LA RAB TU BYUNG, CHOS KYI RGYAL PO TZONG KHA PA CHEN PO LA RTZE GCIG TU DAD PAS RJE'I RNAM THAR

, ,LTAR DANG POR GZHUNG LUGS CHEN MO RNAMS LA SBYANGS TE THOS PA PHU THAG CHOD PA ZHIG BYA BA DANG, THOS DON RANG GI RGYUD LA SBYAR TE NYAMS LEN MTHAR PHYIN PA ZHIG BYA BA DANG RGYUD 'BYONGS PA NA SGRUB 'BRAS KYIS BSTAN PA DANG SEMS CAN LA PHAN THOGS PA ZHIG BYA BAR 'DOD NAS DBUS GTZANG GI LJONGS SU BYON NAS 'BRAS SPUNGS SU PHEBS SGO MANG GRVA TSANG DU ZHUGS NAS PHAR PHYIN DANG BDUM DANG, 'DUL BA DANG, MDZOD DANG RNAM 'GREL RNAMS LA SBYANGS TE MKHAS PA'I PHUL DU PHYIN PAR GYUR PA NA LHA LDAN SMON LAM CHEN MO'I THOG MKHAS MANG RGYA MTSO LTA BU'I DBUS SU DAM BCA' BZHAG STE DKA' BZHI'I GRVA SKOR MDZAD, DE NAS SNGAGS LA SPYOD BAR BZHED NAS DPAL LDAN SMAD RGYUD GRVA TSANG DU ZHUGS TE RGYUD SDE BZHI GA DANG KHYAD PAR BLA MED, DE'I NANG NAS KYANG PHA RGYUD GSANG BA 'DUS PA DANG , MA RGYUD 'KHOR LO SDOM PA GNYIS KYI RGYUD 'GREL PA DANG BCAS PA LA SBYANGS TE MKHAS PA'I PHUL DU PHYIN PAR GYUR PA NA RANG GI YON TAN GYI BYED POS RGYUD SMAD KYI KHRI LA PHEBS NAS RGYUD KYI RGYAL PO DPAL GSANG BA 'DUS PA'I RTZA RGYUD 'GREL PA BZHI SBRAGS KYI SGO NAS GZABS BSHAD DANG ,RGYUD KYI t'IKKA NGAG THOG NAS 'DZIN CHOS DANG, RIN PO CHE LTA BU'I GDUL BYA RNAMS LA 'DUS PA'I BSKYED RDZOGS KYI MYONG KHRID GNANG STE RDO RJE THEG PA'I BSTAN BA RGYA CHER SPAL, GZHAN YANG GANGS RI'I KHROD 'DIR RGYAL BA'I BKA' 'GYUR RO COG GI LUNG DANG, BKA' GDAMS GZHUNG

DRUG SOGS 'PHAGS YUL PAn GRUB RNAMS KYI GSUNG PHAL MO CHE DANG, RJE YAB SRAS KYI GSUNG PA LA MO CHE'I LUNG GSAN PAS DE DUS GANGS RI'I KHROD NA BLA MA 'DI LUNG GSAN RGYA CHE BAR GRAGS, DE NAS THOS DON SGRUB BA SNYING POR BYA BAR BZHED NAS 'PHAGS MCHOG PHYAG NA PADMO DUR SMRIG GAR GYI RNAM PAR ROL PA KUN MKHYEN LNGA PA CHEN PO LA BYANG CHUB LAM GYI RIM PA'I KHRID ZLA CHOS SU RGYAS PAR GSAN CING NYAMS SU BLANGS TE MYONG BA THON BAR MDZAD, DE NAS RANG GI RGYUD SMIN PA NA ,SKAL BA DANG LDAN PA GZHAN DAG LA'ANG SKYES BU GSUM GYI LAM GYI RIM PA'I KHRID RGYAS PAR STZAL , GZHAN YANG RANG RANG GI DBANG PO DANG 'TSAM PAR MDO SNGAGS KYI CHOS KYI CHAR PHAG DE NAS RGYAL BTZONG KHA PA CHEN PO'I GDAN SA DGA' LDAN GSER KHRIR PHEBS TE MDO SNGAGS KYI LAM RIM 'CHAD PA DANG, LHA LDAN SMON LAM CHEN MO'I THOG TU SKYES RABS SO BZHI PA'I GZABS BSHAD MDZAD PA SOGS RJE BDAG NYID CHEN PO'I MDZAD BZANG RNAMS NYAMS PA MED PAR BSKYANGS TE DGA' LDAN KHRI THOG NYID DU ZHING GSHEGS TE MI PHAM 'JAM DPAL SNYING PO'I ZHABS DRUNG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS KHRI RIN PO CHE SBYIN PA RGYA MTSO LA GSOL BA 'DEBS SHING ,BLA MA DAM PA 'DI'I RNAM THAR LTAR MDO RGYUD DGONGS 'GREL DANG BCAS PA'I SNYING PO'I DON BYANG CHUB LAM GYI RIM BA'I NYAMS LEN LA 'BAD BAR BYA'O,, ,,

, ,BSHES GNYEN DAM PA BYAMS PA CHOS LDAN, ZHES BSNGAGS PA, DGE BA'I BSHES GNYEN SEMS DPA' CHEN PO BYAMS PA CHOS LDAN NI SKU GZHON NU NAS RGYAL BA'I BSTAN PA LA RAB TU BYUNG, SHING RTA CHEN PO'I GZHUNG RNAMS LA SBYANGS PA MTHAR PHYIN PAR MJAD DE, MKHAS PA'I PHUL DU PHYIN PAR GYUR PA NA, RIG SNGAGS 'CHANG BA'I SDE CHEN PO DPAL LDAN SMAD RGYUD GRVA TSANG DU PHEBS TE BDE GSANG 'JIGS GSUM GYI RIM PA GNYIS KYI GNAD RNAMS DANG, DKYIL 'KHOR BRI SGRUB SOGS CHO GA PHYAG LEN MTHA' DAG LA SBYANGS TE RGYUD DON LA MI 'JIGS PA'I GDENG THOB PA NA KUN GYIS BSNGAGS 'OS SU GYUR TE, RGYUD PA'I RDO RJE SLOB DPON MDZAD, DE NAS NGES 'BYUNG SHUGS DRAG POS BSKUL NAS SGRUB PA SNYING POR BYA BAR BZHED DE, DUS GSUM GYI SANGS RGYAS THAMS CAD GANG NAS BYON PA DANG 'BYON PAR 'GYUR BA'I LAM PO CHE GSUNG RAB DGONGS 'GREL DANG BCAS PA'I SNYING PO'I DON SKYES BU GSUM GYI LAM GYI RIM BA NYAMS SU LEN PA LA RGYUD LDAN BLA MA DAM PA'I MAN NGAG DGOS PAR GZIGS NAS KHRI RIN PO CHE SBYIN PA RGYA MTSO BSAM SBYOR GNYIS KYIS TSUL BZHIN DU BSTEN NAS BYANG CHUB LAM GYI RIM PA'I MYONG KHRID LEGS PAR GSAN, DE NAS DGA' LDAN GYI KHRI SOGS MTHON PO'I GO SA LA RE BA MA MDZAD BAR TSE 'DI BLOS BTANG STE DBUS STOD LO DGON PAR BYANG CHUB LAM GYI RIM PA'I NYAMS LAN LA BRTZON PA CHU BO'I RGYUN BZHIN DU MDZAD PAS MYONG BA PHUL

PHYIN THON PA NA SKAL BA DANG LDAN BA GZHAN DAG LA'ANG, BYANG CHUB LAM GYI RIM PA'I MAN NGAG STZAL TE, DE DUS BYANG CHUB LAM GYI RIM PA LA SNYING NAS BLO SBYONG BAR 'DOD PA RNAMS BSHES GNYEN DAM PA 'DI LA BRTEN PA ZHIG BYUNG NGO, DAM PA 'DIS NI BKA' GDAMS GLEGS BAM LAS, THE TSOM THAMS CAD SPANG BYA ZHING, ,SGRUB LA NAN TAN GCES SU BYA, ,ZHES GSUNGS PA DANG, RJE RIN PO CHES, DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN TE BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ,ZHES GANG GSUNGS BDE LTAR DU BSGRUBS TE, TSE 'DI'I G-YENG BA DANG ZAB ZAB SNYAN SNYAN GYI CHOS SNA MANG PO LA 'JUG PA DOR TE DPAL AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG BA'I MAN NGAG BYANG CHUB LAM GYI RIM PA NYID LA TSIG SGRIL DU BYAS TE, PHYI RABS KYI GDUL BYA YONGS KYI MIG LTOS SU CHE BA ZHIG MDZAD DO, ,DE LTAR SGRUB PA MTHAR PHYIN PAR MDZAD NAS, SKU TSE 'DI'I 'DU BYED DOR BA NA BU PHA KHYIM DU 'GRO BA LTAR DGA' BZHIN SPRO BZHIN DU RJE 'JAM DPAL SNYING PO'I ZHABS DRUNG DU PHEBS SO, ,KHRI RIN PO CHE SBYIN PA RGYA MTSO DANG, BSHES GNYEN DAM PA 'DI GNYIS KYI RNAM THAR ZHIB MO MA MTHONG BAS SLAR RNYED NA 'DIR BSNAN PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BSHES GNYEN DAM PA BYAMS PA CHOS LDAN LA GSOL BA

, ,'DEBS SHING, BSHES GNYEN DAM PA 'DI'I RNAM THAR LTAR BLO SNA MANG PO MI BYA BAR BYANG CHUB LAM GYI RIM PA NYID LA NYAMS LEN CHIG BSGRIL DU BYA'O,, ` ,,KHRI CHEN NGAG DBANG MCHOG LDAN PA NI; MDO SMAD KYI YUL GYI CHA BTZAN TSO ZHES BYA BA'I LUNG PA'I LE LAG DKAR MO PHUGS SU YEB NANG SO PHYAG RDOR BKRA SHIS DANG YUM SBO CHOG GNYIS KYI SRAS SU SHENG MO SBRUL GYI LO SKU 'KHRUNGS, 'KHRUNGS TZAM NAS BZUNG THA MAL BYIS PA'I SPYOD PA MTHA' NGAG RGYANG RING DU SPANGS SHING SKU DRANG BOR BSRANGS TE SGOM BYED PA'I TSUL DANG GZUNGS SNGAGS BZLA BA SOGS DAM PA'I SPYOD PAS DUS 'DA' BA ZHIG BYUNG ZHING, NYE SKOR DU MI GZHAN GYIS TING NGE 'DZIN RGYAL PO'I MDO DANG, THAR CHEN GYI MDO GNYIS KLOG PA GSAN PA'I TSE MDO'I DON RNAMS PHAL CHER THUGS LA CHUD PA ZHIG BYUNG, DE NAS KHYIM NA GNAS PA NI NYON MONGS BA DANG NYES PA DU MA'I 'BYUNG GNAS DANG, RAB TU BYUNG BA NI YON TAN THAMS CAD KYI RTEN DU GZIGS NAS YAB YUM GNYIS LA KHO BO RAB TU 'BYUNG NGO ZHES YANG DANG YANG DU GSOL BA NA YAB YUM GNYIS KYIS KYANG MTHUN PA'I GROGS BYAS TE KHYIM NAS KHYIM MED PAR BYA KHYUNG CHOS SDER MKHAN PO NGAG DBANG TSUL KHRIMS LA GTZUG PHUD PHUL NAS RAB TU BYUNG STE MTSAN NGAG DBANG MCHOG LDAN ZHES BTAGS, TSIGS SDAM DGE TSUL GYI SDOM PA BZHES NAS DGO TSUL GYIS SLAB KHRIMS LAS NAM YANG MI 'DA' BAR BCA' KHRIMS TSUL

BZHIN DU BSRUNG BAR MDZAD, MKHAN PO DE NYID CHUL BZHIN DU BSTAN TA CHOS SPYOD KYI RIM PA RNAMS DANG, RGYAN 'JUG SOGS GZHUNG CHEN BZHI'I RTZA BA RNAMS KYANG PHAL CHER BZUNGS, SBYOR BA RTZI BA SOGS RIGS PA'I SGO 'BYED LA BRTZON PAR MDZAD PAS TSEGS MED PAR MKHYEN, SNGON YUN RING PA NAS SBYANGS PA'I BAG CHAGS SAD PAS 'KHOR BA'I PHUN TSOGS GANG LA'ANG MI CHAGS SHING, SRID LA NGES 'BYUNG DANG GIS SKYE BA DANG, CHOS KUN SNANG ZHING STONG PA SGYU MA LTA BU'I SNANG BA RANG SHUGS KYIS 'CHAR BA ZHIG BYUNG, DE NAS DGUNG LO BCO LNGA LA BAB PA NA 'JAM MGON BLA MA TZONG KHA PA CHEN PO'I RNAM THAR SKYONG PHYIR DBUS GTZANG DU SLOB GNYER LA 'BYON PAR BZHED NAS BYA KHYUD MKHAN PO DANG YAB YUM GNYIS LA DE LTAR GSOL PA NA KHONG RNAMS KYIS KYANG MTHUN PA'I GROGS LEGS PAR SBYAR TE DBUS SU PHEBS NAS SER THEG CHEN GLING DU BYON, BYES MKHAS MANG GRVA TSANG DU ZHUGS MI CHEN GYI RIGS YIN PAS THAMS CAD KYIS CHOS MDZAD MDZAD DGOS PAR BSKUL YANG MI CHEN GYI CHE SGROB KYIS SLOB GNYER LA GNOD DOGS NAS ZHAL GYIS MA BZHES PAR CHOS GRVA BA SPYI 'GRE MDZAD, BYES BLA MA RGYAL MTSAN DON GRUB YONGS 'DZIN DU BSTEN TE THOG MAR CHAD MA RNAM 'GREL LA SBYANGS, DE NAS RJE BTZUN CHOS KYI RGYAL MTSAN GYI YIG CHA'I STENG NAS PAR PHYIN LA SBYANGS, PHAR PHYIN GYI RGYA BOD KYI GZHUNG THAMS CAD LA 'DRIS PAR MDZAD, PHAR PHYIN GYI ZUR BKOL BZHI PO THUGS LA BYANG BAR GZUNGS

, ,NAS TSOGS RGYUGS 'BUL BAR MDZAD, LO BCU DGU TSUN LA PHAR PHYIN GYI GSAN SBYONG RDZOGS PAR GRUB BAR MDZAD NAS LO NYI SHU PAR GSANG PHUR PHAR PHYIN GYI GRVA SKOR MDZAD, DE NAS DBU MA'I 'DZIN GRVAR ZHUGS TE SE RA RJE BTZUN PA'I DBU MA'I YIG CHA YONGS RDZOGS THUGS LA GZUNG, 'PHAGS PA YAB SRAS KYI DBU MA'I GZHUNG RNAMS DANG, RJE YAB SRAS KYI DBU MA'I BSTAN BCOS RNAMS LA LEGS PAR SBYANGS TE MKHAS PA'I PHUL DU PHYIN PAR MDZAD, DE NAS DGUNG LO NYER GNYIS NAS NYER BZHI PA'I BAR LO GSUM GYI RING LA 'DUL MDZOD GNYIS LA SBYANGS TE MKHAS PA'I PHUL DU PHYIN PAR MDZAD DE, DGUNG LO NYER LNGA PA'I LO LHA LDAN SMON LAM CHEN MO'I THOG TU DKA' BZHI'I GRVA SKOR MDZAD, DE NAS RJE RIN PO CHE'I RNAM THAR LTAR GZHUNG LUGS GDAMS PAR SHAR BA'I NYAMS LEN MDZAD BZHED NAS SER RTZER RJE SGRUB KHANG PA DGE LEGS RGYA MTSO'I ZHABS DRUNG DU PHEBS NAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID RGYAS PAR GSAN TE MTHA' DAG THUGS SU CHUD PAR MDZAD PA NA RJE DGE LEGS RGYA MTSO THUGS SHIN TU MNYES NAS NA TSOD GZHON NU 'DI TZAM NAS LAM RIM LA SGRUB BA MTHAR PHYIN PA BYAS NA RTOGS PA THOB NAS BSTAN PA LA PHAN THOGS PA ZHIG 'ONG ZHES LUNG BSTAN YANG MDZAD, SNGAR GZHUNG LUGS LA SBYANGS PA GANG BYAS PA THAMS CAD TSIG GCIG KYANG DON MED DU

MA SONG BAR RANG GI RGYUD 'DUL BA'I MAN NGAG MCHOG TU GO NAS DPAL AA TI SHAS GSER GLING PA CHEN PO RTZA BA'I BLA MA 'GRAN GYI DO MED DU 'DZIN PA JI LTA BAR RJE SGRUB KHANG PA 'DI NI RTZA BA'I BLA MA 'GRAN GYI DO MED DU 'DZIN PAR MDZAD DE, RJE SGRUB KHANG PA'I MTSAN BRJOD PA NA PHYAG THAL MO SBYOR, SPYAN MCHI MA 'KHRUG PA ZHIG YOD PAR GSUNG NGO, ,RJE SGRUB KHANG PA LA LAM RIM GYI KHRID GSAN NAS KHRID SKYONG SKABS BLA MA'I GSUNG TSIG GCIG KYANG RAS SUM BOR BAR PHYAG DANG MAndAL GRANGS GSOG DANG, MCHOD PA'ANG SNOD GZHAN MAD PAR RDZA'I KHOG MA BKRUS TE DE NYID DU YON CHAB YANG DANG YANG DU 'BUL BA SOGS RJE SGRUB KHANG PA'I RNAM THAR NYAMS PA MED PAR SKYOD BAR MDZAD DO, ,DE NAS SNANG BA MTHA' YAS DUR SMRIG GAR GYI RNAM PAR ROL PA PAn CHEN THAMS CAD MKHYEN PA RJE BTZUN BLO BZANG YE SHES LAS BSNYEN RDZOGS THOB PA ZHIG BYUNG NA CI MA RUNG SNYAM DU SMON PAS DKA' BA KHYAD DU BSAD NAS MI CHEN GYI SGROB GANG YANG MA MDZAD PAR 'TSO CHAS RNAMS KYANG RANG GI KHRES POR BSNAMS TE BKRA SHIS LHUN POR PHEBS, PAn CHEN THAMS CAD MKHYEN PA'I ZHAL MJAL, ZHAL GYI DKYIL 'KHOR MTHONG MA THAG SA DANG PO THOB PA LTA BU'I DGA' BA DANG, SANGS RGYAS DNGOS SU MTHONG BA'I DAD PA BCOS MIN 'KHRUNGS, BSNYEN RDZOGS KYI SDOM PA THOB PAS THUGS LEGS PAR TSIM ZHING MKHAN CHEN THAMS CAD MKHYEN PA'I BKA' BZHIN 'DUL BA'I BCAS MTSAMS MTHA' DAG NYAMS PA MED

, ,PAR BSRUNGS TE THUB PA'I RGYAL TSAB CHEN POR GYUR TO, ,DE NAS GSANG SNGAGS LA SBYONG BAR BZHED NAS DPAL LDAN SMAD RGYUD GRVA TSANG LA ZHUGS, RGYUD SMAD CHOS RJE DGE 'DUN PHUN TSOGS BSAM SBYOR GNYIS KYIS TSUL BZHIN BU BSTEN TE RGYUD KYI RGYAL PO DPAL GSANG BA 'DUS PA 'GEL BA 'GREL BSHAD MAN NGAG LAG KHRID DANG BCAS PA DANG, MA RGYUD THAMS CAD KYI GTZO BO DPAL 'KHOR LO SNGOM PA RGYUD 'GREL MAN NGAG LAG KHRID DANG BCAS PA DANG, DPAL RDO RJE 'JIGS BYED CHEN PO'I RGYUD MAN NGAG LAG KHRID DANG BCAS PA LA SPYANGS TE MKHAS PA'I PHUL DU PHYIN PAR MDZAD NAS DGUNG LO NYER BDUN PA'I LO DBYAR GNAS THOG RGYUD CHEN DGE 'DUN PHUN TSOGS LA GSOL BA BTAB STE, PHYI MIG LUNG GI KHRID KHANG DU ZHUGS NAS MKHAS GRUB RIN PO CHE'I DKAR CHAG THO'I YIG CHUNG LAS JI LTAR 'BYUNG BA LTAR 'DUS PA'I RIM GNYIS KYI KHRID LAG LEN CHE PHRA MTHA' DAG NYAMS PA MED PAR KHRID PAR MDZAD, RGYUD CHEN DGE 'DUN PHUN TSOGS 'DI LA DPAL DBEN SA SNYAN RGYUD KYI MAN NGAG DANG, SRAD RGYUD KYI MAN NGAG DANG, RGYUD SMAD RANG GI RDO LAG BRGYUD KYI MAN NGAG GSUM GA MNGA' ZHING, DE YANG BKLAGS LUNG TZAM MIN PAR DMAR KHRID LAG RJES DANG BCAS PA ZHIB TU KHRID PAR MDZAD PAS LAM RIM GNYIS LA MI 'JIGS PA'I GDENG THOB, DE NAS 'JAM DBYANGS BZHAD PA RDO RJE LA YANG LAM RIM GYI KHRID DANG BSKYED RDZOGS KYI KHRID

DANG DBANG RJES GNANG MANG DU GSAN, GZHAN YANG DGE BA'I BSHES GNYEN DU MA LA DBANG LUNG MAN NGAG MTHA' YAS PA GSAN, DE NAS YAB YUM GYIS NAN GYIS BSKUL TE MDO SMAD DU BYON NAS LO NGO BZHI TZAM BZHUGS SLAR DGUNG LO SO GSUM GYI THOG DBUS SU PHEBS NAS KHRI CHEN DGE 'DUN PHUN TSOGS LA GSANG BDE 'JIGS GSUM GA'I BSKYED RDZOGS RNAMS KYI KHRID DANG RJE RIN PO CHE'I GSUNG 'BUM GYI LUNG SOGS CHOS BKA' MTHA' YAS PA GSAN, DGUNG LO SO BZHI PA'I LO GZHUNGS NAS MTHO LDING MKHAN POR BSKO BZHAG GNANG STE MTHO LDING GSER KHRIR PHEBS NAS LO CHEN RIN CHEN BZANG PO'I GDAN SA BSKYANGS TE LO CHEN GYI BSTAN PA'I DON DU SKU GSUNG THUGS RTEN RGYA CHEN PO BZHANGS BA RNAMS DANG MDO SNGAGS KYI 'CHAD NYAN BTZUGS PA RNAMS BAR SKABS SU NYAMS PA RNAMS DAM PA 'DIS LEGS PAR GSOS TE LO CHEN RANG NYID SLAR BYON PA LTAR MNGA' RIS SKOR GSUM DU MDO SNGAGS KYI CHOS RGYA CHER BSHAD DE BSTAN PA LA BYA BA RGYA CHEN PO MDZAD, MNGA' RIS SU LO BDUN GYI RING BSTAN PA'I BYA BA MDZAD NAS MTHO LDING GI KHRI BZHAG STE DBUS GTZANG DU 'BYON PA'I LAM ZHOR GANGS TE SE MJAL BAR PHEBS, GNAS DER BKA' RGYUD PA'I BLA MA GONG MA MANG POS PHYAG RJES DANG ZHABS RJES BZHAG PA MANG DU SNANG BA RNAMS GZIGS PA NA 'JAM MGON BLA MA'I BSTAN PA'I CHE BA 'DON PHYIR DAM PA 'DIS KYANG RDO LA ZHABS RJES 'JOG PAR MDZAD, DE NAS MANG YUL SKYID GRONG DU PHEBS TE RANG

, ,BYUNG WA TI BZANG PO LA MCHOD 'BUL SMON LAM RGYA CHER MDZAD, DE NAS SKYID GRONG GI LU BRAG KHA RI KHROD DU LI THANG RAB 'BYAMS PA BLA MA BLO BZANG CHOS 'KHOR LA CHOS MANG DU GSAN, DE NAS DPAL KHUD DU PHEBS NAS PAD MA CHOS SDINGS MJAL, BO DONG 'JIGS BRAL GYI GSUNG RNAMS LA SHIN TU DGYES PAR MDZAD, DE NAS RIM GYIS BSKRA SHIS LHUN POR PHEBS TE PAn CHEN THAMS CAD MKHYEN PA CHEN POR RTA BZANG PO SUM CU SKOR GYIS GTZOS PA'I 'BUL BA SPAM CHE BA MDZAD, BYANG CHUB LAM GYI SGRON MA SOGS CHOS MANG DU ZHU BAR MDZAD, DE NAS DBUS SU PHEBS TE GRUB PA'I DBANG PHYUG 'JAM DPAL RGYA MTSO BA LA MI TRA BRGYA RTZA SOGS DBANG RJES GNANG MANG DU GSAN, KHRI CHEN DGE 'DUN PHUN TSOGS LA BDE MCHOG RTZA RGYUD DANG SBAS DON KUN GSAL GNYIS RTZA 'GREL SBRAGS BA'I LUNG SOGS ZAB CHOS MANG DU GSAN, DE NAS RGYUD SMAD KYI KHRIL PHEBS TE RJE THAMS CAD MKHYEN PAS RJE BTZUN SHES RAB SENG GE LA PHA RGYUD GSANG BA 'DUS PA DANG, MA RGYUD 'KHOR LO SDOM PA GNYIS KYI RGYUD 'GRAL DANG, BSKYED RDZOGS KYI KHRID RNAMS RGYUN MI NYAMS PAR BYA BA'I PHYIR RGYUD GRVA 'DZUGS DGOS PAR BKA' PHEBS PA LTAR RJE SHES RAB SENG GES RJE'I BKA' LTAR RGYUD KYI RGYAL PO GNYIS KYI 'CHAD NYAN GTZO BOR BTON, BDE GSANG 'JIGS GSUM GYI CHO GA PHYAG LEN MTHA' DAG RGYUD DANG

RJE'I DGONGS PA LTAR RNAM PAR DAG PA'I RGYUD GRVA 'DZUGS PAR MDZAD CING RING ZHIG 'PHEL RGYAS SU GYUR NA'ANG BDE MCHOG GI SKOR 'DI LHAG PAR BKA' GNYAN PA DANG, DUS DBANG GIS BAR SKABS SHIG NAS BZUNG RGYUN CHAD PA DAM PA 'DIS GSO BAR BZHED NAS RJE RIN PO CHE NYID LA GSOL BSHUGS DRAG LA RGYUN RING BA BTAB, RJE RIN PO CHE'I BSTAN PA GNYER DU GTAD PA'I SRUNG MA MGON CHOS GNYIS LA 'PHRIN LAS BCOL TE SDE SNOD 'DZIN PA BLO GSAL DON GNYER CAN KHA SHAS DBEN DGON DU BTANG STE GRUB CHEN DBEN SA PA YAB SRAS KYIS JI LTAR BTZUGS PA'I BDE MCHOG GI CHO GA'I PHYAG LEN RNAMS NYAMS PA MED PAR BLANGS TE CHO GA RNAMS LEGS PAR BTZUGS, SNGAR NAS GSANG BA 'DUS PA'I 'GREL PA BZHI SBRAGS KYI 'CHAD NYAN RGYUN NYAMS PA MED PAR GNAS PA GONG 'PHEL GYI THOG BDE MCHOG RTZA RGYUD DANG, SBAS DON KUN GSAL RTZA 'GREL SBRAGS PA'I 'CHAD NYAN LEGS PAR BTZUGS, t'IKKA'I 'DZIN CHOS DANG, BDE GSANG GNYIS KYI BSKYED RIM DANG RIM LNGA GSAL SGRON GYI GZABS BSHAD 'JIGS BYED KYI BSKYED RDZOGS CHEN MO'i GZABS BSHAD DBYAR GNAS THOG 'DUS PA'I BSKYED RDZOGS KYI MYONG KHRID LO LO BZHIN NYAMS PA MED PA BSKYANGS, DON GNYER CAN 'GA' YAR LA KHRID CHEN BRGYAD KYANG GNANG STE RDO RJE THEG PA'I BSTAN PA CHES CHER SPEL BAS RGYAL BA'I BSTAN PA SPYI DANG KHYAD PAR RDO RJE THEG BA'I

, ,BSTAN PA LA BKA' DRIN ZLA MED DU MDZAD DO, ,GZHAN YANG BLO GSAL GLING ZHAL SNGA NAS BLO BZANG SBYIN PA DANG, GRUB BA'I DBANG PHYUG DON YOD MKHAS GRUB SOGS LA'ANG MDO SNGAGS KYI ZAB KHRID MANG DU GSAN, DE LTAR ME PHAG NAS ME SPRE'I BAR LO BCU'I RING LA DPAL LDAN SMAD RGYUD GRVA TSANG GI GDAN SA MDZAD DE CHOS ZANG ZING GNYIS KA'I SGO NAS DGE 'DUN GYI SDE LEGS PAR BSKYANGS, KHYAD PAR BDE MCHOG GI CHOS SKOR NYAMS BA GSAR DU GSO BAR MDZAD, YUN RING GNAS PA' PHYIR GZHUNG SA CHEN POR RTZOL BA CHEN POS ZHUS TE BDE MCHOG SGRUB MCHOD KYI MCHOD GZHI YANG GSAR SBYOR MDZAD, DE NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO SNGAGS KYI GSAN SBYONG MDZAD RGYU'I YONGS 'DZIN DU RJE 'DI PA SPYAN DRANGS PA NA RGYUD SMAD KYI GDAN SA BZHAG STE RGYAL BA MCHOG GI YONGS 'DZIN DU BZHUGS TE 'GAR THAR DU PHEBS, , 'GAR THAR DU BZHUGS PA'I RING RGYAL BA BSKAL BZANG RGYA MTSOR RGYUD SMAD KYI PHYAG BZHES BZHIN RDO RJE SLOB DPON MCHOD PA'I CHO GA SNGON DU BTANG STE NYIN RE BZHIN 'GREL BA BZHI SBRAGS NAS GZABS BSHAD RE DANG RGYUD t'IKA GI 'DZIN CHOS 'CHAG MED NGOS BAR BAR DU DBANG RJES GNANG GI RIGS DANG LUNG GI RIGS 'BUL BAR MDZAD, DGUN DUS PHAL CHER BCAD RGYAR BZHUGS SHING RGYUD PA'I PHYAG BZHES LTAR DBYID SOS NAS BZUNG RGYUD 'GREL GYI

'CHAD NYAN GONG 'PHEL DU MDZAD DE BKLAGS LUNG TZAM GYIS CHOG BAR MA MDZAD BAR RTZA RGYUD DANG BA SHAD RGYUD RNAMS SHAN SBYAR, DE DAG GI DON 'PHAGS PA YAB SRAS KYI GZHUNG RNAMS DANG RJE YAB SRAS KYI GZHUNG RNAMS DANG SBYAR TE MTHA' DRUG DANG TSUL BZHI DON MTHA' DAG BAR BSHAD, RGYAL BA MCHOG 'DI'ANG SPYIR RGYAL BA'I DAM CHOS MA LUS 'DZIN PA DANG, KHYAD PAR BLA MED RDO RJE THEG PA'I BSTAN PA NYAMS PA RNAMS GSO BA DANG RGYUN CUNG ZAD GNAS PA RNAMS CHES CHER SPEL BAR BZHED PA'I LHAG BSAM SNYING STOBS LHAG PAR CHE BAS RGYA MTSO CHEN PO CHUS MI NGOMS PA LTAR BLA MA RDO RJE 'CHANG GIS JI TZAM BSHAD KYANG TSIM BA MED PAR GONG 'PHEL DU MDZAD, 'GAR THAR DU BZHUGS RING THOS BSAM SGOM PA'I BYA BA MTHA' DAG DBYAR GYI MTSO DANG YAR NGO'I ZLA BA LTAR GONG 'PHEL DU GYUR PA ZHIG BYUNG, DE LTAR LO GNYIS LHAG TZAM GYI RING LA 'GREL PA BZHI SBRAGS NAN TAN DU BYAS NAS THUGS SU CHUD PAR MDZAD, DE NAS DBUS SU 'BYON PAR CHAS PA NA GONG MI RGYAL KHAB NAS LCANG SKYA RIN PO CHE YANG PHEBS TE RGYAL BA MCHOG DANG RJE 'DI GNYIS KA LA MDO SNGAGS KYI CHOS MTHA' YAS PAR GSAN ZHING LHAG PAR RJE 'DI LA 'GREL BA BZHI SBRAGS DANG, RIM LNGA GSAL SGRON GYI GZABS BSHAD DANG, KHRID CHEN BRGYAD SOGS MDO SNGAGS KYI ZAB CHOS MTHA' YAS PA GSAN ZHING RJE 'DIS KYANG BUM PA GANG BYO LTA BUR GNANG BAR MDZAD, DE NAS PHO BRANG CHEN POR PHENGS NAS KYANG RGYAL BA MCHOG LA MDO SNGAGS KYI ZAB

, ,CHOS MTHA' DAG RIM GYIS 'BUL BAR MDZAD CING, RGYAL BA MCHOG GI BKAS DGA' LDAN GYI GSER KHRIR PHEBS TE RJE RIN PO CHE'I MDZAD SROL RNAMS MA NYAMS PAR BSKYANGS, LO BDUN GYI RING LA GSER KHRI SKYONG BAR MDZAD, DE NAS KHRI BZHAG STE PHO BRANG CHEN POR BCAR BZHUGS KYIS RGYAL BA MCHOG LA CHOS 'BUL DGOS RNAMS DANG DON GNYER CAN GZHAN MANG PO LA'ANG CHOS RGYA CHER GNANG, DE NAS DGUNG LO BDUN CU LON NAS SKU SMIN TSUL CHE BAR PHEBS PA NA GSER SRANG BRGYA PHRAG BRGAL BA BTUL TE GANGS RI'I LJONGS KYI RTEN BYIN RLABS CAN RNAMS LA GSER GSOL MDZAD, MDOR NA BDAG NYID CHEN PO 'DIS DGE BA'I BSHES GNYEN TSUL BZHIN DU BSTEN NAS BKA' MDO RGYUD MTHA' DAG LA MKHAS PAR SBYANGS PAS YANG DAG PA'I LAM LA RIGS PA'I LAM NAS DRANGS PA'I NGES PA GTENG TSUGS PA RNYED CING GRUB MTHA' RGYA MTSO LTA BU'I PHA ROL DU PHYIN, NGES 'BYUNG GI BSAM PA BCES MIN DU 'KHRUNGS PAS ZAG BCAS KYI BDE BA MTHA' DAG LA ZHEN PA GTING NAS LOG, BDAG PAS GZHAN GCES PA'I BYANG CHUB KYI THUGS 'BYONGS PAS SGO GSUM GYI MDZAD PA MTHA' DAG GZHAN DON 'BA' ZHIG TU GYUR, PHYI NANG GI RTEN 'BREL THAMS CAD CHU ZLA LTAR GZIGS PAS YE SHES DANG THABS MKHAS PA'I PHA ROL TU PHYIN, LAM RIM PA GNYIS KYI RNAL 'BYOR DANG BDE STONG GI TING NGE 'DZIN LA MNGA' BRNYES PAS MKHA' 'GRO DBANG DU 'DU ZHING CHOS SKYONG SRUNG

MA BRANG DU 'KHOL, RGYAL BA'I DAM CHOS 'DZIN PA'I SMON LAM GYI MTHU GRUB PAS DUS KYI MTHA' 'DIR YANG THUB BSTAN SPYI DANG, KHYAD PAR RGYAL BA BLO BZANG GRAGS BA'I BSTAN PA'I GNAD MTHA' DAG NYIN MO LTAR GSAL BAR MDZAD PA ZHIG YIN LA, SGRUB PA NYAMS LEN GYI DBANG DU BGYIS NA GANGS TE SE, KAM PO GNAS NANG, RTA SO BRAG DKAR, BZHAG PRAG GANGS RI, RI BO DGE LDAN, PHA BONG KHA LA SOGS PA'I SGRUB GNAS DU MAR SKU MTSAMS YUN RING DU MDZAD CING, GZHAN YANG BREL BA CHE SKABS MA GTOGS MNGA' RIS SU PHEBS PA NAS BZUNG GZHAN DON DU DGONGS PA GTAD PA TSUN CHAD LO RE BZHIN MA THA ZLA BA GSUM BZHI RE TZAM MA CHAG PAR SKU MTSAMS MDZAD CING RGYUN PA'I THUGS DAM GYI RIM PA YANG; SNYAN RGYUD BAL MA'I RNAL 'BYOR LA BRTEN PA'I DBANG BZHI LEN PA DANG, BYANG CHUB DE LAM GYI STENG NAS LAM RIM GYI DMIGS KHRID SKYONG BA, GSANG 'DUS MI SKYOD RDO RJE, BDE MCHOG DRIL BU LUS DKYIL, 'JIGS BYED LHA BCU GSUM MA GSUM GYI RNAL 'BYOR RGYAS PA RANG RANG GI RDZOGS RIM GYI NYAMS BZHES DANG BCAS PA, MYUR MDZAD MGON PO PHYAG DRUG BAS GTZOS SRUNG MA RNAMS LA GTOR BSNGO RGYAS PA CHAB GTOR BRGYA RTZAL SOGS PA'I CHOS SPYOD GTOR MA'I RIM BA, THABS SHES 'OD KYI NYAMS LEN RNAMS CHAG MED DU MDZAD CING THUN MTSAMS SU PHYAG DANG MAndAL SNGON DU 'GRO BA'I BYANG CHUB KYI SEMS SPYOD BA NYID LA THUGS DAM GYI GTZO BOR MDZAD PA YIN ZHING RGYUN BSNYEN YANG DKYIL

, ,'KHOR GTZO BO'I RTZA SNGAGS RNAMS DANG, KHYAD PAR 'JIGS BYED GYI RTZA SNGAGS LNGA BRGYA TZAM RE CHAG MED DU BZLA BA DANG, RDO RJE BZLAS PA DANG, BUM PA CAN GYI RLUNG SBYOR YANG MANG DU MDZAD PAR SNANG NGO, , LEGS PAR BSHAD PAS GDUL BYA BSKYANGS PA'I RIM PA YANG, MNGA' RIS SU PHEBS BA NAS BZUNG GZHAN DON DU DGONGS PA GTAD PA TSUN CHAD LO RE GNYIS TZAM MA GTOGS PHAL CHER LAM RIM GYI KHRID RGYAS BSDUS GANG YANG RUNG BA REM CHAG PAR MDZAD CING LAM RIM CHEN MO'I BSHAD LUNG YANG BCU PHRAG BRGAL BA DANG, 'GREL PA BZHI SBRAGS KYI STENG NAS 'DUS PA'I RGYUD KYI BSHAD PA TSAR NYI SHU LHAG DANG, RIM LNGA GSAL SGRON BDE MCHOG SBAS DON KUN GSAL LA SOGS PA GZHUNG CHEN MO DU MA'I BSHAD PA DANG, DBANG KHRID LUNG RJES GNANG MTHA' YAS PA'I SGO NAS BSTAN PA LA BYA BA RGYA CHER MDZAD CING, LHAG PAR RGYAL BA MCHOG LA LO NYI SHU RTZA BZHI'I BAR DU YONGS 'DZIN MDZAD DE CHOS BKA' THAMS CAD BUM PA GANG BYO'I TSUL DU PHUL, RGYAL BA MCHOG NAS KYANG YONGS 'DZIN RNAMS KYI NANG NAS RJE 'DI PA BKA' DRIN ZLA MED DU 'DZIN PAR MDZAD DO, ,DE NAS DGUNG LO BDUN CU DON LNGAR PHEBS PAN RGYAL BA MCHOG LDAN NI NA SO RGAS PAS 'GOL SA ZHIG TU BSDAD CHOG PA DGOS PAS DPAL 'KHOR CHOS SDE PHUL NAS RA SGRENG DED RANG LA GNANG BA DANG, DER SDAD CHOG PA DGOS ZHES ZHUS PAN, RGYAL BA MCHOG KYANG THUGS NGAL CHAS CHE

BAR MDZAD DE, KHRI CHEN GYI GZIM CHUNG DU PHEBS NAS BLA MA DAM PA'I SKU DANG GSUNG GI BABS LA GZIGS NAS ZHING KHAMS GZHAN DU DGONGS PA GTAD PA YA MI GNANG BA ZHU ZHES BKA' GNANG YANG YANG STZAL BA DANG GNAS CHEN RNAMS GYI RTEN MTHA' DAG LA MCHOD 'BUL DANG GRVA SA CHEN PO GSUM GYIS GTZOS PA'I DGON KHAG RNAMS LA MANG 'GYED RGYA CHER GNANG STE SKU'I RIM GRO SGRUB PA DANG SGRUB SDE KHAG RNAMS SU SKU TSE'I SGRUB PA 'DZUGS PA SOGS THUGS KHUR CHEN PO BA ZHES, SMAN PA RNAMS LA'ANG GSAL SMAN 'BUL LUGS SOGS GANG CI NAS BKA' NAN YANG YANG PHEBS KYANG, KHRI CHEN 'DIS DA NI NGES PAR DGONGS PA GNANG DGOS RGAN POR SGRENG DU 'CHIS BYED CES ZHUS BA NA GONG SA THAMS CAD MKHYEN PA GZIM SHAG TU PHEBS NAS DE 'DRA BKA' MI GNANG BA DGOS ZHES DPAL 'KHOR CHOS SDE YANG THUGS TSAGS GNANG BA DANG, RA SGRENG YANG PHUL CHOG BZHUGS YUL PHO BRANG 'DI KHA RANG DU GNANG DGOS ZHES MAndAL GYIS MCHON DNGOS PO SPAM CHE BA 'BUL BA GNANG STE SPYAN CHAB DANG BCAS GSOL BA SHUGS DRAG 'DEBS PAR MDZAD KYANG, KHRI CHEN 'DI PAS RGYAL BA THUGS RJE CHE BDAG RANG NGOS NAS CHUNG NGU NAS CHOS BYAS 'JAM MGON BLA MA'I BSTAN PA LA ZHUGS, SLOB GNYER MTHAR PHYIN PAR BYAS, BSAM SGOM YANG GANG 'GRUB BYAS NYAMS MYONG DANG DAG PA'I MTSAN MA YANG MANG DU SHAR, LHAG PAR RGYAL BA MCHOG LA MDO

, ,SNGAGS KYI CHOS RNAMS LEGS PAR PHUL GRUB PAS BLO BDE, RGYAL BA MCHOG GIS TSE RABS THAMS CAD DU RJES SU 'DZIN DGOS DE LAS ZHU RGYU MED CES GSAN DU MA BZHED, DE NAS RA SGRENG DU PHEBS PA'I SNGA ZHOGS NAM SENG TZAM LA GONG SA SKYABS MGON CHEN PO TSUR GZIM SHAG TU PHEBS YAB SRAS GNYIS GSUNG GLENG SHIN TU MANG BA DANG PHAN TSUN 'BRAL MI PHOD PA'I TSUL GYIS SPYAN CHAB MANG DU BSIL NAS BYIN RLABS ZHU RES MDZAD, RJE RANG GI 'BRAL SPANG LTA BU'I THUGS DAM RTEN RJE BTZUN MKHA' SPYOD MA'I SKU BYIN RLABS CAN ZHIG GONGS RIN PO CHER PHUL TE, MGON PO KHYED ZHABS PAD BRTAN PA DANG, 'PHRIN LAS DA LTA'I MU BZHIN RGYAS PA, BDAG SKYE BA THAMS CAD DU 'BRAL MED RJES SU GZUNG DU GSOL, 'O; BAN RGAN GYI SMON LAM 'DEBS RGYU DE YIN THUGS RJES ZUNGS ZHES ZHUS SHING RGYAL BA MCHOG NAS KYANG ZHAL BZHES BZANG PO GNANG, SKU HAR GYI BZHENGS TE GZIM CHUNG MDO BAR DU PHEBS SKYEL MDZAD SKABS GONG SA MCHOG GI DBU RJE 'DI PA'I THUGS KA'I THAD DU GTAD NAS THUGS SMON YUN RING GNANG ZHING SPYAN CHAB BSIL, PHO BRANG CHEN PO'I RGYAL SGO'I NYE 'GRAM NAS PHEBS BYAMS LA GDAN DRANGS, GSOL DPON CHEN MO GRAGS PA MTHA' YAS SOGS RTZE DRUNG NANG MA RNAMS LA BSLAB BYA ZHAL GDAMS MANG DU GNANG, DE NAS RIM GYIS RA SGRENG DU PHEBS 'THOG

DGUNG LO BDUN CU DON LDAR PHEBS PA LUG LO ZLA BA BRGYAD PA'I TSES BDUN GYI NYIN KHRI MTHON PO ZHIG BSHAM BCUG NAS DER BZHUGS PA MDZAD, GONG SA MCHOG NAS CHED DU SGRUB GNANG GI BUM CHU DANG 'PHEL GDUNG SOGS GNANG BA TSES BRGYAD KYI SNGA DRO 'BYOR PAS PO TA LA NGOS SU PHYAG THAL MO SBYAR NAS BZHES PA GNANG, DRO GONG SKABS CHAR ZIM BU ZHIG 'BAB BZHIN PA LA ZHABS RDO RJE SKYIL KRUNG, PHYAG GNYIS MNYAM GZHAG DANG SKU DRAD POR BSRANGS TE STONG PA GSUM RIM GYIS THIM PA'I THAMS CAD STONG PA 'OD GSAL CHOS KYI SKU MNGON DU MDZAD, GZUGS SKU RAGS PA'I ZA MA TOG NAS YE SHES KYI SKU KHA SBYOR BDUN LDAN GYI RNAM PA CAN DU BZHENGS BA; ZHING DAG PA RAB 'BYAMS KYI DPA' BO DANG MKHA' 'GRO'I TSOGS BYE BA 'BUM GYIS RMAD DU BYUNG BA'I LHA RDZAS KYI MCHOD PA'I SPRIN PHUNG BSAM GYIS MI KHYAB PA DANG BCAS PAS BSUS TE DGA' LDAN MI PHAM CHOS KYI BLA MA'I MDUN SA CHEN POR GSHEGS PAR GYUR TO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS KHRI CHEN NGAG DBANG MCHOG LDAN LA GSOL BA 'DEBS SHING BDAG NYID CHEN PO 'DI'I RNAM THAR LTAR MDO SNGAGS GNYIS KA'I LAM GYI GNAD RNAMS LA 'KHRUL MED KYI NGES PA BRTAN PO BTZAL LA NYIN RE BZHIN DU BAG CHAGS CI THEBS BYA'O,, ` ,,

, ,GANG BLO SNYING RJE BZANG PO'I GZHAN DBANG GIS, ,BSKAL BZANG SGRON ME'I SNANG BA CAN GYI DUS, ,RGYA MTSO'I GOS CAN GZHIR GNAS 'GRO BA RNAMS, ,'KHRID BZANG BLA MA MCHOG LA GSOL BA 'DEBS ZHES BSNGAGS PA, RGYAL BA THAMS CAD MKHYEN PA BLO BZANG BSKAL BZANG RGYA MTSO NI, SNGON YUN RING PO NAS BYANG PHYOGS GANGS RI'I KHROD 'DI NYID KYI PHYAG MTSAN DU BZHES TE SNYIGS DUS THUB DBANG BSTAN PA'I SGRON MA 'DZIN PAR THUGS BSKYED PA LTAR MDO KHAMS LI THANG THUB CHEN BYAMS PA GLING GI LHA ZHOL DU RAB BYUNG BCU GNYIS PA'I KUN 'DZIN ZHES PA SA PHO BYI BA'I LO ZLA BA BDUN BA'I TSES BCU DGU'I NYIN YAB BSOD NAMS DAR RGYAS DANG, YUM BSOD NAMS CHOS MTSO GNYIS KYI SRAS SU NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE'I TSE LHA DANG BLA MAS BYIN GYIS BRLABS PA'I MTSAN LTAS MKHAN ZHIG GIS LUNG BSTAN PA LTAR BSKAL BZANG RGYA MTSO ZHES MTSAN GSOL, DE 'DRA BA'I RGYAL SRAS GZHON NU DE NI DBU GDUGS LTAR RGYAS SHING, DPRAL BA'I DBYES CHE BA, SPYAN DKYUS RING ZHING SHANGS KYI GZENGS MTHO BA, SKU'I CHA THAMS CAD LA BKRA SHIS PA'I RI MO DU MA YOD PA, BYIS PA THA MAL BA'I SPYOD TSUL LAS 'DAS TE SKYIL KRUNG BCAS TE CHOS KYI DON SEMS PA DANG, CHOS 'CHAD PA'I TSUL SOGS BLA CHEN GYI SPYOD TSUL SNA TSOGS MDZAD BAS SKU MTHONG BA DANG MDZAD SPYOD KYI TSUL THOS PA DANG,

LHA DANG SRUNG MA MANG PO'I LUNG BSTAN PHYOGS KUN NAS BSGRAGS PAS GOO SHR'I BSTAN 'DZIN CHOS RGYAL GYI GDUNG BRGYUD RNAMS KYIS GTZOS MCHO SNGON DPON KHAG RNAMS DANG, 'DZAM GLING YANGS PA'I KHYON LA STOBS KYIS 'KHOR LOS BSGYUR BA 'JAM DBYANGS GONG MA BDAG PO CHEN POS GANGS CAN 'GRO BA'I MGON PO NI 'DI'O ZHES GZENGS BSTOD MDZAD CING, DE LA BRTEN NAS MDO KHAMS PHYOGS KYI CHOS KYI GDAN KHRI 'DZIN PA'I BLA CHEN RNAMS DANG, SKYES RABS DU MAR BYON PA'I SPRUL SKU RNAMS KYIS GTZOS MCHOG DMAN MTHA' DAG 'UR LANGS TE ZHABS KYI PADMO LA MNGON BAR BTUD CING, CHOS SDE CHE PHRA RNAMS DANG SDE DPON 'BANGS BCAS NAS YO LANGS CHEN POS BSNYEN BKUR GYI MCHOD PAR BYAS SO, ,DE NAS RGYAL SRAS GZHON NU DE RDZING GI PADMA BZHIN DU BSKYED DRAG PAR GYUR TE DGUNG LO BZHI LA BAB PA'I TSE THUB DBANG GNAS BRTAN BCU DRUG DANG BCAS BAS DNGOS SU BYIN GYIS BRLABS SHING, DGUNG LO LNGA PA'I DUS SU 'JAM MGON BLA MA TZONG KHA PA CHEN POS BYIN GYIS BRLABS BAS GLO BUR NYID DU DBUS GTZANG CHOS KYI ZHING DU 'GRO ZHES GSUNG BYON ZHING DE'I RTEN 'BREL KYANG MANG DU BSGRIG BAR MDZAD PA ZHIG BYUNG, SKUN PHRA MO DE TZAM GYI DUS NA'ANG DAD PAS LHAGS PA'I GDUL BYA DAG LA RANG RANG GI SKAL BA DANG 'TSAM BA'I CHOS KYI BDUD RTZI STZOL BAR MDZAD CING, LHAG PAR CHU BZANG NO MON HAN PHEBS NAS MAndAL PHUL TE CHOS KYI BDUD RTZI GNANG DGOS PAR GSOL

, ,BA BTAB PAN, CHOS GOS DUR SMRIG RGYAL MTSAN 'CHANG BA'I SKU, ,CHOS PHUNG BRGYAD KHRI BZHI STONG SGROG PA'I GSUNG, ,CHOS DBYINGS NGANG LAS G-YEL BA MED PA'I THUGS, ,CHOS KYI RGYAL PO RGYAL BTZONG KHA PA, ,GSOL BA 'DEBS SO BYIN GYIS BRLAB TU GSOL, ,ZHES PA 'DI THOGS MED DU STZAL BAS GDUL BYA MTHA' DAG MI PHYED BA'I DAD PA'I SA LA BKOD, DE NAS TSA GAN NO MON HAN NGAG DBANG BLO BZANG BSTAN PA'I RGYAL MTSAN YONGS 'DZIN DU BSTEN NAS DBANG LUNG MAN NGAG BRGYUD MAR GSAN TE SKU NA PHRA MO'I DUS DE NYID NAS GDAMS PA'I GTER DU GYUR, DE'I TSE GSOL BA 'DEBS PA MANG PO LA THUGS RJE CHEN PO'I RJES GNANG SOGS RJES GNANG DANG LUNG GI RIGS DU MA BRGYUD MAR STZAL, DE NAS DGUNG LO BRGYAD PA SHING MO LUG GI LO LI THANG NAS CHIBS BSKYOD, MDO KHAMS PHYOGS KYI CHOS SDE CHEN PO DU MA DANG SDE DGE SOGS YUL GRU DU MAR SPYAN DRANGS, TSA GAN NO MON HAN SOGS KYIS GSOL BA BTAB STE SER SKYA STONG TZAM LA THUGS RJE CHEN PO PHYAG BZHE PA'I RJES GNANG SNGON 'GRO'I CHOS BSHAD SOGS CHES RGYAS PAR STZAL BAS KUN MI PHYED PA'I DAD PA LA BKOD CING, MDO KHAMS PHYOGS KYI SER SKYA PHAL MO CHES, DGOS 'DOD KUN 'BYUNG NOR BU BSAM 'PHEL KHYOD, ,YON TAN THAMS CAD MA BSLABS THUGS SU CHUD, ,THOS BSAM SGOM PA MTHAR PHYIN GRUB BA BRNYES, ,'PHRIN LAS RGYUN MI

'CHAD LA GSOL BA 'DEBS, ,ZHES 'DON PA BYUNG, DE SKABS NAS LAM RIM CHEN MO LJAGS 'DZIN MDZAD CING, DPAL LDAN SA GSUM MA DANG 'JAM DPAL MTSAN BRJOD RGYUN DU ZHAL 'DON DU MDZAD DO, ,DE NAS ME PHO SPRE'U'I LO 'JAM DBYANGS GONG MA CHEN PO'I BKAS BSKUL ZHING MDO KHAMS PHYOGS KYI CHEN PO MTHA' DAG BLO MTHUN BAR SKU 'BUM DU PHEBS BAR GSOL BA BTAB STE RGYAL BA TZONG KHA PA CHEN PO GANG DU 'KHRUNGS PA'I SA'I CHA SKU 'BUM DU PHEBS, RGYAL BA BSOD NAMS RGYA MTSO'I CHOS KYI KHRI LA ZHABS SEN BKOD NAS DGE 'DUN STONG PHRAG MANG PO TSOGS PA LA SKYES RABS SO BZHI BA'I DBU NAS CHOS THUN GCIG GZABS BSHAD GNANG BA SOGS BSTAN 'GRO'I DON RGYA CHER MDZAD CING; CHU BZANG NO MON HAN LAS RDO RJE 'JIGS BYED KYI DBANG GSAN, DE NAS SNGON YUN RING PO NAS GOMS PA'I BAG CHAGS BRTAS PA'I MTHUS KHYIM PA'I CHA LUGS LA MI DGYES SHING SKRA BREGS RAB TU BYUNG BA'I CHA LUGS MDZAD BZHED PA NA LO DE'I HOR ZLA BCU PA'I TSES NYI SHU'I NYIN CHA GAN NO MON HAN DANG CHU BZANG NO MON HAN GNYIS KYIS MKHAN SLOB MDZAD DE SKRA BCAD NGUR SMRIG GI NA BZA' BSKON TE BSLAB SDOM PHUL, MTSAN NGAG GI DBANG PHYUG CHOS KYI GRAGS PA THUB BSTAN RGYAL MTSAN DPAL BZANG PO ZHES GSOL, DE NAS GZHUNG LUGS LA SBYONG BAR BZHED DE CHU BZANG NO MON HAN GYIS YONGS 'DZIN MDZAD NAS MTSAN NYID KYI GZHUNG CHEN MO LNGA'I DBU NAS RTZI SHAG GNANG STE

, ,GSAN SBYONG GI DBU TSUGS, RIM GYIS BSDUS GRVA'I GSAN SBYONG MDZAD PAS RING POR MA THOGS PAR MKHAS PA'I PHUL DU GYUR TE SKU 'BUM 'DUS TSOGS KYI DBUS SU DAM BCA' YANG 'JOG PA MDZAD, DE NAS GANGS CAN SKYE 'GRO YONGS KYI BSOD NAMS KYI MTHUS DGUNG LO BCU GSUM PA LCAGS PHO BYI BA'I LO GONG MA CHEN PO'I SKU CHAB SOGS DPA' BO STONG PHRAG MANG POS BAR CHAD BSRUNGS SHING BLA CHEN MANG POS MTHA' BSKOR TE SKU 'BUM NAS CHIBS BSKYOD DE LO DE'I ZLA BA DGU PA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS TE SER SKYA BGRANG BA LAS 'DAS PA LA ZHAL GYI DKYIL 'KHOR BSTAN TE GANGS CAN SKYE 'GRO MTHA' DAG DBUGS PHYIN PA THOB PAR MDZAD DO, ,DE NAS PHO BRANG CHEN PO PO TE LAR PHEBS, MGON PO SPYAN RAS GZIGS KYI RIGS KYI COD BAN SNANG BA MTHA' YAS DUR SMRIG GAR GYI RNAM PAR ROL BA PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO SPYAN DRANGS TE, PHO BRANG CHEN PO'I GZIM CHUNG NYI 'OD 'KHYIL DU LCAGS BYI LO DE KHA'I MGO ZLA BA'I YAR NGO'I TSES LNGA'I NYIN PAn CHEN THAMS CAD MKHYEN PA CHEN POS MKHAN SLOB SBRAGS MA MDZAD, KHRI CHEN DGE 'DUN PHUN TSOGS KYIS DUS GO BA MDZAD DE, TSIGS SNGA MA DGE CHUL DU BSGRUBS, MTSAN SNGAR GYI THOG TU BLO BZANG ZHES BSNAN TE, BLO BZANG BSKAL BZANG RGYA MTSO ZHES GSOL, DE NAS PAn CHEN THAMS

CAD MKHYEN PA CHEN PO RJE BCUN BLO BZANG YE SHES LA LAM RIM CHEN MO LAS DBU BTZUGS TE CHOS RGYUN DU GSAN PAR MDZAD, LHAG PAR PAn CHEN THAMS CAD MKHYEN BA CHEN PO LA DPAL RDO RJE 'JIGS BYED CHEN PO'I DBANG BZHI YONGS SU RDZOGS PA GSAN, PAn CHEN THAMS CAD MKHYEN PA CHEN POS KYANG RJE 'DI LA RGYAL BA TZONG KHA PA CHEN BO'I RNAM THAR LTAR DANG POR SHING RTA CHEN PO'I GZHUNG LUGS RNAMS LA MTHA' CHOD PAR SBYONG BA DANG, DE NAS GZHUNG LUGS GDAMS BAR 'CHAR BA'I NYAMS BZHES RNAMS LA 'BAD PA DANG, DE NAS 'JAM MGON BLA MA'I BSTAN PA RIN PO CHE 'DI NYID PHYOGS KUN TU SPEL BAR MDZAD NAS BSTAN PA'I SROG SHING G-YO BA MED PA ZHIG MDZAD DGOS ZHES ZHAL TA ZHIB PAR ZHU BAR MDZAD, DE NAS RJE 'DI PAS 'BROM RIN PO CHES JO BO RJE JI LTAR BSTEN PA LTAR GYI RNAM THAR RJES SU BSKYANGS TE PAn CHEN THAMS CAD MKHYEN PA CHEN PO RIGS KYI COD PAN DU BZUNG NAS GUS PA BLA LHAG TU MDZAD DE PAn CHEN THAMS CAD MKHYEN PA CHEN PO GTZANG DU CHIBS BSKYOD LA NYE BAN RJE 'DI NYID PAn CHEN THAMS CAD MKHYEN PA CHEN PO GZIM CHUNG KHAMS GSUM RNAM RGYAL DU BZHUGS PA'I SKU MDUN DU PHEBS TE GSER DNGUL SOGS YO BYAD DPAG TU MED PA PHUL NAS BSTAN 'GRO'I DON DU ZHABS PAD YUN RING DU BRTAN DGOS TSUL SOGS GSOL BA SHUGS DRAG TU 'DEBS PAR MDZAD, PAn CHEN THAMS CAD MKHYEN PA CHEN POS KYANG SNGAR ZHUS PA LTAR GSAN SBYOD DBYIS BYIN

, ,PA GNANG DGOS TSUL SOGS THUGS YID GCIG TU 'DRES PA'I BKA' MCHID ZHIB TU MDZAD, DE NAS PAn CHEN THAMS CAD MKHYEN PA'I BKA' RNAMS THUGS LA BCANGS TE KHRI RIN PO CHE BLO BZANG DAR RGYAS YONGS 'DZIN DU BSTEN NAS 'BRAS SPUNGS SU CHIBS BSKYOD DE THOG MAR ZHAG SHAS BSDUS GRVA'I RTZI SHAG GSAN PAN SNGAR NAS SKU 'BUM DU SBYANGS ZIN PAS THOGS PA MED PAR MKHYEN TE TSAD MA SDE BDUN MDO DANG BCAS PA LA SBYONG BAR MDZAD, DE'I TSE GRVA SAR SLOB GNYER BYED PA BYINGS DANG MTSUNGS BAR NYIN RE BZHIN DU SNGA DGONG GNYIS KAR RTZI SHAG TSAR RE 'CHAG MED DU GSAN ZHING, MTSAN NYID ZHABS PHYI RNAMS DANG CHOS KYI 'BEL GTAM LA BRTZON PAR MDZAD PAS RING POR MA THOGS PAR TSAD MA'I GZHUNG LUGS LA MKHAS PA'I PHUL DU PHYIN PAR GYUR TO, ,DE NAS PHAR PHYIN LA GSAN SBYONG MDZAD BZHED DE PAn CHEN BSOD NAMS GRAGS PA'I PHAR PHYIN THUGS 'DZIN MDZAD, LEGS BSHAD GSER PHRENG DANG RNAM BSHAD SNYING PO'I RGYAN SOGS RJE YAB SRAS KYI GSUNG RNAMS GZHIR BZHAG RGYA BOD KYI YIG CHA MTHA' DAG LA GZIGS RTOG MDZAD PAS RING POR MA THOGS PAR PHA ROL TU PHYIN PA'I GZHUNG LA MKHAS PA'I PHUL DU PHYIN PAR GYUR, DE NAS DBU MA'I GZHUNG LA SBYONG BAR BZHED DE KHRI RIN PO CHE DPAL LDAN GRAGS PA YONGS 'DZIN DU BSTEN NAS NYIN RE BZHIN RTZI SHAG THUN GNYIS RE 'CHAG MED GSAN NAS 'PHAGS

PA KLU SGRUB YAB SRAS KYI DBU MA'I GZHUNG RNAMS DANG RJE BDAG NYID CHEN POS MDZAD PA'I DBU MA'I t'IKA CHEN RNAM GNYIS, LEGS BSHAD SNYING PO, LHAG MTHONG CHE CHUNG SOGS RJE YAB SRAS KYI GSUNG RNAMS LA ZHIB TU DPYAD DE RTAG 'GRUS CHEN POS SBYONG BAR MDZAD PAS RING POR MA THOGS PAR DBU MA'I GZHUNG LA SBYANGS PA MTHAR PHYIN PAR GYUR TO, ,DE NAS RJE 'DI PA YONGS GRAGS KYI DGUNG LO BCU DGU MNGAL BSHOL RTZIS PA'I NYI SHUR PHEBS PA ME PHO RTA'I LO RIGS KYI COD PAN PAn CHEN THAMS CAD MKHYEN PA CHEN PO RJE BTZUN BLO BZANG YE SHES SPYAN DRANGS NAS LHA LDAN SPRUL PHA'I GTZUG LAG KHANG DU SA GA ZLA BA'I TSES BCO LNGA'I NYIN JO BO SH'AKYA MU NE'I SKU MDUN DU PAn CHEN THAMS CAD MKHYEN PA CHEN PO RJE BTZUN BLO BZANG YE SHES DPAL BZANG POS MKHAN PO MDZAD, KHRI RIN PO CHE DPAL LDAN GRAGS PAS LAS SLOB MDZAD, RGYUD SMAD MKHAN PO MKHAS GRUB CHEN PO NGAG DBANG MCHOG LDAN PAS GSANG STE STON PA'I SLOB DPON MDZAD, SDE SNOD 'DZIN PA CHEN PO DKA' CHEN BLO BZANG SMON LAM GYIS DUS GO BA MDZAD, RGYAL SRAS SPRUL SKU 'JIGS MED YE SHES GRAGS PA SOGS GANGS RI'I LJONGS KYI GNAS BRTAN CHEN PO SUM CU RTZA GCIG GI DBUS SU BSNYEN PAR RDZOGS PAR MDZAD DE THUB PA'I RGYAL TSAB CHEN POR MNGA' GSOL TO, ,DE NAS PAn CHEN THAMS CAD MKHYEN PA CHEN PO LA MDO SNGAGS KYI CHOS BKA' RGYA CHER GNANG DGOS PA'I GSOL 'DEBS

, ,MDZAD NAS PAn CHEN THAMS CAD MKHYEN PA CHEN PO GZIM CHUNG BDE BA CAN DU BZHUGS SU GSOL, DUS TSES KHYAD PAR CAN DANG BSTUN NAS PAn CHEN THAMS CAD MKHYEN PA CHEN POS GZIM CHUNG BDE BA CAN NYID DU DPAL GSANG BA 'DUS PA'I RAS BRIS KYI DKYIL 'KHOR DU DBANG BZHI YONGS SU RDZOGS PA STA GON DANG BCAS PA RGYAS PAR STZAL, DE NAS BA RI BRGYA RTZA'I RJES GNANG YONGS RDZOGS, SGRUB THABS SO SO'I LUNG DANG BCAS PA, RGYUD KYI RGYAL PO DPAL GSANG BA 'DUS PA'I 'GREL PA SGRON GSAL, DE LA RJE BDAG NYID CHEN POS MCHAN 'GREL, BSDUS DON, MTHA' GCOD BZHI'I SGO NAS 'DUS PA'I RTZA RGYUD 'CHAD PA'I BSHAD SROL BZANG PO DE RIM GYIS GNANG, YANG PAn CHEN THAMS CAD MKHYEN PA CHEN POR MA RGYUD THAMS CAD KYI GTZO PO DPAL 'KHOR LO SDOM PA L'U AI PA'I LUGS KYI LHA DRUG CU RE GNYIS PA'I DBANG GNAD DGOS ZHES GSOL BA 'DEBS PAR MDZAD PA NA PAn CHEN THAMS CAD MKHYEN PA CHEN POS KYANG DGYES BZHIN ZHAL GYIS BZHES TE RJE 'DI PA GZIM CHUNG BDE BA CAN DU PHEBS TE BDE MCHOG GI DBANG STA GON DANG BCAS PA RGYAS PAR GNANG BA GSAN PAR MDZAD, DE NAS MNGON PA MDZOD LA SBYONG BAR BZHED DE, MNGON PA MDZOD RTZA BA DANG, MNGON PA KUN LAS BTUS GNYIS THUGS LA BZUNG, GZHUNG DE GNYIS KYI 'GREL BA 'GREL BSHAD DANG BSHAD PA MTHA' DAG LA GZIGS RTOG MDZAD DE RING POR MA THOGS PAR MNGON PA LA MKHAS PA'I PHUL DU

PHYIN PAR GYUR TO, ,DE NAS BOD DU SDE GZIR DUS 'KHYOMS CHI BAR BYUNG BA NA 'JAM DBYANGS GONG MA BDAG PO CHEN POS RJE 'DI PA RE SHIG MDO KHAMS PHYOGS SU PHEBS NA LEGS TSUL PHEBS PA LTAR, SE 'BRAS DGE GSUM GYI BLA MA MANG PO DANG, MTSAN NYID ZHABS PHYI RNAMS DANG, GZHAN YANG BLA CHEN MANG PO DANG, DRUNG SKOR SER SKYA PHON CHE BA DANG BCAS CHIBS KHA BSKYOD DE 'GAR THAR DU PHEBS, LAM BAR GYI SER SKYA BGRANG BA LAS 'DAS PA MTHONG THOS DRAN REG GI 'BREL PA THOGS PA THAMS CAD SMIN GROL LA 'GOD PAR MDZAD, DE NAS KHRI CHEN DPAL LDAN GRAGS PA ZHING GSHEGS PA NA RGYUD SMAD MKHAN PO NGAG DBANG MCHOG LDAN YONGS 'DZIN DU SPYAN DRANGS TE DGA' LDAN KHRI PA DANG 'DRA BA'I ZOS SGO GNANG ZHING BSAM SBYOR GNYIS KYIS TSUL BZHIN DU BSTAN PAR MDZAD DE RJE RGYAL BA GNYIS PA'I MAN NGAG RGYAL BA'I GSUNG RAB THAMS CAD KYI NYID KHU BYANG CHUB LAM GYI RIM PA'I DMAR KHRID 'JAM DPAL ZHAL LUNG GI STENG NAS MYONG KHRID SLA CHOS SU MA SONG BAR ZLA SBREL GYI BAR DU GSAN ZHING YANG DANG YANG DU DRI GTUGS KYI SGO NAS GDENG THOB PAR MDZAD, DE NAS DPAL GSANG BA 'DUS PA'I RTZA RGYUD, 'GREL PA SGRON GSAL RJE RIN PO CHES MDZAD PA'I BSDUS DON MCHAN BU MTHA' GCOD RNAMS SBRAGS TE 'CHAD PA 'GREL PA BZHI SBRAGS SU GRAGS PA'I GZABS BSHAD RGYUN BSRINGS TE LO SBREL GYI BAR DU GSAN ZHING, DE YANG LUNG THOB TZAM GYIS CHOG PAR MA MDZAD BAR SNGA PHYI

, ,BAR GSUM DU BLA MA RGYUD MCHOD DANG, NYIN RE BZHIN RGYUD KYI t'IKKA'I RTZI SHAG 'DZIN TSES BCAS RJE YAB SRAS NAS BRGYUD PA'I PHYAG LEN NYAMS PA MED PAR GSAN PAR MDZAD, GZHAN YANG MKHAS GRUB CHEN PO NGAG DBANG MCHOG LDAN PA 'DI LA DPAL GSANG BA 'DUS PA'I DBANG, BSKYED RIM DNGOS GRUB RGYA MTSO DANG RDZOGS RIM RIM LNGA GSAL SGRON GNYIS KA'I GZABS BSHAD, GSANG BA 'DUS PA'I BSKYED RDZOGS GNYIS KA'I NYAMS KHRID, DPAL 'KHOR LO SDOM BA'I DBANG DANG BDE MCHOG RTZA RGYUD DANG RGYUD 'GREL SBAS DON KUN GSAL GNYIS RTZA 'GREL SGRAGS PA'I BSHAD LUNG, BDE MCHOG L'U AI PA'I LUGS KYI BSKYED RDZOGS GNYIS KA'I KHRID SOGS CHOS BKA' MTHA' YAS PA GSAN, DE NAS DBUS GCANG BDE 'JAGS SU SONG NAS DBUS GTZANG DU PHEBS PAR NYE BA NA GONG MA BDAG PO CHEN PO'I BKAS MNGAGS PA'I MI DRAG DPUNG CHE BA DANG, LCANG SKYA RIN PO CHE BCAS PHEBS TE LCANG SKYA RIN PO CHES RJE 'DI LA MDO SNGAGS KYI CHOS BKA' RGYA CHEN PO'I DON DU GSOL BA BTAB PA LTAR BDE MCHOG L'U AI PA'I DBANG STA GON DANG BCAS PA RGYAS PAR STZAL, YANG LCANG SKYA RIN PO CHE NAS GSOL BA BTAB STE GSANG 'DUS MI SKYOD PA'I DBANG STA GON DANG BCAS PA RGYAS PAR STZAL, YANG LCANG SKYA RIN PO CHE NAS GSOL BA BTAB STE DGE 'DUN LNGA BCU SKOR LA 'JAM DPAL ZHAL LUNG GI MYONG KHRID RGYAS PAR STZAL, DE NAS 'GAR THAR NAS CHIBS KHA BSKYOD DE LAM BAR GYI SKYA SER BGRANG BA LAS 'DAS PA LA

MTHO RIS DANG THAR PA'I SA BON BSKRUN PAR MDZAD CING RIM GYIS GRU 'DZIN GNYIS PA'I GZHAL MED KHANG DU PHEBS, DE NAS RJE NYID BSNYEN PAR RDZOGS NAS LO BCU LON PA YOS LO SA GA ZLA BA'I TSES BCO LNGA'I NYIN DE MO SPRUL PA'I SKU NGAG DBANG 'JAM DPAL BDE LEGS RGYA MTSO SOGS LA BSNYEN PAR RDZOGS PA'I SDOM PA GNANG, DE NAS BZUNG STE RAB BYUNG BSNYEN RDZOGS KYI SDOM PA ZAM MA CHAD PA LTA BUR STZAL ZHING, 'BROM RIN PO CHE'I RNAM THAR RJES SU BSKYANGS TE RIGS KYI COD BAN PAn CHEN THAMS CAD MKHYEN PA CHEN PO MJAL BAR RINGS NAS PHO BRANG DU PHEBS 'PHRAL SNYAN GSAN MDZAD KYANG DE LO SKU NA MTHO BA'I KHAR SKU KHAMS BSNYEL TSUL CHE BAS PHEBS THABS MA BYUNG BAR 'BRUG LO'I NANG DU GTZANG DU CHIBS KHA BSKYOD DE PAn CHEN THAMS CAD MKHYEN PA CHEN PO MJAL BAR PHEBS, BLA BRANG RGYAL MTSAN MTHON POR YAB SRAS MJAL MA THAG THUGS YID GCUGS PA'I GSUNG GLENG BAG PHEBS PAR MDZAD CING, LAM RIM MYUR LAM GYI KHRID SOGS CHOS BKA' MANG DU ZHU BA'I SNYAN GSAN MDZAD, RJE 'DI PAS THOS BSAM GLING DU BZHUGS TE BLA BRANG RGYAL MCHAN MTHON POR YANG YANG PA BAS NAS PAn CHEN THAMS CAD MKHYEN PA LA LAM RIM MYUR LAM, SGROL DKAR YID BZHIN 'KHOR LO'I RJES GNANG, TSE RTA ZUNG 'BREL GYI DBANG SOGS CHOS BKA' MANG TZAM GSAN ZHING, RJE 'DIS BKRA SHIS LHUN PO'I TSOGS CHEN LA LAM RIM BSDUS DON GYI LUNG GI THOG LAM GYI LUS YONGS SU RDZOGS PA'I GSUNG BSHAD RGYAS PAR GNANG, DE NAS YAB SRAS GNYIS 'BRAL MI BOD PAR THUGS YID

, ,GCUGS PA'I BKA' MCHID ZAB MO RGYA CHER MDZAD CING, 'JAM MGON BSTAN PA 'DZIN SKYONGS SPEL GSUM GYI GNAD LAS BTZAMS PA'I GSANG BA'I BKA' MCHID MANG PO ZHIG KYANG MDZAD NAS RJE 'DIS PHO BRANG DU CHIBS BSKYOD MDZAD, DE NAS RJE 'DIS CHOS KYI 'KHOR LO RGYA CHER BSKOR BA'I DUS LA BAB PA NA RGYA GAR CHU BO GANGG'A TSUN LA 'GRAN ZLA DANG BRAL BA'I RIG SNGAGS 'CHAD BA'I SDE DPAL LDAN SMAD RGYUD GRVA TSANG GI DGE 'DUN TSANG MAS GSOL BA RTZE GCIG TU BTAB STE TSOM CHEN RNYING PAR RGYUD SMAD TSOGS YONGS KYI THOG SPRUL SKU MANG PO DANG BLA CHEN MANG POS GTZOS DGE 'DUN KHYON STONG DANG LNGA BRGYA SKOR LA DPAL GSANG BA 'DUS PA 'PHAGS LUGS MI SKYOD PA'I DBANG STA GON DANG BCAS PA RGYAS PAR STZAL BAS GSANG CHEN RDO RJE THEG PA'I BSTAN PA NYI MA SHAR BA LTAR MDZAD DO, ,DE NAS YONGS 'DZIN GNAG DBANG MCHOG LDAN LA RDO RJE PHRENG BA'I DBANG RDZOGS PAR GSAN ZHING, RIM BZHIN BDE MCHOG L'U AI PA'I BSKYED RDZOGS, DRIL BU PA'I BSKYED RDZOGS, SRAD RGYUD LUGS KYI KHRID CHEN DRUG ,SMAD RGYUD LUGS KYI KHRID CHEN BRGYAD RNAMS LEGS PAR GSAN, DE NAS THUGS GNYER ZHABS PHYI RNAMS KYIS BSKUL NAS GSANG 'DUS DBANG BSHAD CHEN MO DBANG DON DE NYID YANG GSAL ZHES BYA BA SNGON MED PA'I LEGS BSHAD CHEN PO 'DI MDZAD DO, ,DE NAS DPAL LDAN STONG RGYUD GRVA TSANG GI DGE 'DUN RNAMS KYIS GTZOS SDE SNOD 'DZIN PA STONG DANG BRGYA SKOR LA DPAL 'KHOR LO SDOM PA L'U AI PA'I LUGS LHA RE GNYIS

PA'I DBANG STA GON DANG BCAS BRGYAS PAR STZAL TE GSANG CHEN RDO RJE THEG PA'I BSTAN PA CHES CHER 'PHEL BAR MDZAD DO, ,DE'I TSE RGYUD SDE DANG MTHUN PA'I NYAMS RTOGS KHYAD PAR CAN 'KHRUNGS NAS, DGYES PA'I MGUR DBYANGS BZHES BA NI, LHUN STUG RIN CHEN LAS GRUB PA NGO MTSAR GYI PHO BRANG, ,YE SHES 'JA' TSON DU 'KHRUGS PA DANGS GSAL GYI 'OD PHUNG, ,LNGA LDAN DKYIL 'KHOR GYI BDAG PO SKU BZHI YI DBANG PHYUG ,DRIN CAN RJE BTZUN GYI BLA MA SNYING DBUS SU BZHUGS SHIG ,SNGON BSAGS LEGS BYAS KYIS 'PHANGS PA'I DAL 'BYOR GYI RTEN BZANG, ,RAB 'BAR ME 'OBS DANG 'DRA BA'I KHYIM GNAS LAS PHYUNG NAS, ,MNYAM MED ZAS GTZANG GI SRAS PO'I BU RGYUD DU SNYEG PA, ,BSAMS KYIN BLO BDE'I NYAMS DBYANGS SHIG LEN PA RANG SPRO'O, ,MTSAN LDAN BLA MA YI ZHAL NAS GDAMS GNAG GI NYING KHU, ,SDE SNOD RIN PO CHE RNAM GSUM MDZUB 'KHRID DU BSTAN NAS, ,DUS GSUM SANGS RGYAS KYI GSHEGS BSHUL BYANG CHUB KYI SEMS LA, ,YID CHES GOL SA LAS LDOG PAS ZHE BLO RANG BDE'O, ,GANG SNANG TSUGS THUB KYI BLO 'DI 'KHRUL PA RU GO NAS, ,SPROS MED NAM MKHA' DANG 'DRA BA'I LTA BA YI RGYAL PO, ,SNANG STONG SGYU MA YI GZIGS MO LAM LAM DU SHAR NAS, ,RTAG TSAD G-YANG SA LAS GROL BAS ZHE BLO RANG BDE'O, ,'KHRUL BRAL RGYUD LUNG GI NGES PAS TSAD MA RU GRUB CING, ,CHAD MED BRGYUD LDAN GYI BLA MAR BYIN RLABS KYI BKA' BABS, ,MA DAG DRI MA KUN SBYONG NUS DBANG BZHI YI CHU BO, ,SNYING GI ZIL DBAR DU THOB PAS ZHE BLO RANG BDE'O, ,SNOD BCUD YE SHES KYI ROL BA DKYIL 'KHOR DU SHAR ZHING, ,MTSAR SDUG PHYAG

, ,RGYA YI GAR STABS SHIG SHIG TU BSGYUR BAS, ,RANG SEMS BDE STONG GI GZHON NU TING 'DZIN GYI 'CHAR SGO, ,GU YANGS RTZED 'JOL BREL BA'I DGA' STON ZHIG MYONG NGO, ,MA RIG SNYING DBUS KYI SBUBS LAS RANG BYUNG DU 'KHRUNGS PA, ,KHYAB BDAG HE RU KA'I ZHAL BZANG MNGON SUM DU MTHONG BA'I, ,'KHRUL MED LAM BZANG 'DI RNYED PA BLA MA YI BKA' DRIN, ,'JAM DPAL SNYING PO YI BKA' DRIN 'KHOR THABS RANG MED DO, ,SGO GSUM BAG MED LAS DBEN PA'I BSAM GTAN GYI KHANG BUR, ,CHES BRGYAD 'DE SNANG GI 'KHRI BA PHAR RGYAB TU BSKYUR NAS, ,TSE MJUG DON LDAN DU BYED NUS SGRUB PA YI MCHOD PAS, ,LHA DANG BLA MA KUN MNYES PA'I YID SMON ZHIG 'CHA'O, ,ZHES SO, ,DE NAS RJE BDAG NYID CHEN PO'I GSUNG 'BUM YONGS RDZOGS KYI LUNG GSAN, 'DI DAG GI SKABS LAM GYI LUS YONGS SU RDZOGS PA LA NYAMS BZHES LHUR MJAD PAS SKYES BU CHUNG DU'I MI RTAG PA'I DMIGS SKOR LA MYONG BA PHUL PHYIN 'KHRUNGS TE SKYO SHAS KYI MGUR DBYANGS GSUNGS PA NI; PHA DRAN PAS GDUNG BA SEL MDZAD PA'I, ,SKYABS BLA MA LHA LA GSOL BA 'DEBS, ,BLO 'CHI BA SNYING NAS DRAN PA DANG, ,CHOS RNAM DAG 'GRUB PAR BYIN GYIS RLOBS, ,SPANG SER PO GSER GYI RI BA LA, ,RLANGS NA BUN DNGUL MDOG SKED LA 'KHRIGS, ,DE DA LTA YOD LA DA LTA MED, ,RKYEN 'DIS KYANG MI RTAG DRAN NAS BYUNG, ,DBYAR DROD GSHER DUS SU 'DZOM PA NA, ,LO YAGS KYI SNYE MA G-YU YI MDOG ,STON MTHA' MAR ZHING STONG SKYA BOR SONG, ,RKYEN 'DIS KYANG MI RTAG

DRAN NAS BYUNG, ,SHING LJON PA 'ANG BA RGYAS LO MA RER, ,SMIN LEGS KYI 'BRAS BU PHANG PHUNG CHAGS, ,MTHAR GCIG KYANG MI SDOD SA LA BRUL, ,RKYEN 'DIS KYANG MI RTAG DRAN NAS BYUNG, ,SHAR RI BO SPO MTHO'I RTZE MO NAS, ,KHRI GDUGS KYI NYI MA DGUNG LA SHAR, ,DE MI SDONG NUB KYI RI RTZER SONG, ,RKYEN 'DIS KYANG MI RTAG DRAN NAS BYUNG, ,SKYES PHO MO GZHON NU LANG TSO CAN, ,NANG SHI DANG NUB SHI RGYUN MI 'CHAD, ,YAR 'DREN DANG SKYE BRTAG ZHU'O ZER, ,RKYEN 'DIS KYANG MI RTAG DRAN NAS BYUNG, ,SBRIN DKAR PO MKHA' LA LANG LONG 'KHRIGS, ,SBRANG CHAR GYI THEGS PA 'BAB LA KHAD, ,RLUNG DMAR NAG 'TSUB MAS PHYOGS BCUR GTOR, ,RKYEN 'DIS KYANG MI RTAG DRAN NAS BYUNG, ,SA YANGS PO DPAL MO'I THANG GI DBUS, ,PHYOGS 'GRON BO'I GUR GRAL SKAR MA 'DRA, ,SAD GAR BABS RTZVA SHING LUD SNYIGS TZAM, ,RKYEN 'DIS KYANG MI RTAG DRAN NAS BYUNG, ,DBYAR SA LA DROD BABS RTZI THOG RGYAS, ,BLO BAG PHEBS DUS KYI DE MA THAG ,DGUN KHA RLUNG 'CHUBS PA'I GRANG BAS SKYO, ,RKYEN 'DIS KYANG MI RTAG DRAN NAS BYUNG, ,STENG SGRA DBYANGS SGROG PA'I GA YU 'BRUG DANG, ,BAR GSUNG SNYAN 'JEBS PA'I KHU BYUG SOGS, ,DUS YAL YOL GAR SONG CHA MED THAL, ,RKYEN 'DIS KYANG MI RTAG DRAN NAS BYUNG, ,DNGOS ZHAL NAS CHOS KYI SMAN MCHOG GIS, ,SEMS NYON MONGS NAD SEL DAM PA MANG, ,DUS DENG SANG DAG PA'I ZHING NAS GZIGS, ,RKYEN 'DIS KYANG MI RTAG DRAN NAS BYUNG, ,LUS SKYED PA'I DRIN CAN MA LA SOGS, ,GNYEN MDZA' BSHES 'BRAL GLAGS

, ,MI PHOD KYANG, ,DUS DENG SANG 'DU PA'I 'BREL PA CHAD, ,RKYEN 'DIS KYANG MI RTAG DRAN NAS BYUNG, ,PHO RGOD PO 'PHYIS KYI SO CHIS CAN, ,LO ZLA BA RTING MA'I GRABS GSHOM BYED, ,LAS 'PHROR LUS RANG NYID GAR SONG MED, ,RKYEN 'DIS KYANG MI RTAG DRAN NAS BYUNG, ,DPAL 'CHI MED RDO RJE'I SKU BRNYES PA, ,SKYABS SANGS RGYAS DE YANG 'DA' TSUL STON, ,LUS SHA KHRAG PAGS PAS G-YOGS PA 'DI, ,'JIG NGES PA CHU YI LBU PA 'DRA, ,NAR SON PA'I PHA MAS RANG GI BU, ,SKYES TZAM NAS DUR DU SBA BA SNANG, ,DE MTHONG NAS BDAG KYANG GZHON NO ZHES, ,'CHI BDAG LA GSHOL 'DEBS RE BA CHAD, ,DUS DA NANG DGRA 'DUL GNYEN SKYONG GI, GROS BYED DUS LUS BDE SEMS KYANG RGOD, ,DGUNG DRO LA BAB DUS DUR KHROD DU, ,LUS BYA KHYIS ZA BCANG BDEN NAM, ,LAR MTHONG THOS YUL DU GYUR BA YI, ,KHONG 'GRO BA MI YI SKYES BU RNAMS, ,DUS RING MTHA' LO BRGYA TSUN CHAD DU, ,GCIG TZAM YANG MI SDOD 'CHI BAR NGES, ,PHYI SNOD BCUD SNANG BA GANG LA YANG, ,YID LEGS PAR GTAD NAS BSAMS PA'I CHE, ,DUS SNGA PHYIR 'GYUR BA 'BA' ZHIG GIS, ,KUN MI RTAG SLOB DPON NYID DU GDA', ,SNGAR PHYIS PA'I SKABS NAS RIM 'PHEL BA'I, ,STOBS LANG CHO GZHON NU'I LUS KYI CHA, ,DA GANG LA BLTAS KYANG MI SDUG PA, ,'DI RANG LUS YIN YANG YID MI 'ONG, ,BDE SDUG DANG BTANG SNYOMS SNA CHOGS SAM, ,YANG RES 'GA' DGE LA RAS 'GA'

SDIG, RES LUNG MA BSTAN GYI SEMS LA SOGS, ,BLO 'DI YANG MI RTAG SKAD CIG G-YO, ,RANG GZHAN GYI SNANG TSUL GAR BLTAS KYANG, ,GLAG BZHIN DU 'BYUNG BAS BLO SA BDE, ,KHENG 'CHI BDAG GSHED LAS MTHA' NAS BSGOS, ,DA GSOD PAR NGAS? NA CI RANG DRAG, GNYEN BSHES DANG NOR RDZAS KHANG KHYIM SOGS, ,MI YUL GYI SNANG BA DANG SPRO YANG, ,SEMS CHAGS PAS BCINGS BZHIN DBANG MED DU, ,SNANG BA 'DI NAM ZHIG NUB PAR 'GYUR, ,LUS MAL GYI THA MAR 'DRE LDOG CING, ,NGAG THA MA'I TSIG GI LNGA BA LDIB SMRA, ,SEMS THA MA'I DRAN RTOG JE PHRAR NUB, ,DUS DE 'DRA BDAG LA NAM 'OD NA, ,SNGAR SDIG PA'I LAS LA DE TZAM SPYAD, ,TSE PHYI MAR PHAN PA'I DGE BAS DBUL, ,PHYOGS GAR 'GRO 'DI 'GRO'I GTOL MED PAS, ,DA BSAM TSE 'CHI LA SHIN TU CHER, ,DON DE PHYIR BDAG DANG BDAG 'DRA'I 'GRO, ,DGOS MED KYI BYA BYED MA MANG BAR, ,SKYABS BLA MA YI DAM MKHA' 'GRO LA, ,SKYABS 'DEGS DUS SKYEL MA'I ZHU BA PHUL, ,DGE SEMS KYI SNANG PA DKAR PO'I DANG, ,GDENG DGA' SPRO DANG BCAS 'CHI BA LA, ,DUS DA LTA GOMS PA GAL CHE BAS, ,MDO SNGAGS KYI ZAB DON 'DRIS PAR BYA, ,GTAM 'DI LA BRTEN NAS BDAG 'DRA BA, ,BLO DRED POR SONG PA'I CHOS MED RNAMS, ,NGES 'PHYUNG GI BSKUL MA THEBS PA DANG, ,RGYUD SMIN CING GRO LBA THOB PAR SHOG, CES SO, ,DE NAS YONGS 'DZIN RIN PO CHE NGAG DBANG MCHOG LDAN LA DPE CHOS RIN CHEN SPUNGS PA SOGS BKA' GDAMS KYI CHOS SKOR DU MA ZHIG GSAN, 'BRAS

, ,SPUNGS SNGAGS PA BLA ZUR ZHAL SNGA NAS BLO BZANG CHOS 'PHEL GYIS GSOL BA BTAB NAS DGE BA'I BSHES GNYEN SUM BRGYA SUM CU SKOR LA BDE MCHOG L'U AI PA'I BSKYED RIM GYI KHRID SRAD RGYUD DANG DBEN SA SNYAN RGYUD KYI GDAMS PA'I CHU PO GNYIS 'DRES MYONG KHRID DU STZAL BAS DER 'DUS PA'I DGE BA'I BSHES GNYEN DE RNAMS BLA MED THEG BA'I BDUD RTZIS TSIM PAR MDZAD DO, ,DE'I TSE DGE BA'I BSHES GNYEN RIN CHEN RGYAL MTSAN GYIS DPAL HE RU KA: DANG RJE BDAG NYID CHEN PO, RJE 'DI NYID GSUM DBYER MED DU GSOL BA BTAB CHOG PA ZHIG DGOS ZHES ZHUS PA NA, STENG DGA' LDAN LHA BRGYA'I MDUN SA NAS, ,SPRIN DKAR PO SNYEG PA'I RTZE MO RU, ,RJE RGYAL BA KUN 'DUS BLO BZANG GRAGS, ,DENG MDUN GYI NAM MKHAR GSHEGS SU GSOL, ,GNAS SPYI GTZUG SENG KHRI BAD ZLA'I STENG, ,YID DRAN PAS SRID ZHI'I GDUNG BA SEL, ,DPAL HE RU KA: DANG DBYER MED PA'I, ,RJE DRIN CAN BLA MA RIN PO CHE, ,MGON GSANG GSUM BKOD PA MTHA' YAS KYANG, ,DON NGO BO GCIG TU GSOL 'DEBS NA, ,RGYUD NYON MONGS RTZUB REG ZHI BA DANG, ,SEMS CHOS DANG 'DRES PAR BYIN GYIS RLOBS, ,SNGON LEGS BYAS BRGYA YIS 'PHANGS PA'I LUS, ,RTEN CHOS DANG MJAL BA'I DAL 'BYOR 'DI, ,LHA TSANGS DBANG GTZUG GI NOR BU BZHIN, ,DUS LAN CIG TZAM LAS RNYED DKA' YANG, ,DENG SNGON CHAD 'DI SNANG RE DOGS DANG, ,SEMS NYON MONGS DBANG DU SONG BA YIS, ,BLO CHOS DANG 'DRES PA'I SKABS MED BAR, ,TSE PHAL

CHER DON MED NGANG LA ZAD, ,DUS GTAN GYI MDUN MA RLUNG LA BSKUR, ,RGYUD 'PHUN 'DRE ZHUGS PA'I SMYON PA BDAG, TSE 'DI SNANG PHUN CHOGS THAMS CAD DANG, ,GTAN BRAL GYI PHA ROL CHA BA'I TSE, ,CHOS GSHA' MA BSGRUBS PA'I NYAMS MYONG GIS, ,'JIGS MI DGOS SNYAM PA'I GDENG TSAD MED, ,LO ZLA BZHAG DANG ZA MAS KYANG, ,LUS SEMS KYI MTHU STOBS RIM GYIS BRI, ,SNGAR LANG TSO DAR PA'I GZHON NU'I LUS, ,DA RGAS PA'I GNAS SKEBS 'DI LTAR SONG, ,LUS 'BYUNG BA 'KHRUGS PA'I NAD CIG GAM, ,RKYEN GLO BUR GDON GYIS 'TSE BA YIS, ,PHYOGS GANG DU MAL GYI THA MA LA, ,BDAG 'CHI BA'I DUS TSOD NAM 'OD NA, ,DGRA GSHIN RJE'I BSU MA'I PHO NYA SLEBS, ,PHYOGS DED SHA THON PA'I GDANGS MIG LTA, , MTHA' MDZA' BA SHES DU BAS YONGS SU BSKOR, ,GSHIN DGE DANG DUR GYI GSHOM RAS BREL, ,GNYEN LONGS SPYOD DPAL LA 'KHREN BA YIS, ,YID GDUNGS KYANG RANG DBANG GTOL MED 'GYUR, ,LAR DE LTA'I 'CHI BA 'OD NGES SHING, ,DUS DE RING NYI MA MA NUB GONG, ,SEMS ZAG PHUNG BRAL NAS BAR DO YI, ,'PHRANG RING PHOR MI 'GRO'I CHA YANG MED, ,'BROG DGON PA 'JIGS BA'I SA PHYOGS SU, ,RANG GCIG BU GTOL MED 'BYAMS PA BZHIN, ,SNGAR 'DRIS KYI GROGS DANG MGON MED PAR, ,BSHUL 'JIG RTEN PHYI MAR 'GRO BA NA, ,SKYABS BSLU MED DKON MCHOG MA LUS PA, ,RJE BLA MA GCIG TU 'DUS PA'I SKU, ,KHYED MA GTOGS RE SA GZHAN MED PAS, ,THUGS BRTZEBS SKYONGS SHIG THUGS RJE CAN, ,SGO GSUM

, ,GYIS BSGRUBS PA'I DAM CHOS RNAMS, ,RGYUD NYON MONGS GNYEN POR SONG BA YI, ,CHOS GNAD DU 'KHEL BA'I NYAMS LEN GYIS, ,DUS NYIN MTSAN 'DA' BAR BYIN GYIS RLOBS, ,MA SEMS CAN 'KHOR BA'I RGYA MTSO CHER, SDUG BSNGAL BA'I NGANG TSUL MA BZOD BAR, ,TSIG BCOS MA MIN PAR CI BYED RNAMS, ,GZHAN PHAN BDER 'GYUR BAR BYIN GYIS RLOBS, ,BDAG 'DI SNANG 'GAG PAR PHYOGS PA'I TSE, ,RJE BLA MA KHYAB BDAG HE RU KA: 'KHOR DPA' BO DPA' MO'I BSU BA YIS, ,GNAS MKHA' SPYOD ZHING DU KHRID DU GSOL, ,LAS NYON MONGS DBANG GIS SKYE BA'I MTHA', ,YONGS ZAD PAR MA GYUR DE SRID DU, ,LHA BLA MAS THEG MCHOG MGON MDZAD NAS, ,SMIN GROL GYI LAM BZANG MTHAR PHYIN SHOG, CES PA GNANG NGO, ,DE NAS DGE BA'I BSHES GNYEN MANG PO ZHIG LA SMAD RGYUD LUGS KYI KHRID CHEN BRGYAD DANG, SRAD RGYUD LUGS KYI KHRID CHEN DRUG BCAS ZAB CHOS MTHA' YAS PA GNANG, YONGS 'DZIN DAM PA KHRI CHEN NGAG DBANG MCHOG LDAN LAS SA SKYA'I GSER CHOS BCU GSUM DANG, BKA' GDAMS LHA BZHI SOGS LHAG PA'I LHA MANG PO'I RJES GNANG DANG, MGON PO PHYAG DRUG PA DANG GUR MGON SOGS CHOS SKYONG MANG BO'I RJES GNANG GSAN RTA TSAG SPRUL PA'I SKUS GSOL BA BTAB NAS DRIL BU LTA LNGA'I DBANG STA GON DANG BCAS RGYAS PAR GNANG, DE'I CHE 'BRAS SPUNGS SNGAGS PA GRVA TSANG DANG SER SNGAGS PA GRVA TSANG GNYIS KAS RDO RJE 'JIGS BYED KYI DBANG GI DON DU GSOL

PA BTAB PA NA, DON GNYER CAN MTHA' YAS PA BYUNG STE 'BRAS SPUNGS SNGAGS PA TSOGS YONGS DANG, DE MO SPRUL SKU RIN PO CHE SOGS SPRUL SKU DANG, BLA MA DGE BA'I BSHES GNYEN CHES MANG BA BCAS DGE 'DUN STONG DANG NYIS BRGYA BRGYAD CU SKOR LA DPAL RDO RJE 'JIGS BYED LHA BCU GSUM MA'I DBANG STA GON DANG BCAS PA RGYAS PAR STZAL ZHING, DE NAS MU 'THUD DA SER SNGAGS PA TSOGS YONGS DANG DGE BA'I BSHES GNYEN CHES MANG BA BCAS LA'ANG DPAL RDO RJE 'JIGS BYED KYI DBANG STA GON DANG BCAS PA RGYAS PAR STZAL, BRAG G-YAB SPRUL PA'I SKUS GSOL BA BTAB STE DGE 'DUN STONG PHRAG LHAG TZAM LA BYANG CHUB LAM RIM CHEN MO'I BSHAD LUNG RGYAS PAR STZAL ZHING, NYUNG SHAS SHIG LA THUGS RJE CHEN PO BCU GCIG ZHAL DPAL MO LUGS KYI DBANG CHEN YANG STZAL, ,DE NAS KHRI CHEN NGAG DBANG MCHOG LDAN LA RDO RJE 'JIGS BYED KYI 'KHRUL 'KHOR KHAMS GSUM LAS RNAM PAR RGYAL BA'I NYI 'OD MA BU RNAMS KYI GZABS BSHAD GSAN ZHING PHYAG LEN YANG SBYONG BAR MDZAD, GZHAN YANG KHRID CHEN LA N'A RO CHOS DRUG GI ZAB KHRID DANG, DGA' LDAN PHYAG RGYA CHEN PO'I ZAB KHRID DANG, DUS 'KHOR SBYOR DRUG GI ZAB KHRID RNAMS RGYAS PAR GSAN ,DE NAS AANG DKAR ZHABS DRUNG GIS GSOL BA BTAB NAS BDE LAM GYI ZAB KHRID SEMS BSKYED MCHOD BA DANG BCAS RGYAS PAR GSAN, DE NAS SKU MTSAMS SHIG GI NANG DU MI RTAG PA'I SNANG TSUL LA MBUR DBYANGS MDZAD BA NI,

, ,NE'U GSING SPANG LA SKYES PA'I, ,SPANG RGYAN ME TOG BKRA YANG, ,DGUN GYI KHA RLUNG 'TSUB DUS, ,RDUL PHRAN TZAM DU 'THOR BAS, ,DA LTA MDANGS BA KRAG MTSAR DUS, ,DKON MCHOG DRUNG DU PHUL DANG, ,SNGON BSAGS SBYIN PA'I 'BRAS BU, ,'DOD DGU'I LONGS SPYOD 'BYOR YANG, ,NAM ZHIG GANG THAG GZHAN GYIS, ,BDAG BZUNG RDZAS SU 'GYUR BAS, ,DA LTA RANG DBANG YOD DUS, ,SBYIN PA'I ZHING LA PHUL ZHIG, RTZAL GSUM DAR LA RDZOGS PA'I, ,G-YU 'BRUG SKAD GSANG MTHO YANG, ,DBYAR GSUM NAM ZLA'I THA MAR, ,SGRA SKAD NYAMS PAR 'GYUR BAS, ,DA LTA MKHA' LA 'PHYO DUS, ,DBYAR RDO DAL BUS SGROGS DANG, ,MTHUN 'JUG 'JIG RTEN LAS LA, ,GSUNG SNYAN 'GYUR KHUGS 'KHROL YANG, , NAM ZHIG MGRIN PA'I LAM LA, ,DBUGS KYANG CHAD PAR 'GYUR BAS, ,DA LTA SMRA LCE BDE DUS, ,GRAG STONG BZLAS PAR 'BUNGS SHIG, MKHA' LA RGYAN DU CHAGS PA'I, ,SPRIN DKAR LANG CHO GSAR YANG, ,DRAG PO'I RLUNG DANG 'PHRAD NAS, ,PHYOGS BCUR 'THOR BAR NGES SO, ,DA LTA LANG LONG 'KHRIGS DUS, ,SBRANG CHAR BCUD DU PHOB DANG, ,KHU KHRAG GZHAN GYI RDZAS LA, ,BDAG BZUNG LUS 'DI 'PHYOR YANG, ,NAM ZHIG MI GTZANG RDZAS BZHIN, ,'BREL MED 'DOR BAR 'GYUR BAS, , DA LTA RTZAL STOBS LDAN DUS, ,DGE BA'I BRAN DU BKOL ZHIG, DANG BSIL YID LA 'THAD PA'I, ,NYAL 'GRO LHUNG LHUNG 'BAB KYANG, ,MI RING THIGS PA TZAM YANG, ,LUS MED SKAMS PAR 'GYUR GYI, ,DA LTA RGYUN BZANG 'BAB DUS, ,

RTZI THOG GSOS SU DRONGS DANG, ,RANG BDE GZHAN LA GNOD PA'I, ,THABS TSUL SNA DGU 'GYU YANG, ,NAM ZHIG MING DON TZAM YANG, ,'CHAR MED RMONGS PAR 'GYUR GYI, ,DA LTA BLO RIG GSAL DUS, ,ZAB RGYAS GDAMS NGAG SGOMS SHIG, TSONG DUS SA YI LTE BAR, ,LHO BYANG TSONG PHRUG 'DZOM YANG, ,ZHAG GSUM NANG PAR DUS SU, ,SO SOR GYES PAR 'GYUR BAS, ,DA LTA YUD TZAM 'TSOGS DUS, ,'KHON DANG MTHUN 'GROGS SPONGS DANG, ,CHO SNGON LAS KYIS BKUG PA'I, ,DGRA GNYEN BYAMS SDANG CHE YANG, ,MI RING RIGS DRUG GNAS SU, ,SO SOR 'GRO BAR 'GYUR BAS, ,DA LTA RIS SU BCAD NAS, ,DGOS MED CHAGS SNGANG SPONGS SHIG, STON DUS MKHA' LA SHAR BA'I, ,NYA RGYAS NAM 'PHANG MTHO YANG, , 'DZAM GLING SA 'DIR GNAS PA'I, ,SKYE BO TSA GDUNG CAN LA, ,LUS SEMS DGA' BDE SKYED PA'I, ,SHUGS 'BYUNG 'OD DKAR 'GYED DO, ,GZHAN LA PHAN BDE 'DOD PA, ,RANG SEMS KHONG NA GNAS KYANG, ,PHYOGS DUS SGYE BO KUN GYIS, ,DON GNYIS DPAL DU 'GYUR BAS, ,LUS NGAG TSUL 'CHOS SPANGS TE, ,LHAG BSAM BZANG PO SKYED CIG, KLU DBANG GTZUG GI NOR BU, ,PHYOGS LHUNG RTOG PA MED KYANG, ,MCHOD DANG BKUR STI CHEN POS, ,RTZE GCIG GSOL BA BTAB LA, ,GANG BSAM RE BA'I 'BRAS BU, ,LAG RTZER STZOL BAR NGES SO, ,BLA MA SKU GSUM DBANG PHYUG, 'GRO LA NYE RING SPANGS KYANG, ,MOS GUS LTEM RKYANG MED PAS, ,RTZE GCIG DRAN PA DE LA, ,'DI DANG PHYI MA KUN GYI, ,LEGS CHOS 'GRUB PAR NGES SO, ,DBANG PO

, ,BSLAD PA'I MTHU YIS, ,MKHA' LA SNANG BKRAG MCHAR YANG, ,GSO DPYAD MIG SMAD RNON POS, ,SBYANGS PA'I DE MA THAG TU, ,RAB RIB SNANG BA LOG PA'I, ,STONG GSAL RJEN BAR 'CHAR RO, ,DNGOS 'DZIN GDON GYIS DKRUGS PAS, ,KUN RDZOB CI YANG 'CHAR MONG, ,'KHRUL PA'I RANG MCHANG 'COD BA'I, ,RIGS SHES LTA BA'I NGO NA, ,BLO BRID SNANG PA LEGS PA'I, ,GNAS LUGS LTAD MO LTOS SHIG, STONG GSAL MKHA' YI NGOS NA, ,TSUGS THUB BDEN PAR MED KYANG, ,RGYU RKYEN RTEN 'BREL MANG PO, ,CHOGS PA'I 'JA' TSON RI MO, ,GTAD MED CI YANG 'CHAR BA'I, ,NGO MTSAR 'DI LA LTOS DANG, ,DPYAD NA 'DI ZHES BYA BA'I, ,NGOS BZUNG CI YANG MID KYANG, ,RGYU RKYEN CHA SHAS MANG POR BTAGS YOD MING TZAM 'DI LA, ,BYA BYED THAMS CAD 'THAD PA'I, ,SGYU MA 'DI LA GZIGS DANG, ,BDEN DNGOS BSLU BA MED PA'I ,DMIGS GTAD GANG YANG MED KYANG, ,KHOG YANGS BRAG GI PHUG PAR, ,SGRA SNYAN BRAG CA'I DBYANGS KYIS, ,RANG 'DZIN SHES PA BSKYED PA'I, ,NUS PA THOGS MED BZHIN DU, ,BSLU MED DON LA GRUB PA'I, ,SNYING PO CHA TZAM MED KYANG, ,DON LDAN TSIG GI PHRENG BA, ,'DI LTAR SPEL BA'I GTAM GYIS, ,KUN RDZOB 'GRO BA MANG BOR, ,PHAN PA RGYA CHEN GYUR CIG, ,CES SO, ,DE NAS KHRI CHEN NGAG DBANG MCHOG LDAN LA RGYAL TSAB DAR MA RIN CHEN GYI GSUNG PHAL CHA BA'I LUNG GAS NO?, ,DE NAS KHRI CHEN NGAG DBANG MCHOG LDAN LA GSOL BA YUN RING DU BTAB STE DPAL DUS KYI 'KHOR LO'I

DBANG MO CHE RJE YAB SRAS NAS BRGYUD PA DENG SANG RGYUN CHAD DU NYE BA LA THUG PAS KHRID CHEN RDO RJE 'CHANG GIS RGYUN ZHIG BZHES NAS GNANG THUB PA ZHIG DGOS ZHES YANG DANG YANG DU GSOL BA BTAB PA NA KHRI CHEN SKU NA MTHO YANG RGYAL BA MCHOG GI BKA' DANG 'JAM MGON BSTAN RGYUN LA DGONGS TE DKA' BA CHEN BOS GSAN NAS LJAGS BSNYEN SOGS LEGS PAR GRUB STE RJE 'DI PA LA 'BUL BAR MDZAD, RJE 'DIS KYANG GONG BSNYEN SOGS RGYUD DANG MTHUN PAR LEGS PAR GRUB PAR MDZAD NAS DPAL DUS KYI 'KHOR LO'I DBANG DANG MAN NGAG 'CHAD PA LA 'JIGS PA MED PA'I GNAS THOB PAR MDZAD DO, ,DE NAS DVAGS PO DGE BSHES KYIS GSOL BA BTAB PA LA BRTEN NAS 'BRAS SPUNGS 'DU KHANG CHEN MOR SDE SNOD 'DZIN PA BZHI STONG TZAM LA DRANG NGES RNAM 'BYED ZHAG NYI SHU RTZA GSUM GYI BAR DU DKA' BA'I GNAS RNAMS DRI MA MED PA'I RIGS PAS MTHA' CHOD PAR MDZAD DE RGYAS PAR GNANG BAS RGYAL BA TZONG KHA PA RANG NYID SLAR 'JIG RTEN 'DIR DNGOS SU BYON PA JI LTA BA BZHIN DU GYUR TO ZHES DE DUS KYI SDE SNOD 'DZIN PA MTHA' DAG GSUNG NGO, ,DE NAS KHRI CHEN RDO RJE 'CHANG NGAG DBANG MCHOG LDAN LA PHYAG RDOR 'KHOR CHEN GYI DBANG GSAN NAS YI DAM 'DI'I BSNYEN BSGRUB SOGS MTHAR PHYIN PAR MDZAD DO, ,DE NAS 'BRAS SPUNGS SNGAGS PA BLA ZUR ZHAL SNGA NAS KYIS GSOL BA BTAB NAS SDE SNOD 'DZIN PA BDUN BRGYA BSKOR LA DPAL GSANG BA 'DUS PA'I RTZA RGYUD 'GREL PA SGRON GSAL, RJE BDAG NYID CHEN POS MDZAD PA'I

, ,BSDUS DON MCHAN BU MTHA' GCOD DE 'GREL PA BZHI SBRAGS KYI BSHAD RGYUN RGYAS PAR STZAL BAS GSANG CHEN RDO RJE THEG PA'I BSTAN PA NYI MA LTAR GSAL BAR MDZAD DO, ,DE NAS SHING MO GLANG GI LO SDE SNOD 'DZIN PA MANG POS GSOL BA BTAB NAS, DAD LDAN TSIG STONG SKOR LA DPAL RDO RJE 'JIGS BYED CHEN PO'I DBANG BZHI STA GON DANG BCAS PAR RGYAS PAR GNANG, DE'I TSE DBANG DNGOS GZHI'I NYIN NAM MKHA' SHIN TU DNGAS PA LAS ME TOG GI CHAR BABS PA BYUNG ZHING, RIG PA 'DZIN PA 'GA' ZHIG LA YE SHES PA PHABS PA'ANG BYUNG BAS KUN MI PHYED PA'I DAD PA THOB BO, ,MANYDZU SHR'IS GSOL BA TAB NAS MA RGYUD THAMS CAD KYI GTZO BO DPAL 'KHOR LO SDOM PA'I RTZA RGYUD DANG, RJE BDAG NYID CHEN POS MDZAD PA'I SPAS DON KUN GSAL GNYIS RTZA 'GREL SBRAGS NAS GNANG BAS RJE BDAG NYID CHEN PO'I BSTAN PA'I SNYING PO NYAMS PA GSO BAR MDZAD DE RJE'I BSTAN PA LA BKA' DRIN CHE BAR MDZAD DO, ,DE NAS CHU KHYI LO DGA' LDAN RNAM PAR RGYAL BA'I GLING DU PHEBS SKABS RJE THAMS CAD MKHYEN BA'I RNAM THAR DANG BKA' DRIN DRAN BA'I DAD GUS SHUGS DRAG PO THUGS LA 'KHRUNGS PAS THUGS RJE BSKUL BA'I GSOL 'DEBS MGUR DBYANGS 'DI LTAR MDZAD DO, , GNAS SA 'DZIN MTHON PO LHUN CHAGS SPO, ,RJE BAD GSHEGS KUN GYIS BYIN GYIS BRLABS, ,DON YE SHES RANG SNANG SGYU 'PHRUL GYI, ,DPAL RGYAL BA'I DKYIL 'KHOR CHEN POR GRUB, ,RI SMAN LJONGS DRI BZANG NGAD PA 'THUL, ,DUS GSUM

DU ME TOG LDING KHANG BKRA, SHING G-YU LO RGYAS PA'I TSANG TSING GIS, ,RJE BLA MA'I MDZES SKU YID LA SHAR, ,CHAB LHUNG LHUNG 'BAB BA'I NYAL 'GRO'I SGRA, ,YID 'KHOS SU PHEBS PA'I 'DAB CHAGS SKAD, ,CHOS LEGS BSHAD DAR DIR SGROGS BA YIS, ,RJE BLA MA'I GSUNG DBYANGS YID LA DRAN, ,STON G-YA' DANG BRAL BA'I DGUNG SNGON SPOR, ,SPRIN DKAR GSAL LANG LONG RTZIBS SHAR BSGRENGS, ,NYI GZHON GYI 'OD SNANG LAM LAM 'DIS, ,RJE BLA MA'I MKHYEN BRTZE YID LA SHAR, ,SKU GSAL RDZOGS MTSAN DPE'I RGYAN GYIS SPRAS, ,GSUNG ZAB RGYAS GDAMS PAS 'DOD PA 'JO, ,THUGS 'OD GSAL CHOS KUN GZIGS MO CAN, ,RJE BLO BZANG GRAGS PA SRAS DANG BCAS, ,SNGON THUGS DAM JI LTAR BCAS PA BZHIN, ,MGON DPUNG GNYEN SANG DU 'DIR GSHEGS LA, ,KUN BZANG GI MCHOD PA RGYA MTSO'I TSOGS, ,DBYINGS BDE CHEN NGANG DU BZHES SU GSOL, ,ZHING RNAM DAG BYIN RLABS G-YANG DU CHAGS, ,NYAMS DGA' BDE'I 'BROG GI RI BO CHER, ,RJE RGYAL BAS LUNG BSTAN DGA' LDAN ZHES, ,PHYOGS KUN LAS RNAM PAR RGYAL BA 'DIR, ,THUGS BDE STONG DBYER MED DANG NYID LA, ,YUL KUN RDZOB 'JA' TSON CI YANG BKRA, SKU GCIG LAS RAB 'BYAMS SPRUL BA'I SPRIN, ,CHAD MU MTHA' BRAL BAR 'GYED BZHIN DU, , CHOS MDO SNGAGS ZAB DANG RGYA CHE'I LAM, ,THAR 'DOD KYI 'JUG NGOGS GANG YIN PA, ,TSIG SGRA SPYIR MA LUS 'KHRUL MED DU, ,SKAL LDAN GYI 'BRAL RJEN PAR BSTAN, ,RJE BLA MA KHYED KYI BKA' DRIN LAS, ,BKA' MDO RGYUD MA LUS GDAMS

, ,BAR GO, MTHAR BYANG CHUB NYE BA'I LAM NGO MTHONG, ,PHYOGS GOL SAR SHAR BA'I 'KHRUL BA ZAD, ,MGON KHYOD KYI RNAM PAR THAR PA LA, ,'BANGS RJES SU ZHUGS PA'I GDUL BYA BDAG, DRIN LEGS PAR BSAM PA'I MOS GUS KYIS, ,YID KHONG NAS BSKYOD PA'I RE LTOS ZHU, ,PHA MI MNGON BDE CHEN DBYINGS SU GSHEGS, ,BU SKAL MED 'KHOR BA'I 'DAM 'DIR LUS, ,DA MGON SKYABS BAR BA'I SMRE SNGAGS KYI, ,NGAG GDUNG DBYANGS 'DI LA GSAN DU GSOL, ,PHAR 'GRO BA'I SPYOD TSUL LA BLTAS NA, ,PHYI RAB BYUNG CHOS PAR RLOM NA YANG, ,NANG TSE 'DI KHO NA'I SNANG SHAS LA, ,KHONG KHYIM PA LAS KYANG ZHEN PA CHE, ,PHAL SKYE BO NAG PO'I LAS LA DGA', ,NGAN G-YO CAN MGO 'PHANG MTHO LA BRIN, ,DUS SNYIGS MAR SPYOD PA'I NGANG TSUL 'DIS,, SNYING RUS PA'I GTING LA NAD DU THINGS, ,TSUR RANG GI NGANG TSUL LA BLTAS NA, ,PHYI DGE SBYONG TSUL 'CHOS KYIS MDZES SHING, ,CHOS SDE SNOD ZAB MO THOS NA YANG, ,NANG SHES RGYUD MA DUL SHING LTAR RENGS, ,DBANG YUL GYI SNANG BA GANG SHAR LA, ,DRAN SHES DANG GNYEN PO MTHU CHUNG BAS, ,YID DUG GSUM DBANG DU SHAR SHOR TE, ,RDZAS MI GTZANG GANG BA'I GSER BUM BZHIN, , LAR DAL 'BYOR LDAN PA'I MI LUS 'DIS, ,SNGAR NGAN SONG RGYU TSOGS BSGRUBS BSGRUBS NAS, ,DON RANG GZHAN PHAN NGES RNAM DKAR GYI, ,GDENGS CHA SHAS TZAM YANG MA MCHIS SO, ,BDAG YUL NGAN DUS KYI THA MAR SKYES, ,LAS

GYI NAS 'DA' BA'I NGANG TSUL 'DI, ,PHA BLA MA KHYED KYIS NYER DGONGS LA, ,THUGS BRTZE BA'I LCAGS KYUS GZUNG DU GSOL, ,TSE 'DI PHYI BAR DO GANG DU YANG, ,RJE GCIG CHOG KHYED RANG MKHYEN LAGS BAS, ,SKYABS RE SAS BSLU BA MA MDZAD BAR, ,MGON DPUNG GNYEN MDZOD CIG BLA MA MKHYEN, ,SPYIR 'GRO BA KUN LA BU LTAR BRTZE, ,SGOS NYAM THAG BDAG GI PHA LAGS NA, ,SKU MTSAN DPES BRGYAN PA'I DKYIL 'KHOR DE, ,'DIR MNGON SUM SNANG BAR BSTAN DU GSOL, ,DUS GNAS SKABS KUN TU PHAN NGES PA'I, ,GSUNG GDAMS NGAG RNAM BAR STZAL DU GSOL, ,THUGS DMIGS MED BDE BA CHEN PO DANG, ,YID RO GCIG 'DRES PAR BYIN GYIS RLOBS, ,TSE MI RTAG NUB KA'I NYI MA 'DRA, ,NOR LONGS SPYOD RTZVA RTZE'I ZIL PAR MTSUNGS, ,GTAM SNYAN GAGS LUNG STONG RLUNG GI SGRA, ,LUS LANG TSO STON MTHA'I ME TOG BZHIN, ,LAR 'KHOR BA SPYI DANG BYE BRAG GI, MTSANG NGAN PA'I NGANG TSUL KUN MTHONG NAS, ,BLO GTING NAS CHOS LA PHYOGS PA DANG, ,CHOS LAM DU 'GRO BAR BYIN GYIS RLOBS, ,THOG MED NAS DRIN GYIS BSKYANGS BSKYANGS PA'I, ,MA RIGS DRUG SEMS CAN NYAM THAG LA, ,BYAMS SNYING RJE BYANG CHUB SEMS KYI BLOS, ,RGYUD LHAG BAR PHYUG PAR BYIN GYIS RLOBS, ,CHOS GANG SHAR NGO LA PHAR BLTAS TSE, ,RANG RTOG BTAGS RI MO TZAM ZHIG LAS, ,GSHIS SPROS BBREL GNAS LUGS CHEN PO DE, ,DUS MYUR TU RTOGS PAR BYIN GYIS RLOBS, PHYI SNANG BA LHA DANG

, ,LHA MONG SHAR, ,NAD SEMS RGYUD BDE STONG ROL PAS TSIMS, ,MCHOG BSKYED RDZOGS RDO RJE'I RNAL 'BYOR GYIS, ,TSE 'DI LA GROL BAR BYIN GYIS RLOBS, ,RGYUD NYON MONGS 'PHEL BA'I BSAM GTAN DGRAS, ,RGYANG RING DU DBEN PA'I GNAS BZANG PO, ,NYAMS BAG PHEBS BDE DGA' BSKYED PA'I SAR, ,ZAB DON LA GZHOL BAR BYIN GYIS RLOBS, ,CHOS SDOM PA GSUM GYI BLANG DOR LAS, ,PHYIR PHYOGS PA'I SDIG LTUNG DRI MA DANG, ,RKYEN BAR GCOD PHYI NANG 'TSE BA KUN, ,DUS MYUR DU ZHI BAR BYIN GYIS RLOBS, ,LHA 'JAM DPAL ZHI KHRO BKA' SDOD SOGS, ,SKU CIR YANG STON PA'I RDZU 'PHRUL GYIS, ,RKYEN MTHUN PA'I LAS KUN BSGRUB PA DANG, ,SKYABS G-YEL BA MED PAR MDZAD DU GSOL, ,BDAG LUS NGAG YID LA GSANG GSUM GYI, ,DPAL BYIN RLABS NUS MTHU KUN STZOL LA, ,SGO GSUM GYIS CI BYED SEMS CAN DANG, ,RJE KHYED KYI BSTAN LA PHAN PAR SHOG ,CHOS MDO SNGAGS SGRA YIS SA STENG KHYAB; ;DON SGRUB BRGYUD BSTAN PA'I NYI MA SHAR, ,'BREL TSAD LA PHAN BDE'I DNGOS GRUB 'PHEL, ,YID CI BSAM 'GRUB PA'I BKRA SHIS STZOL, ,ZHES PA'O, ,DE NAS BRAG G-YAB GDUNG KHANG SKU SKYES GSOL BA BTAB NAS DGE 'DUN TSIG STONG SKOR LA RJE NYID KYI GSUNG 'BUM YONGS RDZOGS KYI LJANGS LUNG GNANG, BAR SKABS SHIG BUNG BA MANG PO ME TOG LA 'KHOR TE 'PHUR LDING GIS ME TOG GI ZE'U 'BRU'I BCUD GZHIB TZANG RGYUD MANG SNYAN PA'I SGRA SGROG PA

GZIGS SHING GSAN PAS SNANG BA DPE CHAR SHAR BA'I NYAMS MGUR 'DI LTAR MDZAD DE, YID CI 'DOD DNGOS GRUB MA LUS PA'I, ,DON BDE BLAG STZOL MDZAD BLA MA DANG, ,LTA NGAG GI DBANG PHYUG YAB YUM LA, ,BDAG GSOL BA 'DEBS SO BYIN GYIS RLOBS, ,SHA MI GTZANG RDZAS KYI GONG BU LA, ,BLO GTAD MED SBRANG BU MANG PO ZHIG ,ZAS ZHIM POR RLOM NAS ZA ZIR 'DU, ,DPE 'DI DANG MCHUNGS PA'I DON GYI GLU, ,MNOG CHUNG BA TSE 'DI'I PHUN TSOGS LA, ,BLO COL CHUNG 'GRO BA MANG PO ZHIG, THABS DU MA'I SGO NAS 'TSOL NA YANG, ,YUD TZAM LAS PHAN PAR NGAS MA MTHONG, ,STAG CHUNG GI BUNG BA BZHON NU DES, ,MDANGS LDAN GYI ME TOG GCIG NAS GCIG, YUD TZAM LA 'DOR LEN BYED PA MTHONG, ,DPE 'DI DANG MTSUNGS PA'I DON GYI GLU, ,SNYIGS DUS KYI SKYE BO MANG PO ZHIG, SEMS MA DAG RANG GI SNANG TSUL GYIS, ,SKAD CIG LA DGRA GNYEN 'GYUR BA MTHONG, ,BLO BRTAN PA'I GROGS PO NGAS MA RNYED, ,PHYI KHA DOG MTSAR BA'I G-YU SBRANG TSO, ,NANG NGAN SKYUGS ZOS PA'I CHA SHAS KYI, ,KHUR LCI BA THOGS NAS ZLOS GAR RTZE, ,DPE 'DI DANG MTSUNGS PA'I DON GYI GLU, SHA RUS DANG RNAG KHRAG GSHANG GCI SOGS, ,RDZAS MI GTZANG KHO NA'I RGYAL PA LA, ,SGO DBANG PO'I BU GDONG TZAM 'DIR, ,BYI DAR GYIS 'GYING BA NGO RE TSA, ,SKAD ZIR ZIR SGROG PA BUNG BA'I GLU, 'PHRAL RNA BA'I YUL DU SNYAN MOD KYI, ,DUS NAM YANG PHAN PA'I DON GYIS STONG, ,DPE 'DI DANG MTSUNGS PA'I DON GYI GLU, NGO BSTOD DANG BZANG PO'I GRAGS PA DE, ,'PHRAL

, ,YID KYI YUL DU DGA' NA YANG, ,GRAG TZAM NAS GAR SONG MED PAR YAL, ,PHUGS PHAN PA'I CHA TZAM NGAS MA MTHONG, ,DBYAR LANG CHES DREGS PA'I RKANG DRUG TSO, ,YUD TZAM ZHIG DGA' MGUR LDING NA YANG; ;DA BSER BUS 'JOMS LA MNGON DU PHYOGS, ,DPE 'DI DANG MTSUNGS PA'I DON GYI GLU, LUS LANG TSO RGYAS PA'I 'JO SGEG GIS, ,DUS DA LTA RANG SEMS DREGS NA YANG, ,MTHAR 'CHI BDAG PHO NYAS DBANG MED DU, ,GSHIN PHA ROL YUL DU NAM 'KHRID NA, ,KHONG 'DU SHES 'KHRUL PA'I BHA MA RA: SMAN GA PUR NGAD LA MI BSNYEN PAR, ,RDZAS PHYI SA'I DRI LA NGANG GIS 'DU, ,DPE 'DI DANG MTSUNGS PA'I DON GYI GLU, SNYIGS DUS KYI SKYE BO PHAL MO CHE, ,TSUL GZUR GNAS DAM PA'I PHYOGS LA BYOL, ,NGAN G-YO CAN NOR DANG LDAN PA LA, ,YID RE LTOS 'CHA' BA AA RE 'KHRUL, ,KHONG KHREL MED SBRANG RTZI 'DOD PA TSO, ,RANG RTEN GYI ME TOG GZHON NU MA'I, ,BCUD CI 'DOD DRANGS NAS MOD LA 'DOR, ,DPE 'DI DANG MTSUNGS PA'I DON GYI GLU, ,DENG PHYI THAG MED PA'I SKYE BO PHAL, ,RANG PHAN BDER SBYOR BA'I DPYAD LDAN DANG, ,GROGS BZANG POS DRIN GYIS BSKYANGS NA YANG, ,PHYIR DGRA YI PHYOGS BZHIN 'DOR BA MANG, , BLO GU YANGS RKANG DRUG GZHON NU TSO, ,GNAS GROGS LA ZHEN PAS MA BCINGS PAR, ,RANG GANG SKYID PHYOGS LA RTZE ZHING 'GRO, DPE 'DI DANG MTSUNGS PA'I DON GYI GLU, YUL 'DOD YON 'CHING BAS MA BCINGS PAR, ,GNAS NYAMS SU

DGA' BA DBEN PA'I TSAL, ,DON BSAM SGOM RNAL 'BYOR LHUR LEN PAR, ,MI KHO BO SNYING NAS YID SMON 'CHA', ,DUS DBYAR GYI ZLA BA THA MA'I TSE, ,DPANG SER KYI ME TOG 'DZUM GROL ZHING, ,STENG DRO 'JAM NYI MA GUNG ZHIG LA, ,YID SKYO GROGS BUNG BA MANG PO ZHIG ,LANG LONG GI ZLOS GAR RTZE BA NA, ,DPE SBRANG RTZIR SPYOD PA'I SNANG TSUL RER, ,DON RKANG PAR BCAD PA'I MGRIN GLU 'DI, ,BDAG DBYANGS CAN DGYES PA'I RDO RJES SBYAR, ,ZHES PA'O, ,DE NAS LHA BTZUN THO YON DAR RGYAS KYIS GSOL BA BTAB NAS DGE 'DUN STONG DANG LNGA BRGYA SKOR LA THUGS RJE CHEN PO RGYAL BA RGYA MTSO'I DBANG STA GON DANG BCAS PA RGYAS PAR STZAL, DE NAS RTA TSAG RJE DRUNG GIS GSOL BA BTAB NAS RJE RIN PO CHE'I GSUNG 'BUM YONGS RDZOGS KYI LJAGS LUNG DANG, SA SKYA'I GSER CHOS BCU GSUM SOGS CHOS BKA' MANG DU STZAL, DE NAS CHU BZANG SPRUL PA'I SKUS GSOL BA BTAB NAS DAD LDAN SUM BRGYA SKOR LA TSE DPAG MAD LTA DGU'I DBANG STA GON DANG BCAS PA STZAL ZHING NYUNG BSDUS SHIG LA RDO RJE 'JIGS BYED KYI DBANG YANG STZAL, DE NAS JUN SGAR PA'I DGE SGRUB PA MI SNA PHON CHE 'BYOR PA'I TSE JUN SGAR GYI MKHAN PO KHRI THOG PA DGE 'DUN GRAGS PAS ZHAL GDAMS SHIG DGOS ZHES NAN CHEN POS BSKUL PA LA BRTEN NAS RJE RIN PO CHE'I BSTAN PA'I SNYING PO LA NYAMS LEN BYED TSUL GYI GNAD KYI ZHAL GDAMS DANG, DAD LDAN KHYIM PA DAG LA PHAN GDAGS TSUL SOGS GNAD DON TSANG BA'I ZHAL GDAMS 'DI LTAR GNANG STE,

, ,BSTAN PA DANG MJAL BA'I MI LUS RNAM PAR DAG PA NI THOB, GZHUB LUGS CHEN MO RNAMS THOS BSAM GYIS GTAN LA PHAB NAS BLANG DOR BYA BA'I GNAD KYANG LEGS BAR MKHYEN PA YIN PAS NA, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES GSUNGS PA LTAR, SNGAR THOS PA'I DON RNAMS RANG GI RGYUD STENG DU BSKOR NAS NYAMS SU BLANGS TE SEMS KHO NA 'DUL BA'I THABS SU 'GRO BA ZHIG MDZAD DGOS LA, DE YANG, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES GSUNGS PA LTAR, RAB TSE 'DI'I GNYEN BSHES 'KHOR SLOB SBYIN BDAG SOGS KYI 'GROGS 'DRIS THAMS CAD SPANGS NAS DBEN PA'I RI SUL DU LUS LA DRANG SRONG GI RGYAL MTSAN 'CHANG, NGAG BLA MA LHA'I GSOL 'DEBS DANG GSANG SNGAGS ZAB MO'I BZLAS BRJOD LHANG LHANG BA, DKOR ZAS DANG GRIB KYIS MA SBAGS PAS RIG PA DANG SING NGE, SEMS TSE 'DI'I RE DOGS GANG GIS KYANG MA BCINGS PAS GU YANGS, SGO GSUM SDIG LTUNG DANG MA 'DRES PAS BLO BDE, SEMS CHOS DANG 'DRES PA'I NYAMS LEN RDO RUS THUG PAS NYAMS DGA' YAL LE BA BYUNG NA, MDUN MA LA DE LAS LEGS PA GZHAN CI ZHIG YOD, MI LUS THOB PA'I GO BCAD PA YIN MOD, DE LTA NA'ANG RANG RE 'CHAD SPEL PHYI BYA BA RGYA CHEN PO LA ZHUGS PA'I GZHAN DBANG CAN LA DE LTA BU'I 'KHRI PA RBAD CHOD CIG 'BYUNG BAR DKA' NA'ANG

'PHRAL GYI 'DOD YON ZAR ZIR THAMS CAD LA BDAG DE RING RANG YANG MI 'CHI BA'I CHA MED PA LA 'DI DAG BYUNG BAS CI RANG BYED SNYAM DU ZHE NAS CHAGS ZHEN GYI 'CHING BA LTOD GANG THUB DANG, SNGAR RANG DON LA DE TZAM 'BAD DUNG BYAS KYANG PHAN GANG YANG MA THOGS, GZHAN DON SNYING DU BCANGS NAD GZOD SANGS RGYAS KYI GO 'PHANG THOB NGES YIN PA LA SNGON CHAD DKA' LA DON MED PA'I BYA BAS 'DAS, DA BYA BA CI BYED THAMS CAD SEMS CAN KHO NA LA PHAN THOGS PA ZHIG BYED SNYAM PA'I BSAM PA BZANG PO DANG DE LTAR SHOG CIG SNYAM PA'I SMON LAM DUS RTAG PAR YANG NAS YANG DU GSAL BTAB, DGE SLONG THAMS CAD BYANG CHUB KYI SEMS BCOS MA TSUN CHAD KYIS KYANG ZIN PAR BYAS NAS GTZO BOR GSANG SNGAGS BLA MED KYI BSKYED RDZOGS ZAB MO DANG 'BREL BAR RTAG PAR LHA'I NGA RGYAL DU RE BA DANG, BZLAS BSNYEN SOGS LA 'BAD PAR MDZED NA DE BAS LHAG PA GZHAN DU CI ZHIG YOD PAS YUL PHYOGS GANG DU GNAS DANG DBEN MI DBYEN LA MA BLTOS PAR SEMS KYI DGE SBYOR 'DI KHO NA GTZO BO YIN MOD, LHAG PAR BSTAN PA RDZOGS LDAN GYI DUS LA BSLAB GZHI YONGS SU RDZOGS PA BSRUNGS PA LAS DENG SANG BSLAB PA'I SNA GCIG BSRUNGS PA PHAN YON CHE BAR GSUNGS PA BZHIN DU BLA MA DGE BA'I BSHES GNYEN DANG, GRVA SA CHEN PO MANG DU BZHUGS PA'I GNAS LAS PHYOGS MTHAR BSTAN PA'I KHUR BSNAMS NA BAN YON LHAG PAR CHE BAS PHYOGS DER GTAN

, ,CHAGS PAR BZHUGS PA'I 'DUN PAS 'CHAD SPEL SOGS BSTAN PA'I BYA BA RGYA CHEN PO LA MA ZHUM PA'I SNYING STOBS BSKYEN PAR MDZOD, PHYOGS DE'I SKYE BO PHAL MO CHE SNOD RUNG GI GTZO BO CHOS LA DAD PA SHIN TU CHE ZHING BRTAN PA DANG LDAN PA YIN 'DUG GSHIS, RAB TU BYUNG BA RNAMS BDE LEGS THAMS CAD KYI RTZA BA SO SO THAR PA'I TSUL KHRIMS KYI BCAS PA PHRA MO TSUN CHOD KYANG LAG LEN LA 'DEBS GANG THUB DANG, BYANG SEMS DANG GSANG SNGAGS KYI SDOM PA LA DENG SANG GTAM TZAM ZHIG LAS LAG LEN BYED MI SRID MTHA' RU 'DUG PAS NA, SDOM PA DE GNYIS LA'ANG BSLAB TSUL SOGS RANG RANG GI SNOD RUNG RNAMS LA LEGS PAR 'KHRID NAS BLANG DOR BYED THUB PA ZHIG DANG, SDOM PA LAS 'GAL BA'I NYES LTUNG BYUNG BA'ANG NYIN MO BYUNG BA RNAMS NUB MO DANG, NUB MO BYUNG BA RNAMS NANGS PAR DKON MCHOG GI RTEN LA SOGS PA'I DRUNG DU SPYI BSHAGS DANG PHYIR BCOS LTUNG BSHAGS LA SOGS PA'I SGO NAS BSHAGS PA BYED DGOS PA'I BSLAB BYA NAN TAN MDZAD NAS LAG LEN LA THEBS PA ZHIG BYUNG NA RGYUD DAG PA DANG NGO TSA KHREL YOD SKYE BA SOGS KYI DGOS PA LHAG PAR CHE BA YIN, GZHAN YANG MDO SNGAGS KYI GZHUNG LUGS CHEN MO RNAMS LA BSLAB SBYANGS BYED DU BCUG NAS DE'I DON RNAMS LAG LEN LA THEBS PA'I PHYIR BYANG CHUB LAM GYI RIM PA LA SOGS PA'I 'KHRID TSUL BSTAN NAS THOS PA KHA PHYIR BLTAS KYI SGRA SPYI TZAM LA MA SONG BAR RGYUD LA PHAN THOGS PA'I THABS SU

'GYUR NGES PA ZHIG MDZOD, KHYIM PA'I RIGS KYANG DUS BZANG LA BSNYEN GNAS SMYUNG GNAS SOGS KYI BSLAB PA LA 'GOD PA DANG, RGYUN DU DKON MCHOG GI RTEN LA MCHOD PA, PHYAG SKOR, DMIGS BRTZEM DANG RIGS GSUM MGON PO, SGROL MA'I GSUNGS LA SOGS PA'I NGAG BZLAS LA BRTZON PA, 'DUL LUNG GI GLENG GZHI DANG, MDZANGS BLUN SOGS LAS 'BRAS KYI BYUNG BA RNAMS BSHAD NAS, GTZO BOR DKAR CHOS THAMS CAD KYI RTZA BA DKON MCHOG DANG LAS 'BRAS LAS DAD PA'I DAD PA BRTAN PO MI NYAMS GONG 'PHEL DU 'GRO BA'I ZABS KYIS SDIG SPONG DGE SGRUB KYI BLANG DOR LA 'GOD PA SOGS BSTAN PA DANG 'GRO BA LA PHAN PA'I BYA BA BZANG PO DON DANG LDAN PA LA NAN TAN GYIS 'BAD 'TSAL, ZHES DANG, TSIGS SU BCAD PA'I ZHAL GDAMS NI, SKYABS DUS GSUM RGYAL BA MA LUS PA, ,DANG THA MAL RDO RJE 'DZIN PA'I GZUGS, ,DON SKU BZHI'I MNGA' BDAG BLA MA RJE, ,YID GSOL BA 'DEBS SO BYIN GYIS RLOBS, ,KHYOD SNGON BSAGS LEGS BYAS RGYA MTSO LAS, ,RTEN DAL 'BYOR NOR BU LAG RTZER SON, ,BKA' MOD RGYUD GDAMS PA'I BYI DOR GYIS, ,SEMS RANG 'OD GSAL BA KHONG NAS 'BYIN, ,RANG RTOGS ZIN GNAS LA THA SNYAD KYI, ,TSIG SKAM POS GSAL 'DEBS MA DGOS KYANG,, YID DANG BAS BSKUL BA'I 'PHRIN LAN DU, ,GTAM 'DI SKAD SMRA LA SNYAN GSON CIG ,SNGON 'KHOR BAR DE TZAM 'KHYAMS 'KHYAMS NAS, ,GZHAN PHAN BDE LTA ZHOG RANG LA YANG, ,RDUL PHRA MO'I CHA YI PHAN PA TZAM, ,DENG SNGON CHAD GRUB PA CANG

, ,GDA' 'AM, ,DA CHOS LDAN MI YI LUS SU GRUB, ,ZAB RGYA CHE'I GDAMS PA SDE SNOD GSUM, ,THOS BSAM PAS RTOGS PA'I GNAS SKABS 'DIR, ,DON RTZE GCIG SGRUB LA NAN TAN MDZOD, ,MCHOG THUN MONG DNGOS GRUB MA LUS LA, ,YID GANG BSAM STZOL BA'I NOR BU DE, ,SKYABS BLA MA MCHOG GSUM YIN PAS NA, ,MOS GUS KYI GSOL 'DEBS NAN TAN MDZOD, ,DUS DE RING NYI MA MA NUB GONG, ,KHONG 'CHI BDAG RGYAL PO'I CHAD LAS KYIS, ,SROG DBUGS 'DI MI GCONG GDENG MED PAS, ,KHYED 'CHI BA 'DI LA BAG GZON MDZOD, ,GNYEN 'KHOR G-YOG LONGS SPYOD THAMS CAD KYIS, ,'PHRAL RANG SEMS BDE BA'I GO SKABS BCOM, ,SRED ZHEN GYIS 'CHI KHAR 'CHING BAS NA, ,KHYED 'DOD YON 'DI LA DGRA RU LTOS, ,ZAS GOS KYI PHAN PAS BSKYANGS BSKYANGS KYANG, ,SKAD CIG BZHIN MI SDUG 'GYUR BA STON, ,RDZAS NGAN GYIS GANG BA'I RGYAL PA BZHIN, ,KHYED RANG LUS 'DI LA KHUR DU LTOS, ,SNGON DE TZAM MYONG BA'I SDUG BSNGAL KUN, ,ZAG BCAS KYI PHUNG PO 'DI LAS BYUNG, ,DA SDUG LA RGYAN DU MA LTA BAR, ,KHYED 'PHUNG SRI 'DI DANG RGYAB GYES MDZOD, ,LHA TSANGS DBANG SRID RTZER PHYIN NAS KYANG, ,LAS NYON GYIS RANG RGYUD BCINGS BZHIN DU, ,MNAR MED KYI ME NANG LTUNG BAS NA, ,GNAS KHAMS GSUM 'DI LA SKYO BAR MDZOD, ,RANG LUS SEMS GDUNG BAS MNAR BA'I TSE, ,KHONG DE 'DRA'I 'GRO LA SNYING RJE BSKYED, ,'GRO KUN GYI SDUG BSNGAL TSUR BLANGS NAS, ,GZHAN DGA' BDES TSIMS PA'I GTONG LEN SBYONGS, ,SNGON SEMS CAN RNAMS KYIS

BDAG GI PHYIR, ,SROG YAL BAR BOR BA'I GRANGS TZAM YANG, ,DPAG MI NUS DRIN GYIS BSKYANGS PAS NA, ,YONGS PHA MA'I DRIN LAN SEMS LA CHONGS, ,DON BLANG DOR MTHONG BA'I MIG DANG BRAL, ,GNAS NGAN SONG G-YANG KHAR GOM 'GROS 'KHYOR,, LAS NYON MONGS SGROG GIS DAM DU BCINGS, ,MA NYAM THAG 'GRO LA SNYING RJE SGOMS, ,GNAS 'KHOR BA STONG MIN DE SRID DU, ,LHUN GRUB KYI GZHAN DON RGYUN 'CHAD MED,, RANG BDE BA MTHAR PHYIN SANGS RGYAS LA, ,DUS MYUR DU RE BA'I DON GNYER MDZOD, 'KHOR 'DAS KYI CHOS CAN MA LUS PA, ,RANG RTOG PAS BCOS PA'I SGYU MA LA, ,DON BDEN PAR BZUNG NA BSLU BA'I PHYIR, ,'KHRUL SNANG LA MA ZHEN STONG PAR LTOS, ,NYING 'KHRUL GYI RMI LAM MI BDEN YANG, ,SEMS DGA' SDUG BSKYED PA'I NUS PA BZHIN, ,LTOS GRUB KYI RTEN 'BREL MI BSLU BAS, ,LAS RGYU 'BRAS BLANG DOR GZAB PAR MDZOD, ,LUS SNANG STONG LHA SKU SGYU MA BZHIN, ,GNAS GAR SDED RANG SNANG GZHAL YAS KHANG, ,SGRA GANG GRAG GSANG SNGAGS DAR DIR LA, ,YENGS MED KYI DRAN PA RGYUN DU STEN, ,SNYING DBUS KYI MI SHIGS RLUNG SEMS DE, ,SKYABS KUN 'DUS NGO BOR GSAL BTAB STE,, CI ZA DANG CI 'THUNG BDUD RTZIR STOBS, ,TSOGS 'KHOR LO'I LONGS SPYOD ZHEN MED ROL, ,MTHAR BEM RIG 'BRAL BAR PHYOGS PA'I TSE,, THIM RIM GYI RTAGS RNAMS NGOS BZUNG STE, ,SNGAR 'DRIS KYI GROGS DANG 'PHRAD PA BZHIN, ,GZHI'I 'CHI BA 'OD GSAL ZIN PAR MDZOD, ,'PHRANG NYAM NGA BAR DOR 'GRIM PA NA, ,RANG GCIG PU LAS GZHAN GROGS MED PHYIR, ,DUS DA LTA LHA DANG BLA

, ,MA LA; ;LAM BDE BAR SGROL BA'I SKYEL MA ZHUS, ,LAR SKYE 'CHI BAR DO GANG LA YANG, ,DUS DA LTA'I BAG CHAGS GTZO CHE BAS, ,DE SPYOD BYED BSKYED RDZOGS RNAL 'BYOR GYIS, ,SKYABS SKU GSUM RANG NGO SHES PAR MDZOD, ,DUS RTAG TU RANG GI SGOM GSUM LA, ,TSUL JI LTAR 'DUG SNYAM RTOG DPYOD NGOS, ,SEMS KHO NA 'DUL BA'I DGE SBYOR GYIS, ,KHYED TSE MJUG DON LDAN MDZAD PAR ZHU, ,RANG DE LTAR DGE LA 'BUNGS BZHIN DU, ,GZHAN DANG LDAN SKYE BO BGRANG YAS LA, ,RNAM DKAR GYI SA BON 'DEBS PA'I PHYIR, ,DUS GZHAN DON SPYOD PAS 'DA' BAR MDZOD, ,BDAG SGO GSUM BYA BA CI BGYIS PA, ,BSTAN 'GRO BA YONGS LA GNAS SKABS KUN, ,PHAN RLABS CHEN KHO NAR GYUR CIG SNYAM, ,SMON 'DUN GYI 'TSAMS SBYOR RGYUN DU MDZOD, ,DGE 'DI YIS BLO BZANG GRAGS BSTAN MCHOG ,PHYOGS KUN TU DAR ZHING RGYAS PA DANG, ,MA MKHA' MNYAM SEMS CAN MA LUS PA, ,DPAL SKU GSUM GO 'PHANG THOB GYUR CIG, CES PA RNAMS GNANG NGO, ,DE NAS 'BRAS SPUNGS SNGAGS PA BLA ZUR BLO BZANG CHOS 'PHEL GYIS GSOL BA BTAB NAS 'BRAS SPUNGS 'DU KHANG CHEN MOR SDE SNOD 'DZIN PA STONG PHRAG MANG PO LA ZLA BA PHYED GNYIS KYI BAR DU LAM RIM CHEN MO'I BSHED LUNG RGYAS PAR STZAL, DE NAS RGYUD STOD TSOGS YONGS KYIS GSOL BA BTAB NAS DPAL LDAN STOD RGYUD GRVA TSANG YONGS RDZOGS KYI STEB DU GZHAN MANG PO DANG BCAS DGE 'DUN STONG DANG LNGA BRGYA SKOR LA

DPAL GSANG BA 'DUS PA'I DBANG BZHI STA GON DANG BCAS PA RGYAS PAR STZAL, ,DE NAS DAD LDAN SUM CU SKOR ZHIG LA 'JAM DBYANGS CHOS SKOR GYI RJES GNANG DANG, 'JIGS BYED SNGAGS BTU DANG, SGROL MA NYER GCIG GI RJES GNANG SOGS RJES GNANG MANG DU STZAL, ,DE NAS SANGS RGYAS LAS KYANG DKON PA'I RDO RJE THEG PA'I BSTAN PA NAM YANG MI NUB PAR YUN RING DU GNAS PA'I PHYIR DANG, RJE BDAG NYID CHEN POS SKU DANG SROG LA'ANG MA GZIGS PAR DKA' BA BRGYA PHRAG DU MA'I SGO NAS BSGRUBS PA'I BSTAN PA'I SNYING PO MTHAR THUG PA 'DI CHES CHER 'PHEL PAR BYA BA'I PHYIR PHO BRANG CHEN PO PO TA LAR RIN PO CHE SNA TSOGS LAS GRUB PA'I GSANG BDE 'JIGS GSUM GYI BLOS BSLANGS RGYUD DANG GRUB CHEN GYI DGONGS PA RGYAL BA TZONG KHA PA CHEN POS GSAL BAR MDZAD PA JI BZHIN DU GSAR BZHENGS MDZAD DE JI SRID RGYAL BSTAN NAM GNAS KYI BAR DU NAM YANG MI NYAMS PA'I MCHOD PA'I RGYUN DANG BDE GSANG 'JIGS GSUM GYI MCHOD BRGYUN 'DZUGS PA MDZAD, TSA GAN NO MON HAN GYIS GSOL BA BTAB NAS DGE 'DUN STONG DANG BDUN BRGYA SKOR LA RDO RJE PHRENG BA'I DBANG DANG PHYAG RDOR 'KHOR CHEN GYI DBANG BCAS STZAL, DE NAS PAn CHEN MCHOG GI SPRUL PA'I SKU DBUS SU PHEBS NAS RGYAL BA MCHOG LA DGE TSUL GYI SDOM PA ZHU BAR MDZAD PA NA RGYAL BA MCHOG 'DIS LHA LDAN DU CHIBS BSKYOD NAS SA GA ZLA BA'I TSES BCO LNGA'I NYIN JO BO RIN PO CHE'I SKU MDUN DU RJE 'DIS MKHAN SLOB SBRAGS MA MDZAD DE DGE 'DUN GRANGS TSANG BA'I DBUS SU

, ,DGE TSUL GYI SDOM PA PHUL TE THUB PA'I RGYAL TSAB MCHOG TU MNGA' GSOL, DE NAS PAn CHEN MCHOG GI SPRUL PA'I SKU BLO BZANG DPAL LDAN YE SHES KYIS RJE 'DI LA MDO SNGAGS KYI CHOS MANG DU GSAN ZHING SLAR RIM GYIS MDO SNGAGS KYI MAN NGAG YONGS SU RDZOGS PA GNANG DGOS PAR GSOL BA BTAB PA NA RGYAL BA MCHOG 'DIS KYANG THUGS DGYES PA CHEN POS ZHAL GYIS BZHES SHING RJE RIN PO CHE'I RNAM THAR LTAR GZHUNG LUGS RNAMS LA GSAN SBYONG GTING PHYIN PA ZHIG MDZAD PA DANG, DE NAS MDO SNGAGS KYI MAN NGAG MTHA' DAG LEGS PAR GSAN NAS THUGS NYAMS SU BZHES, DE NAS MTHA' DBUS SKYE 'GRO YONGS LA CHOS KYI 'KHOR LO RGYA CHER BSKOR BA'I THUGS BSKYED MDZAD DGOS ZHES ZHAL TA NAN TAN ZHU BAR MDZAD, PAn CHEN MCHOG GI SPRUL PA'I SKU RIN PO CHES KYANG RGYAL BA MCHOG GI BKA' JI LTAR GNANG BA LTAR ZHU ZHING SLAR MI RING BAR MDO SNGAGS KYI CHOS MTHA' DAG GNANG DGOS PAR GSOL BA SHUGS DRAG TU 'DEBS PAR MDZAD DO, ,DE NAS KHRI CHEN NGAG DBANG MCHOG LDAN PA DGUNG LO BDUN CU DON LNGAR PHEBS TE SKU GZUGS LCI ZHING BZHENGS BZHUGS DKA' BAR BYUNG BA NA RGYAL BA MCHOG NYID KHRI CHEN GYI GZIM CHUNG NYID DU PHEBS TE MAndAL SKU GSUNG THUGS RTEN DNGOS PO SPAM MTHO BA DANG BCAS PHUL TE ZHABS PAD YUN RING BRTAN DGOS ZHES GSOL BA SHUGS DRAG 'DEBS PAR MDZAD PA NA KHRI CHEN GYIS NGA RANG CHUNG DU NAS CHOS SGOR

ZHUGS, RGYAL BA TZONG KHA PA'I BSTAN PA 'DI 'DRA DANG MJAL, THOS BSAM SGOM GSUM KHO THAG CHOD PAR BYAS, LHAG PAR GANGS CAN 'GRO BA'I MGON PO KHYED LA SPYIR MDO SNGAGS KYI CHOS MTHA' YAS PA DANG, LHAG PAR RJE BLA MA'I MAN NGAG RNAMS 'BUL THUB PAS DA NI SHI YANG BLO BDE, BDAG RGAN PO 'CHI KHAR RVA SGRENG DU PHYIN CHOG PA DGOS ZHES ZHU BAR MDZAD, DE NAS RGYAL BA MCHOG GI KHRI CHEN GYI GZIM CHUNG DU YANG YANG PHEBS TE CHOS KYI GSUNG GLENG CHES MANG BA GNANG ZHING, RA SGRENG DU PHEBS PA'I THUGS 'DUN MI MDZAD PAR SKU KHAMS JI LTAR BYUNG YANG PHO BRANG 'DI RANG DU NGED CAG TSOGS RDZOGS PHYIR BZHUGS DGOS ZHES YANG DANG YANG DU GSOL 'DEBS MDZAD KYANG KHRI CHEN GYIS DA LAM CIS KYANG DGONGS PA KHROL DGOS ZHES BZHUGS SU MA BZHED, PHEBS RGYU'I SNGA ZHOGS RGYAL BA MCHOG NYID KHRI CHEN GYI SKU MDUN DU PHEBS TE 'DI PHYIR DGE BA'I GSUNG GLENG MANG DU MDZAD CING, PHEBS KHAR KHRI CHEN GYI THUGS KAR DBU BCUGS TE SPYAN CHAB GSIL ZHING YUN RING THUGS SMON MDZAD, KHRI CHEN GYIS KYANG RGYAL BA MCHOG LA BYIN RLABS ZHUS BDAG SKYE BA THAMS CAD DU RJES SU GZUNG DU GSOL ZHES GSOL BA 'DEBS PAR MDZAD, DE NAS RGYAL BA MCHOG GIS KHRI CHEN GYI ZHABS BRTAN DANG LAM BAR GYI RKYEN SEL DU SE 'BRAS DGE GSUM SOGS LA MANG JA GNANG STE RIM GRO RGYA ZCHEN SGRUB PAR MDZAD, MI RING BAR KHRI CHEN ZHING GSHEGS PA'I BSNGO RTEN BYUNG BA NA, DE 'PHRAL RGYAL

, ,PA MCHOG NYID 'PHAGS PA RIN PO CHE DANG GSIR GDUNG SOGS RTZE'I LHA KHANG RNAMS SU PHEBS TE MCHOD 'BUL SMON LAM RGYA CHER MDZAD CING, LHA SA'I JO SH'AKA KYIS GTZOS RTEN RNAMS LA MCHOD 'BUL RGYA CHEN PO DANG, SE 'BRAS DGE GSUM BKRA SHIS LHUN PO RNAMS KYIS GTZOS GANGS CAN GYI DGON SDE MTHA' DAG LA MANG BSKOL DANG, PAn CHEN RIN PO CHES GTZOS GANGS CAN GYI BSTAN 'DZIN MTHA' DAG LA BSNGO RTEN 'BUL BAR MDZAD, SKU GDUNG ZHUGS LA PHUL TE GDUNG RUS RNAMS RGYAL BA MCHOG GI GZEM CHUNG DU BZHES TE DNGUL GDUNG MA GRUB BAR DU MCHOD 'BUL SMON LAM MDZAD, DNGUL GDUNG SRUB 'PHRAL GDUNG RUS RNAMS DNGUL GDUNG GI BUM NANG DU BZHUGS SU GSOL TE DGONGS RDZOGS MCHOD 'BUL SMON LAM RGYA CHER MDZAD DO, ,RGYAL BA MCHOG 'DI NI GANGS CAN LHA CIG THUGS RJE CHEN POR YONGS SU GRAGS PA LTAR 'GRO BA LHA DANG BCAS PA'I PHYAG GI GNAS YIN PA DANG, THUN MONG BA'I SNANG NGOR YANG GANGS RI'I KHROD NA 'GRAN ZLA MED PA'I MKHAS GRUB TU GYUR CING 'JAM DBYANGS GONG MA BDAG PO CHEN POS BTEG STE YANGS PA'I SA CHEN PO LA DBANG PHYUG GI STOBS KYIS MNGA' MDZAD PA ZHIG YIN YANG CHE 'GYING DANG RLOM PA'I DRI TZAM YANG MED PAR LAM STON PA'I BSHES GNYEN LA 'DI LTA BU'I GUS PA DANG SRI ZHU MDZAD PA NI, 'BROM RIN PO CHES JO BO RJE JI LTAR BSTEN PA'I RNAM THAR BSKYANGS TE PHYI RABS KYI GDUL BYA RNAMS

LA CHOS RNAM DAG BYED PA LA LAM MA NOR BAR STON PA'I BSHES GNYEN BSTEN TSUL 'DI LTAR BYA DGOS SO ZHES 'DOMS PAR MDZAD PA NGO MTSAR RMAD DU BYUNG PA'I RNAM PAR THAR BA ZHIG GO ,DE NAS AANG DKAR ZHABS DRUNG GIS YUN RING PO NAS GSOL BA BTAB PA LTAR DGE 'DUN STONG DANG SUM BRGYA SKOR LA DPAL DUS KYI 'KHOR LO'I RDUL TSON GYI DKYIL 'KHOR DU DBANG BSKUR BA SLOB MA RJES BZUNG GI CHO GA NAS RDO RJE SLOB DPON BDAG PO CHEN BO'I DBANG MTHA' RTEN DANG BCAS PA'I BAR YONGS SU RDZOGS PA RGYAS PAR STZAL, DE NAS RGYUD SMAD TSOGS YONGS KYIS GSOL BA BTAB NAS DGE 'DUN STONG DANG BRGYAD BRGYA SKOR LA BDE MCHOG L'U AI BA'I DBANG STA GON DANG BCAS PA RGYAS PAR STZAL, DE NAS PAn CHEN MCHOG GI SPRUL PA'I SKU PHEBS NAS MDO SNGAGS KYI CHOS BKA' YONGS SU RDZOGS PA GNANG DGOS TSUL GSOL BA 'DEBS PAR MDZAD PAS THUGS DGYES BZHIN DU RDO RJE PHRENG BA'I DKYIL 'KHOR ZHE GNYIS KYI THOG DGE LEGS SU BYED PA'I DKYIL 'KHOR GSUM DANG BCAS PA, GRUB CHEN MI TRA DZO KI'I LUGS KYI DKYIL 'KHOR BRGYA RTZA'I DPANG YONGS SU RDZOGS PA, ZUR BKA' RDO RJE 'JIGS BYED LHA BCU GSUM MA, RDUL TSON LA BRTEN PA'I DPAL DUS KYI 'KHOR LO'I SKU GSUNG THUGS YONGS SU RDZOGS PA'I DKYIL 'KHOR GYI DBANG RGYAS PA DANG, TSE DPAG MED LHA DGU, SPYAN RAS GZIGS BCU GCIG ZHAL RNAMS KYI BKA' DBANG, GRUB RGYAL LUGS TSE DBANG THUN MONG MA YIN PA, RJES GNANG GI GRAS SLOB DPON

, ,AA BHA Y'A KA RAS PHYOGS GCIG TU BSDEBS PA'I SGRUB THABS RGYA MTSO, BA RI BA'I SGRUB THABS BRGYA RTZA, SNAR THANG PA'I SGRUB THABS BRGYA RTZA RNAMS YONGS SU RDZOGS PA DANG, RDO RJE SEMS DPA', RDO RJE 'JIGS BYED DPA' BO GCIG PA, SMAN BLA BDE GSHEGS BDUN, 'JAM DBYANGS NAG PO, KHYUNG KHRA, MKHA' 'GRO MA SENG GE'I GDONG CAN, MGON PO'I RJES GNANG BCU GSUM, SKU RKYANG LA SNYING ZHUGS DANG BCAS PA, MGON PO PHYAG BZHI PA, DPAL LHA, DZAM LA 'BRUG ZHON RNAMS KYI RJES GNANG, DGA' LDAN LHA BRGYA MA'I KHRID, GRUB RGYAL LUGS TSE DPAG MED KYI BSKYED RDZOGS KYI KHRID LCANG SKYA RDO RJE 'CHANG DE NYID KYI GSUNG LA GNAS RNYING PA KUN DGA' BDE LEGS KYI GSUNG NAS KHA SKENG GNANG BA, SKYABS MGON THAMS CAD MKHYEN PA NYID KYI BKA' 'BUM DANG, PHRENG BA SKOR GSUM, SGRUB THABS RGYA MTSO DANG, BRGYA RTZA'I RGYA GZHUNG RNAMS KYI LUNG RNAMS DANG BCAS ZLA BA DRUG GI RING LA RGYUN MI 'CHAD DU STZAL, DE SKABS PAn CHEN MCHOG GI SPRUL PA'I SKU NYID 'KHOR LO SGYUR DRUG GI BKA' DBANG DANG, DPAL DUS KYI 'KHOR LO'I BKA' DBANG GI SKABS SU CHU CHON GYIS BRIS PA'I DKYIL 'KHOR DBUS SU SENG GE'I KHRI LA RDO RJE 'DZIN PA'I CHAS 'JUG YONGS SU RDZOGS PA DANG BCAS TE BZHUGS SU GSOL, GDUGS DANG RGYAL MTSAN LA SOGS PA MCHOD PA'I YO BYAD DPAG TU MED PAS MCHOD, RJE BLA MA NYED NAS DKYIL 'KHOR GYI BDAG PO'I RNAL 'BYOR SHIN TU

BRTAN POS NAM MKHA' GANG BA'I RGYAL BA ZHI KHRO'I LHA TSOGS SPYAN DRANGS TE, RNAM RGYAL CHEN PO'I BUM PA LA SOGS PA'I CHU'I DBANG BSKUR ZHING SHIS PA BRJOD PA'I TSIG GI SGO NAS ME TOG GI CHAR PHAB, RIGS THAMS CAD KYI BDAG PO DANG DKYIL 'KHOR THAMS CAD KYI SLOB DPON DU MNGA' GSOL TE CHOS KYI RGYAL SRID DU DBANG BSKUR BAR MDZAD DO, ,DE NAS BDE 'BYOR BLA MAS GSOL BA BTAB NAS NYUNG BSDUS SHIG LA BCU GCIG ZHAL GYI DBANG, PHYAG RDOR 'KHOR CHEN GYI DBANG, RNAM SRAS BKA' MI 'DRA BA BCO LNGA'I RJES GNANG BCAS STZAL, DE NAS 'JAM DBYANGS BZHAD PA'I SPRUL PA'I SKUS GSOL BA BTAB NAS 'BRAS SPUNGS 'DU KHANG CHEN MOR DGE 'DUN LNGA STONG SKOR LA BDE LAM GYI KHRID DBEN SA SNYAN RGYUD KYI MAN NGAG LTAR ZHAG NYI SHU'I BAR RGYAS PAR STZAL, DE NAS CHOS GSAN PA SNGA MA RNAMS KYI THOG NAS BLA MED KYI DBANG CHEN THOB PA STONG DANG LNGA BRGYA SKOR LA 'GREL PA BZHI SBRAGS KYI GZABS BSHAD RGYAS BAR STZAL, DE NAS MA BYI LO CHOS 'KHOR RGYAL DU PHEBS BZHED NAS LAM ZHOR SE RAR PHEBS TE MKHAN PO DPAL 'BYOR GRAGS PAS GSOL BA BTAB NAS DGE 'DUN STONG DANG SUM BRGYA SKOR LA 'JAM DBYANGS CHOS SKOR NAS 'JAM DBYANGS AA RA PA TZA NA'I RJES GNANG SOGS GNANG, RJE NGAG DBANG BYAMS PAS GSOL BA BTAB NAS GNAS BCU'I RJES GNANG STZAL, DE NAS RIM GYIS DGA' LDAN RNAM BAR RGYAL BA'I GLING DU

, ,PHEBS TE GSAR KHRI'I STENG NAS SER SKYA BGRANG BA LAS 'DAS PA LA PHYAG DBANG DANG CHOS KYI BDUD RTZI STZAL, BLA MA SANGS RGYAS CHOS 'PHEL GYIS GSOL BA BTAB NAS DGE 'DUN STONG BRGAL BAR SNYING PO DON GSUM GYI KHRID RGYAS PAR STZAL, DE NAS RGYAL DU CHIBS KHA BSKYOD DE MNGA' DVAGS RGYAL GSUM GYI DGE 'DUN 'DUS PA LA DGA' LDAN LHA BRGYA MA'I ZAB KHRID RGYAS PAR STZAL ZHING, DPAL LDAN LHA MO LA RGYAL BSTAN GNYER DU GTAD PA'I 'PHRIN 'CHOL RGYAS PAR MDZAD, RJE 'DIS RGYAL DU LAN GSUM CHIBS BSKYOD GNANG PAR PHEBS RES KYIS DVAGS PO DANG 'OL KHA'I RJE'I SGRUB GNAS RNAMS LA MCHOD 'BUL SMON LAM RGYA CHER MDZAD CING, LHAG PAR RJE BTZUN TZONG KHA PA CHEN PO'I SGRUB GNAS KHYAD PAR CAN DAGS PO LHA SDINGS SU PHEBS TE MCHOD 'BUL SMON LAM RGYA CHER MDZAD CING RJE BDAG NYID CHEN PO'I MDZAD PA RNAM THAR DRAN PA'I THUGS DAD DANG NGES 'BYUNG SKYO SHAS SHUGS DRAG 'KHRUNGS TE GDUNG SHUGS KYI GSOL BA 'DEBS PA'I MGUR DBYANGS MANG DU MDZAD CING, LHAG PAR RGYAL BA TZONG KHA PA CHEN PO'I BKA' DRIN LAS GSUNG RAB DGONGS 'GRAL DANG BCAS PA'I SNYING PO'I BCUNG BSDUS PA MDO SNGAGS GNYIS KA'I LAM GYI LUS YONGS SU RDZOGS PA LA 'DOD DGUR LONGS SPYAD DU YOD PA 'DI 'DRA BA'I BKA' DRIN 'KHOR THABS MED DO SNYAM DU RJE BLA MA'I BKA' DRIN DRAN PA'I DAD GUS SHUGS DRAG PO 'KHRUNGS TE RJE RIN PO

CHES GTZOS BRGYUD PA GSUM LDAN GYI BLA MA RNAMS LA GSOL BA 'DEBS PA'I GDUNG DBYANGS 'DI LTAR MDZAD DE, NA MO GU RU, BDE CHEN SKU GSUM DBANG PHYUG KHYAB BDAG STON PA RDO RJE 'CHANG, ,DE YIS BYIN BRLABS GRUB MCHOG MDA' BSNUN L'U AI PA, ,RJE BTZUN DRIL BU PA DANG dOm BHI N'A RO SOGS, ,NYAMS LEN BYIN RLABS BLA MAS BDAG CAG SKYOB TU GSOL, ,MI MJED ZHING GI MGON PO RNAM 'DREN ZAS GTZANG SRAS, ,DGA' LDAN LHA BRGYA'I GTZUG RGYAN MI PHAM CHOS KYI RJE, ,RGYAL SRAS THOGS MED SKU MCHED GROL SDE ZHI 'TSO SOGS, ,RGYA CHEN SPYOD PA'I BLA MAS BDAG CAG SKYOB TU GSOL, ,RGYAL KUN MKHYEN PA'I RANG GZUGS MGON PO 'JAM DPAL DBYANGS, ,'PHAGS MCHOG KLU SGRUB ZHABS DANG DE SRAS 'PHAGS PA LHA, ,GRUB BRNYES SANGS RGYAS BSKYANGS DANG DPAL LDAN ZLA BA SOGS, ,ZAB MO LTA BA'I BLA MAS BDAG CAG SKYOB TU GSOL, ,LNGA BRGYA'I GTZUG GI NOR BU MGON PO AA TI SHA ,RGYAL BA RGYA MTSOS BYIN BRLABS 'BREM STON SPYAN RAS GZIGS, ,DE YI RGYUD 'DZIN RIGS GSUM SPRUL PHA? MCHED LA SOGS, ,BKA' GDAMS BRGYUD PA'I BLA MAS BDAG CAG SKYOB TU GSOL, ,'JAM DBYANGS MI YI GAR MDZAD KUN MKHYEN BLO BZANG GRAGS, ,RABS RDZOGS YON TAN RDZOGS PA'I DAG PA'I 'KHOR SLOB DANG, ,'PHRIN LAS MKHA' DANG MNYAM PA'I 'GRO MGON BKA' DRIN CAN, ,BYIN RLABS BRGYUD 'DZIN BLA MAS BDAG CAG SKYAB TU GSOL, ,SPROS BRAL BDE CHEN

, ,RANG BZHIN BLA MA CHOS KYI SKU, ,LHUN GRUB YAN LAG BDUN LDAN BLA MA LONGS SPYOD RDZOGS, ,GANG 'DUL CIR YANG 'CHAR PA'I BLA MA SPRUL PA'I SKU, ,DRIN CAN RTZA BA'I BLA MAS BDAG CAG SKYOB TU GSOL, ,TSE 'DI'I LO 'DOD KHO NAS NYIN MTSAN BREL NA YANG, ,'JIG RTEN PHYI MAR 'GRO TSE SGREN MO LAG STONG 'KHYAMS, ,DE RING TZAM YANG SDOD PA'I GDENG TSAD MA MCHIS PAS, ,MGON MED NYAM THAG BDAG CAG THUGS RJES SKYOB TU GSOL, ,PHAN PAS PHAR LA BSKYANGS BZHIN TSUR LA 'KHANG BA'I GROGS, ,RANG 'DAD THABS DGUS BSAGS KYANG GZHAN GYIS ZA BA'I NOR, ,RANG BDE'I CHED DU BSGRUBS KYANG PHYI PHYIR SDUG BSNGAL BSKYED, ,'DOD PA ME 'OBS 'DI LAS BDAG CAG SKYOB TU GSOL, ,LAS NYON 'CHING BAS BCINGS PA'I BTZON RA'I GNAS NA MNAR, ,SKYE RGAN 'CHI'I GCONG GIS SOS DUS MED PAR ZIN, ,ZAG BCAS RDOS SU CHE BA'I PHUNG PO'I KHUR GYIS MNAN, ,'KHOR BA SDUG BSNGAL GNAS NAS BDAG CAG DRANG DU GSOL, ,PHAN BYED THABS KYIS MCHOD NA SKYABS GNAS DKON MCHOG BZHIN, ,'DOD DGU THAMS CAD STZOL BA'I DRIN CAN PHA DANG MAR, ,DGRAR BZUNG YAL BAR 'DOR BA'I BSAM BRLAG BDAG CAG LA, ,SNYING RJE LHAG BSAM BZANG PO'I DRIN PA STZAL DU GSOL, ,BRTAGS NA GZHI RTZA BRAL BA'I CHOS KYI GNAS LUGS 'DI, ,MA RTOGS RANG SEMS 'KHRUL PAS RANG NYID

DAM DU BCINGS, ,GTI MUG MUN PAR 'KHYAMS PA'I DMUS LONG BDAG CAG LA, ,CHOS NYID RJEN PAR MTHONG BA'I SNANG BA STZAL DU GSOL, ,RNAM DAG TSUL KHRIMS MCHOG GIS PHYI DANG NANG DU GTZANG, ,BDE GSAL TING 'DZIN ROL PAS NYIN DANG MTSAN DU BDE, ,SHES RAB SNANG BA 'BAR BAS 'PHRAL DANG YUN DU GSAL, ,BSLAB GSUM BSTAN PA DAR BA'I DGE MTSAN STZAL DU GSOL, ,MTHU LDAN MKHA' 'GRO SRUNG MAS BGEGS DANG BAR GCOD BSRUNG, , CHOS DANG PHUN TSOGS RGYAS PAS MTHA' DANG DBUS SU BDE, ,BKRA SHIS DPAL GYI 'BYOR PAS SNOD DANG BCUD DU KHYAB, ,RANG GZHAN DON KUN 'GRUB PA'I DNGOS GRUB STZAL DU GSOL, ,ZHES SO,, ,DE NAS PHO BRANG DU PHEBS TE MTHA' DBUS RIS SU MA CHAD PA'I SKYE 'GRO RNAMS LA THUGS BSKYED RGYA CHEN POS SGO GSUM GYI SPYOD PA CI MDZAD THAMS CAD RGYAL BSTAN SPEL BA'I THABS KHO NAR MDZAD CING, BAR SKABS SHIG SHES BYA'I GNAS MTHA' DAG LA THUGS KYI MKHYEN PA CHES CHER 'PHRO BAS THOL BYUNG GI MGUR DBYANGS 'DI BZHIN MDZAD DE, AOm SVASDI, RGYUN BZANG CHU BO RNAM BZHI G-YAS SKOR DU 'BAB CING, ,DKOS 'DOD YID BZHIN 'KHYIL BA'I MA DROS KYI RGYA MTSO, ,DE NA BZHUGS PA GDENGS KA BDUN LDAN GYI KLU DBANG, ,SA 'DIR BKRA SHIS SPEL BA'I BYED PO RANG LOS YIN, ,MI RIGS RNAM BZHI RGYU BA'I GRONG KHYER GYI LTE BA, ,KHYON YANGS SA GZHIR 'PHAGS PA'I BYA RGOD KYI PHUNG PO, ,DE NA BZHUGS

, ,PA MNYAM MED ZAS GTZANG GI SRAS MCHOG ,MKHA' MNYAM YID CAN KUN GYI MGON SKYABS RANG LOS YIN, ,'PHRIN LAS RNAM BZHI SGRUB BYED 'OD ZER GYI DRA BA, ,RLUNG SEMS RIGS LNGAR 'PHRO BA'I MI SKYOD KYI ZHING KHAMS, ,DE NA BZHUGS PA SKYABS MCHOG NGES DON GYI BLA MA, ,BDAG CAG SKAL LDAN GDUL BYA'I GDUNG SEL RANG LOS YIN, ,'KHOR LO BZHI DANG LDAN PA'I DAL 'BYOR GYI RTEN BZANG, ,LEGS BSHAD BDUD RTZIS BSKYANGS PA'I SLOB BU NGA'I MDUN MA, ,BZANG NGAN JI LTAR GYUR KYANG BLA MA RANG MKHYEN BAS, ,RE SAS BSLU BAR MA MDZAD MTHU LDAN GYI MGON PO, ,DRIN CAN BLA MA MCHOG GI GSANG GSUM GYI ROL MO, ,YI DAM DPA' BO MKHA' 'GRO'I NGO BO RU BSGOMS TE, ,SNYING DBUS 'BRAL GLAGS MED PA'I GSOL 'DEBS 'DI GSAN NAS, ,MCHOG THUN DNGOS GRUB YONGS KYI DGA' STON 'DIR STZOL MDZOD, ,CES SO, ,DE NAS PHYOGS MTHA' DAG NAS 'DUS PA'I DAD LDAN RNAMS LA RANG RANG GI DBANG PO DANG 'TSAMS PA'I CHOS KYI BDUD RTZI RIM PAR STZAL ZHING, LHAG PAR DGUNG LO NYER BRGYAD PA'I DUS NAS DGUNG LO ZHE DGU'I BAR LA NUB PHYOGS KHA CHE'I YUL NAS SHAR PHYOGS RGYA MTSO CHEN PO LA THUG GI BAR GYI DAD LDAN RGYAL BA'I BSTAN PA LA ZHUGS NAS 'DUL KHRIMS BSRUNG BAR 'DOD PA BGRANG BA LAS 'DAS PA LA DGE TSUL DANG DGE SLONG GI SDOM PA BRGYUD MAR STZAL, MDOR NA RGYAL BA THAMS

CAD MKHYEN PA RJE BTZUN BLO BZANG BSKAL BZANG RGYA MTSO DPAL BZANG PO 'DI NI RANG CAG BOD KYI LHA CIG 'PHAGS MCHOG THUGS RJE CHEN PO NYID YIN PA KUN LA GRAGS PA LTAR YIN ZHING, THA MAL BA'I SNANG TSUL DANG BSTUN PA'I MDZAD PA RNAM THAR YANG KHYAD PAR DU 'PHAGS PA ZHIG STE, SKU 'KHRUNGS TZAM NYID NAS THUGS SNYING RJE CHEN BO'I GZHEN DBANG DU GYUR PAS CI MDZAD THAMS CAD BSTAN 'GROR SMAN PA'I THABS 'BA' ZHIG TU SBYOR BAR MDZAD PA, 'DZAM GLING YANGS PA'I KHYON LA DBANG BSGYUR ZHING CHE DGU KUN GYIS MCHOD KYANG KHENGS PA'I DRI TZAM YANG MED PAR GDUL BYA DMAN PA LA THUGS BRTZE BA, THUGS RGYUD LA SPANGS RTOGS MA LUS MTHAR PHYIN KYANG PHYI MA'I SKYE BO RNAMS LA TSUL 'DI LTAR GYIS SHIG CES BSLAB PA'I PHYIR YONGS 'DZIN MKHAS PA MANG PO BSTEN TE MDO RGYUD DGONGS 'GREL DANG BCAS PA LA GSAN SBYONGS MTHAR PHYIN PAR MDZAD PAS MDO SNGAGS GZHUNG LUGS KUN LA MKHAS PA, SA'I STENG GI MKHO DGU'I YO BYAD THAMS CAD DRUNG DU 'DUS SHING NAM MKHA' MDZOD LA MNGA' BRNYES KYANG YOD PA RGYU MTSAN DU BYAS NAS GZABS 'PHYOR DANG PHYAR G-YENG GI RNAM PA SKAD CIG KYANG MI MDZAD PAS LO RAR NA BZA' GSAR PA TSAR RE LAS BRJE BAR MI MDZAD CING CHOS GOS RNAM PA GSUM PO TSAD DANG DBYIBS DANG BZHES TSUL SOGS 'DUL BA NAS JI LTAR GSUNGS BA LAS DMAN LHAG TU MA SONG BAR MDZAD PA SOGS DRAN SHES BAG YOD BRTAN POS CI MDZAD 'DUL

, ,BA DANG BSTUN NAS MDZAD PAS SO THAR GYI TSUL KHRIMS GTZANG BA, BDAG PAS GZHAN GCES KYI THUGS BSKYED BZANG POS CI MDZAD SEMS CAN GYI DON 'BA' ZHIG TU MDZAD PAS BYANG SEMS KYI TSUL KHRIMS RNAM PAR DAG PA, GSANG SNGAGS RGYUD SDE BZHI'I DBANG LUNG MAN NGAG MTHA' DAG RGYUD LDAN BLA MA DAM PA LAS GSAN ZHING THUGS NYAMS SU BZHES PAS NYAMS RTOGS PHUL PHYIN BRNYES SHING RDO RJE THEG PA'I DAM TSIG LAS NAM YANG MI 'DA' ZHING BCAS PA CHE PHRA MTHA' DAG PHYAG LEN LA THEBS BAR MDZAD PAS RGYAL BAS BSNGAGS PA'I RDO RJE 'DZIN PA CHEN PO STE, MDOR NA SDOM GSUM GYI BCAS MTSAMS LAG LEN LA KHEL BA, CHOS KYI RGYAL PO TZONG KHA PA CHEN PO'I RING LUGS LA BSRE BSLAD PHRA MO TZAM YANG MED PAR SKYONG BAS RNAM THAR GTZANG BA 'CHAD RTZOD RTZOM GSUM GANG GI THAD LA'ANG ZLA DANG BRAL BA STE, MDOR NA, MDZAD PA KUN LAS GSUNG GI NI, ,MDZAD PA MCHOG YIN DE YANG NI, ,'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GSUNGS PA LTAR, RJE 'DIS RGYAL BA'I BSTAN PA GSAL BAR BYA BA'I PHYIR MDO SNGAGS KYI BSTAN BCOS TSIG DON PHUN SUM TSOGS PA MANG DU MDZAD PA NI 'DI LTAR; DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA GSANG BA 'DUS PA 'PHAGS LUGS ZHES YONGS SU GRAGS PA'I DKYIL 'KHOR DU BCUG NAS DBANG BSKUR BA'I CHO GA DE NYID RAB GSAL GYI RNAM

BAR BSHAD PA DBANG DON DE NYID YANG GSAL SNANG BA RDO RJE SEMS DPA'I ZHAL LUNG ZHES BYA BA LEGS BSHAD KYI RGYA MTSO CHEN PO, DGA' LDAN LHA BRGYA MA'I KHRID YIG ,'JIGS BYED DBANG GI RGYUD 'DEBS, DE'I BSKYED RDZOGS DMAR KHRID RGYUD 'DEBS, DE'I DBANG BSHAD CHEN MO, DE'I BSKYED RIM GYI KHRID, DE'I TSOGS MCHOD, DE LA BRTEN PA'I BLA MA'I RNAL 'BYOR, 'JIGS BYED DPA' BO GCIG PA'I DKYIL CHOG ,BDE MCHOG L'U AI PA DANG, MI TRA NAS BRGYUD PA'I DBANG GI RGYUD 'DEBS, DRIL BU LHA LNGA'I DBANG GI RGYUD 'DEBS, DE'I SGRUB THABS, L'U AI PA'I TSOGS MCHOD, BLA MA'I RNAL 'BYOR GYI RIM PA MANG BO, 'PHAGS PA THUGS RJE CHEN PO LA BSTOD CING GSOL BA 'DEBS PA PHAN BDE'I CHAR 'BEBS SOGS SANGS RGYAS BYANG SEMS RNAMS LA BSTOD CING SGOL BA 'DEBS PA DANG, RJE RANG NYID KYI BRTAN BZHUGS SOGS BLA MA DAM PA MANG PO'I GSOL 'DEBS BRTAN BZHUGS DU MA, BCOM LDAN 'DAS DUS KYI 'KHOR LO'I RGYUD 'DEBS, DE'I MCHOG DBANG GONG MA RNAMS BSKUR TSUL, DE'I SKU GSUNG THUGS YONGS SU RDZOGS PA'I SGRUB THABS, DE'I THUGS DKYIL GYI SGRUB THABS, DE'I TSOGS MCHOD, BLO SBYONG DANG 'BREL BA'I ZHAL GDAMS GYI RIM PA MANG PO, KHRI CHEN SPRUL SKU'I RNAM THAR, RDOR SEMS LHA BCU BDUN MA'I DBANG GI RGYUD 'DEBS, DE'I SGRUB THABS, DE'I DKYIL CHOG ,SPYAN RAS GZIGS RGYAL BA RGYA MTSO'I SGRUB THABS, RGYUD SDE NAS GSUNGS PA'I LHA TSOGS DU MA'I SGRUB THABS, SPYAN RAS GZIGS KHA

, ,SARPA nI'I SGRUB THABS DANG RJES GNANG BYA TSUL, GSANG BDAG DRAG PO GSUM SGRIL GYI SGRUB THABS, 'JAM DBYANGS AA RA PA TZA NA LHA LNGA'I DBANG RGYUD, DE'I SGRUB THABS, DE'I DKYIL CHOG ,DAM CAN CHOS SRUNG DU MA LA MCHOD GTOR 'BUL BA DANG, BSKANG BSHAGS BSTOD BSKUL MANG PO, 'KHOR CHEN GYI SBYIN SREG ,BCU GCIG ZHAL GYI DBANG GI RGYUD 'DEBS, DE'I DBANG CHOG ,SMYUNG GNAS KYI CHO GA ,SGO DRUG GI GZUNGS KYI RNAM BSHAD, BSTOD SPRIN RGYA MTSO'I 'GREL PA, 'DA' KA YE SHES KYI MDO 'GREL, TSOGS DBUS SU DGE TSOGS BYANG CHEN DU BSNGO BA'I GTAM, 'KHOR CHEN SMON LAM SHIS BRJOD, CHAB SHOG DI RIM PA, DVAGS PO DGE BSHES KYI 'JIGS BYED DBANG CHOG LA DAG MCHAN GNANG BA, BSANGS MCHOD KYI RIM PA, DRUG CU PA'I RNAM GZHAG ,MGON PO SNYING ZHUGS KYI RGYUN KHYER, SKU GSUNG THUGS RTEN GSAR BZHENGS KYI RGYAB YIG SMON LAM, 'DOD GSOL, DKAR CHAG SOGS, CHOS SDE CHE CHUNG GI BCA' YIG ,SPRINGS YIG, 'PHRIN BCOL GYI RIM PA PHYOGS GCIG TU BSGRIGS PA 'JIGS MED GDONG LNGA'I SGRA DBYANGS SOGS LEGS PAR BSHAD PA'I RTZOM PA MTHA' YAS PA MDZAD DO, ,DE LTAR RJE 'DIS SPYIR BSTAN PA'I BYA BA RGYA CHER MDZAD PA DANG, KHYAD PAR 'JAM MGON BLA MA'I LUGS BZANG MDO SNGAGS GANG GI THAD LA'ANG BSRE BSLAD PHRA MO'ANG MED PAR RNAM THAR GTZANG MA MTHAR PHYIN PAR MDZAD PA NI LEGS BSHAD DRI MA MED PA 'DI RNAMS LA BLTAS

PAS SHES SHING, 'DIR NI RNAM THAR GYI GTZO BO CHOS KYI 'KHOR LO BSKOR BA'I MDZAD PA RAGS RIM ZHIG BRJOD PA YIN GYI, LUGS GNYIS DANG 'BREL BA'I MDZAD PA RNAM THAR ZHIB PAR NI RNAM THAR CHEN MO LAS SHES PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS GANGS RI'I MGON PO RGYAL BA THUGS RJE CAN 'DI LA GSOL BA 'DEBS SHING 'DI'I MDZAD PA RNAM THAR LTAR THOS BSAM SGOM GSUM MKHAS BTZUN BZANG GSUM GCIG GOGS SU GCIG 'GRO BAR BYED CING, SDOM PA GSUM GYI BCAS MTSAMS DAG PA NYAMS LEN GYI MTHAL DU BYAS NAS GSUNG RAB DGONGS 'GREL DANG BCAS BA THAMS CAD KYI SNYING PO'I DON BYANG CHUB LAM GYI RIM PA'I NYAMS LEN LA 'BAD PAR BYA'O,, DE LTAR RGYAL DBANG THAMS CAD MKHYEN PA RJE BTZUN BLO BZANG BSKAL BZANG RGYA MTSOS DGUNG LO ZHE DGU'I BAR BSTAN 'GRO'I DON RGYA CHER MDZAD NAS DGUNG LO LNGA BCU LA PHEBS PA DBANG PHYUG CES PA ME MO GLANG GI LO DBO ZLA BA'I TSES GSUM GYI NYIN SKU TSE 'DI'I DNGOS KYI GDUL BYA RNAMS RDZOGS PA DANG, GDUL BYA RTAG 'DZIN CAN RNAMS LA MI RTAG PA'I NGANG TSUL MNGON SUM DU BSTAN TE CHOS LA BSKUL BA SOGS DGOS PA KHYAD PAR CAN MANG PO ZHIG GZIGS NAS THA MAL SNANG NGOR BSTAN PA'I GZUGS SKU'I BKOD PA BSDUS TE RE SHIG 'OD GSAL CHOS SKU'I NGANG DU BZHUGS, DE NAS 'OD GSAL DE LAS BZHENGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS TE MCHOD SPRIN RGYA MTSOS

, ,MCHOD CING GSANG BA ZAB MO'I GNAS LAS BRTZAMS TE BKA' BGRO BAR MDZAD PA DANG, GZHAN YANG SPRUL PA BYA BA PHRAG BRGYAS PHYOGS BCU'I ZHING RAB 'BYAMS SU PHEBS TE RGYAL BA SRAS BCAS RNAMS MCHOD CING BKA' BGRO BAR MDZAD, DE NAS YUN RING BO NAS THUGS BSKYED PA'I DAM BCA' 'GYUR BA MED PA DANG, PHYOGS BCU'I RGYAL BA SRAS BCAS KYIS KYANG THUGS RJE BSKUL BA'I MTHUS MYUR BAR ZHING 'DIR SPRUL BA'I SKU BZUNG STE GANGS RI'I KHROD KYI 'GRO BA MTHA' DAG MGON DANG BCAS BAR MDZAD DE, DE YANG MDO SDE ZA MA TOG BKOD BA'I RGYAL PO SOGS MDO RGYUD DU MA NAS BYANG PHYOGS KHA BA CAN 'DI MGON PO SPYAN RAS GZIGS KYI 'DUL ZHING DU LAN CIG MIN PAR BSNGAGS SHING, JI LTAR BSNGAGS PA LTAR MGON PO SPYAN RAS GZIGS KYI THABS MKHAS KYI SPRUL PA BGRANG BA LAS 'DAS PAS BYANG PHYOGS GANGS RI'I KHROD 'DIR SANGS RGYAS KYI BSTAN BA BTZUGS, SKYE 'GRO'I BDE SKYID THAMS CAD 'PHEL BAR MDZAD, LHAG PAR CHOS RGYAL SRONG BTZAN SGAM POS GANGS RI'I KHROD KYI 'GRO BA RNAMS SPYIR DKON MCHOG GSUM LA SKYABS SU 'GRO BA DANG, LHAG PAR MGON PO SPYAN RAS GZIGS NYID LA RTZE GCIG TU GSOL BA 'DEBS PA SHA STAG LA BKOD BAS DBUS GTZANG DAG PA'I ZHING ZHES GRAGS SHING, RGYAL BAS SHER PHYIN GYI MDO SDE NAS LUNG BSTAN PA LTAR PHYOGS BCU'I ZHING NAS BYANG CHUB SEMS DPA' SEMS DPA' CHEN PO MTHU STOBS DANG

LDAN BA BGRANG BA LAS 'DAS PA ZHING 'DIR THUGS RJE CHAN PO'I 'PHIN LAS KYI GROGS SU BYON TE RGYAL BSTAN YONGS SU RDZOGS PAS CHAS CHAR DAR BAR MDZAD, SLAR YANG JI SRID RGYAL BSTAN NAM GNAS KYI BAR DU THUGS RJE CHEN PO'I SPRUL BA RGYUN MI 'CHAD BAS BYANG PHYOGS GANGS RI'I KHROD 'DI SKYOD BAR MDO RGYUD DU MA NAS LUNG BSTAN BA LTAR CHOS RGYAL SRONG BTZAN SGAM PO NAS BZUNG THUGS RJE CHEN PO'I SPRUL BA RGYUN MI 'CHAD PAR RIM BAR BYON BA RNAMS KYIS BOD KHAMS MGON DANG BCAS PAR MDZAD, LHAG PAR RGYAL DBANG THAMS CAD MKHYEN PA CHEN BO RJE BTZUN BLO BZANG BSKAL BZANG RGYA MTSO ZHING BRJE BA LA NYE BA NA MYUR DU SPRUL SKU 'DZIN PAR THUGS BSKYED NAS THOB RGYAL LHA RI SGANG DU SPRUL SKU 'DZIN PAR MDZAD DE, 'DI LTAR GANG DU 'KHRUNGS PA'I YUL DANG, MTSAN JI LTAR 'BYUNG BA BKA' GDAMS GLEGS BAM LAS YANG DANG YANG DU LUNG BSTAN CING, RGYAL BA MCHOG DE NYID KYIS KYANG 'DI LTAR 'BYUNG NGO ZHAS GSAL BAR LUNG BSTAN TE, RGYAL BA MCHOG DE NYID KYIS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES LA DUS 'KHOR GYI DBANG CHEN GNANG BA'I CHE 'PHRIN LAS PA CHEN PO PHYAG MDZOD BLO BZANG TSE DBANG GI MNAL LAM DU, RGYAL BA THAMS CAD MKHYEN PA CHEN PO RJE BTZUN BLO BZANG BSKAL BZANG RGYA MTSO THOB RGYAL LHA RI SGANG GI GZIM KHANG DU PHEBS NAS BZHUGS PA GSAL BAR RMIS, DE'I CHE DAD PA TSAD MED BA SKYES SHING, 'ON KYANG 'DIR 'BYON PA CI YIN SNYAM PA BYUNG BA NA RGYAL BA MCHOG DE'I ZHAL NAS, GSUM

, ,NAS YIN GSUNG BA ZHIG GSAL BAR RMIS, MNAL SAD NAS RMI LTAS JI LTAR BYUNG BA YI GER BRIS TE RGYAL BA MCHOG NYID LA BDAG LA RMI LTAS 'DI LTAR BYUNG PA CI LAGS ZHES ZHUS PA NA RGYAL BA MCHOG GI BKA' LAS KHYED RANG DUS 'KHOR GYI GDUL BYA SKAL LDAN YIN 'DUG PAS RMI LTAS BZANG 'DUG GSUNG BA LAS RGYU MTSAN GSAL BAR MA GSUNGS, DE NI RGYAL BA MCHOG GI SPRUL SKU LHA RI SGANG DU PHEBS PA 'KHRUL MED KYI LUNG BSTAN TE, DUS DE NAS LO GSUM SONG BA NA RGYAL BA MCHOG ZHING GSHEGS NAS LHA RI SGANG DU NGO MTSAR BA'I LTAS BSAM GYIS MI KHYAB PA DANG BCAS SPRUL PA'I SKU PHEBS, LO GSUM NAS PAn CHEN THAMS CAD MKHYEN PA CHEN PO DANG, 'JAM DBYANG GONG MA BDAG PO CHEN PO GNYIS KYIS 'KHRUL MED DU NGOS BZUNG NAS 'DZAM GLING CHE DGU YONGS KYIS MCHOD PAS MDU NA BSUS TE PHO BRANG CHEN PO'I GSER KHRIR MNGA' GSOL, GANGS CAN MGON PO RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES MTSAN GSOL, NOR 'DZIN GYI KHYON THAMS CAD DU DAR PHYAR BA DANG, BKRA SHIS PA'I GLU DBYANGS LEN PA DANG, MCHOD PA'I BYE BRAG BSAM GYIS MI KHYAB PA DANG BCAS DGA' STON RGYA CHEN PO BSGRUBS, SNGON YUN RING PO NAS MGON PO SPYAN RAS GZIGS KYI RIGS KYI COD PAN NI RGYAL PA 'OD DPAG MED YIN BA LTAR DUS 'DIR YANG SNANG BA MTHA' YAS DUR SMRIG GAR KYI RNAM PAR ROL PA PAn CHEN

THAMS CAD MKHYEN PA RJE BTZUN BLO BZANG DPAL LDAN YE SHES RIGS KYI COD BAN DU BZHES NAS SDOM GSUM RIM GYIS BZHES SHING, DBANG LUNG MAN NGAG MTHA' YAS PA GSAN, KHO BO CAG LAS KYANG RJE BDAG NYID CHEN PO'I SNYAN RGYUD KYI MAN NGAG RNAMS LEGS PAR GSAN TE THUB BSTAN YONGS RDZOGS KYI BDAG POR BZHENGS SHING 'JAM MGON BSTAN PA'I SNYING PO LA GZHAN DRING MI 'JOG PA'I THUGS NGES BRTAN PO 'KHRUNGS PA'I TSUL BSTAN TE 'JAM MGON BSTAN PA'I SROG SHING DU G-YO BA MED PAR BZHUGS SHING, GNAM BSKOS 'JAM DBYANGS GONG MA BDAG PO CHEN POS CHOS SRID GNYIS KA'I BDAG POR MNGA' GSOL TE NOR 'DZIN YANGS PA'I KHYON MTHA' DAG RNAM PAR DKAR BA'I 'PHRIN LAS KYIS KHYAB CING PHO BRANG CHEN PO PO TA LA'I GSER KHRIR ZHABS ZUNG 'GYUR BA MED PAR BKOD NAS MTHA' DBUS SKYE 'GRO YONGS LA CHOS KYI BDUD RTZI STZOL BZHIN PAR BZHUGS SO,, ` ,,JO BO RJE DPAL LDAN AA TI SHAS BYANG CHUB LAM GYI RIM PA'I MAN NGAG GSAN PA'I RGYUD PA LA YANG DAG PAR RDZOGS PA'I SANGS RGYAS NAS RJE BTZUN BYAMS PA MGON PO, DE NAS 'PHAGS PA THOGS MED SKU MCHED SOGS LA RIM GYIS BRGYUD PA'I RGYA CHEN SPYOD RGYUD DANG, YANG DAG PAR RDZOGS PA'I SANGS RGYAS NAS RJE BTZUN 'JAM DBYANGS, DE NAS 'PHAGS BA KLU SGRUB YAB SRAS LA RIM GYIS BRGYUD PA'I ZAB MO LTA RGYUD DANG, RJE BTZUN 'JAM PA'I DBYANGS NAS RGYAL SRAS ZHI BA LHA SOGS LA RIM GYIS BRGYUD PA'I RLABS CHEN SPYOD

, ,RGYUD DE RGYUD PA GSUM YOD CING, RGYUD PA DE GSUM GA'I MAN NGAG JO BO RJE DPAL LDAN AA TI SHA LA MNGA' BAS JO BO RJE DPAL LDAN AA TI SHA'I LAM RIM GYI MAN NGAG 'DI LA RGYUD PA'I CHU BO GSUM 'DRES ZHES BRJOD DO, ,DE LA RGYA CHEN SPYOD RGYUD DANG ZAB MO LTE RGYUD KYI BLA MA GONG MA RNAMS KYI RNAM THAR BSHAD ZIN CING, RLABS CHEN SPYOD RGYUD NI STON PA THUB PA'I DBANG POS MDO SDE PHAL BO CHE SOGS THEG PA CHEN PO'I MDO SDI MANG POR RGYAL SRAS DBANG RNON RNAMS KYIS SEMS BSKYED SBYONG TSUL SHIN TU RLABS CHE BA BDAG GZHAN MNYAM BRJE'I BLO SBYONG TSUL RGYA CHER GSUNGS PA RNAMS MGON PO 'JAM PA'I DBYANGS KYIS RGYAL SRAS ZHI BA LHA LA LEGS PAR GDAMS, RGYAL SRAS ZHI BA LHAS BDAG GZHAN MNYAM BRJE'I SGO NAS BYANG CHUB KYI SEMS SBYONG TSUL RTZAL DU BTON PA'I MAN NGAG BSLAB BTUS DANG SPYOD 'JUG GNYIS MDZAD CING, DE'I MAN NGAG RNAMS SLOB DPON AE LA DHA RI LA RDZOGS PAR GNANG, SLOB DPON AE LA DHA RIS SLOB DPON DPA' BO RDO RJE LA GNANG, DES SEMS DPA' CHEN PO RIN CHEN DPAL LA GNANG, DES BLA MA GSER GLING PA LA GNANG, BLA MA GSER GLING PA CHEN PO'I ZHABS DRUNG DU JO BO RJE DPAL LDAN AA TI SHAS LO BCU GNYIS KYI BAR DU DBU SNGAS SBREL TE BLO SBYONG GI MAN NGAG 'DI MTHA' DAG PAR GSAN ZHING, SKYES MCHOG BYAMS PA'I RNAL 'BYOR PA DANG, SEMS DPA' CHEN PO DHARM'A RAKshI TA GNYIS LA'ANG BDAG

GZHAN MNYAM BRJE'I MAN NGAG GSAN LA, 'PHAGS MCHOG THUGS RJE CHEN PO DANG RJE BTZUN SGROL MA SOGS LHAG PA'I LHA MANG POS KYANG JO BO RJE LA DNGOS SU ZHAL BSTAN TE BDAG GZHAN MNYAM BRJE'I GDAMS PA YANG DANG YANG DU STZAL, JO BO RJES KYANG GDAMS PA 'DI NYID THUGS DAM GYI MTHIL DU BZUNG NAS RGYUN DU BLO SBYONG BAR MDZAD PAS BDAG PAS GZHAN GCES PA'I BYANG CHUB KYI SEMS RLABS CHEN PO THUGS LA 'KHRUNGS TE SKU MTHONG BA DANG, GSUNG THOS PA DANG, MTSAN THOS PA TZAM GYIS KYANG MI DANG MI MIN KUN GYI SEMS KYI GDUG RTZUB ZHI NUS PA BYUNG BAS JO BO RJE NI BYANG CHUB KYI SEMS RIN PO CHE'I MNGA' BDAG TU GRAGS SHING, LHAG BAR BSTOD BA SUM CU PA LAS, GSER GLING RGYAL PO'I SA SKYONG BLA MA LAS, ,BYANG CHUB SEMS KYI BDUD RTZI'I SMAN BLANGS NAS, ,'GRO BA KUN LA PHAN BAR MDZAD PA YI, ,DPAL LDAN AA TI SHA LA GSOL BA 'DEBS, ,ZHES BSNGAGS PA LTAR BYANG PHYOGS GANGS RI'I KHROD KYI SKYE BO GDUG RTZUB CAN KHRO ZHING GTUM PA, PHA LA PHAR MI 'DZIN PA, MA LA MAR MI 'DZIN PA, SLOB DPON LA SLOB DPON DU MI 'DZIN PA, DRIN LAN LOG PAR 'JAL BA DAG KYANG JO BO RJE DPAL LDAN AA TI SHA 'DI'I SKU MTHONG BA DANG GSUNG THOS PA TZAM GYIS ZHE SDANG GDUG RTZUB ZHI NAS SEMS RGYUD BYAMS PA'I BRLAN GYIS DUL BAR 'GYUR ZHING RANG RANG GI GRUB MTHA'I PHYOGS BZUNG STE KHO BO CAG GI 'DI KHO NA BDEN GYI GZHAN NI GTI MUG GO ZHES PHYOGS LHUNG GI GDON GYIS RGYUD CHES CHER DKRUGS PA DAG KYANG JO BO RJE 'DI LA SUS

, ,KYANG PHYOGS LHUNG MED PAR SKU MTHONG BA TZAM GYIS THAL MO SBYOR ZHING GSUNG THOS PA TZAM GYIS JI BZHIN SGRUB PAR MA NUS KYANG RJES SU YI RANG BA DANG SMON PA'I GNAS SU BYED PA 'DI BYUNG, JO BO RJES BOD DU RIS SU MA CHAD PA'I DAD LDAN MTHA' DAG LA DAM PA'I CHOS KYI BKA' DRIN STZAL CING, LHAG PAR SDE SNOD GSUM 'DZIN BA'I BSHES GNYEN CHEN PO RNAMS LA MDO SNGAGS KYI CHOS MTHA' YAS BSTON PAR MDZAD KYANG, RGYAL SRAS ZHI BA LHA'I MAN NGAG BDAG GZHAN MNYAM BRJE'I BLO SPYONG TSUL GYI GNAD YONGS SU RDZOGS PA 'BROM RIN PO CHE LA LKOG CHOS SU GNANG, 'BROM RIN PO CHES BKA' GDAMS SKU MCHED GSUM DANG KHAMS PA LUNG PA BZHI LA LKOG CHOS SU MDZAD, DGE BA'I BSHES GNYEN KHAMS PA LUNG PAS BLO SBYONG GI GDAMS PA 'DI LA THUGS DAM GYI MTHIL DU MDZAD PAS RANG NYID SA LAM MTHON POR BYON ZHING SKAL BA DANG LDAN PA GZHAN DAG LA'ANG CI RIGS BA GNANG ZHING BLO SBYONG GI MAN NGAG LA NYE BAR MKHO BA'I CHOS BRGYAD MDZAD DE, BRGYAD NI, ZAS LA BRTEN PA'I BLO SBYONG TSUL, DBUGS LA BRTEN PA'I BLO SBYONG TSUL, LUS GRANGS MED DU SPRUL NAS BLO SBYONG TSUL, SHA KHRAG LA, BRTEN NAS BLO SBYONG TSUL, GTOR MA LA BRTEN NAS BLO SBYONG TSUL, 'BYUNG BA BZHI LA BRTEN NAS BLO SBYONG TSUL, LUS YID BZHIN GYI NOR BUR SPRUL TE BLO SBYONG TSUL, 'CHI KHAR PHAN PA'I BLO SBYONG GI MAN NGAG STE BRGYAD YOD LA,

BRGYAD BO DE LA KHAMS PA LUNG BA'I BLO SBYONG THUN BRGYAD MA ZHES GRAGS SHING SKAL BA DANG LDAN PA MANG PO LA SPEL BAR MDZAD DO, ,BKA' GDAMS SKU MCHED GSUM GYIS NI JO BO YAB SRAS KYI MAN NGAG BYANG CHUB LAM GYI RIM PA RGYA CHER SPEL BA MDZAD KYANG BYANG CHUB LAM GYI RIM PA'I SNYING PO BDAG GZHAN MNYAM BRJE'I BLO SBYONG TSUL GYI MAN NGAG MTHAR THUG PA RNAMS NI SKAL BA DANG LDAN PA RE GNYIS LA LKOG CHOS SU MDZAD DO, ,BKA' GDAMS SKU MCHED GSUM GYI NANG NAS KYANG DGE BA'I BSHES GNYEN BO TO BA CHEN PO BYANG CHUB LAM GYI RIM PA STON PA LA 'PHRIN LAS KYI KHYAB BDAL CHE BA BYUNG BAS DGE BSHES PO TO BA CHEN POS SKYES BU GSUM GYI LAM GYI RIM BA RGYAL BA'I BKA' DANG SHING RTA CHEN PO'I GZHUNG RNAMS DANG SBYAR TE RGYA CHER STON PAR MDZAD CING, BDAG GZHAN MNYAM BRJE'I BLO SBYONG GI MAN NGAG MTHAR THUG RNAMS NI DGE BSHES GLANG RI THANG BA DANG, DGE BSHES SHVA BO SGANG BA DANG, DGE BSHES SHA RA BA GSUM LA LKOG CHOS SU GNANG, DGE BSHES SHA BO SGANG BAS SKAL BA DANG LDAN PA RE GNYIS LA GDAMS NGAG BSTAN CING, GTZO CHER SHA GZUG RANG ZA'I TSUL DU SGRUB PA SNYING POR BYED PAS DUS 'DA' BAR MDZAD, DGE BA'I BSHES GNYEN GLANG RI THANG PAS NI BLO SBYONG GI GDAMS NGAG 'DI LA NYAMS LEN SNYING POR MDZAD NAS BDAG PAS GZHAN GCES PA'I BYANG CHUB KYI SEMS RLABS CHEN PO THUGS RGYUD LA 'KHRUNGS SHING SKAL BA DANG LDAN PA GZHAN DAG LA'ANG GDAMS NGAG 'DI MANG DU 'DOMS PAR

, ,MDZAD, BLO SBYONG GI GDEMS NGAG 'DE LAG LA CHE BA BRGYAD DU MDZAD DE GLANG RI THANG PA NYID KYI ZHAL NAS, SPYIR SEMS CAN THAMS CAD YID BZHIN GYI NOR BU RIN PO CHE DANG 'DRA BAR BSLAB PA, KHYAD PAR DU GNAS GANG DU GROGS SU DANG 'GROGS KYANG PHYOGS MTHA' DAG NAS RANG DMAN PAR BLTAS LA TSIG TZAM MA YIN PAR SNYING THAG PA NAS GZHAN LA GUS PAR BSLAB PA, SPYOD LAM RNAM BZHIR RANG GI RGYUD LA BRTAGS NAS NYON MONGS BYUNG MA THAG TU BTZAN THABS SU GDONG NAS BZLOG PA LA BSLAB PA, SEMS CAN SHIN TU RANG BZHIN NGAN PA SDIG PA DANG SDUG BSNGAL DRAG POS NON BA LA RNYED PAR DKA' ZHING GCES PA'I BLOS BSLAB PA, RANG GIS SNGAR PHAN BTAGS PA'AM RE CHE BA'I GANG ZAG GIS KHREL MED DANG MGO BSKOR LA SOGS PA CI BYAS KYANG BKA' DRIN CHE BA'I BSAM PAS DGE BA'I BSHES GNYEN DU BSGOM PA, RANG GZHAN LA PHUNG GYOD LA SOGS PA NYES PA CI BYUNG YANG DAG GTZANG MI BYA BAR GYOD KHA RANG GIS BLANG BAR BSLAB PA, DNGOS SAM BRGYUD PAS PHAN PA DANG BDE BA THAMS CAD SEMS CAN LA GTONG ZHING DE DAG GI SDIG PA DANG SDUG BSNGAL THAMS CAD RANG GI SNYING KHONG DU BLANG BAR BSLAB PA, TSE 'DI'I RNAM PAR RTOG PA DANG MA 'DRES PAR CHOS THAMS CAD SGYU MA LTA BUR SHES PA'I BLOS DNGOS PO GANG LA'ANG MA ZHEN PAR BSLAB PA STE BRGYAD DO, ,BRGYAD PO DE LA GLANG RI THANG PA'I BLO SBYONG TSIG BRGYAD MA ZHES GRAGS SHING, DON TSAN

BRGYAD PO DE RGYUN DU KHA TON DU BYA BA'I PHYIR TSIGS BCAD DU BSDEBS PA NI, BDAG NI SEMS CAN THAMS CAD LA, ,YID BZHIN NOR BU LAS LHAG PA'I, ,DON MCHOG SGRUB PA'I BSAM PA YIS, ,RTAG TU GCES PAR 'DZIN PAR SHOG , GANG DU SU DANG 'GROGS PA'I TSE, ,BDAG NYID KUN NAS DMAN LTA ZHING, ,GZHAN LA BSAM PA THAG PA YIS, ,MCHOG TU GCES PAR 'DZIN PAR SHOG ,SPYOD LAM KUN TU RANG RGYUD LA, ,RTOG CING NYON MONGS SKYES MA THAG ,BDAG GZHAN MA RUNGS BYED PAS NA, ,BTZAN THABS GDONG NAS BZLOG PAR SHOG ,RANG BZHIN NGAN PA'I SEMS CAN NI, ,SDIG SDUG DRAG POS NON MTHONG TSE, ,RIN CHEN GTER DANG 'PHRAD PA BZHIN, ,RNYED PAR DKA' BA'I GCES 'DZIN SHOG , BDAG LA GZHAN GYI PHRAG DOG GIS, ,GSHE BSKUR LA SOGS MI RIGS PA'I, ,GYOD KHA RANG GIS LEN PA DANG, ,RGYAL KHA GZHAN LA 'BUL BAR SHOG ,GANG LA BDAG GIS PHAN BTAGS PA'I, ,RE BA CHE BA GANG ZHIG GIS, , SHIN TU MI RIGS GNOD BYED NA'ANG, ,BSHES GNYEN DAM PAR LTA BAR SHOG ,MDOR NA DNGOS DANG BRGYUD PA YIS, ,PHAN BDE MA RNAMS KUN LA 'BUL, ,MA YI GNOD DANG SDUG BSNGAL KUN, ,GSANG BAS BDAG LA LEN PAR SHOG ; DE DAG KUN KYANG CHOS BRGYAD KYI, ,RTOG BA'I DRI MAS MA SBAGS SHING, ,CHOS KUN SGYU MAR SHES PA'I BLOS, ,ZHEN MED 'CHING BA LAS GROL SHOG ,CES PA STE GLANG RI THANG PA'I BLO SBYONG TSIG BRGYAD MA ZHES GRAGS CHE ZHING DE'I KHRID

, ,RGYUN YANG DGE BA'I BSHES GNYEN GLANG RI THANG PAS DGE BSHES MYANG LCAGS ZHING PA LA GNANG, DES DGE BA'I BSHES GNYEN 'CHAD KHA BA CHEN PO LA GNANG STE, DGE BA'I BSHES GNYE NANG CHAD KHA BAS BLO SBYONG TSIG BRGYAD MA DE NYID BLO SBYONG DON BDUN MA'I NANG DU BSDUS NAS KHRID PAR MDZAD PAS DE PHYIN BLO SBYONG DON BDUN MA DANG BLO SBYONG TSIG BRGYAD MA GNYIS KHRID RGYUD GCIG GO ,DGE BA'I BSHES GNYEN SHA RAB CHEN PO LA BYANG CHUB LAM GYI RIM PA'I 'PHRIN LAS KYI BKA' BAB PAS SDE SNOD 'DZIN PA STONG PHRAG MANG PO LA BYANG CHUB LAM GYI RIM PA'I MAN NGAG RGYA CHER 'DOMS PAR MDZAD CING, GSUNG RAB DGONGS 'GREL DANG BCAS PA THAMS CAD SKYES BU GSUM GYI LAM GYI RIM PA'I STENG DU BSDUS NAS 'DOMS PAR MDZAD LA, BLO SBYONG SNYAN RGYUD KYI MAN NGAG RNAMS NI LKOG CHOS NYID DU MDZAD DE DGE BA'I BSHES GNYEN 'CHAD KHA PA CHEN PO LA LO BCU GNYIS KYI BAR DU LKOG KHRID BU BYAS TE MTHA' DAG PAR 'DOMS PAR MDZAD, DGE BA'I BSHES GNYEN 'CHAD KHA BA CHEN POS BDAG GZHAN MNYAM BRJE'I BLO SBYONG 'DI LA THUGS DAM GYI MTHIL DU MDZAD NAS SKU TSE RIL POR NYAMS LEN LA BRTZON PAR MDZAD PAS BDAG PAS GZHAN GCES PA'I BYANG CHUB KYI SEMS RIN PO CHE RLABS CHEN PO 'KHRUNGS SHING, BLO SBYONG 'DI 'DOMS PA LA DBANG 'BYOR PAR GYUR TE, BYANG CHUB KYI SEMS RIN PO CHE LA SLOB BAR 'DOD PA MTHA' DAG BDAG NYID CHEN PO

'DI'I DRUNG DU LHAGS PAR GYUR PA NA LKOG KHRID DU MDZAD MA THUB BAR TSOGS CHOS SU MDZAD DE DON GNYER CAN MTHA' DAG LA RGYA CHER SPEL ZHING BLO SBYONG 'DI'I MAN NGAG RNAMS DON TSAN BDUN DUS BCAD MDZAD DE BLO SBYONG DON BDUN MA ZHES MTSAN BTAGS, SA'I CHA THAMS CAD BLO SBYONG 'DI'I 'PHRIN LAS KYIS KHYAB PAR MDZAD, MAN NGAG YONGS SU RDZOGS PA DGE BA'I BSHES GNYEN SE SPYIL BU BA LA GNANG, DGE BSHES SE SPYIL BU BAS KYANG BYANG SEMS 'CHAD KHA BA CHEN POS JI LTAR MDZAD PA LTAR BLO SBYONG DON BDUN MA'I KHRID RGYA CHER SPEL ZHING, DGE BA'I BSHES GNYEN SE SPYIL BU BA LA LHA SPYIL BU BA 'OD ZER BLA MAS GSAN, DE LA DGE BSHES LHA SDINGS PAS GSAN, DE LA DGE BSHES LHA SDINGS DBON GYIS GSAN, DE LA DGE BA SHES YON TAN DPAL GYIS GSAN, DE LA MKHAN CHEN BDE BA DPAL GYIS GSAN, DE LA MKHAN CHEN DKA' BZHI PA GRAGS PA GZHON NUS GSAN, DE LA SEMS DPA' CHEN PO BSOD NAMS GRAGS PAS GSAN, DE LA RGYAL BA'I SRAS PO THOGS MED BZANG PO DPAL GYIS GSAN, DE LA RJE BTZUN RED MDA' PA CHEN POS GSAN, DE LA RJE BTZUN CHOS KYI RGYAL PO TZONG KHA PA CHEN POS GSAN NO, ,RGYAL SRAS ZHI BA LHA NAS DGE BA'I BSHES GNYEN SA SPYIL BU BA'I PAR GYI BLA MA RNAMS KYI RNAM PAR THAR PA SNGAR BRJOD ZIN LA, LHA SPYIL BU BA 'OD ZER BLA MA DANG, LHA SDINGS BA DANG, LHA SDINGS DBON DANG, BSHES GNYEN YON TAN DPAL BZHI PO 'DI'I MDZAD PA RNAM THAR ZHIB MOR 'KHOD

, ,PA MA MTHONG BAS SLAR RNYED NA 'DIR BSNAN PAR BYA'O, ` ,,MKHAN CHEN BDE BA DPAL NI, GTZANG RANG G-YAG SDER LCAGS MO YOS LA SKU 'KHRUNGS, SKU GZHON NU NAS RGYAL BA'I BSTAN PA RIN PO CHE'I SGOR RAB TU BYUNG STE KLOG BA THOS BSAM DANG SPONG BA BSAM GTAN LA BRTZON PAR MDZAD, DGUNG LO NYI SHU LON PA LCAGS PHO KHYI'I LO LA MKHAN CHEN LHO BRAG PA BYANG CHUB DPAL GYIS MKHAN PO, SLOB DPON BSOD NAMS BZANG POS LAS SLOB, SLOB DPON DBANG PHYUG GRAGS PAS GSANG STON MDZAD DE, DGE 'DUN GYI DBUS SU TSIG RDZOGS MDZAD NAS 'DUL BA LUNG SDE BZHI NAS GSUNGS PA'I DGE SLONG GI BSLAB BYA PHRA RAGS RNAMS MIG 'BRAS LTAR BSRUNG BAR MDZAD CING, SBYANGS BA'I YON TAN STAN GCIG PA'I BRTUL ZHUGS LA GNAS PA'I NGANG NAS MKHAN PO'I DRUNG DU ME TOG 'PHRENG BRGYUD MKHAN CHEN PA NYID KYIS MDZAD PA'I t'IKKA DANG SBYAR BA DANG, SPYOD 'JUG SOGS MDO PHYOGS KYI GZHUNG DANG MAN NGAG MANG DU GSAN, KHYAD PAR MKHAN CHEN BYANG CHUB DPAL BA LA SNE'U ZUR PA NAS BRGYUD PA'I LAM RIM DANG, DMIGS PA SKOR GSUM LA SOGS PA MI G-YO BA'I SKAB YIG RNAMS DANG, CHOS RJE PAn CHEN NAS BRGYUD PA'I 'JAM DKAR SGROL DKAR BDE MCHOG DKAR PO GNYAN GYI SGROL MA LA SOGS PA BKA' LUNG MANG DU GSAN, SLOB DPON YON TAN DPAL LA THEG PA CHEN PO BLO SBYONG GI GDAMS PA ZAB MO DANG, SLOB

DPON BKRA SHIS BSOD NAMS LA LAG SOR BA NAS BRGYUD PA'I THUGS RJE CHEN PO'I SGRUB SKOR DANG, BLA MA RDZONG PU BA LA DON YOD ZHAGS PA'I SGRUB SKOR RNAMS GSAN, GZHAN YANG G-YAG SDE LO TZ'A BA, MDO PHUG GI SLOB DPON DKON MCHOG GRAGS, 'GRO MGON 'PHAGS PA, MKHAN PO SENG GE ZIL GNON, RIN PO CHE KHRO PHU BA SOGS BSTEN TE, GZHUNG DANG GDAMS PA MANG PO GSAN ZHING MKHAN CHEN BYANG CHUB DPAL GSHEGS NAS LO GSUM GYI BAR SLOB DPON BSOD NAMS STOBS KYIS TSOGS PA'I DBU MDZAD BYAS, DE'I BAR DGA' BA GDONG DU DBYAR NYI MA BRTZON 'GRUS LA PHAR PHYIN GSAN, DE NAS DGUNG LO SUM CU RTZA BRGYAD PA LCAGS PO 'BRUG LA GDAN SAR BYON, NYI SHU RTZA BDUN GYI RING GDAN SA MDZAD NAS MA PHO STAG LA DKA' BZHI PA LA GDAN SA GTAD NAS ZUR BZHUGS MDZAD DE RGYAL BA'I GSUNG RAB DGONGS 'GREL DAM BCAS PA MA LUS PA NYAMS LEN GYI LUS GCIG TU DRIL BA BYANG CHUB LAM GYI RIM PA DANG, DE'I SNYING PO BDAG GZHAN MNYAMS RJE'I BLO SBYONG LA THUGS DAM RTZE GCIG TU MDZAD PAS LAM GYI LUS YONGS SU RDZOGS PA LA MYONG BA PHUL PHYIN THON ZHING THUGS RJE CHEN PO DANG RNAM BAR RGYAL MA'I ZHAL GZIGS, TSUL KHRIMS KYI DRI NGAD BZANG PO LDANG, CHOS SKYONG RNAM THOS SRAS KYIS 'PHRIN LAS BSGRUB PAR MDZAD DO, ,DE NAS DRUG CU RTZA BDUN BZHES PA ME MO BYA LA SKU GSHEGS, SKU GDUNG BZHU BA'I TSE THUGS LA MES MA REG PAR SGRA DANG BCAS TE BYON PA DA LTA'ANG BYES KYI RTEN GRAL NA BZHUGS SO, ` ,,

, ,MKHAN CHEN DKA' BZHI PA GRAGS PA GZHON NU NI, DBU RU STOD KYI LHA LCANG RI MO CAN ZHES BYA BA'I GRONG GYAD GSAR DU, YAB GYAD GSAR DGOS PA ZHES BYA BA'I SRAS SU ME MO SKRUL GYI LO LA SKU 'KHRUNGS, SKU GZHON NU NA SA KHYIM GYI 'DU 'JI LA MA CHAGS PAR SRID PA MTHA' DAG LA ZHEN PA LOG PA'I NGES 'BYUNG GIS RGYUD BSKUL TE, MKHAN PO GRAGS PA 'BUM LA RAB TU BYUNG STE, MTSAN GRAGS PA GZHON NU DPAL BZANG POR BTAGS, DE NAS MKHAN CHEN BDE BA DPAL BSAM SBYOR GNYIS KYIS TSUL BZHIN DU BSTEN TE LUNG DANG MAN NGAG MANG DU GSAN ZHING ,DGUNG LO NYI SHU BZHES PA G-YAG SDE BA'I DBANG BO ZHES BYA BAR, MKHAN CHEN BDE BA DPAL GYIS MKHAN PO, DANG, SLOB DPON THUGS RJE DPAL BZANG POS LAS SLOB, SLOB DPON CHOS LDAN DPAL BZANG POS GSANG STON MDZAD DE, ME PHO BYI LO'I DBYAR ZLA 'BRING PO'I DUS DAD PA'I DGE SLONG BCU DRUG GI DBUS SU BSNYEN PAR RDZOGS PAR MDZAD DE, ,TSUL KHRIMS MIG 'BRAS BZHIN DU BSRUNG BAR MDZAD DO, ,DE NAS MKHAN CHEN BDE BA DPAL LA DUS GSUM GYI SANGS RGYAS THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID DANG, DE'I RTZA PA'I MAN NGAG MNGON RTOGS RGYAN DANG SPOD 'JUG SOGS GSAN ZHING, KHYAD PAR RGYAL SRAS DAM PA RNAMS KYI THUGS DAM GYI MTHIL THEG PA CHEN PO'I BLO SBYONG GI KHRID GSAN TE NYAMS KHRID DU BSKYANGS, GZHAN YANG MKHAN CHEN BDE BA DPAL LA

SKYER SGANG PA'I THUGS RJE CHEN PO, DON YOD ZHAGS PA'I SKOR, 'JAM DPAL RNON PO, DPA' BO GCIG SGRUB DKAR BO, RNAM RGYAL MA, RNAM 'DZAMS, SMAN BLA RNAMS KYI RJES GNANG DANG, CHOS SPYOD MANG PO'I LUNG, MI G-YO DKAR SNGO, DMIGS PA SKOR GSUM LA SOGS PA GSAN, KHRO PHU'I SLOB DPON DKA' BZHI BA GZHON MDZES LA MNGON PA KUN LAS BTUS DANG TSAD MA RNAM NGES LEGS PAR BSLABS, MKHAS PA YON TAN 'BUM LA 'DUL BA MDO RTZA DANG MNGON PA MDZOD GSAN, G-YAG SDE LO TZ'A PA BSOD NAMS SENG GE LA BDE MCHOG DANG GSHED DMAR SOGS BKA' LUNG MANG PO DANG, RONG PA SHES RAB SENG GE LA DUS 'KHOR DANG GSHIN RJE GSHED SOGS RVA LUGS KYI CHOS SKOR MANG PO DANG, STON PA KUN DGA' RGYAL PO LA SGYOR DRUG GI SKOR DANG, BLA MA GRUB MCHOG LA'ANG GSANG SNGAGS KYI SKOR MANG PO GSAN TE, THOS PA'I PHA ROL TU SON NO, ,LAN CIG ZLA BA GZA' 'DZIN GYI DUS SU, MA SHA'I SBYOR BA MDZAD PAS ME TOG 'KHRUNGS, MNAL CUNG ZAD BYUNG BA'I GZIGS SNANG LA, RJE BTZUN 'JAM DBYANGS KYI ZHAL NAS, NGA SPYAN DRANGS NAS CI 'DOD PA YIN GSUNG, RAL GRI DE GNANG 'TSAL ZHUS LAS, RIGS PA'I RAL GRI LA BYIN YOD, KHYOD RDO RJE 'DI KHYER GSUNGS NAS, GSER GYI RDO RJE SOR BZHI PA ZHIG GNANG BA MNGON SUM LTA BUR BYUNG STE, GSUNG RAB KYI TSIG DON 'BYED PA LA GTUGS PA MED PA'I RNAM DPYOD PHUL DU BYUNG BA THUGS LA 'KHRUNGS SO, ,DE NAS DGUNG LO SO BRGYAD BA ZHIG PA SHING PHO RTA'I LO LA TSOGS KYI

, ,MKHAN PO MDZAD, 'DUL BA MDO RTZA, MNGON PA KUN LAS BTUS, TSAD MA BSDUS PA, PHAR PHYIN SOGS GZHUNG BSHAD DU MA DANG, THEG PA CHEN PO'I BLO SPYONG LA SOGS PA'I MAN NGAG GIS SKAL BA DANG LDAN PA RNAMS RJES SU 'DZIN BAR MDZAD DE, BLA MA BDAG NYID CHEN PO LA SOGS PA SA SKYA PA'I GDUNG BRGYUD DANG, BU STON RIN PO CHE, BYANG SEMS BSOD NAMS GRAGS PA SOGS MKHAS BTZUN MANG BO'I YONGS 'DZIN MDZAD CING, 'GRO DON 'PHRIN LAS BSAM GYIS MI KHYAB PA'I NGANG NAS MYANG SMAD PA SNAM 'BI LUNG RI KHROD DU SGRUB PA RTZE GCIG TU MDZAD CING, SKAL BA DANG LDAN BA GZHAN DAG LA'ANG LAM RIM DANG BLO SBYONG LA SOGS PA'I CHOS MANG DU STZAL SKU TSE 'DI'I MJED PA RDZOGS PA NA DGUNG LO NGA DGU BZHES PA SHING MO YOS KYI LO THA SKAR ZLA BA'I TSES BCO LNGA LA ZLA BA GZA' LAS GROL BA DANG DUS MNYAM DU BDE BAR GSHEGS PA'I TSUL BSTAN TO, ,DE'I TSE SPUGS LA 'JA' TSON KA BA LTAR ZUG PA DANG, ME TOG GI CHAR CHEN PO BABS DE NAS TSONG DUS MGUR MO'I YON BDAG RNAMS KYIS SKU GDUNG TSONG DUS SU GDAN DRANGS PA NA, MKHYEN RAB DBANG PHYUG BU STON RIN PO CHES THOG DRANGS SNAM SBYAR GYON PA'I DGE SLONG NYIS BRGYA LHAG TZAM GYIS SPOS DANG, GDUGS DANG RGYAL MTSAN DANG ROL MO LA SOGS PA'I MCHOD PA MANG PO DANG, SKYE BO'I TSOGS KYI KHROM CHEN POS BSU BA BYAS NAS, TSONG DUS KYI GRONG KHYER DANG NYE BAR SKU GDUNG BZHU BA'I TSE ME TOG GI CHAR CHEN PO 'BRAS SHING RING BSREL MANG PO BYON,

DUS PHYIS SKU GDUNG GI S'ATZTSA DANG GDUNG THAL BZHUGS PA'I KHANG BU LA'ANG RING BSREL 'DZAG PA BYUNG STE, NGO MTSAR BSAM GYIS MI KHYAB PA BYUNG NGO,, ` ,,MKHAN CHEN PA BYANG CHUB SEMS DPA' BSOD NAMS GRAGS PA NI ,CHU MO BYA'I LO LA SNYE MO PHUN SUM DU SKU 'KHRUNGS, DE'I TSE RGYAL SRAS 'DI'I MES PO'I RMI LAM DU ME TOG DANG 'BRAS BU PHUN SUM TSOGS PAS BRGYAN PA'I SHING LJON PA CHEN PO ZHIG LA SHING LJON PA MANG POS BSKOR BA CIG BYUNG BAS, 'O SKOL GYI PHU 'DI LA KHYIM BZUNG NA MI NER RDZAS GSUM 'DZOM PA CIG DANG, DAM PA'I CHOS BYAS NA GRVA BU SLOB MTHA' RGYAS PA CIG 'ONG BA 'DRA ZER, BYIS PA'I DUS NAS PHYAG NA CI YOD GZHAN LA STER PA DANG, PHAN SEMS DANG SNYING RJE CHE BA DANG, RTZED MO TSUN CHAD LA'ANG CHOS KYI SPYOD PA BYE DPA CIG BYUNG NGO, ,DE NAS DGUNG LO BCO BRGYAD BZHES PA'I TSE, MKHAN PO DKON MCHOG SKYABS DANG, SLOB DPON GZHON NU DAR ZHES BGYI BA LAS RAB TU BYUNG, DGE TSUL DU BSGRUBS TE MKHAN SLOB KYI SPYAN SNGAR JI LTAR KHAS BLANGS PA'I BSLAB BYA RNAMS TSUL BZHIN DU BSRUNG BA'I SGO NAS THOS BSAM LA BRTZON PAR MDZAD, DGUNG LO BCU DGU RU PHEBS PA LCAGS YOS LO MDAL BSHOL BRTZIS PAS NYI SHUR BYAS TE MKHAN CHEN BDE BA DPAL DANG, LAS SLOB MKHAN CHEN DKA' BZHI PA GRAGS PA GZHON NU DANG, GSANG STE BA SLOB DPON GZHON NU DAR GYIS MDZAD DE BSNYEN PAR RDZOGS, JI LTAR KHAS BLANGS PA'I BSLAB PA RNAMS LAS MI 'DA' BAR

, ,MDZAD, DE NAS MKHAN SLOB GNYIS LA MNGON PAR RTOGS BA'I RGYAN 'GREL PA DANG BCAS PA DANG, 'DUL BA'I MDO BYA t'IKA GI BSHAD SROL DANG BCAS PA LA LEGS PAR SBYANGS, GZHAN YANG MNGON PA KUN LAS BTUS, SPYOD 'JUG, GSANG SNGAGS PHYI NANG GI SGRUB SKOR DANG MAN NGAG MANG DU GSAN, MKHAN CHEN DKA' BZHI PA LA DGYER SGOM CHEN PO NAS BRGYUD PA'I LAM RIM, BLO SBYONG DON BDUN MA, JO BO'I DBU MA BDEN CHUNG DANG, DBU MA'I MAN NGAG, SGROL MA MAndAL BZHI PA, SGROL DKAR GYI SGRUB THABS, MI G-YO BA'I DMIGS PA SKOR GSUM, MI G-YO BA'I SGRUB YIG CHEN MO, DBU MA LUGS KYI SEMS BSKYED RNAMS GSAN, MKHAN CHEN DKA' BZHI PA LA RGYAL SRAS LAM 'JUG, BA RI BA'I SGRUB THABS BRGYA RTZA, SMAN BLA'I CHO GA LAG LEN DANG BCAS PA, JO BO'I LO RGYUS CHEN MO, LAM RIM, BLO SBYONG, MI G-YO BA'I SGRUB YIG RNAM GSUM, DMIGS PA SKOR GSUM, RTA MGRIN SHVA NA BZHI SKOR, SPYAN SNGA BA'I RAB GNAS, LAG SOR BA NAS BRGYUD PA'I THUGS RJE CHEN PO'I SGRUB SKOR MAN NGAG DANG BCAS PA, RIN CHEN 'BRU DGU SOGS KHRO PHU BA'I MAN NGAG SKOR, SBYOR DRUG GI KHRID, DBU MA'I SGOM RIM RNAM GSUM, SLOB DPON KLU SGRUB KYIS MDZAD BA'I MDO KUN LAS BTUS, GNAS BRTAN GYI GSOL 'DEBS, JO BO'I LAM SGREN RANG 'GREL DANG BCAS PA, GZHAN YANG CHOS SKOR MANG DU GSAN TE RTZA BA'I BLA MA BKA' DRIN CHE SHOS SU MDZAD DO, ,SLOB DPON GZHON NU MJES LA

SHER PHYIN SRAS YUM BCU BDUN DANG, SA SDE LNGA, KHRO PHU BA'I MAN NGAG BRGYA RTZA SOGS GSAN, SLOB DPON BSOD NAMS YE SHES LA LUNG SDE BZHI, MDO RTZA 'GREL, DBU MA TSIG GSAL, DBU MA LA 'JUG PA, DBU MA RGYAN, DBU MA SNANG BA, DBU MA BDEN GNYIS, BSLAB SPYOD GNYIS, JO BO'I CHOS CHUNG BRGYA RTZA, SHA RA BA PA NAS BRGYUD PA'I LAM SGRON GYI BSHAD PA, BE'U BUM SNGON PO DANG, DE'I 'GREL BA JO STAN GUR PAS MDZAD BA, 'CHAD KHA BA'I GRUB MTHA' CHEN MO, SNAR THANG PA'I LAM MCHOG, JO BO'I RNAM THAR DANG BLA MA GONG MA RNAMS KYI LO RGYUS, SEMS TZAM LUGS KYI SMON 'JUG SEMS BSKYED, SKYES BU GSUM GYI KHRID, DBU MA CHEN PO'I KHRID, BLO SBYONG DON BDUN MA, TSIG BRGYAD MA, KHAMS LUNG PA'I THUN BRGYAD MA, SNAR THANG PA'I LUGS KYI RAB GNAS DANG, GNAS BRTAN BCU DRUG GI SGRUB YIG RGYAS PA, MNGON RTOGS BRGYA RTZA, BLA MA'I DUS MCHOD SGRUB PA'I THABS, ,DON ZHAGS DE NYID BCU DRUG ,RGYUD CHUNG GI t'IKKA MCHIMS PAS MDZAD PA SOGS MANG DU GSAN NO, ,BYA YUL BA SANGS RGYAS JO BO LA, BYA YUL BA'I LUGS KYI RAB GNAS RGYAS BSDUS, PHYAG BRGYAD SGROL MA, DAM TSIG GSUM BKOD LHA LNGA MA DANG LHA GSUM MA, MKHAN CHEN SH'AKYA GZHON NU LA, JO BO'I RTA MGRIN PHYAG DRUG PA LAS TSOGS DANG BCAS PA, BLA MA GRAGS BA SHES RAB LA, BDE MCHOG NAG PO PA'I CHO GA JO BO'I LUGS DANG, L'U AI BA'I 'GREL PA JO BOS MDZAD PA, KYEE RDO RJE'I DBANG, MAH'A M'A

, ,YA'I DKYIL CHOG, SGRUB THABS PHYAG LEN DANG BCAS BA JO BO'I LUGS, MKHAN BO CHOS KYI DPAL BA LA, NAG CHO'I BSTAN RIM, JO BO'I BYANG CHUB LTUNG BSHAGS 'DON THABS ,BLA MA KUN DGA' TSUL KHRIMS LA, THUGS RJE CHEN PO'I DMAR KHRID, JO BO NAS BRGYUD BA'I DON ZHAGS DANG, BA RI BA'I DON ZHAGS LTA LNGA'I SKOR GSAN ZHING, GZHAN YANG BLA MA DAM PA MNGA' RIS PA SANGS RGYAS YE SHES, BLA MA DHARM'A SHR'I BHA DRA, DPANG LO BLO GROS BRTAN PA SLOB DPON BSOD SHE, MKHAN CHEN RGYAL MTSAN DPAL, MKHAN PO THUB PA MGON, MKHAN PO GRAGS PA DPAL, RONG PA SHES RAB SENG GE, 'JAM DBYANGS RIN RGYAL, BLA MA BDAG NYID CHEN PO, BLA MKHYEN KUN BLO, BLA MA MKHAS BTZUN PA, BLA MA KUN DGA' RGYAL MTSAN, BLA MA DON YOD RGYAL MTSAN, DPAL LDAN BLA MA DAM PA, BLA MA KUN DGA' SENG GE, BLA MA KUN BSOD PA, DRE'U LHAS PA'I MKHAN BO KYOG MO CHE, SLOB DPON RIN CHEN BSAM GRUB LA SOGS PA YONGS SU 'DZIN PA SUM CU TZAM BSTEN NAS MDO DANG SNGAGS KYI BSHAD LUNG MAN NGAG MANG DU GSAN NO, ,DE LTAR THOS BA RGYA MTSO'I PHA ROL TU PHYIN PA NA SNGON BYON DAM PA'I RNAM THAR LTAR MANG DU THOS PA'I DON RANG GI RGYUD LA SBYAR TE NYAMS LEN SNYING POR MDZAD BZHED NAS MKHAN CHEN BDE BA DPAL DANG MKHAN CHEN DKA' BZHI PA GNYIS LA BYANG CHUB MCHOG TU SEMS BSKYED NAS, DPAL LDAN AA TI SHA'I THUGS DAM GYI MTHIL SKYES BU GSUM GYI LAM RIM DANG, BYANG CHUB SEMS

SBYONG GI MAN NGAG RNAMS TSANG BAR ZHUS NAS BSGOMS PAS, NYAMS MYONG DANG DROD RTAGS PHUL DU BYUNG BA THUGS LA 'KHRUNGS TE, BDE SDUG MTHO DMA' CI BYUNG YANG THEG PA CHEN BO'I BLO SBYONG GI STENG 'BA' ZHIG TU 'JOG PAS BYANG CHUB KYI SEMS LAS NAM YANG G-YEL BAR MI MDZAD DO, ,GZHAN YANG PHA ROL TU PHYIN BA'I LUGS KYI RNAM PA'I KHRID, SRID ZHI MNYAM NYID KYI KHRID, DBU MA CHEN BO'I KHRID, RTEN 'BREL GYI KHRID RNAMS GSAN ZHING THUGS NYAMS SU BZHES PAS CHOS THAMS CAD SPROS PA'I MTHA' BRGYAD DANG BRAL BA RMI LAM DANG, SGYU MA DANG, CHU ZLA LTA BUR THUGS SU CHUD DE 'OD GSAL CHEN PO'I TING NGE 'DZIN LAS NAM YANG MI G-YO BAR BZHUGS SHING ,ZAB MO RDZOGS PA'I RIM BA'I TING NGE 'DZIN KYANG PHUL DU BYUNG BA LA MNGA' BRNYES SO, ,MDOR NA BDAG NYID CHEN PO 'DI NI PHYI'I KUN TU SPYOD PA DAM PA'I CHOS 'DUL BA GZHIR MDZAD DE, KHRUS DANG GTZANG SPRA LA GNAS NAS, CHOS GOS GSUM DANG GDING BA CHU TSAGS 'KHAR GSIL LHUNG BZED LA SOGS PA'I DGE SBYONG GI YO BYAD RNAMS DANG MI 'BRAL BAR GZHI GSUM GYI LAG LEN DANG, THA NA RUNG CHU LA SOGS PA RNAMS KYANG PHYAG LEN ZHIB BAR MDZAD DE 'PHAGS PA NYE BAR 'KHOR DANG MTSUNGS PA YIN NO, ,NANG DU BYANG CHUB KYI SEMS RIN PO CHE RNAM PA GNYIS KYI TING NGE 'DZIN DANG BCAS PA LA THUGS DAM GYI MTHIL DU MDZAD PAS, DGE SLONG RDO RJE 'DZIN PA CHEN POR BZHUGS PA YIN

, ,NO; ;DE NAS DGUNG LO NGA BZHI PA ME PHO STAG GI LO LA TSOGS PA CHOS LUNG PA'I MKHAN SAR PHEBS NAS LO NYI SHU RTZA BRGYAD KYI BAR DU TSOGS PA LA SBYANGS TE, BSDU BA RNAM BZHI'I SGO NAS 'GRO BA'I DON MTHA' YAS PA MDZAD DO, ,BU SLOB KYANG DPAL LDAN SA SKYA'I BDAG PO BLA CHEN KUN BLO, BLA MA DON YOD RGYAL MTSAN, DPAL LDAN BLA MA, BLA MA KUN DGA' LEGS PA'I RGYAL MTSAN, RGYAL BA'I SRAS PO THOGS MED BZANG PO DPAL, MKHYEN RAB DBANG PHYUG BU STON RIN PO CHE, KUN MKHYEN CHEN PO LA SOGS PA MKHAS GRUB BSAM GYIS MI KHYAB BA BYUNG ZHING RGYA HOR DANG MDO STOD SMAD KYI MI SDIG PA LA SPYOD PA RNAMS THABS SNA TSOGS MDZAD DE DGE BA LA SBYOR BAR MDZAD BA DANG, KHYIM PA RNAMS LA BSNYEN GNAS DANG, DGE BSNYEN LA SOGS PA'I BSLAB GZHI LEN DU 'JUG PA SOGS MDOR NA ZHAL MTHONG BA DANG CHOS 'BREL ZHU BA DANG, BYIN GYIS BRLABS PA SOGS KYI SGO NAS SEMS CAN LA PHAN PA SHA STAG MDZAD DO, , DE'I STOBS KYIS MI DANG MI MA YIN PA THAMS CAD KYANG DBANG DU 'DU ZHING 'PHRIN LAS SGRUB PAR MDZAD BA YIN NO, ,RNAM THOS KYI BUS BSRUNG SKYOB DANG 'PHRIN LAS MDZAD PA'I RTAGS MANG DU BYUNG ZHING, MAH'A K'A LA LCAM DRAL GYIS KYANG KHANG BA'I THOG RDIB NAS NYEN CHEN PO BYUNG BA'I DUS SU GDUNG MA DANG LCAM GYI SNE NAS BTEG PA'I LO RGYUS KYANG YOD CING, BSAM YAS SU PHEBS DUS DGE BSNYEN CHEN POS SKOR BA BYAS PA MI PHAL BAS KYANG MTHONG BA DANG,

SKYID GRONG DU PHEBS DUS NAD RIMS DRAG PO DAD MU GES MI RNAMS LA SDUG BSNGAL DU MA 'DUG PA LA, RIN PO CHE PAS 'PHAGS PA WA TI LA MCHOD PA PHUL TE GSOL BA BTAB PAS, NAD RIMS THAMS CAD RGYUN CHAD CING, 'BRAS KYI LAS SGO RDOL NAS 'BRU SHIN TU MOD PA BYUNG BA SOGS KYI LO RGYUS MANG PO DANG, YANG LAN CIG STOD LUNG LAM BA DGON PAR THUB PA CHU KHOL MA LA PHYAG MCHOD PHUL TE, DRI BZANG SBYAR BA'I CHU STA GON BYAS NAS SKU KHYAMS STOD DU SPYAN DRANGS TE CHU'I NANG DU BZHUGS SU GSOL MA THAG TU CHU THAMS CAD MGAR GYI SOL MAL DU BSREGS PA'I LCAGS CHU NANG DU SKYUR BA BZHIN DU CHER KHOL TE DBYIBS KYANG NOR BU BRTZEGS PA'I RNAM PA LTA BU BYUNG BAS, DER 'CHOGS PA'I MI THAMS CAD DAD PA RANG DBANG MED PAR SKYES NAS ,STON PA'I SKU DE DANG RIN BO CHE NGA GNYIS LA BYIN RLABS ZHU BA MI SHONG BA TZAM BYUNG, THUB PA'I SKU 'DI LA SKU KHRUS GSOL MI JI TZAM ZHIG BYUNG BA LA DA RES LAS CHU KHOL CHE BA'I GTAM MA THOS, DE YANG MI SKAM THAG CIG YIN TE, KHYED KYI ZHAL MJAL MA THAG DAD PA RANG DBANG MED PAR SKYE BA ZHIG BYUNG ZHES LAM DGON GYI SPYAN SNGAS ZHUS BAS, KHYED BKA' GDAMS KYI DGE BSHES BZANG POR GDA' BAS, DPAL LDAN AA TI SHA NAS BRGYUD PA'I CHOS SHIG 'BUL ZHES THEG PA CHEN PO BLO SBYONG GI GDAMS PA ZAB MO ZHIG GNANG NGO, ,DE NAS DGUNG LO BDUN CU BZHES PA'I TSE, SKU KHAMS CUNG ZAD LTEMS PA CIG LA PHYAG GI DNGOS PO THAMS CAD DGE 'DUN DANG

, ,DKON MCHOG GI MCHOD PAR BTANG PAS, SKU KHAMS KYANG LEGS PAR DVANGS TE BDE BAR BZHUGS PA'I DUS SU YONGS KYI DGE BA'I BSHES GNYEN BSOD NAMS BZANG PO LA GDAN SA GTAD DE THUGS LAS CHUNG NGUR BZHUGS SHING, DA PHAN CHAD SHI YANG BLA BA YIN, NGA RANG GIS BSAMS PA THAMS CAD 'GRUB GSUNG NGO, ,DE NAS RANG LO DON GSUM PA SHING MO BYA LA ZHI BAR GSHEGS SO,, ` ,,RGYAL BA'I SRAS PO THOGS MED BZANG PO DPAL NI, DPAL LDAN SA SKYA NAS LHO NUB TU DPAG TSAD PHYED DANG GSUM CAM BGROD PA NA PHUL BYUNG GRAG SKYA ZHES BYA BA MTHA' THAMS CAD PRAG RI DKAR POS BSKOR ZHING, PHUN 'BROG DANG ,MDA' NA ZHING BA MANG DU GNAS BA, SA GZHI THAMS CAD NE'U GSING SNGON PES BRGYAN PA GTZANG ZHING YID DU 'ONG BA'I YUL DU YAB DKON MCHOG DPAL DANG ,YUM 'BUM SGRON GNYIS KYI SRAS SU SHING MO LUG GI LO NGO MTSAR BA'I LTAS MANG PO DANG BCAS SKU 'KHRUNGS SO, ,RGYAL SRAS 'DI YUM GYI LHUMS SU 'JUG PA'I DUS NA YUM LA MGON PO SPYAN RAS GZIGS LUS LA THIM PA'I RMI LAM BYUNG ZHING BLTAMS PA'I DUS NA'ANG MGON PO SPYAN RAS GZIGS RTEN DANG BRTEN PAR BCAS PA'I DKYIL 'KHOR PHYIR SPROS PA'I SNANG BA DANG, SNGON MED PA'I DRI ZHIM PO MNAM PA DANG, ROL MO'I SGRI SNYAN PA PHYOGS KUN TU GRAGS PA DANG, SA G-YO BA DANG, ME TOG GI CHAR BABS PA DANG, YUL DER SNGON MED PA'I RTZVA DANG, SHING DANG, ME TOG SNA TSOGS SKYES PA SOGS NGO MTSAR

BA'I LTAS BSAM GYIS MI KHYAB PA BYUNG ZHING, RGYAL SRAS 'DI LA DKON MCHOG BZANG PO ZHES MTSAN GSOL TO, ,DE'I TSE RGYAL SRAS GZHON NU DE'I SKU NI MTSAN DPE RJES MTHUN PA DANG LDAN PAS 'JIG RTEN KUN GYI MIG GI BDUD RTZI LTA BU ZHIG BYUNG ZHING, RGYAL SRAS SEMS DPA' CHEN PO 'DI NI 'KHRUNGS MA THAG NAS, ZHI BA DANG, DUL BA DANG, DES PA DANG, YID GZHUNGS PA DANG, SNYING RJE CHEN PO'I NGANG TSUL DANG LDAN ZHING, BYIS PA'I SPYOD PA LAS 'DAS BA ZHIG BYUNG STE, DE YANG SKYE BA DPAG TU MED PA'I GONG ROL NAS TSOGS GNYIS CHU BO'I RGYUN BZHIN DU GOMS PA'I STOBS KYIS BYIS PA CHUNG DU SMRA SHES PA TZAM GYI DUS NA NYIN GCIG YUM GYI PANG NA BZHUGS DUS RLUNG PO KHOR KHOR BYED PA CIG GIS SHING LO ZHIG NAM MKHA' LA KHYER SONG BA GZIGS NAS DRAG TU BSHUM PA LA YUM GYIS CI BYUNG DRIS PAS, NAM MKHAR RLUNG GIS KHYER BA DE LA PHYAG MDZUB BCUGS NAS, SEMS CAN ZHIG NAM MKHA' LA KHYER SONG GSUNG BA DANG, SEMS CAN MA YIN SHING LO YIN BYAS PAS BSHUM PA'I 'PHRO CHAD PA ZHIG BYUNG, YANG STON KA ZHIG SA 'KHYAGS TE BA MO BYUNG DUS SNGA DRO ZHIG SGOR BZHUD NAS GOS MED PAR SGRAN MOR BYUNG BAS, YAB KYIS GOS GAR SONG BYAS BAS SNYING RJE BA'I SEMS CAN 'KHYAGS PA DE 'DRA LA G-YOGS NAS YOD ZER, KHRID NAS BLTAR PHYIN PAS SDOM PAS GANG BA'I SHO PHUNG BA MO SKYA KHAD PA CIG LA GOS G-YOGS MTHA' MA RDOS MNAN BYAS NAS 'DUG ZER, GZHON NU'I DUS NAS BDAG PAS GZHAN GCES PA'I BYANG

, ,CHUB KYI SEMS DE LTA BU DANG, YANG NGA SGOM BYED PA YIN ZER NAS SKU RNAM SNANG GI CHOS BDUN LDAN BCAS TE CHOS DON SEMS PA SOGS DAM PA'I SPYOD PAS DUS 'DA' BA CIG BYUNG ZHES GRAG GO, BSHUM BA'I DUS NA DPE CHA SHOG KHYAR PHYAG TU GTAD PA DANG SHIN TU MNYES SHING BSHUM 'PHRO CHAD PA DANG, BYIS PA GZHAN MIS BRDUNG TZA NA BSHUM PA CIG YOD PAR 'DUG, TSUL DE LA NI DUS PHYIS 'JAM PA'I DBYANGS DON YOD RGYAL MTSAN PAS SA SKYAR GDAN DRANGS DUS 'PHROS PA'I GSUNG GLENG BYUNG BA'I DUS SU, GONG GI DE LTA BU RNAMS THOS TE BDEN LAGS SAM ZHUS PAS DE LTAR GRAGS LAGS TE BDAG RANG GIS NI MI DRAN LAGS, DRAN TZAM NA CHOS LA GZHAN GYIS THU G-YOGS LA SOGS MI GUS PA BYAS TZAN MI BZOD PA SKYE ZHING, DANG PO BYIS PA'I DUS RANG NAS KHONG KHRO SHAS CHUNG ZHING BYAMS SNYING RJE CHE BA GZHAN GYI DGE BA LA RJES SU YI RANG KHA TSIG TZAM MIN PAR SKYE BA CIG YOD, DE'I STOBS KYIS SU LA'ANG TSIG NGAN SMRA MI NUS, NGA CHUNG CHUNG GI DUS SA SKYA DKAR PHUBS KYI SGO RTZAR MI GCIG GIS DON MED PAR MGO LA BRGYAB PAS SKRANGS 'BUR CHEN PO BYUNG YANG KHONG KHRO MA SKYES GSUNG BA DANG, BYIS PA GZHAN DANG RTZE BA NA GZHAN PHAM NAS DUS NA BDAG GIS MI BZOD CING, RANG PHAM YANG MYA NGAN TZAM MED PA CIG YOD GSUNG BA DANG, RTZVA SHING THU RU BYON DUS GROGS KYIS RNYED NAS RANG GIS MA RNYED KYANG MI SDUG, RANG GIS RNYED KYANG GROGS KYIS

MA RNYED NA KHONG CHO LA PHA MA SOGS KYIS 'THAB TU YOD BA SAMS NAS RES 'GA' RANG GIS RNYED BA NAS BYIN, RES 'GA' THU ROGS BYAS GSUNG BA DANG, BYIS PA'I DUS RTZED MO PHAL CHER MCHOD RTEN BZHANG BA DANG, CHOS 'CHAD PA DANG, SGOM BYED PA SOGS DGE BA'I PHYOGS KYIS DUS 'DA' BA CIG YED GSUNG, RGYAL SRAS 'DI'I YAB YUM GNYIS SNGA MO NAS 'DAS TE YUM GYI MA AA PHYI RGAN MO ZHIG GIS DGUNG LO LNGA NAS BZUNG BSKYANGS TE, RGYAL SRAS 'DI AA PHYI RGAN ME'I SA NA BZHUGS DUS PHYUGS LUG 'TSO BA LA BYON ZHING, AA PHYI LA KHRAL 'BAB PA LA RA LUG BSAD KYIN HOR 'DRA LA SHA SPROD DGOS PA BYUNG BAS RA LUG GSOD SAR KHRID PA'I DUS SU BSHUM ZHING 'CHANG NAS SNYING RJE BA YIN MOD GSUNG STE, YUN RING POR KHRID DU MI STER BAR BA RGYAL BRGYAL DU BSHUMS KYANG DBANG MED DU KHRID KYIN BSAD BA LAN MA PA RAB BYAS PAS, AA PHYIS BYAMS PO BYAS KYANG DE LTA BU LA YID 'BYUNG ZHING SKYO BA SKYES TE, DGUNG LO DGU BA ZHES BA'I DUS SU PHYUGS LUG 'TSO SA NAS BROS TE YAB KYI PHA SPUN MO'I BU STON PA RIN CHEN BKRA SHIS KYI SAR BSAM GLING DU BYON TE, YI GE 'DRI 'DON LA SOGS PA BSLABS PAS, RIGS PA'I GNAS RNAMS MTHONG BA TZAM GYIS SHES BA BYUNG STE, KUN GYIS 'DI NI PHAL PA CIG MA YIN NGES ZHES GLENG BA BYUNG ZHES GRAGS SO, ,DE NAS SANGS RGYAS KYI BSTAN PA LA RAB TU BYUNG STE THOS BSAM SGOM GSUM RNAM PAR DAG PA SNGON BYON DAM PA RNAMS KYI RNAM THAR DANG MTHUN PA ZHIG MDZAD BZHED NAS, DON DE LTAR DU BSAM

, ,GLING PA'I BLA MA SOGS LA GSOL BA NA THUGS BZHED GRUB STE DGUNG LO BCU BZHI PA SPRE'U'I LO ZLA BA DRUG PA'I TSES BRGYAD KYI SNGA DRO'I CHI LA, BSAM GLING PA'I GDUNG BRGYAD BLA MA DPAL 'BAR BAS MKHAN PO MDZAD, DE'I GCUNG PO MKHAN PO RIN CHEN DPAL BZANG BAS SLOB DPON MDZAD, GRIB TSOD PA SLOB DPON RIN CHEN RDO RJES MDZAD DE, BSTAN PA RIN PO CHE'I SGOR ZHUGS NAS RAB TU BYUNG DGE TSUL DU BSGRUBS TE BZANG PO DPAL ZHES MTSAN GSOL TO, ,DE'I NYIN PAR SNGAR MED PA'I DRI ZHIM POS KHYAB PA DANG, ROL MO'I SGRA SNYAN PA GRAG PA DANG, ME TOG GI CHAR 'BAB BA LA SOGS PA KUN GYIS MTHUN SNANG DU GRUB PA BYUNG NGO, , DE NAS RGYAL SRAS 'DIS MKHAN SLOB KYI SPYAN SNGAR JI LTAR KHAS BLANGS PA'I BCAS PA RNAMS SROG LAS KYANG GCES PAR BSRUNG BAR MDZAD CING SNGON BYON DAM PA'I RNAM THAR BZANG PO'I RJES SU ZHUGS TE TSE 'DI'I BYA BA MTHA' DAG DOR NAS RGYAL BA'I BKA' DANG DGONGS 'GREL RNAMS KYI TSIG 'DZIN PA DANG DON SEMS PA LA BRTZON 'GRUS LHOD PA MED PAR MDZAD, RANG YUL GYI NOR LONGS SPYOD SOGS 'KHOR BA'I PHUN TSOGS GANG LA'ANG MA CHAGS PAR RANG GI KHU PO RIN CHEN BKRA SHIS KYIS YI GE BRI 'DON BCUN PA BYED PA, BSHAD GSAR LA SOGS PA'I GROGS BYAS PAS DRIN CHE BAR DGONGS NAS, ZHING KHANG RNAMS KYANG AA KHU LA GNANG STE

'DI SKAD DU DA KHYED RANG DGE SBYOR GYIS ,'JIG RTEN GYI BYA BA LA SNYING PO MED, NGA'I ZHING DANG NYID RANG LA GANG YOD RNAMS KYIS MI PHONGS TZAM YONGS MCHI, GAL TE MA PHENGS NANGS BSOD SNYOMS BYAS NAS SKYONG BA YIN SEMS LAS MI 'TSAL ZHES ZHAL TA MDZAD ,SANGS RGYAS KYI BSTAN PA BSHAD SGRUB GNYIS KYIS 'DZIN PA LA, BSHAD NYAN GYIS LUNG GI CHOS 'DZIN, SGOM SGRUB KYIS RTOGS PA'I CHOS 'DZIN PAR DGONGS NAS RGYAL BA'I GSUNG RAB KYA DGONGS PA SHING RTA CHEN PO RNAMS KYIS BKRAL BA'I RIGS PA'I DKA' GNAS RNAMS LA SBYONG BAR BZHED DE DGUNG LO BCO LNGA PA'I DUS BO DONG AE BSAM GLING BA'I DGON LAG YIN PA'I STOBS KYIS AE'I CHOS GRVA CHEN POR BYON TE, BLA MA KUN RGYAL BA'I DRUNG DU DANG POR MNGON PA KUN LAS BTUS LA NAN TAN MDZAD, DE YANG DANG PO NAS DUL BA DANG, ZHI BA DANG, BZOD PA DANG, BYAMS PA'I NGANG TSUL DANG LDAN PAS, GROGS KYI SLOB GNYER LA 'GRAN ZLA DANG PHRAG DOG GI DMIGS RKYEN DU MI 'GYUR BAR BYA BA'I PHYIR GZHAN LAS BLO GROS KYI NUS PA CHUNG ZHING DMAN PA'I TSUL BZUNG YANG SKYE BA DPAG TU MED PA'I GONG ROL NAS GOMS PA'I PHYIR GZHAN GYIS LO MANG PO'I BAR DU 'BAD PA BAS KYANG MKHAS PAR GYUR TO, ,DE DUS 'JAM DBYANGS RONG PA NYI MA RGYAL MTSAN GYIS, MANG JA'I TSOGS GRAL DU,

, ,NYID BTZUN CHUNG BZANG PO DPAL DANG BCAS PA'I BLO GSAR BA RNAMS LA NGA DRI BA BYA RGYU YOD DO, ,MNGON PA NAS, ZANG ZING MED PA'I TSOR BA SDUG BSNGAL BYA BA CIG BSHAD 'DUG STE ZANG ZING MED PA'I TSOR BA YIN NA, SDUG BSNGAL YIN PA'I DAM BCA' BUD ZER NAS, 'DI LA LAN THOB ZER BA LA, GZHAN GYIS NI LAN GANG YANG MA BYUNG, DE LTA BU 'BYUNG BAR GZHUNG RANG NAS NYAN THOS DGRA BCOM PA 'GA' ZHIG LA ZANG ZING NYON MONGS MED KYANG LAS KYI NUS BA MTHONG BA YIN, ZHES SDUG BSNGAL 'BYUNG BAR BSHAD YOD DGONGS NAS, DE LUGS KYI 'GAL SPONG GSUNGS PAS, MKHAS PA THAMS CAD NGO MTSAR BAR GYUR TE, BLA MA NAM BKRA BA BYA BA NA RE NYID THOGS MAD DNGOS SU 'DUG, THOGS MED GNYIS PA YIN GSUNGS LA MCHOD YAR MDZOD ZER BAS, MCHOD YAR MDZAD NAS THOGS MED GNYIS PA YIN GSUNGS PAS, DUS DE NAS BO DONG THOGS MED CES MTSAN YONGS SU GRAGS SO, ,GZHAN YANG BYAMS PA'I CHOS LNGA, SA SDE LNGA, SDOM RNAM PA GNYIS, PRA KA RA nA SDE BRGYAD RNAMS KYI TSIG DON LA MKHAS PA 'PHAGS PA THOGS MED LTA BUR GYUR, BYANG CHUB SEMS DPA'I SPYOD 'JUG BSLAB BTUS MDO BTUS RNAMS DANG, DBU MA RIGS PA'I TSOGS LA SOGS BA DBU MA'I BSTAN BCOS RNAMS LA LEGS PAR SBYANGS NAS MKHAS

PA'I PHUL DU PHYIN PAR GYUR PA NA TSAD MA'I GZHUNG RNAMS LA SBYONG BAR BZHED DE DPAL LDAN SA SKYAR BYON NAS MKHAS PA CHEN PO BLA MA GZHIN RGYAL BA'I DRUNG DU SDE BDUN MDO DANG BCAS PA LA MKHAS PAR SBYANGS SHING, GTZO BOR TSAD MA RNAM NGES LA THUGS SBYONG MDZAD DE, CHOS MCHOG ,RGYAN , LHA DBANG BLO, SH'AKYA BLO ,DZNY'A NA SHR'I LA SOGS PA'I 'GREL PA CHEN BO RNAMS KYI TSIG DON LA MKHAS PA DPAL LDAN CHOS KYI GRAGS PA LTA BUR GYUR TE, DE DUS SEMS DPA' CHEN BO'I ZHAL NAS, LE LO'I DBANG GIS SHES CHER MA 'BANG KYANG, ,'ON KYANG KHO BO'I BLO DANG PHRAD PA NA, ,SHES BYA'I TSIG DON LHAN CIG DMIGS NGES YIN, ,ZHES NYAM MTSUR GYI TSUL DU ZHAL PHO YANG MDZAD DO, ,DE LTAR GZHUNG LUGS RNAMS LA SBYANGS PAS 'DZAM GLING MDZES PAR BYED PA'I RGYAN DRUG DANG MCHOG GNYIS KYI GZHUNG LUGS RNAMS LA MKHAS PA'I PHUL DU PHYIN BAR GYUR PA NA DGUNG LO NYER GSUM BZHES PA'I DUS SU GTZANG PHYOGS KYI CHOS GRVA KUN TU GRVA SKOR MDZAD NAS LTA BA LOG PAR 'DZIN PA'I RGOL BA NGAN PA RNAMS LUNG RIGS KYIS SUN PHYUNG STE SPOBS PA MED PAR BYAS, LTA BA PHYIN CI MA LOG PAR 'DZIN PA RNAMS MTHUN PHYOGS SU BSDUS PAS, KUN KHA MTHUN PAR GRVA SKOR BYUNG BA LA BO DONG GI MKHAS PA CHEN PO BZANG PO DPAL 'DI LAS STON

, ,PA BZANG BA DANG SHES RAB CHE BA MA BYUNG ZHES GLENG BA BYUNG NGO, ,DE NAS DGUNG LO SUM CU PA SHING PHO BYI BA'I LO ZLA PA BCU PA'I TSES DRUG GI SNGA DRO'I CHA LA, MKHAN PO BYANG SEMS RIN CHEN MGON DANG, LAS KYI SLOB DPON BLA MA NAM MKHA' SANGS RGYAS, GSANG STE STON BA BLA MA KUN DGA' RGYAL MTSAN, GRIB TSOD PA SLOB DPON SH'AKYA BYANG CHUB, DAD BA'I DGE 'DUN DGE SLONG RGYAL MTSAN 'BUM GYIS THOG DRANGS PA RNAMS KYI DBUS SU, AE'I CHOS GRVA CHEN POR BSNYEN PAR RDZOGS PAR MDZAD NAS 'DUL BA LUNG SDE BZHI NAS GSUNGS PA'I DGAG SGRUB GNAD GSUM GYI BCAS PA PHRA RAGS MTHA' DAG TSUL BZHIN DU BSRUNGS TE 'PHAGS MCHOG NYE BAR 'KHOR SLAR YANG GANGS RI'I KHROD DU BYON PA LTAR NGUR SMRIG 'DZIN PA THAMS CAD KYI NANG NA GTZUG GI NOR BU LTA BUR GYUR TO, ,DE NAS DGUNG LO SO GNYIS PA ME PHO STAG LA, 'JAM DPAL DBYANGS DON YOD RGYAL MTSAN PA SKU MCHED YUM DANG BCAS PA DANG, BLA MA KUN DGA' RGYAL MTSAN, KUN SPANGS NAM MKHA' GRAGS ,BYANG SEMS RIN CHEN MGON RNAMS KYIS RTA RA'I GDAN SA MDZAD PAR ZHU BA GSOL BA LA, ZHAL BZHES MA MDZAD PAS, BLA MA GNUR PA CHOS 'PHAGS RGYAL MTSAN DANG, RIN CHEN SHES RAB 'BUM PAS KYANG GDAN SA MDZOD GSUNG BA'I ZHAL TA NAN CHEN PO MDZAD PAS, BLA MA'I BKA' BCAG PAR

GYUR DOGS NAS ZHAL GYIS BZHES TE, BYANG SEMS RIN CHEN MGON GYIS DBU MDZAD PA'I BLA MA DGE BA'I BSHES GNYEN RNAMS DANG, SHAB CHONG BA LA GTOGS PA'I DGE BSHES GRVA PHA BU SLOB RNAMS KYIS ZHU 'BUL BYAS NAS CHOS GRVA CHEN PO AE'I ZUR CHEN MDZAD, DE'I TSE SEMS CAN THAMS CAD LA MA BU GCIG PU LA BRTZE BA LTAR BDAG PAS GZHAN GCES PA'I BYANG CHUB KYI SEMS DANG NAM YANG 'BRAL BA MED PA'I NGANG NAS, PHYI RU BSTAN PA GZUNG BA'I PHYIR BSHAD NYAN LA G-YEL BA MI MNGA' BAR MDZAD DE, DUS CHOS LA PHAR TSAD GNYIS, MNGON PA KUN LAS BTUS, MDO SDE RGYAN, RGYUD BLA MA, SPYOD 'JUG STE PO TI DRUG DRUG GSUNGS, ZHOR CHOS LA BKA' MDO RGYUD, 'GREL PA 'GREL BSHAD, MAN NGAG GI SKOR MTHA' YAS BA RNAMS 'JAM PA'I DBYANGS CHEN PO DON YOD RGYAL MTSAN BA SKU MCHED KYIS THOG DRANGS PA'I DGE BA'I BSHES GNYEN RGYA MTSO LTA BU LA GSUNGS SHING, BSHAD NYAN LA GNOD DGONGS NAS GSHIN CHOG LA SOGS PA RNAMS LA YANG MA BYON BAR BSHAD NYAN LA BRTZON PA'I STOBS DANG, BYANG CHUB KYI SEMS KYI NUS PA DANG, GZHUNG LUGS 'CHAD BA NA TSIG DON GSAL ZHING 'BREL CHAGS PA, LHAG CHAD MED CING RNA BAR SNYAN PA'I TSIG GIS BRDA 'PHROD PAS NGES SHES BSKYED PA LA GZHAN LAS PHUL DU PHYIN PA'I LEGS BAR BSHAD PA'I GSUNG GI 'OD ZER GYIS NYA NANG PO'I MI SHES

, ,PA'I DRI MA BSAL TE, BLO GROS KYI PADME'I ZE'U 'BRU GSAL BAR MDZAD PA LA BRTEN NAS NYID KYI SLOB MA DKA' CHEN BCU LA MKHAS PA MTHA' YAS PA BYUNG STE SNYAN PA'I GRAGS PAS SA'I STENG KHYAB PAR GYUR TO, ,DE LTAR BSTAN PA DANG SEMS CAN GYI DON LA SKAD CIG KYANG G-YEL BA MED PA'I NGANG NAS RTA RA'I GDAN SA LO BDUN MDZAD CING, DE'I TSE DGUNG LO SO BRGYAD BA LA 'JAM PA'I DBYANGS DON YOD PAS BSKUL NAS MDO SDE RGYAN LA t'IKKA MDZAD, KHONG GIS BSKUL NAS SBYAR BYAS NA STONG SOB TU SONG DOGS NAS MA BYAS GSUNG, 'DI LA DKA' LAS KYANG CHE RAB BYAS NAS BRTZAMS TE LEGS RAB GCIG BYUNG NAS 'DUG GSUNG, DE'I RJES LA RGYUD BLA'I t'IKKA MDZAD, DE'I RJES LA SLOB DPON GRUB RGYAL BA'I DON DU SPYOD 'JUG GI t'IKKA MDZAD, DE'I TSE MKHAS PA MANG PO DPANG LO'I DRUNG DU 'DZOM NAS SPYOD 'JUG LA SU MKHAS KYI GLENG MO BYUNG BAS, LA LAN RE KYI STON PA MKHAS ZER BA LA, DPANG LO'I ZHAL NAS, SPYOD 'JUG LA BOD GANGS CAN GYI KHROD NA RGOD TSANG PA DANG, GU RU THOGS MED GNYIS LAS MKHAS PA MED, SPYOD 'JUG GI DON THAMS CAD KHONG GNYIS KYI RGYUD LA LDAN PA YIN GSUNG NGO, ,DE LTAR BO DONG GI BSHAD NYAN MDZAD DUS SLOB DPON DANG MCHED GROGS 'GA' RES PHYAG RDZAS SRAB PA LA GRVA PA MANG PO SKYONG DGOS PAS LAG LEN GYI SKOR RNAMS SKYONG BAR ZHU ZHES YANG YANG ZHUS PAS, RGYAL

SRAS BDAG NYID CHEN PO 'DI'I THUGS LA KHA GSAG GZHOGS SLONG GIS NOR BSGRUBS TE SLOB MA SKYONG BA NI, RGYAL BA'I BKA' DANG MI MTHUN PA'I SNGON BYON DAM PA'I MDZAD TSUL MIN LA, SNGON BYON DAM PA RNAMS GYI MDZAD TSUL NI TSE 'DI'I BSAM SBYOR DOR TA RGYAL BA'I BKA' DANG MTHUN PAR SDOM PA GSUM GYI BCAS MTSAMS DAG PAR BSRUNG BA GZHIR BZHAG NAS BYANG CHUB LAM GYI RIM PA'I NYAMS LEN BYED PA 'DI YIN SNYAM DU LAG LEN SKYONG NA NGA'I LAG LEN DE 'DI LTA BU ZHIG YIN TE DGONGS NAS, RGYAL SRAS RNAMS KYI LAG LEN BSHAD PAR BYA ZHES LAG LEN GYI SGRA LA BRTEN NAS RANG GZHAN THAMS CAD RGYAL SRAS LAG LEN LA 'JUG PA'I PHYIR RGYAL SRAS LAG LEN MDZAD , BRTZAMS ZIN NAS ZHUS DAG LA KHANG THOG BYON TE MDUN NA BZHAG YOD PA'I DUS, RLUNG PO CHEN PO ZHIG BYUNG NAS KHYER SONG BAS SHOG BU GCIG KYANG BSDU RGYU MA RNYED, DE NAS YANG BLO LA GSAL LE 'DUG PAS LDABS NAS BRI DGOS BYUNG STE, DA PHYOGS THAMS CAD DU DAR BA 'DI'I RTEN 'BREL YIN PA 'DRA GSUNGS TE, DE NI RGYAL SRAS BDAG NYID CHEN PO 'DI THUGS BSKYED SHIN TU BZANG BAS RIS SU MA CHAD PA'I CHOS BYED THAMS CAD RGYAL SRAS RIN PO CHE 'DI'I GSUNG LA DAD CING MOS PAR BYED CING, LHAG PAR RGYAL SRAS LAG LEN 'DI PHYOGS THAMS CAD DU DAR CHA CHE ZHING, SUS MTHONG YANG GUS PAR THAL MO SBYOR ZHING JI BZHIN NYAMS SU LEN PAR MA NUS KYANG DAD CING GUS PA DANG SMON PA'I

, ,YUL DU BYED PA KUN LA MTHUN SNANG DU GRUB PA 'DI'O, ,DA'I DUS SU BSNYUNG PO ZHIG BYUNG BA LA GRVA PA RNAMS KYIS ZHAL TA 'JOG PAR ZHU ZHUS PAS, NGA'I KHA CHEMS RGYAL SRAS LAG LEN YIN GSUNG NGO, ,RGYAL SRAS BDAG NYID CHEN PO 'DI RGYAL BA'I DAM CHOS MA LUS 'DZIN PA'I SMON LAM RLABS PO CHE'I MTHU GRUB STE, BYANG CHUB SEMS DPA' GZHON NU NOR BZANG GIS DGE BA'I BSHES GNYEN BRGYA RTZA GCIG BSTEN PA'I TSUL LTAR, BYANG CHUB SEMS DPA' CHEN PO 'DIS KYANG DGE BA'I BSHES GNYEN BCU PHRAG BZHI DANG, 'GRAN GYI DO ZLA BRAL BA'I YONGS 'DZIN RIN CHEN GNYIS RNAMS BSTEN TE, DE YANG THOG MAR SHES BYA RGYA CHEN GSAN PA'I BSHES GNYEN BCU PHRAG GCIG NI 'DI LTAR, DGUNG LO BCU BZHES PA'I DUS SU, 'JAM DBYANGS 'KHON STON LA SEMS BSKYED, PHAR TSAD GNYIS, MNGON PA, GSHIN RJE GSHED DGRA NAG GI MNGON RTOGS, YUM SGRUB, MI 'KHRUGS PA'I SGOM BZLAS RNAMS GSAN, BLA MA KUN RGYAL BA LA MNGON PA KUN LAS BTUS LA SOGS PA BYAMS PA DANG 'BREL BA'I CHOS SKOR RNAMS GSAN, 'JAD RONG PA 'JAM DBYANGS NYI MA RGYAL MTSAN LA TSAD MA RNAM NGES GSAN, SA SKYA'I MKHAS PA CHEN PO BLA MA GZHON RGYAL BA LA SDE BDUN 'GREL PA 'GREL BSHAD DANG BCAS PA GSAN, BLA MA BKRA SHIS MGON LA MNGON PA KUN LAS BTUS GSAN, SLOB DPON SH'AKYA BYANG CHUB LA PHAR PHYIN GSAN, KHRO PHUR TSAD MA'I

SKYES BU BSOD NAMS MGON LA, YUM RGYAS PA, BRGYAD STONG PA, BRGYAD STONG 'GREL CHEN SOGS GSAN, 'JAM DBYANGS NYAG GCIG LA, NYI KHRI, KHRI BRGYAD STONG PA, SHES RAB SNA TSOGS, SHES RAB KHRI PA, NYI KHRI LE MANG, NYI KHRI SNANG BA, LE BRGYAD MA, SA SDE LNGA RNAMS GSAN, DPANG LO TZ'A BA BLO GROS BRTAN PA LA, SA SDE LNGA, THEG BSDUS SKOR GSUM, MNGON PA KUN LAS BTUS, THUB PA DGONGS RGYAN, RNAM BSHAD RIGS PA, LAS SGRUB BA'I RAB TU BYED PA, RTEN 'BREL MDO 'GREL, DBU MA SGOM RIM SOGS DBU MA'I SKOR, DUS 'KHOR RGYUD 'GREL, GSANG 'DUS KYI SGRUB THABS, BRGYAD STONG DON BSDU, DE'I 'GREL BA, BYANG CHUB GZHUNG LAM, PHUNG PO LNGA'I RAB BYED, BCU GCIG ZHAL GYI GZUNGS, SDUD PA'I 'GREL PA SANGS RGYAS YE SHES ZHABS KYIS MDZAD PA RNAMS GSAN, GOO SHR'I RIN CHEN SENG GE LA MNGON PA KUN LAS BTUS GSAN NO, ,SHIN TU BKA' DRIN CHE BA'I BSHES GNYEN BCU PHRAG GCIG BSTAN TSUL NI, DGUNG LO LNGA PA'I DUS SU BSAM GLING BA'I GDUNG BRGYUD SANGS RGYAS DBON LA BDE MCHOG DRIL BU PA'I DBANG ZHUS PAS DBANG BZHI'I DON NGO 'PHROD PA BYUNG ZHES GRAG GO ,BSAM GLING PA'I RIN CHEN DPAL 'BAR BA DANG MKHAN PO RIN CHEN DPAL BZANG GNYIS LA, SO SO THAR PA'I SDOM PA DE'I BSLAB BYA DANG BCAS BA GSAN, BLA MA MDO SDE DPAL BA LA RNAM RGYAL SGRUB THABS, DE'I GZUNGS, SGROL MA MAndAL BZHI PA, SGROL NA NYER

, ,GCIG GI LAS TSOGS SGRUB THABS DANG BCAS PA, GSHIN RJE GSHED DRAG PO'I RJES GNANG, BYANG CHUB SEMS DPA' ZLA BA RGYAL MTSAN GYIS MDZAD PA'I GTOR MA BRGYA RTZA, GZER LNGA'I GDAMS PA, BLO SBYONG RNAM DAG GTZUG NOR SOGS GSAN, BLA MA GNUR PA CHOS 'PHAGS RGYAL MTSAN LA, YO GA'I SKOR GYI DPANG BKA' BSHAD BKA' MAN NGAG GI BKA' THAMS CAD RDZOGS PA DANG, ZAB CHOS SNA TSOGS GSAN, BYANG SEMS RIN CHEN MGON LA, BDE MCHOG, SGROL MA, 'KHOR CHEN, DGYES RDOR, DGRA NAG, TSE DPAG MED, KUN RIG RNAMS KYI DBANG, THUB PA DGONGS RGYAN, THEG BSDUS SKOR GSUM, BYAMS CHOS LNGA RTZA 'GREL, NYI SHU PA, SUM CU PA, SEMS BSKYED LAN DRUG ,RNAM RGYAL GYI RJES GNANG, MGON PO LCAM DRAL GYI RJES GNANG LAS TSOGS DANG BCAS PA, AA PHYI MA'I GTOR DBANG, GTOR CHOG SOGS GSAN, BLA MAR SA PA RIN CHEN GLING PA LA 'JAM DBYANGS AA RA PA CA NA'I SGRUB THABS ZHUS NAS NYAMS LEN BYAS PAS DON DPYOD KYI SHES RAB CHEN POR SONG, KHONG RANG GI THUGS LA NYI KHRI ZIN PA BYUNG YOD PAR 'DUG GSUNGS, MKHAN CHEN CHOS RGYAL BA DPAL BZANG BO LA SNYING PO DON GSUM, SEMS NYID NGAL BSO SOGS KHRO PHU BA'I MAN NGAG BRGYA RTZA'I KHRID RNAMS GSAN, BLA MA RI PA DPAL SHES LA, ZHA MA NAS BRGYUD PA'I PHYAG RGYA CHEN PO BSTOD SKOR, N'A RO CHOS DRUG, LHAN CIG SKYES SBYOR SOGS

GSAN, KUN SPANGS NAS MKHA' GRAGS LA, 'DE MCHOG GI DBANG LAN GNYIS, DPA' BOS MDZAD PA'I SKYES RABS, BSLAB BTUS, MDO BTUS, PHYAG RGYA CHEN PO GANGG'A MA SOGS GSAN, BLA MA 'DI LA MA 'ONGS PA'I MNGON PAR MKHYEN BA MNGA' STA, GZIM KHANG CHOS RDZONG RTZIG PA'I DKOD PA'I ZHAL TA AAR PA RNAMS LA MDZAD PA'I RTZA NA SEMS DPA' CHEN PO YANG BZHUGS PAS, NYID KYI THUGS DGONGS LA, BTZUN RGAN BLO MA KHUGS DGONGS YONG MCHI STE, KHANG PA 'DI BDE SUS SPYOD MI SHES SO AANG GSUNG ZHING, MKHAR LAS GRUB NAS DGUN GCIG BZHUGS PA DANG BSNYUNG STE, SEMS DPA' CHEN PO GDAN DRANGS NAS, NGA'I TSIG BZHI PO 'DI NYID KYIS SGRUBS SHIG GSUNG STE, DAM SHI BAR RTZAR BZHUGS GSUNG BA DANG, NGA SHI NAS ZHE DGU'I BAR LA CHO GA RE GYIS GSUNG BA DANG, GZIM KHANG 'DI DANG GZHIS NAS BRGYA THON GCIG 'BUL BAS BZHES GSUNGS PA LA, GZHIS LAM GCIG BZHES NAS KHONG RANG GI DUS MCHOD LA PHUL, GZHAN RNAMS GSUNG BZHIN DU BSGRUBS TE SEMS DPA' CHEN PO'I ZHAL NAS, KHANG PA 'DI GRUB NAS KHONG PAS DGUN GCIG LAS MA BZHUGS, 'O SKOL GYIS LO SUM CU RTZA GRANGS SHIG BDE SPYAD 'DUG ,DA DUS MA 'ONGS PA'I MNGON PAR MKHYEN PA GSUNGS PAR GDA' GSUNG NGO, ,ZAB CHOS SNA TSOGS ZHUS PA'I BSHES GNYEN BCU PHRAG GCIG NI 'DI LTAR, BLA CHEN KUN BLO LA SEMS BSKYED, RGYAL SRAS LAM BZANG, BYANG CHUB SEMS

, ,DPA'I SPYOD 'JUG SOGS GSAN, 'DZIMS BA'I BLA MA YON TAN RGYA MTSO LA 'KHOR CHEN DANG SGROL MA'I RGYA GZHUNG, DON ZHAGS KYI SKOR RNAMS GSAN, DE'I SKU MCHED BLA MA RDO RJE DPAL LA, GZAR LNGA'I BYIN RLABS, BSHES SPRING SOGS GSAN, BLA MA RIN YE BA LA, 'JUG PA SEMS BSKYED, BYAMS CHOS LNGA RTZA 'GREL, YANG DGON PA'I RI CHOS SKOR GSUM, DPE CHOS RIN SPUNGS, MAN NGAG RIN SPUNGS SOGS GSAN, 'JAM DPAL DBYANGS DON YOD PA LA SGROL MA DANG, BDE CHEN RAL GCIG GI DBANG, SEMS BSKYED, SA SKYA PA'I BLA MA'I RNAL 'BYOR THUN MONG MA YIN PA, DBU MA CHEN PO'I KHRID RNAMS GSAN, MKHAN CHEN BU STON PA LA, BAD MCHOG, GSANG 'DUS, DPAL MCHOG, RDOR SEMS RNAMS KYI DBANG, NAG PO PA'I SGRUB THABS KYI t'IKKA, LAS CHOG GI t'IKKA RNAMS GSAN, CHOS RJE BSOD NAMS RGYAL MTSAN PA LA, SEMS BSKYED, SGROL MA'I DBANG, DRIL BU PA SKOR GSUM GYI DBANG, BDE MCHOG MCHOD 'PHRENG, BDE MCHOG SDOM 'BYUNG GI 'GREL PA, GSUM PA LO TZ'A'I SNYAN RGYUD, RNAM RGYAL GYI BSTOD PA TZANdA GO MIS MDZAD PA RNAMS GSAN, RA SA BLA MA BSOD NAMS LHUN GRUB LA, GSHIN RJE GSHED DGRA NAG GI DBANG RGYUD MAN NGAG DANG BCAS PA GSAN, BLA MA BLO BZANG BA LA GLANG RI THANG PA'I BLO SPYOD TSIG RKANG BRGYAD MA GSAN, SPYI BO LHAS PA'I MKHAN PO SHES RGYAL GRUB BZANG

LA; THUGS RJE CHEN PO SKYER SGANG PA'I SGRUB THABS LAS TSOGS DANG BCAS PA GSAN NO, ,DAG SNANG RGYA CHEN SBYANGS PA'I BSHES GNYEN BCU PHRAG GCIG NI TI SHR'I KUN DGA' RGYAL MTSAN, BLA MA MKHAS BTZUN CHEN PO, BLA CHEN BSOD BLO, BLA MA SHAR PA KUN BSOD, BLA MA SHES RAB RGYAL MTSAN, DRANG PO LUNG GI MKHAN PO THUGS RJE SHES RAB, SLOB DPON DPAL GYI, MKHAN PO BSOD NAMS SENG GE, BLA MA RGYAL PO DPAL, BLA MA NAM MKHA' SANGS RGYAS RNAMS LA YANG CHOS 'BREL RE YOD GSUNG, 'GRAN GYI DO ZLA MED PA'I YONGS 'DZIN RIN CHEN GNYIS NI 'DI LTAR, BSTAN 'DZIN THAMS CAD KYI GTZUG RGYAN, PHAN BDE THAMS CAD KYI 'BYUNG GNAS, GNAS BRTAN CHEN PO'I SPRUL PA, DAG PA'I SA LA GNAS PA'I SEMS DPA' CHEN PO, MKHAN CHEN BSOD NAMS GRAGS LA, MDO RGYUD THAMS CAD KYI SNYING PO, MAN NGAG THAMS CAD KYI NYING KHU, RGYAL BA THAMS CAD KYI SPYI LAM THEG PA CHEN PO'I BLO SBYONG ZHUS PA'I DUS SU, SKYE BA DPAG TU MED PA'I GONG ROL NAS DPON SLOB KYI 'BREL PA YOD PA'I RTEN 'BREL GYIS, BYANG CHUB KYI SEMS GNYIS NI DBYAR GYI CHU KLUNG CHEN PO'I RGYUN BZHIN DU 'PHEL ZHING RGYAS, STONG PA NYID DANG SNYING RJE CHEN BO'I RBA KLONG CHEN PO 'KHRUGS NAS DON GNYIS LHUN GRUB KYI RGYA MTSO CHEN POR PHYIN TO, ,RGYAL SRAS BDAG NYID CHEN PO 'DIS LAM MA NOR BAR STON PA'I BLA MA LA YID BZHIN GYI NOR BU DANG SANGS RGYAS DNGOS KYI MOS GUS BCOS MA MIN

, ,PA THOB STE, MKHAN CHEN RIN PO CHE DANG MJAL TZA NA, GNAS BRTAN CHEN PO ZHIG DANG MJAL BA'I SNANG BA YONG GIN 'DUG GSUNG, JO BO RJE BLA MA GSER GLING PA'I MTSAN BRJOD PA'I TSE, PHYAG THAL MO SBYOR SPYAN CHAB 'DON PA BZHIN DU, MKHAN CHEN RIN PO CHE'I MTSAN BRJOD PA NA PHYAG THAL MO SBYAR SPYAN CHAB NYIL MDZAD NAS, NGA'I BLA MA DE'I THUGS RJE DE LTA BU GZHAN LA RANG MED GSUNG NAS GTZUG GI NOR BU LTAR 'DZIN TO, ,GZHAN YANG BYANG SEMS BSOD NAMS GRAGS PA LA, SKYID SDUG LAM KHYER, DON ZHAGS KYI SKOR, SMAN BLA'I RJES GNANG DANG MDO CHOG ,'DUL BA MDO RTZA, RI KHROD LO MA GYON MA DANG 'OD ZER CAN GYI GZUNGS, JO BO RJES MDZAD PA'I SEMS BSKYED CHO GA, DZE TA RIS MDZAD PA LA SOGS PA'I CHOS CHUNG BRGYA RTZA, RIGS GTAD SOGS SKYER SGANG PA'I CHOS SKOR RNAMS ZHOR NYAN MDZAD DO, ,DANG POR RIGS PA'I GNAS LNGA LA MKHAS PAR SBYANGS SHING, BAR DU RNAM PA THAMS CAD PA'I MCHOG DANG LDAN PA'I STONG BA NYID DANG, DMIGS PA MED PA'I SNYING RJE CHEN PO GNYIS LA GOMS PAR BYAS PAS MCHOG GI DNGOS GRUB BRNYES NAS 'GRO BA'I DON RGYUN CHAD MED PAR MDZAD PA, RDO RJE 'CHANG CHEN PO'I NGO BOR GYUR PA RIN PO CHE SHES RAB 'BUM PA LA DUS 'KHOR GYI DBANG DANG SBYOR BA YAN LAG DRUG GI KHRID SOGS SNGAGS KYI ZAB CHOS MANG DU GSAN ZHING LHAG PAR DUS GSUM SANGS RGYAS THAMS CAD KYI BKROD PA GCIG PA'I LAM BYANG CHUB

SEMS DPA' THAMS CAD KYI THUGS DAM GYI MTHIL BYANG CHUB KYI SEMS RIN PO CHE RNAM PA GNYIS ZHU BAR MDZAD PAS DAD GUS BLA LHAG TU MDZAD CING, THUGS RJE CHEN PO THUGS RGYUD LA 'KHRUNGS NGES SHES PA NI RIN PO CHE SHES RAB 'BUM BA DE YIN GSUNGS NAS PHYAG THUGS KAR THAL MO SBYAR NAS SPYAN CHAB NYIL NYIL MDZAD DO, ,YANG RIN PO CHE SHES RAB 'BUM PAS RGYAL SRAS BDAG NYID CHEN PO 'DI LA DUS LAN CIG CHED KYIS SHOG GSUNG STE, SNYAN NAS SNYAN DU BRGYUD, THUGS NAS THUGS SU BRGYUD, GRUB THOB KYI ZAM MA CHAD, BYIN RLABS KYI NA BUN MA YAL BA, SDIG PO CHE BTZAN THABS SU 'TSANG RGYA BAR NUS SHING, RAB TSE 'DI, 'BRING BAR DO, THA MA YANG SKYE BA BDUN NAM BCU DRUG NA 'TSANG RGYA BA'I GDAMS NGAG MKHA' 'GRO'I KHA RLANGS THUL LE BA'I CHOS THUGS RJE CHEN PO'I DMAR KHRID DANG, PHYAG RGYA CHEN PO LHAN CIG SKYES SGYOR, RTEN 'BREL SNYING PO RNAMS KYI KHRID, DBANG MDOR BSTAN, SMYUNG GNAS KYI SKOR RNAMS GNANG STE, 'GRO DON RGYA CHEN PO 'BYUNG BA'I RTEN 'BREL BSGRIG PAR MDZAD DO, ,DE NAS RGYAL SRAS BDAG NYID CHEN PO 'DIS, MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR; MDO SNGAGS YONGS SU RDZOGS PA'I LAM GYI GNAD KUN LA THOS BSAM GYIS SGO 'DOGS CHOD PAR MDZAD NAS SNGON BYON DAM PA'I RNAM THAR LTAR DBEN PA'I GNAS SU SGRUB PA RTZE GCIG TU MDZAD BZHED NAS GRO CHON AE'I RTA RA'I

, ,GDAN SA SEMS DPA' CHEN PO RANG GI BU CHEN SLOB DPON RGYAL MTSAN SENG GE LA GTAD NAS BSHAD NYAN MDZAD KYIN YOD PA'I SKABS SU, 'JAM DPAL DBYANGS DON YOD RGYAL MTSAN SKU MCHED YUM DANG BCAS PA RNAMS KYIS, AE'I CHOS DPON MDZAD PAR ZHU BA GSOL BAS, NGAS CHOS DPON BTZAL YONG GI GSUNG NAS SA SKYAR BYON TE, DPANG LO TZ'A BA BLO GROS BRTAN PA LA AE'I CHOS DPON LA 'BYON PAR ZHU BA PHUL BAS DBANG LO'I ZHAL NAS, GU RU THOGS MED, THOS PA'I GTAM LA SNYAN, NGA'I BLA MA G-YAG SDE BA SENG GE RGYAL MTSAN GYIS KYANG MA THOB PA'I GDAN SA YIN SANG RANG 'GRO GSUNG NAS MNYES, DE NAS DPANG LO AER GDAN DRANGS NAS RGYAL SRAS 'DIS SA SDE LA SOGS PA'I PHYAG DPE RNAMS DPANG LO LA PHUL NAS, DBEN PA BSTEN PA LA THUGS PHYOGS TE, NYID KYI ZHAL NAS, 'DU 'DZI MI GTZANG BA LTAR BRGYANG BSRINGS NAS, ,RANG GZHAN DON DU RTAG TU BSAM GTAN LA, ,RAB TU BRTZON PAR 'DOD PA'I SKYE BO YIS, ,PHYI DANG NANG GI DBEN PA THOB PAR SHOG ,CES DANG, KYE KYE NYON CIG GROGS PO DAM PA KUN, ,KUN KYANG GTAN GYI BDE PA THOB 'DOD NA, ,NA RGA 'CHI DANG SKYE BA'I SDUG BSNGAL BSAM, ,BSAM PA THAG PAS SGO GSUM DGE LA 'BAD, ,'BAD KYANG DON CHUNG 'JIG RTEN BYA BA SPANGS, ,SKYES BU'I TSE NI RI GZAR 'BAB CHU 'DRA, ,SKAD CIG MI SDONG 'CHI BA'I GNAS SU SNYOG ,LANG CHO'I DPAL

NI ME TOG MGUL RGYAN BZHIN, ,YUD TZAM ZHIG GIS RNYINGS PAR 'GYUR BA YIN, ,TSE 'DI SKAD CIG CIG GIS 'DZAD 'GYUR ZHING, ,BSAGS PA'I LONGS SPYOD SPYOD PA'I DBANG MED PAR, ,GLO BUR NYID DU DU MA'I NANG NAS BDAG , GCIG PUR 'GRO TSE TSE 'DI'I MDUN MAS BSLU, ,BA SPU GYEN LANG BSHANG GCI 'THUR DU RGYUG ,BYAD SHA PHYIR SBOS MIG 'BRAS NANG DU BROS, ,ZAS KYI ZHEN LOG SKOM GYI SRED PA 'PHEL, ,LUS SKYOD MI NUS SEMS KYI GYA GYU LANGS, ,DE 'DRA'I SDUG BSNGAL DRAG POS THEBS PA'I TSE, ,SMAN BA MKHAS KYANG BCOS PA'I THABS MED CING, ,ZANG ZING RIM GROS BZLOG PAR MI NUS NA, ,GNYEN BSHES BRTZE GDUNG CHE YANG CI BYAR YOD, ,RIG RIG MIG GIS NYE DU'I GDONG LA BLTA, ,NOM NOM LAG PAS RANG GI GOS LA 'JU, ,NGAR NGAR DBUGS KYI PHRENG BA CHAD LA NYE, ,'JIGS 'JIGS 'DRA BA'I GSHIN RJES ZIN PA NA, ,KHANG BZANG RIN CHEN NANG DU GNAS BCAS SHING, ,DPA' BA'I SKYES BU RNO BA'I MTSON THOGS PA, ,'BUM PHRAG DAG GIS BSRUNGS KYANG GSHIN RJE YI, ,SKYES BU GCIG KYANG THUB PAR MI 'GYUR ZHING, ,'KHOR LOS BSGYUR RGYAL GYIS KYANG SKYOB MI NUS, ,STONG GSUM NOR GYIS BKANG YANG BLUR MI RUNG, ,DE BAS DA LTA NYID NAS DKON MCHOG LA, ,SKYABS SU SONG LA 'PHAGS PA'I NOR BDUN BZUNG, ,NYON MONGS STOBS KYIS BSGRUBS PA'I NOR RDZAS 'DI, ,'DI DANG PHYI MA'I SDUG BSNGAL KUN GYI GNAS, ,GNAS NGAN LEN DANG ZAG PA 'PHEL

, ,BA'I GROGS, ,GROGS DANG NYE DU 'BYED PA'I PHUNG 'DRE YIN, ,NOR NI SBRANG MA'I SBRANG RTZI JI BZHIN DU, ,RANG GIS TIL TZAM SPYAD PAR MI NUS SHING, ,GZHAN DAG BSRUNG BA'I DON DU NOR NYID DANG, ,BDAG GI SROG KYANG 'CHOR BAR 'GYUR BA YIN, ,STONG GSUM NOR LA DBANG BSGYUR RGYAL PO YANG, ,'JIG RTEN 'DI NAS PHYI MAR 'GRO BA'I TSE, ,SGREN MO LAG PA STONG PAR 'GRO 'GYUR NA, ,ZANG ZING NOR RDZAS SGRUB BA MA 'KHRUL LAM, , NAM YANG MI 'DZAD GTAN GYI BDE BA'I RGYU, ,DAD DANG TSUL KHRIMS THOS DANG GTONG BA DANG, ,NGO TSA SHES DANG KHREL YOD SHES RAB STE, ,BDE BAR 'DOD NA NOR BDUN 'DI DAG ZUNGS, ,SHES LDAN RNAMS KYIS SKYES BU DAM PA STEN, ,BSTEN CING 'GROGS NA NYON MONGS NAD SKYE BA, ,SKYE BO DMAN PA 'DI DAG SPRUL GDUG DANG, ,DUG DANG 'DRES PA'I KHA ZAS BZHIN DU SPONGS, ,G-YO SGYU DRUG CU RTZA BZHI'I ZHAGS PA YIS, ,CHAGS LDAN SKYES BU SHIN TU DAM BCINGS NAS, ,THAR PA'I SROG RTZA GCOD PAR BYED PA YI, ,BUD MED DAG LA SU ZHIG CHAGS PAR BYED, ,'BYOR PA'I TSEN BROS KYANG RJES SU SNYOG ,RGUD PA'I TSEN DRUNG DU BSNYEGS KYANG 'BROS, ,BU YIS RANG GI PHA YANG GSOD BYED NA, ,NYE DU RNAMS LA SU ZHIG YID RTON BYED, ,MNGON DU GYUR NA DGA' BA'I TSUL STON CING, ,LKOG TU GYUR NA MI SNYAN SNA TSOGS SGROG ,PHAN BTAGS LAN DU GNOD PA SKYEL BA YI, ,BYIS BA'I GROGS PO MJA' YANG NGES PAR

BSLU; ;DES NA 'JIG RTEN CHAGS PA RNAM PAR SPANG, ,SPANG BYA BAG CHAGS BCAS BA MA LUS BA, ,LUS PA MED PAR SPANGS PA 'GRO BA'I SKYABS, ,SKYABS MCHOG GSUM PO GUS PA'I YID KYIS STEN, ,'DUS BYAS MI RTAG RTAG PA'I SKABS MED CING, ,ZAG BCAS MI BDE BDE BAR 'DZIN PA 'KHRUL, ,MYANG 'DAS RAB ZHI ZHI BA'I LAM 'DOD NA, ,CHOS RNAMS BDAG MED MED YOD MTHA' BRAL SGOMS, ,LAS NGAN RGYA MTSO RKYEN NGAN RBA RLABS CAN, ,SDUG BSNGAL SNA TSOGS CHU BO'I RGYUN 'BAB CING, ,SKYE BO NGAN PA'I CHU SRIN RTAG RGYU BA'I, ,GRONG GI MCHO LA CHAG SPAR MA BYED PAR, ,RANG BZHIN NYAMS DGA' GZHAN GYIS 'CHE BA MED, ,CHU DANG LO MA 'BRAS BU'I 'BYOR PA MOD, ,CHAGS DANG SDANG BA'I GTAM YANG MI THOS PA'I, ,DBEN PA'I NAGS TSAL DAG TU GNAS PAR GYIS, ,BUNG BA DAG NI YID 'ONG GLU LEN CING, ,RMA BYA'I TSOGS RNAMS MDZES PA'I GAR STABS BSGYUR, ,LJON SHING 'GA' ZHIG YAL GA'I BSIL YAB G-YOB, ,'GA' ZHIG 'BRAS BU SMIN PA'I ME TOG 'THOR, ,YAN LAG BRGYAD DANG LDAN PA'I CHU BO'I RGYUN, ,LHUNG LHUNG SNYAN PA'I SGRA SKAD SGROGS BYED CING, ,LPU BA'I PHRENG BAS KUN NAS MDZES PAR SPRAS, ,CHU THIGS ZEGS MA'I ME TOG PHYOGS BCUR 'THOR, ,DE LTAR DBEN ZHING NYAMS DGA'I GNAS MCHOG TU, ,MCHOG TU ZAB MO'I MAN NGAG RAB STON PA, ,STON PA GNYIS PA LTA BU'I BLA MA LA, ,MA LA BU BZHIN GUS PAS RIM GRO BYA, ,DE YIS GSUNGS PA'I DAM CHOS

, ,'O MA'I RGYUN, ,RTOGS PA'I LUS STOBS 'PHEL BAR BYED PA DE, ,NYIN DANG MTSAN DU SKAD CIG MA YENGS PAR, ,NYAMS SU BLANG ZHING 'DI LTAR SPYAD BAR BYA, ,THABS KYI GRU CHEN SHES RAB ZAG LHAN CAN, ,BDAG GIS BZUNG STE 'KHOR BA'I RGYA MTSO LAS, ,SEMS CAN THAMS CAD BSGRAL BAR BYA SNYAM PA'I, ,BYANG CHUB SEMS MCHOG CHOS KYI RTZA BA YIN, ,TSE 'DIR LAN DANG PHYI MAR RNAM SMIN LA, ,RE BA MED PA'I SBYIN PA THUB PAS BSNGAGS, ,KHRIMS NI YON TAN KUN GYI GZHI YIN PAS, ,GZHAN LA GNOD PA DUG BZHIN SPANG BAR GYIS, ,KHONG KHRO'I DGRA YIS 'DI PHYI'I DPAL 'PHROG PAS, ,BZOD PA'I DMAG DPUNG CHEN PO SHIN TU GCES, ,LE LOS RANG GZHAN DON GNYIS MI 'GRUB BAS; ;LAS GZHAN SPANGS TE DGE LA 'BAD PAR BYA, ,BSAM GTAN MED PAR CHOS NYID MI MTHONG BAS, ,RNAM RTOG MTSAN MA MED PA'I TING 'DZIN SGOMS, ,SHES RAB MED PAR THAR LAM MI BGROD PAS, ,BDEN GNYIS ZAB MO'I DON LA MKHAS PAR GYIS, ,BDAG DANG GZHAN GYI DUS GSUM DGE BA RNAMS, ,SRID GSUM 'GRO BAS BYANG CHUB THOB BYA'I PHYIR, ,'KHOR GSUM YONGS SU DAG PA'I SHES RAB KYIS, ,SKU GSUM MNGON GYUR BYANG CHUB CHEN POR BSNGO, ,ZHES GSUNGS NAS DBEN PA'I GNAS MDO SDE RGYAN LAS JI LTAR GSUNGS PA DANG MTHUN PA RANG BZHIN GYIS DBEN LA 'DUG NA NYAMS DGA' ZHING TING NGE 'DZIN NGANG GIS 'PHEL BA, ME TOG RNAM PA SNA TSOGS SKYE BA BYA RNAM BA SNA TSOGS SGRA SNYAN

PA 'BYIN PA, RTZVA DANG LO MA DANG 'BRAS BUS BRGYAN PA'I SHING LJON PAS MDZES PA, MDUN NA CHU BO CHEN PO BZHI'I YA GYAL GTZANG CHAB SGRA SNYAN PO LHUNG LHUNG LTAR 'BAB PA, DE'I NYE 'KHOR NA BEEd'URYA LTA BU'I NE'U GSING SNGON PO LA, ME TOG KHA DOG SNA TSOGS BA DAG GIS TSOM BU BKOD PA BZHIN DU BRGYAN PA, MDUN NA THANG CHEN PO RGYAL THANG ZHES BYA BA GSER GYI MAndAL LA G-YU'I TSOM BU BKOD PA LTA BUS MDZES PA, 'TSO BA RNYED SLA ZHING TSOM RKUN DANG GCAN GZAN GYI 'JIGS PA MED PA, GANGS RI DPAL DANG LDAN PAS BSKOR BA'I DBUS, GRUB CHEN BRGYUD MAR BYON BA'I GNAS MCHOG RI BO PO TA LA DANG TSUL MTSUNGS PAR GYUR BA, DNGUL CHU'I CHOS RDZONG DU DGUNG LO ZHE GSUM PA LA BYON NAS SKU MTSAMS BCAD DE, MTHUN RKYEN GYI ZHABS TOG SLOB DPON BSOD NAMS BRTAN GYI PHA MA GNYIS DANG, PHYUG MO RNAL 'BYOR GYIS BSGRUBS TE, NYE GNAS MA GTOGS BA SU LA YANG MJAL KHA MED CING, DRAG ZHAN SU BYUNG YANG PHRAD PAR MI MDZAD CES SGO YIG 'DI LTAR SBYOR BAR MDZAD DE, BLA MA DANG DKON MCHOG GSUM LA PHYAG 'TSAL LO, ,BDAG LA PHRAD BAR 'DOD BA'I SKYE BO GANG, ,MI TSE STON KA'I NYI THUNG BZHIN DU YONG, ,'CHI BDAG NUB RI'I GRIB SO BZHIN DU GTUGS, , YONG NGES GCIG BU NGES PAR 'CHI BA YIN, ,PHAN NGES GCIG PU DAM PA'I CHOS LAS MED, ,DON MED GLENG MOS DGE SBYOR G-YENG MA BYED, ,SKYO SHAS SKYES NA LONG MED BLO SNA BSTUNGS, ,LE LOM BYED MYUR DU BRTZON 'GRUS RTZOMS, ,DAM

, ,PA'I CHOS DANG TSE 'DI'I MDUN MA GNYIS ,MNYAM DU 'GRUB BSU YANG YOD MA YIN, ,BSGRUB PAR 'DOD BA DE DAG RANG NYID KYIS, ,RANG NYID BSLU BA NYID DU THE TSOM MED, ,PHRAD KYANG SMRA RGYU DE LAS MA MCHIS PAS; ;SO SO'I GNAS SU LUS NGAG DGE LA SBYOR, ,ZHES DANG, BDAG NI SNGON GYI LAS 'PHRO MI BZANG BAS, ,SNYIGS MA'I DUS SU MTHA' 'KHOB YUL DU SKYES, ,SNGON CHAD LUS NGAG SEMS KYI BYA BYED RNAMS, ,SDUG BSNGAL 'BA' ZHIG SGRUB PA'I THABS SU SONG, ,DA NI DBEN PA'I KHANG BUR RAB ZHUGS TE, ,THAG PA CHAD PA'I SOG PHON JI BZHIN DU, ,LUS KYI BYA BYED THAMS CAD ZHOG LAS THONG, ,RGYUD GSUM CHAD PA'I PI WAm JI BZHIN DU, ,NGAG GI BYA BYED THAMS CAD ZHOG LAS THONG, ,LTAG CHU CHAD PA'I RANG THAG JI BZHIN DU, ,SEMS KYI BYA BYED THAMS CAD ZHOG LAS THONG, ,GAL TE 'DI LAS 'DAS PA BYED GYUR NA, ,MAH'A K'A LAS CHAD PA GCOD PAR GYUR, ,CES MKHA' 'GRO CHOS SKYONG DPANG DU BTZUGS TE MI DANG MI PHRAD CING CHE 'DI'I SNANG SHAS PHRA MO'ANG MED PAR SGRUB PA SNYING POR MDZAD PA'I DAM BCA' BRTAN POS SKU MTSAMS BCAD DE NYIN MTSAN THAMS CAD DU STONG NYID RTOGS PA'I LTA BA DANG SNYING RJE ZUNG DU 'BREL BA'I TING NGE 'DZIN GYIS DUS 'DA' BAR MDZAD DO, ,DE DUS AE NAS DGE BSHES RNAMS KYIS GDAN 'DREN PAR PHYIN TE DA DUNG CHOS GSUNG BAR ZHU 'PHRIN PHUL BAS MJAL KHA YANG MA GNANG BAR, NYID KYI ZHAL NAS, NA MO LO KE SHVA R'A YA, DBANG

LAS MKHYEN BRTZE 'PHRIN LAS 'OD ZER GYIS, ,GNAS SKABS BAD DANG GTAN DU PHAN PA'I LAM, ,'GRO BA KUN LA GSAL BAR STON MDZAD PA'I, ,RGYAL BA SRAS DANG BCAS LA PHYAG 'TSAL NAS, ,BRTZE YANG GZHAN PHAN NUS MED MA nI BA, ,MCHI MA'I RGYUN DANG SNYING RJES GDONG DANG YID, ,RNAM BAR BRLAN PAR GYUR NAS RANG NYID KYI, ,SLOB MA RNAMS LA SNYING GTAM 'DI SKAD SMRA, ,DAL 'BYOR RIN CHEN GLING DU CHUD DUS 'DIR, ,DAM CHOS YID BZHIN NOR BU MI LEN PAR, ,DON MED TSE 'DI'I BYA BA LHUR BLANGS NA, ,'GYOD KYANG 'PHYIS PA'I DUS SHIG BYUNG DOGS BDOG ,DE BAS RANG GIS RANG NYID MA BSLU BAR, ,TSUL GNAS THOS BSAM SGOM PA'I SBYOR BA YIS, ,DAM CHOS TSUL BZHIN SGRUBS LA DAL 'BYOR 'DI, ,THOB PA DON YOD MDZOD CIG SHES LDAN RNAMS, ,RGAN GZHON BAR MA GO RIM MA NGES BAR, ,'CHI SNYAM MED PAR GLO BUR 'CHI BA'I TSUL, ,MTHONG YANG RANG NYID 'CHI SNYAM MI SEMS PA, ,NANG NA BLO GDENG CI YOD LEGS PAR SOMS, ,DES NA RNYED BKUR GRAGS PA LA SOGS PA, ,TSE 'DI'I TSE THABS MA SGRUB PHA ROL TU, ,PHAN PA'I DAM CHOS BSGRUBS TE PHYI MA RU, ,'GRO BA'I TSE NA GDENG DANG LDAN PAR MDZOD, ,SDUG BSNGAL MI 'DOD BDE LA RAB SRED CING, ,LAS 'BRAS BSLU BA MED BAR SHES BZHIN DU, ,SDIG SPYOD DGE BA MA SGRUB SGYES BU DE, ,MKHAS PA YIN NA DA BAS BLUN BA SU, ,DES NA TSE 'DIR KUN GYIS BRNYAS GYUR CING, ,ZAS SKOM LA SOGS MED BAR SHI YANG BLA, ,MI DAG SPANGS TE RGYUN DU DGE BA'I LAS, ,SPYOD NA MKHAS BA YIN NO SHES

, ,LDAN RNAMS, ,BLUN PO YI DVAGS LA YANG SKYABS 'GRO ZHING, ,BRTZE MED SDIG CAN MI LA SKYABS 'GRO MOD, ,DE DAG MKHAS BA SNYING RJE CAN RNAMS KYI, ,SKYABS GNAS MA YIN SNYING RJE'I YUL NYID YIN, ,DE BAS MKHYEN BRTZE NUS LDAN DKON MCHOG LA, ,BLO LTOS GTOD LA 'PHRAL GYI BDE SDUG RKYEN, ,GANG BYUNG BYIN RLABS YIN PAR SHES BAR GYIS, ,YUN DU PHAN PAR 'GYUR BA GDON MI ZA, ,NYON MONGS KYIS BSKYED LAS KYI BUNG SHING LA, ,SDUG BSNGAL GSUM GYI ME LCE RAB 'BAR BA'I, ,'KHOR BA BDE BAR SEMS PA PHYE MA LEBS, ,MAR ME'I GZUGS LA DGA' BAS RGYUG DANG MTSUNGS, ,DAS NA 'KHOR BA SDUG BSNGAL RANG BZHIN DU, ,SHES NAS DE RGYU LAS DANG NYON MONGS RNAMS, ,SPANGS TE MYANG 'DAS THOB PAR BYA BA'I PHYIR, ,THAR PA'I LAM LA RAB TU 'BAD PAR MDZOD, ,BAD BA 'DOD DANG SDUG BSNGAL MI 'DOD PAR, ,BDAG DANG SEMS CAN MTSUNGS PAR RTOGS BZHIN DU, ,BDAG GI DON DU GZHAN LA GNOD BYED PA'I, ,MI DE MI YI GZUGS CAN DUD 'GRO YIN, ,GANG GIS SNGON CHAD 'KHOR BAR LAN MANG DU, ,BYAMS PA'I SHUGS KYIS SDUG BSNGAL KHUR BLANGS TE, ,PHAN BDE SGRUB PA'I MAR GYUR 'GRO RNAMS LA, ,GNOD BYED CHOS PA YIN NA CHOS MED SU, ,GANG GIS RANG GI BDE BA YAL BOR NAS, ,YU BU'I DON DU SDUG BSNGAL KHUR BLANGS BA'I, ,SEMS CAN TSOGS 'DI BLO YIS YAL BOR NA, ,THAG CHEN DAM CHOS THOS PA'I DGOS PA CI, ,DES NA MTHA' YAS SEMS CAN BSGRAL BYA'I PHYIR, ,BLA MED BYANG CHUB MCHOG

TU SEMS BSKYED DE, ,RANG DON SPANGS TE DNGOS SAM BRGYUD NAS KYANG, ,GZHAN DON SGRUB DE SKYES BU MCHOG YIN NO, ,GZHAN LA MI PHAN SRED ZAD BDE BA YANG, ,DMYAL BA'I ME LTAR MTHONG NAS RAB SPONG ZHANG, , GZHAN LA PHAN NA MNAR MED ME NANG DU'ANG, ,RAB DAGS 'JUG PA RNAMS KYI RJES SU SLOBS, ,SNANG BA THAMS CAD RMI LAM SGYU MA BZHIN, ,SNANG TZAM 'DI NAS RANG RANG NGO BOS STONG, ,STONG DANG SNANG BA GCIG MIN THA DAD MIN, ,RNAM PAR BRTAGS NA BRTAG DPYAD YUL LAS 'DAS, ,SHES BYA'I GNAS LUGS CIR YANG MA GRUB PAS, ,GANG DU BZUNG YANG 'DZIN BYED 'KHRUL PA YIN, ,DES NA MTHA' BZHIR 'DZIN PA RNAM SPANGS TE, , DBU MA'I LAM LA MNYAM PAR 'DOG PAR MDZOD, ,RANG GI STOBS KYIS SDUG BSNGAL KUN BSKYED PA'I, ,DNGOS 'DZIN NAD CHEN ZHI BAR MA NUS NA, ,BSHES GNYEN SMAN PA MKHAS PA NYAR BSTEN CING, ,DAM CHOS SMAN BZANG RNYED PA'I DGOS PA CI; ;DE BAS YONGS 'DZIN MKHAS PA'I GSUNG BZHIN DU, ,RIGS PAS LEGS PAR BRTAGS NAS DAM CHOS SMAN, ,TSUL BZHIN 'THUNGS NAS DNGOS 'DZIN NAD SPANGS TE, ,RANG GZHAN DON GNYIS SGRUB LA BRTZON PAR MDZOD, ,BSLAB GSUM BLANGS PAS NYES LTUNG DRI MAS GOS, ,THOS BSAM BYAS PAS TSIG BZHI'I GTING MA RNYED, ,GZHAN DON BYAS PAS RANG DON ME LTAR 'BAR, ,DBEN PAR BSDAD PAS SNYOMS LAS DBANG SONG BA, ,BDAG 'DRAS GZHAN LA BSKUL BA MI RIGS MONG, ,

, ,'ON KYANG SNYING GTAM YI GER BKOD PA 'DI, ,KHYED LA PHAN PAR 'DOD PA MA GTOGS PA, ,BDAG LA ZHE 'DOD 'GA' YANG YOD MIN PAS, ,LEGS PAR BRTAGS TE NYAMS SU BLANG BAR MDZOD, , PHRAD KYANG 'DI LAS GZHAN PA SMRA RGYU MED, ,SHI YANG KHA CHEMS GZHAN 'GA' MA MCHIS SO, ,ZHES SOGS GDAMS NGAG GNANG NAS BTANG NGO, ,DE NAS LO 'GA'I BAR DU GSOL 'DREN PA'I BUG MA GTOGS SGO BKAG STE SU YANG NANG DU GTONG BAR MA MDZAD, PHYI NAS 'BUL BA'I DAD RDZAS RNAMS KYANG MA BLANGS, THENG CIG SLOB DPON YON TAN DAR NYE GNAS LA YOD DUS, SHA GSAR ZUG GCIG DANG, ZHO RDZA GANG, PHUD DAM GANG 'BUL BA BYUNG BA NYE GNAS KYIS BLANGS PAS, NYID RANG GSOL GSUNG NAS GSOL DU MA GNANG, NYI GNAS KYIS KYANG MA NUS PAR CHAD DANG ZHO GNYIS PHO, SHA DE CHU SKYEL MI LA BYIN CES GRAG GO ,NYID KYI ZHAL NAS, RI KHROD DBEN PA'I GNAS SU RNYED BKUR LA, ,RE BA MED CING KHA ZAS ZHIM PA YI, ,RO LA CHAGS PA SPANGS TE 'KHOR BA YI, ,RA BA LAS NI THAR BAR BYA PHYIR 'BAD, ,CES SOGS GSUNGS TE, LO NYI SHU RTZA GRANGS KYI BAR DU SKU MTSAMS KHOR YUG LA BZHUGS TE, DA DUS CHOS RJE KUN MKHYEN PAS DNGUL CHUR BYON NAS RANG RE ZHAL ZHIG MJAL BAR ZHU, CHOS KYI GSUNG GLENG MDZAD PA YIN GSUNG BA LA, DA LTA MTSAMS DAM PO'I DAM BCA' ZHIG BDOG PAS, MI MJAL BAR

DU; DA GZOD NGED MJAL DU 'ONG ZHES PA ZHAL DANG KHONG GI DRI PA'I LAN ZHU YIG BUL TE SKU MTSAMS MA PHYE'O, ,DE DUS CHOS RJE BSOD NAMS RGYAL MTSAN PA BO DONG DU BYON NAS MJAL DU 'BYON GSUNGS LA YANG DA RES MI 'BYON PAR ZHU ZHES ZHU BA BSKUR TE, DE'I DUS SU, MI TSE LA KHA DRAG PA SUS ZHUS KYANG SKU MTSAMS MA PHYE BAR, SKU NI 'DU 'DZI'I G-YENG BAS DBEN, GSUNG NI BRI MO'I GTAM GYIS DBEN, THUGS NI GZUNG 'DZIN RTOG PAS DBEN PAR GYUR TO, ,DE LTAR DBEN PAR SGRUB PA RTZE GCIG TU MDZAD PAS RTOGS PA RNAMS RIM GYIS 'KHRUNGS TE, NYID KYI ZHAL NAS, GNAS DBEN PAR RIG PA DVANGS PA'I DUS SU, MI 'DI DANG 'DI ZHES BYA BA SHI ZER BA THOS TZA NA, 'O SKOL GYI LUS 'DI LA YANG CHU'I L'U BA'AM, RLUNG NANG GI MAR ME BZHIN DU SKAD CIG KYANG SDOD PA'I MTHU MED PAR RIG NAS BZOD GLAGS MED PA CIG YONG GIN 'DUG GSUNG, NYE GNAS KYIS GZIM KHANG LA MKHAR LHAN ZHIG BYED PA YIN ZHUS PAS, 'O SKOL GYIS YUN RING SDOD PA'I NGES PA MED, ,DE'I RKYEN GYIS SEMS CAN MANG PO 'CHI GSUNG NAS MA GNANG, RGYAL SRAS RIN PO CHE BLA MA RIN YE BA'I SAR BYON PA'I BSHUL DU NYE GNAS KYIS GSANGS NAS GZIM KHANG BYAS PAS, RGYAL SRAS RIN PO CHES SEMS CAN MANG PO SHI YOD, GZUNGS SNGAGS 'DREN DGOS SDUG GE KUN DE LA CI BA DER 'DUG, SNYING RE RJE GSUNG ZHING, DE'I DUS SU GSUNGS PA, NA MO LO KE SHVA R'A YA, MKHYEN BRTZE NUS PA PHUL PHYIN 'GRO BA'I MGON, ,SPYAN RAS GZIGS

, ,LA GUS PAR PHYAG 'TSAL NAS, ,SNYOM LAS CAN GYI SPRANG PO MA nI BA, ,RANG LA RANG GIS BSKUL PHYIR 'DI SKAD SMRA, ,MI BZAD SKYE BA'I BTZON RAR TSUD GYUR CING, ,NA DANG RGAS PA'I LCAGS SGROG GIS BCINGS TE; ;'CHI BDAG MTSON CHA PHYAR BA'I DRUNG GNAS NA, ,TSE 'DIR GTAN DU SDOD SNYAM KHYOD SEMS SAM, ,'KHOR BA'I RGYA MTSO GTING MTHA' YANGS PA 'DIR, ,LAS DANG NYON MONGS RLUNG SHUGS DRAG POS BSKYOD, ,'JIGS RUNG NGAN 'GRO'I KLONG 'KHYIL KHAR GNAS NA, ,RNYED BKUR GRAGS PA BSGRUB PA KHYOD DRAN NAM, ,LANG TSO'I NYIN PHYED LO ZLA'I NUB RIS BSGRIBS, ,LUS KYI RI KLUNGS RGAS PA'I GRIB MAS NON, ,'CHI KHA'I MUN NAG MYUR DU 'BYUNG NGES NA, ,SOS DAL SKYID CHOS BYED PAR KHYOD KHOM MAM, ,MGO LA SKRA DKAR LCAGS KYU RNON POS BTAB, ,LUS NI GNYER MA'I ZHAGS PA DAM POS BCINGS, ,BRTZE MED 'CHI BDAG SBAR MOR CHUD GYUR NA, ,BAG MED GNYID KYIS LOG PAR KHYOD KHOM MAM, ,RGYAB NAS LO ZLA MANG PO'I DMAG GIS BDAS, ,MDUN DU THAR MED 'CHI BA'I G-YANGS SAR THUG ,GANG DU BLTAS KYANG 'GRO SA MI 'DUG NA, ,DON MED LONG GTAM SMRA BAR KHYOD KHOM MAM, ,SHIN TU NYAM CHUNG CHU BUR LTA BU'I LUS, ,SNA TSOGS RKYEN NGAN RLUNG GIS RAB BSKYOD NAS, ,SKAD CIG GNAS PA'I GDENG YANG MI 'DUG NA, ,CHOS MIN YID LA SEMS PA'I LONG 'DUG GAM, ,DE RING TZAM YANG MI 'CHI'I GDENG MED CING, ,SHI NAS GAR

SKYE RANG DBANG MED BZHIN DU, ,DON MED TSE 'DI'I BYA BA LHUR BLANGS NA, ,RANG GIS RANG NYID BSLUS BAR MI 'GYUR RAM, ,NOR LDAN LAG STONG SGREN MOR 'GRO 'GYUR ZHING, ,KHA DRAG CAN LA YUD TZAM SDAD DBANG MED, ,'KHOR NA NGAN PA NAS GROGS MED GCIG PUR 'GRO, ,DE DUS CHOS MIN PHAN BA CI 'DUG SOMS, ,KHYOD KYIS SNGON CHAD TSE 'DI'I MDUN MA BSGRUBS, ,YENGS PA'I LAM LA MI TSE STONG ZAD BYAS, ,DA DUNG RNAM G-YENG LE LO MA SPANGS NA, ,'CHI KHAR 'GYOD KYANG 'PHYIS PAR MI 'GYUR RAM, ,GZHAN GYIS 'TSE MED RANG SEMS SON GNAS, ,GSUNG RAB BSTAN BCOS MAN NGAG DRAN DUS 'DIR, ,CHAGS SDANG 'KHRUL RTOG GZHOM PHYIR MA 'BAD NA, ,BAR DOR 'KHRUL SNANG SHAR TSE CI 'GYUR SOMS, 'DUL RGYU'I DGRA MED SKYONG RGYU'I GNYEN MED CING, ,PHAR LTOS DPON MED TSUR LTOS G-YOG MED PAS, ,DBEN PA'I GNAS 'DIR RANG SEMS MI 'DUL NA, ,KHYOD LA BYA RGYU CI 'DUG MA nI BA, ,DE BAS RNYED SOGS SRED DANG RNAM G-YENG DANG, , LE LO SPONGS LE RGYUN DU DRAN SHES STEN, ,THABS SHES ZUNG DU 'BREL BA'I LAM MCHOG GIS, ,GNYIS 'DZIN 'KHRUL PA'I BAG CHAGS SBYANG BAR GYIS, ,ZHES DANG, RGAN GZHON DAR MA GO RIM MA NGES PAR, ,'CHI SNYAM MED BAR GLO BUR 'CHI 'GYUR ZHING, ,SMAN DPYAD RIM GRO SOGS KYIS BZLOG MI NUS, ,'DI 'DRA BSAMS LA TSE 'DI'I ZHEN PA SPANGS, ,NOR LDAN LAG STONG SGREN MOR 'GRO 'GYUR ZHING, ,KHA DRAG CAN LA YUD TZAM SDAD DBANG MED, ,'KHOR MANG NAL?

, ,NAS GROGS MED GCIG PUR 'GRO ,'DI 'DRA BSAMS LA TSE 'DI'I ZHEN PA SPANGS, ,ZHES SOGS GSUNGS SHING, MI RTAG PA SGOM BA 'DI ZAB, 'DI RGYUD LA SKYES NA DANG POR CHOS LA 'JUG PA'I RGYU BYED, BAR DU SGRUB PA NYAMS SU LEN PA'I LCAG BYED, MTHAR 'OD GSAL CHOS SKU THOB PA'I RGYU BYED PAS 'DI SGOM PA GAL CHE GSUNG, SEMS DPA' CHEN PO 'DI NYID NI MI RTAG PA THUGS LA 'KHRUNGS PAS 'DOD YON GYI 'KHRI BA CHOD, PHYI CHIS KYI GRAGS GSHOM BOR, TSE 'DI'I MDUN MA MI CHOS KYI BYA BYED BLOS BTANG STE, ,BAG STE LANGS PAS GZHIS RDZOGS PA, ,BYAR MED DE NI BSTAN YUL YIN, ,ZHES BKA' GDAMS GLEGS BAM LAS GSUNGS PA DE PHYAG LEN LA THEBS PAR MDZAD DO, ,SEMS DPA' CHEN PO 'DIS TSE 'DI'I 'KHRI BA PHRA MO TZAM YANG MED PAR LAM CHA TSANG LA SGRUB PA SNYING POR MDZAD CING SKAL BA DANG LDAN PA GZHAN DAG LA YANG CHOS RNAM DAG SGRUB PA LA TSE 'DI'I SNANG SHAS 'DI LAS BAR CHAD CHE BA MED PAS RGYAL BA DGYES PA'I LAM LA SLOB PAR 'DOD PA RNAMS KYIS THOG MAR DAL 'BYOR RNYED DKA' DANG NAM 'CHI CHA MED BSAMS NAS TSE 'DI LA MA CHAGS PA ZHIG SKYES BU'I RTZAL CI YOD KYIS SGRUB DGOS SO ZHES 'DOMS PAR MDZAD BA NI, BLA MA DANG DKON MCHOG GSUM LA PHYAG 'TSAL LO, ,YON TAN 'OD ZER RAB TU RGYAS PA YIS, ,SKYON GYI RAB RIB MA LUS SEL MDZAD PA'I, ,RGYAL BA SRAS DANG BCAS LA PHYAG 'TSAL

NAS; ;DAM CHOS TSUL BZHIN SGRUB THABS BSHAD PAR BYA, ,DAM CHOS THAR PA'I LAM DU 'GRO BA LA, ,TSE 'DI'I PHUN TSOGS SGRUB LA RTZE GCIG PA'I, ,BLO NGAN 'DI LAS BAR CHAD CHE BA MED, ,DE PHYIR RNAM PA KUN TU 'DI SPANG BYA, ,THOS BSAM SGOM SOGS DGE BA GANG BYED KYANG, ,BLO NGAN 'DI DANG 'DRES NA RO BRGYA'I ZAS, ,NGAN SKYUGS DAG DANG BSRES PA JI BZHIN DU, ,BZANG PO NGAN PAR BYED PA GDON MI ZA, ,DPON SLOB MCHED GROGS GNYEN LA RTZOD BYED CING, ,BDE SDUG GTAM NGAN KUN LA MI 'DZEM PAR, ,NGAL BA CHEN POS LONGS SPYOD SGRUB BYED PA, ,BLO NGAN 'DI YIS DBANG MED BSKUL BAR ZAD, ,GZHAN GYI DPAL 'BYOR GZHOM PHYIR LUS SEMS KYI, ,'BAD PA DRAG POS 'THAB DANG RTZOD BYAS NAS; ;RANG GZHAN 'DI PHYI GNYIS KAR PHUNG BYED PA, ,DE YI SNYING DU BLO NGAN GDON 'DI ZHUGS, ,GSUNG RAB SGRON ME LAG TU THOGS NAS KYANG, ,RNYED BKUR 'KHOR SDE'I DON DU 'THAB RTZOD BYED, ,SDIG PA'I G-YANG SAR GOM PA 'DOR BA'I MIG ,BLO NGAN RAB RIB 'DI YIS BSGRIBS PAR NGES, ,NOR MANG SBYIN YANG GRAGS DANG 'KHOR LA SOGS, ,DON DU GNYER PHYIR SBYIN PA CHEN PO LAS, ,'BRAS BU CHUNG ZHING NGAN PAR BSGYUR BA NI, ,BLO NGAN BA MO 'DI YIS BCOM PAR NGES, ,'BAD BAS TSUL KHRIMS BSRUNGS KYANG RNYED SOGS KYI, ,'CHING BAS BCINGS NAS THAR LAM MI BGROD CING, ,'KHOR BA'I BTZON RAR 'DZIN BYED LCAGS SGROG DE, ,BLO NGAN 'DI YI LAG NA NGES PAR GNAS, ,YUN

, ,RING BSAM GTAN BSGOMS KYANG CHAGS SDANG GIS, ,BDAG BSTOD GZHAN SMOD RNYED PHYIR 'THAB RTZOD BYED, ,ZHI GNAS BSGOMS PAS MA ZHI'I BLO SKYES PA, ,BLO NGAN YUR MA'I RTZA BA YOD PAS LAN, NAD GDON CHOM RKUN DGRA SOGS DAM CHOS KYI, ,BAR GCOD YIN ZHES GRAGS KYANG RANG GI BLO, ,LAS SU RUNG NA DE KUN GROGS SU 'GYUR, ,BLO NGAN 'DI NI DAM CHOS GEGS SU NGES, ,DA LTA'I DAM CHOS TSUL BZHIN SGRUB 'DOD PAS; ;TSE 'DI'I PHUN TSOGS SGRUB 'DOD RNAM RTOG 'DI, ,DAM PA'I CHOS KYI GEGS SU SHES BYAS NAS, ,RNAM PA KUN TU SPONG BA SHIN TU GCES, ,TSE 'DI'I PHUN TSOGS BSGRUBS PAS 'GRUB PA DKA', ,GRUB KYANG RANG DBANG SPYOD PA'I NGES PA MED, ,BDAG LA NGES BAR 'ONG BA 'CHI BA YIN, ,DE TSE NOR DANG 'KHOR SOGS KYIS MI PHAN, ,DE DANG BRAL BAS LHAG PAR SDUG BSNGAL 'GYUR, ,DE LTAR BSAMS LA TSE 'DI'I CHE THABS SPANGS, ,'CHI BAR NGES SO NAM 'CHI NGES PA MED, ,'CHI TSE NGES PAR PHAN PA DAM CHOS YIN, ,SKYE BAR NGES SO GAR SKYE NGES PA MED, ,GANG DU SKYES KYANG PHAN NGES DAM CHOS YIN, ,STON BSAGS DPYID KA SPYOD PA'I NGES MED KYANG, ,DPYID RGYAGS STON NAS MI SGRUB BLUN ZER NA, ,'CHI BAR NGES SHING 'CHI TSE PHAN NGES CHOS, ,DA LTA NYID NAS MI SGRUB SHIN TU BLUN, ,DES NA RNYED BKUR GRAGS SOGS TSE 'DI YI, ,PHUN TSOGS SGRUB PA'I BSAM SBYOR YONGS SPANGS NAS, ,'CHI TSE

NGES PAR PHAN PA'I DAM CHOS LA, ,G-YEL PA MED PAR RTAG TU 'BAD PAR BYA, ,ZHES GSUNGS SO, ,BDAG NYID CHEN PO 'DIS SKYES BU GSUM GYI LAM LA SBYANGS PAS MYONG BA PHUL PHYIN THON TE BSHES GNYEN BSTEN TSUL DANG, DAL 'BYOR DANG MI RTAG PA'I SKOR LA MYONG BA PHUL PHYIN THON PA BSHAD ZIN PA LTAR DANG, SKYABS 'GRO LAS 'BRAS LA MYONG BA PHUL PHYIN THON PA NI RGYAL SRAS 'DI DBUS SU BYON PA'I DUS GUNG THANG NAS LHA SAR 'BYON PA'I CHU KHAR PHEBS DUS; RTA BDUN BRGYAD CIG LA MI RE RE ZHON NAS CHU LA RKYAL BTANG NAS BYUNG BAS, CHU DKYIL DU THAMS CAD NUB NAS SONG BA GZIGS PA DANG, AA KA KHA SKYON CHE GSUNG NAS PHYAG THAL MO SBYAR TE, SGROL MA SGROL MA, 'PHAGS MA 'PHAGS MA, GSUNG NAS SPYAN CHAB NYIL NYIL 'DUG PA DANG, MI RTA ZUNG GCIG MA GTOGS PA RTA DANG MA BRAL BAS YUD CIG NA CHU 'GRAM DU THON BYUNG, MI RTA ZUNG GCIG CHUS KHYER SONG BA DANG, SEMS DPA' CHEN PO'I SKU RGYAB NAS DA CI MED PA'I MI DKAR PO GZUGS RING, PHRUG GOS DKAR PO RNYING NGE SONG BA ZHIG LA, SKA RAGS DRES MA TSIG RKYANG BCINGS PA CIG BYUNG NAS NGA 'GRO NGA 'GRO ZER ZHING CHU LA TSAM TSAM MED PAR RGAL SONG BA NAS, MI DES LAG PA NAS DRUNG BYUNG STE CI YANG MA NYES PAR GSOS RTING MI DKAR PO DE GAR SONG CHA MED LA SONG BAS KUN YA MTSAN PAR GYUR TE, SEMS DPA' CHEN PO'I ZHAL NAS, CI THO DOD GSUNG BA LA, DRUNG NAS 'PHAGS MA LA GSOL BA BTAB PAS, 'PHAGS

, ,MA'I SPRUL PA YIN LAS CHE ZHUS PA LA, YIN PA DAG KYANG SRID, RE MTSAR CIG BYUNG, LAR RANG GIS BLO GTOD NUS NA DKON MCHOG 'DIS RANG MI BSLU BA CIG YIN GSUNGS, ,YANG NYO GNAS KYIS LO GCIG LO ZHING DUM PA GCIG BTAB PA GZIGS PAS, SEMS CAN MANG PO 'CHI, 'O SKOL LO MAS CI BYED GSUNG NAS BYED DU MA GNANG, DBYAR YOG MO'I ME SHING MA 'DON, DE LA SEMS CAN MANG PO YOD, MA SHIN 'KHOS GCIG 'CHAR NAS 'OD GSUNG, DBYAR 'OD KHANG MED DUS NUB MO DKAR ME PHUL NA PHYE MA LEB 'CHI GSUNGS NAS, DKAR ME NYIN BAR 'BUL, DBYAR KHA MCHOD BA SNGA SE GYIS, 'PHYIS NA SEMS CAN RKANG 'OG TU SONG BA MI MTHONG GSUNG SHING, MDOR NA LAS RGYU 'BRAS LA THUGS YID GTING NAS CHES PA'I RTAGS SROG GI PHYIR YANG SROG CHAGS PHRA MO RE LA'ANG GNOD PA MI MDZAD CING DUS RGYUN DU LAS RGYU 'BRAS SEMS PA LA BSNGAGS PA CHEN PO MDZAD DO, ,SKYES BU CHEN PO'I LAM LA MYONG BA PHUL PHYIN THON TE BDAG GZHAN DNGOS SU BRJE NUS PA BYUNG BA DANG SEMS CAN KUN LA NYE RING MED PAR PHAN SEMS KHO NA MDZAD BA NI, 'DI LTAR YON BDAG GI RIGS 'GA' ZHIG GIS, DMAG LA 'GRO BA'I DUS RIM GRO LA GTOR MA'I CHAS MANG PO BSKYAL CAN, GTOR MA PHUL NAS 'PHRIN LAS 'CHOL BA'I SKABS SU, 'O SKOL RANG DKON MCHOG DANG CHOS SKYONG LA ZHU BA BYED TZA NA, PHYOGS GNYIS

KAR 'KHRUG PA ZHI BAR BYIN GYIS RLOBS, BSAM NGAN SBYOR RTZUB THAMS CAD ZHI BAR MDZOD CIG ZER BA MA GTOGS, GCIG RGYAL GCIG PHAM PAR MDZOD MI ZER, NYID CAG RNAM PA'ANG DE BZHIN MDZOD, KHO BSTE RGYAL BA ZHIG 'DOD DE, RGYAL BA MA BYUNG YANG 'KHRUG BZHIN PHAR CHUR GNYIS KAR LA DES CHOG ,DE BZHIN BYAS PAS YON BDAG BSLUS PAR MI 'GRO GSUNG, SEMS CAN 'DI DANG 'DI ZHES BYA BA BDE ZHING SKYID PA 'DUG ZER BA GSAN CAN, DE LEGS SO GSUNG NAS SHIN TU MNYES SHING 'DI LTAR YANG GSUNG NGO, ,BDAG GIS SDUG BSNGAL RLUNG SHUGS KYIS BSKYOD NAS, ,GANG GIS BZHIN RAS NAG PO'I SPRIN BSDUS TE, ,MCHI MA'I CHAR PHAB DUD MO'I 'BRUG SGRA BSGRAGS, ,DE 'DRA YAL BAR 'DIR BA RIGS SAM CI, ,BDAG NYID BDE BA'I NYI ZER PHOG PA YIS, ,GANG GI BZHIN RAS PADMO'I CHAL RGYAS TE, ,SO YI ZE'U 'BRU DKAR PO STON GYUR PA, DE 'DRA YAL BAR 'DOR BA GA LA RIGS, ,ZHES SOGS GSUNG NGO, , YANG DRUNG NA 'KHOD PA'I RI DVAGS DANG GCAN GZAN KUN KYANG GCIG LA GCIG PHAN TSUN GNOD PA MED PAR BYAMS TE GZHAN GYIS PHUL BA'I SHA KHYI CHEN PO GCIG YOD PA YANG, RNA MOS RTZED MO'I PHYIR RDUNG BA LTAR BYAS CAN, MI RNUG PAR BROS 'GRO ZHING, SPRANG PO LA RMUG PA'I TSE MA nI BGRANGS PA DANG RMUG 'PHRO GCOD PA ZHIG YOD DO, ,BYI LA ZHIG YOD PA DE YANG BYE'U MTHONG KHAR BAB PA'I DUS GNOD PA'I SEMS SPANGS NAS, DE BYUNG BA LA DGA' ZHING 'GROGS

, ,DOGS PA'I PHYIR DES MI MTHONG BA'I SAR PHYIN NAS NYAL ZHING, BYI CHUNG LA YANG GNOD PA MI BYED DO, ,SPYANG KI GCIG YOD PA YANG SEMS CAN LA 'TSE BA'I SEMS SPANGS TE, RTING LA SHA BYIN KYANG MI ZA BA CIG BYUNG ZHING, NGANG PA GCIG YOD PA YANG SEMS DPA' CHEN PO BSKOR BA MDZAD PA'I DUS SU KHO YANG BSKOR BA BYED DE, BZHUGS PA'I DUS SU KHO YANG SDOD, SEMS DPA' CHEN PO'I SPYOD LAM GYI LAD MO BYED PA CIG BYUNG 'DUG ,DE LA MNYES SHING, DMAG BYUNG NAS BO DONG DU 'BYON DGOS PA BYUNG DUS, NYE GNAS LA GZHAN DNGOS PO MI THUB NGANG PA DE MA LUS PA GYIS GSUNG ZER, MKHAN CHEN BYANG CHUB RTZE MA'I GSUNG GIS, DUD 'GRO DE KUN GYI BYED LUGS DE RANG NGO MTSAR CHE, BYANG CHUB KYI SEMS 'DI 'BYONGS TZA NA GANG YANG DBANG DU 'DU BA CIG YIN PAR 'DUG GSUNG, DBUS PA'I DMAG 'JANG DU BYUNG DUS DNGUL CHU BA RNAMS LA, DNGOS PO LA MA CHAGS PAR THAMS CAD BROS, 'GRO BA MI 'ONG BA'I RGAS PA RNAMS KYI G-YOG NGAS BYED PA YIN GSUNG STE, BA SHUL NA YOD PA RNAMS KYIS BRED NAS DRUNG DU 'TSOGS NAS BSDAD PA'I DUS DMAG MI RNAMS KHRO ZHING RNGAM PA'I TSUL GYIS DRUNG DU BYUNG STE, ZHAL MTHONG BA DANG, 'PHRAL DU GTUM PA DANG KHRO ZHING RNGAM PA RNAMS KYANG ZHI NAS DRUNG NA 'KHOD PA RNAMS LA GNOD PA MI BYED PAR BYIN RLABS ZHUS KYIN 'GRO, 'GA' ZHIG DAD PA SKYES TE MCHI MA 'BYIN CING, MI

BSAD PA'I SDIG BSHAGS BYED DO ZHES GRAG GO ,DRUNG NA 'KHOD PA'I SLOB MA RNAMS KYANG NGA KHO NA LA MNYES SHING BYAMS SNYAM DU THAMS CAD DE LTAR DU SEMS SHING, DE RNAMS KYANG GCIG LA GCIG MTHONG CHE ZHING BYAMS PAS, PHAN TSUN TSA MI RTZAD PAR GRAL 'OG TU SDOD PA LA HAB THOB BYED CING GCIG LA GCIG SNYAN PAR SMRA'O, ,SEMS DPA' CHEN PO 'DI NI, DPER NA MA BU GCIG PU YID DU 'ONG BA LA BRTZE BA LTAR SEMS CAN RNAMS LA SNYING RJE CHEN PO MNGA' ZHING, KHYAD PAR DU DNGOS SU SDUG BSNGAL BA DANG, SDUG BSNGAL GYI RGYU LA SPYOD PA LA BRTZE STE, DGUNG LO BCU DRUG TZAM LON PA'I DUS ZANG ZING GIS PHAN 'DOGS BAG TZAM BYAS PA'I DGE BSHES GCIG GIS SANG NYIN LAN SLEB PA DGOS PA'I DON GAL CAN ZHIG GI BANG CHEN BCOL TE, BO DONG NAS SA SKYAR 'BYON PA'I PHYED LAM TZAM NA SLEB PA'I THANG DKYIL ZHIG NA, KHYI GU BZHI LNGA ZHIG SKYES PA MAS BOR NAS SONG 'DUG PA GZIGS PA DANG, SNYING RJE NAS BSHUMS SHING, DE RING 'DI PA SKYEL DU PHYIN NA NI KHONG GI DON MI 'GRUB, DE RING BZHAG NAS PHYIN NA NI DGUN YIN PAS 'KHYAGS NAS KYANG 'CHI, BYA ROG DANG GCAN GZAN DAG GIS KYANG GSOD SNYAM DU BSAM NAS DE RING 'DI PA BSKYAL LA, DO RED MTSAN LA 'GRO DGOS PA YIN DGONGS TE, KHYI GU SKYEL BA LA LOG NAS BYON PAS, DGE BSHES DE DANG DA RAS MA 'PHRAD BA BYA DGOS DGONGS PA, SRANG BAR GCIG TU 'PHRAD PAS, NYID KYIS DON GAL CAN GYI STABS BCOG PAR 'DUG

, ,ZER NAS 'THAB TU BYUNG BAS SKYENGS PO BYUNG GSUNG, DE NAS DE MA KHAD LOG NAS BYON PAS THO RANGS KHA SA SKYAR PHEBS LAN BSGYUR, CHAB GCIG GSOL NAS BYON PAS DGONG MO BO DONG DU PHEBS, DGE BSHES DE NA RE NGO MTSAR CHE NGAS 'THABS PA DE YANG BZOD PAR GSOL ZER BYUNG GSUNG, YANG DGUNG LO NYI SHU TZAM LON PA'I DUS SU AE'I DGE 'DUN RNAMS CHOS GZHI BTEG PAS, RGYA SGO'I 'GAG NA SPRANG MO ZHA MA GCIG YOD PA DE DU YIN 'DUG PAS THUGS KYIS MA BZOD DE CI NYES DRIS PAS, BTZUN PA THAMS CAD 'BYON PAR 'DUG ,DES NA NGA LA LTO STER MI MI YONG ZER, NGAS KHYOD LEN DU 'ONG GI SDUG BSNGAL MA BYED GSUNG STE, THAG PA KHYER NAS LOG BYON TE, NGA LA KHUR GSUNGS PA LA MOS KHUR MI NUS PA 'DUG ZER, SNGA LA MO'I GOS STAN RNAMS BSKYAL ,DE NAS MO RANG KHUR NAS CHOS BAR SAR BSKYAL GSUNG, DES NA SEMS CAN DNGOS SU SDUG BSNGAL BA GZIGS NA LTA SMOS KYANG CI 'CHAL, GZHAN GYIS SEMS CAN SDUG BSNGAL BA 'DI 'DRA 'DUG ZER BA GSAN NA, NGA'I MA RGAN RE SNYING RJE GSUNG STE BSHUMS NAS GSUNG GLENG KYANG 'PHRO CHAD NAS 'GRO ZHING, GLANG RI THANG PA LA GZHAN GYIS DO NAG PO BYAS PA GSAN PAS, NGA'I MA RGAN SEMS CAN GYI SDUG BSNGAL 'DI LA BSAMS NA NGO GDONG DKAR PO YONG SA MI 'DUG GSUNG ZER, DE KHONG PA MED PAR GDA' GSUNG NAS SPYAN CHAB NYIL NYIL MDZAD

CING 'DI LTAR YANG GSUNG NGO, ,SDUG BSNGAL MANG GZIR 'GRO 'DI YAL BOR NAS, ,RANG NYID ZHI BDE 'BA' ZHIG DON GNYER BA, ,PHA MA ME YIS 'TSIG PA YAL BOR NAS, ,RANG NYID BSIL BA'I RDZING BAR KHRUS BYED 'DRA, ,'GRO 'DIS RANG GI BDE BA YAL BOR NAS, ,BDAG GI DON DU SDUG BSNGAL KHUR BLANGS PA, ,SA DANG RGYA MTSO'I RDUL BAS CHES MANG NA, ,DE DAG BDAG GIS JI LTAR YAL BAR 'DOR, ,THOG MED DUS NAS LAN MANG PHAN BTAGS PA'I, ,'GRO MANG BZOD DKA'I SDUG BSNGAL GYIS GZIR BA, ,MTHONG THOS DRAN KYANG GAS PAR MA GYUR PA, ,BDAG GI SNYING 'DI LCAGS LAS BYAS SAM CI, ,SNGON CHAD YANG YANG SDUG BSNGAL SEL BYED MA, ,MNAR MED ME YI NANG DU TSIG GYUR NA, ,DE LA SNYING RJE'I BSAM PA MI SKYES, ,BDAG 'DRA MI YI LUS CAN DUD 'GROR ZAD, ,CES GSUNGS, DBUS PA'I DMAG RTING MA 'DZAD DU BYUNG DUS DNGUL CHU'I MDUN GYI THANG CHEN PO DE DMAG GIS GANG BA GZIGS PAS SDUG GE TSO SDUG GE TSO NGA'I MA RGAN 'DI TZAM ZHIG 'KHRUL NAS SDUG BSNGAL GYI RGYU LA SPYOD PA DE SNYING RE RJE SNYING RE RJE GSUNG ZHING BZHUGS GDAN GYI STENG DU 'DRE LDOG MDZAD CING BSHUMS PA'I MTHAR BRGYAL BRGYAL GYI BAR DU BSHUMS PA ZHIG BYUNG, GZHAN YANG 'DI LTAR GSUNGS TE, NGAN SONG GSUM STA AA CANG CHE, MI'I NANG NAS KYANG SDUG BSNGAL DNGOS SU SPYOD PA 'DI RNAMS SNYING SHIN TU YANG RJE MOD, BSAM BLO LEGS PAR BTANG NA SDUG BSNGAL GYI RGYU LA SPYOD PA 'DI RNAMS SNYING RJE

, ,GSUNG ZHING, DA LTA 'JIG RTEN GYI MI CHE RU RE, GRUNG DU RE, 'KHOR MANG, KHA DRAG ,NOR CHE, LAS SU SDIG PA 'BA' ZHIG BYED PA DE 'DRA RNAMS GZIGS PA'AM, DRAN PA'AM, DE DAG GI GLENG SO BYUNG TZA NA YANG SPYAN CHAB 'BYIN CING, PHA ROL PO RNAM RTOG SKYER YONG BSAM PA BYUNG NAS NYAMS SNA DKYIL GYIN TSOD BZUNG BA MIN NA, DE 'DRA RNAMS DANG PHRAD PA NA MCHI MA RANG DBANG MED PAR YONG GI 'DUG GSUNG, 'O SKOL CHOS PA 'DI RNAMS SDUG BSNGAL GYI RGYU LA SPYOD PA 'DI RNAMS LA SNYING RJE SKYE THANG BA CIG 'DUG PA LA, SKYE BA NYUNG BA DE RANG RE RNAMS KYANG TSE 'DI'I DPAL 'BYOR KHA DRAG DE RNAMS LA SKYON DU MI LTA BA'I BLO NGAN DE PHUGS SU ZHUGS PAS LAN 'DUG ,DA LTA SDUG BSNGAL LA RNAMS LA SNYING RJE SKYE BA DE, SDUG BSNGAL DE LA RANG RE SKYON DU LTA BAS YIN PAR 'DUG STE, DE GNYIS RANG SKYON GANG CHE MI SHES GSUNG, TSOGS CHOS GSUNG BA'I DUS SEMS CAN GYI SDUG BSNGAL LA GZIGS NAS SEMS DPA' CHEN PO NYID KYIS BSHUMS TZA NA TSOGS PA BYINGS PO DU CO THEG THEG YONG BA DE LA MTSAN NYID PA CIG NA RE, MKHAN CHEN BU STON PA DANG, BLA MA PAn CHEN PA CHOS GSUNG TZA NA, BZHAD GAD ZEG ZEG NYAMS DGA' ZHAD CHE BAR 'DUG ,'DI PAS CHOS GSUNG BA DE SDUG ZHAD CHE, MI GCES SHI BA BZHIN DU DU CO THEG THEG YONG ZER, RGYAL SRAS 'DI SKU MTSAMS DAM PO LA BZHUGS PA'I DUS, MKHAN

CHEN RIN PO CHE BSOD NAMS GRAGS PA ZHENG GZHAN DU GSHEGS PA MNGON PAR SHES PAS MKHYEN TE, MTSAMS HU RA THON MDZAD NAS BYON PA'I LAM KHAR MI GNYIS KYIS RA GCIG MI 'GRO BZHIN KHRID 'GRO BA DANG PHRAD PA NA CI BYED DRIS BAS, HOR 'DRA LA SPROD BA YIN ZER, SNYING RJE NAS BSHUMS TE GSER ZHO PHYED BYIN NAS 'DI HOR 'DRA LA SPROD LA RA 'DI MA GSOD NGA LA BLANGS BYAS GSUNG, DE NAS SHANGS KYI MDA'I GAD SKYIBS SHIG TU PHEBS PA DANG, 'DIR JA SKOL NGAL SO BA YIN GSUNG BA LA, 'DI NA CHU MI GDA' ZHUS PAS, CHU'I KHAG NGAS KHUR ME SHING THUS LA SHOG GSUNG, SHING BTUS NAS SLEB PA DANG, CHU 'DI NA GDA' YIS GSUNG NAS PHYAG GIS BYE MA LA RUD RUD MDZAD PA LA SNGAR MED PA'I CHU BYUNG BAS ZHABS TOG PA RNAMS KYI BSAM PA LA MIG 'PHRUL YIN NAM BSAM PA BYUNG ZER, JA GSOL ZIN PA'I RJES LA'ANG CHU 'DUG ,YAR LAM CHED KYIS BLTAS PAS CHU'I RJES YANG MI 'DUG ZER RO, ,DE NAS MKHAN CHEN RIN PO CHE DANG MJAL PAS NYID BYON PA DE DGA' GSUNG NAS MNYES TSOR CHEN PO MDZAD, 'JUG PA SEMS BSKYED 'DI SNGAR BLA MA RIN YE BA LA THOB LAGS TE YIN KYANG DRUNG DU GCIG THOB NA BSAM PAS SKU KHEMS KYIS LCOGS TZAM GDA' NA THUGS LA 'DOGS BAR ZHU ZHUS PAS, DE DUS BSNYUNG RAB 'DUG STE SHIN TU YANG SPRO YO, DA LTA RANG MCHOD PA SHOMS SHIG GSUNG, SEMS BSKYED KYI CHO GA DNGOS GZHI GRUB NAS MKHYEN PAR GSOL BA GDAB PA'I SKABS SU, SA CHEN PO NI RAB TU G-YOS

, ,LHA'I ME TOG NI CHAR BZHIN DU BABS, SPOS KYI DRI ZHIM PO'I NGAD PA NI RNAM PAR LDANG, ROL MO'I SGRA SNYAN PA NI DBYAR GYI 'BRUG BZHIN DU GRAG ,SPRIN RNAMS KYIS KYANG 'JA' TSON SNA LNGA'I BLA RE BRES PAR GYUR CES GRAG GO ,CHO GA TSAR BA'I RJES LA MKHAN RIN PO CHE'I ZHAL NAS, CHOS BDAG PO'I LAG TU 'PHROD, DA STE BTZUN RGAN DE RING SHI YANG 'GYOD PA MED DO GSUNG NAS RGYAL TSAB TU DBANG BSKUR TE, DE NAS RING PO MA THOGS PAR SKU GSHEGS SHING, GSHEGS KHAR SGYU MA'I DPE BRGYAD PO DE NAR BA GCIG GSUNG NAS GSHEGS ZHES GRAG GO ,MKHAN CHEN RIN PO CHE'I SLOB MA RNAMS KYIS, BLA MA RGYAL SRAS PA DE LA MNGON PAR MKHYEN PA YOD MED THE TSOM MI 'DUG ,MKHAN CHEN RIN PO CHE GSHEGS LA KHAD DER KHONG GIS PHEBS ZER, DE NAS SEMS DPA' CHEN PO NYID KYANG NYIN ZHAG RE LA DUS GSUM DU SMON 'JUG GI SEMS BSKYED BSDUS PA RE LEN CING, 'DI LTAR GSUNGS TE; GANG GIS RANG GI BDE BA YAL POR NAS, ,YU BU'I DON DU SDUG BSNGAL KHUR BLANGS PA'I, ,SEMS CAN TSOGS 'DI BLO YIS YAL BOR NA, ,THEG CHEN DAM CHOS THOS PA'I DGOS PA CI, ,DES NA MTHA' YAS SEMS CAN BSGRAL BYA'I PHYIR, ,BLA MED BYANG CHUB MCHOG TU SEMS BSKYED DE, ,RANG DON SPANGS TE DNGOS SA MA BRGYUD NAS KYANG, ,GZHAN DON SGRUB DE SKYES BU MCHOG YIN NO, ,ZHES SOGS GSUNGS SHING, DBUS GTZANG KHAMS

GSUM GYI DGE BA'I BSHES GNYEN DANG, SKYE PO'I TSOGS KHRI PHRAG DU MA LA BYANG CHUB SEMS KYI SDOM PA GNANG NAS, BYANG CHUB SEMS DPAR GYUR PAR MDZAD CING, DUS PHYIS MKHAN CHEN BYANG CHUB RTZE MOS DBU MDZAD PA'I DGE BA'I BSHES GNYEN 'BA' ZHIG TSOGS PA LA, 'JUG PA SEMS BSKYED GSUNGS PA'I SKABS SU 'O SKOL GYIS MKHAN CHEN RIN CHEN PA LA 'DI ZHUS PA'I DUS SU, CHOS BDAG PO'I LAG TU 'PHRED PA YIN GSUNG NAS MNYES TSOR CHEN PO MDZAD CING GDA', 'O SKOL LA BDAG PA'I BDAG RGYU TZAM MED DE, KHONG PA DE SKAD GSUNG GIN GDA', 'ON KYANG BYAS PAS, JO BO RJE YAB SRAS SKU MCHED GSUM LA SOGS PA'I DUS SU DAR, CHOS 'DI LA BKA' DOG PA YIN PAR 'DUG ,DUS PHYIS KYANG 'DI 'BOGS PA NYUNG BAR GDA', GANG LTAR LAGS KYANG, 'O SKOL LAS DBUS GTZANG GNYIS NA CHOS 'DI 'BOGS PA MANG BA MED, SNGAR YANG RGYUD LA SKYES PA MANG PO BYUNG ZHING, DA 'O SKOL NAS CHOS 'DI'I BKA' YANGS SU GTONG BA YIN PAS, NYID CAG DGE BA'I BSHES GNYEN 'BOGS PAR NUS PA THAMS CAD KYIS PHOG CIG GSUNG NGO, ,RGYAL SRAS 'DIS BDAG GZHAN BRJE BA'I MDZAD PA JI LTAR BSTAN PA NI SLOB DPON DPAL YE BAS BLO SBYONG LA NYAMS KHRID BSGOM DUS, LHONGS LA SHIG NAD BYUNG BAS, SEMS DPA' CHEN PO'I GSUNG GIS, NYID RANG GIS SNYING RUS BSKYED LA GSOS GAL TE MI GSOS PA 'DRA NA 'DIR BYON, NGED KYIS KYANG GSO ROGS BYA YIS GSUNG ZER,

, ,KHONG GIS YUN RING PO'I BAR DU GSOS KYANG NYUNG DU MA SONG, CHOS RDZONG DU BYON NAS BLA YEL DU MAL BCAS NAS ZHAG SHAS SONG BA DANG, SHIG RNAMS NYUNG DU SONG 'DUG PA, RNAM RTOG SKYES TE DRUNG DU BLTAR PHYIN PA DANG, DRUNG PA LA SHIG NYIL BA 'DUG PA MTHONG BAS, DRUNG NAS 'O BRGYAL NGA RANG GIS SNYING RUS BSKYED LA GANG GSOS BYED NGA RANG LA THUGS LA 'DOGS PAR ZHU ZHUS PAS, NYID KYI SHIG BLANGS PA MA YIN NGA RANG LA YOD PA YIN GSUNGS NAS MA GNANG, DE NAS ZHAG 'GA' NAS THAMS CAD YAL NAS SONG GSUNG, GZHAN GYI SDUG BSNGAL DNGOS SU LEN PA 'DI SNYING RJE'I BSAM PA DRAG POS BLANGS NA LONGS NGES SHES PA NYAMS SU MYONG BAS GRUB PA LAGS GSUNG, RGYAL SRAS BDAG NYID CHEN PO 'DI HOR DPON ZHIG GIS SA SKYAR GDAN DRANGS PA'I TSE SA SKYA'I RGYAB DER DRO 'DEBS PA'I SAR KHYI RGAN PO GCIG BYUNG BA LA, HOR GYI 'BA' HOR CHES RDO GCIG BRGYAB PAS 'GYEL NAS SKAD NGAN CHEN PO SHOR BAS, SEMS DPA' CHEN PO RANG LA BRGYAB PA BZHIN DU AA GSUNG NAS PHYAG NAS DKAR YOL 'CHOR LA KHAD BYUNG ZHING SPYAN CHAB MANG PO BTON, DE NAS SA SKYAR BYON TE, DGE BA'I BSHES GNYEN DANG SKYE BO'I TSOGS CHEN PO LA, ZAB BA DANG RGYA CHE BA'I CHOS GSUNGS NAS 'GRO? BA DPAG TU MED PA'I DON MDZAD DE, GSER YIG PAS TSONG DUS NAS MAR GDAN DRANGS DUS, HOR GYI G-YOG PO GSUM LA NAG CHEN PO THUG NAS GSOD DU BYUNG BA LA, RGYAL SRAS 'DIS THUGS KYIS

MA BZOD PAR HOR GYI DPON LA DE LTAR MA BYED CES GSUNG BYON PAS SROG LAS THAR BAR MDZED ,SKU ZHANG GI RTZIS KYI RTEN 'BREL LA DBEN SHR'I'I GDAN GYI 'OG TU KHO RANG GI GZUGS DANG, RAL GRI DANG, RANG THAG SOGS BCUG PA DBEN SHR'IS MTHONG NAS RTZA RA CHEN PO BYED DU BYUNG BA LA YANG GSUNG BYON PA TZAM GYIS GROL BAR MDZAD DE, RIN SPUNGS PAR BYON NAS DBUS SU 'BYON MA DGOS PAR YAR BYON TE, ZHA LUR GDAN DRANGS NAS DGE BA'I BSHES GNYEN DANG SKYE BO'I TSOGS DPAG TU MED PA LA CHOS KYI SBYIN PA MDZAD, DE DUS BU STON RIN PO CHE BSNYUNG NAS GRONGS LA KHAD PA MA MJAL TE ,SKU GSUNG THUGS RDO RJE'I RANG BZHIN DU BYIN GYIS BRLABS NAS BSTAN PA DANG SEMS CAN GYI DON LA BZHUGS PA'I RTEN 'BREL DANG ,BDAG GZHAN BRJE BA'I DMIGS PA MDZAD NAS DE'I NUB MO NAS SKU BSKYED BYUNG NAS BSNYUNG BA DANG, DE DUS BLA MA RGYAL SRAS PAS MKHAN CHEN BU STON PA'I BSNYUNG NAD SDANGS ZER BA'I GRAGS PA CHEN PO YANG BYUNG ZHING, MKHAN CHEN PA'I ZHABS TOG PA GCIG GI RMI LAM DU MDANGS DRUNG PA LA BLA MA RGYAL SRAS PA SKU LUS SHEL DKAR LTAR DVANGS PAR GYUR BAS GSER GYI DBU RGYAN GSOL NAS DBANG BSKUR MDZAD PA RMIS LAGS ZHUS PAS, RMI LAM BZANG PO YIN, NGA YANG MDANGS KHAMS BDE ZHING RIG PA DRANGS PA CIG BYUNG GSUNG NAS MNYES 'DUG GSUNG, YANG BLA MA DAM PA BSOD NAMS RGYAL MTSAN PAS CHOS ZHU BA LA SA SKYAR GDAN DRANGS NAS, CHOS KYI 'KHOR LO RGYA CHEN PO BSKOR TE

, ,TSUR 'BYON DUS LA RDZAS NAG POR JAG PA BYUNG STE, SEMS DPA' CHEN PO RANG GI SKU LA MA NGAG ZHABS TOG BA RNAMS 'O LA BA RE BKYIGS TE JAG PA ZA MA ZA DUS, ZHABS TOG PA GCIG BKYIGS PA GROL BYUNG BA'I RTZA NA, JAG PA'I RAL GRI BZHAG 'DUG PA KHYER NAS BROS NA BSAM YOD TZA NA, SEMS DPA' CHEN POS MKHYEN NAS NYID DE BLO CAB TZUB MA BYED AANG GSUNGS PAS BROS MA NUS ZER, DNGOS PO 'DI RNAMS RIN CHEN SGANG PA'I SA CHAR KHYER, NGAS BLOS BTANG YOD PAS PHROGS PA YIN SNYAM PA'I BLO YANG MA BYED DA'I GOS 'DI KHYER NA YANG KHYER GSUNGS PAS, JAG PAS PHYAG BTZAL NAS, NGED TSO YANG PHONGS NAS THABS SDUGS PAS NYID LTA BU DANG THUG ZER; JAG PA RNAMS RJES ZLOS BYED DU BCUG NAS BSNGO BA YANG MDZAD GSUNG, DBUS BA'I DMAG MANG PO MTHONG BA DE DANG ,DPON CHEN BYANG BA 'DIS 'O SKOL LA CHOS 'BREL MA BYAS PA'I GONG DU BTZON SDUG GI GCIG MI GSOD PA'I ZHU BA BYAS KYANG MA GRUB PA DE GNYIS KYIS LO MANG PO'I BAR DU DGE SBYOR GYI BSKUL MA BYAS ,DE BAR LA DGE SBYOR GANG BYED KYANG DE RNAMS DANG DBUS PA'I DMAG SNGON MA RANG RE DNGUL CHUB 'JOMS MI DE RNAMS KYI DON DU BSNGOS, SMON LAM MANG PO BTAB STE AE PHAN NI MI SHES GSUNG, YANG LAN CIG RGYAL SGA'I 'GAG NA SHIG NAD TSABS CAN BYUNG BA'I SPRANG RGAN LUS KYI ZUNGS SHOR BA GOS DANG STAN LA SOGS PA SHIG GI PHUNG POR GYUR PA CIG GI DI

CHEN PO MNAM PA CIG 'DUG PA DE LA, DRUNG SKU MCHED PA'I SKYE BO TSOS ,DRUNG NAS SKYUG BRO 'GAG DER MA BSDAD ZER ZHING 'BUD PA GZIGS PAS, SNYING RJE DRAG PO SKYES NAS SPYAN CHAB SHOR TE, DE'I NUB MO KHO'I GOS DANG STAN SHIG GI PHUNG POR GYUR PA RNAMS NANG DU KHYER, SPRANG PO LA NA BZA' GCIG GNYIS DANG ZA RGYU GNANG NAS SHIG RNAMS LA SKU LUS SBYIN BAR BTANG STE SHIG GI PHUNG PO'I GSEB TU GZIM NAS GAG BA nIG GNYIS SONG BA DANG, SLOB DPON DANG MCHED GROGS 'GA' RES TSOR NAS BLTAR BYON PAS SPRANG PO'I GOS DANG STAN SHIG GI PHUNG POR SONG BA RNAMS GSOL ,SKU LUS THAMS CAD 'BRUM NAD THUG BO BYUNG BA BZHIN DU GYUR 'DUG PA MTHONG NAS, KHONG RNAM PA HA LAS TE NYID DA LTA LUS GTONG BA'I DUS TZAM LA MA SLEBS LAS CHE, DE 'DA RANG HA CANG THAL DRAGS MI MDZAD PAR ZHU ZHUS PAS, SPYOD 'JUG LAS, BDAG GIS LUS CAN THAMS CAD LA, ,LUS 'DI CI BDER BYIN ZIN GYIS, ,RTAG TU GSOD DANG SMOD BA 'AM, BRDEG SOGS CI DGAR BYED LA RAG ZHES DANG, 'GO MANG RDOG BAS BDAG GI SPYIR 'TSOG GAM, ,'GUM YANG MI BSNGO 'JIG RTEN MGON DGYES MDZOD, ,GSUNG NAS MA GSAN PAS, KHONG RNAM PAS 'JAM PA'I DBYANGS DON YOD PA'I DRUNG DU PHYIN TE 'DI BZHIN MDZAD KYIN GDA', NGED RNAMS KYIS ZHU BA BYAS KYANG 'DI SKAD GSUNG NAS MI GNANG BAR 'DUG ,DRUNG NAS GSUNG BYON DGOS PAR GDA' ZHUS PAS, 'JAM DBYANGS DON YOD PAS KYANG

, ,DE KHAR BYON TE, DE LTA BU RANG MI MDZAD PA ZHU ,HA CANG 'O BRGYAL DRAGS CIR 'GYUR YANG MI SHES ZHUS PA LA YANG, SKYAS RABS LAS, LUS TZAM GYIS KYANG GZHAN LA PHAN THOGS PAR, ,NAM ZHIG 'GYUR ZHES BDAG GIS GANG BSAMS PA, ,SMON LAM DE NI 'BRAS BU YOD PAR BYA, ,ZHES DANG, NYID KYI ZHAL NAS, GZHAN LA MI PHAN SRED ZAD BDE BA YANG, ,DMYAL BA'I ME LTAR MTHONG NAS RAB SPONG ZHING, ,GZHAN LA PHAN NA MNAR MED ME NANG DU'ANG, ,RAB DGAS 'JUG PA RNAMS KYI RJES SU SLOB, ,CES GSUNGS TE MA GSAN PAR GSOL BAS, RING POR MA LON PAR SHIG RNAMS YAL NAS SONG ZHES GRAG GO, ,DE DUS HA CANG SO TSA RANG DRAGS NAS MA BZUG PA'I DUS SU STOD KYI CHA LA DAR GYI DUM RE DKRIS NAS BZHAG GSUNG, NYID KYI ZHAL NAS, GANG ZHIG KHRO DANG NGA RGYAL DBANG GYUR NAS, ,BDAG GI LUS LA RMA SROL CHER GTOD DE, ,'CHI BAR NGES PA'I GNAS SKABS BYUNG GYUR NA'ANG, ,DE TSE DAM BCA' 'DI NI DRAN PAR BGYI,, ZHES DAM BCAS PA BZHIN MDZAD DO, ,YANG BO DONG DU SPRANG PHRUG SHIG NAD BYUNG BA ZHIG GI SHIG THAMS CAD BLANGS PAS, SEMS DPA' CHEN PO'I SKU LUS LA 'PHUNGS NAS ZHAG GCIG LA SHI 'DUG ZER, SEMS DPA' CHEN PO LA BRTEN NAS DE PA RNAMS GNAS GONG MA ZHIG TU 'PHOS NGES BSAM PA BYUNG NGO, ,ZHES RGYAL SRAS BDAG NYID CHEN PO 'DI'I THUGS SRAS NYAN PO DPAL RIN GSUNG NGO, ,GZHAN YANG BO DONG DANG ,DNGUL CHU GNYIS SU SPRANG PO SHIG NAD BYUNG BA

MANG PO'I SHIG NAD BLANGS TE MYUR POR YAL GYIN SONG ZHES GRAG GO, DUS PHYIS PA NA YUL GLANG THANG PA YIN PA'I STON SGOM BYANG CHUB SEMS DPA' GCIG LA KHONG RANG LA SHIG BYUNG BA'I STENG DU GZHAN GYI SHIG NAD KYANG BLANGS TE SEMS CAN LA LUS DNGOS SBYIN PAR BTANG NAS GSHEGS PA'I DE MA THAG LA, BDAG GIS THUGS DAM LA 'DOGS PAR ZHU BA'I PHAN CHES KHYER NAS, NYE GNAS LA 'DI LTAR DUS BYAS PAS NYE GNAS DRUNG DU SONG NAS LOG BYUNG PA ,A CI GSUNG DRIS PAS, GO, RJES SU YI RANG, SH'AKYA THUB PA RUS SBAL DU SKU 'KHRUNGS PA'I DUS SU, SRIN BU KE TA KA BRGYAD KHRI LA SKU LUS SBYIN PAR BTANG BA DANG, DON GYI CHA MTHUN PA DE YIN, KHONG GI SEMS LA 'GYOD PA YONG BA'I RIGS SU MI 'DUG NGO MTSAR CHE, 'O SKOL PO SBYONG BA YIN PAS SHIG DE TZAM ZHIG 'CHIR 'JUG PA SNYING RJE YAR LA'ANG LA SHOG GSUNG GIN 'DUG, DRUNG NAS SKU BGRES PA DANG, SHIG TSAN CHES DRAGS PAS CI 'GYUR MI SHES ZHUS KYANG MI GSAN PAR LONG SHOG GSUNG, RGYAL SRAS BDAG NYID CHEN PO 'DI SBYIR SEMS CAN SU LA'ANG SKYON BRJOD MI GSUNG ZHING, LHAG PAR CHOS SGOR ZHUGS PA RNAMS LA DAG SNANG KHO NA MDZAD PA LAS SKYON BRJOD YE MI MDZAD ,GZHAN LA SKYON BRJOD BYED PA GSAN NA 'O SKOL RANG BLO MA DAG PA YIN, KHONG KUN CI 'DRA YIN MI SHES, SLAR YANG 'O SKOL GYIS PAR MI LA SKYON BRJOD MANG PO BYAS TZA NA 'O SKOL LA YANG THAMS CAD KYIS TSUR 'THAB PA CIG RTEN 'BREL LA CIS KYANG YONG GSUNG, RGYAL SRAS BDAG NYID CHEN PO

, ,'DI'I MDZAD PA RNAM THAR 'DI DAG LA DPANG LO TZ'A BA BLO GROS BRTAN PAS, THOG MAR SHES BYA KUN LA MKHAS PAR BYA, ,BAR DU MKHAS PA'I TSOGS SU LEGS PAR BSHAD, ,THA MAR 'DIS PA'I DON LA BRTZON PAS BSGOM, ,DUS GSUM RGYAL BA KUN GYI BZHED GZHUNG YIN, ,ZHES SA SKYA PAndI TAS GSUNGS PA DE, GU RU THOGS MED KHONG GIS BYAS PA YIN NO, ,'O SKOL CHOS PA RNAMS KYI NANG NA CHOS BYED PA MANG RAB 'DUG STE BRTAN PA THOB PA RANG DU TZAM BDOG GAM, GZHAN GYI RGYUS NI NGA LA MED, BRTAN PA THOB NGO SHES PA GU RU THOGS MED KHONG YIN, PHO SKYES PA ZER NA DE KUN LA ZER BA LAGS, MI GZHAN GYIS NGA'I RGYUD TSOD LA SLEB PA LA DA RUNG DKA' LAS CHEN PO YOD, NGAS GU RU THOGS MED KYI RGYUD TSOD SLEB PA LA BSKAL PA MANG PO TSOGS GSOG DGOS, NGA KHONG GI BLA MA YIN, KHONG NGA'I SLOB MA YIN TE NGA NI BLA MA ZHIG LAS KYANG DE LA MOS, MI RGAN NAM 'CHI PA'I SNGAS KHA DER GU RU THOGS MED YOD PA CIG BYUNG NA DGA' STE NGA PHYOGS THAMS CAD DU RGYUG, KHONG PA GCIG TU BZHUGS PA 'DIS YID SMON THOG TU AA 'BAB YIN GSUNG ZER ZHING, GSUNG YIG SNYAN DANG DNGAGS DANG BCAS PA BSKUR BA'I NANG NA YANG, KHYOD LA NGA 'DRA'I SLOB DPON BRGYA YONG KYANG GANG LA KHYOD 'DRA'I SLOB MA KHYOD LAS MED, ,CES SOGS KYI BSTOD PA MANG PO YANG MDZAD DO, ,KUN MKHYEN RONG PO'I ZHAL NAS KYANG, NGA LA PHA BAS LHAG PA'I BU

GCIG YOD PA YIN, NGA'I SLOB MA 'DI 'DRA GZHAN LA YOD NA SMON NE 'TSOR, SKYES BU DAM PA 'DI 'DRA 'JIG RTEN NA DKON GSUNG, CHOS RJE BU STON RIN PO CHES KYANG, SDE SNOD GSUM GYI DON LA MKHAS GYUR CING, ,RGYUD SDE ZAB MO'I RTOGS PAS KUN CHUB PA, ,BYANG CHUB SEMS GNYIS 'BYONGS PA RGYAL BA'I SRAS, ,ZHES SOGS KYI BSTOD PA YANG MDZAD CING, SEMS DPA' CHEN POS ZHA LUR BYON PA'I TSE BU STON RIN PO CHES ZHA LU'I GRVA PA RNAMS LA, DA LTA BOD GANGS CAN GYI KHROD NA CHOS SHES NAS NYAMS SU BLANG SHES PA RGYAL SRAS THOGS MED BA TZAM GCIG YIN, NGAS KYANG CHOS SHES PA SHES TE, KUN MKHYEN 'PHAGS PA 'OD KYIS BSTAN PA'I DON DU BSHAD NYAN DANG MDO RGYUD KYI 'GREL PA MANG DU RTZOMS ZHES GSUNG BA LA BRTEN NAS BSHAD NYAN BYED DGOS PA BYUNG BA, KHONG 'DRA BA'I NYAMS LEN BYUNG BA MED, 'DI LTA BU'I BYANG CHUB SEMS DPA' LA CHOS 'BREL THOGS PA TZAM GYIS KYANG 'KHOR BA MTHA' CAN DU 'GYUR NOG SHES PA YIN PAS, MTSAMS LA YOD PA RNAMS KYANG GSENG LA CHOS ZHUS, DE BAR GYI GZHABS TOG THAMS CAD BLA BRANG NAS BYED PA YIN GSUNG, DE'I RES SEMS DPA' CHEN POS KYANG ZLA BA GCIG ZHA LUR BZHUGS NAS GANG LA GANG 'DOD KYI CHOS GSUNGS TE 'GRO BA DPAG TU MED PA'I DON MDZAD DO, ,RGAL SRAS 'DI'I RTZAR GZHAN DAG GIS RANG RE'I CHOS BRGYUD DANG BLA MA DANG, RANG LA SMOD PA BYUNG BA'I DUS SU MAD LAGS

, ,BYAS PAS, DA KAS TSIG SKE YANG CHAD NAS PHAN TSUN RGYUD SREG RES KYANG MI YONG, RANG RE BZOD LDAN DU YANG 'GRO BA YEN GSUNGS NAS DAM BCA' YANG 'DI LTAR MDZAD DE, 'GRO MANG DBUS SU SDANG MIG LDAN PA'I MAS, ,TSIG NGAN BZOD PAR DKA' BAS SMA PHAB NAS, ,GDONG PA LEGS PA'I SKABS KYANG MED BYAS NA, ,DE TSE DAM BCA' 'DI DAG DRAN PAR GYIS, ,ZHES GSUNG, YANG BSTAN PA DANG SEMS CAN SPYI MTHUN LA GNOD PA CHEN PO BYED PA DE 'DRA RNAMS LA, 'GA' ZHIG GIS 'DI LTA BU KUN HA CANG MI RIGS DRAGS 'DUG ZER NAS ZHE SDANG BSGOM PA GZIGS TZA NA, HA CANG MI RIGS DRAGS PA DE KA SNYING RJE BA YIN GSUNGS NAS, DE LTA BU RNAMS LA LHAG BAR YANG BRTZE BAR MDZAD CING, 'DI LTAR GSUNG STA, BDAG GAM BDAG GI PHYOGS LA GNOD BYED DAM, ,BSTAN DANG 'GRO BA YONGS LA GNOD BYED PA'I, ,MA RUNGS SKYE BO MTHONG THOS DRAN GYUR NA, ,LHAG PAR SNYING RJE'I GNAS SU SHES BYAS NAS, ,RNYED BKUR SNYAN SMRAS SOGS KYIS DNGOS SU PHAN, ,GDAGS PAR NUS NA GDAGS SHING MA NUS NA'ANG, ,BYAMS DANG SNYING RJE DRAG POS DAG NYID KYI, ,BDE DGE CI YOD DE DON BSNGO BA GCE,S ,ZHES GSUNGS SO, ,RANG LA GZHAN GYIS DNGOS SU TSIG NGAN SMRA BA DANG BRNYAS PA BYED PA'I TSE DE'I LAN MA BYAS NA PHA ROL PO YANG ZHE SDANG MI BSKYED CING, RANG RE YANG SKYON MED KYI SKYES BU BZOD LDAN DU 'GRO BA YIN, GZHAN GYIS MI RIGS PA BYAS, RANG RES KYANG DE'I LAN

BYAS TZA NA, GNYIS KA SKYON CAN DU 'GRO BA YIN GSUNG, DE LTAR MDZAD PA RNAM THAR GANG GI THAD NAS KYANG SA'I STENG NA 'GRAN GYI DO ZLA THAMS CAD DANG BRAL BA'I SEMS DPA' CHEN PO 'DI'I SNYAN PA'I DRI BSUNG GRAGS PA'I DIR BZHON GYIS SA'I STENG THAMS CAD KHYAB PAR BYAS PAS, RGYA NAG PO'I YUL NAS KYANG STOBS KYIS 'KHOR LOS BSGYUR BA'I RGYAL PO CHEN PO DANG, RGYAL PO CHEN PO HONG THA'I TZTSE DANG, RGYA GAR DANG, BLA YUL DANG, YA RTA DANG, MNGA' RIS LA SOGS PA'I RGYAL PHRAN THAMS CAD KYIS KYANG MOS GUS CHEN POS, SH'AKYA THUB PA'I RGYAL TSAB BSTAN PA'I BDAG PO BO DONG THOGS MED CAS SOGS KYIS BSTOD PA DANG, GDAMS PA BSKUR BAR ZHU ZHES PA'I 'PHRIN YIG 'BUL BA DANG BCAS PA RIM PAR BSKUR ZHING DAD PA CHEN POS SPYI BOR 'I GTZUG TU SGOM PAR BYED PA DANG, DNGOS SU MI CHEN GYI SLOB BU'I RIGS 'DUS PA LA YANG, 'JAM DBYANGS CHEN PO DON YOD RGYAL MTSAN DPAL BZANG PO, CHOS RJE BSOD NAMS RGYAL MTSAN DPAL BZANG PO, ,TI SHR'I CHEN PO BSOD NAMS BLO GROS SKU MCHED, TA DBEN GU SHR'I KUN DGA' RIN CHEN RGYAL MA TSAN DPAL BZANG PO DANG, TAD BEN GU SHR'I KUN DGA' LEGS PA'I RGYAL MTSAN DPAL BZANG PO LA SOGS PA DPAL LDAN SA SKYA PA'I GDUNG RGYUD RNAMS DANG, MKHAN CHEN THAMS CAD MKHYEN PA BYANG CHUB RTZE MO, MKHAS BTZUN DKON MCHOG RGYAL MTSAN DANG, MKHAS GRUB CHEN PO KHYUNG PO BA DANG, DBUS PHYOGS KYI YANG PHAG

, ,MO GRU, STAG LUNG ,TSAL PA, RGYA MA LA SOGS PA'I RIN PO CHE RNAMS DANG, MDOR NA DBUS GTZANG GNYIS KYI DGE BA'I BSHES GNYEN MKHAS BTZUN BZANG GSUM 'DZOM PA PHAL CHER SLOB MAR 'DUS SHING, GZHAN YANG DBUS GTZANG GI TA DBEN, GU SHR'I, SI TU, DPON CHEN ,DU DBEN SHA LA SOGS KYI LAS KA 'DZIN PA'I MI CHEN THAMS CAD KYIS KYANG, SPYI PO'I GTZUG TU BKUR ZHING MCHOD DO, ,RGYAL SRAS BDAG NYID CHEN PO 'DI NI YID BZHIN GYI NOR BU RIN PO CHE LTAR DGOS 'DOD THAMS CAD RTZOL MED DU 'BYUNG, 'DAS MA 'ONGS THAMS CAD MKHYEN PA'I MNGON PAR SHES PA THOGS MED DU MNGA', YI DAM GYI LHA STON GNAM DNGAS PA'I SKAR TSOGS TZAM GZIGS ,JI LTA BA DANG JI SNYED PA'I DON LA DBANG 'BYOR KYANG THUGS LA RLOM PA DANG, KHENGS PA RDUL TZAM YANG MI MNGA' ZHING, 'DI LTAR GSUNG TE, RANG GI NYE DU'I BKUR STI RAB SPANGS NAS, ,GZHAN GYI BKUR STI 'DOD NA BLOS BTANG NYAMS, ,DE PHYIR GANG DU SU DANG 'GROGS KYANG RUNG, ,MTHO DMAN 'BRING GSUM SPYI BOR 'KHUR BA GCES, ZHES PA DANG, 'O SKOL CHOS PA RNAMS LA YANG MKHAS BTZUN BZANG GSUM GYI YON TAN GANG YOD KYANG, DES RANG MCHOG TU 'DZIN CING NGA RGYAL GYIS RANG LAS DMA' BA LA BRNYAS PA, MNYAM PA LA 'GRAN SEMS, MTHO BA LA PHRAG DOG BYED NA CHOS GNAD DU MA SONG BA YIN ,DPER NA SMAN GYIS NAD BSKYED PA'AM

'DRE SHAR NAS GNOD BA LA GLUD NUB SGOR SKYEL BA DANG 'DRA GSUNG, RGYAL SRAS BDAG NYID CHEN PO 'DI NI SKYE BO KUN GYIS MCHOD PA'I GNAS SU BZUNG YANG 'DOD YON LA SRED PA CHUNG BAS GSOL GANG DRANGS KYANG ZHIM PA DANG MI ZHIM PA'I ZHAL SNYAD MI MDZAD PAR GANG DRANGS PA GSOL BAS GZHAN GYIS BKUR BA DANG, BSGRUBS PA DANG, ZHABS TE GSAL ZHING 'DI LTAR YANG GSUNG NGO, ,CHU RGYA MTSO CHE LA 'PHYO BA'I NYA, ,RKAN LCAGS KYU RNON POS PHUG PA DE, ,RANG ZAS LA SRID PA CHES PAS LAN, ,SRED ZHEN GYIS ZAS LA MA RGYUGS NA, LCAGS KYU YIS YA RKAN 'BUG DON MED, ,YUL MTHUN RKYEN GYIS 'KHOR BAR 'DZIN BA 'DI, ,RANG 'DOD YON LA SRED PA CHES BAS LAN, ,'DOD YON GYI SRED PA SPANGS TZA NA, ,YUL MTHUN RKYEN LAM GYI GROGS SU 'CHAR, ,'DOD SON SPYAD KYANG ZHEN MED SHIN TU GCES, GSUNG BA DANG, 'O SKOL DANG PO GRVA SA'I DUS NAS DNGOS PO GSOG PA'I BLO MA SKYES PAS 'PHRAL LTO SKYID PA CIG BYUNG GSUNGS, RGYAL SRAS 'DI SPYIN PA'I PHAR PHYIN LA SLOB PAR MDZAD BA'I TSE LUS DANG LONGS SPYOD THAMS CAD SEMS CAN LA DNGOS SU GTONG BAR MDZAD DE, LHO SGO RU NAD PA SNYOMS CHUNG YUN RING NA BA BRGYU MED PA GCIG LA ,BSOD SNYOMS MDZAD PA'I RTZAM PA PONG RGYAB GCIG YOD PA DE BYIN PAS ,DA DE 'CHI BA'I 'DRE MED BAR BAS

, ,ZER NAS DU YIN 'DUG ,DE LA SNYING RJE DRAG PO SKYES GSUNGS, LAN CIG SA SKYA NA SPRANG PO 'CHI LA KHAD CIG 'DUG PA LA MA SHI BAR NAM LA KHYIS ZA BAR 'DUG ZER NAS SEMS LAS CHEN PO 'DUG PAS BYA BRAL BA GCIG LA RNGAN PA BYIN NAS BSRUNG DU BCUG PAS DE'I NUB MO SHI 'DUG, SPYIN PA DA GNYIS CHUNG YANG YID TSIM BAR BYUNG GSUNG, BSHAD NYAN MDZAD DUS BSHAD GSAR BAS BSHAD SLONGS ZHUS BA NA NANG DU 'DONG GSUNG NAS NANG DU PHEBS PA DANG, KHYED RANG 'DI NAS GANG DGA' PA ZHIG KHYER SONG GSUNG NAS GRUM TZE BZANG PO ZHIG YOD PA KHYER SONG GSUNG BA DANG, YANG BRO PAS GNANG SBYIN ZHUS PAS, KHYOD RANG 'DI NAS GANG DGA' BA ZHIG KHYER GSUNG PAS GSOL SDER KHYER SONG GSUNG BA DANG, GZHAN YANG NA BZA' SOGS GANG YOD GNANG ZHING, GRVA SKOR BA SOGS LA GZHAN GNANG RGYU MED NA YOL BA BLA BRE NAS KYANG BREGS KYIN GNANG NGO, ,THENG CIG NYAN PA'I SER SLONGS PA BYUNG NAS SLONG DU BYUNG BA LA GZHAN STER RGYU MED PAR CHOS STAN GYI GRUM TZE GCIG YOD PA BYIN PAS, SLOB DPON GYIS TSOR NAS KHONG TSO LA NAS KHAL GCIG BYIN GRUM TZE BLANGS TE KHYER BYUNG NAS STAN GCIG PO LAS MED PA GSUNG NAS 'THAB TU BYUNG GSUNG, YANG RTZE GDONG DU CHOS BAR LA BYON DUS NYI MA DPAL ZER BA'I GRVA PA ZHIG GI PHYAM RTZE

RKUN MA GCIG GIS KHYER BA LA KHO LA SEMS LAS CHEN PO 'DUG PA LA, SEMS DPA' CHEN PO RANG LA PHYAM RTZE GNYIS YOD PA'I GCIG KHO LA GNANG STE, DE DUS MKHAN CHEN BSOD NAMS GRAGS PA BO DONG DU BYON NAS DGUN GCIG SROD THO RANGS GNYIS KA CHOS GSUNG BA GSAN DU BYON PAS, PHYAM RTZE GCIG LAS MED PA DES GRANG MO BYUNG YANG SLOB DPON LA G-YAR NA YONG STE 'THAB TU YONG BSAMS NAS G-YOR MA NUS GSUNG, GRVA SA'I DUS SU RTZAM PA CHEN PO MED KYANG SPRANG PO LA SDER MAS BCUS KYIN GNANG TZA NA, DE BZHIN MDZAD NA NYID RANG LA GSOL RGYU MI YONG ZHUS TZA NA NAM ZAD TZA NA BLTA RGYU ZHIG YONG GSUNG NAS, RANG NYID DBUL POR GNAS KYANG SLONG BA PO'I SEMS SPONG BA MI SRID DE, ,DNGUL CHUR NYE GNAS MED PA'I BSHUL DU SER SLONG LA BYANG DANG RA NAS YONGS PA'I MI SUM CU TZAM ZHIG SLONG DU BYUNG BA LA NA BZA' PER THUL GCIG DANG RTZAM PA GANG YOD GNANG, YANG SPRANG PO GCIG SLONG DU BYUNG BA LA PHRUG PHYAM GCIG SNGON LA GNANG BA LA BZANG PO STER RGYU YOD BZHIN DU MI SNYER BA DGONGS TE, PHYAM RTZE BLANGS NAS BER THUL GCIG GNANG BAS ,PHYI LO YANG BRNYOGS NAS SLONG DU BYUNG BA LA PHRUG GI RING 'GAG GCIG GNANG GSUNG, YANG THENG CIG NYA GA NAS MED PA'I 'SHUL DU SPRANG SLONG GCIG SLONG DU PHYUNG BA LA GZHAN GNANG RGYU MED PAR RA LPAGS KYI SBUD PA

, ,GCIG YOD PA YANG GNANG NGO, ,DE LTAR RGYAL SRAS BDAG NYID CHEN PO 'DIS LO NYI SHU RTZA GRANGS SU KHOR YUG TU SKU MTSAMS DAM PO MDZAD PA DE GROL BA'I RJES SHIG LA, DNGUL CHUR DGE 'DUN DANG SKYE BO'I TSOGS CHEN PO LA SEMS BSKYED DANG, BLO SBYONG DANG, SKYES RABS DANG, BYANG CHUB SEMS DPA'I SA LA SOGS PA GSUNGS PA'I DUS SU LHA'I ME TOG GI CHAR KHA BA BU YUG 'TSUBS PA TZAM PA BAS SO, ,YANG THENG CIG BYANG CHUB SEMS DPA'I SPYOD 'JUG GSUNGS PA'I DUS SU LHA'I ME TOG GI CHAR SNGAR BZHIN DU BABS SO, ,DE NAS TA'I SI TU SOGS DBUS PHYOGS KYI CHEN PO MANG POS SPYAN DRANGS TE DGUNG LO DRUG CU RE BDUN BZHES PA'I DUS SU GLANG LO ZLA BA DANG PO'I TSES BCU DRUG LA BO DONG NAS BTEG STE, DPAL SDING DANG CHU MIG DANG ZHA LU LA SOGS PA RNAMS SU YANG DGE 'DUN DANG SKYE BO'I TSOGS CHEN PO LA CHOS KYI SBYIN PA MDZAD NAS, MKHAN CHEN BU STON RIN PO CHE DANG RIN SPUNGS PAR BSDEBS NAS BYON PA'I LAM KHAR MDZO MO ZHIG YOD PA LA PHYAGS PHYI BA RNAMS KYIS ZAN MANG PO BYIN PAS 'GRANGS DRAGS NAS NA BA LA, MKHAN CHEN PAS KHRO BO'I DRAG SNGAGS LA SOGS PA BGRANGS KYIN BYIN BRLABS BYAS KYANG MA PHAN PAR MDZO MO SHI BAS, SEMS DPA' CHEN POS MDZO MO'I SPYI BO THEN THEN MDZAD CING, NGA'I MA RGAN RE SNYING RJE GSUNG ZHING YUN RING BSHUM PA LA MKHAN CHEN PAS, BLA MA PA DA GSHEGS PAR ZHU GSUNGS PAS, DRUNG PA SNGON LA GSHEGS PAR

ZHU; 'O SKOL DUM PAS MI 'GRA GSUNG NAS YUN RING PO'I BAR BSHUM ZHING BZHUGS, RJES LA MKHAN CHEN PA'I GSUNG GIS, MDZO ME'I DON GRUB, DUD 'GRO GCIG LA DE LAS TSOGS BSAGS PA MI YONG GSUNG, DE NAS TA'I SI TU BYANG CHUB RGYAL MTSAN GYIS ZHU 'BROG LHA KHANG NAS BSU BA BYAS TE RIN SPUNGS SU PHEBS PA'I DUS, DE NAS MI MTHONG BA'I SAR SUS KYANG ZHUS PA MED PAR, DUR SMRIG GI SGROL MA RANG BYON BZHUGS SA DE RI PHA GI'I MDUN NA BDOG GAM GSUNG, DE NAS SI TU BYANG RGYAL BAS RDZONG RNAMS SU RIM PA BZHIN DU ZHABS TOG BYAS NAS, DBUS KYIS CHA BSAM YAS LA NYEN LAM GNYIS TZAM YOD PA'I LAM KHA GCIG TU PHEBS PA DANG, SPRIN DKAR PO GCIG LA TSAD BTZUGS NAS PHA GI'I THAD NA GANG YOD GSUNG PA LA, SA SNA BA CIG NA RE, PHA GI'I THAD NA BSAM YAS YOD ZER BAS, DE TSOD CIG 'DUG NGO MTSAR CHE GSUNG PA LA, SLOB DPON YON TAN 'OD KYIS CI GDA' ZHUS PAS, RGYU MTSAN 'DRA GDA' YA GSUNG, DE NAS SI TU BYANG RGYAL GYIS YAR KLUNGS SNE GDONG DU SBYAN DRANGS TE, GUS PA CHEN POS BSNYEN BKUR ZHING MCHOD PA'I KHYAD PAR MANG POS ZHABS TOG BYAS TE GTZUG GI NOR DU LTAR BZUNG NAS CHOS STON PAR GSOL BA BTAB PAN BDAG NYID CHEN PO 'DIS SNE GDONG DANG, KHA 'BRUG DANG, RTZES THANG LA SOGS PA RNAMS SU DGE 'DUN DANG SKYE BO'I TSOGS CHEN PO RNAMS LA CHOS GSUNGS PA'I DUS SU, LHA'I ME TOG CHAR BZHIN

, ,DU BABS PAS THAMS CAD RANG DBANG MED BAR DAD BAR BYAS NAS 'GRO BA DPAG TU MED PA'I DON MDZAD CING, 'CHI NGES BA'I MI MANG PO'I SROG YANG THAR BAR BYAS NAS ZLA BA LNGA PA LA LHA SAR BYON TE JO BO RIN PO CHE'I DRUNG DU GSER CHAB GSOL, DKAR ME PHUL, BSTAN PA DANG SEMS CAN GYI DON DU GSOL BA RGYA CHEN PO BTAB STE, LHA SAR PHYOGS THAMS CAD NAS DGE BA'I BSHES GNYEN DUR SMRIG GI RGYAL MTSAN 'DZIN PA GNAM GYI SKAR MA TZAM 'DUS PA DANG, SKYE PO'I TSOGS CHEN PO 'DUS PA RNAMS LA THUGS BSKYED LA SOGS PA GSUNGS PA'I TSE, LHA'I ME TOG CHAR BZHIN DU BABS PAS THAMS CAD DAD PAR BYAS SHING 'GRO PA DPAG TU MED PA SMIN GROL LA BKOD NAS GUNG THANG DANG, GSANG BDE DANG, ZUL SKOR DANG, SNYE THANG LA SOGS LA CHOS GAR GSUNGS THAMS CAD DU ME TOG GI CHAR BABS PAS, THAMS CAD DAD PAR BYAS NAS PHAN BDE LA BKOD PA KUN LA THUN MONG DU GRUB BO, ,SEMS DPA' CHEN PO'I DRUNG DU, MTSUR YON RIN YES GSANG PHU DANG GZHAN DU CHOS GSUNG DUS ME TOG GI CHAR BABS PA LAS KYANG, LHA SA RU CHOS GSUNGS DUS ME TOG GI CHAR 'BAB PHUL CHE BA 'DUG ZHUS PAS; GNAS KYI KHYAD PAR YIN MCHI GSUNG, DE NAS YANG SI TU BYANG RGYAL BAS YAR KLUNGS SA GDAN DRANGS TE, DANG SHI DBANG PHYUG GI BANG KHANG NOR DANG BCAS PA PHUL NAS, BSAM GTAN GLING DU SI TU BA 'KHOR DANG BCAS PAS

ZHABS TOG RGYA CHEN PO BSGRUBS TE, RTZES THANG BA LA SOGS PA'I DGE BA'I BSHES GNYEN DU MA DANG SKYE BO'I TSOGS DPAG TU MED PA LA CHOS KYI 'KHOR LO BSKOR ZHING, DE'I DUS SI TU BA LA SEMS DPA' CHEN POS, NGED LA DNGOS PO'I 'BUL BA CI YANG MI DGOS BCUN BA RNAMS LA KHRAL DMAG 'U LAG 'GEL BA 'DI BSTAN PA LA GNOD PAS MI MDZAD PAR ZHU GSUNG ZHES GRAG GO ,DE NAS GDAN SA MTHIL DANG BSAM YAS LA SOGS PA RNAMS SU YANG CHOS KYI 'KHOR LO RGYA CHEN PO BSKOR BA LA ME TOG GI CHAR SNGAR BZHIN BABS PAS THAMS CAD DAD PAR BYAS NAS PHAN BDE LA BKOD CING, SI TU BAS 'BUL BA RGYA CHEN PO BSGRUBS PA RNAMS DANG, GZHAN YANG DBUS PHYOGS NAS BYUNG BA'I PHYAG RDZAS RNAMS SA SKYAS THOG DRANGS PA'I DGON SDE RNAMS SU JA SKOL BTANG ZHING, BSHAD NYAN DANG SGOM SGRUB LA BRTZON PA RNAMS DANG, KHYAD PAR DU 'TSO BAS PHONGS PA RNAMS LA GNANG ZHING THAMS CAD CHOS DANG ZANG ZING GI SBYIN PHAS TSIM PAR MDZAD DO, ,DE NAS YANG TSAL PAS GDAN DRANGS TE, SI TU DGE LEGS BZANG PO YAB SRAS KYIS SBYIN BDAG MDZAD NAS DGE BA'I BSHES GNYEN DANG SKYE BO'I TSOGS CHEN PO LA CHOS KYI 'KHOR LO BSKOR NAS, DE DUS RIMS NAD CHEN PO BYUNG BA YANG RGYUN CHAD CING, BTZON MANG PO YANG THAR BAR MDZAD CES GRAG GO, MDOR NA DBUS KYI CHOS DON DU GNYER PA'I DGE PA'I BSHES GNYEN DANG, SKYE BO'I TSOGS THAMS CAD SBYIN PAS TSIM PAR

, ,MDZAD NAS LHA SAR JO BO RIN PO CHE'I DRUNG DU DKAR ME PHUL, GSER CHAB GSOL, BSTAN PA DANG SEMS CAN GYI DON DU GSOL BA RGYA CHEN PO BTAB NAS, SI TU BYANG RGYAL BA LA SOGS PA THAMS CAD KYIS DBUS PHYOGS SU BZHUGS PAR ZHU BA NAN CHEN PO BYAS KYANG MA BZHUGS PAR GTZANG PHYOGS LA BYON TE, YAR LAM STAG TSANG DU SPYAN DRANGS TE BLA MA KHYUNG PO BA DANG, BLA MA DBANG GIS THOG DRANGS PA'I DGE 'DUN DANG SKYE BO'I TSOGS CHEN PO LA CHOS KYI 'KHOR LO RGYA CHEN PO BSKOR ZHING, LAR NI LAM NA YOD PA'I SGOM GRVA BSHAD GRVA GRONG KHYER LA SOGS PA THAMS CAD DU CHOS KYI SBYIN PA RGYA CHEN PO BTANG STE, MDOR NA DE RES DBUS GTZANG GNYIS KAR CHOS DANG ZANG ZING DANG, MI 'JIGS PA'I SBYIN PAS TSIM BAR MDZAD NAS, YOS LO ZLA BA BCU BA'I TSES GCIG LA GRU 'DZIN DNGUL CHU CHOS RDZONG DU PHEBS SO, ,BDAG NYID CHEN PO 'DIS SO SO THAR PA'I SGOR ZHUGS NAS BSLAB PA NYIS BRGYA LNGA BCU RTZA GSUM LA NYES LTUNG DRI MA'I SKYON GYIS MA GOS, SMON 'JUG BYANG CHUB MCHOG TU SEMS BSKYED NAS RANG BDE 'DOD PA'I RNAM PAR RTOG PA THAMS CAD SPANGS NAS SGE GSUM GZHAN DON 'BA' ZHIG BSGRUBS, RDO RJE THEG PA'I SGOR ZHUGS NAS MA NGAG PA'I RNAM RTOG SPANGS TE, SNOD BCUD DAG PA'I 'KHOR LOR GZIGS PAS SKU LA TSUL KHRIMS KYI DRI ZHIM PO LDANG STE, GZIM KHANG GI NANG THAMS CAD KYANG DRI ZHIM POS KHYAB PA YOD CING, GSOL

'PHRON BZA' DANG DBU ZHVA LA SOGS GZHAN LA GNANG BA RNAMS KYI DRI ZHIM PO YANG ZLA RE TZAM KYI PHAR DU MI YAL BAR YONG, DGUNG LO LNGA BCU RTZA BDUN PA'I BAR DU SHA YANG GTAN NAS MI GSOL BA LA, DE LO BLA MA DBANG GRAGS PA RGYAL MTSAN DANG, BLA MA DKON RGYAL BA GNYIS LA LUNG MANG PO MDZAD PA'I DUS SU SKU KHAMS ZIB BYUNG BAS, KHONG RNAM GNYIS KYIS SHA GSOL BAR NAN CHEN PO ZHUS PAS, DE PHYIN CHAD SEMS CAN LA PHAN PAR DGONGS TE BAG RE GSOL, BDAG NYID CHEN PO 'DI NYIN ZHAG PHRUGS GCIG LA CHOS SPYOD KYI RIM PA 'DI LTAR MDZAD DO, NANG PHYOGS BZHENGS NAS SKU KHRUS MDZAD DE, PHYAG BRGYA RTZA RE DANG SBRAGS YAN LAG BDUN PA RGYAS PA MDZAD NAS SMON 'JUG GI SEMS BSKYED BSDUS PA RE LEN ZHING, GTOR MA'I RIM PA TSA GONG DU DKAR GTOR CHA BZHI, CHA BA GSOL NAS BRGYA RTZA, MI G-YO BA, DBYU GU, BRUL GTOR, BAR DO'I GTOR MA LA SOGS PA RNAMS MDZAD NAS, YANG SMON 'JUG GI SEMS BSKYED BSDUS PAR BLANGS NAS BSKOR BA BRGYA RTZA RE MDZAD, MA nI KHRI TSO GNYIS GNYIS, YUM SGRUB, SGROL MA CHAR SUM CU RE, BHEE shA DZHE NYER GCIG ,RNAM RGYAL GYI GZUNGS CHAR GCIG, DGONG MO BDE MCHOG GI MNGON RTOGS GZHUNG NAS BSHAD PA BZHIN BSGOMS NAS, SNYING PO STONG PHRAG RE'I BZLAS PA DANG, GZIM KHAR YAN LAG BDUN PA PHUL NAS SMON 'JUG GI SEMS BSKYED BSDUS PA RE LEN PA RNAMS MTSAMS KYI DUS SU 'CHAG MED DU MDZAD, GZHAN

, ,NGES PA MED GSUNG, BDAG NYID CHEN PO 'DI MDO SNGAGS KYI LAM YONGS RDZOGS LA NYAMS LEN MTHAR PHYIN PAS BSHAD NYAN MDZAD PA'I DUS NA'ANG, RMI LAM DU DAG PA'I ZHIS KHAMS GANG 'DOD PA BLTA BA DANG, DE NA BZHUGS PA'I SANGS RGYAS DANG BYANG CHUB SEMS DPA' GRANGS MED PA LA CHOS NYAN PAR NUS PA ZHIG YOD, CHOS RJE BSOD NAMS RGYAL MTSAN GYIS BO DONG AE'I KUN DGA' RA BA BZHENGS NAS RAB GNAS MDZAD PA'I DUS SU, SEMS DPA' CHEN PO DANG BU STON RIN PO CHE GNYIS RMI LAM GYI GSUNG GLENG BYUNG BA'I TSE, SEMS DPA' CHEN POS RMI LAM BZUNG STE DGA' LDAN DU PHYIN NAS BYAMS BA MGON PO LA BYAMS PA'I CHOS LNGA RDZOGS PAR NYAN GSUNG, CHOS RJE BU STON RIN PO CHES CHOS 'CHAD PA'I TSE NYIN PAR LTA RTOG MA GRUB NA MTSAN MO RMI LAM BZUNG NAS LTA RTOG BYAS GSUNG, RGYAL SRAS BDAG NYID CHEN PO 'DI CHOS GSUNG BA'I TSE NA YANG LUNG 'DREN LA SOGS PA'I TSIG NAM 'THOGS DUS SPYAN NAM MKHA' LA CHER MDZAD BAS SHAR DE GSUNG BA ZHIG YOD PAR 'DUG STE DE NA YI DAM GYI LHAS STON PA YIN ZHES SEMS DPA' CHEN PO NYID KYI THUGS SRAS RNAMS GSUNG NGO, ,RGYAL SRAS BDAG NYID CHEN PO 'DI JI TZAM GYI RTOGS PA MTHON POR BYON YANG DUS KUN TU RANG GI 'KHRUL PA LA RTOG BA LHUR MDZAD DE ZHAL NAS, RANG LA RANG GIS GROS 'DI 'DEBS SO KVA, MKHAS PA DANG, BTZUN PA DANG, BZANG BA'I YON TAN GANG YANG MED

BZHIN DU RANG BZANG POR RE BA'I RLOM STANGS CAN RANG SKYON RI TZAM YANG MI MTHONG ZHING, GZHAN SKYON RDUL PHRAN TZAM LA YANG RTOG, RANG DON ZHE LA BZHAG NAS GZHAN DON BYED PAR SMRA, CHOS PAR BRDZUS NAS TSE 'DI'I CHE THABS 'BA' ZHIG SGRUB PA KHYOD KYIS, SNGAR YANG RANG GI SPYOD PA LA MA BRTAGS PAR RANG GIS RANG BSLUS PAS SNGAR YANG SDUG BSNGAL MANG PO MYONG ZHING, DA DUNG 'KHOR BA DANG NGAN SONG GI SDUG BSNGAL LAS GROL BA'I GDENG MED PA 'DI KHYOD RANG GIS NYES PA YIN ZHING, DA YANG GTAN GYI BDE BA THOB BAR 'DOD NA DBEN PA'I GNAS SU SDOD LA, BLO BLA MA DKON MCHOG KHO NA LA GTOD, 'JIG RTEN GYI CHOS BRGYAD SPONGS LA CHOS BRGYAD CAN GYI MI DANG MA 'GROGS, RANG 'DOD KYI 'KHRI NGA CHOD LA GZHAN DON GYI GO CHA BSKYED, NGA RGYAL DANG KHONG YUS SPONGS LA DMAN CHA ZUNGS, SKYES BU DAM PA RNAMS KYI MDZAD SPYOD LA SOMS LA, DKA' THUB KYI SRAN BSKYED CES SOGS GSUNGS, YANG, NYON MONGS DBANG GIS RGYAL SRAS GZHAN DAG GI ,NYES PA GLENG NA BDAG NYID NYAMS 'GYUR BAS, ,THEG PA CHE LA ZHUGS PA'I GANG ZAG GI ,NYES PA MI SMRA RGYAL SRAS LAG LEN YIN, ,ZHES BA LTAR PHYAG LEN LA BTAB STE, DE YANG SEMS DPA' CHEN PO 'DI NI CHOS KYI GSUNG GLENG DANG GZHAN LA PHAN PA'I GSUNG TZAM MA GTOGS PA, DON MED KYI SMRA BRJOD MI GSUNG ZHING, KHYAD PAR DU GZHAN GYI NYES PA GLENG BA GTAN NAS MI SRID CING, 'GA' ZHIG GIS NGED KYI BLA MA

, ,BZANG KHYED KYI BLA MA MI BZANG ZER BA DANG, CHOS ZAB MI ZAB DANG, LTA BA LOG MA LOG SOGS GZHAN GYI NYES PA GLENG BA GSAN NA, DMIGS SU BKAR NAS MI GSUNG YANG, CHOS GSUNG PA'I DUS SU, SPYIR LONG GTAM LA SNYING PO MED, MI DGE BA 'PHEL, DGOS SU GZHAN LA SMAD PAS RANG MI MTHO'I STENG DU NYES PA 'PHOG, CHAGS SDANG 'BEL, KHYAD PAR DU CHOS DANG GANG ZAG LA SDE RIS SU PHYE NAS SMOD PA 'DI RANG 'JIGS GSUNG, SMRA BA MANG POS MI DGE BSKYED SRID CING, ,DE MA BSKYED KYANG DON MED DUS 'DA' BAS, ,RANG DANG GZHAN LA PHAN NGES MA GTOGS PA, ,SMRA BRJOD SPONG BA BRTZON 'GRUS GROGS SU GCES, ,GSUNG NGO, ,RGYAL SRAS 'DIS SKU TSE'I MJUG LA ZLA BA DGU DGU MCHAMS DAM PO LA BZHUGS NAS, ZLA BA GSUM GSUM SKU MTSAMS GSENGS TE, PHYOGS THAMS CAD NAS 'DUS PA'I DGE BA'I BSHES GNYEN DU MA DANG, TSE BLOS BTANG BA'I BYA BRAL PA GNAM GYI SKAR MA TZAM DANG; GZHAN YANG MI CHEN GYI RIGS LA SOGS PA SKYE BO'I TSOGS CHEN PO DANG, MDOR NA TSOGS BA RGYA MTSO LTA BU LA CHOS KYI SBYIN PA MDZAD CING, DE'I DUS SU GZHAN GYIS PHUL BA'I RNA MO DANG SHA KHYI DANG, TSE THAR GYI LUG YOD PA KUN KYANG DUS DER RUG GE 'DUS NAS CHOS NYAN GYIN YOD BA LA, LAN CIG SNAR THANG NAS KHRID ZHU PA LA BYUNG BA'I BTZUN PA GCIG GIS, KHOS BLA MAS GSUNG PA BZHIN MA BYAS AR, SHES PA PHAR 'PHRA PA DANG, TSUR BSDU

BA DANG, DE MA KHAD RLUNG BSGOMS 'DUG PAS, KHO SMYO NAS TSOGS CHOS GSUNG PA'I DUS SU SGRAN MOR SHOR BYUNG BA LA, KHO 'DZIN DU PHYIN PA RNAMS LA RDO BRGYAB NAS 'GRO SA MA BYUNG BA'I SKABS SU, RNA MO DE DRUNG NA CHOS NYAN KYIN YOD BA LA HAR TE LANGS NAS KHO'I PHYIR RGYUGS SONG STE, HAR HAR LANGS KYIN BRDUNGS TZA NA KHOS RVA CO NAS BZUNG GIN PHYIR PHUL BYED KYIN TSOGS CHOS MA GROL GYI BAR DU KHONG GNYIS 'DZING GIN BSDAD PAS GZHUG KHOS DRAN PA RNYED NAS 'DUG PA LA; SEMS DPA' CHEN POS, DA KHOS RDO MI BRDEG MCHI, GOS SHIG G-YOGS NAS KHRID SHOG GSUNG, DRUNG NA 'KHOD PA CIG GIS PHYIN PAS DRAN PA RNYED NAS NGO TSA ZHING 'DUG, DRUNG DU KHRID PHYIN PA DANG, RJE BTZUN MTSAR GCIG GSUNGS NAS BYIN RLABS MDZAD DE, DE RING NYID KYI GEGS SEL DE RNA MOS BYAS, MOS KYANG GO BCAD GSUNG BA LA, KHOS DUS PAS, SGROL MA GYIS LA SKAD CHEN BO THONG LA DUS GSUNGS PAS, RNA MO DES RJE BTZUN MA'I 'PHRIN LAS BYAS BA YIN BAR 'DUG, DE LTA BU'I YA MTSAN CHE BA CIG BYUNG BA DE DUS KYI TSOGS PA THAMS CAD LA MNGON SUM DU GRUB CING, BLA MA LA BYIN RLABS DANG THUGS RJE YOD TZA NA DUD 'GROS KYANG MI'I GEGS SEL NUS PA 'BYUNG NGO, ,BLA MKHYUNG PO BA'I SLOB MA GSUM GYIS BOGS 'DON GYI GDAMS PA CIG ZHUS PAS, TSE 'DI BLOS THONGS, SEMS CAN LA BYAMS SNYING RJE SGOMS, BLA MA LA GSOL BA DUNG PA THOB LA SPROS PA MED PA'I NGANG LAM YENGS PAR ZHOG GSUNG, DE YANG

, ,SEMS DPA' CHEN PO 'DI NI 'BYOR PA DANG LDAN PA'I MI CHEN RNAMS LAS KYANG SNYOMS CHANG CHOS DON DU GNYER BA RNAMS LA MNYES SHING KHYAD PAR DU KHRI ZHU BA RNAMS LA MNYES TE, KHRID ZHU BA 'DI RNAMS DUS RGYUN DU SGOM PA MA BYUNG YANG KHRID ZHU BA'I RIN DE LA 'JUR PO RE SGOM PAR 'DUG, DE'I STABS KYIS PHAL CHER LA NYAMS MYONG DGA' RAB RE SKYE YIN 'DUG PAS, GDUL BYA SKYONG BA'I DUS KHRID 'BOGS PA 'DI RANG 'GRO DON CHE GSUNG, PHYOGS NAS MJAL 'PHRAD PA DANG, BSNYEN BKUR BA NANG NA YOD PA'I DUS SU KHRID PA RNAMS 'TSOGS NAS GDA' ZHUS NA, DO ZHAG MTSAMS GROL BA'I SKABS DER GAL CHA SHOS CHOS 'CHAD PA 'DI YIN PAS, GZHAN RNAMS DUM PA SGOR BYON, KHRID PA TSO LA SHOG GYIS GSUNG NAS CHOS GSUNG, 'GRON PO MANG RAB RANG NANG NA YOD NA, STAN PHYIR THON 'O SKOL RANG SGOR CHOS 'CHAD 'GRO'O GSUNG NAS PHYIR BYON TE CHOS GSUNG NGO, ,DA LTA'I SLOB DPON TSO LA BLTAS TZA NA DE LTA BU'I MDZAD SPYOD RANG DKA' BAR GDA'O, ,KHRID TSAR BA'I RJES THAMS CAD DU MI LA RAS PAS DVAGS PO LHA RJE LA GDAMS NGAG ZAB SHOS RANG GCIG YOD PA 'GRO KHAR SPYIN ZER BA'I GTAM BRGYUD GSUNGS NAS THAMS CAD LA SGOM SKYE BAR 'DUG PAS SNYING DUS BSKYED LA SGOM DGOS PA YIN TE, SGOM CHEN PA BYA BSTAN THOG TU SDONG TSUGS PA CIG RANG DGOS GSUNGS, YANG DGON PA GSHEGS KHAR KHONG GI ZHAL NAS, KHYED SGOM CHEN PHO MO RNAMS KYIS RAB KYIS LO DGU DGU, 'BRING GIS LO GSUM, THA

MAS KYANG ZLA BA GSUM RI LA BSDAD NAS SGRUB PA MA BYAS NA, NGA DANG DAM TSIG MED GSUNGS NAS ZHAL CHEMS BZHAG PAR 'DUG, DE BZHIN DU THAMS CAD KYIS RGYUN DU SGOM PA BYUNG NA SHIN TU LEGS, THA MA YANG SROD THO RANGS DRAN TZAM RI MA BYAS NA DAM TSIG MED PA YIN NO GSUNG, RGYAL SRAS BDAG NYID CHEN PO 'DIS BSTAN 'GRO'I DON RGYA CHER MDZAD PAS SLOB BU'I RIGS KYANG RGYA GAR, RGYA NAG, BAL PO, HOR, YU GUR, SOG PO, 'GA', MDO STOD SMAD, DBUS GTZANG, YANG RTZE, MNGA' RIS LA SOGS PA'I MI RIGS MI GCIG PA GRANGS MED PA CIG SMIN CING GROL BAR MDZAD CING, SEMS DPA' CHEN PO 'DI'I 'PHRIN LAS RNAM PAR THAR PA BSAM GYIS MI KHYAB CING BRJOD KYIS MI LANG STE, BYAMS SNYING RJE BYANG CHUB KYI SEMS LA BLTAS NA, SKYE BA DBAG TU MED PA'I GONG ROL NAS BYAMS SNYING RJE BYANG CHUB KYI SEMS KHON LA SBYANGS PA 'DRA BA YOD, TING NGE 'DZIN DANG MNGON PAR SHES PA MNGA' TSUL LA BLTAS NA, SKYE BA DPAG TU MED PA'I GONG ROL NAS TING NGE 'DZIN KHO NA LA SBYANGS PA 'DRA BA YOD, RMI LAM LA DBANG THOB PA LA BLTAS NA, SKYE BA DPAG TU MED PA'I GONG ROL NAS SGYU LUS DANG RMI LAM KHO NA LA SBYANGS PA 'DRA BA YOD, YI DAM LHA'I ZHAL GZIGS PA LA BLTAS NA, SKYE BA DPAG TU MED PA'I GONG ROL NAS BSKYED RIM KHON LA GOMS PAR BYAS PA 'DRA BA YOD, SKU TSE 'DIR YANG DANG PO NYAN BSHAD MDZAD PA'I DUS KYI SLOB MA STON CHEN STON PA LA BLTAS NA, SKU TSE

, ,RIL PO NYAN BSHAD MDZAD PA 'DRA BA YOD, SKU MTSAMS DAM PO BCAD PA'I LO GRANGS LA BLTAS NA, SKU TSE RIL PO DBEN PA BSTEN PA 'DRA BA YOD, PHYAG DANG BSKOR BA MDZAD PA'I GRANGS LA BLTAS NA, SKU TSE RIL PO PHYAG DANG BSKOR BA MDZAD PA 'DRA BA YOD, MA nI DANG RJE BTZUN MA'I GZUNGS LA SOGS PA GZUNGS SNGAGS BZLAS PA'I GRANGS BCAD LA BLTAS NA, SKU TSE RIL PO BZLAS BRJOD KHO NA MDZAD PA 'DRA BA YOD, SO SO THAR PA'I SDOM PA PHOG PA'I SLOB MA DGE TSUL DANG DGE SLONG LA BLTAS NA, SKU TSE RIL PO MKHAN SLOB MDZAD PA 'DRA BA YOD, BYANG CHUB MCHOG TU SEMS BSKYED PA'I SLOB MA LA BLTAS NA, SKU TSE RIL PO BYANG CHUB SEMS DPA'I SDOM PA PHOG PA 'DRA BA YOD; BDAG PAS GZHAN GCES PA'I BYANG CHUB KYI SEMS 'KHRUNGS NAS GNOD LAN DU PHAN 'DOGS PA'I DAM BCA' BYED PA'I SLOB MA LA BLTAS NA, SKU TSE RIL PO KUN RDZOB BYANG CHUB KYI SEMS KHRID BSKYANGS PA 'DRA BA YOD, ZHI LHAG ZUNG 'JUG GI RTOGS PA DANG LDAN PA'I SLOB MA LA BLTAS NA, SKU TSE RIL PO DON DAM BYANG CHUB KYI SEMS KYI KHRID BSKYANGS PA 'DRA BA YOD, YANG ZHAL NAS, DGE BA BSAGS PA BYANG CHUB TU MA BSNGOS NA, YUL KHYAD PAR CAN LA KHONG KHRO SKYES PA LA SOGS PA DGE BA 'DZAD PA'I RGYU 'GA' ZHIG BYUNG NA 'DZAD CING, BYANG CHUB TU BSNGOS PA'I DGE BA NAM YANG MI 'DZAD CING, RANG NYID GCIG BU'I DON DU KHAMS GSUM GYI BDE 'BRAS DANG THEG PA DMAN PAR MI BSNGO STE,

SEMS CAN THAMS CAD KYI DAN DU BLA NA MED PA'I BYANG CHUB TU BSNGO BA GAL CHE, BSNGO BA'I DBANG POR RGYAL BA SRAS DANG BCAS PA BZHUGS PAR BSAMS LA, BSNGO BYA BSNGO BYED LA SOGS BA'I CHOS THAMS CAD MI DMIGS BZHIN DU BSNGO; ;BSNGO BZHIN DU MI DMIGS PAR SHES DGOS, DE LTAR MI SHES NA YANG 'O SKOL SO SO SKYE BO MOS PAS SPYOD PA YIN PAS, 'JAM DBYANGS DANG KUN TU BZANG PO LA SOGS PAS JI LTAR BSNGOS PA BZHIN DU BDAG GIS KYANG BSNGO SNYAM PA BYAS PAS CHOG GSUNG, LAN CIG CHOS SDE'I NYE GNAS DGE BSHES RGYAL BZANG BYA BAS, NYE GNAS STON PA LA ZHU BA BRGYUD NAS, SANG RED SKU MTSAMS GSENGS NAS ZLA BA GSUM CHOS GSUNG BA DE, BDAG GIS CHAR BYON NAS GSUNG BAR ZHU, DPON SLOB DU BYON PA'I ZHABS TOG DANG 'GRON PO JI TZAM BYUNG BA LA 'DI LA 'DI BYIN ZER BA GANG DGOS PA NGED RANG GIS SGRUB, DRUNG DU ZHUS ZER NAS ZHUS PAS, KHONG GI DE SEMS NAN TAR BZANG BLO STOBS CHE STE, RANG RE SANG PHOD DA TZAM NA KHONG GI GDAN 'DREN PA DE LAS THAG RING BA CIG TU 'GRO NYEN 'DUG, LAR GYIS KYANG DA NA SO RGAS BAS ZLA BA GSUM GSUM BA'I MTSAMS GSENG BA 'DI YANG G-YENG BA CHES 'DUG SNYAM PA LA; DE NA YAR 'GRO BA GA LA YONG, KHYED LA NOR YOD PAR 'DUG PAS NGA GDAN MA 'DRONGS KYANG CHOS PHYOGS GZHAN DANG GZHAN DU GTONG BA ZHU, RANG RE GZHAN DU 'GRO BA'I GLENG MO DE KHONG DANG GZHAN LA MA LAB, GRAGS PA BRDEG

, ,PA LAS YI YONG GSUNG ZER, YONG DE LO GONG DU GDAN 'DREN PA'I GSER YIG PA YONG GI YOD PA 'DUG ZER BA CIG THOS NAS SLOB DPON YON TAN 'OD KYIS DRUNG DU ZHUS PAS, YONG DAN MED MCHI PHO TSOD MED PAR BYUNG SRID NA'ANG, DE GONG DU GDAN 'DREN GZHAN CIG YONG BAR GDA' YI GSUNG, DE'I LO SKU MTSAMS LA 'JUG KHAR PHYAG RDZAS GANG YOD THAMS CAD DER 'DUS PA'I DGE 'DUN DANG, SKYE BO'I TSOGS CHEN PO RNAMS LA 'GYED CHEN PO MDZAD, THUB PA'I BSTAN PA RIN PO CHE LA BYA BA RGYA CHEN PO BSGRUBS, BSTAN PA DANG SEMS CAN GYI DON LA DMIGS PA'I GZHAN DON KHO NA MDZAD PA'I ZHAR LA RANG DON THOB BYA THAMS CAD THOB, SPANG BYA THAMS CAD SPANGS NAS, BCOM LDAN 'DAS THUB BA'I DBANG PO NYID KYANG, SKU RGYAB BSNYUN PA DANG, SMAN PA 'TSO BYED LAS SMAN BZHES PA'I TSUL BSTAN PA LTAR, SA MO BYA'I LO ZLA PA GNYIS PA NAS SNYUN PA'I TSUL BSTAN TE, LHA RJE LA STON PA DANG, GSOL SMAN BSTEN PAR ZHU ZHUS PAS, NGA'I BSAM PA LA SUS KYANG MA TSOR BAR SHIB CIG BYA BSAM PA YIN GSUNG PAS, NYE GNAS KYIS PHYIS MI THAMS CAD KYIS GSOL SMAN BSTEN PA LA SOGS PA'I ZHU BA GANG YANG MA BYAS ZER BA'I KHAG YONG LAGS ZHUS PAS DE RANG MED GSUNG NAS, LHA RJES PHYAG RTZA BLTAS PAS, GDAN 'DREN PA'I GSER YIG PA PHEBS PA LA BLTA RGYU MI 'DOG GAM MCHI GSUNG, DE'I DUS SU NYIN GCIG SLOB DPON

NAM MKHA' SENGGE LA BRGYAD STONG BA'I BYANG CHUB SEMS DPA' CHOS 'PHAGS DANG RTAG TU DU GNYIS KYI LE'U SGROGS GSUNG PA LA, BYANG CHUB SEMS DPA' RTAG TU DU'I TING NGE 'DZIN GYI SGO DU MA THOB DUS GYI SKABS SU, NGED KYI TING NGE 'DZIN 'DI DAG GI NGO BO NYID DANG RANG BZHIN LA BLTAS NA, GANG MNYAM PAR BZHAG BAR BYA BA'AM, LDANG BAR BYA PA'AM, BYANG CHUB TU SPYAD PA 'AM, GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I CHOS DE GANG YANG YANG DAG PAR RJES SU MI MTHONG, RIGS KYI BU 'DI NI SHES RAB KYI PHA ROL TU PHYIN PA YIN TE, ZHES PA'I SKABS SU DE 'DRA ZHIG RANG YIN GSUNG NAS YUN RING PO'I BAR DU TING NGE 'DZIN LA 'BYAMS SO, ,DE'I DUS DRUNG RANG DU NYIN GCIG MI LNGA SMAN BLA'I CHO GA RGYAS PA CIG SKAD GSANG MTHON PO'I SGRO NAS BYAS PA CHAR RTING YUN RING PO ZHIG NAS KHYED RNAMS KYIS SMAN BLA BYAS SAM MA BYA SA GSUNG BAL CHAR ZHUS PAS, KHYED RNAMS GRABS BYED KYI 'DUG PA DE DRAN PA YIN TE, RJES LA MNYAM GZHAG GCIG LA YENGS NAS KHYED RNAMS KYIS CHO GA BYAS PA MTSOR 'DUG GSUNG, DE'I DUS SU SA G-YO BA DANG, NAM THO RANGS KHA GZIM KHANG GI NYE SKOR 'JA' 'OD KYIS KHANGS PA LA SOGS PA'I LTAS CHEN PO RNAMS PANG BAS, THAMS CAD SEMS MA BAD BAR SKU RIM LA 'JANG STONG SKOR BSAGS NAS 'GYED BYED PA DANG, SKU RIM DANG GSOL 'DEBS NAR MAR SGRUBS PA DANG, GZHAN YANG PHYOGS THAMS CAD DU GSOL BA 'DEBS PA DANG, KHYAD PAR DU BDAG NYID CHEN PO NYID KYI SRAS KYI ZU PHO MKHAN CHEN BYANG CHUB RTZE MO DANG,

, ,CHOS RJE NYI MA SENG GE GNYIS KYIS BZHUGS STAN PHUL, ME TOG GTOR NAS BSTAN PA DANG SEMS CAN GYI DON DU BZHUGS PAR GSOL PA BTAB PA'I MTHU CHEN PO LA BRTEN NAS ZLA BA GSUM BZHI'I BAR DU SNYUN PA DVANGS PAR GYUR TO, ,YANG DE'I DUS SU SEMS DPA' CHEN POS KHONG RNAM GNYIS LA NAD PA GZHAN DANG MI 'DRA, DAR KHA MED KYANG DGE SBYOR 'PHEL DU SONG, RIG PA DANGS PO YOD GSUNGS, RGYAL SRAS 'DIS PHYI RABS KYI GDUL BYA RNAMS KYI DON DU GSUNG RAB THAMS CAD KYI SNYING PO'I DON GCIG TU BSDUS BA BLO SBYONG DON BDUN MA'I KHRID YIG DANG, RGYAL SRAS LAG LEN, 'ZUG PA SEMS BSKYED, SPYOD 'JUG GI t'IKKA, MDO SDE RGYAN GYI t'IKKA , THEG PA CHEN PO RGYUD BLA MA'I t'IKKA, SMYUNG GNAS KYI CHO GA ,RTEN 'BREL GYI KHRID YIG ,BLO SBYONG BLA MA RGYUD PA'I GSOL 'DEBS SMON TSIG DANG BCAS PA, BLO SBYONG GI BLA MA'I RNAL 'BYOR LAM GYI LUS YONGS SU RDZOGS PA, BLA MA RNAMS DANG SANGS RGYAS BYANG SEMS KYI BSTOD TSOGS, RANG GZHAN LA GDAMS PA SOGS CHOS TSAN BRGYA DANG BCO LNGA MDZAD DO, ,DE NAS ZLA BA BDUN PA NAS SNYUN LOG PA'I TSUL BSTAN NAS, SPYIR MI 'GYUR RDO RJE' SKU THOB PAS BSNYUN MI MNGA' YANG, RGYUD BLA MA LAS, YANG DAG JI BZHIN MTHONG BA'I PHYIR, ,SKYE SOGS RNAMS LAS 'DAS GYUR KYANG, ,SNYING RJE'I BDAG NYID SKYE BA DANG, ,'CHI BA DANG NI RGA BAR STON, ,ZHES GSUNG PA LTAR, SNYUN

PA'I TSUL BSTAN PA LA, DA RUNG SMAN DANG LHA RJE BSTEN PAR ZHU ZHUS PAS, NA SO MTHAR PHYIN PA DANG, NAD KYANG BYING CHES PA'I PHYIR PHAN PAR DKA' BAS DGAG SGRUB MED BAR RANG SOR GLOD NAS 'JOG PA YIN, LAR YANG RANG NYID MI BSGRUB PA DE GZHAN LA BSTAN PAR MI RIGS, 'O SKOL GYIS DANG PO SA SKYAR PHYIN DUS RTZI BAS RI BA YIN PA'I RTOGS LDAN GCIG SA SKYA'I YANG DGON NA NAD DRAG POS BTAB 'DUG PA GCIG GIS, NA TSA LA SOGS PA LAM DU 'KHYER NA JI LTAR BYED ZER BA LA, BDAG GZHAN SGYU LUS KYI PHUNG PO 'DI, ,NA NA NA STEN BAS DGA', ,SNGAR BSAGS KYI LAS NGAN 'DZAD PA YIN, ,CHOS SPYOD KYI BYA BA SNA TSOGS KYANG, ,SGRIB GNYIS SPYONG BA'I CHED DU YIN, ,NA BA MED NA MED DE DGA', ,LUS SEMS BDE NA DGE SBYOR 'PHEL, ,MI LUS DON CAN BYED PA YANG, ,SGO GSUM DAG LA SBYOR BA YIN, ,'BYOR PA MED NA MED DE DGA', ,BSKUNG GSOG GI BYA BREL DE LA MED, ,'THAB RTZOD KYI KHRO 'KHRUG JI SNYED PA, ,'DZIN CHAGS KYI NOR LAS BYUNG BAR NGES, ,'BYOR PA YONG NA YOD DE DGA', ,BSOD NAMS KYI DGE TSOGS SPEL BAS CHOG ,'PHRAL PHUGS KYI PHAN BDE JE SNYED PA, ,BSOD NAMS KYI 'BRAS BU MIN PAR NGAS, ,MYUR DU SHIN SHI BAS DGA', ,RKYEN NGAN GYIS BAR DU MCHOD CING, ,'TSAMS SBYOR GYI BAG CHAGS BZANG 'GROGS PAS, ,MA NOR GYI LAM DU TSUD PAR NGES, ,YUN DU GSON NA GSON PAS DGA', ,NYAMS MYONG GI LO TOG SKYES PA

, ,LA; ;GDAMS NGAG GI RLAN DROD MA YAL BAR, ,YUN DU BSTEN BAS SMIN PAR 'GYUR, ,ZHES BSTAN PA BZHIN DU, 'O SKOL RANG YANG GANG BYUNG LA DGA' BA SGOM PA'I MAN NGAG 'DI NYAMS SU LEN PA'I PHYIR PHAN PA'I THABS MI TSOL, NA BAR SNANG BA 'DI RGYU 'BRAS BSLU BA MED PAR STON PA'AM, SGRIB GNYIS SBYONG BA'I THABS MCHOG KYANG YIN, DGE SBYOR GYI BSKUL MA LTA BUR YANG 'DUG PAS, 'DI MI YONG BA'I THABS MI 'TSOL, PHYOGS KYI RIM GRO BA 'DI RNAMS KYIS KYANG DA BAR LA 'CHIR MA BCUG GSUNG BA LA, DRUNG GI ZHAL MTHONG BA DANG, GSUNG THOS SU RE BA'I GDUL BYA DPAG MED MCHIS PAS, DA DUNG SKU TSE BYIN GYIS RLOBS PAR ZHU ZHUS PAS; PHRU BA'I NANG NA MED PAR GZAR BUR 'BYUNG BA NI RIGS PA MIN NA'ANG PHAN THOGS PA YANG MANG RAB BYUNG, GZHAN DON GYI LAS LA CHES BYA BA MA MCHIS KYANG, 'O SKOL GYI TSOD RTZIS PA'I ZANG ZING YANG CUNG MANGS PA TZAM YANG YIN, SHI NA YANG GZHAN DON CHUNG DU YANG MI 'GRO MCHI GSUNG PA LA, DRUNG NAS GZHAN DON GZHAN DU RGYA CHE YANG, BDAG CAG GDUL BYA RNAMS MGON MED PAR 'GYUR BAS, CI NAS KYANG BZHUGS PAR ZHU ZHUS PAS, NUS BA MED NA LHAN CIG 'GROGS KYANG DGOS PA CHUNG, NUS PA BYUNG NA MYUR DU 'GRO BA THAMS CAD SGROL BAR 'DOD NA, BLO GTAD BA'I LTOS SA DANG BCAS PA KHYED RNAMS YAL BAR GA LA 'DOR, NGA DANG BRAL BA LA MYA NGAN BYA MI

DGOS, RGYUN DU GSOL BTOB DANG KHO BO YOD PA DANG MTSUNGS GYIS GSUNG, DE'I DUS MKHAN CHEN BYANG CHUB RTZE MO BYON NAS GDAN BZHUGS ZHUS PAS MA BZHES PAR TSUR LA GDAN BZHUGS MDZAD DE, SEMS DPA' CHEN PO RANG GI SNGAR GYI BZHUGS GDAN GYI STENG DU YANG GDAN BA DAGS GSUNG NAS MKHAN CHEN PA BZHUGS SU BCUG, RTEN 'BREL MDZAD PAS, DNGOS SU GSUNG MA BYON YANG BZHUGS GDAN GYI STENG DU BZHUGS SU 'JUG PA DE, CHOS BRGYUD ZUNGS ZER BA'I ZHAL TA RU GO ZHES NYE GNAS STON PA GSUNG NGO, ,DE DUS THAMS CAD LA MJAL KHA CIG GTONG BAR ZHUS PAS, DA LTA'I SKABS 'DI 'DRAR 'PHRAD KYANG RANG GZHAN GNYIS KA LA GNOD PA LAS MI YONG GSUNG, DE'I DUS KYANG MTSAN BCAS KYI THUGS DAM RNAMS YE MA CHAG PAR MDZAD PA DANG, MNAL BSRUNG BA'I PHYIR DKON BRTZEGS SGRAGS PA'I DUS DANG, MGUR MA BLANGS BA'I DUS SHUGS CHEN PO BSHUMS PAS, DO ZHAG MTSAN BCAS KYI THUGS DAM RNAMS KYANG GLOD BA DANG, KHYAD BAR DU SNYING RJE'I DMIGS PA MI MDZAD PAR ZHU, GLO BUR DU SER MA BYUNG DOGS GDA' ZHUS PAS, 'O SKOL GYI MTSAN MED LA MTSAN BCAS KYI DGE SPYOR GYIS MI GNOD PAR GDA' ZHING, THABS SHES RAB ZUNG DU 'BREL BA'I PHYIR RTZOL BA CUNG ZAD YOD KYANG BYED BAR SPRO BAR 'DUG ,SNYING RJE'I DMIGS PA CHED KYIS MA BYAS KYANG 'GRO BA'I SDUG BSNGAL DRAN TZA NA DAM NGAM SHUGS KYIS SKYE BAR 'DUG ,BYUNG RGYAL DU

, ,BTANG NA NYID CAG RNAMS YANG BAR DOGS NAS DRAN 'DZIN CHEN PO BYAS PA YIN, 'CHI KHAR 'PHO BA YANG SGOM PA LAS 'DI 'DRA'I 'PHRO LA SHI NA LEGS BA YIN MOD GSUNG, DE'I DUS SPYIR BSKYED RDZOGS GNYIS LA BRTAN PA THOB PA, KHYAD PAR DU SGYU LUS RMI LAM LA DBANG 'BYOR BA'I MKHAS GRUB CHEN PO SEMS DPA' CHEN PO'I THUGS SRAS BLA MA RDOR ZHON BA BYA BA DNGUL CHU NA SKU MTSAMS DAM PO LA BZHUGS PA'I CHU SKYEL BA ZHU PA BSKUR NAS, DRUNG NAS BSNYUNG BA 'DI LA GSOL BA THEBS MI THEBS KYI RMI LAM ZHIG BZUNG NAS LAN CIG YI GER BTAB NAS BSKUR BA ZHU ZHUS PAS, DA RES RANG GSOL BA THEBS SNYAM PA MI 'DUG ,LHAG PA'I YI DAM GYI LHA DPAG TU MED PA 'DU PA DANG, DPA' BO DANG MKHA' 'GRO MA'I TSOGS BSAM GYIS MI KHYAB PA DANG, LHA DANG LHA MO DU MAS MCHOD PA'I TSOGS MTHA' YAS BA RNAMS KYIS BSU BA DANG, CHOS RJE NYID KYANG ZHING GZHAN DU GSHEGS PA LA THUGS SPRO BA'I RNAM 'GYUR LA SOGS PA'I GTAN TSIG DU MA ZHIG 'DUG STE, ZHIB TU BSHAD NA CI RIGS KYI BLOR MI SHONG BA'I RGYU MTSAN ZHIG 'DUG PAS MI 'CHAD DE TZAM GYIS GO MOD GSUNG, DE NAS NYE GNAS KYIS 'ON 'DI LTAR GYIS GSUNG BA'I ZHAL TA GSUNG BAR ZHU ZHUS PAS, RGYAL SRAS 'DI'I ZHAL NAS KHA CHEMS 'JOG PA SKABS SU BAB 'DUG NA'ANG, NAD KYIS GDUNGS, LUS KYI SHED ZAD PA'I SKABS 'DIR, TSIG BZHI PA RE RTZOM PA

DANG; SMRAS PA LA YANG CU GAL YONG GIN 'DUG LAR GYIS 'O SKOL LA KHAMS BZANG DUS, CHOS DANG 'JIG RTEN GYI BYA BA GANG LA'ANG, KHRIGS KHA 'DI LTAR YIN GYI TIG TIG MED PAR GANG BYUNG LA GTONG GIN YONG PA DE YIN MOD, DA 'CHI KHA DANG, SHI BA'I RJES LA 'DI LTAR BYED KYI KHRIGS KHA DE BAS KYANG GA NA YONG, GAL TE KHA CHAMS LA NYAN MKHAN YOD NA, SNGAR KHAMS BZANG DUS RANG GI SHES TSOD DPE 'KHYUD MED PAR BSTAN, RTZOM BA YANG CHA CHUNG CI RIGS BA BYAS SHING, KHYAD BAR DU TSIGS BCAD TSE CHUNG MANG DAG CIG YI GER BKOD PA DA RNAMS KHA CHEMS YIN, DE MA GTOGS DO ZHAG 'BREL MED TSIG GSUM SMRAS PA LA DGOS PA MED, DE KA LA BSAMS NAS, 'PHRAD KYANG 'DI LAS GZHAN BA SMRA RGYU MED, ,SHI YANG KHA CHAMS GZHAN 'GA' MA MCHIS SO, ,BYAS PA DE KA YIN, NYID CIG RANG RNAMS KYANG BLO DKON MCHOG LA GTOD LA, TSE 'DI DANG MA 'DRES PA'I TSOS RO GYIS, SEMS CAN GYI DON DU CHOS TSUL BZHIN DU BYAD PA THAMS CAD RGYAL BA SRAS DANG BCAS PA'I RGYUD 'DZIN YIN PA LA, 'O SKOL GYIS LTA SMOS KYANG CI 'TSAL, DES NA KUN GYIS CHOS BRGYUD KYANG LAGS PAR ZUNGS, KHYAD BAR DU STON BA ZLA BZANG RANG YANG DAG SBYOR LA 'BAD PA THON, BYA BRAL GYI MING BTAGS YIN PA'I BYA'I, LONGS SPYOD MED NA LEGS PAS, NGA'I RJES LA BRA GANG BTANG RGYU MA BYUNG YANG BZOD, NUS PA BYUNG CHAD KYIS SNYOM CHUNG LA BYAMS SU BYED PA DANG, KHYAD PAR DU DA LTA

, ,RANG RES SKYONG DGOS KYIN YOD PA'I MA NUS PA 'DI RNAMS LA SKYONG RAN LEGS PO GYIS, SDUG GE RNAMS SNYING RJE BA YIN NO, ,LAB RGYU'I DNGOS GZHI DE ,YIN GSUNGS, YANG ZHAL NAS RMI LAM 'DZIN PA 'DI LA SNGAR NAS BYANG CHA CHEN BO ZHIG YOD, ZHING KHAMS GRANGS MED BLTA BA DANG, DE NA BZHUGS PA'I SANGS RGYAS DPAG TU MED BA LA CHOS NYAN PA LA SOGS PA 'BAD RTZOL MI DGOS PAR YONG BA CIG BYUNG, BAR SKABS SHIG TU 'GRIBS 'DUG PA YIN TE, DENG SANG NA BA 'DIS RMI LAM SOR TSUD 'DUG ,MA 'GAGS PA'I SNANG BA 'DI MTSAR CHE, BAR SKABS SU 'GRIB PA DE YANG BSOD NAMS SU MING BTAGS PA'I 'DU LONGS 'DIS LAN NAM BSAM, LAR BLO CHOS SU SONG BA RE BYUNG NA 'JIG RTEN GYI BSOD NAMS CHEN PO SKAD ZER BA 'DI KUN MA BYUNG NA RANG LEGS PA 'DUG STE, 'BAD RTZOL GYIS MA BSGRUBS PAR BYUNG NA LONGS SPYOD DU RUNG, ZHES SOGS KYI DGAG SGRUB MANG PO BSHAD 'DUG NA'ANG, 'BYOR NA'ANG 'BYOR PA LAM DU SLONG, RGUD NA'ANG RGUD BA LAM DU SLONG BA 'DI LA CI 'DRA'I CU GAL ZHIG 'DUG GSUNG, DE NAS ZLA BA BCU PA'I TSES BRGYAD KYI THO RANGS, SLOB DPON DPAL YE LA NGA YAR TZONG SLONGS LA MDUN RGYAB CIG SGYU RE GSUNG STE, DE BZHIN BYAS PAS, PHYAG THAL MO SBYAR NAS, YUN RING PO BSHUMS PA'I BAR SKABS SHIG TU GSUNG MANG PO 'BYON PA'I TSIG 'BRU GANG YIN MA

GNAS NANG BAR RGYU MTSAN ZHUS PAS, NGA SNYES NYAL BYAS PAS DE'I MDUN NA RJE BTZUN MA BYON 'DUG PAS, RJE BTZUN MA'I MDUN DU NGA NYAL BSDAD PAS MI YONG, TZONG LANGS LA GSOL BA BTAB DGOS BSAMS NAS DE LTAR BYAS PA YIN GSUNG BA LA, RJE BTZUN MA RNAL 'BYOR MA LAGS SAM SGROL MA LAGS ZHUS PAS, SPYAN NAM MKHA' LA CHER MDZAD NAS SGROL MA SGROL MA ZHES LAN GNYIS GSUNG BAS, RJE BTZUN MA GSUNG 'BYON GYI GDA' LAGS SAM ZHUS PAS; HE DE 'DRA MI 'DUG STE, 'O SKOL NGOS KYIS SEMS CAN GYI SDUG BSNGAL MA BZOD NAS RJE BTZUN MA LA BYAS PA MED PA'I YUS MANG BO BTZONGS GSUNGS, DE DANG DUS MNYAM PAR MYANG STOD DU SI TU 'PHAGS PA'I SAR BU MO BRONG BA'I CHOS KYIS MA GOS BA CIG LA, LHA KHA BAB NAS DANG PO DMAG GI G-YUL RGYAL PHAM 'CHAD PA'I 'PHRO LA, DE 'DRA RNAMS LTA CHA MED DE, NYI MA NUB PHYOGS YA GI NA, BLA MA RGYAL SRAS THOGS MED BYA BA ZLA BA BCU PA'I TSES BRGYAD LA RJE BTZUN MA SGROL MAS G-YU LO BKOD PA'I ZHING KHAMS SU GDAN DRANGS NAS 'GRO BAR 'DUG ZER BA ZHIG BYUNG ZHES GRAG GO ,DE DUS NYIN GCIG DA RUNG 'CHI NI MI 'CHI BAR 'DUG KYANG RTZA KHO NI BTUL 'DUG ,RTZA LA'ANG 'JU SA MI 'DUG GSUNGS NAS PHYAG BRGYANG BYUNG BA LA BLTAS BAS, RTZA BTUL 'DUG STE, DE LA BRTEN NAS SNYUN G-YOG CIG GIS, BLA MA LA MOS GUS CHE RAB YOD KYANG SANGS RGYAS DNGOS KYI 'DU SHES MED PA'I RTAGS SAM, 'ON KYANG GSUNG 'DI RNAMS 'BYON PA'I

, ,RKYEN DU, RTZA BTUL NAS CHEN PO MI SDOD PA YIN ZER, GAL TE MI 'DOD PA THOG TU BAB NAS SKU GSHEGS NA, 'PHO BA LA SOGS PA THUGS DAM GYI GSAL 'DEBS 'DI LTAR GYIS GSUNG PA'I ZHAL TA THUGS LA 'DOGS MI 'TSAL LAM ZHUS PAS, HE NYID NA RE, MI 'DOD PA THOG TU BAB NAS SHIN ZER GYIN 'DUG STE, SHI YANG MI 'DOD PA THOG TU BAB PA MIN, 'DI KO YONG BA'I GRABS SHIG SNGAR NAS TSAR, MI RGAN GYI LAS THABS ZIN, PHO LO YANG BDUN CU DON LNGA LON 'DUG TSE YANG THUNG THUNG MIN, MTSAMS GROL NAS MI MANG PO 'TSOGS PA DANG, CHOS STON PA'I 'PHRO YANG MED PAS NA BA'I DUS KYANG SNGA PHYI RAN, 'DI 'DRA ZHIG MA GRUB SNYAM PA'I BLO'I LHAG MA YANG LAS PA MED, DO CIG NAS STON DUS 'GRO DON DGA' RAB YONG GI 'DUG STE, 'GRO DON CHUNG DU YANG MI 'GRO MCHI, BYANG CHUB KYI SEMS GNYIS PO 'DI DANG NAM YANG 'BRAL MA MYONG, NA BA'I RKYEN GYIS RMI LAM SOR TSUD BYAS PA DANG 'DRA BAR, CI YIN CHA MED CIG LA KHA SANG SPYI BO NA BA NAS BZUNG STE DENG SANG GI BAR DU LUS LA SHED MED KYANG, LHAG PAR DU BYANG CHUB KYI SEMS GNYIS 'PHEL BA'I SKABS 'DI 'DRA 'JOM PA'I 'CHI BA RNYED DKA' YANG, BDAG GIS 'BAD MED DU RNYED PAS DKON MCHOG GI DRIN YIN, DE LTA BU'I DANG NAS 'CHI BA DE KA LA 'PHO BA ZER BA YIN, GZHAN GSAL 'DEBS BYA RGYU CI YANG MED, BYAS KYANG DGA' RU AE GTONG

ME SHES, DE YI SANGS RGYAS RJES DRAN SOGS, ,SUS KYANG G-YENGS PAR 'GYUR BA MED, ,CES PA DE DANG KHYED RANG RNAM PA YANG MA 'GAL BA MDZOD GSUNG, DE NAS NYE GNAS KYIS DA ZHAL MI BZHUGS NA ZHING KHAMS GANG DU SKYA BA BZHES ZHES ZHUS PAS, 'GRO LA PHAN PAR GYUR NA DMYAL BAR 'GRO BA YANG SHIN TU SPRO, MI PHAN NA DAG PA'I ZHING YANG MI 'DOD LAGS GSUNGS, DE DUS DGONG GCIG MAndAL DANG MCHOD PA RNAM LNGA KHYER SHOG GSUNG NAS, BDUD RTZI PHYAG MDZUB KYIS GTOR ZHING PHUD MCHOD RGYAS PA RE MDZAD, YANG PHYAG THAL MO SBYAR ZHING DBU DUD PA RE MDZAD, MCHOD PA RNAM LNGA PHYAG RGYA DANG BCAS PA LAN LNGA TZAM SKYAR KYIN DBUL, DRUNG NA 'KHOD PA RNAMS LA YANG MCHOD PA PHUL GSUNGS NAS SPYAN CHAB MANG PO 'BYIN GYIN 'DUG PA'I NANG PAR RGYU MTSAN ZHUS PAS, YI DAM GYI LHA 'DRA BYON PAS KHYED RNAMS LA YANG MCHOD PA PHUL BYAS PA YIN, GZHAN BSHAD RGYU TZAM MI GDA'I GSUNGS NAS ZHIB CHA GSUNG DUM GNANG, DE NAS SLOB DPON YON TAN 'OD SNYUN G-YOG RE MOS LA YOD PA'I SKABS SU, NUB CIG SROD KYI CHA LA MA DAG PA'I LAS SNANG THAMS CAD 'GAGS NAS, ZHING KHAMS RNAM PAR DAG PA, MDZES SHING YID DU 'ONG BA, DANGS SHING THOGS PA MED PA, NAM MKHA'I DBYINGS LTAR RGYA KHYON DANG TSAD RTZA BA NAS GZHAL BAR MI NUS PA 'DUG GSUNG GIN PHYAG NAM MKHA' LA YUG YUG MDZAD DE, MNAN NA NEM GYIS BYED CING BTEG NA SPAR GYIS BYED, REG NA BDE BA

, ,BSKYED PA LA SOGS PA MTSAR DU CHE BA CIG GI DBUS NA RANG RE 'DUG ,DE'I KHOR YUG KUN 'KHOR GYI TSOGS GRANGS MED PAS BSKOR 'DUG ,DE DUS TZAN YOD BA'I GNAD YIN NAM, BLA MA RGYAL BA RNAM PA GSAL BAR 'DUG ,GZHAN YANG 'OD GSAL GYI SNANG BA ZA ZI LANG LONG BRJOD KYIS MI LANG PA CIG 'DUG STE, DA STE MGYOGS POR 'GRO BAR 'DUG GSUNG, DE'I NAD PAR SLOB DPON DPAL YES, GLANG RI THAD PA BDE BAR GSHEGS PA BZHIN DU, DAG PA'I SNANG BA 'BA' ZHIG TU GDA' LAGS SAM ZHUS PAS, DA LTA ZA ZI'I SNANG BA SNA TSOGS SHIG LA YENGS NAS 'GRO YI 'DUG STE, DE THAMS CAD LA MNGON ZHEN BYA RGYU MED RMI LAM SGYU MA DANG 'DRA GSUNG, BDE BAR GSHEGS LA KHAD PA'I DUS DER YANG SNGAR NAS NYAL BA DANG SNYES PA LAM GOMS PAS, TZOG TZOG PUR SDOD PA 'DI KA BDE BA 'DUG GSUNG NAS DANG PO BSNYAN PA'I 'GO BRTZAMS NAS PHYIS BDE BAR GSHEGS KYI BAR DU SKU RNAM SNANG GI CHOS BDUN DANG NAM YANG MI 'BRAL BA'I DAR LAS, BCU DGU'I NUB MO NAS GSUNG BCAD MDZAD DO, SPYAN LA YANG 'GYAR 'GYUR MED PAR 'OD GSAL CHOS KYI SKU LAS MA G-YOS BZHIN DU, GDUL BYA RTAG 'DZIN CAN RNAMS 'DUL BA DANG, LAS TSUL BSAM GYIS MI KHYAB PA BSTAN PA DANG, ZHING KHAMS GZHAN DU GDUL BYA RGYA CHEN POR DGONGS TE SEMS DPA' CHEN PO NYID KYIS DGUNG LO BDUN CU DON LNGA BZHES PA, SA MO BYA'I LO ZLA BA BCU PA

SMIN DRUG ZLA BA'I TSES NYI SHU, RES GZA' SPEN PA, SKAR MA LAG PA YOD PA'I DGONG MO'I CHA, GZIM KHANG CHOS RDZONG GI SPU SHU LA NYI MA NUB PA DANG MNYAM DU SKU'I BKOD PA BSDUS SO, ,DE'I NUB MTSAN MO YANG DNGUL CHU'I STENG GI BAR SNANG THAMS CAD 'JA' TSON RNAM LNGA DANG, 'OD ZER GYI RANG BZHIN GYIS KHENGS SHING, SGRA CHEN PO GRAG PA DANG, DRI ZHIM PO'I NGAD PAS KHYAB PA DANG, SA CHEN PO G-YOS PAS, SMAN BLA'I COG KHRI'I STENG NAS GSER SKU SA LA LHUNG BA TZAM BYUNG, LHA'I ME TOG GI CHAR KHA BA BU YUG 'TSUBS PA LTA BU BABS SO, ,RGYAL SRAS BDAG NYID CHEN PO 'DIS BSTAN 'GRO'I DON RGYA CHER MDZAD PAS BRGYUD 'DZIN GYI SLOB MA MTHA' YAS PA BYON YANG THEG PA CHEN PO'I BLO SBYONG 'DI RGYA CHER SPEL BA'I 'PHRIN LAS KYI BKA' BAB PA NI RJE BTZUN RED MDA' PA GZHON NU BLO GROS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL SRAS BDAG NYID CHEN PO 'DI LA GUS PAS GSOL BA 'DEBS SHING, SEMS DPA' CHEN PO 'DI'I RNAM THAR LTAR DANG POR MDO SNGAGS KYI LAM GYI GNAD RNAMS LA 'KHRUL MED KYI NGES PA BRTAN PO RNYED PAR BYAS, DE NAS TSE 'DI'I PHUN TSOGS GANG LA'ANG MA CHAGS PAR DBEN PA'I RI SUL DU LAM CHA TSANG LA SGRUB PA SNYING POR BYA ZHING LHAG PAR BYANG CHUB KYI HSEMS RIN PO CHE NYAMS LEN GYI MTHIL DU BZUNG NAS RGYAL BA DGYES PA'I LAM LA SLOB PA LA BRTZON PA LHUR BYA'O,, ,,

, ,RJE BTZUN RED MDA' BA GZHON NU BLO GROS NI, SA SKYA DANG NYE BA'I SA'I CHA RED MDA' KHANG SOR BLON PO 'GAR STONG BTZAN YUL BSRUNG GI BRGYUD DU YAB BKRA SHIS RGYAL MTSAN DANG, YUM DBANG PHYUG SKYID GNYIS KYI SRAS SUS MO GLANG LA SKU 'KHRUNGS, RGYAL SRAS 'DI YUM GYI LHUMS SU ZHUGS PA'I TSE YUM LA NYI ZLA SHAR BA DANG, SGRON ME SBAR BA DANG, GTZUG LAG KHANG BZHENGS PA SOGS RMI LTAS BZANG PO BYUNG, RGYAL SRAS 'DI BTZAS PA'I TSE YANG NGO MTSAR BA'I LTAS MANG DU BYUNG, DE NAS RGYAL SRAS GZHON NU DE YAB YUM GNYIS KYIS 'O MA DANG, ZHO DANG, MAR GYI NYING KHU SOGS KYIS BSKYED BSRINGS TE MTSAN YANG BTZUN NE ZHES BYA BAR GSOL TE SMRA SHES DON GO TSUN CHAD DKON MCHOG GSUM GYI SGRA THOS PA'AM, RTEN MTHONG BA NA DAD CING GUS PA CHER SKYE BA BYUNG, RGYAL SRAS 'DI CHUNG NGU'I DUS NA YAB YUM GNYIS KA 'DAS PAS AA NE MO BKRA SHIS 'BUM BYA BAS BSKYANGS RGYAL SRAS BDAG NYID CHEN PO 'DIS BYIS PA'I DUS SU, AA NE LA, NGA YANG NAS SKYA DPON CHEN GYI LAG RTAGS BLANGS NAS BOD KHAMS BDE LA 'GOD, YANG NA BSTAN PA'I SGOR ZHUGS TE SANGS RGYAS KYI BSTAN PA NYIN MO LTAR BSAL BAR BYED GSUNGS PAS, AA NE NA RE, BTZUN NE BLO PO CHE KHYOD KYIS DE LTAR AE YONG ZHES ZER ZHING, DE NAS BZUNG STE RGYAL SRAS GZHON NU 'DI LA BTZUN NE BLO BO CHE ZHES 'BOD PA BYUNG, DE NAS RGYAL SRAS GZHON NU DE SKYES RABS

MANG POR CHOS LA SBYANGS PA'I BAG CHAGS BRTAS PAS PHYIS PA GZHAN DAG NU ZHO LEN PA DANG 'KHRUL PA'I RTZED MO LA BSLAB MI DGOS PAR NGANG GIS 'JUG PA LTAR, RGYAL SRAS 'DI DAM PA'I CHOS 'TSOL BA LA NGANG GIS 'JUG PA ZHIG BYUNG STE, 'PHAGS CHEN CHOS BZANG DPAL LA SKYABS 'GRO SEMS BSKYED DANG, BSNYEN GNAS KYI SDOM PA DANG, THUGS RJE CHEN PO'I CHOS SKOR MANG DU ZHU BAR MDZAD, DE NAS RGYAL SRAS 'DI'I THUGS LA DAL BA'I RTEN BZANG PO LAN CIG THOB PA'I DUS 'DIR SNGON BYON DAM PA'I RJES SU ZHUGS TE THOS BSAM SGOM GSUM MTHAR PHYIN PA ZHIG MA BYAS NA YID BZHIN GYI NOR BU'I GLING NAS LAG STONG DU LDOG PA LTAR DAL 'BYOR THOB PA DON MED DU 'GYUR ZHING, DE YANG KHYIM DU GNAS PA NI NYES PA DANG NYON MONGS PA DU MA'I 'BYUNG GNAS, SDUG BSNGAL DU MAS GZIR PA'I BTZON RA DANG 'DRA BA 'DI LAS MYUR DU THAR BAR BYAS NAS CHOS RNAM DAG CIG BYA'O SNYAM DU DGONGS NAS NGES 'BYUNG GI BSAM PA SHUGS DRAG POS DGUNG LO BCO BRGYAD BA LA SA BZANG PAn CHEN GYI DRUNG DU DGE TSUL GYI SDOM PA MNOS TE MTSAN GZHON NU BLO GROS SU BTAGS, DE NAS MKHAS PA'I DBANG PO NYA DBON KUN DGA' DPAL BA DANG, LUNG RIGS SMRA PA MKHAN CHEN SANGS RGYAS DPAL PA GNYIS LA GTUGS TE TSAD MA RNAM 'GREL LA SBYANGS PAS DRI MA MED PA'I RIGS PAS RTOG GE'I TSIG DON BRGYAD LEGS PAR RTOGS NAS MKHAS PA'I GRAGS PAS KHYAB PAR MDZAD, DE RJES

, ,SDE BDUN MDO 'GREL DANG BCAS PA LA SBYANGS SHING, MKHYEN RAB DBANG PHYUGS SKYA PAndI TA DANG, 'OD YUG BA RIGS PA'I SENG GE'I LEGS BSHAD RNAMS LA'ANG GZIGS PAS, DPAL LDAN TSES KYI GRAGS PA'I GZHUNG LUGS PHYIN CI MA LOG PAR THUGS SU CHUD DE RNAM 'GREL GYI t'IKKA CHE CHUNG GNYIS SPYI DON DANG BCAS PA'ANG MDZAD, DE NAS BSTAN BCOS MNGON BAR RTOGS PA'I RGYAN 'GREL PA DANG BCAS PA LA LEGS PAR SBYANGS PAS, RING POR MA LON PAR MKHAS PA'I PHUL DU PHYIN PAR GYUR, GZHAN YANG DPAL LDAN BLA MA DAM PA BSOD NAMS RGYAL MTSAN PA SOGS LA'ANG PHAR PHYIN GSAN, KHYAD PAR DU NYI KHRI SNANG BA DANG, BRGYAD STONG 'GREL CHEN 'BRE MAR GYI t'IKKA RNAMS LA'ANG ZHIB TU GZIGS PAS, 'PHAGS SENG GNYIS KYI DGONGS PA JI LTA BA BZHIN DU THUGS SU CHUD DE, PHAR PHYIN GYI t'IKKA DANG, DON BDUN CU LA RNAM BSHAD KYANG MDZAD, DE NAS CHOS THAMS CAD KYI MA MO MNGON PA'I SDE SNOD GSAN PAR DGONGS NAS, LO CHEN BYANG CHUB RTZE MO'I ZHABS LA BSNYEN TE, MNGON PA GONG 'OG TSAR MANG DU GSAN CING, SA SDE LNGA DANG SDOM RNAM PA GNYIS, PR'A K'A RA nA SDE BRGYAD 'GREL BSHAD DANG BCAS PA LA GZIGS SHING, MKHAS PA'I DBANG PO DBANG LO'I LEGS BSHAD RNAMS LA'ANG GZIGS PAS, THOGS MED SKU MCHED KYI BZHED PA JI BZHIN THUGS SU CHUD NAS, MNGON PA GONG 'OG GI t'IKKA BSDUS DO CHA DANG BCAS

BA MDZAD, DE NAS MKHAN CHEN LDOG LONG PA KUN DGA' BZANG PO'I DRUNG DU BYON TE, MKHAN SLOB DGE 'DUN DANG BCAS PA'I DBUS SU BSNYEN PAR RDZOGS TE, MKHAN CHEN PA'I DRUNG DU MDO RTZA PA TSAR GCIG GSAN PAS, MKHAN CHEN BA'I ZHAL NAS, 'DUL BA NGED LAS KHYED MKHAS PAR BYUNG BAR GDA' BAS CHOS BDAG PO LA 'PHROD DO GSUNG, MKHAN CHEN 'DIS BSKUL NAS MDO RTZA'I t'IKKA DANG, LAS CHOG KYANG MDZAD DE PHYIN CHAD NAS DBYAR GNAS DANG GSO SBYONG DGAG DBYE GSUM 'CHAG MED DU MDZAD DO, ,DE NAS DBU MA'I GZHUNG LA SBYONG BAR BZHED DE CHOS RJE BYANG SANG BA'I DRUNG DU DBUM RIGS TSOGS DANG, BZHI BRGYA PA, 'JUG PA SOGS DBU MA'I SKOR RNAMS GSAN TE, DKON MCHOG LA GSOL BA BTAB CING YANG YANG DPYAD PAS, SNGON GYI SMON LAM DANG DKON MCHOG GI BYIN RLABS LA BRTEN NAS KLU SGRUB YAB SRAS KYI DGONGS PA PHYIN CI MA LOG PAR THUGS SU CHUD DE DBU MA RTZA BA SHES RAB DANG, DBU MA LA 'JUG PA DANG, BZHI BRGYA PA GSUM LA t'IKKA MDZAD CING, RTZA SHE'I 'GREL BA TSIG GSAL LA SPYI DON YANG MDZAD DO, ,DE NAS BDAG NYID CHEN PO 'DI DANG 'DI'I RJES SU SLOB PA THAMS CAD KYIS DBU MA LA 'CHAD NYAN MDZAD BAS DBU MA'I SROL LEGS PAR GTOD DE KHO BOS BSTAN PA LA BYA BA BYAS PA YIN ZHES GSUNG NGO, ,DE RJES THEG PA'I YANG RTZE RDO RJE THEG PA LA 'JUG PAR DGONGS NAS, LO CHEN BYANG CHUB RTZE MO'I DRUNG DU GSANG BA 'DUS PA MI SKYOD PA'I DBANG ZHUS TE

, ,GSANG MTSAN MI SKYOD RDO RJER BTAGS, LO CHEN SKYABS MCHOG DPAL BZANG PO'I DRUNG DU RGYUNG KYI BSHAD PA, DPAL LDAN BLA MA DAM PA BSOD NAMS RGYAL MTSAN PA'I DRUNG DU DPAL GSANG BA 'DUS PA'I 'GREL PA SGRON GSAL CHA LAG DANG BCAS PA ZHIB PAR GSAN CING, KYEE RDO RJE'I MAN NGAG LAM 'BRAS BU DANG BCAS PA SOGS SNGAGS KYI ZAB CHOS MANG DU GSAN, SA BZANG PAn CHEN GYI DRUNG DU BDE MCHOG GI DBANG, LO CHEN SKYABS MCHOG PA LA RDO RJE PHRENG BA, 'JAM RDOR, 'JIG RTEN DBANG PHYUG, SA SKYA PA'I RDO RJE GZHON NU, RIM LNGA MDOR BYAS, SPYOD BSDUS SGRON MA SOGS GSAN CING, SA SKYA PA DANG, BU STON RIN PO CHE LA SOGS PA'I YIG CHA RNAMS LA'ANG YANG DAG PAR GZIGS TE, DPAL GSANG BA 'DUS PA'I RGYUD 'GREL CHA LAG DANG BCAS PA THUGS SU CHUD NAS, RTZA RGYUD LA t'IKKA, MNGON RTOGS, BDAG 'JUG MCHOD PHRENG, RIM LNGA'I BSDUS DON SOGS MDZAD CING, GZHAN YANG RGYUD BLA MA, BSHES SPRING, LUNG KUN LAS BTUS PA RNAMS LA t'IKKA'ANG MDZAD DO, ,RGYAL BA'I SRAS PO THOGS MED BZANG PO DPAL GYI DRUNG DU SMON 'JUG GNYIS KYI SEMS BSKYED, BLO SBYONG LA SOGS PA'I CHOS SKOR MANG DU ZHU BAR MDZAD DO, ,RGYAL SRAS BDAG NYID CHEN PO 'DI NI DAM PA'I CHOS 'TSOL BA LA NGOMS PA MED PAS MDO SNGAGS KYI CHOS 'TSOL PHYIR BSHES GNYEN JI TZAM BSTEN PA NI, NYID KYI ZHAL NAS, SKYA DGU'I GTZUG

RGYAN CHOS RJE BSOD RGYAL DANG, ,RGYAL BA'I SRAS PO THOGS MED BZANG PO DPAL, ,MA TI PAn CHEN PAn CHEN BYANG RTZE DANG, ,MKHAS BA'I DBANG PO NYA DPON KUN DGA' SOGS, ,BKA' DRIN MNOS PA'I BLA MA BCU PHRAG GNYIS, , YUN RING 'BAD DE GUS PAS GTZUG GIS BSTEN, ,ZHES GSUNGS TE, MDOR NA BDAG NYID CHEN PO 'DIS BSHES GNYEN DU MA LA BRTEN TE MDO SNGAGS MA LUS PA'I TSIG DON LA MKHAS PAR MDZAD DE SKAL BA DANG LDAN PA RNAMS LA CHOS KYI 'KHOR LO'ANG RGYA CHEN PO BSKOR NAS SANGS RGYAS KYI BSTAN PA RIN PO CHE 'DZIN SKYONG SPEL BAR MDZAD DO, ,MKHAS PA CHEN PO 'DIS DBUS PHYOGS SU BYON NAS RJE BTZUN TZONG KHA PA CHEN PO DANG ZHAL 'DZOM STE GNAM RTZENG LDENG DANG; BYANG RA SGRENG DANG, SKYID SHOD KYI SA'I CHA MANG PO DANG, GTZANG STAG TSANG RDZONG KHA SOGS SU YAB SRAS GNYIS ZHAL 'DZOM STE CHOS KYI 'KHOR LO RGYA CHER BSKOR NAS RGYAL BA'I BSTAN PA GZHI NAS GSO BAR MDZAD PA'I TSUL ZHIB PAR NI RJE RIN PO CHE'I RNAM THAR DU GSAL BA LTAR RO, ,DE NAS RJE BTZUN RED MDA' PA CHEN PO 'DIS SNGON BYON DAM PA'I RNAM THAR LTAR MANG DU THOS PA'I DON SGRUB PA SNYING BOR MDZAD BZHED NAS RNYED BKUR SNYAN GRAGS 'KHOR LONGS SPYOD THAMS CAD MCHIL MA'I THAL BA BZHIN DU DOR TE NYID KYI RJES SU SLOB PA TSE BLOS BTANG ZHING NGES 'BYUNG GI BSAM PA SHUGS DRAG POS RGYUD BSKUL TE THEG PA MCHOG GI LAM LA SGRUB PA SNYING POR BYA 'DOD PA 'GA' ZHIG DANG

, ,BCAS GANGS BU LE DKAR PO'I G-YAS MGUL G-YU LUNG RDO RJE LJONGS SU LO LNGA'I BAR DU SKU MTSAMS LA BZHUGS TE MDO SNGAGS KYI LAM YONGS SU RDZOGS PA LA SGRUB PA RTZE GCIG TU MDZAD PAS LAM THUN MONG BA DANG THUN MONG MIN PA SNGAGS KYI LAM RIM GNYIS LA MYONG BA PHUL PHYIN THON TE LHAG PA'I LHA MANG PO'I ZHAL GZIGS PA DANG, TING NGE 'DZIN GYI SGO MANG PO 'KHRUNGS PA DANG, RANG DANG GZHAN GYI TSE RABS BRGYA STONG DRAN PA DANG; SANGS RGYAS KYI ZHING MANG POR BGROD NUS PA SOGS RGYAL BAS BSNGAGS PA'I RTOGS PA MCHOG THOB PAR GYUR TO, ,DE LTA NA'ANG PHYI RABS KYI GDUL BYA RNAMS LA BSLAB PA'I PHYIR DBEN PA 'BA' ZHIG LA THUGS DGYES PA'I TSUL MDZAD DE SGRUB PA RTZE GCIG TU MDZAD BZHED PA'I GSUNG 'DI LTAR BYON TE, GANG ZHIG LEGS GSUNGS DAM CHOS 'DUL BA LA, ,RAB TU BYUNG NAS LEGS PAR MI SDOM ZHING, ,THUB PA'I BKA' LUNG TSUL MIN 'DA' BYED PA'I; ;DGE SBYONG DE DAG 'JIG RTEN CHO MA RKUN YIN, ,'KHYOG POR SMRA LA GZHAN DAG BRLINGS POR SEMS, ,NGAG MI BTZUN PA DGE SBYONG TSUL MIN PAS, ,GYA GYU'I SEMS DANG DE YI TSUL SPANGS TE, ,GSONG POR SMRA LA KHO BO RTAG TU BRTEN, ,'DZEM MAD SMRA LA GZHAN DAG SMOBS PAR SEMS, ,NGAG MI SDOM PA DGE SBYONG TSUL MIN PAS, ,MU COR SMRA BA SMYON PA'I TSUL SPANGS TE, ,ZHI BA'I TSUL LA KHO BO RTAG TU BRTEN, ,PHYI TSUL 'CHOS PA

GZHAN DAG BTZUN POR SEMS, ,G-YO RGYU'I SPYOD BA DGE SBYONG TSUL MIN PAS, ,PHA ROL 'DRID BYED YON PO'I TSUL SPANGS TE, ,DES PA'I TSUL LA KHO BO RTAG TU BRTEN, ,RANG DGA'I SPYOD PA GZHAN DAG DRANG POR SEMS, ,DBANG PO MI SDOM DGE SBYONG TSUL MIN PAS, ,BAG DANG MI LDAN HRAL PO'I TSUL SPANGS TE, ,BAG YOD TSUL LA KHO BO RTAG TU BRTEN, ,BYA BYED MANG BA GZHAN DAG GRUNG POR SEMS, ,RNAM G-YENG 'DONG PA DGE SBYONG TSUL MIN PAS, ,'DU 'DZI BSREL BA KHYIM PA'I TSUL SPANGS TE, ,DON NYUNG TSUL LA KHO BO RTAG TU BRTEN, ,LONGS SPYOD 'BYOR PA GZHAN DAG DPAL DU SEMS, ,'DOD ZHEN CHE BA DGE SBYONG TSUL MIN PAS, ,ZANG ZING DANG BCAS GRONG PA'I TSUL SPANGS TE; ;CHOG SHES TSUL LA KHO BO RTAG TU BRTEN, ,GRONG 'DAB 'GRIM PA GZHAN DAG GDUL BYAR SEMS, ,RNYED BKUR SGRUB PA DGE SBYONG TSUL MIN PAS, ,KHA SPOGS 'DOD PA TSONG PA'I TSUL SPANGS TE, ,BAS MTHA'I GNAS LA KHO BO RTAG TU BRTEN, ,ZHES DANG, DBEN PAR BYON TE SGRUB PA RTZE GCIG TU MDZAD PA'I DAM BCA' MDZAD PA NI, GANG GI ZHABS ZUNG PADMO'I GE SAR RDUL, ,TSANGS DANG LHA DBANG KHYAB 'JUG LA SOGS PA, ,'JIG RTEN DREGS LDAN GTZUG GIS GUS BSTEN PA'I, ,SPYAN RAS GZIGS MGON DE LA PHYAG 'TSAL LO, ,MANG DU THOS KYANG TSUL BZHIN BSGRUB LA G-YEL, ,KHRIMS BRGYA NOD KYANG NYES LTUNG DRI MA CAN, ,DGE SBYONG BDAG GI G-YAR DAM 'DI

, ,RNAMS LA, ,MKHYEN LDAN THUGS RJE'I LHA KHYOD YUD TZAM DGONGS, ,GANG DU GNAS NA SNANG SHAS 'PHEL 'GYUR ZHING, ,RANG RGYUD RNYED BKUR ZHAGS PAS 'CHING BYED LA, ,GZHAN RGYUD PHRAG DOG 'GRAN SEMS KYIS GDUNGS PA'I, ,GNAS DER SKAD CIG TZAM YANG MI GNAS SO, ,DENG NAS BZUNG STE JI SRID 'TSO BAR DU, ,GANGS DANG RI SUL NAGS KYI KHROD RNAMS SU, ,BSE RU LTA BUR RTAG TU GNAS BYED CING, , GRONG DANG 'KHOR MANG DBUS SU GNAS MI BGYI, ,CHOS BRGYAD RKYEN GYIS NAM YANG MI G-YO BA'I, ,SEMS LA JI SRID BRTAN PA MA THOB BAR, ,GCIG PU RANG RGYUD 'DUL BA MA GTOGS PA, ,GZHAN DON THABS KYIS RANG DON NYAMS MI BGYI, ,CHOS GOS GSUM DANG LHUNG BZED LA SOGS PA, ,RANG NYID 'CHO BA'I YO BYAD MA GTOGS PA, ,GSER DANG DBYIG SOGS LHAG PA'I YO BYAD NI, ,RANG GI DON DU TIL TZAM MI BCANG NGO, ,GZHAN GYI NYES PA NAM YANG MI GLENG ZHING, ,DON DANG LDAN ZHING CHOS MTHUN MA GTOGS PA, ,DMAG DANG CHOM RKUN RGYAL PO'I GTAM LA SOGS, ,'KHRUL PA'I BKA' MCHID NAM YANG MI BGYID DO, ,CHOS KYI DON DU DKA' SPYAD SRAN BZOD CING, ,'JIG RTEN BLOS BTANG RNAM GROL DON DU GNYER, ,'DOD CHUNG CHOG SHES RANG DANG RJES MTHUN PA'I, ,RJES 'BRANG 'KHOR NI BZHI BAS LHAG MI BSTEN, ,GAL TE BDAG GI G-YAR DAM 'DI RNAMS

DANG, ,'GAL BAR BGYIS NA RGYAL BA SRAS BCAS DANG, ,THUGS RJE'I MNGA' BDAG SPYAN RAS GZIGS MGON GYIS, ,KHYI PHAG LUG BOD RNAMS DANG BDAG SNYOMS SHIG ,CES RGYAL BA SRAS BCAS DBANG DU BZHAG STE DAM BCA' MDZAD, DBEN PA'I YON TAN BSAM NAS RANG GIS RANG LA BSKUL BA NI, KHO BO DBEN PA BSTEN PA'I RGYU MTSAN YANG 'KHOR DANG GROGS KYIS YID SUN BYUNG BA'AM, RNYED BKUR DANG GRAGS PA 'DOD PAS MA YIN GYI GZHAN DU NA, 'KHOR BA'I SDUG BSNGAL ME 'OBS LTAR SHIN TU BRANG DKA' BAR MTHONG BA'I PHYIR DANG, BCOM LDAN 'DAS KYIS RNAM GRANGS DU MAR BSNGAGS PA'I DBEN PA'I GNAS PAD MA'I TSAL BAS KYANG SHIN TU YID DU 'ONG BAR MTHONG BA'I PHYIR RO, , DE YANG 'DI LTAR, GANG LA NYES PA RDUL TZAM MI MNGA' ZHING, ,RMAD BYUNG YON TAN DPAL GYIS RAB BRJID PAS, ,SNYAN PA'I BA DAN 'JIG RTEN GSUM NA G-YO, ,THUB DBANG LHA YI LHA LA PHYAG 'TSAL LO, ,KA YE NYON CIG SHES LDAN GROGS PO DAG ,BSTAN PA'I NYIN BYED NUB RI'I RTZE LA SON, ,LUS SROG G-YO BA 'BAB CHU'I RGYUN DAD MTSUNGS, ,THAR 'DOD RNAMS KYIS BAG YOD BSTEN BAR RIGS, ,RIN CHEN BDUN LDAN GLING CHEN BZHI LA DBANG, ,DPAG MED CHER GNAS DGE BCU'I DPAL LA SPYOD, ,PHUN TSOGS MNGON MTHO'I BDE LA ROL BYED PA'I, ,'KHOR LOS BSGYUR RGYAL DPAL DE'ANG CHU SHING 'DRA, ,LHUN PO'I SPO LA YUN RING GNAS BCAS TE, ,YONGS 'DU'I TSAL DU DGA' BDE'I

, ,DANG LA GYIS ROL, ,'CHI MED NYE DBANG TSOGS KYIS GUS BTUD PA'I, ,'PHROG BYED MIG STONG LDAN DE'ANG SRID PA'I BRAN, ,LUS SEMS ZUG RDU'I GDUNG BA RANG DU SPANGS, ,TING 'DZIN BDE BAS BSKAL MANG 'DA' BYED PA'I, ,'JIG RTEN MES PO GSER GYI MNGAL LDAN YANG, ,'CHI MED GO 'PHANG LAS RING GYI NAR 'KHOR, ,GANG GIS REG NA RAB BRTAN LHUN PO YANG, ,SKAD CIG TZAM GYIS BRAL BAR RLOG BYED PA'I, ,ME LCE'I PHRENG BA LUS LA RAB 'BAR BA, ,DMYAL BA'I ZUG RDU SU YIS BRANG PAR NUS, ,BLTAS PA TZAM GYIS KLUNG CHEN RGYUN SKEMS SHING, ,LJON SHING 'BRAS BU MED PAR BYED PA YI, ,TA LA YA TOG SKAM LTA'I YI DVAGS GZUGS, , GANG ZHIG MTHONG NA 'JIGS RUNG SKYI YANG G-YA', ,BLANG DOR RMONGS PA'I GTI MUG SMAG RUM 'THIB, ,GCIG LA GCIG ZA RDO RJE'I ME STAG DANG, ,BGOL BTZEG CHAR RGYUN LUS LA RTAG 'BAB PA'I, ,RNAM MANG DUD 'GRO'I GDUNG BA SU YIS BZOD, ,SRID PA'I PHUN TSOGS DE LTAR MNOG CHUNG ZHING, ,RAB MANG NYES PA'I TSOGS DANG LDAN RIG NAS, ,RANG GZHAN SRID PA'I MTSO LAS BSGRAL BYA'I PHYIR, ,MANG THOS BDAG NI DBEN PA'I NAGS SU 'GRO ,CHAR SDOD BYE'US 'BRUG SGRA THOS PA LTAR, ,DBEN PA'I GTAM 'DI KHO BO'I SNYING LA 'BAB, ,THOS PA'I DON RNAMS DON YOD BYA BA'I PHYIR, ,GZHON NU BLO GROS DBEN PA'I NAGS SU 'GRO ,NGANG PA'I TSOGS KYIS PADMA'I MTSO

MTHONG LTAR, ,BAS MTHA'I GNAS LA KHO BO SEMS RAB G-YO, ,DAL 'BYOR LUS LA SNYING BO BLANG BA'I PHYIR, ,GZHON NU BLO GROS DBEN PA'I NAGS SU 'GRO ,BUNG BA GZHON NUS 'DAB BRGYA'I TSAL MTHONG LTAR, ,KHO BO'I YID NI DBEN BA'I RO LA CHAGS, ,TENG 'DZIN BDUD RTZI'I RO DE MYANG BYA'I PHYIR, ,GZHON NU BLO GROS DBEN PA'I NAGS SU 'GRO ,DBYID DUS BSAL BA'I MA LA YA RLUNG LTAR, ,NAGS KYI SMAN LJONGS KHO BO'I YID LA 'BAB, ,NYON MONGS BDUD KYI SDE DE GZHOM BYA'I PHYIR, ,GZHON NU BLO GROS DBEN PA'I NAGS SU 'GRO ,ZHES DANG, 'JIG RTEN 'DREN PA LHA MI'I STON PA YIS, ,'DOD LA ZHEN PA PHUNG KROL RTZA BAR BSTAN, ,'DOD PA'I YON TAN SDUG BSNGAL BSKYENG PA STE, NAD DANG 'BRAS DANG ZUG RDU'I RTZA BA YIN, ,JI LTAR MDZE CAN G-YAN PA PHRUGS PA DANG, ,TSA BA'I NAD CAN BSIL BA'I CHU DANG NI, ,SKOM PAS NYEN PA LAN TSVA'I CHU 'THUNGS BZHIN, ,'DOD PA BSTEN PAS NAM YANG NGOMS MI 'GYUR DUG DANG BCAS PA'I KHA ZAS G-YOS LEGS DANG, ,SBU GRI'I SO LA CHAGS PA'I SPRANG RTZI DANG, ,SHING RTA 'DREN PA'I PHYUGS KYIS RTZVA ZOS BZHIN, ,'DOD PA'I YON TAN GNOG CHUNG NYES PA MANG, ,GLANG CHEN DRI LA CHAGS PA'I SBRANG BU DANG, ,RNGON PA'I GLU DBYANGS NYAN PA'I RI DVAGS DANG, ,LCAGS KYU'I SHA LA CHAGS PA'I NYA BZHIN DU, ,'DOD LA RKAM PA'I BYIS BA MYUR DU BRLAG ,CES SOGS GSUNGS NAS, DBEN PA'I GNAS SU SGRUB PA SNYING POR MDZAD

, ,PHYIR BLA BOD KYI SA'I MTSAMS MANG YUL SKYID GRONG GI NAGS KHROD DU PHEBS TE, DRANG SRONG MNGON BAR DGA' BA'I BSTI GNAS ME TOG MDANGS CAN DU RGYAL BA'I SRAS PO THOS PA DGA'I RNAM THAR BSKYANGS TE SGRUB PA LA RTZE GCIG TU BZHUGS SO, ,DE'I TSE BDAG NYID CHEN PO 'DI'I RJES SU 'BRANGS NAS DBEN PA'I GNAS SU SGRUB PA RTZE GCIG TU BYA 'DOD PA'I SDE SNOD 'DZIN PA MANG PO'ANG PHYOGS DER LHAGS TE DUS DUS SU RJE BTZUN RED MDA' PA CHEN PO 'DI LA CHOS STON PAR GSOL BA BTAB NAS CHOS KYI BDUD RTZI ZHU ZHING, RGYUN DU NAGS KHROD DBEN PA SO SOR SGRUB PA LA BZHUGS TE 'GA' ZHIG NI GCIG PU DANG, LA LA NI BZHI SDE DANG, LA LA NI BRGYAD DANG; LA LA NI NYI SHU SOGS SPONG BA PA SDE SDER GNAS NAS SGRUB PA MDZAD DE ME TOG MDANGS CAN GYI G-YAS G-YON GYI RI NGOS RNAMS DANG, MA nI LA KHA, BRAG KHA, PHUG PO CHE, CHOS SDINGS, LHA LNGA PHUG ,LA LDEBS CHOS RDZONG, RKYANG PHAN NAM MKHA' RDZONG, KLONG RTZE BSAM GTAN GLING, DGUN PHU DGON GSAR, RTZVA'I RKANG TSUGS PHUG SOGS SU BSLAB GSUM LDAN PA'I DGE SLONG SPONG BA BA MANG PO GNAS TE SNGON SANGS RGYAS ZHAL BZHUGS PA'I DUS DANG, SGRUB PA'I DUS KYI BSTAN PA LTAR LAM CHA TSAD LA SGRUB PA MDZAD PAS PHYOGS DE GANG STE DKAR PHYOGS KYI LHA RNAMS DGA' ZHING MGU NAS SHIS PA BRJOD PA ZHIG BYUNG NGO, ,DE DUS RJE BTZUN TZONG

KHAB CHEN POS KYANG RJE RED MDA' PA CHEN PO'I DRUNG DU SGRUB PA MDZAD PA RNAMS LA BSNGAGS PA CHE BAR MDZAD DO, ,GRUB THOB THANG STENG RGYAL POS KYANG RJE BTZUN RED MDA' PA CHEN PO'I SNYAN PA GSAN NAS ME TOG MDANGS CAN DU MJAL BAR PHEBS TE CHOS GSAN PAS THOG MAR THUGS CHOS LA 'GYUR BA'I RKYEN BYAS PAR GRAGS SO, ,BDAG NYID CHEN PO 'DIS RGYAL BA'I DGONGS PA SHING RTA CHEN PO RNAM GNYIS KYIS JI LTAR BKRAL BA'I DON LTAR DANG POR DRI MA MED PA'I RIGS PAS GSUNG RAB KYI DGONGS DON RNYED PAR MDZAD PA NI, NYID KYI ZHAL NAS, STON PA 'DAS NAS BZHI BRGYA'I LO 'DAS TSE, ,BE TA'I YUL DU LI TZA BYI GZHON NU, ,KLU SGRUB CES BYA'I DGE SLONG DU GYUR NAS, ,THUB BSTAN RGYAS PAR MDO SDE'I CHOGS LAS GSUNGS, ,KLU YI YUL SOGS 'JIG RTEN GZHAN DAG NAS, ,ZAB CING RGYA CHE'I MDO SDE RNAM MANG BLANGS, ,RTAG CHAD MTHAR LTA'I MUN PA STUG PO BCOM, ,MTHA' BRAL DBU MA'I SGRON ME DE YIS SBAR, ,DE 'OG THUB PAS LUNG BSTAN THOGS MED KYIS, ,MI PHAM MGON LA BKA' DRIN RJES THOB NAS, ,RNAM RIG SMRA BA'I GRUB MTHA' GSAL BYAS ZHES, ,RGYA BOD SHING RTA CHEN PO RNAMS LA GRAGS, ,'DI DAG THEG CHEN SHING RTA'I SROL 'BYED DE,, THEG CHEN MDO DANG RGYUD SDE'I DGONGS PA RNAMS, ,GNYIS PO 'DI YI LUGS DANG MI MTHUN PA, ,GANG GIS BKRAL DE LOG PA'I LAM DU SHES, ,THUB PA'I BSTAN PA NYID KYI DGONGS PA BZHIN, ,'KHRUL MED SMRA BA 'PHAGS PA KLU

, ,SGRUB YIN, ,KLU SGRUB DANG NI THOGS MED GNYIS, ,KHYOD BSTAN 'DZIN PAR KHYOD KYIS GSUNGS, ,DE DAG GZHUNG GI RJES 'BRANGS NAS, ,BDAG GIS KHYOD KYI DGONGS PA BTZAL, ,ZHES GSUNGS SO, ,KHYAD PAR BDAG NYID CHEN PO 'DIS RGYAL PA'I GSUNG RAB KYI DGONGS PA DPAL MGON 'PHAGS PA KLU SGRUB KYIS LEGS PAR BKRAL BA'I DKA' GNAS MTHAR THUG PA ZAB MO RTEN CING 'BREL PAR 'BYUNG BA RTAG CHAD KYI MTHA' DANG BRAL BA'I DBU MA'I LAM BZANG 'PHAGS PA KLU SGRUB KYI DGONGS PA DPAL LDAN ZLA BA GRAGS PAS BKRAL BA JI BZHIN THUGS SU CHUD DE ZAB MO DBU MA'I LAM LA GZHAN DRING MI 'JOG PA'I NGES PA BRTAN PO RNYED CING PHYIR MI LDOG PA'I GDENG THOB NAS GANGS RI'I KHROD 'DIR DBU MA'I LAM SROL GSAL BAR STON PAR MDZAD PA NI, NYID KYI ZHAL NAS, RGYA GAR BAL PO BOD KYI YUL RNAMS SU, ,MDO DON SMRA BA'I MKHAS PA MANG BYON YANG, ,PHAL CHER RTOG PAS SBYAR BA'I DON TZAM LA, ,MKHAS PAR ZAD KYI DE NYID DON LA MIN, ,THUB PA'I BSTAN LA NYID KYI DGONGS PA BZHIN, ,'KHRUL MED SMRA BA 'PHAGS BA KLU SGRUB YIN, ,DE YI BZHED GZHUNG RAB DKAR KUN DA'I TSAL, ,JI BZHIN 'BYED PA DPAL LDAN ZLA BA YIN, ,SLOB DPON DE DAG DGONGS PA 'DI YIN ZHES, ,MKHAS RLOMS MANG YANG SU LA CI CHA YOD, ,RNAM BKRA CHEN GYI RI MO GSAL

PA YI; ,RNAM DBYED MUS LONG DAG LA YOD DAM CI, ,LONG BAS RIN CHEN GTER KHA PHYED PA LTAR, ,RNAM DAG 'PHAGS PA'I MIG DANG MI LDAN YANG, ,RGYAL DANG RGYAL BA'I SRAS KYI BYIN RLABS LAS, ,RTEN 'GYUNG ZAB MO'I LAM DE KHO BOS RNYED, ,'DAS DANG MA BYON DA LTAR BZHUGS PA YI, ,RGYAL BA SRAS BCAS DGYES PA'I LAM 'DI YIN, ,'DI LAS GZHAN DU THAR PA'I LAM YOD CES, ,SMRA BA DE DAG BDAG GIS GYI NAR RTOGS, ,PHYOGS BCUR BZHUGS PA'I RGYAL DANG DE SRAS RNAMS, ,MNGON SUM BYON NAS DBYANGS DANG MGRIN GCIG GIS, ,'DI LAS GZHAN DU THAR PA'I LAM STON KYANG, ,BDAG BLO G-YO BA MED DO GROGS PO DAG ,DE PHYIR GANG ZHIG NYAM NGA'I LAM SPANGS NAS, ,BDE GSHEGS DGYES PA'I LAM LA 'JUG 'DOD NA, ,DKA' DANG 'BAD PA BRGYA PHRAG DAG GIS KYANG, ,KLU SGRUB LUGS BZANG 'DI LA 'JUG PAR RIGS, ,'DI MA RTOGS NA GZHUNG LUGS MANG BSLABS KYANG; ;BDE GSHEGS DGONGS PA RTOGS PA'I THABS GZHAN MED, ,PHAL CHER RTOG PA'I DRA BA SPEL BA'I PHYIR, ,BLO GROS NGAL BA TZAM ZHIG THOB PAR ZAD, ,DE PHYIR RANG NYID DRAN PA GSO PHYIR DANG, ,SKAL BZANG GZHAN LA PHAN BAR BYA PHYIR DANG, ,THUB PA'I BSTAN PA YUN RING GNAS BYA'I PHYIR, ,DUS GSUM RGYAL BA'I LAM 'DI BDAG GIS BSHAD, ,CES DANG, 'DI NA BLO NGAN RNAMS KYI NYES BSHAD KYIS, ,THUB BSTAN DRI MAR BYAS PA MA BZOD NAS, ,

, ,RIGS DANG MI RIGS CUNG ZAD PHYI NA YANG, ,DENG SANG 'DI NA BDAG LA GSHE BA MANG, ,'JIG RTEN SKYE BO MA MNYES GYUR KYANG BLA'I, ,DAM PAS KHREL NA GSON PO SROG SONG YIN, ,DE PHYIR BDAG LA BSTAN PA DANG 'GAL BA'I, ,LTA SPYOD YOD NA DAM PA RNAMS KYIS SMOD, ,KHO BOS SANGS RGYAS BSTAN LA RAB BYUNG NAS, ,RIGS DANG MI RIGS 'BYED SHES TSUN CHAD DU, ,LUS NGAG YID KYI SPYED PA CI BYAD KYANG, ,RAB TU BSGRIMS NAS THUB PA'I GSUNG BZHIN BSGRUBS, ,THOG MED GOMS BA'I NYON MONGS SHUGS DRAG PAS, ,GAL TE MI RIGS CUNG ZAD BYAS NA YANG, ,DE YI MOD LA DUG ZAS DRAN PA BZHIN, , 'GYOD SEMS LDAN PAS SLAR YANG CHOS BZHIN BYAS, ,GNAS LUGS 'BYED PA'I 'OD STONG LDAN PA YI, ,THUB BSTAN NYI MA'I DKYIL 'KHOR MTHONG BAS NA, ,BLO NGAN MUN PA'I KHROD NA 'OD 'BYIN PA'I, ,GZHAN GZHUNG ME KHYER TSOGS LA BDAG MI GUS, ,GSUNG RAB RIN CHEN GLING LA DBANG BSGYUR PA'I, ,KLU SGRUB KLU DBANG LEGS BSHAD GDENGS KA'I NOR, ,DGOS 'DOD KUN 'BYUNG 'DOD DGUR SPYOD PAS NA, ,NYES BSHAD MCHING BU'I TSOGS KYIS BDAG MI MGU ,MTHA' GNYIS SPANGS PA'I CHU GTER LA GNAS TE, ,GDENGS CAN DBANG PO KLU SGRUB RING LUGS 'DZIN, ,KHO BO'I LTA ZER 'BAR BA'I GZI BRJID LA, ,PHAS RGOL 'DAB

BZANG STONG GIS 'GOM MI NUS, ,ZHES GSUNGS BA LTAR RO, ,BDAG NYID CHEN PO 'DIS PHYI RABS KYI GDUL BYA RNAMS LA THUGS BRTZE BAS 'PHAGS PA KLU SGRUB KYI DGONGS PA ZAB MO DBU MA'I LTA BA RTOGS PA'I TSAD BSTAN PA NI, RGYU 'BRAS BSLU BA MED PA'I YID CHES DANG, ,RTEN 'BREL STONG PAR RTOGS PA'I SHES RAB GNYIS, ,'BRAL MED ZUNG DU CHUD PAR NAM GYUR PA, ,DA TSE MTHA' BREL DBU MA'I LAM LA ZHUGS, ,JI LTAR SNANG ZHING GRAGS PA'I DNGOS 'DI LA, ,RANG GZHAN GRUB MTHAS BTAGS PA'I KUN BRTAGS DANG, ,LHAN SKYES YID KYI DNGOS 'DZIN MUN PA RNAMS, ,RNAM DAG LUNG RIGS ZER GYIS RAB BSAL TE, ,SNANG DUS NYID NA STONG PAR RTOGS PA DANG, ,STONG BAR RTOGS TSE SNANG BA MI 'GOG BA'I, ,ZUG 'JUG TSUL LA NGES PA NAM SKYES NA, ,DE TSE RGYAL BA'I DGONGS PA RTOGS PA YIN, ,ZHES GSUNGS, BDAG NYID CHEN PO 'DIS DE LTAR RGYAL BA'I DGONGS PA BTZAL BAS NGES PA RNYED NAS SGRUB PA MTHAR PHYIN PAR MDZAD PA RGYAL BA SRAS DANG BCAS PAS BSNGAGS PA'I 'OS SU GYUR PA NI, RJE RIN PO CHES RJE BTZUN NGED MDA' PA LA BSTOD PA MDZAD PA LAS, 'JIG RTEN 'DREN PA'I DGONGS PA BZHIN, ,DGONGS SHING DE BZHIN 'DOMS PA DANG, ,'DOMS PA BZHIN DU LEGS SGRUB PA, ,'DI NI KHYOD KYI YON TAN LAGS, ,GZHAN DU TSUL 'DI MA MTHONG BAS, ,GSHONG PU DMA' BAR CHU RGYUN BZHIN, ,DUS KUN TU NI BDAG

, ,GI YID, ,KHYOD NYID LA NI RJES SU SONG, ,ZHES GSUNGS BA LTAR RO, ,BDAG NYID CHEN PO 'DIS SHING RTA CHAN PO'I DGONGS DON JI BZHIN RNYED NAS DRI MA MED PA'I LAM SROL GANGS RI'I KHROD DU GSAL BAR MDZAD PA NI, THUB PA'I DGONGS PA 'TSOL BA'I SGO GCIG PU, ,LUNG DON TSUL BZHIN DPYOD PA'I RIGS PA YI, ,DO SHAL MCHOG 'DIS KHYOD KYI MGRIN PA NYID, ,YONGS SU BZUNG NAS GZHAN DU 'GRO MI BYED, ,LUNG TZAM SKYABS SU GYUR PA'I SKYE BO 'DIS, ,RANG GI KHAS 'CHE TZAM LA RIGS LA ZHES, ,RNAM PAR ZHEN NAS THUB PA'I LUGS 'DZIN PA, ,MTHONG BAR GYUR TSE LHAG PAR KHYOD NYID DRAN, ,ZHES GSUNGS PA LTAR RO, ,BDAG NYID CHEN PO 'DIS BSTAN PA'I NANG MDZOD 'DUL BA LUNG SNGA BZHI'I DON SLOB DPON YON TAN 'OD KYIS BKRAL BA LTAR THUB PA'I BCAS MTSAMS MTHA' DAG THUGS SU CHUD NAS PHYAG LEN LA BTAB STE BSTAN PA'I BYA PA MDZAD PA NI, LEGS TSOGS JI SNYED MCHIS PA SKYE BA DANG, ,GNAS DANG 'PHEL BA GANG LA RAG LUS PAR, ,RGYAL BAS LAN CIG MIN PAR BSNGAGS PA YI, ,TSUL KHRIMS 'PHAGS PA'I NOR DU GZIGS NAS NI, ,NYER SPAS ZLA BA'I NOR BU YON TAN 'OD, ,THAMS CAD YOD SMRA'I MKHAS PA'I DGONGS PA BZHIN, ,'DUL BA 'BUM SDE'I DGAG SGRUB GNANG GSUM GYI, ,BSLAB PA'I GNAS LA MKHAS SHING 'DA' MI BYED, ,CES GSUNGS PA LTAR RO, ,BDAG NYID CHEN PO 'DIS GSUNG RAB KYI DON LA LTA BA'I MIG GCIG BU

TSAD MA SDE BDUN MDO DANG BCAS PA'I DGONGS BA'I DON GTING BYIN PAR RNYED NAS GANGS RI'I KHROD 'DIR RIGS BA'I LAM SROL GSAL BAR MDZAD PA NI, THUB PA'I GSUNG LAS RNAM PA GZHAN NYID DU, ,DNGOS PO'I DE NYID BSTAN PAR 'DOD PA YI, ,SER SKYA RKANG MIG SOGS KYIS BSTAN PA'I LAM, ,CHU SHING BZHIN TE TSIG TZAM SNYING PO RU, ,LEGS PAR MTHONG ZHING BDE BAR GSHEGS PA'I LUGS, ,DON BZANG TSIG 'BRU BZANG ZHING MA 'DRES RDZOGS, ,THOG MTHA' BAR DU DGE BA RO GCIG BAR, ,YID CHES GTING NAS RNYED PA'I THABS KYI MCHOG, RIGS TSUL BRGYA PHRAG DU MA'I RO LDAN PAS, ,BLO CHEN LDAN RNAMS DGA' BA RGYAS BYED BA, ,RNAM 'GREL MDZAD PA'I THUN MONG MIN PA'I LUGS, ,YONGS SU RDZOGS BAR SMRA BA'ANG KHYOD DU BAS, ,ZHES GSUNGS PA LTAR RO, ,BDAG NYID CHEN PO 'DIS SHING RTA CHEN PO GNYIS KA'I BZHED GZHUNG MTHA' DAG THUGS SU CHUD NAS RGYAL BSTAN YONGS RDZOGS LA NGES PA BSKYED PAR MDZAD PA NI, ,STOBS BCU MNGA' BA THUB PA'I RING LUGS PA, ,TSUL GNYIS SHING RTA'I SROL 'BYED 'DZAM GLING RGYAN, ,GANG GIS BDE BAR GSHEGS PA'I GDUNG 'TSOB PA, ,KLU SGRUB THOGS MED GNYIS KYI BZHED PA'I GZHUNG, ,JI BZHIN GSAL BAR GZIGS NAS BRTZE BA YIS, ,SKYON BRAL GSUNG GIS GZHAN LA LEGS 'DOGS DES, ,BSTAN PA'I GNAD LA NGES PA STER BA 'DI, ,KHYOD KYI RJES SU BSTAN PAS GZHAN SU ZHIG, CES GSUNGS PA LTAR RO, ,BDAG NYID CHEN PO 'DIS MDO

, ,PHYOGS LA BSTAN PA'I BYA BA RGYA CHEN PO MDZAD PAR MA ZAD GSANG CHEN RDO RJE THEG PA'I SNYING PO'I YANG SNYING PO GSUNG RAB KUN GYI RAB DANG PHUL DU GYUR PA DPAL GSANG BA 'DUS PA'I RTZA RGYUD 'GREL PA SGRON GSAL, GYI STENG NAS MTHA' DRUG DANG TSUL BZHI'I RGYA BKROL TE ZAB LAM RIM PA GNYIS KYI MAN NGAG RNAMS GSAL BAR MDZAD PA NI, THUB PA CHEN POS CHOS KYI RNAM GRANGS NI, ,JI SNYED GSUNGS PA KUN GYI RTZER GYUR PA, ,RGYUD SDE'I MTHAR THUG DPAL LDAN 'DUS PA YI, ,MTHA' DRUG TSUL BZHI'I RGYAS BTAB RDO RJE'I CHIG, JI BZHIN LEGS PAR PHYED NAS RIM GNYIS KYI, ,TING 'DZIN MCHOG GI BDE LA ROL BAS NA, ,RDO RJE 'DZIN PA ZHES PA'I SGRA DE YANG, ,MGON PO KHYOD LA DON DANG BCAS PAR GYUR,, CES GSUNGS PA LTAR RO, ,MDOR NA BDAG NYID CHEN PO 'DI NI GANGS RI'I KHROD 'DIR MDO SNGAGS GNYIS KA'I BSTAN PA YONGS SU RDZOGS BA 'DZIN CING SDEL BA LA ZLA DANG BRAL BAR GYUR PA NI, DE LTAR THOS PA RGYA MTSO'I PHA ROL SON, ,GZHAN LA 'DOMS PA'I NGAG TSIG DRI MA MED, ,TSIG GIS MI NGOMS SGRUB PA SNYING POR BYED, ,DE PHYIR KHYOD NI MKHAS PAS BSNGAGS PAR 'OS, ,KHYOD KYIS RANG GI STON PA YI, ,YON TAN DANG NI LUGS GZHAN GYI, ,SKYON RNAMS MTHONG PA'I RIGS PA'I MIG, DRI MA MED PA LEGS PAR STZAL, ,SKYON DANG BRAL BA THUB PA'I LUGS, ,GZHUNG 'JUGS BGYID PA'I SGRUB PA DANG, ,SMRA BA NGAN RNAMS TSAR GCOD PA'I, ,SUN 'BYIN BGYID PA'I GNAS RNAMS LA, ,SKYON YANG YON TAN LTA BU DANG,,

YON TAN SKYON LTAR SNANG BA YI, ,YANG DAG PA DANG LTAR SNANG GI, RNAM PAR DBYE BA'ANG LEGS PAR BSTAN, ,DE LTAR LOG PAR 'GRO BA BKAG, MKHAS PA DGYES PA'I LAM DU KHRID, ,MANG THOS CHUD MI ZA BA'I RGYU, ,DE DON SGRUB LA'ANG RAB TU SBYAR, , DE PHYIR KHYED KYIS GDUL BYA LA, ,BGYI BAR 'OS PA MA LUS MDZAD, ,CES GSUNGS PA LTAR RO, ,MKHAS PA'I DBANG PO 'DIS BSTAN PA'I DON DU LEGS BSHAD KYI RTZOM PA'ANG MANG DU MDZAD PA NI, NYID KYI ZHAL NAS, 'DZAM GLING MKHAS PA'I RGYAN MCHOG DKA' CHEN BZHI, ,RTZA 'JUG GZHI GSUM THEG CHEN RGYUD BLA DANG, ,CHOS MNGON MDZOD DANG DPAL LDAN 'DUS PA SOGS, ,RNAM BSHAD BYAS PA'I GZHUNG LUGS BCU PHRAG GCIG, GZHAN YANG BOD YUL 'GYUR PA'I BSTAN BCOS DANG; ;MDO DANG RGYUD SDE PHAL CHER LEGS PAR BLTAS, ,RANG GZHAN GRUB MTHA'I DE NYID 'BYED PA LA, ,MKHAS PA'I MDUN SAR MI 'JIGS SPOBS PA THOB, ,CES GSUNGS PA LTAR YIN ZHING, DE DAG KYANG GTZO CHA BA 'GA' ZHIG GSUNGS PA YIN GYI, DE DAG LAS GZHAN YANG MANG STE, BDAG NYID CHEN PO 'DIS LUNG KUN LAS BTUS PA'I t'IKKA YANG MDZAD CING ,GZHAN YANG BSHES SBRING GI t'IKKA DANG, GSANG 'DUS KYI CHOG CHA TSANG YANG MDZAD, GZHAN YANG SANGS RGYAS BYANG SEMS KYI BSTOD PA, BSTAN 'DZIN DAM PA MANG PO'I DRIS LAN, DAD LDAN MANG POR ZHAL GDAMS GNANG BA, ,NYAMS MGUR MDZAD PA SOGS MANG DU SNANG NGO, ,DE LTAR RGYAL SRAS BDAG NYID CHEN PO RED MDA' PA

, ,GZHON NU BLO GROS ZHES MTSAN YONGS SU GRAGS PA'I MKHAS PA'I DBANG PO 'DIS BSTAN PA LA BYA BA RGYA CHER MDZAD PAS CHOS BRGYUD 'DZIN PA'I SLOB MA BSTAN 'DZIN DAM PA'ANG MANG DU BYON TE, NYID KYI ZHAL NAS, KUN MKHYEN SHER 'OD BLO BZANG GRAGS PA SOGS, ,GZHUNG LUGS RAB 'BYAMS SHES PA'I BSHES GNYEN BDUN, ,DKA' BZHI LEGS PAR SMRA BA BCU PHRAG GCIG, PHAR TSAD SHES BA'I SLOB MA BRGYA PHRAG BRGAL, ,ZHES GSUNGS PA LTAR TE DE THAMS CAD KYI NANG NAS ZLA DANG BRAL BA THUB BSTAN YONGS RDZOGS KYI BDAG PO NI RJE BTZUN CHOS KYI RGYAL PO TZONG KHA PA CHEN PO BLO BZANG GRAGS PA'I DPAL LO, ,RJE BTZUN RED MDA' PA CHEN PO DANG RJE BTZUN TZONG KHA PA CHEN PO GNYIS NI SKU CHE 'DI TZAM DU MA ZAD SKYES RABS MANG POR MDZAD PA 'PHRIN LAS MTHUN PA RES 'GA' RJE BTZUN RED MDA' PAS BLA MA DANG RJE RIN PO CHES SLOB MA MDZAD, RES 'GA' RJE RIN PO CHES BLA MA DANG RJE BTZUN RED MDA' PAS SLOB MA MDZAD DE RGYAL SRAS KYI SPYOD PA STABS GCIG TU SPYAD CING GNYIS KA RJE BTZUN 'JAM PA'I DBYANGS KYI SRAS KYI THU BOR GYUR TE SMON LAM LHAN CIG TU MDZAD NAS ZHING 'DIR BSAM BZHIN DU BYON PA YIN PAR RJE BTZUN 'JAM PA'I DBYANGS DANG GSANG BA'I BDAG PO PHYAG NA RDO RJES LUNG BSTAN PA'I TSUL MANG DU YOD DE, RJE BTZUN 'JAM PA'I DBYANGS KYIS DBU MA PA DPA' BO RDO RJE LA GSUNGS PA DANG, GSANG BA'I BDAG POS LHO BRAG MKHAN CHEN LA GSUNGS PA SOGS SO SO'I

RNAM THAR DU GSAL BA LTAR RO, ,DE LTAR BDAG NYID CHEN PO 'DIS RGYAL BA'I BSTAN PA LA BYA BA RGYA CHER MDZAD NAS SKU TSE 'DI'I MDZAD PA PHAL CHER RDZOGS NAS ZHING GZHAN DU 'BYON PAR BZHED PA NA PHYI RABS KYI GDUL BYA RNAMS LA NYID KYIS JI LTAR MDZAD PA 'DI LTAR DU 'BYUNG BAR BYA DGOS SO ZHES 'DOMS PHYIR GDENG THOB PA'I GSUNG BYON PA NI, GANG LA SKYABS NA BSLU MED DKON MCHOG GSUM, ,'BRAL MED SPYI GCUG RGYAN DU RTAG BZHUGS GSOL, ,SNANG STONG SGYU MA'I RNAL 'BYOR RI KHROD PA, ,SEMS GNONG MED KYI GLU SKAD 'DI BZHIN LEN, ,SHUL NA 'PHRENG BA'I ZAS NOR LUS PA MED, ,GDONGS NA TSER BA'I LAS NGAN BSAGS BA MED, ,THEG CHEN BSLAB PA'I BSAM SBYOR NYAMS PA MED, ,DA SGYU MA'I LUS SEMS 'BRAL YANG 'GYOD PA MED, ,TSE 'DI'I RNYED BKUR CHE THABS SGRUB MA MYONG, ,'DOD YON SRED PA'I RJES PHYIR 'BRANG MA MYONG, ,DA SGYU MA'I LUS SEMS 'BRAL YANG 'GYOD PA MED, ,CIR SNANG SGYU MAR RTOGS PA'I SHES RAB YOD, ,'GRO DRUG PHA MAR SHES PA'I LHAG BSAM YOD, ,THABS SHES ZUNG DU 'BREL BA'I NYAMS LEN YOD, ,DA SGYU MA'I LUS SEMS 'BRAL YANG 'GYOD PA MED, ,THOG MAR GSUNG RAB DGONGS DON TSUL BZHIN SPYANGS, ,BAR DU BLO GSAL GDUL BYA'I TSOGS LA BSHAD, ,THA MAR 'DIS PA'I DON LA RTZE GCIG BSGOMS, ,DA SGYU MA'I LUS SEMS 'BRAL YANG 'GYOD PA MED, ,RGYAL BA'I BSTAN PA SROG PAS GCES PAR BZUNG, ,RIGS DANG MI RIGS TSUL BZHIN RNAM PAR PHYE, ,'CHAD RTZOD RTZOM

, ,PAS DAL 'BYOR DON YOD BYAS, ,DA SGYU MA'I LUS SEMS 'BRAL YANG 'GYOD PA MED, ,'GYOD MED GDENG BROD KYI MGUR MA 'DI, ,GANGS BU LE'I MBUL DU BLANGS PA YIN, ,MI KHO BO'I RJES 'JUG DAD LDAN RNAMS MING BZHAN BYED NA 'DI BZHIN MDZOD, ,TSOGS GNYIS ZUNG DU 'JUG PAS RGYUD SBYANGS TE, ,BDEN GNYIS ZUNG DU 'JUG PA'I DON RTOGS SHING, ,RIM GNYIS ZUNG 'JUG RDO RJE'I LAM BSGOMS NAS, ,'JA' LUS RDO RJE'I SKU RU BDAG GYUR CIG, CES GSUNGS PA LTAR RO, ,DE NAS KLONGS RTZE BSAM GTAN GLING DU PHEBS NAS DGE 'DUN BRGYA DANG LNGA BCU SKOR LA CHOS KYI 'KHOR LO RGYA CHER BSKOR ZHING DBU MA 'JUG PA GSUNGS SKABS, GANG TSE SKYE MED DE NYID YIN CING BLO YANG SKYE BA DANG BRAL BA, ,ZHES PA'I SKABS SU SLEBS PA NA MYA NGAN LAS 'DA' BAR BZHED NAS CUNG ZAD BSNYUN PA'I TSUL BSTAN PA NA, GDUL BYA RNAMS KYIS GSOL BA SHUGS DRAG TU BTAB PAS ZHAG BDUN DU SKU TSE BYIN GYIS BRLABS NAS GDUL BYA RNAMS LA CHOS BSTAN, DE NAS DGUNG LO RE BZHI PA CHU PHO 'BRUG GI LO ZLA BA BCU GNYIS PA'I NYER DGU'I NYIN MYA NGAN LAS 'DA' BA'I TSUL BSTAN NAS DED DPON YID BZHIN GYI NOR BU RNYED NAS RANG YUL DU 'GRO BA LTAR DGA' BZHIN SPRO BZHIN DU DGA' LDAN CHOS KYI PHO BRANG DU PHEBS SO, ,RGYAL SRAS DAM PA 'DI ZHING GSHEGS PA'I TSE SA CHEN PO 'DIS KYANG MYA NGAN BYAS PA LTAR CHES CHER G-YOS SHING DKAR PHYOGS KYI LHA RNAMS KYIS BDAG NYID CHEN PO 'DI DGA' LDAN DU PHEBS PA

LA MCHOD PA'I BYE BRAG SNA TSOGS PA THOGS NAS BSU BA BYAS SHING LHA RNAMS KYIS BRDUNGS PA'I RNGA BO CHE'I SGRA CHER GRAG PA MI RNAMS KYIS THOS PA'ANG BYUNG NGO, ,RJE BTZUN RED MDA' PA LA RJE BTZUN CHOS KYI RGYAL PO TZONG KHA BA CHEN POS BLO SBYONG DON BDUN MA'I KHRID LEGS PAR GSAN ZHING RJE RIN PO CHES SKAL BA DANG LDAN PA MTHA' YAS PA LA SPEL PAR MDZAD DE RJE RIN PO CHES BYANG CHUB LAM GYI RIM PA'I KHRID GNANG SKABS BYANG CHUB KYI SEMS SBYONG TSUL LA RGYU 'BRAS MAN NGAG BDUN GYI SGO NAS SBYONG TSUL DANG, RGYAL SRAS ZHI BA LHA'I GZHUNG LA BRTEN NAS BDAG GZHAN MNYAM RJE'I SGO NAS SBYONG TSUL GNYIS SU MDZAD NAS BDAG GZHAN MNYAM RJE'I SGO NAS SBYONG TSUL LA BLO SBYONG 'DI'I MAN NGAG RNAMS STEN PAR MDZAD LA, YANG BYANG SEMS 'CHAD KHA BAS BLO SBYONG 'DI LA DON BDUN DU SA BCAD MDZAD CING MING YANG BLO SBYONG DON BDUN MA ZHES 'DOGS PAR MDZAD PA LTAR DE DANG MTHUN PA'I KHRID TSUL RGYAL SRAS THOGS MED BZANG PO DPAL GYIS DON BDUN MA'I KHRID YIG ZUR DU MDZAD LA LTAR BLO SBYONG DON BDUN MA'I KHRID ZUR DU'ANG GNANG STE RJE RIN PO CHE 'ON BKRA SHIS RDO KHAR PHEBS SKABS SEMS DPA' CHEN PO HOR STON PA SOGS RGYAL SRAS CHANG PO LA BLO SBYONG DON BDUN MA'I KHRID RGYAS PAR STZAL, SEMS DPA' CHEN PO HOR STON PAS RJE DGE 'DUN GRUB LA GNANG, ,DES 'DUL 'DZIN BLO GROS SPAS PA LA GNANG, DES PAn CHEN YE SHES RTZE MO LA GNANG, DES RJE SKYABS MCHOG DPAL LA GNANG, DES RGYAL BA

, ,DBEN SA PA LA GNANG, DES MKHAS GRUB SANGS RGYAS YE SHES LA GNANG, DES RJE BTZUN BLO BZANG CHOS KYI RGYAL MTSAN LA GNANG, DES ZHABS DRUNG LHA PA BSTAN PA DAR RGYAS LA GNANG, DES GRUB CHEN BLO BZANG BYAMS BA LA GNANG, DES GRUB DBANG CHOS RGYA MTSO LA GNANG, DES RJE BTZUN BLA MA GRUB PA'I DBANG PHYUG BLO BZANG RNAM RGYAL LA GNANG, RJE BLA MA BKA' DRIN MTSUNGS MED DI'I ZHABS DRUNG DU BDAG GIS CHOS 'DI'I BKA' DRIN THOB PO, , YANG RGYAL BA'I SRAS PO THOGS MED BZANG PO DPAL GYIS SEMS DPA' CHEN PO RGYA MA BA YON TAN 'OD LA GNANG, DE NAS RIM GYIS BRGYUD DE BDAG GI DRIN CAN RTZA BA'I BLA MA RJE BTZUN NGAG DBANG BYAMS PA'I ZHABS DRUNG DU CHOS 'DI'I BKA' DRIN BDAG GIS RGYAS PAR THOB BO, ,BLO SBYONG SNYAN RGYUD CHEN MO 'DI'I RGYUD RIM MDOR BSDUS GSOL 'DEBS KYI TSUL DU BKOD NA 'DI LTAR, THUB DBANG 'JAM DBYANGS RGYAL SRAS ZHI BA LHA, ,AE LA DHA RI DPA' BO RDO RJE DANG, ,RIN CHEN DPAL DANG BLA MA GSER GLING PA, ,GSOL BA 'DEBS SO BDAG RGYUD BYIN GYIS RLOBS, ,YID BZHIN NOR 'DRA'I THUGS MNGA' MAR ME MDZAD, ,RGYAL PA'I 'BYUNG GNAS STON PA RIN PO CHE, ,BSTAN PA RIN CHEN GSAL MDZAD PO TO BA, ,GSOL BA 'DEBS SO BDAG RGYUD BYIN GYIS RLOBS, ,YON TAN MCHOG GI GRAGS PA'I SHA RA BA, ,BYANG CHUB THUGS GNYIS 'BYONGS BA'I 'CHAD KA BA, ,LTA SPYOD RNAM PAR DAG PA'I RGYAL BA SE, ,GSOL BA 'DEBS SO BDAG RGYUD BYIN GYIS

RLOBS, ,GCIG TU GZHAN DON MDZAD PA'I SKYES MCHOG LHA, ,BSLAB GSUM RNAM PAR DAG PA'I LHA SDINGS PA, ,SGO GSUM GZHAN DON MDZAD PA'I LHA SDINGS DPON, ,GSOL BA 'DEBS SO BDAG RGYUD BYIN GYIS RLOBS, ,DUS GSUM RGYAL BA'I LAM GNAS YON TAN DPAL, ,SANGS RGYAS BSTAN PA RGYAS MDZAD BDE BA DPAL, ,MKHAS BTZUN 'GRAN ZLA BRAL BA'I DKA' BZHI PA, ,GSOL BA 'DEBS SO BDAG RGYUD BYIN GYIS RLOBS, ,PHAN BDE KUN GYI 'BYUNG GNAS RIN PO CHE, ,BSOD NAMS YE SHES STOBS KYIS STONG GSUM GRAGS, ,BYAMS DANG SNYING RJE'I MNGA' BDAG CHOS KYI RJE, ,GSOL BA 'DEBS SO BDAG RGYUD BYIN GYIS RLOBS, ,THOGS MED GNYIS PA RGYAL SRAS RIN PO CHE, ,'DZAM GLING MKHAS PA'I GTZUG RGYAN RED MDA' PA, ,RGYAL BA KUN DNGOS BLO BZANG GRAGS PA'I DPAL, ,GSOL BA 'DEBS SO BDAG RGYUD BYIN GYIS RLOBS, ,THEG MCHOG GDAMS PA'I GTER GYUR NAM MKHA' DPAL, ,KHAMS GSUM BSTAN PA'I BDAG PO DGE 'DUN GRUB, ,SEMS DPA' CHEN PO BLO GROS SPAS PA'I ZHABS, ,GSOL BA 'DEBS SO BDAG RGYUD BYIN GYIS RLOBS, ,YE SHES MTSAN CAN 'JAM DBYANGS SKYABS MCHOG DPAL, ,SKU GSUM MNGON GYUR RJE BTZUN DBEN SA PA, ,DE SRAS THU BO SANGS RGYAS YE SHES ZHABS, ,GSOL BA 'DEBS SO BDAG RGYUD BYIN GYIS RLOBS, ,RJE BTZUN BLO BZANG CHOS KYI RGYAL MTSAN ZHABS, ,DE SRAS THU BO ZHABS DRUNG LHA PA DANG, ,GRUB CHEN BLO BZANG BYAMS PA RIN PO CHER, ,GSOL PA

, ,'DEBS SO BDAG RGYUD BYIN GYIS RLOBS, ,SEMS DPA' CHEN PO GRUB DBANG CHOS RGYA MTSO, ,RTZA BA'I BLA MA BLO BZANG RNAM RGYAL TE, ,DNGOS DANG BRGYUD PA'I BLA MA MCHOG RNAMS LA, ,GSOL BA 'DEB SO BDAG RGYUD BYIN GYIS RLOBS YANG RTZA BA'I BLA MA BYAMS PA'I MTSAN CAN GYI GSAN RGYUN LTAR GSOL BA 'DEBS PA NI, RGYAL SRAS THOGS MED YAN GONG LTAR LA, DE NAS 'DI LTAR, RGYAL BA'I SRAS PO THOGS MED BZANG PO DPAL, ,YON TAN 'OD DANG BLO 'BAL TSUL KHRIMS DAR, ,BSOD NAMS LHA DBANG BSOD NAMS LEGS MCHOG LA, ,BSOL BA 'DEBS SO BDAG RGYUD BYIN GYIS RLOBS, ,SNYUG LA PAn CHEN NGAG DBANG GRAGS PA DANG, ,SPYAN SNGA NGAG DBANG CHOS GRAGS BRAG DGON PA, ,DPAL 'BYOR LHUN GRUB 'PHRIN LAS RAB RGYAS LA, ,GSOL BA 'DEBS SO BDAG RGYUD BYIN GYIS RLOBS, ,GANGS CAN MGON PO BLO BZANG RGYA MTSO'I SDE, ,BLO BZANG DAR RGYAS 'JAM DBYANGS GRAGS PA'I DPAL, ,LAM BZANG GSAL MDZAD DGE LEGS RGYA MTSO LA, ,GSOL BA 'DEBS SO BDAG RGYUD BYIN GYIS RLOBS, ,RGYAL BA KUN GYI MKHYEN BRTZE NUS PA KUN, ,GCIG BSDUS 'JAM MGON BSTAN PA'I SROG SHING CHE, ,RTZA BA'I BLA MA NGAG DBANG BYAMS PA LA, ,GSOL BA 'DEBS SO BDAG RGYUD BYIN GYIS RLOBS, ,RAB 'BYAMS GSUNG RAB KUN GYI SNYING PO'I DON, ,GCIG TU BSDUS NAS GSAL BAR STON MDZAD PA, ,BKA' DRIN MTSUNGS MED RJE BTZUN BLA MA LA, ,GSOL BA 'DEBS SO BDAG RGYUD

BYIN GYIS RLOBS, ,ZHES BA'O, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS BDAG PAS GZHAN GCES PA'I BYANG CHUB KYI SEMS RIN PO CHE MYUR DU RGYUD LA SKYE PAR BYA BA'I PHYIR BLO SBYANG SNYAN RGYUD KYI BLA MA RNAMS LA GSOL BA 'DEBS SHING BLO SBYONG RGYUD PA'I BLA MA RNAMS KYI MDZAD PA RNAM THAR RNAMS BSAMS LA BYANG CHUB KYI SEMS RIN PO CHE MA SKYES PA BSKYED PA DANG SKYAS ZIN GONG NAS GONG DU SPEL BA LA BLO GROS DANG NUS PA DANG RTZOL BA CI YOD THAMS CAD GCIG TU DRIL TE RNAM PA KUN TU 'BAD BAR BYA'O,, ,,` JO BO RJE DPAL LDAN AA TI SHA DANG CHOS KYI RGYAL PO TZONG KHA BA CHEN PO GNYIS KYI THUGS KYI BCUD PHYUNG PA'I MAN NGAG BYANG CHUB LAM GYI RIM PA 'DI LA MDO SNGAGS GNYIS KA'I THUN MONG BA'I LAM GYI RIM PA DANG, THUN MONG MIN PA RDO RJE THEG PA'I LAM GYI RIM PA GNYIS LAS, THUN MONG BA'I LAM GYI RIM PA LA JO BO RJE LA RGYUD PA'I CHU BO GSUM 'DRES PAS RGYA CHEN SPYOD RGYUD DANG, ZAB MO LTA RGYUD DANG, RGYA CHAN SPYOD RGYUD LAS PHYE BA RLABS CHEN SPYOD PA'I RGYUD GSUM GYI BLA MA GONG MA RNAMS KYI RNAM PAR THAR PA MDOR BSDUS BRJOD ZIN NAS RDO RJE THEG PA'I LAM GYI RIM PA'I BLA MA RNAMS KYI RGYUD RIM LA JO BO RJES NYAMS LEN BYIN RLABS RGYUD BA ZHES THA SNYAD MDZAD LA, 'DI LA YANG RDO RJE THEG PA SPYI'I BRGYUD RIM DANG, JO BO YAB SRAS KYI GSANG CHOS THUN MONG MIN PA BKA' GDAMS THIG LE BCU DRUG GI BRGYUD RIM GNYIS LAS, DANG PO MDO SNGAGS SPYI'I

, ,BRGYUD RIM LA YANG RGYUD SDE BZHI'I DBANG LUNG MAN NGAG MTHA' YAS PA YOD MOD KYANG 'DIR MTHA' DAG BRI MI NUS PAS GZHAN DU SHES PAR BYA ZHING, 'DIR CHOS KYI RGYAL PO RGYAL BA TZONG KHA PA CHEN PO LA MGON PO 'JAM PA'I DBYANGS KYIS SNYIGS DUS KYI TSE THUNG 'DI LA MYUR BA LAS KYANG CHES MYUR BAR 'TSAD RGYA BAR 'DOD PA RNAMS KYIS BSHES GNYEN BSTEN TSUL NAS SPYOD PA SPYI BSLAB KYI BAR THUN MONG BA'I LAM GYI RIM PA LA MYONG BA THON NGES BYAS NAS BDE GSANG 'JIGS GSUM GYI DBANG DANG MAN NGAG RNAMS THOB PAR BYAS LA DE GSUM YA MA BRAL BA'I NYAMS LEN LA 'BAD DGOS TSUL RGYU MTSAN DU MAS 'DOMS PAR MDZAD PA LTAR BSTAN PA'I SNYING PO MTHAR THUG PA'I NYAMS LEN GYI GNAD 'DI DAG MA NUB NA CI MA RUNG SNYAM DU SMON PAS GSANG BDE 'JIGS GSUM GYI DBANG LUNG MAN NGAG GI BRGYUD RIM BLA MA RNAMS KYI MTSAN TZAM ZHIG BRJOD PA NI, STON PA BCOM LDAN 'DAS THUB PA'I DBANG PO THUGS RJE CAN 'DIS RDO RJE THEG PA'I CHOS KYI 'KHOR LO BSKOR TSUL NI THUB PA'I RNAM THAR GYI SKABS SU BSHAD ZIN PA LTAR YIN LA, THUB PA'I DBANG PO NAS DA LTA'I BAR DU RDO RJE THEG PA'I BLA MA BRGYUD RIM JI LTAR BYUNG BA NI, STON PA ZHAL BZHUGS DUS NUB PHYOGS AOO dI YA'I YUL NA RGYAL PO AINDRA BHO TI NAS BYA BA BYUNG STE, RGYAL PO DE KHANG BZANG GI THOG NA GNAS PA'I TSE DGE SLONG DGRA BCOM PA NAM MKHA' LA 'PHUR TE SHAR NUB TU 'GRO BA DAG MTHONG

BAN 'DI DAG CI YIN ZHES DRIS PAS, BLON PO SANGS RGYAS 'JIG RTEN DU BYON PA'I RGYUS YOD PA DAG GIS 'DI DAG NI SH'AKYA'I RGYAL PO ZAS GTZANG GI SRAS PO SANGS RGYAS NAS 'PHAGS YUL NA CHOS KYI 'KHOR LO BSKOR BAR MDZAD PA DE'I NYAN THOS DAG YUL GZHAN DANG GZHAN DU RGYU BA NA NAM MKHA' LA 'PHUR TE 'GRO BAS RGYAL POS GZIGS PA DE DAG KYANG SANGS RGYAS KYI NYAN THOS DAG GO, ZHES BRJOD PA NA RGYAL PO PHYIR MI LDOG PA'I DAD PA SKYES TE SANGS RGYA LA GSOL BA BTAB PAS STON PAS MKHYEN BZHIN DU 'KHOR DANG BCAS PA RDZU 'PHRUL GYIS BYON NAS RGYAL PO'I KHANG BZANG DU PHEBS TE RGYAL PO LA CHOS BSTAN PAS RGYAL PO DAD PA LHAG PAR SKYES SHING, 'DI SKRAD DU BDAG GIS KHYIM PA'I RTAGS CHA LUGS MA BOR BAR 'DI NYID DU GNAS NAS 'TSANG RGYA BAR NUS PA ZHIG 'DOD CES ZHUS PAS RGYAL PO DE RIN PO CHE LTA BU'I GDUL BYA YIN PAS BCOM LDAN 'DAS KYIS DPAL GSANG BA 'DUS PA'I DKYIL 'KHOR DU RDO RJE 'CHANG GI SKUR BZHENGS NAS DBANG BSKUR, GDAMS NGAG BSTAN, RGYUD GSUNGS, PHYAG NA RDO RJES LEGS PAR KHRID BAS RGYAL PO AINDRA BHO TIS LAM THUN MONG BA DANG THUN MONG MIN PA'I RIM GNYIS KYI RNAL 'BYOR MTHAR PHYIN TE SPROS BCAS KYI SPYOD PA SPYAD NAS TSE DE NYID LA ZUNG 'JUG GI SKU GRUB, DE NAS RGYAL PO AINDRA BHO TIS YUL DE'I SKYE PO RNAMS LA RDO RJE'I THEG PA BSTAN PAS GRUB PA THOB PA BGRANG BA LAS 'DAS PA BYUNG ZHING DPAL GSANG BA 'DUS PA'I DBANG DANG GDAMS NGAG RNAMS SPEL BA LA BKA'

, ,BABS PA KLU MO RNAL 'BYOR MA LA RDZOGS PAR GNANG, DES RGYAL PO BI SU KA PA LA GNANG, DES KYANG BSGOMS PAS GRUB PA THOB STE DPAL LDAN SA RA HA PA LA GNANG, DES KYANG BSGOMS PAS GRUB PA THOB STE DPAL MGON 'PHAGS PA KLU SGRUB LA DPAL GSANG BA 'DUS PA'I DBANG LUNG MAN NGAG THAMS CAD RDZOGS PAR GNANG, 'PHAGS PA KLU SGRUB KYIS LHO PHYOGS DPAL GYI RI BOR BSGOMS NAS SKU TSE DE LA ZUNG 'JUG GI SKU BRNYES NAS SRAS KYI THU BO A'ARYA DE BA DANG, KLU'I BYANG CHUB DANG, SH'AKYA BSHES GNYEN DANG, ZLA BA GRAGS PA SOGS THUGS SRAS MANG PO LA DPAL GSANG BA 'DUS PA'I DBANG LUNG MAN NGAG RNAMS RDZOGS PAR GNANG, SLOB DPON A'ARYA DE BA DANG, SLOB DPON KLU'I BYANG CHUB DANG, SLOB DPON SH'AKYA BSHES GNYEN DANG, SLOB DPON ZLA BA GRAGS PA BZHI GAS DPAL GSANG BA 'DUS PA'I LAM RIM GNYIS MTHAR PHYIN TE SKU TSE DE LA ZUNG 'JUG RDO RJE 'DZIN PA'I GO 'PHANG BRNYES, GZHAN YANG SLOB DPON SANGS RGYAS BSKYANGS SOGS SLOB DPON KLU SGRUB KYI THUGS SRAS ZUNG 'JUG GRUB PA CHES MANG NGO, ,SLOB DPON KLU SGRUB YAB SRAS DE DAG LAS GSANG BA 'DUS PA'I DBANG LUNG MAN NGAG GI BRGYUD RIM MTHA' YAS PA BYUNG MOD KYANG MTHA' DAG BGRANG BAR GA LA NUS, YONGS SU GRAGS PA'I DBANG GI BRGYUD RIM NI, SLOB DPON MA TANGKI PA, DES GRUB CHEN TE LO PA, DES PAn CHEN N'A RO PA, DES SGRA BSGYUR MAR PA LO TZ'A, DES MTSUR STON DBANG GI RDO RJE,

DES 'KHON STON GAD PA K'I RTI, DES BYA SGANG PA BSOD NAMS RIN CHEN, DES THUR LTA BA TSUL KHRI LAS SKYABS, DES THANG SPE PA 'PHAGS PA SKYABS, DES GSER SDINGS BA GZHON NU 'OD, DES KUN MKHYEN CHOS SKU 'OD ZER, DES KUN MKHYEN 'PHAGS BA 'OD, DES CHOS RJE BU STON RIN CHEN GRUB, DES KHYUNG PO LHAS PA GZHON NU BSOD NAMS, DES CHOS KYI RGYAL PO TZONG KHA PA CHEN PO, DES MKHAS GRUB DGE LEGS DPAL BZANG, DES PAn CHEN CHOS KYI RGYAL MTSAN, DES GRUB CHEN CHOS RDO RJE, DES RGYAL BA BLO BZANG DON GRUB, NGES MKHAS GRUB SANGS RGYAS YE SHES, DES RJE BTZUN BLO BZANG CHOS KYI RGYAL MTSAN, DES RDO RJE 'DZIN BA DKON MCHOG RGYAL MTSAN ,DES RJE BTZUN BLO BZANG YE SHES, DES RDO RJE 'DZIN PA BLO BZANG RIG GROL, DES MKHAS SHING GRUB PA RDO RJE 'DZIN PA YE SHES DPAL 'BYOR, BKA' DRIN MTSUNGS MED RDO RJE 'DZIN PA CHEN PO DE'I ZHABS DRUNG DU BDAG GIS DPAL GSANG BA 'DUS PA'I DBANG BZHI YONGS SU RDZOGS PA THOB, YANG RJE THAMS CAD MKHYEN PA NAS RJE BTZUN SHES RAB SENG GE 'DUL NAG PA DPAL LDAN BZANG PO, RGYUD CHEN DGE 'DUN 'PHEL, RGYUD CHEN BKRA SHIS 'PHAGS, RGYUD CHEN BSAM GRUB RGYA MTSO, RGYUD CHEN BRTZON 'GRUS 'PHAGS, RGYUD CHEN RDO RJE BZANG PO, RGYUD CHEN SANGS RGYAS RGYA MTSO, RGYUD CHEN DKON MCHOG RGYA MTSO, RGYUD CHEN DKON MCHOG YAR 'PHEL, THANG SAG PA DNGOS GRUB RGYA MTSO, GRUB PA'I DBANG PHYUG DON YOD MKHAS GRUB, RJE BTZUN NGAG DBANG BYAMS PA, RJE

, ,BTZUN BLA MA BKA' DRIN MTSUNGS MED DE NYID KYI ZHABS DRUNG DU BDAG GIS DPAL GSANG BA 'DUS PA'I DBANG DANG RGYUD KYI LUNG RIM GNYIS KYI MAN NGAG YONGS SU RDZOGS PA THOB, YANG DPAL MGON 'PHAGS PA KLU SGRUB NAS SLOB DPON ZLA BA GRAGS PA, SLOB PA'I RDO RJE, GRUB CHEN NAG PO SPYOD PA, BLA MA SPRIN GYI SHUGS CAN, RJE RIN PO CHE 'GOS, MANG RA BA SENG GE RGYAL MTSAN, RDOG YE SHES SENG GE, RDOG A'ARYA DE BA, GLAN TSA NYI MA LCAM, LTAG PA RIN CHEN GRAGS, THUR LHA BA TSUL KHRIMS SKYABS, THANG SPE BA 'PHAGS PA SKYABS, GSER SDING PA GZHON NU 'OD, KUN MKHYEN CHOS SKU 'OD ZER, KUN MKHYEN 'PHAGS PA 'OD, CHOS RJE BU STON RIN CHEN GRUB, BLA MA DAM PA BSOD NAMS RGYAL MTSAN, SGRA BSGYUR NAM MKHA' BZANG PO, MNYAM MED RJE BTZUN RED MDA' PA CHEN PO, CHOS KYI RGYAL PO TZONG KHA PA CHEN PO, RJE BTZUN SHES RAB SENG GE ,RGYUD CHEN SBYIN PA DPAL BA NAS 'DUS PA'I BSHAD SROL SPEL PA'I RGYUD 'DZIN RIM PAR BRGYUD PA YONGS SU GRAGS PA LTAR LA 'DUS PA'I BSTAN PA'I BDAG PO RJE BTZUN NGAG DBANG BYAMS PA NAS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES, SKYABS MGON BKA' DRIN MTSUNGS MED DE NYID KYI ZHABS DRUNG DU BDAG GIS DPAL GSANG BA 'DUS PA'I RGYUD KYI BSHAD PA 'GREL PA BZHI SPRAGS SU GRAGS PA CHA TSANG PHA THOB BO,, ` ,,DPAL 'KHOR LO SGOM PA'I CHOS SKOR NI, STON PA THUB DBANG RDO RJE

'CHANG GIS GSANG BA'I BDAG PO PHYAG NA RDO RJE LA 'KHOR LO SDOM PA'I DBANG DANG RGYUD YONGS SU RDZOGS PA GNANG, GSANG BA'I BDAG POS GRUB CHEN SA RA HA LA GNANG, DES DPAL MGON 'PHAGS PA KLU SGRUB LA, DES DPAL SHA BA RI PA LA; DES GRUB CHEN L'U AI PA LA, DES RGYAL PO DHA RI KA PA LA, DES SLOB DPON RDO RJE DRIL BU PA LA, DES GRUB CHEN RUS SBAL ZHABS LA, DES GRUB CHEN DZ'A LAN DHA RA PA LA, DES GRUB CHEN NAG PO SPYOD PA LA, DES GRUB CHEN GSANG BA PA LA, DES GRUB CHEN RNAM RGYAL ZHABS LA, DES GRUB CHEN TEE LO PA LA, DES PAn CHEN N'A RO PA LA, DES PHAM MTHING PA SKU MCHED LA, DES GLOG SKYA SHES RAB BRTZEGS LA, DES MAL LO TZ'A BA BLO GROS GRAGS LA, DES SA CHEN KUN DGA' SNYING PO LA, DES RJE BTZUN BSOD NAMS RTZE MO LA, DES RJE BTZUN GRAGS PA RGYAL MTSAN LA, DES CHOS RJE SA PAndI TA LA, DES RGYAL SRAS BSOD NAMS SENG GE LA, DES SLOB DPON SANGS RGYAS 'BUM LA, DES MCHOG LDAN LEGS PA'I BLO GROS LA, DES BLA MA DPAL LDAN SENG GE LA, DES BU STON RIN CHEN GRUB LA, DES KHYUNG PO LHAS PA GZHON NU BSOD NAMS LA, DE LA CHOS KYI RGYAL PO TZONG KHA PA CHEN POS GSAN, RJE RIN PO CHE NAS BRGYUD RIM PHAL CHER GSANG BA 'DUS PA DANG 'DRA BA LA BDE MCHOG L'U AI BA'I RIM GNYIS KYI MAN NGAG RNAMS THANG SAG PA DNGOS GRUB RGYA MTSOS GRUB PA'I DBANG PHYUG 'JAM DBYANGS BDE BA'I RDO RJE LA GNANG, DES RJE BTZUN NGAG DBANG BYAMS

, ,PA LA GNANG, GRUB CHEN DRIL BU LUGS KYI BDE MCHOG GI DBANG DANG RIM GNYIS KYI MAN NGAG RNAMS PAn CHEN BLO BZANG CHOS KYI RGYAL MTSAN GYIS RDO RJE 'DZIN PA DKON MCHOG RGYAL MTSAN LA GNANG, DES SKYID SHOD ZHABS DRUNG NGAG DBANG BSTAN 'DZIN 'PHRIN LAS LA GNANG, DES MKHAS GRUB BLO BZANG MKHAS BTZUN LA GNANG, DES RJE BTZUN NGAG DBANG BYAMS PA LA GNANG STE, RJE BTZUN BLA MA BKA' DRIN MTSUNGS MED DE NYID KYI ZHABS DRUNG DU BDAG GIS LEGS PAR THOB BO, ,BDE MCHOG RGYUD 'GREL SBAS DON KUN GSAL RTZA 'GREL SPRAGS PA'I LUNG DANG RTZA BSHAD SBYAR BA'I MAN NGAG NI PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO'I ZHABS DRUNG DU BDAG GIS LEGS PAR THOB BO,, ` ,,DPAL RDO RJE 'JIGS BYED CHEN PO'I CHOS BSKOR NI, 'PHAGS YUL GYI GRUB CHEN L'A LI TA SA 'JAM DPAL MTSAN BRJOD ZHAL 'DON DU MDZAD PA NA, RDO RJE 'JIGS BYED 'JIGS PAR BYED, ,CES PA DANG, KHRO BO'I RGYAL PO GDONG DRUG 'JIGS, ,ZHES PA DANG, GSHIN RJE GSHED PO BGEGS KYI RGYAL, ,ZHES PA RNAMS KYI DON LA BSAMS PA NA, DPAL RDO RJE 'JIGS BYED CHEN PO'I RGYUD DANG GSHIN RJE'I GSHED DMAR NAG GI RGYUD RNAMS YOD BAR BSAMS NAS 'PHAGS YUL GYI PAn GRUB RNAMS LA RTZAD BCAD KYANG DE DUS RGYUD 'DI DAG 'PHAGS YUL NA MA BZHUGS PAS

MA RNYED, AYON GYI YUL NA BZHUGS PAR RIG NAS BLA MA DANG RJE BTZUN 'JAM PA'I DBYANGS DBYER MA MCHIS PA LA GSOL BA SHUGS DRAG LA RGYUN RING PO BTAB, RGYAL BA'I BSTAN PA 'BA' ZHIG LA DGONGS TE NYID KYI SKU DANG SROG LA'ANG MI LTA BAR DKA' BA CHEN POS AYON GYI YUL DU BYON NAS GSOL BA SHUGS DRAG TU BTAB BAN YE SHES KYI MKHA' 'GRO MAS RJES SU BZUNG STE DPAL RDO RJE 'JIGS BYED CHEN PO'I DBANG DANG GSHIN RJE'I GSHED DMAR NAG GNYIS KYI DBANG RNAMS GNANG, GDAMS PA DANG RJES SU BSTAN PA LEGS PAR STZAL, SEMS CAN RNAMS KYI DON DU RGYUD KYI GLEGS BAM GNANG DGOS PAR GSOL BA BTAB PA NA YE SHES KYI MKHA' 'GRO MAS CHOS MDZOD ZHAL PHYE NAS DPAL RDO RJE 'JIGS BYED CHEN PO'I RTZA BA'I RGYUD RGYAS PA SHO LO KA 'BUM RTOG BA SUM BRGYA YOD PA RNAMS BSTAN TE ZHAG BDUN GYI RING LA 'DI'I NANG NAS GANG BLO LA GZUNG THUB PA RNAMS ZUNGS, DE LAS MI YONG ZHES RGYUD THAMS CAD MA GNANG BA NA GRUB CHEN GYIS ZHAG BDUN GYI RING LA GLEGS BAM CHEN PO 'DI NAS MANG PO ZHIG 'DZIN MI THUB PAS SMON LAM GDAB PA GAL CHE DGONGS NAS ZHAG BDUN GYI RING RGYUD KYI GLEGS BAM RNAMS LA MCHOD PA PHUL TE PHYAG DANG BSKOR BA BYED CING GSOL BA SHUGS DRAG TU BTAB PA NA ZHAG BDUN SONG BA'I NYIN RTOG BA SUM BRGYA'I NANG NAS DNGOS GRUB KYI RTOG PA ZHES BYA BA DPAL RDO RJE 'JIGS BYED CHEN PO'I RGYUD RTOG PA BDUN PA 'DI THUGS LA WA LA GYIS SHAR, 'DI LA NOR

, ,'KHRUL DANG LHAG CHAD YOD DAM MED BLTA DGOS DGONGS BA NA, DE'I THAD KYI GLEGS BAM RANG ZHAL PHYE NAS THUGS LA GANG SHAR BA DE KHA JI BZHIN DU BYUNG, DE MA THAG GLEGS BAM RNAMS MKHA' 'GRO MA RNAMS KYI GSANG BA'I CHOS MDZOD DU BZHUGS SU GSOL, DE NAS GRUB CHEN L'A LI TAS 'PHAGS YUL DU PHEBS NAS GSHIN RJE'I GSHED DMAR NAG 'JIGS GSUM GA DANG, KHYAD PAR DPAL RDO RJE 'JIGS BYED CHEN PO'I DBANG DANG RIM GNYIS KYI MAN NGAG RGYUD KYI LUNG RNAMS SKAL BA DANG LDAN PA MANG PO LA RGYA CHER SPEL BAS LAM 'DI LA BRTEN NAS GRUB PA THOB PA CHES MANG BA BYUNG, RGYUD 'DZIN 'PHRIN LAS KYI BKA' BAB PA NI GRUB CHEN DON YOD RDO RJE CHE CHUNG GNYIS SO, ,DON YOD RDO RJE CHUNG PAS GRUB CHEN PADMA BADZRA LA GNANG, DES GRUB CHEN MAR ME MJAD SRUNG CHEN PO LA GNANG, DES RGYUD 'DI SPEL BA'I SMON LAM RLABS PO CHE'I MTHU GRUB PA RVA LO RDO RJE GRAGS LA GNANG, RVA LO CHEN POS DBUS GTZANG KHAMS GSUM GYI SA'I CHA THAMS CAD DU SKAL BA DANG LDAN PA MTHA' YAS PA LA RGYA CHER SPEL ZHING, RGYUD 'DI DBU 'PHANG MTHON POR BYAS TE RTOG BDUN GYI LUNG RE TZAM ZHU BA LA'ANG GSER SRAD MANG PO 'BUL DGOS PA GSER CHOS KHO NAR MDZAD, DE'I TSE DPAL RDO RJE 'JIGS BYED CHEN PO'I RNAL 'BYOR GYI SGO NAS LAS BZHI'I 'PHRIN LAS GRUB PA DANG, RIM GNYIS LA MYONG BA THON PA DANG, RIM PA DANG PO MTHAR

SON BA DANG, RDZOGS RIM GYI RTOGS PA THOB PA SOGS LAM 'DI'I NUS PA THON BA BGRANG BA LAS 'DAS PA BYUNG NGO, ,RVA LO CHEN BOS RGYA CHER SPEL BAR MDZAD PA LAS 'PHRIN LAS RGYUD 'DZIN GYI BKA' BAB NI RVA CHOS RAB BO, ,RVA CHOS RAB KYIS RVA YE SHES SENG GA LA GNANG, DES RVA 'BUM SENG LA GNANG, DES RJE BTZUN RGVA LO LA GNANG, DES RONG PA SHES RAB SENG GE LA GNANG, DES BLA MA YE SHES DPAL BA LA GNANG STE BLA MA GONG MA DE DAG THAMS CAD KYANG DPAL RDO RJE 'JIGS BYED CHEN PO'I RIM GNYIS LA NUS PA THON PA SHA STAG GO ,BLA MA YE SHES DPAL BAS CHOS RJE DON GRUB RIN CHEN LA GNANG STE, CHOS RJE DON GRUB RIN CHEN NI DPAL RDO RJE 'JIGS BYED CHEN PO'I GRUB THOB TU YONGS SU GRAGS PA LTAR YIN ZHING, CHOS RJE DES DPAL RDO RJE 'JIGS BYED CHEN PO LA PHYI NANG GSANG BA DE KHO NA NYID KYI MCHOD PA PHUL TE GSOL BSHUGS DRAG TU BTAB PA NA DPAL RDO RJE 'JIGS BYED CHEN PO'I ZHAL NAS NGA SANG PHOD DA TZAM LUNG PA 'DI'I MDA' RU SLEB YONG BAS DE'I BAR BDE BAR GYIS ZHES GSUNGS, DE NAS CHOS RJE DON GRUB RIN CHEN GYIS KHONG RANG BZHUGS SA'I LUNG BA'I MDA' NA RJE RIN PO CHE 'KHRUNGS SA'I YUL TZONG KHA YOD PAS DER RDO RJE 'JIGS BYED KYI SPRUL PA CI 'DRA ZHIG YONG SNYAM DU BRTAGS PA NA TZONG KHAR KLU 'BUM DGE DANG SHING BZA' AA CHOS GNYIS KYI SRAS SU RDO RJE 'JIGS BYED KYI SPRUL PA BYON PAR RIG NAS YAB YUM DE GNYIS LA SPRUL PA'I SRAS DE LA GTZANG SPRA DANG GCES SPRAS BYED

, ,DGOS PA'I BKA' NAN TAN DU GNANG ZHING DAM RDZAS BDUD RTZI RIL BU BZHES RGYU DANG, SKUL BCANG RGYU'I SRUNG MDUD SOGS GNANG STE SPRUL PA'I SKU DE MJAL BAR PHEBS, DE NAS YAB YUM GNYIS LA ZANG ZING GI DNGOS PO TSAD MED PA GNANG STE SPRUL PA'I SKU 'DI NGA LA DGOS ZHES RJE RIN PO CHE 'KHRUNGS MA THAG NAS BDAG GIR MDZAD DO, ,DE LTAR NA RJE RIN PO CHE 'DI NI RJE BTZUN 'JAM PA'I DBYANGS BSTAN PA DANG 'GRO BA'I DON DU BSAM BZHIN DU BYON PA ZHIG YIN LA, DE LTA NA'ANG PHYI RABS KYI GDUL BYA RNAMS LA 'DOMS PA'I PHYIR RANG NYID RJE BTZUN 'JAM BA'I DBYANGS YIN ZHES ZHAL GYIS MA BZHES PAR THA MAL PA'I TSUL BZUNG STE, CHOS RJE DON GRUB RIN CHEN YONGS 'DZIN DU BSTEN NAS DPAL RDO RJE 'JIGS BYED CHEN PO'I DBANG DANG GDAMS NGAG RNAMS LEGS PAR GSAN TE DGUNG LO BDUN BRGYAD KYI DUS TZAM NAS DPAL RDO RJE 'JIGS BYED CHEN PO'I BSNYEN SGRUB MTHAR PHYIN PAR MDZAD, DUS PHYIS DBUS SU PHEBS NAS BLA MA DBU MA PAS 'TSAMS SPYAR TE RJE BTZUN 'JAM PA'I DBYANGS LA 'JAM DBYANGS CHOS SKOR DANG, RDO RJE 'JIGS BYED KYI GDAMS NGAG MANG DU GSAN ZHING, DE NAS RJE BTZUN 'JAM PA'I DBYANGS NYID KYIS DNGOS SU ZHAL BSTAN NAS MDO SNGAGS KYI CHOS MTHA' YAS PA GSUNGS SHING, LHAG PAR DPAL RDO RJE 'JIGS BYED CHEN PO'I DBANG GNANG BA'I CHE RJE BTZUN 'JAM PA'I DBYANGS

SKAD CIG GIS RDO RJE 'JIGS BYED KYI SKUR BZHENGS NAS DBANG BZHI YONGS SU RDZOGS BA BSKUR BA DANG, GSHIN RJE CHOS KYI RGYAL PO SRUNG MAR BKA' BSGO BA SOGS MDZAD PA'I RNAM 'PHRUL BSAM GYIS MI KHYAB BA DE 'DRA YOD PAR GSUNGS, DES NA THUN MONG MIN BA'I DBANG DU BYAS NA RJE RIN PO CHE RANG NYID RJE BTZUN 'JAM DBYANGS DNGOS YIN BAR MA ZAD YI DAM ZHI KHRO GNYIS KAS RJE RIN PO CHE LA DNGOS SU ZHAL BSTAN NAS YI DAM 'DI'I DBANG DANG GDAMS NGAG RNAMS RDZOGS PAR GNANG BA YIN PAS NYE RGYUD THUN MONG MIN PA'I RGYUD RIM GSOL 'DEBS SU BYAS NA 'DI LTAR, 'JAM DPAL RDO RJE RGYAL BA TZONG KHA BA, ,MKHAS GRUB SKU MCHED DHARM'A BADZRA ZHABS, ,DBEN SA YAB SRAS BLO BZANG CHOS KYI RGYAL; ;GSOL PA 'DEBS SO DNGOS GRUB RNAM GNYIS STZOL, ,GRUB BA MCHOG BRNYES DKON MCHOG RGYAL MTSAN DANG, ,DKYIL 'KHOR MNGA' BDAG BLO BZANG YE SHES ZHABS, ,RJE BTZUN BLO BZANG BSKAL BZANG RGYA MTSO LA, ,GSOL BA 'DEBS SO DNGOS GRUB RNAM GNYIS STZOL, ,RGYAL KUN THUGS RJE'I NGO BO BYAMS PA'I MTSAN, ,RJE BTZUN BLO BZANG DPAL LDAN YE SHES ZHABS, ,BKA' DRIN MNYAM MED RTZA BA'I BLA MA LA, ,GSOL BA 'DEBS SO DNGOS GRUB RNAM GNYIS STZOL, ,RGYAL BA KUN GYI YAB GCIG 'JAM BA'I DBYANGS, ,MA RUNGS GDUL DKA' MTHA' DAG 'DUL BA'I PHYIR, ,'JIGS BYED KHRO BO CHEN PO'I SKUR BSTAN PA, ,GSOL BA 'DEBS SO DNGOS GRUB RNAM GNYIS STZOL, ,DE

, ,LTAR BSTOD PAS BYANG CHUB SNYING PO'I BAR, ,'GAL RKYEN BDUD BZHI'I G-YUL LAS RNAM RGYAL TE, ,ZHI RGYAS DBANG DRAG GRUB CHEN BRGYAD LA SOGS, ,DNGOS GRUB KUN GYIS RTAG TU 'BYOR GYUR CIG , MDOR NA DENG NAS TSE RABS THAMS CAD DU, ,'JAM DPAL DPA' BOS DGYES BZHIN RJES BZUNG STE, ,RIM GNYIS LAM GYI RTOGS PA MTHAR PHYIN NAS, ,SKU GSUM GO 'PHANG BDE BLAG THOB GYUR CIG ,CES PA'O, ,RJE BTZUN THAMS CAD MKHYEN PA BLO BZANG YE SHES KYIS RJE BTZUN BLO BZANG BSKAL BZANG RGYA MTSO LA GNANG, DES RJE BCUN BLO BZANG DPAL LDAN YE SHES LA GNANG, RJE DE NYID KYI ZHABS DRUNG DU BDAG GIS RDO RJE 'JIGS BYED KYI DBANG LEGS PAR THOB CING, YANG RJE BLO BZANG YE SHES KYIS RDO RJE 'DZIN PA BLO BZANG RIG GROL LA GNANG, DES RDO RJE 'DZIN PA YE SHES DPAL 'BYOR LA GNANG, RDO RJE 'DZIN PA DE'I ZHABS DRUNG DU BDAG GIS YI DAM 'DI'I DBANG THOB, YANG RJE BLO BZANG YE SHES KYIS MKHAN CHEN NGAG DBANG BLO BZANG LA GNANG, DES KHRI CHEN NAM MKHA' BZANG PO LA GNANG, DE'I ZHABS DRUNG DU BDAG GIS YI DAM 'DI'I DBANG THOB, YANG RJE BTZUN SHES RAB SENG GE NAS SRAD RGYUD GONG MA RNAMS LA RIM GYIS BRGYUD PA RJE BTZUN BLA MA NGAG DBANG BYAMS PA'I ZHABS DRUNG DU BDAG GIS YI DAM 'DI'I DBANG DANG RIM GNYIS KYI MAN NGAG RNAMS LEGS PAR THOB BO,, ,,

` GSANG BDE 'JIGS GSUM GYI BRGYUD RIM GONG DU BSTAN PA DE DAG KYANG DENG SANG YONGS GRAGS LTAR BKOD PA YIN GYI, 'DI DAG LA NANG GSES KYIS PHYEN RGYA GAR GRUB CHEN MANG PO NAS BRGYUD PA'I BRGYUD RIM DANG, LO TZ'A BA MANG PO BRGYUD PA DANG, DE LA'ANG DBANG GI BRGYUD PA DANG, RGYUD KYI LUNG GI BRGYUD PA DANG, RIM GNYIS KYI MAN NGAG MYONG KHRID GYI BRGYUD PA DANG, RTZA BSHAD SBYAR BA'I BSHAD SROL GYI BRGYUD RIM SOGS MANG DU YOD DE, RJE RIN PO CHE'I GSAN YIG DANG, MKHAS GRUB RIN PO CHE'I GSAN YIG DANG, PAn CHEN BLO BZANG CHOS KYI RGYAL MTSAN GYI GSAN YIG DANG, KUN MKHYEN LNGA PA CHEN PO'I GSAN YIG GANGG'A'I CHU RGYUN DANG, RJE BTZUN BLO BZANG YE SHES KYI GSAN YIG SOGS LAS GSUNGS PA LTAR RO,, ` ,,JO BO YAB SRAS KYI GSANG CHOS THUN MONG MIN PA BKA' GDAMS THIG LE BCU DRUG GI BRGYUD RIM NI, JO BO YAB SRAS ZHAL BZHUGS DUS SHIN TU GSANG BAR MDZAD NAS GSANG CHOS 'DI 'DZIN PA'I SMON LAM GYI MTHU GRUB PA RJE BTZUN 'JAM PA'I DBYANGS KYIS BYEN GYIS BRLABS PA'I BSHES GNYEN CHEN PO RDOG LEGS PA'I SHES RAB GCIG PU LA GNANG STE BKA' RGYA DAM POR BTAB, JO BO RJE ZHING GSHEGS NAS 'BROM RIN PO CHES DGE BSHES KA BA LA 'DI'I DBANG DANG GDAMS NGAG MDOR BSDUS SHIG GNANG NAS BKA' RGYAS BTAB, SRAS KYI THU BO SKU MCHED GSUM LAS PHU CHUNG BA

, ,LA BKA' GDAMS SNYING GI THIG LE'I MAN NGAG GI MDZOD 'DZIN PAR LUNG BSTAN MDZAD DO, ,DES NA 'BROM RIN PO CHE'I THUGS SRAS DGE BA'I BSHES GNYEN PHU CHUNG BA ZHES GRAGS PA DE NI , 'PHAN YUL RGYAL GYI SKYI RA RDZING KHAR LCAGS MO LUG GI LO LA SKU 'KHRUNGS, TSE RABS MANG POR LAM LA SBYANGS PA'I BAG CHAGS BRTAS PAS BYIS PA'I DUS NAS MI RTAG BA RTOGS PA'I BLO RANG 'KHRUNGS BYUNG STE SRID PA'I PHUN TSOGS GANG LA'ANG MA CHAGS PAR RGYAL BA'I BSTAN BA LA ZHUGS TE CHOS RNAM DAG CIG MDZAD BZHED NAS RGYAL LHA KHANG DU BROS TE ZHANG CHEN PO DANG, GLAN TSUL BYANG LA RAB TU BYUNG, MTSAN GZHON NU RGYAL MTSAN DU BTAGS, DE NAS 'DUL BA'I BCAS MTSAMS RNAMS MIG GI 'BRAS BU LTAR BSRUNG ZHING SNGON BYON DAM PA'I RNAM THAR BSAMS TE THOS PAS MA SGOM GSUM CHA TSANG PA ZHIG MDZAD BZHED NAS MKHAS PA CHEN PO KHU STON LA PHAR PHYIN GYI 'GREL CHUNG TSAR BCO LNGA GSAN PA SOGS THOS PA MANG DU MDZAD, 'DUL BA LA'ANG GSAN SBYONG MTHAR PHYIN PAR MDZAD NAS, SNYE THANG DU JO BO'I ZHAL MJAL ZHING CHOS KYANG CUNG ZAD GSAN, JO BO GSHEGS NAS DGE BSHES STON PA'I PHYAGS PHYI MDZAD NAS RA SGRENG DU PHEBS, GDAMS PA RDZOGS PAR GSAN ZHING THUGS NYAMS SU BZHES, DGE BSHES STON PA'I BKA' LUNG GIS SLOB MA SKYONG BA'ANG MDZAD DE, 'BROM RIN PO CHE'I

ZHABS DRUNG DU DGE SLONG GSAR BU BYUNG BA RNAMS LA 'DUL BA'I BSLAB BYA LEGS PAR SLOBS SHIG CES BKA' GNANG NAS, 'DUL BA'I PHYAG LEN KHRID BAR MDZAD, DGE BSHES STON PA LO BCU GCIG TU BSTEN NAS YON TAN MA LUS THUGS LA MNGA' BAR MDZAD, DGE BSHES STON PA 'DAS NAS TSE 'DI'I 'KHRI BA PHRA MO 'ANG MED PAR DBEN PA'I GNAS SU MDO SNGAGS KYI LAM CHA TSANG LA NYAMS LEN MTHAR PHYIN BA ZHIG MDZAD BZHED BAR BYUNG STE, DGE BSHES PHU CHUNG BA 'DE NYID NI, SKYES KYANG NAGS SU SKYES, DENGS KYANG NAGS SU DENGS PA LTA BU ZHIG YIN TE, SHA GZUG RANG ZA GSUNGS NAS SGRUB PA 'BA' ZHIG MDZAD DE, 'PHAN YUL YUNG BA'I PHU PHU CHUNG DU SGRUB KHANG BRTZIGS TE SGRUB PA GTZO BOR MDZAD, DE'I TSE SGRUB KHANG GI NUB NA BRAG LA PHYAG MDZUB BTZUGS PAR SGRUB CHU BYUNG BA'ANG YOD DO, ,'DIS SLOB MA DRUNG DU 'DUS PA DAG LA'ANG RTEN CING 'BREL PAR 'BYUNG BA YAN LAG BCU GNYIS KYI GDAMS PA GTZO BOR 'DEBS BAR MDZAD CING, LAM GYI RIM PA'ANG DE'I KHONGS SU 'THUS PAR MDZAD DO, ,BDAG NYID CHEN PO 'DI RI DVAGS RMAS MA LTAR 'DU 'JI LA CHES 'JIGS PAS SKU MCHED GSUM TSOGS PA'I SKABS MA GTOGS TSOGS MI SDUD CING, GCIG BU GNYIS SU MED SAR DBEN PA NAS DBEN PAR 'PHO BAR MDZAD KYANG YON TAN GYI DRI BSUNG LA THAMS CAD 'KHOR TE SKU MCHED GNYIS KYI SLOB MA PHAL CHE BAS CHOS MA GSAN PA MED DE, SPYAN SNGA GSHEGS

, ,NAS BYA YUL BAS PHU CHUNG DU BYON TE RTEN 'BREL GYI KHRID GSAN CING BZHUGS DUS MANG RA'I ZHAL NAS, DA LTA PHU CHUNG NA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' ZHIG SMIN BDOG GSUNG SKAD, PHU CHUNG BA'I LUGS KYI RTEN 'BREL GYI KHRID NYAMS SU LEN CHUL BYA YUL BA'I BKA' RGYUD LA DAR CHE CHE BAR BYUNG NGO, ,DGE BSHES PHU CHUNG BA DE NYID DKON MCHOG MCHOD BA LA GTZO BOR MDZAD PAS GZIM KHANG GI PHYI ROL TU SBOS KYI DRI NGAD LDANG BA LAGS PAR GDA', ZHAL NAS NGAS DANG POR SPANG SPOS SNA CHA TING NGE BA PHUL, DE NAS RENG BU BZHI SBYOR MNGAR SID DE BA 'BUL RGYU BYUNG, DA LTA AA KA RU DANG DU RU KA LA SOGS PA DRI BSUNG CHING NGE BA 'BUL GSUNG, LAN CIG LA GSER SRANG NYI SHU RTZA GNYIS KYI SPOS SBYAR SKAD, YANG ZHAL NAS, DA LTA NAS SKYABS 'GRO GOMS CAN NA BA'I TSE AA RA ZER BA'I DOD LA SANGS RGYAS SOGS 'ONG STE GSUNG, YANG LAN CIG G-YANG SHUN MGO LA BKAB NAS RGYAL LHA KHANG GI SHI BA RNAMS BGRANG GIN SNANG SKAD, YANG LAN CIG PHU CHUNG BA DANG KHAM LUNG BA 'DZOM DUS DGE BSHES PA NI LAS 'BRAS KHO NA GAL CHE BAR GSUNG BA LA, DA LTA BSHAD RIN DANG NYAN RIN DANG SGOM RIN MED PAR BYED DE, 'DI KHO NA NYAMS SU BLANGS DKA' SEMS GSUNG BAS, PHU CHUNG BA YANG DE TZUG LAGS GSUNG BA DANG, YANG PHU CHUNG BA'I ZHAL NAS, NGA NI RGAS KHAR MDZANGS BLUN LA KHA

LHAN GYIS SONG GSUNG SKAD, YANG ZHAL NAS, 'U CAG DGE BA'I TSIG 'BRU BTON DANG, MI DGE BA DON BTON DU 'GRO GSUNG, YANG PHU CHUNG BA CHEN POS LAN CIG NAM PHYED CAN AA TZA MA GSUNG, CI NONGS ZHUS PAS, DE RING MDO SDE BLTAS PA NA DUS KYI MTHA'I NYAN THOS BYE MA'I SGRO BA KHA SPUB BA BZHIN MAR LA 'GRO BAR BSHAD SNANG, DE'I GSEB NA NI NGA YANG YOD BLA LHAG BA'I CHOS NI MA BYAS, SRUB KAR CHAGS PA 'DRA YIN NA RUNG STE ZHES GSUNGS, YANG ZHAL NAS; CHOS BYED PA LA SHES DGOS, DE LA GO DGOS, DE LA NYAN DGOS, YANG HUR CHEN PO PHYUNG NAS BYED DGOS, LUNG PA'I SROL BSGYUR NAS CHOS BYED DGOS TE, BDAG GZHAN BRJE BA'AM, 'JIG RTEN DANG MI MTHUN BAR BYED DGOS, GTAM NGAN BLANGS NAS BYED DGOS, SNYING KHAM RANG DPE THE'U TZAM DGOS GSUNG, YANG LAN CIG DGE BSHES SHA BO SGONG PA'I MTSAN PHYUNG NAS, JO BO PA 'CHI BA 'DI MNGON SUM DU MI RO LUD BZHIN SKYEL BA 'DI MI GO BAR CHOS RNAMS KYI GNAS LUGS 'JIG RTEN MTHA' DAG GIS IYID CHES PAR DKA' BA LA BLO 'GRO BA SKAD ZER BA 'DIL GLO BA MI CHES BAR GDA'O GSUNG SKAD, YANG SHA BO SGANG PA LA NGA DE RING KHYED LA CHOS SHIG NYAN GSUNGS NAS, SLE MO THANG DU RO BSREGS PA RNAMS STON CIG GSUNG, SHA BO SGANG PAS 'DIR 'DI SKAD BYA BA BSREGS PA LAGS, 'DIR 'DI SKAD BYA BA BSREGS BA LAGS BYA BA LA SOGS PA GSUNGS PAS, NYON MONGS PA

, ,RA YOM MI BA, SGRO LDEM ME BA, RMIG PA SHA RA BAR BZHAG BA'I CHOS BYED SHES PA GSUNGS PA LA, SHA BO PA'I ZHAL NAS, SHES PHA BAS KYANG MKHAS KYANG MKHAS, MKHAS PA BAS MANG YANG MANG GSUNG NGO, ,YANG LAN CIG ZHAL NAS 'CHI BA MI RTAG PA DANG LAS DANG 'BRAS BU MANG DU SGOMS SHIG ,PHAS PHAM PA BZHI BYUNG YANG SBYOD NUS PA CIG 'ONG GI ,DE NGA'I KHA CHEMS YIN GSUNG NGO, ,YANG ZHAL NAS, BDAG NYID GANG LA MI DGA' BA, ,GZHAN LA KUN DU CHI SPYAD DO, ,ZHES PA BYANG CHUB SEMS DPA'I BSLAB PA'I KHOG PA YIN GSUNG, 'BROM RIN PO CHE'I ZHABS DRUNG DU SKU MCHED GSUM 'TSOGS NAS 'BROM RIN PO CHE ZHING GSHEGS KYI PAR DU 'BRAL MED DU BZHUGS KYANG JO BO YAB SRAS KYI GSANG BA'I CHOS RDZOGS BAR MNGA' BA NI PHU CHUNG BA NYID MIN TE, 'BROM RIN PO CHE'I ZHAL NAS KYANG, TSUL KHRIMS 'BAR BA RIN CHEN 'OD GSAL BA, ,RIN CHEN GSAL BAS TSUL KHRIMS RGYAN MJES PA, ,NGA YI RNAM THAR MI NUB SKYONG BAR MDZOD, ,GZHON NU RGYAL MTSAN NGA DANG GNYIS SU MED, ,THUGS RJE CHEN PO KUN TU SBAS PA'I BU, ,'JIG RTEN KHAMS RNAMS RGYAL MTSAN 'DI YIS GANG, ,PADMA'I SUL RNAMS GZHON NU 'DI YIS BRGYAN, ,CES DANG, 'DI LA GRA BAR GYUR PA SU YANG MED, ,SLOB MAR MA GYUR CHOS PA SU YANG MED, ,'DI LA GNAS MED ZHING KHAMS THAMS CAD 'DZIN, ,MI GRAL

NAS BUD MI DBANG RNAMS KYIS MCHOD, ,GZHON NU RGYAL MTSAN RTAG TU RGYAL GYUR CIG ,CES GSUNGS TE LEGS PAR BSNGAGS PA'I SEMS DPA' CHEN PO 'DIS JO BO YAB SRAS KYI GSANG CHOS BKA' GDAMS THIG LE BCU DRUG GI DBANG DANG GDAMS NGAG JI LTAR GSAN BA DANG, NYAMS LEN JI LTAR MDZAD BA DANG, BDAG NYID CHEN PO 'DI'I PHYAG TU SPRUL PA'I GLEGS BAM JI LTAR BYUNG CHUL SOGS LO RGYUS RNAM THAR CUNG ZAD BRJOD NA, JO BO YAB SRAS GNYIS YER PA LHA RI SNYING PO'I MGUL NA BZHUG SA DUS MDO SNGAGS GSUNG RAB DGONGS 'GREL DANG BCAS PA THAMS CAD KYI SNYING PO'I DON BYANG CHUB LAM GYI RIM PA'I GNAD RNAMS LA BKA' BGRO BAR MJAD PA'I TSE RGYUD PA GSUM GYI BLA MA GONG MA THAMS CAD KYANG DNGOS SU BYON TE ZHAL 'DZOM, MGON PO SPYAN RAS GZIGS DANG RJE BTZUN MA SGROL MA SOGS LHAG PA'I LHA RNAMS KYIS KYANG DNGOS SU ZHAL BSTAN, DE'I TSE MGON PO GSER GLING PAS BYANG CHUB LAM GYI RIM PA'I SNYING PO DANG SROG SHING DANG LAM GYI RTZA BA BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, NYAMS LEN MTHAR PHYIN PAR BYED PA LA SNYING RJE'I LHA MGAN PO SPYAN RAS GZIGS LHAG PA'I LTAR BSTEN NAS GSOL BA GDAB DGOS PA DANG, MGON PO SPYAN RAS GZIGS KYI SKU'I BKOD PA BSAM GYIS MI KHYAB PA THIG LE BCU DRUG GI MAN NGAG LAS 'BYUNG BA LTAR YOD TSUL RNAMS

, ,GSUNGS, RJE BCUN MA SGROL MAS KYANG GSUNG RAB DGONGS 'GREL DANG BCAS PA THAMS CAD SKYABS GNAS BLA MA RJES DRAN, RANG LUS LHA SKUR RJES DRAN, NGAG BZLAS BRJOD DU RJES DRAN, 'GRO KUN PHA MAR RJES DRAN, GNAS LUGS STONG PA RJES DRAN TE RJES DRAN LNGAR BSDUS NAS NYAMS SU LEN TSUL RGYAS PAR GSUNGS TE, DE NI THIG LE BCU DRUG GI GDAMS NGAG 'DI'I NYAMS LEN BYA TSUL NYID DO, ,DE NAS JO BO RJES 'BROM RIN PO CHE'I SKYES RABS RNAM THAR RNAMS DANG SPRUL PA'I BKOD BA BSAM GYIS MI KHYAB PA RNAMS MDOR BSDUS GSUNGS SHING, 'BROM RIN PO CHE NYID LA'ANG KHYED BOD KYI MGON PO THUGS RJE CAN YIN PAS HA CANG SPA BAR MA MDZAD PAR PHYI RABS KYI GDUL BYA'I DON DU CUNG ZAD GSUNGS SHIG CES BSKUL BA NA 'BROM RIN PO CHES THA MAL PA'I SNANG NGOR BSTAN PA'I SKU DE YAL NAS THUGS RJE CHEN PO RGYAL BA RGYA MTSO RTEN DANG BRTEN BAR BCAS PA'I DKYIL 'KHOR DU DNGOS SU BZHENGS NAS THIG LE BCU DRUG GI GDAMS BA ZAB MO RNAMS GSUNGS, DE YANG JO BO YAB SRAS KYIS GSUNGS BA TZAM MIN GYI, MDO RGYUD NAS GSUNGS PA'I MAN NGAG STE MDO SDE ZA MA TOG BKOD PAR THIG LE BCU DRUG GI DKYIL 'KHOR 'DI DANG CHA 'DRA BAR THUGS RJE CHEN PO'I SKU'I BA SBU'I BU GA RE RE YANG SANGS RGYAS KYI ZHING MANG PO YOD PA SOGS GSUNGS, DE BZHIN DU 'DUS PA CHEN PO'I GZUNGS LA SOGS PA DANG, DPAL

GSANG BA 'DUS PA YE SHES ZHABS LUGS GYI RTZA BA'I MAN NGAG 'JAM PA'I DBYANGS KYI ZHAL LUNG DANG, DE'I MAN NGAG SGRUB THABS KUN BZANG DANG, GROL BA'I THIG LE RTZA 'GREL SOGS LAS THIG LE BCU DRUG GI NYAMS LEN 'DI'I GNAD RNAMS GSUNGS TE DA DAG GI TSUL ZHIB PAR BDAG GIS YI GE LOGS SU BRIS NAS YOD DO, ,DE LTA BU'I SNYING GI THEG LE'I DKYIL 'KHOR SGOM TSUL GYI GDAMS PA ZAB MO YID CHES KHUNGS BTZUN BYIN RLABS KYI TSAN KA SHIN TU CHE BA 'DI JO BO YAB SRAS GNYIS KYIS DGE BSHES GSANG PHU BA LA GNANG STE, DE YANG DGE BSHES GSANG PHU BA RDOG LAGS PA'I SHES RAB CES BYA BA 'DI NI BSKAL PA DPAG TU MED PA NAS TSOGS RGYA CHEN PO BSAGS SHING, LHAG PAR JO BO YAB SRAS KYI GSANG BA'I MDZOD 'DZIN PA'I SMON LAM RLABS PO CHE BTAB PA, RJE BTZUN 'JAM PA'I DBYANGS KYIS DNGOS SU BYIN GYIS BRLABS BAS SHES BYA'I GNAS THAMS CAD LA MKHYEN PA THOGS PA MED PAR 'JUG PA ZHIG STE, DE LTA BU'I BDAG NYID CHEN PO DE GSANG PHU NA DGE 'DUN LNGA BRGYA TZAM LA GZHUNG LUGS RAB 'BYAMS 'CHAD CING BZHUGS PA NA, RJE BTZUN 'JAM PA'I DBYANGS KYI BKAS BSKUL NAS TSE 'DI'I BUN LONG THAMS CAD DOR TE PHYI BZHIN 'BRANG BA ZHIG DANG BCAS YER PA LHA RI SNYING POR PHEBS NAS JO BO YAB SRAS LA DNGUL GYI MAndAL MDA' GANG BA ZHIG LA DUNG GI TSOM BU BKOD PA SOGS MCHOD PA'I DNGOS PO TSAD MED BAS MCHOD DE YANG DANG YANG DU GSOL BA BTAB NAS

, ,'BROM RIN PO CHE'I SKYES RABS RNAMS DANG, SNYING GI THIG LE'I GDAMS PA YONGS SU RDZOGS BAR ZHUS, GANG GSUNGS THAMS CAD THUGS LA BZUNG, RJE BTZUN 'JAM PA'I DBYANGS KYI MTHUS GDAMS PA YONGS SU RDZOGS PA YI GE'I GZUGS SU SHAR PA'I BKA' GDAMS SPRUL PA'I GLEGS BAM CHEN MO YANG PHYAG TU BZHUGS, DE NAS RDOG LEGS PA'I SHES RAB KYIS GSANG PHUR PHEBS NAS BKA' GDAMS SPRUL PA'I GLEGS BAM LA MCHOD PA TSAD MED PAS MCHOD CING KHOR YUG TU GSOL BA BTAB, NAM ZHIG NA RJE BTZUN 'JAM PA'I DBYANGS KYIS BSKUL NAS MNGA' RIS BA SHES RAB RGYAL MTSAN ZHES BYA BA'I BYANG CHUB SEMS DPA' CHEN PO ZHIG GSANG PHU'I NAGS KHROD NA SGOM ZHING YOD PA'I SAR GSANG PU BA CAN PO BYON NAS SNYING GI THIG LE'I GDAMS BA 'DI'I LO RGYUS CUNG ZAD GSUNGS PA NA BYANG CHUB SEMS DPA' SHES RAB RGYAL MCHAN GYIS KYANG DE LTA BU'I GDAMS BA ZAB MO DE CI NAS KYANG GSUNG 'CHAL ZHES GSOL BA BTAB BA NA, GSANG PHU BA CHEN POS KYANG ZHAL GYIS BZHES NAS 'DI LA SPYAN RAS GZIGS KYI DKYIL 'KHOR LA MCHOD PA'I RGYU ZHIG DGOS GSUNGS PA NA, BYANG CHUB SEMS DPA' SHES RAB RGYAL MTSAN GYIS YO BYAD CI YOD MCHOD PA'I RGYUR PHUL, DA'I STENG DU GSANG PHU BA CHEN POS KYANG YO BYAD MANG DU GNANG STE, THIG LE'I DKYIL 'KHOR BZHENGS NAS SGRUB GROGS DGE SLONG BZHI DANG

BCAS ZHAG SUM CU'I RING LA THIG LA BCU DRUG GI DBANG DANG GDAMS PA YONGS SU RDZOGS BAR GNANG, MTHAR SPRUL BA'I GLEGS BAM YANG GNANG STE BKA' RGYAD DAM DU MDZAD, DE NAS BYANG CHUB SEMS DPA' SHES RAB RGYAL MTSAN GYIS MI MED DBEN PA'I GNAS DU MAR NYAMS SU BZHES TE RTOGS PA MCHOG BRNYES NAS DGE BSHES PHU CHUNG BA'I SAR BYON PA NA, PHU CHUNG BAS KYANG KHONG LA SNYING GI THIG LE'I GDAMS PA ZAB MO 'DI YOD PAR MNGON SHES KYIS MKHYEN NAS DE GNANG DGOS BAR GSOL BA BTAB, BYANG CHUB SEMS DPA' CHEN POS KYANG ZHAL GYIS BZHES NAS 'DI LA SPYAN RAS GZIGS KYI DKYIL 'KHOR LA MCHOD RDZAS SHIG DGOS GSUNGS PA NA, PHU CHUNG BAS RNAM SRAS LA 'PHRIN LAS KYI GROGS BCOL BA NA DE MA THAG TU MCHOD RDZAS THAMS CAD THOGS PA MED PAR GRUB STE DKYIL 'KHOR BSHAMS, GNYIS KA KUN SPANG BYA BRAL DU SONG BAS SGRUB GROGS GZHAN MA RNYED PA NA PHU CHUNG BAS 'PHAGS PA GNAS BRTAN BCU DRUG LA GSOL BA BTAB NAS GNAS BRTAN BCU DRUG GIS SGRUB GROGS MDZAD, DER BYANG CHUB SEMS DPA' SHES RAB RGYAL MTSAN GYIS SNYING GI THIG LE'I DKYIL 'KHOR DU DBANG BSKUR BA DANG GDAMS NGAG RNAMS SPEL MAR BYAS TE ZLA BA GCIG DANG ZHAG BCO BRGYAD KYI RING LA YONGS SU RDZOGS PA GNANG ZHING, MTHAR BKA' GDAMS SPRUL PA'I GLEGS BAM YANG DGE BSHES PHU CHUNG BA LA GTAD NAS BYANG CHUB SEMS DPA' SHES RAB RGYAL MTSAN SKU'I SNANG BA BSDUS

, ,TE 'JA' LUS SU GSHEGS SO, ,DE NAS DGE BSHES PHU CHUNG BA CHEN POS DBEN PA'I GNAS DU MAR THUGS NYAM SU BZHES TE ZUNG 'JUG GI GO 'PHANG BRNYES PA NA BYANG CHUB SEMS DPA' RIN CHEN RGYAL MTSAN ZHES BYA BA'I SAR PHEBS, DES KYANG PHU CHUNG BA CHEN PO LA BKA' GDAMS BSTAN PA'I SNYING PO 'DI GNANG DGOS PAR GSAL BA BTAB PA NA, GDAMS NGAG 'DI LA THUGS RJE CHEN PO'I DKYIL 'KHOR LA MCHOD RDZAS SHIG DGOS BAS KHYOD RANG YANG BSOD SNYOMS CUNG ZAD MDZOD, NGAS KYANG GROGS BYA GSUNGS NAS PHU CHUNG BA CHEN POS RA SGRENG SOGS NAS ZAS SNA DANG SMAN SNA BTZAL, BYANG CHUB SEMS DPA' RIN CHEN RGYAL MTSAN GYIS BSOD SNYOMS BYAS TE YO BYAD RNAMS TSOGS BA NA ZHAG RE LA THIG LE RE MDZAD NAS ZHAG BCU DRUG LA THIG LE BCU DRUG GI DBANG RDZOGS BAR MDZAD, MAN NGAG RNAMS ZLA BA DRUG GI RING RDZOGS PAR BSTAN NAS RGYUD SMIN CING GROL BAR MDZAD DO, ,DE'I TSE PHU CHUNG PA CHEN BOS BKA' GDAMS BSTAN PA'I SNYING PO 'DI NYID GANGS RI'I KHROD 'DIR MI NUB CING 'PHEL BAR BYA PA'I PHYIR BKA' GDAMS LHA CHOS BDUN LDAN SNYING GI THIG LE'I MAN NGAG 'DI JI LTAR BYON TSUL GTER GYI KHA BYANG LTA BU ZHIG KYANG YI GER 'GOD BAR MDZAD DO, ,DE LTAR PHU CHUNG BA CHEN POS SEMS DPA' CHEN PO RIN CHEN RGYAL MTSAN LA BKA' GDAMS SNYING GI THIG LE'I MAN NGAG YONGS SU RDZOGS BAR

BSTAN NAS MTHAR SPRUL PA'I GLEGS BAM YANG GNANG STE PHU CHUNG BA CHEN PO 'JA' LUS SU GSHEGS SO, ,DE NAS BYANG CHUB SEMS DPA' RIN CHEN RGYAL MTSAN GYIS DBUS GTZANG MNGA' RIS BAL YUL SOGS DBEN GNAS DU MAR BYON NAS NYAMS SU BA ZHES SHING RTOGS PA MCHOG BRNYES PA NA RA SGRENG DU BYON TE ZHANG STON DAR MA RGYAL MTSAN BTZUN CHUNG GZHON NU ZHIG YOD PA DE GDAMS NGAG 'DI'I BDAG POR 'GYUR BAR MKHYEN NAS DE RJES SU BZUNG, DGE BSHES STABS KAB CHEN POS ZHU SNA DANG MCHOD RDZAS THAMS CAD SBYOR BAR MDZAD NAS RA SGRENG GI KA GNYIS MAR THIG LE BCU DRUG GI DKYIL 'KHOR RGYAS PAR BRIS TE, JO BO YAB SRAS GNYIS KYANG DNGOS SU BYON NAS BSNYEN PA'I GROGS MDZAD, ZLA BA GCIG DANG ZHAG GNYIS KYI RING LA THIG LE BCU DRUG GI DBANG RGYAS PA ZHIG MDZAD, DE NAS LO BCU GNYIS KYI RING ZHABS 'BRING DU BSTEN TE DPEN PA'I GNAS DU MAR GDAMS NGAG YONGS SU RDZOGS PAR BSTAN, MTHAR GLEGS BAM YANG GNANG STE ZHANG STON DAR MA RGYAL MTSAN CHOS 'DI'I BDAG POR BYIN GYIS BRLABS PO ,DE NAS ZHANG STON DAR MA RGYAL MTSAN GYIS DBEN GNAS DU MAR THUGS NYAMS SU BZHES SHING RTOGS PA MCHOG BRNYES PA NA STABS KA BA BYANG CHUB BZANG PO RJES SU BZUNG, BYANG CHUB BZANG POS KYANG ZHANG STON DAR MA RGYAL MTSAN LA SNYING GI THIG LE'I GDAMS PA 'DI GSUNG BAR GSOL BA BTAB PA NA ZHAL GYIS BZHES TE MCHOD RJES RNAMS BSAGS, MCHOD PA'I YO BYAD

, ,RNAMS 'JOM PA NA 'BROM RIN PO CHE'I 'KHRUNGS YUL PHUG RING DU BYON NAS ZHAG BCU DRUG GI RING LA THIG LE BCU DRUG GI DBANG TSAR BAR MDZAD, DE NAS RA SGRENG DU BYON NAS ZLA BA GCIG GI RING LA THIG LE'I SGRUB PA MDZAD, DE NAS LO DGU'I BAR DU BSTEN NAS GDAMS NGAG RNAMS RDZOGS PAR GSAN NO, ,DE NAS SLOB DPON BYANG CHUB BZANG POS SNYING GI THIG LE'I GDAMS PA THUGS NYAMS SU BZHES SHING RTOGS PA MCHOG BRNYES BA NA STABS KA BA NAM MKHA' RIN CHEN RJES SU BZUNG STE, STABS KA BA NAM MKHA' RIN CHEN GYIS SLOB DPON BYANG CHUB BZANG BO LA BKA' GDAMS BSTAN PA'I SNYING PO SNYING GI THIG LE'I GDAMS PA GNANG DGOS PAR ZHUS PA NA 'DI LA MCHOD RDZAS CUNG ZAD CIG DGOS GSUNGS, DE 'TSOL BAR ZHUS NAS YO BYAD RNAMS BTZAL TE MCHOD RDZAS RNAMS TSANG BAR BTZAL GRUB PA NA ZHAG BCU DRUG GI RING THIG LE BCU DRUG GI DBANG MDZAD DE NAS DBEN PA'I GNAS DU MAR PHEBS NAS GDAMS NGAG RNAMS YONGS SU RDZOGS PAR GNANG STE, LO NYI SHU RTZA BZHI'I RING 'BRAL MED DU BSTEN NAS BKA' GDAMS KYI GDAMS NGAG YONGS SU RDZOGS PAR GSAN GSUNG NGO; ;'DI YAN CHAD NI CHIG RGYUD KHO NA YIN PA LA SLOB DPON BYANG CHUB BZANG POS STABS KA BA NAM MKHA' RIN CHEN LA DA PHYIN CHAD MAN NGAG CUNG ZAD YANGS SU THONGS ZHES BKA' GNANG, DE NAS SLOB DPON NAM MKHA'

RIN CHEN GYIS BYANG CHUB SEMS DPA'I NOR BU'I PHRENG BA RGYA CHER SPEL ZHING, BKA' GDAMS GLEGS BAM YANG DON GNYER CAN MANG PO LA BSHAD, SNYING GI THIG LE'I GDAMS PA NI 'BROM KU MA RA MA TI LA GNANG STE, MCHOD PA'I YO BYAD RNAMS TSOGS PAR BYAS TE THIG LE BCU DRUG GI DBANG ZHAG BCU GNYIS LA RDZOGS PA ZHIG MDZAD, GLEGS BAM YANG YONGS SU RDZOGS PAR BSTAN TE THUGS LA GZUNG DU BCUG ,'BROM KU MA RA MA TIS KYANG BKA' GDAMS GLEGS BAM YONGS SU RDZOGS PA TSIG GCIG KYANG MA LUS PAR THUGS LA BZUNG NAS RGYUN DU ZHAL TON MDZAD, BKA' GDAMS SPRUL PA'I GLEGS BAM CHEN MO NI SLOB DPON NAM MKHA' RIN CHEN GYIS STABS KA'I MCHOD RTEN GYI NANG DU BZHUGS SU GSOL ZHES 'BYUNG NGO, ,DE NAS 'BROM KU MAR MA TIS SNAR THANG DU NGES NAS BKA' GDAMS GLEGS BAM RGYA CHER SPEL ZHING, SNAR THANG MKHAN CHEN GYI MA RGYAL MTSAN GYIS 'BROM KU MA RA MA TI'I ZHAL NAS JI LTAR GSUNGS PA LTAR BKA' GDAMS GLEGS BAM YI GOR BKOD, DEL MA PHYI BYAS NAS PHYOGS PHYOGS SU 'PHEL BA YIN PAS DENG SANG BKA' GDAMS GLEGS BAM YI GER 'KHOD PA LA BLTAR YOD PA NI 'BROM KUN MA RA MA TIS BKA' GDAMS GLEGS BAM THUGS LA BZUNG BA DE'I BKA' DRIN LAS BYUNG BA YIN NO, ,DE NAS RIM GYIS THAMS CAD MKHYEN PA DGE 'DUN GRUB DANG, RGYAL BA DGE 'DUN RGYA MTSO GNYIS KYIS RGYA CHER SPEL BAR MDZAD, DE NAS RIM GYIS BRGYUD DE PAn CHEN

, ,THAMS CAD MKHYEN PA BLO BZANG CHOS KYI RGYAL MTSAN DANG, RGYAL DBANG THAMS CAD MKHYEN PA NGAG DBANG BLO RGYA MTSO GNYIS KYIS SPEL BAR MDZAD, RGYAL DBANG THAMS CAD MKHYEN PA NGAG DBANG BLO BZANG RGYA MTSOL NI 'BROM RIN PO CHES DNGOS SA ZHAL GZIGS NAS SNYING GI THIG LE'I DBANG DANG GDAMS NGAG GNANG BA YIN ZHES BDAG GI BLA MA DAM PA GSUNG NGO, ,DUS PHYIS MI BDAG GI DRIN CAN RTZA BA'I BLA MA RJE BTZUN NGAG DBANG BYAMS PAS SNYING GI THIG LE'I DBANG DANG GDAMS NGAG MI NUB PAR BZUNG NAS DON GNYER CAN KHA SHAS LA GNANG BA LAS HA CANG DAR CHA CHE BA MI SNANG LA, BLA MA RIN PO CHE DE NYID KYI ZHABS DRUNG DU BDAG GIS THIG LE BCU DRUG GI DBANG DANG BKA' GDAMS SNYING GI THIG LE'I GDAMS NGAG 'DI'I BKA' DRIN LEGS PAR THOB LA JO BO YAB SRAS KYI GSANG CHOS BKA' GDAMS LHA CHOS BDUN LDAN GYI SNYING PO'I YANG SNYING PO THIG LE BCU DRUG GI GDAMS NGAG 'DI MA NUB NGAR YUN RING DU GNAS NA CIM RUNG SNYAM DU SMON PAS THIG LE BCU DRUG GI GDAMS NGAG 'DI'I BLA GONG MA'I BRGYUD RIM RNAM THAR DANG, 'DI'I DKYIL CHOG SLOB MA RJES SU 'DZIN TSUL DANG BCAS PA CHES ZHIB PAR BKOD PA BKA' GDAMS GSAL BYED CES BYA BA DANG, BLO DMAN RNAMS KYIS 'DI'I CHO GA RNAMS NGAG 'DON DU BYA TSUL DANG, 'DI'I MAN NGAG JI LTAR NYAMS SU YEN TSUL GYI KHRID YIG DANG, BKA' GDAMS LHA CHOS BDUN LDAN

GYI RNAM THAR LA SMON LAM DU BYA TSUL TSIGS BCAD DU BSDEBS PA BCAS GDAMS NGAG 'DI CHA LAG DANG BCAS PA'I YI GE BDAG GIS LOGS SU BRIS NAS YOD DO, ,DES NA BYANG CHUB LAM GYI RIM PA LA BLO SPYOD BAR 'DOD PA RNAMS KYIS RGYA CHEN SPYOD PA'I RGYUD KYI BLA MA RNAMS DANG, ZAB MO LTA BA'I RGYUD KYI BLA MA RNAMS DANG, NYAMS LEN BYIN RLABS RGYUD KYI BLA MA RNAMS LA GSOL BA 'DEBS SHING LAM PHYOGS DER MA SONG BAR MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA SNYING POR BYA ZHING THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ,,SMRAS PA, NAM MKHA'I MTHAS GTUGS PHYOGS BCU'I 'JIG RTEN NA, ,LUS CAN RNAMS LA PHAN BDE GANG 'BYUNG BA, ,RGYAL BA'I BSTAN PA NYID LA RAG LAS ZHES, ,RGYAL DANG RGYAL SRAS KUN GYIS MTHUN PAR GSUNGS, ,PHAN BDE'I 'BYUNG GNAS RGYAL BA'I BSTAN PA NI, ,TSANG LAM NOR BYANG CHUB LAM RIM STE, ,RGYAL BSTAN THAMS CAD LAM RIM 'DIR 'DU BAR, ,SHING RTA CHEN PO GNYIS KYIS GSUNGS PHYIR RO, ,DE PHYIR BYANG CHUB LAM GYI RIM PA YI, ,BSHAD SGRUB JI SRID GNAS PA DE SRID DU, ,RGYAL BA'I BSTAN PA GNAS PA ZHES BYA STE, ,'DI NYAMS NA NI RGYAL BSTAN MED PHYIR RO, ,SKYA BA 'DZIN PA MED PAR NI, ,GRU YIS PHA ROL MI BGROD LTAR, ,LAM STON BSHES GNYEN MED NA NI, ,LAM BZANG DAR BA'I SKABS MED DO, ,NYI MA MED PAR NYIN MO MED, ,SA GZHI MED PAR LO TOG MED, ,RGYA MTSO MED

, ,PAR NOR BU MED, ,LAM STON MED PAR LAM MED DO, ,RTZVA SHING NAGS TSAL LO TOG THAMS CAD NI, ,SA LA GNAS SHING SA LAS 'BYUNG BA LTAR, ,MTHO RIS THAR PA'I YON TAN MA LUS PA, ,LAM STON BSHES GNYEN NYID LA RAG LAS SO, ,MA NOR LAM STON BSHES GNYEN DAM PA NI, ,MTHO RIS THAR PA'I LAM BZANG LTA BA'I MIG ,MCHOG DANG THUN MONG DNGOS GRUB KUN GYI GZHIR, ,RGYAL DANG RGYAL SRAS KUN GYIS RGYA CHER BSNGAGS, ,TSUL DE MTHONG NAS BDAG GIS NI, ,MA NOR LAM BZANG STON MDZAD PA'I, ,RTZA BRGYUD BLA MA'I TSOGS RNAMS KYI, ,RTOGS PA BRJOD PA 'DI BYAS SO, ,'KHOR BA THOG MA MED PA NAS, ,LAS NYON DBANG GIS LUS BLANGS TE, ,BYA BA GANG DANG GANG BYAS PA, ,THAMS CAD DON MED LAS ROR SONG, ,DA RES RGYAL BSTAN 'PHEL BA'I PHYIR, ,BSTAN 'DZIN DAM PA'I TSOGS RNAMS KYI, ,RTOGS BRJOD NGAL BA 'DI BYAS PAS, ,LUS 'DIS SNYING PO CUNG ZAD LON, ,'KHOR BA THOG MA MED PA NAS, SEMS DANG SEMS BYUNG 'DI DAG NI, ,LOG PA'I LAM DU BRGYUGS BRGYUGS NAS, ,RGYUN DU RANG NYID PHUNG BAR BYAS, ,DA RES YUL 'DZIN RNAM RIG 'DIS, ,RGYAL DANG RGYAL BA'I SRAS RNAMS KYI, ,MDZAD BZANG YON TAN LTAS PAS NA, ,RNAM RIG BKRA BA DON LDAN BYAS, ,THOG MED DUS NAS LAS NYON SGYU MA MKHAN PO YIS, ,MI GTZANG KHU BA KHRAG GI THIGS PA TSOGS PA LA, ,RO LANGS SHA RUS 'KHRUL 'KHOR JI SNYED BCOS BCOS KYANG, ,CI BYAS THAMS CAD RANG GZHAN PHUNG BA'I LAS SU SONG, ,DA RES KHU KHRAG THIG

PA'I DANG MA MCHOG ,GZUGS 'DZIN DBANG POS DAM PA'I RNAM THAR LA, ,YANG DANG YANG DU BLTAS TAR BYAD DPYAD NAS, ,LEGS BSHAD GRUB BAS LTA BYED DON DANG LDAN, THOG MA MED NAS NGO 'DZIN STONG GRUB KYANG, ,NYON MONGS DUG GSUM DBANG DU SONG SONG NAS, ,MI DGE'I GTAM GYIS NYIN MTSAN DUS 'DAS TE, ,RANG GZHAN THAMS CAD PHUNG BA BRGYUD MAR BYAS, ,DA RES 'GRO BA'I SGRON ME SANGS RGYAS DANG, ,RGYAL BA'I SRAS PO RIM PAR BYON RNAMS KYI, ,MDZAD TSUL RNAM THAR BZANG PO CHER BSGRAGS PAS, , LCE YI DBANG PO DON DANG LDAN PAR BYAS, ,RGYUD PA GSUM LDAN BLA MA'I TSOGS RNAMS KYI, ,MDZAD PA RNAM THAR BZANG PO'I TSUL DAG LA, ,BDAG GIS BSGRIMS TE RAB TU BSTOD BYAS KYANG, ,YON TAN CHA TZAM BRJOD BAR GAL NUS, ,BYIS PA'I 'DOM GYIS LHA LAM 'JAL BA DANG, ,CHIG GU'I KHOG PAS CHU GTER 'JAL BA BZHIN, ,BDAG GIS RGYAL BA SRAS BCAS BSNGAGS BA YANG, ,DE DANG 'DRA BAS BSAM PA BZANG BCAM, ,RGYUD PA GSUM LDAN RNAMS KYI YON TAN NI, ,MKHA' LTAR RGYA CHE MTSO LTAR GTING ZAB PA,, BDAG BLO NYAM CHUNG SHIN TU MI GSAL BAS, ,NONGS PAR GANG GYUR BRTZE LDAN RNAMS LA BSHAGS, ,BYIS PA CHUNG DUS PHA MA'I MING TZAM ZHIG, 'KHRUL PAR BRJOD NA'ANG MTSAR DU BYED PA LTAR, ,BLO DMAN BDAG 'DRAS RGYAL BA SRAS BCAS KYI, ,YON TAN BSNGAGS, PA'ANG MTSAR DU DGONGS PAR RIGS, ,DRI MED RIGS LAM MKHYEN PA'I MKHAS PA DANG, ,NYAMS MYONG GNAD DU KHEL BA'I DAM PA RNAMS, ,THUGS KHREL BYUNG NA GSON YANG SHI DANG MTSUNGS, ,DE PHYIR DAM PAS SMAD PA'I LAS MI BYA, ,BLO NGAN PHRAG DOG GDON

, ,GYIS DKRUGS RNAMS KYIS, ,'DI LTAR BGYIS LA SMAD PA BYAS GYUR KYANG, ,DE YI RANG BZHIN DE NYID YIN PAS NA, ,DE 'DRA DE LA SU YIS CI ZHIG BYA, ,JI LTAR BDE GSHEGS SKU GZUGS RTZIG NGOS LA; ;BYIS PAS RTZED MOR RI MOR BRIS PA YANG, ,DON DANG LDAN ZHING DE NYID MTHONG BA YANG, BSOD NAMS 'PHEL ZHES RGYAL BAS BSNGAGS GYUR NA, ,RGYAL DANG RGYAL SRAS RNAMS KYA MDZAD PA'I TSUL, ,DANG PA'I SEMS KYIS PHYOGS TZAM BSNGAGS PA 'DI, ,DON DANG LDAN ZHING BSOD NAMS CHER 'PHEL BAR, ,'GYUR SNYAM TSUL 'DIR BDAG GIS NGAL BA BYAS, ,'DIR 'BAD PA LAS THOB PA'I DGE PA DES, ,'GROL LAM BZANG MTSON PA'I MIG GCIG PU, ,BYANG CHUB LAM GYI RIM PA'I MAN NGAG 'DI, ,NAM YANG MI NUB 'PHEL BA'I RGYU RU BSNGO, ,SA 'DZIN LHUN PO CHU GTER SMAD G-YOGS MA GROL ZHING, ,SRID PA'I SGRON ME ZUNG GI SNANG BAM CHAD BAR, ,DAM PA'I SPYOD TSUL BSNGAGS PA'I LEGS BSHAD 'DI YIS KYANG, ,'GRO LA LAM BZANG LTA PA'I SNANG BA STER GYUR CIG ,BDAG KYANG DENG NAS CHE RABS THAMS CAD DU, ,THEG MCHOG DAM PA'I MGON GYIS RJES BZUNG NAS, ,TSANG LA MA NOR BYANG CHUB LAM RIM LA, ,SGRUB PA SNYING POR BYED PA NYID GYUR CIG ,RGYUD PA GSUM LDAN BLA M'I BYIN RLABS MTHUS, ,SDE SNOD GSUM GYI DON LA NGES RNYED NAS, ,BSLAB PA GSUM GYI NYAMS LEN MTHAR PHYIN TE, ,SKU GSUM

GO 'PHANG MYUR DU THOB GYUR CIG ,BLO BZANG THUB DBANG RDO RJE 'CHANG CHEN POS, ,CHOS 'DI GANG LA GNYER DU GTAD MDZAD PA, ,SKYES BU GSUM GYI LAM GYI SRUNG MA YIS, ,CHOS 'DI SGRUB LA RTAG TU GROGS MDZOD CIG , TSANGS DBANG 'JIG RTEN SKYONG BA BZHI LA SOGS, ,DKAR PHYOGS SKYONG BA'I SRUNG MA THAMS CAD KYIS, ,CHOS TSUL 'DI LA RTAG TU GROGS BYED CING, ,'JIG RTEN BDE LEGS CHEN POS KHYA' GYUR CIG ,CES BYANG CHUB LAM GYI RIM PA'I BLA MA BRGYUD PA'I RNAM PAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA 'DI NI, SNGA MO NAS DGE PA'I BSHES GNYEN MANG PO ZHIG GIS BSKUL MA BYUNG BA DANG; SGRUB PA SNYING POR BYED PA DGE SLONG NGAG DBANG BSNYAN 'DZIN GYIS BDE LAM DANG ZHAL LUNG GNYIS KA'I BLA MA BRGYUD PA'I RNAM PAR THAR PA RGYAS PA ZHIG DGOS ZHES YANG DANG YANG DU NAN CHEN POS BSKUL ZHING, RANG GI NYE 'KHOR BA DGE SLONG YE SHES BSAM GTAN GYIS KYANG RJE BDAG NYID CHEN PO'I RNAM PAR THAR PA RGYAS PA ZHIG DGOS ZHES BSKUL BA DANG, BSTAN PA'I GSAL BYED DAM PA DGE BSHES THOGS MED KYIS KYANG BYAMS MGON BLA MA RIN PO CHE'I RNAM THAR RGYAS PA ZHIG DGOS ZHES YANG YANG BSKUL BA DANG, NYE CHAR ^ GANGS CAN 'GRO BA'I MGON PO RGYAL DBANG THAMS CAD MKHYEN GZIGS CHEN PO RJE BTZUN BLO BZANG BSTAN PA'I

, ,DBANG PHYUG 'JAM DPAL RGYA MTSO DPAL BZANG POS STON PA THUB PA'I DBANG PO NAS BZUNG NGA LTAR ZHAL BZHUGS PA'I RTZA BA'I BLA MA LA THUG GI BAR BYANG CHUB LAM GYI RIM PA'I BLA MA BRGYUD PA TSANG BA'I RNAM PAR THAR PA RGYAS PA ZHIG BYUNG NA BSTAN PA'I SNYING PO 'DI 'PHEL BA'I RKYEN DU CHE BAS CIS KYANG BGYI DGOS SO ZHES BKA' LUNG SPYI BOR PHEBS PA GUS PAS MNOS TE, DON GYI SLAD DU MTSAN NAS SMOS TE MKHAN PO RIN PO CHE PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I BKA' DRIN LAS RGYAL BA'I BSTAN PA RIN PO CHE'I SGOR RAB TU BYUNG NAS SHING RTA CHEN PO'I GZHUNG RNAMS LA SBYONG PA'I SKAL BA THOB CING, DPAL DPEN SA SNYAN RGYUD KYI MAN NGAG LA BRTEN NAS GRUB PA'I GO 'PHANG MTHON POR GSHEGS PA BYA BRAL GRUB PA'I DBANG PHYUG RJE BTZUN BLA MA BLO BZANG RNAM RGYAL DANG, THUB BSTAN YONGS RDZOGS KYI BDAG PO RJE BTZUN NGAG DBANG BYAMS PA GNYIS KYI BKA' DRIN LAS BYANG CHUB LAM GYI RIM PA'I MAN NGAG LEGS PAR THOB PA DGE SLONG YE SHES RGYAL MTSAN GYIS RAB BYUNG BCU GSUM PA'I SPRE'U ZHES PA ME MO LUG GI LO PHE BRANG CHEN PO PO TA LAR SBYAR BA'I, ,'DIS KYANG RGYAL BA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,,

AOm STVA STI; BSKAL BZANG 'DI LA RNAM 'DREN MANG BYON YANG, ,MGON MED SNYIGS DUS NYAM THAG 'GRO RNAMS LA, ,RGYAL BA GZHAN LAS THUGS RJE CHES LHAG PA, ,ZLA MED STON PA SH'AKYA'I RGYAL POR 'DUD, ,STON PA MNYAM MED THUB PA'I DBANG PO YIS, ,MTHA' YAS GDUL BYA'I KHAMS DANG BSAM PA DANG, ,BAG LA NYAL DANG DBANG PO LA GZIGS NAS, , CHOS PHUNG BRGYAD KHRI BZHI STONG BKA' STZAL TO, ,RGYAL BA'I GSUNG RAB KUN GYI SNYING BO'I DON, ,SKAL BZANG GCIG GI NYAMS ?LEN RIM PA RU, ,LEGS PAR DRIL BAM TSANG MED PA'I CHOS, ,BYANG CHUB LAM GYI RIM BA 'DI NYID DO, ,RAB 'BYAMS ZHING GI RGYAL BA MA LUS PA'I, ,GDUNG 'CHOB THEG PA MCHOG GI DGE BA'I BSHES, ,BYANG CHUB LAM GYI RIM PA STON MDZAD PA'I, ,RGYA BOD RIM BYON BLA MA RNAMS LA 'DUD, ,SA GSUM 'GRO BA'I RE SKONG YID BZHIN NOR, ,SKYES PU GSUM GYI LAM BZANG GSAL MDZAD PA'I, ,BLA MA RNAMS KYI NGO MTSAR MDZAD PA'I TSUL, ,GSAL BAR STON PA'I SNGON MED LEGS BSHAD 'DI, ,GANGS CAN 'GRO BA YONGS KYI MGON GCIG PU, ,RJE BTZUN BLO BZANG 'JAM DPAL RGYA MTSO YIS, ,MTHA' DBUS SKYE 'GRO YONGS LA BRTZER

[DD1] !, ,DGE SDIG SHAN 'BYED DAM CAN CHOS KYI RGYAL, , [DD2] !, ,DPAL LDAN YE SHES MGON PO LAG DRAG PA, , *, ,DGONGS NAS, ,CHOS SBYIN 'DZAD MED DAL 'GRO'I RGYUN 'DI SPEL, TSUL 'DIR 'BAD LAS DUNG DANG KUN DA LTAR; ;RAB DKAR DGE BA GANG ZHIG THOB PA DES, ,TSANG LA MA NOR RBYANG CHUB LAM RIM 'DI, ,PHYOGS RNAMS KUN TU 'PHEL ZHING RGYAS GYUR CIG, SARBA MANGGA LAm, [DD3] !, ,??LDAN SKONG 'DZAD RGYAL CHEN RNAM GRONG? 

*, ,BYANG CHUB LAM GYI RIM BA'I BLA MA BRGYUD PA'I RNAM BAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA'I SMAD CHA BZHUGS SO, , @001 [DD1] !, ,ZUNG 'JUG SKU BSNYES CHOS KYI RDO RJE'I ZHABS, , #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA THUB DBANG RDO RJE 'CHANG DANG DBYER MA MCHIS PA'I ZHABS LA PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL, ,DPAL LDAN BLA MA BDE CHEN DNGOS GRUB KUN, ,KUN LA SBYIN MDZAD BLO BZANG RDO RJE 'CHANG, ,SKYABS GSUM KUN 'DUS RJE BTZUN SPRUL BA'I SKU, ,BLO BZANG DON GRUB ZHABS LA GSOL BA 'DEBS, ,ZHES BSNGAGS PA RGYAL BA DBEN SA PA BLO BZANG DON GRUB NI, SNGON 'DAS PA'I BSKAL PA BRJOD KYIS MI LANG BA'I YANG BRJOD KYIS MI LANG BA'I SNGON ROL NAS BYANG CHUB MCHOG TU THUGS BSKYED DE RGYAL SRAS KYI SPYOD PA RGYA MTSO'I PHA ROL TU SON PA ZHIG MI MJED 'JIG [DD2] !, ,SKU GSUM MNGON GYUR RGYAL BA DBEN SA PA, ,

[DD1] !, ,BLO BZANG CHOS KYI RGYAL MTSAN 'DZIN PA'I RJE, , *, ,RTEN GYI KHAMS 'DIR STON PA THUB PA'I DBANG PO'I MDO SNGAGS KYI BSTAN PA SPEL BA'I SLAD DU RGYA GAR SHAR NUB KHA CHE BAL YUL SOGS SU SPRUL PA'I BKOD PA SNA TSOGS BSTAN NAS RGYAL BA'I BSTAN PA 'DZIN CING SPEL BAR MDZAD, BYANG PHYOGS GANGS RI'I LJONGS 'DIR YANG SPRUL PA SNA TSOGS BSTAN TE GANG DU RGYAL BA'I BSTAN PA MA DAR BA'I SA RNAMS SU THUB DBANG BSTAN PA'I SGRON ME GSAR DU BTZUGS, CUNG ZAD DAR BA'I SA RNAMS SU NYAMS PA RNAMS GSOS, CUNG ZAD RGYUN GNAS PA RNAMS DAR BAR MDZAD PA'I 'PHRIN LAS RGYA CHE RGYUN MI CHAD DU 'JUG BZHIN PA LAS, DUS 'DIR 'JAM MGON BLA MA'I SNYAN RGYUD KYI BSTAN PA 'DZIN CING SPEL BA'I SLAD DU BSAM BZHIN DU BYON PA ZHIG STE, DE YANG G-YAS [DD2] !, ,LAM BZANG GSAL MDZAD DZNY'A NA DHA DZA'I ZHABS, ,

RU GTZANG 'GRAM DGE RGYAS BYE MA GLING GI GTZUG LAG KHANG DANG NYE BA'I SA'I CHA LHA KHUD CES BYA BA'I YUL GYI PHU DBEN SA ZHES PA SNGON BYON DAM PA DU MAS BYIN GYIS BRLABS PA'I GNAS SU MKHAS GRUB CHEN PO BSOD NAMS PHYOGS GLANG SOGS DAM PA DU MA 'KHRUNGS PA'I RGYUD PA, RUS KHYAD PAR CAN MDONGS KYI RUS, DE LTA BU'I RIGS RUS CHO 'BRANG RGYUD PA MA SMAD PA'I RIGS SU YAB BSOD NAMS RDO RJE ZHES GRAGS PA YA RABS KYI SPYOD TSUL GYI GZI BYIN DU MAS MDZES PA DANG, YUM DPAL 'DZOM SKYID CES PA GZUGS DANG LANG TSO PHUN SUM TSOGS PA ZHIG STE YAB YUM DE GNYIS KYI SRAS SU BSAMS BZHIN DU KHRO BO ZHES PA SHING MO GLANG GI LO ZLA BA DANG PO'I DKAR TSES BCU'I NYIN NGO MTSAR BA'I LTAS DANG BCAS TE SKU BLTAMS, BLTAMS MA THAG TU MA GYUR SEMS CAN THAMS CAD SNYING RE RJE AOm MA nI PADME H'Um, ZHES YI GE DRUG PA'I SGRA BSGRAGS PAS 'JIG RTEN THAMS CAD DU DBYANGS KYI NGA ROS KHYAB NAS LHA'I DBANG PO BRGYA BYIN DANG RGYAL PO CHEN PO BZHI LA SOGS PA DKAR PHYOGS SKYONG BA'I LHA DANG SRUNG MA THAMS CAD DGA' ZHING MGU LA NGO MTSAR RMAD DU GYUR TE

, ,DA NI 'JIG RTEN MGON DANG BCAS SO, ,THUB PA'I BSTAN PA NYAMS PA GSOS PAR 'GYUR RO, ,BDUD SDE DPUNG DANG BCAS PA NYAMS PAR 'GYUR RO, ,DKAR PHYOGS KYI LHA RNAMS RGYAL LO, ,ZHES DGA' BA'I CA CO'I SGRA BSGRAGS PA GONG NAS GONG DU 'OG MIN GYI BAR DU KHYAB PAR BYAS SO, ,PHYOGS BCU'I RGYAL BA SRAS DANG BCAS PA THAMS CAD DGYES NAS RGYAL SRAS BDAG NYID CHEN PO 'DI'I DON GRUB PAR GYUR CIG CES SMON LAM MDZAD CING ME TOG GTOR BAR NGES SO, ,RGYAL BA DBEN SA PA CHEN PO YUM GYI MNGAL NAS 'KHRUNGS MA THAG, RGYAL SRAS DPA' BO'I NGANG TSUL GSAL BAR BSTAN TE SNYING RJE'I SGRA DBYANGS BSGRAGS PA'I TSUL 'DI LA SRAS KYI THU BO MKHAS GRUB SANGS RGYAS YE SHES KYIS BSTOD PA 'DI LTAR MDZAD DE, BSKAL BZANG YUM GYI LHUMS BZHUGS BLTAMS PA'I TSE, ,'GRO LA BRTZE BA'I SNYING RJE'I SGRA DBYANGS BSGRAGS, ,GRUB PA'I GDUNG MCHOG 'DZIN PA'I DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES BSNGAGS SO, ,RGYAL SRAS BDAG NYID CHEN PO 'DI DBEN SAR YUM GYI MNGAL NAS BTZAS MA THAG SHANGS MDO

RI BO DGE 'PHEL GYI MKHAN PO RJE LEGS PA'I BLO GROS KYIS, JI LTAR GZHON NU DON GRUB YUM SGYU 'PHRUL MA LAS 'KHRUNGS MA THAG LHA RNAMS KYIS KHRUS GSOL BA JI LTA BAR RGYAL SRAS GZHON NU DE LA KHRUS GSOL ZHING DA NI 'JIG RTEN MGON DANG SKYABS DANG DPUNG GNYEN DANG BCAS SO ZHES GO BA'I CHED DU MTSAN MGON PO SKYABS ZHES BTAGS SO, ,DE 'DRA BA'I RGYAL SRAS GZHON NU DE NI, DBU GDUGS LTA BU DANG, DPRAL BA DBYES CHE ZHING SMIN MA 'DZAR LA SHANGS KYI GZENGS MTHO BA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL ZHING PAGS PA'I MDOG NI ME TOG KU MU DA LTAR DKAR BAS 'JIG RTEN GYI SKYE BO GZHAN DANG MI 'DRA BA'I MTSAN GYI DPAL GYIS MDZES PA MIG GI BDUD RTZI LTA BU ZHIG BYUNG NGO, ,DE'I TSE RJE SKYABS MCHOG DPAL BZANG DE NYID LHAG PA'I LHA RNAMS DANG BLA MA RNAMS KYIS 'JAM MGON SNYAN RGYUD KYI BSTAN PA 'DZIN PA'I SKYES BU DAM PA ZHIG DA BEN SAR MYUR DU 'BYUNG BAS DE LA MDO SNGAGS KYI LAM GYI GNAD THAMS CAD RDZOGS PAR STON CIG CES LUNG BSTAN PAS BSKUL TE DBEN SA'I DGON PA ZHOL DU PHEBS NAS THAMS CAD MKHYEN PA BSOD NAMS PHYOGS GLANG GI GDAN SAR BZHUGS TE; RIGS SAD PA DU MA LA DAM PA'I CHOS KYI BGO SKAL STZAL ZHING, GTZO BOR CHOS BRGYAD KYI ROL PA BTZAN THABS SU BCAD NAS ZAB PA DANG RGYA CHE BA'I LAM RNAMS LA RTZE GCIG TU SEMS SHING GOMS PAR MDZAD PAS GZHAL DU

, ,MED PA'I MNGON PAR RTOGS PA YANG BRNYES, RJE SKYABS MCHOG DPAL BA DBEN SA'I DGON BA ZHOL DU PHEBS SKABS RGYAL BA DBEN SA PA CHEN PO 'DI NYID 'KHRUNGS NAS RING PO MA LON PA SKU NA SHIN TU PHRA BA'I SKABS YIN YANG SNGON YUN RING PO NAS SMON LAM GYI MTSAMS SBYAR BA'I MTHU DANG, 'JAM MGON BSTAN SRUNG RNAMS KYIS BSKUL BA'I MTHUS, RGYAL BA DBEN SA BA RGYAL SRAS GZHON NU GSAR BA'I ZLA TSES LTA BUR GNAS PA 'DIS RJE SKYABS MCHOG DPAL BA'I MTSAN THOS PA TZAM GYIS DAD CING GUS PAR GYUR LA, RJE SKYABS MCHOG DPAL BA YANG RGYAL BA DBEN SA PA'I SKU GZIGS PA TZAM GYIS YUN RING MA 'PHRAD PA'I PHA BU GSAR DU 'PHRAD PA BZHIN DU DGA' BA DANG SPRO BAS SHIN TU GCES PAR 'DZIN PAR GYUR TO, ,DE'I TSE THA MAL CHU BUR MIG LDAN RNAMS KYI SNANG NGOR RJE SKYABS MCHOG DPAL BAS DBEN SAR 'KHRUNGS PA'I RGYAL SRAS GZHON NU 'DI LA THUGS MNYES PA'I STANGS KA MDZAD PA TZAM ZHIG TU SNANG YANG, NGES PA DON DU ZUNG 'JUG GRUB PA'I DPA' BO RJE SKYABS MCHOG DPAL BA DANG, RGYAS SRAS SPRUL PA'I GAR MDZAD PA DBEN SA PA GNYIS PO ZHAL 'DZOM STE DUS GSUM GSAL BAR GZIGS PAS BSTAN PA DANG SEMS CAN GYI DON DU JI LTAR MDZAD DGOS PA'I BKA' BGRO BA MDZAD CING, MA 'ONGS PA NA YAB SRAS GNYIS KYIS MDZAD PA JI LTAR MDZAD PA MTHA' DAG GSUNG MOL ZHIB

TU MDZAD DO, ,DE NAS RGYAL SRAS GZHON NU DE NYID SNGON YUN RING PO NAS RGYAL SRAS KYI SPYOD PA LA GOMS PA KLONGS SU GYUR PAS BYIS PA'I NGANG TSUL MTHA' DAG LAS 'DAS TE JI LTAR BYIS PA GZHAN DAG SKYES TZAM NYID NAS MA'I NU ZHO LEN PA LA GZHAN GYIS BSLAB MI DGOS PAR NGANG GIS 'JUG PA CI 'DRA BA DE 'DRA BAR RGYAL SRAS BDAG NYID CHEN PO 'DI NI SKYES TZAM NYID NAS GZHAN GYIS BSLAB MI DGOS PAR LHA DANG BLA MA LA GSOL BA 'DEBS PA LHUR BYED CING 'KHOR BA'I NGANG TSUL GANG DANG GANG LA'ANG MTHONG BA TZAM GYIS ZHEN PA LOG PA DANG, SEMS CAN SU DANG SU MTHONG YANG 'GRO BA NYAM THAG 'DI THABS GANG ZHIG GIS 'KHOR BA'I BTZON NANG NAS GDON PAR BYA SNYAM DU SNYING RJE DAM NGAM SHUGS KYIS SKYE BA DANG, LHAG PAR CHOS KYI RGYAL PO TZONG KHA PA CHEN PO NYID LA GSOL BA 'DEBS SHING RGYAL BA TZONG KHA PA'I BSTAN PA'I SNYING PO YONGS SU RDZOGS PA 'DZIN CING SPEL NUS PA DUS NAM ZHIG NA 'ONG SNYAM PA 'BA' ZHIG THUGS LA BRNAGS TE YUL DE'I SHAR PHYOGS NA PHUG GZHAN GYIS RNYED DKA' BA ZHIG YOD PAS PHUG DER BDAG NYID GCIG PUR ZHAG LNGA DRUG TZAM RE BSDAD PAS YANG YANG 'TSOL DGOS PA ZHIG YOD GSUNG, GCIG BU DBEN PA LA MNGON PAR DGYES PA ZHIG DE 'DRA BA'I GZHON NU NYID NAS RANG 'KHRUNGS SU YOD CING, DE DUS NAS STON PA THUB PA'I DBANG PO DANG RGYAL PA TZONG KHA PA LA GSOL 'DEBS NYIN MTSAN KHOR YUG TU SHUGS DRAG TU

, ,MDZAD PA NA BCOM LDAN 'DAS THUB PA'I DBANG PO DANG RGYAL BA BLO BZANG GRAGS PA GNYIS KYI ZHAL GZIGS SHING BYIN GYIS BRLABS PA'I SNANG BAS DUS 'DA' BA ZHIG BYUNG NGO, ,DE NAS DGUNG LO BRGYAD BZHES PA NA, NUB GCIG SEG RI'I RTZE NAS ZLA BA'I DKYIL 'KHOR NYA GANG BA ZHIG SHAR BYUNG BAS RANG NYID KYI SKU LA DAR DKAR GYI GOS DANG RIN PO CHE'I RGYAN GYIS BRGYAN, RDO DRIL 'DZIN PAS ZLA BA DE LA ZHUGS TE DRIL BU GSIL BA'I SGRAS 'JIG RTEN GYI KHAMS KHYAB PA CIG RMIS GSUNGS TE DE NI RGYAL BA DBEN SA PA CHEN PO 'DIS RJE BLA MA'I MDO SNGAGS KYI BSTAN PA 'DZIN MA'I KHYON THAMS CAD DU DAR ZHING RGYAS PAR MDZAD PA'I 'PHRIN LAS RGYA CHE RGYUN MI 'CHAD 'BYUNG PA 'DI LA DGONGS PAR NGES SO, ,RGYAL BA DBEN SA PA 'KHRUNGS TZAM NYID NAS BLA MA LHA'I RNAL 'BYOR GYI SGRUB PA LA ZHUGS PAS STON PA MCHOG DANG 'JAM MGON BLA MAS BYIN GYIS BRLABS PA'I SNANG BA KHYAD PAR CAN BYUNG BA'I TSUL DE LA SRAS KYI THU BO MKHAS GRUB SANGS RGYAS YE SHES KYIS BSTOD PA MDZAD PA NI, BLA MA MCHOG DANG LHAG PA'I LHA RNAMS KYIS, ,'GRO PA'I DPAL MGON MCHOG TU NYER GZIGS NAS, ,GZHON NU'I DUS NAS BYIN BRLABS DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS SNGON LAN CIG MA YIN PAR GOMS PA'I BAG CHAGS BZANG PO'I MTHU

YONGS SU BRTAS PAS, 'KHOR BA MTHA' DAG ME 'BAR BA'I RLUBS LTAR GZIGS PA'I NGES 'BYUNG GI BSAM PA SHUGS BRAG POS RAB TU 'BYUNG BA'I THABS JI LTAR BYA ZHES NYIN MTSAN KUN TU DE 'BA' ZHIG THUGS LA BRNAGS SO, ,DE NAS JI LTAR SMON PA LTAR DGUNG LO BCU GCIG BZHES PA PHAG LO ZLA BA DANG PO'I TSE'I BCU'I NYIN CHOS 'KHOR DBUS SDINGS KYI DGON PAR CHOS RJE LHA RI RTZA PA GRAGS PA DON GRUB PAS MKHAN PO DANG, ZHAL SNGA NAS TSUL KHRIMS RIN CHEN PAS SLOB DPON MDZAD, GNAS BRTAN CHOS KYI RGYAL MTSAN DANG, RAB 'BYAMS PA LEGS PA SOGS KHA SKONG BAR 'OS PA DAD PA'I DGE 'DUN YONGS SU RDZOGS PA'I DBUS SU KHYIM NAS KHYIM MED PAR RAB TU BYUNG STE MTSAN YANG BLO BZANG NGON GRUB CES BYA BAR GSOL TO, ,'DI NI SNGON THUB PA'I DBANG PO YUM SGYU 'PHRUL MA LAS 'KHRUNGS MA THAG RGYAL PO ZAS GTZANG MAS DON THAMS CAD GRUB PA ZHES MTSAN GSOL BA LTAR, RGYAL SRAS BDAG NYID CHEN PO 'DI YANG RGYAL BA'I BSTAN PA'I SGOR BYON MA THAG PHYOGS BCU'I RGYAL BA SRAS BCAS THAMS CAD KYIS MKHAN SLOB GNYIS BYIN GYIS BRLABS TE BLO BZANG THUB DBANG RDO RJE 'CHANG CHEN PO'I MDO SNGAGS SNYAN RGYUD KYI BSTAN PA YONGS RDZOGS DA NI 'JIG RTEN BDIR NGES PAR NGAR BAR 'GYUR BAS RGYAL BA SRAS BCAS KUN GYI THUGS LA BRANGS PA'I DON GRUB BO ZHES MTSON PA'I PHYIR BLO BZANG DON GRUB CES

, ,MTSAN GSOL BAR NGES SO, ,TSUL 'DI LA MKHAS GRUB CHEN PO SANGS RGYAS YE SHES KYIS, RJE BTZUN DAM PA GRAGS PA'I MTSAN CAN GYIS, ,BLO BZANG DON GRUB CES BYER? MTSAN GSOL NAS, ,BSTAN LA RAB TU BYUNG MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES BSNGAGS PA MDZAD DO, ,DE LTAR RGYAL SRAS BDAG NYID CHEN PO 'DI LHA DANG BCAS PA'I 'JIG RTEN MTHA' DAG GI YON GNAS DAM PA THUB PA'I DBANG PO GNYIS PA LTA BUR GYUR CING, DE'I TSE MKHAN SLOB DGE 'DUN DANG BCAS PAS KYANG ME TOG GTOR ZHING SHIS PA BRJOD DE DON DE LTAR DU 'GYUR BAR SMON LAM MDZAD DO, ,TSUL DE NI RGYAL BA DBEN SA PA CHEN PO RANG NYID KYI GSUNG LAS KYANG BYUNG STE, PHAG LO RTA ZLA'I TSES BCU LA, ,SO SO THAR PA'I SDOM PA BLANGS, ,SANGS RGYAS BSTAN LA ZHUGS PA DANG, ,NGUR SMRIG RGYAL MTSAN BSKON PA MNYAM, ,ZHES GSUNGS SO, ,RGYAL BA DBEN SA PA CHEN PO RANG NYID SNGON YUN RING PO NAS RGYAL SRAS KYI SPYOD PA RGYA MTSO LA BSLAB PAR MTHAR PHYIN PA ZHIG YIN YANG, PHYI RABS KYI GDUL BYA RNAMS RGYAL BA'I BSTAN PA LA ZHUGS NAS THOS BSAM SGOM GSUM 'DI LTAR BYA DGOS SO ZHES 'DOMS PA'I PHYIR DANG, RJE BLA MAS, DANG POR RGYA CHEN MANG DU THOS PA

BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN PA RGYAS PA'I CHED DU BSNGOS, ,TSUL 'DI BSAMS SHING MDUN MA LEGS NAS GDA', ,ZHES GSUNGS PA LTAR PHA RJES BUS ZIN PA ZHIG BYA BA'I PHYIR RGYA CHEN THOS PA 'TSOL BAR BZHED NAS DBYAR CHOS LA DGE 'PHEL DU PHEBS PA NA, SLOB DPON TSUL KHRIMS RIN CHEN PAS TSUL KHRIMS SGANG GI GDAN SA BZHAG STE 'BRAS SPUNGS LA PHEBS PA DANG THUG NAS 'BRAS SPUNGS SU MKHAN PO RIN PO CHE GRAGS PA DON GRUB DANG, SLOB DPON RIN PO CHE TSUL KHRIMS RIN CHEN PA GNYIS DANG LHAN DU BYON, DE NAS 'BRAS SPUNGS SU DBYAR STON SBREL NAS BZHUGS TE CHOS SPYOD KYI RIM PA CI RIGS PA THUGS LA CHUD PAR MDZAD, RJE LHA RI PA LA BYANG CHUB LAM GYI RIM PA DANG, DPE CHOS RIN SPUNGS SOGS CHOS BKA' DU MA DANG, DPAL DUS KYI 'KHOR LO'I DBANG, BCOM LDAN 'DAS RDO RJE 'JIGS BYED KYI DBANG BZHI YONGS SU RDZOGS PA ZHU BAR MDZAD, RJE LHA RI BA 'DIS RDO RJE THEG PA'I SGOR DANG POR SMIN PAR MDZAD PAS BKA' DRIN ZLA MED DU 'DZIN PAR MDZAD DO, ,DE NAS ZLA BA BCU PA'I MJUG TU DBEN SAR PHEBS, SLAR RI BO DGE 'PHEL DU CHOS KYI RJE BLO GROS RGYAL MTSAN PA'I DRUNG DU GSANG BA 'DUS PA MI BSKYOD PA'I DBANG BZHI, RTZA RGYUD KYI LUNG,

, ,RDO RJE MI 'KHRUGS PA'I DBANG RJES GNANG, GZUNGS KYI LUNG DANG BCAS PA, SMAN BLA'I RJES GNANG LUNG DANG BCAS PA, SNAR THANG BRGYA RTZA'I RJES GNANG LUNG DANG BCAS PA YONGS SU RDZOGS PAR GSAN NO, ,DE NAS RGYAL BA'I BSTAN PA LA ZHUGS NAS LAM LA SLOB PAR 'DOD PA RNAMS LA TSE 'DI'I RNYED BKUR SNYAN GRAGS TZAM GYI PHYIR DU THOS BSAM BYED PA NI BDUD RTZI DUG TU BSGYUR BA LTAR NGAL BA 'BRAS MED DU 'GYUR BA DANG, DAL BA STONG ZAD DU BYED DO ZHES 'DOMS PA DANG, THOS BSAM BYED PA'I TSE RANG RGYUD 'DUL BA'I PHYIR DU NYON MONGS PA'I GNYEN POR DRI MA MED PA'I RIGS LAM 'TSOL BA YIN GYI, DE LTA MIN PAR SHING RTA CHEN PO'I GZHUNG GI DGONGS PA MI 'TSOL BAR KHO 'DI ZER NA NGA 'DI ZER GYI GSHAGS 'GYED TZAM DANG, TSIG ZUR 'CHOS PA'I TZOD PA LHUR LEN PA NI SNYING PO GANG YANG MED DO ZHES 'DOMS PA DANG, RANG NYID GRUB PA'I GO 'PHANG MTHON POR GSHEGS PA'I NGANG TSUL STON PA SOGS KYI DGOS PA MANG PO GZIGS NAS DE'I DGUN BKRA SHIS LHUN POR PHEBS NAS THOS BSAM GLING GI GDAN SA PA 'JAM PA'I DBYANGS BLO BZANG BSHES GNYEN PA'I DRUNG DU BSDUS GRVA RTZI BA DANG GZHUNG DANG CHOS SPYOD MANG PO'I LUNG YANG GSAN, DE'I TSE THOG MAR NYIN GCIG TZAM ZHIG SBYOR

BA RTZI BA SOGS LA THOGS PA MED PA'I SPOBS PA MTHU CAN DU GYUR KYANG, PHYIS NI CHOS BRGYAD KYI ROL RTZED LA RGYAB KYIS PHYOGS PA SMYON PA LTA BU'I BRTUL ZHUGS KYIS GNAS NAS GZHAN DAG GIS THOS BSAM GYI SBYOR BA LA BSKUL BA'I BDAG RKYEN NYE BAR BSGRUBS KYANG, DON SKAD CIG KYANG NYAMS SU MI LEN PA'I TSIG GI SBYOR BA KHO NA LA BRTZON PA LHUR LEN PA LA SNYING PO RANG CI YOD, CHU'I LBUB DANG MTSUNGS PA'I TSIG PHRENG DAG NI NYIN RE BZHIN ZLOS BUR SMRA BA KHO NA'O, ,ZHES RIGS PA'I BRTUL ZHUGS KYI SENG GE'I SGRA CHEN PO BSGRAGS, DON 'DI NI, BDAG NYID CHEN PO RANG NYID TSE RABS DU MAR GOMS PAS LUNG GI CHOS KYI BDAG POR GYUR PAS SKU TSE 'DIR THOS BSAM GYI SBYANGS PA LA MI LTOS PA DANG, NYAMS LEN MED PAR LTAR SNANG GI TSIG 'KHRI LA SNYING POR 'DU SHES PA'I RTOG GE PA RNAMS SPA BKONG BAR MDZAD PA DANG GCIG TU RGYAL BA DGYES PA'I LAM BZANG BSGRUBS PAS SNYING PO'I BSTAN PA PHYOGS MTHAR SPEL BAR MDZAD PA LA DGONGS PA'O, ,DE NAS SLAR YANG, DGE 'PHEL DU RJE BLO GROS RGYAL MTSAN PA LA KUN MKHYEN STOBS 'BAR 'OD ZER GYIS MDZAD PA'I 'DUL BA'I BSLAB BYA, RJE BTZUN TZONG KHA PA'I RNAM THAR SOGS KYI LUNG DU MA GSAN, GZHAN YANG GNAS DER CHOS KYI RJE THUB BSTAN RNAM RGYAL BA'I DRUNG DU SPYAN

, ,RAS GZIGS BCU GCIG ZHAL, THUGS RJE CHEN PO PHYAG BZHI PA, DZAM LA DMAR PO YAB YUM, MGON PO'I BKA' CHEN BCU GSUM DU GRAGS PA'I RJES GNANG LUNG MAN NGAG DANG BCAS PA, CHOS RGYAL PHYI NANG GSANG GSUM, GTUM PO KHYUNG LNGA'I LUNG MAN NGAG DANG BCAS PA, NAM MKHA' SGO 'BYED, TSE RING MCHED LNGA'I DBANG DANG, 'JAM DBYANGS MGON PO'I GCOD GZHUNG t'IKKA DANG BCAS PA SOGS GCOD KYI GDAMS PA DU MA DANG, RJE BLA MA NAS BRGYUD PA'I N'A RO'I CHOS DRUG GI KHRID, GSANG 'DUS RIM LNGA'I KHRID LAG RJES, PAn CHEN CHOS RGYAL GYI BSRE 'PHO, PHYAG RGYA SROG RTZOL GYI GDAMS NGAG SOGS YIG CHUNG NGU MA DANG, 'PHO KHRID CHEN MO, NE GU CHOS DRUG GI KHRID, LHA MO SHRAM nA'I SGRUB THABS, MKHA' 'GRO SENG GDONG CAN, DPAL LDAN DMAG ZOR RGYAL MO, GUR, ZHAL, PHYAG BZHI PA, RNAM SRAS, GNOD SBYIN BEKTZE RNAMS KYI RJES GNANG DANG SNYING PO'I BZLAS LUNG DANG BCAS PA GSAN NO, ,DE LTAR MANG DU THOS PA MDZAD PA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, GCIG TU SNYING PO'I DON LA GZHOL BA'I THUGS, ,MCHOG TU GYUR PAS MKHAS GRUB GZHAN LAS KYANG, ,GDAMS PA'I BDUD RTZI MANG GSOL DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA

LTAR RO, ,DE NAS RGYAL BA DBEN SA PA CHEN POS CHOS 'KHOR DBUS SDINGS SU PHEBS TE ZUNG 'JUG GRUB PA'I DPA' BO BLA MA RJE BTZUN SKYABS MCHOG DPAL BZANG PO'I DRUNG DU GSANG BDE 'JIGS GSUM GYI DBANG YONGS RDZOGS, MGON PO, CHOS RGYAL, BCU GCIG ZHAL, DON ZHAGS, GTUM PO KHYUNG LNGA RNAMS KYI RJES GNANG BZLAS LUNG DANG BCAS PA, GRUB RGYAL LUGS KYI TSE DBANG LA SOGS PA MDO SNGAGS KYI CHOS BKA' YONGS SU RDZOGS PA ZHUS SHING, BLA MA DANG YI DAM DBYER MI PHYED PA'I YE SHES KYI DKYIL 'KHOR DNGOS SU GZIGS PA DANG, NGO MTSAR BA'I LTAS DU MA GZIGS PA NI RGYAL BA DBEN SA PA CHEN POS BDAG NYID CHEN PO RJE BTZUN SKYABS MCHOG DPAL BZANG LA PHYAG NA RDO RJE GTUM PO'I DBANG ZHUS PA'I DUS SU RJE SKYABS MCHOG DPAL BA DE SKU MDOG MTHING KHA 'OD ZER LNGA 'PHRO BA LA ME SNA LNGA 'BAR BAS MDZES PAR BSKOR BA, GTOR MA DANG RDO DRIL NAM MKHAR GNAS SHING, DRI ZHIM PO BRO BA DANG, LHA'I ROL MO'I SGRA YANG MNGON SUM DU GSAN, YANG DON ZHAGS DANG, BCU GCIG ZHAL GYI DBANG ZHUS PA'I DUS SU SNGAR BSTAN MA MTHONG BA'I RDUL TSON GYI DKYIL 'KHOR YID 'PHROG PA CIG LA LHA'I ME TOG SNA TSOGS PA SOGS MCHOD PA'I TSOGS KYANG DU MA 'DUG CING, DRI ZHIM PO DANG LHA'I SIL SNYAN GYI SGRA SNYAN PO YANG 'KHROL, RJE SKYABS MCHOG DPAL PA DE NYID KYI SKU YANG ZLA BA'I DKYIL 'KHOR MNGON PAR GANG BA LTA BUR DKAR ZHING 'OD ZER 'PHRO BA MTHONG BAS RKYEN BYAS NAS DGA' SPRO

, ,DPAG TU MED PA SKYES, DE NAS RGYAL BA DBEN SA PA CHEN POS RJE SKYABS MCHOG DPAL BA NYID LA GSOL BA YUN RING DU BTAB NAS, 'DAS MA 'ONGS KYI SKYE BA BZHES TSUL, SKU SKYE BA 'DI LA NGO MTSAR CHE BA'I YON TAN 'KHRUNGS TSUL RNAMS GSUNG PAR ZHUS PAS RJE SKYABS MCHOG DPAL BAS 'DI LTAR GSUNGS TE, SANGS RGYAS 'JIG RTEN DU BYON PA'I TSE BYANG CHUB SEMS DPA' 'DUL BA'I TOG CES PAR SKYES NAS SANGS RGYAS DNGOS LA THEG PA CHAN PO'I CHOS DPAG TU MED PA NYAN, DE'I 'OG TU RGYA GAR SHAR PHYOGS SU STOBS LDAN GYI RGYAL PO ZHIG TU SKYES TE CHOS LDAN GYI KHRIMS BCAS NAS MI DGE BA BYED PA RNAMS GYI MIG 'DON PA DANG, RKANG LAG GCOD PA SOGS BYAS PA'I STOBS KYIS MA 'ONGS PA NA MIG DANG RKANG LAG SOGS LA SKYON CUNG ZAD 'ONG BA 'DRA GSUNG, DE NAS SUM CU RTZA GSUM DU SKYES, DER YUN RING PO MA LON PAR RGYA GAR DU SLOB DPON YON TAN 'OD DU GYUR NAS BSTAN PA DANG 'GRO BA'I DON TSAD MED PA BYAS, DE'I PHYI MA RGYA NAG RI BO RTZE LNGAR SONG NAS RJE BTZUN 'JAM PA'I DBYANGS LA CHOS MANG DU NYAN ZHING RJE BTZUN GYIS LUNG BSTAN PA LA BRTEN NAS BAL POR RDO RJE GZHON NU ZHES BYA BA'I SNGAGS PA ZHIG GI RTEN BZUNG STE THEG PA CHEN PO GSANG SNGAGS KYI BSTAN PA DAR BAR BYAS, DE NAS LO TZ'A BA TSUL KHRIMS RGYAL BAR SKYES NAS JO BO RJE BOD LA GDAN 'DREN PA SOGS DKA' SPYAD MANG PO BYAS SHING DAM PA'I CHOS

MANG PO BSGYUR BA YANG DRAN GSUNG, GZHAN YANG RJE N'A RO PA'I SPRUL PAR GRAGS PA'I 'GRO BA'I MGON PO GTZANG BA RGYA RAS DANG, CHOS KYI RGYAL PO TZONG KHA PA CHEN PO'I SRAS KYI THU BO 'DUL 'DZIN GRAGS PA RGYAL MTSAN GNYIS KYANG DAM PA 'DI'I SKU'I SKYE BA YIN PA YANG RGYAL BA DBEN SA PA CHEN PO NYID KYI YE SHES KYIS MNGON SUM DU GZIGS SHING RJE BTZUN 'JAM PA'I DBYANGS KYIS GNANG BA'I LUNG BSTAN GSANG BA'I ME LONG LAS KYANG DE LTAR DU 'BYUNG NGO, ,DE NAS RJE SKYABS MCHOG DPAL BA DGUNG LO DRUG CU RE GSUM BZHES PA'I TSE 'JIGS BYED SGRUB MCHOD CIG MDZAD PA'I DUS SU DPAL RDO RJE 'JIGS BYED KYI DKYIL 'KHOR YONGS SU RDZOGS PA DANG, DGRA NAG DANG GSHED DMAR LHA LNGA'I DKYIL 'KHOR DANG BCAS PA'I ZHAL MNGON SUM DU GZIGS SHING, DE'I DUS SU RGYAL BA DBEN SA PA CHEN POS YI DAM GYI DBANG GSAN PAS SKU LAS ME 'BAR ZHING ZHABS BRDABS PAS SA G-YO BA DANG, DKYIL 'KHOR YANG ME KHA DOG SNA LNGA PAS BSKOR BA SOGS NGO MTSAR BA'I LTAS MANG DU GZIGS SO, ,DE NAS SPRE'U LO ZLA BA LNGA PA'I TSES BRGYAD KYI THO RANGS BCOM LDAN 'DAS MI BSKYOD RDO RJE'I DKYIL 'KHOR GYI ZHAL MTHONG LUS DBEN DANG NGAG DBEN LA BRTAN PA THOB GSUNG ZHING DE DUS RGYAL BA DBEN SA PA CHEN POS RJE SKYABS MCHOG DPAL BA LA GSANG BA 'DUS PA'I DBANG ZHUS TE YE SHES 'BEBS PA'I DUS SU, RJE SKYABS MCHOG DPAL BA'I SKU 'OD ZER KHA DOG SNA LNGA'I RANG BZHIN CAN DU

, ,BYAS NAS DKYIL 'KHOR GYI STENG NA PHAR 'BYON TSUR 'BYON MDZAD KYANG, RDUL TSON LA MI GNOD PA SOGS YA MTSAN PA'I STAS DU MA BYUNG NGO, ,DE'I TSE RJE SKYABS MCHOG DPAL BAS 'DI LTAR GSUNGS TE, DA NI RMI LAM LA BRTAN PA THOB NAS 'BAD MED DU ZIN, KHYAD PAR TSES BCO LNGA DANG GNAM GANG LA RMI LAM GYI LUS KHYAD PAR CAN BZUNG NAS THUB CHEN DANG, BYAMS PA RGYAL SRAS 'JAM DPAL SNYING PO SOGS KYI SPYAN SNGAR GSO SBYONG RGYUN PAR BYED CING CHOS MANG DU ZHUS ,GZHAN YANG BDE BA CAN DANG, 'OG MIN STUG PO BKOD PA DANG, MNGON DGA' SOGS LONGS SPRUL GYI ZHING KHAMS MANG PO BLTA BAR PHYIN PAS ZHING DE DAG GI RGYAL BA SRAS DANG BCAS PA YANG MTHONG, DBANG DANG BYIN RLABS DPAG TU MED PA YANG DAG PAR STZAL, BDAG NYID KYIS KYANG LUS TSAD MED PA SPRUL NAS BDUN RNAM DAG PHUL GSUNG NGO, ,DE NAS RJE SKYABS MCHOG DPAL BA DGUNG MO BDUN CU DON BRGYAD BZHES PA'I TSE BCOM LDAN 'DAS 'KHOR LO SDOM PA'I SGRUB PA ZHIG MDZAD PA'I DUS SU, BDE MCHOG LHA DRUG CU RTZA GNYIS KYI DKYIL 'KHOR YONGS SU RDZOGS PA'I ZHAL GZIGS SHING DER GTZO BOS DBANG BZHI RDZOGS PAR BSKUR NAS DA MYUR DU MKHA' SPYOD DU 'BYON PA'I 'DUN PA THONGS ZHES GSUNG GI GNANG BAS DBUGS DBYUNG BA BRNYES, DE'I TSE RGYAL BA DBEN SA PA CHEN POS BDE MCHOG GI DBANG ZHUS PAS NANG MCHOD KHA DOG LNGA LDAN DU KHOL BA DANG ,RDZE

SKYABS MCHOG DPAL BA DKYIL 'KHOR GYI STENG DU MDA' GANG TZAM 'PHAGS NAS GAR MDZAD PA SOGS PHUL DU BYUNG BA'I LTAS DUM ZHIG GZIGS, NYIN GCIG GI TSE RJE SKYABS MCHOG DPAL BA DANG RGYAL BA DBEN SA PA CHEN PO GNYIS KAS DBUS RI'I RTZER PHEBS PA NA RJE SKYABS MCHOG DPAL BA SPYAN NAM MKHAR HRIG HRIG GZIGS SHING PHYAG THUGS KAR THAL MO SBYOR BAR MDZAD, DE LA RGYAL BA DBEN SA PA CHEN POS CI 'DRA ZHIG MCHIS ZHUS PAS, RGYAL BA RDO RJE 'CHANG LA GRUB CHEN BRGYAD CUS BSKOR NAS BYIN GYIS BRLABS PA'I NYAMS SHIG SHAR GSUNG, DE NAS DGUNG LO BRGYAD CU GYA GCIG BZHES PA'I STON ZHIG ,DON DU NA, DBEN DGON 'DI NYID 'BYUNG BA'I SA GZHI BYIN GYIS BRLABS BAR 'DUG KYANG, THA MAL PA RNAMS KYI NGOR ZHABS 'CHAG PAR SNYAD DE, YAB SRAS GNYIS KAS DBUS RI'I RTZE MOR PHEBS PA NA RJE BTZUN SKYABS MCHOG DPAL BZANG PHYAG GNYIS THAL MO SBYAR NAS DBU GUG GUG PA LAN MANG DU MDZAD CING 'DUG PA LA RGYAL BA DBEN SA PA CHEN POS DE 'DRA CI YIN ZHUS PAS, RGYAL BA BLO BZANG GRAGS PA LA RGYA BOD KYI MKHAS GRUB MANG POS BSKOR NAS BYON, BYIN GYIS KYANG BRLABS GSUNG, LAN CIG DA NI DPAL MGON PO YAB YUM DANG, DAM CAN CHOS RGYAL 'KHOR BCAS KYIS BRAN BZHIN BKA' NYAN PAR 'DUG GSUNG NGO, ,DE'I TSE RJE SKYABS MCHOG DPAL PAS RGYAL BA DBEN SA PA CHEN PO LA ZHAL GDAMS 'DI LTAR MDZAD DE, KHO BOS

, ,KYANG SDE DGON GYI BDAG SPANGS, LTO GOS GTAM GSUM LA GYONG BSKUR, LA 'DOD DANG KHE GRAGS SPANGS NAS SBAS PA'I TSUL BZUNG STE, DGE SBYOR 'BA' ZHIG LA 'BUNGS PAS TSE YANG RING DU SLEBS, SEMS DBEN DANG, SGYU LUS, 'OD GSAL, ZUNG 'JUG GI BAR GYI RTOGS PA KHYAD PAR CAN 'DI BZHIN SKYES PA YIN NO, ,KHYOD KYIS KYANG TSE 'DI DON DU GNYER BA'I MI'I KHA LA MA NYAN PAR DBEN PAR DGE SBYOR RTZE GCIG TU GYIS SHIG, CES GSUNGS SHING, SPYIR SANGS RGYAS KYI BSTAN PA DANG SEMS CAN GYI DON BYA TSUL, KHYAD PAR RGYAL BA TZONG KHA PA CHEN PO'I SNYAN RGYUD KYI BSTAN PA 'DZIN CING SPEL LUGS SOGS ZHAL GDAMS MTHAR PHYIN PAR GNANG STE RJE SKYABS MCHOG DPAL BA CHOS BDAG PO LA PHROD PAS THUGS TSIM ZHING DED DPON YID BZHIN GYI NOR BU THOB STE RANG YUL DU DGA' BZHIN DU 'GRO BA LTAR RGYAL BA TZONG KHA PA'I MAN NGAG LA BRTEN NAS SA LAM RIM GYIS BGROD DE ZUNG 'JUG DBANG GI RGYAL PO THOB PAS NAM MKHA' MA ZAD KYI BAR DU 'GYUR BA MED PA'I GDENG THOB NAS RNAM SMIN GYI SKU LUS RAGS PA DOR TE 'JA' LTAR PHRA ZHING RGYUN 'CHAD PA MED PA'I ZUNG 'JUG GI SKU 'JAM MGON BLA MA GANG DU BZHUGS PA'I SA SOGS ZHING KHAMS RAB 'BYAMS SPRUL PAS 'GENGS SHING BZHUGS SO, ,DE LTAR RGYAL BA DBEN SA PA CHEN POS RJE BTZUN SKYABS MCHOG DPAL BZANG GI ZHABS

DRUNG NAS GSANG BDE 'JIGS GSUM GYI DBANG LUNG MAN NGAG SOGS SNGAGS KYI ZAB CHOS MTHA' YAS PA GSAN ZHING RDZU 'PHRUL GYI BKOD PA MTHA' YAS PA BSTAN PA SOGS BLA MA LHA'I GZIGS SNANG NGO MTSAR RMAD DU BYUNG BA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI ,'JAM DBYANGS BLA MAS DBANG BSKUR BYIN RLABS TSE, ,RDZU 'PHRUL DAG PA'I SNANG BA DPAG MED DANG, ,BLA MA LHAG PA'I LHAR GZIGS DBEN SA PA, , BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS RGYAL BA DBEN SA PA CHEN PO DGUNG LO BCU BDUN BZHES PA NA, PHYOGS KUN TU 'BRUM NAD KYIS KHYAB CING, RJE NYID KYANG SKU 'BRUM GYIS BSNYUN NAS YOD PA LA; NYIN GCIG CHA BA SGOR RTEN 'BREL BSTOD PA KHA TON DU BYED PA ZHIG BYUNG BA NA DE'I GSUNG GI GDANGS THOS BA TZAM GYIS LUS KYI SPU ZING ZHES BYED CING SNANG BA GTING NAS 'GYUR BA ZHIG BYUNG BAS, PHYIR PHEBS TE GZIGS PA NA DGE SLONG SMA RA DKAR PO'I AAG TSOM CAN, PHYAG DAR KHROD KYI CHOS GOS GSOL BA, SHIN TU DANG BA 'DREN PA CIG 'DUG PAS, NANG DU SPYAN DRANGS PA NA GRUB CHEN GYIS DON DU 'GYUR BA MKHYEN NAS, CHA RKYEN DANG 'TSAM PAR BSNYEN BKUR BA YANG LEGS PAR BZHES, DE LTAR RGYAL BA DBEN SA PA CHEN POS GRUB CHEN CHOS RDO RJE DANG THOG MAR MJAL BA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, KHYAD PAR DANG PA'I RGYAL POS

, ,PAD MTSOR BZHIN, ,RTOGS PA'I MNGA' BDAG DHARMA BADZRA ZHABS, ,BSAMS BZHIN YONGS DAG SKYES BU KHYOD DRUNG PHEBS, ,DANG PO'I RTEN 'BREL LEGS 'GRIG DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE'I TSE RGYAL BA DBEN SA PA CHEN PO'I THUGS LA 'DI NI GRUB PA MCHOG GI DNGOS GRUB BRNYES BA ZHIG GOR MA CHAG GO SNYAM DU DGONGS TE, MKHAS GRUB SANGS RGYAS YE SHES KYIS BSTOD PA MDZAD PA LAS ,DE NYID TSUL LA LEGS PAR BRTAGS PA NA, ,GSANG BA'I MDZOD 'DZIN CHOS KYI RGYAL MTSAN GYIS, ,THUGS SRAS MCHOG TU LEGS GZIGS DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA LTAR ,GDAMS PA'I GTER DU GYUR PA'I GRUB MCHOG TU GZIGS NAS RJES SU 'DZIN PAR ZHUS PAS ,GRUB CHEN CHOS RDO RJES KYANG DGYES BZHIN DU ZHAL GYIS BZHES TE BKRA SHIS RDZONG DGA'I PHU'I MGAR MO CHOS RDZONG DU DUS 'DI TZAM LA SHOG CES BKA' GNANG, DE NAS RGYAL BA DBEN SA PAS 'BRUM BU'I BSNYUN LAS GROL MA THAG BLA MA GRUB CHEN GYIS JI LTAR GSUNG BA'I DUS TSOD DE LAS YOL PA MED PAR DBEN GNAS MGAR MO CHOS RDZONG DU PHEBS ,GRUB CHEN CHOS RDO RJE MNYES PA GSUM GYIS MNYES PAR BYAS NAS RGYAL BA TZONG KHA BA'I SNYAN RGYUD KYI MAN NGAG YONGS SU RDZOGS PA ZHIG GNANG BA THUGS RJES GZUNG 'TSAL ZHES GSOL BA BTAB PAS GRUB

MCHOG CHOS RDO RJES KYANG DGYES BZHIN DU THOG MAR MDO SNGAGS KYI GSUNG RAB DGONGS 'GREL DANG BCAS PA'I DON MTHA' DAG SNYING POR BSDUS TE GANG ZAG GCIG GI NYAMS LEN GYI RIM PAR DRIL BA, LAS DANG PO PA'I SA NAS SANGS RGYAS KYI SA'I BAR GYI SA LAM 'BRAS BU DANG BCAS PA'I LAM GYI GNAD THAMS CAD TSANG BA BYANG CHUB LAM GYI RIM PA'I KHRID MAN NGAG ZHAL SHES DANG BCAS PA YONGS SU RDZOGS PA DANG, BDE GSANG 'JIGS GSUM SOGS BLA MED KYI DBANG DANG RIM GNYIS KYI MAN NGAG RNAMS YONGS SU RDZOGS PA GNANG STE RGYAL BA DBEN SA PA CHEN PO 'JAM MGON SNYAN RGYUD BSTAN PA'I BDAG POR MNGA' GSOL LO, ,RGYAL BA DBEN SA PA CHEN POS GRUB CHEN CHOS RDO RJE LA 'JAM MGON SNYAN RGYUD KYI MAN NGAG YONGS RDZOGS GSAN PA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, DE NAS DE NYID ZHABS GTUGS GSOL BTAB PAS, ,BLO BZANG GDAMS PA'I SNYING PO MA LUS STZAL, ,SNYAN RGYUD GDAMS PA'I GTER GYUR DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS GRUB CHEN CHOS RDO RJE DANG RGYAL BA DBEN SA PA CHEN PO GNYIS DPON SLOB LHAN CIG DBUS GTZANG GI LJONGS DE DANG DER SKAL LDAN GYI GDUL BYA DUM RJES SU 'DZIN PA DANG, MTHONG THOS DRAN REG GIS GNAS SKABS DANG MTHAR THUG GI PHAN BDE BSGRUB BA'I RTEN 'BREL KHYAD PAR CAN BSKRUN PA'I PHYIR, GANGS RI'I

, ,KHROD KYI GNAS DANG YUL LJONGS PHAL MO CHER BKRA SHIS PA'I MTSAN DANG LDAN PA'I ZHABS RDUL GYIS REG PA STZAL ZHING, MTHAR GRUB PA'I GNAS MCHOG PADMA CAN DU PHEBS TE YUN RING DU SGRUB PA BSAM GTAN GYI 'KHOR LO LA GZHOL BAR MDZAD, DE NAS GRUB CHEN CHOS RDO RJES RGYAL BA DBEN SA PA CHEN PO LA SPRUL PA'I GLEGS BAM GTAD DE BKA' RGYA DAM PO BTAB, RE SHIG TSE 'DI BLOS BTANG STE DBEN PA'I RI SUL DU SGRUB PA SNYING POR MDZAD DGOS BA DANG, MTHAR MDO SNGAGS KYI LAM YONGS RDZOGS LA NYAMS LEN MTHAR PHYIN TE RANG NYID MI NYAMS PA'I GDENG THOB PA NA SKAL BA DANG LDAN PA GZHAN DAG LA SNYAN RGYUD KYI MAN NGAG JI LTAR STON LUGS SOGS ZHIB TU 'DOMS PAR MDZAD DO, ,DE NAS RGYAL BA DPEN SA PA CHEN POS GRUB CHEN CHOS RDO RJE'I ZHAL GDAMS DANG, SNGAR RJE SKYABS MCHOG DPAL BZANG GIS KYANG GDAMS PA LTAR 'JIG RTEN GYI CHOS BRGYAD LA DGA' MI DGA'I RNAM RTOG DOR TE CHOS BRGYAD 'GO SNYOMS TSE 'DI'I 'KHRI BA PHRA MO 'ANG MED PAR MTHO MTHO RLUNG LA BSKUR DMA' DMA' CHU LA BSKYUR ZHES DAM PA GONG MA'I GSUNG BGROS LAS 'BYUNG BA LTAR PHYI NANG GI SPROS BA BTZAN THABS SU BCAD DE DBEN GNAS RNAMS SU ZAB LAM SNYING PO'I RNAL 'BYOR LAS SKAD CIG KYANG G-YEL BA MED PAR SHUGS DRAG LA RGYUN MI 'CHAD PA'I GOMS PA BSRINGS TE, ZHABS RDO RJE SKYIL

KRUNG BCAS PA'I SKU SHA RUL BA LA LCI BA'I THAL BA 'JAM PO BTAB, GZHAN BCOS SOGS MA MDZAD PAR THUGS DAM LA BRTZON PA CHER MDZAD PAS RING PO MA LON PAR DRAN SHES KYI 'BAD RTZOL LA MA LTOS BAR NYIN MTSAN KHOR MO YUG TU MNYAM PAR 'JOG NUS PA'I TING NGE 'DZIN NI BRNYES, DE LA BRTEN NAS 'DOD PA'I NYON MONGS MNGON GYUR 'GO GNON NUS PA DANG, RIM GYIS SEMS DGE BA LA 'JUG MI NUS PA'I 'CHOR NGAD KYI RNAM PA SANGS TE DGE BA'I DMIGS PA LA CI 'DOD DU 'JOG NUS PA DANG, SKU LUS KYI RLUNG GNAS NGAN LEN SKYED BYED RNAMS NI 'GAGS, LUS SEMS LAS SU RUNG BA'I BDE CHEN KHYAD PAR CAN THUGS LA 'KHRUNGS ,DE'I MTHUS RI RAB SOGS LA GZIGS PA NA RDUL PHRA RAB KYANG BGRANG THUB PA LTA BU'I GSAL NYAMS KYANG BYUNG GSUNG, DE NAS RE ZHIG NA DGE 'PHEL DU BZHUGS PA'I DUS THO RANGS RJE 'DI NYID BZHUGS SA NAS KHANG PA SKYA SBREL MANG PO'I NANG GCIG NAS GCIG TU SKYA SBREL LA THOGS PA MED PAR BYON PAS RDZU 'PHRUL DE MTHONG PA KUN NGO MTSAR DU GYUR TO, ,LAN CIG BRAG G-YANG CHEN PO MIS MI THAR BA ZHIG YOD PAR RDZU 'PHRUL GYIS GSHEGS PA BRANG DPON DON BKRIS BYA BAS MTHONG NAS, CHOS RJE LAGS DE 'DRA'I LTAD MO STON PA ZHES THAL MO SBYAR NAS PHYAG 'TSAL DU BYUNG BA LA RGYAL BA DBEN SA PA CHEN POS KHYOD SU DANG NOR GANG MTHONG GSUNGS, SNGAR GYI MTHONG TSUL ZHUS PAS, NGAS BRAG G-YANG DE 'DRA LA GA LA THAR BRANG DPON RANG MIG

, ,'KHRUL BA'AM, BRAG 'DI'I GZHI BDAG JO BO BRAG DKAR BA MTHONG BA YIN YONG GSUNGS, DE NAS, DGUNG LO NYI SHU LHAG TZAM 'GRO BA'I DUS RGYAL BA G-YUNG GI SGRUB GNAS BRAG RGYA BO RDO RJE'I PHO BRANG DU DPAL GSANG BA 'DUS PA'I MAN NGAG GI GNAD PHRA MO ZHIG THUGS NYAMS SU BZHES PA LA BRTEN NAS RMAD DU BYUNG PA'I RTOGS PA KHYAD PAR CAN BRNYES TE, RGYA BOD KYI MKHAS GRUB MANG PO'I GZHUNG RNAMS DANG, RGYAL BA'I BKA' RAB 'BYAMS NGAG NAS THOGS MED DU 'DON NUS BA BYUNG STE, TSUL DE LA MKHAS GRUB SANGS RGYAS YE SHES KYIS BSNGAGS PA NI, DE NAS RING POR MA LON SKAD CIG LA, ,GRUB PA'I GNAS MCHOG RDO RJE'I PHO BRANG DU, ,NYAMS DANG RTOGS PA CHER 'BAR DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES DANG, DE NAS CHOS KUN TSIG DON THUGS CHUNG CING, ,BDE CHEN CHANG GIS MYOS PA'I DPA' BO'I GAR, ,GCIG PU'I NYAMS KYIS BSGYUR MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA LTAR RO, ,GZHAN YANG 'PHAGS PA'I YUL GYI 'PHRAL SKAD DANG, ,LEGS SBYAR GYI SKAD SOGS SKAD KYI RIGS MI 'DRA BA DU MA LA'ANG MKHYEN PA THOGS PA MED PAR GYUR TE, LAN CIG SHANGS LA 'BYON PA'I LAM KHAR RGYAL PO CHU THAGS BUD MTSAMS NA YAR LA DZO KI 'GA' ZHIG DANG 'GROGS TE AA TZA RYA'I 'PHRAL SKAD KYIS DE DAG DANG GSUNG GLENG

MDZAD PAS TSONG PA MANG PO 'DUG PA YA MTSAN DU GYUR NAS 'DUG GSUNG, YANG DUS GCIG RONG PHYOGS SU PHEBS PAS SA SKYA'I BDAG CHEN RDO RJE GLING PA DANG, BYAMS CHEN PA'I SLOB DPON MANG PO DANG, SKYED TSAL BA'I DGE BSHES 'GA' ZHIG DANG, RTA NAG PA'I LO CHEN ZER BA GCIG RNAMS KHA RU STENG DU 'TSOGS NAS SGRA'I BSHAD BA YUS YUS BYED CING DGE LDAN RNAMS KYIS SGRA MI SHES ZER ZHING GTAM MANG PO GLENG BA'I SAR RJE BLA MA NYID KYIS BYON NAS, BRGYAD STONG PA SAm SKRi TA'I SKAD DU 'DON GYIN BSHAD PA MDZAD PAS, DE DAG GI SGRA'I YON TAN GYIS GANG DU YANG MA PHYIN CING LUNG RIGS GANG GIS KYANG LAN 'DON PAR MA NUS PA NA, BDAG NYID CHEN PO 'DI'I PAn ZHVA SER PO DANG, RAS KYI CHOS GOS DANG MTHANG GOS SOGS LA DPAGS TE 'DI NI RGYA 'DRE MNGON SUM MO ZHES ZHE SDANG SHIN TU 'BAR BA'I RGYUD DANG SBYAR BA'I TSIG NGAN GYI DUG MDA' SHIN TU MI BZAD PA'I CHAR PHAB KYANG DAM PA 'DIS LAN BRGYAR GOMS PA'I BZOD PA'I GO CHA LA BRTEN PAS BA SPU'I RTZE MO TZAM YANG 'KHRUGS PA MED DO, ,DE RNAMS KYI KHROD NAS NOR BU GLING PA'I SLOB DPON NA RE, DE 'DRA MA GSUNG KHONG SKYES BU NGO MTSAR CHE PA ZHIG SNANG ZER KHONG RANG GI DKAR YOL BKRUS NAS JA'I SKAL BA DRANGS, DER RGYAL BA DBEN SA PA CHEN PO NYID GDUL BYA MA RUNGS PA DE DAG SKRAG PAR BYA BA'I PHYIR STOD NAS ME 'BAR BA DANG, SMAD NAS CHU 'KHRUG PA SOGS RDZU 'PHRUL YA MA ZUNG STON PA DANG, KHRO BO'I

, ,DBANG PO'I SKUR BZHENGS TE 'DOD NA RI RAB KYANG THAL BAR RLOG PA SOGS MTHU STOBS DANG RDZU 'PHRUL DPAG MED STON NUS MOD KYANG GDUL BYA MA RUNGS PA DE DAG NYON MONGS PA'I GDON DRAG BOS ZIN PAS RE SHIG BCOS THABS MED DE, KHO BOS JI 'DRA BA'I RDZU 'PHRUL MNGON PAR 'DU BYAS KYANG GDON DRAG PAS BRLAMS PA'I NAD PA LA SMAN GYI RIGS GANG YANG MI 'PHROD PA LTAR SKAL PA MED PA'I SKYE BO 'DI DAG LA DON DU MI 'GYUR BAR MA ZAD, LOG PAR RTOG PA 'PHEL BAR 'GYUR RO SNYAM DU DGONGS NAS GTZANG LA PHEBS SO, ,DE'I CHE GRUB CHEN CHOS RDO RJE'I 'KHOR DU GRUB PA THOB PA'I SLOB MA BCU TZAM YOD PA'I NANG NAS ,RJE 'DI NYID SRAS KYI THU BOR DGONGS SNYAN RGYUD KYI BE'U BUM DANG, SPRUL PA'I GLEGS BAM PHYAG TU GTAD DE LHA DANG BLA MA'I TSOGS KYIS LHAN CIG TU CHOS KYI RGYAL TSAB TU DBANG BSKUR TO, ,DE LTAR RGYAL BA DBEN SA PA CHEN BO LA GRUB CHEN CHOS RDO RJES 'JAM MGON BLA MA'I MDO SNGAGS KYI SNYAN RGYUD MAN NGAG YONGS RDZOGS GNANG BA'I MTHAR SPRUL PA'I GLEGS BAM PHYAG TU GTAD DE SNYAN RGYUD BSTAN PA'I BDAG POR MNGA' GSOL BA'I TSUL LAS BRTZAMS TE, MKHAS GRUB SANGS RGYAS YE SHES KYIS BSTOD PA MDZAD PA NI, GRUB BA'I DBANG POS RANG GI 'KHOR RNAMS LA, ,SGRIB MED YE SHES SPYAN GYIS BRTAGS PA NA, ,KHYOD LAS MCHOG GZHAN MA GZIGS DBEN SA PA, ,BLO BZANG

DON GRUB ZHABS LA GSOL BA 'DEBS, ,ZHES DANG, DE NAS RANG GI CHOS KYI RGYAL TSAB TU, ,DBANG BSKUR SPRUL PA'I GLEGS BAM PHYAG TU BZHAG, CHOS KYI RGYAL SRID YONGS GTAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES DANG ,DE TSE BLA MA LHA DANG SRUNG MA'I TSOGS, ,DGONGS GCIG NYID KYIS LEGS PAR MNGA' GSOL BA, ,KHAMS GSUM CHOS KYI RGYAL PO DBEN SA PA, ,BLO BZANG DON GRUB ZHABS LA GSOL BA 'DEBS, ZHES GSUNGS SO, ,DE NAS RGYAL BA DBEN SA PA CHEN POS GRUB PA'I GNAS MCHOG PADMA CAN ZHES KYANG BYA PADMA 'OD KYI GZHAL YAS ZHES KYANG BYA BA'I GNAS DER DAG PA'I 'KHOR GYI TSOGS LA CHOS KYI 'KHOR LO DANG POR BSKOR ZHING, GZHAN YANG, GRUB PA'I GNAS DU MAR SKYE BO PHAL MO CHE LA LKOG TU GYUR PA'I TSUL GYIS SKAL BA DANG LDAN PA RNAMS LA CHOS KYI 'KHOR LO DU MA BSKOR BAS, GRUB PA'I GDUNG 'TSOB BRNYES PA'I SKYE BOS GANGS KHROD KYI DBEN PA MTHA' DAG KHYAB PAR RJE NYID KYI GSUNG LAS DON GYIS 'BYUNG NGO, ,RGYAL BA DBEN SA PA CHEN POS GRUB PA'I GNAS MCHOG TU DAG PA'I 'KHOR 'GA' ZHIG LA CHOS KYI 'KHOR LO THOG MAR BSKOR BA'I TSUL LA MKHAS GRUB SANGS RGYAS YE SHES KYIS BSTOD PA MDZAD PA NI, PADMA CAN DANG DE GZHAN GRUB PA'I GNAS, ,RNAMS SU ZAB RGYAS CHOS KYI CHAR PHAB NAS, ,KUN TU GRUB PAS KHYAB MDZAD DBEN SA PA, ,BLO BZANG DON GRUB ZHABS GSOL BA

, ,'DEBS, ,ZHES GSUNGS SO, ,DE DANG DE'I SKABS RNAMS SU YANG GANG DANG GANG DU ZHABS KYI 'KHOR LO BKOD PA'I SA PHYOGS DANG, DBEN PA'I GNAS DE DANG DE DAG GI MI BSRUN PA'I GZHI BDAG RNAMS DAM LA BTAGS TE, SROG GI SNYING PO BZHES NAS SLAN CHAD DGE BA'I BAR CHAD MI BGYID PA'I BKA' YANG DAG PAR STZAL, DE YANG PADMA CAN DU PHEBS PA'I LAM KHAR SDIG PA RVA CAN LUG THONG TZAM ZHiG BDAG NYID CHEN PO LA 'JIGS PA STON PA LTAR BYED PA NA, BDAG NYID CHEN POS JI MI SNYAM PAR TING NGE 'DZIN GYIS PHYAG RGYAS BCINGS TE PHEBS PAS CHO 'PHRUL RANG ZHING SONG ,PHYIS NI GZHI BDAG DES TSUL BZHIN 'PHRIN LAS BSGRUBS TE RJE 'DI BA 'TSO BA'I CHA RKYEN GYIS GTUGS NAS GNAS DE LAS 'BYON PAR BZHED PA NA RNA RO SOGS 'TSO BA'I YO BYAD SGRUB KHANG GI NYE LOGS SU YANG YANG 'JOG PAR BYED, DE'I TSUL RIG STE GNAS 'DIR RGYUN RING NA DGE SBYOR 'PHEL YANG SEMS CAN LA GNOD PAR DGONGS NAS PHEBS, PHYIS DBEN SAR BZHUGS PA'I TSE YANG, JO MO'I GZHI BDAG DES GSA'I RNAM PAR KUN GYIS MTHONG BAR BYAS TE RJE NYID MJAL PA LA BYUNG GSUNG NGO, ,TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, SKU GSUNG THUGS KYI RNAM PA SNA TSOGS PAS, ,ZHING SKYONG GZHI BDAG TSOGS RNAMS DAM LA BZHAG, ,'GRO LA PHAN BDE RGYAS MDZAD DBEN SA PA, ,BLO BZANG DON GRUB

ZHABS LA GSOL BA 'DEBS, ZHES GSUNGS SO, ,DE NAS RGYAL BA DBEN SA PA CHEN POS RI BO DGE 'PHEL DU THOG SHAS BZHUGS, DE'I DUS SU GANG SHAR BDE STONG DU SHAR BA'I RIG PA BRTUL ZHUGS KYI SPYOD PAS DUS 'DA' BAR MDZAD PAS, BLO MIG LDONGS PA'I SKYE BO PHAL MO CHES DBEN SA SMYON PA ZHES KYANG SGROG PAR BYED PA ZHIG BYUNG NGO, ,TSUL 'DI NI RGYAL BA DBEN SA PA CHEN PO NYID KYI GSUNG LAS KYANG, BLA MA LHA LA RTZE GCIG GSOL BTAB PAS, ,YID LA GANG DRAN 'PHRAL LA LAG LEN LA, ,'GEL BA SMYON PA 'DRA BA'I SPYOD PAS NI, ,SANGS RGYAS MYUR DU SGRUB PA BDAG GI LUGS, ,ZHES DANG, DE YANG 'DI LTAR, BLA MA DANG LHAG PA'I LHA LA GSOL BA RTZE GCIG TU BTAB NAS, DGE BA'I RNAM RTOG RNAMS LTA CI SMOS, YID LA SKYES SHING GANG DRAN PA'I 'DOD CHAGS SOGS MI DGE BA'I RNAM RTOG RNAMS KYANG BLA NA MED PA'I BYANG CHUB THOB PA'I RGYU DANG THABS SU BSGYUR NAS 'PHRAL LA DRAN PA 'PHRAL LA LAG LEN LA 'GEL BA'I NYAMS LEN LA BRTZON PAR BYAS PAS, DENG SANG GI MI PHAL CHE BA RNAMS KYIS BLTA BA DANG NYAN PA'I NGOR YID LA GANG DRAN LAG LEN LA 'GEL BA'I SMYON PA 'DRA BA'I SPYOD PA ZHIG NI YONG BAR 'DUG NA'ANG ,'GRO BA'I DON DU GO 'PHANG MCHOG DAM PA SANGS RGYAS MYUR BA MYUR BA NYID DU SGRUB PAR BYED PA'I CHOS LUGS MCHOG DAM PA 'DI NI BDAG BLO BZANG DON GRUB KYI LUGS SO, ,ZHES DANG ,BLA MA LHA LA RTZE GCIG GSOL BTAB NAS, ,GANG BYUNG RKYEN RNAMS

, ,PHAL CHER DGE SBYOR GYI, ,GROGS SU 'CHAR PHYIR SMYON SPYOD LA GNAS NAS, ,DBEN PAR GCIG PUR SDOD PA KHO BO'I LUGS, ,ZHES GSUNGS PA LTAR, RKYEN BZANG NGAN GANG BYUNG LA THOG BRDZIS SU BYAS NAS 'OG GNON PAR MDZAD DE BKA' LAS, YANG NA NI CHOS BRGYAD 'DI 'GO GNON NUS PA CIG DGOS PAR 'DUG ,YANG NA NI CHOS BRGYAD 'DI LAM DU 'KHYER NUS PA CIG DGOS PAR 'DUG ,DE LA YANG MA NOR BAR 'KHRID PA'I BSHES GNYEN ZHIG GIS ZIN DGOS PAR 'DUG GSUNG, DE DAG GI TSE RGYAL BA DPEN SA PA CHEN PO NYID BLA MA LHA'I RNAL 'BYOR LAM GYI SROG SHING DU BYAS TE MDO SNGAGS KYI GNAD THAMS CAD BSDUS PA'I LAM GYI SNYING PO THUGS NYAMS SU BSTAR BAR MDZAD PAR SNANG STE, GSUNG LAS, 'JAM DBYANGS BLA MA'I ZHABS LA PHYAG 'TSAL LO, ,DE LTA NA, LAM THUN MONG BA LA SBYANGS NAS RGYUD 'OS SU GYUR PA NA BLA MA MNYES PAR BYAS NAS RNAM PAR DAG PA'I DBANG LAM ZAB MO'I RTEN DU BSGRUB PAR NUS NGOS SHES PA BLANGS NAS DAM TSIG DANG SDOM PA BZUNG, DE NAS, SKABS DE DANG GZHAN DU BLANGS PA'I SDOM PA GSUM LA GCES SPRAS SU BYAS TE TSUL BZHIN DU BSRUNG BA GZHIR BZHAG NAS THUN BZHI'I RNAL 'BYOR GYIS RIM PA DANG PO BSNYOMS LA RDZOGS RIM GYI RTOGS PA KHYAD PAR CAN SKYE BA'I DGE BA'I RTZA PA SMIN PAR BYAS, DE NAS RDZOGS PA'I RIM PA KHYAD PAR CAN RIM GYIS BSKYED NAS ZUNG 'JUG GI SKU BSGRUBS NA MDO SDE DANG RGYUD SDE

MTHA' DAG GI GNAD RNAMS GANG ZAG GCIG 'TSANG RGYA PA'I CHA RKYEN DU GYUR PA LA NGES PA RNYED NAS, THUB PA'I BSTAN PA YONGS SU RDZOGS PA RANG GIS 'DZIN CING GZHAN LA SPEL NUS PA YIN NO, ,DHARM'A BADZRA GYI GSUNG RGYUN BLO BZANG GIS YI GER BKOD PA'O, ,ZHES GSUNGS TE, GZHAN DAG LA 'DI LTAR GYIS SHIG CES GO BAR MDZAD PA'O, ,YANG DE'I TSE PHYI RABS KYI GDUL BYA RNAMS LA 'DOMS PA'I PHYIR DGE SBYOR RGYEN DBANG DU MI GTANG BAR PHYOGS BCU'I RGYAL BA SRAS BCAS DPANG DU BZHAG STE MKHYEN PAR GSOL NAS LAM CHA TSANG LA SGRUB PA MTHAR PHYIN PAR MDZAD PA'I DAM BCA' 'DI LTAR MDZAD DE, NA MO GU RU BUDDHA BO DHI SATVA BHYA: GANG ZHIG CUNG ZAD YID LA DRAN PAS KYANG, ,DNGOS GRUB THAMS CAD DA LTA STZOL MDZAD PA'I, ,BLO BZANG GRAGS DANG THUB DBANG SPYAN RAS GZIGS, ,'KHOR BCAS RNAMS KYI 'DRA 'BAG DRUNG NYID DU, ,'KHOR BA'I SNANG TSUL RAB TU MTHONG NAS NI, ,TSE 'DI NYID LA SANGS RGYAS SGRUB 'DOD PA'I, ,BLO BZANG DON GRUB CES PA'I BTZUN PA NGAS, ,DGE 'PHEL RI BO'I RTZE NAS 'DI SKAD ZHU, ,SNGA SOR KHYED RNAMS DRUNG DU BDAG GI SU, ,TSE 'DIR GLO BUR BYA BA NGAN PA RNAMS, ,SPANGS TE SNYING NAS DAM CHOS SGRUB BYED PA'I, ,YID KYI DAM BCA' MANG PO BLANGS NA YANG, ,TSE 'DI'I 'KHRI BA PHRA MO MA CHOD PAS, ,YID DAM BCAS PA RNAMS LAS CUNG ZAD TZAM, ,'GAL BAR GYUR RNAMS BSHAGS PAS BZOD PAR MDZOD, ,SLAR YANG KHYED RNAMS DGYES PA BSKYED PHYIR DU,,

, ,TSOGS GNYIS BSAGS PA'I DGE SLONG BLO BZANG BDAG ,DGA' BDE LDAN PA'I NGANG NAS 'DI SKAD DU, ,NGO MTSAR LEGS BYED GTAM 'DI 'BUL BAR BYA, ,NGA NI LOG BA'I LAM DU 'KHRID PA'I RGYU, ,GNYEN DANG 'KHOR G-YOG GROGS DANG LONGS SPYOD DANG, ,TSE 'DIR DON MED BYA BA NGAN PA RNAMS, ,SPANGS NAS CHAGS SPANG MED PA'I DBEN GNAS SU, ,THAMS CAD MKHYEN PA'I LAM DU 'KHRID PA'I RGYU, ,GNYEN DANG 'KHOR G-YOG GROGS DANG LONGS SPYOD DANG, ,BCAS TE GTAN GYI MDUN MA BSGRUB PHYIR DU, ,CHOS KYI BYA BAS RGYUN DU 'DA' LAGS SO, ,ZHES DAM BCA' MDZAD DO, ,YANG DUS LAN CIG GI TSE RANG GIS RANG LA BSKUL BA 'DI LTAR MDZAD DE, SANGS RGYAS LAS KYANG DKON PA'I GDAMS PA MCHOG ,RNYED PAR DKA' BA RDO RJE THEG PA'I LAM, ,LAM 'DI PHYIS NAS RNYED PAR DKA' BAS NA, ,TSE 'DI'I 'DOD YON THED LA BOR MDZOD LA, ,RGYAL BAS BSNGAGS PA'I RI KHROD STONG BA RU, ,BSE RU BZHIN DU GCIG PUR GNAS MDZOD LA, ,LAN CIG MIN PAR YANG YANG SGOMS SHIG AANG, ,DE LTAR BSGOMS PAS BLO GROS BZANG PO KHYOD, ,SGRUB PA'I RGYAL MTSAN RTAG TU TSUGS SHIG AANG, ,KHYAD PAR PHA RGYUD GSANG BA 'DUS PA DANG, , RNAL 'BYOR MA RGYUD 'KHOR LO SDOM PA GNYIS, ,'BRAL BA MED BAR LUS LA STIMS SHIG AANG, ,ZHES PA'ANG GSUNGS SO, ,GNAS DER STON GYI RING LA BLA MA MGON PO'I SGRUB PA ZHIG MDZAD NAS, SKU KHAMS SENG BA'I PHYIR

GZIM KHANG GI STENG DU PHEBS PA NA, STON GYI MDZES MA LANG TSO DAR LA BAB PAS PHYOGS THAMS CAD MI GTZANG BA'I RDUL DANG BRAL TE DRI ZHIM POS BSGOS PA'I BSIR BU BSIL BA'I NGAD NI DAL BUS LDANG, YUL LJONGS PHAL CHER NI GSER GYI KHU BA DANG 'DRES PA'I RIN PO CHE MAR GAD KYI MDANGS NYE BAR 'DZIN, NAM MKHA'I DKYIL 'KHOR NI 'GA' ZHIG SPRIN GYI BLA BRES G-YOGS SHING PHAL CHER BEEd'URYA LTAR RAB TU DVANGS, KHYAD PAR PA SNAM JO MO LHA RI'I PHYOGS KYI STENG GI NAM MKHAR SPRIN DANG NA BUN CHU YI LCID KYIS LHAG PAR NON PA DNGUL CHU'I MDOG LTA BU ZHIG LDING ZHING, RI BO'I RTZE MOR CUNG ZAD CHAGS PA GZIGS PAS RKYEN BYAS TE, BYA BRAL THAMS CAD MKHYEN PA DHARM'A BADZRA DE NYID DUS DAL JO MO LHA RI'I GNAS NA SKU 'JA' LUS RDO RJE'I SKU BRNYES SHING, THUGS ZAB YANGS BDE STONG GI ROL PA LAS G-YEL BA MED PAR, GSUNG RIM GNYIS ZAB MO'I SGRA DBYANGS SGROGS BZHIN PAR, SPYIR GANGS CAN GYI 'GRO BA MTHA' DAG GI DPAL DU BZHUGS, KHYAD PAR BDAG NYID RJE RGYAL BA GNYIS PA'I BKA' RGYUD ZAB MO'I DON CI DGAR NYAMS SU BLANGS PAS CHOG CING CHOS LA BLO KHA PHYOGS NAS NYAMS LEN GYI GNAD LA NGES PA CUNG ZAD THOB PA 'DI YANG RJE BTZUN DAM PA 'DI'I BKA' DRIN YIN SNYAM DU DAD PA TSAD MED 'KHRUNGS TE MGUR 'DI GSUNGS SO, ,NA MO GU RU MAH'A K'A L'A YA, RJE SPYI GTZUG SENG GE'I KHRI STANGS SU, ,GDAN NYI ZLA PADMA'I DBUS BZHUGS LA, ,THUGS BRTZE BA CHEN POS

, ,NYER DGONGS NAS, ,MCHOG THUN MONG DNGOS GRUB STZAL DU GSOL, ,'BRU RTZI THOG RGYAS PA STON GYI DUS, ,DGUNG BEEd'URYA LTAR DVANGS PA'I 'O GA ,RLANGS NA BUN DNGUL GYI MDOG 'DRA BA, ,'DI MTHONG BA'I MOD LA BLA MA DRAN, ,LUS NYI KHRI CHIG STONG BA SPU G-YOS, ,MIG BKA' DRIN DRAN PA'I MCHI MAS BRLAN, ,NGAG SKAD GSANG MTHON POS GSOL BA 'DEBS, ,BDAG LUS NGAG YID GSUM BYIN GYIS RLOBS, ,MTSAN DRAN THOS 'GAL RKYEN SEL BA LA, ,DPAL MGON PO MCHOG DANG DBYER MED PA'I, ,DUS DA LTA MTSAN LDAN BLA MA DE, ,LHA JO MO LHA RI'I GNAS MCHOG NA, ,SKU 'JA' LUS RDO RJE 'DZIN PA'I TSUL, ,GSUNG RIM GNYIS ZAB MO'I DGA' STON 'GYED, ,THUGS ZAB YANGS BDE BA CHEN PO'I NGANG, ,SPYIR GANGS CAN SKYE 'GRO'I DPAL DU SHAR, ,SGOS SNYOMS LAS CAN GYI BLO BZANG BDAG, CHOS MDO RGYUD ZAB MO KUN GYI DON, ,RANG CI DGAR SPYAD PAS CHOG PA 'DI, ,RJE KHYED KYI BKA' DRIN CHE LAS THOB, ,NGA'I GSUM LDAN BLA MA 'GRAN ZLA MED, ,YID BKA' DRIN DRAN PAS GSOL BA 'DEBS, ,TSE 'DI LA RIM GNYIS RNAL 'BYOR GYIS, ,RGYUD SMIN CING GROL BAR BYIN GYIS RLOBS, ZHES GSUNGS SO, ,DE NAS YE SHES KYI MKHA' 'GRO MAS SANG NYIN GRUB CHEN DPAL 'BRAS RDO RJE'I SKYE BA PAndI TA ZHIG DANG 'PHRAD PA YONG PAS DE LA MAN NGAG RNAMS MA GSANG BAR STON ZHES LUNG BSTAN PA BZHIN BKRA SHIS LHUN

BOR KUN MKHYEN LEGS PA DON GRUB DANG ZHAL 'DZOM, PHAN TSUN DU LUNG RTOGS KYI YON TAN KHYAD PAR CAN MNGA' BA'I STOBS KYIS THUGS YID GCUGS PAR GYUR, KUN MKHYEN CHEN POS BSKUL NAS GSANG 'DUS DANG 'JIGS BYED KYI KHRID LAG RJES KYI RTZOM PA YANG MDZAD, 'PHRIN LAS CHE BA YONG BAS SBYAR BYANG KUN MKHYEN GYIS MDZOD GSUNGS MDZAD DO, ,DE DUS PHYI LTAR KUN MKHYEN GYIS MDZAD PAR GRAGS KYANG NANG LTAR RJE 'DI NYID KYIS MDZAD PA YIN, DENG SANG NI DPEN SA BKA' 'BUM GYI NANG NYID DU BZHUGS PA YONGS SU GRAGS PA LTAR RO, ,DE'I DUS GZIM KHANG SER POR, GDOD NAS DAG PA'I CHOS DBYINGS NAM MKHA' LA, ,SNA TSOGS RTEN 'BREL SPRIN PHUNG CI YANG BKRA, ,RNAM DAG RIGS PA'I RLUNG GIS DPYAD PA NA, ,SLAR YANG KUN GSAL NYID DU THIM PAR 'GYUR, ,ZHES SOGS LTA BA'I MGUR YANG MANG DU BZHES SO, ,MDOR NA RGYAL BA DBEN SA PA CHEN PO DANG KUN MKHYEN LEGS PA DON GRUB GNYIS THUGS YID GCIG TU 'DRES PA LTAR GYUR TE, TSUL DE LA MKHAS GRUB SANGS RGYAS YE SHES KYIS BSTOD PA MDZAD PA LAS, LUNG BSTAN BRNYES PA MKHAS PA'I DBANG PO DANG, ,THABS SHES ZUNG DU 'BREL BA'I RTEN 'BREL GYIS, ,BSTAN PA'I SNYING PO GSAL MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSANGS PA LTAR RO, ,DE'I TSE RGYAL BA DBEN SA PA CHEN POS YE SHES MKHA' 'GROS LUNG BSTAN PA LTAR, RJE RIN PO CHE LA MGON PO 'JAM DPAL

, ,DBYANGS KYIS GNANG BA'I SNYAN RGYUD KYI MAN NGAG THUN MONG MA YIN PA RNAMS DANG SPRUL PA'I GLEGS BAM CHEN MO LAS SKABS SU BAB PA 'GA' ZHIG KUN MKHYEN LEGS PA DON GRUB LA GNANG STE, DENG SANG DBEN SA BKA' 'BUM NA BZHUGS PA'I LUNG BSTAN GSANG BA'I ME LONG GI DUM BU YI GER 'KHOD PA 'DI DAG KYANG DE DUS KUN MKHYEN LEGS PA DON GRUB LA GNANG BA DANG RJES SU MKHAS GRUB SANGS RGYAS YE SHES LA GNANG BA DAG LAS MCHED PAR MNGON NO, ,DE NAS DGUNG LO SO GSUM LA BAB PA DGUN ZLA RA BA'I TSES BRGYAD LA, DPAL LDAN 'BRAS SPUNGS KYI CHOS GRVA CHEN POR 'BROM STON RGYAL BA'I 'BYUNG GNAS SLAR YANG BYON PA THAMS CAD MKHYEN PA DGE 'DUN RGYA MTSOS MKHAN PO DANG, 'DUL BA'I SLOB DPON LHA DBANG RIN CHEN PAS LAS SLOB DANG, 'BRAS SPUNGS BYANG 'DREN CHEN MOS GSANG STON MDZAD DE, DAD PA'I DGE 'DUN GRANGS TSANG BA LAS BSNYEN RDZOGS KYI SDOM PA BZHES TE SO SOR THAR PA'I DBANG DU BYAS PA'I LHAG PA TSUL KHRIMS KYI BSLAB PA LHA'I CHU BOS THUGS KYI BUM BZANG YONGS SU GANG, DE NAS BZUNG STA RANG BZHIN GYI NYES PAS GOS PA GA LA ZHIG ,BCAS PA'I CHA SHAS PHRA MO TZAM YANG SROG GI DBANG PO LAS GCES PAR BSRUNG BAR MDZAD DO, ,DE YANG GANGS RI'I KHROD KYI GRUB THOB TU GRAGS PA PHAL MO CHE RJES 'BRANG DANG BCAS PA NI RAB TU BYUNG BA'I RTAGS DANG CHA BYAD CHOS GOS GSUM SOGS 'CHANG BA DANG, CHANG DANG PHYI DRO'I KHA ZAS

SPANGS TE CHAB LEN PA DANG, RUNG CHU 'DEBS PA DANG, BYIN LEN BYED PA SOGS RGYAL BAS JI LTAR BCAS PA RNAMS TSUL BZHIN DU BSGRUB PA DAG MTHONG BA NA, TSAM TSOM MED PAR THEG PA DMAN PA'I NYAN THOS DBANG RTUL LO, ,ZHES LUG LTAR RMONGS PA'I KHYU CHEN PO'I DBUS SU SKAD GSANG MTHON POS SGROG PAR BYED CING, LAS NGAN PA'I MTHUS BCOM ZHING NYON MONGS PA'I GDON GYI DBANG DU SONG BA GZHAN NGAG NI ZHE SDANG GI SREG ZAS YID KYI BUD SHING KUN TU 'BAR BAR BYAS TE, DGE 'DUN GYI SDE RIS SU BCAD NAS YANG DAG PA MA YIN PA'I CA CO RGYUN MAR BSGRAGS NAS, RANG NYID DE BZHIN GSHEGS PAS GSUNGS PA'I CHOS 'DUL BA'I SPYOD TSUL LAS BSAMS BZHIN DU BRGAL BA LA DPA' BAR BYAS TE BLA NA MED PA'I LAM MTHON PO LA REG PAR SEM ZHING, SKYE BO PHAL CHER YANG DE LTA BU'I SPYOD TSUL LA MGU MOD, BDAG NYID CHEN PO 'DI NI GRUB PA'I GO 'PHANG MTHON POR GSHEGS KYANG BSTAN PA'I RTZA BA SO SO THAR PA NYID RGYAL BAS GSUNG DBYANGS MTHON POS MDO RGYUD DU MAR RGYA CHER BSNGAGS SHING MKHAS GRUB TSAD LDAN RNAMS KYIS KYANG DGONGS PA GCIG DANG DBYANGS GCIG GIS BSNGAGS PA THUGS LA BCAGS TE, JI SRID 'CHO'I BAR DU LTUNG BA PHRA MO'I RNYOG PAS KYANG GOS PA MED PAR BSRUNG BAR MDZAD DO, ,DE NAS RGYAL BA DBEN SA PA CHEN POS LHA SAR PHEBS TE JO BO RNAM GNYIS KYI DRUNG DU BSTAN PA DANG 'GRO BA'I PHAN BDE RGYAS PA'I SMON LAM YANG DAG PAR MDZAD, KA BA SHING LO CAN NAS BKA' CHEMS

, ,BKA' KHOL MA DE BTON NAS GZIGS GRABS SHIG MDZAD, 'ON KYANG DGOS PA LHAG PO MI 'DUG PAS BZHAG GSUNG, DE NAS NUB GCIG MNAL LAM DU 'DUL 'DZIN SH'AKYA BSHES GNYEN YIN ZER BA'I RNAL 'BYOR PA SMUG NAG DOM LPAGS KYI SHAM THABS CAN ZHIG GIS, 'JAM DBYANGS ME TOG GSAL BAR BYE BA GSUM GTAD NAS, NYID KYI DON LEGS PAR GRUB PAS GTZANG LA SONGS ZER NAS MI SNANG BAR GYUR TO, ,NANGS PAR DGE LDAN RA SGRENG SOGS MJAL BAR CHAS PA LAM LAM BAR DU BSNYEL GZHI SHIN TU DRAG PA CIG BYUNG BAS, MDANG GI RMI LAM DANG MTHUN PAR DA RES MA PHYIN PA LEGS BAR 'DUG SNYAM STE LDOG PAR BRTZAMS PA NAS SKU KHAMS RANG DNGAS BYUNG NGO, ,DE NAS SE RA THEG CHEN GLING DU PHEBS TE THAMS CAD MKHYEN PA DGE 'DUN RGYA MTSO'I DRUNG DU GRUB RGYAL LUGS KYI TSE KHRID DANG, CHE DBANG, SO THAR GYI MDO DANG CHOS SGRAGS KYI MDO, THAMS CAD MKHYEN PA RANG NYID KYI GSUNG 'BUM THOR BU'I LUNG TSANG MA GSAN SLAR GTZANG PHYOGS SU ZHABS KYI 'KHOR LO BKOD DE, DGE 'PHEL MKHAN PO LEGS PA'I BLO GROS PA LA SMYUNG GNAS KYI CHO GA'I LUNG, YI DAM GYI SNGAGS BTU'I RJES GNANG, BLA MA MGON PO DBYER MED KYI RJES GNANG, SMAN BLA'I LUNG SOGS CHOS BKA' CI RIGS PA GSAN NO, ,GZHAN YANG ,DE DAG GI SKABS SHIG TU GSER SDINGS SU PHEBS, PAn CHEN BYANG CHUB BLO GROS LA DPAL GSANG BA

'DUS PA'I RTZA RGYUD SGRON GSAL CHA LAG DANG BCAS PA SOGS 'DUS PA 'PHAGS PA'I SKOR GYI GDAMS PA CHA LAG DANG BCAS PA RDZOGS PAR GSAN NO, ,DE DUS GNAS RNYING YOL DU MNGA' RIS LO CHEN RNAM RGYAL BA LA SBA BZHI'I GDAMS PA DANG BDE MCHOG GDAN BZHI LA SOGS PA MA RGYUD LA BRTEN PA'I ZAB MO'I GDAMS PA MTHA' YAS PA GSAN CING, BLA MA 'DI KHA CHE KHRI GDAN DU SLOB DPON RDO RJE DRIL BU PA'I DNGOS SLOB MCHOG GI DNGOS GRUB BRNYES PA ZHIG DANG MJAL NAS RJES SU BZUNG ZHING; KHYAD PAR RGYAL BA TZONG KHA PA'I ZHAL MNGON DU GYUR NAS GDAMS PA MTHA' YAS PA THOB PA'I RNAL 'BYOR GYI DBANG PHYUG ZHIG GO ,GZHAN YANG DGOS PA KHYAD PAR CAN LA DGONGS NAS MKHAS BA DANG GRUB PA'I BLA MA DU MA ZHIG LAS KYANG ZAB PA DANG RGYA CHE BA'I GDAMS PA SNA TSOGS PA GSAN PAS LUNG GI BSTAN PA MTHA' DAG GI BDAG POR GYUR TO, ,DE LTAR RGYAL BA DBEN SA PA CHEN PO SBYIR BSTAN PA YONGS RDZOGS KYI BDAG POR GYUR CING, KHYAD PAR RJE BTZUN 'JAM DBYANGS KYIS RGYAL BA TZONG KHA PA CHEN PO LA DNGOS SU GNANG BA'I SNYAN RGYUD KYI MAN NGAG YONGS SU RDZOGS PA'I MDA' BDAG GCIG PUR GYUR PA NI RANG NYID KYIS KYANG ZHAL GYIS BZHES TE, RGYAL BA DBEN SA PA CHEN PO NYID KYIS GSUNG LAS, 'JAM PA'I DBYANGS KYI SRAS KYI THU BO MCHOG ,BLO BZANG GRAGS PA ZHES PA'I BLA MA DE'I, ,GSUNG GI SNYING PO SNYAN RGYUD 'DZIN PA NI, ,DENG SANG DUS NA KHO BO TZAM DU BAS, ,ZHES GSUNGS PA LTAR RO, ,MDOR NA DGUNG LO BCU BDUN NAS BZHI BCU ZHE GNYIS KYI BAR DU,

, ,BRAG RGYA RDO RJE'I PHO BRANG, DBEN SMAR STAG GZIG GLAN CHEN, KO BRAG ,KHYAD PAR PA SNAM JO MO LHA RI LA SOGS PA'I RI KHROD RNAMS SU SGRUB PA SNYING POR MDZAD DE, CHOS RJE NGAG DBANG GRAGS PA LA GNANG BA'I BKA' SHOG TU, BDAG KYANG ZLA RE ZLA GNYIS MA SHIN, SKYE BA 'DI'I PHYI MA'I MDUN MA ZHIG DANG, LO RE LO GNYIS MA SHI NA SKYE BA GTAN GYI MDUN MA ZHIG RKANG TSUGS SU BYED DGOS SNYAM PA'I BSAM PAS, RANG LO BCU BDUN NAS BZUNG DA BAR THEG PA MCHOG GI BRTUL ZHUGS LA GNAS PA'I RGYA BOD KYI MKHAS GRUB PHAL CHE BA RNAMS KYI GSUNG GI SNYING PO DON GYI GDAMS PA CIG NYAMS SU LEN PA'I DRAN 'DUN DANG MA BRAL BA YOD LAGS ZHES 'BYUNG ZHING, DE LTAR SGRUB PA YUN RING LA SHUGS DRAG POS GO 'PHANG JI LTA BU BRNYES PA YANG, NYID KYI GSUNG LAS, GANGS CAN LJONGS KYI SKAL LDAN MCHOG ,BLO BZANG DON GRUB CES PAS KYANG, ,LAM MCHOG 'DI NYID NYAMS BLANGS PAS, ,TSE 'DI NYID LA SANGS RGYAS THOB, ,CES GSUNGS TE, BSAM GYIS MI KHYAB PA'I RNAM THAR RO, ,DE NAS SKU TSE JI SRID PAR SKYE BO PHAL MO CHES MTHONG BA DANG THOS PA'I YUL LAS 'DAS PA DBEN PA NAS DBEN PA'I GNAS CHEN DAG TU RGYU ZHING GNAS PAR BYA'O SNYAM DU DGONGS PA LAS, DUS RE ZHIG GI TSE DBEN PAR THUGS DAM LA MNYAM PAR BZHAG PA'I THO RANGS ZHIG ZIL DANG 'UR CHOM SHIN TU CHE BA'I NGANG NAS SKU RGYAB KYI MGON PO'I BRIS SKU DES GSUNGS SNYAM PA LA,

NYI SHU RTZA BZHI'I MKHA' 'GRO'I GTZO, ,DPA' BO CHEN PO 'DIR BZHUGS LA, ,CHU SKYES KHONG PA'I PAD DKAR BZHIN, ,SBAS PA'I TSUL GYIS BYIN GYIS RLOBS, ,ZER BA ZHIG BYUNG GSUNGS, DE LTA BU'A MGON PO'I BRIS SKU BYIN RLABS CAN DE YANG DBEN DGON GYI MGON KHANG NA BZHUGS SO, ,DE LTAR LHA DANG BLA MAS LUNG BSTAN BA LA BRTEN NAS DBUS RI'I RTZER DBEN DGON BTAB NAS, MDO KHAMS, MNGA' RIS, DBUS GTZANG SO SO NAS DAD 'DUS KYI SKAL BA DANG LDAN PA'I GDUL BYA'I TSOGS RNAMS LA ZAB PA DANG RGYA CHE BA'I CHOS KYI 'KHOR LO BSKOR BAR MDZAD DO, ,DE'I TSE YANG GDUL BYA'I TSOGS RNAMS KYIS DAD PAS KUN NAS BSLANGS PA'I MCHOD PA DANG ZANG ZHING GI BSNYEN BKUR GYI TSOGS RGYANG RING BO DAG NAS KYANG DAM PA 'DI'I DRUNG DU NYE BAR LHAGS SHING SPYAN LAM DU BABS PA DAG KYANG BDAG GIR YONGS SU BZUNG BA GCIG KYANG MA MDZAD PAR GRAGS TE, NYID KYI GSUNG LAS, SNGON DUS KYI MI LA RAS PA DANG, ,DA DUS KYI BLO BZANG DON GRUB LA, ,'PHRAL CHAS KYI ZAS GOS MA GTOGS PA, ,NOR DNGOS PO'I 'DZIN PAS DGOS PA MED, ,TSE GCIG LA SANGS RGYAS BSGRUB PA LA, ,DE 'DRA YI SBYOD LA LEGS GNAS NAS, ,CHAGS SDANG SPANGS PA'I DBEN GNAS SU, ,DAL 'BYOR LA SNYING PO LEN PAR SHOG ,CES GSUNGS PA LTAR RO, ,DE LTAR RGYAL BA DBEN SA PA CHEN POS RNAL 'BYOR GYI DBANG PHYUG MI LA RAS PA SLAR YANG 'JAM MGON BLA MA'I BSTAN PA SPEL BA'I PHYIR SKRA BCAD DUR SMIG GI NA BZA' GSOL BA SOGS RAB

, ,TU BYUNG BA'I RTAGS CHA LUGS BZUNG STE BYON PA JI LTA BAR CHOS BRGYAD TSE 'DI'I 'KHRI BA PHRA MO TZAM YANG MED PAR, GSANG BA 'DUS PA'I RTZA RGYUD LAS, DGON PA CHEN PO'I SA PHYOGS SU, ,ME TOG 'BRAS BU SOGS KYIS BRGYAN, RI BO DBEN PA'I SA PHYOGS SU, ,DNGOS GRUB THAMS CAD BSDUS PA BSGRUB, ,CES GSUNGS PA LTAR, SNGON BYON DAM PA'I BSTI GNAS 'DU 'DZIS DBEN PA'I GRUB PA'I GNAS MCHOG DAG TU MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA MTHAR PHYIN PAR MDZAD DE, LAM THUN MONG BA'I DES 'BYUNG, BYANG CHUB KYI SEMS ,YANG DAG PA'I LTA BA RNAMS LA MYONG BA MTHAR PHYIN TE RGYAL SRAS KYI SPYOD BA RGYA MTSO'I PHA ROL TU SON, SNGAGS KYI DAM TSIG DANG SDOM PA RNAM PAR DAG PA BSRUNGS TE LAM RIM GNYIS LA BSLABS PAS RIM PA DANG PO'I RNAL 'BYOR MTHAR PHYIN TE GANG SHAR LHA'I RNAM ROL TU 'CHAR ZHING, ZAB GSAL GNYIS MED KYI RNAL 'BYOR MTHAR PHYIN TE RANG DANG GZHAN GYI TSE RABS BRGYA STONG DRAN TE RANG GI SKU TSE SNGA MA'I 'KHRUNGS RABS DAG PA'I 'KHOR LA GSUNGS PA NI, GAD GIS KHYOD KYI MTSAN TZAM DRAN PAS KYANG, ,'DI PHYI'I LEGS TSOGS THAMS CAD CIG CAR DU, ,STER MDZAD BLA MA THUB PA'I DBANG PO LA, ,RTAG TU GUS PA'I YID KYIS PHYAG 'TSAL LO, ,BDAG CAG THAR LAM BGROD PA'I GCOR GYUR PA, ,THAG CHEN BSTAN PA 'DZIN PA'I NYAN THOS SU, ,LEGS GYUR THUB PA CHEN

PO'I NYAN THOS KYI, ,RTOGS PA'I MCHOG TU GYUR PA YIN SNYAM YOD, ,DE NAS DA BAR BYANG CHUB SPYOD PA YI, ,DAL 'BYOR RTEN BZANG LEGS BAR THOB GYUR NAS, ,NGAN SONG GSUM SOGS SDUG BSNGAL RAB SPANGS NAS, ,LTA SPYOD LDAN PA'I NGAL 'BYOR THOB BAM SNYAM, BDAG GI LUS NGAG YID GSUM 'DI DAG NI, ,RGYAL BA THAMS CAD 'DUS PA'I SKU YI MCHOG ,THUB DBANG RDO RJE 'CHANG DU LEGS MTHONG NAS, ,DAD PA'I SPU LONG LEGS PAR G-YOS GYUR CING, ,NYIN MTSAN KUN TU GSOL BA 'DEBS PA DANG, SHUGS DRAG DAD PAS YAN LAG BDUN PAR NI, ,JI SRID BYANG CHUB BAR DU BRTZON PAR SHOG ,'DI YI DGE BAS BDAG GZHAN 'GRO BA KUN, ,'OG MIN MKHA' SPYOD DGA' LDAN BDE BA CAN, ,MNGON DGA' LA SOGS DAG PA'I ZHING KHAMS SU, ,MYUR BA MYUR BAR LEGS PAR SKYE BAR SHOG, BDAG LA LEGS PAR DAD PA'I SKYES BU RNAMS, ,CHO YI MTHAR YANG RGYAL BA 'OD DPAG MED, ,'KHOR DANG BCAS PA MTHONG NAS DE MA THAG, BU BU BDE BA CAN DU 'GRO'O ZHES, ,MTHAR THUG GSUNG GI GNANG BA THOB PAR SHOG ,SANGS RGYAS KUN GYIS GSUNGS BA'I THEG PA MCHOG ,HE RU KA BA LA SOGS YI DAM LHA'I, ,RIM GNYIS CHA LAG BCAS PA'I RTOGS PA RNAMS, ,TSE 'DI NYID LA MNGON DU RAB GYUR NAS, ,'GRO KUN BDE CHEN GNAS LA 'GOD BAR SHOG ,THUB DBANG RDO RJE 'CHANG DANG TZONG KHA PA, ,YID LA GANG 'DOD DNGOS GRUB MA LUS PA, ,STZOL MDZAD RTZA BRGYUD BLA MA'I TSOGS RNAMS DANG, ,PHYAG DRUG

, ,MGON PO LA SOGS BSTAN SRUNGS KYIS, ,'DI PHYI'I LEGS TSOGS THAMS CAD CIG CAR DU, ,LEGS PAR 'GRUB PAR BYED PA'I BKRA SHIS SHOG ,CES GSAL BAR GSUNGS, RDZU 'PHRUL LA MNGA' BRNYES TE SA RDO RI BRAG LA THOGS PA MED BA DANG NAM MKHA' LA 'PHUR BA SOGS KYI RDZU 'PHRUL BSTAN PA 'GA' ZHIG NI SNGAR BRJOD ZIN PA LTAR RO, ,BDE GSANG 'JIGS GSUM GYI RDZOGS RIM DANG, BLA MED KYI RDZOGS RIM MTHA' DAG GI GNAD BSDUS PA N'A RO CHOS DRUG GI NYAMS LEN MTHAR PHYIN TE 'KHOR LO GSUM GYI RTZA MDUD GROL NAS RGYAL BA'I BKA' RNAMS SAm SKRi TA'I SKAD DU 'DON PA SOGS LA THOGS PA MED PA SNGAR BRJOD ZIN PA LTAR DANG, GTZO BOR SEMS DBEN DANG SGYU LUS 'OD GSAL GYI RIM PA RNAMS MTHAR SON TE ZUNG 'JUG GI GO 'PHANG BRNYES PA NI 'JAM MGON SNYAN RGYUD 'DZIN PA'I SKYES BU DAM PA GONG MA RNAMS LA YONGS SU GRAGS TE, SKU GSUM GO 'PHANG MNGON GYUR DBEN SA BA, ,ZHES 'JAM MGON BSTAN PA 'DZIN PA'I SKYES BU DAM PA THAMS CAD MTHUN PAR SGROGS PA LTAR RO, ,DE LTAR RANG GIS RTOGS BA MCHOG BRNYES NAS SKAL BA DANG LDAN BA MTHA' YAS BA LA CHOS KYI BDUD RTZI STZAL BAS NA RGYUD 'DZIN GYI SLOB MA YANG MTHA' YAS PAS MTHA' DAG BAR SU ZHIG GIS BRJOD PAR NUS, GTZO BO 'GA' ZHIG BRJOD NA YE SHES MKHA' 'GROS LUNG BSTAN PA'I SKYE BA BDUN PA GRUB PA'I SKYES BU KUN MKHYEN LEGS PA DON GRUB LA'ANG RNAL

'BYOR BLA MED KYI KHRID LAG RJES THUN MONG MA YIN PA'I GDAMS PA MA LUS PA STZAL, BYANG STON SMRA BA'I DBANG PO BSAM GTAN 'OD ZER, ,KUN MKHYEN SHES RAB DPAL BA'I GDAN SA PA MDO BRJOD RJE BLO GROS RNAM RGYAL PA, CHOS RJE DGE LEGS RNAM RGYAL BA, ZHAL SNGA NAS SANGS RGYAS RGYAL MTSAN PA, CHOS RJE NGAG DBANG GRAGS PA SKU MCHED, KONG STON CHOS RJE 'JAM DBYANGS RGYAL PO, THON PA ZHAL SNGA NAS BKRA SHIS RGYAL MTSAN, CHOS RJE LHO PA BLO GROS RNAM RGYAL, BSAM GTAN PA CHEN PO RJE DBON LEGS TSOGS LHUN GRUB, MKHAN CHEN NOR BZANG RGYA MTSO, RGYUD SDE 'DZIN PA ZHAL SNGA NAS RNAM RGYAL DPAL BZANG, PAn CHEN BSAM GRUB DPAL BZANG, BSTAN PA'I MNGA' BDAG PAn CHEN DAM CHOS YAR 'PHEL, 'JAM DBYANGS BLA MA DGE 'DUN BLO BZANG, 'JAM DBYANGS SH'INTA PA CHEN PO, RJE BLO BZANG RGYA MTSO, MNGA' RIS SLOB DPON DGE 'DUN RGYAL MTSAN, THOS BSAM GLING BA RIN CHEN DPAL 'BYOR RGYA MTSO, GANGS CAN MKHAN PO PAn CHEN RIGS PA SENG GE LA SOGS BA BSTAN 'DZIN BGRANG PA LAS 'DAS PA BYON ZHING, MDOR NA DBUS GTZANG GI SDE SNOD 'DZIN PA DANG, RIS MED PA'I BAN SKYA'I TSOGS MTHA' YAS PA LA ZAB PA DANG RGYA CHE BA'I DAM PA'I CHOS KYI BKA' DRIN GYIS KHYAB PAR MDZAD DO, ,SNYAN RGYUD BSTAN PA'I BDAG PO RANG GI SRAS KYI THU BO RGYAL TSAB TU DBANG BSKUR BA NI MKHAS GRUB CHEN PO SANGS RGYAS YE SHES SO, ,RGYAL BA

, ,DBEN SA PA CHEN PO 'DIS PHYI RABS KYI GDUL BYA RNAMS KYI DON DU BYANG CHUB LAM GYI RIM PA'I KHRID YIG DNGOS GRUB KUN 'BYUNG, BLA MA LA GSOL BA 'DEBS BA'I RIM PAR PHYE BA DNGOS GRUB KUN 'BYUNG, SNYING PO'I GNAD THOR BU'I RIM PAR PHYE BA DNGOS GRUB KUN 'BYUNG, BYANG CHUB LAM GYI RIM PA'I SNYING PO GSOL 'DEBS TSIGS BCAD DU SDEBS PA DNGOS GRUB KUN 'BYUNG, RANG LA GDAMS PA BDE CHEN GTER MDZOD SOGS THOR BU'I SKOR, RJE RANG NYID THUGS BSKYED TSUL DANG, SDOM GSUM RIM GYIS BZHES TSUL, RGYAL BA SRAS BCAS LA ZHU YIG, DGE LDAN RNAL 'BYOR PHO MO NAMS KYI BCA' KHRIMS KYI YI GE DNGOS GRUB KUN 'BYUNG, RGYAL BA BLO BZANG GRAGS PA'I SGRUB THABS KYI RIM PAR PHYE BA DNGOS GRUB KUN 'BYUNG, RJE BLA MA LA BRTEN PA'I MTSON BSRUNG, BLA MA LHA'I RNAL 'BYOR TSIGS BCAD DNGOS GRUB KUN 'BYUNG, BLA MA RGYUD SDE BZHI'I RNAL 'BYOR GYI RIM PAR PHYE BA DNGOS GRUB KUN 'BYUNG, 'KHOR LO SDOM PA'I BLA MA'I RNAL 'BYOR DNGOS GRUB KUN 'BYUNG, BDE MCHOG LHAN SKYES KYI BLA MA'I RNAL 'BYOR DNGOS GRUB KUN 'BYUNG, BLA MA 'KHOR LO SDOM PA'I RNAL 'BYOR RGYAS PA DNGOS GRUB KUN 'BYUNG, BDE MCHOG DRIL BU PA'I SGRUB THABS DNGOS GRUB KUN 'BYUNG, RANG GI GDAN SA PA RJE CHOS SKYABS RDO RJE LA GNANG BA'I MAN NGAG DNGOS GRUB KUN 'BYUNG, BDE MCHOG LUS DKYIL SGOM TSUL GYI GNAD GSAL BAR BSTAN PA'I SNYING PO'I MAN NGAG DNGOS GRUB KUN 'BYUNG,

BLA MA GSANG BA 'DUS PA'I SGRUB THABS KYI SNYING PO DNGOS GRUB KUN 'BYUNG, BLA MA RDO RJE 'JIGS BYED KYI RNAL 'BYOR RGYAS PA DNGOS GRUB KUN 'BYUNG, BLA MA RDO RJE 'JIGS BYED YAB YUM GYI RNAL 'BYOR GYI SNYING PO DNGOS GRUB KUN 'BYUNG, 'JAM DBYANGS ZHI KHRO SBRAGS SGRUB KYI SNYING PO'I MAN NGAG DNGOS GRUB KUN 'BYUNG, GDONG DRUG GI SGRUB THABS KYI SNYING PO RGYAL BA SH'AKYA THUB PA'I SGRUB THABS GNYIS, BLA MA RDO RJE SEMS DPA'I RNAL 'BYOR GYI SNYING PO DNGOS GRUB KUN 'BYUNG, BLA MA'I RNAL 'BYOR BSDUS PA 'JAM DBYANGS DKAR PO'I SGRUB THABS BLA MA'I RNAL 'BYOR DNGOS GRUB KUN 'BYUNG, 'JAM DBYANGS DMAR SER LA BRTEN PA'I BLA MA'I RNAL 'BYOR DNGOS GRUB KUN 'BYUNG, BLA MA SPYAN RAS GZIGS KYI RNAL 'BYOR GYI SNYING PO DNGOS GRUB KUN 'BYUNG, SGROL LJANG SGRUB THABS GSOL 'DEBS DANG BCAS PA, SGROL DKAR SGRUB THABS, YE SHES KYI MKHA' 'GRO SENG GDONG MA'I SGRUB THABS, MI G-YO BA'I SGRUB THAB, RTA MGRIN GYI SGRUB THABS RGYAS BSDUS GNYIS, PHYAG RDOR 'KHOR CHEN GYI SGRUB THABS DNGOS GRUB KUN 'BYUNG, PHYAG RDOR GTUM PO KHYUNG LNGA'I SGRUB THABS KYI SNYING PO MAN NGAG GIS RNAM PAR BRGYAN PA DNGOS GRUB KUN 'BYUNG, YE SHES KHYUNG KHRI'I SGRUB THABS, RIG SNGAGS KYI RGYAL MO YI GE GCIG MA'I SGRUB THABS THUN MONG MA YIN PA DNGOS GRUB KUN 'BYUNG, BYANG CHUB LAM RIM GYI BLA MA'I RNAL 'BYOR DNGOS GRUB KUN 'BYUNG, LAM RIM GYI ZUR 'DEBS BSDUS PA DNGOS GRUB KUN 'BYUNG, LTA KHRID KYI SNYING

, ,PO DNGOS GRUB KUN 'BYUNG, DRAN PA BZHI LDAN GYI KHRID KYI SNYING PO DNGOS GRUB KUN 'BYUNG, SHES RAB KYI PHA ROL TU PHYIN PA'I SNYING PO'I DON GCOD YUL STAN THOG GCIG MA DNGOS GRUB KUN 'BYUNG, THUN DRUG GI RNAL 'BYOR GYI SNYING PO DNGOS GRUB KUN 'BYUNG, THEG CHEN GSO SBYONG GI SDOM PA LEN PA'I CHO GA DNGOS GRUB KUN 'BYUNG, 'DUL BA'I BSLAB BYA RGYA MTSO'I SNYING PO DNGOS GRUB KUN 'BYUNG, BYANG SEMS KYI BSLAB BYA RGYA MTSO LAS MDOR BSDUS PA DNGOS GRUB KUN 'BYUNG, SNGAGS KYI BSLAB BYA'I SNYING PO DNGOS GRUB KUN 'BYUNG, TSE DPAG MED KYI SGRUB THABS DNGOS GRUB KUN 'BYUNG, TSE KHRID RDO RJE'I RNAL 'BYOR 'CHI BDAG LAS RGYAL BA DANG, LHUN PO RDO RJE LA GNANG BA'I TSE SGRUB, SLOB DPON BSAM GTAN 'OD ZER LA GNANG BA'I TSE SGRUB, 'BAR LUGS TSE DBANG GI CHO GA DNGOS GRUB KUN 'BYUNG, BDE MCHOG DRIL BU PA'I LUGS KYI BSKYED RIM DNGOS GRUB KUN 'BYUNG, THABS LAM N'A RO CHOS DRUG GI LAG RJES DNGOS GRUB KUN 'BYUNG, 'KHOR LO SDOM PA'I RDZOGS RIM RNAL 'BYOR CHEN PO DNGOS GRUB KUN 'BYUNG, DPAL GSANG BA 'DUS PA'I DMAR KHRID KYI SNYING PO DNGOS GRUB KUN 'BYUNG, DPAL RDO RJE 'JIGS BYED KYI ZAB KHRID LAG RJES DANG BCAS PA DNGOS GRUB KUN 'BYUNG, GSHIN RJE'I GSHED KYI BSAD ZLOG BSRUNG BA'I GDAMS PA, SKYABS 'GRO SEMS BSKYED SPYAN 'DREN YAN LAG BDUN PA BYED TSUL DNGOS GRUB KUN 'BYUNG SKYABS

'GRO'I MAN NGAG DNGOS GRUB KUN 'BYUNG, THEG CHEN THUN MONG MA YIN PA'I SKYABS 'GRO'I NYAMS LEN SNYING PO DNGOS GRUB KUN 'BYUNG, THEG CHEN THUN MONG BA'I SKYABS 'GRO'I NYAMS LEN GYI SNYING PO DNGOS GRUB KUN 'BYUNG, BLA MA BDE MCHOG LHAN SKYES YAB YUM SGRUB PA'I MAN NGAG GI SNYING PO DNGOS GRUB KUN 'BYUNG, BDE MCHOG GI BSKYED RIM GYI SNYING PO BDE MCHOG LHAN SKYES LA BRTEN NAS NYAMS SU LEN TSUL DNGOS GRUB KUN 'BYUNG, BDE MCHOG GI BSKYED RIM GNAD BSDUS DANG DE'I GZHAL YAS KHANG SGOM TSUL DNGOS GRUB KUN 'BYUNG, DRIL BU LUGS KYI DPAL 'KHOR LO BDE MCHOG GI DBANG CHOG DNGOS GRUB KUN 'BYUNG, BDE MCHOG DRIL BU LUGS KYI SMON LAM SHIS BRJOD, BCOM LDAN 'DAS 'KHOR LO SDOM PA DRIL BU PA'I LUS DKYIL GYI RDZOGS RIM RIM PA LNGA'I DMAR KHRID ZAB MO DNGOS GRUB KUN 'BYUNG, PHYAG RGYA SROG RTZOL GYI MAN NGAG THUN MONG MA YIN PA SOGS BSKYED RDZOGS KYI ZAB GNAD KYI YIG CHUNG, YIG CHUNG GI SDEBS MAN NGAG SHIN TU ZAB MO ZHAL SHES YI GER BKOD PA, RIM GNYIS KYI DKA' GNAD MAN NGAG ZAB MO, DPAL GSANG BA 'DUS PA'I RTEN GYI DKYIL 'KHOR PHYIN CI MA LOG PA'I GSAL BYED, BLA MA 'JAM DBYANGS DKAR PO'I SGRUB THABS, BLA MA RDO RJE 'CHANG GI RNAL 'BYOR GYI SNYING PO'I MAN NGAG ,BLA MA RDO RJE 'CHANG YAB YUM GYI SGRUB THABS, BLA MA RDO RJE 'JIGS BYED KYI RDZOGS RIM GYI MAN NGAG GI

, ,SNYING PO, BLA MA 'JAL DPAL ZHI BA'I SGRUB THABS LHAG PA'I LHA TSE DANG YE SHES DPAG TU MED PA'I SGRUB THABS KYI SKOR RIM PAR PHYE BA TSAN PA BCU BDUN, GRUB CHEN TSEM BU LUGS KYI SPYAN RAS GZIGS KYI DMAR KHRID KYI SNYING PO MAN NGAG GIS RNAM PAR BRGYAN PA DNGOS GRUB KUN 'BYUNG, GRUB CHEN TSEM BU LUGS KYI MAN NGAG SPYAN RAS GZIGS KYI DMAR KHRID KYI SNYING PO NYAMS LEN DU BSDUS PA MAN NGAG GIS RNAM PAR BRGYAN PA DNGOS GRUB KUN 'BYUNG, RTA MGRIN GYI SGRUB THABS KYI RIM PA TSAN PA GSUM, DGE BSNYEN GYI SDOM PA 'BOGS CHOG ,DGE SLONG GI BSLAB BYA RGYAS PA, GTOR MA BRGYA RTZA'I RIM PA DNGOS GRUB KUN 'BYUNG, RGYAL BA BLO BZANG GRAGS PA'I RNAL 'BYOR, YI DAM DANG YE SHES 'PHAGS PA SRUNG MAR BCAS PA SOGS LA GTOR MA 'BUL BA'I CHO GA ,TSA BSUR GYI RIM PA, BLA MA PHYAG DRUG YE SHES MGON PO'I RNAL 'BYOR GYI RIM PAR PHYE BA DNGOS GRUB KUN 'BYUNG TSAN PA BZHI, MGON DKAR YID BZHIN NOR BU'I SGRUB THABS, GRIB SEL MGON PO'I GNAD 'BEBS, MYUR MDZAD YE SHES MGON PO'I CHOS SKOR GYI BLA MA BRGYUD PA'I RIM PA, DPAL MGON SDE LNGA LA MCHOD GTOR 'BUL TSUL 'KHYER BDE BA, CHOS SKYONG SPYI LA GTOR MA 'BUL TSUL, BLA MA 'JAM DPAL GSHIN RJE'I GSHED DANG SKYES BU GSUM GYI CHOS SKYONG BSTEN TSUL, DPAL LDAN LHA MO RDO RJE RAB BRTAN MA LA MCHOD GTOR

'BUL TSUL GYI RIM PA TSAN PA GSUM, GTER DUNG GI LO RGYUS, GRUB CHEN MI TRA'I LAM SROL SNYING PO DON GSUM ZHES GRAGS PA SPYAN RAS GZIGS SGRUB PA'I MAN NGAG GI SNYING PO, LTA KHRID, BCOM LDAN 'DAS MI 'KHRUGS PA LA BRTEN NAS SGRIB PA SBYONG TSUL, PHYAG DRUG SGRUB SKOR LA MGON PO BRAM CHEN GYI SGRUB THABS, LTA BZHI DRIL SGRUB, MGON PO TSE BDAG GI SGRUB THABS, MGON PO DBANG RGYAL SGRUB THABS, YE SHES MGON PO GSANG SGRUB, MGON PO YID BZHIN NOR BU'I SGRUB THABS RJES GNANG 'KHOR LO'I MAN NGAG DANG BCAS PA, GRIB SEL DBANG SDUD, GNAD 'BEBS, RTEN GZHI GNAD GSUM, YANG DBANG SDUD DANG NANG SGRUB, H'Um DRUG GI ZHAL SHES DMIGS SKOR; SNYING ZHUGS 'PHO BA ZHAL SHES DANG BCAS PA RGYAS BSDUS, BLA MA MGON PO DBYER MED KYI ZHAL SHES GNYIS, LAS SBYOR DANG GRIB SEL GYI DMIGS SKOR, DAM CAN GSHIN RJE'I RGYAL PA'I SGRUB YIG RGYAS 'BRING BSDUS GSUM, GSHIN RJE DKAR SER DMAR PO LA BRTEN BA'I ZHI RGYAS DBANG GSUM GYI MAN NGAG ,GSHIN RJE DMAR PO LA BRTEN PA'I DBANG GI 'PHRIN LAS SGRUB TSUL, GSHIN RJE DKAR SER SBRAGS SGRUB LA BRTEN PA'I ZHI RGYAS DNGOS GRUB SGRUB PA'I MAN NGAG ,LHA MO PHYAG BZHI MA'I SGRUB THABS, MA CIG RDO RJE RAB BRTAN MA LA MCHOD GTOR 'BUL TSUL, CHOS SKYONG SPYI'I BSKUL, BRUL GTOR GYI CHOG ,GTOR MA'I BSNGO BA, CHU'I BCUD LEN GYI SNYING PO, BRIS

, ,SKU MTHONG BA DON LDAN 'BRI TSUL, RTEN LA GZUNGS GZHUG 'BUL TSUL SOGS NYE BAR MTHO BA'I RIM PA, BKRA SHIS LHUN POR BSHES GNYEN BYON PA DANG 'BYON 'GYUR GYI BSHES GNYEN LUNG BSTAN, SNYING PO'I MAN NGAG GI DOGS GCOD DANG SPRUL SKU BSOD NAMS RGYA MTSO'I LUNG BSTAN, RJE BLA MA'I BSTAN PA'I GNAS TSAD, KUN MKHYEN LEGS DON PA'I GSANG MTSAN GYI DOGS GCOD 'PHROS DANG BCAS PA, LUNG BSTAN GDAMS NGAG MA BKA' RGYA BTAB PA 'PHROS DANG BCAS PA, SH'ANTI PA BLO GROS RGYAL MTSAN LUNG BSTAN PA, CHAB MDO CHOS RJE MI G-YO SNYING PO'I ZHUS LAN, LUNG BSTAN GSANG BA'I ME LONG LAS DGE LDAN BSTAN 'DZIN JI LTAR 'BYUNG BA CHE LONG TZAM GYI LUNG BSTAN PA, RJE DGE 'DUN BLO BZANG GI ZHU LAN, MKHAS GRUB LEGS PA DON GRUB KYI RNAM THAR, LEGS PA DON GRUB KYI GSANG BA'I RNAM THAR, RJE SKYABS MCHOG DPAL BZANG GI RNAM THAR DANG GSANG BA'I RNAM THAR; BSNGO BA'I RIM PA, LTA BA'I YIG CHUNG, 'JAM DBYANGS DMAR SER LA BRTEN PA'I BLA MA'I RNAL 'BYOR, BLA MA 'JIGS BYED YAB YUM GYI RNAL 'BYOR GYI SNYING PO, CHOS RGYAL NANG SGRUB 'KHOR BCAS KYI SGRUB YIG 'BRING PO RNAMS MDZAD DO, ,DE LTAR RGYAL BA DBEN SA PA CHEN POS SKU DNGOS KYIS GDUL BA'I MDZAD PA MTHAR PHYIN PAR MDZAD NAS, DPA' BO G-YUL LAS RGYAL BA'AM, DAD DPON NOR BU LON NAS RANG YUL DU LOG PA LTAR DU, TSE RAM LA

BRTEN PA'I BSNYAL TSUL CUNG ZAD BSTAN PA'I MU NAS, RJE BTZUN BLA MA DAM PA SANGS RGYAS YE SHES NYID KYI RGYAL TSAB TU MNGON BAR DBANG BSKUR TE ZAD BYED CES PA'I CHO 'PHRUL ZLA BA'I NYER GSUM LA THA MAL GYI GZUGS SKU'I BKOD PA CHOS KYI DBYINGS SU BSDU BAR MDZAD, DE'I TSE DGUNG ZHAG MA GROL GYI BAR DU NAM MKHA' LAS LHA RNAMS KYIS ME TOG GI CHAR 'BEBS PA DANG, 'JA' 'OD KYI BLA BRE PHYOGS MTSAMS SU BRES PA LA SOGS PA SKYE PO KUN GYI YID 'PHROG PA'I LTAS BAR MTSAN MA NGO MTSAR BA BSAM GYIS MI KHYAB PA BYUNG BAR GYUR TO, ,DE NAS DAD LDAN THAMS CAD KYIS SKU GDUNG RIN PO CHE LA PHYI NANG GSANG BA DE KHO NA NYID KYI MCHOD PA TSAD MED PAS MCHOD DE SMON LAM BTAB NAS 'JAM MGON SNYAN RGYUD KYI BSTAN PA NAM YANG MI NYAMS PAR 'PHEL BA'I RTEN 'BREL DU SKU GDUNG RIL POR MA NYAMS PA DBEN SA CHOS KYI PHO BRANG NYID NA LHA DANG BCAS PA'I 'GRO BA YONGS KYI BSOD NAMS KYI ZHING DU BYIN RLABS KYI GZI 'OD 'BAR BAR BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL BA DBEN SA PA CHEN PO BLO BZANG DON GRUB LA GSOL BA 'DEBS SHING, BDAG NYID CHEN PO 'DI'I RNAM THAR LTAR TSE 'DI'I BYA BYED BYIS PA'I ROL RTZED DANG 'BRAS BU MED PA'I SPUN PA PHYAR BA DANG SMYON PA'I ZLOS GAR LTAR BLTAS TE TSE 'DI'I 'KHRI BA CHOD PA ZHIG BYA BA DANG, 'KHOR BA'I PHUN TSOGS DUG SPRUL GYI GDENGS GA'I GRIB BSIL LTAR YID BRTAN MI RUNG BA GNOD PA DU MA'I

, ,'BYUNG GNAS SU BLTAS TE SRID PA MTHA' DAG LA ZHEN PA LOG PA'I NGES 'BYUNG BCOS MA MIN PA ZHIG BSKYED PA DANG, BDAG PAS GZHAN GCES PA'I BYANG CHUB KYI SEMS RIN PO CHE RGYUD LA BSKYED CI THUB BYA BA DANG, CHOS THAMS CAD SNANG ZHING STONG BA STONG ZHING SNANG BA'I RTEN 'BREL ZAB MO'I TSUL LA NGES PA GTING TSUGS PA ZHIG BTZAL LA GANG SNANG SGYU MA'I RNAM ROL TU BLTA BA DANG, ZAB LAM BLA MA LHA'I RNAL 'BYOR LAM GYI SROG TU BYAS TE BSKYED RDZOGS ZUNG 'BREL LA SLOB PA DANG, 'JAM MGON SNYAN RGYUD KYI MAN NGAG THOS PAR BYAS LA DBEN PA'I RI SUL DU SGRUB PA MTHAR PHYIN PA ZHIG BYA BA LA SKYES BU'I RTZAL CI YOD KYIS 'BAD CING THA NA SMON LAM GYI YUL DU'ANG BYAS TE BLO SBYANG BAR BYA'O,, ` ,,SNGON TSE THUGS BSKYED SMON LAM GRUB PA'I MTHUS, ,DA LTA BLO BZANG BSTAN PA'I SNYING PO 'DZIN, ,DGAG SGRUB SPANGS BLANG BRAL BA'I RNAL 'BYOR PA, ,SANGS RGYAS YE SHES ZHABS LA GSOL BA 'DEBS, ,ZHES BSNGAGS PA, MKHAS GRUB SANGS RGYAS YE SHES NI, GTZANG RONG GI YUL LHAN DRUG BRGYAR YAB DGE BSNYEN RDO RJE 'DZIN PA BLA MA RIN CHEN ZHES BYA BA DANG, YUM CHOS BSTAN ZHES BYA BA G-YO SGYU MED LA RANG BZHIN GYIS NYON MONGS CHUNG BA, NGO TSA KHREL YOD DANG LDAN PA, SKYE BO KUN GYI YID DU 'ONG BA ZHIG YOD PA DE GNYIS KYI SRAS SUS SKYONG ZHES PA SHING MO BYA'I LO NGO MTSAR BA'I LTAS DANG BCAS TE 'KHRUNGS SO, ,'KHRUNGS

MA THAG TU YAB YUM GNYIS KYIS KHRUS BYA BA DANG DKAR PHYOGS KYI LHA RNAMS MCHOD PA DANG, DGE 'DUN GYI SDE LA BSNYEN BKUR BA DANG, GNYEN BSHES RNAMS TSOGS TE DGA' STON BYA BA SOGS BTZAS STON LUGS DANG MTHUN PAR BYAS SO, ,DE LTAR 'KHRUNGS PA'I GZHON NU DE NI, GZUGS BZANG BA, BLTA NA SDUG PA, MDZES PA, GSAL BA, PAGS PA'I MDOG DKAR BA, MGON GDUGS LTA BU, LAG PA RING BA, DPRAL BA'I DBYES CHE BA, SMIN MA 'DZAR BA, SNA'I GZENGS MTHO BA, 'JIG RTEN KUN GYI MIG GI BDUD RTZI LTA BU ZHIG YOD PAR GRAGS SO, ,DE YANG YAB YUM DE GNYIS LA SRAS BZHI MNGA' BAS BDAG NYID CHEN PO 'DI CHUNG BA YIN LA, DE 'DRA BA'I RGYAL SRAS GZHON NU DE YAB YUM GCEN RNAMS DANG BCAS PAS KYANG SMAN GYI MYU GU LTAR BSKYANGS PAS RDZING GI PADMA LTAR DU SKYE DRAG PAR GYUR TO, ,DE LTA BU'I RGYAL SRAS DE SKU NA SHIN TU PHRA BA'I SKABS NYID NA'ANG SNGON YUN RING PO NAS LAM LA GOMS PA'I BAG CHAGS BRTAS PAS RGYUD 'JAM ZHING NGES PA DANG, BYIS PA'I SPYOD PA NGAN PA GANG GI'ANG DBANG DU MI 'GRO ZHING SKYES RABS DU MAR PAn GRUB KYI SKYE BA BRGYUD MAR BZHES PA'I BAG CHAGS KYIS RES 'GA' NI SLOB DPON GYI TSUL DU BDAG NYID CHOS 'CHAD BA DANG, RES 'GA' NI TING NGE 'DZIN SGOM PA DANG, RES 'GA' NI CHOS KYI GTAM BYED PA LA SOGS PA'I CHOS KYI RTZED MO 'BA' ZHIG MDZAD CING, DE'I DUS SU RJE GRUB PA'I DBANG PHYUG DBEN SA PA CHEN POS GZHON NU DE GZIGS PA

, ,NA JI LTAR 'KHOR LOS BSGYUR BA'I RGYAL PO LA BU GCIG BYUNG NA BU CHUNG DU DE LA DGA' BA DANG YID DU 'ONG BA DANG MA 'ONGS PA NA RGYAL TSAB TU 'GYUR BA'I RE BAS SHIN TU GCES PAR BYED PA JI LTA BAR RGYAL BA DBEN SA PA CHEN POS RGYAL SRAS GZHON NU DE MA 'ONGS PA NA RANG GI CHOS KYI RGYAL TSAB TU 'GYUR BAR MKHYEN NAS MNYES PA'I TSUL MDZAD CING, YAB YUM GNYIS LA'ANG GCES SPRAS SU BYA DGOS PAR GDAMS SO, ,DE NAS RGYAL SRAS GZHON NU DE TSE RABS MANG POR NGES 'BYUNG GI TSUL KHRIMS GOMS PAR BYAS PA'I MTHUS GZHAN GYIS BSKUL BA LA MI LTOS PAR, SKYES RABS LAS, GAL TE CHOS SPYOD KHYIM GYI SO NAM 'CHOR, ,KHYIM LA PHYOGS NA CHOS KYANG GA LA 'GRUB, ,CHOS KYI LAS NI RAB TU ZHI BA YIN, ,KHYIM GYI DON NI DRAG SHUL CAN GYIS 'GRUB, ,DE BAS CHOS DANG 'GAL BA'I SKYON YOD PHYIR, ,BDAG LA PHAN 'DOD SU ZHIG KHYIM NA GNAS, ,ZHES GSUNGS PA LTAR, KHYIM GYI GNAS NI NYON MONGS PA DANG NYES SBYONG DU MA'I 'BYUNG GNAS SU GZIGS SHING, GNYEN DANG NYE DU RNAMS NI THAR LAM BGROD PA LA GEGS BYED PA BTZON RA'I GSHED MA LTA BUR GZIGS NAS RGYAL BA'I BSTAN PA LA RAB TU 'BYUNG BAR 'DOD PA BCOS MA MIN PA SKYES SHING, YAB YUM GCEN RNAMS DANG BCAS PAS MTHUN PA'I RKYEN SBYAR TE DGUNG LO BCU TZAM LA NYE BA NA, MDO SNGAGS KYI GDAMS PA'I GTER DU GYUR BA YONGS KYI DGE BA'I BSHES GNYEN

YON TAN BZANG PO'I DRUNG DU YONGS RDZOGS DGE BSNYEN GYI SDOM PA BZHES, MTSAN CHOS SKYABS RDO RJE ZHES BTAGS SO, ,DE NAS YI GE'I PHYI MO'I GLOG PA DANG BRDA' SPROD KYI GTZUG LAG DON PA DANG, CHOS SPYOD THOR BU BDAG 'DZIN PA SOGS DE DANG DE'I GRVAR ZHUGS PA TZAM GYIS DKA' TSEGS MED PAR THUGS SU CHUD, DE NAS BA SO LHUN GRUB BDE CHEN DU YONGS KYI DGE BA'I BSHES GNYEN YON TAN BZANG PO LA MKHAN POR GSOL BA BTAB STE TSIGS SNGA MA DGE TSUL GYI SDOM PA YANG DAG PAR BZHES SHING, RGYAL SRAS GZHON NU DE RTAGS CHA LUGS BRJES TE CHOS GOS DUR SMRIG BGOS MYUR DU 'TSANG RGYA BA'I RTEN 'BREL DU MTSAN SANGS RGYAS YE SHES ZHES BTAGS, DRANG SRONG GI SNOD LHUNG BZED LAG TU THOGS PA LHA DANG BCAS PA'I 'GRO BA MTHA' DAG GI YON GNAS DAM PA THUB PA'I DBANG PO GNYIS PA LTA BUR GYUR TO, ,DE NAS MKHAS GRUB SANGS RGYAS YE SHES KYIS BLA MA YON TAN BZANG PO'I DRUNG DU DPAL RDO RJE 'JIGS BYED DANG, GSANG BA 'DUS PA, MI BSKYOD PA'I DBANG BZHI YONGS RDZOGS DANG, TSE DBANG DANG, MGON PO'I DBANG RJES GNANG SOGS KYIS MTSAN DBANG RJES GNANG DU MA DANG, BKA' GDAMS GLEGS BAM GYI LUNG LA SOGS PA DAM PA'I CHOS MANG DU GSAN NO, ,DE NAS MKHAS GRUB SANGS RGYAS YE SHES KYI THUGS LA 'DI LTAR DGONGS PAR NGES TE, BLANGS DOR GNAS LA KUN NAS 'THOMS PA'I MUN, ,YANG DAG THOS PA'I SGRON MES MA BSAL BAR, ,LAM MI SHES NA THAR

, ,PA'I GRONG MCHOG TU, ,'JUG PAR 'GYUR BA SMOS KYANG CI ZHIG DGOS, ,DE NYID PHYIR NA MI PHAM CHOS RJE DANG, ,'DZAM GLING RGYAN DRUG MCHOG GNYIS ZHES GRAGS PA'I, ,GZHUNG LA PHYOGS RE BA DANG RAGS PA RES; ;TSIM PAR MA BYAS KUN LA ZHIB TU SBYANGS, ,ZHES GSUNGS PA LTAR, MKHAS MANG 'DUS PA'I DBUS SU SHING RTA CHEN PO'I GZHUNG RNAMS LA SBYONG BAR BZHED DE DGUNG LO BCO LNGA LA BAB PA SGYUR BYED KYI LO'I DGUN CHOS THOG CHOS GRVA CHEN PO BKRA SHIS LHUN POR PHEBS TE THOS BSAM GLING GI GDAN SA PA RIGS PA'I DBANG PHYUG BRTZON 'GRUS RGYAL MTSAN GYI DRUNG DU MTSAN NYID DANG MTSON CHA'I RNAM GZHAG SOGS SBYOR BA RTZI BA LA ZHUGS SHING CHOS BKA' CI RIGS PA YANG GSAN NO, ,LO DE'I DPYID MKHAS GRUB SANGS RGYAS YE SHES ZLA GROGS GSUM BZHI TZAM BSDEBS BCAS TE SE NGAR MKHAS PA'I DBANG PO RJE BTZUN DAM PA CHOS KYI RGYAL MTSAN PA'I DRUNG DU PHEBS PAR BKA' BGROS PA LAS, GROGS PO ZHIG NA RE, DA NI RJE BTZUN CHOS KYI RGYAL MTSAN RANG NYID KYI DNGOS SLOB MKHAS PA'I BYA BA GSUM LA 'GRAN ZLA DANG BRAL BA'I CHOS KYI RJE RTA NAG PA DGE 'DUN BLO BZANG ZHES BYA BA, LEGS GRUB GRVA TSANG NA BZHUGS PA DE'I DRUNG DU PHYIN PA 'THAD ZER, DER SKYE BA SNGA MA MANG POR 'JAM DBYANGS DGE 'DUN BLO BZANG DANG DPON SLOB TU GYUR PA'I LAS 'BREL GYI MTHUS 'JAM DBYANGS DGE 'DUN BLO BZANG GI MTSAN THOS PA TZAM GYIS BSDU LDANG ZHING MCHI

MA 'KHRUG PA ZHIG BYUNG BAS LEGS GRUB GRA TSANG DU SLOB GNYER LA 'GRO BAR ZHAL GYI BZHES, DE NAS MYANG STOD DU BYON PA NA LEGS GRUB GRVA TSANG PA RNAMS 'BRAS MA'I DPYID CHOS LA 'DZOM PA DANG DUS MTSUNGS TE, 'JAM PA'I DBYANGS DGE 'DUN BLO BZANG PA'I ZHABS RDUL SPYI BOS BLANGS NAS, THOG MAR MTSAN MTSON GYI RNAM GZHAG ,SPYI DANG BYE BRAG GI RNAM RTAGS DANG THAL 'GYUR 'PHEN LUGS RTAGS DANG THAL 'GYUR 'PHEN LUGS SOGS RIGS PA'I SGO 'BYED SBYOR BA BRTZI BA SOGS MDZAD PAS RIGS PA'I SGO LEGS PAR BYE STE, MTHAR DGUN CHOS LA 'JAM DBYANGS DGE 'DUN BLO BZANG GI DRUNG DU TSAD MA RNAMS 'GREL GYI SPYI DON DANG, MTHA' GCOD MDZUB KHRID SOGS BKA' LUNG YANG DAG PAR MNOS SO, ,DE'I TSE 'JAM DBYANGS DGE 'DUN BLO BZANG GIS THEG PA GSUM GYI LAM GYI GNAD THAMS CAD DRI MA MED PA'I RIGS PA'I LAM NAS DRANGS TE GTAN LA 'BEBS PA LA ZLA DANG BRAL BA'I BSTAN BCOS TSAD MA RNAM 'GREL GYI DON DBYIS PHYIN PAR BSHAD DE THOG MAR RTZA BA DRANGS TE 'PHROS MTSAMS SBYAR, DE NAS BRJOD BYA'I KHOG PHUG PA'I SPYI DON, DE NAS LAM GYI YAN LAG MTHA' DAG LA NGES SHES DRANG BA'I PHYIR MTHA' GCOD, GZHUNG RANG RANG GI BRJOD BYA'I SNYING PO RANG LUGS BSHAD PA DE LA RTZOD SPONG RNAMS RTZI SHAG 'DZIN CHOS SU MDZAD PA MKHAS GRUB SANGS RGYAS YE SHES KYIS SKYOR 'OG MDZAD DE YONGS RDZOGS THUGS SU CHUD PAR MDZAD, SLAR YI GER PHAB STE DA LTA THOS BSAM GLING DU 'JAM

, ,DBYANGS DGE 'DUN BLO BZANG GI RNAM 'GREL GYI YIG CHA ZHES GANGS RI'I KHRID 'DIR TSAD MA RNAM 'GREL GYI SPYI DON MTHA' GCOD LA 'GRAN ZLA DANG BRAL BA 'DI BYUNG BA YIN NO, ,DON GYI DBANG 'DI GZIGS NAS GRUB CHEN BYAMS PA PHUN TSOGS KYIS 'JAM DBYANGS DGE 'DUN BLO BZANG LA BSTOD PA LAS, SANGS RGYAS KUN GYI YE SHES GCIG BSDUS NAS, ,DUR SMRIG GAR GYI BSHES GNYEN TSUL 'DZIN PA, ,DGAG SGRUB SPANG BLANG BRAL BA'I DAM PAS KYANG, ,ZHABS RDUL SPYI BOS LEN PA KHYOD PHYAG 'TSAL, ,ZHES BSNGAGS SO, ,DE NAS MKHAS GRUB SANGS RGYAS YE SHES KYIS DGUN CHOS LA BKRA SHIS LHAN POR BYON NAS RIGS GRVA LA LEGS PAR ZHUGS PA NA, DAM PA 'DI'I LUNG DANG RIGS PA PHUN SUM TSOGS PA'I DGA' STON LA MKHAS PA MTHA' DAG KYANG YID 'PHROG PAR GYUR TO, ,DE NAS DGUNG LO BCO BRGYAD KYI BAR DU DGUN DPYID PHAL CHER TSAD MA DANG, DBYAR PHAL CHER DBU MA LA LEGS PAR SBYANGS PAS DBU TSAD GNYIS KYI DKA' BA'I GNAS MTHA' DAG KYANG MNGON DU GYUR, DE'I TSE, THOS BSAM GLING GI 'CHAD NYAN DU RJE DGE 'DUN BLO BZANG PA NYID BZHUGS SHING, BLA MA DE NYID KYIS KYANG DAM PA 'DI LUNG DANG RIGS PA'I BDAG NYID DU GZIGS TE, DGUNG LO BCO BRGYAD KYI DGUN DBU MA'I SPYI SKYAR GYIS BKA' STZAL PA NA MKHAS GRUB CHEN PO 'DIS BKA' LUNG YANG DAG BSGRUBS TE, DGUN CHOS GNYIS KYI RING THOS BSAM GLING GI DGE 'DUN 'DUS PA'I

DBUS SU DBU MA'I GZHUNG LA DAM BCA' YANG YANG BZHAG, ,DGUNG LU BCU DGUR PHEBS PA'I ZLA BA DANG PO'I YAR TSES LA BSKAL BZANG KHYAMS RA CHEN MOR BKRA SHIS LHUN PO'I MKHAN SLOB DGE 'DUN TSANG MA 'DZOM PA'I DBUS SU DBU MA'I DAM BCA' BZHAG STE SHAR RTZE NAS DGE BA'I BSHES GNYEN SHIN TU MKHAS GRAGS CHE BA ZHIG DANG MNYAM DU BGRO GLENG MDZAD PA NA 'JIGS PA DANG YA NGA BA DANG BAG TSAB MED PAR LUNG DANG RIGS PA'I NGA RO RGYA CHER BSGRAGS PAS PHA ROL SPOBS PA LAN MED DU BYAS TE PHYOGS LAS RNAM PAR RGYAL BA'I GRAGS PA YANG THOB BO, ,DE NAS PHAR PHYIN DANG, 'DUL MDZOD LA SOGS PA PO TI PHYI MA RNAMS LA LEGS PAR SBYANGS PAS BLO GROS KYI SNANG BA THOGS PA MED PAR RGYAS SHING, KHYAD BAR, DRANG BA DANG NGES PA'I DON RNAM PAR 'BYED PA LEGS PAR BSHAD PA'I SNYING PO'I TSIG DON MTHA' DAG THUGS SU CHUD PAR MDZAD DE LEGS PAR BSHAD PA'I BDUD RTZIS MKHAS PA MTHA' DAG TSIM PAR MDZAD DO, ,DE NAS DGUNG LO NYI SHU RTZA LNGA LA BAB PA NA, CHOS GRVA CHEN PO DPAL 'KHOR BDE CHEN DU MKHAS MANG 'DUS PA RGYA MTSO'I DBUS SU DKA' BZHI'I GRVA SKOR MDZAD DE LEGS BSHAD SPRIN GYI SGRA DBYANGS RGYA CHER BSGRAGS PAS PHYOGS 'DUS KYI MKHAS MANG MDONGS LDAN MTHA' DAG LEGS BSHAD DBYAR SKYES SGRA DBYANGS KYIS TSIM NAS MKHAS GRUB CHEN PO 'DI 'BA' ZHIG GI YON TAN BSNGAGS PAS SDUS 'DAS TE GTAM GZHAN GLENG BA'I GOS KAB MED PA LTA BU GYUR TO, ,DE NAS 'JAM

, ,DBYANGS DGE 'DUN BLO BZANG GI BKAS BSKUL TE DGUNG LO NYER DRUG GI THOG BKRA SHIS LHUN PO'I CHOS KHRIMS BZUNG STE YANG DAG PA'I CHOS KYI KHRIMS KYI 'OD BSIL MNYAM PAR BKYE BAS CHOS GRVA KUNDA'I TSAL MTHA' DAG KUN TU 'BAR BA RDZOGS LDAN GYI DUS LA 'GRAN PA LTA BUR GYUR CING, ZANG ZING GI BSNYEN BKUR GYIS KYANG DGE 'DUN RNAMS LEGS PAR TSIM PAR MDZAD DO, ,DE RJES, SNGAR BKRA SHIS LHUN PO'I MKHAN PO MDZAD DUS NAS MDO SNGAGS KYI CHOS MANG DU GSAN ZHING THUGS MOS KYANG CHER YOD PA LTAR PAn CHEN RIN PO CHE DON YOD RGYAL MTSAN GYI ZHABS DRUNG DU CHOS GRVA CHEN PO GANGS CAN CHOS 'PHEL DU PHEBS TE BLO SBYONG MTHA' DAG GI LUNG DANG, KHYAD PAR DON BDUN MA'I NYAMS KHRID SOGS CHOS MANG DU ZHUS SHING DPYID CHOS NAS STON CHOS KYI BAR DU BZHUGS, SLAR BKRA SHIS LHUN BOR PHEBS, DE NAS ZHAL SNGA NAS DGE 'DUN BLO BZANG PA NYID KYIS DBEN DGON DU RJE GRUB BA'I DBANG PHYUG DBEN SA PA CHEN PO LA DPAL GSANG BA 'DUS PA'I DMAR KHRID LA SOGS PA'I GDAMS PA ZHU BA'I SNYAN GSAN DANG, ZHAL SNGA NAS RANG NYID 'PHRAL PHUGS SU JI LTAR BYA BA'I BSLAB DON ZHU BA'I ZHU YIG 'BUL BA'I BANG PHYIN LA 'BYON DGOS TSUL BYUNG BAS 'TSAMS SBYAR TE, BDAG NYID KYANG MNGON PAR DGYES BZHIN DU DBEN SA CHOS KYI PHO BRANG DU PHEBS MA THAG MJAL KHA YANG GEGS MED DU BYUNG ZHING, MJAL RTEN DU SPYI BLUGS SHIN TU LEGS

PA ZHIG YOD PA PHUL BAR DE DUS RGYAL BA DBEN SA PA CHEN PO GZHAN GYIS CHAS DNGOS PHUL BA BZHES PAR MI MDZAD KYANG BDAG NYID CHEN PO 'DI RGYAL BA DBEN SA BA RANG NYID KYI CHOS KYI RGYAL TSAB TU 'GYUR BAR GZIGS NAS DGYES BZHIN DU BZHES PA NA MKHAS GRUB SANGS RGYAS YE SHES RGYAL BA DBEN SA PA'I SKU GZIGS PA TZAM GYIS SNANG BA 'GYUR ZHING DAD GUS TSAD MED PAR 'KHRUNGS TE, CHOS KYI BKA' DRIN ZHIG KYANG ZHUS, ZHAL SNGA NAS DGE 'DUN BLO BZANG PA NYID LA NI ZAB DON GYI GDAMS PA STZOL BAR BKA' MA GNANG STE, SLAR BKRA SHIS LHUN POR PHEBS, DE NAS ZAB MO RDO RJE THEG PA'I SKYED TSAL DU 'JUG PAR DGONGS TE RJE RIN PO CHES, 'DI NA RDZOGS SANGS RGYAS SU BGROD PA LA, , ZAB MO RDO RJE THEG DANG PHAR PHYIN THEG ,RNAM PA GNYIS YOD GSANG SNGAGS PHAR PHYIN LAS, ,SHIN TU KHYAD PAR 'PHAGS PA YIN NO ZHES, ,NYI MA ZLA BA LTA BUR KUN TU GRAGS, ,TSIG DE DBEN PA'I TSIG TU 'DOD BZHIN DU, ,ZAB MO'I THEG DE JI LTA BU ZHIG CES, ,TSOL BAR MI BYED MKHAS PA'I KHUR 'DZIN PA, ,DE 'DRA DE YANG SHES RAB CAN YIN NA, ,DE LAS GZHAN PA'I DBANG PO RTUL PO GANG, ,SHIN TU PHRAD DGA' GONG NA MED PA'I LAM, ,'DI 'DRA YAL BAR 'DOR BA KYE MA'O MTSAR, ,DE NYID PHYIR NA RGYAL BA'I THEG PA MCHOG ,SANGS RGYAS LAS KYANG DKON BA'I RDO RJE THEG ,DNGOS GRUB GNYIS KYI GTER GYUR ZAB MO DER, ,ZHUGS NAS 'BAD PA MANG POS RING DU SBYANGS, ,ZHES GSUNGS PA LTAR, SANGS RGYAS

, ,LAS KYANG DKON PA'I CHOS BLA MED RDO RJE THEG PA DANG LAN CIG MJAL BA'I SKABS 'DIR RDO RJE THEG PA'I LAM LA SBYANGS TE SNYING PO LON PA ZHIG MA BYAS NA DAL PA STONG LOG TU 'GYUR RO SNYAM DU DGONGS NAS 'JAM MGON BLA MA'I SNGAGS KYI GSANG MDZOD 'DZIN PA'I GNAS DPAL LDAN SMAD RGYUD GRVA TSANG DU PHEBS BZHED DE CHOS KYI RJE DGE 'DUN BLO BZANG PA'I DRUNG DU GNANG BA GSOL ZHING, MAR LAM DBEN DGON DU RJE BLA MA'I DRUNG DU'ANG GNANG BA DANG BAR CHAD MI 'BYUNG BA'I THUGS DAM SKYABS 'JUG DANG PHYIS ZHABS DRUNG DU YONGS CHOG PA'I BKA' YANG DAG PAR ZHUS TE ZHABS SEN DBANG PO'I PHYOGS SU BKOD NAS DBUS PHYOGS SU PHEBS, YAR LAM SE 'BRAS LHA SA DANG BCAS PA LEGS PAR MJAL TE RI BO DGE LDAN RNAM PAR RGYAL BA'I GLING DU PHEBS, DER RGYUD SMAD KYI SLOB DPON RDO RJE 'CHANG NAM MKHA' GRAGS KYI ZHABS RDUL SPYI BOS BLANGS TE GUS PA DANG RTAG TU SBYOR BA'I BRTZON 'GRUS BSTEN PAS RGYUD KYI RGYAL PO'I TSIG DON GYI DE KHO NA NYID RING POR MA LON PAR MNGON DU GYUR TE, DER RGYUD KYI GRVA LA ZHUGS NAS LO GCIG CUNG MA LON TZAM LA, CHU HA CANG BSIL BA'I REG PAS NYEN TE ZHABS NAD KYIS MI BDE BA'I RNAM PA BYUNG BAS RE ZHIG SMAN DPYAD BSTEN PA SOGS GTZO BOR MDZAD PAS, RING PO MA LON PAR ZLA BA GZA' LAS GROL BA LTAR SKU KHAMS KYANG LEGS PAR DVANGS, DE NAS SMAD RGYUD GRVA TSANG GI PHYAG BZHES LTAR BDE GSANG 'JIGS GSUM GYI SGRUB

THABS DKYIL CHOG SBYIN SREG DANG BCAS BA'I PHYAG LEN GANG THIG DBYANGS GSUM DANG BCAS PA TSANG MA LEGS PAR SBYANGS TE THUGS SU CHUD PAR MDZAD NAS SLAR GTZANG PHYOGS LA PHYAGS BTEG ,THOS BSAM GLING DU CHOS KYI RJE DGE 'DUN BLO BZANG PA'I DRUNG DU PHEBS TE PHYAG MDZAD PAS, 'O DRUNG RAB 'BYAMS PA 'KHOR BA CIS KYANG LEGS, KHO BOS DPAL LDAN LHA MO LA NGA'I RAB 'BYAMS PA KHUG SHOG CIG CES BKA' BSGOS PAS DRUNG PA DBUS PHYOGS SU BZHUGS PA LA GNOD PAR MCHIS GSUNG, TSUL 'DI NI DAM PA 'DI NYID LHA SAR ZHABS BSNYEL BA'I SKABS SU DA NAD 'DI LAS GROL NA GTZANG LA 'GRO SNYAM DU DGONGS PA'I NUB CIG MNAL LAM DU'ANG BU MO GZHON NU MA ZHIG DA DON GRUB PAS GTZANG LA LOG 'GRO ZER BA CIG BYUNG GSUNG BA DANG MTHUN PAR SNANG NGO, ,DE NAS DBEN DGON DU PHYAGS PHEBS TE RJE GRUB PA'I DBANG PHYUG DBEN SA PA CHEN PO BSAM SBYOR GNYIS KYI SGO NAS LEGS PAR BSTEN CING, RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYI LAM SROL DPAL AA TI SHA DANG, RGYAL BA GNYIS PA TZONG KHA PA CHEN PO'I THUGS KYI BCUD PHYUNG BA, BYANG CHUB LAM GYI RIM PA'I MYONG KHRID SNYAN RGYUD KYI MAN NGAG ZHAL SHES GEGS SEL BOGS 'DON DANG BCAS PA LEGS PAR GSAN TE RGYAL BA DBEN SA PA CHEN PO NYID KYI ZHABS DRUNG DU 'TSO CHAS KYI RTZOL SGRUB TZAM YANG MA MDZAD PAR TSE 'DI'I 'KHRI BA GANG YANG MED PAR DKA' THUB LA GNAS TE YUN RING DU

, ,SGOM PAR MDZAD BAS PHAL BU SKYES PA LTAR THUGS SHIN TU MNYES PAR GYUR, DE'I TSE MKHAS GRUB SANGS RGYAS YE SHES KYIS LO GSUM GYI RING SKYES BU CHUNG DU GTZO BOR BYAS TE BSGOMS PAS RTZOL MED KYI MYONG BA THON TE, DE YAN GYI LAM GYI RIM PA RNAMS MYUR DU THUGS RGYUD LA 'KHRUNGS PA ZHIG BYUNG ZHES DBEN SA SNYAN RGYUD KYI BLA MA GONG MA RNAMS KYI GSUNG RGYUN LAS 'BYUNG NGO, ,DE NAS SRID PA MTHA' DAG LA ZHEN PA LOG BA'I NGES 'BYUNG BCOS MA MA YIN PA THUGS RGYUD LA 'KHRUNGS PA NA RGYAL BA'I BSTAN PA'I NANG MDZOD 'DUL BA'I BSLAB GZHI YONGS SU RDZOGS PA DGE SLONG GI SDOM PA LEN PAR BZHED NAS RGYAL BA DBEN SA PA CHEN PO LA ZHUS PAS DBEN SA PA CHEN POS JI LTAR LUNG BSTAN PA LTAR SHANGS MDO RI BO DGE 'PHEL DU GRUB PA'I DBANG PHYUG PHYOGS LAS RNAM PAR RGYAL BAS MKHAN PO DANG, BDE YANGS SLOB DPON CHOS RJE DGE LEGS PAS LAS SLOB DANG, NOR GDENGS PA CHOS RJE SH'AKYA DPAL BZANG PO BAS GSANG STON MDZAD DE, DAD PA'I DGE 'DUN GRANGS TSANG BA'I DBUS SU BSNYEN PAR RDZOGS TE LHAG PA TSUL KHRIMS KYI BSLAB PA LHA'I CHU BOS YID KYI RDZING BU YONGS SU GANG BAS SKYE DGU LAG LDAN MTHA' DAG GI PHAN BDE'I GZHI DANG YON GNAS BLA NA MED PAR GYUR TO, ,DE NAS MKHAS GRUB SANGS RGYAS YE SHES KYIS GRUB PA'I DBANG PHYUG PHYOGS LAS RNAM RGYAL BA'I DRUNG DU SNAR THANG BRGYA RTZA'I RJES GNANG LUNG DANG BCAS PA,

BKA' GDAMS LHA BZHI'I RJES GNANG, TSE DPAG MED LHA DGU DANG, KUN RIG GI DBANG SOGS DAM PA'I CHOS MANG DU GSAN TE SLAR DBEN DGON DU PHEBS NAS SGRUB PA LA RTZE GCIG TU BRTZON PAR MDZAD CING, KHYAD PAR DBEN SA PA CHEN PO LA BSNYEN RGYAB KYI THUGS DAM SKYABS 'OG ZHUS NAS DBEN SA'I DGON PA GZHOL GYI GTZANG KHANG DU DPAL RDO RJE 'JIGS BYED KYI BSNYEN BSGRUB MDZAD PAS RE ZHIG CIG NA THUGS DAM GYI RIM PA RNAMS KYANG GRUB STE NAM GYI GUNG LA REG NAS GZIMS PA NA, SKU GRANG BA'I NYAMS SHIN TU CHE BA ZHIG BYUNG BA NA RGYAL BA BLO BZANG DON GRUB NYID BLA BRANG GI 'DEGS SGO NA BZHUGS PA'I SKU BEM GYI SNE MOS RANG MNGON PAR BKAB PA'I NYAMS SHIN TU GSAL BA ZHIG BYUNG BAS BDE DROD TSAD MED PA RANG 'BAR BYUNG NGO, ,YANG DE'I DUS SDIG PA RVA CAN LAG PA TZAM ZHIG 'JIGS 'JIGS LTAR BDAG NYID KYI MDUN DU BYUNG BA LA BAG TSA BA MED PAR BTANG SNYOMS SU BZHAG PA NA RVA GNYIS MGAL ME LTAR 'KHOR ZHING 'DUG PAS DGOD CIG SHOR, DE KHAR RANG YAL DU SONG GSUNG, YANG DE'I DUS SU SNANG BA THAMS CAD BDUD DU SHAR NAS NYAMS SHIN TU MI DGA' BA CIG BYUNG BA LA DGONG GCIG BLA BRANG GI BA ZHIG YOD PA DES 'DU KHANG GI SGO PHYE NAS GTZANG KHANG DU BYUNG STE RANG NYID KYI SNYING GAR KHA BTZUGS TE SNYING DMAR TZAR GYIS KHYER SONG, DE MA KHAD YID MI BDE BA DE LHAG MA MED PAR SANGS SONG GSUNG, MDOR NA DE'I DUS DNGOS SU RNAL 'BYOR PA'I RNAM PA CAN DANG, BYA RI DVAGS LA SOGS

, ,GZUGS CAN SNA TSOGS BA ZHIG SKU DRUNG DU 'OD ZHING 'KHONG PA LA BDAG NYID LHA'I NGA RGYAL DANG, TING NGE 'DZIN SHIN TU BRTAN PA'I NGANG NAS GSANG SNGAGS KYI BZLAS BRJOD LAS SKAD CIG KYANG G-YEL BA MI MNGA' PAS SNANG BA DE DAG NAM MKHA'I DBYINGS SU SPRIN PHUNG ZHI BLTAR 'GRO BZHIS BYUNG, SNANG TSUL DE DAG RGYAL BA DBEN SA CHEN PO LA ZHUS PA NA SNANG BA DE DAG LA 'JIGS PA DANG YANG BA YANG MI DGOS, DE LAS 'JIGS PA STAG DANG RO LANGS LA SOGS PA YANG YOD, DE 'DRA BYUNG NA CI 'DRA MCHIS GSUNG, MDOR NA DE'I DUS NGO MTSAR BA'I GZIGS SNANG LHAG PA'I LTAS BYIN GYIS BRLABS PA'I SNANG BA RMAD DU BYUNG BA BRNYES SO, ,DE LTAR 'JIGS BYED KYI BSNYEN PA THON NAS RGYAL BA DBEN SA PA CHEN PO NYID KYI ZHABS DRUNG DU MGON PO'I BKA' CHEN BCU GSUM GYI RJES GNANG DANG, BE'U BUM GYI LUNG LA SOGS PA MGON PO'I CHOS SKOR YONGS SU RDZOGS PA DANG, CHOS RGYAL PHYI NANG GSANG GSUM GYI SGRUB SKOR RJES GNANG DANG BCAS PA YONGS SU RDZOGS PA DANG, GSANG BDE 'JIGS GSUM GYI DBANG BZHI YONGS RDZOGS KHRID LAG RJES DANG BCAS PA THUN MONG DANG THUN MONG MA YIN PA'I GDAMS PA RMAD DU BYUNG BA RNAMS DANG, LAM RIM CHE CHUNG GI LUNG GZABS BSHAD DANG BCAS PA RNAMS DANG, THUN MONG DANG THUN MONG MA YIN PA'I TSE DBANG KHRID DANG BCAS PA DANG, RJE BTZUN TZONG KHA PA CHEN PO'I SGRUB SKOR THUN MONG MA YIN PA RNAMS DANG, 'PHAGS PA

BCU GCIG ZHAL GYI RJES GNANG, SNYING PO DON GSUM DANG, TSEM BU DMAR KHRID SOGS 'PHAGS PA'I CHOS SKOR YONGS SU RDZOGS PA DANG, SKYER SGANG LUGS KYI RTA MGRIN GYI RJES GNANG SGRUB SKOR DANG BCAS PA'I LUNG DANG, YIG CHUNG NYI SHU RTZA GCIG GI LUNG DANG, MKHAS GRUB THAMS CAD MKHYEN PA'I LTA KHRID DANG, RGYAL SRAS BLO GROS SBAS PA'I LTA KHRID RNAMS KYI LUNG DANG, SKYABS 'GRO'I KHRID RIM THUN MONG DANG THUN MONG MA YIN PA RNAMS DANG, GCOD KYI CHOS SKOR YONGS RDZOGS DANG, THUN DRUG GI RNAL 'BYOR LA SOGS PA MDOR NA LHAG BA'I LHA DANG YI DAM DANG CHOS SKYONG DU MA'I RJES GNANG SGRUB SKOR MTHA' YAS PA DANG, GTOR 'BUM GYI LUNG DMIGS RIM DANG BCAS PA DANG, ME TOG DANG, RDO DANG, CHU'I BCUD LEN BYA TSUL GYI LUNG LA SOGS PA ZAB PA DANG RGYA CHE BA'I CHOS TSUL MTHA' YAS BA ZHUS SHING PHYAG LEN LA THEBS PAR MDZAD DO, ,DE LTAR RMAD DU BYUNG BA'I GDAMS PA'I GTER CHEN POR NI GYUR, SDOM PA GSUM YANG DAG PAR NOS NAS BCAS MTSAMS LAS SKAD CIG TZAM YANG MI 'DA' BAR MIG GI 'BRAS BU LTAR SKYONG BA'I DRAN SHES KYI GOMS PA NI YONGS SU RDZOGS, ZHI LHAG ZUNG DU 'BREL BA DANG BSKYED PA'I RIM PA GOMS PA MTHAR PHYIN TE BDE STONG DBYER MED KYI TING NGE 'DZIN KHYAD PAR CAN BRNYES PAS, DA NI TSE 'DI'I 'KHRI BA BTZAN THABS SU BCAD DE TSE DANG SGRUB BA MNYAM PA ZHIG BYA'O SNYAM DU DGONGS PA 'BA' ZHIG BYUNG STE, MKHAS GRUB SANGS RGYAS YE SHES RANG

, ,NYID KYI GSUNG LAS KYANG, DE DUS RJE BLA MA LA DAM PA'I CHOS 'DOD DGUR ZHUR YOD PA ZHIG YIN NA'ANG, THUN MONG MA YIN PA'I GDAMS PA RNAMS NI THOB, DA SNANG BA MI DANG MI BSTUN PA'I SGRUB BA ZHIG BYED PAS RNAM GRANGS MANG POS DGOS BA MI 'DUG SNYAM DU MA ZHUS BA DES CUNG ZAD THOB RGYA CHUNG BA BYUNG 'DUG GSUNGS, DE NAS, BDAG NYID CHEN PO 'DI DGE 'PHEL GYI MKHAN POR SPYAN 'DREN PA'I GSOL BA 'DEBS PA DANG, SDE PA RIN SPUNGS BA DPON BLON GYI PHYAG DMAN NA CHAGS PA DANG BCAS BYUNG BA LA, DAM PA 'DI NI SKYE BA MANG BOR DBEN PA LA THUGS GZHOL BAS DANG DU MA BZHES KYANG, RGYAL BA DBEN SA BA CHEN BOS DAM TSIG LA BKAR TE RANG DBANG MED PAR RE ZHIG MDZAD PA'I ZHAL LEN GNANG, DE NAS GZA' SKAR 'PHROD SBYOR LEGS PA'I THOG ,KUN MKHYEN CHEN PO SHES RAB DPAL BZANG GI GDAN SA SHANGS MDO RI BO DGE 'PHEL GYI CHOS KHRI LA 'KHOD NAS DON DU GNYER BA DAG LA LEGS PAR BSHAD PA'I CHAR CHEN PO YANG PHAB, DE'I MU NAS RJE GRUB BA'I DBANG PHYUG GI ZHABS LA TSER MA'I REG BAS NYEN PA'I BSNYUN TSUL BSTAN NAS, SKU'I BKOD BA NYE BAR BSDU BA LA GZHOL ZHING, SEMS DPA' CHEN PO 'DI NYID BDAG NYID KYI RGYAL TSAB TU 'OS PAR GZIGS NAS GDAN DRANGS TE LHA DANG BCAS PA'I 'GRO BA MTHA' DAG LA ZAB PA DANG RGYA CHE BA'I SNYAN RGYUD KYI GDAMS PA'I 'KHOR LO BSKOR BA'I CHOS GYI RGYAL SRID DU DBANG BSKUR BAR

MDZAD DO, ,DE NAS RING POR MA LON PAR RJE GRUB PA'I DBANG PHYUG DBEN SA PA CHEN PO MYA NGAN LAS 'DAS PA'I MDZAD PA BSTAN PA NA, CHOS DANG ZANG ZING GI SGO NAS THUGS DGONGS YONGS SU RDZOGS BAR MDZAD CING, KHYAD PAR DBEN DGON DU RJE GRUB PA'I DBANG PHYUG DBEN SA PA CHEN PO'I GZIM SPYIL BZO BCOS MED PAR GTZANG KHANG DU BZHAG NAS GTZUG LAG KHANG MGON KHANG BLA BRANG DANG BCAS PA'I 'GAM BTINGS TE 'KHOR LO GSUM GYI ROL PA KHO NAS DUS 'DA' BAR MDZAD, DE NAS RGYAL BA DBEN SA PA CHEN PO NYID KYI DON GYI DGONGS PA LTAR GTZANG KHANG GI NANG DU SKU GDUNG RIL POR BZHUGS SU GSOL TE, RIN PO CHE BRDAR BA'I PHYE MA DANG SMAN 'DAM LAS RJE BTZUN DAM PA RANG NYID KYI SKU 'DRA BYIN RLABS KYI GZI 'OD 'BAR BA KUN GYI MIG GI BDUD RTZIR SPUNGS PA LTA BUR PIR THOGS RGYAL PO SMAN THANG NAS CHOS KYI RJE BLO BZANG RGYA MTSO DPON SLOB RNAMS KYIS LEGS PAR BZHENGS, 'DI'I NANG BZHUGS SU DE BZHIN GSHEGS PA'I RING BSREL, DAM PA GONG MA MANG PO'I SKU GDUNG DANG RING BSREL, SKU BAL SOGS BYIN RTEN TSANG MED PA BZHUGS SO, ,GTZANG KHANG GI LOGS RNAMS LA BLA MA LHA'I RNAL 'BYOR GYI RIM PA DANG MTHUN PA'I GSANG BDE 'JIGS GSUM KYEE RDOR DUS 'KHOR RNAMS KYI SKU DANG STENG DU RANG RANG GI BLA MA BRGYUD PA, 'OG TU SO SO'I CHOS SKYONG DANG BCAS PA LEGS PAR BZHENGS, GTZANG KHANG GI RTEN BZHENGS RNAMS GRUB CING 'DU KHANG GI THOG KHEL MTSAMS SU 'GRO BA THAMS CAD

, ,KYI 'DREN PA DAM PA LNGA BRGYA PA RNAMS KYI GTZUG GI NOR BU GANGS CAN GYI MGON PO THAMS CAD MKHYEN PA BSOD NAMS RGYA MTSO'I DPAL GTZANG PHYOGS SU CHIBS KHA BSGYUR BA RTEN 'BREL LEGS BAR 'DZOM, DBEN DGON DU GDAN DRANGS RAB TU GNAS PA MDZAD CING ME TOG GI CHAR CHEN PO MNGON PAR PHAB, RGYAL BA THAMS CAD MKHYEN PA RANG NYID KYANG SKU GDUNG RIN PO CHER DBU GTUGS TE RGYUN RING DU BZHUGS DANG GUS TSAD MED PA 'KHRUNGS SHING, SKU 'DRA RIN PO CHE RDO RJE 'JIGS BYED KYI SKUR GZIGS SO, ,DE NAS MKHAS GRUB SANGS RGYAS YE SHES DPON SLOB RNAMS RGYAL BA THAMS CAD MKHYEN PA BSOD NAMS RGYA MTSO'I ZHABS PHYIR PHEBS TE, BKRA SHIS LHUN POR SGROL MA NYI SHU RTZA GCIG GI RJES GNANG DANG, BKA' GDAMS GLEGS BAM GYI LE'U 'GA' RE'I LUNG DANG, MGON PO ZHAL LUGS GSUM GYI RJES GNANG DANG THUN MONG MA YIN PA'I GTOR CHEN LAS TSOGS DANG BCAS PA GDAMS PA YONGS SU RDZOGS PA'I LUNG SOGS CHOS BKA' MANG DU GSAN, SLAR DBEN DGON DU PHEBS TE MKHAR LAS KYI 'PHRO YONGS SU RDZOGS PAR MDZAD DO, ,MTSAMS SHIG TU SPOR TOG TU PHEBS NAS GRUB PA'I DBANG PHYUG PHYOGS LAS RNAM RGYAL BA'I DRUNG DU DPAL DUS KYI 'KHOR LO'I DBANG GONG MA RNAMS DANG BCAS PA DANG, GZHAN YANG BKA' CHOS MANG DU GSAN, GLANG MIG TU YANG 'JAM DBYANGS LEGS PA'I BLO GROS KYI SKU SKYE RJE RIN PO

CHE GLANG MIG PA ZHES GRAGS PA DE NYID KYI DRUNG DU'ANG DAM PA'I CHOS MANG DU GSAN, DE NAS SMAN THANG NAS CHOS KYI RJE BLO BZANG RGYA MTSO DPON SLOB RNAMS KYIS THUGS KYI KHUR BZHES TE 'DU KHANG GI LOGS BRIS YONGS SU RDZOGS PAR MDZAD CING, GUNG DU RGYAL BA BLO BZANG DON GRUB KYI SKU 'DRA SKYA RIS BTAB PA'I TSE NYIN MTSAN KHOR YUG TU MAR ME BZUNG BA SOGS NGO MTSAR BA'I LTAS DU MA YANG BYUNG, SKU 'DRA 'DIS MKHAS GRUB SANGS RGYAS YE SHES LA MNAL LAM DU GSUNG LAN GNYIS TZAM BYON NO, ,DE LTAR 'BAD PAS MTHAR BDE BAR GSHEGS PA'I SKU DNGOS SU BYON PA LTA BU SKYE BO MTHA' DAG YID 'PHROG CING, MKHAS PA RNAMS MGU BA SKYED PA'I LOGS BRIS LEGS PAR GRUB NAS RAB TU GNAS PA'I DGA' STON RGYAS PAR BSGRUBS TE 'JAM MGON SNYAN RGYUD KYI BSTAN PA NAM YANG MI NYAMS PAR PHYOGS KUN TU 'PHEL ZHING RGYAS PA DANG, GRUB PA'I GNAS MCHOG 'DI YANG 'JAM MGON SNYAN RGYUD BSTAN PA'I 'BYUNG KHUNGS SU SGRUB PAR MDZAD DO, ,DE NAS MKHAS GRUB SANGS RGYAS YE SHES DPON SLOB RNAMS GANGS CAN CHOS 'PHEL DU PHEBS TE, RDO RJE 'DZIN PA CHEN PO RIGS PA SENG GE'I DRUNG DU BDE MCHOG LO DRIL GNYIS KYI DBANG, 'JIGS BYED KYI DBANG, KYEE RDOR GYI DBANG, 'KHOR CHEN GYI DBANG, TSE DPAG MED LHA DGU'I DBANG, DPAL LDAN LHA MO'I DBANG BZHI, GUR ZHAL GYI RJES GNANG, N'A RO CHOS DRUG GI KHRID, BDE MCHOG GI MNGON PAR RTOGS PA RGYA CHER BSHAD PA

, ,'DOD 'JO, RDZOGS RIM RNAL 'BYOR CHEN PO'I RNAM BSHAD, BRTAG GNYIS t'IKA CHEN, KYEE RDOR, BDE MCHOG RNAMS KYI MNGON DKYIL SO SO'I LUNG SOGS CHOS MANG DU GSAN NAS, SLAR GRUB PA'I GNAS MCHOG DBEN DGON DU PHEBS TE 'KHOR LO GSUM GYI BYA BAS 'JAM MGON SNYAN RGYUD KYI BSTAN PA 'PHEL ZHING RGYAS PAR MDZAD DO, ,DE NAS MKHAS GRUB SANGS RGYAS YE SHES DPON SLOB NYUNG BSDUS SHIG RGYAL BA BSOD NAMS RGYA MTSO SOG YUL LA PHEBS KHAR MJAL BAR BZHED DE, DPON SLOB THAMS CAD GLANG GI LO ZLA BA GSUM PA'I NANG DU DBUS PHYOGS SU PHEBS TE, THOG MAR LHA SAR JO ZHAL GNYIS SOGS RTEN RNAMS KYI DRUNG DU BSTAN PA RGYAS PA'I SMON LAM YANG DAG PAR MDZAD, DER DPAL GYI LHA MOS DNGOS SU GSUNG BYON PAR YANG 'DUG ,DE NAS RI BO DGE LDAN DU CHOS RJE BYAMS PA RGYA MTSO'I DRUNG DU'ANG LAM RIM GYI 'GO NAS CHOS 'BREL ZHIG GSAN, DE NAS RGYAL BA THAMS CAD MKHYEN PA'I DRUNG DU DAD GUS KYIS KUN NAS BSLANGS PA'I 'BUL BA YANG DAG PAS MNYES PAR BYAS SHING ZAB PA DANG RGYA CHE BA'I CHOS MANG DU ZHUS, LHA'I BTZUN PA BSOD NAMS DPAL BZANG PO'I DRUNG DU'ANG SPYOD 'JUG DANG MTSAN BRJOD LA SOGS PA'I LUNG DU MA ZHUS, DE'I TSE DAM PA 'DI NYID KYI DRUNG DU'ANG, STOBS KYI 'KHOR LOS BSGYUR BA DGE LDAN PA YAB SRAS LA SOGS PA'I MI CHEN DANG, DGE BA'I BSHES GNYEN DU MAS ZHABS

LA GTUGS SHING, MKHAS GRUB DAM PA 'DIS KYANG SKAL LDAN DE DAG LA ZAB PA DANG RGYA CHE BA'I CHOS KYI BKA' DRIN YANG DAG PAR STZAL TE SLAR GTZANG PHYOGS SU PHEBS, DE KHA'I STON GTZANG RONG GI SDE 'KHRUG CHEN PO BYUNG STE, GRA PA BYING BSOD SNYOMS LA BYON SHUL GZIM KHANG NA DPON SLOB GSUM LAS MED PA'I THO RANGS SHIG PA SNAM RDZONG GI SRUNG CHA BA'I KHROD NAS DVAGS PO DANG, DE LA BRTEN PA'I PA SNAM PA'I PHO YAN 'TSOGS PA'I DMAG GI TSOGS SHIN TU 'JIGS PAS BCOMS TE MDA' MTSON GYI CHAR PHAB, DE'I TSE BDAG NYID CHEN PO 'DIS DE LTAR MA BYED CES 'JIGS PA MED PA LTAR SKU MNGON DU PHYUNG STE SKAL NGAN DE DAG LA GO BAR MDZAD PA NA NGAN PA DE DAG GIS DAM PA 'DI LA CHES CHER BSDIGS NAS MDA' 'PHANGS BA PHAL CHER BDAG NYID CHEN PO'I SKU LAS YOL TE 'GRO ZHING, 'GA' ZHIG PHOG KYANG JI LTAR RDO RJE RIN PO CHE'I RANG BZHIN GYI BRAG RIL MDA' PHAL PA 'PHANGS PA LTAR GNOD PA MED PAR BRUL BAR BYED DO, ,DER SDIG PA CAN DE DAG KYANG 'DI LA NI MTSON BSRUNG BLA NA MED PA DANG LDAN PA ZHIG GO ,ZHES SGRA DBYANGS SGROGS MOD KYANG LHA DANG BLA MA'I THUGS RJE'I GZI BYIN YIN GYI MTSON SRUNG THA MAL PA NI GNYAN NAS MED GSUNG NGO, ,BDAG NYID CHEN PO 'DI NI BLA MA LHA'I RNAL 'BYOR LA BRTAN PA THOB PAS GANG SNANG THAMS CAD BLA MA LHA'I RNAM ROL TU 'CHAR ZHING, DAM CAN CHOS SRUNG RNAMS KYANG BLA MA LHA'I BYA SGRUB YE SHES KYI RANG SNANG DU SHAR TE RGYUD SDE NAS GSUNGS BA'I 'PHRIN LAS

, ,RAB 'BYAMS THAMS CAD BLA MA LHA'I RNAL 'BYOR GYIS SGRUB NUS 'BYUNG ZHING MKHAS GRUB CHEN PO 'DI NYID CHOS SKYONG LA MNGA' BRNYES PAS GTOR BRDEG DANG BSKANG GSO SOGS GANG GNANG YANG ZIL GZHAN BAS CHE BA ZIG 'ONG, GTOR BRDEG MDZAD PA'I SLA NGA LA ZHABS RJES BYON PA'ANG MANG DU BYUNG 'DUG CING, BSKYED BA'I RIM PA MTHAR PHYIN PAS LHAG PA'I LHA'I NGA RGYAL DANG GSAL SNANG SHIN TU BRTAN PA MNGA' BA'I STOBS KYIS NANG MCHOD RANG KHOL DANG, TSE RIL 'PHAR BA DANG, BDUD RTZI 'BAB PA DANG, TSE CHANG KHOL BA DANG, SPYAN DBYE'I CHE, LHAS ME TOG DNGOS SU BZUNG BA YANG DU MA ZHIG BYUNG, DE NAS DBEN DGON DU LO RE BZHIN MDO SNGAGS KYI ZAB CHOS RGYA CHER GNANG BAS PHYIS NI MKHAS SHING GRUB PA'I SNYAN GRAGS KYI 'UR LANGS TE PHYOGS PHYOGS KYI SDE DGON SO SO'I BLA MA DANG, SDE DPON MANG POS KYANG MCHOD GNAS 'GRAN ZLA MED PAR BZUNG BA YIN NO, ,DE'ANG DUS RGYUN PAR YANG BLA MA LHA'I RNAL 'BYOR KHO NA LA SGRUB PA SNYING POR MDZAD CING RTOGS PA KHYAD PAR CAN DE LA BRTEN NAS BRNYES TE, BKA' LAS, DPAL LDAN BDE CHEN DBEN PA'I PHO BRANG DU, ,RTZE GCIG BSGRUB LA BRTZON BA'I RNAL 'BYOR PA, ,RTAG TU BLA MA DRAN PA'I BSAM GTAN LA, ,G-YEL MED GCIG TU GZHOL ZHING BRTZON PAR BYED, ,CES GSUNGS, YANG BKA' LAS,

MA YENGS DRAN PA'I CHU 'DZIN 'THUG PO LAS, ,DON DAM RIG PA'I GNAM LCAGS CHAR PHAB NAS, ,MTHAR 'DZIN BRAG RI'I PHUNG PO MYUR BSHIG STE, ,BDE CHEN DAM PA'I GNAS SU BGROD PA NI, ,AE MA NGO MTSAR DPAL GYI DAM PA'O, ,ZHES GSUNGS, GZHAN YANG DGE BA'I BSHES GNYEN DU MAS BSKUL BA DANG, BDAG NYID KYANG RJE BTZUN BLO BZANG DON GRUB KYI BKA' DRIN PA'I NYAMS MGUR YANG MANG DU MDZAD DE, 'DI LTAR, NA MO MAH'A MU TR'A YA, PHA GI ZHIG RGYA MTSO CHEN PO NA, ,YID BZHIN NOR BU RIN CHEN YOD, ,DED DPON GYI THABS LA MA BRTEN NA, ,GTING MTHA' ZAB PAS RNYED BAR DKA', ,'DI KHA ZHIG GSUNG RAB KYI RGYA MTSO NA, ,SNYING PO YID BZHIN NOR BU YOD, ,MTSAN LDAN GYI THABS LAM BRTEN NA, ,ZAB RGYAS KYI SPROS PA RNYED PAR DKA', ,DKA' TSUL 'DI SNYING GI DKYIL DU CHONGS, ,DPA' BO DANG DPA' MO'I THUGS KYI BCUD, ,NGOMS PA RANG MED PAR GSOL BAR ZHU, ,ZHU BA 'DI RANG SEMS RGYAL PO LA, ,GDAMS PA BDE CHEN GYI GTER MDZOD YIN, ,ZHES PA DANG, YANG, NA MO MAH'A MU TR'A YA, RGYA MTSOR YOD PA'I NOR BU RIN CHEN DE, ,SHUGS DRAG RLABS KYIS PHYOGS SU BSKYOD NA YANG, ,BSOD NAMS LDAN PA'I 'GRO BA'I DPAL DU CHE, ,BSTAN PA'I SNYING PO RANG SEMS BDE CHEN DE, ,RNAM PAR RTOG PA'I 'KHRUL PAS G-YON YANG,

, ,DAD LDAN SKAL LDAN GDUL BYA'I DPAL DU CHE, ,CHE BAR GYUR CIG BLA MA LHAG PA'I LHA, ,ZHES BYA BA LA SOGS PA GSUNGS, ,DE NAS BDAG NYID CHEN PO DGUNG LO LNGA BCU NGA BRGYAD BZHES PA, SNA TSOGS ZHES PA CHU PHO RTA'I LO'I DGUN BSAM 'GRUB RTZE NAS PHYAG DAM NAN CHES BA'I STABS KYIS DGE 'PHEL KHRI THOG TU PHEBS, LO LNGA'I BAR DU DAM PA'I CHOS KYI 'KHOR LO BSKOR TE CHOS KYI KHRIMS KYANG YANG DAG BAR BSDAMS PAS BKA' DRIN GYIS KHYAB PAR MDZAD DO, ,DE NAS RGYAL BA DBEN SAB CHEN PO'I BKA' LUNG LTAR GRUB PA'I GNAS MCHOG DBEN SA CHOS KYI PHO BRANG NYID SKYONG BA GTZO BOR MDZAD BZHED DE DGE 'PHEL GYI GDAN SA BZHAG NAS 'PHAGS PA 'JIG RTEN DBANG PHYUG GI GDUNG 'DZIN 'GRO BA DU MA'I 'DREN PA GNAS RNYING NAS RJE 'JAM PA'I DBYANGS DGE 'PHEL GYI KHRIR BKOD NAS SLAR YANG GRUB BA'I GNAS MCHOG DBEN SA CHOS KYI PHO BRANG DU PHEBS TE DGUN PHAL CHER SGRUB BA BSAM GTAN GYI 'KHOR LO DANG, DBYAR CHOS LA PHYOGS PHYOGS KYI SDE SNOD 'DZIN PA DANG, GNYUG MAR GNAS PA RNAMS LA ZAB RGYAS MDO SNGAGS KYI CHOS BKA' RGYA CHER STZAL LO, ,DE SKABS RGYAL BA DBEN SA PA CHEN PO SLAR YANG 'JAM MGON SNYAN RGYUD KYI BSTAN PA SPEL BA'I PHYIR BSAM BZHIN DU BYON PA RJE BTZUN BLO BZANG CHOS KYI RGYAL MTSAN DBEN DGON DU GDAN DRANGS NAS DGE BSNYEN, DGE TSUL, DBANG LUNG MAN NGAG THAMS CAD YONGS

SU RDZOGS PAR GNANG STE DBEN SA CHOS KYI PHO BRANG GI MI 'JIGS SENG GE'I KHRI LA MNGON BAR DBANG BSKUR TE SNYAN RGYUD BSTAN PA'I BDAG BOR MNGA' GSOL, NAM MKHA'I DBYINGS THAMS CAD TIL GYI GANG BU LTAR GANG BA'I RGYAL BA SRAS BCAS RNAMS KYIS ME TOG GI CHAR PHAB BO, ,DE NAS RGYAL BA TZONG KHA BA'I RNAM THAR LTAR DBEN SA BA CHEN PO'I SPRUL PA'I SKU 'DI RGYAL BA TZONG KHA PA RANG NYID SLAR BYON PA LTA BU ZHIG 'ONG BAR BYA'O SNYAM DU THUGS LA BRNAGS TE BKRA SHIS LHUN POR THUGS GNYER LA BRDZANGS, DE NAS RJE BTZUN BLO BZANG CHOS RGYAL DGUNG LO BCU DGU'I THOG BKRA SHIS LHUN POR DKA' BZHI'I GRVA SKOR MDZAD PA LA NYE BA'I TSE 'BRUM BU'I BSNYUN GZHI BYUNG BA NA MKHAS GRUB SANGS RGYAS YE SHES DE MA THAG PHEBS TE DBANG BSKUR BYIN RLABS GNANG ZHING GZHUNG LUGS CHEN MO RNAMS LA SBYANGS BA MDZAD LUGS, DE NAS GZHUNG DON GDAMS PAR SHAR BA'I NYAMS LEN LA 'BAD DGOS LUGS, RANG NYID MI NYAMS PA'I GDENG THOB PA NA RJE BLA MA'I SNYAN RGYUD KYI BSTAN PA 'DZIN SKYONG SPEL GSUM 'DI LTAR MDZAD DGOS SO ZHES GDAMS PA MTHIL PHYIN PAR GNANG ZHING LUNG BSTAN GSANG BA'I ME LONG YANG ZHIG TU BSTAN TE, SKU TSE DE'I THA MA'I ZHAL CHEMS LTA BUR BSLAB BYA MTHAR PHYIN PAR MDZAD DE ZHAG GSUM BZHUGS NAS DBEN DGON NYID DU PHEBS SO, ,MDOR NA MKHAS GRUB SANGS RGYAS YE SHES ZHES YONGS SU GRAGS BA'I BDAG NYID CHEN PO 'DI NI TSUL KHRIMS

, ,GSUM GYIS YANG DAG PAR BSDAMS SHING CHAGS SDANG 'GO GNON PA, LHAG PA'I LHA'I RNAL 'BYOR LAS G-YEL BA MED CING BDE STONG GI TING NGE 'DZIN MNGA' BA, RGYAL BA BLO BZANG DON GRUB KYIS DBEN DGON 'DI GNYER DU GTAD PA'I BKA' LAS 'GONGS PA MED PAR SGRUB PA'I SDE 'DI KHO NA THUGS KYI DKYIL DU BCUG NAS 'KHOR LO GSUM GYIS DUS 'DA' BAR MDZAD DO, ,MKHAS GRUB SANGS RGYAS YE SHES KYIS 'DZAM MGON SNYAN RGYUD KYI MAN NGAG RNAMS MI NUB PAR YUN RING GNAS PA'I PHYIR, RJE BTZUN BLO BZANG DON GRUB KYI RNAM THAR GSOL 'DEBS, ZAB LAM BLA MA LHA'I RNAL 'BYOR NYAMS SU LEN TSUL RJE RIN PO CHE LA BRTEN PA'I PHYI NANG GSANG GSUM GYI BLA MA'I RNAL 'BYOR, LAM RIM GSOL 'DEBS DANG 'BREL BA'I BLA MA'I RNAL 'BYOR, LHAG PA'I LHA MANG PO LA BRTEN PA'I BLA MA'I RNAL 'BYOR MANG PO, BYANG CHUB LAM GYI RIM PA'I SKYES BU CHUNG DU'I DMIGS SKOR; GCOD KYI SKOR, TSOGS 'KHOR, RJE RIN PO CHE'I SGRUB THABS, MGON PO'I BLA RGYUD GSOL 'DEBS, BLA MA'I BSTOD PA'I RIM PA, BLA MA MCHOD PA'I CHOG ,THEG CHEN THUN MONG BA'I BLA MA LHA'I RNAL 'BYOR GYI SGO NAS SKYES BU GSUM GYI LAM GYI RIM PA'I KHRID, BLA MA LHA'I RNAL 'BYOR GYI SGO NAS TSE 'DI DON DANG LDAN PAR BYED PA, BLO SBYONG DON BDUN MA BSHAD CHOS TZAM MA YIN PAR RGYUD LA SBYOR TSUL, CHU SBYIN GYI DMIGS SKOR, DE BZHIN

GSHEGS PA BZHI'I DMIGS SKOR, DRIS LAN LEGS PAR BSHAD PA'I SNYING PO NYIN MOR BYED PA'I DPAL ZHES BYA BA, LTA SGOM SPYOD PA'I SNYING BO, GZHAN YANG MAN NGAG SHIN TU ZAB PA'I ZHAL GDAMS BCU GCIG, GZHI LAM 'BRAS BU'I DKA' BA'I GNAD KYI DRI BA DANG DE'I LAN RANG NYID KYIS MDZAD PA, DBU MA'I ZIN BRIS, RJE BKRA SHIS RIN PO CHE BA'I DRI LAN, THEG CHEN GSO SBYONG GI SDOM PA LEN TSUL DANG, THUGS RJE CHEN PO'I SGRUB THABS, YI DAM LA BLA BRE PHUL BA'I GNYER GTAD, CHAB SHOG, GRUB RGYAL LUGS KYI TSE DBANG, GTUM PO KHYUD LNGA'I RJES GNANG, SKYER SGANG LUGS KYI RTA MGRIN GYI RJES GNANG, MGON PO'I RJES GNANG BYED TSUL, RDO RJE 'JIGS BYED KYI SGRUB THABS BDUD THAMS CAD LAS RNAM PAR RGYAL BA NGAG 'DON GYI RIM PAR BSGRIGS PA, RTA MGRIN GYI RNAL 'BYOR NYAMS SU LEN TSUL, SMYUNG BAR GNAS PA'I CHO GA DNGOS GRUB KUN 'BYUNG, BLA MA YI DAM DPAL MGON SRUNG MA'I TSOGS LA MCHOD GTOR 'BUL BA'I RIM PA, CHOS RGYAL GYI SGRUB THABS BDUD DPUNG TSAR GCOD 'PHRIN LAS BZHI'I DNGOS GRUB, GTOR MA'I CHO GA'I RIM PA DNGOS GRUB KUN 'BYUNG, BLA MA LHA 'JAM DPAL DBYANGS KYI SGRUB THABS, BLA MA DPAL RDO RJE 'JIGS BYED KYI RNAL 'BYOR NYAMS SU LEN TSUL LA SOGS PA RNAMS MDZAD DO, DE LTAR MKHAS GRUB SANGS RGYAS YE SHES KYIS ZHING 'DI'I SKU DNGOS KYI GDUL BYA RNAMS KYI DON BSGRUBS ZIN PA NA

, ,NYID KYI DGUNG LO DRUG CU RE BDUN PA, BONG BU ZHES PA LCAGS MO YOS KYI LO ZLA BA BCU GNYIS PA'I NYER LNGA LA SKU TSE 'DI'I GDUL BYA'I THA MA BKA' ZHIG RJES SU GZUNG BZHED PA DANG, BYAMS MGON LA MCHOD 'BUL SMON LAM MDZAD BZHED PA SOGS DGOS PA KHYAD PAR CAN MANG PO ZHIG LA DGONGS TE RONG BYAMS CHEN DU PHEBS NAS JI LTAR BZHED PA'I THA MA'I MDZAD PA RNAMS MDZAD DE ZLA BA BCU GCIG PA'I YAR NGO'I TSES BCU BZHI LA NGO MTSAR BA'I LTAS DANG BCAS TE MYA NGAN LAS 'DA' BA'I TSUL BSTAN TO, ,DE NAS DGUNG ZHAG BDUN GYI BAR DU BSIR BU'I RGYU BA CHAD CING LHA'I ME TOG GI CHAR BABS SO, ,DE NAS RJE BTZUN BLO BZANG CHOS KYI RGYAL MTSAN GYI BKAS MNGAGS TE SKU GDUNG SLAR DBEN DGON DU GDAN DRANGS NAS ZHUGS LA SBYANGS, ZHAG ZHE DGU'I BAR DU TSOGS PAS GUNG TSIGS YAN LA DPAL RDO RJE 'JIGS BYED KYI DKYIL 'KHOR BSGRUBS NAS DBANG BLANGS SHING, DGUNG GI RING BLA MA MCHOD PA'I CHOG MDZAD, BKRA SHIS LHUN PO, DGE 'PHEL, BYAMS CHEN SOGS CHOS SDE RNAMS SU MANG 'GYED DANG, DNGOS 'BUL GYA NOMS PA MDZAD PA SOGS MDOR NA GRA BU SLOB, SDE DGON GYI SBYIN BDAG SO SO DANG BCAS PA TSANG MAS DAD PA CHEN POS THUGS DGONGS YONGS SU RDZOGS PAR MDZAD, DGUNG ZHAG GROL NAS SPUR KHANG ZHAL PHYE BA NA, RING BSREL SRAN MA TZAM ZHIG GIS SNYING POR BYAS SHING PHYI RNAMS RING BSREL

GYIS BYUR BUR GTAMS PA'I THUGS GNYIS, LJAGS, SPYAN, RTZA DBU MA BYANG SEMS DKAR DMAR GYIS GANG BA, DBU KLAD RING BSREL GYIS BYUR BUR GTAMS PA SOGS BYON ZHING, RING BSREL SIL BU BA NI SHIN TU MANG PAR BYON NO, ,DE NAS RJE BTZUN BLO BZANG CHOS KYI RGYAL MTSAN GYIS MKHAS GRUB CHEN PO 'DI NYID KYI SPUR KHANG GI SA PHAG RNAMS LA GZHI BYAS, PHYI ROL TU SKU TSE BYIN BRLABS KYI MCHOD RTEN SHIN TU LEGS PA ZHIG DGUNG ZHAG GROL 'PHRAL DU BZHENGS, DPAL 'KHOR LO SDOM PA'I SGO NAS RAB GNAS RGYAS PAR MDZAD DO, ,DE NAS RJE BTZUN BLO BZANG CHOS KYI RGYAL MTSAN NYID DE SKABS THUGS GNYER GYI SKABS YIN PA DANG, THUGS NGES 'BYUNG SKYO SHAS SHIN TU CHE BAS RTEN BZHENGS SOGS YO LANGS LA MI DGYES KYANG MKHAS GRUB CHEN PO DE NYID KYI SLOB MA MANG PO DANG SBYIN BDAG MANG PO ZHIG GIS BSKUL NAS CHOS KYI RJE BLO BZANG RGYA MTSO BAS SBYIN BDAG DANG ZHAL BKOD KYI MTHIL MDZAD NAS MKHAS GRUB SANGS RGYAS YE SHES KYI SKU 'DRA BSKAL BA DANG PO'I MI TSAD TZAM GSER ZANGS LAS GRUB PA BLTABS CHOG MI SHES PA ZHIG BSGRUBS TE, LHA BZO BA RNAMS KYANG 'BUL NOR GYIS MNYES PAR MDZAD, 'KHOR LO BDE MCHOG GI SGO NAS RAB TU GNAS PA RGYAS PAR MDZAD DE BYIN RLABS KYI GZI BYIN 'BAR BAR BZHUGS SO, ,DE LTA BU'I DAM PA 'DI LA DBUS GTZANG GI LJONGS 'DIR BU SLOB MANG DU BYUNG BA RGYAS PAR NI BRJOD PAR MI SPOBS MOD, RAGS PA TZAM SMOS NA, GNAS RNYING

, ,NAS RJE RIN PO CHE 'JAM PA'I DBYANGS, JO GDAN MKHAN RIN PO CHE NOR BZANG RGYA MTSO, SHAR RTZE SLOB DPON PA RJE SH'AKYA MCHOG GRUB, CHOS RJE BSAM BLO SHES RAB RGYAL MTSAN, CHOS RJE RGYAL BA'I 'BYUNG GNAS MNGA' RIS DKA' BCU PA BLO BZANG DPAL MGON, MKHAN PO SANGS RGYAS TSUL KHRIMS, MNGA' RIS MKHAN PO BSAM RDOR BA, CHU DBAR RIN CHEN DON YOD RGYA MTSO, DBUS PA CHOS RJE DGE LEGS PA, MTSAN SGROG MKHAN CHEN SDINGS PA NANG SO, ,KONG STON 'JAM DBYANGS RGYAL PO, ZHAL SNGA NAS 'JAM DPAL RDO RJE, CHOS RJE GUNG RU SHES RAB BKRA SHIS ,CHOS RJE CHOS DON PA SOGS BSTAN PA'I RTZA LAG TU GYUR PA'I BSHES GNYEN MTHA' YAS SHING THUGS KYI SRAS MCHOG 'JAM MGON SNYAN RGYUD KYI BDAG PO 'GRAN PA'I ZLA THAMS CAD DANG BRAL BA NI RJE BTZUN BLO BZANG CHOS KYI RGYAL MTSAN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB SANGS RGYAS YE SHES LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR 'JAM MGON SNYAN RGYUD 'DZIN PA'I BSHES GNYEN DAM PA TSUL BZHIN DU BSTEN NAS MDO SNGAGS GNYIS KA'I LAM GYI LUS RDZOGS BA'I MAN NGAG THOB PAR BYAS LA THOG MAR LAM THUN MONG PA LA MYONG BA THON NGES SHIG BYA, DE NAS THUN MONG MIN PA RDO RJE THEG PA'I LAM LA SBYANGS TE NGES PA RNYED PA NA BLA MA LHA'I RNAL 'BYOR LAM GYI SROG TU BYAS TE BSKYED

RDZOGS GNYIS LA MYONG BA THON NGES SHIG BYA'O,, ` ,,DGE LEGS YON TAN MA LUS 'BYUNG BA'I GNAS, ,DRI MED BLO BZANG BSTAN PA'I KHANG BZANG RTZER, ,CHOS KYI RGYAL MTSAN 'DZIN PA'I DPAL YON CAN, ,DPAL LDAN BLA MA'I ZHABS LA GSOL BA 'DEBS, ZHES BSNGAGS PA, PAn CHEN BLO BZANG CHOS KYI RGYAL MTSAN NI, GANGS CAN GRUB MCHOG RGYAL BA DBEN SA PA CHEN PO 'JAM MGON BLA MA'I MDO SNGAGS KYI BSTAN PA SPEL BA'I SLAD DU, SNYIGS MA'I 'GRO BA RNAMS THUGS RJES MA BZOD PA DANG RGYAL BA'I DAM CHOS 'DZIN PA'I SMON LAM RLABS PO CHE'I MTHUS BSAM BZHIN DU BYON PA ZHIG STE, DE YANG BDAG NYID CHEN PO 'DI GANG DU 'KHRUNGS BA'I YUL NI GTZANG RONG GI YUL LTAN ZHES BYA BA RTZI SHING NAGS TSAL RGYAS SHING, 'BRU BCUD LO TOG 'PHEL BA SNGON BYON DAM PA MANG POS BYIN GYIS BRLABS PA SOGS DGE MTSAN KHYAD PAR CAN DANG LDAN BA ZHIG STE, DE LTA BU'I YUL DE'I NANG DRUG BRGYAR, SBA YE SHES DBANG PO DANG, MTSUNGS MED G-YAG SDE PAn CHEN SOGS DAM PA DU MA 'KHRUNGS PA'I RIGS SU YAB NI SHER PHYIN BRGYAD STONG PA RGYUN DU KHA TON MDZAD PA SOGS LUNG DANG RTOGS PA'I YON TAN GYIS RGYUD PHYUG PA DRUNG 'TSO BA KUN DGA' 'OD ZER ZHES BYA BA DANG, YUM NI RANG BZHIN GYIS DRANG ZHING NYON MONGS CHUNG LA SKYE BO KUN LA PHAN SEMS CHE BA SOGS KUN GYIS BSNGAGS 'OS SU BYED PA MTSO RGYAL ZHES BYA BA GNYIS KYI SRAS SU, RAB MYOS ZHES PA LCAGS PHO RTA'I LO NGO MTSAR BA'I LTAS

, ,BSAM GYIS MI KHYAB PA DANG BCAS 'KHRUNGS SO, ,DE'I TSE DKAR PHYOGS KYI LHA RNAMS KYIS DA NI 'GRO BA MGON DANG BCAS SO ZHES DGA' BA'I CA CO'I SGRA SGROG, ME TOG 'THOR ZHING GOS KYIS G-YAB MO BYED, LHA 'GA' ZHIG GIS RGYAL SRAS GZHON NU 'DI LA MNGAL GYI DRI MAS GOS PA DAG PAR BYA BA'I PHYIR KHRUS GSOL, GNOD SBYIN LAG NA RDO RJE 'KHOR BRGYA PHRAG MANG PO DANG BCAS PAS PHYOGS PHYOGS SU 'KHOD NAS BAR CHAD BSRUNG, RGYAL BA SRAS BCAS THAMS CAD KYIS RGYAL SRAS 'DI'I DON GRUB PAR GYUR CIG CES BDEN TSIG GI SMON LAM MDZAD PAR NGES TE, SKU GSUM MNGON DU GYUR PA'I RDO RJE 'DZIN PA CHEN PO ZHING 'DIR GDUL BYA'I DON DU SPRUL PA'I SKU BZUNG BA YIN PAS NA ZHING GANG DANG GANG DU SPRUL PA'I SKU BYON PA DE DANG DE'I TSE SNGAR BSHAD PA'I RTAGS DANG MTSAN MA DE DAG 'BYUNG BAR RGYAL BA'I BKA' LAS GSUNGS SO, ,DE LTA BU'I RGYAL SRAS GZHON NU DE MTHUN PA'I DNGOS PO DAG GIS BSKYED BSRINGS SHING LHA DANG BLA MA'I LUNG BSTAN LTAR MTSAN CHOS RGYAL DPAL LDAN BZANG PO ZHES BTAGS SO, ,RGYAL SRAS GZHON NU DE NI BSKAL PA MANG PO'I SNGON ROL NAS LAM LA SBYANGS PA'I MTHU GRUB PA YIN PAS SKU NA SHIN TU PHRA BA'I GNAS SKABS DER YANG BYIS PA GZHAN DAG GI NGANG TSUL LAS 'DAS TE, THUGS RAB SHIN TU GSAL BAS GZHAN DAG GIS SGROL MA DANG, SHES RAB SNYING PO SOGS NGAG 'DON BYAS PA NA ZHAL NAS GSUNG

PAR MA MDZAD KYANG THUGS LA TSIG 'BRU GO RIM DANG BCAS PA GSAL BAR SHAR, DRUNG 'TSO BA ZHAG RE BZHIN MTSAN BRJOD KHA TON 'CHAG MED MDZAD PA GSAN PAS DGUNG LO GSUM PA'I SKABS MTSAN BRJOD THUGS LA GSAL BA NGAG TU 'ANG GTZANG SENG NGE PA 'DON NUS PA BYUNG, DGUNG LO LNGA LON DUS ZHAG RE BZHIN MTSAN BRJOD TSAR LNGA RE ZHAL TON DU MDZAD, DE DUS DBEN DGON PA DPON SLOB KYIS DBYAR GNAS DRUG BRGYAR MDZAD PAS, DE'I TSE RGYAL SRAS GZHON NU DE PHYI ROL TU THABS CI BYAS KYANG BZHUGS MA 'DOD PAR DBEN DGON TSOGS PA'I NANG DU BYON TE GRAL GONG DER BZHUGS PA ZHIG BYUNG, DE'I RGYUS, RDO RJE 'JIGS BYED KYI CHO GA DANG, MGON PO, CHOS RGYAL, LHA MO, PHYAG BZHI PA, GUR ZHAL RNAMS KYI BSKANG GSO RNAMS TSOGS PA'I ZHOR THEGS PA MKHYEN, DGAG DBYE GROL NAS GRVA PA RNAMS BSOD SNYOMS LA BYON, MKHAS GRUB CHEN PO SANGS RGYAS YE SHES ZLA BA GCIG TZAM DER BZHUGS PA'I JA'I GRAL DU MKHAS GRUB SANGS RGYAS YE SHES KYIS, SRAS CHUNG 'DI DBYAR GNAS KYI RING TSOGS DKYIL RANG DU BZHUGS TSUGS SHING, YI DAM DANG BSKANG GSO RNAMS KYI ZHOR 'DEGS KYANG LEGS PAR YONG 'DUG GSUNGS PAS, DRUNG 'TSO 'CHEN MO NA RE, 'DI SHES RAB DGA' RAB YIN PA 'DRA, BDAG GIS KHA TON BYAS PA'I RNA 'JAGS KYIS NA NING LO GSUM PA'I MJUG TU MTSAN BRJOD SHIN TU BYANG BA BYUNG NAS, KHA SANG SKABS SHIG NYIN RE LA TSAR MANG PO 'DON GYIN 'DUG LAGS, DA LTA SKU ZHABS SU RGYUGS PHUL DANG GSUNG, RGYAL

, ,SRAS GZHON NU DES DE 'PHRAL DU YE SHES YON TAN BZANG PO'I BSTOD PA SNGON DU BTANG, RGYA GAR SKAD NAS, MNGON PAR BSTOD DO'I BAR DANG, MJUG TU SHES BYA MKHA' DBYINGS MA'I SMON LAM DANG BCAS PA DAG CING GSAL BSANG BZHIG BSKYAR BAS MKHAS GRUB SANGS RGYAS YE SHES THUGS SHIN TU DGYES NAS 'DON KHYER DAG CING BYANG BA 'DUG, BTZUN PA ZHIG BYED DGOS PA YIN, BTZUN CHAS LEN MI MIN BLTA'O GSUNGS NAS DBU PAn DE PHUD NAS RGYAL SRAS GZHON NU'I DBU LA G-YOGS NAS BTZUN PA LEN PO YONG BA 'DUG CES GSUNGS TE, DE NI MKHAS GRUB SANGS RGYAS YE SHES KYIS RGYAL SRAS GZHON NU 'DI RGYAL BA DBEN SA PA CHEN PO'I SPRUL SKUR YID CHES NAS MA 'ONGS PA'I RTEN 'BREL BSGRIB PA'I PHYIR DE LTAR MDZAD PA YIN TE, RGYAL BA DBEN SA PA CHEN PO SKU'I BKOD PA BSDU BAR PHYOGS PA'I DRUNG DU, MKHAS GRUB CHEN PO SANGS RGYAS YE SHES NYID KYIS DNGOS SU TSIG GI LAM NAS ZHU BA NI MA SPOBS; YID LA GDUNG BA MI BZAD PA SKYES SHING, SKU'I SKYE BA MYUR DU 'BYON PAR GSOL BA RTZE GCIG TU BTAB BAS MKHAS GRUB SANGS RGYAS YE SHES KYI THUGS LA GANG SHAR RGYAL BA DBEN SA PA CHEN POS THUGS KYIS MKHYEN NAS, DRUNG RAB 'BYAMS PA DE TZAM GYI THUGS NGAL MDZAD MI DGOS, NGED KYANG SPEL BA'I DE RU MYUR DU YONG, ZHES GSUNGS PAS, MKHAS GRUB SANGS RGYAS YE SHES SLAR YANG 'JIGS PA DANG MOS PAS THUGS CHAD CHOD DU SONG BAS RGYU MTSAN ZHU MA THUB,

SLAR LHA KHUD SPEL BA ZER BA 'DIR RE BA BCAS TE BRTAGS KYANG DOGS PA TZAM YANG MA BYUNG, PHYIS DRUG BRGYA BA'I SPE'U MTHON PO DE LA RANG DGONGS SAM SNYAM PA BYUNG ZHING, MNAL LAM DU'ANG RGYAL BA DBEN PA DRUG BRGYAR SPRUL SKU STON PA'I LUNG BSTAN MTSAR BA ZHIG BYUNG, 'ON KYANG DA DUNG GDENGS MA BKAL BAR DE DUS RJE GLANG MIG PA CHOS KYI RGYAL MTSAN PA ZHES BYA BA DE MNGON MKHYEN THOGS MED DU GSUNG BAR BYED PAS KHONG LA DRUG BRGYA'I SRAS PO 'DI RGYAL BA DBEN SA PA CHEN PO'I SPRUL SKU YIN MIN BRTAG PA ZHUS PA NA, DRUG BRGYA'I DE SKYE BA GCIG 'PHAR DGOS BYUNG BA MA GTOGS THE TSOM DGOS PA MI BDOG, MING YANG NGED GNYIS MTSUNGS PA YOD PAS CHOS KYI RGYAL MTSAN ZHES 'DOGS PAR MDZOD GSUNG BAS, MKHAS GRUB SANGS RGYAS YE SHES RANG NYID KYI MTSAN LTAS DANG RGYAL BA DBEN SA PA CHEN PO ZHING GSHEGS KHA'I GSUNG RIS DANG, SRAS CHUNG DE RANG GI MDZAD SPYOD DANG YON TAN MTSUNGS PA MED PA DE DAG GZIGS PAS THUGS YID CHES TE DBEN SA PA CHEN PO'I SPRUL SKUR NGOS BZUNG, PHYIS RAB BYUNG SGRUB PAR MDZAD DUS RJE GLANG MIG PAS GSUNG BA LTAR CHOS KYI RGYAL MTSAN ZHES MTSAN BTAGS DE'I STENG DU BLO BZANG ZHES SBYOR BAR MDZAD DO, ,DE LTAR RGYAL BA DBEN SA PA CHEN PO NYID KYIS LHAN DRUG BRGYAR SPRUL PA'I SKU 'BYON PAR ZHAL GYIS BZHES PA DANG, LHA DANG BLA MA GZHAN GYI LUNG BSTAN DANG ,MKHAS GRUB SANGS RGYAS YE SHES KYIS

, ,MNGON SUM DU RGYAL SRAS 'DI'I MDZAD SPYOD RNAMS GZIGS PAS THUGS GTING NAS YID CHOS SHING, 'PHRAL DU YONGS LA BSGRAGS NA BAR CHAD BYUNG DOGS PAS YAB YUM LA'ANG DE RIGS MA GSUNGS PAR DON GYIS PAn ZHVA DBU LA G-YOGS TE 'JAM MGON SNYAN RGYUD KYI BSTAN PA'I BDAG POR 'GYUR BA'I RTEN 'BREL BSGRIG PAR MDZAD PA'O, ,RGYAL SRAS GZHON NU DE DGUNG LO LNGA PA'I DUS DE NYID DU BDE GSHEGS BDUN GYI CHO GA BZUNG STE DUS BZANG RNAMS SU 'CHAG MED ZHAL 'DON MDZAD, RDOR GCOD ZHIG YANG YANG BKLAG PAR MDZAD PAS, KLOG BYANG BA DANG THUGS SU CHUD PA MNYAM DU BYUNG, DUS DE SKABS MKHAS GRUB SANGS RGYAS YE SHES KYANG STON DUS PHAL CHER DRUG PA RGYAR BZHUGS PAS, TSE DBANG, MGON PO PHYAG DRUG PA'I BKA' RDZOGS PA, RTA MGRIN GYI RIM PA MANG PO'I RJES GNANG, RTA POD KYI LUNG, RIGS GSUM MGON PO, SGROL MA, RNAM RGYAL, RNAM 'JOMS, CHOS SKYONG MANG PO'I RJES GNANG SOGS DBANG LUNG MANG DU ZHU BAR MDZAD, DGE BA'I BSHES GNYEN RIN PO CHE GRANGS CAN PA LA BRGYAD STONG PA SOGS SHER PHYOGS DANG, MDO MANG DANG, 'DUL BA LUNG DANG, RGYUD 'GA' ZHIG SOGS LUNG SHIN TU MANG BA DRUNG 'TSO BA CHEN MO SOGS DANG LHAN CIG ZHU BAR MDZAD, MES PO DRUNG 'TSO BA NYID KYI DRUNG DU PHU BO DRUNG 'TSO BA RTA MGRIN BZANG PO'I RIGS BRGYUD KYI SRUNG MA DRANG SRONG CHEN PO R'A HU LA'I RIGS GTAD, GDAMS PA YONGS RDZOGS KYI LUNG, ZHANG BLON GYI RJES

GNANG, SGRUB SKOR, RGYUD BZHI'I LUNG SOGS SMAN DPYAD KYI SKOR GYI DBANG LUNG RNAMS KYANG ZHOR LA GSAN, DGUNG LO BDUN PA'I DUS SU 'GRAM SO GNYIS GSAR DU SKYES PAS, 'JIG RTEN GYI KHA DNGAGS SU PHAG 'GRAM SKYES NA TSE PHYED SONG, ZER BA GSAN PAS 'DI YANG PHAG 'GRAM YIN 'DUG LA, DE LTAR NA MYUR DU 'CHI BAR 'GYUR BAR GDON MI ZA'O SNYAM DU 'CHI BA RTZOL MED DU DRAN PA NAR MAR BYUNG NGO, ,SBYIN PA NI 'JIG RTEN PHYI MAR NOR BCOL BA LEN PA DANG 'DRA SNYAM DU DGONGS TE RANG NYID KYI KHA ZAS LA BGO BSHA' BYAS SHING BZA' BTUNG SOGS PHYAG TU CI BYUNG SLONG MO BA DANG, KHYI DANG BYA BYE'U SOGS LA SBYIN BAR MDZAD CING, PHYI MA BDE 'GRO'I RTEN BZANG THOB PA TSUL KHRIMS LA RAG LAS PAR DGONGS NAS MI DGE BCU LA SDOM SEMS BSTEN GOMS YANG YANG MDZAD, TSUL 'DI NI RJE BTZUN BLO BZANG CHOS KYI RGYAL MTSAN RANG NYID KYI ZHAL NAS SBYIR NA BYIS PA CHUNG DU'I GNAS SKABS NAS, RAB TU 'BYUNG KHA'I BAR RANG BZHIN GYI KHA NA MA THO BA GZHAN LTA ZHOG, BSAMS BZHIN DU SROG CHAGS GROG SBUR PHRA MO BKUMS PA TZAM YANG DRAN LAM NA MA MCHIS SO, ,ZHES GSUNGS, RGYAL SRAS GZHON NU DE SNGON YUN RING PO NAS 'KHOR BA MTHA' DAG LA ZHEN PA LOG PA ZHIG YIN PAS SKU NA PHRA MO DE DUS NAS GZHAN GYIS BSKUL BA LA MI BLTOS PAR KHYIM DU 'DUG PA LA BTZON RAR BCINGS PA'I 'DU SHES BCOS MA MIN PA 'KHRUNGS NAS KHYIM NA GNAS PA LA NAM YANG DGA' BAR MI MDZAD CING, SPYIR RAB TU BYUNG BA DANG,

, ,KHYAD PAR DBEN DGON PA'I DGE SLONG DAG BYUNG NA LHAG PAR DGYES SHING, RANG DBANG 'DUS NA DE DAG DANG 'GROGS NAS BZHUGS PA LA YUN JI TZAM RING YANG THUGS SKYO BA MI SKYE, NA MNYAM GZHAN DANG DAL BAR RTZE BA'I DUS SU RDUL GZAN SHAM THABS SU BYAS, DRUNG GNAS TSUL KHRIMS PA'I ZHVA SER BSAMS BZHIN BLANGS NAS DBU LA BZHES TE BYIS PA MANG PO'I DBUS SU RES 'GA' CHOS 'CHAD NYAN, RES 'GA' 'GRO GLENG, RES 'GA' GRVA TSANG 'DZUGS PA LTA BU'I RTZED MO 'BA' ZHIG MDZAD PA ZHIG YOD PAR SKU THOG MNYAM PA'I SKYE BO MANG PO'I MNGON SUM DU GYUR PA YIN NO ZHES RJE NYID KYI GSUNG LAS 'BYUNG NGO, DE NAS SNA TSOGS ZHES PA CHU PHO RTA'I LO DGUNG LO BCU GSUM PA'I NGO MTHONG BA'I TSE NYE DU LA SOGS PA'I 'CHING BA MED PAR MA ZAD, DE DAG GIS MTHUN PA'I RKYEN NYE BAR SBYAR TE CHO 'PHRUL ZLA BA'I TSES BCU'I NYIN KHYIM NAS 'THON TE DBEN SA CHOS KYI PHO BRANG DU PHEBS, ZLA BA DE KHA'I TSES BCU GSUM LA RGYAL PHUR 'DZOM PA'I 'GRUB SBYOR THOG, MKHAS GRUB CHEN PO RJE BTZUN SANGS RGYAS YE SHES KYIS MKHAN SLOB ZUNG 'BREL DU MDZAD NAS, GRIB TSOD NYI MA'I BRGYAD CHA SHAR BA LA TSIGS SNGA MA DGE TSUL GYI SDOM PA LEGS PAR BZHES SHING, MTSAN BLO BZANG CHOS KYI RGYAL MTSAN ZHES GSOL, RAB TU BYUNG 'PHRAL MKHAN SLOB TSOGS BA DANG BCAS PA RAB STON GYA NOM PAS MNYES PAR MDZAD DO, ,DE'I TSE MKHAS GRUB SANGS RGYAS YE SHES KYIS DGONG

JA'I THOG TSOGS LA BYIN RLABS NYE BRGYUD KYI BLA MA'I RNAL 'BYOR LAM GYI GNAD TSANG BA SHIN TU ZAB CING RGYAS PA ZHIG GNANG, ZLA BA DE'I GSUM MCHOD DANG BSTUN SMAN THANG PA CHOS KYI RJE DKON MCHOG LHUN GRUB PAS SNGON NAS GSOL BA BTAB PA LTAR DPAL GSANG BA 'DUS PA'I DKYIL 'KHOR DU DBANG BZHI YONGS SU RDZOGS PA ZHU BAR MDZAD, DE'I DPYID DUS MKHAS GRUB SANGS RGYAS YE SHES KYI BKA' LTAR RJE RIN PO CHES MDZAD PA'I BYAMS MGON GYI BSTOD PA TSANGS COD MA DANG, RJE BTZUN 'JAM PA'I DBYANGS KYI BSTOD PA BSTOD SBRIN RGYA MTSO DANG, RNAM RGYAL MA'I BSTOD PA 'CHI MED GRUB PA DANG, RDO RJE RNAM 'JOMS KYI BSTOD PA RNAMS 'DZIN PA LA 'BAD RTZOL MA DGOS BAR LAN RE GZIGS PA TZAM GYIS THUGS SU CHUD DE RGYUN DU ZHAL 'DON MDZAD, BKA' GDAMS LHA BZHI DANG, 'JAM DBYANGS RIGS 'GA' ZHIG DANG, 'JIGS BYED, MGON PO PHYAG DRUG PA RNAMS RGYUN BSNYEN GYI TSUL DU MDZAD, DE'I TSE YI DAM DANG CHOS SKYONG GI GZUNGS MANG TZAM BZLAS RES KYIS MNAL LAM DU DUR KHROD 'JIGS SU RUNG BA DANG, KHRO BO DANG, GCAN GZAN SNA TSOGS PA'I RNAM PA 'BYUNG PA DANG, DNGOS SU YANG YI DAM RDO RJE 'JIGS BYED DANG, MGON PO PHYAG DRUG PA SOGS DAM CAN CHOS SRUNG MANG PO'I ZHAL GZIGS, 'JAM MGON BSTAN PA'I SRUNG MA RNAMS KYIS 'PHRIN LAS RNAM BZHI SGRUB PAR ZHAL GYIS BZHES PA SOGS DAG PA'I GZIGS SNANG DPAG TU MAD BA BYUNG ZHING, RANG DANG GZHAN GYI TSE RABS BRGYA STONG DRAN PA DANG, 'DAS

, ,PA'I DUS DANG MA 'ONGS PAR 'GYUNG 'GYUR MANG PO THUGS LA SHAR, SKAL BA DANG LDAN PA RE GNYIS LA DE BZHIN DU LUNG BSTAN YANG MDZAD, DE NAS MKHAS GRUB SANGS RGYAS YE SHES KYIS DBYAR CHOS LA LAM RIM GYI KHRID TSOGS CHOS SU GSUNGS PA BSGRIMS TE GSAN PAS TSIG DON THAMS CAD THUGS SU CHUD, DBYAR THOG DE LA DBEN DGON DU 'JIGS BYED KYI SGRUB MCHOD THOG MAR TSUGS THOG BDAG NYID CHEN PO 'DIS GTZOS DBEN DGON 'DUS TSOGS LA RDUL TSON GYI DKYIL 'KHOR DU YI DAM GYI DBANG BZHI RGYAS PAR GNANG BAS DBANG DON BRDA 'PHROD CING DMIGS RIM SHIN TU GSAL BA DANG, DBANG BSHAD GSAN STOBS KYIS BLA MED SPYI'I DBANG GI RNAM GZHAG LA 'KHRUL MED KYI NGES PA RNYED DE SNGAGS LAM LA GDENG THOB PA BYUNG STE BSAM GYIS MI KHYAB PA'I RNAM PAR THAR PA'O, ,DE'I STON RJE 'DI PA 'KHOR DANG BCAS PAS MKHAS GRUB SANGS RGYAS YE SHES LA BKA' GDAMS GLEGS BAM CHA LAG DANG BCAS PA, JO BO'I LAM YIG RGYAS BSDUS, SHAR BA'I LAM RIM, RGYAL SRAS BKA' 'BUM, LAM MCHOG RTZA 'GREL RNAMS KYI LUNG YONGS SU RDZOGS PAR GSAN NO, ,DE NAS RJE 'DI PAS DGUN GYI RING RIS MED PA'I DAM PA MANG PO'I RNAM THAR NYIN MTSAN KHOR YUG TU GZIGS PAS PHYOGS MED KYI BSTAN PA DANG DAM PA RNAMS LA CHOS KYI RJES SU 'BRANG BA'I THUGS DAD CHEN PO 'KHRUNGS SHING, BDAG NYID KYANG DAM PA RNAMS KYI RNAM

THAR 'DZIN PA'I DAM BCA' BRTAN PO DANG SPRO SHUGS 'PHEL PAR GYUR CING 'DI NANG GI 'DOD PA LA ZHEN PA SPANGS NAS GZHI TSUL KHRIMS RNAM PAR DAG PA LA GNAS BCAS ,RE SHIG MDO SNGAGS KYI THOS BSAM PHYOGS RE RAM SONG BA ZHIG BYAS DBUS GTZANG GI LJONGS 'DIR PHYOGS RIS SU MA SONG BAR SKYES BU DAM PA RNAMS KYI ZHABS LA GTUGS TE GSUNG GI BDUD RTZI'I BGO SKAL LA SPYAD NAS 'DU 'DZIS DBEN PA'I NAGS KYI SMAN LJONGS RNAMS SU TSE DANG SGRUB PA SNYOMS PA ZHIG CIS KYANG BYED SNYAM DU THUGS LA BCOS MIN DU 'CHAR BA ZHIG BYUNG NGO, ,DE DUS THUGS SKYO SHAS SHIN TU CHE ZHING ,RJE MI LA RAS PA DANG, 'JAM MGON TZONG KHA PA CHEN PO DANG, RGYAL BA DBEN SA PA CHEN PO SOGS SNGON BYON DAM PA'I RNAM THAR SKYONG BAR BZHED NAS ZHAL NAS KYANG DE DANG MTHUN PA'I GSUNG RIGS MDZAD PAS DBEN DGON PA'I DGE 'DUN RNAMS RIM GYIS BCOS MIN GYI DAD PA RNYED CING, RGYAL BA DBEN SA PA CHEN PO'I SPRUL SKUR YID CHES RNYED DE MKHAS GRUB SANGS RGYAS YE SHES LA DE LUGS BYAS CHOG PA DGOS ZHES ZHUS PA NA, MKHAS GRUB SANGS RGYAS YE SHES KYIS KYANG DA NI DUS LA BAB BO SNYAM DU DGONGS NAS DE LTAR MDZAD PAR ZHAL GYIS BZHES TE DGUNG LO BCU BZHI PA NYI MA ZHES PA CHU MO LUG GI LO ZLA BA GNYIS PA'I TSES GSUM GYI NYIN BSLAB GSUM LDAN PA'I DGE SLONG RI KHROD PA 'DUS PA'I TSOGS KYI DBUS SU MI 'JIGS SENG GE'I KHRI LA BKOD DE MKHAS

, ,GRUB CHEN PO SANGS RGYAS YE SHES KYIS SHIS PA RGYAS PAR BRJOD CING ME TOG GTOR NAS BYIN GYIS BRLABS, DE'I TSE NAM MKHA' SHIN TU DRANGS PA LA ME TOG KHA DOG SNA LNGA PA'I CHAR BABS PA SKYE BO KUN KYIS MTHONG BA BYUNG NGO, ,ZLA BA DE'I TSES BRGYAD LA MKHAS GRUB CHEN PO SANGS RGYAS YE SHES LA DBYANGS CAN MA DKAR MO'I RJES GNANG ZHUS TE TSES BCU NAS DBYANGS CAN MA'I BSNYEN PA ZHAG BDUN MDZAD PAS RGYAL BA KUN GYI YUM GCIG SGRA DBYANGS LHA MOR GRAGS PA DBYANGS CAN MA DKAR MO ZHAL GZIGS, KHYAD PAR DBYANGS CAN MA DE'I THUGS KA NAS LHA MO DBYANGS CAN MA SNGON MO PHYAG GNYIS RIN PO CHE'I YOL GO DNGOS GRUB GZUGS CAN LTA BU'I SHING THOG GSAR BAS BKANG BA 'DZIN PA ZHIG 'THON TE SNOD BCUD DANG BCAS PA GTZO MO LA PHUL BA, GTZO MO'I PHYAG G-YAS SU BZHES PA'I SHING THOG GI 'BRU GCIG LAS TSANGS PA'I SRAS MO DMAR MO GCIG THON BYUNG BA DES GTZO MO'I PHYAG NAS SHING THOG SNOD DANG BCAS PA BLANGS TE RJE 'DI LA PHUL BYUNG BA LONGS SPYOD BAS BLO GROS NAM MKHA' MDZOD KYI SGO THOG MAR BYE BA'I TSUL BSTAN, SKU TSE 'DIR DE GONG DU SNYAN NGAG SOGS THA SNYAD KYI GTZUG LAG LA THUGS SBYONGS MA MDZAD NA'ANG ,DE DUS DBYANGS CAN MA JI LTAR GZIGS PA LTAR, THUN MTSAMS SU LHA MO DBYANGS CAN MA'I BSTOD PA ZHIG RTZOM 'DOD 'KHRUNGS PA NA, DE MA THAG TSIG SBYOR RNAMS WAL GYIS SHAR NAS THOGS MED DU RTZOM PA 'DI LTAR MDZAD DE, NA MO SVA RA SVA STE Y'A, SGRA DBYANGS LHA MO DBYANGS CAN MA LA BSTOD PA

LHA'I GLU DBYANGS ZHES BYA BA, BCOM LDAN 'DAS NGAG GI DBANG PHYUG LA PHYAG 'TSAL LO, ,DBANG SNGON ZHU BA 'KHYIL 'DRA'I YID BZHIN MTSO, ,DAL GYIS RLABS PHRANG DBU BA'I 'DZUM DKAR CAN, ,CHU SKYES BLA BRES BRGYAN PA'I CHU GTER DOGS, ,RTZA SHA GZHON NU'I KHA DOG LTAR BKRA BA'I, ,YID 'PHROG BEE d'UR SNGON PO'I NE'U GSING STENG, ,ZLA BA NOR BU'I DO SHAL BKRAMS PA NI, ,'CHI MED LAM DU SKAR TSOGS GSAL BA BZHIN, ,MARGA TA YI KHU BA BYUGS 'DRA BA, ,YID 'ONG RKANG 'THUNG MDZES PA'I LAG MNYEN NI, ,DANG BA'I BSER BU'I PHO NYAS BSKUL BA NI, ,CHAGS LDAN YID DBANG 'GUGS PA'I G-YAB MO BZHIN, ,GSAR PA'I LANG TSO RGYAS PA'I PADMO RNAMS, ,LDEM LDEM GAR BSGYUR GE SAR ZE'U 'BRU DGOD, ,ME TOG SBRANG RTZIS PHYUG PA'I LDING KHANG DU, ,BUNG BA GZHON NU MGRIN PA'I RGYUD MANG BSGRENG, ,NE'U TZO'I GSHOG PA LTAR MDZES NAGS TSAL GYI, PHUN TSOGS GZHAL MED KUN DGA' BSKYED PA'I DBUS, ,PAD DKAR LAN TSAR G-YO BA'I LTE BAR NI, ,BDUD RTZI'I 'OD CAN GZI BYIN RGYAS PA'I STENG, , 'BUM PHRAG NAM MKHA'I NOR BU'I 'OD STONG GIS, ,RAB MYOS KII LA SHA YI RDUL BRTZEGS LA, ,'KHU LDAN DUNG GI 'KHRIL SHING MDZES MA 'DI, ,LTA BYED BDUD RTZI MA LUS SPUNGS PA BZHIN, ,BSIL 'OD BDAG PO PHYED PAS THOR TSUGS DANG, ,THOR TSUGS NAM MKHAR BSGRENG BAS ME TOG PHRENG, ,SPEL LEGS ME TOG PHRENG BAS SIL MA'I SKRA, ,KUN KYANG GDUGS DKAR YAN LAG MCHOG GIS MDZES, ,DPAL LDAN NAM MKHA'I LUS CAN KHYOD NYID KYI, ,'DREN BYED YON

, ,POR 'KHYOG PA'I SGRO LDAN NI, ,PANYTZA RDZOGS PA CI SMOS GCIG GIS KYANG, ,DPAL RKANG YID KYI BRTAN PA RDO RJE'I GO ,LAN BRGYAR 'BIGS NA DE LAS GZHAN PA'I CI, ,MCHU SGROS BYU RU'I SKYED TSAL NYAMS DGA' BAR; ;CHU SHEL GSAR BA'I SPU LONG PHANG PHUNG LA, ,'GONGS PA'I TSEMS DKAR PHRENG BA TSAR DU DNGAR, ,SNYAN TSIG GRE 'GYUR GDANGS KYIS SGRA 'DZIN GYI, ,DBANG PO RNAM PAR BZHAD PA'I BCUD LEN 'DIS, ,DRI ZA'I NA CHUNG MKHAR NYAL GNAS 'BROS SHING, ,GSER MNGAL SKYENGS NAS BSAM GTAN ZOL LA BRTEN, ,RIN CHEN SOR GDUB MDZES MAS DAM 'KHYUD PA'I, ,PHYAG ZUNG 'JAM MNYEN KA MA LA YI STENG, ,'PHANG 'GRO'I RNGA GSANG DBYAR SKYES DBYANGS BZHIN SGROG ,MKHRANG ZHING RAB RGYAS NU MA'I KHUR 'CHANG BA, ,SMIN LEGS NA CHUNG GTZUG RGYAN KHYOD KYIS NI, ,LUS CAN CHAGS PA'I BSAM GTAN LA 'GOD NA, ,'DI LAS GZHAN PA'I YID SRUBS MDA' DE GANG, ,RING NAS CHAGS DANG BRAL BA'I DRANG SRONG YANG, ,YA MTSAN KHYOD SKU'I DPAL 'DIR YID 'KHYOR BAS, ,MANDHA R'A YI DBU BA BRTZEGS 'DRA BA'I, ,MU TIG PHRENG TSOGS 'CHA' BAS DGOD PA BZHIN, ,DBANG SNGON 'DAB BRGYA BZHAD PA LA 'GRAN PA'I, ,SRAB 'JAM LHA RDZAS STOD G-YOGS RNAM PAR G-YO, ,PADMA R'A GA'I MDANGS KYI MA JES SDUG KYANG, ,PAM BYED SMAD G-YOGS SHAM THABS DRA BAS DKRIS, ,YID 'OD RNAM 'GYUR STONG GI RNAM ROL CAN, ,'PHO

'GYUR SPANGS PA'I BRGYAD ZUNG LANG TSO'I DBYINGS, ,MNGON DGYES DUS GSUM RGYAL BA'I YUM DE LA, ,GTZUG SKYES 'DZIN MAR BKOD PA'I PHYAG BGYID DO, ,SNYING LA KHYOD SKU'I SNANG BA DRAN TZAM GYIS, ,RAB 'BYAMS SHES BYA'I TSIGS RNAMS MA LUS PA, ,JI BZHIN RTOGS PA'I RNAM DPYOD 'OD STONG GIS, ,'GRO BA'I RMONGS MUN MA LUS SEL BAR SHOG ,BSHAD PAS BLO GSAL RNA BA MDZES BYED CING, ,RTZOD PAS LOG SMRA MA LUS KLAD PA 'GEMS, ,RTZOM PAS MKHAS RNAMS MGRIN PA'I RGYAN 'CHANG PA'I, ,DBYANGS CAN LHA MOS BKRA SHIS DENG 'DIR STZOL, ,CES PA 'DI, BTZUN PA BLO BZANG CHOS KYI RGYAL MTSAN GYIS NA TSOD LO BCU BZHI PA'I DUS SU SBYAR BA'O, ,ZHES PA 'DI PHYAG KHRIS SU MDZAD DO, BSTOD PA 'DI NI DBYANGS CAN MA'I SKU JI LTAR GZIGS PA LTAR DU BSTOD PA MDZAD PA YIN BAS 'DI LA DBYANGS CAN MA'I BSTOD PA GZIGS SNANG MA ZHES RJE BTZUN BLO BZANG CHOS KYI RGYAL MTSAN GYI THUGS SRAS GRUB CHEN RNAMS MTHUN PAR GSUNG NGO, ,DE NAS MKHAS GRUB SANGS RGYAS YE SHES KYI BKA' BZHIN LAM RIM CHUNG BA BZUNG NAS ZHAG BCU SKOR SONG BA'I MTSAMS LAM RIM CHE BA LA GZIGS PAS THUGS SHIN TU 'GRO BA ZHIG BYUNG STE 'DZIN PAR RTZOM PA NA BDAG CAG GI STON PA THUB PA'I DBANG PO SKU GSER GYI LHUN PO LA NYI MA 'BUM GYI MDANGS BYUGS PA LTA BU SKU CHE ZHING 'OD ZER PHYOGS KUN TU 'PHRO BA ZHIG ZHAL GZIGS TE, DE LA BSKOR BA LAN MANG DU BYAS TE GSOL BA BTAB PAS BYIN

, ,GYIS BRLABS TE LAM RIM CHEN MO YONGS SU RDZOGS PA THOGS PA MED PAR ZIN TE MKHAS GRUB SANGS RGYAS YE SHES LA RGYUGS PHUL, DE NAS DGUNG LO BCU DRUG LON PA'I DUS SU MGON PO ZHI BA LHA'I RTOGS BRJOD PADMA DKAR PO'I PHRENG BA ZHES PA SNYAN NGAG GI TSIG RGYAN PHUN SUM TSOGS BA ZHIG RTZOM PA MDZAD PAS SKYE BO BLO'I NOR LDAN RNAMS DGA' BA BSKYED PAR GYUR, RAB TU BYUNG NAS KHAS BLANGS PA'I TSUL KHRIMS MIG 'BRAS LTAR GCES PAR BSRUNG 'DOD KYIS THAMS CAD MKHYEN PA DGE 'DUN GRUB KYIS MDZAD PA'I 'DUL BA'I GLENG 'BUM CHEN MO YANG YANG GZIGS PAS TSIG DON THAMS CAD THUGS SU CHUD PA BYUNG ,TSUL 'DI LA NI RJE BLO BZANG CHOS KYI RGYAL MTSAN NYID KYI ZHAL NAS, DE DUS DKOR GYIS CHER MA SBAGS SHING NA TSOD GSAR PA RTZA KHAMS SHES PA SOGS KYANG GSAL BAS YIN PA 'DRA, GLEGS BAM BDAG NYID KYIS BLTAS PA DANG, ,CHOS BLA MAS GSUNGS PA SOGS LAN RE LAN GNYIS TZAM GYIS DON BLO LA 'CHAR BA BYUNG GSUNG NGO, ,MDOR NA DGUNG LO BCU BZHI NAS BCO BRGYAD KYI BAR MKHAS GRUB CHEN PO SANGS RGYAS YE SHES KYI ZHAL SNGA NAS GDUL BYA'I BSOD NAMS KYI ZHING DU PHYOGS SU GSHEGS PA'I SKABS MA GTOGS RGYUN DU ZHABS DRUNG DU BZHUGS NAS BU STON THAMS CAD MKHYEN PA'I GSUNG RAB 'GANGS CHE BA 'GA' ZHIG GI LUNG DANG, BLO SBYONG GI RIM PA MANG PO'I LUNG DANG, DPE CHOS RIN SPUNGS

RTZA 'GREL, BE'U BUM SNGON PO RTZA 'GREL SOGS KYI LUNG GSAN, GZHAN YANG LAM RIM CHE BA DANG 'DUS PA'I 'GREL PA BZHI SBRAGS SU GRAGS PA SOGS CUNG ZAD MA GTOGS, RJE BDAG NYID CHEN PO, SRAS KYI THU BO RNAM GSUM, RJE DGE 'DUN GRUB, BA SO CHOS RJE SOGS KYI GSUNG RAB YONGS SU GRAGS PA PHAL CHER GYI LUNG RNAMS GSAN, LAM RIM DANG BSKYED RDZOGS KYI KHRID GANG GSAN PA RNAMS LA NYAMS BZHES KYANG GDENG THOB PAR MDZAD, STON GYI DUS 'GOL BA'I SKABS SNAR THANG BRGYA RTZA'I RJES GNANG, JO BO LUGS KYI SGROL MA NYER GCIG GI RJES GNANG, BKA' GDAMS LHA BZHI'I RJES GNANG, BE'U BUM SO SO'I LUNG DANG BCAS PA, RDO RJE 'PHRENG BA DANG, MI TRA BRGYA RTZA'I DBANG LUNG YONGS RDZOGS GSAN, DBANG RJES GNANG GSAN PA'I LHA RNAMS LA BSNYEN PA 'GRO GANG CHE YANG MDZAD DO, ,DE NAS STON RJE RIN PO CHE'I RNAM THAR LTAR THOG MAR SHING RTA CHEN PO'I GZHUNG RNAMS LA BSLAB SBYONG GTING PHYIN PA ZHIG MDZAD PAR BZHED NAS THUGS LA 'DI LTAR 'KHRUNGS TE, DA NI DBANG LUNG GDAMS NGAG PHAL CHER YANG ZHUS ZIN, MDO SNGAGS KYI LAM GYI RIM PA RNAMS LA YANG GO BA RAGS PA TZAM CHAGS, LHAG PA'I LHA MANG PO'I BSNYEN SGRUB SOGS KYANG DGA' RAB BYUNG, DA NI BKRA SHIS LHUN POR PHYIN NAS SHING RTA CHEN PO'I GZHUNG YONGS RDZOGS LA BSLAB SBYONG MTHAR PHYIN PA ZHIG MYUR BAR BYA'O SNYAM DU DGONGS NAS MKHAS GRUB SANGS RGYAS YE SHES LA DE BZHIN ZHUS PA NA, SNGAR DANG GTAN MI 'DRA BA'I DGYES

, ,BA'I 'DZUM DANG BCAS TE, DA NI BKRA SHIS LHUN POR SLOB GNYER GYI RTZIS CIS KYANG LEGS ZHES BKA' STZAL TE LO DE KHA'I ZLA BA BCU GCIG PA'I YAR NGO'I TSES GSUM LA CHOS GRVA CHEN PO BKRA SHIS LHUN POR PHEBS, DE NUB MNAL LAM DU BUD MED GZHON NU MA PHO CHAS SU BYAS PA CIG NA RE, 'DI SNGAR KHYOD RANG GIS BZUNG BA'I NYI MA'I DKYIL 'KHOR YIN NO ZER SER KHOB PA 'OD ZER CHER MED PA MAndAL GYI DBYIBS CAN ZHIG PHYAG TU PHUL BYUNG BA LA, NYI MA YIN NA 'OD CHEN PO YONG DGOS RGYU LA GSUNGS PAS, DE NA RE, 'OD ZER RNAMS PHYIS NAS GSAL BAR 'GYUR RO, ,ZER BA ZHIG RMIS, DE YANG SLOB GNYER GSHA' MA ZHIG BYED NA SNYING THAG PA NAS CHOS GRVA RIGS LUNG DUS LAM MA YOL BA 'GRIM PA SOGS DKA' BA MA SPYAD NA DAM PA'I SKYE BO MKHAS PA RNAMS DGYES PA BSKYED MI NUS PA'I NYER PAR GZIGS NAS, 'KHRUNGS YUL DANG BSTUN THOS BSAM GLING GI CHOS GRVA 'GRIM PAR MDZAD, DE DUS 'KHOR YANG DGE BSHES DPAL 'BYOR BYA BA GCIG LAS MED CING, GRVA RKYANG SNYOMS CHUNG RANG LA THUGS GZHOL PAS DE KHA'I BRTUL ZHUGS 'DZIN PA YIN YANG BKRA SHIS LHUN PO'I BLA MA SLOB DPON THAMS CAD KYIS PHYAG DANG BSNYEN BKUR MTHONG GZOS CHER MDZAD CING, KHYAD PAR KHRI THOG NA PAn CHAN BSAM 'GRUB DPAL BZANG BZHUGS PA MJAL, DE RJES KHONG LA GRVA BA ZHIG GIS DE RING RJE DRUNG DBEN SA PA DANG

MJAL 'DZOM MDZAD 'DUG PA ZHES ZHUS PAS, SHIN TU MJAL, NGED GNYIS PHYAG 'TSAL RES NI MA BYUNG GSUNGS, CI YIN ZHUS PAS, KHONG NI THAMS CAD MKHYEN BA DGE 'DUN GRUB LA PHYAG 'TSAL GYIN 'DUG ,NGAS NI RGYAL BA BLO BZANG DON GRUB LA BTZAL, NGED GNYIS PHYAG 'TSAL RES MA BYUNG ZHES ZHAL KYAL YANG GSUNGS ZHES ZER, DE'I TSE GZIM KHANG DANG CHOS KHRIMS PA SOGS MANG POS MKHAN SLOB THAMS CAD KYIS PHYAG SOGS MDZAD NAS, TSOGS CHEN DU YANG KHRI STAN MTHO BA ZHIG CIS KYANG BZHES DGOS ZHES YANG YANG NAN GYIS ZHU BA BYUNG YANG, DGAG BYA CHE ZHING DGOS PA CHUNG BA DANG, RJE BLA MA'I DGONGS PAR YANG SNYOMS CHUNG GIS CHOS GRVA GSHA' MA 'GRIM PA ZHIG LA DGYES PAS DANG DU MA BZHES PA NA, 'O NA BTZUN CHUNG RNAMS DANG LHAN CIG GRAL 'DZIN GYI DKA' BA MI DGOS SHING, NYES PA GZHAN GANG YANG MED PAS DRE'U RDOG GIS KHYAD PAR DU BYAS PA'I GRAL KHUNGS SHIG CIS KYANG 'DZIN DGOS ZHES PAn CHEN RIN PO CHES NAN GYIS ZHU BAR MDZAD PAS, RJE 'DI THUGS BZHED PA BZHIN MA BYUNG YANG PAn CHEN RIN PO CHE'I BKA' LCID CHES BAS DANG DU BZHES, DE NAS THOS BSAM GLING GI SLOB DPON RIN PO CHE DPAL 'BYOR RGYA MTSO'I DRUNG DU SBYOR BA RTZI BA'I 'GO 'DZIN PAR BYON PA'I TSE RTEN 'BREL KHYAD PAR CAN MANG DU BYUNG ZHING, KHYAD PAR GZIM SKYIL GYI SGO DRUNG DU RNAL 'BYOR MA'I RNAM PA ZHIG GIS LO MA KA P'A LA GANG KHYER BYUNG BA, RJE 'DI PAS MA RGYUD PA'I BSLAB BYA G-YON SKOR DANG PHYAG MDZAD PAR MOS PAS,

, ,DES 'DZUM PA DANG BCAS SNOD BCU DE RJE 'DI'I SKU MDUN DU BTEG BYUNG BA DE LA MCHOD YAR ZHIG MDZAD NAS YAR CUNG ZAD CIG PHEBS TE, RNAL 'BYOR MA DE CI 'DRA ZHIG YIN SNYAM DU PHYI MIG CIG GZIGS PAS MI SNANG BAR GYUR 'DUG GSUNG, DE NAS SBYOR BA RTZI BA SOGS SPYI DANG MTHUN PAR MDZAD PAS SNGON YUN RING PO NAS SBYANGS PA'I MTHU CAN YIN PAR MA ZAD, MKHAS GRUB SANGS RGYAS YE SHES KYI ZHABS DRUNG DU MDO SNGAGS KYI LAM GYI DKA' GNAS THAMS CAD GSAN TE THUGS NYAMS SU BZHES PAR MDZAD PAS, DUS 'DIR CHOS GRVAR PHEBS TZAM NYID NAS LAM DANG LAM MIN 'BYED PA LA BLO GROS THOGS PA MED PAR GYUR KYANG ZLA BA GCIG TZAM ZHIG BUM NANG GI MAR ME'I TSUL DU BZHUGS, DBYAR GNAS LA DBEN DGON DU PHEBS, DE'I TSE MKHAS GRUB SANGS RGYAS YE SHES KYIS BDAG NYID CHEN PO 'DIS GTZOS DBEN DGON TSOGS PA LA SPYAN SNGA CHOS DRUG GI BSHAD LUNG DANG; CHOS RJE 'BA' RA BA'I GSUNG 'BUM GYI LUNG SOGS DANG, BDAG NYID CHEN PO 'DI LA SGER DU RGYAL BA TZONG KHA PA'I SNYAN RGYUD THUN MONG MIN PA KHRID CHEN BRGYAD DU GRAGS PA DANG, DPANG RJES GNANG SNGAR MA GSAN PA MANG DU GNANG, STON DUS RJE BTZUN MI LA'I RNAM MGUR GYI LUNG SOGS GSAN ZHING, DBEN PA LA THUGS SPRO BAS, NA MO GU RU MANYDZU GHO sh'A YA, GANG LA BRTEN NA BSLU BA MED PA'I SKYABS, ,BU RAM SHING PA'I ZHABS

SEN ZLA TSES DKAR, BDAG SNYING KUN DA'I ZE'U 'BRUR RTAG GZIMS PA'I, ,MDZES SDUG NAM YANG NYAMS PA MED GYUR CIG ,LHAR BCAS 'DREN PA STON PA SANGS RGYAS KYANG, ,DENG DUS THOS PA'I LAM DU GSHEGS GYUR NA, ,MTHON PO'I NOR 'DZIN LAS 'ONGS 'BAB CHU LTAR, ,G-YO BA'I 'JIG RTEN RTAG PA'I GO SKABS CI, ,DPAG MED TSE GNAS SNGON GYI MI RNAMS KYANG, ,DENG SANG MING GI LHAG MA TZAM ZHIG NA, ,SKAL NGAN SNYIGS DUS SKYE BO 'DI DAG GI ,TSE NI BAR SNANG GLOG DANG CIS MI MTSUNGS, ,SKYE RGA NA 'CHI'I DGRA TSOGS KUN BCOMS SHING, ,NYON MONGS G-YUL LAS RGYAL BA'I MKHAS PA'I TSOGS, ,KUN KYANG DUS KYIS RIM PAS BYON ZIN NA, ,BDAG LTA MYUR DU MI 'CHI'I NGES PA GANG, ,TSE NI BSER BUS BSKYOD PA'I AUTPAL GYI, ,'DAB RTZER 'BRENG BA'I CHU THIGS LTAR MTHONG ZHING, ,SRID PA'I PHUN TSOGS GDUG PA'I SBRUL GYI LCE, ,G-YO BA'I ZLOS GAR 'DI LA DGA' BA CI, ,'KHOR BA'I BDE 'BYOR KUN GYI RTZER SON PA, ,TSANGS DANG DBANG PO 'KHOR LOS BSGYUR RGYAL YANG, ,DBANG MED 'JIGS RUNG MNAR MED MES SREG NA, ,MKHAS PA SU ZHIG 'DOD LA CHAGS PAR BYED, ,'JIG RTEN PHUN TSOGS STOBS KYI MYOS CHU YIS, ,MNGON PAR MYOS PA'I DREGS LDAN 'DI DAG KYANG, ,RING POR MI THOGS RGYA MTSO 'KHRUGS PA'I NANG, ,GRUNG NA JI BZHIN 'GYUR BA'I CHOS CAN NYID, ,MDOR NA MTHON PO'I MTHA' RGUD BSAGS, PA MDZAD, ,'DUS PA 'BRAL ZHING SKYES PA KUN 'CHI ZHES, ,BSLU MED BDEN PA GSUNG BAS GANG GSUNGS PA, ,DE DE BZHIN DU 'JIG RTEN 'DI NA SNANG, ,RGYAL BA'I ZHAL GYI NYIN BYED LAS 'ONGS PA'I, ,'OD ZER GANG GIS YID LA MA REG PA, ,

, ,MI KHOM BRGYAD KYI MUN PA'I GLING CHUD NA, ,DE TSE DGE LEGS GO SKABS GA LA YOD, ,SNA TSOGS 'GRO BA'I MTHO DMAN 'GYUR LDOG DANG, ,SDANG DANG PHRAD DANG GNYEN DANG BRAL BA DANG, ,SKYE RGA NA 'CHI'I SNANG TSUL MTHONG NAS NI, ,BDAG KYANG DE DANG 'DRA BAR CIS MI LTA, ,DBYAR DUS MKHA' LA SHAR BA'I 'JA' TSON DANG, ,CHU 'DZIN LANG LING G-YO BA'I 'DU 'GOD LTAR, ,LANG TSO'I RANG BZHIN 'JIG PA'I NGANG TSUL CAN, ,'DI LA BLO LDAN SU ZHIG YID RAB RTON, ,GSER GYI RI LAS G-YU YI KHRON 'BAB CING, ,MI RNAMS BDAG GI BSHES SU SONG YANG CI, ,'BRAL MED NOR DU 'PHAGS PA'I NOR BDUN DANG, ,GTAN GYI GROGS POR BLA MED BYANG CHUB BZANG, ,DE PHYIR 'DI NANG CHOS BRGYAD SPROS PA'I RGYA, ,SHES RAB RAL GRI RNON POS DRAL BYAS TE, THUB PAS BSNGAGS PA DBEN PA'I NAGS TSAL DER, ,SEMS KHYOD ZHI BA'I BDUD RTZI CIS MI LEN, ,SPANGS LJONGS 'JA' TSON BKRA BA'I LDING KHANG DU, , ZLA BA NOR BU'I RDO LEB GCAL DU BKRAM, ,G-YUR GYIS DUD PA'I 'DAB MA'I GRIB BSIL LA, ,NYIN MO SPYOD PA'I RNAL 'BYOR SKYONG BAR SPRO, ,DE BZHIN ZLA BA'I SGRON ME 'OD 'BAR ZHING, ,RGYU SKAR DO SHAL RGOD PA'I MTSAN DUS SU, ,G-YENG MED RNAL 'BYOR BRTZON PA'I DGA' BDE 'DI'I, ,DPE YANG SRID PA GSUM NA GAL YOD, ,PADMO'I DRA BAS KHEBS PA'I NYAL 'GRO'I RGYUN, ,YONGS MDZES CHU BYA'I TSOGS RNAMS SNYAN SGROG CING, ,RMA BYA GZHON NU DGA' PA'I GAR BYED PA'I,

GNAS DER DAL 'BYOR DON LDAN BYAS NA SNYAM, ,ME TOG 'BRAS BUS GANG BA'I LJON SHING GI ,SPU LONG MNGON PAR RGYAS PA'I SA 'DZIN KHROD, ,SNGO LJANG LO MA'I SPYIL CHUNG NYAMS DGA' BAR, ,TING 'DZIN DGA' BDE'I DPAL LA SPYOD PAR SPRO; ;GANG DU ZA ZIR G-YENG BA KUN BOR NAS, ,RI SKYIBS NOR BU'I PHUG YANGS NYAMS DGA' BAR, ,'PHAGS PA'I RIGS BZHI LA GNAS DGA' BDE GANG, ,DE 'DRA RGYAL PO RNAMS LA'ANG YOD RE SKAN, ,'CHI MED SKYED TSAL 'DRA PA'I SMAN LJONGS SU, ,MI DGE'I SPYOD TSUL PHRA MO'ANG RGYANG BSRINGS TE, ,SGO GSUM DAM PA'I LAM BZANG SKYON MED PAR, ,MA BCOS LHUG PAR 'JOG LA SNYING NAS SPRO, ,DER NI THUB GZHUNG BDUD RTZI'I BCUD LEN GYIS, ,NYON MONGS YID KYI RNAG KHRAG KUN SBYANGS TE, ,TING 'DZIN SGO BRGYAD PHYE NAS YON TAN GYI, ,NGO MTSAR BGRANG YAS LTAD MO BLTA BAR SMON, ,DE SKAD SMRA BA DBEN PA'I NAGS TSAL LA, ,MNGON PAR SPRO BA'I DGE SBYONG GYI NA PA, ,BLO BZANG CHOS KYI RGYAL MTSAN ZHES BYA BAS, ,SMON PA JI BZHIN TSIG GI LAM DU SPEL, ,ZHES SOGS GSUNG MGUR MANG PO MDZAD, ,DE NAS DGUN CHOS DANG PO LA BKRA SHIS LHUN POR PHEBS TE RIGS CHEN LA BSGRIGS CHOS GRVA DANG RIGS LUNG CHEN MO'I GRVA THAMS CAD DU BGRO GLENG LA THUGS BRTZON SHIN TU CHE BAR MDZAD DE PHYAG MTHIL LA SGAL PA CHAGS SHING, PHYAG SEN GYI MTSAMS RNAMS AUTPAL LTAR GAS PA BYUNG NGO, ,DE NAS 'GAL BA ZHES PA SA MO GLANG GI LO'I SA GA ZLA BA'I

, ,DUS CHEN GYI THOG DBEN DGON DU PHEBS TE MKHAS GRUB SANGS RGYAS YE SHES KYIS RDUL MTSON GYI DKYIL 'KHOR DU BDE MCHOG GI DBANG GNANG BA GSAN, DE 'PHRAL DU BKRA SHIS LHUN POR PHEBS, DE DUS PHYOGS THAMS CAD 'BRUM NAD KYIS KHYAB NAS RJE 'DI LA'ANG 'BRUM BU'I BSNYUN GZHIS BTAB KYANG RIGS LUNG 'CHAG MED MDZAD, RJE 'DI 'BRUM BUS BSNYUN PA MKHAS GRUB SANGS RGYAS YE SHES KYIS GSAN 'PHRAL BKRA SHIS LHUN POR PHEBS, ZHAG GSUM BZHUGS NAS BYIN RLABS MDZAD DE 'PHRAL DANG YUN DU DGE PA'I BKA' THA MA STZAL NAS TSES GSUM LA DBEN DGON DU PHEBS, DE'I NYIN PAR GSOL JA BZHES 'DOD NAS ZHABS 'BRING RNAMS MI 'DOD CING 'JIGS BZHIN DU GSOL JA BZHES SHING ZHAL GZON GLOD PAS, MDOR NA NYER BDUN BRGYAD GNYIS SKU NGAL BA TZAM MA GTOGS BSNYUN GZHI'I RIGS CI YANG MED PAR ZHAG LNGA LA 'BRUM BU'I BSNYUN GZHI SANGS KYIS DVANGS PA ZHIG BYUNG ,DE YANG ZHABS 'BRING BA DGE BSHES MNGON SUM DU YOD PA MA GTOGS, SNYUN GZHI YUN THUNG BA DANG 'BRUM RJES MED PA LA DPAGS TE GZHAN DAG NI BDEN NAM BRTZUN ZHES THE TSOM GYI DPYAD THAG 'DZIN PA'ANG BYUNG ZHES GRAGS GO ,DE DUS MKHAS GRUB SANGS RGYAS YE SHES KYIS RJE 'DI PA LA BYIN RLABS GNANG ZHING SNYAN RGYUD KYI BSTAN PA'I BDAG POR BYIN GYIS BRLABS PA'I TSUL SOGS NI MKHAS GRUB SANGS RGYAS YE SHES KYI RNAM

THAR DU BRJOD ZIN PA LTAR RO, ,DE NAS THOS BSAM GLING ZHAL SNGA NAS SLOB DPON RIN PO CHES TSAD MA RNAM 'GREL GYI SPYI BSKYUR MDZAD DGOS TSUL NAN CHAGS PA LTAR ZHAL GYIS BZHES TE MKHAS MANG 'DUS PA RGYA MTSO'I DBUS SU TSAD MA RNAM 'GREL LA DAM BCA' BZHAG STE DRI MED RIGS PA'I SGRA DBYANGS SGROG PA LA DPAL LDAN CHOS KYI GRAGS PA SLAR YANG 'ONGS PA JI LTA BA BZHIN DU GYUR TE MKHAS PA MTHA' DAG GI YID 'PHROG PAR MDZAD DO, ,'BRUM BU'I BSNYUN GZHI DVANGS PA'I MJUG NAS SKU MTSAMS RGYUN BSKYANGS TE 'JAM DKAR DANG, 'JIGS BYED KYI BSNYEN PA SPREL NAS ZLA BA GCIG LHAG TZAM SKU MTSAMS MDZAD, DE SKABS MNAL LTAS NGO MTSAR BA DU MA BYUNG YANG PHYAG BRIS SU MA MDZAD, DE SKABS 'JA' TSON SNA LNGA'I GUR KHYIM GYI DBUS SU ZLA BA'I DKYIL 'KHOR GYI STENG DU AA DKAR PO'I MTHAR AA MA RA DZA'I YI GE SHEL LTAR DVANGS PAS BSKOR BA ,DE LAS 'OD ZER 'PHROS PAS RANG GZHAN SNOD BCUD THAMS CAD 'OD GSAL BAR BYED PA ZHIG MNGON SUM DU GZIGS TE, 'JAM MGON SNYAN RGYUD KYI MAN NGAG MTHAR THUG 'JAM DBYANGS ZHI KHRO SBRAGS SGRUB KYI BYIN RLABS RTOGS PA KHYAD PAR CAN BRNYES SO, ,DE NAS MKHAS GRUB SANGS RGYAS YE SHES ZHING GSHEGS PA GSAN NAS DBEN DGON DU PHEBS TE SKU GDUNG LA MCHOD PA DANG, DGONGS RDZOGS SU PHYI'I MCHOD RTEN DANG, GZIM MAL DU SKU 'DRA BZHENGS PA SOGS DGONGS RDZOGS JI LTAR MDZAD PA'I TSUL RNAMS NI MKHAS GRUB SANGS RGYAS YE

, ,SHES KYI RNAM THAR DU BRJOD ZIN PA LTAR RO, ,DE NAS BKRA SHIS LHUN POR PHEBS NAS DBU MA'I GZHUNG LA SBYANGS TE LUNG DANG RIGS PAS PHAS RGOL ZIL GYIS GNON PA LA SPOBS PA THOGS PA MED PAS SLOB DPON ZLA BA GRAGS PA SLAR YANG GANGS RI'I LJONGS 'DIR PHEBS PA JI LTA BA BZHIN DU GYUR TO, ,DE NAS LCAGS MO YOS LO'I GRO ZHUN ZLA BA'I DKAR PO'I TSES GSUM GYI NYIN GZIM KHANG RGYAL MTSAN MTHON POR PAn CHEN DAM CHOS YAR 'PHEL BA'I ZHAL SNGA NAS KYIS MKHAN PO DANG, SLOB DPON RIN CHEN DPAL 'BYOR RGYA MTSO BAS LAS SLOB, PAn CHEN LHA DBANG BLO GROS PAS GSANG STON MDZAD DE DAD PA'I DGE 'DUN GRANGS TSANG BA'I DBUS SU BSNYEN PAR RDZOGS PA DGE SLONG GI DNGOS PO YONGS SU RDZOGS PA BZHES TE, STON PA THUB PA'I DBANG PO SLAR YANG GANGS RI'I LJONGS 'DIR BYON PA JI LTA BAR GYUR TO, ,LO DE KHA'I STON MJUG DBUS PHYOGS SU BYON, JO ZHAL RNAM GNYIS SOGS KYI DRUNG DU DNGOS BSHAMS YID SPRUL GYIS MCHOD CING BSTAN PA RGYAS PA'I SMON LAM RNAM PAR DAG PA 'DEBS PAR MDZAD PAS BYIN GYIS BRLABS PA'I MTSAN MA KHYAD PAR CAN YANG MANG PO BYUNG, DE NAS MTHAR GYIS RI BO DGE LDAN DU PHEBS, DER DGA' LDAN KHRI RIN PO CHE DANG SDE PA SKYID SHOD PA SOGS KYIS BSKUL MA MDZAD PA LTAR SER SKYA STONG PHRAG MANG PO TSOGS PA'I DBUS SU DKA' CHEN BZHI LA DAM BCA' MDZAD PA NA BDAG NYID CHEN PO 'DI'I RIGS PA'I RNAM

'GYUR LA 'GRAN NUS PA SU YANG MA BYUNG BAS PHYOGS LAS RNAM PAR RGYAL BA'I GRAGS PAS SA'I STENG MA LUS PA KHYAB PAR GYUR TO, ,GNAS DER RJE BTZUN NAM MKHA'I MTSAN CAN GYI DRUNG DU GTZO BOR DUS KYI 'KHOR LO'I DBANG YONGS RDZOGS, BSDUS RGYUD, 'GREL CHEN, DBANG MDOR BSTAN SOGS KYI LUNG YONGS RDZOGS, BDE MCHOG DRIL BU PHYI NANG GNYIS KYI DBANG, KYEE RDOR THOD PA CAN DANG MTSON CHA CAN GNYIS KYI DBANG, 'KHOR CHEN GYI DBANG RTA MGRIN YANG GSANG GI DBANG, BDE MCHOG NAG PO PA'I DBANG, GSHED DMAR LHA LNGA, BKA' GDAMS THIG LE BCU DRUG GI DBANG, KUN RIG GI DBANG SOGS RNAL 'BYOR RGYUD KYI DBANG 'GA' DANG, TSE DBAG MED ,MI 'KHRUGS PA SOGS BYA SPYOD RNAMS KYI DBANG MANG PO DANG, DMAR PO SKOR GSUM GYI RJES GNANG DANG, GSUM GA'I GDAMS PA YONGS SU RDZOGS PA'I LUNG, BDE MCHOG DKAR BO, PHAG DKAR SHES RAB GSAL BYED, SNA TSOGS YUM, LHA MO SHR'A MA nA, DUR KHROD BDAG PO YAB YUM, LHA MO PHYAG BZHI MA, RNAM SRAS SER CHEN GYI RJES GNANG, BKA' GDAMS GZHUNG DRUG, BKA' GDAMS CHOS 'BYUNG, BU STON CHOS 'BYUNG, DPE CHOS RIN SPUNGS RTZA 'GREL, CHOS RJE NAM MKHA'I MTSAN CAN RANG NYID KYIS MDZAD PA'I 'JIGS BYED KYI BSKYED RDZOGS, BSHES SPRING, TSIG GSAL, 'JUG PA'I RANG 'GREL, LAM RIM CHEN MO RNAMS KYI LUNG GSAN, SLOB DPON RDO RJE 'DZIN PA DGE 'DUN RGYAL MTSAN PA'I DRUNG DU, 'DUS PA'I 'GREL PA BZHI SBRAGS KYI LUNG BSHAD, RJE DGE 'DUN RGYA MTSO'I GSUNG

, ,'BUM THOR BU BAS MTSON GSUNG RTZOM THAMS CAD KYI LUNG, TSE DBANG, PHYAG RDOR AU TZA, RNAM SRAS SER CHEN RNAMS KYI RJES GNANG RNAMS GSAN, SLOB DPON RIN PO CHE RNAM RGYAL DPAL BZANG BA'I DRUNG DU RGYUD PA RNAMS DANG LHAN CIG RIM LNGA GSAL SGRON GYI BSHAD LUNG, BOD DU 'GYUR BA'I 'DUS PA'I BSHAD RGYUD RNAMS KYI LUNG, TSAL LUGS KYI MGON PO PHYAG BZHI BA'I DBANG BZHI YONGS SU RDZOGS PA RNAMS GSAN, KHRI THOG PA SEMS DPA' CHEN PO DAM CHOS DPAL 'BAR BA'I DRUNG DU, KHROS NAG GI DBANG DANG, NAM MKHA' SGO 'BYED, GCOD GZHUNG SKAL LDAN 'JUG NGOGS SKOR GSUM GYI LUNG SOGS GCOD SKOR YONGS RDZOGS GSAN, ,DE DANG DE DAG GI TSE DON GNYER CAN MANG PO LA CHOS KYI BDUD RTZI'ANG RGYA CHER STZAL ,DE DUS YER PA DANG TSAL GUNG THANG GI GNAS MJAL YANG ZHIB TU MDZAD, YER PAR ZHAG BDUN BZHUGS RING THUGS DAM LA GCIG TU GZHOL BAR MDZAD CING, DRUNG PA BSAM GTAN PA SOGS DGE SLONG RI KHROD PA MANG PO LA LAM RIM DANG BLO SBYONG GI KHRID STZAL, PHYIR LAM TSAL YANG DGON GYI MGON PO DES BYIN GYIS RLOBS BA'I MTSAN MA STON PA DANG, LHAG PAR GUNG THANG GI MGON PO'I ZHABS LA BZUNG NAS 'PHRIN 'CHOL SHUGS DRAG MDZAD PA NA ZHABS 'GUL BSKYOD MDZAD PA BYUNG, DE NAS DBEN DGON DU PHEBS TE DBYAR GNAS THOG BLA MA SLOB DPON DANG DKA' BCU RAB 'BYAMS SOGS DGE BA'I BSHES GNYEN CHOS NYAN PA MANG PO 'DUS PA LA THUGS BZHED LTAR LAM RIM CHUNG

BKHRID DANG SBYAR, MDO DANG RGYA GZHUNG MANG PO'I LUNG GIS BRGYAN TE GZABS BSHAD RGYAS BAR STZAL BAS DGE BA'I BSHES GNYEN RNAMS LHAG PAR DGYES, SGO MANG SLOB DPON GZHUNG KHANG RAB 'BYAMS BA ZER BA ZHIG NA RE, NGAS DGE LDAN KHRI GDAN ZUR SOGS DBUS GTZANG GI BLA MA MANG PO LA CHOS NYAN, MGO BO SHIN TU MKHREGS PA ZHIG YIN YANG, RJE BLA MA KHYED NYID KYI GSUNG BSHAD RNAMS SEMS LA PHAN ZHING GZHAN LAS DAD PA MCHOG TU SKYES ZHES ZHUS, STON DER BZHUGS TE SKU MTSAMS BCAD NAS DKYIL 'KHOR CHEN PO MANG PO'I BSNYEN PA MDZAD ,DE NAS SKU MDUN BLO BZANG PA YANG DBUS NAS BYON TE RJE BTZUN BLA MA MKHAS GRUB SANGS RGYAS YE SHES KYI SKU BRNYAN GSER ZANGS LAS GRUB PA MI TSAD CHE LA GTOGS PA BZHENGS NAS RNAM BYUNG ZHES PA SA PHO 'BRUG LO'I NANG DU RDZOGS PAR GRUB STE, DPAL 'KHOR LO SDOM PA'I RDUL TSON GYI DKYIL 'KHOR DU RAB TU GNAS PA RGYAS PAR MDZAD CING BZO BO RNAMS KYANG YON GYIS TSIMS PAR MDZAD DO, ,DE NAS DBEN DGON DU MA 'ONGS PA'I BSTAN RGYUN LA DGONGS TE RTEN BZHENGS MANG DU MDZAD CING, RTEN BZHENGS GRUB 'PHRAL DU, DA NI SKYE BA 'DI LA BLTOS PA'I RNAM G-YENG DANG 'DRES PA'I BYA BA BYED DGOS KYANG DE TZAM GYIS MJUG BSDUS, ,TSE 'DI DON GNYER GYI MI DANG MI 'PHRAD, 'JIG RTEN CHOS BRGYAD KYI RNAM RTOG DANG MTSAMS PO CHE BCAD NAS TSE DANG SGRUB PA MNYAM PA ZHIG BYA'O SNYAM DU THUGS LA BCANGS SHING, SKU MDUN BLO BZANG PA DANG YANG BGROS TE DE 'PHRAL SKU MTSAMS DAM PAR BCAD, THUN MTSAMS RNAMS SU

, ,PHYAG DPE GZIGS PA SOGS KYANG BSHOL TE ZLA BA DRUG 'DUN GYI BAR DGE SPYOR LA BRTZON PAR MDZAD PAS DGE SBYOR LA BROD PA RNYED DE 'DI KHA'I RGYUN SKYONG RGYU BYUNG NA LAM SNA ZIN PA LA'ANG TSEGS MI YONG BA 'DUG SNYAM PA THUGS LA SHAR, DE DUS THUGS NGES 'BYUNG SKYO SHAS SHIN TU CHE BAS TSE 'DIR DPAL SHA BA RI PA DANG, RJE MI LA RAS PA LTAR TSE DANG SGRUB PA MNYAM PA ZHIG BYED SNYAM PA NAR MAR YOD PA NA RJE BTZUN TZONG KHA PA CHEN PO MDUN GYI NAM MKHAR BYON NAS, RANG DANG GZHAN LA PHAN PA'I PHYIR, ,THOS PAS NGOMS PAR MI BYA STE, ,SA GSUM BRNYES PA'I SEMS DPA' YANG, ,THOS PAS NGOMS PA MED LA LTOS, ,ZHES GSUNG BA ZHIG GSAL BAR BYUNG, DE NAS RING PO MA LON PAR SKU MTSAMS GROL TE MNAL LAM DANG MTHUN PAR DBANG LUNG MAN NGAG MTHA' YAS PA GSAN CING, GZHUNG CHEN MO'I RTZI 'GREL RNAMS LA'ANG ZHIB TU GZIGS TE, MNGON RTOGS RGYAN ,RGYUD BLA MA, RTZA BA SHES RAB, RIN CHEN PHRENG BA, RIGS PA DRUG CU BA, BSHES PA'I SPRING YIG, BZHI BRGYA BA, DBU MA 'JUG PA, BSLAB BTUS RTZA BA, BYANG CHUB SEMS DPA'I SPYOD PA LA 'JUG PA, BYANG CHUB LAM SGRON, BLO SBYONG RTZA BA 'GA', 'DUS PA'I RTZA RGYUD, BDE MCHOG RTZA RGYUD, BRTAG GNYIS, DUS 'KHOR BSDUS RGYUD BSDUS PA, MGON PO KLU SGRUB KYI RIM LNGA SOGS GZHUNG CHEN MO MANG PO LA ZHAL TON RE MOS SU MDZAD, RJE RIN PO CHE BKRAS RIN PA, TSOGS CHEN MKHAN PO RIN RGYAM PA SOGS DGE BA'I BSHES GNYEN BCU TZAM ZHIG LA BDE MCHOG L'U AI BA'I

DBANG DANG DMAR KHRID, SNAR THANG BRGYA RTZA'I RJES GNANG, SGROL MA NYER GCIG GI RJES GNANG, BRGYAD STONG BA'I LUNG, BKA' GDAMS GZHUNG DRUG GI LUNG, LAM RIM GYI KHRID SOGS CHOS KYI RNAM GRANGS SHIN TU MANG BA GNANG, DAM PA DE NYID KYI DRUNG DU'ANG, N'A RO MKHA' SBYOD MA'I DBANG, MKHA' SPYOD GZHAN GNYIS KYI RJES GNANG, 'JAM DBYANGS CHOS SKOR, ZHABS BRGYAD PA'I RJES GNANG, GLENG 'BUM CHEN MO, MDO RTZA, SUM BRGYA PA, MNGON BA KUN LAS BTUS DANG MDZOD RTZA PA, 'GREL PA DON GSAL, MDO KUN LAS BTUS ,JO BO'I CHOS CHUNG BRGYA RTZA, DBU MA RIGS TSOGS DRUG, BYAMS CHOS LNGA, 'JIGS BYED KYI BSKYED RIM CHEN MO MKHAS GRUB THAMS CAD MKHYEN PA'I GSUNG GI 'PHRO CHOS RJE BLO GROS CHOS SKYONG BAS MDZAD PA RNAMS KYI LUNG GSAN, NYIN MTSAN KHOR YUG LTA BUR PHAN TSUN RE MOS SU CHOS KYI 'KHOR LO BSKOR TE, MNGON CHUNG BAR DPEN DGON DU PHEBS, DE DUS DBEN PA LA SHIN TU DGYES PA CHE ZHING, DA LAM BYA BRAL GYI BRTUL ZHUGS BLANGS TE PHYIR ZLOG PA MED PA SNGON GYI GRUB THOB RNAMS DANG MTSUNGS PA ZHIG BYED, DE LTAR BYED PA LA 'DI NANG GI LTO GOS TZAM LA YANG 'KHRI BA CHOD BA ZHIG MA BYUNG NA BYA BRAL GYI MING BTAGS PA'I GNYIS MED SENG GER SONG NA MA LEGS SO SNYAM DU DGONGS TE BCUNG LEN GYI RNAM GRANGS DU MA LA GOMS PA NYAMS 'OG TU CHUD PAR MDZAD CING RLUNG SBYOR 'KHRUL 'KHOR SOGS LA GOMS PA PHUL PHYIN YOD KYANG DA DUNG BOGS DBYUNG BA'I PHYIR DGUN STOD BRAG RGYAR PHEBS NAS BRTZON PAR MDZAD PAS ZHAG BDUN TZAM GYIS

, ,BKA' RGYUD PA'I LUGS KYI RAS PHUD BTANG CHOG PA BYUNG, DER G-YENG BA MED CING THUGS RIG DANGS PAS NYAMS MGUR MANG PO MDZAD CING, 'GA' ZHIG YI GER MDZAD PA NI 'DI LTAR, NA MO GU RU MANYDZU GHOsh'A YA, BLO GTAD THUB KYI BLA MA DKON MCHOG GSUM, ,RKANG RUS PA'I KHONG NAS SKYABS BZUNG STE, ,BKA' MDO RGYUD KYI LAM LAS 'ONGS PA YI, ,GLU TSIG GSUM GYI SNYING GTAM 'DI SKAD SMRA, ,DUS DA LTA RANG DBANG YOD PA'I TSE, ,DON 'BRAS MED SBUN PA MA 'PHYAR BAR, ,LAS BYAS PAS 'TSENG PA'I RNAM DKAR LA, ,YID RTZE GCIG TU DRIL NA DON PO YIN, ,TSE 'DI YI MDUN MA CI BYAS SLA, ,TSE PHYI MA SHUL RING 'JIGS PA CHE, , LAM SHUL RING 'JIGS PA'I BSKYEL BSU DANG, ,BRGYAGS 'DZAD MED KYI GRABS GSHOMS BYAS NA LEGS, ,SNGAR 'DOD YON RO LA JI TZAM SPYAD, ,DE BSAMS NA SNYING PO CI 'DRA 'DUG ,DA RANG NYID RANG GIS MA BSLU BAR, , BLO 'GYOD MED KYI GDENGS DROD TSAGS SU TSUD, ,RANG MNGAL DU ZHUGS PA NAS BZUNG STE, ,DGRA 'CHI BDAG DRUNG DU CHAS ZIN CING, ,DUS YUD TZAM SDOD PA'I SKABS MED PAS, ,SNYING DANG RINGS KYI LONGS YOD BDUD KYIS BSLUS, ,DGUNG MKHA' LA SHAR BA'I 'JA' TSON DE, ,GZUGS MDZES KYANG MYUR DU YAL NAS 'GRO ,GZHON SHA KHRAG RGYAS PA'I LANG TSO YANG, ,DUS SKAD CIG GIS MI RTAG 'GYUR BA'I CHOS, ,DBYAR CHAR SPRIN NANG GI GLOG

DMAR BZHIN, ,DUS SNYIGS MA'I TSE THUNG ZHAG 'GA' 'O, ,MI RGAN GZHON GO RIM MI 'DUG PAS, ,PHYIS G-YENG MED DU BAG GZON DAM PO MDZOD, ,GNYEN 'KHOR G-YOG SPRIN GYI 'DU 'GOD DANG, ,SROG MI BRTAN CHU YI CHU LBUR DANG; ;NOR LONGS SPYOD RMI LAM DPAL 'DRA PAS, ,TSE RTAG 'DZIN GYI MDUN GRABS TZAM STE ZHOG ,RTEN DAL 'BYOR LDAN PA'I MI YI LUS, ,'DI RNYED PAR DKA' ZHING 'JIG PAR SLA, ,DUS DA RES LAN CIG RNYED PA 'DI, ,DON MDO MED DU GTONG NA SMYON PA YIN, ,YUL YUL CAN GYI CHOS RNAMS JI SNYED PA, ,BLOS MA BRTAGS MA DPYAD NYAMS DGA' YANG, ,DON DPYAD NA MI DMIGS STONG PA'I NGANG, ,DBYINGS DE RU RIG PA GCER BUR ZHOG ,SEMS CHAGS SDANG RJES SU MA 'PHRO BAR, ,RJE RGYAL BA'I GSUNG GI GCES PA'I MDZOD, ,LAM STONG NYID SNYING RJE'I SNYING PO CAN, ,'DI 'BRAL MED DU SGOMS DANG YUN DU DGE ,PHYI THOS BSAM SGRO 'DOGS MA CHOD KYANG, ,SEMS 'KHOR 'DAS RTZA BAR GSUNGS PA'I PHYIR, ,NANG SHES RGYUD ZHI ZHING DUL BAR GYIS, ,CHOS ZAB DON GYI SNYING PO BSDUS PA YIN, ,LUS SNANG STONG TSOGS PA LHA YI SKU, ,NGAG BRAG STONG BZLAS PA RGYUN MI 'CHAD, ,YID BDE STONG DBYINGS LAS MA G-YOS PAR, ,DA BLA MA'I RNAM THAR RJES SU SKYONGS, ,GTAM 'DI LTAR SMRAS PA'I DGE BA DES, ,KHAMS GSUM GYI 'KHOR BA'I SEMS CAN RNAMS, ,RGYU KUN 'BYUNG 'BRAS BCAS YONGS SPANGS TE, ,SKU GSUM GYI GO 'PHANG MYUR THOB

, ,SHOG ;DE NAS DBEN DGON TSOGS BA JE RGYAS SU SONG STE DGE 'DUN MANG DU TSOGS PA DANG, PHYOGS 'DUS KYI DAD LDAN BCAS LA LAM RIM, BLO SBYONG, BKA' GDAMS GLEGS BAM, DPE CHOS RIN SPUNGS, 'DUL BA'I BSLAB BYA, 'JIGS BYED DANG BDE MCHOG SOGS KYI BSKYED RDZOGS DMAR KHRID, LTA KHRID, GSANG BDE 'JIGS GSUM, GDUGS DKAR SOGS KYI DBANG, SNAR THANG BRGYA RTZA'I RJES GNANG, CHOS SKYONG MANG PO'I RJES GNANG, BSGRUB SKOR SOGS RGYAS PAR MDZAD DE KLOG PA THOS BSAM GYI 'KHOR LO DANG, STON DANG DGUN GYI DUS 'DU 'DZIS DBEN PAR MDZAD DE, SKU MTSAMS SU BZHUGS NAS LHAG PA'I LHA MANG PO'I BSNYEN BSGRUB SOGS BSAM GTAN GYI 'KHOR LO DANG, SOS DANG DBYAR MJUG MYANG STOD, SHAB, SHANGS, THON SOGS CI RIGS SU PHEBS NAS CHOS DANG MTHUN PAR SDE DPON RIGS DANG BAN SKYA'I TSOGS MANG PO'I BZHED PA 'GENGS PA SOGS BYA BA LAS KYI 'KHOR LO LA'ANG BRTZON PAR MDZAD, DE DAG GI SKABS SU'ANG, DAM PA'I 'GRO BA GNYIS YIN TE, ,THAMS CAD PHUN SUM TSOGS PA'AM, ,YANG NA NAGS SU GNAS PA'O, ,ZHES 'BYUNG BA LTAR, RAB MI GRAL NAS BUD DE, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES BKA' STZAL PA LTAR, GZHAN DON DU RANG DON GTZO BO LTAR BSGRUB PA'I SGRUB PA CIG BYED, DE BYED, DE MIN RANG DON GYI 'KHRI BA BCAD

DA BSTAN PA DANG SEMS CAN GYI DON PHUN SUM TSOGS PA GANG RUNG ZHIG BSGRUB PAR BYA'I, DE GNYIS GANG YANG MA YIN PA'I GSON PA TZAM LAS SHI BA LEGS SO SNYAM DU DGONGS PA BYUNG ZHING, DE DANG MTHUN PAR BLA MA DKON MCHOG LA YANG SNYING NAS RE DOGS DANG BRAL BA'I GSOL PA 'DEBS PA 'DI LTAR MDZAD DE, NA MO A'ARYA MEE TRI YA, STENG DGA' LDAN LHA BRGYA'I GTZUG RGYAN DU, ,RJE SA BCU'I DBANG PHYUG MI PHAM MGON, ,DPAL NAM MKHA' DRI MA MED PA DANG, , PHA MNYAM MED 'JAM DPAL SNYING PO'I ZHABS, ,SRAS DPAG MED SEMS DPA'I 'KHOR DBUS SU, ,CHOS THEG MCHOG DGA' STON 'GYED PA DER, ,BDAG GDUNG BA'I SEMS KYIS GSOL 'DEBS NA, ,THUGS BRTZE BA'I LCAGS KYUS DRANGS SU GSOL, ,DUS DENG SANG BSTAN PA'I GZUGS BRNYAN 'DI, ,LAR YID LA BRNAGS KYANG PHAN PA MED, ,DON DE PHYIR YID DGA' CHOS 'DZIN DU, ,DUS MYUR BA NYID DU BGROD PAR SMON, ,TSE 'DI NANG 'GAGS PA'I DE MA THAG ,RJE RGYAL TSAB CHOS KYI MDUN SA DER, ,YID DANG BA'I RLUNG GIS RAB 'PHANGS NAS, ,CHOS THEG PA CHE LA SPYOD PAR SHOG ,TSE 'DI NANG RANG GZHAN DON 'GRUB PA'I, ,LAS MTHU DANG LDAN PA MA MCHIS NA, ,PHA KHYED LA THUGS RJE TSAD MED PAS; ;DUS DA LTA GNAS DER DRANG DU GSOL, ,MI KHO BO'I 'DI PHYI'I BDE LEGS KUN, ,RJE BLA MA KHYED RNAMS MKHYEN LAGS PAS, ,DUS 'DI NAS BYANG CHUB MA THOB BAR, ,LAM NGANG PA'I G-YANGS LAS BSKYAB TU GSOL, ,CES

, ,PA'O; ,DE NAS RNAM 'PHYANG ZHES PA SA PHO KHYI'I LO CHOS GRA CHEN PO GANGS CAN CHOS 'PHEL GYI MKHAN POR 'BYON DGOS TSUL SDE PA LHUN PO RTZE PA DANG MCHOD YON THAMS CAD KYIS NAN GYIS GSOL BA BTAB PA LA BRTEN NAS LNGA MCHOD CHEN MO'I NYIN CHOS GRVA CHEN PO GANGS CAN CHOS 'PHEL GYI KHRI THOG TU PHEBS, TSOGS PA LA LAM RIM CHEN MO'I GZABS BSHAD DANG, DE'I DUS GANGS CAN DGE BSHES RAGS SHING MANG BAS, DKA' BCU RAB 'BYAMS BZHI BCU TZAM GYIS GSOL BA BTAB NAS LAM RIM GYI KHRID RGYAS PAR STZAL, THAMS CAD KYIS NGAG 'DZIN DANG SHAR SGOM DU MDZAD, DPYID DUS TSOGS PAR SNAR THANG BRGYA RTZA'I RJES GNANG DANG, GNAS PA PAn CHEN MKHAR BRAG PA, SHAR BYANG SLOB DPON GNYIS SOGS DGE BSHES DRAG RIM NYI SHU SKOR LA DGONGS JA NYIS SBREL GYI RING, RDO RJE 'CHANG CHEN PO'I LAM GYI RIM PA'I BSHAD LUNG GNANG, MJUG TU MDO SNGAGS KYI DKA' GNAS KYI 'BEL MCHID DANG RIGS LUNG RGYUN RING NYIN RE BZHIN MDZAD DE BSHAD SGRUB SHIN TU 'PHEL, DE NAS KHRO PHU'I SMON LAM LA PHEBS TE SKYA SER PHON CHE PA 'TSOGS PAR DGE 'DUN RNAMS LA MANG JA DANG 'GYED SOGS RGYA CHER GNANG ZHING, SKYE BO STONG PHRAG DU MA 'TSOGS PA LA BYAMS PA LUNG BSTAN PA'I MDO DANG, SKYES RABS THUN RE'I SPYI CHOS KYI SROL GSAR DU BTZUGS, MDOR NA SANGS RGYAS KYI BSTAN PA DANG, SEMS CAN GYI PHAN BDE RGYAS PA RJE NYID

MTHONG THOS DRAN REG TU GYUR PA THAMS CAD RJE BTZUN GYI ZHABS DRUNG DU SKYES NAS, BYAMS PA'I BSTAN PA LA BYA BA BYED PA'I SMON BRGYA CHER MDZAD, GANGS CAN GYI CHOS SDE SKYONG RING DBYAR CHOS GANGS CAN DANG, STON DUS SOGS RGYUN BAR DBEN DGON RANG DU BZHUGS NAS BSHAD SGRUB KYI RGYUN BSKYANGS, DE NAS GANGS CAN YANG YUN RING 'DZIN MI THUB, GANG BYED RING PHAN PA ZHIG BYA'O SNYAM DU DGONGS NAS 'DU KHANG LA ZHIG GSO DANG SKU GSUNG THUGS RTEN GSAR BZHENGS SPYI 'JOG SOGS CHOS ZANG ZING GNYIS KA'I SGO NAS BKA' DRIN ZLA MED MDZAD, DE NAS SRAD RGYUD DU PHEBS NAS SLOB DPON RIN PO CHE RGYUD CHEN SANGS RGYAS RGYA MTSO'I DRUNG DU 'JAM RDOR, GSHIN RJE GSHED DMAR NAG GNYIS, 'JIGS BYED LUGS GSUM SOGS BLA MED DANG, RDOR DBYINGS, DPAL RTZE SOGS RNAL 'BYOR RGYUD, RNAM SNANG MNGON BYANG, PHYAG RDOR DBANG BSKUR BA SOGS SPYOD RGYUD DANG, DAM TSIG GSUM BKOD, RNAM RGYAL MA, RNAM 'JOMS, GDUGS DKAR, 'OD ZER CAN, STON PA LA KHRUS KYI LHA MO BRGYAD KYIS BSKOR BA DANG, YANG STON PA LA BKRA SHIS KYI LHA MO BRGYAD KYIS BSKOR BA'I DBANG SOGS, RGYUD SDE BZHI'I RIGS KYI DBANG SUM CU SKOR DANG; 'DUS PA, BDE MCHOG ,RNAL 'BYOR MA'I SNGAGS BTU, SGRUB THABS BRGYA RTZA, SGRUB THABS RGYA MTSO, LEGS LDAN, STAG ZHON, DUD SOL MA, TRAKA SHAD RIGS MANG PO, PHAG MO, SROG SGRUB MA, DUS MTSAN MA, NAM

, ,MKHA'I GOS CAN MA SOGS KYI RJES GNANG, RNAM SRAS BKA' MI 'DRA BA BCU GSUM ,DE'I BE'U BUM YONGS RDZOGS KYI LUNG RNAMS DANG, GZHAN YANG ZAB RGYAS KYI GDAMS PA ZHAL SHES SHIN TU MANG BA GSAN, SRAD RGYUD NA BZHUGS SKABS BKRA SHIS LHUN PO'I KHRI THOG TU MYUR BAR PHEBS DGOS PA'I MNAL LAM GSAL BA BYUNG, DE NAS TSUR LAM ZHA LUR PHEBS, RJE 'DI SKU NA PHRA MO NAS, THAMS CAD MKHYEN PA BU STON RIN CHEN GRUB LA THUGS DAD LHAG PAR CHE BA ZHIG YOD PA'I STABS RI MTHI GNYIS KA'I GNAS GZIGS KYANG ZHIB TU MDZAD, RING PO MA LON PAR MYANG PHYOGS LA PHEBS DGOS BYUNG, DGE TSA DANG BSTUN DPAL 'KHOR BDE CHEN DU GRVA TSANG SO SOR 'DOD CHOS KYI CHAR PHAB CING, SPYI THOG TU BLA MA SLOB DPON MANG PO DGE BSHES RAGS BSDUS RNAMS LA BDE MCHOG L'U AI PA'I DBANG YONGS RDZOGS MDZAD, DE NAS DBEN DGON DU PHEBS TE DGA' LDAN SGRUB RGYUD KYI BSTAN PA NAM YANG MI NYAMS PAR BYA BA'I PHYIR DANG RJE GONG MA RNAMS KYI THUGS DGONGS YONGS SU RDZOGS PAR BYA BA'I PHYIR DANG DAD PA CAN GYI RDZAS RNAMS CHUD MI ZA BAR GTER DU SPA BA'I PHYIR SKU GSUNG THUGS RTEN GSAR BZHENGS, MCHOD RDZAS GSAR BZHENGS, DGE 'DUN GYI MKHO BA'I YO BYAD GSAR BZHENGS SOGS GANGS RI'I KHROD KYI SGRUB SDE ZHIG LA 'GRAN ZLA DANG BRAL PA BSKRUN PAR MDZAD, DE NAS BKRA SHIS LHUN PO'I BLA MA DGE 'DUN TSANG MAS DAD 'DUN RTZE GCIG PAS BKRA SHIS LHUN POR RJE DGE 'DUN

GRUB KYI GDAN SAR PHEBS DGOS ZHES NAN CHER GSOL BA BTAB BA LA BRTEN NAS DGUNG LO SO GCIG PA KUN LDAN ZHES PA LCAGS PHO BYI BA'I LO ZLA BA BCU GNYIS PA'I TSES GSUM LA CHOS GRVA CHEN PO BKRA SHIS LHUN PO'I KHRI THOG TU PHEBS 'DUS BA RGYA MTSO'I DBUS SU MI 'JIGS SENG GE'I KHRI LA ZHABS SEN BKOD NAS TSOGS CHEN LA SNAR THANG BRGYA RTZA'I RJES GNANG, SGROL MA NYER GCIG GI RJES GNANG, BKA' GDAMS CHOS 'BYUNG CHEN MO'I LUNG, RTZA BA SHES RAB, DBU MA 'JUG PA, MNGON RTOGS RGYAN RNAMS KYI LUNG GNANG, DE NAS RIM GYIS CHOS 'KHOR RGYA CHER BSKOR ZHING, DPYID GANGS CAN DU PHEBS NAS RAB BYUNG BSNYEN RDZOGS MANG DU GNANG ZHING GZHAN YANG CHOS 'KHOR RGYA CHER BSKOR, KHRO PHU'I SMON LAM LA PHEBS NAS SER SKYA BGRANG BA LAS 'DAS PA LA THAR PA'I SA BON BZHAG STE RGYAL BA'I BSTAN PA LA BYA BA RGYA CHER MDZAD, GANGS CAN BA RNAMS DBU MKHREGS, STAB STOB TU 'DUN PA SHIN TU DKA' BA ZHIG YIN NA'ANG, RJE 'DI LA NI RTZA BA'I DGON PA 'DEBS PA PO PAn CHEN BZANG PO BKRA SHIS LAS KYANG DAD MOS CHE BAR MDZAD DO, ,DE NAS GANGS CAN GYI GDAN SA 'JOG PAR MDZAD NAS BKRA SHIS LHUN POR DBYAR GNAS THOG TSOGS PAR THAMS CAD MKHYEN PA DGE 'DUN RGYA MTSO'I GSUNG 'BUM THOR BU'I LUNG DANG, 'JUG PA'I t'IKA CHEN DGONGS PA RAB GSAL GYI LUNG STZAL, DE'I STON GSER KHANG GONG PA DPON SLOB KYIS GDAN DRANGS, DGON RGYA 'OG DANG BCAS PA LA 'GRO DON 'PHRIN LAS JI LTAR MDZAD TSUL DE KHA'I DUS

, ,MKHAN CHEN NOR BZANG RGYA MCHOS BSKUL NAS DE 'PHRAL TSIGS BCAD DU MDZAD PA'ANG YOD DO, ,DE LTAR GSER KHANG GRVA TSANG PA RNAMS KYIS SPYAN DRANGS RJES, SNA TSOGS DBYIG GI LO'I BAR GYI STON RIM BZHIN DPAL 'KHOR BDE CHEN GI GRVA TSANG GZHI GNAS PA, LEGS GRUB PA, LHA KHANG PA, NOR BU DGE LDAN PA RNAMS KYIS RIM GYIS RANG RANG GI DGON RGYA 'OG DANG BCAS PAR GDAN DRANGS TE RNYED PA DANG BKUR STI BZANG PO 'GRAN PA BZHIN DU BSGRUBS, SKYA SER GYI SKYE BO STONG PHRAG MANG PO LA GANG 'TSAM GYI CHOS KYI CHAR PHAB STE NGAN 'GRO'I SGRO GTAN BCAD CING MTHO RIS DANG THAR PA'I LAM LAM PO CHE BZHIN DU MDZAD DO, ,DE NAS BKRA SHIS LHUN POR DGUN CHOS LA 'JAM DBYANGS CHOS SKOR YONGS SU RDZOGS PA GNANG, DBYID DBEN DGON DU RI KHROD PA RNAMS LA 'DOD CHOS CI RIGS STZAL NAS, SGRUB THABS RGYA MTSO DANG BRGYA RTZA'I LHA GTZO BO RNAMS KYI BSNYEN SGRUB ZHIG MDZAD, DE NAS SHANGS KHUL GYI DAD LDAN RNAMS KYIS GDAN DRANGS TE SHANGS SU MDA'I SER SKYA MTHA' DAG LA ZHAL MJAL DANG GSUNG GI BDUD RTZI STZAL TE THAR PA'I SA BON THEBS PAR MDZAD, DE NAS BKRA SHIS LHUN PO'I DGUN CHOS DANG BSTUN NAS DGONGS JA'I THOG SKYES RABS THUN RE'I GZABS BSHAD STZAL, DE YANG SNYIGS MA LNGA LHAG PAR BDO BA'I DUS 'DI 'DRA BAR NI YUL RTEN PHUN SUM TSOGS PA, GZHI TSUL KHRIMS RNAM PAR DAG PA'I DGE 'DUN BRGYA PHRAG MANG PO DANG LHAN CIG TU

CHO 'PHRUL CHEN PO'I DUS BZANG POR DKON MCHOG GSUM LA SKYABS SU SONG ZHING BYANG CHUB TU THUGS BSKYED, BSAG SBYANG GI GNAD BSDUS PA'I YAN LAG BDUN PA SNGON DU BTANG NAS, KUN TU BZANG PO'I SMON LAM TSUL BZHIN DU BSGRUBS PA NI DUS SKABS KYIS BSTAN PA DANG SEMS CAN GYI DON BLA NA MED PA DANG, RANG GZHAN GTAN GYI MDUN MA 'GRUB PA'I RTZA BA YIN NO SNYAM DU DGONGS NAS, THOG MAR MDZES BYED KYI LO RTA ZLA BA'I DKAR TSES GSUM NAS BCU DRUG GI BAR DU SMON LAM CHEN MO LEGS PAR 'DZUGS PAR MDZAD, DANG PO MANG JA RE RE TZAM YANG 'GRIG PA JI LTAR SNYAM DU THUGS YID 'PHYANG MO NYUG TU GYUR KYANG, PHYIS NI NYIN RE MANG JA LNGA DRUG TZAM YANG GTONG DGOS PA BYUNG, DE NAS BZUNG STE LO NYI SHU RTZA LNGA'I BAR LA BKRA SHIS LHUN POR DAD PA CAN GYI RDZAS RNAMS CHUD MI ZA BA'I PHYIR DANG, GDAN SA 'DI NYID LHA DANG BCAS PA'I 'GRO BA YONGS KYI BSOD NAMS KYI ZHING MCHOG DAM PAR BSGRUB PHYIR SKU GSUNG THUGS RTEN GSAR BZHENGS, MCHOD RDZAS GSAR BZHENGS DGE 'DUN LA BSNYEN BKUR GYI RGYUN SOGS GONG NAS GONG 'PHEL DU MDZAD, LHAG PAR CHO 'PHRUL SMON LAM 'DZUGS PAR MDZAD PA 'DI NYID RGYAL BA TZONG KHA PA'I YANG MDZAD CHEN GCIG YIN PA BCAS RJE 'DI RANG GI YANG MDZAD CHEN NGO MTSAR BA GCIG TU MDZAD DE, TSUL 'DI LA RJE RANG NYID KYI ZHAL NAS, 'DI NI KHO BO'I TSE 'DI LA LTOS PA'I RNAM THAR BZANG BA ZHIG YIN SNYAM PA YOD DE, DGE BA'I BSHES GNYEN PO TO BA'I RNAM THAR DU, BOD NA DGE 'DUN STONG PHRAG DU MA RNAM A

, ,THAR GCIG LA 'GOD NUS PA'I DGE SLONG YOD CES, DAM PA 'DI NYID RGYA GAR DU YANG GRAGS ZHES 'BYUNG BA LTAR, DGE 'DUN STONG RVA CAN BRGAL BA LO GRANGS DE SNYED DU THAMS CAD MKHYEN PA BSGRUB PA LA RTZE GCIG TU THUGS BSTUN NAS 'DUN PA RMAD DU BYUNG BA'I RNAM THAR LA 'GOD BAR BYAS PA'I PHYIR DANG, JI SKAD DU, GANG GIS PHYOGS BCU'I ZHING RNAMS JI SNYED PA, ,RIN CHEN BRGYAN TE RGYAL BA RNAMS LA PHUL, ,LHA DANG MI YI BDE BA'I MCHOG RNAMS NI, ,ZHING GI RDUL SNYED BSKAL BAR PHUL BA BAS, ,GANG GIS BSNGO BA'I RGYAL PO 'DI THOS NAS, ,BYANG CHUB MCHOG GI RJES SU RAB MOS SHING, ,LAN CIG TZAM YANG DAD PA BSKYED PA NI, ,BSOD NYAMS DAM PA'I MCHOG TU 'DI 'GYUR RO, ,ZHES SOGS RGYAL BA'I BKA' TSAD MAR GYUR BAS ZHAL GYIS BZHES PA'I BSOD NYAMS GZHAL DU MED PA RANG GZHAN GYI RGYUD LA BSKRUN PAR BYAS BA'I PHYIR RO, ,ZHES GSUNGS, DE NAS DAD LDAN MANG POS BSKUL NAS RTA NAG LA PHEBS, SKYE BO MTHA' YAS PA 'DUN PAR MDZAD CING, RJE 'GOS KYI SGRUB GNAS ZHAL GZIGS PHUG PA MJAL BAR MDZAD PAS, LHAS ME TOG GI CHAR 'PHAB CING TSE CHU'I RGYUN BABS, DE'I 'OG MKHA' SPYOD NA DPAL LDAN LHA MO'I LOGS BRIS BYIN RLABS CAN ZHIG 'DUG PA LA ME TOG 'THOR BAR MDZAD PAS 'OD ZER KHA DOG SNA LNGA 'PHRO ZHING, RNAM 'GYUR SNA TSOGS STON PA ZHIG GZIGS, DE NAS BKRA SHIS LHUN POR PHEBS, 'DI SKABS RGYAL BA THAMS CAD MKHYEN PA YON TAN RGYA MTSO

YANG BYANG PHYOGS KYI RGYUD NAS PHEBS, PHYI NANG GI RKYEN DU MAS BSKUL TE BKRA SHIS LHUN PO'I MKHAN SLOB THAMS CAD KYIS MJAL BAR BYON, PHEBS LAM DU YANG RTZAL BA CHEN POS BYON BAS YA MTSAN DU BYED BA BYUNG, DE DUS RJE RANG NYID NAS BDOG PA'I DNGOS BO'I PHYAG RTEN GZABS SHING, 'BRAS SPUNGS SU MANG JA 'GYED DANG BCAS PA GNANG, BKRA SHIS LHUN PO'I SLOB DPON PA RNAMS PHYIR THEGS, RJE RANG NYID RE SHIG BZHUGS RGYAL BA THAMS CAD MKHYEN PA CHEN POS CHOS BKA' MTHA' YAS PA GNANG DGOS TSUL GSOL BA BTAB PA LTAR, DGUN 'BRAS SPUNGS RANG DU BZHUGS NAS DBANG LUNG RJES GNANG SOGS LAM PA KA'I KU SHA'I GRANGS DANG MTSUNGS PA 'GRO GANG CHE GTZOR BTON MDZAD CING ZHAR LA 'BRAS SPUNGS KYI DKA' BCU RAB 'BYAMS PHAL CHER 'DUS PA LA DKA' CHEN BZHI'I RTZA BA'I LUNG YONGS RDZOGS DANG, RGYAL BA YON TAN RGYA MTSO DANG, DE'I ZHABS 'BRING PA SLOB DPON PA RNAMS GDAN 'DZOM PA LA DMAR NAG GNYIS, ZHE DGU MA, RO LANGS BRGYAD BSKOR, DPA' BO GCIG PA RNAMS KYI DBANG GNANG, GZHAN YANG SNGA PHYIR DBANG DANG, RJES GNANG DANG, ZAB KHRID MAN NGAG ZHAL SHES SOGS PHAL CHER PUM PA GANG BYO'I TSUL DU 'BUL BAR MDZAD DO, ,RGYAL BA THAMS CAD MKHYEN PA CHEN POS KYANG SKU TSE MANG PO'I SNGA ROL NAS RJE 'DI BA LA MNGON PAR DGYES PA'I THUGS KYI BAG CHAGS SAD PA LTAR MDZAD NAS, CHOS GSAN PA'I BLA MA MANG PO'I NANG NAS, RJE 'DI PHA RIGS KYI BDAG POR LEGS PAR

, ,BZHES TE THOG MTHA' BAR GSUM DU SO SKYE'I BLO YUL LAS 'DAS PA'I RNYED PA DANG BKUR STIS MCHOD PA NI DGE BSHES STON PA'I RNAM THAR DRI MA MED PA'I RGYUN 'KHRUL MED DU SKYONG BAR MDZAD PA YIN NO, ,DE NAS LHA SA'I SMON LAM GROL NAS BYANG RA SGRENG MJAL DU PHEBS, RA SGRENG BA RNAMS LA DAM BA'I CHOS RGYA CHER STZAL, RA SGRENG DU BZHUGS RING NGO MTSAR BA'I LTAS BSAM GYIS MI KHYAB BA BYUNG, RA SGRENG TSOGS BA LA BKA' GDAMS GLEGS BAM GZABS BSHAD DANG BCAS PA GNANG, DE NAS SLAR YANG RGYAL BA YON TAN RGYA MTSO DANG LHAN DU RGYAL ME TOG THANG LA PHEBS TE GTZO CHER RGYAL BA YON TAN RGYA MTSO LA DBANG LUNG MAN NGAG RNAMS NAR MAR GNANG ZHING SENG DBAR RNAMS SU LAM BAR GYI GNAS RNAMS LA MCHOD 'BUL DANG KHYAD BAR DGA' LDAN SGRUB RGYUD KYI CHU 'OG GRUB CHEN 'JAM DPAL RGYA MTSO'I SGRUB GNAS MAL GRO SPANG SA'I YANG DGON DANG, RJE RIN PO CHE 'KHOR DAG PA RNAM BRGYAD DANG BCAS PAS GANG DU SGRUB PA MDZAD PA'I GNAS 'OL KHA CHOS LUNG SOGS 'OL KHA DANG DVAGS PO'I GNAS RNAMS MJAL TE THUGS SMON MDZAD, RGYAL ME TOG THANG DU DPAL LDAN LHA MO DGYES PA'I CHO 'PHRUL NGO MTSAR BA BYUNG ZHING, GNAS GANG DANG GANG DU PHEBS PA DE DANG DER DAD LDAN RNAMS LA RANG RANG GI SKAL BA DANG 'TSAM PA'I CHOS KYI BDUD RTZI STZAL TE THAR PA'I SA BON THEBS PAR MDZAD, DE NAS GTZANG DU PHEBS TE BKRA SHIS LHUN PO'I 'DUS TSOGS LA DGUN CHOS SNGA PHYI'I SKABS TSOGS CHEN LA

SGRUB THABS RGYA MTSO'I RJES GNANG LUNG DANG BCAS PA STZAL, CHO 'PHRUL SMON LAM GROL RJES 'BRAS SPUNGS NAS GDAN 'DREN ZHU MI DOS DRAG BYUNG BA LTAR, DBUS SU PHEBS NAS DGA' LDAN PHO BRANG GI GZIM CHUNG NYI 'OD DU NAG NYA DANG BSTUN DPAL DUS KYI 'KHOR LO'I RDUL TSON GYI DKYIL 'KHOR BZHENGS TE RGYAL BA THAMS CAD MKHYEN PA YON TAN RGYA MTSO LA DUS KYI 'KHOR LO'I DBANG YONGS SU RDZOGS PA MTHA' RTEN DANG BCAS PA DANG, GZHAN YANG CHOS BKA' CI RIGS PA 'BUL BAR MDZAD, DE'I TSE LHO RGYUD PHYOGS NAS SDE DPON DU MAS PHEBS DGOS TSUL GSOL BA BTAB PA LA BRTEN NAS LHO KHAR PHEBS, DE DUS MKHAR TOG, 'PHYOD RGYAS RI BO BDE CHEN, SPYAN G-YAS, SNE'U GDONG, RTZES DANG, RONG CHA DKAR SOGS SU JO STAN TSOGS CHEN PA'I MKHAN CHEN GYIS MTSON PA'I BLA MA SLOB DPON DANG, DGE 'DUN MANG PO LA DBANG KHRID LUNG SOGS RGYA CHER STZAL, GANG DANG GANG DU PHEBS PA DE DANG DER SKYE BO'I TSOGS BRGYA STONG DU MA 'DUS PA LA YIG DRUG GI LUNG DANG, BLA MA'I RNAL 'BYOR SOGS DAM PA'I CHOS RGYA CHER STZAL, SNGON GYI DAM BA MANG PO'I BSTI GNAS JO BO CHEN PO LHA CIG GI GDUNG KHANG BZHUGS PA THANG PO CHE DANG, SPYAN G-YAS, YAM BU BLA SGANG, KHRA 'BRUG, RTZES DANG, BYAMS PA GLING, BSAM YAS SOGS KYI GNAS DANG RTEN MJAL ZHIB TU MDZAD, MCHOD 'BUL, BSAG SBYANG, SMON LAM RNAM DAG MDZAD BA NI SNGON BYON DAM PA'I RNAM THAR LTAR RMAD DU BYUNG BA'I MDZAD PA YIN LA, GANG

, ,DANG GANG DU PHEBS PA DE DANG DER ZANG ZING GI BSNYEN BKUR RGYA CHE BA DANG MI MANG GI 'A 'UR 'DU 'GOD MANG PA RNAMS LA NI DE DANG DE GZIGS PA TZAM GYIS SKYO SHAS NGES 'BYUNG SHUGS DRAG SKYE BA LAS ZANG ZING LA THUGS DGYES PA NI NAM YANG MI MDZAD DO, ,DE NAS BKRA SHIS LHUN POR PHEBS NAS DBYAR GNAS KYI KHONGS SU NYI SHU RTZA LNGA RTZA LNGA GRANGS SU BCAD DE TSOGS CHEN LA GDUGS DKAR GYI DBANG RGYAS PAR STZAL, DGAG DBYE THON NAS ZHAG NYER GCIG GI RING SKU MTSAMS BCAD NAS DKON MCHOG RJES SU DRAN PA GTZO BOR BSGOM PAR MDZAD NAS BSAG SBYANG LA BRTZON PAR MDZAD PAS STON PA THUGS RJE CAN DE'I BKA' DRIN DRAN PA'I DAD PA SHUGS DRAG 'KHRUNGS SHING GSOL 'DEBS GDUNG DBYANGS SU MDZAD PA NI 'DI LTAR, NA MO GU RU MU NI AINDR'A YA, 'JIG RTEN STOBS KYIS MNGON RLOM MTHA' DAG GI, GTZUG RGYAN GZHAL MED NOR BU'I PHRENG MDZES LA, ,ZHABS SEN GSAR PA'I ZLA TSOS NGAL BSO BA, , THUB DBANG LHA YI BLA MAS DGE LEGS STZOL, ,GANG SKU SER GYI SA 'DZIN MTHON PO'I RTZER, ,ZHAL DKYIL NYIN BYED RGYAS PA'I 'DZUM ZER KYIS, ,PHAN BDE'I 'OD BRGYA'I SNANG BAS SRID PA GSUM, ,YONGS 'GENGS STON PA DE LA BDAG CAG DAD, ,LAN DANG RNAM PAR SMIN LA MI RE BAR, ,MGON MED NYAM THAG RNAMS LA RJES BRTZE PA, ,BCOM LDAN ZHABS ZUNG RTEN PA'I PADMA LA'ANG, ,BYANG CHUB SNYING PO'I BAR DU BDAG SKYABS MCHI, ,GRANGS MED PA SKAL PAR GANG GI MTSAN

TZAM YANG, ,THOS PAR DKA' ZHING LAN CIG THOS NA YANG, 'JIGS PA KUN SEL DGE LEGS MCHOG STZOL BA'I, ,LHAR BCAS 'GRO BA'I BLA MAS BDAG SKYOBS SHIG ,THUGS RJE CHE MNGA' RGYAL BA GZHAN RNAMS KYIS, ,GDUL BAR MA NUS DMU RGOD 'DUL DKA' BA, ,BDAG DANG BDAG 'DRA'I SNYIGS DUS 'GRO RNAMS LA, ,KHYOD LAS LHAG PA'I MGON DANG SKYABS GZHAN CI, ,BDE MED SDUG BSNGAL BRGYAS GANG SRID PA 'DIR, ,GROGS MED GCIG PUR YANG YANG 'KHOR BA NA, ,NYAM CHUNG BDAG GI SKYID SDUG LEGS NYES KUN, ,MKHYEN BRTZE'I BDAG NYID THUB CHEN DPA' BO MKHYEN, ,SKYON BRAL YON TAN KUN GYI GTER GYUR CING, ,MA BCOL BAR YANG PHAN DANG BDE MDZAD PA'I, ,RNAM THAR BSAMS NA RKANG GI KHONG NAS KYANG, ,YID RAB DAD PAR MI BYED SEMS LDAN SU, ,THUB DBANG RJES SU RAB TU BYUNG GYUR KYANG, ,MNGON SUM MA MTHONG SEMS KYI ZUG RDU DE, ,BSAL PHYIR YID MTSOR RGYAL BA'I SKU BSKRUN YANG, ,SEL BAR MI NUS SLAR YANG STON PA DRAN, ,DGRA DANG BSHES MED KUN LA BRTZE BA'I GNYEN, ,THAMS CAD MKHYEN PA'I NYI MA NUB RI'I PHAG, THOS PA'I LAM DU GSHEGS PA'I DUS MTHA' 'DIR, ,SROG GI LHAG MA GSON YANG CI ZHIG RUNG, ,DES NA DBANG PHYUG BRGYAD LDAN MGON KHYOD KYIS, ,STON DUS DGUNG SNGON DBUS SU ZLA RGYAS BZHIN, ,BSOD NAMS PHUNG PO'I SKU DANG 'DZUM PA'I ZHAL, ,DA LTA MNGON SUM STON LA BDAG DBUGS DBYUNG, ,RNAM DKAR BYE BA LAS GRUB RTZIBS STONG CAN, ,'KHOR LO'I MTSAN MNGA' DANG PA'I DRA BA LTAR, ,RAB MDZES

, ,NOR BU'I 'OD 'BAR ZHABS SEN GYIS, ,REG PAS BDAG SNYING ZE'U 'BRU SKAL BZANG MDZOD, ,STON PA MCHOG DE DA LTA 'DIR BZHUGS ZHES, ,NGES PA MIN YANG RGYAL BA'I MDZAD PA YIS, ,ROL PA'I ZHING 'DIR RTZE GCIG YID GTAD KYIS, ,BDAG CAG RE BA'I 'BRAS BU MCHIS PAR MDZOD, ,PHA ROL BSKYAS CHEN 'DEGS PAR PHYOGS PA'I TSE, ,BSOD NYAMS BRGYA PHRAG LAS 'KHRUNGS GSER SBYANGS KYI, ,GLANG PO'I SNA LTAR MDZES PA'I PHYAG G-YAS DE, ,BDAG GI SPYI BOR MNGON SUM BZHAG TU GSOL, ,GAL TE SNGON GYI LAS NGAN DBANG BTZAN PAS, ,SRID PA NYAM NGA'I GNAS SU LHUNG GYUR KYANG, ,YID LA SH'AKYA'I GTZO BO DRAN PA DANG, ,THUB MTSAN RNA BAR THOS DANG 'BRAL MA GYUR; ;'JIGS DANG SDUG BSNGAL BRGYAS NYEN SDUG PA'I BU, ,BRTZE BA'I PHA YIS BSAMS SHING DOR BA LTAR, ,NYAM CHUNG SKAL NGAN BDAG CAG YAL BOR NAS, ,LHAR BCAS STON PA MCHOG DE GANG DU GSHEGS, ,'ON KYANG THUB PA'I MKHYEN BRTZE NUS PA LA, ,SGRIB THOGS MI MNGA' PHONGS PA'I GNYEN GCIG CES, ,BDEN PA GSUNG BA'I BKA' YI 'THOR 'THUNG GIS, ,STON DANG BRAL PA'I TSA GDUNG CUNG ZAD BSAL, ,DE BZHIN BU RAM SHING BA'I LUGS BZANG RNAMS,, BDAG LA DNGOS SU 'DOMS PA'I BLA MA'I TSOGS, ,MGON DE'I YE SHES SGYU MA'I RNAM ROL TU, ,BSAMS SHING DRAN PAS YID KYI NGAL BAS THOB, ,ZAS GTZANG SRAS KYI MDZAD PA'I CHA SHAS TZAM, ,BRGYUD NAS MTHONG THOS DRAN PA TZAM

GYIS KYANG, ,DAD DANG MOS DGA'I PHUN TSOGS 'DI 'DRA NA, ,MNGON SUM MTHONG NA AE MA CI 'DRA ZHIG, BDE BAR GSHEGS PA'I SNANG TSUL PHRA MO 'GA', ,YID LA SHAR TSE DAD DANG GDUNG BA YIS, ,MYOS PA'I BLA BRDOL ME TOG PHRENG BA 'DI, ,YID KYI GDUNG BA SEL PHYIR MGON POS BZHES, ,DE LAS 'ONGS PA'I DGE TSOGS KU MUD TA, ,ZLA SHEL DUNG LTAR DKAR BA CI THOB PAS, ,THUB DBANG GANG DU BZHUGS PA'I ZHABS DRUNG DU, ,SKYES NAS 'BRAL MED RJES SU 'DZIN GYUR CIG, CES PA'O; ;DE KHA'I STON 'BRING MTSAMS GCEN LUNG PHYOGS SU PHEBS NAS SKYE BO BRGYA PHRAG MANG PO BSNYEN GNAS SMYUNG GNAS, SROG GCOD SPONG BA, GZUNGS SNGAGS SOGS BZLAS BRJOD KYI DAM BCA' LEN PA SOGS DGE BA LA BKOD CING, KHYAD PAR GCEN LUNG KHA SPYOD DU TSOGS PA LA DPAL GSANG BA 'DUS PA MI BSKYOD PA'I DBANG BZHI YONGS SU RDZOGS PA DANG, GZHAN YANG 'DOD CHOS MANG DU STZAL, DE YANG MYANG STOD NAS BZUNG LHO RTZA KHOG BRGYUD NAS GCEN LUNG GI BAR GANG DANG GANG DU PHEBS PA DE DANG DER, KHROM CHEN PO GLO BUR DU TSOGS SHING RING POR MI THOGS PAR 'GYES PA DANG, DE DAG GI NANG NAS MANG PO ZHIG NI GNYEN BSHES YID DU 'ONG BA DANG BRAL BAS MTSI MA DANG BCAS BZHIN BSNGO BA ZHU BA DANG, 'GA' ZHIG NI LANG TSOS RGYAGS SHING 'JO SGEG DANG BCAS PA DANG, LA LA NI RGAS SHING RGAN PO 'CHI KHA MA LA GZIGS SHIG CES SNYING RJE LTAR DU 'DUG PA DANG, MANG PO NI MA BRTAGS NYAMS DGA' BAS BZHAD GAD DANG BCAS TE 'DUG PA DANG,

, ,PHAL CHER SER SNAS BSAGS PA'I DNGOS PO RJE NYID LA RE BA'I SEMS KYIS 'BUL BA GZIGS PAS 'KHOR BA THOG MA MED PA NAS LTA CI SMOS, TSE THUNG 'DI GCIG PU LA YANG GNYEN BSHES DANG DAR RGUNG KHROM GYI 'DU 'TSOGS DANG GZHON PA'I LANG TSO NAM MKHA'I 'JA' TSON DANG, SER SNAS BSAGS PA'I NOR RDZAS SBRANG MA'I SBRANG RTZI DANG 'DRA BA 'DI LTAR MNGON SUM DU GSAL BAR STON PA'I SLOB DPON NO SNYAM DU THUGS SHIN TU 'BYUNG BAR GYUR NAS NYAMS MGUR 'DI LTAR MDZAD DO,, NA MO GU RU MANYDZU GHO sh'A YA, DUS GSUM SANGS RGYAS KYI NGO BO, ,BKA' DRIN GSUM LDAN GYI BLA MA, ,'BRAL MED SPYI GTZUG TU BZHUGS LA, ,BYIN RLABS DNGOS GRUB KYI CHAR PHOBS, ,YID 'OD SNYING GROGS DANG MDZA' BSHES, ,NGES MED 'DU 'BRAL GYI ROL PA, ,DBYAR DUS DGUNG SNGON LA 'KHRIGS PA'I, ,MI RTAG LANG LONG GI CHU 'DZIN, ,NGAL BA BRGYA PHRAG GIS BSGRUBS BA, ,SRID PA'I PHUN TSOGS KYI DGA' STON, ,LHO PHYOGS DRI BZHON GYIS BSKYOD BA'I, ,PADMO'I 'DAB STENG GI ZIL PA, ,CHAGS LDAN BYIS PA YI DGA' BSKYED, ,YID 'ONG GZUGS MDZES KYI LANG TSO, ,NGAN SKYUGS BSHAD GCI YIS GANG BA'I, ,DBYIBS LEGS MI GCOD BA'I BUM PA, ,DENG SANG 'DZAM GLING GI MI TSE, ,RGAN GZHON GO RIM GYI NGES MED, ,SHUGS DRAG RLUNG DMAR GYI NANG GI, MAR ME JI BZHIN DU 'DUG PA, ,SRID GSUM SGYU MA YI GRONG KHYER, ,BDE MED SDUG BSNGAL GYI 'BYUNG GNAS, ,THAR MED

'JIGS RUNG GI BTZON RA, ,LCAGS KHANG 'BAR BA YI RANG BZHIN, ,STONG GSUM ZAS NOR LA DBANG YANG, ,SGREN MO LAG STONG DU 'GRO 'DI, ,MYA NGAM NYAM THAG GI THANG LA, ,GCIG PUR DGRA BO YIS BCOMS 'DRA, ,NYON MONGS LAS NGAN GYI SHUGS KYIS; ;'DI NANG 'DOD YON LA ZHEN PA, ,MI GTZANG PHUNG PO LA CHAGS PA'I, ,GDOL PA KHYI PHAG GI RNAM THAR, ,CI DRAG SANGS RGYAS DANG BYANG SEMS, ,DAM PA'I SKYES BU RNAMS THEGS BZHUD, ,BLUN PA BDAG NYID KYI NYES PAS, ,DA DUNG BTZON RA 'DIR LUS BYUNG, ,MTHA' MED SDUG BSNGAL GYIS RGYA MTSOR, ,GROGS MED GCIG PU RU 'GRO TSE, ,SKYABS GNAS BLA MA DANG DKON MCHOG, PHAN PA DAM CHOS LAS MED PA'I, ,TSUL 'DI SNYING KHONG NAS MA DRAN, ,BAG MED GU YANGS KYI SPYOD BAS; ;NYIN MTSAN DON MED DU 'DA' BA, ,SEMS MED YANG NA NI SMYON PA, ,NAM ZHIG 'CHI BDAG GIS BZUNG NAS, ,'JIGS SKRAG SDUG BSNGAL GYIS GZIR CING, ,NGAN SONG 'KHRUL SNANG KUN SHAR BA'I, ,DUS DER 'GYOD PO CIG 'BYUNG BAS, , BSAM BLO DA LTA NAS THONGS LA, ,SGO GSUM DAM PA YI LAM BZANG, ,NYIN MTSAN KHOR YUG TU BSTEN LA, ,THAR PA'I GRONG KHYER DU BSNYEGS SHIG, CES DANG, GZHAN YANG 'DI LTAR GSUNGS TE, NA MO GU RU MANYDZU GHOsh'A YA ,GSUM LDAN GYI BLA MA RDO RJE 'DZIN, ,BDAG SNYING GI PADMO'I DBUS BZHUGS LA, ,BYANG CHUB KYI SNYING POR MCHIS KYI BAR, ,'BRAL MED DU RJES SU GZUNG DU GSOL, ,THOG MED NAS THA MA DA LTA'I BAR, ,'JIGS RUNG GI 'KHOR BA'I BTZON KHANG 'DIR, ,

, ,LAS NYON GYI LCAGS SGROG DAM POS BCING, ,SDUG BSNGAL GYI GSHED MAS YANG YANG GTZOS, ,NGAN SONG GI GNAS SU GTAN YUL BYAS, ,TSA GRANG GI SDUG BSNGAL DRAG POS MNAR, ,RANG SHA DANG RANG KHRAG GRANGS MED ZOS, ,BRDEG 'TSOG GIS MNAR ZHING NGAL THAG BCAD, ,LAN 'GA' MTHO RIS KYI RTEN THOB KYANG, ,SKYID 'DOD KYIS SDIG BA'I LAS BYAS PAS, ,NGAN SONG GI YUL DU YANG YANG LOG, BDE MED KYI SDUG BSNGAL BRGYA PHRAG MYONG, ,DA DUNG YANG NYON MONGS CHU KLUNG 'DI, ,BZLOG NGES KYI CHU LON MA BSGRUBS NA, ,MTHA' MED KYI SRID PA'I RGYA MTSO 'DIR, ,NYAM THAG GI KLONG DU BYING NYEN GDA', ,BAR SNANG GI GLOG 'DRA'I TSE THUNG 'DI, ,SKYID PAS KYANG MI 'TSENGS SDUG MI PHUNG, ,MNAR MED KYI KHRO CHU KHOL MA'I NANG, ,YUN RING DU BSREGS NA AE BZOD SOMS, ,DAL 'BYOR DANG LDAN PA'I MI LUS 'DI, ,DON MED KYI BYA BAS DUS 'DA' BA, ,RIN CHEN GYI GLING NAS LAG STONG DU, ,GCER BU RU RANG KHYIM LDOG PA BZHIN, ,CHE THUNG 'DI CI LTAR BYAS KYANG PHYID, ,BYANG CHUB 'DI PHYIS NAS RNYED PAR DKA', ,SKYID SDUG GI 'DAM KA DA RES BYUNG, ,BSAM BLO DE SNYING GI DKYIL NAS THONGS, ,DBYAR DGUN SOGS NAM ZLA'I 'GYUR LDOG DANG, ,SKYA SER GYI SKYE BO'I 'CHI LUGS SOGS, ,MNGON SUM DU MIG GIS MTHONG BZHIN DU, ,JI SNYAM YANG MI SEMS RTAG 'DZIN CAN, ,GNYEN BSHES DANG LONGS SPYOD KUN BOR NAS, ,'CHI BDAG GI GSHIN RJES DBANG MED KHRID, ,RGYUS MED DU GCIG

BUR 'GRO BA'I TSE, ,PHAN NGES DE DAM CHOS KHO NA RANG, ,ZHES SO, ,SNGA PHYIR DAD 'BUL BYUNG BA RNAMS LA SKU GSUNG THUGS RTEN BZHENG BA DANG, DGE 'DUN LA BSNYEN BKUR MDZAD PA MTHA' YAS TE 'DIR MA BRIS SO, ,DE NAS BKRA SHIS LHUN BO'I SLOB DPON PA RNAMS KYIS GSOL BA NAN GYIS BTAB PA LA BRTEN NAS TSOGS CHEN LA RDUL TSON GYI DKYIL 'KHOR DU DPAL RDO RJE 'JIGS BYED KYI DBANG BZHI YONGS SU RDZOGS PA STZAL, DBYAR GNAS GROL 'PHRAL BDUN PHRAG GSUM BCAD RGYAR BZHUGS TE LAM GYI RIM PA'I NYAMS BZHES LA BRTZON PAR MDZAD, DE SKABS THUGS LA 'DI LTAR 'KHRUNGS TE SNGON CHAD BLA MA'I MING BTAGS CHOS BRGYAD DANG 'DRES MA'I RNAM G-YENG GI GZHAN DBANG DU SONG, SBYIN BA PO RNAMS KYI SEN MO DKAR DMAR GYI STENG NAS BCAD PA'I DAD RDZAS DANG BA, SHIN RDZAS CHUNG MI 'DZA' TZAM AE YONG BSAM LHA KHANG DANG RTEN BZHENGS SOGS BLOS CI LCOGS BGYIS SHING BSTAN PA DANG GZHAN DON YIN RGYU'I KHUL GYI DBANG BSKUR LUNG KHRID SOGS CHOS BSHAD MANG DU BYAS MOD KYANG NGES 'BYUNG DANG LTA BA RNAM DAG GIS RTZIS ZIN PA NI SHAS CHER DKA', DE GNYIS CI RIGS BAS MA ZIN PA'I ZAG BCAS KYI DGE BA RGYA CHER BYAS KYANG 'KHOR BA'I 'KHOR LO BSKOR BA KHO NAR 'DUG, ,SRID PA'I PHUN TSOGS JI TZAM THOB KYANG SKYE RGAN 'CHI'I RGUD BA NI RGUD PA NI SDUG BSNGAL GYI ME RAB TU 'BAR BAS SKAD CIG TZAM YANG BZOD GLAGS MI 'DUG, MI BZOD BZHIN DU 'JIGS PA CHEN PO LNGA PO 'DI LAS THAR BA'I THABS LA BRTZON PAR

, ,MI BYED PA NI KYE MA KYI HUD BDAG LA SNYING MED PA'AM, SMYON PA DNGOS SO SNYAM DU DGONGS, 'KHOR BA'I PHUN TSOGS THAMS CAD KYANG SDUG BSNGAL GYI RANG BZHIN DU GZIGS TE DON DE DAG 'PHAGS PA'I DBYANGS SU MDZAD PA NI, NA MO GU RU MANYDZU GHO sh'A YA, SKYON BRAL YON TAN KUN GYI MCHOG MNGA' BA'I, ,ZLA MED STON PA SH'AKYA'I RGYAL PO DANG, ,DBYER MED RJE BTZUN BLA MA'I ZHABS PAD LA, ,BYANG CHUB SNYING PO'I BAR DU SKYABS SU 'CHI, ,NYON MONGS CHU BO LAS NGAN RAB RLABS CAN, ,SHUGS DRAG DBANG GIS SKYE BA'I RGYA MTSO CHER, ,KYE MA YANG YANG NYING MTSAMS SBYAR BA'I TSUL, ,RGYUN DU LEGS PAR SOGS DANG SHES LDAN DAG, MDOG STOBS GZI NYAMS MI SDUG RNYINGS PA'I LUS, ,YID 'ONG YUL BRGYA 'TSOGS KYANG SPYOD MI NUS, ,DRAN DBANG BLO NYAMS 'GUM PAR MNGON PHYOGS PA, ,'JIGS RUNG RGAS PA'I TSUL 'DI GROGS DAG LTOS, ,'BYUNG BA 'KHRUGS PA'I ZUG RDU BRGYAS GTZES PAS, ,NYIN MTSAN MI 'KHYOL 'DOD RNAMS BSTEN DBANG MED, ,BCOS KYIS MI PHAN 'CHI BAR SHES SHING 'GYOD, ,THAR MED NAD KYIS GDUNGS 'DI KYI HUD 'JIGS, ,PHUN TSOGS BDE SKYID 'BYOR PA'I PAD TSAL YANG, ,BSOD NAMS MIN PA'I GLANG POS BCOMS PA NA, ,MYA NGAN ME 'BAR SHIN TU YA NGA BA, ,KYE BA 'JIG RTEN RGUD PA'I TSUL 'DI LTOS, ,YID 'PHROG GNYEN 'KHOR LUS DANG LONGS SPYOD SOGS, ,'BYOR BAS DREGS KYANG SGREN MO LAG STONG DU, ,GROGS MED MYUR DU 'JIG RTEN PHA ROL TU, ,GLO BUR 'CHI BA

'DI KO MKHAS PAS SOMS, ,STOBS DANG DPUNG GIS BZLOG PA'I SKABS MED CING, ,RTZAS SNGAGS NOR DANG MDZES MAS BSLUR MED BA'I, ,'JIGS RUNG DUS KYI CHAD PA RNAM PA LNGA, ,THOG LTAR 'BAB BO MKHAS PAS BAG YOD STEN, , SRID PA'I RTZE MO NAS BZUNG DMYAL BA'I BAR, ,KUN LA 'DOD DGUR DBANG BYED RGYAL PO LNGA'I, ,SNANG TSUL DRAN TSE CUNG ZAD YID SKYO BAS, BLO BZANG CHOS KYI RGYAL MTSAN ZHES BYAS SMRAS, ,ZHES GSUNGS, YANG DUS DE'I TSE, SKYID KYANG MI 'TSENGS SDUG KYANG MI PHUNG BA'I DGUN NYI DANG 'DRA BA'I TSE THUNG 'DI'I LUS SROG LONGS SPYOD LA GNOD PA BYED PA'I SKYE BO LA'ANG DGRA'I GTZO BOR 'DZIN PAR BYED NA 'KHOR BA THOG MA MED PA NAS 'GAL ME'I 'KHOR LO LTAR RGYUN MI 'CHAD PAR SKYE RGAN 'CHI'I RGYUD PA'I SDUG BSNGAL 'BAR BA'I RAL GRI RNON POS 'DEBS PA'I BYED PA PO NI, RANG RGYUD KYI NYON MONGS PA DUG GSUM PO 'DI YIN PAS 'DI NYID PHYI ROL GYI DGRA BOR THAMS CAD KYIS DPER MI PHOD PA, 'JIGS PA DANG YA NGA BA DANG, SDUG BSNGAL THAMS CAD KYI 'BYUNG GNAS GSHED MA BUR RDZUS LTA BU'I DGRA BOR BZUNG STE 'JOM BYA'I GTZO BOR GZIGS NAS 'BUR 'JOMS MDZAD CING, DE DANG MTHUN PAR 'PHAGS PA'I DBYANGS SU MDZAD PA'ANG 'DI LTAR, NA MO GU RU MANYDZU GHO sh'A YA, RGYA DKA' DUG GSUM G-YUL LAS RNAM RGYAL BA'I, ,DANG SRONG CHEN PO DE LA GUS 'DUD KYI, ,NYON MONGS 'BRAS DANG ZUG RDU 'CHI BDAG LTAR, ,KUN GYIS MTHONG ZHING RTOGS PAR BYIN GYIS RLOBS, ,THOG MED GOMS PA'I

, ,RGYUN GYIS STOBS LDAN ZHIG TSUL MIN YID BYED BSIR BUS CHER BSKYOD PAS, ,SDIG SDUG GTAM NGAN RBA KLONG RAB 'KHRUGS PA'I, ,NYON MONGS CHU BO'I RGYUN 'DI BCAD BAR DKA', ,THUB PAS SMAD CING 'PHAGS TSOGS KUN GYIS SPANGS, ,BSTEN PA TZAM GYIS 'BAD RTZO LA MI DGOS PAR, RANG GI NGANG GIS 'THUR NAS 'THUR 'GRO BA'I, ,KYE MA BZLOG DKA'I ZAG RGYUN SHUGS RE DRAG, DGA' MGU'I ZOL GYIS BDAG YID KHRID KHRID NAS, ,RING BOR MI THOGS THAR MED BTZON KHANG DU, ,BRGYA PHRAG SDUG BSNGAL DUD MO'I DKA' THUB DAG ,STER BYED NYON MONGS LAS GZHAN YOD RE SKAN, ,GANG ZHIG REG NA RDO RJE'I RI RAB KYANG, ,YUD TZAM ZHIG GIS THAL BAR BRLAG 'GYUR BA, ,RAB TSA MNAR MED 'BAR BA'I ME NANG DU, , REG PA'I RGYU GANG 'DI LAS GZHAN PA CI, ,MTHA' DANG DBUS MED 'JIGS RUNG SKYI G-YA' BA'I, ,MI BZAD 'KHOR BA'I 'BROG DGON NYAM NGA BAR, ,SKYABS MED MGON MED LAN CIG MA YIN PAR, ,YANG YANG NYING 'TSAMS SBYOR BA'ANG NYON MONGS DBANG, ,BSTEN CING GOMS NA DAM PAS KHREL 'GYUR ZHING, ,THAR PA DAM PA'I DPAL DANG GTAN PHRAL BYED, ,BDUD RNAMS DGA' BA'I GNYEN GYUR NYON MONGS TSOGS, ,'DI LA SHES LDAN SU ZHIG DGRAR MI LTA, ,DE BZHIN SDIG TSOGS MTHA' DAG 'BOD PA'I GROGS, ,MTHA' BRAL SRID PA'I RGYA MTSOR 'JUG PA'I RGYUN, ,NGAN SONG GSUM DU 'GRO BA'I SGO MO CHE, ,'DI KO THABS TSUL STONG GIS 'GEGS PA'I RIGS, ,TSE 'DI'I LUS SROG LAN CIG MA YIN PAR, ,LAN BRGYA STONG

DU 'JOMS BYED GANG GIS KYANG, ,DPER 'OS MIN PA'I NYON MONGS DGRA BO LA, ,YID RAB RTON PA DE DAG PHYUGS LAS PHYUGS, ,DE PHYIR KHAMS GSUM RGUD PA'I 'CHING BA LAS, ,RNAM GROL 'CHI MED BDUD RTZI'I DPAL THOB STE, ,BDE DGA' RGYA MTSOR 'JUG 'DOD MKHAS PA DANG, ,DUG GSUM G-YUL LAS RGYAL BA'I DGRA THABS STEN, ,RIGS TSUL 'BUM PHRAG RNO BA'I NGAR LDAN PA, ,STOBS LDAN GNYEN PO'I RAL GRI RAB 'BAR BAS, ,BZLOG DKA'I NYON MONGS DGRA TSOGS SROG 'PHROG PA, ,AE MA 'DI DAG MKHAS PA RNAMS KYIS BSNGAGS, ,BDAG KYANG DE NGAN NAS SKYE BA THAMS CAD DU, ,LHA SOGS 'GRO BA MA LUS DGRAR LANGS TE, ,SROG DANG 'TSO BA YANG YANG PHRAL GYUR KYANG, ,CUNG ZAD SDANG DANG KHRO BAR MA GYUR CIG ,DE BZHIN YID 'PHROG PHYI NANG DNGOS PO'I TSOGS, ,DGA' BSKYED YUL BRGYA DAG GIS KUN BSKOR KYANG, ,MI RTAG MI GTZANG SGYU MA LTAR MTHONG NAS, ,RMI LAM DU YANG CHAGS PAR MA GYUR CIG ,'JIGS RTEN 'JIG RTEN 'DAS PA'I LAM BZANG LA; ;KUN NAS 'THOMS PA'I MUN NAG MI BZAD PA, ,THOS BSAM SGOM PA'I SHES RAB SGRON 'BAR BAS, ,NAM YANG RMONGS PAS GOS PAR MA RAB SGRON 'BAR BAS, ,NAM YANG RMONGS PAS GOS PAR MA YON TAN RGYA MTSO GTZANG PHYOGS SU PHEBS PA BKRA SHIS LHUN POR GDAN 'DREN PA'I ZHAL BKOD MDZAD DE SPRE'U ZHES PA ME LUG ZLA BA DRUG PA'I YAR TSES LA CHOS GRVA ,CHEN PO'I MKHAN SLOB RNAMS KYIS GTZO MDZAD GZABS 'BYOR GYI RTA PA BRGYA PHRAG BRGAL PA PHEBS BSUR BYON,

, ,CHU SHAR DU YAB SRAS ZHAL MJAL SKABS, LHA'I RNGA BO CHE'I SGRA LTA BU'I SGRA BSGRAGS SHING LHA RNAMS KYIS ME TOG GI CHAR CHEN PO LEGS PAR PHAB PA THAMS CAD KYI MNGON SUM DU GYUR, DGE 'DUN SUM STONG LHAG PA'I SER SBRENG DANG BCAS DGE MTSAN PHUN SUM TSOGS PA DANG LDAN PAS CHOS GRVA CHEN POR PHEBS, ZLA BA PHYED GNYIS LHAG TZAM BZHUGS, RJE 'DI PAS ZANG ZING GI DNGOS 'BUL SPAM MTHO BA DANG, ZAB CHOS KYI RIM PA CI RIGS PA'ANG PHUL NAS THUGS MNYES PAR MDZAD DE GANGS CAN CHOS 'PHEL GYI BAR PHEBS SKYEL DU BYON, SLAR BKRA SHIS LHUN POR PHEBS NAS DGAG DBYE GROL 'PHRAL SKU MTSAMS LA BZHUGS, DE'I TSE THUGS LA CHOS LDAN GYI BYA BA YIN YANG ZA ZIR GYI RNAM PAR G-YENG BA SHIN TU CHE BA 'KHRUL PA'I BYA BYED DE DAG THAMS CAD NI SNYING PO MED PA SGYU MA DANG SMIG RGYU'I PHUNG PO LTA BU KUN RDZOB KYI GNAS TSUL RJEN CHER GYIS 'CHAR BA DANG, DE'I MTHUS BDEN STONG GI DON SPYI THUGS LA LAM LAM SHAR BA BZHIN 'DI LTAR GSUNGS TE, NA MO GU RU MANYDZU GHO sh'A YA, SKU MTHONG BAS DON LDAN GZI 'OD 'BAR, ,GSUNG YAN LAG DRUG CU'I DBYANGS SNYAN SGROG ,THUGS SRID ZHI LAS 'DAS MKHYEN BRTZE'I GTER, ,RJE RDO RJE 'CHANG ZHABS PADMOR 'DUD, ,GDON DNGOS 'DZIN 'KHRUL PAS YID BSKYOD NAS, ,SGO PHYIN CI LOG TU BTAGS SHING ZHE NA, ,DE'I MTHU LAS BDAG GZHAN RIS SU BCAD, ,LAS NYON MONGS DBANG GIS 'KHOR BAR

'KHYAMS, ,DA YIN LUGS RTOGS PA'I MTSON RNON GYIS, ,DGRA BDAG 'DZIN SROG DANG MA PHRAL NA, ,GNAS 'JIGS RUNG SRID PA'I RGYA MTSO 'DIR, ,YANG SDUG BSNGAL 'KHOR LO RGYUN MI 'CHAD, ,BLO MA RIG SGYU MA'I 'KHRUL 'KHOR 'DI'I, ,YUL GDOD NAS SKYE BA MED MTHONG BAS, ,PHYI GZUNG 'DZIN SPROS PA DBYINGS SU THIM, ,DPE CHAB ROM RGYA MTSO'I KLONG DU BZHIN, ,CHOS KUN GYI GNAS LUGS GDOD MA'I GSHIS, ,DON DBYER MED SPROS PA KUN DANG BRAL, ,DPES MTSON DU MED PA'I RANG BZHIN GYI; ;DBYINGS 'DI 'DRA'I RANG ZHAL BLTAS PA'I TSE, ,RJE SANGS RGYAS CHOS DANG DGE 'DUN GYI, ,MTSAN TZAM YANG DMIGS SU MA MCHIS NA, ,SEMS MA RIG DRIMS SBAGS MTHONG BA'I, ,GNAS 'KHOR BA'I SDUG BSNGAL GA LA YOD, ,YUL 'OD GSAL DANG DU RIG PA ZHUGS, ,CHOS KUN GYI NGO BO RJEN PAR MTHONG, ,SLAR BLTAS KYANG MTHONG BA'I YUL LAS 'DAS, ,DPE 'GAG MED NAM MKHA'I PHA MTHA' 'TSOL, ,KHYED 'KHOR BAS SKRAG PA'I 'GRO KUN KYANG, ,GZHI BDEN STONG YANGS PA'I GZIGS MO MDZOD, ,'DI MTHONG NA SNANG SRID SKYE BO KUN, ,DGRA'I GTZO BOR GYUR KYANG 'JIGS MI DGOS, ,LAS DGE SDIG 'BRAS BU MA DMIGS SHING, ,LAM SPANG GNYEN DGAG BSGRUB DANG YANG BRAL, ,YID 'BAD PAS BSGRUBS PA'I 'BRAS BUS DBEN, ,DBYINGS 'DI 'DRA RGYAL BA'I DGONGS PA SNYAM, ,YANG 'KHOR 'DAS CHOS LA PHAR BLTAS PAS, ,RKYEN 'DI PA TZAM GYI RGYU DANG 'BRAS, ,CHES PHRA ZHING BSLU BA MED PAR MTHONG, ,DPE 'CHI MED LAM NAS 'JA' TSON BZHIN, ,DBYINGS SPROS BRAL GDOD NAS

, ,DAG PA DANG, ,LAS RGYU 'BRAS BSLU BA MED PA YI, ,YUL SNANG STONG RES 'JOG MA YIN PA'I, ,DON ZUNG 'JUG MTHA' BRAL DBU MA'I LAM, ,LAM 'DI 'DRA RNYED PA BLA MA'I DRIN, ,DRIN CHE'O RGYAL PA GNYIS PA'I RJE, ,MA DRIN CAN 'GRO BA RNAMS KYIS KYANG, ,DON 'DI 'DRA RTOGS PAR BYIN GYIS RLOBS, ,ZHES PA DANG, YANG, NA MO GU RU MANYUDZU GHO sh'A YA, DBYINGS RIG PA DBYER MED LHA YI LAM, ,ZHING KUN KHYAB MIG 'PHRUL ZLOS GAR MKHAN, ,PHA BDEN MED RMI LAM LTA BU LA, ,BU SGYU MA'I SKYES BUS SNYING NAS 'DUD, ,CHOS CAN KUN BLTAS PAS SGYU MA TZAM, ,CHOS NYID LA BLTAS KYANG CANG MA MTHONG, ,SGYU MA DANG STONG PA ZUNG 'BREL LAM, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,CHOS NYID LA BLTAS PAS CHOS CAN BKRA, ,CHOS CAN LA DPYAD PAS STONG PAR BROS, ,SNANG STONG GNYIS RES 'JOG MI BYED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,DON DAM GYIS RGYU 'BRAS BSLU MED BSTAN, ,KUN RDZOB KYIS DON DAM RANG ZHAL PHYE, ,BDEN GNYIS KYI RANG BZHIN DBYER MED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR BZHOG ,

DON DAM GYI DBYINGS LA DPYAD PA'I TSE, ,RTEN 'BREL GYI MING YANG MED PA DANG, ,STONG PA DANG RTEN 'BREL ZUNG 'JUG 'DI, ,'GAL MED DU BLA MA'I DRIN GYIS SHES, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,'KHOR 'DAS KYI CHOS RNAMS MA LUS PA, ,BDEN MED DU SHES PAS BDEN PA GO ,BDEN RDZUN GYI RANG BZHIN DBYER MED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,MING RKYANG GI CHOS RNAMS BDEN PAS STONG, ,BDEN STONG KUN RGYU 'BRAS ROL PAR SHAR, ,STONG PA DANG RGYU 'BRAS DBYER MED LAM, ,AE MA HO BLA MA'I DRIN GYIS RNYED, ,AA LA LA RTAG CHAD KYI G-YANGS LAS GROL, ,ZHES SO, ,YANG DE DUS NGES DON ZAB MO'I NYAMS BZHES LA BRTZON PAR MDZAD BAS GZHUNG CHEN MO RNAMS DANG MTHUN PA'I MNYAM GZHAG DANG RJES THOB KYI RNAL 'BYOR GNYIS KA LA THUGS BKOL DU BTUB PA BYUNG NAS 'DI KHA'I RGYUN BSKYANG RGYU BYUNG NA STONG NYID MNGAN SUM DU RTOGS PA LA DKA' BA MI YOD PA 'DUG SNYAM PA THUGS LA SHAR ZHING SNANG BAS YONG MTHA' DANG STONG PAS MED MTHA' SEL BA'I THAL 'GYUR BA'I THUN MONG MA YIN PA'I KHYAD CHOS RTEN 'BYUNG ZAB MO'I TSUL LA THUGS NGES KHYAD PAR CAN THOB NAS LTA BA'I MGUR DBYANGS 'DI LTAR MDZAD DE, NA MO GU RU MANYUDZU GHO sh'A YA, DBYINGS BRJOD BRAL LHAN SKYES BDE BA CHE, ,DON CIR YANG 'CHAR BA'I

, ,SGYU 'PHRUL MKHAN, ,PHA RDO RJE 'CHANG DBANG BLA MA'I ZHABS, ,DGRA SRID BA'I 'JIGS 'PHROG DE LA 'DUD, ,DUS DE RING NYAMS KYI SNANG BA LA, ,SPYIR 'GAL MED 'GAL BA LTAR SNANG BA'I, ,YID NGO MTSAR RI MO SNA TSOGS SHAR; ;CHA TZAM ZHIG 'PHAGS PA'I DBYANGS SU BSDEBS, ,YUL GANG SHAR DO LA PHAR BLTAS PAS, ,KHO RANG TSUGS MA THUB BRDZUN KHUNG RIG ,DE RIG PAS BDEN PA'I RANG ZHAL BSTAN, ,SEMS GCER BU STONG NYID GOS KYIS KLUBS, ,CHOS KUN BYANG DBYE BA THA DAD RNAMS, ,DBYINGS DON DAM NGANG DU DBYER MED 'DRES, ,LAM DGAG BSGRUB BRAL YANG MDZANGS PA'I BLOS, ,LAS DGE SDIG BLANG DOR BYA RU BYUNG, ,NGAS DANG POR NGAR 'DZIN DGRAR BLTAS TE, ,LUNG RIGS PA'I MTSON RNON SNYING LA BSNUN, ,DA DMIGS MED YANGS PA'I ME LONG LA, ,YANG NGA ZHIG BLTAR MED TSUL DU BLTA, ,CHOS JI SNYED BLTAS BAS GZHI RTZA BRAL, ,YUL CHOS NYID BLTAS PAS CIR YANG SNANG, ,DON SNANG STONG ZUNG 'JUG YANGS PA'I LAM, ,LAM 'DI 'DRA'I ZHAGS PAS CHOS KUN BCINGS, ,GCIG THA DAD SPANGS KYANG RO GCIG LA, ,YANG GCIG KYANG DU MA'I ROL BAR SHAR, ,DPES MTSON KYANG MTSON PAR MI NUS PA'I, ,NGAG BRJOD BRAL DON 'DI BRJOD SNYING 'DOD, ,GZHI 'KHOR BA SPANG BYAR MA DMIGS SHING, ,LAM THAR PA THOB TU MA MCHIS KYANG, ,MA 'GRO BA'I SDUG BSNGAL MA BZOD PAS, ,MCHOG SKU GSUM MYUR DU THOB PAR SHOG ,CES SO, ,DE LTA BU'I TSUL GYIS

'KHOR 'DAS KYIS BSDUS PA'I CHOS THAMS CAD KYI SNANG TSUL DANG GNAS TSUL 'KHRUL MED DU GZIGS SHING, SNANG TSUL LA GZIGS PAS SEMS CAN RNAMS LA SNYING RJE RTZOL MED DU SKYE BA DANG, CHOS RNAMS KYI GNAS LUGS RTOGS PA'I DBANG GIS SPRO PA YANG NGANG GIS 'PHEL BA ZHIG BYUNG BAS RKYEN BYAS MGUR DBYANGS 'DI LTAR MDZAD DE, NA MO GU RU MANYDZU GHO sh'A YA, 'GAG MED DU SNANG BA CHOS KYI DBYINGS, ,BDEN STONG DU 'CHAR BA SEMS KYI RGYUN, ,DBYER MED DU 'DRES BA'I RO GCIG PA, ,SEMS PA DE SEMS KYI RDO RJER SONG, ,SRED LDAN GYI MA RGAN SEMS CAN RNAMS, ,'DOD YON LA SRED PA'I ZHAGS PAS BCINGS, ,THAR MED KYI BTZON KHANG RA BAR BCUG ,SDUG BSNGAL GYI TSOR BA DRAG POS MNAR, ,BDAG 'DZIN GYI 'GONG PO SNYING ZHUGS PAS, ,LTOS MED KYI BDAG CIG GCES PAR BZUNG, ,DE NYID LA DMIGS NAS RTAG CHAD SOGS, ,LTA NGAN GYI 'DRE GDON MANG POS GTZES, ,CHAGS SDANG GI TSA GRANG NANG MANG 'KHRUGS, ,LAS NGAN GYI 'KHRU SKYUGS KHRAG TU 'BAB, ,DGE LEGS KYI TSE SROG YANG YANG 'GAG ,YANG SRID DU SDUG BSNGAL PHUNG CHEN GRUB, ,SNANG TSUL 'DI MTHONG BAS MCHI MA SHOR, ,SNYING RE RJE NYAM THAG 'JIGS SHING SKYO; ;GNAS TSUL 'DI MTHONG BAS GANG MO SHOR, ,NYAMS RE DGA' GTING NAS ZHE BLO BDE, ,MO GSHAM GYI BU MO'I MDZES SDUG LA, ,CHAGS SDANG GIS BSLAD PA'I 'DU BYED KYIS, ,BDE SDUG GIS NYEN PA'I SKYE BO LA, ,SHES LDAN GYI GROGS

, ,RNAMS JI LTAR DGONGS, ,BRGYUD LDAN GYI RJE LA BLO PHUGS GTAD, ,NGES DON GYI GZHUNG MANG THOS BSAM BYAS, ,ZAB DON GYIS SNYING GI ZE'U 'BRU GTAMS, ,ZEGS MA TZAM TSIG GI LAM DU 'THOR, ,CES SO, ,DE NAS BKRA SHIS LHUN PO'I DBEN BSDUM MCHOD RTEN GSAR BZHENGS MDZAD DE RAB GNAS KYI SKABS GRUB CHEN SA RA HA DANG, ,GRUB CHEN CHOS RDO RJE GNYIS DNGOS SU BYON PA SOGS NGAG PA'I GZIGS SNANG NGO MTSAR RMAD DU BYUNG BA MTHA' YAS PA BYUNG SNANG NGO, ,DE NAS SDE PA THON PA SOGS DAD LDAN MANG POS GDAN DRANGS NAS THON PHYOGS SU PHEBS TE SKYA SER BGRANG BA LAS 'DAS BA LA CHOS KYI BDUD RTZI STZAL TE MTHO RIS DANG THAR PA'I SA BON 'DEBS PAR MDZAD, DE NAS SHANGS MDO RI BO DGE 'PHEL BA MCHOD YON RNAMS KYIS KUN MKHYEN SHES RAB DPAL BZANG GI GDAN SAR PHEBS DGOS TSUL NAN GYIS GSOL BA BTAB PA LA BRTEN NAS LNGA MCHOD CHEN MO'I DUS DGE 'PHEL DU PHEBS, TSOGS PA LA BDE GSHEGS BDUN GYI RJES GNANG DANG, MDO CHOG GI LUNG SOGS NYER MKHO'I CHOS KYI CHAR PHAB, SLAR BKRA SHIS LHUN POR PHEBS NAS, ZHI BA'I LO'I DGUN CHOS DUS SU NUB GCIG MNAL LAM DU DGE SLONG RNAM SBYAR DMAR SER GSOL CING, RIGS LNGAS DBU BRGYAN PA, PHYAG NA PO TI NA BZA' LEGS PO DU MA DANG SKU RAGS MDZES PAR BCINGS PA BSNAMS PA ZHIG GIS GLEGS BAM DE RJE RANG NYID KYI PHYAG TU GTAD NAS, 'DI SNGON NAS

BRIS ZIN TE DA BAR RAB TU GNAS PA MA GRUB PAS, DA LAM KHYOD KYIS ZHAL PHYE LA RAB GNAS SHIG GYIS GSUNGS, GLEGS BAM DE PHYAG TU BZHES NAS SKU RAGS BKROL TE GZIGS PA NA 'DUS PA'I RTZA RGYUD MTHING SHOG LA GSER GYIS BRIS PA SHIN TU LEGS PA ZHIG 'DUG PAS, RAB YANGS NAM MKHA' TIL GYI GANG BU BZHIN, ,ZHES RJE RANG NYID KYIS 'DON PAR MDZAD PA NA 'DI NAS BYUNG MED PAR NGO MKHYEN PA DANG MI MKHYEN PA'I TSOGS PA CHEN PO ZHIG 'DUS NAS SA G-YO BA TZAM GYI RAM BTEG STE 'DUS PA'I SHIS BRJOD YONGS RDZOGS 'DON PAR MDZAD PA ZHIG GSAL BAR BYUNG, DE'I SANG NYIN DKA' BCU RAB 'BYAMS PA BZHI LNGA TZAM GYIS 'DUS PA'I RTZA RGYUD KYI 'GREL BSHAD RGYAS PA GCIG KHYER NAS 'DI'I STENG NAS CHOS THUN RE CIS KYANG ZHU ZHES GSOL BA BTAB PA DANG, MDANG GI MNAL LAM GYIS KYANG RKYEN BYAS t'IKKA'I 'DZIN CHOS DANG, 'GREL BA BZHI SBRAGS KYI BSHAD PA RGYAS BA RE STZAL, DE DUS DGE BSHES DE DAG LA ZLA BA GCIG GNYIS TZAM LA'ANG RDO RJE THEG PA'I LAM GYI RNAM GZHAG CHAGS PA BYUNG NGO, ,BKRA SHIS LHUN PO'I RGYUD GRVA GSAR 'DZUGS MDZAD PA 'DI LA NI RJE RANG NYID KYANG THUGS SHIN TU DGYES PA BYUNG STE RJE RANG NYID KYI ZHAL NAS SNGAR GYI RMI LTAS DE YANG RGYUD GRVA 'DI NYID TSUGS PA'I LTAS DANG, PHYI'I MCHOD RTEN GYI SA CHOG DE YANG BSAM GZHIGS MED PAR DPAL GSANG BA 'DUS PA'I SGO NAS BYED PAR SHAR SONG BA YANG DE KHA'I RTEN 'BREL DU 'DUG ,RGYU MTSAN DE DAG GI PHYIR BDAG NYID KYIS KYANG THOG MTHA' BAR

, ,GSUM DU CHOS DANG CHOS LDAN GYI SGO NAS SMAN GYI LJON SHING LTAR BSKYANGS PA'I LAG RJES MKHAS PAS BSNGAGS PAR 'OS PA ZHIG YIN NO SNYAM DU RLOM PA'ANG MCHIS SO, ,ZHES GSUNGS, ,DE NAS 'GAL BYED CES PA LCAGS MO PHAG GI LO'I TSO 'PHRUL SMON LAM GROL 'PHRAL BSAM GRUB DGE LDAN PA MCHOD YON RNAMS KYIS GDAN DRANGS, LAM ZHOR DU DNGUL CHU CHOS RDZONG DU PHEBS, GZIM PHUG DANG SKU 'DRA RIN PO CHE MJAL BA MDZAD, DE SKABS RGYAL SRAS RIN PO CHE DANG DNGOS SU MJAL ZHING BYIN GYIS BRLABS PA LTA BU'I DAD MOS DANG DGA' BA THOB CING SMON LAM YANG DAG 'DEBS PAR MDZAD, DE NAS BSAM GRUB DGE LDAN DU PHEBS NAS SPYI SGER THAMS CAD KYIS BSNYEN BKUR BSAM GYIS MI KHYAB PAS MCHOD, RJE NYID NAS KYANG DGE 'DUN RNAMS LA MANG 'GYED DANG 'JIGS GSANG GNYIS KYI DBANG CHEN, CHOS SKYONG MANG PO'I RJES GNANG SOGS CHOS RGYA CHER GNANG ZHING RAB BYUNG BSNYEN RDZOGS KYANG MANG DU STZAL, PHYOGS DE'I SKYE BO BYINGS LA TSE DBANG GNANG, DE'I TSE LHA RNAMS KYIS ME TOG GI CHAR PHAB PA SOGS NGO MTSAR BA'I LTAS BSAM GYIS MI KHYAB PA BYUNG, DE NAS LAM BAR GYI CHOS SDE RNAMS SU RIM GYIS PHEBS NAS RTEN RNAMS LA MCHOD 'BUL SMON LAM DANG DGE 'DUN RNAMS LA SO SO'I 'DOD DANG MTHUN PA'I CHOS MANG DU STZAL TE BKRA SHIS LHUN POR PHEBS, DE NAS 'BRAS SPUNGS NAS GDAN 'DREN BYUNG BA LTAR PHEBS TE RGYAL BA YON TAN RGYA MTSO DANG

GZIM KHANG GONG SPRUL PA'I SKU SE 'BRAS KYI BLA MA RNAM PA SOGS NYI 'OD 'KHYIL DU GSHONG TZAM LA RDO RJE PHRENG BA'I DBANG RDZOGS PAR GNANG, 'DI DAG GI SKABS SU PHYOGS SNA TSOGS SU DAD LDAN GYI GDUL BYA'I BSOD NAMS KYI ZHING DU PHEBS PA NA GNAS DANG DUS DANG GANG ZAG LA SOGS PA SKAD CIG KYANG RTAG PA MED PA 'PHRAL 'PHRAL 'GYUR 'GRO BA MNGON SUM DU GZIGS PAS RKYEN BYAS, 'BAD RTZOL GYI GOMS PA LA MI LTOS PAR, 'KHOR BA'I PHUN TSOGS THAMS CAD NI RMI LAM GYI DGA' STON NAM ,SGYU MA'I ROL RTZED LTA BU DANG, 'DUS BYAS KYI NGANG TSUL NI GLOG GI ZLOS GAR RAM, CHU 'DZIN GYI 'DU 'GOD LTA BU DANG, SNYIGS DUS KYI SKYE BO'I TSE NI CHU YI CHU BUR RAM, RTZVA RTZE'I ZIL PA LTAR GZIGS ,KHYAD PAR RANG NYID KYANG DANG PO MNGAL DU ZHUGS PA NAS 'CHI BDAG GI KHAR CHUD CING, NYI MA RE RE BZHIN YANG 'CHI RKYEN SHIN TU MANG BAS MI 'CHI BA'I GDENG NI CI YANG MI 'DUG ,SNGON CHAD DUS KYI CHAD BA MA PHOG PA'ANG NGO MTSAR CHE, DA NI GLO BUR NYID DU BSKYAS CHEN 'DEGS PAR YANG NYE 'AM CI CHA SNYAM DU THUGS LA NGES 'BYUNG SHUGS DRAG TU 'KHRUNGS TE DON DE NYID 'PHAGS PA'I DBYANGS SU BSDEBS PAR MDZAD PA NI 'DI LTAR, NA MO GU RU MANYUDZU GHO sh'A YA, DUS GSUM GYI SANGS RGYAS MI GZUGS CAN, ,GSUM LDAN GYI BLA MA'I ZHABS PAD LA, ,BYANG CHUB KYI BAR DU SKYABS SU MCHI, ,'BRAL MED DU BRTZE BAS RJES 'DZIN MDZOD, ,MTHA' MED KYI 'KHOR BA'I RGYA MTSO 'DIR, ,LAS NYON GYI 'CHING BA DAM POS BCINGS, ,SKYE RGA

, ,DANG NA 'CHI'I RAB KLONG 'KHRUGS, ,GNAS TSUL 'DI BSAMS SHING GLO SNYING 'DAR, ,TSANGS DBANG DANG KHYAB 'JUG DRAG PO SOGS, ,'CHI MED KYI BDAG PO'I DPAL THOB KYANG, ,DBANG MED DU MNAR MED MES BSREG NA, ,MTHO RIS KYI BDE LA YID BRTAN CI, ,DPAG MED KYI TSE DANG 'BYOR PA CAN, ,GSER DNGUL GYI 'KHOR LOS BSGYUR RGYAL YANG, ,NGES MED DU 'KHOR BA'I YANG BRAN 'GYUR, ,AA TZA MA SRID 'DIR SNYING PO GANG, ,TSE SNGON GYI DGRA PO 'DI NANG GNYEN, ,'DI NANG GI DGRA YANG PHYI MA'I GROGS, ,ZA ZIR GYI 'KHOR BA'I NGANG TSUL 'DI, ,'BREL MED KYI SMYON PA'I ZLOS GAR RANG, ,SKAD CIG KYANG 'BRAL BAR MI PHOD PA'I, ,YID 'ONG GI SNYING GROGS MDZA' BSHES RNAMS, ,DUS TSOD KYIS SO SOR 'GRO BA 'DI, ,YID RE SKYO SEMS LA CUNG MA BAB, ,SDIG SDUG DANG GTAM NGAN KHYAD BSAD NAS, ,SER SNA YIS BSAGS PA'I ZAS NOR LAS, ,RDUL PHRAN TZAM 'KHYER BA'I DBANG MED PAR, ,LAG STONG DU 'GRO BA 'DI SEMS LA GZAN, ,TSE LHAG GI BSKYEL MA YUD TZAM LA, ,'CHI BDAG GI BSU MA BANG RE MGYOGS, ,PHA ROL GYI G-YANG SA 'JIGS PA CHE, ,CI RANG DRAG 'BROS THABS AE 'DUG SOMS, ,SNGAR BYAS KYI RANG GI LAS LA 'GYOD, ,SDIG LTUNG GI KHUR PO RI BAS LCI, ,GROGS MED DU BSKYAS CHEN 'DEGS PA 'DI, ,GTING NAS RANG SKYO ZHING 'TSER LA 'JIGS, ,'CHI MA LA DU BDAG NYID CHUD PA'I TSE, ,KHA DRAG GI DPA' BOS MI BZLOG CING, ,STONG GSUM KUN GANG BA'I ZAS NOR DANG, ,MDZES SDUG GI LANG TSOS BSLU RU MED, ,'TSO BYED KYI RGYAL PO GZHON NU DE, ,MNGON SUM

DU BYON YANG CI BYAR YOD, ,BRTZE GDUNG DANG LDAN PA'I GROGS DBUS NAS, ,GCIG PU RU 'GRO BA 'DI SHIN TU 'TSER, ,RGYUS MED KYI BAR DO LAM 'PHRANG DOG, LAS NGAN GYI 'KHRUL SNANG CHU LTAR 'KHRUGS, ,'JIGS SKRAG GI SDUG BSNGAL YANG BA; ;MNGON SUM DU SHAR TSE CI TZUG BYED, ,'DI NANG GI DGA' SKYID 'DZOM PA DANG, ,SGYU LUS KYI KHANG STONG SHUL DU BZHAG ,RNAM SHES DE BYA SPU RLUNG KHYER BZHIN, ,DON MED DU 'KHYAM PA 'DI SEMS KYI GCONG, ,LAS NGAN GYIS NYID 'TSAMS SBYAR BA'I TSE, ,LJAN LJIN GYI MI GTZANG DANG 'DRES NAS, ,MUN KHROD KYI MNGAL NANG DRI NGA BAR, ,'DUG TSUL 'DI BSAMS NA SNYING RLUNG LDANG, ,MNGAL GRIB KYIS DAM CHOS BAG CHAGS BRJED, ,RAB RMONGS KYI BYIS PA'I GNAS SKABS GYUR, ,BLANG DOR GYI GNAS LA LKUGS PA 'DRA, ,SPYOD TSUL DE DRAN PAS SHES PA 'PHYO, ,GZHON NU DANG LANG TSO DAR BA'I DUS, ,SDIG GROGS DANG DUG GSUM SHUGS DRAG GIS, ,BSLAD NAS KYANG NGAN 'GRO'I SDUG BSNGAL RGYU, ,BAG MED DU SGRUB NA CI RANG DRAG ,GTING ZAB KYI 'KHOR BA'I KHRON PA 'DIR, ,LEGS NYES KYI MTHO DMAN SNA TSOGS BA'I, ,BDE SDUG GI GAN BUG MANG PO ZHIG ,MGAL ME LTAR 'KHOR BA 'DI YID RAB SKYO, ,'KHOR BA NA SKYID SDUG CI YOD RNAMS, ,THOG MED NAS THA MA DA LTA'I BAR, ,YANG YANG RANG NYAMS SU MYONG LAGS NA, ,DE KA TZAM TSIM MAM SUN RE RAN, ,DRED PO KHYOD RANG LA SNYING RJES LTOS, ,SKYID SDUG GI 'DAM KA DA RES BYUNG, ,RANG NYID LA RANG GI GNYER BABS PAS, ,JI LTAR BYA RANG GI SEMS LA DRIS, ,SEMS NYID KYI DNGUL DKAR ME LONG

, ,LA; ;'KHOR BA 'DI'I SNANG TSUL SHAR BA'I TSE, ,BAB COL GYI TSIG PHRENG YI GE'I GZUGS, ,'GOD PA PO BLO BZANG CHOS RGYAN YIN, ,ZHES SO, ,DUS DE'I TSE LUNG BSTAN MKHAN PO MANG PO ZHIG GIS SKU TSE'I BAR CHAD CHE BAS TSE SGRUB MDZAD DGOS SO ZHES BSKUL BA NA CHOS BRGYAD 'OG SNYOMS KYI GSUNG 'DI LTAR BYON TE, RJE GSUM LDAN BLA MA RDO RJE 'DZIN, ,MI BDAG SNYING PADMO'I DBUS ZHUGS LA, ,DGRA CHOS BRGYAD SNANG ZHEN BKRAG PO CHE, ,'DI RTZAD NAS THON PAR BYIN GYIS RLOBS, ,TSE RING DU GNAS NA RNAM DKAR GYI, ,LAM BZANG PO SGRUB PO SHI YANG BDE, ,LAS BAG CHAGS BZANG PO'I NGANG DU 'CHI, ,AA LA LA GSON SHI SEMS LA SNYOMS, ,TSE SGRUB KUN JI LTAR DGYES DGYES MDZOD, ,DPAL PHUN TSOGS 'BYOR NA MCHOD SBYIN GYIS, ,TSOGS GSOG GO DBUL POR GYUR KYANG SLA, ,CHUD ZOS DOGS SER SNA'I SDUG BSNGAL MED, ,AA LA LA 'BYOR RGUD SEMS LA SNYOMS, ,NOR SGRUB KUN JI LTAR DGYES DGYES MDZOD, ,YONGS KUN GYIS BSTOD CING SNYAN GRAGS NA, ,YID MI BDE MED DO SMAD KYANG SLA, ,SGRA GRAG STONG SGYU MA'I BSLU BRID YIN, ,AA LA LA BSTOD SMAD SEMS LA SNYOMS, ,SNYAN GRAGS KUN JI LTAR DGYES DGYES MDZOD, ,DA LUS SEMS BDE NA DKON MCHOG GI ,DRIN YIN NO SDUG BSNGAL GYUR KYANG SLA, ,YID NGES 'BYUNG SNYING RJE NGANG GIS 'PHEL, ,AA LA LA BDE SDUG SEMS LA SNYOMS, ,SKYID 'DOD KUN JI LTAR DGYES DGYES MDZOD, ,SROG 'TSO 'CHI 'BYOR RGUD BDE

SDUG DANG, ,YONGS BSTOD SMAD SNYAN DANG MI SNYAN SOGS, ,GANG BYUNG YANG BLA MA'I BYIN RLABS YIN, ,AA LA LA CI BYAS GLO BA DGA', ,RE DOGS KUN JI LTAR DGYES DGYES MDZOD, ,DPAL ZHI BA LHA DANG MAR ME MDZAD, ,RJE RGYAL BA GNYIS PA LAS 'ONGS PA, ,DUG BDUD RTZIR BSGYUR BA'I GDAMS PA YIS, ,AA LA LA LTAS NGAN G-YANG DU LEN, ,RKYEN NGAN KUN JI LTAR DGYES DGYES MDZOD, ,CES PA DANG, YANG DON DAM PA'I DBANG DU MDZAD NAS, NA MO GU RU MANYDZU GHO sh'A YA, PHA RGYA CHEN SPROS PA KUN MKHYEN KYANG, ,DBYINGS SPROS BRAL NGANG DU RTAG GZIM PA, ,RJE RGYAL BA GNYIS PA BLO BZANG GRAGS, ,'BANGS BDAG CAG DA DUNG THUGS RJES SKYONGS, ,SNGON THOG MA MED NAS DA LTA'I BAR, ,GDON RANG GI SNYING LA GNAS BCAS NAS, ,YUL BDAG MED CIG LA BDAG TU BZUNG, ,'PHRAL PHAN PA'I ZOL GYIS BSLUS BYAS TE, ,NGA DMYAL BAR BSREGS PA'ANG BGRANG LAS 'DAS, ,DUS DE RING BLA MA'I BKA' DRIN GYIS, ,DGRA BDAG 'DZIN 'GONG PO'I MTSANG RIG PAS, , SEMS SPROS BRAL GNYUG MA'I NGO BO MTHONG, ,BU RANG BYUNG RIG PA'I GZHON NU DANG, ,YUL 'OD GSAL CHOS DBYINGS MDZES MA MJAL, ,DBYINGS RIG PA DBYER MED THABS SHES 'BREL, ,'DI 'DU 'BRAL MED PA'I GROGS SU BZANG, ,YE GDOD NAS CIR YANG MA GRUB PAS, ,YUL BDAG MED RTOGS PA'I NGES SHES KYIS, ,LAS RGYU 'BRAS BSLUB MED PAR RTOGS, ,DA CHAD PA'I G-YANG LA NYAM NGA MED, ,YANG RTEN NAS 'BYUNG BA'I CHOS RNAMS KUN, ,SNANG TZAM GYIS SGYU MA'I ROL PAR

, ,MTHONG, ,DE MTHONG BAS AA 'THAS 'CHING BA ZHIG ,DON DE PHYIR RTAG PA'I MTHA' LAS GROL, ,NGA STONG NYID NAM MKHA'I RNAL 'BYOR PA, ,YUL GANG SHAR BRDZUN PA'I RGYAS THEBS PAS, ,KHONG BDEN PAR 'DZIN BA'I CHOM RKUN PA, ,GZHI SKYE MED GDOD MA'I DBYINGS SU BROS, ,LAR 'KHOR 'DAS CHOS RNAMS MA LUS PA, ,MING BTAGS YOD TZAM GYI ROL PA LAS, ,DBYINGS NGO BO CIR YANG MA MCHIS PAS, ,NGA SKYE 'CHI GNYIS LA YANG MED, ,SNGAR DAL MED 'KHYAMS PA'I NGAL BSO'I GNAS, ,CHOS STONG NYID BDUD RTZI'I SNYING PO RNYED, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,NGA BLO BZANG RGYAL BA GNYIS PA'I BU, ,LAM PHYAG RGYA CHEN PO'I ROL RTZED KYIS; ;CHOS LTA BA'I GLU DBYANGS 'DI BZHIN LEN, ,GROGS THAR 'DOD KUN KYANG 'DI LTAR MDZOD, ,CES MDZAD DE LUNG BSTAN MKHAN PO DE DAG LA BSKUR BAR MDZAD DO, ,DE NAS DAD LDAN MANG POS BSKUL BA LTAR 'BRING MTSAMS DANG GCEN LUNG DU PHEBS TE DE DANG DE NA GNAS PA'I GDUL BYA RNAMS LA THAR PA'I SA BON BZHAG ,DE NAS ZAR DU PHEBS TE BYANG PHUG GI JO BO MJAL, ,MCHOD 'BUL, SMON LAM MDZAD, GNAS DER SKYO SHAS CHEN POS GDUNG DBYANGS 'DI LTAR MDZAD DE, NA MO GU RU MANYDZU GHO sh'A YA, SKU GSUM GYI GO 'PHANG MCHOG BRNYES KYANG, ,GZHAN SNANG DU THA MAL DGE SLONG TSUL, ,SANGS RGYAS KYI YE SHES BLO BZANG GRAGS, ,BDAG SNYING GI PADMO'I DBUS BZHUGS LA, ,DUR

SMRIG GIS PHYI TSUL MDZES LAGS KYANG, ,DUG GSUM GYI CHANG GIS CHER MYOS PAS, ,SENG LPAGS KYIS G-YOGS PA'I WA SKYES 'DRA'I, ,SNYING RUL GYI BU LA BRTZE BAS GZIGS, ,DUG LNGA YI NYON MONGS MTSANG RIG KYANG, ,NGAN GOMS KYI BAG CHAGS SHUGS DRAG CING, ,GDONG BZLOG GI GNYEN PO NGAR CHUNG BAS, ,MNAR MED KYI ME NANG SREG NYEN GDA'O, ,NGAG SNANG GIS RGYAL KHAMS SKOR 'DOD KYANG, ,KUN SLONG GI LA CHU 'PHRANG DOG PAS, ,PHRAG DOG DANG 'KHON 'DZIN ZER MGO RNO, ,CHOS SPONG GI G-YANGS SU LHUNG NYEN GDA'O, ,CHOS BSHAD KYIS GZHAN SEMS BSGYUR MKHAS KYANG, ,RANG RGYUD KYI KO SKAM GYONG POR LUS, ,GLU MKHAN DANG NE TZO'I CHOS BSHAD BZHIN, ,CHOS RGYUS MKHAN CHOS KYIS PHONGS NYEN GDA'O, ,ZAB DON GYI NYAMS LEN BYED 'DOD KYANG, ,RNYED GRAGS KYIS MI MGO BSKOR PHYIR DU, ,CHOS CHUNG GI RNAM GRANGS GSOG GSOG NAS, ,KUN SHES KYI GCIG RDUGS BYUNG GNYEN GDA'O, ,SKYO SHAS DANG NGES 'BYUNG BSGOMS LAGS KYANG, ,RTAG 'DZIN GYI GDON CHEN THUGS GSOL BAS, ,PHYI NANG GI DNGOS LA SHI SPAR 'THAMS, ,GSUNG TSUL DANG RNAM THAR 'GAL NYEN GDA'O, ,THEG TSAN GYI LAM DU ZHUGS RLOMS KYANG, ,RANG 'DOD KYI GSHED MA BUR RDZUS PAS, ,CHAGS SDANG GI PHYOGS RIS SU BAS CHE, ,'GRO DRUG GI PHA MA BSLUS NYEN GDA'O, ,BDEN MED KYI RANG ZHAL BLTAS BLTAS KYANG, ,MNYAM GZHAG GI GOMS PA 'DRIS CHUNG BAS, ,BDEN SNANG GI 'DZIN PA SBRING SBRING SHAR, ,DRAN SHES KYI SO BA YENGS NYEN GDA'O, ,ZHES SO, ,

, ,DA NAS BKRA SHIS LHUN POR PHEBS, DGUN CHOS THOG TSOGS CHEN LA THAMS CAD MKHYEN PA DGE 'DUN GRUB PA'I RNAM THAR GZABS BSHAD MDZAD, DE NAS YONGS 'DZIN ZHES PA CHU PHO BYI BA'I LO ZLA BA BRGYAD PA'I TSES BCU DGU LA LHO MON PHYOGS SU PHEBS TE, THOG MA G-YANG BU RTAG LUNG DU LHA RIN PO CHE DPON SLOB LA 'KHOR LO BDE MCHOG GI DPANG DANG, 'JIGS BYED RO LANGS BRGYAD BSKOR GYI DBANG, BDE MCHOG DKAR PO'I TSE SGRUB, MGON PO TRA KA SHAD KYI CHOS SKOR YONGS RDZOGS, SMAN BLA'I RJES GNANG LUNG DANG BCAS PA SOGS 'DOD CHOS RNAMS LEGS BAR STZAL, DE NAS RIM GYIS SPA GRO THIM BU DAR DKAR GYI BAR DU PHEBS, SPYIR LHO MON DE RANG RANG GI GRUB MTHA' DANG BLA MA SO SO'I PHYOGS 'DZIN GZHAN LAS CHE YANG RJE 'DI LA NI RANG NYID LA GRUB MTHA'I PHYOGS 'DZIN MED PAR KUN LA DAG SNANG MDZAD PA'I MTHUS THAMS CAD KYIS BSNYEN BKUR 'BUL BA ZHABS RTOG TSAD MED PA BYUNG ZHING, RJE 'DI NYID KYIS KYANG DGE 'DUN GYI SDE RNAMS SU ZANG ZING GI SGO NAS MANG 'GYED BZANG PO DANG, CHOS PHYOGS NGOS NAS DPAL GSANG BA 'DUS PA DANG 'JIGS BYED LA SOGS PA'I DBANG DANG ZAB KHRID DU MA DANG, YI DAM DANG CHOS SKYONG MANG PO'I RJES GNANG SOGS 'DOD CHOS MANG DU STZAL ZHING, KHROM MI STONG PHRAG MANG PO TSOGS PA RNAMS LA LAS 'BRAS KYI RNAM GZHAG GTZO BOR MDZAD PA'I TSE DBANG DANG, YIG DRUG GI LUNG STZAL NAS DGE BA'I

DAM BCA' CHED DU BSKUL BAS BSNYEN GNAS KYI DAM BCA' LEN MI BRGYA PHRAG DU MA DANG, BZANG SPYOD, BYAMS SMON, LTUNG BSHAGS, SGROL MA, SHER SNYING, SKYABS 'GRO, RANG GANG MOS KYI BLA MA'I GSOL 'DEBS, MA nI DUNG NAS BZUNG NYER GCIG RE YAN, SROG GCOD SPONG PA, NYAL PHYAG LANG PHYAG ,DUS KYANG RAB RNAMS KYIS JI SRID 'TSO'I BAR, THA MAS LO GCIG GI BAR DU DAM BCA' LEN MI BSAM GYIS MI KHYAB PA BYUNG BAS RJE 'DI PA GANG DU BYON PA'I YUL DE DANG DER DAM BCA'I RGYUN SKYONG BAS DGE BA'I LAM GSAL BAR MDZAD DO, ,KHYAD PAR DGUNG WANG LA BRTEN PA'I MI BRGYA STONG PHRAG MANG PO GSOD RES BYED CING RANG RANG GI BLA MA RNAMS KYIS KYANG MA 'DOMS PA'I RTZA BA MI SHA LEN PAR CHAS PA MANG PO LA DNGOS PO'I GNANG SBYIN SNGON DU 'GRO BAS, PHYAG PHRENG SPYI BOR BZHAG STE MI SHA MI LEN PA'I DAM TSIG LA BZHAG NAS SDIG PA'I RTZA BA BCAD PAS LHO MON PHYOGS BDE 'JAMS SU GNAS PA BYUNG NGO, ,DE LTA BU'I TSUL GYIS BSTAN PA DANG SEMS CAN LA PHAN PA RGYA CHEN PO MDZAD CING, SLAR BOD DU PHEBS PA NA, DBUS GTZANG GNYIS KAR DUS 'KHRUG MTHO DMAN GYI 'GYUR LDOG LHAG PAR CHE BAS LA LA SDUG BSNGAL DNGOS LA SPYOD, LA LA SDUG BSNGAL GYI RGYU LA DGA' DGA' LTAR SPYOD PA GZIGS PAS THUGS SKYO SHAS DRAG PO 'KHRUNGS TE NGES 'BYUNG GI GDUNG DBYANGS GSUNGS PA NI, NA MO GU RU MANYDZU GHOsh'A YA, DANG POR 'KHOR 'DAS KYI SKYON YON RIG ,BAR DU BLANG DOR GYI ROL PAS 'DAS, ,THA MAR KUN BYANG GI RANG BZHIN RNAMS, ,DBYER

, ,MED DU MKHYEN RNAMS BDAG GI SKYABS, ,RTAG 'DZIN GYI GDON CHE NA THUGS ZHUGS PAS, ,PHYI RTZIS KYI GRANGS SHOMS BYED BYED NAS, ,'BRAS MED KYI SPUN PA 'PHYAR BA BZHIN, ,DON MED DU 'DA' BA 'DI AA TZA MA, , SDIG SDUG DANG GTAM NGAN KHYAD BSAD DE, ,SER SNA YIS ZAS NOR BSAGS BSAGS NAS, ,RDUL PHRAN TZAM 'KHYER BA'I DBANG MED PAR, ,LAG STONG DU 'GRE BA 'DI AA TZA MA, ,NYON MONGS KYI GOMS PA SHUGS DRAG PAS, ,LANG SHOR GYI BAG YANGS SPYOD SPYOD NAS, ,THAR MED KYI DMYAL BA'I BTZON KHANG DU, ,TSA GRANG GI SDUG BSNGAL 'DI AA TZAM, ,GNYEN GROGS DAN 'KHOR MANG TSOGS PA'I DPUS, ,NGA SNYAM DU MNGON PAR 'GYID 'GYING NAS, ,MYA NGAM GYI THANG LA DGRAS BCOM BZHIN, ,GROGS MED DU NYAM THAG 'DI AA TZAM, ,SHA KHRAG GI LANG TSO YID 'PHROG CING, ,MDZES BYED KYI GSER G-YUS BRGYAN BRGYAN NAS, ,KENG RUS KYIS KHYAB PA'I DUR KHROD DU, ,GCER BU RU 'GRO PA 'DI AA TZA MA, ,BLO MTHUN GYI SNYING SDUG MANG PO DANG, ,DGA' 'DUS KYI NYAMS DGA' SKYONG SKYONG NAS, ,DBANG MED DU 'CHI BDAG BDUD PO DES, ,SO SO RU 'PHRAL BA 'DI AA TZAM, ,KHANG BZANG GI BKOD PA BRGYA BYAS SHING, ,DBYIBS LEGS KYI GNAS MAL GSHOM GSHOM NAS, ,RNAG KHRAG GIS SBAGS PA'I RO KHUNG DU, ,SGREN MO RU NYAL BA 'DI AA TZA MA, ,'JAM LEGS KYI GYON PA BRGYA PHRAG DANG, ,ZHIM DGU YI BZA' BTUNG SPYAD SPYAD NAS, ,MYUR BA RU DUR BRGYAGS KHAM GANG ZA, ,RO

SHUN GYIS DKRI BA 'DI AA TZA MA, ,STONG GSUM GYI KHYON LA DBANG BSGYUR ZHING, ,PHUN TSOGS KYI STOBS KYIS DREGS DREGS NAS, ,'JIGS RUNG GI GSHIN RJE CHOS RGYAL GYIS, ,DBANG MED DU 'KHRID PA 'DI AA TZA MA, ,MA BRTAGS PAR NYAMS DGA'I SKYE BO'I TSOGS, ,'DI NANG GI BDE LA ZHEN ZHEN PA'I, ,THUGS RGYUD LA GLU 'DI MI 'BAB MOD, ,DE KUN KYANG DE BAS AA TZA MA, ,AA TZA MA BCU YI GLU CHUNG 'DI, ,PHYOGS MED KYI RGYAL KHAMS MYUL MYUL NAS, ,SNYOM LAS KYI MAL DU RTAG NYAL BA'I, ,BLO BZANG GI CHOS RGYAN ZHES BYAS SMRAS, ,ZHES SO, ,DE NAS RIM GYIS BKRA SHIS LHUN POR PHEBS NAS MANG 'GYED RGYAS PAR STZAL NAS CHOS KYI 'KHOR LO RGYA CHER BSKOR, DE NAS RGYAL BA THAMS CAD MKHYEN PA YON TAN RGYA MTSO'I BKA' SHOG DANG GDAN 'DREN GYI MI SNA BCAS RJE 'DI LHA LDAN SMON LAM GYI TSOGS DBUR SPYAN DRANGS TE CHU GLANG NAS SA RTA'I BAR SMON LAM CHEN MO'I TSOGS DBU RGYUN DU MDZAD, GLANG LO'I SMON LAM GROL NAS SPRUL PA'I SKU BSOD NAMS DGE LEGS DPAL BZANG DANG, SE 'BRAS RGYUD STONG SMAD SOGS KYI DGE BA'I BSHES GNYEN BZHI BCU TZAM LA BSNYAN RDZOGS GNANG, 'BRAS SPUNGS TSOGS CHEN LA 'JAM DPYANGS CHOS SKOR YONGS RDZOGS DANG, THAMS CAD MKHYEN PA LA MGON PO ZHAL GYI RNAM 'GYUR MANG PO'I BKA' DANG, THUN MONG DANG THUN MONG MA YIN PA'I BE'U BUM LUNG ZHAL SHES DANG BCAS PA GNANG NGO, ,DE NAS BKRA SHIS LHUN POR PHEBS NAS SNGAGS GRVAR BZHUGS PA'I RAB 'BYAMS

, ,PA RNAMS LA 'DUS PA'I BSHAD NYAN GYI STENG DU DPAL DUS KYI 'KHOR LO'I RGYUD 'GREL GYI 'CHAD NYAN GSAR 'DZUGS MDZAD, DE NAS RE SHIG SKU MTSAMS MDZAD DE DPAL GSANG BA 'DUS PA'I ZAB LAM RIM PA LNGA LA NYAMS BZHES RTZE GCIG TU MDZAD PAS RIM LNGA'I RTOGS PA MNGON DU GYUR TE PHYI RABS KYI GDUL BYA RNAMS LA 'JAM MGON BLA MA'I RJES SU SLOB PAR 'DOD PA RNAMS KYIS RANG NGOS NAS NYAMS LEN BYUNG PHYIN RJE'I BSTAN PA 'DI LA TSE GCIG NYID LA ZUNG 'JUG BSGRUB PA'I NYE LAM 'DI LTA BU YOD DO ZHES RDO RJE'I SGRA DBYANGS SGROGS PAR MDZAD PA NI, NA MO GU RU MANYDZU GHO sh'A YA, RJE DUS GSUM SANGS RGYAS THAMS CAD KYI, ,DPAL BDE BA CHEN PO'I YE SHES SKU, ,PHYI NGUR SMRIG GAR GYIS RNAM ROL PA, ,PHA MA TI BHA DRA'I ZHABS LA 'DUD, ,DUS NYIN GCIG RIG PA DVANGS PA'I TSE, ,CHOS THOS PA'I SNYING PO CUNG ZAD BSAMS, ,DE BSAMS PAS BLA MA'I BKA' DRIN DRAN, ,LUNG MAN NGAG RIGS PAS NGES PA'I DON,, 'DI 'BRAS BU LAM BYED TSUL NYID DU, ,RJE BLA MA'I BKA' DRIN RJES DRAN PA'I, ,NGAG RDO RJE'I GLU DBYANGS 'DI BZHIN LEN, ,MGON THUGS RJE CAN DE'I BKA' DRIN GYIS, ,RTEN DAL 'BYOR TSANG BA'I MI LUS THOB, ,RJE RGYAL BA GNYIS PA'I BSTAN DANG MJAL, ,RGYUD SDOM PA GSUM GYIS MDZES PAR BYAS, ,GZHI DAM TSIG SDOM PA GCES PAR BSRUNGS, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,BKA' MDO RGYUD DON LA SGRO 'DOGS BCAD, ,GNAS

'KHOR BA'I RGYU 'BRAS NGANG TSUL RIG ,BYAMS SNYING RJE BYANG CHUB SEMS NYID SBYANGS, ,DBYINGS GNAS LUGS RTOGS PA'I LTA BA GO ,LAM RIM GNYIS ZAB MO'I NYAMS LEN SHES, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,GZHI MA DAG SKYE SHI BAR DO GSUM, ,RGYUD SMIN BYED SKU GSUM NGO BOR BSGYUR, ,YUL GANG SNANG DAG PA'I ROL PAR SHAR, ,LUS ZAB GSAL GNYIS MED LHA YI SKU, ,NGAG GRAG STONG SNGAGS KYI BZLAS PA SHES, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,NANG RDO RJE'I LUS KYI GNAS LUGS RTOGS, ,RTZA 'DAB BRGYAD NOR BU'I CHU SKYES DBUS, ,CHOS KHYAD PAR GSUM LDAN SMIN LEGS MAR, ,SEMS RTZE GCIG CHAGS PA'I ROL RTZED KYIS, ,MA YE SHES d'A KI'I GZI BRJID RGYAS, ,STENG CHU SHEL ZLA ZER SPROS SHING BSDUS, ,PHYIS JI SNYED CHOS KYI RI DVAGS KUN, ,SNGAR MNYAM GZHAG DRAN PA'I RGYA RU BCUG ,RGYA DE NYID BDE STONG LHA SKUR SHAR, , 'DI BSAMS SHING RJE BCUN BLA MA'I DRIN, ,DRIN CHE BAR NGES SO BLA MA RJE, ,SNYING MTSON CHA 'KHOR LO RTZIBS BRGYAD DBUS, ,SNGAGS BZANG PO'I THIG LES NGAR BLUD NAS, ,DGRA GZUNG 'DZIN BZHON PA'I BDUD SDE YI, ,MGUL CIG CAR 'DRAL BA'I DGRA THABS MKHAS, ,YANG CHOS 'KHOR PADMO'I LTE BA LA, ,DPAL YE SHES RDO RJE'I RANG BZHIN GYI, ,NOR BEEd'UR DKAR PO'I PI WAm NI, ,RGYUD 'OD ZER LNGA YI RI MO CAN, ,GDANGS MI SHIGS

, ,RDO RJE GSUM GYI DBYANGS, ,DPAL MKHA' SPYOD GRUB PA'I GTAM SNYAN 'DIS, ,DBYE DKA' BAM RIG MDUD PA 'BYED, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,THABS SHES RAB NGES GSANG RTZA MCHOG NI, ,CHES PHRA BA'I CHU SKYES MYU GU'I RTZER, ,RDZAS DKAR DMAR 'BRAS BU'I THIG LE MDZES, ,'DI ZOS PAS ZHE SDANG 'DOD CHAGS DANG, ,DE'I 'BRAS BU GTI MUG ME TOG RGYAS, ,SROG MA 'GAGS BZHIN DU MNGON SUM SHI ,LAR 'GAL 'DU'I LTAD MO CI YANG MTHONG, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,BLO MYUR MGYOGS DRAN PA'I LHA BZO YIS, ,KHAMS PHRA MO'I GSER SBYANGS BTZOM LAS, ,RTEN YE SHES RANG BZHIN LHA SKU BZHENGS, ,SKU DE YI CHO 'PHRUL BSAM MI KHYAB, ,KHAMS GSUM PO MA LUS RIL GYIS MID, ,MTHAR DE BZHIN GSHEGS PA'I TSOGS KUN BSAD, ,RJE SANGS RGYAS YUM YANG BDAG TU BZUNG, ,DE'I NGO TSAS RANG YANG STONG PAR BROS, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,SLAR NAM MKHA'I LAM LAS 'JA' TSON 'KHRUNGS, ,'JA' DE NYID MTSAN DPE'I 'OD DU 'BAR, ,THABS DBANG PO'I GZHU YIN CHUNG DANG, ,YUL 'OD GSAL CHANG GIS RTAG MYOS BA'I, ,DBYINGS LHAN SKYES GZHON NU MIG YANGS PO, ,DUS 'DU 'BRAL MED PA'I GROGS POR SONG, ,GROGS MDZA' BAS DNGOS PO GCIG TU 'DRES, ,DPAL ZAG MED NOR DANG LONGS SPYOD TSOGS, ,KHONG GZHAN

LAS PHROGS TE BDAG GIR BZUNG, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,DON DE BZHIN MNGON DU MA GYUR KYANG, ,CHOS ZAB MO THOS DANG BSAM PA'I MTHUS, ,RJE SANGS RGYAS LAS KYANG CHES DKON PA'I, ,LAM 'DI 'DRA BLA MA'I DRIN GYIS RNYED, ,MI NGA LA GTAD PA MA MCHIS KYANG, ,GLU 'DI NYID GSANG CHEN RGYUD SDE'I BCUD, ,YUL NYER BZHI'I DPAL BO RNAL 'BYOR MA, ,GLU 'DI 'DRA GSANG BA'I MGUR DU 'DZER, ,'DI BLO BZANG CHOS KYI RGYAL MTSAN GYIS, ,RJE'I BKA' DRIN DRAN TSE DBYANGS SU BSDEBS, ,GTAM 'DI YI DGE PAS 'GRO BA KUN, ,DPAL ZUNG 'JUG RDO RJE'I SKU THOB SHOG ,CES SO, ,DE NAS KUN DGA' ZHES PA SHING PHO STAG GI LO LHA LDAN SMON LAM CHEN MOR PHEBS TE TSOGS DBU MDZAD NAS SKYES RABS KYI GZABS BSHAD SOGS 'JAM MGON BLA MA'I MDZAD SROL NYAMS PA MED PAR BSKYANGS, THAMS CAD MKHYEN PA YON TAN RGYA MTSO BSNYEN PAR RDZOGS PA MDZAD PA'I MKHAN PO MDZAD, GZHAN YANG DON GNYER CAN BRGYA PHRAG MANG BOR RAB BYUNG BSNYEN RDZOGS GNANG, 'BRAS SPUNGS TSOGS CHEN LA SGRUB THABS RGYA MTSO RDZOGS PAR GNANG, DE DUS RJE NYID KYI ZHAL SLOB BSTAN PA LA PHAN DU RE BA MANG PO ZHIG GLO BUR GLO BUR DU 'DAS PAS RKYEN BYAS MI RTAG PA'I NGANG TSUL BCOS MIN THUGS LA 'KHRUNGS TE GSUNG MGUR 'DI LTAR MDZAD DE, NA MO GU RU MANYDZU GHOsh'A YA, KUN MKHYEN GYI RGYAL PO TZONG KHA PA'I, ,GDAMS PA YI MDZOD 'DZIN DBEN SA PA, ,DUS GSUM GYI

, ,SANGS RGYAS YE SHES DNGOS, ,MI BDAG SNYING GI PADMO'I ZE'U 'BRUR BZHUGS, ,'JIGS RANG 'JIGS LNGA BCU KHA RAL DUS, ,LO RGAN TSO BZHI BCU LNGA TZAM LON, ,RNAM G-YENG GI NGANG LA MI TSE ZAD, ,DA TSE LHAG 'DI SNUM ZAD MAR ME TZAM, ,RI GZAR GYI 'BAB CHU DRAG PO LTAR, ,SNYIGS DUS KYI TSE THUNG ZHAG 'GA'O, ,SUS BZUNG BAR MI NUS NAM MKHA'I GLOG ,'DI BSAMS NA TSE 'DI'I MDUN MAS CI, ,MTHO DMAN GYI GROGS PO PHAL MO CHE, , 'JIGS RUNG GI GSHIN RJES ZOS NAS ZIN, ,THAR MED KYI 'CHI BDAG ZA RES DE, ,MI BDAG CAG GI THOG TU 'BAB LA KHAD, ,RGYUS MED KYI BAR DO'I 'PHRANG BRGYUD NAS, ,RGYANG RING DU GCIG PUR 'GRO DOGS NA, ,BSLU MED KYI GROGS DANG 'DZAD MED KYI BRGYAGS, ,'GYOD MED DU TSAGS SU TSUD LAGS SAM, ,'DI NANG GI PHUN TSOGS CI 'BYOR KYANG, ,RMI LAM GYI YUL GYI LONGS SPYOD BZHIN, ,DON CHUNG LA MI TSE 'DZAD PA'I RGYU, ,DUG GSUM GYI SA BON SKYUG RE BRO, ,SNYING SDUG GI MDZA' GROGS MNGAN YANG, ,NGAN SONG GI 'THEN THAG 'CHING BA'I LCAGS, ,SING GLING GI SRIN MO MDZES MA LTAR, ,BDE 'GRO YI SROG GCOD THAR PA'I GSHED, ,GZHON GROGS DANG DGA' BA'I RTZED 'JO YANG, ,ZHIM 'DOD KYIS BTZAN DUG ZA BA BZHIN, , THAR MED KYI RO MYAGS 'DAM RDZAB TU, ,YUN RING DU NYAM THAG AA RE SDUG ,RO ZHIM GYI MYOS 'GYUR MANG 'THUNGS KYANG, ,DMAR 'BAR GYI KHRO CHU 'THUNG BA'I RGYU, ,'BUM PHRAG GI SKYE BA DUM RU, ,SEMS RNAL DU MI GNAS BA MA GLANG, ,BAN BUN GYI

'JIG RTEN BYA BA 'DI, ,AA 'THAS SU ZHEN PAS SDUG LA BKOD, ,BAG CHAGS KYIS BSLAD PA'I RMI LAM BZHIN, ,NYIN MTSAN KUN 'KHRUL PA'I BYA BAS 'DAS, ,DUG GSUM GYI BAG CHAGS TSAN CHES PAS, ,LANG SHOR GYI BAG MED BSAM SBYOR 'DI, ,BTZAN CHOD DU GNYEN POS MA SPANGS NA, ,'O BRGYAL TSOD DUNG BYUNG GIS DOGS, ,'DUS BYAS KYI MTSAN NYID MI RTAG CING, ,SNYIGS DUS KYI TSE LA LONG MED PAS, ,DA DON MED KYI BYA BAS MI 'DA' BAR, ,YANG DAG GI SNYING PO LEN PAR 'DOD, ,CES SO, ,LO DE LA STONG 'KHOR SPRUL SKU 'JAM DBYANGS RGYA MTSO DANG, SKYID SHOD ZHABS DRUNG BSTAN 'DZIN BLO BZANG RGYA MTSO SOGS BLA CHEN MANG POS GTZOS BSNYEN RDZOGS GSAR SGRUB BRGYA PHRAG MANG PO'I DON MDZAD, DE NAS BKRA SHIS LHUN POR PHEBS TE GONG SMOS BLA CHEN GNYIS PO DE DANG ZUR BZHI SLOB DPON RNAMS KYIS THOG DRANGS SDE SNOD 'DZIN PA SUM BRGYA LHAG TZAM LA RDO RJE PHRENG BA DANG MI TRA BRGYA RTZA'I DBANG RNAMS RDZOGS PAR STZAL, DE NAS LHUN RTZE CHOS SDE BA RNAMS KYIS GDAN DRANGS NAS GSANG BDE 'JIGS GSUM GYI DBANG CHEN DANG CHOS SKYONG MANG PO'I RJES GNANG SOGS CHOS MANG DU GNANG, DE NAS DMAR SER CAN ZHES PA ME SBRUL GYI LO ZLA BA BCU GNYIS PA'I NANG DU THAMS CAD MKHYEN PA YON TAN RGYA MTSO GLO BUR GYI RKYEN GYIS ZHING GZHAN DU GSHEGS NAS DGONGS PA CHOS KYI DBYINGS SU RDZOGS PAR BYA BA DANG, LHA LDAN SMON LAM GYI TSOGS DBU RNAMS DUS MTSUNGS SU MDZAD, SMON

, ,LAM GROL 'PHRAL RA SGRENG LA PHEBS, DGON PA GONG DU ZLA BA LHAG TZAM SKU MTSAMS BCAD DE SKU 'DRA RIN PO CHE DBU YON MA SPYAN DRANGS, GSOL BA RTZE GCIG TU 'DEBS PAR MDZAD PAS BYIN GYIS BRLABS PA'I MTSAN MA KHYAD BAR CAN BYUNG BAS JO BO CHEN PO DPAL LDAN AA TI SHA LA, NA MO GU RU MANYDZU GHO sh'A YA, RJE MI PHAM CHOS KYI MDUN SA'I RGYAN, ,LHA SKAL LDAN GRANGS MED YONGS KYI MGON, ,DPAL NAM MKHA' DRI MA MED PA'I ZHABS, MI BDAG SNYING PADMO'I ZE'U 'BRUR ZHOG ,ZHING BDE BCAN NA 'OD DPAG MED, ,RJE RGYAL BA'I SPYAN SNGAR BZANG PO SKYONG, ,YONGS LNGA RIG PAn CHEN KUN GYI GTZO, ,THUGS BRTZE BAS GZIGS SHIG AA TI SHA ,SNGON DPAG MED DUS NAS SANGS RGYAS KYANG, ,BDAG MGON MED 'GRO BA'I DON GYI PHYIR, ,KHRIMS BSLAB GSUM LDAN PA'I DGE SLONG TSUL, ,THUGS BRTZE BAS GZIGS SHIG AA TI SHA ,BOD 'DRE SRIN GDUL DKA' 'DUL MDZAD PA'I, ,DPAL MTHU STOBS DBANG PHYUG PADMA 'BYUNG, ,MGON KHYOD KYI YE SHES SGYU MA'I 'PHRUL, ,THUGS BRTZE BAS GZIGS SHIG AA TI SHA ,DUS MI BZAD SNYIGS MA LNGA BDO BA, ,YUL BYANG PHYOGS RMONGS PA'I MUN KHROD 'DIR, ,CHOS PHAN BDE'I GZI 'OD STONG 'BAR PA'I, ,DPAL MAR ME MDZAD DPAL AA TI SHA ,RIGS KHYAB BDAG BDE GSHEGS KUN GYI DNGOS, ,CHOS BRGYAD KHRI BZHI STONG 'BYUNG BA'I GNA, ,TSOGS 'PHAGS MCHOG KUN GYI 'DREN PA MCHOG ,SKYABS BSLU MED MGON PO AA

TI SHA ,PHA KHYOD ZHABS BSTEN CING MCHOD PA DANG, ,YID RTZE GCIG GDUNG BAS GSOL 'DEBS NA, ,MCHOG THUN MONGS DNGOS GRUB MA LUS KUN, ,DUS MYUR DU STZOL MDZAD AA TI SHA ,DA DENG NAS BYANG CHUB SNYING PO'I BAR, ,MGON KHYOD ZHABS PADMO SPANGS NAS NI, ,BDAG RE BA'I SKYABS GZHAN MI 'TSOL BAS, ,PHA THUGS RJES ZUNGS SHIG AA TI SHA ,RTEN RNYED DKA' 'JIG SLA'I MI LUS 'DI, ,PHYIS 'BRAS MED SPUN PA MI 'PHYAR BAR, ,DON RTZE GCIG SNYING PO LEN PA RU, , RGYUD BYIN GYIS RLOBS SHIG PHUL BYUNG ZHABS, ,DGRA BDAG 'DZIN 'GONG PO RTZAD NAS BTON, ,GNYEN 'GRO DRUG SEMS CAN GCES PAR BZUNG, ,LAM STONG NYID SNYING RJE DPYER MED PAR, ,RGYUD BYIN GYIS RLOBS SHIG PHUL BYUNG ZHABS,, SLAR MA 'ONGS SKYE BA RNAMS SU YANG, ,SPRANG BDAG GI SKYID SDUG LEGS NYES RNAMS, ,DPAL LHA CIG JO BO KHYED RANG MKHYEN, ,LAM LOG PAR MA GTONG AA TI SHA ,TSE 'DI NANG 'GAGS PAR GYUR PA NA, ,DPAL MAR ME MDZAD DPAL SNANG MTHA' YAS, ,DON DE PHYIR THUGS RJE'I 'OD ZER GYIS, ,BU SNYING MED BDE BA CAN DU DRONGS, ,MI NGA LA DAD CING GUS PA RNAMS, ,STENG DGA' LDAN LHA BRGYA'I GNAS MJAL ZHES, ,BKA' 'GYUR MED ZHAL GYIS BZHES PA YI, ,DON MNGON SUM BDAG LA BSTAN DU GSOL, ,CES DANG, 'BROM LA, NA MO GU RU MANYDZU GHO sh'A YA, LHA GANGS RI'I MGON PO SPYAN RAS GZIGS, ,DPAL MAR MA MDZAD PA'I THUGS KYI SRAS, ,RJE RGYAL BA KUN GYI 'BYUNG GNAS ZHES, ,MTSAN

, ,SNYAN PAR GRAGS PA'I RGYAL BA 'BROM, ,SRAS SA BCU'I DBANG PHYUG PAD DKAR 'DZIN, ,RGYUD MA DAG 'GRO BA 'DREN PA'I PHYIR, ,RTEN TSANGS SPYOD DGE BSNYEN TSUL 'DZIN KYANG, ,DON SNYING BO'I DGE SLONG RGYAL BA 'BROM, ,YUL BYANG PHYOGS AU PA S'I KA ZHIG ,MING CHOS 'PHEL SKAD DU 'BYUNG NGO ZHES, ,RJE RGYAL BA'I LUNG BSTAN MCHOG BRNYES PA'I, ,BOD GANGS CAN MGON PO RGYAL BA 'BROM, ,ZHING PHYOGS BCU'I BDE GSHEGS THAMS CAD KYI, ,THUGS BRTZE BA'I YE SHES GCIG BSDUS NAS, ,DPAL BKA' GDAMS MES PO'I SKUR STON PA, ,PHA BSTAN PA'I BDAG PO RGYAL BA 'BROM, ,TSE MI RTAG DGUN NYI LTA BU 'DI, ,DGRA CHOS BRGYAD RKYEN GYIS MI G-YENG BAR, ,DA RTZE GCIG DAM CHOS BSGRUB PA RU, ,RGYUD BYIN GYIS RLOBS SHIG 'BROM STON RJE, ,GYONG LTO GOS GTAM GYI STENG DU BSKUR, ,TSE 'DI NANG LUS SROG THED LA BOR, ,RANG GCES 'DZIN GCONG NAD THON PA RU, ,RGYUD BYIN GYIS RLOBS SHIG 'BROM STON RJE, ,BYAMS SNYING RJE BYANG CHUB SEMS GNYIS 'BYONGS DBYINGS SPROS BRAL BDAG MED MNGON SUM RTOGS, ,LAM RIM GNYIS RNAL 'BYOR MTHAR PHYIN PAR, ,RGYUD BYIN GYIS RLOBS SHIG 'BROM STON RJE, ,ZHES JO BO YAB SRAS GNYIS KYI GSOL 'DEBS PHYAG BRIS SU MDZAD DO, ,DE NAS 'BRAS SPUNGS SU PHEBS PA NA SE 'BRAS GNYIS KA'I MKHAN PO MDZAD DGOS ZHES BLA MA DGE 'DUN TSANG MAS GSOL BA RTZE GCIG TU BTAB PA RJE RIN PO CHE'I BSTAN RGYUN LA DGONGS NAS RE SHIG MDZAD PAR ZHAL GYIS BZHES TE SE 'BRAS GNYIS KA'I MKHAN

PO MDZAD, DE'I TSE STON PA THUB PA'I DBANG PO LA BDEN TSIG GSOL 'DEBS 'DI LTAR MDZAD DE, NA MO GU RU MU NI AINDR'A YA, BSKAL BZANG 'DREN PA RGYU SKAR STONG GI DBUS, ,SNYING STOBS CHA SHAS RDZOGS PA'I 'OD DKAR CAN, ,THUB DBANG SMRA BA'I ZLA BA'I ZHABS PAD LA, ,BYANG CHUB SNYING PO'I BAR DU SKYABS SU MCHI, ,'JIGS RUNG SNYIGS MA'I BYIN ZA CHER 'BAR BAS, ,RGYAL GZHAN MTHA' DAG SGRAG PA 'DZIN PA'I TSE, ,MKHYEN BRTZE'I SPRIN PHUNG THUGS RJE'I CHU RIS CAN, ,GDUGS SEL SH'AKYA'I GTZO BO LAS GZHAN CI, ,DE PHYIR THUB PA'I NYI MA MANG PO YIS, ,YAL BAR BOR BA'I DMU RGOD GDUL DKA' BA, ,NYAM THAG MGON SKYABS MED PA BDAG CAG LA, ,RE BA'I SKYABS GZHAN MED DO SH'AKYA'I TOG ,BSAM ZHING BSAMS SHING KUN MKHYEN NYI MA'I GNYEN,, MNGON SUM MA MTHONG GDUNG BA'I ME 'BAR BA, ,GZHOM PHYIR SPRIN DANG BRAL YANG MIG MKHA' LAS, ,MCHI MA'I CHAR ZIM G-YO BAS CI YANG KHEBS, ,DE SLAD LHAR BCAS STON PA MCHOG DE NYID, ,DRAN BA'I YUL DU GSHEGS KYANG GUS PA YIS, ,ZHABS PHYIR BSNYEGS PAR 'DOD PA BDAG CAG LA, ,BRTZE BAS PHYI BZHIN GZIGS DANG ZAS GTZANG SRAS, ,KHYOD KYI BSTAN PA'I CHA TZAM MI SGRUB PAR, ,NYON MONGS DUG GSUM CHANG GIS RAB MYOS PA, ,KHREL MED SMYON PA LTA BU BDAG CAG LA, ,BCOM LDAN THUGS RJE MNGA' BAS SKYABS MDZOD CIG ,DAL 'BYOR DON CHEN SNYING PO MI LEN PAR, ,DON CHUNG TSE 'DI'I BYA BAS DUS 'DA' BA, ,RIN CHEN DOR NAS MCHING BU LEN PA YI, ,BAG MED BZANG RDZU MKHAN LA THUGS RJES GZIGS, ,'DUS BYAS MI RTAG KHYAD PAR RANG

, ,GI TSE, ,RTZVA RTZE'I ZIL PA BAR SNANG GLOG 'DRA YANG, ,RNYED BKUR DON GNYER RTAG TU SDOD GRABS BYED, ,RTAG 'DZIN PHYI 'SHOL MKHAN LA THUGS RJES GZIGS, ,TSER MA'I SDUG BSNGAL TZAM YANG MI BZOD KYANG, ,BSKAL BRGYAR NGAN 'GRO'I SDUG BSNGAL MYONG BA'I RGYU, ,DGE SDIG KHYAD DU GSOD PA'I KHREL MED PO, ,SDIG LDAN SER GZUGS CAN LA THUGS RJES GZIGS, ,NYON MONGS DGRA BOR SHES KYANG SEMS LA 'CHANG, ,SDOM GSUM GNYEN DU MTHONG YANG YAL BAR 'DOR,, GZHAN GYIS DAM PAR BKUR YANG THA MAL PA, ,'GAL 'DU'I PHUNG PO BDAG LA THUGS RJES GZIGS, ,LDAN GROL MI LDAN DKOR GYIS RANG RGYUD TSOS, ,NYIN MTSAN KHOR YUG RNAM G-YENG RO NYAL MKHAN, ,CHOS BRGYAD KHOL PO GZHAN GNOR TSUL 'CHOS PA, ,SNYING RUL BLUN PO BDAG LA THUGS RJES GZIGS, ,GAR 'GRO'I GTOL MED GZHAN GYI LAM SNA 'DREN, ,RANG RGYUD MA DUL GZHAN LA DAM CHOS 'CHAD, ,RANG MGO MI THON MANG PO'I TSOGS DPON BYED, ,BTZUN PA'I GZUGS BRNYAN BDAG LA THUGS RJES GZIGS, ,TSUL 'DI BU RAM SHING PA'I RNAM THAR DANG, ,RANG GZHAN SPYOD TSUL DRAN PAS RKYEN BYAS TE, ,DGE SLONG BLO BZANG CHOS KYI RGYAL MTSAN GYIS, ,DPAL LDAN 'BRAS SPUNGS CHOS SDE CHEN POR SMRAS, ,ZHES SO, ,DUS DE DANG GZHAN GYI TSE YANG KHRIMS 'CHAL DUR SMRIG GIS DKRIS SHING DAD BAS BYIN PA LA 'DZEM MED SPYAD KYANG DBUL BA'I SDUG BSNGAL GYIS NYAM THAG PA DU MA SPYAN LAM DU GZIGS PAS LHAG PAR SNYING RJE 'KHRUNGS SHING THUGS YA NGA BAR

GYUR; DES MTSON TSE 'DI'I BDE SKYID DON DU GNYER BA'I PHYIR SDIG PA 'BA' ZHIG BYED PA RNAMS KYI BSAM SBYOR GZIGS PAS KYANG RKYEN BYAS, 'DI LTAR THUGS LA SHAR BA BZHIN 'PHAGS PA'I DBYANGS SU BSDEBS PAR MDZAD PA NI, NA MO GU RU MANYDZU GHO sh'A YA, PHA RJE BTZUN BLA MA'I ZHABS LA 'DUD, ,KHYED GSON DANG RNAM DPYOD YANGS PA KYE, ,KHE MNOG CHUNG GI BYA BAS CI ZHIG BYED, ,BDE 'DOD NA DAM PA'I LHA CHOS MDZOD, ,NOR ZANG ZING GI 'DU 'GOD STON KA'I SPRIN, ,GNYEN 'KHOR G-YOG GI LANG LONG TSONG DUS 'GRON, ,LUS SHA KHRAG GI LANG TSO NAM MKHA'I 'JA', ,'DI DGONGS SAM SHES LDAN GROGS PO DAG ,RTEN DAL 'BYOR 'DI NYIN MO'I SKAR MA 'DRA, ,DGRA 'CHI BDAG KHO MI SDOD TSUR TSUR 'OD, ,TSE PHA ROL GYI NGAM GROG G-YANG SA CHE, ,'DI DGONGS SAM SHES LDAN GROGS PO DAG ,SPYIR 'KHRO BA'I GNAS 'DI DUG SPRUL TSANG, ,DGOS 'DOD YON GYI LONGS SPYOD KIM PA'I 'BRAS, ,LHA TSANGS DBANG GI DPAL YANG CHU SHING 'DRA, ,'DI DGONGS SAM SHES LDAN GROGS PO DAG ,NYEN CHE DUS SU SKYOB PA DKON MCHOG GSUM, ,DUS MTHAR THUG GI GTAN GROGS DRIN CAN RJE, ,RANG DGOS DUS SU PHAN PA DAM PA'I CHOS, ,'DI DGONGS SAM SHES LDAN GROGS PO DAG ,SHU LA THAG RING GI BRGYAGS PHYE SBYIN PA'I GTER, ,LAM MTHO RIS KYI THEM SKAS TSUL KHRIMS DANG, , RGYAN GZUGS BZANG GI BYED PO BZOD PA STE, ,'DI DGONGS SAM SHES LDAN GROGS PO DAG ,KHYED 'DI NANG GI BDE LA CHAGS RIN MED, ,YUL 'DI LAS DGA' LDAN LHA YUL SKYID, ,ZAS 'DI LAS LHA YI BDUD RTZI ZHIM, ,'DI DGONGS SAM SHES LDAN GROGS PO

, ,DAG ,GOS 'DI LAS LHA RDZAS NA BZA' DRO, ,RGYAN 'DI LAS NOR BU RIN CHEN MDZES, ,GROGS 'DI LAS LHA DANG LHA MO BZANG, ,'DI DGONGS SAM SHES LDAN GROGS PO DAG ,MI'I 'DOD PA'I BDE LA ZHEN BAS CI, ,KYE LHA YI LUS DANG LONGS SPYOD YOD, ,KVA'I 'KHOR BA'I BDE BA 'DOD NA YANG, ,CHOS TSUL BZHIN MDZOD DANG 'DI BZHIN 'BYUNG, ,ZHES SO, ,DE SKABS DBEN PA'I GNAS SU SGRUB PA SNYING POR MDZAD PA LA THUGS SMON PA'I GSUNG DBYANGS 'DI LTAR MDZAD DE, NA MO GU RU MANYDZU GHO sh'A YA, RJE SANGS RGYAS KUN GYI YE SHES NYID, ,PHA 'GRAN ZLA MED PA'I BLO BZANG GRAGS, ,MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB STZAL DU GSOL, ,GNAS 'JIGS RUNG 'KHOR BA'I BTZON RA 'DIR, ,SNGAR SKYE RGA NA 'CHI'I 'KHOR LO BSKOR, ,DA RJE BTZUN BLA MA'I THUGS RJE YIS, ,LAS NYON MONGS SKYE BA BZLOG TU GSOL, ,GZHON LANG TSO RGYAS PA'I MYU GU DE, ,MTHAR LO ZLA 'GYUR BAS RIM BZHIN SMIN, ,SEMS COL CHUNG BYIS BA RGAN PO'I LUS, ,'DI BSAMS SHING SHES PA GTING NAS SKYO, ,DBYAR SPANG LJONGS BKRA BA'I ME TOG DE, ,DBYIBS RAB MDZES MTHONG NA YID 'PHROG KYANG, ,DUS NAM ZLA STON DU GYUR PA NA, ,MDOG MI LEGS RNYINGS SHING YID MI CHAGS, ,DON DE BZHIN YID 'ONG BLTA NA MDZES, ,RGYAN LANG TSOS DREGS PA'I GZHON NU YANG, ,MTHAR DAR YOL RGAS PA'I DUS KYI TSE, ,GZUGS MI SDUG RO LANGS MNGON SUM BZHIN, ,NANG SHA DANG KHRAG GI STOBS BRI BAS, ,PHYI LHAB LHAB 'PHYANG BA'I PAGS PA DE, ,RGYA GNYER MA MANG POS RGYA GRAM BCINGS, ,LUS DRANG POR SKYES

PA'ANG GZHU LTAR SGUR, ,SO'I GE SAR PHAL CHER LHUNG GYUR BAB, ,MA CHU'I YAL 'DAB G-YO YANG MDZES PA MED, ,NGAG MI GSAL LDAB LDIB SMRA BA 'DI, ,DBUGS CHUS CHAG CHAG 'GREMS PA BZHIN, ,YAR LDANG TSE SUG BZHI SA LA BGRAD, ,MAR SDOD TSE 'BEBS CHEN RGYAG DANG MTSUNGS, ,RKANG BYIN PA SOR BZHI'I KHRI DES KYANG, ,LUS SGROM BU MI THEG LING LING 'DAR, ,SKRA ZEGS SHING LHAG MA SKYA BOR GYUR, ,MIG MI GSAL MIG 'BRAS NANG DU BROS, ,GTAM 'GRO 'ONG RNA BA'I SGO LA BKAG ,BLO RMONGS SHING DRAN DANG DBANG PO NYAMS, ,LUS 'BAD BAS 'KHAR BA LA BRTEN YANG, ,'GROS 'KHYOR ZHING 'KHYOR ZHING RES 'GA' 'BUB, ,TSE PHAL CHER ZAD PAS PHA ROL NYE, ,GNYEN NYE 'BREL 'KHOR G-YOG BCAS PAS KYANG, ,DE MED NA BDE ZHES SHI SMON BYED, ,RGAS 'KHOGS SHING LANG CHO NYAMS GYUR PAS, ,SHING KHONG RUL SDONG PO RNYING PA 'DRA, ,TSUL 'DI 'DRA'I 'JIGS RUNG SDUG BSNGAL YANG, ,DUS LAN RE KHO NA MA YIN TE, ,RGYUN MI CHAD YANG DANG YANG DU MYONG, ,LAR RGAS PA'I SNANG TSUL 'DI LTA BU, ,YONGS KUN LA 'BYUNG BA'I RANG BZHIN YANG, ,GZHON LANG TSO RGYAS PA'I BYIS PA RNAMS, ,'DI MI SHES NA TSOD RTAG TU RE, ,PHYI GSER CHUS G-YOGS PA'I BSHANG GCI LA, ,SEMS CHAGS KYANG RANG MTSANG MYUR DU STON, ,TSON RI MO BKRA BA'I DBANG PO'I GZHU, ,MDANGS LEGS KYANG MYUR DU YAL NAS 'GRO, ,DON DE PHYIR LUS KYI RKYEN BZOD TSE, ,NAGS SMAN LJONGS MDZES PA'I DGA' TSAL DER, ,GRANGS BCU GNYIS SBYANGS PA'I YON TAN BLANGS, ,BKA' MDO RGYUD DAM PA'I RNAM THAR BLTA, ,CHOS MANG DU THOS PA'I GNAD RNAMS SEMS, ,DON TING 'DZIN BDE LA RTZE GCIG ROL, ,SLAR RJES THOB SGYUR MA'I RNAM THAR SKYONG, ,DUS RES 'GA'

, ,SA 'DZIN YANGS PAR 'CHAG, LAM THUN MONG RIM PA NAS BZUNG STE, ,DPAL ZUNG 'JUG BDE PA CHEN PO'I PAR, ,GZHI STAN THOG GCIG TU DRIL BYAS NAS, ,DUS NYIN MTSAN KHOR YUG BSGOM PAR SPRO, ,MTHAR NA TSOD YONGS SU SMIN GYUR KYANG, ,RJE KUN MKHYEN THUB PA'I DBANG PO YIS, ,CHOS MANG DU THOS PA'I DGE SLONG DE, ,NAGS BZANG PO'I SKYED MOS TSAL GYI KHROD, ,TSE LANG TSO YOL BA GNAS PA BDE, ,ZHES GSUNGS BZHIN RGA SHIS SKRAG PA MED; ;SEMS CHOS BRGYAD SPROS BRTZAD NAS BCAD, ,LHA'I SKYED TSAL 'DRA BA'I DBEN GNAS DER, ,PHA BLA MA'I RNAM THAR SKYONG BAR SPRO, ,STENG CHU 'DZIN BLA BRE LANG LING G-YO, ,BAR RMUGS PA'I STOD G-YOGS YOL BAS BRES, ,SMAD NAGS TSAL SNGON PO'I SHAM THABS MDZES, ,GZHI NE'U GSING ME TOG PHANG PHUNG CAN, ,'GROGS BDE BA'I BYA DANG RI DVAGS GROGS, ,YID BAG PHEBS BDE BAR ZLOS GAR SGYUR, ,TSE 'DI NANG CHAGS SDANG SKYE BA'I YUL, ,GNYEN NYE DU DGRA SOGS MING SDANG SKYE BA'I YUL, ,GNYEN NYE DU DGRA SOGS MING YANG MED, 'BYOR RGUD GSOG BSRUNG SDUG BSNGAL BRAL, ,'PHRAL GANG BYUNG CHOG SHES BDUD RTZIS 'TSO, ,CHOS 'PHAGS NOR BDUN GYI BANG MDZOD 'DZIN, ,LAS CI BYED SNA THAG RANG GIS BZUNG, ,RJE RGYAL BA KUN GYI RJES SU SLOB, ,TSUL 'DI 'DRA'I BDE SKYID KHYAD PAR GANG, ,LHA'I DBANG POS KYANG NI RNYED DKAR GSUNGS, ,DON DE PHYIR PADMO'I DRA BA YIS, ,STENG MDZES PAR KHEBS PA'I YID BZHIN MTSO, ,RGYANG MIG LAM

BAB PA'I NGANG PA BZHIN, ,GNAS DBEN PA'I DGA' TSAL SNYING LA DRAN, ,LAS NYON MONGS CHU SRIN MANG POS GTZES, ,RLABS SKYE RGA NA 'CHI'I RBA KLONG 'KHRUG ,GTING MTHA' MED 'KHOR BA'I RGYA MTSO LAS, ,DA MYUR DU SGROL PHYIR DBEN PAR 'GRO, LAM THABS SHES ZAB MO'I NYAMS LEN GYIS, ,DGRA SKYE RGA NA 'CHI RTZAD BCAD NAS, ,DUS RTAG TU 'DU 'BRAL MI BYED PA'I, ,LUS LONGS SPYOD GROGS SOGS SGRUB PAR SMON, ,TSUL 'DI LTAR RE BA'I DON PO RNAMS, ,SKYABS BSLU MED BLA MA DKON MCHOG GIS, ,YUN MI RING MYUR DU 'GRUB PA YI, ,GEGS ZHI ZHING MTHUN RKYEN 'GRUB PAR MDZOD, ,CES SO, ,DE DUS SU GU GE CHOS RGYAL GYIS GDAN 'DREN YANG YANG BYUNG BA LTAR ZHAL GYIS BZHES TE LHA LDAN NAS BKRA SHIS LHUN POR PHEBS, ZLA PHYED LHAG TZAM BZHUGS NAS RIM GYIS PHEBS TE LAM BAR DU BZHUGS PA'I DGE 'DUN GYI SDE DANG DAD PA CAN RNAMS KYIS MCHOD CING BSNYEN BKUR BA YANG DANG DU BZHES, CI 'DOD PA'I CHOS KYIS KYANG TSIM PAR MDZAD, ZLA BA BZHI PA'I NYER GSUM LA MA PHAM MTSO 'GRAM DU PHEBS NAS SKU KHRUS MDZAD CING MTSO'I RDE'U PHYAG SPAR GANG BZHES PAS PHAL CHER LHA'I RNAM PAR BYON, SANG GANGS RI'I MDUN NA PHAR PHEBS DUS GANGS RI'I RTZE NAS 'JA' TSON KHA DOG SNA LNGA RGYAL MTSAN DANG, BA DAN DANG, GDUGS LTA BU DANG, DAR BRKYANGS PA 'DRA BA DPAG TU MED PA BYUNG STE RJE 'DI PA'I STENG NGOS SU CHAGS PA BYUNG STE RJE 'DI GAR PHEBS KYI DBU'I THOG TU CHAGS PA BYUNG BAS GANGS RI'I GNAS 'DZIN PA 'DRI KHUNG RDOR 'DZIN

, ,'KHOR BCAS DAD PAR GYUR TE RJE 'DI'I PHYI BZHIN BSNYEGS NAS SHA LA TZA GONG DU MJAL KHA DANG BYIN RLABS ZHUS, NGED GANGS RIR SLEBS NAS LO BCU TZAM SONG YANG DE RING LAS RTAGS YA MTSAN CHE BA MA BYUNG, KHYED KYIS BDAG BYANG CHUB MA THOB KYI BAR DU THUGS RJES ZUNGS ZHES DAD GUS CHEN POS SMON LAM 'DEBS PAR BYED DO, ,DE NAS ZLA BA LNGA PA'I TSES BCU GSUM LA ZHABS DRUNG CHOS RJE, JO BO BDAG PO LHA SDE MI SDE'I GTZO BO RNAMS KYIS RTA PA MANG PO'I TSOGS DANG BCAS PHEBS BSU ZHUS TE ZHANG ZHUNG GI LUNG NANG SPA'I LDING ZHES BYA BAR PHEBS, 'DI SKABS LHA RNAMS KYIS ME TOG GI CHAR PHABS PA SOGS DGE MTSAN PHUN SUM TSOGS PA KUN GYI MNGON SUM DU GYUR, TSES BCO LNGA LA MTHO LDING GSER GYI LHA KHANG DU ZHABS DRUNG MI DBANG GIS, SKYES MCHOG LO TZ'A BA RIN CHEN BZANG PO'I BZHUGS KHRIR GDAN DRANGS TE RIN PO CHE'I MAndAL PHUL TE SER TSOGS KYI 'DUS PA RGYA MTSO LA MANG 'GYED KYI BSNYEN BKUR DANG BLA MA'I RNAL 'BYOR SOGS 'DOD CHOS ZHUS, ,DE NAS PHAL CHER CHOS GRVA SAR BZHUGS NAS MCHOD YON RNAMS LA GSANG BDE 'JIGS GSUM GYI DBANG, BSKYED RDZOGS, SNAR THANG BRGYA RTZA, 'JAM DBYANGS CHOS SKOR, BKA' GDAMS CHOS 'BYUNG GI LUNG SOGS ZAB RGYAS CHOS KYI 'KHOR LO BSKOR, MDOR NA GU GE BDAG PO SKU MCHED KHU DBON RNAMS KYIS THOG DRANGS PHYOGS DE'I LHA SDE MI SDE THAMS CAD KYIS DAD GUS TSAD MED PAS MCHOD, DE NAS ZLA BA DGU PA'I

TSES BCU GSUM LA GU GE NAS CHIBS BSKYOD DE GANGS RI'I BAR DU ZHAL NGO MCHOD YON RNAMS KYIS CHIBS BSKYEL ZHUS, GANGS RI CHEN PO LA ZHABS BSKOR MDZAD NAS GANGS RI'I SKU MDUN DU DAD 'DUS KYI SKYA SER GYI KHROM SHIN TU CHE BA TSOGS PA LA NYIN DGUNG KHROM DBANG ZHIG GNANG SKABS, GANGS RI CHEN PO BEE d'URYA'I MDOG LTAR SNGO BA LA GZUGS BRNYAN SNA TSOGS 'CHAR BA ZHIG TU GZIGS, SKU'I NYE SKOR DU YOD PA'I GRVA PA 'GA' ZHIG LA GANGS RI 'DI CI 'DRAR SNANG BKA' 'DRI GNANG BAR, DKAR ZHING 'TSER BAR 'DUG ZER, MKHAR NAG CHOS MDZAD LA BKA' 'DRI GNANG BAR RGYA MTHING BZANG PO'I MDOG LTA BU SHIN TU SNGO BA ZHIG 'DUG ZER, DE TZAM ZHIG MTHONG NAS YA MTSAN DU BYED DO, ,DE NAS ZLA BA BCU GCIG PA'I TSES BCU GSUM LA CHOS GRVA CHEN PO BKRA SHIS LHUN POR PHEBS NAS SER JA GSER 'GYED DANG BCAS PA GNANG, DE DUS LHA SA DANG 'BRAS SPUNGS KYI RGYAB RIR MI STONG PHRAG DU MA KHA BTAGS SHING SE 'BRAS GNYIS DMAG GIS BCOM SKABS SU MCHIS KYANG, YANG DAG PAR RDZOGS PA'I SANGS RGYAS BZHUGS SKABS SU'ANG GRONG KHYER SER SKYA PA RNAMS DANG KO SA LA PA'I DMAG 'KHRUG TSAN CHE BA DANG RGYA BOD GNYIS KAR BSTAN PA'I 'PHEL 'GRIB SNA TSOGS BYUNG YANG, LAS KYI RNAM SMIN BCOS SU DKA' BA LTAR THABS DANG BRAL YANG, BSTAN PA 'BA' ZHIG THUGS LA DGONGS TE SE 'BRAS GNYIS KAR MANG JA GSER 'GYED DANG BCAS PA LAN LNGA, KHA CHE'I CHAB BUM SPUS

, ,GTZANG BA CHA RE RE, 'BRAS SPUNGS BYAMS KHANG DANG DNGUL GDUNG KHANG DU GUG TING CHE LEGS BDUN TSAR RE RE PHUL BA SOGS SE 'BRAS GNYIS KA MI NYAMS PA'I THABS LA RNAM PA KUN TU 'BAD PAR MDZAD, DE NAS LO DE NYID KYI STON MJUG SOG DMAG DPUNG CHE BA BYANG RGYAB TU SLEBS, SDE SRID DPON BLON GYI BKAS RJE 'DI PA CHINGS LA PHEBS DGOS PA BYUNG, LHA SAR PHEBS PA'I NUB MO RJE RIN PO CHE'I RTOGS BRJOD MDUN LEGS MA TSANG MA ZHAL TON DU MDZAD PA'I MNAL LAM ZHIG BYUNG BA CHINGS DGA' RAB YONG DU RE BAS RONG PO 'DAM GYI BAR DU PHEBS KYANG THUGS BZHED BZHIN MA BYUNG, DE NAS RE ZHIG 'BRAS SPUNGS SU BZHUGS NAS SER 'BRAS GNYIS KA CHOS DANG ZANG ZING GNYIS KYI SGO NAS BSKYANGS TE SROG RTZA BZUNG, KHYAD PAR THAMS CAD MKHYEN PA BSOD NAMS RGYA MTSO'I DNGUL GDUNG GI SGRO RGYAN THAMS CAD BSHIG NAS MA RUNGS PAR BYAS PA, RJE 'DI PAS BSTAN RGYUN DANG RTEN 'BREL LA DGONGS TE GSER G-YU SOGS RIN PO CHE'I PHUNG PO LAS GSAR BSGRUBS MDZAD DE, THAMS CAD MKHYEN PA'I PHYAG RDZAS DAR LA BAB PA'I DUS SU BSGRUBS PA'I SGO RGYAN ZIL GYIS NGON PA LTA BU BZO BAR MDZAD DO, ,GZHAN YANG SE 'BRAS GNYIS KAR BDAG CAG GI STON PA'I SKU BRNYAN BKRA BA'I BKRA SHIS KHA BTAGS KYI 'PHAN GYI PHRENG BA RE RE DANG, GRVA SA GSUM GAR MANG JA'I BSNYEN BKUR YANG YANG MDZAD DE RE ZHIG 'BRAS SPUNGS SU SKU MTSAMS DAM PO LA BZHUGS SO, ,

DE NAS ZLA BA BDUN PA'I ZLA 'GO LA BOD DMAG THAMS CAD RKYANG THANG SGANG DU 'DRIL, TSES BCU GCIG GI TSA BA ZHES GROL MTSAMS SU SKAD CIG LA SOG PO'I RTA PA SGAR THOG BRGYUGS NAS MI BRGYA PHRAG DU MA BSAD CES SNYAN DU GSAN BAS, RJE 'DI PAS SKU DANG SROG LA'ANG MA GZIGS PAR SKU MTSAMS LA HAR 'DON MDZAD DE DAN 'BAG GI BAR ZHABS THANG GIS MGYOGS PAR PHEBS PAS, BOD DMAG RNAMS LCAGS PO RI'I MTSAMS SU 'KHAR ZHING SOG PO'I RTA PA LAN GNYIS PA RGYUG PAR RTZOM PA ME MDA' DANG NYAG PHRAN GYI CHAR 'BAB PA'I SKABS SU PHEBS, LHA BTZUN RANG LA ZANG ZING GI GNANG CHA GYA NOM PA DANG BCAS DNGOS SU ZHU BA NAN CHEN MDZAD PAS, LHA BTZUN GYIS KYANG CI GSUNG BKA' BZHIN DU NOD NAS RTA RGYUG 'PHRO BCAD PAS DMAG MI 'BUM PHRAG TU NYE BA SROG GCES PA LAS SKYOB PAR MDZAD DO, ,DE SKABS GTZANG SOG GNYIS KAS LHA SA SPYI MCHOD KYI PHYIR RJE 'DI PA LA PHUL, SO SOR TSIG SBYANGS SNGON DU 'GRO BA'I KHRA MA GNANG NAS, JO BO RIN PO CHE'I GSER THOG GI 'OD KYIS KHYAB PA'I SAR BRO DAM POS BKAG CING BRTAN PAR MDZAD DE NYID KYI SKU DANG SROG LA'ANG MA GZIGS BAR SE 'BRAS GNYIS KA BSKYANGS TE RGYAL BA TZONG KHA PA CHEN PO'I BSTAN PA'I SROG 'DZIN PAR MDZAD DO, ,DON GYI DBANG 'DI LA DGONGS NAS RJE BTZUN BLO BZANG CHOS KYI RGYAL MTSAN BYON TSUN GYI 'JAM MGON BLA MA'I LUGS BZANG 'DZIN PA'I MKHAS PA GZUR GNAS THAMS CAD RJE BTZUN BLO BZANG CHOS KYI

, ,RGYAL MTSAN NI 'JAM MGON BLA MA'I BSTAN PA 'DI LA 'JAM MGON BLA MA RANG NYID DANG MTSUNGS PAR BKA' DRIN ZLA MED DO ZHES MGRIN GCIG TU SGROG PAR MDZAD DO, ,DE DUS SEMS CAN SPYI MTHUN GYI LAS DANG BDUD SDIG TO CAN GYI MTHUS RGYAL BA'I BSTAN PA SPYI DANG KHYAD PAR 'JAM MGON BLA MA'I BSTAN PA 'PHEL BA LA GEGS 'TSUB SHIN TU CHE BAS THAMS CAD MKHYEN PA YON TAN RGYA MTSO GLO BUR GYI RKYEN GYIS ZHING GSHEGS, SPRUL SKU NGOS 'DZIN PA'ANG SHIN TU DKA' BAR BYUNG BA NA RJE BTZUN BLO BZANG CHOS KYI RGYAL MTSAN NYID KYIS ZANG ZING GI DNGOS PO GANG LA'ANG PHANGS PA MED PAR BTANG STE BYANG PHYOGS GANGS RI'I KHROD KYI SKYE BO GDUG RTZUB CAN RNAMS ZANG ZING GI DNGOS POS TSIM PAR MDZAD CING SU LA'ANG NYE RING MED BAR DMAG GZINGS JI SNYED CIG BYUNG BA THAMS CAD THUGS BYAMS PA DANG SNYING RJE SHUGS DRAG PA'I DBANG GIS PHAN TSUN SU LA'ANG KHON MED PAR BAR CHINGS DANG NAG CAN MANG PO'I SROG SKYOB PA DANG, GDUG RTZUB CAN RNAMS LA LAS RGYU 'BRAS KYI CHOS BSHAD NAS SEMS ZHI BAR BYAS TE RJE RANG NYID LA RANG DON BYA BA GANG YANG MED PAR SPYIR BOD 'BANGS KYI SEMS CAN THAMS CAD BDE 'JAGS SHIG DANG, DGE 'DUN GYI SDE RNAMS 'KHRUG PA MED PAR CHOS SPYOD 'PHEL BA ZHIG DANG, LHAG PAR THAMS CAD MKHYEN PA YON TAN RGYA MTSO'I MCHOG GI SPRUL SKU 'KHRUL MED DU NGOS ZIN PA ZHIG GI THABS LA NYID KYI SKU DANG SGROG LA'ANG MA GZIS PAR 'BANG

PAS; NGOS 'DZIN THUB STE RNGA CHEN ZHES PA CHU PHO KHYI'I LO THAMS CAD MKHYEN PA'I MCHOG GI SPRUL SKU 'PHYONG RGYAS NAS 'BRAS SPUNGS SU SPYAN DRANGS, GTZUG PHUNG BZHES TE MTSAN NGAG DBANG BLO BZANG RGYA MCHOR GSOL, DE NAS RIM GYIS TSIGS SNGA MA DGE TSUL GYI MKHAN PO MDZAD DE DGE TSUL DU BSGRUBS, THOG MAR TSE DBANG DANG, RDO RJE 'JIGS BYED KYI DBANG CHEN, CHOS SKYONG MANG PO'I RJES GNANG SOGS CHOS BKA' MTHA' YAS PA GNANG ZHING YID BZHIN GYI NOR BU LTAR GCES PAR SKYONG BAR MDZAD, DE NAS KHRAG SKYUG CES PA CHU MO PHAG GI LO LHA LDAN SPRUL PA'I GTZUG LAG KHANG GI THUGS RJE CHEN PO RANG BYUNG LDA LDAN GYI STENG GI RGYA PHUB SHIN TU RNYINGS PAS LHA KHANG THIB COMS SU 'GRO NYEN CHE PA THUGS KYIS MA BZOD PAR GZHI NAS GSAR GZO MDZAD DO, CHUL 'DI LA NI RJE RANG NYID KYI ZHAL NAS, JO BO RANG BYUNG LNGA LDAN GYI PHO BRANG GI RGYA PHIBS DE GSER ZAD PAS G-YAS ZOS THAR THOR DU GYUR, SHING RNAMS RUL BAS THOG KYANG RDIB NYEN SHIN TU CHE YANG LHA KHANG 'DI LHAG BAR GNYAN PAS, BLA MA SLOB DPON SDE DPON SOGS SUS KYANG 'CHOS MNUS PA 'DUG KYANG, KHO BOS NI 'PHAGS PA'I ZHABS TOG GI PHYIR LUS SROG KYANG YAL BAR DOR TE RTZA BA NAS BA SHIG, ZANGS KHAL BRGYA PHRAG DU MA DANG GSER ZHO STONG PHRAG DUM BRGAL BA LAS GZHI NAS GSAR DU BCOS PAS GEGS PHRA MO TZAM YANG MED BAR ZLA BA DRUG GI KHONGS SU LEGS PAR GRUB NAS RAB TU GNAS PA BGYIS TE, BOD SPYI'I BDE SKYID KYI

, ,GSOS SMAN DU BYAS PA 'DI YANG DAM PA'I MDZAD PA DANG RJES SU MTHUN PAR RUNG NGAM SNYAM DU BGYID DO ZHES GSUNGS SO, ,DE NAS MIG DMAR ZHES PA SHING PHO BYI BA'I LO BKRA SHIS LHUN POR LHA KHANG MANG PO GSAR BSKRUN MDZAD, GZHAN YANG RIS SU MA CHAD PA'I DGE 'DUN GYI SDE MANG POR SKU GSUNG THUGS RTEN MCHOD RDZAS GSAR BZHENGS DANG BSNYEN BKUR NAR MAR MDZAD CING NAM MKHA' MDZOD LA MNGA' BRNYES PA LTAR BYANG PHYOGS GANGS RI'I LJONGS KYI GRUB MTHA' RIS SU MA CHAD PA'I DGE 'DUN GYI SDE THAMS CAD CHOS ZANG ZING GNYIS KA'I SGO NAS BSKYANGS SHING, SKU GSUNG THUGS RTEN RNAMS LA MCHOD PA TSAD MED PA MDZAD DE RGYAL BA'I BSTAN PA YUN RING GNAS PA'I THABS LA RNAM PA KUN TU BRTZON PAR MDZAD PA NI RJE BLO BZANG CHOS KYI RGYAL MTSAN RANG NYID KYI ZHAL NAS, MDOR NA RGYAL SRAS SKU MCHED GSUM GYI MDZAD PA RJES SU BSGRUBS TE, DGE BSHES CHEN PO PO TO PA'I GSUNG NAS, GCIG GIS DAD RDZAS ME LA BSREGS, ,GCIG GIS DAD RDZAS MKHAR DU BRTZIGS, ,NGA'I DAD RDZAS DKON MCHOG SO CAN GYI KHA NA, ,ZHES GSUNGS PA BZHIN, DGE BSHES PHU CHUNG BA DE DKON MCHOG MCHOD PA GTZO BOR MDZAD DE, KHONG RANG GI GSUNG NAS, NGAS DANG POR SPANG SPOS SNA TSA TING NGE BA PHUL, DE NAS RENG BU BZHI SBYOR MNGAR SING DE BA 'BUL RGYU BYUNG, DA LTA AA KA RU DANG, DU RU KA SOGS BSUNG CHING DE 'BUL

GSUNG ZHING, RES GCIG GSER SRANG NYI SHU RTZA GNYIS KYI SPOS SBYANGS ZHES GSUNGS PA LTAR, KHO BOS KYANG SPYIR DKON MCHOG GI MCHOD PA LA GTZO BOR BYAS SHING, KHYAD PAR CHUNG DU NAS DA LTA'I BAR GUR KUM BZANG PO RIN THANG CHE ZHING SPUS MI RNYED PA'I DUS SU KHA CHE BZANG PO GCIG BU'ANG SNGA PHYI BSDOMS NA SRANG GRANGS BRGYA PHRAG DU MA SBYAR BA'I BZANG SBOS KHOR YUG TU PHUL, DGE BSHES SPYAN SNGA BA DE GTZUG LAG KHANG DANG RTEN GSUM BZHENG BA GTZO BOR MDZAD PA LTAR, KHO BOS KYANG, RA SGRENG, DBEN DGON, BKRA SHI LHUN PO'I PHYI'I MCHOD RTEN DANG, 'BRAS SPUNGS DANG, BKRA SHIS LHUN PO'I DNGUL GYI MCHOD RTEN GNYIS DANG, THUGS RJE CHEN PO'I DBU THOG SOGS DBUS GTZANG GNYIS KA'I GSER THOG DANG GANYJI RA DANG, DBEN DGON DU RJE BLA MA'I SKU, BKRA SHIS LHUN POR DNGUL SKU BZHI, RJE BTZUN GYI LI SKU, STON PA'I GOS SKU SOGS BRIS 'BUR MANG PO DANG, DBEN DGON DGE 'PHEL GANGS CAN RNAMS SU'ANG BSTAN PA LA BSAMS PA'I MKHAR LAS CUNG ZAD BGYIS SHING, KHYAD PAR BKRA SHIS LHUN POR SNGAGS KHANG, LHA KHANG RNAM PA GSUM, GZIM KHANG, THA NA CHOS KHRIMS KHANG DANG, SKU GNYER KHANG STENG SHOD, GOS SKU SPE'U GRA SA'I RGYUN LA PHAN BAR RE BA'I KLU SDING GNYIS LA SOGS PA GSAR DU BGYIS, DGE BSHES PO TO BA DGE 'DUN GYI BSNYEN BKUR GTZO BOR MDZAD PA LTAR, KHO BOS KYANG SPYIR SNGAR SMOS PA LTAR BOD DBUS GTZANG, MNGA' RIS, LHO MON

, ,TSUN GYI RIS MED PA'I DGE 'DUN GYI SDE LA BSNYEN BKUR SNA RE TZAM MA BYAS PA MED CING, BKRA SHIS LHUN PO'I GRVA TSANG GSUM, GANGS CAN GYI GRVA TSANG GNYIS, DPAL 'KHOR BDE CHEN GRVA TSANG BDUN, 'BRONG RTZE CHOS SDE, RI BO DGE 'PHEL, GRVA TSANG CHEN MO, RI MKHAR CHOS SDE, LHUN GRUB RTZE'I CHOS SDE RNAMS SU MANG JA GNYIS GSUM GYI DGE RGYUN BTZUGS, KHYAD PAR BKRA SHIS LHUN POR NI, RTZA BA THAMS CAD MKHYEN PA DGE 'DUN GRUB DE NYID SPRUL PA'I SKYES MCHOG TU GYUR PAS DGE 'DUN GYI BSNYEN BKUR PHUL DU BYUNG BA MDZAD PA'I RGYUN DANG, DE'I STENG DU BRGYAD MCHOD, BDUN MCHOD SOGS MKHAN POS RGYUN CHAGS SU BTANG DGOS PA RNAMS BLA MA DE DANG DE DAG GI MDZAD PA 'PHRIN LAS KYI STOBS LAS, MCHOG DMAN SNA TSOGS BYUNG BA RNAMS KYANG GONG 'PHEL DU BYAS PA'I STENG DU DKON MCHOG GZHAN GYI CHED DU BSNGOS PA MA GTOGS, LHAG PO'I BDOG PA CI YOD RANG DON DU SER SNAS MA BZUNG BAR 'DUS PA RGYA MTSO'I TSOGS RNYED PA DANG BKUR STIS YANG DAG PAR MCHOD, DES NA RJE THAMS CAD MKHYEN PA DGE 'DUN GRUB KYI RNAM THAR RNAMS LA'ANG ZHIB TU BRTAGS NA, GDAN SA'I RGYUN DANG, RTEN GSUM MCHOD CHA'I RIM PA BSGRUBS PA DANG, DGE 'DUN GYI BSNYEN BKUR ZHABS TOG GI CHA NI RJE DE NYID LAS KYANG CUNG ZAD LHAG GAM SNYAM DU RLOM PA YANG MCHIS SO, ,MKHAS PA'I BYA BA GSUM GYI SGO NAS KYANG BSTAN PA LA PHAN PA DANG, STON PA LA BYA

BA CUNG ZAD BYAS TE, DE YANG NGAL BSO MED PAR PHYOGS MED KYI RGYAL KHAMS KUN TU MYUL NAS GANG LA GANG 'TSAM GYI RGYUD SDE BZHI DANG 'BREL BA'I DBANG, RJES GNANG, MDO SNGAGS KYI LUNG BSHAD MAN NGAG GI CHAR PHAB CING, CHED DU BSNYEN RDZOGS KYI MKHAN PO BYAS PA NI, LO LNGA'I BAR ZIN BRIS 'DUG PAS STONG TZAM ZIN PA'I RGYU MTSAN LAS NA, DA TZAM KHRI KHRAG BRGAL BAR SNANG LA, RAB BYUNG BSNYEN RDZOGS KYI MKHAN PO BYAS PA'I MKHAN BU THAMS CAD LA TSE RABS THAMS CAD DU MKHAN PO'I BYA BA BYAS TE PHAN PA SGRUB PA'I YI DAM BCAS, 'DI NI, STON PAS KUN DGA' BO, KHYOD KYIS MKHAN PO DANG SLOB DPON BYAS NAS RAB TU BYUNG BA DANG, BSNYEN PAR RDZOGS PA BYAS NA NGA LA BYA BA BYAS PA YIN NO, ,ZHES BKA' STZAL BA'I PHYIR KHO BO'I RNAM PAR THAR PA'I MCHOG YIN NO, ,DE LTAR NA RJE RGYAL BA GNYIS PA'I RING LUGS LA BRTEN PA SHAR RGYA NAG PO NAS NUB DZ'A LAN RDA RA'I BAR GYI CHOS KYI GDAN KHRI 'DZIN PA DANG, DREGS LDAN GYI COD PAN DU GYUR PA DANG RIGS MTHON PO'I BRGYUD PA 'DZIN PA DANG, SDOM PA GSUM DANG LDAN ZHING RIM GNYIS KYI RNAL 'BYOR LHUR LEN PA PHAL CHER LA CHOS KYI PHAN PA BSGRUBS, MDOR NA KHO BO RANG GI YON TAN LA GRUB MTHA' GANG LA YANG CHAGS SDANG GIS KUN NAS BSLANGS PA'I PHYOGS 'DZIN GTAN NAS MED PA'I MTHUS, BDAG LA MNGON PAR DGYES PA'I CHOS KYI BDUD RTZI YANG DAG PAR BZHES PA GRUB MTHA' SNA TSOGS PA'I BSTAN 'DZIN GYI SKYES BU CHE PHRA DU MAS NI BOD DBUS GTZANG GI PHYOGS

, ,MTSAMS KUN TU KHYAB CING, GZHAN YANG GRVA SA CHE CHUNG GI MGON DU BZHUGS PA LHA KHANG GSAR DU BGYI BAR BRTZON PA DANG, GTZUG LAG KHANG GI ZHIG BSOS DANG, GSER THOG GSER PHRU SOGS BYA BAR 'DOD PA DANG, RANG RANG GI SDE DE DANG DE'I GTONG SGO RNAMS KHRAL 'JAL TZAM LA NGO MTSAR BYAS TE GONG 'PHEL DU BZHED PA RNAMS KYANG KHO BO LA SPYAN YAR GZIGS PA'I 'PHRIN LAS KYI RGYUN DU SEMS SO, ,ZHES GSUNGS PA LTAR RO, ,RJE 'DI NI BSTAN PA DANG SEMS CAN GYI DON LA NAM YANG THUGS SKYO BAR MI MDZAD PAR DGUN DUS LHA LDAN DU BYON NAS SMON LAM CHEN MO'I TSOGS DBU MDZAD DE RJE RIN PO CHE'I MDZAD CHEN MA NYAMS PAR SKYONG ZHING LHA MI BGRANG BA LAS 'DAS PA SMIN GROL LA 'GOD PAR MDZAD, DBYAR DUS GTZANG DU PHEBS TE BKRA SHIS LHUN POS GTZOS GTZANG PHYOGS KYI CHOS SDE RNAMS LUGS GNYIS KYIS SKYONG ZHING SKAL BA DANG LDAN PA BGRANG BA LAS 'DAS PA SMIN GROL LA 'GOD PAR MDZAD, BAR SKABS SHIG LHO MON PHYOGS SU PHEBS TE DBEN PA'I NAGS TSAL RNAMS GZIGS PAS DBEN PA LA SPRO BA'I NYAMS MGUR 'DI LTAR MDZAD DE, NA MO GU RU, RJE DUS GSUM SANGS RGYAS KUN GYI DNGOS, ,PHA BKA' DRIN GSUM LDAN BLA MA DANG, ,DPAL MNYAM MED BU RAM SHING BA'I ZHABS, ,DGRA SRID PA'I 'JIGS 'PHROG DE LA 'DUD, ,LHA BSTAN SKYONG CHEN MO GNAS PA'I MGUL, ,BOD GANGS CAN LHO BOD GNYIS KYI MTSAMS, ,YUL SPANGS LUNG 'BRAS MO

GSHONGS KYI 'DABS, ,SA'I THIG LE KHANG BU ZHES GRAGS PA, ,GZHI RI KLUNG THAMS CAD MRGAD KYI, ,MDANGS BZANG PO'I 'JO SGEG ROL BA 'DZIN, ,NOR PADMA R'A GA BEEd'U RYA, ,GSER BTZOM DUNG DANG G-YU 'DRA BA'I, ,MDOG SNA TSOGS DBYIBS LEGS ME TOG GIS, ,PHYOGS KUN TU 'JA' TSON BKRAM PA BZHIN, ,SPANG SNGO LJANG RI BO MKHA' LA SNYEGS, ,G-YU MTSO 'DAB MDZES PA'I NAGS TSAL RGYAS, ,BYA SNA MANG MGRIN PA'I GSUNG SNYAN SGYUR, ,PHU GANGS DANG G-YA' YI RA BAS BSKOR, ,SHEL DKAR 'TSER DBU BA'I GOS GYON PA'I, ,CHU MI CHE MI CHUNG SNYOMS PAR 'BAB, ,STENG CHU 'DZIN SNGON PO LANG MA LING, ,DUS RES 'GA' SBRANG CHAR ZIM BU 'BAB, ,NAD BZHI BRGYA RTZA BZHI 'JOMS BYED CING, ,RO KHA DOG NUS PA SNA TSOGS PA'I, ,SMAN BZANG POS SA YI PHYOGS KUN BRGYAN, ,LI GA DUR B'A SHUG BA LU SOGS, ,SPOS BZANG PO'I DRI DANG RGYUN DU 'THUL, ,LHA'I DGA' TSAL LTA BU'I YUL LJONGS DER, ,RJE ZAS GTZANG SRAS KYI RNAM THAR BZHIN, ,DRAN SHES BZHIN LDAN PAS 'CHAG CING 'DUG ,DUS DE RING NAGS KYI SMAN LJONGS NGOGS, ,BLO 'KHRUL BAS BRTAGS SHING MTHONG BA YI, ,YID NGO MTSAR RI MO SNA TSOGS KYANG, ,DON DPYAD NA MI DMIGS STONG PA'I DANG, ,RJE RGYAL BA KUN GI THUGS KYI BCUD, ,BKA' BRGYAD KHRI BZHI STONG SNYING PO'I DON, ,SRAS DUS GSUM 'PHAGS BZHI BSKYED PA'I YUM, ,'DI GSAL BAR STON PA'I SLOB DPON DANG, ,YUL SNANG TZAM MA BRTAGS NYAMS DGA' YANG, ,DON GNAS TSUL NAM MKHA'I PADMO

, ,BZHIN, ,'DI MA RTOGS 'KHOR BA'I SEMS CAN RNAMS, ,CHES BZOD DKA'I SDUG BSNGAL YANG YANG MYONG, ,GDON DNGOS 'DZIN SGYU MAS RMONGS PA YI, ,MA KHAMS GSUM 'KHOR BA'I SEMS CAN GYIS, , DON 'DI 'DRA RTOGS NA DGA' BA LA, ,LAM 'DI 'DRA RNYED NA SKYID PA LA, ,MI NGA LA NGES BA MA MCHIS KYANG, ,MI KHO BO'I DPUNG GNYEN ZAS GTZANG SRAS, ,MGON DE NYID NAS BZUNG ZAB MO'I LAM, ,TSIG SGRA SPYI'I RGYUD 'DZIN MA YIN PAR, ,'DI MNGON DU MDZAD PA'I GRUB THOB KYI, ,PHA RGYUD LDAN BLA MA TSUL BZHIN BSTEN, ,BOD GANGS CAN BSTAN 'DZIN MTHA' DAG LA, ,SEMS KHONG NAS DAG PA'I SNANG BA SBYANGS, ,RGYUD CHOS SPONG LOG LTAS MA SBAGS TZAM, ,'DI BSTAN PA 'GAL MED RTOGS PA'I DRIN, ,SPYIR 'KHRUL PA'I SEMS CAN THAMS CAD DANG, ,SOGS RMI LAM YUL GYI GNYEN BSHES 'DRA'I, ,BDAG MTHONG THOS DRAN REG GYUR RNAMS LA'ANG, ,DUS KUN TU DGE BA'I SMON LAM BSGRUBS, ,SKYABS MCHOG GSUM BSLU MED THUGS RJE YIS, ,NGA RDZUN PA SGYU MA'I DGE SLONG LA, ,LAS CI BYAS 'BRAS BU 'TSENG NGAM SNYAM, ,DA SHI YANG 'GYOD PA CUNG ZAD MED, ,GTAM 'DIS KYANG 'GRO BA MA LUS PA, ,RGYUD CHAGS SDANG DRI MAS MA GOS PAR, ,LAM STONG NYID SNYING RJE'I SNYING PO CAN, ,CHOS THAMS CAD GZIGS PA THOB PAR SHOG ,CES SO, ,LHO PHYOGS NAS BOD DU TSUR PHEBS SKABS MYANG STONG PHYOGS SU DAD LDAN 'GA' ZHIG LA GDAMS PA 'DI LTAR MDZAD DE, RJE NA MO GU RU DKON MCHOG GSUM, ,

MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB MA LUS PA, ,DUS DA LTA NYID DU STZAL DU GSOL, ,SBYIR SANGS RGYAS 'BYUNG BA RNYED DKA' ZHING, ,SGOS DAL 'BYOR MI LUS THOB DKA' NA, ,TSE 'DI NANG BDE LAM CHAGS PAR, ,DUS GTAN GYI MDUN MA SGRUB RE RAN, ,GZHON SHA KHRAG RGYAS PA'I LANG TSO YANG, ,DGUNG MKHA' LA SHAR BA'I 'JA' TSON DANG, ,SROG CHU BUR BZHIN DU 'JIG 'GYUR BAS, ,DA RTAG 'DZIN MA BYED CHOS LA 'BUNGS, ,KHONG TSANGS DBANG 'KHOR LOS BSGYUR RGYAL YANG, ,GNAS 'KHOR BA'I BDE 'BYOR PHUN TSOGS KYANG, ,SLAR MNAR MED 'BAR BA'I MES BSREG NA, ,DA SRID PA'I BDE LA YID BRTAN CI, ,KHYED SNYING NAS RANG LA PHAN DGONGS NA, ,RJE LAM SNA 'DREN PA'I BLA MA DANG, ,TSE KUN TU MI 'BRAL DGE BA'I NOR, ,LAM BSLAB GSUM 'BRAL MED BSTEN NA LEGS, ,'DI PHYOGS MED MYUL BA'I BYA BRAL BA, ,SPRANG SMYON PA CHOS KYI RGYAL MTSAN LA, ,BU SBYIN PA RGYA MTSOS BSKUL BA'I NGOR, ,DPAL 'KHOR LO BDE CHEN ZHES BYAR BKOD, , CES DANG, NA MO GU RU MA H'A MU DR'A YA, RJE RIGS KUN KHYAB BDAG RDO RJE 'CHANG, ,GSUM LDAN GYI BLA MA'I ZHABS LA 'DUD, ,TSE GCIG GIS SANGS RGYAS SGRUB PA'I THABS, ,MTSAN LDAN GYI RJE BTZUN BLA MA LA, ,YENGS MED DU GSOL BA 'DEBS PA 'DI, ,ZAB LAM GYI SNYING PO BSDUS BA YIN, ,RGYU 'BRAS KYI RTEN 'BREL MI BSLU BA, ,CHU ZLA LTAR SNANG BA KUN RDZOB GSHIS, ,RI BONG GI RVA YI RNO RTUL LTAR, ,SPROS PA DANG BRAL BA DON DAM YIN, ,GZHI BDEN GNYIS KYI RNAM DBYE RTOGS PA'I

, ,BLO; ;THABS BYANG CHUB SEMS KYI RTZIS ZIN PA, ,LAM STONG NYID SNYING RJE'I SNYING PO CAN, ,'DI CHOS KUN YANG SNYING MTHAR THUG LAGS, ,LAM DE 'DRA BSGOMS BA LAS BYUNG PA, ,SGRIB BRAL GYI YON TAN NAM MKHA'I MDZOD, ,MTHAR THUG GI ZUNG 'JUG PHYAG RGYA CHE, ,SKU GSUM GYI BDAG NYID 'BRAS BU YIN, ,BDEN 'DZI GYI 'CHING BA BSHIG BYAS TE, ,'KHOR 'DAS KYI CHOS RNAMS MA LUS PA, ,RANG BZHIN DANG BRAL BA'I STONG PA NYID, , JI BZHIN DU RTOGS PA LTA BA'I MCHOG ,'KHOR 'DAS KYI RANG BZHIN STONG PA'I DANG, ,RNAM DAG GI RIGS PA'I MDUNG BSKOR BYAS, ,G-YENG MED DU CHU BO'I GZHUNG BZHIN DU, ,RTZE GCIG TU 'JOG PA SGOM PA YIN, ,DON DAM DU SPROS PA KUN BRAL YANG, ,RJES THOB TU 'KHYER SO GSUM GYI DANG, ,RGYAL SRAS KYI SPYOD PA'I RJES SLOB PA, ,SKYON MED KYI RLABS CHEN SPYOD PA YIN, ,LAM 'DI 'DRA BSGOM BA'I RNAL 'BYOR PA, ,AE MA HO SKYID PA'I NYI MA 'CHAR, ,AA LA LA DGA' BA'I GLU DBYANGS LEN, ,DBYANGS MCHOD PAR BZHES SHIG DKON MCHOG GSUM, ,ZHES GDAMS SO, ,DE NAS, DBUS SU LHA LDAN SMON LAM GYI TSOGS DBUR PHEBS DE'I TSE 'BRAS SPUNGS SU MCHOG GI SPRUL PA'I SKU NGAG DBANG BLO BZANG RGYA MCHOS GTZOS DBUS PHYOGS KYI BLA MA SPRUL SKU DGE BSHES RAGS BSDUS BCAS LA 'JAM DBYANGS CHOS SKOR SOGS DBANG LUNG MAN NGAG MTHA' YAS PA GNANG, DE SKABS DBUS GTZANG GI DGE 'DUN GYI SDE PHAL MO CHES RJE 'DI PA SO

SO'I GNAS SU GDAN DRANGS TE MCHOD CING BSNYEN BKUR BA DANG, CHOS KYI BKA' DRIN ZHUS, RJE 'DI PAS KYANG GANGS RI'I LJONGS KYI DGE 'DUN GYI SDE GANG NA YOD PA THAMS CAD LA CHOS KYI BKA' DRIN STZAL ZHING, RJE 'DI'I GSUNG THOS PA TZAM GYIS GRUB MTHA' RIS SU MA CHAD BA MTHA' DAG GIS SNYING NAS DAD CING MOS PAS CHOS KYI BDUD RTZI ZHU BAR BYED LA, LHAG PAR 'BRUG PA RNAMS NI RJE 'DI LA RNAL 'BYOR GYI DBANG PHYUG MI LA RAS PA DANG MTSUNGS PA'I DAD GUS BYED CING, 'BRUG PA SANGS RGYAS RDO RJES RJE 'DI LA PHYAG CHEN RTZA 'GREL GYI LUNG ZHUS TE DA PHYIN CHAD BDAG GIS 'DI'I 'PHRIN LAS SPEL LO ZHES DAM BCAS, RJE 'DI LA MI PHYED PA'I DAD PA THOB STE YON TAN LA CHES CHER BSNGAGS PA'I RNAM THAR YANG BSGRIGS ZHES GRAG GO ,BAR SKABS SU RI BO DGE LDAN GYI BLA MA DGE 'DUN TSANG MAS RAB TU DGA' LDAN GDAN SA GTAN DU MDZAD PA ZHIG DGOS, MA MTHA' 'ANG RE SHIG DGA' LDAN DU BZHUGS NAS RJE'I SKU GDUNG RIN PO CHE'I STENG GI RGYA PHUB HA CANG RNYINGS PAS GRUM NAS THIGS PAS MCHOD KHANG YANG CHUD ZA BA 'DI LA THUGS RJES GZIGS DGOS ZHES MGRIN GCIG TU GSOL BA BTAB PA NA GDAN SA MDZAD PAR ZHAL GYIS MA BZHES KYANG SKU GDUNG RIN PO CHE'I RGYA PHUB BZO BAR ZHAL GYIS BZHES TE BYANG RTZER PHEBS, DE DUS NGO MTSAR BA'I MTSAN LTAS BYUNG BA BRDA TSIG GIS YI GER 'GOD PAR MDZAD PA NI 'DI LTAR, SVASTI, MDANGS GNYID KYIS LOG PA'I RMI LAM DU, ,BAG CHAGS KYI NYING 'KHRUL SNA TSOGS SHAR, ,DUS DANG POR BDEN

, ,BA'I RGYA YIS BCINGS, ,SLAR 'KHRUL PA'I RANG MTSANG RIG PA YIS, ,SEMS CHOS NYID NAM MKHA'I DBYINGS SU THIM, ,DPE RGYA MTSO'I NANG DU CHAB ROM BZHIN, ,YANG DGUNG SNGON DBYINGS NAS 'JA' TSON DANG, ,SLAR CHU NANG ZLA BA'I GZUGS BRNYAN LTAR, ,BLO YANG DAG DANG LTAR SNANG CI RIGS PA'I, ,YUL SNA TSOGS KYI BKOD PA MA 'DRES DANG, ,LAR NGO MTSAR GYI RI MO SNA TSOGS MTHONG, ,DPE DGUNG SNGON GYI DBYINGS NAS 'JA' TSON BZHIN, ,TSIG GSAL PAR BKOD KYANG SGRO SKUR RGYU, ,DON DE PHYIR KHA BYANG TZAM ZHIG BKOD, ,CES SO, ,DE DUS ZHAG GNYIS GSUM ZHIG KHUG RNA 'KHRIGS PA'I RKYEN GYIS NYI MA KHRAG MDOG TU 'CHAR BA BYUNG ZHING, DE DANG BSTUN DGE BA'I BSHES GNYEN 'GA' ZHIG GIS LUNG BSTAN MANG PO BKOD PAS SKYE BO DU MA RE DOGS KYI CA CO KUN TU SGROG PA RJE 'DI BA'I SNYAN DU GSAN PAS THUGS LA 'DI LTA BU 'KHRUNGS TE, KYE MA 'GRO BA 'DI DAG NI SHES BYA THAMS CAD LA LKOG TU MA GYUR BA'I SPYAN MNGA' BA SANGS RGYAS BCOM LDAN 'DAS BDEN PA GSUNG BA DES, TSE RABS THAMS CAD DU MI SHIS PA DANG, SDUG BSNGAL DANG, 'JIGS PA MTHA' DAG 'BYUNG BA'I SA BON DANG, LTAS NGAN PAR LUNG GSAL BAR BSTAN PA G-YO SGYU KHRAM GSUM GYIS MI DGE BA SPYOD PA LA RANG GI NGANG GIS 'JUG ,CHED DU SER GZUGS PHAL CHER NI SDOM PA DANG DAM TSIG YAL BAR DOR NAS MKHAN SLOB MCHED GROGS DGRA BO'I DANG MAR 'DZIN, KHYAD PAR SKYE BO PHAL CHER

'CHI BDAG GI GSHIN RJE MCHE BA GTZIGS SHING 'JIGS SU RUNG BA MA RANGS PA'I GAD MO DGOD PA, RANG GI SLAD BZHIN 'BRANG BA'I CHAD PA DRAG PO THOG TU NGES BAR 'BAB CING DE YANG NAM YONG NGES PA MED PA LA BAG GZON NAM NYAMS SNANG CUNG ZAD KYANG MED PAR TSE 'DI'I PHYI NANG GI MTSAN MA CUNG ZAD TZAM LA DOGS PA 'DI LTAR BYED PA, KYE MA MA LA TSES CHER RMONGS PA'AM, GDON THUGS LA ZHUGS PA RANG YIN PA 'DRA, BSHES GNYEN CHEN PO PO TO BA'I ZHAL NAS, 'O SKOL SANGS RGYAS KYI MKHYEN PA LA MO MA RNO SHOS TZAM DU'ANG MI RTZI GSUNG BA SHIN TU MED SNYAM DU THUGS LA SHAR BA CHA TZAM TSIG TU GSAL BAR MDZAD PA 'DI LTAR, AOm SVASTI, GANG LA BRTEN NA BSLU BA MED PA'I SKYABS, ,BDEN PA GSUNG BA DE LA GUS BTUNG NAS, ,RNAM DPYOD LDAN PA DAM PA'I RJES 'BRANG BA'I, ,GZUR GNAS SKYE BO YONGS LA 'DI LTAR GLENG, ,YONG NGAM MI YONG THE TSOM ZA BA YI, ,RGYA SOG BOD KYI 'DRE YI DMAG 'DUS PA'I, ,DMAG DPON BDUD NAG SENG GES 'GO BYAS TE, , BYUNG NGOS MKHA' DBYINGS SPAR MOS GZHAL BAS CI, ,YONG NGES SHES SHING BZLOG THABS MED PA YI, ,DUS KYI SRIN PO'I KHA YI NANG CHUD CING, ,'JIGS RUNG NGAN 'GRO'I G-YANG SA MDUN GNAS PA, ,BZLOG PA'I THABS MKHAS BSGRUBS NA MI LEGS SAM, ,SKYID KYANG MI 'TSENGS SDUG KYANG MI PHUNG BA'I, ,TSE THUNG 'DI YI RE DOGS MDUN MAS CI, ,NGES PAR YONG ZHING NAM YONG CHA MED PAS, ,'CHI GRABS TSAGS SU BTZUD NA MI LEGS SAM, ,TSE GCIG GNYEN 'DUN 'JIGS

, ,SAR SKYEL MA SOGS, ,RMONGS PA RNAMS KYANG 'BAD PAS TSOL BYED NA, ,NAM GZHAG GTAN GYI MDUN MA BSGRUB PA LA, ,DUS RNAM KUN TU BRTZON BA BSTEN BA'I RIGS, ,TSUL 'DI DRAN PA YIS KYANG GDUNG SEL BA, ,'DREN PA MNYAM MED SGYU 'PHRUL SRAS BO YI, ,PHYI BZHIN 'DRANG BA'I DGE SLONG GYI NA PA, ,BLO BZANG CHOS KYI RGYAL MTSAN ZHES BYAS SPRINGS, ,DGE BAS 'GOR KUN GROG SKAM NYA RGYA DANG, ,SGYU MA'I GSHIN RJE KHROS LA 'JIGS PA LTA'I, ,RE DOGS CHOS BRGYAD 'CHING BA LAS GROL TE, ,KUN MKHYEN 'GRO BA'I RTZA LAG THOB PAR SHOG ,CES SO, ,GZHAN YANG DE DUS NYAMS MGUR 'DI LTAR MDZAD DE, NA MO GU RU, DKYIL 'KHOR GYI 'KHOR LO BYE BA'I GTZO, , DUS MTHA' 'DIR DUR SMRIG RNAM ROL GYIS, ,SANGS RGYAS KYI MDZAD PA MNGON SUM BSGRUBS, ,DA DUNG YANG YE SHES SPYAN GYIS GZIGS, ,'KHOR 'DAS KYI CHOS RNAMS JI SNYED PA, ,SNANG BA LTAR MA ZHEN GNAS TSUL LTOS, ,SNANG GNAS KYI NGO BO GNYIS MTHONG NA, ,RTAG PA DANG CHAD PA'I MTHA' LAS GROL, ,MDO RGYUD KYI RGYAB RTEN DPUNG CHE ZHING, ,GDAMS NGAG GI NANG BYAN TSUD PA YI, ,BYIN RLABS KYI BRGYUD PA MA NYAMS PA'I, ,MTSAN LDAN GYI RJE BTZUN BSTEN PAS 'TSENGS,, THAR 'DOD KYI SKAL LDAN KHYED RNAMS KYANG, ,CHOS NYID KYI RANG ZHAL GZIGS BZHED NA, ,SKAM BSHAD KYI THA SNYAD MKHAN PO DANG, ,THOS CHUNG GI SGAM SGOM MA YIN PA'I, ,YONGS GRAGS KYI RJE LA BLO SNYING GTOD, ,SHUGS DRAG GI BSAGS

SBYANGS YUN DU BSRINGS, ,SNANG THOG TU ZHEN PA'I GZHI RTZA SHIG ,RIG THOG TU YOD MED MTHA' DANG BRAL, ,SNANG TZAM GYI RTEN 'BREL MI BSLU ZHING, ,RTEN 'BREL GYIS STONG PA'I DON STON PA, ,ZUNG 'JUG TU SKYONG BA'I RNAL 'BYOR 'DI, ,LTA BA DANG SGOM PA SPYOD PA GSUM, ,ZUNG 'JUG TU 'KHYER BA'I NYAMS LEN YIN, ,ZHES DANG, RJE BKA' DRIN GSUM LDAN RDO RJE 'CHANG, ,MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB MA LUS PA, ,DUS DA LTA NYID DU BDAG LA STZOL, , LO DKAR PO'I SA GA ZLA BA LA, ,DUS NYIN GCIG DGE LDAN RI BO'I NGOS, ,KHAMS 'DUS PA BSANG PHYIR SONG PA'I TSE, ,YUL RI MO SNA TSOGS SO SOR SNANG, ,SGO MA 'GAGS SNANG BA'I TSUL BRTAGS PAS, ,KUN BYANG GI CHOS RNAMS NGO BOS STONG, NGO BO DANG BRAL YANG CI YANG SHAR, ,SNANG STONG GNYIS 'GAL BA MA YIN PA'I, ,ZUNG 'JUG GI GZHAL MED NYAMS DGA' PA, ,'DI GANG SHAR GYI NGO BO BSKYANGS PAS MTHONG, ,CHOS PHUNG PO BRGYAD KHRI BZHI STONG KUN, ,LAM 'DI NYID KYI STENG DU 'BAB PAR GSUNGS, ,BZANG NGAN GYI SNANG PA GANG SHAR YANG, ,MING RTOG PAS BTAGS PA TZAM ZHIG LAS, ,RDUL TZAM YANG DMIGS SU MA MCHIS NA, ,LAR DGAG SGRUB KYI SPROS PAS CI RANG BYED, ,DA MNAR MED 'BAR BA'I ME NANG DU, , YUN BSKAL PAR BSREGS KYANG NYAM NGA MED, ,RMI LAM GYI RAB 'BAR MES BSREGS KYANG, ,SREG MKHAN DANG BSREG BYA SREG BYED GANG, ,DON DE PHYIR TSANGS DBANG LA SOGS PA, ,DPAL SRID PA'I PHUN TSOGS THAMS CAD LA'ANG, ,YID

, ,'DUN CING CHAGS PA CUNG ZAD MED, ,LAR SGYU MAS SPRUL PA'I LONGS SPYOD BZHIN, ,DON 'DI BZHIN NGES PA BLA MA'I DRIN, ,TSIG SKAM BSHAD KYI RGYUD PA MA YIN PA, ,DPAL BYIN RLABS KYI RGYUD PA MA NYAMS PA'I, ,PHA YONGS GRAGS KYI RJE BTZUN BSTEN BAS 'TSENGS, ,CES PA DANG, YANG HA HA, SEMS GSAL RIG 'GAG MED DU SKYE BA 'DI, ,SKYE MED DU MTHONG BA YA RE MTSAN, ,SKYE MED LA GNAS DANG 'GAG PA GANG, ,MO GSHAM GYI BU MO'I 'GYING BAG BZHIN, ,SEMS RANG BZHIN SPROS PA'I MTHA' DANG BRAL, ,GDANGS 'GAG MED CIR YANG 'CHAR ZHING SNANG, ,DBYINGS GZUNG 'DZIN GYI SGROG LAS RNAM GROL KYANG, ,DENG SBAR 'DZIN BYED PA 'DI CI 'DRA ZHIG ,KHONG GZHAN TSO LTA KHRID DANG PHYAG CHEN SGOM, ,MI KHO BO LA BSGOM BYA SGOM BYED DANG, ,DON 'DI BSGOM GYI MTSAN MA RDUL TZAM MED, ,SGOM SGRUB KUN JI LTAR DGYES DGYES MDZOD, ,DA MYUR DU SHI'AM GSON YANG BLA, ,SEMS SNANG STONG BDE CHEN GYI GROGS MCHOG DANG, ,DUS SKAD CIG KYANG MI 'BRAL 'GROGS NAS 'GRO, ,SDUG BSNGAL KUN JI LTAR DGYES DGYES MDZAD, ,KHA PHYI LTA'I THA SNYAD RTOG GE PAS, ,'DI THOS NA 'GAL 'DU'I PHUNG POR SEMS, ,DON NYAMS MYONG CAN GYI RNAL 'BYOR PAS, , GLU 'DI 'DRA GSAN NA 'DZUM PA 'CHOR, ,ZHES DANG, NA MO MAH'A MU DR'A YA, PHA BKA' DRIN MNYAM MED BLA MA RJE, ,MI BDAG SNYING PADMO'I ZE'U 'BRUR BZHUGS, ,RTEN DAL 'BYOR MI LUS RNYED DKA' ZHING, ,'DI MI RTAG MYUR DU 'CHI BAS NA, ,

RGYUD NGANG RING LE LO MA MCHIS PAR, ,DA G-YEL MED SGRUB LA BRTZON PAR MDZOD, ,RJE BSLU MED BLA MA DKON MCHOG LA, ,SNYING RUS PA'I GTING NAS SKYABS 'GRO ZHING, ,MA KHAMS GSUM 'KHOR BA'I SEMS CAN LA, ,BYAMS SNYING RJES DRANGS PA'I SEMS BSKYED 'TSAL, ,SNGON THOG MA MED NAS DA LTA'I BAR, ,SEMS 'KHRUL PA'I DBANG GIS 'KHOR BAR 'KHYAMS, ,DA 'KHRUL PA'I RJES SU MA 'BRENG BAR, ,CHOS KUN GYI RANG BZHIN GDOD MA'I GSHIS, , DON G-YEL MED SEMS KYI RDO RJE STE, ,LAM PHYAG RGYA CHEN POR GRAGS PA YIN, ,DER RE DOGS DGAG SGRUB MA BYED PAR, ,SEMS CHOS DBYINGS NGANG DU LHOD KYIS GLOD, ,LUS SNANG STONG DAG PA LHA YI SKU, ,NGAG GRAG STONG RDO RJE'I BZLAS PA DANG, ,SEMS GSAL STONG PHYAG RGYA CHEN PO'I DANG, ,DUS RTAG TU G-YENGS MED MNYAM PAR ZHOG ,RJES MTSAN MA'I DUG DANG MA 'DRES PAR, ,DPAL TSOGS GNYIS BYANG CHUB CHEN POR BSNGOS, ,ZHES PA RNAMS MDZAD, DE NAS RJE'I SKU GDUNG RIN PO CHE'I DBU THOG TU RGYA PHUB BYA 'DAB DANG BCAS PA GSAR BZOS LEGS PAR GRUB STE PHUL NAS RAB TU GNAS PA RGYAS PAR MDZAD, GZHAN YANG SKU GDUNG RIN PO CHE'I SKU MDUN DU MCHOD PA'I BYE BRAG BSAM GYIS MI KHYAB PA PHUL ZHING, DGA' LDAN 'DUS TSOGS LA MDO SNGAGS KYI CHOS MANG DU STZAL, DE NAS GTZANG PHYOGS SU PHEBS TE GCEN LUNG DANG, LHO PHYOGS SU DAD LDAN MANG POS GDAN DRANGS PA LTAR PHEBS TE, GANG DANG

, ,GANG DU PHEBS PA'I SA DE DANG DER SKYE BO RNAMS LA MTHO RIS DANG THAR PA'I SA BON THEBS PAR MDZAD CING, LHO PHYOGS KYI GZHI BDAG DKAR PHYOGS PA RNAMS KYIS GUS PA CHEN POS MCHOD CING, RJE NYID NAS KYANG THUGS MNYES PA'I GSUNG MGUR 'DI LTAR MDZOD DE, NA MO GU RU BUDDHA BO DHI SATVA BHYA: PHA BGA' DRIN GSUM LDAN BLA MA RJE, ,BDAG MOS PA'I BU LA THUGS RJES GZIGS, ,LO RAB MYOS SKYES BDAG GNYIS KYI MTSAMS, ,KHONG DANG LDAN SKYE BOS 'TSAMS SBYAR NAS, ,BOD MON MTSAMS NOR 'DZIN YANGS PA'I GZHIR, ,ZAS BSOD SNYOMS 'TSOL BA'I DON DU PHYIN, ,DER PHYIN BAS LHA CHEN BZANG RA SOGS, ,KHONG DKAR PHYOGS SKYONG BA'I GZHI BDAG RNAMS, ,YID DGA' BAS MCHOD PA'I SPRIN GYIS BSUS, ,SPYIR DAD LDAN SKYE BO'I ZHING SA LA, ,DUS KUN TU DGE BA'I SA BON BTAB, ,KHROM 'DU 'GYES ROL BA SNA TSOGS PA'I, ,PHYI RNAM G-YENG BAN BUN RGYAR CHUD KYANG, YUL GANG SHAR MI RTAG SDUG BSNGAL BA, ,DPE SGYU MA RMI LAM DRI ZA'I GRONG, ,CHU DVANGS PA'I ZLA GZUGS LTAR MTHONG BAS, ,DBYINGS SPROS BRAL GSAL BAR STON PA BZHIN, ,DON DE PHYIR SGYU MAS BSLUS PA YI, ,MA KHAMS GSUM 'KHOR BA'I 'GRO KUN LA, ,SNYING RUS PA'I GTING NAS SNYING RJE SKYES, ,DE SKYES KYANG GZHI MED RTZA BA BRAL, ,DON SNA MANG BYA BA'I SGROG CHUD CING, ,RGYUD SNYOMS LAS LE LO'I DBANG GYUR KYANG, ,CHOS PHUNG PO BRGYAD KHRI BZHI STONG GI ,DON GCES

PA'I BRJOD BYA MCHOG GYUR PA, ,LAM STONG NYID SNYING RJE'I SNYING PO CAN, ,'DI RES 'JOG RES 'GA' ZUNG 'JUG PA'I, ,DON NYAMS LEN GNAD DANG MA BRAL TZAM, ,BKA' MDO RGYUD KUN GYI SNYING PO MCHOG ,CHOS STONG NYID SNYING RJE'I SNYING BO CAN, ,'DI KUN GYIS NGES NA AA LA LA, ,DON NGES NAS GROL NA AE MA HO, ,ZHES SO, ,DE NAS BKRA SHIS LHUN POR PHEBS NAS BSTAN PA'I RGYUN LA DGONGS TE BKA' 'GYUR RIN PO CHE DAG NGES SHIG BZHENG BAR BZHED NAS ZHA LU NAS CHOS RJE BU STON RIN PO CHES ZHUS DAG MDZAD PA'I BKA' 'GYUR GDAN DRANGS, GZHAN YANG BKA' 'GYUR GYI DPE KHUNG MA MANG PO BSAGS TE RJE 'DI NYID KYI SPYAN LAM DU PHAB PA'I ZHUS DAG LEGS PAR MDZAD NAS GANGS RI'I LJONGS KYI YIG MKHAN MKHAS PAR GRAGS PA RNAMS BSDUS TE BKA' 'GYUR GSAR BZHENGS MDZAD PA DE LA NI BKA' 'GYUR SKYA BOD CHEN MO LJAGS ZHUS MAR GRAGS SHING, YANG GSER 'BA' ZHIG GIS BRIS PA'I BKA' 'GYUR ZHIG KYANG GSAR BSKRUN MDZAD DE BKA' 'GYUR GNYIS KA BKRA SHIS LHUN PO'I GTZUG LAG KHANG NA BZHUGS SO, ,DE SKABS DUS GZIR GYI 'GYUR BA LA BRTEN BLA CHEN MI CHEN MANG PO ZHIG DAR RGUD KYI 'GYUR LDOG SNA TSOGS BYUNG BA GZIGS PAS, RGYAL SRAS RIN PO CHES, PHYI MA'I SO TSIS GROG SKAM NYA RGYA 'DRA, ,BSAM PA THOG TU MI KHEL 'DOD 'DUN SKYUNGS, ,CIS KYANG DRAN NA 'BYOR RGUD 'DU 'BRAL SOMS, ,LTOS THUB CHOS LAS 'DUG GE MA nI BA, ,ZHES GSUNGS PA BZHIN PHYI TSIS KYIS ZAS NOR BSAGS KYANG SBRANG MA'I SBRANG RTZI DANG

, ,'DRA BAR MNGON SUM DU MTHONG ZHING GRUB KYANG, DA DUNG SNYING PO MED PA LA SNYING POR 'DU SHES PA 'DI DAG NI KYEM GYI HUD SNYING DANG MIG MED PA'O SNYAM DU MI RTAG PA DANG, SDUG BSNGAL BA DANG, BDAG MED BAR NGES PA'I NGES SHES DANG SGYU MAS RMONGS PA'I 'GRO BA MTHA' DAG LA SNYING RJE SHUGS DRAG TU 'KHRUNGS NAS 'KHOR BA'I NGANG TSUL THUGS LA SHAR BA LTAR TSIG TU MTSON PAR MDZAD PA NI 'DI LTAR, NA MO SH'AKYA MU NA YE, TSANGS DBANG DANG 'KHOR LOS BSGYUR BA YI, ,DGA' STON YANG GSHED MA LTAR DGONGS TE, ,CHOG SHES KYI BDUD RTZIS NGOMS PA RNAMS, ,AE MA HO MCHOG TU BSNGAGS PAR 'OS, ,RTAG 'DZIN GYI 'BYUNG POS YID BSGYUR NAS, ,CHOS BRGYAD KYI DUG CHUS RAB MYOS PA'I, ,DRED PO KHYOD SKYE RGA NA 'CHI YI, ,GNAS TSUL 'DI SNYING NAS BSAM PA'I RIGS, ,NYI RGAS KYI GRIB MA JI BZHIN DU, ,'CHI BDAG KHO MI SDOD TSUR TSUR 'ONG, ,BROS PAS KYANG THAR SA MI 'DUG PAS, ,'CHI GRABS LA PHYI SHOL MA BYED CIG ,STONG GSUM GYI KHYON LA DBANG BSGYUR ZHING, ,ZAS NOR SOGS RGYA MTSO'I 'JING GNAS KYANG, ,'CHI BDAG GI GSHIN RJE'I ZHAGS PA YIS, ,DBANG MED DU PHA ROL GCER PUR 'KHRID, ,GNAD GCOD KYI MTSON RNON DRAG POS BSNUN, ,NGAN SONG GI 'KHRUL SNANG SNA TSOGS SHAR, ,SNGAR BYAS KYI LAS LA 'GYOD CING 'TSER, ,AA TZAM CI BYA GTOL MED GYUR, NGAN SKYUGS DANG BSHAD GCI DRI NGA BA, ,'DAM RDZAB KYI NANG DU BYING ZHING NUB, ,BYANG SHA RNAMS PHYIR SBOS MIG 'BRAS RDIB, ,KHA ZAS KYI ZHEN LOG SKOM PAS GDUNGS, ,RIG RIG TU BLTA ZHING YAN LAG G-YOB, ,NGAR NGAR GYI DBUGS PHRENG GYEN DU BRTZEG ,NYAM THAG GI NGA ROS

BOS BYAS KYANG, ,RANG NYES KYIS SKYOB MKHAN GCIG KYANG MED, ,'JIGS RUNG GI G-YANG SAR LHUNG MTHONG NAS, ,RANG NYID LA GTING NAS YI MUG SKYES, ,LAG STONG DU SGREN MOR 'GRO DGOS PA, ,NAM YONG LA NGES PA MI 'DUG NA, ,GZON MED DU BDE PAR SDOD PHOD DAM, ,DON CHUNG GI KHE NYEN RTZI RTZI NAS, ,GLO BUR DU SKYAS CHEN 'DEGS DGOS BA'I, ,DANG TSUL 'DI SNYING NAS MI BRAN PA, ,PHYUGS LAS KYANG BLUN PA'AM YANG NA SMYO, ,GTAM NGAN DANG SDUG BSNGAL KHYAD BSAD NAS, ,SER SNA YIS BSAGS PA'I ZAS NOR LAS, ,RDUL TZAM YANG KHYER BA'I DBANG MED PAR, ,GCER BU RU BAR DO'I 'PHRANG LA 'KHYAM, ,'BAD RTZOL GYIS BSGRUBS PA'I NOR RDZAS DE, ,SPRANG MA YIS BSAGS PA'I SBRANG RTZI BZHIN, ,'BREL MED KYI SKYE BO GZHAN GYIS SPYOD, ,GNAS TSUL 'DI MNGON SUM MTHONG BZHIN DU, ,DA DUNG PHYI CHIS KYI GSOG RUN MKHAN, ,BLO NGAN GYI SKYE BO CE RE LONG, ,DA GSOG NA DUS GSUM 'PHAGS PA'I NOR, ,'GYUR MED KYI DAD PA RNAM DAG KHRIMS, ,THOS PA DANG GTONG BA NGO TSA SHES, ,KHREL YOD DANG SHES RAB NOR RNAMS SOGS, , 'PHAGS NOR GYIS GANG BA'I BANG MDZOD DE, ,SKYE RGA DANG NA 'CHI'I DGRA KUN GYIS, ,DUS NAM YANG 'PHROG PAR MI NUS PA, ,MTHAR THUG TU MI 'BRAL 'GROGS PAS BDE, ,ZHES DANG, NA MO GU RU MANYDZU GHO sh'A YA, BSKAL BZANG 'DI LA BDE GSHEGS NI, , MANG PO'I MDZAD PAS RNAM ROL PA, ,DRIN CAN RTZA BA'I BLA MA DE, ,DRAN PAS SRID PA'I GDUNG BA SEL, ,DENG NAS BYANG CHUB MA THOB BAR, ,NGAN SONG 'JIGS PA LAS SGROL ZHING, ,MTHO RIS THAR PA'I LAM 'DREN PA, ,BLA MA MCHOG

, ,LA RAG LAS KYANG, ,BKA' DRIN GSUM LDAN BLA MA LAS, ,LHAG BA'I SKYABS GNAS GZHAN 'TSOL BA, ,YID BZHIN NOR BU MCHOG THOB PA, ,DOR NAS MCHING BU LEN PA BZHIN, ,LHA LAS LHAG PA'I RTEN BZANG 'DI, ,RNYED DKA' DON CHE SHES GYUR KYANG, ,DON CHEN SNYING PO MI LEN PAR, ,TSE 'DI'I BYA BAS DUS 'DA' BA, ,DBUL PO 'GA' ZHIG STES DBANG GIS, ,NOR BU'I GLING DU SLEBS NAS KYANG, ,LAG STONG GCER BUR RANG KHYIM DU; ;'JUG PA LAS KYANG SHIN TU BLUN, ,'DI NA LO ZLA'I KHONGS TZAM DU, ,YONG PAR NGES SHING NAM 'ONG BA, ,NGES PA MED PA'I DGRA DAG LA, ,RMONGS PA'I 'JIG RTEN SKYE BO YANG, ,NYIN RE BZHIN DU BAG BYED NA, ,NGES PAR 'ONG ZHING NAM 'ONG BA, ,NGES MED 'CHI BDAG DGRA BO LA, ,GZON MED BDE BAR 'DUG PA 'DI, ,KYE MA KYI HUD PHYUGS LAS BLUN, ,'JIGS RUNG 'CHI BDAG ZA RES DE, ,DE RING THOG TU MI 'BAB PA'I, ,BDAG LA GDENGS YOD MA YIN NA, ,CI PHYIR BDAG YID BDE BAR 'DUG ,MI BZAD BZOD DKA'I NAD KYIS BTAB, ,BSHAD GCI'I GDAN LA 'GRE LDOG BYED, ,DROD BSDUS DBUGS RTZEGS DAR SGRA DAG ,'BYIN BA'I DUS SHIG MYUR DU 'ONG, ,GNYEN BSHES DU BAS MTHA' SKOR ZHING, ,SMAN DANG RIM GROS BCOS SU MED, ,YAN LAG G-YOB CING RIG RIG BLTA, ,'ON KYANG RTAG 'DZIN DBANG GYUR PAS, ,DA DUNG GSON PAR RE NA YANG, ,'CHI BDAG GSHIN RJE GNYAN ZHON TE, ,MAR RANGS KHREL NAS

GAD MO DGOD, ,GCES PAR BSKYANGS PA'I SHA RUS KYANG, ,BZHAG NAS GROGS MED GCER BU RU, ,'JIGS PA'I THANG LA DGRAS BCOM LTAR, ,MYUR DU 'GRO BA'I DUS SHIG 'ONG, ,STONG GSUM NOR LA DBANG BSGYUR YANG, ,RDUL PHRAN TZAM YANG KHYER DBANG MED, ,GNYEN BSHES MDZA' BAS MTHA' BSKOR YANG, ,GCIG TZAM RJES SU 'BRANG BA MED, ,DE TSE BDAG GI MING TZAM YANG, ,SHUL DU LUS NA GZHAN CI SMOS, ,'JIGS CHEN 'DI 'DRA MA DREN PAR, ,'BREL MED TSE 'DI'I BYA BA LA, ,ZHEN PA BDAG DANG BDAG 'DRA BA'I, ,MGON MED 'GRO BA MTHA' DAG LA, ,BRTZE BAS GZIGS SHIG BLA MA LHA, ,ZHES SOGS NYAMS MGUR MANG DU MDZAD DO, ,SPYIR SNYIGS MA'I NGANG TSUL CHES CHER BDO BA DANG, LHAG PAR PHYOGS LHUNG GDON GYIS YID DKRUGS NAS BSTAN 'DZIN DAM PA RNAMS LA 'TSE ZHING DRIN LAN LOG PAR 'JAL BA'I SDIG CAN 'GA' ZHIG GI NGANG TSUL GZIGS PAS THUGS SKYO BA'I NYAMS MGUR 'DI LTAR MDZAD DE, NA MO GU RU MANYDZU GHO sh'A YA, THUGS RJE DANG LDAN PA'I RGYAL GZHAN GYIS, ,'DUL BA RU MA NUS SPANGS PA YI, ,MGON MED KYI LONG PA BDAG CAG LA, ,G-YEL MED DU GZIGS SHIG ZAS GTZANG SRAS, ,'DUS BYAS KYI PNGANG TSUL STON KA'I SPRIN, , DGRA GNYEN GYI 'TSOGS 'DU TSONG DUS 'GRON, ,SNYIGS DUS KYI MI TSE NAM MKHA'I GLOG ,SHES LDAN 'DRA YOD NA BSAM PA'I RIGS, ,NAG PHYOGS KYI BDUD RIGS STOBS LDAN PAS, ,KHREL MED KYI NGAN SPYOD CHU LTAR 'KHRUG ,

, ,'DOD NAG GI DUG CHUS YID MYOS PAS, ,YA RABS KYI SPYOD TSUL RGYANG DU BSRINGS, ,DAM TSIG DANG SDOM PA RTZA LTAR DOR, ,NGO TSA DANG GTAM NGAN KHYAD BSAD NAS, ,'JIGS RUNG GI NGAN 'GRO'I G-YANGS SA CHER, ,SU MGYOGS RANG MDZAD TSOS CI DGONGS NA, ,RGYANG RING GI SNANG TSUL PHAR ZHOG GI ,DBYAR DGUN SOGS NAM ZLA'I 'GYUR LDOG DANG, ,DENG DUS KYI SKYE BO'I DAR RGUD 'DI, ,SHES BZHIN DU MI MTHONG CE RE LONG, , 'DI NANG GI BYA BA CI BYAS BDE, ,BYANG CHUB 'DI PHYIS NAS BTZAL THABS MED, ,THAR MED KYI BTZON KHANG RA BA LAS, ,'BROS THABS 'DRA AE 'DUG LEGS PAR SOMS, ,RI GZAR GYI 'BAB CHU DRAG PO LTAR, ,SKYES TZAM NAS 'CHI BDAG PHYOGS RGYUG PA, ,GANG GIS KYANG BZLOG PAR MI NUS NA, ,BDE MO RU SDOD PA PHYUGS LAS BLUN, ,'DI NANG GI DGRA 'DUL GNYEN SKYONG SOGS, ,'JIG RTEN GYI BYA BAR ZHEN PA TSO, ,'BRAS MED KYI SPUN PA 'PHYAR 'PHYAR NAS; ;DON PO MNAR MED KYI BUD SHING NYID, ,STONG GSUM LA DBANG BSGYUR RGYAL PO YANG, ,SKAD CIG KYANG SDOD PA'I DBANG MED PAR, ,PHA ROL TU GCER BUR 'GRO DGOS NA, ,'KHOR BA'I PHUN TSOGS LA YID BRTAN CI, ,DON CHUNG LA MI TSE 'DZAD PA'I RGYU, ,BAN BUN GYI G-YENG BAS CI RANG MDZAD, ,RLUNG DMAR GYI NANG GI MAR ME BZHIN, ,NAM 'CHI LA NGES BAM MCHIS PA, ,RMI LAM GYI DGA' STON LTA BU YI, ,ZAG BCAS KYI BDE LA ZHEN RIN MED, ,'GYUR

MED KYI ZUNG 'JUG BDE BA CHE'I, ,GRONG KHYER DU ZHUGS NA MI LEGS SAM, ,ZHES SO, ,LAS BDAG GIR BYA BA'I SNYIGS MA'I 'GRO BA RNAMS LA RGYAL BAS KYANG CI BYAR MED PAR NYAM THAG PAR GZIGS NAS STON PA THUGS RJE CAN LA GSOL 'DEBS SHUGS DRAG TU MDZAD PAS STON PA THUGS RJE CAN GSER GYI LHUN PO LA NYI MA BYE BA'I MDANGS BYUGS PA LTA BU ZHIG ZHAL GZIGS NAS DE'I MDUN DU YAN LAG BDUN BA MAndAL DANG BCAS PA PHUL TE GSOL BA 'DEBS PA'I GDUNG DBYANGS 'DI LTAR MDZAD DE, NA MO GU RU MU NI AAINDRA YA, MI MJED KYI ZHING GI STON PA DANG, ,DBYER MED KYI RTZA BA'I BLA MA LA, ,BYANG CHUB KYI SNYING POR SKYABS SU MCHI, ,'BRAL MED DU THUGS RJE'I LCAGS KYUS ZUNGS, ,RGYUD DRUG GI MA RGAN SEMS CAN RNAMS, ,KHAMS GSUM GYI BTZON KHANG RA BA 'DIR, ,NYON MONGS KYI LCAGS SGROG DAM POS BCINGS, ,LAS NGAN GYI RLUNG NAG 'TSUBS MAS G-YENGS, ,SDUG BSNGAL GYI MDA' CHAR DRAG POS MNAR, , GROGS MED DU MYA NGAM THANG LA 'KHYAMS, ,MGON MED KYI LONG BA NYAM THAG PA, ,SNYIGS DUS KYI SKAL NGAN 'GRO BA LA, ,BSLU MED KYI 'DREN MCHOG SH'AKYA'I TOG ,LONGS SPRUL GYI ZHING KHAMS GAR BZHUGS KYANG, ,SGRIB BRAL GYI SPYAN GYIS GZIGS MDZOD LA, ,BTZOM YI GSER SBYANGS ME LONG 'DRA'I, ,'DZUM ZHAL GYI BDUD RTZIS DBUGS PHYUNG LA, ,THUGS RJE DANG THABS TSUL BRGYA PHRAG GIS, ,DRIN CAN GYI 'GRO BA MA LUS PA, ,MTHO RIS KYI THEM

, ,SKAS LA BRGYUD NAS, ,SKU GSUM GYI GZHAL MED KHANG DU DRONGS, ,ZHES SO, ,DE NAS NA TSOD LDAN ZHES PA SHING MO PHAG GI LO 'TSUB LHONGS CHE ZHING PHYI NANG GI MTSAN LTAS KYANG 'TSUB 'GYUR CHE BA BYUNG NAS BKRA SHIS LHUN PO'I BLA MA RNAMS KYIS GTZOS RJE NYID KYI SLOB MA GTZO CHE BA MANG POS SKU TSE TSE SGRUB MDZAD DGOS ZHES GSOL BA BTAB CING RKYEN BZLOG DGOS TSUL NAN GYIS ZHUS KYANG RJE NYID NI SNGON GYI GRUB CHEN RNAMS KYI RNAM THAR LTAR 'JIG RTEN CHOS BRGYAD 'GO SNYOM ZHING, RKYEN BZANG NGAN GANG BYUNG YANG LAM DU 'KHYER BA LAS RKYEN BZLOG SOGS MA MDZAD CING, CHOS BRGYAD 'GO SNYOM PA'I GSUNG YANG 'DI LTAR BYON TE, NA MO GU RU RATNA TRA Y'A YA; GANG LA BRTEN NA BSLU BA MED PA'I, ,DKON MCHOG GSUM DANG RJE BTZUN BLA MA, ,DBYER MED SNYING GA'I PADMOR BZHUGS LA, ,MCHOG DANG THUN MONG DNGOS GRUB KUN STZOL, ,DENG SANG BAR SNANG GLOG 'DRA'I TSE THUNG, ,BSRINGS KYING DGUN GYI DGONG NYI 'DRA BA, ,GSON YANG CI BYA DE BAS GTAN GYI, ,MDUN GRABS BYAS NA LEGS PA MIN NAM, ,RMI LAM LO BRGYA LON DANG YUD TZAM, ,SONG NAS SAD PA GNYIS KA MTSUNGS LTAR, ,MI RTAG SGYU MA CHU BUR GLOG 'DRA, ,DE BAS NAM MKHA' GNAS PA DE SRID, ,SKYE RGA NA 'CHI MED PA'I PHUN TSOGS, ,BSGRUBS NA 'GRUB CING SGRUB DBANG YOD DUS, ,SGRUB PAR MI BYED BYIS PA'I SPYOD PA, ,SDIG SDUG GTAM NGAN KHYAD DU BSAD NAS, ,SKYID KYANG MI 'TSENGS

SDUG MI PHUNG BA'I, ,TSE 'DI'I PHUN TSOGS SGRUB RNAMS MTHONG TSE, ,GANG ZHIG THOB PAS NYES KUN MUN TSOGS, ,YONG YE MTHAR BYED NAM MKHA'I NOR BU, ,'GYUR MED BDE BA CHEN PO'I RANG BZHIN, ,SKU GSUM GZHAL MED PHO BRANG CHEN POR, , SEMS SHES LDAN PA SU ZHIG MI 'JUG ,'JIG RTEN 'DI YI BDE SKYID SGRUB DANG, ,GRUB RNAMS BRTAN DANG RGYAS PA'I DON DU, ,BZLAS BRJOD RIM GRO MCHOD SBYIN LA SOGS, ,BRTZON PA CHEN POS LEGS PAR BSGRUBS KYANG, ,BZANG PO'I KHA ZAS RNON PO'I DUG DANG, ,SBYOR BA'AM GSER BZANG SIL MA'I RIN GYIS, ,MI GTZANG KHROD KYI 'BRAS MED SPUN PA, ,NYON BA LAS KYANG BLUN PA MIN NAM, ,RANG DON KHO NAR NOR DANG TSE SGRUB, ,DBANG SDUD DRAG PO'I MNGON SPYOD LA SOGS, ,NGAN SONG SKRUB PA'I MYUR LAM YIN ZHES, ,MDO RGYUD KUN LAS GSUNGS PA MIN NAM, ,BDAG LA PHAN PAR 'DOD PA'I GROGS PO, ,RNAM DPYOD YANGS PA'I SKYE BO GANG DAG ,TZA NAG KYI YA BRAM ZE'I KHYE'U'I, ,RNAM THAR TSUL LA RJES SU 'JUG NA, , MIG CAN G-YANG DU MCHOD PA MIN NAM, ,CHOS BRGYAD 'CHING BA'I LCAGS SGROG SPANGS NAS, ,BDAG NYID PHYIR DU BRGYA PHRAG DKA' BAS, ,G-YEL MED THAR PA BSGRUB PA DE YANG, ,THEG MCHOG LAM LAS RGYAB KYIS PHYOGS NA, ,'DI NANG BDE SKYID 'BA' ZHIG SGRUB PHYIR, ,BZLAS BRJOD DKA' THUB RNAM DKAR DGE TSOGS, ,BRTZON PA'I 'BRAS BU JI LTAR 'GYUR ZHES, ,SHES LDAN RNAMS LA DAL BUS GLENG NGO, ,ZHES DANG, NA MO GU RU, LHA DKON MCHOG GSUM GYI NGO BO

, ,NYID; ;PHA RJE BTZUN BLA MA'I ZHABS LA 'DUD, ,DUS MA RUNGS SNYIGS MA LNGA BDO BAS, ,BDUD NAG PO'I RIGS RNAMS STOBS LDAN ZHING, ,LHA DKAR PO'I PHYOGS RNAMS SGRUB THAG RING, ,MI PHAL CHER MI DGE SDIG LA RNGAMS, ,KHYIM SPANGS PA'I DGE SBYONG PHAL CHER YANG, ,RGYUD KHRIMS 'CHAL G-YO SGYU TSUL 'CHOS MKHAN, ,RJE ZAS GTZANG SRAS KYI BSTAN PA YANG, ,SNUM ZAD PA'I MAR ME DAG DANG MTSUNGS, ,DON DE PHYIR THAR PA 'DOD PA RNAMS, ,SEMS BAG YOD BRTZON PA BSTEN PA'I RIGS, ,SPYIR 'DUS BYAS MTSAN NYID DBYAR GYI SPRIN, ,SOGS DENG SANG MI TSE GLOG 'DRA BAS, ,DON 'DO MED BYA BAS MI G-YENG BAR, ,DUS GTAN GYI MDUN MA SGRUB RE RAN, , DE RAN PAR MA ZAD 'PHYIS PA TZAM, ,GNAS 'KHOR BA'I RGYA MTSO GTING ZAB CING, ,SGOS NGAN SONG SDUG BSNGAL BZOD DKA' BAS, ,SEMS YOD NA 'BROS PA'I DUS LA BAB, ,LUS 'DOR LEN YANG DANG YANG BYAS PA'I, ,SHA RUS PA BSAGS NA LHUN PO BRGAL, ,ZANGS BZHU BA'I KHU BA BTUNGS PA DANG, ,ZAS MI GTZANG RANG KHRAG SPYAD PA DANG, ,LHA'I BDUD RTZI 'THUNGS PA GANG YIN PA'I, ,DPER RGYA MTSO RUNG BA MA YIN GSUNGS, ,KHONG GZHAN DANG 'THABS SHING RTZONG PA YIS, ,MGO BCAD NAS SPUNGS NA'ANG RI RAB 'DAS, ,SNYING NYE BA'I MDZA' BSHES DANG BRAL BAS, ,NGAG SMRE ZHING DUS PA'I MCHI MA YANG, ,PHYOGS GCIG TU BSKYIL NA RGYA MTSOR MTSUNGS, ,'DI SHES

SHING BDE BAR SDOD KHOM PA, ,YID MYOS SAM KHYOD SNYING LCAGS LAS BYAS, ,TSE 'DI SNANG SKYEL MAS 'DOR LA KHAD, ,DGRA GSHIN RJE'I GDAN 'DREN MDUN DU SLEBS, ,LAM BAR DO'I 'PHRANG 'DI YA YANG NGA, ,TSE PHYI MA'I 'BYON SA CI 'DRA RANG, , YAR BDE 'GROR SKYES KYANG MKHAS PA YIS, ,DON BSAMS NA DMYAL ME LTA BUR 'JIGS, ,MI SNYING CAN RANG LA SNYING RJES LTOS, ,RANG BSAM NA PHYI MA'I MDUN GRABS GYIS, ,SNGON LAN BRGYAR MYONG BA MA YIN PA'I, ,LAR SRID PA'I BDE BA GANG ZHIG YOD, ,DE SPYAD PAS DON 'BRAS CI 'DRA 'BYUNG, ,DA BSAMS NA SNYING PO GANG 'DRA 'DUG ,'DI SOMS LA PHYIN CHAD 'DOD 'DUN BSKYUNGS, ,RJE 'DREN MCHOG RGYAL PO BLA MA'I ZHABS, ,'DI 'BRAL MED SPYI BO'I RGYAN BZUNG LA; ;BKA' MDO RGYUD RGYA MTSO'I BCUD BSDUS PA, ,LAM THABS SHES ZAB MO'I NYAMS LEN GYIS, ,DPAL SKU GSUM BDE BA CHEN PO DE, ,TSE 'DI LA BSGRUBS NA MI LEGS SAM, ,ZHES SOGS NYAMS MGUR MANG DU MDZAD DO, ,DE SKABS GANGS LJONGS 'DIR GTZANG SOG 'DZINGS PA'I DUS 'KHYOMS DANG, 'BRI PHAG SDE GZAR GYI DUS 'KHYIMS SOGS DMAG 'KHRUG BRGYUD MAR BYUNG BAS GSHIN RJE'I 'JIG RTEN MI YUL DU 'PHOS BA LTAR 'KHYIG BRDUNG DANG GSOD GCOD DBUL ZHING PHONGS PAS NYAM THAG PA SOGS SDUG BSNGAL MTSO RDOL BA LTAR GYUR CING, DENG SANG GI SKYE BO RNAMS KYI DGRA GNYEN DANG MTHO DMAN YID BRTAN MI RUNG BA'I 'GYUR LDOG ,LHAG PAR DUS NGAN GYI KHREL MED SPYI DANG BYE BRAG TU BSTAN

, ,PA'I SGOR ZHUGS PAR RLOMS PA'I SER GZUGS SNYIGS MA LNGA'I GDON GYIS BSKYOD CING, CHAGS SDANG DANG PHRAG DOG DANG G-YO SGYU'I CHANG GIS YID LHAG PAR MYOS PAS NGAN 'GRO'I ME DONG 'JIGS SU RUNG BA'I STENG DU DGA' MGUR ZLOS GAR BSGYUR BA MANG PO GZIGS SHING, SNYAN DU GSAN PAS DE DAG GI BYED SPYOD LA SGRUB BYED 'PHEN PA'I TSUL DU NYAMS MGUR 'DI LTAR MDZAD DE, NA MO GU RU MANYDZU GHO sh'A YA, SPROS DANG BRAL YANG MTSAN DPE'I RGYAN GYIS SPRAS, ,GSUNG GCIG NYID KYANG DU MA SO SOR STON, ,DBYINGS LAS G-YO BA MED KYANG CHOS KUN GSAL, ,'CHID BA BCAD KYANG SNYING RJES DAM DU BCINGS, ,BSLU MED 'DREN PA SH'AKYA'I RGYAL PO DANG, ,DBYER MED RJE BTZUN BLA MA THUGS RJE CAN, ,DUS NGAN SNYIGS MA'I BDAG CAG 'GRO RNAMS LA, ,'BRAL MED BRTZE BAS GZIGS LA MCHOG STZOL ZHIG ,CHOS MED MI LA CHOS KYI RJER BTAGS PA, ,BDAG DANG BDAG 'DRA'I BLA MAR RLOM MTHONG TSE, ,DUL ZHING ZHI SOGS YON TAN BCU LDAN PA'I, ,BZLOG PHYOGS BLA MA'I MTSAN NYID LAGS SAM SNYAM, ,'GRO BA'I 'DREN PAR MNGON RLOM PHYOGS RIS CAN, ,KHROS PA'I TSE NA YUL DANG SDE DGON 'JOMS, ,RGYAL PO'I RNAM THAR SKYONG RNAMS MTHONG BA'I TSE, MTHO RIS THAR PA'I YAR 'DREN CI 'DRA RANG, ,PHAN BDE'I 'BYUNG GNAS BSTAN DANG BSTAN 'DZIN CES, ,GSUNGS MOD BSTAN 'DZIN PHAL CHER CHAGS SDANG GIS, ,SKYE DGU'I PHAN BDE 'JOMS PA MTHONG BA'I TSE, ,SANGS RGYAS BSTAN

PA'ANG SDUG BSNGAL 'BYUNG BA'I SGO, ,DGE LEGS RTZA BA TSUL KHRIMS YONGS POR BA'I, ,THEG MCHOG RNAL 'BYOR DBANG BO MANG MTHONG TSE, ,'GRAM RTZA MED PA'AM ZAGS PA'I KHANG RUL STENG, ,KHANG BRTZEGS BRTAN PO'I BKOD PA RUNG SNYAM SEMS, ,GRONG 'DABS DANG 'BREL DGON PA'AM GZHAN DU YANG, ,BKOD PAS MDZES PA'I KHRI GDAN LA 'DUG STE, ,MJO'I ZHABS 'BRING CAN DE'ANG RNAM GROL GYI, ,SROG LDAN CI ZHIG TSUL KHRIMS NOR LA SOMS, ,BKA' DRIN GSUM LDAN BLA MA'I THUGS DKRUG CING, ,BKA' BZHIN MI SGRUB SLOB MA'I TSOGS MTHONG TSE, ,MNAR MED KHRO CHU KHOL MA'I ZANGS MO CHE, ,CHAG GAM RDOL BA'I GTAM SNYAN THOS SAM SNYAM, ,BSTAN PA'I SGOR ZHUGS DUR SMRIG GOS GYON NAS, ,KHRIMS 'CHAL BAG MED SPYOD PA'I TSOGS MTHONG TSE, ,NGAN SONG GSUM GYI GNAS DE LEGS BRIS KYI, ,DGA' BA'I TSAL LTAR MTHONG BA YIN NAM SNYAM, ,SKRA BREGS LUS BSGYUR CHOS KYI SGOR ZHUGS KYANG, ,KUN SLONG DUG CHUS YID MYOS DGE 'DUN GYI, ,SDE BCAS DAM CHOS SPONG PA'I TSOGS MTHONG TSE, ,BSTAN LA ZHUGS PA YIS KYANG LHAG PAR PHUNG, ,BRDZUN DANG NGAN G-YO KHRAM GYIS RANG DON DAG ,SGRUB RNAMS SPYANG GRUNG 'DZOM PAR BYED MTHONG TSE, ,RANG DON DOR NAS GZHAN DON GTZOR MDZAD PA'I, ,SEMS DPA' MCHOG RNAMS MI GLUNG BLUN PA SNYAM, ,DAM PAS SMAD PA'I MI DGE'I LAS RNAMS LA, ,BAG MED DGA' MGUR 'JUG RNAMS MTHONG BA'I TSE, ,DGE SDIG SHAN 'BYED CHOS KYI RGYAL PO DE, ,SHI'AM MCHE BA ZAD PAR SHES PA 'DRA, ,SEMS

, ,CAN MGU BYA MA GTOGS RGYAL BA RNAMS, ,MNYES PA'I THABS GZHAN MED KYANG MCHOD SBYIN PHYIR, ,SKYA 'GRO KHRAL GYIS MNAR BA MTHONG BA'I TSE, ,'TSE BA CHOS SU SMRA LA NYES PA CI, ,DUS MTHA'I SKYE BO KUN GYI SPYOD TSUL RNAMS, ,STON PA'I GSUNG RAB PEE d'UR SA GZHI'I NGOS, ,GSAL BAR SHAR BA'I SNANG TSUL TZUNG ZAD TZAM, ,BLO BZANG CHOS KYI RGYAL MTSAN ZHES BYAS BKOD, ,DGE BAS MTHA' YAS 'GRO BA MA LUS PA, ,DUS BZANG YON TAN BRGYA LA LONGS SPYOD CING; ;SKYON BRAL SDOM PA GSUM GYIS RGYUD BSDAMS NAS, ,SKU GSUM GO 'PHANG MYUR DU THOB PAR SHOG ,BDAG KYANG TSE RABS KUN TU 'GRO RNAMS KYI, ,NGAN SPYOD SKYON GYI TSOGS LA MI RTOG PAR, ,DAG SNANG BYAMS BRTZE'I 'OD KYIS KHYAB BYAS TE, ,RNAM GROL DGA' BA'I TSAL DU MYUR 'JUG SHOG ,CES DANG, NA MO GU RU MANYDZU GHO sh'A YA, GANG GI ZHABS SEN NOR BU'I 'OD CHAGS, ,DRAN PAS DNGOS GRUB 'DOD DGU STZOL MDZAD, ,BLA MA MCHOG DANG SH'AKYA'I GTZO BO, ,DBYER MED SNYING GA'I PADMO'I DBUS BZHUGS, THOG MED DUS NAS DA LTA'I BAR DU, ,SKYE RGA NA 'CHI'I RBA KLONG 'KHRUG CING, ,SDUG BSNGAL CHU SRIN MANG POS GANG BA'I, ,'KHOR BA'I RGYA MTSO CHEN PO'I NANG 'KHYAMS, ,NGAN SONG GNAS SU GTAN YUL BYAS SHING, ,PHAL CHER MNAR MED 'BAR BA'I MES BSREGS, ,SKABS 'GAR BDE 'GRO'I LUS RTEN THOB KYANG, ,MA RIG 'THUG BOS BLO MIG BSGRIBS PAS, ,MI DGE'I BSHES DANG SDIG PA'I GROGS DANG, SDUG BSNGAL 'GRUB PA'I RGYU DANG SDUG BSNGAL, ,BDE BAR 'DZIN PA'I LOG

SHES DBANG GIS, ,DGA' MGUR DGOD CING BYAS PA'I 'BRAS BU, ,'JIGS RUNG BTZON KHANG RA BAR BCUG NAS, ,MI BZAD SDUG BSNGAL CHAR LTAR 'BAB CING, ,MGON MED SKYABS MED MCHIMS GDONG G-YOGS, ,DU BZHIN NYAMS SU MYONG BAR 'GYUR RO, SKYE RGA NA 'CHI YID 'ONG BRAL DANG, ,MI SDUG PHRAD DANG 'DOD PA MA RNYED, ,'DU BYED SDUG BSNGAL 'BAR BA'I MTSON GYIS, ,BCOM ZHING MI 'JOMS SRID NA CI ZHIG ,SRID NA NGA RGYAL RLOM BAS 'GYING ZHING, ,DREGS PA'I NGA RO CHES CHER SGROG PA'I, ,LHA CHEN TSANGS DBANG MDA' LNGA PA SOGS, ,'DOD PA'I BDE LA YUN RING SPYAD NAS, ,MNAR MED RAB TU TSA BA'I ME NANG, ,BSREG CING 'PAR BA'I THO BAS PHYER 'THAG ,MTHO RIS BU MO'I NU MA'I REG PAS, ,MNGON PAR DGA' ZHING RTZES NAS SLAR YANG, ,RAB RNO BZANG RING SHAL MA'I RI YIS, ,GTING DU 'BIGS SHING TSAL PAR GSHEG GO ,LHA YUL RO BRGYA LDAN PA'I BDUD RTZIR, ,NGOMS PA MED PAR YANG YANG SPYAD NAS, ,MI GTZANG RANG BZHIN RANG KHRAG RUL PA, ,DRI NGA BTZOG PA'I BSHANG GCIS 'TSO 'GYUR,, GLING BZHI'I KHYON LA 'DOD DGUR BSGYUR BA, ,STOBS KYIS SNYEMS BA'I GTZO BOR GYUR NAS, ,BYIS NAS BLUN CING RMONGS PA'I DUD 'GRO, ,BKOL SPYAD GZHAN GYI DBANG DU 'GYUR RO, ,YUD TZAM ZHIG KYANG 'BRAL MI PHOD PA'I, ,GNYEN 'KHOR MDZA' BA MANG POS BSKOR YANG, ,MYUR DU RGYUS MED NYAM NGA'I GNAS SU, ,GROGS MED RANG NYID GCIG PUR 'GO'O, ,SER SNAS BSAGS PA'I ZAS NOR PHUNG PO, ,RGYA MTSO'I GOS CAN GANG BAR DBANG YANG, ,RING POR MI THOGS LHAN CIG SKYES PA'I, ,LUS KYANG

, ,BZHAG STE LAG STONG 'GRO'O, ,MTHO RIS BDE 'GRO'I LUS DANG LONGS SPYOD, ,GNYEN GROGS 'KHOR G-YOG PHUN TSOGS GANG LA'ANG, ,YID BRTAN RUNG BA CUNG ZAD MED CING, ,BDE MED SDUG BSNGAL BRGYA YIS GTZES NAS, , LAS NGAN DBANG GIS LUS NGAN BLANGS PA'I, ,DMYAL BA YI DVAGS DUD 'GRO LA SOGS, ,NGAN SONG LOG PAR LTUNG BA RNAMS KYI, ,SDUG BSNGAL 'DI LA BZOD THABS AE 'DUG ,MI BZOD BZHIN DU RANG NYES 'BRAS BU, ,DUS KYI LO TOG BZHIN DU SMIN NAS, ,MI 'DOD TSOR BA DRAG POS MNAR TSE, ,SANGS RGYAS KYIS KYANG SKYOB PA'I THABS MED, ,DE PHYIR RANG DBANG YOD PA'I DUS 'DIR, ,SKYE RGA NA 'CHI RGUD PA'I SDUG BSNGAL, ,MTHA' DAG SPANGS PA'I SKU GSUM GO 'PHANG, ,BSGRUB PA'I TSUL LA BRTZON PAR GYIS SHIG ,CES SOGS NGES 'BYUNG SHUGS DRAG POS BSKYOD PA'I NYAMS MGUR MANG DU MDZAD DO, ,LHAG PAR DE DUS CHEN POR RLOMS PA STOBS KYIS DREGS PA MANG PO ZHIG DUS 'KHRUG GIS NYAM THAG PAR GYUR PA GZIGS PAS DNGOS SU DE DAG LA PHAN PA BYED BA'I SKABS MA RNYED CING THUGS NGES 'BYUNG DANG SNYING RJES BSKUL BA'I DKON MCHOG LA GSOL 'DEBS 'DI LTAR MDZAD DE, GU RU BUDDHA BODHI SATVA YA NA MA: SGYU MAS RMONGS PA'I 'GRO BA 'DI'I, ,DUG GSUM DRIM 'KHRUD PA'I PHYIR, ,DAM CHOS BDUD RTZI'I CHAR 'BEBS PA'I, ,SH'AKYA'I GTZO BO DE LA 'DUD, ,'JIGS RUNG SRID PA'I RGYA MTSO 'DIR, ,LAS DANG NYON MONGS RBA KLONG 'KHRUG ,SDUG BSNGAL CHU SRIN GYIS GTZES PA'I, ,NYAM THAG 'GRO

'DI THUGS RJES SKYOBS, ,DMYAL BA YI DVAGS DUD 'GRO SOGS, ,SDUG BSNGAL DRAG POS MNAR BA YI, ,MGON SKYABS MED PA'I 'GRO BA KUN, ,THUGS RJE MNGA' BAS BSKYAB TU GSOL, ,BDE BAR 'GRO BA ZHES GRAGS KYANG, ,'DU BYED 'GYUR BA'I SDUG BSNGAL GYI, ,MDA' CHAR 'BAB PA 'DI DAG LA, ,THUGS RJE MNGA' BAS BSKYAB TU GSOL, ,'DUS PA 'BRAL ZHING BSAGS PA 'DZAD, ,SKYES PA 'CHI ZHING MTHON PO'I MTHA', ,RGUD BAS MNAR BA'I 'GRO BA RNAMS, ,THUGS RJE MNGA' BAS BSKYAB TU GSOL, ,SKYE RGA NA 'CHI RGUD BA YI, ,'JIGS RUNG SRIN PO'I MCHE BA BZHI'I, ,PHRAG TU ZHUGS PA'I SKYE BO YI, ,MGON SKYABS MDZOD CIG ZAS GTZANG SRAS, ,DENG SANG DUS KYI 'GYUR BA 'DI, ,KUN MKHYEN THUB PA'I GSUNG RAB LAS, ,SRID PA'I PHUN TSOGS RMI LAM DANG, ,ZAS NOR SBRANG MA'I SBRANG RTZI DANG, ,'DUS BYAS SA 'DZIN MTHON PO YI, ,RTZE NAS LHUNG BA'I 'BAB CHU BZHIN, ,GSUNGS DON RMONGS PA'I SKYE BO LA, ,MNGON SUM STON PA'I SLOB DPON BZHIN, ,KHA CIG RNGON PAS GCES PA YI, ,RI DVAGS JI BZHIN SKRAG PAS NYEN, ,LA LA 'JIGS RUNG MYA NGAM GYI, ,THANG LA DGRAS BCOM 'GRON PO BZHIN, ,'GA' ZHIG BDE BA 'DOD PA'I PHYIR, ,DGOD CING SDIG PA'I LAS BYAS PAS, ,MCHIMS GDONG G-YOGS DU BZHIN DU, ,RNAM SMIN MYONG BA'I LAS LA SPYOD, ,PHAL CHER BAR DO'I SEMS CAN BZHIN, ,LAS NGAN GDON GYIS DKRUGS PA YI, ,NYAM THAG 'GRO BA 'DI RNAMS LA, ,THUGS RJE MNGA' BAS MI DGONGS NA, ,KHYOD LAS LHAG PA'I SKYABS GZHAN CI, ,DE PHYIR BSKAL PA DPAG MED NAS, ,

, ,BDAG CAG SNYIGS MA'I 'GRO BA RNAMS, ,PHYAG MTSAN BZHES BZHIN THUGS RJES SKYOBS, ,CES SO, ,GTZANG SOG GZIR BA'I DUS CHOS SDE MANG PO ZHIG KYANG 'GA' ZHIG DBANG MED DU DMAG LA BSKUL BA DANG, 'GA' ZHIG NI BSAM BZHIN DU SER DMAG BYAS PA SOGS, RGYAL BA'I BSTAN PA CHES CHER NYAMS PA'I NGANG TSUL GZIGS PA DANG, SKYE BO PHAL MO CHE'I SNANG TSUL SNA TSOGS PA ZHIG GZIGS PAS THUGS PHYUNG ZHING 'KHOR BA'I GNAS SU NYAM THAG PA'I 'GRO BA 'DI DAG LA PHAN PA BLA NA MED PA SBYIN PA'I SKYABS GNAS STON BA MTSUNGS PA MED PA SH'AKYA'I GTZO BO LA GSOL 'DEBS 'DI LTAR MDZAD DE, NA MO GU RU MANYDZU GHOsh'A YA, BTZO MA'I GSER SBYANGS LHUN PO NI, ,LI KHRI'I MTSAMS SPRIN GOS GYON NAS, ,DGE MTSAN 'OD KYIS 'GENGS 'DRA BA'I, ,SH'AKYA'I GTZO BO DE LA 'DUD, ,KYE MA BDAG CAG SKAL BA NGAN, ,'JIGS RUNG DUS KYI SRIN PO LNGAS, ,SNOD BCUD KUN GYI MDANGS PHROGS PA'I, ,MTHA' 'KHOB MUN PA'I YUL 'DIR SKYES, ,THUB DBANG SMRA BA'I NYI MA DE, ,DUS KYIS NUB RI'I PHAG TU GSHEGS, ,RGYAL SRAS 'PHAGS PA'I TSOGS RNAMS DANG, ,BSTAN 'DZIN DAM PA'I SKYES BU RNAMS, ,DAG PA'I ZHING DU BTANG SNYOMS MDZAD, ,BSTAN PA RIN CHEN SGRON ME YANG, ,BUD SHING ZAD PA'I ME DANG MTSUNGS, ,STON PA'I BKA' KHRIMS YID BZHIN NOR, ,GUS PAS GTZUG GI RGYAN 'DZIN PA, ,'OD STONG BDAG PO'I GZI BYIN GYIS, ,LHA LAM BKANG PA'I RGYU SKAR BZHIN, ,DAM PA'I GZUGS KYI

TSANG TSING NAGS, ,CHAGS SDANG G-YO SGYU PHRAG DOG GI ,GDUG PA'I SBRUL GYIS GANG BA YI, ,KHA RLANGS ME YI 'BRAS BUS KHYAB, ,DUR SMRIG MDZES PA'I GOS 'CHANG YANG, ,KHREL DANG NGO TSA SDOM PA GSUM, ,CIG CAR SPANGS PA'I ZLOS GAR GYIS, CHU SRIN RGYAL MTSAN CAN SDE'I TSOGS, ,NYIN BYED ZER GYIS REG PA YI, ,PADMO GZHON NU LTA BUR 'DZUM, ,THA MAL SKYE BO PHAL CHER YANG, ,CHAGS SDANG DRAG PO'I GDON ZHUGS PAS, ,DAM PAS SMAD PA'I LAS RNAMS LA, ,'DZEM MED CI DGAR KUN TU SPYOD, ,SNGON DUS DGE BA'I MI DBANG GIS, ,SKYE DGU BDE BA'I DON BCAS PA'I, ,KHRIMS RNAMS BZHI MDO'I RTZA LTAR 'DOR, ,RANG 'DOD GZU LUMS SPYOD PA YI, ,SDIG SPYOD RGYAL PO'I KHRAL GYIS MNAR, ,NAD RIMS 'THAB RTZOD MU GE YI, ,GNAM LCAGS SER CHEN STONG BAB PAS, ,SKYE DGU'I PHAN BDE'I PAD TSAL BCOM, ,'DI 'DRA'I 'GRO BA NYAM THAG PA, ,RI DVAGS RGYA RU CHUD 'DRA BA'I, ,MGON SKYABS MED PA BDAG CAG LA, ,THUGS RJE CHE LDAN STON PA LAS, , LHAG PA'I SKYABS GZHAN CANG MA MCHIS, ,KHYOD SNGON BDE GSHEGS RIN PO CHE, ,SNYING PO'I YAB TU GYUR PA'I TSE, ,RNYOG MAS SBAGS PA'I RTZOD DUS 'DI, ,BRTZE LDAN GZHAN GYIS SPANGS DUS SU, ,RLABS CHEN SMON LAM 'BUM PHRAG GIS; ;THABS MKHAS THUGS RJES PHYAG MTSAN BZUNG, ,DE PHYIR SNYIGS MA'I BYIN ZA YIS, ,GDUNGS BA'I BDAG CAG 'GRO BA RNAMS, ,THUGS RJE'I CHAR GYIS BSIL BAR MDZOD, ,MTHA' MED 'KHOR BA'I RGYA MTSO CHE, ,

, ,SDUG BSNGAL RBA GLONG 'KHRUG PA'I GLONG, ,BYING BA'I MGON MED 'GRO BA 'DI, ,THUGS RJE'I LCAGS KYUS DRANG DU GSOL, ,BLANG DOR GNAS LA LTA BA'I MIG ,MA RIG LING THOG GIS BSGRIBS PAS, , DMUS LONG G-YANGS SAR MCHONG 'DRA BA'I, ,RMONGS PA'I 'GRO LA BRTZE BAS GZIGS, ,KHYI PHAG MI GTZANG PHUNG PO LA, ,CHAGS SHING ZHEN PA JI LTA BAR, ,SDUG BSNGAL BDE BAR 'DZIN PA YI, ,LOG SHES CAN RNAMS THUGS RJES SKYOBS, ,'DOD CHAGS RI GZAR CHU BZHIN 'KHRUG ,ZHE SDANG DUS MTHA'I ME LTAR 'BAR, ,PHRAG DOG RLUNG DMAR LTAR 'TSUBS PA'I, ,RMONGS BA'I 'GRO RNAMS THUGS RJES SKYOBS, ,BDE 'DOD SDUG BSNGAL 'DOR 'DOD KYANG, , DGE LA DGRAR BLTA SDIG PA LA, ,DGA' ZHING BRTZON PAS 'JUG PA YI, ,LOG SHES CAN RNAMS THUGS RJES SKYOBS, ,THA MA'I DUS KYANG SKYENGS BYED PA'I, ,MTSON DANG MU GE NANG RIMS KYI, ,MI BZANG MDA' CHAR DRAG PO YIS, ,GDUNGS BA'I 'GRO RNAMS THUGS RJES SKYOBS, ,RGYAL BA'I BSTAN LA RAB BYUNG NAS, ,CHOS GOS BZHIN DU GO CHA GYON, ,GSIL BYED BZHIN DU MDA' MTSON THOGS, ,MIG CAN 'BAR BA'I ME NANG DU, ,MCHONG 'DRA'I 'GRO RNAMS THUGS RJES SKYOBS, ,MI BZAD DRI NGA MI GTZANG PA'I, ,LJAN LJIN MUN PA'I NANG ZHUGS TE, ,BZOD DKA' GDUNG BAS NYAM THAG PA'I, ,SKYE GNAS CAN RNAMS THUGS RJES SKYOBS, ,LANG TSO RGYAS PA'I ME TOG KYANG, ,DUS KYI BA MOS BCOM PA YI, ,'GRAM

ZAGS KHANG RUL LTAR 'JIG PA'I, ,'CHI BAR NYE RNAMS THUGS RJES SKYOBS, ,MDZA' BA'I GNYEN DANG BSAGS PA'I NOR, ,LUS DANG LONGS SPYAD KUN BOR NAS, ,MGON MED SKYABS MED PHA ROL TU, ,GCIG PUR 'GRO RNAMS THUGS RJES SKYOBS, ,SDUG DANG BRAL ZHING DGRA DANG PHRAD, ,'DOD 'BRAS KYIS DBEN MI 'DOD PA'I, ,DNGOS RNAMS THOG LTAR BAB PA YI, ,MGON MED RNAMS LA THUGS RJES SKYOBS, ,ZAS NOR LONGS SPYOD STOBS RNAMS KYIS, ,NGA RGYAL DREGS PAS 'GYING RLOM YANG, ,DBANG MED RGUD PA'I LCAGS SGROG GIS, ,DAM POR BCINGS RNAMS THUGS RJES SKYOBS, ,TSA GRANG BZOD DKA'I SDUG BSNGAL DANG, ,BKRES SKOM BKOL SPYAD GCIG LA GCIG ,ZA BA'I 'JIGS RUNG SDUG BSNGAL GYIS, ,MNAR BA'I 'GRO RNAMS THUGS RJES SKYOBS, ,MDOR NA NAM MKHA'I MTHAS KLAS PA'I, ,MAR GYUR 'GRO BA MA LUS PA, ,SRID ZHI'I RGYA MTSO LAS BSGRAL TE, ,THAMS CAD GZIGS PA'I GNAS SU DRONGS, ,ZHES SO, ,RJE 'DIS NOR 'DZIN YANGS PA'I KHYON THAMS CAD DU RGYAL BA'I BSTAN PA RIN PO CHE SBEL PAR MDZAD CING LHAG PAR DBANG PHYOGS GONG MA'I RGYAL KHAB 'DI RGYA CHE ZHING STOBS MNGA' THANG CHE BAS PHYOGS DER RJE RIN PO CHE'I BSTAN PA SNGON DUS RJE RIN PO CHE'I BKAS BYAMS CHEN CHOS RJE MNGAGS TE CUNG ZAD DAR BAR BYUNG NA'ANG DUS PHYIS DAR CHA CHUNG BAS THABS TSUL JI LTA BU ZHIG GIS DAR BAR BYA SNYAM DU YE SHES KYI GZIGS PA NA SE CHEN CHOS RJE LA 'PHRIN LAS KYI BKA' BAB YONG PAR GZIGS NAS SE CHEN

, ,CHOS RJE BKAS MNGAGS TE SBYOR JID KYI RGYAL PO LA RGYU MTSAN ZHIB BKOD KYI PHYAG DAM RTEN SBRAGS GNANG STE BTANG BAR 'PHRIN LAS DUS SU BAB STE SBYOR JID KYI RGYAL POS SE CHEN CHOS RJE GUS BAS BKUR TE PHYOGS DER 'JAM MGON BSTAN PA GSAR DU BTZUGS PAS SBYOR JID KYI RGYAL PO BSOD NAMS KYI STOBS CHES CHER RGYAS TE RGYA NAG GI RGYAL SRID LA 'KHOD NAS DBANG PHYOGS SU RJE RIN PO CHE'I BSTAN PA CHES CHER DAR BAR BYAS SHING SE CHEN CHOS RJE SLAR BOD DU BYON PA'I TSE GONG MA RGYAL BOS RJE 'DI PA DANG RGYAL DBANG THAMS CAD MKHYEN PA GNYIS KA LA GUS 'DUD BLA MED MDZAD, MNGAGS 'OS GZENGS BSTOD KYI GSER YIG GNANG BA BYUNG, RJE 'DIS NOR 'DZIN GYI KHYON MTHA' DAG RJE RIN PO CHE'I RING LUGS KYIS KHYAB PAR MDZAD CING, RGYAL DBANG THAMS CAD MKHYEN PA NGAG DBANG BLO BZANG RGYA MTSOR GSANG BA DE 'JIGS GSUM GYI DBANG RDO RJE PHRENG BA'I DBANG SOGS DBANG BKA' DANG RJES GNANG PHAL CHER DANG, LAM RIM GYI KHRID BSKYED RDZOGS KYI KHRID SOGS RJE RIN PO CHE'I MAN NGAG RNAMS GNANG STE BSTAN PA YONGS RDZOGS KYI BDAG POR MNGA' GSOL, GZHAN YANG CHAB MDO 'PHAGS PA LHA, GZIM KHANG GONG SPRUL BA'I SKU, DE MO SPRUL PA'I SKU, RGYAL SRAS SPRUL SKU, SEMS DPA' SPRUL SKU, RJE DRUNG SPRUL SKU SOGS SKU PHRENG RIM PAR BYON PA'I SPRUL SKU RNAMS DANG, GRVA SA CHEN PO BZHI'I GDAN

KHRI 'DZIN PA'I BLA MA RNAMS KYIS GTZOS BLA CHEN RNAMS DANG, BSTAN PA LA BYA BA MDZAD PA'I BSHES GNYEN CHEN PO RNAMS KYIS GTZOS BSIL LDAN LJONGS KYI CHOS DON GNYER BA PHAL MO CHE LA MDO SNGAGS KYI CHOS MTHA' YOS PA STZAL ZHING; LHAG PAR SE 'BRAS DGE GSUM BKRA SHIS LHUN PO RGYUD STOD SMAD BCAS KYI DGE 'DUN RNAMS LA SNGA PHYI LAN MANG POR GSANG BDE 'JIGS GSUM GYI DBANG BSKYED RDZOGS KYI KHRID, RDO RJE 'CHANG CHEN PO'I LAM GYI RIM PA'I GZABS BSHAD, 'GREL PA BZHI SBRAGS, RIM LNGA GSAL SGRON GYI GZABS BSHAD, BDE MCHOG RGYUD 'GREL SBAS DON KUN GSAL GYI GZABS BSHAD RNAMS YANG YANG STZAL ZHING, SGRUB PA SNYING POR MDZAD PA MANG PO LA LAM RIM DANG BSKYED RDZOGS RNAMS 'DZIN CHOS SU YANG LAN MANG DU STZAL, LHAG PAR BKRA SHIS LHUN POR SRAS KYI THU BO GRUB CHEN MANG PO DANG 'DUS TSOGS BCAS LA RJE RIN PO CHE'I SNYAN RGYUD LAM RIM GYI KHRID ZLA SBREL GYI BAR LA 'DZIN CHOS SU STZAL BA THUGS SRAS THU BO RNAMS KYIS ZIN BRIS SU BTAB PA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM ZHES YONGS SU GRAGS PA 'DI BZHIN DANG, GSANG BDE 'JIGS GSUM GYI BSKYED RDZOGS RNAMS 'DZIN CHOS SU STZAL BA THUGS SRAS THU BO RNAMS KYIS ZIN BRIS SU BTAB PA BDE GSANG 'JIGS GSUM GYI BSKYED RIM GYI KHRID YIG GSUNG 'BUM DU BZHUGS PA 'DI BZHIN DANG, RJE THAMS CAD MKHYEN PA'I PHYAG

, ,BZHES LTAR BDE GSANG 'JIGS GSUM GYI BDAG BSKYED, MDUN BSKYED, BUM SGRUB, DBANG CHOG DANG BCAS PA NGAG 'DON CHOG BSGRIGS SU MDZAD PA, RJE RIN PO CHE'I RING LUGS 'DZIN PA MTHA' DAG LA YONGS SU GRAGS PA LTAR YIN ZHING, CHOG SGRIGS 'DI DAG RJE BLO BZANG CHOS KYI RGYAL MTSAN NYID KYIS MDZAD PA YIN YANG GSUNG 'BUM GRAS SU MA BCUG PAR RGYUD PA GRVA TSANG GI 'DON CHA ZHES ZUR DU BZHAG PA DA LTA'I BAR DU DE RGYUN DU GNAS PA 'DI DAG RJE BLO BZANG CHOS KYI RGYAL MTSAN NYID KYIS MDZAD PA YIN PA NI SO SO'I GSHAM DU MDZAD BYANG BKOD PA LTAR RO, ,DE LTAR NA, RJE BLO BZANG CHOS KYI RGYAL MTSAN 'DI NYID NI MDO SNGAGS GANG GI THAD LA'ANG, ,RJE RIN PO CHE'I LUGS BZANG BSRE BSLAD MED PAR 'DZIN CING SPEL BA LA RJE RIN PO CHE RANG NYID SLAR BYON PA LTA BUR GYUR TO, ,TSUL 'DI YANG KHO BO CAG GIS RMONGS ZHEN DANG 'DU SHES BSGYUR TE RAB BRTAGS DANG ZOL BSTOD BYAS PA MIN GYI RANG BZHIN BRJOD PA STE DE LTA MIN NA RJE RIN PO CHE'I LUGS BZANG 'DZIN CING SPEL BA LA RJE 'DI DANG 'PHRIN LAS MTSUNGS PA YOD KYANG SNANG DU MI RUNG BA SU ZHIG YOD, PHYOGS SU MA LHUNG BAR GZU BO'I BLOS BSAMS NA MI RNYED DO, ,DE LTAR RJE 'DIS MDO SNGAGS GANG GI THAD LA'ANG, RJE RANG NYID SLAR BYON PA LTAR BSTAN PA LA BYA BA RGYA CHEN PO MDZAD PA, DE YANG BDAG CAG LTA BU SKU DNGOS SU MTHONG BA'I SKAL BA MED PA RNAMS LA THUGS BRTZE BAS DGONGS TE RJE'I LUGS BZANG DRI MA MED PA STON PA'I BSTAN

BCOS 'DI LTAR MDZAD DE, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM, RJE RANG NYID KYI MDZAD PA RNAM THAR GSAL BAR STON PA NOR BU'I PHRENG BA, RGYAL BA BLO BZANG DON GRUB KYI SKYES PA RABS KYI PHRENG BA LA BSTOD PA, MKHAS GRUB CHEN PO GSUM GYI RTOGS PA BRJOD PA, DGE LDAN BKA' RGYUD RIN PO CHE'I ZAB LAM BRGYUD PA'I RNAM PAR THAR PA MDOR BSDUS, 'PHAGS PA'I GNAS BRTAN CHEN PO RAB 'BYOR GYI RTOGS BRJOD, RIGS LDAN GRAGS PA'I RTOGS BRJOD, SLOB DPON AA BHYA Y'A KA RA'I RTOGS BRJOD, CHOS KYI RJE SA SKYA PAndI TA'I RTOGS BRJOD, G-YUNG STON RI KHROD PA'I RTOGS BRJOD, BYANG CHUB SEMS DPA' SEMS DPA' CHEN PO ZHI BA LHA'I RTOGS BRJOD, SKYE DGU'I BDAG MO'I RTOGS BRJOD, MKHYEN RAB DBANG PHYUG GRAGS PA BZANG PO'I RTOGS BRJOD, SA GSUM MA'I t'IKKA TSIG DON GSAL BA, GRUB PA'I DBANG PHYUG MI LA LA BRTEN PA'I RNAL 'BYOR DANG GSUNG MGUR 'GA' ZHIG ,RJE BTZUN BLA MA'I RNAL 'BYOR DANG NANG GI KHONG SKRAN 'DON PA'I SKYUG SMAN, BLA MA MCHOD PA'I CHO GA ,THUN DRUG GI RNAL 'BYOR, BLA MA'I RNAL 'BYOR RGYAS BSDUS SNA TSOGS, RGYAL SRAS SHES RAB 'PHEL GYI GSOL 'DEBS DANG DGE SLONG MKHAR SKYA PA'I BKA' LAN, RDO RJE PHRENG BA'I DKYIL 'KHOR CHEN PO BZHI BCU RTZA GNYIS KYI SGRUB THABS, MGON PO KLU SGRUB KYIS MDZAD PA'I RIM PA LNGA'I RNAM PAR BSHAD PA, RGYUD THAMS CAD KYI RGYAL PO DPAL GSANG BA 'DUS PA'I BSKYED

, ,RIM GYI RNAM BSHAD, RGYUD THAMS CAD KYI RGYAL PO DPAL GSANG BA 'DUS PA'I RDZOGS RIM, RGYUD THAMS CAD KYI RGYAL PO DPAL GSANG BA 'DUS PA'I GDAMS NGAG RIM LNGA GSAL SGRON, DPAL GSANG BA 'DUS PA'I BLA MA'I RNAL 'BYOR DANG MNGON PAR RTOGS PA, BCOM LDAN 'DAS DPAL 'KHOR LO BDE MCHOG L'U AI PA'I LUGS KYI BSKYED RIM, BDE MCHOG L'U AI PA'I BSKYED RDZOGS SNYING POR DRIL BA TSIGS BCAD DANG L'U DRIL GNYIS KYI RDZOGS RIM, YI DAM RDO RJE 'JIGS BYED LA BRTEN PA'I LAM ZAB MO BLA MA'I RNAL 'BYOR NYAMS SU LEN TSUL, DPAL RDO RJE 'JIGS BYED KYI BSKYED RIM RNAM BSHAD, 'JAM DPAL GSHIN RJE MTHAR BYED KYI MAN NGAG 'JAM DBYANGS BLA MA'I GSUNG GI MAN NGAG ZHI KHRO SPRAGS SGRUB NYAMS SU LEN TSUL, DPAL RDO RJE 'JIGS BYED KYI RDZOGS RIM RNAL 'BYOR BZHI'I RIM PA, GTOR CHEN DRUG CU PA'I RNAM GZHAG RGYAS PA, RTZA TSIG BSDUS PA DANG MAN NGAG BKA' RGYA MA, 'CHI BDAG KHRAG GI MDOG CAN DANG DAM CAN BKA' SDOD RNAM GSUM GYI ZUR 'DEBS, 'DOD KHAMS DBANG PHYUG DPAL LDAN DMAG ZOR RGYAL MO'I 'PHRIN LAS DRAG PO'I ZUR 'DEBS, CHOS SKYONG DREGS PA LCAM DRAL LA BRTEN PA'I BSNYEN SGRUB, RGYUD THAMS CAD KYI RGYAL PO BCOM LDAN 'DAS DPAL DUS KYI 'KHOR LO'I RGYAS 'GRAL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED BA'I SNYING PO BSDUS PA YID BZHIN NOR BU, DUS 'KHOR GYI SMON LAM SHIS BRJOD, BCOM LDAN 'DAS DUS KYI

'KHOR LO'I ZAB LAM RDO RJE'I RNAL 'BYOR, DUS 'KHOR SGRUB THABS, 'JIGS BYED DPA' GCIG PA'I DKYIL CHOG ,RDO RJE 'JIGS BYED DPA' PO GCIG PA RO LANGS BRGYAD BSKOR ZHE DGU MA GSUM GYI SGRUB THABS, RDO RJE 'JIGS BYED KYI DBANG CHOG DANG BUM BSKYED KYI ZUR 'DEBS, 'JIGS BYED LA BRTEN PA'I DBANG DRAG GI SBYIN SREG, TSOGS 'KHOR DANG SBYIN SREG BYA TSUL, TSE CHOG ,TSE DBANG, KUN RIG GI CHO GA ,KUN RIG BUM BSKYED, KUN RIG GI SGO NAS TSE 'DAS RJES SU 'DZIN TSUL, RNAM SNANG MNGON BYANG GI DKYIL 'KHOR GYI CHO GA ,RNAM RGYAL SGRUB DKYIL, MI 'KHRUGS PA'I SGRUB DKYIL YONGS SU RDZOGS PA'I CHO GA, SMAN BLA'I MDO CHOG GI SNYING PO BSDUS PA, 'JAM DKAR GYI SGRUB THABS, 'PHAGS PA ZHAL BCU GCIG PA'I SGRUB THABS SMYUNG BAR GNAS PA'I CHO GA DANG DE'I DBANG CHO GA ,KHYUNG 'KHRA'I SGRUB THABS, GDON 'GROL BYED TSUL, SGROL MA NYI SHU RTZA GCIG GI SGRUB THABS, SGROL MA G-YUL BZLOG JI LTAR BYA BA'I CHO GA, RDO RJE RNAM PAR 'JOMS PA'I CHO GA ,KHRO BO SME PA BRTZEGS PA'I SGRUB THABS, CHOS RGYAL GYI BSKANG BSHAGS BZLOG PA MNGA' GSOL, TSES GCIG GTOR MA RTEN 'DZUGS, BSTAN PA SPYI DANG RGYUD SDE BZHI'I RNAM GZHAG ,DGE LDAN BKA' RGYUD RIN PO CHE'I BKA' SROL PHYAG CHEN RTZA BA RGYAL BA'I GZHUNG LAM, DGE LDAN BKA' RGYUD RIN PO CHE'I BKA' SROL PHYAG CHEN RTZA BA'I 'GREL PA YANG GSAL SGRON ME, BYANG CHUB LAM GYI SGRON MA'I RNAM BSHAD, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN SKABS DANG PO'I 'GREL PA, BYANG CHUB LAM

, ,GYI RIM PA'I KHRID YIG TSIGS BCAD MA, DGE SLONG GI BSLAB BYA NYER MKHO, TSUL KHRIMS BSRUNG BA'I MAN NGAG ,THAR PA DON DU GNYER BA'I RI KHROD PA RNAMS LA KHRIMS SU BCA' BA, BLO SBYONG DMAR KHRID, STOBS BZHI'I BSHAGS BSDAMS, SDIG MUN SEL BYED, DRI BA LHAG BSAM RAB DKAR GYI DRIS LAN, SGRA PA SHES RAB RIN CHEN PA'I RTZOD LAN, N'A RO'I ZAB KHRID, SNYING PO DON GSUM GYI KHRID, NAM MKHA' SGO 'BYED, GCOD KYI GDAMS PA, ZHAL GZIGS DANG RDO RJE GDAN GYI RI KHROD YOL DKAR RNAMS KYI GNAS BSTOD, ,BDE BA CAN GYI ZHING DU THOGS PA MED PAR BGROD PA'I MYUR LAM, BKRA SHIS LHUN PO'I MCHOD RTEN MTHONG BAS DON DANG LDAN ZHING THOS PAS RNAM PAR GROL BA'I DKAR CHAG, BKRA SHIS LHUN PO'I PHYI'I MCHOD RTEN DANG RVA SGRENG DU MCHOD RTEN BZHENGS PA'I DKAR CHAG ,BYAMS PA'I 'PHO BA, KHRO MO SME BA BRTZEGS PA'I SGRUB THABS BKRU BYA BA BSRUNG GSUM BYA TSUL, TRAKSHA DA KYI MCHOD GTOR, PHYING DKAR BA'I BSANGS MCHOD ,GZUNGS GZHUG GNOD SBYIN 'KHOR LO BYA TSUL, RAB GNAS KYI CHO GA GTZUG TOR BZLOG CHEN GYI CHO GA RGYAS 'BRING BSDUS GSUM, 'BAR MA'I GTOR CHO GA ,BRGYA BZHI'I CHO GA ,GTOR MA BRGYA RTZA, BRGYA RTZA BSDUS PA, BRUL GTOR ,CHA BZHI, KLU GTOR GYI RIM PA, TSA BSUR YID LA 'DOD 'JO, 'BYUNG BZHI GTOR MA, SU R'U PA, RJE BTZUN BLA MA THAMS CAD MKHYEN PA BLO BZANG GRAGS BA'I DPAL LA GSOL BA 'DEBS PA DANG PA'I LJON SHING RGYAS PA'I ME TOG ,BLA MA DAM PA DU MA'I BSTOD TSOGS, SDOM GSUM,

PHAR PHYIN, BDE MCHOG ,RDO RJE 'JIGS BYED LA SOGS PA'I BRGYUD PA'I BLA MA LA GSOL BA 'DEBS PA'I RIM PA, STON PA YANG DAG PAR RDZOGS PA'I SANGS RGYAS KYIS CHO 'PHRUL CHEN PO BSTAN PA'I MDZAD PAR BSTOD PA, SANGS RGYAS BYANG SEMS MANG PO'I BSTOD PA, DPAL 'KHOR LO SDOM PA LHA LNGA'I SGRUB THABS, BDE MCHOG DKAR PO'I SGO NAS TSES SGRUB PA SOGS RGYUD SDE BZHI'I LHA TSOGS MANG PO'I SGRUB THABS, RGYAL BA'I BKA' SRUNG GTZO BO MANG PO'I SGRUB THABS SNYING POR DRIL BA GSER GYI YANG ZHUN LA SOGS PA CHOS SKYONG BA'I BSRUNG AM SNA TSOGS PA'I SGRUB THABS, ZHI GNAS SGOM TSUL DANG DBU MA'I LTA KHRID SOGS GDAMS PA SHIN TU ZAB PA SNA TSOGS, SMON LAM SHIS BRJOD LA SOGS PA GDAMS PA SHIN TU MANG PO PHYOGS GCIG TU BSGRIGS PA, BKRA SHIS RTZE PA NANG SO BLO BZANG DBANG RGYAL LA GDAMS PA'I ZHAL GDAMS, BSANGS KYI CHO GA DNGOS GRUB KYI GZI 'OD 'BAR BA NGO MTSAR RIN PO CHE'I PHRENG BA, BSANGS KYI CHO GA DNGOS GRUB KYI GZI 'OD 'BAR BA 'BRING PO, , BSANGS CHO GA BKRA SHIS CHAR 'BEBS MCHOD SPRIN RGYA MTSO RNAMS MDZAD DO, ,DE LTAR RJE 'DIS DGUNG LO BRGYA PHRAG BRGAL BA'I BAR DU BSTAN PA'I BYA BA MDZAD PA NA, RJE NYID KYI ZHAL NAS, 'JIGS RUNG SNYIGS MA LNGA YI ME 'BAR BAS, ,MI RNAMS TSE THUNG 'DOD DGU'I 'BYOR PA NI, RUS SBAL SPU LTAR MTSUNGS PA'I DUS MTHA' 'DIR, ,BDE GSHEGS SKU GSUNG THUGS KYI RTEN BSGRUBS SHING, ,RIS MED 'DUN LDAN RGYA MTSO'I TSOGS RNAMS LA, ,MCHOD SBYIN RNAM MANG ME TOG GIS MCHOD PA, ,BRGYA PHRAG LO

, ,LAS BRGAL BA'I NANG BSGRUBS PA, ,RLOM SEMS BRAL PAS RMAD BYUNG SKAL BA BZANG, ,ZHES GSUNGS PA LTAR RO, ,DE NAS SKU TSE 'DI'I DNGOS KYI GDUL BYA PHAL CHER RDZOGS PA NA, ZHING RJE BA'I SNGA LTAS SU SKU GZUGS SNGAR DANG MI 'DRA BAR PHYIS PA LO BRGYAD TZAM GYI BONG TSOD GZHON SHA CHAGS SHING 'OD KYI RANG BZHIN CAN ZHIG TU GYUR CING, THUGS DAM ZAB MO LAS G-YO BA MED PAR BZHUGS SHING THUN MTSAMS RNAMS SU BYAMS PAS DAM BCAS PA'I GZUNGS GTZO BOR ZHAL TON DU MDZAD PA DANG, GSOL DPON BLO BZANG BSTAN 'DZIN SOGS LA MI RTAG PA'I GSUNG GLENG MANG PO DANG, SNGA PHYIR 'KHOR BA'I MTHA' DANG MNYAM TZAM DU, ,RGYA CHE RING BA'I NYIN DANG MTSAN GYUR LA, ,DE 'DRA BSAGS PAS LOR GYUR DUS RING BA'I, ,BSKAL PA RGYA MTSO'I CHU THIGS GRANGS RNYED KYIS, ,BYANG CHUB MCHOG GI SEMS GCIG SKYE 'GYUR LA, ,DE 'DRA'I RNAM PAS TSOGS GZHAN RE RE ZHING, ,SGRUB DGOS GYUR KYANG SNYING RJES SKYO BA MED, ,BYANG CHUB DAM PA SGYID LUG MED PAR SGRUB, ,'KHOR TSE RANG GI SDUG BSNGAL SEMS BTANG ZHING, ,GO CHA BRTAN PA DPAG YAS DE BSKYED NA, ,BRTUL ZHUGS DPA' BO SNYING RJE'I NGANG CAN LA, ,YANG DAG BLANGS PA DANG PO YIN PAR BRJOD, ,CES SOGS BYANG CHUB KYI SEMS RLABS CHEN POS NAM MKHA' MA ZAD KYI BAR DU SEMS CAN GYI DON MDZAD PA LAS SKYO NGAL MED PA'I GSUNG YANG YANG 'BYON PA ZHIG BYUNG, DE NAS BKRA SHIS LHUN PO'I DGE 'DUN RNAMS KYIS GTZOS DAD LDAN TSANG MAS ZHABS PAD BRTAN DGOS ZHES ZHUS SHING ZHABS BRTAN TSIGS BCAD GCIG KYANG GNANG DGOS ZHES ZHUS PAR,

THUB DBANG GNYIS PA BLO BZANG GRAGS PA YI, ,MDO SNGAGS CHOS KYI RGYAL MTSAN 'OD 'BAR BAS, ,MTHA' YAS GDUL BYA'I RMONGS PA KUN SEL ZHING, ,PHAN BDE 'DAB BRGYA'I DGA' TSAL RGYAS GYUR CIG ,CES PA 'PHRAL LA GNANG NAS BZHAD MO CUNG ZAD MDZAD CING, SKYON MED NGA RGAS KHOGS LO BRGYA PHRAG LON PA YIN PAS, BSTAN PA'I DPAL DU BLA MA RIN PO CHE ZHABS PAD BRTAN YANG GSUNG BA LAS BZHUGS PA'I ZHAL BZHES MA GNANG, DE NAS DGE BYED CES PA CHU PHO STAG GI LO DRI ZHIM ZLA BA'I TSES BCU GSUM GYI NYIN SKU'I BKOD PA SDUD DU NYE BA NA ZHABS RDO RJE SKYIL KRUNG MDZAD DE MNYAM GZHAG LA BZHUGS NAS 'OD GSAL CHOS SKU MNGON DU MDZAD, 'OD GSAL DE LAS BZHENGS MA THAG DGA' LDAN CHOS KYI PHO BRANG DU MI PHAM 'JAM DPAL SNYING PO ZHABS DRUNG DU PHEBS TE MCHOD SPRIN RGYA MTSOS MCHOD CING GZHAN YANG SANGS RGYAS KYI ZHING RAB 'BYAMS MU MED PAR DE SNYED KYI SPRUL PA'I BKOD PA BSTAN TE RGYAL BA SRAS BCAS THAMS CAD MCHOD PA DANG MKHA' KHYAB KYI GDUL BYA RNAMS LA RANG RANG GI SKAL BA DANG 'TSAM PAR SKU'I BKOD PA BSTAN TE RANG RANG GI DBANG PO DANG 'TSAM PA'I CHOS STON PA SOGS SEMS CAN GYI DON MDZAD PA LA G-YEL BA MED PA'I NGANG NAS ZHING 'DIR THUB PA'I BSTAN PA SPEL BA'I PHYIR SLAR YANG SPRUL BA'I SKU BSTAN TE SEMS CAN GYI DON MDZAD PA'I TSUL NI 'CHAD PAR 'GYUR RO, ,DE LTAR RJE BLO BZANG CHOS KYI RGYAL MTSAN GYIS DGUNG LO BRGYA PHRAG BRGAL PA'I PAR DU BSTAN PA'I BYA BA RGYA CHEN PO

, ,MDZAD PAS SKU TSE STOD SMAD PAR GSUM GYI SLOB MA BSTAN 'DZIN DAM PA BGRANG BA LAS 'DAS PA BYON PAS MTHA' DAG SU ZHIG GIS BGRANG BAR NUS, RGYUD 'DZIN GYI GTZO BO THUB BSTAN YONGS RDZOGS KYI BDAG POR MNGA' GSOL BA NI GANGS CAN 'GRO BA'I MGON PO RGYAL DBANG THAMS CAD MKHYEN PA NGAG DBANG BLO BZANG RGYA MTSO DPAL BZANG PO'O, ,DBEN BA'I RI SUL DU SGRUB PA SNYING POR MDZAD BA'I SGO NAS 'PHRIN LAS RGYA CHER SPEL BAR MDZAD PA NI SRAS KYI THU BO GRUB PA'I DBANG PHYUG BRTZON 'GRUS RGYAL MTSAN, GU GE CHOS RJE SNYING STOBS RGYA MTSO, RJE NYID KYI RGYAL TSAB TU BKRA SHIS LHUN PO'I RGYUD PA GRVA TSANG GI GDAN SAR MNGA' GSOL BA RDO RJE 'DZIN PA DKON MCHOG RGYAL MTSAN ,GRUB PA'I DBANG PHYUG GNAS BCU RAB 'BYAMS PA DGE 'DUN RGYAL MTSAN, SNYAN RGYUD 'PHRIN LAS KYI BKA' BAB DRUNG PA RTA PHUG PA DAM CHOS RGYAL MTSAN, ZHABS DRUNG LHA PA BLO BZANG BSTAN PA DAR RGYAS, DBANG RJES GNANG GI 'PHRIN LAS KYI BKA' BAB SKYID SHOD ZHABS DRUNG NGAG DBANG BSTAN 'DZIN 'PHRIN LAS, ZAB DON LTA BA'I BKA' BAB DKA' CHEN NAM MKHA' RDO RJE, DBANG PHYUG GI STOBS KYIS BSTAN PA SKYONG BA'I BKA' BAB SE CHEN CHOS RJE SOGS NYI ZLA LTAR YONGS SU GRAGS PA'I BSTAN 'DZIN DAM PA'ANG CHES MANG NGO, ,DE LA SRAS KYI THU BO DRUNG PA RGYAL TSAB PA BLO BZANG BRTZON 'GRUS RGYAL MTSAN NI, MNGA' RIS CHOS RGYAL SKYI LDE NYI MA MGON GYI GDUNG RGYUD BZANG LA RGYAL PO'I SRAS

SU SKU 'KHRUNGS, 'KHRUNGS TZAM NYID NAS SNGON GYI BAG CHAGS BZANG PO'I MTHU BRTAS TE, DKON MCHOG LA SKYABS SU 'GRO ZHING DAM PA'I CHOS KHO NA SEMS PA ZHIG BYUNG, YAB YUM MA MA DANG BCAS PAS BSKYED BSRINGS TE NAR SON PA NA DBUS GTZANG GI LJONGS SU DAM PA'I CHOS 'TSOL BA LA 'BYON PAR BZHED PA BYUNG YANG RGYAL PO'I SRAS SU SONG BAS RGYAL BLON 'BANGS DANG BCAS PAS RGYAL SRID SKYONG DGOS ZHES CHOS LA GTONG BA'I SKABS MED PA ZHIG BYUNG BA NA YUN RING PO NAS SBYANGS PA'I THUGS BSKYED KYI MTHUS LA DAGS RGYAL POS DMAG DRANGS TE BZANG LA'I RGYAL SA PHROGS PA NA 'CHING BYED THAMS CAD RANG SAR ZHIG STE DAM PA 'DI PA DANG GROGS KHA YAR BCAS BYA BRAL GYI RNAM PAS DBUS GTZANG DU PHEBS PA NA LA DVAGS RGYAL POS SHES NAS BZANG LA RGYAL PO'I SRAS SU SONG BAS BZUNG ZHING GSOD PAR BSDIGS PA NA GROGS GZHAN RNAMS NI 'JIGS SHING SKRAG PAS SKANG NGAN 'DON, DAM PA 'DI NI 'JIGS SKRAG MED PAR MA ZAD THUGS DGA' ZHING RANGS PAR GYUR TE, DA LAM BSAD NA DBUS GTZANG DU CHOS RNAM DAG CIG BYED U 'GRO BA'I 'DUN PA BZANG PO YOD PA 'DIS BAG CHAGS BZANG PO'I NGANG DU SHIN PHYI MA DBUS GTZANG DU SKYES NAS DAM P'I CHOS DAD MJAL BA ZHIG NGES PAR 'ONG DGONGS PA BYUNG STE SHIN TU DGYES PAR MDZAD, TSUL 'DI NI DPAG PAR DKA' BA'I RNAM THAR TE DKON MCHOG GSUM LA SNYING THAG PA NAS SKYABS SU SONG ZHING LAS 'BRAS LA YID CHES KYI DAD PA BCOS MA MIN PA YOD PAS 'GRO BA BZHIS CHOS LAS MI 'DA' PA DANG, CHOS KYI PHYIR DU SROG KYANG GTONG

, ,PHOD PA'I SNYING STOBS YOD PA, YUM SDUD PA LAS, CHOS PHYIR SROG KYANG 'DOR LA RNAL 'BYOR RAB TU BRTZON, ,ZHES GSUNGS PA LTAR PHYIR MI LDOG PA'I RTAGS THOB PA YIN PAS PHYI RABS KYI SKYE BO KUN GYIS RJES SU YI RANG BAR BYA BA'I RNAM THAR RO, ,DE NAS DAM PA 'DI'I MDZAD SPYOD LA LA DAGS RGYAL PO'ANG NGANG NAS GNOD PA MA BYAS PAR BTANG, DE NAS DGUNG LO NYI SHU RTZA BZHI BA LA DBUS GTZANG DU PHEBS NAS PAn CHEN BLO BZANG CHOS KYI RGYAL MTSAN GYI ZHABS RDUL SPYI BOS BLANGS TE DGE TSUL DANG DGE SLONG GI SDOM PA RNAMS RIM GYIS BZHES, DE NAS RJE RIN PO CHE'I RNAM THAR LTAR, DANG POR RGYA CHEN THOS PA 'TSOL BAR BZHED NAS SER BYES GRVA TSANG DU BZHUGS TE 'KHON STON DPAL 'BYOR LHUN GRUB YONGS 'DZIN DU BSTEN NAS GZHUNG LUGS LA SBYANGS, DE NAS DVAGS PO GRVA TSANG DU PHEBS TE DKA' CHEN BZHI LA BRTZON BA CHEN POS SBYONG BAR MDZAD, SLAR YANG SE RAR PHEBS NAS SHING RTA CHEN PO'I GZHUNG RNAMS LA ZHIB TU GZIGS SHING LO SHAS BZHUGS, DE NAS RGYUD STOD LA PHEBS TE LA SHAS BZHUGS NAS RGYUD SDE RGYA MTSO LTA BU LA SBYANGS, DE'I TSE RGYUD PA'I BLA MA BSKO SHAG LA RTZOD PA CHEN PO BYED PA GZIGS PAS THUGS SKYO SHAS CHEN PO 'KHRUNGS TE PAn CHEN BLO BZANG CHOS KYI RGYAL MTSAN GYI ZHABS DRUNG DU PHEBS NAS GSUNG RAB THAMS CAD KYI SNYING PO'I DON RGYAL BA SRAS BCAS KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID DPAL DPEN SA BSNYAN RGYUD KYI MAN NGAG LTAR NYAMS LEN MYONG KHRID DU MDZAD DE

SNYAN RGYUD KYI MAN NGAG ZHAL SHES GEGS SEL BOGS 'DON DANG BCAS PA LA GDENG THOB PAR MDZAD, DE NAS 'JAM MGON SNYAN RGYUD KYI MAN NGAG DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI DANG BCAS PA MYONG KHRID DU GSAN TE GDENG THOB PAR MDZAD, DE NAS BLO SBYONG DON BDUN MA'I KHRID DANG NAM MKHA' SGO 'BYED KYI DBANG DANG GCOD YUL GYI ZAB KHRID, RGYUD SDE BZHI DANG 'BREL BA'I DBANG LUNG MAN NGAG MTHA' YAS PA DANG, LHAG PAR BSKYED RDZOGS KYI KHRID RNAMS DANG, N'A RO CHOS DRUG SOGS RJE THAMS CAD MKHYEN PA'I MAN NGAG ZHAL SHES RNAMS RDZOGS PAR GSAN, DE NAS RJE BTZUN BLO BZANG CHOS KYI RGYAL MTSAN GYIS GTZANG PHYOGS KYI RI KHROD RNAMS SU SGRUB PA BYAS NA LEGS PA'I BKA' PHEBS PA LTAR RE SHIG SRAS PHYOGS LA PHEBS TE RI KHROD SNA TSOGS SU BZHUGS NAS SGRUB PA MDZAD, DE NAS RTA NAG PHYOGS LA PHEBS TE YOL DKAR DANG GRUB CHEN CHOS RDO RJE'I 'KHRUNGS SA GO BO TSANG DANG, RJE 'GOS KYI SGRUB GNAS ZHAL GZIGS RNAMS SU BZHUGS NAS SGRUB PA DAR DRAG LA RGYUN RING BA MDZAD, DE SKABS BYA BRAL KUN SPANGS MDZAD PAS BAR SKABS SHIG NA BZA' SHIN TU DKON PAS DGUN DUS SA BRUS PA'I KHUNG BUR RTZA'I SPUBS SU BZHUGS TE SGRUB PA MDZAD PA SOGS RNAL 'BYOR GYI DBANG PHYUG MI LA RAS BA DANG MTSUNGS PA'I DKA' SPYAD KYI SGO NAS SGRUB PA MDZAD, DAM PA 'DI NI PAn CHEN BLO BZANG CHOS KYI RGYAL MTSAN

, ,GYIS SPYAN GYI 'BRAS BU LTAR SKYONG BAR MDZAD PA ZHIG YIN PAS 'TSO BAS PHONGS DON MI 'DUG KYANG 'JAM MGON SGRUB RGYUD KYI BSTAN PA 'DZIN PA'I RTEN 'BREL DANG SNGON BYON DAM PA'I RNAM THAR SKYONG BAR BZHED PA DANG, RJE BLO BZANG CHOS KYI RGYAL MTSAN GYIS KYANG RE ZHIG DBEN PA'I RI SUL DU 'TSO BA DKA' THUB LA GNAS NAS SGRUB PA SNYING POR MDZAD NA BSTAN PA LA PHAN CHE BAR GZIGS NAS TSUL DE LTA BU'I DKA' THUB LA SBYOR BAR MDZAD DO; ;DE LTAR 'JAM MGON SNYAN RGYUD KYI MAN NGAG LA SGRUB BA DAR DRAG LA RGYUN RING BA MDZAD PAS LAM THUN MONG BA DANG THUN MONG MIN PA THAMS CAD LA RTZOL BCAS DANG RTZOL MED KYI MYONG BA RIM GYIS THON TE PHYIR MI LDOG PA'I GDENG THOB PA NA SKAL BA DANG LDAN PA GZHAN DAG LA CHOS KYI BDUD RTZI STZAL, RIM GYIS 'PHRIN LAS RJE RGYAS SU SONG STE SA CHEN PO'I KHYON THAMS CAD SNYAN PA'I GRAGS PAS KHYAB NAS PHYOGS MTHA' DAG NAS CHOS DON GNYER BA 'DUS PA RNAMS LA GTZO POR BYANG CHUB LAM GYI RIM PA'I KHRID RGYA CHER GNANG ZHING, RJE RIN PO CHE'I BSTAN PA LA GTING NAS YID CHES PA'I GDUL BYA MDO SNGAGS GNYIS KA'I LAM GYI LUS RDZOGS PA LA SLOB PAR NUS PA DAG LA DGA' LDAN PHYAG RGYA CHEN PO'I ZAB KHRID RGYAS PAR GNANG, DE TZAM GYI BLO'I MTHU MED PA RJE'I SNYAN RGYUD LA MOS PA CHE BA DAG LA SBYOR BA'I CHOS DRUG LA NAN TAN DANG, DE NAS SKYES BU GSUM GYI LAM LA KHRID DE SPYOD PA SPYI BSLAB SONG NAS ZHI LHAG GI SKABS

SU SLEB PA NA DGA' LDAN PHYAG RGYA CHEN PO'I ZAB KHRID THUN MONG BA RE GNANG BAR MDZAD, BLO MCHOG TU GYUR PA 'GA' ZHIG LA BSKYED RDZOGS KYI KHRID DANG LHAG PAR N'A RO CHOS DRUG RGYAS PAR GNANG BAR MDZAD, DE NAS PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS SHANGS MDO RGOD TSANG DU SPONG BA BSAM GTAN GYI SDE GSAR 'DZUGS MDZAD PA'I MGON DU MNGA' GSOL TE SKU TSE'I MJUG LA RGOD TSANG DANG LHA LNGA BRAG GNYIS SU BZHUGS TE BSTAN PA'I BYA BA RGYA CHER MDZAD, MTHAR DGUNG LO BRGYAD CU GYA BZHI BA'I THOG SKU TSE 'DI'I DNGOS KYI GDUL BYA RNAMS RDZOGS PA NA LHA LNGA BRAG TU SKU'I BKOD PA BSDU BA LA PHYOGS PA NA 'JAM MGON SGRUB RGYUD KYI BSTAN PA'I CHE BA 'DON PAR BZHED NAS 'BYUNG BA'I SDUD RIM RNAMS RIM GYIS SONG STE STONG CHEN 'OD GSAL LA 'JUG TU NYE BA NA SKU LUS MDA' LTAR BSRANGS TE 'OD GSAL THAMS CAD STONG PA'I DANG DU ZLA BA LHAG TZAM GYI BAR DU THUGS DAM LA BZHUGS, DE'I TSE DAM PA 'DI NYID THUGS DAM LA BZHUGS PA'I 'OD GSAL NI 'DI LTA BU ZHIG GO ZHES MTSON PA LTAR DU DE SKABS ZLA BA BCU PA'I GNAM GANG LA GSHEGS NAS BCU GCIG PA'I SKABS GRANG NGAR CHE ZHING RLUNG DMAR 'TSUB PA'I SKABS YIN YANG DAM PA 'DI NYID THAGS DAM LAS MA BZHENGS KYI BAR STON GNAM G-YA' DAG PA LTAR DU NAM MKHA' SHIN TU DVANGS SHING BSIR BU'I RGYU BA PHRA MO 'ANG MED PAR SHANGS KHUL GYI RI KLUNGS THAMS CAD LA DROD SKYES TE SHANGS CHU'I

, ,DAR CHAGS PA'ANG ZHIG NAS STON DUS LTAR GYUR PA SOGS KUN GYI MTHUN SNANG DU GRUB PA BYUNG, DE NAS 'OD GSAL LAS BZHENGS PA NA SRAS KYI THU BO RNAMS KYIS GTZOS DAD LDAN RNAMS KYI MCHOD PA TSAD MED PAR PHUL ZHING SKU GDUNG ZHUGS LA PHUL BAS THUGS LJAGS SPYAN GSUM MA NYAMS PAR BYON PA 'GRO BA LHA DANG BCAS PA'I BSOD NAMS KYI ZHING DU RGOD TSANG RI KHROD KYI DNGUL GDUNG NANG NA BZHUGS SO, ,RJE BTZUN BLO BZANG CHOS KYI RGYAL MTSAN DPAL BZANG POS BYANG CHUB LAM GYI RIM PA'I KHRiD YANG DANG YANG DU STZAL BAS BRGYUD TSUL MTHA' YAS PA YOD CING ,LHAG PAR THUGS SRAS THU BO RNAMS LAS BRGYUD TSUL SO SOR YOD MOD, 'PHRIN LAS KYI RGYUN RING DU GNAS PA NI, RJE BLO BZANG CHOS KYI RGYAL MTSAN NAS RDO RJE 'DZIN PA DKON MCHOG RGYAL MTSAN, DE NAS RJE BTZUN BLO BZANG YE SHES LA BRGYUD PA DANG, YANG RJE BLO BZANG CHOS KYI RGYAL MTSAN NAS DRUNG PA RTA PHUG PA, DE NAS RJE DGE LEGS RGYA MTSO LA BRGYUD PA GNYIS 'PHRIN LAS RGYA CHE RGYUN RING BA BYUNG LA, KHO BOS KYANG BRGYUD PA DE GNYIS KA THOB PA YIN PAS 'DIR YANG BRGYUD PA DE GNYIS KA'I BLA MA RNAMS KYI RNAM THAR BRJOD PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD BA RNAMS KYIS RJE BTZUN BLO BZANG CHOS KYI RGYAL MTSAN LA GSOL BA 'DEBS SHING RJE 'DI'I RNAM THAR LTAR MDO SNGAGS KYI LAM GYI LUS YONGS SU RDZOGS PA LA 'KHRUL MED KYI NGES PA BRTAN PO RNYED PAR

BYAS TE JI LTAR NYAMS SU LEN TSUL 'JAM MGON SNYAN RGYUD KYI MAN NGAG THOB PAR BYAS LA KHA PHYI LTAR MA SONG BAR SGRUB PA SNYING POR BYA BA LA SKYES BU'I RTZAL CI YOD KYIS 'BAD PAR BYA'O,, ` ,,DKON MCHOG GSUM GYI MKHYEN BRTZE GCIG BSDUS NAS, ,RGYAL BA GNYIS PA'I LUNG RTOGS DAM CHOS KYI, ,BSHAD SGRUB RGYAL MTSAN 'DZIN PA'I MCHOG GYUR PA, ,YONGS 'DZIN DAM PA'I ZHABS LA GSOL BA 'DEBS, ,ZHES BSNGAGS PA, RDO RJE 'DZIN PA DKON MCHOG RGYAL MTSAN NI, ,LA STOD SHEL DKAR GYI SA PHYOGS MTSO SGO LHUN GRUB SGANG CHEN NAS KYI SRAS SU YONGS 'DZIN ZHES PA CHU PHO BYI BA'I LO SKU 'KHRUNGS, SNGON GYI BAG CHAGS BZANG POS GZHON NU'I DUS NYID NAS SDE DPON CHEN PO'I STOBS 'BYOR LA MA CHAGS PAR CHOS RNAM DAG CIG BYED BAR THUGS 'DUN 'KHRUNGS, YAB YUM 'BANGS DANG BCAS PAS KYANG BKAG PA MED PAR MTHUN PA'I RKYEN BYAS TE CHOS GRVA CHEN PO BKRA SHIS LHUN POR PAn CHEN THAMS CAD MKHYEN PA BLO BZANG CHOS KYI RGYAL MTSAN GYI ZHABS DRUNG DU RAB TU BYUNG STE DGE TSUL GYI SDOM PA BZHES, ,MTSAN DKON MCHOG RGYAL MTSAN ZHES BTAGS, SHAR RTZE GRVA TSANG DU BZHUGS TE THOG MAR RIG PA'I SGO 'BYED MTSAN NYID DANG MTSON BYA'I RNAM GZHAG, SBYI DANG BYE BRAG GI RNAM GZHAG SOGS BSDUS PA LA SBYANGS, SKYES THOB KYI SHES RAB SHIN TU CHE BAS RING POR MA THOGS PAR SBYOR BA RTZI BA LA THOGS PA MED PAR GYUR TE KUN MKHYEN LEGS PA DON

, ,GRUB KYI YIG CHA'I STENG NAS TSAD MA RNAM 'GREL GYI MTHA' GCOD SPYI DON RNAMS LA SBYANGS, DE NAS DRI MA MED PA'I RIGS PA'I STOBS CHES CHER RGYAS BA NA RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED DANG, MKHAS GRUB THAMS CAD MKHYEN PAS MDZAD PA'I tIKA CHEN RIG PA'I RGYA MTSO GNYIS KYI STENG NAS RNAM 'GREL GYI GZHUNG LA SBYANGS TE MKHAS PA'I PHUL DU PHYIN PAR GYUR PA NA BKRA SHIS LHUN PO'I MKHAN SLOB DGE 'DUN TSANG MA'I DBUS SU DAM BCA' BZHAG STE THOS BSAM GLING NA MKHAS PAR GRAGS PA DPAL TSUL ZHES PA ZHIG DANG BGRO GLENG LA BZHENGS TE DRI MA MED PA'I RIG PA'I NGA ROS RGOL BA'I SPOBS PA LAN MED DU BYAS TE MKHAS PA'I GRAGS PAS PHYOGS THAMS CAD DU KHYAB PAR GYUR, DE NAS PHAR PHYIN DANG DBU MA DANG 'DUL BA DANG MDZOD RNAMS LA SBYANGS TE GZHUNG LUGS CHEN MO DE DAG LA MKHAS PA'I PHUL DU PHYIN PAR GYUR PA NA; GZHUNG DON GDAMS PAR SHAR BA'I NYAMS LEN MDZAD BZHED NAS THOG MAR PAn CHEN THAMS CAD MKHYEN PA BLO BZANG CHOS KYI RGYAL MTSAN LA MKHAN POR GSOL BA BTAB STE BSNYEN PAR RDZOGS PA'I SDOM PA BZHES NAS DRAN SHES BAG YOD BRTAN POS KHRIMS NYIS BRGYA DANG LNGA BCU RTZA GSUM BSRUNG BA LA G-YEL BA MED PAR MDZAD, DE NAS PAn CHEN THAMS CAD MKHYEN PA CHEN PO DE NYID LA DUS GSUM GYI SANGS RGYAS THAMS CAD KYI BGROD PA

GCIG PA'I LAM PO CHE BYANG CHUB LAM GYI RIM PA'I ZAB KHRID DPAL DBEN SA SNYAN RGYUD KYI MAN NGAG GEGS SEL BOGS 'DON DANG BCAS PA YONGS SU RDZOGS PA GSAN, DE NAS BLO SBYONG DON BDUN MA'I KHRID DANG, NAM MKHA' SGO 'BYED KYI DBANG DANG, GCOD KYI ZAB KHRID DANG, DGA' LDAN PHYAG RGYA CHEN BO'I ZAB KHRID SNGON 'GRO KHRID CHEN BZHI DANG BCAS PA LEGS PAR GSAN, DE NAS SPYIR DBANG LUNG MAN NGAG MTHA' YAS PA DANG, LHAG PAR BDE GSANG 'JIGS GSUM GYI DBANG DANG BSKYED RDZOGS KYI KHRID RNAMS LEGS PAR GSAN, DE NAS MDO SNGAGS GNYIS KA'I LAM GYI LUS YONGS SU RDZOGS PA LA 'KHRUL MED KYI NGES BA BRTAN PA RNYED PA NA TSE 'DI'I 'KHRI BA BCAD DE DBEN PA'I GNAS SU TSE DANG SGRUB PA SNYOMS PA RNAL 'BYOR GYI DBANG PHYUG MI LA RAS PA DANG GRUB CHEN DBEN SA PA YAB SRAS KYI RNAM THAR 'KHYONGS PA ZHIG CIS KYANG BYED SNYAM DU THAG GCAD DE PAn CHEN THAMS CAD MKHYEN PA BLO BZANG CHOS KYI RGYAL MTSAN LA SKYABS 'JUG ZHUS TE DBEN DGON DU TSE MTSAMS LA BZHUGS, DE'I TSE NYIN RE BZHIN NYAMS LEN GYI RTOGS PA GONG 'PHEL DU GYUR TE SGO GSUM LA DRAN PA NYE BAR GZHAG NAS SDOM PA GSUM GYI BCAS MTSAMS DANG 'GAL BA'I NYES LTUNG PHRA MOS KYANG MA GOS PA ZHIG BYED SNYAM DU 'DUN PA SHUGS DRAG TU MDZAD CING, RANG LA RANG GIS BSKUL BA'I DAM BCA'I NYAMS MGUR YANG 'DI LTAR MDZAD DE, NA MO GU RU BHYA: BLA MA DANG YI DAM DKON

, ,MCHOG GSUM, ,BDAG MOS PA'I SPYI GTZUG RGYAN DU BZHUGS, ,DA JI LTAR BSAMS PA'I DON 'DI RNAMS, ,DUS MYUR DU 'GRUB PAR BYIN GYIS RLOBS, ,KHYED BKA' SDOD CHOS SKYONG SRUNG MA'I TSOGS, ,MI KHO BO'I GROS 'DEBS GSAN MDZOD LA, ,GROS JI BZHIN THEBS PA'I BAR CHAD KUN, ,DUS DA LTA SEL BAR MDZAD DU GSOL, ,GZUGS MI LA DUD 'GRO'I BSAM BA CAN, ,NGO TSA BAS MI PHAN CUNG ZAD NYON, ,NGAS KHYED KYI SEMS LA GROS SHIG 'DEBS, ,DON DE PHYIR MTSANG GTAM TSIG GSUM SMRA, ,RTEN RNYED PAR DKA' PA'I DAL 'BYOR RNYED, ,LAM MJAL DKA' SANGS RGYAS BSTAN DANG MJAL, ,PHA MTSAN LDAN BLA MA'I TSOGS RNAMS KYIS, ,CHOS ZANG ZING DRIN GYIS RGYUN DU BSKYANGS, ,KHYOD DAL 'BYOR LOG PA'I LAM DANG SBYAR, ,LAM SANGS RGYAS BSTAN PA DRI MAS BSGOS, ,RJE MTSAN LDAN BLA MA'I TSOGS RNAMS BSLUS, ,MI KHYOD LA MTSANG CHEN 'DI RNAMS MTHONG, ,MI KHYED KYIS DA LTA PHAN CHAD LA, ,CHOS TSUL BZHIN SKAD CIG MA BYAS PAR, ,GZUGS CHOS PA'I GZUGS SU BYAS NAS KYANG, ,LONGS CI SPYAD DAD RDZAS GSHIN RDZAS KYIS, ,RTEN DAL 'BYOR LOG PA'I G-YANG LA BSKYUR, ,PHA BLA MA MKHAN SLOB MTSAN LDAN LA, ,LAM SDOM PA GSUM GYI BKA' DRIN NOS, ,KHYOD RTZA BA'I NYES PA MED 'DOD KYANG, ,RJE RGYAL BA'I BCAS PA SHIN TU PHRA, ,KHYOD DBANG PO BRTUL ZHING GNYEN PO ZHAN, ,RGYU DES NA BSTAN PA DRI MAS BSGOS, ,SNGAR RDO RJE THEG

BA'I SDOM PA DANG, ,LAM BYANG CHUB SEMS DPA'I BSLAB PA LA, ,DGRA RTZA BA'I LTUNG BA CHAR LTAR BABS, ,GZHAN SDOM PA'I YAN LAG PHRA RAG KUN, ,PHAL CHE BA SHES BZHIN KHYAD DU BSAD, ,'GA' MI SHES DBANG GIS LOG PAR SBYAD,, RGYUD LTUNG BA'I MI GTZANG 'DAM DU BYINGS, ,KHYOD DE LTAR GYUR KYANG RAB BYUNG SOGS, ,LAS DGE SLONG BYED RGYU GANG YIN DANG, ,DBANG BSKUR SOGS RDO RJE SLOB DPON GYI, ,LAS RKYED PAR YANG BAG TSA MED, ,RGYU DES NA BSTAN PA DRI MAS BSGOS,, CHOS ZAB CING RGYA CHE BDUD RTZI'I RGYUN, ,MI KHYOD KYI SNOD DU CI BLUGS KYANG, ,CHOS TSIG DON SNOD KYIS MA THUB PAS, ,DON DE LAS BSLUS THABS CHE BA CI, ,LAR DE LTAR 'BYUNG BA'I RGYU MTSAN YANG, ,CHOS TSIG BZHE'I DON YANG MA RTOGS PAR,, RANG MKHAS PAR 'DZIN PA'I NGA RGYAL DANG, ,RGYUD LTUNG BA'I NANG DU BYING NAS KYANG, ,RANG BTZUN PAR 'DZIN PA'I LOG LTA DANG, ,SEMS CHAGS SDANG DBANG DU GYUR PA LA, ,RANG BZANG POR 'DOD PA'I KHENGS SEMS CAN, ,LAS CI BYAS CHOS BRGYAD BYED BZHIN DU, ,RANG CHOS PAR RLOM PA'I RLOM SEMS DES, ,BDUD DE BZHIN SNYING LA ZHUGS BAS LAN, ,BDUD SNYING LA 'JUG PA'I RTZA BA YANG, ,LUS GZUGS BRNYAN MI KHYUR BSDAD PA DANG, ,GTAM MI ZER KHA LA NYAN PA DANG,, BLO MI MTHUN MI DANG BSTUN BAS LAN, ,MTSAD 'DI RNAMS YOD MED SEMS LA DRIS, ,RGYU DE RNAMS YIN MIN BSAM MNO THONGS, ,SNGAR MTSANG DU MA SHES DON SNYING RUL, ,DON DE PHYIR SNGAR BYAS DON MED SONG, ,DA TSE 'JUG NAM

, ,MKHA'I GLOG 'DRA 'DI, ,RTEN DAL 'BYOR SNYING PO LEN 'DOD CING, ,RANG LEGS PA'I LAM DU 'JUG 'DOD NA, ,MTSANG YUL NAS 'DON LUGS DE LTAR MDZOD, ,CHOS TSIG GCIG MA GO'I MKHAS PA DANG, ,KHO BLUN CING RMONGS PA'I BA GLANG GNYIS, ,MKHAS MI MKHAS KHYAD PAR GANG GIS 'BYED, ,KHO BA GLANG MKHAS PAR 'DZIN PA MED, ,CHOS DE YIS BA GLANG KHYAD PAR 'PHAGS, ,RGYUD LTUNG BAS GOS PA'I BTZUN PO DANG, ,ZAS MI GTZANG ZA BA'I KHYI PHAG GNYIS, ,BTZUN MI BTZUN KHYAD PAR GANG GIS 'BYED, ,KHO KHYI PHAG BTZUN POR LTA BA MED, ,CHOS DE YIS KHYI PHAG KHYAD PAR 'PHAGS, ,GNOD GANG 'KHYOL BYED PA'I BZANG PO DANG, ,KHREL GTONG NAS BOR PA'I GYAG KHYER GNYIS, ,BZANG MI BZANG KHYAD PAR GANG GIS 'BYED, ,BZANG MI BZANG KHYAD PAR MED PA LA, ,KHO GYAG KHYER BZANG POR 'DOD PA MED, ,CHOS DE YIS GYAG KHYER KHYAD PAR 'PHAGS, ,CHAS CHOS BRGYAD BYED PA'I CHOS PA DANG, ,KHRAM G-YO SGYU BYED BA'I KHYIM PA GNYIS, ,CHOS BYED MED KHYAD PAR GANG GIS 'BYED, ,CHOS BYED MED KHYAD PAR MED PA LA, ,KHO KHYIM PA CHOS KYIS RLOMS PA MED, ,CHOS DE YIS KHYIM PA KHYAD PAR 'PHAGS, ,KHYOD MKHAS BTZUN BZANG POR 'DOD PA DANG, ,CHOS BYAS SO SNYAM PA'I 'KHRUL PA ZHIG, DA KHYOD LAS DMAN PA'I SEMS CAN SU, ,DE SHES NA DMAN CHA 'DZIN RE RAN, ,SEMS MI GAL MI SNYEG DMAN CHA BZUNG, ,LUS MI YI GSEB NAS DA BUD LA, ,GNAS MI MED SA YI BAS MTHA' STEN, ,SEMS TSA 'DI'I

'KHRI BA GTING NAS CHOD, ,GYONG LTO GOS GNYIS KYI STENG DU BSKUR, ,ZAS DKA' THUB BCUD LEN BDUD RTZI ZO, ,GOS PHYAG DAR KHROD KYIS CHOG SHES STEN ,DA DKOR ZAS DUG CHU'I ZHEN PA SPONGS, ,RGYUD SDOM PA GSUM GYI NOR LUG RNAMS, ,BYAMS SNYING RJE LHAG BSAM THANG CHEN DU, ,DRAN SHES BZHIN RDZI BOS LEGS SKYONGS LA, ,DA YAN LAG PHRA MO SNA GCIG KYANG, ,SEMS NYON MONGS DGRA LA MA SHOR BAR, ,RGYUD TSUL KHRIMS 'PHEL SKABS CHE BAR MDZOD, ,BLO BLA MA DKON MCHOG GSUM LA GTOD, ,DUS 'BRAL MED RGYUN DU GSOL BA THOB, ,CHOS THOS BSAM SGOM GSUM TSUL BZHIN GYIS, ,SEMS DNGOS 'DZIN 'KHRUL PA RTZAD NAS CHOD, ,MI SMRA MKHAS CHOS BRGYAD SLOB BYUNG NA, ,TSIG GCIG KYANG DE LA MA NYAN PAR, STOBS CI YOD DE YI LOG PHYOGS SGRUBS, ,KHO GTING NAS MA DGA' 'GYOD PA MED, ,DA GTAM DANG GROGS NGAN SNA TSOGS DANG, ,MI KUN GYIS RING DU SPANGS PA DANG, ,'PHRAL 'TSO BA'I YO BYAD DKON PA SOGS,, KHONG 'JIG RTEN CHOS DANG MI MTHUN PA'I, ,RKYEN MI 'DOD SNA TSOGS CI BYUNG YANG, ,CHOS SNYING NAS BYED PA'I BSAM PA GRUB, ,MTSANG YUL 'DON SEMS LA GROS 'DEBS 'DI, ,RANG NYES KYI DOGS NAS SMRAS BA YIN, ,GROS SEMS LA ZHOG LA NYAMS SU LONGS, ,DUS GTAN GYI MDUN MA 'GRUB STE MCHI, ,ZHES SO, ,DE SKABS PAn CHEN BLO BZANG CHOS KYI RGYAL MTSAN DBEN DGON DU PHEBS PA ZHIG GI DUS, N'A RO CHOS DRUG GI ZAB KHRID RGYAS PA ZHIG DGOS ZHES ZHUS PAR

, ,PAn CHEN THAMS CAD MKHYEN PA CHEN PO DE NYID SPYIR YANG DBEN PA'I RI SUL DU SGRUB PA BYED PA RNAMS LA SHIN TU DGYES SHING, LHAG PAR DAM PA 'DI NYID SPYAN GYI 'BRAS BU LTAR SKYONG BAR MDZAD PAS MTSAMS GROL NA DGE SBYOR LA G-YENG BA YONG GSUNGS NAS PAn CHEN THAMS CAD MKHYEN PA CHEN PO NYID DAM PA 'DI'I SGRUB KHANG DU PHEBS NAS N'A RO CHOS DRUG GI KHRID RGYAS PAR STZAL ZHING SGRUB PA MTHAR PHYIN PA'I PHYIR LAM GYI GEGS SEL BOGS 'DON RNAMS ZHIB PAR GSUNGS, GZHAN YANG MTSAMS KHONGS SU GRUB PA'I DBANG PHYUG GNAS BCU RAB 'BYAMS PA DGE 'DUN RGYAL MTSAN GDAN DRANGS NAS MAN NGAG DU MA GSAN ZHING, LHAG PAR N'A RO CHOS DRUG SKOR SOGS 'KHRUL 'KHOR GYI SKOR RNAMS MTHIL PHYIN PAR ZHUS NAS SBYANGS TE GDENG THOB PAR MDZAD, DE LTAR SGRUB PA YUN RING DU MDZAD NAS NYAMS RTOGS GONG 'PHEL DU GYUR TE TSE 'DI LA GNYEN NYE 'BREL NOR LONGS SPYOD GANG LA'ANG CHAGS PA MED PAR SGRUB PA MTHAR PHYIN PA DPAL SHA BA RI DANG MTSUNGS PA ZHIG BYED DGONGS PA YOD PA LA, PAn CHEN BLO BZANG CHOS KYI RGYAL MTSAN GYIS BKRA SHIS LHUN POR RGYUD GRVA GSAR 'DZUGS MDZAD DE GZHUNG LUGS RAB 'BYAMS LA SBYANGS PA MTHAR PHYIN PA'I DGE BA'I BSHES GNYEN SHA STAG BSDUS TE RGYUD GRVAR GZHUG PAR MDZAD PA'I MGON DU DAM PA 'DI NYID 'BYON DGOS PA'I BKA' PHEBS PA NA TSE MTSAMS LA BZHUGS PA YIN YANG PHYOGS BCU'I RGYAL BA THAMS CAD

MCHOD PA BAS BLA MA'I BA SPU'I BU GA GCIG MCHOD PA PHAN YON CHE BAR GSUNGS PA DANG, SANGS RGYAS KYI SAR MYUR PA MYUR BAR BGROD PA LA RDO RJE SLOB DPON GYI BKA' BZHIN SGRUB PA NYID BSNGAGS PAR RGYUD DANG GRUB CHEN GYI GZHUNG THAMS CAD LAS GSUNGS PA'I TSUL LA NGES PA RNYED NAS TSAM TSOM MED PAR MTSAMS GROL TE PAn CHEN BLO BZANG CHOS KYI RGYAL MTSAN GYI BKA' BZHIN BKRA SHIS LHUN PO'I SNGAGS KHANG GI GDAN SAR PHEBS, PAn CHEN THAMS CAD MKHYEN PA CHEN PO BLO BZANG CHOS KYI RGYAL MTSAN LA RGYUD KYI RGYAL PO DPAL GSANG BA 'DUS PA 'GREL BA SGRON GSAL MCHAN BU, BSDUS DON, MTHA' GCOD BZHI'I SGO NAS 'GREL TSUL RGYAL BA TZONG KHA PA CHEN PO'I MAN NGAG RNAMS LEGS PAR ZHUS, MTHA' DRUG DANG TSUL BZHI'I DKA' GNAS RNAMS LA KHONG NA GNAS PA'I DOGS PA PHRA MO'ANG CHOD BAR MDZAD NAS RGYUD GRVAR BZHUGS PA'I RAB 'BYAMS SMRA BA'I SDE RNAMS LA BLO'I RGYUN LTAR BSHAD CING ;DPAL GSANG BA 'DUS PA GTZO BOR BTON, DPAL 'KHOR LO SDOM PA, RDO RJE 'JIGS BYED, DUS KYI 'KHOR LO RNAMS KYI DBANG LUNG MAN NGAG RNAMS KYANG RGYA CHER GNANG BAS RGYUD GRVAR BZHUGS PAS RAB 'BYAMS SMRA BA'I SDE RNAMS DANG, PHYOGS MTHA' DAG NAS 'DUS PA'I DON GNYER CAN MTHA' DAG GSANG CHEN RDO RJE THEG PA'I BDUD RTZIS TSIM NAS DAM PA 'DI LA RDO RJE 'CHANG DNGOS KYI 'DU SHES SKYES TE RDO RJE 'DZIN PA CHEN PO ZHES MTSAN YONGS

, ,SU GRAGS PAR GYUR, DE SKABS RJE BTZUN BLO BZANG CHOS KYI RGYAL MTSAN DGUNG LO BRGYAR NYE BA'I DUS SU PHEBS NAS PHYOGS KYI THA GRU KUN NAS 'DUS PA'I CHOS DON GNYER BA RNAMS LA CHOS BKA' HA CANG RGYA CHE BA GNANG BAR MA MDZAD PA NA, RDO RJE 'DZIN PA CHEN PO 'DIS GDUL BYA SO SO'I DBANG PO'I RIM PA DANG 'TSAMS PAR LAM RIM GYI KHRID DANG, BLO SBYONG GI KHRID DANG, DGA' LDAN PHYAG RGYA CHEN PO'I ZAB KHRID DANG, BDE GSANG 'JIGS GSUM GYI BSKYED RDZOGS KYI KHRID SOGS MDO SNGAGS KYI CHOS MTHA' YAS PA STZOL BAR MDZAD, DE NAS RJE BTZUN BLO BZANG CHOS KYI RGYAL MTSAN ZHING GSHEGS NAS KYANG RE SHIG SNGAGS KHANG GI GDAN SA MDZAD DE RJE BLO BZANG CHOS KYI RGYAL MTSAN GYI MAN NGAG RNAMS MI NUB PAR BZUNG ZHING SBEL, DE NAS BRUL TSANG DU MCHOG GI SPRUL SKU PHEBS PA NA GONG SA LNGA PA CHEN POS BKRA SHIS LHUN PO'I SNGAGS KHANG GI GDAN SA PA DE PAn CHEN THAMS CAD MKHYEN PA CHEN PO DE NYID KYI THUGS SRAS THU BO LUNG RTOGS KYI YON TAN GANG SA NAS BZANG BA ZHIG YIN 'DUG PAS MCHOG GI SPRUL SKUR BRTAG DBYAD BYED PA DANG NGOS 'DZIN PAR KHONG PA BYON NA LEGS ZHES BKA' PHEBS PA LTAR RDO RJE 'DZIN PA DKON MCHOG RGYAL MTSAN NYID BRUL TSANG DU PHEBS TE BRTAG DPYAD MDZAD PAS MCHOG GI SBRUL SKUR 'KHRUL MED KYI NGES RNYED NAS SKU KHRUS GSOL BA DANG, SKU TSE RING PA'I

RTEN 'BREL BSGRIG PA SOGS MDZAD, DE NAS MCHOG GI SPRUL SKU BKRA SHIS LHUN POR GDAN DRANGS, 'GRO BA LHA DANG BCAS PA'I MGON DU MNGA' GSOL GRUB NAS SNGAGS KHANG GI GDAN SA BZHAG STE SHANGS MKHA' SPYOD GZIM SPYI LA GSAR BSKRUN GNANG NAS SPONG PA PA'I SDE DANG BCAS BZHUGS TE 'JAM MGON SNYAN RGYUD KYI BSTAN PA 'DZIN CING SPEL BAR MDZAD, DE NAS MCHOG GI SPRUL PA'I SKU RJE BTZUN BLO BZANG YE SHES DPAL BZANG PO GUNG LO NYI SHUR PHEBS PA'I TSE RDO RJE 'DZIN PA 'DI NYID BLA BRANG RGYAL MTSAN MTHON POR GDAN DRANGS, RJE BTZUN BLO BZANG CHOS KYI RGYAL MTSAN GYI MAN NGAG RNAMS YONGS SU RDZOGS PA ZHIG GNANG DGOS PAR GSOL BA BTAB PA NA, RDO RJE 'DZIN PA CHEN PO 'DIS KYANG DGYES BZHIN DU ZHAL GYIS BZHES TE BLA BRANG RGYAL MTSAN MTHON PO'I GZIM CHUNG DGA' LDAN NYID DU BZHUGS TE THOG MAR RJE BTZUN BLO BZANG YE SHES LA BSNYEN RDZOGS KYI SDOM PA PHUL, DE NAS BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI STENG NAS LAM KHRID DPAL DBEN SA SNYAN RGYUD KYI MAN NGAG ZHAL SHES YONGS SU RDZOGS PA DANG, DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI DANG BCAS PA, LHAG PAR MDO SNGAGS KYI LAM GYI LUS YONGS SU RDZOGS PA ZAB LAM BLA MA LHA'I RNAL 'BYOR GYI KHRID MAN NGAG ZHAL SHES MTHA' DAG YONGS SU RDZOGS PA DANG, GSANG BDE 'JIGS GSUM

, ,GYI DBANG LUNG BSKYED RDZOGS KYI KHRID RNAMS YONGS SU RDZOGS PA DANG, GRUB CHEN DRIL BU LUGS KYI PHYI NANG GI DKYIL 'KHOR DU DBANG BSKUR BA DANG ZAB KHRID RNAMS YONGS SU RDZOGS PA DANG, GZHAN YANG RGYUD SDE BZHI DANG 'BRAL BA'I DBANG LUNG MAN NGAG MTHA' YAS PA DANG, YONGS SU GRAGS PA'I CHOS SKYONG RNAMS KYI RJES GNANG SOGS RJES GNANG MTHA' YAS PA GNANG ZHING CHOS BDAG PO LA 'PHROD PAR MDZAD NAS SKU TSE 'DI'I MDZAD PA THAMS CAD RDZOGS PA NA DGUNG LO BDUN CU DON DRUG PA RAB BYUNG ZHES PA ME MO YOS KYI LO LA BKRA SHIS LHUN PO'I BLA BRANG RGYAL MTSAN MTHON PO NYID DU CHO 'PHRUL ZLA BA'I TSES BCU'I PHYI NANG GI MNGON BYANG MTSUNGS PAR SKU'I BKOD PA BSDUS TE 'OD GSAL CHOS SKU MNGON DU MDZAD, DE'I TSE BDE MCHOG RTZA RGYUD NAS JI LTAR GSUNGS PA LTAR GYI 'OD GSAL MNGON DU MDZAD PA'I PHYI NANG GI RTAGS RTEN 'BREL RNAMS TSANG BAR BYUNG STE NAM MKHA' DANGS SHING 'JA' 'OD KYIS KHYAB PA SOGS SKYE BO KUN LA MTHUN SNANG DU BYUNG STE MCHOG DMAN BAR MA'I SKYE BO MTHA' DAG DAD CING GUS PA DANG 'JAM MGON SNYAN RGYUD KYI BSTAN PA LA YID CHES RNYED PAR MDZAD DO, ,DE NAS RJE BTZUN THAMS CAD MKHYEN PA BLO BZANG YE SHES DPAL BZANG POS PHYOGS BCU'I SANGS RGYAS THAMS CAD MCHOD PA BAS BLA MA MCHOD PA DON CHE'O ZHES KUN LA 'DOMS PA'I PHYIR SKU GDUNG LA MCHOD PA TSAD MED PAS MCHOD DE DPAL DBEN SA SNYAN RGYUD KYI BSTAN PA

YUN RING DU GNAS PA'I RTEN 'BREL DU SKU GDUNG RIL POR DNGUL GYI MCHOD RTEN GYI BUM PA'I NANG DU BZHUGS TE BKRA SHIS LHUN PO'I SNGAGS KHANG NA BZHUGS SO, ,RDO RJE 'DZIN PA CHEN PO 'DIS MCHOG DMAN PAR MA BGRANG BA LAS 'DAS PA LA MDO SNGAGS KYI CHOS KYI BDUD RTZI RGYA CHER STZAL BAS RGYUD 'DZIN YANG DE SNYED BYUNG MOD, GTZO BO NI MDO SNGAGS YONGS SU RDZOGS PA'I BSTAN PA'I BDAG PO RJE BTZUN THAMS CAD MKHYEN PA BLO BZANG YE SHES DPAL BZANG PO'O; ;GZHAN YANG RDO RJE 'DZIN PA DGE LEGS RAB RGYAS, ,RDO RJE 'DZIN PA BLO BZANG MGON PO, RJE ZHAL SNGA NAS 'JAM DBYANGS CHOS 'PHEL, SKYID SHOD ZHABS DRUNG BSTAN 'DZIN 'PHRIN LAS, LCANG SKYU SBRUL PA'I SKU NGAG DBANG BLO BZANG CHOS LDAN SOGS BSTAN 'DZIN DAM PA MANG DU BYON NO, ,RDO RJE 'DZIN PA CHEN PO 'DIS PHYIR BAS KYI GDUL BYA RNAMS KYI DON DU PAn CHEN BLO BZANG CHOS KYI RGYAL MTSAN GYI MAN NGAG ZHAL SHES DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI, BLO SBYONG SDUG BSNGAL LAM KHYER DANG DON BDUN MA'I 'GREL PA ,'KHOR LO SDOM PA'I DKYIL CHOG, BDE MCHOG LUS DKYIL GYI MNGON RTOGS, LHO SGO'I CHOG ,DRIL BU LHA LNGA'I MNGON RTOGS, 'DUS PA'I RDUL TSON CHAB LA 'DREN TSUL, NAM MKHA' SGO 'BYED KYI DBANG BSKUR TSUL, KLU GTOR BYA TSUL, S'A TZTSA'I CHOG SOGS NYER MKHO KHA SHAS, YI GE BRGYA PA'I 'GREL PA, SO SKYE THA MAL PA'I RUS CHOG, LAM RIM

, ,TSIG BCAD MA ZHI GNAS KYI YIG CHUNG DANG BCAS PA, BCOM LDAN 'DAS DAM TSIG GSUM BKOD KYI SGRUB DKYIL YONGS SU RDZOGS PA'I CHOG SGRIGS, 'JAM DBYANGS CHOS SKOR GYI RJES GNANG CHOG SGRIGS RNAMS MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RDO RJE 'DZIN PA DKON MCHOG RGYAL MTSAN LA GSOL BA 'DEBS SHING DAM PA 'DI'I RNAM THAR LTAR LEGS TSOGS THAMS CAD KYI RTZA BA DAM PA'I MGON LA BRTEN NAS MDO SNGAGS KYI LAM GYI LUS YONGS SU RDZOGS PA LA 'KHRUL MED KYI NGES PA BRTAN PO RNYED PAR BYA BA DANG, NGES PA RNYED NAS TSE 'DI'I 'KHRI PA BCAD DE DBEN PA'I GNAS SU LAM CHA TSANG LA SGRUB PA SNYING BOR BYA'O,, ,,BLO GROS YANGS PA'I SKAL BZANG GDUL BYA'I TSOGS, ,GTZUG NA BSOD NAMS YE SHES 'BRAS BU YIS, ,LEGS DUD RLUNG GI RGYAL MTSAN LTAR BKRA BA, ,DPAL LDAN BLA MA'I ZHABS LA GSOL BA 'DEBS, ZHES BSNGAGS PA, DON GYI SLAD DU MTSAN NAS SMOS TE BDAG GI MKHAN PO RIN PO CHE RJE BTZUN THAMS CAD MKHYEN PA BLO BZANG YE SHES DPAL BZANG PO NI, SNGON BYON DAM PA MANG POS BYIN GYIS BRLABS PA'I YUL THOB RGYAL BRUL TSANG DU MDZES BYED CES PA CHU MO YOS LO'I ZLA BA BDUN PA'I TSES BCO LNGA'I ZLA BA SHAR BA DANG MNYAM DU YAB ZHABS DRUNG BSOD NAMS DBANG GRAGS DANG, YUM TSE BRTAN BU KHRID GNYIS KYI SRAS SU BSAM BZHIN DU SKU 'KHRUNGS, DE'I TSE DKAR PHYOGS KYI LHA RNAMS

KYIS DA NI 'GRO BA MGON DANG BCAS SO ZHES DGA' BA'I DBYANGS SA GSUM 'GENGS PAR BSGRAGS SHING, BDAG NYID CHEN PO 'DI LA MCHOD PA'I DON DU MKHA' DBYINGS 'JA' 'OD KYIS KHYAB CING ME TOG GI CHAR BABS PA SOGS NGO MTSAR BA'I BLTAS BSAM GYIS MI KHYAB PA BSTAN, DKAR PHYOGS KYI LHA RNAMS KYIS KHRUS GSOL BA DANG CHABS CIG PAR YAB YUM GNYIS KYIS KYANG KHRUS PHUL TE MNGAL GYI DRI MAS GOS PA RNAMS LEGS PAR DAG PAR BYAS TE, KHYE'U CHU SHEL DRI MA MED PA LTAR SKU LUS DKAR LA DMAR BA'I MDANGS CHAGS PA, ZHI ZHING DES PA'I NGANG TSUL 'DZUM MDANGS CAN ,DBU GDUGS LTA BU, DPRAL BA'I DBYES CHE BA, SHANGS KYI GZENGS MTHO BA, SNYAN DUNG G-YAS A'KHYIL GYI RNAM PAR YOD PA, SPYAN AUTPA LA'I 'DAB MA LTAR MDZES PA, YAN LAG DANG NYID LAG RGYAS LA DKU SKABS PHYED PA DANG, DBANG PO YONGS SU GSAL ZHING 'JIG RTEN KUN GYI MIG GI BDUD RTZI LTA BU ZHIG BYUNG NGO, ,BTZAS NAS RING PO MA LON PAR BLA MA MKHYEN ZHES CHOS KYI SGRA DBYANGS BSGRAGS SHING ,LHA DANG SRUNG MAS LUNG BSTAN PA LTAR MTSAN BSOD NAMS BSTAN PA'I RGYAL MTSAN ZHES BTAGS, DE NAS YAB YUM GNYIS KYIS DKON MCHOG GI MCHOD PA, DGE 'DUN GYI SDE LA BSNYEN BKUR ,DKAR PHYOGS SKYONG BA'I SRUNG MA RNAMS LA MCHOD GTOR RGYA CHER PHUL, BTZAS STON GYIS GNYEN DANG NYE DU RNAMS TSIM PAR BYAS SHING MTHUN PA'I DNGOS PO DAG GIS BSKYED BSRINGS TE MTSO'I NANG GI PADMA LTAR BSKYED DRAG PAR NGYUR TO, ,DE NAS BDAG NYID CHEN PO 'DI LA

, ,DKAR PHYOGS KYI LHA RNAMS KYIS MCHOD PA'I RTAGS RGYUN DU 'BYUNG BA DANG, BYIS PA THA MAL PA'I SPYOD PA LAS LOG STE SKYIL KRUNG BCAS NAS CHOS DANG MTHUN PA'I GSUNG YANG YANG GNANG BA DANG, CHOS STON PA'I PHYAG RGYA MDZAD PA SOGS SKU'I RNAM 'GYUR GYIS PHYOGS DE'I SKYE BO THAMS CAD RANG DBANG MED PAR DAD PAR GYUR PA DANG, RJE BLO BZANG CHOS KYI RGYAL MTSAN GYIS ZHING GSHEGS KHAR GSOL DPON BLO BZANG BSTAN 'DZIN LA BRUL TSANG DU PHEBS PA'I BRDA STON PAR MDZAD PA DANG SPRUL PA'I SKU LA BCANG RGYU'I SRUNG MDUD 'DI BZHIN PHUL CIG PA'I BRDA MDZAD DE SRUNG MDUD GSUM BZHUGS GDAN GYI 'OG TU 'JOG PAR MDZAD PA SOGS KYIS ZHABS 'BRING PA RNAMS BRUL TSANG GI SRAS DE MCHOG GI SPRUL SKU YIN PAR YID CHES RNYED KYANG PHYI CHAR DU GSANGS SHING, SNA TSOGS DBYIG CES PA SHING MO SBRUL GYI LO DGUNG LO GSUM GYI THOG GSANG STABS KYIS BKRA SHIS LHUN POR GDAN DRANGS, RGYAL MTSAN MTHON PO'I GZIM KHANG DU PHEBS BA'I NYIN ZHABS PHYI NANG 'KHOR MA GTOGS GZHAN GYIS MTSOR YANG PHYI NANG GI RTAGS RTEN 'BREL KHYAD PAR CAN MANG DU BYUNG ZHING, KHYAD PAR RTA DKAR PO DUNG GI MDOG CAN KHYAD PAR DU 'PHAGS PA ZHIG 'KHRID NAS 'DI 'BUL RGYU YIN ZER RTA DE BDE YANGS SU BTAGS TE 'BUL MI DE GAR SONG CHA MED PA ZHIG BYUNG BAS DKAR PHYOGS SKYONG BA'I SRUNG MA ZHIG GIS PHUL BAR NGES PA SOGS NGO MTSAR YA MTSAN CHE BA DPAG TU MED PA BYUNG ZHING GZIM CHUNG MDO SBUGS

RNAMS SU PHEBS LUGS DANG BZHUGS LUGS, THUGS DAM RTEN RNAMS LA NGOS 'DZIN RJE BLO BZANG CHOS KYI RGYAL MTSAN RANG NYID KYIS JI LTAR MDZAD PA LTAR MDZAD PAS KUN YID CHES BLA NA MED PA THOB, MI RING BAR GSANG STABS KYIS BRUL TSANG NYID DU PHEBS, DE NAS RGYAL BA THAMS CAD MKHYEN PA NGAG DBANG BLO BZANG RGYA MTSOR RGYU MTSAN SNYAN ZHU PHUL BAR, SNGAGS PA BLA MA DKON MCHOG RGYAL MTSAN BRJE DE NYID KYI THUGS SRAS THU BO YIN PA DANG, LUNG RTOGS KYI YON TAN GANG SA NAS BZANG BA BCAS KHONG PA PHEBS NAS BRTAG DBYAD BYAS NA LEGS ZHES PHEBS PAR, RDO RJE 'DZIN PA DKON MCHOG RGYAL MTSAN PHEBS TE BRTAG DPYAD MDZAD PAS MCHOG SPRUL DU 'KHRUL MED KYI NGES PA BRTAN PO RNYED NAS SKU KHRUS GSOL ZHING SKU TSE RING DU GNAS PA'I RTEN 'BREL BSGRIGS, DE NAS RGYAL BA THAMS CAD MKHYEN PAR TSUL 'DI LTAR SNANG ZHES ZHUS PAR DGYES PA CHEN POS 'PHRAL DU GDAN SAR GDAN 'DREN ZHU DGOS TSUL PHEBS BAR SPRE'U ZHES PA ME MO LUG GI LO ZLA BA BCU PA'I TSES BCU GSUM GYI NYIN KHYIM PA'I RTAGS RNAMS DOR NA BZA' DUR SMRIG DANG PAn ZHVA GSOL TE SNGAR SBRUL PA'I CHOS SKYONG GIS PHUL BA'I CHIBS DUNG GI MDOG CAN DE LA CHIBS NAS BRUL TSANG NAS CHIBS BSKYOD DE LAM BAR GYI SER SKYA BGRANG BA LAS 'DAS PA LA MTHO RIS DANG THAR PA'I SA BON THEBS BAR MDZAD CING RIM GYIS CHIBS BSKYOD DE BKRA SHIS LHUN POR SNYUG MAR GNAS PA DANG PHYOGS 'DUS KYI DGE 'DUN KHRI KHRAG BRGAL BAS MCHOD PA'I BYE BRAG SNA TSOGS THOGS

, ,PAS BSUS TE ZLA BA BCU PA'I TSES BCU BDUN GYI NYIN GZIM KHANG RGYAL MTSAN MTHON POR PHEBS, DE'I SANG NYIN TSES BCO BRGYAD KYI NYIN GZIM CHUNG YID DGA' CHOS 'DZIN DU RJE BLO BZANG CHOS KYI RGYAL MTSAN GYI BZHUGS KHRI LA BZHUGS SU GSOL TE DBANG BSKUR, RGYAL BA THAMS CAD MKHYEN PA'I SKU TSAB SOGS 'DZIN MA'I KHYON LA GNAS PA'I CHE DGU KUN GYIS MCHOD NAS BKRA SHIS KYI TSIGS BCAD BRJOD CING ME TOG GTOR TE RGYAL BA THAMS CAD MKHYEN PA'I BKAS RJE BTZUN THAMS CAD MKHYEN PA BLO BZANG YE SHES DPAL BZANG PO ZHES MTSAN GSOL TO, ,TSUL 'DI LA RJE RANG NYID KYI ZHAL NAS, RGYAL BAS MDO RGYUD DU MAR BZANG NGAN GYI, ,LAS SPYAD 'BRAS BU JI BZHIN SMIN GSUNGS BZHIN, ,SNGON NAS RNAM DKAR SA BON LEGS BTAB MTHU, ,NYER BRTAS TSANGS SPYOD RTEN RUNG MI LUS LJON, ,PHYAG NA PADMO BLO BZANG RGYA MTSO'I SDE'I, ,THUGS RJE'I MKHA' LA BYIN RLABS GRU CHAR RGYUN, ,NYER 'KHREGS BLO BZANG CHOS RGYAN MTSAN BYIN DANG, ,LHAN CIG LEGS PHAB RIS MED 'GRO TSOGS LA, ,'DI PHYI GTAN DU PHAN BDE'I MCHOG STZOL MKHAN, ,BLO BZANG CHOS KYI RGYAL MTSAN YONGS 'DU CHE, ,GNYIS PAR GYUR CIG DGONGS PA'I THUGS BRTZER BCAS, ,THUB BSTAN LHA YI DGA' TSAL MDZES RGYAN BSKRUN, ,ZHES GSUNGS SO, ,DE NAS MI RING BAR THOB RGYAL DGA' LDAN RAB RGYAS NAS RJE ZHAL SNGA NAS BLO BZANG BSTAN 'DZIN YONGS 'DZIN DU SPYAN DRANGS TE, THOG MAR YI GE 'DRI

KLOG DANG CHOS SPYOD RNAMS KYI SNYAN BSKUL ZHUS PA NA THOGS PA MED BAR MKHYEN, DE NAS SKU TSE 'DIR CHOS GSAN PA'I THOG MAR BYANG CHUB LAM GYI RIM PA'I BLA MA BRGYUD PA'I GSOL 'DEBS LAM MCHOG SGO 'BYED GSAN TE, DE NI SKU TSE 'DIR RJE GONG MA'I RNAM THAR LTAR 'JAM MGON BLA MA'I BSTAN PA BSRE BSLAD MED PAR SKYONG BA'I RTEN 'BREL DU NGES SO, ,DE NAS RIM BZHIN RJE BTZUN BLO BZANG CHOS KYI RGYAL MTSAN GYI GSUNG 'BUM YONGS RDZOGS KYI LJAGS LUNG GSAN, DE NAS RJE RIN PO CHE'I RNAM THAR LTAR THOG MAR SHING RTA CHEN PO'I GZHUNG RNAMS LA SBYONG BAR BZHAD NAS MTSAN MTSON GYI RNAM GZHAG ,RGYU 'BRAS KYI RNAM GZHAG, THAL 'GYUR GYI RNAM GZHAG SOGS LA SBYONG BA'I TSUL MDZAD PA NA THOGS PA MED PAR MKHYEN CING, SUM CU PA DANG RTAGS 'JUG SOGS RIG GNAS RNAMS KYANG BRDA PHUL BA TZAM GYIS THOGS MED DU MKHYEN TO, ,DE NAS SKYES RABS THAMS CAD DU RAB TU BYUNG BA'I TSUL KHRIMS RNAM PAR DAG PA LA GNAS PA'I BAG CHAGS KYI MTHU BRTAS TE, RGYAL BA'I BSTAN BA LA RAB TU 'BYUNG BAR 'DOD PA'I THUGS 'DUN SHUGS DRAG PO 'KHRUNGS SHING, DE YANG SNGON THUGS BSKYED PA NAS BZUNG YAB SRAS DAM TSIG RDO RJE'I LU GU RGYUD DU 'BREL BAS RGYAL BA THAMS CAD MKHYEN PA CHEN PO ZHAL MJAL BAR SHIN TU RINGS PAR GYUR TE, DE NAS DGUNG LO BRGYAD BA THUN MONG ZHES PA LCAGS PO KHYI'I LO DBUS PHYOGS SU CHIBS BSKYOD DE PHO BRANG CHEN PO PO TA LAR ZLA BA DRUG PA'I TSES BCO LNGA'I NYIN THOG MAR

, ,TSOM CHEN DU RGYAL BA MCHOG GI ZHAL MJAL YAB SRAS THUGS SHIN TU MNYES PA'I GSUNG GLENG MJAD, ZLA BA DE'I TSES NYER GCIG GI NYIN GZIM CHUNG BDE BA CAN DU RGYAL BA MCHOG LA CHOS ZHU BA'I DBU BTZUGS TE, THOG MAR 'JAM DPAL MTSAN BRJOD PHAN YON DANG BCAS PA, GDUGS DKAR, RGYAL BA TSE DPAG MED KYI MTSAN BRGYA RTZA BRGYAD PA TSE MDO DANG, SHER SNYING, SGROL MA PHYAG 'TSAL NYER GCIG GI BSTOD PA SGROL GSOL DANG BCAS PA, PHUNG PO GSUM BA'I MDO, BZANG SPYOD, BYAMS SMON, SPYOD 'JUG SMON LAM, KHAMS GSUM 'GRO BA'I BLA MA TZONG KHA PA CHEN PO'I GSUNG THOR BU BA RNAMS KYI LUNG GSAN, ZLA BA BDUN PA'I TSES GNYIS KYI NYIN RJE THAMS CAD MKHYEN PA DGE 'DUN RGYA MTSO'I GSUNG 'BUM LAS GNAS BRTAN PHYAG MCHOD KYI CHO GA'I LUNG GSAN, DE NAS ZLA BA BDUN BA'I TSES BCO LNGA'I NYIN GZIM CHUNG KHAMS GSUM RNAM RGYAL DU RGYAL BA THAMS CAD MKHYEN PA NGAG DBANG BLO BZANG RGYA MTSO DPAL BZANG POS MKHAN SLOB ZUNG 'BREL MDZAD DE DGE BSNYEN RAB BYUNG TSIGS SNGA MA DGE TSUL GYI SDOM PA RNAMS LEGS PAR BZHES, ZLA BA BDUN PA'I TSES NYER BZHI'I NYIN DPAL RDO RJE 'JIGS BYED LHA BCU GSUM MA'I DBANG GI SNGON 'GRO STA GON DANG, NYER LNGA LA DBANG BZHI RDZOGS PAR GSAN, ZLA BA BRGYAD BA'I TSES GNYIS NAS THAMS CAD MKHYEN PA DGE 'DUN RGYA MTSO'I GSUNG 'BUM GYI LUNG GSAN 'PHRO YI DAM SGRUB SKOR

YONGS RDZOGS DANG, RGYA DBON PO LA GNANG BA'I BLA MA'I RNAL 'BYOR, BLA MA'I RNAL 'BYOR GO SLAR BKOD PA, NI GU CHOS DRUG GI KHRID YE SHES MKHA' 'GRO'I ZHAL LUNG, DE'I KHRID MDOR BSDUS GNAD DON GSAL BA'I ME LONG, SNYING PO DON GSUM GYI KHRID, MKHA' SPYOD MA DKAR MO'I 'PHO BA, MGON PO SNYING ZHUGS KYI 'PHO BA, LTA KHRID THAR 'DOD 'JUG NGOGS, LTA KHRID SNYING GI MUN SEL, BSAM 'GRUB DPAL BZANG LA GNANG BA'I LTA KHRID, RI KHROD BA BSAM GTAN LA GNANG BA'I LTA KHRID TSIGS BCAD MA, BYANG SEMS CHEN MO DPAL LDAN NOR 'DZIN SGROL MA LA GNANG BA'I LTA KHRID, RDO RJE RGYAL MTSAN LA GNANG BA'I GSANG BA 'DUS PA'I DKA' GNAD, KUN DGA' DPAL MO LA GNANG BA'I BYANG CHUB SEMS KYI BSGOM TSUL, RGYAL MTSAN DPAL GYI NGOR GNANG BA'I TSEM BU LUGS KYI DMAR KHRID TSIGS BCAD MA, GCOD KYI RTZA TSIG MDOR BSDUS RNAMS KYI LUNG GSAN, TSES BZHI NAS TSE DPAG MED DKAR PO, SENG LDENG NAGS KYI SGROL MA, 'JAM DPAL AA RA PA TZA NA, THUGS RJE CHEN PO KHA SARB'A nI, PHYAG RDOR 'BYUNG 'DUL, YE SHES KHYUNG KHRA, RTA MGRIN YANG GSANG, YE SHES MGON PO PHYAG DRUG PA, GRUB RGYAL LUGS KYI TSE DPAG MED, LAS GSHIN, SGROL DKAR RNAMS KYI RJES GNANG DANG, RGYAL BA THAMS CAD MKHYEN PA NGAG DBANG BLO BZANG RGYA MTSO DPAL BZANG PO NYID KYI GSUNG 'BUM THOR BU PA'I GRAS DU MA'I LUNG GSAN, GZHAN YANG MDO MANGS KYI NANG TSAN, DBANG SKONG PHYAG RGYA PA, 'CHI MED RNGA SGRA'I GZUNGS, RGYAL MCHAN RTZE MO'I DPUNG

, ,RGYAN; 'DA' KHA YE SHES, STOBS PO CHE, GTZUG TOR 'BAR BA, GTZUG TOR RNAM RGYAL, 'OD ZER CAN, GZA' YUM, PHYOGS BCU MUN SEL, BKRA SHIS BRTZEGS PA, TSONG DPON GA GON DANG BZANG PO GNYIS LA GNANG PA'I SHIS BRJOD, RDO RJE RNAM 'JOMS KYI GZUNGS, MDO SDUD PA, BGRES MOS ZHUS PA, KHYE'U RIN CHEN ZLA BAS ZHUS PA, MCHU SDE LNGA, YANGS PA'I GRONG KHYER DU 'JUG PA'I MDO RNAMS DANG, JO BSTOD SUM CU PA, DPAL LDAN SA GSUM MA, RNAM DAG GANGS RI MA, DPAL LDAN YON TSOGS MA SOGS KYI LUNG RNAMS GSAN, DE NAS RNAM THAR DAD PA'I 'JUG NGOGS NAS DBU TSUGS TZAM ZHIG MJAD, DE NAS RGYAL BA THAMS CAD MKHYEN PA CHEN BOS RE SHIG GZHUNG LUGS RNAMS LA SBYANGS PA MTHAR PHYIN PA MDZAD DGOS PA SOGS KYI ZHAL TA LEGS PAR GNANG, RJE 'DI BAS KYANG RGYAL DBANG MCHOG LA ZHABS PAD BSKAL BRGYAR BRTAN PA DANG, MDO SNGAGS YONGS RDZOGS KYI CHOS KYI BDUD RTZI ZHUS CHOG PA DGOS ZHES ZHUS TE GTZANG PHYOGS SU CHIBS KHA BSKYOD, DE NAS BKRA SHIS LHUN POR PHEBS NAS RE SHIG SKU MTSAMS MDZAD, LO DE'I ZLA BA BCU GCIG PA'I TSES LNGA'I NYIN 'DUS PA RGYA MTSO'I TSOGS KYIS SPYAN DRANGS TE THAMS CAD MKHYEN PA DGE 'DUN GRUB NAS BZUNG RJE BTZUN BLO BZANG CHOS KYI RGYAL MTSAN GYI BAR 'JAM MGON BSTAN PA'I SROG SHING 'DZIN PA'I DAM PA BAR MA CHAD PAS CHOS KYI 'KHOR LO BSKOR PA'I KHRI LA ZHABS SEN BKOD DE LHA DANG BCAS PA'I 'GRO BA

MA LUS DBUGS PHYIN PAR MDZAD DO, ,TSUL 'DI LA RJE RANG NYID KYI ZHAL NAS, GDOD NAS BSOD NAMS BRGYA YIS NYER BSGRUBS RTEN, ,DAL 'BYOR YONGS 'DU GTAN BDE'I MCHOG STER BA, ,TSE 'DI'I PHUN TSOGS BSGRUB BLO'I BA MO YIS, ,MA BCOM NGES LEGS 'BRAS BU SMIN RE NAS, ,MCHOG GSUM NGO BO RJE BTZUN PAD DKAR 'DZIN, ,THAMS CAD MKHYEN PA BLO BZANG RGYA MTSO'I SDER, ,GUS PAS BTUD DE TSANGS SPYOD BRTUL ZHUGS BLANGS, ,MGON DE'I SPYAN SNGAR JI LTAR KHAS BLANGS PA'I, ,BSLAB GZHI PHRA RAGS BCAS PA'I MTSAMS LA'ANG, ,NYES PA'I SKYON GYIS NAM YANG MA GOS PAR, ,BYA'O SNYAM PA'I BLO DPUNG YANG DAG BSKYED, ,MCHOG GSUM NGO BO THAMS CAD MKHYEN PA YI, ,THUGS RJE'I GZI DANG BCOM LDAN SNANG MTHA'I MGON, ,BSHES GNYEN TSUL BZUNG BLO BZANG CHOS RGYAN RJE'I, ,MTSAN GYI BYIN RLABS BZANG PO NYER ZHUGS MTHUS, ,'DUS LDAN RGYA MTSO'I TSOGS KYI DBUS NYID DU, ,SPYAN RAS GZIGS DBANG THAMS CAD MKHYEN PA YI, ,CHOS KYI KHRI LA CI DGAR SPYOD CIG CES, ,MANG POS BKUR BA'I MI RJE JI BZHIN DU, ,'DUS TSOGS SBYIN BDAG BCAS PAS MNGA' GSOL MDZAD, ,CES GSUNGS SO, ,DE SKABS CHOS GRVA TSAN POR 'BRUM BU'I NAD BYUNG BAR DBEN GNAS BYANG CHUB CHEN PO'I PHO BRANG DU 'BRUM YOL LA PHEBS, BYANG CHEN DU BZHUGS RING MDO SDUD PA, 'JAM DPAL MTSAN BRJOD, BYANG CHUB LAM GYI SGRON MA, RJE BTZUN CHOS KYI RGYAL PO TZONG KHA PA CHEN PO'I GSUNG MDUN LEGS MA, BLA MA LNGA BCU PA, BLO SBYONG

, ,MTSON CHA 'KHOR LO, ,RMA BYA DUG 'JOMS, RJE BTZUN BYAMS PA'I BSTOD PA TSANGS COD MA, RJE BTZUN 'JAM DBYANGS KYI BSTOD PA BSTOD SPRIN RGYA MTSO SOGS BSTOD CHEN BZHI, GZHAN YANG CHOS GRVA CHEN POR 'DON SROL YOD PA'I CHOS SPYOD KYI SKOR SOGS LJAGS 'DZIN MDZAD DE RGYUN DU ZHAL 'DON DU MDZAD, BYANG CHEN DU BZHUGS RING THUGS DAM SHIN TU 'PHEL BAS NUB GCIG MNAL LAM DU DPAL RDO RJE 'JIGS BYED ZHAL PHYAG YONGS SU RDZOGS PA ZHABS 'OG NA SROG CHAGS MED PA ZHIG DANG, CHOS RGYAL LA MA HE MED PA ZHIG DANG, DPAL LDAN LHA MO DRE'U MED PA SOGS CHOS SKYONG BA'I SRUNG MA DU MA MNGON SUM DU GZIGS PA LTA BU'I SNANG BA DANG, KHYAD PAR RDO RJE 'JIGS BYED LA PHAR BKA' BSGO BYED PA ZHIG RMIS GSUNGS TE, DON DU DE SKABS LHAG PA'I LHA DANG SRUNG MA MANG PO'I ZHAL GZIGS PA YIN ZHES PAn CHEN THAMS CAD MKHYEN PA CHEN PO BLO BZANG DPAL LDAN YE SHES DE NYID GSUNG NGO, ,DE'I TSE RI KHROD PA RNAMS LA CHOS KYI BDUD RTZI'ANG KHA YAR STZAL ZHING, 'BRUM THAG CHOD NAS BKRA SHIS LHUN POR CHIBS KHA BSKYOD SNGAGS KHANG DU GDAN DRANGS TE RGYUD GRVAR BZHUGS PA'I DGE BA'I BSHES GNYEN RNAMS LA CHOS KYI BDUD RTZI STZAL, DE NAS DGUNG LO BCUR PHEBS PA CHU BYI ZLA BA LNGA BA'I TSES LNGA'I NUB MNAL LAM DU THEG PA CHEN PO'I DAM PA'I CHOS DKON MCHOG BRTZEGS PA YONGS SU RDZOGS PA THUGS LA BZUNG NAS SKYAR BAS, SLOB DPON RIN PO CHE BLO BZANG BSTAN 'DZIN

SHIN TU DGYES NAS RJE RANG NYID LA PHYAG MDZAD PA'I SNANG BA BYUNG ZHING, TSES BRGYAD KYI NYIN RTZOM PA'I TSIG DON 'GA' YAR THUGS YUL DU 'CHAR BA'ANG BYUNG BAR, AOm SVASTI, DUS GSUM RGYAL BA KUN GYI MCHOG ,THAMS CAD MKHYEN PAS RJES SU BZUNG, ,GUS PA CHEN POS SNYING NAS BTUD, ,CES PA DANG, SLAR YANG, 'DOD KHAMS DBANG PHYUG RE MA TI SOGS KYIS, ,DNGOS BSHAMS YID KYIS SPRUL PA'I MCHOD SPRIN 'DI, ,MYUR DU BZHES LA RNAL 'BYOR 'KHOR BCAS KYI, ,'GAL RKYEN KUN SOL MTHUN RKYEN MA LUS SGRUBS, ,DENG 'DIR YID LA BSAMS PAR GYUR PA RNAMS, ,GEGS MED YID BZHIN 'GRUB PAR MDZAD DU GSOL, ,ZHES PA DANG, YANG TSES DRUG GI NUB MO MNAL LAM DU, NAM MKHA' LA 'JA' GUG STE SHAR BA, DE SGOR MOR SONG BA'I DKYIL NA RJE BTZUN 'JAM PA'I DBYANGS DMAR SER BZHUGS PA'I THUGS KA NAS 'OD ZER 'PHROS PA RJE BLA MA RANG NYID KYI THUGS KAR THIM PA DANG, THO RANGS PAn CHEN THAMS CAD MKHYEN PA RJE BTZUN BLO BZANG CHOS KYI RGYAL MTSAN GYI SKU GDUNG LA 'PHAN PHYE PHUR SOGS PHUL TE MCHOD PA MDZAD PA'I SNANG BA'ANG BYUNG, SANGS RGYAS CHOS KYI 'KHOR LO BSKOR, ,SEMS CAN THAMS CAD RTAG TU BDE, ,DGOS 'DOD THAMS CAD CHAR DU PHAB, ,MTHAR THUG SANGS RGYAS 'GRUB PAR SHOG ,CES DANG, RJE BTZUN CHOS KYI RGYAL BO DPAL BZANG PO'I, ,BSHAD SGRUB BSTAN PA'I BYA BA LEGS TSOGS RNAMS, ,YAR NGO'I ZLA LTAR 'PHEL ZHING RGYAS PA DANG, ,MCHOG DANG THUN MONG DNGOS GRUB STZAL DU GSOL,,

, ,ZHES PA RNAMS THOGS MED DU GSUNGS, DE NAS SA CHEN PO'I KHYON MTHA' DAG NAS 'DUS PA'I DAD LDAN SER SKYA BGRANG BA LAS 'DAS PA DAG LA ZHAL GYI DKYIL 'KHOR STON PA DANG, GSUNG GI BDUD RTZI STZOL BA DANG, DAD PAS PHUL BA'I DNGOS PO RNAMS BZHES TE NYIN RE BZHIN 'GRO BA BGRANG BA LAS 'DAS PAR MTHO RIS DANG THAR PA'I SA BON 'DEBS PAR MDZAD DO, ,DE NAS TSAD MA RNAM 'GREL LA SPYONG BAR BZHED DE 'JAM DBYANGS DGE 'DUN BLO BZANG GIS MJAD PA'I RNAM 'GREL GYI YIG CHA YONGS RDZOGS THUGS LA BZUNG STE BSKAL BZANG KHYAMS RA CHEN MOR 'DUS PA RGYA MTSO DANG LHAN CIG RIGS LUNG LA RTAG PAR PHEBS TE 'JAM MGON BLA MA'I RNAM THAR SKYONG BAR MDZAD DO, ,BAR SKABS SU BYANG RGYUD RGYAL PO 'KHOR BCAS DAD PA CHEN POS 'DUS BAR SO SO'I BSNYEN BKUR RNAMS BZHES SHING, RGYAL PO 'KHOR BCAS LA LAM RIM TSIGS BCAD MA, LAM RIM DMAR KHRID, SMAN BLA'I MDO CHOG ,LAM RIM CHUNG BA SOGS DANG, SRAS BGRES PAR THUB DBANG ZHAL PAD MA SOGS RANG RANG GI 'DOD PA DANG BSTUN PA'I CHOS KYI BDUD RTZI STZAL, DE'I TSE 'DUS PA RGYA MTSO'I TSOGS LA'ANG TSAD MA RNAM 'GREL GYI DBU NAS RIM GYIS GNANG BA'I 'OG TSUGS, TSAD MA RNAM 'GREL LA THUGS RAB THOGS PA MED PAR RGYAS PA'I TSUL BZHES TA THAMS CAD MKHYEN PA DGE 'DUN GRUB KYIS MDZAD PA'I SPYI DON RIGS RGYAN YONGS RDZOGS THUGS LA BZUNG, GZHAN YANG TSAD MA RNAM 'GREL GYI t'IKKA 'JAM DBYANGS SMON

LAM DPAL BA LEGS PA'I BLO GROS KYIS MDZAD PA'I SMON t'IKKA TU GRAGS PA DANG, THAMS CAD MKHYEN PA DGE 'DUN GRUB KYIS MDZAD PA'I RNAM 'GREL GYI t'IKKA NAS THOGS SHAS THUGS LA BZUNG STE ZHAG 'GA' RIGS LUNG CHOS SPYOD LA PHEBS NAS BGRO GLENG LA BRTZON PAR MDZAD, DE YANG SPYI DON RIGS RGYAN 'DI THAMS CAD MKHYEN PA DGE 'DUN GRUB KYIS RJE BTZUN BLA MA TZONG KHA PA CHEN PO BKRA SHIS RDO KHAR PHEBS PA'I TSE TSAD MA RNAM NGES KYI SKOR LA DOGS GCOD ZHUS PA'I ZIN BRIS DANG, RI BO DGE LDAN DU RGYAL TSAB THAMS CAD MKHYEN PA LA TSAD MA'I SKOR LA ZHIB BSHAD ZHUS PA RNAMS LA GZHI MDZAD NAS GZHUNG GSAR RTZOM GNANG BA YIN 'DUG PA DANG, THAMS CAD MKHYEN PA DGE 'DUN RGYA MTSOS KYANG CHOS GRVA CHEN PO 'DIR TSAD MA RNAM 'GREL GYI GZHUNG LA GSAN SBYONG GNANG BA'I SKABS SPYI DON RIGS RGYAN DANG, SMON t'IKA GNYIS LA ZHIB TU GZIGS SHING, KHYAD PAR SMON t'IKA LA THUGS YID 'PHROG PAR BYUNG NAS PHAL CHER THUGS LA BZUNG STE NGA'I TSAD MA'I SLOB DPON 'DI YIN GSUNG BA'I BSNGAGS BRJOD KYANG MDZAD PA BYUNG 'DUG CING, CHOS GRVA CHEN PO 'DIR BSDUS TSAD GTZO BOR MDZAD PA'I RGYU MTSAN YANG, BKA' GDAMS GLEGS BAM LAS, RGYAL MTSAN STOD LA CHOS GRVA 'ONG, ,CHOS RGYAL DHARM'A K'IRTI YI, ,CHOS KYI RGYAL MTSAN LEGS PAR 'DZUGS, ,ZHES DANG, THAMS CAD MKHYEN PA DGE 'DUN GRUB DGE 'PHEL DU BZHUGS SKABS MNAL LAM DU, BKRA SHIS LHUN PO'I RGYAB RI'I RTZE'I RNAM BA NAS, RJE BTZUN TZONG KHA PA CHEN POS DGE 'DUN GRUB CES 'BOD

, ,BAR MDZAD NAS, SA PHYOGS 'DIR TSAD MA RNAM 'GREL GYI BSTAN BA RGYAS PAR 'GYUR BA YIN, ZHES LUNG BSTAN GSUNGS PA BZHIN, THAMS CAD MKHYEN PA DGE 'DUN GRUB KYIS CHOS GRVA 'DIR BAR SKABS SHIG LHA SH'AKA GI 'GREL PA SOGS RGYA GZHUNG, t'IKA CHEN RIGS PA'I RGYA MTSO SOGS BOD GZHUNG 'GA' ZHIG LA GZHI MDZAD NAS SPROS BSHAD GNANG BAS THAMS CAD THUGS PHROGS TE MKHAS PA DRI MED BSHES GNYEN SOGS ZHAL SLOB CHE BA RNAMS KYIS ZIN BRIS KYANG MDZAD 'DUG , GZHAN YANG RJE BDAG NYID CHEN POS, LOG SMRA TSAR GCOD PHYOGS GLANG GRAGS PA LAS, ,LEGS PAR 'ONGS PA'I RIGS LAM BDUD RTZI'I CHUS, ,BLO MIG DRI MA YANG YANG MA BKRUS NA, ,SHIN TU ZAB GNAD MTHONG BA SMOS CI DGOS, ,RIGS PA'I LUNG DON LA YANG DPYOD PA NA, ,PHAL CHER LOG PAR RTOG PA 'PHEL 'GYUR ZHING, ,GAL TE YANG DAG DAM BCA' TZAM ZHIG GIS, ,NGES PA RNYED KYANG SGRUB DANG SUN 'BYIN GYI, ,TSAD MA'I STOBS KYIS THE TSOM MCHOD PHYIR, ,'DAM LA BTAB PA'I PHUR PA BZHIN 'GYUR BAS, , YANG DAG BAG CHAGS BRTAN PO 'JOG MI NUS, ,ZHES GSUNGS PA LTAR, LTA SPYOD GANG LA YANG RIGS LAM NAS DRANGS PA'I BSGOM BYA'I DON LA NGES PA MA RNYED NA 'KHRUL MED KYI LAM LA 'JUG DKA' BAR GZIGS SHING, SHES RAB DANG DON GNYER CAN RNAMS DPE CHA 'DRI BA'I DKA' CHE GAS LA BLTAS NA PHAN PA CHEN PO YONG BAR DGONGS TE THOG MAR SPYI DON RIGS RGYAN DANG, DE NAS RIM BZHIN 'DUL BA MOD RTZA BA, MDZOD RTZA, RNAM 'GREL RTZA BA, 'GREL PA DON GSAL, 'JUG PA RNAMS PAR DU BRKO

BA MDZAD, GZHAN YANG DON GNYER CAN MANG POR LUNG DANG RJES GNANG SOGS MTHA' YAS PA RIM PAR GNANG ZHING, ,DAD RDZAS RNAMS CHUD MI ZA BA'I PHYIR SKU GSUNG THUGS RTEN MTHA' YAS PA BZHENGS SHING, DE DAG GI BZHUGS GNAS LHA KHANG MANG PO'ANG GSAR BSKRUN MDZAD DE BSTAN RGYUN LA DGONGS NAS SKU GSUNG THUGS RTEN GSAR BZHENGS RNAMS CHOS SRUNG LA GNYER DU GTAD KYI 'PHRIN 'CHOL MDZAD PA NI, AOm SA MA YA TIshthA, DUS GSUM RGYAL BA'I YAB GCIG 'JAM PA'I DBYANGS, ,SNYIGS DUS GDUL DKA' MTHA' DAG 'DUL BA'I PHYIR, ,GTUM DRAG RNGAMS BA'I SKUR BSTAN LHAG PA'I LHAR, ,BTUD NAS GNYER DU GTAD PA'I DAM TSIG BRJOD, ,MTHU LDAN MYUR MDZAD MGON PO PHYAG DRUG PA, ,YAB YUM GNOD SPYIN BKA' NYAN 'KHOR BZHI DANG, ,LEGS NYES SHAN 'BYED CHOS KYI RGYAL PO DANG, ,TZ'A MUNdI DANG PHO BRGYAD MO BRGYAD SOGS, ,BSTAN DGRA TSAR GCOD DPAL LDAN RE MA TI, ,GUR MGON MA H'A K'A LA PHYAG BZHI PA, ,GTUM DRAG RDO RJE NAG PO YAB YUM DANG, ,SGROL GYING SROG BDAG DMAR PO 'KHOR BCAS LA, ,BKRA SHIS LHUN GYIS GRUB PA'I CHOS GRVA CHER, ,LHAG BSAM DAG PAS GSAR DU BSKRUN PA YI, ,RTEN GSUM MCHOD RDZAS JI SNYED MCHIS BA RNAMS, ,GNYER DU GTAD DO G-YEL MED BYA RA MDZOD, ,GAL TE 'DI DAG MTHU YIS 'PHROG PA'AM, ,'JAB BUS BRKU SOGS BSAM SBYOR LOG PA YIS, ,RDUL PHRAN TZAM YANG GZHAN DU 'KHYER BYED NA, ,SKAD CIG

, ,DE LA DRAG POS TSAR CHOD MDZOD, ,GZHAN YANG PHAN BDE'I 'BYUNG GNAS CHOS GRVA CHE'I, ,GTZUG LAG KHANG DANG DGE 'DUN CHOS 'BANGS LA, ,'TSE BA'I SNYING KHRAG ZHAL DU RAB DRANGS NAS, ,BDE CHEN GO 'PHANG THOB PA'I 'PHRIN LAS MDZOD, ,SHUGS DRAG DAD PAS MCHOD CING BSNYEN BKUR BA'I, ,MTHA' DAG SKYE DGU TSE RING 'BYOR LDAN ZHING, ,MTHAR THUG SKU GSUM GO 'PHANG MYUR THOB NAS, ,PHYOGS 'DIR BSHAD SGRUB MNGA' THANG 'PHEL GYUR CIG; CES SO, ,RJE 'DI PA NI SNGON BSKAL PA BGRANG BA LAS 'DAS PA NAS THUGS BSKYED DE ZHING 'DIR THUB PA'I BSTAN PA SPEL BA'I SLAD DU BSAMS BZHIN DU BYON PA YIN PA DANG, THA MAL BA RNAMS KYI SNANG NGOR YANG BYANG CHUB KYI SEMS RIN PO CHE NYID THUGS DAM GYI THIL DU MDZAD DE SPYIR 'GRO BA MTHA' DAG DANG, KHYAD PAR BYANG PHYOGS GANGS RI'I KHROD KYI 'GRO BA RNAMS LA YUL PHYOGS DANG GRUB MTHA'I PHYOGS LHUNG GANG YANG MED PAR THAMS CAD BYAMS BRTZES SKYONG BAR MDZAD PAS MCHOG DMAN BAR MA THAMS CAD KYIS BSNYEN BKUR PA'I ZHING MCHOG TU BZUNG STE RANG RANG GI GCES PA'I NOR RNAMS RJE 'DI'I PHYAG TU 'BUL CI THUB BYAD PAS ZANG ZING GI YO BYANG MTHA' YAS PA BYUNG BA DE DAG THAMS CAD SKU GSUNG THUGS RTEN GSAR BZHENG DANG, RIS SU MA CHAD PA'I DGE 'DUN GYI SDE MTHA' DAG LA BSNYEN BKUR NAR MAR MDZAD CING, DE THAMS CAD KYANG BSNGO BAS RGYAS THEBS PAR MDZAD DE, DE'I TSE BSNGO BA'I TSIGS BCAD KYANG 'DI LTAR, NA MO GU RU BUDDHA BO DHI SATV'A YA, GSER

SPYANGS BTZO MA'I LHUN PO RNAM MANG PHRAS, ,BTAB PA JI BZHIN MTSAN DPE'I DPAL 'BAR BA, ,SH'AKYA'I TOG SOGS RGYAL BA SRAS BCAS LA, ,PHYAG 'CHAL YID SMON 'GRUB PA'I GROGS MDZOD CIG ,BDAG GIS SKU GSUNG THUGS RTEN BZHENGS MCHOD DANG, ,DGE 'DUN BSNYEN BKUR DBUL PHONGS TSIM BYAS SOGS, ,DGE BA 'DI DAG GIS MTSON BDAG GZHAN GYIS, ,SNGON NAS DA LTA'I BAR BSGRUBS DGE TSOGS MTHUS, ,'BRU KUN SKYE LAS BZHIN YID CAN LA, ,PHAN BDE BLA MED STER LA MED MI RUNG; ;THUB PA'I BSTAN PA LUNG RTOGS NYI 'OD KYIS, ,'CHI MED LAM BZHIN PHYOGS KUN KHYAB GYUR CIG ,'JIG RTEN KHAMS SU MI 'DOD BSKYED PA'I GZHI, PHAN TSUN RTZOD SOGS MI DGE'I TSOGS ZHI ZHING, ,RDZOGS LDAN GSAR DU BZHAD PA'I DGA' STON LA, ,'GRO KUN GTAN DU SPYOD PA NYID GYUR CIG ,GRANGS MED BGROD KYANG BZOD PA'I LAM CHEN BZHIN, ,SDUG BSNGAL GYIS MNAR 'GRO TSOGS SGROL BA'I KHUR, ,LCI YANG BZOD PA'I BYANG CHUB SEMS MCHOG DANG, ,NAM YANG 'BRAL BA MED PA NYID GYUR CIG ,THUB PAS 'GRO KUN DON CHED GRANGS MED PA'I, ,BSKAL PA GSUM DU SKU LUS LONGS SPYOD SOGS, ,BTANG BAS TSOGS GNYIS YONGS RDZOGS BYANG CHUB BRNYES, ,BDAG GI SPYOD PA'ANG DE DANG MTSUNGS PAR SHOG ,JI LTAR SMON BZHIN BSOD NAMS YE SHES KYI, ,RLABS CHEN TSOGS DAG YONGS SU RDZOGS GYUR NAS, ,SKYON BRAL YON TAN KUN GYI DPAL LDAN PA'I, ,BLA MED BYANG CHUB MYUR DU THOB GYUR CIG ,DE THOB NAS KYANG 'KHOR BAR 'KHYAMS BA'I 'GRO, ,MA LUS KUN MKHYEN RGYAL

, ,BA'I GO 'PHANG LA, ,'GOD PA'I BRTZON 'GRUS THUB PA MCHOG NYID DANG, ,MI MNYAM MED PA NYID DU BDAG GYUR CIG ,CES SO, ,DE NAS DON GRUB CES PA SA MO LUG GE LO ZLA BA DRUG PA'I NANG DU DBUS PHYOGS SU CHIBS KHA BSKYOD DE RGYAL BA THAMS CAD MKHYEN BA NGAG DBANG BLO BZANG RGYA MTSO LA GSER GYI MAndAL DANG NAM MKHA' MDZOD KYI SGO 'PHAR PHYE BA LTAR DNGOS PO TSAD MED PAS MCHOD DE DBANG LUNG MAN NGAG MTHA' DAG YONGS SU RDZOGS PA ZHIG GNANG DGOS ZHES GSOL BA 'DEBS PAR MDZAD PAS, RGYAL DBANG THAMS CAD MKHYEN PA CHEN POS DA LAM CHOS BKA' YONGS RDZOGS 'BUL THUB PA MI YONG YANG NYER MKHO GANG 'GRUB CIG 'BUL GSUNG NAS, THUB PA GTZO 'KHOR GSUM, THUGS RJE CHEN PO GTZO 'KHOR GSUM, RJE BTZUN MI G-YO MGON PO, SGROL MA GTZO 'KHOR GSUM DANG BCAS TE BKA' GDAMS LHA BZHIR GRAGS PA'I RJES GNANG, SMAN BLA BDE GSHEGS BRGYAD MTHO BRTZEGS SU BZHUGS PA'I RJES GNANG ,PAndI TA GSER GDUGS CAN GYI BZHED SROL 'JAM DKAR SHES RAB 'KHOR LO'I RJES GNANG KHRO PHU LO TZ'A BA NAS BRGYUD PA, DGE SLONG MA DPAL MA NAS BRGYUD BA'I THUGS RJE CHEN PO ZHAL BCU GCIG PA PHYAG STONG SPYAN STONG GI RIGS GTAD KYI RJES GNANG, BA RI BA'I LUGS KYI RNAM 'JOMS LJANG SNGON GYI RJES GNANG, 'JAM DBYANGS DKON MCHOG LHUN GRUB KYI YI GE'I STENG NAS PHYAG NA RDO RJE 'BYUNG PO 'DUL BYED KYI RJES GNANG GUR NAS

'BYUNG NGA, RJE BTZUN SA SKYA PA'I ZAB CHOS SU GRAGS PA DBANG GI SGROL MA DMAR MO'I RJES GNANG, 'PHAGS PA KLU SGRUB KYIS MDZAD PA'I SGRUB THABS DANG GONG MA'I PHYAG LAN LTAR KLU DBANG RGYAL PO GTZO 'KHOR LNGA'I RJES GNANG, ,MI G-YO BA'I RJES GNANG, DPAL SNAR THANG PA RIG RAL GYI PHYAG LEN DANG MTHUN BA MI G-YO CHU SRUNGS KYI RJES GNANG YAR KLUNGS PA YON TAN BKRA SHIS KYI PHYAG LEN DANG MTHUN PA, YANG DE NYID KYI PHYAG LEN DAD MTHUN PA MI G-YO BA DKAR PO GTUM PO'I RJAS GNANG, 'JAM DBYANGS MKHYEN BRTZE'I YI GE'I STENG NAS GUR NAS GSUNGS PA'I SO SOR 'BRANG MA'I RJES GNANG, RAB 'BYAMS PA RIN CHEN DPAL BZANG GI YI GE'I STENG NAS SVA'I SNGAGS 'CHANG SNYE MO SH'AKYA DPAL LA GSANG BA'I BDAG POS DNGOS SU GSUNGS PA GUR NAS 'BYUNG BA DANG 'BREL BA'I PHYAG RDOR 'BYUNG 'DUL GYI RJES GNANG MI'I DBANG DBANG BCAS PA, 'JAM DBYANGS MKHYEN BRTZE'I DBANG PHYUG GI YI GE'I STENG NAS 'OD ZER CAN GTZO RKYANG GI RJES GNANG, SPYAN SNGA NGAG DBANG CHOS GRAGS KYI YIG CHA'I STENG NAS JO PO LUGS KYI SME BRTZEGS LJANG NAG GI RJES GNANG, 'JAM DBYANGS MKHYEN BRTZE'I ZIN BRIS GYI STENG NAS SME BRTZEGS DUD KA'I RJES GNANG, RTA MGRIN LCAGS RAL CAN ZLA RGYAL LUGS SU GRAGS PA'I RJES GNANG YIG RNYING DANG MTHUN PA, RTA MGRIN SHVA NA BZHI SKOR GYI RJES GNANG JO BO CHEN PO NAS BRGYUD PA, SHE'U LO TZ'A BA'I YIG CHA'I STENG NAS JO BO CHEN PO LA 'PHAGS PA SPYAN RAS GZIGS KYIS GNANG BA'I DZAM LA DKAR PO 'BRUG ZHON GYI RJES GNANG,

, ,YANG DZAM LA SER PO DANG NAG PO GNYIS KYI RJES GNANG, SLOB DPON AA BHA YA'I BZHENG SROL CHAG LO SUM PAS MDZAD PA'I SREG BYED ME'I MTSON CHA'I YI GE'I STENG NAS GTZUG TOR 'BAR BA'I RJES GNANG, SGRUB THABS RGYA MTSO'I NANG GI RDO RJE DBYANGS CAN MA DMAR MO ZHAL GSUM PHYAG DRUG BA'I RJES GNANG, THAR RTZE NAM MKHA' DPAL BZANG GIS MDZAD PA'I YIG CHA'I STENG NAS JO BO CHEN POS YOL CHOS DBANG LA GNANG BA'I RTA MGRIN GSHOG BA CAN ZHAL GSUM PHYAG DRUG PA'I RJES GNANG ,PAndI TA NAGS KYI RIN CHEN NAS BRGYUD PA'I SENG GDONG MA DMAR MO'I RJES GNANG, SA SKYA PA'I GSER CHOS SU GRAGS PA'I SENG GDONG MA NAG MO'I RJES GNANG, YANG SA SKYA PA'I LCAGS RI MI 'DA' BA'I GSER CHOS SU GRAGS PA 'PHAGS PA 'JIG RTEN DBANG PHYUG SENG GE SGRA'I RJES GNANG, DAM PA SANGS RGYAS NAS BRGYUD PA'I 'JAM DBYANGS SMRA SENG YUM BCAS KYI RJES GNANG, PHYAG RDOR AU TZARYA'I BYABS BSRUNG DANG RJES GNANG RNAMS GSAN, GZHAN YANG JO BO CHEN PO LHA CIG NAS BRGYUD PA'I SGROL MA NYER GCIG GI SNGON 'GROR, SER LDENG NAGS KYI SGROL MA'I RJES GNANG BCAS YONGS RDZOGS DANG, DPAL LDAN LHA MO'I RJES GNANG, K'A MA RU PA NAS BRGYUD BA'I ZHAL BRAM NAG GI RJES GNANG, TSE DPAG MED DKAR BO'I RJES GNANG RNAMS GSAN, 'DI SKABS RGYAL BA THAMS CAD MKHYEN PA CHEN POS RJE 'DI BA LA RJE BDAG NYID CHEN PO'I THUGS DAM RTEN STON PA THUB PA'I DBANG PO'I SKU

BRNYAN 'PHAGS YUL LA MI NGO MA KHYAD MTSAR ZHIG GNANG STE, MNYAM MED BU RAM SHING PA'I MDO SNGAGS KYI BSTAN BA SPYI DANG, KHYAD PAR KHAMS GSUM CHOS KYI RGYAL PO TZONG KHA BA CHEN PO'I BSTAN PA'I BDAG PO MDZOD CES BSTAN PA'I BDAG POR MNGA' GSOL, DE MTHUN GZHAN GYI ZHU BA PE MED BAR DGONGS DPYAD KYIS, RGYAL KUN NGO BO BLO BZANG GRAGS SNYAN BSTAN, ,'DZIN BAR BSOD NAMS SA BON DANG DRAG LAS, ,YE SHES MCHEG GI YONGS 'DU SA BRTOL RTZER, , SPRUL SKU'I 'BRAS BZANG SMIN LA GSOL BA 'DEBS, ZHES SOGS ZHABS BRTAN GSOL 'DEBS BKA' RTZOM GSAR DU GNANG STE PHYAG TU PHUL, GSOL 'DEBS DE NYID PHYOGS MTHA' DAG LA'ANG 'GYED BAR MDZAD, DE SKABS THON PHYAG GI SKABS YAB SRAS GNYIS KA PHAN TSUN 'BRAL MI PHOD PAR SPYAN CHAB MANG DU BYUNG ZHING THUGS 'PHRENG BA'I RNAM PA CHOR MDZAD PA NA ZHABS 'BRING BA TSANG MA'ANG RGYAL BA YAB SRAS 'DI GNYIS KYI MDZAD SPYOD 'DI 'DRA SNYAM DU YAB SRAS GNYIS KAR GUS BA BLA MED THOB CING SPYAN CHAB 'BYIN PA BYUNG 'DUG STE, DE NI SKU TSE 'DIR YAB SRAS GNYIS SLAR MI MJAL BAR GNYIS KAS MKHYEN PAR MNGON NO, ,TSUL DE DAG LA RJE NYID KYIS 'DI LTAR GSUNGS TE, RGYAL BA KUN DNGOS BLO BZANG GRAGS BA DANG, ,DBYER MED GTAN GYI SKYABS GCIG THAMS CAD MKHYEN, ,PHYAG NA PADMO'I ZHAL DKYIL LEGS MJAL TE, DAM CHOS BDUD RTZI'I DGA' STON DPAG MED MYANGS, ,THUB BA'I SNANG BRNYAN DNGOS PO'I GNANG SKYES BCAS, ,STZAL NAS THUNG

, ,BSTAN BDAG PO GYIS SHIG CES, ,SH'AKYA'I RGYAL POS 'PHAGS PA 'OD SRUNGS LA, ,JI BZHIN BSTAN PA'I KHUR CHEN BDAG LA STZAL, ,BLO DMAN BDAG 'DRAS DE 'DRA'I KHUR LCI BA, ,BZOD PAR DKA' YANG RJE BTZUN BLA MA'I BKA', ,'DOR MED YANG NGAG BSGRUB NUS GYUR CIG BA'I, ,SMON LAM BZANG PO RTZE GCIG YID KYIS BTAB, ,CES SO, ,DE NAS GTZANG DU PHEBS BKRA SHIS LHUN PO'I DBYAR CHOS KYI THOG DBU MA'I GZHUNG LA SBYONG BAR BZHED DE KHYUNG PHRUG BYAMS PA BKRA SHIS KYIS MDZAD BA'I DBU MA'I SPYI DON DANG, SER RJE BTZUN BAS MDZAD BA'I DBU MA'I SPYI DON CHEN MO DANG, DBU MA'I SA LAM RNAM GZHAG YONGS RDZOGS THUGS LA BZUNG STE NYIN LTAR SNGA DRO'I CHA LA BLA BRANG NYID DU MTSAN NYID ZHABS PHYI RNAMS DANG BGRO GLENG MDZAD, DGONG MO BSKAL BZANG KHYAM RA CHEN MOR 'DUS TSOGS KYI RIGS LUNG DANG BSTUN NAS ZUR BZHI BLA MA RNAMS DANG BCAS RIGS LUNG 'CHAG MED MDZAD, PHUN TSOGS RGYA MTSOS MDZAD PA'I DBU MA'I MTHA' DPYOD DANG, SGOM SDES MDZAD BA'I DBU MA'I t'AKKI GNYIS KYANG THUGS LA BZUNG, GZHAN YANG 'JAM DBYANGS DGA' BLOS MDZAD PA'I DBU MA'I MTHA' DPYOD DANG, RJE DGE 'DUN RGYA MTSOS MDZAD PA'I LTA KHRID CHEN MO DANG, CHOS RJE BDE LEGS NYI MAS MDZAD PA'I DBU MA'I SPYI DON RNAMS KYANG THUGS LA BZUNG ZHING, 'JUG PA'I RNAM BSHAD DGONGS PA RAB GSAL YANG PHAL CHER THUGS LA BZUNG STE ZAB MO DBU MA'I LTA BA GTAN LA 'BEBS PA LA SLOB DPON ZLA BA

GRAGS BA SLAR YANG 'JIG RTEN 'DIR BYON PA LTAR LUNG DANG RIGS PA'I DBANG PHYUG CHEN POR GYUR TO, ,DE NAS RDO RJE 'DZIN BA DKON MCHOG RGYAL MTSAN SPYAN DRANGS TE RIN PO CHE'I MAndAL SOGS MCHOD SPRIN MTHA' YAS PHAS MCHOD NAS 'JAM MGON BLA MA'I BSTAN PA'I SNYING PO GRUB CAN DBEN SA PA YAB SRAS KYI SNYAN RGYUD KYI MAN NGAG ZHAL SHES DANG BCAS PA GSAN ZHING DPAL GSANG BA 'DUS BA MI BSKYOD PA'I DBANG GI STA GON DANG, DNGOS GZHI BCAS GSAN ,DE NAS RIM GYIS BDE MCHOG L'U DRIL GNYIS, TSE DPAG MED LHA DGU SOGS KYI DBANG SO SOR STA GON DANG BCAS PA, NAM MKHA' SGO 'BYED KYI DBANG, BDE MCHOG L'U DRIL GNYIS DANG RDO RJE 'JIGS BYED KYI RDZOGS RIM GYI KHRID, BYANG CHUB LAM GYI RIM PA'I KHRID, YE SHES MGON PO PHYAG DRUG PA, DAM CAN CHOS KYI RGYAL PO, DPAL LDAN DMAG ZOR RGYAL MO, DPAL MGON ZHAL BZHI PA, RGYAL CHEN RNAM SRAS RNAMS KYI RJES GNANG, THUN DRUG GI RNAL 'BYOR GYI BSHAD LUNG DANG BCAS BA DANG, BLA MA MCHOD PA'I ZAB KHRID SNYAN RGYUD MAN NGAG ZHAL SHES YONGS RDZOGS DANG, MGON BO'I BKA' CHEN BCU GSUM GYI RJES GNANG, KHYUNG NAG ME'I SPU GRI'I RJES GNANG, BCOM LDAN 'DAS DAM TSIG GSUM BKOD RGYAL PO'I DBANG GI STA GON DNGOS GZHI DANG BCAS PA, DE NYID KYI SGRUB DKYIL YONGS SU RDZOGS PA'I CHOG SGRIGS RDO RJE 'DZIN BA RANG NYID KYIS MDZAD PA'I LUNG, DPAL RDO RJE 'JIGS BYED DPA' BO GCIG PA DANG BCU GSUM MA

, ,GNYIS KYI DBANG BZHI YONGS RDZOGS SO SOR STA GON DANG BCAS PA DANG, SNGAGS BTU BA'I RJES GNANG, KHAMS GSUM 'GRO BA'I BLA MA TZONG KHA PA CHEN POS MDZAD PA'I N'A RO CHOS DRUG GI KHRID YIG YID CHES GSUM LDAN GYI STENG NAS KHRID LUNG SBRAGS MA DANG RKANG PA'I 'KHRUL 'KHOR GYI SKABS SU 'DI SKOR GYI LAG LAN RNAMS LEGS PAR GSAN, BSRE BA SKOR DGUL GSUNG BSHAD 'THUS 'DOMS CHE BA ZHIG KYANG GNANG GSUNG, GZHAN YANG PHYAG RDOR GTUM CHEN DANG GTUM CHUNG GNYIS KYI RJES GNANG, DPAL 'KHOR LO BDE MCHOG LHA LNGA'I DBANG BZHI YONGS SU RDZOGS PA, PHYAG RDOR GOS SNGON CAN GYI RJES GNANG, 'JAM DBYANGS NAG PO'I RJES GNANG, RGYAL BA'I SRAS BO THOGS MED BZANG PO DPAL GYIS MDZAD PA'I BLO SBYONG GI KHRID YIG STENG NAS KHRID LUNG SBRAGS MA, SGOM SDE THAMS CAD MKHYEN PAS MDZAD PA'I DPAL RDO RJE 'JIGS BYED CHEN PO'I BSKYED RDZOGS KYI LUNG RNAMS GSAN ZHING THUB PA DAM TSIG GSUM BKOD KYI DBANG MANG GSAN, LHAG BAR DGA' LDAN SNYAN RGYUD KYI MAN NGAG YONGS SU RDZOGS PA GSAN, DE NAS DGUNG LO NYER GNYIS PA MIG DMAR ZHES PA SHING PHO BYI BA'I LO RGYAL ZLA BA'I YAR TSES BRGYAD KYI NYIN BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU RDO RJE 'DZIN PA DKON MCHOG RGYAL MTSAN DPAL BZANG BO'I ZHAL SNGA NAS KYIS MKHAN SLOB ZUNG 'BREL DANG, SNGAGS GRVA ZHAL SNGA NAS SLOB DPON RIN PO CHE BLO BZANG MGON

BOS GSANG STON ,DKYIL KHANG ZHAL SNGA NAS MGON PO DPAL BZANG GIS GREB CHOD PA, THOS BSAM GLING ZHAL SNGA NAS BLO BZANG BYAMS PAS LHUNG BZED 'BRIM PA, SHAR RTZE ZHAL SNGA NAS BLO BZANG DPAL 'BYOR SOGS KHA SKOR DU 'OS PA DAG GIS KHA SKONG BA MDZAD DE DAD PA'I DGE 'DUN GRANGS CHANG BA'I DBUS SU BSTAN PA LA ZHUGS LA YONGS SU RDZOGS PA DGE SLOB GI SDOM PA LEGS PAR BZHES TE THUB PA'I DBANG PO SLAR YANG GANGS RI'I LJONGS 'DIR BYON PA JI LTA BAR GYUR TO, ,TSUL NGAL NI RJE NYID KYI ZHAL NAS, MKHAN CHEN RDO RJE 'DZIN BA'I DED DPON GYIS, ,BDAG BLO'I GRU CHEN LHAG BA TSUL KHRIMS KYI, ,BSLAB PA YONGS RDZOGS RIN CHEN GTER GYIS BKANG, ,BKA' DRIN CHE'O DKON MCHOG RGYAL MTSAN ZHANGS, ,GZHAN YANG SRID ZHI'I GTZUG RGYAN RDO RJE 'CHANG, ,MKHAN CHAN RNAM GNYIS BKA' DRIN LA BRTEN NAS, ,BYANG SEMS RIG 'DZIN SDOM PA'I NOR BUS KYANG, ,RNYED DKA'I DAL 'BYOR GRU CHEN BYUR BUR GTAMS, ,SDOM GSUM CHU GTAR LAS 'ONGS TSUL KHRIMS NI, ,RNAM GSUM RIN CHEN GYIS GANG GZINGS BZANG PO, ,NYON MONGS CHU SRIN CHOM RKUN MA RUNGS PAS, ,MI 'JIGS DRAN SHES SO BCAS BRTZON PAS BSRUNG, ,CI YI PHYIR NA 'JAM MGON BLA MA YIS, ,TSUL KHRIMS NYES SPYOD DRI MA 'KHRUD PA'I CHU, ,NYON MONGS TSA GDUNG SEL BA ZLA BA'I 'OD, ,SKYE DGU'I DBUS NA LHUN PO LTA BUR BRJID, ,STOBS KYIS BSDIGS BA MED BAR 'GRO KUN 'DUD, ,CES SOGS BSNGAGS

, ,PA'I TSUL LA NGES RNYED CING, ,THUB BA'I BSTAN PA YANG DAG GZUNG BAR YANG, ,LEGS PAR RTOGS PAS 'BAD DE BSRUNG BAR SMON, ,DE'ANG TSE 'DIR RNYED BKUR SNYAN GRAGS DENG, ,PHYI MA MNGON MTHO'I BDE 'BRAS THOB CHED MIN, ,'PHRAL YUN BSTAN 'GROR PHAN BDE BSGRUB PA SOGS, ,'JAM DPAL DPA' BO'I SPYOD PA JI LTAR SMON, ,'DI LAS BYUNG BA'I DGE TSOGS 'OD DKAR GYIS, ,KHAMS GSUM 'KHOR BA'I GNAS KUN KHYAB GYUR NAS, ,MAR GYUR 'GRO BA'I MA RIG MUN SANGS TE, ,SGRIB BRAL BAS LEGS LAM BZANG THOB GYUR CIG ,CES GSUNGS SO, ,RJE 'DI NI RGYAL BA TZONG KHA PA CHEN PO'I MDZAD PA RNAM THAR LTAR SHING RTA CHEN PO'I GZHUNG LUGS RNAMS LA SBYANGS PA MTHAR PHYIN PA ZHIG MDZAD BZHED NAS RNAM 'GREL DANG DBU MA GNYIS LA SBYANGS PA MTHAR PHYIN PA MDZAD NAS PHAR PHYIN GYI GZHUNG LA SBYONG BAR BZHED DE, PAn CHEN SHANTI PA'I PHAR PHYIN GYI SBYI DON DANG MTHA' DPYOD YONGS RDZOGS, ZUR BKOL RTEN 'BREL, BSAM GZUGS, DGE 'DUN NYI SHU, THOD BRGAL, SA LAM RNAM GZHAG RNAMS YONGS RDZOGS THUGS LA BZUNG STE NYIN LTAR RIGS LUNG 'CHAG MED MDZAD, DE NAS SER RJE BTZUN PAS MDZAD PA'I PHAR PHYIN GYI SPYI DON YANG PHAL CHER BZUNG ZHING, GTZO BOR LEGS BSHAD GSER PHRENG DANG RNAM BSHAD SNYING PO RGYAN GNYIS LA GZIGS TE SHER PHYIN GYI MDO SDE RIN PO CHE'I DON RJE BTZUN BYAMS PA MGON

BOS NYAMS LEN GYI RIM PAR BSGRIGS PA'I GZHUNG MNGON RTOGS RGYAN GYI DGONGS PA BYANG CHUB LAM RIM DANG SBYAR TE GTAN LA 'BEBS PA LA GDENG THOB BAR MDZAD, DE NAS 'DUL BA LA SBYONG BAR BZHED DE SE RA RJA BTZUN PAS MDZAD BA'I 'DUL BA'I YIG CHA YONGS RDZOGS BZUNG ZHING SNGA SOR 'BUL BA MDO RTZA BA YONGS RDZOGS THUGS LA BZUNG BA BAR SKABS CUNG ZAD MNYEL BA'ANG SKABS 'DER GSOS TE 'DUL BA MDO RTZA BZHAL TON DU MDZAD CING, DE DANG 'DUL t'IKA RIN CHEN PHRANG BA RTZA 'GREL SBYAR TA MTHA' DAG PAR GTAN LA PHAB, 'DUL BA NAS JI LTAR GSUNGS BA LTAR 'GRO 'CHA GNYAL 'DUG GI SPYOD LAM THAMS CAD DANG, ZAS DANG GOS DANG SMAN DANG GNAS MAL JI LTAR LONGS SPYOD BA'I TSUL RNAMS PHRA MO'ANG MA 'PHYUGS BAR PHYAG LEN LA THABS BAR MDZAD DE 'PHAGS MCHOG NYE BAR 'KHRO GANGS RI'I KHROD 'DIR SLAR YANG BYON PA JI LTA BAR GYUR TO, ,DE NAS MNGON PA MDZOD LA SBYONG BAR BZHED DE MDZOD RTZA BA DANG, DKYIL KHANG GRA TSANG GI YIG CHA MNGON BA MDZOD LUNG RIGS GTER MJOD YONGS RDZOGS THUGS LA BZUNG ZHING GZHAN YANG MNGON PA KUN BTUS SOGS RGYA BOD KYI MNGON BA'I YIG CHA PHAL MO CHE LA GZIGS TE MTHA' CHOD PAR MDZAD, DE NAS DGE BA'I BSHES GNYEN BSOD NAMS GRAGS BA YONGS 'DZIN DU BSTEN TE YONGS 'DZIN DAM PA DE NYID LA BAn CHEN THAMS CAD MKHYEN PAS MDZAD PA'I DPAL GSANG BA 'DUS PA'I KHRID LAG RJES ZHAL SHES DANG BCAS PA RDO RJE 'DZIN PA DKON MCHOG

, ,RGYAL MTSAN GYIS ZIN BRIS SU GNANG BA DANG, BYANG CHUB LAM GYI SGRON MA, RJE SANGS RGYAS YE SHES KYIS MDZAD PA'I BLO SBYONG, SNAR THANG BA'I LAM MCHOG RTZA BA, BE'U BUM SNGON PO'I RTZA PA, DE'I 'GREL PA LHA 'BRI SGANG PAS MDZAD PA, SPYOD 'JUG ,CHED DU BRJOD PA'I TSOMS, BSLAB PA KUN LAS BTUS, RJE BDAG NYID CHEN PO'I GSUNG LAM RIM CHE CHUNG GNYIS, TSUL KHRIMS LE'U'I RNAM BSHAD, BYANG CHUB GZHUNG LAM; BLA MA LNGA BCU PA'I RNAM BSHAD, RDO RJE 'CHANG CHEN PO'I LAM GYI RIM PA, BDE MCHOG RTZA RGYUD DANG DE'I 'GREL PA SPAS DON KUN GSAL, BDE MCHOG L'U AI PA'I RNAM BSHAD 'DOD 'JO, BDE MCHOG GI RDZOGS RIM DNGOS GRUB SNYE MA, L'U AI PA'I RDZOGS RIM RNAL 'BYOR CHEN PO'I KHRID, DRIL BU RIN LNGA'I RNAM BSHAD, SBAS DON LTA BA'I MIG 'BYED, L'U AI PA'I SGRUB THABS BDE CHEN GSAL PA, BDE MCHOG DRIL BU PA'I SGRUB THABS DGONGS PA RAB GSAL, RIM LNGA GSAL SGRON, YE SHES RDO RJE KUN LAS BTUS DANG DE'I 'GREL PA, LHA MO BZHI ZHUS KYI RGYUD DANG DE'I 'GREL PA, 'PHO t'A KI GSER GYI SGO 'PHYED, RNAL 'BYOR BZHI RIM GYI t'AKKI, ,'JAM DPAL ZHI KHRO GNYIS KYI BSRUNG BA DRBAN A'A TZ'ARYA'I MAN NGAG LAS BYUNG BA, 'JIGS BYED KYI RTZA'I DAG SBYOR, KYEE RDOR ZIN BRIS, BDAG MED MA'I SGRUB DKYIL ZIN BRIS, SPRIN DRIL BA'I MAN NGAG RJE THAMS CAD MKHYEN PAS MDZAD PA, MKHAS

GRUB RIN PO CHES MDZAD PA'I RTZA LTUNG RNAM BSHAD, SBOM PO BRGYAD PA'I RNAM BSHAD, BLA MA LNGA BCU PA ,RTZA LTUNG BCU BZHI PA, SPOM PO BRGYAD PA, YANG RJE'I GSUNG 'JUG PA'I RNAM BSHAD DGONGS PA RAB GSAL DANG, DRANG NGES RNAM 'BYED LEGS BSHAD SNYING PO, DE'I DKA' 'GREL THAMS CAD MKHYEN PA DGE 'DUN RGYA MTSOS MDZAD PA SOGS GSUNG PHAL CHER, GSANG PA 'DUS PA'I BSHAD RGYUD DGONGS PA LUNG STON LE'U BCU GNYIS PA, DPAL GSANG BA 'DUS PA'I BSHAD RGYUD RNAL 'BYOR CHEN PO'I RGYUD DPAL RDO RJE PHRENG BA MNGON PAR BRJOD PA, RGYUD KYI RGYAL PO DPAL GSANG BA RNAM PAR 'BYED PA ZHES BYA BA LE'U DRUG CU RTZA BRGYAD PA, YE SHES RDO RJE KUN LAS BTUS PA ZHES BYA BA'I RNAL 'BYOR CHEN PO'I RGYUD DANG, DPAL RDO RJE SNYING PO RGYAN GYI RGYUD, RNAL 'BYOR CHEN PO'I DE KHO NA NYID CES BYA BA DANG, DPAL RDO RJE 'JIGS BYED KYI RGYUD RTOG BA BDUN PA, NGAN SONG THAMS CAD YONGS SU SBYONG BA'I RGYUD KYI RGYAL PO, TING NGE 'DZIN RGYAL PO'I MDO, DPAL SDOM PA 'BYUNG BA'I RGYUD KYI RGYAL PO, DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO BRGYAD BRGYA PA, BLO SBYONG MTSON CHA 'KHOR LO DANG RMA BYA DUG 'JOMS, RGYAL SRAS BKA' 'BUM YONGS RDZOGS, BLO SBYONG DPAL YE MA, SPYAN SNGA BLO GROS RGYAL MTSAN GYIS MDZAD PA'I THOG MA'I BLO SBYONG, YANG RJE'I GSUNG BDE MCHOG DRIL BU LUS DKYIL GYI DKYIL CHOG RIN PO CHE'I BANG MDZOD DANG, RTZA SHE t'IKA CHEN,

, ,RIM LNGA GDAN RDZOGS, GZHAN YANG DUS 'KHOR BSDUS RGYUD DANG, BYAMS PA DAM BCAS KYI GZUNGS PHAN YON DANG BCAS PA, YON SBYONG PA'I GZUNGS, 'JAM DBYANGS DAM BCAS PHAN YON DANG BCAS PA, RDO RJE 'DZIN PA DKON MCHOG RGYAL MTSAN GYIS MDZAD PA'I 'JAM DBYANGS CHOS SKOR GYI RJES GNANG CHOG SGRIGS, 'JAM DBYANGS CHOS SKOR PAR LA 'KHOD PA RNAMS KYI LUNG DANG, 'JAM DBYANGS CHOS SKOR NANG GI CHOS RGYAL GSUM MA GTOGS PA'I RJES GNANG, GZHAN YANG BKA' GDAMS GLEGS BAM CHA LAG DANG BCAS PA, LAS CHEN KUN RGYAL BAS MDZAD PA'I BKA' GDAMS CHOS 'BYUNG, MKHAS GRUB SANGS RGYAS YE SHES KYI BKA' 'BUM YONGS RDZOGS, JO BO'I CHOS CHUNG BRGYA RTZA YONGS RDZOGS, RJE DGE 'DUN GRUB KYIS MDZAD PA'I THUB DBANG GI BSTOD PA BDUD DPUNG PHYE MAR 'THAGS PA, MI CHOS GNAD PHRENG, DPE CHOS RIN SPUNGS, YIG CHUNG NYER GCIG ,'DUL BA'I GLENG 'BUM CHEN MO BCAS KYI LUNG RNAMS GSAN, DE LTAR MANG DU THOS PAR GYA CHER 'TSOL BAR MDZAD CING, DE DAG GI SKABS SHING RTA CHEN PO'I GZHUNG LUGS RNAMS KYI DON LA RIGS PAS DPYAD PA NA BDE BA 'DOD KYANG RMONGS NAS SDUG BSNGAL GYI RGYU SGRUB PA'I SEMS CAN RNAMS LA SNYING RJE DANG MI RTAG SDUG BSNGAL STONG PA'I DANG TSUL DGONGS NAS NGES 'BYUNG SHUGS DRAG BO DANG SNGON BYON DAM PA RNAMS KYI RNAM THAR LA SLOB 'DOD SHUGS DRAG 'KHRUNGS SHING, LHAG PAR RJE THAMS CAD MKHYEN PAS DENG SANG GI BYED

SPYOD LTAR CHUNG DU NAS BLA CHEN GYI TSUL BZUNG NAS CHE SGROB BYED PA 'DI 'DRA MIN PAR CHOS RJE DON GRUB RIN CHEN NAS BZUNG MKHAS DANG GRUB PA'I DAM BA MANG PO'I ZHABS LA GTUGS TE GDAMS PA MANG DU GSAN PA DANG, GRVA SA CHEN PO RNAMS SU MKHAS PA BLO GSAL DON GNYER CAN RNAMS DANG MNYAM 'PHRE MDZAD DE GZHUNG LUGS LA MTHA' CHOD PAR SPYANG BAR MDZAD PA DANG, LHAG PAR RJE BTZUN 'JAM PA'I DBYANGS KYI BKAS BSKUL TE 'KHOR DAG PA RNAM BRGYAD DANG BCAS BYA BRAL LA PHEBS NAS DBAN PA'I RI SUL RNAMS SU DPON MED G-YOG MED SPYOD PA RANG DBANG 'DUS PA'I BYA BRAL GYI BRTUL ZHUGS LA GNAS TE 'TSO BA DKA' THUB MDZAD CING DPAG PAR DKA' BA'I BSAG SBYANG MDZAD PA'I RNAM THAR DE DAG LA BSAMS NA BDAG NI BLA CHEN GYI GO SAR SBYIN BDAG GRVA RIGS MANG PO'I GZHAN DBANG DU SONG STE PHA BLA MA'I RNAM THAR SKYANG BA'I DBANG MED PA 'DI LTA BU SNYAM DU THUGS SHIN TU SKYON NAS SPYAN CHAB RGYUN MA CHAD PAR BYUNG ZHING RJE BLA MA'I RNAM THAR LA SMON PA'I GSUNG MGUR 'DI LTAR MDZAD DO, NA MO GU RU SU MA TI K'IRTIYE, PHUL BYUNG BLO GROS ZAB YANGS YID BZHIN MTSOR, ,BSLAB GSUM RNAM DAG RIM GNYIS NOR BZANG POS, ,LEGS GTAMS YID CAN YONGS KYI RE SKONG ZHES, ,GRAGS BA'I RLABS PHRENG SRID GSUM G-YO KHYOD RGYAL, ,GDENGS CAN DBANG PO'I TSOGS KYI GTZUG RGYAN BZHIN, ,GANG GI ZHABS SEN PAD RAG MDANGS CHAGS PA, ,SPYI BO BDE CHEN 'KHOR LO'I STENG BKOD NAS, ,BYANG CHUB SNYING PO'I BAR DU MCHOD LA BRTZON, ,NYI 'OD GCIG GIS

, ,GRANGS MED SKAR MA'I TSOGS, ,PHAM BAR BYED BZHIN KHYOD KYI THUGS RJE'I ZER, ,GCIG GIS MA RIG SMAG TSOGS 'JOMS PA'I MTHU, ,MTHONG BAS RAB DAD BTUD DE PHYAG BGYID DO, ,JI LTAR DBYAR GYI LANG TSO BRTAS PA'I DUS, ,DGUNG SNGON DBYINGS LAS 'BRUG GI SGRA BSGRAGS TSE, ,MDONGS LDAN TSOGS RNAMS ZLOS GAR BSGYUR BA BZHIN, ,RJE YI RNAM THAR DRAN PAS YID RAB G-YOS, ,'JIG RTEN PA DAG GSER GYI GTER MTHONG DUS, ,TSE 'DE'I BDE BA BSGRUB PHYIR DER 'JUG NA, ,GTAN GYI BDE BA DAM PA STER BYED PA'I, ,RNAM THAR BZANG BA'I TSUL LA CIS MI 'JUG ,DAL 'BYOR RNYED DKA' TSE 'DI'I MDUN THABS LA, ,SNYING PO MED GZIGS BTZON KHANG DANG 'DRA BA'I, ,PHA YUL SPANGS NAS TSANGS SPYOD BRTUL ZHUGS BZHES, ,NYES LTUNG DRIS DBEN DE BZHIN BDAG KYANG BSGRUB, ,GZHON NU NYID NAS BSHES GNYEN DAM PA'I TSOGS, ,NYER BSTEN BKA' LAS MI 'DA' BSGRUB PA DANG, ,SRI ZHU BKUR STI BLA MAR BGYI MKHAS PA'I, ,'JAM MGON BLA MA'I RJES SU BDAG KYANG 'JUG, GLING BZHIR DBANG BSGYUR RGYAL PO'I DPAL THOB KYANG, ,CHU SHING LTA BUR SNYING PO MED GZIGS NAS, ,YANG DAG RDZOGS BYANG BSGRUB LA RAB GZHOL BA'I, ,RMAD BYUNG SPYOD DER BDAG KYANG 'JUG PAR SPRO, ,SDE DGON BDAG BZUNG RNYED BKUR SNYAN GRAGS PHYIR, ,BSHAD CHOS DON GNYER CHOS MIN CHOS BTAGS SU, ,GZIGS TE CHAGS ZHEN KUN BOR BYA BRAL MDZAD, ,DE LTAR BSGRUB SKAL DMAN YANG YID

KYIS SMON, ,'JAM PA'I DBYANGS SOGS BSHES GNYEN DAM PA YI, ,ZHAL GYI BUM BZANG LAS 'ONGS BDUD RTZI'I BCUD, ,DBEN PA'I GNAS SU RTZE GCIG MYANG MKHAS PA'I, ,SPYOD TSUL DER YANG YID KYIS SMON PA LAGS, ,SRID PA'I PHUN TSOGS NYES MANG MNOG CHANG BA'I, ,BDER CHAGS SDUG BSNGAL BSGRUB PA'I DRIN CAN MA, ,SGROL BA'I RLABS CHEN KHUR 'CHANG BLO BZANG GRAGS, ,KHYOD KYI SPYOD TSUL CI 'DRAR BDAG KYANG SMON, ,NYE RING SPANGS PAS CHAGS SNGA DANG SDANG PA MED, ,'JIG RTEN CHOS BRGYAD SGYU MA BRAG CA BZHIN, ,SNYING PO MED GZIGS 'GO SNYOMS MDZAD PA YI, ,BLO BZANG GRAGS PA'I RJES SU BDAG KYANG 'JUG ,LAN DANG RNAM PAR SMIN PAR MI LTA BAR, ,PHYI NANG DNGOS PO MCHOD SBYIN GTONG BA DAB, ,MI 'JIGS CHOS DANG BYAMS SOGS SBYIN PA YIS, ,'GRO DON RLABS CHEN MDZAD PA DE RJES 'JUG ,SDOM PA GSUM MNOS NYES SPYOD KUN SDOM ZHING, ,DGE BAR SPYOD DANG SEMS CAN DON BSGRUB PA'I, ,RNAM GSUM TSUL KHRIMS MTHAR PHYIN 'GRO BA'I MGON, ,BLO BZANG GRAGS PA'I RNAM THAR RJES SU SLOB, ,BRDEG 'CHOG MTSANG 'BRU GSHE SKUR SOGS MTSON GYIS BSKAL PAR BTAB KYANG YI PHIGS BZOD PA'I GO ,LEGS MAN BAS RJE BTZUN BLO BZANG GRAGS PA YI, ,GO CHE BTZAN PO DE LTAR BDAG KYANG BGO, ,GZHON NU NYID NAS JI LTA DAM BCAS PA'I, ,RLABS CHEN SPYOD PA'I KHUR CHEN CHES LCI YANG, ,MI 'DOR BZOD PA'I BRTZON 'GRUS SA GZHI LTAR, ,RAB BRTAN RJE BTZUN RDZAS SU BDAG KYANG 'DZUG ,DMIGS

, ,PA'I NGO BO GANG LA GTAD GYUR KYANG, ,LE LO LA SOGS NYES PA'I SKYON LNGA GIS, ,NAM YANG MI G-YO YON TAN LEGS 'PHEL BA'I, ,BSAM GTAN MTHAR PHYIN KHYOD RJES BDAG KYANG 'JUG ,DE YI NGANG LAS BDAG GNYIS 'DZIN PA'I NAGS, ,DRUNGS NAS 'BYIN PA'I SHES RAB ME CHEN GYIS, ,BDAG 'DZIN TSAL BCOM SHIN SBYANGS BDE 'ONG 'BAR, ,SHES RAB MTHAR PHYIN KHYOD RJES BDAG KYANG 'JUG ,BDE GSHEGS RNAMS KYI GZUGS SKU BSOD NAMS DANG, ,CHOS SKU YE SHES TSOGS KYIS BSGRUB DGOS PA, ,DE'ANG PHAR PHYIN DRUG TU 'DUS GZIGS NAS, ,BRTUN TE BSGRUB MKHAS KHYOD RJES BDAG KYANG 'JUG ,DE DAG RER YANG PHAR PHYIN DRUG CHANG DANG, ,SNYING RJE SHES RAB KYIS ZIN RANG DON SPANGS, ,BLA MED BYANG CHUB RGYU RU BSNGO BA STE, ,THABS MKHAS GSUM LDAN MDZAD PA DE RJES 'JUG ,DE LTAR RJE BTZUN BLA MA'I RNAM THAR LA, ,RJES SU YI RANG DE BSGRUB RAB SMON BA'I, ,DGE BA 'DIS MTSON ZLA 'OD LTAR DKAR KUN, 'GRO BA'I DON DU RDZOGS BYANG THOB PHYIR BSNGO, ,DENG NAS JI SRID BYANG CHUB SNYING PO'I BAR, ,BLO BZANG GRAGS PA'I SPYOD TSUL CI 'DRA BAR, ,SMON TE 'JAM DPAL DPA' BO THABS MKHAS PAS, ,'GRO DON RLABS CHEN SPYOD PA'I RJES 'GROR GYUR, THUB DBANG GNYIS BA BLO BZANG GRAGS PA YI, ,LUNG RTOGS PAD TSAL THUGS RJE'I NYI 'OD KYIS, ,PHYE LA SPYOD PA'I SKAL LDAN BHRA MA RAS, ,THEG GSUM SHIS GLU SRID MTHAR SGROGS GYUR CIG ,CES GSUNGS SO, ,DE NAS RJE ZHAL SNGA

NAS BLO BZANG MGON PO LA, DPAL GSANG BA 'DUS PA'I 'GREL BA BZHI BA SGRAGS KYI BSHAD LUNG DANG, MKHAS GRUB THAMS CAD MKHYEN PAS MDZAD PA'I DPAL RDO RJE 'JIGS BYED KYI BSKYED RIM STOD CHA KHA SKONG 'BRONG RTZE BLO GROS CHOS SKYONG GIS MDZAD PA DANG BCAS PA, 'JUG PA RANG 'GREL DANG BCAS PA, 'GREL PA DON GSAL, RJE RIN PO CHES MDZAD PA'I RTZA LTUNG RNAM BSHAD DANG, SBYIN SREG DNGOS GRUB RGYA MTSO, DPAL RDO RJE 'JIGS BYED CHEN PO'I MNGON RTOGS ZA MA TOG ,'DUL 'DZIN GRAGS PA RGYAL MTSAN GYIS MDZAD PA'I GZHI GSUM CHO GA ,BU STON THAMS CAD MKHYEN PAS MDZAD PA'I 'DUL BA'I LAS CHOG ZHAR BYUNG KHYIM PA LA PHAN GDAGS PA YAN BCAS KYI LUNG GSAN NO, ,BAR SKABS SHIG PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO'I THUGS SRAS SGRUB PA'I RGYAL MTSAN 'DZIN PA RNAMS KYI MCHOG TU GYUR PA DRUNG PA BLO BZANG DAM CHOS RGYAL MCHAN DPAL BZANG PO'I ZHAL SNGA NAS LA PHYAG CHEN GYI KHRID LUNG, 'JAM DBYANGS CHOS SKOR GYI LUNG, GCOD KHRID THAR 'DOD DENG DPON GYI KHRID LUNG RNAMS GSAN NO, ,DE NAS RDO RJE 'DZIN PA CHEN PO BLO BZANG DON GRUB LA RJE GRUB PA'I DBANG PHYUG BLO BZANG DON YOD GRUB PA'I BKA' 'BUM YONGS RDZOGS, MKHAS GRUB THAMS CAD MKHYEN PAS MDZAD PA'I 'KHRUL 'KHOR RNAM BSHAD CHEN MO, ,MYUR MDZAD YE SHES MGON PO PHYAG DRUG PA'I BE'U BUM MKHAS GRUB RJES ZHUS DAG MA, 'DUS PA'I SGRUB THABS RNAL 'BYOR DAG RIM DANG DKYIL CHOG

, ,DBANG DON DE NYID GSAL BA RNAMS KYI LUNG DANG, KUN RIG GI DBANG, 'DUL 'DZIN GRAGS PA RGYAL MTSAN GYIS MDZAD PA'I KUN RIG GI CHO GA CHEN MO DANG, 'KHRUL 'KHOR RNAM BSHAD KYI ZHAL SHES YIG CHUNG DANG YANG CHUNG SKOR GYI LUNG, RDO RJE PHRENG BA'I DBANG YONGS RDZOGS, DPAL DUS KYI 'KHOR LO'I RDUL TSON GYI DKYIL 'KHOR DU MKHAS GRUB THAMS CAD MKHYEN PA'I SGRUB DKYIL LA BRTEN NAS DBANG YONGS SU RDZOGS PA, PHRENG BA RNAM GSUM DANG SGRUB THABS RGYA MTSO RGYA GZHUNG GI LUNG, SNAR THANG BRGYA RTZA NAS 'BYUNG BA'I LHA RNAMS KYI RJES GNANG DANG DE'I GZHUNG GI LUNG, 'DUL 'DZIN BLO GROS SBAS PAS MDZAD PA'I GCOD KHRID PHUL BYUNG GSER PHRENG, SPYAN SNGA BLO GROS RGYAL MTSAN GYIS MDZAD PA'I BLO SBYONG 'JIG RTEN BYA BA'I RNAM GZHAG ,BYANG SEMS RA SGRENG PAS MDZAD PA'I BLO SBYONG CHEN MO'I LUNG, BA RI BRGYA RTZA'I RJES GNANG DANG SGRUB THABS KYI LUNG, LO TZ'A BA GRAGS PA RGYAL MTSAN GYIS BSGYUR BA'I SGRUB THABS RGYA MTSOR GRAGS PA'I RJES GNANG YONGS RDZOGS, PHYAG RDOR 'KHOR CHEN GYI DBANG BZHI YONGS RDZOGS, RGYAL BA LNGA PAS MDZAD PA'I DKYIL CHOG GI STENG NAS GSHED DMAR LHA LNGA'I DBANG DANG DKYIL CHOG GI LUNG, RJE TZONG KHA PA CHEN POS MDZAD PA'I DKYIL CHOG GI STENG NAS GSHIN RJE'I GSHED DMAR NAG LHA BCU GSUM MA GNYIS KYI DBANG, MI TRA BRGYA RTZA'I DBANG YONGS SU RDZOGS PA, RNAM SNANG MNGON BYANG, GSANG 'DUS 'JIG RTEN DBANG PHYUG,

DPAL RDO RJE 'JIGS BYED ZHED GU MA DANG RO LANGS BRGYAD SKOR, DPAL MO LUGS KYI SPYAN RAS GZIGS BCU GCIG ZHAL GTZO 'KHOR LNGA PA, BKA' GDAMS THIG LE BCU DRUG RNAMS KYI DBANG DANG, RNAM SRAS BKA' BCO LNGA, DPAL LHA DUNG SKYONG MA, LHA MO DUD SOL MA RNAMS KYI RJES GNANG, DPAL RDO RJE 'JIGS BYED DPA' BO GCIG PA'I RJES GNANG, DE'I CHOG SGRIGS SGRUL SKU NGAG DBANG BSTAN 'DZIN 'PHRIN LAS KYIS MJAD PA'I LUNG, GZHAN YANG TSOGS BDAG DMAR PO PHYAG BCU GNYIS PA, DUR KHROD BDAG PO YAB YUM, RDO RJE RAB BRTAN MA, ZHANG BLON RDO RJE BDUD 'DUL, KHRO MO SME BRTZAGS, LHA MO SHRA MA nA, RDO RJE SEMS DPA', TSE RING MCHED LNGA RNAMS KYI RJES GNANG DANG, 'JAM DBYANGS DMAR SER LA BRTEN PA'I DBYANGS GSAL GYI RJES GNANG, RTEN 'BREL SNYING PO'I RJES GNANG, BENG LCAM DRAL DANG, MGON PO PHYAG BZHI PA, GUR LHA BRGYAD, PHYAG RDOR 'KHOR CHEN, BCU GCIG ZHAL LA BRTEN PA'I MKHA' 'GRO SDE LNGA, DBYANGS CAN MA DKAR MO RNAMS KYI RDZAS GNANG, LHO BRAG GRUB CHEN LAS KYI RDO RJE'I LUGS KYI SNYAN RGYUD KYI TSE DBANG, PHYAG RDOR LA BRTEN PA'I DON DAM BYANG CHUB SEMS BSKYED KYI RJES GNANG, PHYAG RDOR SKU LNGA'I RJES GNANG, PHYAG RDOR ZHAL GSUM PHYAG DRUG PA GTZO 'KHOR DGU PA'I RJES GNANG, PHAG DKAR SHES RAB GSAL BYED DANG, KU RU KULLE GNYIS KYI RJES GNANG, TSE DPAG MED LHA LNGA PA NYE RGYUD KYI RJES GNANG TSE DBANG DU GRAGS PA, GZHAN YANG BYAMS CHOS SDE LNGA, D'U MA RIGS TSOGS DRUG ,BZHI BRGYA PA,

, ,'DUL BA MDO RTZA, MDZOD RTZA, 'JUG PA, MNGON PA KUN BTUS, TSAD MA KUN BTUS, TSAD MA SDE BDUN, SKYES RABS SO BZHI BA, LAM SGRON RANG 'GREL, RNAM BSHAD THAR LAM GSAL BYED, RNAM BSHAD SNYING PO'I RGYAN, SPYOD 'JUG DAR t'IKA, STONG THUN SKAL BZANG MIG 'BYED, BSKYED RIM DNGOS GRUB RGYA MTSO, SDOM GSUM RNAM GZHAG THUB BSTAN BYI DOR, MKHAS GRUB THAMS CAD MKHYEN PA'I GSUNG THOR BU, RJE TZONG KHA PA'I RNAM THAR DAD PA'I 'JUG NGOGS, MKHAS GRUB RJES MDZAD PA'I 'DUS PA'I ZHI RGYAS KYI SBYIN SREG ,'DUL 'DZIN GRAGS PA RGYAL MTSAN GYIS MDZAD PA'I DGE SLONG GI BSLAB BYA CHEN MO DANG KUN RIG t'IKA CHEN, BSLAB BYA GNAM RTZENG LTENG MA, BU STON CHOS 'BYUNG, BU STON THAMS CAD MKHYEN PAS MDZAD PA'I THUB PA'I RNAM THAR CHEN MO DANG, SNYING THUR BDUD MO LA SMAD PA DANG BCAS PA, SA SKYA LEGS BSHAD, SHES BYA'I MKHA' DBYINGS MA, YE SHES YON TAN BZANG PO'I BSTOD PA, BSKAL BZANG RGYAN PHRENG, 'DUL LUNG KA PA NAS BZUNG RGYAL BA'I BKA' 'GYUR RIN PO CHE YONGS RDZOGS, MGON PO PHYAG DRUG PA DANG ZHAL GYI BSKAD GSO, SPYAN SNGA BLO GROS RGYAL MTSAN GYI GSUNG 'BUM YONGS RDZOGS, DPAL DUS KYI 'KHOR LO'I 'GREL CHEN DRI MED 'OD, RGYAL BA LNGA PAS MDZAD PA'I SMAN BLA'I MDO CHOG ,'DUL BA'I LAS CHOG ,SPYAN SNGA CHOS DRUG ,RJE RIN PO CHE'I GSUNG ZIN BRIS SKOR MANG BA DANG, MKHAS GRUB RJES MDZAD PA'I RGYUD SDE SPYI RNAM, SNGAGS 'CHANG GZUNGS KYI DPAL BA DANG

BLA MA 'PHAGS PA SOGS KYI MAN NGAG GIS BRGYAN PA'I KHYUNG KHRA'I LAS TSOGS, RNAM SRAS BE'U BUM, DUR KHROD BDAG PO'I LAS TSOGS, DAM PA SANGS RGYAS KYIS MDZAD PA'I 'JAM DBYANGS CHOS SKOR, RTOGS BRJOD DPAG BSAM 'KHRI SHING, RGYAL BA LNGA PAS MDZAD PA'I BLA MA'I RNAL 'BYOR GYI SKOR, G-YANG PA CHOS RJES MDZAD PA'I RGYAL BA DGE 'DUN RGYA MTSO'I RNAM THAR ZHABS STEGS DANG BCAS PA, DZE T'A RIS MDZAD PA'I TSE DPAG MED KYI BSTOD BA SGRUB THABS DANG BCAS PA, SGRA MI SNYAN GYI TSE SGRUB BLA MA RTOGS LDAN PAS MDZAD PA'I RJE'I RNAM THAR LEGS BSHAD KUN 'DUS, RGYAL BA LNGA PA'I RNAM THAR GA BA'I STOD CHA NAS LUNG GI 'PHRO YOD PA RNAMS, RJE RIN PO CHES MDZAD PA'I 'DUL BA'I ZIN BRIS, SPYOD 'JUG SHER LE'U ZIN BRIS, BDAG BYIN RLABS KYI ZIN BRIS, MKHAS GRUB RJE SKU MCHED KYI YIG CHUNG, RJE GRAGS PA RGYAL MTSAN GYIS MDZAD PA'I RAB GNAS RNAMS KYI LUNG DANG, KUN RIG GI DBANG, NGAN SONG SBYONG BA'I DKYIL 'KHOR BCU GNYIS KYI DBANG, GDUGS DKAR LHA SO LNGA DANG BCU BDUN MA GNYIS KYI DBANG STA GON DANG BCAS PA, 'JAM DBYANGS CHOS SKOR GYI NANG GI SGROL DKAR GYI RJES GNANG DANG NYER MKHO'I LUNG 'GA' ZHIG RNAMS GSAN ZHING, LCAGS RTA SA GA ZLA BA'I TSES BCU BZHI BCO LNGA GNYIS LA DAM PA 'DI'I ZHABS DRUNG DU THEG CHEN GSO SBYONG GI SDOM PA BZHES NAS, SMYUNG BAR GNAS PA'I CHO GA JI LTAR BYA BA'I TSUL RNAMS KYANG SNGA GONG NAS DOGS GCOD MDZAD DE SBYOR DNGOS GNYIS KA RNAM PAR DAG PAR MDZAD DO, ,RJE 'DI NI LEGS TSOGS THAMS CAD

, ,KYI RTZA BA BSHES GNYEN BSTEN TSUL LA SHIN TU BZO BAR MDZAD PAS BLA CHEN GYI GO SAR BZHUGS PA TZAM LAS BLA MA RNAMS LA CHE 'GYING NAM YANG MI MDZAD BAR SHIN TU GUS PAS PHYAG 'TSAL ZHING MCHOD PA'I DNGOS PO YID DU 'ONG BA MTHA' DAG GIS MCHOD CING BKA' BZHIN SGRUB PA LAS NAM YANG MI G-YEL BAR MDZAD DE RJE NYID KYI ZHAL NAS, THOS PA'I TSOM LAS, THOS PAS CHOS RNAMS SHES PAR 'GYUR, ,THOS PAS SDIG LAS LDOG PAR BYED ,THOS PAS DON MA YIN PA SPONG, ,THOS BAS MYA NGAN 'DAS PA THOB, ,CES DANG, SDIG PA DANG NI DGE BA'I CHOS, ,MA THOS BAR DU SHES MI 'GYUR, ,MIG LDAN MAR ME YOD PA YIS, ,GZUGS RNAMS MTHONG BA JI LTA BAR, ,DE BZHIN DGE DANG SDIG PA'I CHOS,, THOS BAS RNAM BAR SHES PAR 'GYUR, ,ZHES SOGS GSUNGS PA LTAR RGYAL BA'I BKA' DANG DE'I DGONGS 'GREL GYI BSTAN BCOS MANG BO'I LUNG THOB PAR 'DOD PA DANG, DE'ANG BDAG NYID LTA BU'I BLO DMAN GYIS THOS PA TZAM GYIS DGONGS DON ZAB MO RNAMS RTOGS DKA' BAS RTAG TU DGE BA'I BSHES GNYEN DAM PA DANG MI 'BRAL BAR BYA DGOS SNYAM STE, SGRA GOR NAS MKHAN CHEN RDO RJE 'DZIN PA CHEN PO DANG, KHYAB BDAG 'KHOR LO'I MGON PO BLO BZANG DON GRUB PA'I ZHAL SNGA NAS DANG, BKA' DRIN MTSUNGS MED BSOD NAMS GRAGS PA'I ZHAL SNGA NAS GSUM LA'ANG BLA BRANG RANG DU BZHUGS DGOS PA'I GSOL BA BTAB, DE YANG DGE BA'I BSHES GNYEN PO TO BA CHEN PO'I ZHAL NAS, RNAM GROL BSGRUB PA LA BLA

MA LAS GAL CHE BA MED DE, TSE 'DI'I BYA BA BLTAS NAS BYAS CHOG BA LA YANG SLOB MKHAN MED PAR MI 'ONG NA NGAN SONG NAS 'ONG MA THAG PA 'GRO MA MYONG BA'I SAR 'GRO BA LA BLA MA MED PAR GA NA 'ONG, GSUNGS PA DE MAD SNYAM PA BYUNG, DA YANG GO SA'I DBANG GIS BLA CHEN GYI 'GYING TSUL LA GNAS DGOS PA TZAM MA GTOGS BSHES GNYEN DAM PA DE DAG LA MI GUS PA SKAD CIG TZAM YANG SKYE MA MYONG ZHING, PO TO BAS SPYAN SNGA'I GRVA PA RNAMS LA, KHYED NGA'I DGE BSHES BYANG CHUB SEMS DPA' 'DI LTA PU DANG 'PHRAD NAS BKA' BZHIN BSGRUB TU YOD PA BSOD NAMS CHE'O, ,ZHES GSUNGS PA LTAR 'DI DAG LTA BU'I BSHES GNYEN DAM PA DANG MJAL PA BSOD NAMS CHA ZHING SKAL BA BZANG SNYAM PA DANG, YANG DAM PA DE NYID KYI GSUNG GI 'PHROS LAS DA KHUR DU MI 'GRO BAR RGYAN DU 'GRO BAR GYIS SHIG GSUNGS PA YANG MDO PAS DE BZHIN DU BGYI'O SNYAM PA YANG BYUNG, DRAG SHUL CAN GYIS ZHUS PA'I MDO LAS, CHIGS BCAD GCIG NYAN NA DE'I CHIG 'BRU'I GRANGS DANG MNYAM PA'I BSKAL PAR BDE BA'I YO BYAD THAMS CAD KYIS MCHOD KYANG, DE'I DRIN LAN MI 'KHOR GSUNGS PA LTAR, BDAG NYID KYIS KYANG DE DAG BLO LA BCANGS NAS GUS MCHOD JI LTAR BYAS RUNG DRIN 'KHOR THABS MA MCHIS MOD, 'ON KYANG SGO GSUM MI PHYED DANG BA'I SGO NAS DUS DANG RNAM PA KUN TU BLA MAR BGYIS SHING, DBANG LUNG MAN NGAG SOGS ZHU BA'I SKABS SU SKYES RABS LAS, RAB TU DMA' BA'I STAN LA 'DUG ,DUL BA'I DPAL NI RNAM PAR SKYED, ,CES SOGS GSUNGS PA BZHIN, SLOB DPON STAN MTHON PO'I

, ,STENG DU BZHUGS SU GSOL, BDAG NYID KYIS KHENGS PA BSKYUNGS TE DMA' BAR BSDAD, PHYAG SOGS YAN LAG BDUN PA MAndAL DANG BCAS PHUL BAS MTSON PA'I GUS MCHOD DANG, SKABS MTSAMS SO SOR DNGOS PO'I YON DANG, RGYUN PAR YANG NYER SEMS YANG DAG BGYIS SO, ,ZHES GSUNGS PA LTAR RO, ,DE LTAR YONGS 'DZIN DAM PA MANG PO LAS CHOS RGYA CHER GSAN PA'I TSUL DE DAG LA NI RJE RANG NYID KYI ZHAL NAS, RDO RJE 'CHANG DNGOS BLO BZANG DON GRUB DANG, ,'DUL 'DZIN BSOD NAMS GRAGS PA'I ZHABS BSTEN NAS, ,DBANG LUNG MAN NGAG BDUD RTZI'I RGYUN 'THUNGS TE, ,THOS BSAM SGOM PA'I RO MCHOG SPEL MAR MYANGS, ,LUS SEMS NGAL BRGYAS BSGRUBS PA SGYU MA'I NOR, ,BDAG 'DZIN LCAGS SGROG GIS BCINGS SPYAD MI BZOD, ,PHANGS MED BDAG LA GTAD NAS 'DI PHYI YI, ,SKYABS GNAS BCOL BA'I 'GRO BA GRANGS MED GDA', ,BDAG LA DE DAG SKYOB PA'I NUS MED KYANG, ,MCHOG GSUM DAM PA'I RTEN GSUM BZHENGS MCHOD DANG, ,DGE 'DUN BSNYEN BKUR DBUL PHONGS SPYIN GTONG RGYUR, ,BSNGOS LAS BDAG TU GZUNG BA'I DNGOS PO MED, ,TSUL 'DI GZUR GNAS MKHAS PAS BRTAGS GYUR NA, ,DRIN LAN LEGS GZHAL RE 'BRAS CHUD MA ZOS, ,DKON MCHOG THUGS RJE'I NUS PA MTHU BTZAN PAS, ,RE BLTOS BCAS PA NGAN 'GROR LTUNG MI SRID, ,RANG GZHAN SKYE 'PHAGS KUN GYIS DUS GSUM DU, ,BSAGS PA'I DGE TSOGS MKHA' MNYAM DRIN CAN MA, ,BLA MED BYANG CHUB

THOB PA'I RGYUR BSNGO ZHING, ,BDAG KYANG DE DAG KUN GYI 'DREN PAR SMON, ,ZHES GSUNGS SO, ,DE LTAR GSAN SBYONG MDZAD PA'I SKABS RNAMS SU'ANG PHYOGS PHYOGS NAS 'DUS PA'I CHOS DON GNYER CAR RNAMS LA RANG RANG GI DBANG PO DANG 'TSAM PA'I CHOS KYI BDUD RTZI BRGYUD MAR STZAL, KHYAD PAR BKRA SHIS LHUN PO'I SNGAGS GRVAR BZHUGS PA'I DGE BA'I BSHES GNYEN RNAMS KYIS GSOL BA BTAB NAS SNGAGS GRVA BA TSANG MA'I THOG PHYOGS PHYOGS NAS 'DUS PA'I BLA CHEN MANG PO DANG BCAS PA LA RDO RJE 'JIGS BYED BCU GSUM MA'I DKYIL 'KHOR DU STA GON DANG DBANG BZHI YONGS SU RDZOGS PA RJE RGYAL BA GNYIS PA'I THUGS KYI BCUD PHYUNG PA'I SNGAGS KYI ZAB BSHAD RGYAS PA DANG BCAS STZAL, DGE 'DUN 'DUS BRGYA MTSO'I TSOGS LA'ANG DBANG DANG RJES GNANG RIM PAR STZAL TE THOG MAR RI PO DGA' LDAN PA'I THUN MONG MIN PA'I ZAB CHOS 'JAM DBYANGS CHOS SKOR YONGS RDZOGS KYI RJES GNANG DANG LUNG, CHOS SPYOD RAB GSAL SOGS CHOS KYI 'KHOR LO BRGYUD MAR BSKOR, SLAR YANG RJE ZHAL SNGA NAS 'JAM DBYANGS CHOS 'PHEL GYIS GSOL BA BTAB NAS DGE BA'I BSHES GNYEN RAGS BSDUS SHIG LA RDO RJE 'JIGS BYED LHA BCU GSUM MA'I DBANG CHEN RGYAS PAR GNANG, BAR SKABS SHIG BKRA SHIS RTZE PA YUM SRAS KYIS ZHABS BRTAN PHUL BAR THUGS DGYES PA CHEN POS RTEN 'BREL LEGS PO BYUNG ZHES SMON LAM 'DI LTAR MDZAD DE, NA MO GU RU SH'AKYA MU NA YE, BTZO SBYANGS SA ZLA'I LHUN POR RTA BDUN RGYAL, ,'BUM PHRAG ZER STONG SPRO BAS RAB

, ,SPUD KYANG, ,BSGRUN PAR MI NUS MTSAN DPE'I DPAL 'BAR BA, ,MNYAM MED ZAS GTZANG SRAS POS DGE LEGS STZOL, ,BKA' DRIN MTSUNGS MED GANGS CAN 'GRO BA'I MGON, ,THAMS CAD MKHYEN BA BLO BZANG RGYA MTSO'I SDE; ;LHA CHOS BDUN LDAN DKON MCHOG RGYAL MTSAN TE, ,MKHAN CHEN RNAM GNYIS ZHABS RDUL SPYI BOR BSTEN, ,DUS GSUM PHYOGS BCU'I SANGS RGYAS THAMS CAD DANG, ,BRGYAD KHRI BZHI STONG NAD 'JOMS SMAN MCHOG CHOS, ,TSUL BZHIN BSGRUB PA THEG GSUM DAG 'DUN TE, ,RIN CHEN RNAM PA GSUM LA MGOS PHYAG 'TSAL, ,BEM GZUGS YID BZHIN NOR BUR GSOL BTAB PAS, ,YID LA 'DOD DGU'I 'BYOR PA KUN 'BYUNG NA, ,RDZUN SPANGS BDEN GSUNG RGYAL BA'I BDEN PA YIS, ,BDAG GI SMON LAM JI BZHIN CIS MI 'GRUB, ,DES NA BLA MA RGYAL BA SRAS DANG BCAS, ,DVANGS PA'I MKHA' LA RGYU SKAR GSAL JI BZHIN, ,DAD LDAN SMON PA'I ZHING DU LEGS BZHUGS LA, ,RE BA JI BZHIN 'GRUB PA'I GROGS MDZOD CIG ,SO THAR RIS BDUN YON TAN GZHI RTEN DU, ,RGYAL BAS GSUNGS BZHIN GRANGS MED DRIN CAN MA, ,RIM GYIS DE SGOR 'JUG DANG KHYAD PAR DU, ,DUR SMRIG 'DZIN BAS LJONGS 'DIR 'GENGS NUS SHOG ,DE DAG KUN KYANG MI DGE BCU BRAL ZHING, ,RNAM DAG BSLAB GSUM LDAN PA'I DGE SBYONG MCHOG, TSUL KHRIMS BSUNG ZHIM 'THUL BA'I YONGS 'DU CHE, ,BSTAN 'PHROR PHAN BDE STER NUS NYID GYUR CIG ,SRID MTSOR 'KHYAMS PA'I PHAM GRANGS MED TSOGS, ,PHYAG GIS DRANGS NAS THAMS CAD MKHYEN GLENG DU, ,SGROL BA'I NUS PA RGYAL BA RNAMS LA'ANG

MED, DES NA THABS MKHAS GRU 'DIS SGROL NUS SHOG ,RANG RANG GRUB MTHAR ZHUGS PA'I KHRIMS LDAN TSOGS, ,KUN KYANG THUB BSTAN NYID DU KHYAD MED LA, ,PHYOGS LHUNG GDON GYIS BSKYOD SHUGS MI LDANG BAR, ,GRU NANG SKYES BU BZHIN DU THUGS MTHUN SHOG ,'JIG RTEN KHAMS KYI BDE SKYID MA LUS PA, ,THAMS CAD THUB PA'I BSTAN LA RAG LAS PAS, ,DUR SMRIG RGYAL MTSAN 'DZIN PA'I TSOGS RNAMS KYIS, ,TSUL KHRIMS RIN CHEN GTER BUM GCES 'DZIN SHOG ,THUB BSTAN SO SO THAR PA RIS BDUN DANG, ,KHYAD PAR TSANGS SPYOD DPAL LDAN DGE SBYONG GIS, ,PADMO'I TSAL LA BUNG BA'I TSOGS JI BZHIN, ,'DZIN MA'I LTO 'DI BDAG GIS 'GENG NUS SHOG ,'DI LTAR SMON LAM LHAG BSAM DAG SGO NAS, ,BTAB PA'I DGE PAS TSE RABS THAMS CAD DU, ,MTHO RIS YON TAN BDUN LDAN RTEN THOB STE, ,RTAG TU DGE SPYOD DNGOS PO THOB PAR SHOG ,DE THOB NAS KYANG PHA MAR GYUR PA'I 'GRO, THABS MKHAS 'DI YIS SGROL LA MI ZHUM PA'I, ,SNYING STOBS PHUL BYUNG NAM YANG MI 'DOR SOGS, ,KUN BZANG SPYOD KUN BDAG GIS SPYOD GYUR CIG ,CES SO, ,RJE 'DI LA RGYA BOD HOR GSUM NAS MAndAL DANG MKHO DGU'I YO BYAD 'BUL MI GRANGS KYIS MI LANG BA LA BKRA SHIS RTZE PAS MAndAL PHUL BA 'DI LA LHAG PAR DGYES TSOR CHE BAS SMON TSIG 'DI LTAR MDZAD PA NI MA 'ONGS PA'I 'BYUNG 'GYUR LA DGONGS PAR MNGON NO, ,DE SKABS GONG MA CHEN PO'I GSER YIG PA GSER SRANG LNGA BRGYA DANG DNGUL SRANG NYIS STONG GIS GTZOS PA'I DNGOS PO TSAD MED PA DANG BCAS 'BUL MI GNANG BA 'BYOR PAR ^ GONG MA CHEN PO'I BKA' NGAG LA NGA'I PA'I

, ,THOG RGYAL DBANG THAMS CAD MKHYEN PA SPYAN DRANGS PAS BSTAN 'GROR PHAN CHE ZHING RGYA BOD LUGS LEGS PA BYUNG, NGA RGOS SBOG THO PAn CHEN GYIS RGYAL BA'I BSTAN PA DANG SEMS CAN GYI DON LA DGONGS NAS RGYA NAG TU PHEBS DGOS TSUL GSER YIG DANG BKA' NGAG BCAS BYUNG BA'I THOG SDE SRID RIN PO CHE NAS KYANG ^ GONG MA CHEN PO'I BKA' 'DI 'DRA PHEBS PA RMI LAM DU BSGUGS PA MNGON SUM DU BYUNG BA LTA BU YIN 'DUG BAS DA LAM CIS KYANG PHEBS DGOS ZHES ZHU BA MDZAD PAR RJE 'DI PA NI GSER DANG BONG BA MNYAM, NAM MKHA' DANG LAG MTHIL DU MNYAM PA'I THUGS MNGA' BA YIN GSHIS RGYA NAG TU 'BYON PA DGAG BYA CHE ZHING DGOS PA CHUNG BAR GZIGS NAS GONG MA'I GSER YIG PA RNAMS LA BKA' 'DI LTAR GNANG STE, DNGOS GZHI GONG MA CHEN PO MCHOG TU DGYES PA'I BKA' LUNG YIN 'DUG KYANG 'BRUM PA MA THAR PAS 'GRO BSKYOD CI LA 'ONG RUNG, GONG MA'I THAM KHA LA BLTAS NAS ZHIB CHA RJES LA YONG BKA' PHEBS SHING, MGRON GNYER LA YANG KHONG MI SNA RNAMS LA ZHUS PA BZHIN DE RIGS BSLAB STON SPANG BLANG ZHU THUB MDOG MA KHA BAS DGONGS SEL GYI ZHU YIG 'THUS PA BYED GSUNGS SHING, 'JAM DBYANGS ^ GONG MA CHEN POR YANG ZHU YIG RTEN SBRAGS DANG BCAS RGYA NAG PHYOGS SU 'GRO BA LA 'BRUM DOGS KYIS BAG GZON BYED DGOS SOGS RGYU MTSAN ZHIB 'THUS GNANG ,DE MTSUNGS MI SNA RNAMS LA YANG NGAG MAR, DNGOS GZHI GONG MA CHEN PO SHIN TU DGYES SHING SPYAN BSKYANGS CHE BA'I BSLAB STON YIN 'DUG GSHIS BKA' DAD LEN ZHU SPRO YANG,

SPYIR THOS BSAM PHYED PA'I 'PHRO YIN PAR MA ZAD 'BRUM PA'I NAD MTHAR BAS 'DIR YANG DUS RGYUN DU 'BRUM NAD LA PAG GZON GYIS BCAD MTSAMS DAM POR SDOD DGOS PA BCAS DGAG BYA CHE BA DANG, YANG SGRES SU BDAG LTA BU ZHIG GIS BSTAN PA DANG SEMS CAN LA PHAN DKA' GSHIS 'GRO 'DUG NGAL BTZAM LAS DGOS PA CHUNG BA BCAS SPYI SGOS GANG SA NAS DGONGS PA ZHU DGOS KYI ZHU YIG ZHIB 'THUS PHUL YOD PAS, KHYED RNAMS KYIS KYANG ^ GONG MA CHEN PO'I SKU ZHABS SU DE LUGS BZHIN DGONGS BA RTZA , YANGS BRTZE BAS GZIGS DGOS PA'I BSLAB STON GANG DRAG ZHU GROGS MDZOD GSUNGS SHING ,MGRON GNYER 'BRI LUNG PAR YANG SDE SRID RIN PO CHE'I ZHU YIG TU ZHIB 'THUS PHUL YOD PA LTAR DGONGS YANGS THUGS RJE CHE DGOS PA'I BSLAB STON ZHU GROGS, MDZOD CES GSUNGS SHING, DE MTHUN ^ GONG MA'I ZHU LAN DU'ANG DE LTAR 'BUL BAR MDZAD, YANG DE'I PHYI LO GONG MA CHEN PO NAS GSER DNGUL LA SOGS PA'I YO BYAD PHON CHE BA DANG BCAS YANG SKYAR RJE 'DI PA PHO BRANG DU GDAN 'DREN PA'I GSER YIG DANG BKA' NGAG BCAS 'BYOR PA, MI SNA RNAMS KYI NGAG NAS 'DI LTAR ZHU BA BYUNG STE, ^ GONG MA RGYAL PO'I BKA' LA PAn CHEN MCHOG GI SPRUL SKU RIN PO CHE SNGA SOR GDAN 'DREN BTANG YANG BYON PA MA BYUNG, DA LA MA CIS KYANG 'BYON DGOS TSUL GSER YIG DANG BKA' NGAG MA BCAS BYUNG BAR RJE 'DIS LAN DU 'DI LTAR GSUNGS TE, DED LA LUNG RTOGS KYI YON TAN CI YANG MED PAR SHAR PHYOGS ^ GONG MA'I RGYAL KHAB TU YONG DGOS BKA' STZAL PHEBS PA BDAG NYID LA GZIGS PA SHIN

, ,TU MTHO BA'I BKA' STZAL YIN 'DUG KYANG, 'BRUM NAD LA 'DZEM DGOS KYI DGAG BYA CHE BA BCAS KHAS LEN ZHU MI NUS 'DUG PAS, DE DON LTAR KHYED MI SNA SBREL POS KYANG ZHU GANG LEGS KYI SGO NAS DGONGS KHROL YONG BA'I GROGS DAN DGOS TSUL GSUNGS NAS PHEBS PAR MA BZHED, SDE SRID RIN PO CHE NAS ^ GONG MA CHEN PO'I BKA' BCAG NA SKU NYID RANG LA YA YUD YONG ZHING RGYA BOD KYI BSTAN SRID LA'ANG MI 'GA BCOS TSA NAN ZHUS 'DUG KYANG RJE 'DI PA NI SRID GSUM SGYU MA DANG RMI LAM LTAR GZIGS SHING SEMS CAN LA PHAN NA NI DMYAL BA'I ME NANG DU'ANG 'BYON PAR BZHED LA, DE LTA MIN NA RANG DON DU NI TSANGS PA DANG BRGYA BYIN GYI DPAL YANG MI BZHED CING, RANG DON DU THAR PA'I BDE BA'ANG SGRUB PAR MI BZHED NA TSE 'DI'I PHUN TSOGS LA THUGS CHAGS PA'I GO SKABS GA LA YOD, TSUL 'DI NI BDAG GI DRIN CAN RTZA BA'I BLA MA RJE BTZUN THAMS CAD MKHYEN PA 'DI'I RNAM PAR THAR PA THUN MONG MIN PA ZHIG STE, DENG SANG SNYIGS MA LNGA CHES CHER BDO BAS SKYE BO PHAL CHER TSE 'DI'I LTO GOS TZAM ZHIG DON DU GNYER BA LAS CHOS LA SEMS PA'I GO SKABS BRAL ZHING, CHOS PAR RLOM PA PHAL MO CHE YANG TSE 'DI'I RNYED BKUR NGAN NGAN RE LA CHAGS NAS SGO GSUM GYI SPYOD PA CI BYED RNYED BKUR SNYAN GRAGS SGRUB PA'I THABS KHO NAR BYED PA LAS CHO 'DI'I 'KHRI BA BCAD DE RGYAL BA DGYES PA'I LAM LA SLOB PA NYIN MO'I SKAR MA LTAR DKON PA'I DUS MTHA' 'DIR, YANGS PA'I SA CHEN

PO LA STOBS KYIS 'KHOR LOS BSGYUR BA GONG MA BDAG PO CHEN POS GUS PAS MCHOD PA'ANG BDAG GIR MI MDZAD CING RI DVAGS LA SHA BYIN PA LTAR TSUL 'DIS RKYEN BYAS NAS SRID PA'I PHUN TSOGS MTHA' DAG LA CHES CHER SKRAG PAR MDZAD PA 'DI 'DRA BA'I RNAM PAR THAR PA NI BLO GZU BOR GNAS PA RNAMS KYIS LEGS PAR BSAMS NA SNYIGS MA LNGA BDO BA'I DUS MTHA' 'DIR 'DI 'DRA BA'I BDAG NYID CHEN PO BYON PA NI SNYIGS MA'I 'GRO BA RNAMS MGON DANG BCAS SO SNYAM DU SNYING NAS DAD CING GUS PAS GSOL BA GDAB PAR BYA BA'I GNAS SO, ,TSUL 'DI DAG LA NI RJE RANG NYID KYI ZHAL NAS 'DI LTAR GSUNGS TE, MKHAN SLOB KYI SPYAN SNGAR JI LTAR KHAS BLANGS PA'I LHAG PA TSUL KHRIMS KYI BSLAB PA RIN PO CHER GCES SPRAS SU BYED PA'I SGO NAS YI DAM GYI LHA DU MA'I BSNYEN SGRUB LA BRTZON PAR BYAR YOD PA DANG, GONG MA CHEN POR DGONGS PA ZHU BDE PA SOGS 'BRUM PA MA THAR BA YANG RKYEN NGAN DGE BA'I BSHES GNYEN DU CHE BA BYUNG NGO, ,SMRAS PA, DAL 'BYOR RTEN BZANG LAN CIG THOB DUS 'DIR, ,RTZE GCIG DAM CHOS BSGRUB PA'I LONG MED PAR, ,RTAG TU GZHAN NGO BSRUNG BAS 'DA' DGOS SKABS, ,'BRUM NAD MA THAR BA YANG GROGS SU BZANG, ,SA YI TSANGS PA 'JAM DBYANGS GONG MA'I BKAS, ,SBYANGS STOBS YON TAN CHUNG BA'I SNYOM LAS PA, ,BDAG 'DRAR SHAR PHYOGS GONG MA'I RGYAL KHAB TU, ,BSTAN 'GRO'I PHAN BDE SPEL PHYIR SHOG CES GSUNGS, ,BKA' NAN LCI BA RI GZAR RBAB LTA BU, ,BZLOG PAR DKA' ZHING BSTAN

, ,'GROR PAN GYUR NA, ,'GRO BAR SMON YANG RNAM G-YENG MI 'PHEL BA, ,RKYEN NGAN DGE BA'I BSHES GNYEN CHEN POR BYUNG, ,MDO RGYUD ZAB DON DPAG PAR DKA' BA'I GNAD, ,TSUL BZHIN MA RTOGS RGYA CHE'I BSHAD RTZOM SOGS, ,MKHAS BYA'I GNAS LUGS KUN LA MI MKHAS KYANG, ,SPROS PA'I MTSAN MA RNAMS LA BDAG MI SPRO, ,DE PHYIR RTAG TU TSUL KHRIMS GTZANG LDAN ZHING, ,RIS MED BSTAN 'GROR GUS DANG BRTZE SEMS KYIS, ,THUB BSTAN NYAMS PA MED PAR 'DZIN PA LA, ,BLO BZANG GRAGS PA'I DPAL DANG MTSUNGS GYUR CIG ,CES GSUNGS SO, ,DE NAS SDE SRID RIN PO CHES ZHU SAM ZHIG LA SNGA SOR GONG SA LNGA PA CHEN PO CHU KHYI HOR ZLA GNYIS PA'I TSES NYER LNGA LA ZHING GSHEGS KYANG RE SHIG GSANG BA MI BYED DKA' MED BYUNG ZHING DA CHA MCHOG GI SPRUL SKU MTSO SNA PHYOGS SU 'KHRUL BRAL BABS NAS GDAN 'DREN RTZIS YIN PAS PAn CHEN RIN PO CHE NYID DGE TSUL GYI MKHAN POR SNA DKAR RTZER PHEBS DGOS TSUL ZHUS PAR RJE 'DIS KYANG THUGS DGYES BZHIN DU ZHAL GYIS BZHES TE CHIBS KHA BSGYUR NAS SNA DKAR RTZER PHEBS TE DUS CHOS KHYAD PAR CAN GYI NYIN SNA DKAR RTZE'I GZIM CHUNG DU RJE 'DIS MKHAN SLOB SBRAGS MA MDZAD DE, RGYAL BA LNGA PA CHEN PO'I MCHOG GI SPRUL PA'I SKU LA, DGE BSNYEN, BAR MA RAB BYUNG, DGE TSUL GYI SDOM PA RNAMS RIM GYIS PHUL TE BLO BZANG RIN CHEN TSANGS DBYANGS RGYA MTSO ZHES MTSAN GSOL, DE NAS CHOS KYI THOG MAR 'JAM DPAL MTSAN BRJOD DANG, TSE MDO ,

GDUGS DKAR, SGROL BSTOD PHYAG 'TSAL NYER GCIG ,SHER SNYING, 'DA' KHA YE SHES, SMON LAM RNAM GSUM, BSTOD CHEN BZHI SOGS KYI LUNG DANG, RJE TZONG KHA PA CHEN PO'I BKA' 'BUM THOR BU, RNAM THAR DAD PA'I 'JUG NGOGS , THAMS CAD MKHYEN PA DGE 'DUN RGYA MTSO'I GSUNG 'BUM LAS RJE RANG NYID KYI RNAM THAR DANG, YAB RJE KUN DGA' RGYAL MTSAN GYI RNAM THAR GYI LUNG BCAS 'BUL BAR MDZAD, DE NAS RIM GYIS RGYAL BA DGE 'DUN RGYA MTSO'I GSUNG 'BUM GYI LUNG RNAMS PHUL, DE NAS PHO BRANG PO TA LAR PHEBS NAS GONG SA MCHOG GI SPRUL PA'I SKU LA DPAL RDO RJE 'JIGS BYED LHA BCU GSUM MA'I DBANG BZHI YONGS SU RDZOGS PA 'BUL BAR MDZAD CING GZHUNG SA NAS BSKUL MA MDZAD PA LTAR RGYAL DBANG LNGA PA CHEN PO'I SKU GDUNG RIL POR BZHUGS PA'I GSER GYI MCHOD SDONG 'DZAM GLING RGYAN GCIG LA RAB TU GNAS PA RGYAS PAR MDZAD, DE NAS RGYUD STOD SMAD SE 'BRAS SOGS DBUS PHYOGS KYI CHOS DON GNYER BA RNAMS LA RANG RANG GI DBANG PO DANG 'TSAM PA'I CHOS KYI BDUD RTZI RGYA CHER STZAL ZHING RAB BYUNG BSNYEN RDZOGS NAR MAR SGRUB PAR MDZAD, DE NAS DGA' LDAN RNAM BAR RGYAL BA'I GLING DU PHEBS TE RJE BDAG NYID CHEN PO'I GSAR KHRI'I STENG NAS DGA' LDAN 'DUS TSOGS DANG PHYOGS 'DUS KYI DAD LDAN BGRANG BA LAS 'DAS PA LA CHOS KYI BDUD RTZI STZAL ZHING YAR NGO'I GSO SBYONG DANG DUS 'GRIG PAS CHOS BSGRAGS KYI MDO DANG SO THAR GYI MDO 'DON PA SOGS GSO SBYONG MDZAD DE RJE RGYAL BA GNYIS PA'I

, ,BSTAN PA RIN PO CHE DAR ZHING RGYAS LA YUN RING DU GNAS PA'I RTEN 'BREL BSGRIG BAR MDZAD, DE SKABS DGA' LDAN SKU GDUNG RIN PO CHE'I DBU THOG TU GSO BZANG BSGRIGS KYI GNAM RGYAN DANG, GSER KHRI'I DBU THOG TU GSER ZANGS KYI GANYDZI RA GSAR BZHENGS KYI THEBS DNGOS PO PHON CHE BA GNANG, GSER GDUNG RIN PO CHE'I SKU MDUN DU MCHOD PA TSAD MED PA PHUL TE SMON LAM RGYA CHER MDZAD, DGA' LDAN DU GLING SKOR ZHIG LA PHEBS SKABS NAM MKHA' LA 'JA' KHA DOG SNA LNGAS KHYAB PA SOGS PHYI NANG GI RTAGS RTEN 'BREL NGO MTSAR MTHA' YAS PA BYUNG, TSUL DE DAG LA RDZE NYID KYI ZHAL NAS 'DI LTAR GSUNGS TE, NA MO GU RU MANYDZU GHO sh'A YA, MANG MANG RGYAL BA'I YAB GCIG 'JAM PA'I DBYANGS, ,LEGS LEGS NGUR SMRIG 'DZIN PA'I SKUR BSTAN NAS, ,YANG YANG 'KHOR MTSOR 'KHYAMS PA'I DRIN CAN MA, ,NGES NGES LEGS LAM 'KHRID MKHAS DER PHYAG 'TSAL, ,BKA' BSTAN DU MAR LUNG BSTAN 'JAM MGON RJE'I, ,GDAN SA RI BO DGE LDAN RTEN GSUM DANG, ,BSLAB PA GSUM LDAN MKHAS MANG 'DUS PA'I TSOGS, ,MNGON SUM MJAL BAS YID KYI LJON PA BRTAS, ,JI LTAR DVANGS MTSOR DANG TSOGS DGA' ROL BZHIN, ,DAD PA'I SHUGS KYIS RTEN GSUM DGE 'DUN SDER, ,GUS PAS MCHOD SOGS BSNYEN BKUR BGYIS PA YI, ,RAB DKAR BSOD NAMS JI SNYED MCHIS PA'I MTHUS, ,RGYAL BSTAN SPYI DANG 'JAM MGON TZONG KHA PA'I, ,MDO SNGAGS BSTAN PA DI BRAL

ZLA 'OD KYIS, ,SNOD BCUD SDIG 'BRAS MUN PA'I TSOGS BCOM STE, ,RDZOGS LDAN KUNDA'I BZHIN RAS BYE GYUR CIG ,MA 'DRIS 'GRO BA'I GNYEN GCIG TZONG KHA PA, ,KHYOD KYI RJES 'JUG ZHVA SER 'CHANG BA'I TSOGS, ,RNAM DAG BSLAB PA GSUM GYI MDZOD 'DZIN CING, ,LUNG RTOGS BSTAN PA'I RGYAL MTSAN RAB BSGRENG SHOG ,BDAG KYANG RJE BTZUN BLA MA'I THUGS BSKYED SMON, ,MA LUS BSGRUB LA MI ZHUM RAB DPA' BAS, ,'GRO KUN KHYOD KYI RLABS CHEN MDZAD BZANG LA, ,SBYIR MKHAS BSTAN 'GRO'I NYER 'TSO CHEN POR SHOG ,MCHOG GSUM BSLU MED BDEN PA'I BYIN RLABS DANG, ,CHOS KYI RGYAL PO LA SOGS BSRUNG MA'I MTHUS, ,DGE LDAN BSTAN PA PHYOGS BCUR RGYAS PA DANG, ,'GRO KUN BDE SKYID LDAN PA'I BKRA SHIS SHOG ,CES SO, , DE NAS GTZANG LA CHIBS KHA BSKYOD PA'I LAM ZHOR DU YER BA DANG, LHA SA'I RTEN RNAMS LA MCHOD 'BUL SMON LAM RGYA CHER MDZAD, RIM GYIS LAM BAR RNAMS SU PHYOGS PHYOGS NAS 'DUS PA'I CHOS DON GNYER BA RNAMS LA CHOS KYI BDUD RTZI STZAL ZHING RAB BYUNG BSNYEN RDZOGS KYI SDOM PA'ANG ZAM MA CHAD PAR GNANG, DE SKABS 'BRAS SPUNGS NAS BSNYEN RDZOGS KYI SDOM PA DON GNYER BA KHA SHAS RJES SNYEGS SU BYUNG BAR RJE 'DI PAS RGYAL BA'I BSTAN PA 'BA' ZHIG LA DGONGS TE NGAL BA KHYAD DU BSAD NAS GAM PA LA'I NGOS LA GSOL TSIGS GNANG SKABS KYANG RAB BYUNG BSNYEN RDZOGS 'GA' ZHIG GNANG ZHING, DE BZHIN DU TSA ZHAG GAR BABS SU RAB BYUNG BSNYEN RDZOGS MANG DU GNANG STE 'JAM MGON RGYAL BA GNYIS

, ,BA'I BSTAN PA'I SROG SHING 'DZIN PAR MDZAD DO, ,DE NAS DBEN DGON DU PHEBS TE DPEN DGON 'DUS TSOGS LA DPAL RDO RJE 'JIGS BYED LHA BCU GSUM MA'I DBANG STA GON DANG BCAS PA DANG, DPAL 'KHOR LO SDOM PA L'U AI PA'I LUGS KYI DBANG CHEN STA GON DANG BCAS PA, DGA' LDAN SNYAN RGYUD KYI MAN NGAG ZAB BSHAD RGYAS PA STZAL, GZHAN YANG DBEN DGON 'DUS TSOGS LA MGON PO BAR CHAD KUN SEL DANG, DAM CAN CHOS KYI RGYAL PO PHYI SGRUB, 'DOD KHAMS DBANG PHYUG DMAG ZOR RGYAL MO GSUM GYI RJES GNANG DANG, DPAL MGON SDE LNGA, LHA MO RNAM GSUM RNAMS KYI BSKANG GSO, BDE MCHOG RTZA RGYUD, BDE MCHOG L'U AI BA'I SGRUB THABS BDE CHEN GSAL BA SMON LAM SHIS BRJOD DANG BCAS PA, 'JIGS BYED BCU GSUM MA'I SGRUB THABS ZA MA TOG SOGS CHOS KYI BDUD RTZI RGYA CHER STZAL TO, ,DE LTAR BSTAN 'GRO'I DON RGYA CHER MDZAD PA DE DAG LA NI RJE RANG NYID KYI ZHAL NAS 'DI LTAR GSUNGS TE, RNYED BKUR SNYAN GRAGS DON GNYER CHAGS SDANG GIS, ,RANG GZHAN GRUB MTHA'I PHYOGS 'DZIN BLO SPANGS NAS, ,SGO GSUM MI DGE BCU YIS MA GOS PAR, ,BKA' GDAMS GONG MA'I RING LUGS LEGS PAR BSKYANGS, ,GZHON NU NYID NAS YANG DAG BLANGS PA'I KHRIMS, ,NYAMS MED BSRUNGS MTHUS RIS MED SKYE BO KUN, ,CHU GTER CHEN POR CHU PHRAN KUN 'DUS BZHIN, ,DAD PA'I BA SPU G-YO BZHIN 'DUS BAR GYUR, ,TSUL DER BRTAGS PAS

DKAR NAG LAS KYI 'BRAS, ,MI SLUR NGES RNYED BRTZON PA'I SHUGS BSKYED NAS, ,SGO GSUM DGE BA GONG DU SPEL BA LA, ,SPRO DGA' YAR NGO'I ZLA BZHIN LHAG PAR 'PHEL, ,SPYAN RAS GZIGS DBANG SPRUL PA'I SKU MCHOG LA, ,SDOM PA RIM PHUL RDO RJE 'JIGS BYED KYI, ,DKYIL 'KHOR CHEN POR BCUG NAS DBANG BSKUR TE, ,GANGS CAN 'GRO BA'I MGON POR MNGA' GSOL BGYIS, ,CHOS SPYOD DANG PO'I LUGS 'DZIN BZO RIG DAG ,BSDUS NAS 'DRI ZHING PAR DU BRKO BA DANG, ,BLA MA MCHOG GSUM RIS MED 'DUS TSOGS LA, ,DNGOS DANG YID SPRUL MCHOD PAS RTAG TU MCHOD, ,CHOS DANG ZANG ZING 'DOD PA'I SKYE DGU LA, ,CI 'DOD DE DANG DE YIS TSIM PAR BYAS, ,ZHI DUL THUGS BRTZER LDAN PA'I BA SHES GNYEN MCHOG , BSTEN NAS MDO RGYUD GZHUNG LUGS MTHA' DAG MNYAN, ,RGYU YON SBYANG NAS GSUNG RAB KLOG PA DANG, ,RANG GI'ANG BKLAGS TE TSIG DON BLO LA BLANGS, ,BLO STOBS BSKYED NAS MNGON DANG MI MNGON PA'I, ,DRIN CAN PHA MAR DAM PA'I CHOS KYANG BSHAD, ,CHED GNYER DAD 'DUS SKYE BO'I DON BSGRUBS LAS, ,RNAM G-YENG KUN BOR PHAL CHER ZLA MED BSDAD, ,KHA TON DE DON SEMS DANG BSGOMS PA YI, ,CHOS SPYOD RNAM BCU'I RGYUN BZANG 'CHAG MED BSKYANGS, ,'DI DAG LAS BYUNG RNAM DKAR DGE BA'I MTHUS, ,MYUR DU RDZOGS PA'I BYANG CHUB THOB PA DANG, ,'GRO KUN SGROL LA NAM YANG MI ZHUM PA, ,KUN BZANG 'JAM PA'I DBYANGS DANG MTSUNGS PAR SMON, ,ZHES GSUNGS, DE NAS BKRA SHIS LHUN PAR PHEBS NAS 'DUS PA RGYA

, ,MTSO'I TSOGS DANG PHYOGS 'DUS KYI DON GNYER CAN MANG POR DBANG LUNG RJES GNANG RIM BAR STZAL ZHING, LHAG PAR BYA RGYUD DE BZHIN GSHEGS PA'I RIGS KYI GTZO BO BCOM LDAN 'DAS DAM TSIG GSUM BKOD RGYAL PO'I DBANG GI NYER BSDOGS DANG, PHYI NYIN DNGOS GZHI YONGS SU RDZOGS PA STZAL ZHING, DE NAS MU SBREL TE SNAR THANG BRGYA RTZA NAS 'BYUNG PA'I LHA RNAMS KYI RJES GNANG DANG, DE DAG GI MNGON RTOGS RNAMS KYI LUNG, RNAM 'GREL, DBU MA, 'DUL MDZOD, PHAR PHYIN RNAMS KYI RTZA BA'I LUNG STZAL, GZHAN YANG PHYOGS PHYOGS NAS 'DUS PA'I DON GNYER CAN RNAMS LA DGE TSUL DANG DGE SLONG GI SDOM PA BRGYUD MAR GNANG ZHING MTHONG THOS DRAN REG GI 'GRO BA RNAMS RJES SU BZUNG STE MTHA' DBUS SKYE 'GRO BGRANG BA LAS 'DAS PA LA MTHO RIS DANG THAR PA'I DGE BA'I RTZA BA BSKYED PAR MDZAD CING, DE DAG GI SKABS KUN TU NANG DU THUGS DAM ZAB MO'I NYAMS BZHES LAS NAM YANG G-YO BA MED PAR MDZAD PA NI RJE NYID KYI ZHAL NAS, GO SA'I DBANG GIS 'PHRAL RNAM G-YENG CHE BA TZAM MA GTOGS SGO GSUM LA MI DGE BA BCUS GOS MA GOS BRTAG PA DANG, BSHAGS SHING SDOM PA SOGS RANG RGYUD 'DUL THABS LA GTZO BO DANG, GZHAN YANG CHOS SPYOD BCU DANG, PHA ROL TU PHYIN PA DRUG LA SOGS PA'I SGO NAS RANG GZHAN GYI DON BSGRUB PA LA SOGS BA SGO GSUM DGE BA LA DUS RNAM KUN TU GZHOL BAR BGYIS ZHES GSUNGS, DE NAS ZHAL SNGA NAS TSE BRTAN RGYAL MTSAN BKRA

SHIS LHUN PO'I CHOS KHRIMS CHEN MO MDZAD SKABS BKRA SHIS LHUN PO'I TSOGS CHEN DANG, DBEN PA'I RI SU LA DU BZHUGS PA'I SPONG BA PA'I SDE RNAMS BCAS LA GSANG BDE 'JIGS GSUM GYI DBANG GNANG DGOS ZHES GSOL BA BTAB BA NA DGYES BZHIN ZHAL GYIS BZHES TE DPAL GSANG BA 'DUS PA MI BSKYOD PA LHA SO GNYIS KYI DBANG STA GON DANG BCAS PA DANG, BDE MCHOG L'U AI PA LHA DRUG CU RE GNYIS PA'I DBANG STA GON DANG BCAS PA, RDO RJE 'JIGS BYED LHA BCU GSUM MA'I DBANG STA GON DANG BCAS PA DANG, 'JAM DBYANGS CHOS SKOR RNAMS DKYUS GCIG LA GNANG STE THUB DBANG RDO RJE 'CHANG SLAR YANG 'JIG RTEN DU BYON PA LTAR GSANG CHEN RDO RJE THEG PA'I CHOS KYI 'KHOR LO RGYA CHER BSKOR BAR MDZAD DO, ,DE NAS BKRA SHIS LHUN PO'I SNGAGS GRVA BA RNAMS LA CHOS SKYONG YONGS RDZOGS KYI RJES GNANG SOGS CHOS BKA' MTHA' YAS PA GNANG ZHING TSOGS CHEN LA KUN RAG RNAM PAR SNANG MDZAD DANG TSE DPAG MED LHA DGU'I DBANG YANG GNANG, DE NAS SKYE 'GRO YONGS KYI BSOD NAMS MIN PA'I LAS KYI MTHU GRUB PAS SDE SRID RIN PO CHE DANG RGYAL PO LHA SANGS THUGS MA MTHUN PAS DUS GZER TE BOD SOG GI DMAG 'KHRUG CHEN PO BYUNG BA NA ^ GONG SA RIN PO CHES RJE 'DI BA LA CHINGS MDZAD DGOS TSUL GSOL BA BZHIN RJE 'DIS NGAL BA KHYAD DU BSAD NAS DBUS PHYOGS SU CHIBS KHA BSKYOD KYANG GZHUNG SA'I BKAS RE SHIG PHEBS STABS MA BDE BAR LAM BAR DU RGYUN RING BZHUGS DGOS BYUNG, RJES SOR PHEBS CHOG PA BYUNG NAS PHEBS KYANG SDE SRID RIN PO CHE STOD LUNG SNANG RTZER RKYEN DBANG

, ,DU SONG BAS BYA THABS MA BYUNG ZHING, DE DAG GI TSE 'KHOR PA'I NGANG TSUL LA THUGS SKYO BAS GSUNG MGUR 'DI LTAR MDZAD DE, NA MO GU RU LO KA SHVA R'A YA, PHA GANGS RI'I MGON PO SPYAN RAS GZIGS, ,DRIN 'KHOR MED BLO BZANG RGYA MTSO'I SDE, ,MGON KHYOD KYIS GDUL BA'I ZHING 'DI NA, ,DUS 'GYUR BA'I NGANG TSUL 'DI 'DRAR SNANG, ,SPYIR DENG SANG MI RNAMS DMU RGOD CING, ,SGOS LOG SPYOD NGAN BA DAR DUS 'DIR, ,RJE BU RAM SHING BSTAN BDAG GTAD NAS, ,PHA KHYOD NYID RANG ZHI'I BDER GZIMS SAM, ,MA 'GRO BA DU: KHAS GZIR SKABS 'DIR, ,RJE KHYOD KYI THUGS RJES MI SKYOB NA, ,BOD GANGS CAN YONGS KYI MGON PO ZHES, ,MTSAN GRAGS PAS KHYAB PA DGOS BA CI, ,'ON GYUR KYANG SKYON BRAL YON TAN GTER, ,MGON KHYOD KYI 'PHRIN LAS BSAM MI KHYAB, ,DUS SNYIGS MA'I LOG SPYOD NGANG TSUL LA, ,BDAG SKYO BAS GDUNG YUS TZAM DU ZAD, ,BOD GANGS CAN LJONGS GNAS 'GRO BA KUN, ,NYON ME 'OD ZHEN BA'I PHYE MA LE BA, ,DUS DANG BOR BSRUNGS DUS MA THUB NA, ,MTHAR ME DONG LHUNG NAS CI BYAR YOD, ,RJE RGYAL BAS BDE BA'I THABS BSTAN PA, ,DUS DANG PO NYID NAS MI SPYOD NA, ,LAS NGAN BA'I 'BRAS BU RANG SMIN DUS, ,RJE SANGS RGYAS KYIS KYANG SKYOB PAR DKA', ,YUL KHA BA CAN GYI LJONGS 'DI NA, ,RANG CHE BAR RLOM ZHING KUN GYIS BKUR, ,MTHAR DBANG MED GSHEGS TSUL 'DI LTOS LA, ,KUN DMAN CHA BZUNG LA GNOD SEMS SPONGS, ,NOR LONGS SPYOD 'DOD DGU'I GTER LDAN YANG, ,MTHAR TIL 'BRU TZAM DANG RUNG LUS KYANG, ,BDAG BYA PA'I DBANG MED TSUL LTOS LA, ,LUS

LONGS SPYOD KUN LA SNYING PO LONGS, ,RTEN LAN CIG RNYED PA MI YI LUS, ,'DI MYUR 'JIG RTZVA RTZE'I ME DANG MTSUNGS, ,TSE 'DI YI BYA BYED KUN BOR LA, ,DUS RTAG TU MI RTAG 'CHI BA SOMS, ,LUS RJES SU 'BRAD BA'I GRIB MA BZHIN, ,SHI RJES SU DKAR NAG LAS 'BRANG BAS, ,SDIG MI DGE BCU PO RAB SPONGS LA, ,CHOS DGE BA RNAM BCU 'BAD PAS SGRUBS, ,TSE 'DI YI DGRA 'DUL GNYEN SKYONG PHYIR, ,NYIN MTSAN DU NGAL BA BRGYAS BSGRUBS KYANG, ,MTHAR MI BZAD BA MYAL BA'I BTZON DONG DU, ,BTZO BSREG SOGS SDUG BSNGAL DPAG MED MYONG, ,TSE 'DI YI LUS SEMS DU BKYANG BLA'I, ,DGRA BDAG 'DZIN GYI 'GOD PO 'DI THUL NA, ,DUS GTAN GYI BDE BA KUN 'BYUNG PAS, ,DA RANG SEMS 'DUL THABS KHO NAR 'BUNGS, ,YONGS 'KHOR MTSOR 'KHYAMS PA'I 'GRO BA KUN, ,DRIN CHE BA'I PHA MA SHA STAG YIN, ,DON DE PHYIR CHAGS SHING SDANG BA 'KHRUL, ,BYAMS SNYING RJES KUN LA KHYAB PAR MDZOD, ,SNGON THOG MA MED NAS DA LTA'I BAR, ,BLO 'KHRUL PA 'DI YIS BSLAD PA'I MTHUS, ,KUN GTAN SDUG PHUNG PO 'DI 'DRAR SBYAR, ,NGA RGYAL SRAS SPYOD KUN SPYAD NA LEGS, ,MI BDAG LA GTANG SO MA MCHIS KYANG, ,RJE RGYAL BAS GDAMS DON MDOR BSDUS YIN, ,TSUL 'DI TZAM 'BAD PAS BSGRUBS NA YANG, ,RANG GZHAN KUN BDE BA'I DPAL LA SBYOR, ,DUS DA LTA RANG DBANG YOD SKABS 'DIR, ,TSE 'DI PHYI 'DAM KA MA LOG PAR, CHOS DGE BA BCU LA 'BUNGS SHIG CIS, ,MI KHO BOS KUN LA GROS SU 'DEBS, ,SKYABS BSLU BA MED PA'I DKON MCHOG GSUM, ,MKHYEN RAB KYI LHA LAM KHYON YANGS LAS, ,BRTZE CHEN GYI BYIN RLABS CHAR PHOBS LA, ,GDUG RTZUB KYI ME CHEN ZHI BAR MDZOD, ,

, ,RJE RGYAL BA SRAS BCAS THUGS BSKYED SMON, ,CI BTAB KUN DENG DUS 'BYOR GYUR TE, ,BRTAN G-YO YI SDIG 'BRAS KUN ZHI NAS, CHOS DGE BCU'I DPAL 'BYOR RGYAS GYUR CIG ,CES SO, ,DE NAS LO SHAS KYI RING LA BKRA SHIS LHUN PO NYID DU CHOS KYI 'KHOR LO RGYA CHER BSKOR ZHING PHYOGS 'DUS KYI 'GRO PA BGRANG BA LAS 'DAS PA LA MTHO RIS DANG THAR PA'I SA BON BSKRUN PAR MDZAD, DE NAS BAR SKABS SHIG RGYAL PO LHA SANGS BANG GIS GNGAN DRANGS TE LHA LDAN JO BO RIN PO CHE'I SKU MDUN DU PAD DKAR 'DZIN PA NGAG DBANG YE SHES RGYA MTSO LA DGE BSNYEN DGE TSUL BSNYEN RDZOGS KYI SDOM PA RNAMS DKYUS GCING LA 'BUL BAR MDZAD, PHO BRANG DU PHEBS NAS DBANG LUNG MAN NGAG MTHA' YAS PA RIM PAR 'BUL BAR MDZAD, GZHAN YANG SE 'BRAS DGE GSUM RGYUD STOD SMAD SOGS DBUS PHYOGS KYI CHOS DON GNYER BA RNAMS LA DBANG LUNG MAN NGAG MTHA' YAS PA DANG, RAB BYUNG BSNYEN RDZOGS BGRANG BA LAS 'DAS PA STZAL, LHAG PAR ZHABS DRUNG LHA PA'I SKU SKYE BLO BZANG 'PHRIN LAS LA BYANG CHUB LAM GYI RIM PA'I DMAR KHRID, LAM GTZO'I KHRID, BLA MA MCHOD PA'I KHRID, SNYING PO DON GSUM GYI KHRID DANG BLA BRGYUD GSOL 'DEBS KYI LUNG, RJE BLA MA LA BRTEN PA'I BLA MA'I RNAL 'BYOR, NANG GA KHONG SKRAN 'DON PA'I SKYUG SMAN SOGS CHOS BKA' MTHA' YAS PA STZAL TE ZHABS DRUNG LHA PA'I SPRUL SKU 'DI RJE RGYAL BA GNYIS PA'I BSTAN PAR PHAN RE CHE BAS SNGA PHYI LAN MANG POR GZIM TSUNG DU GCIG

BU LA RJE BLA MA'I SNYAN RGYUD KYI GDAMS PA MANG DU STZOL BAR MDZAD DO, ,DE NAS YANG BOD KHAMS 'DIR SEMS CAN SPYI MTHUN GYI LAS NGAN PA'I MTHUS DUS GZINGS CHE BAR BYUNG STE JUN SGAR NAS RGYAL PO HONG TH'A JIS DMAG DBUNG CHEN PO BTANG STE RGYAL PO LHA SANGS BOD DMAG DANG BCAS PA RNAMS DANG 'DAM DU 'KHRUG GZINGS BYAS TSE RJE 'DI BAS THUGS SNYING RJE CHEN POS MA BZOD PAR NGAL BA KHYAD DU BSAD NAS 'DAM DU CHIBS KHA BSGYUR TE ZANG ZING GI DNGOS PO PHANGS MED BTANG NAS CHINGS BSGRIGS MDZAD KYANG MA 'DUMS PAR JUN SGAR GYI DMAG STONG PHRAG BZHI TZAM LHA SAR SHOR, BOD DMAG RNAMS 'THOR TE BROS, RGYAL PO LHA SANGS DPON G-YOG RNAMS KYIS PO TA LA BZUNG STE BZHUGS PA'I TSE RJE 'DIS LHA SA BLA BRANG DU BZHUGS NAS JUN SGAR GYI DMAG DPON RNAMS SKU MDUN DU BOD BAR MDZAD DE RGYAL PO LHA SANGS 'KHOR BCAS LA SROG SKYON MED PAR NGED LA GNANG DGOS, RGYAL PO HONG TH'A JI LA NGED RANG GIS ZHUS CHOG CES DNGOS PO SBAM CHE BA GNANG STE ZHU BA MDZAD KYANG RGYAL PO LHA SANGS RANG JUN SGAR GYI DMAG DPON TSE RING DON GRUB KYI GDONG DU BYUNG NA DED RANG NGOS KYI RGYU MTSAN ZHIB SED BYAS NAS BLA MA'I BKA' BZHIN ZHUS CHOG ,DE MIN BYA THABS MED, LAR NI RGYAL PO HONG TH'A JIS MI NOR MANG PO 'DI LA BLTOS PA MED PAR NGED TSO DMAG LA BTANG PA 'DI RGYAL PO HONG TH'A JI RANG LA RANG 'DOD GANG YANG MED, BOD KYI MI NGAN 'GA' ZHIG GIS RGYAL BA TZONG KHA PA'I BSTAN PA LA GNOD PA CHEN PO BYAS PA THUGS KYIS MA BZOD NAS RGYAL BA'I BSTAN PA KHO NA'I CHED DU NGED TSO BTANG BA YIN, LHA SANGS KHANG RANG LA DE TZAM

, ,GYI SKYON MED ZER ZHING DA DUNG RGYAL BO'I SKU SROG SKYOB THUB PA ZHIG YONG RES PHAN SKOR SNA TSOGS MDZAD CING LHA LDAN RANG DU BZHUGS KYANG RGYAL PO LHA SANGS KYIS PO TA LA NAS 'THON TE 'THAB 'DZING DU PHEBS PA JUN SGAR GYI DMAG MIS RGYAL PO NGO MA SHES PAR RKYEN DBANG DU SONG BAS MDZAD THABS MA BYUNG, DA DUNG BOD KYI MI DRAG MANG PO LA HONG TH'A JI'I BKA' BKYON YOD SKAD GSAN PAS DE RIGS LA SROG SKYOB 'DRA THUB PA YONG RES RE SHIG LHA LDAN RANG DU BZHUGS RTZES MDZAD KYANG JUN SGAR GYI DMAG DPON RNAMS NAS 'DIR MA BZHUGS PAR GTZANG LA 'PHRAL DU CHIBS BSKYOD MDZOD CES ZHU NAN CHE BAS MDZAD THABS GANG YANG MA BYUNG BAR GTZANG LA CHIBS BSKYOD GNANG, DE SKABS BDE BA 'DOD KYANG BLANG DOR GO LOG STE SDUG BSNGAL GYI RGYU LA RNGAM ZHING 'JUG PA MANG PO DANG, 'GA' ZHIG DBANG MED DU SDUG BSNGAL DRAG POS MNAR TE SDUG BSNGAL DANG SDUG BSNGAL GYI RGYU LA GNAS PA SNYIGS MA'I SKYE BO RNAMS KYI NGANG TSUL LA THUGS SKYO NAS SKYO SHAS KYI NYAMS MGUR 'DI LTAR MDZAD DE, NA MO GU RU MANYDZU GHO sh'A YA, 'DREN PA KUN GYI MCHOG GYUR ZAS GTZANG SRAS, ,RGYAL BA'I RGYAL TSAB 'JAM MGON TZONG KHA PA, ,BKA' DRIN MNYAM MED RTZA BA'I BLA MA LA, ,SNYING KHONG RUS PA'I GTING NAS SKYABS SU MCHI, ,RTEN RNYED PAR DKA' BA DAL 'BYOR LUS, ,'DI THOB NAS GTAN MDUN MI SGRUB PAR, ,NOR RIN CHEN BZHAG NAS MCHING BU LEN, ,RTEN STONG LOG BYED LA BRTZEBS GZIGS, ,MTHO LHA LAM YANGS PA'I CHU 'DZIN LTAR, ,DUS

DENG SANG SKYE BO'I DAR RGUD DANG, ,YID GYA GYU MANG PO'I 'GYUR LDOG RNAMS, ,'DI MTHONG YANG NGES 'BYUNG BLO DANG BLAL, ,YID BRTAN DU MED PA'I SRID 'BYOR LA, ,DUS RTAG TU 'DOD SRED ZHAGS PAS BCINGS, ,'DI SBRANG MAS BSAGS PA'I SBRANG RTZI BZHIN, , NER RANG GIS BSAGS PA GZHAN GYIS SPYOD, ,RANG SKYES NAS 'JIGS RUNG 'CHI BDAG GI ,KHAR CHUD NAS LAS NGAN MCHE RNON GYI, ,PHRAG CHUD KYANG TSE 'DI'I MDUN THABS BSGRUB, ,DON PHYIN CI LOG PA SMYON PA RANG, ,GNYEN 'KHOR MANG 'DOD DGU'I DPAL ROL KYANG, ,RANG GCIG PUR PHA ROL 'GRO BA'I TSE, ,CHOS MIN BA PHAN PA CANG MED PAS, ,NOR 'DOD DGU DMYAL BA'I BUD SHING YIN, ,DA SRID RTZE NAS BZUNG DMYAL 'KHOR MTSOR, ,LAS DUG GSUM RBA RLABS DRAG 'KHRUG CING, ,SKYEN RGA 'CHI BA'I SDUG BSNGAL GYIS, ,DUS RTAG PAR GTZES PA'I GNAS TSUL SOMS, ,SNGAR BSAGS PA 'DZAD CING 'DUS PA KUN, ,NGES 'BRAL ZHING MTHON PO'I MTHA' MA RGUD, ,SKYE BZHIN DU 'CHI BAR MNGON PHYOGS SHING, ,DA GTAN GYI MDUN MA BSGRUB LA BRTZON, , SPYIR CHOS BRGYAD SNANG BA BSLU BRID MKHAS, ,SGOS SNYIGS DUS MI TSE BAR SNANG GLOG ,DA NGAN SONG G-YANG SA YA NGA BA, ,DE BZLOG PA'I THABS LA 'BAD PAR MDZOD, ,'KHOR BA'I PHUN TSOGS DMYAL ME'I 'OBS LTAR MTHONG, ,'GRO KUN DON DU BYANG CHUB SEMS BSKYED DE, ,RGYAL SRAS RLABS CHEN SPYOD LA BRTZON 'GRUS KYIS, ,YID CAN 'KHOR BA'I MTSO LAS SGROL BAR SHOG ,CES SO, ,DE NAS BKRA SHIS LHUN POR PHEBS NAS PHYOGS 'DUS KYI DAD LDAN BGRANG BA LAS 'DAS PA LA RANG RANG GI

, ,DBANG PO DANG 'TSAM PA'I CHOS KYI BDUD RTZI BRGYUD MAR STZAL ZHING RGYA MTSO'I GLING BAR TSUN CHAD NAS DAD LDAN DAG GIS RJE 'DI NYID LA MKHO DGU'I YO BYAD THAMS CAD 'BUL ZHING ZHAL BLTA BA DANG, CHOS KYI BDUD RTZI 'DOD NAS 'DUS PA MTHA' DAG GI RE BA SKONG BAR MDZAD CING NAM MKHA' MDZOD LA MNGA' BRNYES PAS, GSER DANG DNGUL LA SOGS PA'I RIN PO CHE DANG, GOS DAR SOGS ZANG ZING GI DNGOS PO RNAMS RGYAL BA'I BSTAN PA YUN RING DU GNAS PAR BYA BA'I PHYIR DANG 'BREL THOGS KYI SEMS CAN RNAMS LA PHAN GDAGS PAR BYA BA'I PHYIR GSER ZANGS 'BA' ZHIG LAS GRUB PA'I LAM RIM BLA MA BRGYUD PA'I SKU BRNYAN YONGS SU RDZOGS PA'I LHA KHANG DANG BCAS PA SOGS SKU RTEN DANG, BKA' 'GYUR RIN PO CHE GSER 'BA' ZHIG GIS BRIS PA SOGS GSUNG RTEN MTHA' YAS PA DANG BKRA SHIS LHUN PO'I DGE 'DUN RNAMS THUGS MTHUN KHRIMS GTZANG BSHAD SGRUB 'PHEL BA'I PHYIR DU DBYEN BSDUM MCHOD RTEN GSAR BZHENGS SOGS SKU GSUNG THUGS RTEN BGRANG BA LAS 'DAS PA DANG, RIS MED PA'I DGE 'DUN GYI SDE MTHA' DAG LA BSNYEN BKUR NAR MAR MDZAD, DE NAS CANG JUN SOGS RGYA DMAG BGRANG BA LAS 'DAS PA BOD KYIS DANG NYE BAR SLEB PA GSAN BAS SEMS CAN RNAMS LA THUGS BRTZE BA CHEN POS MA BZOD PAR RJE NYID RANG PHEBS BZHED KYANG DE SKABS SKU KHAMS BSNYUN PA ZHIG DANG THUG PAS CHIBS BSKYOD MA THUB PAR PHYAG MDZOD CHEN MO DNGOS PO'I GNANG SBYIN PHON CHE BA DANG BCAS GTONG

BA GNANG STA 'THAB 'DZINGS SU MA SONG BAR MTHUN SBYOR LUGS LEGS SHIG DGOS ZHES BKA' NGAG DANG PHYAG DAM BCAS GNANG YANG SEMS CAN SPYI MTHUN GYI LAS NGAN PA'I MTHU BZLOG TU MED PAS RGYA DANG MTSO SNGON GYI DMAG DPUNG LTOS CHE BA LHA SAR 'BYOR, JUN SGAR PA RNAMS GNAM MTSO BRGYUD NAS PHYIR LOG ,MTSO SNGON DPON BSTAN 'DZIN WANG SOGS DBON KHAG MANG PO'I MI SNA ^ GONG SA RIN PO CHE'I MI SNA SOGS MI SNA MANG POS RJE 'DI PA LHA LDAN DU CHIBS BSKYOD DGOS TSUL NAN BSKYED ZHUS PAR DE SKABS SKU GZUGS GCONG BAR YOD KYANG SKYES RABS KUN TU RGYAL BA YAB SRAS GNYIS DAM TSIG RDO RJE'I LU GU BRGYUD DU 'BREL BA'I RTEN 'BREL DANG, MI MANG PO ZHIG GI SROG SKYOB PA ZHIG YONG THUB RE BCAS NGAL BA KHYAD DU BSAD NAS LHA LDAN DU CHIBS BSKYOD GNANG, 'JAM DBYANGS GONG MA BDAG PO CHEN PO'I ZHABS 'BRING BA CANG JUN CHEN PO SOGS SER SKYA STONG PHRAG MANG POS BSUS TE PHO BRANG CHEN PO PO TA LAR PHEBS, RGYAL BA YAB SRAS GNYIS ZHAL 'DZOM, CANG JUN CHEN POS RJE 'DI PA LA DNGUL SRANG LNGA STONG GIS GTZOS PA'I DNGOS 'BUL TSAD MED PA MDZAD DE ZHABS BRTAN PHUL, DE NAS SE 'BRAS DGE GSUM RGYUD STOD SMAD SOGS DBUS KHUL GYI CHOS SDE RNAMS KYI BLA MA LAS SNE RNAMS DANG, GONG MA'I MI DRAG CANG JUN CHEN PO, MTSO SNGON DPON KHAG, RGYAL BA'I YAB RJE SOGS TSANG MAS CHOS 'KHOR RGYA CHER BSKOR DGOS PA'I GSOL BA BTAB CING, GONG SA MCHOG GI SPRUL SKU RIN PO CHES RJE 'DI LA MDO SNGAGS KYI CHOS MTHA' DAG GNANG DGOS PA DANG, LHAG PAR DGE TSUL GYI SDOM PA'I

, ,MKHAN PO MDZAD DGOS PA'I GSOL 'DEBS SHUGS DRAG GNANG, RJE 'DIS KYANG DGYES BZHIN DU PHO BRANG CHEN PO PO TA LA'I GZIM CHUNG NYI 'OD 'KHYIL BAR GONGS MCHOG GI SPRUL SKU RIN PO CHER DGE TSUL GYI SDOM BA 'BUL BA GNANG ZHING BLO BZANG BSKAL BZANG RGYA MTSO ZHES MTSAN GSOL, DE NAS GONG SA RIN PO CHER LAM RIM CHEN MO'I LUNG SOGS CHOS BKA' RNAMS RIM GYIS 'BUL BA'I DBU TSUGS PAR MDZAD, DE SKABS BKA' BLON BKRA SHIS RTZE PA SOGS BOD KYI MI DRAG MANG POR RGYA'I BKA' BKYON PHOG PAR RJE 'DI PAS SROG SKYOB GNANG THUB RAS RTZOL BA CHEN PO MDZAD KYANG THABS GANG GIS KYANG BZLOG MA THUB, DE'I TSE SNYIGS MA'I NGANG TSUL CHES CHER BDO BAS MTHO DMA'I 'GYUR LDOG MANG PO DANG SKYE BO PHAL MO CHE SDUG BSNGAL MTSO RDOL BA LTA BUR GZIGS SHING BLA CHEN DANG MI CHEN GYI GO SA LA'ANG THUGS YI MUG NAS, 'DI LTAR GSUNGS TE, KHO BO NI GO SA GOG PO'I CHE RLOM 'DI SHIN TU YI MUG PAS, SEMS BLONG BLONG POR GYUR, DE DAG GI SKABS SU SPYIR 'KHOR BA'I SNANG TSUL BZOD PAR DKA' ZHING, SOGS DENG SANG SNYIGS MA LNGA BDO'I GDON GYIS GZIR BA'I 'GRO BA RNAMS DGRA GNYEN DANG MTHO DMAN 'GYUR LDOG ,NYON MONGS PA DUG GSUM GYI CHAD GYIS MYOS PAS, NGAN 'GRO'I G-YANG SA 'JIGS SU RUNG BAR DGA' MGU'I ZLOS GAR BSGYUR BA'I BLANG DOR PHYIN CI LOG DANG, 'GA' ZHIG RGUD PA'I SDUG BSNGAL GYI ME RAB TU 'BAR BA'I SPYOD TSUL LA YID LHAG PAR GDUNG BAS SMRAS PA, NA MO GU RU MU NI AINDR'A YA, GSER

ZHUN LHUN PO MTSAN DPE'I DPAL 'BAR SKU, ,TSANGS DBYANGS BSGRUN MIN DRUG CU'I DBYANGS SNYAN GSUNG, ,CHOS KUN MTHA' DAG GSAL BAR GZIGS PA'I THUGS, ,SNYIGS DUS 'GRO LA GZIGS SHIG SH'AKYA'I TOG ,YANG DAG LUNG LAS RGYA MTSO TSE'I, ,STENG GI GNYA' SHING BU GA RU, ,RUS SBAL LONG BA MGRIN CHUD LAS, ,BDE 'GRO THOB PA SHIN TU DKON, ,THOB KYANG SKAL DMAN BDAG CAG RNAMS, ,CHOS MIN MUN PA'I PHYOGS 'DIR SKYES, ,'DREN MCHOG THUB DBANG NYI MA DE, ,TZA RA MA NI'I PHAG TU GSHEGS, ,RGYAL BA SRAS BCAS SKYES CHEN RNAMS, ,RANG RANG ZHING DU BTANG SNYOMS SHING, ,LUNG RTOGS CHOS KYI SGRON ME YANG, ,BUD SHING ZANG PA'I ME DANG 'DRA, ,THAR MED 'KHOR BA'I RGYA MTSO CHER, ,LAS NGAN DUG GSUM RBA RLABS 'KHRUG, BZOD DKA'I SDUG BSNGAL CHU SRIN GYIS, ,YANG YANG GTZES PA MA LAGS SAM, ,MTHO RIS BDAG PO'I DBAL MNGA' BA'I, ,TSANGS DBANG KHYAB 'JUG LHA YI GTZO, ,RANG DBANG MA THOB DMYAL MES SREG ,SRID PA'I BDE LA YID BRTAN GANG, ,BDE SKYID MKHO DGU'I 'BYOR LDAN PA'I, ,RIN CHEN 'KHOR LOS BSGYUR RGYAL YANG, ,MA NGES 'KHOR BA'I BRAN DU KHOL, ,GDENG MED SRID LA ZHEN PA 'KHRUL, ,TSE STOD GNYEN NI DGRAR LDANG ZHING, ,'DI NANG DGRA BO PHYI MA'I GNYEN, ,SKAD CIG TZAM GYIS 'GYUR LDOG MANG, ,YID BRTAN MI RUNG 'KHOR BA'I CHOS, ,SNYING GROGS MDZA' BSHES YID 'ONG KUN, ,YUD TZAM BRAL BAS SDUG BSNGAL NA, ,GTAN DU SO SOR 'BRAL

, ,BA 'DI, ,KYE MA SEMS LA SHIN TU GCONG, ,NGO TSA GTAM NGAN SDIG SDUG RNAMS, ,KHYAD BSAD SER SNAS BSAGS PA'I NOR, ,TIL 'BRU TZAM YANG 'KHYER DBANG BRAL, ,SGREN MOR 'GRO BA SEMS LA GTZER, ,TSE LHAG LAS RLUNG SKYEL MAS BDAS, ,'CHI BDAG MUN PA'I BSU MA MGYOGS, ,'JIGS RUNG G-YANG SA CHEN PO DER, ,'BROS THABS MED PA'I DUS LA BAB, ,SNGAR BSAGS LAS NGAN 'CHI KHAR 'GYOD, ,DGE LA MA 'BAD YI MUG CING, NYES LTUNG KHUR LCI LTAG KHYER NAS, ,GROGS MED BAR DO'I 'PHRANG DER 'TSER, ,'JIGS RUNG 'CHI BDAG GSHIN RJE YIS, ,BZOD DKA'I BTZON KHANG ME 'BAR BAR, ,MNAR MED BSREGS PA'I SDUG BSNGAL YANG, ,THAR MED CI BYA GTOL MED GYUR, ,SHI NAS MED DE MI 'GRO BAR, ,KHAMS GSUM 'KHOR BA 'DIR 'KHYAMS TSE, ,BDE 'GRO THOB KYANG SDUG BSNGAL GYI, ,RANG BZHIN DAG LAS MA 'DAS SHING, ,BSTAN BCOS BZHI BRGYA PA NYID LAS, ,MKHAS PA RNAMS LA MTHO RIS KYANG, ,DMYAL BA DANG MTSUNGS 'JIGS BSKYED 'GYUR, ,BDE BA NAM YANG MED PAR GSUNGS, ,GZOD NAS SRID PA'I GTZONG RONG 'DIR, ,LAS NGAN SKYE RGA NA 'CHI YIS, ,MGAL ME'I 'KHOR LO LTAR 'KHOR BAS, SDUG BSNGAL SHUGS DRAG BZOD LAGS SAM, ,'DUS BYAS MI RTAG STON KA'I SPRIN, ,RTZOD DUS MI TSE BAR SNANG GLOG ,GNYEN 'KHOR DGA' 'DUS TSONG DUS 'GRON, ,NOR RDZAS LONGS SPYOD SBRANG RTZIR MTSUNGS, ,SKYE BO LOG LTAS RGYUD

DKRUGS NAS, ,CHAGS SDANG NGAN SEMS G-YO SGYU CAN, ,CHOS MIN MI DGE'I LAS LA SPYOD, ,DMYAL BAR LTUNG BAR THE TSOM MED, ,SNYIGS DUS RAB BYUNG BDUD KYIS BRLAMS, ,BLO LOG 'DOD PAS TSAS BSKYUNGS NAS, ,RGYAL PO STOBS 'BYOR DREGS SOGS KYI, ,PHO NYA DAG LA MGU ZHING 'JUG ,HOR GYI CHA LUGS MDA' MTSON THOGS, ,SDIG RNGAMS GTUM POS PHYOGS KUN MYUL, ,SHA KHRAG CHANG LA DGA' MGUR SPYOD, ,SEMS CAN SDUG BSNGAL DAG LA BKOD, ,RIGS DRUG BZOD DKA'I SDUG BSNGAL KUN, ,MI LUS RTEN LA RDZOGS PAR GNAS, ,BDE SKYID 'DZOM PA'I SEMS CAN DANG, ,CHOS BYED NYIN SKAR TZAM DU DKON, ,DA NI 'KHOR BA'I CHOS NYID LA, ,SNYING PO MED BAR RTOGS GYUR NAS, ,GTAN GYI MDUN MA BSGRUB RE RAN, ,RAN PAR MA ZAD SHIN TU 'GYANGS, ,'KHOR BA BZOD DKA'I BTZON RA 'DRAR, ,SRID 'BYOR 'DOD PA'I BLO SPANGS NAS, ,NGO TSA KHREL YOD 'PHAGS PA'I NOR, ,BSTEN NAS THAR BAR BGROD THABS MDZOD, ,NYAM THAG 'GRO KUN BDAG GI MAS, ,GRANGS MED BRTZE BAS DRIN GYIS BSKYANGS, ,SDUG BSNGAL ZUG RNGUS RTAG MNAR PA, ,BDAG 'DRAS PHAN PA BSGRUB DKA' BAS, ,BLA MA RGYAL BA SRAS BCAS RNAMS, ,THUGS BSKYED DAM BCA' RJES DGONGS LA, ,CHER SNYIGS SKYABS MED 'GRO RNAMS KYI, ,MGON SKYABS MDZOD CIG BLA MA LHA, ,ZHES GDUNG DBYANGS KYI NYAMS MGUR MDZAD DO, ,DE NAS GONG SA RIN PO CHER LAM RIM CHEN MO'I LUNG GI 'PHRO, ,RJE RIN PO CHE'I BKA' 'BUM THOR BU, BA RI BRGYA RTZA'I RJES GNANG YONGS

, ,RDZOGS SO SO'I RGYA GZHUNG GI LUNG SOGS DBANG LUNG MAN NGAG RGYA CHER 'BUL BAR MDZAD, ,DE NAS SKU KHAMS BSNYEL GZHI CHE BAS PHYOGS 'DUS KYI CHOS DON GNYER CAN RNAMS LA CHOS 'BREL PHRAN BU RE LAS RGYA CHER GNANG MA THUB, ,DE NAS GTZANG DU CHI BAS BSKYOD GNANG BAR BZHED DE GONG SA RIN PO CHER LCAM SRING GI RJES GNANG ZHIG GNANG, RGYAL BA TZONG KHA PA'I BSTAN PA 'DZIN CING SPEL BA'I THUGS BSKYED MDZAD PA DANG, GTZO BOR BSLAB KHRIMS DAG PA GZHIR BZUNG NAS RE SHIG GSAN SBYONG LA THUGS BRTZON CHE BA SOGS RGYAL BA TZONG KHA PA CHEN PO'I RNAM THAR 'KHYONGS PA ZHIG MDZAD DGOS SO ZHES ZHAL TA ZHIB RGYAS SU GNANG STE GTZANG DU CHIBS KHA BSKYOD, DE NAS BKRA SHIS LHUN POR PHEBS NAS TSOGS CHEN DANG SPONG BA PA'I SDE DANG BCAS PA LA PHYAG DBANG GNANG ZHING CHOS KYI BDUD RTZI RIM PAR STZAL, DE NAS RJE NYID DGUNG LO DRUG CU RE GCIG TU PHEBS PA CHU YOS ZLA BA DRUG PA'I TSES BCU LA TSOGS CHEN DGE BSKOS CHEN MO DKA' CHEN DON GRUB RGYA MTSOS 'DUS PA RGYA MTSO'I TSOGS LA DBANG CHEN ZHIG DANG, GZHAN YANG CHOS BKA' GANG ZAB DGONGS DPYAD KYIS THUGS RJES GZIGS DGOS TSUL ZHUS PAR SNGA SOR TSOGS CHEN LA GSANG BDE 'JIGS GSUM GYI DBANG CHEN LEGS PAR PHUL BA YIN YANG, GSHIN RJE GSHED DMAR NAG GNYIS KYI DBANG CHEN DENG SANG RGYUN DKON ZHING, LHAG PAR YONGS 'DZIN BSOD NAMS GRAGS PA'I ZHAL CHEMS SU YANG SLAR TSOGS CHEN LA

GSHIN RJE GSHED DMAR NAG GNYIS KYI DBANG CHEN ZHIG GNANG THUB PA MDZAD DGOS ZHES GSUNGS BYUNG BA BCAS BLA MA'I DGONGS PA RDZOGS PA DANG, 'JAM MGON BLA MA'I BSTAN RGYUN LA PHAN RES DA LAM GSHIN RJE GSHED DMAR NAG GNYIS KYI DBANG CHEN ZHIG BYED CES DGYES BZHIN DU ZHAL GYIS BZHES TE TSES BCU'I NYIN GSHED DMAR GYI DBANG GI STA GON DANG, TSES BCU GCIG LA DBANG DNGOS GZHI, CHES BCU BDUN LA GSHIN RJE GSHED DGRAS NAG GI DBANG GI STA GON DANG, TSES BCO BRGYAD LA DBANG DNGOS GZHI DGE 'DUN GSUM STONG BRGAL BA LA DGYES BZHIN DU STZAL, DE NAS RIM GYIS SA CHEN PO'I KHYON MTHA' DAG NA GNAS PA'I DAD PA CAN RJE 'DI'I ZHAL GYI DKYIL 'KHOR BLTA BA DANG, GSUNG GI BDUD RTZI THOB PAR 'DOD PA DANG, LHAG PAR RAB BYUNG BSNYEN RDZOGS 'DOD PA RNAMS LA BRGYUD MAR STZAL ZHING, BAR SKABS SHIG RGYAL BA 'PHAGS PA LHAR DGE TSUL GYI SDOM PA DANG, 'JIGS BYED KYI DBANG CHEN SOGS CHOS BKA' MANG DU STZAL, DE NAS BRIL? GNON ZHES PA ME PHO RTA'I LO GONG SA RIN PO CHE THUGS RJEGS BZHES PA DANG, DBANG LUNG MAN NGAG MANG PO GSAN PHYIR DBUS PHYOGS SU 'BYON DGOS TSUL ZHUS PAR SKU NA MTHO ZHING SKU GZUGS GCONG TSUL CHE YANG 'JAM MGON BLA MA'I BSTAN RGYUN LA DGONGS NGAL BA KHYAD DU BSAD DE DBUS PHYOGS SU CHI BAS KHA BSKYOD, LO DE'I SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG

, ,DU JO BO SH'AKYA MU NE'I SKU MDUN DU RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO LA BSNYEN PAR RDZOGS PA'I SDOM PA PHUL TE THUB BSTAN YONGS SU RDZOGS PA'I BDAG POR MNGA' GSOL MDZAD, DE NAS PO TA LA'I GZIM CHUNG BDE BA CAN DU BZHUGS TE, RGYAL BA THAMS CAD MKHYEN PA CHEN POR DPAL GSANG BA 'DUS PA MI SKYOD PA LHA SO GNYIS KYI DBANG CHEN STA GON DANG BCAS PA GSANG CHEN RGYUD SDE RGYA MTSO'I SNYING PO'I BCUD PHYUNG BA ZAB BSHAD DANG BCAS PA DANG, DPAL 'KHOR LO BDE MCHOG L'U AI PA LHA DRUG CU RE GNYIS PA'I DBANG CHEN STA GON DANG BCAS BA RKYAS PAR GNANG, DE NAS RGYAL BA THAMS CAD MKHYEN PA BLO BZANG BSKAL BZANG RGYA MTSOS RJE 'DI PA LA DAD GUS CHEN POS RABS SU LO KHA SHAS BZHUGS NAS DBANG LUNG MAN NGAG YONGS SU RDZOGS PA ZHIG GNANG BA DANG, MA THA ZLA BA BCU SKOR TZAM ZHIG BZHUGS NAS DBANG LUNG MAN NGAG DGONGS DPYAD KYIS GANG DRAG THUGS RJES GZIGS DGOS TSUL NAN BSKYED ZHU BAR MDZAD PA NA, RJE 'DIS RGYAL BA MCHOG LA RANG GIS GANG SHES KYI MAN NGAG RNAMS 'BUL BAR CIS KYANG SPRO YANG, NA MTHO ZHING GZUGS GZHI GCONG BA BCAS DA LAM RES GTZANG DU PHYIN CHOG PA DGOS ZHES ZHU BAR MDZAD DE, MA DAG PA'I GDUL BYA RNAMS KYI SNANG NGOR SKU GZUGS GCONG BAS BZHUGS MA THUB PA LTA BUR SNANG YANG, DON DU NI MYUR DU DBUS GTZANG DUS GZIR GYI DUS 'KHRUG CHEN PO DE 'BYUNG BAR MNGON SHAS KYIS GZIGS NAS BZHUGS KYANG DGOS PA

MED PAR DGONGS TE MYUR DU CHIBS KHA BSKYOD PA YIN ZHES BLA MA DAM PA MANG PO GSUNG NGO, DE NAS RGYA BOD HOR GSUM GYI GDUL BYA BGRANG BA LAS 'DAS PA LA ZHAL GYI DKYIL 'KHOR BSTAN NAS THUGS SNYING RJES BRLAN PA'I SPYAN GYIS GZIGS PA TZAM GYIS MCHOG DMAN MTHA' DAG LA THAR PA'I SA BON 'DABS PAR MDZAD DE RIM GYIS BKRA SHIS LHUN POR PHEBS NAS SNYUG MAR GNAS PA DANG PHYOGS NAS 'DUS PA'I DAD LDAN BGRANG BA LAS 'DAS PA LA RAB BYUNG BSNYEN RDZOGS BRGYUD MAR GNANG BA SOGS BSTAN PA'I SROG SHING 'DZIN PAR MDZAD DE, TSUL 'DI LA NI RJE RANG NYID KYI ZHAL NAS, SA GLANG NAS 'DI LO PHAN BDAG NYID KYIS SO SO THAR PA'I SDOM PA DON DU GNYER PA RNAMS KYI BZHED DON LEGS PAR BSGRUBS TE RGYAL BA'I BSTAN PA RIN PO CHE'I ZHABS 'DEGS DANG 'GRO BA LA PHAN BDE BLA NA MA MCHIS PA 'GYIS PA YIN TE, DE YANG DPAL LDAN ZLA BA GRAGS PAS, SO SO'I SKYE BO RNAMS DANG GSUNG SKYES DANG, ,RANG BYANG CHUB LA BDAG NYID NGES RNAMS DANG, ,RGYAL SRAS RNAMS KYI NGES PAR LEGS PA DANG, ,MNGON MTHO'I RGYU NI TSUL KHRIMS LAS GZHAN MED, ,CES GSUNGS PA LTAR, TSUL KHRIMS 'DI NI YON TAN KUN GYI GZHI RTZA'AM 'BYUNG GNAS YIN PAR BKA' DANG DGONGS 'GREL DU MNAS GSUNGS PA BZHIN, MNYAM MED YANG DAG PAR RDZOGS PA'I SANGS RGYAS KYI RING LUGS 'DZIN PA 'PHAGS BOD KYI MKHAS BTZUN BZANG PO RIM BYON RNAMS KYIS MKHAN SLOB KYI BYA BA MDZAD NAS THUB BSTAN GANGS LA NYI MA SHAR BA BZHIN

, ,GSAL BAR MDZAD, GDUL BYA RNAMS PHAN PA DANG BDE BA'I LAM BZANG POR 'GOD PAR GNANG BA DE DAG LA BDAG NYID KYI SMON PA DANG 'JUG PA'I BSAM PAS KUN NAS BSLANGS TE BSIL LJONG 'DIS MTSON PA'I YUL PHYOGS PHAL MO CHE MTHA' DAG NAS, NGES 'BYUNG GI BSAM PAS RGYAL BA'I BSTAN PA RIN PO CHE'I SGOR GZHUG CING, DE LA RIM GYIS SLOB 'DOD MCHOG DMAN BAR MA'I TSOGS STONG PHRAG DU MA BGRANG BAR RNYED BKUR SNYAN GRAGS KYIS MA BSLAD PAR, BDAG CAG GIS MKHAN SLOB KYI BYA BA LA 'BAD NAS, MNYAM MED SH'AKYA THUB PA'I BSTAN PA LA SRI ZHU DANG, GDUL BYA RNAMS LA PHAN BDE 'BYUNG BA'I BYA BA LA BRTZON PA BGYIS PA DE DAG NI BDAG NYID KYI BYA BA KUN GYI NANG NAS MCHOG TU GYUR PA YIN NO SNYAM MO ZHES GSUNGS SHING, DE MTHUN NYAMS MGUR TSIGS BCAD DU MDZAD PA'ANG 'DI LTAR, SVA STI PRA DZA BHYA: KHAMS GSUM 'GRO BA'I SDUG BSNGAL BZOD DKA' BA, ,BRTZE BAS GRANGS MED TSOGS GNYIS YONGS RDZOGS PAS, ,LHAR BCAS SKYE DGU'I 'DREN PA BLA NA MED, ,RNAM 'DREN GZHAN GYIS BSGRUN MIN TSUL KHRIMS GTER, ,MA 'DRIS YID CAN KUN LAM LTAR BRTZE, ,GSAL 'GRIB SPANGS PA'I DAM BCA' SROG GI SHING, ,SRID ZHI'I SNYING POR SKYES PA'I LJON BA'I RTZA, ,RAB BRTAN ZAS GTZANG SRAS DE GTZUG NA RGYAL, ,GANG GI MGUL NAS BDEN PA GSUNGS PA YI, ,RAB 'BYAMS MDO RGYUD RGYA MTSO'I GZHUNG LUGS LAS, ,MNGON MTHO NGES LEGS RMAD BYUNG

NGO MTSAR BA'I, ,LEGS TSOGS KUN 'BYUNG LHAG PA'I TSUL KHRIMS BSNGAGS, ,NGAL BA KHYAD BSAD PHYOGS KUN NAS, ,THUB BSTAN SGOR ZHUGS DON GNYER GYI, ,SKAL LDAN YID KYI KA LA SHA, ,TSANGSm SPYOD TSUL KHRIMS BDUD RTZIS BKANG, ,DA DAG SKAL BZANG GDUL BYA'I TSOGS, ,THUB PA'I BSTAN PA'I SGOR ZHUGS NAS, ,KHRIMS LDAN DUR SMRIG RGYAL MTSAN MDZES, ,BAG YOD BSGRUB LA BRTZON PAR SMON, ,NGES 'BYUR BSLAB PA MA LA YA'I, ,TSUL GNAS SDOM PA'I TZENDAN DRIS, ,LNGA BDE'I 'GRO BA'I TSA GDUNG BCIL, ,GSER 'GYUR RTZI YIS LCAGS KHAMS BZHIN, ,THUB PAS DGAG SGRUB GNANG GSUM GYI, ,BCAS MTSAMS G-YAG RNGA LTAR BSRUNG ZHING, ,RNAM DAG KHRIMS DANG RAB LDAN PAS, ,KUN GYIS BSNGAGS 'OS BLA NA MED, , RGYAL BSTAN SNYING PO SO THAR GYI, ,TSANGS SPYOD BRTUL ZHUGS DANG LDAN PA'I, ,DUR SMRIG 'CHANG BAS GSER LDAN MA, ,TIL GYI GANG BU LTAR GANG SHIG ,BDAG NI TSE RABS KUN TU YANG, ,LUG SROG NGAG LA MI BLTA BAR, ,NYI MA'I GNYEN GYI LUGS BZANG RNAMS, ,'DZIN SKYONG SPEL BA'I MCHOG 'GYUR SHOG ,CES SO, ,DE NAS ME MO LUG GI LOR BSTAN PA'I GEGS DANG LJONGS 'DI'I SKYE 'GRO RNAMS KYI BSOD NAMS MIN PA'I LAS KYI MTHUS DUS GZIR BYUNG STE LO NGO GNYIS TZAM GSHIN RJE'I 'JIG RTEN MI YUL DU 'PHOS PA LTAR MCHOG DMAN MTHA' DAG SDUG BSNGAL GYIS GZIR ZHING DGE 'DUN RNAMS KYI BSHAD SGRA BA NYAMS TSABS CHE BAR BYUNG BAR RDZE 'DI PAS NOR LONGS SPYOD

, ,GANG LA'ANG PHANGS PA MED PAR CHINGS SGRIGS SOGS MDZAD KYANG THABS MTHON, DE NAS GONG MA'I SKU CHE AA LI AAM PA SOGS 'BYOR NAS GONG MA CHEN PO'I BKAS LHA LDAN DU PHEBS DOGS CHUL NAN CHE BYUNG YANG RJE 'DI BAS SKU NA MTHO ZHING SKU GZUGS SHIN TU GCONG BA BCAS DA LAM GONG MA'I BKA' NYAN PAR PHYAG MDZOD BTANG CHOG BA DGOS TSUL ZHU BA MDZAD KYANG GONG MA'I BKA' LA BSGYUR BKOD MI YOD GSUNG NAS MA GSAN PAR RJE 'DI DPUS SU CHIBS BSKYOD GNANG DGOS BYUNG, DE NAS PO TA LAR PHEBS NAS RGYAL BA YAB SRAS ZHAL 'DZOM, ,RJE 'DIS GZIM CHUNG BDE BA CAN DU BZHUGS, DE DUS GONG MA'I BKAS GTZANG PHYOGS KYI SA RIGS TSANG MA MCHOD GZHIS SU GNANG BA YIN TSUL BKA' BSGYUR BAR RJE 'DIS BDAG NI NA RGAS SHING GZUGS GZHI GCONG BA BCAS MCHOD GZHIS MANG BO'I KHA 'DZIN MI GCOGS SHING MCHOD GZHIS RNYING PA RNAMS KYIS DGE 'DUN GYI PHOGS JA TSUL 'DANG TZAM BYUNG PHYIN SA RIGS GSAR PA'I RIGS MI ZHU ZHES NAN CHER ZHU BAR MDZAD KYANG 'GONG MA CHEN PO'I BKA' GCOG RGYU MI YONG ZHING, LHAG PAR KHYED PHONGS NAS PHUL BA MIN BSTAN PA DANG SEMS CAN LA PHAN CHE BAR DGONGS NAS PHUL BA YIN GSUNG BAS MDZAD THABS MU BYUNG BAR, ,DE LTA NA GONG MA CHEN PO'I BKA' MA BCAG TZAM DU SA CHA KHA SHAS SHIG ZHUS CHOG PA DGOS ZHES LHA NGAM PHUN GSUM BZHES PAR MDZAD, CHUL 'DI YANG RJE 'DI'I RNAM THAR THUN MONG MIN PA ZHIG STE, DENG SANG CHOS BYED PHAL CHER TSE 'DI'I RNYED BKUR SNYAN GRAGS

'BA' ZHIG 'TSOL ZHING LHAG PAR GZHUNG LUGS LA SBYANGS PA MTHAR PHYIN PAR BYAS PA DANG, BLA MA'I GDAN KHRI 'DZIN PA PHAL CHER YANG RNYED BKUR NGAN DON RE YANG BLOS MI THONGS PAR DGON PA CHUNG DU RE DANG SA CHA PHRAN BU RI LA YANG CI THOB BYED PA'I DANG TSUL 'DI LA DPAGS NA BDAG GI DRIN CAN RTZA BA'I BLA MA RJE THAMS CAD MKHYEN PA 'DI NI NOR 'DZIN YANGS PA'I KHYON LA STOBS KYIS 'KHOR LOS BSGYUR BA'I GONG MA BDAG PO CHEN PO LTA BUS BSNYEN BKUR BA'ANG DANG DU MI BZHES SHING SA CHEN PO LI KHYON LA DBANG BSGYUR BA'I DPAL PHUL YANG DGYES PA MED CING TSUL DES LHAG PAR 'JIGS SHING SKRAG BA DANG SKYO ZHING YID 'BYUNG BAR MDZAD NAS DGE 'DUN GYI SDE GNAS PA'I RTAN TZAM LAS RANG DON DU GSER SE PA GANG DANG, SA ROL GANG TZAM YANG MI BZHES PAR NGES 'BYUNG DANG BYANG CHUB KYI SEMS RLABS CHEN POS 'GRO BA'I SDUG BSNGAL ZHI BA DANG RGYAL BA'I BSTAN PA 'PHEL BA 'BA' ZHIG THUGS LA BRNAGS TE SGO GSUM GYI BYA BA CI MDZAD THAMS CAD BSTAN PA DANG SEMS CAN KHO NA'I DON DU MDZAD PA 'DI 'DRA BA NA RGYAL BA SRAS BCAS THAMS CAD KYIS LAN CIG MIN BAR BSNGAGS PA'I GNAS YIN ZHING, SNGON CHOS KYI RGYAL PO TZONG KHA PA CHEN PO ZHING 'DIR BYON NAS MDZAD PA DE LTAR DU MDZAD PA DUS MTHA' 'DIR BDAG GI DRIN CAN RTZA BA'I BLA MA 'DIS PHAG LEN DU THEBS PAR MDZAD BA YIN PAS RGYAL BA'I BSTAN PA LA BYA BA MDZAD PA'I RNAM PAR THAR PA NGO MTSAR RMAD DU BYUNG BA ZHIG GO ,DE NAS RJE 'DIS RGYAL BA THAMS CAD MKHYEN PA CHEN PO LA THOS BSAM SGOM GSUM 'CHAD RTZOD RTZOM GSUM

, ,GYI SGO NAS 'JAM MGON BLA MA'I BSTAN PA BSRE BSLAD MED PAR SKYONG DGOS TSUL ZHAL TA ZHING RGYAS SU MDZAD DE BSTAN PA'I BDAG POR MNGA' GSOL NAS GTZANG DU CHIBS KHA BSKYOD, BKRA SHIS LHUN POR PHEBS NAS SNYUG MAR GNAS PA DANG PHYOGS 'DUS KYI DANG LDAN SER SKYA BGRANG BA LAS 'DAS PA LA ZHAL GYI DKYIL 'KHOR STON PA DANG, PHYAG GIS BYIN RLABS MDZAD PA DANG, CHOS KYI BDUD RTZI STZAL BA DANG, LHAG PAR RAB BYUNG BSNYEN RDZOGS KYI SDOM PA BRGYUD MAR STZAL BA SOGS BSTAN 'GRO'I DON RGYA CHER MDZAD CING, SHI GSON GYI RDZAS RNAMS CHUD MI 'DZA BA'I PHYIR BKRA SHIS LI MA LHA KHANG SOGS LHA KHANG MANG PO DANG, BSTAN BCOS 'GYUR RO COG RNAMS DANG, RJE YAB SRAS KYI GSUNG RAB SOGS SKU GSUNG THUGS RTEN GSAR BZHENGS MANG BO DANG, SNGAR YOD RNAMS LA MCHOD RDZAS DANG, RGYAL BSTAN JI SRID GNAS PA'I BAR DU MI NYAMS PA'I MCHOD PA'I THEBS DANG, RIS SU MA CHAD PA'I DGE 'DUN GYI SDE MTHA' DAG LA BSNYEN BKUR NAR MAR MDZAD PA SOGS SNGON BYON PA'I DAM PA RNAMS KYI MDZAD PA RNAM THAR BZANG PO RNAMS RJE 'DIS MA NYAMS PAR BSKYANGS SHING MA 'ONGS PA NA 'BYON PAR 'GYUR BA'I BSTAN 'DZIN DAM PA THAMS CAD KYI MIG LTOS SU 'GYUR BA ZHIG MDZAD DO, ,MDOR NA BDAG CAG GI DPAL LDAN BLA MA DAM PA 'DIS NI BKA' GDAMS SKU MCHED GSUM GYI RNAM PAR THAR PA RJES SU BSKYANGS TE, DE YANG DGE BA'I BSHES GNYEN PHU CHUNG PA CHEN PO NI 'GRO BA'I PHAN BDE DKON MCHOG GI THUGS RJE LA RAG LAS PAR DGONGS NAS

DKON MCHOG MCHOD PA GTZO BOR MDZAD PA'I RNAM PAR THAR PA LTAR, RJE 'DIS KYANG BSKAL BZANG LI MA LHA KHANG SOGS MCHOG GSUM GYI RTEN BSAM LAS 'DAS PA GSAR DU BZHENGS SHING ,DE DAG DANG SNGON BZHUGS PA'I MCHOG GSUM GYI RTEN RNAMS LA MCHOD PA'I DNGOS PO BSAM GYIS MI KHYAB PAS MCHOD, DE YANG JI SRID BSTAN PA NAM GNAS KYI BAR DU MCHOD PA RGYUN MI 'CHAD PAR 'BYUNG BAR MDZAD PA'ANG MTHA' YAS TE, NGA LTA SKYE BO KUN GYI MIG LAM DU SNANG BA 'DI BZHIN NO, ,DGE BA'I BSHES GNYEN SPYAN SNGA BA NI SEMS CAN GYI BDE SKYID DGE 'DUN GYI SDE GNAS PA LA RAG LAS PAR DGONGS NAS, GTZUG LAG KHANG DANG, LHA KHANG MANG DU BRTZIGS PA'I RNAM THAR LTAR, RJE 'DIS KYANG BOD YUL GYI LJONGS 'DIR GTZUG LAG KHANG CHES DAR RGYAS SU MDZAD DE ,BKRA SHIS LHUN PO'I GTZUG LAG KHANG RGYA CHER 'PHEL BA 'DI BZHIN DANG, GANGS RI'I LJONGS KYI RI SUL RNAMS SU BSAM GTAN GYI SDE MANG DU 'DZUGS PAR GNANG BA SOGS RJE 'DI NYID KYI BKA' DRIN LAS GANGS CAN GYI LJONGS 'DIR KHRIMS LDAN 'DUS PA'I SDE RGYA CHER 'PHEL BA KUN GYI MIG LAM DU SNANG BA 'DI'O, ,DGE BA'I BSHES GNYEN PO TO BA CHEN PO NI DGE 'DUN GYI BSNYEN BKUR DANG, BKA' GDAMS GZHUNG DRUG GI SGO NAS JO BO'I MAN NGAG 'CHANG BA GTZO BOR MDZAD PA BZHIN, RJE 'DIS KYANG RIS SU MA CHAD PA'I DGE 'DUN GYI SDE MTHA' DAG LA BSNYEN BKUR GTZO BOR MDZAD CING, LHAG PAR BKRA SHIS LHUN PO NI CHOS DANG ZANG ZING GNYIS KA'I SGO NAS SPYAN GYI 'BRAS BU LTAR BSKYANGS TE, DGE 'DUN ZHAL GRANGS JE 'PHEL DU GYUR CING, BYANG PHYOGS BSIL

, ,LDAN YANGS PA'I LJONGS 'DIR LUGS GNYIS KA'I SGO NAS BRAN ZLA DANG BRAL PA KUN GYI MIG LAM DU SNANG BA 'DI BZHIN NO, ,MDZAD PA THAMS CAD KYI NANG NAS GTZO BOR GYUR PA NI RGYAL BA'I BSTAN PA LA BYA PA MDZAD PA YIN PAS, BSTAN PA LA BYA BA MDZAD PHYIR RJE RANG NYID KYI TSUL KHRIMS RNAM PAR DAG PA'I DRI BSUNG LA 'KHOR PA'I DAD LDAN GYI SKYES BU GTZANG DBUS KHAMS GSUM MTHA' DAG DANG, THA NA RGYA MTSO'I MTHA' DANG GLING BAR TSUN CHAD NAS RANG DBANG MED PAR 'DUS PA NGAG LA DGE BSNYEN ,DAG TSUL, DGE SLONG GI SDOM PA RNAMS GNANG BA NI BGRANG BA LAS 'DAS TE, 'DZAM GLING YANGS PA'I RGYAL KHAMS THAMS CAD RJE NYID LA BSLAB PA MNOS PA'I KHRIMS LDAN GYIS KHYAB CING, LHAG PAR GANGS CAN 'GRO BA'I MGON PO RJA BTZUN BLO BZANG BSKAL BZANG RGYA MTSO DPAL BZANG POR, DGE TSUL GYI SDOM PA, DGE SLONG GI SDOM PA, GSANG BDE 'JIGS GSUM GYI DBANG RNAMS PHUL TE SDOM PA GSUM LDAN DU BSGRUBS SHING, RJE RGYAL BA GNYIS PA'I BSTAN PA'I BDAG POR MDA' GSOL BAS 'DZAM GLING YANGS PA'I RGYAL KHAMS MTHA' DAG RGYAL BA YAB SRAS GNYIS KYI 'PHRIN LAS RNAM PAR DKAR BA'I GDUGS GCIG GIS KHYAB CING, RJE BTZUN BLA MA NGAG DBANG BYAMS PA LA DGE SLONG GI SDOM PA DANG, CHOS BKA' GZHAN YANG MANG DU GNANG NAS RGYAL BA 'OD DPAG MED KYI SKU BRNYAN LI DMAR LAS GRUB PA PHYAG TU GNANG NAS THEG CHEN BSTAN PA'I SNYING PO RJE RGYAL BA GNYIS PA'I BSTAN PA RIN PO

CHE'I SROG SHING DU MNGA' GSOL, DUS GSUM GYI RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA GTZO BOR BTON PA'I SGO NAS RJE RGYAL BA GNYIS PA'I LUGS SROL BZANG PO RGYA CHER SPEL DOGS PA'I ZHAL TA GNANG ZHING, PHYOGS KYI THA GRU KUN TU RJE BTZUN BLA MA 'DI'I 'PHRIN LAS RGYA CHER 'PHEL BA'I RTEN 'BREL BSGRIG BAR MDZAD PAS SHAR PHYOGS RGYA MTSO'I MTHA' LA THUG GI BAR DU BYANG CHUB LAM GYI RIM PA'I 'PHRIN LAS KYIS KHYAB PA 'DI YANG RJE 'DI NYID KYI THUGS RJE'I NUS MTHU LAS GRUB PA YIN PAS GANGS CAN PA RNAMS LA BKA' DRIN ZLA MED DU MDZAD PA YIN NO, ,MA 'ONGS PA NA BSTAN PA SPYI DANG KHYAD PAR RJE RGYAL BA GNYIS PA'I SNYAN RGYUD KYI BSTAN PA YUN RING DU GNAS PA'I PHYIR BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I MYUR LAM ZHES GRAGS PA DPAL DBEN SA SNYAN RGYUD KYI MAN NGAG RNAMS CHES GSOL BAR BKOD PA SNGON MED PA'I LEGS BSHAD 'DI MDZAD CING, GZHAN YANG BYANG CHUB LAM GYI RIM PA'I BLA MA BRGYUD PA'I RNAM PAR THAR PA PADMAR DKAR PO'I 'PHRENG BA, LAM GYI GTZO BO RNAM GSUM GYI RNAM BSHAD GSUNG RAB KUN GYI GNAD BSDUS PA LEGS BSHAD SNYING PO, SNYING PO DON GSUM GYI KHRID YIG THAMS CAD MKHYEN PAR BGROD PA'I NYE LAM, PAn CHEN BLO BZANG CHOS KYI RGYAL MTSAN GYI RNAM THAR GSAL BAR STON PA NOR BU'I PHRENG BA'I SMAD CHA, RJE DRUNG SPRUL SKU DGE 'DUN CHOS RGYAL DBANG PHYAG GI RNAM THAR GRUB DBANG DGYES PA'I ROL MTSO, BLA MA'I RNAL 'BYOR GYI 'GREL PA DANG BKA'

, ,DRIN GSOL 'DEBS, BLO CHEN RGYAL KUN MA, RGYUD KYI RGYAL PO DPAL GSANG BA 'DUS PA'I BSHAD PA RDZOGS PA'I 'OG TU RDO RJE SLOB DPON LA GTANG RAG GI MCHOD PA SOGS BYA TSUL, THUGS RJE CHEN PO RGYAL PA RGYA MTSO LHA DGU'I BLA BRGYUD GSOL 'DEBS DANG SHIS BRJOD, THUGS RJE CHEN PO RGYAL BA RGYA MTSO LHA DGU'I SGRUB THABS, THUGS RJE CHEN PO RGYAL BA RGYA MTSO LHA DGU'I DKYIL CHOG ,THUGS RJE CHEN PO RGYAL BA RGYAL MTSO LHA DGU'I SBYIN SREG GI CHO GA, DRIS LAN GYI SKOR, TSE SGRUB 'CHI MED BDUD RTZI'I CHU RGYUN, 'PHAGS MA GDUGS DKAR CAN GYI SGRUB THABS MCHOG THUN DNGOS GRUB CHAR 'BEBS, GSHIN PO RJES 'DZIN THAR PA'I LAM STON, BLA MA'I RNAL 'BYOR, BLA MA'I BSTOD TSIG GSOL 'DEBS, YI DAM 'GA' LA BRTEN PA'I BLA MA'I RNAL 'BYOR, BRTAN BZHUGS TSIGS BCAD MANG BA, LHA 'GA'I SGRUB THABS DANG RJES GNANG BYED TSUL, BSNYEN GNAS BSRUNGS PA DANG SMYUNG GNAS BYAS PA'I PHAN YON, SKU GDUNG GI DKAR CHAG LE TSAN, RTEN SOGS BZHENGS PA'I RGYAB YIG ,DGON SDE 'GA' ZHIG GI KHRIMS SU BCA' BA, RTEN GSUM BZHENGS PA SOGS KYIS MTSAN PA'I DGE BSNGO'I SMON LAM TSIGS BCAD, MGON DKAR YID BZHIN NOR BU'I GTOR CHOG DGE LEGS KUN 'BYUNG, YE SHES KYI MGON PO GRI GUG DANG CHER GSEB CHOS SKYONG BSTAN MA GSUM GYI GTOR CHO GA, BSTAN SRUNG RGYA MTSOR MCHOD GTOR 'BUL TSUL DANG 'PHRIN BCOL, BSANGS KYI CHO GA, SNYAN NGAG ME LONG LAS LE'U GNYIS PA'I DPER BRJOD MTSO BYUNG DGYES

PA'I ME TAG ,LE'U GNYIS PA'I GZUGS CAN BCU GNYIS PA YAN GYI DPER BRJOD, MDO RGYUD ZAB MO'I LUNG RJES GNANG DBANG KHRID GSAN YIG GZHAN PHAN RIN CHEN DBANG RGYAL LHAG BSAM PUndA RI KA'I PHRENG BAS SPUD PA, SKU GZHON NU NYID NAS RGYAL BA'I BSTAN PA RIN PO CHE'I SGOR ZHUGS NAS BLA MA DAM PA MTSAN NYID DANG LDAN PA DU MA ZHIG GUS PA CHEN POS BSTEN PA'I SGO NAS RAB 'BYAMS MDO DANG RGYUD SDE'I GZHUNG LA LEGS PAR BSLABS NAS, THOS BSAM SGOM PA DANG 'CHAD RTZOD RTZOM PA LA SOGS PA, SKU GSUNG THUGS KYI RTEN BZHENGS PA DANG MCHOD PA, RIS MED PA'I DGE 'DUN MANG PO LA BSNYEN BKUR BA SOGS BSTAN 'GRO'I BYA BA MTHA' DAG LA BRTZON PAR MDZAD PA'I RNAM THAR 'OD DKAR CAN GYI PHRENG BA RNAMS MDZAD DE BSTAN PA LA BYA BA RGYA CHER MDZAD NAS DGUNG LO DON LNGA LA PHEBS PA ME MO SPRUL GYI LO GDUL BYA RTAG 'DZIN CAN RNAMS CHOS LA BSKUL BA'I PHYIR RE ZHIG GZUGS SKU'I BKOD BA BSDU BA'I TSUL BSTAN TO, ,RJE 'DI LA NI NOR 'DZIN YANGS PA'I KHYON LA GNAS PA'I CHE DGU MTHA' DAG GIS GUS PAS MCHOD CING RIS SU MA CHAD PA'I BSTAN 'DZIN DAM PA PHAL MO CHES RJE 'DI PA LAS BSLAB SDOM BLANGS SHING, CHOS KYI BKA' DRIN NOS PAS NA RGYUD 'DZIN GYI SLOB MAS SA'I STENG KHYAB PAS MTHA' DAG BGRANG BAR GA LA NUS, THUGS SRAS KYI GTZO BO THUB BSTAN YONGS RDZOGS KYI BDAG POR MNGA' GSOL BA RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO DANG,

, ,MDO KHAMS BSTAN PA'I SGRAN ME CHAB MDO 'PHAGS PA LHA, BRAG G-YAB SPRUL SKU RNAM GNYIS, DBANG PHYOGS BSTAN PA'I SGRON ME RJE LCANG SKYA RIN PO CHE YE SHES BSTAN PA'I SGRON ME, BA SO SPRUL PA'I SKU, 'JAM MGON BSTAN PA'I SROG SHING RJE BTZUN NGAG DBANG BYAMS PA, GRUB PA'I DBANG PHYUG RJE DON YOD MKHAS GRUB ,GRUB CHEN BLO BZANG BYAMS PA, SNGAGS CHEN DGE LEGS RAB RGYAS, RJE ZHAL SNGA NAS 'JAM DBYANGS CHOS 'PHEL, THOS BSAM GLING PA CHEN PO DPAL LDAN YE SHES, RDO RJE 'DZIN PA BLO BZANG RIG GROL, BYA BRAL GRUB PA'I DBANG PHYUG BLO BZANG RNAM RGYAL, SNGAGS CHEN DAM CHOS DPAL 'BYOR, SNYAN RGYUD 'PHRIN LAS KYI BKA' BAB ZHABS DRUNG LHA PA SPRUL SKU BLO BZANG 'PHRIN LAS, DBANG DANG RJES GNANG GI BKA' BAB RDO RJE 'DZIN PA YE SHES DPAL 'BYOR ,RGYUD 'DZIN 'PHRIN LAS KYI BKA' BAB GRUB PA'I DBANG PHYUG BLO BZANG BZOD PA SOGS BSTAN 'DZIN DAM PA BGRANG BA LAS 'DAS PA BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE BTZUN THAMS CAD MKHYEN PA BLO BZANG YE SHES DPAL BZANG PO LA GSOL BA 'DEBS SHING RJE 'DI'I MDZAD PA BZANG PO RNAMS DRAN PAR BYAS LA 'JAM MGON BSTAN PA'I SNYING PO LA YID CHES KYI DAD PA BRTAN POS BLO SNA NANG DU BKUG STE BYANG CHUB LAM GYI RIM PA LA BAG CHAGS CI THEBS BYA'O,, ~ ,,MKHYEN RAB DBANG PHYUG 'JAM DBYANGS CHOS 'PHEL ZHES BSNGAGS PA, RJE ZHAL SNGA NAS 'JAM DBYANGS CHOS 'PHEL NI SRAD DU SKU 'KHRUNGS, SNGON YUN RING PO NAS LAM LA SBYANGS PA'I BAG CHAGS KYI MTHU BRTAS PAS

KHYIM GYI 'DU 'DZAL CHAGS PA MED PAR GZHON NU NAS RGYAL BA'I BSTAN PA LA RAB TU BYUNG, CHOS GRVA CHEN PO BKRA SHIS LHUN POR PHEBS TE RJE BTZUN BLO BZANG CHOS KYI RGYAL MTSAN GYI ZHABS LA BSNYEN CING ,THOG MAR TSAD MA RNAM 'GREL LA SBYANGS PA NA MKHYEN RAB MTSUNGS PA MED PAS RING POR MA THOGS PAR SDE BDUN MDO DANG BCAS PA'I DON LA MI 'JIGS PA'I SPOBS PA THOB, DE NAS PHAR PHYIN DANG, DBU MA DANG, 'DUL BA DANG, MDZOD RNAMS LA RIM BZHIN SBYANGS TE MKHAS PA'I PHUL DU PHYIN PAR GYUR PA NA DGE 'DUN 'DUS PA RGYA MTSO'I DBUS SU DAM BCA' BZHAG STE SNGAR BRJOD PA'I GZHUNG CHEN MO DE RNAMS LA GRVA SKOR MDZAD, DE NAS DRUNG PA YAB SRAS DANG, RDO RJE 'DZIN PA DKON MCHOG RGYAL MTSAN SOGS RJE BTZUN BLO BZANG CHOS KYI RGYAL MTSAN GYI THUGS SRAS MKHAS GRUB MANG PO LAS RGYUD SDE BZHI DANG 'BREL BA'I DBANG LUNG MAN NGAG MANG DU GSAN ZHING, KHYAD PAR JO BO RJE DPAL LDAN AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG PA'I MAN NGAG GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I ZAB KHRID DBEN SA SNYAN RGYUD KYI MAN NGAG ZHAL SHES DANG BCAS PA GSAN NAS NYAMS SU BLANGS TE MYONG BA THON PAR MDZAD, DE NAS LUNG DANG RTOGS PA'I YON TAN GYI GTER CHEN POR GYUR PA NA RJE BTZUN BLO BZANG YE SHES KYI BKAS THOS BSAM GLING GI GDAN SAR PHEBS TE SDE SNOD 'DZIN PA STONG PHRAG BRGAL BA LA SHING RTA CHEN PO'I GZHUNG LUGS RNAMS RGYA CHER 'CHAD PAR MDZAD, DE NAS SNGAGS KHANG GI GDAN SAR

, ,PHEBS TE RGYUD THAMS CAD KYI RGYAL PO DPAL GSANG BA 'DUS PA MTHA' DRUG TSUL BZHI'I SGO NAS 'CHAD PA LA MKHAS PA'I PHUL DU PHYIN PAR GYUR TE SDE SNOD 'DZIN PA BRGYA PHRAG MANG PO LA 'GREL PA BZHI SBRAGS DANG, 'KHOR LO BDE MCHOG GI RGYUD 'GREL PA DANG BCAS PA DANG, DUS KYI 'KHOR LO'I RGYUD 'GREL PA DANG BCAS PA SOGS RDO RJE THEG PA'I BSTAN PA RGYA CHER SPEL BAR MDZAD CING, DE DAG GI BAR BAR DU SKAL BA DANG LDAN PA MANG PO LA BYANG CHUB LAM GYI RIM PA'I KHRID SOGS MDO SNGAGS KYI CHOS MTHA' YAS PA STZAL TE BSTAN PA LA BYA BA RGYA CHER MDZAD, MTHAR SNGAGS KHANG GI GDAN SA'I THOG NYID DU ZHING GSHEGS, DE'I TSE THUGS DAM LA RGYUN RING BZHUGS SHING SKU GZUGS KYANG 'OD KYI RANG BZHIN CAN JE CHUNG JE CHUNG DU SONG STE THUGS DAM LAS BZHENGS PA'I TSE SPUR DAR KHA GANG LA 'THUMS PA ZHIG BYUNG, GDUNG ZHUGS LA PHUL BA'I TSE GDUNG LA RJE BTZUN SGROL MA RANG BYON DU PHEBS PA SOGS NGO MTSAR YA MTSAN CHE BA'I MTSAN MA MANG DU BYUNG BA ZHIG GO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BDAG NYID CHEN PO 'DI LA GSOL BA 'DEBS SHING, 'DI'I RNAM THAR LTAR MDO SNGAGS KYI GZHUNG LA SBYANGS PA MTHAR PHYIN PAR BYAS LA GZHUNG LUGS GDAMS PAR 'CHAR BA'I NYAMS LEN LA 'BAD DE RANG RGYUD BTUL NAS SKAL BA DANG LDAN PA GZHAN DAG LA'ANG PHAN THOGS PA ZHIG BYA'O,, ` ,,BLO BZANG THUGS RJE'I YE SHES 'OD STONG GIS, ,GANG GIS BLO GROS PADMO KHA PHYE NAS, ,

SKAL LDAN 'PHRIN LAS SPRANG RTZI'I DGA' STON CAN, ,YONGS 'DZIN DAM PA'I ZHABS LA GSOL BA 'DEBS, ,ZHES BSNGAGS PA, ZHABS DRUNG LHA PA SPRUL SKU BLO BZANG 'PHRIN LAS NI, PAn CHEN BLO BZANG CHOS KYI RGYAL MTSAN GYI THUGS SRAS ZHABS DRUNG LHA PA BLO BZANG BSTAN PA DAR RGYAS ZHES YONGS SU GRAGS PA'I MKHAS GRUB CHEN PO DE NYID ZHING GSHEGS GONG DANG, GSHEGS NAS SPUR SBYONG BA'I SKABS KYI RTAGS DANG MTSAN MA DANG, LHA DANG BLA MA MANG POS LUNG BSTAN PA LTAR SPRUL BA'I SKU 'DI NYID DBUS PHYOGS SU SKU 'KHRUNGS, GZHON NU'I DUS NAS SNGON GYI BAG CHAGS BZANG PO'I MTHU BRTAS PAS SRID PA'I PHUN TSOGS GANG LA'ANG MA CHAGS PAR RGYAL BA'I BSTAN PA RIN PO CHE'I SGOR RAB TU BYUNG, ,PAn CHEN BLO BZANG CHOS KYI RGYAL MTSAN GYI THUGS SRAS MANG PO'I ZHABS LA GTUGS SHING, LHAG PAR DRUNG BA YAB SRAS LA MDO SNGAGS KYI GDAMS NGAG MTHA' YAS PA GSAN ZHING ,LUNG DANG RTOGS PA'I MNGA' BDAG RIN CHEN DON GRUB LA PAn CHEN BLO BZANG CHOS KYI RGYAL MTSAN NAS GRUB CHEN NAM MKHA' RDO RJE LA BRGYUD PA'I BYANG CHUB LAM GYI RIM PA'I KHRID DBEN SA SNYAN RGYUD KYI MAN NGAG ZHAL SHES CHA LAG DANG BCAS PA RGYAS PAR GSAN TE NYAMS SU BZHES PAS NYAMS RTOGS KHYAD PAR CAN 'KHRUNGS, GRUB CHEN NAM MKHA' RDO RJE NAS BRGYUD PA'I MAN NGAG BLA MA RIN CHEN DON GRUB KYIS ZIN BRIS MDZAD PA'I LAM RIM GYI KHRID YIG KHYAD PAR CAN ZHIG KYANG YOD DO, ,ZHABS DRUNG RIN PO CHE 'DI SNGON SBYANGS KYI BAG CHAGS SANG PAS NGES 'BYUNG SKYO SHAS CHE ZHING

, ,SDOM PA GSUM GYI BCAS MCHAMS RNAM PAR DAG PA DANG, BDAG PAS GZHAN GCES PA'I BYANG CHUB KYI SEMS THUGS LA MNGA' BAS SKAL BA DANG LDAN PA MTHA' YAS PA LA THAR PA DANG THAMS CAD MKHYEN PA'I SA BON 'DEBS NUS PA ZHIG BYUNG STE, PAn CHEN THAMS CAD MKHYEN PA RJE BTZUN BLO BZANG YE SHES KYIS KYANG SPYAN MTHONG SHIN TU CHE BAR MDZAD DE ZHABS DRUNG RIN PO CHE 'DI LA LAM RIM GYI KHRID DANG, BLA MA MCHOD PA'I KHRID DANG, SNYING PO DON GSUM GYI KHRID DANG, DGA' LDAN PHYAG RGYA CHEN PO'I KHRID RNAMS DGYES BZHIN DU GNANG ZHING SNAR THANG BYANG CHEN GYI BLA MAR BSKO BAR MDZAD DE 'DI PA BYANG CHEN DU BZHUGS SKABS SKYA SER MANG PO LA PHAN CHE BAR GZIGS NAS PAn CHEN THAMS CAD MKHYEN PA CHEN POS GZIM CHUNG YID DGA' CHOS 'DZIN DU ZHABS DRUNG RIN PO CHE 'DI GCIG PU LA SMYUNG GNAS KYI SDOM PA YANG STZAL, ZHABS DRUNG RIN PO CHE 'DI PAS KYANG PAn CHEN THAMS CAD MKHYEN PA'I BKA' BZHIN BSGRUBS TE LO RE BZHIN SNAR THANG BYANG CHEN DU SKYA SER BRGYA PHRAG MANG PO LA SMYUNG GNAS KYI SDOM PA GNANG ZHING, GZHAN YANG DGE BA'I BSHES GNYEN DON GNYER CAN RNAMS LA CHO 'PHRUL GYI DUS DANG CHOS 'KHOR BSKOR BA'I DUS LA SOGS PA DUS KHYAD PAR CAN RNAMS LA SMYUNG GZHAS KYI SDOM PA GNANG STE THUGS RJE CHEN PO'I CHOS SKOR CHES CHER DAR BAR MDZAD, LHAG PAR MDO SNGAGS GSUNG RAB THAMS CAD KYI SNYING PO'I DON RGYAL BA THAMS CAD GANG NAS BYON PA'I LAM PO CHE BYANG CHUB LAM GYI RIM PA'I KHRID YANG

YANG STZAL TE BSTAN PA LA BYA BA RGYA CHER MDZAD, LAM GYI RIM PA LA BLO SBYANGS TE THABS BRTAN PAR GYUR PA RNAMS LA SHER PHYIN GYI MDO SDE RIN PO CHE'I SNYING PO'I DON, DPAL MGON 'PHAGS PA KLU SGRUB KYIS NGES DON GYI MDO SDE'I DON LEGS PAR BKRAL BRTEN 'BYUNG SPROS PA'I MTHA' THAMS CAD DANG BRAL BA DRI MA MED PA'I RIGS LAM NAS DRANGS TE MTHA' DAG PAR 'DOMS PA LA ZLA DANG BRAL BA ZHIG STE, BYA BRAL GRUB PA'I DBANG PHYUG BLO BZANG RNAM RGYAL GYIS GTZOS SDE SNOD 'DZIN PA MANG PO ZHIG GIS ZHABS DRUNG RIN PO CHE 'DI PA LA LAM RIM GYI KHRID ZHUS PAR CHE BA SHES GNYEN BSTEN TSUL NAS LHAG MTHONG GI BAR DMIGS SKOR RE RE NAS MYONG KHRID DU BYAS TE ZLA SBREL GYI BAR RGYAS PAR GNANG ZHING, LHAG PAR ZAB MO DBU MA'I LTA BA RTAG CHAD KYI MTHA' THAMS CAD DANG BRAL BA RIGS PA'I RNAM GRANGS MTHA' YAS PAS GTAN LA PHAB NAS 'DOMS PAR MDZAD CING, SGOM TSUL GYI MAN NGAG SNYING PO'I DON MGON PO 'JAM PA'I DBYANGS KYIS RJE BDAG NYID CHEN PO PHA JI LTAR STZAL BA'I SNYAN RGYUD KYI MAN NGAG LTAR 'KHRID PAR MDZAD, LAM RIM GYI KHRID GRUB NAS SPYIR LAM GYI LUS YONGS SU RDZOGS PA DANG KHYAD PAR DBU MA'I LTA BA MTHAR THUG BA SHER PHYIN GYI MDO SDE RIN PO CHE'I KHUNGS DANG SBYAR BA BRGYAD STONG PA'I GZABS BSHAD MDZAD PAS 'JAM MGON SNYAN RGYUD KYI BSTAN PA LA BKA' DRIN ZLA MED DU MDZAD DO, ,BDAG NYID CHEN PO 'DI'I SKU TSE RIL PO'I MDZAD PA RNAM THAR ZHIB TU STON PA'I YI GE MA MTHONG BAS SLAR RNYED NA 'DIR BSNAN

, ,PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS ZHABS DRUNG RIN PO CHE SPRUL PA'I SKU BLO BZANG 'PHRIN LAS LA GSOL BA 'DEBS SHING, BDAG NYID CHEN PO 'DI'I RNAM THAR LTAR 'JAM MGON SNYAN RGYUD KYI MAN NGAG LA SGRUB PA SNYING POR BYAS TE DAL BA DON LDAN DU BYA'O,, ` ,,THUB PA'I DGONGS DON ZAB DANG RGYA CHE'I GZHUNG, ,BLO GSAL SKAL BZANG GDUL BYAR RNAM KUN TU, ,SPEL MDZAD RGYAL BA DGYES PA'I LAM BZANG LA, ,'GOD MKHAS BSHES GNYEN BZANG POR GSOL BA 'DEBS, ZHES BSNGAGS PA, BYA BRAL GRUB PA'I DBANG PHYUG BLO BZANG RNAM RGYAL NI ,CHOS GRVA CHEN PO BKRA SHIS LHUN PO NAS LHO PHYOGS SU DPAG TSAD GCIG LHAG TZAM GYI SAN LCAGS LUNG PA ZHES BYA BA, PHUN RTZVA RI PHUN SUM TSOGS PA LA 'BROG SDE DANG ,MDA' NAS GZHI LO TOG PHUN SUM TSOGS PA SKYE BA'I ZHING PA MI KHYIM MANG DU YOD PA ,SNGON BYON DAM PA DU MAS ZHABS KYIS BCAGS SHING BYIN GYIS BRLABS PA, LHAG PAR PAn CHEN THAMS CAD MKHYEN PA BLO BZANG CHOS KYI RGYAL MTSAN PHYOGS DER PHEBS NAS BKRA SHIS KYI GSO SBYONG MDZAD PA SOGS DGE MTSAN DU MAS BRGYAN PA'I SA'I THIG LE DE'I PHUN BCUS KHANG DMAR SHAR BA ZHES BYA BA'I KHYIM DU YAB MGON PO TSE RGYAL ZHES BYA BA DANG, YUM SRAS MO LAGS ZHES GRAGS PA GNYIS KYI SRAS SU BSAM BZHIN DU SKYE BA BZHES TE LCAGS PHO KHYI'I LOR KHYE'U DBU GDUGS LTAR ZLUM ZHING SPYI GTZUG MTHO BA, DPRAL BA'I DBYES CHE

ZHING SHANGS KYI GZENGS MTHO PA, SPYAN DKYUS RING ZHING MCHU SGROS PADMA'I 'DAB MA JI LTA BA, PAGS PA'I MDOG NI DKAR LA DMAR BA'I MDANGS CHAGS PA 'GRO BA KUN GYI MIG GI BDUD RTZI LTA BU ZHIG NGO MTSAR BA'I LTAS DANG BCAS TE 'KHRUNGS SO, ,'DI SKABS RJE BTZUN BLO BZANG CHOS KYI RGYAL MTSAN ZHING GSHEGS NAS LO DGU DANG, RJE BTZUN BLO BZANG YE SHES 'KHRUNGS NAS LO BRGYAD SONG BA'I SKABS DE YIN NO, ,DE 'DRA BA'I GZHON NU DE NI SNGON YUN RING PO NAS LAM LA GOMS PA'I BAG CHAGS SAD PAS BYIS PA'I RGUD PA MTHA' DAG LAS 'DAS SHING DAM PA'I CHOS 'TSOL BA LHUR LEN PA'I NGANG TSUL CAN ZHIG BYUNG STE, KHYIM GYI GNAS LA MNGON PAR MI DGA' BAR KHYIM NA GNAS PA NI BYA BA NGAN PA SNA TSOGS KYIS BREL NAS DGE BA'I BSAM PA MA SKYES PA MI SKYE ZHING SKYES PA RNAMS RIM GYIS 'GRIB PAR BYED PA, TSONG DANG ZHING LAS SOGS LAS NGAN PA SNA TSOGS PA DANG, DE DAG GI CHED DU PHAN TSUN 'THAB PA DANG RTZOD PA SOGS BZOD PAR DKA' BA'I SDUG BSNGAL DU MAS LUS SEMS KUN NAS GDUNG BAR BYED PA, 'DOD PA SPYOD PA NI DUG SBRUL NAG PO'I GDENGS KA'I GRIB BSIL LTAR MNOG CHUNG ZHING NYEN CHE BA, MDOR NA NYES PA DU MA'I 'BYUNG KHUNGS SU GYUR LA, RAB TU BYUNG BA NI NYES PA THAMS CAD LAS LDOG CING YON TAN THAMS CAD SKYE BA'I RTEN SA GZHI LTA BU, RGYAL BA SRAS BCAS THAMS CAD KYIS BSNGAGS PA'I GNAS YIN PAR MKHYEN NAS RAB TU 'BYUNG 'DOD GTING NAS YOD PA'I KHAR,

, ,RGYAL PO DGA' LDAN TSE DBANG GI CHOS TSAB BTZUN CHUNG KHA SHAS 'JUG RTZIS KYIS BRTAGS PA NA, DAM PA 'DI NYID GZHON NU BLO GROS GSAL ZHING RIGS RUS BTZUN PA SOGS GANG CIR 'OS PAR GZIGS NAS, 'DI NYID DANG GZHAN YANG BTZUN CHUNG KHA SHAS BCAS CHOS TSAB TU 'JUG PAR MDZAD PA'I RKYEN GYIS NYE BAR BSKUL TE KHYIM NAS KHYIM MED PAR RAB TU 'BYUNG BAR 'DOD NAS CHOS GRVA CHEN PO BKRA SHIS LHUN PO PHYOGS THAMS CAD LAS RNAM PAR RGYAL BA'I GLING DU MGON PO 'OD DPAG MED NGUR SMRIG GAR GYI RNAM PAR ROL PA PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I DRUNG DU PHEBS, DE SKABS RJE BTZUN BLO BZANG YE SHES KYIS BSNYEN RDZOGS BZHES MA GRUB PAS MKHAN PO'I BYA BA MI MDZAD PAS THOS BSAM GLING GI BLA MA RJE ZHAL SNGA NAS GRUB CHEN BLO BZANG BYAMS PA LAS RAB TU BYUNG ZHING TSIGS SDE MA DGE TSUL GYI SDOM PA NOD PAR MDZAD DE, MTSAN BLO BZANG RNAM RGYAL ZHES 'DOGS PAR MDZAD DO, ,DE NAS THUGS BSAM 'DI LTA BU DAG 'KHRUNGS TE STON PA'I BSTAN PA LA RAB TU BYUNG BA RNAMS KYI BYA BA NI GNYIS TE, KLOG PA THOS BSAM DANG, SPONG BA BSAM GTAN NO, ,DE YANG MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR, SGOM RNAM DAG BYED PA LA BSAM PAS NGAS SHES 'DREN PA SNGON DU 'GRO DGOS, DE LA THOS PA MA NOR PA ZHIG BYAD DGOS, DE YANG GANG BYUNG BYUNG LA THOS PAS BYAS PAS MI CHOG PAS, RGYAL BA'I DGONGS PA 'GREL PA LA

TSAD MAR GYUR DPANG DU GYUR PA KLU SGRUB LA SOGS PA SHING RTA CHEN PO RNAMS KYI GZHUNG LA MKHAS PA BSTEN NAS SBYANG DGOS PAR DGONGS NAS THOG MAR RIGS PA'I GZHUNG LUGS RNAMS LA GSAN SBYONG MDZAD PA LA ZHUGS SHING, RJE ZHAL SNGA NAS GRUB CHEN BLO BZANG BYAMS PA DANG, ZHAL SNGA NAS 'JAM DBYANGS CHOS 'PHEL SOGS KYI ZHABS LA GTUGS NAS, THOG MAR CHOS SPYOD RNAMS 'DZIN PA DANG, RIGS PA'I SGO 'BYED MCHED MTSON RTAGS GSAL RTZI LUGS THAL 'GYUR 'PHEN LUGS SOGS LA SBYONG BA SBRAGS NAS MDZAD, DE NAS RTAGS GSAL 'PHEN LUGS KYI GNAD MKHYEN CING RIGS GZHUNG LA BLO KHA BYE BAR GYUR PA NA, RIGS 'BRING DU PHEBS TE 'JAM DBYANGS DGE 'DUN BLO BZANG GI YIG CHA LA BRTEN NAS TSAD MA RNAM 'GREL GYI LE'U BZHI'I MTHA' DPYOD SPYI DON DANG BCAS PA THUGS LA BZUNG ZHING BGRO GLENG LA BRTZON PAR MDZAD PAS, RING POR MA THOGS PAR GZHUNG GI LUS RNAM GZHAG, GZHUNG SNGA PHYI'I 'TSAMS SBYOR SO SO'I 'PHROS DON SOGS RTOG GE'I TSIG DON MTHA' DAG LA BLO GROS RAB TU RGYAS PAR GYUR TE, PHYI NANG GI GRUB MTHA'I KHYAD PAR RNAMS DRI MA MED PA'I RIGS PAS LEGS PAR PHYE NAS, PHYI ROL PA'I GRUB MTHA' RNAMS NI LONG BA LAG NOM BYED PA DANG 'DRA BAR RMONGS PA 'BA' ZHIG GI DBANG DU SONG BA DANG ,RGAN PO G-YO CAN GYIS LAG PA STONG PAS BYIS PA SLU BAR BYED PA LTAR THAR 'DOD RNAMS SLU BAR BYED PA KHO NA DANG, SANGS RGYAS BCOM LDAN 'DAS KYI BSTAN PA KHO NA THAR 'DOD RNAMS KYI 'JUG NGOGS SU GTING THAG PA NAS YID CHES BSKYED PA'I THABS SGRUB NGAG YANG

, ,DAG DANG RTAGS SBYOR YANG DAG GNYIS KYI SGO NAS RANG DANG SNOD LDAN RNAMS LA NGES SHES SKYED PAR BYED CING, LOG PAR SMRA BA RNAMS NI SUN 'BYIN PA'I THAL NGAG GI SGO NAS TSAR GCOD PAR MDZAD PA'I DRI MED RIGS PA'I NGA RO SGROG PA LA NAM YANG ZHUM PA MED PAR GYUR TO, ,DE NAS RNAM 'BREL GYI MTHA' GCOD RNAMS LA SHIN TU MKHAS PAR GYUR PA NA RIGS CHEN DU PHEBS TE, TSAD MA RNAM 'GREL DANG, NAM BSHAD THAR LAM GSAL BYED GNYIS RTZA 'GREL SBRAGS NAS THUGS 'DZIN MDZAD CING, DON GYI GNAD RNAMS LA GO BA 'TSOL BA LA SHIN TU 'GRUS PAR MDZAD, DE YANG THAR PA DANG THAMS CAD MKHYEN PA THOB PAR BYED PA'I LAM GYI GNAD RNAMS RIGS PA'I LAM NAS RNYED PA ZHIG MA BYUNG NA, LUNG TZAM SKYABS SU BZUNG STE MOS BLO BYAS KYANG GTING NAS NGES PA 'DRONGS PA'I THABS MI 'JUG CING, NGES PA DE LTAR DU SKYE BA YANG GZHUNG LUGS 'DI NYID LA RAG LAS PAR DGONGS NAS TSIG TZAM DANG DON GYI 'O LA SPYI TZAM GYIS TSIM PA MA YIN PAR, YAB RJE THAMS CAD MKHYEN PA'I BKA' LTAR THEG PA GSUM GYI LAM GYI GNAD THAMS CAD RIGS PA'I LAM NAS RNYED PA ZHIG NAM ZHIG NA 'ONG SNYAM DU THUGS BRTZON SHIN TU CHE BAR MDZAD DO, ,DE NAS RNAM 'GREL GYI DKA' GNAS RNAMS THUGS LA CHUD PAR GYUR PA'I TSE, DGE 'DUN 'DUS PA RGYA MTSO'I DBUS SU DAM BCA' YANG YANG 'JOG PAR MDZAD CING, KHYAD PAR DKYIL KHANG NAS MNGA' RIS PA MKHAS PAR GRAGS PA ZHIG DANG SPYI SKYUR GYI BGRO GLENG LA BZHENGS TE, RJE ZHAL SNGA NAS

RNAMS KYIS DBU MDZAD MKHAS MANG RGYA MTSO LTA BU'I DBUS SU BDAG NYID CHEN PO PHYOGS GLANG CHOS GRAGS MU STEGS KYI RGOL BA 'JOMS PHYIR ZHUGS PA BZHIN DU DRI MA MED PA'I RIGS PA'I NGA RO DANG 'BEL BA'I GTAM GYIS MKHAS PA MTHA' DGE DGYES PAR MDZAD CING SNYAM GRAGS KYIS GLING KHYAB PAR GYUR TO, ,DE NAS GZHUNG LUGS CHEN MO GZHAN RNAMS LA'ANG RIM GYIS SBYONG BAR MDZAD DE, DE YANG DUS GSUM GYI RGYAL BA THAMS CAD KYI YUM SHES RAB KYI PHA ROL TU PHYIN PA RGYAS 'BRING BSDUS GSUM GYI DON RNAMS NYAMS LEN GYI RIM PAR BSGRIGS PA RJE BTZUN BYAMS PAS MDZAD PA'I MNGON RTOGS RGYAN DANG, DE'I 'GREL PA SLOB DPON SENG GE BZANG POS MDZAD PA GNYIS SBYAR NAS PHAR PHYIN GYI SKOR DANG, SLOB DPON KLU SGRUB KYI DBU MA'I GZHUNG RNAMS NYAMS LEN GYI RIM PAR BSGRIGS PA SLOB DPON ZLA BA GRAGS PAS MDZAD PA'I DBU MA LA 'JUG PA DANG, DE'I 'GREL PA RJE THAMS CAD MKHYEN PAS MDZAD PA'I DGONGS PA RAB GSAL LA BRTEN NAS DBU MA'I SKOR DANG, 'DUL BA LUNG SDE BZHI'I GNAD RNAMS BSDUS PA SLOB DPON YON TAN 'OD KYIS MDZAD PA'I 'DUL BA'I MDO DANG, DE'I 'GREL PA RJE DGE 'DUN GRUB KYIS MDZAD PA'I 'DUL t'IKA RIN CHEN PHRENG BA DANG, CHOS RJE BDE LEGS NYI MA'I 'DUL BA SOGS LA BRTEN NAS 'DUL BA'I SKOR RNAMS LA SBYANGS SHING LHAG PAR ZAB MO DBU MA'I LTA BA 'DI MA BTZAL NA MDO SNGAGS GNYIS KA'I LAM GYI SROG STOR BAR 'GYUR ZHING, BTZAL KYANG SHIN TU RTOGS DKA' BA YIN PA'I TSUL LA THUGS NGES DRAG

, ,PO 'KHRUNGS TE, DGONGS PA RAB GSAL LA ZHIB TU SBYONG BAR MDZAD CING, BYANG CHUB SEMS DPA' RTAG TU DU SHER PHYIN 'TSOL BAR ZHUGS PA CI 'DRA BAR ZAB MO'I LTA PA 'DI 'TSOL BA'I PHYIR DU MKHAS PA DU MA'I ZHABS LA GTUGS SHING, BLA MA DANG LHAG PA'I LHA LA GSOL BA 'DEBS PA DANG, BSAG SBYANG LA 'BAD PA SOGS RJE BLA MA LA RJE BTZUN 'JAM PA'I DBYANGS KYIS GSUNGS PA LTAR GYI RGYU TSOGS KUN LA BRTZON PA CHU BO'I RGYUN BZHIN NAR MAR MDZAD DO, ,'DUL BA'I SKOR LA'ANG GZHUNG GI TSIG RIS DANG SBYOR NGAG 'GOD SHES PA TZAM GYIS CHOG PA MA YIN PAR RGYAL BA RANG NYID KYI DGONGS PA BZHIN DU SDOM PA MA THOB PAR BYED PA, THOB PA MI NYAMS PAR SRUNG THABS, NYAMS NA PHYIR BCOS THABS, DE DAG LA YANG DGAG SGRUB GNANG GSUM GYI BCAS MTSAMS PHRA ZHING PHRA BA MTHA' DAG JI BZHIN DU NGES PAR MDZAD CING, DE YANG LAG LEN LA SBYOR BA'I THUGS RTZIS 'BA' ZHIG MDZAD DO, ,DE LTAR THUGS SBYONG MDZAD PA'I SKABS RNAMS SU YANG THOS BSAM GYI SKABS YIN ZER NAS BSLAB KHRIMS KHYAD DU BSAD NAS RTZIR SPYOD BYED PA DE 'BRAM YIN PAR ,BSLAB PA'I BCAS MTSAMS SRUNG BA GZHIR MDZAD NAS CHOS GANG THOS NYON MONGS PA'I GNYEN POR 'GYUR BA ZHIG DANG, RE ZHIG GZHUNG LUGS CHEN MO 'DI DAG LA SBYANGS NAS, MTHAR 'DI DAG GI DON LA SGRUB PA SNYING POR BYED PA ZHIG BYUNG NA CI MA RUNG SNYAN DU DGONGS NAS RGYUN DU SMON LAM DANG, LHAG PAR DUS BZANG GI SKABS RNAMS SU CHOS MTHUN GYI GROGS 'GA' DANG

BCAS CI 'BYOR PA'I MCHOD PA BZANG PO BSHAMS TE SMON LAM RGYA CHER 'DEBS PAR MDZAD CING, GTZO BOR TSE MJUG DBEN PA'I GNAS SU TSE DANG SGRUB PA MNYAM PA ZHIG GI THUGS SMON RANG 'DEBS PAR MDZAD, DE NAS GZHUNG LUGS RNAMS LA GSAN SBYONG RAGS RIM GRUB PA NA, RJE BLA MAS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR YIN MTSAN KUN TU NYAMS SU BLANGS, ,KUN KYANG THUB BSTAN RGYAS PA'I CHED DU BSNGOS, ,ZHES GSUNGS PA LTAR, DA NI GZHUNG CHEN MO RNAMS LA SBYANGS PA'I DON TSE MJUG 'DIR SGRUB PA RNAM PAR DAG PA ZHIG BYED DGONGS PA NAR MAR BYUNG ZHING SGRUB PA BYED PA LA MAN NGAG RNAMS GSAN DGOS PAR DGONGS NAS, YANG DAG PAR RDZOGS PA'I SANGS RGYAS NAS BZUNG STE DAM PA BAR MA CHAD PA LAS BRGYUD PA'I MAN NGAG MNGA' BA'I BSHES GNYEN DAM PA RNAMS KYI ZHABS LA GTUGS NAS GZHUNG LUGS GDAMS NGAG TU 'CHAR PA'I MAN NGAG GI GNAD RNAMS 'TSOL BA LA ZHUGS SO, ,DE NAS PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I ZHES DRUNG DU RJE RIN PO CHE'I RNAM THAR DAD PA'I 'JUG NGOGS, ,SLOB DPON DPA' BOS MDZAD PA'I 'KHRUNGS RABS SO BZHI BA'I GZABS BSHAD, MDZOD RTZA, 'DUL BA MDO RTZA BA, TSAD MA RNAM 'GREL, 'GREL PA DON GSAL, DBU MA LA 'JUG PA, BYAMS PAS DAM BCAS PA'I GZUNGS, SNAR THANG BRGYA RTZA, LAM GYI GTZO BO RNAM GSUM

, ,GYI 'GREL PA RJE RANG NYID KYIS MDZAD PA, BKA' DRIN GSOL 'DEBS, BKRA SHIS LHUN PO'I PAR DU 'KHOD PA'I CHOS SPYOD RAB GSAL, RJE BLO BZANG CHOS RGYAN GYIS MDZAD PA'I GTOR MA'I SKOR RNAMS PHAL CHER BCAS RIM GYIS GSAN, YANG RJE RIN PO CHES MDZAD PA'I LAM RIM CHUNG BA, RJE RIN PO CHE DANG BLA MA DBU MA PA LA RJE BTZUN 'JAM PA'I DBYANGS KYIS GNANG BA 'JAM DBYANGS CHOS SKOR ZHES GRAGS PA THUN MONG MA YIN PA'I ZAB CHOS RNAMS RIM GYIS GSAN TO,, DE NAS RJE ZHAL SNGA NAS 'JAM DBYANGS CHOS 'PHEL BA'I DRUNG DU BYANG CHUB LAM GYI RIM PA'I ZAB KHRID YONGS SU RDZOGS PA GSAN ZHING CHOS BKA' GZHAN YANG MANG DU GSAN NO, ,DE NAS SNAR THANG BYANG CHEN DU ZHABS DRUNG RIN PO CHE BLO BZANG 'PHRIN LAS KYI DRUNG DU PHEBS TE SGO GSUM GUS PA CHEN POS ZHABS LA GTUGS SHING, DUS GSUM GYI RGYAL BA THAMS CAD KYI BGROD PA GCIG PA'I LAM PO CHE, GSUNG RAB THAMS CAD KYI SNYING PO'I DON SHING RTA CHEN PO GNYIS KYI BZHED SROL ,DPAL LTA CIG 'DI BAm KA RA'I MAN NGAG CHOS KYI RGYAL PO TZONG KHA PA CHEN PO'I THUGS KYI BCUD PHYUNG BA BYANG CHUB LAM GYI RIM PA'I DMAR KHRID MAN NGAG GI CHA LAG YONGS SU RDZOGS PA GNANG DGOS ZHES LUS LONGS SPYOD THAMS CAD LTOS PA MED PAR PHUL TE GSOL BA SHUGS DRAG TU 'DEBS PAR MDZAD PA NA ZHABS DRUNG RIN PO CHES KYANG GANG ZAG DAM PA ZHIG YIN PAR DGONGS NAS THUGS DGYES PA CHEN POS ZHAL GYIS BZHES TE, BYANG CHUB LAM GYI RIM PA'I SNGON 'GRO, DNGOS GZHI, RJES KYI

DMIGS SKOR THAMS CAD DPAL DBEN SA PA CHEN PO'I MAN NGAG GIS BRGYAN NAS ZLA SBREL GYI BAR LA SHIN TU RGYAS PAR GNANG ,DE'I TSE DMIGS SKOR RE RE NAS TSIG BLO LA BZUNG ZHING DON LA DPYAD SGOM DANG 'JOG SGOM GNYIS KYI SGO NAS DMIGS RNAM SKYONG BA LA SHIN TU 'GRUS PAR MDZAD, THA NA BLA MAS GNANG BA'I TSIG ZUR PHRA MO TSUN CHAD NYAMS PA MED PAR THUGS LA BZUNG STE CHOS GSAN PA'I KUN SLONG KUN SPYOD THAMS CAD RNAM PAR DAG CING MTSAN NYID THAMS CAD TSANG BA BYANG CHUB SEMS DPA' GZHON NU NOR BZANG RJE BTZUN BYAMS PA MGON PO'I DRUNG DU THEG PA CHEN PO'I CHOS GSAN PA CI 'DRA BA DE 'DRAR MDZAD PAS ZHABS DRUNG RIN PO CHE YANG THUGS SHIN TU MNYES SHING MAN NGAG GI GNAD MTHA' DAG DANG, KHYAD PAR RJE BTZUN TZONG KHA PA CHEN POS MGON PO 'JAM PA'I DBYANGS LA GSOL BA SHUGS DRAG TU BTAB STE, DKA' BA BRGYA PHRAG DU MA'I SGO NAS RGYAL PA'I DGONGS PA'I SNYING PO ZAB MO DBU MA'I LTA BA JI LTAR RNYED PA DE NYID KYI MAN NGAG RNAMS BUM PA GANG BYA'I TSUL DU GNANG BAR MDZAD PAS BKA' DRIN ZLA MED DU GYUR CING RIGS KYI COD PAN DU 'DZIN PAR MDZAD DO, ,DE'I TSE BLA MA NYID KYI THUGS RAB TU TSIMS SHING RGYA MTSOR ZHUGS PA'I DED DPON GYIS YID BZHIN GYI NOR BU RNYED PA LTAR, RING NAS SMON PA'I DON RGYAL BA'I GSUNG RAB THAMS CAD GANG ZAG GCIG GI NYAMS LEN GYI RIM PAR BSGRIGS PA BYANG CHUB LAM GYI RIM PA'I GNAD MTHA' DAG THUGS SU CHUD, DE'I NANG NAS KYANG, ZAB ZHI SPROS BRAL

, ,'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES GSUNGS PA LTAR, SHIN TU RTOGS DKA' ZHING MA RTOGS NA MDO SNGAGS GANG GI SKABS SU YANG LAM GYI SROG MI RNYED PA SNGON DUS KYI BSHES GNYEN DAM PA RIG GNAS RGYA MTSO LTA BU LA SBYANGS SHING ,TSE 'DI'I BUN LONG BLOS BTANG STE DBEN PA'I GNAS SU TSE DANG SGRUB PA SNYOMS PAR MJAD PA DU MAS KYANG SHIN TU RTOGS DKA' BAR BYUNG PA, SHER PHYIN GYI MDO SDE RIN PO CHE'I SNYING PO'I DON SNANG BAS YOD MTHA' SEL ZHING STONG PAS MED MTHA' SEL BA, RTEN 'BYUNG STONG PA'I DON DANG STONG PA RTEN 'BYUNG GI DON DU 'CHAR BA, RGYAL BA SRAS DANG BCAS PA THAMS CAD KYIS KUN NAS BSNGAGS PA'I GNAS ZAB MO DBU MA'I LTA BA PHU THAG CHOD PA THUGS LA 'KHRUNGS PAS THUGS RAB TU TSIMS SHING ,BLA MA'I YON TAN DANG BKA' DRIN DRAN PA'I DAD BA DANG GUS PA, NYAM CHUNG RMONGS PA'I 'GRO LA BRTZE BA, STON PA THUGS RJE CAN DE LA SHES NAS DAD PA 'PHEL BA, SHING RTA CHEN PO SPYI DANG, KHYAD PAR CHOS KYI RGYAL PO TZONG KHA PA CHEN PO'I BKA' DRIN DRAN TE GUS PAS GSOL BA 'DEBS PA SOGS NYAMS RTOGS KYI YON TAN MTHA' YAS PA ZHIG THUGS LA SPUNGS PA BZHIN DU 'KHRUNGS PAR GYUR TO, ,DON 'DI LA DGONGS NAS ZHABS DRUNG LHA PA SPRUL SKU RIN PO CHE BLO BZANG 'PHRIN LAS LA ,SKU MTHONG BAS DAD PA'I SPU LONG G-YOS, ,GSUNG THOS PAS

LTA NGAN BRAG RI 'JOMS, ,THUGS BRTZE BAS 'GRO KUN BU BZHIN GZIGS, ,SKYABS KUN 'DUS BLO BZANG 'PHRIN LAS RGYAL, ,ZHES BSTOD BA MDZAD DO, ,DE SKABS LAM RIM GYI BRGYUD 'DEBS SU BCUG CHOG PA'I GSOL 'DEBS SHIG KYANG ZHABS DRUNG RIN PO CHE RANG NYID NAS MDZAD PA ZHIG DGOS TSUL ZHUS PAR, BLO BZANG THUGS RJE'I YE SHES 'OD STONG GIS, ,GANG GI BLO GROS PADMO KHA PHYE NAS, ,SKAL LDAN 'PHRIN LAS SBRANG RTZI'I DGA' STON CAN, ,YONGS 'DZIN DAM PA'I ZHABS LA GSOL BA 'DEBS, ,ZHES PA 'DI YANG ZHABS DRUNG RIN PO CHE NYID KYIS MDZAD PA YIN NO, ,DE NAS LAM GYI RIM PA'I RGYAB CHOS SAM KHUNGS MTHAR THUG PA BRGYAD STONG PA'I LUNG YANG LEGS PAR ZHUS, GZHAN YANG THOG MA'I BLO SBYONG, SPYAN SNGA BA'I LAM RIM GZHAN PHAN SNYING PO, BSLAB PA KUN LAS BTUS, SBYOD 'JUG, BYANGS, MDO SDE RGYAN, TSOMS, SKYES RABS SO BZHI PA, DBU MA RTZA BA SHES RAB, DPE CHOS RIN CHEN SPUNGS PA LCE SGOM PAS SDEBS PA, JO BO'I CHOS CHUNG BRGYA RTZA, RJE MI LA'I RNAM THAR MGUR 'BUM, BLO SBYONG DPAL YE MA, RJE THAMS CAD MKHYEN PAS MDZAD PA'I LAM RIM CHE BA, LAM RIM CHUNG BA, RJE'I GSUNG THOR BU, RNAM BSHAD DGONGS PA RAB GSAL, SNGAGS RIM CHEN MO, RJE NAM MKHA' DPAL GYIS MDZAD PA'I BLO SBYONG DON BDUN MA'I RNAM BSHAD NYI MA'I 'OD ZER, RJE BLO BZANG 'PHRIN LAS RANG NYID KYIS MDZAD PA'I RTEN 'BREL GYI CHOS SKOR, DES MDZAD PA'I LAM RIM GYI KHRID GZHAN PHAN SNYING PO, ,RGYAL DBANG THAMS CAD MKHYEN PAS MDZAD PA'I LAM GTZO'I 'GREL PA DANG MCHAN BU

, ,GNYIS SOGS KYI LUNG DANG, MGON PO CHEN BCU GSUM GYI RJES GNANG SOGS CHOS BKA' DPAG TU MED PA GSAN NO, ,DE NAS BKA' GDAMS GONG MA'I LKOG CHOS BDAG PAS GZHAN GCES PA'I BYANG CHUB KYI SEMS SBYONG BA'I MAN NGAG BLO SBYONG DON BDUN MA'I SKOR RNAMS GSAN PAR BZHED NAS NU MA CHOS LUNG DU PHEBS NAS GRUB PA'I DBANG PHYUG CHOS RGYA MTSO BA LA BLO SBYONG DON BDUN MA'I KHRID RGYAL SRAS DNGUL CHU CHOS RDZONG PA'I YIG CHA'I STENG NAS LEGS PAR GSAN, GZHAN YANG BLA MA 'DI'I ZHABS DRUNG DU CHOS MANG DU GSAN TO, ,DE NAS RI KHROD 'DZIN PA'I BSHES GNYEN DAM PA BLO BZANG TSE DBANG GI ZHABS DRUNG DU RGYAL BA DBEN SA BA'I BKA' 'BUM SOGS CHOS MANG DU GSAN, DE NAS 'DUL 'DZIN STOBS LDAN RGYA MTSO'I DRUNG DU BLO SBYONG LEGS BSHAD KUN 'DUS SOGS CHOS MANG DU GSAN, DE NAS RDO RJE 'DZIN PA BLO BZANG RIG GROL GYI ZHABS DRUNG DU BCU GCIG ZHAL GYI DBANG CHEN SOGS CHOS MANG DU GSAN, DE NAS BLA MA NYID DGUNG LO NYI SHU RTZA DGU LA BAB BA NA DBEN GNAS BYANG CHEN DU DRIN CAN RTZA BA'I BLA MA ZHABS DRUNG RIN PO CHE'I SKU MDUN DU PHEBS TE, SMYUNG BAR GNAS PA'I SDOM PA'I BKA' DRIN ZHUS TE SA PHO STAG GI LO CHO 'PHRUL ZLA BA'I TSES BDUN LA SBYOR BA DANG, BRGYAD LA DNGOS GZHI'I GSO SBYONG GI SDOM PA BZHES PA MDZAD CING, SMYUNG GNAS KYI CHOG PHYAG LEN SOGS MTHA' DAG ZHIB PA RE GSAN NAS, PHYIS SKU NA MTHON POR GYUR BA NA YANG SMYUNG GNAS LA THUGS BRTZON CHER MDZAD KYIN YOD PA NI, SPYIR BSAG

SBYANGS LA SHIN TU GAL CHE BA YIN PA DANG, LHAG PAR ZHABS DRUNG RIN PO CHE NAS THOB PAS BYIN RLABS KYI TSAN KE CHE BA LA DGONGS PA YIN NAM SNYAM MO, ,DE NAS SNGAR LTAR GZHUNG LUGS RNAMS LA SBYONG BA'I MU NAS NANG DU NYAMS LEN LA GZHOL BAR MDZAD CING, LHAG PAR BDAG 'DZIN 'DUL BA'I MAN NGAG SHIN TU ZAB PA MA CIG GI GCOD SKOR LA THUGS BZHED CHE BAR GYUR TE, RJE ZHAL SNGA NAS BLO BZANG RIG GROL LA NAM MKHA' SGO 'BYED KYI DBANG DANG GCOD KYI GDAMS PA GSAN ZHING; BYA BTANG 'PHRIN LAS CHOS 'PHEL LA YANG NAM MKHA' SGO 'BYED KYI DBANG DANG GCOD KYI DMIGS SKOR RNAMS MTHIL PHYIN PAR GSAN NAS MNGON CHUNG GI SGO NAS THUGS NYAMS SU BZHES, BYANG CHUB LAM GYI RIM PA DANG GCOD GNYIS ZUNG DU SBREL NAS NYAMS LEN LA SHIN TU 'GRUS PAR MDZAD PAS GCOD KYI LHONGS MANG DU BYUNG ZHING, LHAG PAR DGONG GCIG SROD KYI CHA LA GCOD KYI DMIGS SKOR LA GNAD DU BSNUN PA'I TSE GLO BUR DU 'BRUG SGRA DRAG PO BSGRAGS SHING THOG NYE SKOR DU BABS PAS MI DANG BONG BU MANG PO BRGYAL BA DANG, LHAG PAR GRANG MO CHE BA'I GRVA PA GCIG THOG GZER GYIS GSHEGS PA BYUNG YANG NYID LA NI GNOD PA GANG YANG MA BYUNG ZHES BLA MA NYID KYI ZHAL LAS DNGOS SU THOS SO; ;DE NAS ME PHO KHYI'I LO ZLA BA BDUN PA'I TSES BCU GSUM GYI NYIN GZIM CHUNG YID DGA' CHOS 'DZIN DU LHAR BCAS 'GRO BA'I BLA MA DON GYI SLAD DU MCHEN NAS SMOS TE MKHAN PO RIN PO CHE RJE BTZUN BLO BZANG YE SHES DPAL BZANG BOS

, ,MKHAN SLOB SBRAGS MA DANG, KHA SKONG BA'I DGE 'DUN GRANGS TSANG BA DANG BCAS PA'I DBUS SU BSNYEN PAR RDZOGS PA DGE SLONG GI SDOM PA LEGS PAR BZHES SO, ,BSNYEN RDZOGS BZHES NAS DGE SLONG GI BCAS MTSAMS THAMS CAD PHRA ZHING ZHIB PAR BSRUNG BAR MDZAD DE, LTUNG BA SDE LNGA SO SO'I SRUNG MTSAMS LEGS BAR ZIN PAR MDZAD, 'TSE BA'I YO BYAD DANG MKHO BA'I YO BYAD 'CHANG LUGS, BYIN LEN BYA TSUL, NUB LHAG GCOD PA, RUNG CHU 'DEBS PA SOGS 'DUL BA'I BCAS MTSAMS PHRA MO ZHIG YAN CHAD THAMS CAD PHYAG LEN LA CI THEBS MDZAD CING, CUNG ZAD 'DAS NA YANG DE MA THAG PHYIR BCOS PA'I THABS LA BRTZON PAR MDZAD DO, ,DE LTAR GZHUNG LUGS CHEN MO RNAMS LA SBYANGS SHING BYANG CHUB LAM GYI RIM PA'I NYAMS LEN LA BRTZON PAR MDZAD PAS, LAM THUN MONG BA'I STENG DU GSANG SNGAGS KYI LAM GYI BSNON PA BTAB NAS TSE GCIG NYID LA SEMS CAN THAMS CAD KYI DON DU SANGS RGYAS KYI GO 'PHANG BSGRUB DGOS PAR GZIGS NAS GSANG SNGAGS LA 'JUG 'DOD SHUGS DRAG PO THUGS LA 'KHRUNGS PA NA, GSANG SNGAGS KYI LAM GYI RTZA BA DANG 'JUG SGO NI DBANG DANG DAM TSIG YIN PAR GZIGS NAS RDO RJE 'CHANG CHEN PO RJE BTZUN BLO BZANG YE SHES KYI ZHABS DRUNG DU DPAL GSANG BA 'DUS PA'I DBANG BZHI YONGS SU RDZOGS PA, 'KHOR LO SDOM PA'I DBANG BZHI YONGS SU RDZOGS PA, RDO RJE 'JIGS BYED KYI DBANG BZHI YONGS SU RDZOGS PA, MI 'KHRUGS PA'I DBANG CHEN, TSE DPAG MED LHA DGU'I DBANG RNAMS

GSAN ZHING, GZHAN YANG RGYUD SDE BZHI'I LHA MANG BO'I RJES GNANG DANG BZLAS LUNG, SGRUB THABS MANG BO'I LUNG BCAS CHOS BKA' MTHA' YAS PA GSAN PAS ZHABS DRUNG RIN PO CHE DANG, RJE 'DI GNYIS NI RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE NAS RJE ZHAL SNGA NAS BLO BZANG RIG GROL LA BDE MCHOG GI DBANG CHEN, 'JIGS BYED KYI SNGAGS BTU, 'JAM DBYANGS NAG PO'I RJES GNANG, GDUGS DKAR GYI DBANG, CHOS RGYAL PHYI NANG GSANG GSUM GYI RJES GNANG SOGS DBANG DANG RJES GNANG MANG DU GSAN, LHAG PAR GSANG SNGAGS KYI LAM RIM PA GNYIS KYI DMAR KHRID GNANG DGOS TSUL GSOL BA BTAB PAS DGYES BZHIN DU YI DAM RDO RJE 'JIGS BYED KYI BSKYED RDZOGS GNYIS KA'I ZAB KHRID, RGYAL BA DBEN SA BA NAS BRGYUD PA'I 'PHO BA SHIN TU ZAB PA'I KHRID, LAM GYI LUS RDZOGS PA'I BLA MA'I RNAL 'BYOR GYI ZAB KHRID RNAMS LEGS PAR GSAN ZHING DMIGS SKOR GYI GNAD THAMS CAD LA SHIN TU ZHIB PAR DPYAD NAS GCIG PUR SGRUB PA MDZAD PA'I TSE GZHAN LA 'DRI MI DGOS PA'I GDENG THOB PAR MDZAD DO, ,DE NAS RDO RJE 'DZIN PA LHUN GRUB RGYA MTSO'I ZHABS DRUNG DU, 'JIGS BYED KYI DBANG CHEN, 'JAM DBYANGS BZHAD PAS MDZAD PA'I 'JIGS BYED KYI BSKYED RDZOGS GNYIS KYI LUNG, DBYANGS CAN MA'I SGRUB THABS, BDE MCHOG DRIL BU LHA LNGA'I DBANG CHEN, 'OD DPAG MED LA BRTEN BA'I TSE SGRUB SOGS CHOS BKA' MTHA' YAS PA GSAN TO, ,DE NAS BSHES GNYEN DAM PA BLO BZANG TSE DBANG GZHIBS DRUNG DU BDE MCHOG BDE CHEN

, ,GSAL BA, GSANG 'DUS YIG CHUNG NYER GCIG, MKHAS GRUB RIN PO CHE'I BKA' 'BUM THOR BU, BSKYED RIM DNGOS GRUB RGYA MTSO, ,BDE CHEN ROL MTSO, MGON PO'I BE'U BUM YONGS RDZOGS, SKYID SHOD BKA' 'BUM GRAS NAS RJES GNANG GI SKOR KHA SHAS, SANGS RGYAS BKA' 'BUM, RJE GONG MA'I GSUNG 'BUM BKA' RGYA MA'I SKOR, CHOS SKYONG YONGS RDZOGS KYI BSKANG GSO'I SKOR, MDO PHRAN KHA SHAS BCAS KYI LUNG, 'JIGS BYED KYI BSKYED RDZOGS KYI SKOR, GCOD GZHUNG GI KHRID, LAM RIM GYI KHRID DANG LUNG, BLA MA MCHOD PA'I KHRID, PHYAG CHEN GYI KHRID, SPYOD 'JUG DAR t'IKA GI LUNG, STONG MTHUN SKAL BZANG MIG 'BYED KYI LUNG, PO TO BA'I CHIG LAB RING MO'I LUNG, BCUD LEN GYI SKOR RNAM GRANGS MANG PO DANG, SGRUB THABS LAS TSOGS KYI SKOR MANG PO'I LUNG DANG LAG KHRID BCAS CHOS BKA' MTHA' YAS PA GSAN TO, ,YANG GRUB DBANG CHOS RGYA MTSO'I ZHABS DRUNG DU BKA' GDAMS BE'U BUM SNGON PO'I LUNG ,PHYAG CHEN GYI KHRID, BLO SBYONG LAM RIM GYI SKOR SOGS CHOS BKA' MTHA' YAS PA GSAN, DE NAS 'DUL 'DZIN DKON MCHOG GI ZHABS DRUNG DU PHYAG CHEN GYI KHRID, N'A RO CHOS DRUG GI KHRID, BLO SBYONG GI DMAR KHRID SOGS CHOS BKA' MANG DU GSAN, DE NAS DBEN SA CHOS KYI PHO BRANG DU RAB 'BYAMS SMA BA RJE DRUNG LAGS KYI ZHABS DRUNG DU PHEBS NAS CHOS 'BREL ZHIG MDZAD, BYA BTANG 'PHRIN LAS CHOS 'PHEL GYI ZHABS DRUNG DU PHEBS NAS RGYAL SRAS BKA' 'BUM, BKA' GDAMS

THOR BU, GZHI GSUM CHOG, DPAL GSANG BA 'DUS PA'I RTZA RGYUD YONGS RDZOGS, DPAL GSANG BA 'DUS PA'I CHO GA CHA LAG DANG BCAS PA TSANG MA, MDO MANG GI GNANG NAS LUNG RGYUN MA BZHUGS PA KHA SHAS MA GTOGS YONGS RDZOGS KYI LUNG SOGS MDO SNGAGS KYI LUNG MTHA' YAS PA GSAN ZHING, DGA' LDAN PHYAG RGYA CHEN PO'I ZAB KHRID SNGON 'GRO'I MAN NGAG ZHAL SHES DANG BCAS PA ,GCOD GZHUNG THAR 'DOD DAD DPON MA'I ZAB KHRID MAN NGAG ZHAL SHES DANG BCAS PA LEGS PAR GSAN PAS BLA MA 'DI BKA' DRIN CHE BA ZHIG TU MDZAD DO, ,DE LTAR BLA MA BDAG NYID CHEN PO 'DI THOS PA RGYA MTSO'I GTER DU GYUR NAS DON GNYER CAN GYI BLO GSAL BA MANG PO LA'ANG RTZI SHAG GTONG BA DANG RIGS LAM SLOB PA SOGS KYANG MDZAD DGOS PA BYUNG ZHING, DE DAG GI TSE THUGS BSAM LA 'DI LTA BU DAG 'KHRUNGS PAR GYUR TE, MDO RGYUD BSTAN BCOS THAMS CAD NAS DBEN PAR SGRUB PA SNYING POR BYED PA LA RGYA CHER BSNGAGS SHING, SNGON BYON DAM PA THAMS CAD KYIS KYANG TSE 'DI BLOS BTANG STE DBEN PA'I GNAS RNAMS SU SGRUB PA MDZAD PA SHA STAG YIN PAS, BDAG KYANG THOS PA'I DON RNAMS LA DBEN PA'I GNAS RNAMS SU SGRUB BA SNYING POR BYED PA ZHIG MA BYUNG NA THOS BA TZAM GYIS NYON MONGS 'JOMS MI NUS SHING, GONG MA'I YON TAN KHYAD BAR CAN RNAMS MI THOB PAS DAL 'BYOR GYI RTEN BZANG PO 'DI 'DRA THOB NAS SNYING PO MA LON PAR SHIN NI DBUL POS YID BZHIN GYI NOR BU RNYED BA DON MA GRUB PAR STOR PA DANG KHYAD MED PAS

, ,SHIN TU PHANGS SO SNYAM DU NGES 'BYUNG DRAG POS BSKUL NAS TSE 'DI BLOS BTANG STE DBEN PA'I GNAS SU TSE DANG SGRUB PA MNYAM PA ZHIG BYED PA'I THUGS 'DUN NAR MAR YOD PA'I THOG ,DE SKABS THOS BSAM GLING ZHAL SNGA NAS DAM CHOS RGYAL MTSAN ZUR BZHUGS MDZAD NAS, RJE ZHAL SNGA NAS DPAL LDAN YE SHES KHRI THOG NA PHEBS YOD PA DES THUGS GZIGS SHIN TU CHE BAS SPYAN GYI 'BRAS BU LTAR BSKYANGS SHING, LHAG PAR BLA MA 'DI NYID LUGS GNYIS KA LA MKHYEN PA CHE ZHING THUGS KYI GTING DPAG PAR DKA' BA ZHIG YOD PA'I STABS KYIS, RJE ZHAL SNGA NAS KYIS LUGS GNYIS KYI BYA BYED GANG LA'ANG YANG YANG BOD BAR MDZAD PAS THUGS DAM LA GNOD PAR GYUR NAS THUGS SHIN TU SUN BAR BYUNG ZHING, DE'I KHAR MI CHOS KYI SKU MCHED DANG SKU TSA RNAMS KYANG YANG YANG SHING 'TSONG LA YONGS PAS THUGS GTING NAS SUN TE, KYE MA BDAG RAB TU BYUNG NAS KHYIM PA DANG BSRE BSLAD 'DI LTAR CHE BA NI SHIN TU MA LEGS PAS, DA NI NGES PAR YUL THAG RING ZHIG TU 'GRO BAR BYA'O SNYAM DU DGONGS NAS DBUS PHYOGS SU 'BYON PA'I ZLA GROGS BTZAL ZHING, NYID KYI ZHABS PHYI DRUNG RAM PA BLO BZANG RAB BRTAN LA YO BYAD RNAMS 'BOGS PA DANG 'DI LTAR GYIS ZHAL TA YANG GNANG, SOG BTZUN DGE PHRUG MANG DU YOD PA RNAMS LA YANG SO SOR ZHAL TA GNANG NAS RJE ZHAL SNGA NAS DPAL LDAN YE SHES LA DGONGS PA NAN GYIS ZHUS TE TSE 'DI SNANG GI GNYEN NYE GROGS GRVA SLOB MCHED GROGS NOR LONGS

SPYOD RANG YUL GRVA SA DANG BCAS PA GANG LA YANG CHAGS ZHEN MED PAR ZLA GROGS JO STAN PA ZHIG DANG BSDEBS NAS DBUS PHYOGS LA PHEBS SO, ,RIM GYIS BYON PAS CHOS 'KHOR LHA SAR PHEBS TE JO BO SH'AKYA MU NE DANG 'PHAGS MCHOG RANG BYUNG LNGA LDAN SOGS MJAL NAS CI 'BYOR PA'I MCHOD PA PHUL TE SMON LAM MANG DU 'DEBS PAR MDZAD CING JO BO RIN PO CHE'I SKU MDUN DU THUGS BSKYED KYANG MDZAD SNANG NGO, ,DE MTHUN RA MO CHE'I JO BOR YANG PHYAG DANG SKOR BA SMON LAM SOGS MANG DU MDZAD, GNAS CHEN PO TA LAR PHEBS NAS PAD DKAR 'DZIN PA NGAG DBANG YE SHES RGYA MTSO ZHAL MJAL ZHING ,MCHOD MJAL YANG ZHIG TU MDZAD, DE NAS GRUB PA'I GNAS MCHOG PHA BONG KHAR PHEBS NAS GNANG 'BREL MDZAD CING DE'I BLA MA LA CHOS 'BREL ZHIG KYANG ZHU BAR MDZAD, DE NAS BKRA SHIS CHOS GLING DU PHEBS NAS GNAS 'BREL DANG CHOS 'BREL SOGS MDZAD, DE NAS PHUR BU LCOG TU PHEBS NAS RJE GRUB PA'I DBANG PHYUG DGE LEGS RGYA MTSO'I ZHAL DKYIL MJAL ZHING BYIN RLABS ZHUS ,DAM PA'I CHOS MANG DU GNANG DGOS PA'I GSOL BA BTAB PA'I TSE, DGYES BZHIN ZHAL GYIS BZHES NAS GCOD STAN THOG GCIG MA'I ZAB KHRID DANG DPA' BO G-YUL 'JUG MA'I KHRID GNANG BA LEGS PAR GSAN, GZHAN YANG 'PHO BA'I RNAM GRANGS MANG PO DANG BCUD LEN GYI SKOR, BLA MA'I RNAL 'BYOR SOGS CHOS MANG DU GSAN, DE NAS MKHAR RDOR PHEBS NAS RJE BZOD PA RGYA MTSO MJAL ZHING CHOS 'BREL

, ,YAR KHA SHAS GSAN, DE GAR ZLA BA LHAG TZAM BZHUGS NAS SGRUB PA LA BRTZON PAR MDZAD CING, GTZO CHER DER BZHUGS RING BCUD LEN SBYONG BAR MDZAD DO, ,DE NAS RIM GYIS YER PA DANG GSANG SNGAGS MKHAR SOGS LAM BAR GYI GNAS RNAMS MJAL ZHING RI BO DGE LDAN DU PHEBS NAS GSER GDUNG RIN PO CHE'I SKU MDUN DU DNGOS BSHAMS YID SPRUL GYI MCHOD TSOGS PHUL TE 'DI PHYIR DGE BA'I SMON LAM MKHO THAG CHOD PA 'DEBS PAR MDZAD CING ZHABS SKYOR YANG MANG DU GNANG, DE NAS RIM GYIS BKA' GDAMS GONG MA'I GNAS RNAMS MJAL ZHING RA SGRENG RGYAL BA'I DBEN GNAS SU PHEBS DNGOS BSHAMS YID SPRUL GYI MCHOD TSOGS PHUL NAS SMON LAM 'DEBS PAR MDZAD CING ZHABS SKAR YANG MANG DU GNANG, GNAS DE BKA' GDAMS GLEGS BAM LAS 'BYUNG BA LTAR SHIN TU BAG PHEBS SHING NYAMS DGA' BA DANG, JO BO YAB SRAS KYIS BYIN PHYIS BRLABS PA'I GNAS YIN PA DANG, RJE THAMS CAD MKHYEN PAS KYANG BYIN GYIS BRLABS PA'I GNAS YIN PAS GNAS DER SGRUB PA MDZAD PA LA THUGS SPRO BAR GYUR NAS RA SGRENG YANG DGON GYI BRAG SENG GE'I ZHOL ZHES BYA BA SNGON RJE THAMS CAD MKHYEN PAS YUN RING BZHUGS SHING LAM RIM CHEN MO'I RTZOM PA SOGS MDZAD PA'I GNAS BYIN RLABS CAN DER THUGS PHAB NAS GCIG PU GNYIS SU MED PAR SGRUB PA LA BRTZON PAR BZHUGS SO, ,DE'I TSE 'TSO CHAS SHIN TU BKREN PA YOD KYANG NANG DU NYAMS LEN LA BOGS SHIN TU CHE BA BYUNG STE, DE YANG

BLA MA NYID KYI ZHAL NAS, DE SKABS NGA LA YO BYAD GZHAN SHIN TU DKON PA YOD KYANG, SKU ZHABS RIN PO CHE NAS GSOL RAS SU GNANG BA'I BZANG JA CUNG ZAD CIG YOD PAR JA DANG TSA GNYIS MANG NYUNG MNYAM PAR BTAGS NAS SKOL BA PHOR PA GANG RO DO RE 'THUNG GI NA YOD PA YIN TE SHIN TU ZHIM PA RIG PA DVANGS SHING DGE SBYOR LA YAR SKYED TSE BAR BYUNG, DE BLA MA'I BYIN RLABS SHIG GIS YIN PA 'DRA ZHES GSUNG NGO, ,DE NAS GNAS DER YUN RING SONG BA NA BZHUGS LUGS DANG MDZAD PHA BZANG PO GZHAN DANG MA 'DRA BA'I STABS KYIS YANG DGON RI KHRAD DU BZHUGS PA RNAMS KYIS DAD GUS CHEN PO BYAS SHING, RIM GYIS RA SGRENG PHYOGS KYI BYANG 'BROG RNAMS KYIS DAD GUS CHEN POS 'TSO BA'I MTHUN RKYEN 'BUL MI YANG MANG DU BYUNG BA NA THUGS LA DA PHYOGS 'DIR YANG YUN RING NA 'DOD YON GYI DBANG DU 'GRO BA 'DUG CING, DE LTAR NA RANG YUL GRVA SA DANG BCAS PA BLOS BTANG NAS GZHAN GYI YUL DU RNAM G-YENG 'PHEL BA NI, MKHAS GRUB RIN PO CHES, RANG YUL NYE DU LONGS SPYOD KUN BOR NAS, ,RTZE GCIG DAM CHOS SGRUB PAR DAM BCAS TE, ,GZHAN GYI YUL DU RNAM G-YENG 'DU 'DZI YIS, ,DAL 'BYOR DON MED BYED BA SMYON PA YIN, ,ZHES GSUNGS PA LTAR, SHIN TU MA LEGS PAS DA NI DBEN GNAS GZHAN ZHIG TU 'GRO DGOS SNYAM DU DGONGS PA NA, TZVA RIR 'BYON PAR BZHED NAS ZLA GROGS SRAD PA BLO BZANG NOR BU DANG BSDEBS NAS TZVA RI'I GNAS LA PHEBS, RIM GYIS KONG PO'I YUL LA BSOD SNYOMS MDZAD CING TZVA RIR BYON NAS GNAS

, ,MJAL DANG SMON LAM MDZAD, DE'I TSE YUL DE'I MI RNAMS MTHUN BSNGABS KYIS GNAS MJAL DU YONGS NAS GNAS RNAMS SU GLU GZHAS KYI MCHOD PA BYED PA'I SROL YOD 'DUG PA, DE SKABS BLA MA NYID GCOD KYI NYAMS LEN LA SHIN TU 'GRUS PAR MDZAD PA'I SKABS YIN PAS GNAS RNAMS SU GCOD KYI NYAMS LEN MDZAD CING NYAMS DBYANGS MANG PO 'THON PAR MDZAD PA'I TSE, GSUNG TSANGS PA'I DBYANGS LTAR SNYAN ZHING GANG GI RNA BA'I LAM DU SONG BA THAMS CAD YID GTING NAS 'GYUR BA ZHIG YOD PA'I STOBS KYIS, PHYOGS DE'I SKYE BO RNAMS KYIS GSUNG GI GDANGS THOS PA'I MOD LA GTZANG PA DGE SLONG GI MGUR MNYAN DU 'GRO ZHES RANG RANG GI GLU DANG GZHAS BYED 'PHRO BTANG STE BLA MA NYID KYI NYE SKOR DU THAMS CAD 'DUS PA YANG BYUNG 'DUG GO ,GNAS GZIGS LA 'BYON PA'I LAM 'PHRAD ZHIG TU 'BRAS SBUNGS KYI GRVA PA MTSAN NYID LA MKHAS PAR GRAGS PA 'BYOR PA CAN ZHIG BRAG 'PHRANG ZHIG LA G-YANG DU LHUNG BAR PHYOGS PA NA, MI 'DI DANG 'DI LA BA'I NOR 'DI DANG 'DI YOD DO ZHES NOR LA CHAGS PA'I CHO DE CHEN PO 'DON PA ZHIG GZIGS PAS, SPYIR 'KHOR BA'I CHOS GANG LA'ANG SNYING PO MED PA DANG, LHAG PAR ZANG ZING GI NOR LA CHAGS PA NI 'DI LTAR PHUNG BAR BYED PA'O SNYAM DU THUGS LA SKYO SHAS SHIN TU CHE BA 'KHRUNGS SHING, DES RKYEN BYAS NAS 'KHOR BA MTHA' DAG LA ZHEN PA LOG PA'I NGES 'BYUNG DANG, BYANG CHUB KYI SEMS SOGS NYAMS RTOGS RNAMS CHES CHER 'PHEL BAR GYUR,

DUS PHYIS KYANG DE SKABS GRVA PA DE'I NGANG TSUL MTHONG BA DE LAS SEMS PA PHAN PA MA BYUNG ZHES YANG YANG GSUNG NGO, ,TZVA RI'I GNAS GZIGS GRUB NAS RIM GYIS 'OL KHA DANG 'PHYONG RGYAS PHYOGS SU BYON NAS, YAB RJE THAMS CAD MKHYEN PA 'KHOR DAG PA RNAM BRGYAD DANG BCAS PAS PHYOGS DER ZHABS KYIS BCAGS NAS SGRUB PA MDZAD PA DANG, RJE BLA MAS RJE BTZUN 'JAM DBYANGS LA SOGS PA LHAG PA'I LHA MANG PO'I ZHAL GZIGS SHING GSUNG GI GNANG BA THOB PA DANG, NYAMS RTOGS KHYAD PAR CAN 'KHRUNGS PA'I GNAS DE DANG DE DAG TU RIM GYIS PHEBS TE MAndAL PHUL NAS SMON LAM MANG DU 'DEBS PAR MDZAD, LHAG PAR RDZING PHYI'I JO BO RIN PO CHE'I SKU MDUN DU SMON LAM SHUGS DRAG TU 'DEBS PAR MDZAD, 'DI DAG GI SKABS SU BYANG CHUB LAM GYI RIM PA, ZAB LAM PHYAG RGYA CHEN PO, THABS SHES SPYOD KYI NYAMS LEN RNAMS LA SHIN TU 'GRUS PAR MDZAD, PHAL CHER ZLA GROGS KYANG MED PAR RNAL 'BYOR GYI DBANG PHYUG MI LA RAS PA BZHIN DU RDZA KHROD DANG GANGS KHROD DANG NAGS KHROD SOGS DBEN GNAS BDAG MED RNAMS SU GCIG PUR BZHUGS NAS THUGS DAM LA CHIG SGREL DU GZHOL BAR MDZAD, DE'I NANG NAS KYANG GCOD KYI NYAMS BZHES GTZO BOR MDZAD PA NI BLA MA NYID KYI ZHAL NAS, DA GNAS DE DAG TU 'GRO BA'I TSE GANG DANG GANG DU SLOB PA DE'I TSE NYAL GANG BYUNG DU BYED CING DGOR MO GCOD YAGS PO RE BTANG NAS NYAL SDOD KYIN YOD CES GSUNG, DE NI MA CIG LABS SGRON GYI ZHAL NAS, NYAL BAS CHOG PA'I CHOS SHIG YOD DE, ,KHYED BU SLOB RNAMS KYIS

, ,NYAL MI SHES, ,DES KYANG RGAN MO NGA BLO MA BDE, ,ZHES GSUNGS PA LTAR TSIG NUS PA SHIN TU CHE BA YIN PAS, STONG NYID SNYING RJE'I SNYING PO CAN LAS THUGS G-YO BA MED PAR BZHUGS KYIN YOD PA'I BRDA TZAM ZHIG BDAG LA THUGS BRTZE BAS GSUNGS PA YIN NAM SNYAM MO, ,'DI SKABS SNGA SOR TZVA RIR 'DRIS YOD PA'I 'OL KHA BA 'PHAGS PA CHOS BZANG ZHES BYA BAS SKU TSE RIL PO 'OL KHA'I SGRUB GNAS SHIG TU BZHUGS DGOS ZHABS TOG 'O MI BRGYAL BA SGRUB CES NAN GYIS GSOL BA BTAB KYANG ZHAL GYIS BZHES PA MA MDZAD DO, ,DE NAS 'PHYONG RGYAS SU PHEBS NAS GNAS MJAL ZHIB TU MDZAD CING SMON LAM BTAB, GNAS GANG BYUNG NGES MED DU BZHUGS NAS THUGS DAM LAS G-YEL BA MED PAR MDZAD, DE DAG GI TSE 'TSO CHAS HA CANG BKREN PAR GYUR TE RTZAM BSOD MDZAD PA NA, 'PHYONG RGYAS RI BO BDE CHEN GYI GRVA BDAG SNANG CHE CHE 'DRAS BSLAB BYA BYAS PA LTAR DGE BSKOS LA GNANG BA ZHUS NAS 'DU KHANG GI SGO KHANG DU BZHUGS NAS TSOGS PA LA RTZAM BSOD MDZAD PA'I TSE, DE GA'I DGE 'DUN RNAMS 'BYOR PA CHE BA DANG, DAM PA 'DI'I SKU MTHONG BA TZAM GYIS THAMS CAD DANG BA SKYES PA BCAS TSOGS PA PAL MO CHES RANG RANG GI RTZAM SNOD RNAMS KHA PHYE NAS DAM PA 'DI'I NA BZA'I STENG DU BLUGS BA NA TSOGS PA'I PHYED CEM? MA SONG BAR RTZAM KHUR LONGS PA BYUNG BAS SLONG 'PHRO BSHOL TE GANG BYUNG BA RNAMS KHYER NAS DBEN GNAS SHIG TU PHEBS TE RE ZHIG MTHUN RKYEN TSANG BA'I NGOS NAS SGRUB PA LA BRTZON PAR

MDZAD DE NAS RI BO BDE CHEN NA CHOS RJE NGAG DBANG DPAL 'BYOR ZHES BYA BA'I BSHES GNYEN DAM PA ZHIG BZHUGS YOD PA DE'I DRUNG DU BABS NAS MA nI BKA' 'BUM YONGS RDZOGS KYI LUNG DANG, THUGS RJE CHEN PO'I RJES GNANG, CHOS RGYAL SRONG BTZAN SGAM POS RGYAL BA BSOD NAMS RGYA MTSO LA DNGOS SU GNANG BA'I SPYAN RAS GZIGS KYI RJES GNANG, CHAG LO TZ'A BA NAS BRGYUD PA'I PHAG DKAR GYI RJES GNANG, DZAM NAG GI RJES GNANG, KHRO MO SME BRTZAGS KYI RJES GNANG, GONG SA LNGA PA CHEN PO'I GSUNG MANG PO'I LUNG, LHO BRAG GRUB CHEN GYI BKA' 'BUM GYI LUNG DANG, DE NAS 'BYUNG BA'I DBANG RJES GNANG KHA SHAS BCAS GSAN, DE NAS RI BO BDE CHEN BA'I GRA PA PHAL MO CHES DAG SNANG CHEN PO MDZAD CING DAM PA 'DI'I SKU'I DBYIBS GSUNG GI GDANGS MDZAD SPYOD RNAMS GZHAN DANG MI 'DRA DA MTHONG BA'I RKYEN GYIS 'DI NI GANG ZAG RANG DGA' BA ZHIG MAN PA 'DUG CES GLENG ZHING GRAGS CHE BAR BYUNG NAS, DE GA'I DBU MDZAD SOGS KYIS NANG DU BOS NAS BDAG RKYEN BZANG PO MDZAD CING, KHYOD RANG DGA' BA ZHIG MIN PA 'DUG YUL PHYOGS GANG NAS YIN, GRVA SA GANG DU BZHUGS, SLOB GNYER CI 'DRA BYAS ZHES ZHIB TU DRIS PAS, BLA MA NYID NGES 'BYUNG SHUGS DRAG PA'I STOBS KYIS RANG GI YON TAN MI BRJOD PAR MA ZAD GRVA SA 'DI NAS YIN YANG GSAL BA RANG MA GSUNGS PAR BDAG GTZANG GI GZHIS DGON ZHIG NAS YONGS PA'I SPRANG 'KHYAMS PA ZHIG YIN ZHES GSUNG BAR MDZAD, 'GA' ZHIG GIS DA DUNG ZHIB TU DRIS PA NA SNAR THANG

, ,LTA BU NAS YIN RGYU'I KHUL MDZAD NAS SPRANG RDZU RANG MDZAD KYANG, PHYOGS GANG NAS BLTAS KYANG THA MAL PA ZHIG MIN PAR 'DUG CES KUN GYIS GLENG, DE NAS RE ZHIG NA ZHABS LA BS'UNG GZHI ZHIG BYUNG BA DE JE NGAN JE NGAN LA SONG STE SKU LA BSNYUNG GZHI TSABS CHE BAR BYUNG BA'I TSE, RI BO BDE CHEN NA SMAN PA MKHAS PA ZHIG 'DUG PA DE LA PHYAG RTZA STON PAR MDZAD PAS SMAN PA DES RING ZHIG BRTAGS NAS LAG PA THAL MO SBYAR TE, NYID RANG DGA' BA ZHIG MIN PAR 'DUG BAS NGA LA GSAL BAR SHOD DGOS ZHES NAN GYIS ZHUS KYANG SPRANG 'KHYAMS BA ZHIG YIN TSUL LAS GSAL BAR GSUNG MNYAN, DE NAS SMAN PA DES NYID SPRANG 'KHYAMS PA RANG ZHIG MIN PA 'DUG GRVA SA CHEN PO ZHIG GI BLA MA'AM, SPYI MI 'AM MTHONG CHE BA ZHIG NGES PAR YIN PAR 'DUG ,BSNYUN GZHI 'DI YANG GRVA SA DE GA'I CHOS SRUNG GI 'PHRUL DU 'DUG PAS, DA NYID RANG LOG THEGS NA LEGS PA 'DUG CES SHIN TU GSAL PAR LUNG BSTAN PA ZHIG BYUNG 'DUG PAS, SMAN PA DE YANG RANG DGA' BA ZHIG MIN NAM SNYAM MO, ,SMAN PA DES DAM PA 'DI NYID LA BYANG CHUB KYI SEMS RTZA YIN PAR SHES NAS CHAB RTAGS BZHAG PA'ANG SMAN PA DES 'THUNGS ZHES THOS SO, ,DE NAS BLA MA NYID KYI THUGS LA YANG NAD 'DI MI YONG TZAM LA RMI LAM DU DPAL LDAN LHA MO'I 'TSUB KYI RNAM PA ZHIG KYANG BYUNG, SNGA SOR RJE ZHAL SNGA NAS KYI DGONGS PA GTING NAS KHROL BA RANG ZHIG MED PA DE GA'I RKYEN GYIS SMAN PAS ZER BA'ANG YIN PA SRID SNYAM DU DGONGS NAS

GTZANG PHYOGS LA 'BYON PA'I THUGS BSAM BTANG BA NA BSNYUN GZHI DE YANG RIM GYIS DVANGS PAR GYUR, DE NAS RIM GYIS BYON TE GTZANG DBUS KYI MTSAMS NA JO MO KHA RAG CES BYA BA'I GNAS CHEN ZHIG YOD BA DE LA PHEBS TE, SGRUB GNAS RNAMS MJAL BAS GNAS LA THUGS SPRO BAR GYUR TE PHUG PA ZHIG TU BZHUGS NAS SGRUB PA LA BRTZON PAR MDZAD, DE'I TSE YUL PHYOGS DE'I MI RNAMS SNGAR 'DRIS SHES GANG YANG MED PA'I STABS KYIS 'TSO BA 'BUL MI MA BYUNG ZHING GRONG DU BSOD SNYOMS LA YANG MA PHEBS PAS 'TSO CHAS SHIN TU BKREN PAR GYUR TE, ZAS RLUNG 'DZIN TZAM LA BRTEN PA'I DKA' THUB DRAG PO'I SGO NAS SGRUB PA LA SHIN TU BRTZON PAR MDZAD DO, ,'TSO CHAS SHIN TU BKREN PA'I STOBS KYIS SKU LUS NYAMS SHING SKYA BO BSENG BSENG POR GYUR KYANG NANG DU NYAMS LEN GYI 'CHAR SGO CHES CHER 'PHEL BAS THUGS LA DGA' BDE RGYAS PAR GYUR CING, SNGON BYON DAM PA RNAMS KYI RNAM THAR LTAR DBEN PA'I RI SUL DU DKA' THUB LA GNAS TE LAM CHA TSAD LA SGRUB PA SNYING POR BYAR YOD PA 'DI 'DRA NI, RGYAL BA DBEN SA BA CHEN PAS, SNGON DUS KYI MI LA RAS PA DANG, ,DA DUS KYI BLO BZANG DON GRUB LA, ,'PHRAL CHAS KYI ZAS GOS MA GTOGS PA, ,NOR DNGOS PO'I 'DZIN PAS DGOS PA MED, ,TSE GCIG LA SANGS RGYAS SGRUB PA LA, ,DE 'DRA BA'I SPYOD LA LEGS GNAS NAS, ,CHAGS SDANG SPANGS PA'I DBEN GNAS SU, ,DAL 'BYOR LA SNYING PO LEN PAR SHOG ,CES GSUNGS PA LTAR DAL BA'I RTEN

, ,LA SNYING PO LON PA YIN BAS SHIN TU SKAL BA BZANG SNYAM DU THUGS LA SPRO BA 'PHEL BAR GYUR, DON 'DI LA BLA MA NYID KYI ZHAL NAS, NGA KHA RAG DU SDOD RING DGUN THOG CIG LA RTZAM PA THANG KHUG GANG MIN PA STER MKHAN MA BYUNG, JA SHIN TU SLA BA PHOR RE POR DO RE DANG PHYE RLUNG 'DZIN TZAM RE ZOS SHING, JA LA MAR 'DEBS RGYU MED SHA'I CHIL BU CUNG ZAD RE BTAB NAS 'THUNGS, 'TSO BA SHIN TU BKREN YANG LUS BDE ZHING DGE SBYOR 'PHEL BA BYUNG ZHES ZHAL LAS DNGOS SU THOS SO, ,DE NAS DBEN SA BA CHEN PO DANG RJE BTZUN BLO BZANG CHOS KYI RGYAL MTSAN SOGS KYIS SGRUB PA MDZAD CING BYIN GYIS BRLABS PA'I GNAS CHEN BRAG RGYA RDO RJE'I PHO BRANG DU PHEBS NAS RGYAL BA G-YUNG GI SGRUB PHUG TU LAM THUN MONG BA DANG, THUN MONG MIN PA GSANG SNGAGS BLA NA MED PA'I LAM RIM PA GNYIS LA THUN BZHI'I RNAL 'BYOR MDZAD CING BZHUGS SO, ,'DI DUS GSOL CHAS RNAMS NI RJE ZHAL SNGA NAS KYIS THOS BSAM GLING NAS PHUL ZHING, DGE SLONG TSUL KHRIMS KYIS ZLA RE'I GSOL CHAS 'BUL BA SOGS KYI ZHABS PHYI BGYIS SO, ,DE LTAR THUGS DAM THUN BZHI'I RNAL 'BYOR LA CHU BO'I RGYUN BZHIN DU 'BAD PAS NGES 'BYUNG, BYANG CHUB KYI SEMS, YANG DAG PA'I LTA BA, LAM RIM PA GNYIS KYI GNAD RNAMS LA RGYAL BA DGYES PA'I NYAMS RTOGS RMAD DU BYUNG BA MTHA' YAS PA 'KHRUNGS SO, ,DE YANG BLA MA NYID KYI GSUNG TSAD MA DBANG POR GYUR PA LAS SHES TE, DE'I TSE NYAMS RTOGS GONG

'PHEL DU GYUR PA'I NYAMS MGUR BSAM LAS 'DAS PA YOD TSOD 'DUG KYANG THAMS CAD YI GER 'KHOD BA MA BYUNG ZHING, THUGS BRTZE BAS DGONGS TE CUNG ZAD CIG YI GER 'GOD PAR MDZAD PA NI 'DI LTAR, NA MO GU RU MANYDZU GHO sh'A YA ,DUS GSUM GYI SANGS RGYAS DBEN SA PA, ,GSUM LDAN GYI BLO BZANG YE SHES ZHABS, ,GUS LDAN GYI BU LA BRTZER DGONGS LA, ,BYIN RLABS KYI CHAR RGYUN DBAB TU GSOL, ,LUS SEMS GNYIS BDE BA'I NGANG NYID NAS, ,PHYOGS MED KYI RGYAL KHAMS MYUL MYUL BA'I, ,GU YANGS KYI SPRANG PO YAN PA NGA, ,NYAMS DGA' BA'I GLU DBYANGS 'DI BZHIN LEN, ,DAL 'BYOR GYI MI LUS THOB NGOS NAS, ,SANGS RGYAS LAS LHAG PA'I RJE DANG MJAL, ,NYAMS LEN LA 'BAD 'BUNG BYED BYED PA'I, ,MI LUS LA DON LDAN NGA'I SKYID PA, ,SKYE SA YI PHA YUL BOR NGOS NAS, ,NYE 'BREL LA ZHEN CHAGS MI BYED PAR, ,RANG MGO NI RANG GIS 'DON 'DON PA'I, ,PHO RGOD KYI RNAL 'BYOR NGA'I SKYID PA, ,GAR SKYID LA PHA YUL BYAS NGOS NAS, ,SU BYAMS LA PHA MAR BLTAS GYUR TE, ,PHYOGS MED DU DAG SNANG SBYONG SBYONG BA'I, ,GU YANGS KYI SPRANG PO NGA'I SKYID PA, ,BDAG 'DZIN GYI DGON BA BOR NGOS NAS, ,MI NGAN LA NGO SRUNG MI BYED PAR, ,RANG DBANG NI RANG GIS BZUNG BZUNG BA'I, ,DPON MED DANG G-YOG MED NGA'I SKYID PA, ,YO BYAD KYI SOG RUN POR NGOS NAS, ,'GRO DUS SU KHUR PO MI 'KHUR BAR, ,SGO RTZAM LA ZAD LEN BYED BYED PA'I, ,SPRANG PO YI KHYU RGYAN NGA'I SKYID PA, ,MDO RGYUD LA THOS BSAM BYAS NGOS

, ,NAS; ;PHAN MED KYI KHA BSHAD MI BYED PAR, ,NYAMS PHEN LA MTHIL THON BYED BYED PA'I, ,PHO GRUNG GI RNAL 'BYOR NGA'I SKYID PA, ,SGYU LUS LA GCES 'DZIN BOR NGOS NAS, ,GAR SHI LA 'GYOD MED BYAS GYUR TE, ,NA RGA DANG SHI SKYID BYED BYED PA'I, ,THAG CHOD DANG BLO BDE NGA'I SKYID PA, ,'DI 'DRA YI SKYID PA MI BYED PAR, ,TSE 'DI'I BDE BA LA SRED GYUR PA'I, ,SNYIGS DUS SKYA SER GYI SKYE BO'I TSOGS, ,SNYING MED YANG NA NI SMYON PA RANG; ;DENG SANG 'JIG RTEN GYI KHAMS 'DI NA, ,RANG RE SPRANG PO LAS SKYID PA NI MI 'DUG ,SKYID PA'I SKYID GLU ZHIG BLANGS GYUR NAS, ,RGYAL KHAMS GANG BZANG LA CHAS 'GRO AANG, ,HAHA, ZHES PA DANG, GRUB PA'I GNAS MCHOG KHYAD PAR CAN DE NYID LA BSTOD PA'I NYAMS MGUR 'DI LTAR YANG MDZAD DE, NANG RIM GNYIS RNAL 'BYOR MTHAR PHYIN PAS, ,PHYI LHA 'DRE SDE BRGYAD ZIL GYIS GNON, ,LHA DAM CAN GSHIN RJE BRAN DU 'KHOL, ,RJE G-YUNG STON RDO RJE DPAL LA 'DUD, ,MGON DE YIS BYIN GYIS BRLABS GYUR PA'I, ,BRAG RGYA BO RDO RJE'I PHO BRANG ZHES, ,SNGON DAM PA DU MAS CHER BSNGAGS PA'I, ,GNAS 'DI LA BDAG GIS CUNG ZAD BSTOD, ,RI MTHO ZHING BRJID CHAGS LHUN PO 'DRA; ;DE'I SHAR GYI MTHON PO'I NGOS DAG NA, ,CHOS PHUNG PO GRANGS MED BRTZEGS 'DRA BA'I, ,BRAG RGYA CHEN MTHOL SHIN TU MDZES, ,DE'I STENG DU MRGAD MDOG CAN GYI, ,DAR BZANG PO'I GUR 'DRA SPANG GIS BRGYAN, ,BRAG DE YI

MTHON PO'I DBUS DAG NA, ,BRAG BLA GAB 'DRA BA'I BRAG SKYIBS SU, ,RDO DKAR PO'I G-YAM SPYIL PHUB PA NI, ,RANG SHONG TZAM DU MA BKOD PAS MDZES, ,DE'I STENG DANG G-YAS G-YON NGOS DAG NA, ,BYA RGOD PO'I TSANG GI TSOGS RNAMS KUN; ;BLO CHAGS SDANG BRAL BA'I KHYIM MTSES TSUL, ,MDUN MTHON PO'I MKHA' DBYINGS DBUS DAG NA, ,DUS RGYUN CHAD MED PAR LDING SKOR BYED, ,BRAG DE YI MDUN GYI SA PHYOGS LA, ,SHING LJON PA SNA TSOGS 'KHRIGS PA YI, , LHA'I DGA' TSAL LTA BU'I NAGS KYIS MDZES, ,NAGS DE LA 'KHOR BA'I BYA DANG BYE'U NI, ,DBYIBS 'DAB GSHOG MI GCIG DU MA'I TSOGS, ,GNAS DE RU BZHUGS PA'I RNAL 'BYOR LA, ,YID MOS PA'I GLU DBYANGS DI RI RI; ;RI DE YI G-YAS G-YON MDUN DAG NA, ,DRIS DPAG TSAD KHOR YUG KHYAB PA YI, ,RIGS MI GCIG BSANG SNA DU MA 'KHRIGS, ,NAGS TSANG TSING DE YI KHROD DAG NA, ,KHONG GNYIS SKYES LHA BYA GONG MO'I TSOGS, , DAG SNYAN PA'I GLU DBYANGS KYU RU RU, ,GNAS DE YI MDUN GYI PHYOGS DAG NA, ,RJE G-YUNG STON CHEN PO'I SGRUB CHU'I RGYUN, ,NAD TSA GRANG KUN LA SNYOMS PA YI, ,LHA'I BDUD RTZI LTA BU'I CHAB KYI RGYUN, ,DUS DBYAR DGUN SKYE BRI MI BYED PAR, ,GNAS DE LA YON CHAB 'BUL BA'I TSUL, ,DUS RGYUN CHAD MED PAR KHRO LA LO LO, ,G-YAS PHYOGS NAS MRGAD MDOG CAN GYI, ,DAR BZANG PO'I YOL BAS BSKOR 'DRA BA'I, ,SPANG NGOS 'JAM MTHO BAS

, ,LEGS PAR BSKOR, ,DE'I NGOS LA RI DVAGS DU MA'I TSOGS, ,NYAMS DGA' BA'I BANG RTZAL SHA RA RA, ,G-YON PHYAGS NAS GCING CHAB SNGON MO NI, ,GNAS DE LA YON CHAB 'BUL BA'I TSUL, ,MDUN PHYOGS NAS G-YAS LA 'KHOR RO RO, ,SHAR PHYOGS KYI MDUN GYI YUL PHYOGS NA, ,THANG CHEN PO DPAG TSAD DU MA'I BAR, ,DBYIBS ZLUM PO GSER GYI MAndAL 'DRA, ,DE'I DBUS KYI LTE BA'I NGOS NGAG NA, ,GNAS CHEN PO GTZANG GI PHUNG PO RI, , DE'I PHYOGS DANG PHYOGS MTSAMS RNAMS SU NI, ,KHYIM CHE CHUNG MI 'DRA DU MA NI, ,GLING BZHI DANG GLING PHRAN BRGYAD KYI TSUL, ,THANG DE YI MTHA' DBUS BAR BAR NA, ,G-YU BZANG PO LA SOGS RIN CHEN LDAS, ,SPRAS 'DRA BA'I NE'U GSING SNGON PO DANG, ,SA'I KHA DOG SDO DMAR SER PO SOGS, ,MDANGS MA 'DRES RANG RANG SO SOR GSAL, ,SNGON KUN BZANG SMON LAM MTHUS GRUB PA'I, ,DBUS LHUN PO GLING BZHI NYI ZLA DANG, ,NOR RIN CHEN BDUN SOGS LHA MI YI, ,DPAL PHUN TSOGS MA LUS TSANG GYUR PA'I, ,NGO MTSAR BA'I MAndAL BZANG PO 'DI, ,GNAS 'DI RU BZHUGS PA'I MCHOG GSUM LA, ,DUS BSKAL BRGYA'I BAR DU PHUL NAS GDE', ,AE MA RANG BYUNG GI MAndAL BZANG PO 'DI, ,BDAG 'DRA YI SPRANG POS BLOS BSLANGS TE, ,DPEN SA PA'I BKA' RGYUD MA LUS DANG, ,BLO BZANG GI YE SHES MCHOG LA 'BUL, ,YID 'ONG GI GNAS MCHOG 'DI NYID DU, ,TSA GRANG DANG BKRES SKOM LA SOGS PA'I, ,'GAL RKYEN LA ZUR 'GROS MI BYED PAR, ,GANG

'DOD DU NYAL NUS BDAG LA STZOL, ,SPROS BCAS KYI BYA BA MI MANG BAR, ,SPROS MED KYI MAL BDE GU YANGS SU, ,NYIN MTSAN LA NGO SHES MI BYED PAR, ,GANG 'DOD DU NYAL NUS BDAG LA STZOL, ,GNAS LUGS KYI NGANG DU NYAL DUS SU, , 'KHOR 'DAS LA RE DOGS MI BYED PAR, ,MTHA' BRAL GYI DBYINGS SU DBYER MED PA'I, ,RO GCIG GI LAM BZANG BDAG LA STZOL, ,KUN BZANG GI MDZES MA'I LANG TSO DANG, ,RANG SEMS KYI KHYE'U DBYER MED DANG, ,'GRO KUN RNAMS BRTZE BAS SKYONG NUS PA'I, ,THABS SHES KYI LAM BZANG BDAG LA STZOL, ,RANG MAL NAS LANGS PA'I GNAS SKABS DER, ,PHYI NANG GI CHOS RNAMS MA LUS PA, ,RMI LAM DANG SGYU MAR NGES NUS PA'I, ,GRUB THOB KYI LAM BZANG BDAG LA STZOL, ,'KHOR BA 'DI MA STONGS PAR DAG TU, ,SKYE 'CHI SOGS 'GYUR LDOG MI BYED PA'I, ,'JIG MED KYI LUS SEMS NGANG NYID NAS, ,'GRO KUN RNAMS SGROL NUS BDAG LA STZOL, ,PHA RGAN GYI LAM BZANG BDAG LA STZOL, ,BKA' RGYUD KYI LAM BZANG BDAG LA STZOL, ,DBEN SA PA'I LAM BZANG BDAG LA STZOL, ,SPRANG PO YI SEMS LA THAG CHOD STZOL, ,CES GNAS BSTOD DANG THUGS DAM GYI NYAMS RTOGS MTHON POR GYUR PA'I GSUNG MGUR 'DI DAG PHYI MA'I SKYE BO RNAMS LA THUGS BRTZE BAS PHYAG BRIS SU 'GOD PAR MDZAD DO, ,GNAS DER BZHUGS RING ZHEN LOG SKYO SHAS DRAG POS THUGS DAM LA BOGS SHIN TU CHE ZHING DAG BA'I GZIGS SNANG MANG DU BYUNG YOD TSOD 'DUG KYANG THAMS CAD GSAL BAR MI GSUNG NGO, ,DE NAS RTA NAG CHOS SDINGS

, ,SU PHEBS, DE NA GNAS DBEN LA CHU SHING 'DZOM ZHING 'BRAS BU'I SHING MANG PO YOD PA, BRAG PHUG BTZAN ZHING SUS KYANG GLAGS RNYED MI NUS BA ZHIG YOD PA DER BZHUGS NAS SGRUB PA LA BRTZON PAR MDZAD, GSOL CHAS RNAMS NI THOS BSAM GLING ZHAL SNGA NAS KYIS RTA NAG GZHIS KA NAS PHYAG MA THOGS PAR PHUL, DE NAS RE SHIG NAS RTA NAG KHUL GYI MI RNAMS KYIS DAG SNANG CHE CHE BYAS PA NA, DA 'DIR YANG YUN RING NA DGE SBYOR GYI BAR CHAD DU 'GRO NYEN CHE DGONGS NAS GNAS SPO BAR BZHED NAS BYA BRAL SGRUB SDER BYON, DON GNYER CAN KHA SHAS LA PHYAG CHEN GYI KHRID SOGS CHOS BKA' CI RIGS KYANG GNANG, DER 'GA' ZHIG GIS PHYAG CHEN GSOL 'DEBS LA 'JUG RGYU'I GSOL 'DEBS SHIG DGOS TSUL ZHUS PA LTAR, LAM SNYAN RGYUD ZAB MO'I SNYING PO'I DON, ,YUL PHYOGS MED GNAS SU LEGS BSKYANGS PA, ,BYA BRAL BLO BZANG RNAM RGYAL LA GSOL BA 'DEBS, ,ZHES PA 'DI YANG GNAS DER MDZAD DO, ,DE NAS 'PHAGS MCHOG THUGS RJE CHEN PO'I SPRUL PA RGYAL SRAS THOGS MED PA'I SGRUB GNAS DNGUL CHU CHOS RDZONG DU PHABS, GNAS DE RGYAL SRAS RIN PO CHES BYIN GYIS BRLABS PA'I GNAS BAG PHEBS SHING BYIN CHAGS PA ZHIG 'DUG PAR, GNAS 'DIR SNGON RGYAL SRAS RIN PO CHES LO MANG PO'I BAR DU SKU MTSAMS LA BZHUGS NAS SGRUB PA MDZAD PAS NYAMS RTOGS GONG 'PHEL DU GYUR BA DE BZHIN DU, BDAG GIS KYANG GNAS 'DIR G-YENG BA THAMS CAD

SPANGS TE LO KHA SHAS KYI RING LA SGRUB PA LA BRTZON PAR BYA'O SNYAM DU SGRUB PA'I DAM BCA' BRTAN PAR MDZAD NAS SKU MTSAMS LA BZHUGS SO, ,GNAS DER LO GSUM TZAM GYI RING LA THUGS DAM SHIN TU 'PHEL BAR BYUNG ZHING, GCOD KYI LHONGS SOGS KYANG MANG DU BYUNG BA'I LO RGYUS SNANG NGO, ,DE NAS RE SHIG NA THOS BSAM GLING NAS ZHAL SNGA NAS DPAL LDAN YE SHES KYIS BANG PHYIN PA ZHIG CHED MNGAGS GNANG BAR DA LAM BANG PHYIN PA 'DI PA DANG MNYAM DU THOS BSAM GLING DU PHEBS DGOS PA'I BKA' SHOG NAN CHEN PHEBS PAR, BANG MI DE LA KHYOD RANG DE RING LOG SONG, NGA SANG NYIN YONG ZHES BKA' GNANG ZHING PHEBS RTZIS MDZAD PAR BANG MI THON 'PHRAL THUGS BSAM ZHIG MDZAD PAS MI LEGS PAR DGONGS TE, BANG MI RI SKED CAM DU SLEB PA YAR BOD PAR MDZAD NAS RJE ZHAL SNGA NAS LA DA RES SKU MDUN DU BCAR THUB PA MI 'DUG PAS DGONGS PA MI KHREL BA DANG, THUGS DAM GYI SKYABS 'JUG MKHYEN MKHYEN ZHU BA SOGS ZHU YIG DANG NGAG MA NAN CHEN ZHUS TE BANG MI GTONG BAR MDZAD, DE NI ZHAL SNGA NAS DPAL LDAN YE SHES JUN SGAR DU PHEBS RGYU DANG BLA MA NYID THOS BSAM GLING DU SKU TSAB TU 'JOG PA MDZAD RTZIS YIN PA DE THUGS MKHYEN GYIS MKHYEN PAR NGES SO, ,DE LTAR NA DAM PA 'DI NYID NI CHOS GRVA CHEN PO BKRA SHIS LHUN PO LTA BU'I GRVA TSANG GI GDAN SA PHUL YANG THUGS DGYES PA MED NA BSNYEN BKUR NGAN NGON TZAM LA TSAGS PA'I GO SKABS GA LA YOD, DE'I PHYIR RJE BTZUN MI LA DANG MDZAD PA MTSUNGS SO ZHES GRAGS PA'ANG DON DANG

, ,MTHUN BA'O, ,DE NAS DNGUL CHU'I RI KHROD PA RNAMS DANG, BZHAD BKRA SHIS DGE 'PHEL GYI BLA MA SOGS DON GNYER CAN KHA SHAS LA NAM MKHA' SGO 'BYED KYI DBANG DANG, GZHAN YANG CHOS BKA' CI RIGS GNANG, BZHAD KHUL GYI MI SDE RNAMS KYIS KYANG DAD GUS CHER BYAS SHING 'TSO BA'I MTHUN RKYEN 'BUL BA'ANG MANG DU BYUNG BA NA, DA NI GNAS 'DIR YANG YUN RING NA 'DOD YON GYI DBANG DU 'GRO BAR 'DUG CING, DE LTAR NA DGE SBYOR GYI BAR CHAD DU 'GYUR NYEN CHE PAS YUL GZHAN ZHIG TU 'GRO BAR BYA'O SNYAM DU DGONGS NAS ZHABS 'BRING BA DGE SLONG TSUL KHRIMS DANG MNYAM DU PHYOGS DE'I DBEN GNAS SNA TSOGS LA NGES MED DU BEBS SHING, DE'I TSE BLA MA NYID SKYO SHAS SHUGS DRAG PAS CHOS MTHUN GYI 'TSO BA GANG BYUNG MDZAD CING BSOD SNYOMS SPYOD PA'I TSE YANG, RJE MI LA'I RNAM THAR LTAR THEG MAR SGO GANG PHRAD DU SLONG ZHING BSOD SNYOMS PHUL NA GANG SBYIN PA DES CHOG SHES PA DANG, MA PHUL KYANG YID MI BDE BA MED CING YUN RING MI BZHUGS PAR PHEBS PAS ZHABS 'BRING BA DGE SLONG TSUL KHRIMS 'TSO BAS NYON MONGS NAS 'KHRUL BA BSKYED PA'ANG BYUNG ZHES THOS SO, ,DE DAG GI DUS KYI TSE DAM PA 'DI NYID CHOS BRGYAD 'OG SNYOMS PA DANG, BDAG PAS GZHAN GCES PA'I BYANG CHUB KYI SEMS SBYONG BA'I MAN NGAG BLO SBYONG GI SKOR LA NYAMS BZHES MDZAD PA LA 'CHAD KHA BA'I GSUNG RNAMS SHIN TU GAL CHE BAR DGONGS NAS, 'CHAD KHA BA'I BLO SBYONG GCIG DANG LNGA PA ZHES BYA BA, MTHUN RKYEN

SNA GCIG KYANG MED PA'I NANG DU PHUN SUM TSOGS PA'I YANG RTZE RNYED PA GCIG DANG, BAR CHAD SPRIN 'THIBS PA LTA BU'I NANG DU GNOD PA GCIG KYANG MED PA GCIG DANG, SDUG BSNGAL RI RDIB PA LTA BU'I NANG DU BDE PA CHEN PO RNYED PA GCIG DANG, DGRA 'DRE NYI RGAS GYI GRIB SO LTA BU'I NANG DU DGE BA'I BSHES GNYEN GYI NYI MA SHAR BA GCIG DANG, NYON MONGS BSKAL PA'I ME LTA BU'I NANG DU SANGS RGYAS KYI CHOS TSANG BA GCIG STE LNGA'O, ,ZHES GSUNGS PA 'DI THUGS LA BZUNG ZHING, DE'I NANG NA NYAMS LEN GYI GNAD MANG PO YOD PAR DGONGS NAS, RJE BTZUN BLO BZANG YE SHES DPAL BZANG PO LA BLO SBYONG 'DI'I 'GREL PA MAN NGAG GI GNAD RNAMS GSAL BAR STON PA ZHIG DGOS ZHES NAN GYIS GSOL BA BTAB PAS PAn CHEN THAMS CAD MKHYEN PA CHEN POS KYANG DGYES BZHIN ZHAL GYIS BZHES NAS, NA MO GU RU BADZRA DHA R'A YA, SKU MTSAN BZANG RMAD BYUNG LONGS SPYOD RDZOGS, ,ZHES PA NAS, RJE BKA' GDAMS GONG MA'I DGONGS PA'I DON, ,PHYOGS KUN TU DAR RGYAS BKRA SHIS SHOG , CES PA'I BAR SHLOO KA NYI SHU RTZA GNYIS YOD PA TSIG SBYOR PHUN SUM TSOGS PA RKYEN NGAN LAM DU 'KHYER BA'I MAN NGAG GI GNAD RNAMS GSAL BAR STON BA SNGON MED PA'I LEGS BSHAD 'DI MDZAD DO, ,DE NAS BLA MA NYID 'DRIS SHES MED PA'I SA YUL THAG RING ZHIG TU PHEBS NAS TSE DANG SGRUB BA SNYOMS PA ZHIG MDZAD BZHED NAR MAR YOD PA'I KHAR, CHOS 'PHEL DZA' SANG SOGS KYIS KYANG BLA MA 'DI NYID GZHAN DANG MI 'DRA BA YOD TSUL THOS NAS AO RGYEN KYI YUL DU GDAN 'DREN 'DOD YOD PA'ANG GSAN PAS

, ,NYE BAR BSKUL TE, DA NI MYUR DU THAG RING ZHIG LAM PHYIN NA SDE DGON GOG PO ZHIG GI BDAG GZUNG BYED DGOS PA'AM, RGYAL PO'I MCHOD GNAS BYA BA MING SNYAN YANG DON BZANG BTZON ZHIG BYED MI DGOS PA'I NGES BA YANG MI 'DUG PAS SUS KYANG MTHONG TSOR MED PA'I YUL ZHIG TU 'PHRAL DU 'BRO DGOS PA 'DUG ,DE YANG SANGS RGYAS DNGOS KYI BSHES GNYEN 'DI LTA BU BZHUGS BZHIN DU MA ZHUS PAR 'GRO BA'ANG MI LEGS PAS SKYABS MGON CHEN PO NYID LA ZHUS NAS BKA' GNANG BA LTAR BYED DO SNYAM DU DGONGS NAS ZHU YIG GSUNG BRTAG GI TSUL DU PHUL BA, BDAG TSE 'DI'I RNYED BKUR SNYAN GRAGS RNAM G-YENG GANG GI YANG DBANG DU MA SONG BAR SGRUB PA MTHAR PHYIN PA ZHIG BYED 'DOD LAGS PAS SA PHYOGS GANG DU PHYIN PA LEGS ZHES ZHUS PA NA, STOD PHYOGS SU LEGS PA'I BKA' PHEBS, DE NAS LCAGS SU PHEBS NAS LO TZ'A PA LHA BTZUN BLO BZANG 'BYUNG GNAS LA 'DOD CHOS MANG DU STZAL CING, SLAR SKYID GRONG PHYOGS SU 'DZOM PA'I ZHAL NGAN MDZAD, DE NAS BLA MA NYID DGUNG LO LNGA BCU LA PHEBS PAS MO PHAG GI LO NYE GNAS DRUNG RAM PA DANG BCAS STOD PHYOGS SU PHEBS SO, ,DE SKABS PAn CHEN THAMS CAD MKHYEN PA LA CHOS 'PHEL JA'I SANG SOGS MI CHEN DANG, SDE DGON MANG PO NAS DAM PA 'DI NYID BLA MAR GNANG DGOS TSUL ZHUS KYANG, SNGAR NAS DE RIGS MI DGOS PA'I SNYAN 'BUL ZHUS ZIN PA DANG, THAG RING DU PHEBS PA'I GRAGS PA DES GYENG RKYEN BYAS NAS, KHONG GAR YOD

MI SHES PAS DE 'DRA GA LA YONG ZHES SKU ZHABS RTZE SHOD GNYIS GNAS GNANG BAR MA MDZAD CING, PHYIS KYANG DE RIGS MANG DU BYUNG YANG GNANG BAR MA MDZAD DO, ,DE NAS DING RI NAS BU SE LA 'DZEGS TE RNAL 'BYOR DBANG PHYUG MI LA RAS PA'I SGRUB GNAS ZHING SKYENG GI MKHA' 'GRO 'DU BA'I GNAS CHEN DBANG NAS BRIN GYI CHU DBAR LA PHEBS SO, ,DE NAS RJE BTZUN MI LA ZHING KHAMS GZHAN DU GSHEGS PA'I TSUL BSTAN PA'I GNAS 'DRE LCE PHUG ,SPRO BDE BKRA SHIS SGANG, 'GRO PHAN GLING SOGS ZHIB TU MJAL ZHING SMON LAM MDZAD, DE NAS DBEN GNAS KYI ERTZE MO LA PHEBS TE GTZO CHER BRAG DMAR MCHOD LUNG RANG DU BZHUGS NAS SGRUB PA MDZAD, SKABS 'GAR SPO MTHO NAM MKHA' RDZONG, KHU BYUG DPEN BA RDZONG, SKYID PHUG NYI MA RDZONG SAGS RJE BTZUN RIN PO CHES BZHUGS PA'I GNAS DE DANG DE DAG TU PHEBS NAS THUN BZHI'I RNAL 'BYOR DANG, THUN MTSAMS KYI NYAMS LEN RNAMS LA BRTZON PAR MDZAD PAS THUGS DAM LA BOGS SHIN TU CHE BAR GYUR, CHU DBAR CHOS SDE DE GONG SA LNGA PA CHEN PO'I BKA' DRIN GYIS LONGS SPYOD 'DZOM ZHING DBANG SHED SHIN TU CHE BA ZHIG YIN 'DUG KYANG, DAM PA 'DI NYID LA NI SKU MTHONG BA TZAM GYIS DAD GUS CHEN PO BYAS SHING CHOS 'BREL DANG BYIN RLABS ZHU BA MANG DU BYUNG, DE SKABS SNGAGS RAM PA YA SHAS SKAL LDAN SOGS DPAL LDAN STONG RGYUD GRVA TSANG NAS SGRUB PA SNYING POR MDZAD 'DOD PA GSUM TZAM ZHIG BYON PA, SNGAR NAS BLA MA 'DI NYID KYI MTSAN MA THOS KYANG ZHAL MJAL BA TZAM GYIS DAD PA'I SPU LONG G-YOS NAS CHOS KYI

, ,BKA' DRIN GNANG DGOS PAR GSOL BA BTAB PAS, BLA MA NYID KYANG THUGS SHIN TU DGYES PA BYUNG, DE NAS YE SHES GRAGS PA GRAGS PA GROGS MCHED GNYIS KYANG SKU MDUN DU SLEB NAS CHOS KYI BKA' DRIN DANG, LHAG PAR BSNYEN RDZOGS KYI BKA' DRIN ZHUS PA NA DGYES BZHIN ZHAL GYIS BZHES, DE NAS ZA KHA LUNG GI RGYAN PHUG TU BZHUGS SHING, BSNYEN RDZOGS DANG RAB BYUNG MANG DU GNANG, DE NAS RGYUD STOD PA GSUM GYIS GTZO BYAS DAD 'DUS KHA SHAS LA BYANG CHUB LAM GYI RIM PA'I KHRID, BLO SBYONG GI KHRID, 'JIGS BYED BSKYED RIM KYI KHRID, PHYAG CHEN GYI KHRID SOGS KHRID DANG LUNG MANG DU STZAL TO, ,DE NAS RGYUN STOD PA GSUM GYIS GSOL BA BTAB NAS NAM MKHA' SGO 'BYED KYI DBANG DANG, GCOD KYI CHOS SKOR RNAMS DGYES BZHIN DU GNANG, DE NAS GNAS DER 'PHYOD RGYAS RI BO BDE CHEN PA'I DGE SLONG ZHIG DANG, 'GRO PHAN GLING GI GRVA PA DAD LDAN ZHIG GIS BSKUL NAS GCOD GZHUNG THAR 'DOD DED DPON MA'I t'IKKA TSIG DON GSAL BA'I SGRON ME ZHES BYA BA TSIG DON PHUN SUM TSOGS SHING MAN NGAG GIS BRGYAN PA BYANG CHUB LAM GYI RIM PA DANG GCOD GNYIS ZUNG DU SBREL NAS NYAMS SU LEN PA LA NYE BAR MKHO BA'I BSTAN BCOS PHUN SUM TSOGS PA 'DI MDZAD DO, ,DE NAS TSE RING MA'I BLA MTSO GZIGS BAR PHEBS, MTSO'I DRUNG DU PHEBS SU NYE BAN DRUNG RAM PA SOGS ZHABS PHYI RNAMS LA KHYED RANG RNAMS NGED KYI RJES LA MA YONG BAR 'DIR CUNG ZAD SDOD CES BKA' GNANG NAS, BLA MA

NYID GCIG PU MTSO 'GRAM LA PHEBS NAS MTSO 'GO NGOS SU PHEBS PA NA, DRUNG RAM PA SOGS KYI MTHANG SNANG LA MTSO DE'I DKYIL NA 'KHYAG PA'I RNAM PA LTA BU SKYA LING LING BA ZHIG 'DUG PA, BLA MA NYID MTSO' 'GOR PHEBS PA NA MTSO DKYIL NAS TSUR DAR DKAR PO'I RNAM PA LTAR BLA MA NYID KYI SKU MDUN DU SKYAN RA SONG BA ZHIG MTHONG 'DUG BAS, DE'I TSE DAG PA'I GZIGS SNANG NGO MTSAR CHE BA ZHIG BYUNG BA GOR MA CHAG KYANG, BLA MA NYID YON TAN SBED PA GTZO BOR MDZAD PAS DE RING RTEN 'BREL LEGS PO ZHIG BYUNG GSUNG BA LAS 'DI BYUNG GSUNG BA MI SNANG NGO, ,DE NAS 'GRA PAN GLING GI SPO MTHO LHA KHANG DU ZLA BA BZHI'I RING LA DPAL 'KHOR LO SDOM PA'I BSNYEN SGRUB LA 'GRUS PAR MDZAD, BSNYEN MTSAMS GROL NAS DUS KHYAD PAR CAN ZHIG DANG BSTUN BDE MCHOG GI SBYIN SREG MDZAD BA NA 'JA' DKAR PO ZHIG GANG DU SBYIN SREG MDZAD PA'I GNAS DER ZUG NGA SOGS NGO MTSAR YA MTSAN CHE BA'I LTAS MANG PO SKYE BO KUN GYIS MTHONG BA BYUNG, DE'I TSE SNGAGS RAM PA YE SHES SKAL LDAN GANG ZAG DAM PA ZHIG YIN PAR GZIGS NAS SPYAN GYI 'BRAS BU LTAR SKYONG BA GNANG ZHING, 'TSO BA'I MTHUN RKYANG SOGS KYANG PHYAG MA THOGS PAR GNANG BAR MDZAD, GNAS DER LO LNGA TZAM BZHUGS NAS DPON SLOB THAMS CAD KYIS THUGS DAM LA SHIN TU 'GRUS PAR MDZAD PAS THAMS CAD LA BOGS CHE BAR BYUNG NGO, ,DE NAS CHU MO YOS LO ZLA BA BCU GNYIS PA'I 'GOL BLA YUL DU PHEBS NAS, STAG MO LUS SBYIN DANG, SNYE SHANGS GUR RTA SOGS GNAS

, ,BRAN RNAMS MJAL NAS SMON LAM MDZAD, DE NAS BYA RUNG KHA SHOR DU PHEBS NAS ZHAG GSUM PA ZHUGS, ZHABS SKOR DANG SMON LAM SHUGS DRAG TU MDZAD, DE NAS 'PHAGS PA SHING KUN DU PHEBS ZHAG LNGA TZAM BZHUGS NAS ZHABS SKOR DANG SMON LAM MDZAD, DE'I RING LA DE'I NYE SKOR GYI GNAS PHRAN RNAMS KYANG ZHIB TU MJAL BAR MDZAD, DE SKABS RONG GI LAM ZHIG TU MON PA'I RKUN JAG BYUNG BAR CHAS DNGOS KHA SHAS RKUN MAR SHOR ZHING, LHAG PAR YUM GYIS BZO BAR MDZAD BA'I SKU GZAN RNYING PA ZHIG YOD PA MON PA LA SHOR BAS, CHAS DNGOS GZHAN RNAMS LA THUGS SNANG MI MDZAD CING, SKU GZAN DE LNGA'I AA MA'I GZAN DE MON BA NGAN PA'I LAG TU SHOR ZHES THUGS PHANGS PHANGS MDZAD CING, PHYIS NAS KYANG YANG YANG GSUNG NGO, ,DE NI DAM PA 'DI NYID 'BREL TSAD DON LDAN YIN PAS YUM GYI BKA' DRIN BSAB PHYIR GZAN DE SKU LA YUN RING BCANG BZHED YIN PAR NGES TE; YUM GYIS BCOS PA'I SKA RAGS SHIG YOD PA PHYIS PHAN PHUN DU GYUR PA NA PHYI NANG NAS LHAN PAS GLANG TE NAM GSHEGS KYI BAR SKU LA BCANG BAR MDZAD PA BDAG CAG GIS MNGON SUM DU MTHONG DO, ,DE NAS RIM GYIS SKYID GRONG DU PHABS NAS JO BO RIN PO CHE'I SKU MDUN DU CI 'BYOR PA'I MCHOD BA PHUL TE SMON LAM SHUGS DRAG TU MDZAD, DE NAS BLA MA LHA BTZUN NGAS GDAN DRANGS TE ZLA BA BCU GNYIS PA'I MJUG LA GYANG KHANG DU PHEBS, BLA MA LHA BTZUN

DANG LHAN CIG TU LO GSAR GYI DGA' STON MDZAD, DE SKABS 'BA' SPRUL SKU'I MNAL LAM DU PHA DAM PA'I SPRUL PA 'DI LTA BU ZHIG 'BYON KYIN YOD PAS MJAL DU SOD ZER BA'I LUNG BSTAN GSAL BA ZHIG BYUNG BA LTAR BLA MA 'DI NYID PHA DAM PA'I SPRUL PA YIN PA'I GRAGS PA'ANG BYUNG 'DUG GO ,DE NAS BLA MA LHA BTZUN DANG, BLA MA SNGAGS RAM PA GNYIS KYIS GTZO MDZAD DGE 'DUN MANG POS GSOL BA RTZE GCIG TU BTAB NAS BDE LAM GYI BKA' KHRID DGE LDAN BKA' RGYUD RIN PO CHE'I ZAB LAM PHYAG RGYA CHEN PO'I BKA' KHRID, BLO SBYONG DON BDUN MA'I BKA' KHRID RNAMS STZAL CING, LAM RIM CHE CHUNG GI LUNG, SNGAGS RIM CHEN MO'I LUNG SOGS ZAB CHOS MANG DU GNAR NGO, ,DE'I TSE DGE LDAN PHYAG RGYA CHEN PO'I SA BCAD KYANG RTZOM PAR MDZAD, DER ZLA BA LNGA TZAM BZHUGS, DE NAS GNAS KYI RGYAB RI GRUB CHEN AO RGYAN BA'I GZIM PHUG TU ZLA BA GCIG TZAM BZHUGS, DE NAS RJE BTZUN RED MDA' BA CHAN PO DANG RJE CHOS LDAN RAB 'BYOR SOGS BKA' GDAMS BSTAN 'DZIN DAM PA MANG POS BZHUGS SHING BYIN GYIS BRLABS PA'I GNAS ME TOG MDANGS CAN DU PHEBS NAS, RJE BTZUN RED MDA' PA'I SGRUB PHUG CHEN MOR BZHUGS TE SKU MTSAMS MDZAD, SKU MTSAMS GROL NAS DON GNYER CAN KHA SHAS LA GTUM MO'I KHRID LA SOGS PA'I CHOS BKA' CI RIGS PA GNANG NGO, ,DE NAS RJE BTZUN SA PAn LA 'JAM DBYANGS LHA LNGAS ZHAL GZIGS PA'I GNAS LHA LNGA PHUG TU BZHUGS, GNAS DER DGE SLONG MANG DU 'DUS PA RNAMS KYIS CHOS GSUNG BAR

, ,GSOL BA BTAB PA NA CHOS MANG DU GNANG BA'I ZHAL BA ZHES YOD PA LA 'GA' ZHIG GIS BKA' GDAMS THOR BU DE SNGON LA NAN GYIS ZHUS PAS DE GNANG NAS, DE'I NANG NA SNYIGS MA'I DUS 'DIR GZHAN MGO 'DON PA'I DUS MA YIN RANG MGO 'DON PA'I DUS YIN, ZHES SOGS KYI MTSAMS SU SLEB PA NA SPYAN CHAB MNAN PAS MI THUB PA BYUNG ZHING, THUGS LA NGES 'BYUNG SHUGS DRAG TU SKYES NAS SPYAN CHAB BCAD MA THUB BAR DE'I NYIN CHOS 'PHRO GNANG MA THUB, SANG NYIN GNANG RGYU'I RTZIS MDZAD PA NA YANG DE'I MTSAMS LA GZIGS PA TZAM GYIS SPYAN CHAB BYUNG ZHING MGUL 'GAGS NAS GNANG MA THUB PAR 'PHRO LUS, DE NAS DE 'PHRAL SLAR YANG ME TOG MDANGS CAN DU PHEBS, CHU BTAGS GSAR PA BA'I BU BSOD NAMS PHUN TSOGS KYIS ZHABS PHYI ZHUS SHING, DGE SLONG RNAMS KYANG PHEBS SKYEL DU PHEBS NAS MKHA' 'GRO'I GSANG PHUG TU PHEBS, DE NAS DGE SLONG RNAMS LA SO SOR THUGS DAM LA BRTZON BA MDZAD DGOS PA'I ZHAL TA DANG, NGED RANG YANG TSE 'DI'I RNAM G-YENG GANG GI YANG DBANG DU MA SONG BAR SGRUB PA GSHA' MA ZHIG BYED, DE LTAR BYED MIN KHYED GROGS PO RNAMS KYIS KYANG BLTAS NAS CHOS DANG 'GAL BA BYUNG NA KHYED RNAMS KYIS KYANG LAB DGOS SO, ,MDOR NA RANG RE RNAMS TSE MJUG 'DIR BYA RGYU CHOS LAS MED BAS RANG RANG GANG 'DOD KYI GNAS SU DGE SBYOR LA BRTZON PAR MDZOD CES BKA'

GNANG NAS SO SOR BTANG STE G-YENG BA GANG YANG MED BAR SKU MTSAMS DAM PO LA BZHUGS, DE LTAR ME TOG MDANGS CAN DU LO GSUM LHAG TZAM BZHUGS NAS THUGS DAM CHU BO RGYUN GYI RNAL 'BYOR LA GNAS PAR MDZAD, DE'I TSE ZHABS 'BRING PA ZHIG DBUS PHYOGS SU GNAS SKOR LA 'GRO 'DOD NAS DGONGS PA ZHUS SHING, ZHAL GDAMS SHIG DGOS ZHES GSOL BA BTAB PA LTAR NYAMS MGUR 'DI LTAR MDZAD DE, NA MO GU RU, DUS GSUM GYI SANGS RGYAS DBEN SA PA, ,MTSUNGS MED KYI RJE BTZUN THAMS CAD MKHYEN, ,BLO BZANG GI YE SHES SKYABS KYI MCHOG ,'BRAL MED DU SPYI PO'I RGYAN DU BZHUGS, ,RANG BLO NI CHOS LA PHYOGS PA'I TSE, ,SDUG DOGS KYIS NOR RDZAS BSAGS GYUR NAS, ,SDIG GSOG GI SER SNA BYED PA LAS, ,ZANG ZING GI 'BYOR PA SPANGS NA BDE, ,RANG BLO NI CHOS LA 'KHUL BA'I TSE, ,RE DOGS KYI BSAM RGYA MANG PO YIS, ,BLO MANG GI BYA BA BYED PA LAS, ,BYA BA RNAMS BLO YIS BTANG NA BDE, ,NGES MED KYI RGYAL KHAMS 'KHYAMS PA'I TSE, ,RKYEN NGAN GYI BAR CHANG BYUNG DOGS NAS, ,BLO CHUNG GI GROGS DANG 'GROGS PA LAS, ,SKYID SDUG LA THOG RDZIS BYAS NA BDE, ,RGYAL KHAMS SU 'CHO BA SLONG BA'I TSE, ,MA 'ONGS PA'I BSAM RGYAS BSLANGS GYUR NAS, ,SGYU LUS LA KHUR PO 'GREL BA LAS, ,SGO RTZAM LA ZAD LEN BYAS NA BDE, ,RGYAL KHAMS SU RI KHROD 'GRIM PA'I TSE, ,CHAGS SDANG GI SEMS RTZA 'KHRUG 'GYUR BA'I, ,DON MED KYI KHYIM MTSES BSTEN PA LAS, ,BSE RU BZHIN GCIG BUR GNAS NA BDE, ,NGES MED KYI RI KHROD 'GRIM PA'I TSE, ,NGES BZUNG

, ,GI SBYIN BDAG BTZAL GYUR NAS, ,NGO SRUNG GI DGE SBYOR BYED PA LAS, ,NGES MED KYI BSOD SNYOMS BYAS NA BDE, ,GCIG PU RU RI LA SDOD PA'I TSE, ,SDIG GSOG GI MKHAR LAS BYAS GYUR NAS, , 'DZAD MED KYI LAS NGAN GSOG PA LAS, ,SA PHUG DANG BRAG PHUG BSTEN NA BDE, ,GZHI GCIG TU YUN RING GNAS GYUR NAS, ,CHAGS SDANG GI SEMS RTZA 'KHRUG BA LAS, ,NYAMS LEN LA BOGS 'DON BYED PA'I PHYIR, , DBEN PA NAS DBEN PAR 'PHOS NA BDE, ,NYAMS LEN GYI GNAD LA SBYOR BA'I TSE, ,SDOM GSUM LA GCES SPRAS GTZOR BTON TE, ,THOS BSAM GYI RGYA MTSO'I GRUR ZHUGS NAS, ,THOS DON RNAMS RGYUD LA SBYANG NA BDE, ,THOS BSAM GYI GNAD LA SBYOR BA'I TSE, ,LTA SPYOD GNYIS YA BRAL MA SONG BAR, ,ZUNG 'BREL GYI NYAMS LEN MKHAS GYUR NA, ,ZUNG 'JUG GI RGYU RU 'GYUR BAS BDE, ,ZAB DON GYI GNAD LA SBYOR BA'I TSE, ,DANG PO NAS 'JOG SGOM MI BYED BAR, ,DPYAD SGOM GYIS NGES SHES DRANGS GYUR NAS, ,'JOG DUS SU BLO THAG CHOD BAS BDE, ,RJES THOB TU BYA BA GANG BYED CHO, ,THA MAL GYI SNANG ZHEN SPANGS GYUR NAS, ,MNYAM GZHAG GI RGYA YIS BCINGS GYUR NA, , SDIG LTUNG RNAMS RANG SHUGS 'GAGS PAS BDE, ,DGE PHYOGS RNAMS BSNGO BAS RGYAS 'DEBS TSE, ,RANG DON GYI BSAM PA SPANGS GYUR NAS, ,GZHAN DON DANG BDEN MED RTZIS ZIN NA, ,CHOS GZUGS KYI RGYU RU 'GYUR BAS

BDE, ,BDE BDE YI GLU DBYANGS RING MO 'DI, ,MKHAS 'DOD KYIS BRTZAMS BA MA YIN YANG, ,GROGS MCHOG GI BLO NGO MA BZOD PAR, ,ME TOG GI MDANGS CAN GNAS SU SBYAR, ,'DI DON BZHIN NYAMS LEN BYAS BA'I DANG, , RGYAL KHAMS SU LO GSUM 'GRIMS GYUR NAS, ,BAN RGAN GYI SGYU LUS BLTA BA'I PHYIR, ,MJAL 'DZOM GYI SMON LAM YANG DAG THOB, ,CES SO, ,GNAS DER BZHUGS RING 'TSO BA MTHA' GNYIS LA MA LHUNG TZAM LA BRTEN NAS THUN BZHI'I RNAL 'BYOR LA GNAS TE, DPAL GSANG BA 'DUS PA DANG, YI DAM RDO RJE 'JIGS BYED SOGS LHAG PA'I LHA MANG PO'I BSNYEN SGRUB GNANG ZHING KHA SKONG BA'I SBYIN SREG KYANG ZHAG BCU SKOR SGREL NAS MDZAD, CHU DBAR DU BZHUGS SKABS NAS BZUNG YAR NGO MAR NGO'I TSES BCU RNAM GNYIS LA 'KHOR LO SDOM BA'I SGRUB MCHOD RGYAS BAS BDAG NYID 'JUG CING DBANG BZHES BA SOGS MDZAD, DE'I TSE MI DBANG PO LHA NAS KYIS DAM PA 'DI'I SNYAN GRAGS GSAN NAS DPAL LDAN RDO RJE CHED MNGAGS SU GNANG BAR, SANGS RGYAS KYI BSTAN PA'I DON DU SPYIR SKU RIM GANG DRAG MDZAD DGOS TSUL DANG, LHAG PAR DRAG PO'I LAS SBYOR GNANG DGOS TSUL DNGUL SRANG SUM CU SKOR DANG BCAS PHUL BA NA, NANG DU GTONG BAR MA MDZAD CING BUG SGO NAS NGED RANG DGE SKYOR CI BYED RGYAL BA'I BSTAN PA 'BA' ZHIG GI CHED DU BYED PA YIN, DE MIN DPON PO CHEN PO'I RIM GRO BYED PA BAS MI YOD, ,LHAG PAR DRAG PO'I LAS SBYOR GTAN NAS

, ,MI YONG ZHES NGO 'DZIN GANG YANG MA MDZAD PAR ZHU YIG RTEN BCAS PHYIR LOG BAR MDZAD DO, ,'DI NI RGYAL BA DGYES PA'I RNAM PAR THAR PA RMAD DU BYUNG BA ZHIG STE, YANGS PA'I SA CHEN PO LA STOBS KYIS 'KHOR LOS BSGYUR BA'I RGYAL PO'I BSNYEN BKUR YANG MCHIL SNABS BZHIN DU 'DOR BAR MDZAD NA, BSNYEN BKUR NGAN NGON TZAM LA MI CHAGS PA LTA CI SMOS, GNAS DER NGO MTSAR YA MTSAN CHE BA'I GCIGS SNANG SOGS MANG DU BYUNG MOD KYANG PHAL CHER GSUNG BAR MI MDZAD CING , RDZA PHUG TU BZHUGS SKABS DE'I SHAR NGOS KYI RI LA BDE GSHEGS MCHOD RTEN GYI RNAM PA RANG BYUNG DU YOD PA CHES GSAL BAR GZIGS SHING MCHOD RTEN GYI STENG NAS CHU 'BAB PA RGYUN PAR NYUNG DU DANG, DUS BZANG RNAMS LA CHER 'BAB CING BUG RON GYI RNAM PA LTA BU KHYU CHEN POS MCHOD RTEN LA SKOR BA MANG DU BYED PA GZIGS 'DUG CING , GZHAN YANG RJE BTZUN RED MDA' PA'I SKABS KYI GRUB PA'I MTSAN MA YA MTSAN CHA BA MANG DU GZIGS PA'ANG BYUNG 'DUG GO , DE NAS BLA MA 'DI NYID DGUNG LO RE GCIG TU PHEBS BA LTZAL SA PHO KHYI'I LOR MKHAN PO RIN PO CHE RJE BTZUN BLO BZANG YE SHES DPAL BZANG PO'I ZHAL DKYIL MJAL ZHING GSUNG GI BDUD RTZI MYONG BA DANG, RGYAL PA'I BSTAN PA LA

BYA BA MDZAD BZHED PA BCAS DGOS LA MANG DU GZIGS NAS NYE GNAS DANG BCAS TE CHOS GRVA CHEN PO BKRA SHIS LHUN POR PHEBS, LHAR BCAS 'GRO BA'I BLA MA PAn CHEN THAMS CAD MKHYEN PA CHEN PO'I ZHAL MJAL ZHING, RANG NYID LA DAD LDAN RNAMS KYIS PHUL BA'I CHAS DNGOS PHRAN BU YOD PA RNAMS DANG LUS LONGS SPYOD THAMS CAD LTOS PA MED PAR MAndAL DANG BCAS TE PHUL NAS, BDAG GZHAN RNAM DKAR DGE BA'I PHUNG PO'I MTHUS, , MGON KHYOD BSKAL BRGYA'I BAR DU ZHABS BRTAN NAS, ,RGYAL BA'I BSTAN PA PHYOGS BCUR RGYAS MDZAD DE, ,'GRO KUN BDE LA 'GOD PA'I BKRA SHIS STZOL, ,ZHES GSAR DU BRTZAMS PA'I TSIGS BCAD DANG BCAS ZHABS PAD BSKAL BRGYAR BRTAN NAS CHOS KYI 'KHOR LO BSKOR DU GSOL ZHES GSOL BA SHUGS DRAG TU 'DEBS PAR MDZAD, DE NAS SKU MDUN DU JA GRAL ZHIG GNANG BAR BLA MA'I YON TAN MTHONG BA'I DAD PA DANG, BKA' DRIN RJES SU DRAN PA'I GUS PA CHEN PO YOD PA'I KHAR GDUL BYA'I SNANG NGOR SKU NA MTHON POR PHEBS TSUL GZIGS PA'I RKYEN BYAS NAS SPYAN CHAB MNAN PAS MI THUB PA BYUNG, DE NAS BYIN RLABS ZHUS HE RE ZHIG NOR BU BRANG KHANG DU BZHUGS , RIM GYIS MGRON GNYER RNAMS BRGYUD NAS SKYABS MGON CHEN PO'I GSUNG RTZOM GANG YIN LA LUNG ZHIG DANG , LAM RIM MYUR,

, ,LAM LA BKA' KHRID CIG KYANG THUGS RJES GZIGS DGOS ZHES SNYAN 'BUL ZHUS PA NA, MGRON GNYER HA LAS PA LTAR BYAS TE, DE 'DRA GA NA YONG ZHES GSAN 'JOG MA MDZAD, SLAR YANG DAR PHUL TE NGA BAN RGAN SA'I MTHA' NAS GNAS 'DIR DON 'DI ZHU BA LA YONGS PA LAGS BAS CIS KYANG ZHU ROGS THUGS RJES GZIGS DGOS ZHES ZHUS PA NA, MGRON GNYER GYIS BKA' BKYON MANG DU MDZAD CING SKYABS MGON CHEN PO SPYAN MI GSAL BA'I TSUL BZHES LA DE 'DRA SUS ZHU NUS ZHES ZHU ROGS MA MDZAD PA NA, SLAR YANG DAM PA 'DI NYID TSE 'DI'I THUGS BSAM BLOS DOR TE BSTAN PA 'BA' ZHIG LA DMIGS PA'I THUGS KYIS, YANG MGRON GNYER GYI DRUNG DU PHEBS TE DON 'DI RNAMS SKYABS MGON CHEN PO'I SNYAN DU 'KHYOL BA ZHIG CIS KYANG ZHU ROGS MDZOD, SKU NA MTHO PA DANG SBYAN MI GSAL TSUL GYIS DA LTA MI YONG NA SLAR YONG NGAM, CHOS 'DI DAG GI LUNG RGYUN CHAD NA NI RANG RE RJES 'JUG KHA THABS ZHAN PAR 'GYUR, YONG MI YONG JI LTAR YANG SKYABS MGON CHEN BO'I SNYAN DU LHUNG BA ZHIG ZHU ROGS MDZOD, MI YONG BA'I BKA' PHEBS BYUNG NA BYA BA GZHAN MED PAS DBEN PA'I GNAS LA 'GRO ZHES NGO 'DZIN MED PAR THUGS NGAR DANG BCAS ZHUS PA NA MGRON GNYER YANG MDZAD THABS DKAL BA BYUNG NAS SNYAN 'BUL ZHUS PA NA, THUGS DGYES BZHIN DU ZHAL GYIS BZHES NAS, DE SNGA PHAN SHLOO KA RE GNYIS KYI LUNG GNANG YANG DMIGS

BSAL GYI YI GE CHEN PO BRIS NAS GNANG DGOS PA LA, DE SKABS PAR MA RANG GI STENG NAS SHOG BU SUM CU TZAM RE THUN RER GNANG BAS ZHABS 'BRING PA SOGS TSANG MA SANGS RGYAS KYI MDZAD PA NI SO SO SKYE BO'I BLO YUL LAS 'DAS SO ZHES NGO MTSAR YA MTSAN DU 'DZIN PA BYUNG, DE NAS DAM PA 'DI NYID DANG ZUR BZHI DPON SLOB SOGS BSHES GNYEN RGOS BSDUS LA SHRE YA'I LUNG TSANG MA GNANG, DENG SANG PAn CHEN THAMS CAD MKHYEN PA'I BKA' 'BUM LUNG RGYUN MA CHAD PAR BZHUGS PA NI BLA MA GRUB PA'I DBANG PHYUG 'DI NYID KYI BKA' DRIN YIN NO, ,DE NAS SLAR YANG LAM RIM GYI KHRID GNANG DGOS TSUL NAN GYIS ZHUS KYANG, SKU NA MTHO TSUL BZHES PA SOGS KYIS GNANG BA MA BYUNG BA'I TSE GSOL BA 'DEBS PA MAN NGAG BZHIN ZHES BYA BA'I MAN NGAG DE YI GER 'KHOD PA ZHIG CIS KYANG DGOS ZHES GSOL BA 'DEBS PAR MDZAD PAS, SKYABS MGON CHEN POS KYANG THUGS DGYES BZHIN DU LAM RIM GSOL 'DEBS KYI DMIGS SKOR MAN NGAG ZHAL SHES GYIS BRGYAN PA 'DI RTZOM PA GNANG NAS LJAGS LUNG YANG GNANG, DE NAS BLA MA NYID KYIS SNGA SOR GRVA SAR BZHUGS SKABS ZHABS DRUNG LHA PA SPRUL SKU RIN PO CHE DANG, ZHAL SNGA NAS 'JAM DBYANGS CHOS 'PHEL SOGS LA LAM RIM GYI KHRID GTING PHYIN PAR GSAN ZHING DBEN PA BSTEN NAS LO MANG POR THUGS NYAMS SU BZHES PAS RANG NYID KYI THUGS LA MI BDE BA GANG YANG MED KYANG, MYUR LAM 'DI LA KHRID RGYUN DAR BA ZHIG BYUNG NA DGONGS NAS SHAR RTZE ZHAL SNGA NAS BLO BZANG MGON

, ,PO LA MYUR LAM GYI KHRID LEGS PAR GSAN ZHING SKYABS MGON CHEN POR YANG RGYU MCHAN ZHUS BA NA, BLA MA NYID LA MYUR LAM GYI KHRID GNANG CHOG PA'I BKA' YANG KHROL PA BCAS PAn CHEN THAMS CAD MKHYEN BA'I GSUNG RNAMS MI NUB CING PHYOGS KUN TU DAR BA'I RTEN 'BREL 'GRIG PAS THUGS RAB TU TSIMS PAR GYUR TO, ,DE NAS BKRA SHIS LHUN POR BZHUGS RING BLO GSAR DON GNYER CAN RNAMS LA TSAD MA RNAM 'GREL ,DBU MA 'JUG PA SOGS GZHUNG MANG PO'I LUNG DANG, BLO SBYONG SOGS CHOS BKA' MANG DU GNANG NGO, ,DE NAS SNAR THANG SOGS GTZANG KHUL GYI GNAS RNAMS LA MCHOD 'BUL SMON LAM MDZAD NAS RIM GYIS GNYA' NANG BRGYUD DE BLA YUL DU PHEBS, KHYUNG RANG BYUNG SOGS BLA YUL GYI GNAS GRAGS CHE BA RNAMS MJAL NAS SMON LAM MDZAD, GTZO BOR SNGON RGYA GAR GYI PAn GRUB RNAMS KYIS KYANG RANG BYUNG GI MCHOD RTEN ZHES BSNGAGS BA RGYA CHER MDZAD PA 'PHAGS PA SHING KUN TU PHEBS, DER ZLA BA GCIG TZAM BZHUGS NAS DE'I RING LA ZHABS SKOR DANG, PHYAG 'BUM ZHIG GSOG BAR MDZAD, DE SKABS THUGS DAM BOGS CHE BA BYUNG YOD 'DUG STA BLA MA NYID KYI ZHAL NAS, ZAB MO DBU MA'I LTA BA 'DI RTOGS PA LA BLA MA LA GSOL BA 'DEBS PA DANG, BSAG SBYANG RANG GAL CHE GSUNG, BSAG SBYANG LA MANG DU 'DUG PA LAS GANG GAL CHE ZHUS PAS, LTUNG BSHAGS LA BRTEN NAS BYED PA GAL CHE TSUL SNGON RJE BTZUN TZONG KHA PA CHEN PO DANG, RTOGS LDAN 'JAM DPAL RGYA MTSO SOGS BKA' RGYUD

'DI'I DAM PA GONG MA RNAMS KYIS MDZAD TSUL GYI KHANGS DANG BCAS ZHIB TU GSUNG, BLA MA NYID KYIS JI LTAR MDZAD ZHUS PAS, NGAS SHING KUN TU LTUNG BSHAGS LA RTEN NAS BSAG SBYANG ZLA BA GCIG GI RING BYAS, DE DGA' MO BYUNG ZHES GSUNG ,DA NAS RIM GYIS YAR PHABS TE SKYID GRONG DU PHEBS, DE NAS 'DIR BZHUGS KYI NGES PA MED PA LA, DGE SLANG DGE 'DUN GYIS CHU TSAN BAR PHEBS BSUR PHYIN NAS, BLA MA RIN PO CHE'I BZHUGS GNAS PHUG PO CHE ZHES BYA BA ME TOG MDANGS CAN LAS SA DMA' ZHING, DBYAR BSIL LA DGUN DRO BA, SHING LJON PA BZANG POS KHOR MOR BSKOR BA, GNAS DBEN ZHING YID DU 'ONG BA ZHIG BTZAL NAS YOD BAS DER PHEBS BAR ZHU ZHES GSOL BA BTAB BA NA, MA 'ONGS PA'I 'BYUNG 'GYUR MKHYEN CING DUS LA BAB PAR GZIGS NAS LCAGS MO PHAG GI LOR DGA' LDAN PHUG PO CHER PHEBS SO, ,DE LTAR DGA' LDAN PHUG PO CHER PHEBS TE SA GZHI BYIN GYIS BRLABS SHING ZLA SHES BZHUGS NAS GANGS RIR PHEBS RTZIS MDZAD PA NA ,BLA MA SNGAGS RAM PAS DA RES BZHUGS DGOS PA'I GSOL 'DEBS MDZAD PAS RE ZHIG BZHUGS PAR ZHAL GYIS BZHES, DE NAS BLA MA NYID LA MI PHYED PA 'DAD BA CAN RDZONG DKAR MKHAN PO DKA' CHEN CHOS MDZAD KYIS SNGA MO NAS GSOL BA BTAB PA LTAR; KHONG GIS GTZO MDZAD DGE 'DUN MANG TZAM LA BYANG CHUB LAM RIM CHEN MO, LAM RIM CHUNG BA, RDO RJE 'CHANG CHEN PO'I LAM GYI RIM PA, RTZA LHUNG RNAM BSHAD, BLA MA LNGA BCU PA'I RNAM BSHAD SOGS RJE RIN PO CHE'I GSUNG

, ,MANG PO'I LUNG; RJE BTZUN BLO BZANG CHOS KYI RGYAL MTSAN DPAL BZANG PO'I GSUNG 'BUM PHAL CHE BA'I LUNG, ZAB LAM NAM MKHA' SGO 'BYED KYI BKA' DBANG, GCOD GZHUNG THAR 'DOD DED DPON MA'I KHRID MAN NGAG ZHAL SHES KYIS BRGYAN PA NYAMS MGUR GYI DBYANGS DANG GNYAN SAR 'GRO TSUL SOGS PHYAG LEN RNAMS KYANG MTHIL PHYIN KHRID PAR MDZAD, GZHAN YANG LHA BTZUN RDO RJE NAS BRGYUD PA'I CHOS BKA' MANG BO DANG, BLO SBYONG GI KHRID, LAM RIM GYI KHRID SOGS ZAB CHOS MANG DU STZAL, DE NAS RDZONG DKAR MKHAN POS SBYIN BDAG MDZAD NAS DGE SLONG RNAMS KYI TSOGS KHANG DANG RUNG KHANG SOGS BZO BAR MDZAD, 'DI SKABS TSOGS KHANG GI GZHI 'DING BA NA, SA DE NA PHA BONG MANG DU YOD PA RNAMS MI GZHAN GYIS THABS CI BYAS KYANG BSGUL MI THUB PA RNAMS, BLA MA NYID KYIS LCAGS KYI THUR MA CHUNG DU ZHIG GIS THABS MDZAD NAS DKA' TSEGS MED PAR 'THON PAR MDZAD PAS 'DI NI NGES BAR RDZU 'PHRUL LO ZHES GRAGS PA'ANG BYUNG 'DUG ,'DU KHANG GI 'OG GZHI'I SA'I NANG NAS DPAL LDAN LHA MO'I RTEN GTOR CI 'DRA BA'I RDO ZHIG THON PAS KUN YA MTSAN CHE BAR BYUNG ZHING, SLAR TSOGS KHANG GI SBUG TU 'JOG PAR MDZAD DO, ,DE SNGA PHAN GSHIN PO'I BSNGO ZHUS SOGS GTAN NAS BZHES PAR MI MDZAD PA LA, RDZONG DKAR MKHAN PO LA SOGS PAS SHI GSON KUN LA PHAN PA'I PHYIR BSNGO ZHUS LA SOGS PA RNAMS CIS KYANG BZHES DGOS ZHES GSOL BA BTAB PHAS, DE PHYIN CHANG BZHES PAR MDZAD

NAS DAR KHA GANG YAN CHAD RDZAS CHE CHUNG CI BYUNG YANG BDAG GIR MI MDZAD PAR DGE 'DUN LA BSNGO BAR MDZAD CING, CHUD ZOS SU MI 'GYUR BA'I DAM BSGRAGS NAN CHE BAR MDZAD, SKABS SHIG TU GRVA CHOS GLING NAS 'BA' RA SPRUL SKU MJAL BAR PHEBS TE CHOS KYI BKA' DRIN ZHUS PA NA, THUGS DGYES PA CHEN POS JO BO RJE DPAL LDAN AA TI SHA'I CHOS CHUNG BRGYA RTZA SOGS CHOS BKA' MANG DU GNANG, DE NAS BLA MA NYID DGUNG LO RE LNGAR PHEBS PA STAG GI LO'I NANG DU SKYABS MGON CHEN PO'I ZHAL MJAL BA'I PHYIR GTZANG PHYOGS SU PHEBS BZHED PA NA, RDZONG DKAR MKHAN POS KYANG GANG CI'I ZHABS TOG 'O MI BRGYAL BA MDZAD RTZIS ZHUS NAS RDZONG DKAR MKHAN PO DPON G-YOG RNAMS DANG STABS GCIG TU RIM GYIS PHEBS NAS BKRA SHIS LHUN PO'I KLU SDINGS SU COG GUR PHUB NAS BZHUGS, GLANGS LO'I MJUG NAS BZUNG PAn CHEN THAMS CAD MKHYEN PA CHEN PO RJE BTZUN BLO BZANG YE SHES SKU KHAMS BSNYUN TSUL BZHES NAS, STAG LO ZLA BA DANG BO GNYIS PA'I NANG DU SKU BSNYUN TSUL CHER BZHES SHING, DE DAG GI TSE NAM MKHA' 'JA' 'OD KYIS KHYAB CING SKABS SKABS SU 'JA' DKAR PO ZUG PA YANG YANG BYUNG, GZHAN YANG LTAS SNA TSOGS BYUNG BA BCAS GRVA SA CHEN PO RNAMS KYIS GTZOS THA GRU KUN NA BZHUGS BA'I DGE 'DUN RNAMS KYIS ZHABS BRTAN SKU RIM LA KHOR MO YUG TU 'GRUS PAR MDZAD CING, LHAG BAR BLA MA NYID LA BLA BRANG CHEN PO NAS SKYABS MGON CHEN BO'I ZHABS BRTAN LA DMIGS PA'I TSE SGRUB CIG MDZAD DGOS TSUL GNANG BAR BKRA SHIS

, ,LHUN PO'I GLING DU BZHUGS NAS ZLA SBREL GYI BAR LA SKU MTSAMS SHIN TU DAM PAR BCAD NAS GRUB RGYAL LUGS KYI TSE SGRUB LA THUN BZHIR MDZAD, DE'I TSE LHAR BCAS 'GRO BA'I BLA MA 'DIM BZHUGS NA NI SKYA BO THAMS CAD MGON DANG BRAL ZHING THUB PA'I BSTAN PA YANG CHU DANG BRAL BA'I PADMA BZHIN DU SKAD CIG LA NYAMS PA LA TSOGS MED CING, DE LTAR NA 'GRO BA'I BDE SKYID KYANG NUB PAR 'GYUR BAS, SKYABS MGOM CHEN PO 'DI NYID KYI ZHABS BRTAN LA 'BAD BA NI 'GRO BA SEMS CAN THAMS CAD KYI DON GYI MCHOG GO SNYAM DU DGONGS NAS TSE SGRUB LA SHIN TU 'GRUS PAR MDZAD CING, THUN RER GZUNGS RING STONG PHRAG RE MA THA 'GRO BAR MDZAD PA SOGS BYA DKA' BA'I BRTZON 'GRUS KYIS BZLAS SGOM LA BRTZON PAR MDZAD PAS, MGON PO TSE DPAG MED KYIS BYIN GYIS BRLABS PA'I DAG PA'I MTSAN MA KHYAD PAR CAN YANG BYUNG ZHING 'DOD PA'I DON GRUB PA'I RTAGS DANG MTSAN MA LEGS PAR BYUNG NAS SKU MTSAMS GROL, DE NAS SKYABS MGON CHEN PO YANG GDUL BYA YONGS KYI BSOD NAMS KYI MTHUS SKU KHAMS LEGS PAR DVANGS TSUL BZHES, DE NAS MI RING BAR SKYABS MGON CHEN POR BYIN RLABS ZHUS TE DON GNYER CAN KHA SHAS LA LHO BRAG BKA' 'BUM SOGS TSOS BKA' MANG DU GNANG NAS PAn CHEN THAMS CAD MKHYEN PA CHEN POR 'DI PHYIR DGE BA'I SKYABS 'JUG ZHUS NAS RIM GYIS PUG CHEN SGRUB SDER PHEBS, DE NAS RE SHIG SKU MTSAMS DAM PO LA BZHUGS, SKU MTSAMS GROL NAS YOS LO ZLA BA BZHI BA'I NANG DU SMYUNG GNAS

GYI 'GO BTZUGS NAS CHOG BRGYAD TSAR GSUM SBREL NAS ZLA BA PHYED GNYIS LHAG TZAM GYI RING LA SMYUNG GNAS MDZAD DE, GDAN GCIG DANG KHRUS KYI RIM PA, DNGOS GZHI LHA DRUG SGOM TSUL SOGS BYA BA'I RGYUD NAS BSHAD PA LTAR PHYAG LEN SHIN TU DAG BAR MDZAD CING, PO BSTOD NYER GCIG GI RING DBYANGS DANG BCAS TE PHYAG 'TSAL LA BRTZON PAR GNANG, GTZO CHER YIG DRUG GA BSNYEN PA THUN RER KHRI TSO RE TZAM 'GRO BAR MDZAD NAS SHIN TU 'GRUS PAR MDZAD PAS NUB CIG MNAL LAM DU MI DKAR BO ZHIG GIS DA GZUNGS RING BGRANG NA LEGS ZHES BRJOD PA ZHIG GSAL BAR BYUNG BAS DE PHYIN GZUNGS RING LA BRTZON PAR MDZAD, TSUL 'DI LA DPAGS NA DE'I TSE DAG PA'I MTSAN MA MANG PO BYUNG YOD TSOD 'DUG KYANG DE TZAM LAS GSUNG BA MI GNANG, DE'I TSE GRVA SLOB RNAMS BLA MA BDAG NYID CHEN PO SKU NA 'DI LTAR DU MTHO BA YANG PHYAG 'TSAL SOGS BSAG SBYANG LA 'DI LTAR 'GRUS PAR MDZAD NA, BDAG CAG LE LOR GNAS PA GA LA RIGS SNYAM DU CHUD DANG PHRAD PA'I PADMA BZHIN DU DPON SLOB TSANG MA THUGS DAM SHIN TU 'PHEL, ZLA BA BDUN PA'I NANG DU BSLAB PA KUN LAS BTUS PA, RGYAL SRAS BKA' 'BUM, DGONGS PA RAB GSAL, RTZA SHE'I t'IKA CHEN SOGS CHOS MANG DU GNANG, DON GNYER CAN KHA SHAS LA BSNYEN RDZOGS KYANG GNANG, DE NAS STON GYI RING LA MKHAS GRUB THAMS CAD MKHYEN PA'I BKA' 'BUM THOR BU BA, SDOM GSUM RNAM GZHAG THUB BSTAN BYI DOR, ZHU LAN NOR BU'I PHRENG BA, BLO SBYONG MTSON CHA

, ,'KHOR LO, MDO SDE RGYAN, MI RTAG PA'I TSOMS, DRANG NGES RNAM 'BYED, MDO SDE BSKAL BZANG, MDZANGS BLUN, BRGYAD STONG BA RNAMS KYI LUNG GNANG ZHING BRGYAD STONG BA GNANG SKABS SPYAN CHAB MANG DU BYUNG BA SHANGS PHYIS KYI SHANGS SNABS PHYID PA'I RNAM PA DANG, ZHAL GDONG LA 'GEB PA SOGS MDZAD NAS, SPYAN CHAB MI MNGON PAR MDZAD KYANG, BRGYAD STONG PA GNANG RING SPYAN CHAB NAR MAR BYUNG ZHING, SKABS SKABS SU SPYAN HUR BAG TU MDZAD NAS DGYES PA'I RNAM PA SHIN TU CHE BA RE YANG MDZAD, RES 'GA' ZAB MO'I DKA' GNAS 'DRA LA GZIGS NAS DAN SO RGAS SONG GZHAN MA CHOS BYA RGYU RANG ZHIG 'DI NA 'DUG PA YIN TE ZHES GSUNG BAR YANG MDZAD, 'DI NI RGYAL BA'I BSTAN BA SPYI'I GNAD MKHYEN PA'I MKHAS BA RNAMS LA NGO MTSAR BSKYED PA'I RNAM BAR THAR BA ZHIG STE, SNYIGS MA LAS KYANG CHES SNYIGS MAR GYUR PA'I DUS 'DIR RGYAL BA'I GSUNG RAB RNAMS RIM GRO LA NYE BAR MKHO BA DANG, PHYAG MCHOD KYI YUL TZAM DU 'DZIN PA MA GTOGS NYAMS LEN GYI GNAD RNAMS DE NA YOD PA'I THE TSOM TZAM YANG SKYE BA SHIN TU DKON PA LA, DAM PA 'DIS NI GDAMS PA'I GNAD MTHAR THUG RNAMS GSUNG RAB NYID LA YOD PAR GZIGS PA YIN NO, ,DE NAS 'BRUG LO ZLA BA BZHI PA'I NANG DU DON GNYER CAN RNAMS KYIS YUN RING MO NAS GSOL BA BTAB BA LTAR DUS GSUM GYI SANGS RGYAS THAMS CAD GANG NAS GSHEGS SHING GSHEGS PAR 'GYUR BA'I LAM PO CHE, SDE SNOD GSUM GYI BRJOD BYA THAMS CAD PHYOGS GCIG TU BSDUS PA,

DPAL LHA CIG D'I BAm KA RA DANG CHOS KYI RGYAL BO TZONG KHA BA CHEN PO GNYIS KYI THUGS KYI BCUD BYANG CHUB LAM GYI RIM BA'I DMAR KHRID, RJE BTZUN BLO BZANG YE SHES DPAL BZANG PO'I GSUNG MYUR LAM GYI STENG NAS SHIN TU RGYAS PA DPAL DBEN SA PA'I MAN NGAG GI GNAD RNAMS TSANG BAR ZLA BA GCIG GI RING GNANG, CHOS KYI DKYIL TZAM DU SKU KHAMS MI BDE BA ZHIG BYUNG NAS NYIN GCIG GNYIS CHOS MTSAMS MDZAD DGOS BYUNG BAS, DGE SLONG RNAMS KYIS RANG RANG GI 'BYOR PA CI YOD BSDUS NAS BLA MA GRUB PA'I DBANG PHYUG CHEN POR SKU GSUNG THUGS RTEN, DBU ZHVA, SNAM SPYAR, LHUNG BZED, GDING BA SOGS YO BYAD CI 'BYOR DANG BCAS MAndAL PHUL TE ZHABS PAD BSKAL BRGYAR BRTAN PA DANG SKU BSNYUN BA'I TSUL MI STON PAR CHOS KYI 'KHOR LO BSKOR DU GSOL ZHES GSOL BA BTAB PA NA, CHOS PHYIR LUS LONGS SPYOD THAMS CAD 'BUL BA NI KHYED RANG RNAMS TSOGS RDZOGS SHING SNGON GYI GRUB CHEN RNAMS KYI RNAM THAR DANG MTHUN PAS RTEN 'BREL LEGS ZHES GSUNG ZHING DGYES NYAMS CHEN PO MDZAD, DE MA KHAD BSNYUNG GZHI LEGS PAR DVANGS SHING CHOS 'PHRO YANG DGYES BZHIN RDZOGS PAR GNANG, CHOS GROL NAS GTANG RAG GI MCHOD PA RGYAS BAR BSHAMS TE SEMS BSKYED ZHUS PAR SPYOD 'JUG NAS 'BYUNG BA LTAR DGYES BZHIN DU GNANG, 'BRUG LO'I STON RJE MI LA'I RNAM MGUR, TSUL KHRIMS LE'U'I RNAM BSHAD BYANG CHUB GZHUNG LAM, 'DUL BA MDO RTZA, TSAD MA RNAM 'GREL, DBU MA RIGS TSOGS DRUG ,'DUL BA'I BSLAB BYA CHAN MO, GZHI GSUM CHO GA SOGS LUNG MANG

, ,PO DANG, BYIN RLABS NAM MKHA' SGO 'BYED KYI DBANG, GCOD KYI ZAB KHRID RGYAS BA BCAS GNANG NGO, ,DE NAS SBRUL LO'I NANG DU PHAL CHER SKU MTSAMS LA BZHUGS SHING DON GNYER CAN RNAMS LA PAn CHEN THAMS CAD MKHYEN PA RJE BLO BZANG YE SHES KYI GSUNG 'BUM GYI LUNG SOGS CHOS BKA' MANG DU GNANG, DA NAS RTA LO DANG LUG GI LO PHAL CHER SKU MTSAMS LA BZHUGS SHING, LUG LO'I STON DGA' LDAN PHYAG RGYA CHEN PO'I BKA' KHRID SNGON 'GRO'I KHRID BZHI DANG BCAS PA RGYAS PAR STZAL, DE LTAR BLA MA BDAG NYID CHEN PO 'DIS BSTAN PA'I DON DU DGE 'DUN GYI SDE BTZUGS SHING BCAS KHRIMS DAM PAR MDZAD, RDZONG DKAR CHOS SDE NAS RAB BYUNG DON DU GNYER BA RNAMS LA YANG DGYES BZHIN DU GNANG, GZHAN YANG GRUB MTHA'I PHYOGS LHUNG GTAN NAS MI MNGA' BAR RIS SU MA CHAD PA'I SKYE 'GRO KUN LA THUGS BRTZE BA 'BA' ZHIG MDZAD PAS, GRUB MTHA' RIS SU MA CHAD PA'I BSTAN 'DZIN THAMS CAD KYANG DAM PA 'DI'I ZHABS LA GTUGS NAS BYIN RLABS DANG CHOS 'BREL ZHU BA DANG, DGE BSNYEN, DGE TSUL, DGE SLONG GI SNGOM PA BLANGS NAS THUB PA'I BSTAN PA LA ZHUGS TE BCAS KHRIMS SRUNG BA MANG DU BYUNG BAS, BAL BOD MTSAMS KYI YUL PHYOGS 'DIR THUB PA'I BSTAN PA MING TZAM YANG MA LUS PAR NUB PA'I DUS 'DIR BLA MA GRUB PA'I DBANG PHYUG CHEN PO 'DIS THUB PA'I BSTAN BA DAR BAR MDZAD PAS NA RGYAL BA'I BSTAN PA LA BYA BA CHEN PO MDZAD CING BAL BOD MTSAMS KYI SKYE 'GOR RNAMS LA BKA' DRIN ZLA MED DU MDZAD DO,,

DA LTAR SKU DNGOS KYI GDUL BYA 'DUL BA'I MDZAD PA RNAMS RDZOGS NAS ZHING KHAMS GZHAN DU 'BYON PA'I DGONGS PA GTAD BAN MI RTAG PA'I GSUNG YANG YANG GNANG ZHING, DUS BZHI'I 'GYUR LDOG LA BRTEN NAS NAM ZLA DBYAR KHA KHO SONG, STON KA RU SLEB BYUNG GSUNG BA SOGS MI RTAG PA'I GTAM RANG GSUNG, RES 'GA' GSUNG SGROS KYI MU NAS SNGON GYI BYUNG BA MANG PO DANG, JO BO RJE DANG, RJE BTZUN TZONG KHA BA YAB SRAS RNAMS KYIS DGUNG LO JI TZAM BZHUGS PA SOGS GSUNGS NAS , SNGON GYI DAM PA RE GNYIS MA GTOGS NGED RANG YANG LO RING TSAD DU SLEB PA YIN PAR 'DUG CES GSUNG BA DANG, YANG LAN CIG LO GSUM TZAM NAS 'CHI BA SHES KYIN YOD PA 'DRA, LO GCIG NAS 'CHI BA NI SHES TSOD RANG DU 'DUG CES GSUNGS NAS BZHAD MO MDZAD DE ,DE NI RANG NYID JI TZAM LA GSHEGS MKHYEN PAR 'DUG GO, DE NAS SKU BSNYUNG TSUL MDZAD CING BZHENG BZHUGS DKA' BAR BYUNG BA'I TSE, DA NI GSUNG RIS DANG MDZAD PA GANG LA BRTAGS KYANG MA LEGS SO SNYAM NAS ZHABS BRTAN LA BRTZON PAR BYAS SHING, SPYI SGER THAMS CAD NAS ZHABS BRTAN PHUL BAR THUGS MNYES MNYES MDZAD CING ZHAL BZHES NI MA GNANG, TSE RING DU GNAS NA RNAM DKAR GYI, ,LAS BZANG PO SGRUB PO SHI YANG BDE, ,LAS BAG CHAGS BZANG PO'I DANG DU 'CHI, ,AA LA LA GSON SHI SEMS LA SNYOMS, ,TSE SGRUB KUN JI LTAR DGYES DGYES MDZOD, ,CES GSUNGS PA DE YIN PAR 'DUG CES GSUNG BA DANG, YANG LAN CIG KHYED GROGS PO TSOS 'DI GTZAM GYI DAG SNANG BYED LUGS KYIS

, ,DBEN SA SNYAN RGYUD KYI BSTAN PA 'DI DA DUNG DAR RGYU YIN SHAS CHE ZHES TSIG NUS PA CAN DBYAD DKA' BAR GSUNG, DE NAS BLA MA NYID KYI PHYAG NA YOD PA'I DNGOS CHAS RNAMS DGE PHYOGS SU BSNGO BAR MDZAD, ZHABS 'BRING DU 'KHOD PA'I DGE SLONG RNAMS LA YUM GSUNG SGROG DANG RDO RJE 'JIGS BYED KYI SGRUB MCHOD CIG TSUGS GSUNGS, DE LTAR BKA' BZHIN DU BSGRUBS SKU GZUGS BSNYUNG BAB LCI YANG ZHAL MDANGS SHIN TU RGYAS SHING DED DPON YID BZHIN GYI NOR BU THOB NAS RANG YUL DU 'GRO BA LTAR ZHING BRJE BA LA DGYES NYAMS KYI SPRO BA CHEN BO MDZAD CING, SKU DNGOS KYI GDUL BYA RNAMS RDZOGS PA NA DGUNG LO DON GNYIS SU PHEBS PA LCAGS MO BYA LO'I ZLA BA GSUM PA'I TSES BCU'I NAM LANGS TZAM LA LHA DANG LHA MO RNAMS KYIS GDUGS DANG, RGYAL MTSAN DANG, BA DAN DANG, ROL MO SOGS MCHOD PA'I BYE BRAG BSAM GYIS MI KHYAB BA THOGS PA'I BSU BA DANG BCAS TE DGA' LDAN YID DGA' CHOS 'DZIN DU GSHEGS SO,, DE'I TSE THAMS CAD STONG PA 'OD GSAL MNGON DU MDZAD PA NA, 'OD GSAL DE NYID 'DI 'DRA'O ZHES MTSON PA'I PHYIR DU NAM MKHA' NI SPRIN DANG, RDUL DANG, KHUG RNA SOGS GANG GIS KYANG SGRIB PA MED PA SHIN TU G-YA' DAG CING, SA GZHI LA RLUNG GI RGYU BA PHRA MO TZAM YANG MED PAR GYUR TE, DE NAS DGE SLONG RNAMS KYIS DPAL RDO RJE 'JIGS BYAD CHEN PO'I DKYIL 'KHOR ZHAL PHYE NAS BLA MA DANG DKYIL 'KHOR GYI GTZO BO THA MI DAD PA LA PHYI NANG GSANG BA DE KHO NA NYID KYIS MCHOD CING, SMON LAM

KHOR YUG TU MDZAD, STENG 'OG NAS BYANG SEMS BABS PA SOGS THUGS DAM GROL BA'I RTAGS RNAMS BYUNG BAN, PHYOGS MTHA' DAG NAS 'DUS PA'I DAD LDAN RNAMS KYIS MCHOD PA DPAG TU MED PA PHUL ZHING GSOL BA BTAB NAS LAS BZANG PO'I 'BREL PA BZHAG ,THUGS DAM GROL BA NAS BZUNG NAM MKHA'I DKYIL RGYA MTHING BZANG PO'I MDOG LTAR SNGO ZHING DANGS PA LA, PHYOGS KYI RI RTZE RNAMS SU SPRIN GSAR DKAR PO BLA BRE LTAR BRES PA DANG, 'GA' ZHIG GDUGS LTA BU, 'GA' ZHIG BA DAN LTA BU, 'GA' ZHIG RGYAL MTSAN LTA BU DANG, PHYOGS PHYOGS SU 'JA' 'OD KHA DOG SNA LNGA PA 'PHYANG BA SOGS ZHAG MANG PO'I BAR LHA RNAMS KYIS MCHOD PA'I LTAS DPAG TU MED PA BYUNG NGO, ,BLA MA BDAG NYID CHEN PO 'DI'I RNAM PAR THAR PA RGYAS PAR NI THUB BSTAN MDZES RGYAN RIN PO CHE'I PHRENG BA DANG, GSANG BA MCHOG GI MDZAD PA LAS BRTZAMS TE RTOGS PA BRJOD PA DNGOS GRUB KYI SNYE MA ZHES BYA BA GNYIS SU BDAG GIS RGYAS PAR BRIS ZIN PAS DA DAG LAS SHES SAR BYA'O, , DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BYA BRAL GRUB PA'I DBANG PHYUG CHEN PO 'DI LA GSOL BA 'DEBS SHING, BDAG NYID CHEN PO 'DI'I RNAM THAR LTAR MDO SNGAGS KYI GZHUNG LA THOS PA PHU THAG CHOD PA BYAS SHING SNYAN RGYUD KYI MAN NGAG THOB PAR BYAS LA TSE 'DI BLOS BTANG STE DBEN PA'I RI SUL DU 'CHO BA DKA' THUB LA GNAS NAS TSE DANG SGRUB PA MNYAM PAR BYA ZHING, DE TZAM MA THUB KYANG BDAG NYID CHEN PO 'DI'I MDZAD PA RNAM THAR RNAMS

, ,SMON LAM GYI YUL DU BYAS TE NYIN RE BZHIN LAM CHA TSANG LA BAG CHAGS CI THEBS BYA'O,, ` ,,RJE BTZUN BLO BZANG CHOS KYI RGYAL MTSAN NAS DRUNG BA YAB SRAS RNAMS DANG DE NAS RJE SGRUB KHANG PA SOGS LA BRGYUD PA'I BLA MA RNAMS KYI RNAM PAR THAR PA 'CHAD PA LA DRUNG BA RGYAL TSAB BA'I RNAM THAR NI SNGAR BRJOD ZIN LA, RJE BTZUN BLO BZANG DAM CHOS RGYAL MTSAN ZHES BSNGAGS PA, DRUNG PA RTA PHUG PA BLO BZANG DAM CHOS RGYAL MTSAN NI, STOD MNGA' RIS SKONG GSUM GYI NANG TSAN ZANGS DKAR GYI YUL GYI CHA ZANGS LA ZHES BYA BAR YAB MNGA' RIS CHOS RGYAL GYI GDUNG RGYUD DPAL LDE ZHES BYA BA DANG, YUM SKYID 'DZOM ZHES PA GNYIS KYI SRAS SU LUG GI LO NGO MTSAR BA'I LTAS DANG BCAS TE 'KHRUNGS, DE GONG DU SRAS MANG PO TSE MA ZIN PAS SRI CHOD THABS SU GZHON NU 'DI'I MTSAN LA KHYI DPAL LDE ZHES BTAGS, SKYES RABS MANG BOR LAM LA SBYANGS PA'I BAG CHAGS SAD PAS MNO SHES PA NAS BZUNG BYIS PA THA MAL PA LTAR NGAN SPYOD GANG YANG MI MDZAD PAR SKU GSUNG THUGS RTEN MTHONG NA DGA' ZHING DE LA MCHOD PA BYED PA DANG, GSUNG NGAG MA BYE GONG DU YANG TSIG 'BRU MI GSAL BAR CHOS DANG GZUNGS SNGAGS SNA TSOGS BZLA BA ZHIG BYUNG, DE NAS DBUS GTZANG CHOS KYI ZHING DU PHYIN NAS CHOS RNAM DAG CIG BYA 'DOD PA NAR MAR BYUNG YANG YAB YUM DANG NYE DU SOGS KYIS GTONG DU MA NYAN PAR RE SHIG KHYIM DU

ZHUGS NAS 'DRI KLOG DANG CHOS SPYOD 'DZIN PA SOGS LA BRTZON PAR MDZAD, DE NAS DGUNG LO BCU DRUG LON PA'I TSE DRUNG BA BLO BZANG RNAM RGYAL ZHES PA'I DAM PA ZHIG YOD PA DE'I DRUNG DU SKRA BCAD, YONGS RDZOGS DGE BSNYEN KYI SDOM PA ZHUS, DE SKABS PAn CHEN BLO BZANG CHOS KYI RGYAL MTSAN GU GE MTHO LDING DU PHEBS NAS MNGA' RIS SKOR GSUM GYI SKYA SER TSANG MAS DAD GUS BLA LHAG TU CHE BAR BYED PAS DAM PA 'DI LA'ANG DRUNG PA BLO BZANG RNAM RGYAL GYIS PAn CHEN BLO BZANG CHOS KYI RGYAL MTSAN GYI MTSAN NAS DRAS TE BLO BZANG RGYAL MTSAN ZHES BTAGS, DE NAS RTZA BZHI CHANG DANG BCAS PA SROG DANG BSDOS TE BSRUNG ZHING YUL DE'I DBEN GNAS DU MAR DGE SBYOR LA BRTZON PAR MDZAD, DE'I TSE BYA BRAL GNAS NGES MED DU 'BYON PA MTHONG TSE BDAG KYANG NAM ZHIG NA TSE 'DI'I GNYEN NYE DU GANG GIS KYANG MTHONG TSOR MED PAR DBEN PA'I RI SUL DU 'TSO BA DKA' THUB LA GNAS NAS DPON MED G-YOG MED SNA THAG MGO DKRIS KYI SPYOD PAS SGRUB PA SNYING BOR BYED BZHIG NAM 'ONG SNYAM PA 'BA' ZHIG 'KHRUNGS, DE NAS SNGAR DBUS GTZANG DU SLOB GNYER LA 'GRO MYONG BA 'GA' ZHIG GIS MNGON RTOGS RGYAN ZIN NA YONG ZHES BSKUL BA NA DRUNG PA 'DI BA GROGS MCHED GSUM GYIS 'DZIN PAR MDZAD DE NYIN RE BZHIN NAM LANGS TE YI GE MTHONG TZAM NAS KHANG BA LA NYIM MA SHAR GYI BAR LA SHLOO KA BCO BRGYAD RE 'CHAG MED DU 'DZIN PAR MDZAD, GZHAN YANG BSHES SPRID DANG DBU MA 'JUG PA SOGS GZHUNG MANG PO GZUNG BAS DER GNAS PA KUN NGO MTSAR YA MTSAN DU

, ,GYUR NAS 'DI 'DRA BA'I MKHYEN RABS CHE BA DBUS GTZANG DU PHYIN NAS GZHUNG LUGS CHEN MO RNAMS LA SBYANGS NA GZHAN DANG MI 'DRA BA ZHIG 'ONG ZHES BSNGAGS PA BYUNG, DE NAS DGUNG LO NYER LNGA LA BAB PA NA KHYIM GYI GNAS NI SDUG BSNGAL DU MA'I 'BYUNG GNAS SU RIG NAS YID 'BYUNG DANG SKYO SHAS SHUGS DRAG POS DA RIS DAL BA'I RTEN LAN CIG THOB PA 'DI DON LDAN DU BYA PHYIR DBUS GTZANG DU PHYIN LA CHOS RNAM DAG CIG BYA'O SNYAM DU THAG BCANG NAS RANG YUL NOR LONGS SPYOD GNYEN NYE DU THAMS CAD DANG GSON BRAL BYAS NAS RIGS MTHON POR SKYAS PA'I NGA RGYAL DANG SNYEM BA GANG YANG MED PAR 'TSO BA BSOD SNYOMS LA BRTEN TE BYA BRAL RTUL ZHUGS KYI SPYOD PAS DBUS GTZANG GI LJONGS SU PHEBS SO, ,DE NAS BKRA SHIS LHUN POR PHEBS PA NA PAn CHEN BLO BZANG CHOS KYI RGYAL MTSAN SOGS DMAG GI CHIN GSAL PHEBS PA DANG THUGS STE MA BZHUGS PAS DKYIL KHANG GI RDZA ZHAL SNGA NAS SMAN BLA MA'I DRUNG DU RAB TU BYUNG STE DGE TSUL BSGRUBS, MTSAN SNGAR GYI DE'I STENG DU DAM CHOS ZHES PA BSNAN TE BLO BZANG DAM CHOS RGYAL MTSAN ZHES BTAGS, DGE TSUL GYI BSLAB BYA RNAMS LEGS PAR BSRUNG ZHING GZHUNG LUGS LA SBYOD BA'I 'GO BRTZAMS, DE NAS PAn CHEN THAMS CAD MKHYEN PA BLO BZANG CHOS KYI RGYAL MTSAN PHEBS PA NA MJAL BAR BYON PAS DRUNG PA 'DI NYID RJE NYID KYI THUGS SRAS DAM BAR 'GYUR BAR MKHYEN NAS SKU MDUN DU BZHAG NAS YUL GANG NAS YIN DON GANG LA

'ONGS SOGS BKA' DRI ZHIB TU GNANG BAR RANG GI YUL DANG DE NAS 'ONGS PA'I BSAM BA'I KHYAD PAR RNAMS ZHIB TU ZHUS BA NA THUGS SHIN TU MNYES NAS DA KHYOD 'DI RU SDOD DAM DBUS SU 'GRO GSUNGS, DRUNG PA 'DI BAS AA KHU DRUNG PA RGYAL TSAB PA DANG POR DVAGS PO GRVA TSANG LA BYON PAS BDAG KYANG DVAGS PO GRVA TSANG LA 'GRO ZHUS PAS, PAn CHEN THAMS CAD MKHYEN PA CHEN PO'I ZHAL NAS GRVA SA GAR PHYIN YANG RANG GIS NUS PHYIN MTSAN NYID KYI SLOB GNYER BYED PA LA KHYAD MED DE DBANG LUNG MAN NGAG THOB PA LA 'DIR BSDAD NA LEGS BA YONGS GSUNG BA LA DRUNG PA 'DI PAS THUGS LA GANG SHAR DRANG POR ZHUS TE, 'DIR SDOD BA LA CHAS DNGOS KYANG GANG YANG MED AA KHU DRUNG PA RGYAL TSAB PA YANG DVAGS PO GRVA TSANG LA PHEBS PA BCAS DER 'GRO BSAM PA YONG ZHUS PA NA PAn CHEN THAMS CAD MKHYEN PAS 'ON 'U RANG GNYIS SHO DRIL, NGA'I SHO CHE BA BYUNG NA 'DIR SDOD, DRUNG PA RANG SHO CHE BA BYUNG NA DBUS SU RGYUG GSUNGS NAS PHYAG GIS DUNG SHO GNYIS DRIL TE 'DI 'AM BU'I YIN; 'DI DRUNG PA'I YIN ZHES ZHAL BA'I STENG DU DRIL BA NA DRUNG PA 'DI PA'I SHO MIG CHUNG BA BYUNG PAS PAn CHEN THAMS CAD MKHYEN PA THUGS MNYES NAS 'DIR SDOD PA DGA' BA 'DUG ,DBANG LUNG RJES GNANG SOGS CHOS GANG 'DUG KYANG SHOG GSUNGS, 'DI PAS KYANG THUGS RJE? CHE ZHES ZHUS, DE NAS CHOS GRA 'GRIMS TE THOG MAR RNAM 'GREL LA SLOB GNYER MDZAD CING PAn CHEN THAMS CAD MKHYEN PA CHEN POS CHOS GANG GNANG YANG BLA BRANG NAS BRDA GTONG BAR MDZAD PAS MDO SNGAGS

, ,KYI CHOS BKA' MTHA' YAS PA RIM PAS THOB, BAR SKABS SHIG CHU MA 'PHROD BAS BAD KAN GYIS BSNYUN TSABS CHE TZAM ZHIG BYUNG BA SMAN BA RNAMS KYIS NAD 'DI LAS MI THAR ZHES BLOS BTANG BA NA, PAn CHEN THAMS CAD MKHYEN PA CHEN POR SKYABS 'JUG ZHUR PHEBS BAS BAn CHEN THAMS CAD MKHYEN PA CHEN POS SGROL LJANG GI MNGON RTOGS SHIG GI LJAGS LUNG GNANG NAS SNGON GYI LAS 'BREL ZHIG 'DUG PAS SGROL MA 'DI LA BSNYEN PA ZHIG GYIS DANG DGA' MO YONG ZHES BKA' PHEBS, DE 'PHRAL DU MTSAMS BCAD DE BSNYAN PA MDZAD PAS RJE BTZUN MA SGROL MA'I ZHAL GZIGS BSNYUN GZHI YANG DRANGS, DE NAS BZUNG STE SKU TSE PHRIL POR NYIN RER SGROL BSTOD GANG 'GRUB RE DANG, LEGS BRIS MA TSAR RE 'CHAG MED ZHAL 'DON MDZAD, DE NAS BAR SKABS SHIG GNAS BSKOR ZHIG MDZAD, DE NAS BKRA SHIS LHUN POR PHEBS NAS SNGAR RGYUN BZHIN THUGS GNYER LA BRTZON PAR MDZAD PAS 'BRUM BU'I NAD KYIS PHYOGS THAMS CAD KHYAB CING NAD BYUNG TSAD SHI BA ZHIG BYUNG BA NA MNGA' RIS PHYOGS KYI SLOB GNYER BA PHAL CHER RANG YUL LA BROS, DAM PA 'DIBS PAn CHEN THAMS CAD MKHYEN PA CHEN PO'I SKU MDUN DU PHYIN NAS RANG YUL LA PROS PA LEGS SAM JI LTAR LEGS ZHES ZHUS PA NA, DA LAM DGA' MO YONG 'GRO GSUNG ZHING SRAN NAG BDUN LA LJAGS SNGAGS BTAB STE DAR DMAR ZHIG LA DRIL NAS RGYAS BTAB STE 'DI SKE LA THOGS, ZHAG BDUN SONG BAN YANG LEN DU SHOG GSAR PA STER BA YIN

RNYING PA'I SRAN MA RNAMS KHYUR MID GYIS CHOS GRVA MA CHAG PAR RGYUG GSUNGS, BKA' BZHIN BYAS BAS 'BRUM BU'I NAD MA BYUNG ZHING SLOB GNYER 'PHEL BA BYUNG BAS BLA MA LA SANGS RGYAS DNGOS GYI 'DU SHES BCOS MA MIN PA 'KHRUNGS, DE NAS RE SHIG DRUNG PA RGYAL TSAB PA DANG MNYAM DU DBEN BA'I GNAS MANG POR THUGS DAM GANG 'PHEL MDZAD, LHAG PAR RTA NAG LA KHAR BZHUGS RING RJE ZHAL SNGA NAS SMAN BLA BA LA KHA CHOS SDE'I BLA MAR PHEBS PA DANG THUG PAS MJAL BAR PHEBS, DE'I TSE BLA MA DE'I ZHAL NAS KHYED RI KHROD PA TSOS BKA' DRIN GSOL 'DEBS MA 'DZIN DGOS GSUNGS, BLA MA DGONG JA'I TSOGS LA PHEBS PA DANG MNYAM DU 'DI BAS BKA' DRIN GSOL 'DEBS MA BZUNG BAS BLA MA DGONGS TSOGS NAS TSUR PHEBS DUS ZIN THUB PA BYUNG BLA MA LA ZHUS PAS BLA MA HA LAS TE DE 'DRA MI BDEN RIB TZAM ZHIG LA DE TZAM ZIN MI THUB GSUNG, 'DI PAS ZIN NAS 'KHYOR TZAM YOD ZHUS NAS BSKYAR BAS BLA MA DES NGO MTSAR YA MTSAN DBE MED DU 'DZIN PAR MDZAD DE, PAn CHEN BLO BZANG CHOS KYI RGYAL MTSAN GYIS MDZAD PA'I BKA' DRIN GSOL 'DEBS MA 'DI LA SHOG BU BZHI TZAM YOD PA DGONG TSOGS RI'I YUN LA LJAGS 'DZIN THUB PA 'DI NI MKHYEN RAB RMAD DU BYUNG BA ZHIG GO ,DE NAS NUB GCIG MNAL LAM DU PAn CHEN BLO BZANG CHOS KYI RGYAL MTSAN GYIS THOG MA'I BLO SBYONG GI LJAGS LUNG YONGS RDZOGS GNANG BA GSAL BAR RMIS BZHIG BYUNG, DE NAS BKRA SHIS LHUN POR PHEBS TE PAn CHEN THAMS CAD MKHYEN

, ,PA MJAL BA NA DRUNG PAS THOG MA'I BLO SBYONG GI LUNG THOB BAM GSUNG, SNGAR MA THOB ZHUS PA NA 'O NA DA LTA LUNG ZHIG BYED DGOS YOD BAS SHOG RI KHROD BA LA 'DI GAL CHE GRUB CHEN GNAS BCU PA 'DI YANG THOG MA'I BLO SBYONG THOS PA'I RKYEN GYIS BLO CHOS LA 'KHUL TE RTOGS PA MTHON POR SONG BA YIN GSUNGS NAS DGYES BZHIN DU LUNG GNANG, DE NAS DGUNG LO SUM CU SO GNYIS SU PHEBS BA NA PAn CHEN THAMS CAD MKHYEN PA CHEN POR BSNYEN RDZOGS KYI SDOM PA ZHUS 'DUL BA'I BSLAB BYA RNAMS KYANG RGYAS PAR SLOB BAR MDZAD, PAn CHEN THAMS CAD MKHYEN PA CHEN PO LA THOG MA MJAL PA NAS BZUNG CHOS BKA' MTHA' YAS PA GSAN ZHING TSOGS CHEN DU GNANG BA'I GRAS LA, SGRUB THABS BRGYA RTZA'I NANG GI LHA RNAMS KYI RJES GNANG DANG LJAGS LUNG, LHO BRAG GRUB CHEN GYI BKA' 'BUM, 'JAM DBYANGS CHOS SKOR ,JO BO'I CHOS CHUNG BRGYA RTZA, RJE DGE 'DUN RGYA MTSO'I GSUNG 'BUM GYI STOD, BSLAB BTUS, BYANG CHUB GZHUNG LAM, SBYIN SREG DNGOS GRUB RGYA MTSO, MKHAS GRUB RIN PO CHES MDZAD PA'I 'JIGS BYED KYI BSKYED RIM, STON PA'I RNAM THAR CHEN MO, DGA' LDAN CHOS 'BYUNG, GTZUG TOR GDUGS DKAR GYI MDO SOGS KYI LUNG, SGROL MA NYER GCIG GI RJES GNANG, PHAG DKAR SHES RAB GSAL BYED KYI RJES GNANG, 'JAM DBYANGS DBA' GCIG ,AA RA PA TZA NA, 'JAM DBYANGS DKAR PO, 'JAM DPAL NAG PO, 'JAM DBYANGS SMRA SANG, DUS MA CHEN MA, KU RU KULLE, DBYANGS CA NA MA, SGROL DKAR LJANG, RI KHROD MA, GTZUG

TOR GDUGS DKAR, RNAM RGYAL MA, SME BRTZEGS, SENG GDONG MA, DZAM SER NAG ,THUB BA RDO RJE GDAN MA, MI G-YO PA SNGON PO, SPYAN RAS GZIGS PHYAG BZHI PA, SENG GE SGRA, RTA MGRIN GSANG SGRUB, LCAGS RAL CAN, SNA TSOGS YUM RNAMS KYI RJES GNANG, GSANG 'DUS, 'JIGS BYED BDUD LAS RNAM RGYAL, 'JIGS BYED BCU GSUM MA RNAMS KYI DBANG, MGON PO PHYAG DRUG BA, CHOS RGYAL PHYI NANG GSANG GSUM, ZHAL BZHI PA, LHA MO, GUR MGON, RNAM SRAS, BEG TZE, PHYAG RDOR 'KHOR CHEN, GTUM PO, AU TZARYA, GOS SNGON CAN RNAMS KYI RJES GNANG GSAN, GZIM CHUNG DU SGER DU GNANG BA LA GSANG 'DUS MI BSKYOD PA'I DBANG, BDE MCHOG L'U AI PA'I DBANG, 'JIGS BYED BCU GSUM MA'I DBANG, MI 'KHRUGS PA'I DBANG, NAM MKHA' SGO 'BYED KYI DBANG DANG GCOD KYI KHRID RNAMS GSAN ZHING, LHAG PAR LAM RIM GYI KHRID DPAL DBEN SA SNYAN RGYUD KYI MAN NGAG SKYES BU CHUNG NGU YAN DAM BA 'DI GCIG PU LA GZIM CHUNG DU RGYAS PAR GNANG ZHING, SKYES BU 'BRING TSUGS NAS DRUNG PA RGYAL TSAB PA YANG DER PHEBS PA DANG THUG STE DRUNG PA GNYIS PO LA LAM KHRID YONGS RDZOGS SNYAN RGYUD KYI MAN NGAG GEGS SEL BOGS 'DON DANG BCAS PA TSANG BAR GNANG ZHING DE'I TSE GANG GNANG BA THAMS CAD BDAG NYID CHEN PO 'DIS THUGS SU CHUD PAR MDZAD DO, ,DE NAS DRUNG PA 'DIS LAM RIM CHUNG BA THUGS 'DZIN MDZAD NAS NYIN RE BZHIN GZIM CHUNG DU PHEBS TE 'DI PA GCIG PU LA LAM RIM CHUNG BA

, ,'GO NAS MJUG RDZOGS KYI BAR TSIG GCIG KYANG MA LUS PA MTHA' DAG PAR GZABS BSHAD GNANG ZHING DKA' BA'I GNANG RNAMS LA DRI GTUGS KYI SGO NAS MTHA' CHOD PAR MDZAD DE, DE LTAR NA DAM PA 'DI NI PAn CHEN BLO BZANG CHOS KYI RGYAL MTSAN GYI NANG THUGS KYI SRAS SHIN TU GCES PAR MDZAD PA ZHIG GO ,DRUNG PA 'DIS NYIN GCIG PAn CHEN THAMS CAD MKHYEN PAn CHEN PO MJAL BAR BYON TE SKU MDUN DU GCIG PU YUN RING BZHUGS RGYU BYUNG PA NA BDAG LA JO BO RJE DANG BKA' GDAMS LHA BZHI LA BRTEN PA'I BLA MA'I RNAL 'BYOR ZHIG GNANG DGOS ZHES GSOL BA BTAB PA NA DGYES BZHIN DU DA LTA RANG BYAS PAS CHOG GSUNGS NAS JO BO RJE BKA' GDAMS LHA BZHI DANG BCAS PA'I BLA MA'I RNAL 'BYOR ZHIG THUGS THOG NAS GNANG BA DRUNG PA 'DI PAS GANG GSUNGS THAMS CAD 'DZIN THUB PA BYUNG, DE NAS BZUNG STE SKU TSE HRIL POR NYIN RE BZHIN JO BO RJE LA GSOL BA 'DEBS BA DANG BKA' GDAMS LHA BZHI'I SNYING PO RNAMS BRGYA RTZA RE 'CHAG MED BZLA BAR MDZAD, DE NAS PAn CHEN THAMS CAD MKHYEN PAn CHEN POS 'DI PA LA DA RI KHROD LA SONGS LA SGRUB BA GYIS ZHES BKA' STZAL, DRUNG PA 'DI PAS BDAG GIS THOS PA MTHAR MA PHYIN PAS SGRUB PA TSAD LDAN ZHIG MI 'ONG NGAM ZHES ZHUS PA NA, PAn CHEN THAMS CAD MKHYEN PA CHEN POS SNGON LA THOS PA BYAS, DE NAS RI KHROD DU THUGS DAM BYED ZER BA MANG PO YONG GI 'DUG KYANG DE THOG TU 'GRO BA DANG MTHAR THON PA MI YONG BA 'DUG ,RI KHROD DU

PHYIN NAS THOS BSAM SGOM GSUM ZUNG 'BREL DU BYED DGOS PA YIN, DGE BA'I BSHES GNYEN PO TO BDE GZHUNG LUGS RGYA MTSO LTA BU LA GZIGS PA YIN YANG DA LTA'I CHOS GRVA'I 'CHAD NYAN LTA BU MIN, RE SHIG RI KHROD DU DRUNG PA RGYAL TSAB PA LA BRTEN LA DOGS DPYOD ZHU YIN BYED, MNYAM DU MA SDOD, TSE BLOS BTANG GI RI KHROD MTHAR PHYIN BA ZHIG BYED DGOS GSUNG, DE NAS 'DI BAS BKA' BZHIN ZHU ZHES ZHUS TE RI KHROD DU 'BYON PAR THAG BCAD, THON KHAR PHYAG DBANG LA BYON PA NA THUGS DGYES BZHIN DU BYANG DAR DMAR PO LA MDUD BA MANG PO GNANG BZHIG DANG, DBU LO BUBS PHYED GNANG STE 'DI GNYIS LUS LA THOGS SLAR CHOS GANG 'DUG KYANG SNYAN GSAN BYED MI DGOS YONGS CHOG CES BKA' PHEBS, DE NAS DRUNG PA 'DI PAS BLA MA'I BKA' BZHIN DU MTHO MTHO RLUNG LA BSKUR, DMA' DMA' CHUL BSGYUR ZER BA LTAR GANG LA'ANG CHAGS ZHEN MED BAR CHOS GOS GSUM DANG LHUNG BZED GDING BA CHU TSAGS, NYER MKHO'I GLEGS BAM BOD GCIG ,'BRAL SPANG GI SKU, NYIN GNYIS KYI BRGYAGS PHYE MA GTOGS GZHAN GANG YANG MED PAR SPO 'KHAR BSNAMS TE RTA NAG PHYOGS KYI RI KHROD LA PHEBS SO, ,DE NAS RTA NAG PHU'I RI KHROD DBEN BA ZHIG TU 'TSO BA DKA' THUB LA BRTEN TE BYANG CHUB LAM GYI RIM PA'I NYAMS LEN LA BRTZON PA CHU BO'I RGYUN BZHIN MJAD CING BZHUGS SO, ,DE NAS PAn CHEN THAMS CAD MKHYEN PAn CHEN PO RTA NAG PHYOGS SU PHEBS PA NA 'DI PAS SKU MDUN DU MJAL BAR BYON PA'I TSE PAn CHEN

, ,THAMS CAD MKHYEN PA CHEN POS DGYES BZHIN DU ZHAL TA MANG DU GNANG ZHING, LHAG PAR LAN CIG 'DI PA GCIG BU LA BLA MA MCHOD PA'I KHRID, 'JAM MGON SNYAN RGYUD KYI MAN NGAG DGA' LDAN PHYAG RGYA CHEN PO'I LTA BA SKYONG TSUL DANG BCAS PA CHES ZHEB BA ZHIG GNANG, DE NAS SNGAR LTAR RI KHROD DBEN BA DE RANG DU SGRUB PA LA BZHUGS TE RTZAM PA RLUNG 'DZIN TZAM RE LAS MED KYANG THUGS RIG SHIN TU DANGS SHING DGE SPYOR 'PHEL BA BYUNG, SKABS 'GAR RTZAM PA RLUNG 'DZIN TZAM YANG MED PAR RDE'U'I BCUD LEN LA BRTEN TE DKA' THUB DRAG PO'I SGO NAS SGRUB PA SNYING POR MDZAD, SKABS SHIG RTZAM PA 'BUL MI PHRAN BU ZHIG BYUNG STE RTZAM PA RLUNG 'DZIN TZAM RE GSOL ZHING YOD PA LA GTZANG SOG 'KHRUGS PA'I DMAG ZINGS KYIS GZHIS KA RTZE'I CHU LHO BYANG THAMS CAD DU SKYE 'GRO RNAMS SDUG BSNGAL GYIS NYAM THAG CING MU GE SHIN TU CHE BA ZHIG BYUNG BAS, NUB GCIG JAG RKUN PA MI BZHI 'DI PA'I SGRUB PHUG TU SLEB; THOG MAR 'DI PA ZIN NAS SNYING GAR GRI BTZUGS TE BSDIGS MO BYAS, DE LA 'DI PAS KHONG KHRO GANG YANG MA MDZAD PAR KHONG RANG TSO GANG BYED DU BZHAG PA NA JAG RKUN PA DE RNAMS GYI NANG NAS GCIG GIS 'DI PA MNAN, GZHAN RNAMS KYIS ME SBAR TE CHAS DNGOS G-YENG PA NA 'DI PA LA CHAS DNGOS GANG YANG MED PAS JAG PA DE RNAMS KYIS DGE SLONG GI RTZAM PA GAN YOD ZER, DE LA DAM PA 'DI PAS RTZAM PA NYUNG ZAD GCIG YOD PA SHING DE'I GSEB NA YOD GSUNGS

KHONG TSOS YID MA CHES PAR 'DI PA 'KHYIG RTZIS BYAS PA LA 'KHYIG BA'I THAG PA MA RNYED BA NA 'DI PAS PHYI'I YOL BDE LA THAG PA YOD GSUNGS PAS RKUN MA TSOS PHYI'I YOL BA DE SHED KYIS 'THEN PAN THAG BA GAR SONG MA BYUNG BAR YOL BAS LA BABS, DE NAS DAM PA 'DI PAS KHYED RANG TSO CIS KYANG 'KHYIG 'DOD NA SDAS KYI 'OG NA SGA RAGS YOD GSUNGS PAS RKUN MA TSOS SKA RAGS SLANGS TE BKHYIG RTZIS BYAS PA NA DAM PA 'DIS KHYED TSO RANG YID MI TSES PA BYED MI DGOS, NGAS GANG YANG BYAS MI YONG GSUNGS PA NA RKUN MA TSOS NGA TSO YID MI CHES PA 'DUG PAS CUNG ZAD CIG 'KHYIG DGOS ZER NAS DAM PA 'DI PA GCER BUR BTON NAS PHYAG GNYIS BKYIGS TA BZHAG, SGRUB KHANG DEN YOD BA'I SHING GI TSAL BU YAN CHAD KHYER BA'I GRAGS BYAS; DE NAS DAM PA 'DI PAS DA KHYED RANG RNAMS THUG PA SKOL LA THUNGS GSUNGS PAS THUG PA SKOL LONG MI 'DUG ZER, DE NAS DAM PA 'DE BAS DA'I 'BRAL SPANG GI SKU 'DRA DE DANG CHOS GOS DE ZHOG ,KHYED TSOL PHAN GANG YANG MI THOGS , GZHAN MA GANG YONG KHYER GSUNGS PAS RKUN MA DE TSOS DGE SLONG GI CHOS GOS DANG SKU 'DRA BZHAG YOD DO, ,GLEGS BAM 'DING NANG NA NGED TSOL NGAN SDUGS BYED RGYU 'DU YOD SHAS CHE BAS BYER RGYU YIN, NGED TSOS MI ZAS MA MYONG BA ZLA BA GNYIS SONG, SROG BLOS MA THONGS PAR 'DI 'DRA BYED DGOS BYUNG, DGE SLONG GIS DED TSOL NGAN SNGAGS MA BYED CIG ZER NAS SONG, DE NAS DAM PA 'DI PAS SPYIR 'KHOR BA'I CHOS NYID DANG, LHAG PAR SKYE BO NYAM THAG DE TSO GZIGS PAS

, ,KHONG KHRO MI SKYE BAR MA ZAD THUGS SKYO LA NYAMS DGA' BZHIG BYUNG NAS JAG RKUN DE TSO LA DMIGS NAS SPYOD 'JUG SMON LAM ZHIG 'DON PAR MJAD, DE NAS MTSAN MO DE NA BZA' GZHAN GANG YANG MED BAR CHOS GOS DE STOD LA BKAB, STAN DE SMAD NGOS LA BKAB NAS GZIMS PAS MNAL SHIN TU SKYID PA ZHIG BYUNG, NAM LANGS NAS GZIGS PAS YOL BA'I THAG PA MIS 'GROL THUB PA MOD KYANG RI GSHAM NA MAR SLEB NAS BSDAD 'DUG PA GZIGS PAS CHOS SRUNG NGAM DKAR PHYOGS LA DGA' BA'I LHA ZHIG GIS 'PHANGS PA YIN SNYAM PA THUGS LA SHAR, DE NAS DKA' THUB DE KHA'I RGYUN LA BZHUGS BAS RE SHIG NAS DRUNG PA RGYAL TSAB PA LA PAn CHEN THAMS CAD MKHYEN PAS BKA' PHEBS NAS DRUNG PA KHONG DENG SANG SO SOD PO AE YOD NA, DENG SANG RI KHROD PAS RI THUB KYANG, RIS RI KHROD PA MI THUB BYA BA'I SKABS YIN PAS KHYED RANG GNYIS KA LOG SHOG ,BTZAN SA ZHIG LA 'GRO BA DGA' GSUNG BA'I BKA' PHEBS, DE NAS DRUNG PA RGYAL TSAB PAS DA NGED RANG GNYIS KA BLA MA MJAL BAR 'GRA GSUNGS NAS, GNYIS KAS BKRA SHIS LHUN POR PHEBS TE PAn CHEN THAMS CAD MKHYEN PA MJAL BAR PHEBS PAS PAn CHEN THAMS CAD MKHYEN PA CHEN POS DAM PA 'DI'I DBU PHYAG GIS MNAN NAS DA LAM 'KHYIG THAG RDO 'DRA BA ZHIG AE BYUNG GSUNG, LAN ZHU MA NUS PAR LA LA ZHUS PAS, DE DUS DRED PO AE BYUNG GSUNG, DRED PO RANG MA BYUNG ZHUS PAS, 'O NA GA 'DRA BYUNG, KHONG KHRO SKYES BYUNG NGAM

GSUNG, MA BYUNG LAGS ZHUS PAS, 'O YAGS, DE RNAMS LA SMON LAM BZANG PO BTAB SNYING RJE SGOM DGOS GSUNG, DE NAS DRUNG PA GNYIS KA PAn CHEN THAMS CAD MKHYEN PA'I BKAS RGOD TSANG LA PHEBS, DE DUS RGOD TSANG SGRUB SDE MA CHAGS PA'I DUS YIN PAS DRUNG PA RNAM GNYIS DANG GZHAN KHA SHAS BCAS SGRUB PA LA BZHUGS, DE NAS DAM PA 'DI PAS DBEN DGON LA PHEBS TE GNAS DER PAn CHEN THAMS CAD MKHYEN PAS BKA' GNANG BA'I MTHUS DBEN DGON PA RNAMS KYIS MTHUN RKYEN PHUL TE MTHUN RKYEN TSANG BA'I SGO NAS SGRUB PA RTZE GCIG TU MDZAD PAS BYANG CHUB LAM GYI RIM PA LA MYONG BA POGS CHE BAR THON, DE SKABS NAS BZUNG STE NYAMS MGUR YANG MANG DU MDZAD, DE NAS PAn CHEN THAMS CAD MKHYEN PA CHEN POS RGOD TSANG SGRUB SDE GSAR 'DZUGS MDZAD DE DRUNG PA RGYAL TSAB PA BLA MAR BSKO BAR MDZAD, DRUNG PA 'DI PAS NI GNAS NGES MED MDZAD DE BYANG CHUB LAM RIM GYI NYAMS LEN LA CHIG BSGRIL MDZAD, DE NAS PAn CHEN THAMS CAD MKHYEN PA CHEN PO DBEN DGON DU PHEBS PA ZHIG LA MJAL KHAR BYON PAS ZHAL NAS DBUS PHYOGS KYI BLA MA BSTAN PAR PHAN RE CHE BA ZHIG LA 'JIGS BYED KYI DBANG ZHIG BYED DGOS YOD PAS DRUNG PA RANG 'DOD NA GNANGS NYIN SHOG GSUNGS THUGS RJE CHE ZHUS NAS ZHUNG PHEBS PAS KHONG BCU GSUM LA 'JIGS BYED KYI DBANG BZHIN TU RGYAS PA ZHIG GNANG, DE NAS DBYAR CHOS KYI THOG SPRUL SKU GRAGS PA RGYAL MTSAN PHEBS NAS GSOL BA BTAB PA LTAR LAM

, ,RIM CHEN MO DANG 'JAM DBYANGS CHOS SKOR SOGS CHOS BKA' MTHA' YAS PA GNANG BA ZHU BAR MDZAD, DE'I STON PAn CHEN THAMS CAD MKHYEN PA CHEN PO RGOD TSANG DU PHEBS, SGRUB SDE LA RAB GNAS DANG RI KHROD PA RNAMS LA LAM RIM GYI KHRID SHIN TU RGYAS PA ZHIG DANG, BE'U BUM SNGON PO'I LUNG SOGS CHOS BKA' MANG DU GNANG BA RNAMS ZHU BAR MDZAD, DE NAS DAM PA 'DI PAS DBEN PA'I RI SUL MANG POR LAM RIM SGOM PA LA RTZE GCIG TU BZHUGS SHING; SKABS SKABS SU PAn CHEN THAMS CAD MKHYEN PA MJAL BAR PHEBS TE DBANG LUNG MAN NGAG MTHA' YAS BA GSAN, DE NAS DAM PA 'DIS DBUS PHYOGS KYI GNAS BSKOR LA PHEBS TE, LHA SA, YER PA, DGA' LDAN, RA SGRENG; BSAM YAS, RGYAL ME TOG THANG, DVAGS PO DANG 'OL KHA'I PHYOGS KYI RJE'I SGRUB GNAS RNAMS MJAL ZHING GNAS DE DANG DE DAG TU LAM RIM GTZO BOR BSKYANGS SHING GCOD KYI DMIGS SKOR LA'ANG 'GRUS PAR MDZAD, DE SKABS PAn CHEN BLO BZANG CHOS KYI RGYAL MTSAN GYI THUGS SRAS GRUB PA'I DBANG PHYUG DKA' CHEN NAM MKHA' RDO RJE YANG PHYOGS DER PHEBS PA DANG MJAL, ZHAG SHAS LHAN DU BZHUGS TE LTA SGOM SPYOD GSUM LAS BRTZAMS TE GSUNG MOL ZHIB TU MDZAD PAS GNYIS KA'I DGE SBYOR LA BOGS CHEN PO THON ZHING, LHAG PAR DKA' CHEN NAM MKHA' RDO RJE NI DBU MA'I LTA BA LA MNGA' BRNYES PA ZHIG YIN PAS DAM PA 'DI LA LTA BA'I BOGS 'DON SHIN TU CHE BA BYUNG STE GNAS DER

LTA BA'I MGUR DBYANGS MANG DU MDZAD, DE NAS LOG PHEBS TE PAn CHEN THAMS CAD MKHYEN PA DBEN DGON DU BZHUGS PA DANG MJAL TE BDE MCHOG GI MAN NGAG RNAMS ZHUS TE NYAMS LEN LA THE TSOM CHOD PAR MJAD, DE NAS DAM PA 'DI DANG DRUNG PA RGYAL TSAB PA GNYIS KA BRAG RGYA RDO RJE'I PHO BRANG LA PHEBS TE SGRUB PA MDZAD PAS NYAMS RTOGS YAR NGO'I ZLA BZHIN 'PHEL BA BYUNG, DE NAS DAM PA 'DIS GRUB CHEN CHOS RDO RJE'I SGRUB GNAS PA SNAM JO MO LHA RIR PHEBS TE ZUNG 'JUG PHUG SOGS MA LA ZHING, PADMA 'OD DU BZHUGS TE SGRUB PA RTZE GCIG TU MDZAD, DE NAS 'GAR MO CHOS RDZONG DU BZHUGS TE DGE SBYOR CHU BO'I RGYUN BZHIN MDZAD PAS NYAMS RTOGS DBYAR GYI MTSO LTAR 'PHEL BA BYUNG, DE NAS SHANGS PHYOGS SU BYON TE MKHAS GRUB KHYUNG PO'I SGRUB GNAS RNAMS MJAL TE GNAS DE DAG TU SGRUB PA RTZE GCIG TU MDZAD, DE NAS RGOD TSANG DU PHEBS TE DRUNG PA RGYAL TSAB PA DANG MJAL BAS DE DUS DRUNG PA RGYAL CHAB PAS DON GNYER CAN MANG PO ZHIG LA LAM RIM GYI KHRID RGYAS PA ZHIG GNANG BA DANG THUG PAS DAM PA 'DIS KYANG ZHU BAR MDZAD, DRUNG PA RGYAL TSAB PA NI LAM RIM 'CHAD PA LA MNGA' BRNYES PA ZHIG STE, DPAL DBEN SA SNYAN RGYUD KYI MAN NGAG GZHUNG BSRANGS PA'I STENG DU RGYAL BA'I BKA' DANG DGONGS 'GREL GYI BSTAN BCOS RNAMS DANG, DE DAG GI DON DRI MA MED PA'I RIGS LAM NAS DRANGS TE MTHA' CHOD PAR STON PAR MDZAD PAS DE DUS KYI CHOS NYAN PA RNAMS KYIS DAM PA 'DI LA DA RES DRUNG PA RGYAL TSAB BA'I GSUNG 'DI RNAMS LA ZIN

, ,BRIS SHIG MDZAD DGOS ZHES ZHUS PAN DAM PA 'DI PAS BDE LAM GYI SNGON 'GRO'I MAN NGAG CHES ZHIB BSNGAR PAn CHEN BLO BZANG CHOS KYI RGYAL MTSAN GYI ZHAL LAS THOS PA RNAMS GZHIR BYAS DRUNG PA RGYAL TSAB PA'I ZHAL LAS THOS PA RNAMS KYIS KYANG BRGYAN TE SHIN TU GSAL ZHING GO BDE BA ZHIG MDZAD DO, ,DAM PA 'DIS PAn CHEN THAMS CAD MKHYEN BA BLO BZANG CHOS KYI RGYAL MTSAN GYI BKA' LTAR DPAL DBEN SA SNYAN RGYUD KYI MAN NGAG BYANG CHUB LAM GYI RIM PA LA SGRUB PA CHU BO'I RGYUN BZHIN MDZAD PAS MYONG BA PHUL PHYIN THON PA NI DAM PA 'DI NYID RANG GI ZHAL NAS, BDAG GIS SGRUB BA SNYING BOR BYAS PA'I TSUL GLENG NA, DE YANG BKA' DRIN MNYAM MED DPAL LDAN BLA MA DAM PA MKHYEN BRTZE NUS PA'I BDAG NYID CAN PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO MCHAN BRJOD BAR DKA' BA DE NYID KYIS BDAG RJES SU BZUNG BAS BRTZE BA CHEN POS 'DI PHYI THAMS CAD DU BDAG BDE BA DANG LEGS BA'I LAM LA 'GOD BA'I PHYIR RI KHROD DU SGRUB PA LA 'GRO BA DGA' GSUNGS NAS YANG YANG BSKUL BAR MDZAD BA'I MTHAR, PHAN PA'I LAN DU MCHOD PA BYA BA NI, ,BSGO PA'I TSIG BZHIN NYAMS SU LEN PA YIN, ,ZHES GSUNGS PA'I DON BDAG GIR BYAS NAS BKA' DANG DU BLANG NAS KHAS BLANGS DAM BCAS PAS DRIN CAN RTZA BA'I BLA MA PAn CHEN THAMS CAD MKHYEN PA BLO BZANG CHOS KYI RGYAL MTSAN THUGS DGYES PA'I RNAM 'GYUR DANG BCAS, DE YANG CHO BLOS BTANG

GI RI KHROD PA GZHAN GYI MIG LTOS LA PHAN PA RANG CIG BYED DGOS, RI KHROD DU THOS BSAM SGOM GSUM DANG, LTA SGOM SPYOD PA'I NYAMS LEN LA 'BAD DGOS GSUNG NAS LAM GYI RIM PA SPYI DANG KHYAD PAR SNYAN NAS SNYAN DU BRGYUD PA'I ZHAL SHES KYE GDAMS PA ZAB RGYAS GSUNG GI BDUD RTZI MGUR GYI BUM BZANG LAS 'ONGS SHING ZHAL GYI PADMO LAS 'KHRUNGS PA'I BCUD KYI ZEGS MA BDAG GI SGRA 'DZIN GYI RTZER CHAGS PA DAD PAS MYANGS BAS YID DGA' BAR BYED PA'I RO MCHOG SNYING GI BUM PAR 'KHYIL BA RAS SUM BOR BAR GAL PO CHER MTHONG NAS GUS PAS NYAMS SU BLANGS BA LAS, MI RTAG PA DANG, NGAN 'GRO'I SDUG BSNGAL DANG, 'KHOR BA'I CHOS LA SKYO ZHING YID 'BYUNG BA'I NGES 'BYUNG GI BSAM BA MYONG BA SNA ZIN SKYES PA'I DBANG GIS LAS DANG 'BRAS BU'I GNAS TSUL LA MI PHYED PA'I DAD PA BRTAN PO THOB, RANG BZHIN DANG BCAS PA'I KHA NA MA THO PA'I NYES DMIGS MTHONG NAS JI LTAR KHAS BLANGS PA'I TSUL KHRIMS KYI SDOM PA GTZO BOR BYAS, BSLAB PA GSUM GYI BSLAB BYA'I RIM PA RNAMS LAG TU BLANG THUB PA RNAMS GLANGS, MI THUB PA RNAMS BSLAB PA LA KHYAD GSOD DANG BRNYAS BCOS SUM SONG BA'I NGOS NAS SKYE BA PHYI MA RNAMS SU SLOB PAR NUS PA'I RGYU LA BSLAB PA DANG, SLOB PAR DAM BCA' BA DANG SMON LAM GYIS KHA BSGYUR PA DANG, BCAS MTSAMS PHRA ZHING PHRA BA LA NYES PAS MA GOS PAR BYED PA NI THAR PA'I SA BON THEBS PA YIN YANG, SRID PA'I RTZA BA DRUNG NAS 'BYIN PAR BYED PA'I SMAN MCHOG BDUD RTZI'I THIGS BA LTA BU

, ,ZAB MO STONG PA NYID KYI DON NI, YOD MAN MED MIN GNYIS KA MIN, ,GNYIS KA'I BDAG NYID MIN BA'ANG MIN, ,MTHA' BZHI RNAM PAR GROL BA YI, ,DE NYID DBUM PA YI RIG ,CES GSUNGS PA LTAR, RTAG CHAD KYI MTHAL BZHI DANG BRAL BA'I NGES DON MTHAR THUG GI LTA BA PHYAG RGYA CHEN PO 'PHAGS PA YAB SRAS KYI THUGS KYI BCUD 'KHRUL MED KYI LTA BA 'DI LHAG MTHONG CHE CHUNG DANG, SRAS KYI THU BO RNAMS KYIS GSUNGS PA'I LTA KHRID DANG, RTZA BA'I BLA MA THAMS CAD MKHYEN PA NYID KYIS GSUNGS PA'I DMAR KHRID KYI LHAG MTHONG DANG, LTA BA'I SKOR GYI GSUNG MGUR RNAMS LA BLTA ZHING DON NYAMS SU BLANGS PAS STONG NYID LA THOG MAR GO BA CUNG ZAD CHAGS BA DANG, DON SPYI'I TSUL GYIS SGOM PA DAD, DA LAS LANGS NAS GANG SHAR SGYU MA LTA BU'I RNAM ROL GYI DANG NAS SPYOD PHYOGS RNAMS LA BSLABS PAS BDAG GI SKYE BA 'DI'I MI LUS CHUD MA ZOS PA 'DI RANG GI RNAM PAR THAR PA LAGS SO ZHES GANG GSUNGS PA LTAR RO, ,DE NAS DAM PA 'DIS BYANG CHUB LAM GYI RIM PA LA MYONG BA PHUL PHYIN THON TE RANG NYID MI NYAMS PA'I GDENG THOB BA NA RTA NAG PHUG TU SGRUB SDE 'DZUGS PAR MDZAD, RTA PHUG RDO RJE'I GUR KHANG ZHES MTSAN BTAGS SHING DER SDONG BA PA'I SDE BSKYANGS, DE NAS STAG GI LO DRUNG PA RGYAL TSAB PA SKU GSHEGS BAN BLA BRANG RGYAL MTSAN MTHON PO NAS BSKUL TE DAM PA 'DI BA RGOD TSANG BLA MAR 'BYON DGOS BYUNG, DE NAS RTA PHUG DANG RGOD TSANG GNYIS KA BSKYANGS TE RES RTA PHUG TU PHEBS NAS DER GNAS

PA'I RI KHROD BA RNAMS DANG PHYOGS 'DUS KYI DAD LDAN MANG POR LAM RIM GYI KHRID DANG, DGA' LDAN PHYAG RGYA CHEN PO'I KHRID DANG, BLO SBYONG GI KHRID DANG, GCOD KYI KHRID DANG, N'A RO CHOS DRUG GI KHRID DANG, GZHAN YANG DBANG LUNG MAN NGAG RGYA CHER GNANG, RES RGOD TSANG DU PHEBS TE DBANG LUNG MAN NGAG RGYA CHER GNANG STE RJE SGRUB KHANG PAS DAM PA 'DI LA LAM KHRID SOGS GSAN PA NI RGOD CHANG YIN LA, LCANG SKYA ZHABS DRUNG NGAG DBANG BLO BZANG CHOS LDAN DANG, BLA MA SMAN KHANG PA SOGS KYIS DAM BA 'DI LA CHOS GSAN PA NI RTA PHUB YIN NO, ,DE NAS PAn CHEN BLO BZANG CHOS KYI RGYAL MTSAN ZHING GSHEGS NAS PAn CHEN MCHOG GI SPRUL PA'I SKU RJE BTZUN BLO BZANG YE SHES BKRA SHIS LHUN POR PHEBS NAS YANG YANG MJAL BAR BYON ZHING, RJE BTZUN BLO BZANG YE SHES KYIS DAM PA 'DI LA NAM MKHA' SGO 'BYED KYI DBANG DANG, GCOD KYI KHRID DANG, 'JAM DBYANGS CHOS SKOR SOGS CHOS BKA' MANG DU GSAN NO, ,DE NAS DAM PA 'DI'I 'PHRIN LAS CHES CHER RGYAS PA NA DBUS GTZANG KHAMS GSUM NAS CHOS DON GNYER BA MANG DU 'DUS SHING RANG RANG GI KHAMS DANG BSAM BA DANG MTHUN BAR CHOS STON BAR MDZAD CING, GTZO BOR NI BYANG CHUB LAM GYI RIM PA'I KHRID RTZAL DU 'DON BAR MDZAD, DE'I YAN LAG TU BLO SBYONG GI KHRID DANG, GCOD KYI KHRID RNAMS MDZAD CING, GDUL BYA DBANG PO RAB TU GYUR BA LAM THUN MONG BA LA MYONG BA THON PA 'GA' LA SNGAGS KYI SKYED RDZOGS RNAMS STON PAR MDZAD CING, LHAG PAR DAM PA 'DI NYID N'A RO CHOS DRUG LA MNGA' BRNYES

, ,BAS SNGON 'GRO'I 'KHRUL 'KHOR RNAMS KYANG ZHIB TU STON PAR MDZAD, DAM PA 'DI NYID NAS BRGYUD PA'I N'A RO CHOS DRUG GI KHRID RGYUN NI DENG SANG DAR CHA CHE BAR SNANG NGO, ,DAM PA 'DIS BSTAN PA'I DON DU BYANG CHUB LAM GYI RIM PA'I SNGON 'GRO'I CHOS SKOR DANG, NYAMS LEN GYI GNAD LAS BRTZAMS PA'I GSUNG MGUR MANG DU SNANG ZHING, LHAG PAR RANG RGYUD LA BSKUL MA 'DEBS PA'I MGUR MA MDZAD PA NI 'DI LTAR, PHA BLA MA RNAMS DANG YI DAM LHA, ,SKYABS BSLU BA MED PA DKON MCHOG GSUM, ,SNYING RUS PA'I GTING NAS GSOL BA 'DEBS, ,BDAG SKYE RGA NA 'CHI'I 'JIGS LAS SKYOBS, ,LAR LAS DANG NYON MONGS STOBS SHUGS KYIS, ,DBANG MED DU SRID PAR YANG YANG 'KHYAMS, ,DUS DA LTA THAR LAM MA BSGRUBS NA, ,RTEN DAL 'BYOR THOB PA'I DON PO CI, ,LHA TSANGS DBANG BRGYA BYIN BYA BA YANG, ,SNGON BSAGS PA'I 'BRAS BU SPYAD SPYAD NAS, ,YANG 'KHOR BAR YANG BRAN NYID DU 'GYUR, ,GNAS MTHO RIS NA YANG BDE SKABS MED, ,SPYIR YID BRTAN MI RUNG 'KHOR BA'I CHOS, ,TSUL 'DI LA MA BRTAGS MA BSAM PAS, ,DRI NGAN PA'I KHROD KYI SPRANG BU BZHIN, ,CHOS BDUD RTZI MYONG BA DKA' MOR GDA', ,SGOM PHYI RU MI GSAL NANG DU GSAL, , DPA BKLAGS PAS MI GO BSAMS PAS GO ,RJE BLA MA'I BYIN RLABS SEMS LA 'JUG ,RGYUD SMIN CING GROL BAR BYIN GYIS RLOBS, ,BLO BAN BUN SPRIN PA MA DVANGS NA, ,SEMS GSAL STONG GI NYI MA MI MNGON PAS, ,YUL YUL

CAN RNAM RTOG SGO BKAG NAS, ,SKABS GANG YIN GDAMS NGAG MA BRJED DGOS, ,DER DRAN PA'I 'DZIN STANGS SHUGS BSKYED LA, ,GROGS SHES BZHIN PHRA MOS BYA RA GYIS, ,DGRA BYING RGOD BYUNG NA DA'I GNYEN POR, ,'DU BYED PA SGOM GYI 'GO 'DREN YIN, ,RTEN BCAS PA DAM PO'I TSUL KHRIMS DANG, ,DON NANG DU BSAMS PA'I NYAMS MYONG DANG, ,RKYEN DKA' SPYAD BZOD PA'I ZHE RUS CAN, ,CHOS MED KYANG BLA MA'I SGOM PHRUG YIN, ,ZHES DANG, NA MO GU RU BUDDHA MEE TR YE, STENG DGA' LDAN LHA BRGYA'I GTZUG RGYAN DU, ,RJE SA BCU'I DBANG PHYUG MI PHAM MGON, ,DPAL NAM MKHA' DRI MA MED PA DANG, ,MTSAN 'JAM DPAL SNYING POR GRAGS PA'I ZHABS, ,SRAS DPAG MED SEMS DPA'I 'KHOR GYI DBUS, ,NOR RIN CHEN DU MA LAS GRUB PA'I, ,KHRI RAB 'BAR GDONG LDAS BTEG PA'I KHAR, ,GDAN CHU SKYES ZLA BA'I DBUS BZHUGS PA'I, ,SKU RAB BRJID STON MCHOG GNYIS PA YIS, ,CHOS THEG CHEN DGA' STON 'GYED PA DER, ,BDAG GDUNG BA'I YID KYIS GSOL BA 'DEBS, ,THUGS BRTZE BA'I LCAGS KYUS DRANG DU GSOL, ,SNGON BYON PA'I RGYAL BAS BTANG SNYOMS MDZAD, ,DUS DA LTA'I BLA MA SANGS RGYAS KYIS, ,'DUL MA NUS BLO DRED CHOS DRED NGA, ,RGYUD CHU NANG RDO BZHIN SKAM POR LUS, ,CHER SNYIGS PA'I BSTAN PA'I GZUGS BRNYAN 'DI, ,LAR YID LA BRANGS KYANG YID THANG CHAD, ,DON DES NA YID DGA' CHOS 'DZIN DU, ,DUS

, ,BA LTA 'PHOS NA DGA' BA LA, ,GSHIS RANG BZHIN NGAN PA'I MI RNAMS NI, ,RGYUD PHYOGS LHUNG DBANG GIS BSTAN PA YANG, ,'BRAS SDUG BSNGAL 'BYIN PA'I PHYOGS SU BRNYIL, ,'DI BSAMS NA BLO SNYING MGRIN PA 'DAR, ,GZHON BCU GSUM LON NAS KHYIM NAS BYUNG, ,SKABS DANG PO'I BSNYEN RDZOGS SDOM PA NOS, ,RJE BLA MAS BSTAN PA'I SGOR BTZUD NAS, ,THUGS NYE BAS BDAG BLO CHOS LA BSGYUR, ,DRIN CHE MOD SNGON LAS MTHU BA TZAN PAS, ,SEMS COL CHUNG PHYI CHIS GRAB GSHOM DANG, ,PHUGS MDO MED RNAM G-YENG 'DU 'DZIR 'CHOR, ,SNYING NANG DU RUL YANG CHOS BAR BRDZU, ,MING 'JIG RTEN GTAM GRAGS LO 'DOD DANG, LUS DMAR SER SNAL MAS DKRIS LAGS KYANG, ,THABS BLANG DOR BSLAB BYA'I GNAS LA RMONGS, ,DUS LNGA PAR GTUGS CHE 'GYOD KYANG CI, ,GANG THOS PA'I TSIG RNAMS YI GER LAS, ,RGYUD CHOS DANG GANG ZAG LTAR SPROD SONG, ,RANG MA DUL GZHAN GYI YAR 'DREN BYAS, ,MING CHOS LA SNYAD NAS CHOS MIN BSGRUBS, ,GZHAN BSLU SNYAM KUN SLONG CI ZHIG STE, ,G-YO BRDZUN SBYOR ZOG PO'I RNAM THAR DANG, ,SNGAGS NOR 'KHRUL DES MED PHYAG MTSAN GYIS, ,'BRID MKHAS KYANG MYONG 'GYUR BSAM PAR RIGS, ,TSE 'DI YI BDE SDUG SLONG LEN TZAM, ,CHED GNYER BA BYOL SONG PHYUGS LA'ANG YOD, ,DON DE LAS LOG PA'I SGOM SGRUB KYIS, ,RTEN MI LUS DON

LDAN CIS MI BYED, ,SROG NAM ZHIG 'GAGS PA'I DE MA THAG ,RJE RGYAL TSAB CHOS KYI MDUN SA DER, ,YID RLUNG DANG HIKA GIS DRANGS PA NA, ,SKABS DE RU BYAMS MGON THUGS BSKYED CIG ,LUS RTEN MED SHING BAL RLUNG KHYER BZHIN, ,GNAS GAR SKYE'I GDENG MAD DNGANGS SKRAG GIS, ,MIG HRIG HRIG SKYABS 'TSOL 'PHYAN PA'I TSE, ,LHA BLA MA RNAM GSUM TSUR SPYON CIG ,DE'I BYIN GYIS YID 'ONGS LHA YI BU'I, ,LUS BZUNG NAS DAD BRTZON, GZUR GNAS KYIS, ,CHOS LEGS BSHAD THOS BSAM SGOM PA'I DON, ,ZHI BA SA BCU'I SPO LA MNGON PAR RTZEG, ,DUS DE NAS SKYE RGYUN MI MANG BAR, ,LAM ZAB MO BLA MA'I RNAL 'BYOR GYIS, ,DPAL CHOS KYI SKU DANG LONGS SPYOD RDZOGS, ,STABS GCIG TU 'BREL BA'I SMON LAM 'DEBS, ,GTAM DE SKAD GLENG BA'I SPONG BA PA, ,YUS DAG PA'I NYAMS MYONG GA LA ZHIG ,RJE BAL MA DAM PA GUS BSTEN PAS, ,GSUNG YON TAN RDUL GYIS GSO PA YIN, , DON 'DIS MTSON DUS GSUM BSAGS PA'I DGE, RANG ZHI BDE'I BSAM PAS MA SBAGS PAR, ,MA NYAG THAG 'GRO BA'I DON DU BSNGO, ,'DI BU RAM LSHING PA'I BKA' SROL YIN, ,ZHES 'DI YANG SA MTHA'I GYI NA PA, ,MING BLO BZANG DAM CHOS RGYAL MTSAN GYIS, ,GNAS RTA PHUG CES BYA'I SPYIL PU RU, ,YID SKYO BA'I SMRE NGAG TSIG TU BSGRIGS, ,ZHES GSUNGS, DE LTAR DAM PA 'DIS PAn CHEN BLO BZANG CHOS KYI RGYAL MTSAN BSAM SBYOR GNYIS KYIS

, ,TSUL BZHIN DU BSTEN TE 'JAM MGON SNYAN RGYUD KYI MAN NGAG YONGS SU RDZOGS PA THOB PAR BYAS, TSE 'DI BLOS BTANG STE DBEN PA'I RI SUL DU SGRUB PA SNYING POR BYAS TE BYANG CHUB LAM GYI RIM PA LA MYONG BA PHUL PHYIN THON BAR MDZAD, SGRUB 'BRAS KYIS RGYAL BA'I BSTAN PA LA BYA BA MDZAD PHYIR RJE SGRUB KHANG PA SOGS DAM PA MANG PO RJES SU BZUNG STE 'JAM MGON SNYAN RGYUD KYI BSTAN PA RGYA CHER SPEL NAS DGUNG LO BRGYAD CU GYA GRANGS LA PHEBS PA NA DED DPON YID BZHIN GYI NOR BU RNYED NAS RANG YUL DU 'GRO BA LTAR SKU'I BKOD PA BSDUS TE DGA' BZHIN SPRO BZHIN DU DGA' LDAN CHOS KYI PHO BRANG DU PHEBS NAS RGYAL TSAB BYAMS PA MGON PO DANG, RJE NAM MKHA' DRI MA MED PA DANG, RJE 'JAM DPAL SNYING PO 'KHOR SA BCU'I BYANG CHUB SEMS DPA' BGRANG BA LAS 'DAS PA DANG BCAS PA LA MCHOD CING CHOS KYI 'GRO BA MDZAD BA DANG, SPRUL PA'I BKOD BA MU MED PAR STON CING BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DRUNG PA RTA PHUG PA BLO BZANG DAM CHOS RGYAL MTSAN LA GSOL BA 'DEBS SHING, DAM PA 'DI'I RNAM THAR LTAR BYANG CHUB LAM GYI RIM PA'I SNYAN RGYUD KYI MAN NGAG LEGS PAR THOB PAR BYAS LA TSE 'DI'I 'KHRIB MED PAR DBEN PA'I RI SUL DU BYANG CHUB LAM GYI RIM PA'I NYAMS LEN LA 'BAD PAR BYA'O,, ` ,,DGE LEGS SNYAN GRAGS RGYA MTSO'I MTHAR KHYAB PA, ,ZHES BSNGAGS PA, RJE SGRUB KHANG PA DGE LEGS RGYA MTSO NI MNGA' RIS ZANGS DKAR

GYI SA'I CHA ZANGS LA ZHES PAR YAB GU RU DKON MCHOG DANG YUM BU MO MCHOG GNYIS KYIS SRAS SU LCAGS MO SPRUL GYI LO NGO MTSAR BA'I LTAS DANG BCAS TE 'KHRUNGS, DE NAS YAB YUM GNYIS KYIS BSKYED BSRING BA'I THABS LA 'BAD CING DMIG ZA ZHES MTSAN GSOL, DAM PA 'DI NI SKU CHE SNGA MA MANG POR LAM LA GOMS PA'I BAG CHAGS SAD DE SGO GSUM BAG YOD LA SBYOR BA'I DRAN SHES BZHIN DANG LDAN PAS GZHON NU'I DUS NAS KYANG DAM PAS SMAD PA'I NYES SPYOD LA MI 'JUG CING BYIS PA RNAMS KYI NANG DU'ANG CHOS LDAN GYI RTZED MO SNA TSOGS MDZAD BA LA BYIS PA GZHAN LAS BLO RNO ZHING GZI BRJID DANG LDAN BA SOGS BSNGAGS PA'I 'OS SU GYUR PA ZHIG BYUNG NGO, ,DE NAS DGUNG LO DRUG LON PA'I CHE YAB GSHEGS YUM BDAG NI SMUG PO'I GCONG GIS ZIN NAS NAD TSABS CHE BAR BYUNG BA DAM PA 'DIS PHA MA NI BSNYEN BKUR BA'I ZHING DU RGYAL BAS GSUNGS PA LTAR RIM GRO MDZAD 'OS YIN PA DANG DRIN CHE BAR DGONGS NAS NGAL BA DANG SKYUG BRO BA'I 'DU SHES GANG YANG MED PAR LO BCU BDUN GYI BAR DU BSHANG CI 'DOR BA TSUN CHAD MA'I BSNYUN G-YOG LEGS PAR MDZAD, YUM GYI BSNYUN G-YOG LA BREL NAS KLOG LA DE TZAM RTZAL DU 'DON RGYUN MA BYUNG YANG SHIN TU BYANG BAR THUGS SU TSUD, DGUNG LO BCU BDUN LON PA'I TSE YUM GSHEGS PA'I PHUNG PO NYID KYIS BSNAMS NAS BAS MTHI 'DUR KHROD DU BSKYED BA SOGS RJES KYI BYA BA RNAMS TSUL DANG MTHUN PAR MDZAD DE, YUM CI 'DRA BA DE BZHIN DU BDAG KYANG DE LTA BU'I

, ,CHOS CAN DE LTA BU'I RANG BZHIN LAS MA 'DAS SO SNYAM DU NYIN MTSAN KUN TU 'KHOR BA'I NGANG TSUL SEMS PA 'BA' ZHIG GIS DUS 'DA' BAR MDZAD DO, ,YUM GSHEGS NAS RING POR MA LON PAR DGON SDE CHEN PO BYAMS PA GLING DU SLOB DPON RIN PO CHE BLO BZANG LEGS PA'I DRUNG DU YONGS RDZOGS DGE BSNYEN GYI SDOM PA MNOS TE RTZA BZHI CHANG DANG BCAS PA LEGS PAR SPANGS DGON GNAS DER LO GNYIS BZHUGS SO, ,DAM PA 'DI NI THEG CHEN BSTAN PA'I SROG SHING DU 'GYUR BAR DGONGS NAS, DPAL YE SHES KYI MGON PO PHYAG DRUG PAS CHUNG NGU'I DUS NA RJES SU BSKYANGS SHING, MNAL LAM DU KHYOD BUD MED DANG MA 'GROGS PAR DBUS SU SONGS SHIG GSUNG BA DRAN NAS, DBUS GTZANG DU SLOB GNYER LA 'BYON 'DOD SHUGS DRAG SKYES TE, PHA YUL DANG GNYEN BSHES RNAMS LA CHAGS ZHEN MED PAR DGA' BZHIN SPRO BZHIN DU LAM DU ZHUGS NAS RIM GYIS PHEBS TE CHOS GRVA CHEN PO BKRA SHIS LHUN PONG PHEBS NAS SNANG BA MTHA' YAS NGUR SMRIG GAR GYI RNAM PAR ROL PA PAn CHEN BLO BZANG CHOS KYI RGYAL MTSAN DPAL BZANG PO'I ZHAL GYI DKYIL 'KHOR MJAL ZHING BYIN RLABS THOB PAS DGA' SPRO TSAD MED PA BYUNG ZHING DAD PA'I SPU LONG G-YOS, DE NAS SHANGS RGOD TSANG DU PHEBS DRUNG BA RGYAL TSAB PA BRTZON 'GRUS RGYAL MTSAN DPAL BZANG PO'I ZHABS DRUNG DU 'BYOR PAS SNGON GYI 'BREL PA BZANG PO'I MTHUS DANG GUS TSAD MED PA 'KHRUNGS, DRUNG PA RIN PO CHE PAS DAM PA 'DI GANG ZAG KHYAD PAR CAN DU MKHYEN

NAS THUGS SHIN TU DGYES PA'I ZHAL TA MANG DU GNANG ZHING RE ZHIG NGAL SOS SDONG GSUNGS, RAB BYUNG GI MKHAN BOR GSOL BA BTAB PAS DGYES PA CHEN POS RAB BYUNG DANG DGE TSUL GYI SDOM PA GNANG STE RAB TU BYUNG BA'I MTSAN DGE LEGS RGYA MTSO ZHES GSOL, DE NAS BZUNG STE KHYIM PA'I RTAGS DANG CHA LUGS SPANGS TE MING BSGYUR BA'I DGOS PA BZHIN 'JIG RTEN PA'I LUGS KYI DGRA GNYEN GYI PHYOGS RIS DANG 'DOD YON LA ZHEN PA'I SPYOD PA LAS PHYIR PHYOGS TE, DGE SBYONG GI CHOS BZHI LAS NAM YANG MI 'DA' BAR MDZAD DO, ,DE NAS MKHAN POS DGE TSUL GYI BSLAB BYA BLANGS 'DAS SO DRUG GI BSRUNG MTSAMS NGO 'PHROD PA'I BKA' CHOS DANG, GZHAN YANG, RGYAN 'JUG GNYIS KYIS GTZOS PA'I CHOS SPYOD RNAMS LA 'DZIN SKYOR DGOS TSUL DANG, GRVA SA GZHAN DU MA 'DUG PAR DVAGS PO GRVA TSANG RANG DU SONGS LA SLOB GNYER LAN SO GZHON PA'I SKABS SU SNYING RUS BSKYED NAS 'BAD DGOS, LO BCU'I BAR DU MI TSE STONG ZAD LA MA GTONG BAR SLOB GNYER LA 'BAD NAS NGA'I RTZAR SHOG DANG DE NAS LAM RIM GYI KHRID GTONG, TSE MJUG SGRUB PA LA DRIL DGOS, SGRUB PA LA SHES DGOS, SHES PA LA SLOB DGOS PAS THOG MAR SLOB GNYER BYAS LO TZAM MA YIN PAR RANG SEMS KHO THAG CHOD PA ZHIG GYIS LA SHOG GSUNGS, DE NAS DAM PA 'DIS DRUNG BA RGYAL TSAB PA'I BKA' BZHIN DU DBUS SU BYON DVAGS PO GRVA TSANG DU PHEBS NAS RJE BTZUN BLO GROS BRTAN PA NAS BZUNG STE SLOB DPON RIN PO CHE LHA SDINGS PA BLO BZANG DON GRUB PA'I BAR

, ,MKHAS SHING GRUB BA BRNYES PA'I DAM PA BAR MA CHAD BAR BYON ZHING, MKHAS MANG BRGYA PHRAG 'DU BA'I BSTI GNAS SHAR PHYOGS BSTAN PA'I SGRON ME DVAGS PO GRVA TSANG DU RANG RGYUD GTAN LA 'BEBS PA'I CHED DU THES PA RGYA CHER 'TSOL BA LA ZHUGS SO, ,DE NAS DRUNG BA RGYAL TSAB PA'I BSLAB BYA RNAMS THUGS LA BZHAG NAS THOG MAR RIGS PA'I SGO 'BYED BSDUS GRA CHE CHUNG, DE NAS TSAD MA RNAM 'GREL PHAR PHYIN 'DUL BA MNGON PA MDZOD RNAMS LA LO BCU DRUG GI BAR DU SBYANGS TE MKHAS PA'I PHUL DU PHYIN PAR MDZAD, THOS BSAM MDZAD PA'I SKABS DE DAG GI CHO YANG ZAS GOS NGAN NGON TZAM GYIS CHOG SHES PAR MDZAD NAS MTSAN MO MNAL YE MA GZIM PAR NYIN MTSAN KHOR YUG TU SBYONG BAR MDZAD, DE LTAR SLOB GNYAR MDZAD PA'I GNAS SKABS THAMS CAD DU ZAS GOS 'DU 'DZI GNYID KYI BDE BA LA ZHEN PA MED TSUL DANG, 'DZIN GRVA GONG 'OG SOGS GANG LA'ANG CHAGS SDANG 'GRAN SEMS MED PAR BSAM PA BZANG BA, DAD PA DANG BRTZON 'GRUS CHE BA, BZHUGS LUGS SOGS LA MKHAS PA RNAMS SHIN TU YA MTSAN PAR BYED CING, CHOS RNAMS KYI RANG SPYI'I MTSAN NYID LA RMONGS PA MED PA'I SHES RAB RNO LA GTING ZAB PAS DON LA RTON GYI TSIG LA MI RTON PA, GZHUNG LUGS RNAMS LAS JI LTAR BSHAD PA THAMS CAD RANG RGYUD 'DUL BA'I THABS 'BA' ZHIG TU GO ZHING GZHAN LA'ANG DE LTAR STON PA, NYAMS MTSAR GSHAGS 'DEBS RTZED MO JI LTA BU MDZAD KYANG

GZHAN DANG MI 'DRA BAR TSIG 'GRIG PA, NYAMS DOD PA, ZHIB TU DPYAD NA SEMS 'DUL BA'I THABS 'BA' ZHIG TU 'ONG BA ZHIG YOD CES GRAG GO, THUGS GNYER MDZAD PA'I SKABS SU'ANG BYANG CHUB LAM GYI RIM PA'I NYAMS LEN LA BRTZON PAR MDZAD PAS RGYA CHEN SPYOD RGYUD DANG, ZAB MO LTA RGYUD KYI BLA MA RNAMS KYI ZHAL GZIGS PA SOGS DAG PA'I MTSAN MA'ANG MANG DU BYUNG NGO, ,DE LTAR LO BCU DRUG GI BAR DBU TSAD PHAR PHYIN 'DUL BA MNGON PA RNAMS LA TSIG SPYI TZAM DU MA LUS PA'I THUGS GNYER MTHAR PHYIN BAR MDZAD DE, DON GNYER CAN GYI DGE PHRUG 'GA' RE LA RTZI SHAG GNANG ZHING, RIGS LAM LA SHIN TU BYANG BA'I MKHAS BA DU BA'I THE TSOM GCOD PA BOR GYUR CING SDE SNOD 'DZIN PA RNAMS KYI GTZUG GI RGYAN DU BZHUGS SO, ,DE NAS THUGS LA 'DI LTAR DGONGS TE THOS DON SGRUB PA SNYING POR BYED PA ZHIG MA BYUNG PHYIN, THOS PA TZAM GYIS RANG RGYUD 'DUL MI NUS LA, RANG MA DRAL BAS GZHAN 'DUL MI NUS BAS DBEN PA'I GNAS SU THOS DON SGRUB PA SNYING POR BYED DGOS PAR 'DUG ,SNGAR BLA MA'I BSLAB STON LAS KYANG 'GYANGS SONG BAS DA NI MYUR DU MA SONG NA DENG BYA SONG BYA'I NGANG LA TSE ZAD NAS RANG GZHAN GYI DON CHEN PO SGRUB PA LAS NYAMS BAR 'GYUR BAR 'DUG SNYAM NAS NYIN MTSAN KUN TU DBEN PA'I YON TAN GYIS YID PHROGS NAS YOD PA'I TSE, GRVA TSANG DE KHA'I DGE BSKOS BYED DGOS KYI GRAL MTSAMS SU YANG SLEB YOD PAS BLA MAS DGE BSKOS DANG GRVA SKOR DGOS PA'I BSLAB STON PHEBS PAR BLA

, ,MAL DGANGS PA JI LTAR ZHUS KYANG MA GNANG BA'I RKYEN GYIS DGE BSKOS LA BYOL THABS KYIS BROS NAS 'BRAS SPUNGS SU PHEBS, GZIM SHAG MKHAN PO BLO BZANG MKHAS BTZUN GYI DRUNG NAS LAM RIM CHEN MO'I LJAGS LUNG TSAR GCIG GSAN, DE NAS BLA MAS LCAGS RI'I PHYI ROL TU SKYAL THUNG MDZAD NAS BSLAB BYA YANG DAG GNANG STE GTZANG DU BYON, SHANGS RGOD TSANG DU DRUNG BA RIN PO CHE'I ZHABS DRUNG DU PHEBS PAS, DRUNG PA RIN PO CHE'I ZHAL NAS KHYOD MTSAN NYID LA RGYUN RING DRAGS BYUNG, LO BCU SONG NAS 'ONGS NA 'GRIG RGYU YIN, DA LE LO MA BYED PAR RI KHROD RANG BYAS PA DGA' GSUNG ZHING GANG SHES RGYUD LA SBYOR DGOS PA'I BKA' CHOS BSLAB BYA DANG 'BREL PA MANG DU GNANG, DE NAS DRUNG PA RIN PO CHE LA BSNYEN RDZOGS KYI MKHAN POR GSOL BA BTAB BAS, DGYES PA CHEN POS ZHAL GYIS BZHES SHING, MKHAN SLOB GRANGS TSANG BA'I DGE SLONG GI DGE 'DUN DANG BCAS PA'I DBUS SU BSNYEN PAR RDZOGS PA DGE SLONG GI DNGOS PO THOB STE, THUB PA'I RGYAL TSAB GNAS BRTAN 'DUL BA 'DZIN PA CHEN POR GYUR TO, ,DE NAS SKU KHAMS MI SNYOMS PA CUNG ZHIG BYUNG BA NA DRUNG PA RGYAL TSAB PA'I ZHAL NAS DVAGS PO GRVA TSANG GI DGONGS PA MA KHROL BAS LHA MO'I 'TSUB KYI RNAM PAR 'DUG, GRVA TSANG GI DGONGS PA LEGS PAR ZHUS LA SHOG GSUNG, DE NAS DVAGS PO GRVA TSANG DU PHEBS TE DGONGS BA ZHUS, DE KHA'I BLA MA DGE 'DUN TSANG MAS DANG BA CHER MDZAD DE

GRVA TSANG GI KHRI LA 'JOG 'DOD MDZAD KYANG, DAM PA 'DI NGES 'BYUNG SKYO SHAS CHE BAS GRVA TSANG GI BLA MA LA MDZAD CING, BLO GSAL DON GNYER CAN 'GA' ZHIG LA DRANG NGES RNAM 'BYED KYI BSHAD PA ZHIG GNANG, DE NAS RGYUD STANG DU CHOS THOG GCIG TZAM PHEBS NAS DGE RGAN RE SGO AA TZA RA RI GONG BYA BA'I RI KHROD DU BZHUGS BAS DER PHEBS, ZAB CHOS MANG DU GSAN CING, BYANG CHUB SEMS KYI GDAMS NGAG THUGS TSIM BAR ZHUS TE, SLAR YANG GTZANG DU PHEBS BAS DRUNG PA RIN PO CHE GZUGS SKU'I BKOD PA CHOS KYI DBYINGS SU BSDUS NAS DAD LDAN GYI SLOB MA RNAMS NYID KYI THUGS SRAS DRUNG PA RTA PHUG PA BLO BZANG DAM CHOS RGYAL MTSAN GYIS BLA MA RGYAL TSAB PA NYID LAS MI ZHAN PAR SKYONG SKABS SU SDANG BAS DRUNG PA RIN PO CHE DANG BKRA SHIS LHUN PO'I DKYIL KHANG DU MJAL NAS BSNYEN BKUR DANG 'BUL BA GANG 'BYOR PHUL TE SKYES BU GSUM GYI LAM GYI RIM PA'I KHRID KYI SNYAN 'BUL ZHUS PAS, DER BDE LAM GYI KHRID DBU 'DZUGS TZAM MDZAD, 'PHROS RNAMS RGOD TSANG DU SLEBS NAS YONG GSUNG, DER PHABS NAS ZHUS PAS MTSAN NYID BA LA LAM RIM GYI KHAG MI 'ONG GSUNGS NAS MA GNANG BAS CHOS LA GDUNG DRAG NAS YANG YANG ZHUS PAS SGO DU MA NAS BKA' BKYON MDZAD PA LAS BKA' CHOS KYI ZHAL BZHES MI MDZAD PAR THUGS MI MNYES PA LTA BU LAN MANG DU MDZAD PAS THUGS LA NGA LAS SGRIB CHE BAS SNOD DU MA GYUR PA YIN 'ONG, SNGON LA BSHAGS SBYANGS LAS SGRIB DAG PA'I MTSAN MA THOB BA ZHIG BYED, DE NAS YANG ZHABS BSKUL

, ,ZHU DGONGS TE BKRA SHIS LHUN POR PHEBS SKOR BA GSOG PA'I TSE, NYIN GCIG SKOR LAM DU RO KHYER BA GZIGS PAS, NGA 'DI DANG MNYAM DU MA SHI BA'I BDEN NAM RDZUN YA MTSAN, DE RING RANG YANG 'CHI NYEN 'DUG ,RTEN BZANG PO 'DI 'DRA THOB NAS BYANG CHUB LAM GYI RIM PA LA BLO SBYONG RGYU MA BYUNG BAR SHIN JI LTAR BYED, SLAR 'DI LTA BU'I RTEN THOB MI 'THOB CHA CI YOD SNYAM NAS DAL 'BYOR DANG 'CHI BA MI RTAG PA ZUNG 'BREL DU GO NAS BRTZON 'GRUS DRAG POS BANG BTANG NAS SKOR BA MDZAD, DE'I TSE THUGS LA NGA DA LTA RANG YANG 'CHI NYIN 'DUG ,'JIGS PA CHEN PO 'DI PAn CHEN THAMS CAD MKHYEN PAS DGONGS NI DGONGS THUGS BRTZE BAS GCIG GSUNG RIGS PAR 'DUG SNYAM PA BYUNG, SKOR BA BSOGS NAS SLAR YANG RGOD TSANG DU PHEBS, BKA' CHOS KYI ZHABS BSKUL ZHUS PA NA KHYED MTSAN NYID PA LA LAM RIM BSHAD PA LA DGOS PA MED GSUNGS MA GNANG BAS, 'CHI RKYEN MANG LUGS DANG; GSON RKYEN NYUNG LUGS, SROG NYAM CHUNG LUGS GANG LA BSAMS KYANG, TSE 'DI LA LAM RIM GYI KHRID THOB PA'I SKAL BA MI 'DUG, SKYE BA RJES MA LA BYANG CHUB LAM RIM STON PA'I BLA MA MTSAN NYID DANG LDAN PA ZHIG DANG MJAL NAS CHOS DE LA THOS BSAM SGOM PA MTHAR PHYIN PA ZHIG 'ONG BA'I BSNGO SMON DANG, DE'I GEGS MI DAG BA GANG BYAS LA BSHAGS SDOM 'GYOD MED CIG BYA BA LAS 'OS MI 'DUG SNYAM STE, ZHUM PA MED PAR SNYING STOBS BSKYED NAS,

RGOD TSANG GI NYE SKOR PHUG BA DBEN PA ZHIG TU, RTZAM BA NYUNG TZAM LA BZHES CHOD MDZAD CING GCIG PUR BZHUGS NAS, NYI MA RE LA BRKYANG PHYAG STONG PHRAG GSUM RE BTZAL NAS BSHAGS SBYANGS LA 'BAD PAS, RE ZHIG LON NAS YUL DE NA DMAR BSHAL GYI RIMS BYUNG BAS, LAN CIG KHRAG MANG PO 'KHRU BA BYUNG, PHUG BA'I NANG DU BYON KHRAG 'KHRU BA DE BDEN NAM BRDZUN SNYAM SLAR GZIGS PAR PHEBS PAS GANG YANG MI 'DUG RUNG, NGA NAD NGAN DE THEBS 'DUG MYUR DU 'CHI SNYAM DGE SBYOR LA BRTZON PA DRAG TU BTANG BAS DA STE ZHAG BDUN NAS KHYOD 'CHI'O ZER BA'I SGRA ZHIG MNGON SUM DU BYUNG BAS, ZHAG BDUN SONG BA'I NYIN 'CHI BAR THAG CHOD NAS 'CHI GRABS 'GYOD MED CIG BYED DGOS SNYAM NYIN RE BZHIN BSAG SBYANGS LA 'BAD CING NYIN BDUN BA LA DGE RTZA RNAMS BSNGO SMON RNAM PAR DAG PAS RGYAS BTAB, SEMS 'PHRENG BA'I CHAS KA DANG MDZA' BSHES NI MED, TSE 'DI LA LAM RIM MA THOS KYANG LAS 'BRAS MI BSLU BAS PHYI MTHOB NGES 'GYOD PA SPU TZAM MED SNYAM 'CHI BAR THAG BCAD NAS BZHUGS PAS ZHAG NI BDUN SONG, GRONGS NI MA GRONGS, DE RING MA SHI PA DE BLA MA DKON MCHOG GI BKA' DRIN YIN SNYAM THUGS DAM SNGAR LAS KYANG NUS PAR MDZAD PAS RMI LAM DU CHOS GOS RNAM GSUM BZHES NAS SEL BO STONG PA ZHIG BSNAMS PHEBS PA RMIS PAS CHOS GOS RNAM GSUM GYON PA LEGS MOD SEL BA STONG BA KHUR BA BZANG RGYU MI 'DUG SNYAM STE SNGAR BZHIN THUGS DAM RGYUN BSKYANGS PAS

, ,RMI LAM DU GOS DKAR PO DRI MA MED PA ZHIG GYON NAS NAM MKHA'I DBYINGS THAMS CAD DU THOGS MED DU 'GRO BA ZHIG RMIS PA SDIG PA DAG PA'I RTAGS YIN NGES SHES PA BYUNG, DA NI SHI YANG MI 'GYOD DO SNYAM BZHUGS PAS, DGONG, CIG RMI LAM DU BLA MA RTA PHUG PA DE NYID RGOD TSANG GI RI RTZER PHEBS NAS, KUN GZHAN GYIS G-YAB MO MDZAD PA ZHIG RMIS THUGS LA DA RANG PHYIN PA BLA MAS GSUNG CHOS GNANG BA 'DRA DGONGS NAS RGOD TSANG DU BYON PAS THUGS SHIN TU DGYES PA'I SGO NAS DUS GSUM SANGS RGYAS THAMS CAD KYI BGROD PA GCIG PA'I LAM PO CHE, SHING RTA CHEN PO KLU SGRUB DANG THOGS MED GNYIS KYI LAM SROL, SKYES BU GSUM GYIS NYAMS SU BLANG BAR BYA BA'I RIM PA MTHA' DAG MA TSANG BA MED PAR STON PA, SNYIGS DUS KYI RGYAL BA GNYIS PA SHAR TZONG KHA PA BLO BZANG GRAGS PA'I THUGS KYI NYING KHU BYANG CHUB LAM GYI RIM PA'I MYONG KHRID GNANG BAS SKOM PAS GDUNGS PA CHU THOB PA'AM, DBUL POS GTER RNYED PA LTA BU'I DGA' SPRO BSAM GYIS MI KHYAB PA 'KHRUNGS, NYIN LTAR CHOS THUN GROL MA THAG GZHAN LA NGAG MA BTANG BAR SPYIL POR PHEBS NAS, BLA MAS JI LTAR GSUNGS PA'I TSIG RIS PHRA MO TSUN CHAD ZUR MA NYAMS PAR 'DI'I SKABS SU 'DI GSUNGS 'DI'I SKABS SU 'DI GSUNGS SNYAM DU TSIG SKYOR BA DANG, DON SEMS PA SOGS LA SNOD KYI SKYON GSUM GAD GIS KYANG MA GOS BAR MDZAD, BLA MA'I RNAL 'BYOR GYI SKABS SU KLOG SLOB PA'I SLOB DPON BTZUN LO GCIG YOD PA DE LA SANGS RGYAS

DNGOS KYI 'DU SHES SKYE DKA' BAR BYUNG BA BLA MA LA ZHUS PAS, SLOB DPON BTZUN LOG DE NYID TSOGS ZHING GI GTZO BOR GYIS THUB PA'I DBANG POR BSGOMS LA DANG PA SBYONGS, NAM SANGS RGYAS SU MTHONG BA'I DAD PA BYUNG TSE KHONG RANG GI GRAL DU BZHUGS LA DANG PA SGOMS GSUNGS, DE LTA BU'I TSUL GYIS 'GO BSHES GNYEN BSTEN TSUL NAS MJUG LHAG MTHONG GI BAR GYI DMIGS SKOR MTHA' DAG LA THOS BSAM GYIS MTHA' CHOD PAR GTAN LA PHAB STE DOGS PA SHIN TU GCOD DKA' BA RNAMS BLA MA RANG LA ZHUS NAS LAM SGOM PA'I THOG MTHA' BAR GSUM GYI GNAD 'GA' PHRA ZHING PHRA BA RNAMS KYANG THAG CHOD PAR MDZAD DE, GCIG PUR BZHUGS TSE GZHAN LA DOGS GCOD 'DRI MI DGOS PA'I GDENG THOB PAR MDZAD DO, ,KHRID SKYONG BA LA SHIN TU BRTZON PAR YOD PA'I SKABS SHIG MNAL LAM DU LHA KHANG CHEN PO SGO SHAR LA BSTAN PA SGO LCAGS CHEN PO RGYAB PA ZHIG GI SGO DRUNG NA NYID RANG BZHUGS 'DUG PA LA MI ZHIG GIS LDE MIG CHEN PO ZHIG BYIN BYUNG, DES SGO LCAGS DE PHYE NAS SGO PHYE BA DANG DUS MNYAM DU SHAR PHYOGS NAS SPRIN DANG BRAL BA'I NYI MA'I DKYIL 'KHOR 'OD ZER SHIN TU GSAL BA ZHIG SHAR BA KHANG PA DE'I NANG DU BSTAN PA'I BDAG PO'I SKU SHIN TU CHE BA ZHIG BZHUGS 'DUG PA DE'I THUGS KAR 'OD ZER PHOG PAS SKU DE LAS KYANG 'OD ZER 'PHROS PAS KHANG BA DE NYID GANG NAS 'OD DANG 'OD ZER PHYOGS BCUR 'PHOR BA ZHIG RMIS, THO RENGS MNAL SAD TZA NA RMI LAM YA MTSAN CAN DE 'DRA CI YIN NAM SNYAM BZHUGS PAS PHAN TSUN GYI SPYIL PO

, ,RNAMS KYI KHAR RDO 'PHEN PAR 'DUG PAS, RMI LAM LA DPAGS NA DE RING BKA' CHOS SHIG GNANG BAR THAG CHOD SNYAM NAS MYUR DU BLA GRANG DU BYON PAS, RTZA BA'I BLA MA DE NYID BZHUGS KHRI PHUN SUM TSOGS PA ZHIG GI STENG NA SKU STOD GTZER PU MDZAD, CHOS GOS RNAM GSUM LEGS PAR BZHES PHYAG TU LAM RIM CHEN MO'I GLEGS BAM BSNAMS, NYI MA DRO SA ZHIG NA DANG BA 'DREN PA ZHIG MDZAD NAS BZHUGS 'DUG ,RMI LAM LA DPAGS NA RANG NGOS NAS BYUNG PHYIN BLA MA SANGS RGYAS YIN PAR THAG CHOD PA'I NGES SHES CHEN PO SKYES, BLA MAS DGYES BZHIN DU LAM RIM CHEN MO'I BSHAD LUNG RGYAS PAR GNANG BAS BLA MA DANG CHOS LA NGES SHES KHYAD PAR CAN 'KHRUNGS TE LUS KYI PA SPU LDANG; MIG NAS MCHI MA 'KHRUG BZHIN PAS BLA MA RGYANG 'BOD LA 'BAD CING, RIS DGA' BSTAN PA'I BDAG PO'I BKA' DRIN DRAN NAS SKABS GSUM PA MANG DU BTON NAS DAD PA DANG SKYO SHAS 'GRAN PA ZHIG YOD CING ,BLA MA LA BKA' DRIN DRAN PA'I DAD GUS RGYUN MI 'CHAD PA BYUNG ZHING BLA MA'I BYIN RLABS ZHUGS PA'I MTSAN MA'ANG THOB, RGOD TSANG RI KHROD KYI BSGRAGS LA ZHUGS NAS LO GSUM BZHUGS, LAM RIM GTZO BOR BSKYANGS PA'I BAR DU BKRA SHIS LHUN POR SNGAGS CHEN RDO RJE 'DZIN PA DKON MCHOG RGYAL MTSAN PA'I DRUNG NAS GSANG BDE 'JIGS GSUM SOGS KYI DBANG CHEN DU MA DANG, CHOS SKYONG SKOR PHAL CHER GYI RJES GNANG, SGRUB THABS DU MA'I LUNG BCAS CHOS BKA' CI RIGS

PA GSAN NO, ,DE NAS DRUNG PA RTA PHUG PAS DAM PA 'DI NYID DBUS PHYOGS SU RJE'I BSTAN PA LA PHAN PA CHEN PO 'BYUNG BAR GZIGS NAS NYIN GCIG SKU MDUN DU BOS NAS, ,NGA KHYOD DBUS LA SONGS GSUNGS TE NYID KYI SKU 'GAG BZHAS PA DE PHUD NAS GNANG, DBEN PA BSTEN PA'I TSE DKA' SPYAD DGOS TSUL, SGRUB PA BYED TSUL, DE LA BRTEN NAS BSTAN PA DANG 'GRO DON JI LTAR BYA BA'I BSLAB DON RGYAS PAR GNANG, KHYAD PAR DU GOS RGYAB DROS DANG ,'TSO BRTZAM PAS TSAG SHES GYIS LA DBEN PAR LAM RIM RANG LA DRIL CIG GSUNGS, DE NAS BLA MA SANGS RGYAS SU MTHONG BA'I DAD PA DANG, BKA' DRIN DRAN PA'I GUS PA CHEN POS DRANGS PA'I MCHI MAS BRLAN ZHING 'BRAL MI PHOD PA BYUNG YANG BKA' BZHIN SGRUB PA BLA MA MNYES PA'I MCHOD PA'I MCHOG DANG BKA' DRIN GZHAL BA'I MCHOG TU GZIGS TE DBUS SU BYON PAS SNYE THANG DU PHEBS PA'I TSE SE RA'I RGYAB RI'I LDEBS NA RJE'I SGRUB KHANG GI CHU MIG DANG SHING NAGS GZIGS PAS DGA' BA DANG SKYO BA 'DRES PA'I SPYAN CHAB MANG DU BYUNG, NGA YA GI RANG DU SGRUB PA BYAS LA 'DUG SNYAM PA BYUNG, DE NAS SGRUB KHANG DU PHEBS GNAS DER ZIL GNON DMIGS PA SKOR GSUM MDZAD, PHYAG BDAR LEGS PAR BYAS, SHIN TU BAG PHEBS PA DANG, DBEN PA BSTEN PA'I DGA' BAS THUGS RAB TU TSIM NAS RTZVA'I GDAN LA BZHUGS NAS LAM RIM DANG GCOD GNYIS KA LA BRTZON PAR MDZAD PAS, NUB DANG PO NAS SGO'I RTZAR SHU RGYAGS PA DANG 'GRAM LCAG GTONG BA DANG ,RMI LAM

, ,DU PO TA LA'I RGYAB NAS BZUNG, SGRAB KHANG GI BAR DU GUR KHRA CHEM ME BA'I SGAR BA CHEN PO'I MTHA' THAMS CAD 'BROG PA'I CHA LUGS CAN GYI RTA BA KHOR GSUM CHER MA 'DRA BA BTAGS PAS BSKOR BA DANG, NYANG BRAN PHU NAS G-YAG NAG PO RI 'DRA BZHIG NGAR SGRAS PA GZHO 'DAR ZHING ME STAG 'PHRO BA'I RLUNG 'TZUB DANG BCAS BYUNG BAS SGRUB KHANG 'OG GZHAN DANG BCAS PA RVA RTZER BSKOR BA RNAMS GCOD KYI DMIGS PA BRTAN POS GZI BAS, G-YAG RGOD DE CHUNG DU CHUNG DU SONG BA'I MTHAR THA 'OG PA'I LHA RTEN GYI RTZAR MAR ME CHUNG NGU ZHIG TU GYUR SONG ZHING, THABS SHES SPYAD KYI NYAMS LEN LA RGYUN BSKYANGS PAS BDAG 'DZIN 'GONG PO'I CHO 'PHRUL RANG ZHI LA SONG BA'I MTHAR GNAS DE'I GZHI BDAG RNAMS BRAN DU KHOL TE PHYIN CHAD BKA' BZHIN DU 'PHRIN LAS SGRUB PA ZHIG BYUNG NGO, ,DE NAS DUS RE ZHIG NAS NA BZA' DANG 'TSO CHAS RNAMS ZAD PA NA, RI NAS RTZVA BRNGAS NAS GDAN DANG G-YAS G-YON RNAMS SU RTZVA SPUNGS NAS SGOM PAR MDZAD, DE'I TSE G-YAS G-YON MDUN RGYAB GANG KRANG SA DER RTZVA MANG BAR SPUNGS NAS BSGOMS, MCHOD PA GZHAN CHER MED PAS PHOR BA BKRUS NAS YON CHAB DUS DRUG RE NYIN LTAR PHUL TE BYANG CHUB LAM RIM BSGOM PA LA BRTZON PA CHU BO'I RGYUN BZHIN MDZAD DO, ,DA LTAR BYANG CHUB LAM RIM GYI DMIGS RNAM SKYONG BA LA 'DABS THUGS RGYUD LA RTOGS PA SKYE PA'I RKYEN NI SGOM PA'I THUN BAR ZHIG LA CHU LEN PAR PHEBS BAS LA MKHAN SBRANG BU ZHIG CUNG ZAD 'BUR NAS

SA LA YANG YANG LHUNG BAR 'DUG ,'DI CI YIN SNYAM ZHIB TU GZIGS PAS SBRANG BU'I BRANG LA GROG MA ZHIG GIS MCHU BTZUGS NAS 'DUG ,DES RKYAN BYAS NAS LAS 'BRAS LA BSAM PAS, RANG GIS LAS NGANG ZHIG BSAGS PHYIN JI LTAR BYAS KYANG 'BRAS BU MYANG DGOS 'DUG, SBRANG BU LA MIG 'DUG ,GSHOG PA 'DUG ,GROG MA LA MIG KYANG MI 'DUG LA, GSHOG PA YANG MI 'DUG STE LAS KYIS BKUG NAS GNAS SKABS 'DI 'DRAR GYUR 'DUG PAS DGE MI DGE'I LAS NGES PA CAN SOGS STON PA SANGS RGYAS KYIS GSUNGS PA LA NAM YANG BSLU BA MED PA'I NGES SHES KHYAD PAR CAN 'KHRUNGS TE, DES SNA DRANGS NAS LAM GYI RTOGS BA MTHA' DAG RGYUD LA SPUNGS BA BZHIN DU 'KHRUNGS SO, ,DE LTAR BSHES GNYEN BSTEN TSUL NAS ZHI LHAG GI BAR LA RTZOL BCAS DANG RTZOL MED KYI MYONG BA RIM GYIS THON TE RANG NYID MI NYAMS PA'I GDENG THOB PA NA SKAL DANG YI GDUL BYA RE GNYIS LA GANG LA GNAG 'TSAM GYI ZAB CHOS MNGON CHUNG GI SGO NAS GNANG, BAR SKABS SHIG DGOS PA KHYAD PAR CAN 'GA' GZIGS TE, 'O KHA DANG, NRGYAL DANG, DVAGS PO DANG, RTZVA RI'I RTZE SKOR SOGS LA PHEBS, 'DI SKABS SU BLA MA DRUNG RAM PA RIN CHEN DON GRUB LA GCOD STON THOG GCIG MA'I KHRID, NAM MKHA' SGO 'BYED KYI DBANG, DPON SLOB LHA SDINGS PA LA CHOS SPYOD RAB GSAL GYI LUNG, RE SGO AA TZA RA LA BLO SBYONG GZHAN DON DON GNYER, BYANG CHUB DON GNYER, BZOD PA'I PHAR PHYIN LA BSLOB TSUL SOGS CHOS MANG DU GSAN

, ,NO; ;DE NAS THUGS LA SNGAR GTZANG DU BZHUGS SKABS BLA MA'I ZHAL NAS GCOD LA BZHED PA CHEN PO 'DUG PA, BAR GRVA TSANG GI GCOD ZHIG NYAN NA 'ONG GSUNG BA ZHIG YOD PA DRAN NAS ,CI NAS KYANG DA RES 'GRO DGONGS TE PHEBS PAS, CHOS LUNG BYA BAR ZHAL SNGA NAS CHOS 'PHEL RGYA MTSO'I DRUNG DU 'BYOR, GCOD KYI GDAMS PA GNANG DGOS TSUL ZHUS PAS THUGS DGYES DGYES DPAG MED MDZAD, GCOD KHRID ZAB RGYAS GNANG, ZHAG BZHI BZHUGS, DE DUS ZHAL SNGA NAS DER DA LTA BREL BA YOD RJES SOR SHOG DANG, GCOD KYI DPE YANG STER GSUNGS TE THUGS LA BZHAG NAS SLAR YANG PHEBS PAS ZHAG BCU BZHI'I RING LA GCOD DBANG DANG ,SKAL LDAN 'JUG DOGS CHE CHUNG GNYIS, MA CIG RKYANG SGOM DANG BCAS PA'I KHRID LUNG DPE DANG BCAS PA GNANG, NGAS GCOD KHRID ZHUS NAS MA CHAG PAR BTANG BA YIN, NGA KHYOD KYIS KYANG MA CHAGS PAR THONGS GSUNGS TE, MA CIG BLA MA DANG BCAS PAS THABS SHES SPYOD KYI GDAMS PA'I MNGA' BDAG CHEN POR MNGA' GSOL BA'I RTEN 'BREL GYIS GDAMS PA 'DIS MA CIG GI DGONGS PA JI LTA BA BZHIN GDAMS NGAG BLO SBYONG SPYI DANG MTHUN ZHING, KUN SPYOD 'DUL BA LTAR MDZAD DE NANG GSANG SNGAGS LTAR GNAS NAS KUN RDZOB BYANG CHUB KYI SEMS KYIS RANG GCES 'DZIN BCAD, DON DAM BYANG CHUB KYI SEMS KYIS BDAG 'DZIN BCAD DE BDUD BZHI RANG SAR GROL, RANG SEMS DBANG DU 'DUS, DE'I MTHUS LHA 'DRE MI

GSUM DBANG DU 'DUS NAS GDAMS PA 'DI'I SGO NAS SKAL LDAN DU MA SMIN GROL LA BKOD CING, MING DON MTHUN PA'I GCOD KYI BSTAN PA NYIN MO LTAR GSAL BAR MDZAD NAS GDON GYIS BRLAMS PA'I NAD PA DU MA NAD LAS GROL BAR MDZAD TSUL YANG MTHA' YAS SO, ,GZHAN YANG DBUS STOD PHYOGS SU LAN 'GA' RE PHEBS TE, BLA MA SNYAN GRAGS KYI DRUNG NAS LAM RIM CHUNG NGU, DMIGS BRTZE MA'I LAS TSOGS SOGS CHOS MANG DU GSAN, HOR BKA' CHEN BLO BZANG DON GRUB KYI DRUNG NAS BE'U BUM SNGON PO'I 'GREL PA, 'JIGS BYED KYI BSKYED RDZOGS, BLO SBYONG SNYAN RGYUD CHEN MO, YI DAM SGRUB SKOR, BAR DO GSOL 'DEBS, GTOR MA SNA TSOGS, SMAN BLA'I BLA MA'I RNAL 'BYOR, PHYAG CHEN RNAMS GSAN, SLOB DPON BYAMS PA CHOS LDAN LA DMAR KHRID 'JAM DPAL ZHAL LUNG GI MYONG KHRID SEMS BSKYED CHO GAS 'DZIN TSUL DANG BCAS PA GSAN, SEMS BSKYED MCHOD PA'I SKABS ME TOG DKAR PO'I CHAR BABS PAS BLA MA SHIN TU MNYES PAR GYUR, GZHAN YANG NYI SDINGS BLA MA DGE 'DUN PHUN TSOGS KYI DRUNG NAS SRAD RGYUD LUGS KYI 'JIGS BYED KYI BSKYED RDZOGS KYI KHRID SMIN RGYAS GSAN, SNGA PHYI DU MER PO TA LAR PHEBS NAS RDO RJE 'CHANG CHEN PO DGE SLONG 'JAM DBYANGS GRAGS PA'I DRUNG NAS, TSE DPAG MED KYI KHRID, SNYING PO DON GSUM GYI KHRID LUNG, BLO SBYONG DON BDUN MA'I KHRID LUNG, DMIGS BRTZE MA'I BLA MA'I RNAL 'BYOR GYI KHRID LUNG SOGS CHOS MANG DU GSAN NO, ,DE LTAR THOS BSAM SGOM PA

, ,GSUM LA DRIL NAS GCIG GI GEGS GCIG GIS BSAL, GCIG GROGS SU GCIG SONG BAS LUNG RTOGS KYI YON TAN RNAMS MTSO'I PADMA LTAR GYUR TE, THAR 'DOD DU MA LA LEGS BSHAD KYI DGA' STON 'GYED PAR MDZAD DO, ,DE NAS MA 'ONGS PA'I BSTAN RGYUN LA DGONGS TE SER RE RTZE'I SGRUB KHANG DU SGRUB SDE 'DZUGS PAR MDZAD DE THOG MAR DGE SLONG BCU BDUN LONGS PA'I DGE 'DUN GYI SDE CHAGS, DE NAS GDUL BYA LAS CAN RNAMS LA LAM RIM GTZO BOR MDZAD PA'I GCOD SNYING PO DON GSUM SOGS KYI CHOS 'KHOR DU MA BSKOR BAS SLOB MA THAMS CAD KYANG NYID KYI RJES SU SLOB PAS YUN RING PO'I BAR DU GNAS DER SANGS RGYAS KYI BSTAN PA SGRUB PA'I LE'U'I DUS LTAR GNAS PAR GYUR TO, ,DE NAS RKYEN CI RIGS PAS BSKUL NAS 'OL KHAR PHEBS TE 'GAR PHUG DANG, CHOS LUNG SOGS SU RE ZHIG BZHUGS PAS, 'GAR PHUG GI RJE'I SGRUB KHANG DU DAM CAN CHOS RGYAL ZHAL GZIGS, GCOD KYI LHONGS LA PHAG RGOD NAG PO RA TZIM ZHIG RLUNG DMAR DRAG TU G-YO BA DANG BCAS BYUNG BA DMIGS PAS GZIR BAS MTHAR PHYI BA GSUM DU SONG, DE YANG DMIGS PAS GZIR NAS THAL BA'I RDUL DU BRLAG STE RNAM SHES CHOS KYI DBYINGS SU 'PHANGS NAS LTA THOG TU MNYAM PAR BZHAG PAS PHYI NYIN NYI MA LAM GYI MA DROS PAR MNYAM GZHAG THUN GCIG LA SONG, MNYAM GZHAG LAS LANGS MA THAG 'KHOR 'DAS MNYAM NYID DANG SNANG STONG ZUNG 'BREL GYI MGUR MA ZHIG KYANG GSUNGS,

RGYAL DU PHEBS PAS DPAL LDAN LHA MO'I ZHAL GZIGS PA SOGS DAG PA'I MTSAN MA MANG DU BYUNG, DE NAS TSUR PHEBS PAS SANG ZANGS RIR PHEBS RGYU'I DGONG MO MNAL LAM DU, MI ZHVA NAG PO GYON PA DUNG LONG BRGYAB PA ZHIG GIS, DOG BDE'I NANG DU MCHOD RTEN YOD DER KHANG PA BRTZIGS NA 'ONG ZER BA ZHIG BYUNG, SANG ZANGS RI KHANG DMAR DU PHEBS RTEN MJAL MDZAD PAS SRAS THOD SMYON BSAM 'GRUB KYI SKU DE RMI LAM DU BYUNG BA JI LTA BAR 'DUG GSUNG, DE NAS SE RA RTZER PHEBS NYIN DGE 'DUN RNAMS KYIS BSU BA MDZAD, 'DU KHANG DU MCHOD PA BRGYA TSAR PHUL, DGE 'DUN THAMS CAD KYIS ZHABS SPYI BOR BLANGS, DA PHYIN CHAD GDAN SA 'DI RANG DU BZHUGS NAS CHOS GSUNG BAR GSOL BA MGRIN GCIG TU BTAB PAS THUGS DGYES PA CHEN POS ZHAL GYIS BZHES TE, DA NGAS KYANG LAM RIM RANG 'CHAD KHYED RANG RNAMS KYANG LAM RIM RANG SGOMS SHIG GSUNG, DE NAS BZUNG STON DPYID GNYIS LA LAM RIM GYI KHRID TSAR RE PAL CHER GNANG, DPON SLOB THAMS CAD BSHAD SGRUB SHIN TU 'PHEL, SEMS BSKYED MCHOD PA DANG MAndAL RNAMS LA BSNGAGS BRJOD CHEN PO MDZAD PAS DAR RGYA CHE RU SONG, DE NAS SNGAR MNAL LAM DU BYUNG BA'I DOG BDE'I NANG GI MCHOD RTEN YOD PA RTZAD DPYAD PAS, BUR BU LCOG TU MCHOD RTEN 'GA' ZHIG 'DUG PAS DAR RJE 'DI NYID KYIS SA 'BUL DANG BKOD PA MDZAD NAS, SPYIN BDAG KHRA 'BUR SOGS KYIS DER GZIM KHANG ZHIG BRTZIGS, DAM PA 'DI DGUNG LO DRUG CU THAM PA BZHES PA LCAGS PO 'BRUG GI LO

, ,PHUR BU LCOG TU BYON, NYIN MANG PO'I BAR MDO SDA BSKAL BZANG BKLAGS SHING MCHOD PA GZABS PA PHUL, BYANG CHUB MCHOG TU SEMS BSKYED DGOS TSUL GYI GSUNG BSHAD RNO LA RGYAS PAR GNANG NAS MDO SDE BSKAL BZANG DBANG DU BZHAG NAS SBYOR DNGOS RJES GSUM TSANG BA'I SEMS BSKYED RE DPON SLOB THAMS CAD KYIS MGRIN GCIG TU MDZAD DO, ,BSKAL BZANG LAS DE BZHIN GSHEGS PA GRAGS PA SNGON THAG PAR GYUR PA'I CHE RAS KYI KHA TSAR PHUL NAS SEMS BSKYED PA DANG, DE BZHIN GSHEGS PA 'OD 'PHRO RTZVA'I SGRON ME PHUL NAS SEMS BSKYED PAR GSUNGS PA YI GER BRIS NAS MGUL DU BZHES, NGED RANG TSO SEMS BSKYED PA'I RDZAS LA MA THOGS DAD PA LA THOGS GSUNGS PA SOGS GSUNG CHOS RUS BA CAN MANG DU GNANG, DE NAS RGYAL DGA' TSAL DBU MDZAD KYIS RJE BTZUN THAMS CAD MKHYEN PA BLO BZANG YE SHES LA GSOL BA BTAB NAS LAM RIM GYI MAN NGAG CHES GSAL BA MYUR LAM ZHES BYA BA GNANG BA GSAN NAS RGYAL DU PHEBS TE BRAG RTZA BLA MA BLO BZANG RGYAL MTSAN LA SNGAGS RIM CHEN MO, 'DUL BA'I GLENG 'BUM CHEN MO, PAn CHEN THAMS CAD MKHYEN PAS MDZAD PA'I MYUR LAM RNAMS KYI LUNG GSAN CING BYAMS CHEN GYI MDUN DU SEMS BSKYED DANG, BSTAN PA RGYAS PA'I BSNGO SMON MDZAD NAS 'OL KHAR PHEBS DRUNG RAM PA BLO BZANG CHOS RGYAL LA SMON LAM MTHA' YAS PA'I GCOD SOGS BKA' CHOS CI RIGS GSAN NAS SER RTZER PHEBS

SNGAR BZHIN BSHAD SGRUB KYIS 'DUS SDA RNAMS LEGS PAR BSKYANGS SO, ,DE NAS PHUR BU LCOG TU DGE SLONG BRGYAD SDE ZHIG 'DZUGS PA'I THUGS 'DUN YOD BA BZHIN ME KHYI LO HOR ZLA GSUM PA'I MJUG GZA' SKAR 'PHROD SBYOR LEGS PA ZHIG GNAS BZUNG 'BAD RTZOL CHER MED PAR THAR 'DOD DU MA RJE BLA MA NYID KYI THUGS RJES 'UR GYIS 'DUS NAS THOG MAR BRGYAD SDE DANG, DE NAS RIM GYIS 'DUS NAS DGE 'DUN NYI SHU LONGS BA'I SGRUB SDE PHUN SUM TSOGS PA CHAGS PAS DAD LDAN BSOD NAMS GSOG PA'I ZHING SA MCHOG TU GYUR PA 'DI BYUNG NGO, ,'DI SKABS NAS BZUNG SGRUB SDE RNAMS SU TSOGS NAM 'TSOG RES KYIS THOG MAR PHYAG 'TSAL BA DANG SBRAGS PA'I YAN LAG BDUN PA MAndAL DANG BCAS PA PHUL NAS SEMS BSKYED PA DANG, TSOGS 'DU SOGS GANG DU PHEBS KYANG MAndAL BSNAMS PA'I SROL BTZUGS, PHUR BU LCOG GI SGRUB SDE CHAGS NAS 'DU KHANG LOGS BRIS GRUB RJES RJE BTZUN BLA MA NGAG DBANG BYAMS PAS DBU MDZAD DGE SLONG RNAMS KYIS ZLA BA GCIG GI BAR 'DU KHANG DU DGONG MO RE RE BZHIN BRGYAD PHYAG LNGA BRGYA RE LA NYUNG THA BYAS NAS BSAG SBYANGS LA BRTZON PAR MDZAD PAS THUGS SHIN TU MNYES NAS NGA LAS KHYED TSE SNYING RUS CHE BA 'DUG ,CHUNG DU'I DUS NAS RJE BLA MA LA BLO SNYING GTAD NAS RI KHROD CIG LA 'GRO BSAM PA YOD, SNYING RUS KHYED TSO TZAM MED GSUNGS, LAM RIM CHEN MO'I BSHAD LUNG DANG 'JAM DPAL ZHAL LUNG GI KHRID RGYAS PAR GNANG, DE NAS RA KHA BRAG SGRUB SDE CHAGS TE SER RTZE DANG PHUR BU LCOG GI DGE

, ,'DUN RNAMS KYANG SPYAN DRANGS NAS SEMS BSKYED MCHOD BA RGYAS PAR MDZAD, THOG MAR DGE SLONG BCU GNYIS CHAGS, DE NAS RIM GYIS JE 'PHEL DU GYUR TO, ,DE NAS BZUNG SGRUB SDE SO SOR ZLA BA YAR NGO MAR NGO'I GSO SBYONG DANG DBYAR GNAS, DGAG DBYE SOGS BSTAN PA RIN PO CHE'I RTZA BA SO SOR THAR PA'I PHYAG LEN RNAM PAR DAG PA 'DZUGS PAR MDZAD, SA MO GLANG LO'I ZLA PA DANG PO NAS SGRUB SDE PHAN TSUN SO SOR SEMS BSKYED MCHOD PA ZHU MI DU MA BYUNG BA LA SPYAN DRANGS PA BZHIN SKYA SER MANG PO LA THEG PA CHEN PO'I SEMS RIN PO CHE'I GSUNG BSHAD GNANG, ZLA BA GSUM PA'I NANG DU LHA RI BLA MA LHO RTING SKYES BLA MA SE 'BRAS DGE GSUM RGYUD STOD SMAD KYI DGE BA'I BSHES GNYEN MANG PO DANG SGRUB SDE GSUM GYI DGE SLONG RNAMS GTZO BOR BYAS PA'I THAR 'DOD NYIS BRGYA MA LONGS TZAM LA BYANG CHUB LAM GYI RIM PA'I MYONG KHRID ZLA BA GCIG GI BAR DU GNANG NGO, ,DE NAS MA 'ONGS PA'I BSTAN RGYUN LA DGONGS TE SNGA SNOD RIN PO CHE GSUM GYI BRJOD BYA LAG LEN DU 'DEBS TSUL SPONG BA'I KHRIMS SU BCA' BA, PAn CHEN RIN PO CHE BLO BZANG YE SHES DPAL BZANG POS MDZAD PA DE LA DAM PA NYID KYIS CUNG ZAD KHA BKANG STE SGRUB SDE SO SOR GNANG NAS SGRIGS LAM DE GA SOR GNAS DGOS TSUL GYI BSLAB STON RGYAS PAR GNANG STE, RA KHA BRAG TU DBYAR ZHAL BZHES MDZAD, DGAG DBYE TSAR NAS RA KHA BRAG DANG PHUR BU LCOG TU BDE MCHOG DRIL BU LHA LNGA'I CHO GA BTZUGS, ZHAG BDUN GYI

RING TSOGS 'KHOR MCHOD PA DGE 'DUN RNAMS LA BSNYEN BKUR LEGS PAR MDZAD DO, ,DE NAS PHUR BU LCOG TU PHEBS THAR BDON GNYER CAN MANG PO LA BSNYEN RDZOGS KYI SDOM PA GNANG, SGRUB SDE SO SOR SKYA SER MANG POS SEMS BSKYED MCHOD PA DUM PHUL BAR BYANG CHUB SEMS KYI GDAMS NGAG DANG SEMS BSKYED BSNGO SMON YANG DAG MDZAD, DGE SLONG DNGOS GRUB KYIS ZHUS NAS NYUNG SHAS SHIG LA BKA' GDAMS THIG LA BCU DRUG GI DBANG GNANG, MNAL LAM DU MI MANGS PA'I SKYON BYUNG GSUNG, BAR SKABS SHIG MKHAR RDO MKHAN PO BZOD PA RGYA MTSOS GDAN DRANGS NAS SEMS BSKYED MCHOD PA MDZAD, GNAS DER DGE 'DUN GYI SDE YUN RING GNAS PA'I THUGS SMON MDZAD DE NYIN 'KHOR DU PHUR BU LCOG TU PHEBS, DE NAS SGRUB SDE GSUM GYI DGE 'DUN THAMS CAD LA, SPYIR CHOS LAM RIM 'DI LA LONG BAS GLANG MJUG LTAR BYED DGOS, KHYAD BAR DU TSAD MED BZHI'I SGO NAS BYANG CHUB KYI SEMS LA BLO SGYONG DGOS, SGRUB SDE SO SOS SGRIGS LAM 'DUL BA'I BSLAB BYA GZHIR BZHAG BYAS TE THEG PA KHUR BLANGS DGOS TSUL RGYAS PAR GSUNGS, SHIN TU THUGS SKYO BA'I RNAM PA MDZAD CING, YANG SGOS KHYAD PAR CAN DU BYANG CHUB KYI SEMS 'DI LA THAMS CAD KYIS MA 'BAD NA, BYANG CHUB KYI SEMS KYI SKAD CHA DE TZAM ZHIG BYAS PA GO RGYU CI YANG MED PA 'DI 'DRA NGA RANG NA SO SONG, SO BUD PA DANG BCAS GO BRDAM 'PHROD PA YIN PA 'DRA BSAM PA YONG GI 'DUG GSUNG BA SOGS THEG CHEN BSTAN PA NYAMS PA THUGS KYIS MA BZOD NAS GNAD DU BSNUN

, ,PA'I ZHAL TA MANG DU GNANG BAS DER TSOGS PA THAMS CAD LA BOGS CHE BAR BYUNG NGO, ,DE NAS CHU PHO 'BRUG GI LO SGRUB SDE GSUM SO SOR SEMS BSKYED MCHOD PA MANG DU BYUNG ZHING BYANG CHUB KYI SEMS RANG SGOM DGOS GSUNG BA SOGS GSUNG CHOS GNAD CAN MANG DU GNANG ZHING YUN RING MI BZHUGS PA'I RTAGS SU ZHAL NAS, NA TSOD DAR BAB KHO LANGS SONG, ,SKRA DKAR GNYER MA KHO SLEBS BYUNG, ,MI RTAG 'CHI BA KHO SLEBS RAN, ,'GYOD MED DAM CHOS KHO REMS PAS, ,SLEBS RUNG 'GYOD RGYU CANG MI GDA', ,ZHES BYA BA LA SOGS PA'I MI RTAG PA'I SKYO MGUR DU MA GSUNG ZHING, THUGS KYIS GTAD PA'I SLOB MA RNAMS LA MNGON CHUNG GI SGO NAS 'PHRAL DU PHUGS JI LTAR BYA BA'I ZHAL TA GNAD 'GAG CAN DU MA GNANG NGO, ,DE LTAR DAM PA 'DIS SKU TSE'I STOD LA THOS PA RGYA CHEN PO BTZAL, BAR DU LUNG RIGS PA GDAMS NGAG THAMS CAD KYIS TSUL BZHIN DU BSAMS, THA MAR BSAMS PA'I DON DE LA THUN BZHIR BCAD NAS SGOM PA 'DI SKU BSNYUN PA DANG, THUGS BREL CHE PA SOGS RKYEN CI BYUNG YANG CHAG TU MI 'JUG LA, BSAM PA BZANG PO BYANG CHUB KYI SEMS LA THUGS DAM GYI MTHIL DU MDZAD NAS GZHAN LA YANG DE BZHIN DU 'DOMS PAR MDZAD DE; ZHAL NAS NGAS DANG POR BLA MA LAS BYANG CHUB SEMS KYI GDAMS NGAG THOS PAS SKOM PAS CHU'I GTAM THOS PA LTAR SEMS DE RGYUD LA SKYE BA'I DUS SHIG NAM 'ONG SNYAM STE RI'I RTZER SONG YANG DE DRAN, KLUNGS DU SONG YANG DE DRAN,

MI MANG PO'I NANG DU PHYIN RUNG, GCIG PUR BSDAD RUNG MDOR NA SPYOD LAM CI BYED KYANG DE KHO NA DRAN, CI DRAG LA THUG PA BYUNG NAS BSLAB BTUS LAS 'BYUNG BA'I RJE BTZUN 'JAM DBYANGS SNGON RGYAL PO NAM MKHAR GYUR DUS SEMS BSKYED PA'I TSIGS BCAD YI GER BRIS NAS SKE LA BTAGS PA YIN, DA BSAMS NA DE BYUNG 'DUG SRUNG BA LA DE LAS LHAG PA MI 'ONG BA 'DRA GSUNGS, YANG LAN CIG 'GA' RES KHO LA DUS RGYUN DU BYANG CHUB KYI SEMS SGOMS ZER RGYU ZHIG LAS MED BSAM SHAS CHE STE, NGA LA DE KA LAS ZER RGYU MED, YAGS PO BYED NA BYANG CHUB KYI SEMS 'DI DBUL POS GTER RNYED PA LTAR RANG GIS RGYUS YOD BYAS NAS 'CHAD PA LAS 'DI YOD PA'I SKAD CHA GZHAN LA GTONG MI PHOD PA ZHIG YIN TE, PHAN PA ZHIG AE YONG BSAMS NAS DUS RGYUN DU 'DI'I SKAD CHA BYAS BA YIN GSUNG, GNAS GANG NAS GANG DU PHEBS KYANG PHEBS KHA DANG, PHAGS MA THAG DANG, NGAL SO BA DANG, ME TOG DANG, CHU DANGS PA DANG, SA PHYOGS NYAMS DGA' BA SOGS MCHOD PAR 'OS PA'I DNGOS PO CI 'DRA BA ZHIG GZIGS PA DANG, MI MA YIN GYI LHA RTEN GYI DRUNG DU PHEBS PA'I TSE YAN LAG BDUN BA SEMS BSKYED DANG BCAS PA'AM, MA THA YANG SA GZHI SPOS BYUd BA DANG THAL MO SBYAR NAS SEMS BSKYED RE NGES PAR MDZAD, SGRUB SDE PHAN TSUN DU PHEBS PA NA, SER RTZE'I SHAR GYI RI GDONG DANG, RA KHA BRAG GI MTHA'I GONG PHUR BU LCOG GI NUB KYI BRAG 'BUR GONG RNAMS SU PHEBS PHYIN YAN LAG BDUN PA SEMS BSKYED DANG BCAS PA RE NGES PAR MDZAD,

, ,SA MTHO SA NAS SEMS BSKYED NA SEMS BSKYED RGYA CHEN PO 'ONG BAR RJE BLA MAS GSUNGS PA YIN GSUNG, BRAG 'BUR GONG DE LA SEMS BSKYED SKANG ZHES MING 'DOGS MDZAD, DE LTA BU'I TSUL GYIS BYANG CHUB SEMS KYI BSTAN PA NYIN MO LTAR GSAL BAR MDZAD PAS RJE BDAG NYID CHEN PO'I BSTAN PA LA BYA BA MDZAD DO, ,DE LTAR BYANG CHUB SEMS KYIS 'PHANGS PA'I SKU GSUNG THUGS KYI KUN SPYOD YONGS SU DAG PAS SO THAR GYI TSUL KHRIMS LA SDOMS KYIS BSDUS PA'I NYES BYAS PHRA MO DANG, BYANG SEMS KYI TSUL KHRIMS LA 'DOD PA'I SEMS KYI RJES SU 'JUG PA'I NYE BYAS TZAM DANG, GSANG SNGAGS KYI TSUL KHRIMS LA LHA'I MTSAN MA DANG DMAN MA LA 'GOM PA'I NYES PA TZAM GYIS KYANG MA GOS PA LA 'BAD CING, BRGYAL GOS NA YANG RANG RANG GI GZHUNG NAS 'BYUNG BA'I PHYIR BCOS TSUL BZHIN MDZAD PAS TSUL KHRIMS RNAM PAR DAG PA'I DRIS GZIM KHANG GI NANG DANG NYE SKOR THAMS CAD BSUNG CHING NGE SPOS BZANG PO SBAR BA LTAR YOD LA THA NA GZIM KHANG DU BZHAG PA'I CHAS KA DANG PHYAGS G-YOG TSUL GYI GOS LA'ANG TSUL KHRIMS KYI DRI NGAD LDANG BA YOD, TSUL KHRIMS RNAM PAR DAG PA LAS TING NGE 'DZIN BZANG PO 'KHRUNGS, DE LAS MNGON PAR SHES PA DANG NGO MTSAR CAN GYI DAG PA'I GZIGS SNANG DU MA YOD PAR MCHIS TE, GZHAN SEMS MKHYEN PA'I MNGON SHES MNGA' BAS RES 'GA' DA RES CHOS ZAB MO JI LTA BU ZHIG GSUNG NA SNYAM TZAN CI YANG MI GSUNG, RES THUGS

BREL CHE ZHING SKU GZUGS MI BDE BA JI LTA BU LA'ANG MI GZIGS BAR SHIN TU RGYAS PAR GSUNG NGO, ,DE LTAR PHAR PHYIN THEG PA'I DBANG DU BYAS NAS YON TAN RGYA CHEN PO DANG LDAN PAR MA ZAD, GSANG SNGAGS RDO RJE THEG PA'I DBANG DU BYAS NAS KYANG RDZOGS RIM GYI RTOGS PA KHYAD PAR CAN BRNYES TE, SKU TSE'I SMAD LA DPAL RDO RJE 'JIGS BYED KYI LAM RIM PA GNYIS LA GTZO BOR BRTZON PAR MDZAD CING ZHAL NAS SNGAR GYIN NANG ZHAG RE MI MANG SAR BSDAD NA SUN SNANG CHEN PO 'ONG BA YIN TE; DA MI MANG SAR BSDAD PA DANG THANG STONG ZHIG TU RANG GCIG PUR BSDAD PA DANG, RI KHROD DU MTHUN RKYEN 'DZOM PO BYAS NAS BSDAD PA GANG BYAS KYANG BLA MA DKON MCHOG GI THUGS RJES BDE BA CHEN PO NGAM DAM SHUGS KYIS SKYE BA ZHIG YOD GSUNG, DE LTAR MKHAS PA 'CHAL PHAR MA SHOR BA, BTZUN PO RMONGS PAR MA SHOR BA, BSHAD PA KHA BSHAD DU MA SHOR BA, SGRUB PA RANG DON DU MA SHOR BA'I SKYES MCHOG DAM PA 'DIS MTHON PO'I KHRI LA BZANG PO'I ZAS GSOL SPYID CING RMONGS PA'I 'KHOR GYIS BSKOR BAS BSTAN PA DANG 'GRO BA'I DON MI 'ONG BAR GZIGS NAS, MI MED LUNG STONG 'GRIMS, 'TSO BA BYA 'TSOL MDZAD, YON TAN THAMS CAD SBAS, 'OG NAS 'GRO BA CHU LAS MED PA'I DMAN SA BZUNG, CHOS BRGYAD NGAN SKYUGS BZHIN DU DOR, BSLAB KHRIMS RNAMS KHAS BLANGS TZAM LA MA BZHAG BAR NGO LKOG MED PAR BSRUNGS, DKON MCHOG SPYI BOR KHUR, NYAM CHUNG BRTZE BAS BSKYANGS, SDE SNOD GSUM GYI DON THAMS CAD SKYES BU GSUM GYI LAM

, ,RIM DU BSDUS NAS NYAMS SU BLANGS PAS THEG PA CHEN BO'I DGE BA'I BSHES GNYEN GYI MTSAN NYID THAMS CAD TSANG BAR MDZAD, PHYI 'DUL BA LTAR DANG NANG GSANG SNGAGS LTAR GYI MDZAD PAS BKA' GDAMS RIN PO CHE'I RNAM THAR GTZANG MA LAGS PAR PHYAG LEN LA THEBS PAR MDZAD PAS RMAD DU BYUNG BA'I RNAM PAR THAR PA MCHIS SO, ,DE NAS SKU TSE 'DI'I DNGOS KYI GDUL BYA RDZOGS PA NA DGUNG LO DON GSUM LA PHEBS PA CHU MO SPRUL LO ZLA BA DANG PO'I TSES BDUN GYI NYIN PHUR BU LCOG TU SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,RJE SGRUB KHANG PA CHEN PO 'DIS 'JAM MGON BSTAN PA'I SROG SHING BZUNG STE BYANG CHUB LAM GYI RIM PA RGYA CHER SPEL BAS RGYUD 'DZIN GYI SLOB MA BSAM GYIS MI KHYAB PA BYUNG ZHING THUGS SRAS DAM PA RJE NYID KYI RGYAL TSAB TU DBANG BSKUR BA THUB BSTAN YONGS RDZOGS KYI BDAG PO NI RJE BTZUN BLA MA NGAG DBANG BYAMS PA YIN LA, GZHAN YANG MKHAR RDO MKHAN PO BZOD PA RGYA MTSO DANG, RGYUD SMAD MKHAN PO NGAG DBANG MCHOG LDAN DANG, KHRI RIN PO CHE BLO BZANG DAR RGYAS SOGS 'PHRIN LAS RGYA CHER SPEL BA'I BSTAN 'DZIN DAM PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE SGRUB KHANG PA DGE LEGS RGYA MTSO LA GSOL BA 'DEBS SHING, RJE 'DI'I RNAM THAR LTAR DPAL AA TI SHA DANG RGYAL BTZONG KHA BA'I BSTAN PA'I SNYING PO BYANG CHUB LAM GYI RIM PA LA TSE DANG SGRUB PA MNYAM

PA ZHIG BYA BA LA SKYAS BU'I RTZAL CI YOD KYIS 'BAD PAR BYA'O,, ,,RJE DGE LEGS RGYA MTSO'I THUGS SRAS MKHAR RDO MKHAN PO BZOD PA RGYA MTSO NI, CHOS 'KHOR LHA SAR YAB SNGAGS 'CHANG NGAG DBANG TSUL KHRIMS DANG, YUM AA LCE SKYID SKYID GNYIS KYI SRAS SU YONGS 'DZIN CES PA CHU PHO BYI BA'I LO 'KHRUNGS, YAB YUM GNYIS KYIS SHES RAB RGYA MTSO ZHES MTSAN BTAGS, DAM PA 'DI RANG TSE RABS SNGA MA NAS SBYANGS PA'I BAG CHAGS YOD PA DANG, YAB YUM GNYIS KYANG CHOS DANG MTHUN PAS SMRA SHES TZAM NAS YI GE DRUG PA BZLA BA DANG, CHOS SPYOD SNA TSOGS 'DON BA DANG, KLOG YIG SLOB PA DANG, MI DGE BCU PHRA MO NAS SPONG BA DANG, PHYAG DANG BSKOR BA SOGS SGO GSUM DGE LA SBYOR BA ZHIG BYUNG, DE NAS DGUNG LO DRUG BDUN LON TE BSAM BLO RNYED PA NA KHYIM LA BTZON RA'I 'DU SHAS SKYES TE, SKAD CIG KYANG 'DUG MI PHOD PAR SE 'BRAS GANG RIGS SHIG TU ZHUGS TE CHOS RNAMS DAG CIG BYA 'DOD PA NAR MAR GYUNG STE, YAB YUM GNYIS LA'ANG DON DE LTAR GSOL BA NA YAB YUM DE GNYIS KYANG CHOS DANG MTHUN BAS BKAG PA MA BYAS PAR DAM PA 'DI RANG GI THUGS BZHED LTAR CHOS SGOR 'JUG PA'I MTHUN RKYEN SBYAR TE DGUNG LO BCU GSUM GYI LO SER THEG CHEN GLING DU PHEBS TE BYES MKHAS MANG GRVA TSANG DU ZHUGS NAS BYES PA'I DPON SLOB RGYAL MTSAN DON GRUB KYI DRUNG DU RAB TU BYUNG NAS DGE TSUL GYI SDOM PA BZHES, MTSAN BZOD PA RGYA MTSO ZHES BTAGS, LO DE'I RING LA CHOS SBYOD RNAMS BZUNG, DGUNG LO

, ,BCU BZHI BA LA CHOS GRVA 'GRIMS TE THOG MAR BSDUS GRAR BZHUGS TE SBYOR BA RTZI BAR MDZAD PAS GZHAN GYIS BSKUL BA LAM BLTOS PAR THUGS BRTZON SHIN TU CHE BAS RING PO MA THOGS PAR SBYOR BA LA BYANG BAR GYUR NAS PAR PHYIN LA SBYANGS, RJE BTZUN CHOS KYI RGYAL MTSAN GYI PHAR PHYIN GYI YIG CHA RNAMS THUGS LA BZUNG, NYIN MTSAN KUN TU THUGS BRTZON SHIN TU CHE BAR MDZAD PAS LO GSUM TZAM GYI RING LA PHAR PHYIN GYI GZHUNG LA MKHAS PAR GYUR CING, LAS RGYU 'BRAS DANG SA LAM BGROD TSUL SOGS PHAR PHYIN GYI GZHUNG DON NYAMS SU LEN TSUL LA NGES SHES GTING CHUGS PA RNYED NAS SGRUB PA SNYING POR BYED 'DOD SHUGS DRAG PO 'KHRUNGS TE DGE RGAN DANG GROGS RNAMS LA DE BZHIN GYI 'PHROS BYAS BA NA SGRUB PA LA BSKUL BA SU YANG MA BYUNG ZHING, THAMS CAD KHA MTHUN PAR RE SHIG SGRUB PA BYED PA MI YOD TSUL GLEGS PA NA, DAM PA 'DI LA RTA BZANG PO LCAGS GIS BRUBS BA LTAR SGRUB PA LA BSKUL MAR GYUR TE, 'DI DAG GIS ZER BA LTAR DAL 'BYOR LAN CIG THOB PA'I SKABS 'DIR NYAMS LEN KHO THAG CHOD PA ZHIG BYED RGYU MA BYUNG BAR SHI NA DAL BA STONG ZAD DU 'GRO BA 'DUG CING, DE RING RANG YANG MI 'CHI BA'I GDENG MI 'DUG PAS 'PHREL DU SGRUB PA RNAM DAG CIG BYA'O SNYAM PA'I 'DUN PA SHUGS DRAG 'KHRUNGS, SNGA SOR GRVA SAR ZHUGS TZAM NAS PHAR PHYIN GYI 'OG LUGS DANG, DBU MA LA SBYANGS TE ZAB MO DBU MA'I LTA BA LA GO BA

CHAGS TZAM BYUNG NA DE NAS SGRUB BA RNAM DAG CIG BYED SNYAM PA NAR MAR YOD THOG NAM 'CHI CHA MED DRAN PA DANG, TSE 'DIR CHAGS PA'I SKYE BO RNAMS KYI BYED SPYOD DANG BRJOD TSUL DE DAG GIS RKYEN BYAS TE DBU MA'I GZHUNG LA SBYONG LONG MA BYUNG BAR SE RA RTZE'I RJE'I SGRUB KHANG NA BLA MA BZANG PO ZHIG BZHUGS 'DUG GO ZER BA GSAN PAS LUS KYI SPU ZING ZHES BYED CING SMRA MI SHES PA'I DAD GUS CHEN PO 'KHRUNGS TE NGA YANG BLA MA DAM BA DE'I ZHABS DRUNG DU PHYIN TE TSE DANG SGRUB PA MNYAM PA ZHIG BYED SNYAM PA BYUNG STE, MKHA' 'GRO CHOS SKYONG DBANG DU BZHAG STE DE LTAR BYED PA'I DAM BCA' DRAG PO MDZAD, DE NAS BYES PA BLA MA'I DRUNG DU PHEBS TE SPYAN MCHI MA DANG BCAS RGYU MTSAN ZHIB TU ZHUS NAS DGONGS PA NAN GYIS ZHUS TE DGUNG LO BCU BDUN GYI THOG SER RTZER RJE SGRUB KHANG PA MJAL DU PHEBS, RJE BTZUN MI LAS LHO BRAG MAR BA LA JI LTAR GSOL BA BTAB BA LTAR RJE SGRUB KHANG PA LA LUS NGAG YID GSUM PHUL TE RGYAL BA TZONG KHA BA'I BSTAN PA'I SNYING PO BYANG CHUB LAM GYI RIM PA LA TSE DANG SGRUB PA MNYAM PA ZHIG YONG BAR GSOL BA BTAB, RJE SGRUB KHANG PAS KYANG DGYES BZHIN DU ZHAL GYIS BZHES TE, DUS GSUM GYI RGYAL BA KUN GYI BGROD PA GCIG PA'I LAM PO CHE CHOS PHUNG BRGYAD KHRI UBZHI STONG GI BRJOD BYA'I DON THAMS CAD GANG ZAG GCIG GI NYAMS LEN GYI RIM PAR BSDUS PA BYANG CHUM LAM GYI RIM PA'I KHRID RGYAS PAR GNANG, SKYES BU CHEN PO'I SKOR LA THEG CHEN SEMS BSKYED SBYONG BA'I MAN NGAG JO BO RJE DPAL LDAN AA TI SHA'I SNYAN RGYUD RGYAL BA'I SRAS PO BZANG

, ,PO DPAL GYI KHRID YIG SDOM TSIG LTA BUR MDZAD PA BLO SBYONG DON BDUN MA'I KHRID DANG, ,LAM RIM GYI GEGS SEL BOGS 'DON DU GCOD KYA KHRID DANG, GRUB CHEN MI TRA LA MGON PO SPYAN RAS GZIGS KYIS MDO SNGAGS GNYIS KA'I LAM GYI GNAD BSDUS NAS BSTAN PA SNYING PO DON GSUM GYI KHRID RNAMS MYONG KHRID DU BYAS TE LAGS PAR GSAN, DGUNG LO NYI SHU LA BAB PA NA SNGAR DGE TSUL GYI MKHAN PO BYES BLA MA RGYAL MTSAN DON GRUB LA BSNYEN RDZOGS KYI SDOM PA ZHUS, RJE SGRUB KHANG PA'I BKA' LTAR SE RA RTZER RANG SHONG GI KHANG BU ZHIG GSAR DU BZOS, LO BCU DGU NAS NYI SHU RTZA GSUM GYI BAR LO LNGA'I RING LA PHYI NANG GI G-YENG PA GANG YANG MED PAR 'TSOL DKA' THUB LA GNAS NAS BYANG CHUB LAM GYI RIM PA'I NYAMS LEN LA TSIG BSGRIL DU 'BAD CING, GEGS SEL BOGS 'DON GCOD KYI DMIGS SKOR DANG BLO SBYONG GI NYAMS BZHES LA 'BAD PAS BSHES GNYEN BSTEN TSUL NAS ZHI LHAG GI BAR LAM GYI LUS YONGS SU RDZOGS PA LA RTZOL BCAS KYI MYONG BA LAGS PAR THON, DE NAS NYAMS LEN LA BOGS 'DON PHYIR RJE THAMS CAD MKHYEN PA 'KHOR DAG PA RNAM BRGYAD DANG BCAS PAS GANG DU MTHONG BA'I CHOS LA RTOGS PA MCHOG BRNYES PA'I SA 'OL KHA'I SGRUB GNAS RNAMS SU BSGRUB PA BYA PHYIR PHEBS TE THOG MAR 'ON GYI SGRUB PHUG CIG TU LO GCIG BZHUGS, DGE SBYOR LA BOGS SHIN TU CHE BA BYUNG ZHING, MGON PO PHYAG

DRUG PA SOGS LHA'I GZIGS SNANG YANG KHA YAR BYUNG, DUS DE TZAM NAS BZUNG DAM PA 'DI'I YON TAN LA 'KHOR BA'I SLOB MA DAD PA CAN YANG MANG DU BYUNG STE GANG DANG GANG DU SLOB MA DAD PA CAN GYIS GSOL BA BTAB PA DE DANG DE DAG LA RANG RANG GI DBANG PO DANG 'TSAM PA'I CHOS CI RIGS PA KA NANG ZHING RGYUN DU NI RNAL 'BYOR DBANG PHYUG MI LA RAS PA LTAR GCIG PU DBEN PAR GNAS TE 'GA' ZHIG TU RDE'U'I BCUD LEN DANG, 'GA' ZHIG TU ME TOG BCUD LEN DANG, 'GA' ZHIG TU CHU'I BCUD LEN MDZAD, RGYUN DU RTZAM PA MA CHAD TZAM RE DANG THUG PAS CHOG SHES PAR MDZAD CING, 'PHAGS PA'I RIGS BZHI DANG, DGE SBYONG GI CHOS BZHI LA GNAS TE 'OL KHA CHOS LUNG SOGS RJE'I SGRUB GNAS RNAMS SU SGRUB PA LA BRTZON PAR MDZAD, DE NAS CHOS 'KHOR RGYAL GYI GNAS RNAMS DANG, RTZVA RI'I GNAS RNAMS SU SGRUB PA MDZAD PAS DGE SBYOR LA BOGS CHE BAR BYUNG ZHING DAG PA'I GZIGS SNANG YANG MANG DU BYUNG, DE NAS TSUR PHEBS TE YER PA LHA RI SNYING PO DANG, 'PHAN YUL GYI BKA' GDAMS GONG MA'I GNAS RNAMS DANG LHAG PAR RA SGRENG DU SGRUB PA YUN RING DU MDZAD, GNAS DE DANG DE DAG TU'ANG BSHES GNYEN DAM PA MANG PO LA DBANG LUNG MAN NGAG MANG DU GSAN, DE NAS MKHAR RDOR PHEBS TE ZIL GNON DMIGS PA SKOR GSUM GYI SGO NAS GZHI BDAG DAM LA BTAGS TE SLAR SGRUB SDE CHAGS PA'I RTEN 'BREL BSGRIGS, DE NAS DGE SBYOR LA BOGS DBYUNG BA DANG GDUL BYA SKAL BA DANG LDAN PA DAG LA

, ,PHAN GDAGS PHYIR GTZANG PHYOGS LA BYON TE, RGYAL BA DBEN SA PA YAB SRAS KYIS GRUB PA BRNYED PA'I SA DBEN DGON DANG, SHANGS MDO RGOD CHANG SOGS SU BZHUGS TE DBEN SA PA YAB SRAS KYI RNAM THAR BSKYANGS, DRUNG PA YAB SRAS KYI THUGS SRAS BLA MA BRTZON 'GRUS RGYA MTSO LA BLA MA MCHOD PA'I KHRID SOGS DBEN SA SNYAN RGYUD KYI MAN NGAG MANG DU GSAN, BKRA SHIS LHUN POR PHEBS NAS PAn CHEN BLO BZANG YE SHES MJAL, DE NAS SNAR THANG, GANGS CAN, KHRO PHU, RGYAL SRAS THOGS MED BZANG PO DPAL GYI SGRUB GNAS DNGUL CHU CHOS RDZONG RNAMS MJAL ZHING GNAS 'BREL MDZAD, DE NAS RTA NAG LA PHEBS TE RJE 'GOS LO CHEN PO'I SGRUB GNAS ZHAL GZIGS DANG, GRUB CHEN CHOS RDO RJE 'KHRUNGS PA'I GNAS DANG, RGYAL BA DGE 'DUN RGYA MTSO 'KHRUNGS PA'I GNAS DANG, DRUNG PA RTA PHUG PA'I BZHUGS GNAS RTA PHUG RDO RJE'I GUR KHANG RNAMS MJAL TE, GNAS DE DAG TU SGRUB PA MDZAD PAS DGE SBYOR LA BOGS CHE BAR BYUNG ZHING LHAG PAR RTA PHUG TU RI KHROD PA DANG LDAN MANG PO LA LAM RIM DANG BLO SBYONG SOGS CHOS MANG DU STZAL, RTA PHUG RI KHROD PA RNAMS KYIS GSOL BA BTAB STE DRUNG PA RTA PHUG PA'I RNAM THAR MDOR BSDUS PA ZHIG KYANG BRTZAMS, DE NAS DBUS SU PHEBS TE SER RTZER SGRUB KHANG PA CHEN PO MCHOD CING BSNYEN BKUR BAS MNYES PAR MDZAD DE MDO SNGAGS KYI CHOS MANG DU GSAN, SER NAS CHOS DON GTER CAN BYUNG BA RNAMS LA DBANG LUNG

KHRID 'GA' YAR MDZAD, DE NAS MKHAR RDO'I SGRUB SDE CHAGS TE MKHAR RDOR GZHI PHAB NAS BZHUGS, SNYAN PA'I GRAGS PA PHYOGS THAMS CAD DU RGYAS TE PHYOGS PHYOGS NAS 'DUS PA'I DAD LDAN RNAMS LA DBANG LUNG MAN NGAG RGYA CHER STZAL, BSTAN PA'I DON DU PHYAG RJES SU MKHAR RDO'I SGRUB SDER SPONG KHANG MANG DU BRTZIGS SHING LHA KHANG MANG DU BZHENGS, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI TSOGS ZHING MAN NGAG ZHAL SHES LTAR BRIS THANG PAR DU BRKOS, RGYAL BA TZONG KHA PA GTZO BOR BYAS PA'I LAM GTZO'I KHRID DANG MTHUN PA'I TSOGS ZHING GI THANG SKU'ANG PAR DU BRKOS, BKA' GDAMS LHA BZHI SOGS SKU PAR MANG PO DANG, DKYIL THANG MANG PO DANG, GSUNG PAR YANG MANG PO BZHENGS, DAD LDAN KHYIM PA DAG LA'ANG PHAN GDAGS PA MANG DU MDZAD CING, BSTAN PA YUN RING DU GNAS PA'I PHYIR GSUNG RTZOM YANG DAM PA RANG NYID KYI RNAM THAR, BLANGS DOR MUN SEL, BLA MA MCHOD PA'I KHRID, BLA MA MCHOD PA'I KHRID KYI LHAN THABS, PHA BONG KHA'I DKAR CHAG ,BDE LAM GYI ZHAL SHAS LHAN THABS, RDOR SEMS KHRID YIG ,CHOS KYI RGYAL PO TZONG KHA PA LA BRTEN PA'I BLA MA'I RNAL 'BYOR, MKHAR RDO BSAM GTAN GLING GI DKAR CHAG, ME TOG BCUD LEN GYI GDAMS PA, RGYUN 'KHYER GCOD KYI SNYING PO, GNAS BCU'I CHO GA, RGYUN 'KHYER TSOGS MCHOD SNYING PO, RDO RJE 'JIGS BYED KYI BSNYEN YIG ,RDOR SEMS BUM SGRUB, MGUR MA PHYOGS BSDEBS, BYANG CHUB

, ,LAM GYI RIM PA'I SNGON 'GRO'I DON BSAM PA MDO LUNG GSAL BA'I NYI MA, BDE LAM LHAG MTHONG GI LHAN THABS, RJE DGE LEGS RGYA MTSO'I RNAM THAR, SGOM SDE DGE BSHES KYI RNAM THAR, GSOL 'DEBS BRTAN BZHUGS SOGS THOR BU 'GA' YAR RNAMS MDZAD, DE LTAR BSTAN 'GRO'I DON RGYA TSER MDZAD NAS SKU TSE 'DI'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO,, ,, ` NGAG GI DBANG PHYUG RJE BTZUN TZONG KHA PA'I, ,MDO SNGAGS LEGS BSHAD CHOS KYI RGYA MTSO CHE, ,BYAMS PAS 'GRO LA SPEL BA'I SNYING STOBS CAN, ,BKA' DRIN MTSUNGS MED ZHABS LA GSOL BA 'DEBS, ,ZHES BSNGAGS PA, DUS GSUM GYI SANGS RGYAS THAMS CAD KYI THUGS RJE'I RANG GZUGS 'JAM MGON BSTAN PA'I SROG SHING BDAG GI DRIN CAN RTZA BA'I BLA MA BKA' DRIN MTSUNGS ZLA MED PA DON GYI SLAD DU MTSAN NAS SMOS TE RJE BTZUN BLA MA NGAG DBANG BYAMS PA DE NYID GANG DU 'KHRUNGS PA'I YUL NI MDO STOD ZAB MO SGANG GI CHAR GTOGS PA CHAB MDO DANG NYE BA'I SA'I CHAR YAB AA NU 'PHAGS PA ZHES BYA BA DANG, YUM BKRA SHIS MTSO GNYIS KYI SRAS SU RNGA CHEN ZHES PA CHU PHO KHYI'I LO NGO MTSAR PA'I LTAS BSAM GYIS MI KHYAB PA DANG BCAS 'KHRUNGS, DE YANG BDAG NYID CHEN PO 'DI YUM GYI MNGAL DU ZHUGS PA NA YUM GYI MNAL LAM DU DPAL GSANG BA 'DUS PA'I DKYIL 'KHOR RANG GI LUS LA THIM PA'I RMI LAM BYUNG STE, DPAL

GSANG BA 'DUS PA'I DKYIL 'KHOR NI SANGS RGYAS THAMS CAD GZHAL YAS KHANG GCIG TU 'TSOGS PA'I TSOM BU YIN PAS NA DRIN CAN RTZA BA'I BLA MA 'DI SANGS RGYAS THAMS CAD KYI MKHYEN BRTZE NUS GSUM GCIG TU BSDUS TE BDAG CAG SNYIGS MA'I 'GRO BA RNAMS KYI MGON SKYABS DANG DPUNG GNYEN DU BYON PA YIN PAS NA YUM LA MTSAN LTAS DE LTAR BYUNG BA YIN PAR NGES SO, ,DE LTAR SKU BLTAMS PA'I GZHON NU DE NI 'DAM GYI KHROD NAS PADMA DKAR PO THON PA'AM, SPRIN RUM NAS ZLA BA SHAR BA BZHIN DU ZHAL GYI DKYIL 'KHOR DKAR ZHING DANGS PA, DBU GDUGS LTAR ZLUM PA, DPRAL BA DBYES CHE BA, SPYAN DKYUS RING BA, SHANGS KYI GZENGS MTHO BA, MTSAN DPE RJES MTHUN PA DANG LDAN PA, 'JIG RTEN KUN GYI MIG GI BDUD RTZI LTA BU ZHIG BYON NO, ,DE'I TSE DKAR PHYOGS SKYONG BA'I LHA DANG KLU RNAMS KYIS DA NI SNYIGS MA'I 'GRO BA RNAMS MGON DANG BCAS SO ZHES DGA' BA'I CA CO'I SGRA SGROG CING, LHA'I CHU BOS SKU KHRUS GSOL BAR NGES LA, BSKAL BZANG GI SANGS RGYAS STONG GIS GANG LA BSTAN PA GTAD PA MTHU STOBS DBANG PHYUG GSANG BA'I BDAG PO 'KHOR BRGYA PHRAG MANG PO DANG BCAS PA'ANG GNAS DER LHAGS NAS RGYAL SRAS GZHON NU DE BSRUNG BA DANG, BSKYAB BA DANG, SBA BAR BYA BA LA SKAD CIG KYANG MI G-YAL BAR DUS KUN TU BSGRIMS TE GNAS PAR NGES TE, GANG GIS BYANG CHUB TU SEMS BSKYED PA TZAM GYIS GSANG BA'I BDAG PO 'KHOR BRGYA PHRAG DU MA DANG BCAS PA PHYI BZHIN RJES SU 'BRANGS TE BSRUNG BA DANG, BSKYAB PA DANG, SBA

, ,BAR BYED BAR MDO SDE LAS GSUNGS NA, THEG CHEN BSTAN PA'I SROG SHING BDAG NYID CHEN PO 'DI LTA BU 'JIG RTEN 'DIR BYON PA LA GSANG BA'I BDAG PO 'KHOR BCAS KYIS BSRUNG SKYOB DE LTAR BYED PAR 'OS MED KYI RIGS PAS 'GRUB BO, ,DE'I TSE YAB YUM GNYIS KYI MCHOD GNAS BLA MA DAM PA ZHIG BZHUGS PA DES RGYAL SRAS 'DI LA BDE MCHOG SRUNG ZHES MTSAN BTAGS SO, ,DE NAS RGYAL SRAS GZHON NU DE 'KHRUNGS NAS RING PO MA LON PAR BZHENGS NAS YUM LA BOD PAR MDZAD PA SOGS BYIS PA THA MAL PA DAG GI NGANG TSUL LAS 'DAS PA'I MDZAD PA NGO MTSAR BA MANG DU BSTAN CING, DGUNG LO BDUN BA'I DUS SU YI GE 'DRI KLOG BRDA BSTAN PA TZAM GYIS MKHYEN TE GLEGS BAM KLOG PA LA BRTZON PAR MDZAD, CING DAD LDAN GZHAN GYI MCHOD GNAS KYANG MDZAD LA, DE SKABS GSER 'OD DAM PA KLOG BAR MDZAD PAS, DE BZHIN GSHEGS PA SNGON RGYAL BU SNYING STOBS CHEN POR 'KHRUNGS PA'I TSE STAG MO LA LUS BYIN PA'I MDZAD PA RNAM THAR DE GZIGS PA NA MI PHYED PA'I DAD PA CHEN PO 'KHRUNGS TE BDAG KYANG 'DI LTAR DU RGYAL SRAS KYI SPYOD PA RLABS PO CHE LA ZHUM PA MED PAR BSLABS TE RANG GI LUS KYANG SEMS CAN GYI DON DU GTONG NUS PA NAM ZHIG NA 'OD SNYAM DU SNYING RJE'I SHUGS KYIS BSKYED PA'I SPYAN CHAB RGYUN MI 'CHAD PA ZHIG BYUNG STE, BDAG NYID CHEN PO 'DI NI SNGON YUN RING PO NAS RGYAL SRAS KYI SPYOD PA RLABS PO CHE LA SBYANGS PA'I MTHU GRUB PA ZHIG YIN PAR 'BRAS BU'I RTAGS KYIS

SHES TE, SKYE BO GZHAN DAG DGE BA'I BSHES GNYEN GYIS NAN GYIS KHRID KYANG 'JIG RTEN PHYI MA DON GNYER GYI BSAM PA BCOS MA TZAM YANG SKYE DKA' NA RTZOL BA MED PA'I SNYING RJE'I SHUGS KYIS RGYAL SRAS KYI SPYOD PA RLABS PO CHE LA SLOB 'DOD SKYE DKA' BA LTA CI SMOS, DE YANG SPYOD 'JUG LAS, GZHAN NGAG RANG GI DON DU YANG, ,MI 'BYUNG SEMS CAN DON SEMS GANG, ,SEMS KYI RIN CHEN KHYAD PAR 'DI, ,SNGA NA MED PA'I RMAD CIG 'KHRUNGS, ,ZHES GSUNGS PA LTAR CHOS MA THOS PA'I SKYE BO GZHAN DAG LTA CI SMOS, CHOS SGOR ZHUGS TE TSE HRIL POR SBYANGS PA RNAMS KYANG TSE 'DI LA MA CHAGS PAR 'JIG RTEN PHYI MA DON GNYER GYI BSAM PA BCOS MIN SKYE BA SRID MTHAR SNANG NA, MKHA' KHYAB KYI SEMS CAN 'KHOR BA NAS SGROL BAR 'DOD PA'I BSAM PAS RGYAL SRAS KYI SPYOD PA RLABS PO CHE LA SLOB 'DOD BCOS MIN SKYE BA NI NYIN MO'I SKAR MA LTAR SHIN TU DKON ZHING BRGYA LAM NA SRID THA TZAM MO, ,DE LTAR CHE HRIL POR SBYANGS PA RNAMS LA'ANG BSAM PA DE LTA BU SKYE DKA' NA GANG YANG MA SBYANGS PA'I SKYE BO RNAMS LA BSAM PA RLABS PO CHE DE LTAR SKYE BA'I GO SKABS GA NA YOD, DES NA BDAG CAG GI BLA MA BDAG NYID CHEN PO 'DI NI SKU CHE 'DIR GZHAN GYIS BSKUL BA LA MI LTOS PAR GLEGS BAM GZIGS BA TZAM GYIS DE LTA BU'I RGYAL SRAS KYI SPYOD PA LA SLOB PA'I BSAM PA RLABS NGO TSA RANG 'KHRUNGS SU BYUNG BA NI SNGON YUN RING PO NAS SBYANGS PA'I MTHU GRUB PA YIN PAR GDON MI ZA'O, ,DE'I PHYIR BLA MA DAM BA 'DI NI BDAG CAG SNYIGS MA'I 'GRO BA RNAMS

, ,KYI MGON DU BSAM BZHIN DU BYON PA ZHIG YIN PAR NGES SO, ,DES NA BLA MA DAM PA 'DI'I RJE SU SLOB PAR 'DOD PA RNAMS KYIS RNAM PAR THAR PA 'DI TZAM ZHIG BSAMS NAS KYANG DAD GUS CHEN POS GSOL BA 'DEBS PAR BYA'O, ,GZHAN YANG DE DUS KHYIM DE NA MDZO MO MDONGS SGRON ZER BA ZHIG YOD PA DE YAB KYIS GZHAN LA CHONG BA'I PHYIR KHRID PA NA MDZO MO'ANG RANG NYID TSONG BAR SHES NAS KHANG PA'I PHYOGS LA YANG YANG 'THEN GYIN 'DUG PA GZIGS PAS RKYEN BYAS, MDZO MO 'DI NGED RANG LA MA LTAR DRIN CHE BAR 'DUG PA 'DI 'DRA GZHAN LA TSONG BOD AANG SNYAM DU DGONGS NAS SPYAN CHAB MANG DU GSIL ZHING KHONG RNAMS TSONG BSGRIG PA'I SKABS SU'ANG THUGS SKYO BA DANG SPYAN CHAB KYI RGYUN MA CHAD PAS GNAS DE LAS LKOG CIG TU BYOL TE BZHUGS DGOS PA BYUNG BA DANG, 'KHRUNGS GZHIS DE LA MNGA' 'BANGS DUD KHA BDUN TZAM ZHIG YOD PA LA, YAB KYIS DE RNAMS NAS KHRAL 'BAB BZHES PA ZHIG GI SAR BYON PA'I TSE MI TSANG ZHIG LA 'BRU SPUS NGAN NYUNG DU ZHIG LAS GTAD RGYU MI 'DUG PAR YAB KYIS DE LA KHRO TSIG BRJOD PA GSAN PAS, DAM PA 'DI SNYING RJE 'KHRUNGS NAS SPYAN CHAB DANG BCAS TE YAB LA ZHU BA MDZAD PAS YAB KYIS KYANG DNGOS PO DE KAS 'ONG BAR MDZAD NAS BZHES PA ZHIG BYUNG STE TSUL 'DI DAG NI BLA MA RIN PO CHE 'DI NYID KYIS CHOS GNANG BA'I ZHAR LA GSUNG BA YANG YANG THOS SHING, DE YANG BLA MA RIN PO CHE DE NYID KYIS RANG NYID DMAN SA 'DZIN PA KHO NA LHUR MDZAD PAS, MNGON SHES DANG RDZU 'PHRUL

DANG SA LAM GONG MA'I YON TAN YOD PAR ZHAL GYIS MI BZHES SHING, SKYON 'DI DANG 'DI YOD CES RANG SKYON 'BYIN PA LHUR MDZAD, 'ON KYANG CHOS KYI BAG CHAGS SHIG NI YOD, CHUNG NGU'I DUS SU'ANG BSAM PA 'DI 'DRA SKYE MYONG ZHES GSUNG BAR MDZAD, DE NAS DGUNG LO BCU GNYIS LON PA NA KHYIM NA GNAS PA NYES BA DU MA'I 'BYUNG KHUNGS SU GZIGS SHING, RAB TU BYUNG BA NI RGYAL BAS RNAM GRANGS DU MAR BSNGAGS PA DANG YON TAN THAMS CAD KYI GZHI RTEN DU GZIGS NAS YAB YUM GNYIS LA RGYAL BA 'PHAGS PA LHA'I ZHABS DRUNG DU CHOS BYAS CHOG PA DGOS ZHES YANG YANG GSOL BA NA YAB YUM GNYIS DANG NYE 'BREL GZHAN TSANG MAS BDE MCHOG SRUNG 'DI NI PHA MA LA GUS SHING YA RABS KYI NGANG TSUL DANG LDAN PA BYA BA THAMS CAD LA MKHAS PA SHIN TU SGRIN PA CIG 'DUG PAS 'DI KHYIM DU BZHAG NAS RIGS BRGYUD 'DZIN DGOS, SPUN GZHAN ZHIG 'PHAGS PA LHA'I DRUNG 'KHOR DU ZHUGS PA LEGS ZHES BGROS NAS CHOS BYED PAR YAB YUM GYIS MA GNANG BA NA, RGYAL SRAS BDAG NYID CHEN PO 'DI SNGON YUN RING PO NAS GOMS PA'I MTHUS SPYIR 'KHOR BA'I GNAS MTHA' DAG ME 'BAR BA'I RLUBS LTAR GZIGS SHING, KHYAD BAR KHYIM NA GNAS PA NI NYES PA DU MA'I 'BYUNG GNAS SU GZIGS TE YAB YUM GNYEN BSHES RTZA LAG DANG BCAS PA TSOGS PA'I DBUS SU BZHENGS TE, NGA CHOS BYED DU MI 'JUG NA KHYIM 'DIR SKAD CIG KYANG SNGOD RI ZHES DBU MNA' BZHES TE SPYAN CHAB RGYUN MA CHAD PAR BYUNG BA NA YAB YUM GNYEN

, ,DANG BCAS PA TSANG MA BYA THABS ZAD NAS DGUNG LO BCU GSUM PA SHING PHO KHYI'I LO RGYAL BA 'PHAGS PA LHA RGYAL BA RGYA MTSO'I ZHABS DRUNG DU PHEBS TE SKRA BCAD LUS BSGYUR DUR SMRIG GSOL RAB TU BYUNG NAS DGE TSUL GYI SDOM PA BZHES ,DE'I TSE RGYAL PA 'PHAGS PA LHAS RAB BYUNG GSAR BU THAMS CAD LA 'PHAGS PA'I MTSAN ZUNG YOD PA'I MING BYANG BRIS TE STER BAR MDZAD PA LA DAM PA 'DI LA NI RGYAL BA 'PHAGS PA LTA NYID KYIS NGAG DBANG BYAMS PA ZHES MTSAN BTAGS SO, ,RGYU MTSAN 'DI LAS NA, DUS PHYIS BLA MA RIN PO CHE 'DI PA 'PHRIN LAS CHES CHER RGYAS PA NA CHAB MDO'I GRVA RGAN RNAMS KYANG RGYAL BA 'PHAGS PA LHAS RAB BYUNG GZHAN GYI NI NGA 'DOGS LUGS DANG MI 'DRA BAR CHED DMIGS SU MDZAD NAS BYAMS PA'I MING BTAGS PA DE NI BLA MA 'DI BYAMS MGON GYI SPRUL PA YIN PAR NGES SO ZHES BRJOD NAS BYAMS MGON GYI SPRUL BAR GRAGS BA BYUNG, BLA MA RIN PO CHE DE NYID KYI GCUNG PO RIN CHEN LEGS PAS NGED CAG GI BLA MA 'DI BYAMS MGON GYI SPRUL PA YIN PA'I RGYU MTSAN MANG PO YOD CES KHO BO RANG LA'ANG DNGOS SU GSUNG BA BYUNG, DE MTHUN DGE BA'I BSHES GNYEN MANG POS ZHABS BRTAN GSOL 'DEBS ZHU BA'I DUS SU'ANG BYAMS MGON GYI SPRUL PA YIN PA'I RGYU MTSAN MANG DU ZHU BAR BYED PA DE DUS KYI SLOB MA YONGS LA GRAGS, 'ON KYANG BLA MA RIN PO CHE NYID RANG NI BYAMS MGON GYI SPRUL PA YIN PAR ZHAL BZHES GA LA MDZAD DE SA THOB PA ZHIG YIN PA

YANG GTAN NAS ZHAL BZHES MI MDZAD, DER MA ZAD LAM SNA ZIN PA ZHIG YIN PAR YANG ZHAL GYIS MI BZHES, GZHAN DAG DGE BA'I BSHES GNYEN GRAGS CHE TSAD SPRUL BA RER SKYEL BA LA'ANG THUGS MI MNYES PA'I GSUNG MANG DU 'BYON, DE NI SNGON RNAL 'BYOR GYI DBANG PHYUG MI LA RAS PAS RANG NYID CHOS SGOR ZHUGS NAS DKA' SPYAD MDZAD TSUL RNAMS GSUNGS PA'I TSE RJE BTZUN LA RAS PA ZHI BA 'OD KYIS RJE BTZUN GYIS, CHOS ZHU TSE BLA MA'I DRUNG DU MOS GUS DANG DKA' SPYAD MDZAD LUGS SAM, CHOS THOB NAS RI LA BSGOM PA'I THUGS RUS SAM, GANG NAS BSAMS RUNG BLOS MI 'KHYUD PA GDA' BAS, MDZAD PA DE RNAMS LA BSAMS NA, BDAG CAG RNAMS KYI CHOS 'DI RANG BYED BLOR GDA' BAS, 'KHOR BA MI GROL BAR 'DUG, CI RANG DRAG NA ZHES MANG DU DUS PAS, RJE BTZUN GYI ZHAL NAS, 'KHOR BA DANG NGAN SONG GI SDUG BSNGAL LA BSAMS NA, MOS GUS DANG SNYING RUS DE YANG CHOS SKYON RANG MI 'DUG, SNYING YOD RNAMS KYIS RGYU 'BRAS KYI CHOS THOS NAS LAS 'BRAS LA YID CHES RTING DE TZAM GYI SNYING RUS KUN GYIS NUS PAR GDA' STE, CHOS LA YID MA CHES PAR GO YUL DU LUS SHING, CHOS BRGYAD BLOS MA THONGS PA YIN PAS, RGYU 'BRAS LA YID CHES PA GAL CHE, RGYU 'BRAS RAGS PA TZAM LA'ANG YID MA CHES PA'I RTAGS NAR MAR BSTAN RTING, STONG NYID KYI BSHAD PA LUNG RIGS DANG MTHUN MTHUN MO MANG PO BYAS RUNG, STONG NYID DE BAS KYANG PHRA BAS GO BA DANG YID CHES PA DKA',

, ,STONG NYID LA YID CHES RTING, STONG NYID RANG RGYU 'BRAS SU SHAR BAR GO NAS, RGYU 'BRAS KYI 'DOR LEN SDIG SPONG DGE SGRUB LA BRTZON DU RANG 'GRO BA YIN ZHING, ,CHOS KUN GYI RTZA BA RGYU 'BRAS LA YID CHES PA 'DI YIN PAS, SDIG SPONG DGE SGRUB KYI PHYAG LEN LA ZHIB PA DANG BRTZON PA GAL CHE'O, ,NGAS DANG PO STONG NYID KYI DON MA RTOGS TE RGYU 'BRAS LA YID CHES PAS SDIG PA TSABS CHEN DE BSAGS RTING, NGAN SONG GSUM LAS BTANG SA MED SNYAM 'JIGS SKRAG, BLA MA LA MOS GUS DANG SGOM PA LA SNYING RUS MI YONG DBANG MED BYUNG BA YIN, KHYED RNAMS KYANG NGA RANG GI NGAG LTAR GSANG SNGAGS KYI NYAMS LEN DA LTA'I 'DI BZHIN DU GYIS LA RI KHROD DU GCIG PUR SDOD NUS PAR GYIS SHIG, 'KHOR BA LAS THAR BA'I KHAG MI RGAN NGA RANG GIS KHUR BA YIN NO GSUNG, YANG NGAN RDZONG STON PA BO DHI R'A DZAS, RJE BTZUN RIN PO CHE RANG RDO RJE 'CHANG CHEN MI'I GZUGS SU SKU SPRUL NAS MDZAD PA DE RNAMS SEMS CAN GYI DON DU STON PA CIG YIN BA 'DRA, DE MIN RUNG, BSKAL PA DPAG TU MED PA NAS TSOGS BSAGS PA, PHYIR MI LDOG PA'I SEMS DPA' CHEN PO ZHIG YIN PAR THAG CHOD GDA' STE, CHOS PHYIR SROG KYANG 'DOR ZHING RNAL 'BYOR RAB TU BRTZON, ,ZHES BYA BA'I RTAGS RNAMS RJE BTZUN LA TSANG GDA', DE MIN BDAG SOGS SO SO SKYE BO RNAMS KYIS NI, BLA MA'I DRUNG GI DAD GUS KYI MDZAD PA SOGS, CHOS PHYIR DKA' BA SPYAD TSUL RJE BTZUN GYI DE 'DRA BLO RANG GI YANG MI 'KHYUD

NA, PHYAG LEN LA SUS KHEL, BRGYA LA PHYAG LEN LA BKA' RUNG LUS KYIS RKYEN MI THEG PAR 'DUG PAS, RJE BTZUN DANG PO NAS SANGS RGYAS BYANG SEMS GANG RUNG GCIG YIN PAR THAG CHOD GDA', DES NA BDAG NI CHOS MA NUS RUNG RJE BTZUN GYI ZHAL MTHONG GSUNG THOS PA'I SEMS CAN RNAMS KYANG 'KHOR BA LAS GROL SNYAM PA GDA' BAS, RJE BTZUN RDO RJE 'CHANG NGAM, BYANG CHUB SEMS DPA' GANG GI SPRUL PA LAGS PA DE GSUNG DU GSOL ZHES ZHUS PAS, RJE BTZUN GYI ZHAL NAS, NGA GANG GI SPRUL PA YIN NGA RANG LA YANG CHA MED, NGAN SONG GSUM GYI SPRUL PA YIN RUNG, KHYED RANG RNAMS KYIS RDO RJE 'CHANG SOGS GANG DU MTHONG BA DE'I BYIN RLABS 'JUG PAS MOS GUS GYIS, SPRUL PA YIN SNYAM PA DE KHYED RANG RNAMS KYIS NGA LA DAG SNANG YIN TE, CHOS LA LOG LTA DE BAS CHE BA MI YONG, CHOS RNAMS DAG BYED PA'I CHE BA MA MTHONG BAS LAN, SPYIR DAM PA'I CHOS KYI CHE BAS, TSE STOD LANG LTA BUR SDIG PA TSABS CHEN BYAS PA'I SO SO SKYE BO ZHIG YIN RUNG, PHYIS RGYU 'BRAS LA YID CHES NAS, TSE BLOS BTANG STE SGO GSUM G-YO MED DU BSGOM NUS NA SANGS RGYAS THOB PA LA THAG RING MI 'DUG, KHYAD PAR BLA MA MTSAN LDAN ZHIG GIS RJES SU BZUNG ZHING ,GSANG SNGAGS NYE LAM GYI MAN NGAG DANG SNYING PO'I DON THA SNYAD KYI SGRIB G-YOGS MED PAR GCER MTHONG DU NGO SPROD PA'I DBANG DANG GDAMS NGAG THOB NAS BSGOM NUS NA, TSE 'DIR SANGS RGYA MI RGYA THE TSOM MI 'DUG CING, TSE 'DIR

, ,MI DGE BCU DANG MTSAMS MED LNGA'I LAS TSABS CHEN BYAS NA SHI MTHAG DMYAL BA MNAR MED DU SKYE MI SKYE THE TSOM MI 'DUG STE, RGYU 'BRAS LA YID MA CHES SHING SNYING RUS CHUNG BAS LAN, SNYING THAG PA NAS RGYU 'BRAS LA YID CHES NA, NGAN SONG GI SDUG BSNGAL LA 'JIGS SKRAG, SANGS RGYAS THOB 'DOD KYI SGO NAS DANG POR BLA MA LA MOS GUS, BAR DU GDAMS NGAG BSGOM PA LA SNYING RUS, MTHAR NYAMS RTOGS SKYONG LUGS SOGS KYI SNYING RUS PA'I 'DI PAS MA ZHAN PA SO SKYE SNYING RUS CAN KUN LA YONG BAR 'DUG, BYUNG TSE SANGS RGYAS DANG BYANG CHUB SEMS DPA'I SPRUL PAR RLOM PA 'DUG STE, GSANG SNGAGS KYI NYE LAM LA YID MA CHES PA'I RTAGS YIN PAS, DA KHYED RANG RNAMS RGYU 'BRAS LA YID CHES PAR GYIS LA, GONG MA'I RNAM THAR, LAS RGYU 'BRAS, 'KHOR BA'I NYES DMIGS, DAL 'BYOR RNYED DKA', NAM MCHI CHA MED RNAMS SOGS LA, ,GSANG SNGAGS KYI NYAMS LEN LA 'BUNGS SHIG, NGAS KYANG LTO GOS GTAM GSUM LA GYONG BTANG, SEMS LA DPA' BSKYED, LUS LA BAB BSKUR SDUG BSNGAL KHYAD DU BSAD NAS MI MED KYI RI LA BSGOMS PAS NYAMS RTOGS KYI YON TAN SKYES PA YIN, KHYED RNAMS KYANG NGA'I RJES SU ZHUGS LA NYAMS SU LONGS SHIG GSUNGS PA DE LTA BU'I TSUL LA DGONGS PAR MNGON NO, ,'ON KYANG BLA MA RIN PO CHE 'DI NYID BYAMS MGON GYI BYIN RLABS THUGS LA ZHUGS PA ZHIG YIN PA NI BLA MA RIN PO CHE NYID KYI GSUNGS

LAS; SHES RAB ME LONG DAG PA'I NGOS, ,SHES BYA'I GZUGS BRNYAN GSAL BA'I TSE, ,SHES 'DOD MED KYANG SHES MDOG GI, SHES RAB RTZAL 'DI SU YIS 'GOG, NGAG LA NGAG GI DBANG PHYUG GIS, ,BYIN GYIS BRLABS SHING SEMS RGYUD LA; ;BYAMS PA'I 'PHRIN LAS ZHUGS PA ZHIG, BLA MA'I RNAM THAR DRAN NAS BRIS, ,ZHES GSUNGS PA LTAR RO, ,DE LTAR CHAB MDO CHOS SDER RGYAL BA 'PHAGS PA LHA'I ZHABS DRUNG DU RAB TU BYUNG NAS DUR SMIG GI RGYAL MTSAN GSOL TE 'GRO BA LHA DANG BCAS PA THAMS CAD LA MYUR BA MYUR BAR THUB BSTAN YONGS SU RDZOGS PA BZUNG STE DAM PA'I CHOS GYI SGRA DBYANGS BSGRAGS NAS 'GRO BA MA RIG PA'I GNYID KYIS NON PA RNAMS MYUR DU SAD PAR BYA, 'KHIR BA'I BTZON RAR BCINGS PA RNAMS MYUR DU SGROL BAR BYA, BLO GROS KYI MIG LDONGS TE GAR 'GRO'I GTOL MED PA RNAMS LA MTHO RIS DANG THAR PA'I LAM MYUR DU GSAL BAR BYA'O ZHES DBUGS 'BYIN PAR MDZAD DO, ,DE NAS THUGS BSAM 'DI LTA NGAG 'KHRUNGS TE, SNGON STON PA THUGS RJE CAN DES RGYAL BA'I BSTAN PA LA ZHUGS NAS RAB TU BYUNG BA RNAMS KYIS LAS SU BYA BA NI GNYIS BKA' STZAL TE, KLOG PA THOS BSAM DANG, SPONG BA BSAM GTAN NO, ,BDAG GIS KYANG STON PA THUGS RJE CAN GYI BKA' LTAR THOG MAR KLOG PA THOS BSAM DANG, DE NAS SPONG BA BSAM GTAN BYAS TE RGYAL BA DGYES PA'I LAM BZANG BSGRUB PAR BYA'O SNYAM DU DGONGS NAS THOG MAR 'PHAGS PA LHA'I BKA' LTAR CHAB MDO GRVA TSANG GI CHOS SPYOD RNAMS LAGS PAR

, ,BZUNG, ,DGUNG LO BCU BZHI PA'I DUS SU 'PHAGS BA LHA LA RDO RJE 'JIGS BYED CHEN PO'I DBANG LEGS BAR GSAN, DE NAS 'PHAGS PA LHA'I SKU MDUN DU RAB 'BYAMS SMRA BA 'GA' ZHIG BGRO GLENG BYED PA GZIGS PAS SHING RTA CHEN PO'I GZHUNG LA DAD PA CHES CHER 'KHRUNGS NAS LUS KYI PA SPU RNAMS ZINGS ZHES BYED CING RANG DBANG MED PAR SPYAN CHAB BYUNG ZHING BDAG KYANG NAM ZHIG NA SHING RTA CHEN BO'I GZHUNG LUGS RNAMS LA SBYANGS TE CHOS DANG CHOS MIN RIGS PAS 'BYED THUB PA ZHIG 'OD SNYAM DU THUGS 'DUN DRAG PO 'KHRUNGS TE 'PHAGS PA LHAR DBUS PHYOGS SU SLOB GNYER LA PHYIN CHOG PA DGOS ZHES DGONGS BZHUS PA NA, 'PHAGS PA LHAS KYANG 'JAM MGON BSTAN PA'I SROG SHING DU 'GYUR BAR MKHYEN NAS DGYES BZHIN DU GNANG NAS DGUNG LO BCO LNGA'I LO DBUS PHYOGS SU PHEBS, THOG MAR SE RAR PHEBS NAS GNAS MJAL ZHIG BYAS, DE NAS DGA' LDAN DU PHEBS NAS SLOB GNYER MDZAD DGONGS PA YOD PA LA, BYES GRVA KHANG GI GNAS GZIGS LA PHEBS PA NA, GRVA KHANG GI NANG DU LOGS BRIS RNAMS GZIGS PA DANG DUS MNYAM DU RLUNG BSIR BU ZHIG SKU LA REG PAS RKYEN BYAS, ,SMRA MI SHES PA'I DGA' BA DANG DAD BA CHEN PO ZHIG 'KHRUNGS NAS, DA NI GRVA TSANG 'DI KHA RANG DU SLOB GNYER BYED SNYAM BA BYUNG NAS BYES GRVA TSANG DU ZHUGS ,BYES PA BLA MA NGAG DBANG RGYA MTSO YONGS 'DZIN DU BSTEN NAS THOG MAR RIGS PA'I SGO 'BYED BSDUS GRA

RNAMS RTZI BA LA ZHUGS PAS TSEGS MED PAR MKHYEN TE YUN RING BOR SBYANGS PA'I MKHAS BA DAG DANG BGRO GLENG BYAS BA NA DRI MA MED PA'I RIGS PA'I NGA ROS MKHAS PA DAG DPA' ZHUM BAR MDZAD PAS MKHAS PA DAG NGO MTSAR DU GYUR NAS 'DI NI GRVA SA GZHAN DU SBYANGS ZIN PA ZHIG YIN PA'AM, YANG NA SA THOB PA ZHIG YIN PAR NGES SO ZHES GLENG BAR BYED DO, ,DE NAS DGUNG LO BCU DRUG GI DUS PHAR PHYIN GYI GZHUNG LA SBYANGS TE LO GNYIS KYI RING LA PHAR PHYIN LA MKHAS PAR GYUR TE DGUNG LO BCU BDUN PA LA RIGS CHUNG TSOGS LANGS MDZAD PAS MKHAS PA THAMS CAD NGO MTSAR BA'I GNAS SU GYUR, LO DE'I STON DUS SER RTZER RJE SGRUB KHANG BA MJAL BAR PHEBS BAS RJE SGRUB KHANG BA'I ZHABS PHYIR BLA MA RIN PO CHE 'DI PA'I KHU BO DKA' BCU SKAL LDAN ZER BA ZHIG BZHUGS PAS DES SANG NYIN SEMS BSKYED MCHOD PA YIN PAS ME TOG GANG 'BYOR NYOS LA SANG NYIN SNGA BAR SHOG CES ZHAL TA GNANG BA BZHIN BLA MA RIN PO CHES KYANG DE BZHIN MDZAD NAS SANG NYIN ME TOG MANG PO BSNAMS NAS SGRUB KHANG DU PHEBS TE LAM KHRID GSAN GRUB PA'I DGE SLONG MANG PO DANG LHAN CIG SEMS BSKYED ZHU BAR MDZAD, CHOS GROL NAS RJE SGRUB KHANG PA CHEN PO MJAL BAR PHEBS PAS RJE SGRUB KHANG PA CHEN POS BKA' 'DRI ZHIB TU GNANG NAS GZHON NU 'DI LTA BU NAS BYANG CHUB SEMS DPA' BYED THUB PA SHIN TU LEGS GZHUNG CHEN MO RNAMS LA SLOB SBYONG 'GRUS PAR GYIS SKABS SKABS SU 'DIR SHOG, NGED NAS NYAMS LEN LAS BRTZAMS PA'I BSLAB BYA BYED CES DGYES PA'I GSUNG BYON,

, ,DE NAS KHU BO DKA' BCU PA'I SAR PHEBS BAS, DKA' BCU PAS, KHYOD KYIS DE RING BLA MAS GSUNGS PA RNAMS NGES SAM GSUNG, DES BYUNG LAGS ZHES ZHUS PA NA, DKA' BCU PAS, 'O NA SKYOR DANG GSUNG BAR BLA MA RIN PO CHE 'DI LAS RJE SGRUB KHANG PAS GANG GSUNGS PA THAMS CAD CHAD LHAG MED PAR BSKYAR BAS DKA' BCU PA CHES NGO MTSAR TE KHYOD NI BAG CHAGS BZANG PO ZHIG 'DUG CES GSUNG, DE NAS SA RAR THUGS GNYER MDZAD BZHIN PA'I MUR DGUNG LO BCO BRGYAD LA BAB PA'I TSE BLA MA RIN PO CHE 'DI BAS MKHAR RDO DPON SLOB RIN PO CHE 'OL KHA NAS SKYID SHOD DU PHEBS TE, LHA SA NAG TSANG BYANG DU TSOGS MCHOD KYI DUS SLAB MA'I TSOGS DU MA LA BYANG CHUB LAM GYI RIM PA'I KHRID PAn CHEN CHOS KYI RGYAL PO BLO BZANG CHOS KYI RGYAL MTSAN DPAL BZANG PO'I MAN NGAG DAM PA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI STENG NAS STZAL BA GSAN PAR PHEBS PAS LAM GYI NGO BO DANG, GRANGS DANG, GO RIM DANG, DBYE BA, SO SO'I DON RNAMS LA NGES PA GTING TSUGS PA 'KHRUNGS TE, RGYU 'BRAS MAN NGAG BDUN GYI DANG PO MAR SHES KYI SKABS NAS 'BYUNG BA LTAR DE PHYIN CHAD NAS BZUNG STE SEMS CAN GZIGS SO COG LA 'DI NI BDAG GI DRIN CAN GYI MA'O SNYAM DU 'BANG MED DU THUGS LA 'CHAR BA ZHIG BYUNG BA 'DI NI GZHAN GYIS YI RANG BA TZAM YANG BYA BAR DKA' BA'I GNAS RNAMS LA MYONG BA

MTHAR PHYIN PHA MNGON DU MDZAD PA'O, ,BLA MA RIN PO CHE 'DI BAS LAM RIM GSOL 'DEBS GRAS SU, ,BLO BZANG RGYAL BA'I RIN PO CHEN GZHUNG LUGS LA, ,'DOD DGUR SPYOD PA'I RLABS CHEN SNYING STOBS CAN, ,BZOD PA'I GO CHA RGYA MTSO LEGS BGOS PA'I,, SGOM CHUNG RI KHROD DBANG POR GSOL BA 'DEBS, ,ZHES NGES PAR 'JUG PAR MDZAD KYIN YOD PA SKU NA PHRA MO'I DUS DE SKABS MKHAR RDO MKHAN PO 'DI PAS BDE LAM GYI KHRID GNANG BA DE THUGS LA SHIN TU 'PHROD PA ZHIG BYUNG BAS DE LTAR MDZAD PA YIN GYI BRGYUD RIM LA MED MI RUNG MIN TE, PAn CHEN BLO BZANG CHOS KYI RGYAL MTSAN GYIS DRUNG PA RTA PHUG PA, DES RJE SGRUB KHANG PA, DES BLA MA RIN PO CHE 'DI PA LA GNANG BA YONGS SU GRAGS PA LTAR RO, ,DE NAS RJE SGRUB KHANG PA CHEN POR RIGS GSUM SPYI SGRUB KYI BLA MA'I RNAL 'BYOR GYI KHRID NYIN GSUM GYI RING ZHU BAR MDZAD DE, DUS DE NAS BZUNG BLA MA'I RNAL 'BYOR 'DI 'CHAG MED MDZAD CING ,LHAG PAR GROGS DPAL 'BYOR GRAGS PA DANG BSDEBS NAS RA KHA BRAG TU DGUN THOG GCIG RIGS GSUM SPYI SGRUB KYI BLA MA'I RNAL 'BYOR SKYONG ZHING BZHUGS, DE SKABS RA KHA BRAG GI SGRUB SDE MA CHAGS PAS GNYIS KAS PHUG BA RE BZUNG NAS SO SOR BZHUGS, BLA MA RIN PO CHE 'DI PAS THUN DNGOS GZHI LA RJE BTZUN 'JAM PA'I DBYANGS KYI RNAL 'BYOR SNGON DU BTANG STE RIGS GSUM SPYI SGRUB KYI BLA MA'I RNAL 'BYOR BSGOMS NAS DMIGS BRTZE MA GANG 'GRUB DANG, THUN MTSAMS SKU LTUNG BSHAGS SUM CU SO LNGA RE DANG BRKYANG PHYAG SBRAGS PA'I BSAG SBYANGS LA

, ,'BAD PAS SKU LA BYED KYI GZUNGS NAS JI LTAR BSHAD PA LTAR GYI LAS SGRIB DAG PA'I MTSAN MA BRTAN BO THOB CING, LHAG BAR NUB CIG PHYAG TU RAL GRI ZHIG BYUNG BA BSNAMS TE NAM MKHA' LA 'PHUR BA'I MTSAN LTAS SHIN TU GSAL BA BYUNG, BLA MA RIN PO CHE RANG YON TAN SBA BA GTZO BOR MDZAD PAS 'DI TZAM LAS MI GSUNG MOD, DON DU NA RJE BTZUN 'JAM PA'I DBYANGS DANG RJE RIN PO CHE'I SKU DANG GSUNG GI SNANG BA BYUNG BAR NGES SO, ,DE NAS CHOS RAB TU RNAM 'BYED KYI SHES RAB CHES CHER RGYAS TE BSHES GNYEN LA DAD PA NAS ZHI LHAG GI BAR LAM GYI NGO BO DANG GRANG NGES GO RIM RNAMS LA NGES BA BRTAN PO RNYED CING, NGES 'BYUNG DANG BYANG CHUB KYI SEMS DANG YANG DAG PA'I LTA BA RNAMS LA MYONG BA PHUL PHYIN THON, DE SKABS 'TSO BA DKA' THUB LA GNAS PAS NYIN RE'I GSOL ZAS TZAM YANG MED KYANG 'KHOR BA'I PHUN TSOGS GANG LA YANG YID SMON NAM YANG MI SKYE, 'KHOR BA'I PHUN TSOGS GANG DANG GANG MTHONG TZAM GYIS 'JIGS SKRAG ZHEN LOG NGANG GIS SKYE BA ZHIG BYUNG, SKU MTSAMS GROL NAS SE RAR PHEBS DUS LO GSAR GYI SKABS YIN PAS KHANG TSAN GYI GRVA BA RNAMS LO GSAR GYI DGA' STON YIN ZER NAS BZA' BTUNG SNA TSOGS BYED CING RAB TU BYUNG BA'I RTAGS CHA LUGS TZAM YANG TSUL MTHUN MI 'DZIN PAR PHAN TSUN RTZED 'JO BYED CING, HA HA HU HU ZER NAS DGA' DGA' SKYID SKYID LTAR BYED PA RNAMS GZIGS BA

NA, DE RING RANG YANG MI 'CHI BA'I GDENG MED CING GAR 'GRO'I GTOL MED PAR 'DI 'DRA BYED PHOD PA MI 'DI DAG NGES BAR SMYO BA YIN PAR 'DUG SNYAM PA BCOS MIN DU 'CHAR ZHING, DE'I RING LA SPYAN CHAB RGYUN MI 'CHAD DU 'BAB PA THABS CI BYAS KYANG CHAD MI THUB PA ZHIG BYUNG GSUNG, DE KHA'I MUR RGYAL PO LHA BZAS KYIS SDE SRID RIN PO CHE BCOM STE GRONG SMAD KYI DNGOS CHAS RNAMS SOG PO'I GRVA PA RNAMS LA BYIN TE GRVA PA RNAMS HAB THOB BYED PA GZIGS PA NA SKYO ZHING YID 'BYUNG BA CHES CHER 'PHEL TE PHA PHA 'DI 'DRA BYED PHOD PA SNYAM DU SPYAN CHAB RGYUN MI 'CHAD PA NYIN MTSAN KHOR YUG TU BYUNG BAS SKU GZUGS KYI ZUNGS KYANG SHIN TU NGAN PA BYUNG GSUNG, TSUL 'DI LA RGYAL BA'I GSUNG RAB DANG SHING RTA CHEN PO'I GZHUNG GI DON LA 'DRIS PA SNGON BYON DAM PA'I RNAM THAR GYI RGYUS YOD PA DAG GIS BLTAS NA DBAG PAR DKA' BA'I RNAM THAR YIN TE MYUR DU 'CHI BA'I TSUL LA MYONG BA THON NAS TSE 'DI LA MA CHAGS PAR PHYI MA DON GNYER GYI BSAM PA BCOS MIN SKYE BA'ANG SHIN TU DKA' NA SRID PA'I PHUN TSOGS LA ZHEN PA GTING NAS LOG PA'I NGES 'BYUNG SKYE DKA' BA DANG, NGES 'BYUNG DE LTAR SKYES NA NGO MTSAR BA'I GNAS YIN PA LTA CI SMOS, STON PA THUGS RJE CAN DES DGE SLONG RNAMS LA GSER DNGUL LA REG PA TZAM YANG MI RUNG BA SOGS 'DUL BA'I BCAS PA JI SNYED CIG MDZAD PA THAMS CAD 'DI 'DRA BA'I NGES 'BYUNG BCOS MIN SKYE BA'I THABS SU MDZAD

, ,PA YIN PAS NA BLO GROS DANG LDAN BA RNAMS KYIS BLA MA RIN PO CHE 'DI'I MDZAD PA RNAM THAR 'DI 'DRA BA LA YID SMON DU BYA'O, ,DE NAS SNGAR LTAR GZHUNG LUGS LA SBYONG BA DAD BSAG SBYANG LA 'BAD BA LTAR DANG, BLA MA DANG LHAG PA'I LHA LA GSOL BA 'DEBS PA RNAMS LA BRTZON PAR MDZAD CING, CHOS GRVA'I SKABS NYIN GCIG GI 'TSO BA'I MTHUN RGYEN TZAM YANG MED KYANG TSOGS KYI MANG JA TZAM LA BRTAN TE SNGA CHOS DGONG CHOS 'CHAG MED DANG, DE'I BAR RNAMS SU GZHUNG GI 'DZIN SKYOR DANG BSAG SBYANG LA BRTZON PAR MDZAD, DE'I TSEN BZA' HRUL LA 'TSO CHAS SHIN TU BKREN PAS MTHANG GOS HRAL HRUL DU GYUR TE PUS MO SNGO HRENG HRENG BA KUN GYIS MTHONG BA DANG, ZLA GAM HRAL HRUL DU GYUR TE TSOGS SU DGE 'DUN RNAMS MANG JA LA GSOL BA BZHES PA'I CHE GSOL ZHIB YONG RGYU'I KHUL GYIS ZLA GAM GYIS GDONG BTUMS KYANG G-YAS G-YON THAMS CAD RAL PA'I SKAR KHUNG DU GYUR TE SBA MI THUB PAR KUN GYIS MTHONG BA ZHIG BYUNG BAS TSE 'DI'I SNANG SHAS CAN DAG NI TSUL 'DI MTHONG BAS YA NGA ZHING SNYING RJE'I GNAS SU BYED PA DANG, SKYE BO DAM PA RNAMS NI NGO MTSAR BA'I GNAS SU BYAD BA ZHIG BYUNG NGO, ,DE 'DRA BA'I 'CHO CHAS BKREN PA'I SKABS SU'ANG 'BYOR BA CAN DAG GZIGS PA NA YID SMON MI SKYE BAR MA ZAD LHAG PAR SNYING RJE SKYE ZHING RE SHIG GZHUNG LUGS CHEN MO 'DI RNAMS LA

SBYANGS LA NAM ZHIG NA DBEN PA'I GNAS SU 'TSO BA DKA' THUB LA GNAS NAS LAM CHA TSANG LA SGRUB PA BYED PA ZHIG NAM 'ONG SNYAM PA 'BA' ZHIG THUGS LA BRNAGS SHING DON DE LTAR DU YANG DANG YANG DU SMON LAM 'DEBS PAR MDZAD DO, ,DE LTAR PAR PHYIN LA SBYOD BA'I TSE PHAR PHYIN GYI SPYI DON DANG MTHA' DPYOD, ZUR BKOL BZHI YONGS RDZOGS THUGS LA BZUNG STE DGE 'DUN TSOGS PA'I DBUS SU SKYOR BA'I TSOGS BSOG KYANG MDZAD ,DE NAS BYES PA BLA MAS GLING BSRE'I GRVA SKOR MDZOD CES GSUNGS BA NA RJE GRUB PA'I DBANG PHYUG DGE LEGS RGYA MTSO'I ZHABS DRUNG DU PHEBS NAS GRVA SKOR BYED NA, DE'I TSE BSHAD PA GANG LA BYED ZHUS PAS SGRUB KHANG PA CHEN POS 'JAM DPAL ZHAL LUNG BZUNG NAS BSHAD PA BYAS NA SLAR GZHAN LA KHRID GTONG BA LA KHYAD CHEN PO 'OD ZHES MA 'ONGS LUNG BSTAN DANG BCAS GSUNGS ,DE NAS BLA MA RIN PO CHE 'DI BAS RJE SGRUB KHANG PA'I BKA' LTAR 'JAM DPAL ZHAL LUNG YONGS RDZOGS THUGS LA BZUNG STE DGUNG LO NYI SHU RTZA GCIG PA CHU PHO RTA'I LO SE RAR GLING BSRE'I GRVA SKOR MDZAD PAS BSHAD PAS BSTAN PA'I MIG RGYAN LA PHAN PA DANG, DRI MA MED PA RIGS PA'I NGA ROS MKHAS PA MTHA' DAG GI YID 'PHROG PAR MDZAD, GLING BSRE'I GRVA SKOR GRUB NAS RJE SGRUB KHANG PA PHUR BU LCOG TU BZHUGS PA'I SKU MDUN DU MJAL BAR PHEBS PAS SGRUB KHANG PA CHEN POS SGRUB KHANG DU 'GRO BAS KHYOD RANG 'DI KHYER SHOG GSUNGS NAS

, ,GCI BAS GANG BA'I SGYE MO SHIN TU LCI BA ZHIG BSKUR BAR MDZAD PA NA, BLA MA RIN PO CHE 'DI BA DA SKABS DKA' BCU'I GRVA SKOR GRUB PAS SE RAR MKHAS PA'I GRAGS BA CHE BA YOD KYANG MKHAS PA'I BSNYEMS BA MAD PAR BLA MA'I ZHABS TOG TU SHI YANG SKAL BA BZANG SNYAM DU SPRO BA CHEN POS SHING KHUR CHEN PO DE BSNAMS TE SER RTZER PHEBS PAS RJE SGRUB KHANG PA CHEN PO SHIN TU MNYAS NAS KHONG RANG GIS SNGAR THUGS GNYER MDZAD LUGS, BLA MA RTA PHUG PA BSTEN LUGS, DE NAS DKA' SPYAD SNYING RUS KYIS SGRUB PA MDZAD LUGS RNAMS GSUNGS NAS KHYOD RANG YANG DE 'DRA ZHIG YOD BA BYED DGOS GSUNG ZHING DA KHYOD RANG CHOS YAGS BO ZHIG BYAS NA 'ONG GSUNG BAR BLA MA RIN PO CHE 'DI PAS CHOS YAGS PO JI LTAR BYED DGOS ZHUS PAR, RJE SGRUB KHANG PAS, CHOS RNAM DAG CIG BYED NA RI KHROD LA 'GRO DGOS, DE KHYOD KYIS YONG MI YONG RJE BTZUN MI LA LA ZHU'O GSUNGS NAS RJE BTZUN GYI RNAM MGUR LA CHOS MO LAN GSUM MDZAD SOD BAS BZANG PO SHA STAG BAB PAS RJE SGRUB KHANG BA SHIN TU MNYES, BLA MA RIN PO CHE 'DI PA'ANG DAD CING SBRO BAR GYUR NAS RJE SGRUB KHANG BA CHEN PO'I ZHABS LA SPYI BOS GTUGS TE, 'JIG RTEN 'JIG RTEN 'DAS PA'I DGE LEGS KYI, ,YON TAN KUN GYI RTZA BA DRIN CAN RJE, ,YID LA DRAN PA TZAM GYIS DUS KUN TU, ,MOS GUS RTZOL MED SKYE BAR BYIN GYIS RLOBS, ,ZHES SOGS LAM GTZO'I SMON LAM YONGS RDZOGS 'DEBS PAR MDZAD DO, ,DE NAS

BLA MA RIN PO CHE 'DI PA DGUNG LO NYER GSUM LA BAB PA NA PAn CHEN THAMS CAD MKHYEN PA CHEN PO RJE BTZUN BLO BZANG YE SHES DPAL BZANG PO LA BSNYEN RDZOGS KYI SDOM PA ZHU BAR BZHED NAS KHRES PO BSNAMS NAS BKRA SHIS LHUN POR PHEBS, PAn CHEN THAMS CAD MKHYEN PA CHEN PO LA BSNYEN RDZOGS KYI GSOL BA BTAB PA NA DGYES BZHIN ZHAL GYIS BZHES TE BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU BDE LDAN ZHING GI MGON PA DUR SMRIG GAR GYI RNAM PAR ROL PA GANGS RI'I KHROD KYI 'DUL 'DZIN THAMS CAD KYI GTZUG GI NOR BU PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG POS MKHAN PO DANG, YONGS 'DZIN BSOD NAMS GRAGS PAS GSANG STON MDZAD DE KHA SKONG GI DGE 'DUN GRANGS TSANG BA'I DBUS SU BSNYEN PAR RDZOGS PA'I SDOM PA BZHES TE THUB PA'I RGYAL TSAB CHEN POR GYUR TO, ,DE NAS DBUS SU PHEBS TE DBU MA DANG 'DUL BA DANG MDZOD RNAMS LA'ANG SBYANGS BA MTHAR PHYIN PAR MDZAD NAS DGUNG LO NYER LNGA'I LO LHA LDAN CHO 'PHRUL SMON LAM CHEN MO'I DUS SU DKA' BZHI'I GRVA SKOR MDZAD DE 'JAM MGON BLA MA TZONG KHANG PA CHEN PO'I MDZAD PA RNAM THAR RJES SU BSKYANGS, GRVA SKOR GYI SKABS SU'ANG RJE SGRUB KHANG PA'I ZHAL GDAMS THUGS LA BZHAG NAS PHYIR BRGOL SU LA'ANG MTSANG 'BRU BA DANG, SKYON BRJOD PA'I TSIG RTZUB PHRA MO'ANG MA GSUNGS SHING, TSIG LA MI RTON DON LA RTON TE BSTAN BCOS GANG DANG GANG YIN PA DE DANG DE'I BRJOD BYA BA'I DON THAMS

, ,CAD RANG GI RGYUD 'DUL BA'I THABS SHA STAG TU 'KHYER BA'I TSUL GO BAR BYED PA DANG, RGYAN DRUG MCHOG GNYIS KYI GZHUNG NAS JI LTAR 'BYUNG BA LTAR DAM BCA' GANG DANG GANG BZHAG PA DE DANG DE LA 'GAL BA DANG MA NGES PA DANG, MA GRUB PA'I SKYON PHRA MO'ANG MED CING BZLOS BUR SMRA BA'ANG MED PAR BSGRUB BYA'I DON TSUL GSUM PA'I RTAGS KYIS SGRUB BA'I DRI MA MED PA'I RIGS BA'I NGA RO RGYA CHER BSGRAGS PAS GZU BOR GNAS PA'I MKHAS PA MTHA' DAG GZHAN DU LO MANG POR THOS PA BYAS PA LAS BLA MA RIN PO CHE 'DI PA'I RIGS PA'I RNAM 'GYUR LAN CIG MTHONG BA DANG THOS PA DON CHE'O, ,ZHES SMRA BAS SNYAN PA'I GRAGS PAS SA'I STENG KHYAB PAR GYUR TO, ,GRVA SKOR GRUB 'PHRAL RJE SGRUB KHANG PA MJAL DU PHEBS PAS RJE SGRUB KHANG PAS SEMS BSKYED CIG GNANG BA DANG THUG STE BLA MA RIN PO CHE 'DI BAS DA NI SROG LA BAB KYANG SANGS RGYAS MA THOB KYI BAR DU BYANG CHUB KYI SEMS MI GTAD NGO SNYAM DU DAM BCA' BRTAN PO MDZAD, TSUL 'DI LA BLA MA RIN PO CHE NYID KYI ZHAL NAS DA DUS SEMS BSKYED KYI DAM BCA' BRTAN PO DE 'DRA BYAS PA YIN, SEMS BSKYED KYI BSLAB BYA RGYA CHE, BSLAB BYA LAS 'DAS PA'I NYES PA GRANGS MANG BAS NYES PA DE 'DRAS DMYAL BAR LHUNG YANG SNGON THOG MA MED PA NAS LAS NGAN 'BA' ZHIG BSAGS TE DMYAL BA'I SDUG BSNGAL BRGYUD MAR MYONG BA'I RTZIS BTANG NA DA RES SEMS BSKYED KYI BSLAB BYA LAS 'DAS PA'I NYES PAS DMYAL BAR SKYE DGOS BYUNG YANG BZOD, DON MED DU

LAS NGAN BSAGS PA'I RTZIS BTANG NA THEG CHEN GYI CHOS SGRUB PA'I PHYIR DU SDUG BSNGAL CI MYONG DGOS BYUNG YANG SKAL BZANG GSUNG BA THOS PAS TSUL 'DI YANG DPAG PAR DKA' BA'I RNAM PAR THAR PA ZHIG STE, DENG SANG SNYIGS MA LNGA CHES CHER BDO BAS SANGS RGYAS KYI BSTAN PA NYAMS PA LA PHYOGS SHING, LHAG PAR THEG PA CHEN PO MING TZAM YANG NUB PA LA PHYOGS PA'I SKABS 'DIR RGYAL SRAS KYI SNYING STOBS RLABS PO CHE 'DI 'DRA BA MDZAD PA'I RNAM THAR NI BLO CHEN DAG KYANG RJES SU YI RANG ZHING SMON LAM GDAB PA'I GNAS SO, ,DE NAS BLA MA RIN PO CHE 'DI PAS RJE SGRUB KHANG PA LA BDAG BLA MA'I ZHABS DRUNG DU RI KHROD DU BSDAD CHOG PA DGOS ZHES ZHU BAR MDZAD PAS, LAN DU RJE GRUB PA'I DBANG PHYUG GIS PHYAG BRIS SHIG STZAL 'DUG PA'I NANG NA, 'O DANG POR GAL CHE BA PHA YUL DANG GNYEN BSHES BLOS DOR, BAR DU GAL CHE BA RGYUD DANG RI KHROD GANG RIGS SHIG TU THOS BSAM GTZO BOR THON, MTHA' MAR GAL CHE BA CHE DANG SGRUB PA MNYAM BAR BYA BA THEG PA CHEN PO'I LAM GYI RTZA BA TSUGS PA'I SGRUB PA SNYING POR MDZOD MDZOD GSUNG BA PHYAG BRIS SU GNANG, BLA MA RIN PO CHE 'DI PA NI RJE SGRUB KHANG PA LA SANGS RGYAS DNGOS KYI 'DU SHES BCOS MA MIN PA YOD PAS GANG GSUNGS TSAD MAR 'DZIN PAR MDZAD DE 'PHRAL DU RI KHROD DU PHEBS BAR THAG BCAD, DE YANG SPYOD 'JUG LAS, NAGS NA RI DVAGS BYA RNAMS DANG, ,SHING RNAMS MI SNYAN BRJOD MI BYED, ,'GROGS NA BDE BDE DAG DANG, ,NAM ZHIG LHAG CIG BDAG GNAS 'GYUR, ,PHUG GAM LHA KHANG STONG

, ,BA'AM, ,LJON SHING DRUNG DU GNAS BCAS TE, ,NAM ZHIG RGYAB TU MI LTA ZHING, ,CHAGS BA MED PAR 'GYUR ZHIG GU, ,SA PHYOGS BDAG GIR BZUNG MED PA, ,RANG BZHIN GYIS NI YANGS RNAMS SU, ,RANG DBANG SPYOD CING CHAGS MED PAR, ,NAM ZHIG BDAG NI GNAS PAR 'GYUR, ,LHUNG BZED LA SOGS NYI TSE DANG, ,KUN LA MI MKHO'I GOS 'CHANG ZHING, ,LUS 'DI SBA BA MA BYAS KYANG, ,'JIGS MED GNAS PA NAM ZHIG 'GYUR, , DUR KHROD SONG NAS GZHAN DAG GI, ,RUS GONG DAG DANG BDAG GI LUS, ,'JIG PA'I CHOS CAN DAG TU NI, ,NAM ZHIG 'GO SNYOMS BYED PAR 'GYUR, ,ZHES DANG, DE LTAR 'DOD LA SKYO BYAS TE, ,DBEN PA LA NI DGA' BA SKYED, ,RTZOD DANG NYON MONGS KYIS STONG PA, ,ZHI BA'I NAGS KYI NANG DAG TU, ,SKAL LDAN ZLA 'OD TZAN DAN GYIS BSIL BA'I, ,YANGS PA'I RDO LEB KHANG BZANG NYAMS DGA' BAR, ,DGRA MED ZHI BA'I NAGS KLUNG G-YO BA YIS, ,GZHAN LA PHAN DON SEMS SHING 'CHAG PAR BYED, ,KHANG STONG SHING DRUNG PHUG DAG TU, ,GANG DU JI SRID 'DOD GNAS SHING, ,YONGS 'DZIN BSRUNG BA'I SDUG BSNGAL SPANGS, ,LTOS PA MED PAR BAG YANGS SPYOD, ,RANG DBANG SPYOD CING CHAGS MED LA,, GANG DANG YANG NI 'BREL MED PA, ,CHOG SHES BDE SPYOD GANG YIN PA, ,DBANG POS KYANG NI DE RNYED DKA', ,ZHES GSUNGS PA LTAR DBEN PA'I YON TAN GYIS THUGS YID LEGS PAR 'PHROGS NAS RJE SGRUB KHANG PA CHEN PO LA SKYID RUNG SDUG

RUNG BA LA BLA MA MIN BA BLO RTZE GTAD SA MED PAS 'DI KHAR BLA MA'I ZHABS LA GTUGS NAS BLAD CHOG BA DGOS ZHES NAN ZHUS MDZAD PAS, GRUB PA'I DBANG PHYUG CHEN PO DGE LEGS RGYA MTSO LEGS PAR DGYES NAS, DA 'O NA 'DI KHA RANG DU SNOD, KHRID SKYONG BAR BYED BA LA SPYIL BU RANG DBANG 'DUS PA ZHIG DGOS PA YIN PAS RTZIGS SHIG GSUNGS NAS DE'I MTHUN RKYEN PHRAN BU'ANG STZAL, DE NAS BLA MA RIN PO CHE 'DI PAS SGRUB KHANG BA'I BKA' LTAR PHUR BU LCOG TU RANG SHONG SPYIL BU ZHIG BZOS, BYES PA BLA MA LA DGONGS PA ZHUS TE TSE 'DI'I RNYED BKUR SNYAN GRAGS GANG LA'ANG CHAGS PA MED PAR PHUR BU LCOG TU RJE SGRUB KHANG PA'I ZHABS DRUNG DU PHEBS, PHEBS 'PHRAL LAM RIM DMAR KHRID BDE LAM GYI KHRID CIG GNANG BA GSAN, DE'I TSE SGRUB KHANG PA CHEN POS PHUR BU LCOG TU DGE SLONG BRGYAD GRVA ZHIG GI SGRUB SDE 'DZUGS PAR BZHED NAS, 'DU KHANG RUNG KHANG GZIM CHUNG RNAMS KYI ZHAL BKOD MDZAD PA NA BLA MA RIN PO CHE 'DI PAS SNGON RJE BTZUN MI LAS LHO BRAG MAR PA'I ZHABS DRUNG DU MKHAR LAS JI LTAR MDZAD PA DE KHO NA LTAR RANG NYID MKHAS PA CHEN PO YIN PA'I NGA RGYAL DANG RLOM PA PHRA MO'ANG MED PAR, BRAN KHOL LTAR DU SA RDO DANG CHU LEN BA SHING 'DREN PA 'JIM PA BSKYEL BA RTZIG PA RNAMS LA ZHAL BA BYED BA LHA BRIS PA'I LAG G-YOG TU TSON BSNUR BA DRES 'DAM BRDUNG BA SOGS SGO GSUM NGAL BA KHYAD DU BSAD NAS RUSON BA CHEN BOS BLA MA'I BKA' BZHIN SGRUB PAR MDZAD, DE NAS RJE SGRUB KHANG PA CHEN POS LAM KHRID 'JAM DPAL

, ,ZHAL LUNG GI KHRID RGYAS PA ZHIG DANG, BLO SBYONG DON BDUN MA'I KHRID RGYAS PA ZHIG GNANG, RJE SGRUB KHANG PA DE SNGAGS LA SHIN TU DAM DOG CHE BA YOD NA'ANG BLA MA RIN PO CHE 'DI PA GCIG PU LA RDO RJE 'JIGS BYED KYA SGRUB THABS ZA MA TOG GI LUNG DANG, BSKYED RDZOGS GYI MAN NGAG GNAD BSDUS SHIG GNANG STE, SGRUB PA MTHAR PHYIN PA ZHIG BYED PA LA LAS SGRIB SBYONG PHYIR YIG BRGYA 'BUM THER ZHIG DANG YI DAM RDO RJE 'JIGS BYED KYI BSNYEN PA TSED DU 'KHYOL BA ZHIG NGES PAR BYAD DGOS GSUNG BA LTAR BKA' BZHIN DU SGRUB PAR MDZAD, PHUR BU LCOG GI SGRUB SDE THOG MAR CHAGS SKABS BLA MA RIN PO CHE 'DI PAS DBU MDZAD DGE SLONG RNAMS KYIS DGONG MO'I CHA LA 'DU KHANG DU MANG JA MED KYANG 'TSOGS NAS BRKYANG PHYAG LNGA BRGYA TZAM RE BTZAL, LAM KHRID 'JAM DPAL ZHAL LUD CHAR RE SKYOR BA RGYUN RING POR MDZAD PAS SGRUB KHANG PA CHEN PO SHIN TU MNYES NAS NGA LAS KHYED TSO SNYING STOBS CHE BA BYUNG ZHES BSNGAGS BRJOD MDZAD, DE SKABS BLA MA RIN PO CHE 'DI PAR GSOL JA BZHES RGYU GTAN NAS MED PAR RI'I RTZVA ZHIG GI RTZA BA BRKOS NAS DE SKOL BA'I KHU BAS SKOM PA SEL BAR MDZAD PA SOGS DKA' THUB KHO NA MDZAD, BAR SKABS SHIG RDO RJE BRAG NA RJE RIN PO CHE'I GSUNG 'BUM GYI LUNG GNANG GI 'DUG ZER BA GSAN PAS RJE SGRUB KHANG PA CHEN BOR NGA YANG DER RJE'I GSUNG 'BUM GYI LUNG ZHIG ZHU BAR 'GRO 'DOD 'DUG PAS PHYIN NA AE YONG ZHUS PAR, SGRUB KHANG PA CHEN POS 'GRO 'DOD YOD NA SONGS

GSUNGS, DE LA BLA MA RIN PO CHE 'DI PAS RANG GI 'DOD PAR GANG YOD BYED RGYU MIN, PHYIN PA LEGS PA ZHIG YOD NA 'GRO, ,MI LAGS NA MI 'GRO GLO SNYING BRANG GSUM BLA MA RANG LA GTAD PA YIN, NGA RANG GI BSAM PA LA GANG SHAR ZHUS PA LAGS, ZHES ZHU BAR MDZAD PAS SGRUB KHANG PA CHEN PO MNYES NAS, 'ON SDOD, LAR DENG SANG THAMS CAD NYAMS LEN BYED BSAMS PA MED PAR MANG PO ZHIG THOS DGOS PA 'DUG, CHOS RNAM DAG CIG BYED NA LAM RIM 'DI LA SBYANGS ZHAS RANG GI SEMS 'DI KO BA MNYED MNYED BYED DGOS RGYU YIN, LAM RIM GYI STENG DU N'A RO CHOS DRUG GI KHRID CIG YIN NA NGES PAR THOB PAR BYED DGOS GSUNG, DE LA BLA MA RIN PO CHE 'DI PAS BKA' DRIN CHE ZHES ZHUS NAS BLA MA'I BKA' BZHIN MTSAMS BCAD DE YIG BRGYA 'BUM THER DANG, BRKYANG PHYAG 'BUM THER ZHIG BSAGS, LAM RIM RANG LA THUN BZHIR BCAD NAS LO MANG PO'I BAR DU BSGOMS TE MYONG BA THON PAR MDZAD, DE YANG DMIGS SKOR RE RE NAS DPYAD SGOM DANG 'JOG SGOM GNYIS KYI SGO NAS BSKYANGS TE RGYUD LA 'CHAR DKA' BA RNAMS LA DMIGS APHUG NAS BSGOMS, DE YANG DMYAL BA'I SDUG BSNGAL SGOM PA'I TSE GRANG DMYAL BA RNAMS LA SDUG BSNGAL JI LTAR YOD LTA BA'I PHYIR DGUN DGU 'DREN PA'I SKABS SU THO RANGS GCER BUR 'THON NAS KHANG PA'I PHYIR PHEBS TE SGROL MA GSUM BZHI RE'I RING GCER BUR BZHUGS PA NA GRANG BA'I NGAD KYIS LUS SGRIB NAS ZUG GZER CHER MI MNGAN, DE NAS NANG DU 'ONGS TE GOS BGOS TE YBZHUGS PA NA CHER 'DAR ZHING RUS,

, ,PA'I GTING LA ZUG GZER BZOD PAR DKA' BA BYUNG BA NA DE LAS BYE BA PHRAG BRGYA 'GYUR GYIS GRANG DMYAL GYI SDUG BSNGAL CHE BA YOD TSUL LA SAMS NAS RGYUD THOG TU BKAL TA MYONG BA THON PAR MDZAD, DE LTAR DMIGS SKOR RE RE NAS RGYUD LA SBYAR TE MYONG BA THON PAR MDZAD, SKABS SKABS SU RJE SGRUB KHANG PA MJAL NAS LAM RIM GYI KHRID DANG BLO SBYONG GI KHRID DANG GCOD KYI KHRID RNAMS GSAN ZHING YANG DANG YANG DU SEMS BSKYED ZHUS, GZHAN YANG MDO BSTAN BCOS KYI LUNG DANG MAN NGAG MANG DU GSAN, DE NAS BLA MA RIN PO CHE 'DI PA LA CHAB MDO NAS SKU MCHED RNAMS GDAN 'DREN DU YANG DANG YANG DU 'ONGS PA DANG, 'PHAGS PA LHAS KYANG 'BYON DGOS PA'I BKA' SHOG PHEBS PA BCAS MDZAD DKA' BAR BYUNG BA NA RJE SGRUB KHANG PA LA ZHUS PAS SGRUB KHANG BA CHEN POS KHYOD LAM RIM CHEN MO'I BSHAD LUNG ZHIG MA THOB PAR KHAMS SU 'GRO DGOS BYUNG NA PHANGS GSUNGS NAS SGRUB KHANG PA CHEN POS THUN PAR THUN BAR LA LAM RIM CHEN MO'I BSHAD LUNG SHOG BU KHA SHES RE GNANG STE LO GSUM LA LEGS PAR GRUB PAR MDZAD, DE NAS KYANG GDAN 'DREN YANG YANG BYUNG BSAD PHEBS DGOS RGYU AE YIN DGONGS PA BYUNG BA NA NYIN CIG TSOGS SU DGE SLONG RNAMS SGROL MA 'DON PA'I CHE THUGS BSAM LA KHAMS PHYOGS LA PHEBS DGOS BYUNG NA CI 'DRA 'OD DGONGS NAS BLA MA LA PHYAG DBANG DANG SKYABS 'JUG ZHUS TE SKU MDUN NAS PHYI 'GROS KYIS PHEBS NAS GZIM CHUNG GI PHYI ROL TU SON PA'I RNAM PA THUGS LA

MDZAD PA'I TSE THUGS SKYO NAS SNYING 'GAS PA CAM GYI TSOD 'ONG BAR SNANG ZHING, DE NAS KYANG RIM GYIS LAM SO SOR ZHUGS TE RI RE'I RTZER PHEBS PA'I RNAM PA MDZAD NAS PHA GI'I THAD DU BLA MA BZHUGS PA'I LUNG PA DANG BLA MA'I SKU'I RNAM PA'ANG 'DRA YOD SNYAM PA SOGS BSGOM PAR MDZAD PA NA SPYAN CHAB DBANG MED DU YONG GI NA 'DUG GSUNG, DE NAS NGA BLA MA 'DI 'DRA DANG BRAL NAS 'GRO THABS MI 'DUG SNYAM DU THAG BCAD NAS RGYAL BA 'PHAGS PA LHA LA DE LUGS KYI ZHU YIG BZOS, ZHU YIG DE LA SGRUB KHANG PA CHEN POS BDEN PA'I MTHU BRJOD PA'I SMON LAM DANG BYIN RLABS SHIG MDZAD NAS 'PHAGS PA LHAR PHUL BAS PHEBS MA DGOS, DE NAS SGRUB KHANG PA CHEN POS JO BO YAB SRAS KYI THUGS KYI BCUD PHYUNG BA'I MAN NGAG BKA' GDAMS THIG LE BCU DRUG GI DBANG DANG GDAMS NGAG RNAMS KYANG BLA MA RIN PO CHE 'DI PA DANG, SKAL LDAN GYI GDUL BYA GZHAN GCIG BCAS GNYIS LA GZIM CHUNG SBUG TU GSANG STABS KYIS DGYES BZHIN DU GNANG, BLA MA RIN PO CHE 'DI PAS DUS DE NAS BZUNG STE THIG LE BCU DRUG LA THUGS DAM GTZO BOR MDZAD CING, CHOS 'DI'I 'PHRIN LAS KYI BKA' BAB STE, DE'I TSUL NI 'OG TU STON NO, ,BAR SKABS SHIG STENG GDON GYI GNOD PA ZHIG BYUNG BA RJE SGRUB KHANG BA CHEN PO LA ZHUS PAS SGRUB KHANG PA CHEN POS PHYAG RDOR GYI RJES GNANG STZAL TE 'DI'I BSNYEN PA ZHIG GYIS GSUNG BAR, RGYUN GYI THUGS DAM RIGS GSUM SPYI SGRUB KYI BLA MA'I RNAL 'BYOR GYI SGO NAS RJE RIN PO CHE'I THUGS KAR PHYAG

, ,RDOR BSKYED NAS BZLAS PA MDZAD PAS STENG GDON GYI GNOD PA LAS GROL, RJE SGRUB KHANG BA CHEN POS TSE RABS GTAN GYI LHAG BA'I LHA RJE BTZUN SGROL MA DKAR MO LA BSNYEN SGRUB CIG BYAS NA LEGS PA 'DUG GSUNG BAR SGRUB KHANG PA CHEN POR SGROL DKAR GYI RJES GNANG ZHUS NAS ZLA BA GSUM GYI RING SGROL DKAR YID BZHIN 'KHOR LO'I BSNYEN SGRUB MDZAD PAS CHOS RAB TU RNAM 'BYED KYI SHES RAB CHES CHER RGYAS TE 'CHAD RTZOD RTZOM GSUM LA SPOBS PA THOGS MED DU GYUR NAS, DE GONG SGRA DANG SNYAN NGAG LA SBYONG BAR MA MDZAD KYANG, DUS DE NAS BZUNG MDO RGYUD GSUNG RAB KYI DGONGS 'GREL RTZOM PA DANG, SANGS RGYAS BYANG SEMS KYI BSTOD PA MDZAD PA SOGS RTZOM PA GANG MDZAD KYANG SPOBS PA THOGS PA MED CING, SNYAN NGAG GI RGYAN GYI NYAMS NGO MTSAR BA DAG RANG SHUGS KYIS 'BYUNG BA ZHIG BYUNG STE, TSUL DE NI BLA MA RIN PO CHE 'DI BA'I GSUNG RTZOM RNAMS BLTAS LAS GSAL LO, ,DE LTAR BLA MA RIN PO CHE 'DI PAS RJE SGRUB KHANG PA CHEN PO BSAM SBYOR GNYIS KYIS TSUL BZHIN DU BSTAN TE SROG GI PHYIR YANG BKA' BZHIN DU SGRUB PA LAS MI 'DA' BAR GTZO BOR BYANG CHUB LAM RIM GYI DMIGS RNAM BSKYANGS, DE'I GEGS SEL DANG MTHUN RKYEN BSGRUB PHYIR RGYAL KUN NGO BO RJE BTZUN TZONG KHA PA CHEN PO LA RTZE GCIG TU GSOL BA 'DEBS PA DANG, LHAG BA'I LHA RNAMS KYI BSNYEN SGRUB LA 'BAD PA DANG, DPAG PAR

DKA' BA'I BSAG SBYANG MDZAD PA DANG, ZAB LAM GCOD KYI RNAL 'BYOR SKYOD BAR BA SGRUB KHANG PA CHEN PO'I BKA' LTAR DPAL LDAN DMAG ZOR RGYAL MO'I BSNYEN SGRUB DANG RGYUN DU MCHOD GTOR 'CHAG MED MDZAD PA SOGS RGYU TSOGS CHAD PA'I NYAMS LEN LA CHU BO'I RGYUN BZHIN 'BAD PAS RGYU MTSANG BA MED BA LAS 'BRAS BU 'BYUNG BRTEN 'BREL GYI CHOS NYID YIN PAS BLA MA RIN PO CHE 'DI PA LA'ANG LAM GYI LUS YONGS SU RDZOGS PA LA MYONG BA PHUL DU PHYIN PA'I RTOGS PA 'KHRUNGS TE, BLA MA RIN PO CHE NYID KYI ZHAL NAS NGA CHUNG DU'I DUS RJE SGRUB KHANG PA LAS LAM RIM THOG MAR ZHUS TZAM NAS, GSUNG RAB KYI DON LA GO YUL RGYA CHEN PO RANG MED KYANG, BLO LA THAG CHOD SHIN TU CHE BA BYANG GSUNGS, DE YANG BSHES GNYEN BSTAN TSUL GYI SKABS BLA MA DAM PA'I BKA' BZHIN SGRUB PA SNYING POR BYED GOS PAR THAG CHOD, DAL 'BYOR GYI SKABS TSE THUNG 'DI LA CHOS RNAM DAG CIG BYED DGOS PAR THAG CHOD, SKYES BU CHUNG DU'I SKABS TSE 'DI BLOS GTANG DGOS PAR THAG CHOD, 'BRING GI SKABS 'KHOR BA'I PHUN TSOGS MTHA' DAG LA ZHEN PA GTING NAS LOG DGOS PAR THAG CHOD, CHEN BO'I SKABS BYANG CHUB TU SEMS BSKYED NAS CI BYED SEMS CAN GYI DON DU BYED CING TSOGS GNYIS ZUNG 'BREL DU SLOB DGOS PAR THAG CHOD PA'I BLO SKYES, RJES SU BSAMS KYANG THAG GCOD LUGS DE KHA RANG RENG GSUNG BA KHO BO RANG GIS DNGOS SU THAS BAS THOG MAR RJE SGRUB KHANG PA DANG

, ,MJAL TE LAM KHRID GSAN TZAM NYID NAS DE LTA BU'I THAG CHOD GDENG KHEL THUGS LA 'KHRUNGS SHING, DE NAS RJE RGYAL BA GNYIS BA'I SNYAN RGYUD GYI MAN NGAG DAM PA BYANG CHUB LAM GYI RIM PA LA BSHAD BA TZAM MA YIN PAR, RJE GRUB PA'I DBANG PHYUG GI GSUNG GI BDUD RTZI BZHIN MYONG BA THON NGES BAR DPYAD SGOM DANG 'JOG SGOM GNYIS BLA MA LHA LA GSOL BA 'DEBS PA'I GNAD DAM PA DANG BCAS TE NYAMS MYONG LA BKAR NAS BSGOM BAR MDZAD PAS, BSHES GNYEN DAM PA SANGS RGYAS DNGOS SU MTHONG PA, RANG GIS THOB PA'I DAL 'BYOR DON CHE ZHING RNYED DKA' BA, 'CHI BA MI RTAG PA, NGAN SONG GSUM GYI SDUG BSNGAL, DE LAS THAR BA'I THABS DKON MCHOG LA SKYABS 'GRO DANG SDIG SPONG DGE BA BSGRUB PA, MTHO RIS KYI BDE BA THOB KYANG SDUG BSNGAL GYI RANG BZHIN LAS MA 'DAS SHING MI BRTAN PA, DER 'KHOR BAR BYED PA'I RTZA BA 'JIG LTA LA SOGS PA'I NYON MONGS RNAMS YIN PA, DE SPONG BYED KYI THABS LAM BSLAB PA RIN PO CHE GSUM YIN PA, RANG NYID 'KHOR BA'I SDUG BSNGAL LAS 'GROL KYANG SEMS CAN GZHAN 'KHOR BA'I SDUG BSNGAL GYIS MNAR BA RNAMS DRIN CAN GYI MA SHA STAG YIN PAS DE RNAMS LA BYAMS PA DANG, SNYING RJE DANG, DRIN DU BZO BA DANG, BDAG GZHAN BRJE BA'I 'PHRUL KHYAD PAR CAN LA BRTEN NAS BYANG CHUB DAM PA SANGS RGYAS BCOM LDAN 'DAS KYI GO 'PHANG LA DMIGS PA'I SMON SEMS

DANG 'JUG SEMS KYI BLO'I STOBS YANG DAG PAR BSKYED NAS SBYIN SOGS PHA ROL TU PHYIN PA DRUG DANG, BSDUS RNAM BZHI LA LEGS PAR BLO SBYONG BA DANG, LUS SEMS SHIN SBYANGS DANG BCAS PA'I ZHIG NAS DANG, GNAS LUGS STONG PA NYID KYI DON LA DMIGS PA'I LHAG MTHONG RNAMS ZUNG DU 'BREL BA RNAMS LA RDO RJE THEG PA'I LAM GYIS BSNON MA BTAB NAS NYAMS SU LEN TSUL RNAMS RGYAL BA THUGS RJE DANG BKA' DRIN MTSUNGS PA'I ZLA THAMS CAD DANG BRAL BA SH'AKYA'I RGYAL PO'I GSUNG RAB KYI DGONGS DON RGYAL BA NYID KYIS RANG GI RGYAL TSAB DAM PAR DBANG BSKUR BA MI PHAM MGON PO DANG, SHING RTA CHEN PO RNAMS KYIS LEGS PAR BSHAD PA'I GDAMS PA'I CHU PO GCIG TU 'DRES PA DPAL LHA CIG 'DI PAm KA RA'I BSHAD SROL RJE RGYAL BA GNYIS PA YAB SRAS KYI GSUNG LAS 'BYUNG BZHIN DU THUGS RGYUD LA RTOGS PA'I YON TAN 'KHRUNGS TE, 'GO BSHES GNYEN BSTEN TSUL NAS 'BRAS BU ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS BA'I DMIGS SKOR DE DANG DE DAG GANG DANG GANG GI DON LA MNYAM PAR BZHAG PA'I TSE, MNYAM GZHAG GI DUS SU DE DANG DE'I GNAD KYI DON BCOS MA MA YIN PA'I TING NGE 'DZIN LA KHYUR GYIS 'GRO ZHING, RJES THOB TU YANG MNYAM GZHAG GI DMIGS PA DE'I STOBS KYIS YUL GANG SNANG THAMS CAD DNGOS GZHI'I DMIGS SKOR DE DANG DE'I GROGS SU 'GRO BA ZHIG BYUNG STE, BSHES GNYEN BSTEN TSUL LA BLA MA'I GZIM KHANG DANG, ZHABS PHYI DANG, ,GZIM KHANG DANG NYE BA'I BYA RI DVAGS CHUN CHAD

, ,KYANG BLA MA'I RNAM 'PHRUL YIN SNYAM PA BCOS MAN DU 'CHAR BA LTA BU DMIGS SKOR MTHA' DAG LA BYUNG STA, TSUL 'DI NI LAM GYI GNAD MKHYEN PA'I MKHAS PA RNAMS KYIS BRTAGS NA DPAG PAR DKA' BA'I RNAM BAR THAR PA YIN PAS BYANG CHUB LAM GYI RIM PA LA BLO SBYONG BAR 'DOD PA RNAMS KYIS BLA MA RIN PO CHE 'DI'I MDZAD PA RNAM THAR 'DI DAG BSAMS LA RJES SU BSLAB PAR BYA ZHING THA NA SMON LAM GYI YUL CHUN CHANG DU BYA'O, ,DE NAS RJE SGRUB KHANG PA CHEN PO ZHING BRJE BA'I SNGA LTAS MANG DU SHAR TE, MI RTAG PA'I GSUNG MANG DU 'BYON PA DANG, SGRUB GNAS RNAMS LAM 'ONGS PA NA JI LTAR BYA BA'I LUNG BSTAN MDZAD PA DANG, BLA MA RIN PO CHE 'DI PA DON GYIS RGYAL TSAB TU BSKO BAR MDZAD PA SOGS GANG SA NAS YUN RING MI BZHUGS PA'I RTAGS BSTAN PA NA, BLA MA RIN PO CHE 'DI PAS 'JIGS SAR SKYEL MAS BOR PA 'DRA BA ZHIG MYUR DU 'ONG BAR 'DUG SNYAM DU DGONGS NAS CHU PO 'BRUG GI LO'I NANG DU SEMS BSKYED MCHOD BA BYUNG RAS KYI GSUNG BSHAD RNAMS ZIN BRIS SU MDZAD DE, SGRUB KHANG RIN PO CHE ZHING GZHAN DU GSHEGS PA'I THUGS 'DUN CHER MNGON PA'I TSE, SNGAR ZIN BRIS SU MDZAD PA'I GDAMS DAG RNAMS RJE DRUB PA'I DBANG PHYUG CHEN POR SPYAN 'BEGS ZHU RGYU PHUL NAS, BLAMS LONG BA THANG SKYUR 'DI 'DRA ZHIG MDZAD PAR 'DUG ,DE DUS RANG GI SNYING LA BCANG RGYU BLA MA'I SKU TSAB CIG DGOS PAR 'DUG BSAMS NAS GSUNG 'GA' ZHIG ZIN BRIS SU 'TA' PA 'DI LA BLA MAS PHYAG GIS BYIN RLABS SHIG GNANG DGOS ZHES GDUNG SHUGS

DRAG POS GSOL 'DEBS DANG BCAS TE GZIGS 'BUL ZHU RGYU BSNYUN G-YOG TSUL KHRIMS RGYAL MTSAN LA 'CHOL BAR MDZAD BAS, BLA MAS DE NAS SHOG BU KHA SHAS SHIG LJAGS KLOG GNANG NAS MTHAR THUGS SMON RGYA CHER SCAL TE, PHYAG MTHE PONG KER NAS 'DI 'DRA MO BYUNG 'DUG GSUNG ZHING RAB 'BYAMS PA BYAMS PA KHO SNYING RJE PO RANG YIN, ZHES GSUNGS BA ZHIG BYUNG, DE DUS RJE SGRUB KHANG PA'I MNAL LAM DU BLA MA RIN PO CHE 'DI PA LA 'PHRIN LAS RGYA CHEN 'OD BA GSAL POR SHAR BA BYUNG STE SGRUB KHANG RIN PO CHE'I MNAL LAM DU RAB 'BYAMS PA BYAMS PA 'DI DA'I PANG DU BZHAG PAS KHO RANG SDOD PA LA MTSER BO BYED 'DUG, 'ON KYANG KHO BA'I BANG DU BSDAD MA THAG NYI MA SHAR BA LTA BU'I 'OD ZER 'PHROS PAS MUN PA THAMS CAD SANGS SHING NAM MKHA'I KHAMS THAMS CAD KHYAB SONG BA ZHIG BYUNG, 'DI LEGS PO ZHIG 'OD BA 'DUG GSUNG BA ZHIG BYUNG, BLA MA RIN PO CHE 'DI PA THEG CHEN BSTAN PA'I SROG SHING DU 'GYUR BAR MKHYEN NAS RJE SGRUB KHANG BAS MGON PO PHYAG DRUG PA'I RJES GNANG ZHIG BLA MA RIN PO CHE 'DI BA LA CHED MDAGS SU STZAL, DE NAS SGRUB KHANG PA ZHING GSHEGS NAS DGONGS RDZOGS RNAMS RJE SGRUB KHANG BA'I DGONGS PA LTAR BSGRUBS TE DGONGS BA YONGS SU RDZOGS PAR MDZAD, DE NAS BLA MA RIN PO CHE DGUNG LO SO GSUM DU PHEBS PA SHING PO RTA'I LO NAS 'PHRIN LAS KYIS THOG MAR BYE STE SKAL LDAN GYI GDUL BYA 'GA' RES GSOL BA BTAB PA LTAR BE'U BUM SBON PO'I LUNG SOGS CHOS BKA' CI RIGS STZAL, DA NAS SNYAN GRAGS RJE RGYAS

, ,SU SONG STE DGUNG LO SO DRUG TU PHEBS BA BYA LO'I NANG DU YONGS KYI DGE BA'I BSHES GNYEN DAM PA DGA' LDAN KHRI RIN PO CHE BLO BZANG DAR RGYAS KYI BKAS BSKUL NAS, KHRI CHEN BLO BZANG DAR RGYAS NYID KYI SKU TSA BSOD NAMS RAB BRTAN LA ZHAL LUNG GI KHRID GNANG DAGS PAR GSOL BA BTAB PAS, RJE BTZUN BLA MA DAM PA 'DI NYID KYIS RE SHIG SKU MTSAMS MDZAD NAS BRTAG PA ZHIG MDZAD DE, SKABS SU BAB PA'I MTSAN MA BRTAN PO GZIGS NAS ZHAL GYIS BZHAS PA'I ZHU 'PHRIN 'BUL BAR MDZAD PAS, KHRI RIN PO CHE NAS LAN DU KHO BO BDE MCHOG L'U AI BA'I BDAG 'JUG LEN PA'I GSANG DBANG GI SKABS SU 'PHRIN YIG 'BYOR BYUNG BA GSANG DBANG GSUNG GI BYIN RLABS YIN PAS NYID KYI KHRID 'GRO DON CHEN PO YOD PA'I BRTEN 'BREL 'GRIG ,DES NA DA LAM LAM KHRID SHIN TU NAS THONGS, 'ON KYANG DGOS ZER TSAD LA BTANG NA CHOS GTZIGS CHUNG DU 'GRO BAS LO RE LA KHRID ZLA BA LONGS PA'I THONGS, ZHES GSUNGS PAS 'TSAMS SBYAR NAS, BYA LO SA GA ZLA BA'I CHES BRGYAD NAS BZUNG STE DBON CHUNG BSOD NAMS RAB BRTAN, BLA MA DKON MCHOG RDO RJE GNYIS KYIS GTZO BYAS PA'I SKAL LDAN GYI GDUL BYA DGE 'DUN BZHI BCU SKOR LA DUS GSUM RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID RGYAS PAR STZAL ZHING RJE RGYAL BA GNYIS PA'I BSTAN PA RIN PO CHE MI NUB PA'I CHOS KYI RGYAL MTSAN BTZUGS, CHOS KYI RNGA BO CHE

BRDUNGS TE 'DZIN MA'I KHYON MA LUS CHOS KYI SGRA DBYANGS KYAS KHYAB PAR MDZAD, DE'I SEMS BSKYED MCHOD PA'I SKABS CHAR CHEN BO ZHIG BABS PAS BLA MA RIN PO CHE 'DI PAS SKU TSE RI LA POR CHOS KYI CHAR 'BEBS PA'I RTEN 'BREL LAGS PAR 'GRIG ,DE DUS JUN SGAR NAS HONG THA' JIS DPUNG CHEN BTEG NAS LHA BZANG KHANG BCOM STE BOD LJONGS KHA LO BSGYUR BA'I SKABS DE YIN, JUN SGAR GYI SOG PO RNAMS KYIS BLA MA RIN PO CHE 'DI'I SNYAN GRAGS THOS NAS JUN SGAR DU GDAN 'DREN PA'I BKOD PA MANG DU BYAS KYANG RA DVAGS LA SHA BYIN PA LTAR SRID PA'I PHUN TSOGS LA 'JIGS SHING SKRAG PAR MDZAD NAS 'BYON DU MA BZHED, TSUL 'DI YANG LAM GYI GNAD SHES PA RNAMS KYIS BLTAS NA NGO MTSAR BA'I RNAM THAR TE, STOBS KYI 'KHOR LOS BSGYUR BA'I RGYAL PO'I BSNYEN BKUR LA'ANG DGA' BAR MI MDZAD CING 'GO BA'I NAD DANG DUG LTAR DU SGREG BAR MDZAD NA BSNYEN BKUR NGAN NGON LA CHAGS PA'I GO SKABS GA LA YOD, DA LTA BDAG DANG BDAG 'DRA BA'I CHOS BYED PHAL MO CHE BSNYEN BKUR NGAN NGON RE YANG BLOS MI THONGS PAR KHA GSAG GZHOGS SLONG GIS LOG 'TSO SGRUB PA'I NGANG TSUL 'DI LTAR NA BLA MA RIN PO CHE 'DI PA'I MDZAD PA 'DI NI DENG SANG GI SKYE BO BLO CHUNG DAG GIS RJES SU YI RANG TZAM YANG BYA DKA' BA'I RNAM THAR RO ,DUS DE NAS BZUNG STE BLA MA RIN PO CHE 'DIS DPYID DUS 'JAM DPAL ZHAL LUNG GI KHRID DANG, STON DUS BDE LAM GYI KHRID RE

, ,PHAL CHER 'CHAG MED DU GNANG, THOG MAR PHUR BU LCOG GI DGE SLONG RNAMS KYI 'DU KHANG DU SHONG TZAM DANG, DE NAS JE 'PHEL DU SONG STE PHYI'I KHYAMS DANG BCAS PAR SHONG CAS DANG, DE NAS 'PHRIN LAS JE RGYAS SU SONG STE DGE 'DUN MANG DU 'DUS BAN BOD KYI SRID SKYONG MI DBANG BSOD NAMS STOBS RGYAS KYIS CHOS GRVA CHEN MO GSAR BSKRUN MDZAD DE LO SHAS DER SHONG TZAM DANG, DE NAS 'DZAM BU GLING GIS SA'I CHA THAMS CAD NAS LAM KHRID DON DU GNYER BA LHAGS PA NA DER YANG MA SHONG BAR CHOS GRVA CHEN MO'I LTAG TU GTZANG KHANG GTOD, MDOR SGO MANG BZOS TE KHYAMS CHEN PO GTOD NAS DGE 'DUN STONG PHRAG BRGAL BA LA LO LTAR DBYID DUS ZLA BA GSUM PA'I TSES BRGYAD NAS BZHI PA'I TSES BDUN GYI BAR LAM KHRID 'JAM DPAL ZHAL LUNG TSES BRGYAD NYIN SEMS BSKYED MCHOD PA, TSES DGU NAS BCU GNYIS BAR LA 'DOD CHOS CI RIGS, TSES BCU GSUM LA THUGS RJE CHEN PO'I DBANG CHEN NAM RJES GNANG GANG RIGS, BCU BZHI DANG BCO LNGA GNYIS LA SMYUNG GNAS SBYOR GUG ,TSES BCO BRGYAD BCU DGU TZAM NAS BLA MED KYI DBANG CHEN THOB PA SHA STAG LA BDE GSANG 'JIGS GSUM GYI BSKYED RDZOGS GANG RIGS RE, STON DUS ZLA BA BRGYAD PA'I TSES BCO BRGYAD NAS GNAM GANG GI BAR LA BDE LAM GYI KHRID TSAR RE BCAS LO LTAR 'CHAG MDAG NANG ZHING, LAM KHRID KYI SKABS GZHUNG SA NAS SBYIN BDAG MDZAD DE, NYIN RER MANG JA BDUN DANG THUG PA GNYIS RE SEMS BSKYED MCHOD

BA'I SKABS BLA MA RIN PO CHER BRTAN BZHUGS RNAMS 'CHAG MED MDZAD, DPON PO YAB SRAS 'DAS NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSOS LHAG PAR BSNGAGS 'OS GZENGS BSTONG DU MDZAD DE, STON DPYID LAM KHRID LA 'DUS PA'I DGE 'DUN RNAMS LA BSNYEN BKUR GONG 'PHEL DANG, SEMS BSKYED KYI THOG MGRON GNYER RE CHED GNANG GIS BLA MA RIN PO CHER MAndAL SKU GSUNG THUGS RTEN, NA BZA' CHA TSANG, DNGOS BO SPAM MTHOB BCAS LO LTAR STZAL, BLA MA RIN PO CHE 'DI PAS CHAB MDOR PHEBS PA'I SKABS DANG, BYANG RA SGRENG DU PHEBS PA'I SKABS DANG, GTZANG DU PHEBS PA'I SKABS 'GA' ZHIG MA GTOGS DGUNG LO SUM CU SO DRUG NAS DGUNG LO BRGYAD CUR PHEBS PA'I BAR LAN KHRID 'CHAG MED DU GNANG STE 'JAM MGON BSTAN PA'I SROG SHING BZUNG, MDO PHYOGS KYI BSTAN PA'I SROG SHING BZUNG BAR MA ZAD SNGAGS KYI BSTAN PA'I SROG SHING YANG 'DZIN PAR MDZAD DE, BLA MA RIN PO CHE 'DI THOG MAR CHAB MDOR BZHUGS SKABS RGYAL BA 'PHAGS PA LHA LA RDO RJE 'JIGS BYED BCU GSUM MA'I DBANG CHEN GSAN, DE NAS RJE SGRUB KHANG PA LA RDO RJE 'JIGS BYED KYI SGRUB THABS KYI LUNG DANG BSKYED RDZOGS GNYIS KYI MAN DAG GSAN, KHRI RIN PO CHE BLO BZANG DAR RGYAS LA GSANG BA 'DUS PA LUGS GNYIS KYI DBANG SOGS RDO RJE PHRENG BA YONGS RDZOGS DANG, ZUR BKA' DBANG RJES GNANG MANG DU GSAN, GRUB PA'I DBANG PHYUG DON YOD MKHAS GRUB LA GSANG BA 'DUS PA'I DBANG SOGS DBANG MANG PO

, ,DANG; GSANG BA 'DUS PA DANG RDO RJE 'JIGS BYED GNYIS KYI BSKYED RDZOGS KYI ZAB KHRID RGYAS PA DANG, RIM LDAGS LA SGRON GYI GZABS BSHAD SOGS BSNGAGS KYI CHOS MTHA' YAS PA GSAN, GRUB PA'I DBANG PHYUG 'JAM DPAL RGYA MTSO 'AM, MTSAN GZHAN 'JAM DBYANGS BDE BA'I RDO RJE LA BDE MCHOG L'U AI PA'I BSKYED RDZOGS GNYIS KA'I MYONG KHRID, N'A RO MKHA' SPYOD MA'I DBANG DANG BSKYED RDZOGS SOGS CHOS MANG DU GSAN, RGYUD SMAD MKHAN PO MKHAS SHING GRUB PA NGAG DBANG MCHOG LDAN LA 'GREL BA BZHI SBRAGS SOGS CHOS MANG DU GSAN, YER PA'I BLA MA MKHAS GRUB PHUN TSOGS RGYA MTSO LA DRIL BU LUGS KYI PHYI NANG GNYIS KA'I DBANG DANG, DRIL BU LUS DKYIL GYI BSKYED RIM DANG RDZOGS RIM LNGA'I KHRID RNAMS GSAN, BYA BRAL BLO BZANG RIN CHEN LA MKHAS GRUB RIN PO CHE NAS BRGYUD PA'I KYEE RDOR LHA DGU'I DBANG GSAN, BLA MA BSOD NAMS BZANG PO LA RJE RIN PO CHE'I GSUNG 'BUM PHAL CHE BA SOGS MDO SNGAGS KYI CHOS MANG DU GSAN TE, JI LTAR GSAN BA LTAR GSANG BDE 'JIGS GSUM SOGS SNGAR DBANG GSAN PA'I YI DAM RNAMS KYI BSNYEN SGRUB MTHAR PHYIN BA MDZAD, BSKYED RDZOGS KYI MAN NGAG RNAMS THUGS NYAMS SU BZHES TE NUS PA THON PAR MDZAD NAS SKAL BA DANG LDAN PA GZHAN DAG LA'ANG RGYA CHER SPEL BAS BLA MA RIN PO CHE 'DI NYID 'PHRIN LAS CHER 'PHEL TE SKAL BA DANG LDAN PA MANG PO LA BYANG CHUB LAM GYI RIM PA'I KHRID YANG YANG GNANG, BAR SKABS SHIG

GRUB PA'I DBANG PHYUG DON YOD MKHAS GRUB LA DPAL GSANG BA 'DUS PA'I BSKYED RDZOGS KYI KHRID RNAMS LEGS PAR GSAN, DE'I TSE GDUL BYA GZHAN DAG LA CHOS GANG SHES RGYUD LA SBYOR DGOS SO ZHES 'DOMS PA'I PHYIR RANG RGYUD LA BSKUL MA 'DEBS PA'I GSUNG MGUR YANG 'DI LTAR MDZAD DE, NA MO GU RU, PHUL BYUNG YON TAN DANG LDAN PAS, ,KUN GYI SPYI GTZUG GIS MCHOD KYANG, ,NYAM CHUNG LA LHAG PAR BRTZE BA'I, ,BLA MA LA SNYING NAS 'DUD DO, ,RANG NYID LA RANG GIS BRTZE NA; ;RANG SEMS LA RANG GIS GROS 'DEBS, ,RANG MTSANG LA RANG GIS RGOL BA'I, ,RANG TSIG 'DI RANG GIS GSAN DANG, ,SNGON MTHA' MI MNGON PA'I 'KHOR BAR, ,'KHOR BA'I BDE 'BYOR KUN SPYOD KYANG, ,SAMS LA TSIM BA ZHIG MA BYUNG, , MI BZOD SDUG BSNGAL KUN MYONG YANG, ,DA DUNG THAR 'DOD CIG MA SKYES, ,LUS RTEN BGRANG YAS SHIG BLANGS KYANG, ,CHOS LDAN MI LUS SHIG MA THOB, ,BLANGS DOR MA NOR BAR STON PA'I, ,MTSAN LDAN BLA MA DANG MA MJAL, ,NGES BAR SRING ZHI LAS SGROL BA'I, ,THUB BSTAN CHOS SGO RU MA TSUD, ,DA RES STABS LEGS KYI DBANG GIS, ,DAL 'BYOR PHUN TSOGS 'DI THOB NAS, ,GZHON NU NAS RAB TU BYUNG STE, ,THUB BSTAN YONGS RDZOGS KYI BDAG BO, ,BSHES GNYEN DU MA DANG MJAL ZHING, ,MDO SNGAGS GZHUNG LUGS KYI SNYING PO, ,NGES 'BYUNG SEMS BSKYED DANG LTA BA, ,RIM GNYIS NYAMS LEN GYI GNAD RNAMS, ,PHYOGS 'GRO RE LEGS PAR GO DUS, ,GO YUL SEMS RGYUD DANG 'BREL PHYIR, ,MI RTAG SKYO SHAS KYIS BSKUL NAS, ,PHA

, ,YUL NYE DU DANG MDZA' GROGS, ,LTOS MED RGYANG BSKYUR CIG BYAS NAS, ,SPANG GSHONG RI SUL DANG SHING DRUNG, ,CHAGS MED DBEN GNAS KUN 'GRIM ZHING, ,ZAS GOS SROG 'CHO TZAM BRTEN NAS, ,LONG MED BRTZON 'GRUS SHIG RTZOM RAN, ,MDUN MA GTAN LEGS DANG GTAN NYES, ,DA RES TSE MJUG 'DIR THUG 'DUG ,LONG YOD SNYING KHAMS 'DI DOR NAS, ,ZHE BCAD SNYING RUS SHIG BSKYED RNA, ,DAM CHOS BYED 'DOD CIG YOD KYANG, ,'DI SNANG YENG YENG LA ZAD NAS, ,DAL 'BYOR STONG LOG LA CHA BAS, ,'PHRUL DU THAG CHOD CIG BYA RAN, ,CHU LA DBYU GU YIS BRIS 'DRA'I, ,'DI SNANG BLO BRID KUN DOR NAS, ,BLA MA'I GDAMS NGAG 'DI BSGOM RAN, ,SNOD BCUD MI RTAG CING MI BRTAN, , NAM MKHA'I 'JA' TSON DANG 'DRA BAR, ,HA CANG ZHEN PA 'DI DOR NAS, SNYING PO DAM CHOS SHIG BYA RAN, ,MTSAR SDUG LANG TSO DANG LDAN ZHING, ,NAD MED LONGS SPYOD KUN 'DZEM YANG, ,MA NGES GLO BUR DU 'CHI BAS, ,'DU 'DZI BTZAN CHOD DU SPONG RAN, ,'DZOM DUS KHA GSAG LA MKHAS PA'I, ,MDZA' GROGS BZHIN 'DZUM CAN MANG YANG, ,NA TSA DBUL PHONGS KYIS GDUNGS TSE, ,MI PHAN GROGS NGAN KUN 'DOR RAN, ,ZAS GOS SMAN BCOS KYIS BSKYANGS KYANG, ,NA TSA SDUG BSNGAL GYI 'BYUNG KHUNGS, ,MI GTZANG 'DOR NGES KYI LUS 'DI, ,'DOR TSE 'GYOD MED CIG BYA RAN, ,THABS TSUL SNA TSOGS KYIS BSGRUBS KYANG, ,GSOG BSRUNG SDUG BSNGAL DANG SDIG PAS, ,'DI PHYI GNYIS KA LA 'PHUNG BA'I, ,

NOR RDZAS 'CHING THAG 'DI GLOD RAN, ,'JIGS RUNG DUG SBRUL GYI TSANG 'DRA'I, ,SRID GSUM 'KHOR BA 'DI RGYU BCAS, ,DA RES BSLAB GSUM GYI NYAMS LEN, ,BRTZON PA SHUGS DRAG GIS SPONG RAN, ,BDE 'DOD SDUG BSNGAL LA 'JIGS KYANG, , DGE SPONG SDIG PA LA REM PA'I, ,BLANG DOR GO LOG GI PHA MA, ,SGROL 'DOD BYANG SEMS MCHOG BSKYED RAN, ,SNGON CHAD LAS RO LA SONG BA'I, ,'KHOR BA'I BYA BA LA BSAMS NA, ,BYA SLA DON CHEN GYI SPYOD PA, ,RGYAL SRAS RNAM THAR LA BSLAB RAN, , RGYU RKYEN SNA TSOGS KYIS BCOS PA'I, ,BCOS MA'I KUN RDZOB LA BLTOS TSE, ,RDZUN PA BDEN GRUB TU 'DZIN PA'I, ,G-YO CAN BDAG 'DZIN 'DI 'DUL RAN, ,GRANGS MED BSKAL BA LA MI BLTOS, ,SNYIGS DUS TSE THUNG GCIG KHO NAR, ,NGES PAR SANGS RGYAS NYID STER BA'I, ,GSANG SNGAGS ZAB LAM ZHIG SGOM RAN, ,SNANG BA GDONG 'DED KYI BAN CHUNG, ,DPON MED G-YOG MED KYI BLO BDE, ,DGRA MED GNYEN MED KYI YUL DU, ,RE MED DOGS MED CIG BYA RAN, ,BLO PHUGS DAM CHOS LA GTAD NAS, ,MI MED LUNG STONG LA GNAS PA'I, ,BLO 'GEL DKON MCHOG LA BYAS NAS, ,CHE GNYAN NGO 'DZIN GYIS CI BYED, ,DPANG PO RANG SEMS LA BCOL NAS, ,DGE SBYOR LA DO LKOG MED NA, ,MI MANG GI KHA LOG BYUNG YANG, ,'CHI DUS SU 'GYOD PA CI YOD, ,DAD PA SKYO SHAS GNYIS 'DRES NAS, ,SEMS RGYUD DAM CHOS DANG 'DRES NA, ,LTO GOS JI LTAR DU PHONGS KYANG, ,GZHAN 'BYOR LA SMON RGYU CI YOD, ,TSANG LAM NOR BA'I LAM MCHOG ,TSUL BZHIN SGRUB PA LA REM

, ,NA; ;NYAMS RTOGS YON TAN GYIS DBUL YANG, ,CHOS RDZU 'DI BYED DON CI YOD, ,DAL 'BYOR 'DI SHIN TU RNYED DKA', ,RNYED PA 'DI YUD TZAM MI RTAG ,PHYI MA 'DI SHUL RING YANG, ,'DI SNANG LA YENGS LONG MI 'DUG ,CUNG ZAD GZHUNG LUGS LA SBYANGS PA, ,TSE MJUG SGRUB BA LA BSGRIL BAR, ,BLA MA LHAS BYIN GYIS RLOBS SHIG ,CHOS SKYONG TSOS 'PHRIN LAS SGRUB MDZOD, ,CES SO, ,DE NAS SLAR YANG BLA MA DON YOD MKHAS GRUB LA YUN RING POR GSOL BA BTAB NAS ZLA BA GCIG DANG ZHAG NYI SHU'I RING LA GSANG CHEN RGYUD SDE'I SNYING PO'I BCUD BSDUS PA SNYIGS DUS KYI TSE THUNG GCIG LA ZUNG 'JUG SGRUB PA'I THABS RDO RJE 'CHANG DNGOS SU BYON YANG DE PHAN CHAD DU GSUNG DU MED PA'I MAN NGAG MTHAR THUG RIM LNGA GSAL SGRON GYI GZABS BSHAD GSAN, DE'I TSE GRUB DBANG DON YOD MKHAS GRUB RIN PO CHE NAS BLA MA RIN PO CHE 'DI CHOS GRVAR SENGGE'I KHRI LA BZHUGS SU GSOL NAS TSE DPAG MED KYI SKU DANG, ZHAL DKAR YU RING ZHOS GANG BA BCAS PHYAG TU PHUL NAS, RJE DON YOD MKHAS GRUB PA SKYA BCUN DU MA'I 'KHOR DANG BCAS PA LA, RGYAN 'JUG DANG RTZA SHE SPYOD 'JUG RNAMS KYI LUNG GSUNG BAR GSOL BA 'DEBS PAR MDZAD PA BZHIN RJE 'DIS KYANG LEGS PAR STZAL, RJE DON YOD MKHAS GRUB PAS 'KHOR RNAMS LA LUNG BZHI PO DE RNAMS LAS RANG RANG GIS JI LTAR 'DOD PA RE 'DON DGOS PA'I KHAS LEN SKOR BAR MDZAD NAS, RJE BTZUN BLA MA 'DI BSTAN PA YONGS SU RDZOGS PA'I MNGA' BDAG

CHOS KYI RGYAL SRID CHEN BOR MNGA' GSOL BAR MDZAD DO, ,DE NAS CHAB MDO 'PHAGS PA LHAS SPYAN DRANGS NAS CHAB MDOR PHEBS TE, RGYAL BA 'PHAGS BA LHAS GTZO MDZAD CHA BA MDO'I DGE 'DUN RNAMS LA LAM RIM GYI KHRID DANG, LAM RIM CHEN MO'I BSHAD LUNG DANG, 'GREL BA BZHI SBRAGS SOGS CHOS BKA' MTHA' YAS STZAL ZHING PHYOGS DE'I DAD LDAN MANG BOS DNGOS PO PHUL BA'I RIGS RNAMS LA BKA' DANG BSTAN BCOS KYI PU STA KA MANG PO GSER DNGUL LAS BZHENGS PAR MDZAD PA'I LHAG RNAMS 'BRAL CHAS SU MKHO BA 'GA' ZHIG MA GTOGS KHANG BA ZHIG TU BZHAG NAS LDE MIG RGYAL BA 'PHAGS PA LHA'I PHYAG TU PHUL TE, GZHUNG BZHI'I 'DON PA GRA RJE RGYAS SU MDZAD DE RGYAL BA'I BSTAN PA 'BA' ZHIG THUGS LA BRNAGS NAS SKAL BA DANG LDAN BDAG LA CHOS GNANG BA LAS ZANG ZING GI DNGOS PO GANG YANG BDAG GIR MI MDZAD BAR DANG RDZAS DANG GSHIN RDZAS CI BYUNG THAMS CAD CHUD MA ZOS PAR DGE PHYOGS SU GTONG BAR MDZAD PA 'DI 'DRA BA'I RNAM BAR THAR BA NI PHYI RABS KYI CHOS BYED RNAMS LA KHA YAR LTA'I MIG LTOS SU CHE ZHING SKYE BO PHAL CHER ZANG ZHING GI DNGOS PO 'BA' ZHIG DON DU GNYER BA'I DUS MTHA' 'DI 'DRA BAR 'DI LTA BU'I RNAM PAR THAR PA NI RGYAL BA'I BSTAN PA LA BYA BA BLA LHAG TU MDZAD PA'I RNAM BAR THAR BA'O, ,DE NAS YAR PHEBS TE PHUR BU LCOG NYID DU BSHAD SGRUB KYIS DUS 'DA' BAR MDZAD CING, BAR SKABS SHIG SNYIGS MA'I SKYE BO DAG GI SPYOD TSUL NGAN PA SNA TSOGS BYUNG BAS THUGS YID PHYUNG ZHING,

, ,SKYE BO GZHAN DAG LTA CI SMOS RGYAL BA'I BSTAN PA LA ZHUGS NAS MDO SNGAGS KYI GZHUNG CHEN MO RNAMS LA LEGS PAR SBYANGS PA'I MKHAS PAR RLOM PA PHAL MO CHE YANG TSE 'DI'I SNANG SHAS KYIS BSLUS NAS RNYED BKUR SNYAN GRAGS SGRUB PA LHUR LEN PA MANG PO ZHIG GZIGS PAS THUGS LHAG PAR SKYO NAS, RANG LA BSKUL BA'I TSUL DU GSUNG MGUR 'DI LTAR MDZAD DE, GNAS 'KHOR BA'I GNAS TSUL SNYING NAS DRAN, ,MA DRIN CAN BLO YI PHUG TU BCUG ,LAM THABS SHES ZUNG 'BREL NYAMS LEN LAS, ,DUS NAM YANG G-YO MED BLA MAR 'DUD, ,KYE NYON DANG CHOL CHUNG 'GAL 'DU MKHAN, ,MING BLA MA DGE BSHES DGE SLONG ZER, ,LUS DGE SBYONG CHA LUGS MTSAR POS BRGYAN, , GNAS DBEN PAR 'DUG KHYOD BSAM BLO THONGS, ,KHYOD BYUNG NA BSU ZHING SONG NA SKYEL, ,KHYOD 'DUG NA GDAN 'DING RNYED BKUR 'BUL, ,PHAR CHOS 'CHAD SKYABS 'JUG PHYAG DBANG STER, ,KHYOD RANG TSOD BZUNG LA RANG LAM TSOL, ,RGYUD GONG MAR GYUR LA BLA MA ZER, ,GZHAN DGE BAR SBYOR LA DGE BSHES ZER, ,LAM LEGS PAR 'TSOL LA DGE SLONG ZER, ,SEMS 'DOD SRED SPONG PHYIR DUR SMRIG GYON, ,CHOS RTZE GCIG SGRUB PHYIR DBEN PA BSTEN ,DON DE RNAMS RANG LA TSANG BA'I PHYIR, ,MI RANG LA RANG GIS MA BSKUL NA, ,MING BLA MA YON TAN 'DREBS CHUNG, ,MING DGE BSHES BYED SBYONG KHYIM PA DNGOS, ,MING DGE SLONG SPYOD PA KHYI PHAG 'DRA, ,PHYI DGRA BCOM NANG DON NYON MONGS MTSO, ,KHYOD PHYI NANG MI

MTSUNGS BRTAG DKA' BAS, ,KUN 'KHRUL NAS KHYOD LA RE 'CHAB YANG, ,PHYOD SNGON BZHIN KUN SPYOD 'DI BSTEN NA, ,MING BLA MA ZER YANG TSOM RKUN PA, ,MING DGE BSHES ZER YANG SDIG PA'I GROGS, ,MING DGE SLONG ZER YANG MI NAG PA, , LUS SER GOS GYON YANG WA SKYES 'DRA, ,GNAS DBEN PAR 'DUG KYANG SPYANG KYI 'DRA, ,KHYOD PA LA CHER KHYI RKUN LTAR 'KHYAMS NAS, ,MI DRAG GZHAN DU MA'I SAR BYIN TE, ,THABS KHA GSAG GZHOGS SLONG SNA TSOGS GYIS, ,ZAS RNYED BA CUNG ZANG BYUNG BA RNAMS, ,GNAS DBEN BAR DGA' 'DUS BAG MAD SPYOD, ,GROGS TSANG SPYOD SKYON DANG CHAGS SDANG GTAM, ,DUS NYIN MTSAN THUN MTSAMS 'DAS 'DAS SMRA, ,SEMS 'DOD YON MYOS CHUS MYOS PA'I MTHUS, ,LUS BYA MIN SPYOD LA NGO TSE MED, ,NGAG BTZOG GTAM SMRA LA NGO TSA MED, ,SEMS TSUL MIN YID BYED GNYEN PO MED, ,LAS RGYU 'BRAS BSAMS NAS 'DZEM 'DOD MED, ,RANG KHAS BLANGS DRAN NAS SDOM SEMS MED, ,RJE BLA MA'I DRUNG DU GNONG SEMS MAD, ,GROGS TSANGS SPYOD 'DUS KYANG KHREL GZHUNG MAD, ,RANG CHOS LA BSKUL YANG NYAN 'DOD MED, ,MI RANG LA RANG GIS SHA TSA MED, ,CHOS BLANG DOR SHES PA'I SHES RAB MED, ,MAR 'KHOR BA'I GNAS LA SKYO BA MED, , YAR THAR PA'I GO 'PHANG THOB 'DOD MED, ,MA SEMS CAN KUN LA SNYING RJE MED, ,MED BCU GSUM 'DZOMS LA SANGS RGYAS MED, ,DER MA ZAD THAR PA'I GO 'PHANG MED, ,DER MA ZAD PHYI MA MTHO RIS MED, ,DER MA ZAD TSE 'DI'I MI CHOS MED, ,

, ,YOD DGOS PA GCIG KYANG MED BZHIN DU, ,KUN 'DZOM PA'I MKHAS BTZUN BZANG PO'I GRAR, ,SNYEGS NUS PA AE MA'O NGO MTSAR CHE, ,TSE BLOS BTANG THAR BDON GNYER GRAR, ,'TSANG NUS PA AE MA'O NGO MTSAR CHE; ;RGYUD SNGON GSUM LDAN PA'I RAB BYUNG GRAR, ,'DUG NUS PA AE MA'O NGO MTSAR CHE, ,KHYOD 'BRAS BU MED PA'I PHRED YAG ,KHONG LO YAGS SNYE MA'I GRAR CHUD MTSAR, ,ZHES SO, ,DE NAS GSUNG NGAG BCAD DE ZLA BA MANG PO'I BAR LA SGROL DKAR YID BZHIN 'KHOR LO'I BSNYEN MTSAMS LA BZHUGS PAS NYAMS RTOGS LHAG PAR 'PHEL ZHING THUGS RAB LHAG PAR RGYAS TE GZHUNG LUGS KYI DON GANG DANG GANG LA'ANG BLO GROS KU SHA'I RTZE LTAR RNO ZHING PHRA BAS DON GYI GTING DPOG NUS BA DANG RANG DANG GZHAN GYI TSE RABS MANG PO DRAN PA DANG, LHAG PAR SNYIGS MA'I DUS SU MI DGE BA'I BDAG 'BRAS BDO BAS LOG SKYOD 'BYUNG 'GYUR MANG PO'ANG MKHYEN NAS GSUNG MGUR 'DI LTAR MDZAD DE, AOm SVASTI, SEMS BSKYED RTZAB DMIGS MED SNYING RJE'I CHUS, ,YANG YANG BRLAN PAS THABS SHES YAL 'DAB RGYAS, ,DON GNYIS MTHAR PHYIN 'BRAS BUR RAB BRJID PA'I, ,THUB DBANG DPAG BSAM LJON PA RGYAL GYUR CIG ,GANG GIS LEGS GSUNGS MDO SNGAGS CHOS KYI ROS, ,LEGS PAR TSIM PA'I DGA' BAS LEGS BSHAD GLU, ,CI YANG LEN PA KLU SGRUB THOGS MED SOGS, ,GNYIS SKYES MANG POS 'PHAGS YUL SKYED TSAL GANG, ,RING MO ZHIG NA CHOS RGYAL LO PAn SOGS, ,

SMON LAM MTHU LDAN DED DPON BRGYA PHRAG GIS, ,RGYA GAR DAM CHOS RIN CHEN 'BYUNG GNAS NAS, ,BSHAD SGRUB DBANG GI RGYAL BO BOD DU BLANGS, ,CHOS SRID 'BYOR BA SRID PA'I MIG 'BAR BAS, ,GANGS CAN LJONGS 'DI'I RGUD PA'I MUN KUN BSAL, ,DE NYID GLANG DAR SGRA GCAN BRLANGS KYIS, ,PHYOGS 'DI'I 'GRO LA YUN RING SNANG MA GYUR, ,DE NAS BYANG CHUB 'OD KYI SMON LAM DANG, ,'GRO 'DI'I SPYI MTHUN BSOD NAMS RGYA MTSO LAS, ,AA TI SHA DANG RGYAL BA'I 'BYUNG GNAS KYI; ;NYI ZLA ZUNG GCIG THUB BSTAN RGYAN DU GYUR, ,THUB BSTAN RGYA MTSOR CI DGAR LONGS SPYOD PA'I, ,KHRIMS LDAN DUR SMRIG 'DZIN PA'I NGANG PA KHYU, ,THABS SHES GSHOG YANGS DKAR PO'I GAR MANG BSGYUR, ,SLAR YANG DE NYID CUNG ZAD 'GRIB PA'I TSE, ,BLO BZANG DKYIL 'KHOR GRAGS PA'I GZI BRJID 'BAR, ,GANGS CAN SKYE 'GRO'I LEGS BYAS SHAR RI'I RTZER, ,'PHAGS NAS THUB BSTAN PAD TSAL RGYAS PA'I CHE, ,PHYOGS MED MKHAS PA'I RKANG DRUG GSHOG RTZAL 'GRAN, ,MAN NGAG SGRANG RTZIS MYOS NAS LEGS BSHAD KYI, ,GLU DBYANGS 'GYUR KHUG STONG PHRAG 'THEN BA NA, ,MDO SNGAGS DGONGS 'GREL TSIG GI 'DAB BRGYA RGOD, ,DON GYI GSER SO PHRENG NGOM BA BZHIN, ,RGYAL BA GNYIS BA'I LUGS BZANG LUS PHRA MA'I, ,BSHAD SGRUB LANG TSO DAR LA BAB PA YIS, ,MKHAS MANG YID KYI BRTAN PA NYAMS BYAS PAS, ,YUN RING 'KHOR LO GSUM GYI RTZONG 'JOS BREL, ,DAM BA'I RING LUGS DBYAR DUS ZAD PA

, ,NA; ;MI BZAD SNYIGS MA'I GRANG REG CHER G-YOS TE, ,BSRE BSLAD BRAL BA'I BSHAD SGRUB 'DAB BRGYAB, ,SKAD CIG NYID LA MOG POR BYAS PAS SKYO, ,KHA BSHAD LTA BA MTHON PO'I MKHAR 'PHAGS KYANG, ,BLO GROS 'KHYOG PO RDZUN GYIR RI CAN, ,SNGAGS PAR RLOM PA TSES PA'I CHU SHEL GYIS, ,MKHAS PA'I GSUNG RAB PAD DKAR 'DAB BRGYA ZUM, ,SANGS RGYAS RANG LA YOD PA'I KHA PO DANG, ,NYON MONGS MA SPANGS 'TSANG RGYA'I GDAMS NGAG GIS, ,SNGAGS BSKYUR DAD CAN RNAMS SPOBS PA DANG, ,BLUN PO DAD LDAN BSLU BA MNYAM DU BYAS, ,SKAD CIG SEMS NGO 'PHROD PA'I SNYAN RGYUD 'DIS, ,RGYA CHEN MDO SNGAGS GZHUNG DANG SHES RAB MIG ,THAR 'DOD KUN LA MI MKHO'I CHOS LUGS DANG, ,THOS BSAM SGOM PA 'DOR BA LHAN CIG BYAS, ,HA CANG TSIG LA ZHEN PA'I GO RGYA DANG, ,TSIG GI RGYAL PHAM RTZOD PA'I THOS PA 'DIS, ,BLO SNA NANG DU BKUG PA'I NYAMS LEN DANG, ,SNGAR BSAGS DGE RTZA 'JOMS PA MNYAM DU BYAS, ,'DAG SBYAR MTSAMS NAS 'JIG RTEN PHO RUS DANG, 'DI BYA 'DI BYAS SEMS PA'I BLO NGAN 'DIS, ,PHYI MA NGAN 'GRO'I RGYU TSOGS BSGRUB PA DANG, ,'DI PHYI GNYIS KA MED PA CHABS CIG BYAS, ,NGAM CHOS DAR BA'I MI YI GTZO BO RNAMS, ,KHREL MED GDOL PA'I SPYOD PA BYED PA 'DIS, ,GSHAN PA GDOL PA LAS KA MED PA DANG, ,RANG GZHAN GNYIS

KA PUNG BA DUS GCIG BYAS, ,BSAM NGAN GDUG PA'I CHANG GIS MYONG GYUR CING, ,DAM BAS SMAD PA'I SNA ZHAGS RING SKYONG BA, ,DKAR DANG SER BA'I GNYIS 'THUNG MANG PO YIS, ,'GRO BA'I BDE SKYID PAD TSAL LHAG MED BYAS, ,SGOM PA SRID RTZE'I SNYOM 'JUG THOB GYUR KYANG, ,SLAR YANG 'OG MA'I SEMS SU LHUNG BAS SKYO, ,BSAM BA RIG PA'I GNAS LDAR MKHAS GYUR KYANG, ,DUD 'GRO JI BZHIN TSE 'DIR ZHEN PAS SKYO, ,THOS BA GZHUNG LUGS 'BUM PHRAG NGAG BTON KYANG, ,RGYAL PO GDUG PA'I GROS DPON BYED PAS SKYO, ,'KHOR BA'I BDE 'BYOR JI LTAR PHUN TSOGS KYANG, ,THA MA NGES PAR RGUD PAS 'JOMS PAS SKYO, ,GSON PA 'CHI BAS NGES PAR 'JOMS PA DANG, ,LANG CHO RTA BAS NGES PAR 'JOMS PAS SKYO, ,NAD MED NGES PAR NAD KYIS 'JOMS PA DANG, ,'DUS PA NGES PAR SO SOR 'BRAL BAS SKYO, ,MTHON PO DMA' POR NGES BAR LHUNG BA DANG, ,'BYOR PA THAMS CAD NGES PAR 'DOR BAS SKYO, ,PHAN GNOD GANG LA'ANG YID BRTAN MED PA DANG, ,'DOD PA BRTEN PAS TSIM PA MED PAS SKYO, ,LA LA DGA' BZHIN SDUG BSNGAL RGYU LA 'JUG ,LA LA SDUG BZHIN DBANG MED MNAR BAS SKYO; ;KUN KYANG BDE BDOD MI DGE SBYOD PA DANG, ,SDUG BSNGAL MI 'DOD GE BA SPANGS PAS SKYO, ,MDOR NA 'GRO BA'I MGON PO'I GSUNG RAB LAS, ,'KHOR BA'I GNAS TSUL JI LTAR GSUNGS PA BZHIN, ,'KHRUL MED MNGON

, ,SUM MTHONG BAS SKYO BA DANG, ,THUB PA'I GSUNG LA YID CHES CUNG ZAD RNYED, ,BLUN PO RMONGS PA CHOS RGYUS MED PA DANG, ,CHES DRED KHENGS PAS 'GYING LA CI CHA YOD, ,KHO BO SNGON BSAGS DGE BAS DAL 'BYOR THOB, ,RGYUD LDAN DAM BA MANG POS RJES SU BZUNG, ,MDO SNGAGS MAN NGAG THUGS KYI NYING KHUS GSOS, ,GNAS DANG GROGS SOGS CHOS KYI MTHUN RKYEN TSENG, ,DE PHYIR MNOG CHUNG TSE 'DI'I MDUN MA DOR, , SNA THAG MI LAG MA SHOR RANG GIS 'DZIN, ,LTO GOS MTHA' GNYIS MA LHUR DBEN GNAS 'GRIMS, ,G-YENG MED BLA MA'I MAN NGAG NGOMS PAR SPYOD, ,SKYO SHAS KHRI SNYAN SA LE'I PAGS STENG NA, ,KHREL YOD NGO TSA'I KYI SHIG GYON ZHING, ,SKYABS GNAS DKON MCHOG GSUM GYI THOR COG BCINGS, ,TSAD MED BZHI YI MIG RTZA DMAR 'KHRUG CING, ,TSANGS SPYOD ZHI DUL AAG TSOM RING BOS BRJID, ,LHA BZHI'I TSANGS SKUD DKAR PO LUS LA 'CHANG, ,SDE SNOD GSUM GYI GSANG TSIG NGAG NAS 'DON, ,BSLAB GSUM BDUD RTZIS SEMS KYI RIL BA BKANGS, ,BDAG GZHAN MNYAN BRJE'I THAB KHUNG DKAR PO'I NANG, ,MTHA' BRAL LTA BA'I ME LCE 'BAR BA'I DBUS, ,RANG NYID GCES PAR 'DZIN PA'I BUD SHING DANG, ,'JIG LTA'I MAR KHU LHAG MED BSREG LA BRTZON, ,BKA' GDAMS BRAM ZAG GTZANG MA'I RNAM THAR LA, ,GNYIS SKYES PHRA MO BDAG

KYANG LHAG BAR MOS, ,SKYABS GNAS DKON MCHOG GSUM GYI THUGS RJE YIS, ,RNAM THAR 'DI 'DRAS TSE MTHAR PHYIN PAR SHOG ,DAM PA'I RNAM THAR TSUL BZHIN BSKYANGS PA'I MTHAR, ,YUN RING 'GROGS PA'I GROGS BZANG LUS SEMS GNYIS, ,MA RUNGS 'CHI BDAG PHRA MAS PHYE BA'I TSE, ,DE YI MOD LA SEMS KYI GZHON NU YIS, ,DE LA MI 'DOD MED PAR DGA' BZHIN DU, ,SMON LAM TSUL KHRIMS BZHON PA LA ROL TE, ,MI PHAM RGYAL BA'I MDUN SAR LEGS BGROD DE, ,RGYAL SRAS MTHU CHEN RNAMS DANG LHAN CIG TU, ,THEG MCHOG CHOS KYI DGA' STON MYONG BAR SHOG ,ZHING KHAMS BYE BAR RGYAL RNAMS BLTA BA DANG, ,NGO MTSAR MCHOD PA RGYA MTSOS MCHOD PA DANG, ,SEMS CAN RGYA MTSO SMIN PAR BYA BA'I PHYIR, ,DPAG MED LUS KYI BKOD PA STON PAR SHOG ,TSOGS GNYIS RGYA MTSO'I PHA MTHAR PHYIN PA NA, ,YON TAN RGYA MTSO RGYAL BA SRAS BCAS KYI; ;MDZAD PA RGYA MTSO BYE BRAG JI SNYED PA, ,BSKAL PA RGYA MTSOR BDAG GIS SBYOD PAR SHOG ,RNAM DPYOD DNGUL DKAR ME LONG YANGS PA'I NGOS, ,KUN KYANG CHOS KYI BZHIN RAS GSAL BA 'DI, , SNGON BSAGS RNAM DKAR BZANG PO'I BYED LAS DANG, ,YONGS 'DZIN GSUNG GIS BYI DOR BYAS PA'I MTHUS, ,ME MO LUG LO HOR ZLA BCU GCIG PAR, ,SMRA BCAD MTSAMS NGOS YID BZHIN 'KHOR

, ,LO LA, ,GSOL BA BTAB TSE SEMS LA SHAR BA BZHIN, ,MEE TRI'I MING GES PHUR BU LCOG TU BRIS, ,ZHES SO, ,DE NAS BLA MA RIN PO CHE NYID DGUNG LO LNGA BCUR PHEBS PA LCAGS MO PHAG GI LO GTZANG DU PHEBS NAS PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO ZHAL MJAL, MAndAL PHUL TE ZHABS PAD YUN DU BRTAN PA'I GSOL 'DEBS MDZAD, DE'I TSE PAn CHEN THAMS CAD MKHYEN PA CHEN POS BLA MA RIN PO CHE 'DI LA THUGS DGYES PA CHEN POS GRA SA 'DI'I DGE 'DUN CHOS DON GNYER CAN RNAMS LA LAM RIM CHEN MO'I BSHAD LUNG ZHIG MDZOD CES BKAS BSKUL TE BLA MA RIN PO CHE 'DIS BDE LEGS KHANG GSAR DU DGE 'DUN LNGA BRGYA SKOR LA LAM RIM GYI KHRID DANG, LAM RIM CHEN MO'I BSHAD LUNG RGYAS BA ZHIG MDZAD, DE NAS SNAR THANG DU PHEBS SNAR THANG GI DGE 'DUN RNAMS LA'ANG CHOS KYI BDUD RTZI STZAL ZHING SNAR THANG GI 'DU KHANG CHEN MOR GLO BUR DU KA BA ZHIG GI MDUN DU DAM BCA' 'JOG MKHAN GZHAN ZHIG YOD PA LTAR DU BZHENGS TE BGRO GLENG GTONG BAR MDZAD, 'KHOR GSUM BSKOR ZHING LUNG RIGS KYI NGA RO CHES CHER BSGRAGS TE THAL SKAD KYANG CHES CHER 'DON PAR MDZAD, ,DER 'KHOD PA'I SKYE

BO RNAMS NI NGO MTSAR ZHING RTZED MO'I 'DU SHES KYIS GAD MO BYED PA LAS RGYU MCHEN GZHAN GANG YANG MA BSAMS, DUS PHYIS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES KYIS BLA MA RIN PO CHES SNGA SOR SNANG THANG DU PHEBS DUS DE 'DRA MDZAD 'DUG PA DE CI YIN ZHUS PAR BLA MA RIN PO CHE 'DI PA'I ZHAL NAS DE DUS 'DUL BA 'DZIN PA'I NYAMS SHIG SHAR NAS DE LTAR BYAS BA YIN GSUNGS BYUNG ZHES PAn CHEN THAMS CAD MKHYEN PA CHEN PO'I ZHAL LAS BDAG GIS DNGOS SU THOS SO, ,DE YANG BLA MA RIN PO CHE 'DI PA LA BKRA SHIS LHUN PO'I DGE 'DUN RNAMS LHAG BAR DAD ZHEN CHE BA ZHIG BYED PA DE LA 'GA' ZHIG GIS 'DI CI YIN SNYAM DU BRTAGS PA NA, DGE BA'I BSHES GNYEN 'GA' ZHIG GIS BLA MA RIN PO CHE 'DI 'DUL 'DZIN BLO GROS SBAS PA DANG THUGS RGYUD GCIG CING 'DUL 'DZIN BLO GROS SBAS BA NI RJE DGE 'DUN GRUB KYI SRAS KYI THU BO BKRA SHIS LHUN BO'I DGON GNAS THOG MAR 'DEBS PA DANG, DGON GNAS BTAB NAS DGE 'DUN GYI SDE SKYONG BA DANG, RJE DGE 'DUN GRUB ZHING GSHEGS NAS KYANG DGONGS RDZOGS DANG DGE 'DUN GYI SDE MI NYAMS PAR SKYONG BA'I ZHAL BKOD MDZAD BA SOGS DGON GNAS 'DI LA BKA' DRIN ZLA

, ,MED DU CHE BA ZHIG YIN PAS DGON GNAS 'DI'I GRVA PA RNAMS PAn CHEN THAMS CAD MKHYEN PA MA GTOGS GZHAN SU BYUNG LA MGO MI GTOD PA ZHIG YIN PA LA BLA MA RIN PO CHE 'DI BA LA DAD GUS LHAG PAR CHE BA 'DI DE'I RTEN 'BREL GYI YIN ZHES GLENG BA BYUNG STE, DE NI 'DI LTAR DON LA GNAS SAM SNYAMS TE, BLA MA RIN PO CHE 'DI NYID KYIS PAn CHEN THAMS CAD MKHYEN PA LA DE LTAR GSUNGS PA DANG, DUS RGYUN DU'ANG BYANG SEMS 'DUL DKAR BAS 'DI LTAR MDZAD CES 'DUL 'DZIN BLO GROS SBAS PA'I MDZAD PA RNAMS THUGS RGYUS SHIN TU ZHIB PA ZHIG YOD PA LTAR GSUNG BA YANG DANG YANG DU THOS SO, ,DE NAS DGUNG LO LNGA BCU NGA GNYIS SU PHEBS PA CHU MO GLANG GI LO MI DBANG BSOD NAMS STOBS RGYAS KYIS BLA MA DON YOD MKHAS GRUB LA LAM RIM CHEN MO'I BSHAD LUNG GI GSOL BA BTAB STE LHA LDAN RGYUD KHANG LCANG LO CAN DU PHYOGS 'DUS KYI DGE 'DUN BRGYAD BRGYA SKOR LA LAM RAM CHEN MO'I BSHAD LUNG GNANG BA'I TSE BLA MA DON YOD MKHAS GRUB RIN PO CHES GUNG YOL NAS NYI RGAS KYI BAR LA LAM RIM CHEN MO'I BSHAD LUNG GNANG, DE SKABS BLA MA RIN PO CHE 'DI PA'ANG PHEBS NAS SNGA DRO'I CHI LA BLA MA RIN PO CHE 'DI PAS RMI RUR LAM RIM BDE LAM GYI KHRID DANG, ZHAL LUNG GI KHRID DANG, BLO SBYONG GI KHRID SOGS BLA MA MKHAS GRUB RIN PO CHE'I BSHAD LUNG MA RDZOGS KYI BAR SNGA DRO'I CHAR CHOS BKA' RGYA CHER STZAL,

DA NAS BLA MA RIN PO CHE 'DI BA DGUNG LO LNGA BCU NGA GSUM DU PHEBS PA SHING PHO STAG GI LO GTZANG DU PHEBS TE PAn CHEN THAMS CAD MKHYEN PA RJE BTZUN BLO BZANG YE SHES LA BRTAN BZHUGS 'BUL BAR MDZAD, DE'I TSE PAn CHEN THAMS CAD MKHYEN PA CHEN POS BLA MA RIN PO CHE 'DI PA LA KHYED RANG LA 'DI KHA'I DGE 'DUN RNAMS DAD MOS CHE BAR 'DUG PAS LAM RIM GYI KHRID CIG GNANG BAR MDZOD, CHOS MTHO MTHO ZAB ZAB MANG PO LAS GDUL BYA BLO MTHO DMA' THAMS CAD LA CHOS LAM RIM 'DI RANG PHAN CHE ZHES BKA' STZAL, BLA MA RIN PO CHES KYANG PAn CHEN THAMS CAD MKHYEN PA'I BKA' BZHIN ZLA BA DRUG PA'I TSES BZHI NAS BDUN PA'I TSES BZHI'I BAR ZLA BA GCIG GI RING BDAG CAG DAD LDAN LNGA BRGYA SKOR LA LAM RIM BDE LAM GYI KHRID RGYAS PA DANG, DE NAS LAM RIM CHEN MO'I BSHAD LUNG DANG DGA' LDAN LHA BRGYA MA'I KHRID SOGS CHOS MANG DU STZAL CING GZHUNG LUGS LA SBYONG BA'I BLO GSAR BA RNAMS LA RJE BTZUN SGROL MA'I RJES GNANG ZHIG DGYES BZHIN STZAL, LAM KHRID GRUB PA'I SEMS BSKYED MCHOD PA'I NYIN DGE 'DUN GYIS STONG TZAM TSOGS TE STENG 'OG BAR GSUM THAMS CAD DGE 'DUN GYIS GANG BAS SEMS BSKYED RGYAS PA GNANG BAR ME TOG GI CHAR CHEN PO BABS BA SOGS NGO MTSAR BA'I LTAS BSAM GYIS MI KHYAB PA BYUNG, DE'I TSE DON GNYER CAN 'GA' ZHIG GIS BLA MA MCHOD PA'I KHRID CIG ZHUS PA NA DBANG CHEN THOB BA RNAMS LA GNANG RTZIS KYIS TSOMS CHEN DU GRA BSGRIGS KYANG DGE

, ,'DUN THAMS CAD 'UR LANGS KYIS BKAG MA THUB PAR BDE LEGS KHANG GSAR GYI PHYI'I KHYAMS GANG BA NA BLA MA RAN PO CHE'I BZHUGS GDAN YANG RAB GSAL NAS PHYIR 'PHANGS TE PHYI'I KHYAMS SU BZHUGS KHRI BA SHAMS NAS BLA MA MCHOD PA'I KHRID GNANG, DE'I TSE 'DI LTAR GSUNG STE BLA MA MCHOD PA BDE STONG DBYER MED MA 'DI NI SPYIR MDO SNGAGS GNYIS KA'I LAM GYI GNAD TSAD BA DANG, LHAG BAR BLA MED KYI BSKYED RDZOGS GNYIS KA'I LAM GYI GNAD TSANG BA YIN PAS SNGAGS KYI DBANG CHEN MA THOB PA LA BSHAD MI RUNG YANG KHYED CAG DGE 'DUN RNAMS 'DI TZAM GYI DAD PA CHE BA MDZAD NA NGAS BLA MA MCHOD PA'I KHRID LEGS PAR BTANG, KHYED RNAMS LA PHAN THOGS NA NGA SNOD MIN LA GSANG BA BSHAD PAS DMYAL BAR SHOR YANG BZOD GSUNG STE, TSUL 'DI NI THUGS BYANG CHUB SEMS KYI DBANG DU GYUR BA'I RNAM THAR YIN PAS SHIN TU NGO MTSAR RO, ,RANG GI DON DU THAR PA'ANG BDE PA'ANG MI BZHED LA, SEMS CAN GYI DON DU 'GYUR NA DMYAL BA'I ME NANG DU'ANG 'JUG PAR SPRO BA NI RGYAL SRAS BDAG NYID CHEN PO'I SNYING STOBS BLA NA MED PA STE, TSUL 'DIS BLA MA RIN PO CHE'I THUGS RGYUD LA BYAMS SNYING RJE BYANG CHUB KYI SEMS RLABS PO CHE BLO CHUNG RNAMS KYIS RJES SU YI RANG TZAM YANG BYA BAR DKA' BA YOD PA 'BRAS BU'I RTAGS KYIS SHES PAR BYAS LA RGYAL BA DGYES PA'I LAM LA SLOB PAR 'DOD PA RNAMS KYIS BLA MA RIN PO CHE 'DI'I MDZAD BA BZANG PO

'DI DAG LA SNYING NAS MOS PAR BYA'O, ,DE NAS DBUS SU PHEBS TE SNGAR RGYUN LTAR PHUR BU LCOG TU DBYAR DGUN GNYIS SKU MTSAMS DANG STON DBYID GNYIS SU SKAL BA DANG LDAN BA BGRANG BA LA 'DAS PA LA RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA RGYA CHER SPEL BAR MDZAD DO, ,DE SKABS BOD KYI SRID SKYONG MI'I DBANG POS BLA MA RIN PO CHE 'DI PA GANGS CAN MKHAS PA KUN GYI GTZUG RGYAN DU GYUR PA YIN GSHIS DGA' LDAN GYI GSER KHRIR PHEBS DGOS SO ZHES ZHU BA MDZAD KYANG BLA MA RIN PO CHE 'DI PA NI CHEN PO'I GO SA GTAN NAS MI BZHED PAS ZHAL GYIS BZHES PAR MA MDZAD DER MA ZAD PHYOGS MTHA' DAG NAS DAD LDAN RNAMS ZHABS DRUNG DU 'DU BAS 'PHRAL GYI GSOL CHAS KYI THEBS RE BZHES NA ZHES ZHU BA MANG DU BYUNG YANG GANG YANG BZHES PAR MA MDZAD CING, SKU TSE RIL POR BKA' GDAMS SKU MCHED GSUM RGYAL BA DBEN SA PA CHEN PO SOGS SNGON BYON DAM PA'I RNAM THAR SKYONG BAR BZHED PA LAS ZHING ROL GANG YANG 'DEBS BAR MI MDZAD CING, DNGUL SKAR MA GANG DANG SMAN RTZE KHA GANG YAN CHAD KYI TSONG DANG BUN SKYED SOGS MDZAD PA BDAG CAG DNGOS KYI GDUL BYA SUS KYANG MTHONG BA MED CING DAD PA CAN GYIS PHUL BA'I RDZAS GANG BYUNG THAMS CAD TSUNG MA ZOS PAR DKON MCHOG GI MCHOD PA DANG DGE 'DUN GYI BSNYEN BKUR SKU GSUNG THUGS RTEN BZHENG BA SOGS DGE PHYOGS KHO GNAR GTONG BAR MDZAD, DE NAS PAn CHEN THAMS CAD MKHYEN PA RJE BTZUN BLO BZANG YE SHES ZHING

, ,GSHEGS NAS MCHOG GI SPRUL SKU PHEBS PA NA PAn CHEN MCHOG GI SPRUL PA'I SKU'I MJAL KHAR BKRA SHIS LHUN POR PHEBS SHING, DE DUS KYANG BKRA SHIS LHUN PO'I DGE 'DUN RNAMS LA BLO SBYONG DON BDUN MA'I KHRID RGYAS PA SOGS CHOS MANG DU STZAL, BLA BRANG NAS GSOL BA BTAB STE PAn CHEN MCHOG GI SPRUL PA'I SKU LA TSE DBANG DANG BYABS BSRUNG 'JIGS BYED BDUD LAS RNAM RGYAL GYI DBANG CHEN SOGS CHOS MANG DU 'BUL BAR MDZAD, RGYAL DBANG THAMS CAD MKHYEN PA RJE BTZUN BLO BZANG BSKAL BZANG RGYA MTSOS KYANG BLA MA RIN PO CHE 'DI PA MJAL KHAR PHEBS RES KYIS GSOL TSIGS LHAN DU GNANG ZHING, MDO SNGAGS KYI DKA' GNAD LAS BRTZAMS PA'I DRI GTUGS RGYA CHER MDZAD, ZHAL NAS KYANG NGAS BLA MA LA MAndAL PHUL NAS CHOS ZHU BA MA BYUNG YANG MDO SNGAGS KYI DKA' GNAD RNAMS LA DRI BA ZHUS BLA MAS KYANG SPA GSANG MED PAR LHUG PAR GSUNG BAR MDZAD PAS SEMS LA PHAN THOGS SHIN TU CHE BA BYUNG BAS DON GYIS CHOS ZHUS PA DANG KHYAD MED CES DAG SNANG GI GZIGS PA BLA MED MDZAD, STON DPYID KYI CHOS RNAMS LA'ANG BSNYEN BKUR DANG SEMS BSKYED MCHOD PA'I DUS BRTAN BZHUGS DNGOS 'BUL RNAMS KYANG GONG 'PHEL KHO NAR MDZAD CING GONG SA MCHOG NYID KYI GSOL ZHIB KYI RGYU PHUB DKAR GYI GRAS NAS LO LTAR ZHIB RGYU 'DEB NGES GNANG,

BLA MA RIN PO CHE 'DI PAS KYANG RGYAL BA MCHOG GI ZHABS DRUNG DU YANG YANG PHEBS NAS MAndAL PHUL TE THUGS RJE BSKUL BA'I GSOL 'DEBS NAR MAR MDZAD, RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO SHING KHYI LO RGYAL LA PHEBS ZHOR SE RAR PHEBS SKABS BLA MA RIN PO CHE 'DI PAS RGYAL BA MCHOG LA SE RA'I DGE 'DUN RNAMS KYIS GTZOS PHYOGS 'DUS KYI DAD LDAN MANG POR GNAS BCU'I RJES GNANG ZHU BAR MDZAD, DE LO BLA MA RIN PO CHE 'DI PA DGUNG LO DON GSUM DU PHEBS PA'I DGUNG KAG YIN YANG SKU KHAMS SHIN TU DANGS SHING, GDUL BYA SO SO'I KHAMS DANG BSAM PA DANG 'TSAM PA'I ZAB CHOS MANG DU STZAL, ZLA BA BRGYAD PA'I NANG DU BDAG GIS YUN RING PO NAS GSOL BA BTAB PA LTAR BKA' GDAMS BSTAN PA'I SNYING PO JO BO YAB SRAS KYI GSANG CHOS THIG LE BCU DRUG GI DBANG RGYAS PA ZHIG STZAL, DE'I TSE RANG RGYUD BSKUL 'DEBS DAD PA'I LJON SHING YONGS RDZOGS THUGS THOG NAS BTON TE SKYES BU GSUM GYI LAM RIM DANG SBYAR NAS RGYAS PAR STZAL CING DBANG DNGES GZHI'I SKABS 'BROM RIN PO CHE'I SNGON GYI 'KHRUNGS RABS BKA' GDAMS GLEGS BAM LAS JI LTAR 'BYUNG BA LTAR ZHIB TU GSUNGS SHING, 'KHRUNGS RABS DA DANG DE'I MDZAD PA BZANG PO RNAMS GDUL BYA'I NYAMS LEN DANG SBYAR TE CHES ZHIB PAR STON PAR MDZAD PAS BKA' GDAMS BSTAN PA'I SNYING PO GZHI NAS GSO BA LTA BUR MDZAD, STON CHOS BDE LAM GYI KHRID KYANG SNGAR RGYUN LTAR

, ,STZAL ZHING, KONG PO MKHAN CHEN SKU SKYE DANG BDAG CAG SOGS DAD LDAN MANG POR BLA MA RIN PO CHE NYID KYI GSUNG BKA' RGYA MA'I GRAS BDE GSANG 'JIGS GSUM GYI BSKYED RDZOGS RNAMS DANG SNGON CHAD LUNG GNANG MA GRUB PA'I GSUNG RTZOM THOR BU RNAMS KYI LUNG DGYES BZHIN DU STZAL, GZIM CHUNG DU SKAL LDAN NYUNG SHAS LA DPAL RDO RJE 'JIGS BYED LHA BCU GSUM MA'I DBANG SNGAGS KYI ZAB BSHAD RGYAS PA BCAS STZAL, DE SKABS MNAL LAM ZHIG LA PAn CHEN MCHOG GI SPRUL PA'I SKU LA, BDE LAM GYI KHRID CIG 'BUL BA'I MTSAN LTAS BYUNG GSUNG STE DE NI MA 'ONGS PA'I 'BYUNG 'GYUR MKHYEN PAR NGES SO, ,DE NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO ZHING BRJES NAS PAn CHEN MCHOG GI SPRUL PA'I SKU RJE BTZUN BLO BZANG DPAL LDAN YE SHES KYIS RGYAL BA MCHOG LA ZHU MA THUB PA'I MDO SNGAGS KYI CHOS BKA' RNAMS GSAN PHYIR BLA MA RIN PO CHE 'DI PA SPYAN DRANGS TE BYANG CHUB LAM GYI RIM PA'I KHRID DANG LAM RIM CHEN MO'I BSHAD LUNG DANG GSANG BA DE 'JIGS GSUM GYI BSKYED RDZOGS KYI MAN NGAG RNAMS DANG 'GREL PA BZHI SBRAGS, BDE MCHOG L'U DRIL GNYIS KA'I DBANG DANG KHRID BCAS ZHU BAR MDZAD, BLA MA RIN PO CHE 'DI PAS KYANG MDZES CHOS SU MA SONG BAR LAM RIM GYI KHRID DMIGS RNAMS 'DZIN CHOS SU MDZAD CING BSHAD LUNG GI SKABS RANG DANG GZHAN GYI GRUB PA'I MTHA' RGYA MTSO LTA BU LA

DRI MA MED PA'I RIGS PAS MTHA' DPYAD DE MTHA' DAG PAR STON PAR MDZAD PAS PAn CHEN MCHOG GI SPRUL PA'I SKU NYID GLO BUR DU MKHYEN RAB KLONGS BRDOL BA'I TSUL BZHES TE, 'CHAD RTZOD RTZOM GSUM GANG GI THAD LA'ANG THOGS PA MED PA MKHAS GRUB SMRA BA'I NYI MA SLAR YANG 'JIG RTEN 'DIR BYON PA JI LTA BAR GYUR PA NA BLA MA RIN PO CHE 'DI PAS PAn CHEN THAMS CAD MKHYEN PA 'DUS PA RGYA MTSO'I TSOGS DBUR SPYAN DRANGS TE MCHOD SPRIN TSAD MED PAS MCHOD CING PAn CHEN DBEN SA PA YAB SRAS KYI RNAM THAR RGYAS BAR GSUNGS NAS DA NI PAn CHEN BSTAN PA'I BDAG PO KHYED 'JIG RTEN DU NYI MA SHAR BA LTAR BSTAN PA YONGS RDZOGS LA MKHAS SHING 'CHAD RTZOD RTZOM GSUM LA THOGS PA MED BAR GYUR, 'JAM MGON BSTAN PA'I SNYING PO 'DI LAS PHYI ROL TU GZHAN GYIS DKRI BAR MI NUS PA'I GDENG THOB PAR MDZAD PA 'DI LTA BU BYUNG BAS RGAN PO SHI YANG BLO BDE ZHES GSUNG BAR MDZAD, DE NAS PAn CHEN THAMS CAD MKHYEN PAS BKRA SHIS LHUN PO RANG DU RE SHIG BZHUGS DGOS PAR GSOL BA BTAB KYANG LO LTAR STON DPYID GNYIS SU PHUR BU LCOG GI CHOS GRVA CHEN MOR LAM RIM GYI KHRID 'CHAG MED MDZAD PA DE SKU TSE 'DI'I MDZAD PA'I GTZO BO YIN PAS JI SRID 'TSO'I BAR DU MA 'CHAG PAR MDZAD BZHED PA DANG, NYE CHAR DBANG PHYOGS BSTAN PA'I SGON ME RJE LCANG SKYA RIN PO CHE DBUS SU PHEBS NYE BAS BDAG NYID CHEN PA GNYIS ZHAL 'DZOM NAS BSTAN PA'I GNAD LAS BRTZAMS PA'I BKA' BGRO BAR

, ,BZHED PAS YUN RING BZHUGS PAR ZHAL GYIS MA BZHES PAR DBUS PHYOGS SU PHEBS RJE LCANG SKYA RIN PO CHE DANG ZHAL 'DZOM, GANGS RI'I KHROD 'DIR RGYUD SDE BZHI'I NANG NAS SPYOD RGYUD RNAM SNANG MNGON BYANG GI DBANG RGYUN CHAD DU NYE BA RJE LCANG SKYA RIN PO CHE LA DE'I RGYUN BZHUGS PAS GSOL BA BTAB NAS DE'I DBANG GSAN PAR MDZAD, RJE LCANG SKYA RIN MO CHES KYANG BLA MA RIN PO CHE 'DI LA MKHAS GRUB RIN PO CHE NAS BRGYUD PA'I KYEE RDOR LHA DGU'I DBANG RGYUN YOD PAR MKHYEN NAS DE'I DBANG ZHU BAR MDZAD, DE LTAR 'JAM MGON BSTAN PA'I SROG SHING RNAM PA GNYIS PO 'DI PHAN TSUN YID CHES KYI DAD PA THOB NAS THUGS YID GCIG TU 'DRES, DE NAS BLA MA RIN PO CHE 'DI BAS PHUR BU LCOG TU BSHAD SGRUB BSTAN PA'I RGYAL MCHEN BSGRENGS SHING, CHOS KYI RNGA BO CHE BRGYUD MAR BRDUNGS, 'JIG RTEN KUN GYI RMONGS PA'I MUN PA SEL BA'I CHOS KYI SGRON ME RGYUN DU SBAR, SNYIGS MA'I 'GRO BA NYAM THAG YONGS LA DUG GSUM GYI NAD SEL BA'I CHOS KYI SMAN SBYIN RGYUN MA CHAD PAR MDZAD, YID SRUBS BDAG PO DPUNG DANG BCAS PAS G-YO BAR MI NUS PAR 'JAM MGON BSTAN PA'I SROG SHING BZUNG, RGYAL BA SRAS BCAS KUN GYI MDZAD PA GANG GI SNYING STOBS LHAG BSAM CHEN POS KHYER NAS 'JAM MGON BSTAN BA'I SNYING BO 'DZIN PA LA NAM YANG G-YO BA MED PAR BZHUGS, DE NAS BLA MA RIN PO CHE 'DI BA DGUNG LO BRGYAD CUR PHEBS PA LCAGS ME SPRUL GYI LO PAn CHEN THAMS

CAD MKHYEN PA CHEN POS GTZANG DU SPYAN DRANGS NAS RIM LNGA GSAL SGRON GYI GZABS BSHAD KYI DON DU GSOL BA BTAB, 'JAM MGON BSTAN PA'I SNYING PO 'DI GSAN PA LA BLA MA RIN PO CHE 'DI SKU DVANGS SHING BAR CHAD MI 'BYUNG BA ZHIG GI PHYIR ZHABS BRTAN SKU RIM RLABS CHEN PO SGRUB PAR MDZAD, BLA MA RIN PO CHE 'DI BAS KYANG SKU NA PHEBS CHE ZHING SPYAN MI GSAL TZAM YOD KYANG PAn CHEN THAMS CAD MKHYEN PA 'JAM MGON BSTAN PA'I BDAG POR SONG GSHIS RTZOL BA CHEN POS DKA' BA KHYAD DU BSAD NAS RIM LNGA GSAL SGRON GYI GZABS BSHAD RGYAS PAR GNAD, DE NAS PAn CHEN THAMS CAD MKHYEN PA CHEN POS 'JAM DPAL ZHAL LUNG GI KHRID CIG KYANG GNANG DGOS PAR GSOL BA BTAB, RNAM SNANG MNGON BYANG GI DBANG DANG, KYEE RDOR LHA DGU'I DBANG ZHIG KYANG GNANG DGOS PAR GSOL BA BTAB CING, BLA MA RIN PO CHE SKUN MTHO BAS BAR CHAD BYUNG DOGS NAS ZHABS BRTAN SKU RIM RGYA CHEN PO MDZAD, BLA MA'I SKU TSE SPEL PHYIR TSE DPAG MED LHA DGU'I DBANG ZHIG KYANG 'BUL BAR MDZAD PAS BSTAN PA'I BDAG PO GNYIS KA THUGS BSKYED RLABS CHE BAS BAR CHAD KYI MTSAN MA MED PAR RNAM SNANG MNGON BYANG GI DBANG DANG, KYEE RDOR LHA DGU'I DBANG GNYIS KYANG RGYAS PAR GNANG ZHING, DE NAS 'JAM DPAL ZHAL LUNG GI KHRID CHOS THUN BCU BDUN LA RDZOGS PA ZHIG RTZI SHAG DANG BCAS RGYAS PAR GNANG, 'JAM DPAL ZHAL LUNG GI BKA' KHRID GRUB PA'I SEMS BSKYED TSAR MA THAG RGYAL BA THAMS CAD MKHYEN PA'I MCHOG SPRUL

, ,LHA RI SGANG DU 'KHRUL BRAL GSAL DVANGS SU PHEBS PA 'JAM DBYANGS GONG MA BDAG PO CHEN POS NGOS 'DZIN GYI LUNG PHEBS NAS DE 'PHRAL BKRA SHIS LHUN POR GDAN DRANGS, BLA MA RIN PO CHE 'DI PAS KYANG RGYAL BA THAMS CAD MKHYEN PA ZHAL MJAL NAS DBUS SU PHEBS TE STON DPYID KYI LAM KHRID SNGA MU BZHIN GNANG, DE NAS GONG SA MCHOG GI SPRUL SKU RIN PO CHE DBUS SU SPYAN DRANGS NAS SNYE THANG BDE BA CAN DU BZHUGS SKABS BLA MA RIN PO CHE 'DI PA DANG ,RGYUD SMAD MKHAN PO NGAG DBANG CHOS GRAGS GNYIS GONGS MCHOG GI YONGS 'DZIN DU GDAN DRANGS, BLA MA RIN PO CHE 'DI PA SKU NA PHEBS CHE BAS ZHABS PHYI 'GRUB RE MED KYANG RTEN 'BREL GYI KHYAD DGYES, BZHIN ZHAL GYIS BZHES TE SNYE THANG DU PHEBS TE KHRI 'DON MDZAD, RGYAL BA MCHOG LA SPYIR SEMS CAN THAMS CAD DANG, SGOS KHA BA CAN BA RNAMS KYI MGON DU ZHABS PAD BRTAN CING THUGS BSKYED RGYA CHEN DGOS PA'I GSOL 'DEBS MDZAD NAS LAM SGRON GYI LUNG DANG TSE DBANG GDUGS DKAR SGROL MA 'JAM DBYANGS RNAMS KYI RJES GNANG 'BUL BAR MDZAD, DE NAS PHUR BU LCOG TU PHEBS TE DGUN GYI RING BCAD RGYAR BZHUGS, DPYID CHOS SNGA MU LTAR TSUGS RTZIS MDZAD PAR SKU NA PHEBS CHE BA'I KHAR CHAB KYI SNYUN GZHI ZHIG KYANG BZHES PAS ZHABS 'BRING BA RNAMS KYIS 'DI LO BKA' CHOS SKU GZUGS KYIS LCOGS RI MI 'DUG PAS 'THEN DGOS ZHES GSOL BA

BTAB KYANG GSAN DU MA BZHED PAR NGA CHOS KHRI'I THOG TU SHIN BSAM PA RDZOGS PA YIN GSUNGS NAS CHOS BTZUGS, DE NI DUS RGYUN DU YANG DGE BA'I BSHES GNYEN PO TO BA CHEN PO ZHING GSHEGS KHAR CHOS KHRI'I THOG TU PHEBS NAS DGE 'DUN LA ZHAL BSTAN, CHOS GSUNG 'PHRO LA SEMS CAN MGON MED PA RNAMS KYI MGON DANG, SKYABS MED PA RNAMS KYI SKYABS DANG, 'KHRA SA MED PA RNAMS KYI 'KHRA SAR SHOG GSUNGS NAS THAL MO SHAG GI PHYE NAS ZHING GSHEGS PA YIN, NGA YANG DE 'DRA ZHIG LA SMON LAM 'DEBS, ZHES YANG YANG GSUNG GI YOD, DE NAS CHOS THUN RE GNYIS TZAM LAS GNANG MA THUB, ZLA BA BZHI PA'I TSES BRGYAD LA SEMS BSKYED KYI TSOGS DBUR PHEBS, TSES BCU BZHI DANG, BCO LNGA LA SMYUNG GNAS KYI SDOM PA STZAL, DE NAS CHAB KYI SNYUN GZHI JE LOD DU SONG NAS GSUNG GLO CHE ZHING BZHENG BZHUGS DKA' TZAM BYUNG YANG THUGS BDE ZHING SPRO BA'I NYAMS KHO NA MDZAD, BSTAN PA RIN PO CHE'I RGYUN DANG SLAD KYI RTEN 'BREL LA DGONGS NAS GSER SBYANGS PA 'BA' ZHIG LAS GRUB PA'I BKA' 'GYUR RIN PO CHE BZHENG BAR BZHED NAS, PHYAG NA YOD PA'I GSER RNAMS GUNG PAndI TAR GNANG NAS BZHED DGOS PA'I BKA' DANG, DE YANG DA LO RANG BYED DGOS PHEBS BAR; KHONG NAS KYANG GUS PA CHEN POS BKA' SPYI BOS NOS TE, MTHING SHOG BZANG PO LA GSER SBYANGS 'BA' ZHIG LAS GRUB PA'I POD BRGYA DANG BCU GCIG CHA TSANG DANG, BYANG CHUB LAM GYI RIM PA CHEN MO DANG, SNGAGS RIM CHEN MO

, ,GNYIS POD RE BCAS 'JIG RTEN KUN GYI MIG GI BDUD RTZIR SPUNGS PA LTA BU, DBU KHANG DANG POR PHAN TSUN DBU LHA TSON BRIS LCAGS SGIR GYI DKYIL DU MU TIG GI PHRA LDAN BZANG GOS GSER MA SPUS LEGS KYI ZHAL KHEBS NYIS BRTZEGS, GDONG DAR GSUM BRTZEGS MDO RTAGS RNAMS PAR PHYIN, GLEGS SHING MTSAL GYIS BYUGS PA YAS SPANG GI MTHONGS LA RTEN 'BREL SNYING PO DANG, GDONG SNE PHAN TSUN DU GZUNGS SNGAGS LANYTZA 'BUR DU YOD PA LA GSER SHOG DANG, DE PHYIN LA GSER GYI ME TOG RIS KYIS MDZES PA, GLEGS THAG THAD MA MDZOD GOS NGUR SMRIG GIS GTUMS PA, ZANGS TSA GSER MA'I GLEGS CHAB RDO RJE GZUGS RKOS MA PHRA LDAN, CHOS KHRI TSON RTZI GSER SHOG GIS PHYUG PA BCAS GSAR DU BSKRUN PA'I RGYUR GSER THUR SRANG BZHI BRGYA DANG GSUM, BZANG GOS GSER MA SPUS LEGS YUG PHYED DANG LNGA DANG, MDZOD GOS NGUR SMRIG YUG LNGA, GOS LING DANG CHU RTZE 'DRES MA YUG NYI SHU, MU TIG SPUS LEGS SRAN MA TZAM RDOG NYIS BRGYA DANG NYI SHU RTZA DRUG RNAMS NGO THOG DANG, AE PA DANG SNYE MO BA'I BRIS PA LTO GAR BA BZHI DANG BYINGS BRIS SHOG PA BSDOMS MI DGU BCU GO BRGYAD, DGE BSHES ZHUS DAG PA BRGYAD, LHA BIS NGA; SHING RKOS PA, GSER DNGUL BZO PA, TSEM BU PA BCAS BZO PHRAN MI NYI SHU RTZA GCIG ,LAG G-YOG MI NYI SHU RTZA BDUN BCAS KYI LAS RGYUN RING GI PHOGS DANG ZUR GSOS, GLA YON DANG, LEGS GNANG, 'DZUGS SGANG GROL

GSUM GYI STON MO GNANG CHA DANG, GZHUNG SAR GLEGS SHING DANG SHOG BU'I RIN PHUL BA BCAS LA DNGUL GYI MAndAL SNE 'DOGS CAN, NA BZA' CHA 'GRIG ,DNGUL DANG GOS CHEN, PHO MO'I RGYAN GOS, RTA SGA 'KHOR, DRE'U, MDZO MO, KHA BTAGS CHE CHUNG SOGS YANG TIG DNGUL RKYANG THOG DNGOS PO'I RI GONG BSNAN PA BCAS KHYON DNGUL SRANG SUM STONG BRGYAD BRGYA DGU BCU GO LNGA ZHO DO SKAR LNGA BCAS PHUL NAS BKA' 'GYUR RIN PO CHE GSAR BZHENG RMAD DU BYUNG BA GNANG, LI THANG GI BKA' 'GYUR MTSAL PAR MA DE SHIN TU DAG PA YOD 'DUG PAS, DE YANG TSAR GCIG BZHENG THUB PA GYIS ZHES BKA' GNANG, NYE GNAS RAB 'BYAMS PAS KYANG DE 'PHRAL DU LI THANG DU PAR BRGYAG RGYU'I BKOD PA MDZAD, DE SKABS GONG SA LHA MI'I 'DREN PA MCHOG PHO BRANG CHEN PO'I GSER KHRI LA MNGA' GSOL BA'I SKABS YIN PAS PAn CHEN THAMS CAD MKHYEN PA CHEN PO YANG DBUS SU CHIBS KHA BSKYOD NAS PHO BRANG PO TA LAR BZHUGS PA'I SKABS YIN PAS BLA MA RIN PO CHE 'DI PA'ANG PAn CHEN THAMS CAD MKHYEN PA CHEN PO MJAL BZHED CHE BA BYUNG ZHING, PAn CHEN THAMS CAD MKHYEN PA CHEN POS KYANG PHYI RABS KYI GDUL BYA RNAMS LA RANG LA LAM MA NOR BAR STON PA'I BSHES GNYEN DAM PA NI SANGS RGYAS THAMS CAD LAS KYANG LHAG PA'I BSOD NAMS KYI ZHING DAM PA YIN PAS, RANG NYID CHEN PO'I GO SA JI 'DRA ZHIG LA GNAS KYANG TSE 'GYING MI BYA BAR BLA MA BSTEN TSUL 'DI LTAR BYA DGOS SO ZHES 'DOMS PA'I PHYIR PHUR BU LCOG TU CHIBS

, ,BSKYOD NAS BLA MA RIN PO CHE'I GZIM CHUNG DU PHEBS TE SKU TSE BSRING BA'I PHYIR TSE DBANG ZHIG PHUL, DE NAS MAndAL DANG SKU GSUNG THUGS RTEN, DNGOS PO SPAM MTHO BA BCAS 'BUL BAR MDZAD DE ZHABS PAD YUN RING BRTAN DGOS PA'I GSOL 'DEBS MDZAD, GONG SA LHA MI'I 'DREN PA MCHOG NAS MGRON GNYER DGE SLONG BSKAL BZANG CHED GNANG GIS DNGUL GYI MAndAL DANG SKU GSUNG THUGS RTEN DNGOS 'BUL BCAS ZHABS PAD YUN RING BRTAN DGOS ZHES ZHU BAR MDZAD, DE SKABS BLA MA RIN PO CHE 'DI CHAB GZHI'I BSNYUN BAB LCI BAS THA MAL BA RANG BZHIN YIN NA GSUNG BGROS GNANG RE MED PA'I TSOD DU GYUR KYANG, BLA MA RIN PO CHE NI THUGS SNANG GANG YANG MED PAR, PAn CHEN THAMS CAD MKHYEN PA CHEN PO LA BSTAN PA'I GNAD LAS BRTZAMS PA'I GSUNG GLENG CHES MANG BA DANG, LHAG PAR TSAD MA RNAM 'GREL GYI RIGS PA'I DKA' GNANG PHRA MO LAS BRTZAMS TE 'BREL GTAM CHES ZHIB CING RGYAS PAR MDZAD, YONGS 'DZIN BLO BZANG CHOS 'PHEL LA'ANG SEMS TZAM PA'I PHYI DON 'GOG PA'I RIGS PA LAS BRTZAMS PA'I BKA' 'DRI MANG DU GNANG ZHING, SKU BSNYUN PA'I TSUL MED PAR DGYES NYAMS SHIN TU CHE BAR MDZAD, DE NAS PAn CHEN THAMS CAD MKHYEN PA CHEN PO CHOS GRVA CHEN MO'I BZHUGS KHRIR SPYAN DRANGS, DE SKABS GLO BUR DU DAD 'DUS CHES MANG BA LA CHOS STON PAR GSOL BA 'DEBS PAR MDZAD CING, MAndAL SKU GSUNG THUGS RTEN DNGOS 'BUL RGYA CHEN PO DANG BCAS ZHABS

BAD YUN RING DU BRTAN TE 'JAM MGON BSTAN PA'I SROG SHING DU G-YO BA MED PAR BZHUGS DGOS ZHES GSOL BA 'DEBS PAR MDZAD ,DE NAS PAn CHEN THAMS CAD MKHYEN PA CHEN PO PHO BRANG DU CHIBS KHA BSKYOD, DE NAS ZHAG KHA SHAS NAS, RGYAL BA THAMS CAD MKHYEN PA CHEN PO PHO BRANG CHEN PO'I GSER KHRIR MNGA' GSOL BA LA LEGS 'BUL RGYAS PA ZHIG BYED DGOS ZHES BKA' PHEBS, 'BUL THO'I 'OG BRJOD KYANG BLA MA RIN PO CHE NYID KYIS RGYAS PAR BKA' STZAL; PAn CHEN THAMS CAD MKHYEN PA CHEN PO LA'ANG DNGOS 'BUL GTOS CHE BAR MDZAD DU RGYUR ZHU YIG 'GO BRJOD BLA MA RIN PO CHE NYID KYIS MDZAD, BKA' 'GYUR GSER MA GSAR BZHENGS KYI SKU YON TSANG MA 'PHRAL 'BUL BYED DGOS PA DANG, SE RA SMAD KYI GRVA KHANG GSAR BZHENGS LA ZUG STON RGYAS PA ZHIG KYANG 'PHRAL DU GYIS ZHES NYE GNAS LA BKA' PHABS, NYE GNAS RAB 'BYAMS PAS KYANG BLA MA RIN PO CHE'I BKA' GANG PHEBS THAMS CAD 'PHRAL RANG DU GRUB PAR MDZAD DE, 'DI DANG 'DI LTA BU BGYIS SO ZHES SNYAN DU GSOL, DE NAS ZHABS 'BRING PA RNAMS NAS SE 'BRAS DGE GSUM RGYUD STOD SMAD RI KHROD KHAG BCAS LA ZHABS BRTAN SKU RIM NAR MAR BSGRUBS, SBYIN BDAG CHEN PO RDO RING NO YON DANG BKA' BLON MDO MKHAR BA SOGS DANG LDAN TSANG MAS BLA MA RIN PO CHE NYID LA MAndAL PHUL TE GSOL BA 'DEBS PA DANG RANG RANG GI 'BYOR PA DANG BSTUN PAS DGE 'DUN GYI SDE RNAMS LA BSNYEN BKUR TE ZHABS BRTAN SKU RIM SGRUB

, ,PA LA TSANG MAS BRTZON PA CHIG BSGRIL DU BYAS SO, ,DE LTAR BDAG CAG GI DPAL LDAN BLA MA DAM PA 'DIS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN BA RGYAS PA'I CHED DU BSNGOS, ,ZHES RJE RIN PO CHES GANG GSUNGS PA DE KHO NA LTAR PHYAG LEN LA THEBS PAR MDZAD DE, DANG POR RGYAL BA'I BSTAN PA LA ZHUGS NAS SDOM PA GSUM RIM GYIS BZHES SHING THUB PA'I BCAS MTSAMS LAS NAM YANG 'DA' BA MED PA GZHIR BZUNG NAS MDO RGYUD DGONGS 'GREL DANG BCAS PA LA THOS PA PHU THAG CHOD PA MDZAD, SANGS RGYAS NAS BZUNG STE DAM PA BAR MA CHAD PA LAS BRGYUD PA'I MDO SNGAGS GNYIS KA'I SNYAN RGYUD KYI MAN NGAG RNAMS YONGS SU RDZOGS PA GSAN, BAR DU TSE 'DI BLOS BTANG STE DKA' SPYAD SNYING RUS KYI SGO NAS NYAMS LEN MTHAR PHYIN PAR MDZAD, RANG NYID MI NYAMS PA'I GDENG THOB PA'I MTHAR SKAL BA DANG LDAN PA DAG LA DGE TSUL GYI BSLAB BYA K'A RI KA NAS RGYUD THAMS CAD KYI RGYAL PO DPAL GSANG BA 'DUS PA'I MTHAR THUG ZUNG 'JUG 'GRUB PA'I BAR RGYAL BA'I BSTAN PA YONGS SU RDZOGS PA DRI MA MED PA'I RIGS PA'I LAM NAS DRANGS TE RGYA CHER BSHAD CING ,CHOS TSIG BZHI PA ZHIG YAN CHAD KHA PHYI BLTAR MA SONG BAR RANG GI RGYUD 'DUL BA'I PHYIR DU NYAMS LEN GYI GNAD DU BSDUS TE BYANG CHUB LAM GYI RIM PA NYID LA BSGRIL NAS STON PAR MDZAD CING ,DBUGS

PHYI NANG DU RGYU BA TSUN CHAD SGO GSUM GYI SPYOD PA THAMS CAD RGYAL BA'I BSTAN PA RGYAS PA'I THABS KHO NAR MDZAD DE NUB PHYOGS KHA CHE'I YUL NAS, SHAR PHYOGS RGYA MTSO CHEN PO LA THUG GI BAR DANG GLING BAR TSUN CHAD SA CHEN PO'I KHYON 'DI BKA' GDAMS LHA CHOS BDUN LDAN GYI RNAM THAR GTZANG MA BYANG CHUB LAM GYI RIM PA LA NYAMS LEN SNYING POR BYED PAS KHYAB PAR MDZAD DO, ,MA 'ONGS PA'I GDUL BYA RNAMS KYI DON DU RJE BTZUN BLA MA DGE LEGS RGYA MTSO'I RNAM PAR THAR PA, RJE RIN PO CHE'I RTOGS BRJOD MDUN LEGS MA'I 'GREL PA RTEN 'BREL BSTOD PA'I t'IKKA, 'JAM DPAL DBYANGS KYIS RJE BLA MAR DNGOS SU GNANG BA'I GDAMS PA MDOR BSDUS KYI t'IKKA, MA PHAM MGON POR BSTOD PA TSANGS PA'I COD PAN GYI DON 'GREL, STAG TSANG LO TZA BA'I BRGAL LAN, BRGYAD STONG PA'I DON SLOB DPON SENG BZANG DANG PHYOGS GLANG GNYIS KYI 'CHAD TSUL, SDOM PA GSUM GYI NYES LTUNG NGOS BZUNG NAS BSHAGS SDOM BYED TSUL, DRIS LAN SOM NYI GCOD PA'I RAL GRI, GSUNG MGUR BSLAB BYA'I RIM PA, SKYES BU CHEN PO'I LAM LA BLO SBYONG TSUL, BYANG CHUB LAM RIM LAS BRTZAMS PA'I DRIS LAN, 'JIGS BYED GTZO RKYANG GI MNGON RTOGS, SENG GDONG MA DANG RTA MGRIN GSANG SGRUB KYI SGRUB THABS, BDAG MED PA'I CHOS KYI PHYAG RGYA GTAN LA 'BEBS TSUL, THIG LE BCU DRUG GI CHOS SKOR DANG SGROL MA BCU GNYIS KYI GTOR 'BUL, 'JAM DBYANGS NANG SGRUB KYI SGRUB THABS, SGROL DKAR GYI BSNYEN YIG DANG DE'I BUM SGRUB,

, ,GSANG 'DUS 'JAM RDOR SGRUB THABS 'DOD 'JO'I BUM BZANG, DE'I BUM SGRUB, DE'I DKYIL 'KHOR SGRUB PA DANG BDAG 'JUG NGAG 'DON, DE'I ZHI RGYAS KYI SBYIN SREG ,'DUS PA YE SHES ZHABS LUGS KYI BSKYED RDZOGS RIN CHEN PHRENG BA, GSANG 'DUS BSKYED RIM DNGOS GRUB SNYING PO, DE'I RDZOGS RIM RIM LNGA GDAN RDZOGS KYI SNYING PO, 'JIGS BYED BSKYED RIM ZA MA TOG GI SNYING PO, DE'I RDZOGS RIM RNAL 'BYOR BZHI NYAMS SU LEN TSUL; ;DPAL 'KHOR LO SDOM PA L'U AI PA'I RIM PA DANG PO'I DMAR KHRID, GRUB CHEN KUN TU DGE BA'I LUGS KYI RDZOGS RIM RNAL 'BYOR CHEN PO'I DMIGS RIM, 'KHOR LO SDOM PA'I BSNYEN YIG ,'JAM LUGS TSE DBANG RIGS LNGA'I ZUR 'DEBS, RDOR SEMS BUM SGRUB DANG RIL SGRUB BYED TSUL, MA nI BUM SGRUB, SGROL MA MAndAL BZHI PA SOGS NYER MKHO'I RIGS, RIGS GSUM SPYI SGRUB, RDO RJE 'CHANG DON YOD MKHAS GRUB KYI RNAM THAR, BYANG CHUB LAM RIM GYI KHRID YIG, SNYING PO DON GSUM GYI KHRID YIG ,RGYAL BA MA PHAM PA'I THUGS RJE BSKUL BA'I GSOL 'DEBS SMON LAM SOGS GSOL 'DEBS LTAR BSTOD TSOGS KYI RIM PA DANG 'DOD GSOL BRTAN BZHUGS KYI RIM PA, RTEN GSUM GSAR BZHENGS KYI DKAR CHAG ,SMON TSIG ,RGYAB YIG, MCHOD RDZAS GSAR BZHENGS KYI 'DOD GSOL, LAM KHRID 'JAM DPAL ZHAL LUNG GI NGOGS GCOD, GRVA SA CHEN PO BZHI DANG RGYUD STONG SMAD CHAGS TSUL,

GTOR 'BUL GYI RIM PA, BCA' YIG GI RIM PA, PAn CHEN THAMS CAD MKHYEN PA'I DOGS GCOD GSUNG LAN, BYANG CHUB KYI SEMS SBYONG TSUL GYI GDAMS NGAG THOR BU ZIN BRIS SU BKOD PA, BSNGO BA DON GNYIS PHUN TSOGS RNAMS, MDZAD DO, ,DE NAS SKU TSE 'DI'I DNGOS KYI GDUL BYA RNAMS RDZOGS PA NA DGUNG LO GYA GCIG TU PHEBS PA SNA TSOGS ZHES PA CHU PO RTA'I LO STON ZLA 'BRING PO'I YAR NGO'I TSE GNYIS KYI NYIN SKU'I BKOD PA BSDUS TE 'OD GSAL LA BZHUGS, 'OD GSAL DA LAS BZHENGS MA THAG DGA' LDAN CHES KYI PHO BRANG DU RJE BTZUN BYAMS PA MGON PO DANG, RJE NAM MKHA' DRI MA MED PA DANG, RJE 'JAM DPAL SNYING PO 'KHOR DANG BCAS PA'I CHOS KYI MDUN SAR PHEBS SO, ,DE LTAR 'JAM MGON BSTAN PA'I SROG SHING BLA MA RIN PO CHE 'DES MCHOG DMAN THAMS CAD LA CHOS KYI BDUD RTZI RGYA CHER STZAL BAS BRGYUD 'DZIN GYI SLOB MAS SA'I STENG THAMS CAD KHYAB CING, BSTAN PA YONGS RDZOGS KYI BDAG POR MNGA' GSOL BA NI PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE BTZUN BLA MA THUGS RJE'I BDAG NYID MTSAN BRJOD PAR DKA' BA DON GYI SLAD DU MTSAN NAS SMOS TE NGAG DBANG BYAMS PA LA GSOL BA 'DEBS SHING, BLA MA RIN PO CHE 'DI'I MDZAD PA RNAM THAR RNAMS BSAMS LA RJES SU BSLAB PAR BYA'O,, ` ,,BLO BZANG RGYAL BA'I RING LUGS PADMO'I TSAL, ,DPAL LDAN YE

, ,SHES 'OD KYIS RGYAS MDZAD PA'I, ,RIS MED 'GRO BA'I 'DREN PA KUN GYI GTZO, ,RJE BTZUN BLA MA'I ZHABS LA GSOL BA 'DEBS, ZHES BSNGAGS PA, BDE LDAN ZHING GI MGON PO SNYIGS DUS 'GRO BA'I MGON DU BSAMS BZHIN DU BYON PA PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO NI SHANGS BKRA SHIS RTZER YAB THANG LHA DANG, YUM NYI ZLA DBANG MO GNYIS KYI SRAS SU RAB BYUNG BCU GNYIS PA'I DUS KYI PHO NYA ZHES PA SA PHO RTA'I LO HOR ZLA BCU PA'I TSES BZHI GZA' SKAR PHUN SUM TSOGS PA'I NYIN NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE'I TSE TSANGS PA DANG BRGYA BYIN LA SOGS PA'I DKAR PHYOGS SKYONG BA'I LHA RNAMS GNAS DER LHAGS TE MKHA' DBYINGS 'JA' SPRIN GYIS KHYAB PAR BYAS, ME TOG GI CHAR PHAB, DGA' BA'I CA CO'I SGRA BSGRAGS, RJE BTZUN THAMS CAD MKHYEN PA BLO BZANG YE SHES DPAL BZANG POS BKA' BSGOS DAM LA BZHAG PA'I SRUNG MA THAMS CAD DANG, KHYAD PAR DPAL LDAN DMAG ZOR RGYAL MO DANG, NE SER JO BO CHEN PO GNYIS 'BRAL MED DU BYON TE RJE 'DI SKU BLTAMS PA DANG MNYAM DU DPAL LDAN LHA MOS NAG PHYOGS BDUD SDE ZIL GYIS GNON PHYIR DRE'U'I NGAR SKAD YANG YANG 'DON PA DANG, GZIM KHANG GI KHO RA KHOR YUG TU TSIG SGRA DANG 'UR SGRA CHEN PO NAR MAR BYUNG, NE SER BAS NI RGYUN DU GUS PAS

MCHOD PA'I TSUL DANG, GNAS BDAG GI TSUL DU SPRUL PA SNA TSOGS BSTAN TO, ,DE LTAR YUM LAS SKU BLTAMS PA'I RGYAL SRAS GZHON NU DA NI SRID ZHI'I DGE LEGS THAMS CAD GZUGS CAN GCIG TU BSDUS TE ZLA BA DAG PA'I GZUGS SU BYAS PA LTAR, PAGS PA'I MDOG NI DKAR ZHING DANGS LA 'OD 'TSER BA, DBU GDUGS LTAR ZLUM ZHING RGYAS LA SPYI GTZUG MTHO BA, SPYAN DKYUS RING ZHING DKAR NAG 'BYES PA, SHANGS KYI GZENGS MTHO ZHING MCHU SGROS BIM PA LTAR DMAR BA SOGS MTSAN DPE DANG LDAN PA 'JIG RTEN KUN GYI MIG GI BDUD RTZI LTA BU ZHIG BYUNG NGO, ,DE'I TSE DKAR PHYOGS KYI LHA DANG KLU RNAMS KYIS KHRUS GSOL BAR NGES SHING, DNGOS SU YAB YUM GYI MCHOD GNAS DGE SLONG RNAM DAG GCIG GIS SKU KHRUS YANG YANG GSOL, 'KHRUNGS NAS ZLA BA GNYIS TZAM SONG BA NA PHYAG GNYIS THAL MO YANG YANG SBYOR BAR MDZAD PA DANG, ZHAL NAS MA nI DANG DMIGS BRTZE MA RGYUN DU 'DON PAR MDZAD, BYIS PA THA MAL PA'I SPYOD PA LAS RNAM PA KUN TU 'DAS TE SKYIL KRUNG BCAS NAS THUGS DAM MDZAD PA DANG, PHYAG THAL MO SBYAR TE MCHOG GSUM GYI THUGS RJE BSKUL BA'I GSOL 'DEBS MDZAD PA DANG CHOS STON PA'I PHYAG RGYA MDZAD PA DANG, RDO DRIL BZUNG NAS THUGS DAM MDZAD PA DANG, GLEGS BAM LA GZIGS NAS KLOG PA'I TSUL MDZAD PA SOGS SKYE BO DAM PA'I SPYOD PAS DUS 'DA' BAR MDZAD PA ZHIG BYUNG BA NA PHYOGS THAMS CAD DU DE'I SNYAN GRAGS RGYAS TE BKRA SHIS

, ,LHUN PO NAS MGRON GNYER SA KHUD PA BRTAG PA MDZAD DU BYON PAR RJE GONG MA'I SKU'I NYER SPYAD RNAMS 'KHRUL MED DU NGOS 'DZIN PAR MDZAD PA SOGS 'KHRUL BRAL YID CHES KYI NGES PA RNYED, 'ON KYANG 'JIG RTEN THAMS CAD YID CHES PAR BYA BA'I PHYIR RGYAL BA THAMS CAD MKHYEN PA CHEN PO DANG MI DBANG BSOD NAMS STOBS RGYAS MCHOD YON BKRA SHIS LHUN PO'I SKU TSAB BCAS NAS, LA MO CHOS SKYONG SPYAN DRANGS NAS LUNG BSTAN ZHUS PAR BKRA SHIS RTZE'I SRAS PO 'DI PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I SKU'I YANG SRID 'KHRUL MED YIN TSUL SNGA PHYI'I RGYU MTSAN DU MA DANG BCAS LUNG BSTAN NAS 'PHRAL DU GDAN SAR SPYAN DRANGS NAS MNGA' GSOL BYED DGOS TSUL GSUNG BA LTAR DGUNG LO GSUM DU PHEBS PA LCAGS PHO SPRE'U'I LO ZLA BA DGU PA'I TSES NYER DRUG GI NYIN RGYAL BA THAMS CAD MKHYEN PA CHEN PO NAS BLO BZANG DPAL LDAN YE SHES ZHES MTSAN GSOL GNANG ZHING, GANGS LJONGS KYI SA'I CHA THAMS CAD DU DRIL BSGRAGS TA LHA SDE MI SDE THAMS CAD KYIS GTAM SNYAN DAR PHYAR BYAS, DE NAS DGUNG LO BZHIR PHEBS PA LCAGS MO BYA'I LO ZLA BA DRUG PA'I BYA'I LO ZLA BA DRUG PA'I TSES GCIG RGYAL PHUR 'GRUB SBYOR 'DZOM PA'I THOG BKRA SHIS LHUN PO NAS PHYAG MDZOD CHEN MO BLO BZANG TSE DBANG DRUNG 'KHOR RAGS RIM DANG BCAS PHEBS TE BKRA SHIS RTZE NAS GDAN DRANGS, RGYAL BA THAMS CAD MKHYEN PA'I

SKU TSAB DANG, 'JAM DBYANGS GONG MA BDAG PO CHEN PO'I BKAS MNGAGS PA'I MI DRAG MANG PO DANG, MI DBANG BSOD NAMS STOBS RGYAS SKU 'KHOR GTOGS CHE BA BCAS RGYA BOD HOR GSUM GYI RTA PA STONG PHRAG MANG PO DANG, BKRA SHIS LHUN PO'I BLA MA DGE 'DUN TSANG MA'I THOG PHYOGS 'DUS KYI DGE 'DUN KHRI KHRAG MANG POS MCHOD PA'I BYE BRAG SNA TSOGS PA THOGS TE BSDUS NAS ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI PHO BRANG RGYAL MTSAN MTHON PO'I GZIM CHUNG BKA' GDAMS PHO BRANG DU PHEBS SO, ,DE NAS SA'I STENG GI CHE DGU MTHA' DAG GIS ZHABS KYI PADMO LA SPYI BOS GTUGS TE, MNGON PAR MCHOD CING MKHO DGU'I YO BYAD THAMS CAD RDZOGS LDAN GYI SPRIN BZHIN DU 'DUS TE RJE 'DI PA'I ZHABS DRUNG DU PHUL NAS GSOL BA 'DEBS PA LA BRTZON PAR GYUR TO, ,DE NAS RJE 'DI PAS GZIM CHUNG GI SKU GSUNG THUGS RTEN RNAMS LA LEGS PAR GZIGS TE 'DI DANG 'DI'O ZHES NGOS 'DZIN MDZAD CING, RJE GONG MA'I DUS KYI SKU GSUNG THUGS RTEN DNGOS SU MA BZHUGS PA 'GA' ZHIG GAR YOD CES BKA' 'DRI MDZAD PAS THAMS CAD YID CHES KYI DAD PA'I GNAS LA BKOD, DE NAS YI GE 'DRI KLOG BRDA PHUL BA TZAM GYIS MKHYEN CING, GANG BLO MA, SHES BYA MKHA' DBYINGS MA SOGS CHOS SPYOD RNAMS GZIGS PA TZAM GYIS ZHAL 'DON DU MDZAD CHOG PA BYUNG,

, ,DE NAS RJE 'DI PA DGUNG LO LNGAR PHEBS PA CHU PHO KHYI'I LO RJE BTZUN BLA MA NGAG DBANG BYAMS PA MJAL KHAR PHEBS NAS DNGOS 'BUL TSAN CHE BA DANG BCAS ZHABS BRTAN GSOL 'DEBS RGYAS PAR MDZAD CING, LHAG PAR SKU NA PHRA MO'I DUS 'DI NYID NAS PAn CHEN DBEN SA PA SKU GONG MA RNAMS KYI RNAM THAR BZANG BO LA SPYAN YAR LTA MDZAD NAS BCOS SLAD MED PA ZHIG DANG, GROGS NGAN GYI DBANG DU MA SONG BAR THOS BSAM SGOM GSUM LA THUGS BRTZON CHE BAR MDZAD DE CHOS GRVA CHEN PO 'DIR 'JAM MGON RGYAL BA GNYIS PA'I RING LUGS DRI MA MED PA CHES CHER 'PHEL ZHING RGYAS PAR BYA BA'I THUGS KHUR CHEN PO CI NAS KYANG BZHES DGOS ZHES GSOL 'DEBS MDZAD BA THUGS LA SHIN TU 'PHROD PA BYUNG STE, DUS PHYIS KYANG BLA MA RIN PO CHE NAS NGA CHUNG NGU'I DUS NA ZHAL TA 'DI 'DRA MDZAD BYUNG BA DE SNYING LA PHUR PA BTAB PA LTA BU ZHIG BYUNG ZHES RJE 'DIS YANG YANG GSUNG NGO, ,DE NAS LA MO CHOS SKYONG CHEN POS DGE PA'I BSHES GNYEN BYAMS PA RIN PO CHE'I DRUNG NAS CHOS 'DRA GSAN NA LEGS ZHES LUNG PHEBS PA LTAR RJE BTZUN BLA MA NGAG DBANG BYAMS PA'I DRUNG NAS, BYANG CHUB LAM SGRON GYI LUNG, RNAM 'JOMS KYI BYABS BSRUNG, TSE DBANG GRUB RGYAL LUGS DANG 'JAM LUGS, RTA MGRIN GSANG SGRUB, GTZUG TOR RNAM RGYAL, SGROL DKAR, GDUGS DKAR, KHYUNG NAG ,'JAM DBYANGS NANG SGRUB, KHRO BO SME BRTZEGS, MGON PO PHYAG DRUG PA'I CHO GA'I

LUNG BCAS GSAN, BKA' CHOS GSAN PA'I TSE, RJE BTZUN BLA MA NGAG DBANG BYAMS PA RIN PO CHE BZHUGS KHRI MTHON PO DANG, RJE RANG NYID STAN DMA' BA'I STENG DU BZHUGS TE CHOS GSAN PA'I KUN SPYOD 'DUL BA DANG MDO SDE NAS 'BYUNG BA LTAR MDZAD PAS BSTAN BA'I MIG RGYAN DU GYUR PA MDZAD DO, ,RJE 'DI PAS BLA MA RIN PO CHE DE NYID LA THUGS DAD TSAD MED PA MDZAD CING, LAM SGRON GYI LUNG GSAN SKABS DBU SHOG PHYAG TU PHUL BA SMRA BRJOD GTZANG ZHING SHAR RGYAG KLOG PA GNANG BAS BLA MA RIN PO CHE THUGS SHIN TU DGYES PA BYUNG NGO, ,DE NAS DGUNG LO DRUG TU PHEBS PA CHU MO PHAG GI LO ZLA BA DANG PO'I TSES BCU GCIG GI NYIN GRUB PA'I DBANG PHYUG SNGAGS CHEN ZHAL SNGA NAS BLO BZANG BZOD PA YONGS 'DZIN DU MNGA' GSOL TE, THOG MAR PAn CHEN BLO BZANG CHOS KYI RGYAL MTSAN GYI GSUNG 'BUM NANG NAS RJE BTZUN TZONG KHA PA CHEN PO LA BRTEN PA'I BLA MA'I RNAL 'BYOR, DBYANGS CAN MA'I BSTOD PA LHA'I GLU DBYANGS, 'JAM DKAR GYI SGRUB THABS SHES RAB MCHOG SBYIN, 'JAM DBYANGS AA RA PA TZA NA'I SGRUB THABS NOR BU CHU SHEL DANG BLO GSAL KUNDA'I DGA' BYED, SMRA SENG GE SGRUB THABS RMONGS PA'I RNYOG SEL NOR BU CHU DANGS MA DANG SHES RAB GSAL BYED, DBYANGS CAN MA'I SGRUB THABS, 'JAM DBYANGS KYI BSTOD PA SHES RAB GSAL BYED, 'JAM DKAR GYI BSTOD PA BLO GROS MIG 'BYED KYI THUR MA DANG, RJE'I GSUNG THOR BU NAS DBYANGS CAN MA'I SGRUB THABS RNAMS KYI LUNG

, ,GSAN PAR MDZAD DO, ,DE NAS YONGS 'DZIN RIN PO CHE 'DI LA BDE GSANG 'JIGS GSUM GYI DBANG DANG RJES GNANG MANG PO DANG, BKA' 'GYUR RIN PO CHE'I LUNG DANG, RJE RIN PO CHE'I GSUNG 'BUM GYI LUNG SOGS GSAN PAS RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE NAS RJE 'DI PA DGUNG LO BDUN DU PHEBS PA SHING PHO BYI BA'I LO BKRA SHIS LHUN PO'I DGE 'DUN TSANG MAS 'DUS PA RGYA MTSO'I DBUS SU MI 'JIGS SENG GE'I KHRI LA PHEBS NAS DGE 'DUN TSANG MAR PHYAG DBANG DANG CHOS KYI BDUD RTZI GNANG DGOS ZHES YANG YANG GSOL BA BTAB PA NA YONGS 'DZIN RIN PO CHE BLO BZANG BZOD PA LAS BSLAB SDOM BZHES TE DUR SMRIG GI RGYAL MTSAN GSOL NAS ZLA BA DGU PA'I TSES BCU'I NYIN MI DBANG BSOD NAMS STOBS RGYAS KYIS SPYAN DRANGS TE GTZUG LAG KHANG CHEN POR MI 'JIGS SENG GE'I KHRI LA PHEBS NAS TSANGS PA'I DBYANGS KYIS MCHOG GSUM GYI THUGS RJE BSKUL TE BDEN PA'I MTHU BRJOD PA'I LJAGS BSNGO GNANG ZHING DGE 'DUN TSANG MAR PHYAG DBANG STZAL PAS DGE 'DUN RNAMS THUGS YID TSIM PAR MDZAD, RGYAL BA MCHOG NAS KYANG DGE 'DUN GYI SDE CHEN PO'I DBUS SU CHOS KYI BDUD RTZI GNANG BA'I DBU TSUGS PA LEGS ZHES RTEN 'BYUNG GI DNGOS PO RGYA CHE BA STZAL ZHING, MI DBANG BSOD NAMS STOBS RGYAS SOGS CHE DGU TSANG MAS SRID NA DKON PA'I

'BYOR PA'I KHYAD PAR SNA TSOGS PA PHUL TE MCHOD, DE NAS RJE 'DI NYID DGUNG LO BCU GNYIS SU PHEBS PA SA MO SPRUL GYI LO SNGAGS CHEN ZHAL SNGA NAS BLO BZANG DPAL 'BYOR GYIS DBUS SNGAGS GRVA'I DGE 'DUN TSANG MAS ZHABS BRTAN GSOL 'DEBS SHIG GI BKA' RTZOM ZHUS PAR, AOm BDE LEGS SU GYUR CIG, ,BLO GROS DPAG BSAM LJON PA'I RTZA BA BRTAN, ,BZANG PO'I YAL GA LO MA ME TOG RGYAS, DPAL LDAN YE SHES 'BRAS BUS 'GRO BA KUN, TSIM MDZAD RJE BTZUN BLA MAR GSOL BA 'DEBS, ,DGE LEGS YON TAN KUN GYI GZHIR GYUR PA'I, ,BLO BZANG RGYAL BA'I BSTAN PA 'DZIN PA LA, ,DPAL LDAN MKHAS KUN GTZUG GI RGYAN GYUR PA, ,YE SHES MTSAN LDAN ZHABS LA GSOL BA 'DEBS, ,BLO BZANG MKHYEN BRTZE'I DKYIL 'KHOR RGYAS PA LAS, ,DPAL LDAN YE SHES SNANG BA 'BUM 'PHRO BAS, ,GDUL BYA'I NYON MONGS MUN PA MA LUS PA, ,SEL MDZAD RJE BTZUN BLA MAR GSOL BA 'DEBS, ,THUB MCHOG ZAS GTZANG SRAS PO'I BSTAN PA DANG, ,KHYAD PAR BLO BZANG RGYAL BA'I RING LUGS KUN, ,SPEL ZHING 'GRO RNAMS THAR LAM 'GOD MDZAD PA'I, ,DPAL LDAN YE SHES DBANG PO ZHABS BRTAN SHOG ,DENG NAS BDAG SOGS 'GRO BA MA LUS PA, ,THEG MCHOG DGE BA'I BSHES KYIS RJES BZUNG NAS, ,MDO SNGAGS ZUNG 'BREL NYAMS LEN MTHAR PHYIN TE, ,SA BCU RIM BGROD RNAM MKHYEN MYUR THOB SHOG ,

, ,CES PA DANG, BLA BRGYUD GSOL 'DEBS KHA SKONG DU BCUG CHOG PA'I TSIGS BCAD GCIG DGOS ZHUS PAR, BLO BZANG RGYAL BA'I RING LUGS PADMO'I TSAL, ,DPAL LDAN YE SHES 'OD KYIS RGYAS MDZAD PA'I,, RIS MED 'GRO BA'I 'DREN BA KUN GYI GTZO, ,RJE BTZUN BLA MA'I ZHABS LA GSOL BA 'DEBS, ,ZHES PA GNANG STE 'DI GNYIS NI SKU TSE 'DI'I BKA' RTZOM GYI THOG MA YIN ZHING, DE SNGA SNYAN NGAG LA SBYONG BAR MA MDZAD KYANG SNYAN NGAG GI TSIG RGYAN NGO MTSAR BA'I TSIG SBYOR PHUN SUM TSOGS PA THOGS MED DU GNANG BA 'DI 'DRA BA NGO MTSAR CHE'O ZHES MKHAS PA RNAMS YA MTSAN DU 'DZIN CING, SKU TSE 'DIR MKHAS GRUB SMRA BA'I NYI MA SLAR DNGOS SU BYON PA 'DRA BA ZHIG NGES PAR 'BYUNG NGO ZHES DGE 'DUN TSANG MA YID CHES KYI DAD PA THOB STE, RJE 'DI'I BSTOD BSNGAGS 'BA' ZHIG BRJOD PAS GTAM GZHAN GLENG BA'I GO SKABS PHROGS PA LTA BUR GYUR TO, ,DE NAS RJE 'DI PA RGYAL BA THAMS CAD MKHYEN PA CHEN PO MJAL BAR SHIN TU RINGS PAR GYUR NAS LO 'DIR RGYAL BA THAMS CAD MKHYEN PA CHEN PO'I ZHAL MJAL ZHING DGE TSUL GYI SDOM PA ZHU BA SOGS KYI CHED DU PHEBS TSOGS PA DGOS ZHES RGYAL DBANG MCHOG LA ZHU BAR MDZAD PA NA RGYAL BA THAMS CAD MKHYEN PA CHEN PO YANG THUGS SHIN TU DGYES NAS NGED KYANG PAn CHEN MCHOG GI SPRUL PA'I SKU MJAL 'DOD SKOM PA CHU 'DOD LTA BUR YOD PAS DBUS PHYOGS SU PHEBS BZHED PA CIS KYANG LEGS ZHES MGRON GNYER YON TAN LEGS

GRUB SOGS DRUNG 'KHOR KHA SHAS PHEBS BSUR GTONG BA GNANG, DE NAS BKRA SHIS LHUN PO NAS CHIBS BSKYOD DE LAM BAR GYI DAD LDAN THAMS CAD MTHONG THOS DRAN REG GI SGO NAS SMIN GROL LA BKOD CING, ZLA BA BZHI PA'I TSES BCU'I NYIN PO BRANG CHEN PO PO TA LAR PHEBS TE RGYAL BA YAB SRAS GSER ZHAL LHAN RGYAS NAS LHA MI THAMS CAD TSIM PAR MDZAD, DE NAS SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS TE SANGS RGYAS DNGOS DANG DBYER MA MCHIS PA JO BO SH'AKYA MU NE'I DRUNG DU GANGS RI'I MGON PO RGYAL DBANG THAMS CAD MKHYEN PA CHEN PO RJE BTZUN BLO BZANG BSKAL BZANG RGYA MTSO DPAL BZANG POS MKHAN SLOB SBRAGS MA MDZAD, YONGS 'DZIN BLO BZANG BZOD PAS DUS GO BA DANG, DE MO SPRUL PA'I SKU SOGS GANGS RI'I KHROD KYI 'DUL 'DZIN MCHOG TU GYUR PA BCU TSOGS KYI DBUS SU TSIGS SNGA MA DGE TSUL GYI SDOM PA LEGS PAR BZHES TE, STON PA THUB PA'I DBANG PO'I GDUNG 'TSO BA DUR SMRIG GI RGYAL MTSAN 'DZIN PA RNAMS KYI GTZUG GI NOR BUR DBANG BSKUR BAR MDZAD DO, DE SKABS RGYAL BA THAMS CAD MKHYEN PA CHEN PO LA 'JAM DBYANGS AA RA PA TZA NA DANG, SGROL DKAR YID BZHIN 'KHOR LO SOGS KYI RJES GNANG DANG, RJE BDAG NYID CHEN PO'I BSTAN PA'I SNYING PO LAM RIM BSDUS DON DANG, SHES RAB BLO 'PHEL GYI GDAMS PA'I MCHOG DGA' LDAN LHA BRGYA MA BCAS GSAN ZHING, DBANG LUNG MAN NGAG MTHA' DAG SLAR BUM PA GANG BYO'I TSUL DU RIM GYIS ZHUS

, ,CHOG PA DGOS ZHES ZHU BAR MDZAD, DE NAS GTZANG DU CHIBS KHA BSKYOD DE CHOS GRVA CHEN PO BKRA SHIS LHUN POR RGYAL BSTAN MI NUB PA'I SROG SHING DU G-YO BA MED PAR BZHUGS SHING, GDUL BYA RNAMS LA 'DOMS PHYIR KLOG PA THOS BSAM DANG, SPONG BA BSAM GTAN GYIS DUS 'DA' BAR MDZAD, DE NAS RJE BDAG NYID CHEN PO'I MDZAD PA RNAM THAR LTAR DANG POR RGYA CHEN THOS PA MANG DU 'TSOL BAR BZHED NAS YONGS 'DZIN BLO BZANG BZOD PA LA MDO SNGAGS KYI CHOS NAR MAR GSAN ZHING, RJE 'DI PA DGUNG LO BCO LNGAR PHEBS PA CHU PHO SPRE'U'I LO RGYAL BA THAMS CAD MKHYEN PA CHEN POR MDO SNGAGS KYI CHOS BKA' RGYA CHEN PO ZHU BA'I PHYIR ZLA BA LNGA PA'I NANG DU SKU MDUN DU BCAR CHOG PA DGOS ZHES ZHU BAR MDZAD PAR, RGYAL BA THAMS CAD MKHYEN PA CHEN PO THUGS SHIN TU DGYES NAS PHEBS BSU BA GNANG, RJE 'DIS BKRA SHIS LHUN PO NAS CHIBS KHA BSKYOD DE ZLA BA DRUG PA'I TSES LNGA'I NYIN PHO BRANG CHEN POR PHEBS, ZLA BA DRUG PA'I TSES BCU GNYIS GZA' SKAR 'PHROD SBYOR PHUN SUM TSOGS PA'I NYIN NAS CHOS KYI DBU BTZUGS TE RDO RJE PHRENG BA'I DBANG YONGS RDZOGS, MI TRA BRGYA RTZA, BA RI BRGYA RTZA, SNAR THANG BRGYA RTZA, SGRUB THABS RGYA MTSO, MGON CHEN BCU GSUM, 'JIGS BYED BCU GSUM MA'I DBANG SOGS SPYI BKA' DANG ZUR BKA' MTHA' YAS PA GSAN, BDE MCHOG 'KHOR BSGYUR GYI DBANG GI SKABS RGYAL BA THAMS CAD MKHYEN PA CHEN PO DPAL 'KHOR LO SDOM PA'I SKUR

DNGOS SU BZHENGS NAS DBANG BSKUR BA'I BYA BA MDZAD PAR GZIGS BA SOGS DAG PA'I GZIGS SNANG NGO MTSAR BA BSAM GYIS MI KHYAB PA BYUNG, ZLA BA DGU PA'I TSES BRGYAD LA DPAL DUS KYI 'KHOR LO'I DBANG CHEN GSAN BA'I DBU CHUGS TE, TSES BRGYAD KYI NYIN SLOB MA RJES 'DZIN DANG, DGU LA STA GON GNANG, DE NAS TSES BCU BZHI'I BAR LAS CHOG DANG RDUL TSON GYI DKYIL 'KHOR SGRUB PAR MDZAD, CHOS BCO LNGA NAS DUS 'KHOR GYI DBANG DNGOS GZHI BYIS PA LTAR 'JUG PA'I DBANG BDUN, DBANG GONG MA, GONG CHEN, RDO RJE SLOB DPON BDAG PO CHEN PO'I DBANG BCAS MKHAS GRUB THAMS CAD MKHYEN PA NAS BRGYUD PA'I DBANG ZAB MO PHYAG LEN RNAM PAR DAG PA RGYAS PAR STZAL TE RIGS LDAN 'JAM DPAL GRAGS PA SLAR YANG GANGS CAN 'GRO BA'I MGON DU BYON PA YIN PA LTAR 'JIG RTEN KUN LA DA LTAR YIN NO ZHES GO BAR BYA BA'I PHYIR DPAL DUS KYI 'KHOR LO'I BDAG POR DBANG BSKUR BAR MDZAD DO, ,DE NAS DED DPON YID BZHIN GYI NOR BU RIN PO CHE RNYED NAS RANG YUL DU LOG PA LTAR RJE 'DI PA 'PHAGS MCHOG PHYAG NA PADMO'I ZHAL GYI BUM BZANG LAS 'ONGS PA'I MDO SNGAGS LEGS BSHAD KYI BDUD RTZIS THUGS LAGS PAR TSIM NAS GANGS RI'I MGON PO RGYAL BA MCHOG LA NAM MKHA' MDZOD KYI SGO 'PHAR PHYE BA LTAR SRID NA DKON PA'I YO BYAD KYI KHYAD BAR MTHA' YAS PAS MCHOD, DBUS PHYAGS KYI SKAL BA DANG LDAN PA MTHA' DAG ZHAL GYI DKYIL 'KHOR MTHONG BA DANG, GSUNG GI BDUD RTZI

, ,THOS PA DANG, PHYAG GIS REG PAS RANG RANG GI SKAL BA DANG 'TSAM PAR SMIN GROL LA 'GOD PAR MDZAD NAS GTZANG DU CHIBS KHA BSKYOD DE CHOS GRVA CHEN PO BKRA SHIS LHUN POR PHEBS, DE NAS RGYAL BA MCHOG GI BKAS BSDUS GRVA NAS BZUNG GZHUNG LUGS CHEN MO RNAMS LA GSAN SBYONG MDZAD DGOS PAR BSKUL MA MDZAD PA THUGS LA BCANGS TE, DGUNG LO BCU DRUG PA CHU BYA LO ZLA BA DRUG PA'I TSES BZHI NAS BSDUS GRVA'I GSAN SBYONG GI DBU BTZUGS PA RING POR MA THOGS PAR RIGS PA'I SGO BYE STE MKHAS PA MTHA' DAG DRI MA MED PA'I RIGS PA'I NGA ROS SKRAG PAR MDZAD, LO GCIG LA BSDUS GRVA'I GSAN SBYONG MTHAR PHYIN PAR MDZAD DE DGUNG LO BCU BDUN PA SHING KHYI LO ZLA BA DANG PO'I TSES BRGYAD NAS TSAD MA RNAM 'GREL GYI MTHA' DPYOD LA SBYONG BA'I DBU TSUGS, RJE 'DI PA BSDUS GRVA'I GSAN SBYONG MDZAD PA'I GONG TZAM NAS YONGS 'DZIN BLO BZANG BZOD PA ZHING GSHEGS TE; RIGS PA SMRA BA'I GTZUG NOR DKYIL KHANG ZHAL SNGA NAS BLO BZANG CHOS 'PHEL YONGS 'DZIN DU PHEBS TE GSAN SBYONG GI ZHABS BSKUL ZHUS, DE NAS RNAM 'GREL GYI MTHA' DPYOD MYUR BAR MTHAR PHYIN TE RNAM 'GREL GYI GZHUNG LA SBYONG BAR BZHED PA NA RNAM 'GREL RTZA BA DANG RJE SMON LAM DPAL BA'I RNAM 'GREL GYI t'IKKA GNYIS SBYAR TE SBYONG BAR MDZAD CING, RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED DANG, MKHAS GRUB

THAMS CAD MKHYEN PAS MDZAD PA'I t'IKA CHEN RIGS PA'I RGYA MTSO GNYIS LA'ANG LEGS PAR GZIGS TE GZHAL BYA'I GNAS GSUM TSAD MA GSUM GYIS GTAN LA 'BEBS PA LA DPAL LDAN CHOS KYI GRAGS PA SLAR YANG 'ONGS PA BZHIN DRI MA MED PA'I RIGS PA'I NGA RO RE RES KYANG GANGS RI'I KHROD KYI MKHAS PAR RLOMS PA MTHA' DAG GI SPOBS PA LAN MED DU MDZAD DO, ,DE NAS RJE NYID DGUNG LO NYI SHUR PHEBS PA ME MO GLANG GI LO RGYAL BA THAMS CAD MKHYEN PA CHEN POR THUGS RDZOGS BZHES PAR PHEBS PAR THAG CHOD KYANG BSTAN 'GRO SPYI'I GEGS CHAGS KYIS RGYAL BA THAMS CAD MKHYEN PA CHEN PO LO DE'I ZLA BA GNYIS PA'I TSES GSUM LA ZHING GSHEGS PA GSAN PAS THUGS NGAL TSAD MED PA MDZAD CING DGONGS RDZOGS RGYA CHEN PO SGRUB PAR MDZAD, DE NAS LO DE'I ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN NYIN BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU, RIGS PA SMRA BA'I GTZUG GI NOR BU GNAS BRTAN 'DUL BA 'DZIN PA CHEN PO YONGS 'DZIN BLO BZANG CHOS 'PHEL GYIS MKHAN PO MDZAD, THOS BSAM GLING ZHAL SNGA NAS BLO BZANG BKRA SHIS KYIS LAS SLOB, SHAR RTZE ZHAL SNGA NAS BLO BZANG MKHAS MCHOG GIS GSANG STON; DKYIL KHANG ZHAL SNGA NAS BLO BZANG BRTZON 'GRUS KYIS DUS GO BA, SNGAGS CHEN ZHAL SNGA NAS BLO BZANG DPAL 'BYOR GYIS LHUNG BZED 'BRIM PA MDZAD NAS KHA SKONG GI DGE 'DUN GRANGS TSANG BA'I DBUS SU BSNYEN RDZOGS BZHES TE

, ,THUB PA'I DBANG PO SLAR YANG GANGS RI'I KHROD DU BYON PA JI LTA BAR GYUR TO, ,DE NAS 'JAM MGON BSTAN PA'I SROG SHING RJE BTZUN BLA MA NGAG DBANG BYAMS PA GDAN DRANGS NAS THOG MAR BYANG CHUB LAM RIM BDE LAM GYI KHRID MYONG KHRID DU MDZAD DE RGYAS PAR GSAN, DE NAS LAM RIM CHEN MO'I BSHAD LUNG GSAN PAS RANG DANG GZHAN GYI GRUB MTHA' RGYA MTSO'I PHA ROL TU PHYIN PAR GYUR TE GANGS RI'I KHROD 'DIR BYANG CHUB LAM RIM 'CHAD PA LA SUS KYANG 'GRAN DU MED PA MKHAS GRUB SMRA BA'I NYI MA SLAR YANG BYON PA JI LTA BAR GYUR TO, ,DE NAS RIM BZHIN RJE BTZUN NGAG DBANG BYAMS PA'I ZHABS DRUNG DU DPAL GSANG BA 'DUS PA'I DBANG DANG 'DUS PA'I RTZA RGYUD 'GREL PA BZHI SPRAGS NAS 'CHAD PA'I BSHAD SROL GSANG CHEN RGYUD SDE RGYA MTSO'I SNYING PO'I BCUD PHYUNG BA GONG NA MED PA'I LEGS BSHAD KYI GTER CHEN PO GSAN, DE NAS DPAL GSANG BA 'DUS PA'I RIM GNYIS KYI KHRID DANG, DPAL 'KHOR LO SDOM PA'I DBANG DANG, DE'I RIM GNYIS KYI KHRID, BDE MCHOG DRIL BU LUGS PHYI NANG GNYIS KA'I DBANG DANG, DE'I RIM GNYIS KYI KHRID, DPAL RDO RJE 'JIGS BYED CHEN PO'I RIM GNYIS KYI KHRID, BKA' GDAMS THIG LE BCU DRUG GI DBANG DANG MAN NGAG BCAS GNANG STE, RJE BTZUN BLA MA NGAG DBANG BYAMS PAS RJE 'DI GSANG CHEN BSTAN PA'I BDAG POR MNGA' GSOL TO, ,DE NAS SNGAGS GRVA'I DGE 'DUN TSANG MAS GSOL BA NAN GYIS BTAB NAS RJE 'DI SNGAGS KHANG DU

PHEBS TE SNGAGS PA TSOGS YONGS KYI THOG ,SKAL BA DANG LDAN PA GZHAN MANG PO BCAS DGE 'DUN DRUG BRGYA SKOR LA DPAL RDO RJE 'JIGS BYED CHEN PO'I DBANG BZHI STA GON DANG BCAS PA RGYAS PAR STZAL, DE NAS RJE BTZUN BLA MA NGAG DBANG BYAMS PAS BKRA SHIS LHUN PO'I TSOGS CHEN LA LAM RIM GYI KHRID RGYAS PA ZHIG GNANG DGOS SO ZHES BSKUL MA MDZAD PA LTAR TSOGS CHEN LA LAM RIM GYI KHRID RGYAS PA SEMS BSKYED MCHOD PA DANG BCAS PA GNANG, DE NAS LCANG SKYA RIN PO CHE PHEBS TE RJE 'DI TSOGS DBUR SPYAN DRANGS NAS ZHABS BRTAN RGYAS PA 'BUL BAR MDZAD CING CHOS KYI BDUD RTZI STZOL DGOS PAR GSOL 'DABS MDZAD PA LTAR GZIM CHUNG NYI 'OD 'KHYIL PAR LCANG SKYA RIN PO CHE 'KHRO BCAS DANG; DE SKABS BDAG KYANG SKYABS MGON MCHOG GI ZHAL MJAL BAR 'ONGS PA DUS 'GRIG STE BDAG CAG RNAMS LA DPAL RDO RJE 'JIGS BYED LHA BCU GSUM MA'I DBANG BZHI CHES RGYAS PAR STZAL, GZHAN YANG LCANG SKYA RIN PO CHE LA SNGAGS KYI ZAB CHOS MANG DU GNANG ZHING, LCANG SKYA RIN PO CHE 'DI NYID MDO SNGAGS THAMS CAD LA MKHAS PA'I PHUL DU PHYIN PA SUS KYANG 'GRAN DU MED BA ZHIG YIN YANG RJE BLA MA MCHOG 'DI'I DBANG BSHAD RNAMS LA THUGS SHIN TU DGYES NAS LEGS SO BRJOD PAR MDZAD, DE NAS BDAG GIS GSOL BA BTAB STE GZIM CHUNG YID DGA' CHOS 'DZIN DU BDAG DANG ZLA BO RI KHROD PA BCU DRUG TZAM ZHIG LA DPAL RDO RJE 'JIGS BYED CHEN PO'I BSKYED RIM DANG RDZOGS RIM GYI KHRID LAG RJES

, ,SGYU LUS MCHOD BA DANG BCAS PA RGYAS PAR STZAL, DE NAS CHOGS CHEN LA LAM RIM CHEN MO'I BSHAD LUNG RGYAS PAR STZAL, RIM GYIS TSOGS CHEN LA GDUGS DKAR GYI DBANG CHEN, TSE DPAG MED LHA DGU'I DBANG CHEN, THUB PA DAM TSIG GSUM BKOD KYI DBANG CHEN, DPAL MO LUGS BCU GCIG ZHAL GYI DBANG CHEN RNAMS SO SOR STA GON DANG BCAS RGYAS PAR STZAL, DA NAS LCANG SKYA RIN PO CHES DBUS SU SPYAN DRANGS TE DPAL DUS KYI 'KHOR LO'I DBANG CHEN GNANG DGOS BAR GSOL BA BTAB PA NA PHO BRANG CHEN PO PO TA LA'I GZIM CHUNG KHAMS GSUM RNAM RGYAL DU SLOB MA RJES 'DZIN GYI CHO GA MDZAD, DE NAS TSOM CHEN DU LCANG SKYA RIN PO CHES DBUS DGE 'DUN NYIS STONG BRGAL BAR DPAL DUS KYI 'KHOR LO'I DBANG STA GON DANG BCAS PA YONGS SU RDZOGS PA GNANG STE DPAL DUS KYI 'KHOR LO'I BSTAN PA NYIN MO LTAR GSAL BAR MDZAD DO, ,DE NAS SE 'BRAS DGE GSUM RGYUD STOD SMAD SOGS DBUS PHYOGS KYI DGE 'DUN RNAMS LA MDO SNGAGS KYI CHOS RGYA CHER STZAL TE BSTAN PA LA BYA BA RGYA CHER MDZAD DO, ,DE NAS GTZANG DU PHEBS BZHED PA NA DGANG LDAN RNAM PAR RGYAL BA'I GLING DU SPYAN DRANGS TE GSER KHRI'I STENG NAS BSTAN PA'I RTZA BA SO SO THAR PA'I MDO 'CHAD PA SOGS CHOS KYI 'KHOR LO RGYA CHER BSKOR, DE NAS BKA' GDAMS BSTAN PA'I 'BYUNG GNAS RA SGRENG DU PHEBS TE SNYUG MAR GNAS PA DANG PHYOGS 'DUS KYI DGE 'DUN BGRANG BA LAS

'DAS PA RNAMS LA CHOS KYI 'KHOR LO RGYA CHER BSKOR, JO BO'I SKU 'DRA DBU YON MAR GRAGS PA LA MCHOD 'BUL RGYA CHEN PO DANG BCAS GSOL 'DEBS SHUGS DRAG MDZAD PA NA DAG PA'I GZIGS SNANG DANG JO BO PHYING DKAR BA DGYES PA'I MTSAN MA NGO MTSAR BA MANG DU BYUNG, YAR LAM DGA' LDAN RAB RGYAS SU CHIBS BSKYOD DE ZHAG BCO LNGA TZAM BZHUGS NAS CHOS 'KHOR RGYA CHER BSKOR, DE SKABS RGYAL BA MCHOG GI SPRUL PA'I SKU THOB RGYAL LHA RI SGANG DU PHEBS PA PHYI CHAR DU MA GRAGS KYANG RGYAL BA YAB SRAS GNYIS YE SHES SGRIB PA MED PAS GCIG GIS GCIG GSAL BAR GZIGS TE LHA RI SGANG PA'I YUM SRAS BCAS RJE 'DI PA MJAL DU BYON PA NA RGYAL BA YAB SRAS GNYIS ZHAL MJAL TE GSANG BA ZAB MO'I BKA' MCHID MDZAD CING MYUR DU GSER KHRI LA MNGA' GSOL BA'I RTEN 'BREL BSGRIG PAR MDZAD DO, ,DE NAS GDAN SA CHEN PO BKRA SHIS LHUN POR PHEBS TE GZHIS BYAS KYI DGE 'DUN BGRANG BA LAS 'DAS PA LA PHYAG DBANG DANG CHOS KYI 'KHOR LO RIM PAR BSKOR BAR MDZAD CING, RJE BDAG NYID CHEN PO'I RNAM THAR LTAR SHING RTA CHEN PO'I GZHUNG RNAMS LA SBYANGS PA MTHAR PHYIN PA ZHIG MDZAD BZHED NAS RNAM 'GREL GYI RIGS LUNG GONG 'PHEL THOG MNGON RTOGS RGYAN THUGS LA BZUNG STE PHAR PHYIN GYI GSAN SBYONG DANG, DBU MA 'JUG PA THUGS LA BZUNG STE DBU MA'I GSAN SBYONG DANG, 'DUL BA MDO RTZA BA THUGS LA BZUNG STE 'DUL BA'I GSAN SBYONG DANG, MNGON PA MDZOD THUGS LA BZUNG STE MNGON PA'I GSAN SBYONG RNAMS DANG RGYA GAR MKHAS PA'I GZHUNG RNAMS

, ,DANG RJE YAB SRAS KYI GZHUNG RNAMS LA LEGS PAR GZIGS TE MTHA' CHOD BAR MDZAD CING, 'DZAM BU'I GLING GI SA'I CHA MTHA' DAG NAS 'DUS PA'I CHOS DON GNYER BA RNAMS LA SDE SNOD GSUM DANG RGYUD SDE BZHIS BSDUS PA'I MDO SNGAGS KYI CHOS MTHA' YAS PA BRGYUD MAR STZAL, BSTAN PA'I GSAL BYED RJE LCANG SKYA RIN PO CHE NAS BSKUL MA MDZAD PA LTAR SNGAGS KHANG DU BDE MCHOG GI CHO GA GSAR 'DZUGS MDZAD RGYUR, SNGAGS PA TSOGS YONGS LA BDE MCHOG GI DBANG CHEN STZAL NAS SNGAGS KHANG DU BDE MCHOG GI CHO GA 'DZUGS PAR MDZAD, SNGAGS PA'I DGE BSHES DRAG RIM NAS BDE MCHOG GI BSNYEN PA BYED DGOS PA'I BKA' 'DOMS MDZAD DE BSNYEN SONG MANG DU BYUNG BA NA RJE NYID DGUNG LO NYI SHU RTZA LNGAR PHEBS PA CHU PHO RTA'I LO ZLA BA BCU GCIG PA'I TSES BCU GSUM GZA' SKAR 'PHROD SBYOR LEGS PA'I NYIN NAS BDE MCHOG SGRUB MCHOD KYI DBU TSUGS TE JI SRID RGYAL BSTAN NAM GNAS KYI BAR DU MI NYAMS PA'I BKA' 'DOMS MDZAD, RJE RGYAL BA GNYIS PA'I BSTAN PA'I SNYING PO GSANG CHEN RDO RJE THEG PA'I BSTAN PA MTHAR THUG MA RGYUD KYI GTZO BO DPAL 'KHOR LO SDOM PA'I BSTAN PA GSAL BAR MDZAD PA NI NGO MTSAR RMAD DU BYUNG BA'I RNAM PAR THAR BA ZHIG GO ,DE NAS SA SKYONG ZHES BA SHING MO BYA'I LO DUS 'KHOR GYI SGRUB MCHOD 'DZUGS PAR MDZAD DE JI SRID RGYAL BSTAN NAM GNAS BAR NAG PA ZLA BA'I NANG DU DUS 'KHOR

SGRUB MCHOD CHAG MED YONG BA'I BKA' 'DOMS MDZAD, DE'I TSE SNGON SHAMBHA LAR RIGS LDAN 'JAM DPAL GRAGS PAS DRANG SRONG NYI MA'I SHING RTA SOGS SKAL LDAN GYI SLOB MA BYE BA PHRAG MANG BO DKYIL 'KHOR CHEN POR 'DZUD PAR MDZAD PA LTAR RJE 'DIS KYANG DPAL DUS KYI 'KHOR LO'I BSTAN PA CHES CHER RGYAS PAR BYA BA'I RTEN 'BREL DU BKRA SHIS LHUN PO'I DGE 'DUN TSANG MA DUS 'KHOR SGRUB MCHOD KYI THOG DKYIL 'KHOR MJAL BA DANG RJE NYID KYI BYIN RLABS ZHU BA BCAS LA GTONG BAR MDZAD, DE SKABS GNAS GSUM GYI DPA' BO DANG DPA' MO RNAMS CHES CHER DGYES PA'I RTAGS SU NAM MKHAR 'JA' SPRIN 'KHRIGS PA SOGS NGO MTSAR BA'I LTAS MANG DU BYUNG NGO, ,DE NAS RNAM 'DREN RGYAL BA'I DBANG POS SPYAN 'DREN ZHUS TE DBUS PHYOGS SU PHEBS, ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN, LHA LDAN SPRUL PA'I GTZUG LAG KHANG GI JO BO SH'AKYA MU NE'I DRUNG DU RJE 'DIS MKHAN SLOB SBRAGS MA MDZAD YONGS 'DZIN RIN PO CHE DAG DBANG CHOS GRAGS KYIS DUS GO BA MDZAD, DE MO SPRUL PA'I SKU RIN PO CHE SOGS DGE 'DUN GRANGS TSANG BA'I DBUS SU RAB TU BYUNG ZHING DGE TSUL GYI SDOM PA BZHES TE GANGS CAN 'GRO BA'I MGON PO RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES THUB DBANG SLAR YANG PHYOGS 'DIR BYON PA JI LTA BA BZHIN DUR SMRIG 'DZIN PA'I MCHOG TU GYUR TO DE NYIN DKAR PHYOGS KYI LHA RNAMS CHES CHER DGA' STE,

, ,DA NI THUB PA'I BSTAN PA 'PHAL ZHING SNYIGS MA'I 'GRO BA RNAMS MGON DANG BCAS PAR GYUR TO ZHES DGA' BA'I CA CO'I SGRA 'OG MIN GYI BAR DU'ANG BSGRAGS SHING, SKYE BO THA MAL PA RNAMS KYI MTHONG SNANG DU'ANG NAM MKHA'I KHYON THAMS CAD 'JA' SPRIN GYIS KHYAB PAR GYUR PA ZHIG BYUNG BAS MCHOG DMAN BAR MA'I 'GRO BA THAMS CAD RGYAL BA YAB SRAS GNYIS KA LA MI KHYED PA'I DAD PA THOB PAR GYUR TO, ,DE NAS RGYAL BA YAB SRAS GNYIS KA PHO BRANG CHEN PO PO TA LAR PHEBS TE, RJE 'DIS RGYAL BA MCHOG LA 'KHRUNGS RABS SO BZHI PA SOGS LUNG MANG PO DANG, LAM RIM BDE LAM MYUR LAM SOGS 'JAM MGON RGYAL BA GNYIS PA'I SNYAN RGYUD KYI MAN NGAG RGYA CHER 'BUL BAR MDZAD, RJE 'DI NI BSTAN PA'I DON LA DKA' BA CI BYUNG YANG SKYO NGAL MI MDZAD PAR DE'I TSE PHYOGS MTHA' DAG NAS 'DUS PA'I CHOS DON GNYER BA RNAMS LA RANG RANG GI 'DOD PA LTAR CHOS KYI BDUD RTZI RGYA CHER STZAL ZHING, LHAG PAR BSNYEN RDZOGS BSGRUB BYA STONG PHRAG BRGAL BA BYUNG YANG BSTAN PA'I RTZA BA SO SO THAR PA YIN PAS DKA' BA CI BYUNG YANG BZOD GSUNGS NAS NYIN MANG POR SBREL NAS GNANG ZHING RES 'GA' GUNG YOL NAS TSUGS PA SROD THUN YOL GYI BAR DU GNANG DGOS PA BYUNG YANG SKYO NGAL MI MDZAD PAR THUGS SPRO ZHING GNANG BA NI RGYAL BA'I BSTAN PA

'BA' ZHIG THUGS LA BCANGS PA'I RNAM BAR THAR PA RMAD DU BYUNG BA ZHIG GO, DE NAS RGYAL BA MCHOG LA DPAL RDO RJE 'JIGS BYED CHEN PO LHA BCU GSUM MA'I DBANG DANG, GDUGS DKAR LHA SO BDUN MA'I DBANG DANG, LEGS LDAN MCHED GSUM GYI RJES GNANG DANG, MGON PO RGYAN CAN GYI RJES GNANG DANG, SGRUB THABS BRGYA RTZA'I NANG NAS 'OD ZER CAN MA DANG 'JAM DBYANGS SMRA SENG SOGS RJES GNANG 'GA' ZHIG 'BUL BAR MDZAD CING; GZHAN MA DON GNYER CAN MANG POR DBANG LUNG MAN NGAG MTHA' YAS PA STZAL, DE NAS GTZANG DU CHIBS BSKYOD MDZAD RGYUR PHO BRANG NAS PHEBS TE 'BRAS SPUNGS 'DU KHANG CHEN MOR 'BRAS SPUNGS TSOGS CHEN GYI THOG PHYOGS 'DUS MANG PO BCAS DGE 'DUN STONG PHRAG MANG POR LAM GTZO'I KHRID STZAL DE NAS RIM GYIS LAM BAR GYI DAD LDAN SER SKYA BGRANG BA LAS 'DAS PA LA MTHO RIS DANG THAR PA'I SA BON 'DEBS PAR MDZAD CING, CHOS GRVA CHEN PO BKRA SHIS LHUN POR PHEBS NAS 'KHOR LO GSUM GYI BYA BAS ROL PAR MDZAD, DE NAS MI ZAD CES PA ME PHO KHYI'I LO SNGAGS CHEN ZHAL SNGA NAS SOGS SNGAGS GRVA'I DGE 'DUN TSANG MAS GSOL BA BTAB NAS PHO BRANG RGYAL MTSAN MTHON PO'I GZIM CHUNG NYI 'OD 'KHYIL BAR YONGS 'DZIN RIN PO CHE, PHYAG MDZOD CHEN MO, GRVA TSANG BLA MA BZHI, SNGAGS PA TSOGS YONGS GZHAN YANG SKAL LDAN KHA SHAS BCAS LA DPAL DUS

, ,KYI 'KHOR LO'I DBANG CHEN SLOB MA RJES BZUNG NAS GONG CHEN BDAG PO CHEN PO'I DBANG GI BAR RGYAS PAR STZAL TE RIGS LDAN 'JAM DPAL GRAGS BA SLAR YANG GANGS RI'I KHROD DU PHEBS NAS DPAL LDAN DANG PO'I SANGS RGYAS KYI RGYUD CHEN GSAL BAR MDZAD DO ZHES SA STENG MA LUS GRAGS PAS KHYAB PAR GYUR TO, ,DE NAS ZLA BA LNGA PA'I NANG DU BDAG CAG SKYID GRONG RI KHROD PA RNAMS SKU MDUN DU BCAR TE MAndAL PHUL NAS RJE NYID ZHABS PAD YUN RING BRTAN PA'I GSOL BA BTAB CING, 'JAM MGON BLA MA'I BSTAN PA'I SNYING PO MTHAR THUG PA MDO SNGAGS KYI MAN NGAG MTHA' DAG RGYA CHER SBEL BAR MDZAD PA DANG, LHAG PAR RDO RJE 'CHANG CHEN PO'I LAM GYI RIM PA'I GZABS BSHAD RGYAS PA ZHIG STZOL BAR GSOL BA BTAB PAS DGYES BZHIN ZHAL GYIS BZHES TE RGYAL MTSAN MTHON PO'I GZIM CHUNG NGO MTSAR BKOD PAR GRVA TSANG BLA MA BZHI DANG, SNGAGS GRVA'I DGE BSHES DRAG GRAS 'GA' ZHIG ,BDAG CAG SKYID GRONG RI KHROD PA RNAMS BCAS LA SNGAGS RIM CHEN MO'I BSHAD LUNG CHOS THUN NYI SHU SKOR ZHIG RGYAS PAR STZAL, CHOS TSUGS PA'I 'GOR BLA MA YI DAM SRUNG MAR BCAS PA LA TSOGS MCHOD DANG, GRUB NAS KYANG GTANG RAG GI TSOGS MCHOD DANG MAndAL RGYAS BAR PHUL, RJE 'DIS 'JAM MGON BLA MA'I BSTAN PA'I SNYING PO MTHAR

THUG PA RNAMS MING TZAM YANG NYAMS PA LA PHYOGS PA GSO BAR MDZAD PAS BSTAN PA LA BYA BA BLA NA MED PA MDZAD DO, ,DE LTAR BSTAN PA'I BYA BA RGYA CHEN PO MDZAD PA 'JAM DBYANGS GONG MA BDAG PO CHEN POS GSAN NAS LEGS SO'I GNANG SKYES 'JA' SA GSER THAM SOGS PHEBS TE, RJE 'DI'I RNAM PAR DKAR BA'I 'PHRIN LAS KYIS SA GSUM MA LUS KHYAB PAR GYUR TO, ,DE NAS RIM GYIS LO LO BZHIN BKRA SHIS LHUN PO'I TSOGS CHEN LA DBYAR GNAS KYI THOG SHING RTA CHEN PO'I GZHUNG RNAMS KYI BSHAD LUNG DANG, LHAG PAR SKYES RABS SO BZHI PA'I GZABS BSHAD CHES RGYAS PA DANG, LAM RIM CHEN MO'I BSHAD LUNG, LAM RIM BDE LAM GYI KHRID, BLO SBYONG DON BDUN MA'I KHRID, DGA' LDAN LHA BRGYA MA'I KHRID, BLA MA MCHOD PA'I KHRID, RGYUD SDE BZHI DANG 'BREL BA'I DBANG DANG LHAG PA'I LHA MANG PO'I RJES GNANG RIM PAR STZAL, DE NAS RGYAL BA THAMS CAD MKHYEN PAS MDO SNGAGS KYI CHOS BKA' RGYA CHEN PO GSAN PHYIR DBUS SU SPYAN DRANGS TE PHO BRANG CHEN POR PHEBS NAS RGYAL BA MCHOG SKU 'KHOR RAGS RIM DANG BCAS PA LA 'JAM DBYANGS CHOS SKOR GYI RJES GNANG YONGS RDZOGS, DPAL GSANG BA 'DUS PA MI BSKYOD RDO RJE'I DBANG STA GON DANG BCAS PA, DPAL 'KHOR LO SDOM PA L'U AI PA'I LUGS KYI DBANG STA GON DANG

, ,BCAS PA, SGROL MA NYER GCIG GI RJES GNANG YONGS RDZOGS, RNAM 'GREL, 'DUL BA, PHAR PHYIN, DBU MA, MDZOD RNAMS KYI LUNG DANG, RDO RJE 'JIGS BYED KYI BSKYED RIM GYI KHRID, DAM CAN CHOS KYI RGYAL PO'I RJES GNANG, LHA MO DMAG ZOR MA'I RJES GNANG, DPAL MGON ZHAL BZHI PA'I RJES GNANG, LCAM SRING GI RJES GNANG, DPAL LHA'I RJES GNANG, MGON PO PHYAG BZHI PA'I RJES GNANG RNAMS RIM GYIS 'BUL BAR MDZAD, DE NAS GTZANG LA CHIBS BSGYUR GNANG STE BKRA SHIS LHUN POR PHEBS NAS 'JAM MGON BSTAN PA'I SROG SHING G-YO BA MED PAR BZUNG NAS RAB BYUNG BSNYEN RDZOGS BRGYUD MAR BSGRUB PA DANG, MDO SNGAGS KYI CHOS KYI 'KHOR LO BRGYUD MAR BSKOR TE BSTAN PA'I BYA BA RGYA CHER MDZAD DO, ,'DI SKABS RJE BLA MA 'DIS SNGON STON PA THUGS RJE CAN DES GANG DU SANGS RGYAS PA'I TSUL BSTAN PA'I GNAS RDO RJE GDAN SOGS 'PHAGS YUL GYI GNAS CHEN RNAMS LA MCHOD 'BUL SMON LAM MDZAD PHYIR BKRA SHIS LHUN PO'I GRVA PA CHOS MTHUN BZHI TZAM ZHIG GTONG BAR MDZAD PA RGYA GAR KA SHI'I RGYAL POS DAD PA CHEN POS ZHABS 'GYUR BYAS TE LAM BAR GYI 'JIGS PA LAS BSKYABS SHING RGYUS YOD KYI ROGS BTANG STE RDO RJE GDAN DU 'BYOR NAS BYANG CHUB CHEN PO LA GSER CHAB DANG, SNA LNGA'I STONG MCHOD SOGS MCHOD 'BUL RGYA CHEN PO

BYAS PA NA RGYA GAR GYI YUL GRU THAMS CAD DU CHES CHER GRAGS TE BOD KYI BLA MA CHEN POS BYANG CHUB CHEN PO LA MCHOD PA TSAD MED PA PHUL, DE YANG SEMS CAN THAMS CAD KYI DON DU YIN PA 'DUG CES THOS NAS RJE 'DI'I THUGS BSKYED KYI MTHUS 'PHAGS YUL GYI RGYAL BLON 'BANGS DANG BCAS PA DAD PA'I SA LA BKOD, RGYA GAR SHAR NUB DBUS DANG BCAS PA'I RGYAL PO SO SO NAS RJE 'DI LA ZHU 'PHRIN 'BUL ZHING RANG RANG GI YUL GYI DPYAD PA NGO MTSAR BA SNA TSOGS 'BUL BA DANG, RJE 'DI LA GSOL BA 'DEBS PA DANG, BKA' BZHIN DU SGRUB PAR DAM 'CHA' BA SOGS SNGON MED PA'I NGO MTSAR YA MTSAN CHE BA BYUNG NGO, ,DE NAS RJE NYID DGUNG LO SO BRGYAD DU PHEBS PA MYOS BYED CES PA SHING MO LUG GI LO BOD KYI SRID SKYONG DE MO RIN PO CHES BSAM YAS LA ZHIG GSO RLABS CHEN MDZAD PAR ZHAL 'DEBS DANG MCHOD 'BUL RLABS CHE BA MDZAD, BRAG G-YAB SPRUL SKU SOGS SKAL LDAN MANG PO LA LAM RIM GYI KHRID DANG, 'JIGS BYED BDUD LAS RNAM RGYAL GYI DBANG, GDUGS DKAR GYI DBANG DANG, TSE DPAG MED LHA DGU'I DBANG DANG, BCU GCIG ZHAL GYI DBANG DANG, DRIL BU LUS DKYIL GYI DBANG, 'JAM DBYANGS CHOS SKOR GYI RJES GNANG SOGS MDO SNGAGS KYI CHOS MTHA' YAS PA STZAL, LO DE'I DBYAR GNAS KYI THOG TSOGS CHEN LA LAM RIM GYI KHRID ZHI BA LHA'I LUGS KYI SEMS BSKYED

, ,KYI CHO GA DANG BCAS PA RGYAS PAR STZAL, ZLA BA BDUN PA'I NANG DU BDAG CAG SKYID GRONG RI KHROD BA RNAMS 'BYOR TE TSES BDUN GYI NYIN RJE BLA MA 'DI NYID TSOGS DBUR SPYAN DRANGS TE DNGOS 'BYOR GYI 'BUL BA DANG BCAS ZHABS BRTAN GSOL 'DEBS ZHUS, DE SKABS THAN PA SHIN TU CHE BA YOD PA LA, DE NYIN RJE 'DI TSOGS CHEN GYI BZHUGS KHRI'I STENG DU PHEBS MA THAG MKHA' LA GLO BUR DU SPRIN 'KHRIGS TE 'BRUG SGRA DRAG PO BRGYUD MAR BSGRAGS SHING CHAR DRAG PO BABS TE 'DZIN MA'I KHYON THAMS CAD CHUS BRLAN PAR BYAS PAS RJE NYID THUGS SHIN TU DGYES TE RTEN 'BREL SHIN TU LEGS PA BYUNG ZHES BKA' PHEBS, DE NYIN LHA KHANG RNAMS SU PHEBS TE KHRUS GSOL RGYAS PA MDZAD, DPAL LDAN DMAG ZOR RGYAL MO LA RTZAM KHAL BRGYA PHRAG BRGAL BA LAS GRUB PA'I GTOR MA BSHAMS TE 'DUS PA RGYA MTSO'I TSOGS DANG LHAN CIG TU DPAL LDAN LHA MO LA GTOR 'BUL DANG 'PHRIN 'CHOL RGYAS PA MDZAD, GZHAN YANG LO DE LA SKAL BA DANG LDAN PA BGRANG BA LAS 'DAS PA LA CHOS KYI 'KHOR LO BSKOR BA DANG, RGYAL BA'I BKA' DANG BSTAN BCOS 'GYUR RO COG TSANG MA GSER BTZO MA'I KHU BAS 'DRI BAR MDZAD PA SOGS BLO DMAN DAG GIS RJES SU YI RANG TZAM YANG BYA DKA' BA'I BSTAN PA'I BYA BA RGYA CHER MDZAD DO, ,DE NAS RJE BLA MA 'DI NYID DGUNG LO SO DGUR PHEBS

PA GDONG NGAN ZHES PA ME PHO SPRE'U'I LO KHAL KHA RJE BTZUN DAM PA'I DGONGS RDZOGS PA NO MO HAN 'JAM DPAL RDO RJE SOGS SOGS 'GRUL GTOS CHE BA 'BYOR TE BLA MA DGE 'DUN TSANG MAR BSNYEN BKUR RGYA CHEN PO BYAS SHING, RJE 'DI PAS KYANG SO SO'I 'DOD PA DANG MTHUN PA'I DBANG RJES GNANG LUNG MAN NGAG MTHA' YAS PA STZAL CING 'DI LO DBYAR GNAS KYI THOG DGE 'DUN 'DUS PA RGYA MTSO'I TSOGS LA RJE NYID KYI BKA' RTZOM SNGAR YOD PHAL CHE BA'I LUNG GNANG, DBYAR GNAS KYI SKABS 'DIR BDAG KYANG DBUS NAS 'KHOR TE SKYABS MGON MCHOG 'DI NYID LA DPAL GSANG BA 'DUS PA'I RTZA BA'I RGYUD, SGRON GSAL SOGS 'GREL PA BZHIS 'CHAD PA'I BSHAD SROL BZANG PO CHOS KYI RGYAL PO TZONG KHA PA CHEN POS GANGS RI'I KHROD 'DIR SNGON MED PA'I SHING RTA'I LAM SROL PHYE BA, 'GREL PA BZHI SBRAGS SU GRAGS PA'I GSANG BA ZAB MO'I ZAB CHOS STZOL BAR GSOL BA BTAB PAS DGYES BZHIN ZHAL GYIS BZHES TE BDAG CAG SKYID GRONG RI KHROD PA RNAMS DANG RJE NYID KYI SKU'I PHU PO PHYAG MDZOD CHEN MO, GRVA TSANG BZHI'I BLA MA, SNGAGS GRVA'I 'GREL DPON PA KHA SHAS BCAS LA ZLA BA BRGYAD PA'I TSES BCU DRUG NAS DBU BTZUGS TE NYIN LTAR SNGA DRO NYI SHAR NAS GSOL TSIGS BAR CHOS THUN RING PO RE MDZAD NAS 'GREL PA BZHI SBRAGS GZABS BSHAD DANG BCAS PA ZLA BA GCIG GI RING RGYAS PAR STZAL, DE'I

, ,TSE THOG MAR BLA MA RDO RJE 'CHANG CHEN PO LA PHYI NANG GSANG BA DE KHO NA NYID KYI MCHOD PA RIN PO CHE'I MAndAL DANG BCAS PA RGYAS PAR PHUL TE GSOL BA 'DEBS PA BLA MA RGYUD MCHOD DU GRAGS PA RGYAS PAR BYAS SHING CHOS THUN RE RE BZHIN RDOR SEMS SGOM BZLAS YI DAM DKYIL 'KHOR GYI LHA TSOGS DANG PHYOGS SKYONG RNAMS DANG DAM CAN CHOS KYI RGYAL POR GTOR 'BUL BLA MA BRGYUD PA'I GSOL 'DEBS RNAMS DKAR CHAG THO'I YIG CHUNG LAS 'BYUNG BA LTAR MDZAD CING, LEGS PAR GRUB BA'I RJES SU GTANG RAG GI TSOGS 'KHOR RIN PO CHE'I MAndAL CI 'BYOR PA'I DNGOS PO RNAMS KYIS MCHOD, RJE BLA MA RDO RJE 'CHANG CHEN BO NYID KYIS GLEGS BAM PHYAG TU BZHES TE BDAG CAG RNAMS LA DBANG BSKUR BRGYAS BAR GNANG BA SOGS MKHAS GRUB THAMS CAD MKHYEN PAS 'JAM MGON BLA MA'I BKA' SROL BZANG PO RNAMS MI NUB PAR BYA BA'I PHYIR RDO RJE SLOB DPON MCHOD PA DANG 'CHAD NYAN JI LTAR BYA BA'I CHUL DKAR CHAG THO'I YIG CHUNG DU BKOD BA CHANG MA CHAD LHAG MED PA MDZAD BAS 'JAM MGON BLA MA'I BSTAN PA LA BKA' DRIN ZLA MED DU MDZAD DO, ,DE NAS DUS 'KHOR CHO GA BA RNAMS KYIS ZHUS NGOR KHONG RNAM PA DANG BDAG CAG RI KHROD BA RNAMS BCAS LA DUS 'KHOR GYI CHOG YONGS RDZOGS KYI LUNG DANG, DUS KYI 'KHOR LO'I MAN NGAG PHYI NANG GZHAN GSUM SBYOR TSUL RNAMS SBA GSANG MED

PAR CHES ZHIB PAR STZAL, TSOGS CHEN DGE BSKOS CHEN MOS ZHUS NAS 'DUS TSOGS LA RNAM 'GREL DBU MA PAR PHYIN 'DUL BA RNAMS LAM RIM GYI NYAMS LEN DANG SBYAR NAS RGYAS PAR GSUNGS TE RJE YAB SRAS KYI MDZAD SROL BZANG PO NYAMS PA MED PAR MDZAD DO, ,BDE MCHOG SGRUB MCHOD KYI THIG SNGAGS GRVA'I DGE 'DUN RNAMS LA SGRUB MCHOD KYI RING TSA RTING MA'I TSOGS BAR LA BDE MCHOG SBAS DON KUN GSAL BDE MCHOG RTZA RGYUD DANG RTZA 'GREL SBRAGS TE CHOS THUN RE LO LTAR GNANG SROL MDZAD 'DUG PA 'DI LO BDAG GIS TSAR GCIG TSANG MA GSUNG BAR GSOL BA BTAB STE MA RGYUD THAMS CAD KYI GTZO BO DPAL 'KHOR LO SDOM PA'I RTZA RGYUD RJE THAMS CAD MKHYEN PAS MDZAD PA'I RGYUD 'GREL SBAS DON KUN GSAL DANG RTZA 'GREL SBRAGS TE DKA' BA'I GNAD RNAMS LA GZABS BSHAD DANG BCAS RGYAS BAR STZAL, 'DI'I TSE BLA MA RDO RJE 'CHANG CHEN PO DKYIL 'KHOR GYI LHA TSOGS DANG BCAS BA LA PHYI NANG GSANG BA DE KHA NA NYID KYI MCHOD PA RIN PO CHE'I MAndAL DANG BCAS PA SNGA PHYI GNYIS SU RGYAS PAR BYAS SHING, GTANG RAG GI TSOGS 'KHOR DANG ZANG ZING GI LONGS SPYOD CI 'BYOR BAS MCHOD DE GSANG CHEN RDO RJE THEG BA'I BSTAN BA'I SNYING PO MTHAR THUG PA BDE MCHOG RTZA RGYUD KYI BSHAD SROL BZANG PO PAn CHEN N'A RO TA PA'I

, ,MAN NGAG CHOS KYI RGYAL PO TZONG KHA PA CHEN POS MGON PO 'JAM PA'I DBYANGS KYI MAN NGAG LA BRTEN NAS LEGS PAR PHYE BA 'DI NYID MING TZAM YANG NUB PA LA NYE BA'I DUS 'DIR NYAMS PA GSOS TE 'PHEL ZHING RGYAS PA'I BKA' DRIN MDZAD PAS RJE 'DIS RGYAL BA'I BSTAN PA LA BYA BA MDZAD PA THAMS CAD KYI NANG NAS DPAL GSANG BA 'DUS PA'I RGYUD KYI BSHAD SROL DANG, DPAL DUS KYI 'KHOR LO'I BSHAD SROL DANG, RDO RJE 'CHANG CHEN PO'I LAM GYI RIM PA'I SGO NAS RGYUD SDE BZHI KA'I LAM GYI BSHAD SROL DANG, DPAL 'KHOR LO SDOM PA'I RGYUD 'GREL GYI BSHAD SROL 'DI RNAMS NI MDZAD PA KUN GYI NANG NAS MDZAD PA'I MCHOG TU GYUR PA BSTAN PA'I BYA BA BLA NA MED PA YIN PAS GANGS CAN PA THAMS CAD KYIS BKA' DRIN BSAB PAR SLAB MA YIN ZHING TSUL 'DI DAG GI SGO NAS RJE 'DI'I BKA' DRIN DRAN PAR BYA BA DANG, RJE 'DI'I SKU CHE BA'I YON TAN LA BSNGAGS TE PHYOGS SU LHUNG PA MA YIN PAR GZU BO'I BLOS RJE 'DI'I RNAM THAR BRJOD CING DRAN PAR BYA'O, ,DE NAS GSER 'PHYANG ZHES PA ME MO BYA'I LO RGYAL BA THAMS CAD MKHYEN PA RJE BTZUN BLO BZANG BSTAN PA'I DBANG PHYUG 'JAM DPAL RGYA MTSOS THUGS RDZOGS BZHES PA DANG, DPANG LUNG MAN NGAG RGYA CHEN PO GSAN PA SOGS KYI CHED DU RJE 'DI SPYAN 'DREN ZHUS TE DBUS PHYOGS SU PHEBS NAS PHO BRANG CHEN PO PO TA LAR RGYAL BA THAMS CAD MKHYEN PA CHEN PO LA GSUNG RAB DGONGS

'GREL DANG BCES PA'I SNYING PO'I DON BSTAN PA YONGS RDZOGS GANG ZAG GCIG GI NYAMS LEN DU 'KHYER BA'I MAN NGAG 'JAM MGON BLA MA TZONG KHA PA CHEN PO'I THUGS KYI BCUD BYUNG BA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI KHRID DANG, SA GSUM GYI SGRON ME GCIG PU LEGS BSHAD MA LUS 'DU BA'I CHOS KYI RGYA MTSO CHEN PO BYANG CHUB LAM RIM CHEN MO'I BSHAD LUNG DANG, LHAG PA'I LHA MANG PO'I RJES GNANG SGRUB THABS SO SO'I LUNG RNAMS 'DUL BAR MDZAD CING, SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS NAS JO BO SH'AKYA MU NE'I SKU MDUN DU RJE 'DIS MKHAN PO MDZAD, YONGS 'DZIN RIN PO CHE NGAG DBANG CHOS GRAGS KYIS LAS SLOB, YONGS 'DZIN ZHAL SNGA NAS BLO BZANG CHOS 'PHEL GYIS GSANG STON, DGA' LDAN KHRI RIN PO CHE BLO BZANG BSTAN PAS DUS GO BA, BSTAN PA'I GSAL BYED CHEN PO CHA GAN NO MO HAN GYIS LHUNG BZED 'BRIM PA PO MDZAD CING, SHAR BYANG GI CHOS RJE GNYIS DANG SE 'BRAS DGE GSUM GYI BLA MA KHRI PA RNAMS KYIS GTZOS GANGS RI'I KHROD KYI 'DUL 'DZIN DAM PA NYI SHU RTZA LNGA'I DBUS SU GANGS CAN 'GRO BA'I MGON PO RGYAL DBANG THAMS CAD MKHYEN PA RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO GSOL BZHI'I LAS KYIS BSNYEN PAR RDZOGS TE THUB PA'I RGYAL TSAB BYANG PHYOGS BSIL LDAN LJONGS KYI BSTAN PA YONGS

, ,RDZOGS KYI BDAG POR MNGA' GSOL, DE NAS PHO BRANG CHEN PO PO TA LAR PHEBS NAS RJE BTZUN RDO RJE RNAL 'BYOR MAS SLOB DPON AA BHYA YA KA RE RJES SU BZUNG STE GSANG CHEN RDO RJE THEG PA'I DBANG GI CHU BO MANG PO GCIG TU BSDUS PA RDO RJE PHRENG BAR GRAGS PA'I STA GON DANG BCAS PA YONGS SU RDZOGS PA RGYAL BA THAMS CAD MKHYEN PA CHEN POR 'BUL BA GNANG STE, DE YANG THOG MAR SLOB MA RJES 'DZIN, DE NAS SLOB MA STA GON, DE NAS GSANG 'DUS 'JAM PA'I RDO RJE'I DBANG CHEN NAS BZUNG BAR MA CHAD PAR RIM GYIS GNANG STE RDO RJE PHRENG BA NAS BSHAD PA'I DBANG ZHE GNYIS DANG, KRi YA SA MUTZTSA NAS BSHAD PA'I DGE LEGS SU BYED PA'I DKYIL 'KHOR GSUM STE DKYIL 'KHOR ZHE LNGA'I DBANG YONGS SU RDZOGS PAR 'BUL BAR MDZAD, DE NAS GRUB CHEN MI TRA DZO KI'I BZHED SROL MI TRA BRGYA RTZAR GRAGS PA'I LHA RNAMS KYI DBANG YONGS SU RDZOGS PA DANG, SGRUB THABS RGYA MTSO'I RJES GNANG YONGS SU RDZOGS PA DANG, MGON PO'I BKA' CHEN BCU GSUM YONGS RDZOGS DANG, GZHAN YANG LHAG PA'I LHA MANG PO'I DBANG DANG RJES GNANG BZLAS LUNG MAN NGAG LAG KHRID SOGS MTHA' YAS PA GNANG STE RGYAL BA THAMS CAD MKHYEN BA CHEN PO MDO SNGAGS BSTAN PA'I BDAG POR MNGA' GSOL LO, ,DE NAS SE 'BRAS DGE GSUM RGYUD STOD SMAD SOGS DBUS PHYOGS KYI DGE 'DUN BGRANG

BA LAS 'DAS PA DANG, DBUS PHYOGS KYI SKYE BO KHYIM PA DANG LDAN BGRANG BA LAS 'DAS PA DANG, PHYOGS 'DUS KYI SER SKYA BGRANG BA LAS 'DAS PA DAG LA ZHAL GYI DKYIL 'KHOR BSTAN TA SKU MTHONG BA DANG, GSUNG THOS PA DANG, PHYAG GIS GANG GI MGO LA REG PA THAMS CAD RIM GYIS SMIN CING GROL BA'I 'PHRIN LAS MDZAD, PHYI RABS KYI GDUL BYA RNAMS LA RANG LA LAM MA NOR BAR STON PA'I DGE BA'I BSHES GNYEN NI PHYOGS BCU'I SANGS RGYAS THAMS CAD LAS LHAG PA'I MCHOD YUL DAM PA YIN ZHING, PHYOGS BCU'I RGYAL BA THAMS CAD MCHOD BA BAS BLA MA'I SKU'I BA SPU GCIG MCHOD PA DANG, BLA MA'I 'DRA 'BAG MCHOD PA BSOD NAMS LHAG PAS BDAG LEGS SU 'DOD PA DAG GIS RANG NYID CHEN PO'I GO SA CI 'DRA ZHIG LA GNAS PA YIN YANG RANG LA CHOS STON PA'I BLA MA LA GUS PA 'DI LTAR BYA DGOS SO, ,ZHES 'DOMS PA'I PHYIR PHUR BU LCOG TU PHEBS TE RJE BTZUN BLA MA NGAG DBANG BYAMS PA'I SKU GDUD LA MCHOD TSOGS RGYA CHEN POS MCHOD PAR MDZAD CING, BLA MA RIN PO CHE DE NYID KYI DGONGS PA YONGS SU BKANG BA'I PHYIR CHOS RA CHEN MO'I KHRI LA PHEBS TE DAD 'DUS KYI SER SKYA STONG PHRAG BRGAL BAR SEMS BSKYED GNANG ZHING, BYAMS MGON BLA MA RIN PO CHE DE NYID KYIS JI LTAR GSUNG BA LTAR RGYAL BSTAN SNYING PO BYANG CHUB LAM GYI RIM PA PHYOGS THAMS CAD DU 'PHEL ZHING RGYAS PA DANG, LAM 'DI STON PA'I BSHES GNYEN DAM PA THAMS CAD

, ,SKU TSE BRTAN CING 'PHRIN LAS RGYAS PA DANG, MTHA' DBUS SKYE 'GRO MA LUS LAM BZANG 'DI LA ZHUGS TE SMIN CING GROL BA'I THUGS SMON RGYA CHER MDZAD, DE NAS PHO BRANG CHEN POR PHEBS NAS GANGS CAN 'GRO BA'I MGON PO RGYAL DBANG MCHOG LA MTHA' DBUS SKYE 'GRO MA LUS DAM PA'I CHOS KYIS TSIM PAR MDZAD PA DANG, MGON PO THUGS RJE CAN NYID KYIS SNGON YUN RING PO NAS PHYAG MTSAN DU BZUNG BA'I BYANG PHYOGS GANGS RI'I LJONGS 'DI LUGS GNYIS KYIS SKYONG TSUL 'DI LTAR MDZAD DGOS SO ZHES ZHAL TA ZHIB RGYAS SU ZHU BAR MDZAD NAS RGYAL BA YAB SRAS GNYIS KA PHAN TSUN THUGS 'PHRENG BZHIN PAS SKYABS 'JUG ZHU BAR MDZAD DE RJE 'DIS GTZANG PHYOGS SU CHIBS KHA BSKYOD NAS BKRA SHIS LHUN POR PHEBS TE SNYUG MAR GNAS PA DANG, PHYOGS PHYOGS NAS 'DUS PA'I DGE 'DUN BGRANG BA LAS 'DAS PA LA CHOS KYI 'KHOR LO BRGYUD MAR BSKOR ZHING, RJE 'DI NYID LA 'DZAM GLING YANGS PA'I SA CHEN PO'I KHYON LA GNAS PA'I SKYE BO MTHA' DAG GIS RANG RANG GI YO BYAD GCES PA GANG YOD 'BUL BAR BYED PAS GSER DANG DNGUL LA SOGS PA'I RIN PO CHE'I BANG MDZOD DANG, GZHAN YANG YO BYAD KYI KHYAD PAR RNAM THOS KYI BU'I NOR LA 'GRAN PA LTA BU MCHIS PA RNAMS NAM YANG CHUD MI ZA BA'I PHYIR DAD LDAN SO SO'I TSOGS RDZOGS PA'I THABS DANG, RGYAL BA'I BSTAN PA RIN PO CHE 'PHEL BA'I THABS 'BA' ZHIG TU SBYOR BAR

MDZAD DE SKU GSUNG THUGS RTEN BZHENG BA DANG, RIS SU MA CHAD PA'I DGE 'DUN GYI SDE LA BSNYEN BKUR BA DANG, DBUL PHONGS RNAMS LA GANG LA GANG 'DOD KYI SBYIN PA MDZAD CING, LHAG PAR SKABS 'DIR RGYAL BA'I BSTAN PA LA SRI ZHU BLA LHAG TU MDZAD BZHED PA DANG, SNGON SANGS RGYAS MTHONG BA'I DKAR PHYOGS KYI LHA KLU RNAMS DGA' ZHING MGU BAR BYA BA DANG, STOBS 'BYOR CAN RNAMS LA SNGON BSAGS BSOD NAMS KYI MTHUS 'BYOR PA THOB PA RNAMS TSUL 'DI LTAR DU CHUD MI ZA BAR BYA DGOS SO ZHES 'DOMS PAR BYA BA'I PHYIR GSER ZHO STONG PHRAG MANG PO BZHU BTUL MDZAD DE RGYAL BA'I BKA' GANGS CAN DU 'GYUR RO COG THAMS CAD DANG, DPAL MGON 'PHAGS PA KLU SGRUB DANG 'PHAGS PA THOGS MED SOGS RGYAL BAS LUNG BSTAN PA'I SHING RTA CHEN PO RNAMS KYIS RGYAL BA'I GSUNG RAB KYI DGONGS PA 'GREL BA'I PHYIR DU MDO SNGAGS KYI BSTAN BCOS JI SNYED CIG MDZAD PA RNAMS DANG, GZHAN YANG 'PHAGS YUL GYI PAn GRUB BGRANG BA LAS 'DAS PAS RGYAL BA'I GSUNG RAB KYI DGONGS PA 'GREL BA'I BSNGAN BCOS MDZAD PA MTHA' YAS PA YOD PA LAS GANGS RI'I LJONGS 'DIR SNGON CHAD BSTAN BCOS 'GYUR RO COG THAMS CAD DANG, KHAMS GSUM CHOS KYI RGYAL PO TZONG KHA PA CHEN PO'I GSUNG 'BUM YONGS RDZOGS DANG, RGYAL TSAB DANG MA RIN CHEN GYI GSUNG 'BUM YONGS RDZOGS DANG, MKHAS GRUB DGE LEGS DPAL BZANG PO'I GSUNG 'BUM YONGS RDZOGS DANG,

, ,PAn CHEN BLO BZANG CHOS KYI RGYAL MTSAN GYI GSUNG 'BUM YONGS RDZOGS DANG, RJE BTZUN BLO BZANG YE SHES KYI GSUNG 'BUM YONGS RDZOGS DANG, RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO'I GSUNG 'BUM YONGS RDZOGS RNAMS MTHING SHOG BZANG PO'I NGOS LA GSER 'BA' ZHIG GIS BRIS PA GLEGS BAM SO SOR NA BZA' GDONG DAR GLEGS SHING SKU RAGS RNAMS KHYAD PAR DU 'PHAGS PA POD BZHI BRGYAR NYE BA GSAR BSKRUN MDZAD DE BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI GTZUG LAG KHANG DU RIN PO CHE SNA TSOGS KYIS PHRA BKOD PA'I GDAN KHRI BZANG PO LA BZHUGS SU GSOL TE MCHOD PA'I DNGOS PO TSAD MED PAS MCHOD CING, BSLAB GSUM LDAN PA'I DGE 'DUN STONG PHRAG MANG PO DANG LHAN CIG TU JI SRID BYAMS MGON DBUS 'GYUR TSAL DU MA BYON BAR DU GNAS 'DIR RGYAL BSTAN MI NYAMS SHING GONG NAS GONG DU 'PHEL BA'I BDEN TSIG BRJOD CING RAB TU GNAS PA RGYAS PAR MDZAD DO, ,DE LTAR RJE 'DIS RGYAL BA SRAS BCAS THAMS CAD KYI MDZAD PA'I KHUR BDAG GIR BZHES TE THOS BSAM SGOM GSUM 'CHAD RTZOD RTZOM GSUM GYI SGO NAS BSTAN PA'I BYA BA RGYA CHER MDZAD CING PHYI RABS KYI GDUL BYA RNAMS LA MDO SNGAGS KYI CHOS LA BSLAB TSUL 'DI LTAR BYA DGOS SO ZHES 'DOMS

PHYIR LEGS BSHAD KYI RTZOM PA'ANG MANG DU MDZAD DE, 'DI LTAR GSUNG RAB DGONGS 'GREL DANG BCAS PA'I DON THAMS CAD GANG ZAG GCIG GI NYAMS LEN GYI RIM PAR BSGRIGS PA BYANG CHUB LAM GYI RIM PA'I KHRID YIG GZHAN PHAN BDUD RTZI'I BUM PA, BDE LAM MYONG KHRID, RJE BTZUN BLO BZANG YE SHES DPAL BZANG PO'I SKU GSUNG THUGS KYI MDZAD PA MA LUS PA GSAL BAR BYED PA'I RNAM PAR THAR PA 'OD DKAR CAN GYI PHRENG BA'I SMAD CHA, RJE BTZUN NGAG DBANG BYAMS PA RIN PO CHE'I RNAM THAR DAD PA'I 'DAB BRGYA BZHAD PAR BYED PA'I NYI MA, RJE BTZUN THAMS CAD MKHYEN PA BLO BZANG BSKAL BZANG RGYA MTSO'I SKU GDUNG YID BZHIN GYI NOR BU SNYING POR BZHUGS PA'I LHAR BCAS SKYE DGU'I MCHOD SDONG CHEN PO'I DKAR CHAG 'OD ZER PHYOGS BRGYAR 'GYED PA'I SNANG BYED, RJE BTZUN RDO RJE 'CHANG CHEN BLO BZANG BZOD PA DPAL BZANG PO'I RNAM THAR NGO MTSAR DPAG MED, DMIGS BRTZE MA'I LAS TSOGS BCU GCIG NAG 'GROS SU BKOD PA, DE'I DON BSHAD PA, DGA' LDAN LHA BRGYA MA'I SKABS SU NYER MKHO'I KHA TSAR, RJE BLA MA TZONG KHA PA CHEN PO'I BLA MA'I RNAL 'BYOR MKHAS GRUB RJER ZHAL GZIGS DANG MTHUN PA; 'PHAGS PA GNAS BRTAN BCU DRUG GI RNAM THAR, RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO'I BRTAN BZHUGS DANG RJE RANG NYID KYI BRTAN BZHUGS SOGS BRTAN BZHUGS DANG 'KHRUNGS RABS

, ,GSOL 'DEBS RJES 'DZIN SMON LAM GYI RIM PA MANG PO, ,MDO SNGAGS KYI GNAD RNAMS LA DRI BA ZHUS BA'I DRIS LAN, 'DOD LHA SNA TSOGS KYI BSTOD TSOGS GSOL 'DEBS MANG PO, BSLAB BYA SPYI DANG DGON SDE KHAG GI BCA' YIG MANG PO, RTEN GSAR BZHENGS KYI DKAR CHAG DANG RGYAB YIG ZHAL BYANG SOGS, 'DOD LHA SNA TSOGS LA BRTAN PA'I LTUNG BA BSHAGS BSDAM BYA TSUL, CHAB SHOG GI SKOR MANG PO , DBEN SA CHOS KYI PHO BRANG GI GNAS BSTOD SOGS GNAS BSTOD MANG PO, LHA SNA TSOGS KYI SGRUB THABS KYI MJUG TU BYA BA'I SMON LAM SHIS BRJOD, GRUB CHEN DRIL BU LUGS KYI LUS DKYIL GYI MNGON RTOGS NGAG 'DON , BCOM LDAN 'DAS 'JAM DPAL RDO RJE'I BDAG MDUN BUM GSUM SLOB MA STA GON DANG BCAS PA, RTEN GSUM RNAMS LA SNYAN SHAL SPYAN GZIGS NA BZA' BCAS PHUL BA'I 'DOD GSOL MANG PO, BDE GSANG 'JIGS GSUM SOGS LHA MANG PO LA BRTEN PA'I BLA MA'I RNAL 'BYOR MANG PO, 'KHOR LO SDOM PA L'U AI PA'I LUGS KYI BDAG BSKYED BSDUS PA, BDE MCHOG ,'KHOR CHEN, DGA' LDAN LHA BRGYA MA, DUS 'KHOR BCAS KYI BSNYEN YIG ,BLA MA SANGS RGYAS BYANG SEMS LA BRTEN PA'I 'PHO BA MANG PO, SPYAN RAS GZIGS RGYAL BA RGYA MTSO'I SGRUB THABS SOGS LHAG PA'I LHA MANG PO'I SGRUB THABS DU MA, MA nI RIL SGRUB, BRIS 'BUR GYI SKU SOGS

RTEN GSUM BZHENG TSUL, LHA SNA TSOGS KYI LAS BZHI'I SPYIN SREG GI CHO GA, DPAL 'KHOR LO SDOM BA'I ZHI BA'I SBYIN SREG DANG DRAG PO'I SBYIN SREG GI KHA SKONG, DPAL RDO RJE 'JIGS BYED KYI DBANG GI SBYIN SREG ,DPAL DUS KYI 'KHOR LO'I ZHI BA'I SBYIN SREG ,RDOR DBYINGS KYI SBYIN SREG ,SGROL MA'I SBYIN SREG ,'JAM DBYANGS DKAR PO'I SPYIN SREG ,YE SHES MGON BO PHYAG DRUG PA'I ZHI RGYAS KYI SBYIN SREG ,CHOS SKYONG DREGS PA LCAM SRING GI SBYIN SREG ,TSE BDAG MGON PO LA BRTEN PA'I TSE DBANG BYA TSUL, BZANG SPYOD LA BRTEN PA'I 'CHI BLU, GSANG BA 'DUS PA SOGS KYI TSOGS MCHOD, SMYUNG GNAS BLA RGYUD RNAM THAR PHAN YON DANG BCAS PA, BLA RGYUD GSOL 'DEBS KYI SKOR, DPAL DUS KYI 'KHOR LO'I SKU GSUNG THUGS YONGS SU RDZOGS PA'I SGRUB THABS BDUD RTZI'I 'BYUNG GNAS, DE'I SGRUB THABS RIN PO CHE'I GTER MDZOD, DPAL RDO RJE 'JIGS BYED KYI BSKYED RIM, DE'I BSKYED RIM TSIGS BCAD MA, DE'I RDZOGS RIM, YANG DE'I LAM RIM GNYIS KYI KHRID MDOR BSDUS, DE'I SGO NAS RAB GNAS BYA TSUL MDOR BSDUS, DE LA BRTEN NAS GSHIN PO RJES 'DZIN, DE LA BRTEN NAS DUG ZHI BAR BYED THABS, 'JIGS BYED DMAR PO ZHAL GCIG PHYAG GNYIS PA LA BRTEN PA'I DUG DBANG BSKUR TSUL, DPAL 'KHOR LO SDOM PA'I DBANG DON ZAB GSANG GI GNAD BSDUS PA, 'KHOR LO SDOM PA DRIL BU LHA LNGA'I SGRUB THABS BLA RGYUD DANG BCAS PA,

, ,DE'I BUM BSKYED DANG MDUN BSKYED DBANG CHOG DANG BCAS PA, DGYES RDOR LHA DGU'I SGRUB THABS BDUD RTZI'I CHU RGYUN, RNAM SNANG MNGON BYANG GI BDAG BSKYED, DE'I DKYIL CHOG ,DE'I DBANG CHOG SMON LAM SHIS BRJOD DANG BCAS PA, RMA BYA'I RGYAL PO GSER DU SNANG PBA LA BRTEN NAS DUG ZHI BAR BYED TSUL, LAM RIM GNYIS KY GNAD RNAMS RDO RJE'I MGUR DU BZHES PA'I DGONGS DON 'GREL BAR BYED PA GSANG CHEN LAM GYI SGO 'BYED, GTOR CHEN DRUG CU PA'I ZHAL SHES, RDO RJE MKHA' LDING NAG PO LA BRTEN PA'I RANG GZHAN GYI SDIG SGRIB SBYONG ZHING MI GTZANG PA BKRU TSUL, SHAMBHA LAR SKYE BA'I SMON TSIG DANG DE'I ZHING BKOD 'DRI TSUL, LHA MO DBYANGS CAN MA LA BSTOD PA, MYUR MDZAD YE SHES KYI MGON PO PHYAG DRUG PA SOGS CHOS SKYONG MANG PO LA MCHOD GTOR 'BUL TSUL DANG SGRUB THABS LAS TSOGS KYI RIM PA DU MA, GSANG SNGAGS RGYUD PA GRVA TSANG GI GTOR BZO'I RIM PA, GZHI BDAG GTOR MA DANG BKA' BSGO'I RIM PA, GSUNG THOR BU BA SOGS LEGS BSHAD MTHA' YAS PA MDZAD DO, ,DE LTAR RJE 'DIS DBUS GTZANG GI LJONGS SU SKU TSE 'DIR DNGOS SU 'DUL BA'I SNOD RUNG GI GDUL BYA MTHA' DAG LA 'PHRIN LAS GANG MDZAD DGOS PA RNAMS MDZAD ZIN NAS SNGON STON PA THUB PA'I DBANG POS DNGOS KYI GDUL BYA PHAL MO CHE'I DON MDZAD ZIN NAS SKU TSE DE'I GDUL BYA'I THA MA KUN TU RGYU RAB BZANG DANG, DRI ZA'I RGYAL PO RAB DGA' 'DUL PHYIR

GRONG KHYER RTZVA CAN DU BYON PA JI LTA BAR RJE 'DIS KYANG MDO KHAMS PHYOGS KYI GDUL BYA BGRANG BA LAS 'DAS PA DANG, RGYA HOR GYI GDUL BYA BGRANG BA LAS 'DAS PA ZHIG LA MTHONG THOS DRAN REG GI 'BREL BA BZHAG STE SMIN GROL LA 'GOD PAR MDZAD BZHED PA DANG, GTZO BOR NI SNGON YUN RING PO NAS THUGS BSKYED DE 'JAM MGON BSTAN PA 'DZIN CING SPEL BA DANG SKYONG BA'I SMON LAM RLABS PO CHE'I MTHU GRUB PA SA'I TSANGS PA CHEN PO 'JAM DBYANGS GONG MA BDAG PO CHEN PO DANG ZHAL 'DZOM STE 'DZAM GLING SKYE 'GRO YONGS LA PHAN BAD SPEL BA DANG, LHA DANG BCAS PA'I 'GRO BA MA LUS PA'I PHAN BDE'I GZHI GCIG PU RGYAL BA'I BSTAN BA RIN PO CHE MI NYAMS SHING 'PHEL BA DANG, LHAG BAR 'JAM MGON BLA MA'I LUGS BZANG DRI MA MED PA 'DI NYID NAM YANG MI NYAMS SHING CHES CHER 'PHEL BAR BYA BA SEGS RGYAL SRAS DPA' BO'I MDZAD PA'I TSUL LAS BRTZAMS TE GSANG BA ZAB MO'I BKA' BGRO BA MDZAD BZHED PAS DBANG PHYOGS SU CHIBS KHA BSKYOD, LAM BAR DAG TU NYI MA RE RE BZHIN SKYE BO BGRANG BA LAS 'DAS PA ZHAL GYI DKYIL 'KHOR LA BLTAS TE GSOL 'DEBS KYI NGA RO DBYANGS SU SGROGS PA DAG DANG, RIN PO CHE'I ME TOG GTOR TE GSOL BA 'DEBS BA DAG DANG, BLO MCHOG TU GYUR PA 'GA' ZHIG GSUNG RAB KYI DKA' GNAS LAS BRTZAMS TE DRI BA ZHU BA DANG, SNGON BYON DAM PA'I RJES SU SNYEG PAR 'DOD PA 'GA' ZHIG MAN NGAG GI BDUD RTZI ZHU BA SOGS GDUL BYA RANG RANG GI DBANG PO DANG, KHAMS

, ,DANG, BSAM PA DANG, BAG LA NYAL DANG MTHUN PAR CHOS STON PA SOGS MTHO RIS DANG THAR PA'I SGO PHYE ZHING, NGAN SONG GSUM GYI SGO BKAG NAS SNGON STON PA THUB PA'I DBANG POS MA GA DHA BZANG MOS GSOL BA BTAB PA LTAR BU RAM SHING 'PHEL DU BYON PA'I MDZAD PA RNAM THAR JI LTA BA DE BZHIN DU MDZAD DO, ,DE LTAR RIM GYIS BYON NAS KUN LDAN ZHES PA LCAGS PHO BYI BA'I LO BKRA SHIS PA'I DUS TSES DGE PAR YANGS PA'I SA CHEN PO LA STOBS KYI 'KHOR LOS BSGYUR BA 'JAM DBYANGS SA'I TSANGS PA CHEN PO DANG ZHAL MJAL TE, DE'I TSE SNGON STON PA THUB PA'I DBANG PO SUM CU RTZA GSUM DU PHEBS PA'I TSE LHA'I DBANG PO BRGYA BYIN GZI BRJID BZOD PAR DKA' BA'I NYE DBANG RNAMS KYI GTZOS LHA BGRANG BA LAS 'DAS PA DAG GIS BSKOR ZHING 'JIG RTEN SKYONG BA BZHI 'KHOR BGRANG BA LAS 'DAS PA DANG BCAS PA DAG GIS LHA'I ROL MO SNA TSOGS PA DKROL ZHING LHA'I GDUGS DANG, LHA'I RGYAL MTSAN DANG, LHA'I BA DAN DANG, LHA'I ME TOG GI PHRENG BA DAG GIS MCHOD CING BSUS NAS RNAM PAR RGYAL BA'I KHANG BZANG CHEN POR PHEBS PA JI LTA BA DE 'DRA BAR SRID 'BYOR GYI YO LANG BSAM GYIS MI KHYAB PA DANG BCAS SA'I TSANGS PA CHEN PO DANG ZHAL 'DZOM STE, SKYE 'GRO'I BDE SKYID DANG RGYAL BA'I BSTAN PA JI LTAR SPEL BA'I TSUL LAS BRTZAMS TE BKA' BGRO BA YANG DANG YANG DU MDZAD CING, 'JAM DBYANGS GONG MA

BDAG PO CHEN PO BSTAN 'GRO YONGS KYI SPYI DPAL DU SKU TSE KHRI PHRAG MANG POR MI SHIGS RDO RJE'I G-YUNG DRUNG LTAR BRTAN PA DANG, MDZAD PA 'PHRIN LAS RNAMS DBYAR GYI LANG TSO DAR LA BAB PA'I MTSO CHEN LTAR CHAS CHER 'PHEL BA DANG, 'JAM MGON BLA MA'I BSTAN PA 'DZIN CING SKYONG BA LA NAM YANG 'GYUR BA MED PAR RDO RJE'I KHAMS LTAR BRTAN PA'I 'PHRIN LAS MDZAD, RGYA MTSO'I GLING BAR TSUN CHAD NAS ZHAL GYI DKYIL 'KHOR BLTA BA'I PHYIR LHAGS PA DAG LA DGE BA'I RTZA BA BSKRUN PAR MDZAD DE SKU TSE 'DI'I DNGOS KYI MDZAD PA MTHA' DAG RDZOGS PA NA GDUL BYA RTAG 'DZIN CAN RNAMS LA SPYIR 'DUS BYAS THAMS CAD NI SDOD PA'I MTHU MED CING, LHAG PAR SNYIGS MA'I DUS KYI MI RNAMS NI YUN RING POR SDOD BA'I MTHU MED PAS 'DI LTAR MI RTAG GO ZHES 'DOMS PA'I PHYIR DANG, SKYE BO DAM PA 'JIG RTEN DU 'BYUNG BA DKON NO ZHES 'DOMS PA DANG, SKYE BO DAM PA DANG MJAL NAS CHOS KYI BDUD RTZI THOB PA NI SHIN TU DKON NO ZHES 'DOMS PA DANG, LAM STON PA'I BSHES GNYEN DAM PA DANG MJAL BA'I TSE CHOS KYI BDUD RTZI THOB MA THAG PHYI SHOL MI BYA BAR MYUR BA MYUR BAR LAM LA BSLABS TE RGYUD SMIN CING GROL BAR BYA DGOS SO ZHES 'DOMS PA SOGS KYI PHYIR MYA NGAN LAS 'DA' BA'I TSUL BSTAN TO, DE LTAR THA MAL PA RNAMS KYI SNANG NGOR ZHING BRJE BA'I TSUL BSTAN KYANG NGES PA'I DON DU NI 'KHOR BA MA STONGS KYI BAR DU MYA NGAN LAS 'DA' BA MAD CING CHOS STON PA'I GSUNG 'GAG PA MED PAR RGYUN MI 'CHAD

, ,DU 'BYUNG LA THA MAL PA RNAMS KYI SNANG DOR YANG RJE 'DIS SPRUL PA RGYUN MI 'CHAD PA 'BYUNG NGO ZHES GO BAR MDZAD DE, BKRA SHIS LHUN PO NAS DBANG PHYOGS SU CHIBS BSKYOD KHAR DGE 'DUN THAMS CAD KYIS MYUR DU 'BYON PAR GSOL BA BTAB PA NA KHO BO LO GSUM NAS GDAN SA 'DIR SLEB PA NGES PAR 'ONG ZHES YANG DANG YANG DU GSUNG BAR MDZAD CING, DE'I TSE BKRA SHIS LHUN PO'I GRVA RGAN ZHIG GIS GDUNG BA CHEN POS GSOL BA BTAB BA NA RJE 'DI'I ZHAL NAS KHO BOS DGE 'DUN 'DUS PA RGYA MTSO'I DBUS SU JI LTAR BRJOD PA DE LTAR LO GSUM NAS NGES BAR 'DIR SLEBS 'ONGS BAS SEMS NGAL MA BYED CES GSUNGS PA NA, GRVA RGAN DES SLAR YANG DES NA THUGS RJE CHE, 'DIR PHEBS DUS PHYOGS GANG NGOS NAS PHEBS PA 'ONG ZHES ZHUS PA NA CUNG ZHIG DGONGS PA LA ZHUGS NAS NGA 'DIR 'ONG DUS MYANG PHYOGS NAS 'ONG, DE NAS TSONG DUS NAS BRGYUD 'DIR SLEBS 'ONG ZHES GSUNGS 'DUG PA LTAR, DENG SANG GI GDUL BYA RNAMS THUGS BRTZE BAS MA BOR BAR ZHING GSHEGS MA THAG DGA' LDAN LA SOGS PA'I SANGS RGYAS KYI ZHING BRJOD DU MED PA DAG TU SPRUL PAS BYON TE RGYAL BA SRAS DANG BCAS PA THAMS CAD MCHOD CING BKA' 'GRO BAR MDZAD NAS MYUR BAR PA SNAM SKYID SHONGS SU SPRUL PA'I SKU BZUNG STE SNGAR DGE 'DUN 'DUS PA'I TSOGS DANG DAD LDAN GRVA RGAN DE LA JI LTAR ZHAL BZHES MDZAD PA LTAR PHAG LO ZLA BA BDUN PA'I NANG DU DBANG

PHYOGS SU CHIBS BSKYOD PA NAS LO GSUM SONG BA STAG LO ZLA BA BZHI PA'I NANG DU PA SNAM SKYID SHONGS SU SKU BLTAMS, SKU BLTAMS MA THAG TU RGYAL BA THAMS CAD MKHYEN PA CHEN PO DANG 'JAM DBYANGS GONG MA BDAG PO CHEN PO GNYIS BKA' BGROS TE SPRUL SKU 'KHRUL MED DU NGOS BZUNG NAS DGA' LDAN LEGS BSHAD CHOS GLING DU SPYAN DRANGS, DE NAS MI RING BAR ZHA LU TSONG DUS KYI LAM NAS BKRA SHIS LHUN GYIS GRUB PA'I CHOS GRVA CHEN POR SPYAN DRANGS, RGYAL BA THAMS CAD MKHYEN PA CHEN PO CHIBS BSKYOD DE MNGA' GSOL, ME TOG GI CHAR PHAB, RJE BTZUN MCHOG GI SPRUL PA'I SKU BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO ZHES MTSAN GSOL, MTSAN DON DANG MTHUN PAR BKRA SHIS LHUN GYIS GRUB PA'I LHUN PO'I SPOR MCHOG GI SPRUL SKU'I NYIN BYED GSAR DU SHAR NAS 'PHRIN LAS KYI SNANG BA MKHA' KHYAB TU 'PHRO BZHIN PAR BZHUGS SO, ,` RJE THAMS CAD MKHYEN PAS SKAL BA DANG LDAN PA BGRANG BA LAS 'DAS PA LA BYANG CHUB LAM GYI RIM PA'I KHRID STZAL CING, RJE'I THUGS SRAS MKHAS GRUB DAM PAS NUB DZ'A LANDHA RA NAS SHAR PHYOGS RGYA MTSO'I MTHA' LA THUG GI BAR KHYAB PAS RJE BDAG NYID CHEN PO NAS BYANG CHUB LAM GYI RIM PA'I KHRING KYI BRGYUD TSUL YANG DE SNYED BYUNG MOD, DENG SANG YONGS SU GRAGS PA NI BDE LAM DANG 'JAM DPAL ZHAL LUNG GI KHRID RGYUN GNYIS SU BZHUGS PA LAS, BDE LAM KYI KHRID RGYUN LTAR DPAL DBEN SA SNYAN RGYUD KYI BLA MA GONG MA GCIG NAS GCIG

, ,TU BRGYUD PA'I BRGYUD RIM LTAR GYI BLA MA RNAMS KYI RNAM PAR THAR PA MDOR BSDUS BRJOD ZIN NAS, 'JAM DPAL ZHAL LUNG GI RGYUD 'DEBS LAS 'BYUNG BA LTAR RJE RIN PO CHE NAS MKHAS GRUB SHES RAB SENGGE DANG, DE NAS RJE DGE 'DUN GRUB SOGS LA RIM GYIS BRGYUD PA'I BLA MA RNAMS KYI RNAM PAR THAR PA BRJOD PA NI, MKHAS GRUB CHEN PO SHES RAB SENGGE'I ZHABS, ,ZHES BSNGAGS PA, MKHAS GRUB CHEN PO SHES RAB SENGGE NI GTZANG GI SA'I CHA SRAD KYI GUR MA ZHES BYA BAR YAB DAM BA DMAR PO ZHES BYA BA DANG, YUM CHOS SKU BKRA SHIS GNYIS KYI SRAS SU SKU 'KHRUNGS, GZHON NU'I DUS NAS SNGON GYI BAG CHAGS BZANG PO SAD PA'I MTHUS KHYIM GYI 'DU 'DZIL MI DGA' ZHING DAM PA'I CHOS 'TSOL BA LA NGANG GIS GZHOL BA ZHIG BYUNG NGO, ,DE NAS DGUNG LO BCU GSUM BZHES PA'I TSE NA NI DAL 'BYOR GYI LUS THOB PA'I DUS 'DIR 'KHOR BA LAS THAR PA'I THABS SHIG BYA DGOS PAR 'DUG ,DE YANG DENG BYA SANG BYA'I NGANG DU LUS NA CHE 'DI'I SNANG SHAS KYIS BSLUS NAS DAL BA STONG LOG TU SONG STE 'CHI PA'I NYEN YOD PAS 'PHRAL RANG DU RGYAL BA'I BSTAN PA LA RAB TU BYUNG NAS MDO SNGAGS GSUNG RAB RNAMS LA THOS BSAM SGOM GSUM TSUL DANG MTHUN PA CIG BYED DGONGS PA DANG, MNAL LAM DU RJE BTZUN SGROL MAS DA MYUR DU RAB TU BYUNG NA LEGS SO ZHES BSKUL BA LA BRTEN NAS DGUNG LO BCU BZHI BZHES PA'I TSE SANGS RGYAS SMAN PA'I RGYAL PO'I RNAM 'PHRUL MKHAN CHEN GRUB PA SHES RAB KYIS MKHAN PO MDZAD, LAS SLOB DUS GO

BA DGE 'DUN DANG BCAS PA'I DBUS SU DGE BSNYEN GYI SDOM PA DANG, BAR MA RAB BYUNG GI TSUL KHRIMS DANG, DGE TSUL GYI SDOM PA BZHES SHING MTSAN SHES RAB SENGGE ZHES 'DOGS PAR GNANG, SNGAR NAS NGO TSA DANG BAG YOD LA GNAS PA'I STENG DU, 'DI NAS BZUNG STE DGE TSUL GYI BSLAB BYA RNAMS LA LEGS PAR SLOB PAR MDZAD PAS GZHON NU NAS BTZUN PA'I MCHOG TU GYUR PA CIG BYUNG, DE NAS SLOB DPON MKHAS PA ZHIG LA BRTEN NAS PHYAG BRIS SLOB PA DANG 'DRI BA LA SBYANGS BDAR GNANG BAS TSOGS MED PAR MKHYEN PAR GYUR, DE 'PHRAL BSTAN BCOS MNGON RTOGS RGYAN 'GREL PA DANG BCAS PA THUGS LA BZUNG STE ZHAL 'DON LAN MANG DU GNANG BA'I TSE, LAN CIG GZIGS SNANG LA NUB PHYOGS NAS BLA GOS DUR SMRIG BZHES PA, DBU GTZUG TOR DANG BCAS PA, PHYAG NA GSIL BYED DANG LHUNG BZED BSNAMS PA ZHI ZHING 'DZUM PA ZHIG BYON NAS BYIN GYIS BRLABS PA'I GNANG PA'I MTSAN MA BZANG PO BYUNG STE, DE NI CHOS KYI RGYAL PO TZONG KHA PA CHEN PO DANG MJAL BA'I LNGAS SU MNGON ZHES RJE NYID GSUNG, DE NAS MKHAS PA CHEN PO G-YAS PHRUG BA SANGS RGYAS DPAL DE NYID MKHAN CHEN GRUB PA SHES RAB MJAL BAR PHEBS PA LA MKHAN CHEN PAS RJE 'DI NYID KYIS GTZO MDZAD PA'I BLO GSAL 'GA' ZHIG SBYOR GTAD GNANG STE, KHYED KYIS BLO GSAL DON GNYER CAN 'DI RNAMS RE ZHIG CHOS DANG ZANG ZING GNYIS KAS LEGS PAR SKYONGS SHIG CES BKA' STZAL BA BZHIN ZHAL GYIS BZHES NAS DE BZHIN MDZAD PAS DAM PA 'DI NYID KYIS MKHAS PA CHEN PO SANGS RGYAS DPAL LA BRTEN NAS BYAMS CHOS LNGA DANG, DBUM RIGS TSOGS DRUG, 'JUG PA RTZA 'GREL, SPYOD 'JUG, TSAD MA MDO DANG SDE BDUN SOGS LA SBYANGS PA MDZAD PAS DE DAG GI TSIG DON LA MKHAS PAR GYUR CING MKHAS PA CHEN PO SANGS RGYAS

, ,DPAL BAS KYANG RJE 'DI LA MKHAS GRUB CHEN POR MTSAN GSOL, DE NAS DGUNG LO NYI SHU BZHES PA'I TSE SNAR THANG DU TSIGS SNGA MA'I MKHAN PO MKHAN CHEN GRUB PA SHES RAB KYIS MKHAN PO MDZAD CING, GZHAN YANG LAS KYI SLOB DPON, GSANG STE STON PA, GRIB TSOD PA, KHA SKONG GI DGE 'DUN RNAMS TSAD BA'I DBUS SU DGE SLONG GI SDOM PA LEGS PAR BZHES TE BSTAN PA RIN PO CHE LA ZHUGS LA YONGS SU RDZOGS PA'I DPAL THOB, DE NAS BZUNG STE DGE SLONG GI BSLAB BYA RNAMS LA TSUL BZHIN DU SLOB PAR MDZAD PAS 'JIG RTEN GYI YON GNAS DAM PAR GYUR, GZHAN YANG SNAR THANG DU BZHUGS SKABS SU GTZO BOR SNGAR SMOS PA'I MTSAN NYID KYI GZHUNG RNAMS LA SBYONG BAR MDZAD CING, ZHAR LA DE'I MKHAN SLOB SOGS LA DBANG DANG RJES GANG DANG, LUNG DANG BSHAD PA SOGS CHOS BKA' RNAM GRANGS MANG PO GSAN PAR MDZAD PAS, GNAS DE'I MKHAN SLOB DGE 'DUN GYI SDE DANG BCAS PA RNAMS KYIS BSNGAGS PA'I GNAS SU GYUR, DE NAS SNGON GYI SMON LAM DANG CHOS KYI RGYAL PO TZONG KHA PA CHEN PO'I MKHAS BTZUN BZANG GSUM GYI SNYAN GRAGS GSAN PAS RKYEN BYAS NAS DBUS SU PHEBS, RIM GYIS RA SA 'PHRUL SNANG DANG RA MO CHE SOGS KYI RTEN RNAMS MJAL TE PHYAG DANG BSKOR BA SMON LAM 'DEBS PA RNAMS LA NAN TAN CHEN PO GNANG, DE DUS CHOS KYI RGYAL PO TZONG KHA PA

CHEN PO DGE LDAN RNAM PAR RGYAL BA'I GLING NA DBUS GTZANG KHAMS GSUM NAS PHEBS PA'I DGE BA'I BSHES GNYEN CHOS DON DU GNYER BA RNAMS LA CHOS KYI 'KHOR LO BSKOR BA'I SKABS SU PHEBS, DE NAS GZIM KHANG DKAR MOR RJE RIN PO CHE MJAL BAR PHEBS PAS RJE THAMS CAD MKHYEN PA'I SKU GZIGS PA TZAM GYIS SANGS RGYAS KYI 'DU SHES 'KHRUNGS TE DAD GUS BCOS MA MIN PA 'KHRUNGS, DUS DE NAS BZUNG STE RJE THAMS CAD MKHYEN PA BSAM SBYOR GNYIS KYI SGO NAS TSUL BZHIN DU BSTEN NAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA SOGS MDO SNGAGS KYI DAM BA'I CHOS MANG PO GSAN, DE NAS RGYAL BA TZONG KHA PA CHEN POS MTHUN RKYEN DANG BCAS NAS SKYOR MO LUNG DU MKHAN PO BSAM GTAN DON GRUB PA'I DRUNG DU 'DUL BA DANG MNGON PA GSAN PA LA RDZONG BA GNANG , RJE 'DI NYID KYIS DER PHEBS TE 'DUL MNGON GNYIS LA GSAN SBYONG MTHAR PHYIN PAR MDZAD, DE NAS RGYAL BA TZONG KHA PA CHEN PO MI'I DBANG PO GRAGS PA RGYAL MTSAN GYIS 'ON MNGA' BKRA SHIS DO KHAR GDAN DRANGS BA'I PHYAGS PHYIR RJE 'DI NYID KYIS PHEBS NAS DER DBU MA RTZA SHE'I RNAM BSHAD DRANG NGES RNAM 'BYED, TSAD MA RNA MA NGES KYI DKA' GNAS, RTZA LTUNG RNAM BSHAD RNAMS GSAN, DE RJES CHOS RJE GUNG THANG PA MDZES PA DPAL LA CHOS GSAN PAR PHEBS PA'I DRUNG DU 'KHOR LO SDOM PA LUS DKYIL

, ,GYI DBANG GSAN ZHING, THAMS CAD MKHYEN PA DGE 'DUN GRUB PA YANG DER BYON NAS RJE RIN PO CHE DANG MJAL, DE NAS RGYAL BA TZONG KHA PA CHEN PO PHYIR DGE LDAN DU PHEBS, RJE 'DI BAS RGYAL BA TZONG KHA BA'I BKA' BZHIN DU GSANG PHUR PHEBS NAS RJE DGE 'DUN GRUB PA SOGS BSHES GNYEN MANG PO LA LEGS BSHAD KYI DGA' STON THOG MAR STZAL CING, DPAL 'KHOR LO SDOM PA LUS DKYIL GYI BDAG 'JUG GI CHO GA MANG DU MDZAD, DE NAS SNON GYI 'CHAD DGON ZHES PAR PHEBS TE CHOS 'CHAD NYAN LA BRTZON BAR MDZAD BA'I TSE MNAL LAM DU DPAL LDAN CHOS GRAGS KYIS BYIN GYIS BRLABS NAS, RIGS KYI BU, DE RING NAS KHYOD KYI TSE'I PHYED RDZOGS SO ZHES GSUNGS TE MI SNANG BAR GYUR, MNAL LAM DE'I LTAS DPAL LDAN CHOS GRAGS KYI GZHUNG LA BRTEN NAS GZHAN LA PHAN PA RGYA CHEN PO 'BYUNG BA DANG DGUNG LO RE GSUM THUB PA'I LTAS SU MNGON ZHES RJE NYID GSUNG NGO, ,DE NAS BAR CHAD KYI MTSAN MA RTZUB BA ZHIG BYUNG BA NA RJE BTZUN SGROL MA LA GSOL BA BTAB PAS MNAL LAM DU NAM MKHA' LA SGROL MA'I SNYING PO YI GE BCU GSER GYI MDOG CAN ZHIG GSAL BAR GZIGS SHING, GZHAN YANG NAM MKHA' LAS SGROL MA DKAR MO'I SGO NAS TSE BSRING THABS SLOB DPON NGAG DBANG GRAGS PA'I GZHUNG LA BRTEN NAS GYIS SHIG PA'I SGRA GSAL BAR BYUNG, DES BSKUL MA BYAS NAS RJE BTZUN MA YID BZHIN 'KHOR LO'I RJES GANG DANG MAN NGAG ZHU BA GNANG

STA ZHAG RE BZHIN SNYING PO SPEL TSIG DANG BCAS BA STONG PHRAG DRUG RE'I LJAGS BZLAS RGYUN DU GNANG, DE'I TSE SLOB MA RNAMS KYIS GSOL BA BTAB PA'I DOR, RJE DGE 'DUN GRUB BAS DRUNG YIG GNANG NAS TSAD MA RNAM 'GREL GYI RNAM BSHAD LEGS PA CIG THUGS RTZOM YANG GNANG, DE NAS GRUB BA'I GNAS MCHOG DGE LDAN RNAM PAR RGYAL BA'I GLING DU PHEBS TE RDO RJE 'CHANG GI NGO BO RGYAL BTZONG KHA BA CHEN PO'I ZHABS DRUNG DU SHING RTA CHEN PO GNYIS KYI LAM SROL BYANG CHUB LAM GYI RIM PA CHE CHUNG GNYIS KYI DON RNAMS NYAMS LEN DU DRIL BA GSUNG BSHAD DANG BCAS PA GSAN PAS THUGS RANG DBANG MED PAR PHROGS TE, BSHES GNYEN BSTEN TSUL NAS LHAG MTHONG LA SLOB PA'I BAR GYI LAM RNAMS DMIGS PA'I RIM PAR DRIL NAS THUGS NYAMS SU BZHES PAS LAM THUN MONG BA LA THUGS NGES CHEN PO 'KHRUNGS SHING, KHYAD PAR SLOB DPON KA MA LA SH'I LA'I BZHAD PA RGYU 'BRAS BDUN GYI SGO NAS BYANG CHUB KYI SEMS SBYONG TSUL DANG, SLOB DPON ZHI BA LHA'I BZHED PA BDAG GZHAN BRJE BA'I SGO NAS BYANG CHUB KYI SEMS SBYONG TSUL GNYIS LA BRTEN NAS SMON PA SEMS BSKYED LA LEGS PAR SBYANGS, DE LA BRTAN PA THOB NAS SMON PA SEMS BSKYED CHO GAS BZUNG STE PHAR PHYIN DRUG DANG BSDU BA BZHI SOGS RGYAL SRAS KYI SPYOD PA RNAMS LA SLOB PAR MDZAD, GZHAN YANG MDO SDE DU MA DANG BSLAB BTUS SOGS BYANG SEMS KYI SDE SNOD

, ,DGONGS 'GREL DANG BCAS PA LA SBYANGS PAS BYANG CHUB KYI SEMS LA THUGS NGES SHIN TU CHE BA 'KHRUNGS, DE NAS RJE BLA MA BLO BZANG THUB DBANG RDO RJE 'CHANG BLO BZANG GRAGS PA'I DPAL NYID LA RGYUD KYI RGYAL PO DPAL GSANG BA 'DUS PA'I CHOS SKOR RNAMS GSUNG BAR GSOL BA 'DEBS PA GNANG BAS, RJE BLA MA BLO BZANG GRAGS PA'I DPAL GYIS RGYAL BA'I SRAS PO BZANG SKYONG LA RJE BTZUN 'DI NYID KYI RGYUD YONGS SU SMIN PAR MDZOD CIG CES BKA' STZAL BA ZHAL GYI BZHES TE, 'PHAGS LUGS KYI 'DUS PA'I DKYIL 'KHOR DU BCUG NAS DBANG BZHI RDZOGS PAR BSKUR BAR MDZAD, DE NAS RJE BDAG NYID CHEN POS TSUL KHRIMS LE'U DANG BLA MA LNGA BCU PA RTZA LTUNG BCU BZHI PA RNAMS KYI RNAM BSHAD GSUNGS, RJE 'DI NYID KYIS DE DAG GI TSIG DON THUGS LA BZUNG NAS DAM TSIG DANG SNGOM PA TSUL BZHIN DU BSRUNG BAR MDZAD PA'I NGANG NAS RJE BLA MA TZONG KHA PA CHEN PO NYID LA DPAL GSANG BA 'DUS PA'I RTZA RGYUD DANG 'GREL PA SGRON GSAL CHA LAG DANG BCAS PA DANG BSHAD RGYUD LNGA SGRUB THABS MDOR BYAS MDO SRE GNYIS RNAM GZHAG RIM PA DANG RIM LNGA SOGS 'PHAGS LUGS KYI 'DUS PA'I GDAMS PA RNAMS DANG, RJE MAR PA DANG 'GOS LA SOGS PA BOD KYI BLA MA RNAMS KYIS MDZAD PA'I MAN NGAG DANG GZHUNG BSHAD DANG, 'DUS PA YE SHES LUGS DAN GSHIN RJE GSHED

SKOR DANG, 'KHOR LO SDOM PA DANG KYEE RDO RJE, DUS KYI 'KHOR LO RNAMS KYI 'GRE BSHAD DANG BCAS PA RNAMS DANG, DE DAG GI MAN NGAG RNAMS GSAN NAS BRTZON PA CHEN POS SBYANGS PAS SPYIR RGYUD SDE BZHIG DANG, KHYAD PAR BLA MED KYI RGYUD SDE'I DON LA MKHAS PA'I PHUL TU PHYIN PAR GYUR, DE DUS RJE BDAG NYID CHEN POS 'GREL PA BZHI SBRAGS PHYAG TU BSNAMS NAS KHYED CAG MKHAS PA RNAMS KYI KHROD NA DPAL GSANG BA 'DUS PA'I RGYUD KYI BSHAD SREL 'DZIN NUS PA SU YOD CES BKA' LAN 'GA' ZHIG STZAL BA NA, MKHAS PA GZHAN SUS KYANG ZHAL GYIS BZHES MA NUS PA'I TSE, RJE 'DI NYID KYIS DE LTA BU BDAG GIS BGYI'O ZHES ZHAL GYIS BZHES PAR MDZAD PA NA RGYAL BA TZONG KHA PA CHEN PO THUGS SHIN TU DGYES NAS GSANG BA 'DUS PA'I GSER SKU KHYAD 'PHAGS DANG, 'GREL PA BZHI SBRAGS KYI GLEGS BAM, CHOS RGYAL GYI ZHAL 'BAG 'CHAM GOS DBYUG TO ZHAGS PA SOGS GNAD NAS SNGAGS KYI BSTAN PA'I BDAG POR MNGA' GSOL, DE NAS RGYAL BTZONG KHA PA CHEN POS RJE 'DI LA KHYOD RANG GTZANG PHYOGS SU BYON LA RGYUD KYI 'CHAD NYAN MDZOD DANG ,GNOD SBYIN MA CHEN MO ZHIG GIS SBYIN BDAG GI GTZO BO BYED PAR 'DUG CES LUNG BSTAN YANG GNANG NGO, ,RJE 'DIS DE DUS DANG GZHAN GYI TSE YANG RGYAL TSAB DAR MA RIN CHEN, 'DUL 'DZIN GRAGS PA GYAL MTSAN, MKHAS GRUB DGE LEGS DPAL BZANG, CHOS RJE LEGS

, ,PA RGYAL MTSAN SOGS YONGS 'DZIN DAM PA MANG PO LA DBANG DANG RJES GNANG, LUNG DANG BSHAD PA MAN NGAG SOGS DAM PA'I CHOS MTHA' YAS PA CIG GSAN PAR MDZAD, DE DUS PHO BRANG CHEN PO SNE'U GDONG RTZE NAS MI YI DBANG PO GRAGS PA RGYAL MTSAN GYIS RJE 'DI NYID LA RGYAL BA TZONG KHA PA CHEN PO'I BKA' 'BUM BZHENGS NA 'DI NAS GROGS DAN ZHU BAS 'DI PHYOGS SU PHEBS PAR ZHU ZHES PA'I BKA' SHOG PHEBS PAS THUGS SHIN TU DGYES NAS DE 'PHRAL SNE'U GDONG DU PHEBS BAR MI'I DBANG POS RJE RIN PO CHE'I BKA' 'BUM BZHENGS GROGS BDAG RGYEN BZANG PO GNANG ZHING , ZHAR LA KHRA 'BRUG GI GTZUG LAG KHANG YANG MJAL BAR GNANG, BKA' 'BUM BZHENGS GRUB PA DANG DE NYID BSNAMS NAS SKYID SHOD DU PHEBS PA NA PHEBS LAM DU RJE RIN PO CHE'I GSUNG RAB KYI GLEGS BAM 'GA' ZHIG LUS PA NA, GSHIN RJE CHOS KYI RGYAL POS MNGON SUM DU BYON NAS GLEGS BAM MYUR DU LONGS SHIG CES BSKUL BAS DE 'PHRAL LEN PAR PHEBS PAS PHYAG TU 'BYOR, DE NAS BZUNG STE CHOS SKYONG 'DIS 'PHRIN LAS TSUL BZHIN BSGRUB CING LUNG BSTAN YANG MANG DU MDZAD PA YIN PAR SNANG, DE NAS GSANG PHUR PHEBS TE GLING STOD KYI MTHONG SMON GRVA TSANG GI SLOB DPON LO SHAS GNANG NAS MDO PHYOGS KYI BSHAD NYON MDZAD PAS BSTAN PA LA PHAN THOGS RAB BYUNG, DE NAS RJE

'DI NYID DANG RJE DGE 'DUN GRUB GNYIS KAS GTZANG PHYOGS SU PHEBS, RI ZHIG SNAR THANG DU BZHUGS NAS PHAR TSAD LA SOGS PA MTSAN NYID KYI 'CHAD GNANG BAS GRVA BA MANG DU 'DUS, DE DUS RDZONG DPON SANGS RGYAS SKYABS KYIS SBYIN BDAG MDZAD NAS SNAR THANG DANG BYANG CHEN GNYIS DANG, RTA NAG DGE SBYONG DKAR POS SBYIN BDAG MDZAD NAS RI KHUD DANG, 'PHYONG RGYAS STAG RTZE BA HOR DPAL 'BYOR BZANG PO DE DUS BSAM GRUB RTZE'I RDZONG DPON YIN PAS KHONG GIS SBYIN BDAG MDZAD CING, BSAM GRUB CHOS SDE BRAG DMAR PHUL BAS GNAS DE RNAMS SU RJE 'DI NYID KYIS SGRON GSAL SOGS SNGAGS PHYOGS DANG, RJE DGE 'DUN GRUB PAS PHAR TSAD SOGS MDO PHYOGS KYI BSHAD PA MDZAD PAS DGE BSHES THON CHE RAB BYUNG, DE NAS SLAR BYANG CHEN DU BZHUGS DUS DPON SLOB GNYIS KA LA GZHAN GYIS BYANG KHA LTA BU'I SKU DOG SHIN TU CHE BA'I MTSAN MA BYUNG BAS DE DUS RJE 'DI NYID BSAM GRUB RTZE'I GZIM CHUNG BDE GSAL DU SKU SNYUN BA'I TSUL BSTAN , DE'I TSE RNAL 'BYOR GYI DBANG PHYUG BZANG PO RGYAL MTSAN GDAN DRANGS TE KHONG GIS YE SHES KYI MGON PO PHYAG DRUG PA'I GTOR CHEN THUN MONG MA YIN PA MDZAD PAS DE 'PHRAL SNYUN DVANGS NAS SNGAR BZHIN RGYUD KYI 'CHAD NYAN LA BRTZON PAR GNANG ZHING, RJE DGE 'DUN GRUB PAS KYANG BYANG CHEN DU PHEBS NAS SGROL DKAR GYI BSNYEN SGRUB LA BRTZON PAR MDZAD, DE DUS RGYAL TSAB RJE DANG MKHAS

, ,GRUB RJE GNYIS GNAS RNYING DU LHAN CIG TU PHEBS PA LA RJE SHES RAB SENG GE DON SROB GNYIS KYIS MJAL BAR PHEBS TE, RGYAL TSAB RIN PO CHER KHONG RANG GI GNANG BA'I MDON PA KUN BTUS KYI RNAM BSHAD SOGS GSUNG CHOS MANG PO YANG GSAN, DE NAS RJE SHES RAB SENG GE DPON SLOB GNYIS BSAM GRUB RTZEL PHEBS, RJE DGE 'DUN GRUB PA LA STOD LHOR CHOS BAR LA PHEBS PA'I SKYEL MAR RJE 'DI NYID KYIS CHU 'DUS BAR DU PHEBS, DE NAS PHYIR LOG PHEBS DUS RJE DGE 'DUN GRUB KYIS RJE 'DI NYID LA PHYAG PHUL TE ZHABS SPYI BOR BLANGS NAS YUN RING DU BZHUGS PA'I GSOL BA BTAB STE GRVA PA MTSAN NYID PA RNAMS KHRID NAS SHEL DKAR PHYOGS SU PHEBS, RJE 'DI NYID KYIS GRVA PA SNGAGS PA RNAMS 'KHRID NAS BSAM GRUB RTZER PHEBS TE RE ZHIG BZHUGS NAS RGYUD KYI 'CHAD NYAN 'PHEL BAR YOD PA'I TSE, RJE BLA MA TZONG KHA PA CHEN POS SNGAR LUNG BSTAN GNANG BA BZHIN GNOD SBYIN MO'I SPRUL PA BDAG MO SH'AKYA DPAL GYIS GDAN DRANGS, DER CHOS RJE 'PHAGS 'OD YON TAN RGYA MTSO SOGS LA GSANG 'DUS DANG BDE MCHOG SOGS GSANG SNGAGS KYI CHOS MTHA' YAS PA ZHIG GSUNGS TE KHONG DPON SLOB RNAMS DGE LDAN PA'I CHOS RGYUD 'DZIN PA LA BSGYUR, 'PHAGS 'OD YON TAN RGYA MTSO RDO RJE SLOB DPON DU BSKOS TE GNAS DER RGYUD KYI

'CHAD NYAN BTZUGS, BYIN RLABS KYI RTEN DU SNGAR RJE RIN PO CHES GNANG BA'I DAM CAN CHOS RGYAL GYI ZHAL 'BAG DANG, 'CHAM GOS DBYUG TE BCAS GNANG, DE NAS SRAD KYI SA'I CHAR DGA' LDAN PHO BRANG ZHES PA'I DGON GNAS BTAB STE RGYUD KYI RGYAL PO'I 'CHAD NYAN 'DZUGS PAR MDZAD NAS 'DUL 'DZIN DPAL LDAN BZANG PO 'CHAD NYAN PAR BSKO BZHAG MDZAD, BYIN RLABS KYI RTEN DU RJE RIN PO CHES GNANG BA'I 'GREL PA BZHI SGRAGS KYI GLEGS BAM GNANG, DE NAS DBUS PHYOGS SU PHEBS NAS GDAN SA CHEN PO DGA' LDAN RNAM PAR RGYAL BA'I GLING DU RGYUD KYI 'CHAD NYAN BTZUGS, DE NAS DAM PA'I CHOS KYI 'BYUNG GNAS ZHA LUR PHEBS TE MKHAN CHEN GRAGS PA RGYAL MTSAN GYI DRUNG DU DPAL MCHOG DANG RTZE MO DANG RDOR DBYINGS SOGS RGYUD SDE 'OG MA RNAMS KYI DBANG DANG RGYUD BSHAD, LUNG DANG MAN NGAG DPAG TU MED PA GSANG CING DE DAG LA SBYANGS PA MDZAD PAS MKHAS PAR GYUR, DE NAS SLAR YANG DGA' LDAN RNAM PAR RGYAL PA'I GLING DU PHEBS, RGYAL TSAB RIN PO CHER DUS 'KHOR GYI CHOS SKOR GSANG PA'I THUGS 'DUN YOD PA LA DGE SBYONG DKAR POS RTA NAG TU GDAN DRANGS TE RI KHUNG CHOS SDE PHUL BAS DE NYID ZHAL BDAG GNANG STE LO KHA SHAS 'CHAD NYAN 'PHEL BAR BZHUGS, DE DUS RI BO DGE 'PHEL DU PHEBS NAS KUN MKHYEN SHES RAB DPAL BZANG YAB SRAS KYI DRUNG DU YANG CHOS BKA' MANG PO GSAN PAR MDZAD, DE NAS RJE DGE 'DUN GRUB BA DPON SLOB RNAMS

, ,LA STOD PHYOGS NAS PHEBS TE YAB SRAS MJAL BAS PHAN TSUN THUGS SHIN TU DGYES PAR GYUR, DE NAS YAB SRAS BKA' BGROS GNANG STE RJE DGE 'DUN GRUB PA RI KHUD KYI GDAN SAR BSKOS NAS RJE 'DI NYID KYIS DBUS SU PHEBS, DGE LDAN RNAM PAR RGYAL BA'I GLING DU MKHAS GRUB RIN PO CHER DUS 'KHOR GYI DBANG DANG RGYUD 'GREL GYI BSHAD PA SBYOR DRUG GI KHRID SOGS GSUNG CHOS MANG PO GSAN, RGYUD KHANG NYID DU THUGS DAM LA BRTZON PAR BZHUGS PAS BAR GCOD CUNG ZAD BYUNG BA THUGS DAM GYIS BZLOG PAR MDZAD, GNAS DER 'DUS PA'I RIM PA DANG PO'I LAM LA GOM PAR MDZAD PA THA MAL GYI SNANG ZHEN 'GAGS SHING, RIM PA GNYIS PA'I LAM LA MNYAM PAR 'JOG PAR MDZAD BAS KUN RTOG G-YO BYED KYI RLUNG RNAMS DHU T'I RR THIM PAR GYUR, DE LA BRTEN NAS MNYAM GZHAG TU BDE BA CHEN PO 'KHRUNGS SHING, BDE BA CHAN POS STONG PA NYID NGES PAR MDZAD DE BDE STONG DBYER MED KYI TING NGE 'DZIN YUN RING DU SKYONG BAR MDZAD NAS MNYAM GZHAG DE LAS BZHENGS PA'I RJES THOB TU YUL DU SNANG BA THAMS CAD BDE BA CHEN PO'I RNAM ROL DU 'CHAR BA DANG, DE GNYIS KYANG LHA SKUR 'CHAR BA BYUNG ZHING , SROG RTZOL GSUM GYI RDOR BZLAS DANG, RLUNG BUM PA CAN DANG KHYAB BYED KYI RLUNG LA RDOR BZLAS GNANG BAS GRUB PA'I DBANG PHYUG TU GYUR, DE NAS SNGAR GSAN PA'I MDO SNGAGS KYI CHOS RNAMS GDUL BYA RNAMS LA BSHAD NA LEGS

PAR DGONGS TE, CHOS DON DU GNYER BA RNAMS LA BYANG CHUB LAM RIM DANG 'DUS PA BDE MCHOG SOGS KYI KHRID DANG BSHAD PA DBANG RJES GNANG SOGS GNANG ZHING, KHYAD PAR RJE BLA MA TZONG KHA BA CHEN PO'I SPYAN SNGAR 'DUS PA'I RGYUD KYI BSHAD SROL 'DZIN PAR ZHAL GYIS BZHES PA BZHIN DU DE'I TSE SNE'U GDONG NAS DPON NAM MKHA' DPAL 'BYER GYIS SBYIN BDAG MDZAD DE NAN GYIS GSOL BA BTAB PA'I NGOR STOD LUNG GI GNAM RTZENG LTENG DU PHEBS, GNAS DER DGE BA'I BSHES GNYEN MANG DU 'DUS PA LA RGYUD KYI RGYAL PO DPAL GSANG BA 'DUS PA'I RGYUD 'GREL GYI BSHAD PA RJE BLA MA RDO RJE 'CHANG GI GSUNG RGYUN BZHIN GNANG BAS DGE BA'I BSHES GNYEN DE RNAMS LA THUGS BSKYED SHIN TU CHE BA BYUNG ZHING KHONG DPON SLOB RNAMS KYANG DAD PA LHAG PAR 'KHRUNGS, DE NAS BZUNG STE RJE 'DI NYID KYI THUGS LA DGE BA'I BSHES GNYEN 'DI RNAMS SDOM GSUM GYI NYAMS LEN LA GNAS PA'I DANG NAS 'DUS PA'I RGYUD 'GREL DANG BSKYED RDZOGS GNYIS KYI 'CHAD NYAN RGYUN TSUGS SHIG BYUNG NA DGONGS TE, DPON SLOB RNAMS PHYOGS PHYOGS SU CHOS BAR BTEG NAS DBYANG SOS GNYIS RGYUD 'GREL GYI BSHAD PA DANG, STON DUS 'DUS PA'I RDZOGS RIM RIM LNGA GDAN RDZOGS KYI DMAR KHRID, SPYOR BA YON LAG DRUG GI KHRID, N'A RO CHOS DRUG GI KHRID, 'KHOR LO SDOM PA'I RDZOGS RIM RNAL 'BOR CHEN PO'I KHRID, DE'I RDZOGS RIM RIM PA LNGA'I KHRID,

, ,RDO RJE 'JIGS BYED GYI RDZOGS RIM RNAL 'BYOR BZHI'I KHRID RNAMS 'DEBS BAR MDZAD LA, 'DI RNAMS LA KHRID CHEN DRUG CES GRAGS SHING, DE'I STENG DU 'KHOR LO CHEN PO'I RDZOGS RIM GYI KHRID DANG, YE SHES ZHABS LUGS KYI 'DUS PA'I RIM GNYIS KYI KHRID BSNAN NAS KHRID CHEN BRGYAD DU YANG GRAGS PA DANG, DE'I STENG DU BYANG CHUB LAM GYI RIM PA'I KHRID DANG, DBU MA THAL 'GYUR BA'I LTA KHRID KYANG 'DEBS PAR MDZAD DO, ,DE RNAMS KYI NANG NAS 'DUS PA DANG 'KHOR LO SDOM PA GNYIS KYI RDZOGS RIM GYI KHRID LA RJE BLA MA TZONG KHA PA CHEN PO'I ZHAL SLOB GZHAN LA MED PA'I MAN NGAG ZHAL SHES YI GE MED BA MANG PO YANG RJE 'DI NYID LA YOD BAS DE RNAMS KYANG GSUNGS SHING, KHRID DE RNAMS DUS PHYIS KYANG LAN RE GNYIS TZAM MIN BAR LO RE BZHIN 'DEBS PAR MDZAD BAS BSTAN PA'I RGYUN LA PHAN PAR BYUNG ZHING BLO LDAN RNAMS KYIS BSNGAGS PA'I GNAS DANG , SKYE DUG RNAMS KYI BDE SKYID KYI GSOS SU GYUR PA LAGS, DE NAS RGYUD KYI 'CHAD NYAN RGYUD CHEN SBYIN PA DPAL BA LA GTAD CING, GRVA TSANG GI BYIN RLABS KYI RTEN DU RJE RIN PO CHES GNANG PA'I GSANG BA 'DUS PA'I GSER SKU BYIN RLABS CAN DE GNANG NGO, ,DE LTAR RGYUD KYI 'CHAD NYAN GNANG BZHIN PA'I NGANG NAS SKU 'KHOR RNAMS LA DPE CHA 'DI RNAMS DGE 'DUN GRUB PA'I SAR SKYOL , RGYUD SDE'I 'CHAD NYAN 'DI SBYIN PA DPAL BAS GYIS, DE'I

GROGS DGOS PA GRAGS PA BZANG PO LA CHOL, ZHES GSUNGS NAS MYA NGAN LAS 'DA' BA'I THUGS 'DUN GTAD, DE NAS RGYUD KYI GRVA TSANG DANG LHAN CIG TU DGE LDAN RNAMS PAR RGYAL BA'I GLING DU PHEBS TE RIM GNYIS KYI RNAL 'BYOR LA BRTZON BA'I NGANG NAS THUN MTSAMS SU CHOS GSAN MI RNAMS LA RANG RANG GI 'DOD PA DANG MTHUN PA'I CHOS RNAMS STZAL, DE'I TSE RJE 'DI NYID KYI THUGS RGYUD LA MNGON BAR RTOGS PA'I YON TAN BSAM GYIS MI KHYAB PA 'KHRUNGS SO, , DE NAS SKU CHE 'DI'I DNGOS KYI GDUL BYA RDZOGS TE ZHING GZHAN DU 'BYON PAR DGONGS BAN THUGS DAM RIM GNYIS KYI RNAL 'BYOR LA RTZE GCIG TU BZHUGS SHING, DE'I TSE DAG PA'I GZIGS SNANG LA SKU MDUN GYI BAR SNANG LA RJE BTZUN BYAMS PA DANG 'JAM DBYANGS GNYIS KYIS SHER PHYIN GSUNGS SHING, SHER PHYIN GYI MDO SGROGS SHIG CES BKA' STZAL PA YANG DE BZHIN DU MDZAD CING, DPAL GSANG BA 'DUS PA, 'KHOR LO SDOM PA, DUS KYI 'KHOR LO SOGS YI DAM MANG PO'I ZHAL GZIGS, ,DE GA'I DANG NAS 'OD GSAL CHOS SKU MNGON DU MDZAD NAS DE'I NGANG LA YUN RING MNYAM PAR 'JOG PA GNANG, DE LAS LONGS SKUR BZHENGS PA'I TSE LHA RNAMS KYIS ME TOG GI CHAR DANG ROL MO'I SGRA LA SOGS PAS MCHOD CING NAM MKHA' G-YA' DAG PA LA 'JA' 'OD KYIS KHYAB PA DANG, DPA' BO DANG RNAL 'BYOR MA RNAMS KYIS GDUGS DANG RGYAL MTSAN DANG ROL MO'I SGRA LA SOGS PAS MCHOD CING BSUS TE DGA' LDAN CHOS KYI PHO

, ,BRANG DU RJE BDAG NYID CHEN PO YAB SRAS KYI DRUNG DU PHEBS SO, ,DE NAS RJES 'JUG RNAMS KYIS SKU GDUNG LA MCHOD PA RGYA CHER BYAS TE ZHUGS LA PHUL BA NA DBU THOD RIL POR MA NYAMS PAR BYON PA DANG, RING BSREL CHES NGO MTSAR BAR BYON PA DAG NI RJE DGE 'DUN GRUB KYIS BZHES TE BKRA SHIS LHUN PO'I THUB CHEN GYI SKU'I NANG DU BZHUGS SO, ,DE LTAR RJE SHES RAB SENG GE 'DIS CHOS KYI RGYAL PO TZONG KHA PA CHEN PO'I BSTAN PA'I SNYING PO MTHAR THUG PHA RNAMS RGYA CHER SPEL BAR MDZAD PAS RGYUD 'DZIN GYI SLOB MA MTHA' YAS PA BYON ZHING, RGYUD KYI BSHAD SROL 'DZIN PA NI GTZANG DU 'DUL NAG PA DPAL LDAN BZANG POS SRAD DU RGYUD GRVA BTZUGS TE 'DUS PA'I BSHAD SROL MA NYAMS PAR BSKYANGS ,PAn CHEN BZANG PO BKRA SHIS KYIS GANGS CAN DU MDO SNGAGS GNYIS KA'I BSHAD GRVA BTZUGS TE BSHAD SROL MA NYAMS PAR BSKYANGS, RGYUD CHEN SPYIN PA DPAL BAS RGYUD SMAD GRVA TSANG DU RJE'I SNGAGS KYI BSHAD SROL MA NYAMS PAR BSKYANGS, RGYUD CHEN KUN DGA' DON GRUB KYIS 'CHUM MDA' SOGS SU RGYUD KYI BSHAD SROL MA NYAMS PAR BSKYANGS PA LA RGYUD STOD DU GRAGS PA BYUNG, 'PHAGS 'OD YON TAN RGYA MTSOS LHUN PO RTZER 'DUS PA'I BSHAD SROL MNYAMS BAR BSKYANGS SHING SGRON GSAL GYI MCHAN BU RJE BDAG NYID CHEN PO'I DGONGS PA RMA MED PAR BKOD PA SGRON GSAL

RNAM NGES ZHES BYA BA'I LEGS BSHAD RMAD DU BYUNG BA 'DI MDZAD DO, ,GZHAN YANG RGYUD 'DZIN GYI SLOB MA MTHA' YAS PA BYUNG ZHING THAMS CAD KYI NANG NAS RGYAL MTSAN GYI TOG LTAR MNGON PAR MTHO BA 'GRAN PA'I ZLA THAMS CAD DANG BRAL ZHING 'PHRIN LAS NAM MKHA' DANG MNYAM PA NI THAMS CAD MKHYEN PA DGE 'DUN GRUB PA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB CHEN PO SHES RAB SENG GE LA GSOL BA 'DEBS SHING ,BDAG NYID CHEN PO 'DI'I RNA MTHAR LTAR MDO SNGAGS GNYIS KA'I LAM GYI LUS YONGS SU RDZOGS PA LA BAG CHAGS CI THEBS BYA'O,, ` ,,RIG GROL PHUN TSOGS DGE 'DUN 'DUS PA'I GTZO, ,GRUB PA'I DBANG PHYUG MKHAS PA KUN GYI DPAL, ,'PHRIN LAS BZANG POS BSTAN PA RGYAS MDZAD BA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA, THAMS CAD MKHYEN PA DGE 'DUN GRUB PA DPAL BZANG PO NI, GUR MA ZHES BYA BA'I YUL GYI LHAS RA ZHIG TU, YAB MGON PO RDO RJE DANG, YUM JO MO NAM SKYID CES BYA BA GNYIS KYI SRAS SU LCAGS MO LUG GI LO NGO MTSAR BA'I LTAS DANG BCAS TE 'KHRUNGS, RJE 'DI SPRUL PA'I SKYES BUR STON PHYIR 'KHRUNGS PO'I NUB MO DE PHYOGS KYI 'BROG BA LA DGRA JAG BYUNG STE YUM GYIS KHYE'U 'KHRUNGS MA THAG PA DE KHYER MA THUB PAR RDO'I GSEB CIG TU SBAS TE NANG MI THAMS CAD BROS, SANG NYIN NAM LANGS NAS LTAR 'ONGS PAS, DE'I MTHA' SKOR LA BYA

, ,DANG GCAN GZAN MANG PO 'KHOR NAS YOD PA LA, BYA ROG CHEN PO GCIG GIS KHYE'U 'KHRUNGS MA THAG PA DE GCAN GZAN SOGS KYI GNOD PA LAS BSRUNGS TE MA NONGS PAR BZHUGS BAN THONG STE DGA' ZHING NGO MTSAR YA MTSAN DU BZUNG NAS KHYE'U DE KHYER TE BROS NAS PHYIN, DE DUS KYI BYA ROG CHEN PO DE NI DPAL MGON ZHAL GYI RNAM 'PHRUL DU 'DUG ,MGON PO 'DIS PHYIS KYANG DE DUS KYI DRIN NGO DANG, KHYOD LTA BU'I BSTAN 'DZIN LA NGA LTA BU'I CHOS SKYONG BSTEN DGOS PA YIN NO ZHES YANG YANG GSUNG GIN YOD GSUNG STE BSAM GYIS MI KHYAB PA'I RNAM THAR RO, ,DE LTA BU'I GZHON NU DE NYID NI, BYIS PA'I GNAS SKABS NYID NAS KYANG BYIS PA'I RGUD PA THAMS CAD LAS YANG DAG PAR 'DAG SHING, BAG MED BAR RTZE BA MTHA' DAG LAS NGANG GIS LOG, NYES SPYOD RNAMS NI RANG BZHIN GYIS BSDAMS, BLO GROS DPAG PAR DKA' ZHING DAM PA'I CHOS 'CHOL BA LA NGANG GIS ZHUGS PA SOGS BYANG CHUB SEMS DPA'I SPYOD PA RLABS PO CHE RNAMS LAS NAM YANG NYAMS PA MED CING ,KHYAD PAR RANG DANG NA TSOD MNYAM PA'I BYIS PA MANG NGO BSAGS NAS DE DAG LA RANG NYID KYIS CHOS 'CHAD PA'I RNAM PA MDZAD CING, GZHAN YANG RTEN BZHENG DANG, GTZUG LAG KHANG DANG, CHOS KHRI DANG, CHOS RA RTZIG BA YIN GSUNGS NAS, NYIN MTSAN KUN TU PHYAG DAL BAR BZHUGS PA'I SKABS MED BLTA BU ZHIG YOD CES GRAG GO, DE NAS RJE 'DI'I YAB YUM RNAMS KYANG NOR DGRA LA SHOR TE

SBRAM TSUGS BAR RE ZHIG LA KHA STOD KYI GRONG YUL RNAMS SU BZHUGS TE RJE 'DIS KYANG GRONG BA DAG GI RDZI BO SOGS MJAD DE SEMS CAN LA PHAN PA MDZAD, KHYAD PAR RTZEN DKAR BYA BA'I YUL DU BZHUGS, DGUNG LO LNGA BA'I DUS NYIN RE BZHIN PHYOGS GZHAN ZHIG TU 'BYON PA ZHIG BYUNG BA LCAM MO ZHIG YOD PA DES LTAR PHYIN PAS RDO MANG PO LA MA nI PHYAG BRIS MDZAD DE BRKO YIN 'DUG ,CI MDZAD ZHUS PAS, 'DI LA NGA'I PHA MA'I SGRIB SBYONG BYED PA YIN GSUNG, PHA MANG LTA MA SHI LAGS ZHUS PAS, PHA MA SHI BA DANG MA SHI BA MANG PO YOD PAS DE THAMS CAD KYI SGRIB SBYONG YIN GSUNG, DE 'DRA'I MA nI DE YUL DE NA DA LTA YANG YOD PAR GRAGS, DE NAS KHA STOD MTHONG SMON BYA BAR YUM SRAS RNAMS KYI BYON, YUL DE'I PHYUG PO ZHIG GI RA RDZI MDZAD DE RI GDONG ZHIG GI BRAG LDEBS LA 'BRU DRUG DANG, 'BRU GSUM DANG, H'Um DANG HR'I: LA SOGS PA'I GSUNG YIG 'BRU MANG PO DANG, GDUGS DANG, RGYAL MTSAN DANG, BA DAN SOGS MCHOD PA'I YO BYAD MANG PO PHYAG BRIS SU BSKO BAR MDZAD PA DA LTA YANG YUL DE NA BZHUGS ,DE NAS ZHU RONG BYA BAR PHEBS TE 'GRO DON MDZAD, DE NAS SNAR THANG GI PHU DGE STENG BYA BAR BZHUGS, DGUNG LO BDUN PA'I TSE YAB DE SKU GSHEGS, DE'I TSE RJE 'DIS STON PA SMAN PA'I RGYAL PO'I MDO ZHIG PHYAG BRIS MDZAD DE BZHENGS, 'DI LA BDAG GI PHA'I SGRIB SBYONG BYED PA YIN NO GSUNG, DE NAS YAB YUM DAG 'BYOR PA CHUNG BAS RGYAL SRAS 'DIS

, ,SNAR THANG DU DGE 'DUN GYI TSOGS LA BSGRU BA LA BYON, DE LA YANG NA BZA' SER PO RE BZHES, DBU SKRA BREGS TE BYON, DE LA MI RNAMS KYIS BTZUN CHUNG RAG SKYA ZHES 'BOD PA BYUNG, DE NAS RGYAL BA'I BSTAN PA LA 'JUG PAR BZHED DE SNANG THANG MKHAN CHEN GRUB PA SHES RAB LAS YONGS RDZOGS DGE BSNYEN GYI SDOM PA BZHES TE BSLAB KHRIMS RNAMS TSUL BZHIN DU BSRUNG BAR MDZAD CING, CHOS SPYOD MANG PO ZHAL TON DU MDZAD PA NA BTZUN CHUNG PAD RDOR ZHES 'BOD PA BYUNG, DE NAS SNAR THANG MKHAN PO'I GSUNG NAS, DA RA ZHIG LA YON TAN THAMS CAD KYI RTZA BA YIN PAS KLOG YIG LA SBYONGS SHIG GSUNGS NAS, DE DUS KYI KLOG DPON RGYA STON TZANDRA PA ZHES PA SLOB MA BRGYA PHRAG MANG PO BSTEN PA GCIG LA GTAD DE KLOG YIG SBYONG BA'I TSUL BSTAN PA TZAM GYIS THOGS MED DU MKHYEN PA BYUNG, DE NAS RGYA STON PA'I ZHAL NAS, DA NI NGA BAS KHYOD MKHAS PAR 'DUG PAS NGA'I SLOB MA RNAMS KHYOD KYIS SKYONGS SHIG GSUNGS NAS, DE DUS KYANG KLOG GIS BU SLOB SKYONG BA SOGS MDZAD, DE NAS YANG, DE DUS KYI YIG DBON SH'AKYA DPAL ZHES PA LA YI GE SBYONG BA'I TSUL BSTAN PA TZAM GYIS YI GE'I RIGS, RGYA YIG ,BOD YIG ,HOR GYI YI GE, RGYA GAR GYI YI GE'ANG, LANYTSA, WARDHU, BOD YIG LA'ANG, CHE YIG ,CHUNG YIG ,DE LA'ANG, 'BRU MA, TSAG BRIS, ZLUM BRIS SOGS THAMS CAD THOGS PA MED PAR

MKHYEN, DE LTAR MKHYEN CING RAB TU BYUNG BA'I RJES SU'ANG SNAR THANG DU KLOG YIG GI PA BU SLOB MANG PO BSKYANGS BAS MI RNAMS KYIS DBON YIG DGE 'DUN GRUB CES 'BOD PA'ANG BYUNG ZHING, DE LTAR YIG RIGS THAMS CAD MKHYEN PAS GSAN SBYONG MDZAD DUS KYI PHYAG DPE PHAL CHE BA PHYAG BRIS MDZAD DE BZHENGS, CHOS BAR SOGS LA BYON DUS GTZUG LAG KHANG GANG DU BYON SAR 'PHAN GDUGS RGYAL MTSAN SOGS PHUL BA RNAMS LA DKAR CHAG RE PHYAG BRIS SU MDZAD, PHYIS BKRA SHIS LHUN PO'I PHYI NANG KUN TU BLA MA SANGS RGYAS BYANG SEMS KYI MTSAN DANG, MA nI JI SNYED YOD PA PHAL CHE BA DANG, KHYAD PAR GTZUG LAG KHANG GI NANG NA YOD PA LANYTSA SOGS YIG RIGS PHAL CHE BA RNAMS RJE 'DI'I PHYAG BRIS YIN ZHING, RJE 'DIS MDZAD PA'I PHYAG BRIS CHAD LHAG NOR GSUM GYI SKYON DANG BRAL BAR RJE RANG NYID KYIS ZHAL GYIS BZHES SO, ,DE NAS 'DI SNYAM DU DGONGS TE, RGYAL BA'I BSTAN PAL ZHUGS TE KHYIM NAS KHYIM MED PAR RAB TU BYUNG NAS THOS BSAM SGOM GSUM 'CHAD RTZOD RTZOM GSUM GYI SGO NAS RGYAL BA'I BSTAN PA RIN PO CHE CHES CHER SPEL THUB PA ZHIG BYA'O SNYAM DU DGONGS NAS DGUNG LO BCO LNGA PA SHING MO BYA'I LO ZLA BA GSUM PA'I NYER GCIG GI NYIN DPAL SNAR THANG GI GTZUG LAG KHANG DU MKHAN CHEN GRUB PA SHES RAB PAS MKHAN PO DANG, BSHES GNYEN CHEN PO BLO LDAN PA ZHES PAS SLOB DPON MDZAD DE ,

, ,RAB TU BYUNG ZHING CHIGS SNGA MA DGE TSUL GYI SDOM BA YANG DAG BAR MNOS TE, DGE 'DUN GRUB PA DPAL BZANG PO ZHES MCHAN GSOL, DE LTAR RAB TU BYUNG NAS 'DI SNYAM DU DGENGS TA, SANGS RGYAS BCOM LDAN 'DAS KYI RJES SU RAB TU BYUNG BA DAG GI LAS SU BYA BA NI GNYIS TE, 'DI LTAR KLOG PA THOS BSAM DANG, SGRUB PA BSAM GTAN GYI RIM PA'O, ,DE BAS NA BDAG GIS KYANG KLOG PA THOS BSAM DANG SPONG BA BSAM GTAN GNYIS KYI SGO NAS RGYAL BSTAN YONGS SU RDZOGS PA RANG GI RGYUD LA 'DZIN CING GZHAN LA'ANG RGYA CHER SPEL BAR BYA'O SNYAM DU DGONGS NAS DE DUS SNAR THANG NA MAH'A PAndI TA SADGHA SHR'I ZHES PA'I MKHAS GRUB CHEN PO ZHIG YOD PA LA, SNYAN DNGAGS ME LONG DANG, 'CHI MED MDZOD DANG, SGRA 'TSAMS SBYOR LNGA BA RNAMS GSAN CING, GTUM PO DKAR PO'I RJES GNANG SOGS KYI BKA' YANG MANG RAB GSAN LA, BSHES GNYEN DAM PA GZHAN MANG PO LA'ANG DBANG LUNG MAN NGAG RGYA CHER GSAN NO, ,DE NAS DGUNG LO NYI SHU BZHES PA LCAGS PHO STAG GI LO ZLA BA GNYIS PA'I GRAL TSES BCU GCIG GI NYIN TSIGS SNGA MA'I MKHAN PO GNAS LNGA RIG PA GRUB PA SHES RAB PAS MKHAN PO DANG, TSIGS SNGA MA'I SLOB DPON BLO LDAN PAS LAS SLOB, DE'I GDAN SA PA CHEN PO GRAGS PA SHES RAB PAS GSANG STON MDZAD CING MTSAN NYID LDAN PA'I KHA SKONG GRANGS TSANG BAS

DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE, LHAG PA TSUL KHRIMS KYI BSLAB PA YONGS SU RDZOGS PA'I LHA'I CHU BOS THUGS RGYUD KYI BAM BZANG NYE BAR GTAMS SHING, LHA DANG BCAS PA'I 'JIG RTEN GYI YON GNAS GCIG PUR GYUR TO, ,DE NAS TSAD MA RNAM 'GREL GYI GZHUNG LA SPYANGS TE SNAR THANG DU GRVA SKOR YANG MDZAD, DE NAS SNAR THANG MKHAN CHEN SOGS BSHES GNYEN MANG PO LA MDO SNGAGS KYI CHOS MANG DU GSAN, DE DAG GI TSE YANG YON TAN THAMS CAD KYI GZHI DANG RTZA BA TSUL KHRIMS SU DGONGS NAS LHAG PA'I TSUL KHRIMS NYES LTUNG GI DRI MA THAMS CAD DANG BRAL BA ZHIG MNGA' BAS GNAS BRTAN 'DUL BA 'DZIN PA GSER RI'I PHRENG BA LTA PU'I DBUS NA LHUN PO LTAR MNGON PAR 'PHAGS SHING, BDAG PAS GZHAN GCES PA'I BYANG CHUB KYI SEMS BCOS MIN THUGS RGYUD LA RGYUN CHAGS PAR MNGA' BAS 'GRO BA KUN LA PU GCIG BA LTAR DGONGS TE, BSTAN PA DANG SEMS CAN LA PHAN PAR GZIGS NA DMYAL BA'I ME YANG PADMA'I TSAL LTAR GZIGS NAS 'JUG PA LA YA MI NGA ZHING RANG GI CHED DU DAG PA'I ZHING GI 'BYOR PA YANG RMI LAM GYI DGA' STON LTAR GZIGS NAS BLTOS PA MED CING, BSKYED RDZOGS KYI TING NGE 'DZIN SHIN TU BRTAN PO BRNYES PAS THUN MONG DANG THUN MONG MA YIN PA'I MNGON PAR RTOGS PA'I YON TAN NI, SO SO SKYE BO'I BYANG CHUB SEMS

, ,DPA' PHAL MO CHE DAG GIS RJES SU YI RANG BA TZAM YANG BYA DKA' BA'I RGYAL SRAS KYI SNYING STOBS PHUL DU BYUNG BA MNGA' BAS, RGYAL BA'I SPYAN SNGAR KHAS BLANGS PA'I DAM TSIG LAS MI G-YEL BA'I SRUNG MA KHYAD BAR CAN DANG DKAR PHYOGS SKYONG BA'I LHA DAG GIS DNGOS SU BSNYEN BKUR ZHING LEGS SO GSOL BA'I TSIG GIS MNGON PAR BSNGAGS SHING, GZHAN LA CHOS STON PA'I 'PHRIN LAS LHUR MDZAD PA LA DGONGS PA MNGON DU PHYOGS PAR GYUR TO, ,DE NAS 'DI LTAR DGONGS TE, DE YAN CHAD NYER 'DZIN CHEN PO'I GSUNG DANG DU BLANGS, BSTAN PA DANG SEMS CAN LA PHAN GANG CHE'I SGO NAS 'GRO BA'I DON BYAS, DA NI SNGAR NAS YID LA YANG DANG YANG DU YOD PA BZHIN DAM PA'I CHOS 'TSOL BA DANG, RJE BTZUN CHOS KYI RGYAL PO TZONG KHA PA CHEN PO'I DRUNG DU MYUR DU 'GRO BAR BYA'O SNYAM DU DGONGS NAS DE LUGS KYI GRABS BYAS NAS DGUNG LO NYER LNGA PA SHING MO LUG GI LO LA DBUS PHYOGS LA BYON TE, KHRA 'BRUG TU SEMS DPA' CHEN PO KUN BZANG PA LA TSAD MA DANG DBUM SOGS KYI THUGS SPYOD MDZAD, DE NAS RJE BTZUN TZONG KHA BA CHEN POS SKYONG MI'I DPANG PO GRAGS PA RGYAL MTSAN GYIS BKRA SHIS RDO KHAR SPYAN DRANGS PA'I DRUNG DU, SEMS DPA' CHEN PO KUN BZANG PA'I PHYAGS PHYI MJAD DE BYON NAS, DER RJE RIN PO CHE LA TSAD MA RNAM NGES KYI DOGS GCOD, DRANG NGES RNAM 'BYED,

RTZA SHE'I RNAM BSHAD, BLA MA LNGA BCU BA'I RNAM BSHAD, RTZA LTUNG GA NAM BSHAD SOGS CHOS MANG PO GSAN CING, RJE RIN PO CHE YANG THUGS SHIN TU DGYES BAR BYUNG STE, 'DUL BA'I BSLAB KHRIMS KHYAD PAR CAN SPEL PA'I RTEN 'BREL BSGRIG PA'I PHYIR DU MTHANG GOS BZHES 'PHRO ZHIG GI GNANG SBYIN KYANG MDZAD, DE NAS RJE BTZUN TZONG KHA PA'I GSUNG GIS THANG BO CHE'I BLA BRANG BA NYI MA RGYAL MTSAN PA LA DPAL GSANG BA 'DUS PA'I BKA' ZHIG ZHU BA LA PHYIN PA LEGS ZHES BSKUL TE DER BYON, RJE NYI MA RGYAL MTSAN PA LA DPAL GSANG BA 'DUS PA MI BSKYOD PA DANG, RDO RJE 'JIGS BYED BCU GSUM MA DANG, GSHED DMAR BCU GSUM MA DANG, GSHED DMAR LHA LNGA MA SOGS KYI BKA' MANG PO GSAN NO, ,DE NAS DBON SLOB RNAMS DGE LDAN DU BYON, RJE SHES RAB SENGGE GSANG PHU LA BYON, DGE LDAN DU RJE RIN PO CHE'I DRUNG DU RJE BLA MA 'DIS, BDAG GSANG PHUR RJE SHES RAB SENGGE'I DRUNG DU PHYIN NA BSAM PA LAGS ZHUS PAS, CIS KYANG LEGS GSUNGS NAS SLOB DPON RAB MCHOG PA DANG GNYIS LA SPYI RU GSER ZHO GANG, RDUL GZANG LEGS PO ZHIG GNANG, GSER KHOD PA LA PHUL, GZAN DE RJE 'DI PAS BSNAMS TE DGUN CHOS LA GSANG PHUR PHEBS RIGS 'BRING MAN CHAD LA MA BRTEN PAR DANG PO NAS TSAD MA'I RIGS CHEN MDZAD, THUGS GSAL BA DANG STON BA BZANG PA'I SNYAN PA'I GRAGS PA YANG RGYA CHER BYUNG NGO, ,DE NAS RJE 'DI BAS STON CHOS SOGS

, ,LA DGE LDAN DU PHEBS, RJE RIN PO CHE LA LAM RIM CHEN MO, 'KHOR LO BDE MCHOG GI RTZA RGYUD KYI BSHAD PA, SNGAGS DBANG, SGRUB DKYIL GYI LUNG SOGS SNGAGS CHOS MANG PO GSAN ZHING,, RJE DAR MA RIN CHEN LA TSAD MA, PHAR PHYIN, BYAMS CHOS PHYI MA SOGS KYI BSHAD PA MANG DU GSAN BAS RJE DAR MA RIN CHEN 'DI PHA ROL TU PHYIN PA'I THEG PA'I PHYOGS LA BKA' DRAN CHE BA YIN GSUNG, YANG GSANG PHUR PHEBS TE RIGS LUNG 'GRIM BA SOGS KYI THUGS SBYONG MDZAD, STON DGE LDAN LA PHEBS TE RJE RIN PO CHE DANG RGYAL TSAB RJE STE YAB SRAS GNYIS LA MDO SNGAGS KYI CHOS RGYA CHER GSAN PA DANG, 'DUL 'DZIN CHEN PO GRAGS BA RGYAL MTSAN PA LA DRANG DES RNAM 'BYED TSAR GCIG DANG, GZHAN YANG CHOS BKA' CI RIGS GSAN, DE LTA BU'I TSUL GYIS GSANG PHU DGE LDAN GNYIS LA LO GSUM TZAM ZHIG BZHUGS, DE NAS SA MO PHAG GI LO RJE BTZUN CONG KHA PA CHEN PO STOD LUNG CHU TSAN LA BYON TE SLAR 'BRAS SPUNGS SU PHEBS PA'I TSE RJE 'DIS KYANG DER BYON TE LAM RIM GYI KHRID, N'A RO CHOS DRUG, DBU MA 'JUG PA, GSANG BA 'DUS PA'I RGYUD LA SOGS PA MANG DU GSAN NO, ,DE NAS 'DI LTAR DGONGS TE, SPYIR 'DUL BA'I BSLAB KHRIMS RNAM PAR DAG PA CIG BYED PA LA 'DUL BA SHES DGOS PAR 'DUG ,KHYAD BAR GROS 'DI 'DUL BA'I 'BYUNG KHUNGS LTA BUR 'DUG PAS DER 'DUL BA SLOB TU 'GRO SNYAM DU DGONGS TE DE'I RGYU MTSAN RJE

BTZUN TZONG KHA PA CHEN PO LA ZHUS PAS, 'DUL BA SLOB PA LA NYAMS SU LEN 'DOD KYI BSAM PAS SLOB DGOS PA YIN, DE LTAR YIN NA NGO MTSAR CHE GSUNGS NAS TSAS KYI MTHUN RKYEN DU GSER ZHO GANG GNANG, DE'I CHA SHAS SHIG LA LHA SA NAS RTZAM PA BSGRUBS TE SGO LA LA BYON, LAM DU MA THEG PAR RDUL GZAN GYI SNAM PA GCIG PHOG STE DRUBS PA'I NANG DU RTZAM PA THOGS GCIG BZHAG, DER RDO LA PHYAG BRIS MDZAD DE 'DI SU DANG PHRAD PAS LONGS SPYAD KYANG NYES PA MED DO, ,ZHES BRIS PA BZHAG NAS GRO SAR BYON, DE'I DUS SU RJE SHES RAB SENG GE PAS DMAR STON YAB SRAS KYI DRUNG DU, DGE BSHES 'DI BDAG GI SLOB MA'I DANG MA YIN PAS 'DUL MDZOD PHUL DU PHYIN PA CIG SLOB PAR ZHU ZER BA'I ZHU YIG KYANG PHUL, DMAR STON DPAL LDAN RIN CHEN PA DANG RGYA MTSO RIN CHEN PA GNYIS LA LO GNYIS KYI BAR DU MDO RTZA BA DANG MNGON PA MDZOD LEGS BAR GSAN, KHYAD PAR RGYA MTSO RIN CHEN PA LA LUNG SDE BZHI'I LUNG YANG GSAN LA; DMAR STON PA'I ZHAL NAS, NGED KYI SLOB MA GTZANG PHYOGS NA KHYED DANG DKA' BCU PA GZHON NU RGYAL MCHOG GNYIS LAS 'DUL BA LA MKHAS PA MED PAS KHYOD KYIS KYANG BSTAN PA LA PHAN PA'I 'CHAD NYEN LEGS PO MDZOD, NGAS KYANG LO BCU DRUG NAS DA LTA'I BAR DU 'CHAD NYAN MA CHAG PAR BYAS PA 'DI BSTAN PA 'BA' ZHIG LA BSAMS PA YIN NO, ,ZHES GSUNGS, DE NAS SLAR YANG GSANG PHUR PHYAGS PHEBS, SNGAR GYI THUGS SBYONG GI 'PHRO RNAMS LEGS

, ,BAR MJAD, GLING STOD DU MTHONG SMON BA ZHAS PA'I GRVA TSANG ZHIG GI 'CHAD NYAN PA RJE SHES RAB SENG GES MDZAD KYIN YOD PA'I GDAN SAR RJE 'DI PA DANG SHAR DVAGS PO'I PAndI TA BKRA SHIS RNAM RGYAL BA GNYIS BSKRA BZHAG MDZAD DE LO KHA YAR 'CHAD NYAN KYANG MDZAD, DE DUS GSANG PHU'I BRAG PHUG CIG TU THUGS DAM MDZAD PA'I MNAL LAM DU BYANG SHAR PHYOGS NAS THUB DBANG GI SKU SHIN TU CHE BA ZHIG GZIGS PA'I MDZOD SPU NAS ZLA BA NYA GANG BA GCIG CHAD DE RJE RANG NYID LA THIM PA RMIS, DE RJE SHES RAB SENG GE LA ZHUS PAS, SANGS RGYAS KYI 'PHRIN LAS 'JUG CING TSE RING PO 'ONG BA'I LTAS YIN, NGED KYI RMI LAM DU'ANG KHYOD MGO SKYA YER YER 'CHAD NYAN BYED KYIN 'DUG PA RMIS GSUNG, YANG DE DUS MNAL LAM LA NAM MKHA' NAS AOm WA G'I SHVA RI MUm ZER BA ZHIG LANYTSA'I RNAM PAR NAR TA BYUNG BA RJE NYID KYI LCE THOG TU BABS PA DANG, NGA 'TSENGS, NGA 'TSENGS, ZER BA LAN GSUM BRJOD BA DUS MNYAM PA CIG BYUNG GSUNG, DE NAS MA PHO RTA LO LA GTZANG PHYOGS LA PHYAGS PHEBS TE BYANG CHEN DU GRVA PA BDUN CU TZAM LA 'CHAD NYAN MDZAD, RIGS LUNG KYANG SHIN TU 'PHEL BAR BYUNG, DE NAS GRVA TSOGS KYANG RJE CHE LA SONG STE SNAR THANG BYANG CHEN RTA NAG RI KHUD RNAMS LA RIM GYIS CHOS PAR LA BYON TE LO LNGA DRUG GI RING LA 'CHAD NYEN 'PHEL BAR BYUNG, DE DUS LCAGS PHO KHYI LO LA SNAR THANG DU 'JUG PA'I RNAM BSHAD DGONGS PA RAB TU GSAL BA'I ME LONG GCI MA

BA YANG MDZAD, SLAR YANG GSANG PHU'I 'CHAD NYAN LA GDAN 'DRAN BYUNG YANG MI PHEBS, YANG DE DUS RGYAL TSAB RJE DANG MKHAS GRUB RJE YAB SAS GNYIS GNAS RNYING DU PHEBS, DE'I DRUNG DU RJE SHES RAB SENG GE DANG YAB SRAS GNYIS KYIS KYANG BYON TE RGYAL TSAB RJE LA SPYIR CHOS MANG PO DANG, KHYAD PAR MNGON LA KUN LAS BTUS KYI t'IKKA DE GSAN, RIM GYIS RJE 'DI PAS PHYAG BRIS MDZAD DE GZHAN LA YANG GSUNGS LA, MKHAS GRUB RJE LA YANG CHOS MANG DU GSAN NO, , DE NAS LCAGS MO PHAG LA RJE SHES RAB SENGGE DANG YAB SRAS PHOGS MTHUN LA STOD LA CHOS BAR LA BYON, YAR LAM GCEN LUNG DANG CHU 'DUS SOGS SU BYANG SAMS SH'AKYA DPAL BAS SBYIN BDAG MDZAD DE CHOS AR MDZAD, DE NAS STOD PHYOGS KYI CHOS SDE MANG POR BYON ZHING SKAL BA DANG LDAN BA MANG PO LA MTHO RIS DANG THAR BA'I SA BON 'JOG BAR MDZAD, DE NAS DPON SLONG RNAMS KYIS PADMA CHOS SDENGS SU BYON, YAR LAM GLANG SKOR DU PHA DAM PA'I SKU GDUNG KA RU MJAL, SPYIR DE LA MTHONG TSUL SNA TSOGS SHIG YOD PA LA, RJE 'DI PAS DAM PA RANG GI SKU DNGOS SU GZIGS PA YIN ZER BA'I LO RGYUS SKU GNYER GYIS BRJOD BA DANG LTA'I BAR DU YOD DO, ,DE NAS PADMA CHOS SDIGS SU BYON TE; PAn CHEN 'JIGS BRAL DANG MJAL, ZHAG SHAS DER BZHUGS, CHOS MANG DU ZHUS, KHYAD BAR SGROL MA NYER GCIG MA, SGROL MA LHA BCU BDUN MA SOGS KYI DPANG DANG, RJE BTZUN MA DKAR SNGO GNYIS DANG, DBYANGS

, ,CAN MA, GDUGS DKAR SOGS KYI RJES GNANG MANG DU ZHUS, PAn CHEN GYIS DRI BA MANG PO MDZAD BA RNAMS LA LAN PHUL BA RNAMS LA'ANG THUGS SHIN TU DGYES PAR BYUNG NAS, DA PHYIN CHAD THAMS CAD MKHYEN PA DGE 'DUN GRUB GYIS ZHES PA'I MNGA' GSOL YANG MDZAD DO, ,DE NAS SLAR YANG SHEL DKAR DU PHEBS TE CHOS BAR MDZAD, DE DUS NUB GCIG GI MNAL LAM DU RGYAL TSAB RJE BYON NAS, RJE BTZUN MA LA GSOL GDA' KYI RJES SU, BCOM LDAN 'DAS MA MCHOD BYAS PAS, ,ZHES SOGS SHLOOKA 'DI LAN GSUM RE GYIS GSUNG BA RMIS, DE LA BRTAGS NA DE DUS RGYAL TSAB RJE GZHAN DON LA GSHEGS YAR 'DUG BAS, NGA PO TA LA NAS BDE BA CAN DU 'GRO, KHYED KYANG DE LTAR MDZOD CES AR GO NAS TSIGS BCAD TSOGS SU MA CHAG BAR BTZUGS GSUNG, DE NAS CHU PHO BYE BA'I LO NAG PA ZLA BA'I TSES BZHI LA TSAD MA RNAM 'GREL GYI T'IKKA 'DI'I RTZOM PA YANG MDZAD DO, ,DE NAS CHU MO GLANG GI LO SLAR YANG SNAR THANG DU BYON, RTZA SHE'I RNAM BSHAD RIN PO CHE'I PHRENG BA'I RTZOM PA MDZAD DE 'CHAD NYAN GYI SGO NAS GTAN LA PHAB, DE RJES RI KHUD DU PHEBS, DE'I TSE RJE SHES RAB SENGGE SNGAR RJE BLA MA 'DI BA LA STOD LA CHOS BAR LA BYON BA'I SKYEL MAR CHU 'DUS BAR BYON, DE NAS PHYIR BYON TE DGE LDAN DU RGYAL TSAB RJE LA DUS 'KHOR GSAN PA LA PHEBS BZHED YIN PA LA, RTA NAG TU DGE SBYONG DKAR PO BAS SBYAN DRANGS TE RI KHUD CHOS SDE PHUL, ZHAL BDAG MDZAD NAS LO SHAS BZHUGS,

DE DUS SHANGS BA KUN MKHYEN CHEN PO DANG DE'I GDAN SA PA SEMS DPA' CHEN PO TSUL KHRIMS DPAL BZANG PO GNYIS LA CHOS BKA' MANG DU GSAN, GSANG BA 'DUS PA'I RGYUD KYI 'CHAD NYAN YANG 'PHEL BAR MDZAD, DE THAD DU RJE BLA MA 'DI YANG PHEBS TE DE DUS YAB SRAS BKA' BGROS MDZAD, RJE SHES RAB SENGGE DGE LDAN DU MKHAS GRUB RJE LA DUS KYI 'KHOR LO GSAN PA LA BYON, RJE 'DI PA RI KHUD KYI GDAN SAR BSKO BA SOGS KYI ZHAL TA DRUNG CHEN DGE SPYONG BA DANG YON MCHOD ZHAL 'DZOM PA LA GNANG STE DBUS PHYOGS LA PHEBS, RJE 'DI PAS RI KHUD CHOS SDE'I ZHAL BDAG MDZAD, DRUNG CHEN DGE SBYONG BAS SBYIN BDAG MDZAD DE RTEN 'BREL KHYAD PAR CAN BSGRIG PA'I PHYIR DU RJE BTZUN BYAMS PA'I SKU KHYAD PAR CAN ZHIG BZHENGS, GTZUG LAG KHANG GI SGO SGYUR BA DANG RDO GCAL 'DING BA SOGS KYI SGO NAS CHOS SDE LA PHAN PA CHE BAR MDZAD DO, ,DE NAS YANG SNAR THANG PHYOGS LA PHEBS, BYANG CHEN SOGS SU CHOS BAR MDZAD, DE NAS BO DONG LA BYON, DPAL LDAN DMAG ZOR LHA MO 'DI SKU SKYE MANG PO NAS KYI CHOS SKYONG YIN PA LA SNGAR RJES GNANG ZHU BA SOGS MA MDZAD PAS, DE ZHU BA LA DE DUS BO DANG NA RGYAL SRAS RIN PO CHE'I DNGOS SLOB RIN PO CHE CHOS BZANG DPAL BA ZHES PA BZHUGS PAS DER BYON, LHA MO'I RJES GNANG DGOS ZHUS BAS KHONG GI ZHAL NAS, MDANG RMI LAM BZANG, LHO PHYOGS 'DI NAS RLUNG NAG 'TSUB MA'I DKYIL NAS DGE SLONG ZHIG BO DONG GI SGO RTZAR SLEBS

, ,BYUNG BA LA 'DI NAS BUD MED RGYAN CAN ZHIG SONG STE, BSTAN 'DZIN CHEN PO LA BSU BA BYA ZER NAS BYUNG BRMIS, DA RES RAB 'BROG MO HOR GYIS 'KHYER BA 'DRA, HA HA GSUNG ZHING, LHA MO 'DI'I DKA' LUNG MAN NGAG DANG BCAS PA RDZOGS BAR GNANG, GZHAN YANG KHONG PA LA RGYAL SRAS RIN PO CHE'I BKA' 'BUM GYI LUNG SOGS CHOS MANG RAB GSAN NO, ,DE NAS BYANG CHEN DU PHEBS TE SKABS SHIG TU RJE 'DI'I THUGS LA 'CHAD NYAN 'DI JI LTA BU ZHIG 'ONG SNYAM YOD PA LA, NUB CIG RMI LAM NA SNGAR RI BO DGE LDAN DU BZHUGS DUS ZHAL 'DRIS YOD PA'I DGE SLONG TSES MTHUN ZHIG YOD PA DE BYUNG NAS, KHYED KYI DON DE NGAS RMI LAM DU BRTAG GIS GSUNGS NAS GNYID LOG PA'I CHUL MDZAD, DE NAS GNYID SANG DE LAG BAS PHYAG RGYA ZHIG MDZAD NAS, PHUN TSOGS GROL THOB CIG 'ONG BA'I RIGS SU NI YOD, BDEN, ZHES DANG, SKRAG MI DGOS BLO 'DUN DKON MCHOG LA GTOD LA BLO LTOS CHOL, ZHES SHUGS DRAG TU ZER BA ZHIG RMIS PAS DA NI, NGA RANG BLO DKON MCHOG LA GTAD LA BSHAD NYAN BYED PAR THAG BCAD SNYAM PA THUGS LA 'KHRUNGS, DE'I TSE 'DI LTAR DGONGS TE, BYANG CHEN 'DIR CHOS BAR 'DRA DANG, SKABS SU THUGS DAM BYED BA'I KHANG PA CIG DGOS PAR 'DUG SNYAM DU DGONGS TE, DE'I MTHUN RE NA SHING CHA SOGS BSTAN PA'I SBYIN BDAG CHEN MO SH'AKYA DPAL BA LA BKA' LUNG GNANG ZHING, KHONG

GIS KYANG GANG DGOS PHUL TE SA GZHI BAR BYAS NA GDUL BYA 'PHRIN LAS RGYA CHER 'ONG BA'I MTSAN LTAS SOGS KYANG YOD PAS THEG CHEN PHO BRANG ZHES PA'I GZIM KHANG CHEN PO MA PHO 'BRUG GI LO LA BTAB BO, ,DE NAS SNGAR BKRA SHIS RDO KHAR RJE BCUN TZONG KHA PA CHEN POR TSAD MA RNAM NGES KYI DOGS GCOD GSAN PA'I ZIN BRIS RNAMS DANG, DGE LDAN DU RGYAL TSAB RJE LA RNAMS 'GREL GSAN PA'I GSUNG RGYUN RNAMS LA GZHI BYAS TE TSAD MA'I BSTAN BCOS CHEN PO RIGS PA'I RGYAN CES BYA BA ME MO SBRUL GYI LO'I ZLA BA BCU PA LA RDZOGS PAR MDZAD DO, ,DE NAS SHANGS MDO RI BO DGE 'PHEL DU PHEBS NAS ZLA BA GCIG TZAM SKU MTSAMS MDZAD DE BZHUGS PA'I NUB GCIG MNAL LAM NA DA LTA BKRA SHIS LHUN PO'I RGYAB RI 'DI'I RNAM PA CAN GYI RI RTZE NA RJE TZONG KHA PA BZHUGS, RKED PA CAM NA SEMS DPA' CHEN PO 'DUL 'DZIN BLO GROS SPAS BA BZHUGS, DE'I SMAD TZAM NA RJE RANG NYID BZHUGS 'DUG ,DE NAS SEMS DPA' CHEN PO BLO GROS SBAS PA'I ZHAL NAS, RJE BLA MA'I 'DI LA YAR SNYAN GTOD LA GSON DANG, RJE TZOD KHA PA CHEN PO RANG RE LA LUNG BSTAN MANG PO MDZAD KYIN 'DUG ZER BA LA RJE 'DI BAS LEGS PAR GSAN PAS GSUNG GI SGRA DBYANGS MANG PO ZHIG SGROG PAR PHAL CHER MA GO ,GSUNG GI CHA SHAS SHIG LA, DGE 'DUN GRUB CES BOS NAS, KHYOD LA BRTEN NAS SA PHYOGS 'DIR TSAD MA RNAM 'GREL GYI BSTAN BRGYAS BAR 'GYUR BA ZHIG 'ONG BA YIN, ZHES GSUNG BA ZHIG GSAL BAR TSOR

, ,BAS LUS KYI BA SPU G-YO BA ZHIG BYUNG, DE'I TSE 'DUL 'DZIN BLO GROS SBAS PA RJE RIN PO CHE'I DRUNG NA BZHUGS NAS RJE DGE 'DUN GRUB LA RJE RIN BO CHES LUNG BSTAN 'DI LTAR GNANG ZHES GSUNG BDE CI BA LTA BA YIN NAM SNYAM DU DGONGS NA, SKYE BA PHYI MA RJE DANG MJAL BA KHONG SNGA BA ZHIG 'ONG BA YIN NAM SNYAM PA CIG BANG, YANG RMI LAM DE KHA'I 'PHRO LA TE'I SI TU CHEN PO DE GOS 'GANG DKAR PO ZHIG GYON, ZHO KHO GCIG LAG TU KHYER NAS RI DE'I RTZER RJE BTZUN TZONG KHA PA LA MJAL GYIN 'DUG PA RMIS PA ZHIG BYUNG STE MTSAN LTAS DE DAG NI RJE DGE 'DUN GRUB KYIS BKRA SHIS LHUN PO 'DEBS PA DANG, DGON GNAS 'DIR RJE RIN PO CHE'I BSTAN PA CHES CHER 'PHEL BA DANG MDO SNGAGS KYI GZHUNG SPYI DANG KHYAD PAR TSAD MA RNAM 'GREL DAR BA'I LUNG BSTAN 'KHRUL MED DU BYUNG BA YIN ZHING, JI LTAR LUNG BSTAN BA LTAR CHOS GRVA CHEN PO BKRA SHIS LHUN POR RJE BLA MA'I MDO SNGAGS KYI BSTAN BA CHES CHER DAR BA KUN GYI MIG LAM DU SNANG BA LTAR RO, ,DE NAS DE GE LDAN DU PHEBS NAS BYANG RTZE CHOS RJE NAM MKHA' DPAL BA LA, BCOM LDAN 'DAS 'KHOR LO CHEN PO'I BYIN RLABS RGYUD KYI DBANG LUNG MAN NGAG SOGS DANG, TSE DPAG MED LHA DGU'I DBANG YANG GSAN CING, KHONG GIS MDZAD PA'I DE'I SGRUB DKYIL ZHIG 'DUG PA'I YIG MKHAN YANG MDZAD DO, ,GZHAN YANG SNGAGS KYI BKA' LUNG MANG PO GSAN CING, THUN MONG BA BYANG CHUB LAM

GYI RIM BA'I KHRID DANG RJE TZONG KHA PA NAS BRGYUD BA'I BLO SBYONG SNYAN RGYUD CHEN MO SOGS ZAB CING RGYA CHE BA'I CHOS MANG PO GSAN NO, ,DE NAS LCAGS PHO SBRE'U'I LO LAG TZANG PHYOGS LA PHEBS, SNAR THANG DU BYON, DE SKOR LA SNAR THANG BYANG CHEN GNYIS SU PHAL CHER BSHAD NYAN MDZAD, KHYAD PAR SNAR THANG DU 'DUL BA'I GLENG 'BUM CHEN MO DANG SO THAR GYI t'IKKA'I RTZOM PA MDZAD, DE NAS BSAM GRUB RTZE NAS RJE SHES RAB SENG GE DANG, RJE DGE 'DUN GRUB GNYIS KA GDAN DRANGS TE MDO SNGAGS KYI 'CHAD NYAN MDZAD PA'I BDAG RKYEN BZANG PO RIM PA BZHIN DU MDZAD, DE NAS BYANG CHEN SNAR THANG SOGS SU RIM PAR BYON TE BSHAD NYAN GTZO BOR MDZAD, DE DUS DGONGS BA LA, SNGA DUS 'OD 'DIR LO CHEN YAB SRAS KYI RING LA BSHAD NYAN DAR BAR BYUNG 'DUG NA'ANG GZHI GSUM GYI PHYAG LEN CHER MA BYUNG, DA 'DUL BA'I BSLAB KHRIMS RNAM BAR DAG BA CIG GZHIR BZUNG STE DE'I STENG NAS BSHAD NYAN GTZO BOR BYED PA CIG BYA DGOS TE, DE'I RTEN 'BREL DU BSLAB KHRIMS BCA' YIG CHEN MO 'DI CHU MO PHAG GI ZLA BA DRUG PA'I YAR TSES LA DPAL BYANG CHUB CHEN POR MDZAD, DE NAS BZUNG STE GZHI GSUM GYI PHYAG LEN BAR MA CHAD DU YOD BA YIN NO, ,DE NAS GLEGS BAM RIN PO CHE'I LUNG YANG SNGAR NAS MA GSAN PAS GSAN 'DOD CHE BA DANG, SGRA KA L'A BA'I SA BRIS YONGS SU RDZOGS PA CIG MDZAD BZHED KYIS KUN NAS BSLANGS TE, LO DE'I STON MJUG LA DPAL SDINGS LA BYON TE, LO TZ'A BA CHEN PO THUGS RJE

, ,DPAL BA LA SGRA'I SA BRIS THOGS SHIG ZHUS, YONGS SU RDZOGS PA RTING SOR MDZAD PAR ZHUS TE SHING MO GLANG LO'I DGUN CHOS LA BO DONG LA BYON CHOS THOG GCIG BZHUGS, CHOS GROL MTSAMS SHIG TU BLA BRANG SER POR GRAGS PA DER THO RANGS SHIG DPU 'PHUR NAS BZHUGS YOD TZA NA BAR SNANG LA BUD MED DUS PA'I SKAD LHANG BA ZHIG BYUNG, DBU 'PHUR BA BSANGS TE, CI BYUNG BA YIN DRIS PAS, NGA'I MING PO SANGS RGYAS KYI BSTAN PA LA GCES PA CIG YOD PA DE GSHEGS PAS DU BA YIN ZER, DE SU YIN BYAS PAS, DE BSHAD NA KHYOD KYANG MYA NGAN BYED DU 'ONG BAS MI SMRA ZER, CI YIN NAM SNYAM DU SEMS MA BDE BA ZHIG BYUNG, YANG DE DUS THO RANGS SHIG SNGAR GYI BUD MED DE'I SKAD LHANG BA CIG BYUNG, MGO BO BSANGS TE NYAN PAS, DE NA KHYOD KYI DGON PA YOD, ,GDUL BYA DAG KYANG DER 'DU ZHING, ,KHO MO'ANG KHYOD KYI RJES SU 'BRANG, ,KHYOD KYI RJES 'BRANG SKYOB BAR BYED, , CES ZER, DGON PA JI LTA BU ZHIG 'ONG, DGON PA'I MING LA JI SKAD ZER BYAS PAS, LAG PA GNYIS THAL MO KHONG STONG DU SPYAR TE, DGON PA 'DI LTA BU ZHIG 'ONG, DGON PA'I MING LA MU KHYUD CAN ZER, DE MKHA' 'GRO'I BRDA SKAD YIN NO AANG ZER TE YAL SONG, YANG DE DUS LHA MO 'DI'I ZHAL NAS, RTEN 'BREL KHYAD PAR CAN YOD PAS TSOGS SU MA nI BRGYA RTZA RE YANG MA CHAG PAR TSUGS SHIG GSUNG, YANG DE DUS DGE BSHES SHIG LA LHA

MO 'DI SPYAN DRANGS PA BYON PA LA, NGAS BSHAD SAB GANG BYAS NA BSTAN PA DANG SEMS CAN LA PHAN, DGON PA GA NA YOD, DGE TSUL CIG KYANG GA NA YOD ZHUS PAS, DE'I ZHAL NAS, BSHAD SGRUB DANG KHYAD PAR 'CHAD NYAN BYAS NA BSTAN PA LA PHAN STOBS CHE, DGON PA CIG MA GI NA YOD, MING LA MU KHYUD CAN, DE YANG BRDA SKAD YIN NO AANG, DGE TSUL CIG PHA GI NA YOD, SNYING RJE RJE ZHIG PHA GI NA YOD DO ZER RO, ,DE NAS BDE CHEN RTZER STON CHOS LA LO CHEN THUd RJE DPAL BA SPYAN DRANGS TE SNGAR GYI KA L'A PA'I SA BRIS KYI 'PHRO DANG, SDEB SBYOR RIN CHEN 'BYUNG GNAS SOGS THA SNYAD KYI GTZUG LAG KYANG MANG DU GSAN, KHYAD PAR KA L'A PA'I GZHUNG DON 'GA' ZHIG LA, 'DI RANG 'GREL BA DANG BSTUN NA 'DI LTAR YIN PA 'DRA ZHES YAR ZHUS PAS KHONG GIS THAL MO SBYAR TE, NGO MTSAR CHE, KHYED RANG SNGA NAS MKHAS PAR 'DUG ,NGA LAS SLOB MI DGOS PAR 'DUG GO GSUNG NAS SHIN TU DGYES PA BYUNG, GZHAN YANG SGROL MA YID BZHIN NOR BU'I RJES GNANG SOGS BKA' YANG 'GA' RE GSAN CING, KHYAD PAR SNGA NAS YANG YANG YID LA GCAGS PA'I GLEGS BAM RIN PO CHE'I LUNG GSAN DUS, DRUNG NAS KYIS SU LA GSAN ZHUS PAS KHONG GI ZHAL NAS, BDAG GIS CHOS 'KHOR SGENG PA CHOS RJE SENGGE RGYAL MTSAN LA ZHUS, KHONG 'BROM GYI SPRUL PAR BYED PAR GDA' GSUNG ZHING, GZHAN YANG DE DUS KHONG GIS GSUNG NAS, GLEGS BAM RIN PO CHE NAS 'BYUNG BA LTAR DA STE YUN

, ,MI RING BAR KHYED RANG GI YUL PHYOGS SU BSTAN 'DZIN GYI DGE SLONG BGRES BO ZHIG ,'BROM GYI RNAM THAR ZHU ZER 'ONG GIS, DE DUS DGE SLONG DE LA 'BROM GYI 'DU SHES ZHIG, KHYOD RANG SPYAN RAS GZIGS SU SGOMS LA GLEGS BAM RIN PO CHE LEGS PAR STON CIG GSUNG GIN 'DUG PA DANG MTHUN PAR KHO BO SKAL BAR LDAN, GLEGS BAM RIN PO CHE 'DI 'BROM LAS THOS NAS 'BROM LA 'CHAD PAR 'DUG PAS, DA NI CHOS BDAG PO LA 'PHROD PA YIN NO ZHES GSUNGS NAS THUGS DGYES PAR BYUNG LA 'DI RNAMS LA BRTAGS NA YANG RJE BLA MA 'DI NYID 'BROM THUGS RJE CHEN PO'I SPRUL PA YIN PAR GDON MI ZA BA YIN NO, ,DE NAS SNAR THANG DU RJE 'DI PAS NYE GNAS CHEN PO DON GRUB GRAGS PA LA, NGED LA TSE 'DIR RJE SHES RAB SENGGE BKA' DRIN CHE BA YIN, DE'I BKA' DRIN BSAB PHYIR DU CHOS PHYOGS NAS BSHAD NYAN BYAS TE LAG RJES SHIG 'JOG ,'JIG RTEN ZANG ZING GI LONGS SPYOD PHYOGS NAS NANG RTEN DU RTEN BZHENG ZHIG BYAS TE LAG RJES DOD PA CIG BYAS NA BSAM PAS, RTEN DE BZHUGS SA ZHIG JI LTAR BYA ZHES DRI BA MDZAD CING DE JI LTAR BYAS NA 'ONG SNYAM DU DGONGS PA BTANG BAS, DANG PO RJE BTZUN TZONG KHA PAS LUNG BSTAN PA DE DANG, PHYIS BO DONG DU LHA MO 'DIS LUNG BSTAN PA'I DGON PA DE YANG 'DI GA YIN PA SRID, KHYAD PAR SNGAR RJE SHES RAB SENGGE BSAM GRUB RTZE NAS SNAR THANG LA 'BYON RES KYIS BKRA SHIS LHUN PO'I DGON PA 'DI LA PHYAG

MDZUB GTAD DE, SA PHYOGS 'DI NA DGE 'DUN GRUB MGO BO SKYA YER YER CHOS 'CHAD KYIN 'DUG PA CIG SEMS SANG LA DUS RGYUN DU 'ONG GSUNG BA CIG YANG YANG YOD PA LA BRTEN, SA PHYOGS 'DI GA DGON PA'I GNAS SU BZANG BAR GZI? TE 'DI NYID DU DGON PA 'DEBS PAR THUGS THAG BCAD LA, SPYIR SNGA ME NAS BLA MA LHA DANG BCAS PAS LUNG BSTIN DE LTAR YOD CING RJE RANG LA NGES NGES YOD NA'ANG SBAS PA'I TSUL DU DE LTAR MDZAD DO, ,DE NAS ME MO YOS LO'I DBYAR SOS NAS BRTZAMS TE BSAM GRUB RTZE'I BRAG DMAR BLA BRANG DU RTEN BZHENG GI 'GO BTZUGS TE LUGS BTANG BAS, THANG LA MA BYUNG BA LA, MYANG STOD PA'I DKA' BCU PA GCIG RMI LAM BRTAG TU BCUG PAS, KHONG GI RMI LAM DU CHA LUGS MDZES BA'I BUD MED GSUM MI RKANG GI GLING BU 'BUD CING 'DI SKAD LO, SKYES BU DAM PA'I THUGS KYI MUN PA GTING NAS BSAL, ,GANG DANG GANG DU BZHUGS PA DE RA, ,'OD DPAG MED PA'I SMON LAM MA, ,'GRO LA DGYES PA'I 'DZUM STON MA, ,YANG DANG YANG DU SPYAN 'DREN NO, ,LUGS PHUD RJE BTZUN SGROL MA 'TSAL, ,SENG GDONG GEGS MED 'BYON PA LA, ,THUB DBANG MNGAL SKYES KYI BSTOD PA 'TSAL, ,PE HAR GYI RTZOM PA CUNG ZAD YOD, ,RTA MGRIN NAG PO'I ZLOG PA 'TSAL, ,NGED TSO YANG SPE GDONG CAN GZUNGS KYI DPAL DANG, ,MKHAS GRUB DU MA BSTEN PA YIN, ,YANG DANG YANG DU 'ONG GIN YOD, ,ZER GYIN 'DUG ,YANG NA KHA CIG NA BUD MED SMUG MO GCIG NA RE, BAR CHAD MI 'ONG,

, ,'PHRIN LAS DANG GROGS DAN NGED LCAM DRAL GYIS BYED PA YIN ZER BA CIG RMIS LAGS ZHUS PAS, DE MA THAG THUB PA CHEN PO LA BDUD DPUNG PHYE MAR 'THAG PA ZHES BYA BA'I BSTOD PA DE MDZAD DE LUGS PHUD LA RJE BTZUN MA'I SKU BZHENGS SHING, DE NAS STON PA'I SKU RGYAB MTHO NYER LNGA PA CIG GI LUGS BTANG BAS BYIN RLABS KYI GZI 'OD 'BAR ZHING NGO MTSAR BAR BYON NAS RTEN DE'I THUGS KAR RGYAL BA TZONG KHA PA CHEN POS THOG DRANGS RTZA RGYUD KYI BLA MA SANGS RGYAS BYANG SEMS KYI RING BSREL MANG POS GTAMS PA'I DNGUL GYI RGYAL BA 'OD DPAG MED KYI SKU, RJE BTZUN SHES RAB SENGGE'I DBU THOD RIN PO CHE SNA TSOGS PAS BKAD BA DANG BCAS PA BZHUGS SHING, GZHAN YANG SKU'I STOD SMAD KYI CHAR GZUNGS SNGAGS BYIN RLABS CAN MANG PO BSHAD TSOD DANG MTHUN PAR BZHUGS, KHYAD PAR SKU'I SMAD KYI CHA LA 'DUL BA'I GSUNG RAB KYA GLEGS BAM MANG PO ,RJE BTZUN TZONG KHA PA'I MTHANG GOS DANG BCAS BA RTEN 'BREL KHYAD PAR CAN BSGRIG PA'I PHYIR DU BZHUGS, MDOR NA DE NAS BRTZAMS TE RTEN GYI NANG BZHUGS SOGS YONGS SU RDZOGS PAR 'BRUG LO ZLA BA GSUM PA YAN LA RDZOGS PAR GRUB PA YIN NO, ,DE NAS RTEN YAR PHYOGS LA SPYAN 'DREN NAM SNYAM DU DGONGS TE DAR RGYAS PA LA KHRAB RMOG GRI GSUM GYI GNANG SBYIN MDZAD, BKA' BGROS MDZAD PA LA RDO RING PA'I DPON PO NA RE, RJE KHYED RANG DKON MCHOG LA GSOL BA THEBS PA'I GANG ZAG YIN PAS DKON

MCHOG LA GSOL BA BTAB NAS, BSTAN PA DANG SEMS CAN LA GANG DU BZHUGS NA PHAN PA CHE BAR LUNG BSTAN PA CIG MDZAD PAR ZHU YAR MAR LA KHYAD PAR MA BYUNG NA 'DI PHYOGS LA BZHUGS PA CIG ZHU ZER, DAR RGYAS PA'I ZHU BA LA; DA SKU 'DI GANG DU BZHUGS KYANG GTZUG LAG KHANG GI ZHABS TOG BDAG RANG GIS BYED PA LAGS PAS YON MCHOD RING DU MI GTONG BZHU ZER, DE NAS BSAM GRUB RTZER GZHIS BYES KYI DGE 'DUN MANG PO BSAGS NAS RJE BTZUN MA LA GSOL BA BTAB PAS 'DI PHYOGS LA BZHUGS PA LUNG BSTAN BYUNG, DE NAS DGON PA'I 'GRAM GDING BAR BZHED DE DNGOS KYI SBYIN BDAG DAR RGYAS PA DGON BSOD NAMS DPAL BZANG BAS MDZAD NAS, RAB BYUNG ZHES PA ME MO YOS LO'I SMIN DRUG ZLA BA'I YAR TSES BZANG PO LA RJE RANG NYID SBYIN BDAG DANG BCAS PA 'DIR PHEBS, SA BRTAG PA, GZHI BDAG LA GTOR MA SBYIN PA LA SOGS PA'I CHO GA RGYAS PAR MDZAD DE, SA'I CHA 'DIR GTZUG LAG KHANG, 'DIR BLA BRANG, 'DI RNAMS SU BRANG KHANG SO SO RNAMS GYIS GSUNGS TE, GTZUG LAG KHANG DRI GTZANG KHANG DBUS MA DANG BCAS PA'I 'GRAM BTING STE, BKRA SHIS LHUN PHO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING BTAB BO, ,DE YANG GTZANG KHANG CHEN MO LA KA BA DRUG GIS DANG, 'DU KHANG LA KA BA BZHI BCU ZHE BRGYAD KYIS YOD CING, BYAMS KHANG LA KA BA BCU GNYIS KYIS DANG, SKROL MA LHA KHANG LA KA BA DRUG GIS DANG, MGON KHANG LA KA

, ,BA GNYIS KYIS RNAMS PHYIS BZHENGS PA YIN NO, ,YANG DE'I DUS SU RJE BLA MA 'DI GTZUG LAG KHANG 'DI'I KHYAMS SU GUR DKAR PO ZHIG GI NANG DU BZHUGS PA'I THO RANGS SHIG SNGAR GYI BUD MED DE'I SKAD BAR SNANG LA LHANG BA CIG BYUNG BA LA GSAN PAS, DGON PA'I MING LA BKRA SHIS LHUN PO GYIS, SNGAR GYI MKHA' 'GRO'I BAD SKAD DES KHROL LO AANG GSUNG BA CIG BYUNG BAS BKRA SHIS LHUN PO ZHES PA LHA MO 'DIS BTAGS PA YIN; DPAL GYI SDE CHEN PHYOGS THAMS CAD LAS RNAM PAR RGYAL BA'I GLING ZHES PA RJE RANG GIS BYAS PA YIN GSUNG NGO, ,YANG DE DUS SU DGON PA'I MDUN GYI NE'U THANG DER RAB BYUNG ZHIG BSGRUBS, DE GNAS DER RAB BYUNG BYED PA'I THOG MA YIN PAS MING TSOGS PA RGYA MTSO 'PHEL DU BTAGS, RAB BYUNG SGRUB PA'I DUS RJE ZHAL DGON PA PHYOGS LA BSTAN TE GZIGS PAS SNGAR RI BO DGE 'PHEL DU RMI LAM LA, RJE BTZUN TZONG KHA PAS LUNG BSTAN PA'I GNAS DE 'DI YIN PAR GOR MA CHAG PAR 'DUG SNYAM DU THUGS NGES DANG, KHYAD PAR RJE YAB SRAS GSUM GYI BZHUGS SA SOGS LA CHER DPYAD BAS THUN MONG MA YIN PA'I NGES SHES BYUNG, DE'I PHYIR DGON PA 'DI RJE BTZUN TZONG KHA PA YAB SRAS DANG LHA MO 'DIS LUNG BSTAN PA YIN NO ZHES GSUNG, KHYAD PAR GLEGS BAM RIN PO CHE LAS KYANG DGON BA 'DI NYID KYI LUNG BSTAN MANG DU GSUNGS SHING, CHES GSAL BAR, GLANG CHEN BZHENGS DANG

BZHUGS 'DRA BA, ,MTHAR THUG BSAM GTAN LHUN GRUB SHOG ,CES DANG, LTA BAS MI NGOMS GZI BRJID CAN, ,MTSUNGS PA MED PA'I BKRA SHIS GNAS, ,BKRA SHIS LHUN PO RGYAS 'GYUR SHOG ,'DOD DGU 'BYUNG BA'I RIN PO CHE, , DE DANG MTHUN PA DPAG BSAM SHING, ,DGOS 'DOD 'BYUNG BA'I BKRA SHIS GNAS, ,BKRA SHIS MCHOG RAB RGYAS 'GYUR SHOG ,CES SOGS KYIS BKRA SHIS LHUN PO'I RGYAB RI DANG, GNAS KYI DBYIBS DANG, DE'I GANG ZAG DANG, DE'I BSAM GTAN 'GRUB LUGS DANG, RTEN KHYAD PAR CAN 'BYON LUGS LA SOGS PA RNAMS LUNG BSTAN TO, ,DE NAS LCAGS PHO RTA'I LO'I DGUN CHOS GROL MTSAMS SHIG TU RJE BLA MA 'DI RI BO DGE LDAN GYI MKHAN PO LA GDAN 'DREN PA LA BLA MA DKA' BCU BA SBYIN PA DPAL BA DANG DGE BSKOS DPAL LDAN RIN CHEN PA GNYIS KYIS THOG DRANGS DPON SLOB THEGS SHIG GIS SLEBS NAS RJE 'DI PA LA DGA' LDAN GYI GDAN SA LA 'BYON DGOS PA'I ZHU BA PHUL BAS RJE 'DI BAS BDAG DGE LDAN GYI GDAN SA BYED DU MI 'GRO ,DE'I RGYU MTSAN YANG DGON PA 'DI YANG BTAB MA THAG TU SONG BAS RGYUN BRTAG PA CIG MA BYUNG DOGS SHING, KHYAD PAR SNGAR BYAS PA THAMS CAD KYANG BSTAN PA SPYI SGOS 'BA' ZHIG LA BSAMS DA DUNG YANG RJE BTZUN TZONG KHA PA CHEN PO'I BSTAN PA 'BA' ZHIG LA BSAMS TE 'DI KHAR SNGOD PA YIN, DA LAM MKHAS GRUB RIN PO CHE'I GCUNG PO CHOS RJE BSO BA 'DI LUNG RTOGS KYI YON TAN GANG SA NAS RJE'I GDAN SAR 'OS PA

, ,YOD PAS 'DI DGE LDAN GYI KHRI LA GDAN 'DREN PAR MDZOD GSUNGS NAS RJE NYID MI 'BYON PAR THAG BCAD, DE NAS RTA NAG RI KHUD DANG, LHA RGYAL RTZE SOGS SU CHOS BAR MDZAD CING SKAL BA DANG LDAN PA MTHA' YAS PA LA CHOS STON PAR MDZAD DO, ,DE DAG GI BAR SKABS SHIG RJE 'DI NYID BYANG CHEN DU SKU MTSAMS LA BZHUGS NAS RGYAL BA TZONG KHA PA'I BSTAN PA'I SNYING PO MTHAR THUG PA RNAMS LA NYAMS BZHES MDZAD PAS SKYES BU GSUM GYI LAM GYI RIM PA RNAMS DANG SNGAGS KYI ZAB LAM RIN PA GNYIS KYI GNAD RNAMS LA MYONG PA PHUL PHYIN 'KHRUNGS SHING SHAR GYI RI BO'I RTZER SPRIN DKAR PO ZHIG GZIGS PA'I RKYEN BYAS RJE YAB SRAS KYI BKA' DRIN DRAN PA'I MOS GUS SHUGS DRAG 'KHRUNGS TE, SHAR GANGS RI DKAR PO'I RTZE MO NA, ,ZHES SOGS KYI NYAMS MGUR MDZAD, DE DUS GTZANG PHYOGS SU LUS MED BDAG PO SNYING LA ZHUGS PA MANG POS 'JAM MGON BLA MA'I BSTAN PA 'PHEL BA LA GEGS CHEN PO BYAS KYANG, RJE 'DI PAS RANG GI SKU DANG SROG LA'ANG MA GZIGS PAR 'JAM MGON BLA MA'I BSTAN PA CHES CHER 'PHEL PHYIR CHOS GRVA CHEN PO BKRA SHIS LHUN PO BTAB CING, MDO SNGAGS GNYIS KA'I BSHAD SGRUB RKANG TSUGS PAR MDZAD DE BSTAN PA'I SROG SHING BZUNG BAS NA RJE 'DI NI 'JAM MGON BLA MA'I BSTAN PA 'DI LA BKA' DRIN BLA LHAG TU CHE BA ZHIG GO ,DE NAS RJE 'DI'I DGONGS PA LA, SNGA MO NAS MKHAS GRUB THAMS CAD MKHYEN

PA MNAL LAM DU BYON TE, RJE BTZUN BYAMS PA'I SKU ZHIG BZHENGS NA BSTAN PA DANG SEMS CAN LA PHAN PA RGYA CHEN POR 'GYUR BA'I LUNG BSTAN CIG YOD PA DANG, GZHAN YANG RANG GI SLOB MA NYAMS RTOGS CAN 'GA' ZHIG GI NYAMS DANG RMI LAM LA, RJE BTZUN GYI SKU BZHENGS NA PHAN THOGS RGYA CHEN PO 'OD ZER BA MANG PO YOD PA SOGS LA BRTEN NAS RJE BTZUN BYAMS MGON GYI SKU BZHENG BAR RTZOM PAN RJE 'DI PAS LHA BTZUN BSTAN PA'I RGYAL MTSAN LA, RJE BTZUN GYI SKU TSAD JI TZAM 'ONG GI BRTAG PA CIG BYED DGOS PA 'DUG PAS, GYANG LOGS SHIG LA PHYAG MTHO DRUG GI TSAD MDZAD NAS, 'DI LA DPES PA'I ZHAL ZHIG BRIS GSUNGS, KHONG GIS BRIS PAS TSAD 'PHYUGS NAS MTHO DGU TZAM DU SONG BA DANG RJE'I ZHAL NAS, BLA MA ZHANG GIS LHA CHEN DPAL 'BAR BZHENGS DUS NYE GNAS KYIS SROG SHING TSAD 'PHYUGS PA'I RTEN 'BREL GYIS SKU SHIN TU CHE BA CIG BYUNG ZER, 'O SKOL LA YANG SKU CHEN PO ZHIG 'ONG BA YIN YOD GSUNG, DE NAS ZHAL BRIS NAS MCHOD PA PHUL, GSOL BA BTAB PAS DE'I NUB MO LHA RI RTZE NAS SER SNAM GYI GSOL BEMS LEGS PA CIG 'BUL BA LA BTANG BYUNG BAS, RTEN 'BREL SHIN TU LEGS ZHES GSUNG, DE'I THO RANGS MNAL LAM DU, SUM BRGYA DRUG CU THOB ZER BA'I SGRA LHANG BA ZHIG BYUNG GSUNG, DE'I TSE SPRUL PA'I BZO BO RNAMS SPYAN RAS GZIGS DANG SGROL MAS RGYUD BSKUL, DPAL LDAN LHA MOS LAM SRUNGS MDZAD NAS CHU 'DUS SU SLEBS, DE NAS DRUNG CHOS RGYAL BAS LHA BZO PA RNAMS KHRID NAS

, ,'DIR SLEBS, RJE'I DRUNG DU RGYU MTSAN PHUL BAS RJE'I GSUNG NAS, SHIN TU LEGS, MI GSAR GYI KHA NAS GTAM BYUNG, SLANG TSA DUS KYI SKAM PA BYAS PA YIN GSUNG, DE NAS SANG NYIN BZO BO RNAMS LA ZANGS LEB RNAMS BSTAN PAS KHONG RNAMS NA RE, DA NI, RGYU YANG LDANGS SHING, ZANGS LEB RNAMS KYANG LEGS PO 'OD ZER NAS DBU'I TSUG DRANGS TE BZO TSUGS SO, ,DE NAS SPRUL PA'I BZO BO RNAMS KYIS SKAD CIG KYANG MA YENGS BAR BZO BYAS PAS THOG MAR DBU LEGS PAR GRUB, DE LA RAB GNAS MDZAD DE GSOL BA BTAB BAS MDZOD SPU LA ME TOG GCIG CHAGS SHING, KHYAD PAR SNYAN RGYAN G-YAS KYI 'BUR DBUS MA LA RGYAL BA TZONG KHA PA'I SKU RANG BYON SHIN TU MTSAR BA ZHIG SKYE BO THAMS CAD KYI MTHUN GRUB TU BYON, GZHAN YANG DE'I TSE CHOS SKYONG GI GTOR SGRUB 'DZUGS PA SOGS KYI RIM GRO 'DZUGS PA DANG BCAS TE BAL PO RNAMS KYIS BZO LEGS PAR BRTZAMS, DE'I TSE SKU RIM PA RNAMS DANG BZO BO RNAMS KYI NYAMS SNANG LA NYIN MO MI DANG MTSAN MO MI MA YIN GYIS BZO SGRUB PA'I SNANG BA RGYUN MI 'CHAD CING, DE LTAR BSGRUBS PAS RING POR MA THOGS PAR KHRU NYI SHU RTZA LNGA'I SKU TSAD DANG LDAN PA'I RJE BTZUN GYI SKU NGO MTSAR CAN DE CHU MO LUG GI LO LA GRUB STE RTEN GYI NANG BZHUGS LA YANG DAM PA MANG PO'I RING BSREL SOGS SANGS RGYAS BYANG SEMS KYI SKU GDUNG RING BSREL DANG LDAN ZHING, RGYU RIN PO CHE LAS GRUB PA'I LUGS SKU MANG PO BZHUGS

SHING; GZHAN SKU'I STOD SMAD KYI CHA LA BSHAD TSOD DANG MTHUN PA'I GZUNGS SNGAGS MANG PO DANG, GSUNG RAB PO TI MANG PO BZHUGS, GZHAN YANG SMAN SNA, 'BRU SNA, ZAS SNA, GOS DAR GYI SNA MANG PO SOGS MTSANG BA MED BAR BZHUGS, GZHAN YANG RTEN GYI NANG BZHUGS KHYAD PAR CAN ZHIG GZHAN SU LA YANG RGYUS MED PAR RJE RANG NYID KYIS MTSAN MO BYON TE, RTEN GYI THUGS KAR BZHUGS SU GSOL NAS GSOL BA GDAB PA DANG SMON LAM MANG PO YANG MDZAD CES GRAGS SO, ,DE LTA BU'I RTEN NGO MTSAR CAN DE'I RAB TU GNAS PA LUG LO ZLA BA LNGA PA'I YAR TSES BZANG PO LA DPAL GSANG PA 'DUS PA'I DKYIL 'KHOR BZHENGS TE, DE'I SGO NAS RAB TU GNAS PA RGYAS PAR MDZAD, DE'I DUS NAM MKHA' LA 'JA' TSON GYI GUR DANG, ME TOG GI CHAR 'BAB PA SOGS NGO MTSAR BA'I LTAS DPAG TU MED PA DANG, KHYAD PAR RJE RANG NYID KYIS DE NUB RJE BTZUN GYI ZHABS DRUNG DU BZHUGS TE GSOL BA RTZE GCIG TU BTAB PAS RJE BTZUN BYAMS PA SNAM SBYAR RDO TSOS MA GYON PA'I DGE SLONG GI RNAM PA CAN ZHIG SKU DE NYID LA YANG DANG YANG DU THIM PA'I SNANG BA BYUNG ZHING, DE'I THO RANGS DE LTA BU'I DGE SLONG ZHIG GIS; KHYOD KYIS BSTAN PA DANG SEMS CAN LA PHAN PA RGYA CHEN PO DE GRUB ZIN PAS DGA' BA SGOMS SHIG CES PA'I LUNG BSTAN YANG BYUNG NGO, ,DE NAS RJE BTZUN BYAMS MGON GYI SKU LEGS PAR GRUB

, ,PA'I RJES SU, RGYAB MTHO BCU DRUG DANG LDAN PA'I RJE BTZUN MA'I GSER SKU DANG, G-YAS G-YON DU RJE BTZUN MA SNGON MO DANG SGROL DKAR YID BZHIN 'KHOR LO'I SMAN SKU GNYIS MTSAR CHAGS BYIN RLABS DANG LDAN PAR GRUB STE, NANG BZHUGS LA THUGS KA NA SANGS RGYAS BYANG SEMS KYI SKU GDUNG RING BSREL MANG PO DANG, MGRIN PA NA RJE BTZUN MA RANG GI SKU 'JIM PA LAS RANG BYUNG DU BYON PA MTHO GANG TZAM ZHIG BZHUGS SHING, GZHAN YANG STOD SMAD KYI CHA RNAMS GZUNGS SNGAGS SKU TSE BSRING BA'I SPEL TSIG DANG BCAS PA MANG PO 'KHOR LO DANG BCAS PA BSHAD TSOD BZHIN DU BZHUGS PA'I RTEN NGO MTSAR CAN 'DI DAG LEGS PAR GRUB PA RAB TU GNAS PA LO DE'I ZLA BA BRGYAD PA'I TSES BZANG PO LA LEGS PAR BSGRUBS, DE'I TSE NAM MKHA' LA 'JA' 'OD 'KHRIGS PA, ME TOG GI CHAR 'BAB PA, KHYAD PAR BAR SNANG LA GLO BUR DU GAndI'I SGRA GLING STOD PA RNAMS KYIS GLING SMAD DANG, GLING SMAD PA RNAMS KYIS CIG SHOS NA GRAG PAR THOS PA SOGS NGO MTSAR BA'I LTAS MANG PO BYUNG NGO, ,DE NAS PHYI RABS 'BYOR LDAN SKYE BO RNAMS KYI DMIGS RKYEN DU BSTAN PA'I GTZO BO'I GOS SKU CHEN MO BZHENG BAR DGONGS TE, LHAG PA'I LHAS RGYUD BYIN GYIS BRLABS PA PIR THOGS RNAMS KYI RGYAL PO SMAN BLA DON GRUB PA DPON SLOB SPYAN DRANGS TE BZO'I RTZOM PA MDZAD DE DKYUS SU 'DOM BCO BRGYAD DANG, ZHENG DU 'DOM BCU GNYIS KYI TSAD DANG LDAN

PA'I SKU BZANG ZHING MTSAR CHAGS BYIN RLABS DANG LDAN PA YONGS SU RDZOGS PAR GRUB STE, GOS SKU 'DI'I THUGS KA NA RJE RANG NYID KYIS MDZAD PA'I BSTAN PA RGYAS PA'I SMON LAM GYI TSIG MANG PO BRIS NAS BZHUGS LA, DE'I RAB TU GNAS NGA YANG NGO MTSAR BA'I LTAS MANG PO DANG BCAS TE GRUB BO, ,DE LTA BU'I GOS SKU 'DI'I RGYU LA GOS YUG DGU BCU GO LNGA, GONG PA LA RTEN KHEBS NYI SHU RTZA LNGA, BLA BRE GNYIS, G-YAS G-YON GYI MTHA' LA DAB YUG LNGA, DAR CHAG LA DAR YUG GCIG DANG DAR KHA LNGA, SKUD PA LA GOS DAR 'DRES PA KHA BZHI BCU ZHE DGU DANG SE THA'U 'DOM PA DO, SMAD KYI MTHA' LA DAR YUG SNGON BO GCIG RNAMS SONG GSUNG NGO, ,DE NAS RJE BTZUN MA'I GOS SKU CHUR 'DOM BRGYAD DANG, ZHENG DU 'DOM DRUG GI TSAD DANG LDAN PA, RGYU BZANG ZHING BYIN RLABS KYI GZI 'OD 'PHRO BA DANG BCAS PA YONGS SU RDZOGS PA MYUR DU GRUB STE, RAB TU GNAS PA YANG NGO MTSAR BA'I LTAS MANG BO DANG BCAS TE LEGS PAR GRUB BO, ,GOS SKU 'DI'I MDZOD SPU NA MU TIG STONG NYIS BRGYA BDUN CU DON LNGA KHROM TSOGS SU YOD PA'I DBUS NA CHAR 'BEBS SHIG GI DUS SU GZHI GBDAG NA SER BAS RJE RANG NYID LA PHUL BA'I RIN PO CHE CHU SHEL GCIG DANG, DE BZHIN GSHEGS PA'I 'PHEL GDUNG, GLANG POR 'KHRUNGS PA'I SKU GDUNG, MCHIMS BLO BZANG GRAGS PA'I SKU GDUNG, SNAR THANG NYER 'DZIN CHEN PO'I SKU GDUNG, RING BSREL MANG PO DANG BCAS PA BZHUGS SHING, PHYAG G-YAS LA BYU RU MU MEN RNAMS 'DRAS PA

, ,BRGYA DANG NYER LNGA, PHYAG G-YON LA BYU RU NYIS BRGYA DANG GSUM, MGUL PA LA BYU RU DGU BCU, SHANGS KYI RTZE LA SBOS SHEL BZANG PO ZHIG DANG MU TIG RNAMS YOD GSUNG NGO, ,DE NAS RJE 'DI PAS BKRA SHIS LHUN GYIS GRUB PA'I CHOS GRVA CHEN POR GZHI PHAB NAS BZHUGS NAS CHOS KYI 'KHOR LO RGYUN MI 'CHAD DU BSKOR TE, DE YANG SNGA CHOS LA TSAD MA RNAM 'GREL DANG, MNGON BA MDZOD GNYIS GSUNGS, DE RJES ZHU MI DANG BSTUN, PHYI DRO DANG POR PHAR PHYIN, DE NAS 'DUL BA, DE NAS RTZA 'JUG GAM, BYANG CHUB LAM RIM, RGYUD 'GREL SOGS 'DOD PA DANG BSTUN TE GSUNGS, RNAM 'GREL LHA SH'A KA DANG DAR t'IKA MKHAS GRUB t'IKKA SOGS LA BRTEN NAS GSUNG, MNGON PA MCHI MAS DANG NEL PA'I t'IKKA GNYIS LA BRTEN GZHI MDZAD NAS DGONGS PAS DPYOD PAR SNANG, PHAR PHYIN GSER PHRENG DANG DAR t'IKA, 'DUL PA DMAR t'IKA DANG RGYA CHER 'GREL, RTZA 'JUG GSUNG DUS t'IKA CHEN TSAR PA RE BKLAGS NAS DON GYI SNYING PO DRIL BA RE LA BSKYAR CHOS MDZAD, LAM RIM BSLAB BYA BLO SBYONG SOGS LA'ANG BSHAD PA RE DANG BSKYAR CHOS GNYIS RE 'ONG NGO, ,BLO SBYONG LA 'DAR STON BYANG CHUB DPAL GYIS ZIN BRIS RGYAS PA CIG MDZAD SNANG, CHOS GSUNG BA'I DUS SU ZHAL 'DZUM MDANGS DANG LDAN PA CIG 'ONG, DRUNG NA 'DUG BA DANG THAG RING PO NA 'DUG PA LA KHYAD PAR MED PA CIG 'ONG, GSUNG GI GDANGS DAL ZHING 'GRO GZHAN LAS CHE BA

CIG 'ONG, GZHUNG GI GCOD MTSAMS MDZAD PA RANG GIS GO THUB PA 'DRA BA CIG 'ONG, CHOS GSUNG BA'I BUS GZHAN LA SMOD PA SOGS KYI CHOS DMAG DANG ZER CHU YE MI 'ONG GRUB MTHA'I 'DOD CHUL MI 'DRA BA DANG, DOGS PA MANG DU BKOD NAS 'DI TSE RIGS LUNG GI SAR DPYAD DGOS GSUNG, NYAMS SU LEN NA 'DI 'DRA ZHIG 'ONG TSOD DU GDA' ZHES PHYOGS RGYAG RE MDZAD DA BLO GZHAN LAS 'KHUL BA CIG 'ONG, BGRO GLENG GNANG BA'I DUS ZHAL PHO DANG BCAS TE HUR PHYUNG NAS MDZAD, THAL SKAD KYANG SHIN TU BDE BA SNYING RLUNG SANGS PA 'DRA BA CIG YOD, BGRO GLENG MDZAD PAR GRUB MTHA' MANG DU BZHAG NAS, SKYON GTONG RGYU CI YOD CES GSUNG, 'CHAD NYAN PA RNAMS DANG GRVA PAS KYANG BLO NUS JI YOD KYIS BGRO GLENG PHUL TE SONG BA MI 'ONG BAR GDA', SPYIR MI GCIG LA DGYES PA'I BZHAD GNANG TZA NA TSOGS PA THAMS CAD SPRO SING GIS 'ONG, GCIG LA BKA' BKYON DUS GZHAN MA'ANG SKRAG 'ONG BA CIG YOD , DGYES PA'I STABS MDZAD DUS ZHAL GYI DKYIL 'KHOR THAMS CAD 'DZUM GYI RANG BZHIN DU SONG BA 'DRA BA CIG 'ONG, DBU NI GDUGS LTA BU SGOR KHYIL BA CIG YOD, SHANGS MTHO ZHING SNYAN SHAL RING BA, DPRAL BA YANGS PA ZHAL CHE BA, SPYAN ZUR GSUM LTA BUR GZIGS PA 'DAB, SKU SHA CUNG SNGO BA, RGYANG NAS BLTAS NA CUNG ZAD SGUR BA LTA BUR MNGON PA, PHYAG NGAR SBOM PA CIG YANG, PHAL CHER DBU ZHVA MI BSNAMS SHING, NA BZA' GANG BYUNG BZHES PAS MI KUN GYIS NGO

, ,MI SHES PA 'ONG, NA BZA' RTZI MA DANG GOS DAR DRAG LHAN CAN GYI RING 'GAG 'BUL MI BYUNG YANG, GOS DAR RNAMS DKON MCHOG NYID KYI PHYOGS SU BSNGO, NA BZA' DANG SPYOD LAM LA PHYI NANG DANG MI DRAG ZHAN GYI SAR KHYAD MI MDZAD, GZHAN GYI 'BUL BA DANG BSNYEN BKUR BYUNG BA'I TSE DE 'PHRAL LA DKON MCHOG GSUM GANG RUNG GI CHED DU BSNGO BA MDZAD, 'BUL BA CHE CHUNG GANG PHUL KYANG 'DI YANG NGED LA 'DI LTAR MKHO BA YOD CES MNYES MNYES MDZAD, GSOL JA RKYANG PA RE LA'ANG GDAN DRANGS PAR CHOS RJE NYID PHEBS PAR MDZAD, BZHUGS GDAN KYANG BEM PO SOGS GANG BYUNG GIS CHOG ,ZANG ZING GIS YON BDAG DANG DPON GYI PO 'DZIN, SLOB MA LA 'DI LA BYAMS DANG 'DI LA MI BYAMS MED SU LA 'BOD KYANG DRUNG PA ZHES ZHE SA RE MDZAD, KUN LA NYE RING MED PA'I THUGS RJE CHEN PO MNGA' YANG SNYING RJE RJE LTAR MI STON, 'CHAL TSUL KYI RNYOG PA DA 'BRAL BA'I TSUL KHRIMS MNGA' YANG ZHI ZHING DUL DUL LTAR MI MDZAD, MTHA' MED PA'I MKHYEN PA MNGA' YANG MKHAS PA NYID DU ZHAL BZHES MI MDZAD, RIGS LUNG LA BYUNG MA BYUNG LA GTZIGS STING CHE BAR MDZAD DE, CHOS GRVAR BYUNG MA BYUNG LA DGONGS PAR MI MDZAD, GRVA PA BYUNG BA'AM SONG BA LA DGYES MI DGYES MI MNGA' ZHING, YON BDAG DANG SLOB MA MI NYO, MDOR NA 'JIG RTEN GYI CHOS BRGYAD MNYAM PAR DGONGS SHING, BYIS PA'I SPYOD PA LAS RING DU SONG BA DANG RGYAL SRAS KYI SPYOD PA RLABS PO

CHE MTHA' DAG ZHUM BA MED PAR SKYONG BA DGE BSHES STON PA'I RNAM PAR THAR PA JI LTA BA BZHIN DU MDZAD SNANG NGO, ,RJE 'DIS DGON GNAS 'DEBS PA DANG, SKU GSUNG THUGS RTEN BZHENG BA SOGS MDZAD PA RGYA CHEN PO DE TZAM ZHIG MDZAD KYANG, NANG DU THUGS DAM THUN BZHI'I RNAL 'BYOR LAS NAM YANG MI G-YEL ZHING SNGAR BSHAD PA LTAR GYI GZHUNG CHEN MO'I CHOS 'CHAD DE DAG KYANG NAM YANG 'CHAG MED MDZAD DE 'DI NI SPRUL PA'I MDZAD PA SHA STAG YIN LA, SANGS RGYAS STONG GI RDO SKU BZHENG BAR BZHED NAS SKU RGYU'I RDO GANG NAS BTZAL BAR BYA ZHES BGROS PA NA, 'GA' ZHIG GIS RGYAL CHEN RTZE'I PHYOGS NAS BTZAL NA LEGS ZHUS PA LA, DE THAG RING BAS 'DREN BA DKA' GSUNG, 'O NA NYE SKOR NAS MI RNYED ZHUS PA'I SKABS SHIG NA, NYIN GCIG PHYAGS PHYI LA SKU 'KHOR KHA YAR KHRID DE RDO 'TSOL DU 'GRO BA YIN GSUNGS NAS, DGON PA'I NYE LOGS MKHAR LUNG ZHES PA'I LUNG BA CIG YOD PA DER THEGS TZA NA YA GI NA BYA ROG GCIG LDING GI GDA' ZHUS PAS, 'O NA DER 'DED GSUNGS NAS, RI 'BOG GCIG GI RTZER THEGS TE 'DI NAS BRAG RKOS SHIG CES GSUNGS NAS BRAG GSHEGS PAS G-YAM BA CHE LA MANG BA CI 'DOD BYUNG NGO, ,DGE 'DUN THAMS CAD KYIS DE NYIN GCIG LA DRANGS NAS, BSKAL BA BZANG PO'I SANGS RGYAS STONG MTSAN DANG BCAS PA, SANGS RGYAS SUM CU SO LNGA MTSAN DANG BCAS PA 'BUR DU BRKOS TE BZHENGS, DE BZHIN GSHEGS PA'I SKU

, ,SHA RNAMS LA GSER BZANG PO 'BA' ZHIG GSOL TE PHYI'I BAR KHYAMS LA THOG BKAL BA'I 'OG TU BZHUGS TE, DE LA BSKAL BZANG LHA KHANG DU GRAGS TE, 'DI YANG SPRUL PA'I MDZAD PA YIN TE DUS PHYIS SKYE BO GZHAN MANG POS MKHAR LUNG SBUG NAS RDO JI TZAM BTZAL YANG RJE 'DIS GTER BZHES PA'I RDO'I CHAG GRUM PHRAN BU 'DRA RNYED PA LAS STONG SKU'I RDO 'DI DAG DANG 'DRA PA SUS KYANG MA RNYED DO, ,MDOR NA RJE BLA MA 'DI NYID KYIS SKU TSE 'DI LA 'DUL BA'I BSLAB KHRIMS RNAM PAR DAG PA GZHIR BZUNG, GZHI GSUM GYI PHYAG LEN MA NYAMS PA'I NGANG NAS BSHAD NYAN, RTEN BZHENGS, GTZUG LAG KHANG BZHENGS PA, DKON MCHOG GI MCHOD PA, GSUNG RAB KYI RTZOM PA MDZAD PA SOGS THAMS CAD PHYOGS GCIG TU RGYUN MI 'CHAD PAR MDZAD PA NI, SNGON CHAD GANGS RI'I KHROD KYI CHEN PO GANG GI'ANG RNAM PAR THAR PAS BSGRUN PAR BZOD PA MA YIN NO, ,RJE THAMS CAD MKHYEN PA DGE 'DUN GRUB 'DIS DAM PA'I CHOS SPEL BA'I CHED DU DAM PA'I CHOS 'DUL BA'I GLENG 'BUM CHEN MO, MDO RTZA'I t'IKA CHEN, SO SO THAR PA'I t'IKKA, RNAM 'GREL GYI t'IKKA, SPYI DON RIGS PA'I RGYAN, RTZA 'JUG GNYIS LA t'IKKA RE RE, THUB PA'I BSTOD PA LUNG KUN LAS BTUS PA, BDUD DPUNG PHYE 'THAG MA, SANGS RGYAS KYI GSUNG LA BSTOD PA, RGYAL TSAB RJE'I BSTOD PA KUN TU BZANG PO, RNAM DPYOD LANG TSO MA, MKHAS GRUB THAMS CAD MKHYEN PA'I BSTOD PA, BYANG RTZE BA

NAM MKHA' DPAL BA LA BSTOD PA, SPYAN SNGA BSOD NAMS LHUN GRUB PA LA BSTOD PA, SPYAN SNGA RIN CHEN 'PHEL LA BSTOD PA, 'JAM DBYANGS RIN CHEN RGYAL MTSAN LA BSTOD PA, SEMS DPA' CHEN PO TSUL KHRIMS DPAL BZANG LA BSTOD PA, RJE BTZUN 'JAM DBYANGS LA BSTOD PA, SENG LDENG NAGS KYI SGROL MA'I BSTOD PA, DE'I PHO BRANG NAGS KYI BSTOD PA, RJE BTZUN MA DKAR MO'I SGRUB THABS, DE'I BSTOD PA, MI G-YO BA SNGON PO'I SGRUB THABS, 'DUS PA LA BRTEN PA'I RAB GNAS KYI CHO GA, LHA MO DBYANGS CAN MA'I BSTOD PA, RDO RJE KHYUNG KHRI'I BSTOD PA, SA'I SNYING PO'I BSTOD PA, MGON PO GRI GUG GI BSTOD PA, MGON PO ZHAL BZHI PA'I BSTOD PA, DAM CAN CHOS RGYAL GYI BSTOD PA, DE'I ZLOG PA RGYAS PA, DAM CAN GSANG SGRUB DMAR PO'I BSTOD PA, TZ'A MUNtI'i BSTOD PA, DMAG ZOR LHA MO'I BSTOD PA, DE'I GTOR CHOG MDOR BSDUS, NYAMS MGUR SHAR GANGS RIM, KA MAD LA GRAS PA'I NYAMS MGUR, LHA RGYAL RTZER MDZAD PA'I NYAMS MGUR, DKON RTZEGS NAS 'BYUNG BA'I SMON LAM, DKON MCHOG GSUM LA YAN LAG BDUN PA'I BSTOD PA, MGON PO LA MNGA' GSOL GYI TSIGS BCAD, 'OD DPAG MED GTZO 'KHOR LA BSTOD PA SMON LAM DANG BCAS PA, SMON LAM CHEN MO'I DUS SU MDZAD PA'I SMON LAM MDOR BSDUS, BYAMS CHEN BZHENGS TE MDZAD PA'I SMON LAM MDOR BSDUS, SENGGE GDONG CAN GYI ZLOG PA BYA THABS, DZAMBHA LA

, ,SER PO LA CHU 'BUL BA'I CHOG ,TA'I SI TU RNAM RGYAL GRAGS PA'I DRIS LAN RNAMS YOD LA, RJE NYID KYIS GSUNGS PA LA GZHAN GYIS ZIN BRIS BYAS PA 'GA' YAR DANG, KHYAD PAR RJE NYID LA PO TI NYI SHU TZAM NYAN PA'I SKYOR 'GO LO MANG POR MDZAD CING, PHYIS BSTAN 'DZIN CHEN POR GYUR PA 'DAR STON BYANG CHUB DPAL ZHES PA DAM PHAR TSAD, 'DUL MDZOD, RTZA 'JUG SOGS LA ZIN BRIS MDZAD PA YOD CING, GZHAN YANG RJES 'JUG MKHAS GRUB BGRANG BA LAS 'DAS BA YOD PAS SO SOS ZIN BRIS MDZAD PA MANG DU MCHIS SO, ,RJE 'DI NI BKA' GDAMS GLEGS BAM LAS, SPYAN RAS GZIGS DBANG BZANG POR SPRUL, ,ZHES LUNG BSTAN PA LTAR KHA BA CAN GYI MGON PA SPYAN RAS GZIGS NYID 'JAM MGON BLA MA'I BSTAN PA SPEL BA'I CHED DU BSAMS BZHIN DU SPRUL BA'I SKU BZUNG STE THAMS CAD MKHYEN PA DGE 'DUN GRUB PA DPAL BZANG PO ZHES MTSAN NYI ZLA LTAR GRAGS SHING RJE BTZUN MA SGROL MAS 'PHRIN LAS KYI GROGS MDZAD DE CHOS GRVA CHEN PO BKRA SHIS LHUN PO BTAB NAS 'JAM MGON BLA MA'I BSTAN PA DRI MA MED PA BSRE BSLAD THAMS CAD DANG BRAL BA MDO SNGAGS YONGS SU RDZOGS PA'I BSHAD PA DANG SGRUB PA GNYIS KA TSANG BA RKANG TSUGS PAR MDZAD DE 'DZAM BU'I GLING GI PHYOGS MTHA' DAG NAS 'DUS PA'I MKHAS GRUB BGRANG BA LAS 'DAS PA RJE BDAG NYID CHEN PO'I LEGS BSHAD KYIS TSIM PAR MDZAD DE SA CHEN PO'I

KHYON THAMS CAD RNAM THAR GTZANG MAS KHYAB PAR MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LA BRGYAD CU GYA BZHIR PHEBS PA SHING PHO RTA'I LO RGYAL ZLA BA'I YAR TSES BRGYAD KYI THO RENGS ZHABS RDO RJE SKYIL KRUNG, PHYAG GNYIS MNYAM GZHAG MDZAD DE, STONG PA GSUM RIM GYIS THIM NAS THAMS CAD STONG BA 'OD GSAL DON DAM BA'I BDEN BA MNGON DU MDZAD DE, DE YANG SNGAR SNYUN PA SOGS KYIS SKU MDANGS CUNG ZHIG CHUNG BAR YOD NA'ANG, DE'I TSE GLO BUR DU SKU LUS ZLA BA RGYAS PA LTAR GYUR TE, SNGAR GYI SKU'I GNYAR MA RNAMS KYANG MED PAR BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG Ni SKU'I 'OD DMAR SER, KHA CIG NI DKAR SER, KHA CIG NI GSER BTZO MA LTA BUR SNANG NGO, ,ZHES ZER RO, ,DE BAS NA RJE 'DI NI, DE'I TSE 'OD GSAL DON DAM PA'I BDEN PA MNGON SUM DU MDZAD DE, 'CHI BA CHOS SKUR BSGYUR BA'I SGO NAS BAR DO SGYU MA'I SKUR BZHENGS TE, DE LA BRTAN NAS MCHOG GI DNGOS GRUB MNGON DU MDZAD PA YIN PAR GDON MI ZA BA YIN NO, ,'O NA PHYI MA RGYA NAG TU SKU SKYE BA BZHES PAR GSUNGS PA SOGS JI LTAR YIN ZHE NA, RJE RANG GI GSUNG NAS, SPRUL PAS SKYE BA 'DZIN PA YIN PAS MI 'GAL, GSUNG BA LTAR YIN NO, ,DUS DE DAG GI TSE NAM MKHA' NI, THAMS CAD STONG PA 'OD GSAL MNGON DU MDZAD PA'I TSUL NI, 'DI 'DRA'O ZHES 'JIG RTEN THAMS CAD LA GO BAR BYED PA BZHIN DU SHIN TU G-YA' DAG PAR GYUR TE, THA MAL GYI SPRIN

, ,DANG RDUL LA SOGS PA THAMS CAD DANG BRAL ZHING SA GZHI RLUNG GI RGYU BA THAMS CAD DANG BRAL NAS BSER BU PHRA MO'I 'GRO 'ONG YANG RGYUN CHAD PA ZHAG BZHI BCU ZHE LNGA TZAM GYI BAR DU BYUNG LA, GZHAN YANG LHA RNAMS KYIS MCHOD PA ME TOG SNA TSOGS PA RNAMS PHAL CHE BA KUNDA LTAR DKAR ZHING MU TIG LTAR 'OD GSAL BA, ZLA BA LTAR 'TSER BA LAG MTHIL TZAM DANG SHING RTA'I 'PHANG LO TZAM DPAG TU MED PA DANG, KHA DOG KYANG 'GA' ZHIG NI SNGON PO, 'GA' ZHIG NI SER PO, 'GA' ZHIG NI DMAR PO SOGS CHAR LTAR BABS BAR GYUR TO, ,GZHAN YANG SKU'I THAD DRANG DU 'JA' TSON KHA DOG SNA LNGA PA SHIN TU DANGS SHING 'OD 'TSER BA RNAM PAR BKRA BA ZHIG YUN RING BO'I BAR DU GNAS PAR GYUR LA, PHAL CHE BA NAM MKHA'I LAM THAMS CAD 'JA' TSON DKAR PO BLA BRE LTAR BRES PA DANG, BA DAN LTAR 'PHYANG BA DANG, DGON PA'I G-YAS G-YON THAMS CAD 'JA' TSON SNA TSOGS PAS LDA LDI LTAR KHRIG GIS GANG BA LA SOGS PA ZHAG MANG PO'I BAR DU BYUNG ZHING, DPA' PO DANG MKHA' 'GRO MA RNAMS KYIS MNGON PAR BSGRAGS PA'I 'KHAR RNGA SOGS ROL MO'I BYE BRAG BSAM GYIS MI KHYAB PA MTSAN DGUNG LA GRAG PA DANG, NYIN MO YANG GAndI BRDUNGS PA'I SGRA CHEN PO GRAG STE THAMS CAD THE TSOM DU GYUR NAS BRTAGS KYANG MI ZHIG GIS BRDUNGS PA MA YIN BAR NGES PA TZAM DU ZAD KYI GZHAN DU GZHAN JI LTA BU ZHIG GIS GNAS GANG DU BRDUNGS

BA SOGS GANG DU'ANG BRTAG PAR MI NUS BAR YUN RING DU SGRA SHIN TU GRAG PA ZHIG BYUNG NGO, ,MDOR NA BCOM LDAN 'DAS RTZVA MCHOG TU MYA NGAN LAS 'DA' BA'I TSUL BSTAN PA'I TSE, LHA RNAMS KYIS MNGON PAR MCHOD PA JI LTA BA BZHIN DU 'DIR YANG BYUNG BAR GYUR TO, ,DE NAS SRAS KYI THU BO 'DUL 'DZIN RIN PO CHES GTZO MDZAD, DGE 'DUN PHYED DANG NYIS STONG TZAM GYIS ZLA BA PHYED TZAM GYI BAR DU GSOL 'DEBS GDUNG MCHOD SMON LAM RGYAS BAR MDZAD CING, SBYIN BDAG GRVA BU SLOB RNAMS DANG, BLA BRANG GI PHYAG RDZAS RNAMS KYIS SKU GDUNG GI SKU MDUN DANG, PHYI NANG GI MCHOD KHANG THAMS CAD DU MCHOD PA'I TSOGS BSAM GYIS MI KHYAB PA DANG, BRANG KHANG SO SO'I THOG KHAR YANG MAR ME'I PHRENG BA LA SOGS PA'I MCHOD PAS MCHOD PAR MDZAD CING RTZE GCIG TU GSOL BA 'DEBS PAR MDZAD DO, ,DE LTAR BSOD NAMS DANG YE SHES KYI TSOGS RLABS PO CHES DGONGS PA YONGS SU RDZOGS PAR MDZAD NAS, LUG GI LO GSAR MA THAG MKHYEN PA'I MNGA' BDAG RDO RJE SLOB DPON BZANG PO BKRA SHIS GANGS CAN NAS SPYAN DRANGS, GDUGS DANG RGYAL MTSAN DANG BA DAN LA SOGS PAS BSU BA MDZAD DE, BDAG NYID CHEN PO'I SENGGE'I KHRIL BZHUGS SU GSOL TE RGYAL TSAB TU DBANG BSKUR, 'DUL 'DZIN SEMS DPA' CHEN POS ME TOG GTOR TE SHIS PA BRJOD PAR MDZAD DO, ,RJE 'DIS BSTAN PA LA BYA BA RGYA CHER MDZAD PAS RGYUD 'DZIN MTHA' YAS PA BYUNG ZHING 'PHRIN LAS RGYA CHER SPEL

, ,BA'I BSTAN 'DZIN DAM PA 'DUL 'DZIN BLO GROS SBAS PA, BYANG SEMS 'DUL NAG PA DPAL LDAN BZANG PO, PAn CHEN BZANG PO BKRA SHIS, PAn CHEN LUNG RIGS RGYA MTSO, PAn CHEN YE SHES RTZE MO, KUN MKHYEN CHOS 'BYOR DPAL BZANG, MKHAS GRUB NOR BZANG RGYA MTSO, GNAS RNYING ZHABS DRUNG KUN DGA' BDE LEGS, LAS CHEN KUN DGA' RGYAL MTSAN, 'JAM DBYANGS DGA' BA'I BLO GROS, KUN MKHYEN PHYOGS LHA 'OD ZAR SOGS MANG DU BYON PA LAS SRAS KYI THU BO NI 'DUL 'DZIN BLO GROS SPAS PA'O, ,'DUL 'DZIN BLO GROS SBAS PA ZHES BYA BA'I BDAG NYID CHEN PO 'DI NI, GTZANG STOD CHU SGO'I G-YO GRONG ZHES PAR LCAGS PHO 'BRUG GI LO LA SKU BLTAMS, BYIS PA'I DUS KYI TSE SEMS CAN LA SNYING RJE BSGOMS TZA NA MCHI MA RANG DBANG MED PAR 'ONG BA CIG YOD DE, SNYING RJE'I DMIGS RNAM RANG NI MA SHAR BAR 'DUG GSUNG, DE NAS DPAL SNAR THANG DU MKHAN CHEN GRUB PA SHES RAB KYI SPYAN SNGAR RAB TU BYUNG, MCHAN BSAM 'GRUB GRAGS PA DPAL LDAN ZHES BTAGS, CHEN PO LO TZ'A BA SANGGHA SHR'I LA SLOB DPON BCOL TE SGRA DANG BSTAN BCOS MANG DU GSAN NO, ,DE NAS RGYAL GYI RTZIBS RI LA SOGS PA'I SGRUB GNAS MANG DU MTHONG BAS, DA NI SGOM CHEN ZHIG RANG BYA SNYAM DU DGONGS PA 'KHRUNGS PAS, GROGS KHAMS BA DGE RGAN ZHIG YOD PA DE NA RE, RE SHIG SLOB GNYER BYAS, DE

NAS BSGOMS NA LEGS PO 'ONG, DA LTA NAS BSGOMS NA GLEN BSGOM DU 'GRO ZHES ZER BAS SLOB GNYER GYI 'GRO BSKYANGS, NGAS DE DUS RTZIBS RIR SDAD NAS BSGOMS NA SGOM CHEN BZANG ZER BA CIG 'OD PA YOD DE, DBU MA'I LTA PA ZAB MO 'DI DANG AE 'PHRAD NI MI SHES GSUNGS, DE NAS GROGS 'GA' ZHIG DANG BCAS TE DBUS LA PHEBS PA'I TSE, BSAM YAS KYI RI MTHONG BA'I LAM KHA CIG TU THUGS DRAN MED DU BRGYAL BA CIG BYUNG 'DUG ,GROGS MCHED RNAMS KYIS LEGS PAR BOS, KHONG RANG GI SNANG BA LA BTZUN PA CIG DANG 'GROGS TE PHYIN, BSAM YAS YIN RGYU'I GTZUG LAG KHANG ZHIG GI RTZAR SLEB, BTZUN PA DE DANG LHAN DU SGO LA PHYIN DUS MI DKAR PO ZHIG GIS 'DI GAR 'GRO BA YIN ZHES NGA MA GTANG, DE DUS MNAL LAM DU GZHAN GYIS BOS PA'I SKAD GRAG PAS RKYEN BYAS TE DRAN PA RNYED PAR GYUR CES GSUNGS, MI DKAR PO DE NI BLA MA 'DI'I LHAG PA'I LHA GTUM PO DKAR PO YIN PAS DES BAR CHAD BSAL BA YIN ZHES GSUNG, DE NAS PHAR PHYIN LA NAN TAN MDZAD PAS LO GSUM TZAM LON TZAN LUNG CHOS LA THOGS PA MED PA'I MKHYEN PA CAN DU GYUR, DE NAS DA DBU TSAD SLOB SNYAM DU SEMS CAN, GROGS PO KHAMS BA DGE RGAN DE NA RE, KHYED DBU TSAD SLOB NA DGA' LDAN PA DRAG ZER, DES RKYEN BYAS NAS RI BO DGA' LDAN DU RGYAL CHAB RIN PO CHE BSTAN PA'I BDAG PO MDZAD PA'I SAR BYON, CHOS RJE SHES RAB SENGGE DANG RJE DGE 'DUN GRUB

, ,GNYIS DANG YANG DE DUS MJAL, DE NAS THUGS DGONGS LA PHAR PHYIN NGA RANG GI 'DI KAS 'ONG, DBU TSAD GNYIS MKHAS PAR BSLAB SNYAM NAS, RGYAL TSAB RIN PO CHE'I DRUNG DU LEGS PAR MNYAN, CHOS RJE SHES RAB SENG GE DANG RJE DGE 'DUN GRUB PA GNYIS LA YANG GSAN PAS, PHAR PHYIN GYI DE SNGA'I GRUB MTHA' RNAMS KYANG 'GYUR TE, RJE YAB SRAS KYI THUN MONG MA YIN PA'I GRUB MTHA' LA YID CHES RNYED PA CIG BYUNG, LHAG PAR RJE DANG MA MJAL YANG RJE NYID LA SANGS RGYAS DNGOS KYI 'DU SHES SKYE BA CIG BYUNG STE LAS 'BREL ZHIG YOD PA 'DRA GSUNG, GROGS PO DGE RGAN DE NGA LA DRIN CHE BA CIG BYUNG GSUNG, DE NAS RGYAL SRAS 'DUL BA 'DZIN PA 'DIS RANG LO NYI SHU RTZA DRUG PA SHING MO SBRUL GYI LO RGYAL TSAB RIN PO CHES MKHAN PO DANG, 'DUL 'DZIN CHEN PO GRAGS PA RGYAL MTSAN GYIS LAS KYI SLOB DPON, SHAR BA BYANG SEMS RIN RGYAL BAS GSANG STE STON PA MDZAD DE DGE 'DUN CHOS GSUM DANG LDAN PA'I DBUS SU BSNYEN PAR RDZOGS PA DGE SLONG GI DNGOS PO MNOS, DE NAS BRTZAMS TE LTUNG BA PHRA MOS KYANG MA GOS PAR TSUL KHRIMS MIG GI 'BRAS BU BZHIN DU BSRUNG BAR MDZAD PAS 'DUL BA PA ZHES GRAGS, DE NAS DGONGS PA LA 'DUL BA'I BSLAB BYA ZHIG MA NYAN NA GZHAN GYIS DKA' BCU PA YANG 'DUL BA'I LAG LEN MI SHES BAR SNANG SNYAM NAS 'ONG BAS 'DUL BA LUNG SDE BZHI NAS GSUNGS PA'I DGAG SGRUB GNANG GSUM

GYI BSLAB BYA MTHA' DAG LA 'KHRUL PA MED PAR LEGS PAR SHES PA ZHIG BYA SNYAM DU DGONGS NAS 'DUL 'DZIN CHEN PO GRAGS PA RGYAL MTSAN LA BSLAB BYA CHA LAG DANG BCAS PA GSAN, BYANG CHUB LAM GYI RIM PA YANG THOG MAR RIN PO CHE 'DUL BA PA LA GSAN GSUNG STE, GZHAN YANG CHOS MANG DU GSAN NO, ,DE NAS RGYAL SRAS 'DUL BA 'DZIN PA 'DIS CHOS RJE SHES RAB SENGGE'I DRUNG DU GSAD BA 'DUS PA'I RGYUD 'GREL PA DANG BCAS PA, GDAN RDZOGS, GSAL SGRON LA SOGS PA'I RJE'I GSUNG RAB DANG, 'PHAGS SKOR MTHA' DAG TSANG BAR GSAN, BDE MCHOG GI RGYUD KYI BSHAD PA DANG 'DOD 'JO, L'U DRIL GYI RDZOGS RIM LA SOGS PA'I BDE MCHOG GI SKOR RNAMS DANG, GSANG SNGAGS DANG PHAR PHYIN GNYIS KYI LAM RIM, ZAB MO DBU MA'I LTA KHRID, TSUL KHRIMS LE'U, RTZA LTUNG BCU BZHI PA, BLA MA LNGA BCU PA RNAMS KYI RJE'I RNAM BSAHD DANG, MTSAN NYID KYI CHOS SKOR YANG MANG DU GSAN TE, GTZO BOR RDO RJE TEHG PA'I BKA' DRIN RNAMS BLA MA 'DI LA RDZOGS PAR MNOS PAS RTZA BA' IBAL MA BKA' DRIN CHE SHOS SU MDZAD PA YIN NO, ,DKA' CHEN BZHIS GTZO BYAS PA'I MTSAN NYID KYI PO TI SHIN TU MANG BA NI SLOB DPON THAMS CAD MKHYEN PA DGE 'DUN GRUB LA GSAN PAS SNGE SNOD KYI PHYOGS LA BKA' DRIN CHE BA'I BLA MA GCIG TU MDZAD DO, ,RGYAL SRAS 'DIS MANG DU THOS PA RGYA CHER BTZAL BA'I TSUL RANG NYID KYI ZHAL NAS,

, ,NGAS SLOB DPON RIN PO CHE THAMS CAD MKHYEN PA LA 'DUL BA MDO RTZA BA'I BSHAD PA BSKYAR CHOS SU BYAS PA RANG TSAR DRUG NYAN, CHOS RJE GZHON NU RGYAL MCHOG PA'I DRUNG DU TSAR GCIG STE BDUN NYAN PA YIN ZHES GSUNGS, YANG BA SO DGON PAR LTA KHRID CIG GSUNGS PA'I SKABS SU, GCIG DU BRAL GYI BSHAD PA RGYAS PA CIG MDZAD DE, NGAS 'DI TSO SLOB DPON THAMS CAD MKHAN PO LA NYAN NAS BRJED MA BCUG PA YIN ZHES GSUNGS, YANG NGAS SLOB DPON RIN PO CHE LA THEG PA CHEN PO'I BLO SBYONG 'DI NYAMS KHRID DU TSAR GCIG THOB PA YIN GSUNG NGO, ,DE NAS RGYAL SRAS 'DUL BA 'DZIN PA CHEN PA BLO GROS SBAS PA 'DI NI THAMS CAD MKHYEN PA'I PHYAGS PHYIR DGE 'DUN 'DUS PA'I GRAL DPON MDZAD CING SLOB MA'ANG MANG DU SKYONG BAR MDZAD, BAR SKABS SU LHUN PO RTZER BYON TE 'PHAGS 'OD YON TAN RGYA MTSO LAS GSANG SNGAGS KYI GDAMS PA MANG PO BLANGS SHING PHYAG LEN KYANG DE NYID LAS KHRID PAR MDZAD DO, ,RJE DGE 'DUN GRUB DANG RGYAL SRAS 'DUL BA 'DZIN PA 'DI GNYIS KYIS BSTAN PA LA BYA BA RGYA CHER MDZAD CING, LHAG PAR GTZANG DU RJE RIN PO CHE'I BSTAN PA RGYA CHER SPEL PHYIR CHOS GRVA CHEN PO BKRA SHIS LHUN PO 'DEBS PA SOGS DKA' BA CHEN PO MDZAD NAS CHOS GRVA CHEN PO LEGS PAR GRUB STE 'DZAM GLING YANGS PA'I PHYOGS MTHA' DAG NAS THAMS CAD MKHYEN PA DGE 'DUN

GRUB LA CHOS KYI BKA' DRIN ZHU BA BGRANG BA LAS 'DAS PA 'DUS NAS 'PHRIN LAS KHYAB BDAL? CHEN POR GYUR PA NA RGYAL SRAS 'DUL BA 'DZIN PA BLO GROS SBAS PAS MTHO MTHO RLUNG LA BSKUR DMA' DMA' CHU LA BSKYUR ZER BA LTAR TSE 'DI'I BYA BA THAMS CAD BLOS BTANG STE BYA RNYI LAS THAR BA BZHIN DU KHAB GUNG THANG NAS NYE BAR BZUNG STE, GANGS RI'I RGYAL PO TE SE DANG, KHA CHE'I 'GRAM MAR YUL GYI MTHAR THUG BAR BYON TE, DBEN PA'I GNAS RNAMS SU BSAM GTAN LA RTZE GCIG TU GNAS PAR MDZAD PAS, SNGON GYI SKYE GNAS RJES SU DRAN PA LA SOGS PA'I MNGON PAR SHES PA DANG, LHAG MTHONG GI LTA BA KHYAD PAR CAN 'KHRUNGS SHING, RGYA GAR DANG BOD KYI PAn GRUB DU MA ZHIG GI GZIGS SNANG YANG BYUNG SNANG ZHING, KHYAD PAR DU RJE BTZUN TZONG KHA PA DANG SKU TSE SNGA MA LA KHA CHA'I YUL DU DPON SLOB TU GYUR PA NYID KYI 'BREL BAS RJE RIN PO CHE'I SKU DANG GSUNG GI SNANG BA NI NAM 'DOD DU 'ONG BA CIG YIN PAR SNANG NGO, ,RJE'I SKU SKYE SNGA MA LA CHOS JI LTAR GSAN PA'I TSUL DUS PHYIS MGUR DU GSUNGS PA NI 'DI LTAR, SANGS RGYAS BSTAN PA NYI LTAR GSAL BYED PA, ,MKHAS GRUB BGRANG LAS 'DAS PA 'BYUNG BA'I GNAS, ,RGYAL BAS BSNGAGS PA DPAL LDAN KHA CHE'I YUL, ,YUL DE MDZES PA'I RGYAN MCHOG MKHAS GRUB CHE, ,MDO SNGAGS BSTAN PA'I BDAG POR MNGA' GSOL BA, ,MA TI BHA TRA ZHES BYA'I PAn CHEN DE'I, ,ZHABS

, ,PAD DI MA MED PA'I ZE'U 'BRUL, ,SPYI POS REG PA'I BLO GROS SPAS PA NGAS, ,RGYAL BA DE YI ZHAL GYI PADMO LAS, ,'DUL BA SDE BZHI'I SNYING PO 'DUL BA'I MDO, ,LEGS PAR THOS SHING NYAMS SU BLANGS PA LAS, ,DA LTA DAM CHOS 'DUL BA'I SNOD DU GYUR, ,MDO SDE'I SNYING PO RGYAL SRAS SEMS BSKYED DANG, ,RLABS CHEN SPYOD PA ZHAL GYI PADMO LAS, ,YANG YANG THOS SHING NYAMS SU BLANGS PA LAS, ,DA LTA BYANG SEMS SDOM PA'I SKAL BA THOB, ,SANGS RGYAS KUN GYI GSANG BA KUN 'DUS PA, ,DPAL LDAN 'DUS PA'I SMIN BYED DBANG BZHI YI, ,SA BON MKHAS GRUB ZHAL LAS LEGS THOB PAS, ,DA LTA GSANG SNGAGS SDOM PA'I SKAL BA THOB, ,RIGS MTHO GZUGS MDZES RGYAL PO'I SRAS PO NGAS, ,'DZAM GLING MDZES BYED MA TI PAn CHEN DRUNG, ,MTHA' BRAL LTA BA'I SA BON BZHAG PA LAS, ,AE MA HO DA LTA THAR PA'I LAM BZANG RNYED, ,TSUL 'DI BSAMS TSE MA TI PAn CHEN DE'I, ,BKA' DRIN MNYAM MED DA LTA YID LA DRAN, ,DRAN PA'I MOD LA 'KHOR BAS NYAM THAG BDAG ,THEG PA DMAN DANG 'KHOR PA'I G-YANG LAS DRONGS, ,'DI DON DRAN YANG MA RUNG SKYA BO'I TSOGS, ,PHAL CHER LOG PA'I PHYOGS SU LTUNG BAS NA, ,DA LTA'I BAR LA GTER BZHIN SBAS NAS BZHAG ,TSE 'DI NUB RI'I NYI BZHIN GYUR TSE BKOD, ,CES JI SKAD GSUNGS PA NYID DO, ,DE'I TSE BLA MA 'DI

NUB RI'I RGYAL PO'I SRAS SU 'KHRUNGS PA NYID KYI TSUL YANG GSAL BAR GSUNGS SO, ,MAR YUL DU BZHUGS DUS CHOS RJE SHES RAB BZANG PO LA GSUNG CHOS MANG DU GSAN ZHING, DE'I DGE 'DUN RNAMS LA'ANG NYID KYI GDAMS PAS TSIM BAR MDZAD DO, ,DER KHONG DPON SLOB KYIS DE TSOR BZHUGS PA'I ZHU BA PHUL BA LA, DA GRVA TSANG MA GI 'DRA BA BZHAG NAS DA 'DI'I DGON PA GA LA 'DZIN DGONGS PA BYUNG GSUNG, YANG DE'I DUS KYI TSE, CHOS KYI RGYAL PO RGYAL BA ZAS GTZANG SRAS, ,RGYAL BA GNYIS PA BLO BZANG GRAGS PA'I DPAL, ,BKA' DRIN DRAN NO SLAR YANG 'KHOR BA LAS, ,LAN CIG MIN PAR YANG YANG BSKYAB TU GSOL, ,RGYAL BA'I SRAS PO DPAL LDAN RDO RJE 'DZIN, ,SHES RAB SENG GE PAn CHEN DGO 'DUN GRUB, ,THAG RING SA MTHA'I YUL DU MDUN NA DRAN, ,DRAN PA'I MOD LA THUGS RJE'I LCAGS KYUS DONGS, ,ZHES PA LA SOGS PA DANG, SHES RAB SENGGE DE SRAS DGE 'DUN GRUB, , BKA' DRIN YON TAN DRAN PA'I STOBS NYID LAS, ,ZHES BYA BA LA SOGS PA'I MGUR MA'ANG MANG DU MDZAD, RJE BTZUN SHES RAB SENG GE GSHEGS PA'I DUS MNGA' RIS SU RMI LAM SHIN TU GSAL BAR BYUNG GSUNG STE RANG DANG GZHAN KYI 'DAS MA 'ONGS RNAMS GSAL BAR GZIGS PA'I MNGON MKHYEN MNGA' BAR SNANG NGO, ,MNGA' RIS SKOR DU LO DRUG BDUN TZAM BZHUGS TE, BLA MA MJAL BA'I DGONGS PAS DBUS GTZANG DU PHYIR PHEBS, BYANG GI

, ,BDE GLING ZHES BYE BAR DBU MA'I STONG THUN DE BRTZAMS, PHYIS K'A RI KA'I t'IKA CHEN ZHIG KYANG MDZAD, BYANG CHUB LAM RIM GYI YIG SNA DU MA DANG, MA CIG GI GCOD SKOR DANG, SGRUB THABS CHE CHUNG DU MA DANG, THUGS SKYO SHAS CHE ZHING GSANG BDE BAS NYAMS MGUR DANG BSTOD PA'ANG DU MA ZHIG MDZAD SNANG STE BRTZAMS CHOS LA BO TI GNYIS TZAM YOD DO, ,GTZANG DU PEBS NAS THAMS CAD MKHYEN PA DANG YAB SRAS MJAL ZHING CHOS KYI BGO BA MANG DU MDZAD, SLAR YANG BSAM GTAN DGA' LDAN CHOS RDZONG LA SOGS PA'I RI KHROD RNAMS SU LO BCU SKOR GYI BAR DU THUGS DAM LA BZHUGS PAR MDZAD DE, NGAS DAL 'BYOR RNYED DKA' RANG YANG ZLA BA BCO BRGYAD KYI PAR DU BSGOMS SHING, DE BZHIN DU LAM RIM GYI DMIGS SKOR MTHA' DAG YUN RING DU BSGOMS NAS MYONG BA THON NGES BYAS GSUNG, DGUNG LO DRUG CU RE GRANGS NAS 'JAD KYI BYANG CHUB CHOS LUNG, ROG PA TSANG BO DONG GI LUNG NAG SHEL DKAR, BOR THOG, LHUN PO RTZE, BYANG CHEN, RTA NAG RI MKHAR, SKOL MA SDINGS, NYA RI DGA' BA TSAL, PHUR MO CHOS RDZONG, RGYAL CHEN RTZE, LHAN BA SO, GNAS RNYING, MAN LUNG, KHROM MDA' BGON GSAR, 'BRONG RTZE, BKRA SHIS LHAN PO LA SOGS BA RNAMS SU, LAM RIM CHE CHUNG, BSLAB BYA CHE CHUNG, TSUL KHRIMS LE'U DANG, RTZA LTUNG RNAM BSHAD, BLA MA LNGA BCU PA'I RNAM BSHAD, 'DRUS PA'I BSKYED

RDZOGS, 'KHOR LO SDOM PA'I BSKYED RDZOGS, GCOD KHRID DANG LTA KHRID LA SOGS PA'I CHOS MANG DU GSUNGS TE, KHYIM PA DANG RAB TU BYUNG PA MANG PO LA PHAN GDAGS PA, LAM RIM DANG LTA KHRID GSUNGS PA DGE BA'I BSHES GNYEN 'DI BAS MANG BA MA BYUNG BA 'DUG ZER, THAMS CAD MKHYEN PA'I ZHAL NAS, 'U CAG GIS MI TSE RIL POR 'DUL BA BSHAD PA BAS, DRUNG 'DUL PA PAS BSLAB BYA TSAR RE BSHAD PA DRAG PAR 'DAG SNANG GSUNG, 'DUL 'DZIN RIN PO CHE'I ZHAL NAS, NUB GCIG RMI LAM DU NYI SHU LNGA MCHOD CIG BYED KYI 'DUG PAS, DER CHOS RJE RIN PO CHE CHIBS MDZO ZHIG LA CHIBS NAS PHEBS BYON BA LA GSOL BA BTAB PAS, NGA YANG JO BO YAB SRAS LA DAD KYI, KHYOD RANG YANG JO BO YAB SRAS LA DANG PA SGOMS SHIG CES GSUNG BA CIG RMIS, SANG DE NAS NGA'I RO STOD GZER BA CIG YONG GI YOD PA DE GTAN MA BYUNG, YANG NUB GCIG MNAL LAM DU DGE BA'I BSHES GNYEN 'BROM STON BAS BKA' GDAMS GLEGS BAM GYI 'GO NAS MJUG GI BAR TSAD MAR GNANG BA CIG RMIS TE, NGA'I LUNG DE KHAS GO CHOD PA YIN GSUNG, YANG ZHAL NAS, DA RTZA RLUNG 'GRIBS NAS CHOS BSHAD RE BYAS PA YIN, MNGA' RIS SU SDONG DUS ZHAG LNGA DRUG RI'I BAR DU ZA BA BZA' DGOS PA MA BYUNG ZHES GSUNG STE, TING 'DZIN PHUN SUM TSOGS PA MNGA' BA LAGS PAR GDA', YANG NYIN GCIG CHOS GLAR, NGAS BAL PO, KHA CHE RDZA LAN

, ,DHA RA RNAMS SU 'GRO MYONG GSUNG STE, DE LA SOGS PA'I 'DAS PA'I DUS KYI GTAM SHOR 'OD GI SNANG, BYANG CHUB CHOS LUNG DU BZHUGS PA'I DUS, NGA SANG PHOD 'GRO BAR YOD BAS, CHOS NYAN 'DOD YOD BA RNAMS DA LO NYAN PA LEGS ZHES GSUNGS, DE'I GTAM DE KHA CIG GIS CHOS RJE THAMS CAD MKHYEN PA'I SNYAN DU GSON PAS ZHAL NAS KHONG GI DE LA TIG PO MI BDOG ,KHONG SNGAR BZHAG BTUN NAS 'CHI BAR YOD PA YIN ZER TE BZHUD PAS, YANG LOG BYUNG GSUNG, DE'I RJES LA KHONG PA GRONGS DUNG BDE BA NAS BDE BAR 'GRO BA YIN TE GSUNG NGO, ,YOS LO'I DGUN THAMS CAD MKHYEN PA'I BKA' LUNG PHEBS PAS BKRA SHIS LHUN POR BZHUGS NAS GSUNG CHOS MANG DU GSUNGS, YAB SRAS GNYIS KYIS BSNYEN PAR RDZOGS PA'ANG BZHI BCU LHAG TZAM BSGRUBS, DE DUS CHOS RJE RIN PO CHES KYANG BKA' LUNG GNANG ZHING, SLOB DPON RNAMS PAS KYANG GSAL BA BTAB STE; DBYAR DGUN BKRA SHIS LHUN POR PHEBS PA GNAD DAGS, GZIM KHANG ZHIG KYAD RTZIG PA YIN ZHUS PAS LEGS PAR ZHAL GYIS BZHES TE, THAMS CAD MKHYEN PA MYA NGAN LAS 'DA' KHA'I BAR DU BZHUGS PAR MDZAD DE; ;THAMS CAD MKHYEN PA SKU KHAMS CHER BSNYEL DU SONG BA NA, SLOB DPON RNAM BA LA GDAN 'DREN THONG ZHES BKA' STZAL PAS, 'DUL 'DZIN RIN PO CHES GCO MDZAD, 'CHAD NYAN PA RNAMS ZHABS DRUNG DU 'KHOD PA LA, NGED

RANG RE ZHIG SDOD BSAM PA YIN TE DA 'GRO PAR SNANG, 'ON NA'ANG 'GYOD PA MED PAR TSE'I DUS BYED PA YIN, KHYED SLOB DPON RNAM PAS KYANG BKRA SHIS LHUN PO LA BRTEN NAS SANGS RGYAS KYI BSTAN PA LA CI PHAN MDZAD 'TSAL, SMON LAM DE DANG NGA'I DGONGS RDZOGS GNYIS SGRAGS PAS 'ONG, RTEN GSUM BZHED DGOS PA NI MED, NGA'I RUS BU 'DI SREGS LA MI 'KHRUGS PA'I STONG SKU ZHIG THOB, SGROL MA RANG YANG 'DIR SHOG GSUNGS NAS BTZUN CHUNG 'DIS LO SUM CU LHAG CIG GI BAR DU NGA'I G-YOG BYAS PA YIN, 'DI LA KHYED RNAM PAS BGOS SKAL MI PHAM PA CIG KYANG BYIN GSUNGS NAS LDE MIG RNAMS SLOB DPON RNAM PA'I DRUNG DU 'PHANGS PAR GDA', DE NAS SLOB DPON RNAM PAS GDAN SA 'DI JI LTAR BGYI BA BKA' LUNG GNANG DGOS ZHUS PAS, RJE'I ZHAL NAS DRUNG 'DUL BA PA DANG, KHYED RANG DPON SLOB KYIS BRTAG PA BYAS NAS GANG LEGS PA CIG LA GYIS SHIG GSUNGS, MYA NGAN LAS 'DA' KHAR 'DUL BA 'DZIN PAS THUGS DAM GSAL 'DEBS 'DRA DGOS LAGS SAM ZHUS PAS MI DGOS BAR GDA' ZHES GSUNG, DE NAS RJE DGE 'DUN GRUB ZHING GSHEGS NAS 'DUL 'DZIN BLO GROS SBAS PAS RJE DGE 'DUN GRUB KYI DGONGS RDZOGS DANG; DGON GNAS MI NYAMS PAR BYA BA'I PHYIR GDAN SA BSKO BA SOGS THUGS KHUR CHE BA ZHES MDZAD DO, ,DE LTAR NA RGYAL SRAS 'DUL 'DZIN CHEN PO 'DI NI THAMS CAD MKHYEN PA DGE 'DUN GRUB KYI GRVA TSANG GI DANG PO'I RTZA BA 'DZIN

, ,BA; BAR DU MI NYAMS PAR SKYONG BA, MTHAR 'PHRIN LAS SPEL ZHING DGONGS RDZOGS DANG GDAN SA'I BSKO BZHAG GI BAR DU MDZAD DE, CHOS RJE NYID DANG BKA' DRIN KHYAD PAR MED CING, BU SLOB SBYIN BDAG RNAMS KYIS KYANG YAB SAS DBYER MED DU 'KHUR BAR MDZAD PA YIN NO, ,DGUN CHOS GNYIS PA LA 'DUL 'DZIN RIN PO CHES RIM LNGA'I DMAR KHRID ZHAL SHES KYIS BRGYAN PA CIG DGE BA'I BSHES GNYEN BLO MCHOG TU GYUR PA DRUG CU LHAG TZAM LA GSUNG PA MDZAD, GSUNG CHOS DE THON NAS RTA NAG AO RGYAN RDZONG DU THEGS TE ZLA GCIG TZAM GYI BAR DU BZHUGS SHING, CHOS KYANG MANG DU GSUNGS, DPYID GZHUG LHUN PO RTZER SPYAN DRANGS, DER DGE 'DUN BRGYA PHRAG MANG PO LA MDO SNGAGS KYI GDAMS BA ZAB DGU COG GIS TSIM PAR MDZAD, DER SKU KHAMS CUNG MI BDE BA'I RNAM PA CIG KYANG BYUNG, CUNG ZAD SNYUN PA'I 'PHRO NYID LA BKRA SHIS LHUN PO'I DBYAR CHOS LA PHEBS BA GNANG, PHEBS MA THAG NA GZIM KHANG SAR PAR SKU MTSAMS LA BZHUGS, DER LHA RJE ZHIG KYANG ZHABS DRUNG DU BOS, KHYOD KYIS NGA'I NAD GZHI 'DI LA PHAN PA'I THABS 'DUG NA GYIS, SDOD RTZIS NA MI BYED, LUS GOG PO 'DIS RANG GZHAN GYI DON GANG YANG MI 'ONG BAR 'DUG PAS, NGA 'DI NAS DGA' LDAN DU 'GRO ,RGYAL BA TZONG KHA PA CHEN PO'I ZHABS DRUNG NA MKHAS GRUB THAMS CAD MKHYEN PA DANG RJE BTZUN SHES RAB SENGGE GNYIS KYANG BZHUGS 'DUG ,LHA BU GZHON

NU ZHIG GI LUS BLANGS NAS CHOS NYAN, 'GRO BA MANG PO'I DON BYED PA YIN, DE NAS RGYA GAR SHAR PHYOGS SU SKYE BA LEN, DER YANG RJE'I SPRUL PA CIG GIS RJES SU 'DZIN, PHO BA'I LAM GYIS SA LAM BGROD BA CIG 'ONG BAR SNANG ZHES GSUNG BAR GDA', LHA RJE DES GRVA PA RNAMS LA SNYUN GZHI 'DI 'CHOS THUB PAR 'DUG STE, ZHAL SNGA NAS BZHUGS PA'I THUGS 'DUN YE MI 'DUG PAS GSOL BA THEBS BA RANG NI DKA' BAR GDA', SKU RIM ZHIG BYAS NA KHYAD AEN RE AE YOD ZER BAS, NYI SHU GSUM GYA RANG GSOL DPON SGROL MAS MANG JA'I SBYIN BDAG MDZAD DE, TSOGS PAS SMAN BLA'I CHO GA MDZAD, DE SKU MDUN DU GSAN PAS LHA RJE LA'ANG BKYON TE KHYOD KYIS NGA LA GNOD PO ZHIG BYAS, NGA SANG DANG DE RING GNYIS KYANG DE RING 'CHI BA LA 'DAM PA LA GSUNG, NYI SHU LNGA'I NYIN MKHO BA'I YO BYAD DU BYIN GYIS BRLABS PA'I SNAM RAS BUBS GNYIS TZAM DANG, PHYAG DPE PO TI BZHI TZAM 'DUG PA TSOGS SU 'BUL BA MDZAD, NYI SHU DRUG LA THOS BSAM GLING DU SROD JA GCIG GI STENG DU SKU RIM BGYI BA'I ZHAL TA ZHUS PAS, NGA LA RIM GRO GTAN NAS BYED MI DGOS PA YIN TE, DA 'ON DPAL LDAN SA GSUM MA THON LA RJE NYID LA GSOL BA THOB CIG GSUNG, DE NAS DGUNG LO DON DRUG BSHING LUG ZLA BA LNGA PA'I NYER BRGYAD KYI NAM LANG SU NYE BA NA 'PHO BA MDZAD DE, BYAMS PA'I MDUN SAR 'JAM DPAL SNYING PO'I

, ,ZHABS DRUNG DU GSHEGS PAR MDZAD, DE'I TSE 'JA' DANG 'OD LA SOGS PA'I NGO MTSAR BA'I LTAS DU MA BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS THAMS CAD MKHYEN PA DGE 'DUN GRUB YAB SRAS 'DI GNYIS LA GSOL BA 'DEBS SHING BDAG NYID CHEN PO 'DI GNYIS KYI RNAM THAR LTAR TSUL KHRIMS DAG CING LTA GRUB GTZANG BA'I SGO NAS GZHUNG LUGS GDAMS BAR SHAR BA'I NYAMS LEN LA BRTZON PA LHUR BLANG BAR BYA'O,, ` ,,SKU GSUM GO 'PHANG MNGON GYUR NOR BU BZANG, ,ZHES BSNGAGS PA, MKHAS GRUB NOR BZANG RGYA MTSO NI, GTZANG RTA NAG RANG BYUNG DU, YAB NAM MKHA' DPAL BZANG DANG, YUM CHOS SKYABS 'BUM GNYIS KYI SRAS SU MDZES BYED KYI LO LA NGO MTSAR BA'I LTAS DANG BCAS TE SKU 'KHRUNGS, GZHON NU NYID NAS CHOS KYI BAG CHAGS BRTAS PAS KLOG YIG SOGS TSEGS MED PAR MKHYEN CING, KHYIM GYI GNAS NI NYES BA DU MA'I 'BYUNG GNAS SU RIG NAS, SPYIR 'KHOR BA'I PHUN TSOGS MTHA' DAG DANG, KHYAD PAR KHYIM GYI 'DU 'DZIN DANG LONGS SPYOD LA MA CHAGS PAR DGUD LO BCU GSUM PA NA BRAG DMAR CHOS SDINGS SU, CHOS RJE BLO GROS MGON PO BAS MKHAN PO DANG, BYANG SEMS CHOS 'PHEL RGYAL MTSAN PAS SLOB DPON MDZAD NAS RAB TU BYUNG STE MKHAN SLOB KYI SPYAN SNGAR JI LTAR KHAS BLANGS PA'I BCAS MTSAMS LAS

NAM YANG MI 'DA' ZHING, RGYAL BA'I BSTAN PA LA RAB TU BYUNG BA RNAMS KYI BYA BA KLOG PA THOS BSAM DANG, SPONG BA BSAM GTAN GNYIS LAS THOG MAR SDE SNOD GSUM LA THOS PA BYA DGOS PAR GZIGS NAS RI KHUD CHOS SDER MKHYEN RAB DBANG PHYUG GRAGS PA BZANG PO'I ZHABS LA GTUGS TE SDE SNOD GSUM LA MANG DU THOS PA 'TSOL BA LA ZHUGS SO, ,DAM PA 'DI RI KHUD CHOS SDER BZHUGS PA'I DUS SU MKHAS GRUB SHES RAB SENGGE DANG, THAMS CAD MKHYEN PA DGE 'DUN GRUB DANG, 'DUL 'DZIN BLO GROS SBAS PA RNAMS KYANG MKHYEN RAB DBANG PHYUG GRAGS PA BZANG PO DANG YON BDAG CHEN PO DGE SBYONG DKAR PO SOGS KYIS GDAN DRANGS TE ZHAL 'DZOM NAS SDE SNOD GSUM DANG DE DAG GI DGONGS 'GREL SHING RTA CHEN PO'I GZHUNG LUGS RNAMS KYI CHOS SGRA RGYA CHER SGROG PAR MDZAD, DE DUS RI KHUD CHOS SDE NA MKHAS GRUB CHEN PO GONG DU SMOS PA DE DAG DANG DE DAG GI THUGS SRAS SEMS DPA' CHEN PO MANG PO 'TSOGS TE THAMS CAD KYANG TSUL KHRIMS RNAM PAR DAG CING TSE 'DI'I BYA BA LA RGYAB KYIS PHYOGS PA SDE SNOD GSUM GYI CHOS SGRA BRGYUD MAR SGROG PA SANGS RGYAS 'JIG RTEN DU BYON PA'I DUS 'DRA BA ZHIG YOD CES MKHAS GRUB NOR BZANG RGYA MTSO NYID GSUNG NGO, ,DE NAS DAM PA 'DIS GRVA TSANG CHEN MO SOGS SU'ANG THUGS GNYER LA BYON TE GZHUNG LUGS RNAMS LA SBYANGS PAS RING POR MA THOGS PAR RIGS LAM LA MKHAS PAR GYUR CING, DE NAS 'CHUMS BDE CHEN DANG, CHOS 'KHOR SGANG SOGS SU BYON NAS GZHUNG LUGS RNAMS LA

, ,THOS PA RGYA CHER BTZAL ZHING, KUN MKHYEN SHES RAB RIN PO CHEN SOGS BSHES GNYEN DAM PA DU MA LA DBANG LUNG MAN NGAG DU MA GSAN, DA NAS CHOS GRVA CHEN PO BKRA SHIS LHUN POR PHEBS NAS THAMS CAD MKHYEN PA DGE 'DUN GRUB KYI ZHABS LA GTUGS TE DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO GNYIS KYIS LAM SROL DPAL AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID LEGS PAR GSAN NAS THUGS RGYUD LA SBYAR TE MYONG BA THON PAR MDZAD, GZHAN YANG PHAR PHYIN, DBU MA, 'DUL BA, MNGON PA RNAMS DANG, LHAG PAR TSAD MA RNAM 'GREL LA ZHIB TU SBYANGS TE, GZHUNG LUGS CHEN PO DE DAG GDAMS NGAG TU 'CHAR TSUL THAMS CAD MKHYEN PA DGE 'DUN GRUB KYI ZHAL NAS GSUNGS PA MTHA' DAG LEGS PAR GSAN TE RANG DANG GZHAN GYI GRUB MTHA' RGYA MTSO'I PHA ROL TU SON PAR GYUR, DE NAS DBUS SU PHEBS NAS GSANG PHU SOGS SU PHEBS TE GRVA SKOR MDZAD PAS MKHAS PA'I GRAGS PAS SA STENG KHYAB PAR GYUR, DE NAS DAM PA 'DI DGUNG LO SO LNGA LA BAB PA NA DGA' LDAN RNAM PAR RGYAL BA'I GLING DU PHEBS TE, CHOS KYI RJE BLO GROS CHOS SKYONG BAS MKHAN PO, CHOS RJE GRAGS 'OD PHAS LAS SLOB, RONG PO BLO BZANG PAS GSANG STON MDZAD DE, BSNYEN PAR RDZOGS TE RGYAL BA'I BSTAN PA LA ZHUGS LA YONGS SU RDZOGS PA'I DPAL THOB STE THUB PA'I RGYAL TSAB CHEN POR GYUR TO, ,DE

NAS CHOS RJE BLO GROS CHOS SKYONG SOGS BSHES GNYEN DU MA LA RJE THAMS CAD MKHYEN PA'I GSUNG RNAMS KYI LUNG SOGS MDO SNGAGS KYI CHOS MANG DU GSAN, DE NAS DGUNG LO SO BDUN LA 'OL KHAR PHEBS TE, DBEN GNAS RIN CHEN SGANG DU CHOS RJE CHOS GRAGS PA LA CHOS MANG DU GSAN NO, ,DE LTAR MDO SNGAGS KYI GZHUNG LA THOS PA RGYA CHER MDZAD DE GDAMS PA'I GTER DU GYUR PA NA TSE 'DI'I 'KHRI BA PHRA MO'ANG MED BAR RNAL 'BYOR GYI DBANG PHYUG MI LA RAS PA DANG MCHUNGS PAR SROG 'TSO'I 'TSE BA DKA' THUB LA BRTEN NAS GTZO BOR DBAN GNAS RIN CHAN SPANG DANG GZHAN YANG AE'I TE'U RA DANG, 'OL KHA CHOS LUNG DANG, RGYA SOG PHU DANG, LHA SDINGS SOGS RJE RIN PO CHE'I SGRUB GNAS RNAMS SU LO BZHI BCU TZAM GYI BAR DU SGRUB PA LA RTZE GCIG TU BZHUGS TE RGYU TSOGS TSANG BA'I NYAMS LEN LA 'BAD PAS SKYES BU GSUM GYI LAM GYI RIM PA'I NYAMS LEN MTHAR PHYIN ZHING, RIM LNGA DANG SBYOR DRUG SOGS BLA MED KYI LAM RIM GNYIS LA MYONG BA PHUL PHYIN THON TE RANG DANG GZHAN GYI TSE RABS BRGYA STONG DRAN PA DANG, LHAG BA'I LHA MANG PO'I ZHAL GZIGS SHING, GZUNGS DANG, SPOBS PA DANG, MNGON PAR SHES PA SOGS YON TAN MTHA' YAS PA THOB STE 'CHAD RTZOD RTZOM GSUM LA THOGS PA MED PAR GYUR NAS THUN BZHI'I RNAL 'BYOR 'CHAG MED KYI NGANG NAS SKAL BA DANG LDAN BA BGRANG BA LAS 'DAS PA LA LAM RIM GYI KHRID DANG, SNGAGS KYI DBANG LUNG MAN NGAG MTHA' YAS PA STZAL ZHING BSTAN PA YUN RING DU GNAS PA'I CHED DU DUS 'KHOR

, ,SPYI DON DRI MED 'OD RGYAN, PAD DKAR ZHAL LUNG, DPAL GSANG BA 'DUS PA'I RIM GNYIS KYI GNANG DON GSAL BAR STON PA RIM LNGA YANG GSAL SOGS LEGS BSHAD MANG DU MDZAD CING, GTZO BOR 'JAM MGON BLA MA'I SGRUB RGYUD KYI BSTAN PA BZUNG STE PHYIR RABS KYI GDUL BYA RNAMS LA 'DI LTAR BYA DGOS SO ZHES 'DOMS PHYIR THUN BZHI'I RNAL 'BYOR LA BRTZON PA CHU BO'I RGYUN BZHIN MDZAD NAS, 'JAM MGON BLA MA'I MAN NGAG LA BRTEN NAS ZUNG 'JUG GRUB STE SKU TSE 'DI'I DNGOS KYI GDUL BYA RDZOGS PA NA DGUNG LO GO GCIG TU PHEBS PA CHU BYA ZLA BA DRUG PA'I NYER LNGA LA SKU'I BKOD PA BSDUS TE DGA' LDAN CHOS KYI PHO BRANG LA SOGS PA DAG PA'I ZHING KHAMS RAB 'BYAMS SU SPRUL PA BYE BA PHRAG BRGYAR STON CING BZHUGS SO, ,BDAG NYID CHEN PO 'DI LA RGYUD 'DZIN GYI SLOB MA MANG DU BYUNG BA LAS 'GRAN PA'I ZLA THAMS CAD DANG BRAL BA BSTAN PA YONGS RDZOGS KYI BDAG PO NI THAMS CAD MKHYAN PA DAG 'DUN RGYA MTSO'O, , DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB NOR BZANG RGYA MTSO LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR SDOM PA GSUM GYI BCAS MTSAMS PHRA ZHING PHRA BA NYAMS BA MED PAR BSRUNG BA GZHIR BZHAG NAS TSE 'DI'I 'KHRI BA BCAD DE DBEN PA'I GNAS SU MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN SNYING POR BYA'O,, ` ,,DGOS 'DOD KUN

'BYUNG NOR BU BSAM 'PHEL KHYOD, ,YON TAN THAMS CAD MA BSLABS THUGS SU CHUD, ,THOS BSAM SGOM PA MTHAR PHYIN GRUB PA BRNYES, ,'PHRIN LAS RGYUN MI 'CHAD LA GSOL BA 'DEBS, ,ZHES BSNGAGS PA, THAMS CAD MKHYEN PA DGE 'DUN RGYA MTSO GANG DU BLTAMS PA'I YUL NI GCANG RTA NAG GI SA'I CHA YOL DKAR RDO RJE GDAN ZHES BYA BA STE, DE YANG THAMS CAD MKHYEN PA DGE 'DUN GRUB DE NYID DGA' LDAN CHOS KYI PHO BRANG NA RJE BTZUN BYAMS PA MGON PO DANG, RGYAL SRAS NAM MKHA' DRI MA MED PA DANG, BYANG CHUB SEMS DPA' 'JAM DPAL SNYING PO RNAMS GUS PAS MCHOD CING BSNYEN BKUR NAS RGYAL BA SRAS BCAS DE RNAMS KYI GDAMS NGAG DANG RJES SU BSTAN PA GSAN TE, BDAG GANG DU 'GRO DON LA 'GRO ZHUS BAS, RGYAL SRAS 'JAM DPAL SNYING POS PADMA DKAR PO ZHIG NAM MKHA' LA 'PHANGS TE 'DI GAR SONG BAR 'GRO DON GYIS SHIG CES LUNG BSTAN BA NA ME TOG DE RDO RJE GDAN GYI DBEN GNAS YOL DKAR DPAL GYI SDE TSEN DU BABS SO, , RJE THAMS CAD MKHYEN PAS JI LTAR LUNG BSTAN PA LTAR YAB KUN DGA' RGYAL MTSAN DANG YUM KUN DGA' DPAL MO GNYIS KYI SRAS SU SHING MO LUG GI LO RGYAL ZLA BA'I TSES GSUM GYI NYIN NYI MA DROS BRDAL BA NA BAR GYI NAM MKHA' LA RDUL DANG BSER BU MED PAS NAM MKHA' NI RGYA MTHING BZANG POS BYUGS PA BZHIN GYUR, NYI MA'I DKYIL 'KHOR NI 'JA' TSON SNA LNGA'I GUR GYI DBUS NA 'OD ZER GYI DRA BAS DKRIGS TE GZHON NU'I ZHAL GYI DKYIL 'KHOR LTA BA LA RINGS PA

, ,BZHIN DU 'KHOD, LHA RNAMS KYIS 'JA' TSON GYI YOL BA BRES PA'I GSAB NAS ME TOG GI CHAR BAB PA NI GZHON NU RDUL GYIS GOS NA MI RUNG NGO ZHES 'DZIN MA'I STENG KUN TU CHED DU BKRAM PA BZHIN BYAS TE, GZIM KHANG LA SKU DKAR GSOL ZIN PA DANG MNYAM DU YUM THUGS DMAL GNAS BZHIN PA'I NGANG NAS KHYE'U SHEL LTAR DKAR ZHING 'OD ZER 'PHRO BA, 'PHAGS PA SPYAN RAS GZIGS DE NYID PANYTZA LI KA'I STOD G-YOGS DANG SMAD G-YOGS SPANGS TE SKRAL BA DANG LDAN PA'I GDUL BYA RNAMS KYI MIG GI BDUD RTZIR 'GOS KHUG PA LHAS BTZAS LA SOGS PA'I DPA' BO DANG, YE SHES KYI MKHA' 'GRO MA YE SHES MTSO RGYAL SOGS DPA' MO DU MA 'KHRUNGS PA'I BYA 'DAB, G-YAS RU GTZANG GI RTA NAG CES GRAGS PA DAM PA DU MA'I ZHABS KYI PADMO YANG YANG BKOD PA'I MTHU LAS BKRA SHIS DANG DGE MTSAN DU MA'I DPAL DANG LDAN PA'I SA LUNG PA ZHES BYA BA'I SA'I THIG LE, BCOM LDAN 'DAS MNGON PAR RDZOGS PAR SANGS RGYAS PA'I GNAS DANG MTSUNGS PA RDO RJE GDAN ZHES BYA BAR SKU BLTAMS PAR GYUR TO, ,BLTAMS MA THAG TU RJE BTZUN SGROL MA'I GZUNGS SNGAGS T'A RE RGYUN DU BZLA BA ZHIG BYUNG ZHING, DGUNG LO GNYIS GSUM GYI DUS NAS RJE BTZUN TZONG KHA PA CHEN PO'I ZHAL GZIGS, DE'I TSE PHYAG THAL MO SBYAR SPYAN BAR SNANG LA GZIGS NAS DBU DUD DUD YANG YANG MDZAD PA ZHIG BYUNG BAR YAB YUM GYIS RGYU MTSAN ZHUS PAR PHA BLA MA BLO BZANG GRAGS PA BYON 'DUG

CES GSUNG ZHING, DE NAS BZUNG STE DUS RGYUN DU RJE BLA MA'I SKU ZHIG 'BRAL MED DU BCANG BAR MDZAD CING, DE MA BYUNG BA'I SKABS RNAMS SU'ANG RDO SMUG PO RE SKU MDUN DU BZHAG NAS PHA BLA MA BLO BZANG GRAGS PA GSUNG ZHING DE LA MCHOD PA DANG GUS PA'I RNAM PA MDZAD, SNGON GNAS RJES SU DRAN PAS RJE DGE 'DUN GRUB KYI SKABS KYI GSUNG 'PHROS YANG DANG YANG DU GNANG BA ZHIG BYUNG, LHAG PAR DGUNG LO GSUM PA'I DUS SU LHA MO DMAG ZOR MAS ZHAL GZIGS SHING DMAG ZOR MA'I BSTOD BSKUL YANG BRTZAMS, GZHAN YANG SANGS RGYAS BYANG SEMS KYI BSTOD PA SOGS RTZOM PA MANG PO THOGS MED DU GNANG BA ZHIG BYUNG, DE NAS BKRA SHIS LHUN PO NAS RJE DGE 'DUN GRUB KYI GSOL DPON SGROL MA DANG, THOS BSAM GLING PA CHEN PO KUN MKHYEN CHOS 'BYOR DPAL BZANG GI BANG MI DANG BLA BRANG GI BANG MI ZHU YIG GSOL 'DEBS SOGS BYUNG BAR ARJE 'DI PAS GSOL DPON SGROL MA GZIGS 'PHRAL NGO MKHYEN NAS KHYOD SDUG PO MA BYUNG PA MA GSUNG ZHING; RJE DGE 'DUN GRUB KYI SKABS SU JI LTAR MDZAD PA LTAR GYI GSUNG GLENG BAG PHEBS BA GNANG BAS KUN NGO MTSAR DU GYUR CING, RJE DGE 'DUN GRUB KYI SPRUL SKU 'KHRUL MED DU YID CHES RNYED, DE NAS DGUNG LO BCU GCIG BZHES PA'I TSE THAMS CAD MKHYEN PA'I RGYAL TSAB GNYIS PA PAn CHEN LUNG RIGS RGYA MTSO'I ZHAL SNGA NAS KYIS GTZO MDZAD BSTAN PA GSAL MDZAD CHES KYI RJE SLOB DPON RNAM PA BKA' BGROS TE GZHON NU DE NYID THAMS CAD MKHYON PA RANG GI

, ,ZHAL CHAMS LAS MA G-YOS PAR SPYAN 'DREN PA'I PHO NYAR SPYIS NAS GSOL DPON SGROL MA DANG DKA' BCU PA RDOR RGYAL GNYIS, DKYIL KHANG NAS CHOS MDZAD RGYAL BA, THOS BSAM GLING NAS DGE BSHES RGYAL MTSAN GRAGS, SHAR RTZE NAS CHOS MDZAD KHA RAG PA RNAMS MNGAGS TE BSTAN PA RIN PO CHE'I RGYAL MTSAN GYI TOG TU DMIGS NAS BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING DU SPYAN DRANGS PAR GYUR TO, ,DE NAS RTA LO HOR ZLA DRUG PA'I TSES BZHI YONGS SU GRAGS PA'I SANGS RGYAS KYIS CHOS KYI 'KHOR LO BSKOR BA'I DUS KHYAD PAR CAN LA DBU SKRA BCAD, DUR SMRIG GI RGYAL MTSAN BZHES, PAn CHEN LUNG RIGS RGYA MTSO'I DRUNG DU YONGS SU RDZOGS PA DGE BSNYEN GYI SDOM PA BZHES TE, MTSAN DGE 'DUN RGYA MTSO DPAL BZANG PO ZHES BYA BAR GSOL NAS LHA DANG BCAS PA'I 'JIG RTEN GYI DPAL MGON DAM PAR MNGA' GSOL TO, ,DE NAS RDZE DGE 'DUN GRUB KYI THUGS SRAS GNAS RNYING ZHABS DRUNG KUN DGA' BDE LEGS RJE 'DI'I DRUNG DU PHEBS, RJE 'DIS KYANG GUS PA CHEN PO MDZAD DE GNAS RNYING CHOS RJE DE NYID KYIS MKHAN PO GNANG, PAn CHEN LUNG RIGS RGYA MTSO'I ZHAL SNGA NAS KYIS SLOB DPON, DBU MDZAD SANGS RGYAS TSUL KHRIMS PAS DUS GO BA MDZAD, GNAS BRTAN SDE SNOD 'DZIN PA GSER RI'I PHRENG BA LTA BU BCU PHRAG GSUM GYI DBUS SU DGE TSUL GYI BRTUL ZHUGS YANG DAG PAR BZHES TE BCOM LDAN

'DAS KYIS LAGS PAR GSUNGS PA'I CHOS 'DUL BA LA RAB TU BYUNG BAR GYUR TO, ,DE NAS PAn CHEN LUNG RIGS RGYA MTSO DANG PAn CHEN YE SHES RTZE MO LEGS SOGS YONGS 'DZIN DU BSTEN NAS TSAD MA RNAM 'GREL LA SBYANGS SHING, GZHUNG CHEN MO GZHAN RNAMS LA'ANG SBYANGS TE LUNG RIGS SENGGE'I SGRA DBYANGS BSGRAGS PAS LOG PAR SMRA BA'I PHAS BGROL MTHA' DAG ZIL GYIS MNAN CING CHOS GRVA CHEN PO'I DGE 'DUN MTHA' DAG DAD PA'I SA LA BKOD, PAn CHEN YE SHES RTZO MO LA DBANG LUNG MAN NGAG MTHA' YAS PA GSAN NO, ,DE NAS 'BRAS SPUNGS BLO GSAL GLING GI GDAN SA BA 'JAM DBYANGS LAGS PA CHOS 'BYOR GYIS DBUS PHYOGS SU 'BYON DGOS PAR BSKUL ZHING, DGA' LDAN KHRI RIN PO CHE 'JAM DBYANGS SMON LAM DPAL BAS KYANG DBUS PHYOGS SU BYON NA BSTAN PAR PHAN CHE BAR LUNG BSTAN PA SOGS RKYEN SNA TSOGS PAS BSKUL TE ZHABS 'BRING PA 'JAM DPAL GRAGS DANG BCAS DBUS PHYOGS SU PHEBS PA NA 'JAM DBYANGS LEGS PA CHOS 'BYOR GYI MNAL LAM DU NUB PHYOGS NAS NYI MA'I DKYIL 'KHOR ZHIG SHAR BYUNG BA'I 'OD KYIS GANGS CAN GYI LJONGS KUN GSAL BAR BYAS PA CIG BYUNG SNANG, SANG DE SKU 'KHOR RNAMS LA, SKYES BU DAM PA CIG 'BYON PA'I LTAS SU 'DUG CES LUNG BSTAN YANG MDZAD, DE NAS RIM GYIS PHEBS TE DPAL LDAN 'BRAS SPUNGS KYI GCUG LAG KHANG, BLO GSAL GYI SKYE BA BRGYA PHRAG DU MAS BYUR BUR GTAMS PA'I DBUS NA YUN RING MO NAS YID LA BSAMS PA'I DGE

, ,BA'I BSHES GNYEN BYAMS PA'I SRAS PO LEGS BA CHOS 'BYOR DE NYID SKAL BA DANG LDAN PA'I MKHAS PA'I TSOGS LA SHES RAB KYI PHA ROL TU PHYIN PA'I CHOS ZAB MO RGYUN MI 'CHAD DU 'DOMS PAR MDZAD PA DE GZIGS PAR GYUR TO, ,DE NAS LO GSUM DU 'JAM DBYANGS LEGS PA CHOS 'BYOR GYI ZHABS DRUNG DU BSNYEN NAS GSAN PA MDZAD PA RAGS PA TZAM BRJOD NA, RTZA 'JUG GI BSHAD PA MDZUB KHRID DANG BCAS PA ZHIG THOG MAR GSAN, DE NAS PHAR TSAD, 'DUL MDZOD, MNGON PA GONG MA, MDO SDE RGYAN, RGYUD BLA MA, 'BYED RNAM GNYIS, TSAD MA MDO, DRANG NGES RNAM 'BYED, SNYAN NGAG ME LONG SOGS MTSAN NYID KYI GZHUNG DU MA'I BSHAD PA MDZUB KHRID DANG BCAS PA GSAN ZHING, DE THAMS CAD KYI SKYOR 'GO RJE 'DI PA RANG GIS MDZAD, GZHAN YANG DPAL GSANG PA 'DUS PA'I DBANG BZHI RDZOGS PAR GSAN NAS 'GREL PA SGRON GSAL CHA LAG DANG BCAS PA, RGYUD KYI MDZUB KHRID, RIM PA LNGA GSAL BA'I SGRON ME, GDAN RDZOGS, RJE BTZUN SHES RAB SENG GE NAS BRGYUD PA GSUNG NGAG LAG RJES SU GRAGS PA, BSKYED RIM t'IKKA, GZHAN YANG YIG CHA MANG PO'I BSHAD PA, SNGAGS RIM CHEN MO, BDE MCHOG t'IKKA CHEN GYI BSHAD LUNG, BDE MCHOG 'DOD 'JO, RDZOGS RIM RNAL 'BYOR CHEN PO'I RNAM BSHAD, DE'I KHRID SOGS DANG, N'A RO CHOS DRUG GI KHRID, DRIL BU RIM LNGA'I RNAM BSHAD, DE'I KHRID, RGYAL TSAB RJE'I

DUS 'KHOR GYI KHRID YIG, BA SO RJE'I DUS 'KHOR BSKYED RDZOGS, KYEE RDOR GYI RGYUD LA MKHAS GRUB RJE'I t'I KA CHEN STENG NAS BSHAD PA MDZUB KHRID DANG BCAS PA, GZHAN YANG 'JIGS BYED KYI DBANG, KYEE RDOR, 'KHOR CHEN RNAMS KYI BSKYED RDZOGS KYI ZIN THUN, GSANG 'DUS KYI BSKYED RDZOGS KYI ZIN THUN, LAM RIM CHEN MO, SNYING PO DON GSUM, LTA KHRID, RJE YAB SRAS KYI BKA' 'BUM, 'JAM DBYANGS CHOS RJE'I RNAM THAR, RJE BRTZUN MI LA'I RNAM THAR SOGS KYI LUNG YANG MANG DU GSAN NO, ,DE NAS LHA SAR PHEBS TE JO BO RIN PO CHE'I SKU MDUN DU MCHOD PA DANG SMON LAM MDZAD PA'I TSE DAG PA'I GZIGS SNANG NGO MTSAR BA MANG DU BYUNG DE NAS LNGA MCHOD CHEN MO DANG BSTUN DNGUL GDUNG RIN PO CHE MJAL BA LA DGA' LDAN DU PHEBS, DER MCHOD PA PHUL GSOL BA BTAB PAS RJE DANG MJAL ZHING BYIN GYIS BRLABS PA'I MTSAN MA BZANG PO BYUNG, DE NAS RJE NYID DGUNG LO NYER GCIG BZHES PA'I YOS LO'I DPYID SLOS TSIGS SNGA MA'I MKHAN PO GNAS RNYING RIN PO CHED BUS PHYOGS LA BYA BRAL GYI TSUL GYIS PHEBS PA 'BRAS SPUNGS SU SPYAN DRANGS, CHOS RJE DE NYID KYIS MKHAN PO DANG, 'BRAS SPUNGS RJE LEGS PA CHOS 'BYOR BAS LAS KYI SLOB DPON, RA CAG NAS CHOS RJE SANGS RGYAS BZANG PO BAS GSANG STE STON PA, RIGS PA SMRA BA SANGS RGYAS BZANG PO BAS DUS GO BA MDZAD DE DAD PA'I DGE 'DUN GRANGS TSANG ZHING KHA SKONG BAR 'OS PA'I DBUS SU HOR ZLA GNYIS PA'I TSES BRGYAD KYI

, ,CHO 'PHRUL GYI DUS CHEN LA DPAL LDAN 'BRAS SPUNGS SU YONGS SU RDZOGS PA DGE SLONG GI DNGOS BO BRNYES TE 'PHAGS PA DGYES PA'I TSANGS PAR SPYOD PA MCHOG DANG LDAN PAR GYUR TO, ,DE NAS 'JAM DBYANGS LEGS PA CHOS 'BYOR PA'I DRUNG DU DGE SLONG GI BSLAB BYA CHEN MO, TSUL KHRIMS LE'U'I RNAM BSHAD, BSLAB BTUS, SPYOD 'JUG ,BLA MA LNGA BCU PA'I t'IKKA, RTZA LTUNG RNAM BSHAD, CHOS RJE BYAMS PA GLING PA'I BSHES SPRING t'IKKA, PAn CHEN NAGS RIN NAS BRGYUD PA'I DUS 'KHOR SBYOR DRUG SOGS KYANG GSAN, DE DUS DBYANGS CAN MA'I RJES GNANG ZHUS DUS LHA MO RMI LAM DU BYON BYUNG GSUNG, 'JAM DBYANGS SMRA SENG MKHAS GRUB RJE NAS BRGYUD PA THUN MONG MA YIN PA, G-YAG RONG NAS BRGYUD PA'I MI G-YO DKAR BO'I CHOS SKOR, 'JAM DBYANGS CHOS RJES RJE BTZUN 'JAM DBYANGS NYID LA GSAN PA'I 'JAM DBYANGS DKAR PO'I CHOS SKOR SOGS DANG, RJE'I RNAM THAR CHE CHUNG, 'PHO KHRID CHEN MO, MDOR BYAS, MDO BSRE, SPYOD BSDUS, RDO RJE SEMS DPA'I SGRUB THABS, RNAM GZHAG RIM PA SOGS 'PHAGS SKOR GYI GZHUNG DU MA SOGS MDOR NA DE'I DUS CHOS RJE DE NYID GSAN RGYA CHE BAR GRAGS SHING, CHOS RJE NYID LA BZHUGS PA THAMS CAD BUM PA GANG BYOR GNANG NGO, ,DE LTAR GZHUNG LUGS RNAMS LA RGYA CHEN THOS PA MTHAR PHYIN PAR MDZAD NAS SGRENG RGYAL BA'I DBEN GNAS DANG PO DE GUNG RGYAL GYI DBEN GNAS SOGS RJE RGYAL BA

GNYIS PA TZONG KHA PA CHEN PO DE NYID KYIS BYIN GYIS BRLABS PA'I GNAS DA DAG BLTA ZHING, THOS PA'I DON RNAMS NYAMS SU BLANG BAR BYA'O SNYAM DU DGONGS TE BSTAN PA DANG SEMS CAN THUGS KYIS MA BZOD PA'I SGO NAS THUGS LA SKYO SHAS DRAG PO YANG 'KHRUNGS, DE'I TSE DBEN PA LA DGA' BA'I NYAMS MGUR MDZAD PA NI, PHA BLA MA RNAMS LA PHYAG 'TSAL LO, ,MA LUS RGYAL BA'I THUGS KYI DBYINGS CHEN POR, ,MKHYEN BRTZE'I DKYIL 'KHOR RDZOGS PA'I NYIN MOR BYED; ;GDUL BYA PADMO'I DPAL GYUR RDO RJE 'CHANG, ,YAB RJE DAM PA'I ZHABS LA SNYING NAS 'DUD, ,SMRAS PA, SGRIB MED MKHYEN BRTZE'I 'OD STONG DRA BA CAN, ,THUB DBANG NYI MA NUB RI'I RTZE LA 'DZEGS, ,THUB BSTAN 'DAB STONG RDZOGS PA'I PAD TSAL YANG, ,DUS KYI BA MO'I REG PAS NYIN BZHIN 'JOMS, ,BSTAN 'DZIN RKANG DRUG LDAN PA'I TSOGS RNAMS KYANG, ,RNYED BKUR SBRANG RTZI'I RO LA LHAG PAR CHAGS, ,BDUD KYI DBANG GYUR LOG SMRA 'BYUNG PO'I BYA, , 'DZEM MED MKHAS PA'I KHROD NA RNAM PAR RGYU, ,SKYE BO PHAL CHER LEGS NYES 'BYED PA'I MIG ,LJONGS PAS G-YANG SA'I MTHA' LA GOM PA 'DOR, ,KHA CIG PHRAG DOG DUG CHUS GZHAN DAG LAS, ,RANG NYID RGYAL BA'I SGYU THABS LHUR LEN GYUR, ,GZHAN DAG NGAN SEMS G-YO SGYU'I DUG GI CHUS, ,YID RAB MYOS KYANG BSTAN 'DZIN GZUGS SU RLOM, ,KYI HUD GANGS CAN KHRID 'DIR SENG CHEN LAS, ,SHVA NA'I BU NYID SKAD GSANG MNGON BAR MTHO, ,'DOD

, ,DGU'I 'BYUNG GNAS YID BZHIN RIN CHEN LAS, ,MCHING BU'I RDO BA LHAG PAR GCIS SU BYED, ,GCONG RONG NAGS KYI KHROD NA NYI MA PAS, ,ME KHYER MCHOG TU RLOM PA'I MTHONG BAS SKYO, ,DE LTAR MI BZAD SNYIGS MA'I DUS KYI MTHA', ,DMU RGOD SKYE BO BYUNG RGYAL SPYOD PA'I DUS, ,RGYAL DANG RGYAL SRAS MKHAS PA'I TSOGS RNAMS KYANG, ,ZHI BA'I DBYINGS SU GZIM NAS BTANG SNYOMS MDZAD, ,'THOR RLUNG DRAG PO'I MDUN SAR MAR ME YIS, ,MUN PA'I SMAG RUM SEL BAR BYED DAM CI, ,DE PHYIR NYAM CHUNG SKYE BOS THUB BSTAN GYI, ,KHUR CHEN MI BZAD 'KHYER BA NGAL BA'I GNAS, ,RTZOD PA'I DUS 'DIR THAMS CAD MKHYEN PA LTAR, ,MA LUS 'GRO BA'I MIG GCIG TZONG KHA PA, ,DE YI LEGS BSHAD BDUD RTZI MYANG BA'I PHYIR, ,GCIG PUR DBEN PA BSTEN PA MI LEGS SAM, ,RNAM DKAR BSOD NAMS STONG GIS LEGS BSKRUN PA'I, ,SHIN TU RNYED PAR DKA' BA'I DAL 'BYOR 'DI, ,DON MED 'JIG RTEN BYA BAS CHUD GZON PA, ,BDAG LA SNYING MED GYUR PAR GDON MI ZA, ,RIN CHEN BDUN LDAN GLING BZHIR DBANG SGYUR BA'I, ,'KHOR LOS SGYUR BA'I DPAL YANG CHU SHING 'DRA, ,SKABS GSUM BDAG PO'ANG RANG GI PHUN TSOGS KUN, ,MI BZAD LAS KYI DBANG GIS 'DOR DGOS KYANG, ,CUNG ZAD BDE BA'I DBANG GIS SRED PA 'PHEL, ,PHAL CHER MI BZAD ZUG RDU SKYE BA'I RGYU, ,NYES BRGYA'I 'BYUNG GNAS 'KHOR BA'I PHUN TSOGS LA, ,MKHAS PA SU ZHIG LHAG PAR

CHAGS PAR BYED, ,DE PHYIR KUN DGA' RGYAS PA'I NAGS KYI LJONGS, ,ME TOG MNGON PAR RGYAS PA'I 'JO SGEG CAN, ,BUNG BA'I NA CHUNG MGRIN PA'I GLU LEN CING, ,RMA BYA GZHON NU DGA' BA'I ZLOS GAR SGYUR, ,KHU BYUG MGRIN PA'I LAM NAS DRIL CHEN 'KHROL, ,KA LA PING KA KYUR KYUR GLU DBYANGS SGROG, ,DBU BA'I PHRENG MDZES 'BAB CHU'I NA CHUNG MA, ,LHUNG LHUNG SGRA SNYAN SGROG CING PHYOGS SU 'BAB, ,RAB SMIN 'BRAS BU'I KHUR 'CHANG LJON PA'I SHING, ,LO MA ME TOG RGYAS PAS PHYOGS KUN GANG, ,STENG NAS STOD G-YOGS CHU 'DZIN DKAR PO G-YO, ,NGOS NAS MU TIG CHU BO'I DO SHAL 'BAB, ,SKAD SKABS NAGS TSAL SNGON PO'I SHAM THABS CAN, ,SA 'DZIN BU MOS PHYOGS KUN MDZES PAR BSKOR,, 'OG GZHI BEE d'URYA YI NE'U GSING, ,NE TZO'I GSHOG PA LTA BUR MCHOG TU MDZES, ,SNA TSOGS ME TOG DRA BAS KHEBS PA LA, ,RI DVAGS SNA TSOGS BAG PHEBS RNAM PAR RGYU, ,'DU 'DZI'I CHOM RKUN SGRIB LA 'ONGS PA BZHIN, , 'KHRI SHING PHRENG BAS BAR MTSAMS MED PAR DKRIGS, ,DE LTAR PHUN TSOGS NAGS TSAL DBEN PA'I GNAS, ,LHA YI SKYED TSAL LTA BUR NYAMS DGA' BAR, ,TSE 'DI'I CHOS BRGYAD SNANG BA KUN DOR NAS, ,'KHRUL MED TING 'DZIN RO LA RTZE GCIG TU, ,ROL PA'I SPYOD TSUL 'DI LA SNYING NAS SPRO, ,MANG DU THOS PA'I BZLAS BRJOD LHUR LEN CING, ,BDE STONG LHAN CIG SKYES PA'I YE SHES MES, ,GNYIS SNANG 'KHRUL BA'I BAG CHAGS KUN BSREGS NAS, ,RNAM KUN

, ,MCHOG LDAN ZUNG 'JUG SGYU MA'I SKUR, ,LANGS NAS SNA TSOGS SPRUL PA'I THABS MKHAS KYI, ,LCAGS KYUS MA DAG SRID PA'I 'KHOR LO 'DI, ,MCHOG TU MI 'GYUR BDE BA'I DBYINGS CHEN POR, ,GANG DRANGS RNAL 'BYOR MCHOG DE SKAL BZANG, ,DE SKAD SMRA DE BZHAD PA'I RDO RJE NYID, ,SNGON BYON DAM PA'I RNAM THAR SNYING LA 'GROGS, ,SNYIGS DUS SKYE BO'I SPYOD PAS GTING NAS SUN, ,BLO GROS LUS STOBS RGYAS PAS CUNG ZAD DEGS, CHU YI LCID KYIS LHAG PAR NON PA'I SPRIN, ,'BRUG SGRA BSGRAGS PA MED PAR LDOG MA YIN, ,DE PHYIR SNYAN NGAG MGRIN PA'I GLU DBYANGS MCHOG ,MA SMRAS PAR YANG BDAG BLO CI ZHIG TSIM, ,TSUL 'DI SKYE BAS THOB PA'I BLO GROS KYIS SNYAN NGAG DRIL CHEN SGROG LA THOGS MED PA, ,LHAG BSAM KHO NA SNYING LA RAB 'GROGS PA, ,DBYANGS CAN BZHAD PA'I RDO RJES GTAM DU BYAS, ,ZHES SO, ,DE NAS YOS LO ZLA BA DGU PA'I DUS CHEN LA THUGS DMIGS GTAD DE PHUN CHUNG GI GNAS MJAL, DE'I LA LA BRGYUD DE PHEBS PA NA DE DUS 'PHAGS PA'I GRUB THOB KUN DGA' RGYAL MTSAN BZHES PA CIG BYANG RA SPRENG NA BZHUGS PA'I MNAL LAM DU, SANG 'BROM STON PA PHEBS PA YOD ZER BA CIG BYUNG 'DUG PAS, KHONG GIS KYANG RGYANG RING PO NAS BSDUS NAS GUS MCHOD CHEN PO MDZAD, GZHAN YANG THUGS DAM PA SO SO'I MNAL LAM DU 'BROM STON PA DANG MJAL BA DANG NYI ZLA SHAR BA SOGS BYUNG DUG PAS GNAS

DER PHEBS 'PHRUL NYID NAS RA SGREN BA KUN GYIS, PHA STON PA RIN PO CHE ZHES ZHABS LA BTUD, LHAG PAR DRUNG BYANG SEMS PA ZHES SKU SKYA BA NYI SHU TZAM DRAN PA ZHIG YOD PA DES KHONG RANG GI SPYIL BUR SPYAN DRANGS, LDUM NGAN ME TOG RTZA BA SUM CU TZAM YOD PA'I ME TOG THAMS CAD BTUS NAS DA RJES KHONG GIS BDEN TSIG BRJOD BA NI, SKU SKYE RIN PO CHE 'DI 'BROM GYI SPRUL PA YIN DES NA BDEN PA DES GNANG TSA BA ZHES KYI RING LA 'DIR ME TOG BRGYA RTZA GCIG 'CHAR BAR SHOG CIG, MIN NA GCIG KYANG MI 'BYUNG BAR SHOG CIG ,DE'I DPANG PO DKON MCHOG GSUM DANG, JO BO YAB SRAS DANG, KHYAD PAR CHOS SKYONG ZHAL DMAR BAS MDZOD CIG BYAS NANG DU BYON, DPON SLOB RNAMS KYIS GSOL JA 'DEBS GCIG GI RING LA ME TOG PHYED DANG NYIS BRGYA DUS GCIG TU SHAR 'DUG PAS KHONG DAD PA SHUGS DRAG TU 'BAR RO, ,DE NAS RJE DGE 'DUN GRUB KYI THUGS SRAS PAn CHEN PHYOGS LHA 'OD ZER 'PHYOD RGYAS RI BO BDE CHEN NA BZHUGS PA DES RJE 'DI'I SNYAN PA GSAN NAS RJE DGE 'DUN GRUB KYI BKA' DRIN BSAB PA'I PHYIR SPRUL PA'I SKU 'DI'I 'PHRIN LAS RGYA CHER SPEL BAR BYA'O SNYAM DU DGONGS NAS RJE 'DI LHO KHA PHYOGS SU SPYAN DRANGS, LHA KHA PHYOGS KYI CHOS SDE MTHA' DAG DANG, RJE DGE 'DUN GRUB KYI SBYIN BDAG 'BYOR PA CAN MTHA' DAG BSKUL TE RJE 'DI'I ZHAL BLTA BA DANG GSUNG GI BDUD RTZI MYANGS SU GZHUG PHYIR PAn CHEN RANG GIS GTZO MDZAD DE DGE 'DUN RNAMS KYIS RGYANG RING PO NAS BSU BA MDZAD, MJAL

, ,MA THAG TU PAn CHEN RIN PO CHE LAS DANG PA THOB PA LTA DU'I DGYES PA CHEN PO BYUNG BA YIN PA 'DUG, DE NAS RI BO BDE CHEN GYI GZHAL YAS KHANG GI STENG DU SPYAN DRANGS BKUR STI PHUL DU BYUNG BA MDZAD, THOG MAR DPAL LDAN LHA MO'I BKA' ZHIG GNANG DGOS ZHUS PAS, DANG PO BO DONG DU BYAS ZIN PAS DA BSKYAR LDAB MI DGOS BYA BA DANG, GZHAN YANG SNGON RJE NYID PA LA POR PAndI TA CIG TU 'KHRUNGS DUS KHYED DE DUS 'KHOR 'DI LTA BU ZHIG YIN GSUNGS PAS PAn CHEN NYID KYANG THUGS TSIM ZHING MOS GUS PHUL DU PHYIN PA 'KHRUNGS, DE NAS NYIN CIG NA BZA' CHA TSANG LA SOGS PA'I 'BUL BA BSAM GYIS MI KHYAB PA MDZAD DE PAn CHEN RIN PO CHES ZHABS SPYI POR BLANGS TE, DGE BA'I BSHES GNYEN PA LAGS, KHYED NI 'BROM STON PA RGYAL BA'I 'BYUNG GNAS DNGOS YIN, BDAG RDOG LEGS PA'I SHES RAB MIN YANG DE'I GDAN SA PA YIN PAS SNGON YER PA LHA RI SNYING PO'I MGUL DU RDOG LEGS PA'I SHES RAB KYIS JO BO YAB SRAS LA CHOS KYI 'KHOR LO BSKOR BAR GSOL BA BTAB PA LTAR BDAG KYANG GSOL BA 'DEBS NA, BKA' GDAMS KYI BSTAN PA RGYAS PA DANG, 'GRO BA MA LUS PA'I PHAN BDE SPEL BA'I PHYIR GLEGS BAM RIN PO CHE'I ZAB PA DANG RGYA CHE BA'I CHOS KYI CHAR BA GANGS CAN KYI 'DZIN MA'I KHYON THAMS CAD DU 'BEBS PAR MDZAD DU GSOL ZHES GSOL BA BTAB, DA'I CHE GANGS CAN GYI MGON PO SPRUL SKU

MTHONG BA DON LDAN DE NYID DGUNG LO NYI SHU RTZA GCIG LA BAB PA, SKU SHEL GYI RI BO THUN MTSAMS KYI SPRIN GYIS G-YOGS PA LTA BU, ZHABS RGYAS PA CUNG ZAD BRGYANGS TE GANGS CAN PA DAG LA BAL 'JUS SHIG CES DON GYIS GO BAR BYED PA DE SKAL BA DANG LDAN PA'I GDUL BYA'I DBUS NA RGYU SKAR RAB TU RGYAS PAS BSKOR BA'I ZLA BA'I DKYIL 'KHOR LTAR MTHONG BA TZAM GYIS GDUNG BA SEL BA, RI DVAGS KYI RGYAL PO SENG+GE LTA BUR 'KHOR GYI DBUS NA 'JIGS PA KUN DBANG GAL BA, GLING BZHI'I DBUS NA LHUN PO LTA BUR DGE MTSAN DU MAS MNGON PAR MTHO BA DE BKA' GDAMS KYI BSTAN PA RIN PO CHE GSAL BAR BZHAD PA'I THUGS BSKYED DANG, GANGS CAN GYI 'GRO BA KUN GYI SDUG BSNGAL MA LUS PA BSAL BAR BZHED PA'I LHAG BSAM RAB TU DKAR BA DE LUD PA LTA BU'I 'DZUM DKAR GYIS GANGS RI'I DPAL DANG LDAN PA'I SA'I DKYIL 'KHOR G-YOGS, BZHIN DU MDZAD DE, GSUNG GI GDANGS SNYAN PO 'GRO BA GANG GI RNA LAM DU SONG BA NA DANG POR LUS KYI BA SPU G-YO ZHING MTHAR THAR PA'I SA BON 'DEBS PAR MDZAD PAS LHA'I RNGA BO CHE'I SGRA BZHIN DU PAn CHEN PHYOGS LHA 'OD ZER GAS THOG DRANGS RI BO BDE CHEN GYI SKAL BA DANG LDAN PA'I DGE 'DUN RNAMS DANG, GZHAN YANG CHOS ZAB MO LA LHAG PAR MAS BA'I LHA DANG KLU DANG GNOD SBYIN DPAG TU MED PA LA, GLEGS BAM RIN PO CHE CHA LAG DANG BCAS BA DANG, RJE'I GSANG BA'I RNAM THAR THOG MAR STZAL, DE'I TSE NAM MKHA' LA 'JA' 'OD DANG ME TOG GI

, ,CHAR YANG DPAG TU MED PA BYUNG, DER 'KHOD PA THAMS CAD KYANG DAD PA'I SA LA BKOD DO, ,DE NAS SNGON CHOS KYI RGYAL PO TZONG KHA PA CHEN POS KYANG PHYOGS DE'I SA'I THIG LER MKHAS PA'I DBANG PO STONG PHRAG DU MA DANG, RGYAL PHRAN BYE BA'I GTZUG RGYAN GYIS ZHABS KYI PADMO MCHOD PA CHOS SKYONG BA'I MI'I DBANG PO RNAMS LA CHOS KYI 'KHOR LO BSKOR BA'I SROL BZANG PO DE NYID GOS BAR BZHED PAS CHOG GRVA CHEN PO'I SLOB DPON RNAMS DANG; SDE SNOD 'DZIN PA DANG DGE BA'I BSHES GNYEN DPAG TU MED PA LA BKA' GDAMS GLEGS BAM, RIM LNGA GSAL SGRON SOGS BKA' GDAMS GSAR SNYING GI GDAMS PA'I BCUD PHYUNG PA'I CHOS KYI CHAR PHAB, DE4R GNAS PA'I MKHAS PA RNAMS SKU NA PHRA MO 'DI LTA BU 'DI LA BU'I BLO GROS PHUL DU BYUNG BA NI RGYAL BA NYID KYI 'PHRIN LAS GZUGS SU BGYIS PAR GOR MA CHAG GO ZHES DAD GUS PHUL DU BYUNG BA MDZAD DO, ,DE NAS GANGS RI'I DBANG PO 'O DE GUNG RGYAL GYI MGUL NA, THAMS CAD MKHYEN PA DGE 'DUN GRUB KYI GSUNG LAS SKYES PA, LO BCU PHRAG BZHI'I BAR DU SGRUB PA'I RGYAL MTSAN BTZUGS PAS RTZA BA DANG YAN LAG GI RLUNG LA RDO RJE'I BZLAS PA MTHAR SON PAS CHOS 'KHOR LTA SAR LHA SA ROL MO PHUL BA 'OL KHA'I GANGS SUL DU GSAL BAR GSAN PA, MDOR NA SEMS DBEN GYI DPE'I 'OD GSAL MNGON DU GYUR PAS ZUNG 'JUG GI GO 'PHANG YANG LAG MTHIL NA GNAS PA LTA BU,

GRUB PA'I DBANG PHYUG RJE NOR BZANG RGYA MTSO'I ZHABS DRUNG DU PHEBS TE, BSAM SPYOR GNYIS GYIS TSUL BZHIN DU BSTEN NAS GSUNG RAB DGONGS 'GREL DANG BCAS PA THAMS CAD KYIS NYING PO'I DON MDO SNGAGS GNYIS KA'I LAM GYI GNAD YONGS SU RDZOGS PA BYANG CHUB LAM GYI RIM PA'I KHRID DANG, ZAB LA MO RIM PA GNYIS KYI KHRID SOGS MDO SNGAGS KYI MAN NGAG MTHA' YAS PA GSAN PAS GDAMS PA'I GTER DU GYUR TE, MKHAS GRUB NOR BZANG RGYA MTSO 'DI NYID BKA' DRIN ZLA MED DU 'DZIN PAR MDZAD DO, ,DE NAS LUG GI LO SKYID SHOD LA PHEBS, THOG MAR GSANG PHU NE'U THOG TU GLING SMAD CHOS RJES SPYAN DRANGS, CHOS DUNG GTONG BA'I SKABS DANG 'GRIG ,RTEN 'BREL LEGS PAR BYUNG GSUNG, NGAS MJAL GNANG, JO BO RIN PO CHE'I DRUNG DU PHEBS, MCHOD PA DANG SMON LAM RGYA CHER GNANG, DE NAS 'BRAS SPUNGS RJE'I DRUNG DU RIN PO CHE DANG NA BZA' SOGS KYI 'BUL BA, DGE 'DUN LA MANG JA SOGS KYANG GNANG, 'BRAS SPANGS RJE'I DRUNG DU BCOM LDAN 'DAS DUS KYI 'KHRO LO'I BDAG PO CHEN PO'I BKA' DANG, DAM CAN CHOS KYI RGYAL PO'I RJES GNANG ZHIG GSAN DUS YAB SRAS GNYIS KAR CHOS RGYAL GYI GZIGS SNANG BYUNG NGO, ,DE NAS RJE 'DI DGUNG LO NYI SHU RTZA LNGA BZHES PA LCAGS PHO SPRE'U'I LO YER PA LHA RI SNYING PO'I MGUL DU PHEBS NAS SKAL LDAN GYI GDUL BYA MANG PO LA GLEGS BAM RIN PO CHE CHA LAG DANG BCAS PA GSUNGS, DE'I TSE NYIN RE BZHIN NAM MKHA'

, ,G-YA' DAG PA LA 'JA' GUR DANG ME TOG GI CHAR SOGS NGO MTSAR BA'I LTAS DPAG TU MED PA CIG BYUNG NGO, ,DE NAS RA SGRENG DU PHEBS, JO BO YAB SRAS LA MCHOD PA RGYA CHEN PO PHUL, GSOL BA BTAB NAS DE'I DUS SNGA SOR GROD PA MYU LU ZHES PA'I SHUG PA MING CAN ZHAG BSKAMS 'DUG PA LA, NGA DGE BSHES STON PA'I RNAM 'PHRUL YIN NA SHUG PA KHYOD LA YAL GDANG ME TOG SKYE BAR GYUR CIG CES DBEN PA BDAR BAS LO AM GSAR DU SKYES, CHU MIG GSER PA CIG KYANG RDAL, GZHAN YANG SHUGS PA GSER LDAN SNGAR NGOS MA ZIN PAR SNANG BA LA NGOS 'DZIN GYI DAR 'DZUGS PA YANG MDZAD, DE'I TSE 'JA' TSON GYI DRA BA DRA PHYED KYI DBUS NAS ME TOG GI CHAR CHEN PO YANG BABS, GNAM SA BAR SNANG THAMS CAD KYI CHO 'PHRUL 'DI 'DRA NA, PHA STON PA RIN PO CHE, BDAG CAG GDUL BYA RNAMS LA BRTZE BAS GZIGS SHIG CES NGA RO CHEN POS GSOL BA 'DEBS PA SOGS SA RA SGRENG BA KUN GYIS GUS PA BSAM GYIS MI KHYAB PA MDZAD DO, ,DE NAS RTZVA RI YUL SMAD DU PHEBS, SPANG CHUNG ZHES BYA BAR G-YON GRAL BA'I SPANG MAR PHYOGS PHEBS MA THAG NAM MKHA' G-YA' DAG STE SPANG MO DE NYID RANG NAS DAG PA SHR'I GSAL BAR GZIGS, MTSO RNAMS CHUR MJAL DU BYUNG PA'I GZIGS SNANG SHAR, GNAS SO SO'I THAD DU 'JAB ZUG ,SPANG MO DE NYID RANG NAS GNAS SO SO'I GNAS BSHAD PHUL CHOG PA BYUNG BAR SNANG

BAS RI PA RNAMS SNGON CHAD 'DI LTA BU BYAS CHO GA PA SU LA YANG BYUNG BA'I GTAM SKAD MI 'DUG CES THAMS CAD MGRIN GCIG TU SMRA ZHING, KUN GYIS GUS PA BSAM GYIS MI KHYAB BA MDZAD, DPA' BO DANG MKHA' 'GRO RNAMS LA TSOGS KYI 'KHOR LO BSKOR TE GSOL BA BTAB PAS BCOM LDAN 'DAS MA RDO RJE PHAG MO LHA BCU GSUM GYI RTEN DANG BRTEN PAR BCAS PA'I DKYIL 'KHOR ZHAL GZIGS SO, ,DE NAS DGUNG LO NYER BRGYAD PA'I 'JAM DBYANGS LEGS PA CHOS 'BYOR SOGS DAM PA MANG POS BSKUL NAS MTSAN YANG DAG PAR BRJOD PA'I t'I KA CHEN RDO RJE'I RNAL 'BYOR GYI DE KHO NA NYID SNANG BAR BYED PA'I NYI MTSAN CHEN PO ZHES BYA BA'I THUGS RTZOM YANG YONGS SU RDZOGS PAR MDZAD DO, ,PHAG LO'I STON GTZANG PHYOGS SU PHEBS, YOL DU PHEBS PA'I NUB MGON PO'I ZHAL GZIGS, GAM PA LA'I RTZER RJE BTZUN MI LA'I ZHAL GZIGS, DE NAS RIM GYIS RTA NAG TU PHEBS TE YAB RJE KUN DGA' RGYAL MTSAN LA DBANG LUNG MAN NGAG MANG DU GSAN, DE NAS DBUS SU PHEBS TE RTZE THANG DU CHOS KYI 'KHOR LO RGYA CHER BSKOR, DE NAS BYANG SGRENG DU THOG GCIG BZHUGS RTZIS KYIS RTZIS THANG NAS PHEBS TE THOG MAR RI BO DGA' LDAN GYI DGE 'DUN RNAMS DANG, RGYUD STOD SMAD GNYIS KA'I DGE 'DUN LA CHOS 'KHOR RGYA CHER BSKOR, DE NA SAR SGRENG DU PHYAGS PHEBS, DE NA BZHUGS PA'I RTEN RNAMS DANG DGE 'DUN LA MCHOD PA BZANG PO YANG MDZAD, DE

, ,DUS RGYA MA NAS SPYAN SNGA RIN PO CHE BLO GROS 'JIGS MED PA PHEBS, MCHOD PA RGYA CHEN PO 'DZUGS BA GNANG, DE'I GRAL DBU LA, DA NI 'BROM STON PA DNGOS PHEBS RTING LA KHONG SPYAN 'DREN GSUNGS NAS RJE NYID TSOGS LA SPYAN DRANGS, SMON LAM YANG LHAN CIG TU MDZAD GSUNG, DE NAS THOG MAR SKU MTSAMS BCAD, SKU 'DRA RIN PO CHE DBU YON MA GZIMS SNGAS 'GOR SPYAN DRANGS, GSOL BA DRAG TU 'DEBS PA DANG, YI DAM GYI LHA MANG PO'I BSNYEN SGRUB KYANG MDZAD PAS DE'I DUS BKA' GDAMS LHA BZHI, RTA MGRIN NAG PO, RJE BTZUN SGROL DKAR SOGS YI DAM DU MA'I ZHAL GZIGS DANG, KHYAD PAR DU 'BROM STON PA RGYAL BA'I 'BYUNG GNAS NA BZA' BER PHYAM DKAR PO BZHES PA CIG ZHAL GZIGS TE DE'I ZHAL NAS GTZANG PHYOGS DANG, 'OL DVAGS GNYIS SU 'PHRIN LAS KYI 'JUG SGO YOD GSUNG BA'I LUNG BSTAN KYANG BYUNG, GZHAN YANG RA SGRENG GI CHOS SKYONG GZHI BDAG DANG BCAS PAS NGO MTSAR BA'I LTAS MANG DU STON PA YANG BYUNG, DE NAS BSAG SBYANG BYAS NA LEGS PAR GZIGS NAS GUNG TSIGS GROL RJES SU DGON GONG 'OG GI DGE 'DUN RNAMS DANG CHOS NYAN GZHAN YANG STOBS CHE BA LA GLEGS BAM GYI CHOS THUN RE GNANG, SNGA DGONG GNYIS GLING SKOR MDZAD, KHYAD PAR KA GNYIS MA DANG SPYAN SNGA SKU 'BUM LA SKOR BA STONG LAS MI NYUNG NGA RE MDZAD DO, ,

DA DUS PHYI'I SHUG SKOR YANG MANG DU GNANG, PHYAGS PHYIR YOD BA RNAMS LA, NANG GI RTEN GSUM DANG PHYI'I SHUG PA RNAMS LA KHYAD PAR SPU TZAM MED DO GSUNGS SHING, SHUG BA'I KHYON KUN RGYAL BA SRAS BCAS KYIS GANG BAR ZHAL GZIGS, CHOS GNANG BA'I SKABS KUN TU YANG ME TOG GI CHAR DANG, 'JA' TSON GYI GUR, BAR BAR DU 'JI' BLA BRE DANG, SGRA SNYAN PA MANG PO NAM MKHA' SA 'BYUNG BA DANG, GNAS DE'I BYA LA SOGS PA 'GRO BA GZHAN GYIS KYANG GZIM KHANG DANG CHOS KHRI LA SKOR BA BYED PA DANG, BYA YID DU 'ONG BA MANG PO SNGA DRO RE RE BZHIN PHYAG 'BUL BA'I TSUL DU 'ONGS NAS GUS BA'I RNAM 'GYUR BYED PA SOGS NGO MTSAR CHEN PO MTHA' YAS PA BYUNG, DE NAS STABS KAR PHEBS, SPRUL PA'I GLEGS BAM RIN PO CHE BZHUGS PA'I MCHOD RTEN MJAL DUS LHA'I SIL SNYAN GYI SGRA DANG, ME TOG GI CHAR BABS SO, ,DE NAS YAB RJE KUN DGA' RGYAL MTSAN SNYUN NAS GTZANG LA PHEBS TE RTA NAG RDO RJE GDAN DU PHEBS, YAB ZHING GSHEGS TE DNGOS SU ZHAL MJAL THUB PA MA BYUNG YANG DGONGS RDZOGS RGYA CHEN PO MDZAD, DE NAS DBUS SU PHEBS TE LAM BAR GYI DAD LDAN RNAMS LA CHOS KYI BDUD RTZI RGYA CHER STZAL CING MTHONG THOS DRAN REG GI 'BREL PA 'JOG PAR MDZAD, DE NAS SER NAS CHOS KYI RJE DPAL 'BYOR LHUN GRUB PA'I BKAS BSKUL TE SER TSOGS PAS SER SPRENG GIS SPYAN DRANGS, RTEN 'BREL

, ,GYI SGO YOD PAS CHOS KHRI CHEN MO'I THOG NAS GSUNG CHOS GNANG DGOS ZHES GSUNGS NAS MKHAS BA'I DBANG PO DON YOD DPAL LDAN PA'I ZHAL SNGA NAS DANG, MDO SNGAGS RAB 'BYAMS KYI GZHUNG LA MI 'JIGS PA'I SPOBS PA BRNYES KYANG KHENGS PA'I DRI MAS DBEN PA RJE BTZUN CHOS KYI RGYAL MTSAN PA'I ZHAL SNGA NAS DANG, CHEN PO DON GRUB PA, DKA' RAB 'BYAMS SMRA BA TSUL KHRIMS 'OD ZER BA RNAMS KYIS GTZO MDZAD TSOGS PA LA GSUNG CHOS GNANG, KUN GYIS GUS PA CHEN PO MDZAD DO, ,DE NAS 'BRAS SPUNGS NAS DBU MDZAD CHEN MO DPAL 'BYOR RGYAL MTSAN, DBU MA PA CHEN MO RIN CHEN DAR MA, MDO SMAD PA SHES RAB BLO GROS, DKA' RAB 'BYAMS SMRA BA SANGS RGYAS LEGS PA, SLOB DPON RGYAL MTSAN BLO GROS, RAB 'BYAMS PA RIN CHEN RNAM RGYAL, BDE MCHOG RAB 'BYAMS PA KUN DGA' RGYAL MTSAN, 'DUL BA 'DZIN PA RIN CHEN GRAGS PA, MNGA' RIS PA DKON MCHOG BZANG PO, CHOS RJE DPON PO DKON MCHOG DAR BA, DPON SLOB DPAL LDAN 'OD ZER LA SOGS TE BSTAN PA'I GSAL BYED RNAMS KYIS GTZO MDZAD DGE 'DUN TSOGS PA RGYA MTSO LTA BUS DPAL LDAN 'BRAS SPUNGS SU SPYAN DRANGS, TSOGS SU CHOS KYI 'KHOR LO BSKOR, KUN GYIS RGYAL BA TZONG KHA PA DANG GUS PA MNYAM BAR MDZAD, RGYAL BA GNYIS PA DE ZHING KHAMS

GZHAN DU GSHEGS RJES SKYID SHOD DU BSTAN PA LA PHAN THOGS SHING SKYE BO'I BKUR MTHONG SOGS RJE 'DI PA DANG MNYAM PA SU YANG MA BYUNG ZHES KUN MTHUN PAR GLENG NGO, ,DE NAS BKA' GDAMS GLEGS BAM LAS LUNG BSTAN PA LTAR, DPA' BO MKHA' 'GRO SPRIN BZHIN 'DU BA'I GNAS SBAS PA'I YUL DANG DPAL LDAN DMAG ZOR MA'I BLA MTSO MJAL BAR PHEBS, DE LTA BU'I GNAS NGO MTSAR CAN DE ZHABS KYIS BCAGS, YAR NGO'I GSO SBYONG ZHIG DANG 'GRIG NAS GSO SBYONG YANG DER MDZAD, YUL LHA DANG GZHI BDAG RNAMS LA CHOS KYANG GSUNGS SHING DAM LA BZHAG GO ,DE NAS SA MO SPRUL GYI LO SNRON GYI ZLA BA'I DKAR PHYOGS KYI GZA' SKAR DANG 'PHROD SBYOR PHUN SUM TSOGS PA LA LAG GI BLA BSKO BA DANG, LTO 'PHYE'I THIG 'DEBS PA DANG, RDO BA BTEG PA'I MTHA' LAS BYUNG BA'I RUNG KHANG GCOD PA SOGS SNGAGS MTSAN NYID KYI PHYAG LEN RGYUD SDE DANG 'DUL BA NAS BSHAD PA BZHIN GYI RNAM PAR DAG PA LA BRTEN PA'I LTE BA DE NYID DU GTZUG LAG KHANG DNGOS GZHI LA KA CHEN 'DUN CU, GTZANG KHANG LA KA CHEN BRGYAD, SGO KHANG LA KA CHEN BZHI, YONGS SU DRIL BAS KA CHEN BRGYAD CU GYA GNYIS KYI 'GRAM BTING STE, THOG MAR DGE 'DUN DAR ZHES PA GCIG GIS 'GRAM BRUS PA'I 'OG NAS RDO'I DUNG G-YAS 'KHYIL RANG BYUNG ZHIG DANG, RDO PANG 'DAB CAN BZHI THON BYUNG BAS DE'I TSE ME TOG GI CHAR CHEN PO YANG

, ,BABS SO, ,DE NAS RGYAL LEGS BSHAD SGROG PA'I DGA' CHAL BKRA SHIS LHUN GYIS GRUB PA'I GNAS CHEN 'DI NYID BSTAN PA'I SNANG BYED DU NI BZHENGS, MTHA' 'KHOB KYI 'GRO BA MA LUS PA NI SMIN GROL GYI LAM LA BKOD DO, ,DE NAS BKRA SHIS LHUN PO NAS PAn CHEN YE SHES RTZE MOS GTZO MJAD MKHAN SLOB DGE 'DUN TSANG MAS BKRA SHIS LHUN PO'I GDAN SAR 'BYON DGOS ZHES MGRIN GCIG GIS GSOL BA BTAB PA LTAR GTZANG PHYOGS SU PHEBS, BKRA SHIS LHUN PO DANG NYE BAR PHEBS PA NA, BLO GSAL LUNG RIGS SMRA BA 'DUS PA RGYA MTSOS MCHOD PA'I BYE BRAG DU MA THOGS TE ZAM PA SHAR NAS BKRA SHIS LHUN PO'I BAR DU SER SBRENG GIS TSAR DU DNGAR BAR GYUR PA NI, SNGON DUS NGANG PA'I RGYAL PO YUL 'KHOR SKYONG, ,RNYI LAS RANG GROL PAD MCHOR 'KHOR BA LAS, ,RAB DGA' LDAN PA'I DUR BA'I PHRENG BA YIS, ,TSAR DU DNGAR NAS GUS PAS GAR BYAS BZHIN, ,DE'I DUS PO BRANG BSAM GRUB RTZE'I SKYE BO'I TSOGS THAMS CAD KYANG YID RAB TU DGA' BAS ZHAL GYI DKYIL 'KHOR LTA BA LA 'KHOD PA NI DBYAR GYI CHAR SPRIN BZHIN, THAMS CAD KYIS SKYABS SU MCHI'O ZHES PA'I SGRA SGROG PA NI 'BRUG GI GAD MO BZHIN DU GYUR, LHA RNAMS DGA' BA'I LTAS KHYAD PAR CAN MANG PO DANG BCAS TE BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING DU PHYAGS PHEBS PAR GYUR TO, ,DE NAS GZA' SKAR DANG 'GRUB SBYOR BZANG PO LA

SENGGE'I KHRI LA MNGON PAR 'JEGS TI PAn CHEN RIN PO CHES GTZO MDZAD DGE 'DUN CHOGS PAS BKRA SHIS KYI ME TOG GTOR, PAn CHEN RIN PO CHES BLA BRANG SER POR KUN SPANGS MDZAD, RJE NYID BLA BRANG RGYAL MTSAN MTHON POR GZHI PHAB STE BSTAN PA RIN PO CHE NYIN MO LTAR GSAL BAR MDZAD TSUL NI, DE NAS DGUN CHOS DANG PO BTZUGS NAS NYI SHAR LA BZHUGS KHRI'I THOG TU PHEBS PAR MDZAD DE TSAD MA RNAM 'GREL GYI ZHUNG CHOS GSAN PA SUM BRGYA LHAG PA LA THAMS CAD MKHYEN PA DGE 'DUN GRUB KYI t'IKKA'I SA BCAD GZHIR BZHAG PA LA THAR LAM GSAL BYED DANG MKHAS GRUB t'IKA CHEN SKABS SU GANG BAB PA'I STENG DU LHA SHAG SOGS 'GREL CHEN RNAMS KYI BSHAD BAS BRGYAN TE GNANG, LHAG PAR LE'U GNYIS PA'I SKABS SU THAR BA DANG THAMS CAD MKHYEN PA DNGOS PO STOBS ZHUGS KYIS SGRUB PA'I RIGS LAM RNAMS LAM GYI RIM PAR BSGRIGS TE THAR 'DOD KYI NYAMS LEN DU SBYAR NAS GSUNGS BAS, GDAMS PA'I MCHOG NI 'DI KHO NA'O ZHES BSTAN PA DANG STON BA LA CHAD MAS DRANGS PA'I NGES PA 'DRONGS PA BYUNG STE NYIN MTSAN BSHAD SGRUB KYA BYA BAS DUS 'DA' BA LAS TSE 'DI'I RTOG PA RGYUN CHAD PA'I RIGS GRVA 'GRIM MKHAN LNGA BRGYA LA NYE BA 'DUG GO ZHES MTHUN PAR SMRA, MKHAS PA BLO GROS RGYA MTSO BA NI, SNGON CHAD GANGS RI'I KHROD 'DIR TSAD MA RNAM 'GREL GYI GZHUNG CHOS NYAN MKHAN PHYOGS GCIG NGAR 'DI BAS MANG BA MA BYUNG BA 'DRA ZHES GSUNG, DE'I RJES SU 'JUG PA'I t'IKA CHEN, DE'I RJES SU DRANG NGES RNAM 'BYED, MNGON PA MDZOD RNAMS GSUNGS

, ,TE CHOS GSAN MI YANG NYIS BRGYAR NYE BA DANG, GUNG TSIGS GROL NAS PHAR PHYIN RNAM BSHAD SNYING PO RGYAN GYI THOG NAS GZABS BSHAD MDZAD, LUNG GRVA 'GRIM MKHAN YANG NYIS BRGYA LHAG PA BYUNG, DE RJES 'DUL t'IKA CHEN MO, DPAL GSANG BA 'DUS PA'I RGYUD KYI 'GREL PA SGRON GSAL MCHAN MA'I STENG NAS GZABS BSHAD MDZAD, PHYI DRO 'KHAR RNGA BTANG STE TSOGS PA THAMS CAD LA GLEGS BAM RIN PO CHE'I CHOS THUN LAM PA RE GNANG, DE'I MUS LA DGE BA'I BSHES GNYEN SDE SNOD 'DZIN PA NYIS BRGYAR NYE BA LA RIM LNGA GSAL BA'I SGRON ME GZABS BSHAD KYANG MDZAD, DE LTAR DGUN CHOS GNYIS, DPYID CHOS GNYIS DBYAR CHOS DANG BCAS TE CHOS THOG LNGA'I RING NYIN RE BZHIN DE KHO NAS DUS 'DA' BAR MDZAD DO, ,DE LTA BU NI SNGON THAMS CAD MKHYEN PAS BKRA SHIS LHUN PO BTAB PA NAS BZUNG DENG SANG GI BAR GYI PHYAG SROL MA NYAMS PA DE NYID SLAR YANG RJE NYID KYIS RGYAS PAR MDZAD PAS NA RGYAL BA'I BSTAN PA LA RGYAL BA LAS KYANG BKA' DREN CHE BAR MDZAD DO, ,DE LTA BU'I CHOS 'KHOR RGYA CHEN PO BSKOR NAS SLAR YANG DBUS PHYOGS SU PHEBS TE RGYAL DU DGE 'DUN BRGYA PHRAG MANG BO 'TSOGS PA LA CHOS 'KHOR BTZUGS, DE NAS BZUNG STE LO RE BZHIN DGUN DPYID GNYIS 'BRAS SPUNGS SU BZHUGS, DBYAR STON GNYIS RGYAL DU BZHUGS NAS RGYAL BA'I BSTAN PA RGYA CHER SPEL BAR MDZAD DO, ,DE LTA BU'I TSUL GYIS RNAM DKAR GYI MDZAD PAS GANGS CAN GYI SA'I

KHYON PHAL CHER ZHABS KYIS BCAGS TE 'GRO BA MTHA' DAG LA THUGS RJE'I 'PHRIN LAS KYI MTHUS PHAN BDES KHYAB PAR MDZAD PA'I SKAL BZANG GI SKYE BO MTHA' YAS PA DAG DANG, THAN MTSAN TZAM 'DZIN BA'I PHYOGS MTHA' 'GRO BA GRANGS LAS 'DAS PA DAG KYANG DGA' LDAN CHOS KYI PHO BRANG DU 'DREN BAR BZHED PA'I THUGS RJE CHEN POS KUN NAS BSKYOD DE RGYAL LEGS BSHAD SGROG PA'I DGA' TSAL BKRA SHIS LHUN GYIS GRUB PA'I GTZUG LAG KHANG DU RGYAL BAM PHAM PA'I SKU ZHIG BZHENG BAR BYA'O SNYAM DU DGONGS NAS, LUG GI LO DPON SLOB RGYAL DU PHEBS NAS BAL PO'I DPON MO CHE MKHAS PA NYI MA DPAL GYIS THOG DRANGS SPRUL PA'I BZO BO DPON SLOB BDUN 'KHOR G-YOG DANG BCAS PAS DE'I LO CHU STOD ZLA BA NYIS BRTZEGS BYUNG BA'I DRUG PA SNGA MA'I TSES BCU GSUM GYI GZA' SKAR DANG 'PHROD SBYOR PHUN SUM TSOGS PA LA RJE BTZUN MA PHAM PA'I SKU RGYAB MTHO DRUG CU'I TSAD DANG LDAN PA ZHIG BZHENG BA'I BZO THAB LEGS PAR BTZUGS, DE'I CHE BZOR LA 'JA' TSON SNA LNGA PA THAL BYUNG DU YANG YANG ZUG PA DANG, 'JA'I GUR ME TOG GI CHAR SOGS NGO MTSAR BA'I LTAS BSAM GYIS MI KHYAB PA BYUNG NGO, ,SPRE'U'I LO GZUNGS GZHUG DANG BCAS PA GRUB STE RAB GNAS MDZAD PA'I TSE RJE BTZUN BYAMS PA BYON BYUNG STE RTEN CHEN LA THIM SONG BA DNGOS SU MTHONG GSUNG STE, DE'I DON GYIS RTEN CHEN 'DI RJE BTZUN BYAMS PA DNGOS SU BZHUGS PA YIN LA, GZHAN YANG RJE'I MNAL LAM DU, RJE TZONG KHA

, ,PA'I THUGS 'DI RJE BTZUN GYI THUGS KAR CHUG ZER BA ZHIG KYANG BYUNG GSUNG NGO, ,DE NAS ME PHO KHYI'I LO LA GTZO BOR GONG MA CHEN PO DPON BLON GYI BKA' NAN DANG, DGA' LDAN KHANG GSAR NAS DPON SA YUM SRAS, SE RA NAS CHOS KYI RJE DPON SLOB RNAM PAS THOG DRANGS DGE 'DUN RNAMS KYIS GSOL BA BTAB PA LA BRTEN SER THEG CHEN GLING GI GDAN SAR PHEBS TE THOG MAR DER BZHUGS KYI DGE 'DUN RNAMS LA GLEGS BAM RIN PO CHE CHA LAG DANG BCAS PA GSUNGS, KUN MI PHYED PA'I DAD PA G-YOS TE TSOGS KYI KUN SPYOD RNAM PAR DAG CING CHOS 'CHAD NYAN SOGS CHES PHUL DU BYUNG BAR GYUR TO, ,DE NAS RJE NYID KYI DGONGS PA LA, SNGA SOR NI SHAR PHYOGS KONG YUL NAS GTZANG STOD KYI BAR BOD DBUS GTZANG GI SKYE 'GRO KUN MTHONG THOS DRAN REG DANG, BSHAD PA'I SGO NAS SANGS RGYAS KYI 'PHRIN LAS SPEL ZHING SKAL LDAN RNAMS MNGON MTHO DANG NGES LEGS KYI LAM LA BKOD DA NI RANG GI BSTI GNAS DAM PAR RJES 'JUG RNAMS SGRUB PA NYAMS LEN LA SBYAR TE SGRUB PA'I SGO NAS SANGS RGYAS KYI 'PHRIN LAS SPEL BA 'DI MCHOG DANG GTZO BOR GSUNGS PAS GDUL BYA RNAMS RGYAL BA'I DGONGS PA BZHIN DU SGRUB PA NYAMS LEN LA 'GOD PAR BYA'O DGONGS TE SKAL BZANG RNAMS THAR PA DANG THAMS CAD MKHYEN PA'I SAR DGOD PHYIR DU LCAGS MO YOS NAS NYE BAR BZUNG PHAL CHER RGYAL RANG DU BZHUGS NAS 'KHOR RNAMS LA BKA' STZAL PA, THOS BA'I RJES 'JUG SGRUB

PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES DANG, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES DANG, TSUL GNAS THOS DANG BSAM LDAN PAS, ,SGOM PA LA NI RAB TU SBYAR, ,ZHES GSUNGS BA LTAR DPON SLOB KUN SGRUB PA LA BRTZON BAR MDZAD DO, ,DE LTAR DGUNG LO BCU GCIG NAS BZUNG DGUNG LO RE DRUG GI BAR LA BSTAN 'GRO'I DON RGYA CHER MDZAD NAS; BSTAN PA YUN RING DU GNAS PA'I PHYIR PHYI RABS KYI GDUL BYA RNAMS LA THUGS BRTZE BAS NYE BAR DGONGS TE MDO SNGAGS KYI GSUNG RAB RNAMS KYI DGONGS BA 'GREL BA'I LEGS BSHAD MTSAN BRJOD 'GREL CHEN, STONG NYID BDUN CU PA'I RNAM BSHAD, DBU MA 'JUG PA'I RNAM BSHAD, SMON LAM BDUN CU PA'I RNAM BSHAD, RTEN 'BREL BSTOD PA'I RNAM BSHAD, SGROL MA PHYAG 'TSAL NYER GCIG GI RNAM BSHAD, GRUB MTHA' RGYA MTSOR 'JUG PA'I GRU RDZINGS, DRANG NGES RNAM 'BYED KYI DKA' 'GREL, 'DUL 'DZIN BLO GROS SBAS BA'I MGUR GYI 'GREL PA, JA MCHOD RTZA 'GREL, PAn CHEN YE SHES RTZE MO'I RNAM THAR, RDO RJE 'CHANG KUN DGA' RGYAL MTSAN GYI RNAM THAR, RJE RANG NYID KYI RNAM THAR, BLA MA DANG SANGS RGYAS BYANG SEMS KYI BSTOD TSOGS, GDAMS MGUR GYI RIM PA, DPAL GSANG BA 'DUS PA'I RIM PA DANG PHO NYAMS SU LEN TSUL, DPAL RDO RJE 'JIGS BYED KYI RIM PA DANG PO NYAMS SU LEN TSUL, N'A RO CHOS DRUG GI DMIGS RIM, DRIL BU LHA LNGA'I SGRUB THABS, DRIL BU LUGS KYI SBYIN

, ,SREG ,DRIL BU LUS DKYIL GYI BSKYED RIM, 'KHOR LO SDOM PA'I RIM PA DANG PO LA SLOB TSUL, DRIL BU LUGS KYI RDZOGS RIM, YI DAM SGRUB SKOR DANG RJES GNANG GI SKOR, SMYUNG GNAS KYI CHO GA ,RAB GNAS KYI CHO GA, GNAS BRTAN PHYAG MCHOD, BCUD LEN GYI GDAMS PA RIM PA LNGA PA, DKAR GTOR DANG GTOR MA BRGYA RTZA'I RIM PA, BRGYA BZHI'I CHO GA, DKAR CHAG SNYAN NGAG, DGE SLONG GI BSLAB BYA, CHOS SKYONG GI SKOR, CHAB SHOG GI SKOR, 'JIGS BYED KYI SHIS BRJOD SMON LAM, DON RGYAN SO LNGA'I DPER BRJOD, BKA' GDAMS GLEGS BAM GYI BSDUS DON, BRTAN BZHUGS KYI SKOR, SMAN BLA'I SHIS BRJOD SOGS RMAD DU BYUNG BA'I LEGS BSHAD 'DI RNAMS MDZAD DO, ,DE NAS SKU TSE 'DI'I DNGOS KYI GDUL BYA RDZOGS PA NA DGUNG LO RE BDUN DU PHEBS PA DGE BYED CES PA CHU PHO STAG GI LO NAG PA ZLA BA'I TSES BRGYAD KYI SKYA RENGS DANG PO 'CHAR BA'I DUS SU SKU'I BKOD PA BSDUS TE DGA' LDAN CHOS KYI PHO BRANG SOGS SANGS RGYAS KYI ZHING RAB 'BYAMS RNAMS SU SPRUL PA'I BKOD PA BYE BA PHRAG BRGYA SPRUL TE RGYAL BA RNAMS MCHOD PA DANG SEMS CAN RNAMS KYI DON MDZAD CING BZHUGS SO, ,RJE 'DIS CHOS KYI 'KHOR LO BSKOR BA'I RGYUD 'DZIN BGRANG BA LAS 'DAS PA BYON PAS MTHA' DAG BGRANG BAR MI NUS SHING BYANG CHUB LAM GYI RIM PA'I 'PHRIN LAS SPEL BA'I BKA' BAB RGYUD 'DZIN GYI GTZO BO NI KHRI RIN PO CHE BDE BA CAN PA CHOS RJE DGE LEGS DPAL BZANG PO'O, ,

DES NA BYANG CHUB LAM GYI RAM PA LA BLO SBYONG BAR 'DOD PA RNAMS KYIS RGYAL BA DGE 'DUN RGYA MTSO LA GSOL BA 'DEBS SHING RJE 'DI'I MDZAD PA RNAM THAR LTAR RGYAL BA'I DAM CHOS MA LUS 'DZIN PA'I SMON LAM 'DEBS SHING GTZO BOR BYANG CHUB LAM GYI RIM PA LA BLO SBYANG BAR BYA'O,, ` ,,SMRA BA'I NYI MA DGE LEGS DPAL BZANG PO, ,ZHES BSNGAGS PA, KHRI RIN PO CHE BDE BA CAN PA DGE LEGS DPAL BZANG NI, 'OL KHA GYANG SAR DU SHING MO GLANG GI LO SKU 'KHRUNGS, GZHON NU NAS RGYAL BA'I BSTAN PA LA RAB TU BYUNG STE GZHUNG LUGS CHEN MO RNAMS LA SBYANGS PAS MKHAS PA'I PHUL DU PHYIN PAR GYUR, DE NAS RGYUD STOD DU PHEBS TE SPYIR GSANG SNGAGS RGYUD SDE BZHIG LA SBYANGS SHING KHYAD PA RGYUD KYI RGYAL PO DPAL GSANG BA 'DUS PA LA LEGS PAR SBYANGS, DE NAS THAMS CAD MKHYEN PA DGE 'DUN RGYA MTSO LA MKHAN PO ZHUS TE BSNYEN PAR RDZOGS SHING BYANG CHUB LAM GYI RIM PA'I KHRID GSAN NAS NYAMS SU BZHES TE MYONG BA THON PAR MDZAD, GZHAN YANG DGE BA'I BSHES GNYEN DU MA LAS MDO SNGAGS KYI ZAB CHOS MANG DU GSAN TE MDO SNGAGS GNYIS KA LA MKHAS PA'I PHUL DU PHYIN PAR GYUR PA NA RGYUD STOD KYI KHRI LA PHEBS TE RGYUD CHEN KUN DGA' DON GRUB KYI MDZAD BA RNAM THAR BZANG PO RNAMS RJES SU BSKYANGS TE SDOM PA GSUM GYI BCAS MCHAMS RNAM PAR DAG PA LA GNAS NAS DPAL GSANG BA 'DUS PA'I RGYUD KYI 'CHAD NYAN LEGS PAR BSKYANGS SHING SHAR RTZE CHOS RJE MDZAD, DE NAS DGUNG LO NGA BZHI PA SA PHO RTA'I LO DGA' LDAN

, ,GSER KHRIR PHEBS TE RJE BDAG NYID CHEN PO'I MDZAD BA RNAM THAR RNAMS RJES SU BSKYANGS TE DGUN DUS LAM RIM CHEN MO 'CHAD PA DANG, LHA LDAN SMON LAM CHEN MO'I DUS SKYES RABS SO BZHI PA GZABS BSHAD DU MDZAD CING, RGYUN DU GSER KHRI'I STENG NAS RGYA BOD HOR GSUM GYI DAD LDAN RNAMS KYIS RJE RIN PO CHE'I BSTAN PA BSTAN 'DZIN DANG BCAS PA LA MCHOD CING BSNYEN BKUR BA'I DAG BA RNAM CHUD MI ZA ZHING RGYA CHER SPEL PHYIR BSNGO BA YON BSHAD NAR MAR MDZAD PA DANG, PHYOGS PHYOGS NAS 'DUS PA'I CHOS DON GNYER CAN MANG POR RJE'I MDO SNGAGS KYI MAN NGAG RNAMS RGYA CHER SPEL ZHING LHAG PAR DUS GSUM GYI RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID LAN MANG GU GNANG STE BSTAN PA LA BYA BA RGYA CHER MDZAD, DGA' LDAN RNAM PAR RGYAL BA'I GLING DU RJE BTZUN BYAMS PA MGON PO'I SKU BRNYAN GSER ZANGS LAS BSGRUBS PA CHE LEGS BZHENGS PA SOGS PHYI RABS KYI MIG LTOS SU CHE BA'I PHYAG RJES BZANG PO 'JOG PAR MDZAD, DE NAS DGUNG LO DRUG CUR PHEBS PA SHING PHO BYI BA'I LO KHRI THOG BZHAG NAS BDE BA CAN DU ZUR BZHUGS MDZAD PAS CHOS RJE BDE BA CAN BA ZHES GRAGS, RJE 'DI PA 'PHRIN LAS CHE BAR BYUNG BAS THAMS CAD MKHYEN BA BSOD NAMS RGYA MTSOS KYANG BSNYEN PAR RDZOGS PA'I MKHAN PO ZHUS SHING CHOS MANG DU GSAN, MAL GRO RIN CHEN GLING DANG, PHAG MO CHOS SDE SOGS DGE 'DUN GYI SDE MANG PO BSKYANGS TE BSTAN PA'I BYA BA

RGYA CHER MDZAD DO, ,DE NAS SKU TSE 'DI'I DNGOS KYI GDUL BYA RDZOGS BA NA DGUNG LO RE GSUM PA ME MO YOS KYI LO DGA' LDAN RNAM PAR RGYAL BA'I GLING DU ZHING GSHEGS TE DGA' LDAN CHOS KYI PHO BRANG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS KHRI RIN PO CHE DGE LEGS DPAL BZANG LA GSOL BA 'DEBS SHING KHRI RIN PO CHE 'DI'I RNAM THAR LTAR RJE RIN PO CHE'I LTA GRUB BSRE LHAD MED PAR BZANG NAS BYANG CHUB LAM GYI RIM PA LA BLO SBYONG BAR BYA'O,, ` , MKHAS GRUB LHA BTZUN BSOD NAMS DPAL BZANG PO, ,ZHES BSNGAGS PA, MKHAS GRUB DAM PA LHA BTZUN BSOD NAMS DPAL BZANG PO NI, MNGA' RIS MANG YUL STOD KYI RGYAL PO'I RIGS SU SKU 'KHRUNGS, GZHON NU NAS SPE THUB CHOS SNGER DU PHEBS TE BKRA SHIS LHUN POR TSAD MA RNAMS 'GREL DANG, PHAR PHYIN, DBU MA, 'DUL BA, MDZOD RNAMS LA SBYANGS TE MKHAS PA'I PHUL DU PHYIN PAR GYUR PA NA, DBUS SU PHEBS TE RTZES THANG SOGS SU GRVA SKOR MDZAD, GRUB PA'I DBANG PHYUG SNGAGS RAM PA DGE 'DUN BKRA SHIS LA PHYAG RDOR 'KHOR CHEN GYI DBANG SOGS DBANG LUNG MAN NGAG MANG DU GSAN, THAMS CAD MKHYEN PA BSOD NAMS RGYA MTSOR SNYING BO DON GSUM GYI KHRID SOGS CHOS MANG DU GSAN, DE NAS KHRI RIN PO CHE BDE PA CAN PA BSAM SBYOR GNYIS KYIS TSUL BZHIN DU BSTEN TE GSUNG RAB DGONGS 'GREL DANG BCAS PA THAMS CAD KYI SNYING BO'I DON THAMS CAD GANG ZAG GCIG GI NYAMS LEN GYI RIM PAR DRIL BRJE BDAG

, ,NYID CHEN PO'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID RGYAS PAR GSAN TE TSE 'DI'I G-YENG BA MTHA' DAG DOR NAS DBEN BA'I GNAS SU BYANG CHUB LAM GYI RIM PA'I NYAMS LEN LA TSIG SGRIL DU GZHOL BAR MDZAD, DE NAS SNYAN PA'I GRAGS PA PHYOGS BCUR RGYAS TE CHOS DON GNYER BA MANG DU 'DUS PA RNAMS LA RANG RANG GI DBANG PO DANG 'TSAM PA'I GDAMS NGAG 'DOMS PAR MDZAD, LHAG PAR SHAR BA CHOS RJE SGOM BDE NAM MKHA' RGYAL MTSAN DANG, KHRI RIN PO CHE DGE 'DUN RGYAL MTSAN DANG, GANGS CAN MGON PO THAMS CAD MKHYEN PA BSOD NAMS RGYA MTSO SOGS BSTAN 'DZIN DAM PA MANG PO SLOB MAR 'DUS, BYANG CHUB LAM GYI RIM PA'I KHRID RGYA CHER SPEL ZHING ,GTZO BOR TSE 'DI'I G-YENG BA GANG YANG MED PAR SGRUB PA MTHAR PHYIN PAR MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB CHEN PO LHA BTZUN BSOD NAMS DPAL BZANG LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR BYANG CHUB LAM GYI RIM PA'I MAN NGAG LEGS PAR THOB BAR BYAS LA TSE 'DI'I BYA BA LA RGYAB KYIS PHYOGS TE DBEN PA'I GNAS SU LAM RIM SGOM PA MTHAR PHYIN PAR BYA'O,, ,,PHYAG NA PADMO BSOD NAMS RGYA MTSO'I SDE, ,ZHES BSNGAGS BA, THAMS CAD MKHYEN PA BSOD NAMS RGYA MTSO NI, STOD LUNG KHANG GSAR GONG DU YAB SDE PA RNAM RGYAL GRAGS PA DANG, YUM DPAL 'DZOM BU KHRID GNYIS

KYI SRAS SU CHU MO YOS KYI LO DPYID ZLAR BA'I NYER LNGA LA NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE YANG GROD 'HUMS SU 'KHRUNGS TE SHEL LTAR DKAR ZHING DNGAS BA'I GROD PA'I NANG DU BZHUGS PA NYI 'OD KYIS PADMA BYE PA LTAR 'KHRUNGS MA THAG NGANG GIS GROD PA BYE NAS SHEL LTAR DNGAS BA'I SKU BLTA BAS CHOG MI SHES PA MTSAN DPE DANG LDAN PA ZHIG BYON NO, ,DE'I TSE NAM MKHA'I KHYON THAMS CAD 'JA' GUR GYIS GANG ZHING LHA RNAMS KYIS ME TOG GI CHAR PHAB, 'KHRUNGS MA THAG RA MA DKAR MO'I 'O MA ZHAL DU GSOL BA DANG MNYAM DU YAB YUM GNYIS KYIS SHIS PA BRJOD CING RA NU SRI CHOD DPAL BZANG PO ZHES MTSAN GSOL, 'KHRUNGS TZAM NYID NAS MA nI ZHAL 'DON DU MDZAD PA ZHIG BYUNG ZHING THA MAL GYI SPYOD BA THAMS CAD LAS 'DAS TE CHOS 'CHAD PA'I PHYAG RGYA DANG, TING NGE 'DZIN LA BZHUGS PA'I TSUL MDZAD CING, DGUNG LO GSUM TZAM NAS RGYAL BA DGE 'DUN RGYA MTSO'I DUS KYI MDZAD PA RNAM THAR THAMS CAD RJES SU DRAN TE DE DANG DE'I NGANG TSUL KHO NA MDZAD CING, ZHAL NAS KYANG DE BZHIN DU GSUNG BA ZHIG BYUNG BAS PHYOGS THAMS CAD DU RGYAL BA DGE 'DUN RGYA MTSO'I SPRUL SKUR GRAGS, DE NAS DRUNG CHEN GSUNG RAB PA DANG, 'BRAS SDUNGS KYI BLA SPYI RNAMS GROS MTHUN PAR ME PHO RTA'I LO NAG PA ZLA BA'I DKAR PHYOGS KYI RGYAL BA GNYIS PA RGYAL PHUR 'DZOM BA'I 'GRUB SBYOR GYI NYIN 'BRAS SPUNGS KYI DGE 'DUN TSANG MAS MCHOD PA'I BYE BRAG SNA TSOGS PA THOGS

, ,DPAL LDAN 'BRAS SPUNGS CHOS KYI SDE CHEN PO PHYOGS THAMS CAD LAS RNAM PAR RGYAL BA'I GLING DU PHEBS TE DGA' LDAN PHO BRANG GI 'JIGS PA MED PA'I SENG GE'I KHRI CHEN PO LA ZHABS KYI PADMO BKOD DO, ,DE NAS SLOB DPON RIN PO CHE BSOD NAMS GRAGS PA'I DRUNG DU, YONGS RDZOGS DGE BSNYEN GYI SDOM PA BZHES TE, MTSAN BSOD NAMS RGYA MTSO DPAL BZANG PO BSTAN BA'I NYI MA PHYOGS THAMS CAD LAS RNAM PAR RGYAL BAR GSOL, DE NAS HOR ZLA LNGA PA'I TSES GSUM LA 'BRAS SPUNGS NAS BTEG STE RIM GYIS LAM BAR GYI SKYE 'GRO RNAMS LA MTHONG THOS DRAN REG GI 'BREL PA BZHAG STE HOR ZLA DRUG PA'I TSES LNGA LA RGYAL ME TOG THANG DU PHEBS, DE'I TSE DPAL LDAN DMAG ZOR MAS DGYES PA'I CHO 'PHRUL SNA TSOGS BSTAN CING, RGYAL GYI RTEN RNAMS LA MCHOD 'BUL SMON LAM DANG DGE 'DUN RNAMS LA CHOS KYI BDUD RTZI STZAL, DE NAS TSUR 'BRAS SPUNGS SU PHEBS, ZHI BZHES PA SA MO BYA'I LOS GA ZLA BA'I DUS CHEN TSES BCO LNGA'I NYIN PAn CHEN BSOD NAMS GRAGS PAS MKHAN PO DANG, GSANG PHU CHOS RJE LEGS PA DON GRUB KYIS LAS SLOB MDZAD DE DGE TSUL DU SGRUB PAR MDZAD, DE NAS PAn CHEN BSOD NAMS GRAGS PA'I DRUNG DU TSE DBANG GRUB RGYAL MA, RNAM SRAS SER CHEN, 'DOD KHAMS DBANG PHYUG DMAG ZOR MA, MKHAS GRUB DPAL LDAN SENG GE'I LUGS KYI DPAL MGON ZHAL, MGON PO PHYAG DRUG PA, CHOS RGYAL PHYI SGRUB RNAMS KYI RJES

GNANG GSAN, GLING STOD CHOS RJE LEGS DON PA'I DRUNG DU 'JIGS BYED KYI SNGAGS BTU, BLA MA LNGA BCU PA'I t'IKKA, LAM RIM CHE CHUNG, LAM SGRON, BYANG CHUB GZHUNG LAM, 'DUL BA'I BSLAB BYA CHE CHUNG, GZHI GSUM CHO GA, LAS CHOG ,RTZA 'JUG GNYIS DANG, DE'I t'IKA CHEN, 'GREL PA DON GSAL, RNAM BSHAD SNYING PO RGYAN, TSAD MA RNAM 'GREL, RNAM BSHAD THAR LAM GSAL BYED, MDZOD, MDO RTZA, DRANG NGES RNAM 'BYED, DPE CHOS, RIM LNGA GSAL SGRON, RIM LNGA GDAN RDZOGS, MKHAS GRUB BKA' 'BUM THOR BU, BSKYED RIM DNGOS GRUB RGYA MTSO RNAMS KYI LUNG GSAN, SHAR RTZE LEGS DON PA'I DRUNG DU, 'JAM DKAR, SPYAN RAS GZIGS PHYAG BZHI PA, MGON PO SNYING ZHUGS, 'KHROR BRGYAD MA, RTA MGRIN GSANG SGRUB, LCAGS RAL CAN, AU TZARYA, PHYAG BZHI PA TSAL LUGS, SGROL DKAR, TSE RING MCHED LNGA, YE SHES KHYUNG KHRA, BEKTZE, DMAR PO SKOR GSUM, KU RU KULLE GSANG SGRUB, SGROL MA NYI SHU RTZA GCIG, RNAM SRAS RTA SNGON CAN, BE CON CAN, MDUNG DMAR CAN, PHYAG MTSAN BZHI PA, GAR MKHAN MCHOG, DRAG BYED DKAR PO TSE SGRUB, SHR'A MAn, SENG LDENG NAGS SGROL, SENG GDONG MA, SME BRTZEGS RNAMS KYI RJES GNANG, 'JIGS BYED GYI SNGAGS BTU, 'JAM DBYANGS ZHI KHRO SBRAGS SGRUB KYI LUNG, GSANG 'DUS 'JAM RDOR DANG, 'JIG RTEN DBANG PHYUG GNYIS KYI DBANG, BKA' GDAMS THIG LE BCU DRUG

, ,DANG GLEGS BAM GYI LUNG RNAMS GSAN, DE RNAMS KYI DON THAMS CAD THOS BSAM GYIS GTAN LA 'BEBS PA DANG NYAMS BZHES MDZAD DO, ,DE NAS RGYAL DANG 'BRAS SPUNGS GNYIS RE MOS SU BZHUGS SHING LAM BAR GYI CHOS SDE RNAMS SU CHOS KYI BDUD RTZI RGYA CHER STZAL, DE NAS YONGS 'DZIN CES PA CHU PHO BYI BA'I LO PAn CHEN BSOD NAMS GRAGS PAS ZUR BZHUGS MDZAD DE DPAL LDAN 'BRAS SPUNGS CHOS KYI SDE CHEN PO'I 'JIGS MED SENG GE'I KHRI LA ZHABS SEN BKOD DE LUGS GNYIS KYIS SKYONG BAR MDZAD DO, ,DE NAS BAG YOD CES PA CHU MO GLANG GI LO LHA LDAN SMON LAM CHEN MO'I TSOGS DBUR PHEBS TE SNGA DRO 'KHRUNGS RABS SO BZHI BA'I GZABS BSHAD, PHYI DRO SMON LAM DANG BSNGO BA MDZAD PA SOGS RJE RIN PO CHE'I MDZAD CHEN MA NYAMS PAR SKYONG BAR MDZAD, DE'I TSE DKAR PHYOGS KYI LHA RNAMS DGA' BAS ME TOG GI CHAR CHEN PO PHAB PA SOGS NGO MTSAR BSAM GYIS MI KHYAB PA BYUNG NGO, ,DE NAS CHOS RJE BSOD NAMS GRAGS PA'I DRUNG DU, GSANG BA 'DUS PA MI BSKYOD PA'I DBANG, RIG BYED MA'I RJES GNANG, LAS CHEN KUN RGYAL BA'I BKA' GDAMS CHOS 'BYUNG BE'U BUM SNGON PO RTZA 'GREL, KARMA SHA TAm, ME TOG PHRENG RGYUD, DGA' LDAN CHOS 'BYUNG, GNAS BTZU' SGRUB YIG RNAMS KYI LUNG GSAN NO, ,DE NAS GRUB PA'I DBANG PHYUG SNGAGS RAM PA DGE 'DUN BKRA SHIS LA SPYAN RAS GZIGS DON YOD ZHAGS PA DANG, BCU

GCIG ZHAL, TSE DPAG MED LHA DGU GSUM GYI DBANG GSAN, DE NAS RIM GYIS, RDO RJE PHRENG BA'I DBANG LA BRGYUD TSUL SNGON CHAD MANG DU BYUNG YANG, KRi YA SA MUTZTSA DANG GCIG TU BSRES PA'I DKYIL 'KHOR ZHE LDAM SA BZANG 'PHAGS PA NAS DBANG GI CHU PO GCIG TU 'DRES PA 'DI NYID, CHOS RJE RDO RJE 'CHANG AE WAm PA YAB SRAS MA GTOGS, PHRENG BA MKHAN POR GRAGS PA PHAL CHER GYI SPYOD YUL DU MA GYUR KYANG DAM PA 'DI NYID LA MNGA' BAS RDZOGS PAR PHUL, GZHAN YANG ZUR BKA'I DBANG, 'DUS PA 'PHAGS LUGS DANG YE SHES ZHABS LUGS GNYIS, BDE MCHOG L'U AI PA, DRIL BU PHYI DKYIL DANG LUS DKYIL, SAMBU tA, KYEE RDOR MAN NGAG LUGS DANG RNGOG LUGS, BDAG MED LHA MO BCO LNGA, GUR RIGS BSDUS, DRAG PO GDAN CAN, RVA LUGS KYI 'JIGS BYED, DGRA NAG, GNYOS LUGS RO LANGS BRGYAD BSKOR DANG DGRA NAG, ZHANG LUGS KYI ZHE DGU MA, DPAL 'DZIN LUGS KYI GSHED DMAR BCU GSUM MA, RNAL 'BYOR DBANG PHYUG LUGS KYI GSHED DMAR LHA LNGA, 'KHOR CHEN, GTUM PO KHYUNG NYI SHU RTZA GCIG KHRO BO BZHI DANG BCAS PA'I NYER LNGA MA, KUN RIG, MI 'KHRUGS PA, GDUGS DKAR, GRVA LNGA, MI TRA LUGS KYI SPYAN RAS GZIGS, DUS 'KHOR RNAMS KYI DBANG, PHYAG RDOR KHYUNG LNGA, AU TZARYA 'GRO BZANG LUGS, RNAM 'JOMS, TSE DPAG MED GRUB RGYAL LUGS, NOR RGYUN MA, 'OD ZER CAN MA, DZI BHA LA, LO MA

, ,GYON MA RNAMS KYI RJES GNANG, SA RA HA'I LUGS KYI MGON PO ZHAL GSUM PHYAG DRUG PA'I DBANG BZHI, MGON PO BCU GSUM GYI RJES GNANG, LHA MO PHYAG BZHI MA GNOD SBYIN DANG BCAS PA'I RJES GNANG, SNYING ZHUGS THUN MONG MA YIN PA'I RJES GNANG, PHYAG BZHI PA RAS BRIS DANG LUS DKYIL LA BRTEN PA'I DBANG, GUR ZHAL LEGS LDAN MCHED GSUM, BDE MCHOG DANG 'JIGS BYED KYI SNGAGS BTU, DBYANGS GSAL, YE DHARMA, YI GE BRGYA PA RNAMS KYI RJES GNANG, MGON PO BZHI SBRAGS DANG DUS MTSAN MA'I DBANG, SENG GDONG RIGS LNGA'I DBANG DANG DE'I SGRUB THABS LAS TSOGS DANG BCAS PA, 'JAM DBYANGS CHOS SKOR GYI DBANG RJES GNANG LUNG DANG BCAS PA ,GDUGS DKAR GYI DBANG, RNAM SRAS GSANG SGRUB LJANG SER DANG DRAG BYED KLU CHEN BRGYAD KYIS BSKOR BA, SER CHEN DKAR PO, BDUD MO BZHI SKOR, GSHIN RJE LTAR SGRUB PA, DRAG BYED RKANG THANG MA RNAMS KYI RJES GNANG, MI TRA KHRID DRUG GI RJES GNANG, YE SHES MGON PO PHYAG DRUG PA'I BE'U BUM DKAR NAG, GTOR CHEN 'KHOR LO SOGS KYI PHYAG LEN ZHAL SHES DANG BCAS PA, RVA BOD, GSHIN RJE'I 'KHRUL 'KHOR, DRUG CU PA SOGS KYI PHYAG LEN MAN NGAG SOGS, MDOR NA DBANG KHRID LUNG GI RIM PA MTHA' YAS PA BUM PA GANG BYO'I TSUL DU GSAN PAR MDZAD DO, ,DE NAS BYANG GI HOR RNAMS KYIS GSOL BA BTAB NAS HOR GYI YUL DU PHEBS TE SKYE BO SDIG CAN RNAMS DGE BA BCU'I KHRIMS LA BKOD CING 'JAM MGON BA MA'I

BSTAN PA CHES CHER 'PHEL BAR MDZAD DO, ,DE NAS RA SGRENG DU PHEBS PA NA JO BO PHYING DKAR BAS DNGOS SU GZUGS BSTAN TE PHASU BA BYAS SHING, RA SGRENG 'DUS TSOGS LA BKA' GDAMS GLEGS BAM DANG SNYING PO DON GSUM SOGS CHOS MANG DU GNANG; DE NAS 'BRAS SPUNGS SU PHEBS PA NA PAn CHEN CHOS KYI RGYAL MTSAN GYI SLOB MA 'JA' LUS GRUB PA RDO RJE MCHED GSUM GYI NANG TSAN STOD LUNG PA DPAL LDAN RDO RJE DANG MJAL TE 'JAM MGON SNYAN RGYUD KYI GDAMS NGAG MANG DU GSAN NO, , DE NAS MIG DMAR ZHES PA SHING PHO BYI BA'I LO, YANG DAG PAR RDZOGS PA'I SANGS RGYAS KYI DUS CHEN GSUM 'DZOM HOR ZLA BZHI PA SA GAS NYA BA'I TSES BCO LNGA'I NYIN, DGE LDAN KHRI RIN PO CHE ZUR PA MKHAS GRUB DGE LEGS DPAL BZANG POS MKHAN PO, KHRI LAS THOG PA DGE BSHES PO TO LA'I RNAM PAR SPRUL PA DGE 'DUN BSTAN PA DAR RGYAS KYIS LAS SLOB, SHANGS DGE 'PHEL CHOS RJE PHYOGS LAS RNAM RGYAL BAS GSANG STON, LHA'I BTZUN PA BSOD NAMS DPAL BZANG GIS DUS GO BA MDZAD DE, DAD PA'I DGE 'DUN GRANGS TSANG BA'I DBUS SU, DGE SLONG GI SDOM PA BZHES, MKHAN SLOB SOGS LA ZANG ZING GI BSNYEN BKUR DPAG TU MED PA MDZAD, DE'I TSE MKHAN SLOB KYI SPYAN SNGAR JI LTAR ZHAL GYIS BZHES PA LTAR 'DUL KHRIMS MTHA' DAG NYAMS PA MED PAR BSRUNG BAR MDZAD DE THUB PA'I RGYAL TSAB CHEN POR GYUR TO, ,DE NAS BKRA SHIS LHUN PO'I GRA TSANG BLA MA RNAMS DANG, SPYI NAS GTZANG PHYOGS SU 'BYON DGOS PA'I GDAN 'DREN BYUNG STE GTZANG PHYOGS SU PHEBS, LAM BAR GYI

, ,SER SKYA BGRANG BA LAS 'DAS PA LA MTHO RIS DANG THAR PA'I SA BON 'DEBS PAR MDZAD CING DBEN DGON DU PHEBS NAS RGYAL BA DBEN SA PA CHEN PO'I SKU GDUNG LA MCHOD 'BUL SMON LAM MDZAD CING, MKHAS GRUB SANGS RGYAS YE SHES KYIS GSOL BA BTAB NAS DBEN DGON 'DUS TSOGS LA CHOS MANG DU GNANG, DE NAS BKRA SHIS LHUN PO'I DGE 'DUN RNAMS KYIS MCHOD PA'I BYE BRAG SNA TSOGS BAS BSUS TE 'JIGS MED SENGGE'I KHRI LA ZHABS SEN BKOD NAS MDO SNGAGS KYI CHOS MANG DU STZAL, DE NAS BKA' GDAMS BSTAN PA'I 'BYUNG GNAS SNAR THANG DU PHEBS TE RTEN RNAMS LA MCHOD 'BUL SMON LAM RGYA CHER MDZAD CING SER SKYA MANG PO LA CHOS KYI BDUD RTZI STZAL, DE NAS GANGS CAN CHOS 'PHEL DU PHEBS TE DPAL LDAN DMAG ZOR MA LA BSKANG BA DANG 'PHRIN 'CHOL RGYA CHER MDZAD CING 'DUS TSOGS LA CHOS KYANG STZAL, DE NAS KHRO PHUR PHEBS TE BYAMS CHEN LA MCHOD 'BUL SMON LAM RGYA CHER MDZAD, DE NAS SA SKYAR PHEBS TE RTEN RNAMS LA MCHOD 'BUL MDZAD CING, LHAG PAR BSE 'BAG DE LA SUS KYANG REG MI NUS PAR BYED PA LA RJE 'DIS PHYAG GIS RDUL RNAMS PHYIS SHING PHYAG GIS BZUNG STE SPYAN DMIGS MDZAD PA NA CHOS SKYONG DGYES PA'I MTSAN MA NGO MTSAR BA BYUNG, DE NAS KHA'UR PHEBS TE DPAL MGON ZHAL LA 'PHRIN 'CHOL MDZAD PAS CHOS SKYONG DGYES PA'I MTSAN MA STON PA DNGOS SU BYUNG, DE NAS RIM GYIS 'BRAS SPUNGS SU PHEBS TE BSTAN PA RIN PO CHE'I SROG SHING G-YO BA

MED PAR BZUNG, DE NAS SE RA'I DGE 'DUN TSANG MAS DAD 'DUN RTZE GCIG PAS GDAN DRANGS NAS SE RAR PHEBS TE MDO SNGAGS KYI CHOS MANG DU GSUNGS, DE LTAR RJE 'DI NI BSTAN PA'I DON DU NGAL BA MED PAR DBUS GCANG GI SA'I CHA PHAL MO CHER ZHABS KYIS BCAGS NAS RGYAL BA'I BSTAN BA LA MA DAD PA RNAMS DAD PAR BYAS DANG PA RNAMS PHYIR ZHING DAD PA 'PHEL BAR BYAS TE 'JAM MGON BSTAN PA PHYOGS KUN TU 'PHEL BAR MDZAD, GTZO BOR 'BRAS SPUNGS DANG RGYAL GNYIS GDAN SA 'DRA BAR MDZAD DE GNYIS KAR RE MOS KYIS BZHUGS SHING CHOS ZANG ZING GNYIS KA'I SGO NAS LEGS BAR BSKYANGS, BSTAN PA'I BYA BA DE LTAR MDZAD PA'I SKABS KUN TU'ANG THUGS DAM GYI RIM PA RNAMS 'CHAG MED DU MDZAD, DE YANG NYIN ZHAG PHRUGS GCIG LA THUGS DAM GYI RIM PA JI LTAR MDZAD PA NI, THOG MAR KHRUS DANG NYE REG GNAS BSRUNG BA, SKYABS 'GRO, PHYAG MCHOD, LAM RIM GYI KHRID, SGRA MI SNYAN DANG, MGON PO CHE CHUNG GI TSE SGRUB, LHA BZHI BRIL SGRUB KYI DPAG SNYING ZHUGS 'PHO BA DANG BCAS PA, 'JAM NAG, 'JAM DBYANGS, BLA MA'I RNAL 'BYOR, SEMS BSKYED, BSAM GTAN NYAL CHOG, BDE MCHOG LUS DKYIL, RTZA SNGAGS BRGYA RTZA, SNYING PO DANG NYE SNYING SUM BRGYA, MI 'KHRUGS PA, DE'I GZUNGS SNGAGS BRGYA RTZA, BKA' GDAMS LHA BZHI'I SGOM BZLAS DANG SNGAGS BRGYA RTZA, BSTOD CHOGS DANG SMON LAM SKOR 'GA' ZHIG, TSE DPAG MED KYI BSKYED KYI BSKYED RDZOGS, TSE KHRID, SGROL DKAR, 'JAM DBYANGS, DBYANGS CAN DKAR

, ,DMAR, MKHA' SPYOD MA RNAMS KYI BZLAS BSNYEN, BDE MCHOG GDAN BZHI'I BSNYEN PA SUM BRGYA, SNGAGS RING NYER GCIG RE BZLA ZHING, GTZO BOR LAM RIM, BLO SBYONG, GCOD DMIGS, RIM GNYIS KYI KHRID RNAMS SKYONG BAR MDZAD CING, CHOS SKYONG MANG PO'I BSKANG GSO BSTOD BSKUL RNAMS 'CHAG MED DU MDZAD, DE NAS LCAGS LUG GI LO AAL THAN RGYAL POS RJE 'DI'I SNYAN PA GSAN PAS DAD PA THOB STE SHAR PHYOGS SOG YUL DU 'BYON DGOS PAR GSOL BA BTAB, RJE 'DIS KYANG RANG GI GDUL SKAL DU GZIGS NAS 'BYON PAR ZHAL GYIS BZHES, SLAR MTSO KHAR MCHOD YON ZHAL 'DZOM RTZIS KYI ZHAL BKOD GNANG STE RE SHIG BLA MCHOD DU 'DUL BA BLA MA BRTZON 'GRUS BZANG PO RDZONG TA MDZAD, DE NAS MTSO SNGON DU PHEBS PA'I DUS LA BAB PA NA PHEBS BSKYEL DU BYON PA'I DGA' LDAN KHRI RIN PO CHE GDAN ZUR, SE 'BRAS KYI SLOB DPON, RIN PO CHE BOD MKHAR BA, GCANG PA PAn CHEN RIG PA SENGGE, DBEN SA PA SANGS RGYAS YE SHES, DPON SLOB BKRAS RIN PA, RGYAL NAS SGAR PA DPON SLOB NAM MKHA' BYAMS PA SOGS MDOR NA AE DVAGS YAR KLUNGS PHYOGS KYI MKHAN SLOB MANG PO, RTZE GONG DKAR GYI SKU TSAB, SDE PHRAN MANG PO'I NGO TSAB DANG, SA SKYONG BKRA SHIS RAB BRTAN DPON G-YOG SOGS PHAL CHER DE KHA NAS LOG RTZIS KYIS GSUNG GLENG GNANG SBYIN MDZAD, RA SGRENG NAS CHIBS THOG TU 'KHYOL THOG, SA SKYONG BKRA SHIS RAB BRTAN PAS CHIBS YOB LA 'DUS NAS, BSTAN PA'I DPAL GYUR BLA MA'I ZHABS PAD BRTAN, ,BSTAN

'DZIN SKYES BUS SA STENG YONGS LA KHYAB, ,CES TSIG RKANG GNYIS 'PHRAL RTZOM MDZAD THOG, MCHI MAS BRNABS TE GSUNG RGYU MA BYUNG BAS, BSTAN PA'I SBYIN BDAG MNGA' THANG 'BYOR BRGYAS, ,BSTAN PA YUN RING GNAS PA'I BKRA SHIS SHOG , CES CHIBS THOG NAS GNANG NGO, ,DE NAS CHIBS BSKYONG DE 'BRI CHU KHAR PHEBS PA NA LHA 'DRE'I TSO 'PHRUL GYIS 'BRI CHU GLO BUR DU 'KHRUGS SHING G-YO BAS PHAN TSUN DU BGROD DKA' BA LA, KHRO BO'I LTA STANGS DANG SDIGS MDZUB MDZAD PA TZAM GYIS MI PHYUGS MTHA' DAG BDE BAR BGROD TSOG PA BYUNG, DE NAS RIM GYIS NYA MTSO STOD DU PHEBS, DGON PAS GTZOS PA'I SKYA SER GYI KHROM CHEN PO 'TSOGS TE, GSER SRANG STONG PHRAG GSUM TZAM GYI GTZOS BA'I ZANG ZING GI 'BUL BA RGYA CHER PHUL, BLA MA'I RNAL 'BYOR, YI GE DRUG PA'I BZLAS LUNG, RAB BYUNG BSNYEN RDZOGS STONG PHRAG TU NYE BA SOGS GNANG STE KUN KYANG THAR PA'I LAM LA BKOD, DE NAS SMA CHU'I 'GRAM DU BZHUGS SGAR PHEBS PA NA, TSUR MTHONG GI SKYE BO RNAMS, CHU 'DI HA CANG CHE BAS RE SHIG SGROL BAR MI NUS SO ZHES SMRAS PA LA, SANG NAM LANGS TE LHAS TZA NA DONG BUS NUB TZAM LAS MI 'DUG PAS THAMS CAD SMRA MI SHES PA'I YA MTSAN DU GYUR, DE NAS RIM GYIS AA RIG DKAR PA THANG DU BZHUGS SGAR BTEG SKABS AA RIG RNAMS KYIS RTA STONG PHRAG DANG PHYUGS KHRI TSOR NYE BA'I 'BUL PA PHUL, 'JA' 'OD KYI GUR DANG LHA'I ME TOG GI CHAR BABS, SKYE BO MTHA' DAG LA THAR PA'I SA BON BSKRUN PAR MDZAD, DE NAS SNGAR AAL THAN TA RGYAL PO'I BLA MCHOD DU RDZONG TA GNAD

, ,BA'I CHOS RJE BRTZON 'GRUS BZANG PO DANG, LO TZ'A BA G'O SHR'I GNYIS KYIS GTZOS PA'I RTA BA LNGA BRGYA SKOR RGYAL PO'I GAM NAS BSU BA LA 'BYOR, RIM GYIS PHEBS TE HOR ZLA LNGA PA'I TSES BCO LNGA'I NYIN, SKYA DAR, RGYA GLING, LAS TSAN GO RIM PA SOGS GONG MA RGYAL PO'I BLA MA LA 'OS PA'I CHE BA DANG BCAS TE, YON TAN RIGS STOBS SOGS KYIS MNGON PAR MTHO BA'I DRUNG 'KHOR RNAMS LAS TSAN 'DI'I RJES SU 'DI 'GRO SOGS YID LA GANG DRAN BYAS PA MA YIN PA'I YA RABS KHUNGS BTZUN GYI SGRIGS BCA' BSTAR DANG LDAN PA'I CHIBS RAGS GLANG PO CHE SA LA RAB BRTAN 'CHI MED DBANG PO'I KHRUS KYI RDZING BUR DAL GYIS RGYU BA LTAR GSHEGS PA'I G-YAS G-YON DANG RGYAB RNAMS SU, RGYA DANG SOG PO SKYA SER GYI RTA PA STONG PHRAG MANG POS GZHI MTHA' DAG G-YOGS PA LTAR BSKOR TE TSA KHANG GCIG TZAM PHEBS PA NA, TSE RING GNAM GYI SHE MONG LA BRTEN NAS RTZOD DUS KYI 'KHOR LOS SGYUR BA, AAL THAN RGYAL PO NYID, MTHA' 'KHOB MUN PA'I GLING DKAR POR BYAS PA'I BRDA CHAD DU GOS DKAR PO GSOL, 'KHOR KHRI KHRAG TZAM DANG DE NYID KYI BTZUN MO'ANG 'KHOR MANG PO DANG BCAS TE 'ONGS NAS, MCHOD YON MJAL BA'I DGA' STON GYI THOG MAR, DNGUL SRANG LNGA BRGYA LAS GRUB PA'I MAndAL GSER GYI PHOR PA YUL DBUS KYI BRE TSAD SHONG BA ZHIG RIN PO CHES BKANG BA, GOS YUG DKAR SER DMAR LJANG SNGON PO RNAMS NYI SHU RE, RTA DKAR PO RIN PO CHE'I SGA SRAB KYIS BRGYAN PA BCUS THOG DRANGS PA'I RTA BRGYA, KHROM

ZIL GNON GYI GOS CHEN SNA LNGA PA YUG BCU, DNGUL SRANG STONG PHRAG GCIG, RAS DAR SOGS DNGOS PO BSAM GYIS MI KHYAB PA PHUL, DE NAS KHROM 'BUM PHRAG TZAM TSAGS PA'I DBUS SU MCHOD YON NYI ZLA ZUNG GCIG PHEBS TE, HONG THA'I JIS GTAM BTING, GOO SHR'I BAGshIS LO TZ'A BSGYUR TE, SNGON NAS CHAD DKAR GNAS GYI RIGS LAS CHAD PAS STOBS CHE, RGYA BOD HOR GSUM DRAG POS DBANG DU BSDUS ,SA SKYA PA DANG MCHOD YON DU 'BREL TE CHOS DAR, SLAR THE MUR RGYAL PO NAS CHOS CHAD, LAS SU SDIG DANG ZAS SU SHA KHRAG KHO NA LA LONGS SPYOD PA'I MUN NAG KHRAG MTSO'I GLING LTA BUR, MCHOD YON NYI ZLA ZUNG GCIG GI BKA' DRIN LAS DAM PA CHOS KYI LAM BTOD, KHRAG MCHE 'O MAR BSGYUR PA 'DI BKA' DRIN CHE BAS, PHYOGS 'DI NA YOD PA'I RGYA BOD HOR SOGS KUN KYIS KYANG DGE BA BCU'I KHRIMS LA GNAS PA DGOS, NYI MA DE RING NAS KHYAD PAR SOG PO CHAD DKAR LA KHRIMS SU BCA' BA NI, SNGAR SOG PO SHI BA'I RJES SU DRAG ZHAN GYI RNAM DBYES RANG GI CHUNG MA BRAN G-YOG RTA NOR SOGS SROG GCOD PA YIN NA'ANG, NGA PHYIN CHAD SROG GCOD KYI YUL DU GYUR PA'I RTA NOR SOGS KYI STENG DU JI TZAM BLOS 'CHAM PAR BCAD NAS, DGE 'DUN DANG BLA MA LA PHUL, BSNGO BA SMON LAM ZHUS, ,SHIN PO'I RJES SU A GS PA'I SROG GCOD GTAN MA BYED, GAL TE SNGAR BZHIN MI BSAD PA BYUNG NA KHRIMS KYIS LUS SROG 'BRAL BA YIN, RTA PHYUGS BSAD PA BYUNG NA KHRIMS KYIS NOR THAMS CAD 'PHROG, BLA MA DANG DGE 'DUN GYI CHA LUGS CAN LA BRDUL 'TSOGS

, ,SOGS LAG BZHAG PA BYUNG NA LAG 'JOG MKHAN GYI GZHI MA THAMS CAD GTOR, SNGAR AONG BKOD DU GRAGS PA'I GSHIN PO THAMS CAD KYI GZUGS BYAS PA LA MING BTAGS PA'I ZLA BA BYUNG RES KYI NYA STONG BRGYAD GSUM LA RTA PHYUGS BSAD PA'I KHRAG GIS MCHOD PA DANG, LO DUS KYI MCHOD PA LA DRAG ZHAN GYI DBYE BAS MANG NYUNG MTHA' YAS BA ZHIG GSOD PA RNAMS, DENG PHYIN CHAD NAS BZUNG RTEN DE RNAMS ME LA BSREGS NAS LO ZLA'I DUS KYI MCHOD PAR SROG GCOD PA GTAN NAS MA BYED, GAL TE BYAS PA BYUNG NA KHRIMS KYI CHAD PA RTA NOR GANG BSAD KYANG, DE'I BCU 'GYUR 'PHROG, AONG BKOD ME LA MA BSREGS NA KHYIM GTOR, AONG BKOD KYI TSAB TU YE SHES KYI MGON PO PHYAG DRUG PA'I SKU RE 'DZIN PA DANG, DE LA YANG DKAR GSUM GYI MCHOD PA MA GTOGS, SHA KHRAG GI MCHOD PA GTAN NAS MA BYED, GZHAN YANG THAMS CAD KYIS DGE BA LA 'BAD PA DANG, NYA STONG BRGYAD GSUM LA BSNYEN GNAS SRUNGS, RGYA BOD HOR KUN LA DGOS MED KYI 'PHROG 'JOMS MA BYED, MDOR NA BOD YUL DBUS GTZANG DU JI LTAR BYA BA LTAR YUL PHYOGS 'DIR YANG BYA DGOS ZHES KHRIMS MANG DU BSGRAGS SO, ,THUGS RJE CHEN PO'I BZLAS LUNG GNANG BA, LO TZ'A BAS SOG PO'I SKAD DU BSGYUR TE KUN GYIS GO BAS, MCHOG DMAN MTHA' DAG YI GE DRUG PA BZLA BA LA BRTZON BAR GYUR, 'JA' 'OD KYI GUR DANG ME TOG GI CHAR MANG DU BABS PA SOGS PHYOGS DER 'JAM MGON BLA MA'I BSTAN PA CHES CHER 'PHEL ZHING

RGYAS PA LA DKAR PHYOGS KYI LHA RNAMS DGA' BA'I RTAGS DANG MTSAN MA NGO MTSAR CAN MANG DU BYUNG NGO, ,DE NAS MCHOD YON MJAL BA'I SA DER GTZUG LAG KHANG BZHENGS, GNAS DER RTEN GSUM DANG DGE 'DUN GYIS DE MANG DU BTZUGS ,RAB TU GNAS PA RGYA CHER MDZAD, DGA' STON LA KHROM ZIL GNON GYI SKU BER GSUM GYIS GTZOS PA'I GOS BZOM BRGYA, KHA DOG SNA LNGA PA'I GOS YUG BRGYA, RIN PO CHE'I PHRENG BAS GTZOS PA'I PHRENG BA BRGYA, LUG, RA SOGS PAGS RIGS BRGYA, GSER GYI PHOR PA CHEN PO MU TIG GIS BKAD GA DNGUL DAM 'BRUG 'KHOR YOD PA BDUN TSAR, DNGUL SRANG STONG LAS GRUB PA'I KHOG MA, GSER GYI ZHVA DANG NA BZA' CHA CHANG SOGS RGYAL PO RANG NYID KYI CHAS, DNGUL SRANG GSUM RE LAS GRUB PA'I CA NE DANG SNGAR MA BDUN TSAR, RTA RMIG LUG RMIG GI DBYIBS CAN DNGUL SRANG LNGA BRGYA, RAS ZAM STONG PHRAG GCIG ,RTA DKAR PO RIN PO CHE'I SGRA SRAB KYIS SPRAS PA GSUM GYIS GCOS PA'I RTA BRGYA SOGS 'BUL BA GRANGS KYIS MI LANG BA PHUL PHYOGS DE'I DAD LDAN SER SKYA THAMS CAD LA RANG RANG GI DBANG PO DANG 'TSAM PA'I CHOS KYI BDUD RTZI STZAL ZHING THAMS CAD KYANG MGON PO SPYAN RAS GZIGS DANG RJE BTZUN TZONG KHA PA CHEN PO LA DAD PA RTZE GCIG PA'I GNAS LA BKOD DE HOR GYI YUL GRU CHEN POR GNAS PA'I MI DE NGAG SNGON CHAD ZAS SU SHA DANG KHRAG LA DGA' ZHING, LUS SU SROG CHAGS GSOD PA SOGS SDIG PA'I LAS 'BA' ZHIG SPYOD PA, BON SNANG ZHEN GYIS BSLUS TE MI SHI BA'I RJES SU'ANG SROG CHAGS

, ,MNGAS BSAD DE LHA MCHOD PA SOGS SDIG PA'I LAS KHO NA SPYOD PA LA RJE 'DIS SDIG PA'I LTA BA CAN DE DAG THAMS CAD BTUL TE PHYOGS DE DAG TU DKON MCHOG GSUM GYI RTAN BZHENG BA DANG, YI GE DRUG PA DANG DMIGS BRTZE MA KHON 'DON PA DANG, GSHIN PO'I DGE RTZAR YANG DKON MCHOG GSUM KHO NA MCHOD PA'I SROL BTZUGS, 'JAM MGON BLA MA'I BSTAN PA YUN RING DU GNAS PA'I PHYIR LI THANG THUB CHEN BYAMS PA GLING DANG, 'JAM MGON BLA MA GANG DU 'KHRUNGS PA'I SA SKU 'BUM SOGS SU DGE 'DUN GYI SDE MANG DU BTZUGS, KHYAD PAR SKU 'BUM DU RJE RIN PO CHE 'KHRUNGS PA'I LTE BA'I MTSAL KHRAG LAS BYUNG BA'I TZAN DAM GYI SDONG PO 'JIG RTEN KUN GYI BSOD NAMS KYI ZHING MCHOG DAM PA DE NYID DNGUL GYIS GTUMS TE MCHOD RTEN DU BYAS, MDO SNGAGS GNYIS KYI BSHAD GRVA RNAM PAR DAG PA BTZUGS PA SOGS PHYOGS DE DAG THAMS CAD 'JAM MGON BLA MA'I BSTAN PA'I GDUGS GCIG GIS KHYAB PAR MDZAD DO, ,DON GYI DBANG 'DI GZIGS NAS RJE BTZUN BLO BZANG CHOS KYI RGYAL MTSAN GYIS RJE 'DI LA BSTOD PA MDZAD PA NA, BDAG NYID CHEN PO GZHAN GYIS GDUL DKA' BA, ,MA RUNGS MTHA' 'KHOB SKYE BO MTHA' DAG LA, ,BSOD NAMS YE SHES RGYA MTSO'I MTHA' PHYIN PA'I, ,RGYAL BA'I MDZAD PA SGRUB LA GSOL BA 'DEBS, ,ZHES DANG, RJE BLO BZANG YE SHES KYIS, GDUL DKA' MTHA' 'KHOB SKYE 'GROR THAR PA'I LAM, ,STON MKHAS BSOD NAMS RGYA MTSOR GSOL BA 'DEBS, ,ZHES

BSNGAGS SO, ,RJE 'DIS PHYI RABS KYI GDUL BYA RNAMS KYI DON DU PHYANG CHUB LAM GYI RIM PA'I KHRID YIG GSER GYI YANG ZHUN MDZAD CING, GZHAN YANG GSOL 'DEBS BSTOD TSOGS DANG NYAMS MGUR SOGS MANG DU YOD DO, ,DE NAS SE 'BRAS DGE GSUM SOGS DBUS GTZANG GI LJONGS KYI SER SKYA DAD CAN TSANG MAS DBUS GTZANG DU 'BYON DGOS PAR GSOL BA SHUGS DRAG BTAB, RJE 'DI NYID KYANG YANG 'BYON PAR PHYOGS KYANG KHAR CHIN GYI RGYAL POS PHO NYA MNGAGS TE, MTHA' 'KHOB KYIS PHAL CHER NA 'KHOD PA'I GDUL BYA'I RE BA SKONG BAR MDZAD ZIN PAS, NGED KYI YUL DU PHEBS DGOS PA'I RGYU MTSAN NAN DU PHUL BAS, KUN MKHYEN ZAS GTZANG SRAS PO GYAD KYI YUL RTZVA CAN DU GSHEGS PA LTAR, KHAR TSON GYI GSER YIG PAR PHEBS PA'I BKA' LAN GNANG STE, BZHUGS SGAR RIM GYIS BTEG NAS, HOR RGYAL PO'I DUS KYI PHO BRANG SHANG TO ZHES PA'I SHUL GYI SAR PHYAGS PHEBS, RGYAL BLON 'GA' ZHIG LA BCOM LDAN 'DAS KYEE RDO RJE'I DBANG DANG, SKYE BO PHAL CHER YAN LAG BRGYAD PA'I KHRIMS SOGS DGE BA LA BKOD, RGYAL PO'I 'BUL CHEN GYI DUS, DNGUL LAS GRUB PA'I KHANG PA KA GNYIS MA TZAM ZHIG TU BZHUGS GDAN BKOD PAS, RE ZHIG SNGAS PA NTZAM YIN YANG 'DOD BA DANG BSTUN PAS CHOG GSUNGS TE, DNGUL GDUNG GI RTEN 'BREL DU DGONGS, GSER DNGUL GOS DAR RTA KHRAB SOGS 'BUL BA KHRI PHRAG BRGAL BA PHUL, DER DGE 'DUN GYI SDE BTZUGS 'DUG PA LA RAB TU GNAS PA RGYAS PAR MDZAD, KUN

, ,'DZIN ZHES PA SA BYI'I LO GSAR DANG, SMON LAM RLABS PO CHE GNANG, ZLA BA DANG PO'I MJUG NAS CUNG ZAD BRO 'TSAL BA'I RNAM PA BSTAN, RGYA NAG GONG MA RGYAL POS PHO BRANG DU PHEBS DGOS PA'I GDAN 'DREN PAR MI BRGYAD KYIS GNYA' BAS BTEG PA'I GSER YIG PA MDAGS KVA DING TA'I GOO SHR'I'I MTSAN DANG, LAS KA CHE BA 'DI RIS BYUNG, RTEN 'BREL DU DGONGS NAS PHO BRANG DU PHEBS PA'I ZHAL BZHES MDZAD, NAG PA ZLA BA NAS SNYUN BAB LCI BA'I TSUL BSTAN TE, GSUNG GI THA MA DANG LDAN YONGS LA ZHAL GDAMS PHYAG BRIS SU MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO ZHE DRUG TU PHEBS PA KUN 'DZIN ZHES PA SA PHO BYI BA'I LO NAG PA ZLA BA'I NYER DRUG GI THO RANGS ZHI BAR GSHEGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL BA BSOD NAMS RGYA MTSO LA GSOL BA 'DEBS SHING, RJE 'DIS LAM KHRID GSER ZHUN DU JI LTAR GDAMS PA LTAR GSUNG RAB THAMS CAD KYI SNYING PO'I GNAD BSDUS PA BYANG CHUB LAM GYI RIM PA'I NYAMS LEN LA BRTZON PAR BYA'O, , ` ,,ZAB DON GDAMS PA'I BKA' BAB CHOS DPAL BZANG, ,ZHES BSNGAGS PA, SPYAN SNGA CHOS DPAL BZANG PO NI, LHAS LUNG PA GRA NAM KHANG DU SPYAN SNGA BLO GROS RGYAL MTSAN SOGS MKHAS SHING GRUB PA'I SKYES BU DAM PA BRGYUD MAR BYON PA'I

DGYER GYI RIGS SU SKU 'KHRUNGS, GZHON NU NAS KHYIM GYI 'DU 'DZIN LA MA CHAGS PAR RGYAL BA'I BSTAN PA LA RAB TU BYUNG STE LHANG TZUN BSOD NAMS DPAL BA DANG RJE BTZUN CHOS KYI RGYAL MTSAN SOGS BSHES GNYEN DAM PA MANG PO BSTEN NAS SHING RTA CHEN PO'I GZHUNG LUGS RNAMS LA SBYANGS SHING, KHYAD PAR RGYAL BA BSOD NAMS RGYA MTSO BSAM SBYOR GNYIS KYIS TSUL BZHIN DU BSTEN TE GSUNG RAB DGONGS 'GREL DANG BCAS PA'I SNYING PO'I DON, DUS GSUM GYI RGYAL BA THAMS CAD GANG NAS GSHEGS PA DANG GSHEGS PAR 'GYUR BA'I LAM PO CHE, BYANG CHUB LAM GYI RIM PA'I KHRID LEGS PAR GSAN TE MDO RGYUD DGONGS 'GREL DANG BCAS PA THAMS CAD GANG ZAG RANG NYID 'TSANG RGYA BA'I MAN NGAG TU NGES PA RNYED NAS TSE 'DI'I BYA BA THAMS CAD BTZAN CHOD DU BTANG STA SANGS RGYAS DBON GYIS BTAB PA'I DBEN GNAS LHAS LTAG DGON DU BYANG CHUB LAM GYI RIM PA SGOM PA LA RTZE GCIG TU BZHUGS TE LO MANG PO'I BAR DU SGRUB PA RTZE GCIG TU MDZAD PAS BSHES GNYEN BSTEN TSUL NAS 'BRAS BU ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS PA LA RTZOL BYAS DANG RTZOL MED KYI MYONG BA RIM GYIS THON TE RANG NYID MI NYAMS PA'I GDANG THOB PA NA SKAL BA DANG LDAN PA GZHAN DAG LA'ANG CHOS KYI BDUD RTZI STZAL BAS SNYAN PA'I GRAGS PAS PHYOGS THAMS CAD DU KHYAB STE, DE'I TSE BYANG CHUB LAM GYI RIM PA DON DU GNYER BA'I SKAL LDAN RNAMS LHAS LTAG DGON DU 'DU BA ZHIG BYUNG STE RJE 'DIS BSTAN PA RGYA CHER

, ,SPEL BAS RGYUD 'DZIN GYI SLOB MA BGRANG BA LAS 'DAS PA BYUNG ZHING, BYANG CHUB LAM GYI RIM PA'I 'PHRIN LAS KYI BKA' BAB NI 'KHON STON DPAL 'BYOR LHUN GRUB BO, ,DE LTAR SPYAN SNGA CHOS DPAL BZANG PO ZHES YONGS SU GRAGS PA'I MKHAS GRUB CHEN PO DES RGYAL BA'I BSTAN PA LA BYA BA RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS SPYAN SNGA CHOS DPAL BZANG PO LA GSOL BA 'DEBS SHING MKHAS GRUB CHEN PO 'DI'I RNAM THAR LTAR MDO RGYUD DGONGS 'GREL DANG BCAS PA THAMS CAD KYI DON LAM GYI LUS GCIG TU DRIL BA BYANG CHUB LAM GYI RIM PA'I NYAMS LEN LA BRTZON PA TSIG BSGRIL DU BYA'O,, ` ,,RIGS KUN BDAG PO SNANG MDZAD RDO RJE'I ZHABS, ZHES BSNGAGS PA, 'KHON STON DPAL 'BYOR LHUN GRUB NI AE'I SKYONG KHAR DU YAB DBON TSE DBANG NOR RGYAS DANG YUM RGYAL MO 'DZOM GNYIS KYI SRAS SU LCAGS MO BYA'I LO SKU 'KHRUNGS, 'KHRUNGS TZAM NYID NAS DH'I: YIG DANG HR'I: YIG NGAG NAS BZLA BA DANG, 'JAM DBYANGS KYI GZUNGS BRGYUD MAR BZLA BA ZHIG BYUNG, TSE RABS MANG POR GOMS PA'I BAG CHAGS SAD PAS KHYIM GYI 'DU 'DZIN LA MI DGA' ZHING CHOS LA DGA' BA DANG, GZHAN LA CHOS STON PA DANG, GZHAN LA DBANG BSKUR BA'I STANGS KA BYED PA ZHIG BYUNG, YI GE 'DRI

KOG BRDA BSTAN PA TZAM GYIS MKHYEN ,DGUNG LO BDUN BRGYAD NAS SPYIR 'KHOR BA'I GNAS MTHA' DAG LA SKYO ZHING YID 'BYUNG BA DANG, LHAG PAR KHYIM GYI GNAS LA BTZON RA'I 'DU SHES NGANG GIS SKYE BA ZHIG BYUNG, SRANG BAR GYI KHYIM NYAM THAG ZHIB GZIGS PAS RKYEN BYAS SEMS CAN THAMS CAD LA SNYING RJE CHEN PO RGYUN DU SKYE BA ZHIG BYUNG, DGUNG LO BCU PA'I TSE THAMS CAD MKHYEN PA BSOD NAMS RGYA MTSO DANG MJAL, THOG MAR SKYABS 'GRO SEMS BSKYED GYI KHRID GSAN, DE NAS DBANG LUNG MAN NGAG RGYA CHER GSAN ZHING DGE BA'I BSHES GNYEN GZHAN MANG PO LA'ANG MDO SNGAGS KYI CHOS MTHA' YAS PA GSAN, DE NAS THAMS CAD MKHYEN PA BSOD NAMS RGYA MTSO LA GTZUG PHUD PHUL TE DGE BSNYEN GYI SDOM PA BZHES, MTSAN BSOD NAMS RNAM RGYAL ZHES GNANG, DE NAS BSHES GNYEN DAM PA MANG PO LA CHOS MANG DU GSAN ZHING, DGUNG LO NYI SHU LA BAB PA NA, MKHAS PA'I DBANG PO 'OL KHA BA BLO BZANG RGYA MTSO'I DRUNG DU DGE TSUL GYI SDOM PA BZHES TE, DVAGS PO GRVA TSANG DU PHEBS, MKHAS PA'I DBANG PO DE NYID YONGS 'DZIN DU BSTEN TE, PHAR PHYIN DANG, DBU MA DANG, 'DUL BA DANG, MDZOD DANG, RNAM 'GREL RNAMS LA SPYANGS PAS MKHAS PA'I PHUL DU PHYIN PAR GYUR, DE NAS SER BYES SU PHEBS NAS MKHAS PA'I DBANG PO DPAL 'BYOR BSOD NAMS LHUN GRUB DANG, MKHAS PA'I DBANG PO 'PHRIN LAS LHUN GRUB GNYIS RIM BZHIN YONGS 'DZIN DU BSTEN TE SE RA RJE BTZUN PA'I YIG CHA'I STENG NAS SHING RTA CHEN PO'I GZHUNG LUGS RNAMS LA

, ,SBYANGS PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON TE GRVA SKOR MDZAD, DE NAS LHAS LTAG DGON DU PHEBS TE SPYAN SNGA CHOS DPAL BZANG PO BSAM SBYOR GNYIS KYIS TSUL BZHIN DU BSTEN TE DPAL AA TI SHA DANG, CHOS KYI RGYAL PO TZONG KHA PA GNYIS KYI THUGS KYI BCUD PHYUNG PA'I MAN NGAG GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I KHRID GSAN TE MYONG BA THON PAR MDZAD, DE NAS SHAR PA CHOS RJE NAM MKHA' RGYAL MTSAN LA DPAL RDO RJE 'JIGS BYED CHEN PO'I DBANG DANG, RIM GNYIS KYI KHRID GSAN TE BSGOMS NAS MYONG BA THON PAR MDZAD, DE NAS DGUNG LO SO BZHI PA SHING PHO RTA'I LO DGA' LDAN RNAM PAR RGYAL BA'I GLING DU PHEBS NAS CHOS RJE DPAL 'BYOR RGYA MTSOS MKHAN PO DANG, CHOS RJE DGE 'DUN RGYAL MTSAN GYIS SLOB DPON MDZAD DE BSNYEN PAR RDZOGS, DPAL 'BYOR LHUN GRUB TU MTSAN GSOL, DE NAS RGYUD SMAD DU PHEBS TE MKHAS GRUB RNAM RGYAL DPAL BZANG BSAM SBYOR GNYIS KYIS TSUL BZHIN DU BSTEN TE DPAL GSANG BA 'DUS PA'I RGYUD 'GREL LA SBYANGS SHING RJE THAMS CAD MKHYEN PA NAS BRGYUD PA'I BDE GSANG 'JIGS GSUM GYI MAN NGAG SOGS CHOS MANG DU GSAN ZHING LO BZHI BZHUGS, DE NAS DGE BA'I BSHES GNYEN DU MA LA RJE BDAG NYID CHEN PO'I MDO SNGAGS KYI CHOS RNAMS LEGS PAR GSAN, DE NAS MKHAS SHING GRUB PA'I SNYAN PA PHYOGS THAMS CAD DU RGYAS PA NA GSANG PHU NYI MA THANG GI KHRI

LA GDAN DRANGS TE LO GCIG GI RING 'CHAD NYAN MDZAD, DE NAS SER BYES MKHAS MANG GRVA TSANG GI KHRI LA GDAN DRANGS TE 'CHAD NYAN RGYUN RING MDZAD THAMS CAD MKHYEN PA YON TAN RGYA MTSOS PAn CHEN THAMS CAD MKHYEN PA BLO BZANG CHOS KYI RGYAL MTSAN SPYAN DRANGS TE 'BRAS SPUNGS DGA' LDAN PHO BRANG GI GZIM CHUNG NYI 'OD 'KHYIL PAR MDO SNGAGS KYI CHOS MTHA' YAS PA GSAN PA'I CHE DAM PA 'DIS KYANG PHEBS TE, PAn CHEN THAMS CAD MKHYEN PA CHEN PO LA GSOL BA BTAB NAS RDO RJE PHRENG BA'I DBANG YONGS SU RDZOGS PA GSAN, PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS KYANG DAM PA 'DI LA BSNGAGS PA CHE BAR MDZAD DO, ,DE NAS SE RA BYES KYI KHRI BZHAG STE PHA BONG KHAR PHEBS NAS BSGRUB PA YUN RING DU MDZAD PAS PHA BOD KHA BA 'KHON STON DPAL 'BYOR LHUN GRUB CES YONGS SU GRAGS, 'KHON STON ZHES PA NI RIGS RGYUD LAS MTSAN DU BTAGS PA STE 'JAM DBYANGS 'KHON GYI RIGS YIN PAR BSHAD DO, ,DE NAS SKAL BA DANG LDAN PA MANG PO LA RGYAL BA TZONG KHA PA CHEN PO'I THUGS KYI BCUD PHUNG BA'I MAN NGAG BYANG CHUB LAM GYI RIM PA'I KHRID DANG GSANG BDE 'JIGS GSUM GYI DBANG DANG BSKYED RDZOGS KYI KHRID SOGS CHOS RGYA CHER STZAL CING, KUN MKHYEN LNGA PA CHEN POS KYANG YONGS 'DZIN DU BSTEN TE RIGS KYI COD PAN DU 'DZIN PAR MDZAD DO, ,DAM PA 'DIS PHYI RABS KYI GDUL BYA RNAMS KYI DON DU GSHIN RJE GSHED KYI CHOS 'BYUNG DANG SKYABS 'GRO'I KHRID YIG SOGS LEGS BSHAD KYI RTZOM

, ,PA'ANG MANG DU MDZAD, DAM PA 'DIS BSTAN PA'I BYA BA RGYA CHER MDZAD PAS RGYUD 'DZIN GYI SLOB MA MTHA' YAS PA BYUNG ZHING, GTZO BO NI GANGS CAN 'GRO BA'I MGON PO KUN MKHYEN LNGA PA CHEN PO DANG, BYANG CHUB LAM GYI RIM PA'I 'PHRIN LAS KYI BKA' BAB PA NI DPAL 'BYOR 'PHRIN LAS RAB RGYAS SO, ,DE LTAR BSTAN 'GRO'I DON RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO DON BDUN DU PHEBS PA ME MO GLANG GI LO ZHI BAR GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS 'KHON STON DPAL 'BYOR LHUN GRUB LA GSOL BA 'DEBS SHING MKHAS GRUB CHEN PO 'DI'I RNAM THAR LTAR MDO SNGAGS KYI GZHUNG LA THOS PA PHU THAG CHOD PAR BYAS NAS DBEN PA'I GNAS SU SKYES BU GSUM GYI LAM GYI RIM PA BSGOM PA LA BRTZON BAR BYA'O, ` ,,BKA' DRIN MNYAM MED SHR'I BHU TI'I MTSAN, ,ZHES BSNGAGS PA, ZUR DPAL 'BYOR 'PHRIN LAS RAB RGYAS NI, 'BROM CHU RIGS KYI RGYUD DU YAB ZUR GZHON NU DON GRUB DANG, YUM YID 'DZIN GNYIS KYI SRAS SU KHRO MO ZHES PA SHING PHO 'BRUG GI LO SKU 'KHRUNGS, MTSAN CHOS RJE NOR BUR BTAGS, DE NAS YI GE 'DRI KLOG RNAMS TSEGS MED PAR MKHYEN CING, DGUNG LO BDUN PA'I DUS CHOS RJE NGAG DBANG YE SHES GRUB PAR GTZUG PHUD PHUL MTSAN NGAG DBANG BKRA SHIS KUN DGAR BTAGS, DE NAS YAB KYI RIGS DANG MTHUN PAR GSANG SNGAGS GSAR RNYING GI CHOS MANG DU

GSAN CING, KHYAD PAR 'KHON STON DPAL 'BYOR LHUN GRUB KYIS RJES SU BZUNG STE DGE BSNYEN DANG BAR MA RAB BYUNG GNANG NAS MTSAN DPAL 'BYOR 'PHRIN LAS RAB RGYAS SU GSOL, BCAR BZHUGS NGOS PHYAG G-YOG 'PHRAL SEL MDZAD, NYI SHU'I TSE DE NYID LA DGE TSUL DANG BSNYEN PAR RDZOGS PA'I SDOM PA BZHES, SDIR? MDO SNGAGS KYI CHOS MANG DU GSAN CING KHYAD PAR MDO SNGAGS GSUNG RAB THAMS CAD KYI SNYING PO'I DON SKYES BU GSUM GYI LAM GYI RIM PA'I KHRID RGYAS PAR GSAN TE THUGS NYAMS SU BZHES NAS MYONG BA THON PAR MDZAD, DE NAS 'GREL PA BZHI SBRAGS, RIM LNGA GSAL SGRON, BDE MCHOG SBAS DON KUN GSAL, MKHAS GRUB NOR BZANG PA'I DUS 'KHOR GYI SPYI DON, GSANG 'DUS KYI BSKYED RDZOGS RNAMS GSAN NAS RTZES THANG DU GRVA SKOR MDZAD, DE NAS PHA BOD KHA NYID DU BZHUGS TE BKA' GDAMS GLEGS BAM, BSTAN RIM CHEN MO, BE'U BUM SNGON PO, DPE CHOS SKOR GSUM, BLO SBYONG SKOR, BKA' GDAMS GZHUNG DRUG, BYAMS CHOS SDE LNGA, RIGS TSOGS DRUG, SNGAGS RIM CHEN MO, GSANG 'DUS GSHED SKOR BDE DGYAS DUS 'KHOR SOGS KYI MNGON DKYIL BSKYED RDZOGS, LAM RIM CHE CHUNG, RTZA 'JUG GI RNAM BSHAD SOGS DANG, 'DUL 'DZIN PA'I GLENG 'BUM, BSLAB BYA CHE CHUNG, KUN RIG t'IKA CHEN SOGS RJE'I RJES 'BRANG GI YIG CHA DU MA, YANG GSANG 'DUS KYI RIM LNGA, 'PHO KHRID GSER GYI SGO 'BYED, BLO SBYONG DON BDUN MA'I KHRID, BYANG CHUB LAM GYI RIM PA, RJE PHA BONG KHA PA NYID KYIS MDZAD PA'I LTA PA SPYI KHYAB

, ,TU NGO SPROD PA RNAMS DMAR KHRID DU GSAN, MKHAS GRUB RIN PO CHES MDZAD PA'I KHAMS GSUM RNAM RGYAL GYI STENG NAS RDO RJE 'JIGS BYED KYI 'PHRIN LAS BZHI'I 'KHRUL 'KHOR, PHYAG DRUG PA'I BE'U BUM, PHRENG BA ZHE LNGA MA'I DBANG DNGOS GTZANG BA, ZUR BKA' GSANG 'DUS MI BSKYOD PA, BDE MCHOG L'U DRIL, 'JIGS BYED, 'KHOR CHEN GSHED DMAR, KUN RIG, MI 'KHRUGS PA, TSE DPAG MED SOGS DANG, GZHAN YANG SGRUB THABS BRGYA RTZA, SGROL MA NYER GCIG, MGON PO BCU GSUM SOGS DBANG LUNG MAN NGAG SHIN TU MANG BA GSAN, PAn CHEN BLO BZANG CHOS KYI RGYAL MTSAN LA BDE MCHOG L'U AI PA'I DBANG DANG, MGON PO ZHAL BZHI BA'I DBANG, PHYAG CHEN YANG GSAL SGRON ME'I LUNG RNAMS GSAN, DE LTAR GDAMS BA'I GTER DU GYUR PA NA SKAL BA DANG LDAN PA MANG PO LA MDO SNGAGS KYI CHOS RGYA CHER STZAL ZHING MAL YOR PA BAS BTAB PA'I YER BA SBOS DGA' DANG GUNG THANG CHOS KHRI LHO LCOG GI GDAN SAR PHEBS, KUN MKHYEN LNGA PA CHEN POS KYANG YONGS 'DZIN DU BZHES TE SPYIR MDO SNGAGS KYI CHOS MTHA' YAS PA GSAN ZHING, KHYAD PAR BYANG CHUB LAM GYI RIM PA'I MYONG KHRID RGYAS PAR GSAN PAS RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE LTAR BSTAN 'GRO'A DON RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO NGA BZHI PA ME MO BYA'I LO ZHI BAR GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB DAM PA DPAL 'BYOR 'PHRIN LAS

RAB RGYAS LA GSOL BA 'DEBS SHING, DAM PA 'DI'I RNAM THAR LTAR LEGS TSOGS THAMS CAD KYI RTZA BA BSHES GNYEN DAM PA BSAM SBYOR GNYIS KYIS TSUL BZHIN DU BSTEN NAS MDO SNGAGS KYI MAN NGAG LEGS PAR THOB PAR BYAS LA MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN SNYING POR BYA'O,, ,,KUN MKHYEN BLO BZANG BSTAN PA'I RGYA MTSO CHER, ,MTSAMS SPRIN LA 'GRAN DUR SMRIG GSAR PA YI, ,SGRANG RTZI'I RGYAL MTSAN 'DZIN PA'I PAD DKAR CAN, ,SPRUL BAS 'GRO BA 'DREN LA GSOL BA 'DEBS, ,ZHES BSNGAGS PA RGYAL BA THAMS CAD MKHYEN PA NGAG DBANG BLO BZANG RGYA MTSO NI, 'PHYONG RGYAS 'PHYING BAR STAG RTZER YAB HOR BDUD 'DUL RAB BRTAN DANG YUM KHRI LCAM KUN DGA' LHA MDZES KYI SRAS SU RAB BYUNG BCU PA'I ME SBRUL LA SKU 'KHRUNGS, 'KHRUNGS TZAM NYID NAS BYIS PA'I RGUD PA MTHA' DAG LAS 'DAS TE, 'GRO BA RNAMS LA CHOS STON BA'I PHYAG RGYA MDZAD PA SOGS BSAMS BZHIN DU SPRUL PA'I SKU GZUNG BA'I DANG TSUL GSAL BAR BSTAN, JO BO RJE DANG RJE BTZUN TZONG KHA PA CHEN PO SOGS LHA DANG BLA MA DAM PA MANG PO'I ZHAL GZIGS, BKA' GDAMS GLEGS BAM LAS GSAL BAR LUNG BSTAN PA LTAR PAn CHEN BLO BZANG CHOS KYI RGYAL MTSAN DANG, CHOS SKYONG KHAG RNAMS MTHUN PAR RGYAL BA YON TAN RGYA MTSO'I SPRUL SKUR NGOS ZIN, DE SKABS DUS GZER PAS GEGS DBANG DU SONG DOGS NAS PAn CHEN BLO BZANG CHOS KYI RGYAL MTSAN GYIS SDE SRID

, ,GTZANG PA LA ZHU MKHAS KYIS RTZOL BA CHEN PO MDZAD DE 'BRAS SPUNGS SU GDAN 'DREN PA'I BKOD PA MDZAD NAS DGUNG LO DRUG PA CHU KHYI HOR ZLA GNYIS PA'I NYER LNGA LA GANGS CAN 'DZIN MA'I RGYAN GCIG CHOS SDE CHEN PO DPAL LDAN 'BRAS SPUNGS SU SDE SRID BSOD NAMS CHOS 'PHEL, SE 'BRAS KYI BLA MA DPON SLOB RNAMS DANG, DGE 'DUN 'DUS PA RGYA MTSO SPRUL PA'I CHOS RGYAL CHEN PO KHOG TU BRLAMS BA SOGS KYIS PHEBS BSU SER SBRENG BSAM GYIS MI KHYAB PA, SKYE BO KHRI PHRAG BRGAL BA'I KHROM BCAS DGA' LDAN PHO BRANG DU PHEBS, DGUNG LO DGU BAR PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS MKHAN PO DANG, KHRI RIN PO CHE DKON MCHOG CHOS 'PHEL GYIS SLOB DPON MDZAD DE DGE TSUL BZHES NAS MTSAN BLO BZANG RGYA MTSOR GSOL, DE NAS PAn CHEN BLO BZANG CHOS KYI RGYAL MTSAN LA THOG MAR DGE TSUL GYI BSLAB BYA DANG, CHOS SPYOD RNAMS KYI LUNG, YI DAM GYI DBANG CHEN 'JAM DBYANGS CHOS SKOR GYI RJES GNANG SOGS DBANG DANG RJES GNANG MANG PO DANG, LAM RIM CHE CHUNG GI LUNG SOGS LUNG MTHA' YAS PA GSAN, KHRI CHEN DKON MCHOG CHOS 'PHEL LA LAM RIM CHEN MO'I BSHAD LUNG SOGS CHOS MANG DU GSAN TE RGYAN GYI YONGS 'DZIN TU BSTEN, 'KHON STON DPAL 'BYOR LHUN GRUB KYANG YONGS 'DZIN DU BSTEN NAS CHOS MANG DU GSAN, GZHAN YANG YONGS 'DZIN MANG DU BSTEN NAS MDO SNGAGS KYI CHOS MTHA'

YAS PA GSAN ZHING, RIGS PA'I GNAS LNGA LA'ANG SBYANGS PA MTHAR PHYIN PAR MDZAD, DE NAS DGUNG LO NYER GNYIS SU PHEBS BAS PHO STAG GI LO ZLA BA GSUM PA'I TSES LNGA'I NYIN JO BO RIN PO CHE'I SKU MDUN DU PAn CHEN THAMS CAD MKHYEN PA BLO BZANG CHOS KYI RGYAL MTSAN LA BSNYEN RDZOGS KYI SDOM PA BZHES TE THUB DBANG SLAR YANG GANGS RI'I KHROD DU BYON PA LTA BUR GYUR TE, ,DE NAS DGUNG LO NYER LNGA PA LCAGS MO SBRUL GYI LO GO SHR'I BSTAN 'DZIN CHOS KYI RGYAL POS GCES SDE SRID BCOM NAS BDE KHRI SKOR BCU GSUM DBANG DU BSDUS TE KUN MKHYEN LNGA PA CHEN PO 'DI'I PHYAG TU PHUL, PHO BRANG CHEN BO PO TA LA BRTZIGS TE BZHUGS YUL MDZAD, BOD KYI LHA CIG 'PHAGS PA THUGS RJE CHEN PO LO KE SHVA RA'I SKU RANG BYUNG YANG PHEBS NAS PHO BRANG DU BZHUGS, ZUR DPAL 'BYOR 'PHRIN LAS RAB RGYAS YONGS 'DZIN DU BSTEN NAS BYANG CHUB LAM GYI RIM PA'I KHRID RGYAS PAR GSAN, PAn CHEN BLO BZANG CHOS KYI RGYAL MTSAN GDAN DRANGS NAS SPYI BKA' RDO RJE 'PHRENG BA DANG, ZUR BKA' BDE GSANG 'JIGS GSUM SOGS RGYUD SDE BZHI DANG 'BREL BA'I DBANG DANG RJES GNANG MTHA' YAS PA DANG, DBEN SA BKA' 'BUM GYI LUNG SOGS DBEN SA SNYAN RGYUD KYI MANG NGAG RNAMS KYANG LEGS PAR GSAN, GOO SHR'I BSTAN 'DZIN CHOS RGYAL GYIS GDAN DRANGS NAS GTZANG PHYOGS SU PHEBS TE CHOS GRVA CHEN PO BKRA SHIS LHUN BO'I DGE 'DUN RNAMS LA

, ,CHOS KYI BDUD RTZI STZAL ZHING, MCHOD YON GNYIS KAS PAn CHEN BLO BZANG CHOS KYI RGYAL MTSAN LA GUS 'DUD DANG BSNYEN BKUR RGYA CHEN PO MDZAD, SER SKYA BGRANG PA LAS 'DAS BA LA ZHAL GYI DKYIL 'KHOR BSTAN CING CHOS KYI BDUD RTZI STZAL NAS MTHONG THOS DRAN REG THAMS CAD RJES SU 'DZIN PAR MDZAD, DGUNG LO SO DRUG TU PHEBS PA CHU PHO 'BRUG GI LO SHAR PHYOGS RGYA NAG PHO BRANG DU PHEBS TE RGYA DANG HOR SOG GI SKYE BO BGRANG PA LAS 'DAS PA'I DON MDZAD, SLAR PHO BRANG DU PHEBS NAS MTHA' DBUS SKYE 'GRO BGRANG BA LAS 'DAS PA LA RANG RANG GI DBANG PO DANG 'TSAM PA'I CHOS KYI 'KHOR LO RGYA CHER BSKOR ZHING LHAG PAR RAB BYUNG DANG BSNYEN RDZOGS KYI SDOM PA BGRANG BA LAS 'DAS PA STZAL, CHOS 'KHOR YANG RTZI SOGS CHOS GRVA CHEN PO MANG POR 'JAM MGON BLA MA'I BSTAN PA'I RGYUN GSAR 'DZUGS MDZAD, SNGAGS GRVA'I DGE 'DUN GYI SDE YANG MANG DU BTZUGS TE KUN MKHYEN LNGA PA CHEN POS GSAR 'DZUGS MDZAD PA'I GLING CHEN BCU GSUM ZHES YONGS SU GRAGS PA LTAR DANG, GZHAN YANG SNGAR YOD PA'I DGE 'DUN GYI SDE RNAMS LA CHOS GZHI GNANG STE, GONG 'PHEL DU MDZAD, DGE 'DUN GYI SDE GANG NA YOD PA THAMS CAD LA BCA' KHRIMS DAM POR MDZAD, GDUL BYA'I KHAMS DANG BSAM PA LA GZIGS NAS GSANG SNGAGS SNGA 'GYUR GYI CHOS KYANG MANG DU GSAN ZHING

GANGS RI'I LJONGS KYI SA'I CHA THAMS CAD DU SKU GSUNG THUGS RTEN MANG DU SPEL, RGYAL BSTAN YUN RING DU GNAS PA'I PHYIR DGE 'DUN GYI SDE RNAMS SU RE MOS KYIS BKA' 'GYUR GSUNG SGROG RGYUN MI 'CHAD DU MDZAD, JO BO SH'AKYA MU NE LA RIN PO CHE LAS GRUB PA'I DBU RGYAN GSAR DU BSGRON, BOD KHAMS BDE THABS SU MCHOG DMAN BAR MA THAMS CAD KYIS YI GE DRUG PA BZLA BA DANG, DGE 'DUN GYI SDE RNAMS SU SMAN BAL BDE GSHEGS BRGYAD KYI THUGS DAM BSKUL BA'I CHO GA DANG, GNAS BRTAN CHEN PO BCU DRUG MCHOD PA'I CHO GA RGYUN ME 'CHAD PA'I GZHI BTZUGS SHING BKA' 'DOMS CHE BAR MDZAD, RGYAL BSTAN YUN RING DU GNAS PA'I PHYIR GSUNG RAB DGONGS 'GREL DANG BCAS PA THAMS CAD KYI SNYING PO'I DON PHYOGS GCIG TU DRIL BA'I MAN GNAG BYANG CHUB LAM GYI RIM PA'I KHRID YIG 'JAM PA'I DBYANGS KYI ZHAL LUNG, LAM GYI GTZO BO RNAM GSUM GYI MCHAN 'GREL, BKA' GDAMS THIG LE BCU DRUG GI DBANG KHRID YUL BYUNG DGONGS RGYAN, DMIGS BRTZE MA'I t'IKKA, PHAR PHYIN BLO BZANG DGONGS RGYAN, DBU MA'I RNAM BSHAD, CHOS MNGON RIN CHEN 'DREN PA'I SHING RTA, 'DUL BA'I LAS CHOG GSER MDOG RNAM RGYAL, SO THAR GYI BSLAB BYA, MDO CHOG YID BZHIN DBANG RGYAL, GNAS BCU'I CHO GA ,GZUNGS 'BUL LAG LEN, PAn CHEN BLO BZANG CHOS KYI RGYAL MTSAN GYI RNAM THAR SOGS BLA MA GONG MA'I RNAM THAR KHAG MANG PO DANG, GSAN YIG GANGG'A'I CHU RGYUN DANG ,RGYAL

, ,BA MCHOG NYID KYI RNAM THAR DU KU LA'I GOS BZANG DANG, BOD KHAMS LUGS GNYIS KYIS SKYONG PHYIR RGYAL RABS DANG KHRIMS YIG, LHAG PA'I LHA MANG PO'I SGRUB THABS SOGS BKA' RTZOM BOD SUM CU SKOR BZHUGS SO; ;DE LTAR GANGS RI'I MGON PO RJE BTZUN SPYAN RAS GZIGS NGUR SMRIG GAR GYI RNAM PAR ROL PA GUN MKHKYEN LNGA PA CHEN PO NGANG DBANG BLO BZANG RGYA MTSOS BYANG PHYOGS GANGS RI'I KHROD 'DI LUGS GNYIS KYIS BSKYANGS TE BSTAN 'GRO'I DON RLABS CHEN MDZAD NAS SKU TSE 'DI'I DNGOS KYI GDUL BYA RDZOGS PA NA DUNG LO RE DRUG TU PHEBS BA CHU PHO KHYI'I LO ZHI BAR GSHEGS SO, ,MDZAD PA RNAM THAR CHES ZHIB PAR NI ^ RGYAL BA MCHOG NYID KYIS MDZAD PA'I RNAM THAR DU KU LA'I GOS BZANG DU GSAL BA LTAR RO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS ^ RGYAL BA THAMS CAD MKHYEN PA NGAG DBANG BLO BZANG RGYA MTSO LA GSOL BA 'DEBS SHING ^ RGYAL BA MCHOG 'DIS GANGS CAN GYI GDUL BYA RNAMS LA ZHAL GDAMS SU STZAL BA 'JAM DPAL ZHAL LUNG LAS, MA DAG SNED KYI SKYON SPANGS GZUR GNAS KYI, ,RNA BAR DAM PA'I CHOS KYI DBYANGS SNYAN PO, ,YONGS 'DZIN ZHAL GYI SGO LAS NYER THOS PA, , BSKAL PAR BSGRUBS PA'I BSOD NAMS ZONG GIS RNYED, ,KHYAD PAR RGYA BOD MKHAS GRUB MA LUS PA'I, ,THUGS KYI NYING KHU CHE BA BZHI LDAN CHOS, ,MCHOG DMAN 'GRO LA RIS MED PHAN PA'I SMAN, ,BDUD RTZI'I SPUN ZLA GNYIS PA RNYED

DKA'I LAM, ,LAM MCHOG 'DI 'DRA POS BSAM SGOM GSUM GYIS, ,NYAMS SU BLANG BYAR YOD PA'I SKAL BZANG RNAMS, ,MNOG CHUNG TSE 'DI'I MDUN MA RGYANG BSRINGS TE, ,ZHEN LOG SKYO SHAS DRAG POS RGYUD BSKUL NAS, , 'DU 'DZIS DBEN PA'I SA 'DZIN MTHON PO'I NGOS, ,SPANG LJONGS NAGS MAL ME TOG KHOR YUG CAN, ,RDO BA'I SPYIL CHUNG RANG SHONG KHANG BU RU, ,GRIB MA GNYIS PA'I GROGS DANG LHAN CIG PAR, ,LHUNG LHUNG DAL GYIS 'BAB PA'I NYAL 'GRO DANG, ,BAG PHEBS RI DVAGS RGYU BA'I SKAD GNYIS LAS, ,GZHAN DU DUG GSUM BSKYED PA'I LONG GTAM GYIS, ,BSAM GTAN TSER MA'I BYED PO DMIGS SU MED, ,PHYAG DANG KHROD PA'I GOS DANG BSOD SNYOMS KYIS, NYER 'TSO DKOR NAG DUG CHUS MA SBAGS PAS, ,RNAM DKAR DGE LA BSKUL NUS LUS NGAG YID, ,GTAN GYI BDE SGRUB MDUN MA'I YANG RTZER SON, ,ZHES GSUNGS PA LTAR DAL RTEN LAN CIG THOB PA'I SKABS 'DIR TSANG LA MA NOR PA'I LAM LA BAG CHAGS CI THEBS BYA'O,, ` ,,'JAM DPAL DBYANGS DNGOS NGAG DBANG DPAL BZANG PO, ,ZHES BSNGAGS PA KHRI RIN PO CHE SBYIN PA RGYA MTSO MTSAN GZHAN NGAG DBANG DPAL BZANG ZHES GRAGS PA DE NI, MDO KHAMS KYI SA'I CHA SAM CHU'I BYANG NGOS SU SKU 'KHRUNGS SKU GZHON NU NAS CHOS KYI BAG CHAGS SAD DE KHYIM GYI 'DU 'DZIL MA CHAGS BAR RGYAL BA'I BSTAN PA LA RAB TU BYUNG, CHOS KYI RGYAL PO TZONG KHA PA CHEN PO LA RTZE GCIG TU DAD PAS RJE'I RNAM THAR

, ,LTAR DANG POR GZHUNG LUGS CHEN MO RNAMS LA SBYANGS TE THOS PA PHU THAG CHOD PA ZHIG BYA BA DANG, THOS DON RANG GI RGYUD LA SBYAR TE NYAMS LEN MTHAR PHYIN PA ZHIG BYA BA DANG RGYUD 'BYONGS PA NA SGRUB 'BRAS KYIS BSTAN PA DANG SEMS CAN LA PHAN THOGS PA ZHIG BYA BAR 'DOD NAS DBUS GTZANG GI LJONGS SU BYON NAS 'BRAS SPUNGS SU PHEBS SGO MANG GRVA TSANG DU ZHUGS NAS PHAR PHYIN DANG BDUM DANG, 'DUL BA DANG, MDZOD DANG RNAM 'GREL RNAMS LA SBYANGS TE MKHAS PA'I PHUL DU PHYIN PAR GYUR PA NA LHA LDAN SMON LAM CHEN MO'I THOG MKHAS MANG RGYA MTSO LTA BU'I DBUS SU DAM BCA' BZHAG STE DKA' BZHI'I GRVA SKOR MDZAD, DE NAS SNGAGS LA SPYOD BAR BZHED NAS DPAL LDAN SMAD RGYUD GRVA TSANG DU ZHUGS TE RGYUD SDE BZHI GA DANG KHYAD PAR BLA MED, DE'I NANG NAS KYANG PHA RGYUD GSANG BA 'DUS PA DANG , MA RGYUD 'KHOR LO SDOM PA GNYIS KYI RGYUD 'GREL PA DANG BCAS PA LA SBYANGS TE MKHAS PA'I PHUL DU PHYIN PAR GYUR PA NA RANG GI YON TAN GYI BYED POS RGYUD SMAD KYI KHRI LA PHEBS NAS RGYUD KYI RGYAL PO DPAL GSANG BA 'DUS PA'I RTZA RGYUD 'GREL PA BZHI SBRAGS KYI SGO NAS GZABS BSHAD DANG ,RGYUD KYI t'IKKA NGAG THOG NAS 'DZIN CHOS DANG, RIN PO CHE LTA BU'I GDUL BYA RNAMS LA 'DUS PA'I BSKYED RDZOGS KYI MYONG KHRID GNANG STE RDO RJE THEG PA'I BSTAN BA RGYA CHER SPAL, GZHAN YANG GANGS RI'I KHROD 'DIR RGYAL BA'I BKA' 'GYUR RO COG GI LUNG DANG, BKA' GDAMS GZHUNG

DRUG SOGS 'PHAGS YUL PAn GRUB RNAMS KYI GSUNG PHAL MO CHE DANG, RJE YAB SRAS KYI GSUNG PA LA MO CHE'I LUNG GSAN PAS DE DUS GANGS RI'I KHROD NA BLA MA 'DI LUNG GSAN RGYA CHE BAR GRAGS, DE NAS THOS DON SGRUB BA SNYING POR BYA BAR BZHED NAS 'PHAGS MCHOG PHYAG NA PADMO DUR SMRIG GAR GYI RNAM PAR ROL PA KUN MKHYEN LNGA PA CHEN PO LA BYANG CHUB LAM GYI RIM PA'I KHRID ZLA CHOS SU RGYAS PAR GSAN CING NYAMS SU BLANGS TE MYONG BA THON BAR MDZAD, DE NAS RANG GI RGYUD SMIN PA NA ,SKAL BA DANG LDAN PA GZHAN DAG LA'ANG SKYES BU GSUM GYI LAM GYI RIM PA'I KHRID RGYAS PAR STZAL , GZHAN YANG RANG RANG GI DBANG PO DANG 'TSAM PAR MDO SNGAGS KYI CHOS KYI CHAR PHAG DE NAS RGYAL BTZONG KHA PA CHEN PO'I GDAN SA DGA' LDAN GSER KHRIR PHEBS TE MDO SNGAGS KYI LAM RIM 'CHAD PA DANG, LHA LDAN SMON LAM CHEN MO'I THOG TU SKYES RABS SO BZHI PA'I GZABS BSHAD MDZAD PA SOGS RJE BDAG NYID CHEN PO'I MDZAD BZANG RNAMS NYAMS PA MED PAR BSKYANGS TE DGA' LDAN KHRI THOG NYID DU ZHING GSHEGS TE MI PHAM 'JAM DPAL SNYING PO'I ZHABS DRUNG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS KHRI RIN PO CHE SBYIN PA RGYA MTSO LA GSOL BA 'DEBS SHING ,BLA MA DAM PA 'DI'I RNAM THAR LTAR MDO RGYUD DGONGS 'GREL DANG BCAS PA'I SNYING PO'I DON BYANG CHUB LAM GYI RIM BA'I NYAMS LEN LA 'BAD BAR BYA'O,, ,,

, ,BSHES GNYEN DAM PA BYAMS PA CHOS LDAN, ZHES BSNGAGS PA, DGE BA'I BSHES GNYEN SEMS DPA' CHEN PO BYAMS PA CHOS LDAN NI SKU GZHON NU NAS RGYAL BA'I BSTAN PA LA RAB TU BYUNG, SHING RTA CHEN PO'I GZHUNG RNAMS LA SBYANGS PA MTHAR PHYIN PAR MJAD DE, MKHAS PA'I PHUL DU PHYIN PAR GYUR PA NA, RIG SNGAGS 'CHANG BA'I SDE CHEN PO DPAL LDAN SMAD RGYUD GRVA TSANG DU PHEBS TE BDE GSANG 'JIGS GSUM GYI RIM PA GNYIS KYI GNAD RNAMS DANG, DKYIL 'KHOR BRI SGRUB SOGS CHO GA PHYAG LEN MTHA' DAG LA SBYANGS TE RGYUD DON LA MI 'JIGS PA'I GDENG THOB PA NA KUN GYIS BSNGAGS 'OS SU GYUR TE, RGYUD PA'I RDO RJE SLOB DPON MDZAD, DE NAS NGES 'BYUNG SHUGS DRAG POS BSKUL NAS SGRUB PA SNYING POR BYA BAR BZHED DE, DUS GSUM GYI SANGS RGYAS THAMS CAD GANG NAS BYON PA DANG 'BYON PAR 'GYUR BA'I LAM PO CHE GSUNG RAB DGONGS 'GREL DANG BCAS PA'I SNYING PO'I DON SKYES BU GSUM GYI LAM GYI RIM BA NYAMS SU LEN PA LA RGYUD LDAN BLA MA DAM PA'I MAN NGAG DGOS PAR GZIGS NAS KHRI RIN PO CHE SBYIN PA RGYA MTSO BSAM SBYOR GNYIS KYIS TSUL BZHIN DU BSTEN NAS BYANG CHUB LAM GYI RIM PA'I MYONG KHRID LEGS PAR GSAN, DE NAS DGA' LDAN GYI KHRI SOGS MTHON PO'I GO SA LA RE BA MA MDZAD BAR TSE 'DI BLOS BTANG STE DBUS STOD LO DGON PAR BYANG CHUB LAM GYI RIM PA'I NYAMS LAN LA BRTZON PA CHU BO'I RGYUN BZHIN DU MDZAD PAS MYONG BA PHUL

PHYIN THON PA NA SKAL BA DANG LDAN BA GZHAN DAG LA'ANG, BYANG CHUB LAM GYI RIM PA'I MAN NGAG STZAL TE, DE DUS BYANG CHUB LAM GYI RIM PA LA SNYING NAS BLO SBYONG BAR 'DOD PA RNAMS BSHES GNYEN DAM PA 'DI LA BRTEN PA ZHIG BYUNG NGO, DAM PA 'DIS NI BKA' GDAMS GLEGS BAM LAS, THE TSOM THAMS CAD SPANG BYA ZHING, ,SGRUB LA NAN TAN GCES SU BYA, ,ZHES GSUNGS PA DANG, RJE RIN PO CHES, DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN TE BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ,ZHES GANG GSUNGS BDE LTAR DU BSGRUBS TE, TSE 'DI'I G-YENG BA DANG ZAB ZAB SNYAN SNYAN GYI CHOS SNA MANG PO LA 'JUG PA DOR TE DPAL AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG BA'I MAN NGAG BYANG CHUB LAM GYI RIM PA NYID LA TSIG SGRIL DU BYAS TE, PHYI RABS KYI GDUL BYA YONGS KYI MIG LTOS SU CHE BA ZHIG MDZAD DO, ,DE LTAR SGRUB PA MTHAR PHYIN PAR MDZAD NAS, SKU TSE 'DI'I 'DU BYED DOR BA NA BU PHA KHYIM DU 'GRO BA LTAR DGA' BZHIN SPRO BZHIN DU RJE 'JAM DPAL SNYING PO'I ZHABS DRUNG DU PHEBS SO, ,KHRI RIN PO CHE SBYIN PA RGYA MTSO DANG, BSHES GNYEN DAM PA 'DI GNYIS KYI RNAM THAR ZHIB MO MA MTHONG BAS SLAR RNYED NA 'DIR BSNAN PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BSHES GNYEN DAM PA BYAMS PA CHOS LDAN LA GSOL BA

, ,'DEBS SHING, BSHES GNYEN DAM PA 'DI'I RNAM THAR LTAR BLO SNA MANG PO MI BYA BAR BYANG CHUB LAM GYI RIM PA NYID LA NYAMS LEN CHIG BSGRIL DU BYA'O,, ` ,,KHRI CHEN NGAG DBANG MCHOG LDAN PA NI; MDO SMAD KYI YUL GYI CHA BTZAN TSO ZHES BYA BA'I LUNG PA'I LE LAG DKAR MO PHUGS SU YEB NANG SO PHYAG RDOR BKRA SHIS DANG YUM SBO CHOG GNYIS KYI SRAS SU SHENG MO SBRUL GYI LO SKU 'KHRUNGS, 'KHRUNGS TZAM NAS BZUNG THA MAL BYIS PA'I SPYOD PA MTHA' NGAG RGYANG RING DU SPANGS SHING SKU DRANG BOR BSRANGS TE SGOM BYED PA'I TSUL DANG GZUNGS SNGAGS BZLA BA SOGS DAM PA'I SPYOD PAS DUS 'DA' BA ZHIG BYUNG ZHING, NYE SKOR DU MI GZHAN GYIS TING NGE 'DZIN RGYAL PO'I MDO DANG, THAR CHEN GYI MDO GNYIS KLOG PA GSAN PA'I TSE MDO'I DON RNAMS PHAL CHER THUGS LA CHUD PA ZHIG BYUNG, DE NAS KHYIM NA GNAS PA NI NYON MONGS BA DANG NYES PA DU MA'I 'BYUNG GNAS DANG, RAB TU BYUNG BA NI YON TAN THAMS CAD KYI RTEN DU GZIGS NAS YAB YUM GNYIS LA KHO BO RAB TU 'BYUNG NGO ZHES YANG DANG YANG DU GSOL BA NA YAB YUM GNYIS KYIS KYANG MTHUN PA'I GROGS BYAS TE KHYIM NAS KHYIM MED PAR BYA KHYUNG CHOS SDER MKHAN PO NGAG DBANG TSUL KHRIMS LA GTZUG PHUD PHUL NAS RAB TU BYUNG STE MTSAN NGAG DBANG MCHOG LDAN ZHES BTAGS, TSIGS SDAM DGE TSUL GYI SDOM PA BZHES NAS DGO TSUL GYIS SLAB KHRIMS LAS NAM YANG MI 'DA' BAR BCA' KHRIMS TSUL

BZHIN DU BSRUNG BAR MDZAD, MKHAN PO DE NYID CHUL BZHIN DU BSTAN TA CHOS SPYOD KYI RIM PA RNAMS DANG, RGYAN 'JUG SOGS GZHUNG CHEN BZHI'I RTZA BA RNAMS KYANG PHAL CHER BZUNGS, SBYOR BA RTZI BA SOGS RIGS PA'I SGO 'BYED LA BRTZON PAR MDZAD PAS TSEGS MED PAR MKHYEN, SNGON YUN RING PA NAS SBYANGS PA'I BAG CHAGS SAD PAS 'KHOR BA'I PHUN TSOGS GANG LA'ANG MI CHAGS SHING, SRID LA NGES 'BYUNG DANG GIS SKYE BA DANG, CHOS KUN SNANG ZHING STONG PA SGYU MA LTA BU'I SNANG BA RANG SHUGS KYIS 'CHAR BA ZHIG BYUNG, DE NAS DGUNG LO BCO LNGA LA BAB PA NA 'JAM MGON BLA MA TZONG KHA PA CHEN PO'I RNAM THAR SKYONG PHYIR DBUS GTZANG DU SLOB GNYER LA 'BYON PAR BZHED NAS BYA KHYUD MKHAN PO DANG YAB YUM GNYIS LA DE LTAR GSOL PA NA KHONG RNAMS KYIS KYANG MTHUN PA'I GROGS LEGS PAR SBYAR TE DBUS SU PHEBS NAS SER THEG CHEN GLING DU BYON, BYES MKHAS MANG GRVA TSANG DU ZHUGS MI CHEN GYI RIGS YIN PAS THAMS CAD KYIS CHOS MDZAD MDZAD DGOS PAR BSKUL YANG MI CHEN GYI CHE SGROB KYIS SLOB GNYER LA GNOD DOGS NAS ZHAL GYIS MA BZHES PAR CHOS GRVA BA SPYI 'GRE MDZAD, BYES BLA MA RGYAL MTSAN DON GRUB YONGS 'DZIN DU BSTEN TE THOG MAR CHAD MA RNAM 'GREL LA SBYANGS, DE NAS RJE BTZUN CHOS KYI RGYAL MTSAN GYI YIG CHA'I STENG NAS PAR PHYIN LA SBYANGS, PHAR PHYIN GYI RGYA BOD KYI GZHUNG THAMS CAD LA 'DRIS PAR MDZAD, PHAR PHYIN GYI ZUR BKOL BZHI PO THUGS LA BYANG BAR GZUNGS

, ,NAS TSOGS RGYUGS 'BUL BAR MDZAD, LO BCU DGU TSUN LA PHAR PHYIN GYI GSAN SBYONG RDZOGS PAR GRUB BAR MDZAD NAS LO NYI SHU PAR GSANG PHUR PHAR PHYIN GYI GRVA SKOR MDZAD, DE NAS DBU MA'I 'DZIN GRVAR ZHUGS TE SE RA RJE BTZUN PA'I DBU MA'I YIG CHA YONGS RDZOGS THUGS LA GZUNG, 'PHAGS PA YAB SRAS KYI DBU MA'I GZHUNG RNAMS DANG, RJE YAB SRAS KYI DBU MA'I BSTAN BCOS RNAMS LA LEGS PAR SBYANGS TE MKHAS PA'I PHUL DU PHYIN PAR MDZAD, DE NAS DGUNG LO NYER GNYIS NAS NYER BZHI PA'I BAR LO GSUM GYI RING LA 'DUL MDZOD GNYIS LA SBYANGS TE MKHAS PA'I PHUL DU PHYIN PAR MDZAD DE, DGUNG LO NYER LNGA PA'I LO LHA LDAN SMON LAM CHEN MO'I THOG TU DKA' BZHI'I GRVA SKOR MDZAD, DE NAS RJE RIN PO CHE'I RNAM THAR LTAR GZHUNG LUGS GDAMS PAR SHAR BA'I NYAMS LEN MDZAD BZHED NAS SER RTZER RJE SGRUB KHANG PA DGE LEGS RGYA MTSO'I ZHABS DRUNG DU PHEBS NAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID RGYAS PAR GSAN TE MTHA' DAG THUGS SU CHUD PAR MDZAD PA NA RJE DGE LEGS RGYA MTSO THUGS SHIN TU MNYES NAS NA TSOD GZHON NU 'DI TZAM NAS LAM RIM LA SGRUB BA MTHAR PHYIN PA BYAS NA RTOGS PA THOB NAS BSTAN PA LA PHAN THOGS PA ZHIG 'ONG ZHES LUNG BSTAN YANG MDZAD, SNGAR GZHUNG LUGS LA SBYANGS PA GANG BYAS PA THAMS CAD TSIG GCIG KYANG DON MED DU

MA SONG BAR RANG GI RGYUD 'DUL BA'I MAN NGAG MCHOG TU GO NAS DPAL AA TI SHAS GSER GLING PA CHEN PO RTZA BA'I BLA MA 'GRAN GYI DO MED DU 'DZIN PA JI LTA BAR RJE SGRUB KHANG PA 'DI NI RTZA BA'I BLA MA 'GRAN GYI DO MED DU 'DZIN PAR MDZAD DE, RJE SGRUB KHANG PA'I MTSAN BRJOD PA NA PHYAG THAL MO SBYOR, SPYAN MCHI MA 'KHRUG PA ZHIG YOD PAR GSUNG NGO, ,RJE SGRUB KHANG PA LA LAM RIM GYI KHRID GSAN NAS KHRID SKYONG SKABS BLA MA'I GSUNG TSIG GCIG KYANG RAS SUM BOR BAR PHYAG DANG MAndAL GRANGS GSOG DANG, MCHOD PA'ANG SNOD GZHAN MAD PAR RDZA'I KHOG MA BKRUS TE DE NYID DU YON CHAB YANG DANG YANG DU 'BUL BA SOGS RJE SGRUB KHANG PA'I RNAM THAR NYAMS PA MED PAR SKYOD BAR MDZAD DO, ,DE NAS SNANG BA MTHA' YAS DUR SMRIG GAR GYI RNAM PAR ROL PA PAn CHEN THAMS CAD MKHYEN PA RJE BTZUN BLO BZANG YE SHES LAS BSNYEN RDZOGS THOB PA ZHIG BYUNG NA CI MA RUNG SNYAM DU SMON PAS DKA' BA KHYAD DU BSAD NAS MI CHEN GYI SGROB GANG YANG MA MDZAD PAR 'TSO CHAS RNAMS KYANG RANG GI KHRES POR BSNAMS TE BKRA SHIS LHUN POR PHEBS, PAn CHEN THAMS CAD MKHYEN PA'I ZHAL MJAL, ZHAL GYI DKYIL 'KHOR MTHONG MA THAG SA DANG PO THOB PA LTA BU'I DGA' BA DANG, SANGS RGYAS DNGOS SU MTHONG BA'I DAD PA BCOS MIN 'KHRUNGS, BSNYEN RDZOGS KYI SDOM PA THOB PAS THUGS LEGS PAR TSIM ZHING MKHAN CHEN THAMS CAD MKHYEN PA'I BKA' BZHIN 'DUL BA'I BCAS MTSAMS MTHA' DAG NYAMS PA MED

, ,PAR BSRUNGS TE THUB PA'I RGYAL TSAB CHEN POR GYUR TO, ,DE NAS GSANG SNGAGS LA SBYONG BAR BZHED NAS DPAL LDAN SMAD RGYUD GRVA TSANG LA ZHUGS, RGYUD SMAD CHOS RJE DGE 'DUN PHUN TSOGS BSAM SBYOR GNYIS KYIS TSUL BZHIN BU BSTEN TE RGYUD KYI RGYAL PO DPAL GSANG BA 'DUS PA 'GEL BA 'GREL BSHAD MAN NGAG LAG KHRID DANG BCAS PA DANG, MA RGYUD THAMS CAD KYI GTZO BO DPAL 'KHOR LO SNGOM PA RGYUD 'GREL MAN NGAG LAG KHRID DANG BCAS PA DANG, DPAL RDO RJE 'JIGS BYED CHEN PO'I RGYUD MAN NGAG LAG KHRID DANG BCAS PA LA SPYANGS TE MKHAS PA'I PHUL DU PHYIN PAR MDZAD NAS DGUNG LO NYER BDUN PA'I LO DBYAR GNAS THOG RGYUD CHEN DGE 'DUN PHUN TSOGS LA GSOL BA BTAB STE, PHYI MIG LUNG GI KHRID KHANG DU ZHUGS NAS MKHAS GRUB RIN PO CHE'I DKAR CHAG THO'I YIG CHUNG LAS JI LTAR 'BYUNG BA LTAR 'DUS PA'I RIM GNYIS KYI KHRID LAG LEN CHE PHRA MTHA' DAG NYAMS PA MED PAR KHRID PAR MDZAD, RGYUD CHEN DGE 'DUN PHUN TSOGS 'DI LA DPAL DBEN SA SNYAN RGYUD KYI MAN NGAG DANG, SRAD RGYUD KYI MAN NGAG DANG, RGYUD SMAD RANG GI RDO LAG BRGYUD KYI MAN NGAG GSUM GA MNGA' ZHING, DE YANG BKLAGS LUNG TZAM MIN PAR DMAR KHRID LAG RJES DANG BCAS PA ZHIB TU KHRID PAR MDZAD PAS LAM RIM GNYIS LA MI 'JIGS PA'I GDENG THOB, DE NAS 'JAM DBYANGS BZHAD PA RDO RJE LA YANG LAM RIM GYI KHRID DANG BSKYED RDZOGS KYI KHRID

DANG DBANG RJES GNANG MANG DU GSAN, GZHAN YANG DGE BA'I BSHES GNYEN DU MA LA DBANG LUNG MAN NGAG MTHA' YAS PA GSAN, DE NAS YAB YUM GYIS NAN GYIS BSKUL TE MDO SMAD DU BYON NAS LO NGO BZHI TZAM BZHUGS SLAR DGUNG LO SO GSUM GYI THOG DBUS SU PHEBS NAS KHRI CHEN DGE 'DUN PHUN TSOGS LA GSANG BDE 'JIGS GSUM GA'I BSKYED RDZOGS RNAMS KYI KHRID DANG RJE RIN PO CHE'I GSUNG 'BUM GYI LUNG SOGS CHOS BKA' MTHA' YAS PA GSAN, DGUNG LO SO BZHI PA'I LO GZHUNGS NAS MTHO LDING MKHAN POR BSKO BZHAG GNANG STE MTHO LDING GSER KHRIR PHEBS NAS LO CHEN RIN CHEN BZANG PO'I GDAN SA BSKYANGS TE LO CHEN GYI BSTAN PA'I DON DU SKU GSUNG THUGS RTEN RGYA CHEN PO BZHANGS BA RNAMS DANG MDO SNGAGS KYI 'CHAD NYAN BTZUGS PA RNAMS BAR SKABS SU NYAMS PA RNAMS DAM PA 'DIS LEGS PAR GSOS TE LO CHEN RANG NYID SLAR BYON PA LTAR MNGA' RIS SKOR GSUM DU MDO SNGAGS KYI CHOS RGYA CHER BSHAD DE BSTAN PA LA BYA BA RGYA CHEN PO MDZAD, MNGA' RIS SU LO BDUN GYI RING BSTAN PA'I BYA BA MDZAD NAS MTHO LDING GI KHRI BZHAG STE DBUS GTZANG DU 'BYON PA'I LAM ZHOR GANGS TE SE MJAL BAR PHEBS, GNAS DER BKA' RGYUD PA'I BLA MA GONG MA MANG POS PHYAG RJES DANG ZHABS RJES BZHAG PA MANG DU SNANG BA RNAMS GZIGS PA NA 'JAM MGON BLA MA'I BSTAN PA'I CHE BA 'DON PHYIR DAM PA 'DIS KYANG RDO LA ZHABS RJES 'JOG PAR MDZAD, DE NAS MANG YUL SKYID GRONG DU PHEBS TE RANG

, ,BYUNG WA TI BZANG PO LA MCHOD 'BUL SMON LAM RGYA CHER MDZAD, DE NAS SKYID GRONG GI LU BRAG KHA RI KHROD DU LI THANG RAB 'BYAMS PA BLA MA BLO BZANG CHOS 'KHOR LA CHOS MANG DU GSAN, DE NAS DPAL KHUD DU PHEBS NAS PAD MA CHOS SDINGS MJAL, BO DONG 'JIGS BRAL GYI GSUNG RNAMS LA SHIN TU DGYES PAR MDZAD, DE NAS RIM GYIS BSKRA SHIS LHUN POR PHEBS TE PAn CHEN THAMS CAD MKHYEN PA CHEN POR RTA BZANG PO SUM CU SKOR GYIS GTZOS PA'I 'BUL BA SPAM CHE BA MDZAD, BYANG CHUB LAM GYI SGRON MA SOGS CHOS MANG DU ZHU BAR MDZAD, DE NAS DBUS SU PHEBS TE GRUB PA'I DBANG PHYUG 'JAM DPAL RGYA MTSO BA LA MI TRA BRGYA RTZA SOGS DBANG RJES GNANG MANG DU GSAN, KHRI CHEN DGE 'DUN PHUN TSOGS LA BDE MCHOG RTZA RGYUD DANG SBAS DON KUN GSAL GNYIS RTZA 'GREL SBRAGS BA'I LUNG SOGS ZAB CHOS MANG DU GSAN, DE NAS RGYUD SMAD KYI KHRIL PHEBS TE RJE THAMS CAD MKHYEN PAS RJE BTZUN SHES RAB SENG GE LA PHA RGYUD GSANG BA 'DUS PA DANG, MA RGYUD 'KHOR LO SDOM PA GNYIS KYI RGYUD 'GRAL DANG, BSKYED RDZOGS KYI KHRID RNAMS RGYUN MI NYAMS PAR BYA BA'I PHYIR RGYUD GRVA 'DZUGS DGOS PAR BKA' PHEBS PA LTAR RJE SHES RAB SENG GES RJE'I BKA' LTAR RGYUD KYI RGYAL PO GNYIS KYI 'CHAD NYAN GTZO BOR BTON, BDE GSANG 'JIGS GSUM GYI CHO GA PHYAG LEN MTHA' DAG RGYUD DANG

RJE'I DGONGS PA LTAR RNAM PAR DAG PA'I RGYUD GRVA 'DZUGS PAR MDZAD CING RING ZHIG 'PHEL RGYAS SU GYUR NA'ANG BDE MCHOG GI SKOR 'DI LHAG PAR BKA' GNYAN PA DANG, DUS DBANG GIS BAR SKABS SHIG NAS BZUNG RGYUN CHAD PA DAM PA 'DIS GSO BAR BZHED NAS RJE RIN PO CHE NYID LA GSOL BSHUGS DRAG LA RGYUN RING BA BTAB, RJE RIN PO CHE'I BSTAN PA GNYER DU GTAD PA'I SRUNG MA MGON CHOS GNYIS LA 'PHRIN LAS BCOL TE SDE SNOD 'DZIN PA BLO GSAL DON GNYER CAN KHA SHAS DBEN DGON DU BTANG STE GRUB CHEN DBEN SA PA YAB SRAS KYIS JI LTAR BTZUGS PA'I BDE MCHOG GI CHO GA'I PHYAG LEN RNAMS NYAMS PA MED PAR BLANGS TE CHO GA RNAMS LEGS PAR BTZUGS, SNGAR NAS GSANG BA 'DUS PA'I 'GREL PA BZHI SBRAGS KYI 'CHAD NYAN RGYUN NYAMS PA MED PAR GNAS PA GONG 'PHEL GYI THOG BDE MCHOG RTZA RGYUD DANG, SBAS DON KUN GSAL RTZA 'GREL SBRAGS PA'I 'CHAD NYAN LEGS PAR BTZUGS, t'IKKA'I 'DZIN CHOS DANG, BDE GSANG GNYIS KYI BSKYED RIM DANG RIM LNGA GSAL SGRON GYI GZABS BSHAD 'JIGS BYED KYI BSKYED RDZOGS CHEN MO'i GZABS BSHAD DBYAR GNAS THOG 'DUS PA'I BSKYED RDZOGS KYI MYONG KHRID LO LO BZHIN NYAMS PA MED PA BSKYANGS, DON GNYER CAN 'GA' YAR LA KHRID CHEN BRGYAD KYANG GNANG STE RDO RJE THEG PA'I BSTAN PA CHES CHER SPEL BAS RGYAL BA'I BSTAN PA SPYI DANG KHYAD PAR RDO RJE THEG BA'I

, ,BSTAN PA LA BKA' DRIN ZLA MED DU MDZAD DO, ,GZHAN YANG BLO GSAL GLING ZHAL SNGA NAS BLO BZANG SBYIN PA DANG, GRUB BA'I DBANG PHYUG DON YOD MKHAS GRUB SOGS LA'ANG MDO SNGAGS KYI ZAB KHRID MANG DU GSAN, DE LTAR ME PHAG NAS ME SPRE'I BAR LO BCU'I RING LA DPAL LDAN SMAD RGYUD GRVA TSANG GI GDAN SA MDZAD DE CHOS ZANG ZING GNYIS KA'I SGO NAS DGE 'DUN GYI SDE LEGS PAR BSKYANGS, KHYAD PAR BDE MCHOG GI CHOS SKOR NYAMS BA GSAR DU GSO BAR MDZAD, YUN RING GNAS PA' PHYIR GZHUNG SA CHEN POR RTZOL BA CHEN POS ZHUS TE BDE MCHOG SGRUB MCHOD KYI MCHOD GZHI YANG GSAR SBYOR MDZAD, DE NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO SNGAGS KYI GSAN SBYONG MDZAD RGYU'I YONGS 'DZIN DU RJE 'DI PA SPYAN DRANGS PA NA RGYUD SMAD KYI GDAN SA BZHAG STE RGYAL BA MCHOG GI YONGS 'DZIN DU BZHUGS TE 'GAR THAR DU PHEBS, , 'GAR THAR DU BZHUGS PA'I RING RGYAL BA BSKAL BZANG RGYA MTSOR RGYUD SMAD KYI PHYAG BZHES BZHIN RDO RJE SLOB DPON MCHOD PA'I CHO GA SNGON DU BTANG STE NYIN RE BZHIN 'GREL BA BZHI SBRAGS NAS GZABS BSHAD RE DANG RGYUD t'IKA GI 'DZIN CHOS 'CHAG MED NGOS BAR BAR DU DBANG RJES GNANG GI RIGS DANG LUNG GI RIGS 'BUL BAR MDZAD, DGUN DUS PHAL CHER BCAD RGYAR BZHUGS SHING RGYUD PA'I PHYAG BZHES LTAR DBYID SOS NAS BZUNG RGYUD 'GREL GYI

'CHAD NYAN GONG 'PHEL DU MDZAD DE BKLAGS LUNG TZAM GYIS CHOG BAR MA MDZAD BAR RTZA RGYUD DANG BA SHAD RGYUD RNAMS SHAN SBYAR, DE DAG GI DON 'PHAGS PA YAB SRAS KYI GZHUNG RNAMS DANG RJE YAB SRAS KYI GZHUNG RNAMS DANG SBYAR TE MTHA' DRUG DANG TSUL BZHI DON MTHA' DAG BAR BSHAD, RGYAL BA MCHOG 'DI'ANG SPYIR RGYAL BA'I DAM CHOS MA LUS 'DZIN PA DANG, KHYAD PAR BLA MED RDO RJE THEG PA'I BSTAN PA NYAMS PA RNAMS GSO BA DANG RGYUN CUNG ZAD GNAS PA RNAMS CHES CHER SPEL BAR BZHED PA'I LHAG BSAM SNYING STOBS LHAG PAR CHE BAS RGYA MTSO CHEN PO CHUS MI NGOMS PA LTAR BLA MA RDO RJE 'CHANG GIS JI TZAM BSHAD KYANG TSIM BA MED PAR GONG 'PHEL DU MDZAD, 'GAR THAR DU BZHUGS RING THOS BSAM SGOM PA'I BYA BA MTHA' DAG DBYAR GYI MTSO DANG YAR NGO'I ZLA BA LTAR GONG 'PHEL DU GYUR PA ZHIG BYUNG, DE LTAR LO GNYIS LHAG TZAM GYI RING LA 'GREL PA BZHI SBRAGS NAN TAN DU BYAS NAS THUGS SU CHUD PAR MDZAD, DE NAS DBUS SU 'BYON PAR CHAS PA NA GONG MI RGYAL KHAB NAS LCANG SKYA RIN PO CHE YANG PHEBS TE RGYAL BA MCHOG DANG RJE 'DI GNYIS KA LA MDO SNGAGS KYI CHOS MTHA' YAS PAR GSAN ZHING LHAG PAR RJE 'DI LA 'GREL BA BZHI SBRAGS DANG, RIM LNGA GSAL SGRON GYI GZABS BSHAD DANG, KHRID CHEN BRGYAD SOGS MDO SNGAGS KYI ZAB CHOS MTHA' YAS PA GSAN ZHING RJE 'DIS KYANG BUM PA GANG BYO LTA BUR GNANG BAR MDZAD, DE NAS PHO BRANG CHEN POR PHENGS NAS KYANG RGYAL BA MCHOG LA MDO SNGAGS KYI ZAB

, ,CHOS MTHA' DAG RIM GYIS 'BUL BAR MDZAD CING, RGYAL BA MCHOG GI BKAS DGA' LDAN GYI GSER KHRIR PHEBS TE RJE RIN PO CHE'I MDZAD SROL RNAMS MA NYAMS PAR BSKYANGS, LO BDUN GYI RING LA GSER KHRI SKYONG BAR MDZAD, DE NAS KHRI BZHAG STE PHO BRANG CHEN POR BCAR BZHUGS KYIS RGYAL BA MCHOG LA CHOS 'BUL DGOS RNAMS DANG DON GNYER CAN GZHAN MANG PO LA'ANG CHOS RGYA CHER GNANG, DE NAS DGUNG LO BDUN CU LON NAS SKU SMIN TSUL CHE BAR PHEBS PA NA GSER SRANG BRGYA PHRAG BRGAL BA BTUL TE GANGS RI'I LJONGS KYI RTEN BYIN RLABS CAN RNAMS LA GSER GSOL MDZAD, MDOR NA BDAG NYID CHEN PO 'DIS DGE BA'I BSHES GNYEN TSUL BZHIN DU BSTEN NAS BKA' MDO RGYUD MTHA' DAG LA MKHAS PAR SBYANGS PAS YANG DAG PA'I LAM LA RIGS PA'I LAM NAS DRANGS PA'I NGES PA GTENG TSUGS PA RNYED CING GRUB MTHA' RGYA MTSO LTA BU'I PHA ROL DU PHYIN, NGES 'BYUNG GI BSAM PA BCES MIN DU 'KHRUNGS PAS ZAG BCAS KYI BDE BA MTHA' DAG LA ZHEN PA GTING NAS LOG, BDAG PAS GZHAN GCES PA'I BYANG CHUB KYI THUGS 'BYONGS PAS SGO GSUM GYI MDZAD PA MTHA' DAG GZHAN DON 'BA' ZHIG TU GYUR, PHYI NANG GI RTEN 'BREL THAMS CAD CHU ZLA LTAR GZIGS PAS YE SHES DANG THABS MKHAS PA'I PHA ROL TU PHYIN, LAM RIM PA GNYIS KYI RNAL 'BYOR DANG BDE STONG GI TING NGE 'DZIN LA MNGA' BRNYES PAS MKHA' 'GRO DBANG DU 'DU ZHING CHOS SKYONG SRUNG

MA BRANG DU 'KHOL, RGYAL BA'I DAM CHOS 'DZIN PA'I SMON LAM GYI MTHU GRUB PAS DUS KYI MTHA' 'DIR YANG THUB BSTAN SPYI DANG, KHYAD PAR RGYAL BA BLO BZANG GRAGS BA'I BSTAN PA'I GNAD MTHA' DAG NYIN MO LTAR GSAL BAR MDZAD PA ZHIG YIN LA, SGRUB PA NYAMS LEN GYI DBANG DU BGYIS NA GANGS TE SE, KAM PO GNAS NANG, RTA SO BRAG DKAR, BZHAG PRAG GANGS RI, RI BO DGE LDAN, PHA BONG KHA LA SOGS PA'I SGRUB GNAS DU MAR SKU MTSAMS YUN RING DU MDZAD CING, GZHAN YANG BREL BA CHE SKABS MA GTOGS MNGA' RIS SU PHEBS PA NAS BZUNG GZHAN DON DU DGONGS PA GTAD PA TSUN CHAD LO RE BZHIN MA THA ZLA BA GSUM BZHI RE TZAM MA CHAG PAR SKU MTSAMS MDZAD CING RGYUN PA'I THUGS DAM GYI RIM PA YANG; SNYAN RGYUD BAL MA'I RNAL 'BYOR LA BRTEN PA'I DBANG BZHI LEN PA DANG, BYANG CHUB DE LAM GYI STENG NAS LAM RIM GYI DMIGS KHRID SKYONG BA, GSANG 'DUS MI SKYOD RDO RJE, BDE MCHOG DRIL BU LUS DKYIL, 'JIGS BYED LHA BCU GSUM MA GSUM GYI RNAL 'BYOR RGYAS PA RANG RANG GI RDZOGS RIM GYI NYAMS BZHES DANG BCAS PA, MYUR MDZAD MGON PO PHYAG DRUG BAS GTZOS SRUNG MA RNAMS LA GTOR BSNGO RGYAS PA CHAB GTOR BRGYA RTZAL SOGS PA'I CHOS SPYOD GTOR MA'I RIM BA, THABS SHES 'OD KYI NYAMS LEN RNAMS CHAG MED DU MDZAD CING THUN MTSAMS SU PHYAG DANG MAndAL SNGON DU 'GRO BA'I BYANG CHUB KYI SEMS SPYOD BA NYID LA THUGS DAM GYI GTZO BOR MDZAD PA YIN ZHING RGYUN BSNYEN YANG DKYIL

, ,'KHOR GTZO BO'I RTZA SNGAGS RNAMS DANG, KHYAD PAR 'JIGS BYED GYI RTZA SNGAGS LNGA BRGYA TZAM RE CHAG MED DU BZLA BA DANG, RDO RJE BZLAS PA DANG, BUM PA CAN GYI RLUNG SBYOR YANG MANG DU MDZAD PAR SNANG NGO, , LEGS PAR BSHAD PAS GDUL BYA BSKYANGS PA'I RIM PA YANG, MNGA' RIS SU PHEBS BA NAS BZUNG GZHAN DON DU DGONGS PA GTAD PA TSUN CHAD LO RE GNYIS TZAM MA GTOGS PHAL CHER LAM RIM GYI KHRID RGYAS BSDUS GANG YANG RUNG BA REM CHAG PAR MDZAD CING LAM RIM CHEN MO'I BSHAD LUNG YANG BCU PHRAG BRGAL BA DANG, 'GREL PA BZHI SBRAGS KYI STENG NAS 'DUS PA'I RGYUD KYI BSHAD PA TSAR NYI SHU LHAG DANG, RIM LNGA GSAL SGRON BDE MCHOG SBAS DON KUN GSAL LA SOGS PA GZHUNG CHEN MO DU MA'I BSHAD PA DANG, DBANG KHRID LUNG RJES GNANG MTHA' YAS PA'I SGO NAS BSTAN PA LA BYA BA RGYA CHER MDZAD CING, LHAG PAR RGYAL BA MCHOG LA LO NYI SHU RTZA BZHI'I BAR DU YONGS 'DZIN MDZAD DE CHOS BKA' THAMS CAD BUM PA GANG BYO'I TSUL DU PHUL, RGYAL BA MCHOG NAS KYANG YONGS 'DZIN RNAMS KYI NANG NAS RJE 'DI PA BKA' DRIN ZLA MED DU 'DZIN PAR MDZAD DO, ,DE NAS DGUNG LO BDUN CU DON LNGAR PHEBS PAN RGYAL BA MCHOG LDAN NI NA SO RGAS PAS 'GOL SA ZHIG TU BSDAD CHOG PA DGOS PAS DPAL 'KHOR CHOS SDE PHUL NAS RA SGRENG DED RANG LA GNANG BA DANG, DER SDAD CHOG PA DGOS ZHES ZHUS PAN, RGYAL BA MCHOG KYANG THUGS NGAL CHAS CHE

BAR MDZAD DE, KHRI CHEN GYI GZIM CHUNG DU PHEBS NAS BLA MA DAM PA'I SKU DANG GSUNG GI BABS LA GZIGS NAS ZHING KHAMS GZHAN DU DGONGS PA GTAD PA YA MI GNANG BA ZHU ZHES BKA' GNANG YANG YANG STZAL BA DANG GNAS CHEN RNAMS GYI RTEN MTHA' DAG LA MCHOD 'BUL DANG GRVA SA CHEN PO GSUM GYIS GTZOS PA'I DGON KHAG RNAMS LA MANG 'GYED RGYA CHER GNANG STE SKU'I RIM GRO SGRUB PA DANG SGRUB SDE KHAG RNAMS SU SKU TSE'I SGRUB PA 'DZUGS PA SOGS THUGS KHUR CHEN PO BA ZHES, SMAN PA RNAMS LA'ANG GSAL SMAN 'BUL LUGS SOGS GANG CI NAS BKA' NAN YANG YANG PHEBS KYANG, KHRI CHEN 'DIS DA NI NGES PAR DGONGS PA GNANG DGOS RGAN POR SGRENG DU 'CHIS BYED CES ZHUS BA NA GONG SA THAMS CAD MKHYEN PA GZIM SHAG TU PHEBS NAS DE 'DRA BKA' MI GNANG BA DGOS ZHES DPAL 'KHOR CHOS SDE YANG THUGS TSAGS GNANG BA DANG, RA SGRENG YANG PHUL CHOG BZHUGS YUL PHO BRANG 'DI KHA RANG DU GNANG DGOS ZHES MAndAL GYIS MCHON DNGOS PO SPAM CHE BA 'BUL BA GNANG STE SPYAN CHAB DANG BCAS GSOL BA SHUGS DRAG 'DEBS PAR MDZAD KYANG, KHRI CHEN 'DI PAS RGYAL BA THUGS RJE CHE BDAG RANG NGOS NAS CHUNG NGU NAS CHOS BYAS 'JAM MGON BLA MA'I BSTAN PA LA ZHUGS, SLOB GNYER MTHAR PHYIN PAR BYAS, BSAM SGOM YANG GANG 'GRUB BYAS NYAMS MYONG DANG DAG PA'I MTSAN MA YANG MANG DU SHAR, LHAG PAR RGYAL BA MCHOG LA MDO

, ,SNGAGS KYI CHOS RNAMS LEGS PAR PHUL GRUB PAS BLO BDE, RGYAL BA MCHOG GIS TSE RABS THAMS CAD DU RJES SU 'DZIN DGOS DE LAS ZHU RGYU MED CES GSAN DU MA BZHED, DE NAS RA SGRENG DU PHEBS PA'I SNGA ZHOGS NAM SENG TZAM LA GONG SA SKYABS MGON CHEN PO TSUR GZIM SHAG TU PHEBS YAB SRAS GNYIS GSUNG GLENG SHIN TU MANG BA DANG PHAN TSUN 'BRAL MI PHOD PA'I TSUL GYIS SPYAN CHAB MANG DU BSIL NAS BYIN RLABS ZHU RES MDZAD, RJE RANG GI 'BRAL SPANG LTA BU'I THUGS DAM RTEN RJE BTZUN MKHA' SPYOD MA'I SKU BYIN RLABS CAN ZHIG GONGS RIN PO CHER PHUL TE, MGON PO KHYED ZHABS PAD BRTAN PA DANG, 'PHRIN LAS DA LTA'I MU BZHIN RGYAS PA, BDAG SKYE BA THAMS CAD DU 'BRAL MED RJES SU GZUNG DU GSOL, 'O; BAN RGAN GYI SMON LAM 'DEBS RGYU DE YIN THUGS RJES ZUNGS ZHES ZHUS SHING RGYAL BA MCHOG NAS KYANG ZHAL BZHES BZANG PO GNANG, SKU HAR GYI BZHENGS TE GZIM CHUNG MDO BAR DU PHEBS SKYEL MDZAD SKABS GONG SA MCHOG GI DBU RJE 'DI PA'I THUGS KA'I THAD DU GTAD NAS THUGS SMON YUN RING GNANG ZHING SPYAN CHAB BSIL, PHO BRANG CHEN PO'I RGYAL SGO'I NYE 'GRAM NAS PHEBS BYAMS LA GDAN DRANGS, GSOL DPON CHEN MO GRAGS PA MTHA' YAS SOGS RTZE DRUNG NANG MA RNAMS LA BSLAB BYA ZHAL GDAMS MANG DU GNANG, DE NAS RIM GYIS RA SGRENG DU PHEBS 'THOG

DGUNG LO BDUN CU DON LDAR PHEBS PA LUG LO ZLA BA BRGYAD PA'I TSES BDUN GYI NYIN KHRI MTHON PO ZHIG BSHAM BCUG NAS DER BZHUGS PA MDZAD, GONG SA MCHOG NAS CHED DU SGRUB GNANG GI BUM CHU DANG 'PHEL GDUNG SOGS GNANG BA TSES BRGYAD KYI SNGA DRO 'BYOR PAS PO TA LA NGOS SU PHYAG THAL MO SBYAR NAS BZHES PA GNANG, DRO GONG SKABS CHAR ZIM BU ZHIG 'BAB BZHIN PA LA ZHABS RDO RJE SKYIL KRUNG, PHYAG GNYIS MNYAM GZHAG DANG SKU DRAD POR BSRANGS TE STONG PA GSUM RIM GYIS THIM PA'I THAMS CAD STONG PA 'OD GSAL CHOS KYI SKU MNGON DU MDZAD, GZUGS SKU RAGS PA'I ZA MA TOG NAS YE SHES KYI SKU KHA SBYOR BDUN LDAN GYI RNAM PA CAN DU BZHENGS BA; ZHING DAG PA RAB 'BYAMS KYI DPA' BO DANG MKHA' 'GRO'I TSOGS BYE BA 'BUM GYIS RMAD DU BYUNG BA'I LHA RDZAS KYI MCHOD PA'I SPRIN PHUNG BSAM GYIS MI KHYAB PA DANG BCAS PAS BSUS TE DGA' LDAN MI PHAM CHOS KYI BLA MA'I MDUN SA CHEN POR GSHEGS PAR GYUR TO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS KHRI CHEN NGAG DBANG MCHOG LDAN LA GSOL BA 'DEBS SHING BDAG NYID CHEN PO 'DI'I RNAM THAR LTAR MDO SNGAGS GNYIS KA'I LAM GYI GNAD RNAMS LA 'KHRUL MED KYI NGES PA BRTAN PO BTZAL LA NYIN RE BZHIN DU BAG CHAGS CI THEBS BYA'O,, ` ,,

, ,GANG BLO SNYING RJE BZANG PO'I GZHAN DBANG GIS, ,BSKAL BZANG SGRON ME'I SNANG BA CAN GYI DUS, ,RGYA MTSO'I GOS CAN GZHIR GNAS 'GRO BA RNAMS, ,'KHRID BZANG BLA MA MCHOG LA GSOL BA 'DEBS ZHES BSNGAGS PA, RGYAL BA THAMS CAD MKHYEN PA BLO BZANG BSKAL BZANG RGYA MTSO NI, SNGON YUN RING PO NAS BYANG PHYOGS GANGS RI'I KHROD 'DI NYID KYI PHYAG MTSAN DU BZHES TE SNYIGS DUS THUB DBANG BSTAN PA'I SGRON MA 'DZIN PAR THUGS BSKYED PA LTAR MDO KHAMS LI THANG THUB CHEN BYAMS PA GLING GI LHA ZHOL DU RAB BYUNG BCU GNYIS PA'I KUN 'DZIN ZHES PA SA PHO BYI BA'I LO ZLA BA BDUN BA'I TSES BCU DGU'I NYIN YAB BSOD NAMS DAR RGYAS DANG, YUM BSOD NAMS CHOS MTSO GNYIS KYI SRAS SU NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE'I TSE LHA DANG BLA MAS BYIN GYIS BRLABS PA'I MTSAN LTAS MKHAN ZHIG GIS LUNG BSTAN PA LTAR BSKAL BZANG RGYA MTSO ZHES MTSAN GSOL, DE 'DRA BA'I RGYAL SRAS GZHON NU DE NI DBU GDUGS LTAR RGYAS SHING, DPRAL BA'I DBYES CHE BA, SPYAN DKYUS RING ZHING SHANGS KYI GZENGS MTHO BA, SKU'I CHA THAMS CAD LA BKRA SHIS PA'I RI MO DU MA YOD PA, BYIS PA THA MAL BA'I SPYOD TSUL LAS 'DAS TE SKYIL KRUNG BCAS TE CHOS KYI DON SEMS PA DANG, CHOS 'CHAD PA'I TSUL SOGS BLA CHEN GYI SPYOD TSUL SNA TSOGS MDZAD BAS SKU MTHONG BA DANG MDZAD SPYOD KYI TSUL THOS PA DANG,

LHA DANG SRUNG MA MANG PO'I LUNG BSTAN PHYOGS KUN NAS BSGRAGS PAS GOO SHR'I BSTAN 'DZIN CHOS RGYAL GYI GDUNG BRGYUD RNAMS KYIS GTZOS MCHO SNGON DPON KHAG RNAMS DANG, 'DZAM GLING YANGS PA'I KHYON LA STOBS KYIS 'KHOR LOS BSGYUR BA 'JAM DBYANGS GONG MA BDAG PO CHEN POS GANGS CAN 'GRO BA'I MGON PO NI 'DI'O ZHES GZENGS BSTOD MDZAD CING, DE LA BRTEN NAS MDO KHAMS PHYOGS KYI CHOS KYI GDAN KHRI 'DZIN PA'I BLA CHEN RNAMS DANG, SKYES RABS DU MAR BYON PA'I SPRUL SKU RNAMS KYIS GTZOS MCHOG DMAN MTHA' DAG 'UR LANGS TE ZHABS KYI PADMO LA MNGON BAR BTUD CING, CHOS SDE CHE PHRA RNAMS DANG SDE DPON 'BANGS BCAS NAS YO LANGS CHEN POS BSNYEN BKUR GYI MCHOD PAR BYAS SO, ,DE NAS RGYAL SRAS GZHON NU DE RDZING GI PADMA BZHIN DU BSKYED DRAG PAR GYUR TE DGUNG LO BZHI LA BAB PA'I TSE THUB DBANG GNAS BRTAN BCU DRUG DANG BCAS BAS DNGOS SU BYIN GYIS BRLABS SHING, DGUNG LO LNGA PA'I DUS SU 'JAM MGON BLA MA TZONG KHA PA CHEN POS BYIN GYIS BRLABS BAS GLO BUR NYID DU DBUS GTZANG CHOS KYI ZHING DU 'GRO ZHES GSUNG BYON ZHING DE'I RTEN 'BREL KYANG MANG DU BSGRIG BAR MDZAD PA ZHIG BYUNG, SKUN PHRA MO DE TZAM GYI DUS NA'ANG DAD PAS LHAGS PA'I GDUL BYA DAG LA RANG RANG GI SKAL BA DANG 'TSAM BA'I CHOS KYI BDUD RTZI STZOL BAR MDZAD CING, LHAG PAR CHU BZANG NO MON HAN PHEBS NAS MAndAL PHUL TE CHOS KYI BDUD RTZI GNANG DGOS PAR GSOL

, ,BA BTAB PAN, CHOS GOS DUR SMRIG RGYAL MTSAN 'CHANG BA'I SKU, ,CHOS PHUNG BRGYAD KHRI BZHI STONG SGROG PA'I GSUNG, ,CHOS DBYINGS NGANG LAS G-YEL BA MED PA'I THUGS, ,CHOS KYI RGYAL PO RGYAL BTZONG KHA PA, ,GSOL BA 'DEBS SO BYIN GYIS BRLAB TU GSOL, ,ZHES PA 'DI THOGS MED DU STZAL BAS GDUL BYA MTHA' DAG MI PHYED BA'I DAD PA'I SA LA BKOD, DE NAS TSA GAN NO MON HAN NGAG DBANG BLO BZANG BSTAN PA'I RGYAL MTSAN YONGS 'DZIN DU BSTEN NAS DBANG LUNG MAN NGAG BRGYUD MAR GSAN TE SKU NA PHRA MO'I DUS DE NYID NAS GDAMS PA'I GTER DU GYUR, DE'I TSE GSOL BA 'DEBS PA MANG PO LA THUGS RJE CHEN PO'I RJES GNANG SOGS RJES GNANG DANG LUNG GI RIGS DU MA BRGYUD MAR STZAL, DE NAS DGUNG LO BRGYAD PA SHING MO LUG GI LO LI THANG NAS CHIBS BSKYOD, MDO KHAMS PHYOGS KYI CHOS SDE CHEN PO DU MA DANG SDE DGE SOGS YUL GRU DU MAR SPYAN DRANGS, TSA GAN NO MON HAN SOGS KYIS GSOL BA BTAB STE SER SKYA STONG TZAM LA THUGS RJE CHEN PO PHYAG BZHE PA'I RJES GNANG SNGON 'GRO'I CHOS BSHAD SOGS CHES RGYAS PAR STZAL BAS KUN MI PHYED PA'I DAD PA LA BKOD CING, MDO KHAMS PHYOGS KYI SER SKYA PHAL MO CHES, DGOS 'DOD KUN 'BYUNG NOR BU BSAM 'PHEL KHYOD, ,YON TAN THAMS CAD MA BSLABS THUGS SU CHUD, ,THOS BSAM SGOM PA MTHAR PHYIN GRUB BA BRNYES, ,'PHRIN LAS RGYUN MI

'CHAD LA GSOL BA 'DEBS, ,ZHES 'DON PA BYUNG, DE SKABS NAS LAM RIM CHEN MO LJAGS 'DZIN MDZAD CING, DPAL LDAN SA GSUM MA DANG 'JAM DPAL MTSAN BRJOD RGYUN DU ZHAL 'DON DU MDZAD DO, ,DE NAS ME PHO SPRE'U'I LO 'JAM DBYANGS GONG MA CHEN PO'I BKAS BSKUL ZHING MDO KHAMS PHYOGS KYI CHEN PO MTHA' DAG BLO MTHUN BAR SKU 'BUM DU PHEBS BAR GSOL BA BTAB STE RGYAL BA TZONG KHA PA CHEN PO GANG DU 'KHRUNGS PA'I SA'I CHA SKU 'BUM DU PHEBS, RGYAL BA BSOD NAMS RGYA MTSO'I CHOS KYI KHRI LA ZHABS SEN BKOD NAS DGE 'DUN STONG PHRAG MANG PO TSOGS PA LA SKYES RABS SO BZHI BA'I DBU NAS CHOS THUN GCIG GZABS BSHAD GNANG BA SOGS BSTAN 'GRO'I DON RGYA CHER MDZAD CING; CHU BZANG NO MON HAN LAS RDO RJE 'JIGS BYED KYI DBANG GSAN, DE NAS SNGON YUN RING PO NAS GOMS PA'I BAG CHAGS BRTAS PA'I MTHUS KHYIM PA'I CHA LUGS LA MI DGYES SHING SKRA BREGS RAB TU BYUNG BA'I CHA LUGS MDZAD BZHED PA NA LO DE'I HOR ZLA BCU PA'I TSES NYI SHU'I NYIN CHA GAN NO MON HAN DANG CHU BZANG NO MON HAN GNYIS KYIS MKHAN SLOB MDZAD DE SKRA BCAD NGUR SMRIG GI NA BZA' BSKON TE BSLAB SDOM PHUL, MTSAN NGAG GI DBANG PHYUG CHOS KYI GRAGS PA THUB BSTAN RGYAL MTSAN DPAL BZANG PO ZHES GSOL, DE NAS GZHUNG LUGS LA SBYONG BAR BZHED DE CHU BZANG NO MON HAN GYIS YONGS 'DZIN MDZAD NAS MTSAN NYID KYI GZHUNG CHEN MO LNGA'I DBU NAS RTZI SHAG GNANG STE

, ,GSAN SBYONG GI DBU TSUGS, RIM GYIS BSDUS GRVA'I GSAN SBYONG MDZAD PAS RING POR MA THOGS PAR MKHAS PA'I PHUL DU GYUR TE SKU 'BUM 'DUS TSOGS KYI DBUS SU DAM BCA' YANG 'JOG PA MDZAD, DE NAS GANGS CAN SKYE 'GRO YONGS KYI BSOD NAMS KYI MTHUS DGUNG LO BCU GSUM PA LCAGS PHO BYI BA'I LO GONG MA CHEN PO'I SKU CHAB SOGS DPA' BO STONG PHRAG MANG POS BAR CHAD BSRUNGS SHING BLA CHEN MANG POS MTHA' BSKOR TE SKU 'BUM NAS CHIBS BSKYOD DE LO DE'I ZLA BA DGU PA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS TE SER SKYA BGRANG BA LAS 'DAS PA LA ZHAL GYI DKYIL 'KHOR BSTAN TE GANGS CAN SKYE 'GRO MTHA' DAG DBUGS PHYIN PA THOB PAR MDZAD DO, ,DE NAS PHO BRANG CHEN PO PO TE LAR PHEBS, MGON PO SPYAN RAS GZIGS KYI RIGS KYI COD BAN SNANG BA MTHA' YAS DUR SMRIG GAR GYI RNAM PAR ROL BA PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO SPYAN DRANGS TE, PHO BRANG CHEN PO'I GZIM CHUNG NYI 'OD 'KHYIL DU LCAGS BYI LO DE KHA'I MGO ZLA BA'I YAR NGO'I TSES LNGA'I NYIN PAn CHEN THAMS CAD MKHYEN PA CHEN POS MKHAN SLOB SBRAGS MA MDZAD, KHRI CHEN DGE 'DUN PHUN TSOGS KYIS DUS GO BA MDZAD DE, TSIGS SNGA MA DGE CHUL DU BSGRUBS, MTSAN SNGAR GYI THOG TU BLO BZANG ZHES BSNAN TE, BLO BZANG BSKAL BZANG RGYA MTSO ZHES GSOL, DE NAS PAn CHEN THAMS

CAD MKHYEN PA CHEN PO RJE BCUN BLO BZANG YE SHES LA LAM RIM CHEN MO LAS DBU BTZUGS TE CHOS RGYUN DU GSAN PAR MDZAD, LHAG PAR PAn CHEN THAMS CAD MKHYEN BA CHEN PO LA DPAL RDO RJE 'JIGS BYED CHEN PO'I DBANG BZHI YONGS SU RDZOGS PA GSAN, PAn CHEN THAMS CAD MKHYEN PA CHEN POS KYANG RJE 'DI LA RGYAL BA TZONG KHA PA CHEN BO'I RNAM THAR LTAR DANG POR SHING RTA CHEN PO'I GZHUNG LUGS RNAMS LA MTHA' CHOD PAR SBYONG BA DANG, DE NAS GZHUNG LUGS GDAMS BAR 'CHAR BA'I NYAMS BZHES RNAMS LA 'BAD PA DANG, DE NAS 'JAM MGON BLA MA'I BSTAN PA RIN PO CHE 'DI NYID PHYOGS KUN TU SPEL BAR MDZAD NAS BSTAN PA'I SROG SHING G-YO BA MED PA ZHIG MDZAD DGOS ZHES ZHAL TA ZHIB PAR ZHU BAR MDZAD, DE NAS RJE 'DI PAS 'BROM RIN PO CHES JO BO RJE JI LTAR BSTEN PA LTAR GYI RNAM THAR RJES SU BSKYANGS TE PAn CHEN THAMS CAD MKHYEN PA CHEN PO RIGS KYI COD PAN DU BZUNG NAS GUS PA BLA LHAG TU MDZAD DE PAn CHEN THAMS CAD MKHYEN PA CHEN PO GTZANG DU CHIBS BSKYOD LA NYE BAN RJE 'DI NYID PAn CHEN THAMS CAD MKHYEN PA CHEN PO GZIM CHUNG KHAMS GSUM RNAM RGYAL DU BZHUGS PA'I SKU MDUN DU PHEBS TE GSER DNGUL SOGS YO BYAD DPAG TU MED PA PHUL NAS BSTAN 'GRO'I DON DU ZHABS PAD YUN RING DU BRTAN DGOS TSUL SOGS GSOL BA SHUGS DRAG TU 'DEBS PAR MDZAD, PAn CHEN THAMS CAD MKHYEN PA CHEN POS KYANG SNGAR ZHUS PA LTAR GSAN SBYOD DBYIS BYIN

, ,PA GNANG DGOS TSUL SOGS THUGS YID GCIG TU 'DRES PA'I BKA' MCHID ZHIB TU MDZAD, DE NAS PAn CHEN THAMS CAD MKHYEN PA'I BKA' RNAMS THUGS LA BCANGS TE KHRI RIN PO CHE BLO BZANG DAR RGYAS YONGS 'DZIN DU BSTEN NAS 'BRAS SPUNGS SU CHIBS BSKYOD DE THOG MAR ZHAG SHAS BSDUS GRVA'I RTZI SHAG GSAN PAN SNGAR NAS SKU 'BUM DU SBYANGS ZIN PAS THOGS PA MED PAR MKHYEN TE TSAD MA SDE BDUN MDO DANG BCAS PA LA SBYONG BAR MDZAD, DE'I TSE GRVA SAR SLOB GNYER BYED PA BYINGS DANG MTSUNGS BAR NYIN RE BZHIN DU SNGA DGONG GNYIS KAR RTZI SHAG TSAR RE 'CHAG MED DU GSAN ZHING, MTSAN NYID ZHABS PHYI RNAMS DANG CHOS KYI 'BEL GTAM LA BRTZON PAR MDZAD PAS RING POR MA THOGS PAR TSAD MA'I GZHUNG LUGS LA MKHAS PA'I PHUL DU PHYIN PAR GYUR TO, ,DE NAS PHAR PHYIN LA GSAN SBYONG MDZAD BZHED DE PAn CHEN BSOD NAMS GRAGS PA'I PHAR PHYIN THUGS 'DZIN MDZAD, LEGS BSHAD GSER PHRENG DANG RNAM BSHAD SNYING PO'I RGYAN SOGS RJE YAB SRAS KYI GSUNG RNAMS GZHIR BZHAG RGYA BOD KYI YIG CHA MTHA' DAG LA GZIGS RTOG MDZAD PAS RING POR MA THOGS PAR PHA ROL TU PHYIN PA'I GZHUNG LA MKHAS PA'I PHUL DU PHYIN PAR GYUR, DE NAS DBU MA'I GZHUNG LA SBYONG BAR BZHED DE KHRI RIN PO CHE DPAL LDAN GRAGS PA YONGS 'DZIN DU BSTEN NAS NYIN RE BZHIN RTZI SHAG THUN GNYIS RE 'CHAG MED GSAN NAS 'PHAGS

PA KLU SGRUB YAB SRAS KYI DBU MA'I GZHUNG RNAMS DANG RJE BDAG NYID CHEN POS MDZAD PA'I DBU MA'I t'IKA CHEN RNAM GNYIS, LEGS BSHAD SNYING PO, LHAG MTHONG CHE CHUNG SOGS RJE YAB SRAS KYI GSUNG RNAMS LA ZHIB TU DPYAD DE RTAG 'GRUS CHEN POS SBYONG BAR MDZAD PAS RING POR MA THOGS PAR DBU MA'I GZHUNG LA SBYANGS PA MTHAR PHYIN PAR GYUR TO, ,DE NAS RJE 'DI PA YONGS GRAGS KYI DGUNG LO BCU DGU MNGAL BSHOL RTZIS PA'I NYI SHUR PHEBS PA ME PHO RTA'I LO RIGS KYI COD PAN PAn CHEN THAMS CAD MKHYEN PA CHEN PO RJE BTZUN BLO BZANG YE SHES SPYAN DRANGS NAS LHA LDAN SPRUL PHA'I GTZUG LAG KHANG DU SA GA ZLA BA'I TSES BCO LNGA'I NYIN JO BO SH'AKYA MU NE'I SKU MDUN DU PAn CHEN THAMS CAD MKHYEN PA CHEN PO RJE BTZUN BLO BZANG YE SHES DPAL BZANG POS MKHAN PO MDZAD, KHRI RIN PO CHE DPAL LDAN GRAGS PAS LAS SLOB MDZAD, RGYUD SMAD MKHAN PO MKHAS GRUB CHEN PO NGAG DBANG MCHOG LDAN PAS GSANG STE STON PA'I SLOB DPON MDZAD, SDE SNOD 'DZIN PA CHEN PO DKA' CHEN BLO BZANG SMON LAM GYIS DUS GO BA MDZAD, RGYAL SRAS SPRUL SKU 'JIGS MED YE SHES GRAGS PA SOGS GANGS RI'I LJONGS KYI GNAS BRTAN CHEN PO SUM CU RTZA GCIG GI DBUS SU BSNYEN PAR RDZOGS PAR MDZAD DE THUB PA'I RGYAL TSAB CHEN POR MNGA' GSOL TO, ,DE NAS PAn CHEN THAMS CAD MKHYEN PA CHEN PO LA MDO SNGAGS KYI CHOS BKA' RGYA CHER GNANG DGOS PA'I GSOL 'DEBS

, ,MDZAD NAS PAn CHEN THAMS CAD MKHYEN PA CHEN PO GZIM CHUNG BDE BA CAN DU BZHUGS SU GSOL, DUS TSES KHYAD PAR CAN DANG BSTUN NAS PAn CHEN THAMS CAD MKHYEN PA CHEN POS GZIM CHUNG BDE BA CAN NYID DU DPAL GSANG BA 'DUS PA'I RAS BRIS KYI DKYIL 'KHOR DU DBANG BZHI YONGS SU RDZOGS PA STA GON DANG BCAS PA RGYAS PAR STZAL, DE NAS BA RI BRGYA RTZA'I RJES GNANG YONGS RDZOGS, SGRUB THABS SO SO'I LUNG DANG BCAS PA, RGYUD KYI RGYAL PO DPAL GSANG BA 'DUS PA'I 'GREL PA SGRON GSAL, DE LA RJE BDAG NYID CHEN POS MCHAN 'GREL, BSDUS DON, MTHA' GCOD BZHI'I SGO NAS 'DUS PA'I RTZA RGYUD 'CHAD PA'I BSHAD SROL BZANG PO DE RIM GYIS GNANG, YANG PAn CHEN THAMS CAD MKHYEN PA CHEN POR MA RGYUD THAMS CAD KYI GTZO PO DPAL 'KHOR LO SDOM PA L'U AI PA'I LUGS KYI LHA DRUG CU RE GNYIS PA'I DBANG GNAD DGOS ZHES GSOL BA 'DEBS PAR MDZAD PA NA PAn CHEN THAMS CAD MKHYEN PA CHEN POS KYANG DGYES BZHIN ZHAL GYIS BZHES TE RJE 'DI PA GZIM CHUNG BDE BA CAN DU PHEBS TE BDE MCHOG GI DBANG STA GON DANG BCAS PA RGYAS PAR GNANG BA GSAN PAR MDZAD, DE NAS MNGON PA MDZOD LA SBYONG BAR BZHED DE, MNGON PA MDZOD RTZA BA DANG, MNGON PA KUN LAS BTUS GNYIS THUGS LA BZUNG, GZHUNG DE GNYIS KYI 'GREL BA 'GREL BSHAD DANG BSHAD PA MTHA' DAG LA GZIGS RTOG MDZAD DE RING POR MA THOGS PAR MNGON PA LA MKHAS PA'I PHUL DU

PHYIN PAR GYUR TO, ,DE NAS BOD DU SDE GZIR DUS 'KHYOMS CHI BAR BYUNG BA NA 'JAM DBYANGS GONG MA BDAG PO CHEN POS RJE 'DI PA RE SHIG MDO KHAMS PHYOGS SU PHEBS NA LEGS TSUL PHEBS PA LTAR, SE 'BRAS DGE GSUM GYI BLA MA MANG PO DANG, MTSAN NYID ZHABS PHYI RNAMS DANG, GZHAN YANG BLA CHEN MANG PO DANG, DRUNG SKOR SER SKYA PHON CHE BA DANG BCAS CHIBS KHA BSKYOD DE 'GAR THAR DU PHEBS, LAM BAR GYI SER SKYA BGRANG BA LAS 'DAS PA MTHONG THOS DRAN REG GI 'BREL PA THOGS PA THAMS CAD SMIN GROL LA 'GOD PAR MDZAD, DE NAS KHRI CHEN DPAL LDAN GRAGS PA ZHING GSHEGS PA NA RGYUD SMAD MKHAN PO NGAG DBANG MCHOG LDAN YONGS 'DZIN DU SPYAN DRANGS TE DGA' LDAN KHRI PA DANG 'DRA BA'I ZOS SGO GNANG ZHING BSAM SBYOR GNYIS KYIS TSUL BZHIN DU BSTAN PAR MDZAD DE RJE RGYAL BA GNYIS PA'I MAN NGAG RGYAL BA'I GSUNG RAB THAMS CAD KYI NYID KHU BYANG CHUB LAM GYI RIM PA'I DMAR KHRID 'JAM DPAL ZHAL LUNG GI STENG NAS MYONG KHRID SLA CHOS SU MA SONG BAR ZLA SBREL GYI BAR DU GSAN ZHING YANG DANG YANG DU DRI GTUGS KYI SGO NAS GDENG THOB PAR MDZAD, DE NAS DPAL GSANG BA 'DUS PA'I RTZA RGYUD, 'GREL PA SGRON GSAL RJE RIN PO CHES MDZAD PA'I BSDUS DON MCHAN BU MTHA' GCOD RNAMS SBRAGS TE 'CHAD PA 'GREL PA BZHI SBRAGS SU GRAGS PA'I GZABS BSHAD RGYUN BSRINGS TE LO SBREL GYI BAR DU GSAN ZHING, DE YANG LUNG THOB TZAM GYIS CHOG PAR MA MDZAD BAR SNGA PHYI

, ,BAR GSUM DU BLA MA RGYUD MCHOD DANG, NYIN RE BZHIN RGYUD KYI t'IKKA'I RTZI SHAG 'DZIN TSES BCAS RJE YAB SRAS NAS BRGYUD PA'I PHYAG LEN NYAMS PA MED PAR GSAN PAR MDZAD, GZHAN YANG MKHAS GRUB CHEN PO NGAG DBANG MCHOG LDAN PA 'DI LA DPAL GSANG BA 'DUS PA'I DBANG, BSKYED RIM DNGOS GRUB RGYA MTSO DANG RDZOGS RIM RIM LNGA GSAL SGRON GNYIS KA'I GZABS BSHAD, GSANG BA 'DUS PA'I BSKYED RDZOGS GNYIS KA'I NYAMS KHRID, DPAL 'KHOR LO SDOM BA'I DBANG DANG BDE MCHOG RTZA RGYUD DANG RGYUD 'GREL SBAS DON KUN GSAL GNYIS RTZA 'GREL SGRAGS PA'I BSHAD LUNG, BDE MCHOG L'U AI PA'I LUGS KYI BSKYED RDZOGS GNYIS KA'I KHRID SOGS CHOS BKA' MTHA' YAS PA GSAN, DE NAS DBUS GCANG BDE 'JAGS SU SONG NAS DBUS GTZANG DU PHEBS PAR NYE BA NA GONG MA BDAG PO CHEN PO'I BKAS MNGAGS PA'I MI DRAG DPUNG CHE BA DANG, LCANG SKYA RIN PO CHE BCAS PHEBS TE LCANG SKYA RIN PO CHES RJE 'DI LA MDO SNGAGS KYI CHOS BKA' RGYA CHEN PO'I DON DU GSOL BA BTAB PA LTAR BDE MCHOG L'U AI PA'I DBANG STA GON DANG BCAS PA RGYAS PAR STZAL, YANG LCANG SKYA RIN PO CHE NAS GSOL BA BTAB STE GSANG 'DUS MI SKYOD PA'I DBANG STA GON DANG BCAS PA RGYAS PAR STZAL, YANG LCANG SKYA RIN PO CHE NAS GSOL BA BTAB STE DGE 'DUN LNGA BCU SKOR LA 'JAM DPAL ZHAL LUNG GI MYONG KHRID RGYAS PAR STZAL, DE NAS 'GAR THAR NAS CHIBS KHA BSKYOD DE LAM BAR GYI SKYA SER BGRANG BA LAS 'DAS PA LA

MTHO RIS DANG THAR PA'I SA BON BSKRUN PAR MDZAD CING RIM GYIS GRU 'DZIN GNYIS PA'I GZHAL MED KHANG DU PHEBS, DE NAS RJE NYID BSNYEN PAR RDZOGS NAS LO BCU LON PA YOS LO SA GA ZLA BA'I TSES BCO LNGA'I NYIN DE MO SPRUL PA'I SKU NGAG DBANG 'JAM DPAL BDE LEGS RGYA MTSO SOGS LA BSNYEN PAR RDZOGS PA'I SDOM PA GNANG, DE NAS BZUNG STE RAB BYUNG BSNYEN RDZOGS KYI SDOM PA ZAM MA CHAD PA LTA BUR STZAL ZHING, 'BROM RIN PO CHE'I RNAM THAR RJES SU BSKYANGS TE RIGS KYI COD BAN PAn CHEN THAMS CAD MKHYEN PA CHEN PO MJAL BAR RINGS NAS PHO BRANG DU PHEBS 'PHRAL SNYAN GSAN MDZAD KYANG DE LO SKU NA MTHO BA'I KHAR SKU KHAMS BSNYEL TSUL CHE BAS PHEBS THABS MA BYUNG BAR 'BRUG LO'I NANG DU GTZANG DU CHIBS KHA BSKYOD DE PAn CHEN THAMS CAD MKHYEN PA CHEN PO MJAL BAR PHEBS, BLA BRANG RGYAL MTSAN MTHON POR YAB SRAS MJAL MA THAG THUGS YID GCUGS PA'I GSUNG GLENG BAG PHEBS PAR MDZAD CING, LAM RIM MYUR LAM GYI KHRID SOGS CHOS BKA' MANG DU ZHU BA'I SNYAN GSAN MDZAD, RJE 'DI PAS THOS BSAM GLING DU BZHUGS TE BLA BRANG RGYAL MCHAN MTHON POR YANG YANG PA BAS NAS PAn CHEN THAMS CAD MKHYEN PA LA LAM RIM MYUR LAM, SGROL DKAR YID BZHIN 'KHOR LO'I RJES GNANG, TSE RTA ZUNG 'BREL GYI DBANG SOGS CHOS BKA' MANG TZAM GSAN ZHING, RJE 'DIS BKRA SHIS LHUN PO'I TSOGS CHEN LA LAM RIM BSDUS DON GYI LUNG GI THOG LAM GYI LUS YONGS SU RDZOGS PA'I GSUNG BSHAD RGYAS PAR GNANG, DE NAS YAB SRAS GNYIS 'BRAL MI BOD PAR THUGS YID

, ,GCUGS PA'I BKA' MCHID ZAB MO RGYA CHER MDZAD CING, 'JAM MGON BSTAN PA 'DZIN SKYONGS SPEL GSUM GYI GNAD LAS BTZAMS PA'I GSANG BA'I BKA' MCHID MANG PO ZHIG KYANG MDZAD NAS RJE 'DIS PHO BRANG DU CHIBS BSKYOD MDZAD, DE NAS RJE 'DIS CHOS KYI 'KHOR LO RGYA CHER BSKOR BA'I DUS LA BAB PA NA RGYA GAR CHU BO GANGG'A TSUN LA 'GRAN ZLA DANG BRAL BA'I RIG SNGAGS 'CHAD BA'I SDE DPAL LDAN SMAD RGYUD GRVA TSANG GI DGE 'DUN TSANG MAS GSOL BA RTZE GCIG TU BTAB STE TSOM CHEN RNYING PAR RGYUD SMAD TSOGS YONGS KYI THOG SPRUL SKU MANG PO DANG BLA CHEN MANG POS GTZOS DGE 'DUN KHYON STONG DANG LNGA BRGYA SKOR LA DPAL GSANG BA 'DUS PA 'PHAGS LUGS MI SKYOD PA'I DBANG STA GON DANG BCAS PA RGYAS PAR STZAL BAS GSANG CHEN RDO RJE THEG PA'I BSTAN PA NYI MA SHAR BA LTAR MDZAD DO, ,DE NAS YONGS 'DZIN GNAG DBANG MCHOG LDAN LA RDO RJE PHRENG BA'I DBANG RDZOGS PAR GSAN ZHING, RIM BZHIN BDE MCHOG L'U AI PA'I BSKYED RDZOGS, DRIL BU PA'I BSKYED RDZOGS, SRAD RGYUD LUGS KYI KHRID CHEN DRUG ,SMAD RGYUD LUGS KYI KHRID CHEN BRGYAD RNAMS LEGS PAR GSAN, DE NAS THUGS GNYER ZHABS PHYI RNAMS KYIS BSKUL NAS GSANG 'DUS DBANG BSHAD CHEN MO DBANG DON DE NYID YANG GSAL ZHES BYA BA SNGON MED PA'I LEGS BSHAD CHEN PO 'DI MDZAD DO, ,DE NAS DPAL LDAN STONG RGYUD GRVA TSANG GI DGE 'DUN RNAMS KYIS GTZOS SDE SNOD 'DZIN PA STONG DANG BRGYA SKOR LA DPAL 'KHOR LO SDOM PA L'U AI PA'I LUGS LHA RE GNYIS

PA'I DBANG STA GON DANG BCAS BRGYAS PAR STZAL TE GSANG CHEN RDO RJE THEG PA'I BSTAN PA CHES CHER 'PHEL BAR MDZAD DO, ,DE'I TSE RGYUD SDE DANG MTHUN PA'I NYAMS RTOGS KHYAD PAR CAN 'KHRUNGS NAS, DGYES PA'I MGUR DBYANGS BZHES BA NI, LHUN STUG RIN CHEN LAS GRUB PA NGO MTSAR GYI PHO BRANG, ,YE SHES 'JA' TSON DU 'KHRUGS PA DANGS GSAL GYI 'OD PHUNG, ,LNGA LDAN DKYIL 'KHOR GYI BDAG PO SKU BZHI YI DBANG PHYUG ,DRIN CAN RJE BTZUN GYI BLA MA SNYING DBUS SU BZHUGS SHIG ,SNGON BSAGS LEGS BYAS KYIS 'PHANGS PA'I DAL 'BYOR GYI RTEN BZANG, ,RAB 'BAR ME 'OBS DANG 'DRA BA'I KHYIM GNAS LAS PHYUNG NAS, ,MNYAM MED ZAS GTZANG GI SRAS PO'I BU RGYUD DU SNYEG PA, ,BSAMS KYIN BLO BDE'I NYAMS DBYANGS SHIG LEN PA RANG SPRO'O, ,MTSAN LDAN BLA MA YI ZHAL NAS GDAMS GNAG GI NYING KHU, ,SDE SNOD RIN PO CHE RNAM GSUM MDZUB 'KHRID DU BSTAN NAS, ,DUS GSUM SANGS RGYAS KYI GSHEGS BSHUL BYANG CHUB KYI SEMS LA, ,YID CHES GOL SA LAS LDOG PAS ZHE BLO RANG BDE'O, ,GANG SNANG TSUGS THUB KYI BLO 'DI 'KHRUL PA RU GO NAS, ,SPROS MED NAM MKHA' DANG 'DRA BA'I LTA BA YI RGYAL PO, ,SNANG STONG SGYU MA YI GZIGS MO LAM LAM DU SHAR NAS, ,RTAG TSAD G-YANG SA LAS GROL BAS ZHE BLO RANG BDE'O, ,'KHRUL BRAL RGYUD LUNG GI NGES PAS TSAD MA RU GRUB CING, ,CHAD MED BRGYUD LDAN GYI BLA MAR BYIN RLABS KYI BKA' BABS, ,MA DAG DRI MA KUN SBYONG NUS DBANG BZHI YI CHU BO, ,SNYING GI ZIL DBAR DU THOB PAS ZHE BLO RANG BDE'O, ,SNOD BCUD YE SHES KYI ROL BA DKYIL 'KHOR DU SHAR ZHING, ,MTSAR SDUG PHYAG

, ,RGYA YI GAR STABS SHIG SHIG TU BSGYUR BAS, ,RANG SEMS BDE STONG GI GZHON NU TING 'DZIN GYI 'CHAR SGO, ,GU YANGS RTZED 'JOL BREL BA'I DGA' STON ZHIG MYONG NGO, ,MA RIG SNYING DBUS KYI SBUBS LAS RANG BYUNG DU 'KHRUNGS PA, ,KHYAB BDAG HE RU KA'I ZHAL BZANG MNGON SUM DU MTHONG BA'I, ,'KHRUL MED LAM BZANG 'DI RNYED PA BLA MA YI BKA' DRIN, ,'JAM DPAL SNYING PO YI BKA' DRIN 'KHOR THABS RANG MED DO, ,SGO GSUM BAG MED LAS DBEN PA'I BSAM GTAN GYI KHANG BUR, ,CHES BRGYAD 'DE SNANG GI 'KHRI BA PHAR RGYAB TU BSKYUR NAS, ,TSE MJUG DON LDAN DU BYED NUS SGRUB PA YI MCHOD PAS, ,LHA DANG BLA MA KUN MNYES PA'I YID SMON ZHIG 'CHA'O, ,ZHES SO, ,DE NAS RJE BDAG NYID CHEN PO'I GSUNG 'BUM YONGS RDZOGS KYI LUNG GSAN, 'DI DAG GI SKABS LAM GYI LUS YONGS SU RDZOGS PA LA NYAMS BZHES LHUR MJAD PAS SKYES BU CHUNG DU'I MI RTAG PA'I DMIGS SKOR LA MYONG BA PHUL PHYIN 'KHRUNGS TE SKYO SHAS KYI MGUR DBYANGS GSUNGS PA NI; PHA DRAN PAS GDUNG BA SEL MDZAD PA'I, ,SKYABS BLA MA LHA LA GSOL BA 'DEBS, ,BLO 'CHI BA SNYING NAS DRAN PA DANG, ,CHOS RNAM DAG 'GRUB PAR BYIN GYIS RLOBS, ,SPANG SER PO GSER GYI RI BA LA, ,RLANGS NA BUN DNGUL MDOG SKED LA 'KHRIGS, ,DE DA LTA YOD LA DA LTA MED, ,RKYEN 'DIS KYANG MI RTAG DRAN NAS BYUNG, ,DBYAR DROD GSHER DUS SU 'DZOM PA NA, ,LO YAGS KYI SNYE MA G-YU YI MDOG ,STON MTHA' MAR ZHING STONG SKYA BOR SONG, ,RKYEN 'DIS KYANG MI RTAG

DRAN NAS BYUNG, ,SHING LJON PA 'ANG BA RGYAS LO MA RER, ,SMIN LEGS KYI 'BRAS BU PHANG PHUNG CHAGS, ,MTHAR GCIG KYANG MI SDOD SA LA BRUL, ,RKYEN 'DIS KYANG MI RTAG DRAN NAS BYUNG, ,SHAR RI BO SPO MTHO'I RTZE MO NAS, ,KHRI GDUGS KYI NYI MA DGUNG LA SHAR, ,DE MI SDONG NUB KYI RI RTZER SONG, ,RKYEN 'DIS KYANG MI RTAG DRAN NAS BYUNG, ,SKYES PHO MO GZHON NU LANG TSO CAN, ,NANG SHI DANG NUB SHI RGYUN MI 'CHAD, ,YAR 'DREN DANG SKYE BRTAG ZHU'O ZER, ,RKYEN 'DIS KYANG MI RTAG DRAN NAS BYUNG, ,SBRIN DKAR PO MKHA' LA LANG LONG 'KHRIGS, ,SBRANG CHAR GYI THEGS PA 'BAB LA KHAD, ,RLUNG DMAR NAG 'TSUB MAS PHYOGS BCUR GTOR, ,RKYEN 'DIS KYANG MI RTAG DRAN NAS BYUNG, ,SA YANGS PO DPAL MO'I THANG GI DBUS, ,PHYOGS 'GRON BO'I GUR GRAL SKAR MA 'DRA, ,SAD GAR BABS RTZVA SHING LUD SNYIGS TZAM, ,RKYEN 'DIS KYANG MI RTAG DRAN NAS BYUNG, ,DBYAR SA LA DROD BABS RTZI THOG RGYAS, ,BLO BAG PHEBS DUS KYI DE MA THAG ,DGUN KHA RLUNG 'CHUBS PA'I GRANG BAS SKYO, ,RKYEN 'DIS KYANG MI RTAG DRAN NAS BYUNG, ,STENG SGRA DBYANGS SGROG PA'I GA YU 'BRUG DANG, ,BAR GSUNG SNYAN 'JEBS PA'I KHU BYUG SOGS, ,DUS YAL YOL GAR SONG CHA MED THAL, ,RKYEN 'DIS KYANG MI RTAG DRAN NAS BYUNG, ,DNGOS ZHAL NAS CHOS KYI SMAN MCHOG GIS, ,SEMS NYON MONGS NAD SEL DAM PA MANG, ,DUS DENG SANG DAG PA'I ZHING NAS GZIGS, ,RKYEN 'DIS KYANG MI RTAG DRAN NAS BYUNG, ,LUS SKYED PA'I DRIN CAN MA LA SOGS, ,GNYEN MDZA' BSHES 'BRAL GLAGS

, ,MI PHOD KYANG, ,DUS DENG SANG 'DU PA'I 'BREL PA CHAD, ,RKYEN 'DIS KYANG MI RTAG DRAN NAS BYUNG, ,PHO RGOD PO 'PHYIS KYI SO CHIS CAN, ,LO ZLA BA RTING MA'I GRABS GSHOM BYED, ,LAS 'PHROR LUS RANG NYID GAR SONG MED, ,RKYEN 'DIS KYANG MI RTAG DRAN NAS BYUNG, ,DPAL 'CHI MED RDO RJE'I SKU BRNYES PA, ,SKYABS SANGS RGYAS DE YANG 'DA' TSUL STON, ,LUS SHA KHRAG PAGS PAS G-YOGS PA 'DI, ,'JIG NGES PA CHU YI LBU PA 'DRA, ,NAR SON PA'I PHA MAS RANG GI BU, ,SKYES TZAM NAS DUR DU SBA BA SNANG, ,DE MTHONG NAS BDAG KYANG GZHON NO ZHES, ,'CHI BDAG LA GSHOL 'DEBS RE BA CHAD, ,DUS DA NANG DGRA 'DUL GNYEN SKYONG GI, GROS BYED DUS LUS BDE SEMS KYANG RGOD, ,DGUNG DRO LA BAB DUS DUR KHROD DU, ,LUS BYA KHYIS ZA BCANG BDEN NAM, ,LAR MTHONG THOS YUL DU GYUR BA YI, ,KHONG 'GRO BA MI YI SKYES BU RNAMS, ,DUS RING MTHA' LO BRGYA TSUN CHAD DU, ,GCIG TZAM YANG MI SDOD 'CHI BAR NGES, ,PHYI SNOD BCUD SNANG BA GANG LA YANG, ,YID LEGS PAR GTAD NAS BSAMS PA'I CHE, ,DUS SNGA PHYIR 'GYUR BA 'BA' ZHIG GIS, ,KUN MI RTAG SLOB DPON NYID DU GDA', ,SNGAR PHYIS PA'I SKABS NAS RIM 'PHEL BA'I, ,STOBS LANG CHO GZHON NU'I LUS KYI CHA, ,DA GANG LA BLTAS KYANG MI SDUG PA, ,'DI RANG LUS YIN YANG YID MI 'ONG, ,BDE SDUG DANG BTANG SNYOMS SNA CHOGS SAM, ,YANG RES 'GA' DGE LA RAS 'GA'

SDIG, RES LUNG MA BSTAN GYI SEMS LA SOGS, ,BLO 'DI YANG MI RTAG SKAD CIG G-YO, ,RANG GZHAN GYI SNANG TSUL GAR BLTAS KYANG, ,GLAG BZHIN DU 'BYUNG BAS BLO SA BDE, ,KHENG 'CHI BDAG GSHED LAS MTHA' NAS BSGOS, ,DA GSOD PAR NGAS? NA CI RANG DRAG, GNYEN BSHES DANG NOR RDZAS KHANG KHYIM SOGS, ,MI YUL GYI SNANG BA DANG SPRO YANG, ,SEMS CHAGS PAS BCINGS BZHIN DBANG MED DU, ,SNANG BA 'DI NAM ZHIG NUB PAR 'GYUR, ,LUS MAL GYI THA MAR 'DRE LDOG CING, ,NGAG THA MA'I TSIG GI LNGA BA LDIB SMRA, ,SEMS THA MA'I DRAN RTOG JE PHRAR NUB, ,DUS DE 'DRA BDAG LA NAM 'OD NA, ,SNGAR SDIG PA'I LAS LA DE TZAM SPYAD, ,TSE PHYI MAR PHAN PA'I DGE BAS DBUL, ,PHYOGS GAR 'GRO 'DI 'GRO'I GTOL MED PAS, ,DA BSAM TSE 'CHI LA SHIN TU CHER, ,DON DE PHYIR BDAG DANG BDAG 'DRA'I 'GRO, ,DGOS MED KYI BYA BYED MA MANG BAR, ,SKYABS BLA MA YI DAM MKHA' 'GRO LA, ,SKYABS 'DEGS DUS SKYEL MA'I ZHU BA PHUL, ,DGE SEMS KYI SNANG PA DKAR PO'I DANG, ,GDENG DGA' SPRO DANG BCAS 'CHI BA LA, ,DUS DA LTA GOMS PA GAL CHE BAS, ,MDO SNGAGS KYI ZAB DON 'DRIS PAR BYA, ,GTAM 'DI LA BRTEN NAS BDAG 'DRA BA, ,BLO DRED POR SONG PA'I CHOS MED RNAMS, ,NGES 'PHYUNG GI BSKUL MA THEBS PA DANG, ,RGYUD SMIN CING GRO LBA THOB PAR SHOG, CES SO, ,DE NAS YONGS 'DZIN RIN PO CHE NGAG DBANG MCHOG LDAN LA DPE CHOS RIN CHEN SPUNGS PA SOGS BKA' GDAMS KYI CHOS SKOR DU MA ZHIG GSAN, 'BRAS

, ,SPUNGS SNGAGS PA BLA ZUR ZHAL SNGA NAS BLO BZANG CHOS 'PHEL GYIS GSOL BA BTAB NAS DGE BA'I BSHES GNYEN SUM BRGYA SUM CU SKOR LA BDE MCHOG L'U AI PA'I BSKYED RIM GYI KHRID SRAD RGYUD DANG DBEN SA SNYAN RGYUD KYI GDAMS PA'I CHU PO GNYIS 'DRES MYONG KHRID DU STZAL BAS DER 'DUS PA'I DGE BA'I BSHES GNYEN DE RNAMS BLA MED THEG BA'I BDUD RTZIS TSIM PAR MDZAD DO, ,DE'I TSE DGE BA'I BSHES GNYEN RIN CHEN RGYAL MTSAN GYIS DPAL HE RU KA: DANG RJE BDAG NYID CHEN PO, RJE 'DI NYID GSUM DBYER MED DU GSOL BA BTAB CHOG PA ZHIG DGOS ZHES ZHUS PA NA, STENG DGA' LDAN LHA BRGYA'I MDUN SA NAS, ,SPRIN DKAR PO SNYEG PA'I RTZE MO RU, ,RJE RGYAL BA KUN 'DUS BLO BZANG GRAGS, ,DENG MDUN GYI NAM MKHAR GSHEGS SU GSOL, ,GNAS SPYI GTZUG SENG KHRI BAD ZLA'I STENG, ,YID DRAN PAS SRID ZHI'I GDUNG BA SEL, ,DPAL HE RU KA: DANG DBYER MED PA'I, ,RJE DRIN CAN BLA MA RIN PO CHE, ,MGON GSANG GSUM BKOD PA MTHA' YAS KYANG, ,DON NGO BO GCIG TU GSOL 'DEBS NA, ,RGYUD NYON MONGS RTZUB REG ZHI BA DANG, ,SEMS CHOS DANG 'DRES PAR BYIN GYIS RLOBS, ,SNGON LEGS BYAS BRGYA YIS 'PHANGS PA'I LUS, ,RTEN CHOS DANG MJAL BA'I DAL 'BYOR 'DI, ,LHA TSANGS DBANG GTZUG GI NOR BU BZHIN, ,DUS LAN CIG TZAM LAS RNYED DKA' YANG, ,DENG SNGON CHAD 'DI SNANG RE DOGS DANG, ,SEMS NYON MONGS DBANG DU SONG BA YIS, ,BLO CHOS DANG 'DRES PA'I SKABS MED BAR, ,TSE PHAL

CHER DON MED NGANG LA ZAD, ,DUS GTAN GYI MDUN MA RLUNG LA BSKUR, ,RGYUD 'PHUN 'DRE ZHUGS PA'I SMYON PA BDAG, TSE 'DI SNANG PHUN CHOGS THAMS CAD DANG, ,GTAN BRAL GYI PHA ROL CHA BA'I TSE, ,CHOS GSHA' MA BSGRUBS PA'I NYAMS MYONG GIS, ,'JIGS MI DGOS SNYAM PA'I GDENG TSAD MED, ,LO ZLA BZHAG DANG ZA MAS KYANG, ,LUS SEMS KYI MTHU STOBS RIM GYIS BRI, ,SNGAR LANG TSO DAR PA'I GZHON NU'I LUS, ,DA RGAS PA'I GNAS SKEBS 'DI LTAR SONG, ,LUS 'BYUNG BA 'KHRUGS PA'I NAD CIG GAM, ,RKYEN GLO BUR GDON GYIS 'TSE BA YIS, ,PHYOGS GANG DU MAL GYI THA MA LA, ,BDAG 'CHI BA'I DUS TSOD NAM 'OD NA, ,DGRA GSHIN RJE'I BSU MA'I PHO NYA SLEBS, ,PHYOGS DED SHA THON PA'I GDANGS MIG LTA, , MTHA' MDZA' BA SHES DU BAS YONGS SU BSKOR, ,GSHIN DGE DANG DUR GYI GSHOM RAS BREL, ,GNYEN LONGS SPYOD DPAL LA 'KHREN BA YIS, ,YID GDUNGS KYANG RANG DBANG GTOL MED 'GYUR, ,LAR DE LTA'I 'CHI BA 'OD NGES SHING, ,DUS DE RING NYI MA MA NUB GONG, ,SEMS ZAG PHUNG BRAL NAS BAR DO YI, ,'PHRANG RING PHOR MI 'GRO'I CHA YANG MED, ,'BROG DGON PA 'JIGS BA'I SA PHYOGS SU, ,RANG GCIG BU GTOL MED 'BYAMS PA BZHIN, ,SNGAR 'DRIS KYI GROGS DANG MGON MED PAR, ,BSHUL 'JIG RTEN PHYI MAR 'GRO BA NA, ,SKYABS BSLU MED DKON MCHOG MA LUS PA, ,RJE BLA MA GCIG TU 'DUS PA'I SKU, ,KHYED MA GTOGS RE SA GZHAN MED PAS, ,THUGS BRTZEBS SKYONGS SHIG THUGS RJE CAN, ,SGO GSUM

, ,GYIS BSGRUBS PA'I DAM CHOS RNAMS, ,RGYUD NYON MONGS GNYEN POR SONG BA YI, ,CHOS GNAD DU 'KHEL BA'I NYAMS LEN GYIS, ,DUS NYIN MTSAN 'DA' BAR BYIN GYIS RLOBS, ,MA SEMS CAN 'KHOR BA'I RGYA MTSO CHER, SDUG BSNGAL BA'I NGANG TSUL MA BZOD BAR, ,TSIG BCOS MA MIN PAR CI BYED RNAMS, ,GZHAN PHAN BDER 'GYUR BAR BYIN GYIS RLOBS, ,BDAG 'DI SNANG 'GAG PAR PHYOGS PA'I TSE, ,RJE BLA MA KHYAB BDAG HE RU KA: 'KHOR DPA' BO DPA' MO'I BSU BA YIS, ,GNAS MKHA' SPYOD ZHING DU KHRID DU GSOL, ,LAS NYON MONGS DBANG GIS SKYE BA'I MTHA', ,YONGS ZAD PAR MA GYUR DE SRID DU, ,LHA BLA MAS THEG MCHOG MGON MDZAD NAS, ,SMIN GROL GYI LAM BZANG MTHAR PHYIN SHOG, CES PA GNANG NGO, ,DE NAS DGE BA'I BSHES GNYEN MANG PO ZHIG LA SMAD RGYUD LUGS KYI KHRID CHEN BRGYAD DANG, SRAD RGYUD LUGS KYI KHRID CHEN DRUG BCAS ZAB CHOS MTHA' YAS PA GNANG, YONGS 'DZIN DAM PA KHRI CHEN NGAG DBANG MCHOG LDAN LAS SA SKYA'I GSER CHOS BCU GSUM DANG, BKA' GDAMS LHA BZHI SOGS LHAG PA'I LHA MANG PO'I RJES GNANG DANG, MGON PO PHYAG DRUG PA DANG GUR MGON SOGS CHOS SKYONG MANG BO'I RJES GNANG GSAN RTA TSAG SPRUL PA'I SKUS GSOL BA BTAB NAS DRIL BU LTA LNGA'I DBANG STA GON DANG BCAS RGYAS PAR GNANG, DE'I CHE 'BRAS SPUNGS SNGAGS PA GRVA TSANG DANG SER SNGAGS PA GRVA TSANG GNYIS KAS RDO RJE 'JIGS BYED KYI DBANG GI DON DU GSOL

PA BTAB PA NA, DON GNYER CAN MTHA' YAS PA BYUNG STE 'BRAS SPUNGS SNGAGS PA TSOGS YONGS DANG, DE MO SPRUL SKU RIN PO CHE SOGS SPRUL SKU DANG, BLA MA DGE BA'I BSHES GNYEN CHES MANG BA BCAS DGE 'DUN STONG DANG NYIS BRGYA BRGYAD CU SKOR LA DPAL RDO RJE 'JIGS BYED LHA BCU GSUM MA'I DBANG STA GON DANG BCAS PA RGYAS PAR STZAL ZHING, DE NAS MU 'THUD DA SER SNGAGS PA TSOGS YONGS DANG DGE BA'I BSHES GNYEN CHES MANG BA BCAS LA'ANG DPAL RDO RJE 'JIGS BYED KYI DBANG STA GON DANG BCAS PA RGYAS PAR STZAL, BRAG G-YAB SPRUL PA'I SKUS GSOL BA BTAB STE DGE 'DUN STONG PHRAG LHAG TZAM LA BYANG CHUB LAM RIM CHEN MO'I BSHAD LUNG RGYAS PAR STZAL ZHING, NYUNG SHAS SHIG LA THUGS RJE CHEN PO BCU GCIG ZHAL DPAL MO LUGS KYI DBANG CHEN YANG STZAL, ,DE NAS KHRI CHEN NGAG DBANG MCHOG LDAN LA RDO RJE 'JIGS BYED KYI 'KHRUL 'KHOR KHAMS GSUM LAS RNAM PAR RGYAL BA'I NYI 'OD MA BU RNAMS KYI GZABS BSHAD GSAN ZHING PHYAG LEN YANG SBYONG BAR MDZAD, GZHAN YANG KHRID CHEN LA N'A RO CHOS DRUG GI ZAB KHRID DANG, DGA' LDAN PHYAG RGYA CHEN PO'I ZAB KHRID DANG, DUS 'KHOR SBYOR DRUG GI ZAB KHRID RNAMS RGYAS PAR GSAN ,DE NAS AANG DKAR ZHABS DRUNG GIS GSOL BA BTAB NAS BDE LAM GYI ZAB KHRID SEMS BSKYED MCHOD BA DANG BCAS RGYAS PAR GSAN, DE NAS SKU MTSAMS SHIG GI NANG DU MI RTAG PA'I SNANG TSUL LA MBUR DBYANGS MDZAD BA NI,

, ,NE'U GSING SPANG LA SKYES PA'I, ,SPANG RGYAN ME TOG BKRA YANG, ,DGUN GYI KHA RLUNG 'TSUB DUS, ,RDUL PHRAN TZAM DU 'THOR BAS, ,DA LTA MDANGS BA KRAG MTSAR DUS, ,DKON MCHOG DRUNG DU PHUL DANG, ,SNGON BSAGS SBYIN PA'I 'BRAS BU, ,'DOD DGU'I LONGS SPYOD 'BYOR YANG, ,NAM ZHIG GANG THAG GZHAN GYIS, ,BDAG BZUNG RDZAS SU 'GYUR BAS, ,DA LTA RANG DBANG YOD DUS, ,SBYIN PA'I ZHING LA PHUL ZHIG, RTZAL GSUM DAR LA RDZOGS PA'I, ,G-YU 'BRUG SKAD GSANG MTHO YANG, ,DBYAR GSUM NAM ZLA'I THA MAR, ,SGRA SKAD NYAMS PAR 'GYUR BAS, ,DA LTA MKHA' LA 'PHYO DUS, ,DBYAR RDO DAL BUS SGROGS DANG, ,MTHUN 'JUG 'JIG RTEN LAS LA, ,GSUNG SNYAN 'GYUR KHUGS 'KHROL YANG, , NAM ZHIG MGRIN PA'I LAM LA, ,DBUGS KYANG CHAD PAR 'GYUR BAS, ,DA LTA SMRA LCE BDE DUS, ,GRAG STONG BZLAS PAR 'BUNGS SHIG, MKHA' LA RGYAN DU CHAGS PA'I, ,SPRIN DKAR LANG CHO GSAR YANG, ,DRAG PO'I RLUNG DANG 'PHRAD NAS, ,PHYOGS BCUR 'THOR BAR NGES SO, ,DA LTA LANG LONG 'KHRIGS DUS, ,SBRANG CHAR BCUD DU PHOB DANG, ,KHU KHRAG GZHAN GYI RDZAS LA, ,BDAG BZUNG LUS 'DI 'PHYOR YANG, ,NAM ZHIG MI GTZANG RDZAS BZHIN, ,'BREL MED 'DOR BAR 'GYUR BAS, , DA LTA RTZAL STOBS LDAN DUS, ,DGE BA'I BRAN DU BKOL ZHIG, DANG BSIL YID LA 'THAD PA'I, ,NYAL 'GRO LHUNG LHUNG 'BAB KYANG, ,MI RING THIGS PA TZAM YANG, ,LUS MED SKAMS PAR 'GYUR GYI, ,DA LTA RGYUN BZANG 'BAB DUS, ,

RTZI THOG GSOS SU DRONGS DANG, ,RANG BDE GZHAN LA GNOD PA'I, ,THABS TSUL SNA DGU 'GYU YANG, ,NAM ZHIG MING DON TZAM YANG, ,'CHAR MED RMONGS PAR 'GYUR GYI, ,DA LTA BLO RIG GSAL DUS, ,ZAB RGYAS GDAMS NGAG SGOMS SHIG, TSONG DUS SA YI LTE BAR, ,LHO BYANG TSONG PHRUG 'DZOM YANG, ,ZHAG GSUM NANG PAR DUS SU, ,SO SOR GYES PAR 'GYUR BAS, ,DA LTA YUD TZAM 'TSOGS DUS, ,'KHON DANG MTHUN 'GROGS SPONGS DANG, ,CHO SNGON LAS KYIS BKUG PA'I, ,DGRA GNYEN BYAMS SDANG CHE YANG, ,MI RING RIGS DRUG GNAS SU, ,SO SOR 'GRO BAR 'GYUR BAS, ,DA LTA RIS SU BCAD NAS, ,DGOS MED CHAGS SNGANG SPONGS SHIG, STON DUS MKHA' LA SHAR BA'I, ,NYA RGYAS NAM 'PHANG MTHO YANG, , 'DZAM GLING SA 'DIR GNAS PA'I, ,SKYE BO TSA GDUNG CAN LA, ,LUS SEMS DGA' BDE SKYED PA'I, ,SHUGS 'BYUNG 'OD DKAR 'GYED DO, ,GZHAN LA PHAN BDE 'DOD PA, ,RANG SEMS KHONG NA GNAS KYANG, ,PHYOGS DUS SGYE BO KUN GYIS, ,DON GNYIS DPAL DU 'GYUR BAS, ,LUS NGAG TSUL 'CHOS SPANGS TE, ,LHAG BSAM BZANG PO SKYED CIG, KLU DBANG GTZUG GI NOR BU, ,PHYOGS LHUNG RTOG PA MED KYANG, ,MCHOD DANG BKUR STI CHEN POS, ,RTZE GCIG GSOL BA BTAB LA, ,GANG BSAM RE BA'I 'BRAS BU, ,LAG RTZER STZOL BAR NGES SO, ,BLA MA SKU GSUM DBANG PHYUG, 'GRO LA NYE RING SPANGS KYANG, ,MOS GUS LTEM RKYANG MED PAS, ,RTZE GCIG DRAN PA DE LA, ,'DI DANG PHYI MA KUN GYI, ,LEGS CHOS 'GRUB PAR NGES SO, ,DBANG PO

, ,BSLAD PA'I MTHU YIS, ,MKHA' LA SNANG BKRAG MCHAR YANG, ,GSO DPYAD MIG SMAD RNON POS, ,SBYANGS PA'I DE MA THAG TU, ,RAB RIB SNANG BA LOG PA'I, ,STONG GSAL RJEN BAR 'CHAR RO, ,DNGOS 'DZIN GDON GYIS DKRUGS PAS, ,KUN RDZOB CI YANG 'CHAR MONG, ,'KHRUL PA'I RANG MCHANG 'COD BA'I, ,RIGS SHES LTA BA'I NGO NA, ,BLO BRID SNANG PA LEGS PA'I, ,GNAS LUGS LTAD MO LTOS SHIG, STONG GSAL MKHA' YI NGOS NA, ,TSUGS THUB BDEN PAR MED KYANG, ,RGYU RKYEN RTEN 'BREL MANG PO, ,CHOGS PA'I 'JA' TSON RI MO, ,GTAD MED CI YANG 'CHAR BA'I, ,NGO MTSAR 'DI LA LTOS DANG, ,DPYAD NA 'DI ZHES BYA BA'I, ,NGOS BZUNG CI YANG MID KYANG, ,RGYU RKYEN CHA SHAS MANG POR BTAGS YOD MING TZAM 'DI LA, ,BYA BYED THAMS CAD 'THAD PA'I, ,SGYU MA 'DI LA GZIGS DANG, ,BDEN DNGOS BSLU BA MED PA'I ,DMIGS GTAD GANG YANG MED KYANG, ,KHOG YANGS BRAG GI PHUG PAR, ,SGRA SNYAN BRAG CA'I DBYANGS KYIS, ,RANG 'DZIN SHES PA BSKYED PA'I, ,NUS PA THOGS MED BZHIN DU, ,BSLU MED DON LA GRUB PA'I, ,SNYING PO CHA TZAM MED KYANG, ,DON LDAN TSIG GI PHRENG BA, ,'DI LTAR SPEL BA'I GTAM GYIS, ,KUN RDZOB 'GRO BA MANG BOR, ,PHAN PA RGYA CHEN GYUR CIG, ,CES SO, ,DE NAS KHRI CHEN NGAG DBANG MCHOG LDAN LA RGYAL TSAB DAR MA RIN CHEN GYI GSUNG PHAL CHA BA'I LUNG GAS NO?, ,DE NAS KHRI CHEN NGAG DBANG MCHOG LDAN LA GSOL BA YUN RING DU BTAB STE DPAL DUS KYI 'KHOR LO'I

DBANG MO CHE RJE YAB SRAS NAS BRGYUD PA DENG SANG RGYUN CHAD DU NYE BA LA THUG PAS KHRID CHEN RDO RJE 'CHANG GIS RGYUN ZHIG BZHES NAS GNANG THUB PA ZHIG DGOS ZHES YANG DANG YANG DU GSOL BA BTAB PA NA KHRI CHEN SKU NA MTHO YANG RGYAL BA MCHOG GI BKA' DANG 'JAM MGON BSTAN RGYUN LA DGONGS TE DKA' BA CHEN BOS GSAN NAS LJAGS BSNYEN SOGS LEGS PAR GRUB STE RJE 'DI PA LA 'BUL BAR MDZAD, RJE 'DIS KYANG GONG BSNYEN SOGS RGYUD DANG MTHUN PAR LEGS PAR GRUB PAR MDZAD NAS DPAL DUS KYI 'KHOR LO'I DBANG DANG MAN NGAG 'CHAD PA LA 'JIGS PA MED PA'I GNAS THOB PAR MDZAD DO, ,DE NAS DVAGS PO DGE BSHES KYIS GSOL BA BTAB PA LA BRTEN NAS 'BRAS SPUNGS 'DU KHANG CHEN MOR SDE SNOD 'DZIN PA BZHI STONG TZAM LA DRANG NGES RNAM 'BYED ZHAG NYI SHU RTZA GSUM GYI BAR DU DKA' BA'I GNAS RNAMS DRI MA MED PA'I RIGS PAS MTHA' CHOD PAR MDZAD DE RGYAS PAR GNANG BAS RGYAL BA TZONG KHA PA RANG NYID SLAR 'JIG RTEN 'DIR DNGOS SU BYON PA JI LTA BA BZHIN DU GYUR TO ZHES DE DUS KYI SDE SNOD 'DZIN PA MTHA' DAG GSUNG NGO, ,DE NAS KHRI CHEN RDO RJE 'CHANG NGAG DBANG MCHOG LDAN LA PHYAG RDOR 'KHOR CHEN GYI DBANG GSAN NAS YI DAM 'DI'I BSNYEN BSGRUB SOGS MTHAR PHYIN PAR MDZAD DO, ,DE NAS 'BRAS SPUNGS SNGAGS PA BLA ZUR ZHAL SNGA NAS KYIS GSOL BA BTAB NAS SDE SNOD 'DZIN PA BDUN BRGYA BSKOR LA DPAL GSANG BA 'DUS PA'I RTZA RGYUD 'GREL PA SGRON GSAL, RJE BDAG NYID CHEN POS MDZAD PA'I

, ,BSDUS DON MCHAN BU MTHA' GCOD DE 'GREL PA BZHI SBRAGS KYI BSHAD RGYUN RGYAS PAR STZAL BAS GSANG CHEN RDO RJE THEG PA'I BSTAN PA NYI MA LTAR GSAL BAR MDZAD DO, ,DE NAS SHING MO GLANG GI LO SDE SNOD 'DZIN PA MANG POS GSOL BA BTAB NAS, DAD LDAN TSIG STONG SKOR LA DPAL RDO RJE 'JIGS BYED CHEN PO'I DBANG BZHI STA GON DANG BCAS PAR RGYAS PAR GNANG, DE'I TSE DBANG DNGOS GZHI'I NYIN NAM MKHA' SHIN TU DNGAS PA LAS ME TOG GI CHAR BABS PA BYUNG ZHING, RIG PA 'DZIN PA 'GA' ZHIG LA YE SHES PA PHABS PA'ANG BYUNG BAS KUN MI PHYED PA'I DAD PA THOB BO, ,MANYDZU SHR'IS GSOL BA TAB NAS MA RGYUD THAMS CAD KYI GTZO BO DPAL 'KHOR LO SDOM PA'I RTZA RGYUD DANG, RJE BDAG NYID CHEN POS MDZAD PA'I SPAS DON KUN GSAL GNYIS RTZA 'GREL SBRAGS NAS GNANG BAS RJE BDAG NYID CHEN PO'I BSTAN PA'I SNYING PO NYAMS PA GSO BAR MDZAD DE RJE'I BSTAN PA LA BKA' DRIN CHE BAR MDZAD DO, ,DE NAS CHU KHYI LO DGA' LDAN RNAM PAR RGYAL BA'I GLING DU PHEBS SKABS RJE THAMS CAD MKHYEN BA'I RNAM THAR DANG BKA' DRIN DRAN BA'I DAD GUS SHUGS DRAG PO THUGS LA 'KHRUNGS PAS THUGS RJE BSKUL BA'I GSOL 'DEBS MGUR DBYANGS 'DI LTAR MDZAD DO, , GNAS SA 'DZIN MTHON PO LHUN CHAGS SPO, ,RJE BAD GSHEGS KUN GYIS BYIN GYIS BRLABS, ,DON YE SHES RANG SNANG SGYU 'PHRUL GYI, ,DPAL RGYAL BA'I DKYIL 'KHOR CHEN POR GRUB, ,RI SMAN LJONGS DRI BZANG NGAD PA 'THUL, ,DUS GSUM

DU ME TOG LDING KHANG BKRA, SHING G-YU LO RGYAS PA'I TSANG TSING GIS, ,RJE BLA MA'I MDZES SKU YID LA SHAR, ,CHAB LHUNG LHUNG 'BAB BA'I NYAL 'GRO'I SGRA, ,YID 'KHOS SU PHEBS PA'I 'DAB CHAGS SKAD, ,CHOS LEGS BSHAD DAR DIR SGROGS BA YIS, ,RJE BLA MA'I GSUNG DBYANGS YID LA DRAN, ,STON G-YA' DANG BRAL BA'I DGUNG SNGON SPOR, ,SPRIN DKAR GSAL LANG LONG RTZIBS SHAR BSGRENGS, ,NYI GZHON GYI 'OD SNANG LAM LAM 'DIS, ,RJE BLA MA'I MKHYEN BRTZE YID LA SHAR, ,SKU GSAL RDZOGS MTSAN DPE'I RGYAN GYIS SPRAS, ,GSUNG ZAB RGYAS GDAMS PAS 'DOD PA 'JO, ,THUGS 'OD GSAL CHOS KUN GZIGS MO CAN, ,RJE BLO BZANG GRAGS PA SRAS DANG BCAS, ,SNGON THUGS DAM JI LTAR BCAS PA BZHIN, ,MGON DPUNG GNYEN SANG DU 'DIR GSHEGS LA, ,KUN BZANG GI MCHOD PA RGYA MTSO'I TSOGS, ,DBYINGS BDE CHEN NGANG DU BZHES SU GSOL, ,ZHING RNAM DAG BYIN RLABS G-YANG DU CHAGS, ,NYAMS DGA' BDE'I 'BROG GI RI BO CHER, ,RJE RGYAL BAS LUNG BSTAN DGA' LDAN ZHES, ,PHYOGS KUN LAS RNAM PAR RGYAL BA 'DIR, ,THUGS BDE STONG DBYER MED DANG NYID LA, ,YUL KUN RDZOB 'JA' TSON CI YANG BKRA, SKU GCIG LAS RAB 'BYAMS SPRUL BA'I SPRIN, ,CHAD MU MTHA' BRAL BAR 'GYED BZHIN DU, , CHOS MDO SNGAGS ZAB DANG RGYA CHE'I LAM, ,THAR 'DOD KYI 'JUG NGOGS GANG YIN PA, ,TSIG SGRA SPYIR MA LUS 'KHRUL MED DU, ,SKAL LDAN GYI 'BRAL RJEN PAR BSTAN, ,RJE BLA MA KHYED KYI BKA' DRIN LAS, ,BKA' MDO RGYUD MA LUS GDAMS

, ,BAR GO, MTHAR BYANG CHUB NYE BA'I LAM NGO MTHONG, ,PHYOGS GOL SAR SHAR BA'I 'KHRUL BA ZAD, ,MGON KHYOD KYI RNAM PAR THAR PA LA, ,'BANGS RJES SU ZHUGS PA'I GDUL BYA BDAG, DRIN LEGS PAR BSAM PA'I MOS GUS KYIS, ,YID KHONG NAS BSKYOD PA'I RE LTOS ZHU, ,PHA MI MNGON BDE CHEN DBYINGS SU GSHEGS, ,BU SKAL MED 'KHOR BA'I 'DAM 'DIR LUS, ,DA MGON SKYABS BAR BA'I SMRE SNGAGS KYI, ,NGAG GDUNG DBYANGS 'DI LA GSAN DU GSOL, ,PHAR 'GRO BA'I SPYOD TSUL LA BLTAS NA, ,PHYI RAB BYUNG CHOS PAR RLOM NA YANG, ,NANG TSE 'DI KHO NA'I SNANG SHAS LA, ,KHONG KHYIM PA LAS KYANG ZHEN PA CHE, ,PHAL SKYE BO NAG PO'I LAS LA DGA', ,NGAN G-YO CAN MGO 'PHANG MTHO LA BRIN, ,DUS SNYIGS MAR SPYOD PA'I NGANG TSUL 'DIS,, SNYING RUS PA'I GTING LA NAD DU THINGS, ,TSUR RANG GI NGANG TSUL LA BLTAS NA, ,PHYI DGE SBYONG TSUL 'CHOS KYIS MDZES SHING, ,CHOS SDE SNOD ZAB MO THOS NA YANG, ,NANG SHES RGYUD MA DUL SHING LTAR RENGS, ,DBANG YUL GYI SNANG BA GANG SHAR LA, ,DRAN SHES DANG GNYEN PO MTHU CHUNG BAS, ,YID DUG GSUM DBANG DU SHAR SHOR TE, ,RDZAS MI GTZANG GANG BA'I GSER BUM BZHIN, , LAR DAL 'BYOR LDAN PA'I MI LUS 'DIS, ,SNGAR NGAN SONG RGYU TSOGS BSGRUBS BSGRUBS NAS, ,DON RANG GZHAN PHAN NGES RNAM DKAR GYI, ,GDENGS CHA SHAS TZAM YANG MA MCHIS SO, ,BDAG YUL NGAN DUS KYI THA MAR SKYES, ,LAS

GYI NAS 'DA' BA'I NGANG TSUL 'DI, ,PHA BLA MA KHYED KYIS NYER DGONGS LA, ,THUGS BRTZE BA'I LCAGS KYUS GZUNG DU GSOL, ,TSE 'DI PHYI BAR DO GANG DU YANG, ,RJE GCIG CHOG KHYED RANG MKHYEN LAGS BAS, ,SKYABS RE SAS BSLU BA MA MDZAD BAR, ,MGON DPUNG GNYEN MDZOD CIG BLA MA MKHYEN, ,SPYIR 'GRO BA KUN LA BU LTAR BRTZE, ,SGOS NYAM THAG BDAG GI PHA LAGS NA, ,SKU MTSAN DPES BRGYAN PA'I DKYIL 'KHOR DE, ,'DIR MNGON SUM SNANG BAR BSTAN DU GSOL, ,DUS GNAS SKABS KUN TU PHAN NGES PA'I, ,GSUNG GDAMS NGAG RNAM BAR STZAL DU GSOL, ,THUGS DMIGS MED BDE BA CHEN PO DANG, ,YID RO GCIG 'DRES PAR BYIN GYIS RLOBS, ,TSE MI RTAG NUB KA'I NYI MA 'DRA, ,NOR LONGS SPYOD RTZVA RTZE'I ZIL PAR MTSUNGS, ,GTAM SNYAN GAGS LUNG STONG RLUNG GI SGRA, ,LUS LANG TSO STON MTHA'I ME TOG BZHIN, ,LAR 'KHOR BA SPYI DANG BYE BRAG GI, MTSANG NGAN PA'I NGANG TSUL KUN MTHONG NAS, ,BLO GTING NAS CHOS LA PHYOGS PA DANG, ,CHOS LAM DU 'GRO BAR BYIN GYIS RLOBS, ,THOG MED NAS DRIN GYIS BSKYANGS BSKYANGS PA'I, ,MA RIGS DRUG SEMS CAN NYAM THAG LA, ,BYAMS SNYING RJE BYANG CHUB SEMS KYI BLOS, ,RGYUD LHAG BAR PHYUG PAR BYIN GYIS RLOBS, ,CHOS GANG SHAR NGO LA PHAR BLTAS TSE, ,RANG RTOG BTAGS RI MO TZAM ZHIG LAS, ,GSHIS SPROS BBREL GNAS LUGS CHEN PO DE, ,DUS MYUR TU RTOGS PAR BYIN GYIS RLOBS, PHYI SNANG BA LHA DANG

, ,LHA MONG SHAR, ,NAD SEMS RGYUD BDE STONG ROL PAS TSIMS, ,MCHOG BSKYED RDZOGS RDO RJE'I RNAL 'BYOR GYIS, ,TSE 'DI LA GROL BAR BYIN GYIS RLOBS, ,RGYUD NYON MONGS 'PHEL BA'I BSAM GTAN DGRAS, ,RGYANG RING DU DBEN PA'I GNAS BZANG PO, ,NYAMS BAG PHEBS BDE DGA' BSKYED PA'I SAR, ,ZAB DON LA GZHOL BAR BYIN GYIS RLOBS, ,CHOS SDOM PA GSUM GYI BLANG DOR LAS, ,PHYIR PHYOGS PA'I SDIG LTUNG DRI MA DANG, ,RKYEN BAR GCOD PHYI NANG 'TSE BA KUN, ,DUS MYUR DU ZHI BAR BYIN GYIS RLOBS, ,LHA 'JAM DPAL ZHI KHRO BKA' SDOD SOGS, ,SKU CIR YANG STON PA'I RDZU 'PHRUL GYIS, ,RKYEN MTHUN PA'I LAS KUN BSGRUB PA DANG, ,SKYABS G-YEL BA MED PAR MDZAD DU GSOL, ,BDAG LUS NGAG YID LA GSANG GSUM GYI, ,DPAL BYIN RLABS NUS MTHU KUN STZOL LA, ,SGO GSUM GYIS CI BYED SEMS CAN DANG, ,RJE KHYED KYI BSTAN LA PHAN PAR SHOG ,CHOS MDO SNGAGS SGRA YIS SA STENG KHYAB; ;DON SGRUB BRGYUD BSTAN PA'I NYI MA SHAR, ,'BREL TSAD LA PHAN BDE'I DNGOS GRUB 'PHEL, ,YID CI BSAM 'GRUB PA'I BKRA SHIS STZOL, ,ZHES PA'O, ,DE NAS BRAG G-YAB GDUNG KHANG SKU SKYES GSOL BA BTAB NAS DGE 'DUN TSIG STONG SKOR LA RJE NYID KYI GSUNG 'BUM YONGS RDZOGS KYI LJANGS LUNG GNANG, BAR SKABS SHIG BUNG BA MANG PO ME TOG LA 'KHOR TE 'PHUR LDING GIS ME TOG GI ZE'U 'BRU'I BCUD GZHIB TZANG RGYUD MANG SNYAN PA'I SGRA SGROG PA

GZIGS SHING GSAN PAS SNANG BA DPE CHAR SHAR BA'I NYAMS MGUR 'DI LTAR MDZAD DE, YID CI 'DOD DNGOS GRUB MA LUS PA'I, ,DON BDE BLAG STZOL MDZAD BLA MA DANG, ,LTA NGAG GI DBANG PHYUG YAB YUM LA, ,BDAG GSOL BA 'DEBS SO BYIN GYIS RLOBS, ,SHA MI GTZANG RDZAS KYI GONG BU LA, ,BLO GTAD MED SBRANG BU MANG PO ZHIG ,ZAS ZHIM POR RLOM NAS ZA ZIR 'DU, ,DPE 'DI DANG MCHUNGS PA'I DON GYI GLU, ,MNOG CHUNG BA TSE 'DI'I PHUN TSOGS LA, ,BLO COL CHUNG 'GRO BA MANG PO ZHIG, THABS DU MA'I SGO NAS 'TSOL NA YANG, ,YUD TZAM LAS PHAN PAR NGAS MA MTHONG, ,STAG CHUNG GI BUNG BA BZHON NU DES, ,MDANGS LDAN GYI ME TOG GCIG NAS GCIG, YUD TZAM LA 'DOR LEN BYED PA MTHONG, ,DPE 'DI DANG MTSUNGS PA'I DON GYI GLU, ,SNYIGS DUS KYI SKYE BO MANG PO ZHIG, SEMS MA DAG RANG GI SNANG TSUL GYIS, ,SKAD CIG LA DGRA GNYEN 'GYUR BA MTHONG, ,BLO BRTAN PA'I GROGS PO NGAS MA RNYED, ,PHYI KHA DOG MTSAR BA'I G-YU SBRANG TSO, ,NANG NGAN SKYUGS ZOS PA'I CHA SHAS KYI, ,KHUR LCI BA THOGS NAS ZLOS GAR RTZE, ,DPE 'DI DANG MTSUNGS PA'I DON GYI GLU, SHA RUS DANG RNAG KHRAG GSHANG GCI SOGS, ,RDZAS MI GTZANG KHO NA'I RGYAL PA LA, ,SGO DBANG PO'I BU GDONG TZAM 'DIR, ,BYI DAR GYIS 'GYING BA NGO RE TSA, ,SKAD ZIR ZIR SGROG PA BUNG BA'I GLU, 'PHRAL RNA BA'I YUL DU SNYAN MOD KYI, ,DUS NAM YANG PHAN PA'I DON GYIS STONG, ,DPE 'DI DANG MTSUNGS PA'I DON GYI GLU, NGO BSTOD DANG BZANG PO'I GRAGS PA DE, ,'PHRAL

, ,YID KYI YUL DU DGA' NA YANG, ,GRAG TZAM NAS GAR SONG MED PAR YAL, ,PHUGS PHAN PA'I CHA TZAM NGAS MA MTHONG, ,DBYAR LANG CHES DREGS PA'I RKANG DRUG TSO, ,YUD TZAM ZHIG DGA' MGUR LDING NA YANG; ;DA BSER BUS 'JOMS LA MNGON DU PHYOGS, ,DPE 'DI DANG MTSUNGS PA'I DON GYI GLU, LUS LANG TSO RGYAS PA'I 'JO SGEG GIS, ,DUS DA LTA RANG SEMS DREGS NA YANG, ,MTHAR 'CHI BDAG PHO NYAS DBANG MED DU, ,GSHIN PHA ROL YUL DU NAM 'KHRID NA, ,KHONG 'DU SHES 'KHRUL PA'I BHA MA RA: SMAN GA PUR NGAD LA MI BSNYEN PAR, ,RDZAS PHYI SA'I DRI LA NGANG GIS 'DU, ,DPE 'DI DANG MTSUNGS PA'I DON GYI GLU, SNYIGS DUS KYI SKYE BO PHAL MO CHE, ,TSUL GZUR GNAS DAM PA'I PHYOGS LA BYOL, ,NGAN G-YO CAN NOR DANG LDAN PA LA, ,YID RE LTOS 'CHA' BA AA RE 'KHRUL, ,KHONG KHREL MED SBRANG RTZI 'DOD PA TSO, ,RANG RTEN GYI ME TOG GZHON NU MA'I, ,BCUD CI 'DOD DRANGS NAS MOD LA 'DOR, ,DPE 'DI DANG MTSUNGS PA'I DON GYI GLU, ,DENG PHYI THAG MED PA'I SKYE BO PHAL, ,RANG PHAN BDER SBYOR BA'I DPYAD LDAN DANG, ,GROGS BZANG POS DRIN GYIS BSKYANGS NA YANG, ,PHYIR DGRA YI PHYOGS BZHIN 'DOR BA MANG, , BLO GU YANGS RKANG DRUG GZHON NU TSO, ,GNAS GROGS LA ZHEN PAS MA BCINGS PAR, ,RANG GANG SKYID PHYOGS LA RTZE ZHING 'GRO, DPE 'DI DANG MTSUNGS PA'I DON GYI GLU, YUL 'DOD YON 'CHING BAS MA BCINGS PAR, ,GNAS NYAMS SU

DGA' BA DBEN PA'I TSAL, ,DON BSAM SGOM RNAL 'BYOR LHUR LEN PAR, ,MI KHO BO SNYING NAS YID SMON 'CHA', ,DUS DBYAR GYI ZLA BA THA MA'I TSE, ,DPANG SER KYI ME TOG 'DZUM GROL ZHING, ,STENG DRO 'JAM NYI MA GUNG ZHIG LA, ,YID SKYO GROGS BUNG BA MANG PO ZHIG ,LANG LONG GI ZLOS GAR RTZE BA NA, ,DPE SBRANG RTZIR SPYOD PA'I SNANG TSUL RER, ,DON RKANG PAR BCAD PA'I MGRIN GLU 'DI, ,BDAG DBYANGS CAN DGYES PA'I RDO RJES SBYAR, ,ZHES PA'O, ,DE NAS LHA BTZUN THO YON DAR RGYAS KYIS GSOL BA BTAB NAS DGE 'DUN STONG DANG LNGA BRGYA SKOR LA THUGS RJE CHEN PO RGYAL BA RGYA MTSO'I DBANG STA GON DANG BCAS PA RGYAS PAR STZAL, DE NAS RTA TSAG RJE DRUNG GIS GSOL BA BTAB NAS RJE RIN PO CHE'I GSUNG 'BUM YONGS RDZOGS KYI LJAGS LUNG DANG, SA SKYA'I GSER CHOS BCU GSUM SOGS CHOS BKA' MANG DU STZAL, DE NAS CHU BZANG SPRUL PA'I SKUS GSOL BA BTAB NAS DAD LDAN SUM BRGYA SKOR LA TSE DPAG MAD LTA DGU'I DBANG STA GON DANG BCAS PA STZAL ZHING NYUNG BSDUS SHIG LA RDO RJE 'JIGS BYED KYI DBANG YANG STZAL, DE NAS JUN SGAR PA'I DGE SGRUB PA MI SNA PHON CHE 'BYOR PA'I TSE JUN SGAR GYI MKHAN PO KHRI THOG PA DGE 'DUN GRAGS PAS ZHAL GDAMS SHIG DGOS ZHES NAN CHEN POS BSKUL PA LA BRTEN NAS RJE RIN PO CHE'I BSTAN PA'I SNYING PO LA NYAMS LEN BYED TSUL GYI GNAD KYI ZHAL GDAMS DANG, DAD LDAN KHYIM PA DAG LA PHAN GDAGS TSUL SOGS GNAD DON TSANG BA'I ZHAL GDAMS 'DI LTAR GNANG STE,

, ,BSTAN PA DANG MJAL BA'I MI LUS RNAM PAR DAG PA NI THOB, GZHUB LUGS CHEN MO RNAMS THOS BSAM GYIS GTAN LA PHAB NAS BLANG DOR BYA BA'I GNAD KYANG LEGS BAR MKHYEN PA YIN PAS NA, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES GSUNGS PA LTAR, SNGAR THOS PA'I DON RNAMS RANG GI RGYUD STENG DU BSKOR NAS NYAMS SU BLANGS TE SEMS KHO NA 'DUL BA'I THABS SU 'GRO BA ZHIG MDZAD DGOS LA, DE YANG, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES GSUNGS PA LTAR, RAB TSE 'DI'I GNYEN BSHES 'KHOR SLOB SBYIN BDAG SOGS KYI 'GROGS 'DRIS THAMS CAD SPANGS NAS DBEN PA'I RI SUL DU LUS LA DRANG SRONG GI RGYAL MTSAN 'CHANG, NGAG BLA MA LHA'I GSOL 'DEBS DANG GSANG SNGAGS ZAB MO'I BZLAS BRJOD LHANG LHANG BA, DKOR ZAS DANG GRIB KYIS MA SBAGS PAS RIG PA DANG SING NGE, SEMS TSE 'DI'I RE DOGS GANG GIS KYANG MA BCINGS PAS GU YANGS, SGO GSUM SDIG LTUNG DANG MA 'DRES PAS BLO BDE, SEMS CHOS DANG 'DRES PA'I NYAMS LEN RDO RUS THUG PAS NYAMS DGA' YAL LE BA BYUNG NA, MDUN MA LA DE LAS LEGS PA GZHAN CI ZHIG YOD, MI LUS THOB PA'I GO BCAD PA YIN MOD, DE LTA NA'ANG RANG RE 'CHAD SPEL PHYI BYA BA RGYA CHEN PO LA ZHUGS PA'I GZHAN DBANG CAN LA DE LTA BU'I 'KHRI PA RBAD CHOD CIG 'BYUNG BAR DKA' NA'ANG

'PHRAL GYI 'DOD YON ZAR ZIR THAMS CAD LA BDAG DE RING RANG YANG MI 'CHI BA'I CHA MED PA LA 'DI DAG BYUNG BAS CI RANG BYED SNYAM DU ZHE NAS CHAGS ZHEN GYI 'CHING BA LTOD GANG THUB DANG, SNGAR RANG DON LA DE TZAM 'BAD DUNG BYAS KYANG PHAN GANG YANG MA THOGS, GZHAN DON SNYING DU BCANGS NAD GZOD SANGS RGYAS KYI GO 'PHANG THOB NGES YIN PA LA SNGON CHAD DKA' LA DON MED PA'I BYA BAS 'DAS, DA BYA BA CI BYED THAMS CAD SEMS CAN KHO NA LA PHAN THOGS PA ZHIG BYED SNYAM PA'I BSAM PA BZANG PO DANG DE LTAR SHOG CIG SNYAM PA'I SMON LAM DUS RTAG PAR YANG NAS YANG DU GSAL BTAB, DGE SLONG THAMS CAD BYANG CHUB KYI SEMS BCOS MA TSUN CHAD KYIS KYANG ZIN PAR BYAS NAS GTZO BOR GSANG SNGAGS BLA MED KYI BSKYED RDZOGS ZAB MO DANG 'BREL BAR RTAG PAR LHA'I NGA RGYAL DU RE BA DANG, BZLAS BSNYEN SOGS LA 'BAD PAR MDZED NA DE BAS LHAG PA GZHAN DU CI ZHIG YOD PAS YUL PHYOGS GANG DU GNAS DANG DBEN MI DBYEN LA MA BLTOS PAR SEMS KYI DGE SBYOR 'DI KHO NA GTZO BO YIN MOD, LHAG PAR BSTAN PA RDZOGS LDAN GYI DUS LA BSLAB GZHI YONGS SU RDZOGS PA BSRUNGS PA LAS DENG SANG BSLAB PA'I SNA GCIG BSRUNGS PA PHAN YON CHE BAR GSUNGS PA BZHIN DU BLA MA DGE BA'I BSHES GNYEN DANG, GRVA SA CHEN PO MANG DU BZHUGS PA'I GNAS LAS PHYOGS MTHAR BSTAN PA'I KHUR BSNAMS NA BAN YON LHAG PAR CHE BAS PHYOGS DER GTAN

, ,CHAGS PAR BZHUGS PA'I 'DUN PAS 'CHAD SPEL SOGS BSTAN PA'I BYA BA RGYA CHEN PO LA MA ZHUM PA'I SNYING STOBS BSKYEN PAR MDZOD, PHYOGS DE'I SKYE BO PHAL MO CHE SNOD RUNG GI GTZO BO CHOS LA DAD PA SHIN TU CHE ZHING BRTAN PA DANG LDAN PA YIN 'DUG GSHIS, RAB TU BYUNG BA RNAMS BDE LEGS THAMS CAD KYI RTZA BA SO SO THAR PA'I TSUL KHRIMS KYI BCAS PA PHRA MO TSUN CHOD KYANG LAG LEN LA 'DEBS GANG THUB DANG, BYANG SEMS DANG GSANG SNGAGS KYI SDOM PA LA DENG SANG GTAM TZAM ZHIG LAS LAG LEN BYED MI SRID MTHA' RU 'DUG PAS NA, SDOM PA DE GNYIS LA'ANG BSLAB TSUL SOGS RANG RANG GI SNOD RUNG RNAMS LA LEGS PAR 'KHRID NAS BLANG DOR BYED THUB PA ZHIG DANG, SDOM PA LAS 'GAL BA'I NYES LTUNG BYUNG BA'ANG NYIN MO BYUNG BA RNAMS NUB MO DANG, NUB MO BYUNG BA RNAMS NANGS PAR DKON MCHOG GI RTEN LA SOGS PA'I DRUNG DU SPYI BSHAGS DANG PHYIR BCOS LTUNG BSHAGS LA SOGS PA'I SGO NAS BSHAGS PA BYED DGOS PA'I BSLAB BYA NAN TAN MDZAD NAS LAG LEN LA THEBS PA ZHIG BYUNG NA RGYUD DAG PA DANG NGO TSA KHREL YOD SKYE BA SOGS KYI DGOS PA LHAG PAR CHE BA YIN, GZHAN YANG MDO SNGAGS KYI GZHUNG LUGS CHEN MO RNAMS LA BSLAB SBYANGS BYED DU BCUG NAS DE'I DON RNAMS LAG LEN LA THEBS PA'I PHYIR BYANG CHUB LAM GYI RIM PA LA SOGS PA'I 'KHRID TSUL BSTAN NAS THOS PA KHA PHYIR BLTAS KYI SGRA SPYI TZAM LA MA SONG BAR RGYUD LA PHAN THOGS PA'I THABS SU

'GYUR NGES PA ZHIG MDZOD, KHYIM PA'I RIGS KYANG DUS BZANG LA BSNYEN GNAS SMYUNG GNAS SOGS KYI BSLAB PA LA 'GOD PA DANG, RGYUN DU DKON MCHOG GI RTEN LA MCHOD PA, PHYAG SKOR, DMIGS BRTZEM DANG RIGS GSUM MGON PO, SGROL MA'I GSUNGS LA SOGS PA'I NGAG BZLAS LA BRTZON PA, 'DUL LUNG GI GLENG GZHI DANG, MDZANGS BLUN SOGS LAS 'BRAS KYI BYUNG BA RNAMS BSHAD NAS, GTZO BOR DKAR CHOS THAMS CAD KYI RTZA BA DKON MCHOG DANG LAS 'BRAS LAS DAD PA'I DAD PA BRTAN PO MI NYAMS GONG 'PHEL DU 'GRO BA'I ZABS KYIS SDIG SPONG DGE SGRUB KYI BLANG DOR LA 'GOD PA SOGS BSTAN PA DANG 'GRO BA LA PHAN PA'I BYA BA BZANG PO DON DANG LDAN PA LA NAN TAN GYIS 'BAD 'TSAL, ZHES DANG, TSIGS SU BCAD PA'I ZHAL GDAMS NI, SKYABS DUS GSUM RGYAL BA MA LUS PA, ,DANG THA MAL RDO RJE 'DZIN PA'I GZUGS, ,DON SKU BZHI'I MNGA' BDAG BLA MA RJE, ,YID GSOL BA 'DEBS SO BYIN GYIS RLOBS, ,KHYOD SNGON BSAGS LEGS BYAS RGYA MTSO LAS, ,RTEN DAL 'BYOR NOR BU LAG RTZER SON, ,BKA' MOD RGYUD GDAMS PA'I BYI DOR GYIS, ,SEMS RANG 'OD GSAL BA KHONG NAS 'BYIN, ,RANG RTOGS ZIN GNAS LA THA SNYAD KYI, ,TSIG SKAM POS GSAL 'DEBS MA DGOS KYANG,, YID DANG BAS BSKUL BA'I 'PHRIN LAN DU, ,GTAM 'DI SKAD SMRA LA SNYAN GSON CIG ,SNGON 'KHOR BAR DE TZAM 'KHYAMS 'KHYAMS NAS, ,GZHAN PHAN BDE LTA ZHOG RANG LA YANG, ,RDUL PHRA MO'I CHA YI PHAN PA TZAM, ,DENG SNGON CHAD GRUB PA CANG

, ,GDA' 'AM, ,DA CHOS LDAN MI YI LUS SU GRUB, ,ZAB RGYA CHE'I GDAMS PA SDE SNOD GSUM, ,THOS BSAM PAS RTOGS PA'I GNAS SKABS 'DIR, ,DON RTZE GCIG SGRUB LA NAN TAN MDZOD, ,MCHOG THUN MONG DNGOS GRUB MA LUS LA, ,YID GANG BSAM STZOL BA'I NOR BU DE, ,SKYABS BLA MA MCHOG GSUM YIN PAS NA, ,MOS GUS KYI GSOL 'DEBS NAN TAN MDZOD, ,DUS DE RING NYI MA MA NUB GONG, ,KHONG 'CHI BDAG RGYAL PO'I CHAD LAS KYIS, ,SROG DBUGS 'DI MI GCONG GDENG MED PAS, ,KHYED 'CHI BA 'DI LA BAG GZON MDZOD, ,GNYEN 'KHOR G-YOG LONGS SPYOD THAMS CAD KYIS, ,'PHRAL RANG SEMS BDE BA'I GO SKABS BCOM, ,SRED ZHEN GYIS 'CHI KHAR 'CHING BAS NA, ,KHYED 'DOD YON 'DI LA DGRA RU LTOS, ,ZAS GOS KYI PHAN PAS BSKYANGS BSKYANGS KYANG, ,SKAD CIG BZHIN MI SDUG 'GYUR BA STON, ,RDZAS NGAN GYIS GANG BA'I RGYAL PA BZHIN, ,KHYED RANG LUS 'DI LA KHUR DU LTOS, ,SNGON DE TZAM MYONG BA'I SDUG BSNGAL KUN, ,ZAG BCAS KYI PHUNG PO 'DI LAS BYUNG, ,DA SDUG LA RGYAN DU MA LTA BAR, ,KHYED 'PHUNG SRI 'DI DANG RGYAB GYES MDZOD, ,LHA TSANGS DBANG SRID RTZER PHYIN NAS KYANG, ,LAS NYON GYIS RANG RGYUD BCINGS BZHIN DU, ,MNAR MED KYI ME NANG LTUNG BAS NA, ,GNAS KHAMS GSUM 'DI LA SKYO BAR MDZOD, ,RANG LUS SEMS GDUNG BAS MNAR BA'I TSE, ,KHONG DE 'DRA'I 'GRO LA SNYING RJE BSKYED, ,'GRO KUN GYI SDUG BSNGAL TSUR BLANGS NAS, ,GZHAN DGA' BDES TSIMS PA'I GTONG LEN SBYONGS, ,SNGON SEMS CAN RNAMS KYIS

BDAG GI PHYIR, ,SROG YAL BAR BOR BA'I GRANGS TZAM YANG, ,DPAG MI NUS DRIN GYIS BSKYANGS PAS NA, ,YONGS PHA MA'I DRIN LAN SEMS LA CHONGS, ,DON BLANG DOR MTHONG BA'I MIG DANG BRAL, ,GNAS NGAN SONG G-YANG KHAR GOM 'GROS 'KHYOR,, LAS NYON MONGS SGROG GIS DAM DU BCINGS, ,MA NYAM THAG 'GRO LA SNYING RJE SGOMS, ,GNAS 'KHOR BA STONG MIN DE SRID DU, ,LHUN GRUB KYI GZHAN DON RGYUN 'CHAD MED,, RANG BDE BA MTHAR PHYIN SANGS RGYAS LA, ,DUS MYUR DU RE BA'I DON GNYER MDZOD, 'KHOR 'DAS KYI CHOS CAN MA LUS PA, ,RANG RTOG PAS BCOS PA'I SGYU MA LA, ,DON BDEN PAR BZUNG NA BSLU BA'I PHYIR, ,'KHRUL SNANG LA MA ZHEN STONG PAR LTOS, ,NYING 'KHRUL GYI RMI LAM MI BDEN YANG, ,SEMS DGA' SDUG BSKYED PA'I NUS PA BZHIN, ,LTOS GRUB KYI RTEN 'BREL MI BSLU BAS, ,LAS RGYU 'BRAS BLANG DOR GZAB PAR MDZOD, ,LUS SNANG STONG LHA SKU SGYU MA BZHIN, ,GNAS GAR SDED RANG SNANG GZHAL YAS KHANG, ,SGRA GANG GRAG GSANG SNGAGS DAR DIR LA, ,YENGS MED KYI DRAN PA RGYUN DU STEN, ,SNYING DBUS KYI MI SHIGS RLUNG SEMS DE, ,SKYABS KUN 'DUS NGO BOR GSAL BTAB STE,, CI ZA DANG CI 'THUNG BDUD RTZIR STOBS, ,TSOGS 'KHOR LO'I LONGS SPYOD ZHEN MED ROL, ,MTHAR BEM RIG 'BRAL BAR PHYOGS PA'I TSE,, THIM RIM GYI RTAGS RNAMS NGOS BZUNG STE, ,SNGAR 'DRIS KYI GROGS DANG 'PHRAD PA BZHIN, ,GZHI'I 'CHI BA 'OD GSAL ZIN PAR MDZOD, ,'PHRANG NYAM NGA BAR DOR 'GRIM PA NA, ,RANG GCIG PU LAS GZHAN GROGS MED PHYIR, ,DUS DA LTA LHA DANG BLA

, ,MA LA; ;LAM BDE BAR SGROL BA'I SKYEL MA ZHUS, ,LAR SKYE 'CHI BAR DO GANG LA YANG, ,DUS DA LTA'I BAG CHAGS GTZO CHE BAS, ,DE SPYOD BYED BSKYED RDZOGS RNAL 'BYOR GYIS, ,SKYABS SKU GSUM RANG NGO SHES PAR MDZOD, ,DUS RTAG TU RANG GI SGOM GSUM LA, ,TSUL JI LTAR 'DUG SNYAM RTOG DPYOD NGOS, ,SEMS KHO NA 'DUL BA'I DGE SBYOR GYIS, ,KHYED TSE MJUG DON LDAN MDZAD PAR ZHU, ,RANG DE LTAR DGE LA 'BUNGS BZHIN DU, ,GZHAN DANG LDAN SKYE BO BGRANG YAS LA, ,RNAM DKAR GYI SA BON 'DEBS PA'I PHYIR, ,DUS GZHAN DON SPYOD PAS 'DA' BAR MDZOD, ,BDAG SGO GSUM BYA BA CI BGYIS PA, ,BSTAN 'GRO BA YONGS LA GNAS SKABS KUN, ,PHAN RLABS CHEN KHO NAR GYUR CIG SNYAM, ,SMON 'DUN GYI 'TSAMS SBYOR RGYUN DU MDZOD, ,DGE 'DI YIS BLO BZANG GRAGS BSTAN MCHOG ,PHYOGS KUN TU DAR ZHING RGYAS PA DANG, ,MA MKHA' MNYAM SEMS CAN MA LUS PA, ,DPAL SKU GSUM GO 'PHANG THOB GYUR CIG, CES PA RNAMS GNANG NGO, ,DE NAS 'BRAS SPUNGS SNGAGS PA BLA ZUR BLO BZANG CHOS 'PHEL GYIS GSOL BA BTAB NAS 'BRAS SPUNGS 'DU KHANG CHEN MOR SDE SNOD 'DZIN PA STONG PHRAG MANG PO LA ZLA BA PHYED GNYIS KYI BAR DU LAM RIM CHEN MO'I BSHED LUNG RGYAS PAR STZAL, DE NAS RGYUD STOD TSOGS YONGS KYIS GSOL BA BTAB NAS DPAL LDAN STOD RGYUD GRVA TSANG YONGS RDZOGS KYI STEB DU GZHAN MANG PO DANG BCAS DGE 'DUN STONG DANG LNGA BRGYA SKOR LA

DPAL GSANG BA 'DUS PA'I DBANG BZHI STA GON DANG BCAS PA RGYAS PAR STZAL, ,DE NAS DAD LDAN SUM CU SKOR ZHIG LA 'JAM DBYANGS CHOS SKOR GYI RJES GNANG DANG, 'JIGS BYED SNGAGS BTU DANG, SGROL MA NYER GCIG GI RJES GNANG SOGS RJES GNANG MANG DU STZAL, ,DE NAS SANGS RGYAS LAS KYANG DKON PA'I RDO RJE THEG PA'I BSTAN PA NAM YANG MI NUB PAR YUN RING DU GNAS PA'I PHYIR DANG, RJE BDAG NYID CHEN POS SKU DANG SROG LA'ANG MA GZIGS PAR DKA' BA BRGYA PHRAG DU MA'I SGO NAS BSGRUBS PA'I BSTAN PA'I SNYING PO MTHAR THUG PA 'DI CHES CHER 'PHEL PAR BYA BA'I PHYIR PHO BRANG CHEN PO PO TA LAR RIN PO CHE SNA TSOGS LAS GRUB PA'I GSANG BDE 'JIGS GSUM GYI BLOS BSLANGS RGYUD DANG GRUB CHEN GYI DGONGS PA RGYAL BA TZONG KHA PA CHEN POS GSAL BAR MDZAD PA JI BZHIN DU GSAR BZHENGS MDZAD DE JI SRID RGYAL BSTAN NAM GNAS KYI BAR DU NAM YANG MI NYAMS PA'I MCHOD PA'I RGYUN DANG BDE GSANG 'JIGS GSUM GYI MCHOD BRGYUN 'DZUGS PA MDZAD, TSA GAN NO MON HAN GYIS GSOL BA BTAB NAS DGE 'DUN STONG DANG BDUN BRGYA SKOR LA RDO RJE PHRENG BA'I DBANG DANG PHYAG RDOR 'KHOR CHEN GYI DBANG BCAS STZAL, DE NAS PAn CHEN MCHOG GI SPRUL PA'I SKU DBUS SU PHEBS NAS RGYAL BA MCHOG LA DGE TSUL GYI SDOM PA ZHU BAR MDZAD PA NA RGYAL BA MCHOG 'DIS LHA LDAN DU CHIBS BSKYOD NAS SA GA ZLA BA'I TSES BCO LNGA'I NYIN JO BO RIN PO CHE'I SKU MDUN DU RJE 'DIS MKHAN SLOB SBRAGS MA MDZAD DE DGE 'DUN GRANGS TSANG BA'I DBUS SU

, ,DGE TSUL GYI SDOM PA PHUL TE THUB PA'I RGYAL TSAB MCHOG TU MNGA' GSOL, DE NAS PAn CHEN MCHOG GI SPRUL PA'I SKU BLO BZANG DPAL LDAN YE SHES KYIS RJE 'DI LA MDO SNGAGS KYI CHOS MANG DU GSAN ZHING SLAR RIM GYIS MDO SNGAGS KYI MAN NGAG YONGS SU RDZOGS PA GNANG DGOS PAR GSOL BA BTAB PA NA RGYAL BA MCHOG 'DIS KYANG THUGS DGYES PA CHEN POS ZHAL GYIS BZHES SHING RJE RIN PO CHE'I RNAM THAR LTAR GZHUNG LUGS RNAMS LA GSAN SBYONG GTING PHYIN PA ZHIG MDZAD PA DANG, DE NAS MDO SNGAGS KYI MAN NGAG MTHA' DAG LEGS PAR GSAN NAS THUGS NYAMS SU BZHES, DE NAS MTHA' DBUS SKYE 'GRO YONGS LA CHOS KYI 'KHOR LO RGYA CHER BSKOR BA'I THUGS BSKYED MDZAD DGOS ZHES ZHAL TA NAN TAN ZHU BAR MDZAD, PAn CHEN MCHOG GI SPRUL PA'I SKU RIN PO CHES KYANG RGYAL BA MCHOG GI BKA' JI LTAR GNANG BA LTAR ZHU ZHING SLAR MI RING BAR MDO SNGAGS KYI CHOS MTHA' DAG GNANG DGOS PAR GSOL BA SHUGS DRAG TU 'DEBS PAR MDZAD DO, ,DE NAS KHRI CHEN NGAG DBANG MCHOG LDAN PA DGUNG LO BDUN CU DON LNGAR PHEBS TE SKU GZUGS LCI ZHING BZHENGS BZHUGS DKA' BAR BYUNG BA NA RGYAL BA MCHOG NYID KHRI CHEN GYI GZIM CHUNG NYID DU PHEBS TE MAndAL SKU GSUNG THUGS RTEN DNGOS PO SPAM MTHO BA DANG BCAS PHUL TE ZHABS PAD YUN RING BRTAN DGOS ZHES GSOL BA SHUGS DRAG 'DEBS PAR MDZAD PA NA KHRI CHEN GYIS NGA RANG CHUNG DU NAS CHOS SGOR

ZHUGS, RGYAL BA TZONG KHA PA'I BSTAN PA 'DI 'DRA DANG MJAL, THOS BSAM SGOM GSUM KHO THAG CHOD PAR BYAS, LHAG PAR GANGS CAN 'GRO BA'I MGON PO KHYED LA SPYIR MDO SNGAGS KYI CHOS MTHA' YAS PA DANG, LHAG PAR RJE BLA MA'I MAN NGAG RNAMS 'BUL THUB PAS DA NI SHI YANG BLO BDE, BDAG RGAN PO 'CHI KHAR RVA SGRENG DU PHYIN CHOG PA DGOS ZHES ZHU BAR MDZAD, DE NAS RGYAL BA MCHOG GI KHRI CHEN GYI GZIM CHUNG DU YANG YANG PHEBS TE CHOS KYI GSUNG GLENG CHES MANG BA GNANG ZHING, RA SGRENG DU PHEBS PA'I THUGS 'DUN MI MDZAD PAR SKU KHAMS JI LTAR BYUNG YANG PHO BRANG 'DI RANG DU NGED CAG TSOGS RDZOGS PHYIR BZHUGS DGOS ZHES YANG DANG YANG DU GSOL 'DEBS MDZAD KYANG KHRI CHEN GYIS DA LAM CIS KYANG DGONGS PA KHROL DGOS ZHES BZHUGS SU MA BZHED, PHEBS RGYU'I SNGA ZHOGS RGYAL BA MCHOG NYID KHRI CHEN GYI SKU MDUN DU PHEBS TE 'DI PHYIR DGE BA'I GSUNG GLENG MANG DU MDZAD CING, PHEBS KHAR KHRI CHEN GYI THUGS KAR DBU BCUGS TE SPYAN CHAB GSIL ZHING YUN RING THUGS SMON MDZAD, KHRI CHEN GYIS KYANG RGYAL BA MCHOG LA BYIN RLABS ZHUS BDAG SKYE BA THAMS CAD DU RJES SU GZUNG DU GSOL ZHES GSOL BA 'DEBS PAR MDZAD, DE NAS RGYAL BA MCHOG GIS KHRI CHEN GYI ZHABS BRTAN DANG LAM BAR GYI RKYEN SEL DU SE 'BRAS DGE GSUM SOGS LA MANG JA GNANG STE RIM GRO RGYA ZCHEN SGRUB PAR MDZAD, MI RING BAR KHRI CHEN ZHING GSHEGS PA'I BSNGO RTEN BYUNG BA NA, DE 'PHRAL RGYAL

, ,PA MCHOG NYID 'PHAGS PA RIN PO CHE DANG GSIR GDUNG SOGS RTZE'I LHA KHANG RNAMS SU PHEBS TE MCHOD 'BUL SMON LAM RGYA CHER MDZAD CING, LHA SA'I JO SH'AKA KYIS GTZOS RTEN RNAMS LA MCHOD 'BUL RGYA CHEN PO DANG, SE 'BRAS DGE GSUM BKRA SHIS LHUN PO RNAMS KYIS GTZOS GANGS CAN GYI DGON SDE MTHA' DAG LA MANG BSKOL DANG, PAn CHEN RIN PO CHES GTZOS GANGS CAN GYI BSTAN 'DZIN MTHA' DAG LA BSNGO RTEN 'BUL BAR MDZAD, SKU GDUNG ZHUGS LA PHUL TE GDUNG RUS RNAMS RGYAL BA MCHOG GI GZEM CHUNG DU BZHES TE DNGUL GDUNG MA GRUB BAR DU MCHOD 'BUL SMON LAM MDZAD, DNGUL GDUNG SRUB 'PHRAL GDUNG RUS RNAMS DNGUL GDUNG GI BUM NANG DU BZHUGS SU GSOL TE DGONGS RDZOGS MCHOD 'BUL SMON LAM RGYA CHER MDZAD DO, ,RGYAL BA MCHOG 'DI NI GANGS CAN LHA CIG THUGS RJE CHEN POR YONGS SU GRAGS PA LTAR 'GRO BA LHA DANG BCAS PA'I PHYAG GI GNAS YIN PA DANG, THUN MONG BA'I SNANG NGOR YANG GANGS RI'I KHROD NA 'GRAN ZLA MED PA'I MKHAS GRUB TU GYUR CING 'JAM DBYANGS GONG MA BDAG PO CHEN POS BTEG STE YANGS PA'I SA CHEN PO LA DBANG PHYUG GI STOBS KYIS MNGA' MDZAD PA ZHIG YIN YANG CHE 'GYING DANG RLOM PA'I DRI TZAM YANG MED PAR LAM STON PA'I BSHES GNYEN LA 'DI LTA BU'I GUS PA DANG SRI ZHU MDZAD PA NI, 'BROM RIN PO CHES JO BO RJE JI LTAR BSTEN PA'I RNAM THAR BSKYANGS TE PHYI RABS KYI GDUL BYA RNAMS

LA CHOS RNAM DAG BYED PA LA LAM MA NOR BAR STON PA'I BSHES GNYEN BSTEN TSUL 'DI LTAR BYA DGOS SO ZHES 'DOMS PAR MDZAD PA NGO MTSAR RMAD DU BYUNG PA'I RNAM PAR THAR BA ZHIG GO ,DE NAS AANG DKAR ZHABS DRUNG GIS YUN RING PO NAS GSOL BA BTAB PA LTAR DGE 'DUN STONG DANG SUM BRGYA SKOR LA DPAL DUS KYI 'KHOR LO'I RDUL TSON GYI DKYIL 'KHOR DU DBANG BSKUR BA SLOB MA RJES BZUNG GI CHO GA NAS RDO RJE SLOB DPON BDAG PO CHEN BO'I DBANG MTHA' RTEN DANG BCAS PA'I BAR YONGS SU RDZOGS PA RGYAS PAR STZAL, DE NAS RGYUD SMAD TSOGS YONGS KYIS GSOL BA BTAB NAS DGE 'DUN STONG DANG BRGYAD BRGYA SKOR LA BDE MCHOG L'U AI BA'I DBANG STA GON DANG BCAS PA RGYAS PAR STZAL, DE NAS PAn CHEN MCHOG GI SPRUL PA'I SKU PHEBS NAS MDO SNGAGS KYI CHOS BKA' YONGS SU RDZOGS PA GNANG DGOS TSUL GSOL BA 'DEBS PAR MDZAD PAS THUGS DGYES BZHIN DU RDO RJE PHRENG BA'I DKYIL 'KHOR ZHE GNYIS KYI THOG DGE LEGS SU BYED PA'I DKYIL 'KHOR GSUM DANG BCAS PA, GRUB CHEN MI TRA DZO KI'I LUGS KYI DKYIL 'KHOR BRGYA RTZA'I DPANG YONGS SU RDZOGS PA, ZUR BKA' RDO RJE 'JIGS BYED LHA BCU GSUM MA, RDUL TSON LA BRTEN PA'I DPAL DUS KYI 'KHOR LO'I SKU GSUNG THUGS YONGS SU RDZOGS PA'I DKYIL 'KHOR GYI DBANG RGYAS PA DANG, TSE DPAG MED LHA DGU, SPYAN RAS GZIGS BCU GCIG ZHAL RNAMS KYI BKA' DBANG, GRUB RGYAL LUGS TSE DBANG THUN MONG MA YIN PA, RJES GNANG GI GRAS SLOB DPON

, ,AA BHA Y'A KA RAS PHYOGS GCIG TU BSDEBS PA'I SGRUB THABS RGYA MTSO, BA RI BA'I SGRUB THABS BRGYA RTZA, SNAR THANG PA'I SGRUB THABS BRGYA RTZA RNAMS YONGS SU RDZOGS PA DANG, RDO RJE SEMS DPA', RDO RJE 'JIGS BYED DPA' BO GCIG PA, SMAN BLA BDE GSHEGS BDUN, 'JAM DBYANGS NAG PO, KHYUNG KHRA, MKHA' 'GRO MA SENG GE'I GDONG CAN, MGON PO'I RJES GNANG BCU GSUM, SKU RKYANG LA SNYING ZHUGS DANG BCAS PA, MGON PO PHYAG BZHI PA, DPAL LHA, DZAM LA 'BRUG ZHON RNAMS KYI RJES GNANG, DGA' LDAN LHA BRGYA MA'I KHRID, GRUB RGYAL LUGS TSE DPAG MED KYI BSKYED RDZOGS KYI KHRID LCANG SKYA RDO RJE 'CHANG DE NYID KYI GSUNG LA GNAS RNYING PA KUN DGA' BDE LEGS KYI GSUNG NAS KHA SKENG GNANG BA, SKYABS MGON THAMS CAD MKHYEN PA NYID KYI BKA' 'BUM DANG, PHRENG BA SKOR GSUM, SGRUB THABS RGYA MTSO DANG, BRGYA RTZA'I RGYA GZHUNG RNAMS KYI LUNG RNAMS DANG BCAS ZLA BA DRUG GI RING LA RGYUN MI 'CHAD DU STZAL, DE SKABS PAn CHEN MCHOG GI SPRUL PA'I SKU NYID 'KHOR LO SGYUR DRUG GI BKA' DBANG DANG, DPAL DUS KYI 'KHOR LO'I BKA' DBANG GI SKABS SU CHU CHON GYIS BRIS PA'I DKYIL 'KHOR DBUS SU SENG GE'I KHRI LA RDO RJE 'DZIN PA'I CHAS 'JUG YONGS SU RDZOGS PA DANG BCAS TE BZHUGS SU GSOL, GDUGS DANG RGYAL MTSAN LA SOGS PA MCHOD PA'I YO BYAD DPAG TU MED PAS MCHOD, RJE BLA MA NYED NAS DKYIL 'KHOR GYI BDAG PO'I RNAL 'BYOR SHIN TU

BRTAN POS NAM MKHA' GANG BA'I RGYAL BA ZHI KHRO'I LHA TSOGS SPYAN DRANGS TE, RNAM RGYAL CHEN PO'I BUM PA LA SOGS PA'I CHU'I DBANG BSKUR ZHING SHIS PA BRJOD PA'I TSIG GI SGO NAS ME TOG GI CHAR PHAB, RIGS THAMS CAD KYI BDAG PO DANG DKYIL 'KHOR THAMS CAD KYI SLOB DPON DU MNGA' GSOL TE CHOS KYI RGYAL SRID DU DBANG BSKUR BAR MDZAD DO, ,DE NAS BDE 'BYOR BLA MAS GSOL BA BTAB NAS NYUNG BSDUS SHIG LA BCU GCIG ZHAL GYI DBANG, PHYAG RDOR 'KHOR CHEN GYI DBANG, RNAM SRAS BKA' MI 'DRA BA BCO LNGA'I RJES GNANG BCAS STZAL, DE NAS 'JAM DBYANGS BZHAD PA'I SPRUL PA'I SKUS GSOL BA BTAB NAS 'BRAS SPUNGS 'DU KHANG CHEN MOR DGE 'DUN LNGA STONG SKOR LA BDE LAM GYI KHRID DBEN SA SNYAN RGYUD KYI MAN NGAG LTAR ZHAG NYI SHU'I BAR RGYAS PAR STZAL, DE NAS CHOS GSAN PA SNGA MA RNAMS KYI THOG NAS BLA MED KYI DBANG CHEN THOB PA STONG DANG LNGA BRGYA SKOR LA 'GREL PA BZHI SBRAGS KYI GZABS BSHAD RGYAS BAR STZAL, DE NAS MA BYI LO CHOS 'KHOR RGYAL DU PHEBS BZHED NAS LAM ZHOR SE RAR PHEBS TE MKHAN PO DPAL 'BYOR GRAGS PAS GSOL BA BTAB NAS DGE 'DUN STONG DANG SUM BRGYA SKOR LA 'JAM DBYANGS CHOS SKOR NAS 'JAM DBYANGS AA RA PA TZA NA'I RJES GNANG SOGS GNANG, RJE NGAG DBANG BYAMS PAS GSOL BA BTAB NAS GNAS BCU'I RJES GNANG STZAL, DE NAS RIM GYIS DGA' LDAN RNAM BAR RGYAL BA'I GLING DU

, ,PHEBS TE GSAR KHRI'I STENG NAS SER SKYA BGRANG BA LAS 'DAS PA LA PHYAG DBANG DANG CHOS KYI BDUD RTZI STZAL, BLA MA SANGS RGYAS CHOS 'PHEL GYIS GSOL BA BTAB NAS DGE 'DUN STONG BRGAL BAR SNYING PO DON GSUM GYI KHRID RGYAS PAR STZAL, DE NAS RGYAL DU CHIBS KHA BSKYOD DE MNGA' DVAGS RGYAL GSUM GYI DGE 'DUN 'DUS PA LA DGA' LDAN LHA BRGYA MA'I ZAB KHRID RGYAS PAR STZAL ZHING, DPAL LDAN LHA MO LA RGYAL BSTAN GNYER DU GTAD PA'I 'PHRIN 'CHOL RGYAS PAR MDZAD, RJE 'DIS RGYAL DU LAN GSUM CHIBS BSKYOD GNANG PAR PHEBS RES KYIS DVAGS PO DANG 'OL KHA'I RJE'I SGRUB GNAS RNAMS LA MCHOD 'BUL SMON LAM RGYA CHER MDZAD CING, LHAG PAR RJE BTZUN TZONG KHA PA CHEN PO'I SGRUB GNAS KHYAD PAR CAN DAGS PO LHA SDINGS SU PHEBS TE MCHOD 'BUL SMON LAM RGYA CHER MDZAD CING RJE BDAG NYID CHEN PO'I MDZAD PA RNAM THAR DRAN PA'I THUGS DAD DANG NGES 'BYUNG SKYO SHAS SHUGS DRAG 'KHRUNGS TE GDUNG SHUGS KYI GSOL BA 'DEBS PA'I MGUR DBYANGS MANG DU MDZAD CING, LHAG PAR RGYAL BA TZONG KHA PA CHEN PO'I BKA' DRIN LAS GSUNG RAB DGONGS 'GRAL DANG BCAS PA'I SNYING PO'I BCUNG BSDUS PA MDO SNGAGS GNYIS KA'I LAM GYI LUS YONGS SU RDZOGS PA LA 'DOD DGUR LONGS SPYAD DU YOD PA 'DI 'DRA BA'I BKA' DRIN 'KHOR THABS MED DO SNYAM DU RJE BLA MA'I BKA' DRIN DRAN PA'I DAD GUS SHUGS DRAG PO 'KHRUNGS TE RJE RIN PO

CHES GTZOS BRGYUD PA GSUM LDAN GYI BLA MA RNAMS LA GSOL BA 'DEBS PA'I GDUNG DBYANGS 'DI LTAR MDZAD DE, NA MO GU RU, BDE CHEN SKU GSUM DBANG PHYUG KHYAB BDAG STON PA RDO RJE 'CHANG, ,DE YIS BYIN BRLABS GRUB MCHOG MDA' BSNUN L'U AI PA, ,RJE BTZUN DRIL BU PA DANG dOm BHI N'A RO SOGS, ,NYAMS LEN BYIN RLABS BLA MAS BDAG CAG SKYOB TU GSOL, ,MI MJED ZHING GI MGON PO RNAM 'DREN ZAS GTZANG SRAS, ,DGA' LDAN LHA BRGYA'I GTZUG RGYAN MI PHAM CHOS KYI RJE, ,RGYAL SRAS THOGS MED SKU MCHED GROL SDE ZHI 'TSO SOGS, ,RGYA CHEN SPYOD PA'I BLA MAS BDAG CAG SKYOB TU GSOL, ,RGYAL KUN MKHYEN PA'I RANG GZUGS MGON PO 'JAM DPAL DBYANGS, ,'PHAGS MCHOG KLU SGRUB ZHABS DANG DE SRAS 'PHAGS PA LHA, ,GRUB BRNYES SANGS RGYAS BSKYANGS DANG DPAL LDAN ZLA BA SOGS, ,ZAB MO LTA BA'I BLA MAS BDAG CAG SKYOB TU GSOL, ,LNGA BRGYA'I GTZUG GI NOR BU MGON PO AA TI SHA ,RGYAL BA RGYA MTSOS BYIN BRLABS 'BREM STON SPYAN RAS GZIGS, ,DE YI RGYUD 'DZIN RIGS GSUM SPRUL PHA? MCHED LA SOGS, ,BKA' GDAMS BRGYUD PA'I BLA MAS BDAG CAG SKYOB TU GSOL, ,'JAM DBYANGS MI YI GAR MDZAD KUN MKHYEN BLO BZANG GRAGS, ,RABS RDZOGS YON TAN RDZOGS PA'I DAG PA'I 'KHOR SLOB DANG, ,'PHRIN LAS MKHA' DANG MNYAM PA'I 'GRO MGON BKA' DRIN CAN, ,BYIN RLABS BRGYUD 'DZIN BLA MAS BDAG CAG SKYAB TU GSOL, ,SPROS BRAL BDE CHEN

, ,RANG BZHIN BLA MA CHOS KYI SKU, ,LHUN GRUB YAN LAG BDUN LDAN BLA MA LONGS SPYOD RDZOGS, ,GANG 'DUL CIR YANG 'CHAR PA'I BLA MA SPRUL PA'I SKU, ,DRIN CAN RTZA BA'I BLA MAS BDAG CAG SKYOB TU GSOL, ,TSE 'DI'I LO 'DOD KHO NAS NYIN MTSAN BREL NA YANG, ,'JIG RTEN PHYI MAR 'GRO TSE SGREN MO LAG STONG 'KHYAMS, ,DE RING TZAM YANG SDOD PA'I GDENG TSAD MA MCHIS PAS, ,MGON MED NYAM THAG BDAG CAG THUGS RJES SKYOB TU GSOL, ,PHAN PAS PHAR LA BSKYANGS BZHIN TSUR LA 'KHANG BA'I GROGS, ,RANG 'DAD THABS DGUS BSAGS KYANG GZHAN GYIS ZA BA'I NOR, ,RANG BDE'I CHED DU BSGRUBS KYANG PHYI PHYIR SDUG BSNGAL BSKYED, ,'DOD PA ME 'OBS 'DI LAS BDAG CAG SKYOB TU GSOL, ,LAS NYON 'CHING BAS BCINGS PA'I BTZON RA'I GNAS NA MNAR, ,SKYE RGAN 'CHI'I GCONG GIS SOS DUS MED PAR ZIN, ,ZAG BCAS RDOS SU CHE BA'I PHUNG PO'I KHUR GYIS MNAN, ,'KHOR BA SDUG BSNGAL GNAS NAS BDAG CAG DRANG DU GSOL, ,PHAN BYED THABS KYIS MCHOD NA SKYABS GNAS DKON MCHOG BZHIN, ,'DOD DGU THAMS CAD STZOL BA'I DRIN CAN PHA DANG MAR, ,DGRAR BZUNG YAL BAR 'DOR BA'I BSAM BRLAG BDAG CAG LA, ,SNYING RJE LHAG BSAM BZANG PO'I DRIN PA STZAL DU GSOL, ,BRTAGS NA GZHI RTZA BRAL BA'I CHOS KYI GNAS LUGS 'DI, ,MA RTOGS RANG SEMS 'KHRUL PAS RANG NYID

DAM DU BCINGS, ,GTI MUG MUN PAR 'KHYAMS PA'I DMUS LONG BDAG CAG LA, ,CHOS NYID RJEN PAR MTHONG BA'I SNANG BA STZAL DU GSOL, ,RNAM DAG TSUL KHRIMS MCHOG GIS PHYI DANG NANG DU GTZANG, ,BDE GSAL TING 'DZIN ROL PAS NYIN DANG MTSAN DU BDE, ,SHES RAB SNANG BA 'BAR BAS 'PHRAL DANG YUN DU GSAL, ,BSLAB GSUM BSTAN PA DAR BA'I DGE MTSAN STZAL DU GSOL, ,MTHU LDAN MKHA' 'GRO SRUNG MAS BGEGS DANG BAR GCOD BSRUNG, , CHOS DANG PHUN TSOGS RGYAS PAS MTHA' DANG DBUS SU BDE, ,BKRA SHIS DPAL GYI 'BYOR PAS SNOD DANG BCUD DU KHYAB, ,RANG GZHAN DON KUN 'GRUB PA'I DNGOS GRUB STZAL DU GSOL, ,ZHES SO,, ,DE NAS PHO BRANG DU PHEBS TE MTHA' DBUS RIS SU MA CHAD PA'I SKYE 'GRO RNAMS LA THUGS BSKYED RGYA CHEN POS SGO GSUM GYI SPYOD PA CI MDZAD THAMS CAD RGYAL BSTAN SPEL BA'I THABS KHO NAR MDZAD CING, BAR SKABS SHIG SHES BYA'I GNAS MTHA' DAG LA THUGS KYI MKHYEN PA CHES CHER 'PHRO BAS THOL BYUNG GI MGUR DBYANGS 'DI BZHIN MDZAD DE, AOm SVASDI, RGYUN BZANG CHU BO RNAM BZHI G-YAS SKOR DU 'BAB CING, ,DKOS 'DOD YID BZHIN 'KHYIL BA'I MA DROS KYI RGYA MTSO, ,DE NA BZHUGS PA GDENGS KA BDUN LDAN GYI KLU DBANG, ,SA 'DIR BKRA SHIS SPEL BA'I BYED PO RANG LOS YIN, ,MI RIGS RNAM BZHI RGYU BA'I GRONG KHYER GYI LTE BA, ,KHYON YANGS SA GZHIR 'PHAGS PA'I BYA RGOD KYI PHUNG PO, ,DE NA BZHUGS

, ,PA MNYAM MED ZAS GTZANG GI SRAS MCHOG ,MKHA' MNYAM YID CAN KUN GYI MGON SKYABS RANG LOS YIN, ,'PHRIN LAS RNAM BZHI SGRUB BYED 'OD ZER GYI DRA BA, ,RLUNG SEMS RIGS LNGAR 'PHRO BA'I MI SKYOD KYI ZHING KHAMS, ,DE NA BZHUGS PA SKYABS MCHOG NGES DON GYI BLA MA, ,BDAG CAG SKAL LDAN GDUL BYA'I GDUNG SEL RANG LOS YIN, ,'KHOR LO BZHI DANG LDAN PA'I DAL 'BYOR GYI RTEN BZANG, ,LEGS BSHAD BDUD RTZIS BSKYANGS PA'I SLOB BU NGA'I MDUN MA, ,BZANG NGAN JI LTAR GYUR KYANG BLA MA RANG MKHYEN BAS, ,RE SAS BSLU BAR MA MDZAD MTHU LDAN GYI MGON PO, ,DRIN CAN BLA MA MCHOG GI GSANG GSUM GYI ROL MO, ,YI DAM DPA' BO MKHA' 'GRO'I NGO BO RU BSGOMS TE, ,SNYING DBUS 'BRAL GLAGS MED PA'I GSOL 'DEBS 'DI GSAN NAS, ,MCHOG THUN DNGOS GRUB YONGS KYI DGA' STON 'DIR STZOL MDZOD, ,CES SO, ,DE NAS PHYOGS MTHA' DAG NAS 'DUS PA'I DAD LDAN RNAMS LA RANG RANG GI DBANG PO DANG 'TSAMS PA'I CHOS KYI BDUD RTZI RIM PAR STZAL ZHING, LHAG PAR DGUNG LO NYER BRGYAD PA'I DUS NAS DGUNG LO ZHE DGU'I BAR LA NUB PHYOGS KHA CHE'I YUL NAS SHAR PHYOGS RGYA MTSO CHEN PO LA THUG GI BAR GYI DAD LDAN RGYAL BA'I BSTAN PA LA ZHUGS NAS 'DUL KHRIMS BSRUNG BAR 'DOD PA BGRANG BA LAS 'DAS PA LA DGE TSUL DANG DGE SLONG GI SDOM PA BRGYUD MAR STZAL, MDOR NA RGYAL BA THAMS

CAD MKHYEN PA RJE BTZUN BLO BZANG BSKAL BZANG RGYA MTSO DPAL BZANG PO 'DI NI RANG CAG BOD KYI LHA CIG 'PHAGS MCHOG THUGS RJE CHEN PO NYID YIN PA KUN LA GRAGS PA LTAR YIN ZHING, THA MAL BA'I SNANG TSUL DANG BSTUN PA'I MDZAD PA RNAM THAR YANG KHYAD PAR DU 'PHAGS PA ZHIG STE, SKU 'KHRUNGS TZAM NYID NAS THUGS SNYING RJE CHEN BO'I GZHEN DBANG DU GYUR PAS CI MDZAD THAMS CAD BSTAN 'GROR SMAN PA'I THABS 'BA' ZHIG TU SBYOR BAR MDZAD PA, 'DZAM GLING YANGS PA'I KHYON LA DBANG BSGYUR ZHING CHE DGU KUN GYIS MCHOD KYANG KHENGS PA'I DRI TZAM YANG MED PAR GDUL BYA DMAN PA LA THUGS BRTZE BA, THUGS RGYUD LA SPANGS RTOGS MA LUS MTHAR PHYIN KYANG PHYI MA'I SKYE BO RNAMS LA TSUL 'DI LTAR GYIS SHIG CES BSLAB PA'I PHYIR YONGS 'DZIN MKHAS PA MANG PO BSTEN TE MDO RGYUD DGONGS 'GREL DANG BCAS PA LA GSAN SBYONGS MTHAR PHYIN PAR MDZAD PAS MDO SNGAGS GZHUNG LUGS KUN LA MKHAS PA, SA'I STENG GI MKHO DGU'I YO BYAD THAMS CAD DRUNG DU 'DUS SHING NAM MKHA' MDZOD LA MNGA' BRNYES KYANG YOD PA RGYU MTSAN DU BYAS NAS GZABS 'PHYOR DANG PHYAR G-YENG GI RNAM PA SKAD CIG KYANG MI MDZAD PAS LO RAR NA BZA' GSAR PA TSAR RE LAS BRJE BAR MI MDZAD CING CHOS GOS RNAM PA GSUM PO TSAD DANG DBYIBS DANG BZHES TSUL SOGS 'DUL BA NAS JI LTAR GSUNGS BA LAS DMAN LHAG TU MA SONG BAR MDZAD PA SOGS DRAN SHES BAG YOD BRTAN POS CI MDZAD 'DUL

, ,BA DANG BSTUN NAS MDZAD PAS SO THAR GYI TSUL KHRIMS GTZANG BA, BDAG PAS GZHAN GCES KYI THUGS BSKYED BZANG POS CI MDZAD SEMS CAN GYI DON 'BA' ZHIG TU MDZAD PAS BYANG SEMS KYI TSUL KHRIMS RNAM PAR DAG PA, GSANG SNGAGS RGYUD SDE BZHI'I DBANG LUNG MAN NGAG MTHA' DAG RGYUD LDAN BLA MA DAM PA LAS GSAN ZHING THUGS NYAMS SU BZHES PAS NYAMS RTOGS PHUL PHYIN BRNYES SHING RDO RJE THEG PA'I DAM TSIG LAS NAM YANG MI 'DA' ZHING BCAS PA CHE PHRA MTHA' DAG PHYAG LEN LA THEBS BAR MDZAD PAS RGYAL BAS BSNGAGS PA'I RDO RJE 'DZIN PA CHEN PO STE, MDOR NA SDOM GSUM GYI BCAS MTSAMS LAG LEN LA KHEL BA, CHOS KYI RGYAL PO TZONG KHA PA CHEN PO'I RING LUGS LA BSRE BSLAD PHRA MO TZAM YANG MED PAR SKYONG BAS RNAM THAR GTZANG BA 'CHAD RTZOD RTZOM GSUM GANG GI THAD LA'ANG ZLA DANG BRAL BA STE, MDOR NA, MDZAD PA KUN LAS GSUNG GI NI, ,MDZAD PA MCHOG YIN DE YANG NI, ,'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GSUNGS PA LTAR, RJE 'DIS RGYAL BA'I BSTAN PA GSAL BAR BYA BA'I PHYIR MDO SNGAGS KYI BSTAN BCOS TSIG DON PHUN SUM TSOGS PA MANG DU MDZAD PA NI 'DI LTAR; DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA GSANG BA 'DUS PA 'PHAGS LUGS ZHES YONGS SU GRAGS PA'I DKYIL 'KHOR DU BCUG NAS DBANG BSKUR BA'I CHO GA DE NYID RAB GSAL GYI RNAM

BAR BSHAD PA DBANG DON DE NYID YANG GSAL SNANG BA RDO RJE SEMS DPA'I ZHAL LUNG ZHES BYA BA LEGS BSHAD KYI RGYA MTSO CHEN PO, DGA' LDAN LHA BRGYA MA'I KHRID YIG ,'JIGS BYED DBANG GI RGYUD 'DEBS, DE'I BSKYED RDZOGS DMAR KHRID RGYUD 'DEBS, DE'I DBANG BSHAD CHEN MO, DE'I BSKYED RIM GYI KHRID, DE'I TSOGS MCHOD, DE LA BRTEN PA'I BLA MA'I RNAL 'BYOR, 'JIGS BYED DPA' BO GCIG PA'I DKYIL CHOG ,BDE MCHOG L'U AI PA DANG, MI TRA NAS BRGYUD PA'I DBANG GI RGYUD 'DEBS, DRIL BU LHA LNGA'I DBANG GI RGYUD 'DEBS, DE'I SGRUB THABS, L'U AI PA'I TSOGS MCHOD, BLA MA'I RNAL 'BYOR GYI RIM PA MANG BO, 'PHAGS PA THUGS RJE CHEN PO LA BSTOD CING GSOL BA 'DEBS PA PHAN BDE'I CHAR 'BEBS SOGS SANGS RGYAS BYANG SEMS RNAMS LA BSTOD CING SGOL BA 'DEBS PA DANG, RJE RANG NYID KYI BRTAN BZHUGS SOGS BLA MA DAM PA MANG PO'I GSOL 'DEBS BRTAN BZHUGS DU MA, BCOM LDAN 'DAS DUS KYI 'KHOR LO'I RGYUD 'DEBS, DE'I MCHOG DBANG GONG MA RNAMS BSKUR TSUL, DE'I SKU GSUNG THUGS YONGS SU RDZOGS PA'I SGRUB THABS, DE'I THUGS DKYIL GYI SGRUB THABS, DE'I TSOGS MCHOD, BLO SBYONG DANG 'BREL BA'I ZHAL GDAMS GYI RIM PA MANG PO, KHRI CHEN SPRUL SKU'I RNAM THAR, RDOR SEMS LHA BCU BDUN MA'I DBANG GI RGYUD 'DEBS, DE'I SGRUB THABS, DE'I DKYIL CHOG ,SPYAN RAS GZIGS RGYAL BA RGYA MTSO'I SGRUB THABS, RGYUD SDE NAS GSUNGS PA'I LHA TSOGS DU MA'I SGRUB THABS, SPYAN RAS GZIGS KHA

, ,SARPA nI'I SGRUB THABS DANG RJES GNANG BYA TSUL, GSANG BDAG DRAG PO GSUM SGRIL GYI SGRUB THABS, 'JAM DBYANGS AA RA PA TZA NA LHA LNGA'I DBANG RGYUD, DE'I SGRUB THABS, DE'I DKYIL CHOG ,DAM CAN CHOS SRUNG DU MA LA MCHOD GTOR 'BUL BA DANG, BSKANG BSHAGS BSTOD BSKUL MANG PO, 'KHOR CHEN GYI SBYIN SREG ,BCU GCIG ZHAL GYI DBANG GI RGYUD 'DEBS, DE'I DBANG CHOG ,SMYUNG GNAS KYI CHO GA ,SGO DRUG GI GZUNGS KYI RNAM BSHAD, BSTOD SPRIN RGYA MTSO'I 'GREL PA, 'DA' KA YE SHES KYI MDO 'GREL, TSOGS DBUS SU DGE TSOGS BYANG CHEN DU BSNGO BA'I GTAM, 'KHOR CHEN SMON LAM SHIS BRJOD, CHAB SHOG DI RIM PA, DVAGS PO DGE BSHES KYI 'JIGS BYED DBANG CHOG LA DAG MCHAN GNANG BA, BSANGS MCHOD KYI RIM PA, DRUG CU PA'I RNAM GZHAG ,MGON PO SNYING ZHUGS KYI RGYUN KHYER, SKU GSUNG THUGS RTEN GSAR BZHENGS KYI RGYAB YIG SMON LAM, 'DOD GSOL, DKAR CHAG SOGS, CHOS SDE CHE CHUNG GI BCA' YIG ,SPRINGS YIG, 'PHRIN BCOL GYI RIM PA PHYOGS GCIG TU BSGRIGS PA 'JIGS MED GDONG LNGA'I SGRA DBYANGS SOGS LEGS PAR BSHAD PA'I RTZOM PA MTHA' YAS PA MDZAD DO, ,DE LTAR RJE 'DIS SPYIR BSTAN PA'I BYA BA RGYA CHER MDZAD PA DANG, KHYAD PAR 'JAM MGON BLA MA'I LUGS BZANG MDO SNGAGS GANG GI THAD LA'ANG BSRE BSLAD PHRA MO'ANG MED PAR RNAM THAR GTZANG MA MTHAR PHYIN PAR MDZAD PA NI LEGS BSHAD DRI MA MED PA 'DI RNAMS LA BLTAS

PAS SHES SHING, 'DIR NI RNAM THAR GYI GTZO BO CHOS KYI 'KHOR LO BSKOR BA'I MDZAD PA RAGS RIM ZHIG BRJOD PA YIN GYI, LUGS GNYIS DANG 'BREL BA'I MDZAD PA RNAM THAR ZHIB PAR NI RNAM THAR CHEN MO LAS SHES PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS GANGS RI'I MGON PO RGYAL BA THUGS RJE CAN 'DI LA GSOL BA 'DEBS SHING 'DI'I MDZAD PA RNAM THAR LTAR THOS BSAM SGOM GSUM MKHAS BTZUN BZANG GSUM GCIG GOGS SU GCIG 'GRO BAR BYED CING, SDOM PA GSUM GYI BCAS MTSAMS DAG PA NYAMS LEN GYI MTHAL DU BYAS NAS GSUNG RAB DGONGS 'GREL DANG BCAS BA THAMS CAD KYI SNYING PO'I DON BYANG CHUB LAM GYI RIM PA'I NYAMS LEN LA 'BAD PAR BYA'O,, DE LTAR RGYAL DBANG THAMS CAD MKHYEN PA RJE BTZUN BLO BZANG BSKAL BZANG RGYA MTSOS DGUNG LO ZHE DGU'I BAR BSTAN 'GRO'I DON RGYA CHER MDZAD NAS DGUNG LO LNGA BCU LA PHEBS PA DBANG PHYUG CES PA ME MO GLANG GI LO DBO ZLA BA'I TSES GSUM GYI NYIN SKU TSE 'DI'I DNGOS KYI GDUL BYA RNAMS RDZOGS PA DANG, GDUL BYA RTAG 'DZIN CAN RNAMS LA MI RTAG PA'I NGANG TSUL MNGON SUM DU BSTAN TE CHOS LA BSKUL BA SOGS DGOS PA KHYAD PAR CAN MANG PO ZHIG GZIGS NAS THA MAL SNANG NGOR BSTAN PA'I GZUGS SKU'I BKOD PA BSDUS TE RE SHIG 'OD GSAL CHOS SKU'I NGANG DU BZHUGS, DE NAS 'OD GSAL DE LAS BZHENGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS TE MCHOD SPRIN RGYA MTSOS

, ,MCHOD CING GSANG BA ZAB MO'I GNAS LAS BRTZAMS TE BKA' BGRO BAR MDZAD PA DANG, GZHAN YANG SPRUL PA BYA BA PHRAG BRGYAS PHYOGS BCU'I ZHING RAB 'BYAMS SU PHEBS TE RGYAL BA SRAS BCAS RNAMS MCHOD CING BKA' BGRO BAR MDZAD, DE NAS YUN RING BO NAS THUGS BSKYED PA'I DAM BCA' 'GYUR BA MED PA DANG, PHYOGS BCU'I RGYAL BA SRAS BCAS KYIS KYANG THUGS RJE BSKUL BA'I MTHUS MYUR BAR ZHING 'DIR SPRUL BA'I SKU BZUNG STE GANGS RI'I KHROD KYI 'GRO BA MTHA' DAG MGON DANG BCAS BAR MDZAD DE, DE YANG MDO SDE ZA MA TOG BKOD BA'I RGYAL PO SOGS MDO RGYUD DU MA NAS BYANG PHYOGS KHA BA CAN 'DI MGON PO SPYAN RAS GZIGS KYI 'DUL ZHING DU LAN CIG MIN PAR BSNGAGS SHING, JI LTAR BSNGAGS PA LTAR MGON PO SPYAN RAS GZIGS KYI THABS MKHAS KYI SPRUL PA BGRANG BA LAS 'DAS PAS BYANG PHYOGS GANGS RI'I KHROD 'DIR SANGS RGYAS KYI BSTAN BA BTZUGS, SKYE 'GRO'I BDE SKYID THAMS CAD 'PHEL BAR MDZAD, LHAG PAR CHOS RGYAL SRONG BTZAN SGAM POS GANGS RI'I KHROD KYI 'GRO BA RNAMS SPYIR DKON MCHOG GSUM LA SKYABS SU 'GRO BA DANG, LHAG PAR MGON PO SPYAN RAS GZIGS NYID LA RTZE GCIG TU GSOL BA 'DEBS PA SHA STAG LA BKOD BAS DBUS GTZANG DAG PA'I ZHING ZHES GRAGS SHING, RGYAL BAS SHER PHYIN GYI MDO SDE NAS LUNG BSTAN PA LTAR PHYOGS BCU'I ZHING NAS BYANG CHUB SEMS DPA' SEMS DPA' CHEN PO MTHU STOBS DANG

LDAN BA BGRANG BA LAS 'DAS PA ZHING 'DIR THUGS RJE CHAN PO'I 'PHIN LAS KYI GROGS SU BYON TE RGYAL BSTAN YONGS SU RDZOGS PAS CHAS CHAR DAR BAR MDZAD, SLAR YANG JI SRID RGYAL BSTAN NAM GNAS KYI BAR DU THUGS RJE CHEN PO'I SPRUL BA RGYUN MI 'CHAD BAS BYANG PHYOGS GANGS RI'I KHROD 'DI SKYOD BAR MDO RGYUD DU MA NAS LUNG BSTAN BA LTAR CHOS RGYAL SRONG BTZAN SGAM PO NAS BZUNG THUGS RJE CHEN PO'I SPRUL BA RGYUN MI 'CHAD PAR RIM BAR BYON BA RNAMS KYIS BOD KHAMS MGON DANG BCAS PAR MDZAD, LHAG PAR RGYAL DBANG THAMS CAD MKHYEN PA CHEN BO RJE BTZUN BLO BZANG BSKAL BZANG RGYA MTSO ZHING BRJE BA LA NYE BA NA MYUR DU SPRUL SKU 'DZIN PAR THUGS BSKYED NAS THOB RGYAL LHA RI SGANG DU SPRUL SKU 'DZIN PAR MDZAD DE, 'DI LTAR GANG DU 'KHRUNGS PA'I YUL DANG, MTSAN JI LTAR 'BYUNG BA BKA' GDAMS GLEGS BAM LAS YANG DANG YANG DU LUNG BSTAN CING, RGYAL BA MCHOG DE NYID KYIS KYANG 'DI LTAR 'BYUNG NGO ZHAS GSAL BAR LUNG BSTAN TE, RGYAL BA MCHOG DE NYID KYIS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES LA DUS 'KHOR GYI DBANG CHEN GNANG BA'I CHE 'PHRIN LAS PA CHEN PO PHYAG MDZOD BLO BZANG TSE DBANG GI MNAL LAM DU, RGYAL BA THAMS CAD MKHYEN PA CHEN PO RJE BTZUN BLO BZANG BSKAL BZANG RGYA MTSO THOB RGYAL LHA RI SGANG GI GZIM KHANG DU PHEBS NAS BZHUGS PA GSAL BAR RMIS, DE'I CHE DAD PA TSAD MED BA SKYES SHING, 'ON KYANG 'DIR 'BYON PA CI YIN SNYAM PA BYUNG BA NA RGYAL BA MCHOG DE'I ZHAL NAS, GSUM

, ,NAS YIN GSUNG BA ZHIG GSAL BAR RMIS, MNAL SAD NAS RMI LTAS JI LTAR BYUNG BA YI GER BRIS TE RGYAL BA MCHOG NYID LA BDAG LA RMI LTAS 'DI LTAR BYUNG PA CI LAGS ZHES ZHUS PA NA RGYAL BA MCHOG GI BKA' LAS KHYED RANG DUS 'KHOR GYI GDUL BYA SKAL LDAN YIN 'DUG PAS RMI LTAS BZANG 'DUG GSUNG BA LAS RGYU MTSAN GSAL BAR MA GSUNGS, DE NI RGYAL BA MCHOG GI SPRUL SKU LHA RI SGANG DU PHEBS PA 'KHRUL MED KYI LUNG BSTAN TE, DUS DE NAS LO GSUM SONG BA NA RGYAL BA MCHOG ZHING GSHEGS NAS LHA RI SGANG DU NGO MTSAR BA'I LTAS BSAM GYIS MI KHYAB PA DANG BCAS SPRUL PA'I SKU PHEBS, LO GSUM NAS PAn CHEN THAMS CAD MKHYEN PA CHEN PO DANG, 'JAM DBYANG GONG MA BDAG PO CHEN PO GNYIS KYIS 'KHRUL MED DU NGOS BZUNG NAS 'DZAM GLING CHE DGU YONGS KYIS MCHOD PAS MDU NA BSUS TE PHO BRANG CHEN PO'I GSER KHRIR MNGA' GSOL, GANGS CAN MGON PO RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES MTSAN GSOL, NOR 'DZIN GYI KHYON THAMS CAD DU DAR PHYAR BA DANG, BKRA SHIS PA'I GLU DBYANGS LEN PA DANG, MCHOD PA'I BYE BRAG BSAM GYIS MI KHYAB PA DANG BCAS DGA' STON RGYA CHEN PO BSGRUBS, SNGON YUN RING PO NAS MGON PO SPYAN RAS GZIGS KYI RIGS KYI COD PAN NI RGYAL PA 'OD DPAG MED YIN BA LTAR DUS 'DIR YANG SNANG BA MTHA' YAS DUR SMRIG GAR KYI RNAM PAR ROL PA PAn CHEN

THAMS CAD MKHYEN PA RJE BTZUN BLO BZANG DPAL LDAN YE SHES RIGS KYI COD BAN DU BZHES NAS SDOM GSUM RIM GYIS BZHES SHING, DBANG LUNG MAN NGAG MTHA' YAS PA GSAN, KHO BO CAG LAS KYANG RJE BDAG NYID CHEN PO'I SNYAN RGYUD KYI MAN NGAG RNAMS LEGS PAR GSAN TE THUB BSTAN YONGS RDZOGS KYI BDAG POR BZHENGS SHING 'JAM MGON BSTAN PA'I SNYING PO LA GZHAN DRING MI 'JOG PA'I THUGS NGES BRTAN PO 'KHRUNGS PA'I TSUL BSTAN TE 'JAM MGON BSTAN PA'I SROG SHING DU G-YO BA MED PAR BZHUGS SHING, GNAM BSKOS 'JAM DBYANGS GONG MA BDAG PO CHEN POS CHOS SRID GNYIS KA'I BDAG POR MNGA' GSOL TE NOR 'DZIN YANGS PA'I KHYON MTHA' DAG RNAM PAR DKAR BA'I 'PHRIN LAS KYIS KHYAB CING PHO BRANG CHEN PO PO TA LA'I GSER KHRIR ZHABS ZUNG 'GYUR BA MED PAR BKOD NAS MTHA' DBUS SKYE 'GRO YONGS LA CHOS KYI BDUD RTZI STZOL BZHIN PAR BZHUGS SO,, ` ,,JO BO RJE DPAL LDAN AA TI SHAS BYANG CHUB LAM GYI RIM PA'I MAN NGAG GSAN PA'I RGYUD PA LA YANG DAG PAR RDZOGS PA'I SANGS RGYAS NAS RJE BTZUN BYAMS PA MGON PO, DE NAS 'PHAGS PA THOGS MED SKU MCHED SOGS LA RIM GYIS BRGYUD PA'I RGYA CHEN SPYOD RGYUD DANG, YANG DAG PAR RDZOGS PA'I SANGS RGYAS NAS RJE BTZUN 'JAM DBYANGS, DE NAS 'PHAGS BA KLU SGRUB YAB SRAS LA RIM GYIS BRGYUD PA'I ZAB MO LTA RGYUD DANG, RJE BTZUN 'JAM PA'I DBYANGS NAS RGYAL SRAS ZHI BA LHA SOGS LA RIM GYIS BRGYUD PA'I RLABS CHEN SPYOD

, ,RGYUD DE RGYUD PA GSUM YOD CING, RGYUD PA DE GSUM GA'I MAN NGAG JO BO RJE DPAL LDAN AA TI SHA LA MNGA' BAS JO BO RJE DPAL LDAN AA TI SHA'I LAM RIM GYI MAN NGAG 'DI LA RGYUD PA'I CHU BO GSUM 'DRES ZHES BRJOD DO, ,DE LA RGYA CHEN SPYOD RGYUD DANG ZAB MO LTE RGYUD KYI BLA MA GONG MA RNAMS KYI RNAM THAR BSHAD ZIN CING, RLABS CHEN SPYOD RGYUD NI STON PA THUB PA'I DBANG POS MDO SDE PHAL BO CHE SOGS THEG PA CHEN PO'I MDO SDI MANG POR RGYAL SRAS DBANG RNON RNAMS KYIS SEMS BSKYED SBYONG TSUL SHIN TU RLABS CHE BA BDAG GZHAN MNYAM BRJE'I BLO SBYONG TSUL RGYA CHER GSUNGS PA RNAMS MGON PO 'JAM PA'I DBYANGS KYIS RGYAL SRAS ZHI BA LHA LA LEGS PAR GDAMS, RGYAL SRAS ZHI BA LHAS BDAG GZHAN MNYAM BRJE'I SGO NAS BYANG CHUB KYI SEMS SBYONG TSUL RTZAL DU BTON PA'I MAN NGAG BSLAB BTUS DANG SPYOD 'JUG GNYIS MDZAD CING, DE'I MAN NGAG RNAMS SLOB DPON AE LA DHA RI LA RDZOGS PAR GNANG, SLOB DPON AE LA DHA RIS SLOB DPON DPA' BO RDO RJE LA GNANG, DES SEMS DPA' CHEN PO RIN CHEN DPAL LA GNANG, DES BLA MA GSER GLING PA LA GNANG, BLA MA GSER GLING PA CHEN PO'I ZHABS DRUNG DU JO BO RJE DPAL LDAN AA TI SHAS LO BCU GNYIS KYI BAR DU DBU SNGAS SBREL TE BLO SBYONG GI MAN NGAG 'DI MTHA' DAG PAR GSAN ZHING, SKYES MCHOG BYAMS PA'I RNAL 'BYOR PA DANG, SEMS DPA' CHEN PO DHARM'A RAKshI TA GNYIS LA'ANG BDAG

GZHAN MNYAM BRJE'I MAN NGAG GSAN LA, 'PHAGS MCHOG THUGS RJE CHEN PO DANG RJE BTZUN SGROL MA SOGS LHAG PA'I LHA MANG POS KYANG JO BO RJE LA DNGOS SU ZHAL BSTAN TE BDAG GZHAN MNYAM BRJE'I GDAMS PA YANG DANG YANG DU STZAL, JO BO RJES KYANG GDAMS PA 'DI NYID THUGS DAM GYI MTHIL DU BZUNG NAS RGYUN DU BLO SBYONG BAR MDZAD PAS BDAG PAS GZHAN GCES PA'I BYANG CHUB KYI SEMS RLABS CHEN PO THUGS LA 'KHRUNGS TE SKU MTHONG BA DANG, GSUNG THOS PA DANG, MTSAN THOS PA TZAM GYIS KYANG MI DANG MI MIN KUN GYI SEMS KYI GDUG RTZUB ZHI NUS PA BYUNG BAS JO BO RJE NI BYANG CHUB KYI SEMS RIN PO CHE'I MNGA' BDAG TU GRAGS SHING, LHAG BAR BSTOD BA SUM CU PA LAS, GSER GLING RGYAL PO'I SA SKYONG BLA MA LAS, ,BYANG CHUB SEMS KYI BDUD RTZI'I SMAN BLANGS NAS, ,'GRO BA KUN LA PHAN BAR MDZAD PA YI, ,DPAL LDAN AA TI SHA LA GSOL BA 'DEBS, ,ZHES BSNGAGS PA LTAR BYANG PHYOGS GANGS RI'I KHROD KYI SKYE BO GDUG RTZUB CAN KHRO ZHING GTUM PA, PHA LA PHAR MI 'DZIN PA, MA LA MAR MI 'DZIN PA, SLOB DPON LA SLOB DPON DU MI 'DZIN PA, DRIN LAN LOG PAR 'JAL BA DAG KYANG JO BO RJE DPAL LDAN AA TI SHA 'DI'I SKU MTHONG BA DANG GSUNG THOS PA TZAM GYIS ZHE SDANG GDUG RTZUB ZHI NAS SEMS RGYUD BYAMS PA'I BRLAN GYIS DUL BAR 'GYUR ZHING RANG RANG GI GRUB MTHA'I PHYOGS BZUNG STE KHO BO CAG GI 'DI KHO NA BDEN GYI GZHAN NI GTI MUG GO ZHES PHYOGS LHUNG GI GDON GYIS RGYUD CHES CHER DKRUGS PA DAG KYANG JO BO RJE 'DI LA SUS

, ,KYANG PHYOGS LHUNG MED PAR SKU MTHONG BA TZAM GYIS THAL MO SBYOR ZHING GSUNG THOS PA TZAM GYIS JI BZHIN SGRUB PAR MA NUS KYANG RJES SU YI RANG BA DANG SMON PA'I GNAS SU BYED PA 'DI BYUNG, JO BO RJES BOD DU RIS SU MA CHAD PA'I DAD LDAN MTHA' DAG LA DAM PA'I CHOS KYI BKA' DRIN STZAL CING, LHAG PAR SDE SNOD GSUM 'DZIN BA'I BSHES GNYEN CHEN PO RNAMS LA MDO SNGAGS KYI CHOS MTHA' YAS BSTON PAR MDZAD KYANG, RGYAL SRAS ZHI BA LHA'I MAN NGAG BDAG GZHAN MNYAM BRJE'I BLO SPYONG TSUL GYI GNAD YONGS SU RDZOGS PA 'BROM RIN PO CHE LA LKOG CHOS SU GNANG, 'BROM RIN PO CHES BKA' GDAMS SKU MCHED GSUM DANG KHAMS PA LUNG PA BZHI LA LKOG CHOS SU MDZAD, DGE BA'I BSHES GNYEN KHAMS PA LUNG PAS BLO SBYONG GI GDAMS PA 'DI LA THUGS DAM GYI MTHIL DU MDZAD PAS RANG NYID SA LAM MTHON POR BYON ZHING SKAL BA DANG LDAN PA GZHAN DAG LA'ANG CI RIGS BA GNANG ZHING BLO SBYONG GI MAN NGAG LA NYE BAR MKHO BA'I CHOS BRGYAD MDZAD DE, BRGYAD NI, ZAS LA BRTEN PA'I BLO SBYONG TSUL, DBUGS LA BRTEN PA'I BLO SBYONG TSUL, LUS GRANGS MED DU SPRUL NAS BLO SBYONG TSUL, SHA KHRAG LA, BRTEN NAS BLO SBYONG TSUL, GTOR MA LA BRTEN NAS BLO SBYONG TSUL, 'BYUNG BA BZHI LA BRTEN NAS BLO SBYONG TSUL, LUS YID BZHIN GYI NOR BUR SPRUL TE BLO SBYONG TSUL, 'CHI KHAR PHAN PA'I BLO SBYONG GI MAN NGAG STE BRGYAD YOD LA,

BRGYAD BO DE LA KHAMS PA LUNG BA'I BLO SBYONG THUN BRGYAD MA ZHES GRAGS SHING SKAL BA DANG LDAN PA MANG PO LA SPEL BAR MDZAD DO, ,BKA' GDAMS SKU MCHED GSUM GYIS NI JO BO YAB SRAS KYI MAN NGAG BYANG CHUB LAM GYI RIM PA RGYA CHER SPEL BA MDZAD KYANG BYANG CHUB LAM GYI RIM PA'I SNYING PO BDAG GZHAN MNYAM BRJE'I BLO SBYONG TSUL GYI MAN NGAG MTHAR THUG PA RNAMS NI SKAL BA DANG LDAN PA RE GNYIS LA LKOG CHOS SU MDZAD DO, ,BKA' GDAMS SKU MCHED GSUM GYI NANG NAS KYANG DGE BA'I BSHES GNYEN BO TO BA CHEN PO BYANG CHUB LAM GYI RIM PA STON PA LA 'PHRIN LAS KYI KHYAB BDAL CHE BA BYUNG BAS DGE BSHES PO TO BA CHEN POS SKYES BU GSUM GYI LAM GYI RIM BA RGYAL BA'I BKA' DANG SHING RTA CHEN PO'I GZHUNG RNAMS DANG SBYAR TE RGYA CHER STON PAR MDZAD CING, BDAG GZHAN MNYAM BRJE'I BLO SBYONG GI MAN NGAG MTHAR THUG RNAMS NI DGE BSHES GLANG RI THANG BA DANG, DGE BSHES SHVA BO SGANG BA DANG, DGE BSHES SHA RA BA GSUM LA LKOG CHOS SU GNANG, DGE BSHES SHA BO SGANG BAS SKAL BA DANG LDAN PA RE GNYIS LA GDAMS NGAG BSTAN CING, GTZO CHER SHA GZUG RANG ZA'I TSUL DU SGRUB PA SNYING POR BYED PAS DUS 'DA' BAR MDZAD, DGE BA'I BSHES GNYEN GLANG RI THANG PAS NI BLO SBYONG GI GDAMS NGAG 'DI LA NYAMS LEN SNYING POR MDZAD NAS BDAG PAS GZHAN GCES PA'I BYANG CHUB KYI SEMS RLABS CHEN PO THUGS RGYUD LA 'KHRUNGS SHING SKAL BA DANG LDAN PA GZHAN DAG LA'ANG GDAMS NGAG 'DI MANG DU 'DOMS PAR

, ,MDZAD, BLO SBYONG GI GDEMS NGAG 'DE LAG LA CHE BA BRGYAD DU MDZAD DE GLANG RI THANG PA NYID KYI ZHAL NAS, SPYIR SEMS CAN THAMS CAD YID BZHIN GYI NOR BU RIN PO CHE DANG 'DRA BAR BSLAB PA, KHYAD PAR DU GNAS GANG DU GROGS SU DANG 'GROGS KYANG PHYOGS MTHA' DAG NAS RANG DMAN PAR BLTAS LA TSIG TZAM MA YIN PAR SNYING THAG PA NAS GZHAN LA GUS PAR BSLAB PA, SPYOD LAM RNAM BZHIR RANG GI RGYUD LA BRTAGS NAS NYON MONGS BYUNG MA THAG TU BTZAN THABS SU GDONG NAS BZLOG PA LA BSLAB PA, SEMS CAN SHIN TU RANG BZHIN NGAN PA SDIG PA DANG SDUG BSNGAL DRAG POS NON BA LA RNYED PAR DKA' ZHING GCES PA'I BLOS BSLAB PA, RANG GIS SNGAR PHAN BTAGS PA'AM RE CHE BA'I GANG ZAG GIS KHREL MED DANG MGO BSKOR LA SOGS PA CI BYAS KYANG BKA' DRIN CHE BA'I BSAM PAS DGE BA'I BSHES GNYEN DU BSGOM PA, RANG GZHAN LA PHUNG GYOD LA SOGS PA NYES PA CI BYUNG YANG DAG GTZANG MI BYA BAR GYOD KHA RANG GIS BLANG BAR BSLAB PA, DNGOS SAM BRGYUD PAS PHAN PA DANG BDE BA THAMS CAD SEMS CAN LA GTONG ZHING DE DAG GI SDIG PA DANG SDUG BSNGAL THAMS CAD RANG GI SNYING KHONG DU BLANG BAR BSLAB PA, TSE 'DI'I RNAM PAR RTOG PA DANG MA 'DRES PAR CHOS THAMS CAD SGYU MA LTA BUR SHES PA'I BLOS DNGOS PO GANG LA'ANG MA ZHEN PAR BSLAB PA STE BRGYAD DO, ,BRGYAD PO DE LA GLANG RI THANG PA'I BLO SBYONG TSIG BRGYAD MA ZHES GRAGS SHING, DON TSAN

BRGYAD PO DE RGYUN DU KHA TON DU BYA BA'I PHYIR TSIGS BCAD DU BSDEBS PA NI, BDAG NI SEMS CAN THAMS CAD LA, ,YID BZHIN NOR BU LAS LHAG PA'I, ,DON MCHOG SGRUB PA'I BSAM PA YIS, ,RTAG TU GCES PAR 'DZIN PAR SHOG , GANG DU SU DANG 'GROGS PA'I TSE, ,BDAG NYID KUN NAS DMAN LTA ZHING, ,GZHAN LA BSAM PA THAG PA YIS, ,MCHOG TU GCES PAR 'DZIN PAR SHOG ,SPYOD LAM KUN TU RANG RGYUD LA, ,RTOG CING NYON MONGS SKYES MA THAG ,BDAG GZHAN MA RUNGS BYED PAS NA, ,BTZAN THABS GDONG NAS BZLOG PAR SHOG ,RANG BZHIN NGAN PA'I SEMS CAN NI, ,SDIG SDUG DRAG POS NON MTHONG TSE, ,RIN CHEN GTER DANG 'PHRAD PA BZHIN, ,RNYED PAR DKA' BA'I GCES 'DZIN SHOG , BDAG LA GZHAN GYI PHRAG DOG GIS, ,GSHE BSKUR LA SOGS MI RIGS PA'I, ,GYOD KHA RANG GIS LEN PA DANG, ,RGYAL KHA GZHAN LA 'BUL BAR SHOG ,GANG LA BDAG GIS PHAN BTAGS PA'I, ,RE BA CHE BA GANG ZHIG GIS, , SHIN TU MI RIGS GNOD BYED NA'ANG, ,BSHES GNYEN DAM PAR LTA BAR SHOG ,MDOR NA DNGOS DANG BRGYUD PA YIS, ,PHAN BDE MA RNAMS KUN LA 'BUL, ,MA YI GNOD DANG SDUG BSNGAL KUN, ,GSANG BAS BDAG LA LEN PAR SHOG ; DE DAG KUN KYANG CHOS BRGYAD KYI, ,RTOG BA'I DRI MAS MA SBAGS SHING, ,CHOS KUN SGYU MAR SHES PA'I BLOS, ,ZHEN MED 'CHING BA LAS GROL SHOG ,CES PA STE GLANG RI THANG PA'I BLO SBYONG TSIG BRGYAD MA ZHES GRAGS CHE ZHING DE'I KHRID

, ,RGYUN YANG DGE BA'I BSHES GNYEN GLANG RI THANG PAS DGE BSHES MYANG LCAGS ZHING PA LA GNANG, DES DGE BA'I BSHES GNYEN 'CHAD KHA BA CHEN PO LA GNANG STE, DGE BA'I BSHES GNYE NANG CHAD KHA BAS BLO SBYONG TSIG BRGYAD MA DE NYID BLO SBYONG DON BDUN MA'I NANG DU BSDUS NAS KHRID PAR MDZAD PAS DE PHYIN BLO SBYONG DON BDUN MA DANG BLO SBYONG TSIG BRGYAD MA GNYIS KHRID RGYUD GCIG GO ,DGE BA'I BSHES GNYEN SHA RAB CHEN PO LA BYANG CHUB LAM GYI RIM PA'I 'PHRIN LAS KYI BKA' BAB PAS SDE SNOD 'DZIN PA STONG PHRAG MANG PO LA BYANG CHUB LAM GYI RIM PA'I MAN NGAG RGYA CHER 'DOMS PAR MDZAD CING, GSUNG RAB DGONGS 'GREL DANG BCAS PA THAMS CAD SKYES BU GSUM GYI LAM GYI RIM PA'I STENG DU BSDUS NAS 'DOMS PAR MDZAD LA, BLO SBYONG SNYAN RGYUD KYI MAN NGAG RNAMS NI LKOG CHOS NYID DU MDZAD DE DGE BA'I BSHES GNYEN 'CHAD KHA PA CHEN PO LA LO BCU GNYIS KYI BAR DU LKOG KHRID BU BYAS TE MTHA' DAG PAR 'DOMS PAR MDZAD, DGE BA'I BSHES GNYEN 'CHAD KHA BA CHEN POS BDAG GZHAN MNYAM BRJE'I BLO SBYONG 'DI LA THUGS DAM GYI MTHIL DU MDZAD NAS SKU TSE RIL POR NYAMS LEN LA BRTZON PAR MDZAD PAS BDAG PAS GZHAN GCES PA'I BYANG CHUB KYI SEMS RIN PO CHE RLABS CHEN PO 'KHRUNGS SHING, BLO SBYONG 'DI 'DOMS PA LA DBANG 'BYOR PAR GYUR TE, BYANG CHUB KYI SEMS RIN PO CHE LA SLOB BAR 'DOD PA MTHA' DAG BDAG NYID CHEN PO

'DI'I DRUNG DU LHAGS PAR GYUR PA NA LKOG KHRID DU MDZAD MA THUB BAR TSOGS CHOS SU MDZAD DE DON GNYER CAN MTHA' DAG LA RGYA CHER SPEL ZHING BLO SBYONG 'DI'I MAN NGAG RNAMS DON TSAN BDUN DUS BCAD MDZAD DE BLO SBYONG DON BDUN MA ZHES MTSAN BTAGS, SA'I CHA THAMS CAD BLO SBYONG 'DI'I 'PHRIN LAS KYIS KHYAB PAR MDZAD, MAN NGAG YONGS SU RDZOGS PA DGE BA'I BSHES GNYEN SE SPYIL BU BA LA GNANG, DGE BSHES SE SPYIL BU BAS KYANG BYANG SEMS 'CHAD KHA BA CHEN POS JI LTAR MDZAD PA LTAR BLO SBYONG DON BDUN MA'I KHRID RGYA CHER SPEL ZHING, DGE BA'I BSHES GNYEN SE SPYIL BU BA LA LHA SPYIL BU BA 'OD ZER BLA MAS GSAN, DE LA DGE BSHES LHA SDINGS PAS GSAN, DE LA DGE BSHES LHA SDINGS DBON GYIS GSAN, DE LA DGE BA SHES YON TAN DPAL GYIS GSAN, DE LA MKHAN CHEN BDE BA DPAL GYIS GSAN, DE LA MKHAN CHEN DKA' BZHI PA GRAGS PA GZHON NUS GSAN, DE LA SEMS DPA' CHEN PO BSOD NAMS GRAGS PAS GSAN, DE LA RGYAL BA'I SRAS PO THOGS MED BZANG PO DPAL GYIS GSAN, DE LA RJE BTZUN RED MDA' PA CHEN POS GSAN, DE LA RJE BTZUN CHOS KYI RGYAL PO TZONG KHA PA CHEN POS GSAN NO, ,RGYAL SRAS ZHI BA LHA NAS DGE BA'I BSHES GNYEN SA SPYIL BU BA'I PAR GYI BLA MA RNAMS KYI RNAM PAR THAR PA SNGAR BRJOD ZIN LA, LHA SPYIL BU BA 'OD ZER BLA MA DANG, LHA SDINGS BA DANG, LHA SDINGS DBON DANG, BSHES GNYEN YON TAN DPAL BZHI PO 'DI'I MDZAD PA RNAM THAR ZHIB MOR 'KHOD

, ,PA MA MTHONG BAS SLAR RNYED NA 'DIR BSNAN PAR BYA'O, ` ,,MKHAN CHEN BDE BA DPAL NI, GTZANG RANG G-YAG SDER LCAGS MO YOS LA SKU 'KHRUNGS, SKU GZHON NU NAS RGYAL BA'I BSTAN PA RIN PO CHE'I SGOR RAB TU BYUNG STE KLOG BA THOS BSAM DANG SPONG BA BSAM GTAN LA BRTZON PAR MDZAD, DGUNG LO NYI SHU LON PA LCAGS PHO KHYI'I LO LA MKHAN CHEN LHO BRAG PA BYANG CHUB DPAL GYIS MKHAN PO, SLOB DPON BSOD NAMS BZANG POS LAS SLOB, SLOB DPON DBANG PHYUG GRAGS PAS GSANG STON MDZAD DE, DGE 'DUN GYI DBUS SU TSIG RDZOGS MDZAD NAS 'DUL BA LUNG SDE BZHI NAS GSUNGS PA'I DGE SLONG GI BSLAB BYA PHRA RAGS RNAMS MIG 'BRAS LTAR BSRUNG BAR MDZAD CING, SBYANGS BA'I YON TAN STAN GCIG PA'I BRTUL ZHUGS LA GNAS PA'I NGANG NAS MKHAN PO'I DRUNG DU ME TOG 'PHRENG BRGYUD MKHAN CHEN PA NYID KYIS MDZAD PA'I t'IKKA DANG SBYAR BA DANG, SPYOD 'JUG SOGS MDO PHYOGS KYI GZHUNG DANG MAN NGAG MANG DU GSAN, KHYAD PAR MKHAN CHEN BYANG CHUB DPAL BA LA SNE'U ZUR PA NAS BRGYUD PA'I LAM RIM DANG, DMIGS PA SKOR GSUM LA SOGS PA MI G-YO BA'I SKAB YIG RNAMS DANG, CHOS RJE PAn CHEN NAS BRGYUD PA'I 'JAM DKAR SGROL DKAR BDE MCHOG DKAR PO GNYAN GYI SGROL MA LA SOGS PA BKA' LUNG MANG DU GSAN, SLOB DPON YON TAN DPAL LA THEG PA CHEN PO BLO SBYONG GI GDAMS PA ZAB MO DANG, SLOB

DPON BKRA SHIS BSOD NAMS LA LAG SOR BA NAS BRGYUD PA'I THUGS RJE CHEN PO'I SGRUB SKOR DANG, BLA MA RDZONG PU BA LA DON YOD ZHAGS PA'I SGRUB SKOR RNAMS GSAN, GZHAN YANG G-YAG SDE LO TZ'A BA, MDO PHUG GI SLOB DPON DKON MCHOG GRAGS, 'GRO MGON 'PHAGS PA, MKHAN PO SENG GE ZIL GNON, RIN PO CHE KHRO PHU BA SOGS BSTEN TE, GZHUNG DANG GDAMS PA MANG PO GSAN ZHING MKHAN CHEN BYANG CHUB DPAL GSHEGS NAS LO GSUM GYI BAR SLOB DPON BSOD NAMS STOBS KYIS TSOGS PA'I DBU MDZAD BYAS, DE'I BAR DGA' BA GDONG DU DBYAR NYI MA BRTZON 'GRUS LA PHAR PHYIN GSAN, DE NAS DGUNG LO SUM CU RTZA BRGYAD PA LCAGS PO 'BRUG LA GDAN SAR BYON, NYI SHU RTZA BDUN GYI RING GDAN SA MDZAD NAS MA PHO STAG LA DKA' BZHI PA LA GDAN SA GTAD NAS ZUR BZHUGS MDZAD DE RGYAL BA'I GSUNG RAB DGONGS 'GREL DAM BCAS PA MA LUS PA NYAMS LEN GYI LUS GCIG TU DRIL BA BYANG CHUB LAM GYI RIM PA DANG, DE'I SNYING PO BDAG GZHAN MNYAMS RJE'I BLO SBYONG LA THUGS DAM RTZE GCIG TU MDZAD PAS LAM GYI LUS YONGS SU RDZOGS PA LA MYONG BA PHUL PHYIN THON ZHING THUGS RJE CHEN PO DANG RNAM BAR RGYAL MA'I ZHAL GZIGS, TSUL KHRIMS KYI DRI NGAD BZANG PO LDANG, CHOS SKYONG RNAM THOS SRAS KYIS 'PHRIN LAS BSGRUB PAR MDZAD DO, ,DE NAS DRUG CU RTZA BDUN BZHES PA ME MO BYA LA SKU GSHEGS, SKU GDUNG BZHU BA'I TSE THUGS LA MES MA REG PAR SGRA DANG BCAS TE BYON PA DA LTA'ANG BYES KYI RTEN GRAL NA BZHUGS SO, ` ,,

, ,MKHAN CHEN DKA' BZHI PA GRAGS PA GZHON NU NI, DBU RU STOD KYI LHA LCANG RI MO CAN ZHES BYA BA'I GRONG GYAD GSAR DU, YAB GYAD GSAR DGOS PA ZHES BYA BA'I SRAS SU ME MO SKRUL GYI LO LA SKU 'KHRUNGS, SKU GZHON NU NA SA KHYIM GYI 'DU 'JI LA MA CHAGS PAR SRID PA MTHA' DAG LA ZHEN PA LOG PA'I NGES 'BYUNG GIS RGYUD BSKUL TE, MKHAN PO GRAGS PA 'BUM LA RAB TU BYUNG STE, MTSAN GRAGS PA GZHON NU DPAL BZANG POR BTAGS, DE NAS MKHAN CHEN BDE BA DPAL BSAM SBYOR GNYIS KYIS TSUL BZHIN DU BSTEN TE LUNG DANG MAN NGAG MANG DU GSAN ZHING ,DGUNG LO NYI SHU BZHES PA G-YAG SDE BA'I DBANG BO ZHES BYA BAR, MKHAN CHEN BDE BA DPAL GYIS MKHAN PO, DANG, SLOB DPON THUGS RJE DPAL BZANG POS LAS SLOB, SLOB DPON CHOS LDAN DPAL BZANG POS GSANG STON MDZAD DE, ME PHO BYI LO'I DBYAR ZLA 'BRING PO'I DUS DAD PA'I DGE SLONG BCU DRUG GI DBUS SU BSNYEN PAR RDZOGS PAR MDZAD DE, ,TSUL KHRIMS MIG 'BRAS BZHIN DU BSRUNG BAR MDZAD DO, ,DE NAS MKHAN CHEN BDE BA DPAL LA DUS GSUM GYI SANGS RGYAS THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID DANG, DE'I RTZA PA'I MAN NGAG MNGON RTOGS RGYAN DANG SPOD 'JUG SOGS GSAN ZHING, KHYAD PAR RGYAL SRAS DAM PA RNAMS KYI THUGS DAM GYI MTHIL THEG PA CHEN PO'I BLO SBYONG GI KHRID GSAN TE NYAMS KHRID DU BSKYANGS, GZHAN YANG MKHAN CHEN BDE BA DPAL LA

SKYER SGANG PA'I THUGS RJE CHEN PO, DON YOD ZHAGS PA'I SKOR, 'JAM DPAL RNON PO, DPA' BO GCIG SGRUB DKAR BO, RNAM RGYAL MA, RNAM 'DZAMS, SMAN BLA RNAMS KYI RJES GNANG DANG, CHOS SPYOD MANG PO'I LUNG, MI G-YO DKAR SNGO, DMIGS PA SKOR GSUM LA SOGS PA GSAN, KHRO PHU'I SLOB DPON DKA' BZHI BA GZHON MDZES LA MNGON PA KUN LAS BTUS DANG TSAD MA RNAM NGES LEGS PAR BSLABS, MKHAS PA YON TAN 'BUM LA 'DUL BA MDO RTZA DANG MNGON PA MDZOD GSAN, G-YAG SDE LO TZ'A PA BSOD NAMS SENG GE LA BDE MCHOG DANG GSHED DMAR SOGS BKA' LUNG MANG PO DANG, RONG PA SHES RAB SENG GE LA DUS 'KHOR DANG GSHIN RJE GSHED SOGS RVA LUGS KYI CHOS SKOR MANG PO DANG, STON PA KUN DGA' RGYAL PO LA SGYOR DRUG GI SKOR DANG, BLA MA GRUB MCHOG LA'ANG GSANG SNGAGS KYI SKOR MANG PO GSAN TE, THOS PA'I PHA ROL TU SON NO, ,LAN CIG ZLA BA GZA' 'DZIN GYI DUS SU, MA SHA'I SBYOR BA MDZAD PAS ME TOG 'KHRUNGS, MNAL CUNG ZAD BYUNG BA'I GZIGS SNANG LA, RJE BTZUN 'JAM DBYANGS KYI ZHAL NAS, NGA SPYAN DRANGS NAS CI 'DOD PA YIN GSUNG, RAL GRI DE GNANG 'TSAL ZHUS LAS, RIGS PA'I RAL GRI LA BYIN YOD, KHYOD RDO RJE 'DI KHYER GSUNGS NAS, GSER GYI RDO RJE SOR BZHI PA ZHIG GNANG BA MNGON SUM LTA BUR BYUNG STE, GSUNG RAB KYI TSIG DON 'BYED PA LA GTUGS PA MED PA'I RNAM DPYOD PHUL DU BYUNG BA THUGS LA 'KHRUNGS SO, ,DE NAS DGUNG LO SO BRGYAD BA ZHIG PA SHING PHO RTA'I LO LA TSOGS KYI

, ,MKHAN PO MDZAD, 'DUL BA MDO RTZA, MNGON PA KUN LAS BTUS, TSAD MA BSDUS PA, PHAR PHYIN SOGS GZHUNG BSHAD DU MA DANG, THEG PA CHEN PO'I BLO SPYONG LA SOGS PA'I MAN NGAG GIS SKAL BA DANG LDAN PA RNAMS RJES SU 'DZIN BAR MDZAD DE, BLA MA BDAG NYID CHEN PO LA SOGS PA SA SKYA PA'I GDUNG BRGYUD DANG, BU STON RIN PO CHE, BYANG SEMS BSOD NAMS GRAGS PA SOGS MKHAS BTZUN MANG BO'I YONGS 'DZIN MDZAD CING, 'GRO DON 'PHRIN LAS BSAM GYIS MI KHYAB PA'I NGANG NAS MYANG SMAD PA SNAM 'BI LUNG RI KHROD DU SGRUB PA RTZE GCIG TU MDZAD CING, SKAL BA DANG LDAN BA GZHAN DAG LA'ANG LAM RIM DANG BLO SBYONG LA SOGS PA'I CHOS MANG DU STZAL SKU TSE 'DI'I MJED PA RDZOGS PA NA DGUNG LO NGA DGU BZHES PA SHING MO YOS KYI LO THA SKAR ZLA BA'I TSES BCO LNGA LA ZLA BA GZA' LAS GROL BA DANG DUS MNYAM DU BDE BAR GSHEGS PA'I TSUL BSTAN TO, ,DE'I TSE SPUGS LA 'JA' TSON KA BA LTAR ZUG PA DANG, ME TOG GI CHAR CHEN PO BABS DE NAS TSONG DUS MGUR MO'I YON BDAG RNAMS KYIS SKU GDUNG TSONG DUS SU GDAN DRANGS PA NA, MKHYEN RAB DBANG PHYUG BU STON RIN PO CHES THOG DRANGS SNAM SBYAR GYON PA'I DGE SLONG NYIS BRGYA LHAG TZAM GYIS SPOS DANG, GDUGS DANG RGYAL MTSAN DANG ROL MO LA SOGS PA'I MCHOD PA MANG PO DANG, SKYE BO'I TSOGS KYI KHROM CHEN POS BSU BA BYAS NAS, TSONG DUS KYI GRONG KHYER DANG NYE BAR SKU GDUNG BZHU BA'I TSE ME TOG GI CHAR CHEN PO 'BRAS SHING RING BSREL MANG PO BYON,

DUS PHYIS SKU GDUNG GI S'ATZTSA DANG GDUNG THAL BZHUGS PA'I KHANG BU LA'ANG RING BSREL 'DZAG PA BYUNG STE, NGO MTSAR BSAM GYIS MI KHYAB PA BYUNG NGO,, ` ,,MKHAN CHEN PA BYANG CHUB SEMS DPA' BSOD NAMS GRAGS PA NI ,CHU MO BYA'I LO LA SNYE MO PHUN SUM DU SKU 'KHRUNGS, DE'I TSE RGYAL SRAS 'DI'I MES PO'I RMI LAM DU ME TOG DANG 'BRAS BU PHUN SUM TSOGS PAS BRGYAN PA'I SHING LJON PA CHEN PO ZHIG LA SHING LJON PA MANG POS BSKOR BA CIG BYUNG BAS, 'O SKOL GYI PHU 'DI LA KHYIM BZUNG NA MI NER RDZAS GSUM 'DZOM PA CIG DANG, DAM PA'I CHOS BYAS NA GRVA BU SLOB MTHA' RGYAS PA CIG 'ONG BA 'DRA ZER, BYIS PA'I DUS NAS PHYAG NA CI YOD GZHAN LA STER PA DANG, PHAN SEMS DANG SNYING RJE CHE BA DANG, RTZED MO TSUN CHAD LA'ANG CHOS KYI SPYOD PA BYE DPA CIG BYUNG NGO, ,DE NAS DGUNG LO BCO BRGYAD BZHES PA'I TSE, MKHAN PO DKON MCHOG SKYABS DANG, SLOB DPON GZHON NU DAR ZHES BGYI BA LAS RAB TU BYUNG, DGE TSUL DU BSGRUBS TE MKHAN SLOB KYI SPYAN SNGAR JI LTAR KHAS BLANGS PA'I BSLAB BYA RNAMS TSUL BZHIN DU BSRUNG BA'I SGO NAS THOS BSAM LA BRTZON PAR MDZAD, DGUNG LO BCU DGU RU PHEBS PA LCAGS YOS LO MDAL BSHOL BRTZIS PAS NYI SHUR BYAS TE MKHAN CHEN BDE BA DPAL DANG, LAS SLOB MKHAN CHEN DKA' BZHI PA GRAGS PA GZHON NU DANG, GSANG STE BA SLOB DPON GZHON NU DAR GYIS MDZAD DE BSNYEN PAR RDZOGS, JI LTAR KHAS BLANGS PA'I BSLAB PA RNAMS LAS MI 'DA' BAR

, ,MDZAD, DE NAS MKHAN SLOB GNYIS LA MNGON PAR RTOGS BA'I RGYAN 'GREL PA DANG BCAS PA DANG, 'DUL BA'I MDO BYA t'IKA GI BSHAD SROL DANG BCAS PA LA LEGS PAR SBYANGS, GZHAN YANG MNGON PA KUN LAS BTUS, SPYOD 'JUG, GSANG SNGAGS PHYI NANG GI SGRUB SKOR DANG MAN NGAG MANG DU GSAN, MKHAN CHEN DKA' BZHI PA LA DGYER SGOM CHEN PO NAS BRGYUD PA'I LAM RIM, BLO SBYONG DON BDUN MA, JO BO'I DBU MA BDEN CHUNG DANG, DBU MA'I MAN NGAG, SGROL MA MAndAL BZHI PA, SGROL DKAR GYI SGRUB THABS, MI G-YO BA'I DMIGS PA SKOR GSUM, MI G-YO BA'I SGRUB YIG CHEN MO, DBU MA LUGS KYI SEMS BSKYED RNAMS GSAN, MKHAN CHEN DKA' BZHI PA LA RGYAL SRAS LAM 'JUG, BA RI BA'I SGRUB THABS BRGYA RTZA, SMAN BLA'I CHO GA LAG LEN DANG BCAS PA, JO BO'I LO RGYUS CHEN MO, LAM RIM, BLO SBYONG, MI G-YO BA'I SGRUB YIG RNAM GSUM, DMIGS PA SKOR GSUM, RTA MGRIN SHVA NA BZHI SKOR, SPYAN SNGA BA'I RAB GNAS, LAG SOR BA NAS BRGYUD PA'I THUGS RJE CHEN PO'I SGRUB SKOR MAN NGAG DANG BCAS PA, RIN CHEN 'BRU DGU SOGS KHRO PHU BA'I MAN NGAG SKOR, SBYOR DRUG GI KHRID, DBU MA'I SGOM RIM RNAM GSUM, SLOB DPON KLU SGRUB KYIS MDZAD BA'I MDO KUN LAS BTUS, GNAS BRTAN GYI GSOL 'DEBS, JO BO'I LAM SGREN RANG 'GREL DANG BCAS PA, GZHAN YANG CHOS SKOR MANG DU GSAN TE RTZA BA'I BLA MA BKA' DRIN CHE SHOS SU MDZAD DO, ,SLOB DPON GZHON NU MJES LA

SHER PHYIN SRAS YUM BCU BDUN DANG, SA SDE LNGA, KHRO PHU BA'I MAN NGAG BRGYA RTZA SOGS GSAN, SLOB DPON BSOD NAMS YE SHES LA LUNG SDE BZHI, MDO RTZA 'GREL, DBU MA TSIG GSAL, DBU MA LA 'JUG PA, DBU MA RGYAN, DBU MA SNANG BA, DBU MA BDEN GNYIS, BSLAB SPYOD GNYIS, JO BO'I CHOS CHUNG BRGYA RTZA, SHA RA BA PA NAS BRGYUD PA'I LAM SGRON GYI BSHAD PA, BE'U BUM SNGON PO DANG, DE'I 'GREL BA JO STAN GUR PAS MDZAD BA, 'CHAD KHA BA'I GRUB MTHA' CHEN MO, SNAR THANG PA'I LAM MCHOG, JO BO'I RNAM THAR DANG BLA MA GONG MA RNAMS KYI LO RGYUS, SEMS TZAM LUGS KYI SMON 'JUG SEMS BSKYED, SKYES BU GSUM GYI KHRID, DBU MA CHEN PO'I KHRID, BLO SBYONG DON BDUN MA, TSIG BRGYAD MA, KHAMS LUNG PA'I THUN BRGYAD MA, SNAR THANG PA'I LUGS KYI RAB GNAS DANG, GNAS BRTAN BCU DRUG GI SGRUB YIG RGYAS PA, MNGON RTOGS BRGYA RTZA, BLA MA'I DUS MCHOD SGRUB PA'I THABS, ,DON ZHAGS DE NYID BCU DRUG ,RGYUD CHUNG GI t'IKKA MCHIMS PAS MDZAD PA SOGS MANG DU GSAN NO, ,BYA YUL BA SANGS RGYAS JO BO LA, BYA YUL BA'I LUGS KYI RAB GNAS RGYAS BSDUS, PHYAG BRGYAD SGROL MA, DAM TSIG GSUM BKOD LHA LNGA MA DANG LHA GSUM MA, MKHAN CHEN SH'AKYA GZHON NU LA, JO BO'I RTA MGRIN PHYAG DRUG PA LAS TSOGS DANG BCAS PA, BLA MA GRAGS BA SHES RAB LA, BDE MCHOG NAG PO PA'I CHO GA JO BO'I LUGS DANG, L'U AI BA'I 'GREL PA JO BOS MDZAD PA, KYEE RDO RJE'I DBANG, MAH'A M'A

, ,YA'I DKYIL CHOG, SGRUB THABS PHYAG LEN DANG BCAS BA JO BO'I LUGS, MKHAN BO CHOS KYI DPAL BA LA, NAG CHO'I BSTAN RIM, JO BO'I BYANG CHUB LTUNG BSHAGS 'DON THABS ,BLA MA KUN DGA' TSUL KHRIMS LA, THUGS RJE CHEN PO'I DMAR KHRID, JO BO NAS BRGYUD BA'I DON ZHAGS DANG, BA RI BA'I DON ZHAGS LTA LNGA'I SKOR GSAN ZHING, GZHAN YANG BLA MA DAM PA MNGA' RIS PA SANGS RGYAS YE SHES, BLA MA DHARM'A SHR'I BHA DRA, DPANG LO BLO GROS BRTAN PA SLOB DPON BSOD SHE, MKHAN CHEN RGYAL MTSAN DPAL, MKHAN PO THUB PA MGON, MKHAN PO GRAGS PA DPAL, RONG PA SHES RAB SENG GE, 'JAM DBYANGS RIN RGYAL, BLA MA BDAG NYID CHEN PO, BLA MKHYEN KUN BLO, BLA MA MKHAS BTZUN PA, BLA MA KUN DGA' RGYAL MTSAN, BLA MA DON YOD RGYAL MTSAN, DPAL LDAN BLA MA DAM PA, BLA MA KUN DGA' SENG GE, BLA MA KUN BSOD PA, DRE'U LHAS PA'I MKHAN BO KYOG MO CHE, SLOB DPON RIN CHEN BSAM GRUB LA SOGS PA YONGS SU 'DZIN PA SUM CU TZAM BSTEN NAS MDO DANG SNGAGS KYI BSHAD LUNG MAN NGAG MANG DU GSAN NO, ,DE LTAR THOS BA RGYA MTSO'I PHA ROL TU PHYIN PA NA SNGON BYON DAM PA'I RNAM THAR LTAR MANG DU THOS PA'I DON RANG GI RGYUD LA SBYAR TE NYAMS LEN SNYING POR MDZAD BZHED NAS MKHAN CHEN BDE BA DPAL DANG MKHAN CHEN DKA' BZHI PA GNYIS LA BYANG CHUB MCHOG TU SEMS BSKYED NAS, DPAL LDAN AA TI SHA'I THUGS DAM GYI MTHIL SKYES BU GSUM GYI LAM RIM DANG, BYANG CHUB SEMS

SBYONG GI MAN NGAG RNAMS TSANG BAR ZHUS NAS BSGOMS PAS, NYAMS MYONG DANG DROD RTAGS PHUL DU BYUNG BA THUGS LA 'KHRUNGS TE, BDE SDUG MTHO DMA' CI BYUNG YANG THEG PA CHEN BO'I BLO SBYONG GI STENG 'BA' ZHIG TU 'JOG PAS BYANG CHUB KYI SEMS LAS NAM YANG G-YEL BAR MI MDZAD DO, ,GZHAN YANG PHA ROL TU PHYIN BA'I LUGS KYI RNAM PA'I KHRID, SRID ZHI MNYAM NYID KYI KHRID, DBU MA CHEN BO'I KHRID, RTEN 'BREL GYI KHRID RNAMS GSAN ZHING THUGS NYAMS SU BZHES PAS CHOS THAMS CAD SPROS PA'I MTHA' BRGYAD DANG BRAL BA RMI LAM DANG, SGYU MA DANG, CHU ZLA LTA BUR THUGS SU CHUD DE 'OD GSAL CHEN PO'I TING NGE 'DZIN LAS NAM YANG MI G-YO BAR BZHUGS SHING ,ZAB MO RDZOGS PA'I RIM BA'I TING NGE 'DZIN KYANG PHUL DU BYUNG BA LA MNGA' BRNYES SO, ,MDOR NA BDAG NYID CHEN PO 'DI NI PHYI'I KUN TU SPYOD PA DAM PA'I CHOS 'DUL BA GZHIR MDZAD DE, KHRUS DANG GTZANG SPRA LA GNAS NAS, CHOS GOS GSUM DANG GDING BA CHU TSAGS 'KHAR GSIL LHUNG BZED LA SOGS PA'I DGE SBYONG GI YO BYAD RNAMS DANG MI 'BRAL BAR GZHI GSUM GYI LAG LEN DANG, THA NA RUNG CHU LA SOGS PA RNAMS KYANG PHYAG LEN ZHIB BAR MDZAD DE 'PHAGS PA NYE BAR 'KHOR DANG MTSUNGS PA YIN NO, ,NANG DU BYANG CHUB KYI SEMS RIN PO CHE RNAM PA GNYIS KYI TING NGE 'DZIN DANG BCAS PA LA THUGS DAM GYI MTHIL DU MDZAD PAS, DGE SLONG RDO RJE 'DZIN PA CHEN POR BZHUGS PA YIN

, ,NO; ;DE NAS DGUNG LO NGA BZHI PA ME PHO STAG GI LO LA TSOGS PA CHOS LUNG PA'I MKHAN SAR PHEBS NAS LO NYI SHU RTZA BRGYAD KYI BAR DU TSOGS PA LA SBYANGS TE, BSDU BA RNAM BZHI'I SGO NAS 'GRO BA'I DON MTHA' YAS PA MDZAD DO, ,BU SLOB KYANG DPAL LDAN SA SKYA'I BDAG PO BLA CHEN KUN BLO, BLA MA DON YOD RGYAL MTSAN, DPAL LDAN BLA MA, BLA MA KUN DGA' LEGS PA'I RGYAL MTSAN, RGYAL BA'I SRAS PO THOGS MED BZANG PO DPAL, MKHYEN RAB DBANG PHYUG BU STON RIN PO CHE, KUN MKHYEN CHEN PO LA SOGS PA MKHAS GRUB BSAM GYIS MI KHYAB BA BYUNG ZHING RGYA HOR DANG MDO STOD SMAD KYI MI SDIG PA LA SPYOD PA RNAMS THABS SNA TSOGS MDZAD DE DGE BA LA SBYOR BAR MDZAD BA DANG, KHYIM PA RNAMS LA BSNYEN GNAS DANG, DGE BSNYEN LA SOGS PA'I BSLAB GZHI LEN DU 'JUG PA SOGS MDOR NA ZHAL MTHONG BA DANG CHOS 'BREL ZHU BA DANG, BYIN GYIS BRLABS PA SOGS KYI SGO NAS SEMS CAN LA PHAN PA SHA STAG MDZAD DO, , DE'I STOBS KYIS MI DANG MI MA YIN PA THAMS CAD KYANG DBANG DU 'DU ZHING 'PHRIN LAS SGRUB PAR MDZAD BA YIN NO, ,RNAM THOS KYI BUS BSRUNG SKYOB DANG 'PHRIN LAS MDZAD PA'I RTAGS MANG DU BYUNG ZHING, MAH'A K'A LA LCAM DRAL GYIS KYANG KHANG BA'I THOG RDIB NAS NYEN CHEN PO BYUNG BA'I DUS SU GDUNG MA DANG LCAM GYI SNE NAS BTEG PA'I LO RGYUS KYANG YOD CING, BSAM YAS SU PHEBS DUS DGE BSNYEN CHEN POS SKOR BA BYAS PA MI PHAL BAS KYANG MTHONG BA DANG,

SKYID GRONG DU PHEBS DUS NAD RIMS DRAG PO DAD MU GES MI RNAMS LA SDUG BSNGAL DU MA 'DUG PA LA, RIN PO CHE PAS 'PHAGS PA WA TI LA MCHOD PA PHUL TE GSOL BA BTAB PAS, NAD RIMS THAMS CAD RGYUN CHAD CING, 'BRAS KYI LAS SGO RDOL NAS 'BRU SHIN TU MOD PA BYUNG BA SOGS KYI LO RGYUS MANG PO DANG, YANG LAN CIG STOD LUNG LAM BA DGON PAR THUB PA CHU KHOL MA LA PHYAG MCHOD PHUL TE, DRI BZANG SBYAR BA'I CHU STA GON BYAS NAS SKU KHYAMS STOD DU SPYAN DRANGS TE CHU'I NANG DU BZHUGS SU GSOL MA THAG TU CHU THAMS CAD MGAR GYI SOL MAL DU BSREGS PA'I LCAGS CHU NANG DU SKYUR BA BZHIN DU CHER KHOL TE DBYIBS KYANG NOR BU BRTZEGS PA'I RNAM PA LTA BU BYUNG BAS, DER 'CHOGS PA'I MI THAMS CAD DAD PA RANG DBANG MED PAR SKYES NAS ,STON PA'I SKU DE DANG RIN BO CHE NGA GNYIS LA BYIN RLABS ZHU BA MI SHONG BA TZAM BYUNG, THUB PA'I SKU 'DI LA SKU KHRUS GSOL MI JI TZAM ZHIG BYUNG BA LA DA RES LAS CHU KHOL CHE BA'I GTAM MA THOS, DE YANG MI SKAM THAG CIG YIN TE, KHYED KYI ZHAL MJAL MA THAG DAD PA RANG DBANG MED PAR SKYE BA ZHIG BYUNG ZHES LAM DGON GYI SPYAN SNGAS ZHUS BAS, KHYED BKA' GDAMS KYI DGE BSHES BZANG POR GDA' BAS, DPAL LDAN AA TI SHA NAS BRGYUD PA'I CHOS SHIG 'BUL ZHES THEG PA CHEN PO BLO SBYONG GI GDAMS PA ZAB MO ZHIG GNANG NGO, ,DE NAS DGUNG LO BDUN CU BZHES PA'I TSE, SKU KHAMS CUNG ZAD LTEMS PA CIG LA PHYAG GI DNGOS PO THAMS CAD DGE 'DUN DANG

, ,DKON MCHOG GI MCHOD PAR BTANG PAS, SKU KHAMS KYANG LEGS PAR DVANGS TE BDE BAR BZHUGS PA'I DUS SU YONGS KYI DGE BA'I BSHES GNYEN BSOD NAMS BZANG PO LA GDAN SA GTAD DE THUGS LAS CHUNG NGUR BZHUGS SHING, DA PHAN CHAD SHI YANG BLA BA YIN, NGA RANG GIS BSAMS PA THAMS CAD 'GRUB GSUNG NGO, ,DE NAS RANG LO DON GSUM PA SHING MO BYA LA ZHI BAR GSHEGS SO,, ` ,,RGYAL BA'I SRAS PO THOGS MED BZANG PO DPAL NI, DPAL LDAN SA SKYA NAS LHO NUB TU DPAG TSAD PHYED DANG GSUM CAM BGROD PA NA PHUL BYUNG GRAG SKYA ZHES BYA BA MTHA' THAMS CAD PRAG RI DKAR POS BSKOR ZHING, PHUN 'BROG DANG ,MDA' NA ZHING BA MANG DU GNAS BA, SA GZHI THAMS CAD NE'U GSING SNGON PES BRGYAN PA GTZANG ZHING YID DU 'ONG BA'I YUL DU YAB DKON MCHOG DPAL DANG ,YUM 'BUM SGRON GNYIS KYI SRAS SU SHING MO LUG GI LO NGO MTSAR BA'I LTAS MANG PO DANG BCAS SKU 'KHRUNGS SO, ,RGYAL SRAS 'DI YUM GYI LHUMS SU 'JUG PA'I DUS NA YUM LA MGON PO SPYAN RAS GZIGS LUS LA THIM PA'I RMI LAM BYUNG ZHING BLTAMS PA'I DUS NA'ANG MGON PO SPYAN RAS GZIGS RTEN DANG BRTEN PAR BCAS PA'I DKYIL 'KHOR PHYIR SPROS PA'I SNANG BA DANG, SNGON MED PA'I DRI ZHIM PO MNAM PA DANG, ROL MO'I SGRI SNYAN PA PHYOGS KUN TU GRAGS PA DANG, SA G-YO BA DANG, ME TOG GI CHAR BABS PA DANG, YUL DER SNGON MED PA'I RTZVA DANG, SHING DANG, ME TOG SNA TSOGS SKYES PA SOGS NGO MTSAR

BA'I LTAS BSAM GYIS MI KHYAB PA BYUNG ZHING, RGYAL SRAS 'DI LA DKON MCHOG BZANG PO ZHES MTSAN GSOL TO, ,DE'I TSE RGYAL SRAS GZHON NU DE'I SKU NI MTSAN DPE RJES MTHUN PA DANG LDAN PAS 'JIG RTEN KUN GYI MIG GI BDUD RTZI LTA BU ZHIG BYUNG ZHING, RGYAL SRAS SEMS DPA' CHEN PO 'DI NI 'KHRUNGS MA THAG NAS, ZHI BA DANG, DUL BA DANG, DES PA DANG, YID GZHUNGS PA DANG, SNYING RJE CHEN PO'I NGANG TSUL DANG LDAN ZHING, BYIS PA'I SPYOD PA LAS 'DAS BA ZHIG BYUNG STE, DE YANG SKYE BA DPAG TU MED PA'I GONG ROL NAS TSOGS GNYIS CHU BO'I RGYUN BZHIN DU GOMS PA'I STOBS KYIS BYIS PA CHUNG DU SMRA SHES PA TZAM GYI DUS NA NYIN GCIG YUM GYI PANG NA BZHUGS DUS RLUNG PO KHOR KHOR BYED PA CIG GIS SHING LO ZHIG NAM MKHA' LA KHYER SONG BA GZIGS NAS DRAG TU BSHUM PA LA YUM GYIS CI BYUNG DRIS PAS, NAM MKHAR RLUNG GIS KHYER BA DE LA PHYAG MDZUB BCUGS NAS, SEMS CAN ZHIG NAM MKHA' LA KHYER SONG GSUNG BA DANG, SEMS CAN MA YIN SHING LO YIN BYAS PAS BSHUM PA'I 'PHRO CHAD PA ZHIG BYUNG, YANG STON KA ZHIG SA 'KHYAGS TE BA MO BYUNG DUS SNGA DRO ZHIG SGOR BZHUD NAS GOS MED PAR SGRAN MOR BYUNG BAS, YAB KYIS GOS GAR SONG BYAS BAS SNYING RJE BA'I SEMS CAN 'KHYAGS PA DE 'DRA LA G-YOGS NAS YOD ZER, KHRID NAS BLTAR PHYIN PAS SDOM PAS GANG BA'I SHO PHUNG BA MO SKYA KHAD PA CIG LA GOS G-YOGS MTHA' MA RDOS MNAN BYAS NAS 'DUG ZER, GZHON NU'I DUS NAS BDAG PAS GZHAN GCES PA'I BYANG

, ,CHUB KYI SEMS DE LTA BU DANG, YANG NGA SGOM BYED PA YIN ZER NAS SKU RNAM SNANG GI CHOS BDUN LDAN BCAS TE CHOS DON SEMS PA SOGS DAM PA'I SPYOD PAS DUS 'DA' BA CIG BYUNG ZHES GRAG GO, BSHUM BA'I DUS NA DPE CHA SHOG KHYAR PHYAG TU GTAD PA DANG SHIN TU MNYES SHING BSHUM 'PHRO CHAD PA DANG, BYIS PA GZHAN MIS BRDUNG TZA NA BSHUM PA CIG YOD PAR 'DUG, TSUL DE LA NI DUS PHYIS 'JAM PA'I DBYANGS DON YOD RGYAL MTSAN PAS SA SKYAR GDAN DRANGS DUS 'PHROS PA'I GSUNG GLENG BYUNG BA'I DUS SU, GONG GI DE LTA BU RNAMS THOS TE BDEN LAGS SAM ZHUS PAS DE LTAR GRAGS LAGS TE BDAG RANG GIS NI MI DRAN LAGS, DRAN TZAM NA CHOS LA GZHAN GYIS THU G-YOGS LA SOGS MI GUS PA BYAS TZAN MI BZOD PA SKYE ZHING, DANG PO BYIS PA'I DUS RANG NAS KHONG KHRO SHAS CHUNG ZHING BYAMS SNYING RJE CHE BA GZHAN GYI DGE BA LA RJES SU YI RANG KHA TSIG TZAM MIN PAR SKYE BA CIG YOD, DE'I STOBS KYIS SU LA'ANG TSIG NGAN SMRA MI NUS, NGA CHUNG CHUNG GI DUS SA SKYA DKAR PHUBS KYI SGO RTZAR MI GCIG GIS DON MED PAR MGO LA BRGYAB PAS SKRANGS 'BUR CHEN PO BYUNG YANG KHONG KHRO MA SKYES GSUNG BA DANG, BYIS PA GZHAN DANG RTZE BA NA GZHAN PHAM NAS DUS NA BDAG GIS MI BZOD CING, RANG PHAM YANG MYA NGAN TZAM MED PA CIG YOD GSUNG BA DANG, RTZVA SHING THU RU BYON DUS GROGS KYIS RNYED NAS RANG GIS MA RNYED KYANG MI SDUG, RANG GIS RNYED KYANG GROGS KYIS

MA RNYED NA KHONG CHO LA PHA MA SOGS KYIS 'THAB TU YOD BA SAMS NAS RES 'GA' RANG GIS RNYED BA NAS BYIN, RES 'GA' THU ROGS BYAS GSUNG BA DANG, BYIS PA'I DUS RTZED MO PHAL CHER MCHOD RTEN BZHANG BA DANG, CHOS 'CHAD PA DANG, SGOM BYED PA SOGS DGE BA'I PHYOGS KYIS DUS 'DA' BA CIG YED GSUNG, RGYAL SRAS 'DI'I YAB YUM GNYIS SNGA MO NAS 'DAS TE YUM GYI MA AA PHYI RGAN MO ZHIG GIS DGUNG LO LNGA NAS BZUNG BSKYANGS TE, RGYAL SRAS 'DI AA PHYI RGAN ME'I SA NA BZHUGS DUS PHYUGS LUG 'TSO BA LA BYON ZHING, AA PHYI LA KHRAL 'BAB PA LA RA LUG BSAD KYIN HOR 'DRA LA SHA SPROD DGOS PA BYUNG BAS RA LUG GSOD SAR KHRID PA'I DUS SU BSHUM ZHING 'CHANG NAS SNYING RJE BA YIN MOD GSUNG STE, YUN RING POR KHRID DU MI STER BAR BA RGYAL BRGYAL DU BSHUMS KYANG DBANG MED DU KHRID KYIN BSAD BA LAN MA PA RAB BYAS PAS, AA PHYIS BYAMS PO BYAS KYANG DE LTA BU LA YID 'BYUNG ZHING SKYO BA SKYES TE, DGUNG LO DGU BA ZHES BA'I DUS SU PHYUGS LUG 'TSO SA NAS BROS TE YAB KYI PHA SPUN MO'I BU STON PA RIN CHEN BKRA SHIS KYI SAR BSAM GLING DU BYON TE, YI GE 'DRI 'DON LA SOGS PA BSLABS PAS, RIGS PA'I GNAS RNAMS MTHONG BA TZAM GYIS SHES BA BYUNG STE, KUN GYIS 'DI NI PHAL PA CIG MA YIN NGES ZHES GLENG BA BYUNG ZHES GRAGS SO, ,DE NAS SANGS RGYAS KYI BSTAN PA LA RAB TU BYUNG STE THOS BSAM SGOM GSUM RNAM PAR DAG PA SNGON BYON DAM PA RNAMS KYI RNAM THAR DANG MTHUN PA ZHIG MDZAD BZHED NAS, DON DE LTAR DU BSAM

, ,GLING PA'I BLA MA SOGS LA GSOL BA NA THUGS BZHED GRUB STE DGUNG LO BCU BZHI PA SPRE'U'I LO ZLA BA DRUG PA'I TSES BRGYAD KYI SNGA DRO'I CHI LA, BSAM GLING PA'I GDUNG BRGYAD BLA MA DPAL 'BAR BAS MKHAN PO MDZAD, DE'I GCUNG PO MKHAN PO RIN CHEN DPAL BZANG BAS SLOB DPON MDZAD, GRIB TSOD PA SLOB DPON RIN CHEN RDO RJES MDZAD DE, BSTAN PA RIN PO CHE'I SGOR ZHUGS NAS RAB TU BYUNG DGE TSUL DU BSGRUBS TE BZANG PO DPAL ZHES MTSAN GSOL TO, ,DE'I NYIN PAR SNGAR MED PA'I DRI ZHIM POS KHYAB PA DANG, ROL MO'I SGRA SNYAN PA GRAG PA DANG, ME TOG GI CHAR 'BAB BA LA SOGS PA KUN GYIS MTHUN SNANG DU GRUB PA BYUNG NGO, , DE NAS RGYAL SRAS 'DIS MKHAN SLOB KYI SPYAN SNGAR JI LTAR KHAS BLANGS PA'I BCAS PA RNAMS SROG LAS KYANG GCES PAR BSRUNG BAR MDZAD CING SNGON BYON DAM PA'I RNAM THAR BZANG PO'I RJES SU ZHUGS TE TSE 'DI'I BYA BA MTHA' DAG DOR NAS RGYAL BA'I BKA' DANG DGONGS 'GREL RNAMS KYI TSIG 'DZIN PA DANG DON SEMS PA LA BRTZON 'GRUS LHOD PA MED PAR MDZAD, RANG YUL GYI NOR LONGS SPYOD SOGS 'KHOR BA'I PHUN TSOGS GANG LA'ANG MA CHAGS PAR RANG GI KHU PO RIN CHEN BKRA SHIS KYIS YI GE BRI 'DON BCUN PA BYED PA, BSHAD GSAR LA SOGS PA'I GROGS BYAS PAS DRIN CHE BAR DGONGS NAS, ZHING KHANG RNAMS KYANG AA KHU LA GNANG STE

'DI SKAD DU DA KHYED RANG DGE SBYOR GYIS ,'JIG RTEN GYI BYA BA LA SNYING PO MED, NGA'I ZHING DANG NYID RANG LA GANG YOD RNAMS KYIS MI PHONGS TZAM YONGS MCHI, GAL TE MA PHENGS NANGS BSOD SNYOMS BYAS NAS SKYONG BA YIN SEMS LAS MI 'TSAL ZHES ZHAL TA MDZAD ,SANGS RGYAS KYI BSTAN PA BSHAD SGRUB GNYIS KYIS 'DZIN PA LA, BSHAD NYAN GYIS LUNG GI CHOS 'DZIN, SGOM SGRUB KYIS RTOGS PA'I CHOS 'DZIN PAR DGONGS NAS RGYAL BA'I GSUNG RAB KYA DGONGS PA SHING RTA CHEN PO RNAMS KYIS BKRAL BA'I RIGS PA'I DKA' GNAS RNAMS LA SBYONG BAR BZHED DE DGUNG LO BCO LNGA PA'I DUS BO DONG AE BSAM GLING BA'I DGON LAG YIN PA'I STOBS KYIS AE'I CHOS GRVA CHEN POR BYON TE, BLA MA KUN RGYAL BA'I DRUNG DU DANG POR MNGON PA KUN LAS BTUS LA NAN TAN MDZAD, DE YANG DANG PO NAS DUL BA DANG, ZHI BA DANG, BZOD PA DANG, BYAMS PA'I NGANG TSUL DANG LDAN PAS, GROGS KYI SLOB GNYER LA 'GRAN ZLA DANG PHRAG DOG GI DMIGS RKYEN DU MI 'GYUR BAR BYA BA'I PHYIR GZHAN LAS BLO GROS KYI NUS PA CHUNG ZHING DMAN PA'I TSUL BZUNG YANG SKYE BA DPAG TU MED PA'I GONG ROL NAS GOMS PA'I PHYIR GZHAN GYIS LO MANG PO'I BAR DU 'BAD PA BAS KYANG MKHAS PAR GYUR TO, ,DE DUS 'JAM DBYANGS RONG PA NYI MA RGYAL MTSAN GYIS, MANG JA'I TSOGS GRAL DU,

, ,NYID BTZUN CHUNG BZANG PO DPAL DANG BCAS PA'I BLO GSAR BA RNAMS LA NGA DRI BA BYA RGYU YOD DO, ,MNGON PA NAS, ZANG ZING MED PA'I TSOR BA SDUG BSNGAL BYA BA CIG BSHAD 'DUG STE ZANG ZING MED PA'I TSOR BA YIN NA, SDUG BSNGAL YIN PA'I DAM BCA' BUD ZER NAS, 'DI LA LAN THOB ZER BA LA, GZHAN GYIS NI LAN GANG YANG MA BYUNG, DE LTA BU 'BYUNG BAR GZHUNG RANG NAS NYAN THOS DGRA BCOM PA 'GA' ZHIG LA ZANG ZING NYON MONGS MED KYANG LAS KYI NUS BA MTHONG BA YIN, ZHES SDUG BSNGAL 'BYUNG BAR BSHAD YOD DGONGS NAS, DE LUGS KYI 'GAL SPONG GSUNGS PAS, MKHAS PA THAMS CAD NGO MTSAR BAR GYUR TE, BLA MA NAM BKRA BA BYA BA NA RE NYID THOGS MAD DNGOS SU 'DUG, THOGS MED GNYIS PA YIN GSUNGS LA MCHOD YAR MDZOD ZER BAS, MCHOD YAR MDZAD NAS THOGS MED GNYIS PA YIN GSUNGS PAS, DUS DE NAS BO DONG THOGS MED CES MTSAN YONGS SU GRAGS SO, ,GZHAN YANG BYAMS PA'I CHOS LNGA, SA SDE LNGA, SDOM RNAM PA GNYIS, PRA KA RA nA SDE BRGYAD RNAMS KYI TSIG DON LA MKHAS PA 'PHAGS PA THOGS MED LTA BUR GYUR, BYANG CHUB SEMS DPA'I SPYOD 'JUG BSLAB BTUS MDO BTUS RNAMS DANG, DBU MA RIGS PA'I TSOGS LA SOGS BA DBU MA'I BSTAN BCOS RNAMS LA LEGS PAR SBYANGS NAS MKHAS

PA'I PHUL DU PHYIN PAR GYUR PA NA TSAD MA'I GZHUNG RNAMS LA SBYONG BAR BZHED DE DPAL LDAN SA SKYAR BYON NAS MKHAS PA CHEN PO BLA MA GZHIN RGYAL BA'I DRUNG DU SDE BDUN MDO DANG BCAS PA LA MKHAS PAR SBYANGS SHING, GTZO BOR TSAD MA RNAM NGES LA THUGS SBYONG MDZAD DE, CHOS MCHOG ,RGYAN , LHA DBANG BLO, SH'AKYA BLO ,DZNY'A NA SHR'I LA SOGS PA'I 'GREL PA CHEN BO RNAMS KYI TSIG DON LA MKHAS PA DPAL LDAN CHOS KYI GRAGS PA LTA BUR GYUR TE, DE DUS SEMS DPA' CHEN BO'I ZHAL NAS, LE LO'I DBANG GIS SHES CHER MA 'BANG KYANG, ,'ON KYANG KHO BO'I BLO DANG PHRAD PA NA, ,SHES BYA'I TSIG DON LHAN CIG DMIGS NGES YIN, ,ZHES NYAM MTSUR GYI TSUL DU ZHAL PHO YANG MDZAD DO, ,DE LTAR GZHUNG LUGS RNAMS LA SBYANGS PAS 'DZAM GLING MDZES PAR BYED PA'I RGYAN DRUG DANG MCHOG GNYIS KYI GZHUNG LUGS RNAMS LA MKHAS PA'I PHUL DU PHYIN BAR GYUR PA NA DGUNG LO NYER GSUM BZHES PA'I DUS SU GTZANG PHYOGS KYI CHOS GRVA KUN TU GRVA SKOR MDZAD NAS LTA BA LOG PAR 'DZIN PA'I RGOL BA NGAN PA RNAMS LUNG RIGS KYIS SUN PHYUNG STE SPOBS PA MED PAR BYAS, LTA BA PHYIN CI MA LOG PAR 'DZIN PA RNAMS MTHUN PHYOGS SU BSDUS PAS, KUN KHA MTHUN PAR GRVA SKOR BYUNG BA LA BO DONG GI MKHAS PA CHEN PO BZANG PO DPAL 'DI LAS STON

, ,PA BZANG BA DANG SHES RAB CHE BA MA BYUNG ZHES GLENG BA BYUNG NGO, ,DE NAS DGUNG LO SUM CU PA SHING PHO BYI BA'I LO ZLA PA BCU PA'I TSES DRUG GI SNGA DRO'I CHA LA, MKHAN PO BYANG SEMS RIN CHEN MGON DANG, LAS KYI SLOB DPON BLA MA NAM MKHA' SANGS RGYAS, GSANG STE STON BA BLA MA KUN DGA' RGYAL MTSAN, GRIB TSOD PA SLOB DPON SH'AKYA BYANG CHUB, DAD BA'I DGE 'DUN DGE SLONG RGYAL MTSAN 'BUM GYIS THOG DRANGS PA RNAMS KYI DBUS SU, AE'I CHOS GRVA CHEN POR BSNYEN PAR RDZOGS PAR MDZAD NAS 'DUL BA LUNG SDE BZHI NAS GSUNGS PA'I DGAG SGRUB GNAD GSUM GYI BCAS PA PHRA RAGS MTHA' DAG TSUL BZHIN DU BSRUNGS TE 'PHAGS MCHOG NYE BAR 'KHOR SLAR YANG GANGS RI'I KHROD DU BYON PA LTAR NGUR SMRIG 'DZIN PA THAMS CAD KYI NANG NA GTZUG GI NOR BU LTA BUR GYUR TO, ,DE NAS DGUNG LO SO GNYIS PA ME PHO STAG LA, 'JAM DPAL DBYANGS DON YOD RGYAL MTSAN PA SKU MCHED YUM DANG BCAS PA DANG, BLA MA KUN DGA' RGYAL MTSAN, KUN SPANGS NAM MKHA' GRAGS ,BYANG SEMS RIN CHEN MGON RNAMS KYIS RTA RA'I GDAN SA MDZAD PAR ZHU BA GSOL BA LA, ZHAL BZHES MA MDZAD PAS, BLA MA GNUR PA CHOS 'PHAGS RGYAL MTSAN DANG, RIN CHEN SHES RAB 'BUM PAS KYANG GDAN SA MDZOD GSUNG BA'I ZHAL TA NAN CHEN PO MDZAD PAS, BLA MA'I BKA' BCAG PAR

GYUR DOGS NAS ZHAL GYIS BZHES TE, BYANG SEMS RIN CHEN MGON GYIS DBU MDZAD PA'I BLA MA DGE BA'I BSHES GNYEN RNAMS DANG, SHAB CHONG BA LA GTOGS PA'I DGE BSHES GRVA PHA BU SLOB RNAMS KYIS ZHU 'BUL BYAS NAS CHOS GRVA CHEN PO AE'I ZUR CHEN MDZAD, DE'I TSE SEMS CAN THAMS CAD LA MA BU GCIG PU LA BRTZE BA LTAR BDAG PAS GZHAN GCES PA'I BYANG CHUB KYI SEMS DANG NAM YANG 'BRAL BA MED PA'I NGANG NAS, PHYI RU BSTAN PA GZUNG BA'I PHYIR BSHAD NYAN LA G-YEL BA MI MNGA' BAR MDZAD DE, DUS CHOS LA PHAR TSAD GNYIS, MNGON PA KUN LAS BTUS, MDO SDE RGYAN, RGYUD BLA MA, SPYOD 'JUG STE PO TI DRUG DRUG GSUNGS, ZHOR CHOS LA BKA' MDO RGYUD, 'GREL PA 'GREL BSHAD, MAN NGAG GI SKOR MTHA' YAS BA RNAMS 'JAM PA'I DBYANGS CHEN PO DON YOD RGYAL MTSAN BA SKU MCHED KYIS THOG DRANGS PA'I DGE BA'I BSHES GNYEN RGYA MTSO LTA BU LA GSUNGS SHING, BSHAD NYAN LA GNOD DGONGS NAS GSHIN CHOG LA SOGS PA RNAMS LA YANG MA BYON BAR BSHAD NYAN LA BRTZON PA'I STOBS DANG, BYANG CHUB KYI SEMS KYI NUS PA DANG, GZHUNG LUGS 'CHAD BA NA TSIG DON GSAL ZHING 'BREL CHAGS PA, LHAG CHAD MED CING RNA BAR SNYAN PA'I TSIG GIS BRDA 'PHROD PAS NGES SHES BSKYED PA LA GZHAN LAS PHUL DU PHYIN PA'I LEGS BAR BSHAD PA'I GSUNG GI 'OD ZER GYIS NYA NANG PO'I MI SHES

, ,PA'I DRI MA BSAL TE, BLO GROS KYI PADME'I ZE'U 'BRU GSAL BAR MDZAD PA LA BRTEN NAS NYID KYI SLOB MA DKA' CHEN BCU LA MKHAS PA MTHA' YAS PA BYUNG STE SNYAN PA'I GRAGS PAS SA'I STENG KHYAB PAR GYUR TO, ,DE LTAR BSTAN PA DANG SEMS CAN GYI DON LA SKAD CIG KYANG G-YEL BA MED PA'I NGANG NAS RTA RA'I GDAN SA LO BDUN MDZAD CING, DE'I TSE DGUNG LO SO BRGYAD BA LA 'JAM PA'I DBYANGS DON YOD PAS BSKUL NAS MDO SDE RGYAN LA t'IKKA MDZAD, KHONG GIS BSKUL NAS SBYAR BYAS NA STONG SOB TU SONG DOGS NAS MA BYAS GSUNG, 'DI LA DKA' LAS KYANG CHE RAB BYAS NAS BRTZAMS TE LEGS RAB GCIG BYUNG NAS 'DUG GSUNG, DE'I RJES LA RGYUD BLA'I t'IKKA MDZAD, DE'I RJES LA SLOB DPON GRUB RGYAL BA'I DON DU SPYOD 'JUG GI t'IKKA MDZAD, DE'I TSE MKHAS PA MANG PO DPANG LO'I DRUNG DU 'DZOM NAS SPYOD 'JUG LA SU MKHAS KYI GLENG MO BYUNG BAS, LA LAN RE KYI STON PA MKHAS ZER BA LA, DPANG LO'I ZHAL NAS, SPYOD 'JUG LA BOD GANGS CAN GYI KHROD NA RGOD TSANG PA DANG, GU RU THOGS MED GNYIS LAS MKHAS PA MED, SPYOD 'JUG GI DON THAMS CAD KHONG GNYIS KYI RGYUD LA LDAN PA YIN GSUNG NGO, ,DE LTAR BO DONG GI BSHAD NYAN MDZAD DUS SLOB DPON DANG MCHED GROGS 'GA' RES PHYAG RDZAS SRAB PA LA GRVA PA MANG PO SKYONG DGOS PAS LAG LEN GYI SKOR RNAMS SKYONG BAR ZHU ZHES YANG YANG ZHUS PAS, RGYAL

SRAS BDAG NYID CHEN PO 'DI'I THUGS LA KHA GSAG GZHOGS SLONG GIS NOR BSGRUBS TE SLOB MA SKYONG BA NI, RGYAL BA'I BKA' DANG MI MTHUN PA'I SNGON BYON DAM PA'I MDZAD TSUL MIN LA, SNGON BYON DAM PA RNAMS GYI MDZAD TSUL NI TSE 'DI'I BSAM SBYOR DOR TA RGYAL BA'I BKA' DANG MTHUN PAR SDOM PA GSUM GYI BCAS MTSAMS DAG PAR BSRUNG BA GZHIR BZHAG NAS BYANG CHUB LAM GYI RIM PA'I NYAMS LEN BYED PA 'DI YIN SNYAM DU LAG LEN SKYONG NA NGA'I LAG LEN DE 'DI LTA BU ZHIG YIN TE DGONGS NAS, RGYAL SRAS RNAMS KYI LAG LEN BSHAD PAR BYA ZHES LAG LEN GYI SGRA LA BRTEN NAS RANG GZHAN THAMS CAD RGYAL SRAS LAG LEN LA 'JUG PA'I PHYIR RGYAL SRAS LAG LEN MDZAD , BRTZAMS ZIN NAS ZHUS DAG LA KHANG THOG BYON TE MDUN NA BZHAG YOD PA'I DUS, RLUNG PO CHEN PO ZHIG BYUNG NAS KHYER SONG BAS SHOG BU GCIG KYANG BSDU RGYU MA RNYED, DE NAS YANG BLO LA GSAL LE 'DUG PAS LDABS NAS BRI DGOS BYUNG STE, DA PHYOGS THAMS CAD DU DAR BA 'DI'I RTEN 'BREL YIN PA 'DRA GSUNGS TE, DE NI RGYAL SRAS BDAG NYID CHEN PO 'DI THUGS BSKYED SHIN TU BZANG BAS RIS SU MA CHAD PA'I CHOS BYED THAMS CAD RGYAL SRAS RIN PO CHE 'DI'I GSUNG LA DAD CING MOS PAR BYED CING, LHAG PAR RGYAL SRAS LAG LEN 'DI PHYOGS THAMS CAD DU DAR CHA CHE ZHING, SUS MTHONG YANG GUS PAR THAL MO SBYOR ZHING JI BZHIN NYAMS SU LEN PAR MA NUS KYANG DAD CING GUS PA DANG SMON PA'I

, ,YUL DU BYED PA KUN LA MTHUN SNANG DU GRUB PA 'DI'O, ,DA'I DUS SU BSNYUNG PO ZHIG BYUNG BA LA GRVA PA RNAMS KYIS ZHAL TA 'JOG PAR ZHU ZHUS PAS, NGA'I KHA CHEMS RGYAL SRAS LAG LEN YIN GSUNG NGO, ,RGYAL SRAS BDAG NYID CHEN PO 'DI RGYAL BA'I DAM CHOS MA LUS 'DZIN PA'I SMON LAM RLABS PO CHE'I MTHU GRUB STE, BYANG CHUB SEMS DPA' GZHON NU NOR BZANG GIS DGE BA'I BSHES GNYEN BRGYA RTZA GCIG BSTEN PA'I TSUL LTAR, BYANG CHUB SEMS DPA' CHEN PO 'DIS KYANG DGE BA'I BSHES GNYEN BCU PHRAG BZHI DANG, 'GRAN GYI DO ZLA BRAL BA'I YONGS 'DZIN RIN CHEN GNYIS RNAMS BSTEN TE, DE YANG THOG MAR SHES BYA RGYA CHEN GSAN PA'I BSHES GNYEN BCU PHRAG GCIG NI 'DI LTAR, DGUNG LO BCU BZHES PA'I DUS SU, 'JAM DBYANGS 'KHON STON LA SEMS BSKYED, PHAR TSAD GNYIS, MNGON PA, GSHIN RJE GSHED DGRA NAG GI MNGON RTOGS, YUM SGRUB, MI 'KHRUGS PA'I SGOM BZLAS RNAMS GSAN, BLA MA KUN RGYAL BA LA MNGON PA KUN LAS BTUS LA SOGS PA BYAMS PA DANG 'BREL BA'I CHOS SKOR RNAMS GSAN, 'JAD RONG PA 'JAM DBYANGS NYI MA RGYAL MTSAN LA TSAD MA RNAM NGES GSAN, SA SKYA'I MKHAS PA CHEN PO BLA MA GZHON RGYAL BA LA SDE BDUN 'GREL PA 'GREL BSHAD DANG BCAS PA GSAN, BLA MA BKRA SHIS MGON LA MNGON PA KUN LAS BTUS GSAN, SLOB DPON SH'AKYA BYANG CHUB LA PHAR PHYIN GSAN, KHRO PHUR TSAD MA'I

SKYES BU BSOD NAMS MGON LA, YUM RGYAS PA, BRGYAD STONG PA, BRGYAD STONG 'GREL CHEN SOGS GSAN, 'JAM DBYANGS NYAG GCIG LA, NYI KHRI, KHRI BRGYAD STONG PA, SHES RAB SNA TSOGS, SHES RAB KHRI PA, NYI KHRI LE MANG, NYI KHRI SNANG BA, LE BRGYAD MA, SA SDE LNGA RNAMS GSAN, DPANG LO TZ'A BA BLO GROS BRTAN PA LA, SA SDE LNGA, THEG BSDUS SKOR GSUM, MNGON PA KUN LAS BTUS, THUB PA DGONGS RGYAN, RNAM BSHAD RIGS PA, LAS SGRUB BA'I RAB TU BYED PA, RTEN 'BREL MDO 'GREL, DBU MA SGOM RIM SOGS DBU MA'I SKOR, DUS 'KHOR RGYUD 'GREL, GSANG 'DUS KYI SGRUB THABS, BRGYAD STONG DON BSDU, DE'I 'GREL BA, BYANG CHUB GZHUNG LAM, PHUNG PO LNGA'I RAB BYED, BCU GCIG ZHAL GYI GZUNGS, SDUD PA'I 'GREL PA SANGS RGYAS YE SHES ZHABS KYIS MDZAD PA RNAMS GSAN, GOO SHR'I RIN CHEN SENG GE LA MNGON PA KUN LAS BTUS GSAN NO, ,SHIN TU BKA' DRIN CHE BA'I BSHES GNYEN BCU PHRAG GCIG BSTAN TSUL NI, DGUNG LO LNGA PA'I DUS SU BSAM GLING BA'I GDUNG BRGYUD SANGS RGYAS DBON LA BDE MCHOG DRIL BU PA'I DBANG ZHUS PAS DBANG BZHI'I DON NGO 'PHROD PA BYUNG ZHES GRAG GO ,BSAM GLING PA'I RIN CHEN DPAL 'BAR BA DANG MKHAN PO RIN CHEN DPAL BZANG GNYIS LA, SO SO THAR PA'I SDOM PA DE'I BSLAB BYA DANG BCAS BA GSAN, BLA MA MDO SDE DPAL BA LA RNAM RGYAL SGRUB THABS, DE'I GZUNGS, SGROL MA MAndAL BZHI PA, SGROL NA NYER

, ,GCIG GI LAS TSOGS SGRUB THABS DANG BCAS PA, GSHIN RJE GSHED DRAG PO'I RJES GNANG, BYANG CHUB SEMS DPA' ZLA BA RGYAL MTSAN GYIS MDZAD PA'I GTOR MA BRGYA RTZA, GZER LNGA'I GDAMS PA, BLO SBYONG RNAM DAG GTZUG NOR SOGS GSAN, BLA MA GNUR PA CHOS 'PHAGS RGYAL MTSAN LA, YO GA'I SKOR GYI DPANG BKA' BSHAD BKA' MAN NGAG GI BKA' THAMS CAD RDZOGS PA DANG, ZAB CHOS SNA TSOGS GSAN, BYANG SEMS RIN CHEN MGON LA, BDE MCHOG, SGROL MA, 'KHOR CHEN, DGYES RDOR, DGRA NAG, TSE DPAG MED, KUN RIG RNAMS KYI DBANG, THUB PA DGONGS RGYAN, THEG BSDUS SKOR GSUM, BYAMS CHOS LNGA RTZA 'GREL, NYI SHU PA, SUM CU PA, SEMS BSKYED LAN DRUG ,RNAM RGYAL GYI RJES GNANG, MGON PO LCAM DRAL GYI RJES GNANG LAS TSOGS DANG BCAS PA, AA PHYI MA'I GTOR DBANG, GTOR CHOG SOGS GSAN, BLA MAR SA PA RIN CHEN GLING PA LA 'JAM DBYANGS AA RA PA CA NA'I SGRUB THABS ZHUS NAS NYAMS LEN BYAS PAS DON DPYOD KYI SHES RAB CHEN POR SONG, KHONG RANG GI THUGS LA NYI KHRI ZIN PA BYUNG YOD PAR 'DUG GSUNGS, MKHAN CHEN CHOS RGYAL BA DPAL BZANG BO LA SNYING PO DON GSUM, SEMS NYID NGAL BSO SOGS KHRO PHU BA'I MAN NGAG BRGYA RTZA'I KHRID RNAMS GSAN, BLA MA RI PA DPAL SHES LA, ZHA MA NAS BRGYUD PA'I PHYAG RGYA CHEN PO BSTOD SKOR, N'A RO CHOS DRUG, LHAN CIG SKYES SBYOR SOGS

GSAN, KUN SPANGS NAS MKHA' GRAGS LA, 'DE MCHOG GI DBANG LAN GNYIS, DPA' BOS MDZAD PA'I SKYES RABS, BSLAB BTUS, MDO BTUS, PHYAG RGYA CHEN PO GANGG'A MA SOGS GSAN, BLA MA 'DI LA MA 'ONGS PA'I MNGON PAR MKHYEN BA MNGA' STA, GZIM KHANG CHOS RDZONG RTZIG PA'I DKOD PA'I ZHAL TA AAR PA RNAMS LA MDZAD PA'I RTZA NA SEMS DPA' CHEN PO YANG BZHUGS PAS, NYID KYI THUGS DGONGS LA, BTZUN RGAN BLO MA KHUGS DGONGS YONG MCHI STE, KHANG PA 'DI BDE SUS SPYOD MI SHES SO AANG GSUNG ZHING, MKHAR LAS GRUB NAS DGUN GCIG BZHUGS PA DANG BSNYUNG STE, SEMS DPA' CHEN PO GDAN DRANGS NAS, NGA'I TSIG BZHI PO 'DI NYID KYIS SGRUBS SHIG GSUNG STE, DAM SHI BAR RTZAR BZHUGS GSUNG BA DANG, NGA SHI NAS ZHE DGU'I BAR LA CHO GA RE GYIS GSUNG BA DANG, GZIM KHANG 'DI DANG GZHIS NAS BRGYA THON GCIG 'BUL BAS BZHES GSUNGS PA LA, GZHIS LAM GCIG BZHES NAS KHONG RANG GI DUS MCHOD LA PHUL, GZHAN RNAMS GSUNG BZHIN DU BSGRUBS TE SEMS DPA' CHEN PO'I ZHAL NAS, KHANG PA 'DI GRUB NAS KHONG PAS DGUN GCIG LAS MA BZHUGS, 'O SKOL GYIS LO SUM CU RTZA GRANGS SHIG BDE SPYAD 'DUG ,DA DUS MA 'ONGS PA'I MNGON PAR MKHYEN PA GSUNGS PAR GDA' GSUNG NGO, ,ZAB CHOS SNA TSOGS ZHUS PA'I BSHES GNYEN BCU PHRAG GCIG NI 'DI LTAR, BLA CHEN KUN BLO LA SEMS BSKYED, RGYAL SRAS LAM BZANG, BYANG CHUB SEMS

, ,DPA'I SPYOD 'JUG SOGS GSAN, 'DZIMS BA'I BLA MA YON TAN RGYA MTSO LA 'KHOR CHEN DANG SGROL MA'I RGYA GZHUNG, DON ZHAGS KYI SKOR RNAMS GSAN, DE'I SKU MCHED BLA MA RDO RJE DPAL LA, GZAR LNGA'I BYIN RLABS, BSHES SPRING SOGS GSAN, BLA MA RIN YE BA LA, 'JUG PA SEMS BSKYED, BYAMS CHOS LNGA RTZA 'GREL, YANG DGON PA'I RI CHOS SKOR GSUM, DPE CHOS RIN SPUNGS, MAN NGAG RIN SPUNGS SOGS GSAN, 'JAM DPAL DBYANGS DON YOD PA LA SGROL MA DANG, BDE CHEN RAL GCIG GI DBANG, SEMS BSKYED, SA SKYA PA'I BLA MA'I RNAL 'BYOR THUN MONG MA YIN PA, DBU MA CHEN PO'I KHRID RNAMS GSAN, MKHAN CHEN BU STON PA LA, BAD MCHOG, GSANG 'DUS, DPAL MCHOG, RDOR SEMS RNAMS KYI DBANG, NAG PO PA'I SGRUB THABS KYI t'IKKA, LAS CHOG GI t'IKKA RNAMS GSAN, CHOS RJE BSOD NAMS RGYAL MTSAN PA LA, SEMS BSKYED, SGROL MA'I DBANG, DRIL BU PA SKOR GSUM GYI DBANG, BDE MCHOG MCHOD 'PHRENG, BDE MCHOG SDOM 'BYUNG GI 'GREL PA, GSUM PA LO TZ'A'I SNYAN RGYUD, RNAM RGYAL GYI BSTOD PA TZANdA GO MIS MDZAD PA RNAMS GSAN, RA SA BLA MA BSOD NAMS LHUN GRUB LA, GSHIN RJE GSHED DGRA NAG GI DBANG RGYUD MAN NGAG DANG BCAS PA GSAN, BLA MA BLO BZANG BA LA GLANG RI THANG PA'I BLO SPYOD TSIG RKANG BRGYAD MA GSAN, SPYI BO LHAS PA'I MKHAN PO SHES RGYAL GRUB BZANG

LA; THUGS RJE CHEN PO SKYER SGANG PA'I SGRUB THABS LAS TSOGS DANG BCAS PA GSAN NO, ,DAG SNANG RGYA CHEN SBYANGS PA'I BSHES GNYEN BCU PHRAG GCIG NI TI SHR'I KUN DGA' RGYAL MTSAN, BLA MA MKHAS BTZUN CHEN PO, BLA CHEN BSOD BLO, BLA MA SHAR PA KUN BSOD, BLA MA SHES RAB RGYAL MTSAN, DRANG PO LUNG GI MKHAN PO THUGS RJE SHES RAB, SLOB DPON DPAL GYI, MKHAN PO BSOD NAMS SENG GE, BLA MA RGYAL PO DPAL, BLA MA NAM MKHA' SANGS RGYAS RNAMS LA YANG CHOS 'BREL RE YOD GSUNG, 'GRAN GYI DO ZLA MED PA'I YONGS 'DZIN RIN CHEN GNYIS NI 'DI LTAR, BSTAN 'DZIN THAMS CAD KYI GTZUG RGYAN, PHAN BDE THAMS CAD KYI 'BYUNG GNAS, GNAS BRTAN CHEN PO'I SPRUL PA, DAG PA'I SA LA GNAS PA'I SEMS DPA' CHEN PO, MKHAN CHEN BSOD NAMS GRAGS LA, MDO RGYUD THAMS CAD KYI SNYING PO, MAN NGAG THAMS CAD KYI NYING KHU, RGYAL BA THAMS CAD KYI SPYI LAM THEG PA CHEN PO'I BLO SBYONG ZHUS PA'I DUS SU, SKYE BA DPAG TU MED PA'I GONG ROL NAS DPON SLOB KYI 'BREL PA YOD PA'I RTEN 'BREL GYIS, BYANG CHUB KYI SEMS GNYIS NI DBYAR GYI CHU KLUNG CHEN PO'I RGYUN BZHIN DU 'PHEL ZHING RGYAS, STONG PA NYID DANG SNYING RJE CHEN BO'I RBA KLONG CHEN PO 'KHRUGS NAS DON GNYIS LHUN GRUB KYI RGYA MTSO CHEN POR PHYIN TO, ,RGYAL SRAS BDAG NYID CHEN PO 'DIS LAM MA NOR BAR STON PA'I BLA MA LA YID BZHIN GYI NOR BU DANG SANGS RGYAS DNGOS KYI MOS GUS BCOS MA MIN

, ,PA THOB STE, MKHAN CHEN RIN PO CHE DANG MJAL TZA NA, GNAS BRTAN CHEN PO ZHIG DANG MJAL BA'I SNANG BA YONG GIN 'DUG GSUNG, JO BO RJE BLA MA GSER GLING PA'I MTSAN BRJOD PA'I TSE, PHYAG THAL MO SBYOR SPYAN CHAB 'DON PA BZHIN DU, MKHAN CHEN RIN PO CHE'I MTSAN BRJOD PA NA PHYAG THAL MO SBYAR SPYAN CHAB NYIL MDZAD NAS, NGA'I BLA MA DE'I THUGS RJE DE LTA BU GZHAN LA RANG MED GSUNG NAS GTZUG GI NOR BU LTAR 'DZIN TO, ,GZHAN YANG BYANG SEMS BSOD NAMS GRAGS PA LA, SKYID SDUG LAM KHYER, DON ZHAGS KYI SKOR, SMAN BLA'I RJES GNANG DANG MDO CHOG ,'DUL BA MDO RTZA, RI KHROD LO MA GYON MA DANG 'OD ZER CAN GYI GZUNGS, JO BO RJES MDZAD PA'I SEMS BSKYED CHO GA, DZE TA RIS MDZAD PA LA SOGS PA'I CHOS CHUNG BRGYA RTZA, RIGS GTAD SOGS SKYER SGANG PA'I CHOS SKOR RNAMS ZHOR NYAN MDZAD DO, ,DANG POR RIGS PA'I GNAS LNGA LA MKHAS PAR SBYANGS SHING, BAR DU RNAM PA THAMS CAD PA'I MCHOG DANG LDAN PA'I STONG BA NYID DANG, DMIGS PA MED PA'I SNYING RJE CHEN PO GNYIS LA GOMS PAR BYAS PAS MCHOG GI DNGOS GRUB BRNYES NAS 'GRO BA'I DON RGYUN CHAD MED PAR MDZAD PA, RDO RJE 'CHANG CHEN PO'I NGO BOR GYUR PA RIN PO CHE SHES RAB 'BUM PA LA DUS 'KHOR GYI DBANG DANG SBYOR BA YAN LAG DRUG GI KHRID SOGS SNGAGS KYI ZAB CHOS MANG DU GSAN ZHING LHAG PAR DUS GSUM SANGS RGYAS THAMS CAD KYI BKROD PA GCIG PA'I LAM BYANG CHUB

SEMS DPA' THAMS CAD KYI THUGS DAM GYI MTHIL BYANG CHUB KYI SEMS RIN PO CHE RNAM PA GNYIS ZHU BAR MDZAD PAS DAD GUS BLA LHAG TU MDZAD CING, THUGS RJE CHEN PO THUGS RGYUD LA 'KHRUNGS NGES SHES PA NI RIN PO CHE SHES RAB 'BUM BA DE YIN GSUNGS NAS PHYAG THUGS KAR THAL MO SBYAR NAS SPYAN CHAB NYIL NYIL MDZAD DO, ,YANG RIN PO CHE SHES RAB 'BUM PAS RGYAL SRAS BDAG NYID CHEN PO 'DI LA DUS LAN CIG CHED KYIS SHOG GSUNG STE, SNYAN NAS SNYAN DU BRGYUD, THUGS NAS THUGS SU BRGYUD, GRUB THOB KYI ZAM MA CHAD, BYIN RLABS KYI NA BUN MA YAL BA, SDIG PO CHE BTZAN THABS SU 'TSANG RGYA BAR NUS SHING, RAB TSE 'DI, 'BRING BAR DO, THA MA YANG SKYE BA BDUN NAM BCU DRUG NA 'TSANG RGYA BA'I GDAMS NGAG MKHA' 'GRO'I KHA RLANGS THUL LE BA'I CHOS THUGS RJE CHEN PO'I DMAR KHRID DANG, PHYAG RGYA CHEN PO LHAN CIG SKYES SGYOR, RTEN 'BREL SNYING PO RNAMS KYI KHRID, DBANG MDOR BSTAN, SMYUNG GNAS KYI SKOR RNAMS GNANG STE, 'GRO DON RGYA CHEN PO 'BYUNG BA'I RTEN 'BREL BSGRIG PAR MDZAD DO, ,DE NAS RGYAL SRAS BDAG NYID CHEN PO 'DIS, MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR; MDO SNGAGS YONGS SU RDZOGS PA'I LAM GYI GNAD KUN LA THOS BSAM GYIS SGO 'DOGS CHOD PAR MDZAD NAS SNGON BYON DAM PA'I RNAM THAR LTAR DBEN PA'I GNAS SU SGRUB PA RTZE GCIG TU MDZAD BZHED NAS GRO CHON AE'I RTA RA'I

, ,GDAN SA SEMS DPA' CHEN PO RANG GI BU CHEN SLOB DPON RGYAL MTSAN SENG GE LA GTAD NAS BSHAD NYAN MDZAD KYIN YOD PA'I SKABS SU, 'JAM DPAL DBYANGS DON YOD RGYAL MTSAN SKU MCHED YUM DANG BCAS PA RNAMS KYIS, AE'I CHOS DPON MDZAD PAR ZHU BA GSOL BAS, NGAS CHOS DPON BTZAL YONG GI GSUNG NAS SA SKYAR BYON TE, DPANG LO TZ'A BA BLO GROS BRTAN PA LA AE'I CHOS DPON LA 'BYON PAR ZHU BA PHUL BAS DBANG LO'I ZHAL NAS, GU RU THOGS MED, THOS PA'I GTAM LA SNYAN, NGA'I BLA MA G-YAG SDE BA SENG GE RGYAL MTSAN GYIS KYANG MA THOB PA'I GDAN SA YIN SANG RANG 'GRO GSUNG NAS MNYES, DE NAS DPANG LO AER GDAN DRANGS NAS RGYAL SRAS 'DIS SA SDE LA SOGS PA'I PHYAG DPE RNAMS DPANG LO LA PHUL NAS, DBEN PA BSTEN PA LA THUGS PHYOGS TE, NYID KYI ZHAL NAS, 'DU 'DZI MI GTZANG BA LTAR BRGYANG BSRINGS NAS, ,RANG GZHAN DON DU RTAG TU BSAM GTAN LA, ,RAB TU BRTZON PAR 'DOD PA'I SKYE BO YIS, ,PHYI DANG NANG GI DBEN PA THOB PAR SHOG ,CES DANG, KYE KYE NYON CIG GROGS PO DAM PA KUN, ,KUN KYANG GTAN GYI BDE PA THOB 'DOD NA, ,NA RGA 'CHI DANG SKYE BA'I SDUG BSNGAL BSAM, ,BSAM PA THAG PAS SGO GSUM DGE LA 'BAD, ,'BAD KYANG DON CHUNG 'JIG RTEN BYA BA SPANGS, ,SKYES BU'I TSE NI RI GZAR 'BAB CHU 'DRA, ,SKAD CIG MI SDONG 'CHI BA'I GNAS SU SNYOG ,LANG CHO'I DPAL

NI ME TOG MGUL RGYAN BZHIN, ,YUD TZAM ZHIG GIS RNYINGS PAR 'GYUR BA YIN, ,TSE 'DI SKAD CIG CIG GIS 'DZAD 'GYUR ZHING, ,BSAGS PA'I LONGS SPYOD SPYOD PA'I DBANG MED PAR, ,GLO BUR NYID DU DU MA'I NANG NAS BDAG , GCIG PUR 'GRO TSE TSE 'DI'I MDUN MAS BSLU, ,BA SPU GYEN LANG BSHANG GCI 'THUR DU RGYUG ,BYAD SHA PHYIR SBOS MIG 'BRAS NANG DU BROS, ,ZAS KYI ZHEN LOG SKOM GYI SRED PA 'PHEL, ,LUS SKYOD MI NUS SEMS KYI GYA GYU LANGS, ,DE 'DRA'I SDUG BSNGAL DRAG POS THEBS PA'I TSE, ,SMAN BA MKHAS KYANG BCOS PA'I THABS MED CING, ,ZANG ZING RIM GROS BZLOG PAR MI NUS NA, ,GNYEN BSHES BRTZE GDUNG CHE YANG CI BYAR YOD, ,RIG RIG MIG GIS NYE DU'I GDONG LA BLTA, ,NOM NOM LAG PAS RANG GI GOS LA 'JU, ,NGAR NGAR DBUGS KYI PHRENG BA CHAD LA NYE, ,'JIGS 'JIGS 'DRA BA'I GSHIN RJES ZIN PA NA, ,KHANG BZANG RIN CHEN NANG DU GNAS BCAS SHING, ,DPA' BA'I SKYES BU RNO BA'I MTSON THOGS PA, ,'BUM PHRAG DAG GIS BSRUNGS KYANG GSHIN RJE YI, ,SKYES BU GCIG KYANG THUB PAR MI 'GYUR ZHING, ,'KHOR LOS BSGYUR RGYAL GYIS KYANG SKYOB MI NUS, ,STONG GSUM NOR GYIS BKANG YANG BLUR MI RUNG, ,DE BAS DA LTA NYID NAS DKON MCHOG LA, ,SKYABS SU SONG LA 'PHAGS PA'I NOR BDUN BZUNG, ,NYON MONGS STOBS KYIS BSGRUBS PA'I NOR RDZAS 'DI, ,'DI DANG PHYI MA'I SDUG BSNGAL KUN GYI GNAS, ,GNAS NGAN LEN DANG ZAG PA 'PHEL

, ,BA'I GROGS, ,GROGS DANG NYE DU 'BYED PA'I PHUNG 'DRE YIN, ,NOR NI SBRANG MA'I SBRANG RTZI JI BZHIN DU, ,RANG GIS TIL TZAM SPYAD PAR MI NUS SHING, ,GZHAN DAG BSRUNG BA'I DON DU NOR NYID DANG, ,BDAG GI SROG KYANG 'CHOR BAR 'GYUR BA YIN, ,STONG GSUM NOR LA DBANG BSGYUR RGYAL PO YANG, ,'JIG RTEN 'DI NAS PHYI MAR 'GRO BA'I TSE, ,SGREN MO LAG PA STONG PAR 'GRO 'GYUR NA, ,ZANG ZING NOR RDZAS SGRUB BA MA 'KHRUL LAM, , NAM YANG MI 'DZAD GTAN GYI BDE BA'I RGYU, ,DAD DANG TSUL KHRIMS THOS DANG GTONG BA DANG, ,NGO TSA SHES DANG KHREL YOD SHES RAB STE, ,BDE BAR 'DOD NA NOR BDUN 'DI DAG ZUNGS, ,SHES LDAN RNAMS KYIS SKYES BU DAM PA STEN, ,BSTEN CING 'GROGS NA NYON MONGS NAD SKYE BA, ,SKYE BO DMAN PA 'DI DAG SPRUL GDUG DANG, ,DUG DANG 'DRES PA'I KHA ZAS BZHIN DU SPONGS, ,G-YO SGYU DRUG CU RTZA BZHI'I ZHAGS PA YIS, ,CHAGS LDAN SKYES BU SHIN TU DAM BCINGS NAS, ,THAR PA'I SROG RTZA GCOD PAR BYED PA YI, ,BUD MED DAG LA SU ZHIG CHAGS PAR BYED, ,'BYOR PA'I TSEN BROS KYANG RJES SU SNYOG ,RGUD PA'I TSEN DRUNG DU BSNYEGS KYANG 'BROS, ,BU YIS RANG GI PHA YANG GSOD BYED NA, ,NYE DU RNAMS LA SU ZHIG YID RTON BYED, ,MNGON DU GYUR NA DGA' BA'I TSUL STON CING, ,LKOG TU GYUR NA MI SNYAN SNA TSOGS SGROG ,PHAN BTAGS LAN DU GNOD PA SKYEL BA YI, ,BYIS BA'I GROGS PO MJA' YANG NGES PAR

BSLU; ;DES NA 'JIG RTEN CHAGS PA RNAM PAR SPANG, ,SPANG BYA BAG CHAGS BCAS BA MA LUS BA, ,LUS PA MED PAR SPANGS PA 'GRO BA'I SKYABS, ,SKYABS MCHOG GSUM PO GUS PA'I YID KYIS STEN, ,'DUS BYAS MI RTAG RTAG PA'I SKABS MED CING, ,ZAG BCAS MI BDE BDE BAR 'DZIN PA 'KHRUL, ,MYANG 'DAS RAB ZHI ZHI BA'I LAM 'DOD NA, ,CHOS RNAMS BDAG MED MED YOD MTHA' BRAL SGOMS, ,LAS NGAN RGYA MTSO RKYEN NGAN RBA RLABS CAN, ,SDUG BSNGAL SNA TSOGS CHU BO'I RGYUN 'BAB CING, ,SKYE BO NGAN PA'I CHU SRIN RTAG RGYU BA'I, ,GRONG GI MCHO LA CHAG SPAR MA BYED PAR, ,RANG BZHIN NYAMS DGA' GZHAN GYIS 'CHE BA MED, ,CHU DANG LO MA 'BRAS BU'I 'BYOR PA MOD, ,CHAGS DANG SDANG BA'I GTAM YANG MI THOS PA'I, ,DBEN PA'I NAGS TSAL DAG TU GNAS PAR GYIS, ,BUNG BA DAG NI YID 'ONG GLU LEN CING, ,RMA BYA'I TSOGS RNAMS MDZES PA'I GAR STABS BSGYUR, ,LJON SHING 'GA' ZHIG YAL GA'I BSIL YAB G-YOB, ,'GA' ZHIG 'BRAS BU SMIN PA'I ME TOG 'THOR, ,YAN LAG BRGYAD DANG LDAN PA'I CHU BO'I RGYUN, ,LHUNG LHUNG SNYAN PA'I SGRA SKAD SGROGS BYED CING, ,LPU BA'I PHRENG BAS KUN NAS MDZES PAR SPRAS, ,CHU THIGS ZEGS MA'I ME TOG PHYOGS BCUR 'THOR, ,DE LTAR DBEN ZHING NYAMS DGA'I GNAS MCHOG TU, ,MCHOG TU ZAB MO'I MAN NGAG RAB STON PA, ,STON PA GNYIS PA LTA BU'I BLA MA LA, ,MA LA BU BZHIN GUS PAS RIM GRO BYA, ,DE YIS GSUNGS PA'I DAM CHOS

, ,'O MA'I RGYUN, ,RTOGS PA'I LUS STOBS 'PHEL BAR BYED PA DE, ,NYIN DANG MTSAN DU SKAD CIG MA YENGS PAR, ,NYAMS SU BLANG ZHING 'DI LTAR SPYAD BAR BYA, ,THABS KYI GRU CHEN SHES RAB ZAG LHAN CAN, ,BDAG GIS BZUNG STE 'KHOR BA'I RGYA MTSO LAS, ,SEMS CAN THAMS CAD BSGRAL BAR BYA SNYAM PA'I, ,BYANG CHUB SEMS MCHOG CHOS KYI RTZA BA YIN, ,TSE 'DIR LAN DANG PHYI MAR RNAM SMIN LA, ,RE BA MED PA'I SBYIN PA THUB PAS BSNGAGS, ,KHRIMS NI YON TAN KUN GYI GZHI YIN PAS, ,GZHAN LA GNOD PA DUG BZHIN SPANG BAR GYIS, ,KHONG KHRO'I DGRA YIS 'DI PHYI'I DPAL 'PHROG PAS, ,BZOD PA'I DMAG DPUNG CHEN PO SHIN TU GCES, ,LE LOS RANG GZHAN DON GNYIS MI 'GRUB BAS; ;LAS GZHAN SPANGS TE DGE LA 'BAD PAR BYA, ,BSAM GTAN MED PAR CHOS NYID MI MTHONG BAS, ,RNAM RTOG MTSAN MA MED PA'I TING 'DZIN SGOMS, ,SHES RAB MED PAR THAR LAM MI BGROD PAS, ,BDEN GNYIS ZAB MO'I DON LA MKHAS PAR GYIS, ,BDAG DANG GZHAN GYI DUS GSUM DGE BA RNAMS, ,SRID GSUM 'GRO BAS BYANG CHUB THOB BYA'I PHYIR, ,'KHOR GSUM YONGS SU DAG PA'I SHES RAB KYIS, ,SKU GSUM MNGON GYUR BYANG CHUB CHEN POR BSNGO, ,ZHES GSUNGS NAS DBEN PA'I GNAS MDO SDE RGYAN LAS JI LTAR GSUNGS PA DANG MTHUN PA RANG BZHIN GYIS DBEN LA 'DUG NA NYAMS DGA' ZHING TING NGE 'DZIN NGANG GIS 'PHEL BA, ME TOG RNAM PA SNA TSOGS SKYE BA BYA RNAM BA SNA TSOGS SGRA SNYAN

PA 'BYIN PA, RTZVA DANG LO MA DANG 'BRAS BUS BRGYAN PA'I SHING LJON PAS MDZES PA, MDUN NA CHU BO CHEN PO BZHI'I YA GYAL GTZANG CHAB SGRA SNYAN PO LHUNG LHUNG LTAR 'BAB PA, DE'I NYE 'KHOR NA BEEd'URYA LTA BU'I NE'U GSING SNGON PO LA, ME TOG KHA DOG SNA TSOGS BA DAG GIS TSOM BU BKOD PA BZHIN DU BRGYAN PA, MDUN NA THANG CHEN PO RGYAL THANG ZHES BYA BA GSER GYI MAndAL LA G-YU'I TSOM BU BKOD PA LTA BUS MDZES PA, 'TSO BA RNYED SLA ZHING TSOM RKUN DANG GCAN GZAN GYI 'JIGS PA MED PA, GANGS RI DPAL DANG LDAN PAS BSKOR BA'I DBUS, GRUB CHEN BRGYUD MAR BYON BA'I GNAS MCHOG RI BO PO TA LA DANG TSUL MTSUNGS PAR GYUR BA, DNGUL CHU'I CHOS RDZONG DU DGUNG LO ZHE GSUM PA LA BYON NAS SKU MTSAMS BCAD DE, MTHUN RKYEN GYI ZHABS TOG SLOB DPON BSOD NAMS BRTAN GYI PHA MA GNYIS DANG, PHYUG MO RNAL 'BYOR GYIS BSGRUBS TE, NYE GNAS MA GTOGS BA SU LA YANG MJAL KHA MED CING, DRAG ZHAN SU BYUNG YANG PHRAD PAR MI MDZAD CES SGO YIG 'DI LTAR SBYOR BAR MDZAD DE, BLA MA DANG DKON MCHOG GSUM LA PHYAG 'TSAL LO, ,BDAG LA PHRAD BAR 'DOD BA'I SKYE BO GANG, ,MI TSE STON KA'I NYI THUNG BZHIN DU YONG, ,'CHI BDAG NUB RI'I GRIB SO BZHIN DU GTUGS, , YONG NGES GCIG BU NGES PAR 'CHI BA YIN, ,PHAN NGES GCIG PU DAM PA'I CHOS LAS MED, ,DON MED GLENG MOS DGE SBYOR G-YENG MA BYED, ,SKYO SHAS SKYES NA LONG MED BLO SNA BSTUNGS, ,LE LOM BYED MYUR DU BRTZON 'GRUS RTZOMS, ,DAM

, ,PA'I CHOS DANG TSE 'DI'I MDUN MA GNYIS ,MNYAM DU 'GRUB BSU YANG YOD MA YIN, ,BSGRUB PAR 'DOD BA DE DAG RANG NYID KYIS, ,RANG NYID BSLU BA NYID DU THE TSOM MED, ,PHRAD KYANG SMRA RGYU DE LAS MA MCHIS PAS; ;SO SO'I GNAS SU LUS NGAG DGE LA SBYOR, ,ZHES DANG, BDAG NI SNGON GYI LAS 'PHRO MI BZANG BAS, ,SNYIGS MA'I DUS SU MTHA' 'KHOB YUL DU SKYES, ,SNGON CHAD LUS NGAG SEMS KYI BYA BYED RNAMS, ,SDUG BSNGAL 'BA' ZHIG SGRUB PA'I THABS SU SONG, ,DA NI DBEN PA'I KHANG BUR RAB ZHUGS TE, ,THAG PA CHAD PA'I SOG PHON JI BZHIN DU, ,LUS KYI BYA BYED THAMS CAD ZHOG LAS THONG, ,RGYUD GSUM CHAD PA'I PI WAm JI BZHIN DU, ,NGAG GI BYA BYED THAMS CAD ZHOG LAS THONG, ,LTAG CHU CHAD PA'I RANG THAG JI BZHIN DU, ,SEMS KYI BYA BYED THAMS CAD ZHOG LAS THONG, ,GAL TE 'DI LAS 'DAS PA BYED GYUR NA, ,MAH'A K'A LAS CHAD PA GCOD PAR GYUR, ,CES MKHA' 'GRO CHOS SKYONG DPANG DU BTZUGS TE MI DANG MI PHRAD CING CHE 'DI'I SNANG SHAS PHRA MO'ANG MED PAR SGRUB PA SNYING POR MDZAD PA'I DAM BCA' BRTAN POS SKU MTSAMS BCAD DE NYIN MTSAN THAMS CAD DU STONG NYID RTOGS PA'I LTA BA DANG SNYING RJE ZUNG DU 'BREL BA'I TING NGE 'DZIN GYIS DUS 'DA' BAR MDZAD DO, ,DE DUS AE NAS DGE BSHES RNAMS KYIS GDAN 'DREN PAR PHYIN TE DA DUNG CHOS GSUNG BAR ZHU 'PHRIN PHUL BAS MJAL KHA YANG MA GNANG BAR, NYID KYI ZHAL NAS, NA MO LO KE SHVA R'A YA, DBANG

LAS MKHYEN BRTZE 'PHRIN LAS 'OD ZER GYIS, ,GNAS SKABS BAD DANG GTAN DU PHAN PA'I LAM, ,'GRO BA KUN LA GSAL BAR STON MDZAD PA'I, ,RGYAL BA SRAS DANG BCAS LA PHYAG 'TSAL NAS, ,BRTZE YANG GZHAN PHAN NUS MED MA nI BA, ,MCHI MA'I RGYUN DANG SNYING RJES GDONG DANG YID, ,RNAM BAR BRLAN PAR GYUR NAS RANG NYID KYI, ,SLOB MA RNAMS LA SNYING GTAM 'DI SKAD SMRA, ,DAL 'BYOR RIN CHEN GLING DU CHUD DUS 'DIR, ,DAM CHOS YID BZHIN NOR BU MI LEN PAR, ,DON MED TSE 'DI'I BYA BA LHUR BLANGS NA, ,'GYOD KYANG 'PHYIS PA'I DUS SHIG BYUNG DOGS BDOG ,DE BAS RANG GIS RANG NYID MA BSLU BAR, ,TSUL GNAS THOS BSAM SGOM PA'I SBYOR BA YIS, ,DAM CHOS TSUL BZHIN SGRUBS LA DAL 'BYOR 'DI, ,THOB PA DON YOD MDZOD CIG SHES LDAN RNAMS, ,RGAN GZHON BAR MA GO RIM MA NGES BAR, ,'CHI SNYAM MED PAR GLO BUR 'CHI BA'I TSUL, ,MTHONG YANG RANG NYID 'CHI SNYAM MI SEMS PA, ,NANG NA BLO GDENG CI YOD LEGS PAR SOMS, ,DES NA RNYED BKUR GRAGS PA LA SOGS PA, ,TSE 'DI'I TSE THABS MA SGRUB PHA ROL TU, ,PHAN PA'I DAM CHOS BSGRUBS TE PHYI MA RU, ,'GRO BA'I TSE NA GDENG DANG LDAN PAR MDZOD, ,SDUG BSNGAL MI 'DOD BDE LA RAB SRED CING, ,LAS 'BRAS BSLU BA MED BAR SHES BZHIN DU, ,SDIG SPYOD DGE BA MA SGRUB SGYES BU DE, ,MKHAS PA YIN NA DA BAS BLUN BA SU, ,DES NA TSE 'DIR KUN GYIS BRNYAS GYUR CING, ,ZAS SKOM LA SOGS MED BAR SHI YANG BLA, ,MI DAG SPANGS TE RGYUN DU DGE BA'I LAS, ,SPYOD NA MKHAS BA YIN NO SHES

, ,LDAN RNAMS, ,BLUN PO YI DVAGS LA YANG SKYABS 'GRO ZHING, ,BRTZE MED SDIG CAN MI LA SKYABS 'GRO MOD, ,DE DAG MKHAS BA SNYING RJE CAN RNAMS KYI, ,SKYABS GNAS MA YIN SNYING RJE'I YUL NYID YIN, ,DE BAS MKHYEN BRTZE NUS LDAN DKON MCHOG LA, ,BLO LTOS GTOD LA 'PHRAL GYI BDE SDUG RKYEN, ,GANG BYUNG BYIN RLABS YIN PAR SHES BAR GYIS, ,YUN DU PHAN PAR 'GYUR BA GDON MI ZA, ,NYON MONGS KYIS BSKYED LAS KYI BUNG SHING LA, ,SDUG BSNGAL GSUM GYI ME LCE RAB 'BAR BA'I, ,'KHOR BA BDE BAR SEMS PA PHYE MA LEBS, ,MAR ME'I GZUGS LA DGA' BAS RGYUG DANG MTSUNGS, ,DAS NA 'KHOR BA SDUG BSNGAL RANG BZHIN DU, ,SHES NAS DE RGYU LAS DANG NYON MONGS RNAMS, ,SPANGS TE MYANG 'DAS THOB PAR BYA BA'I PHYIR, ,THAR PA'I LAM LA RAB TU 'BAD PAR MDZOD, ,BAD BA 'DOD DANG SDUG BSNGAL MI 'DOD PAR, ,BDAG DANG SEMS CAN MTSUNGS PAR RTOGS BZHIN DU, ,BDAG GI DON DU GZHAN LA GNOD BYED PA'I, ,MI DE MI YI GZUGS CAN DUD 'GRO YIN, ,GANG GIS SNGON CHAD 'KHOR BAR LAN MANG DU, ,BYAMS PA'I SHUGS KYIS SDUG BSNGAL KHUR BLANGS TE, ,PHAN BDE SGRUB PA'I MAR GYUR 'GRO RNAMS LA, ,GNOD BYED CHOS PA YIN NA CHOS MED SU, ,GANG GIS RANG GI BDE BA YAL BOR NAS, ,YU BU'I DON DU SDUG BSNGAL KHUR BLANGS BA'I, ,SEMS CAN TSOGS 'DI BLO YIS YAL BOR NA, ,THAG CHEN DAM CHOS THOS PA'I DGOS PA CI, ,DES NA MTHA' YAS SEMS CAN BSGRAL BYA'I PHYIR, ,BLA MED BYANG CHUB MCHOG

TU SEMS BSKYED DE, ,RANG DON SPANGS TE DNGOS SAM BRGYUD NAS KYANG, ,GZHAN DON SGRUB DE SKYES BU MCHOG YIN NO, ,GZHAN LA MI PHAN SRED ZAD BDE BA YANG, ,DMYAL BA'I ME LTAR MTHONG NAS RAB SPONG ZHANG, , GZHAN LA PHAN NA MNAR MED ME NANG DU'ANG, ,RAB DAGS 'JUG PA RNAMS KYI RJES SU SLOBS, ,SNANG BA THAMS CAD RMI LAM SGYU MA BZHIN, ,SNANG TZAM 'DI NAS RANG RANG NGO BOS STONG, ,STONG DANG SNANG BA GCIG MIN THA DAD MIN, ,RNAM PAR BRTAGS NA BRTAG DPYAD YUL LAS 'DAS, ,SHES BYA'I GNAS LUGS CIR YANG MA GRUB PAS, ,GANG DU BZUNG YANG 'DZIN BYED 'KHRUL PA YIN, ,DES NA MTHA' BZHIR 'DZIN PA RNAM SPANGS TE, , DBU MA'I LAM LA MNYAM PAR 'DOG PAR MDZOD, ,RANG GI STOBS KYIS SDUG BSNGAL KUN BSKYED PA'I, ,DNGOS 'DZIN NAD CHEN ZHI BAR MA NUS NA, ,BSHES GNYEN SMAN PA MKHAS PA NYAR BSTEN CING, ,DAM CHOS SMAN BZANG RNYED PA'I DGOS PA CI; ;DE BAS YONGS 'DZIN MKHAS PA'I GSUNG BZHIN DU, ,RIGS PAS LEGS PAR BRTAGS NAS DAM CHOS SMAN, ,TSUL BZHIN 'THUNGS NAS DNGOS 'DZIN NAD SPANGS TE, ,RANG GZHAN DON GNYIS SGRUB LA BRTZON PAR MDZOD, ,BSLAB GSUM BLANGS PAS NYES LTUNG DRI MAS GOS, ,THOS BSAM BYAS PAS TSIG BZHI'I GTING MA RNYED, ,GZHAN DON BYAS PAS RANG DON ME LTAR 'BAR, ,DBEN PAR BSDAD PAS SNYOMS LAS DBANG SONG BA, ,BDAG 'DRAS GZHAN LA BSKUL BA MI RIGS MONG, ,

, ,'ON KYANG SNYING GTAM YI GER BKOD PA 'DI, ,KHYED LA PHAN PAR 'DOD PA MA GTOGS PA, ,BDAG LA ZHE 'DOD 'GA' YANG YOD MIN PAS, ,LEGS PAR BRTAGS TE NYAMS SU BLANG BAR MDZOD, , PHRAD KYANG 'DI LAS GZHAN PA SMRA RGYU MED, ,SHI YANG KHA CHEMS GZHAN 'GA' MA MCHIS SO, ,ZHES SOGS GDAMS NGAG GNANG NAS BTANG NGO, ,DE NAS LO 'GA'I BAR DU GSOL 'DREN PA'I BUG MA GTOGS SGO BKAG STE SU YANG NANG DU GTONG BAR MA MDZAD, PHYI NAS 'BUL BA'I DAD RDZAS RNAMS KYANG MA BLANGS, THENG CIG SLOB DPON YON TAN DAR NYE GNAS LA YOD DUS, SHA GSAR ZUG GCIG DANG, ZHO RDZA GANG, PHUD DAM GANG 'BUL BA BYUNG BA NYE GNAS KYIS BLANGS PAS, NYID RANG GSOL GSUNG NAS GSOL DU MA GNANG, NYI GNAS KYIS KYANG MA NUS PAR CHAD DANG ZHO GNYIS PHO, SHA DE CHU SKYEL MI LA BYIN CES GRAG GO ,NYID KYI ZHAL NAS, RI KHROD DBEN PA'I GNAS SU RNYED BKUR LA, ,RE BA MED CING KHA ZAS ZHIM PA YI, ,RO LA CHAGS PA SPANGS TE 'KHOR BA YI, ,RA BA LAS NI THAR BAR BYA PHYIR 'BAD, ,CES SOGS GSUNGS TE, LO NYI SHU RTZA GRANGS KYI BAR DU SKU MTSAMS KHOR YUG LA BZHUGS TE, DA DUS CHOS RJE KUN MKHYEN PAS DNGUL CHUR BYON NAS RANG RE ZHAL ZHIG MJAL BAR ZHU, CHOS KYI GSUNG GLENG MDZAD PA YIN GSUNG BA LA, DA LTA MTSAMS DAM PO'I DAM BCA' ZHIG BDOG PAS, MI MJAL BAR

DU; DA GZOD NGED MJAL DU 'ONG ZHES PA ZHAL DANG KHONG GI DRI PA'I LAN ZHU YIG BUL TE SKU MTSAMS MA PHYE'O, ,DE DUS CHOS RJE BSOD NAMS RGYAL MTSAN PA BO DONG DU BYON NAS MJAL DU 'BYON GSUNGS LA YANG DA RES MI 'BYON PAR ZHU ZHES ZHU BA BSKUR TE, DE'I DUS SU, MI TSE LA KHA DRAG PA SUS ZHUS KYANG SKU MTSAMS MA PHYE BAR, SKU NI 'DU 'DZI'I G-YENG BAS DBEN, GSUNG NI BRI MO'I GTAM GYIS DBEN, THUGS NI GZUNG 'DZIN RTOG PAS DBEN PAR GYUR TO, ,DE LTAR DBEN PAR SGRUB PA RTZE GCIG TU MDZAD PAS RTOGS PA RNAMS RIM GYIS 'KHRUNGS TE, NYID KYI ZHAL NAS, GNAS DBEN PAR RIG PA DVANGS PA'I DUS SU, MI 'DI DANG 'DI ZHES BYA BA SHI ZER BA THOS TZA NA, 'O SKOL GYI LUS 'DI LA YANG CHU'I L'U BA'AM, RLUNG NANG GI MAR ME BZHIN DU SKAD CIG KYANG SDOD PA'I MTHU MED PAR RIG NAS BZOD GLAGS MED PA CIG YONG GIN 'DUG GSUNG, NYE GNAS KYIS GZIM KHANG LA MKHAR LHAN ZHIG BYED PA YIN ZHUS PAS, 'O SKOL GYIS YUN RING SDOD PA'I NGES PA MED, ,DE'I RKYEN GYIS SEMS CAN MANG PO 'CHI GSUNG NAS MA GNANG, RGYAL SRAS RIN PO CHE BLA MA RIN YE BA'I SAR BYON PA'I BSHUL DU NYE GNAS KYIS GSANGS NAS GZIM KHANG BYAS PAS, RGYAL SRAS RIN PO CHES SEMS CAN MANG PO SHI YOD, GZUNGS SNGAGS 'DREN DGOS SDUG GE KUN DE LA CI BA DER 'DUG, SNYING RE RJE GSUNG ZHING, DE'I DUS SU GSUNGS PA, NA MO LO KE SHVA R'A YA, MKHYEN BRTZE NUS PA PHUL PHYIN 'GRO BA'I MGON, ,SPYAN RAS GZIGS

, ,LA GUS PAR PHYAG 'TSAL NAS, ,SNYOM LAS CAN GYI SPRANG PO MA nI BA, ,RANG LA RANG GIS BSKUL PHYIR 'DI SKAD SMRA, ,MI BZAD SKYE BA'I BTZON RAR TSUD GYUR CING, ,NA DANG RGAS PA'I LCAGS SGROG GIS BCINGS TE; ;'CHI BDAG MTSON CHA PHYAR BA'I DRUNG GNAS NA, ,TSE 'DIR GTAN DU SDOD SNYAM KHYOD SEMS SAM, ,'KHOR BA'I RGYA MTSO GTING MTHA' YANGS PA 'DIR, ,LAS DANG NYON MONGS RLUNG SHUGS DRAG POS BSKYOD, ,'JIGS RUNG NGAN 'GRO'I KLONG 'KHYIL KHAR GNAS NA, ,RNYED BKUR GRAGS PA BSGRUB PA KHYOD DRAN NAM, ,LANG TSO'I NYIN PHYED LO ZLA'I NUB RIS BSGRIBS, ,LUS KYI RI KLUNGS RGAS PA'I GRIB MAS NON, ,'CHI KHA'I MUN NAG MYUR DU 'BYUNG NGES NA, ,SOS DAL SKYID CHOS BYED PAR KHYOD KHOM MAM, ,MGO LA SKRA DKAR LCAGS KYU RNON POS BTAB, ,LUS NI GNYER MA'I ZHAGS PA DAM POS BCINGS, ,BRTZE MED 'CHI BDAG SBAR MOR CHUD GYUR NA, ,BAG MED GNYID KYIS LOG PAR KHYOD KHOM MAM, ,RGYAB NAS LO ZLA MANG PO'I DMAG GIS BDAS, ,MDUN DU THAR MED 'CHI BA'I G-YANGS SAR THUG ,GANG DU BLTAS KYANG 'GRO SA MI 'DUG NA, ,DON MED LONG GTAM SMRA BAR KHYOD KHOM MAM, ,SHIN TU NYAM CHUNG CHU BUR LTA BU'I LUS, ,SNA TSOGS RKYEN NGAN RLUNG GIS RAB BSKYOD NAS, ,SKAD CIG GNAS PA'I GDENG YANG MI 'DUG NA, ,CHOS MIN YID LA SEMS PA'I LONG 'DUG GAM, ,DE RING TZAM YANG MI 'CHI'I GDENG MED CING, ,SHI NAS GAR

SKYE RANG DBANG MED BZHIN DU, ,DON MED TSE 'DI'I BYA BA LHUR BLANGS NA, ,RANG GIS RANG NYID BSLUS BAR MI 'GYUR RAM, ,NOR LDAN LAG STONG SGREN MOR 'GRO 'GYUR ZHING, ,KHA DRAG CAN LA YUD TZAM SDAD DBANG MED, ,'KHOR NA NGAN PA NAS GROGS MED GCIG PUR 'GRO, ,DE DUS CHOS MIN PHAN BA CI 'DUG SOMS, ,KHYOD KYIS SNGON CHAD TSE 'DI'I MDUN MA BSGRUBS, ,YENGS PA'I LAM LA MI TSE STONG ZAD BYAS, ,DA DUNG RNAM G-YENG LE LO MA SPANGS NA, ,'CHI KHAR 'GYOD KYANG 'PHYIS PAR MI 'GYUR RAM, ,GZHAN GYIS 'TSE MED RANG SEMS SON GNAS, ,GSUNG RAB BSTAN BCOS MAN NGAG DRAN DUS 'DIR, ,CHAGS SDANG 'KHRUL RTOG GZHOM PHYIR MA 'BAD NA, ,BAR DOR 'KHRUL SNANG SHAR TSE CI 'GYUR SOMS, 'DUL RGYU'I DGRA MED SKYONG RGYU'I GNYEN MED CING, ,PHAR LTOS DPON MED TSUR LTOS G-YOG MED PAS, ,DBEN PA'I GNAS 'DIR RANG SEMS MI 'DUL NA, ,KHYOD LA BYA RGYU CI 'DUG MA nI BA, ,DE BAS RNYED SOGS SRED DANG RNAM G-YENG DANG, , LE LO SPONGS LE RGYUN DU DRAN SHES STEN, ,THABS SHES ZUNG DU 'BREL BA'I LAM MCHOG GIS, ,GNYIS 'DZIN 'KHRUL PA'I BAG CHAGS SBYANG BAR GYIS, ,ZHES DANG, RGAN GZHON DAR MA GO RIM MA NGES PAR, ,'CHI SNYAM MED BAR GLO BUR 'CHI 'GYUR ZHING, ,SMAN DPYAD RIM GRO SOGS KYIS BZLOG MI NUS, ,'DI 'DRA BSAMS LA TSE 'DI'I ZHEN PA SPANGS, ,NOR LDAN LAG STONG SGREN MOR 'GRO 'GYUR ZHING, ,KHA DRAG CAN LA YUD TZAM SDAD DBANG MED, ,'KHOR MANG NAL?

, ,NAS GROGS MED GCIG PUR 'GRO ,'DI 'DRA BSAMS LA TSE 'DI'I ZHEN PA SPANGS, ,ZHES SOGS GSUNGS SHING, MI RTAG PA SGOM BA 'DI ZAB, 'DI RGYUD LA SKYES NA DANG POR CHOS LA 'JUG PA'I RGYU BYED, BAR DU SGRUB PA NYAMS SU LEN PA'I LCAG BYED, MTHAR 'OD GSAL CHOS SKU THOB PA'I RGYU BYED PAS 'DI SGOM PA GAL CHE GSUNG, SEMS DPA' CHEN PO 'DI NYID NI MI RTAG PA THUGS LA 'KHRUNGS PAS 'DOD YON GYI 'KHRI BA CHOD, PHYI CHIS KYI GRAGS GSHOM BOR, TSE 'DI'I MDUN MA MI CHOS KYI BYA BYED BLOS BTANG STE, ,BAG STE LANGS PAS GZHIS RDZOGS PA, ,BYAR MED DE NI BSTAN YUL YIN, ,ZHES BKA' GDAMS GLEGS BAM LAS GSUNGS PA DE PHYAG LEN LA THEBS PAR MDZAD DO, ,SEMS DPA' CHEN PO 'DIS TSE 'DI'I 'KHRI BA PHRA MO TZAM YANG MED PAR LAM CHA TSANG LA SGRUB PA SNYING POR MDZAD CING SKAL BA DANG LDAN PA GZHAN DAG LA YANG CHOS RNAM DAG SGRUB PA LA TSE 'DI'I SNANG SHAS 'DI LAS BAR CHAD CHE BA MED PAS RGYAL BA DGYES PA'I LAM LA SLOB PAR 'DOD PA RNAMS KYIS THOG MAR DAL 'BYOR RNYED DKA' DANG NAM 'CHI CHA MED BSAMS NAS TSE 'DI LA MA CHAGS PA ZHIG SKYES BU'I RTZAL CI YOD KYIS SGRUB DGOS SO ZHES 'DOMS PAR MDZAD BA NI, BLA MA DANG DKON MCHOG GSUM LA PHYAG 'TSAL LO, ,YON TAN 'OD ZER RAB TU RGYAS PA YIS, ,SKYON GYI RAB RIB MA LUS SEL MDZAD PA'I, ,RGYAL BA SRAS DANG BCAS LA PHYAG 'TSAL

NAS; ;DAM CHOS TSUL BZHIN SGRUB THABS BSHAD PAR BYA, ,DAM CHOS THAR PA'I LAM DU 'GRO BA LA, ,TSE 'DI'I PHUN TSOGS SGRUB LA RTZE GCIG PA'I, ,BLO NGAN 'DI LAS BAR CHAD CHE BA MED, ,DE PHYIR RNAM PA KUN TU 'DI SPANG BYA, ,THOS BSAM SGOM SOGS DGE BA GANG BYED KYANG, ,BLO NGAN 'DI DANG 'DRES NA RO BRGYA'I ZAS, ,NGAN SKYUGS DAG DANG BSRES PA JI BZHIN DU, ,BZANG PO NGAN PAR BYED PA GDON MI ZA, ,DPON SLOB MCHED GROGS GNYEN LA RTZOD BYED CING, ,BDE SDUG GTAM NGAN KUN LA MI 'DZEM PAR, ,NGAL BA CHEN POS LONGS SPYOD SGRUB BYED PA, ,BLO NGAN 'DI YIS DBANG MED BSKUL BAR ZAD, ,GZHAN GYI DPAL 'BYOR GZHOM PHYIR LUS SEMS KYI, ,'BAD PA DRAG POS 'THAB DANG RTZOD BYAS NAS; ;RANG GZHAN 'DI PHYI GNYIS KAR PHUNG BYED PA, ,DE YI SNYING DU BLO NGAN GDON 'DI ZHUGS, ,GSUNG RAB SGRON ME LAG TU THOGS NAS KYANG, ,RNYED BKUR 'KHOR SDE'I DON DU 'THAB RTZOD BYED, ,SDIG PA'I G-YANG SAR GOM PA 'DOR BA'I MIG ,BLO NGAN RAB RIB 'DI YIS BSGRIBS PAR NGES, ,NOR MANG SBYIN YANG GRAGS DANG 'KHOR LA SOGS, ,DON DU GNYER PHYIR SBYIN PA CHEN PO LAS, ,'BRAS BU CHUNG ZHING NGAN PAR BSGYUR BA NI, ,BLO NGAN BA MO 'DI YIS BCOM PAR NGES, ,'BAD BAS TSUL KHRIMS BSRUNGS KYANG RNYED SOGS KYI, ,'CHING BAS BCINGS NAS THAR LAM MI BGROD CING, ,'KHOR BA'I BTZON RAR 'DZIN BYED LCAGS SGROG DE, ,BLO NGAN 'DI YI LAG NA NGES PAR GNAS, ,YUN

, ,RING BSAM GTAN BSGOMS KYANG CHAGS SDANG GIS, ,BDAG BSTOD GZHAN SMOD RNYED PHYIR 'THAB RTZOD BYED, ,ZHI GNAS BSGOMS PAS MA ZHI'I BLO SKYES PA, ,BLO NGAN YUR MA'I RTZA BA YOD PAS LAN, NAD GDON CHOM RKUN DGRA SOGS DAM CHOS KYI, ,BAR GCOD YIN ZHES GRAGS KYANG RANG GI BLO, ,LAS SU RUNG NA DE KUN GROGS SU 'GYUR, ,BLO NGAN 'DI NI DAM CHOS GEGS SU NGES, ,DA LTA'I DAM CHOS TSUL BZHIN SGRUB 'DOD PAS; ;TSE 'DI'I PHUN TSOGS SGRUB 'DOD RNAM RTOG 'DI, ,DAM PA'I CHOS KYI GEGS SU SHES BYAS NAS, ,RNAM PA KUN TU SPONG BA SHIN TU GCES, ,TSE 'DI'I PHUN TSOGS BSGRUBS PAS 'GRUB PA DKA', ,GRUB KYANG RANG DBANG SPYOD PA'I NGES PA MED, ,BDAG LA NGES BAR 'ONG BA 'CHI BA YIN, ,DE TSE NOR DANG 'KHOR SOGS KYIS MI PHAN, ,DE DANG BRAL BAS LHAG PAR SDUG BSNGAL 'GYUR, ,DE LTAR BSAMS LA TSE 'DI'I CHE THABS SPANGS, ,'CHI BAR NGES SO NAM 'CHI NGES PA MED, ,'CHI TSE NGES PAR PHAN PA DAM CHOS YIN, ,SKYE BAR NGES SO GAR SKYE NGES PA MED, ,GANG DU SKYES KYANG PHAN NGES DAM CHOS YIN, ,STON BSAGS DPYID KA SPYOD PA'I NGES MED KYANG, ,DPYID RGYAGS STON NAS MI SGRUB BLUN ZER NA, ,'CHI BAR NGES SHING 'CHI TSE PHAN NGES CHOS, ,DA LTA NYID NAS MI SGRUB SHIN TU BLUN, ,DES NA RNYED BKUR GRAGS SOGS TSE 'DI YI, ,PHUN TSOGS SGRUB PA'I BSAM SBYOR YONGS SPANGS NAS, ,'CHI TSE

NGES PAR PHAN PA'I DAM CHOS LA, ,G-YEL PA MED PAR RTAG TU 'BAD PAR BYA, ,ZHES GSUNGS SO, ,BDAG NYID CHEN PO 'DIS SKYES BU GSUM GYI LAM LA SBYANGS PAS MYONG BA PHUL PHYIN THON TE BSHES GNYEN BSTEN TSUL DANG, DAL 'BYOR DANG MI RTAG PA'I SKOR LA MYONG BA PHUL PHYIN THON PA BSHAD ZIN PA LTAR DANG, SKYABS 'GRO LAS 'BRAS LA MYONG BA PHUL PHYIN THON PA NI RGYAL SRAS 'DI DBUS SU BYON PA'I DUS GUNG THANG NAS LHA SAR 'BYON PA'I CHU KHAR PHEBS DUS; RTA BDUN BRGYAD CIG LA MI RE RE ZHON NAS CHU LA RKYAL BTANG NAS BYUNG BAS, CHU DKYIL DU THAMS CAD NUB NAS SONG BA GZIGS PA DANG, AA KA KHA SKYON CHE GSUNG NAS PHYAG THAL MO SBYAR TE, SGROL MA SGROL MA, 'PHAGS MA 'PHAGS MA, GSUNG NAS SPYAN CHAB NYIL NYIL 'DUG PA DANG, MI RTA ZUNG GCIG MA GTOGS PA RTA DANG MA BRAL BAS YUD CIG NA CHU 'GRAM DU THON BYUNG, MI RTA ZUNG GCIG CHUS KHYER SONG BA DANG, SEMS DPA' CHEN PO'I SKU RGYAB NAS DA CI MED PA'I MI DKAR PO GZUGS RING, PHRUG GOS DKAR PO RNYING NGE SONG BA ZHIG LA, SKA RAGS DRES MA TSIG RKYANG BCINGS PA CIG BYUNG NAS NGA 'GRO NGA 'GRO ZER ZHING CHU LA TSAM TSAM MED PAR RGAL SONG BA NAS, MI DES LAG PA NAS DRUNG BYUNG STE CI YANG MA NYES PAR GSOS RTING MI DKAR PO DE GAR SONG CHA MED LA SONG BAS KUN YA MTSAN PAR GYUR TE, SEMS DPA' CHEN PO'I ZHAL NAS, CI THO DOD GSUNG BA LA, DRUNG NAS 'PHAGS MA LA GSOL BA BTAB PAS, 'PHAGS

, ,MA'I SPRUL PA YIN LAS CHE ZHUS PA LA, YIN PA DAG KYANG SRID, RE MTSAR CIG BYUNG, LAR RANG GIS BLO GTOD NUS NA DKON MCHOG 'DIS RANG MI BSLU BA CIG YIN GSUNGS, ,YANG NYO GNAS KYIS LO GCIG LO ZHING DUM PA GCIG BTAB PA GZIGS PAS, SEMS CAN MANG PO 'CHI, 'O SKOL LO MAS CI BYED GSUNG NAS BYED DU MA GNANG, DBYAR YOG MO'I ME SHING MA 'DON, DE LA SEMS CAN MANG PO YOD, MA SHIN 'KHOS GCIG 'CHAR NAS 'OD GSUNG, DBYAR 'OD KHANG MED DUS NUB MO DKAR ME PHUL NA PHYE MA LEB 'CHI GSUNGS NAS, DKAR ME NYIN BAR 'BUL, DBYAR KHA MCHOD BA SNGA SE GYIS, 'PHYIS NA SEMS CAN RKANG 'OG TU SONG BA MI MTHONG GSUNG SHING, MDOR NA LAS RGYU 'BRAS LA THUGS YID GTING NAS CHES PA'I RTAGS SROG GI PHYIR YANG SROG CHAGS PHRA MO RE LA'ANG GNOD PA MI MDZAD CING DUS RGYUN DU LAS RGYU 'BRAS SEMS PA LA BSNGAGS PA CHEN PO MDZAD DO, ,SKYES BU CHEN PO'I LAM LA MYONG BA PHUL PHYIN THON TE BDAG GZHAN DNGOS SU BRJE NUS PA BYUNG BA DANG SEMS CAN KUN LA NYE RING MED PAR PHAN SEMS KHO NA MDZAD BA NI, 'DI LTAR YON BDAG GI RIGS 'GA' ZHIG GIS, DMAG LA 'GRO BA'I DUS RIM GRO LA GTOR MA'I CHAS MANG PO BSKYAL CAN, GTOR MA PHUL NAS 'PHRIN LAS 'CHOL BA'I SKABS SU, 'O SKOL RANG DKON MCHOG DANG CHOS SKYONG LA ZHU BA BYED TZA NA, PHYOGS GNYIS

KAR 'KHRUG PA ZHI BAR BYIN GYIS RLOBS, BSAM NGAN SBYOR RTZUB THAMS CAD ZHI BAR MDZOD CIG ZER BA MA GTOGS, GCIG RGYAL GCIG PHAM PAR MDZOD MI ZER, NYID CAG RNAM PA'ANG DE BZHIN MDZOD, KHO BSTE RGYAL BA ZHIG 'DOD DE, RGYAL BA MA BYUNG YANG 'KHRUG BZHIN PHAR CHUR GNYIS KAR LA DES CHOG ,DE BZHIN BYAS PAS YON BDAG BSLUS PAR MI 'GRO GSUNG, SEMS CAN 'DI DANG 'DI ZHES BYA BA BDE ZHING SKYID PA 'DUG ZER BA GSAN CAN, DE LEGS SO GSUNG NAS SHIN TU MNYES SHING 'DI LTAR YANG GSUNG NGO, ,BDAG GIS SDUG BSNGAL RLUNG SHUGS KYIS BSKYOD NAS, ,GANG GIS BZHIN RAS NAG PO'I SPRIN BSDUS TE, ,MCHI MA'I CHAR PHAB DUD MO'I 'BRUG SGRA BSGRAGS, ,DE 'DRA YAL BAR 'DIR BA RIGS SAM CI, ,BDAG NYID BDE BA'I NYI ZER PHOG PA YIS, ,GANG GI BZHIN RAS PADMO'I CHAL RGYAS TE, ,SO YI ZE'U 'BRU DKAR PO STON GYUR PA, DE 'DRA YAL BAR 'DOR BA GA LA RIGS, ,ZHES SOGS GSUNG NGO, , YANG DRUNG NA 'KHOD PA'I RI DVAGS DANG GCAN GZAN KUN KYANG GCIG LA GCIG PHAN TSUN GNOD PA MED PAR BYAMS TE GZHAN GYIS PHUL BA'I SHA KHYI CHEN PO GCIG YOD PA YANG, RNA MOS RTZED MO'I PHYIR RDUNG BA LTAR BYAS CAN, MI RNUG PAR BROS 'GRO ZHING, SPRANG PO LA RMUG PA'I TSE MA nI BGRANGS PA DANG RMUG 'PHRO GCOD PA ZHIG YOD DO, ,BYI LA ZHIG YOD PA DE YANG BYE'U MTHONG KHAR BAB PA'I DUS GNOD PA'I SEMS SPANGS NAS, DE BYUNG BA LA DGA' ZHING 'GROGS

, ,DOGS PA'I PHYIR DES MI MTHONG BA'I SAR PHYIN NAS NYAL ZHING, BYI CHUNG LA YANG GNOD PA MI BYED DO, ,SPYANG KI GCIG YOD PA YANG SEMS CAN LA 'TSE BA'I SEMS SPANGS TE, RTING LA SHA BYIN KYANG MI ZA BA CIG BYUNG ZHING, NGANG PA GCIG YOD PA YANG SEMS DPA' CHEN PO BSKOR BA MDZAD PA'I DUS SU KHO YANG BSKOR BA BYED DE, BZHUGS PA'I DUS SU KHO YANG SDOD, SEMS DPA' CHEN PO'I SPYOD LAM GYI LAD MO BYED PA CIG BYUNG 'DUG ,DE LA MNYES SHING, DMAG BYUNG NAS BO DONG DU 'BYON DGOS PA BYUNG DUS, NYE GNAS LA GZHAN DNGOS PO MI THUB NGANG PA DE MA LUS PA GYIS GSUNG ZER, MKHAN CHEN BYANG CHUB RTZE MA'I GSUNG GIS, DUD 'GRO DE KUN GYI BYED LUGS DE RANG NGO MTSAR CHE, BYANG CHUB KYI SEMS 'DI 'BYONGS TZA NA GANG YANG DBANG DU 'DU BA CIG YIN PAR 'DUG GSUNG, DBUS PA'I DMAG 'JANG DU BYUNG DUS DNGUL CHU BA RNAMS LA, DNGOS PO LA MA CHAGS PAR THAMS CAD BROS, 'GRO BA MI 'ONG BA'I RGAS PA RNAMS KYI G-YOG NGAS BYED PA YIN GSUNG STE, BA SHUL NA YOD PA RNAMS KYIS BRED NAS DRUNG DU 'TSOGS NAS BSDAD PA'I DUS DMAG MI RNAMS KHRO ZHING RNGAM PA'I TSUL GYIS DRUNG DU BYUNG STE, ZHAL MTHONG BA DANG, 'PHRAL DU GTUM PA DANG KHRO ZHING RNGAM PA RNAMS KYANG ZHI NAS DRUNG NA 'KHOD PA RNAMS LA GNOD PA MI BYED PAR BYIN RLABS ZHUS KYIN 'GRO, 'GA' ZHIG DAD PA SKYES TE MCHI MA 'BYIN CING, MI

BSAD PA'I SDIG BSHAGS BYED DO ZHES GRAG GO ,DRUNG NA 'KHOD PA'I SLOB MA RNAMS KYANG NGA KHO NA LA MNYES SHING BYAMS SNYAM DU THAMS CAD DE LTAR DU SEMS SHING, DE RNAMS KYANG GCIG LA GCIG MTHONG CHE ZHING BYAMS PAS, PHAN TSUN TSA MI RTZAD PAR GRAL 'OG TU SDOD PA LA HAB THOB BYED CING GCIG LA GCIG SNYAN PAR SMRA'O, ,SEMS DPA' CHEN PO 'DI NI, DPER NA MA BU GCIG PU YID DU 'ONG BA LA BRTZE BA LTAR SEMS CAN RNAMS LA SNYING RJE CHEN PO MNGA' ZHING, KHYAD PAR DU DNGOS SU SDUG BSNGAL BA DANG, SDUG BSNGAL GYI RGYU LA SPYOD PA LA BRTZE STE, DGUNG LO BCU DRUG TZAM LON PA'I DUS ZANG ZING GIS PHAN 'DOGS BAG TZAM BYAS PA'I DGE BSHES GCIG GIS SANG NYIN LAN SLEB PA DGOS PA'I DON GAL CAN ZHIG GI BANG CHEN BCOL TE, BO DONG NAS SA SKYAR 'BYON PA'I PHYED LAM TZAM NA SLEB PA'I THANG DKYIL ZHIG NA, KHYI GU BZHI LNGA ZHIG SKYES PA MAS BOR NAS SONG 'DUG PA GZIGS PA DANG, SNYING RJE NAS BSHUMS SHING, DE RING 'DI PA SKYEL DU PHYIN NA NI KHONG GI DON MI 'GRUB, DE RING BZHAG NAS PHYIN NA NI DGUN YIN PAS 'KHYAGS NAS KYANG 'CHI, BYA ROG DANG GCAN GZAN DAG GIS KYANG GSOD SNYAM DU BSAM NAS DE RING 'DI PA BSKYAL LA, DO RED MTSAN LA 'GRO DGOS PA YIN DGONGS TE, KHYI GU SKYEL BA LA LOG NAS BYON PAS, DGE BSHES DE DANG DA RAS MA 'PHRAD BA BYA DGOS DGONGS PA, SRANG BAR GCIG TU 'PHRAD PAS, NYID KYIS DON GAL CAN GYI STABS BCOG PAR 'DUG

, ,ZER NAS 'THAB TU BYUNG BAS SKYENGS PO BYUNG GSUNG, DE NAS DE MA KHAD LOG NAS BYON PAS THO RANGS KHA SA SKYAR PHEBS LAN BSGYUR, CHAB GCIG GSOL NAS BYON PAS DGONG MO BO DONG DU PHEBS, DGE BSHES DE NA RE NGO MTSAR CHE NGAS 'THABS PA DE YANG BZOD PAR GSOL ZER BYUNG GSUNG, YANG DGUNG LO NYI SHU TZAM LON PA'I DUS SU AE'I DGE 'DUN RNAMS CHOS GZHI BTEG PAS, RGYA SGO'I 'GAG NA SPRANG MO ZHA MA GCIG YOD PA DE DU YIN 'DUG PAS THUGS KYIS MA BZOD DE CI NYES DRIS PAS, BTZUN PA THAMS CAD 'BYON PAR 'DUG ,DES NA NGA LA LTO STER MI MI YONG ZER, NGAS KHYOD LEN DU 'ONG GI SDUG BSNGAL MA BYED GSUNG STE, THAG PA KHYER NAS LOG BYON TE, NGA LA KHUR GSUNGS PA LA MOS KHUR MI NUS PA 'DUG ZER, SNGA LA MO'I GOS STAN RNAMS BSKYAL ,DE NAS MO RANG KHUR NAS CHOS BAR SAR BSKYAL GSUNG, DES NA SEMS CAN DNGOS SU SDUG BSNGAL BA GZIGS NA LTA SMOS KYANG CI 'CHAL, GZHAN GYIS SEMS CAN SDUG BSNGAL BA 'DI 'DRA 'DUG ZER BA GSAN NA, NGA'I MA RGAN RE SNYING RJE GSUNG STE BSHUMS NAS GSUNG GLENG KYANG 'PHRO CHAD NAS 'GRO ZHING, GLANG RI THANG PA LA GZHAN GYIS DO NAG PO BYAS PA GSAN PAS, NGA'I MA RGAN SEMS CAN GYI SDUG BSNGAL 'DI LA BSAMS NA NGO GDONG DKAR PO YONG SA MI 'DUG GSUNG ZER, DE KHONG PA MED PAR GDA' GSUNG NAS SPYAN CHAB NYIL NYIL MDZAD

CING 'DI LTAR YANG GSUNG NGO, ,SDUG BSNGAL MANG GZIR 'GRO 'DI YAL BOR NAS, ,RANG NYID ZHI BDE 'BA' ZHIG DON GNYER BA, ,PHA MA ME YIS 'TSIG PA YAL BOR NAS, ,RANG NYID BSIL BA'I RDZING BAR KHRUS BYED 'DRA, ,'GRO 'DIS RANG GI BDE BA YAL BOR NAS, ,BDAG GI DON DU SDUG BSNGAL KHUR BLANGS PA, ,SA DANG RGYA MTSO'I RDUL BAS CHES MANG NA, ,DE DAG BDAG GIS JI LTAR YAL BAR 'DOR, ,THOG MED DUS NAS LAN MANG PHAN BTAGS PA'I, ,'GRO MANG BZOD DKA'I SDUG BSNGAL GYIS GZIR BA, ,MTHONG THOS DRAN KYANG GAS PAR MA GYUR PA, ,BDAG GI SNYING 'DI LCAGS LAS BYAS SAM CI, ,SNGON CHAD YANG YANG SDUG BSNGAL SEL BYED MA, ,MNAR MED ME YI NANG DU TSIG GYUR NA, ,DE LA SNYING RJE'I BSAM PA MI SKYES, ,BDAG 'DRA MI YI LUS CAN DUD 'GROR ZAD, ,CES GSUNGS, DBUS PA'I DMAG RTING MA 'DZAD DU BYUNG DUS DNGUL CHU'I MDUN GYI THANG CHEN PO DE DMAG GIS GANG BA GZIGS PAS SDUG GE TSO SDUG GE TSO NGA'I MA RGAN 'DI TZAM ZHIG 'KHRUL NAS SDUG BSNGAL GYI RGYU LA SPYOD PA DE SNYING RE RJE SNYING RE RJE GSUNG ZHING BZHUGS GDAN GYI STENG DU 'DRE LDOG MDZAD CING BSHUMS PA'I MTHAR BRGYAL BRGYAL GYI BAR DU BSHUMS PA ZHIG BYUNG, GZHAN YANG 'DI LTAR GSUNGS TE, NGAN SONG GSUM STA AA CANG CHE, MI'I NANG NAS KYANG SDUG BSNGAL DNGOS SU SPYOD PA 'DI RNAMS SNYING SHIN TU YANG RJE MOD, BSAM BLO LEGS PAR BTANG NA SDUG BSNGAL GYI RGYU LA SPYOD PA 'DI RNAMS SNYING RJE

, ,GSUNG ZHING, DA LTA 'JIG RTEN GYI MI CHE RU RE, GRUNG DU RE, 'KHOR MANG, KHA DRAG ,NOR CHE, LAS SU SDIG PA 'BA' ZHIG BYED PA DE 'DRA RNAMS GZIGS PA'AM, DRAN PA'AM, DE DAG GI GLENG SO BYUNG TZA NA YANG SPYAN CHAB 'BYIN CING, PHA ROL PO RNAM RTOG SKYER YONG BSAM PA BYUNG NAS NYAMS SNA DKYIL GYIN TSOD BZUNG BA MIN NA, DE 'DRA RNAMS DANG PHRAD PA NA MCHI MA RANG DBANG MED PAR YONG GI 'DUG GSUNG, 'O SKOL CHOS PA 'DI RNAMS SDUG BSNGAL GYI RGYU LA SPYOD PA 'DI RNAMS LA SNYING RJE SKYE THANG BA CIG 'DUG PA LA, SKYE BA NYUNG BA DE RANG RE RNAMS KYANG TSE 'DI'I DPAL 'BYOR KHA DRAG DE RNAMS LA SKYON DU MI LTA BA'I BLO NGAN DE PHUGS SU ZHUGS PAS LAN 'DUG ,DA LTA SDUG BSNGAL LA RNAMS LA SNYING RJE SKYE BA DE, SDUG BSNGAL DE LA RANG RE SKYON DU LTA BAS YIN PAR 'DUG STE, DE GNYIS RANG SKYON GANG CHE MI SHES GSUNG, TSOGS CHOS GSUNG BA'I DUS SEMS CAN GYI SDUG BSNGAL LA GZIGS NAS SEMS DPA' CHEN PO NYID KYIS BSHUMS TZA NA TSOGS PA BYINGS PO DU CO THEG THEG YONG BA DE LA MTSAN NYID PA CIG NA RE, MKHAN CHEN BU STON PA DANG, BLA MA PAn CHEN PA CHOS GSUNG TZA NA, BZHAD GAD ZEG ZEG NYAMS DGA' ZHAD CHE BAR 'DUG ,'DI PAS CHOS GSUNG BA DE SDUG ZHAD CHE, MI GCES SHI BA BZHIN DU DU CO THEG THEG YONG ZER, RGYAL SRAS 'DI SKU MTSAMS DAM PO LA BZHUGS PA'I DUS, MKHAN

CHEN RIN PO CHE BSOD NAMS GRAGS PA ZHENG GZHAN DU GSHEGS PA MNGON PAR SHES PAS MKHYEN TE, MTSAMS HU RA THON MDZAD NAS BYON PA'I LAM KHAR MI GNYIS KYIS RA GCIG MI 'GRO BZHIN KHRID 'GRO BA DANG PHRAD PA NA CI BYED DRIS BAS, HOR 'DRA LA SPROD BA YIN ZER, SNYING RJE NAS BSHUMS TE GSER ZHO PHYED BYIN NAS 'DI HOR 'DRA LA SPROD LA RA 'DI MA GSOD NGA LA BLANGS BYAS GSUNG, DE NAS SHANGS KYI MDA'I GAD SKYIBS SHIG TU PHEBS PA DANG, 'DIR JA SKOL NGAL SO BA YIN GSUNG BA LA, 'DI NA CHU MI GDA' ZHUS PAS, CHU'I KHAG NGAS KHUR ME SHING THUS LA SHOG GSUNG, SHING BTUS NAS SLEB PA DANG, CHU 'DI NA GDA' YIS GSUNG NAS PHYAG GIS BYE MA LA RUD RUD MDZAD PA LA SNGAR MED PA'I CHU BYUNG BAS ZHABS TOG PA RNAMS KYI BSAM PA LA MIG 'PHRUL YIN NAM BSAM PA BYUNG ZER, JA GSOL ZIN PA'I RJES LA'ANG CHU 'DUG ,YAR LAM CHED KYIS BLTAS PAS CHU'I RJES YANG MI 'DUG ZER RO, ,DE NAS MKHAN CHEN RIN PO CHE DANG MJAL PAS NYID BYON PA DE DGA' GSUNG NAS MNYES TSOR CHEN PO MDZAD, 'JUG PA SEMS BSKYED 'DI SNGAR BLA MA RIN YE BA LA THOB LAGS TE YIN KYANG DRUNG DU GCIG THOB NA BSAM PAS SKU KHEMS KYIS LCOGS TZAM GDA' NA THUGS LA 'DOGS BAR ZHU ZHUS PAS, DE DUS BSNYUNG RAB 'DUG STE SHIN TU YANG SPRO YO, DA LTA RANG MCHOD PA SHOMS SHIG GSUNG, SEMS BSKYED KYI CHO GA DNGOS GZHI GRUB NAS MKHYEN PAR GSOL BA GDAB PA'I SKABS SU, SA CHEN PO NI RAB TU G-YOS

, ,LHA'I ME TOG NI CHAR BZHIN DU BABS, SPOS KYI DRI ZHIM PO'I NGAD PA NI RNAM PAR LDANG, ROL MO'I SGRA SNYAN PA NI DBYAR GYI 'BRUG BZHIN DU GRAG ,SPRIN RNAMS KYIS KYANG 'JA' TSON SNA LNGA'I BLA RE BRES PAR GYUR CES GRAG GO ,CHO GA TSAR BA'I RJES LA MKHAN RIN PO CHE'I ZHAL NAS, CHOS BDAG PO'I LAG TU 'PHROD, DA STE BTZUN RGAN DE RING SHI YANG 'GYOD PA MED DO GSUNG NAS RGYAL TSAB TU DBANG BSKUR TE, DE NAS RING PO MA THOGS PAR SKU GSHEGS SHING, GSHEGS KHAR SGYU MA'I DPE BRGYAD PO DE NAR BA GCIG GSUNG NAS GSHEGS ZHES GRAG GO ,MKHAN CHEN RIN PO CHE'I SLOB MA RNAMS KYIS, BLA MA RGYAL SRAS PA DE LA MNGON PAR MKHYEN PA YOD MED THE TSOM MI 'DUG ,MKHAN CHEN RIN PO CHE GSHEGS LA KHAD DER KHONG GIS PHEBS ZER, DE NAS SEMS DPA' CHEN PO NYID KYANG NYIN ZHAG RE LA DUS GSUM DU SMON 'JUG GI SEMS BSKYED BSDUS PA RE LEN CING, 'DI LTAR GSUNGS TE; GANG GIS RANG GI BDE BA YAL POR NAS, ,YU BU'I DON DU SDUG BSNGAL KHUR BLANGS PA'I, ,SEMS CAN TSOGS 'DI BLO YIS YAL BOR NA, ,THEG CHEN DAM CHOS THOS PA'I DGOS PA CI, ,DES NA MTHA' YAS SEMS CAN BSGRAL BYA'I PHYIR, ,BLA MED BYANG CHUB MCHOG TU SEMS BSKYED DE, ,RANG DON SPANGS TE DNGOS SA MA BRGYUD NAS KYANG, ,GZHAN DON SGRUB DE SKYES BU MCHOG YIN NO, ,ZHES SOGS GSUNGS SHING, DBUS GTZANG KHAMS

GSUM GYI DGE BA'I BSHES GNYEN DANG, SKYE PO'I TSOGS KHRI PHRAG DU MA LA BYANG CHUB SEMS KYI SDOM PA GNANG NAS, BYANG CHUB SEMS DPAR GYUR PAR MDZAD CING, DUS PHYIS MKHAN CHEN BYANG CHUB RTZE MOS DBU MDZAD PA'I DGE BA'I BSHES GNYEN 'BA' ZHIG TSOGS PA LA, 'JUG PA SEMS BSKYED GSUNGS PA'I SKABS SU 'O SKOL GYIS MKHAN CHEN RIN CHEN PA LA 'DI ZHUS PA'I DUS SU, CHOS BDAG PO'I LAG TU 'PHRED PA YIN GSUNG NAS MNYES TSOR CHEN PO MDZAD CING GDA', 'O SKOL LA BDAG PA'I BDAG RGYU TZAM MED DE, KHONG PA DE SKAD GSUNG GIN GDA', 'ON KYANG BYAS PAS, JO BO RJE YAB SRAS SKU MCHED GSUM LA SOGS PA'I DUS SU DAR, CHOS 'DI LA BKA' DOG PA YIN PAR 'DUG ,DUS PHYIS KYANG 'DI 'BOGS PA NYUNG BAR GDA', GANG LTAR LAGS KYANG, 'O SKOL LAS DBUS GTZANG GNYIS NA CHOS 'DI 'BOGS PA MANG BA MED, SNGAR YANG RGYUD LA SKYES PA MANG PO BYUNG ZHING, DA 'O SKOL NAS CHOS 'DI'I BKA' YANGS SU GTONG BA YIN PAS, NYID CAG DGE BA'I BSHES GNYEN 'BOGS PAR NUS PA THAMS CAD KYIS PHOG CIG GSUNG NGO, ,RGYAL SRAS 'DIS BDAG GZHAN BRJE BA'I MDZAD PA JI LTAR BSTAN PA NI SLOB DPON DPAL YE BAS BLO SBYONG LA NYAMS KHRID BSGOM DUS, LHONGS LA SHIG NAD BYUNG BAS, SEMS DPA' CHEN PO'I GSUNG GIS, NYID RANG GIS SNYING RUS BSKYED LA GSOS GAL TE MI GSOS PA 'DRA NA 'DIR BYON, NGED KYIS KYANG GSO ROGS BYA YIS GSUNG ZER,

, ,KHONG GIS YUN RING PO'I BAR DU GSOS KYANG NYUNG DU MA SONG, CHOS RDZONG DU BYON NAS BLA YEL DU MAL BCAS NAS ZHAG SHAS SONG BA DANG, SHIG RNAMS NYUNG DU SONG 'DUG PA, RNAM RTOG SKYES TE DRUNG DU BLTAR PHYIN PA DANG, DRUNG PA LA SHIG NYIL BA 'DUG PA MTHONG BAS, DRUNG NAS 'O BRGYAL NGA RANG GIS SNYING RUS BSKYED LA GANG GSOS BYED NGA RANG LA THUGS LA 'DOGS PAR ZHU ZHUS PAS, NYID KYI SHIG BLANGS PA MA YIN NGA RANG LA YOD PA YIN GSUNGS NAS MA GNANG, DE NAS ZHAG 'GA' NAS THAMS CAD YAL NAS SONG GSUNG, GZHAN GYI SDUG BSNGAL DNGOS SU LEN PA 'DI SNYING RJE'I BSAM PA DRAG POS BLANGS NA LONGS NGES SHES PA NYAMS SU MYONG BAS GRUB PA LAGS GSUNG, RGYAL SRAS BDAG NYID CHEN PO 'DI HOR DPON ZHIG GIS SA SKYAR GDAN DRANGS PA'I TSE SA SKYA'I RGYAB DER DRO 'DEBS PA'I SAR KHYI RGAN PO GCIG BYUNG BA LA, HOR GYI 'BA' HOR CHES RDO GCIG BRGYAB PAS 'GYEL NAS SKAD NGAN CHEN PO SHOR BAS, SEMS DPA' CHEN PO RANG LA BRGYAB PA BZHIN DU AA GSUNG NAS PHYAG NAS DKAR YOL 'CHOR LA KHAD BYUNG ZHING SPYAN CHAB MANG PO BTON, DE NAS SA SKYAR BYON TE, DGE BA'I BSHES GNYEN DANG SKYE BO'I TSOGS CHEN PO LA, ZAB BA DANG RGYA CHE BA'I CHOS GSUNGS NAS 'GRO? BA DPAG TU MED PA'I DON MDZAD DE, GSER YIG PAS TSONG DUS NAS MAR GDAN DRANGS DUS, HOR GYI G-YOG PO GSUM LA NAG CHEN PO THUG NAS GSOD DU BYUNG BA LA, RGYAL SRAS 'DIS THUGS KYIS

MA BZOD PAR HOR GYI DPON LA DE LTAR MA BYED CES GSUNG BYON PAS SROG LAS THAR BAR MDZED ,SKU ZHANG GI RTZIS KYI RTEN 'BREL LA DBEN SHR'I'I GDAN GYI 'OG TU KHO RANG GI GZUGS DANG, RAL GRI DANG, RANG THAG SOGS BCUG PA DBEN SHR'IS MTHONG NAS RTZA RA CHEN PO BYED DU BYUNG BA LA YANG GSUNG BYON PA TZAM GYIS GROL BAR MDZAD DE, RIN SPUNGS PAR BYON NAS DBUS SU 'BYON MA DGOS PAR YAR BYON TE, ZHA LUR GDAN DRANGS NAS DGE BA'I BSHES GNYEN DANG SKYE BO'I TSOGS DPAG TU MED PA LA CHOS KYI SBYIN PA MDZAD, DE DUS BU STON RIN PO CHE BSNYUNG NAS GRONGS LA KHAD PA MA MJAL TE ,SKU GSUNG THUGS RDO RJE'I RANG BZHIN DU BYIN GYIS BRLABS NAS BSTAN PA DANG SEMS CAN GYI DON LA BZHUGS PA'I RTEN 'BREL DANG ,BDAG GZHAN BRJE BA'I DMIGS PA MDZAD NAS DE'I NUB MO NAS SKU BSKYED BYUNG NAS BSNYUNG BA DANG, DE DUS BLA MA RGYAL SRAS PAS MKHAN CHEN BU STON PA'I BSNYUNG NAD SDANGS ZER BA'I GRAGS PA CHEN PO YANG BYUNG ZHING, MKHAN CHEN PA'I ZHABS TOG PA GCIG GI RMI LAM DU MDANGS DRUNG PA LA BLA MA RGYAL SRAS PA SKU LUS SHEL DKAR LTAR DVANGS PAR GYUR BAS GSER GYI DBU RGYAN GSOL NAS DBANG BSKUR MDZAD PA RMIS LAGS ZHUS PAS, RMI LAM BZANG PO YIN, NGA YANG MDANGS KHAMS BDE ZHING RIG PA DRANGS PA CIG BYUNG GSUNG NAS MNYES 'DUG GSUNG, YANG BLA MA DAM PA BSOD NAMS RGYAL MTSAN PAS CHOS ZHU BA LA SA SKYAR GDAN DRANGS NAS, CHOS KYI 'KHOR LO RGYA CHEN PO BSKOR TE

, ,TSUR 'BYON DUS LA RDZAS NAG POR JAG PA BYUNG STE, SEMS DPA' CHEN PO RANG GI SKU LA MA NGAG ZHABS TOG BA RNAMS 'O LA BA RE BKYIGS TE JAG PA ZA MA ZA DUS, ZHABS TOG PA GCIG BKYIGS PA GROL BYUNG BA'I RTZA NA, JAG PA'I RAL GRI BZHAG 'DUG PA KHYER NAS BROS NA BSAM YOD TZA NA, SEMS DPA' CHEN POS MKHYEN NAS NYID DE BLO CAB TZUB MA BYED AANG GSUNGS PAS BROS MA NUS ZER, DNGOS PO 'DI RNAMS RIN CHEN SGANG PA'I SA CHAR KHYER, NGAS BLOS BTANG YOD PAS PHROGS PA YIN SNYAM PA'I BLO YANG MA BYED DA'I GOS 'DI KHYER NA YANG KHYER GSUNGS PAS, JAG PAS PHYAG BTZAL NAS, NGED TSO YANG PHONGS NAS THABS SDUGS PAS NYID LTA BU DANG THUG ZER; JAG PA RNAMS RJES ZLOS BYED DU BCUG NAS BSNGO BA YANG MDZAD GSUNG, DBUS BA'I DMAG MANG PO MTHONG BA DE DANG ,DPON CHEN BYANG BA 'DIS 'O SKOL LA CHOS 'BREL MA BYAS PA'I GONG DU BTZON SDUG GI GCIG MI GSOD PA'I ZHU BA BYAS KYANG MA GRUB PA DE GNYIS KYIS LO MANG PO'I BAR DU DGE SBYOR GYI BSKUL MA BYAS ,DE BAR LA DGE SBYOR GANG BYED KYANG DE RNAMS DANG DBUS PA'I DMAG SNGON MA RANG RE DNGUL CHUB 'JOMS MI DE RNAMS KYI DON DU BSNGOS, SMON LAM MANG PO BTAB STE AE PHAN NI MI SHES GSUNG, YANG LAN CIG RGYAL SGA'I 'GAG NA SHIG NAD TSABS CAN BYUNG BA'I SPRANG RGAN LUS KYI ZUNGS SHOR BA GOS DANG STAN LA SOGS PA SHIG GI PHUNG POR GYUR PA CIG GI DI

CHEN PO MNAM PA CIG 'DUG PA DE LA, DRUNG SKU MCHED PA'I SKYE BO TSOS ,DRUNG NAS SKYUG BRO 'GAG DER MA BSDAD ZER ZHING 'BUD PA GZIGS PAS, SNYING RJE DRAG PO SKYES NAS SPYAN CHAB SHOR TE, DE'I NUB MO KHO'I GOS DANG STAN SHIG GI PHUNG POR GYUR PA RNAMS NANG DU KHYER, SPRANG PO LA NA BZA' GCIG GNYIS DANG ZA RGYU GNANG NAS SHIG RNAMS LA SKU LUS SBYIN BAR BTANG STE SHIG GI PHUNG PO'I GSEB TU GZIM NAS GAG BA nIG GNYIS SONG BA DANG, SLOB DPON DANG MCHED GROGS 'GA' RES TSOR NAS BLTAR BYON PAS SPRANG PO'I GOS DANG STAN SHIG GI PHUNG POR SONG BA RNAMS GSOL ,SKU LUS THAMS CAD 'BRUM NAD THUG BO BYUNG BA BZHIN DU GYUR 'DUG PA MTHONG NAS, KHONG RNAM PA HA LAS TE NYID DA LTA LUS GTONG BA'I DUS TZAM LA MA SLEBS LAS CHE, DE 'DA RANG HA CANG THAL DRAGS MI MDZAD PAR ZHU ZHUS PAS, SPYOD 'JUG LAS, BDAG GIS LUS CAN THAMS CAD LA, ,LUS 'DI CI BDER BYIN ZIN GYIS, ,RTAG TU GSOD DANG SMOD BA 'AM, BRDEG SOGS CI DGAR BYED LA RAG ZHES DANG, 'GO MANG RDOG BAS BDAG GI SPYIR 'TSOG GAM, ,'GUM YANG MI BSNGO 'JIG RTEN MGON DGYES MDZOD, ,GSUNG NAS MA GSAN PAS, KHONG RNAM PAS 'JAM PA'I DBYANGS DON YOD PA'I DRUNG DU PHYIN TE 'DI BZHIN MDZAD KYIN GDA', NGED RNAMS KYIS ZHU BA BYAS KYANG 'DI SKAD GSUNG NAS MI GNANG BAR 'DUG ,DRUNG NAS GSUNG BYON DGOS PAR GDA' ZHUS PAS, 'JAM DBYANGS DON YOD PAS KYANG

, ,DE KHAR BYON TE, DE LTA BU RANG MI MDZAD PA ZHU ,HA CANG 'O BRGYAL DRAGS CIR 'GYUR YANG MI SHES ZHUS PA LA YANG, SKYAS RABS LAS, LUS TZAM GYIS KYANG GZHAN LA PHAN THOGS PAR, ,NAM ZHIG 'GYUR ZHES BDAG GIS GANG BSAMS PA, ,SMON LAM DE NI 'BRAS BU YOD PAR BYA, ,ZHES DANG, NYID KYI ZHAL NAS, GZHAN LA MI PHAN SRED ZAD BDE BA YANG, ,DMYAL BA'I ME LTAR MTHONG NAS RAB SPONG ZHING, ,GZHAN LA PHAN NA MNAR MED ME NANG DU'ANG, ,RAB DGAS 'JUG PA RNAMS KYI RJES SU SLOB, ,CES GSUNGS TE MA GSAN PAR GSOL BAS, RING POR MA LON PAR SHIG RNAMS YAL NAS SONG ZHES GRAG GO, ,DE DUS HA CANG SO TSA RANG DRAGS NAS MA BZUG PA'I DUS SU STOD KYI CHA LA DAR GYI DUM RE DKRIS NAS BZHAG GSUNG, NYID KYI ZHAL NAS, GANG ZHIG KHRO DANG NGA RGYAL DBANG GYUR NAS, ,BDAG GI LUS LA RMA SROL CHER GTOD DE, ,'CHI BAR NGES PA'I GNAS SKABS BYUNG GYUR NA'ANG, ,DE TSE DAM BCA' 'DI NI DRAN PAR BGYI,, ZHES DAM BCAS PA BZHIN MDZAD DO, ,YANG BO DONG DU SPRANG PHRUG SHIG NAD BYUNG BA ZHIG GI SHIG THAMS CAD BLANGS PAS, SEMS DPA' CHEN PO'I SKU LUS LA 'PHUNGS NAS ZHAG GCIG LA SHI 'DUG ZER, SEMS DPA' CHEN PO LA BRTEN NAS DE PA RNAMS GNAS GONG MA ZHIG TU 'PHOS NGES BSAM PA BYUNG NGO, ,ZHES RGYAL SRAS BDAG NYID CHEN PO 'DI'I THUGS SRAS NYAN PO DPAL RIN GSUNG NGO, ,GZHAN YANG BO DONG DANG ,DNGUL CHU GNYIS SU SPRANG PO SHIG NAD BYUNG BA

MANG PO'I SHIG NAD BLANGS TE MYUR POR YAL GYIN SONG ZHES GRAG GO, DUS PHYIS PA NA YUL GLANG THANG PA YIN PA'I STON SGOM BYANG CHUB SEMS DPA' GCIG LA KHONG RANG LA SHIG BYUNG BA'I STENG DU GZHAN GYI SHIG NAD KYANG BLANGS TE SEMS CAN LA LUS DNGOS SBYIN PAR BTANG NAS GSHEGS PA'I DE MA THAG LA, BDAG GIS THUGS DAM LA 'DOGS PAR ZHU BA'I PHAN CHES KHYER NAS, NYE GNAS LA 'DI LTAR DUS BYAS PAS NYE GNAS DRUNG DU SONG NAS LOG BYUNG PA ,A CI GSUNG DRIS PAS, GO, RJES SU YI RANG, SH'AKYA THUB PA RUS SBAL DU SKU 'KHRUNGS PA'I DUS SU, SRIN BU KE TA KA BRGYAD KHRI LA SKU LUS SBYIN PAR BTANG BA DANG, DON GYI CHA MTHUN PA DE YIN, KHONG GI SEMS LA 'GYOD PA YONG BA'I RIGS SU MI 'DUG NGO MTSAR CHE, 'O SKOL PO SBYONG BA YIN PAS SHIG DE TZAM ZHIG 'CHIR 'JUG PA SNYING RJE YAR LA'ANG LA SHOG GSUNG GIN 'DUG, DRUNG NAS SKU BGRES PA DANG, SHIG TSAN CHES DRAGS PAS CI 'GYUR MI SHES ZHUS KYANG MI GSAN PAR LONG SHOG GSUNG, RGYAL SRAS BDAG NYID CHEN PO 'DI SBYIR SEMS CAN SU LA'ANG SKYON BRJOD MI GSUNG ZHING, LHAG PAR CHOS SGOR ZHUGS PA RNAMS LA DAG SNANG KHO NA MDZAD PA LAS SKYON BRJOD YE MI MDZAD ,GZHAN LA SKYON BRJOD BYED PA GSAN NA 'O SKOL RANG BLO MA DAG PA YIN, KHONG KUN CI 'DRA YIN MI SHES, SLAR YANG 'O SKOL GYIS PAR MI LA SKYON BRJOD MANG PO BYAS TZA NA 'O SKOL LA YANG THAMS CAD KYIS TSUR 'THAB PA CIG RTEN 'BREL LA CIS KYANG YONG GSUNG, RGYAL SRAS BDAG NYID CHEN PO

, ,'DI'I MDZAD PA RNAM THAR 'DI DAG LA DPANG LO TZ'A BA BLO GROS BRTAN PAS, THOG MAR SHES BYA KUN LA MKHAS PAR BYA, ,BAR DU MKHAS PA'I TSOGS SU LEGS PAR BSHAD, ,THA MAR 'DIS PA'I DON LA BRTZON PAS BSGOM, ,DUS GSUM RGYAL BA KUN GYI BZHED GZHUNG YIN, ,ZHES SA SKYA PAndI TAS GSUNGS PA DE, GU RU THOGS MED KHONG GIS BYAS PA YIN NO, ,'O SKOL CHOS PA RNAMS KYI NANG NA CHOS BYED PA MANG RAB 'DUG STE BRTAN PA THOB PA RANG DU TZAM BDOG GAM, GZHAN GYI RGYUS NI NGA LA MED, BRTAN PA THOB NGO SHES PA GU RU THOGS MED KHONG YIN, PHO SKYES PA ZER NA DE KUN LA ZER BA LAGS, MI GZHAN GYIS NGA'I RGYUD TSOD LA SLEB PA LA DA RUNG DKA' LAS CHEN PO YOD, NGAS GU RU THOGS MED KYI RGYUD TSOD SLEB PA LA BSKAL PA MANG PO TSOGS GSOG DGOS, NGA KHONG GI BLA MA YIN, KHONG NGA'I SLOB MA YIN TE NGA NI BLA MA ZHIG LAS KYANG DE LA MOS, MI RGAN NAM 'CHI PA'I SNGAS KHA DER GU RU THOGS MED YOD PA CIG BYUNG NA DGA' STE NGA PHYOGS THAMS CAD DU RGYUG, KHONG PA GCIG TU BZHUGS PA 'DIS YID SMON THOG TU AA 'BAB YIN GSUNG ZER ZHING, GSUNG YIG SNYAN DANG DNGAGS DANG BCAS PA BSKUR BA'I NANG NA YANG, KHYOD LA NGA 'DRA'I SLOB DPON BRGYA YONG KYANG GANG LA KHYOD 'DRA'I SLOB MA KHYOD LAS MED, ,CES SOGS KYI BSTOD PA MANG PO YANG MDZAD DO, ,KUN MKHYEN RONG PO'I ZHAL NAS KYANG, NGA LA PHA BAS LHAG PA'I BU

GCIG YOD PA YIN, NGA'I SLOB MA 'DI 'DRA GZHAN LA YOD NA SMON NE 'TSOR, SKYES BU DAM PA 'DI 'DRA 'JIG RTEN NA DKON GSUNG, CHOS RJE BU STON RIN PO CHES KYANG, SDE SNOD GSUM GYI DON LA MKHAS GYUR CING, ,RGYUD SDE ZAB MO'I RTOGS PAS KUN CHUB PA, ,BYANG CHUB SEMS GNYIS 'BYONGS PA RGYAL BA'I SRAS, ,ZHES SOGS KYI BSTOD PA YANG MDZAD CING, SEMS DPA' CHEN POS ZHA LUR BYON PA'I TSE BU STON RIN PO CHES ZHA LU'I GRVA PA RNAMS LA, DA LTA BOD GANGS CAN GYI KHROD NA CHOS SHES NAS NYAMS SU BLANG SHES PA RGYAL SRAS THOGS MED BA TZAM GCIG YIN, NGAS KYANG CHOS SHES PA SHES TE, KUN MKHYEN 'PHAGS PA 'OD KYIS BSTAN PA'I DON DU BSHAD NYAN DANG MDO RGYUD KYI 'GREL PA MANG DU RTZOMS ZHES GSUNG BA LA BRTEN NAS BSHAD NYAN BYED DGOS PA BYUNG BA, KHONG 'DRA BA'I NYAMS LEN BYUNG BA MED, 'DI LTA BU'I BYANG CHUB SEMS DPA' LA CHOS 'BREL THOGS PA TZAM GYIS KYANG 'KHOR BA MTHA' CAN DU 'GYUR NOG SHES PA YIN PAS, MTSAMS LA YOD PA RNAMS KYANG GSENG LA CHOS ZHUS, DE BAR GYI GZHABS TOG THAMS CAD BLA BRANG NAS BYED PA YIN GSUNG, DE'I RES SEMS DPA' CHEN POS KYANG ZLA BA GCIG ZHA LUR BZHUGS NAS GANG LA GANG 'DOD KYI CHOS GSUNGS TE 'GRO BA DPAG TU MED PA'I DON MDZAD DO, ,RGAL SRAS 'DI'I RTZAR GZHAN DAG GIS RANG RE'I CHOS BRGYUD DANG BLA MA DANG, RANG LA SMOD PA BYUNG BA'I DUS SU MAD LAGS

, ,BYAS PAS, DA KAS TSIG SKE YANG CHAD NAS PHAN TSUN RGYUD SREG RES KYANG MI YONG, RANG RE BZOD LDAN DU YANG 'GRO BA YEN GSUNGS NAS DAM BCA' YANG 'DI LTAR MDZAD DE, 'GRO MANG DBUS SU SDANG MIG LDAN PA'I MAS, ,TSIG NGAN BZOD PAR DKA' BAS SMA PHAB NAS, ,GDONG PA LEGS PA'I SKABS KYANG MED BYAS NA, ,DE TSE DAM BCA' 'DI DAG DRAN PAR GYIS, ,ZHES GSUNG, YANG BSTAN PA DANG SEMS CAN SPYI MTHUN LA GNOD PA CHEN PO BYED PA DE 'DRA RNAMS LA, 'GA' ZHIG GIS 'DI LTA BU KUN HA CANG MI RIGS DRAGS 'DUG ZER NAS ZHE SDANG BSGOM PA GZIGS TZA NA, HA CANG MI RIGS DRAGS PA DE KA SNYING RJE BA YIN GSUNGS NAS, DE LTA BU RNAMS LA LHAG BAR YANG BRTZE BAR MDZAD CING, 'DI LTAR GSUNG STA, BDAG GAM BDAG GI PHYOGS LA GNOD BYED DAM, ,BSTAN DANG 'GRO BA YONGS LA GNOD BYED PA'I, ,MA RUNGS SKYE BO MTHONG THOS DRAN GYUR NA, ,LHAG PAR SNYING RJE'I GNAS SU SHES BYAS NAS, ,RNYED BKUR SNYAN SMRAS SOGS KYIS DNGOS SU PHAN, ,GDAGS PAR NUS NA GDAGS SHING MA NUS NA'ANG, ,BYAMS DANG SNYING RJE DRAG POS DAG NYID KYI, ,BDE DGE CI YOD DE DON BSNGO BA GCE,S ,ZHES GSUNGS SO, ,RANG LA GZHAN GYIS DNGOS SU TSIG NGAN SMRA BA DANG BRNYAS PA BYED PA'I TSE DE'I LAN MA BYAS NA PHA ROL PO YANG ZHE SDANG MI BSKYED CING, RANG RE YANG SKYON MED KYI SKYES BU BZOD LDAN DU 'GRO BA YIN, GZHAN GYIS MI RIGS PA BYAS, RANG RES KYANG DE'I LAN

BYAS TZA NA, GNYIS KA SKYON CAN DU 'GRO BA YIN GSUNG, DE LTAR MDZAD PA RNAM THAR GANG GI THAD NAS KYANG SA'I STENG NA 'GRAN GYI DO ZLA THAMS CAD DANG BRAL BA'I SEMS DPA' CHEN PO 'DI'I SNYAN PA'I DRI BSUNG GRAGS PA'I DIR BZHON GYIS SA'I STENG THAMS CAD KHYAB PAR BYAS PAS, RGYA NAG PO'I YUL NAS KYANG STOBS KYIS 'KHOR LOS BSGYUR BA'I RGYAL PO CHEN PO DANG, RGYAL PO CHEN PO HONG THA'I TZTSE DANG, RGYA GAR DANG, BLA YUL DANG, YA RTA DANG, MNGA' RIS LA SOGS PA'I RGYAL PHRAN THAMS CAD KYIS KYANG MOS GUS CHEN POS, SH'AKYA THUB PA'I RGYAL TSAB BSTAN PA'I BDAG PO BO DONG THOGS MED CAS SOGS KYIS BSTOD PA DANG, GDAMS PA BSKUR BAR ZHU ZHES PA'I 'PHRIN YIG 'BUL BA DANG BCAS PA RIM PAR BSKUR ZHING DAD PA CHEN POS SPYI BOR 'I GTZUG TU SGOM PAR BYED PA DANG, DNGOS SU MI CHEN GYI SLOB BU'I RIGS 'DUS PA LA YANG, 'JAM DBYANGS CHEN PO DON YOD RGYAL MTSAN DPAL BZANG PO, CHOS RJE BSOD NAMS RGYAL MTSAN DPAL BZANG PO, ,TI SHR'I CHEN PO BSOD NAMS BLO GROS SKU MCHED, TA DBEN GU SHR'I KUN DGA' RIN CHEN RGYAL MA TSAN DPAL BZANG PO DANG, TAD BEN GU SHR'I KUN DGA' LEGS PA'I RGYAL MTSAN DPAL BZANG PO LA SOGS PA DPAL LDAN SA SKYA PA'I GDUNG RGYUD RNAMS DANG, MKHAN CHEN THAMS CAD MKHYEN PA BYANG CHUB RTZE MO, MKHAS BTZUN DKON MCHOG RGYAL MTSAN DANG, MKHAS GRUB CHEN PO KHYUNG PO BA DANG, DBUS PHYOGS KYI YANG PHAG

, ,MO GRU, STAG LUNG ,TSAL PA, RGYA MA LA SOGS PA'I RIN PO CHE RNAMS DANG, MDOR NA DBUS GTZANG GNYIS KYI DGE BA'I BSHES GNYEN MKHAS BTZUN BZANG GSUM 'DZOM PA PHAL CHER SLOB MAR 'DUS SHING, GZHAN YANG DBUS GTZANG GI TA DBEN, GU SHR'I, SI TU, DPON CHEN ,DU DBEN SHA LA SOGS KYI LAS KA 'DZIN PA'I MI CHEN THAMS CAD KYIS KYANG, SPYI PO'I GTZUG TU BKUR ZHING MCHOD DO, ,RGYAL SRAS BDAG NYID CHEN PO 'DI NI YID BZHIN GYI NOR BU RIN PO CHE LTAR DGOS 'DOD THAMS CAD RTZOL MED DU 'BYUNG, 'DAS MA 'ONGS THAMS CAD MKHYEN PA'I MNGON PAR SHES PA THOGS MED DU MNGA', YI DAM GYI LHA STON GNAM DNGAS PA'I SKAR TSOGS TZAM GZIGS ,JI LTA BA DANG JI SNYED PA'I DON LA DBANG 'BYOR KYANG THUGS LA RLOM PA DANG, KHENGS PA RDUL TZAM YANG MI MNGA' ZHING, 'DI LTAR GSUNG TE, RANG GI NYE DU'I BKUR STI RAB SPANGS NAS, ,GZHAN GYI BKUR STI 'DOD NA BLOS BTANG NYAMS, ,DE PHYIR GANG DU SU DANG 'GROGS KYANG RUNG, ,MTHO DMAN 'BRING GSUM SPYI BOR 'KHUR BA GCES, ZHES PA DANG, 'O SKOL CHOS PA RNAMS LA YANG MKHAS BTZUN BZANG GSUM GYI YON TAN GANG YOD KYANG, DES RANG MCHOG TU 'DZIN CING NGA RGYAL GYIS RANG LAS DMA' BA LA BRNYAS PA, MNYAM PA LA 'GRAN SEMS, MTHO BA LA PHRAG DOG BYED NA CHOS GNAD DU MA SONG BA YIN ,DPER NA SMAN GYIS NAD BSKYED PA'AM

'DRE SHAR NAS GNOD BA LA GLUD NUB SGOR SKYEL BA DANG 'DRA GSUNG, RGYAL SRAS BDAG NYID CHEN PO 'DI NI SKYE BO KUN GYIS MCHOD PA'I GNAS SU BZUNG YANG 'DOD YON LA SRED PA CHUNG BAS GSOL GANG DRANGS KYANG ZHIM PA DANG MI ZHIM PA'I ZHAL SNYAD MI MDZAD PAR GANG DRANGS PA GSOL BAS GZHAN GYIS BKUR BA DANG, BSGRUBS PA DANG, ZHABS TE GSAL ZHING 'DI LTAR YANG GSUNG NGO, ,CHU RGYA MTSO CHE LA 'PHYO BA'I NYA, ,RKAN LCAGS KYU RNON POS PHUG PA DE, ,RANG ZAS LA SRID PA CHES PAS LAN, ,SRED ZHEN GYIS ZAS LA MA RGYUGS NA, LCAGS KYU YIS YA RKAN 'BUG DON MED, ,YUL MTHUN RKYEN GYIS 'KHOR BAR 'DZIN BA 'DI, ,RANG 'DOD YON LA SRED PA CHES BAS LAN, ,'DOD YON GYI SRED PA SPANGS TZA NA, ,YUL MTHUN RKYEN LAM GYI GROGS SU 'CHAR, ,'DOD SON SPYAD KYANG ZHEN MED SHIN TU GCES, GSUNG BA DANG, 'O SKOL DANG PO GRVA SA'I DUS NAS DNGOS PO GSOG PA'I BLO MA SKYES PAS 'PHRAL LTO SKYID PA CIG BYUNG GSUNGS, RGYAL SRAS 'DI SPYIN PA'I PHAR PHYIN LA SLOB PAR MDZAD BA'I TSE LUS DANG LONGS SPYOD THAMS CAD SEMS CAN LA DNGOS SU GTONG BAR MDZAD DE, LHO SGO RU NAD PA SNYOMS CHUNG YUN RING NA BA BRGYU MED PA GCIG LA ,BSOD SNYOMS MDZAD PA'I RTZAM PA PONG RGYAB GCIG YOD PA DE BYIN PAS ,DA DE 'CHI BA'I 'DRE MED BAR BAS

, ,ZER NAS DU YIN 'DUG ,DE LA SNYING RJE DRAG PO SKYES GSUNGS, LAN CIG SA SKYA NA SPRANG PO 'CHI LA KHAD CIG 'DUG PA LA MA SHI BAR NAM LA KHYIS ZA BAR 'DUG ZER NAS SEMS LAS CHEN PO 'DUG PAS BYA BRAL BA GCIG LA RNGAN PA BYIN NAS BSRUNG DU BCUG PAS DE'I NUB MO SHI 'DUG, SPYIN PA DA GNYIS CHUNG YANG YID TSIM BAR BYUNG GSUNG, BSHAD NYAN MDZAD DUS BSHAD GSAR BAS BSHAD SLONGS ZHUS BA NA NANG DU 'DONG GSUNG NAS NANG DU PHEBS PA DANG, KHYED RANG 'DI NAS GANG DGA' PA ZHIG KHYER SONG GSUNG NAS GRUM TZE BZANG PO ZHIG YOD PA KHYER SONG GSUNG BA DANG, YANG BRO PAS GNANG SBYIN ZHUS PAS, KHYOD RANG 'DI NAS GANG DGA' BA ZHIG KHYER GSUNG PAS GSOL SDER KHYER SONG GSUNG BA DANG, GZHAN YANG NA BZA' SOGS GANG YOD GNANG ZHING, GRVA SKOR BA SOGS LA GZHAN GNANG RGYU MED NA YOL BA BLA BRE NAS KYANG BREGS KYIN GNANG NGO, ,THENG CIG NYAN PA'I SER SLONGS PA BYUNG NAS SLONG DU BYUNG BA LA GZHAN STER RGYU MED PAR CHOS STAN GYI GRUM TZE GCIG YOD PA BYIN PAS, SLOB DPON GYIS TSOR NAS KHONG TSO LA NAS KHAL GCIG BYIN GRUM TZE BLANGS TE KHYER BYUNG NAS STAN GCIG PO LAS MED PA GSUNG NAS 'THAB TU BYUNG GSUNG, YANG RTZE GDONG DU CHOS BAR LA BYON DUS NYI MA DPAL ZER BA'I GRVA PA ZHIG GI PHYAM RTZE

RKUN MA GCIG GIS KHYER BA LA KHO LA SEMS LAS CHEN PO 'DUG PA LA, SEMS DPA' CHEN PO RANG LA PHYAM RTZE GNYIS YOD PA'I GCIG KHO LA GNANG STE, DE DUS MKHAN CHEN BSOD NAMS GRAGS PA BO DONG DU BYON NAS DGUN GCIG SROD THO RANGS GNYIS KA CHOS GSUNG BA GSAN DU BYON PAS, PHYAM RTZE GCIG LAS MED PA DES GRANG MO BYUNG YANG SLOB DPON LA G-YAR NA YONG STE 'THAB TU YONG BSAMS NAS G-YOR MA NUS GSUNG, GRVA SA'I DUS SU RTZAM PA CHEN PO MED KYANG SPRANG PO LA SDER MAS BCUS KYIN GNANG TZA NA, DE BZHIN MDZAD NA NYID RANG LA GSOL RGYU MI YONG ZHUS TZA NA NAM ZAD TZA NA BLTA RGYU ZHIG YONG GSUNG NAS, RANG NYID DBUL POR GNAS KYANG SLONG BA PO'I SEMS SPONG BA MI SRID DE, ,DNGUL CHUR NYE GNAS MED PA'I BSHUL DU SER SLONG LA BYANG DANG RA NAS YONGS PA'I MI SUM CU TZAM ZHIG SLONG DU BYUNG BA LA NA BZA' PER THUL GCIG DANG RTZAM PA GANG YOD GNANG, YANG SPRANG PO GCIG SLONG DU BYUNG BA LA PHRUG PHYAM GCIG SNGON LA GNANG BA LA BZANG PO STER RGYU YOD BZHIN DU MI SNYER BA DGONGS TE, PHYAM RTZE BLANGS NAS BER THUL GCIG GNANG BAS ,PHYI LO YANG BRNYOGS NAS SLONG DU BYUNG BA LA PHRUG GI RING 'GAG GCIG GNANG GSUNG, YANG THENG CIG NYA GA NAS MED PA'I 'SHUL DU SPRANG SLONG GCIG SLONG DU PHYUNG BA LA GZHAN GNANG RGYU MED PAR RA LPAGS KYI SBUD PA

, ,GCIG YOD PA YANG GNANG NGO, ,DE LTAR RGYAL SRAS BDAG NYID CHEN PO 'DIS LO NYI SHU RTZA GRANGS SU KHOR YUG TU SKU MTSAMS DAM PO MDZAD PA DE GROL BA'I RJES SHIG LA, DNGUL CHUR DGE 'DUN DANG SKYE BO'I TSOGS CHEN PO LA SEMS BSKYED DANG, BLO SBYONG DANG, SKYES RABS DANG, BYANG CHUB SEMS DPA'I SA LA SOGS PA GSUNGS PA'I DUS SU LHA'I ME TOG GI CHAR KHA BA BU YUG 'TSUBS PA TZAM PA BAS SO, ,YANG THENG CIG BYANG CHUB SEMS DPA'I SPYOD 'JUG GSUNGS PA'I DUS SU LHA'I ME TOG GI CHAR SNGAR BZHIN DU BABS SO, ,DE NAS TA'I SI TU SOGS DBUS PHYOGS KYI CHEN PO MANG POS SPYAN DRANGS TE DGUNG LO DRUG CU RE BDUN BZHES PA'I DUS SU GLANG LO ZLA BA DANG PO'I TSES BCU DRUG LA BO DONG NAS BTEG STE, DPAL SDING DANG CHU MIG DANG ZHA LU LA SOGS PA RNAMS SU YANG DGE 'DUN DANG SKYE BO'I TSOGS CHEN PO LA CHOS KYI SBYIN PA MDZAD NAS, MKHAN CHEN BU STON RIN PO CHE DANG RIN SPUNGS PAR BSDEBS NAS BYON PA'I LAM KHAR MDZO MO ZHIG YOD PA LA PHYAGS PHYI BA RNAMS KYIS ZAN MANG PO BYIN PAS 'GRANGS DRAGS NAS NA BA LA, MKHAN CHEN PAS KHRO BO'I DRAG SNGAGS LA SOGS PA BGRANGS KYIN BYIN BRLABS BYAS KYANG MA PHAN PAR MDZO MO SHI BAS, SEMS DPA' CHEN POS MDZO MO'I SPYI BO THEN THEN MDZAD CING, NGA'I MA RGAN RE SNYING RJE GSUNG ZHING YUN RING BSHUM PA LA MKHAN CHEN PAS, BLA MA PA DA GSHEGS PAR ZHU GSUNGS PAS, DRUNG PA SNGON LA GSHEGS PAR

ZHU; 'O SKOL DUM PAS MI 'GRA GSUNG NAS YUN RING PO'I BAR BSHUM ZHING BZHUGS, RJES LA MKHAN CHEN PA'I GSUNG GIS, MDZO ME'I DON GRUB, DUD 'GRO GCIG LA DE LAS TSOGS BSAGS PA MI YONG GSUNG, DE NAS TA'I SI TU BYANG CHUB RGYAL MTSAN GYIS ZHU 'BROG LHA KHANG NAS BSU BA BYAS TE RIN SPUNGS SU PHEBS PA'I DUS, DE NAS MI MTHONG BA'I SAR SUS KYANG ZHUS PA MED PAR, DUR SMRIG GI SGROL MA RANG BYON BZHUGS SA DE RI PHA GI'I MDUN NA BDOG GAM GSUNG, DE NAS SI TU BYANG RGYAL BAS RDZONG RNAMS SU RIM PA BZHIN DU ZHABS TOG BYAS NAS, DBUS KYIS CHA BSAM YAS LA NYEN LAM GNYIS TZAM YOD PA'I LAM KHA GCIG TU PHEBS PA DANG, SPRIN DKAR PO GCIG LA TSAD BTZUGS NAS PHA GI'I THAD NA GANG YOD GSUNG PA LA, SA SNA BA CIG NA RE, PHA GI'I THAD NA BSAM YAS YOD ZER BAS, DE TSOD CIG 'DUG NGO MTSAR CHE GSUNG PA LA, SLOB DPON YON TAN 'OD KYIS CI GDA' ZHUS PAS, RGYU MTSAN 'DRA GDA' YA GSUNG, DE NAS SI TU BYANG RGYAL GYIS YAR KLUNGS SNE GDONG DU SBYAN DRANGS TE, GUS PA CHEN POS BSNYEN BKUR ZHING MCHOD PA'I KHYAD PAR MANG POS ZHABS TOG BYAS TE GTZUG GI NOR DU LTAR BZUNG NAS CHOS STON PAR GSOL BA BTAB PAN BDAG NYID CHEN PO 'DIS SNE GDONG DANG, KHA 'BRUG DANG, RTZES THANG LA SOGS PA RNAMS SU DGE 'DUN DANG SKYE BO'I TSOGS CHEN PO RNAMS LA CHOS GSUNGS PA'I DUS SU, LHA'I ME TOG CHAR BZHIN

, ,DU BABS PAS THAMS CAD RANG DBANG MED BAR DAD BAR BYAS NAS 'GRO BA DPAG TU MED PA'I DON MDZAD CING, 'CHI NGES BA'I MI MANG PO'I SROG YANG THAR BAR BYAS NAS ZLA BA LNGA PA LA LHA SAR BYON TE JO BO RIN PO CHE'I DRUNG DU GSER CHAB GSOL, DKAR ME PHUL, BSTAN PA DANG SEMS CAN GYI DON DU GSOL BA RGYA CHEN PO BTAB STE, LHA SAR PHYOGS THAMS CAD NAS DGE BA'I BSHES GNYEN DUR SMRIG GI RGYAL MTSAN 'DZIN PA GNAM GYI SKAR MA TZAM 'DUS PA DANG, SKYE PO'I TSOGS CHEN PO 'DUS PA RNAMS LA THUGS BSKYED LA SOGS PA GSUNGS PA'I TSE, LHA'I ME TOG CHAR BZHIN DU BABS PAS THAMS CAD DAD PAR BYAS SHING 'GRO PA DPAG TU MED PA SMIN GROL LA BKOD NAS GUNG THANG DANG, GSANG BDE DANG, ZUL SKOR DANG, SNYE THANG LA SOGS LA CHOS GAR GSUNGS THAMS CAD DU ME TOG GI CHAR BABS PAS, THAMS CAD DAD PAR BYAS NAS PHAN BDE LA BKOD PA KUN LA THUN MONG DU GRUB BO, ,SEMS DPA' CHEN PO'I DRUNG DU, MTSUR YON RIN YES GSANG PHU DANG GZHAN DU CHOS GSUNG DUS ME TOG GI CHAR BABS PA LAS KYANG, LHA SA RU CHOS GSUNGS DUS ME TOG GI CHAR 'BAB PHUL CHE BA 'DUG ZHUS PAS; GNAS KYI KHYAD PAR YIN MCHI GSUNG, DE NAS YANG SI TU BYANG RGYAL BAS YAR KLUNGS SA GDAN DRANGS TE, DANG SHI DBANG PHYUG GI BANG KHANG NOR DANG BCAS PA PHUL NAS, BSAM GTAN GLING DU SI TU BA 'KHOR DANG BCAS PAS

ZHABS TOG RGYA CHEN PO BSGRUBS TE, RTZES THANG BA LA SOGS PA'I DGE BA'I BSHES GNYEN DU MA DANG SKYE BO'I TSOGS DPAG TU MED PA LA CHOS KYI 'KHOR LO BSKOR ZHING, DE'I DUS SI TU BA LA SEMS DPA' CHEN POS, NGED LA DNGOS PO'I 'BUL BA CI YANG MI DGOS BCUN BA RNAMS LA KHRAL DMAG 'U LAG 'GEL BA 'DI BSTAN PA LA GNOD PAS MI MDZAD PAR ZHU GSUNG ZHES GRAG GO ,DE NAS GDAN SA MTHIL DANG BSAM YAS LA SOGS PA RNAMS SU YANG CHOS KYI 'KHOR LO RGYA CHEN PO BSKOR BA LA ME TOG GI CHAR SNGAR BZHIN BABS PAS THAMS CAD DAD PAR BYAS NAS PHAN BDE LA BKOD CING, SI TU BAS 'BUL BA RGYA CHEN PO BSGRUBS PA RNAMS DANG, GZHAN YANG DBUS PHYOGS NAS BYUNG BA'I PHYAG RDZAS RNAMS SA SKYAS THOG DRANGS PA'I DGON SDE RNAMS SU JA SKOL BTANG ZHING, BSHAD NYAN DANG SGOM SGRUB LA BRTZON PA RNAMS DANG, KHYAD PAR DU 'TSO BAS PHONGS PA RNAMS LA GNANG ZHING THAMS CAD CHOS DANG ZANG ZING GI SBYIN PHAS TSIM PAR MDZAD DO, ,DE NAS YANG TSAL PAS GDAN DRANGS TE, SI TU DGE LEGS BZANG PO YAB SRAS KYIS SBYIN BDAG MDZAD NAS DGE BA'I BSHES GNYEN DANG SKYE BO'I TSOGS CHEN PO LA CHOS KYI 'KHOR LO BSKOR NAS, DE DUS RIMS NAD CHEN PO BYUNG BA YANG RGYUN CHAD CING, BTZON MANG PO YANG THAR BAR MDZAD CES GRAG GO, MDOR NA DBUS KYI CHOS DON DU GNYER PA'I DGE PA'I BSHES GNYEN DANG, SKYE BO'I TSOGS THAMS CAD SBYIN PAS TSIM PAR

, ,MDZAD NAS LHA SAR JO BO RIN PO CHE'I DRUNG DU DKAR ME PHUL, GSER CHAB GSOL, BSTAN PA DANG SEMS CAN GYI DON DU GSOL BA RGYA CHEN PO BTAB NAS, SI TU BYANG RGYAL BA LA SOGS PA THAMS CAD KYIS DBUS PHYOGS SU BZHUGS PAR ZHU BA NAN CHEN PO BYAS KYANG MA BZHUGS PAR GTZANG PHYOGS LA BYON TE, YAR LAM STAG TSANG DU SPYAN DRANGS TE BLA MA KHYUNG PO BA DANG, BLA MA DBANG GIS THOG DRANGS PA'I DGE 'DUN DANG SKYE BO'I TSOGS CHEN PO LA CHOS KYI 'KHOR LO RGYA CHEN PO BSKOR ZHING, LAR NI LAM NA YOD PA'I SGOM GRVA BSHAD GRVA GRONG KHYER LA SOGS PA THAMS CAD DU CHOS KYI SBYIN PA RGYA CHEN PO BTANG STE, MDOR NA DE RES DBUS GTZANG GNYIS KAR CHOS DANG ZANG ZING DANG, MI 'JIGS PA'I SBYIN PAS TSIM BAR MDZAD NAS, YOS LO ZLA BA BCU BA'I TSES GCIG LA GRU 'DZIN DNGUL CHU CHOS RDZONG DU PHEBS SO, ,BDAG NYID CHEN PO 'DIS SO SO THAR PA'I SGOR ZHUGS NAS BSLAB PA NYIS BRGYA LNGA BCU RTZA GSUM LA NYES LTUNG DRI MA'I SKYON GYIS MA GOS, SMON 'JUG BYANG CHUB MCHOG TU SEMS BSKYED NAS RANG BDE 'DOD PA'I RNAM PAR RTOG PA THAMS CAD SPANGS NAS SGE GSUM GZHAN DON 'BA' ZHIG BSGRUBS, RDO RJE THEG PA'I SGOR ZHUGS NAS MA NGAG PA'I RNAM RTOG SPANGS TE, SNOD BCUD DAG PA'I 'KHOR LOR GZIGS PAS SKU LA TSUL KHRIMS KYI DRI ZHIM PO LDANG STE, GZIM KHANG GI NANG THAMS CAD KYANG DRI ZHIM POS KHYAB PA YOD CING, GSOL

'PHRON BZA' DANG DBU ZHVA LA SOGS GZHAN LA GNANG BA RNAMS KYI DRI ZHIM PO YANG ZLA RE TZAM KYI PHAR DU MI YAL BAR YONG, DGUNG LO LNGA BCU RTZA BDUN PA'I BAR DU SHA YANG GTAN NAS MI GSOL BA LA, DE LO BLA MA DBANG GRAGS PA RGYAL MTSAN DANG, BLA MA DKON RGYAL BA GNYIS LA LUNG MANG PO MDZAD PA'I DUS SU SKU KHAMS ZIB BYUNG BAS, KHONG RNAM GNYIS KYIS SHA GSOL BAR NAN CHEN PO ZHUS PAS, DE PHYIN CHAD SEMS CAN LA PHAN PAR DGONGS TE BAG RE GSOL, BDAG NYID CHEN PO 'DI NYIN ZHAG PHRUGS GCIG LA CHOS SPYOD KYI RIM PA 'DI LTAR MDZAD DO, NANG PHYOGS BZHENGS NAS SKU KHRUS MDZAD DE, PHYAG BRGYA RTZA RE DANG SBRAGS YAN LAG BDUN PA RGYAS PA MDZAD NAS SMON 'JUG GI SEMS BSKYED BSDUS PA RE LEN ZHING, GTOR MA'I RIM PA TSA GONG DU DKAR GTOR CHA BZHI, CHA BA GSOL NAS BRGYA RTZA, MI G-YO BA, DBYU GU, BRUL GTOR, BAR DO'I GTOR MA LA SOGS PA RNAMS MDZAD NAS, YANG SMON 'JUG GI SEMS BSKYED BSDUS PAR BLANGS NAS BSKOR BA BRGYA RTZA RE MDZAD, MA nI KHRI TSO GNYIS GNYIS, YUM SGRUB, SGROL MA CHAR SUM CU RE, BHEE shA DZHE NYER GCIG ,RNAM RGYAL GYI GZUNGS CHAR GCIG, DGONG MO BDE MCHOG GI MNGON RTOGS GZHUNG NAS BSHAD PA BZHIN BSGOMS NAS, SNYING PO STONG PHRAG RE'I BZLAS PA DANG, GZIM KHAR YAN LAG BDUN PA PHUL NAS SMON 'JUG GI SEMS BSKYED BSDUS PA RE LEN PA RNAMS MTSAMS KYI DUS SU 'CHAG MED DU MDZAD, GZHAN

, ,NGES PA MED GSUNG, BDAG NYID CHEN PO 'DI MDO SNGAGS KYI LAM YONGS RDZOGS LA NYAMS LEN MTHAR PHYIN PAS BSHAD NYAN MDZAD PA'I DUS NA'ANG, RMI LAM DU DAG PA'I ZHIS KHAMS GANG 'DOD PA BLTA BA DANG, DE NA BZHUGS PA'I SANGS RGYAS DANG BYANG CHUB SEMS DPA' GRANGS MED PA LA CHOS NYAN PAR NUS PA ZHIG YOD, CHOS RJE BSOD NAMS RGYAL MTSAN GYIS BO DONG AE'I KUN DGA' RA BA BZHENGS NAS RAB GNAS MDZAD PA'I DUS SU, SEMS DPA' CHEN PO DANG BU STON RIN PO CHE GNYIS RMI LAM GYI GSUNG GLENG BYUNG BA'I TSE, SEMS DPA' CHEN POS RMI LAM BZUNG STE DGA' LDAN DU PHYIN NAS BYAMS BA MGON PO LA BYAMS PA'I CHOS LNGA RDZOGS PAR NYAN GSUNG, CHOS RJE BU STON RIN PO CHES CHOS 'CHAD PA'I TSE NYIN PAR LTA RTOG MA GRUB NA MTSAN MO RMI LAM BZUNG NAS LTA RTOG BYAS GSUNG, RGYAL SRAS BDAG NYID CHEN PO 'DI CHOS GSUNG BA'I TSE NA YANG LUNG 'DREN LA SOGS PA'I TSIG NAM 'THOGS DUS SPYAN NAM MKHA' LA CHER MDZAD BAS SHAR DE GSUNG BA ZHIG YOD PAR 'DUG STE DE NA YI DAM GYI LHAS STON PA YIN ZHES SEMS DPA' CHEN PO NYID KYI THUGS SRAS RNAMS GSUNG NGO, ,RGYAL SRAS BDAG NYID CHEN PO 'DI JI TZAM GYI RTOGS PA MTHON POR BYON YANG DUS KUN TU RANG GI 'KHRUL PA LA RTOG BA LHUR MDZAD DE ZHAL NAS, RANG LA RANG GIS GROS 'DI 'DEBS SO KVA, MKHAS PA DANG, BTZUN PA DANG, BZANG BA'I YON TAN GANG YANG MED

BZHIN DU RANG BZANG POR RE BA'I RLOM STANGS CAN RANG SKYON RI TZAM YANG MI MTHONG ZHING, GZHAN SKYON RDUL PHRAN TZAM LA YANG RTOG, RANG DON ZHE LA BZHAG NAS GZHAN DON BYED PAR SMRA, CHOS PAR BRDZUS NAS TSE 'DI'I CHE THABS 'BA' ZHIG SGRUB PA KHYOD KYIS, SNGAR YANG RANG GI SPYOD PA LA MA BRTAGS PAR RANG GIS RANG BSLUS PAS SNGAR YANG SDUG BSNGAL MANG PO MYONG ZHING, DA DUNG 'KHOR BA DANG NGAN SONG GI SDUG BSNGAL LAS GROL BA'I GDENG MED PA 'DI KHYOD RANG GIS NYES PA YIN ZHING, DA YANG GTAN GYI BDE BA THOB BAR 'DOD NA DBEN PA'I GNAS SU SDOD LA, BLO BLA MA DKON MCHOG KHO NA LA GTOD, 'JIG RTEN GYI CHOS BRGYAD SPONGS LA CHOS BRGYAD CAN GYI MI DANG MA 'GROGS, RANG 'DOD KYI 'KHRI NGA CHOD LA GZHAN DON GYI GO CHA BSKYED, NGA RGYAL DANG KHONG YUS SPONGS LA DMAN CHA ZUNGS, SKYES BU DAM PA RNAMS KYI MDZAD SPYOD LA SOMS LA, DKA' THUB KYI SRAN BSKYED CES SOGS GSUNGS, YANG, NYON MONGS DBANG GIS RGYAL SRAS GZHAN DAG GI ,NYES PA GLENG NA BDAG NYID NYAMS 'GYUR BAS, ,THEG PA CHE LA ZHUGS PA'I GANG ZAG GI ,NYES PA MI SMRA RGYAL SRAS LAG LEN YIN, ,ZHES BA LTAR PHYAG LEN LA BTAB STE, DE YANG SEMS DPA' CHEN PO 'DI NI CHOS KYI GSUNG GLENG DANG GZHAN LA PHAN PA'I GSUNG TZAM MA GTOGS PA, DON MED KYI SMRA BRJOD MI GSUNG ZHING, KHYAD PAR DU GZHAN GYI NYES PA GLENG BA GTAN NAS MI SRID CING, 'GA' ZHIG GIS NGED KYI BLA MA

, ,BZANG KHYED KYI BLA MA MI BZANG ZER BA DANG, CHOS ZAB MI ZAB DANG, LTA BA LOG MA LOG SOGS GZHAN GYI NYES PA GLENG BA GSAN NA, DMIGS SU BKAR NAS MI GSUNG YANG, CHOS GSUNG PA'I DUS SU, SPYIR LONG GTAM LA SNYING PO MED, MI DGE BA 'PHEL, DGOS SU GZHAN LA SMAD PAS RANG MI MTHO'I STENG DU NYES PA 'PHOG, CHAGS SDANG 'BEL, KHYAD PAR DU CHOS DANG GANG ZAG LA SDE RIS SU PHYE NAS SMOD PA 'DI RANG 'JIGS GSUNG, SMRA BA MANG POS MI DGE BSKYED SRID CING, ,DE MA BSKYED KYANG DON MED DUS 'DA' BAS, ,RANG DANG GZHAN LA PHAN NGES MA GTOGS PA, ,SMRA BRJOD SPONG BA BRTZON 'GRUS GROGS SU GCES, ,GSUNG NGO, ,RGYAL SRAS 'DIS SKU TSE'I MJUG LA ZLA BA DGU DGU MCHAMS DAM PO LA BZHUGS NAS, ZLA BA GSUM GSUM SKU MTSAMS GSENGS TE, PHYOGS THAMS CAD NAS 'DUS PA'I DGE BA'I BSHES GNYEN DU MA DANG, TSE BLOS BTANG BA'I BYA BRAL PA GNAM GYI SKAR MA TZAM DANG; GZHAN YANG MI CHEN GYI RIGS LA SOGS PA SKYE BO'I TSOGS CHEN PO DANG, MDOR NA TSOGS BA RGYA MTSO LTA BU LA CHOS KYI SBYIN PA MDZAD CING, DE'I DUS SU GZHAN GYIS PHUL BA'I RNA MO DANG SHA KHYI DANG, TSE THAR GYI LUG YOD PA KUN KYANG DUS DER RUG GE 'DUS NAS CHOS NYAN GYIN YOD BA LA, LAN CIG SNAR THANG NAS KHRID ZHU PA LA BYUNG BA'I BTZUN PA GCIG GIS, KHOS BLA MAS GSUNG PA BZHIN MA BYAS AR, SHES PA PHAR 'PHRA PA DANG, TSUR BSDU

BA DANG, DE MA KHAD RLUNG BSGOMS 'DUG PAS, KHO SMYO NAS TSOGS CHOS GSUNG PA'I DUS SU SGRAN MOR SHOR BYUNG BA LA, KHO 'DZIN DU PHYIN PA RNAMS LA RDO BRGYAB NAS 'GRO SA MA BYUNG BA'I SKABS SU, RNA MO DE DRUNG NA CHOS NYAN KYIN YOD BA LA HAR TE LANGS NAS KHO'I PHYIR RGYUGS SONG STE, HAR HAR LANGS KYIN BRDUNGS TZA NA KHOS RVA CO NAS BZUNG GIN PHYIR PHUL BYED KYIN TSOGS CHOS MA GROL GYI BAR DU KHONG GNYIS 'DZING GIN BSDAD PAS GZHUG KHOS DRAN PA RNYED NAS 'DUG PA LA; SEMS DPA' CHEN POS, DA KHOS RDO MI BRDEG MCHI, GOS SHIG G-YOGS NAS KHRID SHOG GSUNG, DRUNG NA 'KHOD PA CIG GIS PHYIN PAS DRAN PA RNYED NAS NGO TSA ZHING 'DUG, DRUNG DU KHRID PHYIN PA DANG, RJE BTZUN MTSAR GCIG GSUNGS NAS BYIN RLABS MDZAD DE, DE RING NYID KYI GEGS SEL DE RNA MOS BYAS, MOS KYANG GO BCAD GSUNG BA LA, KHOS DUS PAS, SGROL MA GYIS LA SKAD CHEN BO THONG LA DUS GSUNGS PAS, RNA MO DES RJE BTZUN MA'I 'PHRIN LAS BYAS BA YIN BAR 'DUG, DE LTA BU'I YA MTSAN CHE BA CIG BYUNG BA DE DUS KYI TSOGS PA THAMS CAD LA MNGON SUM DU GRUB CING, BLA MA LA BYIN RLABS DANG THUGS RJE YOD TZA NA DUD 'GROS KYANG MI'I GEGS SEL NUS PA 'BYUNG NGO, ,BLA MKHYUNG PO BA'I SLOB MA GSUM GYIS BOGS 'DON GYI GDAMS PA CIG ZHUS PAS, TSE 'DI BLOS THONGS, SEMS CAN LA BYAMS SNYING RJE SGOMS, BLA MA LA GSOL BA DUNG PA THOB LA SPROS PA MED PA'I NGANG LAM YENGS PAR ZHOG GSUNG, DE YANG

, ,SEMS DPA' CHEN PO 'DI NI 'BYOR PA DANG LDAN PA'I MI CHEN RNAMS LAS KYANG SNYOMS CHANG CHOS DON DU GNYER BA RNAMS LA MNYES SHING KHYAD PAR DU KHRI ZHU BA RNAMS LA MNYES TE, KHRID ZHU BA 'DI RNAMS DUS RGYUN DU SGOM PA MA BYUNG YANG KHRID ZHU BA'I RIN DE LA 'JUR PO RE SGOM PAR 'DUG, DE'I STABS KYIS PHAL CHER LA NYAMS MYONG DGA' RAB RE SKYE YIN 'DUG PAS, GDUL BYA SKYONG BA'I DUS KHRID 'BOGS PA 'DI RANG 'GRO DON CHE GSUNG, PHYOGS NAS MJAL 'PHRAD PA DANG, BSNYEN BKUR BA NANG NA YOD PA'I DUS SU KHRID PA RNAMS 'TSOGS NAS GDA' ZHUS NA, DO ZHAG MTSAMS GROL BA'I SKABS DER GAL CHA SHOS CHOS 'CHAD PA 'DI YIN PAS, GZHAN RNAMS DUM PA SGOR BYON, KHRID PA TSO LA SHOG GYIS GSUNG NAS CHOS GSUNG, 'GRON PO MANG RAB RANG NANG NA YOD NA, STAN PHYIR THON 'O SKOL RANG SGOR CHOS 'CHAD 'GRO'O GSUNG NAS PHYIR BYON TE CHOS GSUNG NGO, ,DA LTA'I SLOB DPON TSO LA BLTAS TZA NA DE LTA BU'I MDZAD SPYOD RANG DKA' BAR GDA'O, ,KHRID TSAR BA'I RJES THAMS CAD DU MI LA RAS PAS DVAGS PO LHA RJE LA GDAMS NGAG ZAB SHOS RANG GCIG YOD PA 'GRO KHAR SPYIN ZER BA'I GTAM BRGYUD GSUNGS NAS THAMS CAD LA SGOM SKYE BAR 'DUG PAS SNYING DUS BSKYED LA SGOM DGOS PA YIN TE, SGOM CHEN PA BYA BSTAN THOG TU SDONG TSUGS PA CIG RANG DGOS GSUNGS, YANG DGON PA GSHEGS KHAR KHONG GI ZHAL NAS, KHYED SGOM CHEN PHO MO RNAMS KYIS RAB KYIS LO DGU DGU, 'BRING GIS LO GSUM, THA

MAS KYANG ZLA BA GSUM RI LA BSDAD NAS SGRUB PA MA BYAS NA, NGA DANG DAM TSIG MED GSUNGS NAS ZHAL CHEMS BZHAG PAR 'DUG, DE BZHIN DU THAMS CAD KYIS RGYUN DU SGOM PA BYUNG NA SHIN TU LEGS, THA MA YANG SROD THO RANGS DRAN TZAM RI MA BYAS NA DAM TSIG MED PA YIN NO GSUNG, RGYAL SRAS BDAG NYID CHEN PO 'DIS BSTAN 'GRO'I DON RGYA CHER MDZAD PAS SLOB BU'I RIGS KYANG RGYA GAR, RGYA NAG, BAL PO, HOR, YU GUR, SOG PO, 'GA', MDO STOD SMAD, DBUS GTZANG, YANG RTZE, MNGA' RIS LA SOGS PA'I MI RIGS MI GCIG PA GRANGS MED PA CIG SMIN CING GROL BAR MDZAD CING, SEMS DPA' CHEN PO 'DI'I 'PHRIN LAS RNAM PAR THAR PA BSAM GYIS MI KHYAB CING BRJOD KYIS MI LANG STE, BYAMS SNYING RJE BYANG CHUB KYI SEMS LA BLTAS NA, SKYE BA DBAG TU MED PA'I GONG ROL NAS BYAMS SNYING RJE BYANG CHUB KYI SEMS KHON LA SBYANGS PA 'DRA BA YOD, TING NGE 'DZIN DANG MNGON PAR SHES PA MNGA' TSUL LA BLTAS NA, SKYE BA DPAG TU MED PA'I GONG ROL NAS TING NGE 'DZIN KHO NA LA SBYANGS PA 'DRA BA YOD, RMI LAM LA DBANG THOB PA LA BLTAS NA, SKYE BA DPAG TU MED PA'I GONG ROL NAS SGYU LUS DANG RMI LAM KHO NA LA SBYANGS PA 'DRA BA YOD, YI DAM LHA'I ZHAL GZIGS PA LA BLTAS NA, SKYE BA DPAG TU MED PA'I GONG ROL NAS BSKYED RIM KHON LA GOMS PAR BYAS PA 'DRA BA YOD, SKU TSE 'DIR YANG DANG PO NYAN BSHAD MDZAD PA'I DUS KYI SLOB MA STON CHEN STON PA LA BLTAS NA, SKU TSE

, ,RIL PO NYAN BSHAD MDZAD PA 'DRA BA YOD, SKU MTSAMS DAM PO BCAD PA'I LO GRANGS LA BLTAS NA, SKU TSE RIL PO DBEN PA BSTEN PA 'DRA BA YOD, PHYAG DANG BSKOR BA MDZAD PA'I GRANGS LA BLTAS NA, SKU TSE RIL PO PHYAG DANG BSKOR BA MDZAD PA 'DRA BA YOD, MA nI DANG RJE BTZUN MA'I GZUNGS LA SOGS PA GZUNGS SNGAGS BZLAS PA'I GRANGS BCAD LA BLTAS NA, SKU TSE RIL PO BZLAS BRJOD KHO NA MDZAD PA 'DRA BA YOD, SO SO THAR PA'I SDOM PA PHOG PA'I SLOB MA DGE TSUL DANG DGE SLONG LA BLTAS NA, SKU TSE RIL PO MKHAN SLOB MDZAD PA 'DRA BA YOD, BYANG CHUB MCHOG TU SEMS BSKYED PA'I SLOB MA LA BLTAS NA, SKU TSE RIL PO BYANG CHUB SEMS DPA'I SDOM PA PHOG PA 'DRA BA YOD; BDAG PAS GZHAN GCES PA'I BYANG CHUB KYI SEMS 'KHRUNGS NAS GNOD LAN DU PHAN 'DOGS PA'I DAM BCA' BYED PA'I SLOB MA LA BLTAS NA, SKU TSE RIL PO KUN RDZOB BYANG CHUB KYI SEMS KHRID BSKYANGS PA 'DRA BA YOD, ZHI LHAG ZUNG 'JUG GI RTOGS PA DANG LDAN PA'I SLOB MA LA BLTAS NA, SKU TSE RIL PO DON DAM BYANG CHUB KYI SEMS KYI KHRID BSKYANGS PA 'DRA BA YOD, YANG ZHAL NAS, DGE BA BSAGS PA BYANG CHUB TU MA BSNGOS NA, YUL KHYAD PAR CAN LA KHONG KHRO SKYES PA LA SOGS PA DGE BA 'DZAD PA'I RGYU 'GA' ZHIG BYUNG NA 'DZAD CING, BYANG CHUB TU BSNGOS PA'I DGE BA NAM YANG MI 'DZAD CING, RANG NYID GCIG BU'I DON DU KHAMS GSUM GYI BDE 'BRAS DANG THEG PA DMAN PAR MI BSNGO STE,

SEMS CAN THAMS CAD KYI DAN DU BLA NA MED PA'I BYANG CHUB TU BSNGO BA GAL CHE, BSNGO BA'I DBANG POR RGYAL BA SRAS DANG BCAS PA BZHUGS PAR BSAMS LA, BSNGO BYA BSNGO BYED LA SOGS BA'I CHOS THAMS CAD MI DMIGS BZHIN DU BSNGO; ;BSNGO BZHIN DU MI DMIGS PAR SHES DGOS, DE LTAR MI SHES NA YANG 'O SKOL SO SO SKYE BO MOS PAS SPYOD PA YIN PAS, 'JAM DBYANGS DANG KUN TU BZANG PO LA SOGS PAS JI LTAR BSNGOS PA BZHIN DU BDAG GIS KYANG BSNGO SNYAM PA BYAS PAS CHOG GSUNG, LAN CIG CHOS SDE'I NYE GNAS DGE BSHES RGYAL BZANG BYA BAS, NYE GNAS STON PA LA ZHU BA BRGYUD NAS, SANG RED SKU MTSAMS GSENGS NAS ZLA BA GSUM CHOS GSUNG BA DE, BDAG GIS CHAR BYON NAS GSUNG BAR ZHU, DPON SLOB DU BYON PA'I ZHABS TOG DANG 'GRON PO JI TZAM BYUNG BA LA 'DI LA 'DI BYIN ZER BA GANG DGOS PA NGED RANG GIS SGRUB, DRUNG DU ZHUS ZER NAS ZHUS PAS, KHONG GI DE SEMS NAN TAR BZANG BLO STOBS CHE STE, RANG RE SANG PHOD DA TZAM NA KHONG GI GDAN 'DREN PA DE LAS THAG RING BA CIG TU 'GRO NYEN 'DUG, LAR GYIS KYANG DA NA SO RGAS BAS ZLA BA GSUM GSUM BA'I MTSAMS GSENG BA 'DI YANG G-YENG BA CHES 'DUG SNYAM PA LA; DE NA YAR 'GRO BA GA LA YONG, KHYED LA NOR YOD PAR 'DUG PAS NGA GDAN MA 'DRONGS KYANG CHOS PHYOGS GZHAN DANG GZHAN DU GTONG BA ZHU, RANG RE GZHAN DU 'GRO BA'I GLENG MO DE KHONG DANG GZHAN LA MA LAB, GRAGS PA BRDEG

, ,PA LAS YI YONG GSUNG ZER, YONG DE LO GONG DU GDAN 'DREN PA'I GSER YIG PA YONG GI YOD PA 'DUG ZER BA CIG THOS NAS SLOB DPON YON TAN 'OD KYIS DRUNG DU ZHUS PAS, YONG DAN MED MCHI PHO TSOD MED PAR BYUNG SRID NA'ANG, DE GONG DU GDAN 'DREN GZHAN CIG YONG BAR GDA' YI GSUNG, DE'I LO SKU MTSAMS LA 'JUG KHAR PHYAG RDZAS GANG YOD THAMS CAD DER 'DUS PA'I DGE 'DUN DANG, SKYE BO'I TSOGS CHEN PO RNAMS LA 'GYED CHEN PO MDZAD, THUB PA'I BSTAN PA RIN PO CHE LA BYA BA RGYA CHEN PO BSGRUBS, BSTAN PA DANG SEMS CAN GYI DON LA DMIGS PA'I GZHAN DON KHO NA MDZAD PA'I ZHAR LA RANG DON THOB BYA THAMS CAD THOB, SPANG BYA THAMS CAD SPANGS NAS, BCOM LDAN 'DAS THUB BA'I DBANG PO NYID KYANG, SKU RGYAB BSNYUN PA DANG, SMAN PA 'TSO BYED LAS SMAN BZHES PA'I TSUL BSTAN PA LTAR, SA MO BYA'I LO ZLA PA GNYIS PA NAS SNYUN PA'I TSUL BSTAN TE, LHA RJE LA STON PA DANG, GSOL SMAN BSTEN PAR ZHU ZHUS PAS, NGA'I BSAM PA LA SUS KYANG MA TSOR BAR SHIB CIG BYA BSAM PA YIN GSUNG PAS, NYE GNAS KYIS PHYIS MI THAMS CAD KYIS GSOL SMAN BSTEN PA LA SOGS PA'I ZHU BA GANG YANG MA BYAS ZER BA'I KHAG YONG LAGS ZHUS PAS DE RANG MED GSUNG NAS, LHA RJES PHYAG RTZA BLTAS PAS, GDAN 'DREN PA'I GSER YIG PA PHEBS PA LA BLTA RGYU MI 'DOG GAM MCHI GSUNG, DE'I DUS SU NYIN GCIG SLOB DPON

NAM MKHA' SENGGE LA BRGYAD STONG BA'I BYANG CHUB SEMS DPA' CHOS 'PHAGS DANG RTAG TU DU GNYIS KYI LE'U SGROGS GSUNG PA LA, BYANG CHUB SEMS DPA' RTAG TU DU'I TING NGE 'DZIN GYI SGO DU MA THOB DUS GYI SKABS SU, NGED KYI TING NGE 'DZIN 'DI DAG GI NGO BO NYID DANG RANG BZHIN LA BLTAS NA, GANG MNYAM PAR BZHAG BAR BYA BA'AM, LDANG BAR BYA PA'AM, BYANG CHUB TU SPYAD PA 'AM, GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I CHOS DE GANG YANG YANG DAG PAR RJES SU MI MTHONG, RIGS KYI BU 'DI NI SHES RAB KYI PHA ROL TU PHYIN PA YIN TE, ZHES PA'I SKABS SU DE 'DRA ZHIG RANG YIN GSUNG NAS YUN RING PO'I BAR DU TING NGE 'DZIN LA 'BYAMS SO, ,DE'I DUS DRUNG RANG DU NYIN GCIG MI LNGA SMAN BLA'I CHO GA RGYAS PA CIG SKAD GSANG MTHON PO'I SGRO NAS BYAS PA CHAR RTING YUN RING PO ZHIG NAS KHYED RNAMS KYIS SMAN BLA BYAS SAM MA BYA SA GSUNG BAL CHAR ZHUS PAS, KHYED RNAMS GRABS BYED KYI 'DUG PA DE DRAN PA YIN TE, RJES LA MNYAM GZHAG GCIG LA YENGS NAS KHYED RNAMS KYIS CHO GA BYAS PA MTSOR 'DUG GSUNG, DE'I DUS SU SA G-YO BA DANG, NAM THO RANGS KHA GZIM KHANG GI NYE SKOR 'JA' 'OD KYIS KHANGS PA LA SOGS PA'I LTAS CHEN PO RNAMS PANG BAS, THAMS CAD SEMS MA BAD BAR SKU RIM LA 'JANG STONG SKOR BSAGS NAS 'GYED BYED PA DANG, SKU RIM DANG GSOL 'DEBS NAR MAR SGRUBS PA DANG, GZHAN YANG PHYOGS THAMS CAD DU GSOL BA 'DEBS PA DANG, KHYAD PAR DU BDAG NYID CHEN PO NYID KYI SRAS KYI ZU PHO MKHAN CHEN BYANG CHUB RTZE MO DANG,

, ,CHOS RJE NYI MA SENG GE GNYIS KYIS BZHUGS STAN PHUL, ME TOG GTOR NAS BSTAN PA DANG SEMS CAN GYI DON DU BZHUGS PAR GSOL PA BTAB PA'I MTHU CHEN PO LA BRTEN NAS ZLA BA GSUM BZHI'I BAR DU SNYUN PA DVANGS PAR GYUR TO, ,YANG DE'I DUS SU SEMS DPA' CHEN POS KHONG RNAM GNYIS LA NAD PA GZHAN DANG MI 'DRA, DAR KHA MED KYANG DGE SBYOR 'PHEL DU SONG, RIG PA DANGS PO YOD GSUNGS, RGYAL SRAS 'DIS PHYI RABS KYI GDUL BYA RNAMS KYI DON DU GSUNG RAB THAMS CAD KYI SNYING PO'I DON GCIG TU BSDUS BA BLO SBYONG DON BDUN MA'I KHRID YIG DANG, RGYAL SRAS LAG LEN, 'ZUG PA SEMS BSKYED, SPYOD 'JUG GI t'IKKA, MDO SDE RGYAN GYI t'IKKA , THEG PA CHEN PO RGYUD BLA MA'I t'IKKA, SMYUNG GNAS KYI CHO GA ,RTEN 'BREL GYI KHRID YIG ,BLO SBYONG BLA MA RGYUD PA'I GSOL 'DEBS SMON TSIG DANG BCAS PA, BLO SBYONG GI BLA MA'I RNAL 'BYOR LAM GYI LUS YONGS SU RDZOGS PA, BLA MA RNAMS DANG SANGS RGYAS BYANG SEMS KYI BSTOD TSOGS, RANG GZHAN LA GDAMS PA SOGS CHOS TSAN BRGYA DANG BCO LNGA MDZAD DO, ,DE NAS ZLA BA BDUN PA NAS SNYUN LOG PA'I TSUL BSTAN NAS, SPYIR MI 'GYUR RDO RJE' SKU THOB PAS BSNYUN MI MNGA' YANG, RGYUD BLA MA LAS, YANG DAG JI BZHIN MTHONG BA'I PHYIR, ,SKYE SOGS RNAMS LAS 'DAS GYUR KYANG, ,SNYING RJE'I BDAG NYID SKYE BA DANG, ,'CHI BA DANG NI RGA BAR STON, ,ZHES GSUNG PA LTAR, SNYUN

PA'I TSUL BSTAN PA LA, DA RUNG SMAN DANG LHA RJE BSTEN PAR ZHU ZHUS PAS, NA SO MTHAR PHYIN PA DANG, NAD KYANG BYING CHES PA'I PHYIR PHAN PAR DKA' BAS DGAG SGRUB MED BAR RANG SOR GLOD NAS 'JOG PA YIN, LAR YANG RANG NYID MI BSGRUB PA DE GZHAN LA BSTAN PAR MI RIGS, 'O SKOL GYIS DANG PO SA SKYAR PHYIN DUS RTZI BAS RI BA YIN PA'I RTOGS LDAN GCIG SA SKYA'I YANG DGON NA NAD DRAG POS BTAB 'DUG PA GCIG GIS, NA TSA LA SOGS PA LAM DU 'KHYER NA JI LTAR BYED ZER BA LA, BDAG GZHAN SGYU LUS KYI PHUNG PO 'DI, ,NA NA NA STEN BAS DGA', ,SNGAR BSAGS KYI LAS NGAN 'DZAD PA YIN, ,CHOS SPYOD KYI BYA BA SNA TSOGS KYANG, ,SGRIB GNYIS SPYONG BA'I CHED DU YIN, ,NA BA MED NA MED DE DGA', ,LUS SEMS BDE NA DGE SBYOR 'PHEL, ,MI LUS DON CAN BYED PA YANG, ,SGO GSUM DAG LA SBYOR BA YIN, ,'BYOR PA MED NA MED DE DGA', ,BSKUNG GSOG GI BYA BREL DE LA MED, ,'THAB RTZOD KYI KHRO 'KHRUG JI SNYED PA, ,'DZIN CHAGS KYI NOR LAS BYUNG BAR NGES, ,'BYOR PA YONG NA YOD DE DGA', ,BSOD NAMS KYI DGE TSOGS SPEL BAS CHOG ,'PHRAL PHUGS KYI PHAN BDE JE SNYED PA, ,BSOD NAMS KYI 'BRAS BU MIN PAR NGAS, ,MYUR DU SHIN SHI BAS DGA', ,RKYEN NGAN GYIS BAR DU MCHOD CING, ,'TSAMS SBYOR GYI BAG CHAGS BZANG 'GROGS PAS, ,MA NOR GYI LAM DU TSUD PAR NGES, ,YUN DU GSON NA GSON PAS DGA', ,NYAMS MYONG GI LO TOG SKYES PA

, ,LA; ;GDAMS NGAG GI RLAN DROD MA YAL BAR, ,YUN DU BSTEN BAS SMIN PAR 'GYUR, ,ZHES BSTAN PA BZHIN DU, 'O SKOL RANG YANG GANG BYUNG LA DGA' BA SGOM PA'I MAN NGAG 'DI NYAMS SU LEN PA'I PHYIR PHAN PA'I THABS MI TSOL, NA BAR SNANG BA 'DI RGYU 'BRAS BSLU BA MED PAR STON PA'AM, SGRIB GNYIS SBYONG BA'I THABS MCHOG KYANG YIN, DGE SBYOR GYI BSKUL MA LTA BUR YANG 'DUG PAS, 'DI MI YONG BA'I THABS MI 'TSOL, PHYOGS KYI RIM GRO BA 'DI RNAMS KYIS KYANG DA BAR LA 'CHIR MA BCUG GSUNG BA LA, DRUNG GI ZHAL MTHONG BA DANG, GSUNG THOS SU RE BA'I GDUL BYA DPAG MED MCHIS PAS, DA DUNG SKU TSE BYIN GYIS RLOBS PAR ZHU ZHUS PAS; PHRU BA'I NANG NA MED PAR GZAR BUR 'BYUNG BA NI RIGS PA MIN NA'ANG PHAN THOGS PA YANG MANG RAB BYUNG, GZHAN DON GYI LAS LA CHES BYA BA MA MCHIS KYANG, 'O SKOL GYI TSOD RTZIS PA'I ZANG ZING YANG CUNG MANGS PA TZAM YANG YIN, SHI NA YANG GZHAN DON CHUNG DU YANG MI 'GRO MCHI GSUNG PA LA, DRUNG NAS GZHAN DON GZHAN DU RGYA CHE YANG, BDAG CAG GDUL BYA RNAMS MGON MED PAR 'GYUR BAS, CI NAS KYANG BZHUGS PAR ZHU ZHUS PAS, NUS BA MED NA LHAN CIG 'GROGS KYANG DGOS PA CHUNG, NUS PA BYUNG NA MYUR DU 'GRO BA THAMS CAD SGROL BAR 'DOD NA, BLO GTAD BA'I LTOS SA DANG BCAS PA KHYED RNAMS YAL BAR GA LA 'DOR, NGA DANG BRAL BA LA MYA NGAN BYA MI

DGOS, RGYUN DU GSOL BTOB DANG KHO BO YOD PA DANG MTSUNGS GYIS GSUNG, DE'I DUS MKHAN CHEN BYANG CHUB RTZE MO BYON NAS GDAN BZHUGS ZHUS PAS MA BZHES PAR TSUR LA GDAN BZHUGS MDZAD DE, SEMS DPA' CHEN PO RANG GI SNGAR GYI BZHUGS GDAN GYI STENG DU YANG GDAN BA DAGS GSUNG NAS MKHAN CHEN PA BZHUGS SU BCUG, RTEN 'BREL MDZAD PAS, DNGOS SU GSUNG MA BYON YANG BZHUGS GDAN GYI STENG DU BZHUGS SU 'JUG PA DE, CHOS BRGYUD ZUNGS ZER BA'I ZHAL TA RU GO ZHES NYE GNAS STON PA GSUNG NGO, ,DE DUS THAMS CAD LA MJAL KHA CIG GTONG BAR ZHUS PAS, DA LTA'I SKABS 'DI 'DRAR 'PHRAD KYANG RANG GZHAN GNYIS KA LA GNOD PA LAS MI YONG GSUNG, DE'I DUS KYANG MTSAN BCAS KYI THUGS DAM RNAMS YE MA CHAG PAR MDZAD PA DANG, MNAL BSRUNG BA'I PHYIR DKON BRTZEGS SGRAGS PA'I DUS DANG, MGUR MA BLANGS BA'I DUS SHUGS CHEN PO BSHUMS PAS, DO ZHAG MTSAN BCAS KYI THUGS DAM RNAMS KYANG GLOD BA DANG, KHYAD BAR DU SNYING RJE'I DMIGS PA MI MDZAD PAR ZHU, GLO BUR DU SER MA BYUNG DOGS GDA' ZHUS PAS, 'O SKOL GYI MTSAN MED LA MTSAN BCAS KYI DGE SPYOR GYIS MI GNOD PAR GDA' ZHING, THABS SHES RAB ZUNG DU 'BREL BA'I PHYIR RTZOL BA CUNG ZAD YOD KYANG BYED BAR SPRO BAR 'DUG ,SNYING RJE'I DMIGS PA CHED KYIS MA BYAS KYANG 'GRO BA'I SDUG BSNGAL DRAN TZA NA DAM NGAM SHUGS KYIS SKYE BAR 'DUG ,BYUNG RGYAL DU

, ,BTANG NA NYID CAG RNAMS YANG BAR DOGS NAS DRAN 'DZIN CHEN PO BYAS PA YIN, 'CHI KHAR 'PHO BA YANG SGOM PA LAS 'DI 'DRA'I 'PHRO LA SHI NA LEGS BA YIN MOD GSUNG, DE'I DUS SPYIR BSKYED RDZOGS GNYIS LA BRTAN PA THOB PA, KHYAD PAR DU SGYU LUS RMI LAM LA DBANG 'BYOR BA'I MKHAS GRUB CHEN PO SEMS DPA' CHEN PO'I THUGS SRAS BLA MA RDOR ZHON BA BYA BA DNGUL CHU NA SKU MTSAMS DAM PO LA BZHUGS PA'I CHU SKYEL BA ZHU PA BSKUR NAS, DRUNG NAS BSNYUNG BA 'DI LA GSOL BA THEBS MI THEBS KYI RMI LAM ZHIG BZUNG NAS LAN CIG YI GER BTAB NAS BSKUR BA ZHU ZHUS PAS, DA RES RANG GSOL BA THEBS SNYAM PA MI 'DUG ,LHAG PA'I YI DAM GYI LHA DPAG TU MED PA 'DU PA DANG, DPA' BO DANG MKHA' 'GRO MA'I TSOGS BSAM GYIS MI KHYAB PA DANG, LHA DANG LHA MO DU MAS MCHOD PA'I TSOGS MTHA' YAS BA RNAMS KYIS BSU BA DANG, CHOS RJE NYID KYANG ZHING GZHAN DU GSHEGS PA LA THUGS SPRO BA'I RNAM 'GYUR LA SOGS PA'I GTAN TSIG DU MA ZHIG 'DUG STE, ZHIB TU BSHAD NA CI RIGS KYI BLOR MI SHONG BA'I RGYU MTSAN ZHIG 'DUG PAS MI 'CHAD DE TZAM GYIS GO MOD GSUNG, DE NAS NYE GNAS KYIS 'ON 'DI LTAR GYIS GSUNG BA'I ZHAL TA GSUNG BAR ZHU ZHUS PAS, RGYAL SRAS 'DI'I ZHAL NAS KHA CHEMS 'JOG PA SKABS SU BAB 'DUG NA'ANG, NAD KYIS GDUNGS, LUS KYI SHED ZAD PA'I SKABS 'DIR, TSIG BZHI PA RE RTZOM PA

DANG; SMRAS PA LA YANG CU GAL YONG GIN 'DUG LAR GYIS 'O SKOL LA KHAMS BZANG DUS, CHOS DANG 'JIG RTEN GYI BYA BA GANG LA'ANG, KHRIGS KHA 'DI LTAR YIN GYI TIG TIG MED PAR GANG BYUNG LA GTONG GIN YONG PA DE YIN MOD, DA 'CHI KHA DANG, SHI BA'I RJES LA 'DI LTAR BYED KYI KHRIGS KHA DE BAS KYANG GA NA YONG, GAL TE KHA CHAMS LA NYAN MKHAN YOD NA, SNGAR KHAMS BZANG DUS RANG GI SHES TSOD DPE 'KHYUD MED PAR BSTAN, RTZOM BA YANG CHA CHUNG CI RIGS BA BYAS SHING, KHYAD BAR DU TSIGS BCAD TSE CHUNG MANG DAG CIG YI GER BKOD PA DA RNAMS KHA CHEMS YIN, DE MA GTOGS DO ZHAG 'BREL MED TSIG GSUM SMRAS PA LA DGOS PA MED, DE KA LA BSAMS NAS, 'PHRAD KYANG 'DI LAS GZHAN BA SMRA RGYU MED, ,SHI YANG KHA CHAMS GZHAN 'GA' MA MCHIS SO, ,BYAS PA DE KA YIN, NYID CIG RANG RNAMS KYANG BLO DKON MCHOG LA GTOD LA, TSE 'DI DANG MA 'DRES PA'I TSOS RO GYIS, SEMS CAN GYI DON DU CHOS TSUL BZHIN DU BYAD PA THAMS CAD RGYAL BA SRAS DANG BCAS PA'I RGYUD 'DZIN YIN PA LA, 'O SKOL GYIS LTA SMOS KYANG CI 'TSAL, DES NA KUN GYIS CHOS BRGYUD KYANG LAGS PAR ZUNGS, KHYAD BAR DU STON BA ZLA BZANG RANG YANG DAG SBYOR LA 'BAD PA THON, BYA BRAL GYI MING BTAGS YIN PA'I BYA'I, LONGS SPYOD MED NA LEGS PAS, NGA'I RJES LA BRA GANG BTANG RGYU MA BYUNG YANG BZOD, NUS PA BYUNG CHAD KYIS SNYOM CHUNG LA BYAMS SU BYED PA DANG, KHYAD PAR DU DA LTA

, ,RANG RES SKYONG DGOS KYIN YOD PA'I MA NUS PA 'DI RNAMS LA SKYONG RAN LEGS PO GYIS, SDUG GE RNAMS SNYING RJE BA YIN NO, ,LAB RGYU'I DNGOS GZHI DE ,YIN GSUNGS, YANG ZHAL NAS RMI LAM 'DZIN PA 'DI LA SNGAR NAS BYANG CHA CHEN BO ZHIG YOD, ZHING KHAMS GRANGS MED BLTA BA DANG, DE NA BZHUGS PA'I SANGS RGYAS DPAG TU MED BA LA CHOS NYAN PA LA SOGS PA 'BAD RTZOL MI DGOS PAR YONG BA CIG BYUNG, BAR SKABS SHIG TU 'GRIBS 'DUG PA YIN TE, DENG SANG NA BA 'DIS RMI LAM SOR TSUD 'DUG ,MA 'GAGS PA'I SNANG BA 'DI MTSAR CHE, BAR SKABS SU 'GRIB PA DE YANG BSOD NAMS SU MING BTAGS PA'I 'DU LONGS 'DIS LAN NAM BSAM, LAR BLO CHOS SU SONG BA RE BYUNG NA 'JIG RTEN GYI BSOD NAMS CHEN PO SKAD ZER BA 'DI KUN MA BYUNG NA RANG LEGS PA 'DUG STE, 'BAD RTZOL GYIS MA BSGRUBS PAR BYUNG NA LONGS SPYOD DU RUNG, ZHES SOGS KYI DGAG SGRUB MANG PO BSHAD 'DUG NA'ANG, 'BYOR NA'ANG 'BYOR PA LAM DU SLONG, RGUD NA'ANG RGUD BA LAM DU SLONG BA 'DI LA CI 'DRA'I CU GAL ZHIG 'DUG GSUNG, DE NAS ZLA BA BCU PA'I TSES BRGYAD KYI THO RANGS, SLOB DPON DPAL YE LA NGA YAR TZONG SLONGS LA MDUN RGYAB CIG SGYU RE GSUNG STE, DE BZHIN BYAS PAS, PHYAG THAL MO SBYAR NAS, YUN RING PO BSHUMS PA'I BAR SKABS SHIG TU GSUNG MANG PO 'BYON PA'I TSIG 'BRU GANG YIN MA

GNAS NANG BAR RGYU MTSAN ZHUS PAS, NGA SNYES NYAL BYAS PAS DE'I MDUN NA RJE BTZUN MA BYON 'DUG PAS, RJE BTZUN MA'I MDUN DU NGA NYAL BSDAD PAS MI YONG, TZONG LANGS LA GSOL BA BTAB DGOS BSAMS NAS DE LTAR BYAS PA YIN GSUNG BA LA, RJE BTZUN MA RNAL 'BYOR MA LAGS SAM SGROL MA LAGS ZHUS PAS, SPYAN NAM MKHA' LA CHER MDZAD NAS SGROL MA SGROL MA ZHES LAN GNYIS GSUNG BAS, RJE BTZUN MA GSUNG 'BYON GYI GDA' LAGS SAM ZHUS PAS; HE DE 'DRA MI 'DUG STE, 'O SKOL NGOS KYIS SEMS CAN GYI SDUG BSNGAL MA BZOD NAS RJE BTZUN MA LA BYAS PA MED PA'I YUS MANG BO BTZONGS GSUNGS, DE DANG DUS MNYAM PAR MYANG STOD DU SI TU 'PHAGS PA'I SAR BU MO BRONG BA'I CHOS KYIS MA GOS BA CIG LA, LHA KHA BAB NAS DANG PO DMAG GI G-YUL RGYAL PHAM 'CHAD PA'I 'PHRO LA, DE 'DRA RNAMS LTA CHA MED DE, NYI MA NUB PHYOGS YA GI NA, BLA MA RGYAL SRAS THOGS MED BYA BA ZLA BA BCU PA'I TSES BRGYAD LA RJE BTZUN MA SGROL MAS G-YU LO BKOD PA'I ZHING KHAMS SU GDAN DRANGS NAS 'GRO BAR 'DUG ZER BA ZHIG BYUNG ZHES GRAG GO ,DE DUS NYIN GCIG DA RUNG 'CHI NI MI 'CHI BAR 'DUG KYANG RTZA KHO NI BTUL 'DUG ,RTZA LA'ANG 'JU SA MI 'DUG GSUNGS NAS PHYAG BRGYANG BYUNG BA LA BLTAS BAS, RTZA BTUL 'DUG STE, DE LA BRTEN NAS SNYUN G-YOG CIG GIS, BLA MA LA MOS GUS CHE RAB YOD KYANG SANGS RGYAS DNGOS KYI 'DU SHES MED PA'I RTAGS SAM, 'ON KYANG GSUNG 'DI RNAMS 'BYON PA'I

, ,RKYEN DU, RTZA BTUL NAS CHEN PO MI SDOD PA YIN ZER, GAL TE MI 'DOD PA THOG TU BAB NAS SKU GSHEGS NA, 'PHO BA LA SOGS PA THUGS DAM GYI GSAL 'DEBS 'DI LTAR GYIS GSUNG PA'I ZHAL TA THUGS LA 'DOGS MI 'TSAL LAM ZHUS PAS, HE NYID NA RE, MI 'DOD PA THOG TU BAB NAS SHIN ZER GYIN 'DUG STE, SHI YANG MI 'DOD PA THOG TU BAB PA MIN, 'DI KO YONG BA'I GRABS SHIG SNGAR NAS TSAR, MI RGAN GYI LAS THABS ZIN, PHO LO YANG BDUN CU DON LNGA LON 'DUG TSE YANG THUNG THUNG MIN, MTSAMS GROL NAS MI MANG PO 'TSOGS PA DANG, CHOS STON PA'I 'PHRO YANG MED PAS NA BA'I DUS KYANG SNGA PHYI RAN, 'DI 'DRA ZHIG MA GRUB SNYAM PA'I BLO'I LHAG MA YANG LAS PA MED, DO CIG NAS STON DUS 'GRO DON DGA' RAB YONG GI 'DUG STE, 'GRO DON CHUNG DU YANG MI 'GRO MCHI, BYANG CHUB KYI SEMS GNYIS PO 'DI DANG NAM YANG 'BRAL MA MYONG, NA BA'I RKYEN GYIS RMI LAM SOR TSUD BYAS PA DANG 'DRA BAR, CI YIN CHA MED CIG LA KHA SANG SPYI BO NA BA NAS BZUNG STE DENG SANG GI BAR DU LUS LA SHED MED KYANG, LHAG PAR DU BYANG CHUB KYI SEMS GNYIS 'PHEL BA'I SKABS 'DI 'DRA 'JOM PA'I 'CHI BA RNYED DKA' YANG, BDAG GIS 'BAD MED DU RNYED PAS DKON MCHOG GI DRIN YIN, DE LTA BU'I DANG NAS 'CHI BA DE KA LA 'PHO BA ZER BA YIN, GZHAN GSAL 'DEBS BYA RGYU CI YANG MED, BYAS KYANG DGA' RU AE GTONG

ME SHES, DE YI SANGS RGYAS RJES DRAN SOGS, ,SUS KYANG G-YENGS PAR 'GYUR BA MED, ,CES PA DE DANG KHYED RANG RNAM PA YANG MA 'GAL BA MDZOD GSUNG, DE NAS NYE GNAS KYIS DA ZHAL MI BZHUGS NA ZHING KHAMS GANG DU SKYA BA BZHES ZHES ZHUS PAS, 'GRO LA PHAN PAR GYUR NA DMYAL BAR 'GRO BA YANG SHIN TU SPRO, MI PHAN NA DAG PA'I ZHING YANG MI 'DOD LAGS GSUNGS, DE DUS DGONG GCIG MAndAL DANG MCHOD PA RNAM LNGA KHYER SHOG GSUNG NAS, BDUD RTZI PHYAG MDZUB KYIS GTOR ZHING PHUD MCHOD RGYAS PA RE MDZAD, YANG PHYAG THAL MO SBYAR ZHING DBU DUD PA RE MDZAD, MCHOD PA RNAM LNGA PHYAG RGYA DANG BCAS PA LAN LNGA TZAM SKYAR KYIN DBUL, DRUNG NA 'KHOD PA RNAMS LA YANG MCHOD PA PHUL GSUNGS NAS SPYAN CHAB MANG PO 'BYIN GYIN 'DUG PA'I NANG PAR RGYU MTSAN ZHUS PAS, YI DAM GYI LHA 'DRA BYON PAS KHYED RNAMS LA YANG MCHOD PA PHUL BYAS PA YIN, GZHAN BSHAD RGYU TZAM MI GDA'I GSUNGS NAS ZHIB CHA GSUNG DUM GNANG, DE NAS SLOB DPON YON TAN 'OD SNYUN G-YOG RE MOS LA YOD PA'I SKABS SU, NUB CIG SROD KYI CHA LA MA DAG PA'I LAS SNANG THAMS CAD 'GAGS NAS, ZHING KHAMS RNAM PAR DAG PA, MDZES SHING YID DU 'ONG BA, DANGS SHING THOGS PA MED PA, NAM MKHA'I DBYINGS LTAR RGYA KHYON DANG TSAD RTZA BA NAS GZHAL BAR MI NUS PA 'DUG GSUNG GIN PHYAG NAM MKHA' LA YUG YUG MDZAD DE, MNAN NA NEM GYIS BYED CING BTEG NA SPAR GYIS BYED, REG NA BDE BA

, ,BSKYED PA LA SOGS PA MTSAR DU CHE BA CIG GI DBUS NA RANG RE 'DUG ,DE'I KHOR YUG KUN 'KHOR GYI TSOGS GRANGS MED PAS BSKOR 'DUG ,DE DUS TZAN YOD BA'I GNAD YIN NAM, BLA MA RGYAL BA RNAM PA GSAL BAR 'DUG ,GZHAN YANG 'OD GSAL GYI SNANG BA ZA ZI LANG LONG BRJOD KYIS MI LANG PA CIG 'DUG STE, DA STE MGYOGS POR 'GRO BAR 'DUG GSUNG, DE'I NAD PAR SLOB DPON DPAL YES, GLANG RI THAD PA BDE BAR GSHEGS PA BZHIN DU, DAG PA'I SNANG BA 'BA' ZHIG TU GDA' LAGS SAM ZHUS PAS, DA LTA ZA ZI'I SNANG BA SNA TSOGS SHIG LA YENGS NAS 'GRO YI 'DUG STE, DE THAMS CAD LA MNGON ZHEN BYA RGYU MED RMI LAM SGYU MA DANG 'DRA GSUNG, BDE BAR GSHEGS LA KHAD PA'I DUS DER YANG SNGAR NAS NYAL BA DANG SNYES PA LAM GOMS PAS, TZOG TZOG PUR SDOD PA 'DI KA BDE BA 'DUG GSUNG NAS DANG PO BSNYAN PA'I 'GO BRTZAMS NAS PHYIS BDE BAR GSHEGS KYI BAR DU SKU RNAM SNANG GI CHOS BDUN DANG NAM YANG MI 'BRAL BA'I DAR LAS, BCU DGU'I NUB MO NAS GSUNG BCAD MDZAD DO, SPYAN LA YANG 'GYAR 'GYUR MED PAR 'OD GSAL CHOS KYI SKU LAS MA G-YOS BZHIN DU, GDUL BYA RTAG 'DZIN CAN RNAMS 'DUL BA DANG, LAS TSUL BSAM GYIS MI KHYAB PA BSTAN PA DANG, ZHING KHAMS GZHAN DU GDUL BYA RGYA CHEN POR DGONGS TE SEMS DPA' CHEN PO NYID KYIS DGUNG LO BDUN CU DON LNGA BZHES PA, SA MO BYA'I LO ZLA BA BCU PA

SMIN DRUG ZLA BA'I TSES NYI SHU, RES GZA' SPEN PA, SKAR MA LAG PA YOD PA'I DGONG MO'I CHA, GZIM KHANG CHOS RDZONG GI SPU SHU LA NYI MA NUB PA DANG MNYAM DU SKU'I BKOD PA BSDUS SO, ,DE'I NUB MTSAN MO YANG DNGUL CHU'I STENG GI BAR SNANG THAMS CAD 'JA' TSON RNAM LNGA DANG, 'OD ZER GYI RANG BZHIN GYIS KHENGS SHING, SGRA CHEN PO GRAG PA DANG, DRI ZHIM PO'I NGAD PAS KHYAB PA DANG, SA CHEN PO G-YOS PAS, SMAN BLA'I COG KHRI'I STENG NAS GSER SKU SA LA LHUNG BA TZAM BYUNG, LHA'I ME TOG GI CHAR KHA BA BU YUG 'TSUBS PA LTA BU BABS SO, ,RGYAL SRAS BDAG NYID CHEN PO 'DIS BSTAN 'GRO'I DON RGYA CHER MDZAD PAS BRGYUD 'DZIN GYI SLOB MA MTHA' YAS PA BYON YANG THEG PA CHEN PO'I BLO SBYONG 'DI RGYA CHER SPEL BA'I 'PHRIN LAS KYI BKA' BAB PA NI RJE BTZUN RED MDA' PA GZHON NU BLO GROS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL SRAS BDAG NYID CHEN PO 'DI LA GUS PAS GSOL BA 'DEBS SHING, SEMS DPA' CHEN PO 'DI'I RNAM THAR LTAR DANG POR MDO SNGAGS KYI LAM GYI GNAD RNAMS LA 'KHRUL MED KYI NGES PA BRTAN PO RNYED PAR BYAS, DE NAS TSE 'DI'I PHUN TSOGS GANG LA'ANG MA CHAGS PAR DBEN PA'I RI SUL DU LAM CHA TSANG LA SGRUB PA SNYING POR BYA ZHING LHAG PAR BYANG CHUB KYI HSEMS RIN PO CHE NYAMS LEN GYI MTHIL DU BZUNG NAS RGYAL BA DGYES PA'I LAM LA SLOB PA LA BRTZON PA LHUR BYA'O,, ,,

, ,RJE BTZUN RED MDA' BA GZHON NU BLO GROS NI, SA SKYA DANG NYE BA'I SA'I CHA RED MDA' KHANG SOR BLON PO 'GAR STONG BTZAN YUL BSRUNG GI BRGYUD DU YAB BKRA SHIS RGYAL MTSAN DANG, YUM DBANG PHYUG SKYID GNYIS KYI SRAS SUS MO GLANG LA SKU 'KHRUNGS, RGYAL SRAS 'DI YUM GYI LHUMS SU ZHUGS PA'I TSE YUM LA NYI ZLA SHAR BA DANG, SGRON ME SBAR BA DANG, GTZUG LAG KHANG BZHENGS PA SOGS RMI LTAS BZANG PO BYUNG, RGYAL SRAS 'DI BTZAS PA'I TSE YANG NGO MTSAR BA'I LTAS MANG DU BYUNG, DE NAS RGYAL SRAS GZHON NU DE YAB YUM GNYIS KYIS 'O MA DANG, ZHO DANG, MAR GYI NYING KHU SOGS KYIS BSKYED BSRINGS TE MTSAN YANG BTZUN NE ZHES BYA BAR GSOL TE SMRA SHES DON GO TSUN CHAD DKON MCHOG GSUM GYI SGRA THOS PA'AM, RTEN MTHONG BA NA DAD CING GUS PA CHER SKYE BA BYUNG, RGYAL SRAS 'DI CHUNG NGU'I DUS NA YAB YUM GNYIS KA 'DAS PAS AA NE MO BKRA SHIS 'BUM BYA BAS BSKYANGS RGYAL SRAS BDAG NYID CHEN PO 'DIS BYIS PA'I DUS SU, AA NE LA, NGA YANG NAS SKYA DPON CHEN GYI LAG RTAGS BLANGS NAS BOD KHAMS BDE LA 'GOD, YANG NA BSTAN PA'I SGOR ZHUGS TE SANGS RGYAS KYI BSTAN PA NYIN MO LTAR BSAL BAR BYED GSUNGS PAS, AA NE NA RE, BTZUN NE BLO PO CHE KHYOD KYIS DE LTAR AE YONG ZHES ZER ZHING, DE NAS BZUNG STE RGYAL SRAS GZHON NU 'DI LA BTZUN NE BLO BO CHE ZHES 'BOD PA BYUNG, DE NAS RGYAL SRAS GZHON NU DE SKYES RABS

MANG POR CHOS LA SBYANGS PA'I BAG CHAGS BRTAS PAS PHYIS PA GZHAN DAG NU ZHO LEN PA DANG 'KHRUL PA'I RTZED MO LA BSLAB MI DGOS PAR NGANG GIS 'JUG PA LTAR, RGYAL SRAS 'DI DAM PA'I CHOS 'TSOL BA LA NGANG GIS 'JUG PA ZHIG BYUNG STE, 'PHAGS CHEN CHOS BZANG DPAL LA SKYABS 'GRO SEMS BSKYED DANG, BSNYEN GNAS KYI SDOM PA DANG, THUGS RJE CHEN PO'I CHOS SKOR MANG DU ZHU BAR MDZAD, DE NAS RGYAL SRAS 'DI'I THUGS LA DAL BA'I RTEN BZANG PO LAN CIG THOB PA'I DUS 'DIR SNGON BYON DAM PA'I RJES SU ZHUGS TE THOS BSAM SGOM GSUM MTHAR PHYIN PA ZHIG MA BYAS NA YID BZHIN GYI NOR BU'I GLING NAS LAG STONG DU LDOG PA LTAR DAL 'BYOR THOB PA DON MED DU 'GYUR ZHING, DE YANG KHYIM DU GNAS PA NI NYES PA DANG NYON MONGS PA DU MA'I 'BYUNG GNAS, SDUG BSNGAL DU MAS GZIR PA'I BTZON RA DANG 'DRA BA 'DI LAS MYUR DU THAR BAR BYAS NAS CHOS RNAM DAG CIG BYA'O SNYAM DU DGONGS NAS NGES 'BYUNG GI BSAM PA SHUGS DRAG POS DGUNG LO BCO BRGYAD BA LA SA BZANG PAn CHEN GYI DRUNG DU DGE TSUL GYI SDOM PA MNOS TE MTSAN GZHON NU BLO GROS SU BTAGS, DE NAS MKHAS PA'I DBANG PO NYA DBON KUN DGA' DPAL BA DANG, LUNG RIGS SMRA PA MKHAN CHEN SANGS RGYAS DPAL PA GNYIS LA GTUGS TE TSAD MA RNAM 'GREL LA SBYANGS PAS DRI MA MED PA'I RIGS PAS RTOG GE'I TSIG DON BRGYAD LEGS PAR RTOGS NAS MKHAS PA'I GRAGS PAS KHYAB PAR MDZAD, DE RJES

, ,SDE BDUN MDO 'GREL DANG BCAS PA LA SBYANGS SHING, MKHYEN RAB DBANG PHYUGS SKYA PAndI TA DANG, 'OD YUG BA RIGS PA'I SENG GE'I LEGS BSHAD RNAMS LA'ANG GZIGS PAS, DPAL LDAN TSES KYI GRAGS PA'I GZHUNG LUGS PHYIN CI MA LOG PAR THUGS SU CHUD DE RNAM 'GREL GYI t'IKKA CHE CHUNG GNYIS SPYI DON DANG BCAS PA'ANG MDZAD, DE NAS BSTAN BCOS MNGON BAR RTOGS PA'I RGYAN 'GREL PA DANG BCAS PA LA LEGS PAR SBYANGS PAS, RING POR MA LON PAR MKHAS PA'I PHUL DU PHYIN PAR GYUR, GZHAN YANG DPAL LDAN BLA MA DAM PA BSOD NAMS RGYAL MTSAN PA SOGS LA'ANG PHAR PHYIN GSAN, KHYAD PAR DU NYI KHRI SNANG BA DANG, BRGYAD STONG 'GREL CHEN 'BRE MAR GYI t'IKKA RNAMS LA'ANG ZHIB TU GZIGS PAS, 'PHAGS SENG GNYIS KYI DGONGS PA JI LTA BA BZHIN DU THUGS SU CHUD DE, PHAR PHYIN GYI t'IKKA DANG, DON BDUN CU LA RNAM BSHAD KYANG MDZAD, DE NAS CHOS THAMS CAD KYI MA MO MNGON PA'I SDE SNOD GSAN PAR DGONGS NAS, LO CHEN BYANG CHUB RTZE MO'I ZHABS LA BSNYEN TE, MNGON PA GONG 'OG TSAR MANG DU GSAN CING, SA SDE LNGA DANG SDOM RNAM PA GNYIS, PR'A K'A RA nA SDE BRGYAD 'GREL BSHAD DANG BCAS PA LA GZIGS SHING, MKHAS PA'I DBANG PO DBANG LO'I LEGS BSHAD RNAMS LA'ANG GZIGS PAS, THOGS MED SKU MCHED KYI BZHED PA JI BZHIN THUGS SU CHUD NAS, MNGON PA GONG 'OG GI t'IKKA BSDUS DO CHA DANG BCAS

BA MDZAD, DE NAS MKHAN CHEN LDOG LONG PA KUN DGA' BZANG PO'I DRUNG DU BYON TE, MKHAN SLOB DGE 'DUN DANG BCAS PA'I DBUS SU BSNYEN PAR RDZOGS TE, MKHAN CHEN PA'I DRUNG DU MDO RTZA PA TSAR GCIG GSAN PAS, MKHAN CHEN BA'I ZHAL NAS, 'DUL BA NGED LAS KHYED MKHAS PAR BYUNG BAR GDA' BAS CHOS BDAG PO LA 'PHROD DO GSUNG, MKHAN CHEN 'DIS BSKUL NAS MDO RTZA'I t'IKKA DANG, LAS CHOG KYANG MDZAD DE PHYIN CHAD NAS DBYAR GNAS DANG GSO SBYONG DGAG DBYE GSUM 'CHAG MED DU MDZAD DO, ,DE NAS DBU MA'I GZHUNG LA SBYONG BAR BZHED DE CHOS RJE BYANG SANG BA'I DRUNG DU DBUM RIGS TSOGS DANG, BZHI BRGYA PA, 'JUG PA SOGS DBU MA'I SKOR RNAMS GSAN TE, DKON MCHOG LA GSOL BA BTAB CING YANG YANG DPYAD PAS, SNGON GYI SMON LAM DANG DKON MCHOG GI BYIN RLABS LA BRTEN NAS KLU SGRUB YAB SRAS KYI DGONGS PA PHYIN CI MA LOG PAR THUGS SU CHUD DE DBU MA RTZA BA SHES RAB DANG, DBU MA LA 'JUG PA DANG, BZHI BRGYA PA GSUM LA t'IKKA MDZAD CING, RTZA SHE'I 'GREL BA TSIG GSAL LA SPYI DON YANG MDZAD DO, ,DE NAS BDAG NYID CHEN PO 'DI DANG 'DI'I RJES SU SLOB PA THAMS CAD KYIS DBU MA LA 'CHAD NYAN MDZAD BAS DBU MA'I SROL LEGS PAR GTOD DE KHO BOS BSTAN PA LA BYA BA BYAS PA YIN ZHES GSUNG NGO, ,DE RJES THEG PA'I YANG RTZE RDO RJE THEG PA LA 'JUG PAR DGONGS NAS, LO CHEN BYANG CHUB RTZE MO'I DRUNG DU GSANG BA 'DUS PA MI SKYOD PA'I DBANG ZHUS TE

, ,GSANG MTSAN MI SKYOD RDO RJER BTAGS, LO CHEN SKYABS MCHOG DPAL BZANG PO'I DRUNG DU RGYUNG KYI BSHAD PA, DPAL LDAN BLA MA DAM PA BSOD NAMS RGYAL MTSAN PA'I DRUNG DU DPAL GSANG BA 'DUS PA'I 'GREL PA SGRON GSAL CHA LAG DANG BCAS PA ZHIB PAR GSAN CING, KYEE RDO RJE'I MAN NGAG LAM 'BRAS BU DANG BCAS PA SOGS SNGAGS KYI ZAB CHOS MANG DU GSAN, SA BZANG PAn CHEN GYI DRUNG DU BDE MCHOG GI DBANG, LO CHEN SKYABS MCHOG PA LA RDO RJE PHRENG BA, 'JAM RDOR, 'JIG RTEN DBANG PHYUG, SA SKYA PA'I RDO RJE GZHON NU, RIM LNGA MDOR BYAS, SPYOD BSDUS SGRON MA SOGS GSAN CING, SA SKYA PA DANG, BU STON RIN PO CHE LA SOGS PA'I YIG CHA RNAMS LA'ANG YANG DAG PAR GZIGS TE, DPAL GSANG BA 'DUS PA'I RGYUD 'GREL CHA LAG DANG BCAS PA THUGS SU CHUD NAS, RTZA RGYUD LA t'IKKA, MNGON RTOGS, BDAG 'JUG MCHOD PHRENG, RIM LNGA'I BSDUS DON SOGS MDZAD CING, GZHAN YANG RGYUD BLA MA, BSHES SPRING, LUNG KUN LAS BTUS PA RNAMS LA t'IKKA'ANG MDZAD DO, ,RGYAL BA'I SRAS PO THOGS MED BZANG PO DPAL GYI DRUNG DU SMON 'JUG GNYIS KYI SEMS BSKYED, BLO SBYONG LA SOGS PA'I CHOS SKOR MANG DU ZHU BAR MDZAD DO, ,RGYAL SRAS BDAG NYID CHEN PO 'DI NI DAM PA'I CHOS 'TSOL BA LA NGOMS PA MED PAS MDO SNGAGS KYI CHOS 'TSOL PHYIR BSHES GNYEN JI TZAM BSTEN PA NI, NYID KYI ZHAL NAS, SKYA DGU'I GTZUG

RGYAN CHOS RJE BSOD RGYAL DANG, ,RGYAL BA'I SRAS PO THOGS MED BZANG PO DPAL, ,MA TI PAn CHEN PAn CHEN BYANG RTZE DANG, ,MKHAS BA'I DBANG PO NYA DPON KUN DGA' SOGS, ,BKA' DRIN MNOS PA'I BLA MA BCU PHRAG GNYIS, , YUN RING 'BAD DE GUS PAS GTZUG GIS BSTEN, ,ZHES GSUNGS TE, MDOR NA BDAG NYID CHEN PO 'DIS BSHES GNYEN DU MA LA BRTEN TE MDO SNGAGS MA LUS PA'I TSIG DON LA MKHAS PAR MDZAD DE SKAL BA DANG LDAN PA RNAMS LA CHOS KYI 'KHOR LO'ANG RGYA CHEN PO BSKOR NAS SANGS RGYAS KYI BSTAN PA RIN PO CHE 'DZIN SKYONG SPEL BAR MDZAD DO, ,MKHAS PA CHEN PO 'DIS DBUS PHYOGS SU BYON NAS RJE BTZUN TZONG KHA PA CHEN PO DANG ZHAL 'DZOM STE GNAM RTZENG LDENG DANG; BYANG RA SGRENG DANG, SKYID SHOD KYI SA'I CHA MANG PO DANG, GTZANG STAG TSANG RDZONG KHA SOGS SU YAB SRAS GNYIS ZHAL 'DZOM STE CHOS KYI 'KHOR LO RGYA CHER BSKOR NAS RGYAL BA'I BSTAN PA GZHI NAS GSO BAR MDZAD PA'I TSUL ZHIB PAR NI RJE RIN PO CHE'I RNAM THAR DU GSAL BA LTAR RO, ,DE NAS RJE BTZUN RED MDA' PA CHEN PO 'DIS SNGON BYON DAM PA'I RNAM THAR LTAR MANG DU THOS PA'I DON SGRUB PA SNYING BOR MDZAD BZHED NAS RNYED BKUR SNYAN GRAGS 'KHOR LONGS SPYOD THAMS CAD MCHIL MA'I THAL BA BZHIN DU DOR TE NYID KYI RJES SU SLOB PA TSE BLOS BTANG ZHING NGES 'BYUNG GI BSAM PA SHUGS DRAG POS RGYUD BSKUL TE THEG PA MCHOG GI LAM LA SGRUB PA SNYING POR BYA 'DOD PA 'GA' ZHIG DANG

, ,BCAS GANGS BU LE DKAR PO'I G-YAS MGUL G-YU LUNG RDO RJE LJONGS SU LO LNGA'I BAR DU SKU MTSAMS LA BZHUGS TE MDO SNGAGS KYI LAM YONGS SU RDZOGS PA LA SGRUB PA RTZE GCIG TU MDZAD PAS LAM THUN MONG BA DANG THUN MONG MIN PA SNGAGS KYI LAM RIM GNYIS LA MYONG BA PHUL PHYIN THON TE LHAG PA'I LHA MANG PO'I ZHAL GZIGS PA DANG, TING NGE 'DZIN GYI SGO MANG PO 'KHRUNGS PA DANG, RANG DANG GZHAN GYI TSE RABS BRGYA STONG DRAN PA DANG; SANGS RGYAS KYI ZHING MANG POR BGROD NUS PA SOGS RGYAL BAS BSNGAGS PA'I RTOGS PA MCHOG THOB PAR GYUR TO, ,DE LTA NA'ANG PHYI RABS KYI GDUL BYA RNAMS LA BSLAB PA'I PHYIR DBEN PA 'BA' ZHIG LA THUGS DGYES PA'I TSUL MDZAD DE SGRUB PA RTZE GCIG TU MDZAD BZHED PA'I GSUNG 'DI LTAR BYON TE, GANG ZHIG LEGS GSUNGS DAM CHOS 'DUL BA LA, ,RAB TU BYUNG NAS LEGS PAR MI SDOM ZHING, ,THUB PA'I BKA' LUNG TSUL MIN 'DA' BYED PA'I; ;DGE SBYONG DE DAG 'JIG RTEN CHO MA RKUN YIN, ,'KHYOG POR SMRA LA GZHAN DAG BRLINGS POR SEMS, ,NGAG MI BTZUN PA DGE SBYONG TSUL MIN PAS, ,GYA GYU'I SEMS DANG DE YI TSUL SPANGS TE, ,GSONG POR SMRA LA KHO BO RTAG TU BRTEN, ,'DZEM MAD SMRA LA GZHAN DAG SMOBS PAR SEMS, ,NGAG MI SDOM PA DGE SBYONG TSUL MIN PAS, ,MU COR SMRA BA SMYON PA'I TSUL SPANGS TE, ,ZHI BA'I TSUL LA KHO BO RTAG TU BRTEN, ,PHYI TSUL 'CHOS PA

GZHAN DAG BTZUN POR SEMS, ,G-YO RGYU'I SPYOD BA DGE SBYONG TSUL MIN PAS, ,PHA ROL 'DRID BYED YON PO'I TSUL SPANGS TE, ,DES PA'I TSUL LA KHO BO RTAG TU BRTEN, ,RANG DGA'I SPYOD PA GZHAN DAG DRANG POR SEMS, ,DBANG PO MI SDOM DGE SBYONG TSUL MIN PAS, ,BAG DANG MI LDAN HRAL PO'I TSUL SPANGS TE, ,BAG YOD TSUL LA KHO BO RTAG TU BRTEN, ,BYA BYED MANG BA GZHAN DAG GRUNG POR SEMS, ,RNAM G-YENG 'DONG PA DGE SBYONG TSUL MIN PAS, ,'DU 'DZI BSREL BA KHYIM PA'I TSUL SPANGS TE, ,DON NYUNG TSUL LA KHO BO RTAG TU BRTEN, ,LONGS SPYOD 'BYOR PA GZHAN DAG DPAL DU SEMS, ,'DOD ZHEN CHE BA DGE SBYONG TSUL MIN PAS, ,ZANG ZING DANG BCAS GRONG PA'I TSUL SPANGS TE; ;CHOG SHES TSUL LA KHO BO RTAG TU BRTEN, ,GRONG 'DAB 'GRIM PA GZHAN DAG GDUL BYAR SEMS, ,RNYED BKUR SGRUB PA DGE SBYONG TSUL MIN PAS, ,KHA SPOGS 'DOD PA TSONG PA'I TSUL SPANGS TE, ,BAS MTHA'I GNAS LA KHO BO RTAG TU BRTEN, ,ZHES DANG, DBEN PAR BYON TE SGRUB PA RTZE GCIG TU MDZAD PA'I DAM BCA' MDZAD PA NI, GANG GI ZHABS ZUNG PADMO'I GE SAR RDUL, ,TSANGS DANG LHA DBANG KHYAB 'JUG LA SOGS PA, ,'JIG RTEN DREGS LDAN GTZUG GIS GUS BSTEN PA'I, ,SPYAN RAS GZIGS MGON DE LA PHYAG 'TSAL LO, ,MANG DU THOS KYANG TSUL BZHIN BSGRUB LA G-YEL, ,KHRIMS BRGYA NOD KYANG NYES LTUNG DRI MA CAN, ,DGE SBYONG BDAG GI G-YAR DAM 'DI

, ,RNAMS LA, ,MKHYEN LDAN THUGS RJE'I LHA KHYOD YUD TZAM DGONGS, ,GANG DU GNAS NA SNANG SHAS 'PHEL 'GYUR ZHING, ,RANG RGYUD RNYED BKUR ZHAGS PAS 'CHING BYED LA, ,GZHAN RGYUD PHRAG DOG 'GRAN SEMS KYIS GDUNGS PA'I, ,GNAS DER SKAD CIG TZAM YANG MI GNAS SO, ,DENG NAS BZUNG STE JI SRID 'TSO BAR DU, ,GANGS DANG RI SUL NAGS KYI KHROD RNAMS SU, ,BSE RU LTA BUR RTAG TU GNAS BYED CING, , GRONG DANG 'KHOR MANG DBUS SU GNAS MI BGYI, ,CHOS BRGYAD RKYEN GYIS NAM YANG MI G-YO BA'I, ,SEMS LA JI SRID BRTAN PA MA THOB BAR, ,GCIG PU RANG RGYUD 'DUL BA MA GTOGS PA, ,GZHAN DON THABS KYIS RANG DON NYAMS MI BGYI, ,CHOS GOS GSUM DANG LHUNG BZED LA SOGS PA, ,RANG NYID 'CHO BA'I YO BYAD MA GTOGS PA, ,GSER DANG DBYIG SOGS LHAG PA'I YO BYAD NI, ,RANG GI DON DU TIL TZAM MI BCANG NGO, ,GZHAN GYI NYES PA NAM YANG MI GLENG ZHING, ,DON DANG LDAN ZHING CHOS MTHUN MA GTOGS PA, ,DMAG DANG CHOM RKUN RGYAL PO'I GTAM LA SOGS, ,'KHRUL PA'I BKA' MCHID NAM YANG MI BGYID DO, ,CHOS KYI DON DU DKA' SPYAD SRAN BZOD CING, ,'JIG RTEN BLOS BTANG RNAM GROL DON DU GNYER, ,'DOD CHUNG CHOG SHES RANG DANG RJES MTHUN PA'I, ,RJES 'BRANG 'KHOR NI BZHI BAS LHAG MI BSTEN, ,GAL TE BDAG GI G-YAR DAM 'DI RNAMS

DANG, ,'GAL BAR BGYIS NA RGYAL BA SRAS BCAS DANG, ,THUGS RJE'I MNGA' BDAG SPYAN RAS GZIGS MGON GYIS, ,KHYI PHAG LUG BOD RNAMS DANG BDAG SNYOMS SHIG ,CES RGYAL BA SRAS BCAS DBANG DU BZHAG STE DAM BCA' MDZAD, DBEN PA'I YON TAN BSAM NAS RANG GIS RANG LA BSKUL BA NI, KHO BO DBEN PA BSTEN PA'I RGYU MTSAN YANG 'KHOR DANG GROGS KYIS YID SUN BYUNG BA'AM, RNYED BKUR DANG GRAGS PA 'DOD PAS MA YIN GYI GZHAN DU NA, 'KHOR BA'I SDUG BSNGAL ME 'OBS LTAR SHIN TU BRANG DKA' BAR MTHONG BA'I PHYIR DANG, BCOM LDAN 'DAS KYIS RNAM GRANGS DU MAR BSNGAGS PA'I DBEN PA'I GNAS PAD MA'I TSAL BAS KYANG SHIN TU YID DU 'ONG BAR MTHONG BA'I PHYIR RO, , DE YANG 'DI LTAR, GANG LA NYES PA RDUL TZAM MI MNGA' ZHING, ,RMAD BYUNG YON TAN DPAL GYIS RAB BRJID PAS, ,SNYAN PA'I BA DAN 'JIG RTEN GSUM NA G-YO, ,THUB DBANG LHA YI LHA LA PHYAG 'TSAL LO, ,KA YE NYON CIG SHES LDAN GROGS PO DAG ,BSTAN PA'I NYIN BYED NUB RI'I RTZE LA SON, ,LUS SROG G-YO BA 'BAB CHU'I RGYUN DAD MTSUNGS, ,THAR 'DOD RNAMS KYIS BAG YOD BSTEN BAR RIGS, ,RIN CHEN BDUN LDAN GLING CHEN BZHI LA DBANG, ,DPAG MED CHER GNAS DGE BCU'I DPAL LA SPYOD, ,PHUN TSOGS MNGON MTHO'I BDE LA ROL BYED PA'I, ,'KHOR LOS BSGYUR RGYAL DPAL DE'ANG CHU SHING 'DRA, ,LHUN PO'I SPO LA YUN RING GNAS BCAS TE, ,YONGS 'DU'I TSAL DU DGA' BDE'I

, ,DANG LA GYIS ROL, ,'CHI MED NYE DBANG TSOGS KYIS GUS BTUD PA'I, ,'PHROG BYED MIG STONG LDAN DE'ANG SRID PA'I BRAN, ,LUS SEMS ZUG RDU'I GDUNG BA RANG DU SPANGS, ,TING 'DZIN BDE BAS BSKAL MANG 'DA' BYED PA'I, ,'JIG RTEN MES PO GSER GYI MNGAL LDAN YANG, ,'CHI MED GO 'PHANG LAS RING GYI NAR 'KHOR, ,GANG GIS REG NA RAB BRTAN LHUN PO YANG, ,SKAD CIG TZAM GYIS BRAL BAR RLOG BYED PA'I, ,ME LCE'I PHRENG BA LUS LA RAB 'BAR BA, ,DMYAL BA'I ZUG RDU SU YIS BRANG PAR NUS, ,BLTAS PA TZAM GYIS KLUNG CHEN RGYUN SKEMS SHING, ,LJON SHING 'BRAS BU MED PAR BYED PA YI, ,TA LA YA TOG SKAM LTA'I YI DVAGS GZUGS, , GANG ZHIG MTHONG NA 'JIGS RUNG SKYI YANG G-YA', ,BLANG DOR RMONGS PA'I GTI MUG SMAG RUM 'THIB, ,GCIG LA GCIG ZA RDO RJE'I ME STAG DANG, ,BGOL BTZEG CHAR RGYUN LUS LA RTAG 'BAB PA'I, ,RNAM MANG DUD 'GRO'I GDUNG BA SU YIS BZOD, ,SRID PA'I PHUN TSOGS DE LTAR MNOG CHUNG ZHING, ,RAB MANG NYES PA'I TSOGS DANG LDAN RIG NAS, ,RANG GZHAN SRID PA'I MTSO LAS BSGRAL BYA'I PHYIR, ,MANG THOS BDAG NI DBEN PA'I NAGS SU 'GRO ,CHAR SDOD BYE'US 'BRUG SGRA THOS PA LTAR, ,DBEN PA'I GTAM 'DI KHO BO'I SNYING LA 'BAB, ,THOS PA'I DON RNAMS DON YOD BYA BA'I PHYIR, ,GZHON NU BLO GROS DBEN PA'I NAGS SU 'GRO ,NGANG PA'I TSOGS KYIS PADMA'I MTSO

MTHONG LTAR, ,BAS MTHA'I GNAS LA KHO BO SEMS RAB G-YO, ,DAL 'BYOR LUS LA SNYING BO BLANG BA'I PHYIR, ,GZHON NU BLO GROS DBEN PA'I NAGS SU 'GRO ,BUNG BA GZHON NUS 'DAB BRGYA'I TSAL MTHONG LTAR, ,KHO BO'I YID NI DBEN BA'I RO LA CHAGS, ,TENG 'DZIN BDUD RTZI'I RO DE MYANG BYA'I PHYIR, ,GZHON NU BLO GROS DBEN PA'I NAGS SU 'GRO ,DBYID DUS BSAL BA'I MA LA YA RLUNG LTAR, ,NAGS KYI SMAN LJONGS KHO BO'I YID LA 'BAB, ,NYON MONGS BDUD KYI SDE DE GZHOM BYA'I PHYIR, ,GZHON NU BLO GROS DBEN PA'I NAGS SU 'GRO ,ZHES DANG, 'JIG RTEN 'DREN PA LHA MI'I STON PA YIS, ,'DOD LA ZHEN PA PHUNG KROL RTZA BAR BSTAN, ,'DOD PA'I YON TAN SDUG BSNGAL BSKYENG PA STE, NAD DANG 'BRAS DANG ZUG RDU'I RTZA BA YIN, ,JI LTAR MDZE CAN G-YAN PA PHRUGS PA DANG, ,TSA BA'I NAD CAN BSIL BA'I CHU DANG NI, ,SKOM PAS NYEN PA LAN TSVA'I CHU 'THUNGS BZHIN, ,'DOD PA BSTEN PAS NAM YANG NGOMS MI 'GYUR DUG DANG BCAS PA'I KHA ZAS G-YOS LEGS DANG, ,SBU GRI'I SO LA CHAGS PA'I SPRANG RTZI DANG, ,SHING RTA 'DREN PA'I PHYUGS KYIS RTZVA ZOS BZHIN, ,'DOD PA'I YON TAN GNOG CHUNG NYES PA MANG, ,GLANG CHEN DRI LA CHAGS PA'I SBRANG BU DANG, ,RNGON PA'I GLU DBYANGS NYAN PA'I RI DVAGS DANG, ,LCAGS KYU'I SHA LA CHAGS PA'I NYA BZHIN DU, ,'DOD LA RKAM PA'I BYIS BA MYUR DU BRLAG ,CES SOGS GSUNGS NAS, DBEN PA'I GNAS SU SGRUB PA SNYING POR MDZAD

, ,PHYIR BLA BOD KYI SA'I MTSAMS MANG YUL SKYID GRONG GI NAGS KHROD DU PHEBS TE, DRANG SRONG MNGON BAR DGA' BA'I BSTI GNAS ME TOG MDANGS CAN DU RGYAL BA'I SRAS PO THOS PA DGA'I RNAM THAR BSKYANGS TE SGRUB PA LA RTZE GCIG TU BZHUGS SO, ,DE'I TSE BDAG NYID CHEN PO 'DI'I RJES SU 'BRANGS NAS DBEN PA'I GNAS SU SGRUB PA RTZE GCIG TU BYA 'DOD PA'I SDE SNOD 'DZIN PA MANG PO'ANG PHYOGS DER LHAGS TE DUS DUS SU RJE BTZUN RED MDA' PA CHEN PO 'DI LA CHOS STON PAR GSOL BA BTAB NAS CHOS KYI BDUD RTZI ZHU ZHING, RGYUN DU NAGS KHROD DBEN PA SO SOR SGRUB PA LA BZHUGS TE 'GA' ZHIG NI GCIG PU DANG, LA LA NI BZHI SDE DANG, LA LA NI BRGYAD DANG; LA LA NI NYI SHU SOGS SPONG BA PA SDE SDER GNAS NAS SGRUB PA MDZAD DE ME TOG MDANGS CAN GYI G-YAS G-YON GYI RI NGOS RNAMS DANG, MA nI LA KHA, BRAG KHA, PHUG PO CHE, CHOS SDINGS, LHA LNGA PHUG ,LA LDEBS CHOS RDZONG, RKYANG PHAN NAM MKHA' RDZONG, KLONG RTZE BSAM GTAN GLING, DGUN PHU DGON GSAR, RTZVA'I RKANG TSUGS PHUG SOGS SU BSLAB GSUM LDAN PA'I DGE SLONG SPONG BA BA MANG PO GNAS TE SNGON SANGS RGYAS ZHAL BZHUGS PA'I DUS DANG, SGRUB PA'I DUS KYI BSTAN PA LTAR LAM CHA TSAD LA SGRUB PA MDZAD PAS PHYOGS DE GANG STE DKAR PHYOGS KYI LHA RNAMS DGA' ZHING MGU NAS SHIS PA BRJOD PA ZHIG BYUNG NGO, ,DE DUS RJE BTZUN TZONG

KHAB CHEN POS KYANG RJE RED MDA' PA CHEN PO'I DRUNG DU SGRUB PA MDZAD PA RNAMS LA BSNGAGS PA CHE BAR MDZAD DO, ,GRUB THOB THANG STENG RGYAL POS KYANG RJE BTZUN RED MDA' PA CHEN PO'I SNYAN PA GSAN NAS ME TOG MDANGS CAN DU MJAL BAR PHEBS TE CHOS GSAN PAS THOG MAR THUGS CHOS LA 'GYUR BA'I RKYEN BYAS PAR GRAGS SO, ,BDAG NYID CHEN PO 'DIS RGYAL BA'I DGONGS PA SHING RTA CHEN PO RNAM GNYIS KYIS JI LTAR BKRAL BA'I DON LTAR DANG POR DRI MA MED PA'I RIGS PAS GSUNG RAB KYI DGONGS DON RNYED PAR MDZAD PA NI, NYID KYI ZHAL NAS, STON PA 'DAS NAS BZHI BRGYA'I LO 'DAS TSE, ,BE TA'I YUL DU LI TZA BYI GZHON NU, ,KLU SGRUB CES BYA'I DGE SLONG DU GYUR NAS, ,THUB BSTAN RGYAS PAR MDO SDE'I CHOGS LAS GSUNGS, ,KLU YI YUL SOGS 'JIG RTEN GZHAN DAG NAS, ,ZAB CING RGYA CHE'I MDO SDE RNAM MANG BLANGS, ,RTAG CHAD MTHAR LTA'I MUN PA STUG PO BCOM, ,MTHA' BRAL DBU MA'I SGRON ME DE YIS SBAR, ,DE 'OG THUB PAS LUNG BSTAN THOGS MED KYIS, ,MI PHAM MGON LA BKA' DRIN RJES THOB NAS, ,RNAM RIG SMRA BA'I GRUB MTHA' GSAL BYAS ZHES, ,RGYA BOD SHING RTA CHEN PO RNAMS LA GRAGS, ,'DI DAG THEG CHEN SHING RTA'I SROL 'BYED DE,, THEG CHEN MDO DANG RGYUD SDE'I DGONGS PA RNAMS, ,GNYIS PO 'DI YI LUGS DANG MI MTHUN PA, ,GANG GIS BKRAL DE LOG PA'I LAM DU SHES, ,THUB PA'I BSTAN PA NYID KYI DGONGS PA BZHIN, ,'KHRUL MED SMRA BA 'PHAGS PA KLU

, ,SGRUB YIN, ,KLU SGRUB DANG NI THOGS MED GNYIS, ,KHYOD BSTAN 'DZIN PAR KHYOD KYIS GSUNGS, ,DE DAG GZHUNG GI RJES 'BRANGS NAS, ,BDAG GIS KHYOD KYI DGONGS PA BTZAL, ,ZHES GSUNGS SO, ,KHYAD PAR BDAG NYID CHEN PO 'DIS RGYAL PA'I GSUNG RAB KYI DGONGS PA DPAL MGON 'PHAGS PA KLU SGRUB KYIS LEGS PAR BKRAL BA'I DKA' GNAS MTHAR THUG PA ZAB MO RTEN CING 'BREL PAR 'BYUNG BA RTAG CHAD KYI MTHA' DANG BRAL BA'I DBU MA'I LAM BZANG 'PHAGS PA KLU SGRUB KYI DGONGS PA DPAL LDAN ZLA BA GRAGS PAS BKRAL BA JI BZHIN THUGS SU CHUD DE ZAB MO DBU MA'I LAM LA GZHAN DRING MI 'JOG PA'I NGES PA BRTAN PO RNYED CING PHYIR MI LDOG PA'I GDENG THOB NAS GANGS RI'I KHROD 'DIR DBU MA'I LAM SROL GSAL BAR STON PAR MDZAD PA NI, NYID KYI ZHAL NAS, RGYA GAR BAL PO BOD KYI YUL RNAMS SU, ,MDO DON SMRA BA'I MKHAS PA MANG BYON YANG, ,PHAL CHER RTOG PAS SBYAR BA'I DON TZAM LA, ,MKHAS PAR ZAD KYI DE NYID DON LA MIN, ,THUB PA'I BSTAN LA NYID KYI DGONGS PA BZHIN, ,'KHRUL MED SMRA BA 'PHAGS BA KLU SGRUB YIN, ,DE YI BZHED GZHUNG RAB DKAR KUN DA'I TSAL, ,JI BZHIN 'BYED PA DPAL LDAN ZLA BA YIN, ,SLOB DPON DE DAG DGONGS PA 'DI YIN ZHES, ,MKHAS RLOMS MANG YANG SU LA CI CHA YOD, ,RNAM BKRA CHEN GYI RI MO GSAL

PA YI; ,RNAM DBYED MUS LONG DAG LA YOD DAM CI, ,LONG BAS RIN CHEN GTER KHA PHYED PA LTAR, ,RNAM DAG 'PHAGS PA'I MIG DANG MI LDAN YANG, ,RGYAL DANG RGYAL BA'I SRAS KYI BYIN RLABS LAS, ,RTEN 'GYUNG ZAB MO'I LAM DE KHO BOS RNYED, ,'DAS DANG MA BYON DA LTAR BZHUGS PA YI, ,RGYAL BA SRAS BCAS DGYES PA'I LAM 'DI YIN, ,'DI LAS GZHAN DU THAR PA'I LAM YOD CES, ,SMRA BA DE DAG BDAG GIS GYI NAR RTOGS, ,PHYOGS BCUR BZHUGS PA'I RGYAL DANG DE SRAS RNAMS, ,MNGON SUM BYON NAS DBYANGS DANG MGRIN GCIG GIS, ,'DI LAS GZHAN DU THAR PA'I LAM STON KYANG, ,BDAG BLO G-YO BA MED DO GROGS PO DAG ,DE PHYIR GANG ZHIG NYAM NGA'I LAM SPANGS NAS, ,BDE GSHEGS DGYES PA'I LAM LA 'JUG 'DOD NA, ,DKA' DANG 'BAD PA BRGYA PHRAG DAG GIS KYANG, ,KLU SGRUB LUGS BZANG 'DI LA 'JUG PAR RIGS, ,'DI MA RTOGS NA GZHUNG LUGS MANG BSLABS KYANG; ;BDE GSHEGS DGONGS PA RTOGS PA'I THABS GZHAN MED, ,PHAL CHER RTOG PA'I DRA BA SPEL BA'I PHYIR, ,BLO GROS NGAL BA TZAM ZHIG THOB PAR ZAD, ,DE PHYIR RANG NYID DRAN PA GSO PHYIR DANG, ,SKAL BZANG GZHAN LA PHAN BAR BYA PHYIR DANG, ,THUB PA'I BSTAN PA YUN RING GNAS BYA'I PHYIR, ,DUS GSUM RGYAL BA'I LAM 'DI BDAG GIS BSHAD, ,CES DANG, 'DI NA BLO NGAN RNAMS KYI NYES BSHAD KYIS, ,THUB BSTAN DRI MAR BYAS PA MA BZOD NAS, ,

, ,RIGS DANG MI RIGS CUNG ZAD PHYI NA YANG, ,DENG SANG 'DI NA BDAG LA GSHE BA MANG, ,'JIG RTEN SKYE BO MA MNYES GYUR KYANG BLA'I, ,DAM PAS KHREL NA GSON PO SROG SONG YIN, ,DE PHYIR BDAG LA BSTAN PA DANG 'GAL BA'I, ,LTA SPYOD YOD NA DAM PA RNAMS KYIS SMOD, ,KHO BOS SANGS RGYAS BSTAN LA RAB BYUNG NAS, ,RIGS DANG MI RIGS 'BYED SHES TSUN CHAD DU, ,LUS NGAG YID KYI SPYED PA CI BYAD KYANG, ,RAB TU BSGRIMS NAS THUB PA'I GSUNG BZHIN BSGRUBS, ,THOG MED GOMS BA'I NYON MONGS SHUGS DRAG PAS, ,GAL TE MI RIGS CUNG ZAD BYAS NA YANG, ,DE YI MOD LA DUG ZAS DRAN PA BZHIN, , 'GYOD SEMS LDAN PAS SLAR YANG CHOS BZHIN BYAS, ,GNAS LUGS 'BYED PA'I 'OD STONG LDAN PA YI, ,THUB BSTAN NYI MA'I DKYIL 'KHOR MTHONG BAS NA, ,BLO NGAN MUN PA'I KHROD NA 'OD 'BYIN PA'I, ,GZHAN GZHUNG ME KHYER TSOGS LA BDAG MI GUS, ,GSUNG RAB RIN CHEN GLING LA DBANG BSGYUR PA'I, ,KLU SGRUB KLU DBANG LEGS BSHAD GDENGS KA'I NOR, ,DGOS 'DOD KUN 'BYUNG 'DOD DGUR SPYOD PAS NA, ,NYES BSHAD MCHING BU'I TSOGS KYIS BDAG MI MGU ,MTHA' GNYIS SPANGS PA'I CHU GTER LA GNAS TE, ,GDENGS CAN DBANG PO KLU SGRUB RING LUGS 'DZIN, ,KHO BO'I LTA ZER 'BAR BA'I GZI BRJID LA, ,PHAS RGOL 'DAB

BZANG STONG GIS 'GOM MI NUS, ,ZHES GSUNGS BA LTAR RO, ,BDAG NYID CHEN PO 'DIS PHYI RABS KYI GDUL BYA RNAMS LA THUGS BRTZE BAS 'PHAGS PA KLU SGRUB KYI DGONGS PA ZAB MO DBU MA'I LTA BA RTOGS PA'I TSAD BSTAN PA NI, RGYU 'BRAS BSLU BA MED PA'I YID CHES DANG, ,RTEN 'BREL STONG PAR RTOGS PA'I SHES RAB GNYIS, ,'BRAL MED ZUNG DU CHUD PAR NAM GYUR PA, ,DA TSE MTHA' BREL DBU MA'I LAM LA ZHUGS, ,JI LTAR SNANG ZHING GRAGS PA'I DNGOS 'DI LA, ,RANG GZHAN GRUB MTHAS BTAGS PA'I KUN BRTAGS DANG, ,LHAN SKYES YID KYI DNGOS 'DZIN MUN PA RNAMS, ,RNAM DAG LUNG RIGS ZER GYIS RAB BSAL TE, ,SNANG DUS NYID NA STONG PAR RTOGS PA DANG, ,STONG BAR RTOGS TSE SNANG BA MI 'GOG BA'I, ,ZUG 'JUG TSUL LA NGES PA NAM SKYES NA, ,DE TSE RGYAL BA'I DGONGS PA RTOGS PA YIN, ,ZHES GSUNGS, BDAG NYID CHEN PO 'DIS DE LTAR RGYAL BA'I DGONGS PA BTZAL BAS NGES PA RNYED NAS SGRUB PA MTHAR PHYIN PAR MDZAD PA RGYAL BA SRAS DANG BCAS PAS BSNGAGS PA'I 'OS SU GYUR PA NI, RJE RIN PO CHES RJE BTZUN NGED MDA' PA LA BSTOD PA MDZAD PA LAS, 'JIG RTEN 'DREN PA'I DGONGS PA BZHIN, ,DGONGS SHING DE BZHIN 'DOMS PA DANG, ,'DOMS PA BZHIN DU LEGS SGRUB PA, ,'DI NI KHYOD KYI YON TAN LAGS, ,GZHAN DU TSUL 'DI MA MTHONG BAS, ,GSHONG PU DMA' BAR CHU RGYUN BZHIN, ,DUS KUN TU NI BDAG

, ,GI YID, ,KHYOD NYID LA NI RJES SU SONG, ,ZHES GSUNGS BA LTAR RO, ,BDAG NYID CHEN PO 'DIS SHING RTA CHAN PO'I DGONGS DON JI BZHIN RNYED NAS DRI MA MED PA'I LAM SROL GANGS RI'I KHROD DU GSAL BAR MDZAD PA NI, THUB PA'I DGONGS PA 'TSOL BA'I SGO GCIG PU, ,LUNG DON TSUL BZHIN DPYOD PA'I RIGS PA YI, ,DO SHAL MCHOG 'DIS KHYOD KYI MGRIN PA NYID, ,YONGS SU BZUNG NAS GZHAN DU 'GRO MI BYED, ,LUNG TZAM SKYABS SU GYUR PA'I SKYE BO 'DIS, ,RANG GI KHAS 'CHE TZAM LA RIGS LA ZHES, ,RNAM PAR ZHEN NAS THUB PA'I LUGS 'DZIN PA, ,MTHONG BAR GYUR TSE LHAG PAR KHYOD NYID DRAN, ,ZHES GSUNGS PA LTAR RO, ,BDAG NYID CHEN PO 'DIS BSTAN PA'I NANG MDZOD 'DUL BA LUNG SNGA BZHI'I DON SLOB DPON YON TAN 'OD KYIS BKRAL BA LTAR THUB PA'I BCAS MTSAMS MTHA' DAG THUGS SU CHUD NAS PHYAG LEN LA BTAB STE BSTAN PA'I BYA PA MDZAD PA NI, LEGS TSOGS JI SNYED MCHIS PA SKYE BA DANG, ,GNAS DANG 'PHEL BA GANG LA RAG LUS PAR, ,RGYAL BAS LAN CIG MIN PAR BSNGAGS PA YI, ,TSUL KHRIMS 'PHAGS PA'I NOR DU GZIGS NAS NI, ,NYER SPAS ZLA BA'I NOR BU YON TAN 'OD, ,THAMS CAD YOD SMRA'I MKHAS PA'I DGONGS PA BZHIN, ,'DUL BA 'BUM SDE'I DGAG SGRUB GNANG GSUM GYI, ,BSLAB PA'I GNAS LA MKHAS SHING 'DA' MI BYED, ,CES GSUNGS PA LTAR RO, ,BDAG NYID CHEN PO 'DIS GSUNG RAB KYI DON LA LTA BA'I MIG GCIG BU

TSAD MA SDE BDUN MDO DANG BCAS PA'I DGONGS BA'I DON GTING BYIN PAR RNYED NAS GANGS RI'I KHROD 'DIR RIGS BA'I LAM SROL GSAL BAR MDZAD PA NI, THUB PA'I GSUNG LAS RNAM PA GZHAN NYID DU, ,DNGOS PO'I DE NYID BSTAN PAR 'DOD PA YI, ,SER SKYA RKANG MIG SOGS KYIS BSTAN PA'I LAM, ,CHU SHING BZHIN TE TSIG TZAM SNYING PO RU, ,LEGS PAR MTHONG ZHING BDE BAR GSHEGS PA'I LUGS, ,DON BZANG TSIG 'BRU BZANG ZHING MA 'DRES RDZOGS, ,THOG MTHA' BAR DU DGE BA RO GCIG BAR, ,YID CHES GTING NAS RNYED PA'I THABS KYI MCHOG, RIGS TSUL BRGYA PHRAG DU MA'I RO LDAN PAS, ,BLO CHEN LDAN RNAMS DGA' BA RGYAS BYED BA, ,RNAM 'GREL MDZAD PA'I THUN MONG MIN PA'I LUGS, ,YONGS SU RDZOGS BAR SMRA BA'ANG KHYOD DU BAS, ,ZHES GSUNGS PA LTAR RO, ,BDAG NYID CHEN PO 'DIS SHING RTA CHEN PO GNYIS KA'I BZHED GZHUNG MTHA' DAG THUGS SU CHUD NAS RGYAL BSTAN YONGS RDZOGS LA NGES PA BSKYED PAR MDZAD PA NI, ,STOBS BCU MNGA' BA THUB PA'I RING LUGS PA, ,TSUL GNYIS SHING RTA'I SROL 'BYED 'DZAM GLING RGYAN, ,GANG GIS BDE BAR GSHEGS PA'I GDUNG 'TSOB PA, ,KLU SGRUB THOGS MED GNYIS KYI BZHED PA'I GZHUNG, ,JI BZHIN GSAL BAR GZIGS NAS BRTZE BA YIS, ,SKYON BRAL GSUNG GIS GZHAN LA LEGS 'DOGS DES, ,BSTAN PA'I GNAD LA NGES PA STER BA 'DI, ,KHYOD KYI RJES SU BSTAN PAS GZHAN SU ZHIG, CES GSUNGS PA LTAR RO, ,BDAG NYID CHEN PO 'DIS MDO

, ,PHYOGS LA BSTAN PA'I BYA BA RGYA CHEN PO MDZAD PAR MA ZAD GSANG CHEN RDO RJE THEG PA'I SNYING PO'I YANG SNYING PO GSUNG RAB KUN GYI RAB DANG PHUL DU GYUR PA DPAL GSANG BA 'DUS PA'I RTZA RGYUD 'GREL PA SGRON GSAL, GYI STENG NAS MTHA' DRUG DANG TSUL BZHI'I RGYA BKROL TE ZAB LAM RIM PA GNYIS KYI MAN NGAG RNAMS GSAL BAR MDZAD PA NI, THUB PA CHEN POS CHOS KYI RNAM GRANGS NI, ,JI SNYED GSUNGS PA KUN GYI RTZER GYUR PA, ,RGYUD SDE'I MTHAR THUG DPAL LDAN 'DUS PA YI, ,MTHA' DRUG TSUL BZHI'I RGYAS BTAB RDO RJE'I CHIG, JI BZHIN LEGS PAR PHYED NAS RIM GNYIS KYI, ,TING 'DZIN MCHOG GI BDE LA ROL BAS NA, ,RDO RJE 'DZIN PA ZHES PA'I SGRA DE YANG, ,MGON PO KHYOD LA DON DANG BCAS PAR GYUR,, CES GSUNGS PA LTAR RO, ,MDOR NA BDAG NYID CHEN PO 'DI NI GANGS RI'I KHROD 'DIR MDO SNGAGS GNYIS KA'I BSTAN PA YONGS SU RDZOGS BA 'DZIN CING SDEL BA LA ZLA DANG BRAL BAR GYUR PA NI, DE LTAR THOS PA RGYA MTSO'I PHA ROL SON, ,GZHAN LA 'DOMS PA'I NGAG TSIG DRI MA MED, ,TSIG GIS MI NGOMS SGRUB PA SNYING POR BYED, ,DE PHYIR KHYOD NI MKHAS PAS BSNGAGS PAR 'OS, ,KHYOD KYIS RANG GI STON PA YI, ,YON TAN DANG NI LUGS GZHAN GYI, ,SKYON RNAMS MTHONG PA'I RIGS PA'I MIG, DRI MA MED PA LEGS PAR STZAL, ,SKYON DANG BRAL BA THUB PA'I LUGS, ,GZHUNG 'JUGS BGYID PA'I SGRUB PA DANG, ,SMRA BA NGAN RNAMS TSAR GCOD PA'I, ,SUN 'BYIN BGYID PA'I GNAS RNAMS LA, ,SKYON YANG YON TAN LTA BU DANG,,

YON TAN SKYON LTAR SNANG BA YI, ,YANG DAG PA DANG LTAR SNANG GI, RNAM PAR DBYE BA'ANG LEGS PAR BSTAN, ,DE LTAR LOG PAR 'GRO BA BKAG, MKHAS PA DGYES PA'I LAM DU KHRID, ,MANG THOS CHUD MI ZA BA'I RGYU, ,DE DON SGRUB LA'ANG RAB TU SBYAR, , DE PHYIR KHYED KYIS GDUL BYA LA, ,BGYI BAR 'OS PA MA LUS MDZAD, ,CES GSUNGS PA LTAR RO, ,MKHAS PA'I DBANG PO 'DIS BSTAN PA'I DON DU LEGS BSHAD KYI RTZOM PA'ANG MANG DU MDZAD PA NI, NYID KYI ZHAL NAS, 'DZAM GLING MKHAS PA'I RGYAN MCHOG DKA' CHEN BZHI, ,RTZA 'JUG GZHI GSUM THEG CHEN RGYUD BLA DANG, ,CHOS MNGON MDZOD DANG DPAL LDAN 'DUS PA SOGS, ,RNAM BSHAD BYAS PA'I GZHUNG LUGS BCU PHRAG GCIG, GZHAN YANG BOD YUL 'GYUR PA'I BSTAN BCOS DANG; ;MDO DANG RGYUD SDE PHAL CHER LEGS PAR BLTAS, ,RANG GZHAN GRUB MTHA'I DE NYID 'BYED PA LA, ,MKHAS PA'I MDUN SAR MI 'JIGS SPOBS PA THOB, ,CES GSUNGS PA LTAR YIN ZHING, DE DAG KYANG GTZO CHA BA 'GA' ZHIG GSUNGS PA YIN GYI, DE DAG LAS GZHAN YANG MANG STE, BDAG NYID CHEN PO 'DIS LUNG KUN LAS BTUS PA'I t'IKKA YANG MDZAD CING ,GZHAN YANG BSHES SBRING GI t'IKKA DANG, GSANG 'DUS KYI CHOG CHA TSANG YANG MDZAD, GZHAN YANG SANGS RGYAS BYANG SEMS KYI BSTOD PA, BSTAN 'DZIN DAM PA MANG PO'I DRIS LAN, DAD LDAN MANG POR ZHAL GDAMS GNANG BA, ,NYAMS MGUR MDZAD PA SOGS MANG DU SNANG NGO, ,DE LTAR RGYAL SRAS BDAG NYID CHEN PO RED MDA' PA

, ,GZHON NU BLO GROS ZHES MTSAN YONGS SU GRAGS PA'I MKHAS PA'I DBANG PO 'DIS BSTAN PA LA BYA BA RGYA CHER MDZAD PAS CHOS BRGYUD 'DZIN PA'I SLOB MA BSTAN 'DZIN DAM PA'ANG MANG DU BYON TE, NYID KYI ZHAL NAS, KUN MKHYEN SHER 'OD BLO BZANG GRAGS PA SOGS, ,GZHUNG LUGS RAB 'BYAMS SHES PA'I BSHES GNYEN BDUN, ,DKA' BZHI LEGS PAR SMRA BA BCU PHRAG GCIG, PHAR TSAD SHES BA'I SLOB MA BRGYA PHRAG BRGAL, ,ZHES GSUNGS PA LTAR TE DE THAMS CAD KYI NANG NAS ZLA DANG BRAL BA THUB BSTAN YONGS RDZOGS KYI BDAG PO NI RJE BTZUN CHOS KYI RGYAL PO TZONG KHA PA CHEN PO BLO BZANG GRAGS PA'I DPAL LO, ,RJE BTZUN RED MDA' PA CHEN PO DANG RJE BTZUN TZONG KHA PA CHEN PO GNYIS NI SKU CHE 'DI TZAM DU MA ZAD SKYES RABS MANG POR MDZAD PA 'PHRIN LAS MTHUN PA RES 'GA' RJE BTZUN RED MDA' PAS BLA MA DANG RJE RIN PO CHES SLOB MA MDZAD, RES 'GA' RJE RIN PO CHES BLA MA DANG RJE BTZUN RED MDA' PAS SLOB MA MDZAD DE RGYAL SRAS KYI SPYOD PA STABS GCIG TU SPYAD CING GNYIS KA RJE BTZUN 'JAM PA'I DBYANGS KYI SRAS KYI THU BOR GYUR TE SMON LAM LHAN CIG TU MDZAD NAS ZHING 'DIR BSAM BZHIN DU BYON PA YIN PAR RJE BTZUN 'JAM PA'I DBYANGS DANG GSANG BA'I BDAG PO PHYAG NA RDO RJES LUNG BSTAN PA'I TSUL MANG DU YOD DE, RJE BTZUN 'JAM PA'I DBYANGS KYIS DBU MA PA DPA' BO RDO RJE LA GSUNGS PA DANG, GSANG BA'I BDAG POS LHO BRAG MKHAN CHEN LA GSUNGS PA SOGS SO SO'I

RNAM THAR DU GSAL BA LTAR RO, ,DE LTAR BDAG NYID CHEN PO 'DIS RGYAL BA'I BSTAN PA LA BYA BA RGYA CHER MDZAD NAS SKU TSE 'DI'I MDZAD PA PHAL CHER RDZOGS NAS ZHING GZHAN DU 'BYON PAR BZHED PA NA PHYI RABS KYI GDUL BYA RNAMS LA NYID KYIS JI LTAR MDZAD PA 'DI LTAR DU 'BYUNG BAR BYA DGOS SO ZHES 'DOMS PHYIR GDENG THOB PA'I GSUNG BYON PA NI, GANG LA SKYABS NA BSLU MED DKON MCHOG GSUM, ,'BRAL MED SPYI GCUG RGYAN DU RTAG BZHUGS GSOL, ,SNANG STONG SGYU MA'I RNAL 'BYOR RI KHROD PA, ,SEMS GNONG MED KYI GLU SKAD 'DI BZHIN LEN, ,SHUL NA 'PHRENG BA'I ZAS NOR LUS PA MED, ,GDONGS NA TSER BA'I LAS NGAN BSAGS BA MED, ,THEG CHEN BSLAB PA'I BSAM SBYOR NYAMS PA MED, ,DA SGYU MA'I LUS SEMS 'BRAL YANG 'GYOD PA MED, ,TSE 'DI'I RNYED BKUR CHE THABS SGRUB MA MYONG, ,'DOD YON SRED PA'I RJES PHYIR 'BRANG MA MYONG, ,DA SGYU MA'I LUS SEMS 'BRAL YANG 'GYOD PA MED, ,CIR SNANG SGYU MAR RTOGS PA'I SHES RAB YOD, ,'GRO DRUG PHA MAR SHES PA'I LHAG BSAM YOD, ,THABS SHES ZUNG DU 'BREL BA'I NYAMS LEN YOD, ,DA SGYU MA'I LUS SEMS 'BRAL YANG 'GYOD PA MED, ,THOG MAR GSUNG RAB DGONGS DON TSUL BZHIN SPYANGS, ,BAR DU BLO GSAL GDUL BYA'I TSOGS LA BSHAD, ,THA MAR 'DIS PA'I DON LA RTZE GCIG BSGOMS, ,DA SGYU MA'I LUS SEMS 'BRAL YANG 'GYOD PA MED, ,RGYAL BA'I BSTAN PA SROG PAS GCES PAR BZUNG, ,RIGS DANG MI RIGS TSUL BZHIN RNAM PAR PHYE, ,'CHAD RTZOD RTZOM

, ,PAS DAL 'BYOR DON YOD BYAS, ,DA SGYU MA'I LUS SEMS 'BRAL YANG 'GYOD PA MED, ,'GYOD MED GDENG BROD KYI MGUR MA 'DI, ,GANGS BU LE'I MBUL DU BLANGS PA YIN, ,MI KHO BO'I RJES 'JUG DAD LDAN RNAMS MING BZHAN BYED NA 'DI BZHIN MDZOD, ,TSOGS GNYIS ZUNG DU 'JUG PAS RGYUD SBYANGS TE, ,BDEN GNYIS ZUNG DU 'JUG PA'I DON RTOGS SHING, ,RIM GNYIS ZUNG 'JUG RDO RJE'I LAM BSGOMS NAS, ,'JA' LUS RDO RJE'I SKU RU BDAG GYUR CIG, CES GSUNGS PA LTAR RO, ,DE NAS KLONGS RTZE BSAM GTAN GLING DU PHEBS NAS DGE 'DUN BRGYA DANG LNGA BCU SKOR LA CHOS KYI 'KHOR LO RGYA CHER BSKOR ZHING DBU MA 'JUG PA GSUNGS SKABS, GANG TSE SKYE MED DE NYID YIN CING BLO YANG SKYE BA DANG BRAL BA, ,ZHES PA'I SKABS SU SLEBS PA NA MYA NGAN LAS 'DA' BAR BZHED NAS CUNG ZAD BSNYUN PA'I TSUL BSTAN PA NA, GDUL BYA RNAMS KYIS GSOL BA SHUGS DRAG TU BTAB PAS ZHAG BDUN DU SKU TSE BYIN GYIS BRLABS NAS GDUL BYA RNAMS LA CHOS BSTAN, DE NAS DGUNG LO RE BZHI PA CHU PHO 'BRUG GI LO ZLA BA BCU GNYIS PA'I NYER DGU'I NYIN MYA NGAN LAS 'DA' BA'I TSUL BSTAN NAS DED DPON YID BZHIN GYI NOR BU RNYED NAS RANG YUL DU 'GRO BA LTAR DGA' BZHIN SPRO BZHIN DU DGA' LDAN CHOS KYI PHO BRANG DU PHEBS SO, ,RGYAL SRAS DAM PA 'DI ZHING GSHEGS PA'I TSE SA CHEN PO 'DIS KYANG MYA NGAN BYAS PA LTAR CHES CHER G-YOS SHING DKAR PHYOGS KYI LHA RNAMS KYIS BDAG NYID CHEN PO 'DI DGA' LDAN DU PHEBS PA

LA MCHOD PA'I BYE BRAG SNA TSOGS PA THOGS NAS BSU BA BYAS SHING LHA RNAMS KYIS BRDUNGS PA'I RNGA BO CHE'I SGRA CHER GRAG PA MI RNAMS KYIS THOS PA'ANG BYUNG NGO, ,RJE BTZUN RED MDA' PA LA RJE BTZUN CHOS KYI RGYAL PO TZONG KHA BA CHEN POS BLO SBYONG DON BDUN MA'I KHRID LEGS PAR GSAN ZHING RJE RIN PO CHES SKAL BA DANG LDAN PA MTHA' YAS PA LA SPEL PAR MDZAD DE RJE RIN PO CHES BYANG CHUB LAM GYI RIM PA'I KHRID GNANG SKABS BYANG CHUB KYI SEMS SBYONG TSUL LA RGYU 'BRAS MAN NGAG BDUN GYI SGO NAS SBYONG TSUL DANG, RGYAL SRAS ZHI BA LHA'I GZHUNG LA BRTEN NAS BDAG GZHAN MNYAM RJE'I SGO NAS SBYONG TSUL GNYIS SU MDZAD NAS BDAG GZHAN MNYAM RJE'I SGO NAS SBYONG TSUL LA BLO SBYONG 'DI'I MAN NGAG RNAMS STEN PAR MDZAD LA, YANG BYANG SEMS 'CHAD KHA BAS BLO SBYONG 'DI LA DON BDUN DU SA BCAD MDZAD CING MING YANG BLO SBYONG DON BDUN MA ZHES 'DOGS PAR MDZAD PA LTAR DE DANG MTHUN PA'I KHRID TSUL RGYAL SRAS THOGS MED BZANG PO DPAL GYIS DON BDUN MA'I KHRID YIG ZUR DU MDZAD LA LTAR BLO SBYONG DON BDUN MA'I KHRID ZUR DU'ANG GNANG STE RJE RIN PO CHE 'ON BKRA SHIS RDO KHAR PHEBS SKABS SEMS DPA' CHEN PO HOR STON PA SOGS RGYAL SRAS CHANG PO LA BLO SBYONG DON BDUN MA'I KHRID RGYAS PAR STZAL, SEMS DPA' CHEN PO HOR STON PAS RJE DGE 'DUN GRUB LA GNANG, ,DES 'DUL 'DZIN BLO GROS SPAS PA LA GNANG, DES PAn CHEN YE SHES RTZE MO LA GNANG, DES RJE SKYABS MCHOG DPAL LA GNANG, DES RGYAL BA

, ,DBEN SA PA LA GNANG, DES MKHAS GRUB SANGS RGYAS YE SHES LA GNANG, DES RJE BTZUN BLO BZANG CHOS KYI RGYAL MTSAN LA GNANG, DES ZHABS DRUNG LHA PA BSTAN PA DAR RGYAS LA GNANG, DES GRUB CHEN BLO BZANG BYAMS BA LA GNANG, DES GRUB DBANG CHOS RGYA MTSO LA GNANG, DES RJE BTZUN BLA MA GRUB PA'I DBANG PHYUG BLO BZANG RNAM RGYAL LA GNANG, RJE BLA MA BKA' DRIN MTSUNGS MED DI'I ZHABS DRUNG DU BDAG GIS CHOS 'DI'I BKA' DRIN THOB PO, , YANG RGYAL BA'I SRAS PO THOGS MED BZANG PO DPAL GYIS SEMS DPA' CHEN PO RGYA MA BA YON TAN 'OD LA GNANG, DE NAS RIM GYIS BRGYUD DE BDAG GI DRIN CAN RTZA BA'I BLA MA RJE BTZUN NGAG DBANG BYAMS PA'I ZHABS DRUNG DU CHOS 'DI'I BKA' DRIN BDAG GIS RGYAS PAR THOB BO, ,BLO SBYONG SNYAN RGYUD CHEN MO 'DI'I RGYUD RIM MDOR BSDUS GSOL 'DEBS KYI TSUL DU BKOD NA 'DI LTAR, THUB DBANG 'JAM DBYANGS RGYAL SRAS ZHI BA LHA, ,AE LA DHA RI DPA' BO RDO RJE DANG, ,RIN CHEN DPAL DANG BLA MA GSER GLING PA, ,GSOL BA 'DEBS SO BDAG RGYUD BYIN GYIS RLOBS, ,YID BZHIN NOR 'DRA'I THUGS MNGA' MAR ME MDZAD, ,RGYAL PA'I 'BYUNG GNAS STON PA RIN PO CHE, ,BSTAN PA RIN CHEN GSAL MDZAD PO TO BA, ,GSOL BA 'DEBS SO BDAG RGYUD BYIN GYIS RLOBS, ,YON TAN MCHOG GI GRAGS PA'I SHA RA BA, ,BYANG CHUB THUGS GNYIS 'BYONGS BA'I 'CHAD KA BA, ,LTA SPYOD RNAM PAR DAG PA'I RGYAL BA SE, ,GSOL BA 'DEBS SO BDAG RGYUD BYIN GYIS

RLOBS, ,GCIG TU GZHAN DON MDZAD PA'I SKYES MCHOG LHA, ,BSLAB GSUM RNAM PAR DAG PA'I LHA SDINGS PA, ,SGO GSUM GZHAN DON MDZAD PA'I LHA SDINGS DPON, ,GSOL BA 'DEBS SO BDAG RGYUD BYIN GYIS RLOBS, ,DUS GSUM RGYAL BA'I LAM GNAS YON TAN DPAL, ,SANGS RGYAS BSTAN PA RGYAS MDZAD BDE BA DPAL, ,MKHAS BTZUN 'GRAN ZLA BRAL BA'I DKA' BZHI PA, ,GSOL BA 'DEBS SO BDAG RGYUD BYIN GYIS RLOBS, ,PHAN BDE KUN GYI 'BYUNG GNAS RIN PO CHE, ,BSOD NAMS YE SHES STOBS KYIS STONG GSUM GRAGS, ,BYAMS DANG SNYING RJE'I MNGA' BDAG CHOS KYI RJE, ,GSOL BA 'DEBS SO BDAG RGYUD BYIN GYIS RLOBS, ,THOGS MED GNYIS PA RGYAL SRAS RIN PO CHE, ,'DZAM GLING MKHAS PA'I GTZUG RGYAN RED MDA' PA, ,RGYAL BA KUN DNGOS BLO BZANG GRAGS PA'I DPAL, ,GSOL BA 'DEBS SO BDAG RGYUD BYIN GYIS RLOBS, ,THEG MCHOG GDAMS PA'I GTER GYUR NAM MKHA' DPAL, ,KHAMS GSUM BSTAN PA'I BDAG PO DGE 'DUN GRUB, ,SEMS DPA' CHEN PO BLO GROS SPAS PA'I ZHABS, ,GSOL BA 'DEBS SO BDAG RGYUD BYIN GYIS RLOBS, ,YE SHES MTSAN CAN 'JAM DBYANGS SKYABS MCHOG DPAL, ,SKU GSUM MNGON GYUR RJE BTZUN DBEN SA PA, ,DE SRAS THU BO SANGS RGYAS YE SHES ZHABS, ,GSOL BA 'DEBS SO BDAG RGYUD BYIN GYIS RLOBS, ,RJE BTZUN BLO BZANG CHOS KYI RGYAL MTSAN ZHABS, ,DE SRAS THU BO ZHABS DRUNG LHA PA DANG, ,GRUB CHEN BLO BZANG BYAMS PA RIN PO CHER, ,GSOL PA

, ,'DEBS SO BDAG RGYUD BYIN GYIS RLOBS, ,SEMS DPA' CHEN PO GRUB DBANG CHOS RGYA MTSO, ,RTZA BA'I BLA MA BLO BZANG RNAM RGYAL TE, ,DNGOS DANG BRGYUD PA'I BLA MA MCHOG RNAMS LA, ,GSOL BA 'DEB SO BDAG RGYUD BYIN GYIS RLOBS YANG RTZA BA'I BLA MA BYAMS PA'I MTSAN CAN GYI GSAN RGYUN LTAR GSOL BA 'DEBS PA NI, RGYAL SRAS THOGS MED YAN GONG LTAR LA, DE NAS 'DI LTAR, RGYAL BA'I SRAS PO THOGS MED BZANG PO DPAL, ,YON TAN 'OD DANG BLO 'BAL TSUL KHRIMS DAR, ,BSOD NAMS LHA DBANG BSOD NAMS LEGS MCHOG LA, ,BSOL BA 'DEBS SO BDAG RGYUD BYIN GYIS RLOBS, ,SNYUG LA PAn CHEN NGAG DBANG GRAGS PA DANG, ,SPYAN SNGA NGAG DBANG CHOS GRAGS BRAG DGON PA, ,DPAL 'BYOR LHUN GRUB 'PHRIN LAS RAB RGYAS LA, ,GSOL BA 'DEBS SO BDAG RGYUD BYIN GYIS RLOBS, ,GANGS CAN MGON PO BLO BZANG RGYA MTSO'I SDE, ,BLO BZANG DAR RGYAS 'JAM DBYANGS GRAGS PA'I DPAL, ,LAM BZANG GSAL MDZAD DGE LEGS RGYA MTSO LA, ,GSOL BA 'DEBS SO BDAG RGYUD BYIN GYIS RLOBS, ,RGYAL BA KUN GYI MKHYEN BRTZE NUS PA KUN, ,GCIG BSDUS 'JAM MGON BSTAN PA'I SROG SHING CHE, ,RTZA BA'I BLA MA NGAG DBANG BYAMS PA LA, ,GSOL BA 'DEBS SO BDAG RGYUD BYIN GYIS RLOBS, ,RAB 'BYAMS GSUNG RAB KUN GYI SNYING PO'I DON, ,GCIG TU BSDUS NAS GSAL BAR STON MDZAD PA, ,BKA' DRIN MTSUNGS MED RJE BTZUN BLA MA LA, ,GSOL BA 'DEBS SO BDAG RGYUD

BYIN GYIS RLOBS, ,ZHES BA'O, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS BDAG PAS GZHAN GCES PA'I BYANG CHUB KYI SEMS RIN PO CHE MYUR DU RGYUD LA SKYE PAR BYA BA'I PHYIR BLO SBYANG SNYAN RGYUD KYI BLA MA RNAMS LA GSOL BA 'DEBS SHING BLO SBYONG RGYUD PA'I BLA MA RNAMS KYI MDZAD PA RNAM THAR RNAMS BSAMS LA BYANG CHUB KYI SEMS RIN PO CHE MA SKYES PA BSKYED PA DANG SKYAS ZIN GONG NAS GONG DU SPEL BA LA BLO GROS DANG NUS PA DANG RTZOL BA CI YOD THAMS CAD GCIG TU DRIL TE RNAM PA KUN TU 'BAD BAR BYA'O,, ,,` JO BO RJE DPAL LDAN AA TI SHA DANG CHOS KYI RGYAL PO TZONG KHA BA CHEN PO GNYIS KYI THUGS KYI BCUD PHYUNG PA'I MAN NGAG BYANG CHUB LAM GYI RIM PA 'DI LA MDO SNGAGS GNYIS KA'I THUN MONG BA'I LAM GYI RIM PA DANG, THUN MONG MIN PA RDO RJE THEG PA'I LAM GYI RIM PA GNYIS LAS, THUN MONG BA'I LAM GYI RIM PA LA JO BO RJE LA RGYUD PA'I CHU BO GSUM 'DRES PAS RGYA CHEN SPYOD RGYUD DANG, ZAB MO LTA RGYUD DANG, RGYA CHAN SPYOD RGYUD LAS PHYE BA RLABS CHEN SPYOD PA'I RGYUD GSUM GYI BLA MA GONG MA RNAMS KYI RNAM PAR THAR PA MDOR BSDUS BRJOD ZIN NAS RDO RJE THEG PA'I LAM GYI RIM PA'I BLA MA RNAMS KYI RGYUD RIM LA JO BO RJES NYAMS LEN BYIN RLABS RGYUD BA ZHES THA SNYAD MDZAD LA, 'DI LA YANG RDO RJE THEG PA SPYI'I BRGYUD RIM DANG, JO BO YAB SRAS KYI GSANG CHOS THUN MONG MIN PA BKA' GDAMS THIG LE BCU DRUG GI BRGYUD RIM GNYIS LAS, DANG PO MDO SNGAGS SPYI'I

, ,BRGYUD RIM LA YANG RGYUD SDE BZHI'I DBANG LUNG MAN NGAG MTHA' YAS PA YOD MOD KYANG 'DIR MTHA' DAG BRI MI NUS PAS GZHAN DU SHES PAR BYA ZHING, 'DIR CHOS KYI RGYAL PO RGYAL BA TZONG KHA PA CHEN PO LA MGON PO 'JAM PA'I DBYANGS KYIS SNYIGS DUS KYI TSE THUNG 'DI LA MYUR BA LAS KYANG CHES MYUR BAR 'TSAD RGYA BAR 'DOD PA RNAMS KYIS BSHES GNYEN BSTEN TSUL NAS SPYOD PA SPYI BSLAB KYI BAR THUN MONG BA'I LAM GYI RIM PA LA MYONG BA THON NGES BYAS NAS BDE GSANG 'JIGS GSUM GYI DBANG DANG MAN NGAG RNAMS THOB PAR BYAS LA DE GSUM YA MA BRAL BA'I NYAMS LEN LA 'BAD DGOS TSUL RGYU MTSAN DU MAS 'DOMS PAR MDZAD PA LTAR BSTAN PA'I SNYING PO MTHAR THUG PA'I NYAMS LEN GYI GNAD 'DI DAG MA NUB NA CI MA RUNG SNYAM DU SMON PAS GSANG BDE 'JIGS GSUM GYI DBANG LUNG MAN NGAG GI BRGYUD RIM BLA MA RNAMS KYI MTSAN TZAM ZHIG BRJOD PA NI, STON PA BCOM LDAN 'DAS THUB PA'I DBANG PO THUGS RJE CAN 'DIS RDO RJE THEG PA'I CHOS KYI 'KHOR LO BSKOR TSUL NI THUB PA'I RNAM THAR GYI SKABS SU BSHAD ZIN PA LTAR YIN LA, THUB PA'I DBANG PO NAS DA LTA'I BAR DU RDO RJE THEG PA'I BLA MA BRGYUD RIM JI LTAR BYUNG BA NI, STON PA ZHAL BZHUGS DUS NUB PHYOGS AOO dI YA'I YUL NA RGYAL PO AINDRA BHO TI NAS BYA BA BYUNG STE, RGYAL PO DE KHANG BZANG GI THOG NA GNAS PA'I TSE DGE SLONG DGRA BCOM PA NAM MKHA' LA 'PHUR TE SHAR NUB TU 'GRO BA DAG MTHONG

BAN 'DI DAG CI YIN ZHES DRIS PAS, BLON PO SANGS RGYAS 'JIG RTEN DU BYON PA'I RGYUS YOD PA DAG GIS 'DI DAG NI SH'AKYA'I RGYAL PO ZAS GTZANG GI SRAS PO SANGS RGYAS NAS 'PHAGS YUL NA CHOS KYI 'KHOR LO BSKOR BAR MDZAD PA DE'I NYAN THOS DAG YUL GZHAN DANG GZHAN DU RGYU BA NA NAM MKHA' LA 'PHUR TE 'GRO BAS RGYAL POS GZIGS PA DE DAG KYANG SANGS RGYAS KYI NYAN THOS DAG GO, ZHES BRJOD PA NA RGYAL PO PHYIR MI LDOG PA'I DAD PA SKYES TE SANGS RGYA LA GSOL BA BTAB PAS STON PAS MKHYEN BZHIN DU 'KHOR DANG BCAS PA RDZU 'PHRUL GYIS BYON NAS RGYAL PO'I KHANG BZANG DU PHEBS TE RGYAL PO LA CHOS BSTAN PAS RGYAL PO DAD PA LHAG PAR SKYES SHING, 'DI SKRAD DU BDAG GIS KHYIM PA'I RTAGS CHA LUGS MA BOR BAR 'DI NYID DU GNAS NAS 'TSANG RGYA BAR NUS PA ZHIG 'DOD CES ZHUS PAS RGYAL PO DE RIN PO CHE LTA BU'I GDUL BYA YIN PAS BCOM LDAN 'DAS KYIS DPAL GSANG BA 'DUS PA'I DKYIL 'KHOR DU RDO RJE 'CHANG GI SKUR BZHENGS NAS DBANG BSKUR, GDAMS NGAG BSTAN, RGYUD GSUNGS, PHYAG NA RDO RJES LEGS PAR KHRID BAS RGYAL PO AINDRA BHO TIS LAM THUN MONG BA DANG THUN MONG MIN PA'I RIM GNYIS KYI RNAL 'BYOR MTHAR PHYIN TE SPROS BCAS KYI SPYOD PA SPYAD NAS TSE DE NYID LA ZUNG 'JUG GI SKU GRUB, DE NAS RGYAL PO AINDRA BHO TIS YUL DE'I SKYE PO RNAMS LA RDO RJE'I THEG PA BSTAN PAS GRUB PA THOB PA BGRANG BA LAS 'DAS PA BYUNG ZHING DPAL GSANG BA 'DUS PA'I DBANG DANG GDAMS NGAG RNAMS SPEL BA LA BKA'

, ,BABS PA KLU MO RNAL 'BYOR MA LA RDZOGS PAR GNANG, DES RGYAL PO BI SU KA PA LA GNANG, DES KYANG BSGOMS PAS GRUB PA THOB STE DPAL LDAN SA RA HA PA LA GNANG, DES KYANG BSGOMS PAS GRUB PA THOB STE DPAL MGON 'PHAGS PA KLU SGRUB LA DPAL GSANG BA 'DUS PA'I DBANG LUNG MAN NGAG THAMS CAD RDZOGS PAR GNANG, 'PHAGS PA KLU SGRUB KYIS LHO PHYOGS DPAL GYI RI BOR BSGOMS NAS SKU TSE DE LA ZUNG 'JUG GI SKU BRNYES NAS SRAS KYI THU BO A'ARYA DE BA DANG, KLU'I BYANG CHUB DANG, SH'AKYA BSHES GNYEN DANG, ZLA BA GRAGS PA SOGS THUGS SRAS MANG PO LA DPAL GSANG BA 'DUS PA'I DBANG LUNG MAN NGAG RNAMS RDZOGS PAR GNANG, SLOB DPON A'ARYA DE BA DANG, SLOB DPON KLU'I BYANG CHUB DANG, SLOB DPON SH'AKYA BSHES GNYEN DANG, SLOB DPON ZLA BA GRAGS PA BZHI GAS DPAL GSANG BA 'DUS PA'I LAM RIM GNYIS MTHAR PHYIN TE SKU TSE DE LA ZUNG 'JUG RDO RJE 'DZIN PA'I GO 'PHANG BRNYES, GZHAN YANG SLOB DPON SANGS RGYAS BSKYANGS SOGS SLOB DPON KLU SGRUB KYI THUGS SRAS ZUNG 'JUG GRUB PA CHES MANG NGO, ,SLOB DPON KLU SGRUB YAB SRAS DE DAG LAS GSANG BA 'DUS PA'I DBANG LUNG MAN NGAG GI BRGYUD RIM MTHA' YAS PA BYUNG MOD KYANG MTHA' DAG BGRANG BAR GA LA NUS, YONGS SU GRAGS PA'I DBANG GI BRGYUD RIM NI, SLOB DPON MA TANGKI PA, DES GRUB CHEN TE LO PA, DES PAn CHEN N'A RO PA, DES SGRA BSGYUR MAR PA LO TZ'A, DES MTSUR STON DBANG GI RDO RJE,

DES 'KHON STON GAD PA K'I RTI, DES BYA SGANG PA BSOD NAMS RIN CHEN, DES THUR LTA BA TSUL KHRI LAS SKYABS, DES THANG SPE PA 'PHAGS PA SKYABS, DES GSER SDINGS BA GZHON NU 'OD, DES KUN MKHYEN CHOS SKU 'OD ZER, DES KUN MKHYEN 'PHAGS BA 'OD, DES CHOS RJE BU STON RIN CHEN GRUB, DES KHYUNG PO LHAS PA GZHON NU BSOD NAMS, DES CHOS KYI RGYAL PO TZONG KHA PA CHEN PO, DES MKHAS GRUB DGE LEGS DPAL BZANG, DES PAn CHEN CHOS KYI RGYAL MTSAN, DES GRUB CHEN CHOS RDO RJE, DES RGYAL BA BLO BZANG DON GRUB, NGES MKHAS GRUB SANGS RGYAS YE SHES, DES RJE BTZUN BLO BZANG CHOS KYI RGYAL MTSAN, DES RDO RJE 'DZIN BA DKON MCHOG RGYAL MTSAN ,DES RJE BTZUN BLO BZANG YE SHES, DES RDO RJE 'DZIN PA BLO BZANG RIG GROL, DES MKHAS SHING GRUB PA RDO RJE 'DZIN PA YE SHES DPAL 'BYOR, BKA' DRIN MTSUNGS MED RDO RJE 'DZIN PA CHEN PO DE'I ZHABS DRUNG DU BDAG GIS DPAL GSANG BA 'DUS PA'I DBANG BZHI YONGS SU RDZOGS PA THOB, YANG RJE THAMS CAD MKHYEN PA NAS RJE BTZUN SHES RAB SENG GE 'DUL NAG PA DPAL LDAN BZANG PO, RGYUD CHEN DGE 'DUN 'PHEL, RGYUD CHEN BKRA SHIS 'PHAGS, RGYUD CHEN BSAM GRUB RGYA MTSO, RGYUD CHEN BRTZON 'GRUS 'PHAGS, RGYUD CHEN RDO RJE BZANG PO, RGYUD CHEN SANGS RGYAS RGYA MTSO, RGYUD CHEN DKON MCHOG RGYA MTSO, RGYUD CHEN DKON MCHOG YAR 'PHEL, THANG SAG PA DNGOS GRUB RGYA MTSO, GRUB PA'I DBANG PHYUG DON YOD MKHAS GRUB, RJE BTZUN NGAG DBANG BYAMS PA, RJE

, ,BTZUN BLA MA BKA' DRIN MTSUNGS MED DE NYID KYI ZHABS DRUNG DU BDAG GIS DPAL GSANG BA 'DUS PA'I DBANG DANG RGYUD KYI LUNG RIM GNYIS KYI MAN NGAG YONGS SU RDZOGS PA THOB, YANG DPAL MGON 'PHAGS PA KLU SGRUB NAS SLOB DPON ZLA BA GRAGS PA, SLOB PA'I RDO RJE, GRUB CHEN NAG PO SPYOD PA, BLA MA SPRIN GYI SHUGS CAN, RJE RIN PO CHE 'GOS, MANG RA BA SENG GE RGYAL MTSAN, RDOG YE SHES SENG GE, RDOG A'ARYA DE BA, GLAN TSA NYI MA LCAM, LTAG PA RIN CHEN GRAGS, THUR LHA BA TSUL KHRIMS SKYABS, THANG SPE BA 'PHAGS PA SKYABS, GSER SDING PA GZHON NU 'OD, KUN MKHYEN CHOS SKU 'OD ZER, KUN MKHYEN 'PHAGS PA 'OD, CHOS RJE BU STON RIN CHEN GRUB, BLA MA DAM PA BSOD NAMS RGYAL MTSAN, SGRA BSGYUR NAM MKHA' BZANG PO, MNYAM MED RJE BTZUN RED MDA' PA CHEN PO, CHOS KYI RGYAL PO TZONG KHA PA CHEN PO, RJE BTZUN SHES RAB SENG GE ,RGYUD CHEN SBYIN PA DPAL BA NAS 'DUS PA'I BSHAD SROL SPEL PA'I RGYUD 'DZIN RIM PAR BRGYUD PA YONGS SU GRAGS PA LTAR LA 'DUS PA'I BSTAN PA'I BDAG PO RJE BTZUN NGAG DBANG BYAMS PA NAS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES, SKYABS MGON BKA' DRIN MTSUNGS MED DE NYID KYI ZHABS DRUNG DU BDAG GIS DPAL GSANG BA 'DUS PA'I RGYUD KYI BSHAD PA 'GREL PA BZHI SPRAGS SU GRAGS PA CHA TSANG PHA THOB BO,, ` ,,DPAL 'KHOR LO SGOM PA'I CHOS SKOR NI, STON PA THUB DBANG RDO RJE

'CHANG GIS GSANG BA'I BDAG PO PHYAG NA RDO RJE LA 'KHOR LO SDOM PA'I DBANG DANG RGYUD YONGS SU RDZOGS PA GNANG, GSANG BA'I BDAG POS GRUB CHEN SA RA HA LA GNANG, DES DPAL MGON 'PHAGS PA KLU SGRUB LA, DES DPAL SHA BA RI PA LA; DES GRUB CHEN L'U AI PA LA, DES RGYAL PO DHA RI KA PA LA, DES SLOB DPON RDO RJE DRIL BU PA LA, DES GRUB CHEN RUS SBAL ZHABS LA, DES GRUB CHEN DZ'A LAN DHA RA PA LA, DES GRUB CHEN NAG PO SPYOD PA LA, DES GRUB CHEN GSANG BA PA LA, DES GRUB CHEN RNAM RGYAL ZHABS LA, DES GRUB CHEN TEE LO PA LA, DES PAn CHEN N'A RO PA LA, DES PHAM MTHING PA SKU MCHED LA, DES GLOG SKYA SHES RAB BRTZEGS LA, DES MAL LO TZ'A BA BLO GROS GRAGS LA, DES SA CHEN KUN DGA' SNYING PO LA, DES RJE BTZUN BSOD NAMS RTZE MO LA, DES RJE BTZUN GRAGS PA RGYAL MTSAN LA, DES CHOS RJE SA PAndI TA LA, DES RGYAL SRAS BSOD NAMS SENG GE LA, DES SLOB DPON SANGS RGYAS 'BUM LA, DES MCHOG LDAN LEGS PA'I BLO GROS LA, DES BLA MA DPAL LDAN SENG GE LA, DES BU STON RIN CHEN GRUB LA, DES KHYUNG PO LHAS PA GZHON NU BSOD NAMS LA, DE LA CHOS KYI RGYAL PO TZONG KHA PA CHEN POS GSAN, RJE RIN PO CHE NAS BRGYUD RIM PHAL CHER GSANG BA 'DUS PA DANG 'DRA BA LA BDE MCHOG L'U AI BA'I RIM GNYIS KYI MAN NGAG RNAMS THANG SAG PA DNGOS GRUB RGYA MTSOS GRUB PA'I DBANG PHYUG 'JAM DBYANGS BDE BA'I RDO RJE LA GNANG, DES RJE BTZUN NGAG DBANG BYAMS

, ,PA LA GNANG, GRUB CHEN DRIL BU LUGS KYI BDE MCHOG GI DBANG DANG RIM GNYIS KYI MAN NGAG RNAMS PAn CHEN BLO BZANG CHOS KYI RGYAL MTSAN GYIS RDO RJE 'DZIN PA DKON MCHOG RGYAL MTSAN LA GNANG, DES SKYID SHOD ZHABS DRUNG NGAG DBANG BSTAN 'DZIN 'PHRIN LAS LA GNANG, DES MKHAS GRUB BLO BZANG MKHAS BTZUN LA GNANG, DES RJE BTZUN NGAG DBANG BYAMS PA LA GNANG STE, RJE BTZUN BLA MA BKA' DRIN MTSUNGS MED DE NYID KYI ZHABS DRUNG DU BDAG GIS LEGS PAR THOB BO, ,BDE MCHOG RGYUD 'GREL SBAS DON KUN GSAL RTZA 'GREL SPRAGS PA'I LUNG DANG RTZA BSHAD SBYAR BA'I MAN NGAG NI PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO'I ZHABS DRUNG DU BDAG GIS LEGS PAR THOB BO,, ` ,,DPAL RDO RJE 'JIGS BYED CHEN PO'I CHOS BSKOR NI, 'PHAGS YUL GYI GRUB CHEN L'A LI TA SA 'JAM DPAL MTSAN BRJOD ZHAL 'DON DU MDZAD PA NA, RDO RJE 'JIGS BYED 'JIGS PAR BYED, ,CES PA DANG, KHRO BO'I RGYAL PO GDONG DRUG 'JIGS, ,ZHES PA DANG, GSHIN RJE GSHED PO BGEGS KYI RGYAL, ,ZHES PA RNAMS KYI DON LA BSAMS PA NA, DPAL RDO RJE 'JIGS BYED CHEN PO'I RGYUD DANG GSHIN RJE'I GSHED DMAR NAG GI RGYUD RNAMS YOD BAR BSAMS NAS 'PHAGS YUL GYI PAn GRUB RNAMS LA RTZAD BCAD KYANG DE DUS RGYUD 'DI DAG 'PHAGS YUL NA MA BZHUGS PAS

MA RNYED, AYON GYI YUL NA BZHUGS PAR RIG NAS BLA MA DANG RJE BTZUN 'JAM PA'I DBYANGS DBYER MA MCHIS PA LA GSOL BA SHUGS DRAG LA RGYUN RING PO BTAB, RGYAL BA'I BSTAN PA 'BA' ZHIG LA DGONGS TE NYID KYI SKU DANG SROG LA'ANG MI LTA BAR DKA' BA CHEN POS AYON GYI YUL DU BYON NAS GSOL BA SHUGS DRAG TU BTAB BAN YE SHES KYI MKHA' 'GRO MAS RJES SU BZUNG STE DPAL RDO RJE 'JIGS BYED CHEN PO'I DBANG DANG GSHIN RJE'I GSHED DMAR NAG GNYIS KYI DBANG RNAMS GNANG, GDAMS PA DANG RJES SU BSTAN PA LEGS PAR STZAL, SEMS CAN RNAMS KYI DON DU RGYUD KYI GLEGS BAM GNANG DGOS PAR GSOL BA BTAB PA NA YE SHES KYI MKHA' 'GRO MAS CHOS MDZOD ZHAL PHYE NAS DPAL RDO RJE 'JIGS BYED CHEN PO'I RTZA BA'I RGYUD RGYAS PA SHO LO KA 'BUM RTOG BA SUM BRGYA YOD PA RNAMS BSTAN TE ZHAG BDUN GYI RING LA 'DI'I NANG NAS GANG BLO LA GZUNG THUB PA RNAMS ZUNGS, DE LAS MI YONG ZHES RGYUD THAMS CAD MA GNANG BA NA GRUB CHEN GYIS ZHAG BDUN GYI RING LA GLEGS BAM CHEN PO 'DI NAS MANG PO ZHIG 'DZIN MI THUB PAS SMON LAM GDAB PA GAL CHE DGONGS NAS ZHAG BDUN GYI RING RGYUD KYI GLEGS BAM RNAMS LA MCHOD PA PHUL TE PHYAG DANG BSKOR BA BYED CING GSOL BA SHUGS DRAG TU BTAB PA NA ZHAG BDUN SONG BA'I NYIN RTOG BA SUM BRGYA'I NANG NAS DNGOS GRUB KYI RTOG PA ZHES BYA BA DPAL RDO RJE 'JIGS BYED CHEN PO'I RGYUD RTOG PA BDUN PA 'DI THUGS LA WA LA GYIS SHAR, 'DI LA NOR

, ,'KHRUL DANG LHAG CHAD YOD DAM MED BLTA DGOS DGONGS BA NA, DE'I THAD KYI GLEGS BAM RANG ZHAL PHYE NAS THUGS LA GANG SHAR BA DE KHA JI BZHIN DU BYUNG, DE MA THAG GLEGS BAM RNAMS MKHA' 'GRO MA RNAMS KYI GSANG BA'I CHOS MDZOD DU BZHUGS SU GSOL, DE NAS GRUB CHEN L'A LI TAS 'PHAGS YUL DU PHEBS NAS GSHIN RJE'I GSHED DMAR NAG 'JIGS GSUM GA DANG, KHYAD PAR DPAL RDO RJE 'JIGS BYED CHEN PO'I DBANG DANG RIM GNYIS KYI MAN NGAG RGYUD KYI LUNG RNAMS SKAL BA DANG LDAN PA MANG PO LA RGYA CHER SPEL BAS LAM 'DI LA BRTEN NAS GRUB PA THOB PA CHES MANG BA BYUNG, RGYUD 'DZIN 'PHRIN LAS KYI BKA' BAB PA NI GRUB CHEN DON YOD RDO RJE CHE CHUNG GNYIS SO, ,DON YOD RDO RJE CHUNG PAS GRUB CHEN PADMA BADZRA LA GNANG, DES GRUB CHEN MAR ME MJAD SRUNG CHEN PO LA GNANG, DES RGYUD 'DI SPEL BA'I SMON LAM RLABS PO CHE'I MTHU GRUB PA RVA LO RDO RJE GRAGS LA GNANG, RVA LO CHEN POS DBUS GTZANG KHAMS GSUM GYI SA'I CHA THAMS CAD DU SKAL BA DANG LDAN PA MTHA' YAS PA LA RGYA CHER SPEL ZHING, RGYUD 'DI DBU 'PHANG MTHON POR BYAS TE RTOG BDUN GYI LUNG RE TZAM ZHU BA LA'ANG GSER SRAD MANG PO 'BUL DGOS PA GSER CHOS KHO NAR MDZAD, DE'I TSE DPAL RDO RJE 'JIGS BYED CHEN PO'I RNAL 'BYOR GYI SGO NAS LAS BZHI'I 'PHRIN LAS GRUB PA DANG, RIM GNYIS LA MYONG BA THON PA DANG, RIM PA DANG PO MTHAR

SON BA DANG, RDZOGS RIM GYI RTOGS PA THOB PA SOGS LAM 'DI'I NUS PA THON BA BGRANG BA LAS 'DAS PA BYUNG NGO, ,RVA LO CHEN BOS RGYA CHER SPEL BAR MDZAD PA LAS 'PHRIN LAS RGYUD 'DZIN GYI BKA' BAB NI RVA CHOS RAB BO, ,RVA CHOS RAB KYIS RVA YE SHES SENG GA LA GNANG, DES RVA 'BUM SENG LA GNANG, DES RJE BTZUN RGVA LO LA GNANG, DES RONG PA SHES RAB SENG GE LA GNANG, DES BLA MA YE SHES DPAL BA LA GNANG STE BLA MA GONG MA DE DAG THAMS CAD KYANG DPAL RDO RJE 'JIGS BYED CHEN PO'I RIM GNYIS LA NUS PA THON PA SHA STAG GO ,BLA MA YE SHES DPAL BAS CHOS RJE DON GRUB RIN CHEN LA GNANG STE, CHOS RJE DON GRUB RIN CHEN NI DPAL RDO RJE 'JIGS BYED CHEN PO'I GRUB THOB TU YONGS SU GRAGS PA LTAR YIN ZHING, CHOS RJE DES DPAL RDO RJE 'JIGS BYED CHEN PO LA PHYI NANG GSANG BA DE KHO NA NYID KYI MCHOD PA PHUL TE GSOL BSHUGS DRAG TU BTAB PA NA DPAL RDO RJE 'JIGS BYED CHEN PO'I ZHAL NAS NGA SANG PHOD DA TZAM LUNG PA 'DI'I MDA' RU SLEB YONG BAS DE'I BAR BDE BAR GYIS ZHES GSUNGS, DE NAS CHOS RJE DON GRUB RIN CHEN GYIS KHONG RANG BZHUGS SA'I LUNG BA'I MDA' NA RJE RIN PO CHE 'KHRUNGS SA'I YUL TZONG KHA YOD PAS DER RDO RJE 'JIGS BYED KYI SPRUL PA CI 'DRA ZHIG YONG SNYAM DU BRTAGS PA NA TZONG KHAR KLU 'BUM DGE DANG SHING BZA' AA CHOS GNYIS KYI SRAS SU RDO RJE 'JIGS BYED KYI SPRUL PA BYON PAR RIG NAS YAB YUM DE GNYIS LA SPRUL PA'I SRAS DE LA GTZANG SPRA DANG GCES SPRAS BYED

, ,DGOS PA'I BKA' NAN TAN DU GNANG ZHING DAM RDZAS BDUD RTZI RIL BU BZHES RGYU DANG, SKUL BCANG RGYU'I SRUNG MDUD SOGS GNANG STE SPRUL PA'I SKU DE MJAL BAR PHEBS, DE NAS YAB YUM GNYIS LA ZANG ZING GI DNGOS PO TSAD MED PA GNANG STE SPRUL PA'I SKU 'DI NGA LA DGOS ZHES RJE RIN PO CHE 'KHRUNGS MA THAG NAS BDAG GIR MDZAD DO, ,DE LTAR NA RJE RIN PO CHE 'DI NI RJE BTZUN 'JAM PA'I DBYANGS BSTAN PA DANG 'GRO BA'I DON DU BSAM BZHIN DU BYON PA ZHIG YIN LA, DE LTA NA'ANG PHYI RABS KYI GDUL BYA RNAMS LA 'DOMS PA'I PHYIR RANG NYID RJE BTZUN 'JAM BA'I DBYANGS YIN ZHES ZHAL GYIS MA BZHES PAR THA MAL PA'I TSUL BZUNG STE, CHOS RJE DON GRUB RIN CHEN YONGS 'DZIN DU BSTEN NAS DPAL RDO RJE 'JIGS BYED CHEN PO'I DBANG DANG GDAMS NGAG RNAMS LEGS PAR GSAN TE DGUNG LO BDUN BRGYAD KYI DUS TZAM NAS DPAL RDO RJE 'JIGS BYED CHEN PO'I BSNYEN SGRUB MTHAR PHYIN PAR MDZAD, DUS PHYIS DBUS SU PHEBS NAS BLA MA DBU MA PAS 'TSAMS SPYAR TE RJE BTZUN 'JAM PA'I DBYANGS LA 'JAM DBYANGS CHOS SKOR DANG, RDO RJE 'JIGS BYED KYI GDAMS NGAG MANG DU GSAN ZHING, DE NAS RJE BTZUN 'JAM PA'I DBYANGS NYID KYIS DNGOS SU ZHAL BSTAN NAS MDO SNGAGS KYI CHOS MTHA' YAS PA GSUNGS SHING, LHAG PAR DPAL RDO RJE 'JIGS BYED CHEN PO'I DBANG GNANG BA'I CHE RJE BTZUN 'JAM PA'I DBYANGS

SKAD CIG GIS RDO RJE 'JIGS BYED KYI SKUR BZHENGS NAS DBANG BZHI YONGS SU RDZOGS BA BSKUR BA DANG, GSHIN RJE CHOS KYI RGYAL PO SRUNG MAR BKA' BSGO BA SOGS MDZAD PA'I RNAM 'PHRUL BSAM GYIS MI KHYAB BA DE 'DRA YOD PAR GSUNGS, DES NA THUN MONG MIN BA'I DBANG DU BYAS NA RJE RIN PO CHE RANG NYID RJE BTZUN 'JAM DBYANGS DNGOS YIN BAR MA ZAD YI DAM ZHI KHRO GNYIS KAS RJE RIN PO CHE LA DNGOS SU ZHAL BSTAN NAS YI DAM 'DI'I DBANG DANG GDAMS NGAG RNAMS RDZOGS PAR GNANG BA YIN PAS NYE RGYUD THUN MONG MIN PA'I RGYUD RIM GSOL 'DEBS SU BYAS NA 'DI LTAR, 'JAM DPAL RDO RJE RGYAL BA TZONG KHA BA, ,MKHAS GRUB SKU MCHED DHARM'A BADZRA ZHABS, ,DBEN SA YAB SRAS BLO BZANG CHOS KYI RGYAL; ;GSOL PA 'DEBS SO DNGOS GRUB RNAM GNYIS STZOL, ,GRUB BA MCHOG BRNYES DKON MCHOG RGYAL MTSAN DANG, ,DKYIL 'KHOR MNGA' BDAG BLO BZANG YE SHES ZHABS, ,RJE BTZUN BLO BZANG BSKAL BZANG RGYA MTSO LA, ,GSOL BA 'DEBS SO DNGOS GRUB RNAM GNYIS STZOL, ,RGYAL KUN THUGS RJE'I NGO BO BYAMS PA'I MTSAN, ,RJE BTZUN BLO BZANG DPAL LDAN YE SHES ZHABS, ,BKA' DRIN MNYAM MED RTZA BA'I BLA MA LA, ,GSOL BA 'DEBS SO DNGOS GRUB RNAM GNYIS STZOL, ,RGYAL BA KUN GYI YAB GCIG 'JAM BA'I DBYANGS, ,MA RUNGS GDUL DKA' MTHA' DAG 'DUL BA'I PHYIR, ,'JIGS BYED KHRO BO CHEN PO'I SKUR BSTAN PA, ,GSOL BA 'DEBS SO DNGOS GRUB RNAM GNYIS STZOL, ,DE

, ,LTAR BSTOD PAS BYANG CHUB SNYING PO'I BAR, ,'GAL RKYEN BDUD BZHI'I G-YUL LAS RNAM RGYAL TE, ,ZHI RGYAS DBANG DRAG GRUB CHEN BRGYAD LA SOGS, ,DNGOS GRUB KUN GYIS RTAG TU 'BYOR GYUR CIG , MDOR NA DENG NAS TSE RABS THAMS CAD DU, ,'JAM DPAL DPA' BOS DGYES BZHIN RJES BZUNG STE, ,RIM GNYIS LAM GYI RTOGS PA MTHAR PHYIN NAS, ,SKU GSUM GO 'PHANG BDE BLAG THOB GYUR CIG ,CES PA'O, ,RJE BTZUN THAMS CAD MKHYEN PA BLO BZANG YE SHES KYIS RJE BTZUN BLO BZANG BSKAL BZANG RGYA MTSO LA GNANG, DES RJE BCUN BLO BZANG DPAL LDAN YE SHES LA GNANG, RJE DE NYID KYI ZHABS DRUNG DU BDAG GIS RDO RJE 'JIGS BYED KYI DBANG LEGS PAR THOB CING, YANG RJE BLO BZANG YE SHES KYIS RDO RJE 'DZIN PA BLO BZANG RIG GROL LA GNANG, DES RDO RJE 'DZIN PA YE SHES DPAL 'BYOR LA GNANG, RDO RJE 'DZIN PA DE'I ZHABS DRUNG DU BDAG GIS YI DAM 'DI'I DBANG THOB, YANG RJE BLO BZANG YE SHES KYIS MKHAN CHEN NGAG DBANG BLO BZANG LA GNANG, DES KHRI CHEN NAM MKHA' BZANG PO LA GNANG, DE'I ZHABS DRUNG DU BDAG GIS YI DAM 'DI'I DBANG THOB, YANG RJE BTZUN SHES RAB SENG GE NAS SRAD RGYUD GONG MA RNAMS LA RIM GYIS BRGYUD PA RJE BTZUN BLA MA NGAG DBANG BYAMS PA'I ZHABS DRUNG DU BDAG GIS YI DAM 'DI'I DBANG DANG RIM GNYIS KYI MAN NGAG RNAMS LEGS PAR THOB BO,, ,,

` GSANG BDE 'JIGS GSUM GYI BRGYUD RIM GONG DU BSTAN PA DE DAG KYANG DENG SANG YONGS GRAGS LTAR BKOD PA YIN GYI, 'DI DAG LA NANG GSES KYIS PHYEN RGYA GAR GRUB CHEN MANG PO NAS BRGYUD PA'I BRGYUD RIM DANG, LO TZ'A BA MANG PO BRGYUD PA DANG, DE LA'ANG DBANG GI BRGYUD PA DANG, RGYUD KYI LUNG GI BRGYUD PA DANG, RIM GNYIS KYI MAN NGAG MYONG KHRID GYI BRGYUD PA DANG, RTZA BSHAD SBYAR BA'I BSHAD SROL GYI BRGYUD RIM SOGS MANG DU YOD DE, RJE RIN PO CHE'I GSAN YIG DANG, MKHAS GRUB RIN PO CHE'I GSAN YIG DANG, PAn CHEN BLO BZANG CHOS KYI RGYAL MTSAN GYI GSAN YIG DANG, KUN MKHYEN LNGA PA CHEN PO'I GSAN YIG GANGG'A'I CHU RGYUN DANG, RJE BTZUN BLO BZANG YE SHES KYI GSAN YIG SOGS LAS GSUNGS PA LTAR RO,, ` ,,JO BO YAB SRAS KYI GSANG CHOS THUN MONG MIN PA BKA' GDAMS THIG LE BCU DRUG GI BRGYUD RIM NI, JO BO YAB SRAS ZHAL BZHUGS DUS SHIN TU GSANG BAR MDZAD NAS GSANG CHOS 'DI 'DZIN PA'I SMON LAM GYI MTHU GRUB PA RJE BTZUN 'JAM PA'I DBYANGS KYIS BYEN GYIS BRLABS PA'I BSHES GNYEN CHEN PO RDOG LEGS PA'I SHES RAB GCIG PU LA GNANG STE BKA' RGYA DAM POR BTAB, JO BO RJE ZHING GSHEGS NAS 'BROM RIN PO CHES DGE BSHES KA BA LA 'DI'I DBANG DANG GDAMS NGAG MDOR BSDUS SHIG GNANG NAS BKA' RGYAS BTAB, SRAS KYI THU BO SKU MCHED GSUM LAS PHU CHUNG BA

, ,LA BKA' GDAMS SNYING GI THIG LE'I MAN NGAG GI MDZOD 'DZIN PAR LUNG BSTAN MDZAD DO, ,DES NA 'BROM RIN PO CHE'I THUGS SRAS DGE BA'I BSHES GNYEN PHU CHUNG BA ZHES GRAGS PA DE NI , 'PHAN YUL RGYAL GYI SKYI RA RDZING KHAR LCAGS MO LUG GI LO LA SKU 'KHRUNGS, TSE RABS MANG POR LAM LA SBYANGS PA'I BAG CHAGS BRTAS PAS BYIS PA'I DUS NAS MI RTAG BA RTOGS PA'I BLO RANG 'KHRUNGS BYUNG STE SRID PA'I PHUN TSOGS GANG LA'ANG MA CHAGS PAR RGYAL BA'I BSTAN BA LA ZHUGS TE CHOS RNAM DAG CIG MDZAD BZHED NAS RGYAL LHA KHANG DU BROS TE ZHANG CHEN PO DANG, GLAN TSUL BYANG LA RAB TU BYUNG, MTSAN GZHON NU RGYAL MTSAN DU BTAGS, DE NAS 'DUL BA'I BCAS MTSAMS RNAMS MIG GI 'BRAS BU LTAR BSRUNG ZHING SNGON BYON DAM PA'I RNAM THAR BSAMS TE THOS PAS MA SGOM GSUM CHA TSANG PA ZHIG MDZAD BZHED NAS MKHAS PA CHEN PO KHU STON LA PHAR PHYIN GYI 'GREL CHUNG TSAR BCO LNGA GSAN PA SOGS THOS PA MANG DU MDZAD, 'DUL BA LA'ANG GSAN SBYONG MTHAR PHYIN PAR MDZAD NAS, SNYE THANG DU JO BO'I ZHAL MJAL ZHING CHOS KYANG CUNG ZAD GSAN, JO BO GSHEGS NAS DGE BSHES STON PA'I PHYAGS PHYI MDZAD NAS RA SGRENG DU PHEBS, GDAMS PA RDZOGS PAR GSAN ZHING THUGS NYAMS SU BZHES, DGE BSHES STON PA'I BKA' LUNG GIS SLOB MA SKYONG BA'ANG MDZAD DE, 'BROM RIN PO CHE'I

ZHABS DRUNG DU DGE SLONG GSAR BU BYUNG BA RNAMS LA 'DUL BA'I BSLAB BYA LEGS PAR SLOBS SHIG CES BKA' GNANG NAS, 'DUL BA'I PHYAG LEN KHRID BAR MDZAD, DGE BSHES STON PA LO BCU GCIG TU BSTEN NAS YON TAN MA LUS THUGS LA MNGA' BAR MDZAD, DGE BSHES STON PA 'DAS NAS TSE 'DI'I 'KHRI BA PHRA MO 'ANG MED PAR DBEN PA'I GNAS SU MDO SNGAGS KYI LAM CHA TSANG LA NYAMS LEN MTHAR PHYIN BA ZHIG MDZAD BZHED BAR BYUNG STE, DGE BSHES PHU CHUNG BA 'DE NYID NI, SKYES KYANG NAGS SU SKYES, DENGS KYANG NAGS SU DENGS PA LTA BU ZHIG YIN TE, SHA GZUG RANG ZA GSUNGS NAS SGRUB PA 'BA' ZHIG MDZAD DE, 'PHAN YUL YUNG BA'I PHU PHU CHUNG DU SGRUB KHANG BRTZIGS TE SGRUB PA GTZO BOR MDZAD, DE'I TSE SGRUB KHANG GI NUB NA BRAG LA PHYAG MDZUB BTZUGS PAR SGRUB CHU BYUNG BA'ANG YOD DO, ,'DIS SLOB MA DRUNG DU 'DUS PA DAG LA'ANG RTEN CING 'BREL PAR 'BYUNG BA YAN LAG BCU GNYIS KYI GDAMS PA GTZO BOR 'DEBS BAR MDZAD CING, LAM GYI RIM PA'ANG DE'I KHONGS SU 'THUS PAR MDZAD DO, ,BDAG NYID CHEN PO 'DI RI DVAGS RMAS MA LTAR 'DU 'JI LA CHES 'JIGS PAS SKU MCHED GSUM TSOGS PA'I SKABS MA GTOGS TSOGS MI SDUD CING, GCIG BU GNYIS SU MED SAR DBEN PA NAS DBEN PAR 'PHO BAR MDZAD KYANG YON TAN GYI DRI BSUNG LA THAMS CAD 'KHOR TE SKU MCHED GNYIS KYI SLOB MA PHAL CHE BAS CHOS MA GSAN PA MED DE, SPYAN SNGA GSHEGS

, ,NAS BYA YUL BAS PHU CHUNG DU BYON TE RTEN 'BREL GYI KHRID GSAN CING BZHUGS DUS MANG RA'I ZHAL NAS, DA LTA PHU CHUNG NA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' ZHIG SMIN BDOG GSUNG SKAD, PHU CHUNG BA'I LUGS KYI RTEN 'BREL GYI KHRID NYAMS SU LEN CHUL BYA YUL BA'I BKA' RGYUD LA DAR CHE CHE BAR BYUNG NGO, ,DGE BSHES PHU CHUNG BA DE NYID DKON MCHOG MCHOD BA LA GTZO BOR MDZAD PAS GZIM KHANG GI PHYI ROL TU SBOS KYI DRI NGAD LDANG BA LAGS PAR GDA', ZHAL NAS NGAS DANG POR SPANG SPOS SNA CHA TING NGE BA PHUL, DE NAS RENG BU BZHI SBYOR MNGAR SID DE BA 'BUL RGYU BYUNG, DA LTA AA KA RU DANG DU RU KA LA SOGS PA DRI BSUNG CHING NGE BA 'BUL GSUNG, LAN CIG LA GSER SRANG NYI SHU RTZA GNYIS KYI SPOS SBYAR SKAD, YANG ZHAL NAS, DA LTA NAS SKYABS 'GRO GOMS CAN NA BA'I TSE AA RA ZER BA'I DOD LA SANGS RGYAS SOGS 'ONG STE GSUNG, YANG LAN CIG G-YANG SHUN MGO LA BKAB NAS RGYAL LHA KHANG GI SHI BA RNAMS BGRANG GIN SNANG SKAD, YANG LAN CIG PHU CHUNG BA DANG KHAM LUNG BA 'DZOM DUS DGE BSHES PA NI LAS 'BRAS KHO NA GAL CHE BAR GSUNG BA LA, DA LTA BSHAD RIN DANG NYAN RIN DANG SGOM RIN MED PAR BYED DE, 'DI KHO NA NYAMS SU BLANGS DKA' SEMS GSUNG BAS, PHU CHUNG BA YANG DE TZUG LAGS GSUNG BA DANG, YANG PHU CHUNG BA'I ZHAL NAS, NGA NI RGAS KHAR MDZANGS BLUN LA KHA

LHAN GYIS SONG GSUNG SKAD, YANG ZHAL NAS, 'U CAG DGE BA'I TSIG 'BRU BTON DANG, MI DGE BA DON BTON DU 'GRO GSUNG, YANG PHU CHUNG BA CHEN POS LAN CIG NAM PHYED CAN AA TZA MA GSUNG, CI NONGS ZHUS PAS, DE RING MDO SDE BLTAS PA NA DUS KYI MTHA'I NYAN THOS BYE MA'I SGRO BA KHA SPUB BA BZHIN MAR LA 'GRO BAR BSHAD SNANG, DE'I GSEB NA NI NGA YANG YOD BLA LHAG BA'I CHOS NI MA BYAS, SRUB KAR CHAGS PA 'DRA YIN NA RUNG STE ZHES GSUNGS, YANG ZHAL NAS; CHOS BYED PA LA SHES DGOS, DE LA GO DGOS, DE LA NYAN DGOS, YANG HUR CHEN PO PHYUNG NAS BYED DGOS, LUNG PA'I SROL BSGYUR NAS CHOS BYED DGOS TE, BDAG GZHAN BRJE BA'AM, 'JIG RTEN DANG MI MTHUN BAR BYED DGOS, GTAM NGAN BLANGS NAS BYED DGOS, SNYING KHAM RANG DPE THE'U TZAM DGOS GSUNG, YANG LAN CIG DGE BSHES SHA BO SGONG PA'I MTSAN PHYUNG NAS, JO BO PA 'CHI BA 'DI MNGON SUM DU MI RO LUD BZHIN SKYEL BA 'DI MI GO BAR CHOS RNAMS KYI GNAS LUGS 'JIG RTEN MTHA' DAG GIS IYID CHES PAR DKA' BA LA BLO 'GRO BA SKAD ZER BA 'DIL GLO BA MI CHES BAR GDA'O GSUNG SKAD, YANG SHA BO SGANG PA LA NGA DE RING KHYED LA CHOS SHIG NYAN GSUNGS NAS, SLE MO THANG DU RO BSREGS PA RNAMS STON CIG GSUNG, SHA BO SGANG PAS 'DIR 'DI SKAD BYA BA BSREGS PA LAGS, 'DIR 'DI SKAD BYA BA BSREGS BA LAGS BYA BA LA SOGS PA GSUNGS PAS, NYON MONGS PA

, ,RA YOM MI BA, SGRO LDEM ME BA, RMIG PA SHA RA BAR BZHAG BA'I CHOS BYED SHES PA GSUNGS PA LA, SHA BO PA'I ZHAL NAS, SHES PHA BAS KYANG MKHAS KYANG MKHAS, MKHAS PA BAS MANG YANG MANG GSUNG NGO, ,YANG LAN CIG ZHAL NAS 'CHI BA MI RTAG PA DANG LAS DANG 'BRAS BU MANG DU SGOMS SHIG ,PHAS PHAM PA BZHI BYUNG YANG SBYOD NUS PA CIG 'ONG GI ,DE NGA'I KHA CHEMS YIN GSUNG NGO, ,YANG ZHAL NAS, BDAG NYID GANG LA MI DGA' BA, ,GZHAN LA KUN DU CHI SPYAD DO, ,ZHES PA BYANG CHUB SEMS DPA'I BSLAB PA'I KHOG PA YIN GSUNG, 'BROM RIN PO CHE'I ZHABS DRUNG DU SKU MCHED GSUM 'TSOGS NAS 'BROM RIN PO CHE ZHING GSHEGS KYI PAR DU 'BRAL MED DU BZHUGS KYANG JO BO YAB SRAS KYI GSANG BA'I CHOS RDZOGS BAR MNGA' BA NI PHU CHUNG BA NYID MIN TE, 'BROM RIN PO CHE'I ZHAL NAS KYANG, TSUL KHRIMS 'BAR BA RIN CHEN 'OD GSAL BA, ,RIN CHEN GSAL BAS TSUL KHRIMS RGYAN MJES PA, ,NGA YI RNAM THAR MI NUB SKYONG BAR MDZOD, ,GZHON NU RGYAL MTSAN NGA DANG GNYIS SU MED, ,THUGS RJE CHEN PO KUN TU SBAS PA'I BU, ,'JIG RTEN KHAMS RNAMS RGYAL MTSAN 'DI YIS GANG, ,PADMA'I SUL RNAMS GZHON NU 'DI YIS BRGYAN, ,CES DANG, 'DI LA GRA BAR GYUR PA SU YANG MED, ,SLOB MAR MA GYUR CHOS PA SU YANG MED, ,'DI LA GNAS MED ZHING KHAMS THAMS CAD 'DZIN, ,MI GRAL

NAS BUD MI DBANG RNAMS KYIS MCHOD, ,GZHON NU RGYAL MTSAN RTAG TU RGYAL GYUR CIG ,CES GSUNGS TE LEGS PAR BSNGAGS PA'I SEMS DPA' CHEN PO 'DIS JO BO YAB SRAS KYI GSANG CHOS BKA' GDAMS THIG LE BCU DRUG GI DBANG DANG GDAMS NGAG JI LTAR GSAN BA DANG, NYAMS LEN JI LTAR MDZAD BA DANG, BDAG NYID CHEN PO 'DI'I PHYAG TU SPRUL PA'I GLEGS BAM JI LTAR BYUNG CHUL SOGS LO RGYUS RNAM THAR CUNG ZAD BRJOD NA, JO BO YAB SRAS GNYIS YER PA LHA RI SNYING PO'I MGUL NA BZHUG SA DUS MDO SNGAGS GSUNG RAB DGONGS 'GREL DANG BCAS PA THAMS CAD KYI SNYING PO'I DON BYANG CHUB LAM GYI RIM PA'I GNAD RNAMS LA BKA' BGRO BAR MJAD PA'I TSE RGYUD PA GSUM GYI BLA MA GONG MA THAMS CAD KYANG DNGOS SU BYON TE ZHAL 'DZOM, MGON PO SPYAN RAS GZIGS DANG RJE BTZUN MA SGROL MA SOGS LHAG PA'I LHA RNAMS KYIS KYANG DNGOS SU ZHAL BSTAN, DE'I TSE MGON PO GSER GLING PAS BYANG CHUB LAM GYI RIM PA'I SNYING PO DANG SROG SHING DANG LAM GYI RTZA BA BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, NYAMS LEN MTHAR PHYIN PAR BYED PA LA SNYING RJE'I LHA MGAN PO SPYAN RAS GZIGS LHAG PA'I LTAR BSTEN NAS GSOL BA GDAB DGOS PA DANG, MGON PO SPYAN RAS GZIGS KYI SKU'I BKOD PA BSAM GYIS MI KHYAB PA THIG LE BCU DRUG GI MAN NGAG LAS 'BYUNG BA LTAR YOD TSUL RNAMS

, ,GSUNGS, RJE BCUN MA SGROL MAS KYANG GSUNG RAB DGONGS 'GREL DANG BCAS PA THAMS CAD SKYABS GNAS BLA MA RJES DRAN, RANG LUS LHA SKUR RJES DRAN, NGAG BZLAS BRJOD DU RJES DRAN, 'GRO KUN PHA MAR RJES DRAN, GNAS LUGS STONG PA RJES DRAN TE RJES DRAN LNGAR BSDUS NAS NYAMS SU LEN TSUL RGYAS PAR GSUNGS TE, DE NI THIG LE BCU DRUG GI GDAMS NGAG 'DI'I NYAMS LEN BYA TSUL NYID DO, ,DE NAS JO BO RJES 'BROM RIN PO CHE'I SKYES RABS RNAM THAR RNAMS DANG SPRUL PA'I BKOD BA BSAM GYIS MI KHYAB PA RNAMS MDOR BSDUS GSUNGS SHING, 'BROM RIN PO CHE NYID LA'ANG KHYED BOD KYI MGON PO THUGS RJE CAN YIN PAS HA CANG SPA BAR MA MDZAD PAR PHYI RABS KYI GDUL BYA'I DON DU CUNG ZAD GSUNGS SHIG CES BSKUL BA NA 'BROM RIN PO CHES THA MAL PA'I SNANG NGOR BSTAN PA'I SKU DE YAL NAS THUGS RJE CHEN PO RGYAL BA RGYA MTSO RTEN DANG BRTEN BAR BCAS PA'I DKYIL 'KHOR DU DNGOS SU BZHENGS NAS THIG LE BCU DRUG GI GDAMS BA ZAB MO RNAMS GSUNGS, DE YANG JO BO YAB SRAS KYIS GSUNGS BA TZAM MIN GYI, MDO RGYUD NAS GSUNGS PA'I MAN NGAG STE MDO SDE ZA MA TOG BKOD PAR THIG LE BCU DRUG GI DKYIL 'KHOR 'DI DANG CHA 'DRA BAR THUGS RJE CHEN PO'I SKU'I BA SBU'I BU GA RE RE YANG SANGS RGYAS KYI ZHING MANG PO YOD PA SOGS GSUNGS, DE BZHIN DU 'DUS PA CHEN PO'I GZUNGS LA SOGS PA DANG, DPAL

GSANG BA 'DUS PA YE SHES ZHABS LUGS GYI RTZA BA'I MAN NGAG 'JAM PA'I DBYANGS KYI ZHAL LUNG DANG, DE'I MAN NGAG SGRUB THABS KUN BZANG DANG, GROL BA'I THIG LE RTZA 'GREL SOGS LAS THIG LE BCU DRUG GI NYAMS LEN 'DI'I GNAD RNAMS GSUNGS TE DA DAG GI TSUL ZHIB PAR BDAG GIS YI GE LOGS SU BRIS NAS YOD DO, ,DE LTA BU'I SNYING GI THEG LE'I DKYIL 'KHOR SGOM TSUL GYI GDAMS PA ZAB MO YID CHES KHUNGS BTZUN BYIN RLABS KYI TSAN KA SHIN TU CHE BA 'DI JO BO YAB SRAS GNYIS KYIS DGE BSHES GSANG PHU BA LA GNANG STE, DE YANG DGE BSHES GSANG PHU BA RDOG LAGS PA'I SHES RAB CES BYA BA 'DI NI BSKAL PA DPAG TU MED PA NAS TSOGS RGYA CHEN PO BSAGS SHING, LHAG PAR JO BO YAB SRAS KYI GSANG BA'I MDZOD 'DZIN PA'I SMON LAM RLABS PO CHE BTAB PA, RJE BTZUN 'JAM PA'I DBYANGS KYIS DNGOS SU BYIN GYIS BRLABS BAS SHES BYA'I GNAS THAMS CAD LA MKHYEN PA THOGS PA MED PAR 'JUG PA ZHIG STE, DE LTA BU'I BDAG NYID CHEN PO DE GSANG PHU NA DGE 'DUN LNGA BRGYA TZAM LA GZHUNG LUGS RAB 'BYAMS 'CHAD CING BZHUGS PA NA, RJE BTZUN 'JAM PA'I DBYANGS KYI BKAS BSKUL NAS TSE 'DI'I BUN LONG THAMS CAD DOR TE PHYI BZHIN 'BRANG BA ZHIG DANG BCAS YER PA LHA RI SNYING POR PHEBS NAS JO BO YAB SRAS LA DNGUL GYI MAndAL MDA' GANG BA ZHIG LA DUNG GI TSOM BU BKOD PA SOGS MCHOD PA'I DNGOS PO TSAD MED BAS MCHOD DE YANG DANG YANG DU GSOL BA BTAB NAS

, ,'BROM RIN PO CHE'I SKYES RABS RNAMS DANG, SNYING GI THIG LE'I GDAMS PA YONGS SU RDZOGS BAR ZHUS, GANG GSUNGS THAMS CAD THUGS LA BZUNG, RJE BTZUN 'JAM PA'I DBYANGS KYI MTHUS GDAMS PA YONGS SU RDZOGS PA YI GE'I GZUGS SU SHAR PA'I BKA' GDAMS SPRUL PA'I GLEGS BAM CHEN MO YANG PHYAG TU BZHUGS, DE NAS RDOG LEGS PA'I SHES RAB KYIS GSANG PHUR PHEBS NAS BKA' GDAMS SPRUL PA'I GLEGS BAM LA MCHOD PA TSAD MED PAS MCHOD CING KHOR YUG TU GSOL BA BTAB, NAM ZHIG NA RJE BTZUN 'JAM PA'I DBYANGS KYIS BSKUL NAS MNGA' RIS BA SHES RAB RGYAL MTSAN ZHES BYA BA'I BYANG CHUB SEMS DPA' CHEN PO ZHIG GSANG PHU'I NAGS KHROD NA SGOM ZHING YOD PA'I SAR GSANG PU BA CAN PO BYON NAS SNYING GI THIG LE'I GDAMS BA 'DI'I LO RGYUS CUNG ZAD GSUNGS PA NA BYANG CHUB SEMS DPA' SHES RAB RGYAL MCHAN GYIS KYANG DE LTA BU'I GDAMS BA ZAB MO DE CI NAS KYANG GSUNG 'CHAL ZHES GSOL BA BTAB BA NA, GSANG PHU BA CHEN POS KYANG ZHAL GYIS BZHES NAS 'DI LA SPYAN RAS GZIGS KYI DKYIL 'KHOR LA MCHOD PA'I RGYU ZHIG DGOS GSUNGS PA NA, BYANG CHUB SEMS DPA' SHES RAB RGYAL MTSAN GYIS YO BYAD CI YOD MCHOD PA'I RGYUR PHUL, DA'I STENG DU GSANG PHU BA CHEN POS KYANG YO BYAD MANG DU GNANG STE, THIG LE'I DKYIL 'KHOR BZHENGS NAS SGRUB GROGS DGE SLONG BZHI DANG

BCAS ZHAG SUM CU'I RING LA THIG LA BCU DRUG GI DBANG DANG GDAMS PA YONGS SU RDZOGS BAR GNANG, MTHAR SPRUL BA'I GLEGS BAM YANG GNANG STE BKA' RGYAD DAM DU MDZAD, DE NAS BYANG CHUB SEMS DPA' SHES RAB RGYAL MTSAN GYIS MI MED DBEN PA'I GNAS DU MAR NYAMS SU BZHES TE RTOGS PA MCHOG BRNYES NAS DGE BSHES PHU CHUNG BA'I SAR BYON PA NA, PHU CHUNG BAS KYANG KHONG LA SNYING GI THIG LE'I GDAMS PA ZAB MO 'DI YOD PAR MNGON SHES KYIS MKHYEN NAS DE GNANG DGOS BAR GSOL BA BTAB, BYANG CHUB SEMS DPA' CHEN POS KYANG ZHAL GYIS BZHES NAS 'DI LA SPYAN RAS GZIGS KYI DKYIL 'KHOR LA MCHOD RDZAS SHIG DGOS GSUNGS PA NA, PHU CHUNG BAS RNAM SRAS LA 'PHRIN LAS KYI GROGS BCOL BA NA DE MA THAG TU MCHOD RDZAS THAMS CAD THOGS PA MED PAR GRUB STE DKYIL 'KHOR BSHAMS, GNYIS KA KUN SPANG BYA BRAL DU SONG BAS SGRUB GROGS GZHAN MA RNYED PA NA PHU CHUNG BAS 'PHAGS PA GNAS BRTAN BCU DRUG LA GSOL BA BTAB NAS GNAS BRTAN BCU DRUG GIS SGRUB GROGS MDZAD, DER BYANG CHUB SEMS DPA' SHES RAB RGYAL MTSAN GYIS SNYING GI THIG LE'I DKYIL 'KHOR DU DBANG BSKUR BA DANG GDAMS NGAG RNAMS SPEL MAR BYAS TE ZLA BA GCIG DANG ZHAG BCO BRGYAD KYI RING LA YONGS SU RDZOGS PA GNANG ZHING, MTHAR BKA' GDAMS SPRUL PA'I GLEGS BAM YANG DGE BSHES PHU CHUNG BA LA GTAD NAS BYANG CHUB SEMS DPA' SHES RAB RGYAL MTSAN SKU'I SNANG BA BSDUS

, ,TE 'JA' LUS SU GSHEGS SO, ,DE NAS DGE BSHES PHU CHUNG BA CHEN POS DBEN PA'I GNAS DU MAR THUGS NYAM SU BZHES TE ZUNG 'JUG GI GO 'PHANG BRNYES PA NA BYANG CHUB SEMS DPA' RIN CHEN RGYAL MTSAN ZHES BYA BA'I SAR PHEBS, DES KYANG PHU CHUNG BA CHEN PO LA BKA' GDAMS BSTAN PA'I SNYING PO 'DI GNANG DGOS PAR GSAL BA BTAB PA NA, GDAMS NGAG 'DI LA THUGS RJE CHEN PO'I DKYIL 'KHOR LA MCHOD RDZAS SHIG DGOS BAS KHYOD RANG YANG BSOD SNYOMS CUNG ZAD MDZOD, NGAS KYANG GROGS BYA GSUNGS NAS PHU CHUNG BA CHEN POS RA SGRENG SOGS NAS ZAS SNA DANG SMAN SNA BTZAL, BYANG CHUB SEMS DPA' RIN CHEN RGYAL MTSAN GYIS BSOD SNYOMS BYAS TE YO BYAD RNAMS TSOGS BA NA ZHAG RE LA THIG LE RE MDZAD NAS ZHAG BCU DRUG LA THIG LE BCU DRUG GI DBANG RDZOGS BAR MDZAD, MAN NGAG RNAMS ZLA BA DRUG GI RING RDZOGS PAR BSTAN NAS RGYUD SMIN CING GROL BAR MDZAD DO, ,DE'I TSE PHU CHUNG PA CHEN BOS BKA' GDAMS BSTAN PA'I SNYING PO 'DI NYID GANGS RI'I KHROD 'DIR MI NUB CING 'PHEL BAR BYA PA'I PHYIR BKA' GDAMS LHA CHOS BDUN LDAN SNYING GI THIG LE'I MAN NGAG 'DI JI LTAR BYON TSUL GTER GYI KHA BYANG LTA BU ZHIG KYANG YI GER 'GOD BAR MDZAD DO, ,DE LTAR PHU CHUNG BA CHEN POS SEMS DPA' CHEN PO RIN CHEN RGYAL MTSAN LA BKA' GDAMS SNYING GI THIG LE'I MAN NGAG YONGS SU RDZOGS BAR

BSTAN NAS MTHAR SPRUL PA'I GLEGS BAM YANG GNANG STE PHU CHUNG BA CHEN PO 'JA' LUS SU GSHEGS SO, ,DE NAS BYANG CHUB SEMS DPA' RIN CHEN RGYAL MTSAN GYIS DBUS GTZANG MNGA' RIS BAL YUL SOGS DBEN GNAS DU MAR BYON NAS NYAMS SU BA ZHES SHING RTOGS PA MCHOG BRNYES PA NA RA SGRENG DU BYON TE ZHANG STON DAR MA RGYAL MTSAN BTZUN CHUNG GZHON NU ZHIG YOD PA DE GDAMS NGAG 'DI'I BDAG POR 'GYUR BAR MKHYEN NAS DE RJES SU BZUNG, DGE BSHES STABS KAB CHEN POS ZHU SNA DANG MCHOD RDZAS THAMS CAD SBYOR BAR MDZAD NAS RA SGRENG GI KA GNYIS MAR THIG LE BCU DRUG GI DKYIL 'KHOR RGYAS PAR BRIS TE, JO BO YAB SRAS GNYIS KYANG DNGOS SU BYON NAS BSNYEN PA'I GROGS MDZAD, ZLA BA GCIG DANG ZHAG GNYIS KYI RING LA THIG LE BCU DRUG GI DBANG RGYAS PA ZHIG MDZAD, DE NAS LO BCU GNYIS KYI RING ZHABS 'BRING DU BSTEN TE DPEN PA'I GNAS DU MAR GDAMS NGAG YONGS SU RDZOGS PAR BSTAN, MTHAR GLEGS BAM YANG GNANG STE ZHANG STON DAR MA RGYAL MTSAN CHOS 'DI'I BDAG POR BYIN GYIS BRLABS PO ,DE NAS ZHANG STON DAR MA RGYAL MTSAN GYIS DBEN GNAS DU MAR THUGS NYAMS SU BZHES SHING RTOGS PA MCHOG BRNYES PA NA STABS KA BA BYANG CHUB BZANG PO RJES SU BZUNG, BYANG CHUB BZANG POS KYANG ZHANG STON DAR MA RGYAL MTSAN LA SNYING GI THIG LE'I GDAMS PA 'DI GSUNG BAR GSOL BA BTAB PA NA ZHAL GYIS BZHES TE MCHOD RJES RNAMS BSAGS, MCHOD PA'I YO BYAD

, ,RNAMS 'JOM PA NA 'BROM RIN PO CHE'I 'KHRUNGS YUL PHUG RING DU BYON NAS ZHAG BCU DRUG GI RING LA THIG LE BCU DRUG GI DBANG TSAR BAR MDZAD, DE NAS RA SGRENG DU BYON NAS ZLA BA GCIG GI RING LA THIG LE'I SGRUB PA MDZAD, DE NAS LO DGU'I BAR DU BSTEN NAS GDAMS NGAG RNAMS RDZOGS PAR GSAN NO, ,DE NAS SLOB DPON BYANG CHUB BZANG POS SNYING GI THIG LE'I GDAMS PA THUGS NYAMS SU BZHES SHING RTOGS PA MCHOG BRNYES BA NA STABS KA BA NAM MKHA' RIN CHEN RJES SU BZUNG STE, STABS KA BA NAM MKHA' RIN CHEN GYIS SLOB DPON BYANG CHUB BZANG BO LA BKA' GDAMS BSTAN PA'I SNYING PO SNYING GI THIG LE'I GDAMS PA GNANG DGOS PAR ZHUS PA NA 'DI LA MCHOD RDZAS CUNG ZAD CIG DGOS GSUNGS, DE 'TSOL BAR ZHUS NAS YO BYAD RNAMS BTZAL TE MCHOD RDZAS RNAMS TSANG BAR BTZAL GRUB PA NA ZHAG BCU DRUG GI RING THIG LE BCU DRUG GI DBANG MDZAD DE NAS DBEN PA'I GNAS DU MAR PHEBS NAS GDAMS NGAG RNAMS YONGS SU RDZOGS PAR GNANG STE, LO NYI SHU RTZA BZHI'I RING 'BRAL MED DU BSTEN NAS BKA' GDAMS KYI GDAMS NGAG YONGS SU RDZOGS PAR GSAN GSUNG NGO; ;'DI YAN CHAD NI CHIG RGYUD KHO NA YIN PA LA SLOB DPON BYANG CHUB BZANG POS STABS KA BA NAM MKHA' RIN CHEN LA DA PHYIN CHAD MAN NGAG CUNG ZAD YANGS SU THONGS ZHES BKA' GNANG, DE NAS SLOB DPON NAM MKHA'

RIN CHEN GYIS BYANG CHUB SEMS DPA'I NOR BU'I PHRENG BA RGYA CHER SPEL ZHING, BKA' GDAMS GLEGS BAM YANG DON GNYER CAN MANG PO LA BSHAD, SNYING GI THIG LE'I GDAMS PA NI 'BROM KU MA RA MA TI LA GNANG STE, MCHOD PA'I YO BYAD RNAMS TSOGS PAR BYAS TE THIG LE BCU DRUG GI DBANG ZHAG BCU GNYIS LA RDZOGS PA ZHIG MDZAD, GLEGS BAM YANG YONGS SU RDZOGS PAR BSTAN TE THUGS LA GZUNG DU BCUG ,'BROM KU MA RA MA TIS KYANG BKA' GDAMS GLEGS BAM YONGS SU RDZOGS PA TSIG GCIG KYANG MA LUS PAR THUGS LA BZUNG NAS RGYUN DU ZHAL TON MDZAD, BKA' GDAMS SPRUL PA'I GLEGS BAM CHEN MO NI SLOB DPON NAM MKHA' RIN CHEN GYIS STABS KA'I MCHOD RTEN GYI NANG DU BZHUGS SU GSOL ZHES 'BYUNG NGO, ,DE NAS 'BROM KU MAR MA TIS SNAR THANG DU NGES NAS BKA' GDAMS GLEGS BAM RGYA CHER SPEL ZHING, SNAR THANG MKHAN CHEN GYI MA RGYAL MTSAN GYIS 'BROM KU MA RA MA TI'I ZHAL NAS JI LTAR GSUNGS PA LTAR BKA' GDAMS GLEGS BAM YI GOR BKOD, DEL MA PHYI BYAS NAS PHYOGS PHYOGS SU 'PHEL BA YIN PAS DENG SANG BKA' GDAMS GLEGS BAM YI GER 'KHOD PA LA BLTAR YOD PA NI 'BROM KUN MA RA MA TIS BKA' GDAMS GLEGS BAM THUGS LA BZUNG BA DE'I BKA' DRIN LAS BYUNG BA YIN NO, ,DE NAS RIM GYIS THAMS CAD MKHYEN PA DGE 'DUN GRUB DANG, RGYAL BA DGE 'DUN RGYA MTSO GNYIS KYIS RGYA CHER SPEL BAR MDZAD, DE NAS RIM GYIS BRGYUD DE PAn CHEN

, ,THAMS CAD MKHYEN PA BLO BZANG CHOS KYI RGYAL MTSAN DANG, RGYAL DBANG THAMS CAD MKHYEN PA NGAG DBANG BLO RGYA MTSO GNYIS KYIS SPEL BAR MDZAD, RGYAL DBANG THAMS CAD MKHYEN PA NGAG DBANG BLO BZANG RGYA MTSOL NI 'BROM RIN PO CHES DNGOS SA ZHAL GZIGS NAS SNYING GI THIG LE'I DBANG DANG GDAMS NGAG GNANG BA YIN ZHES BDAG GI BLA MA DAM PA GSUNG NGO, ,DUS PHYIS MI BDAG GI DRIN CAN RTZA BA'I BLA MA RJE BTZUN NGAG DBANG BYAMS PAS SNYING GI THIG LE'I DBANG DANG GDAMS NGAG MI NUB PAR BZUNG NAS DON GNYER CAN KHA SHAS LA GNANG BA LAS HA CANG DAR CHA CHE BA MI SNANG LA, BLA MA RIN PO CHE DE NYID KYI ZHABS DRUNG DU BDAG GIS THIG LE BCU DRUG GI DBANG DANG BKA' GDAMS SNYING GI THIG LE'I GDAMS NGAG 'DI'I BKA' DRIN LEGS PAR THOB LA JO BO YAB SRAS KYI GSANG CHOS BKA' GDAMS LHA CHOS BDUN LDAN GYI SNYING PO'I YANG SNYING PO THIG LE BCU DRUG GI GDAMS NGAG 'DI MA NUB NGAR YUN RING DU GNAS NA CIM RUNG SNYAM DU SMON PAS THIG LE BCU DRUG GI GDAMS NGAG 'DI'I BLA GONG MA'I BRGYUD RIM RNAM THAR DANG, 'DI'I DKYIL CHOG SLOB MA RJES SU 'DZIN TSUL DANG BCAS PA CHES ZHIB PAR BKOD PA BKA' GDAMS GSAL BYED CES BYA BA DANG, BLO DMAN RNAMS KYIS 'DI'I CHO GA RNAMS NGAG 'DON DU BYA TSUL DANG, 'DI'I MAN NGAG JI LTAR NYAMS SU YEN TSUL GYI KHRID YIG DANG, BKA' GDAMS LHA CHOS BDUN LDAN

GYI RNAM THAR LA SMON LAM DU BYA TSUL TSIGS BCAD DU BSDEBS PA BCAS GDAMS NGAG 'DI CHA LAG DANG BCAS PA'I YI GE BDAG GIS LOGS SU BRIS NAS YOD DO, ,DES NA BYANG CHUB LAM GYI RIM PA LA BLO SPYOD BAR 'DOD PA RNAMS KYIS RGYA CHEN SPYOD PA'I RGYUD KYI BLA MA RNAMS DANG, ZAB MO LTA BA'I RGYUD KYI BLA MA RNAMS DANG, NYAMS LEN BYIN RLABS RGYUD KYI BLA MA RNAMS LA GSOL BA 'DEBS SHING LAM PHYOGS DER MA SONG BAR MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA SNYING POR BYA ZHING THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ,,SMRAS PA, NAM MKHA'I MTHAS GTUGS PHYOGS BCU'I 'JIG RTEN NA, ,LUS CAN RNAMS LA PHAN BDE GANG 'BYUNG BA, ,RGYAL BA'I BSTAN PA NYID LA RAG LAS ZHES, ,RGYAL DANG RGYAL SRAS KUN GYIS MTHUN PAR GSUNGS, ,PHAN BDE'I 'BYUNG GNAS RGYAL BA'I BSTAN PA NI, ,TSANG LAM NOR BYANG CHUB LAM RIM STE, ,RGYAL BSTAN THAMS CAD LAM RIM 'DIR 'DU BAR, ,SHING RTA CHEN PO GNYIS KYIS GSUNGS PHYIR RO, ,DE PHYIR BYANG CHUB LAM GYI RIM PA YI, ,BSHAD SGRUB JI SRID GNAS PA DE SRID DU, ,RGYAL BA'I BSTAN PA GNAS PA ZHES BYA STE, ,'DI NYAMS NA NI RGYAL BSTAN MED PHYIR RO, ,SKYA BA 'DZIN PA MED PAR NI, ,GRU YIS PHA ROL MI BGROD LTAR, ,LAM STON BSHES GNYEN MED NA NI, ,LAM BZANG DAR BA'I SKABS MED DO, ,NYI MA MED PAR NYIN MO MED, ,SA GZHI MED PAR LO TOG MED, ,RGYA MTSO MED

, ,PAR NOR BU MED, ,LAM STON MED PAR LAM MED DO, ,RTZVA SHING NAGS TSAL LO TOG THAMS CAD NI, ,SA LA GNAS SHING SA LAS 'BYUNG BA LTAR, ,MTHO RIS THAR PA'I YON TAN MA LUS PA, ,LAM STON BSHES GNYEN NYID LA RAG LAS SO, ,MA NOR LAM STON BSHES GNYEN DAM PA NI, ,MTHO RIS THAR PA'I LAM BZANG LTA BA'I MIG ,MCHOG DANG THUN MONG DNGOS GRUB KUN GYI GZHIR, ,RGYAL DANG RGYAL SRAS KUN GYIS RGYA CHER BSNGAGS, ,TSUL DE MTHONG NAS BDAG GIS NI, ,MA NOR LAM BZANG STON MDZAD PA'I, ,RTZA BRGYUD BLA MA'I TSOGS RNAMS KYI, ,RTOGS PA BRJOD PA 'DI BYAS SO, ,'KHOR BA THOG MA MED PA NAS, ,LAS NYON DBANG GIS LUS BLANGS TE, ,BYA BA GANG DANG GANG BYAS PA, ,THAMS CAD DON MED LAS ROR SONG, ,DA RES RGYAL BSTAN 'PHEL BA'I PHYIR, ,BSTAN 'DZIN DAM PA'I TSOGS RNAMS KYI, ,RTOGS BRJOD NGAL BA 'DI BYAS PAS, ,LUS 'DIS SNYING PO CUNG ZAD LON, ,'KHOR BA THOG MA MED PA NAS, SEMS DANG SEMS BYUNG 'DI DAG NI, ,LOG PA'I LAM DU BRGYUGS BRGYUGS NAS, ,RGYUN DU RANG NYID PHUNG BAR BYAS, ,DA RES YUL 'DZIN RNAM RIG 'DIS, ,RGYAL DANG RGYAL BA'I SRAS RNAMS KYI, ,MDZAD BZANG YON TAN LTAS PAS NA, ,RNAM RIG BKRA BA DON LDAN BYAS, ,THOG MED DUS NAS LAS NYON SGYU MA MKHAN PO YIS, ,MI GTZANG KHU BA KHRAG GI THIGS PA TSOGS PA LA, ,RO LANGS SHA RUS 'KHRUL 'KHOR JI SNYED BCOS BCOS KYANG, ,CI BYAS THAMS CAD RANG GZHAN PHUNG BA'I LAS SU SONG, ,DA RES KHU KHRAG THIG

PA'I DANG MA MCHOG ,GZUGS 'DZIN DBANG POS DAM PA'I RNAM THAR LA, ,YANG DANG YANG DU BLTAS TAR BYAD DPYAD NAS, ,LEGS BSHAD GRUB BAS LTA BYED DON DANG LDAN, THOG MA MED NAS NGO 'DZIN STONG GRUB KYANG, ,NYON MONGS DUG GSUM DBANG DU SONG SONG NAS, ,MI DGE'I GTAM GYIS NYIN MTSAN DUS 'DAS TE, ,RANG GZHAN THAMS CAD PHUNG BA BRGYUD MAR BYAS, ,DA RES 'GRO BA'I SGRON ME SANGS RGYAS DANG, ,RGYAL BA'I SRAS PO RIM PAR BYON RNAMS KYI, ,MDZAD TSUL RNAM THAR BZANG PO CHER BSGRAGS PAS, , LCE YI DBANG PO DON DANG LDAN PAR BYAS, ,RGYUD PA GSUM LDAN BLA MA'I TSOGS RNAMS KYI, ,MDZAD PA RNAM THAR BZANG PO'I TSUL DAG LA, ,BDAG GIS BSGRIMS TE RAB TU BSTOD BYAS KYANG, ,YON TAN CHA TZAM BRJOD BAR GAL NUS, ,BYIS PA'I 'DOM GYIS LHA LAM 'JAL BA DANG, ,CHIG GU'I KHOG PAS CHU GTER 'JAL BA BZHIN, ,BDAG GIS RGYAL BA SRAS BCAS BSNGAGS BA YANG, ,DE DANG 'DRA BAS BSAM PA BZANG BCAM, ,RGYUD PA GSUM LDAN RNAMS KYI YON TAN NI, ,MKHA' LTAR RGYA CHE MTSO LTAR GTING ZAB PA,, BDAG BLO NYAM CHUNG SHIN TU MI GSAL BAS, ,NONGS PAR GANG GYUR BRTZE LDAN RNAMS LA BSHAGS, ,BYIS PA CHUNG DUS PHA MA'I MING TZAM ZHIG, 'KHRUL PAR BRJOD NA'ANG MTSAR DU BYED PA LTAR, ,BLO DMAN BDAG 'DRAS RGYAL BA SRAS BCAS KYI, ,YON TAN BSNGAGS, PA'ANG MTSAR DU DGONGS PAR RIGS, ,DRI MED RIGS LAM MKHYEN PA'I MKHAS PA DANG, ,NYAMS MYONG GNAD DU KHEL BA'I DAM PA RNAMS, ,THUGS KHREL BYUNG NA GSON YANG SHI DANG MTSUNGS, ,DE PHYIR DAM PAS SMAD PA'I LAS MI BYA, ,BLO NGAN PHRAG DOG GDON

, ,GYIS DKRUGS RNAMS KYIS, ,'DI LTAR BGYIS LA SMAD PA BYAS GYUR KYANG, ,DE YI RANG BZHIN DE NYID YIN PAS NA, ,DE 'DRA DE LA SU YIS CI ZHIG BYA, ,JI LTAR BDE GSHEGS SKU GZUGS RTZIG NGOS LA; ;BYIS PAS RTZED MOR RI MOR BRIS PA YANG, ,DON DANG LDAN ZHING DE NYID MTHONG BA YANG, BSOD NAMS 'PHEL ZHES RGYAL BAS BSNGAGS GYUR NA, ,RGYAL DANG RGYAL SRAS RNAMS KYA MDZAD PA'I TSUL, ,DANG PA'I SEMS KYIS PHYOGS TZAM BSNGAGS PA 'DI, ,DON DANG LDAN ZHING BSOD NAMS CHER 'PHEL BAR, ,'GYUR SNYAM TSUL 'DIR BDAG GIS NGAL BA BYAS, ,'DIR 'BAD PA LAS THOB PA'I DGE PA DES, ,'GROL LAM BZANG MTSON PA'I MIG GCIG PU, ,BYANG CHUB LAM GYI RIM PA'I MAN NGAG 'DI, ,NAM YANG MI NUB 'PHEL BA'I RGYU RU BSNGO, ,SA 'DZIN LHUN PO CHU GTER SMAD G-YOGS MA GROL ZHING, ,SRID PA'I SGRON ME ZUNG GI SNANG BAM CHAD BAR, ,DAM PA'I SPYOD TSUL BSNGAGS PA'I LEGS BSHAD 'DI YIS KYANG, ,'GRO LA LAM BZANG LTA PA'I SNANG BA STER GYUR CIG ,BDAG KYANG DENG NAS CHE RABS THAMS CAD DU, ,THEG MCHOG DAM PA'I MGON GYIS RJES BZUNG NAS, ,TSANG LA MA NOR BYANG CHUB LAM RIM LA, ,SGRUB PA SNYING POR BYED PA NYID GYUR CIG ,RGYUD PA GSUM LDAN BLA M'I BYIN RLABS MTHUS, ,SDE SNOD GSUM GYI DON LA NGES RNYED NAS, ,BSLAB PA GSUM GYI NYAMS LEN MTHAR PHYIN TE, ,SKU GSUM

GO 'PHANG MYUR DU THOB GYUR CIG ,BLO BZANG THUB DBANG RDO RJE 'CHANG CHEN POS, ,CHOS 'DI GANG LA GNYER DU GTAD MDZAD PA, ,SKYES BU GSUM GYI LAM GYI SRUNG MA YIS, ,CHOS 'DI SGRUB LA RTAG TU GROGS MDZOD CIG , TSANGS DBANG 'JIG RTEN SKYONG BA BZHI LA SOGS, ,DKAR PHYOGS SKYONG BA'I SRUNG MA THAMS CAD KYIS, ,CHOS TSUL 'DI LA RTAG TU GROGS BYED CING, ,'JIG RTEN BDE LEGS CHEN POS KHYA' GYUR CIG ,CES BYANG CHUB LAM GYI RIM PA'I BLA MA BRGYUD PA'I RNAM PAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA 'DI NI, SNGA MO NAS DGE PA'I BSHES GNYEN MANG PO ZHIG GIS BSKUL MA BYUNG BA DANG; SGRUB PA SNYING POR BYED PA DGE SLONG NGAG DBANG BSNYAN 'DZIN GYIS BDE LAM DANG ZHAL LUNG GNYIS KA'I BLA MA BRGYUD PA'I RNAM PAR THAR PA RGYAS PA ZHIG DGOS ZHES YANG DANG YANG DU NAN CHEN POS BSKUL ZHING, RANG GI NYE 'KHOR BA DGE SLONG YE SHES BSAM GTAN GYIS KYANG RJE BDAG NYID CHEN PO'I RNAM PAR THAR PA RGYAS PA ZHIG DGOS ZHES BSKUL BA DANG, BSTAN PA'I GSAL BYED DAM PA DGE BSHES THOGS MED KYIS KYANG BYAMS MGON BLA MA RIN PO CHE'I RNAM THAR RGYAS PA ZHIG DGOS ZHES YANG YANG BSKUL BA DANG, NYE CHAR ^ GANGS CAN 'GRO BA'I MGON PO RGYAL DBANG THAMS CAD MKHYEN GZIGS CHEN PO RJE BTZUN BLO BZANG BSTAN PA'I

, ,DBANG PHYUG 'JAM DPAL RGYA MTSO DPAL BZANG POS STON PA THUB PA'I DBANG PO NAS BZUNG NGA LTAR ZHAL BZHUGS PA'I RTZA BA'I BLA MA LA THUG GI BAR BYANG CHUB LAM GYI RIM PA'I BLA MA BRGYUD PA TSANG BA'I RNAM PAR THAR PA RGYAS PA ZHIG BYUNG NA BSTAN PA'I SNYING PO 'DI 'PHEL BA'I RKYEN DU CHE BAS CIS KYANG BGYI DGOS SO ZHES BKA' LUNG SPYI BOR PHEBS PA GUS PAS MNOS TE, DON GYI SLAD DU MTSAN NAS SMOS TE MKHAN PO RIN PO CHE PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I BKA' DRIN LAS RGYAL BA'I BSTAN PA RIN PO CHE'I SGOR RAB TU BYUNG NAS SHING RTA CHEN PO'I GZHUNG RNAMS LA SBYONG PA'I SKAL BA THOB CING, DPAL DPEN SA SNYAN RGYUD KYI MAN NGAG LA BRTEN NAS GRUB PA'I GO 'PHANG MTHON POR GSHEGS PA BYA BRAL GRUB PA'I DBANG PHYUG RJE BTZUN BLA MA BLO BZANG RNAM RGYAL DANG, THUB BSTAN YONGS RDZOGS KYI BDAG PO RJE BTZUN NGAG DBANG BYAMS PA GNYIS KYI BKA' DRIN LAS BYANG CHUB LAM GYI RIM PA'I MAN NGAG LEGS PAR THOB PA DGE SLONG YE SHES RGYAL MTSAN GYIS RAB BYUNG BCU GSUM PA'I SPRE'U ZHES PA ME MO LUG GI LO PHE BRANG CHEN PO PO TA LAR SBYAR BA'I, ,'DIS KYANG RGYAL BA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,,

AOm STVA STI; BSKAL BZANG 'DI LA RNAM 'DREN MANG BYON YANG, ,MGON MED SNYIGS DUS NYAM THAG 'GRO RNAMS LA, ,RGYAL BA GZHAN LAS THUGS RJE CHES LHAG PA, ,ZLA MED STON PA SH'AKYA'I RGYAL POR 'DUD, ,STON PA MNYAM MED THUB PA'I DBANG PO YIS, ,MTHA' YAS GDUL BYA'I KHAMS DANG BSAM PA DANG, ,BAG LA NYAL DANG DBANG PO LA GZIGS NAS, , CHOS PHUNG BRGYAD KHRI BZHI STONG BKA' STZAL TO, ,RGYAL BA'I GSUNG RAB KUN GYI SNYING BO'I DON, ,SKAL BZANG GCIG GI NYAMS ?LEN RIM PA RU, ,LEGS PAR DRIL BAM TSANG MED PA'I CHOS, ,BYANG CHUB LAM GYI RIM BA 'DI NYID DO, ,RAB 'BYAMS ZHING GI RGYAL BA MA LUS PA'I, ,GDUNG 'CHOB THEG PA MCHOG GI DGE BA'I BSHES, ,BYANG CHUB LAM GYI RIM PA STON MDZAD PA'I, ,RGYA BOD RIM BYON BLA MA RNAMS LA 'DUD, ,SA GSUM 'GRO BA'I RE SKONG YID BZHIN NOR, ,SKYES PU GSUM GYI LAM BZANG GSAL MDZAD PA'I, ,BLA MA RNAMS KYI NGO MTSAR MDZAD PA'I TSUL, ,GSAL BAR STON PA'I SNGON MED LEGS BSHAD 'DI, ,GANGS CAN 'GRO BA YONGS KYI MGON GCIG PU, ,RJE BTZUN BLO BZANG 'JAM DPAL RGYA MTSO YIS, ,MTHA' DBUS SKYE 'GRO YONGS LA BRTZER

[DD1] !, ,DGE SDIG SHAN 'BYED DAM CAN CHOS KYI RGYAL, , [DD2] !, ,DPAL LDAN YE SHES MGON PO LAG DRAG PA, , *, ,DGONGS NAS, ,CHOS SBYIN 'DZAD MED DAL 'GRO'I RGYUN 'DI SPEL, TSUL 'DIR 'BAD LAS DUNG DANG KUN DA LTAR; ;RAB DKAR DGE BA GANG ZHIG THOB PA DES, ,TSANG LA MA NOR RBYANG CHUB LAM RIM 'DI, ,PHYOGS RNAMS KUN TU 'PHEL ZHING RGYAS GYUR CIG, SARBA MANGGA LAm, [DD3] !, ,??LDAN SKONG 'DZAD RGYAL CHEN RNAM GRONG? 

*, ,BYANG CHUB LAM GYI RIM BA'I BLA MA BRGYUD PA'I RNAM BAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA'I SMAD CHA BZHUGS SO, , @001 [DD1] !, ,ZUNG 'JUG SKU BSNYES CHOS KYI RDO RJE'I ZHABS, , #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA THUB DBANG RDO RJE 'CHANG DANG DBYER MA MCHIS PA'I ZHABS LA PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL, ,DPAL LDAN BLA MA BDE CHEN DNGOS GRUB KUN, ,KUN LA SBYIN MDZAD BLO BZANG RDO RJE 'CHANG, ,SKYABS GSUM KUN 'DUS RJE BTZUN SPRUL BA'I SKU, ,BLO BZANG DON GRUB ZHABS LA GSOL BA 'DEBS, ,ZHES BSNGAGS PA RGYAL BA DBEN SA PA BLO BZANG DON GRUB NI, SNGON 'DAS PA'I BSKAL PA BRJOD KYIS MI LANG BA'I YANG BRJOD KYIS MI LANG BA'I SNGON ROL NAS BYANG CHUB MCHOG TU THUGS BSKYED DE RGYAL SRAS KYI SPYOD PA RGYA MTSO'I PHA ROL TU SON PA ZHIG MI MJED 'JIG [DD2] !, ,SKU GSUM MNGON GYUR RGYAL BA DBEN SA PA, ,

[DD1] !, ,BLO BZANG CHOS KYI RGYAL MTSAN 'DZIN PA'I RJE, , *, ,RTEN GYI KHAMS 'DIR STON PA THUB PA'I DBANG PO'I MDO SNGAGS KYI BSTAN PA SPEL BA'I SLAD DU RGYA GAR SHAR NUB KHA CHE BAL YUL SOGS SU SPRUL PA'I BKOD PA SNA TSOGS BSTAN NAS RGYAL BA'I BSTAN PA 'DZIN CING SPEL BAR MDZAD, BYANG PHYOGS GANGS RI'I LJONGS 'DIR YANG SPRUL PA SNA TSOGS BSTAN TE GANG DU RGYAL BA'I BSTAN PA MA DAR BA'I SA RNAMS SU THUB DBANG BSTAN PA'I SGRON ME GSAR DU BTZUGS, CUNG ZAD DAR BA'I SA RNAMS SU NYAMS PA RNAMS GSOS, CUNG ZAD RGYUN GNAS PA RNAMS DAR BAR MDZAD PA'I 'PHRIN LAS RGYA CHE RGYUN MI CHAD DU 'JUG BZHIN PA LAS, DUS 'DIR 'JAM MGON BLA MA'I SNYAN RGYUD KYI BSTAN PA 'DZIN CING SPEL BA'I SLAD DU BSAM BZHIN DU BYON PA ZHIG STE, DE YANG G-YAS [DD2] !, ,LAM BZANG GSAL MDZAD DZNY'A NA DHA DZA'I ZHABS, ,

RU GTZANG 'GRAM DGE RGYAS BYE MA GLING GI GTZUG LAG KHANG DANG NYE BA'I SA'I CHA LHA KHUD CES BYA BA'I YUL GYI PHU DBEN SA ZHES PA SNGON BYON DAM PA DU MAS BYIN GYIS BRLABS PA'I GNAS SU MKHAS GRUB CHEN PO BSOD NAMS PHYOGS GLANG SOGS DAM PA DU MA 'KHRUNGS PA'I RGYUD PA, RUS KHYAD PAR CAN MDONGS KYI RUS, DE LTA BU'I RIGS RUS CHO 'BRANG RGYUD PA MA SMAD PA'I RIGS SU YAB BSOD NAMS RDO RJE ZHES GRAGS PA YA RABS KYI SPYOD TSUL GYI GZI BYIN DU MAS MDZES PA DANG, YUM DPAL 'DZOM SKYID CES PA GZUGS DANG LANG TSO PHUN SUM TSOGS PA ZHIG STE YAB YUM DE GNYIS KYI SRAS SU BSAMS BZHIN DU KHRO BO ZHES PA SHING MO GLANG GI LO ZLA BA DANG PO'I DKAR TSES BCU'I NYIN NGO MTSAR BA'I LTAS DANG BCAS TE SKU BLTAMS, BLTAMS MA THAG TU MA GYUR SEMS CAN THAMS CAD SNYING RE RJE AOm MA nI PADME H'Um, ZHES YI GE DRUG PA'I SGRA BSGRAGS PAS 'JIG RTEN THAMS CAD DU DBYANGS KYI NGA ROS KHYAB NAS LHA'I DBANG PO BRGYA BYIN DANG RGYAL PO CHEN PO BZHI LA SOGS PA DKAR PHYOGS SKYONG BA'I LHA DANG SRUNG MA THAMS CAD DGA' ZHING MGU LA NGO MTSAR RMAD DU GYUR TE

, ,DA NI 'JIG RTEN MGON DANG BCAS SO, ,THUB PA'I BSTAN PA NYAMS PA GSOS PAR 'GYUR RO, ,BDUD SDE DPUNG DANG BCAS PA NYAMS PAR 'GYUR RO, ,DKAR PHYOGS KYI LHA RNAMS RGYAL LO, ,ZHES DGA' BA'I CA CO'I SGRA BSGRAGS PA GONG NAS GONG DU 'OG MIN GYI BAR DU KHYAB PAR BYAS SO, ,PHYOGS BCU'I RGYAL BA SRAS DANG BCAS PA THAMS CAD DGYES NAS RGYAL SRAS BDAG NYID CHEN PO 'DI'I DON GRUB PAR GYUR CIG CES SMON LAM MDZAD CING ME TOG GTOR BAR NGES SO, ,RGYAL BA DBEN SA PA CHEN PO YUM GYI MNGAL NAS 'KHRUNGS MA THAG, RGYAL SRAS DPA' BO'I NGANG TSUL GSAL BAR BSTAN TE SNYING RJE'I SGRA DBYANGS BSGRAGS PA'I TSUL 'DI LA SRAS KYI THU BO MKHAS GRUB SANGS RGYAS YE SHES KYIS BSTOD PA 'DI LTAR MDZAD DE, BSKAL BZANG YUM GYI LHUMS BZHUGS BLTAMS PA'I TSE, ,'GRO LA BRTZE BA'I SNYING RJE'I SGRA DBYANGS BSGRAGS, ,GRUB PA'I GDUNG MCHOG 'DZIN PA'I DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES BSNGAGS SO, ,RGYAL SRAS BDAG NYID CHEN PO 'DI DBEN SAR YUM GYI MNGAL NAS BTZAS MA THAG SHANGS MDO

RI BO DGE 'PHEL GYI MKHAN PO RJE LEGS PA'I BLO GROS KYIS, JI LTAR GZHON NU DON GRUB YUM SGYU 'PHRUL MA LAS 'KHRUNGS MA THAG LHA RNAMS KYIS KHRUS GSOL BA JI LTA BAR RGYAL SRAS GZHON NU DE LA KHRUS GSOL ZHING DA NI 'JIG RTEN MGON DANG SKYABS DANG DPUNG GNYEN DANG BCAS SO ZHES GO BA'I CHED DU MTSAN MGON PO SKYABS ZHES BTAGS SO, ,DE 'DRA BA'I RGYAL SRAS GZHON NU DE NI, DBU GDUGS LTA BU DANG, DPRAL BA DBYES CHE ZHING SMIN MA 'DZAR LA SHANGS KYI GZENGS MTHO BA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL ZHING PAGS PA'I MDOG NI ME TOG KU MU DA LTAR DKAR BAS 'JIG RTEN GYI SKYE BO GZHAN DANG MI 'DRA BA'I MTSAN GYI DPAL GYIS MDZES PA MIG GI BDUD RTZI LTA BU ZHIG BYUNG NGO, ,DE'I TSE RJE SKYABS MCHOG DPAL BZANG DE NYID LHAG PA'I LHA RNAMS DANG BLA MA RNAMS KYIS 'JAM MGON SNYAN RGYUD KYI BSTAN PA 'DZIN PA'I SKYES BU DAM PA ZHIG DA BEN SAR MYUR DU 'BYUNG BAS DE LA MDO SNGAGS KYI LAM GYI GNAD THAMS CAD RDZOGS PAR STON CIG CES LUNG BSTAN PAS BSKUL TE DBEN SA'I DGON PA ZHOL DU PHEBS NAS THAMS CAD MKHYEN PA BSOD NAMS PHYOGS GLANG GI GDAN SAR BZHUGS TE; RIGS SAD PA DU MA LA DAM PA'I CHOS KYI BGO SKAL STZAL ZHING, GTZO BOR CHOS BRGYAD KYI ROL PA BTZAN THABS SU BCAD NAS ZAB PA DANG RGYA CHE BA'I LAM RNAMS LA RTZE GCIG TU SEMS SHING GOMS PAR MDZAD PAS GZHAL DU

, ,MED PA'I MNGON PAR RTOGS PA YANG BRNYES, RJE SKYABS MCHOG DPAL BA DBEN SA'I DGON BA ZHOL DU PHEBS SKABS RGYAL BA DBEN SA PA CHEN PO 'DI NYID 'KHRUNGS NAS RING PO MA LON PA SKU NA SHIN TU PHRA BA'I SKABS YIN YANG SNGON YUN RING PO NAS SMON LAM GYI MTSAMS SBYAR BA'I MTHU DANG, 'JAM MGON BSTAN SRUNG RNAMS KYIS BSKUL BA'I MTHUS, RGYAL BA DBEN SA BA RGYAL SRAS GZHON NU GSAR BA'I ZLA TSES LTA BUR GNAS PA 'DIS RJE SKYABS MCHOG DPAL BA'I MTSAN THOS PA TZAM GYIS DAD CING GUS PAR GYUR LA, RJE SKYABS MCHOG DPAL BA YANG RGYAL BA DBEN SA PA'I SKU GZIGS PA TZAM GYIS YUN RING MA 'PHRAD PA'I PHA BU GSAR DU 'PHRAD PA BZHIN DU DGA' BA DANG SPRO BAS SHIN TU GCES PAR 'DZIN PAR GYUR TO, ,DE'I TSE THA MAL CHU BUR MIG LDAN RNAMS KYI SNANG NGOR RJE SKYABS MCHOG DPAL BAS DBEN SAR 'KHRUNGS PA'I RGYAL SRAS GZHON NU 'DI LA THUGS MNYES PA'I STANGS KA MDZAD PA TZAM ZHIG TU SNANG YANG, NGES PA DON DU ZUNG 'JUG GRUB PA'I DPA' BO RJE SKYABS MCHOG DPAL BA DANG, RGYAS SRAS SPRUL PA'I GAR MDZAD PA DBEN SA PA GNYIS PO ZHAL 'DZOM STE DUS GSUM GSAL BAR GZIGS PAS BSTAN PA DANG SEMS CAN GYI DON DU JI LTAR MDZAD DGOS PA'I BKA' BGRO BA MDZAD CING, MA 'ONGS PA NA YAB SRAS GNYIS KYIS MDZAD PA JI LTAR MDZAD PA MTHA' DAG GSUNG MOL ZHIB

TU MDZAD DO, ,DE NAS RGYAL SRAS GZHON NU DE NYID SNGON YUN RING PO NAS RGYAL SRAS KYI SPYOD PA LA GOMS PA KLONGS SU GYUR PAS BYIS PA'I NGANG TSUL MTHA' DAG LAS 'DAS TE JI LTAR BYIS PA GZHAN DAG SKYES TZAM NYID NAS MA'I NU ZHO LEN PA LA GZHAN GYIS BSLAB MI DGOS PAR NGANG GIS 'JUG PA CI 'DRA BA DE 'DRA BAR RGYAL SRAS BDAG NYID CHEN PO 'DI NI SKYES TZAM NYID NAS GZHAN GYIS BSLAB MI DGOS PAR LHA DANG BLA MA LA GSOL BA 'DEBS PA LHUR BYED CING 'KHOR BA'I NGANG TSUL GANG DANG GANG LA'ANG MTHONG BA TZAM GYIS ZHEN PA LOG PA DANG, SEMS CAN SU DANG SU MTHONG YANG 'GRO BA NYAM THAG 'DI THABS GANG ZHIG GIS 'KHOR BA'I BTZON NANG NAS GDON PAR BYA SNYAM DU SNYING RJE DAM NGAM SHUGS KYIS SKYE BA DANG, LHAG PAR CHOS KYI RGYAL PO TZONG KHA PA CHEN PO NYID LA GSOL BA 'DEBS SHING RGYAL BA TZONG KHA PA'I BSTAN PA'I SNYING PO YONGS SU RDZOGS PA 'DZIN CING SPEL NUS PA DUS NAM ZHIG NA 'ONG SNYAM PA 'BA' ZHIG THUGS LA BRNAGS TE YUL DE'I SHAR PHYOGS NA PHUG GZHAN GYIS RNYED DKA' BA ZHIG YOD PAS PHUG DER BDAG NYID GCIG PUR ZHAG LNGA DRUG TZAM RE BSDAD PAS YANG YANG 'TSOL DGOS PA ZHIG YOD GSUNG, GCIG BU DBEN PA LA MNGON PAR DGYES PA ZHIG DE 'DRA BA'I GZHON NU NYID NAS RANG 'KHRUNGS SU YOD CING, DE DUS NAS STON PA THUB PA'I DBANG PO DANG RGYAL PA TZONG KHA PA LA GSOL 'DEBS NYIN MTSAN KHOR YUG TU SHUGS DRAG TU

, ,MDZAD PA NA BCOM LDAN 'DAS THUB PA'I DBANG PO DANG RGYAL BA BLO BZANG GRAGS PA GNYIS KYI ZHAL GZIGS SHING BYIN GYIS BRLABS PA'I SNANG BAS DUS 'DA' BA ZHIG BYUNG NGO, ,DE NAS DGUNG LO BRGYAD BZHES PA NA, NUB GCIG SEG RI'I RTZE NAS ZLA BA'I DKYIL 'KHOR NYA GANG BA ZHIG SHAR BYUNG BAS RANG NYID KYI SKU LA DAR DKAR GYI GOS DANG RIN PO CHE'I RGYAN GYIS BRGYAN, RDO DRIL 'DZIN PAS ZLA BA DE LA ZHUGS TE DRIL BU GSIL BA'I SGRAS 'JIG RTEN GYI KHAMS KHYAB PA CIG RMIS GSUNGS TE DE NI RGYAL BA DBEN SA PA CHEN PO 'DIS RJE BLA MA'I MDO SNGAGS KYI BSTAN PA 'DZIN MA'I KHYON THAMS CAD DU DAR ZHING RGYAS PAR MDZAD PA'I 'PHRIN LAS RGYA CHE RGYUN MI 'CHAD 'BYUNG PA 'DI LA DGONGS PAR NGES SO, ,RGYAL BA DBEN SA PA 'KHRUNGS TZAM NYID NAS BLA MA LHA'I RNAL 'BYOR GYI SGRUB PA LA ZHUGS PAS STON PA MCHOG DANG 'JAM MGON BLA MAS BYIN GYIS BRLABS PA'I SNANG BA KHYAD PAR CAN BYUNG BA'I TSUL DE LA SRAS KYI THU BO MKHAS GRUB SANGS RGYAS YE SHES KYIS BSTOD PA MDZAD PA NI, BLA MA MCHOG DANG LHAG PA'I LHA RNAMS KYIS, ,'GRO PA'I DPAL MGON MCHOG TU NYER GZIGS NAS, ,GZHON NU'I DUS NAS BYIN BRLABS DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS SNGON LAN CIG MA YIN PAR GOMS PA'I BAG CHAGS BZANG PO'I MTHU

YONGS SU BRTAS PAS, 'KHOR BA MTHA' DAG ME 'BAR BA'I RLUBS LTAR GZIGS PA'I NGES 'BYUNG GI BSAM PA SHUGS BRAG POS RAB TU 'BYUNG BA'I THABS JI LTAR BYA ZHES NYIN MTSAN KUN TU DE 'BA' ZHIG THUGS LA BRNAGS SO, ,DE NAS JI LTAR SMON PA LTAR DGUNG LO BCU GCIG BZHES PA PHAG LO ZLA BA DANG PO'I TSE'I BCU'I NYIN CHOS 'KHOR DBUS SDINGS KYI DGON PAR CHOS RJE LHA RI RTZA PA GRAGS PA DON GRUB PAS MKHAN PO DANG, ZHAL SNGA NAS TSUL KHRIMS RIN CHEN PAS SLOB DPON MDZAD, GNAS BRTAN CHOS KYI RGYAL MTSAN DANG, RAB 'BYAMS PA LEGS PA SOGS KHA SKONG BAR 'OS PA DAD PA'I DGE 'DUN YONGS SU RDZOGS PA'I DBUS SU KHYIM NAS KHYIM MED PAR RAB TU BYUNG STE MTSAN YANG BLO BZANG NGON GRUB CES BYA BAR GSOL TO, ,'DI NI SNGON THUB PA'I DBANG PO YUM SGYU 'PHRUL MA LAS 'KHRUNGS MA THAG RGYAL PO ZAS GTZANG MAS DON THAMS CAD GRUB PA ZHES MTSAN GSOL BA LTAR, RGYAL SRAS BDAG NYID CHEN PO 'DI YANG RGYAL BA'I BSTAN PA'I SGOR BYON MA THAG PHYOGS BCU'I RGYAL BA SRAS BCAS THAMS CAD KYIS MKHAN SLOB GNYIS BYIN GYIS BRLABS TE BLO BZANG THUB DBANG RDO RJE 'CHANG CHEN PO'I MDO SNGAGS SNYAN RGYUD KYI BSTAN PA YONGS RDZOGS DA NI 'JIG RTEN BDIR NGES PAR NGAR BAR 'GYUR BAS RGYAL BA SRAS BCAS KUN GYI THUGS LA BRANGS PA'I DON GRUB BO ZHES MTSON PA'I PHYIR BLO BZANG DON GRUB CES

, ,MTSAN GSOL BAR NGES SO, ,TSUL 'DI LA MKHAS GRUB CHEN PO SANGS RGYAS YE SHES KYIS, RJE BTZUN DAM PA GRAGS PA'I MTSAN CAN GYIS, ,BLO BZANG DON GRUB CES BYER? MTSAN GSOL NAS, ,BSTAN LA RAB TU BYUNG MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES BSNGAGS PA MDZAD DO, ,DE LTAR RGYAL SRAS BDAG NYID CHEN PO 'DI LHA DANG BCAS PA'I 'JIG RTEN MTHA' DAG GI YON GNAS DAM PA THUB PA'I DBANG PO GNYIS PA LTA BUR GYUR CING, DE'I TSE MKHAN SLOB DGE 'DUN DANG BCAS PAS KYANG ME TOG GTOR ZHING SHIS PA BRJOD DE DON DE LTAR DU 'GYUR BAR SMON LAM MDZAD DO, ,TSUL DE NI RGYAL BA DBEN SA PA CHEN PO RANG NYID KYI GSUNG LAS KYANG BYUNG STE, PHAG LO RTA ZLA'I TSES BCU LA, ,SO SO THAR PA'I SDOM PA BLANGS, ,SANGS RGYAS BSTAN LA ZHUGS PA DANG, ,NGUR SMRIG RGYAL MTSAN BSKON PA MNYAM, ,ZHES GSUNGS SO, ,RGYAL BA DBEN SA PA CHEN PO RANG NYID SNGON YUN RING PO NAS RGYAL SRAS KYI SPYOD PA RGYA MTSO LA BSLAB PAR MTHAR PHYIN PA ZHIG YIN YANG, PHYI RABS KYI GDUL BYA RNAMS RGYAL BA'I BSTAN PA LA ZHUGS NAS THOS BSAM SGOM GSUM 'DI LTAR BYA DGOS SO ZHES 'DOMS PA'I PHYIR DANG, RJE BLA MAS, DANG POR RGYA CHEN MANG DU THOS PA

BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN PA RGYAS PA'I CHED DU BSNGOS, ,TSUL 'DI BSAMS SHING MDUN MA LEGS NAS GDA', ,ZHES GSUNGS PA LTAR PHA RJES BUS ZIN PA ZHIG BYA BA'I PHYIR RGYA CHEN THOS PA 'TSOL BAR BZHED NAS DBYAR CHOS LA DGE 'PHEL DU PHEBS PA NA, SLOB DPON TSUL KHRIMS RIN CHEN PAS TSUL KHRIMS SGANG GI GDAN SA BZHAG STE 'BRAS SPUNGS LA PHEBS PA DANG THUG NAS 'BRAS SPUNGS SU MKHAN PO RIN PO CHE GRAGS PA DON GRUB DANG, SLOB DPON RIN PO CHE TSUL KHRIMS RIN CHEN PA GNYIS DANG LHAN DU BYON, DE NAS 'BRAS SPUNGS SU DBYAR STON SBREL NAS BZHUGS TE CHOS SPYOD KYI RIM PA CI RIGS PA THUGS LA CHUD PAR MDZAD, RJE LHA RI PA LA BYANG CHUB LAM GYI RIM PA DANG, DPE CHOS RIN SPUNGS SOGS CHOS BKA' DU MA DANG, DPAL DUS KYI 'KHOR LO'I DBANG, BCOM LDAN 'DAS RDO RJE 'JIGS BYED KYI DBANG BZHI YONGS SU RDZOGS PA ZHU BAR MDZAD, RJE LHA RI BA 'DIS RDO RJE THEG PA'I SGOR DANG POR SMIN PAR MDZAD PAS BKA' DRIN ZLA MED DU 'DZIN PAR MDZAD DO, ,DE NAS ZLA BA BCU PA'I MJUG TU DBEN SAR PHEBS, SLAR RI BO DGE 'PHEL DU CHOS KYI RJE BLO GROS RGYAL MTSAN PA'I DRUNG DU GSANG BA 'DUS PA MI BSKYOD PA'I DBANG BZHI, RTZA RGYUD KYI LUNG,

, ,RDO RJE MI 'KHRUGS PA'I DBANG RJES GNANG, GZUNGS KYI LUNG DANG BCAS PA, SMAN BLA'I RJES GNANG LUNG DANG BCAS PA, SNAR THANG BRGYA RTZA'I RJES GNANG LUNG DANG BCAS PA YONGS SU RDZOGS PAR GSAN NO, ,DE NAS RGYAL BA'I BSTAN PA LA ZHUGS NAS LAM LA SLOB PAR 'DOD PA RNAMS LA TSE 'DI'I RNYED BKUR SNYAN GRAGS TZAM GYI PHYIR DU THOS BSAM BYED PA NI BDUD RTZI DUG TU BSGYUR BA LTAR NGAL BA 'BRAS MED DU 'GYUR BA DANG, DAL BA STONG ZAD DU BYED DO ZHES 'DOMS PA DANG, THOS BSAM BYED PA'I TSE RANG RGYUD 'DUL BA'I PHYIR DU NYON MONGS PA'I GNYEN POR DRI MA MED PA'I RIGS LAM 'TSOL BA YIN GYI, DE LTA MIN PAR SHING RTA CHEN PO'I GZHUNG GI DGONGS PA MI 'TSOL BAR KHO 'DI ZER NA NGA 'DI ZER GYI GSHAGS 'GYED TZAM DANG, TSIG ZUR 'CHOS PA'I TZOD PA LHUR LEN PA NI SNYING PO GANG YANG MED DO ZHES 'DOMS PA DANG, RANG NYID GRUB PA'I GO 'PHANG MTHON POR GSHEGS PA'I NGANG TSUL STON PA SOGS KYI DGOS PA MANG PO GZIGS NAS DE'I DGUN BKRA SHIS LHUN POR PHEBS NAS THOS BSAM GLING GI GDAN SA PA 'JAM PA'I DBYANGS BLO BZANG BSHES GNYEN PA'I DRUNG DU BSDUS GRVA RTZI BA DANG GZHUNG DANG CHOS SPYOD MANG PO'I LUNG YANG GSAN, DE'I TSE THOG MAR NYIN GCIG TZAM ZHIG SBYOR

BA RTZI BA SOGS LA THOGS PA MED PA'I SPOBS PA MTHU CAN DU GYUR KYANG, PHYIS NI CHOS BRGYAD KYI ROL RTZED LA RGYAB KYIS PHYOGS PA SMYON PA LTA BU'I BRTUL ZHUGS KYIS GNAS NAS GZHAN DAG GIS THOS BSAM GYI SBYOR BA LA BSKUL BA'I BDAG RKYEN NYE BAR BSGRUBS KYANG, DON SKAD CIG KYANG NYAMS SU MI LEN PA'I TSIG GI SBYOR BA KHO NA LA BRTZON PA LHUR LEN PA LA SNYING PO RANG CI YOD, CHU'I LBUB DANG MTSUNGS PA'I TSIG PHRENG DAG NI NYIN RE BZHIN ZLOS BUR SMRA BA KHO NA'O, ,ZHES RIGS PA'I BRTUL ZHUGS KYI SENG GE'I SGRA CHEN PO BSGRAGS, DON 'DI NI, BDAG NYID CHEN PO RANG NYID TSE RABS DU MAR GOMS PAS LUNG GI CHOS KYI BDAG POR GYUR PAS SKU TSE 'DIR THOS BSAM GYI SBYANGS PA LA MI LTOS PA DANG, NYAMS LEN MED PAR LTAR SNANG GI TSIG 'KHRI LA SNYING POR 'DU SHES PA'I RTOG GE PA RNAMS SPA BKONG BAR MDZAD PA DANG GCIG TU RGYAL BA DGYES PA'I LAM BZANG BSGRUBS PAS SNYING PO'I BSTAN PA PHYOGS MTHAR SPEL BAR MDZAD PA LA DGONGS PA'O, ,DE NAS SLAR YANG, DGE 'PHEL DU RJE BLO GROS RGYAL MTSAN PA LA KUN MKHYEN STOBS 'BAR 'OD ZER GYIS MDZAD PA'I 'DUL BA'I BSLAB BYA, RJE BTZUN TZONG KHA PA'I RNAM THAR SOGS KYI LUNG DU MA GSAN, GZHAN YANG GNAS DER CHOS KYI RJE THUB BSTAN RNAM RGYAL BA'I DRUNG DU SPYAN

, ,RAS GZIGS BCU GCIG ZHAL, THUGS RJE CHEN PO PHYAG BZHI PA, DZAM LA DMAR PO YAB YUM, MGON PO'I BKA' CHEN BCU GSUM DU GRAGS PA'I RJES GNANG LUNG MAN NGAG DANG BCAS PA, CHOS RGYAL PHYI NANG GSANG GSUM, GTUM PO KHYUNG LNGA'I LUNG MAN NGAG DANG BCAS PA, NAM MKHA' SGO 'BYED, TSE RING MCHED LNGA'I DBANG DANG, 'JAM DBYANGS MGON PO'I GCOD GZHUNG t'IKKA DANG BCAS PA SOGS GCOD KYI GDAMS PA DU MA DANG, RJE BLA MA NAS BRGYUD PA'I N'A RO'I CHOS DRUG GI KHRID, GSANG 'DUS RIM LNGA'I KHRID LAG RJES, PAn CHEN CHOS RGYAL GYI BSRE 'PHO, PHYAG RGYA SROG RTZOL GYI GDAMS NGAG SOGS YIG CHUNG NGU MA DANG, 'PHO KHRID CHEN MO, NE GU CHOS DRUG GI KHRID, LHA MO SHRAM nA'I SGRUB THABS, MKHA' 'GRO SENG GDONG CAN, DPAL LDAN DMAG ZOR RGYAL MO, GUR, ZHAL, PHYAG BZHI PA, RNAM SRAS, GNOD SBYIN BEKTZE RNAMS KYI RJES GNANG DANG SNYING PO'I BZLAS LUNG DANG BCAS PA GSAN NO, ,DE LTAR MANG DU THOS PA MDZAD PA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, GCIG TU SNYING PO'I DON LA GZHOL BA'I THUGS, ,MCHOG TU GYUR PAS MKHAS GRUB GZHAN LAS KYANG, ,GDAMS PA'I BDUD RTZI MANG GSOL DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA

LTAR RO, ,DE NAS RGYAL BA DBEN SA PA CHEN POS CHOS 'KHOR DBUS SDINGS SU PHEBS TE ZUNG 'JUG GRUB PA'I DPA' BO BLA MA RJE BTZUN SKYABS MCHOG DPAL BZANG PO'I DRUNG DU GSANG BDE 'JIGS GSUM GYI DBANG YONGS RDZOGS, MGON PO, CHOS RGYAL, BCU GCIG ZHAL, DON ZHAGS, GTUM PO KHYUNG LNGA RNAMS KYI RJES GNANG BZLAS LUNG DANG BCAS PA, GRUB RGYAL LUGS KYI TSE DBANG LA SOGS PA MDO SNGAGS KYI CHOS BKA' YONGS SU RDZOGS PA ZHUS SHING, BLA MA DANG YI DAM DBYER MI PHYED PA'I YE SHES KYI DKYIL 'KHOR DNGOS SU GZIGS PA DANG, NGO MTSAR BA'I LTAS DU MA GZIGS PA NI RGYAL BA DBEN SA PA CHEN POS BDAG NYID CHEN PO RJE BTZUN SKYABS MCHOG DPAL BZANG LA PHYAG NA RDO RJE GTUM PO'I DBANG ZHUS PA'I DUS SU RJE SKYABS MCHOG DPAL BA DE SKU MDOG MTHING KHA 'OD ZER LNGA 'PHRO BA LA ME SNA LNGA 'BAR BAS MDZES PAR BSKOR BA, GTOR MA DANG RDO DRIL NAM MKHAR GNAS SHING, DRI ZHIM PO BRO BA DANG, LHA'I ROL MO'I SGRA YANG MNGON SUM DU GSAN, YANG DON ZHAGS DANG, BCU GCIG ZHAL GYI DBANG ZHUS PA'I DUS SU SNGAR BSTAN MA MTHONG BA'I RDUL TSON GYI DKYIL 'KHOR YID 'PHROG PA CIG LA LHA'I ME TOG SNA TSOGS PA SOGS MCHOD PA'I TSOGS KYANG DU MA 'DUG CING, DRI ZHIM PO DANG LHA'I SIL SNYAN GYI SGRA SNYAN PO YANG 'KHROL, RJE SKYABS MCHOG DPAL PA DE NYID KYI SKU YANG ZLA BA'I DKYIL 'KHOR MNGON PAR GANG BA LTA BUR DKAR ZHING 'OD ZER 'PHRO BA MTHONG BAS RKYEN BYAS NAS DGA' SPRO

, ,DPAG TU MED PA SKYES, DE NAS RGYAL BA DBEN SA PA CHEN POS RJE SKYABS MCHOG DPAL BA NYID LA GSOL BA YUN RING DU BTAB NAS, 'DAS MA 'ONGS KYI SKYE BA BZHES TSUL, SKU SKYE BA 'DI LA NGO MTSAR CHE BA'I YON TAN 'KHRUNGS TSUL RNAMS GSUNG PAR ZHUS PAS RJE SKYABS MCHOG DPAL BAS 'DI LTAR GSUNGS TE, SANGS RGYAS 'JIG RTEN DU BYON PA'I TSE BYANG CHUB SEMS DPA' 'DUL BA'I TOG CES PAR SKYES NAS SANGS RGYAS DNGOS LA THEG PA CHAN PO'I CHOS DPAG TU MED PA NYAN, DE'I 'OG TU RGYA GAR SHAR PHYOGS SU STOBS LDAN GYI RGYAL PO ZHIG TU SKYES TE CHOS LDAN GYI KHRIMS BCAS NAS MI DGE BA BYED PA RNAMS GYI MIG 'DON PA DANG, RKANG LAG GCOD PA SOGS BYAS PA'I STOBS KYIS MA 'ONGS PA NA MIG DANG RKANG LAG SOGS LA SKYON CUNG ZAD 'ONG BA 'DRA GSUNG, DE NAS SUM CU RTZA GSUM DU SKYES, DER YUN RING PO MA LON PAR RGYA GAR DU SLOB DPON YON TAN 'OD DU GYUR NAS BSTAN PA DANG 'GRO BA'I DON TSAD MED PA BYAS, DE'I PHYI MA RGYA NAG RI BO RTZE LNGAR SONG NAS RJE BTZUN 'JAM PA'I DBYANGS LA CHOS MANG DU NYAN ZHING RJE BTZUN GYIS LUNG BSTAN PA LA BRTEN NAS BAL POR RDO RJE GZHON NU ZHES BYA BA'I SNGAGS PA ZHIG GI RTEN BZUNG STE THEG PA CHEN PO GSANG SNGAGS KYI BSTAN PA DAR BAR BYAS, DE NAS LO TZ'A BA TSUL KHRIMS RGYAL BAR SKYES NAS JO BO RJE BOD LA GDAN 'DREN PA SOGS DKA' SPYAD MANG PO BYAS SHING DAM PA'I CHOS

MANG PO BSGYUR BA YANG DRAN GSUNG, GZHAN YANG RJE N'A RO PA'I SPRUL PAR GRAGS PA'I 'GRO BA'I MGON PO GTZANG BA RGYA RAS DANG, CHOS KYI RGYAL PO TZONG KHA PA CHEN PO'I SRAS KYI THU BO 'DUL 'DZIN GRAGS PA RGYAL MTSAN GNYIS KYANG DAM PA 'DI'I SKU'I SKYE BA YIN PA YANG RGYAL BA DBEN SA PA CHEN PO NYID KYI YE SHES KYIS MNGON SUM DU GZIGS SHING RJE BTZUN 'JAM PA'I DBYANGS KYIS GNANG BA'I LUNG BSTAN GSANG BA'I ME LONG LAS KYANG DE LTAR DU 'BYUNG NGO, ,DE NAS RJE SKYABS MCHOG DPAL BA DGUNG LO DRUG CU RE GSUM BZHES PA'I TSE 'JIGS BYED SGRUB MCHOD CIG MDZAD PA'I DUS SU DPAL RDO RJE 'JIGS BYED KYI DKYIL 'KHOR YONGS SU RDZOGS PA DANG, DGRA NAG DANG GSHED DMAR LHA LNGA'I DKYIL 'KHOR DANG BCAS PA'I ZHAL MNGON SUM DU GZIGS SHING, DE'I DUS SU RGYAL BA DBEN SA PA CHEN POS YI DAM GYI DBANG GSAN PAS SKU LAS ME 'BAR ZHING ZHABS BRDABS PAS SA G-YO BA DANG, DKYIL 'KHOR YANG ME KHA DOG SNA LNGA PAS BSKOR BA SOGS NGO MTSAR BA'I LTAS MANG DU GZIGS SO, ,DE NAS SPRE'U LO ZLA BA LNGA PA'I TSES BRGYAD KYI THO RANGS BCOM LDAN 'DAS MI BSKYOD RDO RJE'I DKYIL 'KHOR GYI ZHAL MTHONG LUS DBEN DANG NGAG DBEN LA BRTAN PA THOB GSUNG ZHING DE DUS RGYAL BA DBEN SA PA CHEN POS RJE SKYABS MCHOG DPAL BA LA GSANG BA 'DUS PA'I DBANG ZHUS TE YE SHES 'BEBS PA'I DUS SU, RJE SKYABS MCHOG DPAL BA'I SKU 'OD ZER KHA DOG SNA LNGA'I RANG BZHIN CAN DU

, ,BYAS NAS DKYIL 'KHOR GYI STENG NA PHAR 'BYON TSUR 'BYON MDZAD KYANG, RDUL TSON LA MI GNOD PA SOGS YA MTSAN PA'I STAS DU MA BYUNG NGO, ,DE'I TSE RJE SKYABS MCHOG DPAL BAS 'DI LTAR GSUNGS TE, DA NI RMI LAM LA BRTAN PA THOB NAS 'BAD MED DU ZIN, KHYAD PAR TSES BCO LNGA DANG GNAM GANG LA RMI LAM GYI LUS KHYAD PAR CAN BZUNG NAS THUB CHEN DANG, BYAMS PA RGYAL SRAS 'JAM DPAL SNYING PO SOGS KYI SPYAN SNGAR GSO SBYONG RGYUN PAR BYED CING CHOS MANG DU ZHUS ,GZHAN YANG BDE BA CAN DANG, 'OG MIN STUG PO BKOD PA DANG, MNGON DGA' SOGS LONGS SPRUL GYI ZHING KHAMS MANG PO BLTA BAR PHYIN PAS ZHING DE DAG GI RGYAL BA SRAS DANG BCAS PA YANG MTHONG, DBANG DANG BYIN RLABS DPAG TU MED PA YANG DAG PAR STZAL, BDAG NYID KYIS KYANG LUS TSAD MED PA SPRUL NAS BDUN RNAM DAG PHUL GSUNG NGO, ,DE NAS RJE SKYABS MCHOG DPAL BA DGUNG MO BDUN CU DON BRGYAD BZHES PA'I TSE BCOM LDAN 'DAS 'KHOR LO SDOM PA'I SGRUB PA ZHIG MDZAD PA'I DUS SU, BDE MCHOG LHA DRUG CU RTZA GNYIS KYI DKYIL 'KHOR YONGS SU RDZOGS PA'I ZHAL GZIGS SHING DER GTZO BOS DBANG BZHI RDZOGS PAR BSKUR NAS DA MYUR DU MKHA' SPYOD DU 'BYON PA'I 'DUN PA THONGS ZHES GSUNG GI GNANG BAS DBUGS DBYUNG BA BRNYES, DE'I TSE RGYAL BA DBEN SA PA CHEN POS BDE MCHOG GI DBANG ZHUS PAS NANG MCHOD KHA DOG LNGA LDAN DU KHOL BA DANG ,RDZE

SKYABS MCHOG DPAL BA DKYIL 'KHOR GYI STENG DU MDA' GANG TZAM 'PHAGS NAS GAR MDZAD PA SOGS PHUL DU BYUNG BA'I LTAS DUM ZHIG GZIGS, NYIN GCIG GI TSE RJE SKYABS MCHOG DPAL BA DANG RGYAL BA DBEN SA PA CHEN PO GNYIS KAS DBUS RI'I RTZER PHEBS PA NA RJE SKYABS MCHOG DPAL BA SPYAN NAM MKHAR HRIG HRIG GZIGS SHING PHYAG THUGS KAR THAL MO SBYOR BAR MDZAD, DE LA RGYAL BA DBEN SA PA CHEN POS CI 'DRA ZHIG MCHIS ZHUS PAS, RGYAL BA RDO RJE 'CHANG LA GRUB CHEN BRGYAD CUS BSKOR NAS BYIN GYIS BRLABS PA'I NYAMS SHIG SHAR GSUNG, DE NAS DGUNG LO BRGYAD CU GYA GCIG BZHES PA'I STON ZHIG ,DON DU NA, DBEN DGON 'DI NYID 'BYUNG BA'I SA GZHI BYIN GYIS BRLABS BAR 'DUG KYANG, THA MAL PA RNAMS KYI NGOR ZHABS 'CHAG PAR SNYAD DE, YAB SRAS GNYIS KAS DBUS RI'I RTZE MOR PHEBS PA NA RJE BTZUN SKYABS MCHOG DPAL BZANG PHYAG GNYIS THAL MO SBYAR NAS DBU GUG GUG PA LAN MANG DU MDZAD CING 'DUG PA LA RGYAL BA DBEN SA PA CHEN POS DE 'DRA CI YIN ZHUS PAS, RGYAL BA BLO BZANG GRAGS PA LA RGYA BOD KYI MKHAS GRUB MANG POS BSKOR NAS BYON, BYIN GYIS KYANG BRLABS GSUNG, LAN CIG DA NI DPAL MGON PO YAB YUM DANG, DAM CAN CHOS RGYAL 'KHOR BCAS KYIS BRAN BZHIN BKA' NYAN PAR 'DUG GSUNG NGO, ,DE'I TSE RJE SKYABS MCHOG DPAL PAS RGYAL BA DBEN SA PA CHEN PO LA ZHAL GDAMS 'DI LTAR MDZAD DE, KHO BOS

, ,KYANG SDE DGON GYI BDAG SPANGS, LTO GOS GTAM GSUM LA GYONG BSKUR, LA 'DOD DANG KHE GRAGS SPANGS NAS SBAS PA'I TSUL BZUNG STE, DGE SBYOR 'BA' ZHIG LA 'BUNGS PAS TSE YANG RING DU SLEBS, SEMS DBEN DANG, SGYU LUS, 'OD GSAL, ZUNG 'JUG GI BAR GYI RTOGS PA KHYAD PAR CAN 'DI BZHIN SKYES PA YIN NO, ,KHYOD KYIS KYANG TSE 'DI DON DU GNYER BA'I MI'I KHA LA MA NYAN PAR DBEN PAR DGE SBYOR RTZE GCIG TU GYIS SHIG, CES GSUNGS SHING, SPYIR SANGS RGYAS KYI BSTAN PA DANG SEMS CAN GYI DON BYA TSUL, KHYAD PAR RGYAL BA TZONG KHA PA CHEN PO'I SNYAN RGYUD KYI BSTAN PA 'DZIN CING SPEL LUGS SOGS ZHAL GDAMS MTHAR PHYIN PAR GNANG STE RJE SKYABS MCHOG DPAL BA CHOS BDAG PO LA PHROD PAS THUGS TSIM ZHING DED DPON YID BZHIN GYI NOR BU THOB STE RANG YUL DU DGA' BZHIN DU 'GRO BA LTAR RGYAL BA TZONG KHA PA'I MAN NGAG LA BRTEN NAS SA LAM RIM GYIS BGROD DE ZUNG 'JUG DBANG GI RGYAL PO THOB PAS NAM MKHA' MA ZAD KYI BAR DU 'GYUR BA MED PA'I GDENG THOB NAS RNAM SMIN GYI SKU LUS RAGS PA DOR TE 'JA' LTAR PHRA ZHING RGYUN 'CHAD PA MED PA'I ZUNG 'JUG GI SKU 'JAM MGON BLA MA GANG DU BZHUGS PA'I SA SOGS ZHING KHAMS RAB 'BYAMS SPRUL PAS 'GENGS SHING BZHUGS SO, ,DE LTAR RGYAL BA DBEN SA PA CHEN POS RJE BTZUN SKYABS MCHOG DPAL BZANG GI ZHABS

DRUNG NAS GSANG BDE 'JIGS GSUM GYI DBANG LUNG MAN NGAG SOGS SNGAGS KYI ZAB CHOS MTHA' YAS PA GSAN ZHING RDZU 'PHRUL GYI BKOD PA MTHA' YAS PA BSTAN PA SOGS BLA MA LHA'I GZIGS SNANG NGO MTSAR RMAD DU BYUNG BA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI ,'JAM DBYANGS BLA MAS DBANG BSKUR BYIN RLABS TSE, ,RDZU 'PHRUL DAG PA'I SNANG BA DPAG MED DANG, ,BLA MA LHAG PA'I LHAR GZIGS DBEN SA PA, , BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS RGYAL BA DBEN SA PA CHEN PO DGUNG LO BCU BDUN BZHES PA NA, PHYOGS KUN TU 'BRUM NAD KYIS KHYAB CING, RJE NYID KYANG SKU 'BRUM GYIS BSNYUN NAS YOD PA LA; NYIN GCIG CHA BA SGOR RTEN 'BREL BSTOD PA KHA TON DU BYED PA ZHIG BYUNG BA NA DE'I GSUNG GI GDANGS THOS BA TZAM GYIS LUS KYI SPU ZING ZHES BYED CING SNANG BA GTING NAS 'GYUR BA ZHIG BYUNG BAS, PHYIR PHEBS TE GZIGS PA NA DGE SLONG SMA RA DKAR PO'I AAG TSOM CAN, PHYAG DAR KHROD KYI CHOS GOS GSOL BA, SHIN TU DANG BA 'DREN PA CIG 'DUG PAS, NANG DU SPYAN DRANGS PA NA GRUB CHEN GYIS DON DU 'GYUR BA MKHYEN NAS, CHA RKYEN DANG 'TSAM PAR BSNYEN BKUR BA YANG LEGS PAR BZHES, DE LTAR RGYAL BA DBEN SA PA CHEN POS GRUB CHEN CHOS RDO RJE DANG THOG MAR MJAL BA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, KHYAD PAR DANG PA'I RGYAL POS

, ,PAD MTSOR BZHIN, ,RTOGS PA'I MNGA' BDAG DHARMA BADZRA ZHABS, ,BSAMS BZHIN YONGS DAG SKYES BU KHYOD DRUNG PHEBS, ,DANG PO'I RTEN 'BREL LEGS 'GRIG DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE'I TSE RGYAL BA DBEN SA PA CHEN PO'I THUGS LA 'DI NI GRUB PA MCHOG GI DNGOS GRUB BRNYES BA ZHIG GOR MA CHAG GO SNYAM DU DGONGS TE, MKHAS GRUB SANGS RGYAS YE SHES KYIS BSTOD PA MDZAD PA LAS ,DE NYID TSUL LA LEGS PAR BRTAGS PA NA, ,GSANG BA'I MDZOD 'DZIN CHOS KYI RGYAL MTSAN GYIS, ,THUGS SRAS MCHOG TU LEGS GZIGS DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA LTAR ,GDAMS PA'I GTER DU GYUR PA'I GRUB MCHOG TU GZIGS NAS RJES SU 'DZIN PAR ZHUS PAS ,GRUB CHEN CHOS RDO RJES KYANG DGYES BZHIN DU ZHAL GYIS BZHES TE BKRA SHIS RDZONG DGA'I PHU'I MGAR MO CHOS RDZONG DU DUS 'DI TZAM LA SHOG CES BKA' GNANG, DE NAS RGYAL BA DBEN SA PAS 'BRUM BU'I BSNYUN LAS GROL MA THAG BLA MA GRUB CHEN GYIS JI LTAR GSUNG BA'I DUS TSOD DE LAS YOL PA MED PAR DBEN GNAS MGAR MO CHOS RDZONG DU PHEBS ,GRUB CHEN CHOS RDO RJE MNYES PA GSUM GYIS MNYES PAR BYAS NAS RGYAL BA TZONG KHA BA'I SNYAN RGYUD KYI MAN NGAG YONGS SU RDZOGS PA ZHIG GNANG BA THUGS RJES GZUNG 'TSAL ZHES GSOL BA BTAB PAS GRUB

MCHOG CHOS RDO RJES KYANG DGYES BZHIN DU THOG MAR MDO SNGAGS KYI GSUNG RAB DGONGS 'GREL DANG BCAS PA'I DON MTHA' DAG SNYING POR BSDUS TE GANG ZAG GCIG GI NYAMS LEN GYI RIM PAR DRIL BA, LAS DANG PO PA'I SA NAS SANGS RGYAS KYI SA'I BAR GYI SA LAM 'BRAS BU DANG BCAS PA'I LAM GYI GNAD THAMS CAD TSANG BA BYANG CHUB LAM GYI RIM PA'I KHRID MAN NGAG ZHAL SHES DANG BCAS PA YONGS SU RDZOGS PA DANG, BDE GSANG 'JIGS GSUM SOGS BLA MED KYI DBANG DANG RIM GNYIS KYI MAN NGAG RNAMS YONGS SU RDZOGS PA GNANG STE RGYAL BA DBEN SA PA CHEN PO 'JAM MGON SNYAN RGYUD BSTAN PA'I BDAG POR MNGA' GSOL LO, ,RGYAL BA DBEN SA PA CHEN POS GRUB CHEN CHOS RDO RJE LA 'JAM MGON SNYAN RGYUD KYI MAN NGAG YONGS RDZOGS GSAN PA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, DE NAS DE NYID ZHABS GTUGS GSOL BTAB PAS, ,BLO BZANG GDAMS PA'I SNYING PO MA LUS STZAL, ,SNYAN RGYUD GDAMS PA'I GTER GYUR DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS GRUB CHEN CHOS RDO RJE DANG RGYAL BA DBEN SA PA CHEN PO GNYIS DPON SLOB LHAN CIG DBUS GTZANG GI LJONGS DE DANG DER SKAL LDAN GYI GDUL BYA DUM RJES SU 'DZIN PA DANG, MTHONG THOS DRAN REG GIS GNAS SKABS DANG MTHAR THUG GI PHAN BDE BSGRUB BA'I RTEN 'BREL KHYAD PAR CAN BSKRUN PA'I PHYIR, GANGS RI'I

, ,KHROD KYI GNAS DANG YUL LJONGS PHAL MO CHER BKRA SHIS PA'I MTSAN DANG LDAN PA'I ZHABS RDUL GYIS REG PA STZAL ZHING, MTHAR GRUB PA'I GNAS MCHOG PADMA CAN DU PHEBS TE YUN RING DU SGRUB PA BSAM GTAN GYI 'KHOR LO LA GZHOL BAR MDZAD, DE NAS GRUB CHEN CHOS RDO RJES RGYAL BA DBEN SA PA CHEN PO LA SPRUL PA'I GLEGS BAM GTAD DE BKA' RGYA DAM PO BTAB, RE SHIG TSE 'DI BLOS BTANG STE DBEN PA'I RI SUL DU SGRUB PA SNYING POR MDZAD DGOS BA DANG, MTHAR MDO SNGAGS KYI LAM YONGS RDZOGS LA NYAMS LEN MTHAR PHYIN TE RANG NYID MI NYAMS PA'I GDENG THOB PA NA SKAL BA DANG LDAN PA GZHAN DAG LA SNYAN RGYUD KYI MAN NGAG JI LTAR STON LUGS SOGS ZHIB TU 'DOMS PAR MDZAD DO, ,DE NAS RGYAL BA DPEN SA PA CHEN POS GRUB CHEN CHOS RDO RJE'I ZHAL GDAMS DANG, SNGAR RJE SKYABS MCHOG DPAL BZANG GIS KYANG GDAMS PA LTAR 'JIG RTEN GYI CHOS BRGYAD LA DGA' MI DGA'I RNAM RTOG DOR TE CHOS BRGYAD 'GO SNYOMS TSE 'DI'I 'KHRI BA PHRA MO 'ANG MED PAR MTHO MTHO RLUNG LA BSKUR DMA' DMA' CHU LA BSKYUR ZHES DAM PA GONG MA'I GSUNG BGROS LAS 'BYUNG BA LTAR PHYI NANG GI SPROS BA BTZAN THABS SU BCAD DE DBEN GNAS RNAMS SU ZAB LAM SNYING PO'I RNAL 'BYOR LAS SKAD CIG KYANG G-YEL BA MED PAR SHUGS DRAG LA RGYUN MI 'CHAD PA'I GOMS PA BSRINGS TE, ZHABS RDO RJE SKYIL

KRUNG BCAS PA'I SKU SHA RUL BA LA LCI BA'I THAL BA 'JAM PO BTAB, GZHAN BCOS SOGS MA MDZAD PAR THUGS DAM LA BRTZON PA CHER MDZAD PAS RING PO MA LON PAR DRAN SHES KYI 'BAD RTZOL LA MA LTOS BAR NYIN MTSAN KHOR MO YUG TU MNYAM PAR 'JOG NUS PA'I TING NGE 'DZIN NI BRNYES, DE LA BRTEN NAS 'DOD PA'I NYON MONGS MNGON GYUR 'GO GNON NUS PA DANG, RIM GYIS SEMS DGE BA LA 'JUG MI NUS PA'I 'CHOR NGAD KYI RNAM PA SANGS TE DGE BA'I DMIGS PA LA CI 'DOD DU 'JOG NUS PA DANG, SKU LUS KYI RLUNG GNAS NGAN LEN SKYED BYED RNAMS NI 'GAGS, LUS SEMS LAS SU RUNG BA'I BDE CHEN KHYAD PAR CAN THUGS LA 'KHRUNGS ,DE'I MTHUS RI RAB SOGS LA GZIGS PA NA RDUL PHRA RAB KYANG BGRANG THUB PA LTA BU'I GSAL NYAMS KYANG BYUNG GSUNG, DE NAS RE ZHIG NA DGE 'PHEL DU BZHUGS PA'I DUS THO RANGS RJE 'DI NYID BZHUGS SA NAS KHANG PA SKYA SBREL MANG PO'I NANG GCIG NAS GCIG TU SKYA SBREL LA THOGS PA MED PAR BYON PAS RDZU 'PHRUL DE MTHONG PA KUN NGO MTSAR DU GYUR TO, ,LAN CIG BRAG G-YANG CHEN PO MIS MI THAR BA ZHIG YOD PAR RDZU 'PHRUL GYIS GSHEGS PA BRANG DPON DON BKRIS BYA BAS MTHONG NAS, CHOS RJE LAGS DE 'DRA'I LTAD MO STON PA ZHES THAL MO SBYAR NAS PHYAG 'TSAL DU BYUNG BA LA RGYAL BA DBEN SA PA CHEN POS KHYOD SU DANG NOR GANG MTHONG GSUNGS, SNGAR GYI MTHONG TSUL ZHUS PAS, NGAS BRAG G-YANG DE 'DRA LA GA LA THAR BRANG DPON RANG MIG

, ,'KHRUL BA'AM, BRAG 'DI'I GZHI BDAG JO BO BRAG DKAR BA MTHONG BA YIN YONG GSUNGS, DE NAS, DGUNG LO NYI SHU LHAG TZAM 'GRO BA'I DUS RGYAL BA G-YUNG GI SGRUB GNAS BRAG RGYA BO RDO RJE'I PHO BRANG DU DPAL GSANG BA 'DUS PA'I MAN NGAG GI GNAD PHRA MO ZHIG THUGS NYAMS SU BZHES PA LA BRTEN NAS RMAD DU BYUNG PA'I RTOGS PA KHYAD PAR CAN BRNYES TE, RGYA BOD KYI MKHAS GRUB MANG PO'I GZHUNG RNAMS DANG, RGYAL BA'I BKA' RAB 'BYAMS NGAG NAS THOGS MED DU 'DON NUS BA BYUNG STE, TSUL DE LA MKHAS GRUB SANGS RGYAS YE SHES KYIS BSNGAGS PA NI, DE NAS RING POR MA LON SKAD CIG LA, ,GRUB PA'I GNAS MCHOG RDO RJE'I PHO BRANG DU, ,NYAMS DANG RTOGS PA CHER 'BAR DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES DANG, DE NAS CHOS KUN TSIG DON THUGS CHUNG CING, ,BDE CHEN CHANG GIS MYOS PA'I DPA' BO'I GAR, ,GCIG PU'I NYAMS KYIS BSGYUR MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA LTAR RO, ,GZHAN YANG 'PHAGS PA'I YUL GYI 'PHRAL SKAD DANG, ,LEGS SBYAR GYI SKAD SOGS SKAD KYI RIGS MI 'DRA BA DU MA LA'ANG MKHYEN PA THOGS PA MED PAR GYUR TE, LAN CIG SHANGS LA 'BYON PA'I LAM KHAR RGYAL PO CHU THAGS BUD MTSAMS NA YAR LA DZO KI 'GA' ZHIG DANG 'GROGS TE AA TZA RYA'I 'PHRAL SKAD KYIS DE DAG DANG GSUNG GLENG

MDZAD PAS TSONG PA MANG PO 'DUG PA YA MTSAN DU GYUR NAS 'DUG GSUNG, YANG DUS GCIG RONG PHYOGS SU PHEBS PAS SA SKYA'I BDAG CHEN RDO RJE GLING PA DANG, BYAMS CHEN PA'I SLOB DPON MANG PO DANG, SKYED TSAL BA'I DGE BSHES 'GA' ZHIG DANG, RTA NAG PA'I LO CHEN ZER BA GCIG RNAMS KHA RU STENG DU 'TSOGS NAS SGRA'I BSHAD BA YUS YUS BYED CING DGE LDAN RNAMS KYIS SGRA MI SHES ZER ZHING GTAM MANG PO GLENG BA'I SAR RJE BLA MA NYID KYIS BYON NAS, BRGYAD STONG PA SAm SKRi TA'I SKAD DU 'DON GYIN BSHAD PA MDZAD PAS, DE DAG GI SGRA'I YON TAN GYIS GANG DU YANG MA PHYIN CING LUNG RIGS GANG GIS KYANG LAN 'DON PAR MA NUS PA NA, BDAG NYID CHEN PO 'DI'I PAn ZHVA SER PO DANG, RAS KYI CHOS GOS DANG MTHANG GOS SOGS LA DPAGS TE 'DI NI RGYA 'DRE MNGON SUM MO ZHES ZHE SDANG SHIN TU 'BAR BA'I RGYUD DANG SBYAR BA'I TSIG NGAN GYI DUG MDA' SHIN TU MI BZAD PA'I CHAR PHAB KYANG DAM PA 'DIS LAN BRGYAR GOMS PA'I BZOD PA'I GO CHA LA BRTEN PAS BA SPU'I RTZE MO TZAM YANG 'KHRUGS PA MED DO, ,DE RNAMS KYI KHROD NAS NOR BU GLING PA'I SLOB DPON NA RE, DE 'DRA MA GSUNG KHONG SKYES BU NGO MTSAR CHE PA ZHIG SNANG ZER KHONG RANG GI DKAR YOL BKRUS NAS JA'I SKAL BA DRANGS, DER RGYAL BA DBEN SA PA CHEN PO NYID GDUL BYA MA RUNGS PA DE DAG SKRAG PAR BYA BA'I PHYIR STOD NAS ME 'BAR BA DANG, SMAD NAS CHU 'KHRUG PA SOGS RDZU 'PHRUL YA MA ZUNG STON PA DANG, KHRO BO'I

, ,DBANG PO'I SKUR BZHENGS TE 'DOD NA RI RAB KYANG THAL BAR RLOG PA SOGS MTHU STOBS DANG RDZU 'PHRUL DPAG MED STON NUS MOD KYANG GDUL BYA MA RUNGS PA DE DAG NYON MONGS PA'I GDON DRAG BOS ZIN PAS RE SHIG BCOS THABS MED DE, KHO BOS JI 'DRA BA'I RDZU 'PHRUL MNGON PAR 'DU BYAS KYANG GDON DRAG PAS BRLAMS PA'I NAD PA LA SMAN GYI RIGS GANG YANG MI 'PHROD PA LTAR SKAL PA MED PA'I SKYE BO 'DI DAG LA DON DU MI 'GYUR BAR MA ZAD, LOG PAR RTOG PA 'PHEL BAR 'GYUR RO SNYAM DU DGONGS NAS GTZANG LA PHEBS SO, ,DE'I CHE GRUB CHEN CHOS RDO RJE'I 'KHOR DU GRUB PA THOB PA'I SLOB MA BCU TZAM YOD PA'I NANG NAS ,RJE 'DI NYID SRAS KYI THU BOR DGONGS SNYAN RGYUD KYI BE'U BUM DANG, SPRUL PA'I GLEGS BAM PHYAG TU GTAD DE LHA DANG BLA MA'I TSOGS KYIS LHAN CIG TU CHOS KYI RGYAL TSAB TU DBANG BSKUR TO, ,DE LTAR RGYAL BA DBEN SA PA CHEN BO LA GRUB CHEN CHOS RDO RJES 'JAM MGON BLA MA'I MDO SNGAGS KYI SNYAN RGYUD MAN NGAG YONGS RDZOGS GNANG BA'I MTHAR SPRUL PA'I GLEGS BAM PHYAG TU GTAD DE SNYAN RGYUD BSTAN PA'I BDAG POR MNGA' GSOL BA'I TSUL LAS BRTZAMS TE, MKHAS GRUB SANGS RGYAS YE SHES KYIS BSTOD PA MDZAD PA NI, GRUB BA'I DBANG POS RANG GI 'KHOR RNAMS LA, ,SGRIB MED YE SHES SPYAN GYIS BRTAGS PA NA, ,KHYOD LAS MCHOG GZHAN MA GZIGS DBEN SA PA, ,BLO BZANG

DON GRUB ZHABS LA GSOL BA 'DEBS, ,ZHES DANG, DE NAS RANG GI CHOS KYI RGYAL TSAB TU, ,DBANG BSKUR SPRUL PA'I GLEGS BAM PHYAG TU BZHAG, CHOS KYI RGYAL SRID YONGS GTAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES DANG ,DE TSE BLA MA LHA DANG SRUNG MA'I TSOGS, ,DGONGS GCIG NYID KYIS LEGS PAR MNGA' GSOL BA, ,KHAMS GSUM CHOS KYI RGYAL PO DBEN SA PA, ,BLO BZANG DON GRUB ZHABS LA GSOL BA 'DEBS, ZHES GSUNGS SO, ,DE NAS RGYAL BA DBEN SA PA CHEN POS GRUB PA'I GNAS MCHOG PADMA CAN ZHES KYANG BYA PADMA 'OD KYI GZHAL YAS ZHES KYANG BYA BA'I GNAS DER DAG PA'I 'KHOR GYI TSOGS LA CHOS KYI 'KHOR LO DANG POR BSKOR ZHING, GZHAN YANG, GRUB PA'I GNAS DU MAR SKYE BO PHAL MO CHE LA LKOG TU GYUR PA'I TSUL GYIS SKAL BA DANG LDAN PA RNAMS LA CHOS KYI 'KHOR LO DU MA BSKOR BAS, GRUB PA'I GDUNG 'TSOB BRNYES PA'I SKYE BOS GANGS KHROD KYI DBEN PA MTHA' DAG KHYAB PAR RJE NYID KYI GSUNG LAS DON GYIS 'BYUNG NGO, ,RGYAL BA DBEN SA PA CHEN POS GRUB PA'I GNAS MCHOG TU DAG PA'I 'KHOR 'GA' ZHIG LA CHOS KYI 'KHOR LO THOG MAR BSKOR BA'I TSUL LA MKHAS GRUB SANGS RGYAS YE SHES KYIS BSTOD PA MDZAD PA NI, PADMA CAN DANG DE GZHAN GRUB PA'I GNAS, ,RNAMS SU ZAB RGYAS CHOS KYI CHAR PHAB NAS, ,KUN TU GRUB PAS KHYAB MDZAD DBEN SA PA, ,BLO BZANG DON GRUB ZHABS GSOL BA

, ,'DEBS, ,ZHES GSUNGS SO, ,DE DANG DE'I SKABS RNAMS SU YANG GANG DANG GANG DU ZHABS KYI 'KHOR LO BKOD PA'I SA PHYOGS DANG, DBEN PA'I GNAS DE DANG DE DAG GI MI BSRUN PA'I GZHI BDAG RNAMS DAM LA BTAGS TE, SROG GI SNYING PO BZHES NAS SLAN CHAD DGE BA'I BAR CHAD MI BGYID PA'I BKA' YANG DAG PAR STZAL, DE YANG PADMA CAN DU PHEBS PA'I LAM KHAR SDIG PA RVA CAN LUG THONG TZAM ZHiG BDAG NYID CHEN PO LA 'JIGS PA STON PA LTAR BYED PA NA, BDAG NYID CHEN POS JI MI SNYAM PAR TING NGE 'DZIN GYIS PHYAG RGYAS BCINGS TE PHEBS PAS CHO 'PHRUL RANG ZHING SONG ,PHYIS NI GZHI BDAG DES TSUL BZHIN 'PHRIN LAS BSGRUBS TE RJE 'DI BA 'TSO BA'I CHA RKYEN GYIS GTUGS NAS GNAS DE LAS 'BYON PAR BZHED PA NA RNA RO SOGS 'TSO BA'I YO BYAD SGRUB KHANG GI NYE LOGS SU YANG YANG 'JOG PAR BYED, DE'I TSUL RIG STE GNAS 'DIR RGYUN RING NA DGE SBYOR 'PHEL YANG SEMS CAN LA GNOD PAR DGONGS NAS PHEBS, PHYIS DBEN SAR BZHUGS PA'I TSE YANG, JO MO'I GZHI BDAG DES GSA'I RNAM PAR KUN GYIS MTHONG BAR BYAS TE RJE NYID MJAL PA LA BYUNG GSUNG NGO, ,TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, SKU GSUNG THUGS KYI RNAM PA SNA TSOGS PAS, ,ZHING SKYONG GZHI BDAG TSOGS RNAMS DAM LA BZHAG, ,'GRO LA PHAN BDE RGYAS MDZAD DBEN SA PA, ,BLO BZANG DON GRUB

ZHABS LA GSOL BA 'DEBS, ZHES GSUNGS SO, ,DE NAS RGYAL BA DBEN SA PA CHEN POS RI BO DGE 'PHEL DU THOG SHAS BZHUGS, DE'I DUS SU GANG SHAR BDE STONG DU SHAR BA'I RIG PA BRTUL ZHUGS KYI SPYOD PAS DUS 'DA' BAR MDZAD PAS, BLO MIG LDONGS PA'I SKYE BO PHAL MO CHES DBEN SA SMYON PA ZHES KYANG SGROG PAR BYED PA ZHIG BYUNG NGO, ,TSUL 'DI NI RGYAL BA DBEN SA PA CHEN PO NYID KYI GSUNG LAS KYANG, BLA MA LHA LA RTZE GCIG GSOL BTAB PAS, ,YID LA GANG DRAN 'PHRAL LA LAG LEN LA, ,'GEL BA SMYON PA 'DRA BA'I SPYOD PAS NI, ,SANGS RGYAS MYUR DU SGRUB PA BDAG GI LUGS, ,ZHES DANG, DE YANG 'DI LTAR, BLA MA DANG LHAG PA'I LHA LA GSOL BA RTZE GCIG TU BTAB NAS, DGE BA'I RNAM RTOG RNAMS LTA CI SMOS, YID LA SKYES SHING GANG DRAN PA'I 'DOD CHAGS SOGS MI DGE BA'I RNAM RTOG RNAMS KYANG BLA NA MED PA'I BYANG CHUB THOB PA'I RGYU DANG THABS SU BSGYUR NAS 'PHRAL LA DRAN PA 'PHRAL LA LAG LEN LA 'GEL BA'I NYAMS LEN LA BRTZON PAR BYAS PAS, DENG SANG GI MI PHAL CHE BA RNAMS KYIS BLTA BA DANG NYAN PA'I NGOR YID LA GANG DRAN LAG LEN LA 'GEL BA'I SMYON PA 'DRA BA'I SPYOD PA ZHIG NI YONG BAR 'DUG NA'ANG ,'GRO BA'I DON DU GO 'PHANG MCHOG DAM PA SANGS RGYAS MYUR BA MYUR BA NYID DU SGRUB PAR BYED PA'I CHOS LUGS MCHOG DAM PA 'DI NI BDAG BLO BZANG DON GRUB KYI LUGS SO, ,ZHES DANG ,BLA MA LHA LA RTZE GCIG GSOL BTAB NAS, ,GANG BYUNG RKYEN RNAMS

, ,PHAL CHER DGE SBYOR GYI, ,GROGS SU 'CHAR PHYIR SMYON SPYOD LA GNAS NAS, ,DBEN PAR GCIG PUR SDOD PA KHO BO'I LUGS, ,ZHES GSUNGS PA LTAR, RKYEN BZANG NGAN GANG BYUNG LA THOG BRDZIS SU BYAS NAS 'OG GNON PAR MDZAD DE BKA' LAS, YANG NA NI CHOS BRGYAD 'DI 'GO GNON NUS PA CIG DGOS PAR 'DUG ,YANG NA NI CHOS BRGYAD 'DI LAM DU 'KHYER NUS PA CIG DGOS PAR 'DUG ,DE LA YANG MA NOR BAR 'KHRID PA'I BSHES GNYEN ZHIG GIS ZIN DGOS PAR 'DUG GSUNG, DE DAG GI TSE RGYAL BA DPEN SA PA CHEN PO NYID BLA MA LHA'I RNAL 'BYOR LAM GYI SROG SHING DU BYAS TE MDO SNGAGS KYI GNAD THAMS CAD BSDUS PA'I LAM GYI SNYING PO THUGS NYAMS SU BSTAR BAR MDZAD PAR SNANG STE, GSUNG LAS, 'JAM DBYANGS BLA MA'I ZHABS LA PHYAG 'TSAL LO, ,DE LTA NA, LAM THUN MONG BA LA SBYANGS NAS RGYUD 'OS SU GYUR PA NA BLA MA MNYES PAR BYAS NAS RNAM PAR DAG PA'I DBANG LAM ZAB MO'I RTEN DU BSGRUB PAR NUS NGOS SHES PA BLANGS NAS DAM TSIG DANG SDOM PA BZUNG, DE NAS, SKABS DE DANG GZHAN DU BLANGS PA'I SDOM PA GSUM LA GCES SPRAS SU BYAS TE TSUL BZHIN DU BSRUNG BA GZHIR BZHAG NAS THUN BZHI'I RNAL 'BYOR GYIS RIM PA DANG PO BSNYOMS LA RDZOGS RIM GYI RTOGS PA KHYAD PAR CAN SKYE BA'I DGE BA'I RTZA PA SMIN PAR BYAS, DE NAS RDZOGS PA'I RIM PA KHYAD PAR CAN RIM GYIS BSKYED NAS ZUNG 'JUG GI SKU BSGRUBS NA MDO SDE DANG RGYUD SDE

MTHA' DAG GI GNAD RNAMS GANG ZAG GCIG 'TSANG RGYA PA'I CHA RKYEN DU GYUR PA LA NGES PA RNYED NAS, THUB PA'I BSTAN PA YONGS SU RDZOGS PA RANG GIS 'DZIN CING GZHAN LA SPEL NUS PA YIN NO, ,DHARM'A BADZRA GYI GSUNG RGYUN BLO BZANG GIS YI GER BKOD PA'O, ,ZHES GSUNGS TE, GZHAN DAG LA 'DI LTAR GYIS SHIG CES GO BAR MDZAD PA'O, ,YANG DE'I TSE PHYI RABS KYI GDUL BYA RNAMS LA 'DOMS PA'I PHYIR DGE SBYOR RGYEN DBANG DU MI GTANG BAR PHYOGS BCU'I RGYAL BA SRAS BCAS DPANG DU BZHAG STE MKHYEN PAR GSOL NAS LAM CHA TSANG LA SGRUB PA MTHAR PHYIN PAR MDZAD PA'I DAM BCA' 'DI LTAR MDZAD DE, NA MO GU RU BUDDHA BO DHI SATVA BHYA: GANG ZHIG CUNG ZAD YID LA DRAN PAS KYANG, ,DNGOS GRUB THAMS CAD DA LTA STZOL MDZAD PA'I, ,BLO BZANG GRAGS DANG THUB DBANG SPYAN RAS GZIGS, ,'KHOR BCAS RNAMS KYI 'DRA 'BAG DRUNG NYID DU, ,'KHOR BA'I SNANG TSUL RAB TU MTHONG NAS NI, ,TSE 'DI NYID LA SANGS RGYAS SGRUB 'DOD PA'I, ,BLO BZANG DON GRUB CES PA'I BTZUN PA NGAS, ,DGE 'PHEL RI BO'I RTZE NAS 'DI SKAD ZHU, ,SNGA SOR KHYED RNAMS DRUNG DU BDAG GI SU, ,TSE 'DIR GLO BUR BYA BA NGAN PA RNAMS, ,SPANGS TE SNYING NAS DAM CHOS SGRUB BYED PA'I, ,YID KYI DAM BCA' MANG PO BLANGS NA YANG, ,TSE 'DI'I 'KHRI BA PHRA MO MA CHOD PAS, ,YID DAM BCAS PA RNAMS LAS CUNG ZAD TZAM, ,'GAL BAR GYUR RNAMS BSHAGS PAS BZOD PAR MDZOD, ,SLAR YANG KHYED RNAMS DGYES PA BSKYED PHYIR DU,,

, ,TSOGS GNYIS BSAGS PA'I DGE SLONG BLO BZANG BDAG ,DGA' BDE LDAN PA'I NGANG NAS 'DI SKAD DU, ,NGO MTSAR LEGS BYED GTAM 'DI 'BUL BAR BYA, ,NGA NI LOG BA'I LAM DU 'KHRID PA'I RGYU, ,GNYEN DANG 'KHOR G-YOG GROGS DANG LONGS SPYOD DANG, ,TSE 'DIR DON MED BYA BA NGAN PA RNAMS, ,SPANGS NAS CHAGS SPANG MED PA'I DBEN GNAS SU, ,THAMS CAD MKHYEN PA'I LAM DU 'KHRID PA'I RGYU, ,GNYEN DANG 'KHOR G-YOG GROGS DANG LONGS SPYOD DANG, ,BCAS TE GTAN GYI MDUN MA BSGRUB PHYIR DU, ,CHOS KYI BYA BAS RGYUN DU 'DA' LAGS SO, ,ZHES DAM BCA' MDZAD DO, ,YANG DUS LAN CIG GI TSE RANG GIS RANG LA BSKUL BA 'DI LTAR MDZAD DE, SANGS RGYAS LAS KYANG DKON PA'I GDAMS PA MCHOG ,RNYED PAR DKA' BA RDO RJE THEG PA'I LAM, ,LAM 'DI PHYIS NAS RNYED PAR DKA' BAS NA, ,TSE 'DI'I 'DOD YON THED LA BOR MDZOD LA, ,RGYAL BAS BSNGAGS PA'I RI KHROD STONG BA RU, ,BSE RU BZHIN DU GCIG PUR GNAS MDZOD LA, ,LAN CIG MIN PAR YANG YANG SGOMS SHIG AANG, ,DE LTAR BSGOMS PAS BLO GROS BZANG PO KHYOD, ,SGRUB PA'I RGYAL MTSAN RTAG TU TSUGS SHIG AANG, ,KHYAD PAR PHA RGYUD GSANG BA 'DUS PA DANG, , RNAL 'BYOR MA RGYUD 'KHOR LO SDOM PA GNYIS, ,'BRAL BA MED BAR LUS LA STIMS SHIG AANG, ,ZHES PA'ANG GSUNGS SO, ,GNAS DER STON GYI RING LA BLA MA MGON PO'I SGRUB PA ZHIG MDZAD NAS, SKU KHAMS SENG BA'I PHYIR

GZIM KHANG GI STENG DU PHEBS PA NA, STON GYI MDZES MA LANG TSO DAR LA BAB PAS PHYOGS THAMS CAD MI GTZANG BA'I RDUL DANG BRAL TE DRI ZHIM POS BSGOS PA'I BSIR BU BSIL BA'I NGAD NI DAL BUS LDANG, YUL LJONGS PHAL CHER NI GSER GYI KHU BA DANG 'DRES PA'I RIN PO CHE MAR GAD KYI MDANGS NYE BAR 'DZIN, NAM MKHA'I DKYIL 'KHOR NI 'GA' ZHIG SPRIN GYI BLA BRES G-YOGS SHING PHAL CHER BEEd'URYA LTAR RAB TU DVANGS, KHYAD PAR PA SNAM JO MO LHA RI'I PHYOGS KYI STENG GI NAM MKHAR SPRIN DANG NA BUN CHU YI LCID KYIS LHAG PAR NON PA DNGUL CHU'I MDOG LTA BU ZHIG LDING ZHING, RI BO'I RTZE MOR CUNG ZAD CHAGS PA GZIGS PAS RKYEN BYAS TE, BYA BRAL THAMS CAD MKHYEN PA DHARM'A BADZRA DE NYID DUS DAL JO MO LHA RI'I GNAS NA SKU 'JA' LUS RDO RJE'I SKU BRNYES SHING, THUGS ZAB YANGS BDE STONG GI ROL PA LAS G-YEL BA MED PAR, GSUNG RIM GNYIS ZAB MO'I SGRA DBYANGS SGROGS BZHIN PAR, SPYIR GANGS CAN GYI 'GRO BA MTHA' DAG GI DPAL DU BZHUGS, KHYAD PAR BDAG NYID RJE RGYAL BA GNYIS PA'I BKA' RGYUD ZAB MO'I DON CI DGAR NYAMS SU BLANGS PAS CHOG CING CHOS LA BLO KHA PHYOGS NAS NYAMS LEN GYI GNAD LA NGES PA CUNG ZAD THOB PA 'DI YANG RJE BTZUN DAM PA 'DI'I BKA' DRIN YIN SNYAM DU DAD PA TSAD MED 'KHRUNGS TE MGUR 'DI GSUNGS SO, ,NA MO GU RU MAH'A K'A L'A YA, RJE SPYI GTZUG SENG GE'I KHRI STANGS SU, ,GDAN NYI ZLA PADMA'I DBUS BZHUGS LA, ,THUGS BRTZE BA CHEN POS

, ,NYER DGONGS NAS, ,MCHOG THUN MONG DNGOS GRUB STZAL DU GSOL, ,'BRU RTZI THOG RGYAS PA STON GYI DUS, ,DGUNG BEEd'URYA LTAR DVANGS PA'I 'O GA ,RLANGS NA BUN DNGUL GYI MDOG 'DRA BA, ,'DI MTHONG BA'I MOD LA BLA MA DRAN, ,LUS NYI KHRI CHIG STONG BA SPU G-YOS, ,MIG BKA' DRIN DRAN PA'I MCHI MAS BRLAN, ,NGAG SKAD GSANG MTHON POS GSOL BA 'DEBS, ,BDAG LUS NGAG YID GSUM BYIN GYIS RLOBS, ,MTSAN DRAN THOS 'GAL RKYEN SEL BA LA, ,DPAL MGON PO MCHOG DANG DBYER MED PA'I, ,DUS DA LTA MTSAN LDAN BLA MA DE, ,LHA JO MO LHA RI'I GNAS MCHOG NA, ,SKU 'JA' LUS RDO RJE 'DZIN PA'I TSUL, ,GSUNG RIM GNYIS ZAB MO'I DGA' STON 'GYED, ,THUGS ZAB YANGS BDE BA CHEN PO'I NGANG, ,SPYIR GANGS CAN SKYE 'GRO'I DPAL DU SHAR, ,SGOS SNYOMS LAS CAN GYI BLO BZANG BDAG, CHOS MDO RGYUD ZAB MO KUN GYI DON, ,RANG CI DGAR SPYAD PAS CHOG PA 'DI, ,RJE KHYED KYI BKA' DRIN CHE LAS THOB, ,NGA'I GSUM LDAN BLA MA 'GRAN ZLA MED, ,YID BKA' DRIN DRAN PAS GSOL BA 'DEBS, ,TSE 'DI LA RIM GNYIS RNAL 'BYOR GYIS, ,RGYUD SMIN CING GROL BAR BYIN GYIS RLOBS, ZHES GSUNGS SO, ,DE NAS YE SHES KYI MKHA' 'GRO MAS SANG NYIN GRUB CHEN DPAL 'BRAS RDO RJE'I SKYE BA PAndI TA ZHIG DANG 'PHRAD PA YONG PAS DE LA MAN NGAG RNAMS MA GSANG BAR STON ZHES LUNG BSTAN PA BZHIN BKRA SHIS LHUN

BOR KUN MKHYEN LEGS PA DON GRUB DANG ZHAL 'DZOM, PHAN TSUN DU LUNG RTOGS KYI YON TAN KHYAD PAR CAN MNGA' BA'I STOBS KYIS THUGS YID GCUGS PAR GYUR, KUN MKHYEN CHEN POS BSKUL NAS GSANG 'DUS DANG 'JIGS BYED KYI KHRID LAG RJES KYI RTZOM PA YANG MDZAD, 'PHRIN LAS CHE BA YONG BAS SBYAR BYANG KUN MKHYEN GYIS MDZOD GSUNGS MDZAD DO, ,DE DUS PHYI LTAR KUN MKHYEN GYIS MDZAD PAR GRAGS KYANG NANG LTAR RJE 'DI NYID KYIS MDZAD PA YIN, DENG SANG NI DPEN SA BKA' 'BUM GYI NANG NYID DU BZHUGS PA YONGS SU GRAGS PA LTAR RO, ,DE'I DUS GZIM KHANG SER POR, GDOD NAS DAG PA'I CHOS DBYINGS NAM MKHA' LA, ,SNA TSOGS RTEN 'BREL SPRIN PHUNG CI YANG BKRA, ,RNAM DAG RIGS PA'I RLUNG GIS DPYAD PA NA, ,SLAR YANG KUN GSAL NYID DU THIM PAR 'GYUR, ,ZHES SOGS LTA BA'I MGUR YANG MANG DU BZHES SO, ,MDOR NA RGYAL BA DBEN SA PA CHEN PO DANG KUN MKHYEN LEGS PA DON GRUB GNYIS THUGS YID GCIG TU 'DRES PA LTAR GYUR TE, TSUL DE LA MKHAS GRUB SANGS RGYAS YE SHES KYIS BSTOD PA MDZAD PA LAS, LUNG BSTAN BRNYES PA MKHAS PA'I DBANG PO DANG, ,THABS SHES ZUNG DU 'BREL BA'I RTEN 'BREL GYIS, ,BSTAN PA'I SNYING PO GSAL MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSANGS PA LTAR RO, ,DE'I TSE RGYAL BA DBEN SA PA CHEN POS YE SHES MKHA' 'GROS LUNG BSTAN PA LTAR, RJE RIN PO CHE LA MGON PO 'JAM DPAL

, ,DBYANGS KYIS GNANG BA'I SNYAN RGYUD KYI MAN NGAG THUN MONG MA YIN PA RNAMS DANG SPRUL PA'I GLEGS BAM CHEN MO LAS SKABS SU BAB PA 'GA' ZHIG KUN MKHYEN LEGS PA DON GRUB LA GNANG STE, DENG SANG DBEN SA BKA' 'BUM NA BZHUGS PA'I LUNG BSTAN GSANG BA'I ME LONG GI DUM BU YI GER 'KHOD PA 'DI DAG KYANG DE DUS KUN MKHYEN LEGS PA DON GRUB LA GNANG BA DANG RJES SU MKHAS GRUB SANGS RGYAS YE SHES LA GNANG BA DAG LAS MCHED PAR MNGON NO, ,DE NAS DGUNG LO SO GSUM LA BAB PA DGUN ZLA RA BA'I TSES BRGYAD LA, DPAL LDAN 'BRAS SPUNGS KYI CHOS GRVA CHEN POR 'BROM STON RGYAL BA'I 'BYUNG GNAS SLAR YANG BYON PA THAMS CAD MKHYEN PA DGE 'DUN RGYA MTSOS MKHAN PO DANG, 'DUL BA'I SLOB DPON LHA DBANG RIN CHEN PAS LAS SLOB DANG, 'BRAS SPUNGS BYANG 'DREN CHEN MOS GSANG STON MDZAD DE, DAD PA'I DGE 'DUN GRANGS TSANG BA LAS BSNYEN RDZOGS KYI SDOM PA BZHES TE SO SOR THAR PA'I DBANG DU BYAS PA'I LHAG PA TSUL KHRIMS KYI BSLAB PA LHA'I CHU BOS THUGS KYI BUM BZANG YONGS SU GANG, DE NAS BZUNG STA RANG BZHIN GYI NYES PAS GOS PA GA LA ZHIG ,BCAS PA'I CHA SHAS PHRA MO TZAM YANG SROG GI DBANG PO LAS GCES PAR BSRUNG BAR MDZAD DO, ,DE YANG GANGS RI'I KHROD KYI GRUB THOB TU GRAGS PA PHAL MO CHE RJES 'BRANG DANG BCAS PA NI RAB TU BYUNG BA'I RTAGS DANG CHA BYAD CHOS GOS GSUM SOGS 'CHANG BA DANG, CHANG DANG PHYI DRO'I KHA ZAS

SPANGS TE CHAB LEN PA DANG, RUNG CHU 'DEBS PA DANG, BYIN LEN BYED PA SOGS RGYAL BAS JI LTAR BCAS PA RNAMS TSUL BZHIN DU BSGRUB PA DAG MTHONG BA NA, TSAM TSOM MED PAR THEG PA DMAN PA'I NYAN THOS DBANG RTUL LO, ,ZHES LUG LTAR RMONGS PA'I KHYU CHEN PO'I DBUS SU SKAD GSANG MTHON POS SGROG PAR BYED CING, LAS NGAN PA'I MTHUS BCOM ZHING NYON MONGS PA'I GDON GYI DBANG DU SONG BA GZHAN NGAG NI ZHE SDANG GI SREG ZAS YID KYI BUD SHING KUN TU 'BAR BAR BYAS TE, DGE 'DUN GYI SDE RIS SU BCAD NAS YANG DAG PA MA YIN PA'I CA CO RGYUN MAR BSGRAGS NAS, RANG NYID DE BZHIN GSHEGS PAS GSUNGS PA'I CHOS 'DUL BA'I SPYOD TSUL LAS BSAMS BZHIN DU BRGAL BA LA DPA' BAR BYAS TE BLA NA MED PA'I LAM MTHON PO LA REG PAR SEM ZHING, SKYE BO PHAL CHER YANG DE LTA BU'I SPYOD TSUL LA MGU MOD, BDAG NYID CHEN PO 'DI NI GRUB PA'I GO 'PHANG MTHON POR GSHEGS KYANG BSTAN PA'I RTZA BA SO SO THAR PA NYID RGYAL BAS GSUNG DBYANGS MTHON POS MDO RGYUD DU MAR RGYA CHER BSNGAGS SHING MKHAS GRUB TSAD LDAN RNAMS KYIS KYANG DGONGS PA GCIG DANG DBYANGS GCIG GIS BSNGAGS PA THUGS LA BCAGS TE, JI SRID 'CHO'I BAR DU LTUNG BA PHRA MO'I RNYOG PAS KYANG GOS PA MED PAR BSRUNG BAR MDZAD DO, ,DE NAS RGYAL BA DBEN SA PA CHEN POS LHA SAR PHEBS TE JO BO RNAM GNYIS KYI DRUNG DU BSTAN PA DANG 'GRO BA'I PHAN BDE RGYAS PA'I SMON LAM YANG DAG PAR MDZAD, KA BA SHING LO CAN NAS BKA' CHEMS

, ,BKA' KHOL MA DE BTON NAS GZIGS GRABS SHIG MDZAD, 'ON KYANG DGOS PA LHAG PO MI 'DUG PAS BZHAG GSUNG, DE NAS NUB GCIG MNAL LAM DU 'DUL 'DZIN SH'AKYA BSHES GNYEN YIN ZER BA'I RNAL 'BYOR PA SMUG NAG DOM LPAGS KYI SHAM THABS CAN ZHIG GIS, 'JAM DBYANGS ME TOG GSAL BAR BYE BA GSUM GTAD NAS, NYID KYI DON LEGS PAR GRUB PAS GTZANG LA SONGS ZER NAS MI SNANG BAR GYUR TO, ,NANGS PAR DGE LDAN RA SGRENG SOGS MJAL BAR CHAS PA LAM LAM BAR DU BSNYEL GZHI SHIN TU DRAG PA CIG BYUNG BAS, MDANG GI RMI LAM DANG MTHUN PAR DA RES MA PHYIN PA LEGS BAR 'DUG SNYAM STE LDOG PAR BRTZAMS PA NAS SKU KHAMS RANG DNGAS BYUNG NGO, ,DE NAS SE RA THEG CHEN GLING DU PHEBS TE THAMS CAD MKHYEN PA DGE 'DUN RGYA MTSO'I DRUNG DU GRUB RGYAL LUGS KYI TSE KHRID DANG, CHE DBANG, SO THAR GYI MDO DANG CHOS SGRAGS KYI MDO, THAMS CAD MKHYEN PA RANG NYID KYI GSUNG 'BUM THOR BU'I LUNG TSANG MA GSAN SLAR GTZANG PHYOGS SU ZHABS KYI 'KHOR LO BKOD DE, DGE 'PHEL MKHAN PO LEGS PA'I BLO GROS PA LA SMYUNG GNAS KYI CHO GA'I LUNG, YI DAM GYI SNGAGS BTU'I RJES GNANG, BLA MA MGON PO DBYER MED KYI RJES GNANG, SMAN BLA'I LUNG SOGS CHOS BKA' CI RIGS PA GSAN NO, ,GZHAN YANG ,DE DAG GI SKABS SHIG TU GSER SDINGS SU PHEBS, PAn CHEN BYANG CHUB BLO GROS LA DPAL GSANG BA

'DUS PA'I RTZA RGYUD SGRON GSAL CHA LAG DANG BCAS PA SOGS 'DUS PA 'PHAGS PA'I SKOR GYI GDAMS PA CHA LAG DANG BCAS PA RDZOGS PAR GSAN NO, ,DE DUS GNAS RNYING YOL DU MNGA' RIS LO CHEN RNAM RGYAL BA LA SBA BZHI'I GDAMS PA DANG BDE MCHOG GDAN BZHI LA SOGS PA MA RGYUD LA BRTEN PA'I ZAB MO'I GDAMS PA MTHA' YAS PA GSAN CING, BLA MA 'DI KHA CHE KHRI GDAN DU SLOB DPON RDO RJE DRIL BU PA'I DNGOS SLOB MCHOG GI DNGOS GRUB BRNYES PA ZHIG DANG MJAL NAS RJES SU BZUNG ZHING; KHYAD PAR RGYAL BA TZONG KHA PA'I ZHAL MNGON DU GYUR NAS GDAMS PA MTHA' YAS PA THOB PA'I RNAL 'BYOR GYI DBANG PHYUG ZHIG GO ,GZHAN YANG DGOS PA KHYAD PAR CAN LA DGONGS NAS MKHAS BA DANG GRUB PA'I BLA MA DU MA ZHIG LAS KYANG ZAB PA DANG RGYA CHE BA'I GDAMS PA SNA TSOGS PA GSAN PAS LUNG GI BSTAN PA MTHA' DAG GI BDAG POR GYUR TO, ,DE LTAR RGYAL BA DBEN SA PA CHEN PO SBYIR BSTAN PA YONGS RDZOGS KYI BDAG POR GYUR CING, KHYAD PAR RJE BTZUN 'JAM DBYANGS KYIS RGYAL BA TZONG KHA PA CHEN PO LA DNGOS SU GNANG BA'I SNYAN RGYUD KYI MAN NGAG YONGS SU RDZOGS PA'I MDA' BDAG GCIG PUR GYUR PA NI RANG NYID KYIS KYANG ZHAL GYIS BZHES TE, RGYAL BA DBEN SA PA CHEN PO NYID KYIS GSUNG LAS, 'JAM PA'I DBYANGS KYI SRAS KYI THU BO MCHOG ,BLO BZANG GRAGS PA ZHES PA'I BLA MA DE'I, ,GSUNG GI SNYING PO SNYAN RGYUD 'DZIN PA NI, ,DENG SANG DUS NA KHO BO TZAM DU BAS, ,ZHES GSUNGS PA LTAR RO, ,MDOR NA DGUNG LO BCU BDUN NAS BZHI BCU ZHE GNYIS KYI BAR DU,

, ,BRAG RGYA RDO RJE'I PHO BRANG, DBEN SMAR STAG GZIG GLAN CHEN, KO BRAG ,KHYAD PAR PA SNAM JO MO LHA RI LA SOGS PA'I RI KHROD RNAMS SU SGRUB PA SNYING POR MDZAD DE, CHOS RJE NGAG DBANG GRAGS PA LA GNANG BA'I BKA' SHOG TU, BDAG KYANG ZLA RE ZLA GNYIS MA SHIN, SKYE BA 'DI'I PHYI MA'I MDUN MA ZHIG DANG, LO RE LO GNYIS MA SHI NA SKYE BA GTAN GYI MDUN MA ZHIG RKANG TSUGS SU BYED DGOS SNYAM PA'I BSAM PAS, RANG LO BCU BDUN NAS BZUNG DA BAR THEG PA MCHOG GI BRTUL ZHUGS LA GNAS PA'I RGYA BOD KYI MKHAS GRUB PHAL CHE BA RNAMS KYI GSUNG GI SNYING PO DON GYI GDAMS PA CIG NYAMS SU LEN PA'I DRAN 'DUN DANG MA BRAL BA YOD LAGS ZHES 'BYUNG ZHING, DE LTAR SGRUB PA YUN RING LA SHUGS DRAG POS GO 'PHANG JI LTA BU BRNYES PA YANG, NYID KYI GSUNG LAS, GANGS CAN LJONGS KYI SKAL LDAN MCHOG ,BLO BZANG DON GRUB CES PAS KYANG, ,LAM MCHOG 'DI NYID NYAMS BLANGS PAS, ,TSE 'DI NYID LA SANGS RGYAS THOB, ,CES GSUNGS TE, BSAM GYIS MI KHYAB PA'I RNAM THAR RO, ,DE NAS SKU TSE JI SRID PAR SKYE BO PHAL MO CHES MTHONG BA DANG THOS PA'I YUL LAS 'DAS PA DBEN PA NAS DBEN PA'I GNAS CHEN DAG TU RGYU ZHING GNAS PAR BYA'O SNYAM DU DGONGS PA LAS, DUS RE ZHIG GI TSE DBEN PAR THUGS DAM LA MNYAM PAR BZHAG PA'I THO RANGS ZHIG ZIL DANG 'UR CHOM SHIN TU CHE BA'I NGANG NAS SKU RGYAB KYI MGON PO'I BRIS SKU DES GSUNGS SNYAM PA LA,

NYI SHU RTZA BZHI'I MKHA' 'GRO'I GTZO, ,DPA' BO CHEN PO 'DIR BZHUGS LA, ,CHU SKYES KHONG PA'I PAD DKAR BZHIN, ,SBAS PA'I TSUL GYIS BYIN GYIS RLOBS, ,ZER BA ZHIG BYUNG GSUNGS, DE LTA BU'A MGON PO'I BRIS SKU BYIN RLABS CAN DE YANG DBEN DGON GYI MGON KHANG NA BZHUGS SO, ,DE LTAR LHA DANG BLA MAS LUNG BSTAN BA LA BRTEN NAS DBUS RI'I RTZER DBEN DGON BTAB NAS, MDO KHAMS, MNGA' RIS, DBUS GTZANG SO SO NAS DAD 'DUS KYI SKAL BA DANG LDAN PA'I GDUL BYA'I TSOGS RNAMS LA ZAB PA DANG RGYA CHE BA'I CHOS KYI 'KHOR LO BSKOR BAR MDZAD DO, ,DE'I TSE YANG GDUL BYA'I TSOGS RNAMS KYIS DAD PAS KUN NAS BSLANGS PA'I MCHOD PA DANG ZANG ZHING GI BSNYEN BKUR GYI TSOGS RGYANG RING BO DAG NAS KYANG DAM PA 'DI'I DRUNG DU NYE BAR LHAGS SHING SPYAN LAM DU BABS PA DAG KYANG BDAG GIR YONGS SU BZUNG BA GCIG KYANG MA MDZAD PAR GRAGS TE, NYID KYI GSUNG LAS, SNGON DUS KYI MI LA RAS PA DANG, ,DA DUS KYI BLO BZANG DON GRUB LA, ,'PHRAL CHAS KYI ZAS GOS MA GTOGS PA, ,NOR DNGOS PO'I 'DZIN PAS DGOS PA MED, ,TSE GCIG LA SANGS RGYAS BSGRUB PA LA, ,DE 'DRA YI SBYOD LA LEGS GNAS NAS, ,CHAGS SDANG SPANGS PA'I DBEN GNAS SU, ,DAL 'BYOR LA SNYING PO LEN PAR SHOG ,CES GSUNGS PA LTAR RO, ,DE LTAR RGYAL BA DBEN SA PA CHEN POS RNAL 'BYOR GYI DBANG PHYUG MI LA RAS PA SLAR YANG 'JAM MGON BLA MA'I BSTAN PA SPEL BA'I PHYIR SKRA BCAD DUR SMIG GI NA BZA' GSOL BA SOGS RAB

, ,TU BYUNG BA'I RTAGS CHA LUGS BZUNG STE BYON PA JI LTA BAR CHOS BRGYAD TSE 'DI'I 'KHRI BA PHRA MO TZAM YANG MED PAR, GSANG BA 'DUS PA'I RTZA RGYUD LAS, DGON PA CHEN PO'I SA PHYOGS SU, ,ME TOG 'BRAS BU SOGS KYIS BRGYAN, RI BO DBEN PA'I SA PHYOGS SU, ,DNGOS GRUB THAMS CAD BSDUS PA BSGRUB, ,CES GSUNGS PA LTAR, SNGON BYON DAM PA'I BSTI GNAS 'DU 'DZIS DBEN PA'I GRUB PA'I GNAS MCHOG DAG TU MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA MTHAR PHYIN PAR MDZAD DE, LAM THUN MONG BA'I DES 'BYUNG, BYANG CHUB KYI SEMS ,YANG DAG PA'I LTA BA RNAMS LA MYONG BA MTHAR PHYIN TE RGYAL SRAS KYI SPYOD BA RGYA MTSO'I PHA ROL TU SON, SNGAGS KYI DAM TSIG DANG SDOM PA RNAM PAR DAG PA BSRUNGS TE LAM RIM GNYIS LA BSLABS PAS RIM PA DANG PO'I RNAL 'BYOR MTHAR PHYIN TE GANG SHAR LHA'I RNAM ROL TU 'CHAR ZHING, ZAB GSAL GNYIS MED KYI RNAL 'BYOR MTHAR PHYIN TE RANG DANG GZHAN GYI TSE RABS BRGYA STONG DRAN TE RANG GI SKU TSE SNGA MA'I 'KHRUNGS RABS DAG PA'I 'KHOR LA GSUNGS PA NI, GAD GIS KHYOD KYI MTSAN TZAM DRAN PAS KYANG, ,'DI PHYI'I LEGS TSOGS THAMS CAD CIG CAR DU, ,STER MDZAD BLA MA THUB PA'I DBANG PO LA, ,RTAG TU GUS PA'I YID KYIS PHYAG 'TSAL LO, ,BDAG CAG THAR LAM BGROD PA'I GCOR GYUR PA, ,THAG CHEN BSTAN PA 'DZIN PA'I NYAN THOS SU, ,LEGS GYUR THUB PA CHEN

PO'I NYAN THOS KYI, ,RTOGS PA'I MCHOG TU GYUR PA YIN SNYAM YOD, ,DE NAS DA BAR BYANG CHUB SPYOD PA YI, ,DAL 'BYOR RTEN BZANG LEGS BAR THOB GYUR NAS, ,NGAN SONG GSUM SOGS SDUG BSNGAL RAB SPANGS NAS, ,LTA SPYOD LDAN PA'I NGAL 'BYOR THOB BAM SNYAM, BDAG GI LUS NGAG YID GSUM 'DI DAG NI, ,RGYAL BA THAMS CAD 'DUS PA'I SKU YI MCHOG ,THUB DBANG RDO RJE 'CHANG DU LEGS MTHONG NAS, ,DAD PA'I SPU LONG LEGS PAR G-YOS GYUR CING, ,NYIN MTSAN KUN TU GSOL BA 'DEBS PA DANG, SHUGS DRAG DAD PAS YAN LAG BDUN PAR NI, ,JI SRID BYANG CHUB BAR DU BRTZON PAR SHOG ,'DI YI DGE BAS BDAG GZHAN 'GRO BA KUN, ,'OG MIN MKHA' SPYOD DGA' LDAN BDE BA CAN, ,MNGON DGA' LA SOGS DAG PA'I ZHING KHAMS SU, ,MYUR BA MYUR BAR LEGS PAR SKYE BAR SHOG, BDAG LA LEGS PAR DAD PA'I SKYES BU RNAMS, ,CHO YI MTHAR YANG RGYAL BA 'OD DPAG MED, ,'KHOR DANG BCAS PA MTHONG NAS DE MA THAG, BU BU BDE BA CAN DU 'GRO'O ZHES, ,MTHAR THUG GSUNG GI GNANG BA THOB PAR SHOG ,SANGS RGYAS KUN GYIS GSUNGS BA'I THEG PA MCHOG ,HE RU KA BA LA SOGS YI DAM LHA'I, ,RIM GNYIS CHA LAG BCAS PA'I RTOGS PA RNAMS, ,TSE 'DI NYID LA MNGON DU RAB GYUR NAS, ,'GRO KUN BDE CHEN GNAS LA 'GOD BAR SHOG ,THUB DBANG RDO RJE 'CHANG DANG TZONG KHA PA, ,YID LA GANG 'DOD DNGOS GRUB MA LUS PA, ,STZOL MDZAD RTZA BRGYUD BLA MA'I TSOGS RNAMS DANG, ,PHYAG DRUG

, ,MGON PO LA SOGS BSTAN SRUNGS KYIS, ,'DI PHYI'I LEGS TSOGS THAMS CAD CIG CAR DU, ,LEGS PAR 'GRUB PAR BYED PA'I BKRA SHIS SHOG ,CES GSAL BAR GSUNGS, RDZU 'PHRUL LA MNGA' BRNYES TE SA RDO RI BRAG LA THOGS PA MED BA DANG NAM MKHA' LA 'PHUR BA SOGS KYI RDZU 'PHRUL BSTAN PA 'GA' ZHIG NI SNGAR BRJOD ZIN PA LTAR RO, ,BDE GSANG 'JIGS GSUM GYI RDZOGS RIM DANG, BLA MED KYI RDZOGS RIM MTHA' DAG GI GNAD BSDUS PA N'A RO CHOS DRUG GI NYAMS LEN MTHAR PHYIN TE 'KHOR LO GSUM GYI RTZA MDUD GROL NAS RGYAL BA'I BKA' RNAMS SAm SKRi TA'I SKAD DU 'DON PA SOGS LA THOGS PA MED PA SNGAR BRJOD ZIN PA LTAR DANG, GTZO BOR SEMS DBEN DANG SGYU LUS 'OD GSAL GYI RIM PA RNAMS MTHAR SON TE ZUNG 'JUG GI GO 'PHANG BRNYES PA NI 'JAM MGON SNYAN RGYUD 'DZIN PA'I SKYES BU DAM PA GONG MA RNAMS LA YONGS SU GRAGS TE, SKU GSUM GO 'PHANG MNGON GYUR DBEN SA BA, ,ZHES 'JAM MGON BSTAN PA 'DZIN PA'I SKYES BU DAM PA THAMS CAD MTHUN PAR SGROGS PA LTAR RO, ,DE LTAR RANG GIS RTOGS BA MCHOG BRNYES NAS SKAL BA DANG LDAN BA MTHA' YAS BA LA CHOS KYI BDUD RTZI STZAL BAS NA RGYUD 'DZIN GYI SLOB MA YANG MTHA' YAS PAS MTHA' DAG BAR SU ZHIG GIS BRJOD PAR NUS, GTZO BO 'GA' ZHIG BRJOD NA YE SHES MKHA' 'GROS LUNG BSTAN PA'I SKYE BA BDUN PA GRUB PA'I SKYES BU KUN MKHYEN LEGS PA DON GRUB LA'ANG RNAL

'BYOR BLA MED KYI KHRID LAG RJES THUN MONG MA YIN PA'I GDAMS PA MA LUS PA STZAL, BYANG STON SMRA BA'I DBANG PO BSAM GTAN 'OD ZER, ,KUN MKHYEN SHES RAB DPAL BA'I GDAN SA PA MDO BRJOD RJE BLO GROS RNAM RGYAL PA, CHOS RJE DGE LEGS RNAM RGYAL BA, ZHAL SNGA NAS SANGS RGYAS RGYAL MTSAN PA, CHOS RJE NGAG DBANG GRAGS PA SKU MCHED, KONG STON CHOS RJE 'JAM DBYANGS RGYAL PO, THON PA ZHAL SNGA NAS BKRA SHIS RGYAL MTSAN, CHOS RJE LHO PA BLO GROS RNAM RGYAL, BSAM GTAN PA CHEN PO RJE DBON LEGS TSOGS LHUN GRUB, MKHAN CHEN NOR BZANG RGYA MTSO, RGYUD SDE 'DZIN PA ZHAL SNGA NAS RNAM RGYAL DPAL BZANG, PAn CHEN BSAM GRUB DPAL BZANG, BSTAN PA'I MNGA' BDAG PAn CHEN DAM CHOS YAR 'PHEL, 'JAM DBYANGS BLA MA DGE 'DUN BLO BZANG, 'JAM DBYANGS SH'INTA PA CHEN PO, RJE BLO BZANG RGYA MTSO, MNGA' RIS SLOB DPON DGE 'DUN RGYAL MTSAN, THOS BSAM GLING BA RIN CHEN DPAL 'BYOR RGYA MTSO, GANGS CAN MKHAN PO PAn CHEN RIGS PA SENG GE LA SOGS BA BSTAN 'DZIN BGRANG PA LAS 'DAS PA BYON ZHING, MDOR NA DBUS GTZANG GI SDE SNOD 'DZIN PA DANG, RIS MED PA'I BAN SKYA'I TSOGS MTHA' YAS PA LA ZAB PA DANG RGYA CHE BA'I DAM PA'I CHOS KYI BKA' DRIN GYIS KHYAB PAR MDZAD DO, ,SNYAN RGYUD BSTAN PA'I BDAG PO RANG GI SRAS KYI THU BO RGYAL TSAB TU DBANG BSKUR BA NI MKHAS GRUB CHEN PO SANGS RGYAS YE SHES SO, ,RGYAL BA

, ,DBEN SA PA CHEN PO 'DIS PHYI RABS KYI GDUL BYA RNAMS KYI DON DU BYANG CHUB LAM GYI RIM PA'I KHRID YIG DNGOS GRUB KUN 'BYUNG, BLA MA LA GSOL BA 'DEBS BA'I RIM PAR PHYE BA DNGOS GRUB KUN 'BYUNG, SNYING PO'I GNAD THOR BU'I RIM PAR PHYE BA DNGOS GRUB KUN 'BYUNG, BYANG CHUB LAM GYI RIM PA'I SNYING PO GSOL 'DEBS TSIGS BCAD DU SDEBS PA DNGOS GRUB KUN 'BYUNG, RANG LA GDAMS PA BDE CHEN GTER MDZOD SOGS THOR BU'I SKOR, RJE RANG NYID THUGS BSKYED TSUL DANG, SDOM GSUM RIM GYIS BZHES TSUL, RGYAL BA SRAS BCAS LA ZHU YIG, DGE LDAN RNAL 'BYOR PHO MO NAMS KYI BCA' KHRIMS KYI YI GE DNGOS GRUB KUN 'BYUNG, RGYAL BA BLO BZANG GRAGS PA'I SGRUB THABS KYI RIM PAR PHYE BA DNGOS GRUB KUN 'BYUNG, RJE BLA MA LA BRTEN PA'I MTSON BSRUNG, BLA MA LHA'I RNAL 'BYOR TSIGS BCAD DNGOS GRUB KUN 'BYUNG, BLA MA RGYUD SDE BZHI'I RNAL 'BYOR GYI RIM PAR PHYE BA DNGOS GRUB KUN 'BYUNG, 'KHOR LO SDOM PA'I BLA MA'I RNAL 'BYOR DNGOS GRUB KUN 'BYUNG, BDE MCHOG LHAN SKYES KYI BLA MA'I RNAL 'BYOR DNGOS GRUB KUN 'BYUNG, BLA MA 'KHOR LO SDOM PA'I RNAL 'BYOR RGYAS PA DNGOS GRUB KUN 'BYUNG, BDE MCHOG DRIL BU PA'I SGRUB THABS DNGOS GRUB KUN 'BYUNG, RANG GI GDAN SA PA RJE CHOS SKYABS RDO RJE LA GNANG BA'I MAN NGAG DNGOS GRUB KUN 'BYUNG, BDE MCHOG LUS DKYIL SGOM TSUL GYI GNAD GSAL BAR BSTAN PA'I SNYING PO'I MAN NGAG DNGOS GRUB KUN 'BYUNG,

BLA MA GSANG BA 'DUS PA'I SGRUB THABS KYI SNYING PO DNGOS GRUB KUN 'BYUNG, BLA MA RDO RJE 'JIGS BYED KYI RNAL 'BYOR RGYAS PA DNGOS GRUB KUN 'BYUNG, BLA MA RDO RJE 'JIGS BYED YAB YUM GYI RNAL 'BYOR GYI SNYING PO DNGOS GRUB KUN 'BYUNG, 'JAM DBYANGS ZHI KHRO SBRAGS SGRUB KYI SNYING PO'I MAN NGAG DNGOS GRUB KUN 'BYUNG, GDONG DRUG GI SGRUB THABS KYI SNYING PO RGYAL BA SH'AKYA THUB PA'I SGRUB THABS GNYIS, BLA MA RDO RJE SEMS DPA'I RNAL 'BYOR GYI SNYING PO DNGOS GRUB KUN 'BYUNG, BLA MA'I RNAL 'BYOR BSDUS PA 'JAM DBYANGS DKAR PO'I SGRUB THABS BLA MA'I RNAL 'BYOR DNGOS GRUB KUN 'BYUNG, 'JAM DBYANGS DMAR SER LA BRTEN PA'I BLA MA'I RNAL 'BYOR DNGOS GRUB KUN 'BYUNG, BLA MA SPYAN RAS GZIGS KYI RNAL 'BYOR GYI SNYING PO DNGOS GRUB KUN 'BYUNG, SGROL LJANG SGRUB THABS GSOL 'DEBS DANG BCAS PA, SGROL DKAR SGRUB THABS, YE SHES KYI MKHA' 'GRO SENG GDONG MA'I SGRUB THABS, MI G-YO BA'I SGRUB THAB, RTA MGRIN GYI SGRUB THABS RGYAS BSDUS GNYIS, PHYAG RDOR 'KHOR CHEN GYI SGRUB THABS DNGOS GRUB KUN 'BYUNG, PHYAG RDOR GTUM PO KHYUNG LNGA'I SGRUB THABS KYI SNYING PO MAN NGAG GIS RNAM PAR BRGYAN PA DNGOS GRUB KUN 'BYUNG, YE SHES KHYUNG KHRI'I SGRUB THABS, RIG SNGAGS KYI RGYAL MO YI GE GCIG MA'I SGRUB THABS THUN MONG MA YIN PA DNGOS GRUB KUN 'BYUNG, BYANG CHUB LAM RIM GYI BLA MA'I RNAL 'BYOR DNGOS GRUB KUN 'BYUNG, LAM RIM GYI ZUR 'DEBS BSDUS PA DNGOS GRUB KUN 'BYUNG, LTA KHRID KYI SNYING

, ,PO DNGOS GRUB KUN 'BYUNG, DRAN PA BZHI LDAN GYI KHRID KYI SNYING PO DNGOS GRUB KUN 'BYUNG, SHES RAB KYI PHA ROL TU PHYIN PA'I SNYING PO'I DON GCOD YUL STAN THOG GCIG MA DNGOS GRUB KUN 'BYUNG, THUN DRUG GI RNAL 'BYOR GYI SNYING PO DNGOS GRUB KUN 'BYUNG, THEG CHEN GSO SBYONG GI SDOM PA LEN PA'I CHO GA DNGOS GRUB KUN 'BYUNG, 'DUL BA'I BSLAB BYA RGYA MTSO'I SNYING PO DNGOS GRUB KUN 'BYUNG, BYANG SEMS KYI BSLAB BYA RGYA MTSO LAS MDOR BSDUS PA DNGOS GRUB KUN 'BYUNG, SNGAGS KYI BSLAB BYA'I SNYING PO DNGOS GRUB KUN 'BYUNG, TSE DPAG MED KYI SGRUB THABS DNGOS GRUB KUN 'BYUNG, TSE KHRID RDO RJE'I RNAL 'BYOR 'CHI BDAG LAS RGYAL BA DANG, LHUN PO RDO RJE LA GNANG BA'I TSE SGRUB, SLOB DPON BSAM GTAN 'OD ZER LA GNANG BA'I TSE SGRUB, 'BAR LUGS TSE DBANG GI CHO GA DNGOS GRUB KUN 'BYUNG, BDE MCHOG DRIL BU PA'I LUGS KYI BSKYED RIM DNGOS GRUB KUN 'BYUNG, THABS LAM N'A RO CHOS DRUG GI LAG RJES DNGOS GRUB KUN 'BYUNG, 'KHOR LO SDOM PA'I RDZOGS RIM RNAL 'BYOR CHEN PO DNGOS GRUB KUN 'BYUNG, DPAL GSANG BA 'DUS PA'I DMAR KHRID KYI SNYING PO DNGOS GRUB KUN 'BYUNG, DPAL RDO RJE 'JIGS BYED KYI ZAB KHRID LAG RJES DANG BCAS PA DNGOS GRUB KUN 'BYUNG, GSHIN RJE'I GSHED KYI BSAD ZLOG BSRUNG BA'I GDAMS PA, SKYABS 'GRO SEMS BSKYED SPYAN 'DREN YAN LAG BDUN PA BYED TSUL DNGOS GRUB KUN 'BYUNG SKYABS

'GRO'I MAN NGAG DNGOS GRUB KUN 'BYUNG, THEG CHEN THUN MONG MA YIN PA'I SKYABS 'GRO'I NYAMS LEN SNYING PO DNGOS GRUB KUN 'BYUNG, THEG CHEN THUN MONG BA'I SKYABS 'GRO'I NYAMS LEN GYI SNYING PO DNGOS GRUB KUN 'BYUNG, BLA MA BDE MCHOG LHAN SKYES YAB YUM SGRUB PA'I MAN NGAG GI SNYING PO DNGOS GRUB KUN 'BYUNG, BDE MCHOG GI BSKYED RIM GYI SNYING PO BDE MCHOG LHAN SKYES LA BRTEN NAS NYAMS SU LEN TSUL DNGOS GRUB KUN 'BYUNG, BDE MCHOG GI BSKYED RIM GNAD BSDUS DANG DE'I GZHAL YAS KHANG SGOM TSUL DNGOS GRUB KUN 'BYUNG, DRIL BU LUGS KYI DPAL 'KHOR LO BDE MCHOG GI DBANG CHOG DNGOS GRUB KUN 'BYUNG, BDE MCHOG DRIL BU LUGS KYI SMON LAM SHIS BRJOD, BCOM LDAN 'DAS 'KHOR LO SDOM PA DRIL BU PA'I LUS DKYIL GYI RDZOGS RIM RIM PA LNGA'I DMAR KHRID ZAB MO DNGOS GRUB KUN 'BYUNG, PHYAG RGYA SROG RTZOL GYI MAN NGAG THUN MONG MA YIN PA SOGS BSKYED RDZOGS KYI ZAB GNAD KYI YIG CHUNG, YIG CHUNG GI SDEBS MAN NGAG SHIN TU ZAB MO ZHAL SHES YI GER BKOD PA, RIM GNYIS KYI DKA' GNAD MAN NGAG ZAB MO, DPAL GSANG BA 'DUS PA'I RTEN GYI DKYIL 'KHOR PHYIN CI MA LOG PA'I GSAL BYED, BLA MA 'JAM DBYANGS DKAR PO'I SGRUB THABS, BLA MA RDO RJE 'CHANG GI RNAL 'BYOR GYI SNYING PO'I MAN NGAG ,BLA MA RDO RJE 'CHANG YAB YUM GYI SGRUB THABS, BLA MA RDO RJE 'JIGS BYED KYI RDZOGS RIM GYI MAN NGAG GI

, ,SNYING PO, BLA MA 'JAL DPAL ZHI BA'I SGRUB THABS LHAG PA'I LHA TSE DANG YE SHES DPAG TU MED PA'I SGRUB THABS KYI SKOR RIM PAR PHYE BA TSAN PA BCU BDUN, GRUB CHEN TSEM BU LUGS KYI SPYAN RAS GZIGS KYI DMAR KHRID KYI SNYING PO MAN NGAG GIS RNAM PAR BRGYAN PA DNGOS GRUB KUN 'BYUNG, GRUB CHEN TSEM BU LUGS KYI MAN NGAG SPYAN RAS GZIGS KYI DMAR KHRID KYI SNYING PO NYAMS LEN DU BSDUS PA MAN NGAG GIS RNAM PAR BRGYAN PA DNGOS GRUB KUN 'BYUNG, RTA MGRIN GYI SGRUB THABS KYI RIM PA TSAN PA GSUM, DGE BSNYEN GYI SDOM PA 'BOGS CHOG ,DGE SLONG GI BSLAB BYA RGYAS PA, GTOR MA BRGYA RTZA'I RIM PA DNGOS GRUB KUN 'BYUNG, RGYAL BA BLO BZANG GRAGS PA'I RNAL 'BYOR, YI DAM DANG YE SHES 'PHAGS PA SRUNG MAR BCAS PA SOGS LA GTOR MA 'BUL BA'I CHO GA ,TSA BSUR GYI RIM PA, BLA MA PHYAG DRUG YE SHES MGON PO'I RNAL 'BYOR GYI RIM PAR PHYE BA DNGOS GRUB KUN 'BYUNG TSAN PA BZHI, MGON DKAR YID BZHIN NOR BU'I SGRUB THABS, GRIB SEL MGON PO'I GNAD 'BEBS, MYUR MDZAD YE SHES MGON PO'I CHOS SKOR GYI BLA MA BRGYUD PA'I RIM PA, DPAL MGON SDE LNGA LA MCHOD GTOR 'BUL TSUL 'KHYER BDE BA, CHOS SKYONG SPYI LA GTOR MA 'BUL TSUL, BLA MA 'JAM DPAL GSHIN RJE'I GSHED DANG SKYES BU GSUM GYI CHOS SKYONG BSTEN TSUL, DPAL LDAN LHA MO RDO RJE RAB BRTAN MA LA MCHOD GTOR

'BUL TSUL GYI RIM PA TSAN PA GSUM, GTER DUNG GI LO RGYUS, GRUB CHEN MI TRA'I LAM SROL SNYING PO DON GSUM ZHES GRAGS PA SPYAN RAS GZIGS SGRUB PA'I MAN NGAG GI SNYING PO, LTA KHRID, BCOM LDAN 'DAS MI 'KHRUGS PA LA BRTEN NAS SGRIB PA SBYONG TSUL, PHYAG DRUG SGRUB SKOR LA MGON PO BRAM CHEN GYI SGRUB THABS, LTA BZHI DRIL SGRUB, MGON PO TSE BDAG GI SGRUB THABS, MGON PO DBANG RGYAL SGRUB THABS, YE SHES MGON PO GSANG SGRUB, MGON PO YID BZHIN NOR BU'I SGRUB THABS RJES GNANG 'KHOR LO'I MAN NGAG DANG BCAS PA, GRIB SEL DBANG SDUD, GNAD 'BEBS, RTEN GZHI GNAD GSUM, YANG DBANG SDUD DANG NANG SGRUB, H'Um DRUG GI ZHAL SHES DMIGS SKOR; SNYING ZHUGS 'PHO BA ZHAL SHES DANG BCAS PA RGYAS BSDUS, BLA MA MGON PO DBYER MED KYI ZHAL SHES GNYIS, LAS SBYOR DANG GRIB SEL GYI DMIGS SKOR, DAM CAN GSHIN RJE'I RGYAL PA'I SGRUB YIG RGYAS 'BRING BSDUS GSUM, GSHIN RJE DKAR SER DMAR PO LA BRTEN BA'I ZHI RGYAS DBANG GSUM GYI MAN NGAG ,GSHIN RJE DMAR PO LA BRTEN PA'I DBANG GI 'PHRIN LAS SGRUB TSUL, GSHIN RJE DKAR SER SBRAGS SGRUB LA BRTEN PA'I ZHI RGYAS DNGOS GRUB SGRUB PA'I MAN NGAG ,LHA MO PHYAG BZHI MA'I SGRUB THABS, MA CIG RDO RJE RAB BRTAN MA LA MCHOD GTOR 'BUL TSUL, CHOS SKYONG SPYI'I BSKUL, BRUL GTOR GYI CHOG ,GTOR MA'I BSNGO BA, CHU'I BCUD LEN GYI SNYING PO, BRIS

, ,SKU MTHONG BA DON LDAN 'BRI TSUL, RTEN LA GZUNGS GZHUG 'BUL TSUL SOGS NYE BAR MTHO BA'I RIM PA, BKRA SHIS LHUN POR BSHES GNYEN BYON PA DANG 'BYON 'GYUR GYI BSHES GNYEN LUNG BSTAN, SNYING PO'I MAN NGAG GI DOGS GCOD DANG SPRUL SKU BSOD NAMS RGYA MTSO'I LUNG BSTAN, RJE BLA MA'I BSTAN PA'I GNAS TSAD, KUN MKHYEN LEGS DON PA'I GSANG MTSAN GYI DOGS GCOD 'PHROS DANG BCAS PA, LUNG BSTAN GDAMS NGAG MA BKA' RGYA BTAB PA 'PHROS DANG BCAS PA, SH'ANTI PA BLO GROS RGYAL MTSAN LUNG BSTAN PA, CHAB MDO CHOS RJE MI G-YO SNYING PO'I ZHUS LAN, LUNG BSTAN GSANG BA'I ME LONG LAS DGE LDAN BSTAN 'DZIN JI LTAR 'BYUNG BA CHE LONG TZAM GYI LUNG BSTAN PA, RJE DGE 'DUN BLO BZANG GI ZHU LAN, MKHAS GRUB LEGS PA DON GRUB KYI RNAM THAR, LEGS PA DON GRUB KYI GSANG BA'I RNAM THAR, RJE SKYABS MCHOG DPAL BZANG GI RNAM THAR DANG GSANG BA'I RNAM THAR; BSNGO BA'I RIM PA, LTA BA'I YIG CHUNG, 'JAM DBYANGS DMAR SER LA BRTEN PA'I BLA MA'I RNAL 'BYOR, BLA MA 'JIGS BYED YAB YUM GYI RNAL 'BYOR GYI SNYING PO, CHOS RGYAL NANG SGRUB 'KHOR BCAS KYI SGRUB YIG 'BRING PO RNAMS MDZAD DO, ,DE LTAR RGYAL BA DBEN SA PA CHEN POS SKU DNGOS KYIS GDUL BA'I MDZAD PA MTHAR PHYIN PAR MDZAD NAS, DPA' BO G-YUL LAS RGYAL BA'AM, DAD DPON NOR BU LON NAS RANG YUL DU LOG PA LTAR DU, TSE RAM LA

BRTEN PA'I BSNYAL TSUL CUNG ZAD BSTAN PA'I MU NAS, RJE BTZUN BLA MA DAM PA SANGS RGYAS YE SHES NYID KYI RGYAL TSAB TU MNGON BAR DBANG BSKUR TE ZAD BYED CES PA'I CHO 'PHRUL ZLA BA'I NYER GSUM LA THA MAL GYI GZUGS SKU'I BKOD PA CHOS KYI DBYINGS SU BSDU BAR MDZAD, DE'I TSE DGUNG ZHAG MA GROL GYI BAR DU NAM MKHA' LAS LHA RNAMS KYIS ME TOG GI CHAR 'BEBS PA DANG, 'JA' 'OD KYI BLA BRE PHYOGS MTSAMS SU BRES PA LA SOGS PA SKYE PO KUN GYI YID 'PHROG PA'I LTAS BAR MTSAN MA NGO MTSAR BA BSAM GYIS MI KHYAB PA BYUNG BAR GYUR TO, ,DE NAS DAD LDAN THAMS CAD KYIS SKU GDUNG RIN PO CHE LA PHYI NANG GSANG BA DE KHO NA NYID KYI MCHOD PA TSAD MED PAS MCHOD DE SMON LAM BTAB NAS 'JAM MGON SNYAN RGYUD KYI BSTAN PA NAM YANG MI NYAMS PAR 'PHEL BA'I RTEN 'BREL DU SKU GDUNG RIL POR MA NYAMS PA DBEN SA CHOS KYI PHO BRANG NYID NA LHA DANG BCAS PA'I 'GRO BA YONGS KYI BSOD NAMS KYI ZHING DU BYIN RLABS KYI GZI 'OD 'BAR BAR BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL BA DBEN SA PA CHEN PO BLO BZANG DON GRUB LA GSOL BA 'DEBS SHING, BDAG NYID CHEN PO 'DI'I RNAM THAR LTAR TSE 'DI'I BYA BYED BYIS PA'I ROL RTZED DANG 'BRAS BU MED PA'I SPUN PA PHYAR BA DANG SMYON PA'I ZLOS GAR LTAR BLTAS TE TSE 'DI'I 'KHRI BA CHOD PA ZHIG BYA BA DANG, 'KHOR BA'I PHUN TSOGS DUG SPRUL GYI GDENGS GA'I GRIB BSIL LTAR YID BRTAN MI RUNG BA GNOD PA DU MA'I

, ,'BYUNG GNAS SU BLTAS TE SRID PA MTHA' DAG LA ZHEN PA LOG PA'I NGES 'BYUNG BCOS MA MIN PA ZHIG BSKYED PA DANG, BDAG PAS GZHAN GCES PA'I BYANG CHUB KYI SEMS RIN PO CHE RGYUD LA BSKYED CI THUB BYA BA DANG, CHOS THAMS CAD SNANG ZHING STONG BA STONG ZHING SNANG BA'I RTEN 'BREL ZAB MO'I TSUL LA NGES PA GTING TSUGS PA ZHIG BTZAL LA GANG SNANG SGYU MA'I RNAM ROL TU BLTA BA DANG, ZAB LAM BLA MA LHA'I RNAL 'BYOR LAM GYI SROG TU BYAS TE BSKYED RDZOGS ZUNG 'BREL LA SLOB PA DANG, 'JAM MGON SNYAN RGYUD KYI MAN NGAG THOS PAR BYAS LA DBEN PA'I RI SUL DU SGRUB PA MTHAR PHYIN PA ZHIG BYA BA LA SKYES BU'I RTZAL CI YOD KYIS 'BAD CING THA NA SMON LAM GYI YUL DU'ANG BYAS TE BLO SBYANG BAR BYA'O,, ` ,,SNGON TSE THUGS BSKYED SMON LAM GRUB PA'I MTHUS, ,DA LTA BLO BZANG BSTAN PA'I SNYING PO 'DZIN, ,DGAG SGRUB SPANGS BLANG BRAL BA'I RNAL 'BYOR PA, ,SANGS RGYAS YE SHES ZHABS LA GSOL BA 'DEBS, ,ZHES BSNGAGS PA, MKHAS GRUB SANGS RGYAS YE SHES NI, GTZANG RONG GI YUL LHAN DRUG BRGYAR YAB DGE BSNYEN RDO RJE 'DZIN PA BLA MA RIN CHEN ZHES BYA BA DANG, YUM CHOS BSTAN ZHES BYA BA G-YO SGYU MED LA RANG BZHIN GYIS NYON MONGS CHUNG BA, NGO TSA KHREL YOD DANG LDAN PA, SKYE BO KUN GYI YID DU 'ONG BA ZHIG YOD PA DE GNYIS KYI SRAS SUS SKYONG ZHES PA SHING MO BYA'I LO NGO MTSAR BA'I LTAS DANG BCAS TE 'KHRUNGS SO, ,'KHRUNGS

MA THAG TU YAB YUM GNYIS KYIS KHRUS BYA BA DANG DKAR PHYOGS KYI LHA RNAMS MCHOD PA DANG, DGE 'DUN GYI SDE LA BSNYEN BKUR BA DANG, GNYEN BSHES RNAMS TSOGS TE DGA' STON BYA BA SOGS BTZAS STON LUGS DANG MTHUN PAR BYAS SO, ,DE LTAR 'KHRUNGS PA'I GZHON NU DE NI, GZUGS BZANG BA, BLTA NA SDUG PA, MDZES PA, GSAL BA, PAGS PA'I MDOG DKAR BA, MGON GDUGS LTA BU, LAG PA RING BA, DPRAL BA'I DBYES CHE BA, SMIN MA 'DZAR BA, SNA'I GZENGS MTHO BA, 'JIG RTEN KUN GYI MIG GI BDUD RTZI LTA BU ZHIG YOD PAR GRAGS SO, ,DE YANG YAB YUM DE GNYIS LA SRAS BZHI MNGA' BAS BDAG NYID CHEN PO 'DI CHUNG BA YIN LA, DE 'DRA BA'I RGYAL SRAS GZHON NU DE YAB YUM GCEN RNAMS DANG BCAS PAS KYANG SMAN GYI MYU GU LTAR BSKYANGS PAS RDZING GI PADMA LTAR DU SKYE DRAG PAR GYUR TO, ,DE LTA BU'I RGYAL SRAS DE SKU NA SHIN TU PHRA BA'I SKABS NYID NA'ANG SNGON YUN RING PO NAS LAM LA GOMS PA'I BAG CHAGS BRTAS PAS RGYUD 'JAM ZHING NGES PA DANG, BYIS PA'I SPYOD PA NGAN PA GANG GI'ANG DBANG DU MI 'GRO ZHING SKYES RABS DU MAR PAn GRUB KYI SKYE BA BRGYUD MAR BZHES PA'I BAG CHAGS KYIS RES 'GA' NI SLOB DPON GYI TSUL DU BDAG NYID CHOS 'CHAD BA DANG, RES 'GA' NI TING NGE 'DZIN SGOM PA DANG, RES 'GA' NI CHOS KYI GTAM BYED PA LA SOGS PA'I CHOS KYI RTZED MO 'BA' ZHIG MDZAD CING, DE'I DUS SU RJE GRUB PA'I DBANG PHYUG DBEN SA PA CHEN POS GZHON NU DE GZIGS PA

, ,NA JI LTAR 'KHOR LOS BSGYUR BA'I RGYAL PO LA BU GCIG BYUNG NA BU CHUNG DU DE LA DGA' BA DANG YID DU 'ONG BA DANG MA 'ONGS PA NA RGYAL TSAB TU 'GYUR BA'I RE BAS SHIN TU GCES PAR BYED PA JI LTA BAR RGYAL BA DBEN SA PA CHEN POS RGYAL SRAS GZHON NU DE MA 'ONGS PA NA RANG GI CHOS KYI RGYAL TSAB TU 'GYUR BAR MKHYEN NAS MNYES PA'I TSUL MDZAD CING, YAB YUM GNYIS LA'ANG GCES SPRAS SU BYA DGOS PAR GDAMS SO, ,DE NAS RGYAL SRAS GZHON NU DE TSE RABS MANG POR NGES 'BYUNG GI TSUL KHRIMS GOMS PAR BYAS PA'I MTHUS GZHAN GYIS BSKUL BA LA MI LTOS PAR, SKYES RABS LAS, GAL TE CHOS SPYOD KHYIM GYI SO NAM 'CHOR, ,KHYIM LA PHYOGS NA CHOS KYANG GA LA 'GRUB, ,CHOS KYI LAS NI RAB TU ZHI BA YIN, ,KHYIM GYI DON NI DRAG SHUL CAN GYIS 'GRUB, ,DE BAS CHOS DANG 'GAL BA'I SKYON YOD PHYIR, ,BDAG LA PHAN 'DOD SU ZHIG KHYIM NA GNAS, ,ZHES GSUNGS PA LTAR, KHYIM GYI GNAS NI NYON MONGS PA DANG NYES SBYONG DU MA'I 'BYUNG GNAS SU GZIGS SHING, GNYEN DANG NYE DU RNAMS NI THAR LAM BGROD PA LA GEGS BYED PA BTZON RA'I GSHED MA LTA BUR GZIGS NAS RGYAL BA'I BSTAN PA LA RAB TU 'BYUNG BAR 'DOD PA BCOS MA MIN PA SKYES SHING, YAB YUM GCEN RNAMS DANG BCAS PAS MTHUN PA'I RKYEN SBYAR TE DGUNG LO BCU TZAM LA NYE BA NA, MDO SNGAGS KYI GDAMS PA'I GTER DU GYUR BA YONGS KYI DGE BA'I BSHES GNYEN

YON TAN BZANG PO'I DRUNG DU YONGS RDZOGS DGE BSNYEN GYI SDOM PA BZHES, MTSAN CHOS SKYABS RDO RJE ZHES BTAGS SO, ,DE NAS YI GE'I PHYI MO'I GLOG PA DANG BRDA' SPROD KYI GTZUG LAG DON PA DANG, CHOS SPYOD THOR BU BDAG 'DZIN PA SOGS DE DANG DE'I GRVAR ZHUGS PA TZAM GYIS DKA' TSEGS MED PAR THUGS SU CHUD, DE NAS BA SO LHUN GRUB BDE CHEN DU YONGS KYI DGE BA'I BSHES GNYEN YON TAN BZANG PO LA MKHAN POR GSOL BA BTAB STE TSIGS SNGA MA DGE TSUL GYI SDOM PA YANG DAG PAR BZHES SHING, RGYAL SRAS GZHON NU DE RTAGS CHA LUGS BRJES TE CHOS GOS DUR SMRIG BGOS MYUR DU 'TSANG RGYA BA'I RTEN 'BREL DU MTSAN SANGS RGYAS YE SHES ZHES BTAGS, DRANG SRONG GI SNOD LHUNG BZED LAG TU THOGS PA LHA DANG BCAS PA'I 'GRO BA MTHA' DAG GI YON GNAS DAM PA THUB PA'I DBANG PO GNYIS PA LTA BUR GYUR TO, ,DE NAS MKHAS GRUB SANGS RGYAS YE SHES KYIS BLA MA YON TAN BZANG PO'I DRUNG DU DPAL RDO RJE 'JIGS BYED DANG, GSANG BA 'DUS PA, MI BSKYOD PA'I DBANG BZHI YONGS RDZOGS DANG, TSE DBANG DANG, MGON PO'I DBANG RJES GNANG SOGS KYIS MTSAN DBANG RJES GNANG DU MA DANG, BKA' GDAMS GLEGS BAM GYI LUNG LA SOGS PA DAM PA'I CHOS MANG DU GSAN NO, ,DE NAS MKHAS GRUB SANGS RGYAS YE SHES KYI THUGS LA 'DI LTAR DGONGS PAR NGES TE, BLANGS DOR GNAS LA KUN NAS 'THOMS PA'I MUN, ,YANG DAG THOS PA'I SGRON MES MA BSAL BAR, ,LAM MI SHES NA THAR

, ,PA'I GRONG MCHOG TU, ,'JUG PAR 'GYUR BA SMOS KYANG CI ZHIG DGOS, ,DE NYID PHYIR NA MI PHAM CHOS RJE DANG, ,'DZAM GLING RGYAN DRUG MCHOG GNYIS ZHES GRAGS PA'I, ,GZHUNG LA PHYOGS RE BA DANG RAGS PA RES; ;TSIM PAR MA BYAS KUN LA ZHIB TU SBYANGS, ,ZHES GSUNGS PA LTAR, MKHAS MANG 'DUS PA'I DBUS SU SHING RTA CHEN PO'I GZHUNG RNAMS LA SBYONG BAR BZHED DE DGUNG LO BCO LNGA LA BAB PA SGYUR BYED KYI LO'I DGUN CHOS THOG CHOS GRVA CHEN PO BKRA SHIS LHUN POR PHEBS TE THOS BSAM GLING GI GDAN SA PA RIGS PA'I DBANG PHYUG BRTZON 'GRUS RGYAL MTSAN GYI DRUNG DU MTSAN NYID DANG MTSON CHA'I RNAM GZHAG SOGS SBYOR BA RTZI BA LA ZHUGS SHING CHOS BKA' CI RIGS PA YANG GSAN NO, ,LO DE'I DPYID MKHAS GRUB SANGS RGYAS YE SHES ZLA GROGS GSUM BZHI TZAM BSDEBS BCAS TE SE NGAR MKHAS PA'I DBANG PO RJE BTZUN DAM PA CHOS KYI RGYAL MTSAN PA'I DRUNG DU PHEBS PAR BKA' BGROS PA LAS, GROGS PO ZHIG NA RE, DA NI RJE BTZUN CHOS KYI RGYAL MTSAN RANG NYID KYI DNGOS SLOB MKHAS PA'I BYA BA GSUM LA 'GRAN ZLA DANG BRAL BA'I CHOS KYI RJE RTA NAG PA DGE 'DUN BLO BZANG ZHES BYA BA, LEGS GRUB GRVA TSANG NA BZHUGS PA DE'I DRUNG DU PHYIN PA 'THAD ZER, DER SKYE BA SNGA MA MANG POR 'JAM DBYANGS DGE 'DUN BLO BZANG DANG DPON SLOB TU GYUR PA'I LAS 'BREL GYI MTHUS 'JAM DBYANGS DGE 'DUN BLO BZANG GI MTSAN THOS PA TZAM GYIS BSDU LDANG ZHING MCHI

MA 'KHRUG PA ZHIG BYUNG BAS LEGS GRUB GRA TSANG DU SLOB GNYER LA 'GRO BAR ZHAL GYI BZHES, DE NAS MYANG STOD DU BYON PA NA LEGS GRUB GRVA TSANG PA RNAMS 'BRAS MA'I DPYID CHOS LA 'DZOM PA DANG DUS MTSUNGS TE, 'JAM PA'I DBYANGS DGE 'DUN BLO BZANG PA'I ZHABS RDUL SPYI BOS BLANGS NAS, THOG MAR MTSAN MTSON GYI RNAM GZHAG ,SPYI DANG BYE BRAG GI RNAM RTAGS DANG THAL 'GYUR 'PHEN LUGS RTAGS DANG THAL 'GYUR 'PHEN LUGS SOGS RIGS PA'I SGO 'BYED SBYOR BA BRTZI BA SOGS MDZAD PAS RIGS PA'I SGO LEGS PAR BYE STE, MTHAR DGUN CHOS LA 'JAM DBYANGS DGE 'DUN BLO BZANG GI DRUNG DU TSAD MA RNAMS 'GREL GYI SPYI DON DANG, MTHA' GCOD MDZUB KHRID SOGS BKA' LUNG YANG DAG PAR MNOS SO, ,DE'I TSE 'JAM DBYANGS DGE 'DUN BLO BZANG GIS THEG PA GSUM GYI LAM GYI GNAD THAMS CAD DRI MA MED PA'I RIGS PA'I LAM NAS DRANGS TE GTAN LA 'BEBS PA LA ZLA DANG BRAL BA'I BSTAN BCOS TSAD MA RNAM 'GREL GYI DON DBYIS PHYIN PAR BSHAD DE THOG MAR RTZA BA DRANGS TE 'PHROS MTSAMS SBYAR, DE NAS BRJOD BYA'I KHOG PHUG PA'I SPYI DON, DE NAS LAM GYI YAN LAG MTHA' DAG LA NGES SHES DRANG BA'I PHYIR MTHA' GCOD, GZHUNG RANG RANG GI BRJOD BYA'I SNYING PO RANG LUGS BSHAD PA DE LA RTZOD SPONG RNAMS RTZI SHAG 'DZIN CHOS SU MDZAD PA MKHAS GRUB SANGS RGYAS YE SHES KYIS SKYOR 'OG MDZAD DE YONGS RDZOGS THUGS SU CHUD PAR MDZAD, SLAR YI GER PHAB STE DA LTA THOS BSAM GLING DU 'JAM

, ,DBYANGS DGE 'DUN BLO BZANG GI RNAM 'GREL GYI YIG CHA ZHES GANGS RI'I KHRID 'DIR TSAD MA RNAM 'GREL GYI SPYI DON MTHA' GCOD LA 'GRAN ZLA DANG BRAL BA 'DI BYUNG BA YIN NO, ,DON GYI DBANG 'DI GZIGS NAS GRUB CHEN BYAMS PA PHUN TSOGS KYIS 'JAM DBYANGS DGE 'DUN BLO BZANG LA BSTOD PA LAS, SANGS RGYAS KUN GYI YE SHES GCIG BSDUS NAS, ,DUR SMRIG GAR GYI BSHES GNYEN TSUL 'DZIN PA, ,DGAG SGRUB SPANG BLANG BRAL BA'I DAM PAS KYANG, ,ZHABS RDUL SPYI BOS LEN PA KHYOD PHYAG 'TSAL, ,ZHES BSNGAGS SO, ,DE NAS MKHAS GRUB SANGS RGYAS YE SHES KYIS DGUN CHOS LA BKRA SHIS LHAN POR BYON NAS RIGS GRVA LA LEGS PAR ZHUGS PA NA, DAM PA 'DI'I LUNG DANG RIGS PA PHUN SUM TSOGS PA'I DGA' STON LA MKHAS PA MTHA' DAG KYANG YID 'PHROG PAR GYUR TO, ,DE NAS DGUNG LO BCO BRGYAD KYI BAR DU DGUN DPYID PHAL CHER TSAD MA DANG, DBYAR PHAL CHER DBU MA LA LEGS PAR SBYANGS PAS DBU TSAD GNYIS KYI DKA' BA'I GNAS MTHA' DAG KYANG MNGON DU GYUR, DE'I TSE, THOS BSAM GLING GI 'CHAD NYAN DU RJE DGE 'DUN BLO BZANG PA NYID BZHUGS SHING, BLA MA DE NYID KYIS KYANG DAM PA 'DI LUNG DANG RIGS PA'I BDAG NYID DU GZIGS TE, DGUNG LO BCO BRGYAD KYI DGUN DBU MA'I SPYI SKYAR GYIS BKA' STZAL PA NA MKHAS GRUB CHEN PO 'DIS BKA' LUNG YANG DAG BSGRUBS TE, DGUN CHOS GNYIS KYI RING THOS BSAM GLING GI DGE 'DUN 'DUS PA'I

DBUS SU DBU MA'I GZHUNG LA DAM BCA' YANG YANG BZHAG, ,DGUNG LU BCU DGUR PHEBS PA'I ZLA BA DANG PO'I YAR TSES LA BSKAL BZANG KHYAMS RA CHEN MOR BKRA SHIS LHUN PO'I MKHAN SLOB DGE 'DUN TSANG MA 'DZOM PA'I DBUS SU DBU MA'I DAM BCA' BZHAG STE SHAR RTZE NAS DGE BA'I BSHES GNYEN SHIN TU MKHAS GRAGS CHE BA ZHIG DANG MNYAM DU BGRO GLENG MDZAD PA NA 'JIGS PA DANG YA NGA BA DANG BAG TSAB MED PAR LUNG DANG RIGS PA'I NGA RO RGYA CHER BSGRAGS PAS PHA ROL SPOBS PA LAN MED DU BYAS TE PHYOGS LAS RNAM PAR RGYAL BA'I GRAGS PA YANG THOB BO, ,DE NAS PHAR PHYIN DANG, 'DUL MDZOD LA SOGS PA PO TI PHYI MA RNAMS LA LEGS PAR SBYANGS PAS BLO GROS KYI SNANG BA THOGS PA MED PAR RGYAS SHING, KHYAD BAR, DRANG BA DANG NGES PA'I DON RNAM PAR 'BYED PA LEGS PAR BSHAD PA'I SNYING PO'I TSIG DON MTHA' DAG THUGS SU CHUD PAR MDZAD DE LEGS PAR BSHAD PA'I BDUD RTZIS MKHAS PA MTHA' DAG TSIM PAR MDZAD DO, ,DE NAS DGUNG LO NYI SHU RTZA LNGA LA BAB PA NA, CHOS GRVA CHEN PO DPAL 'KHOR BDE CHEN DU MKHAS MANG 'DUS PA RGYA MTSO'I DBUS SU DKA' BZHI'I GRVA SKOR MDZAD DE LEGS BSHAD SPRIN GYI SGRA DBYANGS RGYA CHER BSGRAGS PAS PHYOGS 'DUS KYI MKHAS MANG MDONGS LDAN MTHA' DAG LEGS BSHAD DBYAR SKYES SGRA DBYANGS KYIS TSIM NAS MKHAS GRUB CHEN PO 'DI 'BA' ZHIG GI YON TAN BSNGAGS PAS SDUS 'DAS TE GTAM GZHAN GLENG BA'I GOS KAB MED PA LTA BU GYUR TO, ,DE NAS 'JAM

, ,DBYANGS DGE 'DUN BLO BZANG GI BKAS BSKUL TE DGUNG LO NYER DRUG GI THOG BKRA SHIS LHUN PO'I CHOS KHRIMS BZUNG STE YANG DAG PA'I CHOS KYI KHRIMS KYI 'OD BSIL MNYAM PAR BKYE BAS CHOS GRVA KUNDA'I TSAL MTHA' DAG KUN TU 'BAR BA RDZOGS LDAN GYI DUS LA 'GRAN PA LTA BUR GYUR CING, ZANG ZING GI BSNYEN BKUR GYIS KYANG DGE 'DUN RNAMS LEGS PAR TSIM PAR MDZAD DO, ,DE RJES, SNGAR BKRA SHIS LHUN PO'I MKHAN PO MDZAD DUS NAS MDO SNGAGS KYI CHOS MANG DU GSAN ZHING THUGS MOS KYANG CHER YOD PA LTAR PAn CHEN RIN PO CHE DON YOD RGYAL MTSAN GYI ZHABS DRUNG DU CHOS GRVA CHEN PO GANGS CAN CHOS 'PHEL DU PHEBS TE BLO SBYONG MTHA' DAG GI LUNG DANG, KHYAD PAR DON BDUN MA'I NYAMS KHRID SOGS CHOS MANG DU ZHUS SHING DPYID CHOS NAS STON CHOS KYI BAR DU BZHUGS, SLAR BKRA SHIS LHUN BOR PHEBS, DE NAS ZHAL SNGA NAS DGE 'DUN BLO BZANG PA NYID KYIS DBEN DGON DU RJE GRUB BA'I DBANG PHYUG DBEN SA PA CHEN PO LA DPAL GSANG BA 'DUS PA'I DMAR KHRID LA SOGS PA'I GDAMS PA ZHU BA'I SNYAN GSAN DANG, ZHAL SNGA NAS RANG NYID 'PHRAL PHUGS SU JI LTAR BYA BA'I BSLAB DON ZHU BA'I ZHU YIG 'BUL BA'I BANG PHYIN LA 'BYON DGOS TSUL BYUNG BAS 'TSAMS SBYAR TE, BDAG NYID KYANG MNGON PAR DGYES BZHIN DU DBEN SA CHOS KYI PHO BRANG DU PHEBS MA THAG MJAL KHA YANG GEGS MED DU BYUNG ZHING, MJAL RTEN DU SPYI BLUGS SHIN TU LEGS

PA ZHIG YOD PA PHUL BAR DE DUS RGYAL BA DBEN SA PA CHEN PO GZHAN GYIS CHAS DNGOS PHUL BA BZHES PAR MI MDZAD KYANG BDAG NYID CHEN PO 'DI RGYAL BA DBEN SA BA RANG NYID KYI CHOS KYI RGYAL TSAB TU 'GYUR BAR GZIGS NAS DGYES BZHIN DU BZHES PA NA MKHAS GRUB SANGS RGYAS YE SHES RGYAL BA DBEN SA PA'I SKU GZIGS PA TZAM GYIS SNANG BA 'GYUR ZHING DAD GUS TSAD MED PAR 'KHRUNGS TE, CHOS KYI BKA' DRIN ZHIG KYANG ZHUS, ZHAL SNGA NAS DGE 'DUN BLO BZANG PA NYID LA NI ZAB DON GYI GDAMS PA STZOL BAR BKA' MA GNANG STE, SLAR BKRA SHIS LHUN POR PHEBS, DE NAS ZAB MO RDO RJE THEG PA'I SKYED TSAL DU 'JUG PAR DGONGS TE RJE RIN PO CHES, 'DI NA RDZOGS SANGS RGYAS SU BGROD PA LA, , ZAB MO RDO RJE THEG DANG PHAR PHYIN THEG ,RNAM PA GNYIS YOD GSANG SNGAGS PHAR PHYIN LAS, ,SHIN TU KHYAD PAR 'PHAGS PA YIN NO ZHES, ,NYI MA ZLA BA LTA BUR KUN TU GRAGS, ,TSIG DE DBEN PA'I TSIG TU 'DOD BZHIN DU, ,ZAB MO'I THEG DE JI LTA BU ZHIG CES, ,TSOL BAR MI BYED MKHAS PA'I KHUR 'DZIN PA, ,DE 'DRA DE YANG SHES RAB CAN YIN NA, ,DE LAS GZHAN PA'I DBANG PO RTUL PO GANG, ,SHIN TU PHRAD DGA' GONG NA MED PA'I LAM, ,'DI 'DRA YAL BAR 'DOR BA KYE MA'O MTSAR, ,DE NYID PHYIR NA RGYAL BA'I THEG PA MCHOG ,SANGS RGYAS LAS KYANG DKON BA'I RDO RJE THEG ,DNGOS GRUB GNYIS KYI GTER GYUR ZAB MO DER, ,ZHUGS NAS 'BAD PA MANG POS RING DU SBYANGS, ,ZHES GSUNGS PA LTAR, SANGS RGYAS

, ,LAS KYANG DKON PA'I CHOS BLA MED RDO RJE THEG PA DANG LAN CIG MJAL BA'I SKABS 'DIR RDO RJE THEG PA'I LAM LA SBYANGS TE SNYING PO LON PA ZHIG MA BYAS NA DAL PA STONG LOG TU 'GYUR RO SNYAM DU DGONGS NAS 'JAM MGON BLA MA'I SNGAGS KYI GSANG MDZOD 'DZIN PA'I GNAS DPAL LDAN SMAD RGYUD GRVA TSANG DU PHEBS BZHED DE CHOS KYI RJE DGE 'DUN BLO BZANG PA'I DRUNG DU GNANG BA GSOL ZHING, MAR LAM DBEN DGON DU RJE BLA MA'I DRUNG DU'ANG GNANG BA DANG BAR CHAD MI 'BYUNG BA'I THUGS DAM SKYABS 'JUG DANG PHYIS ZHABS DRUNG DU YONGS CHOG PA'I BKA' YANG DAG PAR ZHUS TE ZHABS SEN DBANG PO'I PHYOGS SU BKOD NAS DBUS PHYOGS SU PHEBS, YAR LAM SE 'BRAS LHA SA DANG BCAS PA LEGS PAR MJAL TE RI BO DGE LDAN RNAM PAR RGYAL BA'I GLING DU PHEBS, DER RGYUD SMAD KYI SLOB DPON RDO RJE 'CHANG NAM MKHA' GRAGS KYI ZHABS RDUL SPYI BOS BLANGS TE GUS PA DANG RTAG TU SBYOR BA'I BRTZON 'GRUS BSTEN PAS RGYUD KYI RGYAL PO'I TSIG DON GYI DE KHO NA NYID RING POR MA LON PAR MNGON DU GYUR TE, DER RGYUD KYI GRVA LA ZHUGS NAS LO GCIG CUNG MA LON TZAM LA, CHU HA CANG BSIL BA'I REG PAS NYEN TE ZHABS NAD KYIS MI BDE BA'I RNAM PA BYUNG BAS RE ZHIG SMAN DPYAD BSTEN PA SOGS GTZO BOR MDZAD PAS, RING PO MA LON PAR ZLA BA GZA' LAS GROL BA LTAR SKU KHAMS KYANG LEGS PAR DVANGS, DE NAS SMAD RGYUD GRVA TSANG GI PHYAG BZHES LTAR BDE GSANG 'JIGS GSUM GYI SGRUB

THABS DKYIL CHOG SBYIN SREG DANG BCAS BA'I PHYAG LEN GANG THIG DBYANGS GSUM DANG BCAS PA TSANG MA LEGS PAR SBYANGS TE THUGS SU CHUD PAR MDZAD NAS SLAR GTZANG PHYOGS LA PHYAGS BTEG ,THOS BSAM GLING DU CHOS KYI RJE DGE 'DUN BLO BZANG PA'I DRUNG DU PHEBS TE PHYAG MDZAD PAS, 'O DRUNG RAB 'BYAMS PA 'KHOR BA CIS KYANG LEGS, KHO BOS DPAL LDAN LHA MO LA NGA'I RAB 'BYAMS PA KHUG SHOG CIG CES BKA' BSGOS PAS DRUNG PA DBUS PHYOGS SU BZHUGS PA LA GNOD PAR MCHIS GSUNG, TSUL 'DI NI DAM PA 'DI NYID LHA SAR ZHABS BSNYEL BA'I SKABS SU DA NAD 'DI LAS GROL NA GTZANG LA 'GRO SNYAM DU DGONGS PA'I NUB CIG MNAL LAM DU'ANG BU MO GZHON NU MA ZHIG DA DON GRUB PAS GTZANG LA LOG 'GRO ZER BA CIG BYUNG GSUNG BA DANG MTHUN PAR SNANG NGO, ,DE NAS DBEN DGON DU PHYAGS PHEBS TE RJE GRUB PA'I DBANG PHYUG DBEN SA PA CHEN PO BSAM SBYOR GNYIS KYI SGO NAS LEGS PAR BSTEN CING, RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYI LAM SROL DPAL AA TI SHA DANG, RGYAL BA GNYIS PA TZONG KHA PA CHEN PO'I THUGS KYI BCUD PHYUNG BA, BYANG CHUB LAM GYI RIM PA'I MYONG KHRID SNYAN RGYUD KYI MAN NGAG ZHAL SHES GEGS SEL BOGS 'DON DANG BCAS PA LEGS PAR GSAN TE RGYAL BA DBEN SA PA CHEN PO NYID KYI ZHABS DRUNG DU 'TSO CHAS KYI RTZOL SGRUB TZAM YANG MA MDZAD PAR TSE 'DI'I 'KHRI BA GANG YANG MED PAR DKA' THUB LA GNAS TE YUN RING DU

, ,SGOM PAR MDZAD BAS PHAL BU SKYES PA LTAR THUGS SHIN TU MNYES PAR GYUR, DE'I TSE MKHAS GRUB SANGS RGYAS YE SHES KYIS LO GSUM GYI RING SKYES BU CHUNG DU GTZO BOR BYAS TE BSGOMS PAS RTZOL MED KYI MYONG BA THON TE, DE YAN GYI LAM GYI RIM PA RNAMS MYUR DU THUGS RGYUD LA 'KHRUNGS PA ZHIG BYUNG ZHES DBEN SA SNYAN RGYUD KYI BLA MA GONG MA RNAMS KYI GSUNG RGYUN LAS 'BYUNG NGO, ,DE NAS SRID PA MTHA' DAG LA ZHEN PA LOG BA'I NGES 'BYUNG BCOS MA MA YIN PA THUGS RGYUD LA 'KHRUNGS PA NA RGYAL BA'I BSTAN PA'I NANG MDZOD 'DUL BA'I BSLAB GZHI YONGS SU RDZOGS PA DGE SLONG GI SDOM PA LEN PAR BZHED NAS RGYAL BA DBEN SA PA CHEN PO LA ZHUS PAS DBEN SA PA CHEN POS JI LTAR LUNG BSTAN PA LTAR SHANGS MDO RI BO DGE 'PHEL DU GRUB PA'I DBANG PHYUG PHYOGS LAS RNAM PAR RGYAL BAS MKHAN PO DANG, BDE YANGS SLOB DPON CHOS RJE DGE LEGS PAS LAS SLOB DANG, NOR GDENGS PA CHOS RJE SH'AKYA DPAL BZANG PO BAS GSANG STON MDZAD DE, DAD PA'I DGE 'DUN GRANGS TSANG BA'I DBUS SU BSNYEN PAR RDZOGS TE LHAG PA TSUL KHRIMS KYI BSLAB PA LHA'I CHU BOS YID KYI RDZING BU YONGS SU GANG BAS SKYE DGU LAG LDAN MTHA' DAG GI PHAN BDE'I GZHI DANG YON GNAS BLA NA MED PAR GYUR TO, ,DE NAS MKHAS GRUB SANGS RGYAS YE SHES KYIS GRUB PA'I DBANG PHYUG PHYOGS LAS RNAM RGYAL BA'I DRUNG DU SNAR THANG BRGYA RTZA'I RJES GNANG LUNG DANG BCAS PA,

BKA' GDAMS LHA BZHI'I RJES GNANG, TSE DPAG MED LHA DGU DANG, KUN RIG GI DBANG SOGS DAM PA'I CHOS MANG DU GSAN TE SLAR DBEN DGON DU PHEBS NAS SGRUB PA LA RTZE GCIG TU BRTZON PAR MDZAD CING, KHYAD PAR DBEN SA PA CHEN PO LA BSNYEN RGYAB KYI THUGS DAM SKYABS 'OG ZHUS NAS DBEN SA'I DGON PA GZHOL GYI GTZANG KHANG DU DPAL RDO RJE 'JIGS BYED KYI BSNYEN BSGRUB MDZAD PAS RE ZHIG CIG NA THUGS DAM GYI RIM PA RNAMS KYANG GRUB STE NAM GYI GUNG LA REG NAS GZIMS PA NA, SKU GRANG BA'I NYAMS SHIN TU CHE BA ZHIG BYUNG BA NA RGYAL BA BLO BZANG DON GRUB NYID BLA BRANG GI 'DEGS SGO NA BZHUGS PA'I SKU BEM GYI SNE MOS RANG MNGON PAR BKAB PA'I NYAMS SHIN TU GSAL BA ZHIG BYUNG BAS BDE DROD TSAD MED PA RANG 'BAR BYUNG NGO, ,YANG DE'I DUS SDIG PA RVA CAN LAG PA TZAM ZHIG 'JIGS 'JIGS LTAR BDAG NYID KYI MDUN DU BYUNG BA LA BAG TSA BA MED PAR BTANG SNYOMS SU BZHAG PA NA RVA GNYIS MGAL ME LTAR 'KHOR ZHING 'DUG PAS DGOD CIG SHOR, DE KHAR RANG YAL DU SONG GSUNG, YANG DE'I DUS SU SNANG BA THAMS CAD BDUD DU SHAR NAS NYAMS SHIN TU MI DGA' BA CIG BYUNG BA LA DGONG GCIG BLA BRANG GI BA ZHIG YOD PA DES 'DU KHANG GI SGO PHYE NAS GTZANG KHANG DU BYUNG STE RANG NYID KYI SNYING GAR KHA BTZUGS TE SNYING DMAR TZAR GYIS KHYER SONG, DE MA KHAD YID MI BDE BA DE LHAG MA MED PAR SANGS SONG GSUNG, MDOR NA DE'I DUS DNGOS SU RNAL 'BYOR PA'I RNAM PA CAN DANG, BYA RI DVAGS LA SOGS

, ,GZUGS CAN SNA TSOGS BA ZHIG SKU DRUNG DU 'OD ZHING 'KHONG PA LA BDAG NYID LHA'I NGA RGYAL DANG, TING NGE 'DZIN SHIN TU BRTAN PA'I NGANG NAS GSANG SNGAGS KYI BZLAS BRJOD LAS SKAD CIG KYANG G-YEL BA MI MNGA' PAS SNANG BA DE DAG NAM MKHA'I DBYINGS SU SPRIN PHUNG ZHI BLTAR 'GRO BZHIS BYUNG, SNANG TSUL DE DAG RGYAL BA DBEN SA CHEN PO LA ZHUS PA NA SNANG BA DE DAG LA 'JIGS PA DANG YANG BA YANG MI DGOS, DE LAS 'JIGS PA STAG DANG RO LANGS LA SOGS PA YANG YOD, DE 'DRA BYUNG NA CI 'DRA MCHIS GSUNG, MDOR NA DE'I DUS NGO MTSAR BA'I GZIGS SNANG LHAG PA'I LTAS BYIN GYIS BRLABS PA'I SNANG BA RMAD DU BYUNG BA BRNYES SO, ,DE LTAR 'JIGS BYED KYI BSNYEN PA THON NAS RGYAL BA DBEN SA PA CHEN PO NYID KYI ZHABS DRUNG DU MGON PO'I BKA' CHEN BCU GSUM GYI RJES GNANG DANG, BE'U BUM GYI LUNG LA SOGS PA MGON PO'I CHOS SKOR YONGS SU RDZOGS PA DANG, CHOS RGYAL PHYI NANG GSANG GSUM GYI SGRUB SKOR RJES GNANG DANG BCAS PA YONGS SU RDZOGS PA DANG, GSANG BDE 'JIGS GSUM GYI DBANG BZHI YONGS RDZOGS KHRID LAG RJES DANG BCAS PA THUN MONG DANG THUN MONG MA YIN PA'I GDAMS PA RMAD DU BYUNG BA RNAMS DANG, LAM RIM CHE CHUNG GI LUNG GZABS BSHAD DANG BCAS PA RNAMS DANG, THUN MONG DANG THUN MONG MA YIN PA'I TSE DBANG KHRID DANG BCAS PA DANG, RJE BTZUN TZONG KHA PA CHEN PO'I SGRUB SKOR THUN MONG MA YIN PA RNAMS DANG, 'PHAGS PA

BCU GCIG ZHAL GYI RJES GNANG, SNYING PO DON GSUM DANG, TSEM BU DMAR KHRID SOGS 'PHAGS PA'I CHOS SKOR YONGS SU RDZOGS PA DANG, SKYER SGANG LUGS KYI RTA MGRIN GYI RJES GNANG SGRUB SKOR DANG BCAS PA'I LUNG DANG, YIG CHUNG NYI SHU RTZA GCIG GI LUNG DANG, MKHAS GRUB THAMS CAD MKHYEN PA'I LTA KHRID DANG, RGYAL SRAS BLO GROS SBAS PA'I LTA KHRID RNAMS KYI LUNG DANG, SKYABS 'GRO'I KHRID RIM THUN MONG DANG THUN MONG MA YIN PA RNAMS DANG, GCOD KYI CHOS SKOR YONGS RDZOGS DANG, THUN DRUG GI RNAL 'BYOR LA SOGS PA MDOR NA LHAG BA'I LHA DANG YI DAM DANG CHOS SKYONG DU MA'I RJES GNANG SGRUB SKOR MTHA' YAS PA DANG, GTOR 'BUM GYI LUNG DMIGS RIM DANG BCAS PA DANG, ME TOG DANG, RDO DANG, CHU'I BCUD LEN BYA TSUL GYI LUNG LA SOGS PA ZAB PA DANG RGYA CHE BA'I CHOS TSUL MTHA' YAS BA ZHUS SHING PHYAG LEN LA THEBS PAR MDZAD DO, ,DE LTAR RMAD DU BYUNG BA'I GDAMS PA'I GTER CHEN POR NI GYUR, SDOM PA GSUM YANG DAG PAR NOS NAS BCAS MTSAMS LAS SKAD CIG TZAM YANG MI 'DA' BAR MIG GI 'BRAS BU LTAR SKYONG BA'I DRAN SHES KYI GOMS PA NI YONGS SU RDZOGS, ZHI LHAG ZUNG DU 'BREL BA DANG BSKYED PA'I RIM PA GOMS PA MTHAR PHYIN TE BDE STONG DBYER MED KYI TING NGE 'DZIN KHYAD PAR CAN BRNYES PAS, DA NI TSE 'DI'I 'KHRI BA BTZAN THABS SU BCAD DE TSE DANG SGRUB BA MNYAM PA ZHIG BYA'O SNYAM DU DGONGS PA 'BA' ZHIG BYUNG STE, MKHAS GRUB SANGS RGYAS YE SHES RANG

, ,NYID KYI GSUNG LAS KYANG, DE DUS RJE BLA MA LA DAM PA'I CHOS 'DOD DGUR ZHUR YOD PA ZHIG YIN NA'ANG, THUN MONG MA YIN PA'I GDAMS PA RNAMS NI THOB, DA SNANG BA MI DANG MI BSTUN PA'I SGRUB BA ZHIG BYED PAS RNAM GRANGS MANG POS DGOS BA MI 'DUG SNYAM DU MA ZHUS BA DES CUNG ZAD THOB RGYA CHUNG BA BYUNG 'DUG GSUNGS, DE NAS, BDAG NYID CHEN PO 'DI DGE 'PHEL GYI MKHAN POR SPYAN 'DREN PA'I GSOL BA 'DEBS PA DANG, SDE PA RIN SPUNGS BA DPON BLON GYI PHYAG DMAN NA CHAGS PA DANG BCAS BYUNG BA LA, DAM PA 'DI NI SKYE BA MANG BOR DBEN PA LA THUGS GZHOL BAS DANG DU MA BZHES KYANG, RGYAL BA DBEN SA BA CHEN BOS DAM TSIG LA BKAR TE RANG DBANG MED PAR RE ZHIG MDZAD PA'I ZHAL LEN GNANG, DE NAS GZA' SKAR 'PHROD SBYOR LEGS PA'I THOG ,KUN MKHYEN CHEN PO SHES RAB DPAL BZANG GI GDAN SA SHANGS MDO RI BO DGE 'PHEL GYI CHOS KHRI LA 'KHOD NAS DON DU GNYER BA DAG LA LEGS PAR BSHAD PA'I CHAR CHEN PO YANG PHAB, DE'I MU NAS RJE GRUB BA'I DBANG PHYUG GI ZHABS LA TSER MA'I REG BAS NYEN PA'I BSNYUN TSUL BSTAN NAS, SKU'I BKOD BA NYE BAR BSDU BA LA GZHOL ZHING, SEMS DPA' CHEN PO 'DI NYID BDAG NYID KYI RGYAL TSAB TU 'OS PAR GZIGS NAS GDAN DRANGS TE LHA DANG BCAS PA'I 'GRO BA MTHA' DAG LA ZAB PA DANG RGYA CHE BA'I SNYAN RGYUD KYI GDAMS PA'I 'KHOR LO BSKOR BA'I CHOS GYI RGYAL SRID DU DBANG BSKUR BAR

MDZAD DO, ,DE NAS RING POR MA LON PAR RJE GRUB PA'I DBANG PHYUG DBEN SA PA CHEN PO MYA NGAN LAS 'DAS PA'I MDZAD PA BSTAN PA NA, CHOS DANG ZANG ZING GI SGO NAS THUGS DGONGS YONGS SU RDZOGS BAR MDZAD CING, KHYAD PAR DBEN DGON DU RJE GRUB PA'I DBANG PHYUG DBEN SA PA CHEN PO'I GZIM SPYIL BZO BCOS MED PAR GTZANG KHANG DU BZHAG NAS GTZUG LAG KHANG MGON KHANG BLA BRANG DANG BCAS PA'I 'GAM BTINGS TE 'KHOR LO GSUM GYI ROL PA KHO NAS DUS 'DA' BAR MDZAD, DE NAS RGYAL BA DBEN SA PA CHEN PO NYID KYI DON GYI DGONGS PA LTAR GTZANG KHANG GI NANG DU SKU GDUNG RIL POR BZHUGS SU GSOL TE, RIN PO CHE BRDAR BA'I PHYE MA DANG SMAN 'DAM LAS RJE BTZUN DAM PA RANG NYID KYI SKU 'DRA BYIN RLABS KYI GZI 'OD 'BAR BA KUN GYI MIG GI BDUD RTZIR SPUNGS PA LTA BUR PIR THOGS RGYAL PO SMAN THANG NAS CHOS KYI RJE BLO BZANG RGYA MTSO DPON SLOB RNAMS KYIS LEGS PAR BZHENGS, 'DI'I NANG BZHUGS SU DE BZHIN GSHEGS PA'I RING BSREL, DAM PA GONG MA MANG PO'I SKU GDUNG DANG RING BSREL, SKU BAL SOGS BYIN RTEN TSANG MED PA BZHUGS SO, ,GTZANG KHANG GI LOGS RNAMS LA BLA MA LHA'I RNAL 'BYOR GYI RIM PA DANG MTHUN PA'I GSANG BDE 'JIGS GSUM KYEE RDOR DUS 'KHOR RNAMS KYI SKU DANG STENG DU RANG RANG GI BLA MA BRGYUD PA, 'OG TU SO SO'I CHOS SKYONG DANG BCAS PA LEGS PAR BZHENGS, GTZANG KHANG GI RTEN BZHENGS RNAMS GRUB CING 'DU KHANG GI THOG KHEL MTSAMS SU 'GRO BA THAMS CAD

, ,KYI 'DREN PA DAM PA LNGA BRGYA PA RNAMS KYI GTZUG GI NOR BU GANGS CAN GYI MGON PO THAMS CAD MKHYEN PA BSOD NAMS RGYA MTSO'I DPAL GTZANG PHYOGS SU CHIBS KHA BSGYUR BA RTEN 'BREL LEGS BAR 'DZOM, DBEN DGON DU GDAN DRANGS RAB TU GNAS PA MDZAD CING ME TOG GI CHAR CHEN PO MNGON PAR PHAB, RGYAL BA THAMS CAD MKHYEN PA RANG NYID KYANG SKU GDUNG RIN PO CHER DBU GTUGS TE RGYUN RING DU BZHUGS DANG GUS TSAD MED PA 'KHRUNGS SHING, SKU 'DRA RIN PO CHE RDO RJE 'JIGS BYED KYI SKUR GZIGS SO, ,DE NAS MKHAS GRUB SANGS RGYAS YE SHES DPON SLOB RNAMS RGYAL BA THAMS CAD MKHYEN PA BSOD NAMS RGYA MTSO'I ZHABS PHYIR PHEBS TE, BKRA SHIS LHUN POR SGROL MA NYI SHU RTZA GCIG GI RJES GNANG DANG, BKA' GDAMS GLEGS BAM GYI LE'U 'GA' RE'I LUNG DANG, MGON PO ZHAL LUGS GSUM GYI RJES GNANG DANG THUN MONG MA YIN PA'I GTOR CHEN LAS TSOGS DANG BCAS PA GDAMS PA YONGS SU RDZOGS PA'I LUNG SOGS CHOS BKA' MANG DU GSAN, SLAR DBEN DGON DU PHEBS TE MKHAR LAS KYI 'PHRO YONGS SU RDZOGS PAR MDZAD DO, ,MTSAMS SHIG TU SPOR TOG TU PHEBS NAS GRUB PA'I DBANG PHYUG PHYOGS LAS RNAM RGYAL BA'I DRUNG DU DPAL DUS KYI 'KHOR LO'I DBANG GONG MA RNAMS DANG BCAS PA DANG, GZHAN YANG BKA' CHOS MANG DU GSAN, GLANG MIG TU YANG 'JAM DBYANGS LEGS PA'I BLO GROS KYI SKU SKYE RJE RIN PO

CHE GLANG MIG PA ZHES GRAGS PA DE NYID KYI DRUNG DU'ANG DAM PA'I CHOS MANG DU GSAN, DE NAS SMAN THANG NAS CHOS KYI RJE BLO BZANG RGYA MTSO DPON SLOB RNAMS KYIS THUGS KYI KHUR BZHES TE 'DU KHANG GI LOGS BRIS YONGS SU RDZOGS PAR MDZAD CING, GUNG DU RGYAL BA BLO BZANG DON GRUB KYI SKU 'DRA SKYA RIS BTAB PA'I TSE NYIN MTSAN KHOR YUG TU MAR ME BZUNG BA SOGS NGO MTSAR BA'I LTAS DU MA YANG BYUNG, SKU 'DRA 'DIS MKHAS GRUB SANGS RGYAS YE SHES LA MNAL LAM DU GSUNG LAN GNYIS TZAM BYON NO, ,DE LTAR 'BAD PAS MTHAR BDE BAR GSHEGS PA'I SKU DNGOS SU BYON PA LTA BU SKYE BO MTHA' DAG YID 'PHROG CING, MKHAS PA RNAMS MGU BA SKYED PA'I LOGS BRIS LEGS PAR GRUB NAS RAB TU GNAS PA'I DGA' STON RGYAS PAR BSGRUBS TE 'JAM MGON SNYAN RGYUD KYI BSTAN PA NAM YANG MI NYAMS PAR PHYOGS KUN TU 'PHEL ZHING RGYAS PA DANG, GRUB PA'I GNAS MCHOG 'DI YANG 'JAM MGON SNYAN RGYUD BSTAN PA'I 'BYUNG KHUNGS SU SGRUB PAR MDZAD DO, ,DE NAS MKHAS GRUB SANGS RGYAS YE SHES DPON SLOB RNAMS GANGS CAN CHOS 'PHEL DU PHEBS TE, RDO RJE 'DZIN PA CHEN PO RIGS PA SENG GE'I DRUNG DU BDE MCHOG LO DRIL GNYIS KYI DBANG, 'JIGS BYED KYI DBANG, KYEE RDOR GYI DBANG, 'KHOR CHEN GYI DBANG, TSE DPAG MED LHA DGU'I DBANG, DPAL LDAN LHA MO'I DBANG BZHI, GUR ZHAL GYI RJES GNANG, N'A RO CHOS DRUG GI KHRID, BDE MCHOG GI MNGON PAR RTOGS PA RGYA CHER BSHAD PA

, ,'DOD 'JO, RDZOGS RIM RNAL 'BYOR CHEN PO'I RNAM BSHAD, BRTAG GNYIS t'IKA CHEN, KYEE RDOR, BDE MCHOG RNAMS KYI MNGON DKYIL SO SO'I LUNG SOGS CHOS MANG DU GSAN NAS, SLAR GRUB PA'I GNAS MCHOG DBEN DGON DU PHEBS TE 'KHOR LO GSUM GYI BYA BAS 'JAM MGON SNYAN RGYUD KYI BSTAN PA 'PHEL ZHING RGYAS PAR MDZAD DO, ,DE NAS MKHAS GRUB SANGS RGYAS YE SHES DPON SLOB NYUNG BSDUS SHIG RGYAL BA BSOD NAMS RGYA MTSO SOG YUL LA PHEBS KHAR MJAL BAR BZHED DE, DPON SLOB THAMS CAD GLANG GI LO ZLA BA GSUM PA'I NANG DU DBUS PHYOGS SU PHEBS TE, THOG MAR LHA SAR JO ZHAL GNYIS SOGS RTEN RNAMS KYI DRUNG DU BSTAN PA RGYAS PA'I SMON LAM YANG DAG PAR MDZAD, DER DPAL GYI LHA MOS DNGOS SU GSUNG BYON PAR YANG 'DUG ,DE NAS RI BO DGE LDAN DU CHOS RJE BYAMS PA RGYA MTSO'I DRUNG DU'ANG LAM RIM GYI 'GO NAS CHOS 'BREL ZHIG GSAN, DE NAS RGYAL BA THAMS CAD MKHYEN PA'I DRUNG DU DAD GUS KYIS KUN NAS BSLANGS PA'I 'BUL BA YANG DAG PAS MNYES PAR BYAS SHING ZAB PA DANG RGYA CHE BA'I CHOS MANG DU ZHUS, LHA'I BTZUN PA BSOD NAMS DPAL BZANG PO'I DRUNG DU'ANG SPYOD 'JUG DANG MTSAN BRJOD LA SOGS PA'I LUNG DU MA ZHUS, DE'I TSE DAM PA 'DI NYID KYI DRUNG DU'ANG, STOBS KYI 'KHOR LOS BSGYUR BA DGE LDAN PA YAB SRAS LA SOGS PA'I MI CHEN DANG, DGE BA'I BSHES GNYEN DU MAS ZHABS

LA GTUGS SHING, MKHAS GRUB DAM PA 'DIS KYANG SKAL LDAN DE DAG LA ZAB PA DANG RGYA CHE BA'I CHOS KYI BKA' DRIN YANG DAG PAR STZAL TE SLAR GTZANG PHYOGS SU PHEBS, DE KHA'I STON GTZANG RONG GI SDE 'KHRUG CHEN PO BYUNG STE, GRA PA BYING BSOD SNYOMS LA BYON SHUL GZIM KHANG NA DPON SLOB GSUM LAS MED PA'I THO RANGS SHIG PA SNAM RDZONG GI SRUNG CHA BA'I KHROD NAS DVAGS PO DANG, DE LA BRTEN PA'I PA SNAM PA'I PHO YAN 'TSOGS PA'I DMAG GI TSOGS SHIN TU 'JIGS PAS BCOMS TE MDA' MTSON GYI CHAR PHAB, DE'I TSE BDAG NYID CHEN PO 'DIS DE LTAR MA BYED CES 'JIGS PA MED PA LTAR SKU MNGON DU PHYUNG STE SKAL NGAN DE DAG LA GO BAR MDZAD PA NA NGAN PA DE DAG GIS DAM PA 'DI LA CHES CHER BSDIGS NAS MDA' 'PHANGS BA PHAL CHER BDAG NYID CHEN PO'I SKU LAS YOL TE 'GRO ZHING, 'GA' ZHIG PHOG KYANG JI LTAR RDO RJE RIN PO CHE'I RANG BZHIN GYI BRAG RIL MDA' PHAL PA 'PHANGS PA LTAR GNOD PA MED PAR BRUL BAR BYED DO, ,DER SDIG PA CAN DE DAG KYANG 'DI LA NI MTSON BSRUNG BLA NA MED PA DANG LDAN PA ZHIG GO ,ZHES SGRA DBYANGS SGROGS MOD KYANG LHA DANG BLA MA'I THUGS RJE'I GZI BYIN YIN GYI MTSON SRUNG THA MAL PA NI GNYAN NAS MED GSUNG NGO, ,BDAG NYID CHEN PO 'DI NI BLA MA LHA'I RNAL 'BYOR LA BRTAN PA THOB PAS GANG SNANG THAMS CAD BLA MA LHA'I RNAM ROL TU 'CHAR ZHING, DAM CAN CHOS SRUNG RNAMS KYANG BLA MA LHA'I BYA SGRUB YE SHES KYI RANG SNANG DU SHAR TE RGYUD SDE NAS GSUNGS BA'I 'PHRIN LAS

, ,RAB 'BYAMS THAMS CAD BLA MA LHA'I RNAL 'BYOR GYIS SGRUB NUS 'BYUNG ZHING MKHAS GRUB CHEN PO 'DI NYID CHOS SKYONG LA MNGA' BRNYES PAS GTOR BRDEG DANG BSKANG GSO SOGS GANG GNANG YANG ZIL GZHAN BAS CHE BA ZIG 'ONG, GTOR BRDEG MDZAD PA'I SLA NGA LA ZHABS RJES BYON PA'ANG MANG DU BYUNG 'DUG CING, BSKYED BA'I RIM PA MTHAR PHYIN PAS LHAG PA'I LHA'I NGA RGYAL DANG GSAL SNANG SHIN TU BRTAN PA MNGA' BA'I STOBS KYIS NANG MCHOD RANG KHOL DANG, TSE RIL 'PHAR BA DANG, BDUD RTZI 'BAB PA DANG, TSE CHANG KHOL BA DANG, SPYAN DBYE'I CHE, LHAS ME TOG DNGOS SU BZUNG BA YANG DU MA ZHIG BYUNG, DE NAS DBEN DGON DU LO RE BZHIN MDO SNGAGS KYI ZAB CHOS RGYA CHER GNANG BAS PHYIS NI MKHAS SHING GRUB PA'I SNYAN GRAGS KYI 'UR LANGS TE PHYOGS PHYOGS KYI SDE DGON SO SO'I BLA MA DANG, SDE DPON MANG POS KYANG MCHOD GNAS 'GRAN ZLA MED PAR BZUNG BA YIN NO, ,DE'ANG DUS RGYUN PAR YANG BLA MA LHA'I RNAL 'BYOR KHO NA LA SGRUB PA SNYING POR MDZAD CING RTOGS PA KHYAD PAR CAN DE LA BRTEN NAS BRNYES TE, BKA' LAS, DPAL LDAN BDE CHEN DBEN PA'I PHO BRANG DU, ,RTZE GCIG BSGRUB LA BRTZON BA'I RNAL 'BYOR PA, ,RTAG TU BLA MA DRAN PA'I BSAM GTAN LA, ,G-YEL MED GCIG TU GZHOL ZHING BRTZON PAR BYED, ,CES GSUNGS, YANG BKA' LAS,

MA YENGS DRAN PA'I CHU 'DZIN 'THUG PO LAS, ,DON DAM RIG PA'I GNAM LCAGS CHAR PHAB NAS, ,MTHAR 'DZIN BRAG RI'I PHUNG PO MYUR BSHIG STE, ,BDE CHEN DAM PA'I GNAS SU BGROD PA NI, ,AE MA NGO MTSAR DPAL GYI DAM PA'O, ,ZHES GSUNGS, GZHAN YANG DGE BA'I BSHES GNYEN DU MAS BSKUL BA DANG, BDAG NYID KYANG RJE BTZUN BLO BZANG DON GRUB KYI BKA' DRIN PA'I NYAMS MGUR YANG MANG DU MDZAD DE, 'DI LTAR, NA MO MAH'A MU TR'A YA, PHA GI ZHIG RGYA MTSO CHEN PO NA, ,YID BZHIN NOR BU RIN CHEN YOD, ,DED DPON GYI THABS LA MA BRTEN NA, ,GTING MTHA' ZAB PAS RNYED BAR DKA', ,'DI KHA ZHIG GSUNG RAB KYI RGYA MTSO NA, ,SNYING PO YID BZHIN NOR BU YOD, ,MTSAN LDAN GYI THABS LAM BRTEN NA, ,ZAB RGYAS KYI SPROS PA RNYED PAR DKA', ,DKA' TSUL 'DI SNYING GI DKYIL DU CHONGS, ,DPA' BO DANG DPA' MO'I THUGS KYI BCUD, ,NGOMS PA RANG MED PAR GSOL BAR ZHU, ,ZHU BA 'DI RANG SEMS RGYAL PO LA, ,GDAMS PA BDE CHEN GYI GTER MDZOD YIN, ,ZHES PA DANG, YANG, NA MO MAH'A MU TR'A YA, RGYA MTSOR YOD PA'I NOR BU RIN CHEN DE, ,SHUGS DRAG RLABS KYIS PHYOGS SU BSKYOD NA YANG, ,BSOD NAMS LDAN PA'I 'GRO BA'I DPAL DU CHE, ,BSTAN PA'I SNYING PO RANG SEMS BDE CHEN DE, ,RNAM PAR RTOG PA'I 'KHRUL PAS G-YON YANG,

, ,DAD LDAN SKAL LDAN GDUL BYA'I DPAL DU CHE, ,CHE BAR GYUR CIG BLA MA LHAG PA'I LHA, ,ZHES BYA BA LA SOGS PA GSUNGS, ,DE NAS BDAG NYID CHEN PO DGUNG LO LNGA BCU NGA BRGYAD BZHES PA, SNA TSOGS ZHES PA CHU PHO RTA'I LO'I DGUN BSAM 'GRUB RTZE NAS PHYAG DAM NAN CHES BA'I STABS KYIS DGE 'PHEL KHRI THOG TU PHEBS, LO LNGA'I BAR DU DAM PA'I CHOS KYI 'KHOR LO BSKOR TE CHOS KYI KHRIMS KYANG YANG DAG BAR BSDAMS PAS BKA' DRIN GYIS KHYAB PAR MDZAD DO, ,DE NAS RGYAL BA DBEN SAB CHEN PO'I BKA' LUNG LTAR GRUB PA'I GNAS MCHOG DBEN SA CHOS KYI PHO BRANG NYID SKYONG BA GTZO BOR MDZAD BZHED DE DGE 'PHEL GYI GDAN SA BZHAG NAS 'PHAGS PA 'JIG RTEN DBANG PHYUG GI GDUNG 'DZIN 'GRO BA DU MA'I 'DREN PA GNAS RNYING NAS RJE 'JAM PA'I DBYANGS DGE 'PHEL GYI KHRIR BKOD NAS SLAR YANG GRUB BA'I GNAS MCHOG DBEN SA CHOS KYI PHO BRANG DU PHEBS TE DGUN PHAL CHER SGRUB BA BSAM GTAN GYI 'KHOR LO DANG, DBYAR CHOS LA PHYOGS PHYOGS KYI SDE SNOD 'DZIN PA DANG, GNYUG MAR GNAS PA RNAMS LA ZAB RGYAS MDO SNGAGS KYI CHOS BKA' RGYA CHER STZAL LO, ,DE SKABS RGYAL BA DBEN SA PA CHEN PO SLAR YANG 'JAM MGON SNYAN RGYUD KYI BSTAN PA SPEL BA'I PHYIR BSAM BZHIN DU BYON PA RJE BTZUN BLO BZANG CHOS KYI RGYAL MTSAN DBEN DGON DU GDAN DRANGS NAS DGE BSNYEN, DGE TSUL, DBANG LUNG MAN NGAG THAMS CAD YONGS

SU RDZOGS PAR GNANG STE DBEN SA CHOS KYI PHO BRANG GI MI 'JIGS SENG GE'I KHRI LA MNGON BAR DBANG BSKUR TE SNYAN RGYUD BSTAN PA'I BDAG BOR MNGA' GSOL, NAM MKHA'I DBYINGS THAMS CAD TIL GYI GANG BU LTAR GANG BA'I RGYAL BA SRAS BCAS RNAMS KYIS ME TOG GI CHAR PHAB BO, ,DE NAS RGYAL BA TZONG KHA BA'I RNAM THAR LTAR DBEN SA BA CHEN PO'I SPRUL PA'I SKU 'DI RGYAL BA TZONG KHA PA RANG NYID SLAR BYON PA LTA BU ZHIG 'ONG BAR BYA'O SNYAM DU THUGS LA BRNAGS TE BKRA SHIS LHUN POR THUGS GNYER LA BRDZANGS, DE NAS RJE BTZUN BLO BZANG CHOS RGYAL DGUNG LO BCU DGU'I THOG BKRA SHIS LHUN POR DKA' BZHI'I GRVA SKOR MDZAD PA LA NYE BA'I TSE 'BRUM BU'I BSNYUN GZHI BYUNG BA NA MKHAS GRUB SANGS RGYAS YE SHES DE MA THAG PHEBS TE DBANG BSKUR BYIN RLABS GNANG ZHING GZHUNG LUGS CHEN MO RNAMS LA SBYANGS BA MDZAD LUGS, DE NAS GZHUNG DON GDAMS PAR SHAR BA'I NYAMS LEN LA 'BAD DGOS LUGS, RANG NYID MI NYAMS PA'I GDENG THOB PA NA RJE BLA MA'I SNYAN RGYUD KYI BSTAN PA 'DZIN SKYONG SPEL GSUM 'DI LTAR MDZAD DGOS SO ZHES GDAMS PA MTHIL PHYIN PAR GNANG ZHING LUNG BSTAN GSANG BA'I ME LONG YANG ZHIG TU BSTAN TE, SKU TSE DE'I THA MA'I ZHAL CHEMS LTA BUR BSLAB BYA MTHAR PHYIN PAR MDZAD DE ZHAG GSUM BZHUGS NAS DBEN DGON NYID DU PHEBS SO, ,MDOR NA MKHAS GRUB SANGS RGYAS YE SHES ZHES YONGS SU GRAGS BA'I BDAG NYID CHEN PO 'DI NI TSUL KHRIMS

, ,GSUM GYIS YANG DAG PAR BSDAMS SHING CHAGS SDANG 'GO GNON PA, LHAG PA'I LHA'I RNAL 'BYOR LAS G-YEL BA MED CING BDE STONG GI TING NGE 'DZIN MNGA' BA, RGYAL BA BLO BZANG DON GRUB KYIS DBEN DGON 'DI GNYER DU GTAD PA'I BKA' LAS 'GONGS PA MED PAR SGRUB PA'I SDE 'DI KHO NA THUGS KYI DKYIL DU BCUG NAS 'KHOR LO GSUM GYIS DUS 'DA' BAR MDZAD DO, ,MKHAS GRUB SANGS RGYAS YE SHES KYIS 'DZAM MGON SNYAN RGYUD KYI MAN NGAG RNAMS MI NUB PAR YUN RING GNAS PA'I PHYIR, RJE BTZUN BLO BZANG DON GRUB KYI RNAM THAR GSOL 'DEBS, ZAB LAM BLA MA LHA'I RNAL 'BYOR NYAMS SU LEN TSUL RJE RIN PO CHE LA BRTEN PA'I PHYI NANG GSANG GSUM GYI BLA MA'I RNAL 'BYOR, LAM RIM GSOL 'DEBS DANG 'BREL BA'I BLA MA'I RNAL 'BYOR, LHAG PA'I LHA MANG PO LA BRTEN PA'I BLA MA'I RNAL 'BYOR MANG PO, BYANG CHUB LAM GYI RIM PA'I SKYES BU CHUNG DU'I DMIGS SKOR; GCOD KYI SKOR, TSOGS 'KHOR, RJE RIN PO CHE'I SGRUB THABS, MGON PO'I BLA RGYUD GSOL 'DEBS, BLA MA'I BSTOD PA'I RIM PA, BLA MA MCHOD PA'I CHOG ,THEG CHEN THUN MONG BA'I BLA MA LHA'I RNAL 'BYOR GYI SGO NAS SKYES BU GSUM GYI LAM GYI RIM PA'I KHRID, BLA MA LHA'I RNAL 'BYOR GYI SGO NAS TSE 'DI DON DANG LDAN PAR BYED PA, BLO SBYONG DON BDUN MA BSHAD CHOS TZAM MA YIN PAR RGYUD LA SBYOR TSUL, CHU SBYIN GYI DMIGS SKOR, DE BZHIN

GSHEGS PA BZHI'I DMIGS SKOR, DRIS LAN LEGS PAR BSHAD PA'I SNYING PO NYIN MOR BYED PA'I DPAL ZHES BYA BA, LTA SGOM SPYOD PA'I SNYING BO, GZHAN YANG MAN NGAG SHIN TU ZAB PA'I ZHAL GDAMS BCU GCIG, GZHI LAM 'BRAS BU'I DKA' BA'I GNAD KYI DRI BA DANG DE'I LAN RANG NYID KYIS MDZAD PA, DBU MA'I ZIN BRIS, RJE BKRA SHIS RIN PO CHE BA'I DRI LAN, THEG CHEN GSO SBYONG GI SDOM PA LEN TSUL DANG, THUGS RJE CHEN PO'I SGRUB THABS, YI DAM LA BLA BRE PHUL BA'I GNYER GTAD, CHAB SHOG, GRUB RGYAL LUGS KYI TSE DBANG, GTUM PO KHYUD LNGA'I RJES GNANG, SKYER SGANG LUGS KYI RTA MGRIN GYI RJES GNANG, MGON PO'I RJES GNANG BYED TSUL, RDO RJE 'JIGS BYED KYI SGRUB THABS BDUD THAMS CAD LAS RNAM PAR RGYAL BA NGAG 'DON GYI RIM PAR BSGRIGS PA, RTA MGRIN GYI RNAL 'BYOR NYAMS SU LEN TSUL, SMYUNG BAR GNAS PA'I CHO GA DNGOS GRUB KUN 'BYUNG, BLA MA YI DAM DPAL MGON SRUNG MA'I TSOGS LA MCHOD GTOR 'BUL BA'I RIM PA, CHOS RGYAL GYI SGRUB THABS BDUD DPUNG TSAR GCOD 'PHRIN LAS BZHI'I DNGOS GRUB, GTOR MA'I CHO GA'I RIM PA DNGOS GRUB KUN 'BYUNG, BLA MA LHA 'JAM DPAL DBYANGS KYI SGRUB THABS, BLA MA DPAL RDO RJE 'JIGS BYED KYI RNAL 'BYOR NYAMS SU LEN TSUL LA SOGS PA RNAMS MDZAD DO, DE LTAR MKHAS GRUB SANGS RGYAS YE SHES KYIS ZHING 'DI'I SKU DNGOS KYI GDUL BYA RNAMS KYI DON BSGRUBS ZIN PA NA

, ,NYID KYI DGUNG LO DRUG CU RE BDUN PA, BONG BU ZHES PA LCAGS MO YOS KYI LO ZLA BA BCU GNYIS PA'I NYER LNGA LA SKU TSE 'DI'I GDUL BYA'I THA MA BKA' ZHIG RJES SU GZUNG BZHED PA DANG, BYAMS MGON LA MCHOD 'BUL SMON LAM MDZAD BZHED PA SOGS DGOS PA KHYAD PAR CAN MANG PO ZHIG LA DGONGS TE RONG BYAMS CHEN DU PHEBS NAS JI LTAR BZHED PA'I THA MA'I MDZAD PA RNAMS MDZAD DE ZLA BA BCU GCIG PA'I YAR NGO'I TSES BCU BZHI LA NGO MTSAR BA'I LTAS DANG BCAS TE MYA NGAN LAS 'DA' BA'I TSUL BSTAN TO, ,DE NAS DGUNG ZHAG BDUN GYI BAR DU BSIR BU'I RGYU BA CHAD CING LHA'I ME TOG GI CHAR BABS SO, ,DE NAS RJE BTZUN BLO BZANG CHOS KYI RGYAL MTSAN GYI BKAS MNGAGS TE SKU GDUNG SLAR DBEN DGON DU GDAN DRANGS NAS ZHUGS LA SBYANGS, ZHAG ZHE DGU'I BAR DU TSOGS PAS GUNG TSIGS YAN LA DPAL RDO RJE 'JIGS BYED KYI DKYIL 'KHOR BSGRUBS NAS DBANG BLANGS SHING, DGUNG GI RING BLA MA MCHOD PA'I CHOG MDZAD, BKRA SHIS LHUN PO, DGE 'PHEL, BYAMS CHEN SOGS CHOS SDE RNAMS SU MANG 'GYED DANG, DNGOS 'BUL GYA NOMS PA MDZAD PA SOGS MDOR NA GRA BU SLOB, SDE DGON GYI SBYIN BDAG SO SO DANG BCAS PA TSANG MAS DAD PA CHEN POS THUGS DGONGS YONGS SU RDZOGS PAR MDZAD, DGUNG ZHAG GROL NAS SPUR KHANG ZHAL PHYE BA NA, RING BSREL SRAN MA TZAM ZHIG GIS SNYING POR BYAS SHING PHYI RNAMS RING BSREL

GYIS BYUR BUR GTAMS PA'I THUGS GNYIS, LJAGS, SPYAN, RTZA DBU MA BYANG SEMS DKAR DMAR GYIS GANG BA, DBU KLAD RING BSREL GYIS BYUR BUR GTAMS PA SOGS BYON ZHING, RING BSREL SIL BU BA NI SHIN TU MANG PAR BYON NO, ,DE NAS RJE BTZUN BLO BZANG CHOS KYI RGYAL MTSAN GYIS MKHAS GRUB CHEN PO 'DI NYID KYI SPUR KHANG GI SA PHAG RNAMS LA GZHI BYAS, PHYI ROL TU SKU TSE BYIN BRLABS KYI MCHOD RTEN SHIN TU LEGS PA ZHIG DGUNG ZHAG GROL 'PHRAL DU BZHENGS, DPAL 'KHOR LO SDOM PA'I SGO NAS RAB GNAS RGYAS PAR MDZAD DO, ,DE NAS RJE BTZUN BLO BZANG CHOS KYI RGYAL MTSAN NYID DE SKABS THUGS GNYER GYI SKABS YIN PA DANG, THUGS NGES 'BYUNG SKYO SHAS SHIN TU CHE BAS RTEN BZHENGS SOGS YO LANGS LA MI DGYES KYANG MKHAS GRUB CHEN PO DE NYID KYI SLOB MA MANG PO DANG SBYIN BDAG MANG PO ZHIG GIS BSKUL NAS CHOS KYI RJE BLO BZANG RGYA MTSO BAS SBYIN BDAG DANG ZHAL BKOD KYI MTHIL MDZAD NAS MKHAS GRUB SANGS RGYAS YE SHES KYI SKU 'DRA BSKAL BA DANG PO'I MI TSAD TZAM GSER ZANGS LAS GRUB PA BLTABS CHOG MI SHES PA ZHIG BSGRUBS TE, LHA BZO BA RNAMS KYANG 'BUL NOR GYIS MNYES PAR MDZAD, 'KHOR LO BDE MCHOG GI SGO NAS RAB TU GNAS PA RGYAS PAR MDZAD DE BYIN RLABS KYI GZI BYIN 'BAR BAR BZHUGS SO, ,DE LTA BU'I DAM PA 'DI LA DBUS GTZANG GI LJONGS 'DIR BU SLOB MANG DU BYUNG BA RGYAS PAR NI BRJOD PAR MI SPOBS MOD, RAGS PA TZAM SMOS NA, GNAS RNYING

, ,NAS RJE RIN PO CHE 'JAM PA'I DBYANGS, JO GDAN MKHAN RIN PO CHE NOR BZANG RGYA MTSO, SHAR RTZE SLOB DPON PA RJE SH'AKYA MCHOG GRUB, CHOS RJE BSAM BLO SHES RAB RGYAL MTSAN, CHOS RJE RGYAL BA'I 'BYUNG GNAS MNGA' RIS DKA' BCU PA BLO BZANG DPAL MGON, MKHAN PO SANGS RGYAS TSUL KHRIMS, MNGA' RIS MKHAN PO BSAM RDOR BA, CHU DBAR RIN CHEN DON YOD RGYA MTSO, DBUS PA CHOS RJE DGE LEGS PA, MTSAN SGROG MKHAN CHEN SDINGS PA NANG SO, ,KONG STON 'JAM DBYANGS RGYAL PO, ZHAL SNGA NAS 'JAM DPAL RDO RJE, CHOS RJE GUNG RU SHES RAB BKRA SHIS ,CHOS RJE CHOS DON PA SOGS BSTAN PA'I RTZA LAG TU GYUR PA'I BSHES GNYEN MTHA' YAS SHING THUGS KYI SRAS MCHOG 'JAM MGON SNYAN RGYUD KYI BDAG PO 'GRAN PA'I ZLA THAMS CAD DANG BRAL BA NI RJE BTZUN BLO BZANG CHOS KYI RGYAL MTSAN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB SANGS RGYAS YE SHES LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR 'JAM MGON SNYAN RGYUD 'DZIN PA'I BSHES GNYEN DAM PA TSUL BZHIN DU BSTEN NAS MDO SNGAGS GNYIS KA'I LAM GYI LUS RDZOGS BA'I MAN NGAG THOB PAR BYAS LA THOG MAR LAM THUN MONG PA LA MYONG BA THON NGES SHIG BYA, DE NAS THUN MONG MIN PA RDO RJE THEG PA'I LAM LA SBYANGS TE NGES PA RNYED PA NA BLA MA LHA'I RNAL 'BYOR LAM GYI SROG TU BYAS TE BSKYED

RDZOGS GNYIS LA MYONG BA THON NGES SHIG BYA'O,, ` ,,DGE LEGS YON TAN MA LUS 'BYUNG BA'I GNAS, ,DRI MED BLO BZANG BSTAN PA'I KHANG BZANG RTZER, ,CHOS KYI RGYAL MTSAN 'DZIN PA'I DPAL YON CAN, ,DPAL LDAN BLA MA'I ZHABS LA GSOL BA 'DEBS, ZHES BSNGAGS PA, PAn CHEN BLO BZANG CHOS KYI RGYAL MTSAN NI, GANGS CAN GRUB MCHOG RGYAL BA DBEN SA PA CHEN PO 'JAM MGON BLA MA'I MDO SNGAGS KYI BSTAN PA SPEL BA'I SLAD DU, SNYIGS MA'I 'GRO BA RNAMS THUGS RJES MA BZOD PA DANG RGYAL BA'I DAM CHOS 'DZIN PA'I SMON LAM RLABS PO CHE'I MTHUS BSAM BZHIN DU BYON PA ZHIG STE, DE YANG BDAG NYID CHEN PO 'DI GANG DU 'KHRUNGS BA'I YUL NI GTZANG RONG GI YUL LTAN ZHES BYA BA RTZI SHING NAGS TSAL RGYAS SHING, 'BRU BCUD LO TOG 'PHEL BA SNGON BYON DAM PA MANG POS BYIN GYIS BRLABS PA SOGS DGE MTSAN KHYAD PAR CAN DANG LDAN BA ZHIG STE, DE LTA BU'I YUL DE'I NANG DRUG BRGYAR, SBA YE SHES DBANG PO DANG, MTSUNGS MED G-YAG SDE PAn CHEN SOGS DAM PA DU MA 'KHRUNGS PA'I RIGS SU YAB NI SHER PHYIN BRGYAD STONG PA RGYUN DU KHA TON MDZAD PA SOGS LUNG DANG RTOGS PA'I YON TAN GYIS RGYUD PHYUG PA DRUNG 'TSO BA KUN DGA' 'OD ZER ZHES BYA BA DANG, YUM NI RANG BZHIN GYIS DRANG ZHING NYON MONGS CHUNG LA SKYE BO KUN LA PHAN SEMS CHE BA SOGS KUN GYIS BSNGAGS 'OS SU BYED PA MTSO RGYAL ZHES BYA BA GNYIS KYI SRAS SU, RAB MYOS ZHES PA LCAGS PHO RTA'I LO NGO MTSAR BA'I LTAS

, ,BSAM GYIS MI KHYAB PA DANG BCAS 'KHRUNGS SO, ,DE'I TSE DKAR PHYOGS KYI LHA RNAMS KYIS DA NI 'GRO BA MGON DANG BCAS SO ZHES DGA' BA'I CA CO'I SGRA SGROG, ME TOG 'THOR ZHING GOS KYIS G-YAB MO BYED, LHA 'GA' ZHIG GIS RGYAL SRAS GZHON NU 'DI LA MNGAL GYI DRI MAS GOS PA DAG PAR BYA BA'I PHYIR KHRUS GSOL, GNOD SBYIN LAG NA RDO RJE 'KHOR BRGYA PHRAG MANG PO DANG BCAS PAS PHYOGS PHYOGS SU 'KHOD NAS BAR CHAD BSRUNG, RGYAL BA SRAS BCAS THAMS CAD KYIS RGYAL SRAS 'DI'I DON GRUB PAR GYUR CIG CES BDEN TSIG GI SMON LAM MDZAD PAR NGES TE, SKU GSUM MNGON DU GYUR PA'I RDO RJE 'DZIN PA CHEN PO ZHING 'DIR GDUL BYA'I DON DU SPRUL PA'I SKU BZUNG BA YIN PAS NA ZHING GANG DANG GANG DU SPRUL PA'I SKU BYON PA DE DANG DE'I TSE SNGAR BSHAD PA'I RTAGS DANG MTSAN MA DE DAG 'BYUNG BAR RGYAL BA'I BKA' LAS GSUNGS SO, ,DE LTA BU'I RGYAL SRAS GZHON NU DE MTHUN PA'I DNGOS PO DAG GIS BSKYED BSRINGS SHING LHA DANG BLA MA'I LUNG BSTAN LTAR MTSAN CHOS RGYAL DPAL LDAN BZANG PO ZHES BTAGS SO, ,RGYAL SRAS GZHON NU DE NI BSKAL PA MANG PO'I SNGON ROL NAS LAM LA SBYANGS PA'I MTHU GRUB PA YIN PAS SKU NA SHIN TU PHRA BA'I GNAS SKABS DER YANG BYIS PA GZHAN DAG GI NGANG TSUL LAS 'DAS TE, THUGS RAB SHIN TU GSAL BAS GZHAN DAG GIS SGROL MA DANG, SHES RAB SNYING PO SOGS NGAG 'DON BYAS PA NA ZHAL NAS GSUNG

PAR MA MDZAD KYANG THUGS LA TSIG 'BRU GO RIM DANG BCAS PA GSAL BAR SHAR, DRUNG 'TSO BA ZHAG RE BZHIN MTSAN BRJOD KHA TON 'CHAG MED MDZAD PA GSAN PAS DGUNG LO GSUM PA'I SKABS MTSAN BRJOD THUGS LA GSAL BA NGAG TU 'ANG GTZANG SENG NGE PA 'DON NUS PA BYUNG, DGUNG LO LNGA LON DUS ZHAG RE BZHIN MTSAN BRJOD TSAR LNGA RE ZHAL TON DU MDZAD, DE DUS DBEN DGON PA DPON SLOB KYIS DBYAR GNAS DRUG BRGYAR MDZAD PAS, DE'I TSE RGYAL SRAS GZHON NU DE PHYI ROL TU THABS CI BYAS KYANG BZHUGS MA 'DOD PAR DBEN DGON TSOGS PA'I NANG DU BYON TE GRAL GONG DER BZHUGS PA ZHIG BYUNG, DE'I RGYUS, RDO RJE 'JIGS BYED KYI CHO GA DANG, MGON PO, CHOS RGYAL, LHA MO, PHYAG BZHI PA, GUR ZHAL RNAMS KYI BSKANG GSO RNAMS TSOGS PA'I ZHOR THEGS PA MKHYEN, DGAG DBYE GROL NAS GRVA PA RNAMS BSOD SNYOMS LA BYON, MKHAS GRUB CHEN PO SANGS RGYAS YE SHES ZLA BA GCIG TZAM DER BZHUGS PA'I JA'I GRAL DU MKHAS GRUB SANGS RGYAS YE SHES KYIS, SRAS CHUNG 'DI DBYAR GNAS KYI RING TSOGS DKYIL RANG DU BZHUGS TSUGS SHING, YI DAM DANG BSKANG GSO RNAMS KYI ZHOR 'DEGS KYANG LEGS PAR YONG 'DUG GSUNGS PAS, DRUNG 'TSO 'CHEN MO NA RE, 'DI SHES RAB DGA' RAB YIN PA 'DRA, BDAG GIS KHA TON BYAS PA'I RNA 'JAGS KYIS NA NING LO GSUM PA'I MJUG TU MTSAN BRJOD SHIN TU BYANG BA BYUNG NAS, KHA SANG SKABS SHIG NYIN RE LA TSAR MANG PO 'DON GYIN 'DUG LAGS, DA LTA SKU ZHABS SU RGYUGS PHUL DANG GSUNG, RGYAL

, ,SRAS GZHON NU DES DE 'PHRAL DU YE SHES YON TAN BZANG PO'I BSTOD PA SNGON DU BTANG, RGYA GAR SKAD NAS, MNGON PAR BSTOD DO'I BAR DANG, MJUG TU SHES BYA MKHA' DBYINGS MA'I SMON LAM DANG BCAS PA DAG CING GSAL BSANG BZHIG BSKYAR BAS MKHAS GRUB SANGS RGYAS YE SHES THUGS SHIN TU DGYES NAS 'DON KHYER DAG CING BYANG BA 'DUG, BTZUN PA ZHIG BYED DGOS PA YIN, BTZUN CHAS LEN MI MIN BLTA'O GSUNGS NAS DBU PAn DE PHUD NAS RGYAL SRAS GZHON NU'I DBU LA G-YOGS NAS BTZUN PA LEN PO YONG BA 'DUG CES GSUNGS TE, DE NI MKHAS GRUB SANGS RGYAS YE SHES KYIS RGYAL SRAS GZHON NU 'DI RGYAL BA DBEN SA PA CHEN PO'I SPRUL SKUR YID CHES NAS MA 'ONGS PA'I RTEN 'BREL BSGRIB PA'I PHYIR DE LTAR MDZAD PA YIN TE, RGYAL BA DBEN SA PA CHEN PO SKU'I BKOD PA BSDU BAR PHYOGS PA'I DRUNG DU, MKHAS GRUB CHEN PO SANGS RGYAS YE SHES NYID KYIS DNGOS SU TSIG GI LAM NAS ZHU BA NI MA SPOBS; YID LA GDUNG BA MI BZAD PA SKYES SHING, SKU'I SKYE BA MYUR DU 'BYON PAR GSOL BA RTZE GCIG TU BTAB BAS MKHAS GRUB SANGS RGYAS YE SHES KYI THUGS LA GANG SHAR RGYAL BA DBEN SA PA CHEN POS THUGS KYIS MKHYEN NAS, DRUNG RAB 'BYAMS PA DE TZAM GYI THUGS NGAL MDZAD MI DGOS, NGED KYANG SPEL BA'I DE RU MYUR DU YONG, ZHES GSUNGS PAS, MKHAS GRUB SANGS RGYAS YE SHES SLAR YANG 'JIGS PA DANG MOS PAS THUGS CHAD CHOD DU SONG BAS RGYU MTSAN ZHU MA THUB,

SLAR LHA KHUD SPEL BA ZER BA 'DIR RE BA BCAS TE BRTAGS KYANG DOGS PA TZAM YANG MA BYUNG, PHYIS DRUG BRGYA BA'I SPE'U MTHON PO DE LA RANG DGONGS SAM SNYAM PA BYUNG ZHING, MNAL LAM DU'ANG RGYAL BA DBEN PA DRUG BRGYAR SPRUL SKU STON PA'I LUNG BSTAN MTSAR BA ZHIG BYUNG, 'ON KYANG DA DUNG GDENGS MA BKAL BAR DE DUS RJE GLANG MIG PA CHOS KYI RGYAL MTSAN PA ZHES BYA BA DE MNGON MKHYEN THOGS MED DU GSUNG BAR BYED PAS KHONG LA DRUG BRGYA'I SRAS PO 'DI RGYAL BA DBEN SA PA CHEN PO'I SPRUL SKU YIN MIN BRTAG PA ZHUS PA NA, DRUG BRGYA'I DE SKYE BA GCIG 'PHAR DGOS BYUNG BA MA GTOGS THE TSOM DGOS PA MI BDOG, MING YANG NGED GNYIS MTSUNGS PA YOD PAS CHOS KYI RGYAL MTSAN ZHES 'DOGS PAR MDZOD GSUNG BAS, MKHAS GRUB SANGS RGYAS YE SHES RANG NYID KYI MTSAN LTAS DANG RGYAL BA DBEN SA PA CHEN PO ZHING GSHEGS KHA'I GSUNG RIS DANG, SRAS CHUNG DE RANG GI MDZAD SPYOD DANG YON TAN MTSUNGS PA MED PA DE DAG GZIGS PAS THUGS YID CHES TE DBEN SA PA CHEN PO'I SPRUL SKUR NGOS BZUNG, PHYIS RAB BYUNG SGRUB PAR MDZAD DUS RJE GLANG MIG PAS GSUNG BA LTAR CHOS KYI RGYAL MTSAN ZHES MTSAN BTAGS DE'I STENG DU BLO BZANG ZHES SBYOR BAR MDZAD DO, ,DE LTAR RGYAL BA DBEN SA PA CHEN PO NYID KYIS LHAN DRUG BRGYAR SPRUL PA'I SKU 'BYON PAR ZHAL GYIS BZHES PA DANG, LHA DANG BLA MA GZHAN GYI LUNG BSTAN DANG ,MKHAS GRUB SANGS RGYAS YE SHES KYIS

, ,MNGON SUM DU RGYAL SRAS 'DI'I MDZAD SPYOD RNAMS GZIGS PAS THUGS GTING NAS YID CHOS SHING, 'PHRAL DU YONGS LA BSGRAGS NA BAR CHAD BYUNG DOGS PAS YAB YUM LA'ANG DE RIGS MA GSUNGS PAR DON GYIS PAn ZHVA DBU LA G-YOGS TE 'JAM MGON SNYAN RGYUD KYI BSTAN PA'I BDAG POR 'GYUR BA'I RTEN 'BREL BSGRIG PAR MDZAD PA'O, ,RGYAL SRAS GZHON NU DE DGUNG LO LNGA PA'I DUS DE NYID DU BDE GSHEGS BDUN GYI CHO GA BZUNG STE DUS BZANG RNAMS SU 'CHAG MED ZHAL 'DON MDZAD, RDOR GCOD ZHIG YANG YANG BKLAG PAR MDZAD PAS, KLOG BYANG BA DANG THUGS SU CHUD PA MNYAM DU BYUNG, DUS DE SKABS MKHAS GRUB SANGS RGYAS YE SHES KYANG STON DUS PHAL CHER DRUG PA RGYAR BZHUGS PAS, TSE DBANG, MGON PO PHYAG DRUG PA'I BKA' RDZOGS PA, RTA MGRIN GYI RIM PA MANG PO'I RJES GNANG, RTA POD KYI LUNG, RIGS GSUM MGON PO, SGROL MA, RNAM RGYAL, RNAM 'JOMS, CHOS SKYONG MANG PO'I RJES GNANG SOGS DBANG LUNG MANG DU ZHU BAR MDZAD, DGE BA'I BSHES GNYEN RIN PO CHE GRANGS CAN PA LA BRGYAD STONG PA SOGS SHER PHYOGS DANG, MDO MANG DANG, 'DUL BA LUNG DANG, RGYUD 'GA' ZHIG SOGS LUNG SHIN TU MANG BA DRUNG 'TSO BA CHEN MO SOGS DANG LHAN CIG ZHU BAR MDZAD, MES PO DRUNG 'TSO BA NYID KYI DRUNG DU PHU BO DRUNG 'TSO BA RTA MGRIN BZANG PO'I RIGS BRGYUD KYI SRUNG MA DRANG SRONG CHEN PO R'A HU LA'I RIGS GTAD, GDAMS PA YONGS RDZOGS KYI LUNG, ZHANG BLON GYI RJES

GNANG, SGRUB SKOR, RGYUD BZHI'I LUNG SOGS SMAN DPYAD KYI SKOR GYI DBANG LUNG RNAMS KYANG ZHOR LA GSAN, DGUNG LO BDUN PA'I DUS SU 'GRAM SO GNYIS GSAR DU SKYES PAS, 'JIG RTEN GYI KHA DNGAGS SU PHAG 'GRAM SKYES NA TSE PHYED SONG, ZER BA GSAN PAS 'DI YANG PHAG 'GRAM YIN 'DUG LA, DE LTAR NA MYUR DU 'CHI BAR 'GYUR BAR GDON MI ZA'O SNYAM DU 'CHI BA RTZOL MED DU DRAN PA NAR MAR BYUNG NGO, ,SBYIN PA NI 'JIG RTEN PHYI MAR NOR BCOL BA LEN PA DANG 'DRA SNYAM DU DGONGS TE RANG NYID KYI KHA ZAS LA BGO BSHA' BYAS SHING BZA' BTUNG SOGS PHYAG TU CI BYUNG SLONG MO BA DANG, KHYI DANG BYA BYE'U SOGS LA SBYIN BAR MDZAD CING, PHYI MA BDE 'GRO'I RTEN BZANG THOB PA TSUL KHRIMS LA RAG LAS PAR DGONGS NAS MI DGE BCU LA SDOM SEMS BSTEN GOMS YANG YANG MDZAD, TSUL 'DI NI RJE BTZUN BLO BZANG CHOS KYI RGYAL MTSAN RANG NYID KYI ZHAL NAS SBYIR NA BYIS PA CHUNG DU'I GNAS SKABS NAS, RAB TU 'BYUNG KHA'I BAR RANG BZHIN GYI KHA NA MA THO BA GZHAN LTA ZHOG, BSAMS BZHIN DU SROG CHAGS GROG SBUR PHRA MO BKUMS PA TZAM YANG DRAN LAM NA MA MCHIS SO, ,ZHES GSUNGS, RGYAL SRAS GZHON NU DE SNGON YUN RING PO NAS 'KHOR BA MTHA' DAG LA ZHEN PA LOG PA ZHIG YIN PAS SKU NA PHRA MO DE DUS NAS GZHAN GYIS BSKUL BA LA MI BLTOS PAR KHYIM DU 'DUG PA LA BTZON RAR BCINGS PA'I 'DU SHES BCOS MA MIN PA 'KHRUNGS NAS KHYIM NA GNAS PA LA NAM YANG DGA' BAR MI MDZAD CING, SPYIR RAB TU BYUNG BA DANG,

, ,KHYAD PAR DBEN DGON PA'I DGE SLONG DAG BYUNG NA LHAG PAR DGYES SHING, RANG DBANG 'DUS NA DE DAG DANG 'GROGS NAS BZHUGS PA LA YUN JI TZAM RING YANG THUGS SKYO BA MI SKYE, NA MNYAM GZHAN DANG DAL BAR RTZE BA'I DUS SU RDUL GZAN SHAM THABS SU BYAS, DRUNG GNAS TSUL KHRIMS PA'I ZHVA SER BSAMS BZHIN BLANGS NAS DBU LA BZHES TE BYIS PA MANG PO'I DBUS SU RES 'GA' CHOS 'CHAD NYAN, RES 'GA' 'GRO GLENG, RES 'GA' GRVA TSANG 'DZUGS PA LTA BU'I RTZED MO 'BA' ZHIG MDZAD PA ZHIG YOD PAR SKU THOG MNYAM PA'I SKYE BO MANG PO'I MNGON SUM DU GYUR PA YIN NO ZHES RJE NYID KYI GSUNG LAS 'BYUNG NGO, DE NAS SNA TSOGS ZHES PA CHU PHO RTA'I LO DGUNG LO BCU GSUM PA'I NGO MTHONG BA'I TSE NYE DU LA SOGS PA'I 'CHING BA MED PAR MA ZAD, DE DAG GIS MTHUN PA'I RKYEN NYE BAR SBYAR TE CHO 'PHRUL ZLA BA'I TSES BCU'I NYIN KHYIM NAS 'THON TE DBEN SA CHOS KYI PHO BRANG DU PHEBS, ZLA BA DE KHA'I TSES BCU GSUM LA RGYAL PHUR 'DZOM PA'I 'GRUB SBYOR THOG, MKHAS GRUB CHEN PO RJE BTZUN SANGS RGYAS YE SHES KYIS MKHAN SLOB ZUNG 'BREL DU MDZAD NAS, GRIB TSOD NYI MA'I BRGYAD CHA SHAR BA LA TSIGS SNGA MA DGE TSUL GYI SDOM PA LEGS PAR BZHES SHING, MTSAN BLO BZANG CHOS KYI RGYAL MTSAN ZHES GSOL, RAB TU BYUNG 'PHRAL MKHAN SLOB TSOGS BA DANG BCAS PA RAB STON GYA NOM PAS MNYES PAR MDZAD DO, ,DE'I TSE MKHAS GRUB SANGS RGYAS YE SHES KYIS DGONG

JA'I THOG TSOGS LA BYIN RLABS NYE BRGYUD KYI BLA MA'I RNAL 'BYOR LAM GYI GNAD TSANG BA SHIN TU ZAB CING RGYAS PA ZHIG GNANG, ZLA BA DE'I GSUM MCHOD DANG BSTUN SMAN THANG PA CHOS KYI RJE DKON MCHOG LHUN GRUB PAS SNGON NAS GSOL BA BTAB PA LTAR DPAL GSANG BA 'DUS PA'I DKYIL 'KHOR DU DBANG BZHI YONGS SU RDZOGS PA ZHU BAR MDZAD, DE'I DPYID DUS MKHAS GRUB SANGS RGYAS YE SHES KYI BKA' LTAR RJE RIN PO CHES MDZAD PA'I BYAMS MGON GYI BSTOD PA TSANGS COD MA DANG, RJE BTZUN 'JAM PA'I DBYANGS KYI BSTOD PA BSTOD SBRIN RGYA MTSO DANG, RNAM RGYAL MA'I BSTOD PA 'CHI MED GRUB PA DANG, RDO RJE RNAM 'JOMS KYI BSTOD PA RNAMS 'DZIN PA LA 'BAD RTZOL MA DGOS BAR LAN RE GZIGS PA TZAM GYIS THUGS SU CHUD DE RGYUN DU ZHAL 'DON MDZAD, BKA' GDAMS LHA BZHI DANG, 'JAM DBYANGS RIGS 'GA' ZHIG DANG, 'JIGS BYED, MGON PO PHYAG DRUG PA RNAMS RGYUN BSNYEN GYI TSUL DU MDZAD, DE'I TSE YI DAM DANG CHOS SKYONG GI GZUNGS MANG TZAM BZLAS RES KYIS MNAL LAM DU DUR KHROD 'JIGS SU RUNG BA DANG, KHRO BO DANG, GCAN GZAN SNA TSOGS PA'I RNAM PA 'BYUNG PA DANG, DNGOS SU YANG YI DAM RDO RJE 'JIGS BYED DANG, MGON PO PHYAG DRUG PA SOGS DAM CAN CHOS SRUNG MANG PO'I ZHAL GZIGS, 'JAM MGON BSTAN PA'I SRUNG MA RNAMS KYIS 'PHRIN LAS RNAM BZHI SGRUB PAR ZHAL GYIS BZHES PA SOGS DAG PA'I GZIGS SNANG DPAG TU MAD BA BYUNG ZHING, RANG DANG GZHAN GYI TSE RABS BRGYA STONG DRAN PA DANG, 'DAS

, ,PA'I DUS DANG MA 'ONGS PAR 'GYUNG 'GYUR MANG PO THUGS LA SHAR, SKAL BA DANG LDAN PA RE GNYIS LA DE BZHIN DU LUNG BSTAN YANG MDZAD, DE NAS MKHAS GRUB SANGS RGYAS YE SHES KYIS DBYAR CHOS LA LAM RIM GYI KHRID TSOGS CHOS SU GSUNGS PA BSGRIMS TE GSAN PAS TSIG DON THAMS CAD THUGS SU CHUD, DBYAR THOG DE LA DBEN DGON DU 'JIGS BYED KYI SGRUB MCHOD THOG MAR TSUGS THOG BDAG NYID CHEN PO 'DIS GTZOS DBEN DGON 'DUS TSOGS LA RDUL TSON GYI DKYIL 'KHOR DU YI DAM GYI DBANG BZHI RGYAS PAR GNANG BAS DBANG DON BRDA 'PHROD CING DMIGS RIM SHIN TU GSAL BA DANG, DBANG BSHAD GSAN STOBS KYIS BLA MED SPYI'I DBANG GI RNAM GZHAG LA 'KHRUL MED KYI NGES PA RNYED DE SNGAGS LAM LA GDENG THOB PA BYUNG STE BSAM GYIS MI KHYAB PA'I RNAM PAR THAR PA'O, ,DE'I STON RJE 'DI PA 'KHOR DANG BCAS PAS MKHAS GRUB SANGS RGYAS YE SHES LA BKA' GDAMS GLEGS BAM CHA LAG DANG BCAS PA, JO BO'I LAM YIG RGYAS BSDUS, SHAR BA'I LAM RIM, RGYAL SRAS BKA' 'BUM, LAM MCHOG RTZA 'GREL RNAMS KYI LUNG YONGS SU RDZOGS PAR GSAN NO, ,DE NAS RJE 'DI PAS DGUN GYI RING RIS MED PA'I DAM PA MANG PO'I RNAM THAR NYIN MTSAN KHOR YUG TU GZIGS PAS PHYOGS MED KYI BSTAN PA DANG DAM PA RNAMS LA CHOS KYI RJES SU 'BRANG BA'I THUGS DAD CHEN PO 'KHRUNGS SHING, BDAG NYID KYANG DAM PA RNAMS KYI RNAM

THAR 'DZIN PA'I DAM BCA' BRTAN PO DANG SPRO SHUGS 'PHEL PAR GYUR CING 'DI NANG GI 'DOD PA LA ZHEN PA SPANGS NAS GZHI TSUL KHRIMS RNAM PAR DAG PA LA GNAS BCAS ,RE SHIG MDO SNGAGS KYI THOS BSAM PHYOGS RE RAM SONG BA ZHIG BYAS DBUS GTZANG GI LJONGS 'DIR PHYOGS RIS SU MA SONG BAR SKYES BU DAM PA RNAMS KYI ZHABS LA GTUGS TE GSUNG GI BDUD RTZI'I BGO SKAL LA SPYAD NAS 'DU 'DZIS DBEN PA'I NAGS KYI SMAN LJONGS RNAMS SU TSE DANG SGRUB PA SNYOMS PA ZHIG CIS KYANG BYED SNYAM DU THUGS LA BCOS MIN DU 'CHAR BA ZHIG BYUNG NGO, ,DE DUS THUGS SKYO SHAS SHIN TU CHE ZHING ,RJE MI LA RAS PA DANG, 'JAM MGON TZONG KHA PA CHEN PO DANG, RGYAL BA DBEN SA PA CHEN PO SOGS SNGON BYON DAM PA'I RNAM THAR SKYONG BAR BZHED NAS ZHAL NAS KYANG DE DANG MTHUN PA'I GSUNG RIGS MDZAD PAS DBEN DGON PA'I DGE 'DUN RNAMS RIM GYIS BCOS MIN GYI DAD PA RNYED CING, RGYAL BA DBEN SA PA CHEN PO'I SPRUL SKUR YID CHES RNYED DE MKHAS GRUB SANGS RGYAS YE SHES LA DE LUGS BYAS CHOG PA DGOS ZHES ZHUS PA NA, MKHAS GRUB SANGS RGYAS YE SHES KYIS KYANG DA NI DUS LA BAB BO SNYAM DU DGONGS NAS DE LTAR MDZAD PAR ZHAL GYIS BZHES TE DGUNG LO BCU BZHI PA NYI MA ZHES PA CHU MO LUG GI LO ZLA BA GNYIS PA'I TSES GSUM GYI NYIN BSLAB GSUM LDAN PA'I DGE SLONG RI KHROD PA 'DUS PA'I TSOGS KYI DBUS SU MI 'JIGS SENG GE'I KHRI LA BKOD DE MKHAS

, ,GRUB CHEN PO SANGS RGYAS YE SHES KYIS SHIS PA RGYAS PAR BRJOD CING ME TOG GTOR NAS BYIN GYIS BRLABS, DE'I TSE NAM MKHA' SHIN TU DRANGS PA LA ME TOG KHA DOG SNA LNGA PA'I CHAR BABS PA SKYE BO KUN KYIS MTHONG BA BYUNG NGO, ,ZLA BA DE'I TSES BRGYAD LA MKHAS GRUB CHEN PO SANGS RGYAS YE SHES LA DBYANGS CAN MA DKAR MO'I RJES GNANG ZHUS TE TSES BCU NAS DBYANGS CAN MA'I BSNYEN PA ZHAG BDUN MDZAD PAS RGYAL BA KUN GYI YUM GCIG SGRA DBYANGS LHA MOR GRAGS PA DBYANGS CAN MA DKAR MO ZHAL GZIGS, KHYAD PAR DBYANGS CAN MA DE'I THUGS KA NAS LHA MO DBYANGS CAN MA SNGON MO PHYAG GNYIS RIN PO CHE'I YOL GO DNGOS GRUB GZUGS CAN LTA BU'I SHING THOG GSAR BAS BKANG BA 'DZIN PA ZHIG 'THON TE SNOD BCUD DANG BCAS PA GTZO MO LA PHUL BA, GTZO MO'I PHYAG G-YAS SU BZHES PA'I SHING THOG GI 'BRU GCIG LAS TSANGS PA'I SRAS MO DMAR MO GCIG THON BYUNG BA DES GTZO MO'I PHYAG NAS SHING THOG SNOD DANG BCAS PA BLANGS TE RJE 'DI LA PHUL BYUNG BA LONGS SPYOD BAS BLO GROS NAM MKHA' MDZOD KYI SGO THOG MAR BYE BA'I TSUL BSTAN, SKU TSE 'DIR DE GONG DU SNYAN NGAG SOGS THA SNYAD KYI GTZUG LAG LA THUGS SBYONGS MA MDZAD NA'ANG ,DE DUS DBYANGS CAN MA JI LTAR GZIGS PA LTAR, THUN MTSAMS SU LHA MO DBYANGS CAN MA'I BSTOD PA ZHIG RTZOM 'DOD 'KHRUNGS PA NA, DE MA THAG TSIG SBYOR RNAMS WAL GYIS SHAR NAS THOGS MED DU RTZOM PA 'DI LTAR MDZAD DE, NA MO SVA RA SVA STE Y'A, SGRA DBYANGS LHA MO DBYANGS CAN MA LA BSTOD PA

LHA'I GLU DBYANGS ZHES BYA BA, BCOM LDAN 'DAS NGAG GI DBANG PHYUG LA PHYAG 'TSAL LO, ,DBANG SNGON ZHU BA 'KHYIL 'DRA'I YID BZHIN MTSO, ,DAL GYIS RLABS PHRANG DBU BA'I 'DZUM DKAR CAN, ,CHU SKYES BLA BRES BRGYAN PA'I CHU GTER DOGS, ,RTZA SHA GZHON NU'I KHA DOG LTAR BKRA BA'I, ,YID 'PHROG BEE d'UR SNGON PO'I NE'U GSING STENG, ,ZLA BA NOR BU'I DO SHAL BKRAMS PA NI, ,'CHI MED LAM DU SKAR TSOGS GSAL BA BZHIN, ,MARGA TA YI KHU BA BYUGS 'DRA BA, ,YID 'ONG RKANG 'THUNG MDZES PA'I LAG MNYEN NI, ,DANG BA'I BSER BU'I PHO NYAS BSKUL BA NI, ,CHAGS LDAN YID DBANG 'GUGS PA'I G-YAB MO BZHIN, ,GSAR PA'I LANG TSO RGYAS PA'I PADMO RNAMS, ,LDEM LDEM GAR BSGYUR GE SAR ZE'U 'BRU DGOD, ,ME TOG SBRANG RTZIS PHYUG PA'I LDING KHANG DU, ,BUNG BA GZHON NU MGRIN PA'I RGYUD MANG BSGRENG, ,NE'U TZO'I GSHOG PA LTAR MDZES NAGS TSAL GYI, PHUN TSOGS GZHAL MED KUN DGA' BSKYED PA'I DBUS, ,PAD DKAR LAN TSAR G-YO BA'I LTE BAR NI, ,BDUD RTZI'I 'OD CAN GZI BYIN RGYAS PA'I STENG, , 'BUM PHRAG NAM MKHA'I NOR BU'I 'OD STONG GIS, ,RAB MYOS KII LA SHA YI RDUL BRTZEGS LA, ,'KHU LDAN DUNG GI 'KHRIL SHING MDZES MA 'DI, ,LTA BYED BDUD RTZI MA LUS SPUNGS PA BZHIN, ,BSIL 'OD BDAG PO PHYED PAS THOR TSUGS DANG, ,THOR TSUGS NAM MKHAR BSGRENG BAS ME TOG PHRENG, ,SPEL LEGS ME TOG PHRENG BAS SIL MA'I SKRA, ,KUN KYANG GDUGS DKAR YAN LAG MCHOG GIS MDZES, ,DPAL LDAN NAM MKHA'I LUS CAN KHYOD NYID KYI, ,'DREN BYED YON

, ,POR 'KHYOG PA'I SGRO LDAN NI, ,PANYTZA RDZOGS PA CI SMOS GCIG GIS KYANG, ,DPAL RKANG YID KYI BRTAN PA RDO RJE'I GO ,LAN BRGYAR 'BIGS NA DE LAS GZHAN PA'I CI, ,MCHU SGROS BYU RU'I SKYED TSAL NYAMS DGA' BAR; ;CHU SHEL GSAR BA'I SPU LONG PHANG PHUNG LA, ,'GONGS PA'I TSEMS DKAR PHRENG BA TSAR DU DNGAR, ,SNYAN TSIG GRE 'GYUR GDANGS KYIS SGRA 'DZIN GYI, ,DBANG PO RNAM PAR BZHAD PA'I BCUD LEN 'DIS, ,DRI ZA'I NA CHUNG MKHAR NYAL GNAS 'BROS SHING, ,GSER MNGAL SKYENGS NAS BSAM GTAN ZOL LA BRTEN, ,RIN CHEN SOR GDUB MDZES MAS DAM 'KHYUD PA'I, ,PHYAG ZUNG 'JAM MNYEN KA MA LA YI STENG, ,'PHANG 'GRO'I RNGA GSANG DBYAR SKYES DBYANGS BZHIN SGROG ,MKHRANG ZHING RAB RGYAS NU MA'I KHUR 'CHANG BA, ,SMIN LEGS NA CHUNG GTZUG RGYAN KHYOD KYIS NI, ,LUS CAN CHAGS PA'I BSAM GTAN LA 'GOD NA, ,'DI LAS GZHAN PA'I YID SRUBS MDA' DE GANG, ,RING NAS CHAGS DANG BRAL BA'I DRANG SRONG YANG, ,YA MTSAN KHYOD SKU'I DPAL 'DIR YID 'KHYOR BAS, ,MANDHA R'A YI DBU BA BRTZEGS 'DRA BA'I, ,MU TIG PHRENG TSOGS 'CHA' BAS DGOD PA BZHIN, ,DBANG SNGON 'DAB BRGYA BZHAD PA LA 'GRAN PA'I, ,SRAB 'JAM LHA RDZAS STOD G-YOGS RNAM PAR G-YO, ,PADMA R'A GA'I MDANGS KYI MA JES SDUG KYANG, ,PAM BYED SMAD G-YOGS SHAM THABS DRA BAS DKRIS, ,YID 'OD RNAM 'GYUR STONG GI RNAM ROL CAN, ,'PHO

'GYUR SPANGS PA'I BRGYAD ZUNG LANG TSO'I DBYINGS, ,MNGON DGYES DUS GSUM RGYAL BA'I YUM DE LA, ,GTZUG SKYES 'DZIN MAR BKOD PA'I PHYAG BGYID DO, ,SNYING LA KHYOD SKU'I SNANG BA DRAN TZAM GYIS, ,RAB 'BYAMS SHES BYA'I TSIGS RNAMS MA LUS PA, ,JI BZHIN RTOGS PA'I RNAM DPYOD 'OD STONG GIS, ,'GRO BA'I RMONGS MUN MA LUS SEL BAR SHOG ,BSHAD PAS BLO GSAL RNA BA MDZES BYED CING, ,RTZOD PAS LOG SMRA MA LUS KLAD PA 'GEMS, ,RTZOM PAS MKHAS RNAMS MGRIN PA'I RGYAN 'CHANG PA'I, ,DBYANGS CAN LHA MOS BKRA SHIS DENG 'DIR STZOL, ,CES PA 'DI, BTZUN PA BLO BZANG CHOS KYI RGYAL MTSAN GYIS NA TSOD LO BCU BZHI PA'I DUS SU SBYAR BA'O, ,ZHES PA 'DI PHYAG KHRIS SU MDZAD DO, BSTOD PA 'DI NI DBYANGS CAN MA'I SKU JI LTAR GZIGS PA LTAR DU BSTOD PA MDZAD PA YIN BAS 'DI LA DBYANGS CAN MA'I BSTOD PA GZIGS SNANG MA ZHES RJE BTZUN BLO BZANG CHOS KYI RGYAL MTSAN GYI THUGS SRAS GRUB CHEN RNAMS MTHUN PAR GSUNG NGO, ,DE NAS MKHAS GRUB SANGS RGYAS YE SHES KYI BKA' BZHIN LAM RIM CHUNG BA BZUNG NAS ZHAG BCU SKOR SONG BA'I MTSAMS LAM RIM CHE BA LA GZIGS PAS THUGS SHIN TU 'GRO BA ZHIG BYUNG STE 'DZIN PAR RTZOM PA NA BDAG CAG GI STON PA THUB PA'I DBANG PO SKU GSER GYI LHUN PO LA NYI MA 'BUM GYI MDANGS BYUGS PA LTA BU SKU CHE ZHING 'OD ZER PHYOGS KUN TU 'PHRO BA ZHIG ZHAL GZIGS TE, DE LA BSKOR BA LAN MANG DU BYAS TE GSOL BA BTAB PAS BYIN

, ,GYIS BRLABS TE LAM RIM CHEN MO YONGS SU RDZOGS PA THOGS PA MED PAR ZIN TE MKHAS GRUB SANGS RGYAS YE SHES LA RGYUGS PHUL, DE NAS DGUNG LO BCU DRUG LON PA'I DUS SU MGON PO ZHI BA LHA'I RTOGS BRJOD PADMA DKAR PO'I PHRENG BA ZHES PA SNYAN NGAG GI TSIG RGYAN PHUN SUM TSOGS BA ZHIG RTZOM PA MDZAD PAS SKYE BO BLO'I NOR LDAN RNAMS DGA' BA BSKYED PAR GYUR, RAB TU BYUNG NAS KHAS BLANGS PA'I TSUL KHRIMS MIG 'BRAS LTAR GCES PAR BSRUNG 'DOD KYIS THAMS CAD MKHYEN PA DGE 'DUN GRUB KYIS MDZAD PA'I 'DUL BA'I GLENG 'BUM CHEN MO YANG YANG GZIGS PAS TSIG DON THAMS CAD THUGS SU CHUD PA BYUNG ,TSUL 'DI LA NI RJE BLO BZANG CHOS KYI RGYAL MTSAN NYID KYI ZHAL NAS, DE DUS DKOR GYIS CHER MA SBAGS SHING NA TSOD GSAR PA RTZA KHAMS SHES PA SOGS KYANG GSAL BAS YIN PA 'DRA, GLEGS BAM BDAG NYID KYIS BLTAS PA DANG, ,CHOS BLA MAS GSUNGS PA SOGS LAN RE LAN GNYIS TZAM GYIS DON BLO LA 'CHAR BA BYUNG GSUNG NGO, ,MDOR NA DGUNG LO BCU BZHI NAS BCO BRGYAD KYI BAR MKHAS GRUB CHEN PO SANGS RGYAS YE SHES KYI ZHAL SNGA NAS GDUL BYA'I BSOD NAMS KYI ZHING DU PHYOGS SU GSHEGS PA'I SKABS MA GTOGS RGYUN DU ZHABS DRUNG DU BZHUGS NAS BU STON THAMS CAD MKHYEN PA'I GSUNG RAB 'GANGS CHE BA 'GA' ZHIG GI LUNG DANG, BLO SBYONG GI RIM PA MANG PO'I LUNG DANG, DPE CHOS RIN SPUNGS

RTZA 'GREL, BE'U BUM SNGON PO RTZA 'GREL SOGS KYI LUNG GSAN, GZHAN YANG LAM RIM CHE BA DANG 'DUS PA'I 'GREL PA BZHI SBRAGS SU GRAGS PA SOGS CUNG ZAD MA GTOGS, RJE BDAG NYID CHEN PO, SRAS KYI THU BO RNAM GSUM, RJE DGE 'DUN GRUB, BA SO CHOS RJE SOGS KYI GSUNG RAB YONGS SU GRAGS PA PHAL CHER GYI LUNG RNAMS GSAN, LAM RIM DANG BSKYED RDZOGS KYI KHRID GANG GSAN PA RNAMS LA NYAMS BZHES KYANG GDENG THOB PAR MDZAD, STON GYI DUS 'GOL BA'I SKABS SNAR THANG BRGYA RTZA'I RJES GNANG, JO BO LUGS KYI SGROL MA NYER GCIG GI RJES GNANG, BKA' GDAMS LHA BZHI'I RJES GNANG, BE'U BUM SO SO'I LUNG DANG BCAS PA, RDO RJE 'PHRENG BA DANG, MI TRA BRGYA RTZA'I DBANG LUNG YONGS RDZOGS GSAN, DBANG RJES GNANG GSAN PA'I LHA RNAMS LA BSNYEN PA 'GRO GANG CHE YANG MDZAD DO, ,DE NAS STON RJE RIN PO CHE'I RNAM THAR LTAR THOG MAR SHING RTA CHEN PO'I GZHUNG RNAMS LA BSLAB SBYONG GTING PHYIN PA ZHIG MDZAD PAR BZHED NAS THUGS LA 'DI LTAR 'KHRUNGS TE, DA NI DBANG LUNG GDAMS NGAG PHAL CHER YANG ZHUS ZIN, MDO SNGAGS KYI LAM GYI RIM PA RNAMS LA YANG GO BA RAGS PA TZAM CHAGS, LHAG PA'I LHA MANG PO'I BSNYEN SGRUB SOGS KYANG DGA' RAB BYUNG, DA NI BKRA SHIS LHUN POR PHYIN NAS SHING RTA CHEN PO'I GZHUNG YONGS RDZOGS LA BSLAB SBYONG MTHAR PHYIN PA ZHIG MYUR BAR BYA'O SNYAM DU DGONGS NAS MKHAS GRUB SANGS RGYAS YE SHES LA DE BZHIN ZHUS PA NA, SNGAR DANG GTAN MI 'DRA BA'I DGYES

, ,BA'I 'DZUM DANG BCAS TE, DA NI BKRA SHIS LHUN POR SLOB GNYER GYI RTZIS CIS KYANG LEGS ZHES BKA' STZAL TE LO DE KHA'I ZLA BA BCU GCIG PA'I YAR NGO'I TSES GSUM LA CHOS GRVA CHEN PO BKRA SHIS LHUN POR PHEBS, DE NUB MNAL LAM DU BUD MED GZHON NU MA PHO CHAS SU BYAS PA CIG NA RE, 'DI SNGAR KHYOD RANG GIS BZUNG BA'I NYI MA'I DKYIL 'KHOR YIN NO ZER SER KHOB PA 'OD ZER CHER MED PA MAndAL GYI DBYIBS CAN ZHIG PHYAG TU PHUL BYUNG BA LA, NYI MA YIN NA 'OD CHEN PO YONG DGOS RGYU LA GSUNGS PAS, DE NA RE, 'OD ZER RNAMS PHYIS NAS GSAL BAR 'GYUR RO, ,ZER BA ZHIG RMIS, DE YANG SLOB GNYER GSHA' MA ZHIG BYED NA SNYING THAG PA NAS CHOS GRVA RIGS LUNG DUS LAM MA YOL BA 'GRIM PA SOGS DKA' BA MA SPYAD NA DAM PA'I SKYE BO MKHAS PA RNAMS DGYES PA BSKYED MI NUS PA'I NYER PAR GZIGS NAS, 'KHRUNGS YUL DANG BSTUN THOS BSAM GLING GI CHOS GRVA 'GRIM PAR MDZAD, DE DUS 'KHOR YANG DGE BSHES DPAL 'BYOR BYA BA GCIG LAS MED CING, GRVA RKYANG SNYOMS CHUNG RANG LA THUGS GZHOL PAS DE KHA'I BRTUL ZHUGS 'DZIN PA YIN YANG BKRA SHIS LHUN PO'I BLA MA SLOB DPON THAMS CAD KYIS PHYAG DANG BSNYEN BKUR MTHONG GZOS CHER MDZAD CING, KHYAD PAR KHRI THOG NA PAn CHAN BSAM 'GRUB DPAL BZANG BZHUGS PA MJAL, DE RJES KHONG LA GRVA BA ZHIG GIS DE RING RJE DRUNG DBEN SA PA DANG

MJAL 'DZOM MDZAD 'DUG PA ZHES ZHUS PAS, SHIN TU MJAL, NGED GNYIS PHYAG 'TSAL RES NI MA BYUNG GSUNGS, CI YIN ZHUS PAS, KHONG NI THAMS CAD MKHYEN BA DGE 'DUN GRUB LA PHYAG 'TSAL GYIN 'DUG ,NGAS NI RGYAL BA BLO BZANG DON GRUB LA BTZAL, NGED GNYIS PHYAG 'TSAL RES MA BYUNG ZHES ZHAL KYAL YANG GSUNGS ZHES ZER, DE'I TSE GZIM KHANG DANG CHOS KHRIMS PA SOGS MANG POS MKHAN SLOB THAMS CAD KYIS PHYAG SOGS MDZAD NAS, TSOGS CHEN DU YANG KHRI STAN MTHO BA ZHIG CIS KYANG BZHES DGOS ZHES YANG YANG NAN GYIS ZHU BA BYUNG YANG, DGAG BYA CHE ZHING DGOS PA CHUNG BA DANG, RJE BLA MA'I DGONGS PAR YANG SNYOMS CHUNG GIS CHOS GRVA GSHA' MA 'GRIM PA ZHIG LA DGYES PAS DANG DU MA BZHES PA NA, 'O NA BTZUN CHUNG RNAMS DANG LHAN CIG GRAL 'DZIN GYI DKA' BA MI DGOS SHING, NYES PA GZHAN GANG YANG MED PAS DRE'U RDOG GIS KHYAD PAR DU BYAS PA'I GRAL KHUNGS SHIG CIS KYANG 'DZIN DGOS ZHES PAn CHEN RIN PO CHES NAN GYIS ZHU BAR MDZAD PAS, RJE 'DI THUGS BZHED PA BZHIN MA BYUNG YANG PAn CHEN RIN PO CHE'I BKA' LCID CHES BAS DANG DU BZHES, DE NAS THOS BSAM GLING GI SLOB DPON RIN PO CHE DPAL 'BYOR RGYA MTSO'I DRUNG DU SBYOR BA RTZI BA'I 'GO 'DZIN PAR BYON PA'I TSE RTEN 'BREL KHYAD PAR CAN MANG DU BYUNG ZHING, KHYAD PAR GZIM SKYIL GYI SGO DRUNG DU RNAL 'BYOR MA'I RNAM PA ZHIG GIS LO MA KA P'A LA GANG KHYER BYUNG BA, RJE 'DI PAS MA RGYUD PA'I BSLAB BYA G-YON SKOR DANG PHYAG MDZAD PAR MOS PAS,

, ,DES 'DZUM PA DANG BCAS SNOD BCU DE RJE 'DI'I SKU MDUN DU BTEG BYUNG BA DE LA MCHOD YAR ZHIG MDZAD NAS YAR CUNG ZAD CIG PHEBS TE, RNAL 'BYOR MA DE CI 'DRA ZHIG YIN SNYAM DU PHYI MIG CIG GZIGS PAS MI SNANG BAR GYUR 'DUG GSUNG, DE NAS SBYOR BA RTZI BA SOGS SPYI DANG MTHUN PAR MDZAD PAS SNGON YUN RING PO NAS SBYANGS PA'I MTHU CAN YIN PAR MA ZAD, MKHAS GRUB SANGS RGYAS YE SHES KYI ZHABS DRUNG DU MDO SNGAGS KYI LAM GYI DKA' GNAS THAMS CAD GSAN TE THUGS NYAMS SU BZHES PAR MDZAD PAS, DUS 'DIR CHOS GRVAR PHEBS TZAM NYID NAS LAM DANG LAM MIN 'BYED PA LA BLO GROS THOGS PA MED PAR GYUR KYANG ZLA BA GCIG TZAM ZHIG BUM NANG GI MAR ME'I TSUL DU BZHUGS, DBYAR GNAS LA DBEN DGON DU PHEBS, DE'I TSE MKHAS GRUB SANGS RGYAS YE SHES KYIS BDAG NYID CHEN PO 'DIS GTZOS DBEN DGON TSOGS PA LA SPYAN SNGA CHOS DRUG GI BSHAD LUNG DANG; CHOS RJE 'BA' RA BA'I GSUNG 'BUM GYI LUNG SOGS DANG, BDAG NYID CHEN PO 'DI LA SGER DU RGYAL BA TZONG KHA PA'I SNYAN RGYUD THUN MONG MIN PA KHRID CHEN BRGYAD DU GRAGS PA DANG, DPANG RJES GNANG SNGAR MA GSAN PA MANG DU GNANG, STON DUS RJE BTZUN MI LA'I RNAM MGUR GYI LUNG SOGS GSAN ZHING, DBEN PA LA THUGS SPRO BAS, NA MO GU RU MANYDZU GHO sh'A YA, GANG LA BRTEN NA BSLU BA MED PA'I SKYABS, ,BU RAM SHING PA'I ZHABS

SEN ZLA TSES DKAR, BDAG SNYING KUN DA'I ZE'U 'BRUR RTAG GZIMS PA'I, ,MDZES SDUG NAM YANG NYAMS PA MED GYUR CIG ,LHAR BCAS 'DREN PA STON PA SANGS RGYAS KYANG, ,DENG DUS THOS PA'I LAM DU GSHEGS GYUR NA, ,MTHON PO'I NOR 'DZIN LAS 'ONGS 'BAB CHU LTAR, ,G-YO BA'I 'JIG RTEN RTAG PA'I GO SKABS CI, ,DPAG MED TSE GNAS SNGON GYI MI RNAMS KYANG, ,DENG SANG MING GI LHAG MA TZAM ZHIG NA, ,SKAL NGAN SNYIGS DUS SKYE BO 'DI DAG GI ,TSE NI BAR SNANG GLOG DANG CIS MI MTSUNGS, ,SKYE RGA NA 'CHI'I DGRA TSOGS KUN BCOMS SHING, ,NYON MONGS G-YUL LAS RGYAL BA'I MKHAS PA'I TSOGS, ,KUN KYANG DUS KYIS RIM PAS BYON ZIN NA, ,BDAG LTA MYUR DU MI 'CHI'I NGES PA GANG, ,TSE NI BSER BUS BSKYOD PA'I AUTPAL GYI, ,'DAB RTZER 'BRENG BA'I CHU THIGS LTAR MTHONG ZHING, ,SRID PA'I PHUN TSOGS GDUG PA'I SBRUL GYI LCE, ,G-YO BA'I ZLOS GAR 'DI LA DGA' BA CI, ,'KHOR BA'I BDE 'BYOR KUN GYI RTZER SON PA, ,TSANGS DANG DBANG PO 'KHOR LOS BSGYUR RGYAL YANG, ,DBANG MED 'JIGS RUNG MNAR MED MES SREG NA, ,MKHAS PA SU ZHIG 'DOD LA CHAGS PAR BYED, ,'JIG RTEN PHUN TSOGS STOBS KYI MYOS CHU YIS, ,MNGON PAR MYOS PA'I DREGS LDAN 'DI DAG KYANG, ,RING POR MI THOGS RGYA MTSO 'KHRUGS PA'I NANG, ,GRUNG NA JI BZHIN 'GYUR BA'I CHOS CAN NYID, ,MDOR NA MTHON PO'I MTHA' RGUD BSAGS, PA MDZAD, ,'DUS PA 'BRAL ZHING SKYES PA KUN 'CHI ZHES, ,BSLU MED BDEN PA GSUNG BAS GANG GSUNGS PA, ,DE DE BZHIN DU 'JIG RTEN 'DI NA SNANG, ,RGYAL BA'I ZHAL GYI NYIN BYED LAS 'ONGS PA'I, ,'OD ZER GANG GIS YID LA MA REG PA, ,

, ,MI KHOM BRGYAD KYI MUN PA'I GLING CHUD NA, ,DE TSE DGE LEGS GO SKABS GA LA YOD, ,SNA TSOGS 'GRO BA'I MTHO DMAN 'GYUR LDOG DANG, ,SDANG DANG PHRAD DANG GNYEN DANG BRAL BA DANG, ,SKYE RGA NA 'CHI'I SNANG TSUL MTHONG NAS NI, ,BDAG KYANG DE DANG 'DRA BAR CIS MI LTA, ,DBYAR DUS MKHA' LA SHAR BA'I 'JA' TSON DANG, ,CHU 'DZIN LANG LING G-YO BA'I 'DU 'GOD LTAR, ,LANG TSO'I RANG BZHIN 'JIG PA'I NGANG TSUL CAN, ,'DI LA BLO LDAN SU ZHIG YID RAB RTON, ,GSER GYI RI LAS G-YU YI KHRON 'BAB CING, ,MI RNAMS BDAG GI BSHES SU SONG YANG CI, ,'BRAL MED NOR DU 'PHAGS PA'I NOR BDUN DANG, ,GTAN GYI GROGS POR BLA MED BYANG CHUB BZANG, ,DE PHYIR 'DI NANG CHOS BRGYAD SPROS PA'I RGYA, ,SHES RAB RAL GRI RNON POS DRAL BYAS TE, THUB PAS BSNGAGS PA DBEN PA'I NAGS TSAL DER, ,SEMS KHYOD ZHI BA'I BDUD RTZI CIS MI LEN, ,SPANGS LJONGS 'JA' TSON BKRA BA'I LDING KHANG DU, , ZLA BA NOR BU'I RDO LEB GCAL DU BKRAM, ,G-YUR GYIS DUD PA'I 'DAB MA'I GRIB BSIL LA, ,NYIN MO SPYOD PA'I RNAL 'BYOR SKYONG BAR SPRO, ,DE BZHIN ZLA BA'I SGRON ME 'OD 'BAR ZHING, ,RGYU SKAR DO SHAL RGOD PA'I MTSAN DUS SU, ,G-YENG MED RNAL 'BYOR BRTZON PA'I DGA' BDE 'DI'I, ,DPE YANG SRID PA GSUM NA GAL YOD, ,PADMO'I DRA BAS KHEBS PA'I NYAL 'GRO'I RGYUN, ,YONGS MDZES CHU BYA'I TSOGS RNAMS SNYAN SGROG CING, ,RMA BYA GZHON NU DGA' PA'I GAR BYED PA'I,

GNAS DER DAL 'BYOR DON LDAN BYAS NA SNYAM, ,ME TOG 'BRAS BUS GANG BA'I LJON SHING GI ,SPU LONG MNGON PAR RGYAS PA'I SA 'DZIN KHROD, ,SNGO LJANG LO MA'I SPYIL CHUNG NYAMS DGA' BAR, ,TING 'DZIN DGA' BDE'I DPAL LA SPYOD PAR SPRO; ;GANG DU ZA ZIR G-YENG BA KUN BOR NAS, ,RI SKYIBS NOR BU'I PHUG YANGS NYAMS DGA' BAR, ,'PHAGS PA'I RIGS BZHI LA GNAS DGA' BDE GANG, ,DE 'DRA RGYAL PO RNAMS LA'ANG YOD RE SKAN, ,'CHI MED SKYED TSAL 'DRA PA'I SMAN LJONGS SU, ,MI DGE'I SPYOD TSUL PHRA MO'ANG RGYANG BSRINGS TE, ,SGO GSUM DAM PA'I LAM BZANG SKYON MED PAR, ,MA BCOS LHUG PAR 'JOG LA SNYING NAS SPRO, ,DER NI THUB GZHUNG BDUD RTZI'I BCUD LEN GYIS, ,NYON MONGS YID KYI RNAG KHRAG KUN SBYANGS TE, ,TING 'DZIN SGO BRGYAD PHYE NAS YON TAN GYI, ,NGO MTSAR BGRANG YAS LTAD MO BLTA BAR SMON, ,DE SKAD SMRA BA DBEN PA'I NAGS TSAL LA, ,MNGON PAR SPRO BA'I DGE SBYONG GYI NA PA, ,BLO BZANG CHOS KYI RGYAL MTSAN ZHES BYA BAS, ,SMON PA JI BZHIN TSIG GI LAM DU SPEL, ,ZHES SOGS GSUNG MGUR MANG PO MDZAD, ,DE NAS DGUN CHOS DANG PO LA BKRA SHIS LHUN POR PHEBS TE RIGS CHEN LA BSGRIGS CHOS GRVA DANG RIGS LUNG CHEN MO'I GRVA THAMS CAD DU BGRO GLENG LA THUGS BRTZON SHIN TU CHE BAR MDZAD DE PHYAG MTHIL LA SGAL PA CHAGS SHING, PHYAG SEN GYI MTSAMS RNAMS AUTPAL LTAR GAS PA BYUNG NGO, ,DE NAS 'GAL BA ZHES PA SA MO GLANG GI LO'I SA GA ZLA BA'I

, ,DUS CHEN GYI THOG DBEN DGON DU PHEBS TE MKHAS GRUB SANGS RGYAS YE SHES KYIS RDUL MTSON GYI DKYIL 'KHOR DU BDE MCHOG GI DBANG GNANG BA GSAN, DE 'PHRAL DU BKRA SHIS LHUN POR PHEBS, DE DUS PHYOGS THAMS CAD 'BRUM NAD KYIS KHYAB NAS RJE 'DI LA'ANG 'BRUM BU'I BSNYUN GZHIS BTAB KYANG RIGS LUNG 'CHAG MED MDZAD, RJE 'DI 'BRUM BUS BSNYUN PA MKHAS GRUB SANGS RGYAS YE SHES KYIS GSAN 'PHRAL BKRA SHIS LHUN POR PHEBS, ZHAG GSUM BZHUGS NAS BYIN RLABS MDZAD DE 'PHRAL DANG YUN DU DGE PA'I BKA' THA MA STZAL NAS TSES GSUM LA DBEN DGON DU PHEBS, DE'I NYIN PAR GSOL JA BZHES 'DOD NAS ZHABS 'BRING RNAMS MI 'DOD CING 'JIGS BZHIN DU GSOL JA BZHES SHING ZHAL GZON GLOD PAS, MDOR NA NYER BDUN BRGYAD GNYIS SKU NGAL BA TZAM MA GTOGS BSNYUN GZHI'I RIGS CI YANG MED PAR ZHAG LNGA LA 'BRUM BU'I BSNYUN GZHI SANGS KYIS DVANGS PA ZHIG BYUNG ,DE YANG ZHABS 'BRING BA DGE BSHES MNGON SUM DU YOD PA MA GTOGS, SNYUN GZHI YUN THUNG BA DANG 'BRUM RJES MED PA LA DPAGS TE GZHAN DAG NI BDEN NAM BRTZUN ZHES THE TSOM GYI DPYAD THAG 'DZIN PA'ANG BYUNG ZHES GRAGS GO ,DE DUS MKHAS GRUB SANGS RGYAS YE SHES KYIS RJE 'DI PA LA BYIN RLABS GNANG ZHING SNYAN RGYUD KYI BSTAN PA'I BDAG POR BYIN GYIS BRLABS PA'I TSUL SOGS NI MKHAS GRUB SANGS RGYAS YE SHES KYI RNAM

THAR DU BRJOD ZIN PA LTAR RO, ,DE NAS THOS BSAM GLING ZHAL SNGA NAS SLOB DPON RIN PO CHES TSAD MA RNAM 'GREL GYI SPYI BSKYUR MDZAD DGOS TSUL NAN CHAGS PA LTAR ZHAL GYIS BZHES TE MKHAS MANG 'DUS PA RGYA MTSO'I DBUS SU TSAD MA RNAM 'GREL LA DAM BCA' BZHAG STE DRI MED RIGS PA'I SGRA DBYANGS SGROG PA LA DPAL LDAN CHOS KYI GRAGS PA SLAR YANG 'ONGS PA JI LTA BA BZHIN DU GYUR TE MKHAS PA MTHA' DAG GI YID 'PHROG PAR MDZAD DO, ,'BRUM BU'I BSNYUN GZHI DVANGS PA'I MJUG NAS SKU MTSAMS RGYUN BSKYANGS TE 'JAM DKAR DANG, 'JIGS BYED KYI BSNYEN PA SPREL NAS ZLA BA GCIG LHAG TZAM SKU MTSAMS MDZAD, DE SKABS MNAL LTAS NGO MTSAR BA DU MA BYUNG YANG PHYAG BRIS SU MA MDZAD, DE SKABS 'JA' TSON SNA LNGA'I GUR KHYIM GYI DBUS SU ZLA BA'I DKYIL 'KHOR GYI STENG DU AA DKAR PO'I MTHAR AA MA RA DZA'I YI GE SHEL LTAR DVANGS PAS BSKOR BA ,DE LAS 'OD ZER 'PHROS PAS RANG GZHAN SNOD BCUD THAMS CAD 'OD GSAL BAR BYED PA ZHIG MNGON SUM DU GZIGS TE, 'JAM MGON SNYAN RGYUD KYI MAN NGAG MTHAR THUG 'JAM DBYANGS ZHI KHRO SBRAGS SGRUB KYI BYIN RLABS RTOGS PA KHYAD PAR CAN BRNYES SO, ,DE NAS MKHAS GRUB SANGS RGYAS YE SHES ZHING GSHEGS PA GSAN NAS DBEN DGON DU PHEBS TE SKU GDUNG LA MCHOD PA DANG, DGONGS RDZOGS SU PHYI'I MCHOD RTEN DANG, GZIM MAL DU SKU 'DRA BZHENGS PA SOGS DGONGS RDZOGS JI LTAR MDZAD PA'I TSUL RNAMS NI MKHAS GRUB SANGS RGYAS YE

, ,SHES KYI RNAM THAR DU BRJOD ZIN PA LTAR RO, ,DE NAS BKRA SHIS LHUN POR PHEBS NAS DBU MA'I GZHUNG LA SBYANGS TE LUNG DANG RIGS PAS PHAS RGOL ZIL GYIS GNON PA LA SPOBS PA THOGS PA MED PAS SLOB DPON ZLA BA GRAGS PA SLAR YANG GANGS RI'I LJONGS 'DIR PHEBS PA JI LTA BA BZHIN DU GYUR TO, ,DE NAS LCAGS MO YOS LO'I GRO ZHUN ZLA BA'I DKAR PO'I TSES GSUM GYI NYIN GZIM KHANG RGYAL MTSAN MTHON POR PAn CHEN DAM CHOS YAR 'PHEL BA'I ZHAL SNGA NAS KYIS MKHAN PO DANG, SLOB DPON RIN CHEN DPAL 'BYOR RGYA MTSO BAS LAS SLOB, PAn CHEN LHA DBANG BLO GROS PAS GSANG STON MDZAD DE DAD PA'I DGE 'DUN GRANGS TSANG BA'I DBUS SU BSNYEN PAR RDZOGS PA DGE SLONG GI DNGOS PO YONGS SU RDZOGS PA BZHES TE, STON PA THUB PA'I DBANG PO SLAR YANG GANGS RI'I LJONGS 'DIR BYON PA JI LTA BAR GYUR TO, ,LO DE KHA'I STON MJUG DBUS PHYOGS SU BYON, JO ZHAL RNAM GNYIS SOGS KYI DRUNG DU DNGOS BSHAMS YID SPRUL GYIS MCHOD CING BSTAN PA RGYAS PA'I SMON LAM RNAM PAR DAG PA 'DEBS PAR MDZAD PAS BYIN GYIS BRLABS PA'I MTSAN MA KHYAD PAR CAN YANG MANG PO BYUNG, DE NAS MTHAR GYIS RI BO DGE LDAN DU PHEBS, DER DGA' LDAN KHRI RIN PO CHE DANG SDE PA SKYID SHOD PA SOGS KYIS BSKUL MA MDZAD PA LTAR SER SKYA STONG PHRAG MANG PO TSOGS PA'I DBUS SU DKA' CHEN BZHI LA DAM BCA' MDZAD PA NA BDAG NYID CHEN PO 'DI'I RIGS PA'I RNAM

'GYUR LA 'GRAN NUS PA SU YANG MA BYUNG BAS PHYOGS LAS RNAM PAR RGYAL BA'I GRAGS PAS SA'I STENG MA LUS PA KHYAB PAR GYUR TO, ,GNAS DER RJE BTZUN NAM MKHA'I MTSAN CAN GYI DRUNG DU GTZO BOR DUS KYI 'KHOR LO'I DBANG YONGS RDZOGS, BSDUS RGYUD, 'GREL CHEN, DBANG MDOR BSTAN SOGS KYI LUNG YONGS RDZOGS, BDE MCHOG DRIL BU PHYI NANG GNYIS KYI DBANG, KYEE RDOR THOD PA CAN DANG MTSON CHA CAN GNYIS KYI DBANG, 'KHOR CHEN GYI DBANG RTA MGRIN YANG GSANG GI DBANG, BDE MCHOG NAG PO PA'I DBANG, GSHED DMAR LHA LNGA, BKA' GDAMS THIG LE BCU DRUG GI DBANG, KUN RIG GI DBANG SOGS RNAL 'BYOR RGYUD KYI DBANG 'GA' DANG, TSE DBAG MED ,MI 'KHRUGS PA SOGS BYA SPYOD RNAMS KYI DBANG MANG PO DANG, DMAR PO SKOR GSUM GYI RJES GNANG DANG, GSUM GA'I GDAMS PA YONGS SU RDZOGS PA'I LUNG, BDE MCHOG DKAR BO, PHAG DKAR SHES RAB GSAL BYED, SNA TSOGS YUM, LHA MO SHR'A MA nA, DUR KHROD BDAG PO YAB YUM, LHA MO PHYAG BZHI MA, RNAM SRAS SER CHEN GYI RJES GNANG, BKA' GDAMS GZHUNG DRUG, BKA' GDAMS CHOS 'BYUNG, BU STON CHOS 'BYUNG, DPE CHOS RIN SPUNGS RTZA 'GREL, CHOS RJE NAM MKHA'I MTSAN CAN RANG NYID KYIS MDZAD PA'I 'JIGS BYED KYI BSKYED RDZOGS, BSHES SPRING, TSIG GSAL, 'JUG PA'I RANG 'GREL, LAM RIM CHEN MO RNAMS KYI LUNG GSAN, SLOB DPON RDO RJE 'DZIN PA DGE 'DUN RGYAL MTSAN PA'I DRUNG DU, 'DUS PA'I 'GREL PA BZHI SBRAGS KYI LUNG BSHAD, RJE DGE 'DUN RGYA MTSO'I GSUNG

, ,'BUM THOR BU BAS MTSON GSUNG RTZOM THAMS CAD KYI LUNG, TSE DBANG, PHYAG RDOR AU TZA, RNAM SRAS SER CHEN RNAMS KYI RJES GNANG RNAMS GSAN, SLOB DPON RIN PO CHE RNAM RGYAL DPAL BZANG BA'I DRUNG DU RGYUD PA RNAMS DANG LHAN CIG RIM LNGA GSAL SGRON GYI BSHAD LUNG, BOD DU 'GYUR BA'I 'DUS PA'I BSHAD RGYUD RNAMS KYI LUNG, TSAL LUGS KYI MGON PO PHYAG BZHI BA'I DBANG BZHI YONGS SU RDZOGS PA RNAMS GSAN, KHRI THOG PA SEMS DPA' CHEN PO DAM CHOS DPAL 'BAR BA'I DRUNG DU, KHROS NAG GI DBANG DANG, NAM MKHA' SGO 'BYED, GCOD GZHUNG SKAL LDAN 'JUG NGOGS SKOR GSUM GYI LUNG SOGS GCOD SKOR YONGS RDZOGS GSAN, ,DE DANG DE DAG GI TSE DON GNYER CAN MANG PO LA CHOS KYI BDUD RTZI'ANG RGYA CHER STZAL ,DE DUS YER PA DANG TSAL GUNG THANG GI GNAS MJAL YANG ZHIB TU MDZAD, YER PAR ZHAG BDUN BZHUGS RING THUGS DAM LA GCIG TU GZHOL BAR MDZAD CING, DRUNG PA BSAM GTAN PA SOGS DGE SLONG RI KHROD PA MANG PO LA LAM RIM DANG BLO SBYONG GI KHRID STZAL, PHYIR LAM TSAL YANG DGON GYI MGON PO DES BYIN GYIS RLOBS BA'I MTSAN MA STON PA DANG, LHAG PAR GUNG THANG GI MGON PO'I ZHABS LA BZUNG NAS 'PHRIN 'CHOL SHUGS DRAG MDZAD PA NA ZHABS 'GUL BSKYOD MDZAD PA BYUNG, DE NAS DBEN DGON DU PHEBS TE DBYAR GNAS THOG BLA MA SLOB DPON DANG DKA' BCU RAB 'BYAMS SOGS DGE BA'I BSHES GNYEN CHOS NYAN PA MANG PO 'DUS PA LA THUGS BZHED LTAR LAM RIM CHUNG

BKHRID DANG SBYAR, MDO DANG RGYA GZHUNG MANG PO'I LUNG GIS BRGYAN TE GZABS BSHAD RGYAS BAR STZAL BAS DGE BA'I BSHES GNYEN RNAMS LHAG PAR DGYES, SGO MANG SLOB DPON GZHUNG KHANG RAB 'BYAMS BA ZER BA ZHIG NA RE, NGAS DGE LDAN KHRI GDAN ZUR SOGS DBUS GTZANG GI BLA MA MANG PO LA CHOS NYAN, MGO BO SHIN TU MKHREGS PA ZHIG YIN YANG, RJE BLA MA KHYED NYID KYI GSUNG BSHAD RNAMS SEMS LA PHAN ZHING GZHAN LAS DAD PA MCHOG TU SKYES ZHES ZHUS, STON DER BZHUGS TE SKU MTSAMS BCAD NAS DKYIL 'KHOR CHEN PO MANG PO'I BSNYEN PA MDZAD ,DE NAS SKU MDUN BLO BZANG PA YANG DBUS NAS BYON TE RJE BTZUN BLA MA MKHAS GRUB SANGS RGYAS YE SHES KYI SKU BRNYAN GSER ZANGS LAS GRUB PA MI TSAD CHE LA GTOGS PA BZHENGS NAS RNAM BYUNG ZHES PA SA PHO 'BRUG LO'I NANG DU RDZOGS PAR GRUB STE, DPAL 'KHOR LO SDOM PA'I RDUL TSON GYI DKYIL 'KHOR DU RAB TU GNAS PA RGYAS PAR MDZAD CING BZO BO RNAMS KYANG YON GYIS TSIMS PAR MDZAD DO, ,DE NAS DBEN DGON DU MA 'ONGS PA'I BSTAN RGYUN LA DGONGS TE RTEN BZHENGS MANG DU MDZAD CING, RTEN BZHENGS GRUB 'PHRAL DU, DA NI SKYE BA 'DI LA BLTOS PA'I RNAM G-YENG DANG 'DRES PA'I BYA BA BYED DGOS KYANG DE TZAM GYIS MJUG BSDUS, ,TSE 'DI DON GNYER GYI MI DANG MI 'PHRAD, 'JIG RTEN CHOS BRGYAD KYI RNAM RTOG DANG MTSAMS PO CHE BCAD NAS TSE DANG SGRUB PA MNYAM PA ZHIG BYA'O SNYAM DU THUGS LA BCANGS SHING, SKU MDUN BLO BZANG PA DANG YANG BGROS TE DE 'PHRAL SKU MTSAMS DAM PAR BCAD, THUN MTSAMS RNAMS SU

, ,PHYAG DPE GZIGS PA SOGS KYANG BSHOL TE ZLA BA DRUG 'DUN GYI BAR DGE SPYOR LA BRTZON PAR MDZAD PAS DGE SBYOR LA BROD PA RNYED DE 'DI KHA'I RGYUN SKYONG RGYU BYUNG NA LAM SNA ZIN PA LA'ANG TSEGS MI YONG BA 'DUG SNYAM PA THUGS LA SHAR, DE DUS THUGS NGES 'BYUNG SKYO SHAS SHIN TU CHE BAS TSE 'DIR DPAL SHA BA RI PA DANG, RJE MI LA RAS PA LTAR TSE DANG SGRUB PA MNYAM PA ZHIG BYED SNYAM PA NAR MAR YOD PA NA RJE BTZUN TZONG KHA PA CHEN PO MDUN GYI NAM MKHAR BYON NAS, RANG DANG GZHAN LA PHAN PA'I PHYIR, ,THOS PAS NGOMS PAR MI BYA STE, ,SA GSUM BRNYES PA'I SEMS DPA' YANG, ,THOS PAS NGOMS PA MED LA LTOS, ,ZHES GSUNG BA ZHIG GSAL BAR BYUNG, DE NAS RING PO MA LON PAR SKU MTSAMS GROL TE MNAL LAM DANG MTHUN PAR DBANG LUNG MAN NGAG MTHA' YAS PA GSAN CING, GZHUNG CHEN MO'I RTZI 'GREL RNAMS LA'ANG ZHIB TU GZIGS TE, MNGON RTOGS RGYAN ,RGYUD BLA MA, RTZA BA SHES RAB, RIN CHEN PHRENG BA, RIGS PA DRUG CU BA, BSHES PA'I SPRING YIG, BZHI BRGYA BA, DBU MA 'JUG PA, BSLAB BTUS RTZA BA, BYANG CHUB SEMS DPA'I SPYOD PA LA 'JUG PA, BYANG CHUB LAM SGRON, BLO SBYONG RTZA BA 'GA', 'DUS PA'I RTZA RGYUD, BDE MCHOG RTZA RGYUD, BRTAG GNYIS, DUS 'KHOR BSDUS RGYUD BSDUS PA, MGON PO KLU SGRUB KYI RIM LNGA SOGS GZHUNG CHEN MO MANG PO LA ZHAL TON RE MOS SU MDZAD, RJE RIN PO CHE BKRAS RIN PA, TSOGS CHEN MKHAN PO RIN RGYAM PA SOGS DGE BA'I BSHES GNYEN BCU TZAM ZHIG LA BDE MCHOG L'U AI BA'I

DBANG DANG DMAR KHRID, SNAR THANG BRGYA RTZA'I RJES GNANG, SGROL MA NYER GCIG GI RJES GNANG, BRGYAD STONG BA'I LUNG, BKA' GDAMS GZHUNG DRUG GI LUNG, LAM RIM GYI KHRID SOGS CHOS KYI RNAM GRANGS SHIN TU MANG BA GNANG, DAM PA DE NYID KYI DRUNG DU'ANG, N'A RO MKHA' SBYOD MA'I DBANG, MKHA' SPYOD GZHAN GNYIS KYI RJES GNANG, 'JAM DBYANGS CHOS SKOR, ZHABS BRGYAD PA'I RJES GNANG, GLENG 'BUM CHEN MO, MDO RTZA, SUM BRGYA PA, MNGON BA KUN LAS BTUS DANG MDZOD RTZA PA, 'GREL PA DON GSAL, MDO KUN LAS BTUS ,JO BO'I CHOS CHUNG BRGYA RTZA, DBU MA RIGS TSOGS DRUG, BYAMS CHOS LNGA, 'JIGS BYED KYI BSKYED RIM CHEN MO MKHAS GRUB THAMS CAD MKHYEN PA'I GSUNG GI 'PHRO CHOS RJE BLO GROS CHOS SKYONG BAS MDZAD PA RNAMS KYI LUNG GSAN, NYIN MTSAN KHOR YUG LTA BUR PHAN TSUN RE MOS SU CHOS KYI 'KHOR LO BSKOR TE, MNGON CHUNG BAR DPEN DGON DU PHEBS, DE DUS DBEN PA LA SHIN TU DGYES PA CHE ZHING, DA LAM BYA BRAL GYI BRTUL ZHUGS BLANGS TE PHYIR ZLOG PA MED PA SNGON GYI GRUB THOB RNAMS DANG MTSUNGS PA ZHIG BYED, DE LTAR BYED PA LA 'DI NANG GI LTO GOS TZAM LA YANG 'KHRI BA CHOD BA ZHIG MA BYUNG NA BYA BRAL GYI MING BTAGS PA'I GNYIS MED SENG GER SONG NA MA LEGS SO SNYAM DU DGONGS TE BCUNG LEN GYI RNAM GRANGS DU MA LA GOMS PA NYAMS 'OG TU CHUD PAR MDZAD CING RLUNG SBYOR 'KHRUL 'KHOR SOGS LA GOMS PA PHUL PHYIN YOD KYANG DA DUNG BOGS DBYUNG BA'I PHYIR DGUN STOD BRAG RGYAR PHEBS NAS BRTZON PAR MDZAD PAS ZHAG BDUN TZAM GYIS

, ,BKA' RGYUD PA'I LUGS KYI RAS PHUD BTANG CHOG PA BYUNG, DER G-YENG BA MED CING THUGS RIG DANGS PAS NYAMS MGUR MANG PO MDZAD CING, 'GA' ZHIG YI GER MDZAD PA NI 'DI LTAR, NA MO GU RU MANYDZU GHOsh'A YA, BLO GTAD THUB KYI BLA MA DKON MCHOG GSUM, ,RKANG RUS PA'I KHONG NAS SKYABS BZUNG STE, ,BKA' MDO RGYUD KYI LAM LAS 'ONGS PA YI, ,GLU TSIG GSUM GYI SNYING GTAM 'DI SKAD SMRA, ,DUS DA LTA RANG DBANG YOD PA'I TSE, ,DON 'BRAS MED SBUN PA MA 'PHYAR BAR, ,LAS BYAS PAS 'TSENG PA'I RNAM DKAR LA, ,YID RTZE GCIG TU DRIL NA DON PO YIN, ,TSE 'DI YI MDUN MA CI BYAS SLA, ,TSE PHYI MA SHUL RING 'JIGS PA CHE, , LAM SHUL RING 'JIGS PA'I BSKYEL BSU DANG, ,BRGYAGS 'DZAD MED KYI GRABS GSHOMS BYAS NA LEGS, ,SNGAR 'DOD YON RO LA JI TZAM SPYAD, ,DE BSAMS NA SNYING PO CI 'DRA 'DUG ,DA RANG NYID RANG GIS MA BSLU BAR, , BLO 'GYOD MED KYI GDENGS DROD TSAGS SU TSUD, ,RANG MNGAL DU ZHUGS PA NAS BZUNG STE, ,DGRA 'CHI BDAG DRUNG DU CHAS ZIN CING, ,DUS YUD TZAM SDOD PA'I SKABS MED PAS, ,SNYING DANG RINGS KYI LONGS YOD BDUD KYIS BSLUS, ,DGUNG MKHA' LA SHAR BA'I 'JA' TSON DE, ,GZUGS MDZES KYANG MYUR DU YAL NAS 'GRO ,GZHON SHA KHRAG RGYAS PA'I LANG TSO YANG, ,DUS SKAD CIG GIS MI RTAG 'GYUR BA'I CHOS, ,DBYAR CHAR SPRIN NANG GI GLOG

DMAR BZHIN, ,DUS SNYIGS MA'I TSE THUNG ZHAG 'GA' 'O, ,MI RGAN GZHON GO RIM MI 'DUG PAS, ,PHYIS G-YENG MED DU BAG GZON DAM PO MDZOD, ,GNYEN 'KHOR G-YOG SPRIN GYI 'DU 'GOD DANG, ,SROG MI BRTAN CHU YI CHU LBUR DANG; ;NOR LONGS SPYOD RMI LAM DPAL 'DRA PAS, ,TSE RTAG 'DZIN GYI MDUN GRABS TZAM STE ZHOG ,RTEN DAL 'BYOR LDAN PA'I MI YI LUS, ,'DI RNYED PAR DKA' ZHING 'JIG PAR SLA, ,DUS DA RES LAN CIG RNYED PA 'DI, ,DON MDO MED DU GTONG NA SMYON PA YIN, ,YUL YUL CAN GYI CHOS RNAMS JI SNYED PA, ,BLOS MA BRTAGS MA DPYAD NYAMS DGA' YANG, ,DON DPYAD NA MI DMIGS STONG PA'I NGANG, ,DBYINGS DE RU RIG PA GCER BUR ZHOG ,SEMS CHAGS SDANG RJES SU MA 'PHRO BAR, ,RJE RGYAL BA'I GSUNG GI GCES PA'I MDZOD, ,LAM STONG NYID SNYING RJE'I SNYING PO CAN, ,'DI 'BRAL MED DU SGOMS DANG YUN DU DGE ,PHYI THOS BSAM SGRO 'DOGS MA CHOD KYANG, ,SEMS 'KHOR 'DAS RTZA BAR GSUNGS PA'I PHYIR, ,NANG SHES RGYUD ZHI ZHING DUL BAR GYIS, ,CHOS ZAB DON GYI SNYING PO BSDUS PA YIN, ,LUS SNANG STONG TSOGS PA LHA YI SKU, ,NGAG BRAG STONG BZLAS PA RGYUN MI 'CHAD, ,YID BDE STONG DBYINGS LAS MA G-YOS PAR, ,DA BLA MA'I RNAM THAR RJES SU SKYONGS, ,GTAM 'DI LTAR SMRAS PA'I DGE BA DES, ,KHAMS GSUM GYI 'KHOR BA'I SEMS CAN RNAMS, ,RGYU KUN 'BYUNG 'BRAS BCAS YONGS SPANGS TE, ,SKU GSUM GYI GO 'PHANG MYUR THOB

, ,SHOG ;DE NAS DBEN DGON TSOGS BA JE RGYAS SU SONG STE DGE 'DUN MANG DU TSOGS PA DANG, PHYOGS 'DUS KYI DAD LDAN BCAS LA LAM RIM, BLO SBYONG, BKA' GDAMS GLEGS BAM, DPE CHOS RIN SPUNGS, 'DUL BA'I BSLAB BYA, 'JIGS BYED DANG BDE MCHOG SOGS KYI BSKYED RDZOGS DMAR KHRID, LTA KHRID, GSANG BDE 'JIGS GSUM, GDUGS DKAR SOGS KYI DBANG, SNAR THANG BRGYA RTZA'I RJES GNANG, CHOS SKYONG MANG PO'I RJES GNANG, BSGRUB SKOR SOGS RGYAS PAR MDZAD DE KLOG PA THOS BSAM GYI 'KHOR LO DANG, STON DANG DGUN GYI DUS 'DU 'DZIS DBEN PAR MDZAD DE, SKU MTSAMS SU BZHUGS NAS LHAG PA'I LHA MANG PO'I BSNYEN BSGRUB SOGS BSAM GTAN GYI 'KHOR LO DANG, SOS DANG DBYAR MJUG MYANG STOD, SHAB, SHANGS, THON SOGS CI RIGS SU PHEBS NAS CHOS DANG MTHUN PAR SDE DPON RIGS DANG BAN SKYA'I TSOGS MANG PO'I BZHED PA 'GENGS PA SOGS BYA BA LAS KYI 'KHOR LO LA'ANG BRTZON PAR MDZAD, DE DAG GI SKABS SU'ANG, DAM PA'I 'GRO BA GNYIS YIN TE, ,THAMS CAD PHUN SUM TSOGS PA'AM, ,YANG NA NAGS SU GNAS PA'O, ,ZHES 'BYUNG BA LTAR, RAB MI GRAL NAS BUD DE, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES BKA' STZAL PA LTAR, GZHAN DON DU RANG DON GTZO BO LTAR BSGRUB PA'I SGRUB PA CIG BYED, DE BYED, DE MIN RANG DON GYI 'KHRI BA BCAD

DA BSTAN PA DANG SEMS CAN GYI DON PHUN SUM TSOGS PA GANG RUNG ZHIG BSGRUB PAR BYA'I, DE GNYIS GANG YANG MA YIN PA'I GSON PA TZAM LAS SHI BA LEGS SO SNYAM DU DGONGS PA BYUNG ZHING, DE DANG MTHUN PAR BLA MA DKON MCHOG LA YANG SNYING NAS RE DOGS DANG BRAL BA'I GSOL PA 'DEBS PA 'DI LTAR MDZAD DE, NA MO A'ARYA MEE TRI YA, STENG DGA' LDAN LHA BRGYA'I GTZUG RGYAN DU, ,RJE SA BCU'I DBANG PHYUG MI PHAM MGON, ,DPAL NAM MKHA' DRI MA MED PA DANG, , PHA MNYAM MED 'JAM DPAL SNYING PO'I ZHABS, ,SRAS DPAG MED SEMS DPA'I 'KHOR DBUS SU, ,CHOS THEG MCHOG DGA' STON 'GYED PA DER, ,BDAG GDUNG BA'I SEMS KYIS GSOL 'DEBS NA, ,THUGS BRTZE BA'I LCAGS KYUS DRANGS SU GSOL, ,DUS DENG SANG BSTAN PA'I GZUGS BRNYAN 'DI, ,LAR YID LA BRNAGS KYANG PHAN PA MED, ,DON DE PHYIR YID DGA' CHOS 'DZIN DU, ,DUS MYUR BA NYID DU BGROD PAR SMON, ,TSE 'DI NANG 'GAGS PA'I DE MA THAG ,RJE RGYAL TSAB CHOS KYI MDUN SA DER, ,YID DANG BA'I RLUNG GIS RAB 'PHANGS NAS, ,CHOS THEG PA CHE LA SPYOD PAR SHOG ,TSE 'DI NANG RANG GZHAN DON 'GRUB PA'I, ,LAS MTHU DANG LDAN PA MA MCHIS NA, ,PHA KHYED LA THUGS RJE TSAD MED PAS; ;DUS DA LTA GNAS DER DRANG DU GSOL, ,MI KHO BO'I 'DI PHYI'I BDE LEGS KUN, ,RJE BLA MA KHYED RNAMS MKHYEN LAGS PAS, ,DUS 'DI NAS BYANG CHUB MA THOB BAR, ,LAM NGANG PA'I G-YANGS LAS BSKYAB TU GSOL, ,CES

, ,PA'O; ,DE NAS RNAM 'PHYANG ZHES PA SA PHO KHYI'I LO CHOS GRA CHEN PO GANGS CAN CHOS 'PHEL GYI MKHAN POR 'BYON DGOS TSUL SDE PA LHUN PO RTZE PA DANG MCHOD YON THAMS CAD KYIS NAN GYIS GSOL BA BTAB PA LA BRTEN NAS LNGA MCHOD CHEN MO'I NYIN CHOS GRVA CHEN PO GANGS CAN CHOS 'PHEL GYI KHRI THOG TU PHEBS, TSOGS PA LA LAM RIM CHEN MO'I GZABS BSHAD DANG, DE'I DUS GANGS CAN DGE BSHES RAGS SHING MANG BAS, DKA' BCU RAB 'BYAMS BZHI BCU TZAM GYIS GSOL BA BTAB NAS LAM RIM GYI KHRID RGYAS PAR STZAL, THAMS CAD KYIS NGAG 'DZIN DANG SHAR SGOM DU MDZAD, DPYID DUS TSOGS PAR SNAR THANG BRGYA RTZA'I RJES GNANG DANG, GNAS PA PAn CHEN MKHAR BRAG PA, SHAR BYANG SLOB DPON GNYIS SOGS DGE BSHES DRAG RIM NYI SHU SKOR LA DGONGS JA NYIS SBREL GYI RING, RDO RJE 'CHANG CHEN PO'I LAM GYI RIM PA'I BSHAD LUNG GNANG, MJUG TU MDO SNGAGS KYI DKA' GNAS KYI 'BEL MCHID DANG RIGS LUNG RGYUN RING NYIN RE BZHIN MDZAD DE BSHAD SGRUB SHIN TU 'PHEL, DE NAS KHRO PHU'I SMON LAM LA PHEBS TE SKYA SER PHON CHE PA 'TSOGS PAR DGE 'DUN RNAMS LA MANG JA DANG 'GYED SOGS RGYA CHER GNANG ZHING, SKYE BO STONG PHRAG DU MA 'TSOGS PA LA BYAMS PA LUNG BSTAN PA'I MDO DANG, SKYES RABS THUN RE'I SPYI CHOS KYI SROL GSAR DU BTZUGS, MDOR NA SANGS RGYAS KYI BSTAN PA DANG, SEMS CAN GYI PHAN BDE RGYAS PA RJE NYID

MTHONG THOS DRAN REG TU GYUR PA THAMS CAD RJE BTZUN GYI ZHABS DRUNG DU SKYES NAS, BYAMS PA'I BSTAN PA LA BYA BA BYED PA'I SMON BRGYA CHER MDZAD, GANGS CAN GYI CHOS SDE SKYONG RING DBYAR CHOS GANGS CAN DANG, STON DUS SOGS RGYUN BAR DBEN DGON RANG DU BZHUGS NAS BSHAD SGRUB KYI RGYUN BSKYANGS, DE NAS GANGS CAN YANG YUN RING 'DZIN MI THUB, GANG BYED RING PHAN PA ZHIG BYA'O SNYAM DU DGONGS NAS 'DU KHANG LA ZHIG GSO DANG SKU GSUNG THUGS RTEN GSAR BZHENGS SPYI 'JOG SOGS CHOS ZANG ZING GNYIS KA'I SGO NAS BKA' DRIN ZLA MED MDZAD, DE NAS SRAD RGYUD DU PHEBS NAS SLOB DPON RIN PO CHE RGYUD CHEN SANGS RGYAS RGYA MTSO'I DRUNG DU 'JAM RDOR, GSHIN RJE GSHED DMAR NAG GNYIS, 'JIGS BYED LUGS GSUM SOGS BLA MED DANG, RDOR DBYINGS, DPAL RTZE SOGS RNAL 'BYOR RGYUD, RNAM SNANG MNGON BYANG, PHYAG RDOR DBANG BSKUR BA SOGS SPYOD RGYUD DANG, DAM TSIG GSUM BKOD, RNAM RGYAL MA, RNAM 'JOMS, GDUGS DKAR, 'OD ZER CAN, STON PA LA KHRUS KYI LHA MO BRGYAD KYIS BSKOR BA DANG, YANG STON PA LA BKRA SHIS KYI LHA MO BRGYAD KYIS BSKOR BA'I DBANG SOGS, RGYUD SDE BZHI'I RIGS KYI DBANG SUM CU SKOR DANG; 'DUS PA, BDE MCHOG ,RNAL 'BYOR MA'I SNGAGS BTU, SGRUB THABS BRGYA RTZA, SGRUB THABS RGYA MTSO, LEGS LDAN, STAG ZHON, DUD SOL MA, TRAKA SHAD RIGS MANG PO, PHAG MO, SROG SGRUB MA, DUS MTSAN MA, NAM

, ,MKHA'I GOS CAN MA SOGS KYI RJES GNANG, RNAM SRAS BKA' MI 'DRA BA BCU GSUM ,DE'I BE'U BUM YONGS RDZOGS KYI LUNG RNAMS DANG, GZHAN YANG ZAB RGYAS KYI GDAMS PA ZHAL SHES SHIN TU MANG BA GSAN, SRAD RGYUD NA BZHUGS SKABS BKRA SHIS LHUN PO'I KHRI THOG TU MYUR BAR PHEBS DGOS PA'I MNAL LAM GSAL BA BYUNG, DE NAS TSUR LAM ZHA LUR PHEBS, RJE 'DI SKU NA PHRA MO NAS, THAMS CAD MKHYEN PA BU STON RIN CHEN GRUB LA THUGS DAD LHAG PAR CHE BA ZHIG YOD PA'I STABS RI MTHI GNYIS KA'I GNAS GZIGS KYANG ZHIB TU MDZAD, RING PO MA LON PAR MYANG PHYOGS LA PHEBS DGOS BYUNG, DGE TSA DANG BSTUN DPAL 'KHOR BDE CHEN DU GRVA TSANG SO SOR 'DOD CHOS KYI CHAR PHAB CING, SPYI THOG TU BLA MA SLOB DPON MANG PO DGE BSHES RAGS BSDUS RNAMS LA BDE MCHOG L'U AI PA'I DBANG YONGS RDZOGS MDZAD, DE NAS DBEN DGON DU PHEBS TE DGA' LDAN SGRUB RGYUD KYI BSTAN PA NAM YANG MI NYAMS PAR BYA BA'I PHYIR DANG RJE GONG MA RNAMS KYI THUGS DGONGS YONGS SU RDZOGS PAR BYA BA'I PHYIR DANG DAD PA CAN GYI RDZAS RNAMS CHUD MI ZA BAR GTER DU SPA BA'I PHYIR SKU GSUNG THUGS RTEN GSAR BZHENGS, MCHOD RDZAS GSAR BZHENGS, DGE 'DUN GYI MKHO BA'I YO BYAD GSAR BZHENGS SOGS GANGS RI'I KHROD KYI SGRUB SDE ZHIG LA 'GRAN ZLA DANG BRAL PA BSKRUN PAR MDZAD, DE NAS BKRA SHIS LHUN PO'I BLA MA DGE 'DUN TSANG MAS DAD 'DUN RTZE GCIG PAS BKRA SHIS LHUN POR RJE DGE 'DUN

GRUB KYI GDAN SAR PHEBS DGOS ZHES NAN CHER GSOL BA BTAB BA LA BRTEN NAS DGUNG LO SO GCIG PA KUN LDAN ZHES PA LCAGS PHO BYI BA'I LO ZLA BA BCU GNYIS PA'I TSES GSUM LA CHOS GRVA CHEN PO BKRA SHIS LHUN PO'I KHRI THOG TU PHEBS 'DUS BA RGYA MTSO'I DBUS SU MI 'JIGS SENG GE'I KHRI LA ZHABS SEN BKOD NAS TSOGS CHEN LA SNAR THANG BRGYA RTZA'I RJES GNANG, SGROL MA NYER GCIG GI RJES GNANG, BKA' GDAMS CHOS 'BYUNG CHEN MO'I LUNG, RTZA BA SHES RAB, DBU MA 'JUG PA, MNGON RTOGS RGYAN RNAMS KYI LUNG GNANG, DE NAS RIM GYIS CHOS 'KHOR RGYA CHER BSKOR ZHING, DPYID GANGS CAN DU PHEBS NAS RAB BYUNG BSNYEN RDZOGS MANG DU GNANG ZHING GZHAN YANG CHOS 'KHOR RGYA CHER BSKOR, KHRO PHU'I SMON LAM LA PHEBS NAS SER SKYA BGRANG BA LAS 'DAS PA LA THAR PA'I SA BON BZHAG STE RGYAL BA'I BSTAN PA LA BYA BA RGYA CHER MDZAD, GANGS CAN BA RNAMS DBU MKHREGS, STAB STOB TU 'DUN PA SHIN TU DKA' BA ZHIG YIN NA'ANG, RJE 'DI LA NI RTZA BA'I DGON PA 'DEBS PA PO PAn CHEN BZANG PO BKRA SHIS LAS KYANG DAD MOS CHE BAR MDZAD DO, ,DE NAS GANGS CAN GYI GDAN SA 'JOG PAR MDZAD NAS BKRA SHIS LHUN POR DBYAR GNAS THOG TSOGS PAR THAMS CAD MKHYEN PA DGE 'DUN RGYA MTSO'I GSUNG 'BUM THOR BU'I LUNG DANG, 'JUG PA'I t'IKA CHEN DGONGS PA RAB GSAL GYI LUNG STZAL, DE'I STON GSER KHANG GONG PA DPON SLOB KYIS GDAN DRANGS, DGON RGYA 'OG DANG BCAS PA LA 'GRO DON 'PHRIN LAS JI LTAR MDZAD TSUL DE KHA'I DUS

, ,MKHAN CHEN NOR BZANG RGYA MCHOS BSKUL NAS DE 'PHRAL TSIGS BCAD DU MDZAD PA'ANG YOD DO, ,DE LTAR GSER KHANG GRVA TSANG PA RNAMS KYIS SPYAN DRANGS RJES, SNA TSOGS DBYIG GI LO'I BAR GYI STON RIM BZHIN DPAL 'KHOR BDE CHEN GI GRVA TSANG GZHI GNAS PA, LEGS GRUB PA, LHA KHANG PA, NOR BU DGE LDAN PA RNAMS KYIS RIM GYIS RANG RANG GI DGON RGYA 'OG DANG BCAS PAR GDAN DRANGS TE RNYED PA DANG BKUR STI BZANG PO 'GRAN PA BZHIN DU BSGRUBS, SKYA SER GYI SKYE BO STONG PHRAG MANG PO LA GANG 'TSAM GYI CHOS KYI CHAR PHAB STE NGAN 'GRO'I SGRO GTAN BCAD CING MTHO RIS DANG THAR PA'I LAM LAM PO CHE BZHIN DU MDZAD DO, ,DE NAS BKRA SHIS LHUN POR DGUN CHOS LA 'JAM DBYANGS CHOS SKOR YONGS SU RDZOGS PA GNANG, DBYID DBEN DGON DU RI KHROD PA RNAMS LA 'DOD CHOS CI RIGS STZAL NAS, SGRUB THABS RGYA MTSO DANG BRGYA RTZA'I LHA GTZO BO RNAMS KYI BSNYEN SGRUB ZHIG MDZAD, DE NAS SHANGS KHUL GYI DAD LDAN RNAMS KYIS GDAN DRANGS TE SHANGS SU MDA'I SER SKYA MTHA' DAG LA ZHAL MJAL DANG GSUNG GI BDUD RTZI STZAL TE THAR PA'I SA BON THEBS PAR MDZAD, DE NAS BKRA SHIS LHUN PO'I DGUN CHOS DANG BSTUN NAS DGONGS JA'I THOG SKYES RABS THUN RE'I GZABS BSHAD STZAL, DE YANG SNYIGS MA LNGA LHAG PAR BDO BA'I DUS 'DI 'DRA BAR NI YUL RTEN PHUN SUM TSOGS PA, GZHI TSUL KHRIMS RNAM PAR DAG PA'I DGE 'DUN BRGYA PHRAG MANG PO DANG LHAN CIG TU

CHO 'PHRUL CHEN PO'I DUS BZANG POR DKON MCHOG GSUM LA SKYABS SU SONG ZHING BYANG CHUB TU THUGS BSKYED, BSAG SBYANG GI GNAD BSDUS PA'I YAN LAG BDUN PA SNGON DU BTANG NAS, KUN TU BZANG PO'I SMON LAM TSUL BZHIN DU BSGRUBS PA NI DUS SKABS KYIS BSTAN PA DANG SEMS CAN GYI DON BLA NA MED PA DANG, RANG GZHAN GTAN GYI MDUN MA 'GRUB PA'I RTZA BA YIN NO SNYAM DU DGONGS NAS, THOG MAR MDZES BYED KYI LO RTA ZLA BA'I DKAR TSES GSUM NAS BCU DRUG GI BAR DU SMON LAM CHEN MO LEGS PAR 'DZUGS PAR MDZAD, DANG PO MANG JA RE RE TZAM YANG 'GRIG PA JI LTAR SNYAM DU THUGS YID 'PHYANG MO NYUG TU GYUR KYANG, PHYIS NI NYIN RE MANG JA LNGA DRUG TZAM YANG GTONG DGOS PA BYUNG, DE NAS BZUNG STE LO NYI SHU RTZA LNGA'I BAR LA BKRA SHIS LHUN POR DAD PA CAN GYI RDZAS RNAMS CHUD MI ZA BA'I PHYIR DANG, GDAN SA 'DI NYID LHA DANG BCAS PA'I 'GRO BA YONGS KYI BSOD NAMS KYI ZHING MCHOG DAM PAR BSGRUB PHYIR SKU GSUNG THUGS RTEN GSAR BZHENGS, MCHOD RDZAS GSAR BZHENGS DGE 'DUN LA BSNYEN BKUR GYI RGYUN SOGS GONG NAS GONG 'PHEL DU MDZAD, LHAG PAR CHO 'PHRUL SMON LAM 'DZUGS PAR MDZAD PA 'DI NYID RGYAL BA TZONG KHA PA'I YANG MDZAD CHEN GCIG YIN PA BCAS RJE 'DI RANG GI YANG MDZAD CHEN NGO MTSAR BA GCIG TU MDZAD DE, TSUL 'DI LA RJE RANG NYID KYI ZHAL NAS, 'DI NI KHO BO'I TSE 'DI LA LTOS PA'I RNAM THAR BZANG BA ZHIG YIN SNYAM PA YOD DE, DGE BA'I BSHES GNYEN PO TO BA'I RNAM THAR DU, BOD NA DGE 'DUN STONG PHRAG DU MA RNAM A

, ,THAR GCIG LA 'GOD NUS PA'I DGE SLONG YOD CES, DAM PA 'DI NYID RGYA GAR DU YANG GRAGS ZHES 'BYUNG BA LTAR, DGE 'DUN STONG RVA CAN BRGAL BA LO GRANGS DE SNYED DU THAMS CAD MKHYEN PA BSGRUB PA LA RTZE GCIG TU THUGS BSTUN NAS 'DUN PA RMAD DU BYUNG BA'I RNAM THAR LA 'GOD BAR BYAS PA'I PHYIR DANG, JI SKAD DU, GANG GIS PHYOGS BCU'I ZHING RNAMS JI SNYED PA, ,RIN CHEN BRGYAN TE RGYAL BA RNAMS LA PHUL, ,LHA DANG MI YI BDE BA'I MCHOG RNAMS NI, ,ZHING GI RDUL SNYED BSKAL BAR PHUL BA BAS, ,GANG GIS BSNGO BA'I RGYAL PO 'DI THOS NAS, ,BYANG CHUB MCHOG GI RJES SU RAB MOS SHING, ,LAN CIG TZAM YANG DAD PA BSKYED PA NI, ,BSOD NYAMS DAM PA'I MCHOG TU 'DI 'GYUR RO, ,ZHES SOGS RGYAL BA'I BKA' TSAD MAR GYUR BAS ZHAL GYIS BZHES PA'I BSOD NYAMS GZHAL DU MED PA RANG GZHAN GYI RGYUD LA BSKRUN PAR BYAS BA'I PHYIR RO, ,ZHES GSUNGS, DE NAS DAD LDAN MANG POS BSKUL NAS RTA NAG LA PHEBS, SKYE BO MTHA' YAS PA 'DUN PAR MDZAD CING, RJE 'GOS KYI SGRUB GNAS ZHAL GZIGS PHUG PA MJAL BAR MDZAD PAS, LHAS ME TOG GI CHAR 'PHAB CING TSE CHU'I RGYUN BABS, DE'I 'OG MKHA' SPYOD NA DPAL LDAN LHA MO'I LOGS BRIS BYIN RLABS CAN ZHIG 'DUG PA LA ME TOG 'THOR BAR MDZAD PAS 'OD ZER KHA DOG SNA LNGA 'PHRO ZHING, RNAM 'GYUR SNA TSOGS STON PA ZHIG GZIGS, DE NAS BKRA SHIS LHUN POR PHEBS, 'DI SKABS RGYAL BA THAMS CAD MKHYEN PA YON TAN RGYA MTSO

YANG BYANG PHYOGS KYI RGYUD NAS PHEBS, PHYI NANG GI RKYEN DU MAS BSKUL TE BKRA SHIS LHUN PO'I MKHAN SLOB THAMS CAD KYIS MJAL BAR BYON, PHEBS LAM DU YANG RTZAL BA CHEN POS BYON BAS YA MTSAN DU BYED BA BYUNG, DE DUS RJE RANG NYID NAS BDOG PA'I DNGOS BO'I PHYAG RTEN GZABS SHING, 'BRAS SPUNGS SU MANG JA 'GYED DANG BCAS PA GNANG, BKRA SHIS LHUN PO'I SLOB DPON PA RNAMS PHYIR THEGS, RJE RANG NYID RE SHIG BZHUGS RGYAL BA THAMS CAD MKHYEN PA CHEN POS CHOS BKA' MTHA' YAS PA GNANG DGOS TSUL GSOL BA BTAB PA LTAR, DGUN 'BRAS SPUNGS RANG DU BZHUGS NAS DBANG LUNG RJES GNANG SOGS LAM PA KA'I KU SHA'I GRANGS DANG MTSUNGS PA 'GRO GANG CHE GTZOR BTON MDZAD CING ZHAR LA 'BRAS SPUNGS KYI DKA' BCU RAB 'BYAMS PHAL CHER 'DUS PA LA DKA' CHEN BZHI'I RTZA BA'I LUNG YONGS RDZOGS DANG, RGYAL BA YON TAN RGYA MTSO DANG, DE'I ZHABS 'BRING PA SLOB DPON PA RNAMS GDAN 'DZOM PA LA DMAR NAG GNYIS, ZHE DGU MA, RO LANGS BRGYAD BSKOR, DPA' BO GCIG PA RNAMS KYI DBANG GNANG, GZHAN YANG SNGA PHYIR DBANG DANG, RJES GNANG DANG, ZAB KHRID MAN NGAG ZHAL SHES SOGS PHAL CHER PUM PA GANG BYO'I TSUL DU 'BUL BAR MDZAD DO, ,RGYAL BA THAMS CAD MKHYEN PA CHEN POS KYANG SKU TSE MANG PO'I SNGA ROL NAS RJE 'DI BA LA MNGON PAR DGYES PA'I THUGS KYI BAG CHAGS SAD PA LTAR MDZAD NAS, CHOS GSAN PA'I BLA MA MANG PO'I NANG NAS, RJE 'DI PHA RIGS KYI BDAG POR LEGS PAR

, ,BZHES TE THOG MTHA' BAR GSUM DU SO SKYE'I BLO YUL LAS 'DAS PA'I RNYED PA DANG BKUR STIS MCHOD PA NI DGE BSHES STON PA'I RNAM THAR DRI MA MED PA'I RGYUN 'KHRUL MED DU SKYONG BAR MDZAD PA YIN NO, ,DE NAS LHA SA'I SMON LAM GROL NAS BYANG RA SGRENG MJAL DU PHEBS, RA SGRENG BA RNAMS LA DAM BA'I CHOS RGYA CHER STZAL, RA SGRENG DU BZHUGS RING NGO MTSAR BA'I LTAS BSAM GYIS MI KHYAB BA BYUNG, RA SGRENG TSOGS BA LA BKA' GDAMS GLEGS BAM GZABS BSHAD DANG BCAS PA GNANG, DE NAS SLAR YANG RGYAL BA YON TAN RGYA MTSO DANG LHAN DU RGYAL ME TOG THANG LA PHEBS TE GTZO CHER RGYAL BA YON TAN RGYA MTSO LA DBANG LUNG MAN NGAG RNAMS NAR MAR GNANG ZHING SENG DBAR RNAMS SU LAM BAR GYI GNAS RNAMS LA MCHOD 'BUL DANG KHYAD BAR DGA' LDAN SGRUB RGYUD KYI CHU 'OG GRUB CHEN 'JAM DPAL RGYA MTSO'I SGRUB GNAS MAL GRO SPANG SA'I YANG DGON DANG, RJE RIN PO CHE 'KHOR DAG PA RNAM BRGYAD DANG BCAS PAS GANG DU SGRUB PA MDZAD PA'I GNAS 'OL KHA CHOS LUNG SOGS 'OL KHA DANG DVAGS PO'I GNAS RNAMS MJAL TE THUGS SMON MDZAD, RGYAL ME TOG THANG DU DPAL LDAN LHA MO DGYES PA'I CHO 'PHRUL NGO MTSAR BA BYUNG ZHING, GNAS GANG DANG GANG DU PHEBS PA DE DANG DER DAD LDAN RNAMS LA RANG RANG GI SKAL BA DANG 'TSAM PA'I CHOS KYI BDUD RTZI STZAL TE THAR PA'I SA BON THEBS PAR MDZAD, DE NAS GTZANG DU PHEBS TE BKRA SHIS LHUN PO'I 'DUS TSOGS LA DGUN CHOS SNGA PHYI'I SKABS TSOGS CHEN LA

SGRUB THABS RGYA MTSO'I RJES GNANG LUNG DANG BCAS PA STZAL, CHO 'PHRUL SMON LAM GROL RJES 'BRAS SPUNGS NAS GDAN 'DREN ZHU MI DOS DRAG BYUNG BA LTAR, DBUS SU PHEBS NAS DGA' LDAN PHO BRANG GI GZIM CHUNG NYI 'OD DU NAG NYA DANG BSTUN DPAL DUS KYI 'KHOR LO'I RDUL TSON GYI DKYIL 'KHOR BZHENGS TE RGYAL BA THAMS CAD MKHYEN PA YON TAN RGYA MTSO LA DUS KYI 'KHOR LO'I DBANG YONGS SU RDZOGS PA MTHA' RTEN DANG BCAS PA DANG, GZHAN YANG CHOS BKA' CI RIGS PA 'BUL BAR MDZAD, DE'I TSE LHO RGYUD PHYOGS NAS SDE DPON DU MAS PHEBS DGOS TSUL GSOL BA BTAB PA LA BRTEN NAS LHO KHAR PHEBS, DE DUS MKHAR TOG, 'PHYOD RGYAS RI BO BDE CHEN, SPYAN G-YAS, SNE'U GDONG, RTZES DANG, RONG CHA DKAR SOGS SU JO STAN TSOGS CHEN PA'I MKHAN CHEN GYIS MTSON PA'I BLA MA SLOB DPON DANG, DGE 'DUN MANG PO LA DBANG KHRID LUNG SOGS RGYA CHER STZAL, GANG DANG GANG DU PHEBS PA DE DANG DER SKYE BO'I TSOGS BRGYA STONG DU MA 'DUS PA LA YIG DRUG GI LUNG DANG, BLA MA'I RNAL 'BYOR SOGS DAM PA'I CHOS RGYA CHER STZAL, SNGON GYI DAM BA MANG PO'I BSTI GNAS JO BO CHEN PO LHA CIG GI GDUNG KHANG BZHUGS PA THANG PO CHE DANG, SPYAN G-YAS, YAM BU BLA SGANG, KHRA 'BRUG, RTZES DANG, BYAMS PA GLING, BSAM YAS SOGS KYI GNAS DANG RTEN MJAL ZHIB TU MDZAD, MCHOD 'BUL, BSAG SBYANG, SMON LAM RNAM DAG MDZAD BA NI SNGON BYON DAM PA'I RNAM THAR LTAR RMAD DU BYUNG BA'I MDZAD PA YIN LA, GANG

, ,DANG GANG DU PHEBS PA DE DANG DER ZANG ZING GI BSNYEN BKUR RGYA CHE BA DANG MI MANG GI 'A 'UR 'DU 'GOD MANG PA RNAMS LA NI DE DANG DE GZIGS PA TZAM GYIS SKYO SHAS NGES 'BYUNG SHUGS DRAG SKYE BA LAS ZANG ZING LA THUGS DGYES PA NI NAM YANG MI MDZAD DO, ,DE NAS BKRA SHIS LHUN POR PHEBS NAS DBYAR GNAS KYI KHONGS SU NYI SHU RTZA LNGA RTZA LNGA GRANGS SU BCAD DE TSOGS CHEN LA GDUGS DKAR GYI DBANG RGYAS PAR STZAL, DGAG DBYE THON NAS ZHAG NYER GCIG GI RING SKU MTSAMS BCAD NAS DKON MCHOG RJES SU DRAN PA GTZO BOR BSGOM PAR MDZAD NAS BSAG SBYANG LA BRTZON PAR MDZAD PAS STON PA THUGS RJE CAN DE'I BKA' DRIN DRAN PA'I DAD PA SHUGS DRAG 'KHRUNGS SHING GSOL 'DEBS GDUNG DBYANGS SU MDZAD PA NI 'DI LTAR, NA MO GU RU MU NI AINDR'A YA, 'JIG RTEN STOBS KYIS MNGON RLOM MTHA' DAG GI, GTZUG RGYAN GZHAL MED NOR BU'I PHRENG MDZES LA, ,ZHABS SEN GSAR PA'I ZLA TSOS NGAL BSO BA, , THUB DBANG LHA YI BLA MAS DGE LEGS STZOL, ,GANG SKU SER GYI SA 'DZIN MTHON PO'I RTZER, ,ZHAL DKYIL NYIN BYED RGYAS PA'I 'DZUM ZER KYIS, ,PHAN BDE'I 'OD BRGYA'I SNANG BAS SRID PA GSUM, ,YONGS 'GENGS STON PA DE LA BDAG CAG DAD, ,LAN DANG RNAM PAR SMIN LA MI RE BAR, ,MGON MED NYAM THAG RNAMS LA RJES BRTZE PA, ,BCOM LDAN ZHABS ZUNG RTEN PA'I PADMA LA'ANG, ,BYANG CHUB SNYING PO'I BAR DU BDAG SKYABS MCHI, ,GRANGS MED PA SKAL PAR GANG GI MTSAN

TZAM YANG, ,THOS PAR DKA' ZHING LAN CIG THOS NA YANG, 'JIGS PA KUN SEL DGE LEGS MCHOG STZOL BA'I, ,LHAR BCAS 'GRO BA'I BLA MAS BDAG SKYOBS SHIG ,THUGS RJE CHE MNGA' RGYAL BA GZHAN RNAMS KYIS, ,GDUL BAR MA NUS DMU RGOD 'DUL DKA' BA, ,BDAG DANG BDAG 'DRA'I SNYIGS DUS 'GRO RNAMS LA, ,KHYOD LAS LHAG PA'I MGON DANG SKYABS GZHAN CI, ,BDE MED SDUG BSNGAL BRGYAS GANG SRID PA 'DIR, ,GROGS MED GCIG PUR YANG YANG 'KHOR BA NA, ,NYAM CHUNG BDAG GI SKYID SDUG LEGS NYES KUN, ,MKHYEN BRTZE'I BDAG NYID THUB CHEN DPA' BO MKHYEN, ,SKYON BRAL YON TAN KUN GYI GTER GYUR CING, ,MA BCOL BAR YANG PHAN DANG BDE MDZAD PA'I, ,RNAM THAR BSAMS NA RKANG GI KHONG NAS KYANG, ,YID RAB DAD PAR MI BYED SEMS LDAN SU, ,THUB DBANG RJES SU RAB TU BYUNG GYUR KYANG, ,MNGON SUM MA MTHONG SEMS KYI ZUG RDU DE, ,BSAL PHYIR YID MTSOR RGYAL BA'I SKU BSKRUN YANG, ,SEL BAR MI NUS SLAR YANG STON PA DRAN, ,DGRA DANG BSHES MED KUN LA BRTZE BA'I GNYEN, ,THAMS CAD MKHYEN PA'I NYI MA NUB RI'I PHAG, THOS PA'I LAM DU GSHEGS PA'I DUS MTHA' 'DIR, ,SROG GI LHAG MA GSON YANG CI ZHIG RUNG, ,DES NA DBANG PHYUG BRGYAD LDAN MGON KHYOD KYIS, ,STON DUS DGUNG SNGON DBUS SU ZLA RGYAS BZHIN, ,BSOD NAMS PHUNG PO'I SKU DANG 'DZUM PA'I ZHAL, ,DA LTA MNGON SUM STON LA BDAG DBUGS DBYUNG, ,RNAM DKAR BYE BA LAS GRUB RTZIBS STONG CAN, ,'KHOR LO'I MTSAN MNGA' DANG PA'I DRA BA LTAR, ,RAB MDZES

, ,NOR BU'I 'OD 'BAR ZHABS SEN GYIS, ,REG PAS BDAG SNYING ZE'U 'BRU SKAL BZANG MDZOD, ,STON PA MCHOG DE DA LTA 'DIR BZHUGS ZHES, ,NGES PA MIN YANG RGYAL BA'I MDZAD PA YIS, ,ROL PA'I ZHING 'DIR RTZE GCIG YID GTAD KYIS, ,BDAG CAG RE BA'I 'BRAS BU MCHIS PAR MDZOD, ,PHA ROL BSKYAS CHEN 'DEGS PAR PHYOGS PA'I TSE, ,BSOD NYAMS BRGYA PHRAG LAS 'KHRUNGS GSER SBYANGS KYI, ,GLANG PO'I SNA LTAR MDZES PA'I PHYAG G-YAS DE, ,BDAG GI SPYI BOR MNGON SUM BZHAG TU GSOL, ,GAL TE SNGON GYI LAS NGAN DBANG BTZAN PAS, ,SRID PA NYAM NGA'I GNAS SU LHUNG GYUR KYANG, ,YID LA SH'AKYA'I GTZO BO DRAN PA DANG, ,THUB MTSAN RNA BAR THOS DANG 'BRAL MA GYUR; ;'JIGS DANG SDUG BSNGAL BRGYAS NYEN SDUG PA'I BU, ,BRTZE BA'I PHA YIS BSAMS SHING DOR BA LTAR, ,NYAM CHUNG SKAL NGAN BDAG CAG YAL BOR NAS, ,LHAR BCAS STON PA MCHOG DE GANG DU GSHEGS, ,'ON KYANG THUB PA'I MKHYEN BRTZE NUS PA LA, ,SGRIB THOGS MI MNGA' PHONGS PA'I GNYEN GCIG CES, ,BDEN PA GSUNG BA'I BKA' YI 'THOR 'THUNG GIS, ,STON DANG BRAL PA'I TSA GDUNG CUNG ZAD BSAL, ,DE BZHIN BU RAM SHING BA'I LUGS BZANG RNAMS,, BDAG LA DNGOS SU 'DOMS PA'I BLA MA'I TSOGS, ,MGON DE'I YE SHES SGYU MA'I RNAM ROL TU, ,BSAMS SHING DRAN PAS YID KYI NGAL BAS THOB, ,ZAS GTZANG SRAS KYI MDZAD PA'I CHA SHAS TZAM, ,BRGYUD NAS MTHONG THOS DRAN PA TZAM

GYIS KYANG, ,DAD DANG MOS DGA'I PHUN TSOGS 'DI 'DRA NA, ,MNGON SUM MTHONG NA AE MA CI 'DRA ZHIG, BDE BAR GSHEGS PA'I SNANG TSUL PHRA MO 'GA', ,YID LA SHAR TSE DAD DANG GDUNG BA YIS, ,MYOS PA'I BLA BRDOL ME TOG PHRENG BA 'DI, ,YID KYI GDUNG BA SEL PHYIR MGON POS BZHES, ,DE LAS 'ONGS PA'I DGE TSOGS KU MUD TA, ,ZLA SHEL DUNG LTAR DKAR BA CI THOB PAS, ,THUB DBANG GANG DU BZHUGS PA'I ZHABS DRUNG DU, ,SKYES NAS 'BRAL MED RJES SU 'DZIN GYUR CIG, CES PA'O; ;DE KHA'I STON 'BRING MTSAMS GCEN LUNG PHYOGS SU PHEBS NAS SKYE BO BRGYA PHRAG MANG PO BSNYEN GNAS SMYUNG GNAS, SROG GCOD SPONG BA, GZUNGS SNGAGS SOGS BZLAS BRJOD KYI DAM BCA' LEN PA SOGS DGE BA LA BKOD CING, KHYAD PAR GCEN LUNG KHA SPYOD DU TSOGS PA LA DPAL GSANG BA 'DUS PA MI BSKYOD PA'I DBANG BZHI YONGS SU RDZOGS PA DANG, GZHAN YANG 'DOD CHOS MANG DU STZAL, DE YANG MYANG STOD NAS BZUNG LHO RTZA KHOG BRGYUD NAS GCEN LUNG GI BAR GANG DANG GANG DU PHEBS PA DE DANG DER, KHROM CHEN PO GLO BUR DU TSOGS SHING RING POR MI THOGS PAR 'GYES PA DANG, DE DAG GI NANG NAS MANG PO ZHIG NI GNYEN BSHES YID DU 'ONG BA DANG BRAL BAS MTSI MA DANG BCAS BZHIN BSNGO BA ZHU BA DANG, 'GA' ZHIG NI LANG TSOS RGYAGS SHING 'JO SGEG DANG BCAS PA DANG, LA LA NI RGAS SHING RGAN PO 'CHI KHA MA LA GZIGS SHIG CES SNYING RJE LTAR DU 'DUG PA DANG, MANG PO NI MA BRTAGS NYAMS DGA' BAS BZHAD GAD DANG BCAS TE 'DUG PA DANG,

, ,PHAL CHER SER SNAS BSAGS PA'I DNGOS PO RJE NYID LA RE BA'I SEMS KYIS 'BUL BA GZIGS PAS 'KHOR BA THOG MA MED PA NAS LTA CI SMOS, TSE THUNG 'DI GCIG PU LA YANG GNYEN BSHES DANG DAR RGUNG KHROM GYI 'DU 'TSOGS DANG GZHON PA'I LANG TSO NAM MKHA'I 'JA' TSON DANG, SER SNAS BSAGS PA'I NOR RDZAS SBRANG MA'I SBRANG RTZI DANG 'DRA BA 'DI LTAR MNGON SUM DU GSAL BAR STON PA'I SLOB DPON NO SNYAM DU THUGS SHIN TU 'BYUNG BAR GYUR NAS NYAMS MGUR 'DI LTAR MDZAD DO,, NA MO GU RU MANYDZU GHO sh'A YA, DUS GSUM SANGS RGYAS KYI NGO BO, ,BKA' DRIN GSUM LDAN GYI BLA MA, ,'BRAL MED SPYI GTZUG TU BZHUGS LA, ,BYIN RLABS DNGOS GRUB KYI CHAR PHOBS, ,YID 'OD SNYING GROGS DANG MDZA' BSHES, ,NGES MED 'DU 'BRAL GYI ROL PA, ,DBYAR DUS DGUNG SNGON LA 'KHRIGS PA'I, ,MI RTAG LANG LONG GI CHU 'DZIN, ,NGAL BA BRGYA PHRAG GIS BSGRUBS BA, ,SRID PA'I PHUN TSOGS KYI DGA' STON, ,LHO PHYOGS DRI BZHON GYIS BSKYOD BA'I, ,PADMO'I 'DAB STENG GI ZIL PA, ,CHAGS LDAN BYIS PA YI DGA' BSKYED, ,YID 'ONG GZUGS MDZES KYI LANG TSO, ,NGAN SKYUGS BSHAD GCI YIS GANG BA'I, ,DBYIBS LEGS MI GCOD BA'I BUM PA, ,DENG SANG 'DZAM GLING GI MI TSE, ,RGAN GZHON GO RIM GYI NGES MED, ,SHUGS DRAG RLUNG DMAR GYI NANG GI, MAR ME JI BZHIN DU 'DUG PA, ,SRID GSUM SGYU MA YI GRONG KHYER, ,BDE MED SDUG BSNGAL GYI 'BYUNG GNAS, ,THAR MED

'JIGS RUNG GI BTZON RA, ,LCAGS KHANG 'BAR BA YI RANG BZHIN, ,STONG GSUM ZAS NOR LA DBANG YANG, ,SGREN MO LAG STONG DU 'GRO 'DI, ,MYA NGAM NYAM THAG GI THANG LA, ,GCIG PUR DGRA BO YIS BCOMS 'DRA, ,NYON MONGS LAS NGAN GYI SHUGS KYIS; ;'DI NANG 'DOD YON LA ZHEN PA, ,MI GTZANG PHUNG PO LA CHAGS PA'I, ,GDOL PA KHYI PHAG GI RNAM THAR, ,CI DRAG SANGS RGYAS DANG BYANG SEMS, ,DAM PA'I SKYES BU RNAMS THEGS BZHUD, ,BLUN PA BDAG NYID KYI NYES PAS, ,DA DUNG BTZON RA 'DIR LUS BYUNG, ,MTHA' MED SDUG BSNGAL GYIS RGYA MTSOR, ,GROGS MED GCIG PU RU 'GRO TSE, ,SKYABS GNAS BLA MA DANG DKON MCHOG, PHAN PA DAM CHOS LAS MED PA'I, ,TSUL 'DI SNYING KHONG NAS MA DRAN, ,BAG MED GU YANGS KYI SPYOD BAS; ;NYIN MTSAN DON MED DU 'DA' BA, ,SEMS MED YANG NA NI SMYON PA, ,NAM ZHIG 'CHI BDAG GIS BZUNG NAS, ,'JIGS SKRAG SDUG BSNGAL GYIS GZIR CING, ,NGAN SONG 'KHRUL SNANG KUN SHAR BA'I, ,DUS DER 'GYOD PO CIG 'BYUNG BAS, , BSAM BLO DA LTA NAS THONGS LA, ,SGO GSUM DAM PA YI LAM BZANG, ,NYIN MTSAN KHOR YUG TU BSTEN LA, ,THAR PA'I GRONG KHYER DU BSNYEGS SHIG, CES DANG, GZHAN YANG 'DI LTAR GSUNGS TE, NA MO GU RU MANYDZU GHOsh'A YA ,GSUM LDAN GYI BLA MA RDO RJE 'DZIN, ,BDAG SNYING GI PADMO'I DBUS BZHUGS LA, ,BYANG CHUB KYI SNYING POR MCHIS KYI BAR, ,'BRAL MED DU RJES SU GZUNG DU GSOL, ,THOG MED NAS THA MA DA LTA'I BAR, ,'JIGS RUNG GI 'KHOR BA'I BTZON KHANG 'DIR, ,

, ,LAS NYON GYI LCAGS SGROG DAM POS BCING, ,SDUG BSNGAL GYI GSHED MAS YANG YANG GTZOS, ,NGAN SONG GI GNAS SU GTAN YUL BYAS, ,TSA GRANG GI SDUG BSNGAL DRAG POS MNAR, ,RANG SHA DANG RANG KHRAG GRANGS MED ZOS, ,BRDEG 'TSOG GIS MNAR ZHING NGAL THAG BCAD, ,LAN 'GA' MTHO RIS KYI RTEN THOB KYANG, ,SKYID 'DOD KYIS SDIG BA'I LAS BYAS PAS, ,NGAN SONG GI YUL DU YANG YANG LOG, BDE MED KYI SDUG BSNGAL BRGYA PHRAG MYONG, ,DA DUNG YANG NYON MONGS CHU KLUNG 'DI, ,BZLOG NGES KYI CHU LON MA BSGRUBS NA, ,MTHA' MED KYI SRID PA'I RGYA MTSO 'DIR, ,NYAM THAG GI KLONG DU BYING NYEN GDA', ,BAR SNANG GI GLOG 'DRA'I TSE THUNG 'DI, ,SKYID PAS KYANG MI 'TSENGS SDUG MI PHUNG, ,MNAR MED KYI KHRO CHU KHOL MA'I NANG, ,YUN RING DU BSREGS NA AE BZOD SOMS, ,DAL 'BYOR DANG LDAN PA'I MI LUS 'DI, ,DON MED KYI BYA BAS DUS 'DA' BA, ,RIN CHEN GYI GLING NAS LAG STONG DU, ,GCER BU RU RANG KHYIM LDOG PA BZHIN, ,CHE THUNG 'DI CI LTAR BYAS KYANG PHYID, ,BYANG CHUB 'DI PHYIS NAS RNYED PAR DKA', ,SKYID SDUG GI 'DAM KA DA RES BYUNG, ,BSAM BLO DE SNYING GI DKYIL NAS THONGS, ,DBYAR DGUN SOGS NAM ZLA'I 'GYUR LDOG DANG, ,SKYA SER GYI SKYE BO'I 'CHI LUGS SOGS, ,MNGON SUM DU MIG GIS MTHONG BZHIN DU, ,JI SNYAM YANG MI SEMS RTAG 'DZIN CAN, ,GNYEN BSHES DANG LONGS SPYOD KUN BOR NAS, ,'CHI BDAG GI GSHIN RJES DBANG MED KHRID, ,RGYUS MED DU GCIG

BUR 'GRO BA'I TSE, ,PHAN NGES DE DAM CHOS KHO NA RANG, ,ZHES SO, ,SNGA PHYIR DAD 'BUL BYUNG BA RNAMS LA SKU GSUNG THUGS RTEN BZHENG BA DANG, DGE 'DUN LA BSNYEN BKUR MDZAD PA MTHA' YAS TE 'DIR MA BRIS SO, ,DE NAS BKRA SHIS LHUN BO'I SLOB DPON PA RNAMS KYIS GSOL BA NAN GYIS BTAB PA LA BRTEN NAS TSOGS CHEN LA RDUL TSON GYI DKYIL 'KHOR DU DPAL RDO RJE 'JIGS BYED KYI DBANG BZHI YONGS SU RDZOGS PA STZAL, DBYAR GNAS GROL 'PHRAL BDUN PHRAG GSUM BCAD RGYAR BZHUGS TE LAM GYI RIM PA'I NYAMS BZHES LA BRTZON PAR MDZAD, DE SKABS THUGS LA 'DI LTAR 'KHRUNGS TE SNGON CHAD BLA MA'I MING BTAGS CHOS BRGYAD DANG 'DRES MA'I RNAM G-YENG GI GZHAN DBANG DU SONG, SBYIN BA PO RNAMS KYI SEN MO DKAR DMAR GYI STENG NAS BCAD PA'I DAD RDZAS DANG BA, SHIN RDZAS CHUNG MI 'DZA' TZAM AE YONG BSAM LHA KHANG DANG RTEN BZHENGS SOGS BLOS CI LCOGS BGYIS SHING BSTAN PA DANG GZHAN DON YIN RGYU'I KHUL GYI DBANG BSKUR LUNG KHRID SOGS CHOS BSHAD MANG DU BYAS MOD KYANG NGES 'BYUNG DANG LTA BA RNAM DAG GIS RTZIS ZIN PA NI SHAS CHER DKA', DE GNYIS CI RIGS BAS MA ZIN PA'I ZAG BCAS KYI DGE BA RGYA CHER BYAS KYANG 'KHOR BA'I 'KHOR LO BSKOR BA KHO NAR 'DUG, ,SRID PA'I PHUN TSOGS JI TZAM THOB KYANG SKYE RGAN 'CHI'I RGUD BA NI RGUD PA NI SDUG BSNGAL GYI ME RAB TU 'BAR BAS SKAD CIG TZAM YANG BZOD GLAGS MI 'DUG, MI BZOD BZHIN DU 'JIGS PA CHEN PO LNGA PO 'DI LAS THAR BA'I THABS LA BRTZON PAR

, ,MI BYED PA NI KYE MA KYI HUD BDAG LA SNYING MED PA'AM, SMYON PA DNGOS SO SNYAM DU DGONGS, 'KHOR BA'I PHUN TSOGS THAMS CAD KYANG SDUG BSNGAL GYI RANG BZHIN DU GZIGS TE DON DE DAG 'PHAGS PA'I DBYANGS SU MDZAD PA NI, NA MO GU RU MANYDZU GHO sh'A YA, SKYON BRAL YON TAN KUN GYI MCHOG MNGA' BA'I, ,ZLA MED STON PA SH'AKYA'I RGYAL PO DANG, ,DBYER MED RJE BTZUN BLA MA'I ZHABS PAD LA, ,BYANG CHUB SNYING PO'I BAR DU SKYABS SU 'CHI, ,NYON MONGS CHU BO LAS NGAN RAB RLABS CAN, ,SHUGS DRAG DBANG GIS SKYE BA'I RGYA MTSO CHER, ,KYE MA YANG YANG NYING MTSAMS SBYAR BA'I TSUL, ,RGYUN DU LEGS PAR SOGS DANG SHES LDAN DAG, MDOG STOBS GZI NYAMS MI SDUG RNYINGS PA'I LUS, ,YID 'ONG YUL BRGYA 'TSOGS KYANG SPYOD MI NUS, ,DRAN DBANG BLO NYAMS 'GUM PAR MNGON PHYOGS PA, ,'JIGS RUNG RGAS PA'I TSUL 'DI GROGS DAG LTOS, ,'BYUNG BA 'KHRUGS PA'I ZUG RDU BRGYAS GTZES PAS, ,NYIN MTSAN MI 'KHYOL 'DOD RNAMS BSTEN DBANG MED, ,BCOS KYIS MI PHAN 'CHI BAR SHES SHING 'GYOD, ,THAR MED NAD KYIS GDUNGS 'DI KYI HUD 'JIGS, ,PHUN TSOGS BDE SKYID 'BYOR PA'I PAD TSAL YANG, ,BSOD NAMS MIN PA'I GLANG POS BCOMS PA NA, ,MYA NGAN ME 'BAR SHIN TU YA NGA BA, ,KYE BA 'JIG RTEN RGUD PA'I TSUL 'DI LTOS, ,YID 'PHROG GNYEN 'KHOR LUS DANG LONGS SPYOD SOGS, ,'BYOR BAS DREGS KYANG SGREN MO LAG STONG DU, ,GROGS MED MYUR DU 'JIG RTEN PHA ROL TU, ,GLO BUR 'CHI BA

'DI KO MKHAS PAS SOMS, ,STOBS DANG DPUNG GIS BZLOG PA'I SKABS MED CING, ,RTZAS SNGAGS NOR DANG MDZES MAS BSLUR MED BA'I, ,'JIGS RUNG DUS KYI CHAD PA RNAM PA LNGA, ,THOG LTAR 'BAB BO MKHAS PAS BAG YOD STEN, , SRID PA'I RTZE MO NAS BZUNG DMYAL BA'I BAR, ,KUN LA 'DOD DGUR DBANG BYED RGYAL PO LNGA'I, ,SNANG TSUL DRAN TSE CUNG ZAD YID SKYO BAS, BLO BZANG CHOS KYI RGYAL MTSAN ZHES BYAS SMRAS, ,ZHES GSUNGS, YANG DUS DE'I TSE, SKYID KYANG MI 'TSENGS SDUG KYANG MI PHUNG BA'I DGUN NYI DANG 'DRA BA'I TSE THUNG 'DI'I LUS SROG LONGS SPYOD LA GNOD PA BYED PA'I SKYE BO LA'ANG DGRA'I GTZO BOR 'DZIN PAR BYED NA 'KHOR BA THOG MA MED PA NAS 'GAL ME'I 'KHOR LO LTAR RGYUN MI 'CHAD PAR SKYE RGAN 'CHI'I RGYUD PA'I SDUG BSNGAL 'BAR BA'I RAL GRI RNON POS 'DEBS PA'I BYED PA PO NI, RANG RGYUD KYI NYON MONGS PA DUG GSUM PO 'DI YIN PAS 'DI NYID PHYI ROL GYI DGRA BOR THAMS CAD KYIS DPER MI PHOD PA, 'JIGS PA DANG YA NGA BA DANG, SDUG BSNGAL THAMS CAD KYI 'BYUNG GNAS GSHED MA BUR RDZUS LTA BU'I DGRA BOR BZUNG STE 'JOM BYA'I GTZO BOR GZIGS NAS 'BUR 'JOMS MDZAD CING, DE DANG MTHUN PAR 'PHAGS PA'I DBYANGS SU MDZAD PA'ANG 'DI LTAR, NA MO GU RU MANYDZU GHO sh'A YA, RGYA DKA' DUG GSUM G-YUL LAS RNAM RGYAL BA'I, ,DANG SRONG CHEN PO DE LA GUS 'DUD KYI, ,NYON MONGS 'BRAS DANG ZUG RDU 'CHI BDAG LTAR, ,KUN GYIS MTHONG ZHING RTOGS PAR BYIN GYIS RLOBS, ,THOG MED GOMS PA'I

, ,RGYUN GYIS STOBS LDAN ZHIG TSUL MIN YID BYED BSIR BUS CHER BSKYOD PAS, ,SDIG SDUG GTAM NGAN RBA KLONG RAB 'KHRUGS PA'I, ,NYON MONGS CHU BO'I RGYUN 'DI BCAD BAR DKA', ,THUB PAS SMAD CING 'PHAGS TSOGS KUN GYIS SPANGS, ,BSTEN PA TZAM GYIS 'BAD RTZO LA MI DGOS PAR, RANG GI NGANG GIS 'THUR NAS 'THUR 'GRO BA'I, ,KYE MA BZLOG DKA'I ZAG RGYUN SHUGS RE DRAG, DGA' MGU'I ZOL GYIS BDAG YID KHRID KHRID NAS, ,RING BOR MI THOGS THAR MED BTZON KHANG DU, ,BRGYA PHRAG SDUG BSNGAL DUD MO'I DKA' THUB DAG ,STER BYED NYON MONGS LAS GZHAN YOD RE SKAN, ,GANG ZHIG REG NA RDO RJE'I RI RAB KYANG, ,YUD TZAM ZHIG GIS THAL BAR BRLAG 'GYUR BA, ,RAB TSA MNAR MED 'BAR BA'I ME NANG DU, , REG PA'I RGYU GANG 'DI LAS GZHAN PA CI, ,MTHA' DANG DBUS MED 'JIGS RUNG SKYI G-YA' BA'I, ,MI BZAD 'KHOR BA'I 'BROG DGON NYAM NGA BAR, ,SKYABS MED MGON MED LAN CIG MA YIN PAR, ,YANG YANG NYING 'TSAMS SBYOR BA'ANG NYON MONGS DBANG, ,BSTEN CING GOMS NA DAM PAS KHREL 'GYUR ZHING, ,THAR PA DAM PA'I DPAL DANG GTAN PHRAL BYED, ,BDUD RNAMS DGA' BA'I GNYEN GYUR NYON MONGS TSOGS, ,'DI LA SHES LDAN SU ZHIG DGRAR MI LTA, ,DE BZHIN SDIG TSOGS MTHA' DAG 'BOD PA'I GROGS, ,MTHA' BRAL SRID PA'I RGYA MTSOR 'JUG PA'I RGYUN, ,NGAN SONG GSUM DU 'GRO BA'I SGO MO CHE, ,'DI KO THABS TSUL STONG GIS 'GEGS PA'I RIGS, ,TSE 'DI'I LUS SROG LAN CIG MA YIN PAR, ,LAN BRGYA STONG

DU 'JOMS BYED GANG GIS KYANG, ,DPER 'OS MIN PA'I NYON MONGS DGRA BO LA, ,YID RAB RTON PA DE DAG PHYUGS LAS PHYUGS, ,DE PHYIR KHAMS GSUM RGUD PA'I 'CHING BA LAS, ,RNAM GROL 'CHI MED BDUD RTZI'I DPAL THOB STE, ,BDE DGA' RGYA MTSOR 'JUG 'DOD MKHAS PA DANG, ,DUG GSUM G-YUL LAS RGYAL BA'I DGRA THABS STEN, ,RIGS TSUL 'BUM PHRAG RNO BA'I NGAR LDAN PA, ,STOBS LDAN GNYEN PO'I RAL GRI RAB 'BAR BAS, ,BZLOG DKA'I NYON MONGS DGRA TSOGS SROG 'PHROG PA, ,AE MA 'DI DAG MKHAS PA RNAMS KYIS BSNGAGS, ,BDAG KYANG DE NGAN NAS SKYE BA THAMS CAD DU, ,LHA SOGS 'GRO BA MA LUS DGRAR LANGS TE, ,SROG DANG 'TSO BA YANG YANG PHRAL GYUR KYANG, ,CUNG ZAD SDANG DANG KHRO BAR MA GYUR CIG ,DE BZHIN YID 'PHROG PHYI NANG DNGOS PO'I TSOGS, ,DGA' BSKYED YUL BRGYA DAG GIS KUN BSKOR KYANG, ,MI RTAG MI GTZANG SGYU MA LTAR MTHONG NAS, ,RMI LAM DU YANG CHAGS PAR MA GYUR CIG ,'JIGS RTEN 'JIG RTEN 'DAS PA'I LAM BZANG LA; ;KUN NAS 'THOMS PA'I MUN NAG MI BZAD PA, ,THOS BSAM SGOM PA'I SHES RAB SGRON 'BAR BAS, ,NAM YANG RMONGS PAS GOS PAR MA RAB SGRON 'BAR BAS, ,NAM YANG RMONGS PAS GOS PAR MA YON TAN RGYA MTSO GTZANG PHYOGS SU PHEBS PA BKRA SHIS LHUN POR GDAN 'DREN PA'I ZHAL BKOD MDZAD DE SPRE'U ZHES PA ME LUG ZLA BA DRUG PA'I YAR TSES LA CHOS GRVA ,CHEN PO'I MKHAN SLOB RNAMS KYIS GTZO MDZAD GZABS 'BYOR GYI RTA PA BRGYA PHRAG BRGAL PA PHEBS BSUR BYON,

, ,CHU SHAR DU YAB SRAS ZHAL MJAL SKABS, LHA'I RNGA BO CHE'I SGRA LTA BU'I SGRA BSGRAGS SHING LHA RNAMS KYIS ME TOG GI CHAR CHEN PO LEGS PAR PHAB PA THAMS CAD KYI MNGON SUM DU GYUR, DGE 'DUN SUM STONG LHAG PA'I SER SBRENG DANG BCAS DGE MTSAN PHUN SUM TSOGS PA DANG LDAN PAS CHOS GRVA CHEN POR PHEBS, ZLA BA PHYED GNYIS LHAG TZAM BZHUGS, RJE 'DI PAS ZANG ZING GI DNGOS 'BUL SPAM MTHO BA DANG, ZAB CHOS KYI RIM PA CI RIGS PA'ANG PHUL NAS THUGS MNYES PAR MDZAD DE GANGS CAN CHOS 'PHEL GYI BAR PHEBS SKYEL DU BYON, SLAR BKRA SHIS LHUN POR PHEBS NAS DGAG DBYE GROL 'PHRAL SKU MTSAMS LA BZHUGS, DE'I TSE THUGS LA CHOS LDAN GYI BYA BA YIN YANG ZA ZIR GYI RNAM PAR G-YENG BA SHIN TU CHE BA 'KHRUL PA'I BYA BYED DE DAG THAMS CAD NI SNYING PO MED PA SGYU MA DANG SMIG RGYU'I PHUNG PO LTA BU KUN RDZOB KYI GNAS TSUL RJEN CHER GYIS 'CHAR BA DANG, DE'I MTHUS BDEN STONG GI DON SPYI THUGS LA LAM LAM SHAR BA BZHIN 'DI LTAR GSUNGS TE, NA MO GU RU MANYDZU GHO sh'A YA, SKU MTHONG BAS DON LDAN GZI 'OD 'BAR, ,GSUNG YAN LAG DRUG CU'I DBYANGS SNYAN SGROG ,THUGS SRID ZHI LAS 'DAS MKHYEN BRTZE'I GTER, ,RJE RDO RJE 'CHANG ZHABS PADMOR 'DUD, ,GDON DNGOS 'DZIN 'KHRUL PAS YID BSKYOD NAS, ,SGO PHYIN CI LOG TU BTAGS SHING ZHE NA, ,DE'I MTHU LAS BDAG GZHAN RIS SU BCAD, ,LAS NYON MONGS DBANG GIS 'KHOR BAR

'KHYAMS, ,DA YIN LUGS RTOGS PA'I MTSON RNON GYIS, ,DGRA BDAG 'DZIN SROG DANG MA PHRAL NA, ,GNAS 'JIGS RUNG SRID PA'I RGYA MTSO 'DIR, ,YANG SDUG BSNGAL 'KHOR LO RGYUN MI 'CHAD, ,BLO MA RIG SGYU MA'I 'KHRUL 'KHOR 'DI'I, ,YUL GDOD NAS SKYE BA MED MTHONG BAS, ,PHYI GZUNG 'DZIN SPROS PA DBYINGS SU THIM, ,DPE CHAB ROM RGYA MTSO'I KLONG DU BZHIN, ,CHOS KUN GYI GNAS LUGS GDOD MA'I GSHIS, ,DON DBYER MED SPROS PA KUN DANG BRAL, ,DPES MTSON DU MED PA'I RANG BZHIN GYI; ;DBYINGS 'DI 'DRA'I RANG ZHAL BLTAS PA'I TSE, ,RJE SANGS RGYAS CHOS DANG DGE 'DUN GYI, ,MTSAN TZAM YANG DMIGS SU MA MCHIS NA, ,SEMS MA RIG DRIMS SBAGS MTHONG BA'I, ,GNAS 'KHOR BA'I SDUG BSNGAL GA LA YOD, ,YUL 'OD GSAL DANG DU RIG PA ZHUGS, ,CHOS KUN GYI NGO BO RJEN PAR MTHONG, ,SLAR BLTAS KYANG MTHONG BA'I YUL LAS 'DAS, ,DPE 'GAG MED NAM MKHA'I PHA MTHA' 'TSOL, ,KHYED 'KHOR BAS SKRAG PA'I 'GRO KUN KYANG, ,GZHI BDEN STONG YANGS PA'I GZIGS MO MDZOD, ,'DI MTHONG NA SNANG SRID SKYE BO KUN, ,DGRA'I GTZO BOR GYUR KYANG 'JIGS MI DGOS, ,LAS DGE SDIG 'BRAS BU MA DMIGS SHING, ,LAM SPANG GNYEN DGAG BSGRUB DANG YANG BRAL, ,YID 'BAD PAS BSGRUBS PA'I 'BRAS BUS DBEN, ,DBYINGS 'DI 'DRA RGYAL BA'I DGONGS PA SNYAM, ,YANG 'KHOR 'DAS CHOS LA PHAR BLTAS PAS, ,RKYEN 'DI PA TZAM GYI RGYU DANG 'BRAS, ,CHES PHRA ZHING BSLU BA MED PAR MTHONG, ,DPE 'CHI MED LAM NAS 'JA' TSON BZHIN, ,DBYINGS SPROS BRAL GDOD NAS

, ,DAG PA DANG, ,LAS RGYU 'BRAS BSLU BA MED PA YI, ,YUL SNANG STONG RES 'JOG MA YIN PA'I, ,DON ZUNG 'JUG MTHA' BRAL DBU MA'I LAM, ,LAM 'DI 'DRA RNYED PA BLA MA'I DRIN, ,DRIN CHE'O RGYAL PA GNYIS PA'I RJE, ,MA DRIN CAN 'GRO BA RNAMS KYIS KYANG, ,DON 'DI 'DRA RTOGS PAR BYIN GYIS RLOBS, ,ZHES PA DANG, YANG, NA MO GU RU MANYUDZU GHO sh'A YA, DBYINGS RIG PA DBYER MED LHA YI LAM, ,ZHING KUN KHYAB MIG 'PHRUL ZLOS GAR MKHAN, ,PHA BDEN MED RMI LAM LTA BU LA, ,BU SGYU MA'I SKYES BUS SNYING NAS 'DUD, ,CHOS CAN KUN BLTAS PAS SGYU MA TZAM, ,CHOS NYID LA BLTAS KYANG CANG MA MTHONG, ,SGYU MA DANG STONG PA ZUNG 'BREL LAM, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,CHOS NYID LA BLTAS PAS CHOS CAN BKRA, ,CHOS CAN LA DPYAD PAS STONG PAR BROS, ,SNANG STONG GNYIS RES 'JOG MI BYED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,DON DAM GYIS RGYU 'BRAS BSLU MED BSTAN, ,KUN RDZOB KYIS DON DAM RANG ZHAL PHYE, ,BDEN GNYIS KYI RANG BZHIN DBYER MED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR BZHOG ,

DON DAM GYI DBYINGS LA DPYAD PA'I TSE, ,RTEN 'BREL GYI MING YANG MED PA DANG, ,STONG PA DANG RTEN 'BREL ZUNG 'JUG 'DI, ,'GAL MED DU BLA MA'I DRIN GYIS SHES, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,'KHOR 'DAS KYI CHOS RNAMS MA LUS PA, ,BDEN MED DU SHES PAS BDEN PA GO ,BDEN RDZUN GYI RANG BZHIN DBYER MED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,MING RKYANG GI CHOS RNAMS BDEN PAS STONG, ,BDEN STONG KUN RGYU 'BRAS ROL PAR SHAR, ,STONG PA DANG RGYU 'BRAS DBYER MED LAM, ,AE MA HO BLA MA'I DRIN GYIS RNYED, ,AA LA LA RTAG CHAD KYI G-YANGS LAS GROL, ,ZHES SO, ,YANG DE DUS NGES DON ZAB MO'I NYAMS BZHES LA BRTZON PAR MDZAD BAS GZHUNG CHEN MO RNAMS DANG MTHUN PA'I MNYAM GZHAG DANG RJES THOB KYI RNAL 'BYOR GNYIS KA LA THUGS BKOL DU BTUB PA BYUNG NAS 'DI KHA'I RGYUN BSKYANG RGYU BYUNG NA STONG NYID MNGAN SUM DU RTOGS PA LA DKA' BA MI YOD PA 'DUG SNYAM PA THUGS LA SHAR ZHING SNANG BAS YONG MTHA' DANG STONG PAS MED MTHA' SEL BA'I THAL 'GYUR BA'I THUN MONG MA YIN PA'I KHYAD CHOS RTEN 'BYUNG ZAB MO'I TSUL LA THUGS NGES KHYAD PAR CAN THOB NAS LTA BA'I MGUR DBYANGS 'DI LTAR MDZAD DE, NA MO GU RU MANYUDZU GHO sh'A YA, DBYINGS BRJOD BRAL LHAN SKYES BDE BA CHE, ,DON CIR YANG 'CHAR BA'I

, ,SGYU 'PHRUL MKHAN, ,PHA RDO RJE 'CHANG DBANG BLA MA'I ZHABS, ,DGRA SRID BA'I 'JIGS 'PHROG DE LA 'DUD, ,DUS DE RING NYAMS KYI SNANG BA LA, ,SPYIR 'GAL MED 'GAL BA LTAR SNANG BA'I, ,YID NGO MTSAR RI MO SNA TSOGS SHAR; ;CHA TZAM ZHIG 'PHAGS PA'I DBYANGS SU BSDEBS, ,YUL GANG SHAR DO LA PHAR BLTAS PAS, ,KHO RANG TSUGS MA THUB BRDZUN KHUNG RIG ,DE RIG PAS BDEN PA'I RANG ZHAL BSTAN, ,SEMS GCER BU STONG NYID GOS KYIS KLUBS, ,CHOS KUN BYANG DBYE BA THA DAD RNAMS, ,DBYINGS DON DAM NGANG DU DBYER MED 'DRES, ,LAM DGAG BSGRUB BRAL YANG MDZANGS PA'I BLOS, ,LAS DGE SDIG BLANG DOR BYA RU BYUNG, ,NGAS DANG POR NGAR 'DZIN DGRAR BLTAS TE, ,LUNG RIGS PA'I MTSON RNON SNYING LA BSNUN, ,DA DMIGS MED YANGS PA'I ME LONG LA, ,YANG NGA ZHIG BLTAR MED TSUL DU BLTA, ,CHOS JI SNYED BLTAS BAS GZHI RTZA BRAL, ,YUL CHOS NYID BLTAS PAS CIR YANG SNANG, ,DON SNANG STONG ZUNG 'JUG YANGS PA'I LAM, ,LAM 'DI 'DRA'I ZHAGS PAS CHOS KUN BCINGS, ,GCIG THA DAD SPANGS KYANG RO GCIG LA, ,YANG GCIG KYANG DU MA'I ROL BAR SHAR, ,DPES MTSON KYANG MTSON PAR MI NUS PA'I, ,NGAG BRJOD BRAL DON 'DI BRJOD SNYING 'DOD, ,GZHI 'KHOR BA SPANG BYAR MA DMIGS SHING, ,LAM THAR PA THOB TU MA MCHIS KYANG, ,MA 'GRO BA'I SDUG BSNGAL MA BZOD PAS, ,MCHOG SKU GSUM MYUR DU THOB PAR SHOG ,CES SO, ,DE LTA BU'I TSUL GYIS

'KHOR 'DAS KYIS BSDUS PA'I CHOS THAMS CAD KYI SNANG TSUL DANG GNAS TSUL 'KHRUL MED DU GZIGS SHING, SNANG TSUL LA GZIGS PAS SEMS CAN RNAMS LA SNYING RJE RTZOL MED DU SKYE BA DANG, CHOS RNAMS KYI GNAS LUGS RTOGS PA'I DBANG GIS SPRO PA YANG NGANG GIS 'PHEL BA ZHIG BYUNG BAS RKYEN BYAS MGUR DBYANGS 'DI LTAR MDZAD DE, NA MO GU RU MANYDZU GHO sh'A YA, 'GAG MED DU SNANG BA CHOS KYI DBYINGS, ,BDEN STONG DU 'CHAR BA SEMS KYI RGYUN, ,DBYER MED DU 'DRES BA'I RO GCIG PA, ,SEMS PA DE SEMS KYI RDO RJER SONG, ,SRED LDAN GYI MA RGAN SEMS CAN RNAMS, ,'DOD YON LA SRED PA'I ZHAGS PAS BCINGS, ,THAR MED KYI BTZON KHANG RA BAR BCUG ,SDUG BSNGAL GYI TSOR BA DRAG POS MNAR, ,BDAG 'DZIN GYI 'GONG PO SNYING ZHUGS PAS, ,LTOS MED KYI BDAG CIG GCES PAR BZUNG, ,DE NYID LA DMIGS NAS RTAG CHAD SOGS, ,LTA NGAN GYI 'DRE GDON MANG POS GTZES, ,CHAGS SDANG GI TSA GRANG NANG MANG 'KHRUGS, ,LAS NGAN GYI 'KHRU SKYUGS KHRAG TU 'BAB, ,DGE LEGS KYI TSE SROG YANG YANG 'GAG ,YANG SRID DU SDUG BSNGAL PHUNG CHEN GRUB, ,SNANG TSUL 'DI MTHONG BAS MCHI MA SHOR, ,SNYING RE RJE NYAM THAG 'JIGS SHING SKYO; ;GNAS TSUL 'DI MTHONG BAS GANG MO SHOR, ,NYAMS RE DGA' GTING NAS ZHE BLO BDE, ,MO GSHAM GYI BU MO'I MDZES SDUG LA, ,CHAGS SDANG GIS BSLAD PA'I 'DU BYED KYIS, ,BDE SDUG GIS NYEN PA'I SKYE BO LA, ,SHES LDAN GYI GROGS

, ,RNAMS JI LTAR DGONGS, ,BRGYUD LDAN GYI RJE LA BLO PHUGS GTAD, ,NGES DON GYI GZHUNG MANG THOS BSAM BYAS, ,ZAB DON GYIS SNYING GI ZE'U 'BRU GTAMS, ,ZEGS MA TZAM TSIG GI LAM DU 'THOR, ,CES SO, ,DE NAS BKRA SHIS LHUN PO'I DBEN BSDUM MCHOD RTEN GSAR BZHENGS MDZAD DE RAB GNAS KYI SKABS GRUB CHEN SA RA HA DANG, ,GRUB CHEN CHOS RDO RJE GNYIS DNGOS SU BYON PA SOGS NGAG PA'I GZIGS SNANG NGO MTSAR RMAD DU BYUNG BA MTHA' YAS PA BYUNG SNANG NGO, ,DE NAS SDE PA THON PA SOGS DAD LDAN MANG POS GDAN DRANGS NAS THON PHYOGS SU PHEBS TE SKYA SER BGRANG BA LAS 'DAS BA LA CHOS KYI BDUD RTZI STZAL TE MTHO RIS DANG THAR PA'I SA BON 'DEBS PAR MDZAD, DE NAS SHANGS MDO RI BO DGE 'PHEL BA MCHOD YON RNAMS KYIS KUN MKHYEN SHES RAB DPAL BZANG GI GDAN SAR PHEBS DGOS TSUL NAN GYIS GSOL BA BTAB PA LA BRTEN NAS LNGA MCHOD CHEN MO'I DUS DGE 'PHEL DU PHEBS, TSOGS PA LA BDE GSHEGS BDUN GYI RJES GNANG DANG, MDO CHOG GI LUNG SOGS NYER MKHO'I CHOS KYI CHAR PHAB, SLAR BKRA SHIS LHUN POR PHEBS NAS, ZHI BA'I LO'I DGUN CHOS DUS SU NUB GCIG MNAL LAM DU DGE SLONG RNAM SBYAR DMAR SER GSOL CING, RIGS LNGAS DBU BRGYAN PA, PHYAG NA PO TI NA BZA' LEGS PO DU MA DANG SKU RAGS MDZES PAR BCINGS PA BSNAMS PA ZHIG GIS GLEGS BAM DE RJE RANG NYID KYI PHYAG TU GTAD NAS, 'DI SNGON NAS

BRIS ZIN TE DA BAR RAB TU GNAS PA MA GRUB PAS, DA LAM KHYOD KYIS ZHAL PHYE LA RAB GNAS SHIG GYIS GSUNGS, GLEGS BAM DE PHYAG TU BZHES NAS SKU RAGS BKROL TE GZIGS PA NA 'DUS PA'I RTZA RGYUD MTHING SHOG LA GSER GYIS BRIS PA SHIN TU LEGS PA ZHIG 'DUG PAS, RAB YANGS NAM MKHA' TIL GYI GANG BU BZHIN, ,ZHES RJE RANG NYID KYIS 'DON PAR MDZAD PA NA 'DI NAS BYUNG MED PAR NGO MKHYEN PA DANG MI MKHYEN PA'I TSOGS PA CHEN PO ZHIG 'DUS NAS SA G-YO BA TZAM GYI RAM BTEG STE 'DUS PA'I SHIS BRJOD YONGS RDZOGS 'DON PAR MDZAD PA ZHIG GSAL BAR BYUNG, DE'I SANG NYIN DKA' BCU RAB 'BYAMS PA BZHI LNGA TZAM GYIS 'DUS PA'I RTZA RGYUD KYI 'GREL BSHAD RGYAS PA GCIG KHYER NAS 'DI'I STENG NAS CHOS THUN RE CIS KYANG ZHU ZHES GSOL BA BTAB PA DANG, MDANG GI MNAL LAM GYIS KYANG RKYEN BYAS t'IKKA'I 'DZIN CHOS DANG, 'GREL BA BZHI SBRAGS KYI BSHAD PA RGYAS BA RE STZAL, DE DUS DGE BSHES DE DAG LA ZLA BA GCIG GNYIS TZAM LA'ANG RDO RJE THEG PA'I LAM GYI RNAM GZHAG CHAGS PA BYUNG NGO, ,BKRA SHIS LHUN PO'I RGYUD GRVA GSAR 'DZUGS MDZAD PA 'DI LA NI RJE RANG NYID KYANG THUGS SHIN TU DGYES PA BYUNG STE RJE RANG NYID KYI ZHAL NAS SNGAR GYI RMI LTAS DE YANG RGYUD GRVA 'DI NYID TSUGS PA'I LTAS DANG, PHYI'I MCHOD RTEN GYI SA CHOG DE YANG BSAM GZHIGS MED PAR DPAL GSANG BA 'DUS PA'I SGO NAS BYED PAR SHAR SONG BA YANG DE KHA'I RTEN 'BREL DU 'DUG ,RGYU MTSAN DE DAG GI PHYIR BDAG NYID KYIS KYANG THOG MTHA' BAR

, ,GSUM DU CHOS DANG CHOS LDAN GYI SGO NAS SMAN GYI LJON SHING LTAR BSKYANGS PA'I LAG RJES MKHAS PAS BSNGAGS PAR 'OS PA ZHIG YIN NO SNYAM DU RLOM PA'ANG MCHIS SO, ,ZHES GSUNGS, ,DE NAS 'GAL BYED CES PA LCAGS MO PHAG GI LO'I TSO 'PHRUL SMON LAM GROL 'PHRAL BSAM GRUB DGE LDAN PA MCHOD YON RNAMS KYIS GDAN DRANGS, LAM ZHOR DU DNGUL CHU CHOS RDZONG DU PHEBS, GZIM PHUG DANG SKU 'DRA RIN PO CHE MJAL BA MDZAD, DE SKABS RGYAL SRAS RIN PO CHE DANG DNGOS SU MJAL ZHING BYIN GYIS BRLABS PA LTA BU'I DAD MOS DANG DGA' BA THOB CING SMON LAM YANG DAG 'DEBS PAR MDZAD, DE NAS BSAM GRUB DGE LDAN DU PHEBS NAS SPYI SGER THAMS CAD KYIS BSNYEN BKUR BSAM GYIS MI KHYAB PAS MCHOD, RJE NYID NAS KYANG DGE 'DUN RNAMS LA MANG 'GYED DANG 'JIGS GSANG GNYIS KYI DBANG CHEN, CHOS SKYONG MANG PO'I RJES GNANG SOGS CHOS RGYA CHER GNANG ZHING RAB BYUNG BSNYEN RDZOGS KYANG MANG DU STZAL, PHYOGS DE'I SKYE BO BYINGS LA TSE DBANG GNANG, DE'I TSE LHA RNAMS KYIS ME TOG GI CHAR PHAB PA SOGS NGO MTSAR BA'I LTAS BSAM GYIS MI KHYAB PA BYUNG, DE NAS LAM BAR GYI CHOS SDE RNAMS SU RIM GYIS PHEBS NAS RTEN RNAMS LA MCHOD 'BUL SMON LAM DANG DGE 'DUN RNAMS LA SO SO'I 'DOD DANG MTHUN PA'I CHOS MANG DU STZAL TE BKRA SHIS LHUN POR PHEBS, DE NAS 'BRAS SPUNGS NAS GDAN 'DREN BYUNG BA LTAR PHEBS TE RGYAL BA YON TAN RGYA MTSO DANG

GZIM KHANG GONG SPRUL PA'I SKU SE 'BRAS KYI BLA MA RNAM PA SOGS NYI 'OD 'KHYIL DU GSHONG TZAM LA RDO RJE PHRENG BA'I DBANG RDZOGS PAR GNANG, 'DI DAG GI SKABS SU PHYOGS SNA TSOGS SU DAD LDAN GYI GDUL BYA'I BSOD NAMS KYI ZHING DU PHEBS PA NA GNAS DANG DUS DANG GANG ZAG LA SOGS PA SKAD CIG KYANG RTAG PA MED PA 'PHRAL 'PHRAL 'GYUR 'GRO BA MNGON SUM DU GZIGS PAS RKYEN BYAS, 'BAD RTZOL GYI GOMS PA LA MI LTOS PAR, 'KHOR BA'I PHUN TSOGS THAMS CAD NI RMI LAM GYI DGA' STON NAM ,SGYU MA'I ROL RTZED LTA BU DANG, 'DUS BYAS KYI NGANG TSUL NI GLOG GI ZLOS GAR RAM, CHU 'DZIN GYI 'DU 'GOD LTA BU DANG, SNYIGS DUS KYI SKYE BO'I TSE NI CHU YI CHU BUR RAM, RTZVA RTZE'I ZIL PA LTAR GZIGS ,KHYAD PAR RANG NYID KYANG DANG PO MNGAL DU ZHUGS PA NAS 'CHI BDAG GI KHAR CHUD CING, NYI MA RE RE BZHIN YANG 'CHI RKYEN SHIN TU MANG BAS MI 'CHI BA'I GDENG NI CI YANG MI 'DUG ,SNGON CHAD DUS KYI CHAD BA MA PHOG PA'ANG NGO MTSAR CHE, DA NI GLO BUR NYID DU BSKYAS CHEN 'DEGS PAR YANG NYE 'AM CI CHA SNYAM DU THUGS LA NGES 'BYUNG SHUGS DRAG TU 'KHRUNGS TE DON DE NYID 'PHAGS PA'I DBYANGS SU BSDEBS PAR MDZAD PA NI 'DI LTAR, NA MO GU RU MANYUDZU GHO sh'A YA, DUS GSUM GYI SANGS RGYAS MI GZUGS CAN, ,GSUM LDAN GYI BLA MA'I ZHABS PAD LA, ,BYANG CHUB KYI BAR DU SKYABS SU MCHI, ,'BRAL MED DU BRTZE BAS RJES 'DZIN MDZOD, ,MTHA' MED KYI 'KHOR BA'I RGYA MTSO 'DIR, ,LAS NYON GYI 'CHING BA DAM POS BCINGS, ,SKYE RGA

, ,DANG NA 'CHI'I RAB KLONG 'KHRUGS, ,GNAS TSUL 'DI BSAMS SHING GLO SNYING 'DAR, ,TSANGS DBANG DANG KHYAB 'JUG DRAG PO SOGS, ,'CHI MED KYI BDAG PO'I DPAL THOB KYANG, ,DBANG MED DU MNAR MED MES BSREG NA, ,MTHO RIS KYI BDE LA YID BRTAN CI, ,DPAG MED KYI TSE DANG 'BYOR PA CAN, ,GSER DNGUL GYI 'KHOR LOS BSGYUR RGYAL YANG, ,NGES MED DU 'KHOR BA'I YANG BRAN 'GYUR, ,AA TZA MA SRID 'DIR SNYING PO GANG, ,TSE SNGON GYI DGRA PO 'DI NANG GNYEN, ,'DI NANG GI DGRA YANG PHYI MA'I GROGS, ,ZA ZIR GYI 'KHOR BA'I NGANG TSUL 'DI, ,'BREL MED KYI SMYON PA'I ZLOS GAR RANG, ,SKAD CIG KYANG 'BRAL BAR MI PHOD PA'I, ,YID 'ONG GI SNYING GROGS MDZA' BSHES RNAMS, ,DUS TSOD KYIS SO SOR 'GRO BA 'DI, ,YID RE SKYO SEMS LA CUNG MA BAB, ,SDIG SDUG DANG GTAM NGAN KHYAD BSAD NAS, ,SER SNA YIS BSAGS PA'I ZAS NOR LAS, ,RDUL PHRAN TZAM 'KHYER BA'I DBANG MED PAR, ,LAG STONG DU 'GRO BA 'DI SEMS LA GZAN, ,TSE LHAG GI BSKYEL MA YUD TZAM LA, ,'CHI BDAG GI BSU MA BANG RE MGYOGS, ,PHA ROL GYI G-YANG SA 'JIGS PA CHE, ,CI RANG DRAG 'BROS THABS AE 'DUG SOMS, ,SNGAR BYAS KYI RANG GI LAS LA 'GYOD, ,SDIG LTUNG GI KHUR PO RI BAS LCI, ,GROGS MED DU BSKYAS CHEN 'DEGS PA 'DI, ,GTING NAS RANG SKYO ZHING 'TSER LA 'JIGS, ,'CHI MA LA DU BDAG NYID CHUD PA'I TSE, ,KHA DRAG GI DPA' BOS MI BZLOG CING, ,STONG GSUM KUN GANG BA'I ZAS NOR DANG, ,MDZES SDUG GI LANG TSOS BSLU RU MED, ,'TSO BYED KYI RGYAL PO GZHON NU DE, ,MNGON SUM

DU BYON YANG CI BYAR YOD, ,BRTZE GDUNG DANG LDAN PA'I GROGS DBUS NAS, ,GCIG PU RU 'GRO BA 'DI SHIN TU 'TSER, ,RGYUS MED KYI BAR DO LAM 'PHRANG DOG, LAS NGAN GYI 'KHRUL SNANG CHU LTAR 'KHRUGS, ,'JIGS SKRAG GI SDUG BSNGAL YANG BA; ;MNGON SUM DU SHAR TSE CI TZUG BYED, ,'DI NANG GI DGA' SKYID 'DZOM PA DANG, ,SGYU LUS KYI KHANG STONG SHUL DU BZHAG ,RNAM SHES DE BYA SPU RLUNG KHYER BZHIN, ,DON MED DU 'KHYAM PA 'DI SEMS KYI GCONG, ,LAS NGAN GYIS NYID 'TSAMS SBYAR BA'I TSE, ,LJAN LJIN GYI MI GTZANG DANG 'DRES NAS, ,MUN KHROD KYI MNGAL NANG DRI NGA BAR, ,'DUG TSUL 'DI BSAMS NA SNYING RLUNG LDANG, ,MNGAL GRIB KYIS DAM CHOS BAG CHAGS BRJED, ,RAB RMONGS KYI BYIS PA'I GNAS SKABS GYUR, ,BLANG DOR GYI GNAS LA LKUGS PA 'DRA, ,SPYOD TSUL DE DRAN PAS SHES PA 'PHYO, ,GZHON NU DANG LANG TSO DAR BA'I DUS, ,SDIG GROGS DANG DUG GSUM SHUGS DRAG GIS, ,BSLAD NAS KYANG NGAN 'GRO'I SDUG BSNGAL RGYU, ,BAG MED DU SGRUB NA CI RANG DRAG ,GTING ZAB KYI 'KHOR BA'I KHRON PA 'DIR, ,LEGS NYES KYI MTHO DMAN SNA TSOGS BA'I, ,BDE SDUG GI GAN BUG MANG PO ZHIG ,MGAL ME LTAR 'KHOR BA 'DI YID RAB SKYO, ,'KHOR BA NA SKYID SDUG CI YOD RNAMS, ,THOG MED NAS THA MA DA LTA'I BAR, ,YANG YANG RANG NYAMS SU MYONG LAGS NA, ,DE KA TZAM TSIM MAM SUN RE RAN, ,DRED PO KHYOD RANG LA SNYING RJES LTOS, ,SKYID SDUG GI 'DAM KA DA RES BYUNG, ,RANG NYID LA RANG GI GNYER BABS PAS, ,JI LTAR BYA RANG GI SEMS LA DRIS, ,SEMS NYID KYI DNGUL DKAR ME LONG

, ,LA; ;'KHOR BA 'DI'I SNANG TSUL SHAR BA'I TSE, ,BAB COL GYI TSIG PHRENG YI GE'I GZUGS, ,'GOD PA PO BLO BZANG CHOS RGYAN YIN, ,ZHES SO, ,DUS DE'I TSE LUNG BSTAN MKHAN PO MANG PO ZHIG GIS SKU TSE'I BAR CHAD CHE BAS TSE SGRUB MDZAD DGOS SO ZHES BSKUL BA NA CHOS BRGYAD 'OG SNYOMS KYI GSUNG 'DI LTAR BYON TE, RJE GSUM LDAN BLA MA RDO RJE 'DZIN, ,MI BDAG SNYING PADMO'I DBUS ZHUGS LA, ,DGRA CHOS BRGYAD SNANG ZHEN BKRAG PO CHE, ,'DI RTZAD NAS THON PAR BYIN GYIS RLOBS, ,TSE RING DU GNAS NA RNAM DKAR GYI, ,LAM BZANG PO SGRUB PO SHI YANG BDE, ,LAS BAG CHAGS BZANG PO'I NGANG DU 'CHI, ,AA LA LA GSON SHI SEMS LA SNYOMS, ,TSE SGRUB KUN JI LTAR DGYES DGYES MDZOD, ,DPAL PHUN TSOGS 'BYOR NA MCHOD SBYIN GYIS, ,TSOGS GSOG GO DBUL POR GYUR KYANG SLA, ,CHUD ZOS DOGS SER SNA'I SDUG BSNGAL MED, ,AA LA LA 'BYOR RGUD SEMS LA SNYOMS, ,NOR SGRUB KUN JI LTAR DGYES DGYES MDZOD, ,YONGS KUN GYIS BSTOD CING SNYAN GRAGS NA, ,YID MI BDE MED DO SMAD KYANG SLA, ,SGRA GRAG STONG SGYU MA'I BSLU BRID YIN, ,AA LA LA BSTOD SMAD SEMS LA SNYOMS, ,SNYAN GRAGS KUN JI LTAR DGYES DGYES MDZOD, ,DA LUS SEMS BDE NA DKON MCHOG GI ,DRIN YIN NO SDUG BSNGAL GYUR KYANG SLA, ,YID NGES 'BYUNG SNYING RJE NGANG GIS 'PHEL, ,AA LA LA BDE SDUG SEMS LA SNYOMS, ,SKYID 'DOD KUN JI LTAR DGYES DGYES MDZOD, ,SROG 'TSO 'CHI 'BYOR RGUD BDE

SDUG DANG, ,YONGS BSTOD SMAD SNYAN DANG MI SNYAN SOGS, ,GANG BYUNG YANG BLA MA'I BYIN RLABS YIN, ,AA LA LA CI BYAS GLO BA DGA', ,RE DOGS KUN JI LTAR DGYES DGYES MDZOD, ,DPAL ZHI BA LHA DANG MAR ME MDZAD, ,RJE RGYAL BA GNYIS PA LAS 'ONGS PA, ,DUG BDUD RTZIR BSGYUR BA'I GDAMS PA YIS, ,AA LA LA LTAS NGAN G-YANG DU LEN, ,RKYEN NGAN KUN JI LTAR DGYES DGYES MDZOD, ,CES PA DANG, YANG DON DAM PA'I DBANG DU MDZAD NAS, NA MO GU RU MANYDZU GHO sh'A YA, PHA RGYA CHEN SPROS PA KUN MKHYEN KYANG, ,DBYINGS SPROS BRAL NGANG DU RTAG GZIM PA, ,RJE RGYAL BA GNYIS PA BLO BZANG GRAGS, ,'BANGS BDAG CAG DA DUNG THUGS RJES SKYONGS, ,SNGON THOG MA MED NAS DA LTA'I BAR, ,GDON RANG GI SNYING LA GNAS BCAS NAS, ,YUL BDAG MED CIG LA BDAG TU BZUNG, ,'PHRAL PHAN PA'I ZOL GYIS BSLUS BYAS TE, ,NGA DMYAL BAR BSREGS PA'ANG BGRANG LAS 'DAS, ,DUS DE RING BLA MA'I BKA' DRIN GYIS, ,DGRA BDAG 'DZIN 'GONG PO'I MTSANG RIG PAS, , SEMS SPROS BRAL GNYUG MA'I NGO BO MTHONG, ,BU RANG BYUNG RIG PA'I GZHON NU DANG, ,YUL 'OD GSAL CHOS DBYINGS MDZES MA MJAL, ,DBYINGS RIG PA DBYER MED THABS SHES 'BREL, ,'DI 'DU 'BRAL MED PA'I GROGS SU BZANG, ,YE GDOD NAS CIR YANG MA GRUB PAS, ,YUL BDAG MED RTOGS PA'I NGES SHES KYIS, ,LAS RGYU 'BRAS BSLUB MED PAR RTOGS, ,DA CHAD PA'I G-YANG LA NYAM NGA MED, ,YANG RTEN NAS 'BYUNG BA'I CHOS RNAMS KUN, ,SNANG TZAM GYIS SGYU MA'I ROL PAR

, ,MTHONG, ,DE MTHONG BAS AA 'THAS 'CHING BA ZHIG ,DON DE PHYIR RTAG PA'I MTHA' LAS GROL, ,NGA STONG NYID NAM MKHA'I RNAL 'BYOR PA, ,YUL GANG SHAR BRDZUN PA'I RGYAS THEBS PAS, ,KHONG BDEN PAR 'DZIN BA'I CHOM RKUN PA, ,GZHI SKYE MED GDOD MA'I DBYINGS SU BROS, ,LAR 'KHOR 'DAS CHOS RNAMS MA LUS PA, ,MING BTAGS YOD TZAM GYI ROL PA LAS, ,DBYINGS NGO BO CIR YANG MA MCHIS PAS, ,NGA SKYE 'CHI GNYIS LA YANG MED, ,SNGAR DAL MED 'KHYAMS PA'I NGAL BSO'I GNAS, ,CHOS STONG NYID BDUD RTZI'I SNYING PO RNYED, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,NGA BLO BZANG RGYAL BA GNYIS PA'I BU, ,LAM PHYAG RGYA CHEN PO'I ROL RTZED KYIS; ;CHOS LTA BA'I GLU DBYANGS 'DI BZHIN LEN, ,GROGS THAR 'DOD KUN KYANG 'DI LTAR MDZOD, ,CES MDZAD DE LUNG BSTAN MKHAN PO DE DAG LA BSKUR BAR MDZAD DO, ,DE NAS DAD LDAN MANG POS BSKUL BA LTAR 'BRING MTSAMS DANG GCEN LUNG DU PHEBS TE DE DANG DE NA GNAS PA'I GDUL BYA RNAMS LA THAR PA'I SA BON BZHAG ,DE NAS ZAR DU PHEBS TE BYANG PHUG GI JO BO MJAL, ,MCHOD 'BUL, SMON LAM MDZAD, GNAS DER SKYO SHAS CHEN POS GDUNG DBYANGS 'DI LTAR MDZAD DE, NA MO GU RU MANYDZU GHO sh'A YA, SKU GSUM GYI GO 'PHANG MCHOG BRNYES KYANG, ,GZHAN SNANG DU THA MAL DGE SLONG TSUL, ,SANGS RGYAS KYI YE SHES BLO BZANG GRAGS, ,BDAG SNYING GI PADMO'I DBUS BZHUGS LA, ,DUR

SMRIG GIS PHYI TSUL MDZES LAGS KYANG, ,DUG GSUM GYI CHANG GIS CHER MYOS PAS, ,SENG LPAGS KYIS G-YOGS PA'I WA SKYES 'DRA'I, ,SNYING RUL GYI BU LA BRTZE BAS GZIGS, ,DUG LNGA YI NYON MONGS MTSANG RIG KYANG, ,NGAN GOMS KYI BAG CHAGS SHUGS DRAG CING, ,GDONG BZLOG GI GNYEN PO NGAR CHUNG BAS, ,MNAR MED KYI ME NANG SREG NYEN GDA'O, ,NGAG SNANG GIS RGYAL KHAMS SKOR 'DOD KYANG, ,KUN SLONG GI LA CHU 'PHRANG DOG PAS, ,PHRAG DOG DANG 'KHON 'DZIN ZER MGO RNO, ,CHOS SPONG GI G-YANGS SU LHUNG NYEN GDA'O, ,CHOS BSHAD KYIS GZHAN SEMS BSGYUR MKHAS KYANG, ,RANG RGYUD KYI KO SKAM GYONG POR LUS, ,GLU MKHAN DANG NE TZO'I CHOS BSHAD BZHIN, ,CHOS RGYUS MKHAN CHOS KYIS PHONGS NYEN GDA'O, ,ZAB DON GYI NYAMS LEN BYED 'DOD KYANG, ,RNYED GRAGS KYIS MI MGO BSKOR PHYIR DU, ,CHOS CHUNG GI RNAM GRANGS GSOG GSOG NAS, ,KUN SHES KYI GCIG RDUGS BYUNG GNYEN GDA'O, ,SKYO SHAS DANG NGES 'BYUNG BSGOMS LAGS KYANG, ,RTAG 'DZIN GYI GDON CHEN THUGS GSOL BAS, ,PHYI NANG GI DNGOS LA SHI SPAR 'THAMS, ,GSUNG TSUL DANG RNAM THAR 'GAL NYEN GDA'O, ,THEG TSAN GYI LAM DU ZHUGS RLOMS KYANG, ,RANG 'DOD KYI GSHED MA BUR RDZUS PAS, ,CHAGS SDANG GI PHYOGS RIS SU BAS CHE, ,'GRO DRUG GI PHA MA BSLUS NYEN GDA'O, ,BDEN MED KYI RANG ZHAL BLTAS BLTAS KYANG, ,MNYAM GZHAG GI GOMS PA 'DRIS CHUNG BAS, ,BDEN SNANG GI 'DZIN PA SBRING SBRING SHAR, ,DRAN SHES KYI SO BA YENGS NYEN GDA'O, ,ZHES SO, ,

, ,DA NAS BKRA SHIS LHUN POR PHEBS, DGUN CHOS THOG TSOGS CHEN LA THAMS CAD MKHYEN PA DGE 'DUN GRUB PA'I RNAM THAR GZABS BSHAD MDZAD, DE NAS YONGS 'DZIN ZHES PA CHU PHO BYI BA'I LO ZLA BA BRGYAD PA'I TSES BCU DGU LA LHO MON PHYOGS SU PHEBS TE, THOG MA G-YANG BU RTAG LUNG DU LHA RIN PO CHE DPON SLOB LA 'KHOR LO BDE MCHOG GI DPANG DANG, 'JIGS BYED RO LANGS BRGYAD BSKOR GYI DBANG, BDE MCHOG DKAR PO'I TSE SGRUB, MGON PO TRA KA SHAD KYI CHOS SKOR YONGS RDZOGS, SMAN BLA'I RJES GNANG LUNG DANG BCAS PA SOGS 'DOD CHOS RNAMS LEGS BAR STZAL, DE NAS RIM GYIS SPA GRO THIM BU DAR DKAR GYI BAR DU PHEBS, SPYIR LHO MON DE RANG RANG GI GRUB MTHA' DANG BLA MA SO SO'I PHYOGS 'DZIN GZHAN LAS CHE YANG RJE 'DI LA NI RANG NYID LA GRUB MTHA'I PHYOGS 'DZIN MED PAR KUN LA DAG SNANG MDZAD PA'I MTHUS THAMS CAD KYIS BSNYEN BKUR 'BUL BA ZHABS RTOG TSAD MED PA BYUNG ZHING, RJE 'DI NYID KYIS KYANG DGE 'DUN GYI SDE RNAMS SU ZANG ZING GI SGO NAS MANG 'GYED BZANG PO DANG, CHOS PHYOGS NGOS NAS DPAL GSANG BA 'DUS PA DANG 'JIGS BYED LA SOGS PA'I DBANG DANG ZAB KHRID DU MA DANG, YI DAM DANG CHOS SKYONG MANG PO'I RJES GNANG SOGS 'DOD CHOS MANG DU STZAL ZHING, KHROM MI STONG PHRAG MANG PO TSOGS PA RNAMS LA LAS 'BRAS KYI RNAM GZHAG GTZO BOR MDZAD PA'I TSE DBANG DANG, YIG DRUG GI LUNG STZAL NAS DGE BA'I

DAM BCA' CHED DU BSKUL BAS BSNYEN GNAS KYI DAM BCA' LEN MI BRGYA PHRAG DU MA DANG, BZANG SPYOD, BYAMS SMON, LTUNG BSHAGS, SGROL MA, SHER SNYING, SKYABS 'GRO, RANG GANG MOS KYI BLA MA'I GSOL 'DEBS, MA nI DUNG NAS BZUNG NYER GCIG RE YAN, SROG GCOD SPONG PA, NYAL PHYAG LANG PHYAG ,DUS KYANG RAB RNAMS KYIS JI SRID 'TSO'I BAR, THA MAS LO GCIG GI BAR DU DAM BCA' LEN MI BSAM GYIS MI KHYAB PA BYUNG BAS RJE 'DI PA GANG DU BYON PA'I YUL DE DANG DER DAM BCA'I RGYUN SKYONG BAS DGE BA'I LAM GSAL BAR MDZAD DO, ,KHYAD PAR DGUNG WANG LA BRTEN PA'I MI BRGYA STONG PHRAG MANG PO GSOD RES BYED CING RANG RANG GI BLA MA RNAMS KYIS KYANG MA 'DOMS PA'I RTZA BA MI SHA LEN PAR CHAS PA MANG PO LA DNGOS PO'I GNANG SBYIN SNGON DU 'GRO BAS, PHYAG PHRENG SPYI BOR BZHAG STE MI SHA MI LEN PA'I DAM TSIG LA BZHAG NAS SDIG PA'I RTZA BA BCAD PAS LHO MON PHYOGS BDE 'JAMS SU GNAS PA BYUNG NGO, ,DE LTA BU'I TSUL GYIS BSTAN PA DANG SEMS CAN LA PHAN PA RGYA CHEN PO MDZAD CING, SLAR BOD DU PHEBS PA NA, DBUS GTZANG GNYIS KAR DUS 'KHRUG MTHO DMAN GYI 'GYUR LDOG LHAG PAR CHE BAS LA LA SDUG BSNGAL DNGOS LA SPYOD, LA LA SDUG BSNGAL GYI RGYU LA DGA' DGA' LTAR SPYOD PA GZIGS PAS THUGS SKYO SHAS DRAG PO 'KHRUNGS TE NGES 'BYUNG GI GDUNG DBYANGS GSUNGS PA NI, NA MO GU RU MANYDZU GHOsh'A YA, DANG POR 'KHOR 'DAS KYI SKYON YON RIG ,BAR DU BLANG DOR GYI ROL PAS 'DAS, ,THA MAR KUN BYANG GI RANG BZHIN RNAMS, ,DBYER

, ,MED DU MKHYEN RNAMS BDAG GI SKYABS, ,RTAG 'DZIN GYI GDON CHE NA THUGS ZHUGS PAS, ,PHYI RTZIS KYI GRANGS SHOMS BYED BYED NAS, ,'BRAS MED KYI SPUN PA 'PHYAR BA BZHIN, ,DON MED DU 'DA' BA 'DI AA TZA MA, , SDIG SDUG DANG GTAM NGAN KHYAD BSAD DE, ,SER SNA YIS ZAS NOR BSAGS BSAGS NAS, ,RDUL PHRAN TZAM 'KHYER BA'I DBANG MED PAR, ,LAG STONG DU 'GRE BA 'DI AA TZA MA, ,NYON MONGS KYI GOMS PA SHUGS DRAG PAS, ,LANG SHOR GYI BAG YANGS SPYOD SPYOD NAS, ,THAR MED KYI DMYAL BA'I BTZON KHANG DU, ,TSA GRANG GI SDUG BSNGAL 'DI AA TZAM, ,GNYEN GROGS DAN 'KHOR MANG TSOGS PA'I DPUS, ,NGA SNYAM DU MNGON PAR 'GYID 'GYING NAS, ,MYA NGAM GYI THANG LA DGRAS BCOM BZHIN, ,GROGS MED DU NYAM THAG 'DI AA TZAM, ,SHA KHRAG GI LANG TSO YID 'PHROG CING, ,MDZES BYED KYI GSER G-YUS BRGYAN BRGYAN NAS, ,KENG RUS KYIS KHYAB PA'I DUR KHROD DU, ,GCER BU RU 'GRO PA 'DI AA TZA MA, ,BLO MTHUN GYI SNYING SDUG MANG PO DANG, ,DGA' 'DUS KYI NYAMS DGA' SKYONG SKYONG NAS, ,DBANG MED DU 'CHI BDAG BDUD PO DES, ,SO SO RU 'PHRAL BA 'DI AA TZAM, ,KHANG BZANG GI BKOD PA BRGYA BYAS SHING, ,DBYIBS LEGS KYI GNAS MAL GSHOM GSHOM NAS, ,RNAG KHRAG GIS SBAGS PA'I RO KHUNG DU, ,SGREN MO RU NYAL BA 'DI AA TZA MA, ,'JAM LEGS KYI GYON PA BRGYA PHRAG DANG, ,ZHIM DGU YI BZA' BTUNG SPYAD SPYAD NAS, ,MYUR BA RU DUR BRGYAGS KHAM GANG ZA, ,RO

SHUN GYIS DKRI BA 'DI AA TZA MA, ,STONG GSUM GYI KHYON LA DBANG BSGYUR ZHING, ,PHUN TSOGS KYI STOBS KYIS DREGS DREGS NAS, ,'JIGS RUNG GI GSHIN RJE CHOS RGYAL GYIS, ,DBANG MED DU 'KHRID PA 'DI AA TZA MA, ,MA BRTAGS PAR NYAMS DGA'I SKYE BO'I TSOGS, ,'DI NANG GI BDE LA ZHEN ZHEN PA'I, ,THUGS RGYUD LA GLU 'DI MI 'BAB MOD, ,DE KUN KYANG DE BAS AA TZA MA, ,AA TZA MA BCU YI GLU CHUNG 'DI, ,PHYOGS MED KYI RGYAL KHAMS MYUL MYUL NAS, ,SNYOM LAS KYI MAL DU RTAG NYAL BA'I, ,BLO BZANG GI CHOS RGYAN ZHES BYAS SMRAS, ,ZHES SO, ,DE NAS RIM GYIS BKRA SHIS LHUN POR PHEBS NAS MANG 'GYED RGYAS PAR STZAL NAS CHOS KYI 'KHOR LO RGYA CHER BSKOR, DE NAS RGYAL BA THAMS CAD MKHYEN PA YON TAN RGYA MTSO'I BKA' SHOG DANG GDAN 'DREN GYI MI SNA BCAS RJE 'DI LHA LDAN SMON LAM GYI TSOGS DBUR SPYAN DRANGS TE CHU GLANG NAS SA RTA'I BAR SMON LAM CHEN MO'I TSOGS DBU RGYUN DU MDZAD, GLANG LO'I SMON LAM GROL NAS SPRUL PA'I SKU BSOD NAMS DGE LEGS DPAL BZANG DANG, SE 'BRAS RGYUD STONG SMAD SOGS KYI DGE BA'I BSHES GNYEN BZHI BCU TZAM LA BSNYAN RDZOGS GNANG, 'BRAS SPUNGS TSOGS CHEN LA 'JAM DPYANGS CHOS SKOR YONGS RDZOGS DANG, THAMS CAD MKHYEN PA LA MGON PO ZHAL GYI RNAM 'GYUR MANG PO'I BKA' DANG, THUN MONG DANG THUN MONG MA YIN PA'I BE'U BUM LUNG ZHAL SHES DANG BCAS PA GNANG NGO, ,DE NAS BKRA SHIS LHUN POR PHEBS NAS SNGAGS GRVAR BZHUGS PA'I RAB 'BYAMS

, ,PA RNAMS LA 'DUS PA'I BSHAD NYAN GYI STENG DU DPAL DUS KYI 'KHOR LO'I RGYUD 'GREL GYI 'CHAD NYAN GSAR 'DZUGS MDZAD, DE NAS RE SHIG SKU MTSAMS MDZAD DE DPAL GSANG BA 'DUS PA'I ZAB LAM RIM PA LNGA LA NYAMS BZHES RTZE GCIG TU MDZAD PAS RIM LNGA'I RTOGS PA MNGON DU GYUR TE PHYI RABS KYI GDUL BYA RNAMS LA 'JAM MGON BLA MA'I RJES SU SLOB PAR 'DOD PA RNAMS KYIS RANG NGOS NAS NYAMS LEN BYUNG PHYIN RJE'I BSTAN PA 'DI LA TSE GCIG NYID LA ZUNG 'JUG BSGRUB PA'I NYE LAM 'DI LTA BU YOD DO ZHES RDO RJE'I SGRA DBYANGS SGROGS PAR MDZAD PA NI, NA MO GU RU MANYDZU GHO sh'A YA, RJE DUS GSUM SANGS RGYAS THAMS CAD KYI, ,DPAL BDE BA CHEN PO'I YE SHES SKU, ,PHYI NGUR SMRIG GAR GYIS RNAM ROL PA, ,PHA MA TI BHA DRA'I ZHABS LA 'DUD, ,DUS NYIN GCIG RIG PA DVANGS PA'I TSE, ,CHOS THOS PA'I SNYING PO CUNG ZAD BSAMS, ,DE BSAMS PAS BLA MA'I BKA' DRIN DRAN, ,LUNG MAN NGAG RIGS PAS NGES PA'I DON,, 'DI 'BRAS BU LAM BYED TSUL NYID DU, ,RJE BLA MA'I BKA' DRIN RJES DRAN PA'I, ,NGAG RDO RJE'I GLU DBYANGS 'DI BZHIN LEN, ,MGON THUGS RJE CAN DE'I BKA' DRIN GYIS, ,RTEN DAL 'BYOR TSANG BA'I MI LUS THOB, ,RJE RGYAL BA GNYIS PA'I BSTAN DANG MJAL, ,RGYUD SDOM PA GSUM GYIS MDZES PAR BYAS, ,GZHI DAM TSIG SDOM PA GCES PAR BSRUNGS, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,BKA' MDO RGYUD DON LA SGRO 'DOGS BCAD, ,GNAS

'KHOR BA'I RGYU 'BRAS NGANG TSUL RIG ,BYAMS SNYING RJE BYANG CHUB SEMS NYID SBYANGS, ,DBYINGS GNAS LUGS RTOGS PA'I LTA BA GO ,LAM RIM GNYIS ZAB MO'I NYAMS LEN SHES, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,GZHI MA DAG SKYE SHI BAR DO GSUM, ,RGYUD SMIN BYED SKU GSUM NGO BOR BSGYUR, ,YUL GANG SNANG DAG PA'I ROL PAR SHAR, ,LUS ZAB GSAL GNYIS MED LHA YI SKU, ,NGAG GRAG STONG SNGAGS KYI BZLAS PA SHES, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,NANG RDO RJE'I LUS KYI GNAS LUGS RTOGS, ,RTZA 'DAB BRGYAD NOR BU'I CHU SKYES DBUS, ,CHOS KHYAD PAR GSUM LDAN SMIN LEGS MAR, ,SEMS RTZE GCIG CHAGS PA'I ROL RTZED KYIS, ,MA YE SHES d'A KI'I GZI BRJID RGYAS, ,STENG CHU SHEL ZLA ZER SPROS SHING BSDUS, ,PHYIS JI SNYED CHOS KYI RI DVAGS KUN, ,SNGAR MNYAM GZHAG DRAN PA'I RGYA RU BCUG ,RGYA DE NYID BDE STONG LHA SKUR SHAR, , 'DI BSAMS SHING RJE BCUN BLA MA'I DRIN, ,DRIN CHE BAR NGES SO BLA MA RJE, ,SNYING MTSON CHA 'KHOR LO RTZIBS BRGYAD DBUS, ,SNGAGS BZANG PO'I THIG LES NGAR BLUD NAS, ,DGRA GZUNG 'DZIN BZHON PA'I BDUD SDE YI, ,MGUL CIG CAR 'DRAL BA'I DGRA THABS MKHAS, ,YANG CHOS 'KHOR PADMO'I LTE BA LA, ,DPAL YE SHES RDO RJE'I RANG BZHIN GYI, ,NOR BEEd'UR DKAR PO'I PI WAm NI, ,RGYUD 'OD ZER LNGA YI RI MO CAN, ,GDANGS MI SHIGS

, ,RDO RJE GSUM GYI DBYANGS, ,DPAL MKHA' SPYOD GRUB PA'I GTAM SNYAN 'DIS, ,DBYE DKA' BAM RIG MDUD PA 'BYED, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,THABS SHES RAB NGES GSANG RTZA MCHOG NI, ,CHES PHRA BA'I CHU SKYES MYU GU'I RTZER, ,RDZAS DKAR DMAR 'BRAS BU'I THIG LE MDZES, ,'DI ZOS PAS ZHE SDANG 'DOD CHAGS DANG, ,DE'I 'BRAS BU GTI MUG ME TOG RGYAS, ,SROG MA 'GAGS BZHIN DU MNGON SUM SHI ,LAR 'GAL 'DU'I LTAD MO CI YANG MTHONG, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,BLO MYUR MGYOGS DRAN PA'I LHA BZO YIS, ,KHAMS PHRA MO'I GSER SBYANGS BTZOM LAS, ,RTEN YE SHES RANG BZHIN LHA SKU BZHENGS, ,SKU DE YI CHO 'PHRUL BSAM MI KHYAB, ,KHAMS GSUM PO MA LUS RIL GYIS MID, ,MTHAR DE BZHIN GSHEGS PA'I TSOGS KUN BSAD, ,RJE SANGS RGYAS YUM YANG BDAG TU BZUNG, ,DE'I NGO TSAS RANG YANG STONG PAR BROS, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,SLAR NAM MKHA'I LAM LAS 'JA' TSON 'KHRUNGS, ,'JA' DE NYID MTSAN DPE'I 'OD DU 'BAR, ,THABS DBANG PO'I GZHU YIN CHUNG DANG, ,YUL 'OD GSAL CHANG GIS RTAG MYOS BA'I, ,DBYINGS LHAN SKYES GZHON NU MIG YANGS PO, ,DUS 'DU 'BRAL MED PA'I GROGS POR SONG, ,GROGS MDZA' BAS DNGOS PO GCIG TU 'DRES, ,DPAL ZAG MED NOR DANG LONGS SPYOD TSOGS, ,KHONG GZHAN

LAS PHROGS TE BDAG GIR BZUNG, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,DON DE BZHIN MNGON DU MA GYUR KYANG, ,CHOS ZAB MO THOS DANG BSAM PA'I MTHUS, ,RJE SANGS RGYAS LAS KYANG CHES DKON PA'I, ,LAM 'DI 'DRA BLA MA'I DRIN GYIS RNYED, ,MI NGA LA GTAD PA MA MCHIS KYANG, ,GLU 'DI NYID GSANG CHEN RGYUD SDE'I BCUD, ,YUL NYER BZHI'I DPAL BO RNAL 'BYOR MA, ,GLU 'DI 'DRA GSANG BA'I MGUR DU 'DZER, ,'DI BLO BZANG CHOS KYI RGYAL MTSAN GYIS, ,RJE'I BKA' DRIN DRAN TSE DBYANGS SU BSDEBS, ,GTAM 'DI YI DGE PAS 'GRO BA KUN, ,DPAL ZUNG 'JUG RDO RJE'I SKU THOB SHOG ,CES SO, ,DE NAS KUN DGA' ZHES PA SHING PHO STAG GI LO LHA LDAN SMON LAM CHEN MOR PHEBS TE TSOGS DBU MDZAD NAS SKYES RABS KYI GZABS BSHAD SOGS 'JAM MGON BLA MA'I MDZAD SROL NYAMS PA MED PAR BSKYANGS, THAMS CAD MKHYEN PA YON TAN RGYA MTSO BSNYEN PAR RDZOGS PA MDZAD PA'I MKHAN PO MDZAD, GZHAN YANG DON GNYER CAN BRGYA PHRAG MANG BOR RAB BYUNG BSNYEN RDZOGS GNANG, 'BRAS SPUNGS TSOGS CHEN LA SGRUB THABS RGYA MTSO RDZOGS PAR GNANG, DE DUS RJE NYID KYI ZHAL SLOB BSTAN PA LA PHAN DU RE BA MANG PO ZHIG GLO BUR GLO BUR DU 'DAS PAS RKYEN BYAS MI RTAG PA'I NGANG TSUL BCOS MIN THUGS LA 'KHRUNGS TE GSUNG MGUR 'DI LTAR MDZAD DE, NA MO GU RU MANYDZU GHOsh'A YA, KUN MKHYEN GYI RGYAL PO TZONG KHA PA'I, ,GDAMS PA YI MDZOD 'DZIN DBEN SA PA, ,DUS GSUM GYI

, ,SANGS RGYAS YE SHES DNGOS, ,MI BDAG SNYING GI PADMO'I ZE'U 'BRUR BZHUGS, ,'JIGS RANG 'JIGS LNGA BCU KHA RAL DUS, ,LO RGAN TSO BZHI BCU LNGA TZAM LON, ,RNAM G-YENG GI NGANG LA MI TSE ZAD, ,DA TSE LHAG 'DI SNUM ZAD MAR ME TZAM, ,RI GZAR GYI 'BAB CHU DRAG PO LTAR, ,SNYIGS DUS KYI TSE THUNG ZHAG 'GA'O, ,SUS BZUNG BAR MI NUS NAM MKHA'I GLOG ,'DI BSAMS NA TSE 'DI'I MDUN MAS CI, ,MTHO DMAN GYI GROGS PO PHAL MO CHE, , 'JIGS RUNG GI GSHIN RJES ZOS NAS ZIN, ,THAR MED KYI 'CHI BDAG ZA RES DE, ,MI BDAG CAG GI THOG TU 'BAB LA KHAD, ,RGYUS MED KYI BAR DO'I 'PHRANG BRGYUD NAS, ,RGYANG RING DU GCIG PUR 'GRO DOGS NA, ,BSLU MED KYI GROGS DANG 'DZAD MED KYI BRGYAGS, ,'GYOD MED DU TSAGS SU TSUD LAGS SAM, ,'DI NANG GI PHUN TSOGS CI 'BYOR KYANG, ,RMI LAM GYI YUL GYI LONGS SPYOD BZHIN, ,DON CHUNG LA MI TSE 'DZAD PA'I RGYU, ,DUG GSUM GYI SA BON SKYUG RE BRO, ,SNYING SDUG GI MDZA' GROGS MNGAN YANG, ,NGAN SONG GI 'THEN THAG 'CHING BA'I LCAGS, ,SING GLING GI SRIN MO MDZES MA LTAR, ,BDE 'GRO YI SROG GCOD THAR PA'I GSHED, ,GZHON GROGS DANG DGA' BA'I RTZED 'JO YANG, ,ZHIM 'DOD KYIS BTZAN DUG ZA BA BZHIN, , THAR MED KYI RO MYAGS 'DAM RDZAB TU, ,YUN RING DU NYAM THAG AA RE SDUG ,RO ZHIM GYI MYOS 'GYUR MANG 'THUNGS KYANG, ,DMAR 'BAR GYI KHRO CHU 'THUNG BA'I RGYU, ,'BUM PHRAG GI SKYE BA DUM RU, ,SEMS RNAL DU MI GNAS BA MA GLANG, ,BAN BUN GYI

'JIG RTEN BYA BA 'DI, ,AA 'THAS SU ZHEN PAS SDUG LA BKOD, ,BAG CHAGS KYIS BSLAD PA'I RMI LAM BZHIN, ,NYIN MTSAN KUN 'KHRUL PA'I BYA BAS 'DAS, ,DUG GSUM GYI BAG CHAGS TSAN CHES PAS, ,LANG SHOR GYI BAG MED BSAM SBYOR 'DI, ,BTZAN CHOD DU GNYEN POS MA SPANGS NA, ,'O BRGYAL TSOD DUNG BYUNG GIS DOGS, ,'DUS BYAS KYI MTSAN NYID MI RTAG CING, ,SNYIGS DUS KYI TSE LA LONG MED PAS, ,DA DON MED KYI BYA BAS MI 'DA' BAR, ,YANG DAG GI SNYING PO LEN PAR 'DOD, ,CES SO, ,LO DE LA STONG 'KHOR SPRUL SKU 'JAM DBYANGS RGYA MTSO DANG, SKYID SHOD ZHABS DRUNG BSTAN 'DZIN BLO BZANG RGYA MTSO SOGS BLA CHEN MANG POS GTZOS BSNYEN RDZOGS GSAR SGRUB BRGYA PHRAG MANG PO'I DON MDZAD, DE NAS BKRA SHIS LHUN POR PHEBS TE GONG SMOS BLA CHEN GNYIS PO DE DANG ZUR BZHI SLOB DPON RNAMS KYIS THOG DRANGS SDE SNOD 'DZIN PA SUM BRGYA LHAG TZAM LA RDO RJE PHRENG BA DANG MI TRA BRGYA RTZA'I DBANG RNAMS RDZOGS PAR STZAL, DE NAS LHUN RTZE CHOS SDE BA RNAMS KYIS GDAN DRANGS NAS GSANG BDE 'JIGS GSUM GYI DBANG CHEN DANG CHOS SKYONG MANG PO'I RJES GNANG SOGS CHOS MANG DU GNANG, DE NAS DMAR SER CAN ZHES PA ME SBRUL GYI LO ZLA BA BCU GNYIS PA'I NANG DU THAMS CAD MKHYEN PA YON TAN RGYA MTSO GLO BUR GYI RKYEN GYIS ZHING GZHAN DU GSHEGS NAS DGONGS PA CHOS KYI DBYINGS SU RDZOGS PAR BYA BA DANG, LHA LDAN SMON LAM GYI TSOGS DBU RNAMS DUS MTSUNGS SU MDZAD, SMON

, ,LAM GROL 'PHRAL RA SGRENG LA PHEBS, DGON PA GONG DU ZLA BA LHAG TZAM SKU MTSAMS BCAD DE SKU 'DRA RIN PO CHE DBU YON MA SPYAN DRANGS, GSOL BA RTZE GCIG TU 'DEBS PAR MDZAD PAS BYIN GYIS BRLABS PA'I MTSAN MA KHYAD BAR CAN BYUNG BAS JO BO CHEN PO DPAL LDAN AA TI SHA LA, NA MO GU RU MANYDZU GHO sh'A YA, RJE MI PHAM CHOS KYI MDUN SA'I RGYAN, ,LHA SKAL LDAN GRANGS MED YONGS KYI MGON, ,DPAL NAM MKHA' DRI MA MED PA'I ZHABS, MI BDAG SNYING PADMO'I ZE'U 'BRUR ZHOG ,ZHING BDE BCAN NA 'OD DPAG MED, ,RJE RGYAL BA'I SPYAN SNGAR BZANG PO SKYONG, ,YONGS LNGA RIG PAn CHEN KUN GYI GTZO, ,THUGS BRTZE BAS GZIGS SHIG AA TI SHA ,SNGON DPAG MED DUS NAS SANGS RGYAS KYANG, ,BDAG MGON MED 'GRO BA'I DON GYI PHYIR, ,KHRIMS BSLAB GSUM LDAN PA'I DGE SLONG TSUL, ,THUGS BRTZE BAS GZIGS SHIG AA TI SHA ,BOD 'DRE SRIN GDUL DKA' 'DUL MDZAD PA'I, ,DPAL MTHU STOBS DBANG PHYUG PADMA 'BYUNG, ,MGON KHYOD KYI YE SHES SGYU MA'I 'PHRUL, ,THUGS BRTZE BAS GZIGS SHIG AA TI SHA ,DUS MI BZAD SNYIGS MA LNGA BDO BA, ,YUL BYANG PHYOGS RMONGS PA'I MUN KHROD 'DIR, ,CHOS PHAN BDE'I GZI 'OD STONG 'BAR PA'I, ,DPAL MAR ME MDZAD DPAL AA TI SHA ,RIGS KHYAB BDAG BDE GSHEGS KUN GYI DNGOS, ,CHOS BRGYAD KHRI BZHI STONG 'BYUNG BA'I GNA, ,TSOGS 'PHAGS MCHOG KUN GYI 'DREN PA MCHOG ,SKYABS BSLU MED MGON PO AA

TI SHA ,PHA KHYOD ZHABS BSTEN CING MCHOD PA DANG, ,YID RTZE GCIG GDUNG BAS GSOL 'DEBS NA, ,MCHOG THUN MONGS DNGOS GRUB MA LUS KUN, ,DUS MYUR DU STZOL MDZAD AA TI SHA ,DA DENG NAS BYANG CHUB SNYING PO'I BAR, ,MGON KHYOD ZHABS PADMO SPANGS NAS NI, ,BDAG RE BA'I SKYABS GZHAN MI 'TSOL BAS, ,PHA THUGS RJES ZUNGS SHIG AA TI SHA ,RTEN RNYED DKA' 'JIG SLA'I MI LUS 'DI, ,PHYIS 'BRAS MED SPUN PA MI 'PHYAR BAR, ,DON RTZE GCIG SNYING PO LEN PA RU, , RGYUD BYIN GYIS RLOBS SHIG PHUL BYUNG ZHABS, ,DGRA BDAG 'DZIN 'GONG PO RTZAD NAS BTON, ,GNYEN 'GRO DRUG SEMS CAN GCES PAR BZUNG, ,LAM STONG NYID SNYING RJE DPYER MED PAR, ,RGYUD BYIN GYIS RLOBS SHIG PHUL BYUNG ZHABS,, SLAR MA 'ONGS SKYE BA RNAMS SU YANG, ,SPRANG BDAG GI SKYID SDUG LEGS NYES RNAMS, ,DPAL LHA CIG JO BO KHYED RANG MKHYEN, ,LAM LOG PAR MA GTONG AA TI SHA ,TSE 'DI NANG 'GAGS PAR GYUR PA NA, ,DPAL MAR ME MDZAD DPAL SNANG MTHA' YAS, ,DON DE PHYIR THUGS RJE'I 'OD ZER GYIS, ,BU SNYING MED BDE BA CAN DU DRONGS, ,MI NGA LA DAD CING GUS PA RNAMS, ,STENG DGA' LDAN LHA BRGYA'I GNAS MJAL ZHES, ,BKA' 'GYUR MED ZHAL GYIS BZHES PA YI, ,DON MNGON SUM BDAG LA BSTAN DU GSOL, ,CES DANG, 'BROM LA, NA MO GU RU MANYDZU GHO sh'A YA, LHA GANGS RI'I MGON PO SPYAN RAS GZIGS, ,DPAL MAR MA MDZAD PA'I THUGS KYI SRAS, ,RJE RGYAL BA KUN GYI 'BYUNG GNAS ZHES, ,MTSAN

, ,SNYAN PAR GRAGS PA'I RGYAL BA 'BROM, ,SRAS SA BCU'I DBANG PHYUG PAD DKAR 'DZIN, ,RGYUD MA DAG 'GRO BA 'DREN PA'I PHYIR, ,RTEN TSANGS SPYOD DGE BSNYEN TSUL 'DZIN KYANG, ,DON SNYING BO'I DGE SLONG RGYAL BA 'BROM, ,YUL BYANG PHYOGS AU PA S'I KA ZHIG ,MING CHOS 'PHEL SKAD DU 'BYUNG NGO ZHES, ,RJE RGYAL BA'I LUNG BSTAN MCHOG BRNYES PA'I, ,BOD GANGS CAN MGON PO RGYAL BA 'BROM, ,ZHING PHYOGS BCU'I BDE GSHEGS THAMS CAD KYI, ,THUGS BRTZE BA'I YE SHES GCIG BSDUS NAS, ,DPAL BKA' GDAMS MES PO'I SKUR STON PA, ,PHA BSTAN PA'I BDAG PO RGYAL BA 'BROM, ,TSE MI RTAG DGUN NYI LTA BU 'DI, ,DGRA CHOS BRGYAD RKYEN GYIS MI G-YENG BAR, ,DA RTZE GCIG DAM CHOS BSGRUB PA RU, ,RGYUD BYIN GYIS RLOBS SHIG 'BROM STON RJE, ,GYONG LTO GOS GTAM GYI STENG DU BSKUR, ,TSE 'DI NANG LUS SROG THED LA BOR, ,RANG GCES 'DZIN GCONG NAD THON PA RU, ,RGYUD BYIN GYIS RLOBS SHIG 'BROM STON RJE, ,BYAMS SNYING RJE BYANG CHUB SEMS GNYIS 'BYONGS DBYINGS SPROS BRAL BDAG MED MNGON SUM RTOGS, ,LAM RIM GNYIS RNAL 'BYOR MTHAR PHYIN PAR, ,RGYUD BYIN GYIS RLOBS SHIG 'BROM STON RJE, ,ZHES JO BO YAB SRAS GNYIS KYI GSOL 'DEBS PHYAG BRIS SU MDZAD DO, ,DE NAS 'BRAS SPUNGS SU PHEBS PA NA SE 'BRAS GNYIS KA'I MKHAN PO MDZAD DGOS ZHES BLA MA DGE 'DUN TSANG MAS GSOL BA RTZE GCIG TU BTAB PA RJE RIN PO CHE'I BSTAN RGYUN LA DGONGS NAS RE SHIG MDZAD PAR ZHAL GYIS BZHES TE SE 'BRAS GNYIS KA'I MKHAN

PO MDZAD, DE'I TSE STON PA THUB PA'I DBANG PO LA BDEN TSIG GSOL 'DEBS 'DI LTAR MDZAD DE, NA MO GU RU MU NI AINDR'A YA, BSKAL BZANG 'DREN PA RGYU SKAR STONG GI DBUS, ,SNYING STOBS CHA SHAS RDZOGS PA'I 'OD DKAR CAN, ,THUB DBANG SMRA BA'I ZLA BA'I ZHABS PAD LA, ,BYANG CHUB SNYING PO'I BAR DU SKYABS SU MCHI, ,'JIGS RUNG SNYIGS MA'I BYIN ZA CHER 'BAR BAS, ,RGYAL GZHAN MTHA' DAG SGRAG PA 'DZIN PA'I TSE, ,MKHYEN BRTZE'I SPRIN PHUNG THUGS RJE'I CHU RIS CAN, ,GDUGS SEL SH'AKYA'I GTZO BO LAS GZHAN CI, ,DE PHYIR THUB PA'I NYI MA MANG PO YIS, ,YAL BAR BOR BA'I DMU RGOD GDUL DKA' BA, ,NYAM THAG MGON SKYABS MED PA BDAG CAG LA, ,RE BA'I SKYABS GZHAN MED DO SH'AKYA'I TOG ,BSAM ZHING BSAMS SHING KUN MKHYEN NYI MA'I GNYEN,, MNGON SUM MA MTHONG GDUNG BA'I ME 'BAR BA, ,GZHOM PHYIR SPRIN DANG BRAL YANG MIG MKHA' LAS, ,MCHI MA'I CHAR ZIM G-YO BAS CI YANG KHEBS, ,DE SLAD LHAR BCAS STON PA MCHOG DE NYID, ,DRAN BA'I YUL DU GSHEGS KYANG GUS PA YIS, ,ZHABS PHYIR BSNYEGS PAR 'DOD PA BDAG CAG LA, ,BRTZE BAS PHYI BZHIN GZIGS DANG ZAS GTZANG SRAS, ,KHYOD KYI BSTAN PA'I CHA TZAM MI SGRUB PAR, ,NYON MONGS DUG GSUM CHANG GIS RAB MYOS PA, ,KHREL MED SMYON PA LTA BU BDAG CAG LA, ,BCOM LDAN THUGS RJE MNGA' BAS SKYABS MDZOD CIG ,DAL 'BYOR DON CHEN SNYING PO MI LEN PAR, ,DON CHUNG TSE 'DI'I BYA BAS DUS 'DA' BA, ,RIN CHEN DOR NAS MCHING BU LEN PA YI, ,BAG MED BZANG RDZU MKHAN LA THUGS RJES GZIGS, ,'DUS BYAS MI RTAG KHYAD PAR RANG

, ,GI TSE, ,RTZVA RTZE'I ZIL PA BAR SNANG GLOG 'DRA YANG, ,RNYED BKUR DON GNYER RTAG TU SDOD GRABS BYED, ,RTAG 'DZIN PHYI 'SHOL MKHAN LA THUGS RJES GZIGS, ,TSER MA'I SDUG BSNGAL TZAM YANG MI BZOD KYANG, ,BSKAL BRGYAR NGAN 'GRO'I SDUG BSNGAL MYONG BA'I RGYU, ,DGE SDIG KHYAD DU GSOD PA'I KHREL MED PO, ,SDIG LDAN SER GZUGS CAN LA THUGS RJES GZIGS, ,NYON MONGS DGRA BOR SHES KYANG SEMS LA 'CHANG, ,SDOM GSUM GNYEN DU MTHONG YANG YAL BAR 'DOR,, GZHAN GYIS DAM PAR BKUR YANG THA MAL PA, ,'GAL 'DU'I PHUNG PO BDAG LA THUGS RJES GZIGS, ,LDAN GROL MI LDAN DKOR GYIS RANG RGYUD TSOS, ,NYIN MTSAN KHOR YUG RNAM G-YENG RO NYAL MKHAN, ,CHOS BRGYAD KHOL PO GZHAN GNOR TSUL 'CHOS PA, ,SNYING RUL BLUN PO BDAG LA THUGS RJES GZIGS, ,GAR 'GRO'I GTOL MED GZHAN GYI LAM SNA 'DREN, ,RANG RGYUD MA DUL GZHAN LA DAM CHOS 'CHAD, ,RANG MGO MI THON MANG PO'I TSOGS DPON BYED, ,BTZUN PA'I GZUGS BRNYAN BDAG LA THUGS RJES GZIGS, ,TSUL 'DI BU RAM SHING PA'I RNAM THAR DANG, ,RANG GZHAN SPYOD TSUL DRAN PAS RKYEN BYAS TE, ,DGE SLONG BLO BZANG CHOS KYI RGYAL MTSAN GYIS, ,DPAL LDAN 'BRAS SPUNGS CHOS SDE CHEN POR SMRAS, ,ZHES SO, ,DUS DE DANG GZHAN GYI TSE YANG KHRIMS 'CHAL DUR SMRIG GIS DKRIS SHING DAD BAS BYIN PA LA 'DZEM MED SPYAD KYANG DBUL BA'I SDUG BSNGAL GYIS NYAM THAG PA DU MA SPYAN LAM DU GZIGS PAS LHAG PAR SNYING RJE 'KHRUNGS SHING THUGS YA NGA BAR

GYUR; DES MTSON TSE 'DI'I BDE SKYID DON DU GNYER BA'I PHYIR SDIG PA 'BA' ZHIG BYED PA RNAMS KYI BSAM SBYOR GZIGS PAS KYANG RKYEN BYAS, 'DI LTAR THUGS LA SHAR BA BZHIN 'PHAGS PA'I DBYANGS SU BSDEBS PAR MDZAD PA NI, NA MO GU RU MANYDZU GHO sh'A YA, PHA RJE BTZUN BLA MA'I ZHABS LA 'DUD, ,KHYED GSON DANG RNAM DPYOD YANGS PA KYE, ,KHE MNOG CHUNG GI BYA BAS CI ZHIG BYED, ,BDE 'DOD NA DAM PA'I LHA CHOS MDZOD, ,NOR ZANG ZING GI 'DU 'GOD STON KA'I SPRIN, ,GNYEN 'KHOR G-YOG GI LANG LONG TSONG DUS 'GRON, ,LUS SHA KHRAG GI LANG TSO NAM MKHA'I 'JA', ,'DI DGONGS SAM SHES LDAN GROGS PO DAG ,RTEN DAL 'BYOR 'DI NYIN MO'I SKAR MA 'DRA, ,DGRA 'CHI BDAG KHO MI SDOD TSUR TSUR 'OD, ,TSE PHA ROL GYI NGAM GROG G-YANG SA CHE, ,'DI DGONGS SAM SHES LDAN GROGS PO DAG ,SPYIR 'KHRO BA'I GNAS 'DI DUG SPRUL TSANG, ,DGOS 'DOD YON GYI LONGS SPYOD KIM PA'I 'BRAS, ,LHA TSANGS DBANG GI DPAL YANG CHU SHING 'DRA, ,'DI DGONGS SAM SHES LDAN GROGS PO DAG ,NYEN CHE DUS SU SKYOB PA DKON MCHOG GSUM, ,DUS MTHAR THUG GI GTAN GROGS DRIN CAN RJE, ,RANG DGOS DUS SU PHAN PA DAM PA'I CHOS, ,'DI DGONGS SAM SHES LDAN GROGS PO DAG ,SHU LA THAG RING GI BRGYAGS PHYE SBYIN PA'I GTER, ,LAM MTHO RIS KYI THEM SKAS TSUL KHRIMS DANG, , RGYAN GZUGS BZANG GI BYED PO BZOD PA STE, ,'DI DGONGS SAM SHES LDAN GROGS PO DAG ,KHYED 'DI NANG GI BDE LA CHAGS RIN MED, ,YUL 'DI LAS DGA' LDAN LHA YUL SKYID, ,ZAS 'DI LAS LHA YI BDUD RTZI ZHIM, ,'DI DGONGS SAM SHES LDAN GROGS PO

, ,DAG ,GOS 'DI LAS LHA RDZAS NA BZA' DRO, ,RGYAN 'DI LAS NOR BU RIN CHEN MDZES, ,GROGS 'DI LAS LHA DANG LHA MO BZANG, ,'DI DGONGS SAM SHES LDAN GROGS PO DAG ,MI'I 'DOD PA'I BDE LA ZHEN BAS CI, ,KYE LHA YI LUS DANG LONGS SPYOD YOD, ,KVA'I 'KHOR BA'I BDE BA 'DOD NA YANG, ,CHOS TSUL BZHIN MDZOD DANG 'DI BZHIN 'BYUNG, ,ZHES SO, ,DE SKABS DBEN PA'I GNAS SU SGRUB PA SNYING POR MDZAD PA LA THUGS SMON PA'I GSUNG DBYANGS 'DI LTAR MDZAD DE, NA MO GU RU MANYDZU GHO sh'A YA, RJE SANGS RGYAS KUN GYI YE SHES NYID, ,PHA 'GRAN ZLA MED PA'I BLO BZANG GRAGS, ,MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB STZAL DU GSOL, ,GNAS 'JIGS RUNG 'KHOR BA'I BTZON RA 'DIR, ,SNGAR SKYE RGA NA 'CHI'I 'KHOR LO BSKOR, ,DA RJE BTZUN BLA MA'I THUGS RJE YIS, ,LAS NYON MONGS SKYE BA BZLOG TU GSOL, ,GZHON LANG TSO RGYAS PA'I MYU GU DE, ,MTHAR LO ZLA 'GYUR BAS RIM BZHIN SMIN, ,SEMS COL CHUNG BYIS BA RGAN PO'I LUS, ,'DI BSAMS SHING SHES PA GTING NAS SKYO, ,DBYAR SPANG LJONGS BKRA BA'I ME TOG DE, ,DBYIBS RAB MDZES MTHONG NA YID 'PHROG KYANG, ,DUS NAM ZLA STON DU GYUR PA NA, ,MDOG MI LEGS RNYINGS SHING YID MI CHAGS, ,DON DE BZHIN YID 'ONG BLTA NA MDZES, ,RGYAN LANG TSOS DREGS PA'I GZHON NU YANG, ,MTHAR DAR YOL RGAS PA'I DUS KYI TSE, ,GZUGS MI SDUG RO LANGS MNGON SUM BZHIN, ,NANG SHA DANG KHRAG GI STOBS BRI BAS, ,PHYI LHAB LHAB 'PHYANG BA'I PAGS PA DE, ,RGYA GNYER MA MANG POS RGYA GRAM BCINGS, ,LUS DRANG POR SKYES

PA'ANG GZHU LTAR SGUR, ,SO'I GE SAR PHAL CHER LHUNG GYUR BAB, ,MA CHU'I YAL 'DAB G-YO YANG MDZES PA MED, ,NGAG MI GSAL LDAB LDIB SMRA BA 'DI, ,DBUGS CHUS CHAG CHAG 'GREMS PA BZHIN, ,YAR LDANG TSE SUG BZHI SA LA BGRAD, ,MAR SDOD TSE 'BEBS CHEN RGYAG DANG MTSUNGS, ,RKANG BYIN PA SOR BZHI'I KHRI DES KYANG, ,LUS SGROM BU MI THEG LING LING 'DAR, ,SKRA ZEGS SHING LHAG MA SKYA BOR GYUR, ,MIG MI GSAL MIG 'BRAS NANG DU BROS, ,GTAM 'GRO 'ONG RNA BA'I SGO LA BKAG ,BLO RMONGS SHING DRAN DANG DBANG PO NYAMS, ,LUS 'BAD BAS 'KHAR BA LA BRTEN YANG, ,'GROS 'KHYOR ZHING 'KHYOR ZHING RES 'GA' 'BUB, ,TSE PHAL CHER ZAD PAS PHA ROL NYE, ,GNYEN NYE 'BREL 'KHOR G-YOG BCAS PAS KYANG, ,DE MED NA BDE ZHES SHI SMON BYED, ,RGAS 'KHOGS SHING LANG CHO NYAMS GYUR PAS, ,SHING KHONG RUL SDONG PO RNYING PA 'DRA, ,TSUL 'DI 'DRA'I 'JIGS RUNG SDUG BSNGAL YANG, ,DUS LAN RE KHO NA MA YIN TE, ,RGYUN MI CHAD YANG DANG YANG DU MYONG, ,LAR RGAS PA'I SNANG TSUL 'DI LTA BU, ,YONGS KUN LA 'BYUNG BA'I RANG BZHIN YANG, ,GZHON LANG TSO RGYAS PA'I BYIS PA RNAMS, ,'DI MI SHES NA TSOD RTAG TU RE, ,PHYI GSER CHUS G-YOGS PA'I BSHANG GCI LA, ,SEMS CHAGS KYANG RANG MTSANG MYUR DU STON, ,TSON RI MO BKRA BA'I DBANG PO'I GZHU, ,MDANGS LEGS KYANG MYUR DU YAL NAS 'GRO, ,DON DE PHYIR LUS KYI RKYEN BZOD TSE, ,NAGS SMAN LJONGS MDZES PA'I DGA' TSAL DER, ,GRANGS BCU GNYIS SBYANGS PA'I YON TAN BLANGS, ,BKA' MDO RGYUD DAM PA'I RNAM THAR BLTA, ,CHOS MANG DU THOS PA'I GNAD RNAMS SEMS, ,DON TING 'DZIN BDE LA RTZE GCIG ROL, ,SLAR RJES THOB SGYUR MA'I RNAM THAR SKYONG, ,DUS RES 'GA'

, ,SA 'DZIN YANGS PAR 'CHAG, LAM THUN MONG RIM PA NAS BZUNG STE, ,DPAL ZUNG 'JUG BDE PA CHEN PO'I PAR, ,GZHI STAN THOG GCIG TU DRIL BYAS NAS, ,DUS NYIN MTSAN KHOR YUG BSGOM PAR SPRO, ,MTHAR NA TSOD YONGS SU SMIN GYUR KYANG, ,RJE KUN MKHYEN THUB PA'I DBANG PO YIS, ,CHOS MANG DU THOS PA'I DGE SLONG DE, ,NAGS BZANG PO'I SKYED MOS TSAL GYI KHROD, ,TSE LANG TSO YOL BA GNAS PA BDE, ,ZHES GSUNGS BZHIN RGA SHIS SKRAG PA MED; ;SEMS CHOS BRGYAD SPROS BRTZAD NAS BCAD, ,LHA'I SKYED TSAL 'DRA BA'I DBEN GNAS DER, ,PHA BLA MA'I RNAM THAR SKYONG BAR SPRO, ,STENG CHU 'DZIN BLA BRE LANG LING G-YO, ,BAR RMUGS PA'I STOD G-YOGS YOL BAS BRES, ,SMAD NAGS TSAL SNGON PO'I SHAM THABS MDZES, ,GZHI NE'U GSING ME TOG PHANG PHUNG CAN, ,'GROGS BDE BA'I BYA DANG RI DVAGS GROGS, ,YID BAG PHEBS BDE BAR ZLOS GAR SGYUR, ,TSE 'DI NANG CHAGS SDANG SKYE BA'I YUL, ,GNYEN NYE DU DGRA SOGS MING SDANG SKYE BA'I YUL, ,GNYEN NYE DU DGRA SOGS MING YANG MED, 'BYOR RGUD GSOG BSRUNG SDUG BSNGAL BRAL, ,'PHRAL GANG BYUNG CHOG SHES BDUD RTZIS 'TSO, ,CHOS 'PHAGS NOR BDUN GYI BANG MDZOD 'DZIN, ,LAS CI BYED SNA THAG RANG GIS BZUNG, ,RJE RGYAL BA KUN GYI RJES SU SLOB, ,TSUL 'DI 'DRA'I BDE SKYID KHYAD PAR GANG, ,LHA'I DBANG POS KYANG NI RNYED DKAR GSUNGS, ,DON DE PHYIR PADMO'I DRA BA YIS, ,STENG MDZES PAR KHEBS PA'I YID BZHIN MTSO, ,RGYANG MIG LAM

BAB PA'I NGANG PA BZHIN, ,GNAS DBEN PA'I DGA' TSAL SNYING LA DRAN, ,LAS NYON MONGS CHU SRIN MANG POS GTZES, ,RLABS SKYE RGA NA 'CHI'I RBA KLONG 'KHRUG ,GTING MTHA' MED 'KHOR BA'I RGYA MTSO LAS, ,DA MYUR DU SGROL PHYIR DBEN PAR 'GRO, LAM THABS SHES ZAB MO'I NYAMS LEN GYIS, ,DGRA SKYE RGA NA 'CHI RTZAD BCAD NAS, ,DUS RTAG TU 'DU 'BRAL MI BYED PA'I, ,LUS LONGS SPYOD GROGS SOGS SGRUB PAR SMON, ,TSUL 'DI LTAR RE BA'I DON PO RNAMS, ,SKYABS BSLU MED BLA MA DKON MCHOG GIS, ,YUN MI RING MYUR DU 'GRUB PA YI, ,GEGS ZHI ZHING MTHUN RKYEN 'GRUB PAR MDZOD, ,CES SO, ,DE DUS SU GU GE CHOS RGYAL GYIS GDAN 'DREN YANG YANG BYUNG BA LTAR ZHAL GYIS BZHES TE LHA LDAN NAS BKRA SHIS LHUN POR PHEBS, ZLA PHYED LHAG TZAM BZHUGS NAS RIM GYIS PHEBS TE LAM BAR DU BZHUGS PA'I DGE 'DUN GYI SDE DANG DAD PA CAN RNAMS KYIS MCHOD CING BSNYEN BKUR BA YANG DANG DU BZHES, CI 'DOD PA'I CHOS KYIS KYANG TSIM PAR MDZAD, ZLA BA BZHI PA'I NYER GSUM LA MA PHAM MTSO 'GRAM DU PHEBS NAS SKU KHRUS MDZAD CING MTSO'I RDE'U PHYAG SPAR GANG BZHES PAS PHAL CHER LHA'I RNAM PAR BYON, SANG GANGS RI'I MDUN NA PHAR PHEBS DUS GANGS RI'I RTZE NAS 'JA' TSON KHA DOG SNA LNGA RGYAL MTSAN DANG, BA DAN DANG, GDUGS LTA BU DANG, DAR BRKYANGS PA 'DRA BA DPAG TU MED PA BYUNG STE RJE 'DI PA'I STENG NGOS SU CHAGS PA BYUNG STE RJE 'DI GAR PHEBS KYI DBU'I THOG TU CHAGS PA BYUNG BAS GANGS RI'I GNAS 'DZIN PA 'DRI KHUNG RDOR 'DZIN

, ,'KHOR BCAS DAD PAR GYUR TE RJE 'DI'I PHYI BZHIN BSNYEGS NAS SHA LA TZA GONG DU MJAL KHA DANG BYIN RLABS ZHUS, NGED GANGS RIR SLEBS NAS LO BCU TZAM SONG YANG DE RING LAS RTAGS YA MTSAN CHE BA MA BYUNG, KHYED KYIS BDAG BYANG CHUB MA THOB KYI BAR DU THUGS RJES ZUNGS ZHES DAD GUS CHEN POS SMON LAM 'DEBS PAR BYED DO, ,DE NAS ZLA BA LNGA PA'I TSES BCU GSUM LA ZHABS DRUNG CHOS RJE, JO BO BDAG PO LHA SDE MI SDE'I GTZO BO RNAMS KYIS RTA PA MANG PO'I TSOGS DANG BCAS PHEBS BSU ZHUS TE ZHANG ZHUNG GI LUNG NANG SPA'I LDING ZHES BYA BAR PHEBS, 'DI SKABS LHA RNAMS KYIS ME TOG GI CHAR PHABS PA SOGS DGE MTSAN PHUN SUM TSOGS PA KUN GYI MNGON SUM DU GYUR, TSES BCO LNGA LA MTHO LDING GSER GYI LHA KHANG DU ZHABS DRUNG MI DBANG GIS, SKYES MCHOG LO TZ'A BA RIN CHEN BZANG PO'I BZHUGS KHRIR GDAN DRANGS TE RIN PO CHE'I MAndAL PHUL TE SER TSOGS KYI 'DUS PA RGYA MTSO LA MANG 'GYED KYI BSNYEN BKUR DANG BLA MA'I RNAL 'BYOR SOGS 'DOD CHOS ZHUS, ,DE NAS PHAL CHER CHOS GRVA SAR BZHUGS NAS MCHOD YON RNAMS LA GSANG BDE 'JIGS GSUM GYI DBANG, BSKYED RDZOGS, SNAR THANG BRGYA RTZA, 'JAM DBYANGS CHOS SKOR, BKA' GDAMS CHOS 'BYUNG GI LUNG SOGS ZAB RGYAS CHOS KYI 'KHOR LO BSKOR, MDOR NA GU GE BDAG PO SKU MCHED KHU DBON RNAMS KYIS THOG DRANGS PHYOGS DE'I LHA SDE MI SDE THAMS CAD KYIS DAD GUS TSAD MED PAS MCHOD, DE NAS ZLA BA DGU PA'I

TSES BCU GSUM LA GU GE NAS CHIBS BSKYOD DE GANGS RI'I BAR DU ZHAL NGO MCHOD YON RNAMS KYIS CHIBS BSKYEL ZHUS, GANGS RI CHEN PO LA ZHABS BSKOR MDZAD NAS GANGS RI'I SKU MDUN DU DAD 'DUS KYI SKYA SER GYI KHROM SHIN TU CHE BA TSOGS PA LA NYIN DGUNG KHROM DBANG ZHIG GNANG SKABS, GANGS RI CHEN PO BEE d'URYA'I MDOG LTAR SNGO BA LA GZUGS BRNYAN SNA TSOGS 'CHAR BA ZHIG TU GZIGS, SKU'I NYE SKOR DU YOD PA'I GRVA PA 'GA' ZHIG LA GANGS RI 'DI CI 'DRAR SNANG BKA' 'DRI GNANG BAR, DKAR ZHING 'TSER BAR 'DUG ZER, MKHAR NAG CHOS MDZAD LA BKA' 'DRI GNANG BAR RGYA MTHING BZANG PO'I MDOG LTA BU SHIN TU SNGO BA ZHIG 'DUG ZER, DE TZAM ZHIG MTHONG NAS YA MTSAN DU BYED DO, ,DE NAS ZLA BA BCU GCIG PA'I TSES BCU GSUM LA CHOS GRVA CHEN PO BKRA SHIS LHUN POR PHEBS NAS SER JA GSER 'GYED DANG BCAS PA GNANG, DE DUS LHA SA DANG 'BRAS SPUNGS KYI RGYAB RIR MI STONG PHRAG DU MA KHA BTAGS SHING SE 'BRAS GNYIS DMAG GIS BCOM SKABS SU MCHIS KYANG, YANG DAG PAR RDZOGS PA'I SANGS RGYAS BZHUGS SKABS SU'ANG GRONG KHYER SER SKYA PA RNAMS DANG KO SA LA PA'I DMAG 'KHRUG TSAN CHE BA DANG RGYA BOD GNYIS KAR BSTAN PA'I 'PHEL 'GRIB SNA TSOGS BYUNG YANG, LAS KYI RNAM SMIN BCOS SU DKA' BA LTAR THABS DANG BRAL YANG, BSTAN PA 'BA' ZHIG THUGS LA DGONGS TE SE 'BRAS GNYIS KAR MANG JA GSER 'GYED DANG BCAS PA LAN LNGA, KHA CHE'I CHAB BUM SPUS

, ,GTZANG BA CHA RE RE, 'BRAS SPUNGS BYAMS KHANG DANG DNGUL GDUNG KHANG DU GUG TING CHE LEGS BDUN TSAR RE RE PHUL BA SOGS SE 'BRAS GNYIS KA MI NYAMS PA'I THABS LA RNAM PA KUN TU 'BAD PAR MDZAD, DE NAS LO DE NYID KYI STON MJUG SOG DMAG DPUNG CHE BA BYANG RGYAB TU SLEBS, SDE SRID DPON BLON GYI BKAS RJE 'DI PA CHINGS LA PHEBS DGOS PA BYUNG, LHA SAR PHEBS PA'I NUB MO RJE RIN PO CHE'I RTOGS BRJOD MDUN LEGS MA TSANG MA ZHAL TON DU MDZAD PA'I MNAL LAM ZHIG BYUNG BA CHINGS DGA' RAB YONG DU RE BAS RONG PO 'DAM GYI BAR DU PHEBS KYANG THUGS BZHED BZHIN MA BYUNG, DE NAS RE ZHIG 'BRAS SPUNGS SU BZHUGS NAS SER 'BRAS GNYIS KA CHOS DANG ZANG ZING GNYIS KYI SGO NAS BSKYANGS TE SROG RTZA BZUNG, KHYAD PAR THAMS CAD MKHYEN PA BSOD NAMS RGYA MTSO'I DNGUL GDUNG GI SGRO RGYAN THAMS CAD BSHIG NAS MA RUNGS PAR BYAS PA, RJE 'DI PAS BSTAN RGYUN DANG RTEN 'BREL LA DGONGS TE GSER G-YU SOGS RIN PO CHE'I PHUNG PO LAS GSAR BSGRUBS MDZAD DE, THAMS CAD MKHYEN PA'I PHYAG RDZAS DAR LA BAB PA'I DUS SU BSGRUBS PA'I SGO RGYAN ZIL GYIS NGON PA LTA BU BZO BAR MDZAD DO, ,GZHAN YANG SE 'BRAS GNYIS KAR BDAG CAG GI STON PA'I SKU BRNYAN BKRA BA'I BKRA SHIS KHA BTAGS KYI 'PHAN GYI PHRENG BA RE RE DANG, GRVA SA GSUM GAR MANG JA'I BSNYEN BKUR YANG YANG MDZAD DE RE ZHIG 'BRAS SPUNGS SU SKU MTSAMS DAM PO LA BZHUGS SO, ,

DE NAS ZLA BA BDUN PA'I ZLA 'GO LA BOD DMAG THAMS CAD RKYANG THANG SGANG DU 'DRIL, TSES BCU GCIG GI TSA BA ZHES GROL MTSAMS SU SKAD CIG LA SOG PO'I RTA PA SGAR THOG BRGYUGS NAS MI BRGYA PHRAG DU MA BSAD CES SNYAN DU GSAN BAS, RJE 'DI PAS SKU DANG SROG LA'ANG MA GZIGS PAR SKU MTSAMS LA HAR 'DON MDZAD DE DAN 'BAG GI BAR ZHABS THANG GIS MGYOGS PAR PHEBS PAS, BOD DMAG RNAMS LCAGS PO RI'I MTSAMS SU 'KHAR ZHING SOG PO'I RTA PA LAN GNYIS PA RGYUG PAR RTZOM PA ME MDA' DANG NYAG PHRAN GYI CHAR 'BAB PA'I SKABS SU PHEBS, LHA BTZUN RANG LA ZANG ZING GI GNANG CHA GYA NOM PA DANG BCAS DNGOS SU ZHU BA NAN CHEN MDZAD PAS, LHA BTZUN GYIS KYANG CI GSUNG BKA' BZHIN DU NOD NAS RTA RGYUG 'PHRO BCAD PAS DMAG MI 'BUM PHRAG TU NYE BA SROG GCES PA LAS SKYOB PAR MDZAD DO, ,DE SKABS GTZANG SOG GNYIS KAS LHA SA SPYI MCHOD KYI PHYIR RJE 'DI PA LA PHUL, SO SOR TSIG SBYANGS SNGON DU 'GRO BA'I KHRA MA GNANG NAS, JO BO RIN PO CHE'I GSER THOG GI 'OD KYIS KHYAB PA'I SAR BRO DAM POS BKAG CING BRTAN PAR MDZAD DE NYID KYI SKU DANG SROG LA'ANG MA GZIGS BAR SE 'BRAS GNYIS KA BSKYANGS TE RGYAL BA TZONG KHA PA CHEN PO'I BSTAN PA'I SROG 'DZIN PAR MDZAD DO, ,DON GYI DBANG 'DI LA DGONGS NAS RJE BTZUN BLO BZANG CHOS KYI RGYAL MTSAN BYON TSUN GYI 'JAM MGON BLA MA'I LUGS BZANG 'DZIN PA'I MKHAS PA GZUR GNAS THAMS CAD RJE BTZUN BLO BZANG CHOS KYI

, ,RGYAL MTSAN NI 'JAM MGON BLA MA'I BSTAN PA 'DI LA 'JAM MGON BLA MA RANG NYID DANG MTSUNGS PAR BKA' DRIN ZLA MED DO ZHES MGRIN GCIG TU SGROG PAR MDZAD DO, ,DE DUS SEMS CAN SPYI MTHUN GYI LAS DANG BDUD SDIG TO CAN GYI MTHUS RGYAL BA'I BSTAN PA SPYI DANG KHYAD PAR 'JAM MGON BLA MA'I BSTAN PA 'PHEL BA LA GEGS 'TSUB SHIN TU CHE BAS THAMS CAD MKHYEN PA YON TAN RGYA MTSO GLO BUR GYI RKYEN GYIS ZHING GSHEGS, SPRUL SKU NGOS 'DZIN PA'ANG SHIN TU DKA' BAR BYUNG BA NA RJE BTZUN BLO BZANG CHOS KYI RGYAL MTSAN NYID KYIS ZANG ZING GI DNGOS PO GANG LA'ANG PHANGS PA MED PAR BTANG STE BYANG PHYOGS GANGS RI'I KHROD KYI SKYE BO GDUG RTZUB CAN RNAMS ZANG ZING GI DNGOS POS TSIM PAR MDZAD CING SU LA'ANG NYE RING MED BAR DMAG GZINGS JI SNYED CIG BYUNG BA THAMS CAD THUGS BYAMS PA DANG SNYING RJE SHUGS DRAG PA'I DBANG GIS PHAN TSUN SU LA'ANG KHON MED PAR BAR CHINGS DANG NAG CAN MANG PO'I SROG SKYOB PA DANG, GDUG RTZUB CAN RNAMS LA LAS RGYU 'BRAS KYI CHOS BSHAD NAS SEMS ZHI BAR BYAS TE RJE RANG NYID LA RANG DON BYA BA GANG YANG MED PAR SPYIR BOD 'BANGS KYI SEMS CAN THAMS CAD BDE 'JAGS SHIG DANG, DGE 'DUN GYI SDE RNAMS 'KHRUG PA MED PAR CHOS SPYOD 'PHEL BA ZHIG DANG, LHAG PAR THAMS CAD MKHYEN PA YON TAN RGYA MTSO'I MCHOG GI SPRUL SKU 'KHRUL MED DU NGOS ZIN PA ZHIG GI THABS LA NYID KYI SKU DANG SGROG LA'ANG MA GZIS PAR 'BANG

PAS; NGOS 'DZIN THUB STE RNGA CHEN ZHES PA CHU PHO KHYI'I LO THAMS CAD MKHYEN PA'I MCHOG GI SPRUL SKU 'PHYONG RGYAS NAS 'BRAS SPUNGS SU SPYAN DRANGS, GTZUG PHUNG BZHES TE MTSAN NGAG DBANG BLO BZANG RGYA MCHOR GSOL, DE NAS RIM GYIS TSIGS SNGA MA DGE TSUL GYI MKHAN PO MDZAD DE DGE TSUL DU BSGRUBS, THOG MAR TSE DBANG DANG, RDO RJE 'JIGS BYED KYI DBANG CHEN, CHOS SKYONG MANG PO'I RJES GNANG SOGS CHOS BKA' MTHA' YAS PA GNANG ZHING YID BZHIN GYI NOR BU LTAR GCES PAR SKYONG BAR MDZAD, DE NAS KHRAG SKYUG CES PA CHU MO PHAG GI LO LHA LDAN SPRUL PA'I GTZUG LAG KHANG GI THUGS RJE CHEN PO RANG BYUNG LDA LDAN GYI STENG GI RGYA PHUB SHIN TU RNYINGS PAS LHA KHANG THIB COMS SU 'GRO NYEN CHE PA THUGS KYIS MA BZOD PAR GZHI NAS GSAR GZO MDZAD DO, CHUL 'DI LA NI RJE RANG NYID KYI ZHAL NAS, JO BO RANG BYUNG LNGA LDAN GYI PHO BRANG GI RGYA PHIBS DE GSER ZAD PAS G-YAS ZOS THAR THOR DU GYUR, SHING RNAMS RUL BAS THOG KYANG RDIB NYEN SHIN TU CHE YANG LHA KHANG 'DI LHAG BAR GNYAN PAS, BLA MA SLOB DPON SDE DPON SOGS SUS KYANG 'CHOS MNUS PA 'DUG KYANG, KHO BOS NI 'PHAGS PA'I ZHABS TOG GI PHYIR LUS SROG KYANG YAL BAR DOR TE RTZA BA NAS BA SHIG, ZANGS KHAL BRGYA PHRAG DU MA DANG GSER ZHO STONG PHRAG DUM BRGAL BA LAS GZHI NAS GSAR DU BCOS PAS GEGS PHRA MO TZAM YANG MED BAR ZLA BA DRUG GI KHONGS SU LEGS PAR GRUB NAS RAB TU GNAS PA BGYIS TE, BOD SPYI'I BDE SKYID KYI

, ,GSOS SMAN DU BYAS PA 'DI YANG DAM PA'I MDZAD PA DANG RJES SU MTHUN PAR RUNG NGAM SNYAM DU BGYID DO ZHES GSUNGS SO, ,DE NAS MIG DMAR ZHES PA SHING PHO BYI BA'I LO BKRA SHIS LHUN POR LHA KHANG MANG PO GSAR BSKRUN MDZAD, GZHAN YANG RIS SU MA CHAD PA'I DGE 'DUN GYI SDE MANG POR SKU GSUNG THUGS RTEN MCHOD RDZAS GSAR BZHENGS DANG BSNYEN BKUR NAR MAR MDZAD CING NAM MKHA' MDZOD LA MNGA' BRNYES PA LTAR BYANG PHYOGS GANGS RI'I LJONGS KYI GRUB MTHA' RIS SU MA CHAD PA'I DGE 'DUN GYI SDE THAMS CAD CHOS ZANG ZING GNYIS KA'I SGO NAS BSKYANGS SHING, SKU GSUNG THUGS RTEN RNAMS LA MCHOD PA TSAD MED PA MDZAD DE RGYAL BA'I BSTAN PA YUN RING GNAS PA'I THABS LA RNAM PA KUN TU BRTZON PAR MDZAD PA NI RJE BLO BZANG CHOS KYI RGYAL MTSAN RANG NYID KYI ZHAL NAS, MDOR NA RGYAL SRAS SKU MCHED GSUM GYI MDZAD PA RJES SU BSGRUBS TE, DGE BSHES CHEN PO PO TO PA'I GSUNG NAS, GCIG GIS DAD RDZAS ME LA BSREGS, ,GCIG GIS DAD RDZAS MKHAR DU BRTZIGS, ,NGA'I DAD RDZAS DKON MCHOG SO CAN GYI KHA NA, ,ZHES GSUNGS PA BZHIN, DGE BSHES PHU CHUNG BA DE DKON MCHOG MCHOD PA GTZO BOR MDZAD DE, KHONG RANG GI GSUNG NAS, NGAS DANG POR SPANG SPOS SNA TSA TING NGE BA PHUL, DE NAS RENG BU BZHI SBYOR MNGAR SING DE BA 'BUL RGYU BYUNG, DA LTA AA KA RU DANG, DU RU KA SOGS BSUNG CHING DE 'BUL

GSUNG ZHING, RES GCIG GSER SRANG NYI SHU RTZA GNYIS KYI SPOS SBYANGS ZHES GSUNGS PA LTAR, KHO BOS KYANG SPYIR DKON MCHOG GI MCHOD PA LA GTZO BOR BYAS SHING, KHYAD PAR CHUNG DU NAS DA LTA'I BAR GUR KUM BZANG PO RIN THANG CHE ZHING SPUS MI RNYED PA'I DUS SU KHA CHE BZANG PO GCIG BU'ANG SNGA PHYI BSDOMS NA SRANG GRANGS BRGYA PHRAG DU MA SBYAR BA'I BZANG SBOS KHOR YUG TU PHUL, DGE BSHES SPYAN SNGA BA DE GTZUG LAG KHANG DANG RTEN GSUM BZHENG BA GTZO BOR MDZAD PA LTAR, KHO BOS KYANG, RA SGRENG, DBEN DGON, BKRA SHI LHUN PO'I PHYI'I MCHOD RTEN DANG, 'BRAS SPUNGS DANG, BKRA SHIS LHUN PO'I DNGUL GYI MCHOD RTEN GNYIS DANG, THUGS RJE CHEN PO'I DBU THOG SOGS DBUS GTZANG GNYIS KA'I GSER THOG DANG GANYJI RA DANG, DBEN DGON DU RJE BLA MA'I SKU, BKRA SHIS LHUN POR DNGUL SKU BZHI, RJE BTZUN GYI LI SKU, STON PA'I GOS SKU SOGS BRIS 'BUR MANG PO DANG, DBEN DGON DGE 'PHEL GANGS CAN RNAMS SU'ANG BSTAN PA LA BSAMS PA'I MKHAR LAS CUNG ZAD BGYIS SHING, KHYAD PAR BKRA SHIS LHUN POR SNGAGS KHANG, LHA KHANG RNAM PA GSUM, GZIM KHANG, THA NA CHOS KHRIMS KHANG DANG, SKU GNYER KHANG STENG SHOD, GOS SKU SPE'U GRA SA'I RGYUN LA PHAN BAR RE BA'I KLU SDING GNYIS LA SOGS PA GSAR DU BGYIS, DGE BSHES PO TO BA DGE 'DUN GYI BSNYEN BKUR GTZO BOR MDZAD PA LTAR, KHO BOS KYANG SPYIR SNGAR SMOS PA LTAR BOD DBUS GTZANG, MNGA' RIS, LHO MON

, ,TSUN GYI RIS MED PA'I DGE 'DUN GYI SDE LA BSNYEN BKUR SNA RE TZAM MA BYAS PA MED CING, BKRA SHIS LHUN PO'I GRVA TSANG GSUM, GANGS CAN GYI GRVA TSANG GNYIS, DPAL 'KHOR BDE CHEN GRVA TSANG BDUN, 'BRONG RTZE CHOS SDE, RI BO DGE 'PHEL, GRVA TSANG CHEN MO, RI MKHAR CHOS SDE, LHUN GRUB RTZE'I CHOS SDE RNAMS SU MANG JA GNYIS GSUM GYI DGE RGYUN BTZUGS, KHYAD PAR BKRA SHIS LHUN POR NI, RTZA BA THAMS CAD MKHYEN PA DGE 'DUN GRUB DE NYID SPRUL PA'I SKYES MCHOG TU GYUR PAS DGE 'DUN GYI BSNYEN BKUR PHUL DU BYUNG BA MDZAD PA'I RGYUN DANG, DE'I STENG DU BRGYAD MCHOD, BDUN MCHOD SOGS MKHAN POS RGYUN CHAGS SU BTANG DGOS PA RNAMS BLA MA DE DANG DE DAG GI MDZAD PA 'PHRIN LAS KYI STOBS LAS, MCHOG DMAN SNA TSOGS BYUNG BA RNAMS KYANG GONG 'PHEL DU BYAS PA'I STENG DU DKON MCHOG GZHAN GYI CHED DU BSNGOS PA MA GTOGS, LHAG PO'I BDOG PA CI YOD RANG DON DU SER SNAS MA BZUNG BAR 'DUS PA RGYA MTSO'I TSOGS RNYED PA DANG BKUR STIS YANG DAG PAR MCHOD, DES NA RJE THAMS CAD MKHYEN PA DGE 'DUN GRUB KYI RNAM THAR RNAMS LA'ANG ZHIB TU BRTAGS NA, GDAN SA'I RGYUN DANG, RTEN GSUM MCHOD CHA'I RIM PA BSGRUBS PA DANG, DGE 'DUN GYI BSNYEN BKUR ZHABS TOG GI CHA NI RJE DE NYID LAS KYANG CUNG ZAD LHAG GAM SNYAM DU RLOM PA YANG MCHIS SO, ,MKHAS PA'I BYA BA GSUM GYI SGO NAS KYANG BSTAN PA LA PHAN PA DANG, STON PA LA BYA

BA CUNG ZAD BYAS TE, DE YANG NGAL BSO MED PAR PHYOGS MED KYI RGYAL KHAMS KUN TU MYUL NAS GANG LA GANG 'TSAM GYI RGYUD SDE BZHI DANG 'BREL BA'I DBANG, RJES GNANG, MDO SNGAGS KYI LUNG BSHAD MAN NGAG GI CHAR PHAB CING, CHED DU BSNYEN RDZOGS KYI MKHAN PO BYAS PA NI, LO LNGA'I BAR ZIN BRIS 'DUG PAS STONG TZAM ZIN PA'I RGYU MTSAN LAS NA, DA TZAM KHRI KHRAG BRGAL BAR SNANG LA, RAB BYUNG BSNYEN RDZOGS KYI MKHAN PO BYAS PA'I MKHAN BU THAMS CAD LA TSE RABS THAMS CAD DU MKHAN PO'I BYA BA BYAS TE PHAN PA SGRUB PA'I YI DAM BCAS, 'DI NI, STON PAS KUN DGA' BO, KHYOD KYIS MKHAN PO DANG SLOB DPON BYAS NAS RAB TU BYUNG BA DANG, BSNYEN PAR RDZOGS PA BYAS NA NGA LA BYA BA BYAS PA YIN NO, ,ZHES BKA' STZAL BA'I PHYIR KHO BO'I RNAM PAR THAR PA'I MCHOG YIN NO, ,DE LTAR NA RJE RGYAL BA GNYIS PA'I RING LUGS LA BRTEN PA SHAR RGYA NAG PO NAS NUB DZ'A LAN RDA RA'I BAR GYI CHOS KYI GDAN KHRI 'DZIN PA DANG, DREGS LDAN GYI COD PAN DU GYUR PA DANG RIGS MTHON PO'I BRGYUD PA 'DZIN PA DANG, SDOM PA GSUM DANG LDAN ZHING RIM GNYIS KYI RNAL 'BYOR LHUR LEN PA PHAL CHER LA CHOS KYI PHAN PA BSGRUBS, MDOR NA KHO BO RANG GI YON TAN LA GRUB MTHA' GANG LA YANG CHAGS SDANG GIS KUN NAS BSLANGS PA'I PHYOGS 'DZIN GTAN NAS MED PA'I MTHUS, BDAG LA MNGON PAR DGYES PA'I CHOS KYI BDUD RTZI YANG DAG PAR BZHES PA GRUB MTHA' SNA TSOGS PA'I BSTAN 'DZIN GYI SKYES BU CHE PHRA DU MAS NI BOD DBUS GTZANG GI PHYOGS

, ,MTSAMS KUN TU KHYAB CING, GZHAN YANG GRVA SA CHE CHUNG GI MGON DU BZHUGS PA LHA KHANG GSAR DU BGYI BAR BRTZON PA DANG, GTZUG LAG KHANG GI ZHIG BSOS DANG, GSER THOG GSER PHRU SOGS BYA BAR 'DOD PA DANG, RANG RANG GI SDE DE DANG DE'I GTONG SGO RNAMS KHRAL 'JAL TZAM LA NGO MTSAR BYAS TE GONG 'PHEL DU BZHED PA RNAMS KYANG KHO BO LA SPYAN YAR GZIGS PA'I 'PHRIN LAS KYI RGYUN DU SEMS SO, ,ZHES GSUNGS PA LTAR RO, ,RJE 'DI NI BSTAN PA DANG SEMS CAN GYI DON LA NAM YANG THUGS SKYO BAR MI MDZAD PAR DGUN DUS LHA LDAN DU BYON NAS SMON LAM CHEN MO'I TSOGS DBU MDZAD DE RJE RIN PO CHE'I MDZAD CHEN MA NYAMS PAR SKYONG ZHING LHA MI BGRANG BA LAS 'DAS PA SMIN GROL LA 'GOD PAR MDZAD, DBYAR DUS GTZANG DU PHEBS TE BKRA SHIS LHUN POS GTZOS GTZANG PHYOGS KYI CHOS SDE RNAMS LUGS GNYIS KYIS SKYONG ZHING SKAL BA DANG LDAN PA BGRANG BA LAS 'DAS PA SMIN GROL LA 'GOD PAR MDZAD, BAR SKABS SHIG LHO MON PHYOGS SU PHEBS TE DBEN PA'I NAGS TSAL RNAMS GZIGS PAS DBEN PA LA SPRO BA'I NYAMS MGUR 'DI LTAR MDZAD DE, NA MO GU RU, RJE DUS GSUM SANGS RGYAS KUN GYI DNGOS, ,PHA BKA' DRIN GSUM LDAN BLA MA DANG, ,DPAL MNYAM MED BU RAM SHING BA'I ZHABS, ,DGRA SRID PA'I 'JIGS 'PHROG DE LA 'DUD, ,LHA BSTAN SKYONG CHEN MO GNAS PA'I MGUL, ,BOD GANGS CAN LHO BOD GNYIS KYI MTSAMS, ,YUL SPANGS LUNG 'BRAS MO

GSHONGS KYI 'DABS, ,SA'I THIG LE KHANG BU ZHES GRAGS PA, ,GZHI RI KLUNG THAMS CAD MRGAD KYI, ,MDANGS BZANG PO'I 'JO SGEG ROL BA 'DZIN, ,NOR PADMA R'A GA BEEd'U RYA, ,GSER BTZOM DUNG DANG G-YU 'DRA BA'I, ,MDOG SNA TSOGS DBYIBS LEGS ME TOG GIS, ,PHYOGS KUN TU 'JA' TSON BKRAM PA BZHIN, ,SPANG SNGO LJANG RI BO MKHA' LA SNYEGS, ,G-YU MTSO 'DAB MDZES PA'I NAGS TSAL RGYAS, ,BYA SNA MANG MGRIN PA'I GSUNG SNYAN SGYUR, ,PHU GANGS DANG G-YA' YI RA BAS BSKOR, ,SHEL DKAR 'TSER DBU BA'I GOS GYON PA'I, ,CHU MI CHE MI CHUNG SNYOMS PAR 'BAB, ,STENG CHU 'DZIN SNGON PO LANG MA LING, ,DUS RES 'GA' SBRANG CHAR ZIM BU 'BAB, ,NAD BZHI BRGYA RTZA BZHI 'JOMS BYED CING, ,RO KHA DOG NUS PA SNA TSOGS PA'I, ,SMAN BZANG POS SA YI PHYOGS KUN BRGYAN, ,LI GA DUR B'A SHUG BA LU SOGS, ,SPOS BZANG PO'I DRI DANG RGYUN DU 'THUL, ,LHA'I DGA' TSAL LTA BU'I YUL LJONGS DER, ,RJE ZAS GTZANG SRAS KYI RNAM THAR BZHIN, ,DRAN SHES BZHIN LDAN PAS 'CHAG CING 'DUG ,DUS DE RING NAGS KYI SMAN LJONGS NGOGS, ,BLO 'KHRUL BAS BRTAGS SHING MTHONG BA YI, ,YID NGO MTSAR RI MO SNA TSOGS KYANG, ,DON DPYAD NA MI DMIGS STONG PA'I DANG, ,RJE RGYAL BA KUN GI THUGS KYI BCUD, ,BKA' BRGYAD KHRI BZHI STONG SNYING PO'I DON, ,SRAS DUS GSUM 'PHAGS BZHI BSKYED PA'I YUM, ,'DI GSAL BAR STON PA'I SLOB DPON DANG, ,YUL SNANG TZAM MA BRTAGS NYAMS DGA' YANG, ,DON GNAS TSUL NAM MKHA'I PADMO

, ,BZHIN, ,'DI MA RTOGS 'KHOR BA'I SEMS CAN RNAMS, ,CHES BZOD DKA'I SDUG BSNGAL YANG YANG MYONG, ,GDON DNGOS 'DZIN SGYU MAS RMONGS PA YI, ,MA KHAMS GSUM 'KHOR BA'I SEMS CAN GYIS, , DON 'DI 'DRA RTOGS NA DGA' BA LA, ,LAM 'DI 'DRA RNYED NA SKYID PA LA, ,MI NGA LA NGES BA MA MCHIS KYANG, ,MI KHO BO'I DPUNG GNYEN ZAS GTZANG SRAS, ,MGON DE NYID NAS BZUNG ZAB MO'I LAM, ,TSIG SGRA SPYI'I RGYUD 'DZIN MA YIN PAR, ,'DI MNGON DU MDZAD PA'I GRUB THOB KYI, ,PHA RGYUD LDAN BLA MA TSUL BZHIN BSTEN, ,BOD GANGS CAN BSTAN 'DZIN MTHA' DAG LA, ,SEMS KHONG NAS DAG PA'I SNANG BA SBYANGS, ,RGYUD CHOS SPONG LOG LTAS MA SBAGS TZAM, ,'DI BSTAN PA 'GAL MED RTOGS PA'I DRIN, ,SPYIR 'KHRUL PA'I SEMS CAN THAMS CAD DANG, ,SOGS RMI LAM YUL GYI GNYEN BSHES 'DRA'I, ,BDAG MTHONG THOS DRAN REG GYUR RNAMS LA'ANG, ,DUS KUN TU DGE BA'I SMON LAM BSGRUBS, ,SKYABS MCHOG GSUM BSLU MED THUGS RJE YIS, ,NGA RDZUN PA SGYU MA'I DGE SLONG LA, ,LAS CI BYAS 'BRAS BU 'TSENG NGAM SNYAM, ,DA SHI YANG 'GYOD PA CUNG ZAD MED, ,GTAM 'DIS KYANG 'GRO BA MA LUS PA, ,RGYUD CHAGS SDANG DRI MAS MA GOS PAR, ,LAM STONG NYID SNYING RJE'I SNYING PO CAN, ,CHOS THAMS CAD GZIGS PA THOB PAR SHOG ,CES SO, ,LHO PHYOGS NAS BOD DU TSUR PHEBS SKABS MYANG STONG PHYOGS SU DAD LDAN 'GA' ZHIG LA GDAMS PA 'DI LTAR MDZAD DE, RJE NA MO GU RU DKON MCHOG GSUM, ,

MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB MA LUS PA, ,DUS DA LTA NYID DU STZAL DU GSOL, ,SBYIR SANGS RGYAS 'BYUNG BA RNYED DKA' ZHING, ,SGOS DAL 'BYOR MI LUS THOB DKA' NA, ,TSE 'DI NANG BDE LAM CHAGS PAR, ,DUS GTAN GYI MDUN MA SGRUB RE RAN, ,GZHON SHA KHRAG RGYAS PA'I LANG TSO YANG, ,DGUNG MKHA' LA SHAR BA'I 'JA' TSON DANG, ,SROG CHU BUR BZHIN DU 'JIG 'GYUR BAS, ,DA RTAG 'DZIN MA BYED CHOS LA 'BUNGS, ,KHONG TSANGS DBANG 'KHOR LOS BSGYUR RGYAL YANG, ,GNAS 'KHOR BA'I BDE 'BYOR PHUN TSOGS KYANG, ,SLAR MNAR MED 'BAR BA'I MES BSREG NA, ,DA SRID PA'I BDE LA YID BRTAN CI, ,KHYED SNYING NAS RANG LA PHAN DGONGS NA, ,RJE LAM SNA 'DREN PA'I BLA MA DANG, ,TSE KUN TU MI 'BRAL DGE BA'I NOR, ,LAM BSLAB GSUM 'BRAL MED BSTEN NA LEGS, ,'DI PHYOGS MED MYUL BA'I BYA BRAL BA, ,SPRANG SMYON PA CHOS KYI RGYAL MTSAN LA, ,BU SBYIN PA RGYA MTSOS BSKUL BA'I NGOR, ,DPAL 'KHOR LO BDE CHEN ZHES BYAR BKOD, , CES DANG, NA MO GU RU MA H'A MU DR'A YA, RJE RIGS KUN KHYAB BDAG RDO RJE 'CHANG, ,GSUM LDAN GYI BLA MA'I ZHABS LA 'DUD, ,TSE GCIG GIS SANGS RGYAS SGRUB PA'I THABS, ,MTSAN LDAN GYI RJE BTZUN BLA MA LA, ,YENGS MED DU GSOL BA 'DEBS PA 'DI, ,ZAB LAM GYI SNYING PO BSDUS BA YIN, ,RGYU 'BRAS KYI RTEN 'BREL MI BSLU BA, ,CHU ZLA LTAR SNANG BA KUN RDZOB GSHIS, ,RI BONG GI RVA YI RNO RTUL LTAR, ,SPROS PA DANG BRAL BA DON DAM YIN, ,GZHI BDEN GNYIS KYI RNAM DBYE RTOGS PA'I

, ,BLO; ;THABS BYANG CHUB SEMS KYI RTZIS ZIN PA, ,LAM STONG NYID SNYING RJE'I SNYING PO CAN, ,'DI CHOS KUN YANG SNYING MTHAR THUG LAGS, ,LAM DE 'DRA BSGOMS BA LAS BYUNG PA, ,SGRIB BRAL GYI YON TAN NAM MKHA'I MDZOD, ,MTHAR THUG GI ZUNG 'JUG PHYAG RGYA CHE, ,SKU GSUM GYI BDAG NYID 'BRAS BU YIN, ,BDEN 'DZI GYI 'CHING BA BSHIG BYAS TE, ,'KHOR 'DAS KYI CHOS RNAMS MA LUS PA, ,RANG BZHIN DANG BRAL BA'I STONG PA NYID, , JI BZHIN DU RTOGS PA LTA BA'I MCHOG ,'KHOR 'DAS KYI RANG BZHIN STONG PA'I DANG, ,RNAM DAG GI RIGS PA'I MDUNG BSKOR BYAS, ,G-YENG MED DU CHU BO'I GZHUNG BZHIN DU, ,RTZE GCIG TU 'JOG PA SGOM PA YIN, ,DON DAM DU SPROS PA KUN BRAL YANG, ,RJES THOB TU 'KHYER SO GSUM GYI DANG, ,RGYAL SRAS KYI SPYOD PA'I RJES SLOB PA, ,SKYON MED KYI RLABS CHEN SPYOD PA YIN, ,LAM 'DI 'DRA BSGOM BA'I RNAL 'BYOR PA, ,AE MA HO SKYID PA'I NYI MA 'CHAR, ,AA LA LA DGA' BA'I GLU DBYANGS LEN, ,DBYANGS MCHOD PAR BZHES SHIG DKON MCHOG GSUM, ,ZHES GDAMS SO, ,DE NAS, DBUS SU LHA LDAN SMON LAM GYI TSOGS DBUR PHEBS DE'I TSE 'BRAS SPUNGS SU MCHOG GI SPRUL PA'I SKU NGAG DBANG BLO BZANG RGYA MCHOS GTZOS DBUS PHYOGS KYI BLA MA SPRUL SKU DGE BSHES RAGS BSDUS BCAS LA 'JAM DBYANGS CHOS SKOR SOGS DBANG LUNG MAN NGAG MTHA' YAS PA GNANG, DE SKABS DBUS GTZANG GI DGE 'DUN GYI SDE PHAL MO CHES RJE 'DI PA SO

SO'I GNAS SU GDAN DRANGS TE MCHOD CING BSNYEN BKUR BA DANG, CHOS KYI BKA' DRIN ZHUS, RJE 'DI PAS KYANG GANGS RI'I LJONGS KYI DGE 'DUN GYI SDE GANG NA YOD PA THAMS CAD LA CHOS KYI BKA' DRIN STZAL ZHING, RJE 'DI'I GSUNG THOS PA TZAM GYIS GRUB MTHA' RIS SU MA CHAD BA MTHA' DAG GIS SNYING NAS DAD CING MOS PAS CHOS KYI BDUD RTZI ZHU BAR BYED LA, LHAG PAR 'BRUG PA RNAMS NI RJE 'DI LA RNAL 'BYOR GYI DBANG PHYUG MI LA RAS PA DANG MTSUNGS PA'I DAD GUS BYED CING, 'BRUG PA SANGS RGYAS RDO RJES RJE 'DI LA PHYAG CHEN RTZA 'GREL GYI LUNG ZHUS TE DA PHYIN CHAD BDAG GIS 'DI'I 'PHRIN LAS SPEL LO ZHES DAM BCAS, RJE 'DI LA MI PHYED PA'I DAD PA THOB STE YON TAN LA CHES CHER BSNGAGS PA'I RNAM THAR YANG BSGRIGS ZHES GRAG GO ,BAR SKABS SU RI BO DGE LDAN GYI BLA MA DGE 'DUN TSANG MAS RAB TU DGA' LDAN GDAN SA GTAN DU MDZAD PA ZHIG DGOS, MA MTHA' 'ANG RE SHIG DGA' LDAN DU BZHUGS NAS RJE'I SKU GDUNG RIN PO CHE'I STENG GI RGYA PHUB HA CANG RNYINGS PAS GRUM NAS THIGS PAS MCHOD KHANG YANG CHUD ZA BA 'DI LA THUGS RJES GZIGS DGOS ZHES MGRIN GCIG TU GSOL BA BTAB PA NA GDAN SA MDZAD PAR ZHAL GYIS MA BZHES KYANG SKU GDUNG RIN PO CHE'I RGYA PHUB BZO BAR ZHAL GYIS BZHES TE BYANG RTZER PHEBS, DE DUS NGO MTSAR BA'I MTSAN LTAS BYUNG BA BRDA TSIG GIS YI GER 'GOD PAR MDZAD PA NI 'DI LTAR, SVASTI, MDANGS GNYID KYIS LOG PA'I RMI LAM DU, ,BAG CHAGS KYI NYING 'KHRUL SNA TSOGS SHAR, ,DUS DANG POR BDEN

, ,BA'I RGYA YIS BCINGS, ,SLAR 'KHRUL PA'I RANG MTSANG RIG PA YIS, ,SEMS CHOS NYID NAM MKHA'I DBYINGS SU THIM, ,DPE RGYA MTSO'I NANG DU CHAB ROM BZHIN, ,YANG DGUNG SNGON DBYINGS NAS 'JA' TSON DANG, ,SLAR CHU NANG ZLA BA'I GZUGS BRNYAN LTAR, ,BLO YANG DAG DANG LTAR SNANG CI RIGS PA'I, ,YUL SNA TSOGS KYI BKOD PA MA 'DRES DANG, ,LAR NGO MTSAR GYI RI MO SNA TSOGS MTHONG, ,DPE DGUNG SNGON GYI DBYINGS NAS 'JA' TSON BZHIN, ,TSIG GSAL PAR BKOD KYANG SGRO SKUR RGYU, ,DON DE PHYIR KHA BYANG TZAM ZHIG BKOD, ,CES SO, ,DE DUS ZHAG GNYIS GSUM ZHIG KHUG RNA 'KHRIGS PA'I RKYEN GYIS NYI MA KHRAG MDOG TU 'CHAR BA BYUNG ZHING, DE DANG BSTUN DGE BA'I BSHES GNYEN 'GA' ZHIG GIS LUNG BSTAN MANG PO BKOD PAS SKYE BO DU MA RE DOGS KYI CA CO KUN TU SGROG PA RJE 'DI BA'I SNYAN DU GSAN PAS THUGS LA 'DI LTA BU 'KHRUNGS TE, KYE MA 'GRO BA 'DI DAG NI SHES BYA THAMS CAD LA LKOG TU MA GYUR BA'I SPYAN MNGA' BA SANGS RGYAS BCOM LDAN 'DAS BDEN PA GSUNG BA DES, TSE RABS THAMS CAD DU MI SHIS PA DANG, SDUG BSNGAL DANG, 'JIGS PA MTHA' DAG 'BYUNG BA'I SA BON DANG, LTAS NGAN PAR LUNG GSAL BAR BSTAN PA G-YO SGYU KHRAM GSUM GYIS MI DGE BA SPYOD PA LA RANG GI NGANG GIS 'JUG ,CHED DU SER GZUGS PHAL CHER NI SDOM PA DANG DAM TSIG YAL BAR DOR NAS MKHAN SLOB MCHED GROGS DGRA BO'I DANG MAR 'DZIN, KHYAD PAR SKYE BO PHAL CHER

'CHI BDAG GI GSHIN RJE MCHE BA GTZIGS SHING 'JIGS SU RUNG BA MA RANGS PA'I GAD MO DGOD PA, RANG GI SLAD BZHIN 'BRANG BA'I CHAD PA DRAG PO THOG TU NGES BAR 'BAB CING DE YANG NAM YONG NGES PA MED PA LA BAG GZON NAM NYAMS SNANG CUNG ZAD KYANG MED PAR TSE 'DI'I PHYI NANG GI MTSAN MA CUNG ZAD TZAM LA DOGS PA 'DI LTAR BYED PA, KYE MA MA LA TSES CHER RMONGS PA'AM, GDON THUGS LA ZHUGS PA RANG YIN PA 'DRA, BSHES GNYEN CHEN PO PO TO BA'I ZHAL NAS, 'O SKOL SANGS RGYAS KYI MKHYEN PA LA MO MA RNO SHOS TZAM DU'ANG MI RTZI GSUNG BA SHIN TU MED SNYAM DU THUGS LA SHAR BA CHA TZAM TSIG TU GSAL BAR MDZAD PA 'DI LTAR, AOm SVASTI, GANG LA BRTEN NA BSLU BA MED PA'I SKYABS, ,BDEN PA GSUNG BA DE LA GUS BTUNG NAS, ,RNAM DPYOD LDAN PA DAM PA'I RJES 'BRANG BA'I, ,GZUR GNAS SKYE BO YONGS LA 'DI LTAR GLENG, ,YONG NGAM MI YONG THE TSOM ZA BA YI, ,RGYA SOG BOD KYI 'DRE YI DMAG 'DUS PA'I, ,DMAG DPON BDUD NAG SENG GES 'GO BYAS TE, , BYUNG NGOS MKHA' DBYINGS SPAR MOS GZHAL BAS CI, ,YONG NGES SHES SHING BZLOG THABS MED PA YI, ,DUS KYI SRIN PO'I KHA YI NANG CHUD CING, ,'JIGS RUNG NGAN 'GRO'I G-YANG SA MDUN GNAS PA, ,BZLOG PA'I THABS MKHAS BSGRUBS NA MI LEGS SAM, ,SKYID KYANG MI 'TSENGS SDUG KYANG MI PHUNG BA'I, ,TSE THUNG 'DI YI RE DOGS MDUN MAS CI, ,NGES PAR YONG ZHING NAM YONG CHA MED PAS, ,'CHI GRABS TSAGS SU BTZUD NA MI LEGS SAM, ,TSE GCIG GNYEN 'DUN 'JIGS

, ,SAR SKYEL MA SOGS, ,RMONGS PA RNAMS KYANG 'BAD PAS TSOL BYED NA, ,NAM GZHAG GTAN GYI MDUN MA BSGRUB PA LA, ,DUS RNAM KUN TU BRTZON BA BSTEN BA'I RIGS, ,TSUL 'DI DRAN PA YIS KYANG GDUNG SEL BA, ,'DREN PA MNYAM MED SGYU 'PHRUL SRAS BO YI, ,PHYI BZHIN 'DRANG BA'I DGE SLONG GYI NA PA, ,BLO BZANG CHOS KYI RGYAL MTSAN ZHES BYAS SPRINGS, ,DGE BAS 'GOR KUN GROG SKAM NYA RGYA DANG, ,SGYU MA'I GSHIN RJE KHROS LA 'JIGS PA LTA'I, ,RE DOGS CHOS BRGYAD 'CHING BA LAS GROL TE, ,KUN MKHYEN 'GRO BA'I RTZA LAG THOB PAR SHOG ,CES SO, ,GZHAN YANG DE DUS NYAMS MGUR 'DI LTAR MDZAD DE, NA MO GU RU, DKYIL 'KHOR GYI 'KHOR LO BYE BA'I GTZO, , DUS MTHA' 'DIR DUR SMRIG RNAM ROL GYIS, ,SANGS RGYAS KYI MDZAD PA MNGON SUM BSGRUBS, ,DA DUNG YANG YE SHES SPYAN GYIS GZIGS, ,'KHOR 'DAS KYI CHOS RNAMS JI SNYED PA, ,SNANG BA LTAR MA ZHEN GNAS TSUL LTOS, ,SNANG GNAS KYI NGO BO GNYIS MTHONG NA, ,RTAG PA DANG CHAD PA'I MTHA' LAS GROL, ,MDO RGYUD KYI RGYAB RTEN DPUNG CHE ZHING, ,GDAMS NGAG GI NANG BYAN TSUD PA YI, ,BYIN RLABS KYI BRGYUD PA MA NYAMS PA'I, ,MTSAN LDAN GYI RJE BTZUN BSTEN PAS 'TSENGS,, THAR 'DOD KYI SKAL LDAN KHYED RNAMS KYANG, ,CHOS NYID KYI RANG ZHAL GZIGS BZHED NA, ,SKAM BSHAD KYI THA SNYAD MKHAN PO DANG, ,THOS CHUNG GI SGAM SGOM MA YIN PA'I, ,YONGS GRAGS KYI RJE LA BLO SNYING GTOD, ,SHUGS DRAG GI BSAGS

SBYANGS YUN DU BSRINGS, ,SNANG THOG TU ZHEN PA'I GZHI RTZA SHIG ,RIG THOG TU YOD MED MTHA' DANG BRAL, ,SNANG TZAM GYI RTEN 'BREL MI BSLU ZHING, ,RTEN 'BREL GYIS STONG PA'I DON STON PA, ,ZUNG 'JUG TU SKYONG BA'I RNAL 'BYOR 'DI, ,LTA BA DANG SGOM PA SPYOD PA GSUM, ,ZUNG 'JUG TU 'KHYER BA'I NYAMS LEN YIN, ,ZHES DANG, RJE BKA' DRIN GSUM LDAN RDO RJE 'CHANG, ,MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB MA LUS PA, ,DUS DA LTA NYID DU BDAG LA STZOL, , LO DKAR PO'I SA GA ZLA BA LA, ,DUS NYIN GCIG DGE LDAN RI BO'I NGOS, ,KHAMS 'DUS PA BSANG PHYIR SONG PA'I TSE, ,YUL RI MO SNA TSOGS SO SOR SNANG, ,SGO MA 'GAGS SNANG BA'I TSUL BRTAGS PAS, ,KUN BYANG GI CHOS RNAMS NGO BOS STONG, NGO BO DANG BRAL YANG CI YANG SHAR, ,SNANG STONG GNYIS 'GAL BA MA YIN PA'I, ,ZUNG 'JUG GI GZHAL MED NYAMS DGA' PA, ,'DI GANG SHAR GYI NGO BO BSKYANGS PAS MTHONG, ,CHOS PHUNG PO BRGYAD KHRI BZHI STONG KUN, ,LAM 'DI NYID KYI STENG DU 'BAB PAR GSUNGS, ,BZANG NGAN GYI SNANG PA GANG SHAR YANG, ,MING RTOG PAS BTAGS PA TZAM ZHIG LAS, ,RDUL TZAM YANG DMIGS SU MA MCHIS NA, ,LAR DGAG SGRUB KYI SPROS PAS CI RANG BYED, ,DA MNAR MED 'BAR BA'I ME NANG DU, , YUN BSKAL PAR BSREGS KYANG NYAM NGA MED, ,RMI LAM GYI RAB 'BAR MES BSREGS KYANG, ,SREG MKHAN DANG BSREG BYA SREG BYED GANG, ,DON DE PHYIR TSANGS DBANG LA SOGS PA, ,DPAL SRID PA'I PHUN TSOGS THAMS CAD LA'ANG, ,YID

, ,'DUN CING CHAGS PA CUNG ZAD MED, ,LAR SGYU MAS SPRUL PA'I LONGS SPYOD BZHIN, ,DON 'DI BZHIN NGES PA BLA MA'I DRIN, ,TSIG SKAM BSHAD KYI RGYUD PA MA YIN PA, ,DPAL BYIN RLABS KYI RGYUD PA MA NYAMS PA'I, ,PHA YONGS GRAGS KYI RJE BTZUN BSTEN BAS 'TSENGS, ,CES PA DANG, YANG HA HA, SEMS GSAL RIG 'GAG MED DU SKYE BA 'DI, ,SKYE MED DU MTHONG BA YA RE MTSAN, ,SKYE MED LA GNAS DANG 'GAG PA GANG, ,MO GSHAM GYI BU MO'I 'GYING BAG BZHIN, ,SEMS RANG BZHIN SPROS PA'I MTHA' DANG BRAL, ,GDANGS 'GAG MED CIR YANG 'CHAR ZHING SNANG, ,DBYINGS GZUNG 'DZIN GYI SGROG LAS RNAM GROL KYANG, ,DENG SBAR 'DZIN BYED PA 'DI CI 'DRA ZHIG ,KHONG GZHAN TSO LTA KHRID DANG PHYAG CHEN SGOM, ,MI KHO BO LA BSGOM BYA SGOM BYED DANG, ,DON 'DI BSGOM GYI MTSAN MA RDUL TZAM MED, ,SGOM SGRUB KUN JI LTAR DGYES DGYES MDZOD, ,DA MYUR DU SHI'AM GSON YANG BLA, ,SEMS SNANG STONG BDE CHEN GYI GROGS MCHOG DANG, ,DUS SKAD CIG KYANG MI 'BRAL 'GROGS NAS 'GRO, ,SDUG BSNGAL KUN JI LTAR DGYES DGYES MDZAD, ,KHA PHYI LTA'I THA SNYAD RTOG GE PAS, ,'DI THOS NA 'GAL 'DU'I PHUNG POR SEMS, ,DON NYAMS MYONG CAN GYI RNAL 'BYOR PAS, , GLU 'DI 'DRA GSAN NA 'DZUM PA 'CHOR, ,ZHES DANG, NA MO MAH'A MU DR'A YA, PHA BKA' DRIN MNYAM MED BLA MA RJE, ,MI BDAG SNYING PADMO'I ZE'U 'BRUR BZHUGS, ,RTEN DAL 'BYOR MI LUS RNYED DKA' ZHING, ,'DI MI RTAG MYUR DU 'CHI BAS NA, ,

RGYUD NGANG RING LE LO MA MCHIS PAR, ,DA G-YEL MED SGRUB LA BRTZON PAR MDZOD, ,RJE BSLU MED BLA MA DKON MCHOG LA, ,SNYING RUS PA'I GTING NAS SKYABS 'GRO ZHING, ,MA KHAMS GSUM 'KHOR BA'I SEMS CAN LA, ,BYAMS SNYING RJES DRANGS PA'I SEMS BSKYED 'TSAL, ,SNGON THOG MA MED NAS DA LTA'I BAR, ,SEMS 'KHRUL PA'I DBANG GIS 'KHOR BAR 'KHYAMS, ,DA 'KHRUL PA'I RJES SU MA 'BRENG BAR, ,CHOS KUN GYI RANG BZHIN GDOD MA'I GSHIS, , DON G-YEL MED SEMS KYI RDO RJE STE, ,LAM PHYAG RGYA CHEN POR GRAGS PA YIN, ,DER RE DOGS DGAG SGRUB MA BYED PAR, ,SEMS CHOS DBYINGS NGANG DU LHOD KYIS GLOD, ,LUS SNANG STONG DAG PA LHA YI SKU, ,NGAG GRAG STONG RDO RJE'I BZLAS PA DANG, ,SEMS GSAL STONG PHYAG RGYA CHEN PO'I DANG, ,DUS RTAG TU G-YENGS MED MNYAM PAR ZHOG ,RJES MTSAN MA'I DUG DANG MA 'DRES PAR, ,DPAL TSOGS GNYIS BYANG CHUB CHEN POR BSNGOS, ,ZHES PA RNAMS MDZAD, DE NAS RJE'I SKU GDUNG RIN PO CHE'I DBU THOG TU RGYA PHUB BYA 'DAB DANG BCAS PA GSAR BZOS LEGS PAR GRUB STE PHUL NAS RAB TU GNAS PA RGYAS PAR MDZAD, GZHAN YANG SKU GDUNG RIN PO CHE'I SKU MDUN DU MCHOD PA'I BYE BRAG BSAM GYIS MI KHYAB PA PHUL ZHING, DGA' LDAN 'DUS TSOGS LA MDO SNGAGS KYI CHOS MANG DU STZAL, DE NAS GTZANG PHYOGS SU PHEBS TE GCEN LUNG DANG, LHO PHYOGS SU DAD LDAN MANG POS GDAN DRANGS PA LTAR PHEBS TE, GANG DANG

, ,GANG DU PHEBS PA'I SA DE DANG DER SKYE BO RNAMS LA MTHO RIS DANG THAR PA'I SA BON THEBS PAR MDZAD CING, LHO PHYOGS KYI GZHI BDAG DKAR PHYOGS PA RNAMS KYIS GUS PA CHEN POS MCHOD CING, RJE NYID NAS KYANG THUGS MNYES PA'I GSUNG MGUR 'DI LTAR MDZOD DE, NA MO GU RU BUDDHA BO DHI SATVA BHYA: PHA BGA' DRIN GSUM LDAN BLA MA RJE, ,BDAG MOS PA'I BU LA THUGS RJES GZIGS, ,LO RAB MYOS SKYES BDAG GNYIS KYI MTSAMS, ,KHONG DANG LDAN SKYE BOS 'TSAMS SBYAR NAS, ,BOD MON MTSAMS NOR 'DZIN YANGS PA'I GZHIR, ,ZAS BSOD SNYOMS 'TSOL BA'I DON DU PHYIN, ,DER PHYIN BAS LHA CHEN BZANG RA SOGS, ,KHONG DKAR PHYOGS SKYONG BA'I GZHI BDAG RNAMS, ,YID DGA' BAS MCHOD PA'I SPRIN GYIS BSUS, ,SPYIR DAD LDAN SKYE BO'I ZHING SA LA, ,DUS KUN TU DGE BA'I SA BON BTAB, ,KHROM 'DU 'GYES ROL BA SNA TSOGS PA'I, ,PHYI RNAM G-YENG BAN BUN RGYAR CHUD KYANG, YUL GANG SHAR MI RTAG SDUG BSNGAL BA, ,DPE SGYU MA RMI LAM DRI ZA'I GRONG, ,CHU DVANGS PA'I ZLA GZUGS LTAR MTHONG BAS, ,DBYINGS SPROS BRAL GSAL BAR STON PA BZHIN, ,DON DE PHYIR SGYU MAS BSLUS PA YI, ,MA KHAMS GSUM 'KHOR BA'I 'GRO KUN LA, ,SNYING RUS PA'I GTING NAS SNYING RJE SKYES, ,DE SKYES KYANG GZHI MED RTZA BA BRAL, ,DON SNA MANG BYA BA'I SGROG CHUD CING, ,RGYUD SNYOMS LAS LE LO'I DBANG GYUR KYANG, ,CHOS PHUNG PO BRGYAD KHRI BZHI STONG GI ,DON GCES

PA'I BRJOD BYA MCHOG GYUR PA, ,LAM STONG NYID SNYING RJE'I SNYING PO CAN, ,'DI RES 'JOG RES 'GA' ZUNG 'JUG PA'I, ,DON NYAMS LEN GNAD DANG MA BRAL TZAM, ,BKA' MDO RGYUD KUN GYI SNYING PO MCHOG ,CHOS STONG NYID SNYING RJE'I SNYING BO CAN, ,'DI KUN GYIS NGES NA AA LA LA, ,DON NGES NAS GROL NA AE MA HO, ,ZHES SO, ,DE NAS BKRA SHIS LHUN POR PHEBS NAS BSTAN PA'I RGYUN LA DGONGS TE BKA' 'GYUR RIN PO CHE DAG NGES SHIG BZHENG BAR BZHED NAS ZHA LU NAS CHOS RJE BU STON RIN PO CHES ZHUS DAG MDZAD PA'I BKA' 'GYUR GDAN DRANGS, GZHAN YANG BKA' 'GYUR GYI DPE KHUNG MA MANG PO BSAGS TE RJE 'DI NYID KYI SPYAN LAM DU PHAB PA'I ZHUS DAG LEGS PAR MDZAD NAS GANGS RI'I LJONGS KYI YIG MKHAN MKHAS PAR GRAGS PA RNAMS BSDUS TE BKA' 'GYUR GSAR BZHENGS MDZAD PA DE LA NI BKA' 'GYUR SKYA BOD CHEN MO LJAGS ZHUS MAR GRAGS SHING, YANG GSER 'BA' ZHIG GIS BRIS PA'I BKA' 'GYUR ZHIG KYANG GSAR BSKRUN MDZAD DE BKA' 'GYUR GNYIS KA BKRA SHIS LHUN PO'I GTZUG LAG KHANG NA BZHUGS SO, ,DE SKABS DUS GZIR GYI 'GYUR BA LA BRTEN BLA CHEN MI CHEN MANG PO ZHIG DAR RGUD KYI 'GYUR LDOG SNA TSOGS BYUNG BA GZIGS PAS, RGYAL SRAS RIN PO CHES, PHYI MA'I SO TSIS GROG SKAM NYA RGYA 'DRA, ,BSAM PA THOG TU MI KHEL 'DOD 'DUN SKYUNGS, ,CIS KYANG DRAN NA 'BYOR RGUD 'DU 'BRAL SOMS, ,LTOS THUB CHOS LAS 'DUG GE MA nI BA, ,ZHES GSUNGS PA BZHIN PHYI TSIS KYIS ZAS NOR BSAGS KYANG SBRANG MA'I SBRANG RTZI DANG

, ,'DRA BAR MNGON SUM DU MTHONG ZHING GRUB KYANG, DA DUNG SNYING PO MED PA LA SNYING POR 'DU SHES PA 'DI DAG NI KYEM GYI HUD SNYING DANG MIG MED PA'O SNYAM DU MI RTAG PA DANG, SDUG BSNGAL BA DANG, BDAG MED BAR NGES PA'I NGES SHES DANG SGYU MAS RMONGS PA'I 'GRO BA MTHA' DAG LA SNYING RJE SHUGS DRAG TU 'KHRUNGS NAS 'KHOR BA'I NGANG TSUL THUGS LA SHAR BA LTAR TSIG TU MTSON PAR MDZAD PA NI 'DI LTAR, NA MO SH'AKYA MU NA YE, TSANGS DBANG DANG 'KHOR LOS BSGYUR BA YI, ,DGA' STON YANG GSHED MA LTAR DGONGS TE, ,CHOG SHES KYI BDUD RTZIS NGOMS PA RNAMS, ,AE MA HO MCHOG TU BSNGAGS PAR 'OS, ,RTAG 'DZIN GYI 'BYUNG POS YID BSGYUR NAS, ,CHOS BRGYAD KYI DUG CHUS RAB MYOS PA'I, ,DRED PO KHYOD SKYE RGA NA 'CHI YI, ,GNAS TSUL 'DI SNYING NAS BSAM PA'I RIGS, ,NYI RGAS KYI GRIB MA JI BZHIN DU, ,'CHI BDAG KHO MI SDOD TSUR TSUR 'ONG, ,BROS PAS KYANG THAR SA MI 'DUG PAS, ,'CHI GRABS LA PHYI SHOL MA BYED CIG ,STONG GSUM GYI KHYON LA DBANG BSGYUR ZHING, ,ZAS NOR SOGS RGYA MTSO'I 'JING GNAS KYANG, ,'CHI BDAG GI GSHIN RJE'I ZHAGS PA YIS, ,DBANG MED DU PHA ROL GCER PUR 'KHRID, ,GNAD GCOD KYI MTSON RNON DRAG POS BSNUN, ,NGAN SONG GI 'KHRUL SNANG SNA TSOGS SHAR, ,SNGAR BYAS KYI LAS LA 'GYOD CING 'TSER, ,AA TZAM CI BYA GTOL MED GYUR, NGAN SKYUGS DANG BSHAD GCI DRI NGA BA, ,'DAM RDZAB KYI NANG DU BYING ZHING NUB, ,BYANG SHA RNAMS PHYIR SBOS MIG 'BRAS RDIB, ,KHA ZAS KYI ZHEN LOG SKOM PAS GDUNGS, ,RIG RIG TU BLTA ZHING YAN LAG G-YOB, ,NGAR NGAR GYI DBUGS PHRENG GYEN DU BRTZEG ,NYAM THAG GI NGA ROS

BOS BYAS KYANG, ,RANG NYES KYIS SKYOB MKHAN GCIG KYANG MED, ,'JIGS RUNG GI G-YANG SAR LHUNG MTHONG NAS, ,RANG NYID LA GTING NAS YI MUG SKYES, ,LAG STONG DU SGREN MOR 'GRO DGOS PA, ,NAM YONG LA NGES PA MI 'DUG NA, ,GZON MED DU BDE PAR SDOD PHOD DAM, ,DON CHUNG GI KHE NYEN RTZI RTZI NAS, ,GLO BUR DU SKYAS CHEN 'DEGS DGOS BA'I, ,DANG TSUL 'DI SNYING NAS MI BRAN PA, ,PHYUGS LAS KYANG BLUN PA'AM YANG NA SMYO, ,GTAM NGAN DANG SDUG BSNGAL KHYAD BSAD NAS, ,SER SNA YIS BSAGS PA'I ZAS NOR LAS, ,RDUL TZAM YANG KHYER BA'I DBANG MED PAR, ,GCER BU RU BAR DO'I 'PHRANG LA 'KHYAM, ,'BAD RTZOL GYIS BSGRUBS PA'I NOR RDZAS DE, ,SPRANG MA YIS BSAGS PA'I SBRANG RTZI BZHIN, ,'BREL MED KYI SKYE BO GZHAN GYIS SPYOD, ,GNAS TSUL 'DI MNGON SUM MTHONG BZHIN DU, ,DA DUNG PHYI CHIS KYI GSOG RUN MKHAN, ,BLO NGAN GYI SKYE BO CE RE LONG, ,DA GSOG NA DUS GSUM 'PHAGS PA'I NOR, ,'GYUR MED KYI DAD PA RNAM DAG KHRIMS, ,THOS PA DANG GTONG BA NGO TSA SHES, ,KHREL YOD DANG SHES RAB NOR RNAMS SOGS, , 'PHAGS NOR GYIS GANG BA'I BANG MDZOD DE, ,SKYE RGA DANG NA 'CHI'I DGRA KUN GYIS, ,DUS NAM YANG 'PHROG PAR MI NUS PA, ,MTHAR THUG TU MI 'BRAL 'GROGS PAS BDE, ,ZHES DANG, NA MO GU RU MANYDZU GHO sh'A YA, BSKAL BZANG 'DI LA BDE GSHEGS NI, , MANG PO'I MDZAD PAS RNAM ROL PA, ,DRIN CAN RTZA BA'I BLA MA DE, ,DRAN PAS SRID PA'I GDUNG BA SEL, ,DENG NAS BYANG CHUB MA THOB BAR, ,NGAN SONG 'JIGS PA LAS SGROL ZHING, ,MTHO RIS THAR PA'I LAM 'DREN PA, ,BLA MA MCHOG

, ,LA RAG LAS KYANG, ,BKA' DRIN GSUM LDAN BLA MA LAS, ,LHAG BA'I SKYABS GNAS GZHAN 'TSOL BA, ,YID BZHIN NOR BU MCHOG THOB PA, ,DOR NAS MCHING BU LEN PA BZHIN, ,LHA LAS LHAG PA'I RTEN BZANG 'DI, ,RNYED DKA' DON CHE SHES GYUR KYANG, ,DON CHEN SNYING PO MI LEN PAR, ,TSE 'DI'I BYA BAS DUS 'DA' BA, ,DBUL PO 'GA' ZHIG STES DBANG GIS, ,NOR BU'I GLING DU SLEBS NAS KYANG, ,LAG STONG GCER BUR RANG KHYIM DU; ;'JUG PA LAS KYANG SHIN TU BLUN, ,'DI NA LO ZLA'I KHONGS TZAM DU, ,YONG PAR NGES SHING NAM 'ONG BA, ,NGES PA MED PA'I DGRA DAG LA, ,RMONGS PA'I 'JIG RTEN SKYE BO YANG, ,NYIN RE BZHIN DU BAG BYED NA, ,NGES PAR 'ONG ZHING NAM 'ONG BA, ,NGES MED 'CHI BDAG DGRA BO LA, ,GZON MED BDE BAR 'DUG PA 'DI, ,KYE MA KYI HUD PHYUGS LAS BLUN, ,'JIGS RUNG 'CHI BDAG ZA RES DE, ,DE RING THOG TU MI 'BAB PA'I, ,BDAG LA GDENGS YOD MA YIN NA, ,CI PHYIR BDAG YID BDE BAR 'DUG ,MI BZAD BZOD DKA'I NAD KYIS BTAB, ,BSHAD GCI'I GDAN LA 'GRE LDOG BYED, ,DROD BSDUS DBUGS RTZEGS DAR SGRA DAG ,'BYIN BA'I DUS SHIG MYUR DU 'ONG, ,GNYEN BSHES DU BAS MTHA' SKOR ZHING, ,SMAN DANG RIM GROS BCOS SU MED, ,YAN LAG G-YOB CING RIG RIG BLTA, ,'ON KYANG RTAG 'DZIN DBANG GYUR PAS, ,DA DUNG GSON PAR RE NA YANG, ,'CHI BDAG GSHIN RJE GNYAN ZHON TE, ,MAR RANGS KHREL NAS

GAD MO DGOD, ,GCES PAR BSKYANGS PA'I SHA RUS KYANG, ,BZHAG NAS GROGS MED GCER BU RU, ,'JIGS PA'I THANG LA DGRAS BCOM LTAR, ,MYUR DU 'GRO BA'I DUS SHIG 'ONG, ,STONG GSUM NOR LA DBANG BSGYUR YANG, ,RDUL PHRAN TZAM YANG KHYER DBANG MED, ,GNYEN BSHES MDZA' BAS MTHA' BSKOR YANG, ,GCIG TZAM RJES SU 'BRANG BA MED, ,DE TSE BDAG GI MING TZAM YANG, ,SHUL DU LUS NA GZHAN CI SMOS, ,'JIGS CHEN 'DI 'DRA MA DREN PAR, ,'BREL MED TSE 'DI'I BYA BA LA, ,ZHEN PA BDAG DANG BDAG 'DRA BA'I, ,MGON MED 'GRO BA MTHA' DAG LA, ,BRTZE BAS GZIGS SHIG BLA MA LHA, ,ZHES SOGS NYAMS MGUR MANG DU MDZAD DO, ,SPYIR SNYIGS MA'I NGANG TSUL CHES CHER BDO BA DANG, LHAG PAR PHYOGS LHUNG GDON GYIS YID DKRUGS NAS BSTAN 'DZIN DAM PA RNAMS LA 'TSE ZHING DRIN LAN LOG PAR 'JAL BA'I SDIG CAN 'GA' ZHIG GI NGANG TSUL GZIGS PAS THUGS SKYO BA'I NYAMS MGUR 'DI LTAR MDZAD DE, NA MO GU RU MANYDZU GHO sh'A YA, THUGS RJE DANG LDAN PA'I RGYAL GZHAN GYIS, ,'DUL BA RU MA NUS SPANGS PA YI, ,MGON MED KYI LONG PA BDAG CAG LA, ,G-YEL MED DU GZIGS SHIG ZAS GTZANG SRAS, ,'DUS BYAS KYI PNGANG TSUL STON KA'I SPRIN, , DGRA GNYEN GYI 'TSOGS 'DU TSONG DUS 'GRON, ,SNYIGS DUS KYI MI TSE NAM MKHA'I GLOG ,SHES LDAN 'DRA YOD NA BSAM PA'I RIGS, ,NAG PHYOGS KYI BDUD RIGS STOBS LDAN PAS, ,KHREL MED KYI NGAN SPYOD CHU LTAR 'KHRUG ,

, ,'DOD NAG GI DUG CHUS YID MYOS PAS, ,YA RABS KYI SPYOD TSUL RGYANG DU BSRINGS, ,DAM TSIG DANG SDOM PA RTZA LTAR DOR, ,NGO TSA DANG GTAM NGAN KHYAD BSAD NAS, ,'JIGS RUNG GI NGAN 'GRO'I G-YANGS SA CHER, ,SU MGYOGS RANG MDZAD TSOS CI DGONGS NA, ,RGYANG RING GI SNANG TSUL PHAR ZHOG GI ,DBYAR DGUN SOGS NAM ZLA'I 'GYUR LDOG DANG, ,DENG DUS KYI SKYE BO'I DAR RGUD 'DI, ,SHES BZHIN DU MI MTHONG CE RE LONG, , 'DI NANG GI BYA BA CI BYAS BDE, ,BYANG CHUB 'DI PHYIS NAS BTZAL THABS MED, ,THAR MED KYI BTZON KHANG RA BA LAS, ,'BROS THABS 'DRA AE 'DUG LEGS PAR SOMS, ,RI GZAR GYI 'BAB CHU DRAG PO LTAR, ,SKYES TZAM NAS 'CHI BDAG PHYOGS RGYUG PA, ,GANG GIS KYANG BZLOG PAR MI NUS NA, ,BDE MO RU SDOD PA PHYUGS LAS BLUN, ,'DI NANG GI DGRA 'DUL GNYEN SKYONG SOGS, ,'JIG RTEN GYI BYA BAR ZHEN PA TSO, ,'BRAS MED KYI SPUN PA 'PHYAR 'PHYAR NAS; ;DON PO MNAR MED KYI BUD SHING NYID, ,STONG GSUM LA DBANG BSGYUR RGYAL PO YANG, ,SKAD CIG KYANG SDOD PA'I DBANG MED PAR, ,PHA ROL TU GCER BUR 'GRO DGOS NA, ,'KHOR BA'I PHUN TSOGS LA YID BRTAN CI, ,DON CHUNG LA MI TSE 'DZAD PA'I RGYU, ,BAN BUN GYI G-YENG BAS CI RANG MDZAD, ,RLUNG DMAR GYI NANG GI MAR ME BZHIN, ,NAM 'CHI LA NGES BAM MCHIS PA, ,RMI LAM GYI DGA' STON LTA BU YI, ,ZAG BCAS KYI BDE LA ZHEN RIN MED, ,'GYUR

MED KYI ZUNG 'JUG BDE BA CHE'I, ,GRONG KHYER DU ZHUGS NA MI LEGS SAM, ,ZHES SO, ,LAS BDAG GIR BYA BA'I SNYIGS MA'I 'GRO BA RNAMS LA RGYAL BAS KYANG CI BYAR MED PAR NYAM THAG PAR GZIGS NAS STON PA THUGS RJE CAN LA GSOL 'DEBS SHUGS DRAG TU MDZAD PAS STON PA THUGS RJE CAN GSER GYI LHUN PO LA NYI MA BYE BA'I MDANGS BYUGS PA LTA BU ZHIG ZHAL GZIGS NAS DE'I MDUN DU YAN LAG BDUN BA MAndAL DANG BCAS PA PHUL TE GSOL BA 'DEBS PA'I GDUNG DBYANGS 'DI LTAR MDZAD DE, NA MO GU RU MU NI AAINDRA YA, MI MJED KYI ZHING GI STON PA DANG, ,DBYER MED KYI RTZA BA'I BLA MA LA, ,BYANG CHUB KYI SNYING POR SKYABS SU MCHI, ,'BRAL MED DU THUGS RJE'I LCAGS KYUS ZUNGS, ,RGYUD DRUG GI MA RGAN SEMS CAN RNAMS, ,KHAMS GSUM GYI BTZON KHANG RA BA 'DIR, ,NYON MONGS KYI LCAGS SGROG DAM POS BCINGS, ,LAS NGAN GYI RLUNG NAG 'TSUBS MAS G-YENGS, ,SDUG BSNGAL GYI MDA' CHAR DRAG POS MNAR, , GROGS MED DU MYA NGAM THANG LA 'KHYAMS, ,MGON MED KYI LONG BA NYAM THAG PA, ,SNYIGS DUS KYI SKAL NGAN 'GRO BA LA, ,BSLU MED KYI 'DREN MCHOG SH'AKYA'I TOG ,LONGS SPRUL GYI ZHING KHAMS GAR BZHUGS KYANG, ,SGRIB BRAL GYI SPYAN GYIS GZIGS MDZOD LA, ,BTZOM YI GSER SBYANGS ME LONG 'DRA'I, ,'DZUM ZHAL GYI BDUD RTZIS DBUGS PHYUNG LA, ,THUGS RJE DANG THABS TSUL BRGYA PHRAG GIS, ,DRIN CAN GYI 'GRO BA MA LUS PA, ,MTHO RIS KYI THEM

, ,SKAS LA BRGYUD NAS, ,SKU GSUM GYI GZHAL MED KHANG DU DRONGS, ,ZHES SO, ,DE NAS NA TSOD LDAN ZHES PA SHING MO PHAG GI LO 'TSUB LHONGS CHE ZHING PHYI NANG GI MTSAN LTAS KYANG 'TSUB 'GYUR CHE BA BYUNG NAS BKRA SHIS LHUN PO'I BLA MA RNAMS KYIS GTZOS RJE NYID KYI SLOB MA GTZO CHE BA MANG POS SKU TSE TSE SGRUB MDZAD DGOS ZHES GSOL BA BTAB CING RKYEN BZLOG DGOS TSUL NAN GYIS ZHUS KYANG RJE NYID NI SNGON GYI GRUB CHEN RNAMS KYI RNAM THAR LTAR 'JIG RTEN CHOS BRGYAD 'GO SNYOM ZHING, RKYEN BZANG NGAN GANG BYUNG YANG LAM DU 'KHYER BA LAS RKYEN BZLOG SOGS MA MDZAD CING, CHOS BRGYAD 'GO SNYOM PA'I GSUNG YANG 'DI LTAR BYON TE, NA MO GU RU RATNA TRA Y'A YA; GANG LA BRTEN NA BSLU BA MED PA'I, ,DKON MCHOG GSUM DANG RJE BTZUN BLA MA, ,DBYER MED SNYING GA'I PADMOR BZHUGS LA, ,MCHOG DANG THUN MONG DNGOS GRUB KUN STZOL, ,DENG SANG BAR SNANG GLOG 'DRA'I TSE THUNG, ,BSRINGS KYING DGUN GYI DGONG NYI 'DRA BA, ,GSON YANG CI BYA DE BAS GTAN GYI, ,MDUN GRABS BYAS NA LEGS PA MIN NAM, ,RMI LAM LO BRGYA LON DANG YUD TZAM, ,SONG NAS SAD PA GNYIS KA MTSUNGS LTAR, ,MI RTAG SGYU MA CHU BUR GLOG 'DRA, ,DE BAS NAM MKHA' GNAS PA DE SRID, ,SKYE RGA NA 'CHI MED PA'I PHUN TSOGS, ,BSGRUBS NA 'GRUB CING SGRUB DBANG YOD DUS, ,SGRUB PAR MI BYED BYIS PA'I SPYOD PA, ,SDIG SDUG GTAM NGAN KHYAD DU BSAD NAS, ,SKYID KYANG MI 'TSENGS

SDUG MI PHUNG BA'I, ,TSE 'DI'I PHUN TSOGS SGRUB RNAMS MTHONG TSE, ,GANG ZHIG THOB PAS NYES KUN MUN TSOGS, ,YONG YE MTHAR BYED NAM MKHA'I NOR BU, ,'GYUR MED BDE BA CHEN PO'I RANG BZHIN, ,SKU GSUM GZHAL MED PHO BRANG CHEN POR, , SEMS SHES LDAN PA SU ZHIG MI 'JUG ,'JIG RTEN 'DI YI BDE SKYID SGRUB DANG, ,GRUB RNAMS BRTAN DANG RGYAS PA'I DON DU, ,BZLAS BRJOD RIM GRO MCHOD SBYIN LA SOGS, ,BRTZON PA CHEN POS LEGS PAR BSGRUBS KYANG, ,BZANG PO'I KHA ZAS RNON PO'I DUG DANG, ,SBYOR BA'AM GSER BZANG SIL MA'I RIN GYIS, ,MI GTZANG KHROD KYI 'BRAS MED SPUN PA, ,NYON BA LAS KYANG BLUN PA MIN NAM, ,RANG DON KHO NAR NOR DANG TSE SGRUB, ,DBANG SDUD DRAG PO'I MNGON SPYOD LA SOGS, ,NGAN SONG SKRUB PA'I MYUR LAM YIN ZHES, ,MDO RGYUD KUN LAS GSUNGS PA MIN NAM, ,BDAG LA PHAN PAR 'DOD PA'I GROGS PO, ,RNAM DPYOD YANGS PA'I SKYE BO GANG DAG ,TZA NAG KYI YA BRAM ZE'I KHYE'U'I, ,RNAM THAR TSUL LA RJES SU 'JUG NA, , MIG CAN G-YANG DU MCHOD PA MIN NAM, ,CHOS BRGYAD 'CHING BA'I LCAGS SGROG SPANGS NAS, ,BDAG NYID PHYIR DU BRGYA PHRAG DKA' BAS, ,G-YEL MED THAR PA BSGRUB PA DE YANG, ,THEG MCHOG LAM LAS RGYAB KYIS PHYOGS NA, ,'DI NANG BDE SKYID 'BA' ZHIG SGRUB PHYIR, ,BZLAS BRJOD DKA' THUB RNAM DKAR DGE TSOGS, ,BRTZON PA'I 'BRAS BU JI LTAR 'GYUR ZHES, ,SHES LDAN RNAMS LA DAL BUS GLENG NGO, ,ZHES DANG, NA MO GU RU, LHA DKON MCHOG GSUM GYI NGO BO

, ,NYID; ;PHA RJE BTZUN BLA MA'I ZHABS LA 'DUD, ,DUS MA RUNGS SNYIGS MA LNGA BDO BAS, ,BDUD NAG PO'I RIGS RNAMS STOBS LDAN ZHING, ,LHA DKAR PO'I PHYOGS RNAMS SGRUB THAG RING, ,MI PHAL CHER MI DGE SDIG LA RNGAMS, ,KHYIM SPANGS PA'I DGE SBYONG PHAL CHER YANG, ,RGYUD KHRIMS 'CHAL G-YO SGYU TSUL 'CHOS MKHAN, ,RJE ZAS GTZANG SRAS KYI BSTAN PA YANG, ,SNUM ZAD PA'I MAR ME DAG DANG MTSUNGS, ,DON DE PHYIR THAR PA 'DOD PA RNAMS, ,SEMS BAG YOD BRTZON PA BSTEN PA'I RIGS, ,SPYIR 'DUS BYAS MTSAN NYID DBYAR GYI SPRIN, ,SOGS DENG SANG MI TSE GLOG 'DRA BAS, ,DON 'DO MED BYA BAS MI G-YENG BAR, ,DUS GTAN GYI MDUN MA SGRUB RE RAN, , DE RAN PAR MA ZAD 'PHYIS PA TZAM, ,GNAS 'KHOR BA'I RGYA MTSO GTING ZAB CING, ,SGOS NGAN SONG SDUG BSNGAL BZOD DKA' BAS, ,SEMS YOD NA 'BROS PA'I DUS LA BAB, ,LUS 'DOR LEN YANG DANG YANG BYAS PA'I, ,SHA RUS PA BSAGS NA LHUN PO BRGAL, ,ZANGS BZHU BA'I KHU BA BTUNGS PA DANG, ,ZAS MI GTZANG RANG KHRAG SPYAD PA DANG, ,LHA'I BDUD RTZI 'THUNGS PA GANG YIN PA'I, ,DPER RGYA MTSO RUNG BA MA YIN GSUNGS, ,KHONG GZHAN DANG 'THABS SHING RTZONG PA YIS, ,MGO BCAD NAS SPUNGS NA'ANG RI RAB 'DAS, ,SNYING NYE BA'I MDZA' BSHES DANG BRAL BAS, ,NGAG SMRE ZHING DUS PA'I MCHI MA YANG, ,PHYOGS GCIG TU BSKYIL NA RGYA MTSOR MTSUNGS, ,'DI SHES

SHING BDE BAR SDOD KHOM PA, ,YID MYOS SAM KHYOD SNYING LCAGS LAS BYAS, ,TSE 'DI SNANG SKYEL MAS 'DOR LA KHAD, ,DGRA GSHIN RJE'I GDAN 'DREN MDUN DU SLEBS, ,LAM BAR DO'I 'PHRANG 'DI YA YANG NGA, ,TSE PHYI MA'I 'BYON SA CI 'DRA RANG, , YAR BDE 'GROR SKYES KYANG MKHAS PA YIS, ,DON BSAMS NA DMYAL ME LTA BUR 'JIGS, ,MI SNYING CAN RANG LA SNYING RJES LTOS, ,RANG BSAM NA PHYI MA'I MDUN GRABS GYIS, ,SNGON LAN BRGYAR MYONG BA MA YIN PA'I, ,LAR SRID PA'I BDE BA GANG ZHIG YOD, ,DE SPYAD PAS DON 'BRAS CI 'DRA 'BYUNG, ,DA BSAMS NA SNYING PO GANG 'DRA 'DUG ,'DI SOMS LA PHYIN CHAD 'DOD 'DUN BSKYUNGS, ,RJE 'DREN MCHOG RGYAL PO BLA MA'I ZHABS, ,'DI 'BRAL MED SPYI BO'I RGYAN BZUNG LA; ;BKA' MDO RGYUD RGYA MTSO'I BCUD BSDUS PA, ,LAM THABS SHES ZAB MO'I NYAMS LEN GYIS, ,DPAL SKU GSUM BDE BA CHEN PO DE, ,TSE 'DI LA BSGRUBS NA MI LEGS SAM, ,ZHES SOGS NYAMS MGUR MANG DU MDZAD DO, ,DE SKABS GANGS LJONGS 'DIR GTZANG SOG 'DZINGS PA'I DUS 'KHYOMS DANG, 'BRI PHAG SDE GZAR GYI DUS 'KHYIMS SOGS DMAG 'KHRUG BRGYUD MAR BYUNG BAS GSHIN RJE'I 'JIG RTEN MI YUL DU 'PHOS BA LTAR 'KHYIG BRDUNG DANG GSOD GCOD DBUL ZHING PHONGS PAS NYAM THAG PA SOGS SDUG BSNGAL MTSO RDOL BA LTAR GYUR CING, DENG SANG GI SKYE BO RNAMS KYI DGRA GNYEN DANG MTHO DMAN YID BRTAN MI RUNG BA'I 'GYUR LDOG ,LHAG PAR DUS NGAN GYI KHREL MED SPYI DANG BYE BRAG TU BSTAN

, ,PA'I SGOR ZHUGS PAR RLOMS PA'I SER GZUGS SNYIGS MA LNGA'I GDON GYIS BSKYOD CING, CHAGS SDANG DANG PHRAG DOG DANG G-YO SGYU'I CHANG GIS YID LHAG PAR MYOS PAS NGAN 'GRO'I ME DONG 'JIGS SU RUNG BA'I STENG DU DGA' MGUR ZLOS GAR BSGYUR BA MANG PO GZIGS SHING, SNYAN DU GSAN PAS DE DAG GI BYED SPYOD LA SGRUB BYED 'PHEN PA'I TSUL DU NYAMS MGUR 'DI LTAR MDZAD DE, NA MO GU RU MANYDZU GHO sh'A YA, SPROS DANG BRAL YANG MTSAN DPE'I RGYAN GYIS SPRAS, ,GSUNG GCIG NYID KYANG DU MA SO SOR STON, ,DBYINGS LAS G-YO BA MED KYANG CHOS KUN GSAL, ,'CHID BA BCAD KYANG SNYING RJES DAM DU BCINGS, ,BSLU MED 'DREN PA SH'AKYA'I RGYAL PO DANG, ,DBYER MED RJE BTZUN BLA MA THUGS RJE CAN, ,DUS NGAN SNYIGS MA'I BDAG CAG 'GRO RNAMS LA, ,'BRAL MED BRTZE BAS GZIGS LA MCHOG STZOL ZHIG ,CHOS MED MI LA CHOS KYI RJER BTAGS PA, ,BDAG DANG BDAG 'DRA'I BLA MAR RLOM MTHONG TSE, ,DUL ZHING ZHI SOGS YON TAN BCU LDAN PA'I, ,BZLOG PHYOGS BLA MA'I MTSAN NYID LAGS SAM SNYAM, ,'GRO BA'I 'DREN PAR MNGON RLOM PHYOGS RIS CAN, ,KHROS PA'I TSE NA YUL DANG SDE DGON 'JOMS, ,RGYAL PO'I RNAM THAR SKYONG RNAMS MTHONG BA'I TSE, MTHO RIS THAR PA'I YAR 'DREN CI 'DRA RANG, ,PHAN BDE'I 'BYUNG GNAS BSTAN DANG BSTAN 'DZIN CES, ,GSUNGS MOD BSTAN 'DZIN PHAL CHER CHAGS SDANG GIS, ,SKYE DGU'I PHAN BDE 'JOMS PA MTHONG BA'I TSE, ,SANGS RGYAS BSTAN

PA'ANG SDUG BSNGAL 'BYUNG BA'I SGO, ,DGE LEGS RTZA BA TSUL KHRIMS YONGS POR BA'I, ,THEG MCHOG RNAL 'BYOR DBANG BO MANG MTHONG TSE, ,'GRAM RTZA MED PA'AM ZAGS PA'I KHANG RUL STENG, ,KHANG BRTZEGS BRTAN PO'I BKOD PA RUNG SNYAM SEMS, ,GRONG 'DABS DANG 'BREL DGON PA'AM GZHAN DU YANG, ,BKOD PAS MDZES PA'I KHRI GDAN LA 'DUG STE, ,MJO'I ZHABS 'BRING CAN DE'ANG RNAM GROL GYI, ,SROG LDAN CI ZHIG TSUL KHRIMS NOR LA SOMS, ,BKA' DRIN GSUM LDAN BLA MA'I THUGS DKRUG CING, ,BKA' BZHIN MI SGRUB SLOB MA'I TSOGS MTHONG TSE, ,MNAR MED KHRO CHU KHOL MA'I ZANGS MO CHE, ,CHAG GAM RDOL BA'I GTAM SNYAN THOS SAM SNYAM, ,BSTAN PA'I SGOR ZHUGS DUR SMRIG GOS GYON NAS, ,KHRIMS 'CHAL BAG MED SPYOD PA'I TSOGS MTHONG TSE, ,NGAN SONG GSUM GYI GNAS DE LEGS BRIS KYI, ,DGA' BA'I TSAL LTAR MTHONG BA YIN NAM SNYAM, ,SKRA BREGS LUS BSGYUR CHOS KYI SGOR ZHUGS KYANG, ,KUN SLONG DUG CHUS YID MYOS DGE 'DUN GYI, ,SDE BCAS DAM CHOS SPONG PA'I TSOGS MTHONG TSE, ,BSTAN LA ZHUGS PA YIS KYANG LHAG PAR PHUNG, ,BRDZUN DANG NGAN G-YO KHRAM GYIS RANG DON DAG ,SGRUB RNAMS SPYANG GRUNG 'DZOM PAR BYED MTHONG TSE, ,RANG DON DOR NAS GZHAN DON GTZOR MDZAD PA'I, ,SEMS DPA' MCHOG RNAMS MI GLUNG BLUN PA SNYAM, ,DAM PAS SMAD PA'I MI DGE'I LAS RNAMS LA, ,BAG MED DGA' MGUR 'JUG RNAMS MTHONG BA'I TSE, ,DGE SDIG SHAN 'BYED CHOS KYI RGYAL PO DE, ,SHI'AM MCHE BA ZAD PAR SHES PA 'DRA, ,SEMS

, ,CAN MGU BYA MA GTOGS RGYAL BA RNAMS, ,MNYES PA'I THABS GZHAN MED KYANG MCHOD SBYIN PHYIR, ,SKYA 'GRO KHRAL GYIS MNAR BA MTHONG BA'I TSE, ,'TSE BA CHOS SU SMRA LA NYES PA CI, ,DUS MTHA'I SKYE BO KUN GYI SPYOD TSUL RNAMS, ,STON PA'I GSUNG RAB PEE d'UR SA GZHI'I NGOS, ,GSAL BAR SHAR BA'I SNANG TSUL TZUNG ZAD TZAM, ,BLO BZANG CHOS KYI RGYAL MTSAN ZHES BYAS BKOD, ,DGE BAS MTHA' YAS 'GRO BA MA LUS PA, ,DUS BZANG YON TAN BRGYA LA LONGS SPYOD CING; ;SKYON BRAL SDOM PA GSUM GYIS RGYUD BSDAMS NAS, ,SKU GSUM GO 'PHANG MYUR DU THOB PAR SHOG ,BDAG KYANG TSE RABS KUN TU 'GRO RNAMS KYI, ,NGAN SPYOD SKYON GYI TSOGS LA MI RTOG PAR, ,DAG SNANG BYAMS BRTZE'I 'OD KYIS KHYAB BYAS TE, ,RNAM GROL DGA' BA'I TSAL DU MYUR 'JUG SHOG ,CES DANG, NA MO GU RU MANYDZU GHO sh'A YA, GANG GI ZHABS SEN NOR BU'I 'OD CHAGS, ,DRAN PAS DNGOS GRUB 'DOD DGU STZOL MDZAD, ,BLA MA MCHOG DANG SH'AKYA'I GTZO BO, ,DBYER MED SNYING GA'I PADMO'I DBUS BZHUGS, THOG MED DUS NAS DA LTA'I BAR DU, ,SKYE RGA NA 'CHI'I RBA KLONG 'KHRUG CING, ,SDUG BSNGAL CHU SRIN MANG POS GANG BA'I, ,'KHOR BA'I RGYA MTSO CHEN PO'I NANG 'KHYAMS, ,NGAN SONG GNAS SU GTAN YUL BYAS SHING, ,PHAL CHER MNAR MED 'BAR BA'I MES BSREGS, ,SKABS 'GAR BDE 'GRO'I LUS RTEN THOB KYANG, ,MA RIG 'THUG BOS BLO MIG BSGRIBS PAS, ,MI DGE'I BSHES DANG SDIG PA'I GROGS DANG, SDUG BSNGAL 'GRUB PA'I RGYU DANG SDUG BSNGAL, ,BDE BAR 'DZIN PA'I LOG

SHES DBANG GIS, ,DGA' MGUR DGOD CING BYAS PA'I 'BRAS BU, ,'JIGS RUNG BTZON KHANG RA BAR BCUG NAS, ,MI BZAD SDUG BSNGAL CHAR LTAR 'BAB CING, ,MGON MED SKYABS MED MCHIMS GDONG G-YOGS, ,DU BZHIN NYAMS SU MYONG BAR 'GYUR RO, SKYE RGA NA 'CHI YID 'ONG BRAL DANG, ,MI SDUG PHRAD DANG 'DOD PA MA RNYED, ,'DU BYED SDUG BSNGAL 'BAR BA'I MTSON GYIS, ,BCOM ZHING MI 'JOMS SRID NA CI ZHIG ,SRID NA NGA RGYAL RLOM BAS 'GYING ZHING, ,DREGS PA'I NGA RO CHES CHER SGROG PA'I, ,LHA CHEN TSANGS DBANG MDA' LNGA PA SOGS, ,'DOD PA'I BDE LA YUN RING SPYAD NAS, ,MNAR MED RAB TU TSA BA'I ME NANG, ,BSREG CING 'PAR BA'I THO BAS PHYER 'THAG ,MTHO RIS BU MO'I NU MA'I REG PAS, ,MNGON PAR DGA' ZHING RTZES NAS SLAR YANG, ,RAB RNO BZANG RING SHAL MA'I RI YIS, ,GTING DU 'BIGS SHING TSAL PAR GSHEG GO ,LHA YUL RO BRGYA LDAN PA'I BDUD RTZIR, ,NGOMS PA MED PAR YANG YANG SPYAD NAS, ,MI GTZANG RANG BZHIN RANG KHRAG RUL PA, ,DRI NGA BTZOG PA'I BSHANG GCIS 'TSO 'GYUR,, GLING BZHI'I KHYON LA 'DOD DGUR BSGYUR BA, ,STOBS KYIS SNYEMS BA'I GTZO BOR GYUR NAS, ,BYIS NAS BLUN CING RMONGS PA'I DUD 'GRO, ,BKOL SPYAD GZHAN GYI DBANG DU 'GYUR RO, ,YUD TZAM ZHIG KYANG 'BRAL MI PHOD PA'I, ,GNYEN 'KHOR MDZA' BA MANG POS BSKOR YANG, ,MYUR DU RGYUS MED NYAM NGA'I GNAS SU, ,GROGS MED RANG NYID GCIG PUR 'GO'O, ,SER SNAS BSAGS PA'I ZAS NOR PHUNG PO, ,RGYA MTSO'I GOS CAN GANG BAR DBANG YANG, ,RING POR MI THOGS LHAN CIG SKYES PA'I, ,LUS KYANG

, ,BZHAG STE LAG STONG 'GRO'O, ,MTHO RIS BDE 'GRO'I LUS DANG LONGS SPYOD, ,GNYEN GROGS 'KHOR G-YOG PHUN TSOGS GANG LA'ANG, ,YID BRTAN RUNG BA CUNG ZAD MED CING, ,BDE MED SDUG BSNGAL BRGYA YIS GTZES NAS, , LAS NGAN DBANG GIS LUS NGAN BLANGS PA'I, ,DMYAL BA YI DVAGS DUD 'GRO LA SOGS, ,NGAN SONG LOG PAR LTUNG BA RNAMS KYI, ,SDUG BSNGAL 'DI LA BZOD THABS AE 'DUG ,MI BZOD BZHIN DU RANG NYES 'BRAS BU, ,DUS KYI LO TOG BZHIN DU SMIN NAS, ,MI 'DOD TSOR BA DRAG POS MNAR TSE, ,SANGS RGYAS KYIS KYANG SKYOB PA'I THABS MED, ,DE PHYIR RANG DBANG YOD PA'I DUS 'DIR, ,SKYE RGA NA 'CHI RGUD PA'I SDUG BSNGAL, ,MTHA' DAG SPANGS PA'I SKU GSUM GO 'PHANG, ,BSGRUB PA'I TSUL LA BRTZON PAR GYIS SHIG ,CES SOGS NGES 'BYUNG SHUGS DRAG POS BSKYOD PA'I NYAMS MGUR MANG DU MDZAD DO, ,LHAG PAR DE DUS CHEN POR RLOMS PA STOBS KYIS DREGS PA MANG PO ZHIG DUS 'KHRUG GIS NYAM THAG PAR GYUR PA GZIGS PAS DNGOS SU DE DAG LA PHAN PA BYED BA'I SKABS MA RNYED CING THUGS NGES 'BYUNG DANG SNYING RJES BSKUL BA'I DKON MCHOG LA GSOL 'DEBS 'DI LTAR MDZAD DE, GU RU BUDDHA BODHI SATVA YA NA MA: SGYU MAS RMONGS PA'I 'GRO BA 'DI'I, ,DUG GSUM DRIM 'KHRUD PA'I PHYIR, ,DAM CHOS BDUD RTZI'I CHAR 'BEBS PA'I, ,SH'AKYA'I GTZO BO DE LA 'DUD, ,'JIGS RUNG SRID PA'I RGYA MTSO 'DIR, ,LAS DANG NYON MONGS RBA KLONG 'KHRUG ,SDUG BSNGAL CHU SRIN GYIS GTZES PA'I, ,NYAM THAG 'GRO

'DI THUGS RJES SKYOBS, ,DMYAL BA YI DVAGS DUD 'GRO SOGS, ,SDUG BSNGAL DRAG POS MNAR BA YI, ,MGON SKYABS MED PA'I 'GRO BA KUN, ,THUGS RJE MNGA' BAS BSKYAB TU GSOL, ,BDE BAR 'GRO BA ZHES GRAGS KYANG, ,'DU BYED 'GYUR BA'I SDUG BSNGAL GYI, ,MDA' CHAR 'BAB PA 'DI DAG LA, ,THUGS RJE MNGA' BAS BSKYAB TU GSOL, ,'DUS PA 'BRAL ZHING BSAGS PA 'DZAD, ,SKYES PA 'CHI ZHING MTHON PO'I MTHA', ,RGUD BAS MNAR BA'I 'GRO BA RNAMS, ,THUGS RJE MNGA' BAS BSKYAB TU GSOL, ,SKYE RGA NA 'CHI RGUD BA YI, ,'JIGS RUNG SRIN PO'I MCHE BA BZHI'I, ,PHRAG TU ZHUGS PA'I SKYE BO YI, ,MGON SKYABS MDZOD CIG ZAS GTZANG SRAS, ,DENG SANG DUS KYI 'GYUR BA 'DI, ,KUN MKHYEN THUB PA'I GSUNG RAB LAS, ,SRID PA'I PHUN TSOGS RMI LAM DANG, ,ZAS NOR SBRANG MA'I SBRANG RTZI DANG, ,'DUS BYAS SA 'DZIN MTHON PO YI, ,RTZE NAS LHUNG BA'I 'BAB CHU BZHIN, ,GSUNGS DON RMONGS PA'I SKYE BO LA, ,MNGON SUM STON PA'I SLOB DPON BZHIN, ,KHA CIG RNGON PAS GCES PA YI, ,RI DVAGS JI BZHIN SKRAG PAS NYEN, ,LA LA 'JIGS RUNG MYA NGAM GYI, ,THANG LA DGRAS BCOM 'GRON PO BZHIN, ,'GA' ZHIG BDE BA 'DOD PA'I PHYIR, ,DGOD CING SDIG PA'I LAS BYAS PAS, ,MCHIMS GDONG G-YOGS DU BZHIN DU, ,RNAM SMIN MYONG BA'I LAS LA SPYOD, ,PHAL CHER BAR DO'I SEMS CAN BZHIN, ,LAS NGAN GDON GYIS DKRUGS PA YI, ,NYAM THAG 'GRO BA 'DI RNAMS LA, ,THUGS RJE MNGA' BAS MI DGONGS NA, ,KHYOD LAS LHAG PA'I SKYABS GZHAN CI, ,DE PHYIR BSKAL PA DPAG MED NAS, ,

, ,BDAG CAG SNYIGS MA'I 'GRO BA RNAMS, ,PHYAG MTSAN BZHES BZHIN THUGS RJES SKYOBS, ,CES SO, ,GTZANG SOG GZIR BA'I DUS CHOS SDE MANG PO ZHIG KYANG 'GA' ZHIG DBANG MED DU DMAG LA BSKUL BA DANG, 'GA' ZHIG NI BSAM BZHIN DU SER DMAG BYAS PA SOGS, RGYAL BA'I BSTAN PA CHES CHER NYAMS PA'I NGANG TSUL GZIGS PA DANG, SKYE BO PHAL MO CHE'I SNANG TSUL SNA TSOGS PA ZHIG GZIGS PAS THUGS PHYUNG ZHING 'KHOR BA'I GNAS SU NYAM THAG PA'I 'GRO BA 'DI DAG LA PHAN PA BLA NA MED PA SBYIN PA'I SKYABS GNAS STON BA MTSUNGS PA MED PA SH'AKYA'I GTZO BO LA GSOL 'DEBS 'DI LTAR MDZAD DE, NA MO GU RU MANYDZU GHOsh'A YA, BTZO MA'I GSER SBYANGS LHUN PO NI, ,LI KHRI'I MTSAMS SPRIN GOS GYON NAS, ,DGE MTSAN 'OD KYIS 'GENGS 'DRA BA'I, ,SH'AKYA'I GTZO BO DE LA 'DUD, ,KYE MA BDAG CAG SKAL BA NGAN, ,'JIGS RUNG DUS KYI SRIN PO LNGAS, ,SNOD BCUD KUN GYI MDANGS PHROGS PA'I, ,MTHA' 'KHOB MUN PA'I YUL 'DIR SKYES, ,THUB DBANG SMRA BA'I NYI MA DE, ,DUS KYIS NUB RI'I PHAG TU GSHEGS, ,RGYAL SRAS 'PHAGS PA'I TSOGS RNAMS DANG, ,BSTAN 'DZIN DAM PA'I SKYES BU RNAMS, ,DAG PA'I ZHING DU BTANG SNYOMS MDZAD, ,BSTAN PA RIN CHEN SGRON ME YANG, ,BUD SHING ZAD PA'I ME DANG MTSUNGS, ,STON PA'I BKA' KHRIMS YID BZHIN NOR, ,GUS PAS GTZUG GI RGYAN 'DZIN PA, ,'OD STONG BDAG PO'I GZI BYIN GYIS, ,LHA LAM BKANG PA'I RGYU SKAR BZHIN, ,DAM PA'I GZUGS KYI

TSANG TSING NAGS, ,CHAGS SDANG G-YO SGYU PHRAG DOG GI ,GDUG PA'I SBRUL GYIS GANG BA YI, ,KHA RLANGS ME YI 'BRAS BUS KHYAB, ,DUR SMRIG MDZES PA'I GOS 'CHANG YANG, ,KHREL DANG NGO TSA SDOM PA GSUM, ,CIG CAR SPANGS PA'I ZLOS GAR GYIS, CHU SRIN RGYAL MTSAN CAN SDE'I TSOGS, ,NYIN BYED ZER GYIS REG PA YI, ,PADMO GZHON NU LTA BUR 'DZUM, ,THA MAL SKYE BO PHAL CHER YANG, ,CHAGS SDANG DRAG PO'I GDON ZHUGS PAS, ,DAM PAS SMAD PA'I LAS RNAMS LA, ,'DZEM MED CI DGAR KUN TU SPYOD, ,SNGON DUS DGE BA'I MI DBANG GIS, ,SKYE DGU BDE BA'I DON BCAS PA'I, ,KHRIMS RNAMS BZHI MDO'I RTZA LTAR 'DOR, ,RANG 'DOD GZU LUMS SPYOD PA YI, ,SDIG SPYOD RGYAL PO'I KHRAL GYIS MNAR, ,NAD RIMS 'THAB RTZOD MU GE YI, ,GNAM LCAGS SER CHEN STONG BAB PAS, ,SKYE DGU'I PHAN BDE'I PAD TSAL BCOM, ,'DI 'DRA'I 'GRO BA NYAM THAG PA, ,RI DVAGS RGYA RU CHUD 'DRA BA'I, ,MGON SKYABS MED PA BDAG CAG LA, ,THUGS RJE CHE LDAN STON PA LAS, , LHAG PA'I SKYABS GZHAN CANG MA MCHIS, ,KHYOD SNGON BDE GSHEGS RIN PO CHE, ,SNYING PO'I YAB TU GYUR PA'I TSE, ,RNYOG MAS SBAGS PA'I RTZOD DUS 'DI, ,BRTZE LDAN GZHAN GYIS SPANGS DUS SU, ,RLABS CHEN SMON LAM 'BUM PHRAG GIS; ;THABS MKHAS THUGS RJES PHYAG MTSAN BZUNG, ,DE PHYIR SNYIGS MA'I BYIN ZA YIS, ,GDUNGS BA'I BDAG CAG 'GRO BA RNAMS, ,THUGS RJE'I CHAR GYIS BSIL BAR MDZOD, ,MTHA' MED 'KHOR BA'I RGYA MTSO CHE, ,

, ,SDUG BSNGAL RBA GLONG 'KHRUG PA'I GLONG, ,BYING BA'I MGON MED 'GRO BA 'DI, ,THUGS RJE'I LCAGS KYUS DRANG DU GSOL, ,BLANG DOR GNAS LA LTA BA'I MIG ,MA RIG LING THOG GIS BSGRIBS PAS, , DMUS LONG G-YANGS SAR MCHONG 'DRA BA'I, ,RMONGS PA'I 'GRO LA BRTZE BAS GZIGS, ,KHYI PHAG MI GTZANG PHUNG PO LA, ,CHAGS SHING ZHEN PA JI LTA BAR, ,SDUG BSNGAL BDE BAR 'DZIN PA YI, ,LOG SHES CAN RNAMS THUGS RJES SKYOBS, ,'DOD CHAGS RI GZAR CHU BZHIN 'KHRUG ,ZHE SDANG DUS MTHA'I ME LTAR 'BAR, ,PHRAG DOG RLUNG DMAR LTAR 'TSUBS PA'I, ,RMONGS BA'I 'GRO RNAMS THUGS RJES SKYOBS, ,BDE 'DOD SDUG BSNGAL 'DOR 'DOD KYANG, , DGE LA DGRAR BLTA SDIG PA LA, ,DGA' ZHING BRTZON PAS 'JUG PA YI, ,LOG SHES CAN RNAMS THUGS RJES SKYOBS, ,THA MA'I DUS KYANG SKYENGS BYED PA'I, ,MTSON DANG MU GE NANG RIMS KYI, ,MI BZANG MDA' CHAR DRAG PO YIS, ,GDUNGS BA'I 'GRO RNAMS THUGS RJES SKYOBS, ,RGYAL BA'I BSTAN LA RAB BYUNG NAS, ,CHOS GOS BZHIN DU GO CHA GYON, ,GSIL BYED BZHIN DU MDA' MTSON THOGS, ,MIG CAN 'BAR BA'I ME NANG DU, ,MCHONG 'DRA'I 'GRO RNAMS THUGS RJES SKYOBS, ,MI BZAD DRI NGA MI GTZANG PA'I, ,LJAN LJIN MUN PA'I NANG ZHUGS TE, ,BZOD DKA' GDUNG BAS NYAM THAG PA'I, ,SKYE GNAS CAN RNAMS THUGS RJES SKYOBS, ,LANG TSO RGYAS PA'I ME TOG KYANG, ,DUS KYI BA MOS BCOM PA YI, ,'GRAM

ZAGS KHANG RUL LTAR 'JIG PA'I, ,'CHI BAR NYE RNAMS THUGS RJES SKYOBS, ,MDZA' BA'I GNYEN DANG BSAGS PA'I NOR, ,LUS DANG LONGS SPYAD KUN BOR NAS, ,MGON MED SKYABS MED PHA ROL TU, ,GCIG PUR 'GRO RNAMS THUGS RJES SKYOBS, ,SDUG DANG BRAL ZHING DGRA DANG PHRAD, ,'DOD 'BRAS KYIS DBEN MI 'DOD PA'I, ,DNGOS RNAMS THOG LTAR BAB PA YI, ,MGON MED RNAMS LA THUGS RJES SKYOBS, ,ZAS NOR LONGS SPYOD STOBS RNAMS KYIS, ,NGA RGYAL DREGS PAS 'GYING RLOM YANG, ,DBANG MED RGUD PA'I LCAGS SGROG GIS, ,DAM POR BCINGS RNAMS THUGS RJES SKYOBS, ,TSA GRANG BZOD DKA'I SDUG BSNGAL DANG, ,BKRES SKOM BKOL SPYAD GCIG LA GCIG ,ZA BA'I 'JIGS RUNG SDUG BSNGAL GYIS, ,MNAR BA'I 'GRO RNAMS THUGS RJES SKYOBS, ,MDOR NA NAM MKHA'I MTHAS KLAS PA'I, ,MAR GYUR 'GRO BA MA LUS PA, ,SRID ZHI'I RGYA MTSO LAS BSGRAL TE, ,THAMS CAD GZIGS PA'I GNAS SU DRONGS, ,ZHES SO, ,RJE 'DIS NOR 'DZIN YANGS PA'I KHYON THAMS CAD DU RGYAL BA'I BSTAN PA RIN PO CHE SBEL PAR MDZAD CING LHAG PAR DBANG PHYOGS GONG MA'I RGYAL KHAB 'DI RGYA CHE ZHING STOBS MNGA' THANG CHE BAS PHYOGS DER RJE RIN PO CHE'I BSTAN PA SNGON DUS RJE RIN PO CHE'I BKAS BYAMS CHEN CHOS RJE MNGAGS TE CUNG ZAD DAR BAR BYUNG NA'ANG DUS PHYIS DAR CHA CHUNG BAS THABS TSUL JI LTA BU ZHIG GIS DAR BAR BYA SNYAM DU YE SHES KYI GZIGS PA NA SE CHEN CHOS RJE LA 'PHRIN LAS KYI BKA' BAB YONG PAR GZIGS NAS SE CHEN

, ,CHOS RJE BKAS MNGAGS TE SBYOR JID KYI RGYAL PO LA RGYU MTSAN ZHIB BKOD KYI PHYAG DAM RTEN SBRAGS GNANG STE BTANG BAR 'PHRIN LAS DUS SU BAB STE SBYOR JID KYI RGYAL POS SE CHEN CHOS RJE GUS BAS BKUR TE PHYOGS DER 'JAM MGON BSTAN PA GSAR DU BTZUGS PAS SBYOR JID KYI RGYAL PO BSOD NAMS KYI STOBS CHES CHER RGYAS TE RGYA NAG GI RGYAL SRID LA 'KHOD NAS DBANG PHYOGS SU RJE RIN PO CHE'I BSTAN PA CHES CHER DAR BAR BYAS SHING SE CHEN CHOS RJE SLAR BOD DU BYON PA'I TSE GONG MA RGYAL BOS RJE 'DI PA DANG RGYAL DBANG THAMS CAD MKHYEN PA GNYIS KA LA GUS 'DUD BLA MED MDZAD, MNGAGS 'OS GZENGS BSTOD KYI GSER YIG GNANG BA BYUNG, RJE 'DIS NOR 'DZIN GYI KHYON MTHA' DAG RJE RIN PO CHE'I RING LUGS KYIS KHYAB PAR MDZAD CING, RGYAL DBANG THAMS CAD MKHYEN PA NGAG DBANG BLO BZANG RGYA MTSOR GSANG BA DE 'JIGS GSUM GYI DBANG RDO RJE PHRENG BA'I DBANG SOGS DBANG BKA' DANG RJES GNANG PHAL CHER DANG, LAM RIM GYI KHRID BSKYED RDZOGS KYI KHRID SOGS RJE RIN PO CHE'I MAN NGAG RNAMS GNANG STE BSTAN PA YONGS RDZOGS KYI BDAG POR MNGA' GSOL, GZHAN YANG CHAB MDO 'PHAGS PA LHA, GZIM KHANG GONG SPRUL BA'I SKU, DE MO SPRUL PA'I SKU, RGYAL SRAS SPRUL SKU, SEMS DPA' SPRUL SKU, RJE DRUNG SPRUL SKU SOGS SKU PHRENG RIM PAR BYON PA'I SPRUL SKU RNAMS DANG, GRVA SA CHEN PO BZHI'I GDAN

KHRI 'DZIN PA'I BLA MA RNAMS KYIS GTZOS BLA CHEN RNAMS DANG, BSTAN PA LA BYA BA MDZAD PA'I BSHES GNYEN CHEN PO RNAMS KYIS GTZOS BSIL LDAN LJONGS KYI CHOS DON GNYER BA PHAL MO CHE LA MDO SNGAGS KYI CHOS MTHA' YOS PA STZAL ZHING; LHAG PAR SE 'BRAS DGE GSUM BKRA SHIS LHUN PO RGYUD STOD SMAD BCAS KYI DGE 'DUN RNAMS LA SNGA PHYI LAN MANG POR GSANG BDE 'JIGS GSUM GYI DBANG BSKYED RDZOGS KYI KHRID, RDO RJE 'CHANG CHEN PO'I LAM GYI RIM PA'I GZABS BSHAD, 'GREL PA BZHI SBRAGS, RIM LNGA GSAL SGRON GYI GZABS BSHAD, BDE MCHOG RGYUD 'GREL SBAS DON KUN GSAL GYI GZABS BSHAD RNAMS YANG YANG STZAL ZHING, SGRUB PA SNYING POR MDZAD PA MANG PO LA LAM RIM DANG BSKYED RDZOGS RNAMS 'DZIN CHOS SU YANG LAN MANG DU STZAL, LHAG PAR BKRA SHIS LHUN POR SRAS KYI THU BO GRUB CHEN MANG PO DANG 'DUS TSOGS BCAS LA RJE RIN PO CHE'I SNYAN RGYUD LAM RIM GYI KHRID ZLA SBREL GYI BAR LA 'DZIN CHOS SU STZAL BA THUGS SRAS THU BO RNAMS KYIS ZIN BRIS SU BTAB PA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM ZHES YONGS SU GRAGS PA 'DI BZHIN DANG, GSANG BDE 'JIGS GSUM GYI BSKYED RDZOGS RNAMS 'DZIN CHOS SU STZAL BA THUGS SRAS THU BO RNAMS KYIS ZIN BRIS SU BTAB PA BDE GSANG 'JIGS GSUM GYI BSKYED RIM GYI KHRID YIG GSUNG 'BUM DU BZHUGS PA 'DI BZHIN DANG, RJE THAMS CAD MKHYEN PA'I PHYAG

, ,BZHES LTAR BDE GSANG 'JIGS GSUM GYI BDAG BSKYED, MDUN BSKYED, BUM SGRUB, DBANG CHOG DANG BCAS PA NGAG 'DON CHOG BSGRIGS SU MDZAD PA, RJE RIN PO CHE'I RING LUGS 'DZIN PA MTHA' DAG LA YONGS SU GRAGS PA LTAR YIN ZHING, CHOG SGRIGS 'DI DAG RJE BLO BZANG CHOS KYI RGYAL MTSAN NYID KYIS MDZAD PA YIN YANG GSUNG 'BUM GRAS SU MA BCUG PAR RGYUD PA GRVA TSANG GI 'DON CHA ZHES ZUR DU BZHAG PA DA LTA'I BAR DU DE RGYUN DU GNAS PA 'DI DAG RJE BLO BZANG CHOS KYI RGYAL MTSAN NYID KYIS MDZAD PA YIN PA NI SO SO'I GSHAM DU MDZAD BYANG BKOD PA LTAR RO, ,DE LTAR NA, RJE BLO BZANG CHOS KYI RGYAL MTSAN 'DI NYID NI MDO SNGAGS GANG GI THAD LA'ANG, ,RJE RIN PO CHE'I LUGS BZANG BSRE BSLAD MED PAR 'DZIN CING SPEL BA LA RJE RIN PO CHE RANG NYID SLAR BYON PA LTA BUR GYUR TO, ,TSUL 'DI YANG KHO BO CAG GIS RMONGS ZHEN DANG 'DU SHES BSGYUR TE RAB BRTAGS DANG ZOL BSTOD BYAS PA MIN GYI RANG BZHIN BRJOD PA STE DE LTA MIN NA RJE RIN PO CHE'I LUGS BZANG 'DZIN CING SPEL BA LA RJE 'DI DANG 'PHRIN LAS MTSUNGS PA YOD KYANG SNANG DU MI RUNG BA SU ZHIG YOD, PHYOGS SU MA LHUNG BAR GZU BO'I BLOS BSAMS NA MI RNYED DO, ,DE LTAR RJE 'DIS MDO SNGAGS GANG GI THAD LA'ANG, RJE RANG NYID SLAR BYON PA LTAR BSTAN PA LA BYA BA RGYA CHEN PO MDZAD PA, DE YANG BDAG CAG LTA BU SKU DNGOS SU MTHONG BA'I SKAL BA MED PA RNAMS LA THUGS BRTZE BAS DGONGS TE RJE'I LUGS BZANG DRI MA MED PA STON PA'I BSTAN

BCOS 'DI LTAR MDZAD DE, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM, RJE RANG NYID KYI MDZAD PA RNAM THAR GSAL BAR STON PA NOR BU'I PHRENG BA, RGYAL BA BLO BZANG DON GRUB KYI SKYES PA RABS KYI PHRENG BA LA BSTOD PA, MKHAS GRUB CHEN PO GSUM GYI RTOGS PA BRJOD PA, DGE LDAN BKA' RGYUD RIN PO CHE'I ZAB LAM BRGYUD PA'I RNAM PAR THAR PA MDOR BSDUS, 'PHAGS PA'I GNAS BRTAN CHEN PO RAB 'BYOR GYI RTOGS BRJOD, RIGS LDAN GRAGS PA'I RTOGS BRJOD, SLOB DPON AA BHYA Y'A KA RA'I RTOGS BRJOD, CHOS KYI RJE SA SKYA PAndI TA'I RTOGS BRJOD, G-YUNG STON RI KHROD PA'I RTOGS BRJOD, BYANG CHUB SEMS DPA' SEMS DPA' CHEN PO ZHI BA LHA'I RTOGS BRJOD, SKYE DGU'I BDAG MO'I RTOGS BRJOD, MKHYEN RAB DBANG PHYUG GRAGS PA BZANG PO'I RTOGS BRJOD, SA GSUM MA'I t'IKKA TSIG DON GSAL BA, GRUB PA'I DBANG PHYUG MI LA LA BRTEN PA'I RNAL 'BYOR DANG GSUNG MGUR 'GA' ZHIG ,RJE BTZUN BLA MA'I RNAL 'BYOR DANG NANG GI KHONG SKRAN 'DON PA'I SKYUG SMAN, BLA MA MCHOD PA'I CHO GA ,THUN DRUG GI RNAL 'BYOR, BLA MA'I RNAL 'BYOR RGYAS BSDUS SNA TSOGS, RGYAL SRAS SHES RAB 'PHEL GYI GSOL 'DEBS DANG DGE SLONG MKHAR SKYA PA'I BKA' LAN, RDO RJE PHRENG BA'I DKYIL 'KHOR CHEN PO BZHI BCU RTZA GNYIS KYI SGRUB THABS, MGON PO KLU SGRUB KYIS MDZAD PA'I RIM PA LNGA'I RNAM PAR BSHAD PA, RGYUD THAMS CAD KYI RGYAL PO DPAL GSANG BA 'DUS PA'I BSKYED

, ,RIM GYI RNAM BSHAD, RGYUD THAMS CAD KYI RGYAL PO DPAL GSANG BA 'DUS PA'I RDZOGS RIM, RGYUD THAMS CAD KYI RGYAL PO DPAL GSANG BA 'DUS PA'I GDAMS NGAG RIM LNGA GSAL SGRON, DPAL GSANG BA 'DUS PA'I BLA MA'I RNAL 'BYOR DANG MNGON PAR RTOGS PA, BCOM LDAN 'DAS DPAL 'KHOR LO BDE MCHOG L'U AI PA'I LUGS KYI BSKYED RIM, BDE MCHOG L'U AI PA'I BSKYED RDZOGS SNYING POR DRIL BA TSIGS BCAD DANG L'U DRIL GNYIS KYI RDZOGS RIM, YI DAM RDO RJE 'JIGS BYED LA BRTEN PA'I LAM ZAB MO BLA MA'I RNAL 'BYOR NYAMS SU LEN TSUL, DPAL RDO RJE 'JIGS BYED KYI BSKYED RIM RNAM BSHAD, 'JAM DPAL GSHIN RJE MTHAR BYED KYI MAN NGAG 'JAM DBYANGS BLA MA'I GSUNG GI MAN NGAG ZHI KHRO SPRAGS SGRUB NYAMS SU LEN TSUL, DPAL RDO RJE 'JIGS BYED KYI RDZOGS RIM RNAL 'BYOR BZHI'I RIM PA, GTOR CHEN DRUG CU PA'I RNAM GZHAG RGYAS PA, RTZA TSIG BSDUS PA DANG MAN NGAG BKA' RGYA MA, 'CHI BDAG KHRAG GI MDOG CAN DANG DAM CAN BKA' SDOD RNAM GSUM GYI ZUR 'DEBS, 'DOD KHAMS DBANG PHYUG DPAL LDAN DMAG ZOR RGYAL MO'I 'PHRIN LAS DRAG PO'I ZUR 'DEBS, CHOS SKYONG DREGS PA LCAM DRAL LA BRTEN PA'I BSNYEN SGRUB, RGYUD THAMS CAD KYI RGYAL PO BCOM LDAN 'DAS DPAL DUS KYI 'KHOR LO'I RGYAS 'GRAL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED BA'I SNYING PO BSDUS PA YID BZHIN NOR BU, DUS 'KHOR GYI SMON LAM SHIS BRJOD, BCOM LDAN 'DAS DUS KYI

'KHOR LO'I ZAB LAM RDO RJE'I RNAL 'BYOR, DUS 'KHOR SGRUB THABS, 'JIGS BYED DPA' GCIG PA'I DKYIL CHOG ,RDO RJE 'JIGS BYED DPA' PO GCIG PA RO LANGS BRGYAD BSKOR ZHE DGU MA GSUM GYI SGRUB THABS, RDO RJE 'JIGS BYED KYI DBANG CHOG DANG BUM BSKYED KYI ZUR 'DEBS, 'JIGS BYED LA BRTEN PA'I DBANG DRAG GI SBYIN SREG, TSOGS 'KHOR DANG SBYIN SREG BYA TSUL, TSE CHOG ,TSE DBANG, KUN RIG GI CHO GA ,KUN RIG BUM BSKYED, KUN RIG GI SGO NAS TSE 'DAS RJES SU 'DZIN TSUL, RNAM SNANG MNGON BYANG GI DKYIL 'KHOR GYI CHO GA ,RNAM RGYAL SGRUB DKYIL, MI 'KHRUGS PA'I SGRUB DKYIL YONGS SU RDZOGS PA'I CHO GA, SMAN BLA'I MDO CHOG GI SNYING PO BSDUS PA, 'JAM DKAR GYI SGRUB THABS, 'PHAGS PA ZHAL BCU GCIG PA'I SGRUB THABS SMYUNG BAR GNAS PA'I CHO GA DANG DE'I DBANG CHO GA ,KHYUNG 'KHRA'I SGRUB THABS, GDON 'GROL BYED TSUL, SGROL MA NYI SHU RTZA GCIG GI SGRUB THABS, SGROL MA G-YUL BZLOG JI LTAR BYA BA'I CHO GA, RDO RJE RNAM PAR 'JOMS PA'I CHO GA ,KHRO BO SME PA BRTZEGS PA'I SGRUB THABS, CHOS RGYAL GYI BSKANG BSHAGS BZLOG PA MNGA' GSOL, TSES GCIG GTOR MA RTEN 'DZUGS, BSTAN PA SPYI DANG RGYUD SDE BZHI'I RNAM GZHAG ,DGE LDAN BKA' RGYUD RIN PO CHE'I BKA' SROL PHYAG CHEN RTZA BA RGYAL BA'I GZHUNG LAM, DGE LDAN BKA' RGYUD RIN PO CHE'I BKA' SROL PHYAG CHEN RTZA BA'I 'GREL PA YANG GSAL SGRON ME, BYANG CHUB LAM GYI SGRON MA'I RNAM BSHAD, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN SKABS DANG PO'I 'GREL PA, BYANG CHUB LAM

, ,GYI RIM PA'I KHRID YIG TSIGS BCAD MA, DGE SLONG GI BSLAB BYA NYER MKHO, TSUL KHRIMS BSRUNG BA'I MAN NGAG ,THAR PA DON DU GNYER BA'I RI KHROD PA RNAMS LA KHRIMS SU BCA' BA, BLO SBYONG DMAR KHRID, STOBS BZHI'I BSHAGS BSDAMS, SDIG MUN SEL BYED, DRI BA LHAG BSAM RAB DKAR GYI DRIS LAN, SGRA PA SHES RAB RIN CHEN PA'I RTZOD LAN, N'A RO'I ZAB KHRID, SNYING PO DON GSUM GYI KHRID, NAM MKHA' SGO 'BYED, GCOD KYI GDAMS PA, ZHAL GZIGS DANG RDO RJE GDAN GYI RI KHROD YOL DKAR RNAMS KYI GNAS BSTOD, ,BDE BA CAN GYI ZHING DU THOGS PA MED PAR BGROD PA'I MYUR LAM, BKRA SHIS LHUN PO'I MCHOD RTEN MTHONG BAS DON DANG LDAN ZHING THOS PAS RNAM PAR GROL BA'I DKAR CHAG, BKRA SHIS LHUN PO'I PHYI'I MCHOD RTEN DANG RVA SGRENG DU MCHOD RTEN BZHENGS PA'I DKAR CHAG ,BYAMS PA'I 'PHO BA, KHRO MO SME BA BRTZEGS PA'I SGRUB THABS BKRU BYA BA BSRUNG GSUM BYA TSUL, TRAKSHA DA KYI MCHOD GTOR, PHYING DKAR BA'I BSANGS MCHOD ,GZUNGS GZHUG GNOD SBYIN 'KHOR LO BYA TSUL, RAB GNAS KYI CHO GA GTZUG TOR BZLOG CHEN GYI CHO GA RGYAS 'BRING BSDUS GSUM, 'BAR MA'I GTOR CHO GA ,BRGYA BZHI'I CHO GA ,GTOR MA BRGYA RTZA, BRGYA RTZA BSDUS PA, BRUL GTOR ,CHA BZHI, KLU GTOR GYI RIM PA, TSA BSUR YID LA 'DOD 'JO, 'BYUNG BZHI GTOR MA, SU R'U PA, RJE BTZUN BLA MA THAMS CAD MKHYEN PA BLO BZANG GRAGS BA'I DPAL LA GSOL BA 'DEBS PA DANG PA'I LJON SHING RGYAS PA'I ME TOG ,BLA MA DAM PA DU MA'I BSTOD TSOGS, SDOM GSUM,

PHAR PHYIN, BDE MCHOG ,RDO RJE 'JIGS BYED LA SOGS PA'I BRGYUD PA'I BLA MA LA GSOL BA 'DEBS PA'I RIM PA, STON PA YANG DAG PAR RDZOGS PA'I SANGS RGYAS KYIS CHO 'PHRUL CHEN PO BSTAN PA'I MDZAD PAR BSTOD PA, SANGS RGYAS BYANG SEMS MANG PO'I BSTOD PA, DPAL 'KHOR LO SDOM PA LHA LNGA'I SGRUB THABS, BDE MCHOG DKAR PO'I SGO NAS TSES SGRUB PA SOGS RGYUD SDE BZHI'I LHA TSOGS MANG PO'I SGRUB THABS, RGYAL BA'I BKA' SRUNG GTZO BO MANG PO'I SGRUB THABS SNYING POR DRIL BA GSER GYI YANG ZHUN LA SOGS PA CHOS SKYONG BA'I BSRUNG AM SNA TSOGS PA'I SGRUB THABS, ZHI GNAS SGOM TSUL DANG DBU MA'I LTA KHRID SOGS GDAMS PA SHIN TU ZAB PA SNA TSOGS, SMON LAM SHIS BRJOD LA SOGS PA GDAMS PA SHIN TU MANG PO PHYOGS GCIG TU BSGRIGS PA, BKRA SHIS RTZE PA NANG SO BLO BZANG DBANG RGYAL LA GDAMS PA'I ZHAL GDAMS, BSANGS KYI CHO GA DNGOS GRUB KYI GZI 'OD 'BAR BA NGO MTSAR RIN PO CHE'I PHRENG BA, BSANGS KYI CHO GA DNGOS GRUB KYI GZI 'OD 'BAR BA 'BRING PO, , BSANGS CHO GA BKRA SHIS CHAR 'BEBS MCHOD SPRIN RGYA MTSO RNAMS MDZAD DO, ,DE LTAR RJE 'DIS DGUNG LO BRGYA PHRAG BRGAL BA'I BAR DU BSTAN PA'I BYA BA MDZAD PA NA, RJE NYID KYI ZHAL NAS, 'JIGS RUNG SNYIGS MA LNGA YI ME 'BAR BAS, ,MI RNAMS TSE THUNG 'DOD DGU'I 'BYOR PA NI, RUS SBAL SPU LTAR MTSUNGS PA'I DUS MTHA' 'DIR, ,BDE GSHEGS SKU GSUNG THUGS KYI RTEN BSGRUBS SHING, ,RIS MED 'DUN LDAN RGYA MTSO'I TSOGS RNAMS LA, ,MCHOD SBYIN RNAM MANG ME TOG GIS MCHOD PA, ,BRGYA PHRAG LO

, ,LAS BRGAL BA'I NANG BSGRUBS PA, ,RLOM SEMS BRAL PAS RMAD BYUNG SKAL BA BZANG, ,ZHES GSUNGS PA LTAR RO, ,DE NAS SKU TSE 'DI'I DNGOS KYI GDUL BYA PHAL CHER RDZOGS PA NA, ZHING RJE BA'I SNGA LTAS SU SKU GZUGS SNGAR DANG MI 'DRA BAR PHYIS PA LO BRGYAD TZAM GYI BONG TSOD GZHON SHA CHAGS SHING 'OD KYI RANG BZHIN CAN ZHIG TU GYUR CING, THUGS DAM ZAB MO LAS G-YO BA MED PAR BZHUGS SHING THUN MTSAMS RNAMS SU BYAMS PAS DAM BCAS PA'I GZUNGS GTZO BOR ZHAL TON DU MDZAD PA DANG, GSOL DPON BLO BZANG BSTAN 'DZIN SOGS LA MI RTAG PA'I GSUNG GLENG MANG PO DANG, SNGA PHYIR 'KHOR BA'I MTHA' DANG MNYAM TZAM DU, ,RGYA CHE RING BA'I NYIN DANG MTSAN GYUR LA, ,DE 'DRA BSAGS PAS LOR GYUR DUS RING BA'I, ,BSKAL PA RGYA MTSO'I CHU THIGS GRANGS RNYED KYIS, ,BYANG CHUB MCHOG GI SEMS GCIG SKYE 'GYUR LA, ,DE 'DRA'I RNAM PAS TSOGS GZHAN RE RE ZHING, ,SGRUB DGOS GYUR KYANG SNYING RJES SKYO BA MED, ,BYANG CHUB DAM PA SGYID LUG MED PAR SGRUB, ,'KHOR TSE RANG GI SDUG BSNGAL SEMS BTANG ZHING, ,GO CHA BRTAN PA DPAG YAS DE BSKYED NA, ,BRTUL ZHUGS DPA' BO SNYING RJE'I NGANG CAN LA, ,YANG DAG BLANGS PA DANG PO YIN PAR BRJOD, ,CES SOGS BYANG CHUB KYI SEMS RLABS CHEN POS NAM MKHA' MA ZAD KYI BAR DU SEMS CAN GYI DON MDZAD PA LAS SKYO NGAL MED PA'I GSUNG YANG YANG 'BYON PA ZHIG BYUNG, DE NAS BKRA SHIS LHUN PO'I DGE 'DUN RNAMS KYIS GTZOS DAD LDAN TSANG MAS ZHABS PAD BRTAN DGOS ZHES ZHUS SHING ZHABS BRTAN TSIGS BCAD GCIG KYANG GNANG DGOS ZHES ZHUS PAR,

THUB DBANG GNYIS PA BLO BZANG GRAGS PA YI, ,MDO SNGAGS CHOS KYI RGYAL MTSAN 'OD 'BAR BAS, ,MTHA' YAS GDUL BYA'I RMONGS PA KUN SEL ZHING, ,PHAN BDE 'DAB BRGYA'I DGA' TSAL RGYAS GYUR CIG ,CES PA 'PHRAL LA GNANG NAS BZHAD MO CUNG ZAD MDZAD CING, SKYON MED NGA RGAS KHOGS LO BRGYA PHRAG LON PA YIN PAS, BSTAN PA'I DPAL DU BLA MA RIN PO CHE ZHABS PAD BRTAN YANG GSUNG BA LAS BZHUGS PA'I ZHAL BZHES MA GNANG, DE NAS DGE BYED CES PA CHU PHO STAG GI LO DRI ZHIM ZLA BA'I TSES BCU GSUM GYI NYIN SKU'I BKOD PA SDUD DU NYE BA NA ZHABS RDO RJE SKYIL KRUNG MDZAD DE MNYAM GZHAG LA BZHUGS NAS 'OD GSAL CHOS SKU MNGON DU MDZAD, 'OD GSAL DE LAS BZHENGS MA THAG DGA' LDAN CHOS KYI PHO BRANG DU MI PHAM 'JAM DPAL SNYING PO ZHABS DRUNG DU PHEBS TE MCHOD SPRIN RGYA MTSOS MCHOD CING GZHAN YANG SANGS RGYAS KYI ZHING RAB 'BYAMS MU MED PAR DE SNYED KYI SPRUL PA'I BKOD PA BSTAN TE RGYAL BA SRAS BCAS THAMS CAD MCHOD PA DANG MKHA' KHYAB KYI GDUL BYA RNAMS LA RANG RANG GI SKAL BA DANG 'TSAM PAR SKU'I BKOD PA BSTAN TE RANG RANG GI DBANG PO DANG 'TSAM PA'I CHOS STON PA SOGS SEMS CAN GYI DON MDZAD PA LA G-YEL BA MED PA'I NGANG NAS ZHING 'DIR THUB PA'I BSTAN PA SPEL BA'I PHYIR SLAR YANG SPRUL BA'I SKU BSTAN TE SEMS CAN GYI DON MDZAD PA'I TSUL NI 'CHAD PAR 'GYUR RO, ,DE LTAR RJE BLO BZANG CHOS KYI RGYAL MTSAN GYIS DGUNG LO BRGYA PHRAG BRGAL PA'I PAR DU BSTAN PA'I BYA BA RGYA CHEN PO

, ,MDZAD PAS SKU TSE STOD SMAD PAR GSUM GYI SLOB MA BSTAN 'DZIN DAM PA BGRANG BA LAS 'DAS PA BYON PAS MTHA' DAG SU ZHIG GIS BGRANG BAR NUS, RGYUD 'DZIN GYI GTZO BO THUB BSTAN YONGS RDZOGS KYI BDAG POR MNGA' GSOL BA NI GANGS CAN 'GRO BA'I MGON PO RGYAL DBANG THAMS CAD MKHYEN PA NGAG DBANG BLO BZANG RGYA MTSO DPAL BZANG PO'O, ,DBEN BA'I RI SUL DU SGRUB PA SNYING POR MDZAD BA'I SGO NAS 'PHRIN LAS RGYA CHER SPEL BAR MDZAD PA NI SRAS KYI THU BO GRUB PA'I DBANG PHYUG BRTZON 'GRUS RGYAL MTSAN, GU GE CHOS RJE SNYING STOBS RGYA MTSO, RJE NYID KYI RGYAL TSAB TU BKRA SHIS LHUN PO'I RGYUD PA GRVA TSANG GI GDAN SAR MNGA' GSOL BA RDO RJE 'DZIN PA DKON MCHOG RGYAL MTSAN ,GRUB PA'I DBANG PHYUG GNAS BCU RAB 'BYAMS PA DGE 'DUN RGYAL MTSAN, SNYAN RGYUD 'PHRIN LAS KYI BKA' BAB DRUNG PA RTA PHUG PA DAM CHOS RGYAL MTSAN, ZHABS DRUNG LHA PA BLO BZANG BSTAN PA DAR RGYAS, DBANG RJES GNANG GI 'PHRIN LAS KYI BKA' BAB SKYID SHOD ZHABS DRUNG NGAG DBANG BSTAN 'DZIN 'PHRIN LAS, ZAB DON LTA BA'I BKA' BAB DKA' CHEN NAM MKHA' RDO RJE, DBANG PHYUG GI STOBS KYIS BSTAN PA SKYONG BA'I BKA' BAB SE CHEN CHOS RJE SOGS NYI ZLA LTAR YONGS SU GRAGS PA'I BSTAN 'DZIN DAM PA'ANG CHES MANG NGO, ,DE LA SRAS KYI THU BO DRUNG PA RGYAL TSAB PA BLO BZANG BRTZON 'GRUS RGYAL MTSAN NI, MNGA' RIS CHOS RGYAL SKYI LDE NYI MA MGON GYI GDUNG RGYUD BZANG LA RGYAL PO'I SRAS

SU SKU 'KHRUNGS, 'KHRUNGS TZAM NYID NAS SNGON GYI BAG CHAGS BZANG PO'I MTHU BRTAS TE, DKON MCHOG LA SKYABS SU 'GRO ZHING DAM PA'I CHOS KHO NA SEMS PA ZHIG BYUNG, YAB YUM MA MA DANG BCAS PAS BSKYED BSRINGS TE NAR SON PA NA DBUS GTZANG GI LJONGS SU DAM PA'I CHOS 'TSOL BA LA 'BYON PAR BZHED PA BYUNG YANG RGYAL PO'I SRAS SU SONG BAS RGYAL BLON 'BANGS DANG BCAS PAS RGYAL SRID SKYONG DGOS ZHES CHOS LA GTONG BA'I SKABS MED PA ZHIG BYUNG BA NA YUN RING PO NAS SBYANGS PA'I THUGS BSKYED KYI MTHUS LA DAGS RGYAL POS DMAG DRANGS TE BZANG LA'I RGYAL SA PHROGS PA NA 'CHING BYED THAMS CAD RANG SAR ZHIG STE DAM PA 'DI PA DANG GROGS KHA YAR BCAS BYA BRAL GYI RNAM PAS DBUS GTZANG DU PHEBS PA NA LA DVAGS RGYAL POS SHES NAS BZANG LA RGYAL PO'I SRAS SU SONG BAS BZUNG ZHING GSOD PAR BSDIGS PA NA GROGS GZHAN RNAMS NI 'JIGS SHING SKRAG PAS SKANG NGAN 'DON, DAM PA 'DI NI 'JIGS SKRAG MED PAR MA ZAD THUGS DGA' ZHING RANGS PAR GYUR TE, DA LAM BSAD NA DBUS GTZANG DU CHOS RNAM DAG CIG BYED U 'GRO BA'I 'DUN PA BZANG PO YOD PA 'DIS BAG CHAGS BZANG PO'I NGANG DU SHIN PHYI MA DBUS GTZANG DU SKYES NAS DAM P'I CHOS DAD MJAL BA ZHIG NGES PAR 'ONG DGONGS PA BYUNG STE SHIN TU DGYES PAR MDZAD, TSUL 'DI NI DPAG PAR DKA' BA'I RNAM THAR TE DKON MCHOG GSUM LA SNYING THAG PA NAS SKYABS SU SONG ZHING LAS 'BRAS LA YID CHES KYI DAD PA BCOS MA MIN PA YOD PAS 'GRO BA BZHIS CHOS LAS MI 'DA' PA DANG, CHOS KYI PHYIR DU SROG KYANG GTONG

, ,PHOD PA'I SNYING STOBS YOD PA, YUM SDUD PA LAS, CHOS PHYIR SROG KYANG 'DOR LA RNAL 'BYOR RAB TU BRTZON, ,ZHES GSUNGS PA LTAR PHYIR MI LDOG PA'I RTAGS THOB PA YIN PAS PHYI RABS KYI SKYE BO KUN GYIS RJES SU YI RANG BAR BYA BA'I RNAM THAR RO, ,DE NAS DAM PA 'DI'I MDZAD SPYOD LA LA DAGS RGYAL PO'ANG NGANG NAS GNOD PA MA BYAS PAR BTANG, DE NAS DGUNG LO NYI SHU RTZA BZHI BA LA DBUS GTZANG DU PHEBS NAS PAn CHEN BLO BZANG CHOS KYI RGYAL MTSAN GYI ZHABS RDUL SPYI BOS BLANGS TE DGE TSUL DANG DGE SLONG GI SDOM PA RNAMS RIM GYIS BZHES, DE NAS RJE RIN PO CHE'I RNAM THAR LTAR, DANG POR RGYA CHEN THOS PA 'TSOL BAR BZHED NAS SER BYES GRVA TSANG DU BZHUGS TE 'KHON STON DPAL 'BYOR LHUN GRUB YONGS 'DZIN DU BSTEN NAS GZHUNG LUGS LA SBYANGS, DE NAS DVAGS PO GRVA TSANG DU PHEBS TE DKA' CHEN BZHI LA BRTZON BA CHEN POS SBYONG BAR MDZAD, SLAR YANG SE RAR PHEBS NAS SHING RTA CHEN PO'I GZHUNG RNAMS LA ZHIB TU GZIGS SHING LO SHAS BZHUGS, DE NAS RGYUD STOD LA PHEBS TE LA SHAS BZHUGS NAS RGYUD SDE RGYA MTSO LTA BU LA SBYANGS, DE'I TSE RGYUD PA'I BLA MA BSKO SHAG LA RTZOD PA CHEN PO BYED PA GZIGS PAS THUGS SKYO SHAS CHEN PO 'KHRUNGS TE PAn CHEN BLO BZANG CHOS KYI RGYAL MTSAN GYI ZHABS DRUNG DU PHEBS NAS GSUNG RAB THAMS CAD KYI SNYING PO'I DON RGYAL BA SRAS BCAS KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID DPAL DPEN SA BSNYAN RGYUD KYI MAN NGAG LTAR NYAMS LEN MYONG KHRID DU MDZAD DE

SNYAN RGYUD KYI MAN NGAG ZHAL SHES GEGS SEL BOGS 'DON DANG BCAS PA LA GDENG THOB PAR MDZAD, DE NAS 'JAM MGON SNYAN RGYUD KYI MAN NGAG DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI DANG BCAS PA MYONG KHRID DU GSAN TE GDENG THOB PAR MDZAD, DE NAS BLO SBYONG DON BDUN MA'I KHRID DANG NAM MKHA' SGO 'BYED KYI DBANG DANG GCOD YUL GYI ZAB KHRID, RGYUD SDE BZHI DANG 'BREL BA'I DBANG LUNG MAN NGAG MTHA' YAS PA DANG, LHAG PAR BSKYED RDZOGS KYI KHRID RNAMS DANG, N'A RO CHOS DRUG SOGS RJE THAMS CAD MKHYEN PA'I MAN NGAG ZHAL SHES RNAMS RDZOGS PAR GSAN, DE NAS RJE BTZUN BLO BZANG CHOS KYI RGYAL MTSAN GYIS GTZANG PHYOGS KYI RI KHROD RNAMS SU SGRUB PA BYAS NA LEGS PA'I BKA' PHEBS PA LTAR RE SHIG SRAS PHYOGS LA PHEBS TE RI KHROD SNA TSOGS SU BZHUGS NAS SGRUB PA MDZAD, DE NAS RTA NAG PHYOGS LA PHEBS TE YOL DKAR DANG GRUB CHEN CHOS RDO RJE'I 'KHRUNGS SA GO BO TSANG DANG, RJE 'GOS KYI SGRUB GNAS ZHAL GZIGS RNAMS SU BZHUGS NAS SGRUB PA DAR DRAG LA RGYUN RING BA MDZAD, DE SKABS BYA BRAL KUN SPANGS MDZAD PAS BAR SKABS SHIG NA BZA' SHIN TU DKON PAS DGUN DUS SA BRUS PA'I KHUNG BUR RTZA'I SPUBS SU BZHUGS TE SGRUB PA MDZAD PA SOGS RNAL 'BYOR GYI DBANG PHYUG MI LA RAS BA DANG MTSUNGS PA'I DKA' SPYAD KYI SGO NAS SGRUB PA MDZAD, DAM PA 'DI NI PAn CHEN BLO BZANG CHOS KYI RGYAL MTSAN

, ,GYIS SPYAN GYI 'BRAS BU LTAR SKYONG BAR MDZAD PA ZHIG YIN PAS 'TSO BAS PHONGS DON MI 'DUG KYANG 'JAM MGON SGRUB RGYUD KYI BSTAN PA 'DZIN PA'I RTEN 'BREL DANG SNGON BYON DAM PA'I RNAM THAR SKYONG BAR BZHED PA DANG, RJE BLO BZANG CHOS KYI RGYAL MTSAN GYIS KYANG RE ZHIG DBEN PA'I RI SUL DU 'TSO BA DKA' THUB LA GNAS NAS SGRUB PA SNYING POR MDZAD NA BSTAN PA LA PHAN CHE BAR GZIGS NAS TSUL DE LTA BU'I DKA' THUB LA SBYOR BAR MDZAD DO; ;DE LTAR 'JAM MGON SNYAN RGYUD KYI MAN NGAG LA SGRUB BA DAR DRAG LA RGYUN RING BA MDZAD PAS LAM THUN MONG BA DANG THUN MONG MIN PA THAMS CAD LA RTZOL BCAS DANG RTZOL MED KYI MYONG BA RIM GYIS THON TE PHYIR MI LDOG PA'I GDENG THOB PA NA SKAL BA DANG LDAN PA GZHAN DAG LA CHOS KYI BDUD RTZI STZAL, RIM GYIS 'PHRIN LAS RJE RGYAS SU SONG STE SA CHEN PO'I KHYON THAMS CAD SNYAN PA'I GRAGS PAS KHYAB NAS PHYOGS MTHA' DAG NAS CHOS DON GNYER BA 'DUS PA RNAMS LA GTZO POR BYANG CHUB LAM GYI RIM PA'I KHRID RGYA CHER GNANG ZHING, RJE RIN PO CHE'I BSTAN PA LA GTING NAS YID CHES PA'I GDUL BYA MDO SNGAGS GNYIS KA'I LAM GYI LUS RDZOGS PA LA SLOB PAR NUS PA DAG LA DGA' LDAN PHYAG RGYA CHEN PO'I ZAB KHRID RGYAS PAR GNANG, DE TZAM GYI BLO'I MTHU MED PA RJE'I SNYAN RGYUD LA MOS PA CHE BA DAG LA SBYOR BA'I CHOS DRUG LA NAN TAN DANG, DE NAS SKYES BU GSUM GYI LAM LA KHRID DE SPYOD PA SPYI BSLAB SONG NAS ZHI LHAG GI SKABS

SU SLEB PA NA DGA' LDAN PHYAG RGYA CHEN PO'I ZAB KHRID THUN MONG BA RE GNANG BAR MDZAD, BLO MCHOG TU GYUR PA 'GA' ZHIG LA BSKYED RDZOGS KYI KHRID DANG LHAG PAR N'A RO CHOS DRUG RGYAS PAR GNANG BAR MDZAD, DE NAS PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS SHANGS MDO RGOD TSANG DU SPONG BA BSAM GTAN GYI SDE GSAR 'DZUGS MDZAD PA'I MGON DU MNGA' GSOL TE SKU TSE'I MJUG LA RGOD TSANG DANG LHA LNGA BRAG GNYIS SU BZHUGS TE BSTAN PA'I BYA BA RGYA CHER MDZAD, MTHAR DGUNG LO BRGYAD CU GYA BZHI BA'I THOG SKU TSE 'DI'I DNGOS KYI GDUL BYA RNAMS RDZOGS PA NA LHA LNGA BRAG TU SKU'I BKOD PA BSDU BA LA PHYOGS PA NA 'JAM MGON SGRUB RGYUD KYI BSTAN PA'I CHE BA 'DON PAR BZHED NAS 'BYUNG BA'I SDUD RIM RNAMS RIM GYIS SONG STE STONG CHEN 'OD GSAL LA 'JUG TU NYE BA NA SKU LUS MDA' LTAR BSRANGS TE 'OD GSAL THAMS CAD STONG PA'I DANG DU ZLA BA LHAG TZAM GYI BAR DU THUGS DAM LA BZHUGS, DE'I TSE DAM PA 'DI NYID THUGS DAM LA BZHUGS PA'I 'OD GSAL NI 'DI LTA BU ZHIG GO ZHES MTSON PA LTAR DU DE SKABS ZLA BA BCU PA'I GNAM GANG LA GSHEGS NAS BCU GCIG PA'I SKABS GRANG NGAR CHE ZHING RLUNG DMAR 'TSUB PA'I SKABS YIN YANG DAM PA 'DI NYID THAGS DAM LAS MA BZHENGS KYI BAR STON GNAM G-YA' DAG PA LTAR DU NAM MKHA' SHIN TU DVANGS SHING BSIR BU'I RGYU BA PHRA MO 'ANG MED PAR SHANGS KHUL GYI RI KLUNGS THAMS CAD LA DROD SKYES TE SHANGS CHU'I

, ,DAR CHAGS PA'ANG ZHIG NAS STON DUS LTAR GYUR PA SOGS KUN GYI MTHUN SNANG DU GRUB PA BYUNG, DE NAS 'OD GSAL LAS BZHENGS PA NA SRAS KYI THU BO RNAMS KYIS GTZOS DAD LDAN RNAMS KYI MCHOD PA TSAD MED PAR PHUL ZHING SKU GDUNG ZHUGS LA PHUL BAS THUGS LJAGS SPYAN GSUM MA NYAMS PAR BYON PA 'GRO BA LHA DANG BCAS PA'I BSOD NAMS KYI ZHING DU RGOD TSANG RI KHROD KYI DNGUL GDUNG NANG NA BZHUGS SO, ,RJE BTZUN BLO BZANG CHOS KYI RGYAL MTSAN DPAL BZANG POS BYANG CHUB LAM GYI RIM PA'I KHRiD YANG DANG YANG DU STZAL BAS BRGYUD TSUL MTHA' YAS PA YOD CING ,LHAG PAR THUGS SRAS THU BO RNAMS LAS BRGYUD TSUL SO SOR YOD MOD, 'PHRIN LAS KYI RGYUN RING DU GNAS PA NI, RJE BLO BZANG CHOS KYI RGYAL MTSAN NAS RDO RJE 'DZIN PA DKON MCHOG RGYAL MTSAN, DE NAS RJE BTZUN BLO BZANG YE SHES LA BRGYUD PA DANG, YANG RJE BLO BZANG CHOS KYI RGYAL MTSAN NAS DRUNG PA RTA PHUG PA, DE NAS RJE DGE LEGS RGYA MTSO LA BRGYUD PA GNYIS 'PHRIN LAS RGYA CHE RGYUN RING BA BYUNG LA, KHO BOS KYANG BRGYUD PA DE GNYIS KA THOB PA YIN PAS 'DIR YANG BRGYUD PA DE GNYIS KA'I BLA MA RNAMS KYI RNAM THAR BRJOD PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD BA RNAMS KYIS RJE BTZUN BLO BZANG CHOS KYI RGYAL MTSAN LA GSOL BA 'DEBS SHING RJE 'DI'I RNAM THAR LTAR MDO SNGAGS KYI LAM GYI LUS YONGS SU RDZOGS PA LA 'KHRUL MED KYI NGES PA BRTAN PO RNYED PAR

BYAS TE JI LTAR NYAMS SU LEN TSUL 'JAM MGON SNYAN RGYUD KYI MAN NGAG THOB PAR BYAS LA KHA PHYI LTAR MA SONG BAR SGRUB PA SNYING POR BYA BA LA SKYES BU'I RTZAL CI YOD KYIS 'BAD PAR BYA'O,, ` ,,DKON MCHOG GSUM GYI MKHYEN BRTZE GCIG BSDUS NAS, ,RGYAL BA GNYIS PA'I LUNG RTOGS DAM CHOS KYI, ,BSHAD SGRUB RGYAL MTSAN 'DZIN PA'I MCHOG GYUR PA, ,YONGS 'DZIN DAM PA'I ZHABS LA GSOL BA 'DEBS, ,ZHES BSNGAGS PA, RDO RJE 'DZIN PA DKON MCHOG RGYAL MTSAN NI, ,LA STOD SHEL DKAR GYI SA PHYOGS MTSO SGO LHUN GRUB SGANG CHEN NAS KYI SRAS SU YONGS 'DZIN ZHES PA CHU PHO BYI BA'I LO SKU 'KHRUNGS, SNGON GYI BAG CHAGS BZANG POS GZHON NU'I DUS NYID NAS SDE DPON CHEN PO'I STOBS 'BYOR LA MA CHAGS PAR CHOS RNAM DAG CIG BYED BAR THUGS 'DUN 'KHRUNGS, YAB YUM 'BANGS DANG BCAS PAS KYANG BKAG PA MED PAR MTHUN PA'I RKYEN BYAS TE CHOS GRVA CHEN PO BKRA SHIS LHUN POR PAn CHEN THAMS CAD MKHYEN PA BLO BZANG CHOS KYI RGYAL MTSAN GYI ZHABS DRUNG DU RAB TU BYUNG STE DGE TSUL GYI SDOM PA BZHES, ,MTSAN DKON MCHOG RGYAL MTSAN ZHES BTAGS, SHAR RTZE GRVA TSANG DU BZHUGS TE THOG MAR RIG PA'I SGO 'BYED MTSAN NYID DANG MTSON BYA'I RNAM GZHAG, SBYI DANG BYE BRAG GI RNAM GZHAG SOGS BSDUS PA LA SBYANGS, SKYES THOB KYI SHES RAB SHIN TU CHE BAS RING POR MA THOGS PAR SBYOR BA RTZI BA LA THOGS PA MED PAR GYUR TE KUN MKHYEN LEGS PA DON

, ,GRUB KYI YIG CHA'I STENG NAS TSAD MA RNAM 'GREL GYI MTHA' GCOD SPYI DON RNAMS LA SBYANGS, DE NAS DRI MA MED PA'I RIGS PA'I STOBS CHES CHER RGYAS BA NA RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED DANG, MKHAS GRUB THAMS CAD MKHYEN PAS MDZAD PA'I tIKA CHEN RIG PA'I RGYA MTSO GNYIS KYI STENG NAS RNAM 'GREL GYI GZHUNG LA SBYANGS TE MKHAS PA'I PHUL DU PHYIN PAR GYUR PA NA BKRA SHIS LHUN PO'I MKHAN SLOB DGE 'DUN TSANG MA'I DBUS SU DAM BCA' BZHAG STE THOS BSAM GLING NA MKHAS PAR GRAGS PA DPAL TSUL ZHES PA ZHIG DANG BGRO GLENG LA BZHENGS TE DRI MA MED PA'I RIG PA'I NGA ROS RGOL BA'I SPOBS PA LAN MED DU BYAS TE MKHAS PA'I GRAGS PAS PHYOGS THAMS CAD DU KHYAB PAR GYUR, DE NAS PHAR PHYIN DANG DBU MA DANG 'DUL BA DANG MDZOD RNAMS LA SBYANGS TE GZHUNG LUGS CHEN MO DE DAG LA MKHAS PA'I PHUL DU PHYIN PAR GYUR PA NA; GZHUNG DON GDAMS PAR SHAR BA'I NYAMS LEN MDZAD BZHED NAS THOG MAR PAn CHEN THAMS CAD MKHYEN PA BLO BZANG CHOS KYI RGYAL MTSAN LA MKHAN POR GSOL BA BTAB STE BSNYEN PAR RDZOGS PA'I SDOM PA BZHES NAS DRAN SHES BAG YOD BRTAN POS KHRIMS NYIS BRGYA DANG LNGA BCU RTZA GSUM BSRUNG BA LA G-YEL BA MED PAR MDZAD, DE NAS PAn CHEN THAMS CAD MKHYEN PA CHEN PO DE NYID LA DUS GSUM GYI SANGS RGYAS THAMS CAD KYI BGROD PA

GCIG PA'I LAM PO CHE BYANG CHUB LAM GYI RIM PA'I ZAB KHRID DPAL DBEN SA SNYAN RGYUD KYI MAN NGAG GEGS SEL BOGS 'DON DANG BCAS PA YONGS SU RDZOGS PA GSAN, DE NAS BLO SBYONG DON BDUN MA'I KHRID DANG, NAM MKHA' SGO 'BYED KYI DBANG DANG, GCOD KYI ZAB KHRID DANG, DGA' LDAN PHYAG RGYA CHEN BO'I ZAB KHRID SNGON 'GRO KHRID CHEN BZHI DANG BCAS PA LEGS PAR GSAN, DE NAS SPYIR DBANG LUNG MAN NGAG MTHA' YAS PA DANG, LHAG PAR BDE GSANG 'JIGS GSUM GYI DBANG DANG BSKYED RDZOGS KYI KHRID RNAMS LEGS PAR GSAN, DE NAS MDO SNGAGS GNYIS KA'I LAM GYI LUS YONGS SU RDZOGS PA LA 'KHRUL MED KYI NGES BA BRTAN PA RNYED PA NA TSE 'DI'I 'KHRI BA BCAD DE DBEN PA'I GNAS SU TSE DANG SGRUB PA SNYOMS PA RNAL 'BYOR GYI DBANG PHYUG MI LA RAS PA DANG GRUB CHEN DBEN SA PA YAB SRAS KYI RNAM THAR 'KHYONGS PA ZHIG CIS KYANG BYED SNYAM DU THAG GCAD DE PAn CHEN THAMS CAD MKHYEN PA BLO BZANG CHOS KYI RGYAL MTSAN LA SKYABS 'JUG ZHUS TE DBEN DGON DU TSE MTSAMS LA BZHUGS, DE'I TSE NYIN RE BZHIN NYAMS LEN GYI RTOGS PA GONG 'PHEL DU GYUR TE SGO GSUM LA DRAN PA NYE BAR GZHAG NAS SDOM PA GSUM GYI BCAS MTSAMS DANG 'GAL BA'I NYES LTUNG PHRA MOS KYANG MA GOS PA ZHIG BYED SNYAM DU 'DUN PA SHUGS DRAG TU MDZAD CING, RANG LA RANG GIS BSKUL BA'I DAM BCA'I NYAMS MGUR YANG 'DI LTAR MDZAD DE, NA MO GU RU BHYA: BLA MA DANG YI DAM DKON

, ,MCHOG GSUM, ,BDAG MOS PA'I SPYI GTZUG RGYAN DU BZHUGS, ,DA JI LTAR BSAMS PA'I DON 'DI RNAMS, ,DUS MYUR DU 'GRUB PAR BYIN GYIS RLOBS, ,KHYED BKA' SDOD CHOS SKYONG SRUNG MA'I TSOGS, ,MI KHO BO'I GROS 'DEBS GSAN MDZOD LA, ,GROS JI BZHIN THEBS PA'I BAR CHAD KUN, ,DUS DA LTA SEL BAR MDZAD DU GSOL, ,GZUGS MI LA DUD 'GRO'I BSAM BA CAN, ,NGO TSA BAS MI PHAN CUNG ZAD NYON, ,NGAS KHYED KYI SEMS LA GROS SHIG 'DEBS, ,DON DE PHYIR MTSANG GTAM TSIG GSUM SMRA, ,RTEN RNYED PAR DKA' PA'I DAL 'BYOR RNYED, ,LAM MJAL DKA' SANGS RGYAS BSTAN DANG MJAL, ,PHA MTSAN LDAN BLA MA'I TSOGS RNAMS KYIS, ,CHOS ZANG ZING DRIN GYIS RGYUN DU BSKYANGS, ,KHYOD DAL 'BYOR LOG PA'I LAM DANG SBYAR, ,LAM SANGS RGYAS BSTAN PA DRI MAS BSGOS, ,RJE MTSAN LDAN BLA MA'I TSOGS RNAMS BSLUS, ,MI KHYOD LA MTSANG CHEN 'DI RNAMS MTHONG, ,MI KHYED KYIS DA LTA PHAN CHAD LA, ,CHOS TSUL BZHIN SKAD CIG MA BYAS PAR, ,GZUGS CHOS PA'I GZUGS SU BYAS NAS KYANG, ,LONGS CI SPYAD DAD RDZAS GSHIN RDZAS KYIS, ,RTEN DAL 'BYOR LOG PA'I G-YANG LA BSKYUR, ,PHA BLA MA MKHAN SLOB MTSAN LDAN LA, ,LAM SDOM PA GSUM GYI BKA' DRIN NOS, ,KHYOD RTZA BA'I NYES PA MED 'DOD KYANG, ,RJE RGYAL BA'I BCAS PA SHIN TU PHRA, ,KHYOD DBANG PO BRTUL ZHING GNYEN PO ZHAN, ,RGYU DES NA BSTAN PA DRI MAS BSGOS, ,SNGAR RDO RJE THEG

BA'I SDOM PA DANG, ,LAM BYANG CHUB SEMS DPA'I BSLAB PA LA, ,DGRA RTZA BA'I LTUNG BA CHAR LTAR BABS, ,GZHAN SDOM PA'I YAN LAG PHRA RAG KUN, ,PHAL CHE BA SHES BZHIN KHYAD DU BSAD, ,'GA' MI SHES DBANG GIS LOG PAR SBYAD,, RGYUD LTUNG BA'I MI GTZANG 'DAM DU BYINGS, ,KHYOD DE LTAR GYUR KYANG RAB BYUNG SOGS, ,LAS DGE SLONG BYED RGYU GANG YIN DANG, ,DBANG BSKUR SOGS RDO RJE SLOB DPON GYI, ,LAS RKYED PAR YANG BAG TSA MED, ,RGYU DES NA BSTAN PA DRI MAS BSGOS,, CHOS ZAB CING RGYA CHE BDUD RTZI'I RGYUN, ,MI KHYOD KYI SNOD DU CI BLUGS KYANG, ,CHOS TSIG DON SNOD KYIS MA THUB PAS, ,DON DE LAS BSLUS THABS CHE BA CI, ,LAR DE LTAR 'BYUNG BA'I RGYU MTSAN YANG, ,CHOS TSIG BZHE'I DON YANG MA RTOGS PAR,, RANG MKHAS PAR 'DZIN PA'I NGA RGYAL DANG, ,RGYUD LTUNG BA'I NANG DU BYING NAS KYANG, ,RANG BTZUN PAR 'DZIN PA'I LOG LTA DANG, ,SEMS CHAGS SDANG DBANG DU GYUR PA LA, ,RANG BZANG POR 'DOD PA'I KHENGS SEMS CAN, ,LAS CI BYAS CHOS BRGYAD BYED BZHIN DU, ,RANG CHOS PAR RLOM PA'I RLOM SEMS DES, ,BDUD DE BZHIN SNYING LA ZHUGS BAS LAN, ,BDUD SNYING LA 'JUG PA'I RTZA BA YANG, ,LUS GZUGS BRNYAN MI KHYUR BSDAD PA DANG, ,GTAM MI ZER KHA LA NYAN PA DANG,, BLO MI MTHUN MI DANG BSTUN BAS LAN, ,MTSAD 'DI RNAMS YOD MED SEMS LA DRIS, ,RGYU DE RNAMS YIN MIN BSAM MNO THONGS, ,SNGAR MTSANG DU MA SHES DON SNYING RUL, ,DON DE PHYIR SNGAR BYAS DON MED SONG, ,DA TSE 'JUG NAM

, ,MKHA'I GLOG 'DRA 'DI, ,RTEN DAL 'BYOR SNYING PO LEN 'DOD CING, ,RANG LEGS PA'I LAM DU 'JUG 'DOD NA, ,MTSANG YUL NAS 'DON LUGS DE LTAR MDZOD, ,CHOS TSIG GCIG MA GO'I MKHAS PA DANG, ,KHO BLUN CING RMONGS PA'I BA GLANG GNYIS, ,MKHAS MI MKHAS KHYAD PAR GANG GIS 'BYED, ,KHO BA GLANG MKHAS PAR 'DZIN PA MED, ,CHOS DE YIS BA GLANG KHYAD PAR 'PHAGS, ,RGYUD LTUNG BAS GOS PA'I BTZUN PO DANG, ,ZAS MI GTZANG ZA BA'I KHYI PHAG GNYIS, ,BTZUN MI BTZUN KHYAD PAR GANG GIS 'BYED, ,KHO KHYI PHAG BTZUN POR LTA BA MED, ,CHOS DE YIS KHYI PHAG KHYAD PAR 'PHAGS, ,GNOD GANG 'KHYOL BYED PA'I BZANG PO DANG, ,KHREL GTONG NAS BOR PA'I GYAG KHYER GNYIS, ,BZANG MI BZANG KHYAD PAR GANG GIS 'BYED, ,BZANG MI BZANG KHYAD PAR MED PA LA, ,KHO GYAG KHYER BZANG POR 'DOD PA MED, ,CHOS DE YIS GYAG KHYER KHYAD PAR 'PHAGS, ,CHAS CHOS BRGYAD BYED PA'I CHOS PA DANG, ,KHRAM G-YO SGYU BYED BA'I KHYIM PA GNYIS, ,CHOS BYED MED KHYAD PAR GANG GIS 'BYED, ,CHOS BYED MED KHYAD PAR MED PA LA, ,KHO KHYIM PA CHOS KYIS RLOMS PA MED, ,CHOS DE YIS KHYIM PA KHYAD PAR 'PHAGS, ,KHYOD MKHAS BTZUN BZANG POR 'DOD PA DANG, ,CHOS BYAS SO SNYAM PA'I 'KHRUL PA ZHIG, DA KHYOD LAS DMAN PA'I SEMS CAN SU, ,DE SHES NA DMAN CHA 'DZIN RE RAN, ,SEMS MI GAL MI SNYEG DMAN CHA BZUNG, ,LUS MI YI GSEB NAS DA BUD LA, ,GNAS MI MED SA YI BAS MTHA' STEN, ,SEMS TSA 'DI'I

'KHRI BA GTING NAS CHOD, ,GYONG LTO GOS GNYIS KYI STENG DU BSKUR, ,ZAS DKA' THUB BCUD LEN BDUD RTZI ZO, ,GOS PHYAG DAR KHROD KYIS CHOG SHES STEN ,DA DKOR ZAS DUG CHU'I ZHEN PA SPONGS, ,RGYUD SDOM PA GSUM GYI NOR LUG RNAMS, ,BYAMS SNYING RJE LHAG BSAM THANG CHEN DU, ,DRAN SHES BZHIN RDZI BOS LEGS SKYONGS LA, ,DA YAN LAG PHRA MO SNA GCIG KYANG, ,SEMS NYON MONGS DGRA LA MA SHOR BAR, ,RGYUD TSUL KHRIMS 'PHEL SKABS CHE BAR MDZOD, ,BLO BLA MA DKON MCHOG GSUM LA GTOD, ,DUS 'BRAL MED RGYUN DU GSOL BA THOB, ,CHOS THOS BSAM SGOM GSUM TSUL BZHIN GYIS, ,SEMS DNGOS 'DZIN 'KHRUL PA RTZAD NAS CHOD, ,MI SMRA MKHAS CHOS BRGYAD SLOB BYUNG NA, ,TSIG GCIG KYANG DE LA MA NYAN PAR, STOBS CI YOD DE YI LOG PHYOGS SGRUBS, ,KHO GTING NAS MA DGA' 'GYOD PA MED, ,DA GTAM DANG GROGS NGAN SNA TSOGS DANG, ,MI KUN GYIS RING DU SPANGS PA DANG, ,'PHRAL 'TSO BA'I YO BYAD DKON PA SOGS,, KHONG 'JIG RTEN CHOS DANG MI MTHUN PA'I, ,RKYEN MI 'DOD SNA TSOGS CI BYUNG YANG, ,CHOS SNYING NAS BYED PA'I BSAM PA GRUB, ,MTSANG YUL 'DON SEMS LA GROS 'DEBS 'DI, ,RANG NYES KYI DOGS NAS SMRAS BA YIN, ,GROS SEMS LA ZHOG LA NYAMS SU LONGS, ,DUS GTAN GYI MDUN MA 'GRUB STE MCHI, ,ZHES SO, ,DE SKABS PAn CHEN BLO BZANG CHOS KYI RGYAL MTSAN DBEN DGON DU PHEBS PA ZHIG GI DUS, N'A RO CHOS DRUG GI ZAB KHRID RGYAS PA ZHIG DGOS ZHES ZHUS PAR

, ,PAn CHEN THAMS CAD MKHYEN PA CHEN PO DE NYID SPYIR YANG DBEN PA'I RI SUL DU SGRUB PA BYED PA RNAMS LA SHIN TU DGYES SHING, LHAG PAR DAM PA 'DI NYID SPYAN GYI 'BRAS BU LTAR SKYONG BAR MDZAD PAS MTSAMS GROL NA DGE SBYOR LA G-YENG BA YONG GSUNGS NAS PAn CHEN THAMS CAD MKHYEN PA CHEN PO NYID DAM PA 'DI'I SGRUB KHANG DU PHEBS NAS N'A RO CHOS DRUG GI KHRID RGYAS PAR STZAL ZHING SGRUB PA MTHAR PHYIN PA'I PHYIR LAM GYI GEGS SEL BOGS 'DON RNAMS ZHIB PAR GSUNGS, GZHAN YANG MTSAMS KHONGS SU GRUB PA'I DBANG PHYUG GNAS BCU RAB 'BYAMS PA DGE 'DUN RGYAL MTSAN GDAN DRANGS NAS MAN NGAG DU MA GSAN ZHING, LHAG PAR N'A RO CHOS DRUG SKOR SOGS 'KHRUL 'KHOR GYI SKOR RNAMS MTHIL PHYIN PAR ZHUS NAS SBYANGS TE GDENG THOB PAR MDZAD, DE LTAR SGRUB PA YUN RING DU MDZAD NAS NYAMS RTOGS GONG 'PHEL DU GYUR TE TSE 'DI LA GNYEN NYE 'BREL NOR LONGS SPYOD GANG LA'ANG CHAGS PA MED PAR SGRUB PA MTHAR PHYIN PA DPAL SHA BA RI DANG MTSUNGS PA ZHIG BYED DGONGS PA YOD PA LA, PAn CHEN BLO BZANG CHOS KYI RGYAL MTSAN GYIS BKRA SHIS LHUN POR RGYUD GRVA GSAR 'DZUGS MDZAD DE GZHUNG LUGS RAB 'BYAMS LA SBYANGS PA MTHAR PHYIN PA'I DGE BA'I BSHES GNYEN SHA STAG BSDUS TE RGYUD GRVAR GZHUG PAR MDZAD PA'I MGON DU DAM PA 'DI NYID 'BYON DGOS PA'I BKA' PHEBS PA NA TSE MTSAMS LA BZHUGS PA YIN YANG PHYOGS BCU'I RGYAL BA THAMS CAD

MCHOD PA BAS BLA MA'I BA SPU'I BU GA GCIG MCHOD PA PHAN YON CHE BAR GSUNGS PA DANG, SANGS RGYAS KYI SAR MYUR PA MYUR BAR BGROD PA LA RDO RJE SLOB DPON GYI BKA' BZHIN SGRUB PA NYID BSNGAGS PAR RGYUD DANG GRUB CHEN GYI GZHUNG THAMS CAD LAS GSUNGS PA'I TSUL LA NGES PA RNYED NAS TSAM TSOM MED PAR MTSAMS GROL TE PAn CHEN BLO BZANG CHOS KYI RGYAL MTSAN GYI BKA' BZHIN BKRA SHIS LHUN PO'I SNGAGS KHANG GI GDAN SAR PHEBS, PAn CHEN THAMS CAD MKHYEN PA CHEN PO BLO BZANG CHOS KYI RGYAL MTSAN LA RGYUD KYI RGYAL PO DPAL GSANG BA 'DUS PA 'GREL BA SGRON GSAL MCHAN BU, BSDUS DON, MTHA' GCOD BZHI'I SGO NAS 'GREL TSUL RGYAL BA TZONG KHA PA CHEN PO'I MAN NGAG RNAMS LEGS PAR ZHUS, MTHA' DRUG DANG TSUL BZHI'I DKA' GNAS RNAMS LA KHONG NA GNAS PA'I DOGS PA PHRA MO'ANG CHOD BAR MDZAD NAS RGYUD GRVAR BZHUGS PA'I RAB 'BYAMS SMRA BA'I SDE RNAMS LA BLO'I RGYUN LTAR BSHAD CING ;DPAL GSANG BA 'DUS PA GTZO BOR BTON, DPAL 'KHOR LO SDOM PA, RDO RJE 'JIGS BYED, DUS KYI 'KHOR LO RNAMS KYI DBANG LUNG MAN NGAG RNAMS KYANG RGYA CHER GNANG BAS RGYUD GRVAR BZHUGS PAS RAB 'BYAMS SMRA BA'I SDE RNAMS DANG, PHYOGS MTHA' DAG NAS 'DUS PA'I DON GNYER CAN MTHA' DAG GSANG CHEN RDO RJE THEG PA'I BDUD RTZIS TSIM NAS DAM PA 'DI LA RDO RJE 'CHANG DNGOS KYI 'DU SHES SKYES TE RDO RJE 'DZIN PA CHEN PO ZHES MTSAN YONGS

, ,SU GRAGS PAR GYUR, DE SKABS RJE BTZUN BLO BZANG CHOS KYI RGYAL MTSAN DGUNG LO BRGYAR NYE BA'I DUS SU PHEBS NAS PHYOGS KYI THA GRU KUN NAS 'DUS PA'I CHOS DON GNYER BA RNAMS LA CHOS BKA' HA CANG RGYA CHE BA GNANG BAR MA MDZAD PA NA, RDO RJE 'DZIN PA CHEN PO 'DIS GDUL BYA SO SO'I DBANG PO'I RIM PA DANG 'TSAMS PAR LAM RIM GYI KHRID DANG, BLO SBYONG GI KHRID DANG, DGA' LDAN PHYAG RGYA CHEN PO'I ZAB KHRID DANG, BDE GSANG 'JIGS GSUM GYI BSKYED RDZOGS KYI KHRID SOGS MDO SNGAGS KYI CHOS MTHA' YAS PA STZOL BAR MDZAD, DE NAS RJE BTZUN BLO BZANG CHOS KYI RGYAL MTSAN ZHING GSHEGS NAS KYANG RE SHIG SNGAGS KHANG GI GDAN SA MDZAD DE RJE BLO BZANG CHOS KYI RGYAL MTSAN GYI MAN NGAG RNAMS MI NUB PAR BZUNG ZHING SBEL, DE NAS BRUL TSANG DU MCHOG GI SPRUL SKU PHEBS PA NA GONG SA LNGA PA CHEN POS BKRA SHIS LHUN PO'I SNGAGS KHANG GI GDAN SA PA DE PAn CHEN THAMS CAD MKHYEN PA CHEN PO DE NYID KYI THUGS SRAS THU BO LUNG RTOGS KYI YON TAN GANG SA NAS BZANG BA ZHIG YIN 'DUG PAS MCHOG GI SPRUL SKUR BRTAG DBYAD BYED PA DANG NGOS 'DZIN PAR KHONG PA BYON NA LEGS ZHES BKA' PHEBS PA LTAR RDO RJE 'DZIN PA DKON MCHOG RGYAL MTSAN NYID BRUL TSANG DU PHEBS TE BRTAG DPYAD MDZAD PAS MCHOG GI SBRUL SKUR 'KHRUL MED KYI NGES RNYED NAS SKU KHRUS GSOL BA DANG, SKU TSE RING PA'I

RTEN 'BREL BSGRIG PA SOGS MDZAD, DE NAS MCHOG GI SPRUL SKU BKRA SHIS LHUN POR GDAN DRANGS, 'GRO BA LHA DANG BCAS PA'I MGON DU MNGA' GSOL GRUB NAS SNGAGS KHANG GI GDAN SA BZHAG STE SHANGS MKHA' SPYOD GZIM SPYI LA GSAR BSKRUN GNANG NAS SPONG PA PA'I SDE DANG BCAS BZHUGS TE 'JAM MGON SNYAN RGYUD KYI BSTAN PA 'DZIN CING SPEL BAR MDZAD, DE NAS MCHOG GI SPRUL PA'I SKU RJE BTZUN BLO BZANG YE SHES DPAL BZANG PO GUNG LO NYI SHUR PHEBS PA'I TSE RDO RJE 'DZIN PA 'DI NYID BLA BRANG RGYAL MTSAN MTHON POR GDAN DRANGS, RJE BTZUN BLO BZANG CHOS KYI RGYAL MTSAN GYI MAN NGAG RNAMS YONGS SU RDZOGS PA ZHIG GNANG DGOS PAR GSOL BA BTAB PA NA, RDO RJE 'DZIN PA CHEN PO 'DIS KYANG DGYES BZHIN DU ZHAL GYIS BZHES TE BLA BRANG RGYAL MTSAN MTHON PO'I GZIM CHUNG DGA' LDAN NYID DU BZHUGS TE THOG MAR RJE BTZUN BLO BZANG YE SHES LA BSNYEN RDZOGS KYI SDOM PA PHUL, DE NAS BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI STENG NAS LAM KHRID DPAL DBEN SA SNYAN RGYUD KYI MAN NGAG ZHAL SHES YONGS SU RDZOGS PA DANG, DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI DANG BCAS PA, LHAG PAR MDO SNGAGS KYI LAM GYI LUS YONGS SU RDZOGS PA ZAB LAM BLA MA LHA'I RNAL 'BYOR GYI KHRID MAN NGAG ZHAL SHES MTHA' DAG YONGS SU RDZOGS PA DANG, GSANG BDE 'JIGS GSUM

, ,GYI DBANG LUNG BSKYED RDZOGS KYI KHRID RNAMS YONGS SU RDZOGS PA DANG, GRUB CHEN DRIL BU LUGS KYI PHYI NANG GI DKYIL 'KHOR DU DBANG BSKUR BA DANG ZAB KHRID RNAMS YONGS SU RDZOGS PA DANG, GZHAN YANG RGYUD SDE BZHI DANG 'BRAL BA'I DBANG LUNG MAN NGAG MTHA' YAS PA DANG, YONGS SU GRAGS PA'I CHOS SKYONG RNAMS KYI RJES GNANG SOGS RJES GNANG MTHA' YAS PA GNANG ZHING CHOS BDAG PO LA 'PHROD PAR MDZAD NAS SKU TSE 'DI'I MDZAD PA THAMS CAD RDZOGS PA NA DGUNG LO BDUN CU DON DRUG PA RAB BYUNG ZHES PA ME MO YOS KYI LO LA BKRA SHIS LHUN PO'I BLA BRANG RGYAL MTSAN MTHON PO NYID DU CHO 'PHRUL ZLA BA'I TSES BCU'I PHYI NANG GI MNGON BYANG MTSUNGS PAR SKU'I BKOD PA BSDUS TE 'OD GSAL CHOS SKU MNGON DU MDZAD, DE'I TSE BDE MCHOG RTZA RGYUD NAS JI LTAR GSUNGS PA LTAR GYI 'OD GSAL MNGON DU MDZAD PA'I PHYI NANG GI RTAGS RTEN 'BREL RNAMS TSANG BAR BYUNG STE NAM MKHA' DANGS SHING 'JA' 'OD KYIS KHYAB PA SOGS SKYE BO KUN LA MTHUN SNANG DU BYUNG STE MCHOG DMAN BAR MA'I SKYE BO MTHA' DAG DAD CING GUS PA DANG 'JAM MGON SNYAN RGYUD KYI BSTAN PA LA YID CHES RNYED PAR MDZAD DO, ,DE NAS RJE BTZUN THAMS CAD MKHYEN PA BLO BZANG YE SHES DPAL BZANG POS PHYOGS BCU'I SANGS RGYAS THAMS CAD MCHOD PA BAS BLA MA MCHOD PA DON CHE'O ZHES KUN LA 'DOMS PA'I PHYIR SKU GDUNG LA MCHOD PA TSAD MED PAS MCHOD DE DPAL DBEN SA SNYAN RGYUD KYI BSTAN PA

YUN RING DU GNAS PA'I RTEN 'BREL DU SKU GDUNG RIL POR DNGUL GYI MCHOD RTEN GYI BUM PA'I NANG DU BZHUGS TE BKRA SHIS LHUN PO'I SNGAGS KHANG NA BZHUGS SO, ,RDO RJE 'DZIN PA CHEN PO 'DIS MCHOG DMAN PAR MA BGRANG BA LAS 'DAS PA LA MDO SNGAGS KYI CHOS KYI BDUD RTZI RGYA CHER STZAL BAS RGYUD 'DZIN YANG DE SNYED BYUNG MOD, GTZO BO NI MDO SNGAGS YONGS SU RDZOGS PA'I BSTAN PA'I BDAG PO RJE BTZUN THAMS CAD MKHYEN PA BLO BZANG YE SHES DPAL BZANG PO'O; ;GZHAN YANG RDO RJE 'DZIN PA DGE LEGS RAB RGYAS, ,RDO RJE 'DZIN PA BLO BZANG MGON PO, RJE ZHAL SNGA NAS 'JAM DBYANGS CHOS 'PHEL, SKYID SHOD ZHABS DRUNG BSTAN 'DZIN 'PHRIN LAS, LCANG SKYU SBRUL PA'I SKU NGAG DBANG BLO BZANG CHOS LDAN SOGS BSTAN 'DZIN DAM PA MANG DU BYON NO, ,RDO RJE 'DZIN PA CHEN PO 'DIS PHYIR BAS KYI GDUL BYA RNAMS KYI DON DU PAn CHEN BLO BZANG CHOS KYI RGYAL MTSAN GYI MAN NGAG ZHAL SHES DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI, BLO SBYONG SDUG BSNGAL LAM KHYER DANG DON BDUN MA'I 'GREL PA ,'KHOR LO SDOM PA'I DKYIL CHOG, BDE MCHOG LUS DKYIL GYI MNGON RTOGS, LHO SGO'I CHOG ,DRIL BU LHA LNGA'I MNGON RTOGS, 'DUS PA'I RDUL TSON CHAB LA 'DREN TSUL, NAM MKHA' SGO 'BYED KYI DBANG BSKUR TSUL, KLU GTOR BYA TSUL, S'A TZTSA'I CHOG SOGS NYER MKHO KHA SHAS, YI GE BRGYA PA'I 'GREL PA, SO SKYE THA MAL PA'I RUS CHOG, LAM RIM

, ,TSIG BCAD MA ZHI GNAS KYI YIG CHUNG DANG BCAS PA, BCOM LDAN 'DAS DAM TSIG GSUM BKOD KYI SGRUB DKYIL YONGS SU RDZOGS PA'I CHOG SGRIGS, 'JAM DBYANGS CHOS SKOR GYI RJES GNANG CHOG SGRIGS RNAMS MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RDO RJE 'DZIN PA DKON MCHOG RGYAL MTSAN LA GSOL BA 'DEBS SHING DAM PA 'DI'I RNAM THAR LTAR LEGS TSOGS THAMS CAD KYI RTZA BA DAM PA'I MGON LA BRTEN NAS MDO SNGAGS KYI LAM GYI LUS YONGS SU RDZOGS PA LA 'KHRUL MED KYI NGES PA BRTAN PO RNYED PAR BYA BA DANG, NGES PA RNYED NAS TSE 'DI'I 'KHRI PA BCAD DE DBEN PA'I GNAS SU LAM CHA TSANG LA SGRUB PA SNYING BOR BYA'O,, ,,BLO GROS YANGS PA'I SKAL BZANG GDUL BYA'I TSOGS, ,GTZUG NA BSOD NAMS YE SHES 'BRAS BU YIS, ,LEGS DUD RLUNG GI RGYAL MTSAN LTAR BKRA BA, ,DPAL LDAN BLA MA'I ZHABS LA GSOL BA 'DEBS, ZHES BSNGAGS PA, DON GYI SLAD DU MTSAN NAS SMOS TE BDAG GI MKHAN PO RIN PO CHE RJE BTZUN THAMS CAD MKHYEN PA BLO BZANG YE SHES DPAL BZANG PO NI, SNGON BYON DAM PA MANG POS BYIN GYIS BRLABS PA'I YUL THOB RGYAL BRUL TSANG DU MDZES BYED CES PA CHU MO YOS LO'I ZLA BA BDUN PA'I TSES BCO LNGA'I ZLA BA SHAR BA DANG MNYAM DU YAB ZHABS DRUNG BSOD NAMS DBANG GRAGS DANG, YUM TSE BRTAN BU KHRID GNYIS KYI SRAS SU BSAM BZHIN DU SKU 'KHRUNGS, DE'I TSE DKAR PHYOGS KYI LHA RNAMS

KYIS DA NI 'GRO BA MGON DANG BCAS SO ZHES DGA' BA'I DBYANGS SA GSUM 'GENGS PAR BSGRAGS SHING, BDAG NYID CHEN PO 'DI LA MCHOD PA'I DON DU MKHA' DBYINGS 'JA' 'OD KYIS KHYAB CING ME TOG GI CHAR BABS PA SOGS NGO MTSAR BA'I BLTAS BSAM GYIS MI KHYAB PA BSTAN, DKAR PHYOGS KYI LHA RNAMS KYIS KHRUS GSOL BA DANG CHABS CIG PAR YAB YUM GNYIS KYIS KYANG KHRUS PHUL TE MNGAL GYI DRI MAS GOS PA RNAMS LEGS PAR DAG PAR BYAS TE, KHYE'U CHU SHEL DRI MA MED PA LTAR SKU LUS DKAR LA DMAR BA'I MDANGS CHAGS PA, ZHI ZHING DES PA'I NGANG TSUL 'DZUM MDANGS CAN ,DBU GDUGS LTA BU, DPRAL BA'I DBYES CHE BA, SHANGS KYI GZENGS MTHO BA, SNYAN DUNG G-YAS A'KHYIL GYI RNAM PAR YOD PA, SPYAN AUTPA LA'I 'DAB MA LTAR MDZES PA, YAN LAG DANG NYID LAG RGYAS LA DKU SKABS PHYED PA DANG, DBANG PO YONGS SU GSAL ZHING 'JIG RTEN KUN GYI MIG GI BDUD RTZI LTA BU ZHIG BYUNG NGO, ,BTZAS NAS RING PO MA LON PAR BLA MA MKHYEN ZHES CHOS KYI SGRA DBYANGS BSGRAGS SHING ,LHA DANG SRUNG MAS LUNG BSTAN PA LTAR MTSAN BSOD NAMS BSTAN PA'I RGYAL MTSAN ZHES BTAGS, DE NAS YAB YUM GNYIS KYIS DKON MCHOG GI MCHOD PA, DGE 'DUN GYI SDE LA BSNYEN BKUR ,DKAR PHYOGS SKYONG BA'I SRUNG MA RNAMS LA MCHOD GTOR RGYA CHER PHUL, BTZAS STON GYIS GNYEN DANG NYE DU RNAMS TSIM PAR BYAS SHING MTHUN PA'I DNGOS PO DAG GIS BSKYED BSRINGS TE MTSO'I NANG GI PADMA LTAR BSKYED DRAG PAR NGYUR TO, ,DE NAS BDAG NYID CHEN PO 'DI LA

, ,DKAR PHYOGS KYI LHA RNAMS KYIS MCHOD PA'I RTAGS RGYUN DU 'BYUNG BA DANG, BYIS PA THA MAL PA'I SPYOD PA LAS LOG STE SKYIL KRUNG BCAS NAS CHOS DANG MTHUN PA'I GSUNG YANG YANG GNANG BA DANG, CHOS STON PA'I PHYAG RGYA MDZAD PA SOGS SKU'I RNAM 'GYUR GYIS PHYOGS DE'I SKYE BO THAMS CAD RANG DBANG MED PAR DAD PAR GYUR PA DANG, RJE BLO BZANG CHOS KYI RGYAL MTSAN GYIS ZHING GSHEGS KHAR GSOL DPON BLO BZANG BSTAN 'DZIN LA BRUL TSANG DU PHEBS PA'I BRDA STON PAR MDZAD PA DANG SPRUL PA'I SKU LA BCANG RGYU'I SRUNG MDUD 'DI BZHIN PHUL CIG PA'I BRDA MDZAD DE SRUNG MDUD GSUM BZHUGS GDAN GYI 'OG TU 'JOG PAR MDZAD PA SOGS KYIS ZHABS 'BRING PA RNAMS BRUL TSANG GI SRAS DE MCHOG GI SPRUL SKU YIN PAR YID CHES RNYED KYANG PHYI CHAR DU GSANGS SHING, SNA TSOGS DBYIG CES PA SHING MO SBRUL GYI LO DGUNG LO GSUM GYI THOG GSANG STABS KYIS BKRA SHIS LHUN POR GDAN DRANGS, RGYAL MTSAN MTHON PO'I GZIM KHANG DU PHEBS BA'I NYIN ZHABS PHYI NANG 'KHOR MA GTOGS GZHAN GYIS MTSOR YANG PHYI NANG GI RTAGS RTEN 'BREL KHYAD PAR CAN MANG DU BYUNG ZHING, KHYAD PAR RTA DKAR PO DUNG GI MDOG CAN KHYAD PAR DU 'PHAGS PA ZHIG 'KHRID NAS 'DI 'BUL RGYU YIN ZER RTA DE BDE YANGS SU BTAGS TE 'BUL MI DE GAR SONG CHA MED PA ZHIG BYUNG BAS DKAR PHYOGS SKYONG BA'I SRUNG MA ZHIG GIS PHUL BAR NGES PA SOGS NGO MTSAR YA MTSAN CHE BA DPAG TU MED PA BYUNG ZHING GZIM CHUNG MDO SBUGS

RNAMS SU PHEBS LUGS DANG BZHUGS LUGS, THUGS DAM RTEN RNAMS LA NGOS 'DZIN RJE BLO BZANG CHOS KYI RGYAL MTSAN RANG NYID KYIS JI LTAR MDZAD PA LTAR MDZAD PAS KUN YID CHES BLA NA MED PA THOB, MI RING BAR GSANG STABS KYIS BRUL TSANG NYID DU PHEBS, DE NAS RGYAL BA THAMS CAD MKHYEN PA NGAG DBANG BLO BZANG RGYA MTSOR RGYU MTSAN SNYAN ZHU PHUL BAR, SNGAGS PA BLA MA DKON MCHOG RGYAL MTSAN BRJE DE NYID KYI THUGS SRAS THU BO YIN PA DANG, LUNG RTOGS KYI YON TAN GANG SA NAS BZANG BA BCAS KHONG PA PHEBS NAS BRTAG DBYAD BYAS NA LEGS ZHES PHEBS PAR, RDO RJE 'DZIN PA DKON MCHOG RGYAL MTSAN PHEBS TE BRTAG DPYAD MDZAD PAS MCHOG SPRUL DU 'KHRUL MED KYI NGES PA BRTAN PO RNYED NAS SKU KHRUS GSOL ZHING SKU TSE RING DU GNAS PA'I RTEN 'BREL BSGRIGS, DE NAS RGYAL BA THAMS CAD MKHYEN PAR TSUL 'DI LTAR SNANG ZHES ZHUS PAR DGYES PA CHEN POS 'PHRAL DU GDAN SAR GDAN 'DREN ZHU DGOS TSUL PHEBS BAR SPRE'U ZHES PA ME MO LUG GI LO ZLA BA BCU PA'I TSES BCU GSUM GYI NYIN KHYIM PA'I RTAGS RNAMS DOR NA BZA' DUR SMRIG DANG PAn ZHVA GSOL TE SNGAR SBRUL PA'I CHOS SKYONG GIS PHUL BA'I CHIBS DUNG GI MDOG CAN DE LA CHIBS NAS BRUL TSANG NAS CHIBS BSKYOD DE LAM BAR GYI SER SKYA BGRANG BA LAS 'DAS PA LA MTHO RIS DANG THAR PA'I SA BON THEBS BAR MDZAD CING RIM GYIS CHIBS BSKYOD DE BKRA SHIS LHUN POR SNYUG MAR GNAS PA DANG PHYOGS 'DUS KYI DGE 'DUN KHRI KHRAG BRGAL BAS MCHOD PA'I BYE BRAG SNA TSOGS THOGS

, ,PAS BSUS TE ZLA BA BCU PA'I TSES BCU BDUN GYI NYIN GZIM KHANG RGYAL MTSAN MTHON POR PHEBS, DE'I SANG NYIN TSES BCO BRGYAD KYI NYIN GZIM CHUNG YID DGA' CHOS 'DZIN DU RJE BLO BZANG CHOS KYI RGYAL MTSAN GYI BZHUGS KHRI LA BZHUGS SU GSOL TE DBANG BSKUR, RGYAL BA THAMS CAD MKHYEN PA'I SKU TSAB SOGS 'DZIN MA'I KHYON LA GNAS PA'I CHE DGU KUN GYIS MCHOD NAS BKRA SHIS KYI TSIGS BCAD BRJOD CING ME TOG GTOR TE RGYAL BA THAMS CAD MKHYEN PA'I BKAS RJE BTZUN THAMS CAD MKHYEN PA BLO BZANG YE SHES DPAL BZANG PO ZHES MTSAN GSOL TO, ,TSUL 'DI LA RJE RANG NYID KYI ZHAL NAS, RGYAL BAS MDO RGYUD DU MAR BZANG NGAN GYI, ,LAS SPYAD 'BRAS BU JI BZHIN SMIN GSUNGS BZHIN, ,SNGON NAS RNAM DKAR SA BON LEGS BTAB MTHU, ,NYER BRTAS TSANGS SPYOD RTEN RUNG MI LUS LJON, ,PHYAG NA PADMO BLO BZANG RGYA MTSO'I SDE'I, ,THUGS RJE'I MKHA' LA BYIN RLABS GRU CHAR RGYUN, ,NYER 'KHREGS BLO BZANG CHOS RGYAN MTSAN BYIN DANG, ,LHAN CIG LEGS PHAB RIS MED 'GRO TSOGS LA, ,'DI PHYI GTAN DU PHAN BDE'I MCHOG STZOL MKHAN, ,BLO BZANG CHOS KYI RGYAL MTSAN YONGS 'DU CHE, ,GNYIS PAR GYUR CIG DGONGS PA'I THUGS BRTZER BCAS, ,THUB BSTAN LHA YI DGA' TSAL MDZES RGYAN BSKRUN, ,ZHES GSUNGS SO, ,DE NAS MI RING BAR THOB RGYAL DGA' LDAN RAB RGYAS NAS RJE ZHAL SNGA NAS BLO BZANG BSTAN 'DZIN YONGS 'DZIN DU SPYAN DRANGS TE, THOG MAR YI GE 'DRI

KLOG DANG CHOS SPYOD RNAMS KYI SNYAN BSKUL ZHUS PA NA THOGS PA MED BAR MKHYEN, DE NAS SKU TSE 'DIR CHOS GSAN PA'I THOG MAR BYANG CHUB LAM GYI RIM PA'I BLA MA BRGYUD PA'I GSOL 'DEBS LAM MCHOG SGO 'BYED GSAN TE, DE NI SKU TSE 'DIR RJE GONG MA'I RNAM THAR LTAR 'JAM MGON BLA MA'I BSTAN PA BSRE BSLAD MED PAR SKYONG BA'I RTEN 'BREL DU NGES SO, ,DE NAS RIM BZHIN RJE BTZUN BLO BZANG CHOS KYI RGYAL MTSAN GYI GSUNG 'BUM YONGS RDZOGS KYI LJAGS LUNG GSAN, DE NAS RJE RIN PO CHE'I RNAM THAR LTAR THOG MAR SHING RTA CHEN PO'I GZHUNG RNAMS LA SBYONG BAR BZHAD NAS MTSAN MTSON GYI RNAM GZHAG ,RGYU 'BRAS KYI RNAM GZHAG, THAL 'GYUR GYI RNAM GZHAG SOGS LA SBYONG BA'I TSUL MDZAD PA NA THOGS PA MED PAR MKHYEN CING, SUM CU PA DANG RTAGS 'JUG SOGS RIG GNAS RNAMS KYANG BRDA PHUL BA TZAM GYIS THOGS MED DU MKHYEN TO, ,DE NAS SKYES RABS THAMS CAD DU RAB TU BYUNG BA'I TSUL KHRIMS RNAM PAR DAG PA LA GNAS PA'I BAG CHAGS KYI MTHU BRTAS TE, RGYAL BA'I BSTAN BA LA RAB TU 'BYUNG BAR 'DOD PA'I THUGS 'DUN SHUGS DRAG PO 'KHRUNGS SHING, DE YANG SNGON THUGS BSKYED PA NAS BZUNG YAB SRAS DAM TSIG RDO RJE'I LU GU RGYUD DU 'BREL BAS RGYAL BA THAMS CAD MKHYEN PA CHEN PO ZHAL MJAL BAR SHIN TU RINGS PAR GYUR TE, DE NAS DGUNG LO BRGYAD BA THUN MONG ZHES PA LCAGS PO KHYI'I LO DBUS PHYOGS SU CHIBS BSKYOD DE PHO BRANG CHEN PO PO TA LAR ZLA BA DRUG PA'I TSES BCO LNGA'I NYIN THOG MAR

, ,TSOM CHEN DU RGYAL BA MCHOG GI ZHAL MJAL YAB SRAS THUGS SHIN TU MNYES PA'I GSUNG GLENG MJAD, ZLA BA DE'I TSES NYER GCIG GI NYIN GZIM CHUNG BDE BA CAN DU RGYAL BA MCHOG LA CHOS ZHU BA'I DBU BTZUGS TE, THOG MAR 'JAM DPAL MTSAN BRJOD PHAN YON DANG BCAS PA, GDUGS DKAR, RGYAL BA TSE DPAG MED KYI MTSAN BRGYA RTZA BRGYAD PA TSE MDO DANG, SHER SNYING, SGROL MA PHYAG 'TSAL NYER GCIG GI BSTOD PA SGROL GSOL DANG BCAS PA, PHUNG PO GSUM BA'I MDO, BZANG SPYOD, BYAMS SMON, SPYOD 'JUG SMON LAM, KHAMS GSUM 'GRO BA'I BLA MA TZONG KHA PA CHEN PO'I GSUNG THOR BU BA RNAMS KYI LUNG GSAN, ZLA BA BDUN PA'I TSES GNYIS KYI NYIN RJE THAMS CAD MKHYEN PA DGE 'DUN RGYA MTSO'I GSUNG 'BUM LAS GNAS BRTAN PHYAG MCHOD KYI CHO GA'I LUNG GSAN, DE NAS ZLA BA BDUN BA'I TSES BCO LNGA'I NYIN GZIM CHUNG KHAMS GSUM RNAM RGYAL DU RGYAL BA THAMS CAD MKHYEN PA NGAG DBANG BLO BZANG RGYA MTSO DPAL BZANG POS MKHAN SLOB ZUNG 'BREL MDZAD DE DGE BSNYEN RAB BYUNG TSIGS SNGA MA DGE TSUL GYI SDOM PA RNAMS LEGS PAR BZHES, ZLA BA BDUN PA'I TSES NYER BZHI'I NYIN DPAL RDO RJE 'JIGS BYED LHA BCU GSUM MA'I DBANG GI SNGON 'GRO STA GON DANG, NYER LNGA LA DBANG BZHI RDZOGS PAR GSAN, ZLA BA BRGYAD BA'I TSES GNYIS NAS THAMS CAD MKHYEN PA DGE 'DUN RGYA MTSO'I GSUNG 'BUM GYI LUNG GSAN 'PHRO YI DAM SGRUB SKOR

YONGS RDZOGS DANG, RGYA DBON PO LA GNANG BA'I BLA MA'I RNAL 'BYOR, BLA MA'I RNAL 'BYOR GO SLAR BKOD PA, NI GU CHOS DRUG GI KHRID YE SHES MKHA' 'GRO'I ZHAL LUNG, DE'I KHRID MDOR BSDUS GNAD DON GSAL BA'I ME LONG, SNYING PO DON GSUM GYI KHRID, MKHA' SPYOD MA DKAR MO'I 'PHO BA, MGON PO SNYING ZHUGS KYI 'PHO BA, LTA KHRID THAR 'DOD 'JUG NGOGS, LTA KHRID SNYING GI MUN SEL, BSAM 'GRUB DPAL BZANG LA GNANG BA'I LTA KHRID, RI KHROD BA BSAM GTAN LA GNANG BA'I LTA KHRID TSIGS BCAD MA, BYANG SEMS CHEN MO DPAL LDAN NOR 'DZIN SGROL MA LA GNANG BA'I LTA KHRID, RDO RJE RGYAL MTSAN LA GNANG BA'I GSANG BA 'DUS PA'I DKA' GNAD, KUN DGA' DPAL MO LA GNANG BA'I BYANG CHUB SEMS KYI BSGOM TSUL, RGYAL MTSAN DPAL GYI NGOR GNANG BA'I TSEM BU LUGS KYI DMAR KHRID TSIGS BCAD MA, GCOD KYI RTZA TSIG MDOR BSDUS RNAMS KYI LUNG GSAN, TSES BZHI NAS TSE DPAG MED DKAR PO, SENG LDENG NAGS KYI SGROL MA, 'JAM DPAL AA RA PA TZA NA, THUGS RJE CHEN PO KHA SARB'A nI, PHYAG RDOR 'BYUNG 'DUL, YE SHES KHYUNG KHRA, RTA MGRIN YANG GSANG, YE SHES MGON PO PHYAG DRUG PA, GRUB RGYAL LUGS KYI TSE DPAG MED, LAS GSHIN, SGROL DKAR RNAMS KYI RJES GNANG DANG, RGYAL BA THAMS CAD MKHYEN PA NGAG DBANG BLO BZANG RGYA MTSO DPAL BZANG PO NYID KYI GSUNG 'BUM THOR BU PA'I GRAS DU MA'I LUNG GSAN, GZHAN YANG MDO MANGS KYI NANG TSAN, DBANG SKONG PHYAG RGYA PA, 'CHI MED RNGA SGRA'I GZUNGS, RGYAL MCHAN RTZE MO'I DPUNG

, ,RGYAN; 'DA' KHA YE SHES, STOBS PO CHE, GTZUG TOR 'BAR BA, GTZUG TOR RNAM RGYAL, 'OD ZER CAN, GZA' YUM, PHYOGS BCU MUN SEL, BKRA SHIS BRTZEGS PA, TSONG DPON GA GON DANG BZANG PO GNYIS LA GNANG PA'I SHIS BRJOD, RDO RJE RNAM 'JOMS KYI GZUNGS, MDO SDUD PA, BGRES MOS ZHUS PA, KHYE'U RIN CHEN ZLA BAS ZHUS PA, MCHU SDE LNGA, YANGS PA'I GRONG KHYER DU 'JUG PA'I MDO RNAMS DANG, JO BSTOD SUM CU PA, DPAL LDAN SA GSUM MA, RNAM DAG GANGS RI MA, DPAL LDAN YON TSOGS MA SOGS KYI LUNG RNAMS GSAN, DE NAS RNAM THAR DAD PA'I 'JUG NGOGS NAS DBU TSUGS TZAM ZHIG MJAD, DE NAS RGYAL BA THAMS CAD MKHYEN PA CHEN BOS RE SHIG GZHUNG LUGS RNAMS LA SBYANGS PA MTHAR PHYIN PA MDZAD DGOS PA SOGS KYI ZHAL TA LEGS PAR GNANG, RJE 'DI BAS KYANG RGYAL DBANG MCHOG LA ZHABS PAD BSKAL BRGYAR BRTAN PA DANG, MDO SNGAGS YONGS RDZOGS KYI CHOS KYI BDUD RTZI ZHUS CHOG PA DGOS ZHES ZHUS TE GTZANG PHYOGS SU CHIBS KHA BSKYOD, DE NAS BKRA SHIS LHUN POR PHEBS NAS RE SHIG SKU MTSAMS MDZAD, LO DE'I ZLA BA BCU GCIG PA'I TSES LNGA'I NYIN 'DUS PA RGYA MTSO'I TSOGS KYIS SPYAN DRANGS TE THAMS CAD MKHYEN PA DGE 'DUN GRUB NAS BZUNG RJE BTZUN BLO BZANG CHOS KYI RGYAL MTSAN GYI BAR 'JAM MGON BSTAN PA'I SROG SHING 'DZIN PA'I DAM PA BAR MA CHAD PAS CHOS KYI 'KHOR LO BSKOR PA'I KHRI LA ZHABS SEN BKOD DE LHA DANG BCAS PA'I 'GRO BA

MA LUS DBUGS PHYIN PAR MDZAD DO, ,TSUL 'DI LA RJE RANG NYID KYI ZHAL NAS, GDOD NAS BSOD NAMS BRGYA YIS NYER BSGRUBS RTEN, ,DAL 'BYOR YONGS 'DU GTAN BDE'I MCHOG STER BA, ,TSE 'DI'I PHUN TSOGS BSGRUB BLO'I BA MO YIS, ,MA BCOM NGES LEGS 'BRAS BU SMIN RE NAS, ,MCHOG GSUM NGO BO RJE BTZUN PAD DKAR 'DZIN, ,THAMS CAD MKHYEN PA BLO BZANG RGYA MTSO'I SDER, ,GUS PAS BTUD DE TSANGS SPYOD BRTUL ZHUGS BLANGS, ,MGON DE'I SPYAN SNGAR JI LTAR KHAS BLANGS PA'I, ,BSLAB GZHI PHRA RAGS BCAS PA'I MTSAMS LA'ANG, ,NYES PA'I SKYON GYIS NAM YANG MA GOS PAR, ,BYA'O SNYAM PA'I BLO DPUNG YANG DAG BSKYED, ,MCHOG GSUM NGO BO THAMS CAD MKHYEN PA YI, ,THUGS RJE'I GZI DANG BCOM LDAN SNANG MTHA'I MGON, ,BSHES GNYEN TSUL BZUNG BLO BZANG CHOS RGYAN RJE'I, ,MTSAN GYI BYIN RLABS BZANG PO NYER ZHUGS MTHUS, ,'DUS LDAN RGYA MTSO'I TSOGS KYI DBUS NYID DU, ,SPYAN RAS GZIGS DBANG THAMS CAD MKHYEN PA YI, ,CHOS KYI KHRI LA CI DGAR SPYOD CIG CES, ,MANG POS BKUR BA'I MI RJE JI BZHIN DU, ,'DUS TSOGS SBYIN BDAG BCAS PAS MNGA' GSOL MDZAD, ,CES GSUNGS SO, ,DE SKABS CHOS GRVA TSAN POR 'BRUM BU'I NAD BYUNG BAR DBEN GNAS BYANG CHUB CHEN PO'I PHO BRANG DU 'BRUM YOL LA PHEBS, BYANG CHEN DU BZHUGS RING MDO SDUD PA, 'JAM DPAL MTSAN BRJOD, BYANG CHUB LAM GYI SGRON MA, RJE BTZUN CHOS KYI RGYAL PO TZONG KHA PA CHEN PO'I GSUNG MDUN LEGS MA, BLA MA LNGA BCU PA, BLO SBYONG

, ,MTSON CHA 'KHOR LO, ,RMA BYA DUG 'JOMS, RJE BTZUN BYAMS PA'I BSTOD PA TSANGS COD MA, RJE BTZUN 'JAM DBYANGS KYI BSTOD PA BSTOD SPRIN RGYA MTSO SOGS BSTOD CHEN BZHI, GZHAN YANG CHOS GRVA CHEN POR 'DON SROL YOD PA'I CHOS SPYOD KYI SKOR SOGS LJAGS 'DZIN MDZAD DE RGYUN DU ZHAL 'DON DU MDZAD, BYANG CHEN DU BZHUGS RING THUGS DAM SHIN TU 'PHEL BAS NUB GCIG MNAL LAM DU DPAL RDO RJE 'JIGS BYED ZHAL PHYAG YONGS SU RDZOGS PA ZHABS 'OG NA SROG CHAGS MED PA ZHIG DANG, CHOS RGYAL LA MA HE MED PA ZHIG DANG, DPAL LDAN LHA MO DRE'U MED PA SOGS CHOS SKYONG BA'I SRUNG MA DU MA MNGON SUM DU GZIGS PA LTA BU'I SNANG BA DANG, KHYAD PAR RDO RJE 'JIGS BYED LA PHAR BKA' BSGO BYED PA ZHIG RMIS GSUNGS TE, DON DU DE SKABS LHAG PA'I LHA DANG SRUNG MA MANG PO'I ZHAL GZIGS PA YIN ZHES PAn CHEN THAMS CAD MKHYEN PA CHEN PO BLO BZANG DPAL LDAN YE SHES DE NYID GSUNG NGO, ,DE'I TSE RI KHROD PA RNAMS LA CHOS KYI BDUD RTZI'ANG KHA YAR STZAL ZHING, 'BRUM THAG CHOD NAS BKRA SHIS LHUN POR CHIBS KHA BSKYOD SNGAGS KHANG DU GDAN DRANGS TE RGYUD GRVAR BZHUGS PA'I DGE BA'I BSHES GNYEN RNAMS LA CHOS KYI BDUD RTZI STZAL, DE NAS DGUNG LO BCUR PHEBS PA CHU BYI ZLA BA LNGA BA'I TSES LNGA'I NUB MNAL LAM DU THEG PA CHEN PO'I DAM PA'I CHOS DKON MCHOG BRTZEGS PA YONGS SU RDZOGS PA THUGS LA BZUNG NAS SKYAR BAS, SLOB DPON RIN PO CHE BLO BZANG BSTAN 'DZIN

SHIN TU DGYES NAS RJE RANG NYID LA PHYAG MDZAD PA'I SNANG BA BYUNG ZHING, TSES BRGYAD KYI NYIN RTZOM PA'I TSIG DON 'GA' YAR THUGS YUL DU 'CHAR BA'ANG BYUNG BAR, AOm SVASTI, DUS GSUM RGYAL BA KUN GYI MCHOG ,THAMS CAD MKHYEN PAS RJES SU BZUNG, ,GUS PA CHEN POS SNYING NAS BTUD, ,CES PA DANG, SLAR YANG, 'DOD KHAMS DBANG PHYUG RE MA TI SOGS KYIS, ,DNGOS BSHAMS YID KYIS SPRUL PA'I MCHOD SPRIN 'DI, ,MYUR DU BZHES LA RNAL 'BYOR 'KHOR BCAS KYI, ,'GAL RKYEN KUN SOL MTHUN RKYEN MA LUS SGRUBS, ,DENG 'DIR YID LA BSAMS PAR GYUR PA RNAMS, ,GEGS MED YID BZHIN 'GRUB PAR MDZAD DU GSOL, ,ZHES PA DANG, YANG TSES DRUG GI NUB MO MNAL LAM DU, NAM MKHA' LA 'JA' GUG STE SHAR BA, DE SGOR MOR SONG BA'I DKYIL NA RJE BTZUN 'JAM PA'I DBYANGS DMAR SER BZHUGS PA'I THUGS KA NAS 'OD ZER 'PHROS PA RJE BLA MA RANG NYID KYI THUGS KAR THIM PA DANG, THO RANGS PAn CHEN THAMS CAD MKHYEN PA RJE BTZUN BLO BZANG CHOS KYI RGYAL MTSAN GYI SKU GDUNG LA 'PHAN PHYE PHUR SOGS PHUL TE MCHOD PA MDZAD PA'I SNANG BA'ANG BYUNG, SANGS RGYAS CHOS KYI 'KHOR LO BSKOR, ,SEMS CAN THAMS CAD RTAG TU BDE, ,DGOS 'DOD THAMS CAD CHAR DU PHAB, ,MTHAR THUG SANGS RGYAS 'GRUB PAR SHOG ,CES DANG, RJE BTZUN CHOS KYI RGYAL BO DPAL BZANG PO'I, ,BSHAD SGRUB BSTAN PA'I BYA BA LEGS TSOGS RNAMS, ,YAR NGO'I ZLA LTAR 'PHEL ZHING RGYAS PA DANG, ,MCHOG DANG THUN MONG DNGOS GRUB STZAL DU GSOL,,

, ,ZHES PA RNAMS THOGS MED DU GSUNGS, DE NAS SA CHEN PO'I KHYON MTHA' DAG NAS 'DUS PA'I DAD LDAN SER SKYA BGRANG BA LAS 'DAS PA DAG LA ZHAL GYI DKYIL 'KHOR STON PA DANG, GSUNG GI BDUD RTZI STZOL BA DANG, DAD PAS PHUL BA'I DNGOS PO RNAMS BZHES TE NYIN RE BZHIN 'GRO BA BGRANG BA LAS 'DAS PAR MTHO RIS DANG THAR PA'I SA BON 'DEBS PAR MDZAD DO, ,DE NAS TSAD MA RNAM 'GREL LA SPYONG BAR BZHED DE 'JAM DBYANGS DGE 'DUN BLO BZANG GIS MJAD PA'I RNAM 'GREL GYI YIG CHA YONGS RDZOGS THUGS LA BZUNG STE BSKAL BZANG KHYAMS RA CHEN MOR 'DUS PA RGYA MTSO DANG LHAN CIG RIGS LUNG LA RTAG PAR PHEBS TE 'JAM MGON BLA MA'I RNAM THAR SKYONG BAR MDZAD DO, ,BAR SKABS SU BYANG RGYUD RGYAL PO 'KHOR BCAS DAD PA CHEN POS 'DUS BAR SO SO'I BSNYEN BKUR RNAMS BZHES SHING, RGYAL PO 'KHOR BCAS LA LAM RIM TSIGS BCAD MA, LAM RIM DMAR KHRID, SMAN BLA'I MDO CHOG ,LAM RIM CHUNG BA SOGS DANG, SRAS BGRES PAR THUB DBANG ZHAL PAD MA SOGS RANG RANG GI 'DOD PA DANG BSTUN PA'I CHOS KYI BDUD RTZI STZAL, DE'I TSE 'DUS PA RGYA MTSO'I TSOGS LA'ANG TSAD MA RNAM 'GREL GYI DBU NAS RIM GYIS GNANG BA'I 'OG TSUGS, TSAD MA RNAM 'GREL LA THUGS RAB THOGS PA MED PAR RGYAS PA'I TSUL BZHES TA THAMS CAD MKHYEN PA DGE 'DUN GRUB KYIS MDZAD PA'I SPYI DON RIGS RGYAN YONGS RDZOGS THUGS LA BZUNG, GZHAN YANG TSAD MA RNAM 'GREL GYI t'IKKA 'JAM DBYANGS SMON

LAM DPAL BA LEGS PA'I BLO GROS KYIS MDZAD PA'I SMON t'IKKA TU GRAGS PA DANG, THAMS CAD MKHYEN PA DGE 'DUN GRUB KYIS MDZAD PA'I RNAM 'GREL GYI t'IKKA NAS THOGS SHAS THUGS LA BZUNG STE ZHAG 'GA' RIGS LUNG CHOS SPYOD LA PHEBS NAS BGRO GLENG LA BRTZON PAR MDZAD, DE YANG SPYI DON RIGS RGYAN 'DI THAMS CAD MKHYEN PA DGE 'DUN GRUB KYIS RJE BTZUN BLA MA TZONG KHA PA CHEN PO BKRA SHIS RDO KHAR PHEBS PA'I TSE TSAD MA RNAM NGES KYI SKOR LA DOGS GCOD ZHUS PA'I ZIN BRIS DANG, RI BO DGE LDAN DU RGYAL TSAB THAMS CAD MKHYEN PA LA TSAD MA'I SKOR LA ZHIB BSHAD ZHUS PA RNAMS LA GZHI MDZAD NAS GZHUNG GSAR RTZOM GNANG BA YIN 'DUG PA DANG, THAMS CAD MKHYEN PA DGE 'DUN RGYA MTSOS KYANG CHOS GRVA CHEN PO 'DIR TSAD MA RNAM 'GREL GYI GZHUNG LA GSAN SBYONG GNANG BA'I SKABS SPYI DON RIGS RGYAN DANG, SMON t'IKA GNYIS LA ZHIB TU GZIGS SHING, KHYAD PAR SMON t'IKA LA THUGS YID 'PHROG PAR BYUNG NAS PHAL CHER THUGS LA BZUNG STE NGA'I TSAD MA'I SLOB DPON 'DI YIN GSUNG BA'I BSNGAGS BRJOD KYANG MDZAD PA BYUNG 'DUG CING, CHOS GRVA CHEN PO 'DIR BSDUS TSAD GTZO BOR MDZAD PA'I RGYU MTSAN YANG, BKA' GDAMS GLEGS BAM LAS, RGYAL MTSAN STOD LA CHOS GRVA 'ONG, ,CHOS RGYAL DHARM'A K'IRTI YI, ,CHOS KYI RGYAL MTSAN LEGS PAR 'DZUGS, ,ZHES DANG, THAMS CAD MKHYEN PA DGE 'DUN GRUB DGE 'PHEL DU BZHUGS SKABS MNAL LAM DU, BKRA SHIS LHUN PO'I RGYAB RI'I RTZE'I RNAM BA NAS, RJE BTZUN TZONG KHA PA CHEN POS DGE 'DUN GRUB CES 'BOD

, ,BAR MDZAD NAS, SA PHYOGS 'DIR TSAD MA RNAM 'GREL GYI BSTAN BA RGYAS PAR 'GYUR BA YIN, ZHES LUNG BSTAN GSUNGS PA BZHIN, THAMS CAD MKHYEN PA DGE 'DUN GRUB KYIS CHOS GRVA 'DIR BAR SKABS SHIG LHA SH'AKA GI 'GREL PA SOGS RGYA GZHUNG, t'IKA CHEN RIGS PA'I RGYA MTSO SOGS BOD GZHUNG 'GA' ZHIG LA GZHI MDZAD NAS SPROS BSHAD GNANG BAS THAMS CAD THUGS PHROGS TE MKHAS PA DRI MED BSHES GNYEN SOGS ZHAL SLOB CHE BA RNAMS KYIS ZIN BRIS KYANG MDZAD 'DUG , GZHAN YANG RJE BDAG NYID CHEN POS, LOG SMRA TSAR GCOD PHYOGS GLANG GRAGS PA LAS, ,LEGS PAR 'ONGS PA'I RIGS LAM BDUD RTZI'I CHUS, ,BLO MIG DRI MA YANG YANG MA BKRUS NA, ,SHIN TU ZAB GNAD MTHONG BA SMOS CI DGOS, ,RIGS PA'I LUNG DON LA YANG DPYOD PA NA, ,PHAL CHER LOG PAR RTOG PA 'PHEL 'GYUR ZHING, ,GAL TE YANG DAG DAM BCA' TZAM ZHIG GIS, ,NGES PA RNYED KYANG SGRUB DANG SUN 'BYIN GYI, ,TSAD MA'I STOBS KYIS THE TSOM MCHOD PHYIR, ,'DAM LA BTAB PA'I PHUR PA BZHIN 'GYUR BAS, , YANG DAG BAG CHAGS BRTAN PO 'JOG MI NUS, ,ZHES GSUNGS PA LTAR, LTA SPYOD GANG LA YANG RIGS LAM NAS DRANGS PA'I BSGOM BYA'I DON LA NGES PA MA RNYED NA 'KHRUL MED KYI LAM LA 'JUG DKA' BAR GZIGS SHING, SHES RAB DANG DON GNYER CAN RNAMS DPE CHA 'DRI BA'I DKA' CHE GAS LA BLTAS NA PHAN PA CHEN PO YONG BAR DGONGS TE THOG MAR SPYI DON RIGS RGYAN DANG, DE NAS RIM BZHIN 'DUL BA MOD RTZA BA, MDZOD RTZA, RNAM 'GREL RTZA BA, 'GREL PA DON GSAL, 'JUG PA RNAMS PAR DU BRKO

BA MDZAD, GZHAN YANG DON GNYER CAN MANG POR LUNG DANG RJES GNANG SOGS MTHA' YAS PA RIM PAR GNANG ZHING, ,DAD RDZAS RNAMS CHUD MI ZA BA'I PHYIR SKU GSUNG THUGS RTEN MTHA' YAS PA BZHENGS SHING, DE DAG GI BZHUGS GNAS LHA KHANG MANG PO'ANG GSAR BSKRUN MDZAD DE BSTAN RGYUN LA DGONGS NAS SKU GSUNG THUGS RTEN GSAR BZHENGS RNAMS CHOS SRUNG LA GNYER DU GTAD KYI 'PHRIN 'CHOL MDZAD PA NI, AOm SA MA YA TIshthA, DUS GSUM RGYAL BA'I YAB GCIG 'JAM PA'I DBYANGS, ,SNYIGS DUS GDUL DKA' MTHA' DAG 'DUL BA'I PHYIR, ,GTUM DRAG RNGAMS BA'I SKUR BSTAN LHAG PA'I LHAR, ,BTUD NAS GNYER DU GTAD PA'I DAM TSIG BRJOD, ,MTHU LDAN MYUR MDZAD MGON PO PHYAG DRUG PA, ,YAB YUM GNOD SPYIN BKA' NYAN 'KHOR BZHI DANG, ,LEGS NYES SHAN 'BYED CHOS KYI RGYAL PO DANG, ,TZ'A MUNdI DANG PHO BRGYAD MO BRGYAD SOGS, ,BSTAN DGRA TSAR GCOD DPAL LDAN RE MA TI, ,GUR MGON MA H'A K'A LA PHYAG BZHI PA, ,GTUM DRAG RDO RJE NAG PO YAB YUM DANG, ,SGROL GYING SROG BDAG DMAR PO 'KHOR BCAS LA, ,BKRA SHIS LHUN GYIS GRUB PA'I CHOS GRVA CHER, ,LHAG BSAM DAG PAS GSAR DU BSKRUN PA YI, ,RTEN GSUM MCHOD RDZAS JI SNYED MCHIS BA RNAMS, ,GNYER DU GTAD DO G-YEL MED BYA RA MDZOD, ,GAL TE 'DI DAG MTHU YIS 'PHROG PA'AM, ,'JAB BUS BRKU SOGS BSAM SBYOR LOG PA YIS, ,RDUL PHRAN TZAM YANG GZHAN DU 'KHYER BYED NA, ,SKAD CIG

, ,DE LA DRAG POS TSAR CHOD MDZOD, ,GZHAN YANG PHAN BDE'I 'BYUNG GNAS CHOS GRVA CHE'I, ,GTZUG LAG KHANG DANG DGE 'DUN CHOS 'BANGS LA, ,'TSE BA'I SNYING KHRAG ZHAL DU RAB DRANGS NAS, ,BDE CHEN GO 'PHANG THOB PA'I 'PHRIN LAS MDZOD, ,SHUGS DRAG DAD PAS MCHOD CING BSNYEN BKUR BA'I, ,MTHA' DAG SKYE DGU TSE RING 'BYOR LDAN ZHING, ,MTHAR THUG SKU GSUM GO 'PHANG MYUR THOB NAS, ,PHYOGS 'DIR BSHAD SGRUB MNGA' THANG 'PHEL GYUR CIG; CES SO, ,RJE 'DI PA NI SNGON BSKAL PA BGRANG BA LAS 'DAS PA NAS THUGS BSKYED DE ZHING 'DIR THUB PA'I BSTAN PA SPEL BA'I SLAD DU BSAMS BZHIN DU BYON PA YIN PA DANG, THA MAL BA RNAMS KYI SNANG NGOR YANG BYANG CHUB KYI SEMS RIN PO CHE NYID THUGS DAM GYI THIL DU MDZAD DE SPYIR 'GRO BA MTHA' DAG DANG, KHYAD PAR BYANG PHYOGS GANGS RI'I KHROD KYI 'GRO BA RNAMS LA YUL PHYOGS DANG GRUB MTHA'I PHYOGS LHUNG GANG YANG MED PAR THAMS CAD BYAMS BRTZES SKYONG BAR MDZAD PAS MCHOG DMAN BAR MA THAMS CAD KYIS BSNYEN BKUR PA'I ZHING MCHOG TU BZUNG STE RANG RANG GI GCES PA'I NOR RNAMS RJE 'DI'I PHYAG TU 'BUL CI THUB BYAD PAS ZANG ZING GI YO BYANG MTHA' YAS PA BYUNG BA DE DAG THAMS CAD SKU GSUNG THUGS RTEN GSAR BZHENG DANG, RIS SU MA CHAD PA'I DGE 'DUN GYI SDE MTHA' DAG LA BSNYEN BKUR NAR MAR MDZAD CING, DE THAMS CAD KYANG BSNGO BAS RGYAS THEBS PAR MDZAD DE, DE'I TSE BSNGO BA'I TSIGS BCAD KYANG 'DI LTAR, NA MO GU RU BUDDHA BO DHI SATV'A YA, GSER

SPYANGS BTZO MA'I LHUN PO RNAM MANG PHRAS, ,BTAB PA JI BZHIN MTSAN DPE'I DPAL 'BAR BA, ,SH'AKYA'I TOG SOGS RGYAL BA SRAS BCAS LA, ,PHYAG 'CHAL YID SMON 'GRUB PA'I GROGS MDZOD CIG ,BDAG GIS SKU GSUNG THUGS RTEN BZHENGS MCHOD DANG, ,DGE 'DUN BSNYEN BKUR DBUL PHONGS TSIM BYAS SOGS, ,DGE BA 'DI DAG GIS MTSON BDAG GZHAN GYIS, ,SNGON NAS DA LTA'I BAR BSGRUBS DGE TSOGS MTHUS, ,'BRU KUN SKYE LAS BZHIN YID CAN LA, ,PHAN BDE BLA MED STER LA MED MI RUNG; ;THUB PA'I BSTAN PA LUNG RTOGS NYI 'OD KYIS, ,'CHI MED LAM BZHIN PHYOGS KUN KHYAB GYUR CIG ,'JIG RTEN KHAMS SU MI 'DOD BSKYED PA'I GZHI, PHAN TSUN RTZOD SOGS MI DGE'I TSOGS ZHI ZHING, ,RDZOGS LDAN GSAR DU BZHAD PA'I DGA' STON LA, ,'GRO KUN GTAN DU SPYOD PA NYID GYUR CIG ,GRANGS MED BGROD KYANG BZOD PA'I LAM CHEN BZHIN, ,SDUG BSNGAL GYIS MNAR 'GRO TSOGS SGROL BA'I KHUR, ,LCI YANG BZOD PA'I BYANG CHUB SEMS MCHOG DANG, ,NAM YANG 'BRAL BA MED PA NYID GYUR CIG ,THUB PAS 'GRO KUN DON CHED GRANGS MED PA'I, ,BSKAL PA GSUM DU SKU LUS LONGS SPYOD SOGS, ,BTANG BAS TSOGS GNYIS YONGS RDZOGS BYANG CHUB BRNYES, ,BDAG GI SPYOD PA'ANG DE DANG MTSUNGS PAR SHOG ,JI LTAR SMON BZHIN BSOD NAMS YE SHES KYI, ,RLABS CHEN TSOGS DAG YONGS SU RDZOGS GYUR NAS, ,SKYON BRAL YON TAN KUN GYI DPAL LDAN PA'I, ,BLA MED BYANG CHUB MYUR DU THOB GYUR CIG ,DE THOB NAS KYANG 'KHOR BAR 'KHYAMS BA'I 'GRO, ,MA LUS KUN MKHYEN RGYAL

, ,BA'I GO 'PHANG LA, ,'GOD PA'I BRTZON 'GRUS THUB PA MCHOG NYID DANG, ,MI MNYAM MED PA NYID DU BDAG GYUR CIG ,CES SO, ,DE NAS DON GRUB CES PA SA MO LUG GE LO ZLA BA DRUG PA'I NANG DU DBUS PHYOGS SU CHIBS KHA BSKYOD DE RGYAL BA THAMS CAD MKHYEN BA NGAG DBANG BLO BZANG RGYA MTSO LA GSER GYI MAndAL DANG NAM MKHA' MDZOD KYI SGO 'PHAR PHYE BA LTAR DNGOS PO TSAD MED PAS MCHOD DE DBANG LUNG MAN NGAG MTHA' DAG YONGS SU RDZOGS PA ZHIG GNANG DGOS ZHES GSOL BA 'DEBS PAR MDZAD PAS, RGYAL DBANG THAMS CAD MKHYEN PA CHEN POS DA LAM CHOS BKA' YONGS RDZOGS 'BUL THUB PA MI YONG YANG NYER MKHO GANG 'GRUB CIG 'BUL GSUNG NAS, THUB PA GTZO 'KHOR GSUM, THUGS RJE CHEN PO GTZO 'KHOR GSUM, RJE BTZUN MI G-YO MGON PO, SGROL MA GTZO 'KHOR GSUM DANG BCAS TE BKA' GDAMS LHA BZHIR GRAGS PA'I RJES GNANG, SMAN BLA BDE GSHEGS BRGYAD MTHO BRTZEGS SU BZHUGS PA'I RJES GNANG ,PAndI TA GSER GDUGS CAN GYI BZHED SROL 'JAM DKAR SHES RAB 'KHOR LO'I RJES GNANG KHRO PHU LO TZ'A BA NAS BRGYUD PA, DGE SLONG MA DPAL MA NAS BRGYUD BA'I THUGS RJE CHEN PO ZHAL BCU GCIG PA PHYAG STONG SPYAN STONG GI RIGS GTAD KYI RJES GNANG, BA RI BA'I LUGS KYI RNAM 'JOMS LJANG SNGON GYI RJES GNANG, 'JAM DBYANGS DKON MCHOG LHUN GRUB KYI YI GE'I STENG NAS PHYAG NA RDO RJE 'BYUNG PO 'DUL BYED KYI RJES GNANG GUR NAS

'BYUNG NGA, RJE BTZUN SA SKYA PA'I ZAB CHOS SU GRAGS PA DBANG GI SGROL MA DMAR MO'I RJES GNANG, 'PHAGS PA KLU SGRUB KYIS MDZAD PA'I SGRUB THABS DANG GONG MA'I PHYAG LAN LTAR KLU DBANG RGYAL PO GTZO 'KHOR LNGA'I RJES GNANG, ,MI G-YO BA'I RJES GNANG, DPAL SNAR THANG PA RIG RAL GYI PHYAG LEN DANG MTHUN BA MI G-YO CHU SRUNGS KYI RJES GNANG YAR KLUNGS PA YON TAN BKRA SHIS KYI PHYAG LEN DANG MTHUN PA, YANG DE NYID KYI PHYAG LEN DAD MTHUN PA MI G-YO BA DKAR PO GTUM PO'I RJAS GNANG, 'JAM DBYANGS MKHYEN BRTZE'I YI GE'I STENG NAS GUR NAS GSUNGS PA'I SO SOR 'BRANG MA'I RJES GNANG, RAB 'BYAMS PA RIN CHEN DPAL BZANG GI YI GE'I STENG NAS SVA'I SNGAGS 'CHANG SNYE MO SH'AKYA DPAL LA GSANG BA'I BDAG POS DNGOS SU GSUNGS PA GUR NAS 'BYUNG BA DANG 'BREL BA'I PHYAG RDOR 'BYUNG 'DUL GYI RJES GNANG MI'I DBANG DBANG BCAS PA, 'JAM DBYANGS MKHYEN BRTZE'I DBANG PHYUG GI YI GE'I STENG NAS 'OD ZER CAN GTZO RKYANG GI RJES GNANG, SPYAN SNGA NGAG DBANG CHOS GRAGS KYI YIG CHA'I STENG NAS JO PO LUGS KYI SME BRTZEGS LJANG NAG GI RJES GNANG, 'JAM DBYANGS MKHYEN BRTZE'I ZIN BRIS GYI STENG NAS SME BRTZEGS DUD KA'I RJES GNANG, RTA MGRIN LCAGS RAL CAN ZLA RGYAL LUGS SU GRAGS PA'I RJES GNANG YIG RNYING DANG MTHUN PA, RTA MGRIN SHVA NA BZHI SKOR GYI RJES GNANG JO BO CHEN PO NAS BRGYUD PA, SHE'U LO TZ'A BA'I YIG CHA'I STENG NAS JO BO CHEN PO LA 'PHAGS PA SPYAN RAS GZIGS KYIS GNANG BA'I DZAM LA DKAR PO 'BRUG ZHON GYI RJES GNANG,

, ,YANG DZAM LA SER PO DANG NAG PO GNYIS KYI RJES GNANG, SLOB DPON AA BHA YA'I BZHENG SROL CHAG LO SUM PAS MDZAD PA'I SREG BYED ME'I MTSON CHA'I YI GE'I STENG NAS GTZUG TOR 'BAR BA'I RJES GNANG, SGRUB THABS RGYA MTSO'I NANG GI RDO RJE DBYANGS CAN MA DMAR MO ZHAL GSUM PHYAG DRUG BA'I RJES GNANG, THAR RTZE NAM MKHA' DPAL BZANG GIS MDZAD PA'I YIG CHA'I STENG NAS JO BO CHEN POS YOL CHOS DBANG LA GNANG BA'I RTA MGRIN GSHOG BA CAN ZHAL GSUM PHYAG DRUG PA'I RJES GNANG ,PAndI TA NAGS KYI RIN CHEN NAS BRGYUD PA'I SENG GDONG MA DMAR MO'I RJES GNANG, SA SKYA PA'I GSER CHOS SU GRAGS PA'I SENG GDONG MA NAG MO'I RJES GNANG, YANG SA SKYA PA'I LCAGS RI MI 'DA' BA'I GSER CHOS SU GRAGS PA 'PHAGS PA 'JIG RTEN DBANG PHYUG SENG GE SGRA'I RJES GNANG, DAM PA SANGS RGYAS NAS BRGYUD PA'I 'JAM DBYANGS SMRA SENG YUM BCAS KYI RJES GNANG, PHYAG RDOR AU TZARYA'I BYABS BSRUNG DANG RJES GNANG RNAMS GSAN, GZHAN YANG JO BO CHEN PO LHA CIG NAS BRGYUD PA'I SGROL MA NYER GCIG GI SNGON 'GROR, SER LDENG NAGS KYI SGROL MA'I RJES GNANG BCAS YONGS RDZOGS DANG, DPAL LDAN LHA MO'I RJES GNANG, K'A MA RU PA NAS BRGYUD BA'I ZHAL BRAM NAG GI RJES GNANG, TSE DPAG MED DKAR BO'I RJES GNANG RNAMS GSAN, 'DI SKABS RGYAL BA THAMS CAD MKHYEN PA CHEN POS RJE 'DI BA LA RJE BDAG NYID CHEN PO'I THUGS DAM RTEN STON PA THUB PA'I DBANG PO'I SKU

BRNYAN 'PHAGS YUL LA MI NGO MA KHYAD MTSAR ZHIG GNANG STE, MNYAM MED BU RAM SHING PA'I MDO SNGAGS KYI BSTAN BA SPYI DANG, KHYAD PAR KHAMS GSUM CHOS KYI RGYAL PO TZONG KHA BA CHEN PO'I BSTAN PA'I BDAG PO MDZOD CES BSTAN PA'I BDAG POR MNGA' GSOL, DE MTHUN GZHAN GYI ZHU BA PE MED BAR DGONGS DPYAD KYIS, RGYAL KUN NGO BO BLO BZANG GRAGS SNYAN BSTAN, ,'DZIN BAR BSOD NAMS SA BON DANG DRAG LAS, ,YE SHES MCHEG GI YONGS 'DU SA BRTOL RTZER, , SPRUL SKU'I 'BRAS BZANG SMIN LA GSOL BA 'DEBS, ZHES SOGS ZHABS BRTAN GSOL 'DEBS BKA' RTZOM GSAR DU GNANG STE PHYAG TU PHUL, GSOL 'DEBS DE NYID PHYOGS MTHA' DAG LA'ANG 'GYED BAR MDZAD, DE SKABS THON PHYAG GI SKABS YAB SRAS GNYIS KA PHAN TSUN 'BRAL MI PHOD PAR SPYAN CHAB MANG DU BYUNG ZHING THUGS 'PHRENG BA'I RNAM PA CHOR MDZAD PA NA ZHABS 'BRING BA TSANG MA'ANG RGYAL BA YAB SRAS 'DI GNYIS KYI MDZAD SPYOD 'DI 'DRA SNYAM DU YAB SRAS GNYIS KAR GUS BA BLA MED THOB CING SPYAN CHAB 'BYIN PA BYUNG 'DUG STE, DE NI SKU TSE 'DIR YAB SRAS GNYIS SLAR MI MJAL BAR GNYIS KAS MKHYEN PAR MNGON NO, ,TSUL DE DAG LA RJE NYID KYIS 'DI LTAR GSUNGS TE, RGYAL BA KUN DNGOS BLO BZANG GRAGS BA DANG, ,DBYER MED GTAN GYI SKYABS GCIG THAMS CAD MKHYEN, ,PHYAG NA PADMO'I ZHAL DKYIL LEGS MJAL TE, DAM CHOS BDUD RTZI'I DGA' STON DPAG MED MYANGS, ,THUB BA'I SNANG BRNYAN DNGOS PO'I GNANG SKYES BCAS, ,STZAL NAS THUNG

, ,BSTAN BDAG PO GYIS SHIG CES, ,SH'AKYA'I RGYAL POS 'PHAGS PA 'OD SRUNGS LA, ,JI BZHIN BSTAN PA'I KHUR CHEN BDAG LA STZAL, ,BLO DMAN BDAG 'DRAS DE 'DRA'I KHUR LCI BA, ,BZOD PAR DKA' YANG RJE BTZUN BLA MA'I BKA', ,'DOR MED YANG NGAG BSGRUB NUS GYUR CIG BA'I, ,SMON LAM BZANG PO RTZE GCIG YID KYIS BTAB, ,CES SO, ,DE NAS GTZANG DU PHEBS BKRA SHIS LHUN PO'I DBYAR CHOS KYI THOG DBU MA'I GZHUNG LA SBYONG BAR BZHED DE KHYUNG PHRUG BYAMS PA BKRA SHIS KYIS MDZAD BA'I DBU MA'I SPYI DON DANG, SER RJE BTZUN BAS MDZAD BA'I DBU MA'I SPYI DON CHEN MO DANG, DBU MA'I SA LAM RNAM GZHAG YONGS RDZOGS THUGS LA BZUNG STE NYIN LTAR SNGA DRO'I CHA LA BLA BRANG NYID DU MTSAN NYID ZHABS PHYI RNAMS DANG BGRO GLENG MDZAD, DGONG MO BSKAL BZANG KHYAM RA CHEN MOR 'DUS TSOGS KYI RIGS LUNG DANG BSTUN NAS ZUR BZHI BLA MA RNAMS DANG BCAS RIGS LUNG 'CHAG MED MDZAD, PHUN TSOGS RGYA MTSOS MDZAD PA'I DBU MA'I MTHA' DPYOD DANG, SGOM SDES MDZAD BA'I DBU MA'I t'AKKI GNYIS KYANG THUGS LA BZUNG, GZHAN YANG 'JAM DBYANGS DGA' BLOS MDZAD PA'I DBU MA'I MTHA' DPYOD DANG, RJE DGE 'DUN RGYA MTSOS MDZAD PA'I LTA KHRID CHEN MO DANG, CHOS RJE BDE LEGS NYI MAS MDZAD PA'I DBU MA'I SPYI DON RNAMS KYANG THUGS LA BZUNG ZHING, 'JUG PA'I RNAM BSHAD DGONGS PA RAB GSAL YANG PHAL CHER THUGS LA BZUNG STE ZAB MO DBU MA'I LTA BA GTAN LA 'BEBS PA LA SLOB DPON ZLA BA

GRAGS BA SLAR YANG 'JIG RTEN 'DIR BYON PA LTAR LUNG DANG RIGS PA'I DBANG PHYUG CHEN POR GYUR TO, ,DE NAS RDO RJE 'DZIN BA DKON MCHOG RGYAL MTSAN SPYAN DRANGS TE RIN PO CHE'I MAndAL SOGS MCHOD SPRIN MTHA' YAS PHAS MCHOD NAS 'JAM MGON BLA MA'I BSTAN PA'I SNYING PO GRUB CAN DBEN SA PA YAB SRAS KYI SNYAN RGYUD KYI MAN NGAG ZHAL SHES DANG BCAS PA GSAN ZHING DPAL GSANG BA 'DUS BA MI BSKYOD PA'I DBANG GI STA GON DANG, DNGOS GZHI BCAS GSAN ,DE NAS RIM GYIS BDE MCHOG L'U DRIL GNYIS, TSE DPAG MED LHA DGU SOGS KYI DBANG SO SOR STA GON DANG BCAS PA, NAM MKHA' SGO 'BYED KYI DBANG, BDE MCHOG L'U DRIL GNYIS DANG RDO RJE 'JIGS BYED KYI RDZOGS RIM GYI KHRID, BYANG CHUB LAM GYI RIM PA'I KHRID, YE SHES MGON PO PHYAG DRUG PA, DAM CAN CHOS KYI RGYAL PO, DPAL LDAN DMAG ZOR RGYAL MO, DPAL MGON ZHAL BZHI PA, RGYAL CHEN RNAM SRAS RNAMS KYI RJES GNANG, THUN DRUG GI RNAL 'BYOR GYI BSHAD LUNG DANG BCAS BA DANG, BLA MA MCHOD PA'I ZAB KHRID SNYAN RGYUD MAN NGAG ZHAL SHES YONGS RDZOGS DANG, MGON BO'I BKA' CHEN BCU GSUM GYI RJES GNANG, KHYUNG NAG ME'I SPU GRI'I RJES GNANG, BCOM LDAN 'DAS DAM TSIG GSUM BKOD RGYAL PO'I DBANG GI STA GON DNGOS GZHI DANG BCAS PA, DE NYID KYI SGRUB DKYIL YONGS SU RDZOGS PA'I CHOG SGRIGS RDO RJE 'DZIN BA RANG NYID KYIS MDZAD PA'I LUNG, DPAL RDO RJE 'JIGS BYED DPA' BO GCIG PA DANG BCU GSUM MA

, ,GNYIS KYI DBANG BZHI YONGS RDZOGS SO SOR STA GON DANG BCAS PA DANG, SNGAGS BTU BA'I RJES GNANG, KHAMS GSUM 'GRO BA'I BLA MA TZONG KHA PA CHEN POS MDZAD PA'I N'A RO CHOS DRUG GI KHRID YIG YID CHES GSUM LDAN GYI STENG NAS KHRID LUNG SBRAGS MA DANG RKANG PA'I 'KHRUL 'KHOR GYI SKABS SU 'DI SKOR GYI LAG LAN RNAMS LEGS PAR GSAN, BSRE BA SKOR DGUL GSUNG BSHAD 'THUS 'DOMS CHE BA ZHIG KYANG GNANG GSUNG, GZHAN YANG PHYAG RDOR GTUM CHEN DANG GTUM CHUNG GNYIS KYI RJES GNANG, DPAL 'KHOR LO BDE MCHOG LHA LNGA'I DBANG BZHI YONGS SU RDZOGS PA, PHYAG RDOR GOS SNGON CAN GYI RJES GNANG, 'JAM DBYANGS NAG PO'I RJES GNANG, RGYAL BA'I SRAS BO THOGS MED BZANG PO DPAL GYIS MDZAD PA'I BLO SBYONG GI KHRID YIG STENG NAS KHRID LUNG SBRAGS MA, SGOM SDE THAMS CAD MKHYEN PAS MDZAD PA'I DPAL RDO RJE 'JIGS BYED CHEN PO'I BSKYED RDZOGS KYI LUNG RNAMS GSAN ZHING THUB PA DAM TSIG GSUM BKOD KYI DBANG MANG GSAN, LHAG BAR DGA' LDAN SNYAN RGYUD KYI MAN NGAG YONGS SU RDZOGS PA GSAN, DE NAS DGUNG LO NYER GNYIS PA MIG DMAR ZHES PA SHING PHO BYI BA'I LO RGYAL ZLA BA'I YAR TSES BRGYAD KYI NYIN BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU RDO RJE 'DZIN PA DKON MCHOG RGYAL MTSAN DPAL BZANG BO'I ZHAL SNGA NAS KYIS MKHAN SLOB ZUNG 'BREL DANG, SNGAGS GRVA ZHAL SNGA NAS SLOB DPON RIN PO CHE BLO BZANG MGON

BOS GSANG STON ,DKYIL KHANG ZHAL SNGA NAS MGON PO DPAL BZANG GIS GREB CHOD PA, THOS BSAM GLING ZHAL SNGA NAS BLO BZANG BYAMS PAS LHUNG BZED 'BRIM PA, SHAR RTZE ZHAL SNGA NAS BLO BZANG DPAL 'BYOR SOGS KHA SKOR DU 'OS PA DAG GIS KHA SKONG BA MDZAD DE DAD PA'I DGE 'DUN GRANGS CHANG BA'I DBUS SU BSTAN PA LA ZHUGS LA YONGS SU RDZOGS PA DGE SLOB GI SDOM PA LEGS PAR BZHES TE THUB PA'I DBANG PO SLAR YANG GANGS RI'I LJONGS 'DIR BYON PA JI LTA BAR GYUR TO, ,TSUL NGAL NI RJE NYID KYI ZHAL NAS, MKHAN CHEN RDO RJE 'DZIN BA'I DED DPON GYIS, ,BDAG BLO'I GRU CHEN LHAG BA TSUL KHRIMS KYI, ,BSLAB PA YONGS RDZOGS RIN CHEN GTER GYIS BKANG, ,BKA' DRIN CHE'O DKON MCHOG RGYAL MTSAN ZHANGS, ,GZHAN YANG SRID ZHI'I GTZUG RGYAN RDO RJE 'CHANG, ,MKHAN CHAN RNAM GNYIS BKA' DRIN LA BRTEN NAS, ,BYANG SEMS RIG 'DZIN SDOM PA'I NOR BUS KYANG, ,RNYED DKA'I DAL 'BYOR GRU CHEN BYUR BUR GTAMS, ,SDOM GSUM CHU GTAR LAS 'ONGS TSUL KHRIMS NI, ,RNAM GSUM RIN CHEN GYIS GANG GZINGS BZANG PO, ,NYON MONGS CHU SRIN CHOM RKUN MA RUNGS PAS, ,MI 'JIGS DRAN SHES SO BCAS BRTZON PAS BSRUNG, ,CI YI PHYIR NA 'JAM MGON BLA MA YIS, ,TSUL KHRIMS NYES SPYOD DRI MA 'KHRUD PA'I CHU, ,NYON MONGS TSA GDUNG SEL BA ZLA BA'I 'OD, ,SKYE DGU'I DBUS NA LHUN PO LTA BUR BRJID, ,STOBS KYIS BSDIGS BA MED BAR 'GRO KUN 'DUD, ,CES SOGS BSNGAGS

, ,PA'I TSUL LA NGES RNYED CING, ,THUB BA'I BSTAN PA YANG DAG GZUNG BAR YANG, ,LEGS PAR RTOGS PAS 'BAD DE BSRUNG BAR SMON, ,DE'ANG TSE 'DIR RNYED BKUR SNYAN GRAGS DENG, ,PHYI MA MNGON MTHO'I BDE 'BRAS THOB CHED MIN, ,'PHRAL YUN BSTAN 'GROR PHAN BDE BSGRUB PA SOGS, ,'JAM DPAL DPA' BO'I SPYOD PA JI LTAR SMON, ,'DI LAS BYUNG BA'I DGE TSOGS 'OD DKAR GYIS, ,KHAMS GSUM 'KHOR BA'I GNAS KUN KHYAB GYUR NAS, ,MAR GYUR 'GRO BA'I MA RIG MUN SANGS TE, ,SGRIB BRAL BAS LEGS LAM BZANG THOB GYUR CIG ,CES GSUNGS SO, ,RJE 'DI NI RGYAL BA TZONG KHA PA CHEN PO'I MDZAD PA RNAM THAR LTAR SHING RTA CHEN PO'I GZHUNG LUGS RNAMS LA SBYANGS PA MTHAR PHYIN PA ZHIG MDZAD BZHED NAS RNAM 'GREL DANG DBU MA GNYIS LA SBYANGS PA MTHAR PHYIN PA MDZAD NAS PHAR PHYIN GYI GZHUNG LA SBYONG BAR BZHED DE, PAn CHEN SHANTI PA'I PHAR PHYIN GYI SBYI DON DANG MTHA' DPYOD YONGS RDZOGS, ZUR BKOL RTEN 'BREL, BSAM GZUGS, DGE 'DUN NYI SHU, THOD BRGAL, SA LAM RNAM GZHAG RNAMS YONGS RDZOGS THUGS LA BZUNG STE NYIN LTAR RIGS LUNG 'CHAG MED MDZAD, DE NAS SER RJE BTZUN PAS MDZAD PA'I PHAR PHYIN GYI SPYI DON YANG PHAL CHER BZUNG ZHING, GTZO BOR LEGS BSHAD GSER PHRENG DANG RNAM BSHAD SNYING PO RGYAN GNYIS LA GZIGS TE SHER PHYIN GYI MDO SDE RIN PO CHE'I DON RJE BTZUN BYAMS PA MGON

BOS NYAMS LEN GYI RIM PAR BSGRIGS PA'I GZHUNG MNGON RTOGS RGYAN GYI DGONGS PA BYANG CHUB LAM RIM DANG SBYAR TE GTAN LA 'BEBS PA LA GDENG THOB BAR MDZAD, DE NAS 'DUL BA LA SBYONG BAR BZHED DE SE RA RJA BTZUN PAS MDZAD BA'I 'DUL BA'I YIG CHA YONGS RDZOGS BZUNG ZHING SNGA SOR 'BUL BA MDO RTZA BA YONGS RDZOGS THUGS LA BZUNG BA BAR SKABS CUNG ZAD MNYEL BA'ANG SKABS 'DER GSOS TE 'DUL BA MDO RTZA BZHAL TON DU MDZAD CING, DE DANG 'DUL t'IKA RIN CHEN PHRANG BA RTZA 'GREL SBYAR TA MTHA' DAG PAR GTAN LA PHAB, 'DUL BA NAS JI LTAR GSUNGS BA LTAR 'GRO 'CHA GNYAL 'DUG GI SPYOD LAM THAMS CAD DANG, ZAS DANG GOS DANG SMAN DANG GNAS MAL JI LTAR LONGS SPYOD BA'I TSUL RNAMS PHRA MO'ANG MA 'PHYUGS BAR PHYAG LEN LA THABS BAR MDZAD DE 'PHAGS MCHOG NYE BAR 'KHRO GANGS RI'I KHROD 'DIR SLAR YANG BYON PA JI LTA BAR GYUR TO, ,DE NAS MNGON PA MDZOD LA SBYONG BAR BZHED DE MDZOD RTZA BA DANG, DKYIL KHANG GRA TSANG GI YIG CHA MNGON BA MDZOD LUNG RIGS GTER MJOD YONGS RDZOGS THUGS LA BZUNG ZHING GZHAN YANG MNGON PA KUN BTUS SOGS RGYA BOD KYI MNGON BA'I YIG CHA PHAL MO CHE LA GZIGS TE MTHA' CHOD PAR MDZAD, DE NAS DGE BA'I BSHES GNYEN BSOD NAMS GRAGS BA YONGS 'DZIN DU BSTEN TE YONGS 'DZIN DAM PA DE NYID LA BAn CHEN THAMS CAD MKHYEN PAS MDZAD PA'I DPAL GSANG BA 'DUS PA'I KHRID LAG RJES ZHAL SHES DANG BCAS PA RDO RJE 'DZIN PA DKON MCHOG

, ,RGYAL MTSAN GYIS ZIN BRIS SU GNANG BA DANG, BYANG CHUB LAM GYI SGRON MA, RJE SANGS RGYAS YE SHES KYIS MDZAD PA'I BLO SBYONG, SNAR THANG BA'I LAM MCHOG RTZA BA, BE'U BUM SNGON PO'I RTZA PA, DE'I 'GREL PA LHA 'BRI SGANG PAS MDZAD PA, SPYOD 'JUG ,CHED DU BRJOD PA'I TSOMS, BSLAB PA KUN LAS BTUS, RJE BDAG NYID CHEN PO'I GSUNG LAM RIM CHE CHUNG GNYIS, TSUL KHRIMS LE'U'I RNAM BSHAD, BYANG CHUB GZHUNG LAM; BLA MA LNGA BCU PA'I RNAM BSHAD, RDO RJE 'CHANG CHEN PO'I LAM GYI RIM PA, BDE MCHOG RTZA RGYUD DANG DE'I 'GREL PA SPAS DON KUN GSAL, BDE MCHOG L'U AI PA'I RNAM BSHAD 'DOD 'JO, BDE MCHOG GI RDZOGS RIM DNGOS GRUB SNYE MA, L'U AI PA'I RDZOGS RIM RNAL 'BYOR CHEN PO'I KHRID, DRIL BU RIN LNGA'I RNAM BSHAD, SBAS DON LTA BA'I MIG 'BYED, L'U AI PA'I SGRUB THABS BDE CHEN GSAL PA, BDE MCHOG DRIL BU PA'I SGRUB THABS DGONGS PA RAB GSAL, RIM LNGA GSAL SGRON, YE SHES RDO RJE KUN LAS BTUS DANG DE'I 'GREL PA, LHA MO BZHI ZHUS KYI RGYUD DANG DE'I 'GREL PA, 'PHO t'A KI GSER GYI SGO 'PHYED, RNAL 'BYOR BZHI RIM GYI t'AKKI, ,'JAM DPAL ZHI KHRO GNYIS KYI BSRUNG BA DRBAN A'A TZ'ARYA'I MAN NGAG LAS BYUNG BA, 'JIGS BYED KYI RTZA'I DAG SBYOR, KYEE RDOR ZIN BRIS, BDAG MED MA'I SGRUB DKYIL ZIN BRIS, SPRIN DRIL BA'I MAN NGAG RJE THAMS CAD MKHYEN PAS MDZAD PA, MKHAS

GRUB RIN PO CHES MDZAD PA'I RTZA LTUNG RNAM BSHAD, SBOM PO BRGYAD PA'I RNAM BSHAD, BLA MA LNGA BCU PA ,RTZA LTUNG BCU BZHI PA, SPOM PO BRGYAD PA, YANG RJE'I GSUNG 'JUG PA'I RNAM BSHAD DGONGS PA RAB GSAL DANG, DRANG NGES RNAM 'BYED LEGS BSHAD SNYING PO, DE'I DKA' 'GREL THAMS CAD MKHYEN PA DGE 'DUN RGYA MTSOS MDZAD PA SOGS GSUNG PHAL CHER, GSANG PA 'DUS PA'I BSHAD RGYUD DGONGS PA LUNG STON LE'U BCU GNYIS PA, DPAL GSANG BA 'DUS PA'I BSHAD RGYUD RNAL 'BYOR CHEN PO'I RGYUD DPAL RDO RJE PHRENG BA MNGON PAR BRJOD PA, RGYUD KYI RGYAL PO DPAL GSANG BA RNAM PAR 'BYED PA ZHES BYA BA LE'U DRUG CU RTZA BRGYAD PA, YE SHES RDO RJE KUN LAS BTUS PA ZHES BYA BA'I RNAL 'BYOR CHEN PO'I RGYUD DANG, DPAL RDO RJE SNYING PO RGYAN GYI RGYUD, RNAL 'BYOR CHEN PO'I DE KHO NA NYID CES BYA BA DANG, DPAL RDO RJE 'JIGS BYED KYI RGYUD RTOG BA BDUN PA, NGAN SONG THAMS CAD YONGS SU SBYONG BA'I RGYUD KYI RGYAL PO, TING NGE 'DZIN RGYAL PO'I MDO, DPAL SDOM PA 'BYUNG BA'I RGYUD KYI RGYAL PO, DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO BRGYAD BRGYA PA, BLO SBYONG MTSON CHA 'KHOR LO DANG RMA BYA DUG 'JOMS, RGYAL SRAS BKA' 'BUM YONGS RDZOGS, BLO SBYONG DPAL YE MA, SPYAN SNGA BLO GROS RGYAL MTSAN GYIS MDZAD PA'I THOG MA'I BLO SBYONG, YANG RJE'I GSUNG BDE MCHOG DRIL BU LUS DKYIL GYI DKYIL CHOG RIN PO CHE'I BANG MDZOD DANG, RTZA SHE t'IKA CHEN,

, ,RIM LNGA GDAN RDZOGS, GZHAN YANG DUS 'KHOR BSDUS RGYUD DANG, BYAMS PA DAM BCAS KYI GZUNGS PHAN YON DANG BCAS PA, YON SBYONG PA'I GZUNGS, 'JAM DBYANGS DAM BCAS PHAN YON DANG BCAS PA, RDO RJE 'DZIN PA DKON MCHOG RGYAL MTSAN GYIS MDZAD PA'I 'JAM DBYANGS CHOS SKOR GYI RJES GNANG CHOG SGRIGS, 'JAM DBYANGS CHOS SKOR PAR LA 'KHOD PA RNAMS KYI LUNG DANG, 'JAM DBYANGS CHOS SKOR NANG GI CHOS RGYAL GSUM MA GTOGS PA'I RJES GNANG, GZHAN YANG BKA' GDAMS GLEGS BAM CHA LAG DANG BCAS PA, LAS CHEN KUN RGYAL BAS MDZAD PA'I BKA' GDAMS CHOS 'BYUNG, MKHAS GRUB SANGS RGYAS YE SHES KYI BKA' 'BUM YONGS RDZOGS, JO BO'I CHOS CHUNG BRGYA RTZA YONGS RDZOGS, RJE DGE 'DUN GRUB KYIS MDZAD PA'I THUB DBANG GI BSTOD PA BDUD DPUNG PHYE MAR 'THAGS PA, MI CHOS GNAD PHRENG, DPE CHOS RIN SPUNGS, YIG CHUNG NYER GCIG ,'DUL BA'I GLENG 'BUM CHEN MO BCAS KYI LUNG RNAMS GSAN, DE LTAR MANG DU THOS PAR GYA CHER 'TSOL BAR MDZAD CING, DE DAG GI SKABS SHING RTA CHEN PO'I GZHUNG LUGS RNAMS KYI DON LA RIGS PAS DPYAD PA NA BDE BA 'DOD KYANG RMONGS NAS SDUG BSNGAL GYI RGYU SGRUB PA'I SEMS CAN RNAMS LA SNYING RJE DANG MI RTAG SDUG BSNGAL STONG PA'I DANG TSUL DGONGS NAS NGES 'BYUNG SHUGS DRAG BO DANG SNGON BYON DAM PA RNAMS KYI RNAM THAR LA SLOB 'DOD SHUGS DRAG 'KHRUNGS SHING, LHAG PAR RJE THAMS CAD MKHYEN PAS DENG SANG GI BYED

SPYOD LTAR CHUNG DU NAS BLA CHEN GYI TSUL BZUNG NAS CHE SGROB BYED PA 'DI 'DRA MIN PAR CHOS RJE DON GRUB RIN CHEN NAS BZUNG MKHAS DANG GRUB PA'I DAM BA MANG PO'I ZHABS LA GTUGS TE GDAMS PA MANG DU GSAN PA DANG, GRVA SA CHEN PO RNAMS SU MKHAS PA BLO GSAL DON GNYER CAN RNAMS DANG MNYAM 'PHRE MDZAD DE GZHUNG LUGS LA MTHA' CHOD PAR SPYANG BAR MDZAD PA DANG, LHAG PAR RJE BTZUN 'JAM PA'I DBYANGS KYI BKAS BSKUL TE 'KHOR DAG PA RNAM BRGYAD DANG BCAS BYA BRAL LA PHEBS NAS DBAN PA'I RI SUL RNAMS SU DPON MED G-YOG MED SPYOD PA RANG DBANG 'DUS PA'I BYA BRAL GYI BRTUL ZHUGS LA GNAS TE 'TSO BA DKA' THUB MDZAD CING DPAG PAR DKA' BA'I BSAG SBYANG MDZAD PA'I RNAM THAR DE DAG LA BSAMS NA BDAG NI BLA CHEN GYI GO SAR SBYIN BDAG GRVA RIGS MANG PO'I GZHAN DBANG DU SONG STE PHA BLA MA'I RNAM THAR SKYANG BA'I DBANG MED PA 'DI LTA BU SNYAM DU THUGS SHIN TU SKYON NAS SPYAN CHAB RGYUN MA CHAD PAR BYUNG ZHING RJE BLA MA'I RNAM THAR LA SMON PA'I GSUNG MGUR 'DI LTAR MDZAD DO, NA MO GU RU SU MA TI K'IRTIYE, PHUL BYUNG BLO GROS ZAB YANGS YID BZHIN MTSOR, ,BSLAB GSUM RNAM DAG RIM GNYIS NOR BZANG POS, ,LEGS GTAMS YID CAN YONGS KYI RE SKONG ZHES, ,GRAGS BA'I RLABS PHRENG SRID GSUM G-YO KHYOD RGYAL, ,GDENGS CAN DBANG PO'I TSOGS KYI GTZUG RGYAN BZHIN, ,GANG GI ZHABS SEN PAD RAG MDANGS CHAGS PA, ,SPYI BO BDE CHEN 'KHOR LO'I STENG BKOD NAS, ,BYANG CHUB SNYING PO'I BAR DU MCHOD LA BRTZON, ,NYI 'OD GCIG GIS

, ,GRANGS MED SKAR MA'I TSOGS, ,PHAM BAR BYED BZHIN KHYOD KYI THUGS RJE'I ZER, ,GCIG GIS MA RIG SMAG TSOGS 'JOMS PA'I MTHU, ,MTHONG BAS RAB DAD BTUD DE PHYAG BGYID DO, ,JI LTAR DBYAR GYI LANG TSO BRTAS PA'I DUS, ,DGUNG SNGON DBYINGS LAS 'BRUG GI SGRA BSGRAGS TSE, ,MDONGS LDAN TSOGS RNAMS ZLOS GAR BSGYUR BA BZHIN, ,RJE YI RNAM THAR DRAN PAS YID RAB G-YOS, ,'JIG RTEN PA DAG GSER GYI GTER MTHONG DUS, ,TSE 'DE'I BDE BA BSGRUB PHYIR DER 'JUG NA, ,GTAN GYI BDE BA DAM PA STER BYED PA'I, ,RNAM THAR BZANG BA'I TSUL LA CIS MI 'JUG ,DAL 'BYOR RNYED DKA' TSE 'DI'I MDUN THABS LA, ,SNYING PO MED GZIGS BTZON KHANG DANG 'DRA BA'I, ,PHA YUL SPANGS NAS TSANGS SPYOD BRTUL ZHUGS BZHES, ,NYES LTUNG DRIS DBEN DE BZHIN BDAG KYANG BSGRUB, ,GZHON NU NYID NAS BSHES GNYEN DAM PA'I TSOGS, ,NYER BSTEN BKA' LAS MI 'DA' BSGRUB PA DANG, ,SRI ZHU BKUR STI BLA MAR BGYI MKHAS PA'I, ,'JAM MGON BLA MA'I RJES SU BDAG KYANG 'JUG, GLING BZHIR DBANG BSGYUR RGYAL PO'I DPAL THOB KYANG, ,CHU SHING LTA BUR SNYING PO MED GZIGS NAS, ,YANG DAG RDZOGS BYANG BSGRUB LA RAB GZHOL BA'I, ,RMAD BYUNG SPYOD DER BDAG KYANG 'JUG PAR SPRO, ,SDE DGON BDAG BZUNG RNYED BKUR SNYAN GRAGS PHYIR, ,BSHAD CHOS DON GNYER CHOS MIN CHOS BTAGS SU, ,GZIGS TE CHAGS ZHEN KUN BOR BYA BRAL MDZAD, ,DE LTAR BSGRUB SKAL DMAN YANG YID

KYIS SMON, ,'JAM PA'I DBYANGS SOGS BSHES GNYEN DAM PA YI, ,ZHAL GYI BUM BZANG LAS 'ONGS BDUD RTZI'I BCUD, ,DBEN PA'I GNAS SU RTZE GCIG MYANG MKHAS PA'I, ,SPYOD TSUL DER YANG YID KYIS SMON PA LAGS, ,SRID PA'I PHUN TSOGS NYES MANG MNOG CHANG BA'I, ,BDER CHAGS SDUG BSNGAL BSGRUB PA'I DRIN CAN MA, ,SGROL BA'I RLABS CHEN KHUR 'CHANG BLO BZANG GRAGS, ,KHYOD KYI SPYOD TSUL CI 'DRAR BDAG KYANG SMON, ,NYE RING SPANGS PAS CHAGS SNGA DANG SDANG PA MED, ,'JIG RTEN CHOS BRGYAD SGYU MA BRAG CA BZHIN, ,SNYING PO MED GZIGS 'GO SNYOMS MDZAD PA YI, ,BLO BZANG GRAGS PA'I RJES SU BDAG KYANG 'JUG ,LAN DANG RNAM PAR SMIN PAR MI LTA BAR, ,PHYI NANG DNGOS PO MCHOD SBYIN GTONG BA DAB, ,MI 'JIGS CHOS DANG BYAMS SOGS SBYIN PA YIS, ,'GRO DON RLABS CHEN MDZAD PA DE RJES 'JUG ,SDOM PA GSUM MNOS NYES SPYOD KUN SDOM ZHING, ,DGE BAR SPYOD DANG SEMS CAN DON BSGRUB PA'I, ,RNAM GSUM TSUL KHRIMS MTHAR PHYIN 'GRO BA'I MGON, ,BLO BZANG GRAGS PA'I RNAM THAR RJES SU SLOB, ,BRDEG 'CHOG MTSANG 'BRU GSHE SKUR SOGS MTSON GYIS BSKAL PAR BTAB KYANG YI PHIGS BZOD PA'I GO ,LEGS MAN BAS RJE BTZUN BLO BZANG GRAGS PA YI, ,GO CHE BTZAN PO DE LTAR BDAG KYANG BGO, ,GZHON NU NYID NAS JI LTA DAM BCAS PA'I, ,RLABS CHEN SPYOD PA'I KHUR CHEN CHES LCI YANG, ,MI 'DOR BZOD PA'I BRTZON 'GRUS SA GZHI LTAR, ,RAB BRTAN RJE BTZUN RDZAS SU BDAG KYANG 'DZUG ,DMIGS

, ,PA'I NGO BO GANG LA GTAD GYUR KYANG, ,LE LO LA SOGS NYES PA'I SKYON LNGA GIS, ,NAM YANG MI G-YO YON TAN LEGS 'PHEL BA'I, ,BSAM GTAN MTHAR PHYIN KHYOD RJES BDAG KYANG 'JUG ,DE YI NGANG LAS BDAG GNYIS 'DZIN PA'I NAGS, ,DRUNGS NAS 'BYIN PA'I SHES RAB ME CHEN GYIS, ,BDAG 'DZIN TSAL BCOM SHIN SBYANGS BDE 'ONG 'BAR, ,SHES RAB MTHAR PHYIN KHYOD RJES BDAG KYANG 'JUG ,BDE GSHEGS RNAMS KYI GZUGS SKU BSOD NAMS DANG, ,CHOS SKU YE SHES TSOGS KYIS BSGRUB DGOS PA, ,DE'ANG PHAR PHYIN DRUG TU 'DUS GZIGS NAS, ,BRTUN TE BSGRUB MKHAS KHYOD RJES BDAG KYANG 'JUG ,DE DAG RER YANG PHAR PHYIN DRUG CHANG DANG, ,SNYING RJE SHES RAB KYIS ZIN RANG DON SPANGS, ,BLA MED BYANG CHUB RGYU RU BSNGO BA STE, ,THABS MKHAS GSUM LDAN MDZAD PA DE RJES 'JUG ,DE LTAR RJE BTZUN BLA MA'I RNAM THAR LA, ,RJES SU YI RANG DE BSGRUB RAB SMON BA'I, ,DGE BA 'DIS MTSON ZLA 'OD LTAR DKAR KUN, 'GRO BA'I DON DU RDZOGS BYANG THOB PHYIR BSNGO, ,DENG NAS JI SRID BYANG CHUB SNYING PO'I BAR, ,BLO BZANG GRAGS PA'I SPYOD TSUL CI 'DRA BAR, ,SMON TE 'JAM DPAL DPA' BO THABS MKHAS PAS, ,'GRO DON RLABS CHEN SPYOD PA'I RJES 'GROR GYUR, THUB DBANG GNYIS BA BLO BZANG GRAGS PA YI, ,LUNG RTOGS PAD TSAL THUGS RJE'I NYI 'OD KYIS, ,PHYE LA SPYOD PA'I SKAL LDAN BHRA MA RAS, ,THEG GSUM SHIS GLU SRID MTHAR SGROGS GYUR CIG ,CES GSUNGS SO, ,DE NAS RJE ZHAL SNGA

NAS BLO BZANG MGON PO LA, DPAL GSANG BA 'DUS PA'I 'GREL BA BZHI BA SGRAGS KYI BSHAD LUNG DANG, MKHAS GRUB THAMS CAD MKHYEN PAS MDZAD PA'I DPAL RDO RJE 'JIGS BYED KYI BSKYED RIM STOD CHA KHA SKONG 'BRONG RTZE BLO GROS CHOS SKYONG GIS MDZAD PA DANG BCAS PA, 'JUG PA RANG 'GREL DANG BCAS PA, 'GREL PA DON GSAL, RJE RIN PO CHES MDZAD PA'I RTZA LTUNG RNAM BSHAD DANG, SBYIN SREG DNGOS GRUB RGYA MTSO, DPAL RDO RJE 'JIGS BYED CHEN PO'I MNGON RTOGS ZA MA TOG ,'DUL 'DZIN GRAGS PA RGYAL MTSAN GYIS MDZAD PA'I GZHI GSUM CHO GA ,BU STON THAMS CAD MKHYEN PAS MDZAD PA'I 'DUL BA'I LAS CHOG ZHAR BYUNG KHYIM PA LA PHAN GDAGS PA YAN BCAS KYI LUNG GSAN NO, ,BAR SKABS SHIG PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO'I THUGS SRAS SGRUB PA'I RGYAL MTSAN 'DZIN PA RNAMS KYI MCHOG TU GYUR PA DRUNG PA BLO BZANG DAM CHOS RGYAL MCHAN DPAL BZANG PO'I ZHAL SNGA NAS LA PHYAG CHEN GYI KHRID LUNG, 'JAM DBYANGS CHOS SKOR GYI LUNG, GCOD KHRID THAR 'DOD DENG DPON GYI KHRID LUNG RNAMS GSAN NO, ,DE NAS RDO RJE 'DZIN PA CHEN PO BLO BZANG DON GRUB LA RJE GRUB PA'I DBANG PHYUG BLO BZANG DON YOD GRUB PA'I BKA' 'BUM YONGS RDZOGS, MKHAS GRUB THAMS CAD MKHYEN PAS MDZAD PA'I 'KHRUL 'KHOR RNAM BSHAD CHEN MO, ,MYUR MDZAD YE SHES MGON PO PHYAG DRUG PA'I BE'U BUM MKHAS GRUB RJES ZHUS DAG MA, 'DUS PA'I SGRUB THABS RNAL 'BYOR DAG RIM DANG DKYIL CHOG

, ,DBANG DON DE NYID GSAL BA RNAMS KYI LUNG DANG, KUN RIG GI DBANG, 'DUL 'DZIN GRAGS PA RGYAL MTSAN GYIS MDZAD PA'I KUN RIG GI CHO GA CHEN MO DANG, 'KHRUL 'KHOR RNAM BSHAD KYI ZHAL SHES YIG CHUNG DANG YANG CHUNG SKOR GYI LUNG, RDO RJE PHRENG BA'I DBANG YONGS RDZOGS, DPAL DUS KYI 'KHOR LO'I RDUL TSON GYI DKYIL 'KHOR DU MKHAS GRUB THAMS CAD MKHYEN PA'I SGRUB DKYIL LA BRTEN NAS DBANG YONGS SU RDZOGS PA, PHRENG BA RNAM GSUM DANG SGRUB THABS RGYA MTSO RGYA GZHUNG GI LUNG, SNAR THANG BRGYA RTZA NAS 'BYUNG BA'I LHA RNAMS KYI RJES GNANG DANG DE'I GZHUNG GI LUNG, 'DUL 'DZIN BLO GROS SBAS PAS MDZAD PA'I GCOD KHRID PHUL BYUNG GSER PHRENG, SPYAN SNGA BLO GROS RGYAL MTSAN GYIS MDZAD PA'I BLO SBYONG 'JIG RTEN BYA BA'I RNAM GZHAG ,BYANG SEMS RA SGRENG PAS MDZAD PA'I BLO SBYONG CHEN MO'I LUNG, BA RI BRGYA RTZA'I RJES GNANG DANG SGRUB THABS KYI LUNG, LO TZ'A BA GRAGS PA RGYAL MTSAN GYIS BSGYUR BA'I SGRUB THABS RGYA MTSOR GRAGS PA'I RJES GNANG YONGS RDZOGS, PHYAG RDOR 'KHOR CHEN GYI DBANG BZHI YONGS RDZOGS, RGYAL BA LNGA PAS MDZAD PA'I DKYIL CHOG GI STENG NAS GSHED DMAR LHA LNGA'I DBANG DANG DKYIL CHOG GI LUNG, RJE TZONG KHA PA CHEN POS MDZAD PA'I DKYIL CHOG GI STENG NAS GSHIN RJE'I GSHED DMAR NAG LHA BCU GSUM MA GNYIS KYI DBANG, MI TRA BRGYA RTZA'I DBANG YONGS SU RDZOGS PA, RNAM SNANG MNGON BYANG, GSANG 'DUS 'JIG RTEN DBANG PHYUG,

DPAL RDO RJE 'JIGS BYED ZHED GU MA DANG RO LANGS BRGYAD SKOR, DPAL MO LUGS KYI SPYAN RAS GZIGS BCU GCIG ZHAL GTZO 'KHOR LNGA PA, BKA' GDAMS THIG LE BCU DRUG RNAMS KYI DBANG DANG, RNAM SRAS BKA' BCO LNGA, DPAL LHA DUNG SKYONG MA, LHA MO DUD SOL MA RNAMS KYI RJES GNANG, DPAL RDO RJE 'JIGS BYED DPA' BO GCIG PA'I RJES GNANG, DE'I CHOG SGRIGS SGRUL SKU NGAG DBANG BSTAN 'DZIN 'PHRIN LAS KYIS MJAD PA'I LUNG, GZHAN YANG TSOGS BDAG DMAR PO PHYAG BCU GNYIS PA, DUR KHROD BDAG PO YAB YUM, RDO RJE RAB BRTAN MA, ZHANG BLON RDO RJE BDUD 'DUL, KHRO MO SME BRTZAGS, LHA MO SHRA MA nA, RDO RJE SEMS DPA', TSE RING MCHED LNGA RNAMS KYI RJES GNANG DANG, 'JAM DBYANGS DMAR SER LA BRTEN PA'I DBYANGS GSAL GYI RJES GNANG, RTEN 'BREL SNYING PO'I RJES GNANG, BENG LCAM DRAL DANG, MGON PO PHYAG BZHI PA, GUR LHA BRGYAD, PHYAG RDOR 'KHOR CHEN, BCU GCIG ZHAL LA BRTEN PA'I MKHA' 'GRO SDE LNGA, DBYANGS CAN MA DKAR MO RNAMS KYI RDZAS GNANG, LHO BRAG GRUB CHEN LAS KYI RDO RJE'I LUGS KYI SNYAN RGYUD KYI TSE DBANG, PHYAG RDOR LA BRTEN PA'I DON DAM BYANG CHUB SEMS BSKYED KYI RJES GNANG, PHYAG RDOR SKU LNGA'I RJES GNANG, PHYAG RDOR ZHAL GSUM PHYAG DRUG PA GTZO 'KHOR DGU PA'I RJES GNANG, PHAG DKAR SHES RAB GSAL BYED DANG, KU RU KULLE GNYIS KYI RJES GNANG, TSE DPAG MED LHA LNGA PA NYE RGYUD KYI RJES GNANG TSE DBANG DU GRAGS PA, GZHAN YANG BYAMS CHOS SDE LNGA, D'U MA RIGS TSOGS DRUG ,BZHI BRGYA PA,

, ,'DUL BA MDO RTZA, MDZOD RTZA, 'JUG PA, MNGON PA KUN BTUS, TSAD MA KUN BTUS, TSAD MA SDE BDUN, SKYES RABS SO BZHI BA, LAM SGRON RANG 'GREL, RNAM BSHAD THAR LAM GSAL BYED, RNAM BSHAD SNYING PO'I RGYAN, SPYOD 'JUG DAR t'IKA, STONG THUN SKAL BZANG MIG 'BYED, BSKYED RIM DNGOS GRUB RGYA MTSO, SDOM GSUM RNAM GZHAG THUB BSTAN BYI DOR, MKHAS GRUB THAMS CAD MKHYEN PA'I GSUNG THOR BU, RJE TZONG KHA PA'I RNAM THAR DAD PA'I 'JUG NGOGS, MKHAS GRUB RJES MDZAD PA'I 'DUS PA'I ZHI RGYAS KYI SBYIN SREG ,'DUL 'DZIN GRAGS PA RGYAL MTSAN GYIS MDZAD PA'I DGE SLONG GI BSLAB BYA CHEN MO DANG KUN RIG t'IKA CHEN, BSLAB BYA GNAM RTZENG LTENG MA, BU STON CHOS 'BYUNG, BU STON THAMS CAD MKHYEN PAS MDZAD PA'I THUB PA'I RNAM THAR CHEN MO DANG, SNYING THUR BDUD MO LA SMAD PA DANG BCAS PA, SA SKYA LEGS BSHAD, SHES BYA'I MKHA' DBYINGS MA, YE SHES YON TAN BZANG PO'I BSTOD PA, BSKAL BZANG RGYAN PHRENG, 'DUL LUNG KA PA NAS BZUNG RGYAL BA'I BKA' 'GYUR RIN PO CHE YONGS RDZOGS, MGON PO PHYAG DRUG PA DANG ZHAL GYI BSKAD GSO, SPYAN SNGA BLO GROS RGYAL MTSAN GYI GSUNG 'BUM YONGS RDZOGS, DPAL DUS KYI 'KHOR LO'I 'GREL CHEN DRI MED 'OD, RGYAL BA LNGA PAS MDZAD PA'I SMAN BLA'I MDO CHOG ,'DUL BA'I LAS CHOG ,SPYAN SNGA CHOS DRUG ,RJE RIN PO CHE'I GSUNG ZIN BRIS SKOR MANG BA DANG, MKHAS GRUB RJES MDZAD PA'I RGYUD SDE SPYI RNAM, SNGAGS 'CHANG GZUNGS KYI DPAL BA DANG

BLA MA 'PHAGS PA SOGS KYI MAN NGAG GIS BRGYAN PA'I KHYUNG KHRA'I LAS TSOGS, RNAM SRAS BE'U BUM, DUR KHROD BDAG PO'I LAS TSOGS, DAM PA SANGS RGYAS KYIS MDZAD PA'I 'JAM DBYANGS CHOS SKOR, RTOGS BRJOD DPAG BSAM 'KHRI SHING, RGYAL BA LNGA PAS MDZAD PA'I BLA MA'I RNAL 'BYOR GYI SKOR, G-YANG PA CHOS RJES MDZAD PA'I RGYAL BA DGE 'DUN RGYA MTSO'I RNAM THAR ZHABS STEGS DANG BCAS PA, DZE T'A RIS MDZAD PA'I TSE DPAG MED KYI BSTOD BA SGRUB THABS DANG BCAS PA, SGRA MI SNYAN GYI TSE SGRUB BLA MA RTOGS LDAN PAS MDZAD PA'I RJE'I RNAM THAR LEGS BSHAD KUN 'DUS, RGYAL BA LNGA PA'I RNAM THAR GA BA'I STOD CHA NAS LUNG GI 'PHRO YOD PA RNAMS, RJE RIN PO CHES MDZAD PA'I 'DUL BA'I ZIN BRIS, SPYOD 'JUG SHER LE'U ZIN BRIS, BDAG BYIN RLABS KYI ZIN BRIS, MKHAS GRUB RJE SKU MCHED KYI YIG CHUNG, RJE GRAGS PA RGYAL MTSAN GYIS MDZAD PA'I RAB GNAS RNAMS KYI LUNG DANG, KUN RIG GI DBANG, NGAN SONG SBYONG BA'I DKYIL 'KHOR BCU GNYIS KYI DBANG, GDUGS DKAR LHA SO LNGA DANG BCU BDUN MA GNYIS KYI DBANG STA GON DANG BCAS PA, 'JAM DBYANGS CHOS SKOR GYI NANG GI SGROL DKAR GYI RJES GNANG DANG NYER MKHO'I LUNG 'GA' ZHIG RNAMS GSAN ZHING, LCAGS RTA SA GA ZLA BA'I TSES BCU BZHI BCO LNGA GNYIS LA DAM PA 'DI'I ZHABS DRUNG DU THEG CHEN GSO SBYONG GI SDOM PA BZHES NAS, SMYUNG BAR GNAS PA'I CHO GA JI LTAR BYA BA'I TSUL RNAMS KYANG SNGA GONG NAS DOGS GCOD MDZAD DE SBYOR DNGOS GNYIS KA RNAM PAR DAG PAR MDZAD DO, ,RJE 'DI NI LEGS TSOGS THAMS CAD

, ,KYI RTZA BA BSHES GNYEN BSTEN TSUL LA SHIN TU BZO BAR MDZAD PAS BLA CHEN GYI GO SAR BZHUGS PA TZAM LAS BLA MA RNAMS LA CHE 'GYING NAM YANG MI MDZAD BAR SHIN TU GUS PAS PHYAG 'TSAL ZHING MCHOD PA'I DNGOS PO YID DU 'ONG BA MTHA' DAG GIS MCHOD CING BKA' BZHIN SGRUB PA LAS NAM YANG MI G-YEL BAR MDZAD DE RJE NYID KYI ZHAL NAS, THOS PA'I TSOM LAS, THOS PAS CHOS RNAMS SHES PAR 'GYUR, ,THOS PAS SDIG LAS LDOG PAR BYED ,THOS PAS DON MA YIN PA SPONG, ,THOS BAS MYA NGAN 'DAS PA THOB, ,CES DANG, SDIG PA DANG NI DGE BA'I CHOS, ,MA THOS BAR DU SHES MI 'GYUR, ,MIG LDAN MAR ME YOD PA YIS, ,GZUGS RNAMS MTHONG BA JI LTA BAR, ,DE BZHIN DGE DANG SDIG PA'I CHOS,, THOS BAS RNAM BAR SHES PAR 'GYUR, ,ZHES SOGS GSUNGS PA LTAR RGYAL BA'I BKA' DANG DE'I DGONGS 'GREL GYI BSTAN BCOS MANG BO'I LUNG THOB PAR 'DOD PA DANG, DE'ANG BDAG NYID LTA BU'I BLO DMAN GYIS THOS PA TZAM GYIS DGONGS DON ZAB MO RNAMS RTOGS DKA' BAS RTAG TU DGE BA'I BSHES GNYEN DAM PA DANG MI 'BRAL BAR BYA DGOS SNYAM STE, SGRA GOR NAS MKHAN CHEN RDO RJE 'DZIN PA CHEN PO DANG, KHYAB BDAG 'KHOR LO'I MGON PO BLO BZANG DON GRUB PA'I ZHAL SNGA NAS DANG, BKA' DRIN MTSUNGS MED BSOD NAMS GRAGS PA'I ZHAL SNGA NAS GSUM LA'ANG BLA BRANG RANG DU BZHUGS DGOS PA'I GSOL BA BTAB, DE YANG DGE BA'I BSHES GNYEN PO TO BA CHEN PO'I ZHAL NAS, RNAM GROL BSGRUB PA LA BLA

MA LAS GAL CHE BA MED DE, TSE 'DI'I BYA BA BLTAS NAS BYAS CHOG BA LA YANG SLOB MKHAN MED PAR MI 'ONG NA NGAN SONG NAS 'ONG MA THAG PA 'GRO MA MYONG BA'I SAR 'GRO BA LA BLA MA MED PAR GA NA 'ONG, GSUNGS PA DE MAD SNYAM PA BYUNG, DA YANG GO SA'I DBANG GIS BLA CHEN GYI 'GYING TSUL LA GNAS DGOS PA TZAM MA GTOGS BSHES GNYEN DAM PA DE DAG LA MI GUS PA SKAD CIG TZAM YANG SKYE MA MYONG ZHING, PO TO BAS SPYAN SNGA'I GRVA PA RNAMS LA, KHYED NGA'I DGE BSHES BYANG CHUB SEMS DPA' 'DI LTA PU DANG 'PHRAD NAS BKA' BZHIN BSGRUB TU YOD PA BSOD NAMS CHE'O, ,ZHES GSUNGS PA LTAR 'DI DAG LTA BU'I BSHES GNYEN DAM PA DANG MJAL PA BSOD NAMS CHA ZHING SKAL BA BZANG SNYAM PA DANG, YANG DAM PA DE NYID KYI GSUNG GI 'PHROS LAS DA KHUR DU MI 'GRO BAR RGYAN DU 'GRO BAR GYIS SHIG GSUNGS PA YANG MDO PAS DE BZHIN DU BGYI'O SNYAM PA YANG BYUNG, DRAG SHUL CAN GYIS ZHUS PA'I MDO LAS, CHIGS BCAD GCIG NYAN NA DE'I CHIG 'BRU'I GRANGS DANG MNYAM PA'I BSKAL PAR BDE BA'I YO BYAD THAMS CAD KYIS MCHOD KYANG, DE'I DRIN LAN MI 'KHOR GSUNGS PA LTAR, BDAG NYID KYIS KYANG DE DAG BLO LA BCANGS NAS GUS MCHOD JI LTAR BYAS RUNG DRIN 'KHOR THABS MA MCHIS MOD, 'ON KYANG SGO GSUM MI PHYED DANG BA'I SGO NAS DUS DANG RNAM PA KUN TU BLA MAR BGYIS SHING, DBANG LUNG MAN NGAG SOGS ZHU BA'I SKABS SU SKYES RABS LAS, RAB TU DMA' BA'I STAN LA 'DUG ,DUL BA'I DPAL NI RNAM PAR SKYED, ,CES SOGS GSUNGS PA BZHIN, SLOB DPON STAN MTHON PO'I

, ,STENG DU BZHUGS SU GSOL, BDAG NYID KYIS KHENGS PA BSKYUNGS TE DMA' BAR BSDAD, PHYAG SOGS YAN LAG BDUN PA MAndAL DANG BCAS PHUL BAS MTSON PA'I GUS MCHOD DANG, SKABS MTSAMS SO SOR DNGOS PO'I YON DANG, RGYUN PAR YANG NYER SEMS YANG DAG BGYIS SO, ,ZHES GSUNGS PA LTAR RO, ,DE LTAR YONGS 'DZIN DAM PA MANG PO LAS CHOS RGYA CHER GSAN PA'I TSUL DE DAG LA NI RJE RANG NYID KYI ZHAL NAS, RDO RJE 'CHANG DNGOS BLO BZANG DON GRUB DANG, ,'DUL 'DZIN BSOD NAMS GRAGS PA'I ZHABS BSTEN NAS, ,DBANG LUNG MAN NGAG BDUD RTZI'I RGYUN 'THUNGS TE, ,THOS BSAM SGOM PA'I RO MCHOG SPEL MAR MYANGS, ,LUS SEMS NGAL BRGYAS BSGRUBS PA SGYU MA'I NOR, ,BDAG 'DZIN LCAGS SGROG GIS BCINGS SPYAD MI BZOD, ,PHANGS MED BDAG LA GTAD NAS 'DI PHYI YI, ,SKYABS GNAS BCOL BA'I 'GRO BA GRANGS MED GDA', ,BDAG LA DE DAG SKYOB PA'I NUS MED KYANG, ,MCHOG GSUM DAM PA'I RTEN GSUM BZHENGS MCHOD DANG, ,DGE 'DUN BSNYEN BKUR DBUL PHONGS SPYIN GTONG RGYUR, ,BSNGOS LAS BDAG TU GZUNG BA'I DNGOS PO MED, ,TSUL 'DI GZUR GNAS MKHAS PAS BRTAGS GYUR NA, ,DRIN LAN LEGS GZHAL RE 'BRAS CHUD MA ZOS, ,DKON MCHOG THUGS RJE'I NUS PA MTHU BTZAN PAS, ,RE BLTOS BCAS PA NGAN 'GROR LTUNG MI SRID, ,RANG GZHAN SKYE 'PHAGS KUN GYIS DUS GSUM DU, ,BSAGS PA'I DGE TSOGS MKHA' MNYAM DRIN CAN MA, ,BLA MED BYANG CHUB

THOB PA'I RGYUR BSNGO ZHING, ,BDAG KYANG DE DAG KUN GYI 'DREN PAR SMON, ,ZHES GSUNGS SO, ,DE LTAR GSAN SBYONG MDZAD PA'I SKABS RNAMS SU'ANG PHYOGS PHYOGS NAS 'DUS PA'I CHOS DON GNYER CAR RNAMS LA RANG RANG GI DBANG PO DANG 'TSAM PA'I CHOS KYI BDUD RTZI BRGYUD MAR STZAL, KHYAD PAR BKRA SHIS LHUN PO'I SNGAGS GRVAR BZHUGS PA'I DGE BA'I BSHES GNYEN RNAMS KYIS GSOL BA BTAB NAS SNGAGS GRVA BA TSANG MA'I THOG PHYOGS PHYOGS NAS 'DUS PA'I BLA CHEN MANG PO DANG BCAS PA LA RDO RJE 'JIGS BYED BCU GSUM MA'I DKYIL 'KHOR DU STA GON DANG DBANG BZHI YONGS SU RDZOGS PA RJE RGYAL BA GNYIS PA'I THUGS KYI BCUD PHYUNG PA'I SNGAGS KYI ZAB BSHAD RGYAS PA DANG BCAS STZAL, DGE 'DUN 'DUS BRGYA MTSO'I TSOGS LA'ANG DBANG DANG RJES GNANG RIM PAR STZAL TE THOG MAR RI PO DGA' LDAN PA'I THUN MONG MIN PA'I ZAB CHOS 'JAM DBYANGS CHOS SKOR YONGS RDZOGS KYI RJES GNANG DANG LUNG, CHOS SPYOD RAB GSAL SOGS CHOS KYI 'KHOR LO BRGYUD MAR BSKOR, SLAR YANG RJE ZHAL SNGA NAS 'JAM DBYANGS CHOS 'PHEL GYIS GSOL BA BTAB NAS DGE BA'I BSHES GNYEN RAGS BSDUS SHIG LA RDO RJE 'JIGS BYED LHA BCU GSUM MA'I DBANG CHEN RGYAS PAR GNANG, BAR SKABS SHIG BKRA SHIS RTZE PA YUM SRAS KYIS ZHABS BRTAN PHUL BAR THUGS DGYES PA CHEN POS RTEN 'BREL LEGS PO BYUNG ZHES SMON LAM 'DI LTAR MDZAD DE, NA MO GU RU SH'AKYA MU NA YE, BTZO SBYANGS SA ZLA'I LHUN POR RTA BDUN RGYAL, ,'BUM PHRAG ZER STONG SPRO BAS RAB

, ,SPUD KYANG, ,BSGRUN PAR MI NUS MTSAN DPE'I DPAL 'BAR BA, ,MNYAM MED ZAS GTZANG SRAS POS DGE LEGS STZOL, ,BKA' DRIN MTSUNGS MED GANGS CAN 'GRO BA'I MGON, ,THAMS CAD MKHYEN BA BLO BZANG RGYA MTSO'I SDE; ;LHA CHOS BDUN LDAN DKON MCHOG RGYAL MTSAN TE, ,MKHAN CHEN RNAM GNYIS ZHABS RDUL SPYI BOR BSTEN, ,DUS GSUM PHYOGS BCU'I SANGS RGYAS THAMS CAD DANG, ,BRGYAD KHRI BZHI STONG NAD 'JOMS SMAN MCHOG CHOS, ,TSUL BZHIN BSGRUB PA THEG GSUM DAG 'DUN TE, ,RIN CHEN RNAM PA GSUM LA MGOS PHYAG 'TSAL, ,BEM GZUGS YID BZHIN NOR BUR GSOL BTAB PAS, ,YID LA 'DOD DGU'I 'BYOR PA KUN 'BYUNG NA, ,RDZUN SPANGS BDEN GSUNG RGYAL BA'I BDEN PA YIS, ,BDAG GI SMON LAM JI BZHIN CIS MI 'GRUB, ,DES NA BLA MA RGYAL BA SRAS DANG BCAS, ,DVANGS PA'I MKHA' LA RGYU SKAR GSAL JI BZHIN, ,DAD LDAN SMON PA'I ZHING DU LEGS BZHUGS LA, ,RE BA JI BZHIN 'GRUB PA'I GROGS MDZOD CIG ,SO THAR RIS BDUN YON TAN GZHI RTEN DU, ,RGYAL BAS GSUNGS BZHIN GRANGS MED DRIN CAN MA, ,RIM GYIS DE SGOR 'JUG DANG KHYAD PAR DU, ,DUR SMRIG 'DZIN BAS LJONGS 'DIR 'GENGS NUS SHOG ,DE DAG KUN KYANG MI DGE BCU BRAL ZHING, ,RNAM DAG BSLAB GSUM LDAN PA'I DGE SBYONG MCHOG, TSUL KHRIMS BSUNG ZHIM 'THUL BA'I YONGS 'DU CHE, ,BSTAN 'PHROR PHAN BDE STER NUS NYID GYUR CIG ,SRID MTSOR 'KHYAMS PA'I PHAM GRANGS MED TSOGS, ,PHYAG GIS DRANGS NAS THAMS CAD MKHYEN GLENG DU, ,SGROL BA'I NUS PA RGYAL BA RNAMS LA'ANG

MED, DES NA THABS MKHAS GRU 'DIS SGROL NUS SHOG ,RANG RANG GRUB MTHAR ZHUGS PA'I KHRIMS LDAN TSOGS, ,KUN KYANG THUB BSTAN NYID DU KHYAD MED LA, ,PHYOGS LHUNG GDON GYIS BSKYOD SHUGS MI LDANG BAR, ,GRU NANG SKYES BU BZHIN DU THUGS MTHUN SHOG ,'JIG RTEN KHAMS KYI BDE SKYID MA LUS PA, ,THAMS CAD THUB PA'I BSTAN LA RAG LAS PAS, ,DUR SMRIG RGYAL MTSAN 'DZIN PA'I TSOGS RNAMS KYIS, ,TSUL KHRIMS RIN CHEN GTER BUM GCES 'DZIN SHOG ,THUB BSTAN SO SO THAR PA RIS BDUN DANG, ,KHYAD PAR TSANGS SPYOD DPAL LDAN DGE SBYONG GIS, ,PADMO'I TSAL LA BUNG BA'I TSOGS JI BZHIN, ,'DZIN MA'I LTO 'DI BDAG GIS 'GENG NUS SHOG ,'DI LTAR SMON LAM LHAG BSAM DAG SGO NAS, ,BTAB PA'I DGE PAS TSE RABS THAMS CAD DU, ,MTHO RIS YON TAN BDUN LDAN RTEN THOB STE, ,RTAG TU DGE SPYOD DNGOS PO THOB PAR SHOG ,DE THOB NAS KYANG PHA MAR GYUR PA'I 'GRO, THABS MKHAS 'DI YIS SGROL LA MI ZHUM PA'I, ,SNYING STOBS PHUL BYUNG NAM YANG MI 'DOR SOGS, ,KUN BZANG SPYOD KUN BDAG GIS SPYOD GYUR CIG ,CES SO, ,RJE 'DI LA RGYA BOD HOR GSUM NAS MAndAL DANG MKHO DGU'I YO BYAD 'BUL MI GRANGS KYIS MI LANG BA LA BKRA SHIS RTZE PAS MAndAL PHUL BA 'DI LA LHAG PAR DGYES TSOR CHE BAS SMON TSIG 'DI LTAR MDZAD PA NI MA 'ONGS PA'I 'BYUNG 'GYUR LA DGONGS PAR MNGON NO, ,DE SKABS GONG MA CHEN PO'I GSER YIG PA GSER SRANG LNGA BRGYA DANG DNGUL SRANG NYIS STONG GIS GTZOS PA'I DNGOS PO TSAD MED PA DANG BCAS 'BUL MI GNANG BA 'BYOR PAR ^ GONG MA CHEN PO'I BKA' NGAG LA NGA'I PA'I

, ,THOG RGYAL DBANG THAMS CAD MKHYEN PA SPYAN DRANGS PAS BSTAN 'GROR PHAN CHE ZHING RGYA BOD LUGS LEGS PA BYUNG, NGA RGOS SBOG THO PAn CHEN GYIS RGYAL BA'I BSTAN PA DANG SEMS CAN GYI DON LA DGONGS NAS RGYA NAG TU PHEBS DGOS TSUL GSER YIG DANG BKA' NGAG BCAS BYUNG BA'I THOG SDE SRID RIN PO CHE NAS KYANG ^ GONG MA CHEN PO'I BKA' 'DI 'DRA PHEBS PA RMI LAM DU BSGUGS PA MNGON SUM DU BYUNG BA LTA BU YIN 'DUG BAS DA LAM CIS KYANG PHEBS DGOS ZHES ZHU BA MDZAD PAR RJE 'DI PA NI GSER DANG BONG BA MNYAM, NAM MKHA' DANG LAG MTHIL DU MNYAM PA'I THUGS MNGA' BA YIN GSHIS RGYA NAG TU 'BYON PA DGAG BYA CHE ZHING DGOS PA CHUNG BAR GZIGS NAS GONG MA'I GSER YIG PA RNAMS LA BKA' 'DI LTAR GNANG STE, DNGOS GZHI GONG MA CHEN PO MCHOG TU DGYES PA'I BKA' LUNG YIN 'DUG KYANG 'BRUM PA MA THAR PAS 'GRO BSKYOD CI LA 'ONG RUNG, GONG MA'I THAM KHA LA BLTAS NAS ZHIB CHA RJES LA YONG BKA' PHEBS SHING, MGRON GNYER LA YANG KHONG MI SNA RNAMS LA ZHUS PA BZHIN DE RIGS BSLAB STON SPANG BLANG ZHU THUB MDOG MA KHA BAS DGONGS SEL GYI ZHU YIG 'THUS PA BYED GSUNGS SHING, 'JAM DBYANGS ^ GONG MA CHEN POR YANG ZHU YIG RTEN SBRAGS DANG BCAS RGYA NAG PHYOGS SU 'GRO BA LA 'BRUM DOGS KYIS BAG GZON BYED DGOS SOGS RGYU MTSAN ZHIB 'THUS GNANG ,DE MTSUNGS MI SNA RNAMS LA YANG NGAG MAR, DNGOS GZHI GONG MA CHEN PO SHIN TU DGYES SHING SPYAN BSKYANGS CHE BA'I BSLAB STON YIN 'DUG GSHIS BKA' DAD LEN ZHU SPRO YANG,

SPYIR THOS BSAM PHYED PA'I 'PHRO YIN PAR MA ZAD 'BRUM PA'I NAD MTHAR BAS 'DIR YANG DUS RGYUN DU 'BRUM NAD LA PAG GZON GYIS BCAD MTSAMS DAM POR SDOD DGOS PA BCAS DGAG BYA CHE BA DANG, YANG SGRES SU BDAG LTA BU ZHIG GIS BSTAN PA DANG SEMS CAN LA PHAN DKA' GSHIS 'GRO 'DUG NGAL BTZAM LAS DGOS PA CHUNG BA BCAS SPYI SGOS GANG SA NAS DGONGS PA ZHU DGOS KYI ZHU YIG ZHIB 'THUS PHUL YOD PAS, KHYED RNAMS KYIS KYANG ^ GONG MA CHEN PO'I SKU ZHABS SU DE LUGS BZHIN DGONGS BA RTZA , YANGS BRTZE BAS GZIGS DGOS PA'I BSLAB STON GANG DRAG ZHU GROGS MDZOD GSUNGS SHING ,MGRON GNYER 'BRI LUNG PAR YANG SDE SRID RIN PO CHE'I ZHU YIG TU ZHIB 'THUS PHUL YOD PA LTAR DGONGS YANGS THUGS RJE CHE DGOS PA'I BSLAB STON ZHU GROGS, MDZOD CES GSUNGS SHING, DE MTHUN ^ GONG MA'I ZHU LAN DU'ANG DE LTAR 'BUL BAR MDZAD, YANG DE'I PHYI LO GONG MA CHEN PO NAS GSER DNGUL LA SOGS PA'I YO BYAD PHON CHE BA DANG BCAS YANG SKYAR RJE 'DI PA PHO BRANG DU GDAN 'DREN PA'I GSER YIG DANG BKA' NGAG BCAS 'BYOR PA, MI SNA RNAMS KYI NGAG NAS 'DI LTAR ZHU BA BYUNG STE, ^ GONG MA RGYAL PO'I BKA' LA PAn CHEN MCHOG GI SPRUL SKU RIN PO CHE SNGA SOR GDAN 'DREN BTANG YANG BYON PA MA BYUNG, DA LA MA CIS KYANG 'BYON DGOS TSUL GSER YIG DANG BKA' NGAG MA BCAS BYUNG BAR RJE 'DIS LAN DU 'DI LTAR GSUNGS TE, DED LA LUNG RTOGS KYI YON TAN CI YANG MED PAR SHAR PHYOGS ^ GONG MA'I RGYAL KHAB TU YONG DGOS BKA' STZAL PHEBS PA BDAG NYID LA GZIGS PA SHIN

, ,TU MTHO BA'I BKA' STZAL YIN 'DUG KYANG, 'BRUM NAD LA 'DZEM DGOS KYI DGAG BYA CHE BA BCAS KHAS LEN ZHU MI NUS 'DUG PAS, DE DON LTAR KHYED MI SNA SBREL POS KYANG ZHU GANG LEGS KYI SGO NAS DGONGS KHROL YONG BA'I GROGS DAN DGOS TSUL GSUNGS NAS PHEBS PAR MA BZHED, SDE SRID RIN PO CHE NAS ^ GONG MA CHEN PO'I BKA' BCAG NA SKU NYID RANG LA YA YUD YONG ZHING RGYA BOD KYI BSTAN SRID LA'ANG MI 'GA BCOS TSA NAN ZHUS 'DUG KYANG RJE 'DI PA NI SRID GSUM SGYU MA DANG RMI LAM LTAR GZIGS SHING SEMS CAN LA PHAN NA NI DMYAL BA'I ME NANG DU'ANG 'BYON PAR BZHED LA, DE LTA MIN NA RANG DON DU NI TSANGS PA DANG BRGYA BYIN GYI DPAL YANG MI BZHED CING, RANG DON DU THAR PA'I BDE BA'ANG SGRUB PAR MI BZHED NA TSE 'DI'I PHUN TSOGS LA THUGS CHAGS PA'I GO SKABS GA LA YOD, TSUL 'DI NI BDAG GI DRIN CAN RTZA BA'I BLA MA RJE BTZUN THAMS CAD MKHYEN PA 'DI'I RNAM PAR THAR PA THUN MONG MIN PA ZHIG STE, DENG SANG SNYIGS MA LNGA CHES CHER BDO BAS SKYE BO PHAL CHER TSE 'DI'I LTO GOS TZAM ZHIG DON DU GNYER BA LAS CHOS LA SEMS PA'I GO SKABS BRAL ZHING, CHOS PAR RLOM PA PHAL MO CHE YANG TSE 'DI'I RNYED BKUR NGAN NGAN RE LA CHAGS NAS SGO GSUM GYI SPYOD PA CI BYED RNYED BKUR SNYAN GRAGS SGRUB PA'I THABS KHO NAR BYED PA LAS CHO 'DI'I 'KHRI BA BCAD DE RGYAL BA DGYES PA'I LAM LA SLOB PA NYIN MO'I SKAR MA LTAR DKON PA'I DUS MTHA' 'DIR, YANGS PA'I SA CHEN

PO LA STOBS KYIS 'KHOR LOS BSGYUR BA GONG MA BDAG PO CHEN POS GUS PAS MCHOD PA'ANG BDAG GIR MI MDZAD CING RI DVAGS LA SHA BYIN PA LTAR TSUL 'DIS RKYEN BYAS NAS SRID PA'I PHUN TSOGS MTHA' DAG LA CHES CHER SKRAG PAR MDZAD PA 'DI 'DRA BA'I RNAM PAR THAR PA NI BLO GZU BOR GNAS PA RNAMS KYIS LEGS PAR BSAMS NA SNYIGS MA LNGA BDO BA'I DUS MTHA' 'DIR 'DI 'DRA BA'I BDAG NYID CHEN PO BYON PA NI SNYIGS MA'I 'GRO BA RNAMS MGON DANG BCAS SO SNYAM DU SNYING NAS DAD CING GUS PAS GSOL BA GDAB PAR BYA BA'I GNAS SO, ,TSUL 'DI DAG LA NI RJE RANG NYID KYI ZHAL NAS 'DI LTAR GSUNGS TE, MKHAN SLOB KYI SPYAN SNGAR JI LTAR KHAS BLANGS PA'I LHAG PA TSUL KHRIMS KYI BSLAB PA RIN PO CHER GCES SPRAS SU BYED PA'I SGO NAS YI DAM GYI LHA DU MA'I BSNYEN SGRUB LA BRTZON PAR BYAR YOD PA DANG, GONG MA CHEN POR DGONGS PA ZHU BDE PA SOGS 'BRUM PA MA THAR BA YANG RKYEN NGAN DGE BA'I BSHES GNYEN DU CHE BA BYUNG NGO, ,SMRAS PA, DAL 'BYOR RTEN BZANG LAN CIG THOB DUS 'DIR, ,RTZE GCIG DAM CHOS BSGRUB PA'I LONG MED PAR, ,RTAG TU GZHAN NGO BSRUNG BAS 'DA' DGOS SKABS, ,'BRUM NAD MA THAR BA YANG GROGS SU BZANG, ,SA YI TSANGS PA 'JAM DBYANGS GONG MA'I BKAS, ,SBYANGS STOBS YON TAN CHUNG BA'I SNYOM LAS PA, ,BDAG 'DRAR SHAR PHYOGS GONG MA'I RGYAL KHAB TU, ,BSTAN 'GRO'I PHAN BDE SPEL PHYIR SHOG CES GSUNGS, ,BKA' NAN LCI BA RI GZAR RBAB LTA BU, ,BZLOG PAR DKA' ZHING BSTAN

, ,'GROR PAN GYUR NA, ,'GRO BAR SMON YANG RNAM G-YENG MI 'PHEL BA, ,RKYEN NGAN DGE BA'I BSHES GNYEN CHEN POR BYUNG, ,MDO RGYUD ZAB DON DPAG PAR DKA' BA'I GNAD, ,TSUL BZHIN MA RTOGS RGYA CHE'I BSHAD RTZOM SOGS, ,MKHAS BYA'I GNAS LUGS KUN LA MI MKHAS KYANG, ,SPROS PA'I MTSAN MA RNAMS LA BDAG MI SPRO, ,DE PHYIR RTAG TU TSUL KHRIMS GTZANG LDAN ZHING, ,RIS MED BSTAN 'GROR GUS DANG BRTZE SEMS KYIS, ,THUB BSTAN NYAMS PA MED PAR 'DZIN PA LA, ,BLO BZANG GRAGS PA'I DPAL DANG MTSUNGS GYUR CIG ,CES GSUNGS SO, ,DE NAS SDE SRID RIN PO CHES ZHU SAM ZHIG LA SNGA SOR GONG SA LNGA PA CHEN PO CHU KHYI HOR ZLA GNYIS PA'I TSES NYER LNGA LA ZHING GSHEGS KYANG RE SHIG GSANG BA MI BYED DKA' MED BYUNG ZHING DA CHA MCHOG GI SPRUL SKU MTSO SNA PHYOGS SU 'KHRUL BRAL BABS NAS GDAN 'DREN RTZIS YIN PAS PAn CHEN RIN PO CHE NYID DGE TSUL GYI MKHAN POR SNA DKAR RTZER PHEBS DGOS TSUL ZHUS PAR RJE 'DIS KYANG THUGS DGYES BZHIN DU ZHAL GYIS BZHES TE CHIBS KHA BSGYUR NAS SNA DKAR RTZER PHEBS TE DUS CHOS KHYAD PAR CAN GYI NYIN SNA DKAR RTZE'I GZIM CHUNG DU RJE 'DIS MKHAN SLOB SBRAGS MA MDZAD DE, RGYAL BA LNGA PA CHEN PO'I MCHOG GI SPRUL PA'I SKU LA, DGE BSNYEN, BAR MA RAB BYUNG, DGE TSUL GYI SDOM PA RNAMS RIM GYIS PHUL TE BLO BZANG RIN CHEN TSANGS DBYANGS RGYA MTSO ZHES MTSAN GSOL, DE NAS CHOS KYI THOG MAR 'JAM DPAL MTSAN BRJOD DANG, TSE MDO ,

GDUGS DKAR, SGROL BSTOD PHYAG 'TSAL NYER GCIG ,SHER SNYING, 'DA' KHA YE SHES, SMON LAM RNAM GSUM, BSTOD CHEN BZHI SOGS KYI LUNG DANG, RJE TZONG KHA PA CHEN PO'I BKA' 'BUM THOR BU, RNAM THAR DAD PA'I 'JUG NGOGS , THAMS CAD MKHYEN PA DGE 'DUN RGYA MTSO'I GSUNG 'BUM LAS RJE RANG NYID KYI RNAM THAR DANG, YAB RJE KUN DGA' RGYAL MTSAN GYI RNAM THAR GYI LUNG BCAS 'BUL BAR MDZAD, DE NAS RIM GYIS RGYAL BA DGE 'DUN RGYA MTSO'I GSUNG 'BUM GYI LUNG RNAMS PHUL, DE NAS PHO BRANG PO TA LAR PHEBS NAS GONG SA MCHOG GI SPRUL PA'I SKU LA DPAL RDO RJE 'JIGS BYED LHA BCU GSUM MA'I DBANG BZHI YONGS SU RDZOGS PA 'BUL BAR MDZAD CING GZHUNG SA NAS BSKUL MA MDZAD PA LTAR RGYAL DBANG LNGA PA CHEN PO'I SKU GDUNG RIL POR BZHUGS PA'I GSER GYI MCHOD SDONG 'DZAM GLING RGYAN GCIG LA RAB TU GNAS PA RGYAS PAR MDZAD, DE NAS RGYUD STOD SMAD SE 'BRAS SOGS DBUS PHYOGS KYI CHOS DON GNYER BA RNAMS LA RANG RANG GI DBANG PO DANG 'TSAM PA'I CHOS KYI BDUD RTZI RGYA CHER STZAL ZHING RAB BYUNG BSNYEN RDZOGS NAR MAR SGRUB PAR MDZAD, DE NAS DGA' LDAN RNAM BAR RGYAL BA'I GLING DU PHEBS TE RJE BDAG NYID CHEN PO'I GSAR KHRI'I STENG NAS DGA' LDAN 'DUS TSOGS DANG PHYOGS 'DUS KYI DAD LDAN BGRANG BA LAS 'DAS PA LA CHOS KYI BDUD RTZI STZAL ZHING YAR NGO'I GSO SBYONG DANG DUS 'GRIG PAS CHOS BSGRAGS KYI MDO DANG SO THAR GYI MDO 'DON PA SOGS GSO SBYONG MDZAD DE RJE RGYAL BA GNYIS PA'I

, ,BSTAN PA RIN PO CHE DAR ZHING RGYAS LA YUN RING DU GNAS PA'I RTEN 'BREL BSGRIG BAR MDZAD, DE SKABS DGA' LDAN SKU GDUNG RIN PO CHE'I DBU THOG TU GSO BZANG BSGRIGS KYI GNAM RGYAN DANG, GSER KHRI'I DBU THOG TU GSER ZANGS KYI GANYDZI RA GSAR BZHENGS KYI THEBS DNGOS PO PHON CHE BA GNANG, GSER GDUNG RIN PO CHE'I SKU MDUN DU MCHOD PA TSAD MED PA PHUL TE SMON LAM RGYA CHER MDZAD, DGA' LDAN DU GLING SKOR ZHIG LA PHEBS SKABS NAM MKHA' LA 'JA' KHA DOG SNA LNGAS KHYAB PA SOGS PHYI NANG GI RTAGS RTEN 'BREL NGO MTSAR MTHA' YAS PA BYUNG, TSUL DE DAG LA RDZE NYID KYI ZHAL NAS 'DI LTAR GSUNGS TE, NA MO GU RU MANYDZU GHO sh'A YA, MANG MANG RGYAL BA'I YAB GCIG 'JAM PA'I DBYANGS, ,LEGS LEGS NGUR SMRIG 'DZIN PA'I SKUR BSTAN NAS, ,YANG YANG 'KHOR MTSOR 'KHYAMS PA'I DRIN CAN MA, ,NGES NGES LEGS LAM 'KHRID MKHAS DER PHYAG 'TSAL, ,BKA' BSTAN DU MAR LUNG BSTAN 'JAM MGON RJE'I, ,GDAN SA RI BO DGE LDAN RTEN GSUM DANG, ,BSLAB PA GSUM LDAN MKHAS MANG 'DUS PA'I TSOGS, ,MNGON SUM MJAL BAS YID KYI LJON PA BRTAS, ,JI LTAR DVANGS MTSOR DANG TSOGS DGA' ROL BZHIN, ,DAD PA'I SHUGS KYIS RTEN GSUM DGE 'DUN SDER, ,GUS PAS MCHOD SOGS BSNYEN BKUR BGYIS PA YI, ,RAB DKAR BSOD NAMS JI SNYED MCHIS PA'I MTHUS, ,RGYAL BSTAN SPYI DANG 'JAM MGON TZONG KHA PA'I, ,MDO SNGAGS BSTAN PA DI BRAL

ZLA 'OD KYIS, ,SNOD BCUD SDIG 'BRAS MUN PA'I TSOGS BCOM STE, ,RDZOGS LDAN KUNDA'I BZHIN RAS BYE GYUR CIG ,MA 'DRIS 'GRO BA'I GNYEN GCIG TZONG KHA PA, ,KHYOD KYI RJES 'JUG ZHVA SER 'CHANG BA'I TSOGS, ,RNAM DAG BSLAB PA GSUM GYI MDZOD 'DZIN CING, ,LUNG RTOGS BSTAN PA'I RGYAL MTSAN RAB BSGRENG SHOG ,BDAG KYANG RJE BTZUN BLA MA'I THUGS BSKYED SMON, ,MA LUS BSGRUB LA MI ZHUM RAB DPA' BAS, ,'GRO KUN KHYOD KYI RLABS CHEN MDZAD BZANG LA, ,SBYIR MKHAS BSTAN 'GRO'I NYER 'TSO CHEN POR SHOG ,MCHOG GSUM BSLU MED BDEN PA'I BYIN RLABS DANG, ,CHOS KYI RGYAL PO LA SOGS BSRUNG MA'I MTHUS, ,DGE LDAN BSTAN PA PHYOGS BCUR RGYAS PA DANG, ,'GRO KUN BDE SKYID LDAN PA'I BKRA SHIS SHOG ,CES SO, , DE NAS GTZANG LA CHIBS KHA BSKYOD PA'I LAM ZHOR DU YER BA DANG, LHA SA'I RTEN RNAMS LA MCHOD 'BUL SMON LAM RGYA CHER MDZAD, RIM GYIS LAM BAR RNAMS SU PHYOGS PHYOGS NAS 'DUS PA'I CHOS DON GNYER BA RNAMS LA CHOS KYI BDUD RTZI STZAL ZHING RAB BYUNG BSNYEN RDZOGS KYI SDOM PA'ANG ZAM MA CHAD PAR GNANG, DE SKABS 'BRAS SPUNGS NAS BSNYEN RDZOGS KYI SDOM PA DON GNYER BA KHA SHAS RJES SNYEGS SU BYUNG BAR RJE 'DI PAS RGYAL BA'I BSTAN PA 'BA' ZHIG LA DGONGS TE NGAL BA KHYAD DU BSAD NAS GAM PA LA'I NGOS LA GSOL TSIGS GNANG SKABS KYANG RAB BYUNG BSNYEN RDZOGS 'GA' ZHIG GNANG ZHING, DE BZHIN DU TSA ZHAG GAR BABS SU RAB BYUNG BSNYEN RDZOGS MANG DU GNANG STE 'JAM MGON RGYAL BA GNYIS

, ,BA'I BSTAN PA'I SROG SHING 'DZIN PAR MDZAD DO, ,DE NAS DBEN DGON DU PHEBS TE DPEN DGON 'DUS TSOGS LA DPAL RDO RJE 'JIGS BYED LHA BCU GSUM MA'I DBANG STA GON DANG BCAS PA DANG, DPAL 'KHOR LO SDOM PA L'U AI PA'I LUGS KYI DBANG CHEN STA GON DANG BCAS PA, DGA' LDAN SNYAN RGYUD KYI MAN NGAG ZAB BSHAD RGYAS PA STZAL, GZHAN YANG DBEN DGON 'DUS TSOGS LA MGON PO BAR CHAD KUN SEL DANG, DAM CAN CHOS KYI RGYAL PO PHYI SGRUB, 'DOD KHAMS DBANG PHYUG DMAG ZOR RGYAL MO GSUM GYI RJES GNANG DANG, DPAL MGON SDE LNGA, LHA MO RNAM GSUM RNAMS KYI BSKANG GSO, BDE MCHOG RTZA RGYUD, BDE MCHOG L'U AI BA'I SGRUB THABS BDE CHEN GSAL BA SMON LAM SHIS BRJOD DANG BCAS PA, 'JIGS BYED BCU GSUM MA'I SGRUB THABS ZA MA TOG SOGS CHOS KYI BDUD RTZI RGYA CHER STZAL TO, ,DE LTAR BSTAN 'GRO'I DON RGYA CHER MDZAD PA DE DAG LA NI RJE RANG NYID KYI ZHAL NAS 'DI LTAR GSUNGS TE, RNYED BKUR SNYAN GRAGS DON GNYER CHAGS SDANG GIS, ,RANG GZHAN GRUB MTHA'I PHYOGS 'DZIN BLO SPANGS NAS, ,SGO GSUM MI DGE BCU YIS MA GOS PAR, ,BKA' GDAMS GONG MA'I RING LUGS LEGS PAR BSKYANGS, ,GZHON NU NYID NAS YANG DAG BLANGS PA'I KHRIMS, ,NYAMS MED BSRUNGS MTHUS RIS MED SKYE BO KUN, ,CHU GTER CHEN POR CHU PHRAN KUN 'DUS BZHIN, ,DAD PA'I BA SPU G-YO BZHIN 'DUS BAR GYUR, ,TSUL DER BRTAGS PAS

DKAR NAG LAS KYI 'BRAS, ,MI SLUR NGES RNYED BRTZON PA'I SHUGS BSKYED NAS, ,SGO GSUM DGE BA GONG DU SPEL BA LA, ,SPRO DGA' YAR NGO'I ZLA BZHIN LHAG PAR 'PHEL, ,SPYAN RAS GZIGS DBANG SPRUL PA'I SKU MCHOG LA, ,SDOM PA RIM PHUL RDO RJE 'JIGS BYED KYI, ,DKYIL 'KHOR CHEN POR BCUG NAS DBANG BSKUR TE, ,GANGS CAN 'GRO BA'I MGON POR MNGA' GSOL BGYIS, ,CHOS SPYOD DANG PO'I LUGS 'DZIN BZO RIG DAG ,BSDUS NAS 'DRI ZHING PAR DU BRKO BA DANG, ,BLA MA MCHOG GSUM RIS MED 'DUS TSOGS LA, ,DNGOS DANG YID SPRUL MCHOD PAS RTAG TU MCHOD, ,CHOS DANG ZANG ZING 'DOD PA'I SKYE DGU LA, ,CI 'DOD DE DANG DE YIS TSIM PAR BYAS, ,ZHI DUL THUGS BRTZER LDAN PA'I BA SHES GNYEN MCHOG , BSTEN NAS MDO RGYUD GZHUNG LUGS MTHA' DAG MNYAN, ,RGYU YON SBYANG NAS GSUNG RAB KLOG PA DANG, ,RANG GI'ANG BKLAGS TE TSIG DON BLO LA BLANGS, ,BLO STOBS BSKYED NAS MNGON DANG MI MNGON PA'I, ,DRIN CAN PHA MAR DAM PA'I CHOS KYANG BSHAD, ,CHED GNYER DAD 'DUS SKYE BO'I DON BSGRUBS LAS, ,RNAM G-YENG KUN BOR PHAL CHER ZLA MED BSDAD, ,KHA TON DE DON SEMS DANG BSGOMS PA YI, ,CHOS SPYOD RNAM BCU'I RGYUN BZANG 'CHAG MED BSKYANGS, ,'DI DAG LAS BYUNG RNAM DKAR DGE BA'I MTHUS, ,MYUR DU RDZOGS PA'I BYANG CHUB THOB PA DANG, ,'GRO KUN SGROL LA NAM YANG MI ZHUM PA, ,KUN BZANG 'JAM PA'I DBYANGS DANG MTSUNGS PAR SMON, ,ZHES GSUNGS, DE NAS BKRA SHIS LHUN PAR PHEBS NAS 'DUS PA RGYA

, ,MTSO'I TSOGS DANG PHYOGS 'DUS KYI DON GNYER CAN MANG POR DBANG LUNG RJES GNANG RIM BAR STZAL ZHING, LHAG PAR BYA RGYUD DE BZHIN GSHEGS PA'I RIGS KYI GTZO BO BCOM LDAN 'DAS DAM TSIG GSUM BKOD RGYAL PO'I DBANG GI NYER BSDOGS DANG, PHYI NYIN DNGOS GZHI YONGS SU RDZOGS PA STZAL ZHING, DE NAS MU SBREL TE SNAR THANG BRGYA RTZA NAS 'BYUNG PA'I LHA RNAMS KYI RJES GNANG DANG, DE DAG GI MNGON RTOGS RNAMS KYI LUNG, RNAM 'GREL, DBU MA, 'DUL MDZOD, PHAR PHYIN RNAMS KYI RTZA BA'I LUNG STZAL, GZHAN YANG PHYOGS PHYOGS NAS 'DUS PA'I DON GNYER CAN RNAMS LA DGE TSUL DANG DGE SLONG GI SDOM PA BRGYUD MAR GNANG ZHING MTHONG THOS DRAN REG GI 'GRO BA RNAMS RJES SU BZUNG STE MTHA' DBUS SKYE 'GRO BGRANG BA LAS 'DAS PA LA MTHO RIS DANG THAR PA'I DGE BA'I RTZA BA BSKYED PAR MDZAD CING, DE DAG GI SKABS KUN TU NANG DU THUGS DAM ZAB MO'I NYAMS BZHES LAS NAM YANG G-YO BA MED PAR MDZAD PA NI RJE NYID KYI ZHAL NAS, GO SA'I DBANG GIS 'PHRAL RNAM G-YENG CHE BA TZAM MA GTOGS SGO GSUM LA MI DGE BA BCUS GOS MA GOS BRTAG PA DANG, BSHAGS SHING SDOM PA SOGS RANG RGYUD 'DUL THABS LA GTZO BO DANG, GZHAN YANG CHOS SPYOD BCU DANG, PHA ROL TU PHYIN PA DRUG LA SOGS PA'I SGO NAS RANG GZHAN GYI DON BSGRUB PA LA SOGS BA SGO GSUM DGE BA LA DUS RNAM KUN TU GZHOL BAR BGYIS ZHES GSUNGS, DE NAS ZHAL SNGA NAS TSE BRTAN RGYAL MTSAN BKRA

SHIS LHUN PO'I CHOS KHRIMS CHEN MO MDZAD SKABS BKRA SHIS LHUN PO'I TSOGS CHEN DANG, DBEN PA'I RI SU LA DU BZHUGS PA'I SPONG BA PA'I SDE RNAMS BCAS LA GSANG BDE 'JIGS GSUM GYI DBANG GNANG DGOS ZHES GSOL BA BTAB BA NA DGYES BZHIN ZHAL GYIS BZHES TE DPAL GSANG BA 'DUS PA MI BSKYOD PA LHA SO GNYIS KYI DBANG STA GON DANG BCAS PA DANG, BDE MCHOG L'U AI PA LHA DRUG CU RE GNYIS PA'I DBANG STA GON DANG BCAS PA, RDO RJE 'JIGS BYED LHA BCU GSUM MA'I DBANG STA GON DANG BCAS PA DANG, 'JAM DBYANGS CHOS SKOR RNAMS DKYUS GCIG LA GNANG STE THUB DBANG RDO RJE 'CHANG SLAR YANG 'JIG RTEN DU BYON PA LTAR GSANG CHEN RDO RJE THEG PA'I CHOS KYI 'KHOR LO RGYA CHER BSKOR BAR MDZAD DO, ,DE NAS BKRA SHIS LHUN PO'I SNGAGS GRVA BA RNAMS LA CHOS SKYONG YONGS RDZOGS KYI RJES GNANG SOGS CHOS BKA' MTHA' YAS PA GNANG ZHING TSOGS CHEN LA KUN RAG RNAM PAR SNANG MDZAD DANG TSE DPAG MED LHA DGU'I DBANG YANG GNANG, DE NAS SKYE 'GRO YONGS KYI BSOD NAMS MIN PA'I LAS KYI MTHU GRUB PAS SDE SRID RIN PO CHE DANG RGYAL PO LHA SANGS THUGS MA MTHUN PAS DUS GZER TE BOD SOG GI DMAG 'KHRUG CHEN PO BYUNG BA NA ^ GONG SA RIN PO CHES RJE 'DI BA LA CHINGS MDZAD DGOS TSUL GSOL BA BZHIN RJE 'DIS NGAL BA KHYAD DU BSAD NAS DBUS PHYOGS SU CHIBS KHA BSKYOD KYANG GZHUNG SA'I BKAS RE SHIG PHEBS STABS MA BDE BAR LAM BAR DU RGYUN RING BZHUGS DGOS BYUNG, RJES SOR PHEBS CHOG PA BYUNG NAS PHEBS KYANG SDE SRID RIN PO CHE STOD LUNG SNANG RTZER RKYEN DBANG

, ,DU SONG BAS BYA THABS MA BYUNG ZHING, DE DAG GI TSE 'KHOR PA'I NGANG TSUL LA THUGS SKYO BAS GSUNG MGUR 'DI LTAR MDZAD DE, NA MO GU RU LO KA SHVA R'A YA, PHA GANGS RI'I MGON PO SPYAN RAS GZIGS, ,DRIN 'KHOR MED BLO BZANG RGYA MTSO'I SDE, ,MGON KHYOD KYIS GDUL BA'I ZHING 'DI NA, ,DUS 'GYUR BA'I NGANG TSUL 'DI 'DRAR SNANG, ,SPYIR DENG SANG MI RNAMS DMU RGOD CING, ,SGOS LOG SPYOD NGAN BA DAR DUS 'DIR, ,RJE BU RAM SHING BSTAN BDAG GTAD NAS, ,PHA KHYOD NYID RANG ZHI'I BDER GZIMS SAM, ,MA 'GRO BA DU: KHAS GZIR SKABS 'DIR, ,RJE KHYOD KYI THUGS RJES MI SKYOB NA, ,BOD GANGS CAN YONGS KYI MGON PO ZHES, ,MTSAN GRAGS PAS KHYAB PA DGOS BA CI, ,'ON GYUR KYANG SKYON BRAL YON TAN GTER, ,MGON KHYOD KYI 'PHRIN LAS BSAM MI KHYAB, ,DUS SNYIGS MA'I LOG SPYOD NGANG TSUL LA, ,BDAG SKYO BAS GDUNG YUS TZAM DU ZAD, ,BOD GANGS CAN LJONGS GNAS 'GRO BA KUN, ,NYON ME 'OD ZHEN BA'I PHYE MA LE BA, ,DUS DANG BOR BSRUNGS DUS MA THUB NA, ,MTHAR ME DONG LHUNG NAS CI BYAR YOD, ,RJE RGYAL BAS BDE BA'I THABS BSTAN PA, ,DUS DANG PO NYID NAS MI SPYOD NA, ,LAS NGAN BA'I 'BRAS BU RANG SMIN DUS, ,RJE SANGS RGYAS KYIS KYANG SKYOB PAR DKA', ,YUL KHA BA CAN GYI LJONGS 'DI NA, ,RANG CHE BAR RLOM ZHING KUN GYIS BKUR, ,MTHAR DBANG MED GSHEGS TSUL 'DI LTOS LA, ,KUN DMAN CHA BZUNG LA GNOD SEMS SPONGS, ,NOR LONGS SPYOD 'DOD DGU'I GTER LDAN YANG, ,MTHAR TIL 'BRU TZAM DANG RUNG LUS KYANG, ,BDAG BYA PA'I DBANG MED TSUL LTOS LA, ,LUS

LONGS SPYOD KUN LA SNYING PO LONGS, ,RTEN LAN CIG RNYED PA MI YI LUS, ,'DI MYUR 'JIG RTZVA RTZE'I ME DANG MTSUNGS, ,TSE 'DI YI BYA BYED KUN BOR LA, ,DUS RTAG TU MI RTAG 'CHI BA SOMS, ,LUS RJES SU 'BRAD BA'I GRIB MA BZHIN, ,SHI RJES SU DKAR NAG LAS 'BRANG BAS, ,SDIG MI DGE BCU PO RAB SPONGS LA, ,CHOS DGE BA RNAM BCU 'BAD PAS SGRUBS, ,TSE 'DI YI DGRA 'DUL GNYEN SKYONG PHYIR, ,NYIN MTSAN DU NGAL BA BRGYAS BSGRUBS KYANG, ,MTHAR MI BZAD BA MYAL BA'I BTZON DONG DU, ,BTZO BSREG SOGS SDUG BSNGAL DPAG MED MYONG, ,TSE 'DI YI LUS SEMS DU BKYANG BLA'I, ,DGRA BDAG 'DZIN GYI 'GOD PO 'DI THUL NA, ,DUS GTAN GYI BDE BA KUN 'BYUNG PAS, ,DA RANG SEMS 'DUL THABS KHO NAR 'BUNGS, ,YONGS 'KHOR MTSOR 'KHYAMS PA'I 'GRO BA KUN, ,DRIN CHE BA'I PHA MA SHA STAG YIN, ,DON DE PHYIR CHAGS SHING SDANG BA 'KHRUL, ,BYAMS SNYING RJES KUN LA KHYAB PAR MDZOD, ,SNGON THOG MA MED NAS DA LTA'I BAR, ,BLO 'KHRUL PA 'DI YIS BSLAD PA'I MTHUS, ,KUN GTAN SDUG PHUNG PO 'DI 'DRAR SBYAR, ,NGA RGYAL SRAS SPYOD KUN SPYAD NA LEGS, ,MI BDAG LA GTANG SO MA MCHIS KYANG, ,RJE RGYAL BAS GDAMS DON MDOR BSDUS YIN, ,TSUL 'DI TZAM 'BAD PAS BSGRUBS NA YANG, ,RANG GZHAN KUN BDE BA'I DPAL LA SBYOR, ,DUS DA LTA RANG DBANG YOD SKABS 'DIR, ,TSE 'DI PHYI 'DAM KA MA LOG PAR, CHOS DGE BA BCU LA 'BUNGS SHIG CIS, ,MI KHO BOS KUN LA GROS SU 'DEBS, ,SKYABS BSLU BA MED PA'I DKON MCHOG GSUM, ,MKHYEN RAB KYI LHA LAM KHYON YANGS LAS, ,BRTZE CHEN GYI BYIN RLABS CHAR PHOBS LA, ,GDUG RTZUB KYI ME CHEN ZHI BAR MDZOD, ,

, ,RJE RGYAL BA SRAS BCAS THUGS BSKYED SMON, ,CI BTAB KUN DENG DUS 'BYOR GYUR TE, ,BRTAN G-YO YI SDIG 'BRAS KUN ZHI NAS, CHOS DGE BCU'I DPAL 'BYOR RGYAS GYUR CIG ,CES SO, ,DE NAS LO SHAS KYI RING LA BKRA SHIS LHUN PO NYID DU CHOS KYI 'KHOR LO RGYA CHER BSKOR ZHING PHYOGS 'DUS KYI 'GRO PA BGRANG BA LAS 'DAS PA LA MTHO RIS DANG THAR PA'I SA BON BSKRUN PAR MDZAD, DE NAS BAR SKABS SHIG RGYAL PO LHA SANGS BANG GIS GNGAN DRANGS TE LHA LDAN JO BO RIN PO CHE'I SKU MDUN DU PAD DKAR 'DZIN PA NGAG DBANG YE SHES RGYA MTSO LA DGE BSNYEN DGE TSUL BSNYEN RDZOGS KYI SDOM PA RNAMS DKYUS GCING LA 'BUL BAR MDZAD, PHO BRANG DU PHEBS NAS DBANG LUNG MAN NGAG MTHA' YAS PA RIM PAR 'BUL BAR MDZAD, GZHAN YANG SE 'BRAS DGE GSUM RGYUD STOD SMAD SOGS DBUS PHYOGS KYI CHOS DON GNYER BA RNAMS LA DBANG LUNG MAN NGAG MTHA' YAS PA DANG, RAB BYUNG BSNYEN RDZOGS BGRANG BA LAS 'DAS PA STZAL, LHAG PAR ZHABS DRUNG LHA PA'I SKU SKYE BLO BZANG 'PHRIN LAS LA BYANG CHUB LAM GYI RIM PA'I DMAR KHRID, LAM GTZO'I KHRID, BLA MA MCHOD PA'I KHRID, SNYING PO DON GSUM GYI KHRID DANG BLA BRGYUD GSOL 'DEBS KYI LUNG, RJE BLA MA LA BRTEN PA'I BLA MA'I RNAL 'BYOR, NANG GA KHONG SKRAN 'DON PA'I SKYUG SMAN SOGS CHOS BKA' MTHA' YAS PA STZAL TE ZHABS DRUNG LHA PA'I SPRUL SKU 'DI RJE RGYAL BA GNYIS PA'I BSTAN PAR PHAN RE CHE BAS SNGA PHYI LAN MANG POR GZIM TSUNG DU GCIG

BU LA RJE BLA MA'I SNYAN RGYUD KYI GDAMS PA MANG DU STZOL BAR MDZAD DO, ,DE NAS YANG BOD KHAMS 'DIR SEMS CAN SPYI MTHUN GYI LAS NGAN PA'I MTHUS DUS GZINGS CHE BAR BYUNG STE JUN SGAR NAS RGYAL PO HONG TH'A JIS DMAG DBUNG CHEN PO BTANG STE RGYAL PO LHA SANGS BOD DMAG DANG BCAS PA RNAMS DANG 'DAM DU 'KHRUG GZINGS BYAS TSE RJE 'DI BAS THUGS SNYING RJE CHEN POS MA BZOD PAR NGAL BA KHYAD DU BSAD NAS 'DAM DU CHIBS KHA BSGYUR TE ZANG ZING GI DNGOS PO PHANGS MED BTANG NAS CHINGS BSGRIGS MDZAD KYANG MA 'DUMS PAR JUN SGAR GYI DMAG STONG PHRAG BZHI TZAM LHA SAR SHOR, BOD DMAG RNAMS 'THOR TE BROS, RGYAL PO LHA SANGS DPON G-YOG RNAMS KYIS PO TA LA BZUNG STE BZHUGS PA'I TSE RJE 'DIS LHA SA BLA BRANG DU BZHUGS NAS JUN SGAR GYI DMAG DPON RNAMS SKU MDUN DU BOD BAR MDZAD DE RGYAL PO LHA SANGS 'KHOR BCAS LA SROG SKYON MED PAR NGED LA GNANG DGOS, RGYAL PO HONG TH'A JI LA NGED RANG GIS ZHUS CHOG CES DNGOS PO SBAM CHE BA GNANG STE ZHU BA MDZAD KYANG RGYAL PO LHA SANGS RANG JUN SGAR GYI DMAG DPON TSE RING DON GRUB KYI GDONG DU BYUNG NA DED RANG NGOS KYI RGYU MTSAN ZHIB SED BYAS NAS BLA MA'I BKA' BZHIN ZHUS CHOG ,DE MIN BYA THABS MED, LAR NI RGYAL PO HONG TH'A JIS MI NOR MANG PO 'DI LA BLTOS PA MED PAR NGED TSO DMAG LA BTANG PA 'DI RGYAL PO HONG TH'A JI RANG LA RANG 'DOD GANG YANG MED, BOD KYI MI NGAN 'GA' ZHIG GIS RGYAL BA TZONG KHA PA'I BSTAN PA LA GNOD PA CHEN PO BYAS PA THUGS KYIS MA BZOD NAS RGYAL BA'I BSTAN PA KHO NA'I CHED DU NGED TSO BTANG BA YIN, LHA SANGS KHANG RANG LA DE TZAM

, ,GYI SKYON MED ZER ZHING DA DUNG RGYAL BO'I SKU SROG SKYOB THUB PA ZHIG YONG RES PHAN SKOR SNA TSOGS MDZAD CING LHA LDAN RANG DU BZHUGS KYANG RGYAL PO LHA SANGS KYIS PO TA LA NAS 'THON TE 'THAB 'DZING DU PHEBS PA JUN SGAR GYI DMAG MIS RGYAL PO NGO MA SHES PAR RKYEN DBANG DU SONG BAS MDZAD THABS MA BYUNG, DA DUNG BOD KYI MI DRAG MANG PO LA HONG TH'A JI'I BKA' BKYON YOD SKAD GSAN PAS DE RIGS LA SROG SKYOB 'DRA THUB PA YONG RES RE SHIG LHA LDAN RANG DU BZHUGS RTZES MDZAD KYANG JUN SGAR GYI DMAG DPON RNAMS NAS 'DIR MA BZHUGS PAR GTZANG LA 'PHRAL DU CHIBS BSKYOD MDZOD CES ZHU NAN CHE BAS MDZAD THABS GANG YANG MA BYUNG BAR GTZANG LA CHIBS BSKYOD GNANG, DE SKABS BDE BA 'DOD KYANG BLANG DOR GO LOG STE SDUG BSNGAL GYI RGYU LA RNGAM ZHING 'JUG PA MANG PO DANG, 'GA' ZHIG DBANG MED DU SDUG BSNGAL DRAG POS MNAR TE SDUG BSNGAL DANG SDUG BSNGAL GYI RGYU LA GNAS PA SNYIGS MA'I SKYE BO RNAMS KYI NGANG TSUL LA THUGS SKYO NAS SKYO SHAS KYI NYAMS MGUR 'DI LTAR MDZAD DE, NA MO GU RU MANYDZU GHO sh'A YA, 'DREN PA KUN GYI MCHOG GYUR ZAS GTZANG SRAS, ,RGYAL BA'I RGYAL TSAB 'JAM MGON TZONG KHA PA, ,BKA' DRIN MNYAM MED RTZA BA'I BLA MA LA, ,SNYING KHONG RUS PA'I GTING NAS SKYABS SU MCHI, ,RTEN RNYED PAR DKA' BA DAL 'BYOR LUS, ,'DI THOB NAS GTAN MDUN MI SGRUB PAR, ,NOR RIN CHEN BZHAG NAS MCHING BU LEN, ,RTEN STONG LOG BYED LA BRTZEBS GZIGS, ,MTHO LHA LAM YANGS PA'I CHU 'DZIN LTAR, ,DUS

DENG SANG SKYE BO'I DAR RGUD DANG, ,YID GYA GYU MANG PO'I 'GYUR LDOG RNAMS, ,'DI MTHONG YANG NGES 'BYUNG BLO DANG BLAL, ,YID BRTAN DU MED PA'I SRID 'BYOR LA, ,DUS RTAG TU 'DOD SRED ZHAGS PAS BCINGS, ,'DI SBRANG MAS BSAGS PA'I SBRANG RTZI BZHIN, , NER RANG GIS BSAGS PA GZHAN GYIS SPYOD, ,RANG SKYES NAS 'JIGS RUNG 'CHI BDAG GI ,KHAR CHUD NAS LAS NGAN MCHE RNON GYI, ,PHRAG CHUD KYANG TSE 'DI'I MDUN THABS BSGRUB, ,DON PHYIN CI LOG PA SMYON PA RANG, ,GNYEN 'KHOR MANG 'DOD DGU'I DPAL ROL KYANG, ,RANG GCIG PUR PHA ROL 'GRO BA'I TSE, ,CHOS MIN BA PHAN PA CANG MED PAS, ,NOR 'DOD DGU DMYAL BA'I BUD SHING YIN, ,DA SRID RTZE NAS BZUNG DMYAL 'KHOR MTSOR, ,LAS DUG GSUM RBA RLABS DRAG 'KHRUG CING, ,SKYEN RGA 'CHI BA'I SDUG BSNGAL GYIS, ,DUS RTAG PAR GTZES PA'I GNAS TSUL SOMS, ,SNGAR BSAGS PA 'DZAD CING 'DUS PA KUN, ,NGES 'BRAL ZHING MTHON PO'I MTHA' MA RGUD, ,SKYE BZHIN DU 'CHI BAR MNGON PHYOGS SHING, ,DA GTAN GYI MDUN MA BSGRUB LA BRTZON, , SPYIR CHOS BRGYAD SNANG BA BSLU BRID MKHAS, ,SGOS SNYIGS DUS MI TSE BAR SNANG GLOG ,DA NGAN SONG G-YANG SA YA NGA BA, ,DE BZLOG PA'I THABS LA 'BAD PAR MDZOD, ,'KHOR BA'I PHUN TSOGS DMYAL ME'I 'OBS LTAR MTHONG, ,'GRO KUN DON DU BYANG CHUB SEMS BSKYED DE, ,RGYAL SRAS RLABS CHEN SPYOD LA BRTZON 'GRUS KYIS, ,YID CAN 'KHOR BA'I MTSO LAS SGROL BAR SHOG ,CES SO, ,DE NAS BKRA SHIS LHUN POR PHEBS NAS PHYOGS 'DUS KYI DAD LDAN BGRANG BA LAS 'DAS PA LA RANG RANG GI

, ,DBANG PO DANG 'TSAM PA'I CHOS KYI BDUD RTZI BRGYUD MAR STZAL ZHING RGYA MTSO'I GLING BAR TSUN CHAD NAS DAD LDAN DAG GIS RJE 'DI NYID LA MKHO DGU'I YO BYAD THAMS CAD 'BUL ZHING ZHAL BLTA BA DANG, CHOS KYI BDUD RTZI 'DOD NAS 'DUS PA MTHA' DAG GI RE BA SKONG BAR MDZAD CING NAM MKHA' MDZOD LA MNGA' BRNYES PAS, GSER DANG DNGUL LA SOGS PA'I RIN PO CHE DANG, GOS DAR SOGS ZANG ZING GI DNGOS PO RNAMS RGYAL BA'I BSTAN PA YUN RING DU GNAS PAR BYA BA'I PHYIR DANG 'BREL THOGS KYI SEMS CAN RNAMS LA PHAN GDAGS PAR BYA BA'I PHYIR GSER ZANGS 'BA' ZHIG LAS GRUB PA'I LAM RIM BLA MA BRGYUD PA'I SKU BRNYAN YONGS SU RDZOGS PA'I LHA KHANG DANG BCAS PA SOGS SKU RTEN DANG, BKA' 'GYUR RIN PO CHE GSER 'BA' ZHIG GIS BRIS PA SOGS GSUNG RTEN MTHA' YAS PA DANG BKRA SHIS LHUN PO'I DGE 'DUN RNAMS THUGS MTHUN KHRIMS GTZANG BSHAD SGRUB 'PHEL BA'I PHYIR DU DBYEN BSDUM MCHOD RTEN GSAR BZHENGS SOGS SKU GSUNG THUGS RTEN BGRANG BA LAS 'DAS PA DANG, RIS MED PA'I DGE 'DUN GYI SDE MTHA' DAG LA BSNYEN BKUR NAR MAR MDZAD, DE NAS CANG JUN SOGS RGYA DMAG BGRANG BA LAS 'DAS PA BOD KYIS DANG NYE BAR SLEB PA GSAN BAS SEMS CAN RNAMS LA THUGS BRTZE BA CHEN POS MA BZOD PAR RJE NYID RANG PHEBS BZHED KYANG DE SKABS SKU KHAMS BSNYUN PA ZHIG DANG THUG PAS CHIBS BSKYOD MA THUB PAR PHYAG MDZOD CHEN MO DNGOS PO'I GNANG SBYIN PHON CHE BA DANG BCAS GTONG

BA GNANG STA 'THAB 'DZINGS SU MA SONG BAR MTHUN SBYOR LUGS LEGS SHIG DGOS ZHES BKA' NGAG DANG PHYAG DAM BCAS GNANG YANG SEMS CAN SPYI MTHUN GYI LAS NGAN PA'I MTHU BZLOG TU MED PAS RGYA DANG MTSO SNGON GYI DMAG DPUNG LTOS CHE BA LHA SAR 'BYOR, JUN SGAR PA RNAMS GNAM MTSO BRGYUD NAS PHYIR LOG ,MTSO SNGON DPON BSTAN 'DZIN WANG SOGS DBON KHAG MANG PO'I MI SNA ^ GONG SA RIN PO CHE'I MI SNA SOGS MI SNA MANG POS RJE 'DI PA LHA LDAN DU CHIBS BSKYOD DGOS TSUL NAN BSKYED ZHUS PAR DE SKABS SKU GZUGS GCONG BAR YOD KYANG SKYES RABS KUN TU RGYAL BA YAB SRAS GNYIS DAM TSIG RDO RJE'I LU GU BRGYUD DU 'BREL BA'I RTEN 'BREL DANG, MI MANG PO ZHIG GI SROG SKYOB PA ZHIG YONG THUB RE BCAS NGAL BA KHYAD DU BSAD NAS LHA LDAN DU CHIBS BSKYOD GNANG, 'JAM DBYANGS GONG MA BDAG PO CHEN PO'I ZHABS 'BRING BA CANG JUN CHEN PO SOGS SER SKYA STONG PHRAG MANG POS BSUS TE PHO BRANG CHEN PO PO TA LAR PHEBS, RGYAL BA YAB SRAS GNYIS ZHAL 'DZOM, CANG JUN CHEN POS RJE 'DI PA LA DNGUL SRANG LNGA STONG GIS GTZOS PA'I DNGOS 'BUL TSAD MED PA MDZAD DE ZHABS BRTAN PHUL, DE NAS SE 'BRAS DGE GSUM RGYUD STOD SMAD SOGS DBUS KHUL GYI CHOS SDE RNAMS KYI BLA MA LAS SNE RNAMS DANG, GONG MA'I MI DRAG CANG JUN CHEN PO, MTSO SNGON DPON KHAG, RGYAL BA'I YAB RJE SOGS TSANG MAS CHOS 'KHOR RGYA CHER BSKOR DGOS PA'I GSOL BA BTAB CING, GONG SA MCHOG GI SPRUL SKU RIN PO CHES RJE 'DI LA MDO SNGAGS KYI CHOS MTHA' DAG GNANG DGOS PA DANG, LHAG PAR DGE TSUL GYI SDOM PA'I

, ,MKHAN PO MDZAD DGOS PA'I GSOL 'DEBS SHUGS DRAG GNANG, RJE 'DIS KYANG DGYES BZHIN DU PHO BRANG CHEN PO PO TA LA'I GZIM CHUNG NYI 'OD 'KHYIL BAR GONGS MCHOG GI SPRUL SKU RIN PO CHER DGE TSUL GYI SDOM BA 'BUL BA GNANG ZHING BLO BZANG BSKAL BZANG RGYA MTSO ZHES MTSAN GSOL, DE NAS GONG SA RIN PO CHER LAM RIM CHEN MO'I LUNG SOGS CHOS BKA' RNAMS RIM GYIS 'BUL BA'I DBU TSUGS PAR MDZAD, DE SKABS BKA' BLON BKRA SHIS RTZE PA SOGS BOD KYI MI DRAG MANG POR RGYA'I BKA' BKYON PHOG PAR RJE 'DI PAS SROG SKYOB GNANG THUB RAS RTZOL BA CHEN PO MDZAD KYANG THABS GANG GIS KYANG BZLOG MA THUB, DE'I TSE SNYIGS MA'I NGANG TSUL CHES CHER BDO BAS MTHO DMA'I 'GYUR LDOG MANG PO DANG SKYE BO PHAL MO CHE SDUG BSNGAL MTSO RDOL BA LTA BUR GZIGS SHING BLA CHEN DANG MI CHEN GYI GO SA LA'ANG THUGS YI MUG NAS, 'DI LTAR GSUNGS TE, KHO BO NI GO SA GOG PO'I CHE RLOM 'DI SHIN TU YI MUG PAS, SEMS BLONG BLONG POR GYUR, DE DAG GI SKABS SU SPYIR 'KHOR BA'I SNANG TSUL BZOD PAR DKA' ZHING, SOGS DENG SANG SNYIGS MA LNGA BDO'I GDON GYIS GZIR BA'I 'GRO BA RNAMS DGRA GNYEN DANG MTHO DMAN 'GYUR LDOG ,NYON MONGS PA DUG GSUM GYI CHAD GYIS MYOS PAS, NGAN 'GRO'I G-YANG SA 'JIGS SU RUNG BAR DGA' MGU'I ZLOS GAR BSGYUR BA'I BLANG DOR PHYIN CI LOG DANG, 'GA' ZHIG RGUD PA'I SDUG BSNGAL GYI ME RAB TU 'BAR BA'I SPYOD TSUL LA YID LHAG PAR GDUNG BAS SMRAS PA, NA MO GU RU MU NI AINDR'A YA, GSER

ZHUN LHUN PO MTSAN DPE'I DPAL 'BAR SKU, ,TSANGS DBYANGS BSGRUN MIN DRUG CU'I DBYANGS SNYAN GSUNG, ,CHOS KUN MTHA' DAG GSAL BAR GZIGS PA'I THUGS, ,SNYIGS DUS 'GRO LA GZIGS SHIG SH'AKYA'I TOG ,YANG DAG LUNG LAS RGYA MTSO TSE'I, ,STENG GI GNYA' SHING BU GA RU, ,RUS SBAL LONG BA MGRIN CHUD LAS, ,BDE 'GRO THOB PA SHIN TU DKON, ,THOB KYANG SKAL DMAN BDAG CAG RNAMS, ,CHOS MIN MUN PA'I PHYOGS 'DIR SKYES, ,'DREN MCHOG THUB DBANG NYI MA DE, ,TZA RA MA NI'I PHAG TU GSHEGS, ,RGYAL BA SRAS BCAS SKYES CHEN RNAMS, ,RANG RANG ZHING DU BTANG SNYOMS SHING, ,LUNG RTOGS CHOS KYI SGRON ME YANG, ,BUD SHING ZANG PA'I ME DANG 'DRA, ,THAR MED 'KHOR BA'I RGYA MTSO CHER, ,LAS NGAN DUG GSUM RBA RLABS 'KHRUG, BZOD DKA'I SDUG BSNGAL CHU SRIN GYIS, ,YANG YANG GTZES PA MA LAGS SAM, ,MTHO RIS BDAG PO'I DBAL MNGA' BA'I, ,TSANGS DBANG KHYAB 'JUG LHA YI GTZO, ,RANG DBANG MA THOB DMYAL MES SREG ,SRID PA'I BDE LA YID BRTAN GANG, ,BDE SKYID MKHO DGU'I 'BYOR LDAN PA'I, ,RIN CHEN 'KHOR LOS BSGYUR RGYAL YANG, ,MA NGES 'KHOR BA'I BRAN DU KHOL, ,GDENG MED SRID LA ZHEN PA 'KHRUL, ,TSE STOD GNYEN NI DGRAR LDANG ZHING, ,'DI NANG DGRA BO PHYI MA'I GNYEN, ,SKAD CIG TZAM GYIS 'GYUR LDOG MANG, ,YID BRTAN MI RUNG 'KHOR BA'I CHOS, ,SNYING GROGS MDZA' BSHES YID 'ONG KUN, ,YUD TZAM BRAL BAS SDUG BSNGAL NA, ,GTAN DU SO SOR 'BRAL

, ,BA 'DI, ,KYE MA SEMS LA SHIN TU GCONG, ,NGO TSA GTAM NGAN SDIG SDUG RNAMS, ,KHYAD BSAD SER SNAS BSAGS PA'I NOR, ,TIL 'BRU TZAM YANG 'KHYER DBANG BRAL, ,SGREN MOR 'GRO BA SEMS LA GTZER, ,TSE LHAG LAS RLUNG SKYEL MAS BDAS, ,'CHI BDAG MUN PA'I BSU MA MGYOGS, ,'JIGS RUNG G-YANG SA CHEN PO DER, ,'BROS THABS MED PA'I DUS LA BAB, ,SNGAR BSAGS LAS NGAN 'CHI KHAR 'GYOD, ,DGE LA MA 'BAD YI MUG CING, NYES LTUNG KHUR LCI LTAG KHYER NAS, ,GROGS MED BAR DO'I 'PHRANG DER 'TSER, ,'JIGS RUNG 'CHI BDAG GSHIN RJE YIS, ,BZOD DKA'I BTZON KHANG ME 'BAR BAR, ,MNAR MED BSREGS PA'I SDUG BSNGAL YANG, ,THAR MED CI BYA GTOL MED GYUR, ,SHI NAS MED DE MI 'GRO BAR, ,KHAMS GSUM 'KHOR BA 'DIR 'KHYAMS TSE, ,BDE 'GRO THOB KYANG SDUG BSNGAL GYI, ,RANG BZHIN DAG LAS MA 'DAS SHING, ,BSTAN BCOS BZHI BRGYA PA NYID LAS, ,MKHAS PA RNAMS LA MTHO RIS KYANG, ,DMYAL BA DANG MTSUNGS 'JIGS BSKYED 'GYUR, ,BDE BA NAM YANG MED PAR GSUNGS, ,GZOD NAS SRID PA'I GTZONG RONG 'DIR, ,LAS NGAN SKYE RGA NA 'CHI YIS, ,MGAL ME'I 'KHOR LO LTAR 'KHOR BAS, SDUG BSNGAL SHUGS DRAG BZOD LAGS SAM, ,'DUS BYAS MI RTAG STON KA'I SPRIN, ,RTZOD DUS MI TSE BAR SNANG GLOG ,GNYEN 'KHOR DGA' 'DUS TSONG DUS 'GRON, ,NOR RDZAS LONGS SPYOD SBRANG RTZIR MTSUNGS, ,SKYE BO LOG LTAS RGYUD

DKRUGS NAS, ,CHAGS SDANG NGAN SEMS G-YO SGYU CAN, ,CHOS MIN MI DGE'I LAS LA SPYOD, ,DMYAL BAR LTUNG BAR THE TSOM MED, ,SNYIGS DUS RAB BYUNG BDUD KYIS BRLAMS, ,BLO LOG 'DOD PAS TSAS BSKYUNGS NAS, ,RGYAL PO STOBS 'BYOR DREGS SOGS KYI, ,PHO NYA DAG LA MGU ZHING 'JUG ,HOR GYI CHA LUGS MDA' MTSON THOGS, ,SDIG RNGAMS GTUM POS PHYOGS KUN MYUL, ,SHA KHRAG CHANG LA DGA' MGUR SPYOD, ,SEMS CAN SDUG BSNGAL DAG LA BKOD, ,RIGS DRUG BZOD DKA'I SDUG BSNGAL KUN, ,MI LUS RTEN LA RDZOGS PAR GNAS, ,BDE SKYID 'DZOM PA'I SEMS CAN DANG, ,CHOS BYED NYIN SKAR TZAM DU DKON, ,DA NI 'KHOR BA'I CHOS NYID LA, ,SNYING PO MED BAR RTOGS GYUR NAS, ,GTAN GYI MDUN MA BSGRUB RE RAN, ,RAN PAR MA ZAD SHIN TU 'GYANGS, ,'KHOR BA BZOD DKA'I BTZON RA 'DRAR, ,SRID 'BYOR 'DOD PA'I BLO SPANGS NAS, ,NGO TSA KHREL YOD 'PHAGS PA'I NOR, ,BSTEN NAS THAR BAR BGROD THABS MDZOD, ,NYAM THAG 'GRO KUN BDAG GI MAS, ,GRANGS MED BRTZE BAS DRIN GYIS BSKYANGS, ,SDUG BSNGAL ZUG RNGUS RTAG MNAR PA, ,BDAG 'DRAS PHAN PA BSGRUB DKA' BAS, ,BLA MA RGYAL BA SRAS BCAS RNAMS, ,THUGS BSKYED DAM BCA' RJES DGONGS LA, ,CHER SNYIGS SKYABS MED 'GRO RNAMS KYI, ,MGON SKYABS MDZOD CIG BLA MA LHA, ,ZHES GDUNG DBYANGS KYI NYAMS MGUR MDZAD DO, ,DE NAS GONG SA RIN PO CHER LAM RIM CHEN MO'I LUNG GI 'PHRO, ,RJE RIN PO CHE'I BKA' 'BUM THOR BU, BA RI BRGYA RTZA'I RJES GNANG YONGS

, ,RDZOGS SO SO'I RGYA GZHUNG GI LUNG SOGS DBANG LUNG MAN NGAG RGYA CHER 'BUL BAR MDZAD, ,DE NAS SKU KHAMS BSNYEL GZHI CHE BAS PHYOGS 'DUS KYI CHOS DON GNYER CAN RNAMS LA CHOS 'BREL PHRAN BU RE LAS RGYA CHER GNANG MA THUB, ,DE NAS GTZANG DU CHI BAS BSKYOD GNANG BAR BZHED DE GONG SA RIN PO CHER LCAM SRING GI RJES GNANG ZHIG GNANG, RGYAL BA TZONG KHA PA'I BSTAN PA 'DZIN CING SPEL BA'I THUGS BSKYED MDZAD PA DANG, GTZO BOR BSLAB KHRIMS DAG PA GZHIR BZUNG NAS RE SHIG GSAN SBYONG LA THUGS BRTZON CHE BA SOGS RGYAL BA TZONG KHA PA CHEN PO'I RNAM THAR 'KHYONGS PA ZHIG MDZAD DGOS SO ZHES ZHAL TA ZHIB RGYAS SU GNANG STE GTZANG DU CHIBS KHA BSKYOD, DE NAS BKRA SHIS LHUN POR PHEBS NAS TSOGS CHEN DANG SPONG BA PA'I SDE DANG BCAS PA LA PHYAG DBANG GNANG ZHING CHOS KYI BDUD RTZI RIM PAR STZAL, DE NAS RJE NYID DGUNG LO DRUG CU RE GCIG TU PHEBS PA CHU YOS ZLA BA DRUG PA'I TSES BCU LA TSOGS CHEN DGE BSKOS CHEN MO DKA' CHEN DON GRUB RGYA MTSOS 'DUS PA RGYA MTSO'I TSOGS LA DBANG CHEN ZHIG DANG, GZHAN YANG CHOS BKA' GANG ZAB DGONGS DPYAD KYIS THUGS RJES GZIGS DGOS TSUL ZHUS PAR SNGA SOR TSOGS CHEN LA GSANG BDE 'JIGS GSUM GYI DBANG CHEN LEGS PAR PHUL BA YIN YANG, GSHIN RJE GSHED DMAR NAG GNYIS KYI DBANG CHEN DENG SANG RGYUN DKON ZHING, LHAG PAR YONGS 'DZIN BSOD NAMS GRAGS PA'I ZHAL CHEMS SU YANG SLAR TSOGS CHEN LA

GSHIN RJE GSHED DMAR NAG GNYIS KYI DBANG CHEN ZHIG GNANG THUB PA MDZAD DGOS ZHES GSUNGS BYUNG BA BCAS BLA MA'I DGONGS PA RDZOGS PA DANG, 'JAM MGON BLA MA'I BSTAN RGYUN LA PHAN RES DA LAM GSHIN RJE GSHED DMAR NAG GNYIS KYI DBANG CHEN ZHIG BYED CES DGYES BZHIN DU ZHAL GYIS BZHES TE TSES BCU'I NYIN GSHED DMAR GYI DBANG GI STA GON DANG, TSES BCU GCIG LA DBANG DNGOS GZHI, CHES BCU BDUN LA GSHIN RJE GSHED DGRAS NAG GI DBANG GI STA GON DANG, TSES BCO BRGYAD LA DBANG DNGOS GZHI DGE 'DUN GSUM STONG BRGAL BA LA DGYES BZHIN DU STZAL, DE NAS RIM GYIS SA CHEN PO'I KHYON MTHA' DAG NA GNAS PA'I DAD PA CAN RJE 'DI'I ZHAL GYI DKYIL 'KHOR BLTA BA DANG, GSUNG GI BDUD RTZI THOB PAR 'DOD PA DANG, LHAG PAR RAB BYUNG BSNYEN RDZOGS 'DOD PA RNAMS LA BRGYUD MAR STZAL ZHING, BAR SKABS SHIG RGYAL BA 'PHAGS PA LHAR DGE TSUL GYI SDOM PA DANG, 'JIGS BYED KYI DBANG CHEN SOGS CHOS BKA' MANG DU STZAL, DE NAS BRIL? GNON ZHES PA ME PHO RTA'I LO GONG SA RIN PO CHE THUGS RJEGS BZHES PA DANG, DBANG LUNG MAN NGAG MANG PO GSAN PHYIR DBUS PHYOGS SU 'BYON DGOS TSUL ZHUS PAR SKU NA MTHO ZHING SKU GZUGS GCONG TSUL CHE YANG 'JAM MGON BLA MA'I BSTAN RGYUN LA DGONGS NGAL BA KHYAD DU BSAD DE DBUS PHYOGS SU CHI BAS KHA BSKYOD, LO DE'I SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG

, ,DU JO BO SH'AKYA MU NE'I SKU MDUN DU RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO LA BSNYEN PAR RDZOGS PA'I SDOM PA PHUL TE THUB BSTAN YONGS SU RDZOGS PA'I BDAG POR MNGA' GSOL MDZAD, DE NAS PO TA LA'I GZIM CHUNG BDE BA CAN DU BZHUGS TE, RGYAL BA THAMS CAD MKHYEN PA CHEN POR DPAL GSANG BA 'DUS PA MI SKYOD PA LHA SO GNYIS KYI DBANG CHEN STA GON DANG BCAS PA GSANG CHEN RGYUD SDE RGYA MTSO'I SNYING PO'I BCUD PHYUNG BA ZAB BSHAD DANG BCAS PA DANG, DPAL 'KHOR LO BDE MCHOG L'U AI PA LHA DRUG CU RE GNYIS PA'I DBANG CHEN STA GON DANG BCAS BA RKYAS PAR GNANG, DE NAS RGYAL BA THAMS CAD MKHYEN PA BLO BZANG BSKAL BZANG RGYA MTSOS RJE 'DI PA LA DAD GUS CHEN POS RABS SU LO KHA SHAS BZHUGS NAS DBANG LUNG MAN NGAG YONGS SU RDZOGS PA ZHIG GNANG BA DANG, MA THA ZLA BA BCU SKOR TZAM ZHIG BZHUGS NAS DBANG LUNG MAN NGAG DGONGS DPYAD KYIS GANG DRAG THUGS RJES GZIGS DGOS TSUL NAN BSKYED ZHU BAR MDZAD PA NA, RJE 'DIS RGYAL BA MCHOG LA RANG GIS GANG SHES KYI MAN NGAG RNAMS 'BUL BAR CIS KYANG SPRO YANG, NA MTHO ZHING GZUGS GZHI GCONG BA BCAS DA LAM RES GTZANG DU PHYIN CHOG PA DGOS ZHES ZHU BAR MDZAD DE, MA DAG PA'I GDUL BYA RNAMS KYI SNANG NGOR SKU GZUGS GCONG BAS BZHUGS MA THUB PA LTA BUR SNANG YANG, DON DU NI MYUR DU DBUS GTZANG DUS GZIR GYI DUS 'KHRUG CHEN PO DE 'BYUNG BAR MNGON SHAS KYIS GZIGS NAS BZHUGS KYANG DGOS PA

MED PAR DGONGS TE MYUR DU CHIBS KHA BSKYOD PA YIN ZHES BLA MA DAM PA MANG PO GSUNG NGO, DE NAS RGYA BOD HOR GSUM GYI GDUL BYA BGRANG BA LAS 'DAS PA LA ZHAL GYI DKYIL 'KHOR BSTAN NAS THUGS SNYING RJES BRLAN PA'I SPYAN GYIS GZIGS PA TZAM GYIS MCHOG DMAN MTHA' DAG LA THAR PA'I SA BON 'DABS PAR MDZAD DE RIM GYIS BKRA SHIS LHUN POR PHEBS NAS SNYUG MAR GNAS PA DANG PHYOGS NAS 'DUS PA'I DAD LDAN BGRANG BA LAS 'DAS PA LA RAB BYUNG BSNYEN RDZOGS BRGYUD MAR GNANG BA SOGS BSTAN PA'I SROG SHING 'DZIN PAR MDZAD DE, TSUL 'DI LA NI RJE RANG NYID KYI ZHAL NAS, SA GLANG NAS 'DI LO PHAN BDAG NYID KYIS SO SO THAR PA'I SDOM PA DON DU GNYER PA RNAMS KYI BZHED DON LEGS PAR BSGRUBS TE RGYAL BA'I BSTAN PA RIN PO CHE'I ZHABS 'DEGS DANG 'GRO BA LA PHAN BDE BLA NA MA MCHIS PA 'GYIS PA YIN TE, DE YANG DPAL LDAN ZLA BA GRAGS PAS, SO SO'I SKYE BO RNAMS DANG GSUNG SKYES DANG, ,RANG BYANG CHUB LA BDAG NYID NGES RNAMS DANG, ,RGYAL SRAS RNAMS KYI NGES PAR LEGS PA DANG, ,MNGON MTHO'I RGYU NI TSUL KHRIMS LAS GZHAN MED, ,CES GSUNGS PA LTAR, TSUL KHRIMS 'DI NI YON TAN KUN GYI GZHI RTZA'AM 'BYUNG GNAS YIN PAR BKA' DANG DGONGS 'GREL DU MNAS GSUNGS PA BZHIN, MNYAM MED YANG DAG PAR RDZOGS PA'I SANGS RGYAS KYI RING LUGS 'DZIN PA 'PHAGS BOD KYI MKHAS BTZUN BZANG PO RIM BYON RNAMS KYIS MKHAN SLOB KYI BYA BA MDZAD NAS THUB BSTAN GANGS LA NYI MA SHAR BA BZHIN

, ,GSAL BAR MDZAD, GDUL BYA RNAMS PHAN PA DANG BDE BA'I LAM BZANG POR 'GOD PAR GNANG BA DE DAG LA BDAG NYID KYI SMON PA DANG 'JUG PA'I BSAM PAS KUN NAS BSLANGS TE BSIL LJONG 'DIS MTSON PA'I YUL PHYOGS PHAL MO CHE MTHA' DAG NAS, NGES 'BYUNG GI BSAM PAS RGYAL BA'I BSTAN PA RIN PO CHE'I SGOR GZHUG CING, DE LA RIM GYIS SLOB 'DOD MCHOG DMAN BAR MA'I TSOGS STONG PHRAG DU MA BGRANG BAR RNYED BKUR SNYAN GRAGS KYIS MA BSLAD PAR, BDAG CAG GIS MKHAN SLOB KYI BYA BA LA 'BAD NAS, MNYAM MED SH'AKYA THUB PA'I BSTAN PA LA SRI ZHU DANG, GDUL BYA RNAMS LA PHAN BDE 'BYUNG BA'I BYA BA LA BRTZON PA BGYIS PA DE DAG NI BDAG NYID KYI BYA BA KUN GYI NANG NAS MCHOG TU GYUR PA YIN NO SNYAM MO ZHES GSUNGS SHING, DE MTHUN NYAMS MGUR TSIGS BCAD DU MDZAD PA'ANG 'DI LTAR, SVA STI PRA DZA BHYA: KHAMS GSUM 'GRO BA'I SDUG BSNGAL BZOD DKA' BA, ,BRTZE BAS GRANGS MED TSOGS GNYIS YONGS RDZOGS PAS, ,LHAR BCAS SKYE DGU'I 'DREN PA BLA NA MED, ,RNAM 'DREN GZHAN GYIS BSGRUN MIN TSUL KHRIMS GTER, ,MA 'DRIS YID CAN KUN LAM LTAR BRTZE, ,GSAL 'GRIB SPANGS PA'I DAM BCA' SROG GI SHING, ,SRID ZHI'I SNYING POR SKYES PA'I LJON BA'I RTZA, ,RAB BRTAN ZAS GTZANG SRAS DE GTZUG NA RGYAL, ,GANG GI MGUL NAS BDEN PA GSUNGS PA YI, ,RAB 'BYAMS MDO RGYUD RGYA MTSO'I GZHUNG LUGS LAS, ,MNGON MTHO NGES LEGS RMAD BYUNG

NGO MTSAR BA'I, ,LEGS TSOGS KUN 'BYUNG LHAG PA'I TSUL KHRIMS BSNGAGS, ,NGAL BA KHYAD BSAD PHYOGS KUN NAS, ,THUB BSTAN SGOR ZHUGS DON GNYER GYI, ,SKAL LDAN YID KYI KA LA SHA, ,TSANGSm SPYOD TSUL KHRIMS BDUD RTZIS BKANG, ,DA DAG SKAL BZANG GDUL BYA'I TSOGS, ,THUB PA'I BSTAN PA'I SGOR ZHUGS NAS, ,KHRIMS LDAN DUR SMRIG RGYAL MTSAN MDZES, ,BAG YOD BSGRUB LA BRTZON PAR SMON, ,NGES 'BYUR BSLAB PA MA LA YA'I, ,TSUL GNAS SDOM PA'I TZENDAN DRIS, ,LNGA BDE'I 'GRO BA'I TSA GDUNG BCIL, ,GSER 'GYUR RTZI YIS LCAGS KHAMS BZHIN, ,THUB PAS DGAG SGRUB GNANG GSUM GYI, ,BCAS MTSAMS G-YAG RNGA LTAR BSRUNG ZHING, ,RNAM DAG KHRIMS DANG RAB LDAN PAS, ,KUN GYIS BSNGAGS 'OS BLA NA MED, , RGYAL BSTAN SNYING PO SO THAR GYI, ,TSANGS SPYOD BRTUL ZHUGS DANG LDAN PA'I, ,DUR SMRIG 'CHANG BAS GSER LDAN MA, ,TIL GYI GANG BU LTAR GANG SHIG ,BDAG NI TSE RABS KUN TU YANG, ,LUG SROG NGAG LA MI BLTA BAR, ,NYI MA'I GNYEN GYI LUGS BZANG RNAMS, ,'DZIN SKYONG SPEL BA'I MCHOG 'GYUR SHOG ,CES SO, ,DE NAS ME MO LUG GI LOR BSTAN PA'I GEGS DANG LJONGS 'DI'I SKYE 'GRO RNAMS KYI BSOD NAMS MIN PA'I LAS KYI MTHUS DUS GZIR BYUNG STE LO NGO GNYIS TZAM GSHIN RJE'I 'JIG RTEN MI YUL DU 'PHOS PA LTAR MCHOG DMAN MTHA' DAG SDUG BSNGAL GYIS GZIR ZHING DGE 'DUN RNAMS KYI BSHAD SGRA BA NYAMS TSABS CHE BAR BYUNG BAR RDZE 'DI PAS NOR LONGS SPYOD

, ,GANG LA'ANG PHANGS PA MED PAR CHINGS SGRIGS SOGS MDZAD KYANG THABS MTHON, DE NAS GONG MA'I SKU CHE AA LI AAM PA SOGS 'BYOR NAS GONG MA CHEN PO'I BKAS LHA LDAN DU PHEBS DOGS CHUL NAN CHE BYUNG YANG RJE 'DI BAS SKU NA MTHO ZHING SKU GZUGS SHIN TU GCONG BA BCAS DA LAM GONG MA'I BKA' NYAN PAR PHYAG MDZOD BTANG CHOG BA DGOS TSUL ZHU BA MDZAD KYANG GONG MA'I BKA' LA BSGYUR BKOD MI YOD GSUNG NAS MA GSAN PAR RJE 'DI DPUS SU CHIBS BSKYOD GNANG DGOS BYUNG, DE NAS PO TA LAR PHEBS NAS RGYAL BA YAB SRAS ZHAL 'DZOM, ,RJE 'DIS GZIM CHUNG BDE BA CAN DU BZHUGS, DE DUS GONG MA'I BKAS GTZANG PHYOGS KYI SA RIGS TSANG MA MCHOD GZHIS SU GNANG BA YIN TSUL BKA' BSGYUR BAR RJE 'DIS BDAG NI NA RGAS SHING GZUGS GZHI GCONG BA BCAS MCHOD GZHIS MANG BO'I KHA 'DZIN MI GCOGS SHING MCHOD GZHIS RNYING PA RNAMS KYIS DGE 'DUN GYI PHOGS JA TSUL 'DANG TZAM BYUNG PHYIN SA RIGS GSAR PA'I RIGS MI ZHU ZHES NAN CHER ZHU BAR MDZAD KYANG 'GONG MA CHEN PO'I BKA' GCOG RGYU MI YONG ZHING, LHAG PAR KHYED PHONGS NAS PHUL BA MIN BSTAN PA DANG SEMS CAN LA PHAN CHE BAR DGONGS NAS PHUL BA YIN GSUNG BAS MDZAD THABS MU BYUNG BAR, ,DE LTA NA GONG MA CHEN PO'I BKA' MA BCAG TZAM DU SA CHA KHA SHAS SHIG ZHUS CHOG PA DGOS ZHES LHA NGAM PHUN GSUM BZHES PAR MDZAD, CHUL 'DI YANG RJE 'DI'I RNAM THAR THUN MONG MIN PA ZHIG STE, DENG SANG CHOS BYED PHAL CHER TSE 'DI'I RNYED BKUR SNYAN GRAGS

'BA' ZHIG 'TSOL ZHING LHAG PAR GZHUNG LUGS LA SBYANGS PA MTHAR PHYIN PAR BYAS PA DANG, BLA MA'I GDAN KHRI 'DZIN PA PHAL CHER YANG RNYED BKUR NGAN DON RE YANG BLOS MI THONGS PAR DGON PA CHUNG DU RE DANG SA CHA PHRAN BU RI LA YANG CI THOB BYED PA'I DANG TSUL 'DI LA DPAGS NA BDAG GI DRIN CAN RTZA BA'I BLA MA RJE THAMS CAD MKHYEN PA 'DI NI NOR 'DZIN YANGS PA'I KHYON LA STOBS KYIS 'KHOR LOS BSGYUR BA'I GONG MA BDAG PO CHEN PO LTA BUS BSNYEN BKUR BA'ANG DANG DU MI BZHES SHING SA CHEN PO LI KHYON LA DBANG BSGYUR BA'I DPAL PHUL YANG DGYES PA MED CING TSUL DES LHAG PAR 'JIGS SHING SKRAG BA DANG SKYO ZHING YID 'BYUNG BAR MDZAD NAS DGE 'DUN GYI SDE GNAS PA'I RTAN TZAM LAS RANG DON DU GSER SE PA GANG DANG, SA ROL GANG TZAM YANG MI BZHES PAR NGES 'BYUNG DANG BYANG CHUB KYI SEMS RLABS CHEN POS 'GRO BA'I SDUG BSNGAL ZHI BA DANG RGYAL BA'I BSTAN PA 'PHEL BA 'BA' ZHIG THUGS LA BRNAGS TE SGO GSUM GYI BYA BA CI MDZAD THAMS CAD BSTAN PA DANG SEMS CAN KHO NA'I DON DU MDZAD PA 'DI 'DRA BA NA RGYAL BA SRAS BCAS THAMS CAD KYIS LAN CIG MIN BAR BSNGAGS PA'I GNAS YIN ZHING, SNGON CHOS KYI RGYAL PO TZONG KHA PA CHEN PO ZHING 'DIR BYON NAS MDZAD PA DE LTAR DU MDZAD PA DUS MTHA' 'DIR BDAG GI DRIN CAN RTZA BA'I BLA MA 'DIS PHAG LEN DU THEBS PAR MDZAD BA YIN PAS RGYAL BA'I BSTAN PA LA BYA BA MDZAD PA'I RNAM PAR THAR PA NGO MTSAR RMAD DU BYUNG BA ZHIG GO ,DE NAS RJE 'DIS RGYAL BA THAMS CAD MKHYEN PA CHEN PO LA THOS BSAM SGOM GSUM 'CHAD RTZOD RTZOM GSUM

, ,GYI SGO NAS 'JAM MGON BLA MA'I BSTAN PA BSRE BSLAD MED PAR SKYONG DGOS TSUL ZHAL TA ZHING RGYAS SU MDZAD DE BSTAN PA'I BDAG POR MNGA' GSOL NAS GTZANG DU CHIBS KHA BSKYOD, BKRA SHIS LHUN POR PHEBS NAS SNYUG MAR GNAS PA DANG PHYOGS 'DUS KYI DANG LDAN SER SKYA BGRANG BA LAS 'DAS PA LA ZHAL GYI DKYIL 'KHOR STON PA DANG, PHYAG GIS BYIN RLABS MDZAD PA DANG, CHOS KYI BDUD RTZI STZAL BA DANG, LHAG PAR RAB BYUNG BSNYEN RDZOGS KYI SDOM PA BRGYUD MAR STZAL BA SOGS BSTAN 'GRO'I DON RGYA CHER MDZAD CING, SHI GSON GYI RDZAS RNAMS CHUD MI 'DZA BA'I PHYIR BKRA SHIS LI MA LHA KHANG SOGS LHA KHANG MANG PO DANG, BSTAN BCOS 'GYUR RO COG RNAMS DANG, RJE YAB SRAS KYI GSUNG RAB SOGS SKU GSUNG THUGS RTEN GSAR BZHENGS MANG BO DANG, SNGAR YOD RNAMS LA MCHOD RDZAS DANG, RGYAL BSTAN JI SRID GNAS PA'I BAR DU MI NYAMS PA'I MCHOD PA'I THEBS DANG, RIS SU MA CHAD PA'I DGE 'DUN GYI SDE MTHA' DAG LA BSNYEN BKUR NAR MAR MDZAD PA SOGS SNGON BYON PA'I DAM PA RNAMS KYI MDZAD PA RNAM THAR BZANG PO RNAMS RJE 'DIS MA NYAMS PAR BSKYANGS SHING MA 'ONGS PA NA 'BYON PAR 'GYUR BA'I BSTAN 'DZIN DAM PA THAMS CAD KYI MIG LTOS SU 'GYUR BA ZHIG MDZAD DO, ,MDOR NA BDAG CAG GI DPAL LDAN BLA MA DAM PA 'DIS NI BKA' GDAMS SKU MCHED GSUM GYI RNAM PAR THAR PA RJES SU BSKYANGS TE, DE YANG DGE BA'I BSHES GNYEN PHU CHUNG PA CHEN PO NI 'GRO BA'I PHAN BDE DKON MCHOG GI THUGS RJE LA RAG LAS PAR DGONGS NAS

DKON MCHOG MCHOD PA GTZO BOR MDZAD PA'I RNAM PAR THAR PA LTAR, RJE 'DIS KYANG BSKAL BZANG LI MA LHA KHANG SOGS MCHOG GSUM GYI RTEN BSAM LAS 'DAS PA GSAR DU BZHENGS SHING ,DE DAG DANG SNGON BZHUGS PA'I MCHOG GSUM GYI RTEN RNAMS LA MCHOD PA'I DNGOS PO BSAM GYIS MI KHYAB PAS MCHOD, DE YANG JI SRID BSTAN PA NAM GNAS KYI BAR DU MCHOD PA RGYUN MI 'CHAD PAR 'BYUNG BAR MDZAD PA'ANG MTHA' YAS TE, NGA LTA SKYE BO KUN GYI MIG LAM DU SNANG BA 'DI BZHIN NO, ,DGE BA'I BSHES GNYEN SPYAN SNGA BA NI SEMS CAN GYI BDE SKYID DGE 'DUN GYI SDE GNAS PA LA RAG LAS PAR DGONGS NAS, GTZUG LAG KHANG DANG, LHA KHANG MANG DU BRTZIGS PA'I RNAM THAR LTAR, RJE 'DIS KYANG BOD YUL GYI LJONGS 'DIR GTZUG LAG KHANG CHES DAR RGYAS SU MDZAD DE ,BKRA SHIS LHUN PO'I GTZUG LAG KHANG RGYA CHER 'PHEL BA 'DI BZHIN DANG, GANGS RI'I LJONGS KYI RI SUL RNAMS SU BSAM GTAN GYI SDE MANG DU 'DZUGS PAR GNANG BA SOGS RJE 'DI NYID KYI BKA' DRIN LAS GANGS CAN GYI LJONGS 'DIR KHRIMS LDAN 'DUS PA'I SDE RGYA CHER 'PHEL BA KUN GYI MIG LAM DU SNANG BA 'DI'O, ,DGE BA'I BSHES GNYEN PO TO BA CHEN PO NI DGE 'DUN GYI BSNYEN BKUR DANG, BKA' GDAMS GZHUNG DRUG GI SGO NAS JO BO'I MAN NGAG 'CHANG BA GTZO BOR MDZAD PA BZHIN, RJE 'DIS KYANG RIS SU MA CHAD PA'I DGE 'DUN GYI SDE MTHA' DAG LA BSNYEN BKUR GTZO BOR MDZAD CING, LHAG PAR BKRA SHIS LHUN PO NI CHOS DANG ZANG ZING GNYIS KA'I SGO NAS SPYAN GYI 'BRAS BU LTAR BSKYANGS TE, DGE 'DUN ZHAL GRANGS JE 'PHEL DU GYUR CING, BYANG PHYOGS BSIL

, ,LDAN YANGS PA'I LJONGS 'DIR LUGS GNYIS KA'I SGO NAS BRAN ZLA DANG BRAL PA KUN GYI MIG LAM DU SNANG BA 'DI BZHIN NO, ,MDZAD PA THAMS CAD KYI NANG NAS GTZO BOR GYUR PA NI RGYAL BA'I BSTAN PA LA BYA PA MDZAD PA YIN PAS, BSTAN PA LA BYA BA MDZAD PHYIR RJE RANG NYID KYI TSUL KHRIMS RNAM PAR DAG PA'I DRI BSUNG LA 'KHOR PA'I DAD LDAN GYI SKYES BU GTZANG DBUS KHAMS GSUM MTHA' DAG DANG, THA NA RGYA MTSO'I MTHA' DANG GLING BAR TSUN CHAD NAS RANG DBANG MED PAR 'DUS PA NGAG LA DGE BSNYEN ,DAG TSUL, DGE SLONG GI SDOM PA RNAMS GNANG BA NI BGRANG BA LAS 'DAS TE, 'DZAM GLING YANGS PA'I RGYAL KHAMS THAMS CAD RJE NYID LA BSLAB PA MNOS PA'I KHRIMS LDAN GYIS KHYAB CING, LHAG PAR GANGS CAN 'GRO BA'I MGON PO RJA BTZUN BLO BZANG BSKAL BZANG RGYA MTSO DPAL BZANG POR, DGE TSUL GYI SDOM PA, DGE SLONG GI SDOM PA, GSANG BDE 'JIGS GSUM GYI DBANG RNAMS PHUL TE SDOM PA GSUM LDAN DU BSGRUBS SHING, RJE RGYAL BA GNYIS PA'I BSTAN PA'I BDAG POR MDA' GSOL BAS 'DZAM GLING YANGS PA'I RGYAL KHAMS MTHA' DAG RGYAL BA YAB SRAS GNYIS KYI 'PHRIN LAS RNAM PAR DKAR BA'I GDUGS GCIG GIS KHYAB CING, RJE BTZUN BLA MA NGAG DBANG BYAMS PA LA DGE SLONG GI SDOM PA DANG, CHOS BKA' GZHAN YANG MANG DU GNANG NAS RGYAL BA 'OD DPAG MED KYI SKU BRNYAN LI DMAR LAS GRUB PA PHYAG TU GNANG NAS THEG CHEN BSTAN PA'I SNYING PO RJE RGYAL BA GNYIS PA'I BSTAN PA RIN PO

CHE'I SROG SHING DU MNGA' GSOL, DUS GSUM GYI RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA GTZO BOR BTON PA'I SGO NAS RJE RGYAL BA GNYIS PA'I LUGS SROL BZANG PO RGYA CHER SPEL DOGS PA'I ZHAL TA GNANG ZHING, PHYOGS KYI THA GRU KUN TU RJE BTZUN BLA MA 'DI'I 'PHRIN LAS RGYA CHER 'PHEL BA'I RTEN 'BREL BSGRIG BAR MDZAD PAS SHAR PHYOGS RGYA MTSO'I MTHA' LA THUG GI BAR DU BYANG CHUB LAM GYI RIM PA'I 'PHRIN LAS KYIS KHYAB PA 'DI YANG RJE 'DI NYID KYI THUGS RJE'I NUS MTHU LAS GRUB PA YIN PAS GANGS CAN PA RNAMS LA BKA' DRIN ZLA MED DU MDZAD PA YIN NO, ,MA 'ONGS PA NA BSTAN PA SPYI DANG KHYAD PAR RJE RGYAL BA GNYIS PA'I SNYAN RGYUD KYI BSTAN PA YUN RING DU GNAS PA'I PHYIR BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I MYUR LAM ZHES GRAGS PA DPAL DBEN SA SNYAN RGYUD KYI MAN NGAG RNAMS CHES GSOL BAR BKOD PA SNGON MED PA'I LEGS BSHAD 'DI MDZAD CING, GZHAN YANG BYANG CHUB LAM GYI RIM PA'I BLA MA BRGYUD PA'I RNAM PAR THAR PA PADMAR DKAR PO'I 'PHRENG BA, LAM GYI GTZO BO RNAM GSUM GYI RNAM BSHAD GSUNG RAB KUN GYI GNAD BSDUS PA LEGS BSHAD SNYING PO, SNYING PO DON GSUM GYI KHRID YIG THAMS CAD MKHYEN PAR BGROD PA'I NYE LAM, PAn CHEN BLO BZANG CHOS KYI RGYAL MTSAN GYI RNAM THAR GSAL BAR STON PA NOR BU'I PHRENG BA'I SMAD CHA, RJE DRUNG SPRUL SKU DGE 'DUN CHOS RGYAL DBANG PHYAG GI RNAM THAR GRUB DBANG DGYES PA'I ROL MTSO, BLA MA'I RNAL 'BYOR GYI 'GREL PA DANG BKA'

, ,DRIN GSOL 'DEBS, BLO CHEN RGYAL KUN MA, RGYUD KYI RGYAL PO DPAL GSANG BA 'DUS PA'I BSHAD PA RDZOGS PA'I 'OG TU RDO RJE SLOB DPON LA GTANG RAG GI MCHOD PA SOGS BYA TSUL, THUGS RJE CHEN PO RGYAL PA RGYA MTSO LHA DGU'I BLA BRGYUD GSOL 'DEBS DANG SHIS BRJOD, THUGS RJE CHEN PO RGYAL BA RGYA MTSO LHA DGU'I SGRUB THABS, THUGS RJE CHEN PO RGYAL BA RGYA MTSO LHA DGU'I DKYIL CHOG ,THUGS RJE CHEN PO RGYAL BA RGYAL MTSO LHA DGU'I SBYIN SREG GI CHO GA, DRIS LAN GYI SKOR, TSE SGRUB 'CHI MED BDUD RTZI'I CHU RGYUN, 'PHAGS MA GDUGS DKAR CAN GYI SGRUB THABS MCHOG THUN DNGOS GRUB CHAR 'BEBS, GSHIN PO RJES 'DZIN THAR PA'I LAM STON, BLA MA'I RNAL 'BYOR, BLA MA'I BSTOD TSIG GSOL 'DEBS, YI DAM 'GA' LA BRTEN PA'I BLA MA'I RNAL 'BYOR, BRTAN BZHUGS TSIGS BCAD MANG BA, LHA 'GA'I SGRUB THABS DANG RJES GNANG BYED TSUL, BSNYEN GNAS BSRUNGS PA DANG SMYUNG GNAS BYAS PA'I PHAN YON, SKU GDUNG GI DKAR CHAG LE TSAN, RTEN SOGS BZHENGS PA'I RGYAB YIG ,DGON SDE 'GA' ZHIG GI KHRIMS SU BCA' BA, RTEN GSUM BZHENGS PA SOGS KYIS MTSAN PA'I DGE BSNGO'I SMON LAM TSIGS BCAD, MGON DKAR YID BZHIN NOR BU'I GTOR CHOG DGE LEGS KUN 'BYUNG, YE SHES KYI MGON PO GRI GUG DANG CHER GSEB CHOS SKYONG BSTAN MA GSUM GYI GTOR CHO GA, BSTAN SRUNG RGYA MTSOR MCHOD GTOR 'BUL TSUL DANG 'PHRIN BCOL, BSANGS KYI CHO GA, SNYAN NGAG ME LONG LAS LE'U GNYIS PA'I DPER BRJOD MTSO BYUNG DGYES

PA'I ME TAG ,LE'U GNYIS PA'I GZUGS CAN BCU GNYIS PA YAN GYI DPER BRJOD, MDO RGYUD ZAB MO'I LUNG RJES GNANG DBANG KHRID GSAN YIG GZHAN PHAN RIN CHEN DBANG RGYAL LHAG BSAM PUndA RI KA'I PHRENG BAS SPUD PA, SKU GZHON NU NYID NAS RGYAL BA'I BSTAN PA RIN PO CHE'I SGOR ZHUGS NAS BLA MA DAM PA MTSAN NYID DANG LDAN PA DU MA ZHIG GUS PA CHEN POS BSTEN PA'I SGO NAS RAB 'BYAMS MDO DANG RGYUD SDE'I GZHUNG LA LEGS PAR BSLABS NAS, THOS BSAM SGOM PA DANG 'CHAD RTZOD RTZOM PA LA SOGS PA, SKU GSUNG THUGS KYI RTEN BZHENGS PA DANG MCHOD PA, RIS MED PA'I DGE 'DUN MANG PO LA BSNYEN BKUR BA SOGS BSTAN 'GRO'I BYA BA MTHA' DAG LA BRTZON PAR MDZAD PA'I RNAM THAR 'OD DKAR CAN GYI PHRENG BA RNAMS MDZAD DE BSTAN PA LA BYA BA RGYA CHER MDZAD NAS DGUNG LO DON LNGA LA PHEBS PA ME MO SPRUL GYI LO GDUL BYA RTAG 'DZIN CAN RNAMS CHOS LA BSKUL BA'I PHYIR RE ZHIG GZUGS SKU'I BKOD BA BSDU BA'I TSUL BSTAN TO, ,RJE 'DI LA NI NOR 'DZIN YANGS PA'I KHYON LA GNAS PA'I CHE DGU MTHA' DAG GIS GUS PAS MCHOD CING RIS SU MA CHAD PA'I BSTAN 'DZIN DAM PA PHAL MO CHES RJE 'DI PA LAS BSLAB SDOM BLANGS SHING, CHOS KYI BKA' DRIN NOS PAS NA RGYUD 'DZIN GYI SLOB MAS SA'I STENG KHYAB PAS MTHA' DAG BGRANG BAR GA LA NUS, THUGS SRAS KYI GTZO BO THUB BSTAN YONGS RDZOGS KYI BDAG POR MNGA' GSOL BA RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO DANG,

, ,MDO KHAMS BSTAN PA'I SGRAN ME CHAB MDO 'PHAGS PA LHA, BRAG G-YAB SPRUL SKU RNAM GNYIS, DBANG PHYOGS BSTAN PA'I SGRON ME RJE LCANG SKYA RIN PO CHE YE SHES BSTAN PA'I SGRON ME, BA SO SPRUL PA'I SKU, 'JAM MGON BSTAN PA'I SROG SHING RJE BTZUN NGAG DBANG BYAMS PA, GRUB PA'I DBANG PHYUG RJE DON YOD MKHAS GRUB ,GRUB CHEN BLO BZANG BYAMS PA, SNGAGS CHEN DGE LEGS RAB RGYAS, RJE ZHAL SNGA NAS 'JAM DBYANGS CHOS 'PHEL, THOS BSAM GLING PA CHEN PO DPAL LDAN YE SHES, RDO RJE 'DZIN PA BLO BZANG RIG GROL, BYA BRAL GRUB PA'I DBANG PHYUG BLO BZANG RNAM RGYAL, SNGAGS CHEN DAM CHOS DPAL 'BYOR, SNYAN RGYUD 'PHRIN LAS KYI BKA' BAB ZHABS DRUNG LHA PA SPRUL SKU BLO BZANG 'PHRIN LAS, DBANG DANG RJES GNANG GI BKA' BAB RDO RJE 'DZIN PA YE SHES DPAL 'BYOR ,RGYUD 'DZIN 'PHRIN LAS KYI BKA' BAB GRUB PA'I DBANG PHYUG BLO BZANG BZOD PA SOGS BSTAN 'DZIN DAM PA BGRANG BA LAS 'DAS PA BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE BTZUN THAMS CAD MKHYEN PA BLO BZANG YE SHES DPAL BZANG PO LA GSOL BA 'DEBS SHING RJE 'DI'I MDZAD PA BZANG PO RNAMS DRAN PAR BYAS LA 'JAM MGON BSTAN PA'I SNYING PO LA YID CHES KYI DAD PA BRTAN POS BLO SNA NANG DU BKUG STE BYANG CHUB LAM GYI RIM PA LA BAG CHAGS CI THEBS BYA'O,, ~ ,,MKHYEN RAB DBANG PHYUG 'JAM DBYANGS CHOS 'PHEL ZHES BSNGAGS PA, RJE ZHAL SNGA NAS 'JAM DBYANGS CHOS 'PHEL NI SRAD DU SKU 'KHRUNGS, SNGON YUN RING PO NAS LAM LA SBYANGS PA'I BAG CHAGS KYI MTHU BRTAS PAS

KHYIM GYI 'DU 'DZAL CHAGS PA MED PAR GZHON NU NAS RGYAL BA'I BSTAN PA LA RAB TU BYUNG, CHOS GRVA CHEN PO BKRA SHIS LHUN POR PHEBS TE RJE BTZUN BLO BZANG CHOS KYI RGYAL MTSAN GYI ZHABS LA BSNYEN CING ,THOG MAR TSAD MA RNAM 'GREL LA SBYANGS PA NA MKHYEN RAB MTSUNGS PA MED PAS RING POR MA THOGS PAR SDE BDUN MDO DANG BCAS PA'I DON LA MI 'JIGS PA'I SPOBS PA THOB, DE NAS PHAR PHYIN DANG, DBU MA DANG, 'DUL BA DANG, MDZOD RNAMS LA RIM BZHIN SBYANGS TE MKHAS PA'I PHUL DU PHYIN PAR GYUR PA NA DGE 'DUN 'DUS PA RGYA MTSO'I DBUS SU DAM BCA' BZHAG STE SNGAR BRJOD PA'I GZHUNG CHEN MO DE RNAMS LA GRVA SKOR MDZAD, DE NAS DRUNG PA YAB SRAS DANG, RDO RJE 'DZIN PA DKON MCHOG RGYAL MTSAN SOGS RJE BTZUN BLO BZANG CHOS KYI RGYAL MTSAN GYI THUGS SRAS MKHAS GRUB MANG PO LAS RGYUD SDE BZHI DANG 'BREL BA'I DBANG LUNG MAN NGAG MANG DU GSAN ZHING, KHYAD PAR JO BO RJE DPAL LDAN AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG PA'I MAN NGAG GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I ZAB KHRID DBEN SA SNYAN RGYUD KYI MAN NGAG ZHAL SHES DANG BCAS PA GSAN NAS NYAMS SU BLANGS TE MYONG BA THON PAR MDZAD, DE NAS LUNG DANG RTOGS PA'I YON TAN GYI GTER CHEN POR GYUR PA NA RJE BTZUN BLO BZANG YE SHES KYI BKAS THOS BSAM GLING GI GDAN SAR PHEBS TE SDE SNOD 'DZIN PA STONG PHRAG BRGAL BA LA SHING RTA CHEN PO'I GZHUNG LUGS RNAMS RGYA CHER 'CHAD PAR MDZAD, DE NAS SNGAGS KHANG GI GDAN SAR

, ,PHEBS TE RGYUD THAMS CAD KYI RGYAL PO DPAL GSANG BA 'DUS PA MTHA' DRUG TSUL BZHI'I SGO NAS 'CHAD PA LA MKHAS PA'I PHUL DU PHYIN PAR GYUR TE SDE SNOD 'DZIN PA BRGYA PHRAG MANG PO LA 'GREL PA BZHI SBRAGS DANG, 'KHOR LO BDE MCHOG GI RGYUD 'GREL PA DANG BCAS PA DANG, DUS KYI 'KHOR LO'I RGYUD 'GREL PA DANG BCAS PA SOGS RDO RJE THEG PA'I BSTAN PA RGYA CHER SPEL BAR MDZAD CING, DE DAG GI BAR BAR DU SKAL BA DANG LDAN PA MANG PO LA BYANG CHUB LAM GYI RIM PA'I KHRID SOGS MDO SNGAGS KYI CHOS MTHA' YAS PA STZAL TE BSTAN PA LA BYA BA RGYA CHER MDZAD, MTHAR SNGAGS KHANG GI GDAN SA'I THOG NYID DU ZHING GSHEGS, DE'I TSE THUGS DAM LA RGYUN RING BZHUGS SHING SKU GZUGS KYANG 'OD KYI RANG BZHIN CAN JE CHUNG JE CHUNG DU SONG STE THUGS DAM LAS BZHENGS PA'I TSE SPUR DAR KHA GANG LA 'THUMS PA ZHIG BYUNG, GDUNG ZHUGS LA PHUL BA'I TSE GDUNG LA RJE BTZUN SGROL MA RANG BYON DU PHEBS PA SOGS NGO MTSAR YA MTSAN CHE BA'I MTSAN MA MANG DU BYUNG BA ZHIG GO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BDAG NYID CHEN PO 'DI LA GSOL BA 'DEBS SHING, 'DI'I RNAM THAR LTAR MDO SNGAGS KYI GZHUNG LA SBYANGS PA MTHAR PHYIN PAR BYAS LA GZHUNG LUGS GDAMS PAR 'CHAR BA'I NYAMS LEN LA 'BAD DE RANG RGYUD BTUL NAS SKAL BA DANG LDAN PA GZHAN DAG LA'ANG PHAN THOGS PA ZHIG BYA'O,, ` ,,BLO BZANG THUGS RJE'I YE SHES 'OD STONG GIS, ,GANG GIS BLO GROS PADMO KHA PHYE NAS, ,

SKAL LDAN 'PHRIN LAS SPRANG RTZI'I DGA' STON CAN, ,YONGS 'DZIN DAM PA'I ZHABS LA GSOL BA 'DEBS, ,ZHES BSNGAGS PA, ZHABS DRUNG LHA PA SPRUL SKU BLO BZANG 'PHRIN LAS NI, PAn CHEN BLO BZANG CHOS KYI RGYAL MTSAN GYI THUGS SRAS ZHABS DRUNG LHA PA BLO BZANG BSTAN PA DAR RGYAS ZHES YONGS SU GRAGS PA'I MKHAS GRUB CHEN PO DE NYID ZHING GSHEGS GONG DANG, GSHEGS NAS SPUR SBYONG BA'I SKABS KYI RTAGS DANG MTSAN MA DANG, LHA DANG BLA MA MANG POS LUNG BSTAN PA LTAR SPRUL BA'I SKU 'DI NYID DBUS PHYOGS SU SKU 'KHRUNGS, GZHON NU'I DUS NAS SNGON GYI BAG CHAGS BZANG PO'I MTHU BRTAS PAS SRID PA'I PHUN TSOGS GANG LA'ANG MA CHAGS PAR RGYAL BA'I BSTAN PA RIN PO CHE'I SGOR RAB TU BYUNG, ,PAn CHEN BLO BZANG CHOS KYI RGYAL MTSAN GYI THUGS SRAS MANG PO'I ZHABS LA GTUGS SHING, LHAG PAR DRUNG BA YAB SRAS LA MDO SNGAGS KYI GDAMS NGAG MTHA' YAS PA GSAN ZHING ,LUNG DANG RTOGS PA'I MNGA' BDAG RIN CHEN DON GRUB LA PAn CHEN BLO BZANG CHOS KYI RGYAL MTSAN NAS GRUB CHEN NAM MKHA' RDO RJE LA BRGYUD PA'I BYANG CHUB LAM GYI RIM PA'I KHRID DBEN SA SNYAN RGYUD KYI MAN NGAG ZHAL SHES CHA LAG DANG BCAS PA RGYAS PAR GSAN TE NYAMS SU BZHES PAS NYAMS RTOGS KHYAD PAR CAN 'KHRUNGS, GRUB CHEN NAM MKHA' RDO RJE NAS BRGYUD PA'I MAN NGAG BLA MA RIN CHEN DON GRUB KYIS ZIN BRIS MDZAD PA'I LAM RIM GYI KHRID YIG KHYAD PAR CAN ZHIG KYANG YOD DO, ,ZHABS DRUNG RIN PO CHE 'DI SNGON SBYANGS KYI BAG CHAGS SANG PAS NGES 'BYUNG SKYO SHAS CHE ZHING

, ,SDOM PA GSUM GYI BCAS MCHAMS RNAM PAR DAG PA DANG, BDAG PAS GZHAN GCES PA'I BYANG CHUB KYI SEMS THUGS LA MNGA' BAS SKAL BA DANG LDAN PA MTHA' YAS PA LA THAR PA DANG THAMS CAD MKHYEN PA'I SA BON 'DEBS NUS PA ZHIG BYUNG STE, PAn CHEN THAMS CAD MKHYEN PA RJE BTZUN BLO BZANG YE SHES KYIS KYANG SPYAN MTHONG SHIN TU CHE BAR MDZAD DE ZHABS DRUNG RIN PO CHE 'DI LA LAM RIM GYI KHRID DANG, BLA MA MCHOD PA'I KHRID DANG, SNYING PO DON GSUM GYI KHRID DANG, DGA' LDAN PHYAG RGYA CHEN PO'I KHRID RNAMS DGYES BZHIN DU GNANG ZHING SNAR THANG BYANG CHEN GYI BLA MAR BSKO BAR MDZAD DE 'DI PA BYANG CHEN DU BZHUGS SKABS SKYA SER MANG PO LA PHAN CHE BAR GZIGS NAS PAn CHEN THAMS CAD MKHYEN PA CHEN POS GZIM CHUNG YID DGA' CHOS 'DZIN DU ZHABS DRUNG RIN PO CHE 'DI GCIG PU LA SMYUNG GNAS KYI SDOM PA YANG STZAL, ZHABS DRUNG RIN PO CHE 'DI PAS KYANG PAn CHEN THAMS CAD MKHYEN PA'I BKA' BZHIN BSGRUBS TE LO RE BZHIN SNAR THANG BYANG CHEN DU SKYA SER BRGYA PHRAG MANG PO LA SMYUNG GNAS KYI SDOM PA GNANG ZHING, GZHAN YANG DGE BA'I BSHES GNYEN DON GNYER CAN RNAMS LA CHO 'PHRUL GYI DUS DANG CHOS 'KHOR BSKOR BA'I DUS LA SOGS PA DUS KHYAD PAR CAN RNAMS LA SMYUNG GZHAS KYI SDOM PA GNANG STE THUGS RJE CHEN PO'I CHOS SKOR CHES CHER DAR BAR MDZAD, LHAG PAR MDO SNGAGS GSUNG RAB THAMS CAD KYI SNYING PO'I DON RGYAL BA THAMS CAD GANG NAS BYON PA'I LAM PO CHE BYANG CHUB LAM GYI RIM PA'I KHRID YANG

YANG STZAL TE BSTAN PA LA BYA BA RGYA CHER MDZAD, LAM GYI RIM PA LA BLO SBYANGS TE THABS BRTAN PAR GYUR PA RNAMS LA SHER PHYIN GYI MDO SDE RIN PO CHE'I SNYING PO'I DON, DPAL MGON 'PHAGS PA KLU SGRUB KYIS NGES DON GYI MDO SDE'I DON LEGS PAR BKRAL BRTEN 'BYUNG SPROS PA'I MTHA' THAMS CAD DANG BRAL BA DRI MA MED PA'I RIGS LAM NAS DRANGS TE MTHA' DAG PAR 'DOMS PA LA ZLA DANG BRAL BA ZHIG STE, BYA BRAL GRUB PA'I DBANG PHYUG BLO BZANG RNAM RGYAL GYIS GTZOS SDE SNOD 'DZIN PA MANG PO ZHIG GIS ZHABS DRUNG RIN PO CHE 'DI PA LA LAM RIM GYI KHRID ZHUS PAR CHE BA SHES GNYEN BSTEN TSUL NAS LHAG MTHONG GI BAR DMIGS SKOR RE RE NAS MYONG KHRID DU BYAS TE ZLA SBREL GYI BAR RGYAS PAR GNANG ZHING, LHAG PAR ZAB MO DBU MA'I LTA BA RTAG CHAD KYI MTHA' THAMS CAD DANG BRAL BA RIGS PA'I RNAM GRANGS MTHA' YAS PAS GTAN LA PHAB NAS 'DOMS PAR MDZAD CING, SGOM TSUL GYI MAN NGAG SNYING PO'I DON MGON PO 'JAM PA'I DBYANGS KYIS RJE BDAG NYID CHEN PO PHA JI LTAR STZAL BA'I SNYAN RGYUD KYI MAN NGAG LTAR 'KHRID PAR MDZAD, LAM RIM GYI KHRID GRUB NAS SPYIR LAM GYI LUS YONGS SU RDZOGS PA DANG KHYAD PAR DBU MA'I LTA BA MTHAR THUG BA SHER PHYIN GYI MDO SDE RIN PO CHE'I KHUNGS DANG SBYAR BA BRGYAD STONG PA'I GZABS BSHAD MDZAD PAS 'JAM MGON SNYAN RGYUD KYI BSTAN PA LA BKA' DRIN ZLA MED DU MDZAD DO, ,BDAG NYID CHEN PO 'DI'I SKU TSE RIL PO'I MDZAD PA RNAM THAR ZHIB TU STON PA'I YI GE MA MTHONG BAS SLAR RNYED NA 'DIR BSNAN

, ,PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS ZHABS DRUNG RIN PO CHE SPRUL PA'I SKU BLO BZANG 'PHRIN LAS LA GSOL BA 'DEBS SHING, BDAG NYID CHEN PO 'DI'I RNAM THAR LTAR 'JAM MGON SNYAN RGYUD KYI MAN NGAG LA SGRUB PA SNYING POR BYAS TE DAL BA DON LDAN DU BYA'O,, ` ,,THUB PA'I DGONGS DON ZAB DANG RGYA CHE'I GZHUNG, ,BLO GSAL SKAL BZANG GDUL BYAR RNAM KUN TU, ,SPEL MDZAD RGYAL BA DGYES PA'I LAM BZANG LA, ,'GOD MKHAS BSHES GNYEN BZANG POR GSOL BA 'DEBS, ZHES BSNGAGS PA, BYA BRAL GRUB PA'I DBANG PHYUG BLO BZANG RNAM RGYAL NI ,CHOS GRVA CHEN PO BKRA SHIS LHUN PO NAS LHO PHYOGS SU DPAG TSAD GCIG LHAG TZAM GYI SAN LCAGS LUNG PA ZHES BYA BA, PHUN RTZVA RI PHUN SUM TSOGS PA LA 'BROG SDE DANG ,MDA' NAS GZHI LO TOG PHUN SUM TSOGS PA SKYE BA'I ZHING PA MI KHYIM MANG DU YOD PA ,SNGON BYON DAM PA DU MAS ZHABS KYIS BCAGS SHING BYIN GYIS BRLABS PA, LHAG PAR PAn CHEN THAMS CAD MKHYEN PA BLO BZANG CHOS KYI RGYAL MTSAN PHYOGS DER PHEBS NAS BKRA SHIS KYI GSO SBYONG MDZAD PA SOGS DGE MTSAN DU MAS BRGYAN PA'I SA'I THIG LE DE'I PHUN BCUS KHANG DMAR SHAR BA ZHES BYA BA'I KHYIM DU YAB MGON PO TSE RGYAL ZHES BYA BA DANG, YUM SRAS MO LAGS ZHES GRAGS PA GNYIS KYI SRAS SU BSAM BZHIN DU SKYE BA BZHES TE LCAGS PHO KHYI'I LOR KHYE'U DBU GDUGS LTAR ZLUM ZHING SPYI GTZUG MTHO BA, DPRAL BA'I DBYES CHE

ZHING SHANGS KYI GZENGS MTHO PA, SPYAN DKYUS RING ZHING MCHU SGROS PADMA'I 'DAB MA JI LTA BA, PAGS PA'I MDOG NI DKAR LA DMAR BA'I MDANGS CHAGS PA 'GRO BA KUN GYI MIG GI BDUD RTZI LTA BU ZHIG NGO MTSAR BA'I LTAS DANG BCAS TE 'KHRUNGS SO, ,'DI SKABS RJE BTZUN BLO BZANG CHOS KYI RGYAL MTSAN ZHING GSHEGS NAS LO DGU DANG, RJE BTZUN BLO BZANG YE SHES 'KHRUNGS NAS LO BRGYAD SONG BA'I SKABS DE YIN NO, ,DE 'DRA BA'I GZHON NU DE NI SNGON YUN RING PO NAS LAM LA GOMS PA'I BAG CHAGS SAD PAS BYIS PA'I RGUD PA MTHA' DAG LAS 'DAS SHING DAM PA'I CHOS 'TSOL BA LHUR LEN PA'I NGANG TSUL CAN ZHIG BYUNG STE, KHYIM GYI GNAS LA MNGON PAR MI DGA' BAR KHYIM NA GNAS PA NI BYA BA NGAN PA SNA TSOGS KYIS BREL NAS DGE BA'I BSAM PA MA SKYES PA MI SKYE ZHING SKYES PA RNAMS RIM GYIS 'GRIB PAR BYED PA, TSONG DANG ZHING LAS SOGS LAS NGAN PA SNA TSOGS PA DANG, DE DAG GI CHED DU PHAN TSUN 'THAB PA DANG RTZOD PA SOGS BZOD PAR DKA' BA'I SDUG BSNGAL DU MAS LUS SEMS KUN NAS GDUNG BAR BYED PA, 'DOD PA SPYOD PA NI DUG SBRUL NAG PO'I GDENGS KA'I GRIB BSIL LTAR MNOG CHUNG ZHING NYEN CHE BA, MDOR NA NYES PA DU MA'I 'BYUNG KHUNGS SU GYUR LA, RAB TU BYUNG BA NI NYES PA THAMS CAD LAS LDOG CING YON TAN THAMS CAD SKYE BA'I RTEN SA GZHI LTA BU, RGYAL BA SRAS BCAS THAMS CAD KYIS BSNGAGS PA'I GNAS YIN PAR MKHYEN NAS RAB TU 'BYUNG 'DOD GTING NAS YOD PA'I KHAR,

, ,RGYAL PO DGA' LDAN TSE DBANG GI CHOS TSAB BTZUN CHUNG KHA SHAS 'JUG RTZIS KYIS BRTAGS PA NA, DAM PA 'DI NYID GZHON NU BLO GROS GSAL ZHING RIGS RUS BTZUN PA SOGS GANG CIR 'OS PAR GZIGS NAS, 'DI NYID DANG GZHAN YANG BTZUN CHUNG KHA SHAS BCAS CHOS TSAB TU 'JUG PAR MDZAD PA'I RKYEN GYIS NYE BAR BSKUL TE KHYIM NAS KHYIM MED PAR RAB TU 'BYUNG BAR 'DOD NAS CHOS GRVA CHEN PO BKRA SHIS LHUN PO PHYOGS THAMS CAD LAS RNAM PAR RGYAL BA'I GLING DU MGON PO 'OD DPAG MED NGUR SMRIG GAR GYI RNAM PAR ROL PA PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I DRUNG DU PHEBS, DE SKABS RJE BTZUN BLO BZANG YE SHES KYIS BSNYEN RDZOGS BZHES MA GRUB PAS MKHAN PO'I BYA BA MI MDZAD PAS THOS BSAM GLING GI BLA MA RJE ZHAL SNGA NAS GRUB CHEN BLO BZANG BYAMS PA LAS RAB TU BYUNG ZHING TSIGS SDE MA DGE TSUL GYI SDOM PA NOD PAR MDZAD DE, MTSAN BLO BZANG RNAM RGYAL ZHES 'DOGS PAR MDZAD DO, ,DE NAS THUGS BSAM 'DI LTA BU DAG 'KHRUNGS TE STON PA'I BSTAN PA LA RAB TU BYUNG BA RNAMS KYI BYA BA NI GNYIS TE, KLOG PA THOS BSAM DANG, SPONG BA BSAM GTAN NO, ,DE YANG MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR, SGOM RNAM DAG BYED PA LA BSAM PAS NGAS SHES 'DREN PA SNGON DU 'GRO DGOS, DE LA THOS PA MA NOR PA ZHIG BYAD DGOS, DE YANG GANG BYUNG BYUNG LA THOS PAS BYAS PAS MI CHOG PAS, RGYAL BA'I DGONGS PA 'GREL PA LA

TSAD MAR GYUR DPANG DU GYUR PA KLU SGRUB LA SOGS PA SHING RTA CHEN PO RNAMS KYI GZHUNG LA MKHAS PA BSTEN NAS SBYANG DGOS PAR DGONGS NAS THOG MAR RIGS PA'I GZHUNG LUGS RNAMS LA GSAN SBYONG MDZAD PA LA ZHUGS SHING, RJE ZHAL SNGA NAS GRUB CHEN BLO BZANG BYAMS PA DANG, ZHAL SNGA NAS 'JAM DBYANGS CHOS 'PHEL SOGS KYI ZHABS LA GTUGS NAS, THOG MAR CHOS SPYOD RNAMS 'DZIN PA DANG, RIGS PA'I SGO 'BYED MCHED MTSON RTAGS GSAL RTZI LUGS THAL 'GYUR 'PHEN LUGS SOGS LA SBYONG BA SBRAGS NAS MDZAD, DE NAS RTAGS GSAL 'PHEN LUGS KYI GNAD MKHYEN CING RIGS GZHUNG LA BLO KHA BYE BAR GYUR PA NA, RIGS 'BRING DU PHEBS TE 'JAM DBYANGS DGE 'DUN BLO BZANG GI YIG CHA LA BRTEN NAS TSAD MA RNAM 'GREL GYI LE'U BZHI'I MTHA' DPYOD SPYI DON DANG BCAS PA THUGS LA BZUNG ZHING BGRO GLENG LA BRTZON PAR MDZAD PAS, RING POR MA THOGS PAR GZHUNG GI LUS RNAM GZHAG, GZHUNG SNGA PHYI'I 'TSAMS SBYOR SO SO'I 'PHROS DON SOGS RTOG GE'I TSIG DON MTHA' DAG LA BLO GROS RAB TU RGYAS PAR GYUR TE, PHYI NANG GI GRUB MTHA'I KHYAD PAR RNAMS DRI MA MED PA'I RIGS PAS LEGS PAR PHYE NAS, PHYI ROL PA'I GRUB MTHA' RNAMS NI LONG BA LAG NOM BYED PA DANG 'DRA BAR RMONGS PA 'BA' ZHIG GI DBANG DU SONG BA DANG ,RGAN PO G-YO CAN GYIS LAG PA STONG PAS BYIS PA SLU BAR BYED PA LTAR THAR 'DOD RNAMS SLU BAR BYED PA KHO NA DANG, SANGS RGYAS BCOM LDAN 'DAS KYI BSTAN PA KHO NA THAR 'DOD RNAMS KYI 'JUG NGOGS SU GTING THAG PA NAS YID CHES BSKYED PA'I THABS SGRUB NGAG YANG

, ,DAG DANG RTAGS SBYOR YANG DAG GNYIS KYI SGO NAS RANG DANG SNOD LDAN RNAMS LA NGES SHES SKYED PAR BYED CING, LOG PAR SMRA BA RNAMS NI SUN 'BYIN PA'I THAL NGAG GI SGO NAS TSAR GCOD PAR MDZAD PA'I DRI MED RIGS PA'I NGA RO SGROG PA LA NAM YANG ZHUM PA MED PAR GYUR TO, ,DE NAS RNAM 'BREL GYI MTHA' GCOD RNAMS LA SHIN TU MKHAS PAR GYUR PA NA RIGS CHEN DU PHEBS TE, TSAD MA RNAM 'GREL DANG, NAM BSHAD THAR LAM GSAL BYED GNYIS RTZA 'GREL SBRAGS NAS THUGS 'DZIN MDZAD CING, DON GYI GNAD RNAMS LA GO BA 'TSOL BA LA SHIN TU 'GRUS PAR MDZAD, DE YANG THAR PA DANG THAMS CAD MKHYEN PA THOB PAR BYED PA'I LAM GYI GNAD RNAMS RIGS PA'I LAM NAS RNYED PA ZHIG MA BYUNG NA, LUNG TZAM SKYABS SU BZUNG STE MOS BLO BYAS KYANG GTING NAS NGES PA 'DRONGS PA'I THABS MI 'JUG CING, NGES PA DE LTAR DU SKYE BA YANG GZHUNG LUGS 'DI NYID LA RAG LAS PAR DGONGS NAS TSIG TZAM DANG DON GYI 'O LA SPYI TZAM GYIS TSIM PA MA YIN PAR, YAB RJE THAMS CAD MKHYEN PA'I BKA' LTAR THEG PA GSUM GYI LAM GYI GNAD THAMS CAD RIGS PA'I LAM NAS RNYED PA ZHIG NAM ZHIG NA 'ONG SNYAM DU THUGS BRTZON SHIN TU CHE BAR MDZAD DO, ,DE NAS RNAM 'GREL GYI DKA' GNAS RNAMS THUGS LA CHUD PAR GYUR PA'I TSE, DGE 'DUN 'DUS PA RGYA MTSO'I DBUS SU DAM BCA' YANG YANG 'JOG PAR MDZAD CING, KHYAD PAR DKYIL KHANG NAS MNGA' RIS PA MKHAS PAR GRAGS PA ZHIG DANG SPYI SKYUR GYI BGRO GLENG LA BZHENGS TE, RJE ZHAL SNGA NAS

RNAMS KYIS DBU MDZAD MKHAS MANG RGYA MTSO LTA BU'I DBUS SU BDAG NYID CHEN PO PHYOGS GLANG CHOS GRAGS MU STEGS KYI RGOL BA 'JOMS PHYIR ZHUGS PA BZHIN DU DRI MA MED PA'I RIGS PA'I NGA RO DANG 'BEL BA'I GTAM GYIS MKHAS PA MTHA' DGE DGYES PAR MDZAD CING SNYAM GRAGS KYIS GLING KHYAB PAR GYUR TO, ,DE NAS GZHUNG LUGS CHEN MO GZHAN RNAMS LA'ANG RIM GYIS SBYONG BAR MDZAD DE, DE YANG DUS GSUM GYI RGYAL BA THAMS CAD KYI YUM SHES RAB KYI PHA ROL TU PHYIN PA RGYAS 'BRING BSDUS GSUM GYI DON RNAMS NYAMS LEN GYI RIM PAR BSGRIGS PA RJE BTZUN BYAMS PAS MDZAD PA'I MNGON RTOGS RGYAN DANG, DE'I 'GREL PA SLOB DPON SENG GE BZANG POS MDZAD PA GNYIS SBYAR NAS PHAR PHYIN GYI SKOR DANG, SLOB DPON KLU SGRUB KYI DBU MA'I GZHUNG RNAMS NYAMS LEN GYI RIM PAR BSGRIGS PA SLOB DPON ZLA BA GRAGS PAS MDZAD PA'I DBU MA LA 'JUG PA DANG, DE'I 'GREL PA RJE THAMS CAD MKHYEN PAS MDZAD PA'I DGONGS PA RAB GSAL LA BRTEN NAS DBU MA'I SKOR DANG, 'DUL BA LUNG SDE BZHI'I GNAD RNAMS BSDUS PA SLOB DPON YON TAN 'OD KYIS MDZAD PA'I 'DUL BA'I MDO DANG, DE'I 'GREL PA RJE DGE 'DUN GRUB KYIS MDZAD PA'I 'DUL t'IKA RIN CHEN PHRENG BA DANG, CHOS RJE BDE LEGS NYI MA'I 'DUL BA SOGS LA BRTEN NAS 'DUL BA'I SKOR RNAMS LA SBYANGS SHING LHAG PAR ZAB MO DBU MA'I LTA BA 'DI MA BTZAL NA MDO SNGAGS GNYIS KA'I LAM GYI SROG STOR BAR 'GYUR ZHING, BTZAL KYANG SHIN TU RTOGS DKA' BA YIN PA'I TSUL LA THUGS NGES DRAG

, ,PO 'KHRUNGS TE, DGONGS PA RAB GSAL LA ZHIB TU SBYONG BAR MDZAD CING, BYANG CHUB SEMS DPA' RTAG TU DU SHER PHYIN 'TSOL BAR ZHUGS PA CI 'DRA BAR ZAB MO'I LTA PA 'DI 'TSOL BA'I PHYIR DU MKHAS PA DU MA'I ZHABS LA GTUGS SHING, BLA MA DANG LHAG PA'I LHA LA GSOL BA 'DEBS PA DANG, BSAG SBYANG LA 'BAD PA SOGS RJE BLA MA LA RJE BTZUN 'JAM PA'I DBYANGS KYIS GSUNGS PA LTAR GYI RGYU TSOGS KUN LA BRTZON PA CHU BO'I RGYUN BZHIN NAR MAR MDZAD DO, ,'DUL BA'I SKOR LA'ANG GZHUNG GI TSIG RIS DANG SBYOR NGAG 'GOD SHES PA TZAM GYIS CHOG PA MA YIN PAR RGYAL BA RANG NYID KYI DGONGS PA BZHIN DU SDOM PA MA THOB PAR BYED PA, THOB PA MI NYAMS PAR SRUNG THABS, NYAMS NA PHYIR BCOS THABS, DE DAG LA YANG DGAG SGRUB GNANG GSUM GYI BCAS MTSAMS PHRA ZHING PHRA BA MTHA' DAG JI BZHIN DU NGES PAR MDZAD CING, DE YANG LAG LEN LA SBYOR BA'I THUGS RTZIS 'BA' ZHIG MDZAD DO, ,DE LTAR THUGS SBYONG MDZAD PA'I SKABS RNAMS SU YANG THOS BSAM GYI SKABS YIN ZER NAS BSLAB KHRIMS KHYAD DU BSAD NAS RTZIR SPYOD BYED PA DE 'BRAM YIN PAR ,BSLAB PA'I BCAS MTSAMS SRUNG BA GZHIR MDZAD NAS CHOS GANG THOS NYON MONGS PA'I GNYEN POR 'GYUR BA ZHIG DANG, RE ZHIG GZHUNG LUGS CHEN MO 'DI DAG LA SBYANGS NAS, MTHAR 'DI DAG GI DON LA SGRUB PA SNYING POR BYED PA ZHIG BYUNG NA CI MA RUNG SNYAN DU DGONGS NAS RGYUN DU SMON LAM DANG, LHAG PAR DUS BZANG GI SKABS RNAMS SU CHOS MTHUN GYI GROGS 'GA' DANG

BCAS CI 'BYOR PA'I MCHOD PA BZANG PO BSHAMS TE SMON LAM RGYA CHER 'DEBS PAR MDZAD CING, GTZO BOR TSE MJUG DBEN PA'I GNAS SU TSE DANG SGRUB PA MNYAM PA ZHIG GI THUGS SMON RANG 'DEBS PAR MDZAD, DE NAS GZHUNG LUGS RNAMS LA GSAN SBYONG RAGS RIM GRUB PA NA, RJE BLA MAS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR YIN MTSAN KUN TU NYAMS SU BLANGS, ,KUN KYANG THUB BSTAN RGYAS PA'I CHED DU BSNGOS, ,ZHES GSUNGS PA LTAR, DA NI GZHUNG CHEN MO RNAMS LA SBYANGS PA'I DON TSE MJUG 'DIR SGRUB PA RNAM PAR DAG PA ZHIG BYED DGONGS PA NAR MAR BYUNG ZHING SGRUB PA BYED PA LA MAN NGAG RNAMS GSAN DGOS PAR DGONGS NAS, YANG DAG PAR RDZOGS PA'I SANGS RGYAS NAS BZUNG STE DAM PA BAR MA CHAD PA LAS BRGYUD PA'I MAN NGAG MNGA' BA'I BSHES GNYEN DAM PA RNAMS KYI ZHABS LA GTUGS NAS GZHUNG LUGS GDAMS NGAG TU 'CHAR PA'I MAN NGAG GI GNAD RNAMS 'TSOL BA LA ZHUGS SO, ,DE NAS PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I ZHES DRUNG DU RJE RIN PO CHE'I RNAM THAR DAD PA'I 'JUG NGOGS, ,SLOB DPON DPA' BOS MDZAD PA'I 'KHRUNGS RABS SO BZHI BA'I GZABS BSHAD, MDZOD RTZA, 'DUL BA MDO RTZA BA, TSAD MA RNAM 'GREL, 'GREL PA DON GSAL, DBU MA LA 'JUG PA, BYAMS PAS DAM BCAS PA'I GZUNGS, SNAR THANG BRGYA RTZA, LAM GYI GTZO BO RNAM GSUM

, ,GYI 'GREL PA RJE RANG NYID KYIS MDZAD PA, BKA' DRIN GSOL 'DEBS, BKRA SHIS LHUN PO'I PAR DU 'KHOD PA'I CHOS SPYOD RAB GSAL, RJE BLO BZANG CHOS RGYAN GYIS MDZAD PA'I GTOR MA'I SKOR RNAMS PHAL CHER BCAS RIM GYIS GSAN, YANG RJE RIN PO CHES MDZAD PA'I LAM RIM CHUNG BA, RJE RIN PO CHE DANG BLA MA DBU MA PA LA RJE BTZUN 'JAM PA'I DBYANGS KYIS GNANG BA 'JAM DBYANGS CHOS SKOR ZHES GRAGS PA THUN MONG MA YIN PA'I ZAB CHOS RNAMS RIM GYIS GSAN TO,, DE NAS RJE ZHAL SNGA NAS 'JAM DBYANGS CHOS 'PHEL BA'I DRUNG DU BYANG CHUB LAM GYI RIM PA'I ZAB KHRID YONGS SU RDZOGS PA GSAN ZHING CHOS BKA' GZHAN YANG MANG DU GSAN NO, ,DE NAS SNAR THANG BYANG CHEN DU ZHABS DRUNG RIN PO CHE BLO BZANG 'PHRIN LAS KYI DRUNG DU PHEBS TE SGO GSUM GUS PA CHEN POS ZHABS LA GTUGS SHING, DUS GSUM GYI RGYAL BA THAMS CAD KYI BGROD PA GCIG PA'I LAM PO CHE, GSUNG RAB THAMS CAD KYI SNYING PO'I DON SHING RTA CHEN PO GNYIS KYI BZHED SROL ,DPAL LTA CIG 'DI BAm KA RA'I MAN NGAG CHOS KYI RGYAL PO TZONG KHA PA CHEN PO'I THUGS KYI BCUD PHYUNG BA BYANG CHUB LAM GYI RIM PA'I DMAR KHRID MAN NGAG GI CHA LAG YONGS SU RDZOGS PA GNANG DGOS ZHES LUS LONGS SPYOD THAMS CAD LTOS PA MED PAR PHUL TE GSOL BA SHUGS DRAG TU 'DEBS PAR MDZAD PA NA ZHABS DRUNG RIN PO CHES KYANG GANG ZAG DAM PA ZHIG YIN PAR DGONGS NAS THUGS DGYES PA CHEN POS ZHAL GYIS BZHES TE, BYANG CHUB LAM GYI RIM PA'I SNGON 'GRO, DNGOS GZHI, RJES KYI

DMIGS SKOR THAMS CAD DPAL DBEN SA PA CHEN PO'I MAN NGAG GIS BRGYAN NAS ZLA SBREL GYI BAR LA SHIN TU RGYAS PAR GNANG ,DE'I TSE DMIGS SKOR RE RE NAS TSIG BLO LA BZUNG ZHING DON LA DPYAD SGOM DANG 'JOG SGOM GNYIS KYI SGO NAS DMIGS RNAM SKYONG BA LA SHIN TU 'GRUS PAR MDZAD, THA NA BLA MAS GNANG BA'I TSIG ZUR PHRA MO TSUN CHAD NYAMS PA MED PAR THUGS LA BZUNG STE CHOS GSAN PA'I KUN SLONG KUN SPYOD THAMS CAD RNAM PAR DAG CING MTSAN NYID THAMS CAD TSANG BA BYANG CHUB SEMS DPA' GZHON NU NOR BZANG RJE BTZUN BYAMS PA MGON PO'I DRUNG DU THEG PA CHEN PO'I CHOS GSAN PA CI 'DRA BA DE 'DRAR MDZAD PAS ZHABS DRUNG RIN PO CHE YANG THUGS SHIN TU MNYES SHING MAN NGAG GI GNAD MTHA' DAG DANG, KHYAD PAR RJE BTZUN TZONG KHA PA CHEN POS MGON PO 'JAM PA'I DBYANGS LA GSOL BA SHUGS DRAG TU BTAB STE, DKA' BA BRGYA PHRAG DU MA'I SGO NAS RGYAL PA'I DGONGS PA'I SNYING PO ZAB MO DBU MA'I LTA BA JI LTAR RNYED PA DE NYID KYI MAN NGAG RNAMS BUM PA GANG BYA'I TSUL DU GNANG BAR MDZAD PAS BKA' DRIN ZLA MED DU GYUR CING RIGS KYI COD PAN DU 'DZIN PAR MDZAD DO, ,DE'I TSE BLA MA NYID KYI THUGS RAB TU TSIMS SHING RGYA MTSOR ZHUGS PA'I DED DPON GYIS YID BZHIN GYI NOR BU RNYED PA LTAR, RING NAS SMON PA'I DON RGYAL BA'I GSUNG RAB THAMS CAD GANG ZAG GCIG GI NYAMS LEN GYI RIM PAR BSGRIGS PA BYANG CHUB LAM GYI RIM PA'I GNAD MTHA' DAG THUGS SU CHUD, DE'I NANG NAS KYANG, ZAB ZHI SPROS BRAL

, ,'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES GSUNGS PA LTAR, SHIN TU RTOGS DKA' ZHING MA RTOGS NA MDO SNGAGS GANG GI SKABS SU YANG LAM GYI SROG MI RNYED PA SNGON DUS KYI BSHES GNYEN DAM PA RIG GNAS RGYA MTSO LTA BU LA SBYANGS SHING ,TSE 'DI'I BUN LONG BLOS BTANG STE DBEN PA'I GNAS SU TSE DANG SGRUB PA SNYOMS PAR MJAD PA DU MAS KYANG SHIN TU RTOGS DKA' BAR BYUNG PA, SHER PHYIN GYI MDO SDE RIN PO CHE'I SNYING PO'I DON SNANG BAS YOD MTHA' SEL ZHING STONG PAS MED MTHA' SEL BA, RTEN 'BYUNG STONG PA'I DON DANG STONG PA RTEN 'BYUNG GI DON DU 'CHAR BA, RGYAL BA SRAS DANG BCAS PA THAMS CAD KYIS KUN NAS BSNGAGS PA'I GNAS ZAB MO DBU MA'I LTA BA PHU THAG CHOD PA THUGS LA 'KHRUNGS PAS THUGS RAB TU TSIMS SHING ,BLA MA'I YON TAN DANG BKA' DRIN DRAN PA'I DAD BA DANG GUS PA, NYAM CHUNG RMONGS PA'I 'GRO LA BRTZE BA, STON PA THUGS RJE CAN DE LA SHES NAS DAD PA 'PHEL BA, SHING RTA CHEN PO SPYI DANG, KHYAD PAR CHOS KYI RGYAL PO TZONG KHA PA CHEN PO'I BKA' DRIN DRAN TE GUS PAS GSOL BA 'DEBS PA SOGS NYAMS RTOGS KYI YON TAN MTHA' YAS PA ZHIG THUGS LA SPUNGS PA BZHIN DU 'KHRUNGS PAR GYUR TO, ,DON 'DI LA DGONGS NAS ZHABS DRUNG LHA PA SPRUL SKU RIN PO CHE BLO BZANG 'PHRIN LAS LA ,SKU MTHONG BAS DAD PA'I SPU LONG G-YOS, ,GSUNG THOS PAS

LTA NGAN BRAG RI 'JOMS, ,THUGS BRTZE BAS 'GRO KUN BU BZHIN GZIGS, ,SKYABS KUN 'DUS BLO BZANG 'PHRIN LAS RGYAL, ,ZHES BSTOD BA MDZAD DO, ,DE SKABS LAM RIM GYI BRGYUD 'DEBS SU BCUG CHOG PA'I GSOL 'DEBS SHIG KYANG ZHABS DRUNG RIN PO CHE RANG NYID NAS MDZAD PA ZHIG DGOS TSUL ZHUS PAR, BLO BZANG THUGS RJE'I YE SHES 'OD STONG GIS, ,GANG GI BLO GROS PADMO KHA PHYE NAS, ,SKAL LDAN 'PHRIN LAS SBRANG RTZI'I DGA' STON CAN, ,YONGS 'DZIN DAM PA'I ZHABS LA GSOL BA 'DEBS, ,ZHES PA 'DI YANG ZHABS DRUNG RIN PO CHE NYID KYIS MDZAD PA YIN NO, ,DE NAS LAM GYI RIM PA'I RGYAB CHOS SAM KHUNGS MTHAR THUG PA BRGYAD STONG PA'I LUNG YANG LEGS PAR ZHUS, GZHAN YANG THOG MA'I BLO SBYONG, SPYAN SNGA BA'I LAM RIM GZHAN PHAN SNYING PO, BSLAB PA KUN LAS BTUS, SBYOD 'JUG, BYANGS, MDO SDE RGYAN, TSOMS, SKYES RABS SO BZHI PA, DBU MA RTZA BA SHES RAB, DPE CHOS RIN CHEN SPUNGS PA LCE SGOM PAS SDEBS PA, JO BO'I CHOS CHUNG BRGYA RTZA, RJE MI LA'I RNAM THAR MGUR 'BUM, BLO SBYONG DPAL YE MA, RJE THAMS CAD MKHYEN PAS MDZAD PA'I LAM RIM CHE BA, LAM RIM CHUNG BA, RJE'I GSUNG THOR BU, RNAM BSHAD DGONGS PA RAB GSAL, SNGAGS RIM CHEN MO, RJE NAM MKHA' DPAL GYIS MDZAD PA'I BLO SBYONG DON BDUN MA'I RNAM BSHAD NYI MA'I 'OD ZER, RJE BLO BZANG 'PHRIN LAS RANG NYID KYIS MDZAD PA'I RTEN 'BREL GYI CHOS SKOR, DES MDZAD PA'I LAM RIM GYI KHRID GZHAN PHAN SNYING PO, ,RGYAL DBANG THAMS CAD MKHYEN PAS MDZAD PA'I LAM GTZO'I 'GREL PA DANG MCHAN BU

, ,GNYIS SOGS KYI LUNG DANG, MGON PO CHEN BCU GSUM GYI RJES GNANG SOGS CHOS BKA' DPAG TU MED PA GSAN NO, ,DE NAS BKA' GDAMS GONG MA'I LKOG CHOS BDAG PAS GZHAN GCES PA'I BYANG CHUB KYI SEMS SBYONG BA'I MAN NGAG BLO SBYONG DON BDUN MA'I SKOR RNAMS GSAN PAR BZHED NAS NU MA CHOS LUNG DU PHEBS NAS GRUB PA'I DBANG PHYUG CHOS RGYA MTSO BA LA BLO SBYONG DON BDUN MA'I KHRID RGYAL SRAS DNGUL CHU CHOS RDZONG PA'I YIG CHA'I STENG NAS LEGS PAR GSAN, GZHAN YANG BLA MA 'DI'I ZHABS DRUNG DU CHOS MANG DU GSAN TO, ,DE NAS RI KHROD 'DZIN PA'I BSHES GNYEN DAM PA BLO BZANG TSE DBANG GI ZHABS DRUNG DU RGYAL BA DBEN SA BA'I BKA' 'BUM SOGS CHOS MANG DU GSAN, DE NAS 'DUL 'DZIN STOBS LDAN RGYA MTSO'I DRUNG DU BLO SBYONG LEGS BSHAD KUN 'DUS SOGS CHOS MANG DU GSAN, DE NAS RDO RJE 'DZIN PA BLO BZANG RIG GROL GYI ZHABS DRUNG DU BCU GCIG ZHAL GYI DBANG CHEN SOGS CHOS MANG DU GSAN, DE NAS BLA MA NYID DGUNG LO NYI SHU RTZA DGU LA BAB BA NA DBEN GNAS BYANG CHEN DU DRIN CAN RTZA BA'I BLA MA ZHABS DRUNG RIN PO CHE'I SKU MDUN DU PHEBS TE, SMYUNG BAR GNAS PA'I SDOM PA'I BKA' DRIN ZHUS TE SA PHO STAG GI LO CHO 'PHRUL ZLA BA'I TSES BDUN LA SBYOR BA DANG, BRGYAD LA DNGOS GZHI'I GSO SBYONG GI SDOM PA BZHES PA MDZAD CING, SMYUNG GNAS KYI CHOG PHYAG LEN SOGS MTHA' DAG ZHIB PA RE GSAN NAS, PHYIS SKU NA MTHON POR GYUR BA NA YANG SMYUNG GNAS LA THUGS BRTZON CHER MDZAD KYIN YOD PA NI, SPYIR BSAG

SBYANGS LA SHIN TU GAL CHE BA YIN PA DANG, LHAG PAR ZHABS DRUNG RIN PO CHE NAS THOB PAS BYIN RLABS KYI TSAN KE CHE BA LA DGONGS PA YIN NAM SNYAM MO, ,DE NAS SNGAR LTAR GZHUNG LUGS RNAMS LA SBYONG BA'I MU NAS NANG DU NYAMS LEN LA GZHOL BAR MDZAD CING, LHAG PAR BDAG 'DZIN 'DUL BA'I MAN NGAG SHIN TU ZAB PA MA CIG GI GCOD SKOR LA THUGS BZHED CHE BAR GYUR TE, RJE ZHAL SNGA NAS BLO BZANG RIG GROL LA NAM MKHA' SGO 'BYED KYI DBANG DANG GCOD KYI GDAMS PA GSAN ZHING; BYA BTANG 'PHRIN LAS CHOS 'PHEL LA YANG NAM MKHA' SGO 'BYED KYI DBANG DANG GCOD KYI DMIGS SKOR RNAMS MTHIL PHYIN PAR GSAN NAS MNGON CHUNG GI SGO NAS THUGS NYAMS SU BZHES, BYANG CHUB LAM GYI RIM PA DANG GCOD GNYIS ZUNG DU SBREL NAS NYAMS LEN LA SHIN TU 'GRUS PAR MDZAD PAS GCOD KYI LHONGS MANG DU BYUNG ZHING, LHAG PAR DGONG GCIG SROD KYI CHA LA GCOD KYI DMIGS SKOR LA GNAD DU BSNUN PA'I TSE GLO BUR DU 'BRUG SGRA DRAG PO BSGRAGS SHING THOG NYE SKOR DU BABS PAS MI DANG BONG BU MANG PO BRGYAL BA DANG, LHAG PAR GRANG MO CHE BA'I GRVA PA GCIG THOG GZER GYIS GSHEGS PA BYUNG YANG NYID LA NI GNOD PA GANG YANG MA BYUNG ZHES BLA MA NYID KYI ZHAL LAS DNGOS SU THOS SO; ;DE NAS ME PHO KHYI'I LO ZLA BA BDUN PA'I TSES BCU GSUM GYI NYIN GZIM CHUNG YID DGA' CHOS 'DZIN DU LHAR BCAS 'GRO BA'I BLA MA DON GYI SLAD DU MCHEN NAS SMOS TE MKHAN PO RIN PO CHE RJE BTZUN BLO BZANG YE SHES DPAL BZANG BOS

, ,MKHAN SLOB SBRAGS MA DANG, KHA SKONG BA'I DGE 'DUN GRANGS TSANG BA DANG BCAS PA'I DBUS SU BSNYEN PAR RDZOGS PA DGE SLONG GI SDOM PA LEGS PAR BZHES SO, ,BSNYEN RDZOGS BZHES NAS DGE SLONG GI BCAS MTSAMS THAMS CAD PHRA ZHING ZHIB PAR BSRUNG BAR MDZAD DE, LTUNG BA SDE LNGA SO SO'I SRUNG MTSAMS LEGS BAR ZIN PAR MDZAD, 'TSE BA'I YO BYAD DANG MKHO BA'I YO BYAD 'CHANG LUGS, BYIN LEN BYA TSUL, NUB LHAG GCOD PA, RUNG CHU 'DEBS PA SOGS 'DUL BA'I BCAS MTSAMS PHRA MO ZHIG YAN CHAD THAMS CAD PHYAG LEN LA CI THEBS MDZAD CING, CUNG ZAD 'DAS NA YANG DE MA THAG PHYIR BCOS PA'I THABS LA BRTZON PAR MDZAD DO, ,DE LTAR GZHUNG LUGS CHEN MO RNAMS LA SBYANGS SHING BYANG CHUB LAM GYI RIM PA'I NYAMS LEN LA BRTZON PAR MDZAD PAS, LAM THUN MONG BA'I STENG DU GSANG SNGAGS KYI LAM GYI BSNON PA BTAB NAS TSE GCIG NYID LA SEMS CAN THAMS CAD KYI DON DU SANGS RGYAS KYI GO 'PHANG BSGRUB DGOS PAR GZIGS NAS GSANG SNGAGS LA 'JUG 'DOD SHUGS DRAG PO THUGS LA 'KHRUNGS PA NA, GSANG SNGAGS KYI LAM GYI RTZA BA DANG 'JUG SGO NI DBANG DANG DAM TSIG YIN PAR GZIGS NAS RDO RJE 'CHANG CHEN PO RJE BTZUN BLO BZANG YE SHES KYI ZHABS DRUNG DU DPAL GSANG BA 'DUS PA'I DBANG BZHI YONGS SU RDZOGS PA, 'KHOR LO SDOM PA'I DBANG BZHI YONGS SU RDZOGS PA, RDO RJE 'JIGS BYED KYI DBANG BZHI YONGS SU RDZOGS PA, MI 'KHRUGS PA'I DBANG CHEN, TSE DPAG MED LHA DGU'I DBANG RNAMS

GSAN ZHING, GZHAN YANG RGYUD SDE BZHI'I LHA MANG BO'I RJES GNANG DANG BZLAS LUNG, SGRUB THABS MANG BO'I LUNG BCAS CHOS BKA' MTHA' YAS PA GSAN PAS ZHABS DRUNG RIN PO CHE DANG, RJE 'DI GNYIS NI RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE NAS RJE ZHAL SNGA NAS BLO BZANG RIG GROL LA BDE MCHOG GI DBANG CHEN, 'JIGS BYED KYI SNGAGS BTU, 'JAM DBYANGS NAG PO'I RJES GNANG, GDUGS DKAR GYI DBANG, CHOS RGYAL PHYI NANG GSANG GSUM GYI RJES GNANG SOGS DBANG DANG RJES GNANG MANG DU GSAN, LHAG PAR GSANG SNGAGS KYI LAM RIM PA GNYIS KYI DMAR KHRID GNANG DGOS TSUL GSOL BA BTAB PAS DGYES BZHIN DU YI DAM RDO RJE 'JIGS BYED KYI BSKYED RDZOGS GNYIS KA'I ZAB KHRID, RGYAL BA DBEN SA BA NAS BRGYUD PA'I 'PHO BA SHIN TU ZAB PA'I KHRID, LAM GYI LUS RDZOGS PA'I BLA MA'I RNAL 'BYOR GYI ZAB KHRID RNAMS LEGS PAR GSAN ZHING DMIGS SKOR GYI GNAD THAMS CAD LA SHIN TU ZHIB PAR DPYAD NAS GCIG PUR SGRUB PA MDZAD PA'I TSE GZHAN LA 'DRI MI DGOS PA'I GDENG THOB PAR MDZAD DO, ,DE NAS RDO RJE 'DZIN PA LHUN GRUB RGYA MTSO'I ZHABS DRUNG DU, 'JIGS BYED KYI DBANG CHEN, 'JAM DBYANGS BZHAD PAS MDZAD PA'I 'JIGS BYED KYI BSKYED RDZOGS GNYIS KYI LUNG, DBYANGS CAN MA'I SGRUB THABS, BDE MCHOG DRIL BU LHA LNGA'I DBANG CHEN, 'OD DPAG MED LA BRTEN BA'I TSE SGRUB SOGS CHOS BKA' MTHA' YAS PA GSAN TO, ,DE NAS BSHES GNYEN DAM PA BLO BZANG TSE DBANG GZHIBS DRUNG DU BDE MCHOG BDE CHEN

, ,GSAL BA, GSANG 'DUS YIG CHUNG NYER GCIG, MKHAS GRUB RIN PO CHE'I BKA' 'BUM THOR BU, BSKYED RIM DNGOS GRUB RGYA MTSO, ,BDE CHEN ROL MTSO, MGON PO'I BE'U BUM YONGS RDZOGS, SKYID SHOD BKA' 'BUM GRAS NAS RJES GNANG GI SKOR KHA SHAS, SANGS RGYAS BKA' 'BUM, RJE GONG MA'I GSUNG 'BUM BKA' RGYA MA'I SKOR, CHOS SKYONG YONGS RDZOGS KYI BSKANG GSO'I SKOR, MDO PHRAN KHA SHAS BCAS KYI LUNG, 'JIGS BYED KYI BSKYED RDZOGS KYI SKOR, GCOD GZHUNG GI KHRID, LAM RIM GYI KHRID DANG LUNG, BLA MA MCHOD PA'I KHRID, PHYAG CHEN GYI KHRID, SPYOD 'JUG DAR t'IKA GI LUNG, STONG MTHUN SKAL BZANG MIG 'BYED KYI LUNG, PO TO BA'I CHIG LAB RING MO'I LUNG, BCUD LEN GYI SKOR RNAM GRANGS MANG PO DANG, SGRUB THABS LAS TSOGS KYI SKOR MANG PO'I LUNG DANG LAG KHRID BCAS CHOS BKA' MTHA' YAS PA GSAN TO, ,YANG GRUB DBANG CHOS RGYA MTSO'I ZHABS DRUNG DU BKA' GDAMS BE'U BUM SNGON PO'I LUNG ,PHYAG CHEN GYI KHRID, BLO SBYONG LAM RIM GYI SKOR SOGS CHOS BKA' MTHA' YAS PA GSAN, DE NAS 'DUL 'DZIN DKON MCHOG GI ZHABS DRUNG DU PHYAG CHEN GYI KHRID, N'A RO CHOS DRUG GI KHRID, BLO SBYONG GI DMAR KHRID SOGS CHOS BKA' MANG DU GSAN, DE NAS DBEN SA CHOS KYI PHO BRANG DU RAB 'BYAMS SMA BA RJE DRUNG LAGS KYI ZHABS DRUNG DU PHEBS NAS CHOS 'BREL ZHIG MDZAD, BYA BTANG 'PHRIN LAS CHOS 'PHEL GYI ZHABS DRUNG DU PHEBS NAS RGYAL SRAS BKA' 'BUM, BKA' GDAMS

THOR BU, GZHI GSUM CHOG, DPAL GSANG BA 'DUS PA'I RTZA RGYUD YONGS RDZOGS, DPAL GSANG BA 'DUS PA'I CHO GA CHA LAG DANG BCAS PA TSANG MA, MDO MANG GI GNANG NAS LUNG RGYUN MA BZHUGS PA KHA SHAS MA GTOGS YONGS RDZOGS KYI LUNG SOGS MDO SNGAGS KYI LUNG MTHA' YAS PA GSAN ZHING, DGA' LDAN PHYAG RGYA CHEN PO'I ZAB KHRID SNGON 'GRO'I MAN NGAG ZHAL SHES DANG BCAS PA ,GCOD GZHUNG THAR 'DOD DAD DPON MA'I ZAB KHRID MAN NGAG ZHAL SHES DANG BCAS PA LEGS PAR GSAN PAS BLA MA 'DI BKA' DRIN CHE BA ZHIG TU MDZAD DO, ,DE LTAR BLA MA BDAG NYID CHEN PO 'DI THOS PA RGYA MTSO'I GTER DU GYUR NAS DON GNYER CAN GYI BLO GSAL BA MANG PO LA'ANG RTZI SHAG GTONG BA DANG RIGS LAM SLOB PA SOGS KYANG MDZAD DGOS PA BYUNG ZHING, DE DAG GI TSE THUGS BSAM LA 'DI LTA BU DAG 'KHRUNGS PAR GYUR TE, MDO RGYUD BSTAN BCOS THAMS CAD NAS DBEN PAR SGRUB PA SNYING POR BYED PA LA RGYA CHER BSNGAGS SHING, SNGON BYON DAM PA THAMS CAD KYIS KYANG TSE 'DI BLOS BTANG STE DBEN PA'I GNAS RNAMS SU SGRUB PA MDZAD PA SHA STAG YIN PAS, BDAG KYANG THOS PA'I DON RNAMS LA DBEN PA'I GNAS RNAMS SU SGRUB BA SNYING POR BYED PA ZHIG MA BYUNG NA THOS BA TZAM GYIS NYON MONGS 'JOMS MI NUS SHING, GONG MA'I YON TAN KHYAD BAR CAN RNAMS MI THOB PAS DAL 'BYOR GYI RTEN BZANG PO 'DI 'DRA THOB NAS SNYING PO MA LON PAR SHIN NI DBUL POS YID BZHIN GYI NOR BU RNYED BA DON MA GRUB PAR STOR PA DANG KHYAD MED PAS

, ,SHIN TU PHANGS SO SNYAM DU NGES 'BYUNG DRAG POS BSKUL NAS TSE 'DI BLOS BTANG STE DBEN PA'I GNAS SU TSE DANG SGRUB PA MNYAM PA ZHIG BYED PA'I THUGS 'DUN NAR MAR YOD PA'I THOG ,DE SKABS THOS BSAM GLING ZHAL SNGA NAS DAM CHOS RGYAL MTSAN ZUR BZHUGS MDZAD NAS, RJE ZHAL SNGA NAS DPAL LDAN YE SHES KHRI THOG NA PHEBS YOD PA DES THUGS GZIGS SHIN TU CHE BAS SPYAN GYI 'BRAS BU LTAR BSKYANGS SHING, LHAG PAR BLA MA 'DI NYID LUGS GNYIS KA LA MKHYEN PA CHE ZHING THUGS KYI GTING DPAG PAR DKA' BA ZHIG YOD PA'I STABS KYIS, RJE ZHAL SNGA NAS KYIS LUGS GNYIS KYI BYA BYED GANG LA'ANG YANG YANG BOD BAR MDZAD PAS THUGS DAM LA GNOD PAR GYUR NAS THUGS SHIN TU SUN BAR BYUNG ZHING, DE'I KHAR MI CHOS KYI SKU MCHED DANG SKU TSA RNAMS KYANG YANG YANG SHING 'TSONG LA YONGS PAS THUGS GTING NAS SUN TE, KYE MA BDAG RAB TU BYUNG NAS KHYIM PA DANG BSRE BSLAD 'DI LTAR CHE BA NI SHIN TU MA LEGS PAS, DA NI NGES PAR YUL THAG RING ZHIG TU 'GRO BAR BYA'O SNYAM DU DGONGS NAS DBUS PHYOGS SU 'BYON PA'I ZLA GROGS BTZAL ZHING, NYID KYI ZHABS PHYI DRUNG RAM PA BLO BZANG RAB BRTAN LA YO BYAD RNAMS 'BOGS PA DANG 'DI LTAR GYIS ZHAL TA YANG GNANG, SOG BTZUN DGE PHRUG MANG DU YOD PA RNAMS LA YANG SO SOR ZHAL TA GNANG NAS RJE ZHAL SNGA NAS DPAL LDAN YE SHES LA DGONGS PA NAN GYIS ZHUS TE TSE 'DI SNANG GI GNYEN NYE GROGS GRVA SLOB MCHED GROGS NOR LONGS

SPYOD RANG YUL GRVA SA DANG BCAS PA GANG LA YANG CHAGS ZHEN MED PAR ZLA GROGS JO STAN PA ZHIG DANG BSDEBS NAS DBUS PHYOGS LA PHEBS SO, ,RIM GYIS BYON PAS CHOS 'KHOR LHA SAR PHEBS TE JO BO SH'AKYA MU NE DANG 'PHAGS MCHOG RANG BYUNG LNGA LDAN SOGS MJAL NAS CI 'BYOR PA'I MCHOD PA PHUL TE SMON LAM MANG DU 'DEBS PAR MDZAD CING JO BO RIN PO CHE'I SKU MDUN DU THUGS BSKYED KYANG MDZAD SNANG NGO, ,DE MTHUN RA MO CHE'I JO BOR YANG PHYAG DANG SKOR BA SMON LAM SOGS MANG DU MDZAD, GNAS CHEN PO TA LAR PHEBS NAS PAD DKAR 'DZIN PA NGAG DBANG YE SHES RGYA MTSO ZHAL MJAL ZHING ,MCHOD MJAL YANG ZHIG TU MDZAD, DE NAS GRUB PA'I GNAS MCHOG PHA BONG KHAR PHEBS NAS GNANG 'BREL MDZAD CING DE'I BLA MA LA CHOS 'BREL ZHIG KYANG ZHU BAR MDZAD, DE NAS BKRA SHIS CHOS GLING DU PHEBS NAS GNAS 'BREL DANG CHOS 'BREL SOGS MDZAD, DE NAS PHUR BU LCOG TU PHEBS NAS RJE GRUB PA'I DBANG PHYUG DGE LEGS RGYA MTSO'I ZHAL DKYIL MJAL ZHING BYIN RLABS ZHUS ,DAM PA'I CHOS MANG DU GNANG DGOS PA'I GSOL BA BTAB PA'I TSE, DGYES BZHIN ZHAL GYIS BZHES NAS GCOD STAN THOG GCIG MA'I ZAB KHRID DANG DPA' BO G-YUL 'JUG MA'I KHRID GNANG BA LEGS PAR GSAN, GZHAN YANG 'PHO BA'I RNAM GRANGS MANG PO DANG BCUD LEN GYI SKOR, BLA MA'I RNAL 'BYOR SOGS CHOS MANG DU GSAN, DE NAS MKHAR RDOR PHEBS NAS RJE BZOD PA RGYA MTSO MJAL ZHING CHOS 'BREL

, ,YAR KHA SHAS GSAN, DE GAR ZLA BA LHAG TZAM BZHUGS NAS SGRUB PA LA BRTZON PAR MDZAD CING, GTZO CHER DER BZHUGS RING BCUD LEN SBYONG BAR MDZAD DO, ,DE NAS RIM GYIS YER PA DANG GSANG SNGAGS MKHAR SOGS LAM BAR GYI GNAS RNAMS MJAL ZHING RI BO DGE LDAN DU PHEBS NAS GSER GDUNG RIN PO CHE'I SKU MDUN DU DNGOS BSHAMS YID SPRUL GYI MCHOD TSOGS PHUL TE 'DI PHYIR DGE BA'I SMON LAM MKHO THAG CHOD PA 'DEBS PAR MDZAD CING ZHABS SKYOR YANG MANG DU GNANG, DE NAS RIM GYIS BKA' GDAMS GONG MA'I GNAS RNAMS MJAL ZHING RA SGRENG RGYAL BA'I DBEN GNAS SU PHEBS DNGOS BSHAMS YID SPRUL GYI MCHOD TSOGS PHUL NAS SMON LAM 'DEBS PAR MDZAD CING ZHABS SKAR YANG MANG DU GNANG, GNAS DE BKA' GDAMS GLEGS BAM LAS 'BYUNG BA LTAR SHIN TU BAG PHEBS SHING NYAMS DGA' BA DANG, JO BO YAB SRAS KYIS BYIN PHYIS BRLABS PA'I GNAS YIN PA DANG, RJE THAMS CAD MKHYEN PAS KYANG BYIN GYIS BRLABS PA'I GNAS YIN PAS GNAS DER SGRUB PA MDZAD PA LA THUGS SPRO BAR GYUR NAS RA SGRENG YANG DGON GYI BRAG SENG GE'I ZHOL ZHES BYA BA SNGON RJE THAMS CAD MKHYEN PAS YUN RING BZHUGS SHING LAM RIM CHEN MO'I RTZOM PA SOGS MDZAD PA'I GNAS BYIN RLABS CAN DER THUGS PHAB NAS GCIG PU GNYIS SU MED PAR SGRUB PA LA BRTZON PAR BZHUGS SO, ,DE'I TSE 'TSO CHAS SHIN TU BKREN PA YOD KYANG NANG DU NYAMS LEN LA BOGS SHIN TU CHE BA BYUNG STE, DE YANG

BLA MA NYID KYI ZHAL NAS, DE SKABS NGA LA YO BYAD GZHAN SHIN TU DKON PA YOD KYANG, SKU ZHABS RIN PO CHE NAS GSOL RAS SU GNANG BA'I BZANG JA CUNG ZAD CIG YOD PAR JA DANG TSA GNYIS MANG NYUNG MNYAM PAR BTAGS NAS SKOL BA PHOR PA GANG RO DO RE 'THUNG GI NA YOD PA YIN TE SHIN TU ZHIM PA RIG PA DVANGS SHING DGE SBYOR LA YAR SKYED TSE BAR BYUNG, DE BLA MA'I BYIN RLABS SHIG GIS YIN PA 'DRA ZHES GSUNG NGO, ,DE NAS GNAS DER YUN RING SONG BA NA BZHUGS LUGS DANG MDZAD PHA BZANG PO GZHAN DANG MA 'DRA BA'I STABS KYIS YANG DGON RI KHRAD DU BZHUGS PA RNAMS KYIS DAD GUS CHEN PO BYAS SHING, RIM GYIS RA SGRENG PHYOGS KYI BYANG 'BROG RNAMS KYIS DAD GUS CHEN POS 'TSO BA'I MTHUN RKYEN 'BUL MI YANG MANG DU BYUNG BA NA THUGS LA DA PHYOGS 'DIR YANG YUN RING NA 'DOD YON GYI DBANG DU 'GRO BA 'DUG CING, DE LTAR NA RANG YUL GRVA SA DANG BCAS PA BLOS BTANG NAS GZHAN GYI YUL DU RNAM G-YENG 'PHEL BA NI, MKHAS GRUB RIN PO CHES, RANG YUL NYE DU LONGS SPYOD KUN BOR NAS, ,RTZE GCIG DAM CHOS SGRUB PAR DAM BCAS TE, ,GZHAN GYI YUL DU RNAM G-YENG 'DU 'DZI YIS, ,DAL 'BYOR DON MED BYED BA SMYON PA YIN, ,ZHES GSUNGS PA LTAR, SHIN TU MA LEGS PAS DA NI DBEN GNAS GZHAN ZHIG TU 'GRO DGOS SNYAM DU DGONGS PA NA, TZVA RIR 'BYON PAR BZHED NAS ZLA GROGS SRAD PA BLO BZANG NOR BU DANG BSDEBS NAS TZVA RI'I GNAS LA PHEBS, RIM GYIS KONG PO'I YUL LA BSOD SNYOMS MDZAD CING TZVA RIR BYON NAS GNAS

, ,MJAL DANG SMON LAM MDZAD, DE'I TSE YUL DE'I MI RNAMS MTHUN BSNGABS KYIS GNAS MJAL DU YONGS NAS GNAS RNAMS SU GLU GZHAS KYI MCHOD PA BYED PA'I SROL YOD 'DUG PA, DE SKABS BLA MA NYID GCOD KYI NYAMS LEN LA SHIN TU 'GRUS PAR MDZAD PA'I SKABS YIN PAS GNAS RNAMS SU GCOD KYI NYAMS LEN MDZAD CING NYAMS DBYANGS MANG PO 'THON PAR MDZAD PA'I TSE, GSUNG TSANGS PA'I DBYANGS LTAR SNYAN ZHING GANG GI RNA BA'I LAM DU SONG BA THAMS CAD YID GTING NAS 'GYUR BA ZHIG YOD PA'I STOBS KYIS, PHYOGS DE'I SKYE BO RNAMS KYIS GSUNG GI GDANGS THOS PA'I MOD LA GTZANG PA DGE SLONG GI MGUR MNYAN DU 'GRO ZHES RANG RANG GI GLU DANG GZHAS BYED 'PHRO BTANG STE BLA MA NYID KYI NYE SKOR DU THAMS CAD 'DUS PA YANG BYUNG 'DUG GO ,GNAS GZIGS LA 'BYON PA'I LAM 'PHRAD ZHIG TU 'BRAS SBUNGS KYI GRVA PA MTSAN NYID LA MKHAS PAR GRAGS PA 'BYOR PA CAN ZHIG BRAG 'PHRANG ZHIG LA G-YANG DU LHUNG BAR PHYOGS PA NA, MI 'DI DANG 'DI LA BA'I NOR 'DI DANG 'DI YOD DO ZHES NOR LA CHAGS PA'I CHO DE CHEN PO 'DON PA ZHIG GZIGS PAS, SPYIR 'KHOR BA'I CHOS GANG LA'ANG SNYING PO MED PA DANG, LHAG PAR ZANG ZING GI NOR LA CHAGS PA NI 'DI LTAR PHUNG BAR BYED PA'O SNYAM DU THUGS LA SKYO SHAS SHIN TU CHE BA 'KHRUNGS SHING, DES RKYEN BYAS NAS 'KHOR BA MTHA' DAG LA ZHEN PA LOG PA'I NGES 'BYUNG DANG, BYANG CHUB KYI SEMS SOGS NYAMS RTOGS RNAMS CHES CHER 'PHEL BAR GYUR,

DUS PHYIS KYANG DE SKABS GRVA PA DE'I NGANG TSUL MTHONG BA DE LAS SEMS PA PHAN PA MA BYUNG ZHES YANG YANG GSUNG NGO, ,TZVA RI'I GNAS GZIGS GRUB NAS RIM GYIS 'OL KHA DANG 'PHYONG RGYAS PHYOGS SU BYON NAS, YAB RJE THAMS CAD MKHYEN PA 'KHOR DAG PA RNAM BRGYAD DANG BCAS PAS PHYOGS DER ZHABS KYIS BCAGS NAS SGRUB PA MDZAD PA DANG, RJE BLA MAS RJE BTZUN 'JAM DBYANGS LA SOGS PA LHAG PA'I LHA MANG PO'I ZHAL GZIGS SHING GSUNG GI GNANG BA THOB PA DANG, NYAMS RTOGS KHYAD PAR CAN 'KHRUNGS PA'I GNAS DE DANG DE DAG TU RIM GYIS PHEBS TE MAndAL PHUL NAS SMON LAM MANG DU 'DEBS PAR MDZAD, LHAG PAR RDZING PHYI'I JO BO RIN PO CHE'I SKU MDUN DU SMON LAM SHUGS DRAG TU 'DEBS PAR MDZAD, 'DI DAG GI SKABS SU BYANG CHUB LAM GYI RIM PA, ZAB LAM PHYAG RGYA CHEN PO, THABS SHES SPYOD KYI NYAMS LEN RNAMS LA SHIN TU 'GRUS PAR MDZAD, PHAL CHER ZLA GROGS KYANG MED PAR RNAL 'BYOR GYI DBANG PHYUG MI LA RAS PA BZHIN DU RDZA KHROD DANG GANGS KHROD DANG NAGS KHROD SOGS DBEN GNAS BDAG MED RNAMS SU GCIG PUR BZHUGS NAS THUGS DAM LA CHIG SGREL DU GZHOL BAR MDZAD, DE'I NANG NAS KYANG GCOD KYI NYAMS BZHES GTZO BOR MDZAD PA NI BLA MA NYID KYI ZHAL NAS, DA GNAS DE DAG TU 'GRO BA'I TSE GANG DANG GANG DU SLOB PA DE'I TSE NYAL GANG BYUNG DU BYED CING DGOR MO GCOD YAGS PO RE BTANG NAS NYAL SDOD KYIN YOD CES GSUNG, DE NI MA CIG LABS SGRON GYI ZHAL NAS, NYAL BAS CHOG PA'I CHOS SHIG YOD DE, ,KHYED BU SLOB RNAMS KYIS

, ,NYAL MI SHES, ,DES KYANG RGAN MO NGA BLO MA BDE, ,ZHES GSUNGS PA LTAR TSIG NUS PA SHIN TU CHE BA YIN PAS, STONG NYID SNYING RJE'I SNYING PO CAN LAS THUGS G-YO BA MED PAR BZHUGS KYIN YOD PA'I BRDA TZAM ZHIG BDAG LA THUGS BRTZE BAS GSUNGS PA YIN NAM SNYAM MO, ,'DI SKABS SNGA SOR TZVA RIR 'DRIS YOD PA'I 'OL KHA BA 'PHAGS PA CHOS BZANG ZHES BYA BAS SKU TSE RIL PO 'OL KHA'I SGRUB GNAS SHIG TU BZHUGS DGOS ZHABS TOG 'O MI BRGYAL BA SGRUB CES NAN GYIS GSOL BA BTAB KYANG ZHAL GYIS BZHES PA MA MDZAD DO, ,DE NAS 'PHYONG RGYAS SU PHEBS NAS GNAS MJAL ZHIB TU MDZAD CING SMON LAM BTAB, GNAS GANG BYUNG NGES MED DU BZHUGS NAS THUGS DAM LAS G-YEL BA MED PAR MDZAD, DE DAG GI TSE 'TSO CHAS HA CANG BKREN PAR GYUR TE RTZAM BSOD MDZAD PA NA, 'PHYONG RGYAS RI BO BDE CHEN GYI GRVA BDAG SNANG CHE CHE 'DRAS BSLAB BYA BYAS PA LTAR DGE BSKOS LA GNANG BA ZHUS NAS 'DU KHANG GI SGO KHANG DU BZHUGS NAS TSOGS PA LA RTZAM BSOD MDZAD PA'I TSE, DE GA'I DGE 'DUN RNAMS 'BYOR PA CHE BA DANG, DAM PA 'DI'I SKU MTHONG BA TZAM GYIS THAMS CAD DANG BA SKYES PA BCAS TSOGS PA PAL MO CHES RANG RANG GI RTZAM SNOD RNAMS KHA PHYE NAS DAM PA 'DI'I NA BZA'I STENG DU BLUGS BA NA TSOGS PA'I PHYED CEM? MA SONG BAR RTZAM KHUR LONGS PA BYUNG BAS SLONG 'PHRO BSHOL TE GANG BYUNG BA RNAMS KHYER NAS DBEN GNAS SHIG TU PHEBS TE RE ZHIG MTHUN RKYEN TSANG BA'I NGOS NAS SGRUB PA LA BRTZON PAR

MDZAD DE NAS RI BO BDE CHEN NA CHOS RJE NGAG DBANG DPAL 'BYOR ZHES BYA BA'I BSHES GNYEN DAM PA ZHIG BZHUGS YOD PA DE'I DRUNG DU BABS NAS MA nI BKA' 'BUM YONGS RDZOGS KYI LUNG DANG, THUGS RJE CHEN PO'I RJES GNANG, CHOS RGYAL SRONG BTZAN SGAM POS RGYAL BA BSOD NAMS RGYA MTSO LA DNGOS SU GNANG BA'I SPYAN RAS GZIGS KYI RJES GNANG, CHAG LO TZ'A BA NAS BRGYUD PA'I PHAG DKAR GYI RJES GNANG, DZAM NAG GI RJES GNANG, KHRO MO SME BRTZAGS KYI RJES GNANG, GONG SA LNGA PA CHEN PO'I GSUNG MANG PO'I LUNG, LHO BRAG GRUB CHEN GYI BKA' 'BUM GYI LUNG DANG, DE NAS 'BYUNG BA'I DBANG RJES GNANG KHA SHAS BCAS GSAN, DE NAS RI BO BDE CHEN BA'I GRA PA PHAL MO CHES DAG SNANG CHEN PO MDZAD CING DAM PA 'DI'I SKU'I DBYIBS GSUNG GI GDANGS MDZAD SPYOD RNAMS GZHAN DANG MI 'DRA DA MTHONG BA'I RKYEN GYIS 'DI NI GANG ZAG RANG DGA' BA ZHIG MAN PA 'DUG CES GLENG ZHING GRAGS CHE BAR BYUNG NAS, DE GA'I DBU MDZAD SOGS KYIS NANG DU BOS NAS BDAG RKYEN BZANG PO MDZAD CING, KHYOD RANG DGA' BA ZHIG MIN PA 'DUG YUL PHYOGS GANG NAS YIN, GRVA SA GANG DU BZHUGS, SLOB GNYER CI 'DRA BYAS ZHES ZHIB TU DRIS PAS, BLA MA NYID NGES 'BYUNG SHUGS DRAG PA'I STOBS KYIS RANG GI YON TAN MI BRJOD PAR MA ZAD GRVA SA 'DI NAS YIN YANG GSAL BA RANG MA GSUNGS PAR BDAG GTZANG GI GZHIS DGON ZHIG NAS YONGS PA'I SPRANG 'KHYAMS PA ZHIG YIN ZHES GSUNG BAR MDZAD, 'GA' ZHIG GIS DA DUNG ZHIB TU DRIS PA NA SNAR THANG

, ,LTA BU NAS YIN RGYU'I KHUL MDZAD NAS SPRANG RDZU RANG MDZAD KYANG, PHYOGS GANG NAS BLTAS KYANG THA MAL PA ZHIG MIN PAR 'DUG CES KUN GYIS GLENG, DE NAS RE ZHIG NA ZHABS LA BS'UNG GZHI ZHIG BYUNG BA DE JE NGAN JE NGAN LA SONG STE SKU LA BSNYUNG GZHI TSABS CHE BAR BYUNG BA'I TSE, RI BO BDE CHEN NA SMAN PA MKHAS PA ZHIG 'DUG PA DE LA PHYAG RTZA STON PAR MDZAD PAS SMAN PA DES RING ZHIG BRTAGS NAS LAG PA THAL MO SBYAR TE, NYID RANG DGA' BA ZHIG MIN PAR 'DUG BAS NGA LA GSAL BAR SHOD DGOS ZHES NAN GYIS ZHUS KYANG SPRANG 'KHYAMS BA ZHIG YIN TSUL LAS GSAL BAR GSUNG MNYAN, DE NAS SMAN PA DES NYID SPRANG 'KHYAMS PA RANG ZHIG MIN PA 'DUG GRVA SA CHEN PO ZHIG GI BLA MA'AM, SPYI MI 'AM MTHONG CHE BA ZHIG NGES PAR YIN PAR 'DUG ,BSNYUN GZHI 'DI YANG GRVA SA DE GA'I CHOS SRUNG GI 'PHRUL DU 'DUG PAS, DA NYID RANG LOG THEGS NA LEGS PA 'DUG CES SHIN TU GSAL PAR LUNG BSTAN PA ZHIG BYUNG 'DUG PAS, SMAN PA DE YANG RANG DGA' BA ZHIG MIN NAM SNYAM MO, ,SMAN PA DES DAM PA 'DI NYID LA BYANG CHUB KYI SEMS RTZA YIN PAR SHES NAS CHAB RTAGS BZHAG PA'ANG SMAN PA DES 'THUNGS ZHES THOS SO, ,DE NAS BLA MA NYID KYI THUGS LA YANG NAD 'DI MI YONG TZAM LA RMI LAM DU DPAL LDAN LHA MO'I 'TSUB KYI RNAM PA ZHIG KYANG BYUNG, SNGA SOR RJE ZHAL SNGA NAS KYI DGONGS PA GTING NAS KHROL BA RANG ZHIG MED PA DE GA'I RKYEN GYIS SMAN PAS ZER BA'ANG YIN PA SRID SNYAM DU DGONGS NAS

GTZANG PHYOGS LA 'BYON PA'I THUGS BSAM BTANG BA NA BSNYUN GZHI DE YANG RIM GYIS DVANGS PAR GYUR, DE NAS RIM GYIS BYON TE GTZANG DBUS KYI MTSAMS NA JO MO KHA RAG CES BYA BA'I GNAS CHEN ZHIG YOD BA DE LA PHEBS TE, SGRUB GNAS RNAMS MJAL BAS GNAS LA THUGS SPRO BAR GYUR TE PHUG PA ZHIG TU BZHUGS NAS SGRUB PA LA BRTZON PAR MDZAD, DE'I TSE YUL PHYOGS DE'I MI RNAMS SNGAR 'DRIS SHES GANG YANG MED PA'I STABS KYIS 'TSO BA 'BUL MI MA BYUNG ZHING GRONG DU BSOD SNYOMS LA YANG MA PHEBS PAS 'TSO CHAS SHIN TU BKREN PAR GYUR TE, ZAS RLUNG 'DZIN TZAM LA BRTEN PA'I DKA' THUB DRAG PO'I SGO NAS SGRUB PA LA SHIN TU BRTZON PAR MDZAD DO, ,'TSO CHAS SHIN TU BKREN PA'I STOBS KYIS SKU LUS NYAMS SHING SKYA BO BSENG BSENG POR GYUR KYANG NANG DU NYAMS LEN GYI 'CHAR SGO CHES CHER 'PHEL BAS THUGS LA DGA' BDE RGYAS PAR GYUR CING, SNGON BYON DAM PA RNAMS KYI RNAM THAR LTAR DBEN PA'I RI SUL DU DKA' THUB LA GNAS TE LAM CHA TSAD LA SGRUB PA SNYING POR BYAR YOD PA 'DI 'DRA NI, RGYAL BA DBEN SA BA CHEN PAS, SNGON DUS KYI MI LA RAS PA DANG, ,DA DUS KYI BLO BZANG DON GRUB LA, ,'PHRAL CHAS KYI ZAS GOS MA GTOGS PA, ,NOR DNGOS PO'I 'DZIN PAS DGOS PA MED, ,TSE GCIG LA SANGS RGYAS SGRUB PA LA, ,DE 'DRA BA'I SPYOD LA LEGS GNAS NAS, ,CHAGS SDANG SPANGS PA'I DBEN GNAS SU, ,DAL 'BYOR LA SNYING PO LEN PAR SHOG ,CES GSUNGS PA LTAR DAL BA'I RTEN

, ,LA SNYING PO LON PA YIN BAS SHIN TU SKAL BA BZANG SNYAM DU THUGS LA SPRO BA 'PHEL BAR GYUR, DON 'DI LA BLA MA NYID KYI ZHAL NAS, NGA KHA RAG DU SDOD RING DGUN THOG CIG LA RTZAM PA THANG KHUG GANG MIN PA STER MKHAN MA BYUNG, JA SHIN TU SLA BA PHOR RE POR DO RE DANG PHYE RLUNG 'DZIN TZAM RE ZOS SHING, JA LA MAR 'DEBS RGYU MED SHA'I CHIL BU CUNG ZAD RE BTAB NAS 'THUNGS, 'TSO BA SHIN TU BKREN YANG LUS BDE ZHING DGE SBYOR 'PHEL BA BYUNG ZHES ZHAL LAS DNGOS SU THOS SO, ,DE NAS DBEN SA BA CHEN PO DANG RJE BTZUN BLO BZANG CHOS KYI RGYAL MTSAN SOGS KYIS SGRUB PA MDZAD CING BYIN GYIS BRLABS PA'I GNAS CHEN BRAG RGYA RDO RJE'I PHO BRANG DU PHEBS NAS RGYAL BA G-YUNG GI SGRUB PHUG TU LAM THUN MONG BA DANG, THUN MONG MIN PA GSANG SNGAGS BLA NA MED PA'I LAM RIM PA GNYIS LA THUN BZHI'I RNAL 'BYOR MDZAD CING BZHUGS SO, ,'DI DUS GSOL CHAS RNAMS NI RJE ZHAL SNGA NAS KYIS THOS BSAM GLING NAS PHUL ZHING, DGE SLONG TSUL KHRIMS KYIS ZLA RE'I GSOL CHAS 'BUL BA SOGS KYI ZHABS PHYI BGYIS SO, ,DE LTAR THUGS DAM THUN BZHI'I RNAL 'BYOR LA CHU BO'I RGYUN BZHIN DU 'BAD PAS NGES 'BYUNG, BYANG CHUB KYI SEMS, YANG DAG PA'I LTA BA, LAM RIM PA GNYIS KYI GNAD RNAMS LA RGYAL BA DGYES PA'I NYAMS RTOGS RMAD DU BYUNG BA MTHA' YAS PA 'KHRUNGS SO, ,DE YANG BLA MA NYID KYI GSUNG TSAD MA DBANG POR GYUR PA LAS SHES TE, DE'I TSE NYAMS RTOGS GONG

'PHEL DU GYUR PA'I NYAMS MGUR BSAM LAS 'DAS PA YOD TSOD 'DUG KYANG THAMS CAD YI GER 'KHOD BA MA BYUNG ZHING, THUGS BRTZE BAS DGONGS TE CUNG ZAD CIG YI GER 'GOD PAR MDZAD PA NI 'DI LTAR, NA MO GU RU MANYDZU GHO sh'A YA ,DUS GSUM GYI SANGS RGYAS DBEN SA PA, ,GSUM LDAN GYI BLO BZANG YE SHES ZHABS, ,GUS LDAN GYI BU LA BRTZER DGONGS LA, ,BYIN RLABS KYI CHAR RGYUN DBAB TU GSOL, ,LUS SEMS GNYIS BDE BA'I NGANG NYID NAS, ,PHYOGS MED KYI RGYAL KHAMS MYUL MYUL BA'I, ,GU YANGS KYI SPRANG PO YAN PA NGA, ,NYAMS DGA' BA'I GLU DBYANGS 'DI BZHIN LEN, ,DAL 'BYOR GYI MI LUS THOB NGOS NAS, ,SANGS RGYAS LAS LHAG PA'I RJE DANG MJAL, ,NYAMS LEN LA 'BAD 'BUNG BYED BYED PA'I, ,MI LUS LA DON LDAN NGA'I SKYID PA, ,SKYE SA YI PHA YUL BOR NGOS NAS, ,NYE 'BREL LA ZHEN CHAGS MI BYED PAR, ,RANG MGO NI RANG GIS 'DON 'DON PA'I, ,PHO RGOD KYI RNAL 'BYOR NGA'I SKYID PA, ,GAR SKYID LA PHA YUL BYAS NGOS NAS, ,SU BYAMS LA PHA MAR BLTAS GYUR TE, ,PHYOGS MED DU DAG SNANG SBYONG SBYONG BA'I, ,GU YANGS KYI SPRANG PO NGA'I SKYID PA, ,BDAG 'DZIN GYI DGON BA BOR NGOS NAS, ,MI NGAN LA NGO SRUNG MI BYED PAR, ,RANG DBANG NI RANG GIS BZUNG BZUNG BA'I, ,DPON MED DANG G-YOG MED NGA'I SKYID PA, ,YO BYAD KYI SOG RUN POR NGOS NAS, ,'GRO DUS SU KHUR PO MI 'KHUR BAR, ,SGO RTZAM LA ZAD LEN BYED BYED PA'I, ,SPRANG PO YI KHYU RGYAN NGA'I SKYID PA, ,MDO RGYUD LA THOS BSAM BYAS NGOS

, ,NAS; ;PHAN MED KYI KHA BSHAD MI BYED PAR, ,NYAMS PHEN LA MTHIL THON BYED BYED PA'I, ,PHO GRUNG GI RNAL 'BYOR NGA'I SKYID PA, ,SGYU LUS LA GCES 'DZIN BOR NGOS NAS, ,GAR SHI LA 'GYOD MED BYAS GYUR TE, ,NA RGA DANG SHI SKYID BYED BYED PA'I, ,THAG CHOD DANG BLO BDE NGA'I SKYID PA, ,'DI 'DRA YI SKYID PA MI BYED PAR, ,TSE 'DI'I BDE BA LA SRED GYUR PA'I, ,SNYIGS DUS SKYA SER GYI SKYE BO'I TSOGS, ,SNYING MED YANG NA NI SMYON PA RANG; ;DENG SANG 'JIG RTEN GYI KHAMS 'DI NA, ,RANG RE SPRANG PO LAS SKYID PA NI MI 'DUG ,SKYID PA'I SKYID GLU ZHIG BLANGS GYUR NAS, ,RGYAL KHAMS GANG BZANG LA CHAS 'GRO AANG, ,HAHA, ZHES PA DANG, GRUB PA'I GNAS MCHOG KHYAD PAR CAN DE NYID LA BSTOD PA'I NYAMS MGUR 'DI LTAR YANG MDZAD DE, NANG RIM GNYIS RNAL 'BYOR MTHAR PHYIN PAS, ,PHYI LHA 'DRE SDE BRGYAD ZIL GYIS GNON, ,LHA DAM CAN GSHIN RJE BRAN DU 'KHOL, ,RJE G-YUNG STON RDO RJE DPAL LA 'DUD, ,MGON DE YIS BYIN GYIS BRLABS GYUR PA'I, ,BRAG RGYA BO RDO RJE'I PHO BRANG ZHES, ,SNGON DAM PA DU MAS CHER BSNGAGS PA'I, ,GNAS 'DI LA BDAG GIS CUNG ZAD BSTOD, ,RI MTHO ZHING BRJID CHAGS LHUN PO 'DRA; ;DE'I SHAR GYI MTHON PO'I NGOS DAG NA, ,CHOS PHUNG PO GRANGS MED BRTZEGS 'DRA BA'I, ,BRAG RGYA CHEN MTHOL SHIN TU MDZES, ,DE'I STENG DU MRGAD MDOG CAN GYI, ,DAR BZANG PO'I GUR 'DRA SPANG GIS BRGYAN, ,BRAG DE YI

MTHON PO'I DBUS DAG NA, ,BRAG BLA GAB 'DRA BA'I BRAG SKYIBS SU, ,RDO DKAR PO'I G-YAM SPYIL PHUB PA NI, ,RANG SHONG TZAM DU MA BKOD PAS MDZES, ,DE'I STENG DANG G-YAS G-YON NGOS DAG NA, ,BYA RGOD PO'I TSANG GI TSOGS RNAMS KUN; ;BLO CHAGS SDANG BRAL BA'I KHYIM MTSES TSUL, ,MDUN MTHON PO'I MKHA' DBYINGS DBUS DAG NA, ,DUS RGYUN CHAD MED PAR LDING SKOR BYED, ,BRAG DE YI MDUN GYI SA PHYOGS LA, ,SHING LJON PA SNA TSOGS 'KHRIGS PA YI, , LHA'I DGA' TSAL LTA BU'I NAGS KYIS MDZES, ,NAGS DE LA 'KHOR BA'I BYA DANG BYE'U NI, ,DBYIBS 'DAB GSHOG MI GCIG DU MA'I TSOGS, ,GNAS DE RU BZHUGS PA'I RNAL 'BYOR LA, ,YID MOS PA'I GLU DBYANGS DI RI RI; ;RI DE YI G-YAS G-YON MDUN DAG NA, ,DRIS DPAG TSAD KHOR YUG KHYAB PA YI, ,RIGS MI GCIG BSANG SNA DU MA 'KHRIGS, ,NAGS TSANG TSING DE YI KHROD DAG NA, ,KHONG GNYIS SKYES LHA BYA GONG MO'I TSOGS, , DAG SNYAN PA'I GLU DBYANGS KYU RU RU, ,GNAS DE YI MDUN GYI PHYOGS DAG NA, ,RJE G-YUNG STON CHEN PO'I SGRUB CHU'I RGYUN, ,NAD TSA GRANG KUN LA SNYOMS PA YI, ,LHA'I BDUD RTZI LTA BU'I CHAB KYI RGYUN, ,DUS DBYAR DGUN SKYE BRI MI BYED PAR, ,GNAS DE LA YON CHAB 'BUL BA'I TSUL, ,DUS RGYUN CHAD MED PAR KHRO LA LO LO, ,G-YAS PHYOGS NAS MRGAD MDOG CAN GYI, ,DAR BZANG PO'I YOL BAS BSKOR 'DRA BA'I, ,SPANG NGOS 'JAM MTHO BAS

, ,LEGS PAR BSKOR, ,DE'I NGOS LA RI DVAGS DU MA'I TSOGS, ,NYAMS DGA' BA'I BANG RTZAL SHA RA RA, ,G-YON PHYAGS NAS GCING CHAB SNGON MO NI, ,GNAS DE LA YON CHAB 'BUL BA'I TSUL, ,MDUN PHYOGS NAS G-YAS LA 'KHOR RO RO, ,SHAR PHYOGS KYI MDUN GYI YUL PHYOGS NA, ,THANG CHEN PO DPAG TSAD DU MA'I BAR, ,DBYIBS ZLUM PO GSER GYI MAndAL 'DRA, ,DE'I DBUS KYI LTE BA'I NGOS NGAG NA, ,GNAS CHEN PO GTZANG GI PHUNG PO RI, , DE'I PHYOGS DANG PHYOGS MTSAMS RNAMS SU NI, ,KHYIM CHE CHUNG MI 'DRA DU MA NI, ,GLING BZHI DANG GLING PHRAN BRGYAD KYI TSUL, ,THANG DE YI MTHA' DBUS BAR BAR NA, ,G-YU BZANG PO LA SOGS RIN CHEN LDAS, ,SPRAS 'DRA BA'I NE'U GSING SNGON PO DANG, ,SA'I KHA DOG SDO DMAR SER PO SOGS, ,MDANGS MA 'DRES RANG RANG SO SOR GSAL, ,SNGON KUN BZANG SMON LAM MTHUS GRUB PA'I, ,DBUS LHUN PO GLING BZHI NYI ZLA DANG, ,NOR RIN CHEN BDUN SOGS LHA MI YI, ,DPAL PHUN TSOGS MA LUS TSANG GYUR PA'I, ,NGO MTSAR BA'I MAndAL BZANG PO 'DI, ,GNAS 'DI RU BZHUGS PA'I MCHOG GSUM LA, ,DUS BSKAL BRGYA'I BAR DU PHUL NAS GDE', ,AE MA RANG BYUNG GI MAndAL BZANG PO 'DI, ,BDAG 'DRA YI SPRANG POS BLOS BSLANGS TE, ,DPEN SA PA'I BKA' RGYUD MA LUS DANG, ,BLO BZANG GI YE SHES MCHOG LA 'BUL, ,YID 'ONG GI GNAS MCHOG 'DI NYID DU, ,TSA GRANG DANG BKRES SKOM LA SOGS PA'I, ,'GAL RKYEN LA ZUR 'GROS MI BYED PAR, ,GANG

'DOD DU NYAL NUS BDAG LA STZOL, ,SPROS BCAS KYI BYA BA MI MANG BAR, ,SPROS MED KYI MAL BDE GU YANGS SU, ,NYIN MTSAN LA NGO SHES MI BYED PAR, ,GANG 'DOD DU NYAL NUS BDAG LA STZOL, ,GNAS LUGS KYI NGANG DU NYAL DUS SU, , 'KHOR 'DAS LA RE DOGS MI BYED PAR, ,MTHA' BRAL GYI DBYINGS SU DBYER MED PA'I, ,RO GCIG GI LAM BZANG BDAG LA STZOL, ,KUN BZANG GI MDZES MA'I LANG TSO DANG, ,RANG SEMS KYI KHYE'U DBYER MED DANG, ,'GRO KUN RNAMS BRTZE BAS SKYONG NUS PA'I, ,THABS SHES KYI LAM BZANG BDAG LA STZOL, ,RANG MAL NAS LANGS PA'I GNAS SKABS DER, ,PHYI NANG GI CHOS RNAMS MA LUS PA, ,RMI LAM DANG SGYU MAR NGES NUS PA'I, ,GRUB THOB KYI LAM BZANG BDAG LA STZOL, ,'KHOR BA 'DI MA STONGS PAR DAG TU, ,SKYE 'CHI SOGS 'GYUR LDOG MI BYED PA'I, ,'JIG MED KYI LUS SEMS NGANG NYID NAS, ,'GRO KUN RNAMS SGROL NUS BDAG LA STZOL, ,PHA RGAN GYI LAM BZANG BDAG LA STZOL, ,BKA' RGYUD KYI LAM BZANG BDAG LA STZOL, ,DBEN SA PA'I LAM BZANG BDAG LA STZOL, ,SPRANG PO YI SEMS LA THAG CHOD STZOL, ,CES GNAS BSTOD DANG THUGS DAM GYI NYAMS RTOGS MTHON POR GYUR PA'I GSUNG MGUR 'DI DAG PHYI MA'I SKYE BO RNAMS LA THUGS BRTZE BAS PHYAG BRIS SU 'GOD PAR MDZAD DO, ,GNAS DER BZHUGS RING ZHEN LOG SKYO SHAS DRAG POS THUGS DAM LA BOGS SHIN TU CHE ZHING DAG BA'I GZIGS SNANG MANG DU BYUNG YOD TSOD 'DUG KYANG THAMS CAD GSAL BAR MI GSUNG NGO, ,DE NAS RTA NAG CHOS SDINGS

, ,SU PHEBS, DE NA GNAS DBEN LA CHU SHING 'DZOM ZHING 'BRAS BU'I SHING MANG PO YOD PA, BRAG PHUG BTZAN ZHING SUS KYANG GLAGS RNYED MI NUS BA ZHIG YOD PA DER BZHUGS NAS SGRUB PA LA BRTZON PAR MDZAD, GSOL CHAS RNAMS NI THOS BSAM GLING ZHAL SNGA NAS KYIS RTA NAG GZHIS KA NAS PHYAG MA THOGS PAR PHUL, DE NAS RE SHIG NAS RTA NAG KHUL GYI MI RNAMS KYIS DAG SNANG CHE CHE BYAS PA NA, DA 'DIR YANG YUN RING NA DGE SBYOR GYI BAR CHAD DU 'GRO NYEN CHE DGONGS NAS GNAS SPO BAR BZHED NAS BYA BRAL SGRUB SDER BYON, DON GNYER CAN KHA SHAS LA PHYAG CHEN GYI KHRID SOGS CHOS BKA' CI RIGS KYANG GNANG, DER 'GA' ZHIG GIS PHYAG CHEN GSOL 'DEBS LA 'JUG RGYU'I GSOL 'DEBS SHIG DGOS TSUL ZHUS PA LTAR, LAM SNYAN RGYUD ZAB MO'I SNYING PO'I DON, ,YUL PHYOGS MED GNAS SU LEGS BSKYANGS PA, ,BYA BRAL BLO BZANG RNAM RGYAL LA GSOL BA 'DEBS, ,ZHES PA 'DI YANG GNAS DER MDZAD DO, ,DE NAS 'PHAGS MCHOG THUGS RJE CHEN PO'I SPRUL PA RGYAL SRAS THOGS MED PA'I SGRUB GNAS DNGUL CHU CHOS RDZONG DU PHABS, GNAS DE RGYAL SRAS RIN PO CHES BYIN GYIS BRLABS PA'I GNAS BAG PHEBS SHING BYIN CHAGS PA ZHIG 'DUG PAR, GNAS 'DIR SNGON RGYAL SRAS RIN PO CHES LO MANG PO'I BAR DU SKU MTSAMS LA BZHUGS NAS SGRUB PA MDZAD PAS NYAMS RTOGS GONG 'PHEL DU GYUR BA DE BZHIN DU, BDAG GIS KYANG GNAS 'DIR G-YENG BA THAMS CAD

SPANGS TE LO KHA SHAS KYI RING LA SGRUB PA LA BRTZON PAR BYA'O SNYAM DU SGRUB PA'I DAM BCA' BRTAN PAR MDZAD NAS SKU MTSAMS LA BZHUGS SO, ,GNAS DER LO GSUM TZAM GYI RING LA THUGS DAM SHIN TU 'PHEL BAR BYUNG ZHING, GCOD KYI LHONGS SOGS KYANG MANG DU BYUNG BA'I LO RGYUS SNANG NGO, ,DE NAS RE SHIG NA THOS BSAM GLING NAS ZHAL SNGA NAS DPAL LDAN YE SHES KYIS BANG PHYIN PA ZHIG CHED MNGAGS GNANG BAR DA LAM BANG PHYIN PA 'DI PA DANG MNYAM DU THOS BSAM GLING DU PHEBS DGOS PA'I BKA' SHOG NAN CHEN PHEBS PAR, BANG MI DE LA KHYOD RANG DE RING LOG SONG, NGA SANG NYIN YONG ZHES BKA' GNANG ZHING PHEBS RTZIS MDZAD PAR BANG MI THON 'PHRAL THUGS BSAM ZHIG MDZAD PAS MI LEGS PAR DGONGS TE, BANG MI RI SKED CAM DU SLEB PA YAR BOD PAR MDZAD NAS RJE ZHAL SNGA NAS LA DA RES SKU MDUN DU BCAR THUB PA MI 'DUG PAS DGONGS PA MI KHREL BA DANG, THUGS DAM GYI SKYABS 'JUG MKHYEN MKHYEN ZHU BA SOGS ZHU YIG DANG NGAG MA NAN CHEN ZHUS TE BANG MI GTONG BAR MDZAD, DE NI ZHAL SNGA NAS DPAL LDAN YE SHES JUN SGAR DU PHEBS RGYU DANG BLA MA NYID THOS BSAM GLING DU SKU TSAB TU 'JOG PA MDZAD RTZIS YIN PA DE THUGS MKHYEN GYIS MKHYEN PAR NGES SO, ,DE LTAR NA DAM PA 'DI NYID NI CHOS GRVA CHEN PO BKRA SHIS LHUN PO LTA BU'I GRVA TSANG GI GDAN SA PHUL YANG THUGS DGYES PA MED NA BSNYEN BKUR NGAN NGON TZAM LA TSAGS PA'I GO SKABS GA LA YOD, DE'I PHYIR RJE BTZUN MI LA DANG MDZAD PA MTSUNGS SO ZHES GRAGS PA'ANG DON DANG

, ,MTHUN BA'O, ,DE NAS DNGUL CHU'I RI KHROD PA RNAMS DANG, BZHAD BKRA SHIS DGE 'PHEL GYI BLA MA SOGS DON GNYER CAN KHA SHAS LA NAM MKHA' SGO 'BYED KYI DBANG DANG, GZHAN YANG CHOS BKA' CI RIGS GNANG, BZHAD KHUL GYI MI SDE RNAMS KYIS KYANG DAD GUS CHER BYAS SHING 'TSO BA'I MTHUN RKYEN 'BUL BA'ANG MANG DU BYUNG BA NA, DA NI GNAS 'DIR YANG YUN RING NA 'DOD YON GYI DBANG DU 'GRO BAR 'DUG CING, DE LTAR NA DGE SBYOR GYI BAR CHAD DU 'GYUR NYEN CHE PAS YUL GZHAN ZHIG TU 'GRO BAR BYA'O SNYAM DU DGONGS NAS ZHABS 'BRING BA DGE SLONG TSUL KHRIMS DANG MNYAM DU PHYOGS DE'I DBEN GNAS SNA TSOGS LA NGES MED DU BEBS SHING, DE'I TSE BLA MA NYID SKYO SHAS SHUGS DRAG PAS CHOS MTHUN GYI 'TSO BA GANG BYUNG MDZAD CING BSOD SNYOMS SPYOD PA'I TSE YANG, RJE MI LA'I RNAM THAR LTAR THEG MAR SGO GANG PHRAD DU SLONG ZHING BSOD SNYOMS PHUL NA GANG SBYIN PA DES CHOG SHES PA DANG, MA PHUL KYANG YID MI BDE BA MED CING YUN RING MI BZHUGS PAR PHEBS PAS ZHABS 'BRING BA DGE SLONG TSUL KHRIMS 'TSO BAS NYON MONGS NAS 'KHRUL BA BSKYED PA'ANG BYUNG ZHES THOS SO, ,DE DAG GI DUS KYI TSE DAM PA 'DI NYID CHOS BRGYAD 'OG SNYOMS PA DANG, BDAG PAS GZHAN GCES PA'I BYANG CHUB KYI SEMS SBYONG BA'I MAN NGAG BLO SBYONG GI SKOR LA NYAMS BZHES MDZAD PA LA 'CHAD KHA BA'I GSUNG RNAMS SHIN TU GAL CHE BAR DGONGS NAS, 'CHAD KHA BA'I BLO SBYONG GCIG DANG LNGA PA ZHES BYA BA, MTHUN RKYEN

SNA GCIG KYANG MED PA'I NANG DU PHUN SUM TSOGS PA'I YANG RTZE RNYED PA GCIG DANG, BAR CHAD SPRIN 'THIBS PA LTA BU'I NANG DU GNOD PA GCIG KYANG MED PA GCIG DANG, SDUG BSNGAL RI RDIB PA LTA BU'I NANG DU BDE PA CHEN PO RNYED PA GCIG DANG, DGRA 'DRE NYI RGAS GYI GRIB SO LTA BU'I NANG DU DGE BA'I BSHES GNYEN GYI NYI MA SHAR BA GCIG DANG, NYON MONGS BSKAL PA'I ME LTA BU'I NANG DU SANGS RGYAS KYI CHOS TSANG BA GCIG STE LNGA'O, ,ZHES GSUNGS PA 'DI THUGS LA BZUNG ZHING, DE'I NANG NA NYAMS LEN GYI GNAD MANG PO YOD PAR DGONGS NAS, RJE BTZUN BLO BZANG YE SHES DPAL BZANG PO LA BLO SBYONG 'DI'I 'GREL PA MAN NGAG GI GNAD RNAMS GSAL BAR STON PA ZHIG DGOS ZHES NAN GYIS GSOL BA BTAB PAS PAn CHEN THAMS CAD MKHYEN PA CHEN POS KYANG DGYES BZHIN ZHAL GYIS BZHES NAS, NA MO GU RU BADZRA DHA R'A YA, SKU MTSAN BZANG RMAD BYUNG LONGS SPYOD RDZOGS, ,ZHES PA NAS, RJE BKA' GDAMS GONG MA'I DGONGS PA'I DON, ,PHYOGS KUN TU DAR RGYAS BKRA SHIS SHOG , CES PA'I BAR SHLOO KA NYI SHU RTZA GNYIS YOD PA TSIG SBYOR PHUN SUM TSOGS PA RKYEN NGAN LAM DU 'KHYER BA'I MAN NGAG GI GNAD RNAMS GSAL BAR STON BA SNGON MED PA'I LEGS BSHAD 'DI MDZAD DO, ,DE NAS BLA MA NYID 'DRIS SHES MED PA'I SA YUL THAG RING ZHIG TU PHEBS NAS TSE DANG SGRUB BA SNYOMS PA ZHIG MDZAD BZHED NAR MAR YOD PA'I KHAR, CHOS 'PHEL DZA' SANG SOGS KYIS KYANG BLA MA 'DI NYID GZHAN DANG MI 'DRA BA YOD TSUL THOS NAS AO RGYEN KYI YUL DU GDAN 'DREN 'DOD YOD PA'ANG GSAN PAS

, ,NYE BAR BSKUL TE, DA NI MYUR DU THAG RING ZHIG LAM PHYIN NA SDE DGON GOG PO ZHIG GI BDAG GZUNG BYED DGOS PA'AM, RGYAL PO'I MCHOD GNAS BYA BA MING SNYAN YANG DON BZANG BTZON ZHIG BYED MI DGOS PA'I NGES BA YANG MI 'DUG PAS SUS KYANG MTHONG TSOR MED PA'I YUL ZHIG TU 'PHRAL DU 'BRO DGOS PA 'DUG ,DE YANG SANGS RGYAS DNGOS KYI BSHES GNYEN 'DI LTA BU BZHUGS BZHIN DU MA ZHUS PAR 'GRO BA'ANG MI LEGS PAS SKYABS MGON CHEN PO NYID LA ZHUS NAS BKA' GNANG BA LTAR BYED DO SNYAM DU DGONGS NAS ZHU YIG GSUNG BRTAG GI TSUL DU PHUL BA, BDAG TSE 'DI'I RNYED BKUR SNYAN GRAGS RNAM G-YENG GANG GI YANG DBANG DU MA SONG BAR SGRUB PA MTHAR PHYIN PA ZHIG BYED 'DOD LAGS PAS SA PHYOGS GANG DU PHYIN PA LEGS ZHES ZHUS PA NA, STOD PHYOGS SU LEGS PA'I BKA' PHEBS, DE NAS LCAGS SU PHEBS NAS LO TZ'A PA LHA BTZUN BLO BZANG 'BYUNG GNAS LA 'DOD CHOS MANG DU STZAL CING, SLAR SKYID GRONG PHYOGS SU 'DZOM PA'I ZHAL NGAN MDZAD, DE NAS BLA MA NYID DGUNG LO LNGA BCU LA PHEBS PAS MO PHAG GI LO NYE GNAS DRUNG RAM PA DANG BCAS STOD PHYOGS SU PHEBS SO, ,DE SKABS PAn CHEN THAMS CAD MKHYEN PA LA CHOS 'PHEL JA'I SANG SOGS MI CHEN DANG, SDE DGON MANG PO NAS DAM PA 'DI NYID BLA MAR GNANG DGOS TSUL ZHUS KYANG, SNGAR NAS DE RIGS MI DGOS PA'I SNYAN 'BUL ZHUS ZIN PA DANG, THAG RING DU PHEBS PA'I GRAGS PA DES GYENG RKYEN BYAS NAS, KHONG GAR YOD

MI SHES PAS DE 'DRA GA LA YONG ZHES SKU ZHABS RTZE SHOD GNYIS GNAS GNANG BAR MA MDZAD CING, PHYIS KYANG DE RIGS MANG DU BYUNG YANG GNANG BAR MA MDZAD DO, ,DE NAS DING RI NAS BU SE LA 'DZEGS TE RNAL 'BYOR DBANG PHYUG MI LA RAS PA'I SGRUB GNAS ZHING SKYENG GI MKHA' 'GRO 'DU BA'I GNAS CHEN DBANG NAS BRIN GYI CHU DBAR LA PHEBS SO, ,DE NAS RJE BTZUN MI LA ZHING KHAMS GZHAN DU GSHEGS PA'I TSUL BSTAN PA'I GNAS 'DRE LCE PHUG ,SPRO BDE BKRA SHIS SGANG, 'GRO PHAN GLING SOGS ZHIB TU MJAL ZHING SMON LAM MDZAD, DE NAS DBEN GNAS KYI ERTZE MO LA PHEBS TE GTZO CHER BRAG DMAR MCHOD LUNG RANG DU BZHUGS NAS SGRUB PA MDZAD, SKABS 'GAR SPO MTHO NAM MKHA' RDZONG, KHU BYUG DPEN BA RDZONG, SKYID PHUG NYI MA RDZONG SAGS RJE BTZUN RIN PO CHES BZHUGS PA'I GNAS DE DANG DE DAG TU PHEBS NAS THUN BZHI'I RNAL 'BYOR DANG, THUN MTSAMS KYI NYAMS LEN RNAMS LA BRTZON PAR MDZAD PAS THUGS DAM LA BOGS SHIN TU CHE BAR GYUR, CHU DBAR CHOS SDE DE GONG SA LNGA PA CHEN PO'I BKA' DRIN GYIS LONGS SPYOD 'DZOM ZHING DBANG SHED SHIN TU CHE BA ZHIG YIN 'DUG KYANG, DAM PA 'DI NYID LA NI SKU MTHONG BA TZAM GYIS DAD GUS CHEN PO BYAS SHING CHOS 'BREL DANG BYIN RLABS ZHU BA MANG DU BYUNG, DE SKABS SNGAGS RAM PA YA SHAS SKAL LDAN SOGS DPAL LDAN STONG RGYUD GRVA TSANG NAS SGRUB PA SNYING POR MDZAD 'DOD PA GSUM TZAM ZHIG BYON PA, SNGAR NAS BLA MA 'DI NYID KYI MTSAN MA THOS KYANG ZHAL MJAL BA TZAM GYIS DAD PA'I SPU LONG G-YOS NAS CHOS KYI

, ,BKA' DRIN GNANG DGOS PAR GSOL BA BTAB PAS, BLA MA NYID KYANG THUGS SHIN TU DGYES PA BYUNG, DE NAS YE SHES GRAGS PA GRAGS PA GROGS MCHED GNYIS KYANG SKU MDUN DU SLEB NAS CHOS KYI BKA' DRIN DANG, LHAG PAR BSNYEN RDZOGS KYI BKA' DRIN ZHUS PA NA DGYES BZHIN ZHAL GYIS BZHES, DE NAS ZA KHA LUNG GI RGYAN PHUG TU BZHUGS SHING, BSNYEN RDZOGS DANG RAB BYUNG MANG DU GNANG, DE NAS RGYUD STOD PA GSUM GYIS GTZO BYAS DAD 'DUS KHA SHAS LA BYANG CHUB LAM GYI RIM PA'I KHRID, BLO SBYONG GI KHRID, 'JIGS BYED BSKYED RIM KYI KHRID, PHYAG CHEN GYI KHRID SOGS KHRID DANG LUNG MANG DU STZAL TO, ,DE NAS RGYUN STOD PA GSUM GYIS GSOL BA BTAB NAS NAM MKHA' SGO 'BYED KYI DBANG DANG, GCOD KYI CHOS SKOR RNAMS DGYES BZHIN DU GNANG, DE NAS GNAS DER 'PHYOD RGYAS RI BO BDE CHEN PA'I DGE SLONG ZHIG DANG, 'GRO PHAN GLING GI GRVA PA DAD LDAN ZHIG GIS BSKUL NAS GCOD GZHUNG THAR 'DOD DED DPON MA'I t'IKKA TSIG DON GSAL BA'I SGRON ME ZHES BYA BA TSIG DON PHUN SUM TSOGS SHING MAN NGAG GIS BRGYAN PA BYANG CHUB LAM GYI RIM PA DANG GCOD GNYIS ZUNG DU SBREL NAS NYAMS SU LEN PA LA NYE BAR MKHO BA'I BSTAN BCOS PHUN SUM TSOGS PA 'DI MDZAD DO, ,DE NAS TSE RING MA'I BLA MTSO GZIGS BAR PHEBS, MTSO'I DRUNG DU PHEBS SU NYE BAN DRUNG RAM PA SOGS ZHABS PHYI RNAMS LA KHYED RANG RNAMS NGED KYI RJES LA MA YONG BAR 'DIR CUNG ZAD SDOD CES BKA' GNANG NAS, BLA MA

NYID GCIG PU MTSO 'GRAM LA PHEBS NAS MTSO 'GO NGOS SU PHEBS PA NA, DRUNG RAM PA SOGS KYI MTHANG SNANG LA MTSO DE'I DKYIL NA 'KHYAG PA'I RNAM PA LTA BU SKYA LING LING BA ZHIG 'DUG PA, BLA MA NYID MTSO' 'GOR PHEBS PA NA MTSO DKYIL NAS TSUR DAR DKAR PO'I RNAM PA LTAR BLA MA NYID KYI SKU MDUN DU SKYAN RA SONG BA ZHIG MTHONG 'DUG BAS, DE'I TSE DAG PA'I GZIGS SNANG NGO MTSAR CHE BA ZHIG BYUNG BA GOR MA CHAG KYANG, BLA MA NYID YON TAN SBED PA GTZO BOR MDZAD PAS DE RING RTEN 'BREL LEGS PO ZHIG BYUNG GSUNG BA LAS 'DI BYUNG GSUNG BA MI SNANG NGO, ,DE NAS 'GRA PAN GLING GI SPO MTHO LHA KHANG DU ZLA BA BZHI'I RING LA DPAL 'KHOR LO SDOM PA'I BSNYEN SGRUB LA 'GRUS PAR MDZAD, BSNYEN MTSAMS GROL NAS DUS KHYAD PAR CAN ZHIG DANG BSTUN BDE MCHOG GI SBYIN SREG MDZAD BA NA 'JA' DKAR PO ZHIG GANG DU SBYIN SREG MDZAD PA'I GNAS DER ZUG NGA SOGS NGO MTSAR YA MTSAN CHE BA'I LTAS MANG PO SKYE BO KUN GYIS MTHONG BA BYUNG, DE'I TSE SNGAGS RAM PA YE SHES SKAL LDAN GANG ZAG DAM PA ZHIG YIN PAR GZIGS NAS SPYAN GYI 'BRAS BU LTAR SKYONG BA GNANG ZHING, 'TSO BA'I MTHUN RKYANG SOGS KYANG PHYAG MA THOGS PAR GNANG BAR MDZAD, GNAS DER LO LNGA TZAM BZHUGS NAS DPON SLOB THAMS CAD KYIS THUGS DAM LA SHIN TU 'GRUS PAR MDZAD PAS THAMS CAD LA BOGS CHE BAR BYUNG NGO, ,DE NAS CHU MO YOS LO ZLA BA BCU GNYIS PA'I 'GOL BLA YUL DU PHEBS NAS, STAG MO LUS SBYIN DANG, SNYE SHANGS GUR RTA SOGS GNAS

, ,BRAN RNAMS MJAL NAS SMON LAM MDZAD, DE NAS BYA RUNG KHA SHOR DU PHEBS NAS ZHAG GSUM PA ZHUGS, ZHABS SKOR DANG SMON LAM SHUGS DRAG TU MDZAD, DE NAS 'PHAGS PA SHING KUN DU PHEBS ZHAG LNGA TZAM BZHUGS NAS ZHABS SKOR DANG SMON LAM MDZAD, DE'I RING LA DE'I NYE SKOR GYI GNAS PHRAN RNAMS KYANG ZHIB TU MJAL BAR MDZAD, DE SKABS RONG GI LAM ZHIG TU MON PA'I RKUN JAG BYUNG BAR CHAS DNGOS KHA SHAS RKUN MAR SHOR ZHING, LHAG PAR YUM GYIS BZO BAR MDZAD BA'I SKU GZAN RNYING PA ZHIG YOD PA MON PA LA SHOR BAS, CHAS DNGOS GZHAN RNAMS LA THUGS SNANG MI MDZAD CING, SKU GZAN DE LNGA'I AA MA'I GZAN DE MON BA NGAN PA'I LAG TU SHOR ZHES THUGS PHANGS PHANGS MDZAD CING, PHYIS NAS KYANG YANG YANG GSUNG NGO, ,DE NI DAM PA 'DI NYID 'BREL TSAD DON LDAN YIN PAS YUM GYI BKA' DRIN BSAB PHYIR GZAN DE SKU LA YUN RING BCANG BZHED YIN PAR NGES TE; YUM GYIS BCOS PA'I SKA RAGS SHIG YOD PA PHYIS PHAN PHUN DU GYUR PA NA PHYI NANG NAS LHAN PAS GLANG TE NAM GSHEGS KYI BAR SKU LA BCANG BAR MDZAD PA BDAG CAG GIS MNGON SUM DU MTHONG DO, ,DE NAS RIM GYIS SKYID GRONG DU PHABS NAS JO BO RIN PO CHE'I SKU MDUN DU CI 'BYOR PA'I MCHOD BA PHUL TE SMON LAM SHUGS DRAG TU MDZAD, DE NAS BLA MA LHA BTZUN NGAS GDAN DRANGS TE ZLA BA BCU GNYIS PA'I MJUG LA GYANG KHANG DU PHEBS, BLA MA LHA BTZUN

DANG LHAN CIG TU LO GSAR GYI DGA' STON MDZAD, DE SKABS 'BA' SPRUL SKU'I MNAL LAM DU PHA DAM PA'I SPRUL PA 'DI LTA BU ZHIG 'BYON KYIN YOD PAS MJAL DU SOD ZER BA'I LUNG BSTAN GSAL BA ZHIG BYUNG BA LTAR BLA MA 'DI NYID PHA DAM PA'I SPRUL PA YIN PA'I GRAGS PA'ANG BYUNG 'DUG GO ,DE NAS BLA MA LHA BTZUN DANG, BLA MA SNGAGS RAM PA GNYIS KYIS GTZO MDZAD DGE 'DUN MANG POS GSOL BA RTZE GCIG TU BTAB NAS BDE LAM GYI BKA' KHRID DGE LDAN BKA' RGYUD RIN PO CHE'I ZAB LAM PHYAG RGYA CHEN PO'I BKA' KHRID, BLO SBYONG DON BDUN MA'I BKA' KHRID RNAMS STZAL CING, LAM RIM CHE CHUNG GI LUNG, SNGAGS RIM CHEN MO'I LUNG SOGS ZAB CHOS MANG DU GNAR NGO, ,DE'I TSE DGE LDAN PHYAG RGYA CHEN PO'I SA BCAD KYANG RTZOM PAR MDZAD, DER ZLA BA LNGA TZAM BZHUGS, DE NAS GNAS KYI RGYAB RI GRUB CHEN AO RGYAN BA'I GZIM PHUG TU ZLA BA GCIG TZAM BZHUGS, DE NAS RJE BTZUN RED MDA' BA CHAN PO DANG RJE CHOS LDAN RAB 'BYOR SOGS BKA' GDAMS BSTAN 'DZIN DAM PA MANG POS BZHUGS SHING BYIN GYIS BRLABS PA'I GNAS ME TOG MDANGS CAN DU PHEBS NAS, RJE BTZUN RED MDA' PA'I SGRUB PHUG CHEN MOR BZHUGS TE SKU MTSAMS MDZAD, SKU MTSAMS GROL NAS DON GNYER CAN KHA SHAS LA GTUM MO'I KHRID LA SOGS PA'I CHOS BKA' CI RIGS PA GNANG NGO, ,DE NAS RJE BTZUN SA PAn LA 'JAM DBYANGS LHA LNGAS ZHAL GZIGS PA'I GNAS LHA LNGA PHUG TU BZHUGS, GNAS DER DGE SLONG MANG DU 'DUS PA RNAMS KYIS CHOS GSUNG BAR

, ,GSOL BA BTAB PA NA CHOS MANG DU GNANG BA'I ZHAL BA ZHES YOD PA LA 'GA' ZHIG GIS BKA' GDAMS THOR BU DE SNGON LA NAN GYIS ZHUS PAS DE GNANG NAS, DE'I NANG NA SNYIGS MA'I DUS 'DIR GZHAN MGO 'DON PA'I DUS MA YIN RANG MGO 'DON PA'I DUS YIN, ZHES SOGS KYI MTSAMS SU SLEB PA NA SPYAN CHAB MNAN PAS MI THUB PA BYUNG ZHING, THUGS LA NGES 'BYUNG SHUGS DRAG TU SKYES NAS SPYAN CHAB BCAD MA THUB BAR DE'I NYIN CHOS 'PHRO GNANG MA THUB, SANG NYIN GNANG RGYU'I RTZIS MDZAD PA NA YANG DE'I MTSAMS LA GZIGS PA TZAM GYIS SPYAN CHAB BYUNG ZHING MGUL 'GAGS NAS GNANG MA THUB PAR 'PHRO LUS, DE NAS DE 'PHRAL SLAR YANG ME TOG MDANGS CAN DU PHEBS, CHU BTAGS GSAR PA BA'I BU BSOD NAMS PHUN TSOGS KYIS ZHABS PHYI ZHUS SHING, DGE SLONG RNAMS KYANG PHEBS SKYEL DU PHEBS NAS MKHA' 'GRO'I GSANG PHUG TU PHEBS, DE NAS DGE SLONG RNAMS LA SO SOR THUGS DAM LA BRTZON BA MDZAD DGOS PA'I ZHAL TA DANG, NGED RANG YANG TSE 'DI'I RNAM G-YENG GANG GI YANG DBANG DU MA SONG BAR SGRUB PA GSHA' MA ZHIG BYED, DE LTAR BYED MIN KHYED GROGS PO RNAMS KYIS KYANG BLTAS NAS CHOS DANG 'GAL BA BYUNG NA KHYED RNAMS KYIS KYANG LAB DGOS SO, ,MDOR NA RANG RE RNAMS TSE MJUG 'DIR BYA RGYU CHOS LAS MED BAS RANG RANG GANG 'DOD KYI GNAS SU DGE SBYOR LA BRTZON PAR MDZOD CES BKA'

GNANG NAS SO SOR BTANG STE G-YENG BA GANG YANG MED BAR SKU MTSAMS DAM PO LA BZHUGS, DE LTAR ME TOG MDANGS CAN DU LO GSUM LHAG TZAM BZHUGS NAS THUGS DAM CHU BO RGYUN GYI RNAL 'BYOR LA GNAS PAR MDZAD, DE'I TSE ZHABS 'BRING PA ZHIG DBUS PHYOGS SU GNAS SKOR LA 'GRO 'DOD NAS DGONGS PA ZHUS SHING, ZHAL GDAMS SHIG DGOS ZHES GSOL BA BTAB PA LTAR NYAMS MGUR 'DI LTAR MDZAD DE, NA MO GU RU, DUS GSUM GYI SANGS RGYAS DBEN SA PA, ,MTSUNGS MED KYI RJE BTZUN THAMS CAD MKHYEN, ,BLO BZANG GI YE SHES SKYABS KYI MCHOG ,'BRAL MED DU SPYI PO'I RGYAN DU BZHUGS, ,RANG BLO NI CHOS LA PHYOGS PA'I TSE, ,SDUG DOGS KYIS NOR RDZAS BSAGS GYUR NAS, ,SDIG GSOG GI SER SNA BYED PA LAS, ,ZANG ZING GI 'BYOR PA SPANGS NA BDE, ,RANG BLO NI CHOS LA 'KHUL BA'I TSE, ,RE DOGS KYI BSAM RGYA MANG PO YIS, ,BLO MANG GI BYA BA BYED PA LAS, ,BYA BA RNAMS BLO YIS BTANG NA BDE, ,NGES MED KYI RGYAL KHAMS 'KHYAMS PA'I TSE, ,RKYEN NGAN GYI BAR CHANG BYUNG DOGS NAS, ,BLO CHUNG GI GROGS DANG 'GROGS PA LAS, ,SKYID SDUG LA THOG RDZIS BYAS NA BDE, ,RGYAL KHAMS SU 'CHO BA SLONG BA'I TSE, ,MA 'ONGS PA'I BSAM RGYAS BSLANGS GYUR NAS, ,SGYU LUS LA KHUR PO 'GREL BA LAS, ,SGO RTZAM LA ZAD LEN BYAS NA BDE, ,RGYAL KHAMS SU RI KHROD 'GRIM PA'I TSE, ,CHAGS SDANG GI SEMS RTZA 'KHRUG 'GYUR BA'I, ,DON MED KYI KHYIM MTSES BSTEN PA LAS, ,BSE RU BZHIN GCIG BUR GNAS NA BDE, ,NGES MED KYI RI KHROD 'GRIM PA'I TSE, ,NGES BZUNG

, ,GI SBYIN BDAG BTZAL GYUR NAS, ,NGO SRUNG GI DGE SBYOR BYED PA LAS, ,NGES MED KYI BSOD SNYOMS BYAS NA BDE, ,GCIG PU RU RI LA SDOD PA'I TSE, ,SDIG GSOG GI MKHAR LAS BYAS GYUR NAS, , 'DZAD MED KYI LAS NGAN GSOG PA LAS, ,SA PHUG DANG BRAG PHUG BSTEN NA BDE, ,GZHI GCIG TU YUN RING GNAS GYUR NAS, ,CHAGS SDANG GI SEMS RTZA 'KHRUG BA LAS, ,NYAMS LEN LA BOGS 'DON BYED PA'I PHYIR, , DBEN PA NAS DBEN PAR 'PHOS NA BDE, ,NYAMS LEN GYI GNAD LA SBYOR BA'I TSE, ,SDOM GSUM LA GCES SPRAS GTZOR BTON TE, ,THOS BSAM GYI RGYA MTSO'I GRUR ZHUGS NAS, ,THOS DON RNAMS RGYUD LA SBYANG NA BDE, ,THOS BSAM GYI GNAD LA SBYOR BA'I TSE, ,LTA SPYOD GNYIS YA BRAL MA SONG BAR, ,ZUNG 'BREL GYI NYAMS LEN MKHAS GYUR NA, ,ZUNG 'JUG GI RGYU RU 'GYUR BAS BDE, ,ZAB DON GYI GNAD LA SBYOR BA'I TSE, ,DANG PO NAS 'JOG SGOM MI BYED BAR, ,DPYAD SGOM GYIS NGES SHES DRANGS GYUR NAS, ,'JOG DUS SU BLO THAG CHOD BAS BDE, ,RJES THOB TU BYA BA GANG BYED CHO, ,THA MAL GYI SNANG ZHEN SPANGS GYUR NAS, ,MNYAM GZHAG GI RGYA YIS BCINGS GYUR NA, , SDIG LTUNG RNAMS RANG SHUGS 'GAGS PAS BDE, ,DGE PHYOGS RNAMS BSNGO BAS RGYAS 'DEBS TSE, ,RANG DON GYI BSAM PA SPANGS GYUR NAS, ,GZHAN DON DANG BDEN MED RTZIS ZIN NA, ,CHOS GZUGS KYI RGYU RU 'GYUR BAS

BDE, ,BDE BDE YI GLU DBYANGS RING MO 'DI, ,MKHAS 'DOD KYIS BRTZAMS BA MA YIN YANG, ,GROGS MCHOG GI BLO NGO MA BZOD PAR, ,ME TOG GI MDANGS CAN GNAS SU SBYAR, ,'DI DON BZHIN NYAMS LEN BYAS BA'I DANG, , RGYAL KHAMS SU LO GSUM 'GRIMS GYUR NAS, ,BAN RGAN GYI SGYU LUS BLTA BA'I PHYIR, ,MJAL 'DZOM GYI SMON LAM YANG DAG THOB, ,CES SO, ,GNAS DER BZHUGS RING 'TSO BA MTHA' GNYIS LA MA LHUNG TZAM LA BRTEN NAS THUN BZHI'I RNAL 'BYOR LA GNAS TE, DPAL GSANG BA 'DUS PA DANG, YI DAM RDO RJE 'JIGS BYED SOGS LHAG PA'I LHA MANG PO'I BSNYEN SGRUB GNANG ZHING KHA SKONG BA'I SBYIN SREG KYANG ZHAG BCU SKOR SGREL NAS MDZAD, CHU DBAR DU BZHUGS SKABS NAS BZUNG YAR NGO MAR NGO'I TSES BCU RNAM GNYIS LA 'KHOR LO SDOM BA'I SGRUB MCHOD RGYAS BAS BDAG NYID 'JUG CING DBANG BZHES BA SOGS MDZAD, DE'I TSE MI DBANG PO LHA NAS KYIS DAM PA 'DI'I SNYAN GRAGS GSAN NAS DPAL LDAN RDO RJE CHED MNGAGS SU GNANG BAR, SANGS RGYAS KYI BSTAN PA'I DON DU SPYIR SKU RIM GANG DRAG MDZAD DGOS TSUL DANG, LHAG PAR DRAG PO'I LAS SBYOR GNANG DGOS TSUL DNGUL SRANG SUM CU SKOR DANG BCAS PHUL BA NA, NANG DU GTONG BAR MA MDZAD CING BUG SGO NAS NGED RANG DGE SKYOR CI BYED RGYAL BA'I BSTAN PA 'BA' ZHIG GI CHED DU BYED PA YIN, DE MIN DPON PO CHEN PO'I RIM GRO BYED PA BAS MI YOD, ,LHAG PAR DRAG PO'I LAS SBYOR GTAN NAS

, ,MI YONG ZHES NGO 'DZIN GANG YANG MA MDZAD PAR ZHU YIG RTEN BCAS PHYIR LOG BAR MDZAD DO, ,'DI NI RGYAL BA DGYES PA'I RNAM PAR THAR PA RMAD DU BYUNG BA ZHIG STE, YANGS PA'I SA CHEN PO LA STOBS KYIS 'KHOR LOS BSGYUR BA'I RGYAL PO'I BSNYEN BKUR YANG MCHIL SNABS BZHIN DU 'DOR BAR MDZAD NA, BSNYEN BKUR NGAN NGON TZAM LA MI CHAGS PA LTA CI SMOS, GNAS DER NGO MTSAR YA MTSAN CHE BA'I GCIGS SNANG SOGS MANG DU BYUNG MOD KYANG PHAL CHER GSUNG BAR MI MDZAD CING , RDZA PHUG TU BZHUGS SKABS DE'I SHAR NGOS KYI RI LA BDE GSHEGS MCHOD RTEN GYI RNAM PA RANG BYUNG DU YOD PA CHES GSAL BAR GZIGS SHING MCHOD RTEN GYI STENG NAS CHU 'BAB PA RGYUN PAR NYUNG DU DANG, DUS BZANG RNAMS LA CHER 'BAB CING BUG RON GYI RNAM PA LTA BU KHYU CHEN POS MCHOD RTEN LA SKOR BA MANG DU BYED PA GZIGS 'DUG CING , GZHAN YANG RJE BTZUN RED MDA' PA'I SKABS KYI GRUB PA'I MTSAN MA YA MTSAN CHA BA MANG DU GZIGS PA'ANG BYUNG 'DUG GO , DE NAS BLA MA 'DI NYID DGUNG LO RE GCIG TU PHEBS BA LTZAL SA PHO KHYI'I LOR MKHAN PO RIN PO CHE RJE BTZUN BLO BZANG YE SHES DPAL BZANG PO'I ZHAL DKYIL MJAL ZHING GSUNG GI BDUD RTZI MYONG BA DANG, RGYAL PA'I BSTAN PA LA

BYA BA MDZAD BZHED PA BCAS DGOS LA MANG DU GZIGS NAS NYE GNAS DANG BCAS TE CHOS GRVA CHEN PO BKRA SHIS LHUN POR PHEBS, LHAR BCAS 'GRO BA'I BLA MA PAn CHEN THAMS CAD MKHYEN PA CHEN PO'I ZHAL MJAL ZHING, RANG NYID LA DAD LDAN RNAMS KYIS PHUL BA'I CHAS DNGOS PHRAN BU YOD PA RNAMS DANG LUS LONGS SPYOD THAMS CAD LTOS PA MED PAR MAndAL DANG BCAS TE PHUL NAS, BDAG GZHAN RNAM DKAR DGE BA'I PHUNG PO'I MTHUS, , MGON KHYOD BSKAL BRGYA'I BAR DU ZHABS BRTAN NAS, ,RGYAL BA'I BSTAN PA PHYOGS BCUR RGYAS MDZAD DE, ,'GRO KUN BDE LA 'GOD PA'I BKRA SHIS STZOL, ,ZHES GSAR DU BRTZAMS PA'I TSIGS BCAD DANG BCAS ZHABS PAD BSKAL BRGYAR BRTAN NAS CHOS KYI 'KHOR LO BSKOR DU GSOL ZHES GSOL BA SHUGS DRAG TU 'DEBS PAR MDZAD, DE NAS SKU MDUN DU JA GRAL ZHIG GNANG BAR BLA MA'I YON TAN MTHONG BA'I DAD PA DANG, BKA' DRIN RJES SU DRAN PA'I GUS PA CHEN PO YOD PA'I KHAR GDUL BYA'I SNANG NGOR SKU NA MTHON POR PHEBS TSUL GZIGS PA'I RKYEN BYAS NAS SPYAN CHAB MNAN PAS MI THUB PA BYUNG, DE NAS BYIN RLABS ZHUS HE RE ZHIG NOR BU BRANG KHANG DU BZHUGS , RIM GYIS MGRON GNYER RNAMS BRGYUD NAS SKYABS MGON CHEN PO'I GSUNG RTZOM GANG YIN LA LUNG ZHIG DANG , LAM RIM MYUR,

, ,LAM LA BKA' KHRID CIG KYANG THUGS RJES GZIGS DGOS ZHES SNYAN 'BUL ZHUS PA NA, MGRON GNYER HA LAS PA LTAR BYAS TE, DE 'DRA GA NA YONG ZHES GSAN 'JOG MA MDZAD, SLAR YANG DAR PHUL TE NGA BAN RGAN SA'I MTHA' NAS GNAS 'DIR DON 'DI ZHU BA LA YONGS PA LAGS BAS CIS KYANG ZHU ROGS THUGS RJES GZIGS DGOS ZHES ZHUS PA NA, MGRON GNYER GYIS BKA' BKYON MANG DU MDZAD CING SKYABS MGON CHEN PO SPYAN MI GSAL BA'I TSUL BZHES LA DE 'DRA SUS ZHU NUS ZHES ZHU ROGS MA MDZAD PA NA, SLAR YANG DAM PA 'DI NYID TSE 'DI'I THUGS BSAM BLOS DOR TE BSTAN PA 'BA' ZHIG LA DMIGS PA'I THUGS KYIS, YANG MGRON GNYER GYI DRUNG DU PHEBS TE DON 'DI RNAMS SKYABS MGON CHEN PO'I SNYAN DU 'KHYOL BA ZHIG CIS KYANG ZHU ROGS MDZOD, SKU NA MTHO PA DANG SBYAN MI GSAL TSUL GYIS DA LTA MI YONG NA SLAR YONG NGAM, CHOS 'DI DAG GI LUNG RGYUN CHAD NA NI RANG RE RJES 'JUG KHA THABS ZHAN PAR 'GYUR, YONG MI YONG JI LTAR YANG SKYABS MGON CHEN BO'I SNYAN DU LHUNG BA ZHIG ZHU ROGS MDZOD, MI YONG BA'I BKA' PHEBS BYUNG NA BYA BA GZHAN MED PAS DBEN PA'I GNAS LA 'GRO ZHES NGO 'DZIN MED PAR THUGS NGAR DANG BCAS ZHUS PA NA MGRON GNYER YANG MDZAD THABS DKAL BA BYUNG NAS SNYAN 'BUL ZHUS PA NA, THUGS DGYES BZHIN DU ZHAL GYIS BZHES NAS, DE SNGA PHAN SHLOO KA RE GNYIS KYI LUNG GNANG YANG DMIGS

BSAL GYI YI GE CHEN PO BRIS NAS GNANG DGOS PA LA, DE SKABS PAR MA RANG GI STENG NAS SHOG BU SUM CU TZAM RE THUN RER GNANG BAS ZHABS 'BRING PA SOGS TSANG MA SANGS RGYAS KYI MDZAD PA NI SO SO SKYE BO'I BLO YUL LAS 'DAS SO ZHES NGO MTSAR YA MTSAN DU 'DZIN PA BYUNG, DE NAS DAM PA 'DI NYID DANG ZUR BZHI DPON SLOB SOGS BSHES GNYEN RGOS BSDUS LA SHRE YA'I LUNG TSANG MA GNANG, DENG SANG PAn CHEN THAMS CAD MKHYEN PA'I BKA' 'BUM LUNG RGYUN MA CHAD PAR BZHUGS PA NI BLA MA GRUB PA'I DBANG PHYUG 'DI NYID KYI BKA' DRIN YIN NO, ,DE NAS SLAR YANG LAM RIM GYI KHRID GNANG DGOS TSUL NAN GYIS ZHUS KYANG, SKU NA MTHO TSUL BZHES PA SOGS KYIS GNANG BA MA BYUNG BA'I TSE GSOL BA 'DEBS PA MAN NGAG BZHIN ZHES BYA BA'I MAN NGAG DE YI GER 'KHOD PA ZHIG CIS KYANG DGOS ZHES GSOL BA 'DEBS PAR MDZAD PAS, SKYABS MGON CHEN POS KYANG THUGS DGYES BZHIN DU LAM RIM GSOL 'DEBS KYI DMIGS SKOR MAN NGAG ZHAL SHES GYIS BRGYAN PA 'DI RTZOM PA GNANG NAS LJAGS LUNG YANG GNANG, DE NAS BLA MA NYID KYIS SNGA SOR GRVA SAR BZHUGS SKABS ZHABS DRUNG LHA PA SPRUL SKU RIN PO CHE DANG, ZHAL SNGA NAS 'JAM DBYANGS CHOS 'PHEL SOGS LA LAM RIM GYI KHRID GTING PHYIN PAR GSAN ZHING DBEN PA BSTEN NAS LO MANG POR THUGS NYAMS SU BZHES PAS RANG NYID KYI THUGS LA MI BDE BA GANG YANG MED KYANG, MYUR LAM 'DI LA KHRID RGYUN DAR BA ZHIG BYUNG NA DGONGS NAS SHAR RTZE ZHAL SNGA NAS BLO BZANG MGON

, ,PO LA MYUR LAM GYI KHRID LEGS PAR GSAN ZHING SKYABS MGON CHEN POR YANG RGYU MCHAN ZHUS BA NA, BLA MA NYID LA MYUR LAM GYI KHRID GNANG CHOG PA'I BKA' YANG KHROL PA BCAS PAn CHEN THAMS CAD MKHYEN BA'I GSUNG RNAMS MI NUB CING PHYOGS KUN TU DAR BA'I RTEN 'BREL 'GRIG PAS THUGS RAB TU TSIMS PAR GYUR TO, ,DE NAS BKRA SHIS LHUN POR BZHUGS RING BLO GSAR DON GNYER CAN RNAMS LA TSAD MA RNAM 'GREL ,DBU MA 'JUG PA SOGS GZHUNG MANG PO'I LUNG DANG, BLO SBYONG SOGS CHOS BKA' MANG DU GNANG NGO, ,DE NAS SNAR THANG SOGS GTZANG KHUL GYI GNAS RNAMS LA MCHOD 'BUL SMON LAM MDZAD NAS RIM GYIS GNYA' NANG BRGYUD DE BLA YUL DU PHEBS, KHYUNG RANG BYUNG SOGS BLA YUL GYI GNAS GRAGS CHE BA RNAMS MJAL NAS SMON LAM MDZAD, GTZO BOR SNGON RGYA GAR GYI PAn GRUB RNAMS KYIS KYANG RANG BYUNG GI MCHOD RTEN ZHES BSNGAGS BA RGYA CHER MDZAD PA 'PHAGS PA SHING KUN TU PHEBS, DER ZLA BA GCIG TZAM BZHUGS NAS DE'I RING LA ZHABS SKOR DANG, PHYAG 'BUM ZHIG GSOG BAR MDZAD, DE SKABS THUGS DAM BOGS CHE BA BYUNG YOD 'DUG STA BLA MA NYID KYI ZHAL NAS, ZAB MO DBU MA'I LTA BA 'DI RTOGS PA LA BLA MA LA GSOL BA 'DEBS PA DANG, BSAG SBYANG RANG GAL CHE GSUNG, BSAG SBYANG LA MANG DU 'DUG PA LAS GANG GAL CHE ZHUS PAS, LTUNG BSHAGS LA BRTEN NAS BYED PA GAL CHE TSUL SNGON RJE BTZUN TZONG KHA PA CHEN PO DANG, RTOGS LDAN 'JAM DPAL RGYA MTSO SOGS BKA' RGYUD

'DI'I DAM PA GONG MA RNAMS KYIS MDZAD TSUL GYI KHANGS DANG BCAS ZHIB TU GSUNG, BLA MA NYID KYIS JI LTAR MDZAD ZHUS PAS, NGAS SHING KUN TU LTUNG BSHAGS LA RTEN NAS BSAG SBYANG ZLA BA GCIG GI RING BYAS, DE DGA' MO BYUNG ZHES GSUNG ,DA NAS RIM GYIS YAR PHABS TE SKYID GRONG DU PHEBS, DE NAS 'DIR BZHUGS KYI NGES PA MED PA LA, DGE SLANG DGE 'DUN GYIS CHU TSAN BAR PHEBS BSUR PHYIN NAS, BLA MA RIN PO CHE'I BZHUGS GNAS PHUG PO CHE ZHES BYA BA ME TOG MDANGS CAN LAS SA DMA' ZHING, DBYAR BSIL LA DGUN DRO BA, SHING LJON PA BZANG POS KHOR MOR BSKOR BA, GNAS DBEN ZHING YID DU 'ONG BA ZHIG BTZAL NAS YOD BAS DER PHEBS BAR ZHU ZHES GSOL BA BTAB BA NA, MA 'ONGS PA'I 'BYUNG 'GYUR MKHYEN CING DUS LA BAB PAR GZIGS NAS LCAGS MO PHAG GI LOR DGA' LDAN PHUG PO CHER PHEBS SO, ,DE LTAR DGA' LDAN PHUG PO CHER PHEBS TE SA GZHI BYIN GYIS BRLABS SHING ZLA SHES BZHUGS NAS GANGS RIR PHEBS RTZIS MDZAD PA NA ,BLA MA SNGAGS RAM PAS DA RES BZHUGS DGOS PA'I GSOL 'DEBS MDZAD PAS RE ZHIG BZHUGS PAR ZHAL GYIS BZHES, DE NAS BLA MA NYID LA MI PHYED PA 'DAD BA CAN RDZONG DKAR MKHAN PO DKA' CHEN CHOS MDZAD KYIS SNGA MO NAS GSOL BA BTAB PA LTAR; KHONG GIS GTZO MDZAD DGE 'DUN MANG TZAM LA BYANG CHUB LAM RIM CHEN MO, LAM RIM CHUNG BA, RDO RJE 'CHANG CHEN PO'I LAM GYI RIM PA, RTZA LHUNG RNAM BSHAD, BLA MA LNGA BCU PA'I RNAM BSHAD SOGS RJE RIN PO CHE'I GSUNG

, ,MANG PO'I LUNG; RJE BTZUN BLO BZANG CHOS KYI RGYAL MTSAN DPAL BZANG PO'I GSUNG 'BUM PHAL CHE BA'I LUNG, ZAB LAM NAM MKHA' SGO 'BYED KYI BKA' DBANG, GCOD GZHUNG THAR 'DOD DED DPON MA'I KHRID MAN NGAG ZHAL SHES KYIS BRGYAN PA NYAMS MGUR GYI DBYANGS DANG GNYAN SAR 'GRO TSUL SOGS PHYAG LEN RNAMS KYANG MTHIL PHYIN KHRID PAR MDZAD, GZHAN YANG LHA BTZUN RDO RJE NAS BRGYUD PA'I CHOS BKA' MANG BO DANG, BLO SBYONG GI KHRID, LAM RIM GYI KHRID SOGS ZAB CHOS MANG DU STZAL, DE NAS RDZONG DKAR MKHAN POS SBYIN BDAG MDZAD NAS DGE SLONG RNAMS KYI TSOGS KHANG DANG RUNG KHANG SOGS BZO BAR MDZAD, 'DI SKABS TSOGS KHANG GI GZHI 'DING BA NA, SA DE NA PHA BONG MANG DU YOD PA RNAMS MI GZHAN GYIS THABS CI BYAS KYANG BSGUL MI THUB PA RNAMS, BLA MA NYID KYIS LCAGS KYI THUR MA CHUNG DU ZHIG GIS THABS MDZAD NAS DKA' TSEGS MED PAR 'THON PAR MDZAD PAS 'DI NI NGES BAR RDZU 'PHRUL LO ZHES GRAGS PA'ANG BYUNG 'DUG ,'DU KHANG GI 'OG GZHI'I SA'I NANG NAS DPAL LDAN LHA MO'I RTEN GTOR CI 'DRA BA'I RDO ZHIG THON PAS KUN YA MTSAN CHE BAR BYUNG ZHING, SLAR TSOGS KHANG GI SBUG TU 'JOG PAR MDZAD DO, ,DE SNGA PHAN GSHIN PO'I BSNGO ZHUS SOGS GTAN NAS BZHES PAR MI MDZAD PA LA, RDZONG DKAR MKHAN PO LA SOGS PAS SHI GSON KUN LA PHAN PA'I PHYIR BSNGO ZHUS LA SOGS PA RNAMS CIS KYANG BZHES DGOS ZHES GSOL BA BTAB PHAS, DE PHYIN CHANG BZHES PAR MDZAD

NAS DAR KHA GANG YAN CHAD RDZAS CHE CHUNG CI BYUNG YANG BDAG GIR MI MDZAD PAR DGE 'DUN LA BSNGO BAR MDZAD CING, CHUD ZOS SU MI 'GYUR BA'I DAM BSGRAGS NAN CHE BAR MDZAD, SKABS SHIG TU GRVA CHOS GLING NAS 'BA' RA SPRUL SKU MJAL BAR PHEBS TE CHOS KYI BKA' DRIN ZHUS PA NA, THUGS DGYES PA CHEN POS JO BO RJE DPAL LDAN AA TI SHA'I CHOS CHUNG BRGYA RTZA SOGS CHOS BKA' MANG DU GNANG, DE NAS BLA MA NYID DGUNG LO RE LNGAR PHEBS PA STAG GI LO'I NANG DU SKYABS MGON CHEN PO'I ZHAL MJAL BA'I PHYIR GTZANG PHYOGS SU PHEBS BZHED PA NA, RDZONG DKAR MKHAN POS KYANG GANG CI'I ZHABS TOG 'O MI BRGYAL BA MDZAD RTZIS ZHUS NAS RDZONG DKAR MKHAN PO DPON G-YOG RNAMS DANG STABS GCIG TU RIM GYIS PHEBS NAS BKRA SHIS LHUN PO'I KLU SDINGS SU COG GUR PHUB NAS BZHUGS, GLANGS LO'I MJUG NAS BZUNG PAn CHEN THAMS CAD MKHYEN PA CHEN PO RJE BTZUN BLO BZANG YE SHES SKU KHAMS BSNYUN TSUL BZHES NAS, STAG LO ZLA BA DANG BO GNYIS PA'I NANG DU SKU BSNYUN TSUL CHER BZHES SHING, DE DAG GI TSE NAM MKHA' 'JA' 'OD KYIS KHYAB CING SKABS SKABS SU 'JA' DKAR PO ZUG PA YANG YANG BYUNG, GZHAN YANG LTAS SNA TSOGS BYUNG BA BCAS GRVA SA CHEN PO RNAMS KYIS GTZOS THA GRU KUN NA BZHUGS BA'I DGE 'DUN RNAMS KYIS ZHABS BRTAN SKU RIM LA KHOR MO YUG TU 'GRUS PAR MDZAD CING, LHAG BAR BLA MA NYID LA BLA BRANG CHEN PO NAS SKYABS MGON CHEN BO'I ZHABS BRTAN LA DMIGS PA'I TSE SGRUB CIG MDZAD DGOS TSUL GNANG BAR BKRA SHIS

, ,LHUN PO'I GLING DU BZHUGS NAS ZLA SBREL GYI BAR LA SKU MTSAMS SHIN TU DAM PAR BCAD NAS GRUB RGYAL LUGS KYI TSE SGRUB LA THUN BZHIR MDZAD, DE'I TSE LHAR BCAS 'GRO BA'I BLA MA 'DIM BZHUGS NA NI SKYA BO THAMS CAD MGON DANG BRAL ZHING THUB PA'I BSTAN PA YANG CHU DANG BRAL BA'I PADMA BZHIN DU SKAD CIG LA NYAMS PA LA TSOGS MED CING, DE LTAR NA 'GRO BA'I BDE SKYID KYANG NUB PAR 'GYUR BAS, SKYABS MGOM CHEN PO 'DI NYID KYI ZHABS BRTAN LA 'BAD BA NI 'GRO BA SEMS CAN THAMS CAD KYI DON GYI MCHOG GO SNYAM DU DGONGS NAS TSE SGRUB LA SHIN TU 'GRUS PAR MDZAD CING, THUN RER GZUNGS RING STONG PHRAG RE MA THA 'GRO BAR MDZAD PA SOGS BYA DKA' BA'I BRTZON 'GRUS KYIS BZLAS SGOM LA BRTZON PAR MDZAD PAS, MGON PO TSE DPAG MED KYIS BYIN GYIS BRLABS PA'I DAG PA'I MTSAN MA KHYAD PAR CAN YANG BYUNG ZHING 'DOD PA'I DON GRUB PA'I RTAGS DANG MTSAN MA LEGS PAR BYUNG NAS SKU MTSAMS GROL, DE NAS SKYABS MGON CHEN PO YANG GDUL BYA YONGS KYI BSOD NAMS KYI MTHUS SKU KHAMS LEGS PAR DVANGS TSUL BZHES, DE NAS MI RING BAR SKYABS MGON CHEN POR BYIN RLABS ZHUS TE DON GNYER CAN KHA SHAS LA LHO BRAG BKA' 'BUM SOGS TSOS BKA' MANG DU GNANG NAS PAn CHEN THAMS CAD MKHYEN PA CHEN POR 'DI PHYIR DGE BA'I SKYABS 'JUG ZHUS NAS RIM GYIS PUG CHEN SGRUB SDER PHEBS, DE NAS RE SHIG SKU MTSAMS DAM PO LA BZHUGS, SKU MTSAMS GROL NAS YOS LO ZLA BA BZHI BA'I NANG DU SMYUNG GNAS

GYI 'GO BTZUGS NAS CHOG BRGYAD TSAR GSUM SBREL NAS ZLA BA PHYED GNYIS LHAG TZAM GYI RING LA SMYUNG GNAS MDZAD DE, GDAN GCIG DANG KHRUS KYI RIM PA, DNGOS GZHI LHA DRUG SGOM TSUL SOGS BYA BA'I RGYUD NAS BSHAD PA LTAR PHYAG LEN SHIN TU DAG BAR MDZAD CING, PO BSTOD NYER GCIG GI RING DBYANGS DANG BCAS TE PHYAG 'TSAL LA BRTZON PAR GNANG, GTZO CHER YIG DRUG GA BSNYEN PA THUN RER KHRI TSO RE TZAM 'GRO BAR MDZAD NAS SHIN TU 'GRUS PAR MDZAD PAS NUB CIG MNAL LAM DU MI DKAR BO ZHIG GIS DA GZUNGS RING BGRANG NA LEGS ZHES BRJOD PA ZHIG GSAL BAR BYUNG BAS DE PHYIN GZUNGS RING LA BRTZON PAR MDZAD, TSUL 'DI LA DPAGS NA DE'I TSE DAG PA'I MTSAN MA MANG PO BYUNG YOD TSOD 'DUG KYANG DE TZAM LAS GSUNG BA MI GNANG, DE'I TSE GRVA SLOB RNAMS BLA MA BDAG NYID CHEN PO SKU NA 'DI LTAR DU MTHO BA YANG PHYAG 'TSAL SOGS BSAG SBYANG LA 'DI LTAR 'GRUS PAR MDZAD NA, BDAG CAG LE LOR GNAS PA GA LA RIGS SNYAM DU CHUD DANG PHRAD PA'I PADMA BZHIN DU DPON SLOB TSANG MA THUGS DAM SHIN TU 'PHEL, ZLA BA BDUN PA'I NANG DU BSLAB PA KUN LAS BTUS PA, RGYAL SRAS BKA' 'BUM, DGONGS PA RAB GSAL, RTZA SHE'I t'IKA CHEN SOGS CHOS MANG DU GNANG, DON GNYER CAN KHA SHAS LA BSNYEN RDZOGS KYANG GNANG, DE NAS STON GYI RING LA MKHAS GRUB THAMS CAD MKHYEN PA'I BKA' 'BUM THOR BU BA, SDOM GSUM RNAM GZHAG THUB BSTAN BYI DOR, ZHU LAN NOR BU'I PHRENG BA, BLO SBYONG MTSON CHA

, ,'KHOR LO, MDO SDE RGYAN, MI RTAG PA'I TSOMS, DRANG NGES RNAM 'BYED, MDO SDE BSKAL BZANG, MDZANGS BLUN, BRGYAD STONG BA RNAMS KYI LUNG GNANG ZHING BRGYAD STONG BA GNANG SKABS SPYAN CHAB MANG DU BYUNG BA SHANGS PHYIS KYI SHANGS SNABS PHYID PA'I RNAM PA DANG, ZHAL GDONG LA 'GEB PA SOGS MDZAD NAS, SPYAN CHAB MI MNGON PAR MDZAD KYANG, BRGYAD STONG PA GNANG RING SPYAN CHAB NAR MAR BYUNG ZHING, SKABS SKABS SU SPYAN HUR BAG TU MDZAD NAS DGYES PA'I RNAM PA SHIN TU CHE BA RE YANG MDZAD, RES 'GA' ZAB MO'I DKA' GNAS 'DRA LA GZIGS NAS DAN SO RGAS SONG GZHAN MA CHOS BYA RGYU RANG ZHIG 'DI NA 'DUG PA YIN TE ZHES GSUNG BAR YANG MDZAD, 'DI NI RGYAL BA'I BSTAN BA SPYI'I GNAD MKHYEN PA'I MKHAS BA RNAMS LA NGO MTSAR BSKYED PA'I RNAM BAR THAR BA ZHIG STE, SNYIGS MA LAS KYANG CHES SNYIGS MAR GYUR PA'I DUS 'DIR RGYAL BA'I GSUNG RAB RNAMS RIM GRO LA NYE BAR MKHO BA DANG, PHYAG MCHOD KYI YUL TZAM DU 'DZIN PA MA GTOGS NYAMS LEN GYI GNAD RNAMS DE NA YOD PA'I THE TSOM TZAM YANG SKYE BA SHIN TU DKON PA LA, DAM PA 'DIS NI GDAMS PA'I GNAD MTHAR THUG RNAMS GSUNG RAB NYID LA YOD PAR GZIGS PA YIN NO, ,DE NAS 'BRUG LO ZLA BA BZHI PA'I NANG DU DON GNYER CAN RNAMS KYIS YUN RING MO NAS GSOL BA BTAB BA LTAR DUS GSUM GYI SANGS RGYAS THAMS CAD GANG NAS GSHEGS SHING GSHEGS PAR 'GYUR BA'I LAM PO CHE, SDE SNOD GSUM GYI BRJOD BYA THAMS CAD PHYOGS GCIG TU BSDUS PA,

DPAL LHA CIG D'I BAm KA RA DANG CHOS KYI RGYAL BO TZONG KHA BA CHEN PO GNYIS KYI THUGS KYI BCUD BYANG CHUB LAM GYI RIM BA'I DMAR KHRID, RJE BTZUN BLO BZANG YE SHES DPAL BZANG PO'I GSUNG MYUR LAM GYI STENG NAS SHIN TU RGYAS PA DPAL DBEN SA PA'I MAN NGAG GI GNAD RNAMS TSANG BAR ZLA BA GCIG GI RING GNANG, CHOS KYI DKYIL TZAM DU SKU KHAMS MI BDE BA ZHIG BYUNG NAS NYIN GCIG GNYIS CHOS MTSAMS MDZAD DGOS BYUNG BAS, DGE SLONG RNAMS KYIS RANG RANG GI 'BYOR PA CI YOD BSDUS NAS BLA MA GRUB PA'I DBANG PHYUG CHEN POR SKU GSUNG THUGS RTEN, DBU ZHVA, SNAM SPYAR, LHUNG BZED, GDING BA SOGS YO BYAD CI 'BYOR DANG BCAS MAndAL PHUL TE ZHABS PAD BSKAL BRGYAR BRTAN PA DANG SKU BSNYUN BA'I TSUL MI STON PAR CHOS KYI 'KHOR LO BSKOR DU GSOL ZHES GSOL BA BTAB PA NA, CHOS PHYIR LUS LONGS SPYOD THAMS CAD 'BUL BA NI KHYED RANG RNAMS TSOGS RDZOGS SHING SNGON GYI GRUB CHEN RNAMS KYI RNAM THAR DANG MTHUN PAS RTEN 'BREL LEGS ZHES GSUNG ZHING DGYES NYAMS CHEN PO MDZAD, DE MA KHAD BSNYUNG GZHI LEGS PAR DVANGS SHING CHOS 'PHRO YANG DGYES BZHIN RDZOGS PAR GNANG, CHOS GROL NAS GTANG RAG GI MCHOD PA RGYAS BAR BSHAMS TE SEMS BSKYED ZHUS PAR SPYOD 'JUG NAS 'BYUNG BA LTAR DGYES BZHIN DU GNANG, 'BRUG LO'I STON RJE MI LA'I RNAM MGUR, TSUL KHRIMS LE'U'I RNAM BSHAD BYANG CHUB GZHUNG LAM, 'DUL BA MDO RTZA, TSAD MA RNAM 'GREL, DBU MA RIGS TSOGS DRUG ,'DUL BA'I BSLAB BYA CHAN MO, GZHI GSUM CHO GA SOGS LUNG MANG

, ,PO DANG, BYIN RLABS NAM MKHA' SGO 'BYED KYI DBANG, GCOD KYI ZAB KHRID RGYAS BA BCAS GNANG NGO, ,DE NAS SBRUL LO'I NANG DU PHAL CHER SKU MTSAMS LA BZHUGS SHING DON GNYER CAN RNAMS LA PAn CHEN THAMS CAD MKHYEN PA RJE BLO BZANG YE SHES KYI GSUNG 'BUM GYI LUNG SOGS CHOS BKA' MANG DU GNANG, DA NAS RTA LO DANG LUG GI LO PHAL CHER SKU MTSAMS LA BZHUGS SHING, LUG LO'I STON DGA' LDAN PHYAG RGYA CHEN PO'I BKA' KHRID SNGON 'GRO'I KHRID BZHI DANG BCAS PA RGYAS PAR STZAL, DE LTAR BLA MA BDAG NYID CHEN PO 'DIS BSTAN PA'I DON DU DGE 'DUN GYI SDE BTZUGS SHING BCAS KHRIMS DAM PAR MDZAD, RDZONG DKAR CHOS SDE NAS RAB BYUNG DON DU GNYER BA RNAMS LA YANG DGYES BZHIN DU GNANG, GZHAN YANG GRUB MTHA'I PHYOGS LHUNG GTAN NAS MI MNGA' BAR RIS SU MA CHAD PA'I SKYE 'GRO KUN LA THUGS BRTZE BA 'BA' ZHIG MDZAD PAS, GRUB MTHA' RIS SU MA CHAD PA'I BSTAN 'DZIN THAMS CAD KYANG DAM PA 'DI'I ZHABS LA GTUGS NAS BYIN RLABS DANG CHOS 'BREL ZHU BA DANG, DGE BSNYEN, DGE TSUL, DGE SLONG GI SNGOM PA BLANGS NAS THUB PA'I BSTAN PA LA ZHUGS TE BCAS KHRIMS SRUNG BA MANG DU BYUNG BAS, BAL BOD MTSAMS KYI YUL PHYOGS 'DIR THUB PA'I BSTAN PA MING TZAM YANG MA LUS PAR NUB PA'I DUS 'DIR BLA MA GRUB PA'I DBANG PHYUG CHEN PO 'DIS THUB PA'I BSTAN BA DAR BAR MDZAD PAS NA RGYAL BA'I BSTAN PA LA BYA BA CHEN PO MDZAD CING BAL BOD MTSAMS KYI SKYE 'GOR RNAMS LA BKA' DRIN ZLA MED DU MDZAD DO,,

DA LTAR SKU DNGOS KYI GDUL BYA 'DUL BA'I MDZAD PA RNAMS RDZOGS NAS ZHING KHAMS GZHAN DU 'BYON PA'I DGONGS PA GTAD BAN MI RTAG PA'I GSUNG YANG YANG GNANG ZHING, DUS BZHI'I 'GYUR LDOG LA BRTEN NAS NAM ZLA DBYAR KHA KHO SONG, STON KA RU SLEB BYUNG GSUNG BA SOGS MI RTAG PA'I GTAM RANG GSUNG, RES 'GA' GSUNG SGROS KYI MU NAS SNGON GYI BYUNG BA MANG PO DANG, JO BO RJE DANG, RJE BTZUN TZONG KHA BA YAB SRAS RNAMS KYIS DGUNG LO JI TZAM BZHUGS PA SOGS GSUNGS NAS , SNGON GYI DAM PA RE GNYIS MA GTOGS NGED RANG YANG LO RING TSAD DU SLEB PA YIN PAR 'DUG CES GSUNG BA DANG, YANG LAN CIG LO GSUM TZAM NAS 'CHI BA SHES KYIN YOD PA 'DRA, LO GCIG NAS 'CHI BA NI SHES TSOD RANG DU 'DUG CES GSUNGS NAS BZHAD MO MDZAD DE ,DE NI RANG NYID JI TZAM LA GSHEGS MKHYEN PAR 'DUG GO, DE NAS SKU BSNYUNG TSUL MDZAD CING BZHENG BZHUGS DKA' BAR BYUNG BA'I TSE, DA NI GSUNG RIS DANG MDZAD PA GANG LA BRTAGS KYANG MA LEGS SO SNYAM NAS ZHABS BRTAN LA BRTZON PAR BYAS SHING, SPYI SGER THAMS CAD NAS ZHABS BRTAN PHUL BAR THUGS MNYES MNYES MDZAD CING ZHAL BZHES NI MA GNANG, TSE RING DU GNAS NA RNAM DKAR GYI, ,LAS BZANG PO SGRUB PO SHI YANG BDE, ,LAS BAG CHAGS BZANG PO'I DANG DU 'CHI, ,AA LA LA GSON SHI SEMS LA SNYOMS, ,TSE SGRUB KUN JI LTAR DGYES DGYES MDZOD, ,CES GSUNGS PA DE YIN PAR 'DUG CES GSUNG BA DANG, YANG LAN CIG KHYED GROGS PO TSOS 'DI GTZAM GYI DAG SNANG BYED LUGS KYIS

, ,DBEN SA SNYAN RGYUD KYI BSTAN PA 'DI DA DUNG DAR RGYU YIN SHAS CHE ZHES TSIG NUS PA CAN DBYAD DKA' BAR GSUNG, DE NAS BLA MA NYID KYI PHYAG NA YOD PA'I DNGOS CHAS RNAMS DGE PHYOGS SU BSNGO BAR MDZAD, ZHABS 'BRING DU 'KHOD PA'I DGE SLONG RNAMS LA YUM GSUNG SGROG DANG RDO RJE 'JIGS BYED KYI SGRUB MCHOD CIG TSUGS GSUNGS, DE LTAR BKA' BZHIN DU BSGRUBS SKU GZUGS BSNYUNG BAB LCI YANG ZHAL MDANGS SHIN TU RGYAS SHING DED DPON YID BZHIN GYI NOR BU THOB NAS RANG YUL DU 'GRO BA LTAR ZHING BRJE BA LA DGYES NYAMS KYI SPRO BA CHEN BO MDZAD CING, SKU DNGOS KYI GDUL BYA RNAMS RDZOGS PA NA DGUNG LO DON GNYIS SU PHEBS PA LCAGS MO BYA LO'I ZLA BA GSUM PA'I TSES BCU'I NAM LANGS TZAM LA LHA DANG LHA MO RNAMS KYIS GDUGS DANG, RGYAL MTSAN DANG, BA DAN DANG, ROL MO SOGS MCHOD PA'I BYE BRAG BSAM GYIS MI KHYAB BA THOGS PA'I BSU BA DANG BCAS TE DGA' LDAN YID DGA' CHOS 'DZIN DU GSHEGS SO,, DE'I TSE THAMS CAD STONG PA 'OD GSAL MNGON DU MDZAD PA NA, 'OD GSAL DE NYID 'DI 'DRA'O ZHES MTSON PA'I PHYIR DU NAM MKHA' NI SPRIN DANG, RDUL DANG, KHUG RNA SOGS GANG GIS KYANG SGRIB PA MED PA SHIN TU G-YA' DAG CING, SA GZHI LA RLUNG GI RGYU BA PHRA MO TZAM YANG MED PAR GYUR TE, DE NAS DGE SLONG RNAMS KYIS DPAL RDO RJE 'JIGS BYAD CHEN PO'I DKYIL 'KHOR ZHAL PHYE NAS BLA MA DANG DKYIL 'KHOR GYI GTZO BO THA MI DAD PA LA PHYI NANG GSANG BA DE KHO NA NYID KYIS MCHOD CING, SMON LAM

KHOR YUG TU MDZAD, STENG 'OG NAS BYANG SEMS BABS PA SOGS THUGS DAM GROL BA'I RTAGS RNAMS BYUNG BAN, PHYOGS MTHA' DAG NAS 'DUS PA'I DAD LDAN RNAMS KYIS MCHOD PA DPAG TU MED PA PHUL ZHING GSOL BA BTAB NAS LAS BZANG PO'I 'BREL PA BZHAG ,THUGS DAM GROL BA NAS BZUNG NAM MKHA'I DKYIL RGYA MTHING BZANG PO'I MDOG LTAR SNGO ZHING DANGS PA LA, PHYOGS KYI RI RTZE RNAMS SU SPRIN GSAR DKAR PO BLA BRE LTAR BRES PA DANG, 'GA' ZHIG GDUGS LTA BU, 'GA' ZHIG BA DAN LTA BU, 'GA' ZHIG RGYAL MTSAN LTA BU DANG, PHYOGS PHYOGS SU 'JA' 'OD KHA DOG SNA LNGA PA 'PHYANG BA SOGS ZHAG MANG PO'I BAR LHA RNAMS KYIS MCHOD PA'I LTAS DPAG TU MED PA BYUNG NGO, ,BLA MA BDAG NYID CHEN PO 'DI'I RNAM PAR THAR PA RGYAS PAR NI THUB BSTAN MDZES RGYAN RIN PO CHE'I PHRENG BA DANG, GSANG BA MCHOG GI MDZAD PA LAS BRTZAMS TE RTOGS PA BRJOD PA DNGOS GRUB KYI SNYE MA ZHES BYA BA GNYIS SU BDAG GIS RGYAS PAR BRIS ZIN PAS DA DAG LAS SHES SAR BYA'O, , DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BYA BRAL GRUB PA'I DBANG PHYUG CHEN PO 'DI LA GSOL BA 'DEBS SHING, BDAG NYID CHEN PO 'DI'I RNAM THAR LTAR MDO SNGAGS KYI GZHUNG LA THOS PA PHU THAG CHOD PA BYAS SHING SNYAN RGYUD KYI MAN NGAG THOB PAR BYAS LA TSE 'DI BLOS BTANG STE DBEN PA'I RI SUL DU 'CHO BA DKA' THUB LA GNAS NAS TSE DANG SGRUB PA MNYAM PAR BYA ZHING, DE TZAM MA THUB KYANG BDAG NYID CHEN PO 'DI'I MDZAD PA RNAM THAR RNAMS

, ,SMON LAM GYI YUL DU BYAS TE NYIN RE BZHIN LAM CHA TSANG LA BAG CHAGS CI THEBS BYA'O,, ` ,,RJE BTZUN BLO BZANG CHOS KYI RGYAL MTSAN NAS DRUNG BA YAB SRAS RNAMS DANG DE NAS RJE SGRUB KHANG PA SOGS LA BRGYUD PA'I BLA MA RNAMS KYI RNAM PAR THAR PA 'CHAD PA LA DRUNG BA RGYAL TSAB BA'I RNAM THAR NI SNGAR BRJOD ZIN LA, RJE BTZUN BLO BZANG DAM CHOS RGYAL MTSAN ZHES BSNGAGS PA, DRUNG PA RTA PHUG PA BLO BZANG DAM CHOS RGYAL MTSAN NI, STOD MNGA' RIS SKONG GSUM GYI NANG TSAN ZANGS DKAR GYI YUL GYI CHA ZANGS LA ZHES BYA BAR YAB MNGA' RIS CHOS RGYAL GYI GDUNG RGYUD DPAL LDE ZHES BYA BA DANG, YUM SKYID 'DZOM ZHES PA GNYIS KYI SRAS SU LUG GI LO NGO MTSAR BA'I LTAS DANG BCAS TE 'KHRUNGS, DE GONG DU SRAS MANG PO TSE MA ZIN PAS SRI CHOD THABS SU GZHON NU 'DI'I MTSAN LA KHYI DPAL LDE ZHES BTAGS, SKYES RABS MANG BOR LAM LA SBYANGS PA'I BAG CHAGS SAD PAS MNO SHES PA NAS BZUNG BYIS PA THA MAL PA LTAR NGAN SPYOD GANG YANG MI MDZAD PAR SKU GSUNG THUGS RTEN MTHONG NA DGA' ZHING DE LA MCHOD PA BYED PA DANG, GSUNG NGAG MA BYE GONG DU YANG TSIG 'BRU MI GSAL BAR CHOS DANG GZUNGS SNGAGS SNA TSOGS BZLA BA ZHIG BYUNG, DE NAS DBUS GTZANG CHOS KYI ZHING DU PHYIN NAS CHOS RNAM DAG CIG BYA 'DOD PA NAR MAR BYUNG YANG YAB YUM DANG NYE DU SOGS KYIS GTONG DU MA NYAN PAR RE SHIG KHYIM DU

ZHUGS NAS 'DRI KLOG DANG CHOS SPYOD 'DZIN PA SOGS LA BRTZON PAR MDZAD, DE NAS DGUNG LO BCU DRUG LON PA'I TSE DRUNG BA BLO BZANG RNAM RGYAL ZHES PA'I DAM PA ZHIG YOD PA DE'I DRUNG DU SKRA BCAD, YONGS RDZOGS DGE BSNYEN KYI SDOM PA ZHUS, DE SKABS PAn CHEN BLO BZANG CHOS KYI RGYAL MTSAN GU GE MTHO LDING DU PHEBS NAS MNGA' RIS SKOR GSUM GYI SKYA SER TSANG MAS DAD GUS BLA LHAG TU CHE BAR BYED PAS DAM PA 'DI LA'ANG DRUNG PA BLO BZANG RNAM RGYAL GYIS PAn CHEN BLO BZANG CHOS KYI RGYAL MTSAN GYI MTSAN NAS DRAS TE BLO BZANG RGYAL MTSAN ZHES BTAGS, DE NAS RTZA BZHI CHANG DANG BCAS PA SROG DANG BSDOS TE BSRUNG ZHING YUL DE'I DBEN GNAS DU MAR DGE SBYOR LA BRTZON PAR MDZAD, DE'I TSE BYA BRAL GNAS NGES MED DU 'BYON PA MTHONG TSE BDAG KYANG NAM ZHIG NA TSE 'DI'I GNYEN NYE DU GANG GIS KYANG MTHONG TSOR MED PAR DBEN PA'I RI SUL DU 'TSO BA DKA' THUB LA GNAS NAS DPON MED G-YOG MED SNA THAG MGO DKRIS KYI SPYOD PAS SGRUB PA SNYING BOR BYED BZHIG NAM 'ONG SNYAM PA 'BA' ZHIG 'KHRUNGS, DE NAS SNGAR DBUS GTZANG DU SLOB GNYER LA 'GRO MYONG BA 'GA' ZHIG GIS MNGON RTOGS RGYAN ZIN NA YONG ZHES BSKUL BA NA DRUNG PA 'DI BA GROGS MCHED GSUM GYIS 'DZIN PAR MDZAD DE NYIN RE BZHIN NAM LANGS TE YI GE MTHONG TZAM NAS KHANG BA LA NYIM MA SHAR GYI BAR LA SHLOO KA BCO BRGYAD RE 'CHAG MED DU 'DZIN PAR MDZAD, GZHAN YANG BSHES SPRID DANG DBU MA 'JUG PA SOGS GZHUNG MANG PO GZUNG BAS DER GNAS PA KUN NGO MTSAR YA MTSAN DU

, ,GYUR NAS 'DI 'DRA BA'I MKHYEN RABS CHE BA DBUS GTZANG DU PHYIN NAS GZHUNG LUGS CHEN MO RNAMS LA SBYANGS NA GZHAN DANG MI 'DRA BA ZHIG 'ONG ZHES BSNGAGS PA BYUNG, DE NAS DGUNG LO NYER LNGA LA BAB PA NA KHYIM GYI GNAS NI SDUG BSNGAL DU MA'I 'BYUNG GNAS SU RIG NAS YID 'BYUNG DANG SKYO SHAS SHUGS DRAG POS DA RIS DAL BA'I RTEN LAN CIG THOB PA 'DI DON LDAN DU BYA PHYIR DBUS GTZANG DU PHYIN LA CHOS RNAM DAG CIG BYA'O SNYAM DU THAG BCANG NAS RANG YUL NOR LONGS SPYOD GNYEN NYE DU THAMS CAD DANG GSON BRAL BYAS NAS RIGS MTHON POR SKYAS PA'I NGA RGYAL DANG SNYEM BA GANG YANG MED PAR 'TSO BA BSOD SNYOMS LA BRTEN TE BYA BRAL RTUL ZHUGS KYI SPYOD PAS DBUS GTZANG GI LJONGS SU PHEBS SO, ,DE NAS BKRA SHIS LHUN POR PHEBS PA NA PAn CHEN BLO BZANG CHOS KYI RGYAL MTSAN SOGS DMAG GI CHIN GSAL PHEBS PA DANG THUGS STE MA BZHUGS PAS DKYIL KHANG GI RDZA ZHAL SNGA NAS SMAN BLA MA'I DRUNG DU RAB TU BYUNG STE DGE TSUL BSGRUBS, MTSAN SNGAR GYI DE'I STENG DU DAM CHOS ZHES PA BSNAN TE BLO BZANG DAM CHOS RGYAL MTSAN ZHES BTAGS, DGE TSUL GYI BSLAB BYA RNAMS LEGS PAR BSRUNG ZHING GZHUNG LUGS LA SBYOD BA'I 'GO BRTZAMS, DE NAS PAn CHEN THAMS CAD MKHYEN PA BLO BZANG CHOS KYI RGYAL MTSAN PHEBS PA NA MJAL BAR BYON PAS DRUNG PA 'DI NYID RJE NYID KYI THUGS SRAS DAM BAR 'GYUR BAR MKHYEN NAS SKU MDUN DU BZHAG NAS YUL GANG NAS YIN DON GANG LA

'ONGS SOGS BKA' DRI ZHIB TU GNANG BAR RANG GI YUL DANG DE NAS 'ONGS PA'I BSAM BA'I KHYAD PAR RNAMS ZHIB TU ZHUS BA NA THUGS SHIN TU MNYES NAS DA KHYOD 'DI RU SDOD DAM DBUS SU 'GRO GSUNGS, DRUNG PA 'DI BAS AA KHU DRUNG PA RGYAL TSAB PA DANG POR DVAGS PO GRVA TSANG LA BYON PAS BDAG KYANG DVAGS PO GRVA TSANG LA 'GRO ZHUS PAS, PAn CHEN THAMS CAD MKHYEN PA CHEN PO'I ZHAL NAS GRVA SA GAR PHYIN YANG RANG GIS NUS PHYIN MTSAN NYID KYI SLOB GNYER BYED PA LA KHYAD MED DE DBANG LUNG MAN NGAG THOB PA LA 'DIR BSDAD NA LEGS BA YONGS GSUNG BA LA DRUNG PA 'DI PAS THUGS LA GANG SHAR DRANG POR ZHUS TE, 'DIR SDOD BA LA CHAS DNGOS KYANG GANG YANG MED AA KHU DRUNG PA RGYAL TSAB PA YANG DVAGS PO GRVA TSANG LA PHEBS PA BCAS DER 'GRO BSAM PA YONG ZHUS PA NA PAn CHEN THAMS CAD MKHYEN PAS 'ON 'U RANG GNYIS SHO DRIL, NGA'I SHO CHE BA BYUNG NA 'DIR SDOD, DRUNG PA RANG SHO CHE BA BYUNG NA DBUS SU RGYUG GSUNGS NAS PHYAG GIS DUNG SHO GNYIS DRIL TE 'DI 'AM BU'I YIN; 'DI DRUNG PA'I YIN ZHES ZHAL BA'I STENG DU DRIL BA NA DRUNG PA 'DI PA'I SHO MIG CHUNG BA BYUNG PAS PAn CHEN THAMS CAD MKHYEN PA THUGS MNYES NAS 'DIR SDOD PA DGA' BA 'DUG ,DBANG LUNG RJES GNANG SOGS CHOS GANG 'DUG KYANG SHOG GSUNGS, 'DI PAS KYANG THUGS RJE? CHE ZHES ZHUS, DE NAS CHOS GRA 'GRIMS TE THOG MAR RNAM 'GREL LA SLOB GNYER MDZAD CING PAn CHEN THAMS CAD MKHYEN PA CHEN POS CHOS GANG GNANG YANG BLA BRANG NAS BRDA GTONG BAR MDZAD PAS MDO SNGAGS

, ,KYI CHOS BKA' MTHA' YAS PA RIM PAS THOB, BAR SKABS SHIG CHU MA 'PHROD BAS BAD KAN GYIS BSNYUN TSABS CHE TZAM ZHIG BYUNG BA SMAN BA RNAMS KYIS NAD 'DI LAS MI THAR ZHES BLOS BTANG BA NA, PAn CHEN THAMS CAD MKHYEN PA CHEN POR SKYABS 'JUG ZHUR PHEBS BAS BAn CHEN THAMS CAD MKHYEN PA CHEN POS SGROL LJANG GI MNGON RTOGS SHIG GI LJAGS LUNG GNANG NAS SNGON GYI LAS 'BREL ZHIG 'DUG PAS SGROL MA 'DI LA BSNYEN PA ZHIG GYIS DANG DGA' MO YONG ZHES BKA' PHEBS, DE 'PHRAL DU MTSAMS BCAD DE BSNYAN PA MDZAD PAS RJE BTZUN MA SGROL MA'I ZHAL GZIGS BSNYUN GZHI YANG DRANGS, DE NAS BZUNG STE SKU TSE PHRIL POR NYIN RER SGROL BSTOD GANG 'GRUB RE DANG, LEGS BRIS MA TSAR RE 'CHAG MED ZHAL 'DON MDZAD, DE NAS BAR SKABS SHIG GNAS BSKOR ZHIG MDZAD, DE NAS BKRA SHIS LHUN POR PHEBS NAS SNGAR RGYUN BZHIN THUGS GNYER LA BRTZON PAR MDZAD PAS 'BRUM BU'I NAD KYIS PHYOGS THAMS CAD KHYAB CING NAD BYUNG TSAD SHI BA ZHIG BYUNG BA NA MNGA' RIS PHYOGS KYI SLOB GNYER BA PHAL CHER RANG YUL LA BROS, DAM PA 'DIBS PAn CHEN THAMS CAD MKHYEN PA CHEN PO'I SKU MDUN DU PHYIN NAS RANG YUL LA PROS PA LEGS SAM JI LTAR LEGS ZHES ZHUS PA NA, DA LAM DGA' MO YONG 'GRO GSUNG ZHING SRAN NAG BDUN LA LJAGS SNGAGS BTAB STE DAR DMAR ZHIG LA DRIL NAS RGYAS BTAB STE 'DI SKE LA THOGS, ZHAG BDUN SONG BAN YANG LEN DU SHOG GSAR PA STER BA YIN

RNYING PA'I SRAN MA RNAMS KHYUR MID GYIS CHOS GRVA MA CHAG PAR RGYUG GSUNGS, BKA' BZHIN BYAS BAS 'BRUM BU'I NAD MA BYUNG ZHING SLOB GNYER 'PHEL BA BYUNG BAS BLA MA LA SANGS RGYAS DNGOS GYI 'DU SHES BCOS MA MIN PA 'KHRUNGS, DE NAS RE SHIG DRUNG PA RGYAL TSAB PA DANG MNYAM DU DBEN BA'I GNAS MANG POR THUGS DAM GANG 'PHEL MDZAD, LHAG PAR RTA NAG LA KHAR BZHUGS RING RJE ZHAL SNGA NAS SMAN BLA BA LA KHA CHOS SDE'I BLA MAR PHEBS PA DANG THUG PAS MJAL BAR PHEBS, DE'I TSE BLA MA DE'I ZHAL NAS KHYED RI KHROD PA TSOS BKA' DRIN GSOL 'DEBS MA 'DZIN DGOS GSUNGS, BLA MA DGONG JA'I TSOGS LA PHEBS PA DANG MNYAM DU 'DI BAS BKA' DRIN GSOL 'DEBS MA BZUNG BAS BLA MA DGONGS TSOGS NAS TSUR PHEBS DUS ZIN THUB PA BYUNG BLA MA LA ZHUS PAS BLA MA HA LAS TE DE 'DRA MI BDEN RIB TZAM ZHIG LA DE TZAM ZIN MI THUB GSUNG, 'DI PAS ZIN NAS 'KHYOR TZAM YOD ZHUS NAS BSKYAR BAS BLA MA DES NGO MTSAR YA MTSAN DBE MED DU 'DZIN PAR MDZAD DE, PAn CHEN BLO BZANG CHOS KYI RGYAL MTSAN GYIS MDZAD PA'I BKA' DRIN GSOL 'DEBS MA 'DI LA SHOG BU BZHI TZAM YOD PA DGONG TSOGS RI'I YUN LA LJAGS 'DZIN THUB PA 'DI NI MKHYEN RAB RMAD DU BYUNG BA ZHIG GO ,DE NAS NUB GCIG MNAL LAM DU PAn CHEN BLO BZANG CHOS KYI RGYAL MTSAN GYIS THOG MA'I BLO SBYONG GI LJAGS LUNG YONGS RDZOGS GNANG BA GSAL BAR RMIS BZHIG BYUNG, DE NAS BKRA SHIS LHUN POR PHEBS TE PAn CHEN THAMS CAD MKHYEN

, ,PA MJAL BA NA DRUNG PAS THOG MA'I BLO SBYONG GI LUNG THOB BAM GSUNG, SNGAR MA THOB ZHUS PA NA 'O NA DA LTA LUNG ZHIG BYED DGOS YOD BAS SHOG RI KHROD BA LA 'DI GAL CHE GRUB CHEN GNAS BCU PA 'DI YANG THOG MA'I BLO SBYONG THOS PA'I RKYEN GYIS BLO CHOS LA 'KHUL TE RTOGS PA MTHON POR SONG BA YIN GSUNGS NAS DGYES BZHIN DU LUNG GNANG, DE NAS DGUNG LO SUM CU SO GNYIS SU PHEBS BA NA PAn CHEN THAMS CAD MKHYEN PA CHEN POR BSNYEN RDZOGS KYI SDOM PA ZHUS 'DUL BA'I BSLAB BYA RNAMS KYANG RGYAS PAR SLOB BAR MDZAD, PAn CHEN THAMS CAD MKHYEN PA CHEN PO LA THOG MA MJAL PA NAS BZUNG CHOS BKA' MTHA' YAS PA GSAN ZHING TSOGS CHEN DU GNANG BA'I GRAS LA, SGRUB THABS BRGYA RTZA'I NANG GI LHA RNAMS KYI RJES GNANG DANG LJAGS LUNG, LHO BRAG GRUB CHEN GYI BKA' 'BUM, 'JAM DBYANGS CHOS SKOR ,JO BO'I CHOS CHUNG BRGYA RTZA, RJE DGE 'DUN RGYA MTSO'I GSUNG 'BUM GYI STOD, BSLAB BTUS, BYANG CHUB GZHUNG LAM, SBYIN SREG DNGOS GRUB RGYA MTSO, MKHAS GRUB RIN PO CHES MDZAD PA'I 'JIGS BYED KYI BSKYED RIM, STON PA'I RNAM THAR CHEN MO, DGA' LDAN CHOS 'BYUNG, GTZUG TOR GDUGS DKAR GYI MDO SOGS KYI LUNG, SGROL MA NYER GCIG GI RJES GNANG, PHAG DKAR SHES RAB GSAL BYED KYI RJES GNANG, 'JAM DBYANGS DBA' GCIG ,AA RA PA TZA NA, 'JAM DBYANGS DKAR PO, 'JAM DPAL NAG PO, 'JAM DBYANGS SMRA SANG, DUS MA CHEN MA, KU RU KULLE, DBYANGS CA NA MA, SGROL DKAR LJANG, RI KHROD MA, GTZUG

TOR GDUGS DKAR, RNAM RGYAL MA, SME BRTZEGS, SENG GDONG MA, DZAM SER NAG ,THUB BA RDO RJE GDAN MA, MI G-YO PA SNGON PO, SPYAN RAS GZIGS PHYAG BZHI PA, SENG GE SGRA, RTA MGRIN GSANG SGRUB, LCAGS RAL CAN, SNA TSOGS YUM RNAMS KYI RJES GNANG, GSANG 'DUS, 'JIGS BYED BDUD LAS RNAM RGYAL, 'JIGS BYED BCU GSUM MA RNAMS KYI DBANG, MGON PO PHYAG DRUG BA, CHOS RGYAL PHYI NANG GSANG GSUM, ZHAL BZHI PA, LHA MO, GUR MGON, RNAM SRAS, BEG TZE, PHYAG RDOR 'KHOR CHEN, GTUM PO, AU TZARYA, GOS SNGON CAN RNAMS KYI RJES GNANG GSAN, GZIM CHUNG DU SGER DU GNANG BA LA GSANG 'DUS MI BSKYOD PA'I DBANG, BDE MCHOG L'U AI PA'I DBANG, 'JIGS BYED BCU GSUM MA'I DBANG, MI 'KHRUGS PA'I DBANG, NAM MKHA' SGO 'BYED KYI DBANG DANG GCOD KYI KHRID RNAMS GSAN ZHING, LHAG PAR LAM RIM GYI KHRID DPAL DBEN SA SNYAN RGYUD KYI MAN NGAG SKYES BU CHUNG NGU YAN DAM BA 'DI GCIG PU LA GZIM CHUNG DU RGYAS PAR GNANG ZHING, SKYES BU 'BRING TSUGS NAS DRUNG PA RGYAL TSAB PA YANG DER PHEBS PA DANG THUG STE DRUNG PA GNYIS PO LA LAM KHRID YONGS RDZOGS SNYAN RGYUD KYI MAN NGAG GEGS SEL BOGS 'DON DANG BCAS PA TSANG BAR GNANG ZHING DE'I TSE GANG GNANG BA THAMS CAD BDAG NYID CHEN PO 'DIS THUGS SU CHUD PAR MDZAD DO, ,DE NAS DRUNG PA 'DIS LAM RIM CHUNG BA THUGS 'DZIN MDZAD NAS NYIN RE BZHIN GZIM CHUNG DU PHEBS TE 'DI PA GCIG PU LA LAM RIM CHUNG BA

, ,'GO NAS MJUG RDZOGS KYI BAR TSIG GCIG KYANG MA LUS PA MTHA' DAG PAR GZABS BSHAD GNANG ZHING DKA' BA'I GNANG RNAMS LA DRI GTUGS KYI SGO NAS MTHA' CHOD PAR MDZAD DE, DE LTAR NA DAM PA 'DI NI PAn CHEN BLO BZANG CHOS KYI RGYAL MTSAN GYI NANG THUGS KYI SRAS SHIN TU GCES PAR MDZAD PA ZHIG GO ,DRUNG PA 'DIS NYIN GCIG PAn CHEN THAMS CAD MKHYEN PAn CHEN PO MJAL BAR BYON TE SKU MDUN DU GCIG PU YUN RING BZHUGS RGYU BYUNG PA NA BDAG LA JO BO RJE DANG BKA' GDAMS LHA BZHI LA BRTEN PA'I BLA MA'I RNAL 'BYOR ZHIG GNANG DGOS ZHES GSOL BA BTAB PA NA DGYES BZHIN DU DA LTA RANG BYAS PAS CHOG GSUNGS NAS JO BO RJE BKA' GDAMS LHA BZHI DANG BCAS PA'I BLA MA'I RNAL 'BYOR ZHIG THUGS THOG NAS GNANG BA DRUNG PA 'DI PAS GANG GSUNGS THAMS CAD 'DZIN THUB PA BYUNG, DE NAS BZUNG STE SKU TSE HRIL POR NYIN RE BZHIN JO BO RJE LA GSOL BA 'DEBS BA DANG BKA' GDAMS LHA BZHI'I SNYING PO RNAMS BRGYA RTZA RE 'CHAG MED BZLA BAR MDZAD, DE NAS PAn CHEN THAMS CAD MKHYEN PAn CHEN POS 'DI PA LA DA RI KHROD LA SONGS LA SGRUB BA GYIS ZHES BKA' STZAL, DRUNG PA 'DI PAS BDAG GIS THOS PA MTHAR MA PHYIN PAS SGRUB PA TSAD LDAN ZHIG MI 'ONG NGAM ZHES ZHUS PA NA, PAn CHEN THAMS CAD MKHYEN PA CHEN POS SNGON LA THOS PA BYAS, DE NAS RI KHROD DU THUGS DAM BYED ZER BA MANG PO YONG GI 'DUG KYANG DE THOG TU 'GRO BA DANG MTHAR THON PA MI YONG BA 'DUG ,RI KHROD DU

PHYIN NAS THOS BSAM SGOM GSUM ZUNG 'BREL DU BYED DGOS PA YIN, DGE BA'I BSHES GNYEN PO TO BDE GZHUNG LUGS RGYA MTSO LTA BU LA GZIGS PA YIN YANG DA LTA'I CHOS GRVA'I 'CHAD NYAN LTA BU MIN, RE SHIG RI KHROD DU DRUNG PA RGYAL TSAB PA LA BRTEN LA DOGS DPYOD ZHU YIN BYED, MNYAM DU MA SDOD, TSE BLOS BTANG GI RI KHROD MTHAR PHYIN BA ZHIG BYED DGOS GSUNG, DE NAS 'DI BAS BKA' BZHIN ZHU ZHES ZHUS TE RI KHROD DU 'BYON PAR THAG BCAD, THON KHAR PHYAG DBANG LA BYON PA NA THUGS DGYES BZHIN DU BYANG DAR DMAR PO LA MDUD BA MANG PO GNANG BZHIG DANG, DBU LO BUBS PHYED GNANG STE 'DI GNYIS LUS LA THOGS SLAR CHOS GANG 'DUG KYANG SNYAN GSAN BYED MI DGOS YONGS CHOG CES BKA' PHEBS, DE NAS DRUNG PA 'DI PAS BLA MA'I BKA' BZHIN DU MTHO MTHO RLUNG LA BSKUR, DMA' DMA' CHUL BSGYUR ZER BA LTAR GANG LA'ANG CHAGS ZHEN MED BAR CHOS GOS GSUM DANG LHUNG BZED GDING BA CHU TSAGS, NYER MKHO'I GLEGS BAM BOD GCIG ,'BRAL SPANG GI SKU, NYIN GNYIS KYI BRGYAGS PHYE MA GTOGS GZHAN GANG YANG MED PAR SPO 'KHAR BSNAMS TE RTA NAG PHYOGS KYI RI KHROD LA PHEBS SO, ,DE NAS RTA NAG PHU'I RI KHROD DBEN BA ZHIG TU 'TSO BA DKA' THUB LA BRTEN TE BYANG CHUB LAM GYI RIM PA'I NYAMS LEN LA BRTZON PA CHU BO'I RGYUN BZHIN MJAD CING BZHUGS SO, ,DE NAS PAn CHEN THAMS CAD MKHYEN PAn CHEN PO RTA NAG PHYOGS SU PHEBS PA NA 'DI PAS SKU MDUN DU MJAL BAR BYON PA'I TSE PAn CHEN

, ,THAMS CAD MKHYEN PA CHEN POS DGYES BZHIN DU ZHAL TA MANG DU GNANG ZHING, LHAG PAR LAN CIG 'DI PA GCIG BU LA BLA MA MCHOD PA'I KHRID, 'JAM MGON SNYAN RGYUD KYI MAN NGAG DGA' LDAN PHYAG RGYA CHEN PO'I LTA BA SKYONG TSUL DANG BCAS PA CHES ZHEB BA ZHIG GNANG, DE NAS SNGAR LTAR RI KHROD DBEN BA DE RANG DU SGRUB PA LA BZHUGS TE RTZAM PA RLUNG 'DZIN TZAM RE LAS MED KYANG THUGS RIG SHIN TU DANGS SHING DGE SPYOR 'PHEL BA BYUNG, SKABS 'GAR RTZAM PA RLUNG 'DZIN TZAM YANG MED PAR RDE'U'I BCUD LEN LA BRTEN TE DKA' THUB DRAG PO'I SGO NAS SGRUB PA SNYING POR MDZAD, SKABS SHIG RTZAM PA 'BUL MI PHRAN BU ZHIG BYUNG STE RTZAM PA RLUNG 'DZIN TZAM RE GSOL ZHING YOD PA LA GTZANG SOG 'KHRUGS PA'I DMAG ZINGS KYIS GZHIS KA RTZE'I CHU LHO BYANG THAMS CAD DU SKYE 'GRO RNAMS SDUG BSNGAL GYIS NYAM THAG CING MU GE SHIN TU CHE BA ZHIG BYUNG BAS, NUB GCIG JAG RKUN PA MI BZHI 'DI PA'I SGRUB PHUG TU SLEB; THOG MAR 'DI PA ZIN NAS SNYING GAR GRI BTZUGS TE BSDIGS MO BYAS, DE LA 'DI PAS KHONG KHRO GANG YANG MA MDZAD PAR KHONG RANG TSO GANG BYED DU BZHAG PA NA JAG RKUN PA DE RNAMS GYI NANG NAS GCIG GIS 'DI PA MNAN, GZHAN RNAMS KYIS ME SBAR TE CHAS DNGOS G-YENG PA NA 'DI PA LA CHAS DNGOS GANG YANG MED PAS JAG PA DE RNAMS KYIS DGE SLONG GI RTZAM PA GAN YOD ZER, DE LA DAM PA 'DI PAS RTZAM PA NYUNG ZAD GCIG YOD PA SHING DE'I GSEB NA YOD GSUNGS

KHONG TSOS YID MA CHES PAR 'DI PA 'KHYIG RTZIS BYAS PA LA 'KHYIG BA'I THAG PA MA RNYED BA NA 'DI PAS PHYI'I YOL BDE LA THAG PA YOD GSUNGS PAS RKUN MA TSOS PHYI'I YOL BA DE SHED KYIS 'THEN PAN THAG BA GAR SONG MA BYUNG BAR YOL BAS LA BABS, DE NAS DAM PA 'DI PAS KHYED RANG TSO CIS KYANG 'KHYIG 'DOD NA SDAS KYI 'OG NA SGA RAGS YOD GSUNGS PAS RKUN MA TSOS SKA RAGS SLANGS TE BKHYIG RTZIS BYAS PA NA DAM PA 'DIS KHYED TSO RANG YID MI TSES PA BYED MI DGOS, NGAS GANG YANG BYAS MI YONG GSUNGS PA NA RKUN MA TSOS NGA TSO YID MI CHES PA 'DUG PAS CUNG ZAD CIG 'KHYIG DGOS ZER NAS DAM PA 'DI PA GCER BUR BTON NAS PHYAG GNYIS BKYIGS TA BZHAG, SGRUB KHANG DEN YOD BA'I SHING GI TSAL BU YAN CHAD KHYER BA'I GRAGS BYAS; DE NAS DAM PA 'DI PAS DA KHYED RANG RNAMS THUG PA SKOL LA THUNGS GSUNGS PAS THUG PA SKOL LONG MI 'DUG ZER, DE NAS DAM PA 'DE BAS DA'I 'BRAL SPANG GI SKU 'DRA DE DANG CHOS GOS DE ZHOG ,KHYED TSOL PHAN GANG YANG MI THOGS , GZHAN MA GANG YONG KHYER GSUNGS PAS RKUN MA DE TSOS DGE SLONG GI CHOS GOS DANG SKU 'DRA BZHAG YOD DO, ,GLEGS BAM 'DING NANG NA NGED TSOL NGAN SDUGS BYED RGYU 'DU YOD SHAS CHE BAS BYER RGYU YIN, NGED TSOS MI ZAS MA MYONG BA ZLA BA GNYIS SONG, SROG BLOS MA THONGS PAR 'DI 'DRA BYED DGOS BYUNG, DGE SLONG GIS DED TSOL NGAN SNGAGS MA BYED CIG ZER NAS SONG, DE NAS DAM PA 'DI PAS SPYIR 'KHOR BA'I CHOS NYID DANG, LHAG PAR SKYE BO NYAM THAG DE TSO GZIGS PAS

, ,KHONG KHRO MI SKYE BAR MA ZAD THUGS SKYO LA NYAMS DGA' BZHIG BYUNG NAS JAG RKUN DE TSO LA DMIGS NAS SPYOD 'JUG SMON LAM ZHIG 'DON PAR MJAD, DE NAS MTSAN MO DE NA BZA' GZHAN GANG YANG MED BAR CHOS GOS DE STOD LA BKAB, STAN DE SMAD NGOS LA BKAB NAS GZIMS PAS MNAL SHIN TU SKYID PA ZHIG BYUNG, NAM LANGS NAS GZIGS PAS YOL BA'I THAG PA MIS 'GROL THUB PA MOD KYANG RI GSHAM NA MAR SLEB NAS BSDAD 'DUG PA GZIGS PAS CHOS SRUNG NGAM DKAR PHYOGS LA DGA' BA'I LHA ZHIG GIS 'PHANGS PA YIN SNYAM PA THUGS LA SHAR, DE NAS DKA' THUB DE KHA'I RGYUN LA BZHUGS BAS RE SHIG NAS DRUNG PA RGYAL TSAB PA LA PAn CHEN THAMS CAD MKHYEN PAS BKA' PHEBS NAS DRUNG PA KHONG DENG SANG SO SOD PO AE YOD NA, DENG SANG RI KHROD PAS RI THUB KYANG, RIS RI KHROD PA MI THUB BYA BA'I SKABS YIN PAS KHYED RANG GNYIS KA LOG SHOG ,BTZAN SA ZHIG LA 'GRO BA DGA' GSUNG BA'I BKA' PHEBS, DE NAS DRUNG PA RGYAL TSAB PAS DA NGED RANG GNYIS KA BLA MA MJAL BAR 'GRA GSUNGS NAS, GNYIS KAS BKRA SHIS LHUN POR PHEBS TE PAn CHEN THAMS CAD MKHYEN PA MJAL BAR PHEBS PAS PAn CHEN THAMS CAD MKHYEN PA CHEN POS DAM PA 'DI'I DBU PHYAG GIS MNAN NAS DA LAM 'KHYIG THAG RDO 'DRA BA ZHIG AE BYUNG GSUNG, LAN ZHU MA NUS PAR LA LA ZHUS PAS, DE DUS DRED PO AE BYUNG GSUNG, DRED PO RANG MA BYUNG ZHUS PAS, 'O NA GA 'DRA BYUNG, KHONG KHRO SKYES BYUNG NGAM

GSUNG, MA BYUNG LAGS ZHUS PAS, 'O YAGS, DE RNAMS LA SMON LAM BZANG PO BTAB SNYING RJE SGOM DGOS GSUNG, DE NAS DRUNG PA GNYIS KA PAn CHEN THAMS CAD MKHYEN PA'I BKAS RGOD TSANG LA PHEBS, DE DUS RGOD TSANG SGRUB SDE MA CHAGS PA'I DUS YIN PAS DRUNG PA RNAM GNYIS DANG GZHAN KHA SHAS BCAS SGRUB PA LA BZHUGS, DE NAS DAM PA 'DI PAS DBEN DGON LA PHEBS TE GNAS DER PAn CHEN THAMS CAD MKHYEN PAS BKA' GNANG BA'I MTHUS DBEN DGON PA RNAMS KYIS MTHUN RKYEN PHUL TE MTHUN RKYEN TSANG BA'I SGO NAS SGRUB PA RTZE GCIG TU MDZAD PAS BYANG CHUB LAM GYI RIM PA LA MYONG BA POGS CHE BAR THON, DE SKABS NAS BZUNG STE NYAMS MGUR YANG MANG DU MDZAD, DE NAS PAn CHEN THAMS CAD MKHYEN PA CHEN POS RGOD TSANG SGRUB SDE GSAR 'DZUGS MDZAD DE DRUNG PA RGYAL TSAB PA BLA MAR BSKO BAR MDZAD, DRUNG PA 'DI PAS NI GNAS NGES MED MDZAD DE BYANG CHUB LAM RIM GYI NYAMS LEN LA CHIG BSGRIL MDZAD, DE NAS PAn CHEN THAMS CAD MKHYEN PA CHEN PO DBEN DGON DU PHEBS PA ZHIG LA MJAL KHAR BYON PAS ZHAL NAS DBUS PHYOGS KYI BLA MA BSTAN PAR PHAN RE CHE BA ZHIG LA 'JIGS BYED KYI DBANG ZHIG BYED DGOS YOD PAS DRUNG PA RANG 'DOD NA GNANGS NYIN SHOG GSUNGS THUGS RJE CHE ZHUS NAS ZHUNG PHEBS PAS KHONG BCU GSUM LA 'JIGS BYED KYI DBANG BZHIN TU RGYAS PA ZHIG GNANG, DE NAS DBYAR CHOS KYI THOG SPRUL SKU GRAGS PA RGYAL MTSAN PHEBS NAS GSOL BA BTAB PA LTAR LAM

, ,RIM CHEN MO DANG 'JAM DBYANGS CHOS SKOR SOGS CHOS BKA' MTHA' YAS PA GNANG BA ZHU BAR MDZAD, DE'I STON PAn CHEN THAMS CAD MKHYEN PA CHEN PO RGOD TSANG DU PHEBS, SGRUB SDE LA RAB GNAS DANG RI KHROD PA RNAMS LA LAM RIM GYI KHRID SHIN TU RGYAS PA ZHIG DANG, BE'U BUM SNGON PO'I LUNG SOGS CHOS BKA' MANG DU GNANG BA RNAMS ZHU BAR MDZAD, DE NAS DAM PA 'DI PAS DBEN PA'I RI SUL MANG POR LAM RIM SGOM PA LA RTZE GCIG TU BZHUGS SHING; SKABS SKABS SU PAn CHEN THAMS CAD MKHYEN PA MJAL BAR PHEBS TE DBANG LUNG MAN NGAG MTHA' YAS BA GSAN, DE NAS DAM PA 'DIS DBUS PHYOGS KYI GNAS BSKOR LA PHEBS TE, LHA SA, YER PA, DGA' LDAN, RA SGRENG; BSAM YAS, RGYAL ME TOG THANG, DVAGS PO DANG 'OL KHA'I PHYOGS KYI RJE'I SGRUB GNAS RNAMS MJAL ZHING GNAS DE DANG DE DAG TU LAM RIM GTZO BOR BSKYANGS SHING GCOD KYI DMIGS SKOR LA'ANG 'GRUS PAR MDZAD, DE SKABS PAn CHEN BLO BZANG CHOS KYI RGYAL MTSAN GYI THUGS SRAS GRUB PA'I DBANG PHYUG DKA' CHEN NAM MKHA' RDO RJE YANG PHYOGS DER PHEBS PA DANG MJAL, ZHAG SHAS LHAN DU BZHUGS TE LTA SGOM SPYOD GSUM LAS BRTZAMS TE GSUNG MOL ZHIB TU MDZAD PAS GNYIS KA'I DGE SBYOR LA BOGS CHEN PO THON ZHING, LHAG PAR DKA' CHEN NAM MKHA' RDO RJE NI DBU MA'I LTA BA LA MNGA' BRNYES PA ZHIG YIN PAS DAM PA 'DI LA LTA BA'I BOGS 'DON SHIN TU CHE BA BYUNG STE GNAS DER

LTA BA'I MGUR DBYANGS MANG DU MDZAD, DE NAS LOG PHEBS TE PAn CHEN THAMS CAD MKHYEN PA DBEN DGON DU BZHUGS PA DANG MJAL TE BDE MCHOG GI MAN NGAG RNAMS ZHUS TE NYAMS LEN LA THE TSOM CHOD PAR MJAD, DE NAS DAM PA 'DI DANG DRUNG PA RGYAL TSAB PA GNYIS KA BRAG RGYA RDO RJE'I PHO BRANG LA PHEBS TE SGRUB PA MDZAD PAS NYAMS RTOGS YAR NGO'I ZLA BZHIN 'PHEL BA BYUNG, DE NAS DAM PA 'DIS GRUB CHEN CHOS RDO RJE'I SGRUB GNAS PA SNAM JO MO LHA RIR PHEBS TE ZUNG 'JUG PHUG SOGS MA LA ZHING, PADMA 'OD DU BZHUGS TE SGRUB PA RTZE GCIG TU MDZAD, DE NAS 'GAR MO CHOS RDZONG DU BZHUGS TE DGE SBYOR CHU BO'I RGYUN BZHIN MDZAD PAS NYAMS RTOGS DBYAR GYI MTSO LTAR 'PHEL BA BYUNG, DE NAS SHANGS PHYOGS SU BYON TE MKHAS GRUB KHYUNG PO'I SGRUB GNAS RNAMS MJAL TE GNAS DE DAG TU SGRUB PA RTZE GCIG TU MDZAD, DE NAS RGOD TSANG DU PHEBS TE DRUNG PA RGYAL TSAB PA DANG MJAL BAS DE DUS DRUNG PA RGYAL CHAB PAS DON GNYER CAN MANG PO ZHIG LA LAM RIM GYI KHRID RGYAS PA ZHIG GNANG BA DANG THUG PAS DAM PA 'DIS KYANG ZHU BAR MDZAD, DRUNG PA RGYAL TSAB PA NI LAM RIM 'CHAD PA LA MNGA' BRNYES PA ZHIG STE, DPAL DBEN SA SNYAN RGYUD KYI MAN NGAG GZHUNG BSRANGS PA'I STENG DU RGYAL BA'I BKA' DANG DGONGS 'GREL GYI BSTAN BCOS RNAMS DANG, DE DAG GI DON DRI MA MED PA'I RIGS LAM NAS DRANGS TE MTHA' CHOD PAR STON PAR MDZAD PAS DE DUS KYI CHOS NYAN PA RNAMS KYIS DAM PA 'DI LA DA RES DRUNG PA RGYAL TSAB BA'I GSUNG 'DI RNAMS LA ZIN

, ,BRIS SHIG MDZAD DGOS ZHES ZHUS PAN DAM PA 'DI PAS BDE LAM GYI SNGON 'GRO'I MAN NGAG CHES ZHIB BSNGAR PAn CHEN BLO BZANG CHOS KYI RGYAL MTSAN GYI ZHAL LAS THOS PA RNAMS GZHIR BYAS DRUNG PA RGYAL TSAB PA'I ZHAL LAS THOS PA RNAMS KYIS KYANG BRGYAN TE SHIN TU GSAL ZHING GO BDE BA ZHIG MDZAD DO, ,DAM PA 'DIS PAn CHEN THAMS CAD MKHYEN BA BLO BZANG CHOS KYI RGYAL MTSAN GYI BKA' LTAR DPAL DBEN SA SNYAN RGYUD KYI MAN NGAG BYANG CHUB LAM GYI RIM PA LA SGRUB PA CHU BO'I RGYUN BZHIN MDZAD PAS MYONG BA PHUL PHYIN THON PA NI DAM PA 'DI NYID RANG GI ZHAL NAS, BDAG GIS SGRUB BA SNYING BOR BYAS PA'I TSUL GLENG NA, DE YANG BKA' DRIN MNYAM MED DPAL LDAN BLA MA DAM PA MKHYEN BRTZE NUS PA'I BDAG NYID CAN PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO MCHAN BRJOD BAR DKA' BA DE NYID KYIS BDAG RJES SU BZUNG BAS BRTZE BA CHEN POS 'DI PHYI THAMS CAD DU BDAG BDE BA DANG LEGS BA'I LAM LA 'GOD BA'I PHYIR RI KHROD DU SGRUB PA LA 'GRO BA DGA' GSUNGS NAS YANG YANG BSKUL BAR MDZAD BA'I MTHAR, PHAN PA'I LAN DU MCHOD PA BYA BA NI, ,BSGO PA'I TSIG BZHIN NYAMS SU LEN PA YIN, ,ZHES GSUNGS PA'I DON BDAG GIR BYAS NAS BKA' DANG DU BLANG NAS KHAS BLANGS DAM BCAS PAS DRIN CAN RTZA BA'I BLA MA PAn CHEN THAMS CAD MKHYEN PA BLO BZANG CHOS KYI RGYAL MTSAN THUGS DGYES PA'I RNAM 'GYUR DANG BCAS, DE YANG CHO BLOS BTANG

GI RI KHROD PA GZHAN GYI MIG LTOS LA PHAN PA RANG CIG BYED DGOS, RI KHROD DU THOS BSAM SGOM GSUM DANG, LTA SGOM SPYOD PA'I NYAMS LEN LA 'BAD DGOS GSUNG NAS LAM GYI RIM PA SPYI DANG KHYAD PAR SNYAN NAS SNYAN DU BRGYUD PA'I ZHAL SHES KYE GDAMS PA ZAB RGYAS GSUNG GI BDUD RTZI MGUR GYI BUM BZANG LAS 'ONGS SHING ZHAL GYI PADMO LAS 'KHRUNGS PA'I BCUD KYI ZEGS MA BDAG GI SGRA 'DZIN GYI RTZER CHAGS PA DAD PAS MYANGS BAS YID DGA' BAR BYED PA'I RO MCHOG SNYING GI BUM PAR 'KHYIL BA RAS SUM BOR BAR GAL PO CHER MTHONG NAS GUS PAS NYAMS SU BLANGS BA LAS, MI RTAG PA DANG, NGAN 'GRO'I SDUG BSNGAL DANG, 'KHOR BA'I CHOS LA SKYO ZHING YID 'BYUNG BA'I NGES 'BYUNG GI BSAM BA MYONG BA SNA ZIN SKYES PA'I DBANG GIS LAS DANG 'BRAS BU'I GNAS TSUL LA MI PHYED PA'I DAD PA BRTAN PO THOB, RANG BZHIN DANG BCAS PA'I KHA NA MA THO PA'I NYES DMIGS MTHONG NAS JI LTAR KHAS BLANGS PA'I TSUL KHRIMS KYI SDOM PA GTZO BOR BYAS, BSLAB PA GSUM GYI BSLAB BYA'I RIM PA RNAMS LAG TU BLANG THUB PA RNAMS GLANGS, MI THUB PA RNAMS BSLAB PA LA KHYAD GSOD DANG BRNYAS BCOS SUM SONG BA'I NGOS NAS SKYE BA PHYI MA RNAMS SU SLOB PAR NUS PA'I RGYU LA BSLAB PA DANG, SLOB PAR DAM BCA' BA DANG SMON LAM GYIS KHA BSGYUR PA DANG, BCAS MTSAMS PHRA ZHING PHRA BA LA NYES PAS MA GOS PAR BYED PA NI THAR PA'I SA BON THEBS PA YIN YANG, SRID PA'I RTZA BA DRUNG NAS 'BYIN PAR BYED PA'I SMAN MCHOG BDUD RTZI'I THIGS BA LTA BU

, ,ZAB MO STONG PA NYID KYI DON NI, YOD MAN MED MIN GNYIS KA MIN, ,GNYIS KA'I BDAG NYID MIN BA'ANG MIN, ,MTHA' BZHI RNAM PAR GROL BA YI, ,DE NYID DBUM PA YI RIG ,CES GSUNGS PA LTAR, RTAG CHAD KYI MTHAL BZHI DANG BRAL BA'I NGES DON MTHAR THUG GI LTA BA PHYAG RGYA CHEN PO 'PHAGS PA YAB SRAS KYI THUGS KYI BCUD 'KHRUL MED KYI LTA BA 'DI LHAG MTHONG CHE CHUNG DANG, SRAS KYI THU BO RNAMS KYIS GSUNGS PA'I LTA KHRID DANG, RTZA BA'I BLA MA THAMS CAD MKHYEN PA NYID KYIS GSUNGS PA'I DMAR KHRID KYI LHAG MTHONG DANG, LTA BA'I SKOR GYI GSUNG MGUR RNAMS LA BLTA ZHING DON NYAMS SU BLANGS PAS STONG NYID LA THOG MAR GO BA CUNG ZAD CHAGS BA DANG, DON SPYI'I TSUL GYIS SGOM PA DAD, DA LAS LANGS NAS GANG SHAR SGYU MA LTA BU'I RNAM ROL GYI DANG NAS SPYOD PHYOGS RNAMS LA BSLABS PAS BDAG GI SKYE BA 'DI'I MI LUS CHUD MA ZOS PA 'DI RANG GI RNAM PAR THAR PA LAGS SO ZHES GANG GSUNGS PA LTAR RO, ,DE NAS DAM PA 'DIS BYANG CHUB LAM GYI RIM PA LA MYONG BA PHUL PHYIN THON TE RANG NYID MI NYAMS PA'I GDENG THOB BA NA RTA NAG PHUG TU SGRUB SDE 'DZUGS PAR MDZAD, RTA PHUG RDO RJE'I GUR KHANG ZHES MTSAN BTAGS SHING DER SDONG BA PA'I SDE BSKYANGS, DE NAS STAG GI LO DRUNG PA RGYAL TSAB PA SKU GSHEGS BAN BLA BRANG RGYAL MTSAN MTHON PO NAS BSKUL TE DAM PA 'DI BA RGOD TSANG BLA MAR 'BYON DGOS BYUNG, DE NAS RTA PHUG DANG RGOD TSANG GNYIS KA BSKYANGS TE RES RTA PHUG TU PHEBS NAS DER GNAS

PA'I RI KHROD BA RNAMS DANG PHYOGS 'DUS KYI DAD LDAN MANG POR LAM RIM GYI KHRID DANG, DGA' LDAN PHYAG RGYA CHEN PO'I KHRID DANG, BLO SBYONG GI KHRID DANG, GCOD KYI KHRID DANG, N'A RO CHOS DRUG GI KHRID DANG, GZHAN YANG DBANG LUNG MAN NGAG RGYA CHER GNANG, RES RGOD TSANG DU PHEBS TE DBANG LUNG MAN NGAG RGYA CHER GNANG STE RJE SGRUB KHANG PAS DAM PA 'DI LA LAM KHRID SOGS GSAN PA NI RGOD CHANG YIN LA, LCANG SKYA ZHABS DRUNG NGAG DBANG BLO BZANG CHOS LDAN DANG, BLA MA SMAN KHANG PA SOGS KYIS DAM BA 'DI LA CHOS GSAN PA NI RTA PHUB YIN NO, ,DE NAS PAn CHEN BLO BZANG CHOS KYI RGYAL MTSAN ZHING GSHEGS NAS PAn CHEN MCHOG GI SPRUL PA'I SKU RJE BTZUN BLO BZANG YE SHES BKRA SHIS LHUN POR PHEBS NAS YANG YANG MJAL BAR BYON ZHING, RJE BTZUN BLO BZANG YE SHES KYIS DAM PA 'DI LA NAM MKHA' SGO 'BYED KYI DBANG DANG, GCOD KYI KHRID DANG, 'JAM DBYANGS CHOS SKOR SOGS CHOS BKA' MANG DU GSAN NO, ,DE NAS DAM PA 'DI'I 'PHRIN LAS CHES CHER RGYAS PA NA DBUS GTZANG KHAMS GSUM NAS CHOS DON GNYER BA MANG DU 'DUS SHING RANG RANG GI KHAMS DANG BSAM BA DANG MTHUN BAR CHOS STON BAR MDZAD CING, GTZO BOR NI BYANG CHUB LAM GYI RIM PA'I KHRID RTZAL DU 'DON BAR MDZAD, DE'I YAN LAG TU BLO SBYONG GI KHRID DANG, GCOD KYI KHRID RNAMS MDZAD CING, GDUL BYA DBANG PO RAB TU GYUR BA LAM THUN MONG BA LA MYONG BA THON PA 'GA' LA SNGAGS KYI SKYED RDZOGS RNAMS STON PAR MDZAD CING, LHAG PAR DAM PA 'DI NYID N'A RO CHOS DRUG LA MNGA' BRNYES

, ,BAS SNGON 'GRO'I 'KHRUL 'KHOR RNAMS KYANG ZHIB TU STON PAR MDZAD, DAM PA 'DI NYID NAS BRGYUD PA'I N'A RO CHOS DRUG GI KHRID RGYUN NI DENG SANG DAR CHA CHE BAR SNANG NGO, ,DAM PA 'DIS BSTAN PA'I DON DU BYANG CHUB LAM GYI RIM PA'I SNGON 'GRO'I CHOS SKOR DANG, NYAMS LEN GYI GNAD LAS BRTZAMS PA'I GSUNG MGUR MANG DU SNANG ZHING, LHAG PAR RANG RGYUD LA BSKUL MA 'DEBS PA'I MGUR MA MDZAD PA NI 'DI LTAR, PHA BLA MA RNAMS DANG YI DAM LHA, ,SKYABS BSLU BA MED PA DKON MCHOG GSUM, ,SNYING RUS PA'I GTING NAS GSOL BA 'DEBS, ,BDAG SKYE RGA NA 'CHI'I 'JIGS LAS SKYOBS, ,LAR LAS DANG NYON MONGS STOBS SHUGS KYIS, ,DBANG MED DU SRID PAR YANG YANG 'KHYAMS, ,DUS DA LTA THAR LAM MA BSGRUBS NA, ,RTEN DAL 'BYOR THOB PA'I DON PO CI, ,LHA TSANGS DBANG BRGYA BYIN BYA BA YANG, ,SNGON BSAGS PA'I 'BRAS BU SPYAD SPYAD NAS, ,YANG 'KHOR BAR YANG BRAN NYID DU 'GYUR, ,GNAS MTHO RIS NA YANG BDE SKABS MED, ,SPYIR YID BRTAN MI RUNG 'KHOR BA'I CHOS, ,TSUL 'DI LA MA BRTAGS MA BSAM PAS, ,DRI NGAN PA'I KHROD KYI SPRANG BU BZHIN, ,CHOS BDUD RTZI MYONG BA DKA' MOR GDA', ,SGOM PHYI RU MI GSAL NANG DU GSAL, , DPA BKLAGS PAS MI GO BSAMS PAS GO ,RJE BLA MA'I BYIN RLABS SEMS LA 'JUG ,RGYUD SMIN CING GROL BAR BYIN GYIS RLOBS, ,BLO BAN BUN SPRIN PA MA DVANGS NA, ,SEMS GSAL STONG GI NYI MA MI MNGON PAS, ,YUL YUL

CAN RNAM RTOG SGO BKAG NAS, ,SKABS GANG YIN GDAMS NGAG MA BRJED DGOS, ,DER DRAN PA'I 'DZIN STANGS SHUGS BSKYED LA, ,GROGS SHES BZHIN PHRA MOS BYA RA GYIS, ,DGRA BYING RGOD BYUNG NA DA'I GNYEN POR, ,'DU BYED PA SGOM GYI 'GO 'DREN YIN, ,RTEN BCAS PA DAM PO'I TSUL KHRIMS DANG, ,DON NANG DU BSAMS PA'I NYAMS MYONG DANG, ,RKYEN DKA' SPYAD BZOD PA'I ZHE RUS CAN, ,CHOS MED KYANG BLA MA'I SGOM PHRUG YIN, ,ZHES DANG, NA MO GU RU BUDDHA MEE TR YE, STENG DGA' LDAN LHA BRGYA'I GTZUG RGYAN DU, ,RJE SA BCU'I DBANG PHYUG MI PHAM MGON, ,DPAL NAM MKHA' DRI MA MED PA DANG, ,MTSAN 'JAM DPAL SNYING POR GRAGS PA'I ZHABS, ,SRAS DPAG MED SEMS DPA'I 'KHOR GYI DBUS, ,NOR RIN CHEN DU MA LAS GRUB PA'I, ,KHRI RAB 'BAR GDONG LDAS BTEG PA'I KHAR, ,GDAN CHU SKYES ZLA BA'I DBUS BZHUGS PA'I, ,SKU RAB BRJID STON MCHOG GNYIS PA YIS, ,CHOS THEG CHEN DGA' STON 'GYED PA DER, ,BDAG GDUNG BA'I YID KYIS GSOL BA 'DEBS, ,THUGS BRTZE BA'I LCAGS KYUS DRANG DU GSOL, ,SNGON BYON PA'I RGYAL BAS BTANG SNYOMS MDZAD, ,DUS DA LTA'I BLA MA SANGS RGYAS KYIS, ,'DUL MA NUS BLO DRED CHOS DRED NGA, ,RGYUD CHU NANG RDO BZHIN SKAM POR LUS, ,CHER SNYIGS PA'I BSTAN PA'I GZUGS BRNYAN 'DI, ,LAR YID LA BRANGS KYANG YID THANG CHAD, ,DON DES NA YID DGA' CHOS 'DZIN DU, ,DUS

, ,BA LTA 'PHOS NA DGA' BA LA, ,GSHIS RANG BZHIN NGAN PA'I MI RNAMS NI, ,RGYUD PHYOGS LHUNG DBANG GIS BSTAN PA YANG, ,'BRAS SDUG BSNGAL 'BYIN PA'I PHYOGS SU BRNYIL, ,'DI BSAMS NA BLO SNYING MGRIN PA 'DAR, ,GZHON BCU GSUM LON NAS KHYIM NAS BYUNG, ,SKABS DANG PO'I BSNYEN RDZOGS SDOM PA NOS, ,RJE BLA MAS BSTAN PA'I SGOR BTZUD NAS, ,THUGS NYE BAS BDAG BLO CHOS LA BSGYUR, ,DRIN CHE MOD SNGON LAS MTHU BA TZAN PAS, ,SEMS COL CHUNG PHYI CHIS GRAB GSHOM DANG, ,PHUGS MDO MED RNAM G-YENG 'DU 'DZIR 'CHOR, ,SNYING NANG DU RUL YANG CHOS BAR BRDZU, ,MING 'JIG RTEN GTAM GRAGS LO 'DOD DANG, LUS DMAR SER SNAL MAS DKRIS LAGS KYANG, ,THABS BLANG DOR BSLAB BYA'I GNAS LA RMONGS, ,DUS LNGA PAR GTUGS CHE 'GYOD KYANG CI, ,GANG THOS PA'I TSIG RNAMS YI GER LAS, ,RGYUD CHOS DANG GANG ZAG LTAR SPROD SONG, ,RANG MA DUL GZHAN GYI YAR 'DREN BYAS, ,MING CHOS LA SNYAD NAS CHOS MIN BSGRUBS, ,GZHAN BSLU SNYAM KUN SLONG CI ZHIG STE, ,G-YO BRDZUN SBYOR ZOG PO'I RNAM THAR DANG, ,SNGAGS NOR 'KHRUL DES MED PHYAG MTSAN GYIS, ,'BRID MKHAS KYANG MYONG 'GYUR BSAM PAR RIGS, ,TSE 'DI YI BDE SDUG SLONG LEN TZAM, ,CHED GNYER BA BYOL SONG PHYUGS LA'ANG YOD, ,DON DE LAS LOG PA'I SGOM SGRUB KYIS, ,RTEN MI LUS DON

LDAN CIS MI BYED, ,SROG NAM ZHIG 'GAGS PA'I DE MA THAG ,RJE RGYAL TSAB CHOS KYI MDUN SA DER, ,YID RLUNG DANG HIKA GIS DRANGS PA NA, ,SKABS DE RU BYAMS MGON THUGS BSKYED CIG ,LUS RTEN MED SHING BAL RLUNG KHYER BZHIN, ,GNAS GAR SKYE'I GDENG MAD DNGANGS SKRAG GIS, ,MIG HRIG HRIG SKYABS 'TSOL 'PHYAN PA'I TSE, ,LHA BLA MA RNAM GSUM TSUR SPYON CIG ,DE'I BYIN GYIS YID 'ONGS LHA YI BU'I, ,LUS BZUNG NAS DAD BRTZON, GZUR GNAS KYIS, ,CHOS LEGS BSHAD THOS BSAM SGOM PA'I DON, ,ZHI BA SA BCU'I SPO LA MNGON PAR RTZEG, ,DUS DE NAS SKYE RGYUN MI MANG BAR, ,LAM ZAB MO BLA MA'I RNAL 'BYOR GYIS, ,DPAL CHOS KYI SKU DANG LONGS SPYOD RDZOGS, ,STABS GCIG TU 'BREL BA'I SMON LAM 'DEBS, ,GTAM DE SKAD GLENG BA'I SPONG BA PA, ,YUS DAG PA'I NYAMS MYONG GA LA ZHIG ,RJE BAL MA DAM PA GUS BSTEN PAS, ,GSUNG YON TAN RDUL GYIS GSO PA YIN, , DON 'DIS MTSON DUS GSUM BSAGS PA'I DGE, RANG ZHI BDE'I BSAM PAS MA SBAGS PAR, ,MA NYAG THAG 'GRO BA'I DON DU BSNGO, ,'DI BU RAM LSHING PA'I BKA' SROL YIN, ,ZHES 'DI YANG SA MTHA'I GYI NA PA, ,MING BLO BZANG DAM CHOS RGYAL MTSAN GYIS, ,GNAS RTA PHUG CES BYA'I SPYIL PU RU, ,YID SKYO BA'I SMRE NGAG TSIG TU BSGRIGS, ,ZHES GSUNGS, DE LTAR DAM PA 'DIS PAn CHEN BLO BZANG CHOS KYI RGYAL MTSAN BSAM SBYOR GNYIS KYIS

, ,TSUL BZHIN DU BSTEN TE 'JAM MGON SNYAN RGYUD KYI MAN NGAG YONGS SU RDZOGS PA THOB PAR BYAS, TSE 'DI BLOS BTANG STE DBEN PA'I RI SUL DU SGRUB PA SNYING POR BYAS TE BYANG CHUB LAM GYI RIM PA LA MYONG BA PHUL PHYIN THON BAR MDZAD, SGRUB 'BRAS KYIS RGYAL BA'I BSTAN PA LA BYA BA MDZAD PHYIR RJE SGRUB KHANG PA SOGS DAM PA MANG PO RJES SU BZUNG STE 'JAM MGON SNYAN RGYUD KYI BSTAN PA RGYA CHER SPEL NAS DGUNG LO BRGYAD CU GYA GRANGS LA PHEBS PA NA DED DPON YID BZHIN GYI NOR BU RNYED NAS RANG YUL DU 'GRO BA LTAR SKU'I BKOD PA BSDUS TE DGA' BZHIN SPRO BZHIN DU DGA' LDAN CHOS KYI PHO BRANG DU PHEBS NAS RGYAL TSAB BYAMS PA MGON PO DANG, RJE NAM MKHA' DRI MA MED PA DANG, RJE 'JAM DPAL SNYING PO 'KHOR SA BCU'I BYANG CHUB SEMS DPA' BGRANG BA LAS 'DAS PA DANG BCAS PA LA MCHOD CING CHOS KYI 'GRO BA MDZAD BA DANG, SPRUL PA'I BKOD BA MU MED PAR STON CING BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DRUNG PA RTA PHUG PA BLO BZANG DAM CHOS RGYAL MTSAN LA GSOL BA 'DEBS SHING, DAM PA 'DI'I RNAM THAR LTAR BYANG CHUB LAM GYI RIM PA'I SNYAN RGYUD KYI MAN NGAG LEGS PAR THOB PAR BYAS LA TSE 'DI'I 'KHRIB MED PAR DBEN PA'I RI SUL DU BYANG CHUB LAM GYI RIM PA'I NYAMS LEN LA 'BAD PAR BYA'O,, ` ,,DGE LEGS SNYAN GRAGS RGYA MTSO'I MTHAR KHYAB PA, ,ZHES BSNGAGS PA, RJE SGRUB KHANG PA DGE LEGS RGYA MTSO NI MNGA' RIS ZANGS DKAR

GYI SA'I CHA ZANGS LA ZHES PAR YAB GU RU DKON MCHOG DANG YUM BU MO MCHOG GNYIS KYIS SRAS SU LCAGS MO SPRUL GYI LO NGO MTSAR BA'I LTAS DANG BCAS TE 'KHRUNGS, DE NAS YAB YUM GNYIS KYIS BSKYED BSRING BA'I THABS LA 'BAD CING DMIG ZA ZHES MTSAN GSOL, DAM PA 'DI NI SKU CHE SNGA MA MANG POR LAM LA GOMS PA'I BAG CHAGS SAD DE SGO GSUM BAG YOD LA SBYOR BA'I DRAN SHES BZHIN DANG LDAN PAS GZHON NU'I DUS NAS KYANG DAM PAS SMAD PA'I NYES SPYOD LA MI 'JUG CING BYIS PA RNAMS KYI NANG DU'ANG CHOS LDAN GYI RTZED MO SNA TSOGS MDZAD BA LA BYIS PA GZHAN LAS BLO RNO ZHING GZI BRJID DANG LDAN BA SOGS BSNGAGS PA'I 'OS SU GYUR PA ZHIG BYUNG NGO, ,DE NAS DGUNG LO DRUG LON PA'I CHE YAB GSHEGS YUM BDAG NI SMUG PO'I GCONG GIS ZIN NAS NAD TSABS CHE BAR BYUNG BA DAM PA 'DIS PHA MA NI BSNYEN BKUR BA'I ZHING DU RGYAL BAS GSUNGS PA LTAR RIM GRO MDZAD 'OS YIN PA DANG DRIN CHE BAR DGONGS NAS NGAL BA DANG SKYUG BRO BA'I 'DU SHES GANG YANG MED PAR LO BCU BDUN GYI BAR DU BSHANG CI 'DOR BA TSUN CHAD MA'I BSNYUN G-YOG LEGS PAR MDZAD, YUM GYI BSNYUN G-YOG LA BREL NAS KLOG LA DE TZAM RTZAL DU 'DON RGYUN MA BYUNG YANG SHIN TU BYANG BAR THUGS SU TSUD, DGUNG LO BCU BDUN LON PA'I TSE YUM GSHEGS PA'I PHUNG PO NYID KYIS BSNAMS NAS BAS MTHI 'DUR KHROD DU BSKYED BA SOGS RJES KYI BYA BA RNAMS TSUL DANG MTHUN PAR MDZAD DE, YUM CI 'DRA BA DE BZHIN DU BDAG KYANG DE LTA BU'I

, ,CHOS CAN DE LTA BU'I RANG BZHIN LAS MA 'DAS SO SNYAM DU NYIN MTSAN KUN TU 'KHOR BA'I NGANG TSUL SEMS PA 'BA' ZHIG GIS DUS 'DA' BAR MDZAD DO, ,YUM GSHEGS NAS RING POR MA LON PAR DGON SDE CHEN PO BYAMS PA GLING DU SLOB DPON RIN PO CHE BLO BZANG LEGS PA'I DRUNG DU YONGS RDZOGS DGE BSNYEN GYI SDOM PA MNOS TE RTZA BZHI CHANG DANG BCAS PA LEGS PAR SPANGS DGON GNAS DER LO GNYIS BZHUGS SO, ,DAM PA 'DI NI THEG CHEN BSTAN PA'I SROG SHING DU 'GYUR BAR DGONGS NAS, DPAL YE SHES KYI MGON PO PHYAG DRUG PAS CHUNG NGU'I DUS NA RJES SU BSKYANGS SHING, MNAL LAM DU KHYOD BUD MED DANG MA 'GROGS PAR DBUS SU SONGS SHIG GSUNG BA DRAN NAS, DBUS GTZANG DU SLOB GNYER LA 'BYON 'DOD SHUGS DRAG SKYES TE, PHA YUL DANG GNYEN BSHES RNAMS LA CHAGS ZHEN MED PAR DGA' BZHIN SPRO BZHIN DU LAM DU ZHUGS NAS RIM GYIS PHEBS TE CHOS GRVA CHEN PO BKRA SHIS LHUN PONG PHEBS NAS SNANG BA MTHA' YAS NGUR SMRIG GAR GYI RNAM PAR ROL PA PAn CHEN BLO BZANG CHOS KYI RGYAL MTSAN DPAL BZANG PO'I ZHAL GYI DKYIL 'KHOR MJAL ZHING BYIN RLABS THOB PAS DGA' SPRO TSAD MED PA BYUNG ZHING DAD PA'I SPU LONG G-YOS, DE NAS SHANGS RGOD TSANG DU PHEBS DRUNG BA RGYAL TSAB PA BRTZON 'GRUS RGYAL MTSAN DPAL BZANG PO'I ZHABS DRUNG DU 'BYOR PAS SNGON GYI 'BREL PA BZANG PO'I MTHUS DANG GUS TSAD MED PA 'KHRUNGS, DRUNG PA RIN PO CHE PAS DAM PA 'DI GANG ZAG KHYAD PAR CAN DU MKHYEN

NAS THUGS SHIN TU DGYES PA'I ZHAL TA MANG DU GNANG ZHING RE ZHIG NGAL SOS SDONG GSUNGS, RAB BYUNG GI MKHAN BOR GSOL BA BTAB PAS DGYES PA CHEN POS RAB BYUNG DANG DGE TSUL GYI SDOM PA GNANG STE RAB TU BYUNG BA'I MTSAN DGE LEGS RGYA MTSO ZHES GSOL, DE NAS BZUNG STE KHYIM PA'I RTAGS DANG CHA LUGS SPANGS TE MING BSGYUR BA'I DGOS PA BZHIN 'JIG RTEN PA'I LUGS KYI DGRA GNYEN GYI PHYOGS RIS DANG 'DOD YON LA ZHEN PA'I SPYOD PA LAS PHYIR PHYOGS TE, DGE SBYONG GI CHOS BZHI LAS NAM YANG MI 'DA' BAR MDZAD DO, ,DE NAS MKHAN POS DGE TSUL GYI BSLAB BYA BLANGS 'DAS SO DRUG GI BSRUNG MTSAMS NGO 'PHROD PA'I BKA' CHOS DANG, GZHAN YANG, RGYAN 'JUG GNYIS KYIS GTZOS PA'I CHOS SPYOD RNAMS LA 'DZIN SKYOR DGOS TSUL DANG, GRVA SA GZHAN DU MA 'DUG PAR DVAGS PO GRVA TSANG RANG DU SONGS LA SLOB GNYER LAN SO GZHON PA'I SKABS SU SNYING RUS BSKYED NAS 'BAD DGOS, LO BCU'I BAR DU MI TSE STONG ZAD LA MA GTONG BAR SLOB GNYER LA 'BAD NAS NGA'I RTZAR SHOG DANG DE NAS LAM RIM GYI KHRID GTONG, TSE MJUG SGRUB PA LA DRIL DGOS, SGRUB PA LA SHES DGOS, SHES PA LA SLOB DGOS PAS THOG MAR SLOB GNYER BYAS LO TZAM MA YIN PAR RANG SEMS KHO THAG CHOD PA ZHIG GYIS LA SHOG GSUNGS, DE NAS DAM PA 'DIS DRUNG BA RGYAL TSAB PA'I BKA' BZHIN DU DBUS SU BYON DVAGS PO GRVA TSANG DU PHEBS NAS RJE BTZUN BLO GROS BRTAN PA NAS BZUNG STE SLOB DPON RIN PO CHE LHA SDINGS PA BLO BZANG DON GRUB PA'I BAR

, ,MKHAS SHING GRUB BA BRNYES PA'I DAM PA BAR MA CHAD BAR BYON ZHING, MKHAS MANG BRGYA PHRAG 'DU BA'I BSTI GNAS SHAR PHYOGS BSTAN PA'I SGRON ME DVAGS PO GRVA TSANG DU RANG RGYUD GTAN LA 'BEBS PA'I CHED DU THES PA RGYA CHER 'TSOL BA LA ZHUGS SO, ,DE NAS DRUNG BA RGYAL TSAB PA'I BSLAB BYA RNAMS THUGS LA BZHAG NAS THOG MAR RIGS PA'I SGO 'BYED BSDUS GRA CHE CHUNG, DE NAS TSAD MA RNAM 'GREL PHAR PHYIN 'DUL BA MNGON PA MDZOD RNAMS LA LO BCU DRUG GI BAR DU SBYANGS TE MKHAS PA'I PHUL DU PHYIN PAR MDZAD, THOS BSAM MDZAD PA'I SKABS DE DAG GI CHO YANG ZAS GOS NGAN NGON TZAM GYIS CHOG SHES PAR MDZAD NAS MTSAN MO MNAL YE MA GZIM PAR NYIN MTSAN KHOR YUG TU SBYONG BAR MDZAD, DE LTAR SLOB GNYAR MDZAD PA'I GNAS SKABS THAMS CAD DU ZAS GOS 'DU 'DZI GNYID KYI BDE BA LA ZHEN PA MED TSUL DANG, 'DZIN GRVA GONG 'OG SOGS GANG LA'ANG CHAGS SDANG 'GRAN SEMS MED PAR BSAM PA BZANG BA, DAD PA DANG BRTZON 'GRUS CHE BA, BZHUGS LUGS SOGS LA MKHAS PA RNAMS SHIN TU YA MTSAN PAR BYED CING, CHOS RNAMS KYI RANG SPYI'I MTSAN NYID LA RMONGS PA MED PA'I SHES RAB RNO LA GTING ZAB PAS DON LA RTON GYI TSIG LA MI RTON PA, GZHUNG LUGS RNAMS LAS JI LTAR BSHAD PA THAMS CAD RANG RGYUD 'DUL BA'I THABS 'BA' ZHIG TU GO ZHING GZHAN LA'ANG DE LTAR STON PA, NYAMS MTSAR GSHAGS 'DEBS RTZED MO JI LTA BU MDZAD KYANG

GZHAN DANG MI 'DRA BAR TSIG 'GRIG PA, NYAMS DOD PA, ZHIB TU DPYAD NA SEMS 'DUL BA'I THABS 'BA' ZHIG TU 'ONG BA ZHIG YOD CES GRAG GO, THUGS GNYER MDZAD PA'I SKABS SU'ANG BYANG CHUB LAM GYI RIM PA'I NYAMS LEN LA BRTZON PAR MDZAD PAS RGYA CHEN SPYOD RGYUD DANG, ZAB MO LTA RGYUD KYI BLA MA RNAMS KYI ZHAL GZIGS PA SOGS DAG PA'I MTSAN MA'ANG MANG DU BYUNG NGO, ,DE LTAR LO BCU DRUG GI BAR DBU TSAD PHAR PHYIN 'DUL BA MNGON PA RNAMS LA TSIG SPYI TZAM DU MA LUS PA'I THUGS GNYER MTHAR PHYIN BAR MDZAD DE, DON GNYER CAN GYI DGE PHRUG 'GA' RE LA RTZI SHAG GNANG ZHING, RIGS LAM LA SHIN TU BYANG BA'I MKHAS BA DU BA'I THE TSOM GCOD PA BOR GYUR CING SDE SNOD 'DZIN PA RNAMS KYI GTZUG GI RGYAN DU BZHUGS SO, ,DE NAS THUGS LA 'DI LTAR DGONGS TE THOS DON SGRUB PA SNYING POR BYED PA ZHIG MA BYUNG PHYIN, THOS PA TZAM GYIS RANG RGYUD 'DUL MI NUS LA, RANG MA DRAL BAS GZHAN 'DUL MI NUS BAS DBEN PA'I GNAS SU THOS DON SGRUB PA SNYING POR BYED DGOS PAR 'DUG ,SNGAR BLA MA'I BSLAB STON LAS KYANG 'GYANGS SONG BAS DA NI MYUR DU MA SONG NA DENG BYA SONG BYA'I NGANG LA TSE ZAD NAS RANG GZHAN GYI DON CHEN PO SGRUB PA LAS NYAMS BAR 'GYUR BAR 'DUG SNYAM NAS NYIN MTSAN KUN TU DBEN PA'I YON TAN GYIS YID PHROGS NAS YOD PA'I TSE, GRVA TSANG DE KHA'I DGE BSKOS BYED DGOS KYI GRAL MTSAMS SU YANG SLEB YOD PAS BLA MAS DGE BSKOS DANG GRVA SKOR DGOS PA'I BSLAB STON PHEBS PAR BLA

, ,MAL DGANGS PA JI LTAR ZHUS KYANG MA GNANG BA'I RKYEN GYIS DGE BSKOS LA BYOL THABS KYIS BROS NAS 'BRAS SPUNGS SU PHEBS, GZIM SHAG MKHAN PO BLO BZANG MKHAS BTZUN GYI DRUNG NAS LAM RIM CHEN MO'I LJAGS LUNG TSAR GCIG GSAN, DE NAS BLA MAS LCAGS RI'I PHYI ROL TU SKYAL THUNG MDZAD NAS BSLAB BYA YANG DAG GNANG STE GTZANG DU BYON, SHANGS RGOD TSANG DU DRUNG BA RIN PO CHE'I ZHABS DRUNG DU PHEBS PAS, DRUNG PA RIN PO CHE'I ZHAL NAS KHYOD MTSAN NYID LA RGYUN RING DRAGS BYUNG, LO BCU SONG NAS 'ONGS NA 'GRIG RGYU YIN, DA LE LO MA BYED PAR RI KHROD RANG BYAS PA DGA' GSUNG ZHING GANG SHES RGYUD LA SBYOR DGOS PA'I BKA' CHOS BSLAB BYA DANG 'BREL PA MANG DU GNANG, DE NAS DRUNG PA RIN PO CHE LA BSNYEN RDZOGS KYI MKHAN POR GSOL BA BTAB BAS, DGYES PA CHEN POS ZHAL GYIS BZHES SHING, MKHAN SLOB GRANGS TSANG BA'I DGE SLONG GI DGE 'DUN DANG BCAS PA'I DBUS SU BSNYEN PAR RDZOGS PA DGE SLONG GI DNGOS PO THOB STE, THUB PA'I RGYAL TSAB GNAS BRTAN 'DUL BA 'DZIN PA CHEN POR GYUR TO, ,DE NAS SKU KHAMS MI SNYOMS PA CUNG ZHIG BYUNG BA NA DRUNG PA RGYAL TSAB PA'I ZHAL NAS DVAGS PO GRVA TSANG GI DGONGS PA MA KHROL BAS LHA MO'I 'TSUB KYI RNAM PAR 'DUG, GRVA TSANG GI DGONGS PA LEGS PAR ZHUS LA SHOG GSUNG, DE NAS DVAGS PO GRVA TSANG DU PHEBS TE DGONGS BA ZHUS, DE KHA'I BLA MA DGE 'DUN TSANG MAS DANG BA CHER MDZAD DE

GRVA TSANG GI KHRI LA 'JOG 'DOD MDZAD KYANG, DAM PA 'DI NGES 'BYUNG SKYO SHAS CHE BAS GRVA TSANG GI BLA MA LA MDZAD CING, BLO GSAL DON GNYER CAN 'GA' ZHIG LA DRANG NGES RNAM 'BYED KYI BSHAD PA ZHIG GNANG, DE NAS RGYUD STANG DU CHOS THOG GCIG TZAM PHEBS NAS DGE RGAN RE SGO AA TZA RA RI GONG BYA BA'I RI KHROD DU BZHUGS BAS DER PHEBS, ZAB CHOS MANG DU GSAN CING, BYANG CHUB SEMS KYI GDAMS NGAG THUGS TSIM BAR ZHUS TE, SLAR YANG GTZANG DU PHEBS BAS DRUNG PA RIN PO CHE GZUGS SKU'I BKOD PA CHOS KYI DBYINGS SU BSDUS NAS DAD LDAN GYI SLOB MA RNAMS NYID KYI THUGS SRAS DRUNG PA RTA PHUG PA BLO BZANG DAM CHOS RGYAL MTSAN GYIS BLA MA RGYAL TSAB PA NYID LAS MI ZHAN PAR SKYONG SKABS SU SDANG BAS DRUNG PA RIN PO CHE DANG BKRA SHIS LHUN PO'I DKYIL KHANG DU MJAL NAS BSNYEN BKUR DANG 'BUL BA GANG 'BYOR PHUL TE SKYES BU GSUM GYI LAM GYI RIM PA'I KHRID KYI SNYAN 'BUL ZHUS PAS, DER BDE LAM GYI KHRID DBU 'DZUGS TZAM MDZAD, 'PHROS RNAMS RGOD TSANG DU SLEBS NAS YONG GSUNG, DER PHABS NAS ZHUS PAS MTSAN NYID BA LA LAM RIM GYI KHAG MI 'ONG GSUNGS NAS MA GNANG BAS CHOS LA GDUNG DRAG NAS YANG YANG ZHUS PAS SGO DU MA NAS BKA' BKYON MDZAD PA LAS BKA' CHOS KYI ZHAL BZHES MI MDZAD PAR THUGS MI MNYES PA LTA BU LAN MANG DU MDZAD PAS THUGS LA NGA LAS SGRIB CHE BAS SNOD DU MA GYUR PA YIN 'ONG, SNGON LA BSHAGS SBYANGS LAS SGRIB DAG PA'I MTSAN MA THOB BA ZHIG BYED, DE NAS YANG ZHABS BSKUL

, ,ZHU DGONGS TE BKRA SHIS LHUN POR PHEBS SKOR BA GSOG PA'I TSE, NYIN GCIG SKOR LAM DU RO KHYER BA GZIGS PAS, NGA 'DI DANG MNYAM DU MA SHI BA'I BDEN NAM RDZUN YA MTSAN, DE RING RANG YANG 'CHI NYEN 'DUG ,RTEN BZANG PO 'DI 'DRA THOB NAS BYANG CHUB LAM GYI RIM PA LA BLO SBYONG RGYU MA BYUNG BAR SHIN JI LTAR BYED, SLAR 'DI LTA BU'I RTEN THOB MI 'THOB CHA CI YOD SNYAM NAS DAL 'BYOR DANG 'CHI BA MI RTAG PA ZUNG 'BREL DU GO NAS BRTZON 'GRUS DRAG POS BANG BTANG NAS SKOR BA MDZAD, DE'I TSE THUGS LA NGA DA LTA RANG YANG 'CHI NYIN 'DUG ,'JIGS PA CHEN PO 'DI PAn CHEN THAMS CAD MKHYEN PAS DGONGS NI DGONGS THUGS BRTZE BAS GCIG GSUNG RIGS PAR 'DUG SNYAM PA BYUNG, SKOR BA BSOGS NAS SLAR YANG RGOD TSANG DU PHEBS, BKA' CHOS KYI ZHABS BSKUL ZHUS PA NA KHYED MTSAN NYID PA LA LAM RIM BSHAD PA LA DGOS PA MED GSUNGS MA GNANG BAS, 'CHI RKYEN MANG LUGS DANG; GSON RKYEN NYUNG LUGS, SROG NYAM CHUNG LUGS GANG LA BSAMS KYANG, TSE 'DI LA LAM RIM GYI KHRID THOB PA'I SKAL BA MI 'DUG, SKYE BA RJES MA LA BYANG CHUB LAM RIM STON PA'I BLA MA MTSAN NYID DANG LDAN PA ZHIG DANG MJAL NAS CHOS DE LA THOS BSAM SGOM PA MTHAR PHYIN PA ZHIG 'ONG BA'I BSNGO SMON DANG, DE'I GEGS MI DAG BA GANG BYAS LA BSHAGS SDOM 'GYOD MED CIG BYA BA LAS 'OS MI 'DUG SNYAM STE, ZHUM PA MED PAR SNYING STOBS BSKYED NAS,

RGOD TSANG GI NYE SKOR PHUG BA DBEN PA ZHIG TU, RTZAM BA NYUNG TZAM LA BZHES CHOD MDZAD CING GCIG PUR BZHUGS NAS, NYI MA RE LA BRKYANG PHYAG STONG PHRAG GSUM RE BTZAL NAS BSHAGS SBYANGS LA 'BAD PAS, RE ZHIG LON NAS YUL DE NA DMAR BSHAL GYI RIMS BYUNG BAS, LAN CIG KHRAG MANG PO 'KHRU BA BYUNG, PHUG BA'I NANG DU BYON KHRAG 'KHRU BA DE BDEN NAM BRDZUN SNYAM SLAR GZIGS PAR PHEBS PAS GANG YANG MI 'DUG RUNG, NGA NAD NGAN DE THEBS 'DUG MYUR DU 'CHI SNYAM DGE SBYOR LA BRTZON PA DRAG TU BTANG BAS DA STE ZHAG BDUN NAS KHYOD 'CHI'O ZER BA'I SGRA ZHIG MNGON SUM DU BYUNG BAS, ZHAG BDUN SONG BA'I NYIN 'CHI BAR THAG CHOD NAS 'CHI GRABS 'GYOD MED CIG BYED DGOS SNYAM NYIN RE BZHIN BSAG SBYANGS LA 'BAD CING NYIN BDUN BA LA DGE RTZA RNAMS BSNGO SMON RNAM PAR DAG PAS RGYAS BTAB, SEMS 'PHRENG BA'I CHAS KA DANG MDZA' BSHES NI MED, TSE 'DI LA LAM RIM MA THOS KYANG LAS 'BRAS MI BSLU BAS PHYI MTHOB NGES 'GYOD PA SPU TZAM MED SNYAM 'CHI BAR THAG BCAD NAS BZHUGS PAS ZHAG NI BDUN SONG, GRONGS NI MA GRONGS, DE RING MA SHI PA DE BLA MA DKON MCHOG GI BKA' DRIN YIN SNYAM THUGS DAM SNGAR LAS KYANG NUS PAR MDZAD PAS RMI LAM DU CHOS GOS RNAM GSUM BZHES NAS SEL BO STONG PA ZHIG BSNAMS PHEBS PA RMIS PAS CHOS GOS RNAM GSUM GYON PA LEGS MOD SEL BA STONG BA KHUR BA BZANG RGYU MI 'DUG SNYAM STE SNGAR BZHIN THUGS DAM RGYUN BSKYANGS PAS

, ,RMI LAM DU GOS DKAR PO DRI MA MED PA ZHIG GYON NAS NAM MKHA'I DBYINGS THAMS CAD DU THOGS MED DU 'GRO BA ZHIG RMIS PA SDIG PA DAG PA'I RTAGS YIN NGES SHES PA BYUNG, DA NI SHI YANG MI 'GYOD DO SNYAM BZHUGS PAS, DGONG, CIG RMI LAM DU BLA MA RTA PHUG PA DE NYID RGOD TSANG GI RI RTZER PHEBS NAS, KUN GZHAN GYIS G-YAB MO MDZAD PA ZHIG RMIS THUGS LA DA RANG PHYIN PA BLA MAS GSUNG CHOS GNANG BA 'DRA DGONGS NAS RGOD TSANG DU BYON PAS THUGS SHIN TU DGYES PA'I SGO NAS DUS GSUM SANGS RGYAS THAMS CAD KYI BGROD PA GCIG PA'I LAM PO CHE, SHING RTA CHEN PO KLU SGRUB DANG THOGS MED GNYIS KYI LAM SROL, SKYES BU GSUM GYIS NYAMS SU BLANG BAR BYA BA'I RIM PA MTHA' DAG MA TSANG BA MED PAR STON PA, SNYIGS DUS KYI RGYAL BA GNYIS PA SHAR TZONG KHA PA BLO BZANG GRAGS PA'I THUGS KYI NYING KHU BYANG CHUB LAM GYI RIM PA'I MYONG KHRID GNANG BAS SKOM PAS GDUNGS PA CHU THOB PA'AM, DBUL POS GTER RNYED PA LTA BU'I DGA' SPRO BSAM GYIS MI KHYAB PA 'KHRUNGS, NYIN LTAR CHOS THUN GROL MA THAG GZHAN LA NGAG MA BTANG BAR SPYIL POR PHEBS NAS, BLA MAS JI LTAR GSUNGS PA'I TSIG RIS PHRA MO TSUN CHAD ZUR MA NYAMS PAR 'DI'I SKABS SU 'DI GSUNGS 'DI'I SKABS SU 'DI GSUNGS SNYAM DU TSIG SKYOR BA DANG, DON SEMS PA SOGS LA SNOD KYI SKYON GSUM GAD GIS KYANG MA GOS BAR MDZAD, BLA MA'I RNAL 'BYOR GYI SKABS SU KLOG SLOB PA'I SLOB DPON BTZUN LO GCIG YOD PA DE LA SANGS RGYAS

DNGOS KYI 'DU SHES SKYE DKA' BAR BYUNG BA BLA MA LA ZHUS PAS, SLOB DPON BTZUN LOG DE NYID TSOGS ZHING GI GTZO BOR GYIS THUB PA'I DBANG POR BSGOMS LA DANG PA SBYONGS, NAM SANGS RGYAS SU MTHONG BA'I DAD PA BYUNG TSE KHONG RANG GI GRAL DU BZHUGS LA DANG PA SGOMS GSUNGS, DE LTA BU'I TSUL GYIS 'GO BSHES GNYEN BSTEN TSUL NAS MJUG LHAG MTHONG GI BAR GYI DMIGS SKOR MTHA' DAG LA THOS BSAM GYIS MTHA' CHOD PAR GTAN LA PHAB STE DOGS PA SHIN TU GCOD DKA' BA RNAMS BLA MA RANG LA ZHUS NAS LAM SGOM PA'I THOG MTHA' BAR GSUM GYI GNAD 'GA' PHRA ZHING PHRA BA RNAMS KYANG THAG CHOD PAR MDZAD DE, GCIG PUR BZHUGS TSE GZHAN LA DOGS GCOD 'DRI MI DGOS PA'I GDENG THOB PAR MDZAD DO, ,KHRID SKYONG BA LA SHIN TU BRTZON PAR YOD PA'I SKABS SHIG MNAL LAM DU LHA KHANG CHEN PO SGO SHAR LA BSTAN PA SGO LCAGS CHEN PO RGYAB PA ZHIG GI SGO DRUNG NA NYID RANG BZHUGS 'DUG PA LA MI ZHIG GIS LDE MIG CHEN PO ZHIG BYIN BYUNG, DES SGO LCAGS DE PHYE NAS SGO PHYE BA DANG DUS MNYAM DU SHAR PHYOGS NAS SPRIN DANG BRAL BA'I NYI MA'I DKYIL 'KHOR 'OD ZER SHIN TU GSAL BA ZHIG SHAR BA KHANG PA DE'I NANG DU BSTAN PA'I BDAG PO'I SKU SHIN TU CHE BA ZHIG BZHUGS 'DUG PA DE'I THUGS KAR 'OD ZER PHOG PAS SKU DE LAS KYANG 'OD ZER 'PHROS PAS KHANG BA DE NYID GANG NAS 'OD DANG 'OD ZER PHYOGS BCUR 'PHOR BA ZHIG RMIS, THO RENGS MNAL SAD TZA NA RMI LAM YA MTSAN CAN DE 'DRA CI YIN NAM SNYAM BZHUGS PAS PHAN TSUN GYI SPYIL PO

, ,RNAMS KYI KHAR RDO 'PHEN PAR 'DUG PAS, RMI LAM LA DPAGS NA DE RING BKA' CHOS SHIG GNANG BAR THAG CHOD SNYAM NAS MYUR DU BLA GRANG DU BYON PAS, RTZA BA'I BLA MA DE NYID BZHUGS KHRI PHUN SUM TSOGS PA ZHIG GI STENG NA SKU STOD GTZER PU MDZAD, CHOS GOS RNAM GSUM LEGS PAR BZHES PHYAG TU LAM RIM CHEN MO'I GLEGS BAM BSNAMS, NYI MA DRO SA ZHIG NA DANG BA 'DREN PA ZHIG MDZAD NAS BZHUGS 'DUG ,RMI LAM LA DPAGS NA RANG NGOS NAS BYUNG PHYIN BLA MA SANGS RGYAS YIN PAR THAG CHOD PA'I NGES SHES CHEN PO SKYES, BLA MAS DGYES BZHIN DU LAM RIM CHEN MO'I BSHAD LUNG RGYAS PAR GNANG BAS BLA MA DANG CHOS LA NGES SHES KHYAD PAR CAN 'KHRUNGS TE LUS KYI PA SPU LDANG; MIG NAS MCHI MA 'KHRUG BZHIN PAS BLA MA RGYANG 'BOD LA 'BAD CING, RIS DGA' BSTAN PA'I BDAG PO'I BKA' DRIN DRAN NAS SKABS GSUM PA MANG DU BTON NAS DAD PA DANG SKYO SHAS 'GRAN PA ZHIG YOD CING ,BLA MA LA BKA' DRIN DRAN PA'I DAD GUS RGYUN MI 'CHAD PA BYUNG ZHING BLA MA'I BYIN RLABS ZHUGS PA'I MTSAN MA'ANG THOB, RGOD TSANG RI KHROD KYI BSGRAGS LA ZHUGS NAS LO GSUM BZHUGS, LAM RIM GTZO BOR BSKYANGS PA'I BAR DU BKRA SHIS LHUN POR SNGAGS CHEN RDO RJE 'DZIN PA DKON MCHOG RGYAL MTSAN PA'I DRUNG NAS GSANG BDE 'JIGS GSUM SOGS KYI DBANG CHEN DU MA DANG, CHOS SKYONG SKOR PHAL CHER GYI RJES GNANG, SGRUB THABS DU MA'I LUNG BCAS CHOS BKA' CI RIGS

PA GSAN NO, ,DE NAS DRUNG PA RTA PHUG PAS DAM PA 'DI NYID DBUS PHYOGS SU RJE'I BSTAN PA LA PHAN PA CHEN PO 'BYUNG BAR GZIGS NAS NYIN GCIG SKU MDUN DU BOS NAS, ,NGA KHYOD DBUS LA SONGS GSUNGS TE NYID KYI SKU 'GAG BZHAS PA DE PHUD NAS GNANG, DBEN PA BSTEN PA'I TSE DKA' SPYAD DGOS TSUL, SGRUB PA BYED TSUL, DE LA BRTEN NAS BSTAN PA DANG 'GRO DON JI LTAR BYA BA'I BSLAB DON RGYAS PAR GNANG, KHYAD PAR DU GOS RGYAB DROS DANG ,'TSO BRTZAM PAS TSAG SHES GYIS LA DBEN PAR LAM RIM RANG LA DRIL CIG GSUNGS, DE NAS BLA MA SANGS RGYAS SU MTHONG BA'I DAD PA DANG, BKA' DRIN DRAN PA'I GUS PA CHEN POS DRANGS PA'I MCHI MAS BRLAN ZHING 'BRAL MI PHOD PA BYUNG YANG BKA' BZHIN SGRUB PA BLA MA MNYES PA'I MCHOD PA'I MCHOG DANG BKA' DRIN GZHAL BA'I MCHOG TU GZIGS TE DBUS SU BYON PAS SNYE THANG DU PHEBS PA'I TSE SE RA'I RGYAB RI'I LDEBS NA RJE'I SGRUB KHANG GI CHU MIG DANG SHING NAGS GZIGS PAS DGA' BA DANG SKYO BA 'DRES PA'I SPYAN CHAB MANG DU BYUNG, NGA YA GI RANG DU SGRUB PA BYAS LA 'DUG SNYAM PA BYUNG, DE NAS SGRUB KHANG DU PHEBS GNAS DER ZIL GNON DMIGS PA SKOR GSUM MDZAD, PHYAG BDAR LEGS PAR BYAS, SHIN TU BAG PHEBS PA DANG, DBEN PA BSTEN PA'I DGA' BAS THUGS RAB TU TSIM NAS RTZVA'I GDAN LA BZHUGS NAS LAM RIM DANG GCOD GNYIS KA LA BRTZON PAR MDZAD PAS, NUB DANG PO NAS SGO'I RTZAR SHU RGYAGS PA DANG 'GRAM LCAG GTONG BA DANG ,RMI LAM

, ,DU PO TA LA'I RGYAB NAS BZUNG, SGRAB KHANG GI BAR DU GUR KHRA CHEM ME BA'I SGAR BA CHEN PO'I MTHA' THAMS CAD 'BROG PA'I CHA LUGS CAN GYI RTA BA KHOR GSUM CHER MA 'DRA BA BTAGS PAS BSKOR BA DANG, NYANG BRAN PHU NAS G-YAG NAG PO RI 'DRA BZHIG NGAR SGRAS PA GZHO 'DAR ZHING ME STAG 'PHRO BA'I RLUNG 'TZUB DANG BCAS BYUNG BAS SGRUB KHANG 'OG GZHAN DANG BCAS PA RVA RTZER BSKOR BA RNAMS GCOD KYI DMIGS PA BRTAN POS GZI BAS, G-YAG RGOD DE CHUNG DU CHUNG DU SONG BA'I MTHAR THA 'OG PA'I LHA RTEN GYI RTZAR MAR ME CHUNG NGU ZHIG TU GYUR SONG ZHING, THABS SHES SPYAD KYI NYAMS LEN LA RGYUN BSKYANGS PAS BDAG 'DZIN 'GONG PO'I CHO 'PHRUL RANG ZHI LA SONG BA'I MTHAR GNAS DE'I GZHI BDAG RNAMS BRAN DU KHOL TE PHYIN CHAD BKA' BZHIN DU 'PHRIN LAS SGRUB PA ZHIG BYUNG NGO, ,DE NAS DUS RE ZHIG NAS NA BZA' DANG 'TSO CHAS RNAMS ZAD PA NA, RI NAS RTZVA BRNGAS NAS GDAN DANG G-YAS G-YON RNAMS SU RTZVA SPUNGS NAS SGOM PAR MDZAD, DE'I TSE G-YAS G-YON MDUN RGYAB GANG KRANG SA DER RTZVA MANG BAR SPUNGS NAS BSGOMS, MCHOD PA GZHAN CHER MED PAS PHOR BA BKRUS NAS YON CHAB DUS DRUG RE NYIN LTAR PHUL TE BYANG CHUB LAM RIM BSGOM PA LA BRTZON PA CHU BO'I RGYUN BZHIN MDZAD DO, ,DA LTAR BYANG CHUB LAM RIM GYI DMIGS RNAM SKYONG BA LA 'DABS THUGS RGYUD LA RTOGS PA SKYE PA'I RKYEN NI SGOM PA'I THUN BAR ZHIG LA CHU LEN PAR PHEBS BAS LA MKHAN SBRANG BU ZHIG CUNG ZAD 'BUR NAS

SA LA YANG YANG LHUNG BAR 'DUG ,'DI CI YIN SNYAM ZHIB TU GZIGS PAS SBRANG BU'I BRANG LA GROG MA ZHIG GIS MCHU BTZUGS NAS 'DUG ,DES RKYAN BYAS NAS LAS 'BRAS LA BSAM PAS, RANG GIS LAS NGANG ZHIG BSAGS PHYIN JI LTAR BYAS KYANG 'BRAS BU MYANG DGOS 'DUG, SBRANG BU LA MIG 'DUG ,GSHOG PA 'DUG ,GROG MA LA MIG KYANG MI 'DUG LA, GSHOG PA YANG MI 'DUG STE LAS KYIS BKUG NAS GNAS SKABS 'DI 'DRAR GYUR 'DUG PAS DGE MI DGE'I LAS NGES PA CAN SOGS STON PA SANGS RGYAS KYIS GSUNGS PA LA NAM YANG BSLU BA MED PA'I NGES SHES KHYAD PAR CAN 'KHRUNGS TE, DES SNA DRANGS NAS LAM GYI RTOGS BA MTHA' DAG RGYUD LA SPUNGS BA BZHIN DU 'KHRUNGS SO, ,DE LTAR BSHES GNYEN BSTEN TSUL NAS ZHI LHAG GI BAR LA RTZOL BCAS DANG RTZOL MED KYI MYONG BA RIM GYIS THON TE RANG NYID MI NYAMS PA'I GDENG THOB PA NA SKAL DANG YI GDUL BYA RE GNYIS LA GANG LA GNAG 'TSAM GYI ZAB CHOS MNGON CHUNG GI SGO NAS GNANG, BAR SKABS SHIG DGOS PA KHYAD PAR CAN 'GA' GZIGS TE, 'O KHA DANG, NRGYAL DANG, DVAGS PO DANG, RTZVA RI'I RTZE SKOR SOGS LA PHEBS, 'DI SKABS SU BLA MA DRUNG RAM PA RIN CHEN DON GRUB LA GCOD STON THOG GCIG MA'I KHRID, NAM MKHA' SGO 'BYED KYI DBANG, DPON SLOB LHA SDINGS PA LA CHOS SPYOD RAB GSAL GYI LUNG, RE SGO AA TZA RA LA BLO SBYONG GZHAN DON DON GNYER, BYANG CHUB DON GNYER, BZOD PA'I PHAR PHYIN LA BSLOB TSUL SOGS CHOS MANG DU GSAN

, ,NO; ;DE NAS THUGS LA SNGAR GTZANG DU BZHUGS SKABS BLA MA'I ZHAL NAS GCOD LA BZHED PA CHEN PO 'DUG PA, BAR GRVA TSANG GI GCOD ZHIG NYAN NA 'ONG GSUNG BA ZHIG YOD PA DRAN NAS ,CI NAS KYANG DA RES 'GRO DGONGS TE PHEBS PAS, CHOS LUNG BYA BAR ZHAL SNGA NAS CHOS 'PHEL RGYA MTSO'I DRUNG DU 'BYOR, GCOD KYI GDAMS PA GNANG DGOS TSUL ZHUS PAS THUGS DGYES DGYES DPAG MED MDZAD, GCOD KHRID ZAB RGYAS GNANG, ZHAG BZHI BZHUGS, DE DUS ZHAL SNGA NAS DER DA LTA BREL BA YOD RJES SOR SHOG DANG, GCOD KYI DPE YANG STER GSUNGS TE THUGS LA BZHAG NAS SLAR YANG PHEBS PAS ZHAG BCU BZHI'I RING LA GCOD DBANG DANG ,SKAL LDAN 'JUG DOGS CHE CHUNG GNYIS, MA CIG RKYANG SGOM DANG BCAS PA'I KHRID LUNG DPE DANG BCAS PA GNANG, NGAS GCOD KHRID ZHUS NAS MA CHAG PAR BTANG BA YIN, NGA KHYOD KYIS KYANG MA CHAGS PAR THONGS GSUNGS TE, MA CIG BLA MA DANG BCAS PAS THABS SHES SPYOD KYI GDAMS PA'I MNGA' BDAG CHEN POR MNGA' GSOL BA'I RTEN 'BREL GYIS GDAMS PA 'DIS MA CIG GI DGONGS PA JI LTA BA BZHIN GDAMS NGAG BLO SBYONG SPYI DANG MTHUN ZHING, KUN SPYOD 'DUL BA LTAR MDZAD DE NANG GSANG SNGAGS LTAR GNAS NAS KUN RDZOB BYANG CHUB KYI SEMS KYIS RANG GCES 'DZIN BCAD, DON DAM BYANG CHUB KYI SEMS KYIS BDAG 'DZIN BCAD DE BDUD BZHI RANG SAR GROL, RANG SEMS DBANG DU 'DUS, DE'I MTHUS LHA 'DRE MI

GSUM DBANG DU 'DUS NAS GDAMS PA 'DI'I SGO NAS SKAL LDAN DU MA SMIN GROL LA BKOD CING, MING DON MTHUN PA'I GCOD KYI BSTAN PA NYIN MO LTAR GSAL BAR MDZAD NAS GDON GYIS BRLAMS PA'I NAD PA DU MA NAD LAS GROL BAR MDZAD TSUL YANG MTHA' YAS SO, ,GZHAN YANG DBUS STOD PHYOGS SU LAN 'GA' RE PHEBS TE, BLA MA SNYAN GRAGS KYI DRUNG NAS LAM RIM CHUNG NGU, DMIGS BRTZE MA'I LAS TSOGS SOGS CHOS MANG DU GSAN, HOR BKA' CHEN BLO BZANG DON GRUB KYI DRUNG NAS BE'U BUM SNGON PO'I 'GREL PA, 'JIGS BYED KYI BSKYED RDZOGS, BLO SBYONG SNYAN RGYUD CHEN MO, YI DAM SGRUB SKOR, BAR DO GSOL 'DEBS, GTOR MA SNA TSOGS, SMAN BLA'I BLA MA'I RNAL 'BYOR, PHYAG CHEN RNAMS GSAN, SLOB DPON BYAMS PA CHOS LDAN LA DMAR KHRID 'JAM DPAL ZHAL LUNG GI MYONG KHRID SEMS BSKYED CHO GAS 'DZIN TSUL DANG BCAS PA GSAN, SEMS BSKYED MCHOD PA'I SKABS ME TOG DKAR PO'I CHAR BABS PAS BLA MA SHIN TU MNYES PAR GYUR, GZHAN YANG NYI SDINGS BLA MA DGE 'DUN PHUN TSOGS KYI DRUNG NAS SRAD RGYUD LUGS KYI 'JIGS BYED KYI BSKYED RDZOGS KYI KHRID SMIN RGYAS GSAN, SNGA PHYI DU MER PO TA LAR PHEBS NAS RDO RJE 'CHANG CHEN PO DGE SLONG 'JAM DBYANGS GRAGS PA'I DRUNG NAS, TSE DPAG MED KYI KHRID, SNYING PO DON GSUM GYI KHRID LUNG, BLO SBYONG DON BDUN MA'I KHRID LUNG, DMIGS BRTZE MA'I BLA MA'I RNAL 'BYOR GYI KHRID LUNG SOGS CHOS MANG DU GSAN NO, ,DE LTAR THOS BSAM SGOM PA

, ,GSUM LA DRIL NAS GCIG GI GEGS GCIG GIS BSAL, GCIG GROGS SU GCIG SONG BAS LUNG RTOGS KYI YON TAN RNAMS MTSO'I PADMA LTAR GYUR TE, THAR 'DOD DU MA LA LEGS BSHAD KYI DGA' STON 'GYED PAR MDZAD DO, ,DE NAS MA 'ONGS PA'I BSTAN RGYUN LA DGONGS TE SER RE RTZE'I SGRUB KHANG DU SGRUB SDE 'DZUGS PAR MDZAD DE THOG MAR DGE SLONG BCU BDUN LONGS PA'I DGE 'DUN GYI SDE CHAGS, DE NAS GDUL BYA LAS CAN RNAMS LA LAM RIM GTZO BOR MDZAD PA'I GCOD SNYING PO DON GSUM SOGS KYI CHOS 'KHOR DU MA BSKOR BAS SLOB MA THAMS CAD KYANG NYID KYI RJES SU SLOB PAS YUN RING PO'I BAR DU GNAS DER SANGS RGYAS KYI BSTAN PA SGRUB PA'I LE'U'I DUS LTAR GNAS PAR GYUR TO, ,DE NAS RKYEN CI RIGS PAS BSKUL NAS 'OL KHAR PHEBS TE 'GAR PHUG DANG, CHOS LUNG SOGS SU RE ZHIG BZHUGS PAS, 'GAR PHUG GI RJE'I SGRUB KHANG DU DAM CAN CHOS RGYAL ZHAL GZIGS, GCOD KYI LHONGS LA PHAG RGOD NAG PO RA TZIM ZHIG RLUNG DMAR DRAG TU G-YO BA DANG BCAS BYUNG BA DMIGS PAS GZIR BAS MTHAR PHYI BA GSUM DU SONG, DE YANG DMIGS PAS GZIR NAS THAL BA'I RDUL DU BRLAG STE RNAM SHES CHOS KYI DBYINGS SU 'PHANGS NAS LTA THOG TU MNYAM PAR BZHAG PAS PHYI NYIN NYI MA LAM GYI MA DROS PAR MNYAM GZHAG THUN GCIG LA SONG, MNYAM GZHAG LAS LANGS MA THAG 'KHOR 'DAS MNYAM NYID DANG SNANG STONG ZUNG 'BREL GYI MGUR MA ZHIG KYANG GSUNGS,

RGYAL DU PHEBS PAS DPAL LDAN LHA MO'I ZHAL GZIGS PA SOGS DAG PA'I MTSAN MA MANG DU BYUNG, DE NAS TSUR PHEBS PAS SANG ZANGS RIR PHEBS RGYU'I DGONG MO MNAL LAM DU, MI ZHVA NAG PO GYON PA DUNG LONG BRGYAB PA ZHIG GIS, DOG BDE'I NANG DU MCHOD RTEN YOD DER KHANG PA BRTZIGS NA 'ONG ZER BA ZHIG BYUNG, SANG ZANGS RI KHANG DMAR DU PHEBS RTEN MJAL MDZAD PAS SRAS THOD SMYON BSAM 'GRUB KYI SKU DE RMI LAM DU BYUNG BA JI LTA BAR 'DUG GSUNG, DE NAS SE RA RTZER PHEBS NYIN DGE 'DUN RNAMS KYIS BSU BA MDZAD, 'DU KHANG DU MCHOD PA BRGYA TSAR PHUL, DGE 'DUN THAMS CAD KYIS ZHABS SPYI BOR BLANGS, DA PHYIN CHAD GDAN SA 'DI RANG DU BZHUGS NAS CHOS GSUNG BAR GSOL BA MGRIN GCIG TU BTAB PAS THUGS DGYES PA CHEN POS ZHAL GYIS BZHES TE, DA NGAS KYANG LAM RIM RANG 'CHAD KHYED RANG RNAMS KYANG LAM RIM RANG SGOMS SHIG GSUNG, DE NAS BZUNG STON DPYID GNYIS LA LAM RIM GYI KHRID TSAR RE PAL CHER GNANG, DPON SLOB THAMS CAD BSHAD SGRUB SHIN TU 'PHEL, SEMS BSKYED MCHOD PA DANG MAndAL RNAMS LA BSNGAGS BRJOD CHEN PO MDZAD PAS DAR RGYA CHE RU SONG, DE NAS SNGAR MNAL LAM DU BYUNG BA'I DOG BDE'I NANG GI MCHOD RTEN YOD PA RTZAD DPYAD PAS, BUR BU LCOG TU MCHOD RTEN 'GA' ZHIG 'DUG PAS DAR RJE 'DI NYID KYIS SA 'BUL DANG BKOD PA MDZAD NAS, SPYIN BDAG KHRA 'BUR SOGS KYIS DER GZIM KHANG ZHIG BRTZIGS, DAM PA 'DI DGUNG LO DRUG CU THAM PA BZHES PA LCAGS PO 'BRUG GI LO

, ,PHUR BU LCOG TU BYON, NYIN MANG PO'I BAR MDO SDA BSKAL BZANG BKLAGS SHING MCHOD PA GZABS PA PHUL, BYANG CHUB MCHOG TU SEMS BSKYED DGOS TSUL GYI GSUNG BSHAD RNO LA RGYAS PAR GNANG NAS MDO SDE BSKAL BZANG DBANG DU BZHAG NAS SBYOR DNGOS RJES GSUM TSANG BA'I SEMS BSKYED RE DPON SLOB THAMS CAD KYIS MGRIN GCIG TU MDZAD DO, ,BSKAL BZANG LAS DE BZHIN GSHEGS PA GRAGS PA SNGON THAG PAR GYUR PA'I CHE RAS KYI KHA TSAR PHUL NAS SEMS BSKYED PA DANG, DE BZHIN GSHEGS PA 'OD 'PHRO RTZVA'I SGRON ME PHUL NAS SEMS BSKYED PAR GSUNGS PA YI GER BRIS NAS MGUL DU BZHES, NGED RANG TSO SEMS BSKYED PA'I RDZAS LA MA THOGS DAD PA LA THOGS GSUNGS PA SOGS GSUNG CHOS RUS BA CAN MANG DU GNANG, DE NAS RGYAL DGA' TSAL DBU MDZAD KYIS RJE BTZUN THAMS CAD MKHYEN PA BLO BZANG YE SHES LA GSOL BA BTAB NAS LAM RIM GYI MAN NGAG CHES GSAL BA MYUR LAM ZHES BYA BA GNANG BA GSAN NAS RGYAL DU PHEBS TE BRAG RTZA BLA MA BLO BZANG RGYAL MTSAN LA SNGAGS RIM CHEN MO, 'DUL BA'I GLENG 'BUM CHEN MO, PAn CHEN THAMS CAD MKHYEN PAS MDZAD PA'I MYUR LAM RNAMS KYI LUNG GSAN CING BYAMS CHEN GYI MDUN DU SEMS BSKYED DANG, BSTAN PA RGYAS PA'I BSNGO SMON MDZAD NAS 'OL KHAR PHEBS DRUNG RAM PA BLO BZANG CHOS RGYAL LA SMON LAM MTHA' YAS PA'I GCOD SOGS BKA' CHOS CI RIGS GSAN NAS SER RTZER PHEBS

SNGAR BZHIN BSHAD SGRUB KYIS 'DUS SDA RNAMS LEGS PAR BSKYANGS SO, ,DE NAS PHUR BU LCOG TU DGE SLONG BRGYAD SDE ZHIG 'DZUGS PA'I THUGS 'DUN YOD BA BZHIN ME KHYI LO HOR ZLA GSUM PA'I MJUG GZA' SKAR 'PHROD SBYOR LEGS PA ZHIG GNAS BZUNG 'BAD RTZOL CHER MED PAR THAR 'DOD DU MA RJE BLA MA NYID KYI THUGS RJES 'UR GYIS 'DUS NAS THOG MAR BRGYAD SDE DANG, DE NAS RIM GYIS 'DUS NAS DGE 'DUN NYI SHU LONGS BA'I SGRUB SDE PHUN SUM TSOGS PA CHAGS PAS DAD LDAN BSOD NAMS GSOG PA'I ZHING SA MCHOG TU GYUR PA 'DI BYUNG NGO, ,'DI SKABS NAS BZUNG SGRUB SDE RNAMS SU TSOGS NAM 'TSOG RES KYIS THOG MAR PHYAG 'TSAL BA DANG SBRAGS PA'I YAN LAG BDUN PA MAndAL DANG BCAS PA PHUL NAS SEMS BSKYED PA DANG, TSOGS 'DU SOGS GANG DU PHEBS KYANG MAndAL BSNAMS PA'I SROL BTZUGS, PHUR BU LCOG GI SGRUB SDE CHAGS NAS 'DU KHANG LOGS BRIS GRUB RJES RJE BTZUN BLA MA NGAG DBANG BYAMS PAS DBU MDZAD DGE SLONG RNAMS KYIS ZLA BA GCIG GI BAR 'DU KHANG DU DGONG MO RE RE BZHIN BRGYAD PHYAG LNGA BRGYA RE LA NYUNG THA BYAS NAS BSAG SBYANGS LA BRTZON PAR MDZAD PAS THUGS SHIN TU MNYES NAS NGA LAS KHYED TSE SNYING RUS CHE BA 'DUG ,CHUNG DU'I DUS NAS RJE BLA MA LA BLO SNYING GTAD NAS RI KHROD CIG LA 'GRO BSAM PA YOD, SNYING RUS KHYED TSO TZAM MED GSUNGS, LAM RIM CHEN MO'I BSHAD LUNG DANG 'JAM DPAL ZHAL LUNG GI KHRID RGYAS PAR GNANG, DE NAS RA KHA BRAG SGRUB SDE CHAGS TE SER RTZE DANG PHUR BU LCOG GI DGE

, ,'DUN RNAMS KYANG SPYAN DRANGS NAS SEMS BSKYED MCHOD BA RGYAS PAR MDZAD, THOG MAR DGE SLONG BCU GNYIS CHAGS, DE NAS RIM GYIS JE 'PHEL DU GYUR TO, ,DE NAS BZUNG SGRUB SDE SO SOR ZLA BA YAR NGO MAR NGO'I GSO SBYONG DANG DBYAR GNAS, DGAG DBYE SOGS BSTAN PA RIN PO CHE'I RTZA BA SO SOR THAR PA'I PHYAG LEN RNAM PAR DAG PA 'DZUGS PAR MDZAD, SA MO GLANG LO'I ZLA PA DANG PO NAS SGRUB SDE PHAN TSUN SO SOR SEMS BSKYED MCHOD PA ZHU MI DU MA BYUNG BA LA SPYAN DRANGS PA BZHIN SKYA SER MANG PO LA THEG PA CHEN PO'I SEMS RIN PO CHE'I GSUNG BSHAD GNANG, ZLA BA GSUM PA'I NANG DU LHA RI BLA MA LHO RTING SKYES BLA MA SE 'BRAS DGE GSUM RGYUD STOD SMAD KYI DGE BA'I BSHES GNYEN MANG PO DANG SGRUB SDE GSUM GYI DGE SLONG RNAMS GTZO BOR BYAS PA'I THAR 'DOD NYIS BRGYA MA LONGS TZAM LA BYANG CHUB LAM GYI RIM PA'I MYONG KHRID ZLA BA GCIG GI BAR DU GNANG NGO, ,DE NAS MA 'ONGS PA'I BSTAN RGYUN LA DGONGS TE SNGA SNOD RIN PO CHE GSUM GYI BRJOD BYA LAG LEN DU 'DEBS TSUL SPONG BA'I KHRIMS SU BCA' BA, PAn CHEN RIN PO CHE BLO BZANG YE SHES DPAL BZANG POS MDZAD PA DE LA DAM PA NYID KYIS CUNG ZAD KHA BKANG STE SGRUB SDE SO SOR GNANG NAS SGRIGS LAM DE GA SOR GNAS DGOS TSUL GYI BSLAB STON RGYAS PAR GNANG STE, RA KHA BRAG TU DBYAR ZHAL BZHES MDZAD, DGAG DBYE TSAR NAS RA KHA BRAG DANG PHUR BU LCOG TU BDE MCHOG DRIL BU LHA LNGA'I CHO GA BTZUGS, ZHAG BDUN GYI

RING TSOGS 'KHOR MCHOD PA DGE 'DUN RNAMS LA BSNYEN BKUR LEGS PAR MDZAD DO, ,DE NAS PHUR BU LCOG TU PHEBS THAR BDON GNYER CAN MANG PO LA BSNYEN RDZOGS KYI SDOM PA GNANG, SGRUB SDE SO SOR SKYA SER MANG POS SEMS BSKYED MCHOD PA DUM PHUL BAR BYANG CHUB SEMS KYI GDAMS NGAG DANG SEMS BSKYED BSNGO SMON YANG DAG MDZAD, DGE SLONG DNGOS GRUB KYIS ZHUS NAS NYUNG SHAS SHIG LA BKA' GDAMS THIG LA BCU DRUG GI DBANG GNANG, MNAL LAM DU MI MANGS PA'I SKYON BYUNG GSUNG, BAR SKABS SHIG MKHAR RDO MKHAN PO BZOD PA RGYA MTSOS GDAN DRANGS NAS SEMS BSKYED MCHOD PA MDZAD, GNAS DER DGE 'DUN GYI SDE YUN RING GNAS PA'I THUGS SMON MDZAD DE NYIN 'KHOR DU PHUR BU LCOG TU PHEBS, DE NAS SGRUB SDE GSUM GYI DGE 'DUN THAMS CAD LA, SPYIR CHOS LAM RIM 'DI LA LONG BAS GLANG MJUG LTAR BYED DGOS, KHYAD BAR DU TSAD MED BZHI'I SGO NAS BYANG CHUB KYI SEMS LA BLO SGYONG DGOS, SGRUB SDE SO SOS SGRIGS LAM 'DUL BA'I BSLAB BYA GZHIR BZHAG BYAS TE THEG PA KHUR BLANGS DGOS TSUL RGYAS PAR GSUNGS, SHIN TU THUGS SKYO BA'I RNAM PA MDZAD CING, YANG SGOS KHYAD PAR CAN DU BYANG CHUB KYI SEMS 'DI LA THAMS CAD KYIS MA 'BAD NA, BYANG CHUB KYI SEMS KYI SKAD CHA DE TZAM ZHIG BYAS PA GO RGYU CI YANG MED PA 'DI 'DRA NGA RANG NA SO SONG, SO BUD PA DANG BCAS GO BRDAM 'PHROD PA YIN PA 'DRA BSAM PA YONG GI 'DUG GSUNG BA SOGS THEG CHEN BSTAN PA NYAMS PA THUGS KYIS MA BZOD NAS GNAD DU BSNUN

, ,PA'I ZHAL TA MANG DU GNANG BAS DER TSOGS PA THAMS CAD LA BOGS CHE BAR BYUNG NGO, ,DE NAS CHU PHO 'BRUG GI LO SGRUB SDE GSUM SO SOR SEMS BSKYED MCHOD PA MANG DU BYUNG ZHING BYANG CHUB KYI SEMS RANG SGOM DGOS GSUNG BA SOGS GSUNG CHOS GNAD CAN MANG DU GNANG ZHING YUN RING MI BZHUGS PA'I RTAGS SU ZHAL NAS, NA TSOD DAR BAB KHO LANGS SONG, ,SKRA DKAR GNYER MA KHO SLEBS BYUNG, ,MI RTAG 'CHI BA KHO SLEBS RAN, ,'GYOD MED DAM CHOS KHO REMS PAS, ,SLEBS RUNG 'GYOD RGYU CANG MI GDA', ,ZHES BYA BA LA SOGS PA'I MI RTAG PA'I SKYO MGUR DU MA GSUNG ZHING, THUGS KYIS GTAD PA'I SLOB MA RNAMS LA MNGON CHUNG GI SGO NAS 'PHRAL DU PHUGS JI LTAR BYA BA'I ZHAL TA GNAD 'GAG CAN DU MA GNANG NGO, ,DE LTAR DAM PA 'DIS SKU TSE'I STOD LA THOS PA RGYA CHEN PO BTZAL, BAR DU LUNG RIGS PA GDAMS NGAG THAMS CAD KYIS TSUL BZHIN DU BSAMS, THA MAR BSAMS PA'I DON DE LA THUN BZHIR BCAD NAS SGOM PA 'DI SKU BSNYUN PA DANG, THUGS BREL CHE PA SOGS RKYEN CI BYUNG YANG CHAG TU MI 'JUG LA, BSAM PA BZANG PO BYANG CHUB KYI SEMS LA THUGS DAM GYI MTHIL DU MDZAD NAS GZHAN LA YANG DE BZHIN DU 'DOMS PAR MDZAD DE; ZHAL NAS NGAS DANG POR BLA MA LAS BYANG CHUB SEMS KYI GDAMS NGAG THOS PAS SKOM PAS CHU'I GTAM THOS PA LTAR SEMS DE RGYUD LA SKYE BA'I DUS SHIG NAM 'ONG SNYAM STE RI'I RTZER SONG YANG DE DRAN, KLUNGS DU SONG YANG DE DRAN,

MI MANG PO'I NANG DU PHYIN RUNG, GCIG PUR BSDAD RUNG MDOR NA SPYOD LAM CI BYED KYANG DE KHO NA DRAN, CI DRAG LA THUG PA BYUNG NAS BSLAB BTUS LAS 'BYUNG BA'I RJE BTZUN 'JAM DBYANGS SNGON RGYAL PO NAM MKHAR GYUR DUS SEMS BSKYED PA'I TSIGS BCAD YI GER BRIS NAS SKE LA BTAGS PA YIN, DA BSAMS NA DE BYUNG 'DUG SRUNG BA LA DE LAS LHAG PA MI 'ONG BA 'DRA GSUNGS, YANG LAN CIG 'GA' RES KHO LA DUS RGYUN DU BYANG CHUB KYI SEMS SGOMS ZER RGYU ZHIG LAS MED BSAM SHAS CHE STE, NGA LA DE KA LAS ZER RGYU MED, YAGS PO BYED NA BYANG CHUB KYI SEMS 'DI DBUL POS GTER RNYED PA LTAR RANG GIS RGYUS YOD BYAS NAS 'CHAD PA LAS 'DI YOD PA'I SKAD CHA GZHAN LA GTONG MI PHOD PA ZHIG YIN TE, PHAN PA ZHIG AE YONG BSAMS NAS DUS RGYUN DU 'DI'I SKAD CHA BYAS BA YIN GSUNG, GNAS GANG NAS GANG DU PHEBS KYANG PHEBS KHA DANG, PHAGS MA THAG DANG, NGAL SO BA DANG, ME TOG DANG, CHU DANGS PA DANG, SA PHYOGS NYAMS DGA' BA SOGS MCHOD PAR 'OS PA'I DNGOS PO CI 'DRA BA ZHIG GZIGS PA DANG, MI MA YIN GYI LHA RTEN GYI DRUNG DU PHEBS PA'I TSE YAN LAG BDUN BA SEMS BSKYED DANG BCAS PA'AM, MA THA YANG SA GZHI SPOS BYUd BA DANG THAL MO SBYAR NAS SEMS BSKYED RE NGES PAR MDZAD, SGRUB SDE PHAN TSUN DU PHEBS PA NA, SER RTZE'I SHAR GYI RI GDONG DANG, RA KHA BRAG GI MTHA'I GONG PHUR BU LCOG GI NUB KYI BRAG 'BUR GONG RNAMS SU PHEBS PHYIN YAN LAG BDUN PA SEMS BSKYED DANG BCAS PA RE NGES PAR MDZAD,

, ,SA MTHO SA NAS SEMS BSKYED NA SEMS BSKYED RGYA CHEN PO 'ONG BAR RJE BLA MAS GSUNGS PA YIN GSUNG, BRAG 'BUR GONG DE LA SEMS BSKYED SKANG ZHES MING 'DOGS MDZAD, DE LTA BU'I TSUL GYIS BYANG CHUB SEMS KYI BSTAN PA NYIN MO LTAR GSAL BAR MDZAD PAS RJE BDAG NYID CHEN PO'I BSTAN PA LA BYA BA MDZAD DO, ,DE LTAR BYANG CHUB SEMS KYIS 'PHANGS PA'I SKU GSUNG THUGS KYI KUN SPYOD YONGS SU DAG PAS SO THAR GYI TSUL KHRIMS LA SDOMS KYIS BSDUS PA'I NYES BYAS PHRA MO DANG, BYANG SEMS KYI TSUL KHRIMS LA 'DOD PA'I SEMS KYI RJES SU 'JUG PA'I NYE BYAS TZAM DANG, GSANG SNGAGS KYI TSUL KHRIMS LA LHA'I MTSAN MA DANG DMAN MA LA 'GOM PA'I NYES PA TZAM GYIS KYANG MA GOS PA LA 'BAD CING, BRGYAL GOS NA YANG RANG RANG GI GZHUNG NAS 'BYUNG BA'I PHYIR BCOS TSUL BZHIN MDZAD PAS TSUL KHRIMS RNAM PAR DAG PA'I DRIS GZIM KHANG GI NANG DANG NYE SKOR THAMS CAD BSUNG CHING NGE SPOS BZANG PO SBAR BA LTAR YOD LA THA NA GZIM KHANG DU BZHAG PA'I CHAS KA DANG PHYAGS G-YOG TSUL GYI GOS LA'ANG TSUL KHRIMS KYI DRI NGAD LDANG BA YOD, TSUL KHRIMS RNAM PAR DAG PA LAS TING NGE 'DZIN BZANG PO 'KHRUNGS, DE LAS MNGON PAR SHES PA DANG NGO MTSAR CAN GYI DAG PA'I GZIGS SNANG DU MA YOD PAR MCHIS TE, GZHAN SEMS MKHYEN PA'I MNGON SHES MNGA' BAS RES 'GA' DA RES CHOS ZAB MO JI LTA BU ZHIG GSUNG NA SNYAM TZAN CI YANG MI GSUNG, RES THUGS

BREL CHE ZHING SKU GZUGS MI BDE BA JI LTA BU LA'ANG MI GZIGS BAR SHIN TU RGYAS PAR GSUNG NGO, ,DE LTAR PHAR PHYIN THEG PA'I DBANG DU BYAS NAS YON TAN RGYA CHEN PO DANG LDAN PAR MA ZAD, GSANG SNGAGS RDO RJE THEG PA'I DBANG DU BYAS NAS KYANG RDZOGS RIM GYI RTOGS PA KHYAD PAR CAN BRNYES TE, SKU TSE'I SMAD LA DPAL RDO RJE 'JIGS BYED KYI LAM RIM PA GNYIS LA GTZO BOR BRTZON PAR MDZAD CING ZHAL NAS SNGAR GYIN NANG ZHAG RE MI MANG SAR BSDAD NA SUN SNANG CHEN PO 'ONG BA YIN TE; DA MI MANG SAR BSDAD PA DANG THANG STONG ZHIG TU RANG GCIG PUR BSDAD PA DANG, RI KHROD DU MTHUN RKYEN 'DZOM PO BYAS NAS BSDAD PA GANG BYAS KYANG BLA MA DKON MCHOG GI THUGS RJES BDE BA CHEN PO NGAM DAM SHUGS KYIS SKYE BA ZHIG YOD GSUNG, DE LTAR MKHAS PA 'CHAL PHAR MA SHOR BA, BTZUN PO RMONGS PAR MA SHOR BA, BSHAD PA KHA BSHAD DU MA SHOR BA, SGRUB PA RANG DON DU MA SHOR BA'I SKYES MCHOG DAM PA 'DIS MTHON PO'I KHRI LA BZANG PO'I ZAS GSOL SPYID CING RMONGS PA'I 'KHOR GYIS BSKOR BAS BSTAN PA DANG 'GRO BA'I DON MI 'ONG BAR GZIGS NAS, MI MED LUNG STONG 'GRIMS, 'TSO BA BYA 'TSOL MDZAD, YON TAN THAMS CAD SBAS, 'OG NAS 'GRO BA CHU LAS MED PA'I DMAN SA BZUNG, CHOS BRGYAD NGAN SKYUGS BZHIN DU DOR, BSLAB KHRIMS RNAMS KHAS BLANGS TZAM LA MA BZHAG BAR NGO LKOG MED PAR BSRUNGS, DKON MCHOG SPYI BOR KHUR, NYAM CHUNG BRTZE BAS BSKYANGS, SDE SNOD GSUM GYI DON THAMS CAD SKYES BU GSUM GYI LAM

, ,RIM DU BSDUS NAS NYAMS SU BLANGS PAS THEG PA CHEN BO'I DGE BA'I BSHES GNYEN GYI MTSAN NYID THAMS CAD TSANG BAR MDZAD, PHYI 'DUL BA LTAR DANG NANG GSANG SNGAGS LTAR GYI MDZAD PAS BKA' GDAMS RIN PO CHE'I RNAM THAR GTZANG MA LAGS PAR PHYAG LEN LA THEBS PAR MDZAD PAS RMAD DU BYUNG BA'I RNAM PAR THAR PA MCHIS SO, ,DE NAS SKU TSE 'DI'I DNGOS KYI GDUL BYA RDZOGS PA NA DGUNG LO DON GSUM LA PHEBS PA CHU MO SPRUL LO ZLA BA DANG PO'I TSES BDUN GYI NYIN PHUR BU LCOG TU SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,RJE SGRUB KHANG PA CHEN PO 'DIS 'JAM MGON BSTAN PA'I SROG SHING BZUNG STE BYANG CHUB LAM GYI RIM PA RGYA CHER SPEL BAS RGYUD 'DZIN GYI SLOB MA BSAM GYIS MI KHYAB PA BYUNG ZHING THUGS SRAS DAM PA RJE NYID KYI RGYAL TSAB TU DBANG BSKUR BA THUB BSTAN YONGS RDZOGS KYI BDAG PO NI RJE BTZUN BLA MA NGAG DBANG BYAMS PA YIN LA, GZHAN YANG MKHAR RDO MKHAN PO BZOD PA RGYA MTSO DANG, RGYUD SMAD MKHAN PO NGAG DBANG MCHOG LDAN DANG, KHRI RIN PO CHE BLO BZANG DAR RGYAS SOGS 'PHRIN LAS RGYA CHER SPEL BA'I BSTAN 'DZIN DAM PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE SGRUB KHANG PA DGE LEGS RGYA MTSO LA GSOL BA 'DEBS SHING, RJE 'DI'I RNAM THAR LTAR DPAL AA TI SHA DANG RGYAL BTZONG KHA BA'I BSTAN PA'I SNYING PO BYANG CHUB LAM GYI RIM PA LA TSE DANG SGRUB PA MNYAM

PA ZHIG BYA BA LA SKYAS BU'I RTZAL CI YOD KYIS 'BAD PAR BYA'O,, ,,RJE DGE LEGS RGYA MTSO'I THUGS SRAS MKHAR RDO MKHAN PO BZOD PA RGYA MTSO NI, CHOS 'KHOR LHA SAR YAB SNGAGS 'CHANG NGAG DBANG TSUL KHRIMS DANG, YUM AA LCE SKYID SKYID GNYIS KYI SRAS SU YONGS 'DZIN CES PA CHU PHO BYI BA'I LO 'KHRUNGS, YAB YUM GNYIS KYIS SHES RAB RGYA MTSO ZHES MTSAN BTAGS, DAM PA 'DI RANG TSE RABS SNGA MA NAS SBYANGS PA'I BAG CHAGS YOD PA DANG, YAB YUM GNYIS KYANG CHOS DANG MTHUN PAS SMRA SHES TZAM NAS YI GE DRUG PA BZLA BA DANG, CHOS SPYOD SNA TSOGS 'DON BA DANG, KLOG YIG SLOB PA DANG, MI DGE BCU PHRA MO NAS SPONG BA DANG, PHYAG DANG BSKOR BA SOGS SGO GSUM DGE LA SBYOR BA ZHIG BYUNG, DE NAS DGUNG LO DRUG BDUN LON TE BSAM BLO RNYED PA NA KHYIM LA BTZON RA'I 'DU SHAS SKYES TE, SKAD CIG KYANG 'DUG MI PHOD PAR SE 'BRAS GANG RIGS SHIG TU ZHUGS TE CHOS RNAMS DAG CIG BYA 'DOD PA NAR MAR GYUNG STE, YAB YUM GNYIS LA'ANG DON DE LTAR GSOL BA NA YAB YUM DE GNYIS KYANG CHOS DANG MTHUN BAS BKAG PA MA BYAS PAR DAM PA 'DI RANG GI THUGS BZHED LTAR CHOS SGOR 'JUG PA'I MTHUN RKYEN SBYAR TE DGUNG LO BCU GSUM GYI LO SER THEG CHEN GLING DU PHEBS TE BYES MKHAS MANG GRVA TSANG DU ZHUGS NAS BYES PA'I DPON SLOB RGYAL MTSAN DON GRUB KYI DRUNG DU RAB TU BYUNG NAS DGE TSUL GYI SDOM PA BZHES, MTSAN BZOD PA RGYA MTSO ZHES BTAGS, LO DE'I RING LA CHOS SBYOD RNAMS BZUNG, DGUNG LO

, ,BCU BZHI BA LA CHOS GRVA 'GRIMS TE THOG MAR BSDUS GRAR BZHUGS TE SBYOR BA RTZI BAR MDZAD PAS GZHAN GYIS BSKUL BA LAM BLTOS PAR THUGS BRTZON SHIN TU CHE BAS RING PO MA THOGS PAR SBYOR BA LA BYANG BAR GYUR NAS PAR PHYIN LA SBYANGS, RJE BTZUN CHOS KYI RGYAL MTSAN GYI PHAR PHYIN GYI YIG CHA RNAMS THUGS LA BZUNG, NYIN MTSAN KUN TU THUGS BRTZON SHIN TU CHE BAR MDZAD PAS LO GSUM TZAM GYI RING LA PHAR PHYIN GYI GZHUNG LA MKHAS PAR GYUR CING, LAS RGYU 'BRAS DANG SA LAM BGROD TSUL SOGS PHAR PHYIN GYI GZHUNG DON NYAMS SU LEN TSUL LA NGES SHES GTING CHUGS PA RNYED NAS SGRUB PA SNYING POR BYED 'DOD SHUGS DRAG PO 'KHRUNGS TE DGE RGAN DANG GROGS RNAMS LA DE BZHIN GYI 'PHROS BYAS BA NA SGRUB PA LA BSKUL BA SU YANG MA BYUNG ZHING, THAMS CAD KHA MTHUN PAR RE SHIG SGRUB PA BYED PA MI YOD TSUL GLEGS PA NA, DAM PA 'DI LA RTA BZANG PO LCAGS GIS BRUBS BA LTAR SGRUB PA LA BSKUL MAR GYUR TE, 'DI DAG GIS ZER BA LTAR DAL 'BYOR LAN CIG THOB PA'I SKABS 'DIR NYAMS LEN KHO THAG CHOD PA ZHIG BYED RGYU MA BYUNG BAR SHI NA DAL BA STONG ZAD DU 'GRO BA 'DUG CING, DE RING RANG YANG MI 'CHI BA'I GDENG MI 'DUG PAS 'PHREL DU SGRUB PA RNAM DAG CIG BYA'O SNYAM PA'I 'DUN PA SHUGS DRAG 'KHRUNGS, SNGA SOR GRVA SAR ZHUGS TZAM NAS PHAR PHYIN GYI 'OG LUGS DANG, DBU MA LA SBYANGS TE ZAB MO DBU MA'I LTA BA LA GO BA

CHAGS TZAM BYUNG NA DE NAS SGRUB BA RNAM DAG CIG BYED SNYAM PA NAR MAR YOD THOG NAM 'CHI CHA MED DRAN PA DANG, TSE 'DIR CHAGS PA'I SKYE BO RNAMS KYI BYED SPYOD DANG BRJOD TSUL DE DAG GIS RKYEN BYAS TE DBU MA'I GZHUNG LA SBYONG LONG MA BYUNG BAR SE RA RTZE'I RJE'I SGRUB KHANG NA BLA MA BZANG PO ZHIG BZHUGS 'DUG GO ZER BA GSAN PAS LUS KYI SPU ZING ZHES BYED CING SMRA MI SHES PA'I DAD GUS CHEN PO 'KHRUNGS TE NGA YANG BLA MA DAM BA DE'I ZHABS DRUNG DU PHYIN TE TSE DANG SGRUB PA MNYAM PA ZHIG BYED SNYAM PA BYUNG STE, MKHA' 'GRO CHOS SKYONG DBANG DU BZHAG STE DE LTAR BYED PA'I DAM BCA' DRAG PO MDZAD, DE NAS BYES PA BLA MA'I DRUNG DU PHEBS TE SPYAN MCHI MA DANG BCAS RGYU MTSAN ZHIB TU ZHUS NAS DGONGS PA NAN GYIS ZHUS TE DGUNG LO BCU BDUN GYI THOG SER RTZER RJE SGRUB KHANG PA MJAL DU PHEBS, RJE BTZUN MI LAS LHO BRAG MAR BA LA JI LTAR GSOL BA BTAB BA LTAR RJE SGRUB KHANG PA LA LUS NGAG YID GSUM PHUL TE RGYAL BA TZONG KHA BA'I BSTAN PA'I SNYING PO BYANG CHUB LAM GYI RIM PA LA TSE DANG SGRUB PA MNYAM PA ZHIG YONG BAR GSOL BA BTAB, RJE SGRUB KHANG PAS KYANG DGYES BZHIN DU ZHAL GYIS BZHES TE, DUS GSUM GYI RGYAL BA KUN GYI BGROD PA GCIG PA'I LAM PO CHE CHOS PHUNG BRGYAD KHRI UBZHI STONG GI BRJOD BYA'I DON THAMS CAD GANG ZAG GCIG GI NYAMS LEN GYI RIM PAR BSDUS PA BYANG CHUM LAM GYI RIM PA'I KHRID RGYAS PAR GNANG, SKYES BU CHEN PO'I SKOR LA THEG CHEN SEMS BSKYED SBYONG BA'I MAN NGAG JO BO RJE DPAL LDAN AA TI SHA'I SNYAN RGYUD RGYAL BA'I SRAS PO BZANG

, ,PO DPAL GYI KHRID YIG SDOM TSIG LTA BUR MDZAD PA BLO SBYONG DON BDUN MA'I KHRID DANG, ,LAM RIM GYI GEGS SEL BOGS 'DON DU GCOD KYA KHRID DANG, GRUB CHEN MI TRA LA MGON PO SPYAN RAS GZIGS KYIS MDO SNGAGS GNYIS KA'I LAM GYI GNAD BSDUS NAS BSTAN PA SNYING PO DON GSUM GYI KHRID RNAMS MYONG KHRID DU BYAS TE LAGS PAR GSAN, DGUNG LO NYI SHU LA BAB PA NA SNGAR DGE TSUL GYI MKHAN PO BYES BLA MA RGYAL MTSAN DON GRUB LA BSNYEN RDZOGS KYI SDOM PA ZHUS, RJE SGRUB KHANG PA'I BKA' LTAR SE RA RTZER RANG SHONG GI KHANG BU ZHIG GSAR DU BZOS, LO BCU DGU NAS NYI SHU RTZA GSUM GYI BAR LO LNGA'I RING LA PHYI NANG GI G-YENG PA GANG YANG MED PAR 'TSOL DKA' THUB LA GNAS NAS BYANG CHUB LAM GYI RIM PA'I NYAMS LEN LA TSIG BSGRIL DU 'BAD CING, GEGS SEL BOGS 'DON GCOD KYI DMIGS SKOR DANG BLO SBYONG GI NYAMS BZHES LA 'BAD PAS BSHES GNYEN BSTEN TSUL NAS ZHI LHAG GI BAR LAM GYI LUS YONGS SU RDZOGS PA LA RTZOL BCAS KYI MYONG BA LAGS PAR THON, DE NAS NYAMS LEN LA BOGS 'DON PHYIR RJE THAMS CAD MKHYEN PA 'KHOR DAG PA RNAM BRGYAD DANG BCAS PAS GANG DU MTHONG BA'I CHOS LA RTOGS PA MCHOG BRNYES PA'I SA 'OL KHA'I SGRUB GNAS RNAMS SU BSGRUB PA BYA PHYIR PHEBS TE THOG MAR 'ON GYI SGRUB PHUG CIG TU LO GCIG BZHUGS, DGE SBYOR LA BOGS SHIN TU CHE BA BYUNG ZHING, MGON PO PHYAG

DRUG PA SOGS LHA'I GZIGS SNANG YANG KHA YAR BYUNG, DUS DE TZAM NAS BZUNG DAM PA 'DI'I YON TAN LA 'KHOR BA'I SLOB MA DAD PA CAN YANG MANG DU BYUNG STE GANG DANG GANG DU SLOB MA DAD PA CAN GYIS GSOL BA BTAB PA DE DANG DE DAG LA RANG RANG GI DBANG PO DANG 'TSAM PA'I CHOS CI RIGS PA KA NANG ZHING RGYUN DU NI RNAL 'BYOR DBANG PHYUG MI LA RAS PA LTAR GCIG PU DBEN PAR GNAS TE 'GA' ZHIG TU RDE'U'I BCUD LEN DANG, 'GA' ZHIG TU ME TOG BCUD LEN DANG, 'GA' ZHIG TU CHU'I BCUD LEN MDZAD, RGYUN DU RTZAM PA MA CHAD TZAM RE DANG THUG PAS CHOG SHES PAR MDZAD CING, 'PHAGS PA'I RIGS BZHI DANG, DGE SBYONG GI CHOS BZHI LA GNAS TE 'OL KHA CHOS LUNG SOGS RJE'I SGRUB GNAS RNAMS SU SGRUB PA LA BRTZON PAR MDZAD, DE NAS CHOS 'KHOR RGYAL GYI GNAS RNAMS DANG, RTZVA RI'I GNAS RNAMS SU SGRUB PA MDZAD PAS DGE SBYOR LA BOGS CHE BAR BYUNG ZHING DAG PA'I GZIGS SNANG YANG MANG DU BYUNG, DE NAS TSUR PHEBS TE YER PA LHA RI SNYING PO DANG, 'PHAN YUL GYI BKA' GDAMS GONG MA'I GNAS RNAMS DANG LHAG PAR RA SGRENG DU SGRUB PA YUN RING DU MDZAD, GNAS DE DANG DE DAG TU'ANG BSHES GNYEN DAM PA MANG PO LA DBANG LUNG MAN NGAG MANG DU GSAN, DE NAS MKHAR RDOR PHEBS TE ZIL GNON DMIGS PA SKOR GSUM GYI SGO NAS GZHI BDAG DAM LA BTAGS TE SLAR SGRUB SDE CHAGS PA'I RTEN 'BREL BSGRIGS, DE NAS DGE SBYOR LA BOGS DBYUNG BA DANG GDUL BYA SKAL BA DANG LDAN PA DAG LA

, ,PHAN GDAGS PHYIR GTZANG PHYOGS LA BYON TE, RGYAL BA DBEN SA PA YAB SRAS KYIS GRUB PA BRNYED PA'I SA DBEN DGON DANG, SHANGS MDO RGOD CHANG SOGS SU BZHUGS TE DBEN SA PA YAB SRAS KYI RNAM THAR BSKYANGS, DRUNG PA YAB SRAS KYI THUGS SRAS BLA MA BRTZON 'GRUS RGYA MTSO LA BLA MA MCHOD PA'I KHRID SOGS DBEN SA SNYAN RGYUD KYI MAN NGAG MANG DU GSAN, BKRA SHIS LHUN POR PHEBS NAS PAn CHEN BLO BZANG YE SHES MJAL, DE NAS SNAR THANG, GANGS CAN, KHRO PHU, RGYAL SRAS THOGS MED BZANG PO DPAL GYI SGRUB GNAS DNGUL CHU CHOS RDZONG RNAMS MJAL ZHING GNAS 'BREL MDZAD, DE NAS RTA NAG LA PHEBS TE RJE 'GOS LO CHEN PO'I SGRUB GNAS ZHAL GZIGS DANG, GRUB CHEN CHOS RDO RJE 'KHRUNGS PA'I GNAS DANG, RGYAL BA DGE 'DUN RGYA MTSO 'KHRUNGS PA'I GNAS DANG, DRUNG PA RTA PHUG PA'I BZHUGS GNAS RTA PHUG RDO RJE'I GUR KHANG RNAMS MJAL TE, GNAS DE DAG TU SGRUB PA MDZAD PAS DGE SBYOR LA BOGS CHE BAR BYUNG ZHING LHAG PAR RTA PHUG TU RI KHROD PA DANG LDAN MANG PO LA LAM RIM DANG BLO SBYONG SOGS CHOS MANG DU STZAL, RTA PHUG RI KHROD PA RNAMS KYIS GSOL BA BTAB STE DRUNG PA RTA PHUG PA'I RNAM THAR MDOR BSDUS PA ZHIG KYANG BRTZAMS, DE NAS DBUS SU PHEBS TE SER RTZER SGRUB KHANG PA CHEN PO MCHOD CING BSNYEN BKUR BAS MNYES PAR MDZAD DE MDO SNGAGS KYI CHOS MANG DU GSAN, SER NAS CHOS DON GTER CAN BYUNG BA RNAMS LA DBANG LUNG

KHRID 'GA' YAR MDZAD, DE NAS MKHAR RDO'I SGRUB SDE CHAGS TE MKHAR RDOR GZHI PHAB NAS BZHUGS, SNYAN PA'I GRAGS PA PHYOGS THAMS CAD DU RGYAS TE PHYOGS PHYOGS NAS 'DUS PA'I DAD LDAN RNAMS LA DBANG LUNG MAN NGAG RGYA CHER STZAL, BSTAN PA'I DON DU PHYAG RJES SU MKHAR RDO'I SGRUB SDER SPONG KHANG MANG DU BRTZIGS SHING LHA KHANG MANG DU BZHENGS, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI TSOGS ZHING MAN NGAG ZHAL SHES LTAR BRIS THANG PAR DU BRKOS, RGYAL BA TZONG KHA PA GTZO BOR BYAS PA'I LAM GTZO'I KHRID DANG MTHUN PA'I TSOGS ZHING GI THANG SKU'ANG PAR DU BRKOS, BKA' GDAMS LHA BZHI SOGS SKU PAR MANG PO DANG, DKYIL THANG MANG PO DANG, GSUNG PAR YANG MANG PO BZHENGS, DAD LDAN KHYIM PA DAG LA'ANG PHAN GDAGS PA MANG DU MDZAD CING, BSTAN PA YUN RING DU GNAS PA'I PHYIR GSUNG RTZOM YANG DAM PA RANG NYID KYI RNAM THAR, BLANGS DOR MUN SEL, BLA MA MCHOD PA'I KHRID, BLA MA MCHOD PA'I KHRID KYI LHAN THABS, PHA BONG KHA'I DKAR CHAG ,BDE LAM GYI ZHAL SHAS LHAN THABS, RDOR SEMS KHRID YIG ,CHOS KYI RGYAL PO TZONG KHA PA LA BRTEN PA'I BLA MA'I RNAL 'BYOR, MKHAR RDO BSAM GTAN GLING GI DKAR CHAG, ME TOG BCUD LEN GYI GDAMS PA, RGYUN 'KHYER GCOD KYI SNYING PO, GNAS BCU'I CHO GA, RGYUN 'KHYER TSOGS MCHOD SNYING PO, RDO RJE 'JIGS BYED KYI BSNYEN YIG ,RDOR SEMS BUM SGRUB, MGUR MA PHYOGS BSDEBS, BYANG CHUB

, ,LAM GYI RIM PA'I SNGON 'GRO'I DON BSAM PA MDO LUNG GSAL BA'I NYI MA, BDE LAM LHAG MTHONG GI LHAN THABS, RJE DGE LEGS RGYA MTSO'I RNAM THAR, SGOM SDE DGE BSHES KYI RNAM THAR, GSOL 'DEBS BRTAN BZHUGS SOGS THOR BU 'GA' YAR RNAMS MDZAD, DE LTAR BSTAN 'GRO'I DON RGYA TSER MDZAD NAS SKU TSE 'DI'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO,, ,, ` NGAG GI DBANG PHYUG RJE BTZUN TZONG KHA PA'I, ,MDO SNGAGS LEGS BSHAD CHOS KYI RGYA MTSO CHE, ,BYAMS PAS 'GRO LA SPEL BA'I SNYING STOBS CAN, ,BKA' DRIN MTSUNGS MED ZHABS LA GSOL BA 'DEBS, ,ZHES BSNGAGS PA, DUS GSUM GYI SANGS RGYAS THAMS CAD KYI THUGS RJE'I RANG GZUGS 'JAM MGON BSTAN PA'I SROG SHING BDAG GI DRIN CAN RTZA BA'I BLA MA BKA' DRIN MTSUNGS ZLA MED PA DON GYI SLAD DU MTSAN NAS SMOS TE RJE BTZUN BLA MA NGAG DBANG BYAMS PA DE NYID GANG DU 'KHRUNGS PA'I YUL NI MDO STOD ZAB MO SGANG GI CHAR GTOGS PA CHAB MDO DANG NYE BA'I SA'I CHAR YAB AA NU 'PHAGS PA ZHES BYA BA DANG, YUM BKRA SHIS MTSO GNYIS KYI SRAS SU RNGA CHEN ZHES PA CHU PHO KHYI'I LO NGO MTSAR PA'I LTAS BSAM GYIS MI KHYAB PA DANG BCAS 'KHRUNGS, DE YANG BDAG NYID CHEN PO 'DI YUM GYI MNGAL DU ZHUGS PA NA YUM GYI MNAL LAM DU DPAL GSANG BA 'DUS PA'I DKYIL 'KHOR RANG GI LUS LA THIM PA'I RMI LAM BYUNG STE, DPAL

GSANG BA 'DUS PA'I DKYIL 'KHOR NI SANGS RGYAS THAMS CAD GZHAL YAS KHANG GCIG TU 'TSOGS PA'I TSOM BU YIN PAS NA DRIN CAN RTZA BA'I BLA MA 'DI SANGS RGYAS THAMS CAD KYI MKHYEN BRTZE NUS GSUM GCIG TU BSDUS TE BDAG CAG SNYIGS MA'I 'GRO BA RNAMS KYI MGON SKYABS DANG DPUNG GNYEN DU BYON PA YIN PAS NA YUM LA MTSAN LTAS DE LTAR BYUNG BA YIN PAR NGES SO, ,DE LTAR SKU BLTAMS PA'I GZHON NU DE NI 'DAM GYI KHROD NAS PADMA DKAR PO THON PA'AM, SPRIN RUM NAS ZLA BA SHAR BA BZHIN DU ZHAL GYI DKYIL 'KHOR DKAR ZHING DANGS PA, DBU GDUGS LTAR ZLUM PA, DPRAL BA DBYES CHE BA, SPYAN DKYUS RING BA, SHANGS KYI GZENGS MTHO BA, MTSAN DPE RJES MTHUN PA DANG LDAN PA, 'JIG RTEN KUN GYI MIG GI BDUD RTZI LTA BU ZHIG BYON NO, ,DE'I TSE DKAR PHYOGS SKYONG BA'I LHA DANG KLU RNAMS KYIS DA NI SNYIGS MA'I 'GRO BA RNAMS MGON DANG BCAS SO ZHES DGA' BA'I CA CO'I SGRA SGROG CING, LHA'I CHU BOS SKU KHRUS GSOL BAR NGES LA, BSKAL BZANG GI SANGS RGYAS STONG GIS GANG LA BSTAN PA GTAD PA MTHU STOBS DBANG PHYUG GSANG BA'I BDAG PO 'KHOR BRGYA PHRAG MANG PO DANG BCAS PA'ANG GNAS DER LHAGS NAS RGYAL SRAS GZHON NU DE BSRUNG BA DANG, BSKYAB BA DANG, SBA BAR BYA BA LA SKAD CIG KYANG MI G-YAL BAR DUS KUN TU BSGRIMS TE GNAS PAR NGES TE, GANG GIS BYANG CHUB TU SEMS BSKYED PA TZAM GYIS GSANG BA'I BDAG PO 'KHOR BRGYA PHRAG DU MA DANG BCAS PA PHYI BZHIN RJES SU 'BRANGS TE BSRUNG BA DANG, BSKYAB PA DANG, SBA

, ,BAR BYED BAR MDO SDE LAS GSUNGS NA, THEG CHEN BSTAN PA'I SROG SHING BDAG NYID CHEN PO 'DI LTA BU 'JIG RTEN 'DIR BYON PA LA GSANG BA'I BDAG PO 'KHOR BCAS KYIS BSRUNG SKYOB DE LTAR BYED PAR 'OS MED KYI RIGS PAS 'GRUB BO, ,DE'I TSE YAB YUM GNYIS KYI MCHOD GNAS BLA MA DAM PA ZHIG BZHUGS PA DES RGYAL SRAS 'DI LA BDE MCHOG SRUNG ZHES MTSAN BTAGS SO, ,DE NAS RGYAL SRAS GZHON NU DE 'KHRUNGS NAS RING PO MA LON PAR BZHENGS NAS YUM LA BOD PAR MDZAD PA SOGS BYIS PA THA MAL PA DAG GI NGANG TSUL LAS 'DAS PA'I MDZAD PA NGO MTSAR BA MANG DU BSTAN CING, DGUNG LO BDUN BA'I DUS SU YI GE 'DRI KLOG BRDA BSTAN PA TZAM GYIS MKHYEN TE GLEGS BAM KLOG PA LA BRTZON PAR MDZAD, CING DAD LDAN GZHAN GYI MCHOD GNAS KYANG MDZAD LA, DE SKABS GSER 'OD DAM PA KLOG BAR MDZAD PAS, DE BZHIN GSHEGS PA SNGON RGYAL BU SNYING STOBS CHEN POR 'KHRUNGS PA'I TSE STAG MO LA LUS BYIN PA'I MDZAD PA RNAM THAR DE GZIGS PA NA MI PHYED PA'I DAD PA CHEN PO 'KHRUNGS TE BDAG KYANG 'DI LTAR DU RGYAL SRAS KYI SPYOD PA RLABS PO CHE LA ZHUM PA MED PAR BSLABS TE RANG GI LUS KYANG SEMS CAN GYI DON DU GTONG NUS PA NAM ZHIG NA 'OD SNYAM DU SNYING RJE'I SHUGS KYIS BSKYED PA'I SPYAN CHAB RGYUN MI 'CHAD PA ZHIG BYUNG STE, BDAG NYID CHEN PO 'DI NI SNGON YUN RING PO NAS RGYAL SRAS KYI SPYOD PA RLABS PO CHE LA SBYANGS PA'I MTHU GRUB PA ZHIG YIN PAR 'BRAS BU'I RTAGS KYIS

SHES TE, SKYE BO GZHAN DAG DGE BA'I BSHES GNYEN GYIS NAN GYIS KHRID KYANG 'JIG RTEN PHYI MA DON GNYER GYI BSAM PA BCOS MA TZAM YANG SKYE DKA' NA RTZOL BA MED PA'I SNYING RJE'I SHUGS KYIS RGYAL SRAS KYI SPYOD PA RLABS PO CHE LA SLOB 'DOD SKYE DKA' BA LTA CI SMOS, DE YANG SPYOD 'JUG LAS, GZHAN NGAG RANG GI DON DU YANG, ,MI 'BYUNG SEMS CAN DON SEMS GANG, ,SEMS KYI RIN CHEN KHYAD PAR 'DI, ,SNGA NA MED PA'I RMAD CIG 'KHRUNGS, ,ZHES GSUNGS PA LTAR CHOS MA THOS PA'I SKYE BO GZHAN DAG LTA CI SMOS, CHOS SGOR ZHUGS TE TSE HRIL POR SBYANGS PA RNAMS KYANG TSE 'DI LA MA CHAGS PAR 'JIG RTEN PHYI MA DON GNYER GYI BSAM PA BCOS MIN SKYE BA SRID MTHAR SNANG NA, MKHA' KHYAB KYI SEMS CAN 'KHOR BA NAS SGROL BAR 'DOD PA'I BSAM PAS RGYAL SRAS KYI SPYOD PA RLABS PO CHE LA SLOB 'DOD BCOS MIN SKYE BA NI NYIN MO'I SKAR MA LTAR SHIN TU DKON ZHING BRGYA LAM NA SRID THA TZAM MO, ,DE LTAR CHE HRIL POR SBYANGS PA RNAMS LA'ANG BSAM PA DE LTA BU SKYE DKA' NA GANG YANG MA SBYANGS PA'I SKYE BO RNAMS LA BSAM PA RLABS PO CHE DE LTAR SKYE BA'I GO SKABS GA NA YOD, DES NA BDAG CAG GI BLA MA BDAG NYID CHEN PO 'DI NI SKU CHE 'DIR GZHAN GYIS BSKUL BA LA MI LTOS PAR GLEGS BAM GZIGS BA TZAM GYIS DE LTA BU'I RGYAL SRAS KYI SPYOD PA LA SLOB PA'I BSAM PA RLABS NGO TSA RANG 'KHRUNGS SU BYUNG BA NI SNGON YUN RING PO NAS SBYANGS PA'I MTHU GRUB PA YIN PAR GDON MI ZA'O, ,DE'I PHYIR BLA MA DAM BA 'DI NI BDAG CAG SNYIGS MA'I 'GRO BA RNAMS

, ,KYI MGON DU BSAM BZHIN DU BYON PA ZHIG YIN PAR NGES SO, ,DES NA BLA MA DAM PA 'DI'I RJE SU SLOB PAR 'DOD PA RNAMS KYIS RNAM PAR THAR PA 'DI TZAM ZHIG BSAMS NAS KYANG DAD GUS CHEN POS GSOL BA 'DEBS PAR BYA'O, ,GZHAN YANG DE DUS KHYIM DE NA MDZO MO MDONGS SGRON ZER BA ZHIG YOD PA DE YAB KYIS GZHAN LA CHONG BA'I PHYIR KHRID PA NA MDZO MO'ANG RANG NYID TSONG BAR SHES NAS KHANG PA'I PHYOGS LA YANG YANG 'THEN GYIN 'DUG PA GZIGS PAS RKYEN BYAS, MDZO MO 'DI NGED RANG LA MA LTAR DRIN CHE BAR 'DUG PA 'DI 'DRA GZHAN LA TSONG BOD AANG SNYAM DU DGONGS NAS SPYAN CHAB MANG DU GSIL ZHING KHONG RNAMS TSONG BSGRIG PA'I SKABS SU'ANG THUGS SKYO BA DANG SPYAN CHAB KYI RGYUN MA CHAD PAS GNAS DE LAS LKOG CIG TU BYOL TE BZHUGS DGOS PA BYUNG BA DANG, 'KHRUNGS GZHIS DE LA MNGA' 'BANGS DUD KHA BDUN TZAM ZHIG YOD PA LA, YAB KYIS DE RNAMS NAS KHRAL 'BAB BZHES PA ZHIG GI SAR BYON PA'I TSE MI TSANG ZHIG LA 'BRU SPUS NGAN NYUNG DU ZHIG LAS GTAD RGYU MI 'DUG PAR YAB KYIS DE LA KHRO TSIG BRJOD PA GSAN PAS, DAM PA 'DI SNYING RJE 'KHRUNGS NAS SPYAN CHAB DANG BCAS TE YAB LA ZHU BA MDZAD PAS YAB KYIS KYANG DNGOS PO DE KAS 'ONG BAR MDZAD NAS BZHES PA ZHIG BYUNG STE TSUL 'DI DAG NI BLA MA RIN PO CHE 'DI NYID KYIS CHOS GNANG BA'I ZHAR LA GSUNG BA YANG YANG THOS SHING, DE YANG BLA MA RIN PO CHE DE NYID KYIS RANG NYID DMAN SA 'DZIN PA KHO NA LHUR MDZAD PAS, MNGON SHES DANG RDZU 'PHRUL

DANG SA LAM GONG MA'I YON TAN YOD PAR ZHAL GYIS MI BZHES SHING, SKYON 'DI DANG 'DI YOD CES RANG SKYON 'BYIN PA LHUR MDZAD, 'ON KYANG CHOS KYI BAG CHAGS SHIG NI YOD, CHUNG NGU'I DUS SU'ANG BSAM PA 'DI 'DRA SKYE MYONG ZHES GSUNG BAR MDZAD, DE NAS DGUNG LO BCU GNYIS LON PA NA KHYIM NA GNAS PA NYES BA DU MA'I 'BYUNG KHUNGS SU GZIGS SHING, RAB TU BYUNG BA NI RGYAL BAS RNAM GRANGS DU MAR BSNGAGS PA DANG YON TAN THAMS CAD KYI GZHI RTEN DU GZIGS NAS YAB YUM GNYIS LA RGYAL BA 'PHAGS PA LHA'I ZHABS DRUNG DU CHOS BYAS CHOG PA DGOS ZHES YANG YANG GSOL BA NA YAB YUM GNYIS DANG NYE 'BREL GZHAN TSANG MAS BDE MCHOG SRUNG 'DI NI PHA MA LA GUS SHING YA RABS KYI NGANG TSUL DANG LDAN PA BYA BA THAMS CAD LA MKHAS PA SHIN TU SGRIN PA CIG 'DUG PAS 'DI KHYIM DU BZHAG NAS RIGS BRGYUD 'DZIN DGOS, SPUN GZHAN ZHIG 'PHAGS PA LHA'I DRUNG 'KHOR DU ZHUGS PA LEGS ZHES BGROS NAS CHOS BYED PAR YAB YUM GYIS MA GNANG BA NA, RGYAL SRAS BDAG NYID CHEN PO 'DI SNGON YUN RING PO NAS GOMS PA'I MTHUS SPYIR 'KHOR BA'I GNAS MTHA' DAG ME 'BAR BA'I RLUBS LTAR GZIGS SHING, KHYAD BAR KHYIM NA GNAS PA NI NYES PA DU MA'I 'BYUNG GNAS SU GZIGS TE YAB YUM GNYEN BSHES RTZA LAG DANG BCAS PA TSOGS PA'I DBUS SU BZHENGS TE, NGA CHOS BYED DU MI 'JUG NA KHYIM 'DIR SKAD CIG KYANG SNGOD RI ZHES DBU MNA' BZHES TE SPYAN CHAB RGYUN MA CHAD PAR BYUNG BA NA YAB YUM GNYEN

, ,DANG BCAS PA TSANG MA BYA THABS ZAD NAS DGUNG LO BCU GSUM PA SHING PHO KHYI'I LO RGYAL BA 'PHAGS PA LHA RGYAL BA RGYA MTSO'I ZHABS DRUNG DU PHEBS TE SKRA BCAD LUS BSGYUR DUR SMRIG GSOL RAB TU BYUNG NAS DGE TSUL GYI SDOM PA BZHES ,DE'I TSE RGYAL PA 'PHAGS PA LHAS RAB BYUNG GSAR BU THAMS CAD LA 'PHAGS PA'I MTSAN ZUNG YOD PA'I MING BYANG BRIS TE STER BAR MDZAD PA LA DAM PA 'DI LA NI RGYAL BA 'PHAGS PA LTA NYID KYIS NGAG DBANG BYAMS PA ZHES MTSAN BTAGS SO, ,RGYU MTSAN 'DI LAS NA, DUS PHYIS BLA MA RIN PO CHE 'DI PA 'PHRIN LAS CHES CHER RGYAS PA NA CHAB MDO'I GRVA RGAN RNAMS KYANG RGYAL BA 'PHAGS PA LHAS RAB BYUNG GZHAN GYI NI NGA 'DOGS LUGS DANG MI 'DRA BAR CHED DMIGS SU MDZAD NAS BYAMS PA'I MING BTAGS PA DE NI BLA MA 'DI BYAMS MGON GYI SPRUL PA YIN PAR NGES SO ZHES BRJOD NAS BYAMS MGON GYI SPRUL BAR GRAGS BA BYUNG, BLA MA RIN PO CHE DE NYID KYI GCUNG PO RIN CHEN LEGS PAS NGED CAG GI BLA MA 'DI BYAMS MGON GYI SPRUL PA YIN PA'I RGYU MTSAN MANG PO YOD CES KHO BO RANG LA'ANG DNGOS SU GSUNG BA BYUNG, DE MTHUN DGE BA'I BSHES GNYEN MANG POS ZHABS BRTAN GSOL 'DEBS ZHU BA'I DUS SU'ANG BYAMS MGON GYI SPRUL PA YIN PA'I RGYU MTSAN MANG DU ZHU BAR BYED PA DE DUS KYI SLOB MA YONGS LA GRAGS, 'ON KYANG BLA MA RIN PO CHE NYID RANG NI BYAMS MGON GYI SPRUL PA YIN PAR ZHAL BZHES GA LA MDZAD DE SA THOB PA ZHIG YIN PA

YANG GTAN NAS ZHAL BZHES MI MDZAD, DER MA ZAD LAM SNA ZIN PA ZHIG YIN PAR YANG ZHAL GYIS MI BZHES, GZHAN DAG DGE BA'I BSHES GNYEN GRAGS CHE TSAD SPRUL BA RER SKYEL BA LA'ANG THUGS MI MNYES PA'I GSUNG MANG DU 'BYON, DE NI SNGON RNAL 'BYOR GYI DBANG PHYUG MI LA RAS PAS RANG NYID CHOS SGOR ZHUGS NAS DKA' SPYAD MDZAD TSUL RNAMS GSUNGS PA'I TSE RJE BTZUN LA RAS PA ZHI BA 'OD KYIS RJE BTZUN GYIS, CHOS ZHU TSE BLA MA'I DRUNG DU MOS GUS DANG DKA' SPYAD MDZAD LUGS SAM, CHOS THOB NAS RI LA BSGOM PA'I THUGS RUS SAM, GANG NAS BSAMS RUNG BLOS MI 'KHYUD PA GDA' BAS, MDZAD PA DE RNAMS LA BSAMS NA, BDAG CAG RNAMS KYI CHOS 'DI RANG BYED BLOR GDA' BAS, 'KHOR BA MI GROL BAR 'DUG, CI RANG DRAG NA ZHES MANG DU DUS PAS, RJE BTZUN GYI ZHAL NAS, 'KHOR BA DANG NGAN SONG GI SDUG BSNGAL LA BSAMS NA, MOS GUS DANG SNYING RUS DE YANG CHOS SKYON RANG MI 'DUG, SNYING YOD RNAMS KYIS RGYU 'BRAS KYI CHOS THOS NAS LAS 'BRAS LA YID CHES RTING DE TZAM GYI SNYING RUS KUN GYIS NUS PAR GDA' STE, CHOS LA YID MA CHES PAR GO YUL DU LUS SHING, CHOS BRGYAD BLOS MA THONGS PA YIN PAS, RGYU 'BRAS LA YID CHES PA GAL CHE, RGYU 'BRAS RAGS PA TZAM LA'ANG YID MA CHES PA'I RTAGS NAR MAR BSTAN RTING, STONG NYID KYI BSHAD PA LUNG RIGS DANG MTHUN MTHUN MO MANG PO BYAS RUNG, STONG NYID DE BAS KYANG PHRA BAS GO BA DANG YID CHES PA DKA',

, ,STONG NYID LA YID CHES RTING, STONG NYID RANG RGYU 'BRAS SU SHAR BAR GO NAS, RGYU 'BRAS KYI 'DOR LEN SDIG SPONG DGE SGRUB LA BRTZON DU RANG 'GRO BA YIN ZHING, ,CHOS KUN GYI RTZA BA RGYU 'BRAS LA YID CHES PA 'DI YIN PAS, SDIG SPONG DGE SGRUB KYI PHYAG LEN LA ZHIB PA DANG BRTZON PA GAL CHE'O, ,NGAS DANG PO STONG NYID KYI DON MA RTOGS TE RGYU 'BRAS LA YID CHES PAS SDIG PA TSABS CHEN DE BSAGS RTING, NGAN SONG GSUM LAS BTANG SA MED SNYAM 'JIGS SKRAG, BLA MA LA MOS GUS DANG SGOM PA LA SNYING RUS MI YONG DBANG MED BYUNG BA YIN, KHYED RNAMS KYANG NGA RANG GI NGAG LTAR GSANG SNGAGS KYI NYAMS LEN DA LTA'I 'DI BZHIN DU GYIS LA RI KHROD DU GCIG PUR SDOD NUS PAR GYIS SHIG, 'KHOR BA LAS THAR BA'I KHAG MI RGAN NGA RANG GIS KHUR BA YIN NO GSUNG, YANG NGAN RDZONG STON PA BO DHI R'A DZAS, RJE BTZUN RIN PO CHE RANG RDO RJE 'CHANG CHEN MI'I GZUGS SU SKU SPRUL NAS MDZAD PA DE RNAMS SEMS CAN GYI DON DU STON PA CIG YIN BA 'DRA, DE MIN RUNG, BSKAL PA DPAG TU MED PA NAS TSOGS BSAGS PA, PHYIR MI LDOG PA'I SEMS DPA' CHEN PO ZHIG YIN PAR THAG CHOD GDA' STE, CHOS PHYIR SROG KYANG 'DOR ZHING RNAL 'BYOR RAB TU BRTZON, ,ZHES BYA BA'I RTAGS RNAMS RJE BTZUN LA TSANG GDA', DE MIN BDAG SOGS SO SO SKYE BO RNAMS KYIS NI, BLA MA'I DRUNG GI DAD GUS KYI MDZAD PA SOGS, CHOS PHYIR DKA' BA SPYAD TSUL RJE BTZUN GYI DE 'DRA BLO RANG GI YANG MI 'KHYUD

NA, PHYAG LEN LA SUS KHEL, BRGYA LA PHYAG LEN LA BKA' RUNG LUS KYIS RKYEN MI THEG PAR 'DUG PAS, RJE BTZUN DANG PO NAS SANGS RGYAS BYANG SEMS GANG RUNG GCIG YIN PAR THAG CHOD GDA', DES NA BDAG NI CHOS MA NUS RUNG RJE BTZUN GYI ZHAL MTHONG GSUNG THOS PA'I SEMS CAN RNAMS KYANG 'KHOR BA LAS GROL SNYAM PA GDA' BAS, RJE BTZUN RDO RJE 'CHANG NGAM, BYANG CHUB SEMS DPA' GANG GI SPRUL PA LAGS PA DE GSUNG DU GSOL ZHES ZHUS PAS, RJE BTZUN GYI ZHAL NAS, NGA GANG GI SPRUL PA YIN NGA RANG LA YANG CHA MED, NGAN SONG GSUM GYI SPRUL PA YIN RUNG, KHYED RANG RNAMS KYIS RDO RJE 'CHANG SOGS GANG DU MTHONG BA DE'I BYIN RLABS 'JUG PAS MOS GUS GYIS, SPRUL PA YIN SNYAM PA DE KHYED RANG RNAMS KYIS NGA LA DAG SNANG YIN TE, CHOS LA LOG LTA DE BAS CHE BA MI YONG, CHOS RNAMS DAG BYED PA'I CHE BA MA MTHONG BAS LAN, SPYIR DAM PA'I CHOS KYI CHE BAS, TSE STOD LANG LTA BUR SDIG PA TSABS CHEN BYAS PA'I SO SO SKYE BO ZHIG YIN RUNG, PHYIS RGYU 'BRAS LA YID CHES NAS, TSE BLOS BTANG STE SGO GSUM G-YO MED DU BSGOM NUS NA SANGS RGYAS THOB PA LA THAG RING MI 'DUG, KHYAD PAR BLA MA MTSAN LDAN ZHIG GIS RJES SU BZUNG ZHING ,GSANG SNGAGS NYE LAM GYI MAN NGAG DANG SNYING PO'I DON THA SNYAD KYI SGRIB G-YOGS MED PAR GCER MTHONG DU NGO SPROD PA'I DBANG DANG GDAMS NGAG THOB NAS BSGOM NUS NA, TSE 'DIR SANGS RGYA MI RGYA THE TSOM MI 'DUG CING, TSE 'DIR

, ,MI DGE BCU DANG MTSAMS MED LNGA'I LAS TSABS CHEN BYAS NA SHI MTHAG DMYAL BA MNAR MED DU SKYE MI SKYE THE TSOM MI 'DUG STE, RGYU 'BRAS LA YID MA CHES SHING SNYING RUS CHUNG BAS LAN, SNYING THAG PA NAS RGYU 'BRAS LA YID CHES NA, NGAN SONG GI SDUG BSNGAL LA 'JIGS SKRAG, SANGS RGYAS THOB 'DOD KYI SGO NAS DANG POR BLA MA LA MOS GUS, BAR DU GDAMS NGAG BSGOM PA LA SNYING RUS, MTHAR NYAMS RTOGS SKYONG LUGS SOGS KYI SNYING RUS PA'I 'DI PAS MA ZHAN PA SO SKYE SNYING RUS CAN KUN LA YONG BAR 'DUG, BYUNG TSE SANGS RGYAS DANG BYANG CHUB SEMS DPA'I SPRUL PAR RLOM PA 'DUG STE, GSANG SNGAGS KYI NYE LAM LA YID MA CHES PA'I RTAGS YIN PAS, DA KHYED RANG RNAMS RGYU 'BRAS LA YID CHES PAR GYIS LA, GONG MA'I RNAM THAR, LAS RGYU 'BRAS, 'KHOR BA'I NYES DMIGS, DAL 'BYOR RNYED DKA', NAM MCHI CHA MED RNAMS SOGS LA, ,GSANG SNGAGS KYI NYAMS LEN LA 'BUNGS SHIG, NGAS KYANG LTO GOS GTAM GSUM LA GYONG BTANG, SEMS LA DPA' BSKYED, LUS LA BAB BSKUR SDUG BSNGAL KHYAD DU BSAD NAS MI MED KYI RI LA BSGOMS PAS NYAMS RTOGS KYI YON TAN SKYES PA YIN, KHYED RNAMS KYANG NGA'I RJES SU ZHUGS LA NYAMS SU LONGS SHIG GSUNGS PA DE LTA BU'I TSUL LA DGONGS PAR MNGON NO, ,'ON KYANG BLA MA RIN PO CHE 'DI NYID BYAMS MGON GYI BYIN RLABS THUGS LA ZHUGS PA ZHIG YIN PA NI BLA MA RIN PO CHE NYID KYI GSUNGS

LAS; SHES RAB ME LONG DAG PA'I NGOS, ,SHES BYA'I GZUGS BRNYAN GSAL BA'I TSE, ,SHES 'DOD MED KYANG SHES MDOG GI, SHES RAB RTZAL 'DI SU YIS 'GOG, NGAG LA NGAG GI DBANG PHYUG GIS, ,BYIN GYIS BRLABS SHING SEMS RGYUD LA; ;BYAMS PA'I 'PHRIN LAS ZHUGS PA ZHIG, BLA MA'I RNAM THAR DRAN NAS BRIS, ,ZHES GSUNGS PA LTAR RO, ,DE LTAR CHAB MDO CHOS SDER RGYAL BA 'PHAGS PA LHA'I ZHABS DRUNG DU RAB TU BYUNG NAS DUR SMIG GI RGYAL MTSAN GSOL TE 'GRO BA LHA DANG BCAS PA THAMS CAD LA MYUR BA MYUR BAR THUB BSTAN YONGS SU RDZOGS PA BZUNG STE DAM PA'I CHOS GYI SGRA DBYANGS BSGRAGS NAS 'GRO BA MA RIG PA'I GNYID KYIS NON PA RNAMS MYUR DU SAD PAR BYA, 'KHIR BA'I BTZON RAR BCINGS PA RNAMS MYUR DU SGROL BAR BYA, BLO GROS KYI MIG LDONGS TE GAR 'GRO'I GTOL MED PA RNAMS LA MTHO RIS DANG THAR PA'I LAM MYUR DU GSAL BAR BYA'O ZHES DBUGS 'BYIN PAR MDZAD DO, ,DE NAS THUGS BSAM 'DI LTA NGAG 'KHRUNGS TE, SNGON STON PA THUGS RJE CAN DES RGYAL BA'I BSTAN PA LA ZHUGS NAS RAB TU BYUNG BA RNAMS KYIS LAS SU BYA BA NI GNYIS BKA' STZAL TE, KLOG PA THOS BSAM DANG, SPONG BA BSAM GTAN NO, ,BDAG GIS KYANG STON PA THUGS RJE CAN GYI BKA' LTAR THOG MAR KLOG PA THOS BSAM DANG, DE NAS SPONG BA BSAM GTAN BYAS TE RGYAL BA DGYES PA'I LAM BZANG BSGRUB PAR BYA'O SNYAM DU DGONGS NAS THOG MAR 'PHAGS PA LHA'I BKA' LTAR CHAB MDO GRVA TSANG GI CHOS SPYOD RNAMS LAGS PAR

, ,BZUNG, ,DGUNG LO BCU BZHI PA'I DUS SU 'PHAGS BA LHA LA RDO RJE 'JIGS BYED CHEN PO'I DBANG LEGS BAR GSAN, DE NAS 'PHAGS PA LHA'I SKU MDUN DU RAB 'BYAMS SMRA BA 'GA' ZHIG BGRO GLENG BYED PA GZIGS PAS SHING RTA CHEN PO'I GZHUNG LA DAD PA CHES CHER 'KHRUNGS NAS LUS KYI PA SPU RNAMS ZINGS ZHES BYED CING RANG DBANG MED PAR SPYAN CHAB BYUNG ZHING BDAG KYANG NAM ZHIG NA SHING RTA CHEN BO'I GZHUNG LUGS RNAMS LA SBYANGS TE CHOS DANG CHOS MIN RIGS PAS 'BYED THUB PA ZHIG 'OD SNYAM DU THUGS 'DUN DRAG PO 'KHRUNGS TE 'PHAGS PA LHAR DBUS PHYOGS SU SLOB GNYER LA PHYIN CHOG PA DGOS ZHES DGONGS BZHUS PA NA, 'PHAGS PA LHAS KYANG 'JAM MGON BSTAN PA'I SROG SHING DU 'GYUR BAR MKHYEN NAS DGYES BZHIN DU GNANG NAS DGUNG LO BCO LNGA'I LO DBUS PHYOGS SU PHEBS, THOG MAR SE RAR PHEBS NAS GNAS MJAL ZHIG BYAS, DE NAS DGA' LDAN DU PHEBS NAS SLOB GNYER MDZAD DGONGS PA YOD PA LA, BYES GRVA KHANG GI GNAS GZIGS LA PHEBS PA NA, GRVA KHANG GI NANG DU LOGS BRIS RNAMS GZIGS PA DANG DUS MNYAM DU RLUNG BSIR BU ZHIG SKU LA REG PAS RKYEN BYAS, ,SMRA MI SHES PA'I DGA' BA DANG DAD BA CHEN PO ZHIG 'KHRUNGS NAS, DA NI GRVA TSANG 'DI KHA RANG DU SLOB GNYER BYED SNYAM BA BYUNG NAS BYES GRVA TSANG DU ZHUGS ,BYES PA BLA MA NGAG DBANG RGYA MTSO YONGS 'DZIN DU BSTEN NAS THOG MAR RIGS PA'I SGO 'BYED BSDUS GRA

RNAMS RTZI BA LA ZHUGS PAS TSEGS MED PAR MKHYEN TE YUN RING BOR SBYANGS PA'I MKHAS BA DAG DANG BGRO GLENG BYAS BA NA DRI MA MED PA'I RIGS PA'I NGA ROS MKHAS PA DAG DPA' ZHUM BAR MDZAD PAS MKHAS PA DAG NGO MTSAR DU GYUR NAS 'DI NI GRVA SA GZHAN DU SBYANGS ZIN PA ZHIG YIN PA'AM, YANG NA SA THOB PA ZHIG YIN PAR NGES SO ZHES GLENG BAR BYED DO, ,DE NAS DGUNG LO BCU DRUG GI DUS PHAR PHYIN GYI GZHUNG LA SBYANGS TE LO GNYIS KYI RING LA PHAR PHYIN LA MKHAS PAR GYUR TE DGUNG LO BCU BDUN PA LA RIGS CHUNG TSOGS LANGS MDZAD PAS MKHAS PA THAMS CAD NGO MTSAR BA'I GNAS SU GYUR, LO DE'I STON DUS SER RTZER RJE SGRUB KHANG BA MJAL BAR PHEBS BAS RJE SGRUB KHANG BA'I ZHABS PHYIR BLA MA RIN PO CHE 'DI PA'I KHU BO DKA' BCU SKAL LDAN ZER BA ZHIG BZHUGS PAS DES SANG NYIN SEMS BSKYED MCHOD PA YIN PAS ME TOG GANG 'BYOR NYOS LA SANG NYIN SNGA BAR SHOG CES ZHAL TA GNANG BA BZHIN BLA MA RIN PO CHES KYANG DE BZHIN MDZAD NAS SANG NYIN ME TOG MANG PO BSNAMS NAS SGRUB KHANG DU PHEBS TE LAM KHRID GSAN GRUB PA'I DGE SLONG MANG PO DANG LHAN CIG SEMS BSKYED ZHU BAR MDZAD, CHOS GROL NAS RJE SGRUB KHANG PA CHEN PO MJAL BAR PHEBS PAS RJE SGRUB KHANG PA CHEN POS BKA' 'DRI ZHIB TU GNANG NAS GZHON NU 'DI LTA BU NAS BYANG CHUB SEMS DPA' BYED THUB PA SHIN TU LEGS GZHUNG CHEN MO RNAMS LA SLOB SBYONG 'GRUS PAR GYIS SKABS SKABS SU 'DIR SHOG, NGED NAS NYAMS LEN LAS BRTZAMS PA'I BSLAB BYA BYED CES DGYES PA'I GSUNG BYON,

, ,DE NAS KHU BO DKA' BCU PA'I SAR PHEBS BAS, DKA' BCU PAS, KHYOD KYIS DE RING BLA MAS GSUNGS PA RNAMS NGES SAM GSUNG, DES BYUNG LAGS ZHES ZHUS PA NA, DKA' BCU PAS, 'O NA SKYOR DANG GSUNG BAR BLA MA RIN PO CHE 'DI LAS RJE SGRUB KHANG PAS GANG GSUNGS PA THAMS CAD CHAD LHAG MED PAR BSKYAR BAS DKA' BCU PA CHES NGO MTSAR TE KHYOD NI BAG CHAGS BZANG PO ZHIG 'DUG CES GSUNG, DE NAS SA RAR THUGS GNYER MDZAD BZHIN PA'I MUR DGUNG LO BCO BRGYAD LA BAB PA'I TSE BLA MA RIN PO CHE 'DI BAS MKHAR RDO DPON SLOB RIN PO CHE 'OL KHA NAS SKYID SHOD DU PHEBS TE, LHA SA NAG TSANG BYANG DU TSOGS MCHOD KYI DUS SLAB MA'I TSOGS DU MA LA BYANG CHUB LAM GYI RIM PA'I KHRID PAn CHEN CHOS KYI RGYAL PO BLO BZANG CHOS KYI RGYAL MTSAN DPAL BZANG PO'I MAN NGAG DAM PA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI STENG NAS STZAL BA GSAN PAR PHEBS PAS LAM GYI NGO BO DANG, GRANGS DANG, GO RIM DANG, DBYE BA, SO SO'I DON RNAMS LA NGES PA GTING TSUGS PA 'KHRUNGS TE, RGYU 'BRAS MAN NGAG BDUN GYI DANG PO MAR SHES KYI SKABS NAS 'BYUNG BA LTAR DE PHYIN CHAD NAS BZUNG STE SEMS CAN GZIGS SO COG LA 'DI NI BDAG GI DRIN CAN GYI MA'O SNYAM DU 'BANG MED DU THUGS LA 'CHAR BA ZHIG BYUNG BA 'DI NI GZHAN GYIS YI RANG BA TZAM YANG BYA BAR DKA' BA'I GNAS RNAMS LA MYONG BA

MTHAR PHYIN PHA MNGON DU MDZAD PA'O, ,BLA MA RIN PO CHE 'DI BAS LAM RIM GSOL 'DEBS GRAS SU, ,BLO BZANG RGYAL BA'I RIN PO CHEN GZHUNG LUGS LA, ,'DOD DGUR SPYOD PA'I RLABS CHEN SNYING STOBS CAN, ,BZOD PA'I GO CHA RGYA MTSO LEGS BGOS PA'I,, SGOM CHUNG RI KHROD DBANG POR GSOL BA 'DEBS, ,ZHES NGES PAR 'JUG PAR MDZAD KYIN YOD PA SKU NA PHRA MO'I DUS DE SKABS MKHAR RDO MKHAN PO 'DI PAS BDE LAM GYI KHRID GNANG BA DE THUGS LA SHIN TU 'PHROD PA ZHIG BYUNG BAS DE LTAR MDZAD PA YIN GYI BRGYUD RIM LA MED MI RUNG MIN TE, PAn CHEN BLO BZANG CHOS KYI RGYAL MTSAN GYIS DRUNG PA RTA PHUG PA, DES RJE SGRUB KHANG PA, DES BLA MA RIN PO CHE 'DI PA LA GNANG BA YONGS SU GRAGS PA LTAR RO, ,DE NAS RJE SGRUB KHANG PA CHEN POR RIGS GSUM SPYI SGRUB KYI BLA MA'I RNAL 'BYOR GYI KHRID NYIN GSUM GYI RING ZHU BAR MDZAD DE, DUS DE NAS BZUNG BLA MA'I RNAL 'BYOR 'DI 'CHAG MED MDZAD CING ,LHAG PAR GROGS DPAL 'BYOR GRAGS PA DANG BSDEBS NAS RA KHA BRAG TU DGUN THOG GCIG RIGS GSUM SPYI SGRUB KYI BLA MA'I RNAL 'BYOR SKYONG ZHING BZHUGS, DE SKABS RA KHA BRAG GI SGRUB SDE MA CHAGS PAS GNYIS KAS PHUG BA RE BZUNG NAS SO SOR BZHUGS, BLA MA RIN PO CHE 'DI PAS THUN DNGOS GZHI LA RJE BTZUN 'JAM PA'I DBYANGS KYI RNAL 'BYOR SNGON DU BTANG STE RIGS GSUM SPYI SGRUB KYI BLA MA'I RNAL 'BYOR BSGOMS NAS DMIGS BRTZE MA GANG 'GRUB DANG, THUN MTSAMS SKU LTUNG BSHAGS SUM CU SO LNGA RE DANG BRKYANG PHYAG SBRAGS PA'I BSAG SBYANGS LA

, ,'BAD PAS SKU LA BYED KYI GZUNGS NAS JI LTAR BSHAD PA LTAR GYI LAS SGRIB DAG PA'I MTSAN MA BRTAN BO THOB CING, LHAG BAR NUB CIG PHYAG TU RAL GRI ZHIG BYUNG BA BSNAMS TE NAM MKHA' LA 'PHUR BA'I MTSAN LTAS SHIN TU GSAL BA BYUNG, BLA MA RIN PO CHE RANG YON TAN SBA BA GTZO BOR MDZAD PAS 'DI TZAM LAS MI GSUNG MOD, DON DU NA RJE BTZUN 'JAM PA'I DBYANGS DANG RJE RIN PO CHE'I SKU DANG GSUNG GI SNANG BA BYUNG BAR NGES SO, ,DE NAS CHOS RAB TU RNAM 'BYED KYI SHES RAB CHES CHER RGYAS TE BSHES GNYEN LA DAD PA NAS ZHI LHAG GI BAR LAM GYI NGO BO DANG GRANG NGES GO RIM RNAMS LA NGES BA BRTAN PO RNYED CING, NGES 'BYUNG DANG BYANG CHUB KYI SEMS DANG YANG DAG PA'I LTA BA RNAMS LA MYONG BA PHUL PHYIN THON, DE SKABS 'TSO BA DKA' THUB LA GNAS PAS NYIN RE'I GSOL ZAS TZAM YANG MED KYANG 'KHOR BA'I PHUN TSOGS GANG LA YANG YID SMON NAM YANG MI SKYE, 'KHOR BA'I PHUN TSOGS GANG DANG GANG MTHONG TZAM GYIS 'JIGS SKRAG ZHEN LOG NGANG GIS SKYE BA ZHIG BYUNG, SKU MTSAMS GROL NAS SE RAR PHEBS DUS LO GSAR GYI SKABS YIN PAS KHANG TSAN GYI GRVA BA RNAMS LO GSAR GYI DGA' STON YIN ZER NAS BZA' BTUNG SNA TSOGS BYED CING RAB TU BYUNG BA'I RTAGS CHA LUGS TZAM YANG TSUL MTHUN MI 'DZIN PAR PHAN TSUN RTZED 'JO BYED CING, HA HA HU HU ZER NAS DGA' DGA' SKYID SKYID LTAR BYED PA RNAMS GZIGS BA

NA, DE RING RANG YANG MI 'CHI BA'I GDENG MED CING GAR 'GRO'I GTOL MED PAR 'DI 'DRA BYED PHOD PA MI 'DI DAG NGES BAR SMYO BA YIN PAR 'DUG SNYAM PA BCOS MIN DU 'CHAR ZHING, DE'I RING LA SPYAN CHAB RGYUN MI 'CHAD DU 'BAB PA THABS CI BYAS KYANG CHAD MI THUB PA ZHIG BYUNG GSUNG, DE KHA'I MUR RGYAL PO LHA BZAS KYIS SDE SRID RIN PO CHE BCOM STE GRONG SMAD KYI DNGOS CHAS RNAMS SOG PO'I GRVA PA RNAMS LA BYIN TE GRVA PA RNAMS HAB THOB BYED PA GZIGS PA NA SKYO ZHING YID 'BYUNG BA CHES CHER 'PHEL TE PHA PHA 'DI 'DRA BYED PHOD PA SNYAM DU SPYAN CHAB RGYUN MI 'CHAD PA NYIN MTSAN KHOR YUG TU BYUNG BAS SKU GZUGS KYI ZUNGS KYANG SHIN TU NGAN PA BYUNG GSUNG, TSUL 'DI LA RGYAL BA'I GSUNG RAB DANG SHING RTA CHEN PO'I GZHUNG GI DON LA 'DRIS PA SNGON BYON DAM PA'I RNAM THAR GYI RGYUS YOD PA DAG GIS BLTAS NA DBAG PAR DKA' BA'I RNAM THAR YIN TE MYUR DU 'CHI BA'I TSUL LA MYONG BA THON NAS TSE 'DI LA MA CHAGS PAR PHYI MA DON GNYER GYI BSAM PA BCOS MIN SKYE BA'ANG SHIN TU DKA' NA SRID PA'I PHUN TSOGS LA ZHEN PA GTING NAS LOG PA'I NGES 'BYUNG SKYE DKA' BA DANG, NGES 'BYUNG DE LTAR SKYES NA NGO MTSAR BA'I GNAS YIN PA LTA CI SMOS, STON PA THUGS RJE CAN DES DGE SLONG RNAMS LA GSER DNGUL LA REG PA TZAM YANG MI RUNG BA SOGS 'DUL BA'I BCAS PA JI SNYED CIG MDZAD PA THAMS CAD 'DI 'DRA BA'I NGES 'BYUNG BCOS MIN SKYE BA'I THABS SU MDZAD

, ,PA YIN PAS NA BLO GROS DANG LDAN BA RNAMS KYIS BLA MA RIN PO CHE 'DI'I MDZAD PA RNAM THAR 'DI 'DRA BA LA YID SMON DU BYA'O, ,DE NAS SNGAR LTAR GZHUNG LUGS LA SBYONG BA DAD BSAG SBYANG LA 'BAD BA LTAR DANG, BLA MA DANG LHAG PA'I LHA LA GSOL BA 'DEBS PA RNAMS LA BRTZON PAR MDZAD CING, CHOS GRVA'I SKABS NYIN GCIG GI 'TSO BA'I MTHUN RGYEN TZAM YANG MED KYANG TSOGS KYI MANG JA TZAM LA BRTAN TE SNGA CHOS DGONG CHOS 'CHAG MED DANG, DE'I BAR RNAMS SU GZHUNG GI 'DZIN SKYOR DANG BSAG SBYANG LA BRTZON PAR MDZAD, DE'I TSEN BZA' HRUL LA 'TSO CHAS SHIN TU BKREN PAS MTHANG GOS HRAL HRUL DU GYUR TE PUS MO SNGO HRENG HRENG BA KUN GYIS MTHONG BA DANG, ZLA GAM HRAL HRUL DU GYUR TE TSOGS SU DGE 'DUN RNAMS MANG JA LA GSOL BA BZHES PA'I CHE GSOL ZHIB YONG RGYU'I KHUL GYIS ZLA GAM GYIS GDONG BTUMS KYANG G-YAS G-YON THAMS CAD RAL PA'I SKAR KHUNG DU GYUR TE SBA MI THUB PAR KUN GYIS MTHONG BA ZHIG BYUNG BAS TSE 'DI'I SNANG SHAS CAN DAG NI TSUL 'DI MTHONG BAS YA NGA ZHING SNYING RJE'I GNAS SU BYED PA DANG, SKYE BO DAM PA RNAMS NI NGO MTSAR BA'I GNAS SU BYAD BA ZHIG BYUNG NGO, ,DE 'DRA BA'I 'CHO CHAS BKREN PA'I SKABS SU'ANG 'BYOR BA CAN DAG GZIGS PA NA YID SMON MI SKYE BAR MA ZAD LHAG PAR SNYING RJE SKYE ZHING RE SHIG GZHUNG LUGS CHEN MO 'DI RNAMS LA

SBYANGS LA NAM ZHIG NA DBEN PA'I GNAS SU 'TSO BA DKA' THUB LA GNAS NAS LAM CHA TSANG LA SGRUB PA BYED PA ZHIG NAM 'ONG SNYAM PA 'BA' ZHIG THUGS LA BRNAGS SHING DON DE LTAR DU YANG DANG YANG DU SMON LAM 'DEBS PAR MDZAD DO, ,DE LTAR PAR PHYIN LA SBYOD BA'I TSE PHAR PHYIN GYI SPYI DON DANG MTHA' DPYOD, ZUR BKOL BZHI YONGS RDZOGS THUGS LA BZUNG STE DGE 'DUN TSOGS PA'I DBUS SU SKYOR BA'I TSOGS BSOG KYANG MDZAD ,DE NAS BYES PA BLA MAS GLING BSRE'I GRVA SKOR MDZOD CES GSUNGS BA NA RJE GRUB PA'I DBANG PHYUG DGE LEGS RGYA MTSO'I ZHABS DRUNG DU PHEBS NAS GRVA SKOR BYED NA, DE'I TSE BSHAD PA GANG LA BYED ZHUS PAS SGRUB KHANG PA CHEN POS 'JAM DPAL ZHAL LUNG BZUNG NAS BSHAD PA BYAS NA SLAR GZHAN LA KHRID GTONG BA LA KHYAD CHEN PO 'OD ZHES MA 'ONGS LUNG BSTAN DANG BCAS GSUNGS ,DE NAS BLA MA RIN PO CHE 'DI BAS RJE SGRUB KHANG PA'I BKA' LTAR 'JAM DPAL ZHAL LUNG YONGS RDZOGS THUGS LA BZUNG STE DGUNG LO NYI SHU RTZA GCIG PA CHU PHO RTA'I LO SE RAR GLING BSRE'I GRVA SKOR MDZAD PAS BSHAD PAS BSTAN PA'I MIG RGYAN LA PHAN PA DANG, DRI MA MED PA RIGS PA'I NGA ROS MKHAS PA MTHA' DAG GI YID 'PHROG PAR MDZAD, GLING BSRE'I GRVA SKOR GRUB NAS RJE SGRUB KHANG PA PHUR BU LCOG TU BZHUGS PA'I SKU MDUN DU MJAL BAR PHEBS PAS SGRUB KHANG PA CHEN POS SGRUB KHANG DU 'GRO BAS KHYOD RANG 'DI KHYER SHOG GSUNGS NAS

, ,GCI BAS GANG BA'I SGYE MO SHIN TU LCI BA ZHIG BSKUR BAR MDZAD PA NA, BLA MA RIN PO CHE 'DI BA DA SKABS DKA' BCU'I GRVA SKOR GRUB PAS SE RAR MKHAS PA'I GRAGS BA CHE BA YOD KYANG MKHAS PA'I BSNYEMS BA MAD PAR BLA MA'I ZHABS TOG TU SHI YANG SKAL BA BZANG SNYAM DU SPRO BA CHEN POS SHING KHUR CHEN PO DE BSNAMS TE SER RTZER PHEBS PAS RJE SGRUB KHANG PA CHEN PO SHIN TU MNYAS NAS KHONG RANG GIS SNGAR THUGS GNYER MDZAD LUGS, BLA MA RTA PHUG PA BSTEN LUGS, DE NAS DKA' SPYAD SNYING RUS KYIS SGRUB PA MDZAD LUGS RNAMS GSUNGS NAS KHYOD RANG YANG DE 'DRA ZHIG YOD BA BYED DGOS GSUNG ZHING DA KHYOD RANG CHOS YAGS BO ZHIG BYAS NA 'ONG GSUNG BAR BLA MA RIN PO CHE 'DI PAS CHOS YAGS PO JI LTAR BYED DGOS ZHUS PAR, RJE SGRUB KHANG PAS, CHOS RNAM DAG CIG BYED NA RI KHROD LA 'GRO DGOS, DE KHYOD KYIS YONG MI YONG RJE BTZUN MI LA LA ZHU'O GSUNGS NAS RJE BTZUN GYI RNAM MGUR LA CHOS MO LAN GSUM MDZAD SOD BAS BZANG PO SHA STAG BAB PAS RJE SGRUB KHANG BA SHIN TU MNYES, BLA MA RIN PO CHE 'DI PA'ANG DAD CING SBRO BAR GYUR NAS RJE SGRUB KHANG BA CHEN PO'I ZHABS LA SPYI BOS GTUGS TE, 'JIG RTEN 'JIG RTEN 'DAS PA'I DGE LEGS KYI, ,YON TAN KUN GYI RTZA BA DRIN CAN RJE, ,YID LA DRAN PA TZAM GYIS DUS KUN TU, ,MOS GUS RTZOL MED SKYE BAR BYIN GYIS RLOBS, ,ZHES SOGS LAM GTZO'I SMON LAM YONGS RDZOGS 'DEBS PAR MDZAD DO, ,DE NAS

BLA MA RIN PO CHE 'DI PA DGUNG LO NYER GSUM LA BAB PA NA PAn CHEN THAMS CAD MKHYEN PA CHEN PO RJE BTZUN BLO BZANG YE SHES DPAL BZANG PO LA BSNYEN RDZOGS KYI SDOM PA ZHU BAR BZHED NAS KHRES PO BSNAMS NAS BKRA SHIS LHUN POR PHEBS, PAn CHEN THAMS CAD MKHYEN PA CHEN PO LA BSNYEN RDZOGS KYI GSOL BA BTAB PA NA DGYES BZHIN ZHAL GYIS BZHES TE BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU BDE LDAN ZHING GI MGON PA DUR SMRIG GAR GYI RNAM PAR ROL PA GANGS RI'I KHROD KYI 'DUL 'DZIN THAMS CAD KYI GTZUG GI NOR BU PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG POS MKHAN PO DANG, YONGS 'DZIN BSOD NAMS GRAGS PAS GSANG STON MDZAD DE KHA SKONG GI DGE 'DUN GRANGS TSANG BA'I DBUS SU BSNYEN PAR RDZOGS PA'I SDOM PA BZHES TE THUB PA'I RGYAL TSAB CHEN POR GYUR TO, ,DE NAS DBUS SU PHEBS TE DBU MA DANG 'DUL BA DANG MDZOD RNAMS LA'ANG SBYANGS BA MTHAR PHYIN PAR MDZAD NAS DGUNG LO NYER LNGA'I LO LHA LDAN CHO 'PHRUL SMON LAM CHEN MO'I DUS SU DKA' BZHI'I GRVA SKOR MDZAD DE 'JAM MGON BLA MA TZONG KHANG PA CHEN PO'I MDZAD PA RNAM THAR RJES SU BSKYANGS, GRVA SKOR GYI SKABS SU'ANG RJE SGRUB KHANG PA'I ZHAL GDAMS THUGS LA BZHAG NAS PHYIR BRGOL SU LA'ANG MTSANG 'BRU BA DANG, SKYON BRJOD PA'I TSIG RTZUB PHRA MO'ANG MA GSUNGS SHING, TSIG LA MI RTON DON LA RTON TE BSTAN BCOS GANG DANG GANG YIN PA DE DANG DE'I BRJOD BYA BA'I DON THAMS

, ,CAD RANG GI RGYUD 'DUL BA'I THABS SHA STAG TU 'KHYER BA'I TSUL GO BAR BYED PA DANG, RGYAN DRUG MCHOG GNYIS KYI GZHUNG NAS JI LTAR 'BYUNG BA LTAR DAM BCA' GANG DANG GANG BZHAG PA DE DANG DE LA 'GAL BA DANG MA NGES PA DANG, MA GRUB PA'I SKYON PHRA MO'ANG MED CING BZLOS BUR SMRA BA'ANG MED PAR BSGRUB BYA'I DON TSUL GSUM PA'I RTAGS KYIS SGRUB BA'I DRI MA MED PA'I RIGS BA'I NGA RO RGYA CHER BSGRAGS PAS GZU BOR GNAS PA'I MKHAS PA MTHA' DAG GZHAN DU LO MANG POR THOS PA BYAS PA LAS BLA MA RIN PO CHE 'DI PA'I RIGS PA'I RNAM 'GYUR LAN CIG MTHONG BA DANG THOS PA DON CHE'O, ,ZHES SMRA BAS SNYAN PA'I GRAGS PAS SA'I STENG KHYAB PAR GYUR TO, ,GRVA SKOR GRUB 'PHRAL RJE SGRUB KHANG PA MJAL DU PHEBS PAS RJE SGRUB KHANG PAS SEMS BSKYED CIG GNANG BA DANG THUG STE BLA MA RIN PO CHE 'DI BAS DA NI SROG LA BAB KYANG SANGS RGYAS MA THOB KYI BAR DU BYANG CHUB KYI SEMS MI GTAD NGO SNYAM DU DAM BCA' BRTAN PO MDZAD, TSUL 'DI LA BLA MA RIN PO CHE NYID KYI ZHAL NAS DA DUS SEMS BSKYED KYI DAM BCA' BRTAN PO DE 'DRA BYAS PA YIN, SEMS BSKYED KYI BSLAB BYA RGYA CHE, BSLAB BYA LAS 'DAS PA'I NYES PA GRANGS MANG BAS NYES PA DE 'DRAS DMYAL BAR LHUNG YANG SNGON THOG MA MED PA NAS LAS NGAN 'BA' ZHIG BSAGS TE DMYAL BA'I SDUG BSNGAL BRGYUD MAR MYONG BA'I RTZIS BTANG NA DA RES SEMS BSKYED KYI BSLAB BYA LAS 'DAS PA'I NYES PAS DMYAL BAR SKYE DGOS BYUNG YANG BZOD, DON MED DU

LAS NGAN BSAGS PA'I RTZIS BTANG NA THEG CHEN GYI CHOS SGRUB PA'I PHYIR DU SDUG BSNGAL CI MYONG DGOS BYUNG YANG SKAL BZANG GSUNG BA THOS PAS TSUL 'DI YANG DPAG PAR DKA' BA'I RNAM PAR THAR PA ZHIG STE, DENG SANG SNYIGS MA LNGA CHES CHER BDO BAS SANGS RGYAS KYI BSTAN PA NYAMS PA LA PHYOGS SHING, LHAG PAR THEG PA CHEN PO MING TZAM YANG NUB PA LA PHYOGS PA'I SKABS 'DIR RGYAL SRAS KYI SNYING STOBS RLABS PO CHE 'DI 'DRA BA MDZAD PA'I RNAM THAR NI BLO CHEN DAG KYANG RJES SU YI RANG ZHING SMON LAM GDAB PA'I GNAS SO, ,DE NAS BLA MA RIN PO CHE 'DI PAS RJE SGRUB KHANG PA LA BDAG BLA MA'I ZHABS DRUNG DU RI KHROD DU BSDAD CHOG PA DGOS ZHES ZHU BAR MDZAD PAS, LAN DU RJE GRUB PA'I DBANG PHYUG GIS PHYAG BRIS SHIG STZAL 'DUG PA'I NANG NA, 'O DANG POR GAL CHE BA PHA YUL DANG GNYEN BSHES BLOS DOR, BAR DU GAL CHE BA RGYUD DANG RI KHROD GANG RIGS SHIG TU THOS BSAM GTZO BOR THON, MTHA' MAR GAL CHE BA CHE DANG SGRUB PA MNYAM BAR BYA BA THEG PA CHEN PO'I LAM GYI RTZA BA TSUGS PA'I SGRUB PA SNYING POR MDZOD MDZOD GSUNG BA PHYAG BRIS SU GNANG, BLA MA RIN PO CHE 'DI PA NI RJE SGRUB KHANG PA LA SANGS RGYAS DNGOS KYI 'DU SHES BCOS MA MIN PA YOD PAS GANG GSUNGS TSAD MAR 'DZIN PAR MDZAD DE 'PHRAL DU RI KHROD DU PHEBS BAR THAG BCAD, DE YANG SPYOD 'JUG LAS, NAGS NA RI DVAGS BYA RNAMS DANG, ,SHING RNAMS MI SNYAN BRJOD MI BYED, ,'GROGS NA BDE BDE DAG DANG, ,NAM ZHIG LHAG CIG BDAG GNAS 'GYUR, ,PHUG GAM LHA KHANG STONG

, ,BA'AM, ,LJON SHING DRUNG DU GNAS BCAS TE, ,NAM ZHIG RGYAB TU MI LTA ZHING, ,CHAGS BA MED PAR 'GYUR ZHIG GU, ,SA PHYOGS BDAG GIR BZUNG MED PA, ,RANG BZHIN GYIS NI YANGS RNAMS SU, ,RANG DBANG SPYOD CING CHAGS MED PAR, ,NAM ZHIG BDAG NI GNAS PAR 'GYUR, ,LHUNG BZED LA SOGS NYI TSE DANG, ,KUN LA MI MKHO'I GOS 'CHANG ZHING, ,LUS 'DI SBA BA MA BYAS KYANG, ,'JIGS MED GNAS PA NAM ZHIG 'GYUR, , DUR KHROD SONG NAS GZHAN DAG GI, ,RUS GONG DAG DANG BDAG GI LUS, ,'JIG PA'I CHOS CAN DAG TU NI, ,NAM ZHIG 'GO SNYOMS BYED PAR 'GYUR, ,ZHES DANG, DE LTAR 'DOD LA SKYO BYAS TE, ,DBEN PA LA NI DGA' BA SKYED, ,RTZOD DANG NYON MONGS KYIS STONG PA, ,ZHI BA'I NAGS KYI NANG DAG TU, ,SKAL LDAN ZLA 'OD TZAN DAN GYIS BSIL BA'I, ,YANGS PA'I RDO LEB KHANG BZANG NYAMS DGA' BAR, ,DGRA MED ZHI BA'I NAGS KLUNG G-YO BA YIS, ,GZHAN LA PHAN DON SEMS SHING 'CHAG PAR BYED, ,KHANG STONG SHING DRUNG PHUG DAG TU, ,GANG DU JI SRID 'DOD GNAS SHING, ,YONGS 'DZIN BSRUNG BA'I SDUG BSNGAL SPANGS, ,LTOS PA MED PAR BAG YANGS SPYOD, ,RANG DBANG SPYOD CING CHAGS MED LA,, GANG DANG YANG NI 'BREL MED PA, ,CHOG SHES BDE SPYOD GANG YIN PA, ,DBANG POS KYANG NI DE RNYED DKA', ,ZHES GSUNGS PA LTAR DBEN PA'I YON TAN GYIS THUGS YID LEGS PAR 'PHROGS NAS RJE SGRUB KHANG PA CHEN PO LA SKYID RUNG SDUG

RUNG BA LA BLA MA MIN BA BLO RTZE GTAD SA MED PAS 'DI KHAR BLA MA'I ZHABS LA GTUGS NAS BLAD CHOG BA DGOS ZHES NAN ZHUS MDZAD PAS, GRUB PA'I DBANG PHYUG CHEN PO DGE LEGS RGYA MTSO LEGS PAR DGYES NAS, DA 'O NA 'DI KHA RANG DU SNOD, KHRID SKYONG BAR BYED BA LA SPYIL BU RANG DBANG 'DUS PA ZHIG DGOS PA YIN PAS RTZIGS SHIG GSUNGS NAS DE'I MTHUN RKYEN PHRAN BU'ANG STZAL, DE NAS BLA MA RIN PO CHE 'DI PAS SGRUB KHANG BA'I BKA' LTAR PHUR BU LCOG TU RANG SHONG SPYIL BU ZHIG BZOS, BYES PA BLA MA LA DGONGS PA ZHUS TE TSE 'DI'I RNYED BKUR SNYAN GRAGS GANG LA'ANG CHAGS PA MED PAR PHUR BU LCOG TU RJE SGRUB KHANG PA'I ZHABS DRUNG DU PHEBS, PHEBS 'PHRAL LAM RIM DMAR KHRID BDE LAM GYI KHRID CIG GNANG BA GSAN, DE'I TSE SGRUB KHANG PA CHEN POS PHUR BU LCOG TU DGE SLONG BRGYAD GRVA ZHIG GI SGRUB SDE 'DZUGS PAR BZHED NAS, 'DU KHANG RUNG KHANG GZIM CHUNG RNAMS KYI ZHAL BKOD MDZAD PA NA BLA MA RIN PO CHE 'DI PAS SNGON RJE BTZUN MI LAS LHO BRAG MAR PA'I ZHABS DRUNG DU MKHAR LAS JI LTAR MDZAD PA DE KHO NA LTAR RANG NYID MKHAS PA CHEN PO YIN PA'I NGA RGYAL DANG RLOM PA PHRA MO'ANG MED PAR, BRAN KHOL LTAR DU SA RDO DANG CHU LEN BA SHING 'DREN PA 'JIM PA BSKYEL BA RTZIG PA RNAMS LA ZHAL BA BYED BA LHA BRIS PA'I LAG G-YOG TU TSON BSNUR BA DRES 'DAM BRDUNG BA SOGS SGO GSUM NGAL BA KHYAD DU BSAD NAS RUSON BA CHEN BOS BLA MA'I BKA' BZHIN SGRUB PAR MDZAD, DE NAS RJE SGRUB KHANG PA CHEN POS LAM KHRID 'JAM DPAL

, ,ZHAL LUNG GI KHRID RGYAS PA ZHIG DANG, BLO SBYONG DON BDUN MA'I KHRID RGYAS PA ZHIG GNANG, RJE SGRUB KHANG PA DE SNGAGS LA SHIN TU DAM DOG CHE BA YOD NA'ANG BLA MA RIN PO CHE 'DI PA GCIG PU LA RDO RJE 'JIGS BYED KYA SGRUB THABS ZA MA TOG GI LUNG DANG, BSKYED RDZOGS GYI MAN NGAG GNAD BSDUS SHIG GNANG STE, SGRUB PA MTHAR PHYIN PA ZHIG BYED PA LA LAS SGRIB SBYONG PHYIR YIG BRGYA 'BUM THER ZHIG DANG YI DAM RDO RJE 'JIGS BYED KYI BSNYEN PA TSED DU 'KHYOL BA ZHIG NGES PAR BYAD DGOS GSUNG BA LTAR BKA' BZHIN DU SGRUB PAR MDZAD, PHUR BU LCOG GI SGRUB SDE THOG MAR CHAGS SKABS BLA MA RIN PO CHE 'DI PAS DBU MDZAD DGE SLONG RNAMS KYIS DGONG MO'I CHA LA 'DU KHANG DU MANG JA MED KYANG 'TSOGS NAS BRKYANG PHYAG LNGA BRGYA TZAM RE BTZAL, LAM KHRID 'JAM DPAL ZHAL LUD CHAR RE SKYOR BA RGYUN RING POR MDZAD PAS SGRUB KHANG PA CHEN PO SHIN TU MNYES NAS NGA LAS KHYED TSO SNYING STOBS CHE BA BYUNG ZHES BSNGAGS BRJOD MDZAD, DE SKABS BLA MA RIN PO CHE 'DI PAR GSOL JA BZHES RGYU GTAN NAS MED PAR RI'I RTZVA ZHIG GI RTZA BA BRKOS NAS DE SKOL BA'I KHU BAS SKOM PA SEL BAR MDZAD PA SOGS DKA' THUB KHO NA MDZAD, BAR SKABS SHIG RDO RJE BRAG NA RJE RIN PO CHE'I GSUNG 'BUM GYI LUNG GNANG GI 'DUG ZER BA GSAN PAS RJE SGRUB KHANG PA CHEN BOR NGA YANG DER RJE'I GSUNG 'BUM GYI LUNG ZHIG ZHU BAR 'GRO 'DOD 'DUG PAS PHYIN NA AE YONG ZHUS PAR, SGRUB KHANG PA CHEN POS 'GRO 'DOD YOD NA SONGS

GSUNGS, DE LA BLA MA RIN PO CHE 'DI PAS RANG GI 'DOD PAR GANG YOD BYED RGYU MIN, PHYIN PA LEGS PA ZHIG YOD NA 'GRO, ,MI LAGS NA MI 'GRO GLO SNYING BRANG GSUM BLA MA RANG LA GTAD PA YIN, NGA RANG GI BSAM PA LA GANG SHAR ZHUS PA LAGS, ZHES ZHU BAR MDZAD PAS SGRUB KHANG PA CHEN PO MNYES NAS, 'ON SDOD, LAR DENG SANG THAMS CAD NYAMS LEN BYED BSAMS PA MED PAR MANG PO ZHIG THOS DGOS PA 'DUG, CHOS RNAM DAG CIG BYED NA LAM RIM 'DI LA SBYANGS ZHAS RANG GI SEMS 'DI KO BA MNYED MNYED BYED DGOS RGYU YIN, LAM RIM GYI STENG DU N'A RO CHOS DRUG GI KHRID CIG YIN NA NGES PAR THOB PAR BYED DGOS GSUNG, DE LA BLA MA RIN PO CHE 'DI PAS BKA' DRIN CHE ZHES ZHUS NAS BLA MA'I BKA' BZHIN MTSAMS BCAD DE YIG BRGYA 'BUM THER DANG, BRKYANG PHYAG 'BUM THER ZHIG BSAGS, LAM RIM RANG LA THUN BZHIR BCAD NAS LO MANG PO'I BAR DU BSGOMS TE MYONG BA THON PAR MDZAD, DE YANG DMIGS SKOR RE RE NAS DPYAD SGOM DANG 'JOG SGOM GNYIS KYI SGO NAS BSKYANGS TE RGYUD LA 'CHAR DKA' BA RNAMS LA DMIGS APHUG NAS BSGOMS, DE YANG DMYAL BA'I SDUG BSNGAL SGOM PA'I TSE GRANG DMYAL BA RNAMS LA SDUG BSNGAL JI LTAR YOD LTA BA'I PHYIR DGUN DGU 'DREN PA'I SKABS SU THO RANGS GCER BUR 'THON NAS KHANG PA'I PHYIR PHEBS TE SGROL MA GSUM BZHI RE'I RING GCER BUR BZHUGS PA NA GRANG BA'I NGAD KYIS LUS SGRIB NAS ZUG GZER CHER MI MNGAN, DE NAS NANG DU 'ONGS TE GOS BGOS TE YBZHUGS PA NA CHER 'DAR ZHING RUS,

, ,PA'I GTING LA ZUG GZER BZOD PAR DKA' BA BYUNG BA NA DE LAS BYE BA PHRAG BRGYA 'GYUR GYIS GRANG DMYAL GYI SDUG BSNGAL CHE BA YOD TSUL LA SAMS NAS RGYUD THOG TU BKAL TA MYONG BA THON PAR MDZAD, DE LTAR DMIGS SKOR RE RE NAS RGYUD LA SBYAR TE MYONG BA THON PAR MDZAD, SKABS SKABS SU RJE SGRUB KHANG PA MJAL NAS LAM RIM GYI KHRID DANG BLO SBYONG GI KHRID DANG GCOD KYI KHRID RNAMS GSAN ZHING YANG DANG YANG DU SEMS BSKYED ZHUS, GZHAN YANG MDO BSTAN BCOS KYI LUNG DANG MAN NGAG MANG DU GSAN, DE NAS BLA MA RIN PO CHE 'DI PA LA CHAB MDO NAS SKU MCHED RNAMS GDAN 'DREN DU YANG DANG YANG DU 'ONGS PA DANG, 'PHAGS PA LHAS KYANG 'BYON DGOS PA'I BKA' SHOG PHEBS PA BCAS MDZAD DKA' BAR BYUNG BA NA RJE SGRUB KHANG PA LA ZHUS PAS SGRUB KHANG BA CHEN POS KHYOD LAM RIM CHEN MO'I BSHAD LUNG ZHIG MA THOB PAR KHAMS SU 'GRO DGOS BYUNG NA PHANGS GSUNGS NAS SGRUB KHANG PA CHEN POS THUN PAR THUN BAR LA LAM RIM CHEN MO'I BSHAD LUNG SHOG BU KHA SHES RE GNANG STE LO GSUM LA LEGS PAR GRUB PAR MDZAD, DE NAS KYANG GDAN 'DREN YANG YANG BYUNG BSAD PHEBS DGOS RGYU AE YIN DGONGS PA BYUNG BA NA NYIN CIG TSOGS SU DGE SLONG RNAMS SGROL MA 'DON PA'I CHE THUGS BSAM LA KHAMS PHYOGS LA PHEBS DGOS BYUNG NA CI 'DRA 'OD DGONGS NAS BLA MA LA PHYAG DBANG DANG SKYABS 'JUG ZHUS TE SKU MDUN NAS PHYI 'GROS KYIS PHEBS NAS GZIM CHUNG GI PHYI ROL TU SON PA'I RNAM PA THUGS LA

MDZAD PA'I TSE THUGS SKYO NAS SNYING 'GAS PA CAM GYI TSOD 'ONG BAR SNANG ZHING, DE NAS KYANG RIM GYIS LAM SO SOR ZHUGS TE RI RE'I RTZER PHEBS PA'I RNAM PA MDZAD NAS PHA GI'I THAD DU BLA MA BZHUGS PA'I LUNG PA DANG BLA MA'I SKU'I RNAM PA'ANG 'DRA YOD SNYAM PA SOGS BSGOM PAR MDZAD PA NA SPYAN CHAB DBANG MED DU YONG GI NA 'DUG GSUNG, DE NAS NGA BLA MA 'DI 'DRA DANG BRAL NAS 'GRO THABS MI 'DUG SNYAM DU THAG BCAD NAS RGYAL BA 'PHAGS PA LHA LA DE LUGS KYI ZHU YIG BZOS, ZHU YIG DE LA SGRUB KHANG PA CHEN POS BDEN PA'I MTHU BRJOD PA'I SMON LAM DANG BYIN RLABS SHIG MDZAD NAS 'PHAGS PA LHAR PHUL BAS PHEBS MA DGOS, DE NAS SGRUB KHANG PA CHEN POS JO BO YAB SRAS KYI THUGS KYI BCUD PHYUNG BA'I MAN NGAG BKA' GDAMS THIG LE BCU DRUG GI DBANG DANG GDAMS NGAG RNAMS KYANG BLA MA RIN PO CHE 'DI PA DANG, SKAL LDAN GYI GDUL BYA GZHAN GCIG BCAS GNYIS LA GZIM CHUNG SBUG TU GSANG STABS KYIS DGYES BZHIN DU GNANG, BLA MA RIN PO CHE 'DI PAS DUS DE NAS BZUNG STE THIG LE BCU DRUG LA THUGS DAM GTZO BOR MDZAD CING, CHOS 'DI'I 'PHRIN LAS KYI BKA' BAB STE, DE'I TSUL NI 'OG TU STON NO, ,BAR SKABS SHIG STENG GDON GYI GNOD PA ZHIG BYUNG BA RJE SGRUB KHANG BA CHEN PO LA ZHUS PAS SGRUB KHANG PA CHEN POS PHYAG RDOR GYI RJES GNANG STZAL TE 'DI'I BSNYEN PA ZHIG GYIS GSUNG BAR, RGYUN GYI THUGS DAM RIGS GSUM SPYI SGRUB KYI BLA MA'I RNAL 'BYOR GYI SGO NAS RJE RIN PO CHE'I THUGS KAR PHYAG

, ,RDOR BSKYED NAS BZLAS PA MDZAD PAS STENG GDON GYI GNOD PA LAS GROL, RJE SGRUB KHANG BA CHEN POS TSE RABS GTAN GYI LHAG BA'I LHA RJE BTZUN SGROL MA DKAR MO LA BSNYEN SGRUB CIG BYAS NA LEGS PA 'DUG GSUNG BAR SGRUB KHANG PA CHEN POR SGROL DKAR GYI RJES GNANG ZHUS NAS ZLA BA GSUM GYI RING SGROL DKAR YID BZHIN 'KHOR LO'I BSNYEN SGRUB MDZAD PAS CHOS RAB TU RNAM 'BYED KYI SHES RAB CHES CHER RGYAS TE 'CHAD RTZOD RTZOM GSUM LA SPOBS PA THOGS MED DU GYUR NAS, DE GONG SGRA DANG SNYAN NGAG LA SBYONG BAR MA MDZAD KYANG, DUS DE NAS BZUNG MDO RGYUD GSUNG RAB KYI DGONGS 'GREL RTZOM PA DANG, SANGS RGYAS BYANG SEMS KYI BSTOD PA MDZAD PA SOGS RTZOM PA GANG MDZAD KYANG SPOBS PA THOGS PA MED CING, SNYAN NGAG GI RGYAN GYI NYAMS NGO MTSAR BA DAG RANG SHUGS KYIS 'BYUNG BA ZHIG BYUNG STE, TSUL DE NI BLA MA RIN PO CHE 'DI BA'I GSUNG RTZOM RNAMS BLTAS LAS GSAL LO, ,DE LTAR BLA MA RIN PO CHE 'DI PAS RJE SGRUB KHANG PA CHEN PO BSAM SBYOR GNYIS KYIS TSUL BZHIN DU BSTAN TE SROG GI PHYIR YANG BKA' BZHIN DU SGRUB PA LAS MI 'DA' BAR GTZO BOR BYANG CHUB LAM RIM GYI DMIGS RNAM BSKYANGS, DE'I GEGS SEL DANG MTHUN RKYEN BSGRUB PHYIR RGYAL KUN NGO BO RJE BTZUN TZONG KHA PA CHEN PO LA RTZE GCIG TU GSOL BA 'DEBS PA DANG, LHAG BA'I LHA RNAMS KYI BSNYEN SGRUB LA 'BAD PA DANG, DPAG PAR

DKA' BA'I BSAG SBYANG MDZAD PA DANG, ZAB LAM GCOD KYI RNAL 'BYOR SKYOD BAR BA SGRUB KHANG PA CHEN PO'I BKA' LTAR DPAL LDAN DMAG ZOR RGYAL MO'I BSNYEN SGRUB DANG RGYUN DU MCHOD GTOR 'CHAG MED MDZAD PA SOGS RGYU TSOGS CHAD PA'I NYAMS LEN LA CHU BO'I RGYUN BZHIN 'BAD PAS RGYU MTSANG BA MED BA LAS 'BRAS BU 'BYUNG BRTEN 'BREL GYI CHOS NYID YIN PAS BLA MA RIN PO CHE 'DI PA LA'ANG LAM GYI LUS YONGS SU RDZOGS PA LA MYONG BA PHUL DU PHYIN PA'I RTOGS PA 'KHRUNGS TE, BLA MA RIN PO CHE NYID KYI ZHAL NAS NGA CHUNG DU'I DUS RJE SGRUB KHANG PA LAS LAM RIM THOG MAR ZHUS TZAM NAS, GSUNG RAB KYI DON LA GO YUL RGYA CHEN PO RANG MED KYANG, BLO LA THAG CHOD SHIN TU CHE BA BYANG GSUNGS, DE YANG BSHES GNYEN BSTAN TSUL GYI SKABS BLA MA DAM PA'I BKA' BZHIN SGRUB PA SNYING POR BYED GOS PAR THAG CHOD, DAL 'BYOR GYI SKABS TSE THUNG 'DI LA CHOS RNAM DAG CIG BYED DGOS PAR THAG CHOD, SKYES BU CHUNG DU'I SKABS TSE 'DI BLOS GTANG DGOS PAR THAG CHOD, 'BRING GI SKABS 'KHOR BA'I PHUN TSOGS MTHA' DAG LA ZHEN PA GTING NAS LOG DGOS PAR THAG CHOD, CHEN BO'I SKABS BYANG CHUB TU SEMS BSKYED NAS CI BYED SEMS CAN GYI DON DU BYED CING TSOGS GNYIS ZUNG 'BREL DU SLOB DGOS PAR THAG CHOD PA'I BLO SKYES, RJES SU BSAMS KYANG THAG GCOD LUGS DE KHA RANG RENG GSUNG BA KHO BO RANG GIS DNGOS SU THAS BAS THOG MAR RJE SGRUB KHANG PA DANG

, ,MJAL TE LAM KHRID GSAN TZAM NYID NAS DE LTA BU'I THAG CHOD GDENG KHEL THUGS LA 'KHRUNGS SHING, DE NAS RJE RGYAL BA GNYIS BA'I SNYAN RGYUD GYI MAN NGAG DAM PA BYANG CHUB LAM GYI RIM PA LA BSHAD BA TZAM MA YIN PAR, RJE GRUB PA'I DBANG PHYUG GI GSUNG GI BDUD RTZI BZHIN MYONG BA THON NGES BAR DPYAD SGOM DANG 'JOG SGOM GNYIS BLA MA LHA LA GSOL BA 'DEBS PA'I GNAD DAM PA DANG BCAS TE NYAMS MYONG LA BKAR NAS BSGOM BAR MDZAD PAS, BSHES GNYEN DAM PA SANGS RGYAS DNGOS SU MTHONG PA, RANG GIS THOB PA'I DAL 'BYOR DON CHE ZHING RNYED DKA' BA, 'CHI BA MI RTAG PA, NGAN SONG GSUM GYI SDUG BSNGAL, DE LAS THAR BA'I THABS DKON MCHOG LA SKYABS 'GRO DANG SDIG SPONG DGE BA BSGRUB PA, MTHO RIS KYI BDE BA THOB KYANG SDUG BSNGAL GYI RANG BZHIN LAS MA 'DAS SHING MI BRTAN PA, DER 'KHOR BAR BYED PA'I RTZA BA 'JIG LTA LA SOGS PA'I NYON MONGS RNAMS YIN PA, DE SPONG BYED KYI THABS LAM BSLAB PA RIN PO CHE GSUM YIN PA, RANG NYID 'KHOR BA'I SDUG BSNGAL LAS 'GROL KYANG SEMS CAN GZHAN 'KHOR BA'I SDUG BSNGAL GYIS MNAR BA RNAMS DRIN CAN GYI MA SHA STAG YIN PAS DE RNAMS LA BYAMS PA DANG, SNYING RJE DANG, DRIN DU BZO BA DANG, BDAG GZHAN BRJE BA'I 'PHRUL KHYAD PAR CAN LA BRTEN NAS BYANG CHUB DAM PA SANGS RGYAS BCOM LDAN 'DAS KYI GO 'PHANG LA DMIGS PA'I SMON SEMS

DANG 'JUG SEMS KYI BLO'I STOBS YANG DAG PAR BSKYED NAS SBYIN SOGS PHA ROL TU PHYIN PA DRUG DANG, BSDUS RNAM BZHI LA LEGS PAR BLO SBYONG BA DANG, LUS SEMS SHIN SBYANGS DANG BCAS PA'I ZHIG NAS DANG, GNAS LUGS STONG PA NYID KYI DON LA DMIGS PA'I LHAG MTHONG RNAMS ZUNG DU 'BREL BA RNAMS LA RDO RJE THEG PA'I LAM GYIS BSNON MA BTAB NAS NYAMS SU LEN TSUL RNAMS RGYAL BA THUGS RJE DANG BKA' DRIN MTSUNGS PA'I ZLA THAMS CAD DANG BRAL BA SH'AKYA'I RGYAL PO'I GSUNG RAB KYI DGONGS DON RGYAL BA NYID KYIS RANG GI RGYAL TSAB DAM PAR DBANG BSKUR BA MI PHAM MGON PO DANG, SHING RTA CHEN PO RNAMS KYIS LEGS PAR BSHAD PA'I GDAMS PA'I CHU PO GCIG TU 'DRES PA DPAL LHA CIG 'DI PAm KA RA'I BSHAD SROL RJE RGYAL BA GNYIS PA YAB SRAS KYI GSUNG LAS 'BYUNG BZHIN DU THUGS RGYUD LA RTOGS PA'I YON TAN 'KHRUNGS TE, 'GO BSHES GNYEN BSTEN TSUL NAS 'BRAS BU ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS BA'I DMIGS SKOR DE DANG DE DAG GANG DANG GANG GI DON LA MNYAM PAR BZHAG PA'I TSE, MNYAM GZHAG GI DUS SU DE DANG DE'I GNAD KYI DON BCOS MA MA YIN PA'I TING NGE 'DZIN LA KHYUR GYIS 'GRO ZHING, RJES THOB TU YANG MNYAM GZHAG GI DMIGS PA DE'I STOBS KYIS YUL GANG SNANG THAMS CAD DNGOS GZHI'I DMIGS SKOR DE DANG DE'I GROGS SU 'GRO BA ZHIG BYUNG STE, BSHES GNYEN BSTEN TSUL LA BLA MA'I GZIM KHANG DANG, ZHABS PHYI DANG, ,GZIM KHANG DANG NYE BA'I BYA RI DVAGS CHUN CHAD

, ,KYANG BLA MA'I RNAM 'PHRUL YIN SNYAM PA BCOS MAN DU 'CHAR BA LTA BU DMIGS SKOR MTHA' DAG LA BYUNG STA, TSUL 'DI NI LAM GYI GNAD MKHYEN PA'I MKHAS PA RNAMS KYIS BRTAGS NA DPAG PAR DKA' BA'I RNAM BAR THAR PA YIN PAS BYANG CHUB LAM GYI RIM PA LA BLO SBYONG BAR 'DOD PA RNAMS KYIS BLA MA RIN PO CHE 'DI'I MDZAD PA RNAM THAR 'DI DAG BSAMS LA RJES SU BSLAB PAR BYA ZHING THA NA SMON LAM GYI YUL CHUN CHANG DU BYA'O, ,DE NAS RJE SGRUB KHANG PA CHEN PO ZHING BRJE BA'I SNGA LTAS MANG DU SHAR TE, MI RTAG PA'I GSUNG MANG DU 'BYON PA DANG, SGRUB GNAS RNAMS LAM 'ONGS PA NA JI LTAR BYA BA'I LUNG BSTAN MDZAD PA DANG, BLA MA RIN PO CHE 'DI PA DON GYIS RGYAL TSAB TU BSKO BAR MDZAD PA SOGS GANG SA NAS YUN RING MI BZHUGS PA'I RTAGS BSTAN PA NA, BLA MA RIN PO CHE 'DI PAS 'JIGS SAR SKYEL MAS BOR PA 'DRA BA ZHIG MYUR DU 'ONG BAR 'DUG SNYAM DU DGONGS NAS CHU PO 'BRUG GI LO'I NANG DU SEMS BSKYED MCHOD BA BYUNG RAS KYI GSUNG BSHAD RNAMS ZIN BRIS SU MDZAD DE, SGRUB KHANG RIN PO CHE ZHING GZHAN DU GSHEGS PA'I THUGS 'DUN CHER MNGON PA'I TSE, SNGAR ZIN BRIS SU MDZAD PA'I GDAMS DAG RNAMS RJE DRUB PA'I DBANG PHYUG CHEN POR SPYAN 'BEGS ZHU RGYU PHUL NAS, BLAMS LONG BA THANG SKYUR 'DI 'DRA ZHIG MDZAD PAR 'DUG ,DE DUS RANG GI SNYING LA BCANG RGYU BLA MA'I SKU TSAB CIG DGOS PAR 'DUG BSAMS NAS GSUNG 'GA' ZHIG ZIN BRIS SU 'TA' PA 'DI LA BLA MAS PHYAG GIS BYIN RLABS SHIG GNANG DGOS ZHES GDUNG SHUGS

DRAG POS GSOL 'DEBS DANG BCAS TE GZIGS 'BUL ZHU RGYU BSNYUN G-YOG TSUL KHRIMS RGYAL MTSAN LA 'CHOL BAR MDZAD BAS, BLA MAS DE NAS SHOG BU KHA SHAS SHIG LJAGS KLOG GNANG NAS MTHAR THUGS SMON RGYA CHER SCAL TE, PHYAG MTHE PONG KER NAS 'DI 'DRA MO BYUNG 'DUG GSUNG ZHING RAB 'BYAMS PA BYAMS PA KHO SNYING RJE PO RANG YIN, ZHES GSUNGS BA ZHIG BYUNG, DE DUS RJE SGRUB KHANG PA'I MNAL LAM DU BLA MA RIN PO CHE 'DI PA LA 'PHRIN LAS RGYA CHEN 'OD BA GSAL POR SHAR BA BYUNG STE SGRUB KHANG RIN PO CHE'I MNAL LAM DU RAB 'BYAMS PA BYAMS PA 'DI DA'I PANG DU BZHAG PAS KHO RANG SDOD PA LA MTSER BO BYED 'DUG, 'ON KYANG KHO BA'I BANG DU BSDAD MA THAG NYI MA SHAR BA LTA BU'I 'OD ZER 'PHROS PAS MUN PA THAMS CAD SANGS SHING NAM MKHA'I KHAMS THAMS CAD KHYAB SONG BA ZHIG BYUNG, 'DI LEGS PO ZHIG 'OD BA 'DUG GSUNG BA ZHIG BYUNG, BLA MA RIN PO CHE 'DI PA THEG CHEN BSTAN PA'I SROG SHING DU 'GYUR BAR MKHYEN NAS RJE SGRUB KHANG BAS MGON PO PHYAG DRUG PA'I RJES GNANG ZHIG BLA MA RIN PO CHE 'DI BA LA CHED MDAGS SU STZAL, DE NAS SGRUB KHANG PA ZHING GSHEGS NAS DGONGS RDZOGS RNAMS RJE SGRUB KHANG BA'I DGONGS PA LTAR BSGRUBS TE DGONGS BA YONGS SU RDZOGS PAR MDZAD, DE NAS BLA MA RIN PO CHE DGUNG LO SO GSUM DU PHEBS PA SHING PO RTA'I LO NAS 'PHRIN LAS KYIS THOG MAR BYE STE SKAL LDAN GYI GDUL BYA 'GA' RES GSOL BA BTAB PA LTAR BE'U BUM SBON PO'I LUNG SOGS CHOS BKA' CI RIGS STZAL, DA NAS SNYAN GRAGS RJE RGYAS

, ,SU SONG STE DGUNG LO SO DRUG TU PHEBS BA BYA LO'I NANG DU YONGS KYI DGE BA'I BSHES GNYEN DAM PA DGA' LDAN KHRI RIN PO CHE BLO BZANG DAR RGYAS KYI BKAS BSKUL NAS, KHRI CHEN BLO BZANG DAR RGYAS NYID KYI SKU TSA BSOD NAMS RAB BRTAN LA ZHAL LUNG GI KHRID GNANG DAGS PAR GSOL BA BTAB PAS, RJE BTZUN BLA MA DAM PA 'DI NYID KYIS RE SHIG SKU MTSAMS MDZAD NAS BRTAG PA ZHIG MDZAD DE, SKABS SU BAB PA'I MTSAN MA BRTAN PO GZIGS NAS ZHAL GYIS BZHAS PA'I ZHU 'PHRIN 'BUL BAR MDZAD PAS, KHRI RIN PO CHE NAS LAN DU KHO BO BDE MCHOG L'U AI BA'I BDAG 'JUG LEN PA'I GSANG DBANG GI SKABS SU 'PHRIN YIG 'BYOR BYUNG BA GSANG DBANG GSUNG GI BYIN RLABS YIN PAS NYID KYI KHRID 'GRO DON CHEN PO YOD PA'I BRTEN 'BREL 'GRIG ,DES NA DA LAM LAM KHRID SHIN TU NAS THONGS, 'ON KYANG DGOS ZER TSAD LA BTANG NA CHOS GTZIGS CHUNG DU 'GRO BAS LO RE LA KHRID ZLA BA LONGS PA'I THONGS, ZHES GSUNGS PAS 'TSAMS SBYAR NAS, BYA LO SA GA ZLA BA'I CHES BRGYAD NAS BZUNG STE DBON CHUNG BSOD NAMS RAB BRTAN, BLA MA DKON MCHOG RDO RJE GNYIS KYIS GTZO BYAS PA'I SKAL LDAN GYI GDUL BYA DGE 'DUN BZHI BCU SKOR LA DUS GSUM RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID RGYAS PAR STZAL ZHING RJE RGYAL BA GNYIS PA'I BSTAN PA RIN PO CHE MI NUB PA'I CHOS KYI RGYAL MTSAN BTZUGS, CHOS KYI RNGA BO CHE

BRDUNGS TE 'DZIN MA'I KHYON MA LUS CHOS KYI SGRA DBYANGS KYAS KHYAB PAR MDZAD, DE'I SEMS BSKYED MCHOD PA'I SKABS CHAR CHEN BO ZHIG BABS PAS BLA MA RIN PO CHE 'DI PAS SKU TSE RI LA POR CHOS KYI CHAR 'BEBS PA'I RTEN 'BREL LAGS PAR 'GRIG ,DE DUS JUN SGAR NAS HONG THA' JIS DPUNG CHEN BTEG NAS LHA BZANG KHANG BCOM STE BOD LJONGS KHA LO BSGYUR BA'I SKABS DE YIN, JUN SGAR GYI SOG PO RNAMS KYIS BLA MA RIN PO CHE 'DI'I SNYAN GRAGS THOS NAS JUN SGAR DU GDAN 'DREN PA'I BKOD PA MANG DU BYAS KYANG RA DVAGS LA SHA BYIN PA LTAR SRID PA'I PHUN TSOGS LA 'JIGS SHING SKRAG PAR MDZAD NAS 'BYON DU MA BZHED, TSUL 'DI YANG LAM GYI GNAD SHES PA RNAMS KYIS BLTAS NA NGO MTSAR BA'I RNAM THAR TE, STOBS KYI 'KHOR LOS BSGYUR BA'I RGYAL PO'I BSNYEN BKUR LA'ANG DGA' BAR MI MDZAD CING 'GO BA'I NAD DANG DUG LTAR DU SGREG BAR MDZAD NA BSNYEN BKUR NGAN NGON LA CHAGS PA'I GO SKABS GA LA YOD, DA LTA BDAG DANG BDAG 'DRA BA'I CHOS BYED PHAL MO CHE BSNYEN BKUR NGAN NGON RE YANG BLOS MI THONGS PAR KHA GSAG GZHOGS SLONG GIS LOG 'TSO SGRUB PA'I NGANG TSUL 'DI LTAR NA BLA MA RIN PO CHE 'DI PA'I MDZAD PA 'DI NI DENG SANG GI SKYE BO BLO CHUNG DAG GIS RJES SU YI RANG TZAM YANG BYA DKA' BA'I RNAM THAR RO ,DUS DE NAS BZUNG STE BLA MA RIN PO CHE 'DIS DPYID DUS 'JAM DPAL ZHAL LUNG GI KHRID DANG, STON DUS BDE LAM GYI KHRID RE

, ,PHAL CHER 'CHAG MED DU GNANG, THOG MAR PHUR BU LCOG GI DGE SLONG RNAMS KYI 'DU KHANG DU SHONG TZAM DANG, DE NAS JE 'PHEL DU SONG STE PHYI'I KHYAMS DANG BCAS PAR SHONG CAS DANG, DE NAS 'PHRIN LAS JE RGYAS SU SONG STE DGE 'DUN MANG DU 'DUS BAN BOD KYI SRID SKYONG MI DBANG BSOD NAMS STOBS RGYAS KYIS CHOS GRVA CHEN MO GSAR BSKRUN MDZAD DE LO SHAS DER SHONG TZAM DANG, DE NAS 'DZAM BU GLING GIS SA'I CHA THAMS CAD NAS LAM KHRID DON DU GNYER BA LHAGS PA NA DER YANG MA SHONG BAR CHOS GRVA CHEN MO'I LTAG TU GTZANG KHANG GTOD, MDOR SGO MANG BZOS TE KHYAMS CHEN PO GTOD NAS DGE 'DUN STONG PHRAG BRGAL BA LA LO LTAR DBYID DUS ZLA BA GSUM PA'I TSES BRGYAD NAS BZHI PA'I TSES BDUN GYI BAR LAM KHRID 'JAM DPAL ZHAL LUNG TSES BRGYAD NYIN SEMS BSKYED MCHOD PA, TSES DGU NAS BCU GNYIS BAR LA 'DOD CHOS CI RIGS, TSES BCU GSUM LA THUGS RJE CHEN PO'I DBANG CHEN NAM RJES GNANG GANG RIGS, BCU BZHI DANG BCO LNGA GNYIS LA SMYUNG GNAS SBYOR GUG ,TSES BCO BRGYAD BCU DGU TZAM NAS BLA MED KYI DBANG CHEN THOB PA SHA STAG LA BDE GSANG 'JIGS GSUM GYI BSKYED RDZOGS GANG RIGS RE, STON DUS ZLA BA BRGYAD PA'I TSES BCO BRGYAD NAS GNAM GANG GI BAR LA BDE LAM GYI KHRID TSAR RE BCAS LO LTAR 'CHAG MDAG NANG ZHING, LAM KHRID KYI SKABS GZHUNG SA NAS SBYIN BDAG MDZAD DE, NYIN RER MANG JA BDUN DANG THUG PA GNYIS RE SEMS BSKYED MCHOD

BA'I SKABS BLA MA RIN PO CHER BRTAN BZHUGS RNAMS 'CHAG MED MDZAD, DPON PO YAB SRAS 'DAS NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSOS LHAG PAR BSNGAGS 'OS GZENGS BSTONG DU MDZAD DE, STON DPYID LAM KHRID LA 'DUS PA'I DGE 'DUN RNAMS LA BSNYEN BKUR GONG 'PHEL DANG, SEMS BSKYED KYI THOG MGRON GNYER RE CHED GNANG GIS BLA MA RIN PO CHER MAndAL SKU GSUNG THUGS RTEN, NA BZA' CHA TSANG, DNGOS BO SPAM MTHOB BCAS LO LTAR STZAL, BLA MA RIN PO CHE 'DI PAS CHAB MDOR PHEBS PA'I SKABS DANG, BYANG RA SGRENG DU PHEBS PA'I SKABS DANG, GTZANG DU PHEBS PA'I SKABS 'GA' ZHIG MA GTOGS DGUNG LO SUM CU SO DRUG NAS DGUNG LO BRGYAD CUR PHEBS PA'I BAR LAN KHRID 'CHAG MED DU GNANG STE 'JAM MGON BSTAN PA'I SROG SHING BZUNG, MDO PHYOGS KYI BSTAN PA'I SROG SHING BZUNG BAR MA ZAD SNGAGS KYI BSTAN PA'I SROG SHING YANG 'DZIN PAR MDZAD DE, BLA MA RIN PO CHE 'DI THOG MAR CHAB MDOR BZHUGS SKABS RGYAL BA 'PHAGS PA LHA LA RDO RJE 'JIGS BYED BCU GSUM MA'I DBANG CHEN GSAN, DE NAS RJE SGRUB KHANG PA LA RDO RJE 'JIGS BYED KYI SGRUB THABS KYI LUNG DANG BSKYED RDZOGS GNYIS KYI MAN DAG GSAN, KHRI RIN PO CHE BLO BZANG DAR RGYAS LA GSANG BA 'DUS PA LUGS GNYIS KYI DBANG SOGS RDO RJE PHRENG BA YONGS RDZOGS DANG, ZUR BKA' DBANG RJES GNANG MANG DU GSAN, GRUB PA'I DBANG PHYUG DON YOD MKHAS GRUB LA GSANG BA 'DUS PA'I DBANG SOGS DBANG MANG PO

, ,DANG; GSANG BA 'DUS PA DANG RDO RJE 'JIGS BYED GNYIS KYI BSKYED RDZOGS KYI ZAB KHRID RGYAS PA DANG, RIM LDAGS LA SGRON GYI GZABS BSHAD SOGS BSNGAGS KYI CHOS MTHA' YAS PA GSAN, GRUB PA'I DBANG PHYUG 'JAM DPAL RGYA MTSO 'AM, MTSAN GZHAN 'JAM DBYANGS BDE BA'I RDO RJE LA BDE MCHOG L'U AI PA'I BSKYED RDZOGS GNYIS KA'I MYONG KHRID, N'A RO MKHA' SPYOD MA'I DBANG DANG BSKYED RDZOGS SOGS CHOS MANG DU GSAN, RGYUD SMAD MKHAN PO MKHAS SHING GRUB PA NGAG DBANG MCHOG LDAN LA 'GREL BA BZHI SBRAGS SOGS CHOS MANG DU GSAN, YER PA'I BLA MA MKHAS GRUB PHUN TSOGS RGYA MTSO LA DRIL BU LUGS KYI PHYI NANG GNYIS KA'I DBANG DANG, DRIL BU LUS DKYIL GYI BSKYED RIM DANG RDZOGS RIM LNGA'I KHRID RNAMS GSAN, BYA BRAL BLO BZANG RIN CHEN LA MKHAS GRUB RIN PO CHE NAS BRGYUD PA'I KYEE RDOR LHA DGU'I DBANG GSAN, BLA MA BSOD NAMS BZANG PO LA RJE RIN PO CHE'I GSUNG 'BUM PHAL CHE BA SOGS MDO SNGAGS KYI CHOS MANG DU GSAN TE, JI LTAR GSAN BA LTAR GSANG BDE 'JIGS GSUM SOGS SNGAR DBANG GSAN PA'I YI DAM RNAMS KYI BSNYEN SGRUB MTHAR PHYIN BA MDZAD, BSKYED RDZOGS KYI MAN NGAG RNAMS THUGS NYAMS SU BZHES TE NUS PA THON PAR MDZAD NAS SKAL BA DANG LDAN PA GZHAN DAG LA'ANG RGYA CHER SPEL BAS BLA MA RIN PO CHE 'DI NYID 'PHRIN LAS CHER 'PHEL TE SKAL BA DANG LDAN PA MANG PO LA BYANG CHUB LAM GYI RIM PA'I KHRID YANG YANG GNANG, BAR SKABS SHIG

GRUB PA'I DBANG PHYUG DON YOD MKHAS GRUB LA DPAL GSANG BA 'DUS PA'I BSKYED RDZOGS KYI KHRID RNAMS LEGS PAR GSAN, DE'I TSE GDUL BYA GZHAN DAG LA CHOS GANG SHES RGYUD LA SBYOR DGOS SO ZHES 'DOMS PA'I PHYIR RANG RGYUD LA BSKUL MA 'DEBS PA'I GSUNG MGUR YANG 'DI LTAR MDZAD DE, NA MO GU RU, PHUL BYUNG YON TAN DANG LDAN PAS, ,KUN GYI SPYI GTZUG GIS MCHOD KYANG, ,NYAM CHUNG LA LHAG PAR BRTZE BA'I, ,BLA MA LA SNYING NAS 'DUD DO, ,RANG NYID LA RANG GIS BRTZE NA; ;RANG SEMS LA RANG GIS GROS 'DEBS, ,RANG MTSANG LA RANG GIS RGOL BA'I, ,RANG TSIG 'DI RANG GIS GSAN DANG, ,SNGON MTHA' MI MNGON PA'I 'KHOR BAR, ,'KHOR BA'I BDE 'BYOR KUN SPYOD KYANG, ,SAMS LA TSIM BA ZHIG MA BYUNG, , MI BZOD SDUG BSNGAL KUN MYONG YANG, ,DA DUNG THAR 'DOD CIG MA SKYES, ,LUS RTEN BGRANG YAS SHIG BLANGS KYANG, ,CHOS LDAN MI LUS SHIG MA THOB, ,BLANGS DOR MA NOR BAR STON PA'I, ,MTSAN LDAN BLA MA DANG MA MJAL, ,NGES BAR SRING ZHI LAS SGROL BA'I, ,THUB BSTAN CHOS SGO RU MA TSUD, ,DA RES STABS LEGS KYI DBANG GIS, ,DAL 'BYOR PHUN TSOGS 'DI THOB NAS, ,GZHON NU NAS RAB TU BYUNG STE, ,THUB BSTAN YONGS RDZOGS KYI BDAG BO, ,BSHES GNYEN DU MA DANG MJAL ZHING, ,MDO SNGAGS GZHUNG LUGS KYI SNYING PO, ,NGES 'BYUNG SEMS BSKYED DANG LTA BA, ,RIM GNYIS NYAMS LEN GYI GNAD RNAMS, ,PHYOGS 'GRO RE LEGS PAR GO DUS, ,GO YUL SEMS RGYUD DANG 'BREL PHYIR, ,MI RTAG SKYO SHAS KYIS BSKUL NAS, ,PHA

, ,YUL NYE DU DANG MDZA' GROGS, ,LTOS MED RGYANG BSKYUR CIG BYAS NAS, ,SPANG GSHONG RI SUL DANG SHING DRUNG, ,CHAGS MED DBEN GNAS KUN 'GRIM ZHING, ,ZAS GOS SROG 'CHO TZAM BRTEN NAS, ,LONG MED BRTZON 'GRUS SHIG RTZOM RAN, ,MDUN MA GTAN LEGS DANG GTAN NYES, ,DA RES TSE MJUG 'DIR THUG 'DUG ,LONG YOD SNYING KHAMS 'DI DOR NAS, ,ZHE BCAD SNYING RUS SHIG BSKYED RNA, ,DAM CHOS BYED 'DOD CIG YOD KYANG, ,'DI SNANG YENG YENG LA ZAD NAS, ,DAL 'BYOR STONG LOG LA CHA BAS, ,'PHRUL DU THAG CHOD CIG BYA RAN, ,CHU LA DBYU GU YIS BRIS 'DRA'I, ,'DI SNANG BLO BRID KUN DOR NAS, ,BLA MA'I GDAMS NGAG 'DI BSGOM RAN, ,SNOD BCUD MI RTAG CING MI BRTAN, , NAM MKHA'I 'JA' TSON DANG 'DRA BAR, ,HA CANG ZHEN PA 'DI DOR NAS, SNYING PO DAM CHOS SHIG BYA RAN, ,MTSAR SDUG LANG TSO DANG LDAN ZHING, ,NAD MED LONGS SPYOD KUN 'DZEM YANG, ,MA NGES GLO BUR DU 'CHI BAS, ,'DU 'DZI BTZAN CHOD DU SPONG RAN, ,'DZOM DUS KHA GSAG LA MKHAS PA'I, ,MDZA' GROGS BZHIN 'DZUM CAN MANG YANG, ,NA TSA DBUL PHONGS KYIS GDUNGS TSE, ,MI PHAN GROGS NGAN KUN 'DOR RAN, ,ZAS GOS SMAN BCOS KYIS BSKYANGS KYANG, ,NA TSA SDUG BSNGAL GYI 'BYUNG KHUNGS, ,MI GTZANG 'DOR NGES KYI LUS 'DI, ,'DOR TSE 'GYOD MED CIG BYA RAN, ,THABS TSUL SNA TSOGS KYIS BSGRUBS KYANG, ,GSOG BSRUNG SDUG BSNGAL DANG SDIG PAS, ,'DI PHYI GNYIS KA LA 'PHUNG BA'I, ,

NOR RDZAS 'CHING THAG 'DI GLOD RAN, ,'JIGS RUNG DUG SBRUL GYI TSANG 'DRA'I, ,SRID GSUM 'KHOR BA 'DI RGYU BCAS, ,DA RES BSLAB GSUM GYI NYAMS LEN, ,BRTZON PA SHUGS DRAG GIS SPONG RAN, ,BDE 'DOD SDUG BSNGAL LA 'JIGS KYANG, , DGE SPONG SDIG PA LA REM PA'I, ,BLANG DOR GO LOG GI PHA MA, ,SGROL 'DOD BYANG SEMS MCHOG BSKYED RAN, ,SNGON CHAD LAS RO LA SONG BA'I, ,'KHOR BA'I BYA BA LA BSAMS NA, ,BYA SLA DON CHEN GYI SPYOD PA, ,RGYAL SRAS RNAM THAR LA BSLAB RAN, , RGYU RKYEN SNA TSOGS KYIS BCOS PA'I, ,BCOS MA'I KUN RDZOB LA BLTOS TSE, ,RDZUN PA BDEN GRUB TU 'DZIN PA'I, ,G-YO CAN BDAG 'DZIN 'DI 'DUL RAN, ,GRANGS MED BSKAL BA LA MI BLTOS, ,SNYIGS DUS TSE THUNG GCIG KHO NAR, ,NGES PAR SANGS RGYAS NYID STER BA'I, ,GSANG SNGAGS ZAB LAM ZHIG SGOM RAN, ,SNANG BA GDONG 'DED KYI BAN CHUNG, ,DPON MED G-YOG MED KYI BLO BDE, ,DGRA MED GNYEN MED KYI YUL DU, ,RE MED DOGS MED CIG BYA RAN, ,BLO PHUGS DAM CHOS LA GTAD NAS, ,MI MED LUNG STONG LA GNAS PA'I, ,BLO 'GEL DKON MCHOG LA BYAS NAS, ,CHE GNYAN NGO 'DZIN GYIS CI BYED, ,DPANG PO RANG SEMS LA BCOL NAS, ,DGE SBYOR LA DO LKOG MED NA, ,MI MANG GI KHA LOG BYUNG YANG, ,'CHI DUS SU 'GYOD PA CI YOD, ,DAD PA SKYO SHAS GNYIS 'DRES NAS, ,SEMS RGYUD DAM CHOS DANG 'DRES NA, ,LTO GOS JI LTAR DU PHONGS KYANG, ,GZHAN 'BYOR LA SMON RGYU CI YOD, ,TSANG LAM NOR BA'I LAM MCHOG ,TSUL BZHIN SGRUB PA LA REM

, ,NA; ;NYAMS RTOGS YON TAN GYIS DBUL YANG, ,CHOS RDZU 'DI BYED DON CI YOD, ,DAL 'BYOR 'DI SHIN TU RNYED DKA', ,RNYED PA 'DI YUD TZAM MI RTAG ,PHYI MA 'DI SHUL RING YANG, ,'DI SNANG LA YENGS LONG MI 'DUG ,CUNG ZAD GZHUNG LUGS LA SBYANGS PA, ,TSE MJUG SGRUB BA LA BSGRIL BAR, ,BLA MA LHAS BYIN GYIS RLOBS SHIG ,CHOS SKYONG TSOS 'PHRIN LAS SGRUB MDZOD, ,CES SO, ,DE NAS SLAR YANG BLA MA DON YOD MKHAS GRUB LA YUN RING POR GSOL BA BTAB NAS ZLA BA GCIG DANG ZHAG NYI SHU'I RING LA GSANG CHEN RGYUD SDE'I SNYING PO'I BCUD BSDUS PA SNYIGS DUS KYI TSE THUNG GCIG LA ZUNG 'JUG SGRUB PA'I THABS RDO RJE 'CHANG DNGOS SU BYON YANG DE PHAN CHAD DU GSUNG DU MED PA'I MAN NGAG MTHAR THUG RIM LNGA GSAL SGRON GYI GZABS BSHAD GSAN, DE'I TSE GRUB DBANG DON YOD MKHAS GRUB RIN PO CHE NAS BLA MA RIN PO CHE 'DI CHOS GRVAR SENGGE'I KHRI LA BZHUGS SU GSOL NAS TSE DPAG MED KYI SKU DANG, ZHAL DKAR YU RING ZHOS GANG BA BCAS PHYAG TU PHUL NAS, RJE DON YOD MKHAS GRUB PA SKYA BCUN DU MA'I 'KHOR DANG BCAS PA LA, RGYAN 'JUG DANG RTZA SHE SPYOD 'JUG RNAMS KYI LUNG GSUNG BAR GSOL BA 'DEBS PAR MDZAD PA BZHIN RJE 'DIS KYANG LEGS PAR STZAL, RJE DON YOD MKHAS GRUB PAS 'KHOR RNAMS LA LUNG BZHI PO DE RNAMS LAS RANG RANG GIS JI LTAR 'DOD PA RE 'DON DGOS PA'I KHAS LEN SKOR BAR MDZAD NAS, RJE BTZUN BLA MA 'DI BSTAN PA YONGS SU RDZOGS PA'I MNGA' BDAG

CHOS KYI RGYAL SRID CHEN BOR MNGA' GSOL BAR MDZAD DO, ,DE NAS CHAB MDO 'PHAGS PA LHAS SPYAN DRANGS NAS CHAB MDOR PHEBS TE, RGYAL BA 'PHAGS BA LHAS GTZO MDZAD CHA BA MDO'I DGE 'DUN RNAMS LA LAM RIM GYI KHRID DANG, LAM RIM CHEN MO'I BSHAD LUNG DANG, 'GREL BA BZHI SBRAGS SOGS CHOS BKA' MTHA' YAS STZAL ZHING PHYOGS DE'I DAD LDAN MANG BOS DNGOS PO PHUL BA'I RIGS RNAMS LA BKA' DANG BSTAN BCOS KYI PU STA KA MANG PO GSER DNGUL LAS BZHENGS PAR MDZAD PA'I LHAG RNAMS 'BRAL CHAS SU MKHO BA 'GA' ZHIG MA GTOGS KHANG BA ZHIG TU BZHAG NAS LDE MIG RGYAL BA 'PHAGS PA LHA'I PHYAG TU PHUL TE, GZHUNG BZHI'I 'DON PA GRA RJE RGYAS SU MDZAD DE RGYAL BA'I BSTAN PA 'BA' ZHIG THUGS LA BRNAGS NAS SKAL BA DANG LDAN BDAG LA CHOS GNANG BA LAS ZANG ZING GI DNGOS PO GANG YANG BDAG GIR MI MDZAD BAR DANG RDZAS DANG GSHIN RDZAS CI BYUNG THAMS CAD CHUD MA ZOS PAR DGE PHYOGS SU GTONG BAR MDZAD PA 'DI 'DRA BA'I RNAM BAR THAR BA NI PHYI RABS KYI CHOS BYED RNAMS LA KHA YAR LTA'I MIG LTOS SU CHE ZHING SKYE BO PHAL CHER ZANG ZHING GI DNGOS PO 'BA' ZHIG DON DU GNYER BA'I DUS MTHA' 'DI 'DRA BAR 'DI LTA BU'I RNAM PAR THAR PA NI RGYAL BA'I BSTAN PA LA BYA BA BLA LHAG TU MDZAD PA'I RNAM BAR THAR BA'O, ,DE NAS YAR PHEBS TE PHUR BU LCOG NYID DU BSHAD SGRUB KYIS DUS 'DA' BAR MDZAD CING, BAR SKABS SHIG SNYIGS MA'I SKYE BO DAG GI SPYOD TSUL NGAN PA SNA TSOGS BYUNG BAS THUGS YID PHYUNG ZHING,

, ,SKYE BO GZHAN DAG LTA CI SMOS RGYAL BA'I BSTAN PA LA ZHUGS NAS MDO SNGAGS KYI GZHUNG CHEN MO RNAMS LA LEGS PAR SBYANGS PA'I MKHAS PAR RLOM PA PHAL MO CHE YANG TSE 'DI'I SNANG SHAS KYIS BSLUS NAS RNYED BKUR SNYAN GRAGS SGRUB PA LHUR LEN PA MANG PO ZHIG GZIGS PAS THUGS LHAG PAR SKYO NAS, RANG LA BSKUL BA'I TSUL DU GSUNG MGUR 'DI LTAR MDZAD DE, GNAS 'KHOR BA'I GNAS TSUL SNYING NAS DRAN, ,MA DRIN CAN BLO YI PHUG TU BCUG ,LAM THABS SHES ZUNG 'BREL NYAMS LEN LAS, ,DUS NAM YANG G-YO MED BLA MAR 'DUD, ,KYE NYON DANG CHOL CHUNG 'GAL 'DU MKHAN, ,MING BLA MA DGE BSHES DGE SLONG ZER, ,LUS DGE SBYONG CHA LUGS MTSAR POS BRGYAN, , GNAS DBEN PAR 'DUG KHYOD BSAM BLO THONGS, ,KHYOD BYUNG NA BSU ZHING SONG NA SKYEL, ,KHYOD 'DUG NA GDAN 'DING RNYED BKUR 'BUL, ,PHAR CHOS 'CHAD SKYABS 'JUG PHYAG DBANG STER, ,KHYOD RANG TSOD BZUNG LA RANG LAM TSOL, ,RGYUD GONG MAR GYUR LA BLA MA ZER, ,GZHAN DGE BAR SBYOR LA DGE BSHES ZER, ,LAM LEGS PAR 'TSOL LA DGE SLONG ZER, ,SEMS 'DOD SRED SPONG PHYIR DUR SMRIG GYON, ,CHOS RTZE GCIG SGRUB PHYIR DBEN PA BSTEN ,DON DE RNAMS RANG LA TSANG BA'I PHYIR, ,MI RANG LA RANG GIS MA BSKUL NA, ,MING BLA MA YON TAN 'DREBS CHUNG, ,MING DGE BSHES BYED SBYONG KHYIM PA DNGOS, ,MING DGE SLONG SPYOD PA KHYI PHAG 'DRA, ,PHYI DGRA BCOM NANG DON NYON MONGS MTSO, ,KHYOD PHYI NANG MI

MTSUNGS BRTAG DKA' BAS, ,KUN 'KHRUL NAS KHYOD LA RE 'CHAB YANG, ,PHYOD SNGON BZHIN KUN SPYOD 'DI BSTEN NA, ,MING BLA MA ZER YANG TSOM RKUN PA, ,MING DGE BSHES ZER YANG SDIG PA'I GROGS, ,MING DGE SLONG ZER YANG MI NAG PA, , LUS SER GOS GYON YANG WA SKYES 'DRA, ,GNAS DBEN PAR 'DUG KYANG SPYANG KYI 'DRA, ,KHYOD PA LA CHER KHYI RKUN LTAR 'KHYAMS NAS, ,MI DRAG GZHAN DU MA'I SAR BYIN TE, ,THABS KHA GSAG GZHOGS SLONG SNA TSOGS GYIS, ,ZAS RNYED BA CUNG ZANG BYUNG BA RNAMS, ,GNAS DBEN BAR DGA' 'DUS BAG MAD SPYOD, ,GROGS TSANG SPYOD SKYON DANG CHAGS SDANG GTAM, ,DUS NYIN MTSAN THUN MTSAMS 'DAS 'DAS SMRA, ,SEMS 'DOD YON MYOS CHUS MYOS PA'I MTHUS, ,LUS BYA MIN SPYOD LA NGO TSE MED, ,NGAG BTZOG GTAM SMRA LA NGO TSA MED, ,SEMS TSUL MIN YID BYED GNYEN PO MED, ,LAS RGYU 'BRAS BSAMS NAS 'DZEM 'DOD MED, ,RANG KHAS BLANGS DRAN NAS SDOM SEMS MED, ,RJE BLA MA'I DRUNG DU GNONG SEMS MAD, ,GROGS TSANGS SPYOD 'DUS KYANG KHREL GZHUNG MAD, ,RANG CHOS LA BSKUL YANG NYAN 'DOD MED, ,MI RANG LA RANG GIS SHA TSA MED, ,CHOS BLANG DOR SHES PA'I SHES RAB MED, ,MAR 'KHOR BA'I GNAS LA SKYO BA MED, , YAR THAR PA'I GO 'PHANG THOB 'DOD MED, ,MA SEMS CAN KUN LA SNYING RJE MED, ,MED BCU GSUM 'DZOMS LA SANGS RGYAS MED, ,DER MA ZAD THAR PA'I GO 'PHANG MED, ,DER MA ZAD PHYI MA MTHO RIS MED, ,DER MA ZAD TSE 'DI'I MI CHOS MED, ,

, ,YOD DGOS PA GCIG KYANG MED BZHIN DU, ,KUN 'DZOM PA'I MKHAS BTZUN BZANG PO'I GRAR, ,SNYEGS NUS PA AE MA'O NGO MTSAR CHE, ,TSE BLOS BTANG THAR BDON GNYER GRAR, ,'TSANG NUS PA AE MA'O NGO MTSAR CHE; ;RGYUD SNGON GSUM LDAN PA'I RAB BYUNG GRAR, ,'DUG NUS PA AE MA'O NGO MTSAR CHE, ,KHYOD 'BRAS BU MED PA'I PHRED YAG ,KHONG LO YAGS SNYE MA'I GRAR CHUD MTSAR, ,ZHES SO, ,DE NAS GSUNG NGAG BCAD DE ZLA BA MANG PO'I BAR LA SGROL DKAR YID BZHIN 'KHOR LO'I BSNYEN MTSAMS LA BZHUGS PAS NYAMS RTOGS LHAG PAR 'PHEL ZHING THUGS RAB LHAG PAR RGYAS TE GZHUNG LUGS KYI DON GANG DANG GANG LA'ANG BLO GROS KU SHA'I RTZE LTAR RNO ZHING PHRA BAS DON GYI GTING DPOG NUS BA DANG RANG DANG GZHAN GYI TSE RABS MANG PO DRAN PA DANG, LHAG PAR SNYIGS MA'I DUS SU MI DGE BA'I BDAG 'BRAS BDO BAS LOG SKYOD 'BYUNG 'GYUR MANG PO'ANG MKHYEN NAS GSUNG MGUR 'DI LTAR MDZAD DE, AOm SVASTI, SEMS BSKYED RTZAB DMIGS MED SNYING RJE'I CHUS, ,YANG YANG BRLAN PAS THABS SHES YAL 'DAB RGYAS, ,DON GNYIS MTHAR PHYIN 'BRAS BUR RAB BRJID PA'I, ,THUB DBANG DPAG BSAM LJON PA RGYAL GYUR CIG ,GANG GIS LEGS GSUNGS MDO SNGAGS CHOS KYI ROS, ,LEGS PAR TSIM PA'I DGA' BAS LEGS BSHAD GLU, ,CI YANG LEN PA KLU SGRUB THOGS MED SOGS, ,GNYIS SKYES MANG POS 'PHAGS YUL SKYED TSAL GANG, ,RING MO ZHIG NA CHOS RGYAL LO PAn SOGS, ,

SMON LAM MTHU LDAN DED DPON BRGYA PHRAG GIS, ,RGYA GAR DAM CHOS RIN CHEN 'BYUNG GNAS NAS, ,BSHAD SGRUB DBANG GI RGYAL BO BOD DU BLANGS, ,CHOS SRID 'BYOR BA SRID PA'I MIG 'BAR BAS, ,GANGS CAN LJONGS 'DI'I RGUD PA'I MUN KUN BSAL, ,DE NYID GLANG DAR SGRA GCAN BRLANGS KYIS, ,PHYOGS 'DI'I 'GRO LA YUN RING SNANG MA GYUR, ,DE NAS BYANG CHUB 'OD KYI SMON LAM DANG, ,'GRO 'DI'I SPYI MTHUN BSOD NAMS RGYA MTSO LAS, ,AA TI SHA DANG RGYAL BA'I 'BYUNG GNAS KYI; ;NYI ZLA ZUNG GCIG THUB BSTAN RGYAN DU GYUR, ,THUB BSTAN RGYA MTSOR CI DGAR LONGS SPYOD PA'I, ,KHRIMS LDAN DUR SMRIG 'DZIN PA'I NGANG PA KHYU, ,THABS SHES GSHOG YANGS DKAR PO'I GAR MANG BSGYUR, ,SLAR YANG DE NYID CUNG ZAD 'GRIB PA'I TSE, ,BLO BZANG DKYIL 'KHOR GRAGS PA'I GZI BRJID 'BAR, ,GANGS CAN SKYE 'GRO'I LEGS BYAS SHAR RI'I RTZER, ,'PHAGS NAS THUB BSTAN PAD TSAL RGYAS PA'I CHE, ,PHYOGS MED MKHAS PA'I RKANG DRUG GSHOG RTZAL 'GRAN, ,MAN NGAG SGRANG RTZIS MYOS NAS LEGS BSHAD KYI, ,GLU DBYANGS 'GYUR KHUG STONG PHRAG 'THEN BA NA, ,MDO SNGAGS DGONGS 'GREL TSIG GI 'DAB BRGYA RGOD, ,DON GYI GSER SO PHRENG NGOM BA BZHIN, ,RGYAL BA GNYIS BA'I LUGS BZANG LUS PHRA MA'I, ,BSHAD SGRUB LANG TSO DAR LA BAB PA YIS, ,MKHAS MANG YID KYI BRTAN PA NYAMS BYAS PAS, ,YUN RING 'KHOR LO GSUM GYI RTZONG 'JOS BREL, ,DAM BA'I RING LUGS DBYAR DUS ZAD PA

, ,NA; ;MI BZAD SNYIGS MA'I GRANG REG CHER G-YOS TE, ,BSRE BSLAD BRAL BA'I BSHAD SGRUB 'DAB BRGYAB, ,SKAD CIG NYID LA MOG POR BYAS PAS SKYO, ,KHA BSHAD LTA BA MTHON PO'I MKHAR 'PHAGS KYANG, ,BLO GROS 'KHYOG PO RDZUN GYIR RI CAN, ,SNGAGS PAR RLOM PA TSES PA'I CHU SHEL GYIS, ,MKHAS PA'I GSUNG RAB PAD DKAR 'DAB BRGYA ZUM, ,SANGS RGYAS RANG LA YOD PA'I KHA PO DANG, ,NYON MONGS MA SPANGS 'TSANG RGYA'I GDAMS NGAG GIS, ,SNGAGS BSKYUR DAD CAN RNAMS SPOBS PA DANG, ,BLUN PO DAD LDAN BSLU BA MNYAM DU BYAS, ,SKAD CIG SEMS NGO 'PHROD PA'I SNYAN RGYUD 'DIS, ,RGYA CHEN MDO SNGAGS GZHUNG DANG SHES RAB MIG ,THAR 'DOD KUN LA MI MKHO'I CHOS LUGS DANG, ,THOS BSAM SGOM PA 'DOR BA LHAN CIG BYAS, ,HA CANG TSIG LA ZHEN PA'I GO RGYA DANG, ,TSIG GI RGYAL PHAM RTZOD PA'I THOS PA 'DIS, ,BLO SNA NANG DU BKUG PA'I NYAMS LEN DANG, ,SNGAR BSAGS DGE RTZA 'JOMS PA MNYAM DU BYAS, ,'DAG SBYAR MTSAMS NAS 'JIG RTEN PHO RUS DANG, 'DI BYA 'DI BYAS SEMS PA'I BLO NGAN 'DIS, ,PHYI MA NGAN 'GRO'I RGYU TSOGS BSGRUB PA DANG, ,'DI PHYI GNYIS KA MED PA CHABS CIG BYAS, ,NGAM CHOS DAR BA'I MI YI GTZO BO RNAMS, ,KHREL MED GDOL PA'I SPYOD PA BYED PA 'DIS, ,GSHAN PA GDOL PA LAS KA MED PA DANG, ,RANG GZHAN GNYIS

KA PUNG BA DUS GCIG BYAS, ,BSAM NGAN GDUG PA'I CHANG GIS MYONG GYUR CING, ,DAM BAS SMAD PA'I SNA ZHAGS RING SKYONG BA, ,DKAR DANG SER BA'I GNYIS 'THUNG MANG PO YIS, ,'GRO BA'I BDE SKYID PAD TSAL LHAG MED BYAS, ,SGOM PA SRID RTZE'I SNYOM 'JUG THOB GYUR KYANG, ,SLAR YANG 'OG MA'I SEMS SU LHUNG BAS SKYO, ,BSAM BA RIG PA'I GNAS LDAR MKHAS GYUR KYANG, ,DUD 'GRO JI BZHIN TSE 'DIR ZHEN PAS SKYO, ,THOS BA GZHUNG LUGS 'BUM PHRAG NGAG BTON KYANG, ,RGYAL PO GDUG PA'I GROS DPON BYED PAS SKYO, ,'KHOR BA'I BDE 'BYOR JI LTAR PHUN TSOGS KYANG, ,THA MA NGES PAR RGUD PAS 'JOMS PAS SKYO, ,GSON PA 'CHI BAS NGES PAR 'JOMS PA DANG, ,LANG CHO RTA BAS NGES PAR 'JOMS PAS SKYO, ,NAD MED NGES PAR NAD KYIS 'JOMS PA DANG, ,'DUS PA NGES PAR SO SOR 'BRAL BAS SKYO, ,MTHON PO DMA' POR NGES BAR LHUNG BA DANG, ,'BYOR PA THAMS CAD NGES PAR 'DOR BAS SKYO, ,PHAN GNOD GANG LA'ANG YID BRTAN MED PA DANG, ,'DOD PA BRTEN PAS TSIM PA MED PAS SKYO, ,LA LA DGA' BZHIN SDUG BSNGAL RGYU LA 'JUG ,LA LA SDUG BZHIN DBANG MED MNAR BAS SKYO; ;KUN KYANG BDE BDOD MI DGE SBYOD PA DANG, ,SDUG BSNGAL MI 'DOD GE BA SPANGS PAS SKYO, ,MDOR NA 'GRO BA'I MGON PO'I GSUNG RAB LAS, ,'KHOR BA'I GNAS TSUL JI LTAR GSUNGS PA BZHIN, ,'KHRUL MED MNGON

, ,SUM MTHONG BAS SKYO BA DANG, ,THUB PA'I GSUNG LA YID CHES CUNG ZAD RNYED, ,BLUN PO RMONGS PA CHOS RGYUS MED PA DANG, ,CHES DRED KHENGS PAS 'GYING LA CI CHA YOD, ,KHO BO SNGON BSAGS DGE BAS DAL 'BYOR THOB, ,RGYUD LDAN DAM BA MANG POS RJES SU BZUNG, ,MDO SNGAGS MAN NGAG THUGS KYI NYING KHUS GSOS, ,GNAS DANG GROGS SOGS CHOS KYI MTHUN RKYEN TSENG, ,DE PHYIR MNOG CHUNG TSE 'DI'I MDUN MA DOR, , SNA THAG MI LAG MA SHOR RANG GIS 'DZIN, ,LTO GOS MTHA' GNYIS MA LHUR DBEN GNAS 'GRIMS, ,G-YENG MED BLA MA'I MAN NGAG NGOMS PAR SPYOD, ,SKYO SHAS KHRI SNYAN SA LE'I PAGS STENG NA, ,KHREL YOD NGO TSA'I KYI SHIG GYON ZHING, ,SKYABS GNAS DKON MCHOG GSUM GYI THOR COG BCINGS, ,TSAD MED BZHI YI MIG RTZA DMAR 'KHRUG CING, ,TSANGS SPYOD ZHI DUL AAG TSOM RING BOS BRJID, ,LHA BZHI'I TSANGS SKUD DKAR PO LUS LA 'CHANG, ,SDE SNOD GSUM GYI GSANG TSIG NGAG NAS 'DON, ,BSLAB GSUM BDUD RTZIS SEMS KYI RIL BA BKANGS, ,BDAG GZHAN MNYAN BRJE'I THAB KHUNG DKAR PO'I NANG, ,MTHA' BRAL LTA BA'I ME LCE 'BAR BA'I DBUS, ,RANG NYID GCES PAR 'DZIN PA'I BUD SHING DANG, ,'JIG LTA'I MAR KHU LHAG MED BSREG LA BRTZON, ,BKA' GDAMS BRAM ZAG GTZANG MA'I RNAM THAR LA, ,GNYIS SKYES PHRA MO BDAG

KYANG LHAG BAR MOS, ,SKYABS GNAS DKON MCHOG GSUM GYI THUGS RJE YIS, ,RNAM THAR 'DI 'DRAS TSE MTHAR PHYIN PAR SHOG ,DAM PA'I RNAM THAR TSUL BZHIN BSKYANGS PA'I MTHAR, ,YUN RING 'GROGS PA'I GROGS BZANG LUS SEMS GNYIS, ,MA RUNGS 'CHI BDAG PHRA MAS PHYE BA'I TSE, ,DE YI MOD LA SEMS KYI GZHON NU YIS, ,DE LA MI 'DOD MED PAR DGA' BZHIN DU, ,SMON LAM TSUL KHRIMS BZHON PA LA ROL TE, ,MI PHAM RGYAL BA'I MDUN SAR LEGS BGROD DE, ,RGYAL SRAS MTHU CHEN RNAMS DANG LHAN CIG TU, ,THEG MCHOG CHOS KYI DGA' STON MYONG BAR SHOG ,ZHING KHAMS BYE BAR RGYAL RNAMS BLTA BA DANG, ,NGO MTSAR MCHOD PA RGYA MTSOS MCHOD PA DANG, ,SEMS CAN RGYA MTSO SMIN PAR BYA BA'I PHYIR, ,DPAG MED LUS KYI BKOD PA STON PAR SHOG ,TSOGS GNYIS RGYA MTSO'I PHA MTHAR PHYIN PA NA, ,YON TAN RGYA MTSO RGYAL BA SRAS BCAS KYI; ;MDZAD PA RGYA MTSO BYE BRAG JI SNYED PA, ,BSKAL PA RGYA MTSOR BDAG GIS SBYOD PAR SHOG ,RNAM DPYOD DNGUL DKAR ME LONG YANGS PA'I NGOS, ,KUN KYANG CHOS KYI BZHIN RAS GSAL BA 'DI, , SNGON BSAGS RNAM DKAR BZANG PO'I BYED LAS DANG, ,YONGS 'DZIN GSUNG GIS BYI DOR BYAS PA'I MTHUS, ,ME MO LUG LO HOR ZLA BCU GCIG PAR, ,SMRA BCAD MTSAMS NGOS YID BZHIN 'KHOR

, ,LO LA, ,GSOL BA BTAB TSE SEMS LA SHAR BA BZHIN, ,MEE TRI'I MING GES PHUR BU LCOG TU BRIS, ,ZHES SO, ,DE NAS BLA MA RIN PO CHE NYID DGUNG LO LNGA BCUR PHEBS PA LCAGS MO PHAG GI LO GTZANG DU PHEBS NAS PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO ZHAL MJAL, MAndAL PHUL TE ZHABS PAD YUN DU BRTAN PA'I GSOL 'DEBS MDZAD, DE'I TSE PAn CHEN THAMS CAD MKHYEN PA CHEN POS BLA MA RIN PO CHE 'DI LA THUGS DGYES PA CHEN POS GRA SA 'DI'I DGE 'DUN CHOS DON GNYER CAN RNAMS LA LAM RIM CHEN MO'I BSHAD LUNG ZHIG MDZOD CES BKAS BSKUL TE BLA MA RIN PO CHE 'DIS BDE LEGS KHANG GSAR DU DGE 'DUN LNGA BRGYA SKOR LA LAM RIM GYI KHRID DANG, LAM RIM CHEN MO'I BSHAD LUNG RGYAS BA ZHIG MDZAD, DE NAS SNAR THANG DU PHEBS SNAR THANG GI DGE 'DUN RNAMS LA'ANG CHOS KYI BDUD RTZI STZAL ZHING SNAR THANG GI 'DU KHANG CHEN MOR GLO BUR DU KA BA ZHIG GI MDUN DU DAM BCA' 'JOG MKHAN GZHAN ZHIG YOD PA LTAR DU BZHENGS TE BGRO GLENG GTONG BAR MDZAD, 'KHOR GSUM BSKOR ZHING LUNG RIGS KYI NGA RO CHES CHER BSGRAGS TE THAL SKAD KYANG CHES CHER 'DON PAR MDZAD, ,DER 'KHOD PA'I SKYE

BO RNAMS NI NGO MTSAR ZHING RTZED MO'I 'DU SHES KYIS GAD MO BYED PA LAS RGYU MCHEN GZHAN GANG YANG MA BSAMS, DUS PHYIS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES KYIS BLA MA RIN PO CHES SNGA SOR SNANG THANG DU PHEBS DUS DE 'DRA MDZAD 'DUG PA DE CI YIN ZHUS PAR BLA MA RIN PO CHE 'DI PA'I ZHAL NAS DE DUS 'DUL BA 'DZIN PA'I NYAMS SHIG SHAR NAS DE LTAR BYAS BA YIN GSUNGS BYUNG ZHES PAn CHEN THAMS CAD MKHYEN PA CHEN PO'I ZHAL LAS BDAG GIS DNGOS SU THOS SO, ,DE YANG BLA MA RIN PO CHE 'DI PA LA BKRA SHIS LHUN PO'I DGE 'DUN RNAMS LHAG BAR DAD ZHEN CHE BA ZHIG BYED PA DE LA 'GA' ZHIG GIS 'DI CI YIN SNYAM DU BRTAGS PA NA, DGE BA'I BSHES GNYEN 'GA' ZHIG GIS BLA MA RIN PO CHE 'DI 'DUL 'DZIN BLO GROS SBAS PA DANG THUGS RGYUD GCIG CING 'DUL 'DZIN BLO GROS SBAS BA NI RJE DGE 'DUN GRUB KYI SRAS KYI THU BO BKRA SHIS LHUN BO'I DGON GNAS THOG MAR 'DEBS PA DANG, DGON GNAS BTAB NAS DGE 'DUN GYI SDE SKYONG BA DANG, RJE DGE 'DUN GRUB ZHING GSHEGS NAS KYANG DGONGS RDZOGS DANG DGE 'DUN GYI SDE MI NYAMS PAR SKYONG BA'I ZHAL BKOD MDZAD BA SOGS DGON GNAS 'DI LA BKA' DRIN ZLA

, ,MED DU CHE BA ZHIG YIN PAS DGON GNAS 'DI'I GRVA PA RNAMS PAn CHEN THAMS CAD MKHYEN PA MA GTOGS GZHAN SU BYUNG LA MGO MI GTOD PA ZHIG YIN PA LA BLA MA RIN PO CHE 'DI BA LA DAD GUS LHAG PAR CHE BA 'DI DE'I RTEN 'BREL GYI YIN ZHES GLENG BA BYUNG STE, DE NI 'DI LTAR DON LA GNAS SAM SNYAMS TE, BLA MA RIN PO CHE 'DI NYID KYIS PAn CHEN THAMS CAD MKHYEN PA LA DE LTAR GSUNGS PA DANG, DUS RGYUN DU'ANG BYANG SEMS 'DUL DKAR BAS 'DI LTAR MDZAD CES 'DUL 'DZIN BLO GROS SBAS PA'I MDZAD PA RNAMS THUGS RGYUS SHIN TU ZHIB PA ZHIG YOD PA LTAR GSUNG BA YANG DANG YANG DU THOS SO, ,DE NAS DGUNG LO LNGA BCU NGA GNYIS SU PHEBS PA CHU MO GLANG GI LO MI DBANG BSOD NAMS STOBS RGYAS KYIS BLA MA DON YOD MKHAS GRUB LA LAM RIM CHEN MO'I BSHAD LUNG GI GSOL BA BTAB STE LHA LDAN RGYUD KHANG LCANG LO CAN DU PHYOGS 'DUS KYI DGE 'DUN BRGYAD BRGYA SKOR LA LAM RAM CHEN MO'I BSHAD LUNG GNANG BA'I TSE BLA MA DON YOD MKHAS GRUB RIN PO CHES GUNG YOL NAS NYI RGAS KYI BAR LA LAM RIM CHEN MO'I BSHAD LUNG GNANG, DE SKABS BLA MA RIN PO CHE 'DI PA'ANG PHEBS NAS SNGA DRO'I CHI LA BLA MA RIN PO CHE 'DI PAS RMI RUR LAM RIM BDE LAM GYI KHRID DANG, ZHAL LUNG GI KHRID DANG, BLO SBYONG GI KHRID SOGS BLA MA MKHAS GRUB RIN PO CHE'I BSHAD LUNG MA RDZOGS KYI BAR SNGA DRO'I CHAR CHOS BKA' RGYA CHER STZAL,

DA NAS BLA MA RIN PO CHE 'DI BA DGUNG LO LNGA BCU NGA GSUM DU PHEBS PA SHING PHO STAG GI LO GTZANG DU PHEBS TE PAn CHEN THAMS CAD MKHYEN PA RJE BTZUN BLO BZANG YE SHES LA BRTAN BZHUGS 'BUL BAR MDZAD, DE'I TSE PAn CHEN THAMS CAD MKHYEN PA CHEN POS BLA MA RIN PO CHE 'DI PA LA KHYED RANG LA 'DI KHA'I DGE 'DUN RNAMS DAD MOS CHE BAR 'DUG PAS LAM RIM GYI KHRID CIG GNANG BAR MDZOD, CHOS MTHO MTHO ZAB ZAB MANG PO LAS GDUL BYA BLO MTHO DMA' THAMS CAD LA CHOS LAM RIM 'DI RANG PHAN CHE ZHES BKA' STZAL, BLA MA RIN PO CHES KYANG PAn CHEN THAMS CAD MKHYEN PA'I BKA' BZHIN ZLA BA DRUG PA'I TSES BZHI NAS BDUN PA'I TSES BZHI'I BAR ZLA BA GCIG GI RING BDAG CAG DAD LDAN LNGA BRGYA SKOR LA LAM RIM BDE LAM GYI KHRID RGYAS PA DANG, DE NAS LAM RIM CHEN MO'I BSHAD LUNG DANG DGA' LDAN LHA BRGYA MA'I KHRID SOGS CHOS MANG DU STZAL CING GZHUNG LUGS LA SBYONG BA'I BLO GSAR BA RNAMS LA RJE BTZUN SGROL MA'I RJES GNANG ZHIG DGYES BZHIN STZAL, LAM KHRID GRUB PA'I SEMS BSKYED MCHOD PA'I NYIN DGE 'DUN GYIS STONG TZAM TSOGS TE STENG 'OG BAR GSUM THAMS CAD DGE 'DUN GYIS GANG BAS SEMS BSKYED RGYAS PA GNANG BAR ME TOG GI CHAR CHEN PO BABS BA SOGS NGO MTSAR BA'I LTAS BSAM GYIS MI KHYAB PA BYUNG, DE'I TSE DON GNYER CAN 'GA' ZHIG GIS BLA MA MCHOD PA'I KHRID CIG ZHUS PA NA DBANG CHEN THOB BA RNAMS LA GNANG RTZIS KYIS TSOMS CHEN DU GRA BSGRIGS KYANG DGE

, ,'DUN THAMS CAD 'UR LANGS KYIS BKAG MA THUB PAR BDE LEGS KHANG GSAR GYI PHYI'I KHYAMS GANG BA NA BLA MA RAN PO CHE'I BZHUGS GDAN YANG RAB GSAL NAS PHYIR 'PHANGS TE PHYI'I KHYAMS SU BZHUGS KHRI BA SHAMS NAS BLA MA MCHOD PA'I KHRID GNANG, DE'I TSE 'DI LTAR GSUNG STE BLA MA MCHOD PA BDE STONG DBYER MED MA 'DI NI SPYIR MDO SNGAGS GNYIS KA'I LAM GYI GNAD TSAD BA DANG, LHAG BAR BLA MED KYI BSKYED RDZOGS GNYIS KA'I LAM GYI GNAD TSANG BA YIN PAS SNGAGS KYI DBANG CHEN MA THOB PA LA BSHAD MI RUNG YANG KHYED CAG DGE 'DUN RNAMS 'DI TZAM GYI DAD PA CHE BA MDZAD NA NGAS BLA MA MCHOD PA'I KHRID LEGS PAR BTANG, KHYED RNAMS LA PHAN THOGS NA NGA SNOD MIN LA GSANG BA BSHAD PAS DMYAL BAR SHOR YANG BZOD GSUNG STE, TSUL 'DI NI THUGS BYANG CHUB SEMS KYI DBANG DU GYUR BA'I RNAM THAR YIN PAS SHIN TU NGO MTSAR RO, ,RANG GI DON DU THAR PA'ANG BDE PA'ANG MI BZHED LA, SEMS CAN GYI DON DU 'GYUR NA DMYAL BA'I ME NANG DU'ANG 'JUG PAR SPRO BA NI RGYAL SRAS BDAG NYID CHEN PO'I SNYING STOBS BLA NA MED PA STE, TSUL 'DIS BLA MA RIN PO CHE'I THUGS RGYUD LA BYAMS SNYING RJE BYANG CHUB KYI SEMS RLABS PO CHE BLO CHUNG RNAMS KYIS RJES SU YI RANG TZAM YANG BYA BAR DKA' BA YOD PA 'BRAS BU'I RTAGS KYIS SHES PAR BYAS LA RGYAL BA DGYES PA'I LAM LA SLOB PAR 'DOD PA RNAMS KYIS BLA MA RIN PO CHE 'DI'I MDZAD BA BZANG PO

'DI DAG LA SNYING NAS MOS PAR BYA'O, ,DE NAS DBUS SU PHEBS TE SNGAR RGYUN LTAR PHUR BU LCOG TU DBYAR DGUN GNYIS SKU MTSAMS DANG STON DBYID GNYIS SU SKAL BA DANG LDAN BA BGRANG BA LA 'DAS PA LA RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA RGYA CHER SPEL BAR MDZAD DO, ,DE SKABS BOD KYI SRID SKYONG MI'I DBANG POS BLA MA RIN PO CHE 'DI PA GANGS CAN MKHAS PA KUN GYI GTZUG RGYAN DU GYUR PA YIN GSHIS DGA' LDAN GYI GSER KHRIR PHEBS DGOS SO ZHES ZHU BA MDZAD KYANG BLA MA RIN PO CHE 'DI PA NI CHEN PO'I GO SA GTAN NAS MI BZHED PAS ZHAL GYIS BZHES PAR MA MDZAD DER MA ZAD PHYOGS MTHA' DAG NAS DAD LDAN RNAMS ZHABS DRUNG DU 'DU BAS 'PHRAL GYI GSOL CHAS KYI THEBS RE BZHES NA ZHES ZHU BA MANG DU BYUNG YANG GANG YANG BZHES PAR MA MDZAD CING, SKU TSE RIL POR BKA' GDAMS SKU MCHED GSUM RGYAL BA DBEN SA PA CHEN PO SOGS SNGON BYON DAM PA'I RNAM THAR SKYONG BAR BZHED PA LAS ZHING ROL GANG YANG 'DEBS BAR MI MDZAD CING, DNGUL SKAR MA GANG DANG SMAN RTZE KHA GANG YAN CHAD KYI TSONG DANG BUN SKYED SOGS MDZAD PA BDAG CAG DNGOS KYI GDUL BYA SUS KYANG MTHONG BA MED CING DAD PA CAN GYIS PHUL BA'I RDZAS GANG BYUNG THAMS CAD TSUNG MA ZOS PAR DKON MCHOG GI MCHOD PA DANG DGE 'DUN GYI BSNYEN BKUR SKU GSUNG THUGS RTEN BZHENG BA SOGS DGE PHYOGS KHO GNAR GTONG BAR MDZAD, DE NAS PAn CHEN THAMS CAD MKHYEN PA RJE BTZUN BLO BZANG YE SHES ZHING

, ,GSHEGS NAS MCHOG GI SPRUL SKU PHEBS PA NA PAn CHEN MCHOG GI SPRUL PA'I SKU'I MJAL KHAR BKRA SHIS LHUN POR PHEBS SHING, DE DUS KYANG BKRA SHIS LHUN PO'I DGE 'DUN RNAMS LA BLO SBYONG DON BDUN MA'I KHRID RGYAS PA SOGS CHOS MANG DU STZAL, BLA BRANG NAS GSOL BA BTAB STE PAn CHEN MCHOG GI SPRUL PA'I SKU LA TSE DBANG DANG BYABS BSRUNG 'JIGS BYED BDUD LAS RNAM RGYAL GYI DBANG CHEN SOGS CHOS MANG DU 'BUL BAR MDZAD, RGYAL DBANG THAMS CAD MKHYEN PA RJE BTZUN BLO BZANG BSKAL BZANG RGYA MTSOS KYANG BLA MA RIN PO CHE 'DI PA MJAL KHAR PHEBS RES KYIS GSOL TSIGS LHAN DU GNANG ZHING, MDO SNGAGS KYI DKA' GNAD LAS BRTZAMS PA'I DRI GTUGS RGYA CHER MDZAD, ZHAL NAS KYANG NGAS BLA MA LA MAndAL PHUL NAS CHOS ZHU BA MA BYUNG YANG MDO SNGAGS KYI DKA' GNAD RNAMS LA DRI BA ZHUS BLA MAS KYANG SPA GSANG MED PAR LHUG PAR GSUNG BAR MDZAD PAS SEMS LA PHAN THOGS SHIN TU CHE BA BYUNG BAS DON GYIS CHOS ZHUS PA DANG KHYAD MED CES DAG SNANG GI GZIGS PA BLA MED MDZAD, STON DPYID KYI CHOS RNAMS LA'ANG BSNYEN BKUR DANG SEMS BSKYED MCHOD PA'I DUS BRTAN BZHUGS DNGOS 'BUL RNAMS KYANG GONG 'PHEL KHO NAR MDZAD CING GONG SA MCHOG NYID KYI GSOL ZHIB KYI RGYU PHUB DKAR GYI GRAS NAS LO LTAR ZHIB RGYU 'DEB NGES GNANG,

BLA MA RIN PO CHE 'DI PAS KYANG RGYAL BA MCHOG GI ZHABS DRUNG DU YANG YANG PHEBS NAS MAndAL PHUL TE THUGS RJE BSKUL BA'I GSOL 'DEBS NAR MAR MDZAD, RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO SHING KHYI LO RGYAL LA PHEBS ZHOR SE RAR PHEBS SKABS BLA MA RIN PO CHE 'DI PAS RGYAL BA MCHOG LA SE RA'I DGE 'DUN RNAMS KYIS GTZOS PHYOGS 'DUS KYI DAD LDAN MANG POR GNAS BCU'I RJES GNANG ZHU BAR MDZAD, DE LO BLA MA RIN PO CHE 'DI PA DGUNG LO DON GSUM DU PHEBS PA'I DGUNG KAG YIN YANG SKU KHAMS SHIN TU DANGS SHING, GDUL BYA SO SO'I KHAMS DANG BSAM PA DANG 'TSAM PA'I ZAB CHOS MANG DU STZAL, ZLA BA BRGYAD PA'I NANG DU BDAG GIS YUN RING PO NAS GSOL BA BTAB PA LTAR BKA' GDAMS BSTAN PA'I SNYING PO JO BO YAB SRAS KYI GSANG CHOS THIG LE BCU DRUG GI DBANG RGYAS PA ZHIG STZAL, DE'I TSE RANG RGYUD BSKUL 'DEBS DAD PA'I LJON SHING YONGS RDZOGS THUGS THOG NAS BTON TE SKYES BU GSUM GYI LAM RIM DANG SBYAR NAS RGYAS PAR STZAL CING DBANG DNGES GZHI'I SKABS 'BROM RIN PO CHE'I SNGON GYI 'KHRUNGS RABS BKA' GDAMS GLEGS BAM LAS JI LTAR 'BYUNG BA LTAR ZHIB TU GSUNGS SHING, 'KHRUNGS RABS DA DANG DE'I MDZAD PA BZANG PO RNAMS GDUL BYA'I NYAMS LEN DANG SBYAR TE CHES ZHIB PAR STON PAR MDZAD PAS BKA' GDAMS BSTAN PA'I SNYING PO GZHI NAS GSO BA LTA BUR MDZAD, STON CHOS BDE LAM GYI KHRID KYANG SNGAR RGYUN LTAR

, ,STZAL ZHING, KONG PO MKHAN CHEN SKU SKYE DANG BDAG CAG SOGS DAD LDAN MANG POR BLA MA RIN PO CHE NYID KYI GSUNG BKA' RGYA MA'I GRAS BDE GSANG 'JIGS GSUM GYI BSKYED RDZOGS RNAMS DANG SNGON CHAD LUNG GNANG MA GRUB PA'I GSUNG RTZOM THOR BU RNAMS KYI LUNG DGYES BZHIN DU STZAL, GZIM CHUNG DU SKAL LDAN NYUNG SHAS LA DPAL RDO RJE 'JIGS BYED LHA BCU GSUM MA'I DBANG SNGAGS KYI ZAB BSHAD RGYAS PA BCAS STZAL, DE SKABS MNAL LAM ZHIG LA PAn CHEN MCHOG GI SPRUL PA'I SKU LA, BDE LAM GYI KHRID CIG 'BUL BA'I MTSAN LTAS BYUNG GSUNG STE DE NI MA 'ONGS PA'I 'BYUNG 'GYUR MKHYEN PAR NGES SO, ,DE NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO ZHING BRJES NAS PAn CHEN MCHOG GI SPRUL PA'I SKU RJE BTZUN BLO BZANG DPAL LDAN YE SHES KYIS RGYAL BA MCHOG LA ZHU MA THUB PA'I MDO SNGAGS KYI CHOS BKA' RNAMS GSAN PHYIR BLA MA RIN PO CHE 'DI PA SPYAN DRANGS TE BYANG CHUB LAM GYI RIM PA'I KHRID DANG LAM RIM CHEN MO'I BSHAD LUNG DANG GSANG BA DE 'JIGS GSUM GYI BSKYED RDZOGS KYI MAN NGAG RNAMS DANG 'GREL PA BZHI SBRAGS, BDE MCHOG L'U DRIL GNYIS KA'I DBANG DANG KHRID BCAS ZHU BAR MDZAD, BLA MA RIN PO CHE 'DI PAS KYANG MDZES CHOS SU MA SONG BAR LAM RIM GYI KHRID DMIGS RNAMS 'DZIN CHOS SU MDZAD CING BSHAD LUNG GI SKABS RANG DANG GZHAN GYI GRUB PA'I MTHA' RGYA MTSO LTA BU LA

DRI MA MED PA'I RIGS PAS MTHA' DPYAD DE MTHA' DAG PAR STON PAR MDZAD PAS PAn CHEN MCHOG GI SPRUL PA'I SKU NYID GLO BUR DU MKHYEN RAB KLONGS BRDOL BA'I TSUL BZHES TE, 'CHAD RTZOD RTZOM GSUM GANG GI THAD LA'ANG THOGS PA MED PA MKHAS GRUB SMRA BA'I NYI MA SLAR YANG 'JIG RTEN 'DIR BYON PA JI LTA BAR GYUR PA NA BLA MA RIN PO CHE 'DI PAS PAn CHEN THAMS CAD MKHYEN PA 'DUS PA RGYA MTSO'I TSOGS DBUR SPYAN DRANGS TE MCHOD SPRIN TSAD MED PAS MCHOD CING PAn CHEN DBEN SA PA YAB SRAS KYI RNAM THAR RGYAS BAR GSUNGS NAS DA NI PAn CHEN BSTAN PA'I BDAG PO KHYED 'JIG RTEN DU NYI MA SHAR BA LTAR BSTAN PA YONGS RDZOGS LA MKHAS SHING 'CHAD RTZOD RTZOM GSUM LA THOGS PA MED BAR GYUR, 'JAM MGON BSTAN PA'I SNYING PO 'DI LAS PHYI ROL TU GZHAN GYIS DKRI BAR MI NUS PA'I GDENG THOB PAR MDZAD PA 'DI LTA BU BYUNG BAS RGAN PO SHI YANG BLO BDE ZHES GSUNG BAR MDZAD, DE NAS PAn CHEN THAMS CAD MKHYEN PAS BKRA SHIS LHUN PO RANG DU RE SHIG BZHUGS DGOS PAR GSOL BA BTAB KYANG LO LTAR STON DPYID GNYIS SU PHUR BU LCOG GI CHOS GRVA CHEN MOR LAM RIM GYI KHRID 'CHAG MED MDZAD PA DE SKU TSE 'DI'I MDZAD PA'I GTZO BO YIN PAS JI SRID 'TSO'I BAR DU MA 'CHAG PAR MDZAD BZHED PA DANG, NYE CHAR DBANG PHYOGS BSTAN PA'I SGON ME RJE LCANG SKYA RIN PO CHE DBUS SU PHEBS NYE BAS BDAG NYID CHEN PA GNYIS ZHAL 'DZOM NAS BSTAN PA'I GNAD LAS BRTZAMS PA'I BKA' BGRO BAR

, ,BZHED PAS YUN RING BZHUGS PAR ZHAL GYIS MA BZHES PAR DBUS PHYOGS SU PHEBS RJE LCANG SKYA RIN PO CHE DANG ZHAL 'DZOM, GANGS RI'I KHROD 'DIR RGYUD SDE BZHI'I NANG NAS SPYOD RGYUD RNAM SNANG MNGON BYANG GI DBANG RGYUN CHAD DU NYE BA RJE LCANG SKYA RIN PO CHE LA DE'I RGYUN BZHUGS PAS GSOL BA BTAB NAS DE'I DBANG GSAN PAR MDZAD, RJE LCANG SKYA RIN MO CHES KYANG BLA MA RIN PO CHE 'DI LA MKHAS GRUB RIN PO CHE NAS BRGYUD PA'I KYEE RDOR LHA DGU'I DBANG RGYUN YOD PAR MKHYEN NAS DE'I DBANG ZHU BAR MDZAD, DE LTAR 'JAM MGON BSTAN PA'I SROG SHING RNAM PA GNYIS PO 'DI PHAN TSUN YID CHES KYI DAD PA THOB NAS THUGS YID GCIG TU 'DRES, DE NAS BLA MA RIN PO CHE 'DI BAS PHUR BU LCOG TU BSHAD SGRUB BSTAN PA'I RGYAL MCHEN BSGRENGS SHING, CHOS KYI RNGA BO CHE BRGYUD MAR BRDUNGS, 'JIG RTEN KUN GYI RMONGS PA'I MUN PA SEL BA'I CHOS KYI SGRON ME RGYUN DU SBAR, SNYIGS MA'I 'GRO BA NYAM THAG YONGS LA DUG GSUM GYI NAD SEL BA'I CHOS KYI SMAN SBYIN RGYUN MA CHAD PAR MDZAD, YID SRUBS BDAG PO DPUNG DANG BCAS PAS G-YO BAR MI NUS PAR 'JAM MGON BSTAN PA'I SROG SHING BZUNG, RGYAL BA SRAS BCAS KUN GYI MDZAD PA GANG GI SNYING STOBS LHAG BSAM CHEN POS KHYER NAS 'JAM MGON BSTAN BA'I SNYING BO 'DZIN PA LA NAM YANG G-YO BA MED PAR BZHUGS, DE NAS BLA MA RIN PO CHE 'DI BA DGUNG LO BRGYAD CUR PHEBS PA LCAGS ME SPRUL GYI LO PAn CHEN THAMS

CAD MKHYEN PA CHEN POS GTZANG DU SPYAN DRANGS NAS RIM LNGA GSAL SGRON GYI GZABS BSHAD KYI DON DU GSOL BA BTAB, 'JAM MGON BSTAN PA'I SNYING PO 'DI GSAN PA LA BLA MA RIN PO CHE 'DI SKU DVANGS SHING BAR CHAD MI 'BYUNG BA ZHIG GI PHYIR ZHABS BRTAN SKU RIM RLABS CHEN PO SGRUB PAR MDZAD, BLA MA RIN PO CHE 'DI BAS KYANG SKU NA PHEBS CHE ZHING SPYAN MI GSAL TZAM YOD KYANG PAn CHEN THAMS CAD MKHYEN PA 'JAM MGON BSTAN PA'I BDAG POR SONG GSHIS RTZOL BA CHEN POS DKA' BA KHYAD DU BSAD NAS RIM LNGA GSAL SGRON GYI GZABS BSHAD RGYAS PAR GNAD, DE NAS PAn CHEN THAMS CAD MKHYEN PA CHEN POS 'JAM DPAL ZHAL LUNG GI KHRID CIG KYANG GNANG DGOS PAR GSOL BA BTAB, RNAM SNANG MNGON BYANG GI DBANG DANG, KYEE RDOR LHA DGU'I DBANG ZHIG KYANG GNANG DGOS PAR GSOL BA BTAB CING, BLA MA RIN PO CHE SKUN MTHO BAS BAR CHAD BYUNG DOGS NAS ZHABS BRTAN SKU RIM RGYA CHEN PO MDZAD, BLA MA'I SKU TSE SPEL PHYIR TSE DPAG MED LHA DGU'I DBANG ZHIG KYANG 'BUL BAR MDZAD PAS BSTAN PA'I BDAG PO GNYIS KA THUGS BSKYED RLABS CHE BAS BAR CHAD KYI MTSAN MA MED PAR RNAM SNANG MNGON BYANG GI DBANG DANG, KYEE RDOR LHA DGU'I DBANG GNYIS KYANG RGYAS PAR GNANG ZHING, DE NAS 'JAM DPAL ZHAL LUNG GI KHRID CHOS THUN BCU BDUN LA RDZOGS PA ZHIG RTZI SHAG DANG BCAS RGYAS PAR GNANG, 'JAM DPAL ZHAL LUNG GI BKA' KHRID GRUB PA'I SEMS BSKYED TSAR MA THAG RGYAL BA THAMS CAD MKHYEN PA'I MCHOG SPRUL

, ,LHA RI SGANG DU 'KHRUL BRAL GSAL DVANGS SU PHEBS PA 'JAM DBYANGS GONG MA BDAG PO CHEN POS NGOS 'DZIN GYI LUNG PHEBS NAS DE 'PHRAL BKRA SHIS LHUN POR GDAN DRANGS, BLA MA RIN PO CHE 'DI PAS KYANG RGYAL BA THAMS CAD MKHYEN PA ZHAL MJAL NAS DBUS SU PHEBS TE STON DPYID KYI LAM KHRID SNGA MU BZHIN GNANG, DE NAS GONG SA MCHOG GI SPRUL SKU RIN PO CHE DBUS SU SPYAN DRANGS NAS SNYE THANG BDE BA CAN DU BZHUGS SKABS BLA MA RIN PO CHE 'DI PA DANG ,RGYUD SMAD MKHAN PO NGAG DBANG CHOS GRAGS GNYIS GONGS MCHOG GI YONGS 'DZIN DU GDAN DRANGS, BLA MA RIN PO CHE 'DI PA SKU NA PHEBS CHE BAS ZHABS PHYI 'GRUB RE MED KYANG RTEN 'BREL GYI KHYAD DGYES, BZHIN ZHAL GYIS BZHES TE SNYE THANG DU PHEBS TE KHRI 'DON MDZAD, RGYAL BA MCHOG LA SPYIR SEMS CAN THAMS CAD DANG, SGOS KHA BA CAN BA RNAMS KYI MGON DU ZHABS PAD BRTAN CING THUGS BSKYED RGYA CHEN DGOS PA'I GSOL 'DEBS MDZAD NAS LAM SGRON GYI LUNG DANG TSE DBANG GDUGS DKAR SGROL MA 'JAM DBYANGS RNAMS KYI RJES GNANG 'BUL BAR MDZAD, DE NAS PHUR BU LCOG TU PHEBS TE DGUN GYI RING BCAD RGYAR BZHUGS, DPYID CHOS SNGA MU LTAR TSUGS RTZIS MDZAD PAR SKU NA PHEBS CHE BA'I KHAR CHAB KYI SNYUN GZHI ZHIG KYANG BZHES PAS ZHABS 'BRING BA RNAMS KYIS 'DI LO BKA' CHOS SKU GZUGS KYIS LCOGS RI MI 'DUG PAS 'THEN DGOS ZHES GSOL BA

BTAB KYANG GSAN DU MA BZHED PAR NGA CHOS KHRI'I THOG TU SHIN BSAM PA RDZOGS PA YIN GSUNGS NAS CHOS BTZUGS, DE NI DUS RGYUN DU YANG DGE BA'I BSHES GNYEN PO TO BA CHEN PO ZHING GSHEGS KHAR CHOS KHRI'I THOG TU PHEBS NAS DGE 'DUN LA ZHAL BSTAN, CHOS GSUNG 'PHRO LA SEMS CAN MGON MED PA RNAMS KYI MGON DANG, SKYABS MED PA RNAMS KYI SKYABS DANG, 'KHRA SA MED PA RNAMS KYI 'KHRA SAR SHOG GSUNGS NAS THAL MO SHAG GI PHYE NAS ZHING GSHEGS PA YIN, NGA YANG DE 'DRA ZHIG LA SMON LAM 'DEBS, ZHES YANG YANG GSUNG GI YOD, DE NAS CHOS THUN RE GNYIS TZAM LAS GNANG MA THUB, ZLA BA BZHI PA'I TSES BRGYAD LA SEMS BSKYED KYI TSOGS DBUR PHEBS, TSES BCU BZHI DANG, BCO LNGA LA SMYUNG GNAS KYI SDOM PA STZAL, DE NAS CHAB KYI SNYUN GZHI JE LOD DU SONG NAS GSUNG GLO CHE ZHING BZHENG BZHUGS DKA' TZAM BYUNG YANG THUGS BDE ZHING SPRO BA'I NYAMS KHO NA MDZAD, BSTAN PA RIN PO CHE'I RGYUN DANG SLAD KYI RTEN 'BREL LA DGONGS NAS GSER SBYANGS PA 'BA' ZHIG LAS GRUB PA'I BKA' 'GYUR RIN PO CHE BZHENG BAR BZHED NAS, PHYAG NA YOD PA'I GSER RNAMS GUNG PAndI TAR GNANG NAS BZHED DGOS PA'I BKA' DANG, DE YANG DA LO RANG BYED DGOS PHEBS BAR; KHONG NAS KYANG GUS PA CHEN POS BKA' SPYI BOS NOS TE, MTHING SHOG BZANG PO LA GSER SBYANGS 'BA' ZHIG LAS GRUB PA'I POD BRGYA DANG BCU GCIG CHA TSANG DANG, BYANG CHUB LAM GYI RIM PA CHEN MO DANG, SNGAGS RIM CHEN MO

, ,GNYIS POD RE BCAS 'JIG RTEN KUN GYI MIG GI BDUD RTZIR SPUNGS PA LTA BU, DBU KHANG DANG POR PHAN TSUN DBU LHA TSON BRIS LCAGS SGIR GYI DKYIL DU MU TIG GI PHRA LDAN BZANG GOS GSER MA SPUS LEGS KYI ZHAL KHEBS NYIS BRTZEGS, GDONG DAR GSUM BRTZEGS MDO RTAGS RNAMS PAR PHYIN, GLEGS SHING MTSAL GYIS BYUGS PA YAS SPANG GI MTHONGS LA RTEN 'BREL SNYING PO DANG, GDONG SNE PHAN TSUN DU GZUNGS SNGAGS LANYTZA 'BUR DU YOD PA LA GSER SHOG DANG, DE PHYIN LA GSER GYI ME TOG RIS KYIS MDZES PA, GLEGS THAG THAD MA MDZOD GOS NGUR SMRIG GIS GTUMS PA, ZANGS TSA GSER MA'I GLEGS CHAB RDO RJE GZUGS RKOS MA PHRA LDAN, CHOS KHRI TSON RTZI GSER SHOG GIS PHYUG PA BCAS GSAR DU BSKRUN PA'I RGYUR GSER THUR SRANG BZHI BRGYA DANG GSUM, BZANG GOS GSER MA SPUS LEGS YUG PHYED DANG LNGA DANG, MDZOD GOS NGUR SMRIG YUG LNGA, GOS LING DANG CHU RTZE 'DRES MA YUG NYI SHU, MU TIG SPUS LEGS SRAN MA TZAM RDOG NYIS BRGYA DANG NYI SHU RTZA DRUG RNAMS NGO THOG DANG, AE PA DANG SNYE MO BA'I BRIS PA LTO GAR BA BZHI DANG BYINGS BRIS SHOG PA BSDOMS MI DGU BCU GO BRGYAD, DGE BSHES ZHUS DAG PA BRGYAD, LHA BIS NGA; SHING RKOS PA, GSER DNGUL BZO PA, TSEM BU PA BCAS BZO PHRAN MI NYI SHU RTZA GCIG ,LAG G-YOG MI NYI SHU RTZA BDUN BCAS KYI LAS RGYUN RING GI PHOGS DANG ZUR GSOS, GLA YON DANG, LEGS GNANG, 'DZUGS SGANG GROL

GSUM GYI STON MO GNANG CHA DANG, GZHUNG SAR GLEGS SHING DANG SHOG BU'I RIN PHUL BA BCAS LA DNGUL GYI MAndAL SNE 'DOGS CAN, NA BZA' CHA 'GRIG ,DNGUL DANG GOS CHEN, PHO MO'I RGYAN GOS, RTA SGA 'KHOR, DRE'U, MDZO MO, KHA BTAGS CHE CHUNG SOGS YANG TIG DNGUL RKYANG THOG DNGOS PO'I RI GONG BSNAN PA BCAS KHYON DNGUL SRANG SUM STONG BRGYAD BRGYA DGU BCU GO LNGA ZHO DO SKAR LNGA BCAS PHUL NAS BKA' 'GYUR RIN PO CHE GSAR BZHENG RMAD DU BYUNG BA GNANG, LI THANG GI BKA' 'GYUR MTSAL PAR MA DE SHIN TU DAG PA YOD 'DUG PAS, DE YANG TSAR GCIG BZHENG THUB PA GYIS ZHES BKA' GNANG, NYE GNAS RAB 'BYAMS PAS KYANG DE 'PHRAL DU LI THANG DU PAR BRGYAG RGYU'I BKOD PA MDZAD, DE SKABS GONG SA LHA MI'I 'DREN PA MCHOG PHO BRANG CHEN PO'I GSER KHRI LA MNGA' GSOL BA'I SKABS YIN PAS PAn CHEN THAMS CAD MKHYEN PA CHEN PO YANG DBUS SU CHIBS KHA BSKYOD NAS PHO BRANG PO TA LAR BZHUGS PA'I SKABS YIN PAS BLA MA RIN PO CHE 'DI PA'ANG PAn CHEN THAMS CAD MKHYEN PA CHEN PO MJAL BZHED CHE BA BYUNG ZHING, PAn CHEN THAMS CAD MKHYEN PA CHEN POS KYANG PHYI RABS KYI GDUL BYA RNAMS LA RANG LA LAM MA NOR BAR STON PA'I BSHES GNYEN DAM PA NI SANGS RGYAS THAMS CAD LAS KYANG LHAG PA'I BSOD NAMS KYI ZHING DAM PA YIN PAS, RANG NYID CHEN PO'I GO SA JI 'DRA ZHIG LA GNAS KYANG TSE 'GYING MI BYA BAR BLA MA BSTEN TSUL 'DI LTAR BYA DGOS SO ZHES 'DOMS PA'I PHYIR PHUR BU LCOG TU CHIBS

, ,BSKYOD NAS BLA MA RIN PO CHE'I GZIM CHUNG DU PHEBS TE SKU TSE BSRING BA'I PHYIR TSE DBANG ZHIG PHUL, DE NAS MAndAL DANG SKU GSUNG THUGS RTEN, DNGOS PO SPAM MTHO BA BCAS 'BUL BAR MDZAD DE ZHABS PAD YUN RING BRTAN DGOS PA'I GSOL 'DEBS MDZAD, GONG SA LHA MI'I 'DREN PA MCHOG NAS MGRON GNYER DGE SLONG BSKAL BZANG CHED GNANG GIS DNGUL GYI MAndAL DANG SKU GSUNG THUGS RTEN DNGOS 'BUL BCAS ZHABS PAD YUN RING BRTAN DGOS ZHES ZHU BAR MDZAD, DE SKABS BLA MA RIN PO CHE 'DI CHAB GZHI'I BSNYUN BAB LCI BAS THA MAL BA RANG BZHIN YIN NA GSUNG BGROS GNANG RE MED PA'I TSOD DU GYUR KYANG, BLA MA RIN PO CHE NI THUGS SNANG GANG YANG MED PAR, PAn CHEN THAMS CAD MKHYEN PA CHEN PO LA BSTAN PA'I GNAD LAS BRTZAMS PA'I GSUNG GLENG CHES MANG BA DANG, LHAG PAR TSAD MA RNAM 'GREL GYI RIGS PA'I DKA' GNANG PHRA MO LAS BRTZAMS TE 'BREL GTAM CHES ZHIB CING RGYAS PAR MDZAD, YONGS 'DZIN BLO BZANG CHOS 'PHEL LA'ANG SEMS TZAM PA'I PHYI DON 'GOG PA'I RIGS PA LAS BRTZAMS PA'I BKA' 'DRI MANG DU GNANG ZHING, SKU BSNYUN PA'I TSUL MED PAR DGYES NYAMS SHIN TU CHE BAR MDZAD, DE NAS PAn CHEN THAMS CAD MKHYEN PA CHEN PO CHOS GRVA CHEN MO'I BZHUGS KHRIR SPYAN DRANGS, DE SKABS GLO BUR DU DAD 'DUS CHES MANG BA LA CHOS STON PAR GSOL BA 'DEBS PAR MDZAD CING, MAndAL SKU GSUNG THUGS RTEN DNGOS 'BUL RGYA CHEN PO DANG BCAS ZHABS

BAD YUN RING DU BRTAN TE 'JAM MGON BSTAN PA'I SROG SHING DU G-YO BA MED PAR BZHUGS DGOS ZHES GSOL BA 'DEBS PAR MDZAD ,DE NAS PAn CHEN THAMS CAD MKHYEN PA CHEN PO PHO BRANG DU CHIBS KHA BSKYOD, DE NAS ZHAG KHA SHAS NAS, RGYAL BA THAMS CAD MKHYEN PA CHEN PO PHO BRANG CHEN PO'I GSER KHRIR MNGA' GSOL BA LA LEGS 'BUL RGYAS PA ZHIG BYED DGOS ZHES BKA' PHEBS, 'BUL THO'I 'OG BRJOD KYANG BLA MA RIN PO CHE NYID KYIS RGYAS PAR BKA' STZAL; PAn CHEN THAMS CAD MKHYEN PA CHEN PO LA'ANG DNGOS 'BUL GTOS CHE BAR MDZAD DU RGYUR ZHU YIG 'GO BRJOD BLA MA RIN PO CHE NYID KYIS MDZAD, BKA' 'GYUR GSER MA GSAR BZHENGS KYI SKU YON TSANG MA 'PHRAL 'BUL BYED DGOS PA DANG, SE RA SMAD KYI GRVA KHANG GSAR BZHENGS LA ZUG STON RGYAS PA ZHIG KYANG 'PHRAL DU GYIS ZHES NYE GNAS LA BKA' PHABS, NYE GNAS RAB 'BYAMS PAS KYANG BLA MA RIN PO CHE'I BKA' GANG PHEBS THAMS CAD 'PHRAL RANG DU GRUB PAR MDZAD DE, 'DI DANG 'DI LTA BU BGYIS SO ZHES SNYAN DU GSOL, DE NAS ZHABS 'BRING PA RNAMS NAS SE 'BRAS DGE GSUM RGYUD STOD SMAD RI KHROD KHAG BCAS LA ZHABS BRTAN SKU RIM NAR MAR BSGRUBS, SBYIN BDAG CHEN PO RDO RING NO YON DANG BKA' BLON MDO MKHAR BA SOGS DANG LDAN TSANG MAS BLA MA RIN PO CHE NYID LA MAndAL PHUL TE GSOL BA 'DEBS PA DANG RANG RANG GI 'BYOR PA DANG BSTUN PAS DGE 'DUN GYI SDE RNAMS LA BSNYEN BKUR TE ZHABS BRTAN SKU RIM SGRUB

, ,PA LA TSANG MAS BRTZON PA CHIG BSGRIL DU BYAS SO, ,DE LTAR BDAG CAG GI DPAL LDAN BLA MA DAM PA 'DIS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN BA RGYAS PA'I CHED DU BSNGOS, ,ZHES RJE RIN PO CHES GANG GSUNGS PA DE KHO NA LTAR PHYAG LEN LA THEBS PAR MDZAD DE, DANG POR RGYAL BA'I BSTAN PA LA ZHUGS NAS SDOM PA GSUM RIM GYIS BZHES SHING THUB PA'I BCAS MTSAMS LAS NAM YANG 'DA' BA MED PA GZHIR BZUNG NAS MDO RGYUD DGONGS 'GREL DANG BCAS PA LA THOS PA PHU THAG CHOD PA MDZAD, SANGS RGYAS NAS BZUNG STE DAM PA BAR MA CHAD PA LAS BRGYUD PA'I MDO SNGAGS GNYIS KA'I SNYAN RGYUD KYI MAN NGAG RNAMS YONGS SU RDZOGS PA GSAN, BAR DU TSE 'DI BLOS BTANG STE DKA' SPYAD SNYING RUS KYI SGO NAS NYAMS LEN MTHAR PHYIN PAR MDZAD, RANG NYID MI NYAMS PA'I GDENG THOB PA'I MTHAR SKAL BA DANG LDAN PA DAG LA DGE TSUL GYI BSLAB BYA K'A RI KA NAS RGYUD THAMS CAD KYI RGYAL PO DPAL GSANG BA 'DUS PA'I MTHAR THUG ZUNG 'JUG 'GRUB PA'I BAR RGYAL BA'I BSTAN PA YONGS SU RDZOGS PA DRI MA MED PA'I RIGS PA'I LAM NAS DRANGS TE RGYA CHER BSHAD CING ,CHOS TSIG BZHI PA ZHIG YAN CHAD KHA PHYI BLTAR MA SONG BAR RANG GI RGYUD 'DUL BA'I PHYIR DU NYAMS LEN GYI GNAD DU BSDUS TE BYANG CHUB LAM GYI RIM PA NYID LA BSGRIL NAS STON PAR MDZAD CING ,DBUGS

PHYI NANG DU RGYU BA TSUN CHAD SGO GSUM GYI SPYOD PA THAMS CAD RGYAL BA'I BSTAN PA RGYAS PA'I THABS KHO NAR MDZAD DE NUB PHYOGS KHA CHE'I YUL NAS, SHAR PHYOGS RGYA MTSO CHEN PO LA THUG GI BAR DANG GLING BAR TSUN CHAD SA CHEN PO'I KHYON 'DI BKA' GDAMS LHA CHOS BDUN LDAN GYI RNAM THAR GTZANG MA BYANG CHUB LAM GYI RIM PA LA NYAMS LEN SNYING POR BYED PAS KHYAB PAR MDZAD DO, ,MA 'ONGS PA'I GDUL BYA RNAMS KYI DON DU RJE BTZUN BLA MA DGE LEGS RGYA MTSO'I RNAM PAR THAR PA, RJE RIN PO CHE'I RTOGS BRJOD MDUN LEGS MA'I 'GREL PA RTEN 'BREL BSTOD PA'I t'IKKA, 'JAM DPAL DBYANGS KYIS RJE BLA MAR DNGOS SU GNANG BA'I GDAMS PA MDOR BSDUS KYI t'IKKA, MA PHAM MGON POR BSTOD PA TSANGS PA'I COD PAN GYI DON 'GREL, STAG TSANG LO TZA BA'I BRGAL LAN, BRGYAD STONG PA'I DON SLOB DPON SENG BZANG DANG PHYOGS GLANG GNYIS KYI 'CHAD TSUL, SDOM PA GSUM GYI NYES LTUNG NGOS BZUNG NAS BSHAGS SDOM BYED TSUL, DRIS LAN SOM NYI GCOD PA'I RAL GRI, GSUNG MGUR BSLAB BYA'I RIM PA, SKYES BU CHEN PO'I LAM LA BLO SBYONG TSUL, BYANG CHUB LAM RIM LAS BRTZAMS PA'I DRIS LAN, 'JIGS BYED GTZO RKYANG GI MNGON RTOGS, SENG GDONG MA DANG RTA MGRIN GSANG SGRUB KYI SGRUB THABS, BDAG MED PA'I CHOS KYI PHYAG RGYA GTAN LA 'BEBS TSUL, THIG LE BCU DRUG GI CHOS SKOR DANG SGROL MA BCU GNYIS KYI GTOR 'BUL, 'JAM DBYANGS NANG SGRUB KYI SGRUB THABS, SGROL DKAR GYI BSNYEN YIG DANG DE'I BUM SGRUB,

, ,GSANG 'DUS 'JAM RDOR SGRUB THABS 'DOD 'JO'I BUM BZANG, DE'I BUM SGRUB, DE'I DKYIL 'KHOR SGRUB PA DANG BDAG 'JUG NGAG 'DON, DE'I ZHI RGYAS KYI SBYIN SREG ,'DUS PA YE SHES ZHABS LUGS KYI BSKYED RDZOGS RIN CHEN PHRENG BA, GSANG 'DUS BSKYED RIM DNGOS GRUB SNYING PO, DE'I RDZOGS RIM RIM LNGA GDAN RDZOGS KYI SNYING PO, 'JIGS BYED BSKYED RIM ZA MA TOG GI SNYING PO, DE'I RDZOGS RIM RNAL 'BYOR BZHI NYAMS SU LEN TSUL; ;DPAL 'KHOR LO SDOM PA L'U AI PA'I RIM PA DANG PO'I DMAR KHRID, GRUB CHEN KUN TU DGE BA'I LUGS KYI RDZOGS RIM RNAL 'BYOR CHEN PO'I DMIGS RIM, 'KHOR LO SDOM PA'I BSNYEN YIG ,'JAM LUGS TSE DBANG RIGS LNGA'I ZUR 'DEBS, RDOR SEMS BUM SGRUB DANG RIL SGRUB BYED TSUL, MA nI BUM SGRUB, SGROL MA MAndAL BZHI PA SOGS NYER MKHO'I RIGS, RIGS GSUM SPYI SGRUB, RDO RJE 'CHANG DON YOD MKHAS GRUB KYI RNAM THAR, BYANG CHUB LAM RIM GYI KHRID YIG, SNYING PO DON GSUM GYI KHRID YIG ,RGYAL BA MA PHAM PA'I THUGS RJE BSKUL BA'I GSOL 'DEBS SMON LAM SOGS GSOL 'DEBS LTAR BSTOD TSOGS KYI RIM PA DANG 'DOD GSOL BRTAN BZHUGS KYI RIM PA, RTEN GSUM GSAR BZHENGS KYI DKAR CHAG ,SMON TSIG ,RGYAB YIG, MCHOD RDZAS GSAR BZHENGS KYI 'DOD GSOL, LAM KHRID 'JAM DPAL ZHAL LUNG GI NGOGS GCOD, GRVA SA CHEN PO BZHI DANG RGYUD STONG SMAD CHAGS TSUL,

GTOR 'BUL GYI RIM PA, BCA' YIG GI RIM PA, PAn CHEN THAMS CAD MKHYEN PA'I DOGS GCOD GSUNG LAN, BYANG CHUB KYI SEMS SBYONG TSUL GYI GDAMS NGAG THOR BU ZIN BRIS SU BKOD PA, BSNGO BA DON GNYIS PHUN TSOGS RNAMS, MDZAD DO, ,DE NAS SKU TSE 'DI'I DNGOS KYI GDUL BYA RNAMS RDZOGS PA NA DGUNG LO GYA GCIG TU PHEBS PA SNA TSOGS ZHES PA CHU PO RTA'I LO STON ZLA 'BRING PO'I YAR NGO'I TSE GNYIS KYI NYIN SKU'I BKOD PA BSDUS TE 'OD GSAL LA BZHUGS, 'OD GSAL DA LAS BZHENGS MA THAG DGA' LDAN CHES KYI PHO BRANG DU RJE BTZUN BYAMS PA MGON PO DANG, RJE NAM MKHA' DRI MA MED PA DANG, RJE 'JAM DPAL SNYING PO 'KHOR DANG BCAS PA'I CHOS KYI MDUN SAR PHEBS SO, ,DE LTAR 'JAM MGON BSTAN PA'I SROG SHING BLA MA RIN PO CHE 'DES MCHOG DMAN THAMS CAD LA CHOS KYI BDUD RTZI RGYA CHER STZAL BAS BRGYUD 'DZIN GYI SLOB MAS SA'I STENG THAMS CAD KHYAB CING, BSTAN PA YONGS RDZOGS KYI BDAG POR MNGA' GSOL BA NI PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE BTZUN BLA MA THUGS RJE'I BDAG NYID MTSAN BRJOD PAR DKA' BA DON GYI SLAD DU MTSAN NAS SMOS TE NGAG DBANG BYAMS PA LA GSOL BA 'DEBS SHING, BLA MA RIN PO CHE 'DI'I MDZAD PA RNAM THAR RNAMS BSAMS LA RJES SU BSLAB PAR BYA'O,, ` ,,BLO BZANG RGYAL BA'I RING LUGS PADMO'I TSAL, ,DPAL LDAN YE

, ,SHES 'OD KYIS RGYAS MDZAD PA'I, ,RIS MED 'GRO BA'I 'DREN PA KUN GYI GTZO, ,RJE BTZUN BLA MA'I ZHABS LA GSOL BA 'DEBS, ZHES BSNGAGS PA, BDE LDAN ZHING GI MGON PO SNYIGS DUS 'GRO BA'I MGON DU BSAMS BZHIN DU BYON PA PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO NI SHANGS BKRA SHIS RTZER YAB THANG LHA DANG, YUM NYI ZLA DBANG MO GNYIS KYI SRAS SU RAB BYUNG BCU GNYIS PA'I DUS KYI PHO NYA ZHES PA SA PHO RTA'I LO HOR ZLA BCU PA'I TSES BZHI GZA' SKAR PHUN SUM TSOGS PA'I NYIN NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE'I TSE TSANGS PA DANG BRGYA BYIN LA SOGS PA'I DKAR PHYOGS SKYONG BA'I LHA RNAMS GNAS DER LHAGS TE MKHA' DBYINGS 'JA' SPRIN GYIS KHYAB PAR BYAS, ME TOG GI CHAR PHAB, DGA' BA'I CA CO'I SGRA BSGRAGS, RJE BTZUN THAMS CAD MKHYEN PA BLO BZANG YE SHES DPAL BZANG POS BKA' BSGOS DAM LA BZHAG PA'I SRUNG MA THAMS CAD DANG, KHYAD PAR DPAL LDAN DMAG ZOR RGYAL MO DANG, NE SER JO BO CHEN PO GNYIS 'BRAL MED DU BYON TE RJE 'DI SKU BLTAMS PA DANG MNYAM DU DPAL LDAN LHA MOS NAG PHYOGS BDUD SDE ZIL GYIS GNON PHYIR DRE'U'I NGAR SKAD YANG YANG 'DON PA DANG, GZIM KHANG GI KHO RA KHOR YUG TU TSIG SGRA DANG 'UR SGRA CHEN PO NAR MAR BYUNG, NE SER BAS NI RGYUN DU GUS PAS

MCHOD PA'I TSUL DANG, GNAS BDAG GI TSUL DU SPRUL PA SNA TSOGS BSTAN TO, ,DE LTAR YUM LAS SKU BLTAMS PA'I RGYAL SRAS GZHON NU DA NI SRID ZHI'I DGE LEGS THAMS CAD GZUGS CAN GCIG TU BSDUS TE ZLA BA DAG PA'I GZUGS SU BYAS PA LTAR, PAGS PA'I MDOG NI DKAR ZHING DANGS LA 'OD 'TSER BA, DBU GDUGS LTAR ZLUM ZHING RGYAS LA SPYI GTZUG MTHO BA, SPYAN DKYUS RING ZHING DKAR NAG 'BYES PA, SHANGS KYI GZENGS MTHO ZHING MCHU SGROS BIM PA LTAR DMAR BA SOGS MTSAN DPE DANG LDAN PA 'JIG RTEN KUN GYI MIG GI BDUD RTZI LTA BU ZHIG BYUNG NGO, ,DE'I TSE DKAR PHYOGS KYI LHA DANG KLU RNAMS KYIS KHRUS GSOL BAR NGES SHING, DNGOS SU YAB YUM GYI MCHOD GNAS DGE SLONG RNAM DAG GCIG GIS SKU KHRUS YANG YANG GSOL, 'KHRUNGS NAS ZLA BA GNYIS TZAM SONG BA NA PHYAG GNYIS THAL MO YANG YANG SBYOR BAR MDZAD PA DANG, ZHAL NAS MA nI DANG DMIGS BRTZE MA RGYUN DU 'DON PAR MDZAD, BYIS PA THA MAL PA'I SPYOD PA LAS RNAM PA KUN TU 'DAS TE SKYIL KRUNG BCAS NAS THUGS DAM MDZAD PA DANG, PHYAG THAL MO SBYAR TE MCHOG GSUM GYI THUGS RJE BSKUL BA'I GSOL 'DEBS MDZAD PA DANG CHOS STON PA'I PHYAG RGYA MDZAD PA DANG, RDO DRIL BZUNG NAS THUGS DAM MDZAD PA DANG, GLEGS BAM LA GZIGS NAS KLOG PA'I TSUL MDZAD PA SOGS SKYE BO DAM PA'I SPYOD PAS DUS 'DA' BAR MDZAD PA ZHIG BYUNG BA NA PHYOGS THAMS CAD DU DE'I SNYAN GRAGS RGYAS TE BKRA SHIS

, ,LHUN PO NAS MGRON GNYER SA KHUD PA BRTAG PA MDZAD DU BYON PAR RJE GONG MA'I SKU'I NYER SPYAD RNAMS 'KHRUL MED DU NGOS 'DZIN PAR MDZAD PA SOGS 'KHRUL BRAL YID CHES KYI NGES PA RNYED, 'ON KYANG 'JIG RTEN THAMS CAD YID CHES PAR BYA BA'I PHYIR RGYAL BA THAMS CAD MKHYEN PA CHEN PO DANG MI DBANG BSOD NAMS STOBS RGYAS MCHOD YON BKRA SHIS LHUN PO'I SKU TSAB BCAS NAS, LA MO CHOS SKYONG SPYAN DRANGS NAS LUNG BSTAN ZHUS PAR BKRA SHIS RTZE'I SRAS PO 'DI PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I SKU'I YANG SRID 'KHRUL MED YIN TSUL SNGA PHYI'I RGYU MTSAN DU MA DANG BCAS LUNG BSTAN NAS 'PHRAL DU GDAN SAR SPYAN DRANGS NAS MNGA' GSOL BYED DGOS TSUL GSUNG BA LTAR DGUNG LO GSUM DU PHEBS PA LCAGS PHO SPRE'U'I LO ZLA BA DGU PA'I TSES NYER DRUG GI NYIN RGYAL BA THAMS CAD MKHYEN PA CHEN PO NAS BLO BZANG DPAL LDAN YE SHES ZHES MTSAN GSOL GNANG ZHING, GANGS LJONGS KYI SA'I CHA THAMS CAD DU DRIL BSGRAGS TA LHA SDE MI SDE THAMS CAD KYIS GTAM SNYAN DAR PHYAR BYAS, DE NAS DGUNG LO BZHIR PHEBS PA LCAGS MO BYA'I LO ZLA BA DRUG PA'I BYA'I LO ZLA BA DRUG PA'I TSES GCIG RGYAL PHUR 'GRUB SBYOR 'DZOM PA'I THOG BKRA SHIS LHUN PO NAS PHYAG MDZOD CHEN MO BLO BZANG TSE DBANG DRUNG 'KHOR RAGS RIM DANG BCAS PHEBS TE BKRA SHIS RTZE NAS GDAN DRANGS, RGYAL BA THAMS CAD MKHYEN PA'I

SKU TSAB DANG, 'JAM DBYANGS GONG MA BDAG PO CHEN PO'I BKAS MNGAGS PA'I MI DRAG MANG PO DANG, MI DBANG BSOD NAMS STOBS RGYAS SKU 'KHOR GTOGS CHE BA BCAS RGYA BOD HOR GSUM GYI RTA PA STONG PHRAG MANG PO DANG, BKRA SHIS LHUN PO'I BLA MA DGE 'DUN TSANG MA'I THOG PHYOGS 'DUS KYI DGE 'DUN KHRI KHRAG MANG POS MCHOD PA'I BYE BRAG SNA TSOGS PA THOGS TE BSDUS NAS ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI PHO BRANG RGYAL MTSAN MTHON PO'I GZIM CHUNG BKA' GDAMS PHO BRANG DU PHEBS SO, ,DE NAS SA'I STENG GI CHE DGU MTHA' DAG GIS ZHABS KYI PADMO LA SPYI BOS GTUGS TE, MNGON PAR MCHOD CING MKHO DGU'I YO BYAD THAMS CAD RDZOGS LDAN GYI SPRIN BZHIN DU 'DUS TE RJE 'DI PA'I ZHABS DRUNG DU PHUL NAS GSOL BA 'DEBS PA LA BRTZON PAR GYUR TO, ,DE NAS RJE 'DI PAS GZIM CHUNG GI SKU GSUNG THUGS RTEN RNAMS LA LEGS PAR GZIGS TE 'DI DANG 'DI'O ZHES NGOS 'DZIN MDZAD CING, RJE GONG MA'I DUS KYI SKU GSUNG THUGS RTEN DNGOS SU MA BZHUGS PA 'GA' ZHIG GAR YOD CES BKA' 'DRI MDZAD PAS THAMS CAD YID CHES KYI DAD PA'I GNAS LA BKOD, DE NAS YI GE 'DRI KLOG BRDA PHUL BA TZAM GYIS MKHYEN CING, GANG BLO MA, SHES BYA MKHA' DBYINGS MA SOGS CHOS SPYOD RNAMS GZIGS PA TZAM GYIS ZHAL 'DON DU MDZAD CHOG PA BYUNG,

, ,DE NAS RJE 'DI PA DGUNG LO LNGAR PHEBS PA CHU PHO KHYI'I LO RJE BTZUN BLA MA NGAG DBANG BYAMS PA MJAL KHAR PHEBS NAS DNGOS 'BUL TSAN CHE BA DANG BCAS ZHABS BRTAN GSOL 'DEBS RGYAS PAR MDZAD CING, LHAG PAR SKU NA PHRA MO'I DUS 'DI NYID NAS PAn CHEN DBEN SA PA SKU GONG MA RNAMS KYI RNAM THAR BZANG BO LA SPYAN YAR LTA MDZAD NAS BCOS SLAD MED PA ZHIG DANG, GROGS NGAN GYI DBANG DU MA SONG BAR THOS BSAM SGOM GSUM LA THUGS BRTZON CHE BAR MDZAD DE CHOS GRVA CHEN PO 'DIR 'JAM MGON RGYAL BA GNYIS PA'I RING LUGS DRI MA MED PA CHES CHER 'PHEL ZHING RGYAS PAR BYA BA'I THUGS KHUR CHEN PO CI NAS KYANG BZHES DGOS ZHES GSOL 'DEBS MDZAD BA THUGS LA SHIN TU 'PHROD PA BYUNG STE, DUS PHYIS KYANG BLA MA RIN PO CHE NAS NGA CHUNG NGU'I DUS NA ZHAL TA 'DI 'DRA MDZAD BYUNG BA DE SNYING LA PHUR PA BTAB PA LTA BU ZHIG BYUNG ZHES RJE 'DIS YANG YANG GSUNG NGO, ,DE NAS LA MO CHOS SKYONG CHEN POS DGE PA'I BSHES GNYEN BYAMS PA RIN PO CHE'I DRUNG NAS CHOS 'DRA GSAN NA LEGS ZHES LUNG PHEBS PA LTAR RJE BTZUN BLA MA NGAG DBANG BYAMS PA'I DRUNG NAS, BYANG CHUB LAM SGRON GYI LUNG, RNAM 'JOMS KYI BYABS BSRUNG, TSE DBANG GRUB RGYAL LUGS DANG 'JAM LUGS, RTA MGRIN GSANG SGRUB, GTZUG TOR RNAM RGYAL, SGROL DKAR, GDUGS DKAR, KHYUNG NAG ,'JAM DBYANGS NANG SGRUB, KHRO BO SME BRTZEGS, MGON PO PHYAG DRUG PA'I CHO GA'I

LUNG BCAS GSAN, BKA' CHOS GSAN PA'I TSE, RJE BTZUN BLA MA NGAG DBANG BYAMS PA RIN PO CHE BZHUGS KHRI MTHON PO DANG, RJE RANG NYID STAN DMA' BA'I STENG DU BZHUGS TE CHOS GSAN PA'I KUN SPYOD 'DUL BA DANG MDO SDE NAS 'BYUNG BA LTAR MDZAD PAS BSTAN BA'I MIG RGYAN DU GYUR PA MDZAD DO, ,RJE 'DI PAS BLA MA RIN PO CHE DE NYID LA THUGS DAD TSAD MED PA MDZAD CING, LAM SGRON GYI LUNG GSAN SKABS DBU SHOG PHYAG TU PHUL BA SMRA BRJOD GTZANG ZHING SHAR RGYAG KLOG PA GNANG BAS BLA MA RIN PO CHE THUGS SHIN TU DGYES PA BYUNG NGO, ,DE NAS DGUNG LO DRUG TU PHEBS PA CHU MO PHAG GI LO ZLA BA DANG PO'I TSES BCU GCIG GI NYIN GRUB PA'I DBANG PHYUG SNGAGS CHEN ZHAL SNGA NAS BLO BZANG BZOD PA YONGS 'DZIN DU MNGA' GSOL TE, THOG MAR PAn CHEN BLO BZANG CHOS KYI RGYAL MTSAN GYI GSUNG 'BUM NANG NAS RJE BTZUN TZONG KHA PA CHEN PO LA BRTEN PA'I BLA MA'I RNAL 'BYOR, DBYANGS CAN MA'I BSTOD PA LHA'I GLU DBYANGS, 'JAM DKAR GYI SGRUB THABS SHES RAB MCHOG SBYIN, 'JAM DBYANGS AA RA PA TZA NA'I SGRUB THABS NOR BU CHU SHEL DANG BLO GSAL KUNDA'I DGA' BYED, SMRA SENG GE SGRUB THABS RMONGS PA'I RNYOG SEL NOR BU CHU DANGS MA DANG SHES RAB GSAL BYED, DBYANGS CAN MA'I SGRUB THABS, 'JAM DBYANGS KYI BSTOD PA SHES RAB GSAL BYED, 'JAM DKAR GYI BSTOD PA BLO GROS MIG 'BYED KYI THUR MA DANG, RJE'I GSUNG THOR BU NAS DBYANGS CAN MA'I SGRUB THABS RNAMS KYI LUNG

, ,GSAN PAR MDZAD DO, ,DE NAS YONGS 'DZIN RIN PO CHE 'DI LA BDE GSANG 'JIGS GSUM GYI DBANG DANG RJES GNANG MANG PO DANG, BKA' 'GYUR RIN PO CHE'I LUNG DANG, RJE RIN PO CHE'I GSUNG 'BUM GYI LUNG SOGS GSAN PAS RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE NAS RJE 'DI PA DGUNG LO BDUN DU PHEBS PA SHING PHO BYI BA'I LO BKRA SHIS LHUN PO'I DGE 'DUN TSANG MAS 'DUS PA RGYA MTSO'I DBUS SU MI 'JIGS SENG GE'I KHRI LA PHEBS NAS DGE 'DUN TSANG MAR PHYAG DBANG DANG CHOS KYI BDUD RTZI GNANG DGOS ZHES YANG YANG GSOL BA BTAB PA NA YONGS 'DZIN RIN PO CHE BLO BZANG BZOD PA LAS BSLAB SDOM BZHES TE DUR SMRIG GI RGYAL MTSAN GSOL NAS ZLA BA DGU PA'I TSES BCU'I NYIN MI DBANG BSOD NAMS STOBS RGYAS KYIS SPYAN DRANGS TE GTZUG LAG KHANG CHEN POR MI 'JIGS SENG GE'I KHRI LA PHEBS NAS TSANGS PA'I DBYANGS KYIS MCHOG GSUM GYI THUGS RJE BSKUL TE BDEN PA'I MTHU BRJOD PA'I LJAGS BSNGO GNANG ZHING DGE 'DUN TSANG MAR PHYAG DBANG STZAL PAS DGE 'DUN RNAMS THUGS YID TSIM PAR MDZAD, RGYAL BA MCHOG NAS KYANG DGE 'DUN GYI SDE CHEN PO'I DBUS SU CHOS KYI BDUD RTZI GNANG BA'I DBU TSUGS PA LEGS ZHES RTEN 'BYUNG GI DNGOS PO RGYA CHE BA STZAL ZHING, MI DBANG BSOD NAMS STOBS RGYAS SOGS CHE DGU TSANG MAS SRID NA DKON PA'I

'BYOR PA'I KHYAD PAR SNA TSOGS PA PHUL TE MCHOD, DE NAS RJE 'DI NYID DGUNG LO BCU GNYIS SU PHEBS PA SA MO SPRUL GYI LO SNGAGS CHEN ZHAL SNGA NAS BLO BZANG DPAL 'BYOR GYIS DBUS SNGAGS GRVA'I DGE 'DUN TSANG MAS ZHABS BRTAN GSOL 'DEBS SHIG GI BKA' RTZOM ZHUS PAR, AOm BDE LEGS SU GYUR CIG, ,BLO GROS DPAG BSAM LJON PA'I RTZA BA BRTAN, ,BZANG PO'I YAL GA LO MA ME TOG RGYAS, DPAL LDAN YE SHES 'BRAS BUS 'GRO BA KUN, TSIM MDZAD RJE BTZUN BLA MAR GSOL BA 'DEBS, ,DGE LEGS YON TAN KUN GYI GZHIR GYUR PA'I, ,BLO BZANG RGYAL BA'I BSTAN PA 'DZIN PA LA, ,DPAL LDAN MKHAS KUN GTZUG GI RGYAN GYUR PA, ,YE SHES MTSAN LDAN ZHABS LA GSOL BA 'DEBS, ,BLO BZANG MKHYEN BRTZE'I DKYIL 'KHOR RGYAS PA LAS, ,DPAL LDAN YE SHES SNANG BA 'BUM 'PHRO BAS, ,GDUL BYA'I NYON MONGS MUN PA MA LUS PA, ,SEL MDZAD RJE BTZUN BLA MAR GSOL BA 'DEBS, ,THUB MCHOG ZAS GTZANG SRAS PO'I BSTAN PA DANG, ,KHYAD PAR BLO BZANG RGYAL BA'I RING LUGS KUN, ,SPEL ZHING 'GRO RNAMS THAR LAM 'GOD MDZAD PA'I, ,DPAL LDAN YE SHES DBANG PO ZHABS BRTAN SHOG ,DENG NAS BDAG SOGS 'GRO BA MA LUS PA, ,THEG MCHOG DGE BA'I BSHES KYIS RJES BZUNG NAS, ,MDO SNGAGS ZUNG 'BREL NYAMS LEN MTHAR PHYIN TE, ,SA BCU RIM BGROD RNAM MKHYEN MYUR THOB SHOG ,

, ,CES PA DANG, BLA BRGYUD GSOL 'DEBS KHA SKONG DU BCUG CHOG PA'I TSIGS BCAD GCIG DGOS ZHUS PAR, BLO BZANG RGYAL BA'I RING LUGS PADMO'I TSAL, ,DPAL LDAN YE SHES 'OD KYIS RGYAS MDZAD PA'I,, RIS MED 'GRO BA'I 'DREN BA KUN GYI GTZO, ,RJE BTZUN BLA MA'I ZHABS LA GSOL BA 'DEBS, ,ZHES PA GNANG STE 'DI GNYIS NI SKU TSE 'DI'I BKA' RTZOM GYI THOG MA YIN ZHING, DE SNGA SNYAN NGAG LA SBYONG BAR MA MDZAD KYANG SNYAN NGAG GI TSIG RGYAN NGO MTSAR BA'I TSIG SBYOR PHUN SUM TSOGS PA THOGS MED DU GNANG BA 'DI 'DRA BA NGO MTSAR CHE'O ZHES MKHAS PA RNAMS YA MTSAN DU 'DZIN CING, SKU TSE 'DIR MKHAS GRUB SMRA BA'I NYI MA SLAR DNGOS SU BYON PA 'DRA BA ZHIG NGES PAR 'BYUNG NGO ZHES DGE 'DUN TSANG MA YID CHES KYI DAD PA THOB STE, RJE 'DI'I BSTOD BSNGAGS 'BA' ZHIG BRJOD PAS GTAM GZHAN GLENG BA'I GO SKABS PHROGS PA LTA BUR GYUR TO, ,DE NAS RJE 'DI PA RGYAL BA THAMS CAD MKHYEN PA CHEN PO MJAL BAR SHIN TU RINGS PAR GYUR NAS LO 'DIR RGYAL BA THAMS CAD MKHYEN PA CHEN PO'I ZHAL MJAL ZHING DGE TSUL GYI SDOM PA ZHU BA SOGS KYI CHED DU PHEBS TSOGS PA DGOS ZHES RGYAL DBANG MCHOG LA ZHU BAR MDZAD PA NA RGYAL BA THAMS CAD MKHYEN PA CHEN PO YANG THUGS SHIN TU DGYES NAS NGED KYANG PAn CHEN MCHOG GI SPRUL PA'I SKU MJAL 'DOD SKOM PA CHU 'DOD LTA BUR YOD PAS DBUS PHYOGS SU PHEBS BZHED PA CIS KYANG LEGS ZHES MGRON GNYER YON TAN LEGS

GRUB SOGS DRUNG 'KHOR KHA SHAS PHEBS BSUR GTONG BA GNANG, DE NAS BKRA SHIS LHUN PO NAS CHIBS BSKYOD DE LAM BAR GYI DAD LDAN THAMS CAD MTHONG THOS DRAN REG GI SGO NAS SMIN GROL LA BKOD CING, ZLA BA BZHI PA'I TSES BCU'I NYIN PO BRANG CHEN PO PO TA LAR PHEBS TE RGYAL BA YAB SRAS GSER ZHAL LHAN RGYAS NAS LHA MI THAMS CAD TSIM PAR MDZAD, DE NAS SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS TE SANGS RGYAS DNGOS DANG DBYER MA MCHIS PA JO BO SH'AKYA MU NE'I DRUNG DU GANGS RI'I MGON PO RGYAL DBANG THAMS CAD MKHYEN PA CHEN PO RJE BTZUN BLO BZANG BSKAL BZANG RGYA MTSO DPAL BZANG POS MKHAN SLOB SBRAGS MA MDZAD, YONGS 'DZIN BLO BZANG BZOD PAS DUS GO BA DANG, DE MO SPRUL PA'I SKU SOGS GANGS RI'I KHROD KYI 'DUL 'DZIN MCHOG TU GYUR PA BCU TSOGS KYI DBUS SU TSIGS SNGA MA DGE TSUL GYI SDOM PA LEGS PAR BZHES TE, STON PA THUB PA'I DBANG PO'I GDUNG 'TSO BA DUR SMRIG GI RGYAL MTSAN 'DZIN PA RNAMS KYI GTZUG GI NOR BUR DBANG BSKUR BAR MDZAD DO, DE SKABS RGYAL BA THAMS CAD MKHYEN PA CHEN PO LA 'JAM DBYANGS AA RA PA TZA NA DANG, SGROL DKAR YID BZHIN 'KHOR LO SOGS KYI RJES GNANG DANG, RJE BDAG NYID CHEN PO'I BSTAN PA'I SNYING PO LAM RIM BSDUS DON DANG, SHES RAB BLO 'PHEL GYI GDAMS PA'I MCHOG DGA' LDAN LHA BRGYA MA BCAS GSAN ZHING, DBANG LUNG MAN NGAG MTHA' DAG SLAR BUM PA GANG BYO'I TSUL DU RIM GYIS ZHUS

, ,CHOG PA DGOS ZHES ZHU BAR MDZAD, DE NAS GTZANG DU CHIBS KHA BSKYOD DE CHOS GRVA CHEN PO BKRA SHIS LHUN POR RGYAL BSTAN MI NUB PA'I SROG SHING DU G-YO BA MED PAR BZHUGS SHING, GDUL BYA RNAMS LA 'DOMS PHYIR KLOG PA THOS BSAM DANG, SPONG BA BSAM GTAN GYIS DUS 'DA' BAR MDZAD, DE NAS RJE BDAG NYID CHEN PO'I MDZAD PA RNAM THAR LTAR DANG POR RGYA CHEN THOS PA MANG DU 'TSOL BAR BZHED NAS YONGS 'DZIN BLO BZANG BZOD PA LA MDO SNGAGS KYI CHOS NAR MAR GSAN ZHING, RJE 'DI PA DGUNG LO BCO LNGAR PHEBS PA CHU PHO SPRE'U'I LO RGYAL BA THAMS CAD MKHYEN PA CHEN POR MDO SNGAGS KYI CHOS BKA' RGYA CHEN PO ZHU BA'I PHYIR ZLA BA LNGA PA'I NANG DU SKU MDUN DU BCAR CHOG PA DGOS ZHES ZHU BAR MDZAD PAR, RGYAL BA THAMS CAD MKHYEN PA CHEN PO THUGS SHIN TU DGYES NAS PHEBS BSU BA GNANG, RJE 'DIS BKRA SHIS LHUN PO NAS CHIBS KHA BSKYOD DE ZLA BA DRUG PA'I TSES LNGA'I NYIN PHO BRANG CHEN POR PHEBS, ZLA BA DRUG PA'I TSES BCU GNYIS GZA' SKAR 'PHROD SBYOR PHUN SUM TSOGS PA'I NYIN NAS CHOS KYI DBU BTZUGS TE RDO RJE PHRENG BA'I DBANG YONGS RDZOGS, MI TRA BRGYA RTZA, BA RI BRGYA RTZA, SNAR THANG BRGYA RTZA, SGRUB THABS RGYA MTSO, MGON CHEN BCU GSUM, 'JIGS BYED BCU GSUM MA'I DBANG SOGS SPYI BKA' DANG ZUR BKA' MTHA' YAS PA GSAN, BDE MCHOG 'KHOR BSGYUR GYI DBANG GI SKABS RGYAL BA THAMS CAD MKHYEN PA CHEN PO DPAL 'KHOR LO SDOM PA'I SKUR

DNGOS SU BZHENGS NAS DBANG BSKUR BA'I BYA BA MDZAD PAR GZIGS BA SOGS DAG PA'I GZIGS SNANG NGO MTSAR BA BSAM GYIS MI KHYAB PA BYUNG, ZLA BA DGU PA'I TSES BRGYAD LA DPAL DUS KYI 'KHOR LO'I DBANG CHEN GSAN BA'I DBU CHUGS TE, TSES BRGYAD KYI NYIN SLOB MA RJES 'DZIN DANG, DGU LA STA GON GNANG, DE NAS TSES BCU BZHI'I BAR LAS CHOG DANG RDUL TSON GYI DKYIL 'KHOR SGRUB PAR MDZAD, CHOS BCO LNGA NAS DUS 'KHOR GYI DBANG DNGOS GZHI BYIS PA LTAR 'JUG PA'I DBANG BDUN, DBANG GONG MA, GONG CHEN, RDO RJE SLOB DPON BDAG PO CHEN PO'I DBANG BCAS MKHAS GRUB THAMS CAD MKHYEN PA NAS BRGYUD PA'I DBANG ZAB MO PHYAG LEN RNAM PAR DAG PA RGYAS PAR STZAL TE RIGS LDAN 'JAM DPAL GRAGS PA SLAR YANG GANGS CAN 'GRO BA'I MGON DU BYON PA YIN PA LTAR 'JIG RTEN KUN LA DA LTAR YIN NO ZHES GO BAR BYA BA'I PHYIR DPAL DUS KYI 'KHOR LO'I BDAG POR DBANG BSKUR BAR MDZAD DO, ,DE NAS DED DPON YID BZHIN GYI NOR BU RIN PO CHE RNYED NAS RANG YUL DU LOG PA LTAR RJE 'DI PA 'PHAGS MCHOG PHYAG NA PADMO'I ZHAL GYI BUM BZANG LAS 'ONGS PA'I MDO SNGAGS LEGS BSHAD KYI BDUD RTZIS THUGS LAGS PAR TSIM NAS GANGS RI'I MGON PO RGYAL BA MCHOG LA NAM MKHA' MDZOD KYI SGO 'PHAR PHYE BA LTAR SRID NA DKON PA'I YO BYAD KYI KHYAD BAR MTHA' YAS PAS MCHOD, DBUS PHYAGS KYI SKAL BA DANG LDAN PA MTHA' DAG ZHAL GYI DKYIL 'KHOR MTHONG BA DANG, GSUNG GI BDUD RTZI

, ,THOS PA DANG, PHYAG GIS REG PAS RANG RANG GI SKAL BA DANG 'TSAM PAR SMIN GROL LA 'GOD PAR MDZAD NAS GTZANG DU CHIBS KHA BSKYOD DE CHOS GRVA CHEN PO BKRA SHIS LHUN POR PHEBS, DE NAS RGYAL BA MCHOG GI BKAS BSDUS GRVA NAS BZUNG GZHUNG LUGS CHEN MO RNAMS LA GSAN SBYONG MDZAD DGOS PAR BSKUL MA MDZAD PA THUGS LA BCANGS TE, DGUNG LO BCU DRUG PA CHU BYA LO ZLA BA DRUG PA'I TSES BZHI NAS BSDUS GRVA'I GSAN SBYONG GI DBU BTZUGS PA RING POR MA THOGS PAR RIGS PA'I SGO BYE STE MKHAS PA MTHA' DAG DRI MA MED PA'I RIGS PA'I NGA ROS SKRAG PAR MDZAD, LO GCIG LA BSDUS GRVA'I GSAN SBYONG MTHAR PHYIN PAR MDZAD DE DGUNG LO BCU BDUN PA SHING KHYI LO ZLA BA DANG PO'I TSES BRGYAD NAS TSAD MA RNAM 'GREL GYI MTHA' DPYOD LA SBYONG BA'I DBU TSUGS, RJE 'DI PA BSDUS GRVA'I GSAN SBYONG MDZAD PA'I GONG TZAM NAS YONGS 'DZIN BLO BZANG BZOD PA ZHING GSHEGS TE; RIGS PA SMRA BA'I GTZUG NOR DKYIL KHANG ZHAL SNGA NAS BLO BZANG CHOS 'PHEL YONGS 'DZIN DU PHEBS TE GSAN SBYONG GI ZHABS BSKUL ZHUS, DE NAS RNAM 'GREL GYI MTHA' DPYOD MYUR BAR MTHAR PHYIN TE RNAM 'GREL GYI GZHUNG LA SBYONG BAR BZHED PA NA RNAM 'GREL RTZA BA DANG RJE SMON LAM DPAL BA'I RNAM 'GREL GYI t'IKKA GNYIS SBYAR TE SBYONG BAR MDZAD CING, RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED DANG, MKHAS GRUB

THAMS CAD MKHYEN PAS MDZAD PA'I t'IKA CHEN RIGS PA'I RGYA MTSO GNYIS LA'ANG LEGS PAR GZIGS TE GZHAL BYA'I GNAS GSUM TSAD MA GSUM GYIS GTAN LA 'BEBS PA LA DPAL LDAN CHOS KYI GRAGS PA SLAR YANG 'ONGS PA BZHIN DRI MA MED PA'I RIGS PA'I NGA RO RE RES KYANG GANGS RI'I KHROD KYI MKHAS PAR RLOMS PA MTHA' DAG GI SPOBS PA LAN MED DU MDZAD DO, ,DE NAS RJE NYID DGUNG LO NYI SHUR PHEBS PA ME MO GLANG GI LO RGYAL BA THAMS CAD MKHYEN PA CHEN POR THUGS RDZOGS BZHES PAR PHEBS PAR THAG CHOD KYANG BSTAN 'GRO SPYI'I GEGS CHAGS KYIS RGYAL BA THAMS CAD MKHYEN PA CHEN PO LO DE'I ZLA BA GNYIS PA'I TSES GSUM LA ZHING GSHEGS PA GSAN PAS THUGS NGAL TSAD MED PA MDZAD CING DGONGS RDZOGS RGYA CHEN PO SGRUB PAR MDZAD, DE NAS LO DE'I ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN NYIN BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU, RIGS PA SMRA BA'I GTZUG GI NOR BU GNAS BRTAN 'DUL BA 'DZIN PA CHEN PO YONGS 'DZIN BLO BZANG CHOS 'PHEL GYIS MKHAN PO MDZAD, THOS BSAM GLING ZHAL SNGA NAS BLO BZANG BKRA SHIS KYIS LAS SLOB, SHAR RTZE ZHAL SNGA NAS BLO BZANG MKHAS MCHOG GIS GSANG STON; DKYIL KHANG ZHAL SNGA NAS BLO BZANG BRTZON 'GRUS KYIS DUS GO BA, SNGAGS CHEN ZHAL SNGA NAS BLO BZANG DPAL 'BYOR GYIS LHUNG BZED 'BRIM PA MDZAD NAS KHA SKONG GI DGE 'DUN GRANGS TSANG BA'I DBUS SU BSNYEN RDZOGS BZHES TE

, ,THUB PA'I DBANG PO SLAR YANG GANGS RI'I KHROD DU BYON PA JI LTA BAR GYUR TO, ,DE NAS 'JAM MGON BSTAN PA'I SROG SHING RJE BTZUN BLA MA NGAG DBANG BYAMS PA GDAN DRANGS NAS THOG MAR BYANG CHUB LAM RIM BDE LAM GYI KHRID MYONG KHRID DU MDZAD DE RGYAS PAR GSAN, DE NAS LAM RIM CHEN MO'I BSHAD LUNG GSAN PAS RANG DANG GZHAN GYI GRUB MTHA' RGYA MTSO'I PHA ROL TU PHYIN PAR GYUR TE GANGS RI'I KHROD 'DIR BYANG CHUB LAM RIM 'CHAD PA LA SUS KYANG 'GRAN DU MED PA MKHAS GRUB SMRA BA'I NYI MA SLAR YANG BYON PA JI LTA BAR GYUR TO, ,DE NAS RIM BZHIN RJE BTZUN NGAG DBANG BYAMS PA'I ZHABS DRUNG DU DPAL GSANG BA 'DUS PA'I DBANG DANG 'DUS PA'I RTZA RGYUD 'GREL PA BZHI SPRAGS NAS 'CHAD PA'I BSHAD SROL GSANG CHEN RGYUD SDE RGYA MTSO'I SNYING PO'I BCUD PHYUNG BA GONG NA MED PA'I LEGS BSHAD KYI GTER CHEN PO GSAN, DE NAS DPAL GSANG BA 'DUS PA'I RIM GNYIS KYI KHRID DANG, DPAL 'KHOR LO SDOM PA'I DBANG DANG, DE'I RIM GNYIS KYI KHRID, BDE MCHOG DRIL BU LUGS PHYI NANG GNYIS KA'I DBANG DANG, DE'I RIM GNYIS KYI KHRID, DPAL RDO RJE 'JIGS BYED CHEN PO'I RIM GNYIS KYI KHRID, BKA' GDAMS THIG LE BCU DRUG GI DBANG DANG MAN NGAG BCAS GNANG STE, RJE BTZUN BLA MA NGAG DBANG BYAMS PAS RJE 'DI GSANG CHEN BSTAN PA'I BDAG POR MNGA' GSOL TO, ,DE NAS SNGAGS GRVA'I DGE 'DUN TSANG MAS GSOL BA NAN GYIS BTAB NAS RJE 'DI SNGAGS KHANG DU

PHEBS TE SNGAGS PA TSOGS YONGS KYI THOG ,SKAL BA DANG LDAN PA GZHAN MANG PO BCAS DGE 'DUN DRUG BRGYA SKOR LA DPAL RDO RJE 'JIGS BYED CHEN PO'I DBANG BZHI STA GON DANG BCAS PA RGYAS PAR STZAL, DE NAS RJE BTZUN BLA MA NGAG DBANG BYAMS PAS BKRA SHIS LHUN PO'I TSOGS CHEN LA LAM RIM GYI KHRID RGYAS PA ZHIG GNANG DGOS SO ZHES BSKUL MA MDZAD PA LTAR TSOGS CHEN LA LAM RIM GYI KHRID RGYAS PA SEMS BSKYED MCHOD PA DANG BCAS PA GNANG, DE NAS LCANG SKYA RIN PO CHE PHEBS TE RJE 'DI TSOGS DBUR SPYAN DRANGS NAS ZHABS BRTAN RGYAS PA 'BUL BAR MDZAD CING CHOS KYI BDUD RTZI STZOL DGOS PAR GSOL 'DABS MDZAD PA LTAR GZIM CHUNG NYI 'OD 'KHYIL PAR LCANG SKYA RIN PO CHE 'KHRO BCAS DANG; DE SKABS BDAG KYANG SKYABS MGON MCHOG GI ZHAL MJAL BAR 'ONGS PA DUS 'GRIG STE BDAG CAG RNAMS LA DPAL RDO RJE 'JIGS BYED LHA BCU GSUM MA'I DBANG BZHI CHES RGYAS PAR STZAL, GZHAN YANG LCANG SKYA RIN PO CHE LA SNGAGS KYI ZAB CHOS MANG DU GNANG ZHING, LCANG SKYA RIN PO CHE 'DI NYID MDO SNGAGS THAMS CAD LA MKHAS PA'I PHUL DU PHYIN PA SUS KYANG 'GRAN DU MED BA ZHIG YIN YANG RJE BLA MA MCHOG 'DI'I DBANG BSHAD RNAMS LA THUGS SHIN TU DGYES NAS LEGS SO BRJOD PAR MDZAD, DE NAS BDAG GIS GSOL BA BTAB STE GZIM CHUNG YID DGA' CHOS 'DZIN DU BDAG DANG ZLA BO RI KHROD PA BCU DRUG TZAM ZHIG LA DPAL RDO RJE 'JIGS BYED CHEN PO'I BSKYED RIM DANG RDZOGS RIM GYI KHRID LAG RJES

, ,SGYU LUS MCHOD BA DANG BCAS PA RGYAS PAR STZAL, DE NAS CHOGS CHEN LA LAM RIM CHEN MO'I BSHAD LUNG RGYAS PAR STZAL, RIM GYIS TSOGS CHEN LA GDUGS DKAR GYI DBANG CHEN, TSE DPAG MED LHA DGU'I DBANG CHEN, THUB PA DAM TSIG GSUM BKOD KYI DBANG CHEN, DPAL MO LUGS BCU GCIG ZHAL GYI DBANG CHEN RNAMS SO SOR STA GON DANG BCAS RGYAS PAR STZAL, DA NAS LCANG SKYA RIN PO CHES DBUS SU SPYAN DRANGS TE DPAL DUS KYI 'KHOR LO'I DBANG CHEN GNANG DGOS BAR GSOL BA BTAB PA NA PHO BRANG CHEN PO PO TA LA'I GZIM CHUNG KHAMS GSUM RNAM RGYAL DU SLOB MA RJES 'DZIN GYI CHO GA MDZAD, DE NAS TSOM CHEN DU LCANG SKYA RIN PO CHES DBUS DGE 'DUN NYIS STONG BRGAL BAR DPAL DUS KYI 'KHOR LO'I DBANG STA GON DANG BCAS PA YONGS SU RDZOGS PA GNANG STE DPAL DUS KYI 'KHOR LO'I BSTAN PA NYIN MO LTAR GSAL BAR MDZAD DO, ,DE NAS SE 'BRAS DGE GSUM RGYUD STOD SMAD SOGS DBUS PHYOGS KYI DGE 'DUN RNAMS LA MDO SNGAGS KYI CHOS RGYA CHER STZAL TE BSTAN PA LA BYA BA RGYA CHER MDZAD DO, ,DE NAS GTZANG DU PHEBS BZHED PA NA DGANG LDAN RNAM PAR RGYAL BA'I GLING DU SPYAN DRANGS TE GSER KHRI'I STENG NAS BSTAN PA'I RTZA BA SO SO THAR PA'I MDO 'CHAD PA SOGS CHOS KYI 'KHOR LO RGYA CHER BSKOR, DE NAS BKA' GDAMS BSTAN PA'I 'BYUNG GNAS RA SGRENG DU PHEBS TE SNYUG MAR GNAS PA DANG PHYOGS 'DUS KYI DGE 'DUN BGRANG BA LAS

'DAS PA RNAMS LA CHOS KYI 'KHOR LO RGYA CHER BSKOR, JO BO'I SKU 'DRA DBU YON MAR GRAGS PA LA MCHOD 'BUL RGYA CHEN PO DANG BCAS GSOL 'DEBS SHUGS DRAG MDZAD PA NA DAG PA'I GZIGS SNANG DANG JO BO PHYING DKAR BA DGYES PA'I MTSAN MA NGO MTSAR BA MANG DU BYUNG, YAR LAM DGA' LDAN RAB RGYAS SU CHIBS BSKYOD DE ZHAG BCO LNGA TZAM BZHUGS NAS CHOS 'KHOR RGYA CHER BSKOR, DE SKABS RGYAL BA MCHOG GI SPRUL PA'I SKU THOB RGYAL LHA RI SGANG DU PHEBS PA PHYI CHAR DU MA GRAGS KYANG RGYAL BA YAB SRAS GNYIS YE SHES SGRIB PA MED PAS GCIG GIS GCIG GSAL BAR GZIGS TE LHA RI SGANG PA'I YUM SRAS BCAS RJE 'DI PA MJAL DU BYON PA NA RGYAL BA YAB SRAS GNYIS ZHAL MJAL TE GSANG BA ZAB MO'I BKA' MCHID MDZAD CING MYUR DU GSER KHRI LA MNGA' GSOL BA'I RTEN 'BREL BSGRIG PAR MDZAD DO, ,DE NAS GDAN SA CHEN PO BKRA SHIS LHUN POR PHEBS TE GZHIS BYAS KYI DGE 'DUN BGRANG BA LAS 'DAS PA LA PHYAG DBANG DANG CHOS KYI 'KHOR LO RIM PAR BSKOR BAR MDZAD CING, RJE BDAG NYID CHEN PO'I RNAM THAR LTAR SHING RTA CHEN PO'I GZHUNG RNAMS LA SBYANGS PA MTHAR PHYIN PA ZHIG MDZAD BZHED NAS RNAM 'GREL GYI RIGS LUNG GONG 'PHEL THOG MNGON RTOGS RGYAN THUGS LA BZUNG STE PHAR PHYIN GYI GSAN SBYONG DANG, DBU MA 'JUG PA THUGS LA BZUNG STE DBU MA'I GSAN SBYONG DANG, 'DUL BA MDO RTZA BA THUGS LA BZUNG STE 'DUL BA'I GSAN SBYONG DANG, MNGON PA MDZOD THUGS LA BZUNG STE MNGON PA'I GSAN SBYONG RNAMS DANG RGYA GAR MKHAS PA'I GZHUNG RNAMS

, ,DANG RJE YAB SRAS KYI GZHUNG RNAMS LA LEGS PAR GZIGS TE MTHA' CHOD BAR MDZAD CING, 'DZAM BU'I GLING GI SA'I CHA MTHA' DAG NAS 'DUS PA'I CHOS DON GNYER BA RNAMS LA SDE SNOD GSUM DANG RGYUD SDE BZHIS BSDUS PA'I MDO SNGAGS KYI CHOS MTHA' YAS PA BRGYUD MAR STZAL, BSTAN PA'I GSAL BYED RJE LCANG SKYA RIN PO CHE NAS BSKUL MA MDZAD PA LTAR SNGAGS KHANG DU BDE MCHOG GI CHO GA GSAR 'DZUGS MDZAD RGYUR, SNGAGS PA TSOGS YONGS LA BDE MCHOG GI DBANG CHEN STZAL NAS SNGAGS KHANG DU BDE MCHOG GI CHO GA 'DZUGS PAR MDZAD, SNGAGS PA'I DGE BSHES DRAG RIM NAS BDE MCHOG GI BSNYEN PA BYED DGOS PA'I BKA' 'DOMS MDZAD DE BSNYEN SONG MANG DU BYUNG BA NA RJE NYID DGUNG LO NYI SHU RTZA LNGAR PHEBS PA CHU PHO RTA'I LO ZLA BA BCU GCIG PA'I TSES BCU GSUM GZA' SKAR 'PHROD SBYOR LEGS PA'I NYIN NAS BDE MCHOG SGRUB MCHOD KYI DBU TSUGS TE JI SRID RGYAL BSTAN NAM GNAS KYI BAR DU MI NYAMS PA'I BKA' 'DOMS MDZAD, RJE RGYAL BA GNYIS PA'I BSTAN PA'I SNYING PO GSANG CHEN RDO RJE THEG PA'I BSTAN PA MTHAR THUG MA RGYUD KYI GTZO BO DPAL 'KHOR LO SDOM PA'I BSTAN PA GSAL BAR MDZAD PA NI NGO MTSAR RMAD DU BYUNG BA'I RNAM PAR THAR BA ZHIG GO ,DE NAS SA SKYONG ZHES BA SHING MO BYA'I LO DUS 'KHOR GYI SGRUB MCHOD 'DZUGS PAR MDZAD DE JI SRID RGYAL BSTAN NAM GNAS BAR NAG PA ZLA BA'I NANG DU DUS 'KHOR

SGRUB MCHOD CHAG MED YONG BA'I BKA' 'DOMS MDZAD, DE'I TSE SNGON SHAMBHA LAR RIGS LDAN 'JAM DPAL GRAGS PAS DRANG SRONG NYI MA'I SHING RTA SOGS SKAL LDAN GYI SLOB MA BYE BA PHRAG MANG BO DKYIL 'KHOR CHEN POR 'DZUD PAR MDZAD PA LTAR RJE 'DIS KYANG DPAL DUS KYI 'KHOR LO'I BSTAN PA CHES CHER RGYAS PAR BYA BA'I RTEN 'BREL DU BKRA SHIS LHUN PO'I DGE 'DUN TSANG MA DUS 'KHOR SGRUB MCHOD KYI THOG DKYIL 'KHOR MJAL BA DANG RJE NYID KYI BYIN RLABS ZHU BA BCAS LA GTONG BAR MDZAD, DE SKABS GNAS GSUM GYI DPA' BO DANG DPA' MO RNAMS CHES CHER DGYES PA'I RTAGS SU NAM MKHAR 'JA' SPRIN 'KHRIGS PA SOGS NGO MTSAR BA'I LTAS MANG DU BYUNG NGO, ,DE NAS RNAM 'DREN RGYAL BA'I DBANG POS SPYAN 'DREN ZHUS TE DBUS PHYOGS SU PHEBS, ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN, LHA LDAN SPRUL PA'I GTZUG LAG KHANG GI JO BO SH'AKYA MU NE'I DRUNG DU RJE 'DIS MKHAN SLOB SBRAGS MA MDZAD YONGS 'DZIN RIN PO CHE DAG DBANG CHOS GRAGS KYIS DUS GO BA MDZAD, DE MO SPRUL PA'I SKU RIN PO CHE SOGS DGE 'DUN GRANGS TSANG BA'I DBUS SU RAB TU BYUNG ZHING DGE TSUL GYI SDOM PA BZHES TE GANGS CAN 'GRO BA'I MGON PO RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES THUB DBANG SLAR YANG PHYOGS 'DIR BYON PA JI LTA BA BZHIN DUR SMRIG 'DZIN PA'I MCHOG TU GYUR TO DE NYIN DKAR PHYOGS KYI LHA RNAMS CHES CHER DGA' STE,

, ,DA NI THUB PA'I BSTAN PA 'PHAL ZHING SNYIGS MA'I 'GRO BA RNAMS MGON DANG BCAS PAR GYUR TO ZHES DGA' BA'I CA CO'I SGRA 'OG MIN GYI BAR DU'ANG BSGRAGS SHING, SKYE BO THA MAL PA RNAMS KYI MTHONG SNANG DU'ANG NAM MKHA'I KHYON THAMS CAD 'JA' SPRIN GYIS KHYAB PAR GYUR PA ZHIG BYUNG BAS MCHOG DMAN BAR MA'I 'GRO BA THAMS CAD RGYAL BA YAB SRAS GNYIS KA LA MI KHYED PA'I DAD PA THOB PAR GYUR TO, ,DE NAS RGYAL BA YAB SRAS GNYIS KA PHO BRANG CHEN PO PO TA LAR PHEBS TE, RJE 'DIS RGYAL BA MCHOG LA 'KHRUNGS RABS SO BZHI PA SOGS LUNG MANG PO DANG, LAM RIM BDE LAM MYUR LAM SOGS 'JAM MGON RGYAL BA GNYIS PA'I SNYAN RGYUD KYI MAN NGAG RGYA CHER 'BUL BAR MDZAD, RJE 'DI NI BSTAN PA'I DON LA DKA' BA CI BYUNG YANG SKYO NGAL MI MDZAD PAR DE'I TSE PHYOGS MTHA' DAG NAS 'DUS PA'I CHOS DON GNYER BA RNAMS LA RANG RANG GI 'DOD PA LTAR CHOS KYI BDUD RTZI RGYA CHER STZAL ZHING, LHAG PAR BSNYEN RDZOGS BSGRUB BYA STONG PHRAG BRGAL BA BYUNG YANG BSTAN PA'I RTZA BA SO SO THAR PA YIN PAS DKA' BA CI BYUNG YANG BZOD GSUNGS NAS NYIN MANG POR SBREL NAS GNANG ZHING RES 'GA' GUNG YOL NAS TSUGS PA SROD THUN YOL GYI BAR DU GNANG DGOS PA BYUNG YANG SKYO NGAL MI MDZAD PAR THUGS SPRO ZHING GNANG BA NI RGYAL BA'I BSTAN PA

'BA' ZHIG THUGS LA BCANGS PA'I RNAM BAR THAR PA RMAD DU BYUNG BA ZHIG GO, DE NAS RGYAL BA MCHOG LA DPAL RDO RJE 'JIGS BYED CHEN PO LHA BCU GSUM MA'I DBANG DANG, GDUGS DKAR LHA SO BDUN MA'I DBANG DANG, LEGS LDAN MCHED GSUM GYI RJES GNANG DANG, MGON PO RGYAN CAN GYI RJES GNANG DANG, SGRUB THABS BRGYA RTZA'I NANG NAS 'OD ZER CAN MA DANG 'JAM DBYANGS SMRA SENG SOGS RJES GNANG 'GA' ZHIG 'BUL BAR MDZAD CING; GZHAN MA DON GNYER CAN MANG POR DBANG LUNG MAN NGAG MTHA' YAS PA STZAL, DE NAS GTZANG DU CHIBS BSKYOD MDZAD RGYUR PHO BRANG NAS PHEBS TE 'BRAS SPUNGS 'DU KHANG CHEN MOR 'BRAS SPUNGS TSOGS CHEN GYI THOG PHYOGS 'DUS MANG PO BCAS DGE 'DUN STONG PHRAG MANG POR LAM GTZO'I KHRID STZAL DE NAS RIM GYIS LAM BAR GYI DAD LDAN SER SKYA BGRANG BA LAS 'DAS PA LA MTHO RIS DANG THAR PA'I SA BON 'DEBS PAR MDZAD CING, CHOS GRVA CHEN PO BKRA SHIS LHUN POR PHEBS NAS 'KHOR LO GSUM GYI BYA BAS ROL PAR MDZAD, DE NAS MI ZAD CES PA ME PHO KHYI'I LO SNGAGS CHEN ZHAL SNGA NAS SOGS SNGAGS GRVA'I DGE 'DUN TSANG MAS GSOL BA BTAB NAS PHO BRANG RGYAL MTSAN MTHON PO'I GZIM CHUNG NYI 'OD 'KHYIL BAR YONGS 'DZIN RIN PO CHE, PHYAG MDZOD CHEN MO, GRVA TSANG BLA MA BZHI, SNGAGS PA TSOGS YONGS GZHAN YANG SKAL LDAN KHA SHAS BCAS LA DPAL DUS

, ,KYI 'KHOR LO'I DBANG CHEN SLOB MA RJES BZUNG NAS GONG CHEN BDAG PO CHEN PO'I DBANG GI BAR RGYAS PAR STZAL TE RIGS LDAN 'JAM DPAL GRAGS BA SLAR YANG GANGS RI'I KHROD DU PHEBS NAS DPAL LDAN DANG PO'I SANGS RGYAS KYI RGYUD CHEN GSAL BAR MDZAD DO ZHES SA STENG MA LUS GRAGS PAS KHYAB PAR GYUR TO, ,DE NAS ZLA BA LNGA PA'I NANG DU BDAG CAG SKYID GRONG RI KHROD PA RNAMS SKU MDUN DU BCAR TE MAndAL PHUL NAS RJE NYID ZHABS PAD YUN RING BRTAN PA'I GSOL BA BTAB CING, 'JAM MGON BLA MA'I BSTAN PA'I SNYING PO MTHAR THUG PA MDO SNGAGS KYI MAN NGAG MTHA' DAG RGYA CHER SBEL BAR MDZAD PA DANG, LHAG PAR RDO RJE 'CHANG CHEN PO'I LAM GYI RIM PA'I GZABS BSHAD RGYAS PA ZHIG STZOL BAR GSOL BA BTAB PAS DGYES BZHIN ZHAL GYIS BZHES TE RGYAL MTSAN MTHON PO'I GZIM CHUNG NGO MTSAR BKOD PAR GRVA TSANG BLA MA BZHI DANG, SNGAGS GRVA'I DGE BSHES DRAG GRAS 'GA' ZHIG ,BDAG CAG SKYID GRONG RI KHROD PA RNAMS BCAS LA SNGAGS RIM CHEN MO'I BSHAD LUNG CHOS THUN NYI SHU SKOR ZHIG RGYAS PAR STZAL, CHOS TSUGS PA'I 'GOR BLA MA YI DAM SRUNG MAR BCAS PA LA TSOGS MCHOD DANG, GRUB NAS KYANG GTANG RAG GI TSOGS MCHOD DANG MAndAL RGYAS BAR PHUL, RJE 'DIS 'JAM MGON BLA MA'I BSTAN PA'I SNYING PO MTHAR

THUG PA RNAMS MING TZAM YANG NYAMS PA LA PHYOGS PA GSO BAR MDZAD PAS BSTAN PA LA BYA BA BLA NA MED PA MDZAD DO, ,DE LTAR BSTAN PA'I BYA BA RGYA CHEN PO MDZAD PA 'JAM DBYANGS GONG MA BDAG PO CHEN POS GSAN NAS LEGS SO'I GNANG SKYES 'JA' SA GSER THAM SOGS PHEBS TE, RJE 'DI'I RNAM PAR DKAR BA'I 'PHRIN LAS KYIS SA GSUM MA LUS KHYAB PAR GYUR TO, ,DE NAS RIM GYIS LO LO BZHIN BKRA SHIS LHUN PO'I TSOGS CHEN LA DBYAR GNAS KYI THOG SHING RTA CHEN PO'I GZHUNG RNAMS KYI BSHAD LUNG DANG, LHAG PAR SKYES RABS SO BZHI PA'I GZABS BSHAD CHES RGYAS PA DANG, LAM RIM CHEN MO'I BSHAD LUNG, LAM RIM BDE LAM GYI KHRID, BLO SBYONG DON BDUN MA'I KHRID, DGA' LDAN LHA BRGYA MA'I KHRID, BLA MA MCHOD PA'I KHRID, RGYUD SDE BZHI DANG 'BREL BA'I DBANG DANG LHAG PA'I LHA MANG PO'I RJES GNANG RIM PAR STZAL, DE NAS RGYAL BA THAMS CAD MKHYEN PAS MDO SNGAGS KYI CHOS BKA' RGYA CHEN PO GSAN PHYIR DBUS SU SPYAN DRANGS TE PHO BRANG CHEN POR PHEBS NAS RGYAL BA MCHOG SKU 'KHOR RAGS RIM DANG BCAS PA LA 'JAM DBYANGS CHOS SKOR GYI RJES GNANG YONGS RDZOGS, DPAL GSANG BA 'DUS PA MI BSKYOD RDO RJE'I DBANG STA GON DANG BCAS PA, DPAL 'KHOR LO SDOM PA L'U AI PA'I LUGS KYI DBANG STA GON DANG

, ,BCAS PA, SGROL MA NYER GCIG GI RJES GNANG YONGS RDZOGS, RNAM 'GREL, 'DUL BA, PHAR PHYIN, DBU MA, MDZOD RNAMS KYI LUNG DANG, RDO RJE 'JIGS BYED KYI BSKYED RIM GYI KHRID, DAM CAN CHOS KYI RGYAL PO'I RJES GNANG, LHA MO DMAG ZOR MA'I RJES GNANG, DPAL MGON ZHAL BZHI PA'I RJES GNANG, LCAM SRING GI RJES GNANG, DPAL LHA'I RJES GNANG, MGON PO PHYAG BZHI PA'I RJES GNANG RNAMS RIM GYIS 'BUL BAR MDZAD, DE NAS GTZANG LA CHIBS BSGYUR GNANG STE BKRA SHIS LHUN POR PHEBS NAS 'JAM MGON BSTAN PA'I SROG SHING G-YO BA MED PAR BZUNG NAS RAB BYUNG BSNYEN RDZOGS BRGYUD MAR BSGRUB PA DANG, MDO SNGAGS KYI CHOS KYI 'KHOR LO BRGYUD MAR BSKOR TE BSTAN PA'I BYA BA RGYA CHER MDZAD DO, ,'DI SKABS RJE BLA MA 'DIS SNGON STON PA THUGS RJE CAN DES GANG DU SANGS RGYAS PA'I TSUL BSTAN PA'I GNAS RDO RJE GDAN SOGS 'PHAGS YUL GYI GNAS CHEN RNAMS LA MCHOD 'BUL SMON LAM MDZAD PHYIR BKRA SHIS LHUN PO'I GRVA PA CHOS MTHUN BZHI TZAM ZHIG GTONG BAR MDZAD PA RGYA GAR KA SHI'I RGYAL POS DAD PA CHEN POS ZHABS 'GYUR BYAS TE LAM BAR GYI 'JIGS PA LAS BSKYABS SHING RGYUS YOD KYI ROGS BTANG STE RDO RJE GDAN DU 'BYOR NAS BYANG CHUB CHEN PO LA GSER CHAB DANG, SNA LNGA'I STONG MCHOD SOGS MCHOD 'BUL RGYA CHEN PO

BYAS PA NA RGYA GAR GYI YUL GRU THAMS CAD DU CHES CHER GRAGS TE BOD KYI BLA MA CHEN POS BYANG CHUB CHEN PO LA MCHOD PA TSAD MED PA PHUL, DE YANG SEMS CAN THAMS CAD KYI DON DU YIN PA 'DUG CES THOS NAS RJE 'DI'I THUGS BSKYED KYI MTHUS 'PHAGS YUL GYI RGYAL BLON 'BANGS DANG BCAS PA DAD PA'I SA LA BKOD, RGYA GAR SHAR NUB DBUS DANG BCAS PA'I RGYAL PO SO SO NAS RJE 'DI LA ZHU 'PHRIN 'BUL ZHING RANG RANG GI YUL GYI DPYAD PA NGO MTSAR BA SNA TSOGS 'BUL BA DANG, RJE 'DI LA GSOL BA 'DEBS PA DANG, BKA' BZHIN DU SGRUB PAR DAM 'CHA' BA SOGS SNGON MED PA'I NGO MTSAR YA MTSAN CHE BA BYUNG NGO, ,DE NAS RJE NYID DGUNG LO SO BRGYAD DU PHEBS PA MYOS BYED CES PA SHING MO LUG GI LO BOD KYI SRID SKYONG DE MO RIN PO CHES BSAM YAS LA ZHIG GSO RLABS CHEN MDZAD PAR ZHAL 'DEBS DANG MCHOD 'BUL RLABS CHE BA MDZAD, BRAG G-YAB SPRUL SKU SOGS SKAL LDAN MANG PO LA LAM RIM GYI KHRID DANG, 'JIGS BYED BDUD LAS RNAM RGYAL GYI DBANG, GDUGS DKAR GYI DBANG DANG, TSE DPAG MED LHA DGU'I DBANG DANG, BCU GCIG ZHAL GYI DBANG DANG, DRIL BU LUS DKYIL GYI DBANG, 'JAM DBYANGS CHOS SKOR GYI RJES GNANG SOGS MDO SNGAGS KYI CHOS MTHA' YAS PA STZAL, LO DE'I DBYAR GNAS KYI THOG TSOGS CHEN LA LAM RIM GYI KHRID ZHI BA LHA'I LUGS KYI SEMS BSKYED

, ,KYI CHO GA DANG BCAS PA RGYAS PAR STZAL, ZLA BA BDUN PA'I NANG DU BDAG CAG SKYID GRONG RI KHROD BA RNAMS 'BYOR TE TSES BDUN GYI NYIN RJE BLA MA 'DI NYID TSOGS DBUR SPYAN DRANGS TE DNGOS 'BYOR GYI 'BUL BA DANG BCAS ZHABS BRTAN GSOL 'DEBS ZHUS, DE SKABS THAN PA SHIN TU CHE BA YOD PA LA, DE NYIN RJE 'DI TSOGS CHEN GYI BZHUGS KHRI'I STENG DU PHEBS MA THAG MKHA' LA GLO BUR DU SPRIN 'KHRIGS TE 'BRUG SGRA DRAG PO BRGYUD MAR BSGRAGS SHING CHAR DRAG PO BABS TE 'DZIN MA'I KHYON THAMS CAD CHUS BRLAN PAR BYAS PAS RJE NYID THUGS SHIN TU DGYES TE RTEN 'BREL SHIN TU LEGS PA BYUNG ZHES BKA' PHEBS, DE NYIN LHA KHANG RNAMS SU PHEBS TE KHRUS GSOL RGYAS PA MDZAD, DPAL LDAN DMAG ZOR RGYAL MO LA RTZAM KHAL BRGYA PHRAG BRGAL BA LAS GRUB PA'I GTOR MA BSHAMS TE 'DUS PA RGYA MTSO'I TSOGS DANG LHAN CIG TU DPAL LDAN LHA MO LA GTOR 'BUL DANG 'PHRIN 'CHOL RGYAS PA MDZAD, GZHAN YANG LO DE LA SKAL BA DANG LDAN PA BGRANG BA LAS 'DAS PA LA CHOS KYI 'KHOR LO BSKOR BA DANG, RGYAL BA'I BKA' DANG BSTAN BCOS 'GYUR RO COG TSANG MA GSER BTZO MA'I KHU BAS 'DRI BAR MDZAD PA SOGS BLO DMAN DAG GIS RJES SU YI RANG TZAM YANG BYA DKA' BA'I BSTAN PA'I BYA BA RGYA CHER MDZAD DO, ,DE NAS RJE BLA MA 'DI NYID DGUNG LO SO DGUR PHEBS

PA GDONG NGAN ZHES PA ME PHO SPRE'U'I LO KHAL KHA RJE BTZUN DAM PA'I DGONGS RDZOGS PA NO MO HAN 'JAM DPAL RDO RJE SOGS SOGS 'GRUL GTOS CHE BA 'BYOR TE BLA MA DGE 'DUN TSANG MAR BSNYEN BKUR RGYA CHEN PO BYAS SHING, RJE 'DI PAS KYANG SO SO'I 'DOD PA DANG MTHUN PA'I DBANG RJES GNANG LUNG MAN NGAG MTHA' YAS PA STZAL CING 'DI LO DBYAR GNAS KYI THOG DGE 'DUN 'DUS PA RGYA MTSO'I TSOGS LA RJE NYID KYI BKA' RTZOM SNGAR YOD PHAL CHE BA'I LUNG GNANG, DBYAR GNAS KYI SKABS 'DIR BDAG KYANG DBUS NAS 'KHOR TE SKYABS MGON MCHOG 'DI NYID LA DPAL GSANG BA 'DUS PA'I RTZA BA'I RGYUD, SGRON GSAL SOGS 'GREL PA BZHIS 'CHAD PA'I BSHAD SROL BZANG PO CHOS KYI RGYAL PO TZONG KHA PA CHEN POS GANGS RI'I KHROD 'DIR SNGON MED PA'I SHING RTA'I LAM SROL PHYE BA, 'GREL PA BZHI SBRAGS SU GRAGS PA'I GSANG BA ZAB MO'I ZAB CHOS STZOL BAR GSOL BA BTAB PAS DGYES BZHIN ZHAL GYIS BZHES TE BDAG CAG SKYID GRONG RI KHROD PA RNAMS DANG RJE NYID KYI SKU'I PHU PO PHYAG MDZOD CHEN MO, GRVA TSANG BZHI'I BLA MA, SNGAGS GRVA'I 'GREL DPON PA KHA SHAS BCAS LA ZLA BA BRGYAD PA'I TSES BCU DRUG NAS DBU BTZUGS TE NYIN LTAR SNGA DRO NYI SHAR NAS GSOL TSIGS BAR CHOS THUN RING PO RE MDZAD NAS 'GREL PA BZHI SBRAGS GZABS BSHAD DANG BCAS PA ZLA BA GCIG GI RING RGYAS PAR STZAL, DE'I

, ,TSE THOG MAR BLA MA RDO RJE 'CHANG CHEN PO LA PHYI NANG GSANG BA DE KHO NA NYID KYI MCHOD PA RIN PO CHE'I MAndAL DANG BCAS PA RGYAS PAR PHUL TE GSOL BA 'DEBS PA BLA MA RGYUD MCHOD DU GRAGS PA RGYAS PAR BYAS SHING CHOS THUN RE RE BZHIN RDOR SEMS SGOM BZLAS YI DAM DKYIL 'KHOR GYI LHA TSOGS DANG PHYOGS SKYONG RNAMS DANG DAM CAN CHOS KYI RGYAL POR GTOR 'BUL BLA MA BRGYUD PA'I GSOL 'DEBS RNAMS DKAR CHAG THO'I YIG CHUNG LAS 'BYUNG BA LTAR MDZAD CING, LEGS PAR GRUB BA'I RJES SU GTANG RAG GI TSOGS 'KHOR RIN PO CHE'I MAndAL CI 'BYOR PA'I DNGOS PO RNAMS KYIS MCHOD, RJE BLA MA RDO RJE 'CHANG CHEN BO NYID KYIS GLEGS BAM PHYAG TU BZHES TE BDAG CAG RNAMS LA DBANG BSKUR BRGYAS BAR GNANG BA SOGS MKHAS GRUB THAMS CAD MKHYEN PAS 'JAM MGON BLA MA'I BKA' SROL BZANG PO RNAMS MI NUB PAR BYA BA'I PHYIR RDO RJE SLOB DPON MCHOD PA DANG 'CHAD NYAN JI LTAR BYA BA'I CHUL DKAR CHAG THO'I YIG CHUNG DU BKOD BA CHANG MA CHAD LHAG MED PA MDZAD BAS 'JAM MGON BLA MA'I BSTAN PA LA BKA' DRIN ZLA MED DU MDZAD DO, ,DE NAS DUS 'KHOR CHO GA BA RNAMS KYIS ZHUS NGOR KHONG RNAM PA DANG BDAG CAG RI KHROD BA RNAMS BCAS LA DUS 'KHOR GYI CHOG YONGS RDZOGS KYI LUNG DANG, DUS KYI 'KHOR LO'I MAN NGAG PHYI NANG GZHAN GSUM SBYOR TSUL RNAMS SBA GSANG MED

PAR CHES ZHIB PAR STZAL, TSOGS CHEN DGE BSKOS CHEN MOS ZHUS NAS 'DUS TSOGS LA RNAM 'GREL DBU MA PAR PHYIN 'DUL BA RNAMS LAM RIM GYI NYAMS LEN DANG SBYAR NAS RGYAS PAR GSUNGS TE RJE YAB SRAS KYI MDZAD SROL BZANG PO NYAMS PA MED PAR MDZAD DO, ,BDE MCHOG SGRUB MCHOD KYI THIG SNGAGS GRVA'I DGE 'DUN RNAMS LA SGRUB MCHOD KYI RING TSA RTING MA'I TSOGS BAR LA BDE MCHOG SBAS DON KUN GSAL BDE MCHOG RTZA RGYUD DANG RTZA 'GREL SBRAGS TE CHOS THUN RE LO LTAR GNANG SROL MDZAD 'DUG PA 'DI LO BDAG GIS TSAR GCIG TSANG MA GSUNG BAR GSOL BA BTAB STE MA RGYUD THAMS CAD KYI GTZO BO DPAL 'KHOR LO SDOM PA'I RTZA RGYUD RJE THAMS CAD MKHYEN PAS MDZAD PA'I RGYUD 'GREL SBAS DON KUN GSAL DANG RTZA 'GREL SBRAGS TE DKA' BA'I GNAD RNAMS LA GZABS BSHAD DANG BCAS RGYAS BAR STZAL, 'DI'I TSE BLA MA RDO RJE 'CHANG CHEN PO DKYIL 'KHOR GYI LHA TSOGS DANG BCAS BA LA PHYI NANG GSANG BA DE KHA NA NYID KYI MCHOD PA RIN PO CHE'I MAndAL DANG BCAS PA SNGA PHYI GNYIS SU RGYAS PAR BYAS SHING, GTANG RAG GI TSOGS 'KHOR DANG ZANG ZING GI LONGS SPYOD CI 'BYOR BAS MCHOD DE GSANG CHEN RDO RJE THEG BA'I BSTAN BA'I SNYING PO MTHAR THUG PA BDE MCHOG RTZA RGYUD KYI BSHAD SROL BZANG PO PAn CHEN N'A RO TA PA'I

, ,MAN NGAG CHOS KYI RGYAL PO TZONG KHA PA CHEN POS MGON PO 'JAM PA'I DBYANGS KYI MAN NGAG LA BRTEN NAS LEGS PAR PHYE BA 'DI NYID MING TZAM YANG NUB PA LA NYE BA'I DUS 'DIR NYAMS PA GSOS TE 'PHEL ZHING RGYAS PA'I BKA' DRIN MDZAD PAS RJE 'DIS RGYAL BA'I BSTAN PA LA BYA BA MDZAD PA THAMS CAD KYI NANG NAS DPAL GSANG BA 'DUS PA'I RGYUD KYI BSHAD SROL DANG, DPAL DUS KYI 'KHOR LO'I BSHAD SROL DANG, RDO RJE 'CHANG CHEN PO'I LAM GYI RIM PA'I SGO NAS RGYUD SDE BZHI KA'I LAM GYI BSHAD SROL DANG, DPAL 'KHOR LO SDOM PA'I RGYUD 'GREL GYI BSHAD SROL 'DI RNAMS NI MDZAD PA KUN GYI NANG NAS MDZAD PA'I MCHOG TU GYUR PA BSTAN PA'I BYA BA BLA NA MED PA YIN PAS GANGS CAN PA THAMS CAD KYIS BKA' DRIN BSAB PAR SLAB MA YIN ZHING TSUL 'DI DAG GI SGO NAS RJE 'DI'I BKA' DRIN DRAN PAR BYA BA DANG, RJE 'DI'I SKU CHE BA'I YON TAN LA BSNGAGS TE PHYOGS SU LHUNG PA MA YIN PAR GZU BO'I BLOS RJE 'DI'I RNAM THAR BRJOD CING DRAN PAR BYA'O, ,DE NAS GSER 'PHYANG ZHES PA ME MO BYA'I LO RGYAL BA THAMS CAD MKHYEN PA RJE BTZUN BLO BZANG BSTAN PA'I DBANG PHYUG 'JAM DPAL RGYA MTSOS THUGS RDZOGS BZHES PA DANG, DPANG LUNG MAN NGAG RGYA CHEN PO GSAN PA SOGS KYI CHED DU RJE 'DI SPYAN 'DREN ZHUS TE DBUS PHYOGS SU PHEBS NAS PHO BRANG CHEN PO PO TA LAR RGYAL BA THAMS CAD MKHYEN PA CHEN PO LA GSUNG RAB DGONGS

'GREL DANG BCES PA'I SNYING PO'I DON BSTAN PA YONGS RDZOGS GANG ZAG GCIG GI NYAMS LEN DU 'KHYER BA'I MAN NGAG 'JAM MGON BLA MA TZONG KHA PA CHEN PO'I THUGS KYI BCUD BYUNG BA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI KHRID DANG, SA GSUM GYI SGRON ME GCIG PU LEGS BSHAD MA LUS 'DU BA'I CHOS KYI RGYA MTSO CHEN PO BYANG CHUB LAM RIM CHEN MO'I BSHAD LUNG DANG, LHAG PA'I LHA MANG PO'I RJES GNANG SGRUB THABS SO SO'I LUNG RNAMS 'DUL BAR MDZAD CING, SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS NAS JO BO SH'AKYA MU NE'I SKU MDUN DU RJE 'DIS MKHAN PO MDZAD, YONGS 'DZIN RIN PO CHE NGAG DBANG CHOS GRAGS KYIS LAS SLOB, YONGS 'DZIN ZHAL SNGA NAS BLO BZANG CHOS 'PHEL GYIS GSANG STON, DGA' LDAN KHRI RIN PO CHE BLO BZANG BSTAN PAS DUS GO BA, BSTAN PA'I GSAL BYED CHEN PO CHA GAN NO MO HAN GYIS LHUNG BZED 'BRIM PA PO MDZAD CING, SHAR BYANG GI CHOS RJE GNYIS DANG SE 'BRAS DGE GSUM GYI BLA MA KHRI PA RNAMS KYIS GTZOS GANGS RI'I KHROD KYI 'DUL 'DZIN DAM PA NYI SHU RTZA LNGA'I DBUS SU GANGS CAN 'GRO BA'I MGON PO RGYAL DBANG THAMS CAD MKHYEN PA RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO GSOL BZHI'I LAS KYIS BSNYEN PAR RDZOGS TE THUB PA'I RGYAL TSAB BYANG PHYOGS BSIL LDAN LJONGS KYI BSTAN PA YONGS

, ,RDZOGS KYI BDAG POR MNGA' GSOL, DE NAS PHO BRANG CHEN PO PO TA LAR PHEBS NAS RJE BTZUN RDO RJE RNAL 'BYOR MAS SLOB DPON AA BHYA YA KA RE RJES SU BZUNG STE GSANG CHEN RDO RJE THEG PA'I DBANG GI CHU BO MANG PO GCIG TU BSDUS PA RDO RJE PHRENG BAR GRAGS PA'I STA GON DANG BCAS PA YONGS SU RDZOGS PA RGYAL BA THAMS CAD MKHYEN PA CHEN POR 'BUL BA GNANG STE, DE YANG THOG MAR SLOB MA RJES 'DZIN, DE NAS SLOB MA STA GON, DE NAS GSANG 'DUS 'JAM PA'I RDO RJE'I DBANG CHEN NAS BZUNG BAR MA CHAD PAR RIM GYIS GNANG STE RDO RJE PHRENG BA NAS BSHAD PA'I DBANG ZHE GNYIS DANG, KRi YA SA MUTZTSA NAS BSHAD PA'I DGE LEGS SU BYED PA'I DKYIL 'KHOR GSUM STE DKYIL 'KHOR ZHE LNGA'I DBANG YONGS SU RDZOGS PAR 'BUL BAR MDZAD, DE NAS GRUB CHEN MI TRA DZO KI'I BZHED SROL MI TRA BRGYA RTZAR GRAGS PA'I LHA RNAMS KYI DBANG YONGS SU RDZOGS PA DANG, SGRUB THABS RGYA MTSO'I RJES GNANG YONGS SU RDZOGS PA DANG, MGON PO'I BKA' CHEN BCU GSUM YONGS RDZOGS DANG, GZHAN YANG LHAG PA'I LHA MANG PO'I DBANG DANG RJES GNANG BZLAS LUNG MAN NGAG LAG KHRID SOGS MTHA' YAS PA GNANG STE RGYAL BA THAMS CAD MKHYEN BA CHEN PO MDO SNGAGS BSTAN PA'I BDAG POR MNGA' GSOL LO, ,DE NAS SE 'BRAS DGE GSUM RGYUD STOD SMAD SOGS DBUS PHYOGS KYI DGE 'DUN BGRANG

BA LAS 'DAS PA DANG, DBUS PHYOGS KYI SKYE BO KHYIM PA DANG LDAN BGRANG BA LAS 'DAS PA DANG, PHYOGS 'DUS KYI SER SKYA BGRANG BA LAS 'DAS PA DAG LA ZHAL GYI DKYIL 'KHOR BSTAN TA SKU MTHONG BA DANG, GSUNG THOS PA DANG, PHYAG GIS GANG GI MGO LA REG PA THAMS CAD RIM GYIS SMIN CING GROL BA'I 'PHRIN LAS MDZAD, PHYI RABS KYI GDUL BYA RNAMS LA RANG LA LAM MA NOR BAR STON PA'I DGE BA'I BSHES GNYEN NI PHYOGS BCU'I SANGS RGYAS THAMS CAD LAS LHAG PA'I MCHOD YUL DAM PA YIN ZHING, PHYOGS BCU'I RGYAL BA THAMS CAD MCHOD BA BAS BLA MA'I SKU'I BA SPU GCIG MCHOD PA DANG, BLA MA'I 'DRA 'BAG MCHOD PA BSOD NAMS LHAG PAS BDAG LEGS SU 'DOD PA DAG GIS RANG NYID CHEN PO'I GO SA CI 'DRA ZHIG LA GNAS PA YIN YANG RANG LA CHOS STON PA'I BLA MA LA GUS PA 'DI LTAR BYA DGOS SO, ,ZHES 'DOMS PA'I PHYIR PHUR BU LCOG TU PHEBS TE RJE BTZUN BLA MA NGAG DBANG BYAMS PA'I SKU GDUD LA MCHOD TSOGS RGYA CHEN POS MCHOD PAR MDZAD CING, BLA MA RIN PO CHE DE NYID KYI DGONGS PA YONGS SU BKANG BA'I PHYIR CHOS RA CHEN MO'I KHRI LA PHEBS TE DAD 'DUS KYI SER SKYA STONG PHRAG BRGAL BAR SEMS BSKYED GNANG ZHING, BYAMS MGON BLA MA RIN PO CHE DE NYID KYIS JI LTAR GSUNG BA LTAR RGYAL BSTAN SNYING PO BYANG CHUB LAM GYI RIM PA PHYOGS THAMS CAD DU 'PHEL ZHING RGYAS PA DANG, LAM 'DI STON PA'I BSHES GNYEN DAM PA THAMS CAD

, ,SKU TSE BRTAN CING 'PHRIN LAS RGYAS PA DANG, MTHA' DBUS SKYE 'GRO MA LUS LAM BZANG 'DI LA ZHUGS TE SMIN CING GROL BA'I THUGS SMON RGYA CHER MDZAD, DE NAS PHO BRANG CHEN POR PHEBS NAS GANGS CAN 'GRO BA'I MGON PO RGYAL DBANG MCHOG LA MTHA' DBUS SKYE 'GRO MA LUS DAM PA'I CHOS KYIS TSIM PAR MDZAD PA DANG, MGON PO THUGS RJE CAN NYID KYIS SNGON YUN RING PO NAS PHYAG MTSAN DU BZUNG BA'I BYANG PHYOGS GANGS RI'I LJONGS 'DI LUGS GNYIS KYIS SKYONG TSUL 'DI LTAR MDZAD DGOS SO ZHES ZHAL TA ZHIB RGYAS SU ZHU BAR MDZAD NAS RGYAL BA YAB SRAS GNYIS KA PHAN TSUN THUGS 'PHRENG BZHIN PAS SKYABS 'JUG ZHU BAR MDZAD DE RJE 'DIS GTZANG PHYOGS SU CHIBS KHA BSKYOD NAS BKRA SHIS LHUN POR PHEBS TE SNYUG MAR GNAS PA DANG, PHYOGS PHYOGS NAS 'DUS PA'I DGE 'DUN BGRANG BA LAS 'DAS PA LA CHOS KYI 'KHOR LO BRGYUD MAR BSKOR ZHING, RJE 'DI NYID LA 'DZAM GLING YANGS PA'I SA CHEN PO'I KHYON LA GNAS PA'I SKYE BO MTHA' DAG GIS RANG RANG GI YO BYAD GCES PA GANG YOD 'BUL BAR BYED PAS GSER DANG DNGUL LA SOGS PA'I RIN PO CHE'I BANG MDZOD DANG, GZHAN YANG YO BYAD KYI KHYAD PAR RNAM THOS KYI BU'I NOR LA 'GRAN PA LTA BU MCHIS PA RNAMS NAM YANG CHUD MI ZA BA'I PHYIR DAD LDAN SO SO'I TSOGS RDZOGS PA'I THABS DANG, RGYAL BA'I BSTAN PA RIN PO CHE 'PHEL BA'I THABS 'BA' ZHIG TU SBYOR BAR

MDZAD DE SKU GSUNG THUGS RTEN BZHENG BA DANG, RIS SU MA CHAD PA'I DGE 'DUN GYI SDE LA BSNYEN BKUR BA DANG, DBUL PHONGS RNAMS LA GANG LA GANG 'DOD KYI SBYIN PA MDZAD CING, LHAG PAR SKABS 'DIR RGYAL BA'I BSTAN PA LA SRI ZHU BLA LHAG TU MDZAD BZHED PA DANG, SNGON SANGS RGYAS MTHONG BA'I DKAR PHYOGS KYI LHA KLU RNAMS DGA' ZHING MGU BAR BYA BA DANG, STOBS 'BYOR CAN RNAMS LA SNGON BSAGS BSOD NAMS KYI MTHUS 'BYOR PA THOB PA RNAMS TSUL 'DI LTAR DU CHUD MI ZA BAR BYA DGOS SO ZHES 'DOMS PAR BYA BA'I PHYIR GSER ZHO STONG PHRAG MANG PO BZHU BTUL MDZAD DE RGYAL BA'I BKA' GANGS CAN DU 'GYUR RO COG THAMS CAD DANG, DPAL MGON 'PHAGS PA KLU SGRUB DANG 'PHAGS PA THOGS MED SOGS RGYAL BAS LUNG BSTAN PA'I SHING RTA CHEN PO RNAMS KYIS RGYAL BA'I GSUNG RAB KYI DGONGS PA 'GREL BA'I PHYIR DU MDO SNGAGS KYI BSTAN BCOS JI SNYED CIG MDZAD PA RNAMS DANG, GZHAN YANG 'PHAGS YUL GYI PAn GRUB BGRANG BA LAS 'DAS PAS RGYAL BA'I GSUNG RAB KYI DGONGS PA 'GREL BA'I BSNGAN BCOS MDZAD PA MTHA' YAS PA YOD PA LAS GANGS RI'I LJONGS 'DIR SNGON CHAD BSTAN BCOS 'GYUR RO COG THAMS CAD DANG, KHAMS GSUM CHOS KYI RGYAL PO TZONG KHA PA CHEN PO'I GSUNG 'BUM YONGS RDZOGS DANG, RGYAL TSAB DANG MA RIN CHEN GYI GSUNG 'BUM YONGS RDZOGS DANG, MKHAS GRUB DGE LEGS DPAL BZANG PO'I GSUNG 'BUM YONGS RDZOGS DANG,

, ,PAn CHEN BLO BZANG CHOS KYI RGYAL MTSAN GYI GSUNG 'BUM YONGS RDZOGS DANG, RJE BTZUN BLO BZANG YE SHES KYI GSUNG 'BUM YONGS RDZOGS DANG, RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO'I GSUNG 'BUM YONGS RDZOGS RNAMS MTHING SHOG BZANG PO'I NGOS LA GSER 'BA' ZHIG GIS BRIS PA GLEGS BAM SO SOR NA BZA' GDONG DAR GLEGS SHING SKU RAGS RNAMS KHYAD PAR DU 'PHAGS PA POD BZHI BRGYAR NYE BA GSAR BSKRUN MDZAD DE BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI GTZUG LAG KHANG DU RIN PO CHE SNA TSOGS KYIS PHRA BKOD PA'I GDAN KHRI BZANG PO LA BZHUGS SU GSOL TE MCHOD PA'I DNGOS PO TSAD MED PAS MCHOD CING, BSLAB GSUM LDAN PA'I DGE 'DUN STONG PHRAG MANG PO DANG LHAN CIG TU JI SRID BYAMS MGON DBUS 'GYUR TSAL DU MA BYON BAR DU GNAS 'DIR RGYAL BSTAN MI NYAMS SHING GONG NAS GONG DU 'PHEL BA'I BDEN TSIG BRJOD CING RAB TU GNAS PA RGYAS PAR MDZAD DO, ,DE LTAR RJE 'DIS RGYAL BA SRAS BCAS THAMS CAD KYI MDZAD PA'I KHUR BDAG GIR BZHES TE THOS BSAM SGOM GSUM 'CHAD RTZOD RTZOM GSUM GYI SGO NAS BSTAN PA'I BYA BA RGYA CHER MDZAD CING PHYI RABS KYI GDUL BYA RNAMS LA MDO SNGAGS KYI CHOS LA BSLAB TSUL 'DI LTAR BYA DGOS SO ZHES 'DOMS

PHYIR LEGS BSHAD KYI RTZOM PA'ANG MANG DU MDZAD DE, 'DI LTAR GSUNG RAB DGONGS 'GREL DANG BCAS PA'I DON THAMS CAD GANG ZAG GCIG GI NYAMS LEN GYI RIM PAR BSGRIGS PA BYANG CHUB LAM GYI RIM PA'I KHRID YIG GZHAN PHAN BDUD RTZI'I BUM PA, BDE LAM MYONG KHRID, RJE BTZUN BLO BZANG YE SHES DPAL BZANG PO'I SKU GSUNG THUGS KYI MDZAD PA MA LUS PA GSAL BAR BYED PA'I RNAM PAR THAR PA 'OD DKAR CAN GYI PHRENG BA'I SMAD CHA, RJE BTZUN NGAG DBANG BYAMS PA RIN PO CHE'I RNAM THAR DAD PA'I 'DAB BRGYA BZHAD PAR BYED PA'I NYI MA, RJE BTZUN THAMS CAD MKHYEN PA BLO BZANG BSKAL BZANG RGYA MTSO'I SKU GDUNG YID BZHIN GYI NOR BU SNYING POR BZHUGS PA'I LHAR BCAS SKYE DGU'I MCHOD SDONG CHEN PO'I DKAR CHAG 'OD ZER PHYOGS BRGYAR 'GYED PA'I SNANG BYED, RJE BTZUN RDO RJE 'CHANG CHEN BLO BZANG BZOD PA DPAL BZANG PO'I RNAM THAR NGO MTSAR DPAG MED, DMIGS BRTZE MA'I LAS TSOGS BCU GCIG NAG 'GROS SU BKOD PA, DE'I DON BSHAD PA, DGA' LDAN LHA BRGYA MA'I SKABS SU NYER MKHO'I KHA TSAR, RJE BLA MA TZONG KHA PA CHEN PO'I BLA MA'I RNAL 'BYOR MKHAS GRUB RJER ZHAL GZIGS DANG MTHUN PA; 'PHAGS PA GNAS BRTAN BCU DRUG GI RNAM THAR, RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO'I BRTAN BZHUGS DANG RJE RANG NYID KYI BRTAN BZHUGS SOGS BRTAN BZHUGS DANG 'KHRUNGS RABS

, ,GSOL 'DEBS RJES 'DZIN SMON LAM GYI RIM PA MANG PO, ,MDO SNGAGS KYI GNAD RNAMS LA DRI BA ZHUS BA'I DRIS LAN, 'DOD LHA SNA TSOGS KYI BSTOD TSOGS GSOL 'DEBS MANG PO, BSLAB BYA SPYI DANG DGON SDE KHAG GI BCA' YIG MANG PO, RTEN GSAR BZHENGS KYI DKAR CHAG DANG RGYAB YIG ZHAL BYANG SOGS, 'DOD LHA SNA TSOGS LA BRTAN PA'I LTUNG BA BSHAGS BSDAM BYA TSUL, CHAB SHOG GI SKOR MANG PO , DBEN SA CHOS KYI PHO BRANG GI GNAS BSTOD SOGS GNAS BSTOD MANG PO, LHA SNA TSOGS KYI SGRUB THABS KYI MJUG TU BYA BA'I SMON LAM SHIS BRJOD, GRUB CHEN DRIL BU LUGS KYI LUS DKYIL GYI MNGON RTOGS NGAG 'DON , BCOM LDAN 'DAS 'JAM DPAL RDO RJE'I BDAG MDUN BUM GSUM SLOB MA STA GON DANG BCAS PA, RTEN GSUM RNAMS LA SNYAN SHAL SPYAN GZIGS NA BZA' BCAS PHUL BA'I 'DOD GSOL MANG PO, BDE GSANG 'JIGS GSUM SOGS LHA MANG PO LA BRTEN PA'I BLA MA'I RNAL 'BYOR MANG PO, 'KHOR LO SDOM PA L'U AI PA'I LUGS KYI BDAG BSKYED BSDUS PA, BDE MCHOG ,'KHOR CHEN, DGA' LDAN LHA BRGYA MA, DUS 'KHOR BCAS KYI BSNYEN YIG ,BLA MA SANGS RGYAS BYANG SEMS LA BRTEN PA'I 'PHO BA MANG PO, SPYAN RAS GZIGS RGYAL BA RGYA MTSO'I SGRUB THABS SOGS LHAG PA'I LHA MANG PO'I SGRUB THABS DU MA, MA nI RIL SGRUB, BRIS 'BUR GYI SKU SOGS

RTEN GSUM BZHENG TSUL, LHA SNA TSOGS KYI LAS BZHI'I SPYIN SREG GI CHO GA, DPAL 'KHOR LO SDOM BA'I ZHI BA'I SBYIN SREG DANG DRAG PO'I SBYIN SREG GI KHA SKONG, DPAL RDO RJE 'JIGS BYED KYI DBANG GI SBYIN SREG ,DPAL DUS KYI 'KHOR LO'I ZHI BA'I SBYIN SREG ,RDOR DBYINGS KYI SBYIN SREG ,SGROL MA'I SBYIN SREG ,'JAM DBYANGS DKAR PO'I SPYIN SREG ,YE SHES MGON BO PHYAG DRUG PA'I ZHI RGYAS KYI SBYIN SREG ,CHOS SKYONG DREGS PA LCAM SRING GI SBYIN SREG ,TSE BDAG MGON PO LA BRTEN PA'I TSE DBANG BYA TSUL, BZANG SPYOD LA BRTEN PA'I 'CHI BLU, GSANG BA 'DUS PA SOGS KYI TSOGS MCHOD, SMYUNG GNAS BLA RGYUD RNAM THAR PHAN YON DANG BCAS PA, BLA RGYUD GSOL 'DEBS KYI SKOR, DPAL DUS KYI 'KHOR LO'I SKU GSUNG THUGS YONGS SU RDZOGS PA'I SGRUB THABS BDUD RTZI'I 'BYUNG GNAS, DE'I SGRUB THABS RIN PO CHE'I GTER MDZOD, DPAL RDO RJE 'JIGS BYED KYI BSKYED RIM, DE'I BSKYED RIM TSIGS BCAD MA, DE'I RDZOGS RIM, YANG DE'I LAM RIM GNYIS KYI KHRID MDOR BSDUS, DE'I SGO NAS RAB GNAS BYA TSUL MDOR BSDUS, DE LA BRTEN NAS GSHIN PO RJES 'DZIN, DE LA BRTEN NAS DUG ZHI BAR BYED THABS, 'JIGS BYED DMAR PO ZHAL GCIG PHYAG GNYIS PA LA BRTEN PA'I DUG DBANG BSKUR TSUL, DPAL 'KHOR LO SDOM PA'I DBANG DON ZAB GSANG GI GNAD BSDUS PA, 'KHOR LO SDOM PA DRIL BU LHA LNGA'I SGRUB THABS BLA RGYUD DANG BCAS PA,

, ,DE'I BUM BSKYED DANG MDUN BSKYED DBANG CHOG DANG BCAS PA, DGYES RDOR LHA DGU'I SGRUB THABS BDUD RTZI'I CHU RGYUN, RNAM SNANG MNGON BYANG GI BDAG BSKYED, DE'I DKYIL CHOG ,DE'I DBANG CHOG SMON LAM SHIS BRJOD DANG BCAS PA, RMA BYA'I RGYAL PO GSER DU SNANG PBA LA BRTEN NAS DUG ZHI BAR BYED TSUL, LAM RIM GNYIS KY GNAD RNAMS RDO RJE'I MGUR DU BZHES PA'I DGONGS DON 'GREL BAR BYED PA GSANG CHEN LAM GYI SGO 'BYED, GTOR CHEN DRUG CU PA'I ZHAL SHES, RDO RJE MKHA' LDING NAG PO LA BRTEN PA'I RANG GZHAN GYI SDIG SGRIB SBYONG ZHING MI GTZANG PA BKRU TSUL, SHAMBHA LAR SKYE BA'I SMON TSIG DANG DE'I ZHING BKOD 'DRI TSUL, LHA MO DBYANGS CAN MA LA BSTOD PA, MYUR MDZAD YE SHES KYI MGON PO PHYAG DRUG PA SOGS CHOS SKYONG MANG PO LA MCHOD GTOR 'BUL TSUL DANG SGRUB THABS LAS TSOGS KYI RIM PA DU MA, GSANG SNGAGS RGYUD PA GRVA TSANG GI GTOR BZO'I RIM PA, GZHI BDAG GTOR MA DANG BKA' BSGO'I RIM PA, GSUNG THOR BU BA SOGS LEGS BSHAD MTHA' YAS PA MDZAD DO, ,DE LTAR RJE 'DIS DBUS GTZANG GI LJONGS SU SKU TSE 'DIR DNGOS SU 'DUL BA'I SNOD RUNG GI GDUL BYA MTHA' DAG LA 'PHRIN LAS GANG MDZAD DGOS PA RNAMS MDZAD ZIN NAS SNGON STON PA THUB PA'I DBANG POS DNGOS KYI GDUL BYA PHAL MO CHE'I DON MDZAD ZIN NAS SKU TSE DE'I GDUL BYA'I THA MA KUN TU RGYU RAB BZANG DANG, DRI ZA'I RGYAL PO RAB DGA' 'DUL PHYIR

GRONG KHYER RTZVA CAN DU BYON PA JI LTA BAR RJE 'DIS KYANG MDO KHAMS PHYOGS KYI GDUL BYA BGRANG BA LAS 'DAS PA DANG, RGYA HOR GYI GDUL BYA BGRANG BA LAS 'DAS PA ZHIG LA MTHONG THOS DRAN REG GI 'BREL BA BZHAG STE SMIN GROL LA 'GOD PAR MDZAD BZHED PA DANG, GTZO BOR NI SNGON YUN RING PO NAS THUGS BSKYED DE 'JAM MGON BSTAN PA 'DZIN CING SPEL BA DANG SKYONG BA'I SMON LAM RLABS PO CHE'I MTHU GRUB PA SA'I TSANGS PA CHEN PO 'JAM DBYANGS GONG MA BDAG PO CHEN PO DANG ZHAL 'DZOM STE 'DZAM GLING SKYE 'GRO YONGS LA PHAN BAD SPEL BA DANG, LHA DANG BCAS PA'I 'GRO BA MA LUS PA'I PHAN BDE'I GZHI GCIG PU RGYAL BA'I BSTAN BA RIN PO CHE MI NYAMS SHING 'PHEL BA DANG, LHAG BAR 'JAM MGON BLA MA'I LUGS BZANG DRI MA MED PA 'DI NYID NAM YANG MI NYAMS SHING CHES CHER 'PHEL BAR BYA BA SEGS RGYAL SRAS DPA' BO'I MDZAD PA'I TSUL LAS BRTZAMS TE GSANG BA ZAB MO'I BKA' BGRO BA MDZAD BZHED PAS DBANG PHYOGS SU CHIBS KHA BSKYOD, LAM BAR DAG TU NYI MA RE RE BZHIN SKYE BO BGRANG BA LAS 'DAS PA ZHAL GYI DKYIL 'KHOR LA BLTAS TE GSOL 'DEBS KYI NGA RO DBYANGS SU SGROGS PA DAG DANG, RIN PO CHE'I ME TOG GTOR TE GSOL BA 'DEBS BA DAG DANG, BLO MCHOG TU GYUR PA 'GA' ZHIG GSUNG RAB KYI DKA' GNAS LAS BRTZAMS TE DRI BA ZHU BA DANG, SNGON BYON DAM PA'I RJES SU SNYEG PAR 'DOD PA 'GA' ZHIG MAN NGAG GI BDUD RTZI ZHU BA SOGS GDUL BYA RANG RANG GI DBANG PO DANG, KHAMS

, ,DANG, BSAM PA DANG, BAG LA NYAL DANG MTHUN PAR CHOS STON PA SOGS MTHO RIS DANG THAR PA'I SGO PHYE ZHING, NGAN SONG GSUM GYI SGO BKAG NAS SNGON STON PA THUB PA'I DBANG POS MA GA DHA BZANG MOS GSOL BA BTAB PA LTAR BU RAM SHING 'PHEL DU BYON PA'I MDZAD PA RNAM THAR JI LTA BA DE BZHIN DU MDZAD DO, ,DE LTAR RIM GYIS BYON NAS KUN LDAN ZHES PA LCAGS PHO BYI BA'I LO BKRA SHIS PA'I DUS TSES DGE PAR YANGS PA'I SA CHEN PO LA STOBS KYI 'KHOR LOS BSGYUR BA 'JAM DBYANGS SA'I TSANGS PA CHEN PO DANG ZHAL MJAL TE, DE'I TSE SNGON STON PA THUB PA'I DBANG PO SUM CU RTZA GSUM DU PHEBS PA'I TSE LHA'I DBANG PO BRGYA BYIN GZI BRJID BZOD PAR DKA' BA'I NYE DBANG RNAMS KYI GTZOS LHA BGRANG BA LAS 'DAS PA DAG GIS BSKOR ZHING 'JIG RTEN SKYONG BA BZHI 'KHOR BGRANG BA LAS 'DAS PA DANG BCAS PA DAG GIS LHA'I ROL MO SNA TSOGS PA DKROL ZHING LHA'I GDUGS DANG, LHA'I RGYAL MTSAN DANG, LHA'I BA DAN DANG, LHA'I ME TOG GI PHRENG BA DAG GIS MCHOD CING BSUS NAS RNAM PAR RGYAL BA'I KHANG BZANG CHEN POR PHEBS PA JI LTA BA DE 'DRA BAR SRID 'BYOR GYI YO LANG BSAM GYIS MI KHYAB PA DANG BCAS SA'I TSANGS PA CHEN PO DANG ZHAL 'DZOM STE, SKYE 'GRO'I BDE SKYID DANG RGYAL BA'I BSTAN PA JI LTAR SPEL BA'I TSUL LAS BRTZAMS TE BKA' BGRO BA YANG DANG YANG DU MDZAD CING, 'JAM DBYANGS GONG MA

BDAG PO CHEN PO BSTAN 'GRO YONGS KYI SPYI DPAL DU SKU TSE KHRI PHRAG MANG POR MI SHIGS RDO RJE'I G-YUNG DRUNG LTAR BRTAN PA DANG, MDZAD PA 'PHRIN LAS RNAMS DBYAR GYI LANG TSO DAR LA BAB PA'I MTSO CHEN LTAR CHAS CHER 'PHEL BA DANG, 'JAM MGON BLA MA'I BSTAN PA 'DZIN CING SKYONG BA LA NAM YANG 'GYUR BA MED PAR RDO RJE'I KHAMS LTAR BRTAN PA'I 'PHRIN LAS MDZAD, RGYA MTSO'I GLING BAR TSUN CHAD NAS ZHAL GYI DKYIL 'KHOR BLTA BA'I PHYIR LHAGS PA DAG LA DGE BA'I RTZA BA BSKRUN PAR MDZAD DE SKU TSE 'DI'I DNGOS KYI MDZAD PA MTHA' DAG RDZOGS PA NA GDUL BYA RTAG 'DZIN CAN RNAMS LA SPYIR 'DUS BYAS THAMS CAD NI SDOD PA'I MTHU MED CING, LHAG PAR SNYIGS MA'I DUS KYI MI RNAMS NI YUN RING POR SDOD BA'I MTHU MED PAS 'DI LTAR MI RTAG GO ZHES 'DOMS PA'I PHYIR DANG, SKYE BO DAM PA 'JIG RTEN DU 'BYUNG BA DKON NO ZHES 'DOMS PA DANG, SKYE BO DAM PA DANG MJAL NAS CHOS KYI BDUD RTZI THOB PA NI SHIN TU DKON NO ZHES 'DOMS PA DANG, LAM STON PA'I BSHES GNYEN DAM PA DANG MJAL BA'I TSE CHOS KYI BDUD RTZI THOB MA THAG PHYI SHOL MI BYA BAR MYUR BA MYUR BAR LAM LA BSLABS TE RGYUD SMIN CING GROL BAR BYA DGOS SO ZHES 'DOMS PA SOGS KYI PHYIR MYA NGAN LAS 'DA' BA'I TSUL BSTAN TO, DE LTAR THA MAL PA RNAMS KYI SNANG NGOR ZHING BRJE BA'I TSUL BSTAN KYANG NGES PA'I DON DU NI 'KHOR BA MA STONGS KYI BAR DU MYA NGAN LAS 'DA' BA MAD CING CHOS STON PA'I GSUNG 'GAG PA MED PAR RGYUN MI 'CHAD

, ,DU 'BYUNG LA THA MAL PA RNAMS KYI SNANG DOR YANG RJE 'DIS SPRUL PA RGYUN MI 'CHAD PA 'BYUNG NGO ZHES GO BAR MDZAD DE, BKRA SHIS LHUN PO NAS DBANG PHYOGS SU CHIBS BSKYOD KHAR DGE 'DUN THAMS CAD KYIS MYUR DU 'BYON PAR GSOL BA BTAB PA NA KHO BO LO GSUM NAS GDAN SA 'DIR SLEB PA NGES PAR 'ONG ZHES YANG DANG YANG DU GSUNG BAR MDZAD CING, DE'I TSE BKRA SHIS LHUN PO'I GRVA RGAN ZHIG GIS GDUNG BA CHEN POS GSOL BA BTAB BA NA RJE 'DI'I ZHAL NAS KHO BOS DGE 'DUN 'DUS PA RGYA MTSO'I DBUS SU JI LTAR BRJOD PA DE LTAR LO GSUM NAS NGES BAR 'DIR SLEBS 'ONGS BAS SEMS NGAL MA BYED CES GSUNGS PA NA, GRVA RGAN DES SLAR YANG DES NA THUGS RJE CHE, 'DIR PHEBS DUS PHYOGS GANG NGOS NAS PHEBS PA 'ONG ZHES ZHUS PA NA CUNG ZHIG DGONGS PA LA ZHUGS NAS NGA 'DIR 'ONG DUS MYANG PHYOGS NAS 'ONG, DE NAS TSONG DUS NAS BRGYUD 'DIR SLEBS 'ONG ZHES GSUNGS 'DUG PA LTAR, DENG SANG GI GDUL BYA RNAMS THUGS BRTZE BAS MA BOR BAR ZHING GSHEGS MA THAG DGA' LDAN LA SOGS PA'I SANGS RGYAS KYI ZHING BRJOD DU MED PA DAG TU SPRUL PAS BYON TE RGYAL BA SRAS DANG BCAS PA THAMS CAD MCHOD CING BKA' 'GRO BAR MDZAD NAS MYUR BAR PA SNAM SKYID SHONGS SU SPRUL PA'I SKU BZUNG STE SNGAR DGE 'DUN 'DUS PA'I TSOGS DANG DAD LDAN GRVA RGAN DE LA JI LTAR ZHAL BZHES MDZAD PA LTAR PHAG LO ZLA BA BDUN PA'I NANG DU DBANG

PHYOGS SU CHIBS BSKYOD PA NAS LO GSUM SONG BA STAG LO ZLA BA BZHI PA'I NANG DU PA SNAM SKYID SHONGS SU SKU BLTAMS, SKU BLTAMS MA THAG TU RGYAL BA THAMS CAD MKHYEN PA CHEN PO DANG 'JAM DBYANGS GONG MA BDAG PO CHEN PO GNYIS BKA' BGROS TE SPRUL SKU 'KHRUL MED DU NGOS BZUNG NAS DGA' LDAN LEGS BSHAD CHOS GLING DU SPYAN DRANGS, DE NAS MI RING BAR ZHA LU TSONG DUS KYI LAM NAS BKRA SHIS LHUN GYIS GRUB PA'I CHOS GRVA CHEN POR SPYAN DRANGS, RGYAL BA THAMS CAD MKHYEN PA CHEN PO CHIBS BSKYOD DE MNGA' GSOL, ME TOG GI CHAR PHAB, RJE BTZUN MCHOG GI SPRUL PA'I SKU BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO ZHES MTSAN GSOL, MTSAN DON DANG MTHUN PAR BKRA SHIS LHUN GYIS GRUB PA'I LHUN PO'I SPOR MCHOG GI SPRUL SKU'I NYIN BYED GSAR DU SHAR NAS 'PHRIN LAS KYI SNANG BA MKHA' KHYAB TU 'PHRO BZHIN PAR BZHUGS SO, ,` RJE THAMS CAD MKHYEN PAS SKAL BA DANG LDAN PA BGRANG BA LAS 'DAS PA LA BYANG CHUB LAM GYI RIM PA'I KHRID STZAL CING, RJE'I THUGS SRAS MKHAS GRUB DAM PAS NUB DZ'A LANDHA RA NAS SHAR PHYOGS RGYA MTSO'I MTHA' LA THUG GI BAR KHYAB PAS RJE BDAG NYID CHEN PO NAS BYANG CHUB LAM GYI RIM PA'I KHRING KYI BRGYUD TSUL YANG DE SNYED BYUNG MOD, DENG SANG YONGS SU GRAGS PA NI BDE LAM DANG 'JAM DPAL ZHAL LUNG GI KHRID RGYUN GNYIS SU BZHUGS PA LAS, BDE LAM KYI KHRID RGYUN LTAR DPAL DBEN SA SNYAN RGYUD KYI BLA MA GONG MA GCIG NAS GCIG

, ,TU BRGYUD PA'I BRGYUD RIM LTAR GYI BLA MA RNAMS KYI RNAM PAR THAR PA MDOR BSDUS BRJOD ZIN NAS, 'JAM DPAL ZHAL LUNG GI RGYUD 'DEBS LAS 'BYUNG BA LTAR RJE RIN PO CHE NAS MKHAS GRUB SHES RAB SENGGE DANG, DE NAS RJE DGE 'DUN GRUB SOGS LA RIM GYIS BRGYUD PA'I BLA MA RNAMS KYI RNAM PAR THAR PA BRJOD PA NI, MKHAS GRUB CHEN PO SHES RAB SENGGE'I ZHABS, ,ZHES BSNGAGS PA, MKHAS GRUB CHEN PO SHES RAB SENGGE NI GTZANG GI SA'I CHA SRAD KYI GUR MA ZHES BYA BAR YAB DAM BA DMAR PO ZHES BYA BA DANG, YUM CHOS SKU BKRA SHIS GNYIS KYI SRAS SU SKU 'KHRUNGS, GZHON NU'I DUS NAS SNGON GYI BAG CHAGS BZANG PO SAD PA'I MTHUS KHYIM GYI 'DU 'DZIL MI DGA' ZHING DAM PA'I CHOS 'TSOL BA LA NGANG GIS GZHOL BA ZHIG BYUNG NGO, ,DE NAS DGUNG LO BCU GSUM BZHES PA'I TSE NA NI DAL 'BYOR GYI LUS THOB PA'I DUS 'DIR 'KHOR BA LAS THAR PA'I THABS SHIG BYA DGOS PAR 'DUG ,DE YANG DENG BYA SANG BYA'I NGANG DU LUS NA CHE 'DI'I SNANG SHAS KYIS BSLUS NAS DAL BA STONG LOG TU SONG STE 'CHI PA'I NYEN YOD PAS 'PHRAL RANG DU RGYAL BA'I BSTAN PA LA RAB TU BYUNG NAS MDO SNGAGS GSUNG RAB RNAMS LA THOS BSAM SGOM GSUM TSUL DANG MTHUN PA CIG BYED DGONGS PA DANG, MNAL LAM DU RJE BTZUN SGROL MAS DA MYUR DU RAB TU BYUNG NA LEGS SO ZHES BSKUL BA LA BRTEN NAS DGUNG LO BCU BZHI BZHES PA'I TSE SANGS RGYAS SMAN PA'I RGYAL PO'I RNAM 'PHRUL MKHAN CHEN GRUB PA SHES RAB KYIS MKHAN PO MDZAD, LAS SLOB DUS GO

BA DGE 'DUN DANG BCAS PA'I DBUS SU DGE BSNYEN GYI SDOM PA DANG, BAR MA RAB BYUNG GI TSUL KHRIMS DANG, DGE TSUL GYI SDOM PA BZHES SHING MTSAN SHES RAB SENGGE ZHES 'DOGS PAR GNANG, SNGAR NAS NGO TSA DANG BAG YOD LA GNAS PA'I STENG DU, 'DI NAS BZUNG STE DGE TSUL GYI BSLAB BYA RNAMS LA LEGS PAR SLOB PAR MDZAD PAS GZHON NU NAS BTZUN PA'I MCHOG TU GYUR PA CIG BYUNG, DE NAS SLOB DPON MKHAS PA ZHIG LA BRTEN NAS PHYAG BRIS SLOB PA DANG 'DRI BA LA SBYANGS BDAR GNANG BAS TSOGS MED PAR MKHYEN PAR GYUR, DE 'PHRAL BSTAN BCOS MNGON RTOGS RGYAN 'GREL PA DANG BCAS PA THUGS LA BZUNG STE ZHAL 'DON LAN MANG DU GNANG BA'I TSE, LAN CIG GZIGS SNANG LA NUB PHYOGS NAS BLA GOS DUR SMRIG BZHES PA, DBU GTZUG TOR DANG BCAS PA, PHYAG NA GSIL BYED DANG LHUNG BZED BSNAMS PA ZHI ZHING 'DZUM PA ZHIG BYON NAS BYIN GYIS BRLABS PA'I GNANG PA'I MTSAN MA BZANG PO BYUNG STE, DE NI CHOS KYI RGYAL PO TZONG KHA PA CHEN PO DANG MJAL BA'I LNGAS SU MNGON ZHES RJE NYID GSUNG, DE NAS MKHAS PA CHEN PO G-YAS PHRUG BA SANGS RGYAS DPAL DE NYID MKHAN CHEN GRUB PA SHES RAB MJAL BAR PHEBS PA LA MKHAN CHEN PAS RJE 'DI NYID KYIS GTZO MDZAD PA'I BLO GSAL 'GA' ZHIG SBYOR GTAD GNANG STE, KHYED KYIS BLO GSAL DON GNYER CAN 'DI RNAMS RE ZHIG CHOS DANG ZANG ZING GNYIS KAS LEGS PAR SKYONGS SHIG CES BKA' STZAL BA BZHIN ZHAL GYIS BZHES NAS DE BZHIN MDZAD PAS DAM PA 'DI NYID KYIS MKHAS PA CHEN PO SANGS RGYAS DPAL LA BRTEN NAS BYAMS CHOS LNGA DANG, DBUM RIGS TSOGS DRUG, 'JUG PA RTZA 'GREL, SPYOD 'JUG, TSAD MA MDO DANG SDE BDUN SOGS LA SBYANGS PA MDZAD PAS DE DAG GI TSIG DON LA MKHAS PAR GYUR CING MKHAS PA CHEN PO SANGS RGYAS

, ,DPAL BAS KYANG RJE 'DI LA MKHAS GRUB CHEN POR MTSAN GSOL, DE NAS DGUNG LO NYI SHU BZHES PA'I TSE SNAR THANG DU TSIGS SNGA MA'I MKHAN PO MKHAN CHEN GRUB PA SHES RAB KYIS MKHAN PO MDZAD CING, GZHAN YANG LAS KYI SLOB DPON, GSANG STE STON PA, GRIB TSOD PA, KHA SKONG GI DGE 'DUN RNAMS TSAD BA'I DBUS SU DGE SLONG GI SDOM PA LEGS PAR BZHES TE BSTAN PA RIN PO CHE LA ZHUGS LA YONGS SU RDZOGS PA'I DPAL THOB, DE NAS BZUNG STE DGE SLONG GI BSLAB BYA RNAMS LA TSUL BZHIN DU SLOB PAR MDZAD PAS 'JIG RTEN GYI YON GNAS DAM PAR GYUR, GZHAN YANG SNAR THANG DU BZHUGS SKABS SU GTZO BOR SNGAR SMOS PA'I MTSAN NYID KYI GZHUNG RNAMS LA SBYONG BAR MDZAD CING, ZHAR LA DE'I MKHAN SLOB SOGS LA DBANG DANG RJES GANG DANG, LUNG DANG BSHAD PA SOGS CHOS BKA' RNAM GRANGS MANG PO GSAN PAR MDZAD PAS, GNAS DE'I MKHAN SLOB DGE 'DUN GYI SDE DANG BCAS PA RNAMS KYIS BSNGAGS PA'I GNAS SU GYUR, DE NAS SNGON GYI SMON LAM DANG CHOS KYI RGYAL PO TZONG KHA PA CHEN PO'I MKHAS BTZUN BZANG GSUM GYI SNYAN GRAGS GSAN PAS RKYEN BYAS NAS DBUS SU PHEBS, RIM GYIS RA SA 'PHRUL SNANG DANG RA MO CHE SOGS KYI RTEN RNAMS MJAL TE PHYAG DANG BSKOR BA SMON LAM 'DEBS PA RNAMS LA NAN TAN CHEN PO GNANG, DE DUS CHOS KYI RGYAL PO TZONG KHA PA

CHEN PO DGE LDAN RNAM PAR RGYAL BA'I GLING NA DBUS GTZANG KHAMS GSUM NAS PHEBS PA'I DGE BA'I BSHES GNYEN CHOS DON DU GNYER BA RNAMS LA CHOS KYI 'KHOR LO BSKOR BA'I SKABS SU PHEBS, DE NAS GZIM KHANG DKAR MOR RJE RIN PO CHE MJAL BAR PHEBS PAS RJE THAMS CAD MKHYEN PA'I SKU GZIGS PA TZAM GYIS SANGS RGYAS KYI 'DU SHES 'KHRUNGS TE DAD GUS BCOS MA MIN PA 'KHRUNGS, DUS DE NAS BZUNG STE RJE THAMS CAD MKHYEN PA BSAM SBYOR GNYIS KYI SGO NAS TSUL BZHIN DU BSTEN NAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA SOGS MDO SNGAGS KYI DAM BA'I CHOS MANG PO GSAN, DE NAS RGYAL BA TZONG KHA PA CHEN POS MTHUN RKYEN DANG BCAS NAS SKYOR MO LUNG DU MKHAN PO BSAM GTAN DON GRUB PA'I DRUNG DU 'DUL BA DANG MNGON PA GSAN PA LA RDZONG BA GNANG , RJE 'DI NYID KYIS DER PHEBS TE 'DUL MNGON GNYIS LA GSAN SBYONG MTHAR PHYIN PAR MDZAD, DE NAS RGYAL BA TZONG KHA PA CHEN PO MI'I DBANG PO GRAGS PA RGYAL MTSAN GYIS 'ON MNGA' BKRA SHIS DO KHAR GDAN DRANGS BA'I PHYAGS PHYIR RJE 'DI NYID KYIS PHEBS NAS DER DBU MA RTZA SHE'I RNAM BSHAD DRANG NGES RNAM 'BYED, TSAD MA RNA MA NGES KYI DKA' GNAS, RTZA LTUNG RNAM BSHAD RNAMS GSAN, DE RJES CHOS RJE GUNG THANG PA MDZES PA DPAL LA CHOS GSAN PAR PHEBS PA'I DRUNG DU 'KHOR LO SDOM PA LUS DKYIL

, ,GYI DBANG GSAN ZHING, THAMS CAD MKHYEN PA DGE 'DUN GRUB PA YANG DER BYON NAS RJE RIN PO CHE DANG MJAL, DE NAS RGYAL BA TZONG KHA PA CHEN PO PHYIR DGE LDAN DU PHEBS, RJE 'DI BAS RGYAL BA TZONG KHA BA'I BKA' BZHIN DU GSANG PHUR PHEBS NAS RJE DGE 'DUN GRUB PA SOGS BSHES GNYEN MANG PO LA LEGS BSHAD KYI DGA' STON THOG MAR STZAL CING, DPAL 'KHOR LO SDOM PA LUS DKYIL GYI BDAG 'JUG GI CHO GA MANG DU MDZAD, DE NAS SNON GYI 'CHAD DGON ZHES PAR PHEBS TE CHOS 'CHAD NYAN LA BRTZON BAR MDZAD BA'I TSE MNAL LAM DU DPAL LDAN CHOS GRAGS KYIS BYIN GYIS BRLABS NAS, RIGS KYI BU, DE RING NAS KHYOD KYI TSE'I PHYED RDZOGS SO ZHES GSUNGS TE MI SNANG BAR GYUR, MNAL LAM DE'I LTAS DPAL LDAN CHOS GRAGS KYI GZHUNG LA BRTEN NAS GZHAN LA PHAN PA RGYA CHEN PO 'BYUNG BA DANG DGUNG LO RE GSUM THUB PA'I LTAS SU MNGON ZHES RJE NYID GSUNG NGO, ,DE NAS BAR CHAD KYI MTSAN MA RTZUB BA ZHIG BYUNG BA NA RJE BTZUN SGROL MA LA GSOL BA BTAB PAS MNAL LAM DU NAM MKHA' LA SGROL MA'I SNYING PO YI GE BCU GSER GYI MDOG CAN ZHIG GSAL BAR GZIGS SHING, GZHAN YANG NAM MKHA' LAS SGROL MA DKAR MO'I SGO NAS TSE BSRING THABS SLOB DPON NGAG DBANG GRAGS PA'I GZHUNG LA BRTEN NAS GYIS SHIG PA'I SGRA GSAL BAR BYUNG, DES BSKUL MA BYAS NAS RJE BTZUN MA YID BZHIN 'KHOR LO'I RJES GANG DANG MAN NGAG ZHU BA GNANG

STA ZHAG RE BZHIN SNYING PO SPEL TSIG DANG BCAS BA STONG PHRAG DRUG RE'I LJAGS BZLAS RGYUN DU GNANG, DE'I TSE SLOB MA RNAMS KYIS GSOL BA BTAB PA'I DOR, RJE DGE 'DUN GRUB BAS DRUNG YIG GNANG NAS TSAD MA RNAM 'GREL GYI RNAM BSHAD LEGS PA CIG THUGS RTZOM YANG GNANG, DE NAS GRUB BA'I GNAS MCHOG DGE LDAN RNAM PAR RGYAL BA'I GLING DU PHEBS TE RDO RJE 'CHANG GI NGO BO RGYAL BTZONG KHA BA CHEN PO'I ZHABS DRUNG DU SHING RTA CHEN PO GNYIS KYI LAM SROL BYANG CHUB LAM GYI RIM PA CHE CHUNG GNYIS KYI DON RNAMS NYAMS LEN DU DRIL BA GSUNG BSHAD DANG BCAS PA GSAN PAS THUGS RANG DBANG MED PAR PHROGS TE, BSHES GNYEN BSTEN TSUL NAS LHAG MTHONG LA SLOB PA'I BAR GYI LAM RNAMS DMIGS PA'I RIM PAR DRIL NAS THUGS NYAMS SU BZHES PAS LAM THUN MONG BA LA THUGS NGES CHEN PO 'KHRUNGS SHING, KHYAD PAR SLOB DPON KA MA LA SH'I LA'I BZHAD PA RGYU 'BRAS BDUN GYI SGO NAS BYANG CHUB KYI SEMS SBYONG TSUL DANG, SLOB DPON ZHI BA LHA'I BZHED PA BDAG GZHAN BRJE BA'I SGO NAS BYANG CHUB KYI SEMS SBYONG TSUL GNYIS LA BRTEN NAS SMON PA SEMS BSKYED LA LEGS PAR SBYANGS, DE LA BRTAN PA THOB NAS SMON PA SEMS BSKYED CHO GAS BZUNG STE PHAR PHYIN DRUG DANG BSDU BA BZHI SOGS RGYAL SRAS KYI SPYOD PA RNAMS LA SLOB PAR MDZAD, GZHAN YANG MDO SDE DU MA DANG BSLAB BTUS SOGS BYANG SEMS KYI SDE SNOD

, ,DGONGS 'GREL DANG BCAS PA LA SBYANGS PAS BYANG CHUB KYI SEMS LA THUGS NGES SHIN TU CHE BA 'KHRUNGS, DE NAS RJE BLA MA BLO BZANG THUB DBANG RDO RJE 'CHANG BLO BZANG GRAGS PA'I DPAL NYID LA RGYUD KYI RGYAL PO DPAL GSANG BA 'DUS PA'I CHOS SKOR RNAMS GSUNG BAR GSOL BA 'DEBS PA GNANG BAS, RJE BLA MA BLO BZANG GRAGS PA'I DPAL GYIS RGYAL BA'I SRAS PO BZANG SKYONG LA RJE BTZUN 'DI NYID KYI RGYUD YONGS SU SMIN PAR MDZOD CIG CES BKA' STZAL BA ZHAL GYI BZHES TE, 'PHAGS LUGS KYI 'DUS PA'I DKYIL 'KHOR DU BCUG NAS DBANG BZHI RDZOGS PAR BSKUR BAR MDZAD, DE NAS RJE BDAG NYID CHEN POS TSUL KHRIMS LE'U DANG BLA MA LNGA BCU PA RTZA LTUNG BCU BZHI PA RNAMS KYI RNAM BSHAD GSUNGS, RJE 'DI NYID KYIS DE DAG GI TSIG DON THUGS LA BZUNG NAS DAM TSIG DANG SNGOM PA TSUL BZHIN DU BSRUNG BAR MDZAD PA'I NGANG NAS RJE BLA MA TZONG KHA PA CHEN PO NYID LA DPAL GSANG BA 'DUS PA'I RTZA RGYUD DANG 'GREL PA SGRON GSAL CHA LAG DANG BCAS PA DANG BSHAD RGYUD LNGA SGRUB THABS MDOR BYAS MDO SRE GNYIS RNAM GZHAG RIM PA DANG RIM LNGA SOGS 'PHAGS LUGS KYI 'DUS PA'I GDAMS PA RNAMS DANG, RJE MAR PA DANG 'GOS LA SOGS PA BOD KYI BLA MA RNAMS KYIS MDZAD PA'I MAN NGAG DANG GZHUNG BSHAD DANG, 'DUS PA YE SHES LUGS DAN GSHIN RJE GSHED

SKOR DANG, 'KHOR LO SDOM PA DANG KYEE RDO RJE, DUS KYI 'KHOR LO RNAMS KYI 'GRE BSHAD DANG BCAS PA RNAMS DANG, DE DAG GI MAN NGAG RNAMS GSAN NAS BRTZON PA CHEN POS SBYANGS PAS SPYIR RGYUD SDE BZHIG DANG, KHYAD PAR BLA MED KYI RGYUD SDE'I DON LA MKHAS PA'I PHUL TU PHYIN PAR GYUR, DE DUS RJE BDAG NYID CHEN POS 'GREL PA BZHI SBRAGS PHYAG TU BSNAMS NAS KHYED CAG MKHAS PA RNAMS KYI KHROD NA DPAL GSANG BA 'DUS PA'I RGYUD KYI BSHAD SREL 'DZIN NUS PA SU YOD CES BKA' LAN 'GA' ZHIG STZAL BA NA, MKHAS PA GZHAN SUS KYANG ZHAL GYIS BZHES MA NUS PA'I TSE, RJE 'DI NYID KYIS DE LTA BU BDAG GIS BGYI'O ZHES ZHAL GYIS BZHES PAR MDZAD PA NA RGYAL BA TZONG KHA PA CHEN PO THUGS SHIN TU DGYES NAS GSANG BA 'DUS PA'I GSER SKU KHYAD 'PHAGS DANG, 'GREL PA BZHI SBRAGS KYI GLEGS BAM, CHOS RGYAL GYI ZHAL 'BAG 'CHAM GOS DBYUG TO ZHAGS PA SOGS GNAD NAS SNGAGS KYI BSTAN PA'I BDAG POR MNGA' GSOL, DE NAS RGYAL BTZONG KHA PA CHEN POS RJE 'DI LA KHYOD RANG GTZANG PHYOGS SU BYON LA RGYUD KYI 'CHAD NYAN MDZOD DANG ,GNOD SBYIN MA CHEN MO ZHIG GIS SBYIN BDAG GI GTZO BO BYED PAR 'DUG CES LUNG BSTAN YANG GNANG NGO, ,RJE 'DIS DE DUS DANG GZHAN GYI TSE YANG RGYAL TSAB DAR MA RIN CHEN, 'DUL 'DZIN GRAGS PA GYAL MTSAN, MKHAS GRUB DGE LEGS DPAL BZANG, CHOS RJE LEGS

, ,PA RGYAL MTSAN SOGS YONGS 'DZIN DAM PA MANG PO LA DBANG DANG RJES GNANG, LUNG DANG BSHAD PA MAN NGAG SOGS DAM PA'I CHOS MTHA' YAS PA CIG GSAN PAR MDZAD, DE DUS PHO BRANG CHEN PO SNE'U GDONG RTZE NAS MI YI DBANG PO GRAGS PA RGYAL MTSAN GYIS RJE 'DI NYID LA RGYAL BA TZONG KHA PA CHEN PO'I BKA' 'BUM BZHENGS NA 'DI NAS GROGS DAN ZHU BAS 'DI PHYOGS SU PHEBS PAR ZHU ZHES PA'I BKA' SHOG PHEBS PAS THUGS SHIN TU DGYES NAS DE 'PHRAL SNE'U GDONG DU PHEBS BAR MI'I DBANG POS RJE RIN PO CHE'I BKA' 'BUM BZHENGS GROGS BDAG RGYEN BZANG PO GNANG ZHING , ZHAR LA KHRA 'BRUG GI GTZUG LAG KHANG YANG MJAL BAR GNANG, BKA' 'BUM BZHENGS GRUB PA DANG DE NYID BSNAMS NAS SKYID SHOD DU PHEBS PA NA PHEBS LAM DU RJE RIN PO CHE'I GSUNG RAB KYI GLEGS BAM 'GA' ZHIG LUS PA NA, GSHIN RJE CHOS KYI RGYAL POS MNGON SUM DU BYON NAS GLEGS BAM MYUR DU LONGS SHIG CES BSKUL BAS DE 'PHRAL LEN PAR PHEBS PAS PHYAG TU 'BYOR, DE NAS BZUNG STE CHOS SKYONG 'DIS 'PHRIN LAS TSUL BZHIN BSGRUB CING LUNG BSTAN YANG MANG DU MDZAD PA YIN PAR SNANG, DE NAS GSANG PHUR PHEBS TE GLING STOD KYI MTHONG SMON GRVA TSANG GI SLOB DPON LO SHAS GNANG NAS MDO PHYOGS KYI BSHAD NYON MDZAD PAS BSTAN PA LA PHAN THOGS RAB BYUNG, DE NAS RJE

'DI NYID DANG RJE DGE 'DUN GRUB GNYIS KAS GTZANG PHYOGS SU PHEBS, RI ZHIG SNAR THANG DU BZHUGS NAS PHAR TSAD LA SOGS PA MTSAN NYID KYI 'CHAD GNANG BAS GRVA BA MANG DU 'DUS, DE DUS RDZONG DPON SANGS RGYAS SKYABS KYIS SBYIN BDAG MDZAD NAS SNAR THANG DANG BYANG CHEN GNYIS DANG, RTA NAG DGE SBYONG DKAR POS SBYIN BDAG MDZAD NAS RI KHUD DANG, 'PHYONG RGYAS STAG RTZE BA HOR DPAL 'BYOR BZANG PO DE DUS BSAM GRUB RTZE'I RDZONG DPON YIN PAS KHONG GIS SBYIN BDAG MDZAD CING, BSAM GRUB CHOS SDE BRAG DMAR PHUL BAS GNAS DE RNAMS SU RJE 'DI NYID KYIS SGRON GSAL SOGS SNGAGS PHYOGS DANG, RJE DGE 'DUN GRUB PAS PHAR TSAD SOGS MDO PHYOGS KYI BSHAD PA MDZAD PAS DGE BSHES THON CHE RAB BYUNG, DE NAS SLAR BYANG CHEN DU BZHUGS DUS DPON SLOB GNYIS KA LA GZHAN GYIS BYANG KHA LTA BU'I SKU DOG SHIN TU CHE BA'I MTSAN MA BYUNG BAS DE DUS RJE 'DI NYID BSAM GRUB RTZE'I GZIM CHUNG BDE GSAL DU SKU SNYUN BA'I TSUL BSTAN , DE'I TSE RNAL 'BYOR GYI DBANG PHYUG BZANG PO RGYAL MTSAN GDAN DRANGS TE KHONG GIS YE SHES KYI MGON PO PHYAG DRUG PA'I GTOR CHEN THUN MONG MA YIN PA MDZAD PAS DE 'PHRAL SNYUN DVANGS NAS SNGAR BZHIN RGYUD KYI 'CHAD NYAN LA BRTZON PAR GNANG ZHING, RJE DGE 'DUN GRUB PAS KYANG BYANG CHEN DU PHEBS NAS SGROL DKAR GYI BSNYEN SGRUB LA BRTZON PAR MDZAD, DE DUS RGYAL TSAB RJE DANG MKHAS

, ,GRUB RJE GNYIS GNAS RNYING DU LHAN CIG TU PHEBS PA LA RJE SHES RAB SENG GE DON SROB GNYIS KYIS MJAL BAR PHEBS TE, RGYAL TSAB RIN PO CHER KHONG RANG GI GNANG BA'I MDON PA KUN BTUS KYI RNAM BSHAD SOGS GSUNG CHOS MANG PO YANG GSAN, DE NAS RJE SHES RAB SENG GE DPON SLOB GNYIS BSAM GRUB RTZEL PHEBS, RJE DGE 'DUN GRUB PA LA STOD LHOR CHOS BAR LA PHEBS PA'I SKYEL MAR RJE 'DI NYID KYIS CHU 'DUS BAR DU PHEBS, DE NAS PHYIR LOG PHEBS DUS RJE DGE 'DUN GRUB KYIS RJE 'DI NYID LA PHYAG PHUL TE ZHABS SPYI BOR BLANGS NAS YUN RING DU BZHUGS PA'I GSOL BA BTAB STE GRVA PA MTSAN NYID PA RNAMS KHRID NAS SHEL DKAR PHYOGS SU PHEBS, RJE 'DI NYID KYIS GRVA PA SNGAGS PA RNAMS 'KHRID NAS BSAM GRUB RTZER PHEBS TE RE ZHIG BZHUGS NAS RGYUD KYI 'CHAD NYAN 'PHEL BAR YOD PA'I TSE, RJE BLA MA TZONG KHA PA CHEN POS SNGAR LUNG BSTAN GNANG BA BZHIN GNOD SBYIN MO'I SPRUL PA BDAG MO SH'AKYA DPAL GYIS GDAN DRANGS, DER CHOS RJE 'PHAGS 'OD YON TAN RGYA MTSO SOGS LA GSANG 'DUS DANG BDE MCHOG SOGS GSANG SNGAGS KYI CHOS MTHA' YAS PA ZHIG GSUNGS TE KHONG DPON SLOB RNAMS DGE LDAN PA'I CHOS RGYUD 'DZIN PA LA BSGYUR, 'PHAGS 'OD YON TAN RGYA MTSO RDO RJE SLOB DPON DU BSKOS TE GNAS DER RGYUD KYI

'CHAD NYAN BTZUGS, BYIN RLABS KYI RTEN DU SNGAR RJE RIN PO CHES GNANG BA'I DAM CAN CHOS RGYAL GYI ZHAL 'BAG DANG, 'CHAM GOS DBYUG TE BCAS GNANG, DE NAS SRAD KYI SA'I CHAR DGA' LDAN PHO BRANG ZHES PA'I DGON GNAS BTAB STE RGYUD KYI RGYAL PO'I 'CHAD NYAN 'DZUGS PAR MDZAD NAS 'DUL 'DZIN DPAL LDAN BZANG PO 'CHAD NYAN PAR BSKO BZHAG MDZAD, BYIN RLABS KYI RTEN DU RJE RIN PO CHES GNANG BA'I 'GREL PA BZHI SGRAGS KYI GLEGS BAM GNANG, DE NAS DBUS PHYOGS SU PHEBS NAS GDAN SA CHEN PO DGA' LDAN RNAM PAR RGYAL BA'I GLING DU RGYUD KYI 'CHAD NYAN BTZUGS, DE NAS DAM PA'I CHOS KYI 'BYUNG GNAS ZHA LUR PHEBS TE MKHAN CHEN GRAGS PA RGYAL MTSAN GYI DRUNG DU DPAL MCHOG DANG RTZE MO DANG RDOR DBYINGS SOGS RGYUD SDE 'OG MA RNAMS KYI DBANG DANG RGYUD BSHAD, LUNG DANG MAN NGAG DPAG TU MED PA GSANG CING DE DAG LA SBYANGS PA MDZAD PAS MKHAS PAR GYUR, DE NAS SLAR YANG DGA' LDAN RNAM PAR RGYAL PA'I GLING DU PHEBS, RGYAL TSAB RIN PO CHER DUS 'KHOR GYI CHOS SKOR GSANG PA'I THUGS 'DUN YOD PA LA DGE SBYONG DKAR POS RTA NAG TU GDAN DRANGS TE RI KHUNG CHOS SDE PHUL BAS DE NYID ZHAL BDAG GNANG STE LO KHA SHAS 'CHAD NYAN 'PHEL BAR BZHUGS, DE DUS RI BO DGE 'PHEL DU PHEBS NAS KUN MKHYEN SHES RAB DPAL BZANG YAB SRAS KYI DRUNG DU YANG CHOS BKA' MANG PO GSAN PAR MDZAD, DE NAS RJE DGE 'DUN GRUB BA DPON SLOB RNAMS

, ,LA STOD PHYOGS NAS PHEBS TE YAB SRAS MJAL BAS PHAN TSUN THUGS SHIN TU DGYES PAR GYUR, DE NAS YAB SRAS BKA' BGROS GNANG STE RJE DGE 'DUN GRUB PA RI KHUD KYI GDAN SAR BSKOS NAS RJE 'DI NYID KYIS DBUS SU PHEBS, DGE LDAN RNAM PAR RGYAL BA'I GLING DU MKHAS GRUB RIN PO CHER DUS 'KHOR GYI DBANG DANG RGYUD 'GREL GYI BSHAD PA SBYOR DRUG GI KHRID SOGS GSUNG CHOS MANG PO GSAN, RGYUD KHANG NYID DU THUGS DAM LA BRTZON PAR BZHUGS PAS BAR GCOD CUNG ZAD BYUNG BA THUGS DAM GYIS BZLOG PAR MDZAD, GNAS DER 'DUS PA'I RIM PA DANG PO'I LAM LA GOM PAR MDZAD PA THA MAL GYI SNANG ZHEN 'GAGS SHING, RIM PA GNYIS PA'I LAM LA MNYAM PAR 'JOG PAR MDZAD BAS KUN RTOG G-YO BYED KYI RLUNG RNAMS DHU T'I RR THIM PAR GYUR, DE LA BRTEN NAS MNYAM GZHAG TU BDE BA CHEN PO 'KHRUNGS SHING, BDE BA CHAN POS STONG PA NYID NGES PAR MDZAD DE BDE STONG DBYER MED KYI TING NGE 'DZIN YUN RING DU SKYONG BAR MDZAD NAS MNYAM GZHAG DE LAS BZHENGS PA'I RJES THOB TU YUL DU SNANG BA THAMS CAD BDE BA CHEN PO'I RNAM ROL DU 'CHAR BA DANG, DE GNYIS KYANG LHA SKUR 'CHAR BA BYUNG ZHING , SROG RTZOL GSUM GYI RDOR BZLAS DANG, RLUNG BUM PA CAN DANG KHYAB BYED KYI RLUNG LA RDOR BZLAS GNANG BAS GRUB PA'I DBANG PHYUG TU GYUR, DE NAS SNGAR GSAN PA'I MDO SNGAGS KYI CHOS RNAMS GDUL BYA RNAMS LA BSHAD NA LEGS

PAR DGONGS TE, CHOS DON DU GNYER BA RNAMS LA BYANG CHUB LAM RIM DANG 'DUS PA BDE MCHOG SOGS KYI KHRID DANG BSHAD PA DBANG RJES GNANG SOGS GNANG ZHING, KHYAD PAR RJE BLA MA TZONG KHA BA CHEN PO'I SPYAN SNGAR 'DUS PA'I RGYUD KYI BSHAD SROL 'DZIN PAR ZHAL GYIS BZHES PA BZHIN DU DE'I TSE SNE'U GDONG NAS DPON NAM MKHA' DPAL 'BYER GYIS SBYIN BDAG MDZAD DE NAN GYIS GSOL BA BTAB PA'I NGOR STOD LUNG GI GNAM RTZENG LTENG DU PHEBS, GNAS DER DGE BA'I BSHES GNYEN MANG DU 'DUS PA LA RGYUD KYI RGYAL PO DPAL GSANG BA 'DUS PA'I RGYUD 'GREL GYI BSHAD PA RJE BLA MA RDO RJE 'CHANG GI GSUNG RGYUN BZHIN GNANG BAS DGE BA'I BSHES GNYEN DE RNAMS LA THUGS BSKYED SHIN TU CHE BA BYUNG ZHING KHONG DPON SLOB RNAMS KYANG DAD PA LHAG PAR 'KHRUNGS, DE NAS BZUNG STE RJE 'DI NYID KYI THUGS LA DGE BA'I BSHES GNYEN 'DI RNAMS SDOM GSUM GYI NYAMS LEN LA GNAS PA'I DANG NAS 'DUS PA'I RGYUD 'GREL DANG BSKYED RDZOGS GNYIS KYI 'CHAD NYAN RGYUN TSUGS SHIG BYUNG NA DGONGS TE, DPON SLOB RNAMS PHYOGS PHYOGS SU CHOS BAR BTEG NAS DBYANG SOS GNYIS RGYUD 'GREL GYI BSHAD PA DANG, STON DUS 'DUS PA'I RDZOGS RIM RIM LNGA GDAN RDZOGS KYI DMAR KHRID, SPYOR BA YON LAG DRUG GI KHRID, N'A RO CHOS DRUG GI KHRID, 'KHOR LO SDOM PA'I RDZOGS RIM RNAL 'BOR CHEN PO'I KHRID, DE'I RDZOGS RIM RIM PA LNGA'I KHRID,

, ,RDO RJE 'JIGS BYED GYI RDZOGS RIM RNAL 'BYOR BZHI'I KHRID RNAMS 'DEBS BAR MDZAD LA, 'DI RNAMS LA KHRID CHEN DRUG CES GRAGS SHING, DE'I STENG DU 'KHOR LO CHEN PO'I RDZOGS RIM GYI KHRID DANG, YE SHES ZHABS LUGS KYI 'DUS PA'I RIM GNYIS KYI KHRID BSNAN NAS KHRID CHEN BRGYAD DU YANG GRAGS PA DANG, DE'I STENG DU BYANG CHUB LAM GYI RIM PA'I KHRID DANG, DBU MA THAL 'GYUR BA'I LTA KHRID KYANG 'DEBS PAR MDZAD DO, ,DE RNAMS KYI NANG NAS 'DUS PA DANG 'KHOR LO SDOM PA GNYIS KYI RDZOGS RIM GYI KHRID LA RJE BLA MA TZONG KHA PA CHEN PO'I ZHAL SLOB GZHAN LA MED PA'I MAN NGAG ZHAL SHES YI GE MED BA MANG PO YANG RJE 'DI NYID LA YOD BAS DE RNAMS KYANG GSUNGS SHING, KHRID DE RNAMS DUS PHYIS KYANG LAN RE GNYIS TZAM MIN BAR LO RE BZHIN 'DEBS PAR MDZAD BAS BSTAN PA'I RGYUN LA PHAN PAR BYUNG ZHING BLO LDAN RNAMS KYIS BSNGAGS PA'I GNAS DANG , SKYE DUG RNAMS KYI BDE SKYID KYI GSOS SU GYUR PA LAGS, DE NAS RGYUD KYI 'CHAD NYAN RGYUD CHEN SBYIN PA DPAL BA LA GTAD CING, GRVA TSANG GI BYIN RLABS KYI RTEN DU RJE RIN PO CHES GNANG PA'I GSANG BA 'DUS PA'I GSER SKU BYIN RLABS CAN DE GNANG NGO, ,DE LTAR RGYUD KYI 'CHAD NYAN GNANG BZHIN PA'I NGANG NAS SKU 'KHOR RNAMS LA DPE CHA 'DI RNAMS DGE 'DUN GRUB PA'I SAR SKYOL , RGYUD SDE'I 'CHAD NYAN 'DI SBYIN PA DPAL BAS GYIS, DE'I

GROGS DGOS PA GRAGS PA BZANG PO LA CHOL, ZHES GSUNGS NAS MYA NGAN LAS 'DA' BA'I THUGS 'DUN GTAD, DE NAS RGYUD KYI GRVA TSANG DANG LHAN CIG TU DGE LDAN RNAMS PAR RGYAL BA'I GLING DU PHEBS TE RIM GNYIS KYI RNAL 'BYOR LA BRTZON BA'I NGANG NAS THUN MTSAMS SU CHOS GSAN MI RNAMS LA RANG RANG GI 'DOD PA DANG MTHUN PA'I CHOS RNAMS STZAL, DE'I TSE RJE 'DI NYID KYI THUGS RGYUD LA MNGON BAR RTOGS PA'I YON TAN BSAM GYIS MI KHYAB PA 'KHRUNGS SO, , DE NAS SKU CHE 'DI'I DNGOS KYI GDUL BYA RDZOGS TE ZHING GZHAN DU 'BYON PAR DGONGS BAN THUGS DAM RIM GNYIS KYI RNAL 'BYOR LA RTZE GCIG TU BZHUGS SHING, DE'I TSE DAG PA'I GZIGS SNANG LA SKU MDUN GYI BAR SNANG LA RJE BTZUN BYAMS PA DANG 'JAM DBYANGS GNYIS KYIS SHER PHYIN GSUNGS SHING, SHER PHYIN GYI MDO SGROGS SHIG CES BKA' STZAL PA YANG DE BZHIN DU MDZAD CING, DPAL GSANG BA 'DUS PA, 'KHOR LO SDOM PA, DUS KYI 'KHOR LO SOGS YI DAM MANG PO'I ZHAL GZIGS, ,DE GA'I DANG NAS 'OD GSAL CHOS SKU MNGON DU MDZAD NAS DE'I NGANG LA YUN RING MNYAM PAR 'JOG PA GNANG, DE LAS LONGS SKUR BZHENGS PA'I TSE LHA RNAMS KYIS ME TOG GI CHAR DANG ROL MO'I SGRA LA SOGS PAS MCHOD CING NAM MKHA' G-YA' DAG PA LA 'JA' 'OD KYIS KHYAB PA DANG, DPA' BO DANG RNAL 'BYOR MA RNAMS KYIS GDUGS DANG RGYAL MTSAN DANG ROL MO'I SGRA LA SOGS PAS MCHOD CING BSUS TE DGA' LDAN CHOS KYI PHO

, ,BRANG DU RJE BDAG NYID CHEN PO YAB SRAS KYI DRUNG DU PHEBS SO, ,DE NAS RJES 'JUG RNAMS KYIS SKU GDUNG LA MCHOD PA RGYA CHER BYAS TE ZHUGS LA PHUL BA NA DBU THOD RIL POR MA NYAMS PAR BYON PA DANG, RING BSREL CHES NGO MTSAR BAR BYON PA DAG NI RJE DGE 'DUN GRUB KYIS BZHES TE BKRA SHIS LHUN PO'I THUB CHEN GYI SKU'I NANG DU BZHUGS SO, ,DE LTAR RJE SHES RAB SENG GE 'DIS CHOS KYI RGYAL PO TZONG KHA PA CHEN PO'I BSTAN PA'I SNYING PO MTHAR THUG PHA RNAMS RGYA CHER SPEL BAR MDZAD PAS RGYUD 'DZIN GYI SLOB MA MTHA' YAS PA BYON ZHING, RGYUD KYI BSHAD SROL 'DZIN PA NI GTZANG DU 'DUL NAG PA DPAL LDAN BZANG POS SRAD DU RGYUD GRVA BTZUGS TE 'DUS PA'I BSHAD SROL MA NYAMS PAR BSKYANGS ,PAn CHEN BZANG PO BKRA SHIS KYIS GANGS CAN DU MDO SNGAGS GNYIS KA'I BSHAD GRVA BTZUGS TE BSHAD SROL MA NYAMS PAR BSKYANGS, RGYUD CHEN SPYIN PA DPAL BAS RGYUD SMAD GRVA TSANG DU RJE'I SNGAGS KYI BSHAD SROL MA NYAMS PAR BSKYANGS, RGYUD CHEN KUN DGA' DON GRUB KYIS 'CHUM MDA' SOGS SU RGYUD KYI BSHAD SROL MA NYAMS PAR BSKYANGS PA LA RGYUD STOD DU GRAGS PA BYUNG, 'PHAGS 'OD YON TAN RGYA MTSOS LHUN PO RTZER 'DUS PA'I BSHAD SROL MNYAMS BAR BSKYANGS SHING SGRON GSAL GYI MCHAN BU RJE BDAG NYID CHEN PO'I DGONGS PA RMA MED PAR BKOD PA SGRON GSAL

RNAM NGES ZHES BYA BA'I LEGS BSHAD RMAD DU BYUNG BA 'DI MDZAD DO, ,GZHAN YANG RGYUD 'DZIN GYI SLOB MA MTHA' YAS PA BYUNG ZHING THAMS CAD KYI NANG NAS RGYAL MTSAN GYI TOG LTAR MNGON PAR MTHO BA 'GRAN PA'I ZLA THAMS CAD DANG BRAL ZHING 'PHRIN LAS NAM MKHA' DANG MNYAM PA NI THAMS CAD MKHYEN PA DGE 'DUN GRUB PA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB CHEN PO SHES RAB SENG GE LA GSOL BA 'DEBS SHING ,BDAG NYID CHEN PO 'DI'I RNA MTHAR LTAR MDO SNGAGS GNYIS KA'I LAM GYI LUS YONGS SU RDZOGS PA LA BAG CHAGS CI THEBS BYA'O,, ` ,,RIG GROL PHUN TSOGS DGE 'DUN 'DUS PA'I GTZO, ,GRUB PA'I DBANG PHYUG MKHAS PA KUN GYI DPAL, ,'PHRIN LAS BZANG POS BSTAN PA RGYAS MDZAD BA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA, THAMS CAD MKHYEN PA DGE 'DUN GRUB PA DPAL BZANG PO NI, GUR MA ZHES BYA BA'I YUL GYI LHAS RA ZHIG TU, YAB MGON PO RDO RJE DANG, YUM JO MO NAM SKYID CES BYA BA GNYIS KYI SRAS SU LCAGS MO LUG GI LO NGO MTSAR BA'I LTAS DANG BCAS TE 'KHRUNGS, RJE 'DI SPRUL PA'I SKYES BUR STON PHYIR 'KHRUNGS PO'I NUB MO DE PHYOGS KYI 'BROG BA LA DGRA JAG BYUNG STE YUM GYIS KHYE'U 'KHRUNGS MA THAG PA DE KHYER MA THUB PAR RDO'I GSEB CIG TU SBAS TE NANG MI THAMS CAD BROS, SANG NYIN NAM LANGS NAS LTAR 'ONGS PAS, DE'I MTHA' SKOR LA BYA

, ,DANG GCAN GZAN MANG PO 'KHOR NAS YOD PA LA, BYA ROG CHEN PO GCIG GIS KHYE'U 'KHRUNGS MA THAG PA DE GCAN GZAN SOGS KYI GNOD PA LAS BSRUNGS TE MA NONGS PAR BZHUGS BAN THONG STE DGA' ZHING NGO MTSAR YA MTSAN DU BZUNG NAS KHYE'U DE KHYER TE BROS NAS PHYIN, DE DUS KYI BYA ROG CHEN PO DE NI DPAL MGON ZHAL GYI RNAM 'PHRUL DU 'DUG ,MGON PO 'DIS PHYIS KYANG DE DUS KYI DRIN NGO DANG, KHYOD LTA BU'I BSTAN 'DZIN LA NGA LTA BU'I CHOS SKYONG BSTEN DGOS PA YIN NO ZHES YANG YANG GSUNG GIN YOD GSUNG STE BSAM GYIS MI KHYAB PA'I RNAM THAR RO, ,DE LTA BU'I GZHON NU DE NYID NI, BYIS PA'I GNAS SKABS NYID NAS KYANG BYIS PA'I RGUD PA THAMS CAD LAS YANG DAG PAR 'DAG SHING, BAG MED BAR RTZE BA MTHA' DAG LAS NGANG GIS LOG, NYES SPYOD RNAMS NI RANG BZHIN GYIS BSDAMS, BLO GROS DPAG PAR DKA' ZHING DAM PA'I CHOS 'CHOL BA LA NGANG GIS ZHUGS PA SOGS BYANG CHUB SEMS DPA'I SPYOD PA RLABS PO CHE RNAMS LAS NAM YANG NYAMS PA MED CING ,KHYAD PAR RANG DANG NA TSOD MNYAM PA'I BYIS PA MANG NGO BSAGS NAS DE DAG LA RANG NYID KYIS CHOS 'CHAD PA'I RNAM PA MDZAD CING, GZHAN YANG RTEN BZHENG DANG, GTZUG LAG KHANG DANG, CHOS KHRI DANG, CHOS RA RTZIG BA YIN GSUNGS NAS, NYIN MTSAN KUN TU PHYAG DAL BAR BZHUGS PA'I SKABS MED BLTA BU ZHIG YOD CES GRAG GO, DE NAS RJE 'DI'I YAB YUM RNAMS KYANG NOR DGRA LA SHOR TE

SBRAM TSUGS BAR RE ZHIG LA KHA STOD KYI GRONG YUL RNAMS SU BZHUGS TE RJE 'DIS KYANG GRONG BA DAG GI RDZI BO SOGS MJAD DE SEMS CAN LA PHAN PA MDZAD, KHYAD PAR RTZEN DKAR BYA BA'I YUL DU BZHUGS, DGUNG LO LNGA BA'I DUS NYIN RE BZHIN PHYOGS GZHAN ZHIG TU 'BYON PA ZHIG BYUNG BA LCAM MO ZHIG YOD PA DES LTAR PHYIN PAS RDO MANG PO LA MA nI PHYAG BRIS MDZAD DE BRKO YIN 'DUG ,CI MDZAD ZHUS PAS, 'DI LA NGA'I PHA MA'I SGRIB SBYONG BYED PA YIN GSUNG, PHA MANG LTA MA SHI LAGS ZHUS PAS, PHA MA SHI BA DANG MA SHI BA MANG PO YOD PAS DE THAMS CAD KYI SGRIB SBYONG YIN GSUNG, DE 'DRA'I MA nI DE YUL DE NA DA LTA YANG YOD PAR GRAGS, DE NAS KHA STOD MTHONG SMON BYA BAR YUM SRAS RNAMS KYI BYON, YUL DE'I PHYUG PO ZHIG GI RA RDZI MDZAD DE RI GDONG ZHIG GI BRAG LDEBS LA 'BRU DRUG DANG, 'BRU GSUM DANG, H'Um DANG HR'I: LA SOGS PA'I GSUNG YIG 'BRU MANG PO DANG, GDUGS DANG, RGYAL MTSAN DANG, BA DAN SOGS MCHOD PA'I YO BYAD MANG PO PHYAG BRIS SU BSKO BAR MDZAD PA DA LTA YANG YUL DE NA BZHUGS ,DE NAS ZHU RONG BYA BAR PHEBS TE 'GRO DON MDZAD, DE NAS SNAR THANG GI PHU DGE STENG BYA BAR BZHUGS, DGUNG LO BDUN PA'I TSE YAB DE SKU GSHEGS, DE'I TSE RJE 'DIS STON PA SMAN PA'I RGYAL PO'I MDO ZHIG PHYAG BRIS MDZAD DE BZHENGS, 'DI LA BDAG GI PHA'I SGRIB SBYONG BYED PA YIN NO GSUNG, DE NAS YAB YUM DAG 'BYOR PA CHUNG BAS RGYAL SRAS 'DIS

, ,SNAR THANG DU DGE 'DUN GYI TSOGS LA BSGRU BA LA BYON, DE LA YANG NA BZA' SER PO RE BZHES, DBU SKRA BREGS TE BYON, DE LA MI RNAMS KYIS BTZUN CHUNG RAG SKYA ZHES 'BOD PA BYUNG, DE NAS RGYAL BA'I BSTAN PA LA 'JUG PAR BZHED DE SNANG THANG MKHAN CHEN GRUB PA SHES RAB LAS YONGS RDZOGS DGE BSNYEN GYI SDOM PA BZHES TE BSLAB KHRIMS RNAMS TSUL BZHIN DU BSRUNG BAR MDZAD CING, CHOS SPYOD MANG PO ZHAL TON DU MDZAD PA NA BTZUN CHUNG PAD RDOR ZHES 'BOD PA BYUNG, DE NAS SNAR THANG MKHAN PO'I GSUNG NAS, DA RA ZHIG LA YON TAN THAMS CAD KYI RTZA BA YIN PAS KLOG YIG LA SBYONGS SHIG GSUNGS NAS, DE DUS KYI KLOG DPON RGYA STON TZANDRA PA ZHES PA SLOB MA BRGYA PHRAG MANG PO BSTEN PA GCIG LA GTAD DE KLOG YIG SBYONG BA'I TSUL BSTAN PA TZAM GYIS THOGS MED DU MKHYEN PA BYUNG, DE NAS RGYA STON PA'I ZHAL NAS, DA NI NGA BAS KHYOD MKHAS PAR 'DUG PAS NGA'I SLOB MA RNAMS KHYOD KYIS SKYONGS SHIG GSUNGS NAS, DE DUS KYANG KLOG GIS BU SLOB SKYONG BA SOGS MDZAD, DE NAS YANG, DE DUS KYI YIG DBON SH'AKYA DPAL ZHES PA LA YI GE SBYONG BA'I TSUL BSTAN PA TZAM GYIS YI GE'I RIGS, RGYA YIG ,BOD YIG ,HOR GYI YI GE, RGYA GAR GYI YI GE'ANG, LANYTSA, WARDHU, BOD YIG LA'ANG, CHE YIG ,CHUNG YIG ,DE LA'ANG, 'BRU MA, TSAG BRIS, ZLUM BRIS SOGS THAMS CAD THOGS PA MED PAR

MKHYEN, DE LTAR MKHYEN CING RAB TU BYUNG BA'I RJES SU'ANG SNAR THANG DU KLOG YIG GI PA BU SLOB MANG PO BSKYANGS BAS MI RNAMS KYIS DBON YIG DGE 'DUN GRUB CES 'BOD PA'ANG BYUNG ZHING, DE LTAR YIG RIGS THAMS CAD MKHYEN PAS GSAN SBYONG MDZAD DUS KYI PHYAG DPE PHAL CHE BA PHYAG BRIS MDZAD DE BZHENGS, CHOS BAR SOGS LA BYON DUS GTZUG LAG KHANG GANG DU BYON SAR 'PHAN GDUGS RGYAL MTSAN SOGS PHUL BA RNAMS LA DKAR CHAG RE PHYAG BRIS SU MDZAD, PHYIS BKRA SHIS LHUN PO'I PHYI NANG KUN TU BLA MA SANGS RGYAS BYANG SEMS KYI MTSAN DANG, MA nI JI SNYED YOD PA PHAL CHE BA DANG, KHYAD PAR GTZUG LAG KHANG GI NANG NA YOD PA LANYTSA SOGS YIG RIGS PHAL CHE BA RNAMS RJE 'DI'I PHYAG BRIS YIN ZHING, RJE 'DIS MDZAD PA'I PHYAG BRIS CHAD LHAG NOR GSUM GYI SKYON DANG BRAL BAR RJE RANG NYID KYIS ZHAL GYIS BZHES SO, ,DE NAS 'DI SNYAM DU DGONGS TE, RGYAL BA'I BSTAN PAL ZHUGS TE KHYIM NAS KHYIM MED PAR RAB TU BYUNG NAS THOS BSAM SGOM GSUM 'CHAD RTZOD RTZOM GSUM GYI SGO NAS RGYAL BA'I BSTAN PA RIN PO CHE CHES CHER SPEL THUB PA ZHIG BYA'O SNYAM DU DGONGS NAS DGUNG LO BCO LNGA PA SHING MO BYA'I LO ZLA BA GSUM PA'I NYER GCIG GI NYIN DPAL SNAR THANG GI GTZUG LAG KHANG DU MKHAN CHEN GRUB PA SHES RAB PAS MKHAN PO DANG, BSHES GNYEN CHEN PO BLO LDAN PA ZHES PAS SLOB DPON MDZAD DE ,

, ,RAB TU BYUNG ZHING CHIGS SNGA MA DGE TSUL GYI SDOM BA YANG DAG BAR MNOS TE, DGE 'DUN GRUB PA DPAL BZANG PO ZHES MCHAN GSOL, DE LTAR RAB TU BYUNG NAS 'DI SNYAM DU DGENGS TA, SANGS RGYAS BCOM LDAN 'DAS KYI RJES SU RAB TU BYUNG BA DAG GI LAS SU BYA BA NI GNYIS TE, 'DI LTAR KLOG PA THOS BSAM DANG, SGRUB PA BSAM GTAN GYI RIM PA'O, ,DE BAS NA BDAG GIS KYANG KLOG PA THOS BSAM DANG SPONG BA BSAM GTAN GNYIS KYI SGO NAS RGYAL BSTAN YONGS SU RDZOGS PA RANG GI RGYUD LA 'DZIN CING GZHAN LA'ANG RGYA CHER SPEL BAR BYA'O SNYAM DU DGONGS NAS DE DUS SNAR THANG NA MAH'A PAndI TA SADGHA SHR'I ZHES PA'I MKHAS GRUB CHEN PO ZHIG YOD PA LA, SNYAN DNGAGS ME LONG DANG, 'CHI MED MDZOD DANG, SGRA 'TSAMS SBYOR LNGA BA RNAMS GSAN CING, GTUM PO DKAR PO'I RJES GNANG SOGS KYI BKA' YANG MANG RAB GSAN LA, BSHES GNYEN DAM PA GZHAN MANG PO LA'ANG DBANG LUNG MAN NGAG RGYA CHER GSAN NO, ,DE NAS DGUNG LO NYI SHU BZHES PA LCAGS PHO STAG GI LO ZLA BA GNYIS PA'I GRAL TSES BCU GCIG GI NYIN TSIGS SNGA MA'I MKHAN PO GNAS LNGA RIG PA GRUB PA SHES RAB PAS MKHAN PO DANG, TSIGS SNGA MA'I SLOB DPON BLO LDAN PAS LAS SLOB, DE'I GDAN SA PA CHEN PO GRAGS PA SHES RAB PAS GSANG STON MDZAD CING MTSAN NYID LDAN PA'I KHA SKONG GRANGS TSANG BAS

DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE, LHAG PA TSUL KHRIMS KYI BSLAB PA YONGS SU RDZOGS PA'I LHA'I CHU BOS THUGS RGYUD KYI BAM BZANG NYE BAR GTAMS SHING, LHA DANG BCAS PA'I 'JIG RTEN GYI YON GNAS GCIG PUR GYUR TO, ,DE NAS TSAD MA RNAM 'GREL GYI GZHUNG LA SPYANGS TE SNAR THANG DU GRVA SKOR YANG MDZAD, DE NAS SNAR THANG MKHAN CHEN SOGS BSHES GNYEN MANG PO LA MDO SNGAGS KYI CHOS MANG DU GSAN, DE DAG GI TSE YANG YON TAN THAMS CAD KYI GZHI DANG RTZA BA TSUL KHRIMS SU DGONGS NAS LHAG PA'I TSUL KHRIMS NYES LTUNG GI DRI MA THAMS CAD DANG BRAL BA ZHIG MNGA' BAS GNAS BRTAN 'DUL BA 'DZIN PA GSER RI'I PHRENG BA LTA PU'I DBUS NA LHUN PO LTAR MNGON PAR 'PHAGS SHING, BDAG PAS GZHAN GCES PA'I BYANG CHUB KYI SEMS BCOS MIN THUGS RGYUD LA RGYUN CHAGS PAR MNGA' BAS 'GRO BA KUN LA PU GCIG BA LTAR DGONGS TE, BSTAN PA DANG SEMS CAN LA PHAN PAR GZIGS NA DMYAL BA'I ME YANG PADMA'I TSAL LTAR GZIGS NAS 'JUG PA LA YA MI NGA ZHING RANG GI CHED DU DAG PA'I ZHING GI 'BYOR PA YANG RMI LAM GYI DGA' STON LTAR GZIGS NAS BLTOS PA MED CING, BSKYED RDZOGS KYI TING NGE 'DZIN SHIN TU BRTAN PO BRNYES PAS THUN MONG DANG THUN MONG MA YIN PA'I MNGON PAR RTOGS PA'I YON TAN NI, SO SO SKYE BO'I BYANG CHUB SEMS

, ,DPA' PHAL MO CHE DAG GIS RJES SU YI RANG BA TZAM YANG BYA DKA' BA'I RGYAL SRAS KYI SNYING STOBS PHUL DU BYUNG BA MNGA' BAS, RGYAL BA'I SPYAN SNGAR KHAS BLANGS PA'I DAM TSIG LAS MI G-YEL BA'I SRUNG MA KHYAD BAR CAN DANG DKAR PHYOGS SKYONG BA'I LHA DAG GIS DNGOS SU BSNYEN BKUR ZHING LEGS SO GSOL BA'I TSIG GIS MNGON PAR BSNGAGS SHING, GZHAN LA CHOS STON PA'I 'PHRIN LAS LHUR MDZAD PA LA DGONGS PA MNGON DU PHYOGS PAR GYUR TO, ,DE NAS 'DI LTAR DGONGS TE, DE YAN CHAD NYER 'DZIN CHEN PO'I GSUNG DANG DU BLANGS, BSTAN PA DANG SEMS CAN LA PHAN GANG CHE'I SGO NAS 'GRO BA'I DON BYAS, DA NI SNGAR NAS YID LA YANG DANG YANG DU YOD PA BZHIN DAM PA'I CHOS 'TSOL BA DANG, RJE BTZUN CHOS KYI RGYAL PO TZONG KHA PA CHEN PO'I DRUNG DU MYUR DU 'GRO BAR BYA'O SNYAM DU DGONGS NAS DE LUGS KYI GRABS BYAS NAS DGUNG LO NYER LNGA PA SHING MO LUG GI LO LA DBUS PHYOGS LA BYON TE, KHRA 'BRUG TU SEMS DPA' CHEN PO KUN BZANG PA LA TSAD MA DANG DBUM SOGS KYI THUGS SPYOD MDZAD, DE NAS RJE BTZUN TZONG KHA BA CHEN POS SKYONG MI'I DPANG PO GRAGS PA RGYAL MTSAN GYIS BKRA SHIS RDO KHAR SPYAN DRANGS PA'I DRUNG DU, SEMS DPA' CHEN PO KUN BZANG PA'I PHYAGS PHYI MJAD DE BYON NAS, DER RJE RIN PO CHE LA TSAD MA RNAM NGES KYI DOGS GCOD, DRANG NGES RNAM 'BYED,

RTZA SHE'I RNAM BSHAD, BLA MA LNGA BCU BA'I RNAM BSHAD, RTZA LTUNG GA NAM BSHAD SOGS CHOS MANG PO GSAN CING, RJE RIN PO CHE YANG THUGS SHIN TU DGYES BAR BYUNG STE, 'DUL BA'I BSLAB KHRIMS KHYAD PAR CAN SPEL PA'I RTEN 'BREL BSGRIG PA'I PHYIR DU MTHANG GOS BZHES 'PHRO ZHIG GI GNANG SBYIN KYANG MDZAD, DE NAS RJE BTZUN TZONG KHA PA'I GSUNG GIS THANG BO CHE'I BLA BRANG BA NYI MA RGYAL MTSAN PA LA DPAL GSANG BA 'DUS PA'I BKA' ZHIG ZHU BA LA PHYIN PA LEGS ZHES BSKUL TE DER BYON, RJE NYI MA RGYAL MTSAN PA LA DPAL GSANG BA 'DUS PA MI BSKYOD PA DANG, RDO RJE 'JIGS BYED BCU GSUM MA DANG, GSHED DMAR BCU GSUM MA DANG, GSHED DMAR LHA LNGA MA SOGS KYI BKA' MANG PO GSAN NO, ,DE NAS DBON SLOB RNAMS DGE LDAN DU BYON, RJE SHES RAB SENGGE GSANG PHU LA BYON, DGE LDAN DU RJE RIN PO CHE'I DRUNG DU RJE BLA MA 'DIS, BDAG GSANG PHUR RJE SHES RAB SENGGE'I DRUNG DU PHYIN NA BSAM PA LAGS ZHUS PAS, CIS KYANG LEGS GSUNGS NAS SLOB DPON RAB MCHOG PA DANG GNYIS LA SPYI RU GSER ZHO GANG, RDUL GZANG LEGS PO ZHIG GNANG, GSER KHOD PA LA PHUL, GZAN DE RJE 'DI PAS BSNAMS TE DGUN CHOS LA GSANG PHUR PHEBS RIGS 'BRING MAN CHAD LA MA BRTEN PAR DANG PO NAS TSAD MA'I RIGS CHEN MDZAD, THUGS GSAL BA DANG STON BA BZANG PA'I SNYAN PA'I GRAGS PA YANG RGYA CHER BYUNG NGO, ,DE NAS RJE 'DI BAS STON CHOS SOGS

, ,LA DGE LDAN DU PHEBS, RJE RIN PO CHE LA LAM RIM CHEN MO, 'KHOR LO BDE MCHOG GI RTZA RGYUD KYI BSHAD PA, SNGAGS DBANG, SGRUB DKYIL GYI LUNG SOGS SNGAGS CHOS MANG PO GSAN ZHING,, RJE DAR MA RIN CHEN LA TSAD MA, PHAR PHYIN, BYAMS CHOS PHYI MA SOGS KYI BSHAD PA MANG DU GSAN BAS RJE DAR MA RIN CHEN 'DI PHA ROL TU PHYIN PA'I THEG PA'I PHYOGS LA BKA' DRAN CHE BA YIN GSUNG, YANG GSANG PHUR PHEBS TE RIGS LUNG 'GRIM BA SOGS KYI THUGS SBYONG MDZAD, STON DGE LDAN LA PHEBS TE RJE RIN PO CHE DANG RGYAL TSAB RJE STE YAB SRAS GNYIS LA MDO SNGAGS KYI CHOS RGYA CHER GSAN PA DANG, 'DUL 'DZIN CHEN PO GRAGS BA RGYAL MTSAN PA LA DRANG DES RNAM 'BYED TSAR GCIG DANG, GZHAN YANG CHOS BKA' CI RIGS GSAN, DE LTA BU'I TSUL GYIS GSANG PHU DGE LDAN GNYIS LA LO GSUM TZAM ZHIG BZHUGS, DE NAS SA MO PHAG GI LO RJE BTZUN CONG KHA PA CHEN PO STOD LUNG CHU TSAN LA BYON TE SLAR 'BRAS SPUNGS SU PHEBS PA'I TSE RJE 'DIS KYANG DER BYON TE LAM RIM GYI KHRID, N'A RO CHOS DRUG, DBU MA 'JUG PA, GSANG BA 'DUS PA'I RGYUD LA SOGS PA MANG DU GSAN NO, ,DE NAS 'DI LTAR DGONGS TE, SPYIR 'DUL BA'I BSLAB KHRIMS RNAM PAR DAG PA CIG BYED PA LA 'DUL BA SHES DGOS PAR 'DUG ,KHYAD BAR GROS 'DI 'DUL BA'I 'BYUNG KHUNGS LTA BUR 'DUG PAS DER 'DUL BA SLOB TU 'GRO SNYAM DU DGONGS TE DE'I RGYU MTSAN RJE

BTZUN TZONG KHA PA CHEN PO LA ZHUS PAS, 'DUL BA SLOB PA LA NYAMS SU LEN 'DOD KYI BSAM PAS SLOB DGOS PA YIN, DE LTAR YIN NA NGO MTSAR CHE GSUNGS NAS TSAS KYI MTHUN RKYEN DU GSER ZHO GANG GNANG, DE'I CHA SHAS SHIG LA LHA SA NAS RTZAM PA BSGRUBS TE SGO LA LA BYON, LAM DU MA THEG PAR RDUL GZAN GYI SNAM PA GCIG PHOG STE DRUBS PA'I NANG DU RTZAM PA THOGS GCIG BZHAG, DER RDO LA PHYAG BRIS MDZAD DE 'DI SU DANG PHRAD PAS LONGS SPYAD KYANG NYES PA MED DO, ,ZHES BRIS PA BZHAG NAS GRO SAR BYON, DE'I DUS SU RJE SHES RAB SENG GE PAS DMAR STON YAB SRAS KYI DRUNG DU, DGE BSHES 'DI BDAG GI SLOB MA'I DANG MA YIN PAS 'DUL MDZOD PHUL DU PHYIN PA CIG SLOB PAR ZHU ZER BA'I ZHU YIG KYANG PHUL, DMAR STON DPAL LDAN RIN CHEN PA DANG RGYA MTSO RIN CHEN PA GNYIS LA LO GNYIS KYI BAR DU MDO RTZA BA DANG MNGON PA MDZOD LEGS BAR GSAN, KHYAD PAR RGYA MTSO RIN CHEN PA LA LUNG SDE BZHI'I LUNG YANG GSAN LA; DMAR STON PA'I ZHAL NAS, NGED KYI SLOB MA GTZANG PHYOGS NA KHYED DANG DKA' BCU PA GZHON NU RGYAL MCHOG GNYIS LAS 'DUL BA LA MKHAS PA MED PAS KHYOD KYIS KYANG BSTAN PA LA PHAN PA'I 'CHAD NYEN LEGS PO MDZOD, NGAS KYANG LO BCU DRUG NAS DA LTA'I BAR DU 'CHAD NYAN MA CHAG PAR BYAS PA 'DI BSTAN PA 'BA' ZHIG LA BSAMS PA YIN NO, ,ZHES GSUNGS, DE NAS SLAR YANG GSANG PHUR PHYAGS PHEBS, SNGAR GYI THUGS SBYONG GI 'PHRO RNAMS LEGS

, ,BAR MJAD, GLING STOD DU MTHONG SMON BA ZHAS PA'I GRVA TSANG ZHIG GI 'CHAD NYAN PA RJE SHES RAB SENG GES MDZAD KYIN YOD PA'I GDAN SAR RJE 'DI PA DANG SHAR DVAGS PO'I PAndI TA BKRA SHIS RNAM RGYAL BA GNYIS BSKRA BZHAG MDZAD DE LO KHA YAR 'CHAD NYAN KYANG MDZAD, DE DUS GSANG PHU'I BRAG PHUG CIG TU THUGS DAM MDZAD PA'I MNAL LAM DU BYANG SHAR PHYOGS NAS THUB DBANG GI SKU SHIN TU CHE BA ZHIG GZIGS PA'I MDZOD SPU NAS ZLA BA NYA GANG BA GCIG CHAD DE RJE RANG NYID LA THIM PA RMIS, DE RJE SHES RAB SENG GE LA ZHUS PAS, SANGS RGYAS KYI 'PHRIN LAS 'JUG CING TSE RING PO 'ONG BA'I LTAS YIN, NGED KYI RMI LAM DU'ANG KHYOD MGO SKYA YER YER 'CHAD NYAN BYED KYIN 'DUG PA RMIS GSUNG, YANG DE DUS MNAL LAM LA NAM MKHA' NAS AOm WA G'I SHVA RI MUm ZER BA ZHIG LANYTSA'I RNAM PAR NAR TA BYUNG BA RJE NYID KYI LCE THOG TU BABS PA DANG, NGA 'TSENGS, NGA 'TSENGS, ZER BA LAN GSUM BRJOD BA DUS MNYAM PA CIG BYUNG GSUNG, DE NAS MA PHO RTA LO LA GTZANG PHYOGS LA PHYAGS PHEBS TE BYANG CHEN DU GRVA PA BDUN CU TZAM LA 'CHAD NYAN MDZAD, RIGS LUNG KYANG SHIN TU 'PHEL BAR BYUNG, DE NAS GRVA TSOGS KYANG RJE CHE LA SONG STE SNAR THANG BYANG CHEN RTA NAG RI KHUD RNAMS LA RIM GYIS CHOS PAR LA BYON TE LO LNGA DRUG GI RING LA 'CHAD NYEN 'PHEL BAR BYUNG, DE DUS LCAGS PHO KHYI LO LA SNAR THANG DU 'JUG PA'I RNAM BSHAD DGONGS PA RAB TU GSAL BA'I ME LONG GCI MA

BA YANG MDZAD, SLAR YANG GSANG PHU'I 'CHAD NYAN LA GDAN 'DRAN BYUNG YANG MI PHEBS, YANG DE DUS RGYAL TSAB RJE DANG MKHAS GRUB RJE YAB SAS GNYIS GNAS RNYING DU PHEBS, DE'I DRUNG DU RJE SHES RAB SENG GE DANG YAB SRAS GNYIS KYIS KYANG BYON TE RGYAL TSAB RJE LA SPYIR CHOS MANG PO DANG, KHYAD PAR MNGON LA KUN LAS BTUS KYI t'IKKA DE GSAN, RIM GYIS RJE 'DI PAS PHYAG BRIS MDZAD DE GZHAN LA YANG GSUNGS LA, MKHAS GRUB RJE LA YANG CHOS MANG DU GSAN NO, , DE NAS LCAGS MO PHAG LA RJE SHES RAB SENGGE DANG YAB SRAS PHOGS MTHUN LA STOD LA CHOS BAR LA BYON, YAR LAM GCEN LUNG DANG CHU 'DUS SOGS SU BYANG SAMS SH'AKYA DPAL BAS SBYIN BDAG MDZAD DE CHOS AR MDZAD, DE NAS STOD PHYOGS KYI CHOS SDE MANG POR BYON ZHING SKAL BA DANG LDAN BA MANG PO LA MTHO RIS DANG THAR BA'I SA BON 'JOG BAR MDZAD, DE NAS DPON SLONG RNAMS KYIS PADMA CHOS SDENGS SU BYON, YAR LAM GLANG SKOR DU PHA DAM PA'I SKU GDUNG KA RU MJAL, SPYIR DE LA MTHONG TSUL SNA TSOGS SHIG YOD PA LA, RJE 'DI PAS DAM PA RANG GI SKU DNGOS SU GZIGS PA YIN ZER BA'I LO RGYUS SKU GNYER GYIS BRJOD BA DANG LTA'I BAR DU YOD DO, ,DE NAS PADMA CHOS SDIGS SU BYON TE; PAn CHEN 'JIGS BRAL DANG MJAL, ZHAG SHAS DER BZHUGS, CHOS MANG DU ZHUS, KHYAD BAR SGROL MA NYER GCIG MA, SGROL MA LHA BCU BDUN MA SOGS KYI DPANG DANG, RJE BTZUN MA DKAR SNGO GNYIS DANG, DBYANGS

, ,CAN MA, GDUGS DKAR SOGS KYI RJES GNANG MANG DU ZHUS, PAn CHEN GYIS DRI BA MANG PO MDZAD BA RNAMS LA LAN PHUL BA RNAMS LA'ANG THUGS SHIN TU DGYES PAR BYUNG NAS, DA PHYIN CHAD THAMS CAD MKHYEN PA DGE 'DUN GRUB GYIS ZHES PA'I MNGA' GSOL YANG MDZAD DO, ,DE NAS SLAR YANG SHEL DKAR DU PHEBS TE CHOS BAR MDZAD, DE DUS NUB GCIG GI MNAL LAM DU RGYAL TSAB RJE BYON NAS, RJE BTZUN MA LA GSOL GDA' KYI RJES SU, BCOM LDAN 'DAS MA MCHOD BYAS PAS, ,ZHES SOGS SHLOOKA 'DI LAN GSUM RE GYIS GSUNG BA RMIS, DE LA BRTAGS NA DE DUS RGYAL TSAB RJE GZHAN DON LA GSHEGS YAR 'DUG BAS, NGA PO TA LA NAS BDE BA CAN DU 'GRO, KHYED KYANG DE LTAR MDZOD CES AR GO NAS TSIGS BCAD TSOGS SU MA CHAG BAR BTZUGS GSUNG, DE NAS CHU PHO BYE BA'I LO NAG PA ZLA BA'I TSES BZHI LA TSAD MA RNAM 'GREL GYI T'IKKA 'DI'I RTZOM PA YANG MDZAD DO, ,DE NAS CHU MO GLANG GI LO SLAR YANG SNAR THANG DU BYON, RTZA SHE'I RNAM BSHAD RIN PO CHE'I PHRENG BA'I RTZOM PA MDZAD DE 'CHAD NYAN GYI SGO NAS GTAN LA PHAB, DE RJES RI KHUD DU PHEBS, DE'I TSE RJE SHES RAB SENGGE SNGAR RJE BLA MA 'DI BA LA STOD LA CHOS BAR LA BYON BA'I SKYEL MAR CHU 'DUS BAR BYON, DE NAS PHYIR BYON TE DGE LDAN DU RGYAL TSAB RJE LA DUS 'KHOR GSAN PA LA PHEBS BZHED YIN PA LA, RTA NAG TU DGE SBYONG DKAR PO BAS SBYAN DRANGS TE RI KHUD CHOS SDE PHUL, ZHAL BDAG MDZAD NAS LO SHAS BZHUGS,

DE DUS SHANGS BA KUN MKHYEN CHEN PO DANG DE'I GDAN SA PA SEMS DPA' CHEN PO TSUL KHRIMS DPAL BZANG PO GNYIS LA CHOS BKA' MANG DU GSAN, GSANG BA 'DUS PA'I RGYUD KYI 'CHAD NYAN YANG 'PHEL BAR MDZAD, DE THAD DU RJE BLA MA 'DI YANG PHEBS TE DE DUS YAB SRAS BKA' BGROS MDZAD, RJE SHES RAB SENGGE DGE LDAN DU MKHAS GRUB RJE LA DUS KYI 'KHOR LO GSAN PA LA BYON, RJE 'DI PA RI KHUD KYI GDAN SAR BSKO BA SOGS KYI ZHAL TA DRUNG CHEN DGE SPYONG BA DANG YON MCHOD ZHAL 'DZOM PA LA GNANG STE DBUS PHYOGS LA PHEBS, RJE 'DI PAS RI KHUD CHOS SDE'I ZHAL BDAG MDZAD, DRUNG CHEN DGE SBYONG BAS SBYIN BDAG MDZAD DE RTEN 'BREL KHYAD PAR CAN BSGRIG PA'I PHYIR DU RJE BTZUN BYAMS PA'I SKU KHYAD PAR CAN ZHIG BZHENGS, GTZUG LAG KHANG GI SGO SGYUR BA DANG RDO GCAL 'DING BA SOGS KYI SGO NAS CHOS SDE LA PHAN PA CHE BAR MDZAD DO, ,DE NAS YANG SNAR THANG PHYOGS LA PHEBS, BYANG CHEN SOGS SU CHOS BAR MDZAD, DE NAS BO DONG LA BYON, DPAL LDAN DMAG ZOR LHA MO 'DI SKU SKYE MANG PO NAS KYI CHOS SKYONG YIN PA LA SNGAR RJES GNANG ZHU BA SOGS MA MDZAD PAS, DE ZHU BA LA DE DUS BO DANG NA RGYAL SRAS RIN PO CHE'I DNGOS SLOB RIN PO CHE CHOS BZANG DPAL BA ZHES PA BZHUGS PAS DER BYON, LHA MO'I RJES GNANG DGOS ZHUS BAS KHONG GI ZHAL NAS, MDANG RMI LAM BZANG, LHO PHYOGS 'DI NAS RLUNG NAG 'TSUB MA'I DKYIL NAS DGE SLONG ZHIG BO DONG GI SGO RTZAR SLEBS

, ,BYUNG BA LA 'DI NAS BUD MED RGYAN CAN ZHIG SONG STE, BSTAN 'DZIN CHEN PO LA BSU BA BYA ZER NAS BYUNG BRMIS, DA RES RAB 'BROG MO HOR GYIS 'KHYER BA 'DRA, HA HA GSUNG ZHING, LHA MO 'DI'I DKA' LUNG MAN NGAG DANG BCAS PA RDZOGS BAR GNANG, GZHAN YANG KHONG PA LA RGYAL SRAS RIN PO CHE'I BKA' 'BUM GYI LUNG SOGS CHOS MANG RAB GSAN NO, ,DE NAS BYANG CHEN DU PHEBS TE SKABS SHIG TU RJE 'DI'I THUGS LA 'CHAD NYAN 'DI JI LTA BU ZHIG 'ONG SNYAM YOD PA LA, NUB CIG RMI LAM NA SNGAR RI BO DGE LDAN DU BZHUGS DUS ZHAL 'DRIS YOD PA'I DGE SLONG TSES MTHUN ZHIG YOD PA DE BYUNG NAS, KHYED KYI DON DE NGAS RMI LAM DU BRTAG GIS GSUNGS NAS GNYID LOG PA'I CHUL MDZAD, DE NAS GNYID SANG DE LAG BAS PHYAG RGYA ZHIG MDZAD NAS, PHUN TSOGS GROL THOB CIG 'ONG BA'I RIGS SU NI YOD, BDEN, ZHES DANG, SKRAG MI DGOS BLO 'DUN DKON MCHOG LA GTOD LA BLO LTOS CHOL, ZHES SHUGS DRAG TU ZER BA ZHIG RMIS PAS DA NI, NGA RANG BLO DKON MCHOG LA GTAD LA BSHAD NYAN BYED PAR THAG BCAD SNYAM PA THUGS LA 'KHRUNGS, DE'I TSE 'DI LTAR DGONGS TE, BYANG CHEN 'DIR CHOS BAR 'DRA DANG, SKABS SU THUGS DAM BYED BA'I KHANG PA CIG DGOS PAR 'DUG SNYAM DU DGONGS TE, DE'I MTHUN RE NA SHING CHA SOGS BSTAN PA'I SBYIN BDAG CHEN MO SH'AKYA DPAL BA LA BKA' LUNG GNANG ZHING, KHONG

GIS KYANG GANG DGOS PHUL TE SA GZHI BAR BYAS NA GDUL BYA 'PHRIN LAS RGYA CHER 'ONG BA'I MTSAN LTAS SOGS KYANG YOD PAS THEG CHEN PHO BRANG ZHES PA'I GZIM KHANG CHEN PO MA PHO 'BRUG GI LO LA BTAB BO, ,DE NAS SNGAR BKRA SHIS RDO KHAR RJE BCUN TZONG KHA PA CHEN POR TSAD MA RNAM NGES KYI DOGS GCOD GSAN PA'I ZIN BRIS RNAMS DANG, DGE LDAN DU RGYAL TSAB RJE LA RNAMS 'GREL GSAN PA'I GSUNG RGYUN RNAMS LA GZHI BYAS TE TSAD MA'I BSTAN BCOS CHEN PO RIGS PA'I RGYAN CES BYA BA ME MO SBRUL GYI LO'I ZLA BA BCU PA LA RDZOGS PAR MDZAD DO, ,DE NAS SHANGS MDO RI BO DGE 'PHEL DU PHEBS NAS ZLA BA GCIG TZAM SKU MTSAMS MDZAD DE BZHUGS PA'I NUB GCIG MNAL LAM NA DA LTA BKRA SHIS LHUN PO'I RGYAB RI 'DI'I RNAM PA CAN GYI RI RTZE NA RJE TZONG KHA PA BZHUGS, RKED PA CAM NA SEMS DPA' CHEN PO 'DUL 'DZIN BLO GROS SPAS BA BZHUGS, DE'I SMAD TZAM NA RJE RANG NYID BZHUGS 'DUG ,DE NAS SEMS DPA' CHEN PO BLO GROS SBAS PA'I ZHAL NAS, RJE BLA MA'I 'DI LA YAR SNYAN GTOD LA GSON DANG, RJE TZOD KHA PA CHEN PO RANG RE LA LUNG BSTAN MANG PO MDZAD KYIN 'DUG ZER BA LA RJE 'DI BAS LEGS PAR GSAN PAS GSUNG GI SGRA DBYANGS MANG PO ZHIG SGROG PAR PHAL CHER MA GO ,GSUNG GI CHA SHAS SHIG LA, DGE 'DUN GRUB CES BOS NAS, KHYOD LA BRTEN NAS SA PHYOGS 'DIR TSAD MA RNAM 'GREL GYI BSTAN BRGYAS BAR 'GYUR BA ZHIG 'ONG BA YIN, ZHES GSUNG BA ZHIG GSAL BAR TSOR

, ,BAS LUS KYI BA SPU G-YO BA ZHIG BYUNG, DE'I TSE 'DUL 'DZIN BLO GROS SBAS PA RJE RIN PO CHE'I DRUNG NA BZHUGS NAS RJE DGE 'DUN GRUB LA RJE RIN BO CHES LUNG BSTAN 'DI LTAR GNANG ZHES GSUNG BDE CI BA LTA BA YIN NAM SNYAM DU DGONGS NA, SKYE BA PHYI MA RJE DANG MJAL BA KHONG SNGA BA ZHIG 'ONG BA YIN NAM SNYAM PA CIG BANG, YANG RMI LAM DE KHA'I 'PHRO LA TE'I SI TU CHEN PO DE GOS 'GANG DKAR PO ZHIG GYON, ZHO KHO GCIG LAG TU KHYER NAS RI DE'I RTZER RJE BTZUN TZONG KHA PA LA MJAL GYIN 'DUG PA RMIS PA ZHIG BYUNG STE MTSAN LTAS DE DAG NI RJE DGE 'DUN GRUB KYIS BKRA SHIS LHUN PO 'DEBS PA DANG, DGON GNAS 'DIR RJE RIN PO CHE'I BSTAN PA CHES CHER 'PHEL BA DANG MDO SNGAGS KYI GZHUNG SPYI DANG KHYAD PAR TSAD MA RNAM 'GREL DAR BA'I LUNG BSTAN 'KHRUL MED DU BYUNG BA YIN ZHING, JI LTAR LUNG BSTAN BA LTAR CHOS GRVA CHEN PO BKRA SHIS LHUN POR RJE BLA MA'I MDO SNGAGS KYI BSTAN BA CHES CHER DAR BA KUN GYI MIG LAM DU SNANG BA LTAR RO, ,DE NAS DE GE LDAN DU PHEBS NAS BYANG RTZE CHOS RJE NAM MKHA' DPAL BA LA, BCOM LDAN 'DAS 'KHOR LO CHEN PO'I BYIN RLABS RGYUD KYI DBANG LUNG MAN NGAG SOGS DANG, TSE DPAG MED LHA DGU'I DBANG YANG GSAN CING, KHONG GIS MDZAD PA'I DE'I SGRUB DKYIL ZHIG 'DUG PA'I YIG MKHAN YANG MDZAD DO, ,GZHAN YANG SNGAGS KYI BKA' LUNG MANG PO GSAN CING, THUN MONG BA BYANG CHUB LAM

GYI RIM BA'I KHRID DANG RJE TZONG KHA PA NAS BRGYUD BA'I BLO SBYONG SNYAN RGYUD CHEN MO SOGS ZAB CING RGYA CHE BA'I CHOS MANG PO GSAN NO, ,DE NAS LCAGS PHO SBRE'U'I LO LAG TZANG PHYOGS LA PHEBS, SNAR THANG DU BYON, DE SKOR LA SNAR THANG BYANG CHEN GNYIS SU PHAL CHER BSHAD NYAN MDZAD, KHYAD PAR SNAR THANG DU 'DUL BA'I GLENG 'BUM CHEN MO DANG SO THAR GYI t'IKKA'I RTZOM PA MDZAD, DE NAS BSAM GRUB RTZE NAS RJE SHES RAB SENG GE DANG, RJE DGE 'DUN GRUB GNYIS KA GDAN DRANGS TE MDO SNGAGS KYI 'CHAD NYAN MDZAD PA'I BDAG RKYEN BZANG PO RIM PA BZHIN DU MDZAD, DE NAS BYANG CHEN SNAR THANG SOGS SU RIM PAR BYON TE BSHAD NYAN GTZO BOR MDZAD, DE DUS DGONGS BA LA, SNGA DUS 'OD 'DIR LO CHEN YAB SRAS KYI RING LA BSHAD NYAN DAR BAR BYUNG 'DUG NA'ANG GZHI GSUM GYI PHYAG LEN CHER MA BYUNG, DA 'DUL BA'I BSLAB KHRIMS RNAM BAR DAG BA CIG GZHIR BZUNG STE DE'I STENG NAS BSHAD NYAN GTZO BOR BYED PA CIG BYA DGOS TE, DE'I RTEN 'BREL DU BSLAB KHRIMS BCA' YIG CHEN MO 'DI CHU MO PHAG GI ZLA BA DRUG PA'I YAR TSES LA DPAL BYANG CHUB CHEN POR MDZAD, DE NAS BZUNG STE GZHI GSUM GYI PHYAG LEN BAR MA CHAD DU YOD BA YIN NO, ,DE NAS GLEGS BAM RIN PO CHE'I LUNG YANG SNGAR NAS MA GSAN PAS GSAN 'DOD CHE BA DANG, SGRA KA L'A BA'I SA BRIS YONGS SU RDZOGS PA CIG MDZAD BZHED KYIS KUN NAS BSLANGS TE, LO DE'I STON MJUG LA DPAL SDINGS LA BYON TE, LO TZ'A BA CHEN PO THUGS RJE

, ,DPAL BA LA SGRA'I SA BRIS THOGS SHIG ZHUS, YONGS SU RDZOGS PA RTING SOR MDZAD PAR ZHUS TE SHING MO GLANG LO'I DGUN CHOS LA BO DONG LA BYON CHOS THOG GCIG BZHUGS, CHOS GROL MTSAMS SHIG TU BLA BRANG SER POR GRAGS PA DER THO RANGS SHIG DPU 'PHUR NAS BZHUGS YOD TZA NA BAR SNANG LA BUD MED DUS PA'I SKAD LHANG BA ZHIG BYUNG, DBU 'PHUR BA BSANGS TE, CI BYUNG BA YIN DRIS PAS, NGA'I MING PO SANGS RGYAS KYI BSTAN PA LA GCES PA CIG YOD PA DE GSHEGS PAS DU BA YIN ZER, DE SU YIN BYAS PAS, DE BSHAD NA KHYOD KYANG MYA NGAN BYED DU 'ONG BAS MI SMRA ZER, CI YIN NAM SNYAM DU SEMS MA BDE BA ZHIG BYUNG, YANG DE DUS THO RANGS SHIG SNGAR GYI BUD MED DE'I SKAD LHANG BA CIG BYUNG, MGO BO BSANGS TE NYAN PAS, DE NA KHYOD KYI DGON PA YOD, ,GDUL BYA DAG KYANG DER 'DU ZHING, ,KHO MO'ANG KHYOD KYI RJES SU 'BRANG, ,KHYOD KYI RJES 'BRANG SKYOB BAR BYED, , CES ZER, DGON PA JI LTA BU ZHIG 'ONG, DGON PA'I MING LA JI SKAD ZER BYAS PAS, LAG PA GNYIS THAL MO KHONG STONG DU SPYAR TE, DGON PA 'DI LTA BU ZHIG 'ONG, DGON PA'I MING LA MU KHYUD CAN ZER, DE MKHA' 'GRO'I BRDA SKAD YIN NO AANG ZER TE YAL SONG, YANG DE DUS LHA MO 'DI'I ZHAL NAS, RTEN 'BREL KHYAD PAR CAN YOD PAS TSOGS SU MA nI BRGYA RTZA RE YANG MA CHAG PAR TSUGS SHIG GSUNG, YANG DE DUS DGE BSHES SHIG LA LHA

MO 'DI SPYAN DRANGS PA BYON PA LA, NGAS BSHAD SAB GANG BYAS NA BSTAN PA DANG SEMS CAN LA PHAN, DGON PA GA NA YOD, DGE TSUL CIG KYANG GA NA YOD ZHUS PAS, DE'I ZHAL NAS, BSHAD SGRUB DANG KHYAD PAR 'CHAD NYAN BYAS NA BSTAN PA LA PHAN STOBS CHE, DGON PA CIG MA GI NA YOD, MING LA MU KHYUD CAN, DE YANG BRDA SKAD YIN NO AANG, DGE TSUL CIG PHA GI NA YOD, SNYING RJE RJE ZHIG PHA GI NA YOD DO ZER RO, ,DE NAS BDE CHEN RTZER STON CHOS LA LO CHEN THUd RJE DPAL BA SPYAN DRANGS TE SNGAR GYI KA L'A PA'I SA BRIS KYI 'PHRO DANG, SDEB SBYOR RIN CHEN 'BYUNG GNAS SOGS THA SNYAD KYI GTZUG LAG KYANG MANG DU GSAN, KHYAD PAR KA L'A PA'I GZHUNG DON 'GA' ZHIG LA, 'DI RANG 'GREL BA DANG BSTUN NA 'DI LTAR YIN PA 'DRA ZHES YAR ZHUS PAS KHONG GIS THAL MO SBYAR TE, NGO MTSAR CHE, KHYED RANG SNGA NAS MKHAS PAR 'DUG ,NGA LAS SLOB MI DGOS PAR 'DUG GO GSUNG NAS SHIN TU DGYES PA BYUNG, GZHAN YANG SGROL MA YID BZHIN NOR BU'I RJES GNANG SOGS BKA' YANG 'GA' RE GSAN CING, KHYAD PAR SNGA NAS YANG YANG YID LA GCAGS PA'I GLEGS BAM RIN PO CHE'I LUNG GSAN DUS, DRUNG NAS KYIS SU LA GSAN ZHUS PAS KHONG GI ZHAL NAS, BDAG GIS CHOS 'KHOR SGENG PA CHOS RJE SENGGE RGYAL MTSAN LA ZHUS, KHONG 'BROM GYI SPRUL PAR BYED PAR GDA' GSUNG ZHING, GZHAN YANG DE DUS KHONG GIS GSUNG NAS, GLEGS BAM RIN PO CHE NAS 'BYUNG BA LTAR DA STE YUN

, ,MI RING BAR KHYED RANG GI YUL PHYOGS SU BSTAN 'DZIN GYI DGE SLONG BGRES BO ZHIG ,'BROM GYI RNAM THAR ZHU ZER 'ONG GIS, DE DUS DGE SLONG DE LA 'BROM GYI 'DU SHES ZHIG, KHYOD RANG SPYAN RAS GZIGS SU SGOMS LA GLEGS BAM RIN PO CHE LEGS PAR STON CIG GSUNG GIN 'DUG PA DANG MTHUN PAR KHO BO SKAL BAR LDAN, GLEGS BAM RIN PO CHE 'DI 'BROM LAS THOS NAS 'BROM LA 'CHAD PAR 'DUG PAS, DA NI CHOS BDAG PO LA 'PHROD PA YIN NO ZHES GSUNGS NAS THUGS DGYES PAR BYUNG LA 'DI RNAMS LA BRTAGS NA YANG RJE BLA MA 'DI NYID 'BROM THUGS RJE CHEN PO'I SPRUL PA YIN PAR GDON MI ZA BA YIN NO, ,DE NAS SNAR THANG DU RJE 'DI PAS NYE GNAS CHEN PO DON GRUB GRAGS PA LA, NGED LA TSE 'DIR RJE SHES RAB SENGGE BKA' DRIN CHE BA YIN, DE'I BKA' DRIN BSAB PHYIR DU CHOS PHYOGS NAS BSHAD NYAN BYAS TE LAG RJES SHIG 'JOG ,'JIG RTEN ZANG ZING GI LONGS SPYOD PHYOGS NAS NANG RTEN DU RTEN BZHENG ZHIG BYAS TE LAG RJES DOD PA CIG BYAS NA BSAM PAS, RTEN DE BZHUGS SA ZHIG JI LTAR BYA ZHES DRI BA MDZAD CING DE JI LTAR BYAS NA 'ONG SNYAM DU DGONGS PA BTANG BAS, DANG PO RJE BTZUN TZONG KHA PAS LUNG BSTAN PA DE DANG, PHYIS BO DONG DU LHA MO 'DIS LUNG BSTAN PA'I DGON PA DE YANG 'DI GA YIN PA SRID, KHYAD PAR SNGAR RJE SHES RAB SENGGE BSAM GRUB RTZE NAS SNAR THANG LA 'BYON RES KYIS BKRA SHIS LHUN PO'I DGON PA 'DI LA PHYAG

MDZUB GTAD DE, SA PHYOGS 'DI NA DGE 'DUN GRUB MGO BO SKYA YER YER CHOS 'CHAD KYIN 'DUG PA CIG SEMS SANG LA DUS RGYUN DU 'ONG GSUNG BA CIG YANG YANG YOD PA LA BRTEN, SA PHYOGS 'DI GA DGON PA'I GNAS SU BZANG BAR GZI? TE 'DI NYID DU DGON PA 'DEBS PAR THUGS THAG BCAD LA, SPYIR SNGA ME NAS BLA MA LHA DANG BCAS PAS LUNG BSTIN DE LTAR YOD CING RJE RANG LA NGES NGES YOD NA'ANG SBAS PA'I TSUL DU DE LTAR MDZAD DO, ,DE NAS ME MO YOS LO'I DBYAR SOS NAS BRTZAMS TE BSAM GRUB RTZE'I BRAG DMAR BLA BRANG DU RTEN BZHENG GI 'GO BTZUGS TE LUGS BTANG BAS, THANG LA MA BYUNG BA LA, MYANG STOD PA'I DKA' BCU PA GCIG RMI LAM BRTAG TU BCUG PAS, KHONG GI RMI LAM DU CHA LUGS MDZES BA'I BUD MED GSUM MI RKANG GI GLING BU 'BUD CING 'DI SKAD LO, SKYES BU DAM PA'I THUGS KYI MUN PA GTING NAS BSAL, ,GANG DANG GANG DU BZHUGS PA DE RA, ,'OD DPAG MED PA'I SMON LAM MA, ,'GRO LA DGYES PA'I 'DZUM STON MA, ,YANG DANG YANG DU SPYAN 'DREN NO, ,LUGS PHUD RJE BTZUN SGROL MA 'TSAL, ,SENG GDONG GEGS MED 'BYON PA LA, ,THUB DBANG MNGAL SKYES KYI BSTOD PA 'TSAL, ,PE HAR GYI RTZOM PA CUNG ZAD YOD, ,RTA MGRIN NAG PO'I ZLOG PA 'TSAL, ,NGED TSO YANG SPE GDONG CAN GZUNGS KYI DPAL DANG, ,MKHAS GRUB DU MA BSTEN PA YIN, ,YANG DANG YANG DU 'ONG GIN YOD, ,ZER GYIN 'DUG ,YANG NA KHA CIG NA BUD MED SMUG MO GCIG NA RE, BAR CHAD MI 'ONG,

, ,'PHRIN LAS DANG GROGS DAN NGED LCAM DRAL GYIS BYED PA YIN ZER BA CIG RMIS LAGS ZHUS PAS, DE MA THAG THUB PA CHEN PO LA BDUD DPUNG PHYE MAR 'THAG PA ZHES BYA BA'I BSTOD PA DE MDZAD DE LUGS PHUD LA RJE BTZUN MA'I SKU BZHENGS SHING, DE NAS STON PA'I SKU RGYAB MTHO NYER LNGA PA CIG GI LUGS BTANG BAS BYIN RLABS KYI GZI 'OD 'BAR ZHING NGO MTSAR BAR BYON NAS RTEN DE'I THUGS KAR RGYAL BA TZONG KHA PA CHEN POS THOG DRANGS RTZA RGYUD KYI BLA MA SANGS RGYAS BYANG SEMS KYI RING BSREL MANG POS GTAMS PA'I DNGUL GYI RGYAL BA 'OD DPAG MED KYI SKU, RJE BTZUN SHES RAB SENGGE'I DBU THOD RIN PO CHE SNA TSOGS PAS BKAD BA DANG BCAS PA BZHUGS SHING, GZHAN YANG SKU'I STOD SMAD KYI CHAR GZUNGS SNGAGS BYIN RLABS CAN MANG PO BSHAD TSOD DANG MTHUN PAR BZHUGS, KHYAD PAR SKU'I SMAD KYI CHA LA 'DUL BA'I GSUNG RAB KYA GLEGS BAM MANG PO ,RJE BTZUN TZONG KHA PA'I MTHANG GOS DANG BCAS BA RTEN 'BREL KHYAD PAR CAN BSGRIG PA'I PHYIR DU BZHUGS, MDOR NA DE NAS BRTZAMS TE RTEN GYI NANG BZHUGS SOGS YONGS SU RDZOGS PAR 'BRUG LO ZLA BA GSUM PA YAN LA RDZOGS PAR GRUB PA YIN NO, ,DE NAS RTEN YAR PHYOGS LA SPYAN 'DREN NAM SNYAM DU DGONGS TE DAR RGYAS PA LA KHRAB RMOG GRI GSUM GYI GNANG SBYIN MDZAD, BKA' BGROS MDZAD PA LA RDO RING PA'I DPON PO NA RE, RJE KHYED RANG DKON MCHOG LA GSOL BA THEBS PA'I GANG ZAG YIN PAS DKON

MCHOG LA GSOL BA BTAB NAS, BSTAN PA DANG SEMS CAN LA GANG DU BZHUGS NA PHAN PA CHE BAR LUNG BSTAN PA CIG MDZAD PAR ZHU YAR MAR LA KHYAD PAR MA BYUNG NA 'DI PHYOGS LA BZHUGS PA CIG ZHU ZER, DAR RGYAS PA'I ZHU BA LA; DA SKU 'DI GANG DU BZHUGS KYANG GTZUG LAG KHANG GI ZHABS TOG BDAG RANG GIS BYED PA LAGS PAS YON MCHOD RING DU MI GTONG BZHU ZER, DE NAS BSAM GRUB RTZER GZHIS BYES KYI DGE 'DUN MANG PO BSAGS NAS RJE BTZUN MA LA GSOL BA BTAB PAS 'DI PHYOGS LA BZHUGS PA LUNG BSTAN BYUNG, DE NAS DGON PA'I 'GRAM GDING BAR BZHED DE DNGOS KYI SBYIN BDAG DAR RGYAS PA DGON BSOD NAMS DPAL BZANG BAS MDZAD NAS, RAB BYUNG ZHES PA ME MO YOS LO'I SMIN DRUG ZLA BA'I YAR TSES BZANG PO LA RJE RANG NYID SBYIN BDAG DANG BCAS PA 'DIR PHEBS, SA BRTAG PA, GZHI BDAG LA GTOR MA SBYIN PA LA SOGS PA'I CHO GA RGYAS PAR MDZAD DE, SA'I CHA 'DIR GTZUG LAG KHANG, 'DIR BLA BRANG, 'DI RNAMS SU BRANG KHANG SO SO RNAMS GYIS GSUNGS TE, GTZUG LAG KHANG DRI GTZANG KHANG DBUS MA DANG BCAS PA'I 'GRAM BTING STE, BKRA SHIS LHUN PHO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING BTAB BO, ,DE YANG GTZANG KHANG CHEN MO LA KA BA DRUG GIS DANG, 'DU KHANG LA KA BA BZHI BCU ZHE BRGYAD KYIS YOD CING, BYAMS KHANG LA KA BA BCU GNYIS KYIS DANG, SKROL MA LHA KHANG LA KA BA DRUG GIS DANG, MGON KHANG LA KA

, ,BA GNYIS KYIS RNAMS PHYIS BZHENGS PA YIN NO, ,YANG DE'I DUS SU RJE BLA MA 'DI GTZUG LAG KHANG 'DI'I KHYAMS SU GUR DKAR PO ZHIG GI NANG DU BZHUGS PA'I THO RANGS SHIG SNGAR GYI BUD MED DE'I SKAD BAR SNANG LA LHANG BA CIG BYUNG BA LA GSAN PAS, DGON PA'I MING LA BKRA SHIS LHUN PO GYIS, SNGAR GYI MKHA' 'GRO'I BAD SKAD DES KHROL LO AANG GSUNG BA CIG BYUNG BAS BKRA SHIS LHUN PO ZHES PA LHA MO 'DIS BTAGS PA YIN; DPAL GYI SDE CHEN PHYOGS THAMS CAD LAS RNAM PAR RGYAL BA'I GLING ZHES PA RJE RANG GIS BYAS PA YIN GSUNG NGO, ,YANG DE DUS SU DGON PA'I MDUN GYI NE'U THANG DER RAB BYUNG ZHIG BSGRUBS, DE GNAS DER RAB BYUNG BYED PA'I THOG MA YIN PAS MING TSOGS PA RGYA MTSO 'PHEL DU BTAGS, RAB BYUNG SGRUB PA'I DUS RJE ZHAL DGON PA PHYOGS LA BSTAN TE GZIGS PAS SNGAR RI BO DGE 'PHEL DU RMI LAM LA, RJE BTZUN TZONG KHA PAS LUNG BSTAN PA'I GNAS DE 'DI YIN PAR GOR MA CHAG PAR 'DUG SNYAM DU THUGS NGES DANG, KHYAD PAR RJE YAB SRAS GSUM GYI BZHUGS SA SOGS LA CHER DPYAD BAS THUN MONG MA YIN PA'I NGES SHES BYUNG, DE'I PHYIR DGON PA 'DI RJE BTZUN TZONG KHA PA YAB SRAS DANG LHA MO 'DIS LUNG BSTAN PA YIN NO ZHES GSUNG, KHYAD PAR GLEGS BAM RIN PO CHE LAS KYANG DGON BA 'DI NYID KYI LUNG BSTAN MANG DU GSUNGS SHING, CHES GSAL BAR, GLANG CHEN BZHENGS DANG

BZHUGS 'DRA BA, ,MTHAR THUG BSAM GTAN LHUN GRUB SHOG ,CES DANG, LTA BAS MI NGOMS GZI BRJID CAN, ,MTSUNGS PA MED PA'I BKRA SHIS GNAS, ,BKRA SHIS LHUN PO RGYAS 'GYUR SHOG ,'DOD DGU 'BYUNG BA'I RIN PO CHE, , DE DANG MTHUN PA DPAG BSAM SHING, ,DGOS 'DOD 'BYUNG BA'I BKRA SHIS GNAS, ,BKRA SHIS MCHOG RAB RGYAS 'GYUR SHOG ,CES SOGS KYIS BKRA SHIS LHUN PO'I RGYAB RI DANG, GNAS KYI DBYIBS DANG, DE'I GANG ZAG DANG, DE'I BSAM GTAN 'GRUB LUGS DANG, RTEN KHYAD PAR CAN 'BYON LUGS LA SOGS PA RNAMS LUNG BSTAN TO, ,DE NAS LCAGS PHO RTA'I LO'I DGUN CHOS GROL MTSAMS SHIG TU RJE BLA MA 'DI RI BO DGE LDAN GYI MKHAN PO LA GDAN 'DREN PA LA BLA MA DKA' BCU BA SBYIN PA DPAL BA DANG DGE BSKOS DPAL LDAN RIN CHEN PA GNYIS KYIS THOG DRANGS DPON SLOB THEGS SHIG GIS SLEBS NAS RJE 'DI PA LA DGA' LDAN GYI GDAN SA LA 'BYON DGOS PA'I ZHU BA PHUL BAS RJE 'DI BAS BDAG DGE LDAN GYI GDAN SA BYED DU MI 'GRO ,DE'I RGYU MTSAN YANG DGON PA 'DI YANG BTAB MA THAG TU SONG BAS RGYUN BRTAG PA CIG MA BYUNG DOGS SHING, KHYAD PAR SNGAR BYAS PA THAMS CAD KYANG BSTAN PA SPYI SGOS 'BA' ZHIG LA BSAMS DA DUNG YANG RJE BTZUN TZONG KHA PA CHEN PO'I BSTAN PA 'BA' ZHIG LA BSAMS TE 'DI KHAR SNGOD PA YIN, DA LAM MKHAS GRUB RIN PO CHE'I GCUNG PO CHOS RJE BSO BA 'DI LUNG RTOGS KYI YON TAN GANG SA NAS RJE'I GDAN SAR 'OS PA

, ,YOD PAS 'DI DGE LDAN GYI KHRI LA GDAN 'DREN PAR MDZOD GSUNGS NAS RJE NYID MI 'BYON PAR THAG BCAD, DE NAS RTA NAG RI KHUD DANG, LHA RGYAL RTZE SOGS SU CHOS BAR MDZAD CING SKAL BA DANG LDAN PA MTHA' YAS PA LA CHOS STON PAR MDZAD DO, ,DE DAG GI BAR SKABS SHIG RJE 'DI NYID BYANG CHEN DU SKU MTSAMS LA BZHUGS NAS RGYAL BA TZONG KHA PA'I BSTAN PA'I SNYING PO MTHAR THUG PA RNAMS LA NYAMS BZHES MDZAD PAS SKYES BU GSUM GYI LAM GYI RIM PA RNAMS DANG SNGAGS KYI ZAB LAM RIN PA GNYIS KYI GNAD RNAMS LA MYONG PA PHUL PHYIN 'KHRUNGS SHING SHAR GYI RI BO'I RTZER SPRIN DKAR PO ZHIG GZIGS PA'I RKYEN BYAS RJE YAB SRAS KYI BKA' DRIN DRAN PA'I MOS GUS SHUGS DRAG 'KHRUNGS TE, SHAR GANGS RI DKAR PO'I RTZE MO NA, ,ZHES SOGS KYI NYAMS MGUR MDZAD, DE DUS GTZANG PHYOGS SU LUS MED BDAG PO SNYING LA ZHUGS PA MANG POS 'JAM MGON BLA MA'I BSTAN PA 'PHEL BA LA GEGS CHEN PO BYAS KYANG, RJE 'DI PAS RANG GI SKU DANG SROG LA'ANG MA GZIGS PAR 'JAM MGON BLA MA'I BSTAN PA CHES CHER 'PHEL PHYIR CHOS GRVA CHEN PO BKRA SHIS LHUN PO BTAB CING, MDO SNGAGS GNYIS KA'I BSHAD SGRUB RKANG TSUGS PAR MDZAD DE BSTAN PA'I SROG SHING BZUNG BAS NA RJE 'DI NI 'JAM MGON BLA MA'I BSTAN PA 'DI LA BKA' DRIN BLA LHAG TU CHE BA ZHIG GO ,DE NAS RJE 'DI'I DGONGS PA LA, SNGA MO NAS MKHAS GRUB THAMS CAD MKHYEN

PA MNAL LAM DU BYON TE, RJE BTZUN BYAMS PA'I SKU ZHIG BZHENGS NA BSTAN PA DANG SEMS CAN LA PHAN PA RGYA CHEN POR 'GYUR BA'I LUNG BSTAN CIG YOD PA DANG, GZHAN YANG RANG GI SLOB MA NYAMS RTOGS CAN 'GA' ZHIG GI NYAMS DANG RMI LAM LA, RJE BTZUN GYI SKU BZHENGS NA PHAN THOGS RGYA CHEN PO 'OD ZER BA MANG PO YOD PA SOGS LA BRTEN NAS RJE BTZUN BYAMS MGON GYI SKU BZHENG BAR RTZOM PAN RJE 'DI PAS LHA BTZUN BSTAN PA'I RGYAL MTSAN LA, RJE BTZUN GYI SKU TSAD JI TZAM 'ONG GI BRTAG PA CIG BYED DGOS PA 'DUG PAS, GYANG LOGS SHIG LA PHYAG MTHO DRUG GI TSAD MDZAD NAS, 'DI LA DPES PA'I ZHAL ZHIG BRIS GSUNGS, KHONG GIS BRIS PAS TSAD 'PHYUGS NAS MTHO DGU TZAM DU SONG BA DANG RJE'I ZHAL NAS, BLA MA ZHANG GIS LHA CHEN DPAL 'BAR BZHENGS DUS NYE GNAS KYIS SROG SHING TSAD 'PHYUGS PA'I RTEN 'BREL GYIS SKU SHIN TU CHE BA CIG BYUNG ZER, 'O SKOL LA YANG SKU CHEN PO ZHIG 'ONG BA YIN YOD GSUNG, DE NAS ZHAL BRIS NAS MCHOD PA PHUL, GSOL BA BTAB PAS DE'I NUB MO LHA RI RTZE NAS SER SNAM GYI GSOL BEMS LEGS PA CIG 'BUL BA LA BTANG BYUNG BAS, RTEN 'BREL SHIN TU LEGS ZHES GSUNG, DE'I THO RANGS MNAL LAM DU, SUM BRGYA DRUG CU THOB ZER BA'I SGRA LHANG BA ZHIG BYUNG GSUNG, DE'I TSE SPRUL PA'I BZO BO RNAMS SPYAN RAS GZIGS DANG SGROL MAS RGYUD BSKUL, DPAL LDAN LHA MOS LAM SRUNGS MDZAD NAS CHU 'DUS SU SLEBS, DE NAS DRUNG CHOS RGYAL BAS LHA BZO PA RNAMS KHRID NAS

, ,'DIR SLEBS, RJE'I DRUNG DU RGYU MTSAN PHUL BAS RJE'I GSUNG NAS, SHIN TU LEGS, MI GSAR GYI KHA NAS GTAM BYUNG, SLANG TSA DUS KYI SKAM PA BYAS PA YIN GSUNG, DE NAS SANG NYIN BZO BO RNAMS LA ZANGS LEB RNAMS BSTAN PAS KHONG RNAMS NA RE, DA NI, RGYU YANG LDANGS SHING, ZANGS LEB RNAMS KYANG LEGS PO 'OD ZER NAS DBU'I TSUG DRANGS TE BZO TSUGS SO, ,DE NAS SPRUL PA'I BZO BO RNAMS KYIS SKAD CIG KYANG MA YENGS BAR BZO BYAS PAS THOG MAR DBU LEGS PAR GRUB, DE LA RAB GNAS MDZAD DE GSOL BA BTAB BAS MDZOD SPU LA ME TOG GCIG CHAGS SHING, KHYAD PAR SNYAN RGYAN G-YAS KYI 'BUR DBUS MA LA RGYAL BA TZONG KHA PA'I SKU RANG BYON SHIN TU MTSAR BA ZHIG SKYE BO THAMS CAD KYI MTHUN GRUB TU BYON, GZHAN YANG DE'I TSE CHOS SKYONG GI GTOR SGRUB 'DZUGS PA SOGS KYI RIM GRO 'DZUGS PA DANG BCAS TE BAL PO RNAMS KYIS BZO LEGS PAR BRTZAMS, DE'I TSE SKU RIM PA RNAMS DANG BZO BO RNAMS KYI NYAMS SNANG LA NYIN MO MI DANG MTSAN MO MI MA YIN GYIS BZO SGRUB PA'I SNANG BA RGYUN MI 'CHAD CING, DE LTAR BSGRUBS PAS RING POR MA THOGS PAR KHRU NYI SHU RTZA LNGA'I SKU TSAD DANG LDAN PA'I RJE BTZUN GYI SKU NGO MTSAR CAN DE CHU MO LUG GI LO LA GRUB STE RTEN GYI NANG BZHUGS LA YANG DAM PA MANG PO'I RING BSREL SOGS SANGS RGYAS BYANG SEMS KYI SKU GDUNG RING BSREL DANG LDAN ZHING, RGYU RIN PO CHE LAS GRUB PA'I LUGS SKU MANG PO BZHUGS

SHING; GZHAN SKU'I STOD SMAD KYI CHA LA BSHAD TSOD DANG MTHUN PA'I GZUNGS SNGAGS MANG PO DANG, GSUNG RAB PO TI MANG PO BZHUGS, GZHAN YANG SMAN SNA, 'BRU SNA, ZAS SNA, GOS DAR GYI SNA MANG PO SOGS MTSANG BA MED BAR BZHUGS, GZHAN YANG RTEN GYI NANG BZHUGS KHYAD PAR CAN ZHIG GZHAN SU LA YANG RGYUS MED PAR RJE RANG NYID KYIS MTSAN MO BYON TE, RTEN GYI THUGS KAR BZHUGS SU GSOL NAS GSOL BA GDAB PA DANG SMON LAM MANG PO YANG MDZAD CES GRAGS SO, ,DE LTA BU'I RTEN NGO MTSAR CAN DE'I RAB TU GNAS PA LUG LO ZLA BA LNGA PA'I YAR TSES BZANG PO LA DPAL GSANG PA 'DUS PA'I DKYIL 'KHOR BZHENGS TE, DE'I SGO NAS RAB TU GNAS PA RGYAS PAR MDZAD, DE'I DUS NAM MKHA' LA 'JA' TSON GYI GUR DANG, ME TOG GI CHAR 'BAB PA SOGS NGO MTSAR BA'I LTAS DPAG TU MED PA DANG, KHYAD PAR RJE RANG NYID KYIS DE NUB RJE BTZUN GYI ZHABS DRUNG DU BZHUGS TE GSOL BA RTZE GCIG TU BTAB PAS RJE BTZUN BYAMS PA SNAM SBYAR RDO TSOS MA GYON PA'I DGE SLONG GI RNAM PA CAN ZHIG SKU DE NYID LA YANG DANG YANG DU THIM PA'I SNANG BA BYUNG ZHING, DE'I THO RANGS DE LTA BU'I DGE SLONG ZHIG GIS; KHYOD KYIS BSTAN PA DANG SEMS CAN LA PHAN PA RGYA CHEN PO DE GRUB ZIN PAS DGA' BA SGOMS SHIG CES PA'I LUNG BSTAN YANG BYUNG NGO, ,DE NAS RJE BTZUN BYAMS MGON GYI SKU LEGS PAR GRUB

, ,PA'I RJES SU, RGYAB MTHO BCU DRUG DANG LDAN PA'I RJE BTZUN MA'I GSER SKU DANG, G-YAS G-YON DU RJE BTZUN MA SNGON MO DANG SGROL DKAR YID BZHIN 'KHOR LO'I SMAN SKU GNYIS MTSAR CHAGS BYIN RLABS DANG LDAN PAR GRUB STE, NANG BZHUGS LA THUGS KA NA SANGS RGYAS BYANG SEMS KYI SKU GDUNG RING BSREL MANG PO DANG, MGRIN PA NA RJE BTZUN MA RANG GI SKU 'JIM PA LAS RANG BYUNG DU BYON PA MTHO GANG TZAM ZHIG BZHUGS SHING, GZHAN YANG STOD SMAD KYI CHA RNAMS GZUNGS SNGAGS SKU TSE BSRING BA'I SPEL TSIG DANG BCAS PA MANG PO 'KHOR LO DANG BCAS PA BSHAD TSOD BZHIN DU BZHUGS PA'I RTEN NGO MTSAR CAN 'DI DAG LEGS PAR GRUB PA RAB TU GNAS PA LO DE'I ZLA BA BRGYAD PA'I TSES BZANG PO LA LEGS PAR BSGRUBS, DE'I TSE NAM MKHA' LA 'JA' 'OD 'KHRIGS PA, ME TOG GI CHAR 'BAB PA, KHYAD PAR BAR SNANG LA GLO BUR DU GAndI'I SGRA GLING STOD PA RNAMS KYIS GLING SMAD DANG, GLING SMAD PA RNAMS KYIS CIG SHOS NA GRAG PAR THOS PA SOGS NGO MTSAR BA'I LTAS MANG PO BYUNG NGO, ,DE NAS PHYI RABS 'BYOR LDAN SKYE BO RNAMS KYI DMIGS RKYEN DU BSTAN PA'I GTZO BO'I GOS SKU CHEN MO BZHENG BAR DGONGS TE, LHAG PA'I LHAS RGYUD BYIN GYIS BRLABS PA PIR THOGS RNAMS KYI RGYAL PO SMAN BLA DON GRUB PA DPON SLOB SPYAN DRANGS TE BZO'I RTZOM PA MDZAD DE DKYUS SU 'DOM BCO BRGYAD DANG, ZHENG DU 'DOM BCU GNYIS KYI TSAD DANG LDAN

PA'I SKU BZANG ZHING MTSAR CHAGS BYIN RLABS DANG LDAN PA YONGS SU RDZOGS PAR GRUB STE, GOS SKU 'DI'I THUGS KA NA RJE RANG NYID KYIS MDZAD PA'I BSTAN PA RGYAS PA'I SMON LAM GYI TSIG MANG PO BRIS NAS BZHUGS LA, DE'I RAB TU GNAS NGA YANG NGO MTSAR BA'I LTAS MANG PO DANG BCAS TE GRUB BO, ,DE LTA BU'I GOS SKU 'DI'I RGYU LA GOS YUG DGU BCU GO LNGA, GONG PA LA RTEN KHEBS NYI SHU RTZA LNGA, BLA BRE GNYIS, G-YAS G-YON GYI MTHA' LA DAB YUG LNGA, DAR CHAG LA DAR YUG GCIG DANG DAR KHA LNGA, SKUD PA LA GOS DAR 'DRES PA KHA BZHI BCU ZHE DGU DANG SE THA'U 'DOM PA DO, SMAD KYI MTHA' LA DAR YUG SNGON BO GCIG RNAMS SONG GSUNG NGO, ,DE NAS RJE BTZUN MA'I GOS SKU CHUR 'DOM BRGYAD DANG, ZHENG DU 'DOM DRUG GI TSAD DANG LDAN PA, RGYU BZANG ZHING BYIN RLABS KYI GZI 'OD 'PHRO BA DANG BCAS PA YONGS SU RDZOGS PA MYUR DU GRUB STE, RAB TU GNAS PA YANG NGO MTSAR BA'I LTAS MANG BO DANG BCAS TE LEGS PAR GRUB BO, ,GOS SKU 'DI'I MDZOD SPU NA MU TIG STONG NYIS BRGYA BDUN CU DON LNGA KHROM TSOGS SU YOD PA'I DBUS NA CHAR 'BEBS SHIG GI DUS SU GZHI GBDAG NA SER BAS RJE RANG NYID LA PHUL BA'I RIN PO CHE CHU SHEL GCIG DANG, DE BZHIN GSHEGS PA'I 'PHEL GDUNG, GLANG POR 'KHRUNGS PA'I SKU GDUNG, MCHIMS BLO BZANG GRAGS PA'I SKU GDUNG, SNAR THANG NYER 'DZIN CHEN PO'I SKU GDUNG, RING BSREL MANG PO DANG BCAS PA BZHUGS SHING, PHYAG G-YAS LA BYU RU MU MEN RNAMS 'DRAS PA

, ,BRGYA DANG NYER LNGA, PHYAG G-YON LA BYU RU NYIS BRGYA DANG GSUM, MGUL PA LA BYU RU DGU BCU, SHANGS KYI RTZE LA SBOS SHEL BZANG PO ZHIG DANG MU TIG RNAMS YOD GSUNG NGO, ,DE NAS RJE 'DI PAS BKRA SHIS LHUN GYIS GRUB PA'I CHOS GRVA CHEN POR GZHI PHAB NAS BZHUGS NAS CHOS KYI 'KHOR LO RGYUN MI 'CHAD DU BSKOR TE, DE YANG SNGA CHOS LA TSAD MA RNAM 'GREL DANG, MNGON BA MDZOD GNYIS GSUNGS, DE RJES ZHU MI DANG BSTUN, PHYI DRO DANG POR PHAR PHYIN, DE NAS 'DUL BA, DE NAS RTZA 'JUG GAM, BYANG CHUB LAM RIM, RGYUD 'GREL SOGS 'DOD PA DANG BSTUN TE GSUNGS, RNAM 'GREL LHA SH'A KA DANG DAR t'IKA MKHAS GRUB t'IKKA SOGS LA BRTEN NAS GSUNG, MNGON PA MCHI MAS DANG NEL PA'I t'IKKA GNYIS LA BRTEN GZHI MDZAD NAS DGONGS PAS DPYOD PAR SNANG, PHAR PHYIN GSER PHRENG DANG DAR t'IKA, 'DUL PA DMAR t'IKA DANG RGYA CHER 'GREL, RTZA 'JUG GSUNG DUS t'IKA CHEN TSAR PA RE BKLAGS NAS DON GYI SNYING PO DRIL BA RE LA BSKYAR CHOS MDZAD, LAM RIM BSLAB BYA BLO SBYONG SOGS LA'ANG BSHAD PA RE DANG BSKYAR CHOS GNYIS RE 'ONG NGO, ,BLO SBYONG LA 'DAR STON BYANG CHUB DPAL GYIS ZIN BRIS RGYAS PA CIG MDZAD SNANG, CHOS GSUNG BA'I DUS SU ZHAL 'DZUM MDANGS DANG LDAN PA CIG 'ONG, DRUNG NA 'DUG BA DANG THAG RING PO NA 'DUG PA LA KHYAD PAR MED PA CIG 'ONG, GSUNG GI GDANGS DAL ZHING 'GRO GZHAN LAS CHE BA

CIG 'ONG, GZHUNG GI GCOD MTSAMS MDZAD PA RANG GIS GO THUB PA 'DRA BA CIG 'ONG, CHOS GSUNG BA'I BUS GZHAN LA SMOD PA SOGS KYI CHOS DMAG DANG ZER CHU YE MI 'ONG GRUB MTHA'I 'DOD CHUL MI 'DRA BA DANG, DOGS PA MANG DU BKOD NAS 'DI TSE RIGS LUNG GI SAR DPYAD DGOS GSUNG, NYAMS SU LEN NA 'DI 'DRA ZHIG 'ONG TSOD DU GDA' ZHES PHYOGS RGYAG RE MDZAD DA BLO GZHAN LAS 'KHUL BA CIG 'ONG, BGRO GLENG GNANG BA'I DUS ZHAL PHO DANG BCAS TE HUR PHYUNG NAS MDZAD, THAL SKAD KYANG SHIN TU BDE BA SNYING RLUNG SANGS PA 'DRA BA CIG YOD, BGRO GLENG MDZAD PAR GRUB MTHA' MANG DU BZHAG NAS, SKYON GTONG RGYU CI YOD CES GSUNG, 'CHAD NYAN PA RNAMS DANG GRVA PAS KYANG BLO NUS JI YOD KYIS BGRO GLENG PHUL TE SONG BA MI 'ONG BAR GDA', SPYIR MI GCIG LA DGYES PA'I BZHAD GNANG TZA NA TSOGS PA THAMS CAD SPRO SING GIS 'ONG, GCIG LA BKA' BKYON DUS GZHAN MA'ANG SKRAG 'ONG BA CIG YOD , DGYES PA'I STABS MDZAD DUS ZHAL GYI DKYIL 'KHOR THAMS CAD 'DZUM GYI RANG BZHIN DU SONG BA 'DRA BA CIG 'ONG, DBU NI GDUGS LTA BU SGOR KHYIL BA CIG YOD, SHANGS MTHO ZHING SNYAN SHAL RING BA, DPRAL BA YANGS PA ZHAL CHE BA, SPYAN ZUR GSUM LTA BUR GZIGS PA 'DAB, SKU SHA CUNG SNGO BA, RGYANG NAS BLTAS NA CUNG ZAD SGUR BA LTA BUR MNGON PA, PHYAG NGAR SBOM PA CIG YANG, PHAL CHER DBU ZHVA MI BSNAMS SHING, NA BZA' GANG BYUNG BZHES PAS MI KUN GYIS NGO

, ,MI SHES PA 'ONG, NA BZA' RTZI MA DANG GOS DAR DRAG LHAN CAN GYI RING 'GAG 'BUL MI BYUNG YANG, GOS DAR RNAMS DKON MCHOG NYID KYI PHYOGS SU BSNGO, NA BZA' DANG SPYOD LAM LA PHYI NANG DANG MI DRAG ZHAN GYI SAR KHYAD MI MDZAD, GZHAN GYI 'BUL BA DANG BSNYEN BKUR BYUNG BA'I TSE DE 'PHRAL LA DKON MCHOG GSUM GANG RUNG GI CHED DU BSNGO BA MDZAD, 'BUL BA CHE CHUNG GANG PHUL KYANG 'DI YANG NGED LA 'DI LTAR MKHO BA YOD CES MNYES MNYES MDZAD, GSOL JA RKYANG PA RE LA'ANG GDAN DRANGS PAR CHOS RJE NYID PHEBS PAR MDZAD, BZHUGS GDAN KYANG BEM PO SOGS GANG BYUNG GIS CHOG ,ZANG ZING GIS YON BDAG DANG DPON GYI PO 'DZIN, SLOB MA LA 'DI LA BYAMS DANG 'DI LA MI BYAMS MED SU LA 'BOD KYANG DRUNG PA ZHES ZHE SA RE MDZAD, KUN LA NYE RING MED PA'I THUGS RJE CHEN PO MNGA' YANG SNYING RJE RJE LTAR MI STON, 'CHAL TSUL KYI RNYOG PA DA 'BRAL BA'I TSUL KHRIMS MNGA' YANG ZHI ZHING DUL DUL LTAR MI MDZAD, MTHA' MED PA'I MKHYEN PA MNGA' YANG MKHAS PA NYID DU ZHAL BZHES MI MDZAD, RIGS LUNG LA BYUNG MA BYUNG LA GTZIGS STING CHE BAR MDZAD DE, CHOS GRVAR BYUNG MA BYUNG LA DGONGS PAR MI MDZAD, GRVA PA BYUNG BA'AM SONG BA LA DGYES MI DGYES MI MNGA' ZHING, YON BDAG DANG SLOB MA MI NYO, MDOR NA 'JIG RTEN GYI CHOS BRGYAD MNYAM PAR DGONGS SHING, BYIS PA'I SPYOD PA LAS RING DU SONG BA DANG RGYAL SRAS KYI SPYOD PA RLABS PO

CHE MTHA' DAG ZHUM BA MED PAR SKYONG BA DGE BSHES STON PA'I RNAM PAR THAR PA JI LTA BA BZHIN DU MDZAD SNANG NGO, ,RJE 'DIS DGON GNAS 'DEBS PA DANG, SKU GSUNG THUGS RTEN BZHENG BA SOGS MDZAD PA RGYA CHEN PO DE TZAM ZHIG MDZAD KYANG, NANG DU THUGS DAM THUN BZHI'I RNAL 'BYOR LAS NAM YANG MI G-YEL ZHING SNGAR BSHAD PA LTAR GYI GZHUNG CHEN MO'I CHOS 'CHAD DE DAG KYANG NAM YANG 'CHAG MED MDZAD DE 'DI NI SPRUL PA'I MDZAD PA SHA STAG YIN LA, SANGS RGYAS STONG GI RDO SKU BZHENG BAR BZHED NAS SKU RGYU'I RDO GANG NAS BTZAL BAR BYA ZHES BGROS PA NA, 'GA' ZHIG GIS RGYAL CHEN RTZE'I PHYOGS NAS BTZAL NA LEGS ZHUS PA LA, DE THAG RING BAS 'DREN BA DKA' GSUNG, 'O NA NYE SKOR NAS MI RNYED ZHUS PA'I SKABS SHIG NA, NYIN GCIG PHYAGS PHYI LA SKU 'KHOR KHA YAR KHRID DE RDO 'TSOL DU 'GRO BA YIN GSUNGS NAS, DGON PA'I NYE LOGS MKHAR LUNG ZHES PA'I LUNG BA CIG YOD PA DER THEGS TZA NA YA GI NA BYA ROG GCIG LDING GI GDA' ZHUS PAS, 'O NA DER 'DED GSUNGS NAS, RI 'BOG GCIG GI RTZER THEGS TE 'DI NAS BRAG RKOS SHIG CES GSUNGS NAS BRAG GSHEGS PAS G-YAM BA CHE LA MANG BA CI 'DOD BYUNG NGO, ,DGE 'DUN THAMS CAD KYIS DE NYIN GCIG LA DRANGS NAS, BSKAL BA BZANG PO'I SANGS RGYAS STONG MTSAN DANG BCAS PA, SANGS RGYAS SUM CU SO LNGA MTSAN DANG BCAS PA 'BUR DU BRKOS TE BZHENGS, DE BZHIN GSHEGS PA'I SKU

, ,SHA RNAMS LA GSER BZANG PO 'BA' ZHIG GSOL TE PHYI'I BAR KHYAMS LA THOG BKAL BA'I 'OG TU BZHUGS TE, DE LA BSKAL BZANG LHA KHANG DU GRAGS TE, 'DI YANG SPRUL PA'I MDZAD PA YIN TE DUS PHYIS SKYE BO GZHAN MANG POS MKHAR LUNG SBUG NAS RDO JI TZAM BTZAL YANG RJE 'DIS GTER BZHES PA'I RDO'I CHAG GRUM PHRAN BU 'DRA RNYED PA LAS STONG SKU'I RDO 'DI DAG DANG 'DRA PA SUS KYANG MA RNYED DO, ,MDOR NA RJE BLA MA 'DI NYID KYIS SKU TSE 'DI LA 'DUL BA'I BSLAB KHRIMS RNAM PAR DAG PA GZHIR BZUNG, GZHI GSUM GYI PHYAG LEN MA NYAMS PA'I NGANG NAS BSHAD NYAN, RTEN BZHENGS, GTZUG LAG KHANG BZHENGS PA, DKON MCHOG GI MCHOD PA, GSUNG RAB KYI RTZOM PA MDZAD PA SOGS THAMS CAD PHYOGS GCIG TU RGYUN MI 'CHAD PAR MDZAD PA NI, SNGON CHAD GANGS RI'I KHROD KYI CHEN PO GANG GI'ANG RNAM PAR THAR PAS BSGRUN PAR BZOD PA MA YIN NO, ,RJE THAMS CAD MKHYEN PA DGE 'DUN GRUB 'DIS DAM PA'I CHOS SPEL BA'I CHED DU DAM PA'I CHOS 'DUL BA'I GLENG 'BUM CHEN MO, MDO RTZA'I t'IKA CHEN, SO SO THAR PA'I t'IKKA, RNAM 'GREL GYI t'IKKA, SPYI DON RIGS PA'I RGYAN, RTZA 'JUG GNYIS LA t'IKKA RE RE, THUB PA'I BSTOD PA LUNG KUN LAS BTUS PA, BDUD DPUNG PHYE 'THAG MA, SANGS RGYAS KYI GSUNG LA BSTOD PA, RGYAL TSAB RJE'I BSTOD PA KUN TU BZANG PO, RNAM DPYOD LANG TSO MA, MKHAS GRUB THAMS CAD MKHYEN PA'I BSTOD PA, BYANG RTZE BA

NAM MKHA' DPAL BA LA BSTOD PA, SPYAN SNGA BSOD NAMS LHUN GRUB PA LA BSTOD PA, SPYAN SNGA RIN CHEN 'PHEL LA BSTOD PA, 'JAM DBYANGS RIN CHEN RGYAL MTSAN LA BSTOD PA, SEMS DPA' CHEN PO TSUL KHRIMS DPAL BZANG LA BSTOD PA, RJE BTZUN 'JAM DBYANGS LA BSTOD PA, SENG LDENG NAGS KYI SGROL MA'I BSTOD PA, DE'I PHO BRANG NAGS KYI BSTOD PA, RJE BTZUN MA DKAR MO'I SGRUB THABS, DE'I BSTOD PA, MI G-YO BA SNGON PO'I SGRUB THABS, 'DUS PA LA BRTEN PA'I RAB GNAS KYI CHO GA, LHA MO DBYANGS CAN MA'I BSTOD PA, RDO RJE KHYUNG KHRI'I BSTOD PA, SA'I SNYING PO'I BSTOD PA, MGON PO GRI GUG GI BSTOD PA, MGON PO ZHAL BZHI PA'I BSTOD PA, DAM CAN CHOS RGYAL GYI BSTOD PA, DE'I ZLOG PA RGYAS PA, DAM CAN GSANG SGRUB DMAR PO'I BSTOD PA, TZ'A MUNtI'i BSTOD PA, DMAG ZOR LHA MO'I BSTOD PA, DE'I GTOR CHOG MDOR BSDUS, NYAMS MGUR SHAR GANGS RIM, KA MAD LA GRAS PA'I NYAMS MGUR, LHA RGYAL RTZER MDZAD PA'I NYAMS MGUR, DKON RTZEGS NAS 'BYUNG BA'I SMON LAM, DKON MCHOG GSUM LA YAN LAG BDUN PA'I BSTOD PA, MGON PO LA MNGA' GSOL GYI TSIGS BCAD, 'OD DPAG MED GTZO 'KHOR LA BSTOD PA SMON LAM DANG BCAS PA, SMON LAM CHEN MO'I DUS SU MDZAD PA'I SMON LAM MDOR BSDUS, BYAMS CHEN BZHENGS TE MDZAD PA'I SMON LAM MDOR BSDUS, SENGGE GDONG CAN GYI ZLOG PA BYA THABS, DZAMBHA LA

, ,SER PO LA CHU 'BUL BA'I CHOG ,TA'I SI TU RNAM RGYAL GRAGS PA'I DRIS LAN RNAMS YOD LA, RJE NYID KYIS GSUNGS PA LA GZHAN GYIS ZIN BRIS BYAS PA 'GA' YAR DANG, KHYAD PAR RJE NYID LA PO TI NYI SHU TZAM NYAN PA'I SKYOR 'GO LO MANG POR MDZAD CING, PHYIS BSTAN 'DZIN CHEN POR GYUR PA 'DAR STON BYANG CHUB DPAL ZHES PA DAM PHAR TSAD, 'DUL MDZOD, RTZA 'JUG SOGS LA ZIN BRIS MDZAD PA YOD CING, GZHAN YANG RJES 'JUG MKHAS GRUB BGRANG BA LAS 'DAS BA YOD PAS SO SOS ZIN BRIS MDZAD PA MANG DU MCHIS SO, ,RJE 'DI NI BKA' GDAMS GLEGS BAM LAS, SPYAN RAS GZIGS DBANG BZANG POR SPRUL, ,ZHES LUNG BSTAN PA LTAR KHA BA CAN GYI MGON PA SPYAN RAS GZIGS NYID 'JAM MGON BLA MA'I BSTAN PA SPEL BA'I CHED DU BSAMS BZHIN DU SPRUL BA'I SKU BZUNG STE THAMS CAD MKHYEN PA DGE 'DUN GRUB PA DPAL BZANG PO ZHES MTSAN NYI ZLA LTAR GRAGS SHING RJE BTZUN MA SGROL MAS 'PHRIN LAS KYI GROGS MDZAD DE CHOS GRVA CHEN PO BKRA SHIS LHUN PO BTAB NAS 'JAM MGON BLA MA'I BSTAN PA DRI MA MED PA BSRE BSLAD THAMS CAD DANG BRAL BA MDO SNGAGS YONGS SU RDZOGS PA'I BSHAD PA DANG SGRUB PA GNYIS KA TSANG BA RKANG TSUGS PAR MDZAD DE 'DZAM BU'I GLING GI PHYOGS MTHA' DAG NAS 'DUS PA'I MKHAS GRUB BGRANG BA LAS 'DAS PA RJE BDAG NYID CHEN PO'I LEGS BSHAD KYIS TSIM PAR MDZAD DE SA CHEN PO'I

KHYON THAMS CAD RNAM THAR GTZANG MAS KHYAB PAR MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LA BRGYAD CU GYA BZHIR PHEBS PA SHING PHO RTA'I LO RGYAL ZLA BA'I YAR TSES BRGYAD KYI THO RENGS ZHABS RDO RJE SKYIL KRUNG, PHYAG GNYIS MNYAM GZHAG MDZAD DE, STONG PA GSUM RIM GYIS THIM NAS THAMS CAD STONG BA 'OD GSAL DON DAM BA'I BDEN BA MNGON DU MDZAD DE, DE YANG SNGAR SNYUN PA SOGS KYIS SKU MDANGS CUNG ZHIG CHUNG BAR YOD NA'ANG, DE'I TSE GLO BUR DU SKU LUS ZLA BA RGYAS PA LTAR GYUR TE, SNGAR GYI SKU'I GNYAR MA RNAMS KYANG MED PAR BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG Ni SKU'I 'OD DMAR SER, KHA CIG NI DKAR SER, KHA CIG NI GSER BTZO MA LTA BUR SNANG NGO, ,ZHES ZER RO, ,DE BAS NA RJE 'DI NI, DE'I TSE 'OD GSAL DON DAM PA'I BDEN PA MNGON SUM DU MDZAD DE, 'CHI BA CHOS SKUR BSGYUR BA'I SGO NAS BAR DO SGYU MA'I SKUR BZHENGS TE, DE LA BRTAN NAS MCHOG GI DNGOS GRUB MNGON DU MDZAD PA YIN PAR GDON MI ZA BA YIN NO, ,'O NA PHYI MA RGYA NAG TU SKU SKYE BA BZHES PAR GSUNGS PA SOGS JI LTAR YIN ZHE NA, RJE RANG GI GSUNG NAS, SPRUL PAS SKYE BA 'DZIN PA YIN PAS MI 'GAL, GSUNG BA LTAR YIN NO, ,DUS DE DAG GI TSE NAM MKHA' NI, THAMS CAD STONG PA 'OD GSAL MNGON DU MDZAD PA'I TSUL NI, 'DI 'DRA'O ZHES 'JIG RTEN THAMS CAD LA GO BAR BYED PA BZHIN DU SHIN TU G-YA' DAG PAR GYUR TE, THA MAL GYI SPRIN

, ,DANG RDUL LA SOGS PA THAMS CAD DANG BRAL ZHING SA GZHI RLUNG GI RGYU BA THAMS CAD DANG BRAL NAS BSER BU PHRA MO'I 'GRO 'ONG YANG RGYUN CHAD PA ZHAG BZHI BCU ZHE LNGA TZAM GYI BAR DU BYUNG LA, GZHAN YANG LHA RNAMS KYIS MCHOD PA ME TOG SNA TSOGS PA RNAMS PHAL CHE BA KUNDA LTAR DKAR ZHING MU TIG LTAR 'OD GSAL BA, ZLA BA LTAR 'TSER BA LAG MTHIL TZAM DANG SHING RTA'I 'PHANG LO TZAM DPAG TU MED PA DANG, KHA DOG KYANG 'GA' ZHIG NI SNGON PO, 'GA' ZHIG NI SER PO, 'GA' ZHIG NI DMAR PO SOGS CHAR LTAR BABS BAR GYUR TO, ,GZHAN YANG SKU'I THAD DRANG DU 'JA' TSON KHA DOG SNA LNGA PA SHIN TU DANGS SHING 'OD 'TSER BA RNAM PAR BKRA BA ZHIG YUN RING BO'I BAR DU GNAS PAR GYUR LA, PHAL CHE BA NAM MKHA'I LAM THAMS CAD 'JA' TSON DKAR PO BLA BRE LTAR BRES PA DANG, BA DAN LTAR 'PHYANG BA DANG, DGON PA'I G-YAS G-YON THAMS CAD 'JA' TSON SNA TSOGS PAS LDA LDI LTAR KHRIG GIS GANG BA LA SOGS PA ZHAG MANG PO'I BAR DU BYUNG ZHING, DPA' PO DANG MKHA' 'GRO MA RNAMS KYIS MNGON PAR BSGRAGS PA'I 'KHAR RNGA SOGS ROL MO'I BYE BRAG BSAM GYIS MI KHYAB PA MTSAN DGUNG LA GRAG PA DANG, NYIN MO YANG GAndI BRDUNGS PA'I SGRA CHEN PO GRAG STE THAMS CAD THE TSOM DU GYUR NAS BRTAGS KYANG MI ZHIG GIS BRDUNGS PA MA YIN BAR NGES PA TZAM DU ZAD KYI GZHAN DU GZHAN JI LTA BU ZHIG GIS GNAS GANG DU BRDUNGS

BA SOGS GANG DU'ANG BRTAG PAR MI NUS BAR YUN RING DU SGRA SHIN TU GRAG PA ZHIG BYUNG NGO, ,MDOR NA BCOM LDAN 'DAS RTZVA MCHOG TU MYA NGAN LAS 'DA' BA'I TSUL BSTAN PA'I TSE, LHA RNAMS KYIS MNGON PAR MCHOD PA JI LTA BA BZHIN DU 'DIR YANG BYUNG BAR GYUR TO, ,DE NAS SRAS KYI THU BO 'DUL 'DZIN RIN PO CHES GTZO MDZAD, DGE 'DUN PHYED DANG NYIS STONG TZAM GYIS ZLA BA PHYED TZAM GYI BAR DU GSOL 'DEBS GDUNG MCHOD SMON LAM RGYAS BAR MDZAD CING, SBYIN BDAG GRVA BU SLOB RNAMS DANG, BLA BRANG GI PHYAG RDZAS RNAMS KYIS SKU GDUNG GI SKU MDUN DANG, PHYI NANG GI MCHOD KHANG THAMS CAD DU MCHOD PA'I TSOGS BSAM GYIS MI KHYAB PA DANG, BRANG KHANG SO SO'I THOG KHAR YANG MAR ME'I PHRENG BA LA SOGS PA'I MCHOD PAS MCHOD PAR MDZAD CING RTZE GCIG TU GSOL BA 'DEBS PAR MDZAD DO, ,DE LTAR BSOD NAMS DANG YE SHES KYI TSOGS RLABS PO CHES DGONGS PA YONGS SU RDZOGS PAR MDZAD NAS, LUG GI LO GSAR MA THAG MKHYEN PA'I MNGA' BDAG RDO RJE SLOB DPON BZANG PO BKRA SHIS GANGS CAN NAS SPYAN DRANGS, GDUGS DANG RGYAL MTSAN DANG BA DAN LA SOGS PAS BSU BA MDZAD DE, BDAG NYID CHEN PO'I SENGGE'I KHRIL BZHUGS SU GSOL TE RGYAL TSAB TU DBANG BSKUR, 'DUL 'DZIN SEMS DPA' CHEN POS ME TOG GTOR TE SHIS PA BRJOD PAR MDZAD DO, ,RJE 'DIS BSTAN PA LA BYA BA RGYA CHER MDZAD PAS RGYUD 'DZIN MTHA' YAS PA BYUNG ZHING 'PHRIN LAS RGYA CHER SPEL

, ,BA'I BSTAN 'DZIN DAM PA 'DUL 'DZIN BLO GROS SBAS PA, BYANG SEMS 'DUL NAG PA DPAL LDAN BZANG PO, PAn CHEN BZANG PO BKRA SHIS, PAn CHEN LUNG RIGS RGYA MTSO, PAn CHEN YE SHES RTZE MO, KUN MKHYEN CHOS 'BYOR DPAL BZANG, MKHAS GRUB NOR BZANG RGYA MTSO, GNAS RNYING ZHABS DRUNG KUN DGA' BDE LEGS, LAS CHEN KUN DGA' RGYAL MTSAN, 'JAM DBYANGS DGA' BA'I BLO GROS, KUN MKHYEN PHYOGS LHA 'OD ZAR SOGS MANG DU BYON PA LAS SRAS KYI THU BO NI 'DUL 'DZIN BLO GROS SPAS PA'O, ,'DUL 'DZIN BLO GROS SBAS PA ZHES BYA BA'I BDAG NYID CHEN PO 'DI NI, GTZANG STOD CHU SGO'I G-YO GRONG ZHES PAR LCAGS PHO 'BRUG GI LO LA SKU BLTAMS, BYIS PA'I DUS KYI TSE SEMS CAN LA SNYING RJE BSGOMS TZA NA MCHI MA RANG DBANG MED PAR 'ONG BA CIG YOD DE, SNYING RJE'I DMIGS RNAM RANG NI MA SHAR BAR 'DUG GSUNG, DE NAS DPAL SNAR THANG DU MKHAN CHEN GRUB PA SHES RAB KYI SPYAN SNGAR RAB TU BYUNG, MCHAN BSAM 'GRUB GRAGS PA DPAL LDAN ZHES BTAGS, CHEN PO LO TZ'A BA SANGGHA SHR'I LA SLOB DPON BCOL TE SGRA DANG BSTAN BCOS MANG DU GSAN NO, ,DE NAS RGYAL GYI RTZIBS RI LA SOGS PA'I SGRUB GNAS MANG DU MTHONG BAS, DA NI SGOM CHEN ZHIG RANG BYA SNYAM DU DGONGS PA 'KHRUNGS PAS, GROGS KHAMS BA DGE RGAN ZHIG YOD PA DE NA RE, RE SHIG SLOB GNYER BYAS, DE

NAS BSGOMS NA LEGS PO 'ONG, DA LTA NAS BSGOMS NA GLEN BSGOM DU 'GRO ZHES ZER BAS SLOB GNYER GYI 'GRO BSKYANGS, NGAS DE DUS RTZIBS RIR SDAD NAS BSGOMS NA SGOM CHEN BZANG ZER BA CIG 'OD PA YOD DE, DBU MA'I LTA PA ZAB MO 'DI DANG AE 'PHRAD NI MI SHES GSUNGS, DE NAS GROGS 'GA' ZHIG DANG BCAS TE DBUS LA PHEBS PA'I TSE, BSAM YAS KYI RI MTHONG BA'I LAM KHA CIG TU THUGS DRAN MED DU BRGYAL BA CIG BYUNG 'DUG ,GROGS MCHED RNAMS KYIS LEGS PAR BOS, KHONG RANG GI SNANG BA LA BTZUN PA CIG DANG 'GROGS TE PHYIN, BSAM YAS YIN RGYU'I GTZUG LAG KHANG ZHIG GI RTZAR SLEB, BTZUN PA DE DANG LHAN DU SGO LA PHYIN DUS MI DKAR PO ZHIG GIS 'DI GAR 'GRO BA YIN ZHES NGA MA GTANG, DE DUS MNAL LAM DU GZHAN GYIS BOS PA'I SKAD GRAG PAS RKYEN BYAS TE DRAN PA RNYED PAR GYUR CES GSUNGS, MI DKAR PO DE NI BLA MA 'DI'I LHAG PA'I LHA GTUM PO DKAR PO YIN PAS DES BAR CHAD BSAL BA YIN ZHES GSUNG, DE NAS PHAR PHYIN LA NAN TAN MDZAD PAS LO GSUM TZAM LON TZAN LUNG CHOS LA THOGS PA MED PA'I MKHYEN PA CAN DU GYUR, DE NAS DA DBU TSAD SLOB SNYAM DU SEMS CAN, GROGS PO KHAMS BA DGE RGAN DE NA RE, KHYED DBU TSAD SLOB NA DGA' LDAN PA DRAG ZER, DES RKYEN BYAS NAS RI BO DGA' LDAN DU RGYAL CHAB RIN PO CHE BSTAN PA'I BDAG PO MDZAD PA'I SAR BYON, CHOS RJE SHES RAB SENGGE DANG RJE DGE 'DUN GRUB

, ,GNYIS DANG YANG DE DUS MJAL, DE NAS THUGS DGONGS LA PHAR PHYIN NGA RANG GI 'DI KAS 'ONG, DBU TSAD GNYIS MKHAS PAR BSLAB SNYAM NAS, RGYAL TSAB RIN PO CHE'I DRUNG DU LEGS PAR MNYAN, CHOS RJE SHES RAB SENG GE DANG RJE DGE 'DUN GRUB PA GNYIS LA YANG GSAN PAS, PHAR PHYIN GYI DE SNGA'I GRUB MTHA' RNAMS KYANG 'GYUR TE, RJE YAB SRAS KYI THUN MONG MA YIN PA'I GRUB MTHA' LA YID CHES RNYED PA CIG BYUNG, LHAG PAR RJE DANG MA MJAL YANG RJE NYID LA SANGS RGYAS DNGOS KYI 'DU SHES SKYE BA CIG BYUNG STE LAS 'BREL ZHIG YOD PA 'DRA GSUNG, GROGS PO DGE RGAN DE NGA LA DRIN CHE BA CIG BYUNG GSUNG, DE NAS RGYAL SRAS 'DUL BA 'DZIN PA 'DIS RANG LO NYI SHU RTZA DRUG PA SHING MO SBRUL GYI LO RGYAL TSAB RIN PO CHES MKHAN PO DANG, 'DUL 'DZIN CHEN PO GRAGS PA RGYAL MTSAN GYIS LAS KYI SLOB DPON, SHAR BA BYANG SEMS RIN RGYAL BAS GSANG STE STON PA MDZAD DE DGE 'DUN CHOS GSUM DANG LDAN PA'I DBUS SU BSNYEN PAR RDZOGS PA DGE SLONG GI DNGOS PO MNOS, DE NAS BRTZAMS TE LTUNG BA PHRA MOS KYANG MA GOS PAR TSUL KHRIMS MIG GI 'BRAS BU BZHIN DU BSRUNG BAR MDZAD PAS 'DUL BA PA ZHES GRAGS, DE NAS DGONGS PA LA 'DUL BA'I BSLAB BYA ZHIG MA NYAN NA GZHAN GYIS DKA' BCU PA YANG 'DUL BA'I LAG LEN MI SHES BAR SNANG SNYAM NAS 'ONG BAS 'DUL BA LUNG SDE BZHI NAS GSUNGS PA'I DGAG SGRUB GNANG GSUM

GYI BSLAB BYA MTHA' DAG LA 'KHRUL PA MED PAR LEGS PAR SHES PA ZHIG BYA SNYAM DU DGONGS NAS 'DUL 'DZIN CHEN PO GRAGS PA RGYAL MTSAN LA BSLAB BYA CHA LAG DANG BCAS PA GSAN, BYANG CHUB LAM GYI RIM PA YANG THOG MAR RIN PO CHE 'DUL BA PA LA GSAN GSUNG STE, GZHAN YANG CHOS MANG DU GSAN NO, ,DE NAS RGYAL SRAS 'DUL BA 'DZIN PA 'DIS CHOS RJE SHES RAB SENGGE'I DRUNG DU GSAD BA 'DUS PA'I RGYUD 'GREL PA DANG BCAS PA, GDAN RDZOGS, GSAL SGRON LA SOGS PA'I RJE'I GSUNG RAB DANG, 'PHAGS SKOR MTHA' DAG TSANG BAR GSAN, BDE MCHOG GI RGYUD KYI BSHAD PA DANG 'DOD 'JO, L'U DRIL GYI RDZOGS RIM LA SOGS PA'I BDE MCHOG GI SKOR RNAMS DANG, GSANG SNGAGS DANG PHAR PHYIN GNYIS KYI LAM RIM, ZAB MO DBU MA'I LTA KHRID, TSUL KHRIMS LE'U, RTZA LTUNG BCU BZHI PA, BLA MA LNGA BCU PA RNAMS KYI RJE'I RNAM BSAHD DANG, MTSAN NYID KYI CHOS SKOR YANG MANG DU GSAN TE, GTZO BOR RDO RJE TEHG PA'I BKA' DRIN RNAMS BLA MA 'DI LA RDZOGS PAR MNOS PAS RTZA BA' IBAL MA BKA' DRIN CHE SHOS SU MDZAD PA YIN NO, ,DKA' CHEN BZHIS GTZO BYAS PA'I MTSAN NYID KYI PO TI SHIN TU MANG BA NI SLOB DPON THAMS CAD MKHYEN PA DGE 'DUN GRUB LA GSAN PAS SNGE SNOD KYI PHYOGS LA BKA' DRIN CHE BA'I BLA MA GCIG TU MDZAD DO, ,RGYAL SRAS 'DIS MANG DU THOS PA RGYA CHER BTZAL BA'I TSUL RANG NYID KYI ZHAL NAS,

, ,NGAS SLOB DPON RIN PO CHE THAMS CAD MKHYEN PA LA 'DUL BA MDO RTZA BA'I BSHAD PA BSKYAR CHOS SU BYAS PA RANG TSAR DRUG NYAN, CHOS RJE GZHON NU RGYAL MCHOG PA'I DRUNG DU TSAR GCIG STE BDUN NYAN PA YIN ZHES GSUNGS, YANG BA SO DGON PAR LTA KHRID CIG GSUNGS PA'I SKABS SU, GCIG DU BRAL GYI BSHAD PA RGYAS PA CIG MDZAD DE, NGAS 'DI TSO SLOB DPON THAMS CAD MKHAN PO LA NYAN NAS BRJED MA BCUG PA YIN ZHES GSUNGS, YANG NGAS SLOB DPON RIN PO CHE LA THEG PA CHEN PO'I BLO SBYONG 'DI NYAMS KHRID DU TSAR GCIG THOB PA YIN GSUNG NGO, ,DE NAS RGYAL SRAS 'DUL BA 'DZIN PA CHEN PA BLO GROS SBAS PA 'DI NI THAMS CAD MKHYEN PA'I PHYAGS PHYIR DGE 'DUN 'DUS PA'I GRAL DPON MDZAD CING SLOB MA'ANG MANG DU SKYONG BAR MDZAD, BAR SKABS SU LHUN PO RTZER BYON TE 'PHAGS 'OD YON TAN RGYA MTSO LAS GSANG SNGAGS KYI GDAMS PA MANG PO BLANGS SHING PHYAG LEN KYANG DE NYID LAS KHRID PAR MDZAD DO, ,RJE DGE 'DUN GRUB DANG RGYAL SRAS 'DUL BA 'DZIN PA 'DI GNYIS KYIS BSTAN PA LA BYA BA RGYA CHER MDZAD CING, LHAG PAR GTZANG DU RJE RIN PO CHE'I BSTAN PA RGYA CHER SPEL PHYIR CHOS GRVA CHEN PO BKRA SHIS LHUN PO 'DEBS PA SOGS DKA' BA CHEN PO MDZAD NAS CHOS GRVA CHEN PO LEGS PAR GRUB STE 'DZAM GLING YANGS PA'I PHYOGS MTHA' DAG NAS THAMS CAD MKHYEN PA DGE 'DUN

GRUB LA CHOS KYI BKA' DRIN ZHU BA BGRANG BA LAS 'DAS PA 'DUS NAS 'PHRIN LAS KHYAB BDAL? CHEN POR GYUR PA NA RGYAL SRAS 'DUL BA 'DZIN PA BLO GROS SBAS PAS MTHO MTHO RLUNG LA BSKUR DMA' DMA' CHU LA BSKYUR ZER BA LTAR TSE 'DI'I BYA BA THAMS CAD BLOS BTANG STE BYA RNYI LAS THAR BA BZHIN DU KHAB GUNG THANG NAS NYE BAR BZUNG STE, GANGS RI'I RGYAL PO TE SE DANG, KHA CHE'I 'GRAM MAR YUL GYI MTHAR THUG BAR BYON TE, DBEN PA'I GNAS RNAMS SU BSAM GTAN LA RTZE GCIG TU GNAS PAR MDZAD PAS, SNGON GYI SKYE GNAS RJES SU DRAN PA LA SOGS PA'I MNGON PAR SHES PA DANG, LHAG MTHONG GI LTA BA KHYAD PAR CAN 'KHRUNGS SHING, RGYA GAR DANG BOD KYI PAn GRUB DU MA ZHIG GI GZIGS SNANG YANG BYUNG SNANG ZHING, KHYAD PAR DU RJE BTZUN TZONG KHA PA DANG SKU TSE SNGA MA LA KHA CHA'I YUL DU DPON SLOB TU GYUR PA NYID KYI 'BREL BAS RJE RIN PO CHE'I SKU DANG GSUNG GI SNANG BA NI NAM 'DOD DU 'ONG BA CIG YIN PAR SNANG NGO, ,RJE'I SKU SKYE SNGA MA LA CHOS JI LTAR GSAN PA'I TSUL DUS PHYIS MGUR DU GSUNGS PA NI 'DI LTAR, SANGS RGYAS BSTAN PA NYI LTAR GSAL BYED PA, ,MKHAS GRUB BGRANG LAS 'DAS PA 'BYUNG BA'I GNAS, ,RGYAL BAS BSNGAGS PA DPAL LDAN KHA CHE'I YUL, ,YUL DE MDZES PA'I RGYAN MCHOG MKHAS GRUB CHE, ,MDO SNGAGS BSTAN PA'I BDAG POR MNGA' GSOL BA, ,MA TI BHA TRA ZHES BYA'I PAn CHEN DE'I, ,ZHABS

, ,PAD DI MA MED PA'I ZE'U 'BRUL, ,SPYI POS REG PA'I BLO GROS SPAS PA NGAS, ,RGYAL BA DE YI ZHAL GYI PADMO LAS, ,'DUL BA SDE BZHI'I SNYING PO 'DUL BA'I MDO, ,LEGS PAR THOS SHING NYAMS SU BLANGS PA LAS, ,DA LTA DAM CHOS 'DUL BA'I SNOD DU GYUR, ,MDO SDE'I SNYING PO RGYAL SRAS SEMS BSKYED DANG, ,RLABS CHEN SPYOD PA ZHAL GYI PADMO LAS, ,YANG YANG THOS SHING NYAMS SU BLANGS PA LAS, ,DA LTA BYANG SEMS SDOM PA'I SKAL BA THOB, ,SANGS RGYAS KUN GYI GSANG BA KUN 'DUS PA, ,DPAL LDAN 'DUS PA'I SMIN BYED DBANG BZHI YI, ,SA BON MKHAS GRUB ZHAL LAS LEGS THOB PAS, ,DA LTA GSANG SNGAGS SDOM PA'I SKAL BA THOB, ,RIGS MTHO GZUGS MDZES RGYAL PO'I SRAS PO NGAS, ,'DZAM GLING MDZES BYED MA TI PAn CHEN DRUNG, ,MTHA' BRAL LTA BA'I SA BON BZHAG PA LAS, ,AE MA HO DA LTA THAR PA'I LAM BZANG RNYED, ,TSUL 'DI BSAMS TSE MA TI PAn CHEN DE'I, ,BKA' DRIN MNYAM MED DA LTA YID LA DRAN, ,DRAN PA'I MOD LA 'KHOR BAS NYAM THAG BDAG ,THEG PA DMAN DANG 'KHOR PA'I G-YANG LAS DRONGS, ,'DI DON DRAN YANG MA RUNG SKYA BO'I TSOGS, ,PHAL CHER LOG PA'I PHYOGS SU LTUNG BAS NA, ,DA LTA'I BAR LA GTER BZHIN SBAS NAS BZHAG ,TSE 'DI NUB RI'I NYI BZHIN GYUR TSE BKOD, ,CES JI SKAD GSUNGS PA NYID DO, ,DE'I TSE BLA MA 'DI

NUB RI'I RGYAL PO'I SRAS SU 'KHRUNGS PA NYID KYI TSUL YANG GSAL BAR GSUNGS SO, ,MAR YUL DU BZHUGS DUS CHOS RJE SHES RAB BZANG PO LA GSUNG CHOS MANG DU GSAN ZHING, DE'I DGE 'DUN RNAMS LA'ANG NYID KYI GDAMS PAS TSIM BAR MDZAD DO, ,DER KHONG DPON SLOB KYIS DE TSOR BZHUGS PA'I ZHU BA PHUL BA LA, DA GRVA TSANG MA GI 'DRA BA BZHAG NAS DA 'DI'I DGON PA GA LA 'DZIN DGONGS PA BYUNG GSUNG, YANG DE'I DUS KYI TSE, CHOS KYI RGYAL PO RGYAL BA ZAS GTZANG SRAS, ,RGYAL BA GNYIS PA BLO BZANG GRAGS PA'I DPAL, ,BKA' DRIN DRAN NO SLAR YANG 'KHOR BA LAS, ,LAN CIG MIN PAR YANG YANG BSKYAB TU GSOL, ,RGYAL BA'I SRAS PO DPAL LDAN RDO RJE 'DZIN, ,SHES RAB SENG GE PAn CHEN DGO 'DUN GRUB, ,THAG RING SA MTHA'I YUL DU MDUN NA DRAN, ,DRAN PA'I MOD LA THUGS RJE'I LCAGS KYUS DONGS, ,ZHES PA LA SOGS PA DANG, SHES RAB SENGGE DE SRAS DGE 'DUN GRUB, , BKA' DRIN YON TAN DRAN PA'I STOBS NYID LAS, ,ZHES BYA BA LA SOGS PA'I MGUR MA'ANG MANG DU MDZAD, RJE BTZUN SHES RAB SENG GE GSHEGS PA'I DUS MNGA' RIS SU RMI LAM SHIN TU GSAL BAR BYUNG GSUNG STE RANG DANG GZHAN KYI 'DAS MA 'ONGS RNAMS GSAL BAR GZIGS PA'I MNGON MKHYEN MNGA' BAR SNANG NGO, ,MNGA' RIS SKOR DU LO DRUG BDUN TZAM BZHUGS TE, BLA MA MJAL BA'I DGONGS PAS DBUS GTZANG DU PHYIR PHEBS, BYANG GI

, ,BDE GLING ZHES BYE BAR DBU MA'I STONG THUN DE BRTZAMS, PHYIS K'A RI KA'I t'IKA CHEN ZHIG KYANG MDZAD, BYANG CHUB LAM RIM GYI YIG SNA DU MA DANG, MA CIG GI GCOD SKOR DANG, SGRUB THABS CHE CHUNG DU MA DANG, THUGS SKYO SHAS CHE ZHING GSANG BDE BAS NYAMS MGUR DANG BSTOD PA'ANG DU MA ZHIG MDZAD SNANG STE BRTZAMS CHOS LA BO TI GNYIS TZAM YOD DO, ,GTZANG DU PEBS NAS THAMS CAD MKHYEN PA DANG YAB SRAS MJAL ZHING CHOS KYI BGO BA MANG DU MDZAD, SLAR YANG BSAM GTAN DGA' LDAN CHOS RDZONG LA SOGS PA'I RI KHROD RNAMS SU LO BCU SKOR GYI BAR DU THUGS DAM LA BZHUGS PAR MDZAD DE, NGAS DAL 'BYOR RNYED DKA' RANG YANG ZLA BA BCO BRGYAD KYI PAR DU BSGOMS SHING, DE BZHIN DU LAM RIM GYI DMIGS SKOR MTHA' DAG YUN RING DU BSGOMS NAS MYONG BA THON NGES BYAS GSUNG, DGUNG LO DRUG CU RE GRANGS NAS 'JAD KYI BYANG CHUB CHOS LUNG, ROG PA TSANG BO DONG GI LUNG NAG SHEL DKAR, BOR THOG, LHUN PO RTZE, BYANG CHEN, RTA NAG RI MKHAR, SKOL MA SDINGS, NYA RI DGA' BA TSAL, PHUR MO CHOS RDZONG, RGYAL CHEN RTZE, LHAN BA SO, GNAS RNYING, MAN LUNG, KHROM MDA' BGON GSAR, 'BRONG RTZE, BKRA SHIS LHAN PO LA SOGS BA RNAMS SU, LAM RIM CHE CHUNG, BSLAB BYA CHE CHUNG, TSUL KHRIMS LE'U DANG, RTZA LTUNG RNAM BSHAD, BLA MA LNGA BCU PA'I RNAM BSHAD, 'DRUS PA'I BSKYED

RDZOGS, 'KHOR LO SDOM PA'I BSKYED RDZOGS, GCOD KHRID DANG LTA KHRID LA SOGS PA'I CHOS MANG DU GSUNGS TE, KHYIM PA DANG RAB TU BYUNG PA MANG PO LA PHAN GDAGS PA, LAM RIM DANG LTA KHRID GSUNGS PA DGE BA'I BSHES GNYEN 'DI BAS MANG BA MA BYUNG BA 'DUG ZER, THAMS CAD MKHYEN PA'I ZHAL NAS, 'U CAG GIS MI TSE RIL POR 'DUL BA BSHAD PA BAS, DRUNG 'DUL PA PAS BSLAB BYA TSAR RE BSHAD PA DRAG PAR 'DAG SNANG GSUNG, 'DUL 'DZIN RIN PO CHE'I ZHAL NAS, NUB GCIG RMI LAM DU NYI SHU LNGA MCHOD CIG BYED KYI 'DUG PAS, DER CHOS RJE RIN PO CHE CHIBS MDZO ZHIG LA CHIBS NAS PHEBS BYON BA LA GSOL BA BTAB PAS, NGA YANG JO BO YAB SRAS LA DAD KYI, KHYOD RANG YANG JO BO YAB SRAS LA DANG PA SGOMS SHIG CES GSUNG BA CIG RMIS, SANG DE NAS NGA'I RO STOD GZER BA CIG YONG GI YOD PA DE GTAN MA BYUNG, YANG NUB GCIG MNAL LAM DU DGE BA'I BSHES GNYEN 'BROM STON BAS BKA' GDAMS GLEGS BAM GYI 'GO NAS MJUG GI BAR TSAD MAR GNANG BA CIG RMIS TE, NGA'I LUNG DE KHAS GO CHOD PA YIN GSUNG, YANG ZHAL NAS, DA RTZA RLUNG 'GRIBS NAS CHOS BSHAD RE BYAS PA YIN, MNGA' RIS SU SDONG DUS ZHAG LNGA DRUG RI'I BAR DU ZA BA BZA' DGOS PA MA BYUNG ZHES GSUNG STE, TING 'DZIN PHUN SUM TSOGS PA MNGA' BA LAGS PAR GDA', YANG NYIN GCIG CHOS GLAR, NGAS BAL PO, KHA CHE RDZA LAN

, ,DHA RA RNAMS SU 'GRO MYONG GSUNG STE, DE LA SOGS PA'I 'DAS PA'I DUS KYI GTAM SHOR 'OD GI SNANG, BYANG CHUB CHOS LUNG DU BZHUGS PA'I DUS, NGA SANG PHOD 'GRO BAR YOD BAS, CHOS NYAN 'DOD YOD BA RNAMS DA LO NYAN PA LEGS ZHES GSUNGS, DE'I GTAM DE KHA CIG GIS CHOS RJE THAMS CAD MKHYEN PA'I SNYAN DU GSON PAS ZHAL NAS KHONG GI DE LA TIG PO MI BDOG ,KHONG SNGAR BZHAG BTUN NAS 'CHI BAR YOD PA YIN ZER TE BZHUD PAS, YANG LOG BYUNG GSUNG, DE'I RJES LA KHONG PA GRONGS DUNG BDE BA NAS BDE BAR 'GRO BA YIN TE GSUNG NGO, ,YOS LO'I DGUN THAMS CAD MKHYEN PA'I BKA' LUNG PHEBS PAS BKRA SHIS LHUN POR BZHUGS NAS GSUNG CHOS MANG DU GSUNGS, YAB SRAS GNYIS KYIS BSNYEN PAR RDZOGS PA'ANG BZHI BCU LHAG TZAM BSGRUBS, DE DUS CHOS RJE RIN PO CHES KYANG BKA' LUNG GNANG ZHING, SLOB DPON RNAMS PAS KYANG GSAL BA BTAB STE; DBYAR DGUN BKRA SHIS LHUN POR PHEBS PA GNAD DAGS, GZIM KHANG ZHIG KYAD RTZIG PA YIN ZHUS PAS LEGS PAR ZHAL GYIS BZHES TE, THAMS CAD MKHYEN PA MYA NGAN LAS 'DA' KHA'I BAR DU BZHUGS PAR MDZAD DE; ;THAMS CAD MKHYEN PA SKU KHAMS CHER BSNYEL DU SONG BA NA, SLOB DPON RNAM BA LA GDAN 'DREN THONG ZHES BKA' STZAL PAS, 'DUL 'DZIN RIN PO CHES GCO MDZAD, 'CHAD NYAN PA RNAMS ZHABS DRUNG DU 'KHOD PA LA, NGED

RANG RE ZHIG SDOD BSAM PA YIN TE DA 'GRO PAR SNANG, 'ON NA'ANG 'GYOD PA MED PAR TSE'I DUS BYED PA YIN, KHYED SLOB DPON RNAM PAS KYANG BKRA SHIS LHUN PO LA BRTEN NAS SANGS RGYAS KYI BSTAN PA LA CI PHAN MDZAD 'TSAL, SMON LAM DE DANG NGA'I DGONGS RDZOGS GNYIS SGRAGS PAS 'ONG, RTEN GSUM BZHED DGOS PA NI MED, NGA'I RUS BU 'DI SREGS LA MI 'KHRUGS PA'I STONG SKU ZHIG THOB, SGROL MA RANG YANG 'DIR SHOG GSUNGS NAS BTZUN CHUNG 'DIS LO SUM CU LHAG CIG GI BAR DU NGA'I G-YOG BYAS PA YIN, 'DI LA KHYED RNAM PAS BGOS SKAL MI PHAM PA CIG KYANG BYIN GSUNGS NAS LDE MIG RNAMS SLOB DPON RNAM PA'I DRUNG DU 'PHANGS PAR GDA', DE NAS SLOB DPON RNAM PAS GDAN SA 'DI JI LTAR BGYI BA BKA' LUNG GNANG DGOS ZHUS PAS, RJE'I ZHAL NAS DRUNG 'DUL BA PA DANG, KHYED RANG DPON SLOB KYIS BRTAG PA BYAS NAS GANG LEGS PA CIG LA GYIS SHIG GSUNGS, MYA NGAN LAS 'DA' KHAR 'DUL BA 'DZIN PAS THUGS DAM GSAL 'DEBS 'DRA DGOS LAGS SAM ZHUS PAS MI DGOS BAR GDA' ZHES GSUNG, DE NAS RJE DGE 'DUN GRUB ZHING GSHEGS NAS 'DUL 'DZIN BLO GROS SBAS PAS RJE DGE 'DUN GRUB KYI DGONGS RDZOGS DANG; DGON GNAS MI NYAMS PAR BYA BA'I PHYIR GDAN SA BSKO BA SOGS THUGS KHUR CHE BA ZHES MDZAD DO, ,DE LTAR NA RGYAL SRAS 'DUL 'DZIN CHEN PO 'DI NI THAMS CAD MKHYEN PA DGE 'DUN GRUB KYI GRVA TSANG GI DANG PO'I RTZA BA 'DZIN

, ,BA; BAR DU MI NYAMS PAR SKYONG BA, MTHAR 'PHRIN LAS SPEL ZHING DGONGS RDZOGS DANG GDAN SA'I BSKO BZHAG GI BAR DU MDZAD DE, CHOS RJE NYID DANG BKA' DRIN KHYAD PAR MED CING, BU SLOB SBYIN BDAG RNAMS KYIS KYANG YAB SAS DBYER MED DU 'KHUR BAR MDZAD PA YIN NO, ,DGUN CHOS GNYIS PA LA 'DUL 'DZIN RIN PO CHES RIM LNGA'I DMAR KHRID ZHAL SHES KYIS BRGYAN PA CIG DGE BA'I BSHES GNYEN BLO MCHOG TU GYUR PA DRUG CU LHAG TZAM LA GSUNG PA MDZAD, GSUNG CHOS DE THON NAS RTA NAG AO RGYAN RDZONG DU THEGS TE ZLA GCIG TZAM GYI BAR DU BZHUGS SHING, CHOS KYANG MANG DU GSUNGS, DPYID GZHUG LHUN PO RTZER SPYAN DRANGS, DER DGE 'DUN BRGYA PHRAG MANG PO LA MDO SNGAGS KYI GDAMS BA ZAB DGU COG GIS TSIM PAR MDZAD, DER SKU KHAMS CUNG MI BDE BA'I RNAM PA CIG KYANG BYUNG, CUNG ZAD SNYUN PA'I 'PHRO NYID LA BKRA SHIS LHUN PO'I DBYAR CHOS LA PHEBS BA GNANG, PHEBS MA THAG NA GZIM KHANG SAR PAR SKU MTSAMS LA BZHUGS, DER LHA RJE ZHIG KYANG ZHABS DRUNG DU BOS, KHYOD KYIS NGA'I NAD GZHI 'DI LA PHAN PA'I THABS 'DUG NA GYIS, SDOD RTZIS NA MI BYED, LUS GOG PO 'DIS RANG GZHAN GYI DON GANG YANG MI 'ONG BAR 'DUG PAS, NGA 'DI NAS DGA' LDAN DU 'GRO ,RGYAL BA TZONG KHA PA CHEN PO'I ZHABS DRUNG NA MKHAS GRUB THAMS CAD MKHYEN PA DANG RJE BTZUN SHES RAB SENGGE GNYIS KYANG BZHUGS 'DUG ,LHA BU GZHON

NU ZHIG GI LUS BLANGS NAS CHOS NYAN, 'GRO BA MANG PO'I DON BYED PA YIN, DE NAS RGYA GAR SHAR PHYOGS SU SKYE BA LEN, DER YANG RJE'I SPRUL PA CIG GIS RJES SU 'DZIN, PHO BA'I LAM GYIS SA LAM BGROD BA CIG 'ONG BAR SNANG ZHES GSUNG BAR GDA', LHA RJE DES GRVA PA RNAMS LA SNYUN GZHI 'DI 'CHOS THUB PAR 'DUG STE, ZHAL SNGA NAS BZHUGS PA'I THUGS 'DUN YE MI 'DUG PAS GSOL BA THEBS BA RANG NI DKA' BAR GDA', SKU RIM ZHIG BYAS NA KHYAD AEN RE AE YOD ZER BAS, NYI SHU GSUM GYA RANG GSOL DPON SGROL MAS MANG JA'I SBYIN BDAG MDZAD DE, TSOGS PAS SMAN BLA'I CHO GA MDZAD, DE SKU MDUN DU GSAN PAS LHA RJE LA'ANG BKYON TE KHYOD KYIS NGA LA GNOD PO ZHIG BYAS, NGA SANG DANG DE RING GNYIS KYANG DE RING 'CHI BA LA 'DAM PA LA GSUNG, NYI SHU LNGA'I NYIN MKHO BA'I YO BYAD DU BYIN GYIS BRLABS PA'I SNAM RAS BUBS GNYIS TZAM DANG, PHYAG DPE PO TI BZHI TZAM 'DUG PA TSOGS SU 'BUL BA MDZAD, NYI SHU DRUG LA THOS BSAM GLING DU SROD JA GCIG GI STENG DU SKU RIM BGYI BA'I ZHAL TA ZHUS PAS, NGA LA RIM GRO GTAN NAS BYED MI DGOS PA YIN TE, DA 'ON DPAL LDAN SA GSUM MA THON LA RJE NYID LA GSOL BA THOB CIG GSUNG, DE NAS DGUNG LO DON DRUG BSHING LUG ZLA BA LNGA PA'I NYER BRGYAD KYI NAM LANG SU NYE BA NA 'PHO BA MDZAD DE, BYAMS PA'I MDUN SAR 'JAM DPAL SNYING PO'I

, ,ZHABS DRUNG DU GSHEGS PAR MDZAD, DE'I TSE 'JA' DANG 'OD LA SOGS PA'I NGO MTSAR BA'I LTAS DU MA BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS THAMS CAD MKHYEN PA DGE 'DUN GRUB YAB SRAS 'DI GNYIS LA GSOL BA 'DEBS SHING BDAG NYID CHEN PO 'DI GNYIS KYI RNAM THAR LTAR TSUL KHRIMS DAG CING LTA GRUB GTZANG BA'I SGO NAS GZHUNG LUGS GDAMS BAR SHAR BA'I NYAMS LEN LA BRTZON PA LHUR BLANG BAR BYA'O,, ` ,,SKU GSUM GO 'PHANG MNGON GYUR NOR BU BZANG, ,ZHES BSNGAGS PA, MKHAS GRUB NOR BZANG RGYA MTSO NI, GTZANG RTA NAG RANG BYUNG DU, YAB NAM MKHA' DPAL BZANG DANG, YUM CHOS SKYABS 'BUM GNYIS KYI SRAS SU MDZES BYED KYI LO LA NGO MTSAR BA'I LTAS DANG BCAS TE SKU 'KHRUNGS, GZHON NU NYID NAS CHOS KYI BAG CHAGS BRTAS PAS KLOG YIG SOGS TSEGS MED PAR MKHYEN CING, KHYIM GYI GNAS NI NYES BA DU MA'I 'BYUNG GNAS SU RIG NAS, SPYIR 'KHOR BA'I PHUN TSOGS MTHA' DAG DANG, KHYAD PAR KHYIM GYI 'DU 'DZIN DANG LONGS SPYOD LA MA CHAGS PAR DGUD LO BCU GSUM PA NA BRAG DMAR CHOS SDINGS SU, CHOS RJE BLO GROS MGON PO BAS MKHAN PO DANG, BYANG SEMS CHOS 'PHEL RGYAL MTSAN PAS SLOB DPON MDZAD NAS RAB TU BYUNG STE MKHAN SLOB KYI SPYAN SNGAR JI LTAR KHAS BLANGS PA'I BCAS MTSAMS LAS

NAM YANG MI 'DA' ZHING, RGYAL BA'I BSTAN PA LA RAB TU BYUNG BA RNAMS KYI BYA BA KLOG PA THOS BSAM DANG, SPONG BA BSAM GTAN GNYIS LAS THOG MAR SDE SNOD GSUM LA THOS PA BYA DGOS PAR GZIGS NAS RI KHUD CHOS SDER MKHYEN RAB DBANG PHYUG GRAGS PA BZANG PO'I ZHABS LA GTUGS TE SDE SNOD GSUM LA MANG DU THOS PA 'TSOL BA LA ZHUGS SO, ,DAM PA 'DI RI KHUD CHOS SDER BZHUGS PA'I DUS SU MKHAS GRUB SHES RAB SENGGE DANG, THAMS CAD MKHYEN PA DGE 'DUN GRUB DANG, 'DUL 'DZIN BLO GROS SBAS PA RNAMS KYANG MKHYEN RAB DBANG PHYUG GRAGS PA BZANG PO DANG YON BDAG CHEN PO DGE SBYONG DKAR PO SOGS KYIS GDAN DRANGS TE ZHAL 'DZOM NAS SDE SNOD GSUM DANG DE DAG GI DGONGS 'GREL SHING RTA CHEN PO'I GZHUNG LUGS RNAMS KYI CHOS SGRA RGYA CHER SGROG PAR MDZAD, DE DUS RI KHUD CHOS SDE NA MKHAS GRUB CHEN PO GONG DU SMOS PA DE DAG DANG DE DAG GI THUGS SRAS SEMS DPA' CHEN PO MANG PO 'TSOGS TE THAMS CAD KYANG TSUL KHRIMS RNAM PAR DAG CING TSE 'DI'I BYA BA LA RGYAB KYIS PHYOGS PA SDE SNOD GSUM GYI CHOS SGRA BRGYUD MAR SGROG PA SANGS RGYAS 'JIG RTEN DU BYON PA'I DUS 'DRA BA ZHIG YOD CES MKHAS GRUB NOR BZANG RGYA MTSO NYID GSUNG NGO, ,DE NAS DAM PA 'DIS GRVA TSANG CHEN MO SOGS SU'ANG THUGS GNYER LA BYON TE GZHUNG LUGS RNAMS LA SBYANGS PAS RING POR MA THOGS PAR RIGS LAM LA MKHAS PAR GYUR CING, DE NAS 'CHUMS BDE CHEN DANG, CHOS 'KHOR SGANG SOGS SU BYON NAS GZHUNG LUGS RNAMS LA

, ,THOS PA RGYA CHER BTZAL ZHING, KUN MKHYEN SHES RAB RIN PO CHEN SOGS BSHES GNYEN DAM PA DU MA LA DBANG LUNG MAN NGAG DU MA GSAN, DA NAS CHOS GRVA CHEN PO BKRA SHIS LHUN POR PHEBS NAS THAMS CAD MKHYEN PA DGE 'DUN GRUB KYI ZHABS LA GTUGS TE DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO GNYIS KYIS LAM SROL DPAL AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID LEGS PAR GSAN NAS THUGS RGYUD LA SBYAR TE MYONG BA THON PAR MDZAD, GZHAN YANG PHAR PHYIN, DBU MA, 'DUL BA, MNGON PA RNAMS DANG, LHAG PAR TSAD MA RNAM 'GREL LA ZHIB TU SBYANGS TE, GZHUNG LUGS CHEN PO DE DAG GDAMS NGAG TU 'CHAR TSUL THAMS CAD MKHYEN PA DGE 'DUN GRUB KYI ZHAL NAS GSUNGS PA MTHA' DAG LEGS PAR GSAN TE RANG DANG GZHAN GYI GRUB MTHA' RGYA MTSO'I PHA ROL TU SON PAR GYUR, DE NAS DBUS SU PHEBS NAS GSANG PHU SOGS SU PHEBS TE GRVA SKOR MDZAD PAS MKHAS PA'I GRAGS PAS SA STENG KHYAB PAR GYUR, DE NAS DAM PA 'DI DGUNG LO SO LNGA LA BAB PA NA DGA' LDAN RNAM PAR RGYAL BA'I GLING DU PHEBS TE, CHOS KYI RJE BLO GROS CHOS SKYONG BAS MKHAN PO, CHOS RJE GRAGS 'OD PHAS LAS SLOB, RONG PO BLO BZANG PAS GSANG STON MDZAD DE, BSNYEN PAR RDZOGS TE RGYAL BA'I BSTAN PA LA ZHUGS LA YONGS SU RDZOGS PA'I DPAL THOB STE THUB PA'I RGYAL TSAB CHEN POR GYUR TO, ,DE

NAS CHOS RJE BLO GROS CHOS SKYONG SOGS BSHES GNYEN DU MA LA RJE THAMS CAD MKHYEN PA'I GSUNG RNAMS KYI LUNG SOGS MDO SNGAGS KYI CHOS MANG DU GSAN, DE NAS DGUNG LO SO BDUN LA 'OL KHAR PHEBS TE, DBEN GNAS RIN CHEN SGANG DU CHOS RJE CHOS GRAGS PA LA CHOS MANG DU GSAN NO, ,DE LTAR MDO SNGAGS KYI GZHUNG LA THOS PA RGYA CHER MDZAD DE GDAMS PA'I GTER DU GYUR PA NA TSE 'DI'I 'KHRI BA PHRA MO'ANG MED BAR RNAL 'BYOR GYI DBANG PHYUG MI LA RAS PA DANG MCHUNGS PAR SROG 'TSO'I 'TSE BA DKA' THUB LA BRTEN NAS GTZO BOR DBAN GNAS RIN CHAN SPANG DANG GZHAN YANG AE'I TE'U RA DANG, 'OL KHA CHOS LUNG DANG, RGYA SOG PHU DANG, LHA SDINGS SOGS RJE RIN PO CHE'I SGRUB GNAS RNAMS SU LO BZHI BCU TZAM GYI BAR DU SGRUB PA LA RTZE GCIG TU BZHUGS TE RGYU TSOGS TSANG BA'I NYAMS LEN LA 'BAD PAS SKYES BU GSUM GYI LAM GYI RIM PA'I NYAMS LEN MTHAR PHYIN ZHING, RIM LNGA DANG SBYOR DRUG SOGS BLA MED KYI LAM RIM GNYIS LA MYONG BA PHUL PHYIN THON TE RANG DANG GZHAN GYI TSE RABS BRGYA STONG DRAN PA DANG, LHAG BA'I LHA MANG PO'I ZHAL GZIGS SHING, GZUNGS DANG, SPOBS PA DANG, MNGON PAR SHES PA SOGS YON TAN MTHA' YAS PA THOB STE 'CHAD RTZOD RTZOM GSUM LA THOGS PA MED PAR GYUR NAS THUN BZHI'I RNAL 'BYOR 'CHAG MED KYI NGANG NAS SKAL BA DANG LDAN BA BGRANG BA LAS 'DAS PA LA LAM RIM GYI KHRID DANG, SNGAGS KYI DBANG LUNG MAN NGAG MTHA' YAS PA STZAL ZHING BSTAN PA YUN RING DU GNAS PA'I CHED DU DUS 'KHOR

, ,SPYI DON DRI MED 'OD RGYAN, PAD DKAR ZHAL LUNG, DPAL GSANG BA 'DUS PA'I RIM GNYIS KYI GNANG DON GSAL BAR STON PA RIM LNGA YANG GSAL SOGS LEGS BSHAD MANG DU MDZAD CING, GTZO BOR 'JAM MGON BLA MA'I SGRUB RGYUD KYI BSTAN PA BZUNG STE PHYIR RABS KYI GDUL BYA RNAMS LA 'DI LTAR BYA DGOS SO ZHES 'DOMS PHYIR THUN BZHI'I RNAL 'BYOR LA BRTZON PA CHU BO'I RGYUN BZHIN MDZAD NAS, 'JAM MGON BLA MA'I MAN NGAG LA BRTEN NAS ZUNG 'JUG GRUB STE SKU TSE 'DI'I DNGOS KYI GDUL BYA RDZOGS PA NA DGUNG LO GO GCIG TU PHEBS PA CHU BYA ZLA BA DRUG PA'I NYER LNGA LA SKU'I BKOD PA BSDUS TE DGA' LDAN CHOS KYI PHO BRANG LA SOGS PA DAG PA'I ZHING KHAMS RAB 'BYAMS SU SPRUL PA BYE BA PHRAG BRGYAR STON CING BZHUGS SO, ,BDAG NYID CHEN PO 'DI LA RGYUD 'DZIN GYI SLOB MA MANG DU BYUNG BA LAS 'GRAN PA'I ZLA THAMS CAD DANG BRAL BA BSTAN PA YONGS RDZOGS KYI BDAG PO NI THAMS CAD MKHYAN PA DAG 'DUN RGYA MTSO'O, , DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB NOR BZANG RGYA MTSO LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR SDOM PA GSUM GYI BCAS MTSAMS PHRA ZHING PHRA BA NYAMS BA MED PAR BSRUNG BA GZHIR BZHAG NAS TSE 'DI'I 'KHRI BA BCAD DE DBEN PA'I GNAS SU MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN SNYING POR BYA'O,, ` ,,DGOS 'DOD KUN

'BYUNG NOR BU BSAM 'PHEL KHYOD, ,YON TAN THAMS CAD MA BSLABS THUGS SU CHUD, ,THOS BSAM SGOM PA MTHAR PHYIN GRUB PA BRNYES, ,'PHRIN LAS RGYUN MI 'CHAD LA GSOL BA 'DEBS, ,ZHES BSNGAGS PA, THAMS CAD MKHYEN PA DGE 'DUN RGYA MTSO GANG DU BLTAMS PA'I YUL NI GCANG RTA NAG GI SA'I CHA YOL DKAR RDO RJE GDAN ZHES BYA BA STE, DE YANG THAMS CAD MKHYEN PA DGE 'DUN GRUB DE NYID DGA' LDAN CHOS KYI PHO BRANG NA RJE BTZUN BYAMS PA MGON PO DANG, RGYAL SRAS NAM MKHA' DRI MA MED PA DANG, BYANG CHUB SEMS DPA' 'JAM DPAL SNYING PO RNAMS GUS PAS MCHOD CING BSNYEN BKUR NAS RGYAL BA SRAS BCAS DE RNAMS KYI GDAMS NGAG DANG RJES SU BSTAN PA GSAN TE, BDAG GANG DU 'GRO DON LA 'GRO ZHUS BAS, RGYAL SRAS 'JAM DPAL SNYING POS PADMA DKAR PO ZHIG NAM MKHA' LA 'PHANGS TE 'DI GAR SONG BAR 'GRO DON GYIS SHIG CES LUNG BSTAN BA NA ME TOG DE RDO RJE GDAN GYI DBEN GNAS YOL DKAR DPAL GYI SDE TSEN DU BABS SO, , RJE THAMS CAD MKHYEN PAS JI LTAR LUNG BSTAN PA LTAR YAB KUN DGA' RGYAL MTSAN DANG YUM KUN DGA' DPAL MO GNYIS KYI SRAS SU SHING MO LUG GI LO RGYAL ZLA BA'I TSES GSUM GYI NYIN NYI MA DROS BRDAL BA NA BAR GYI NAM MKHA' LA RDUL DANG BSER BU MED PAS NAM MKHA' NI RGYA MTHING BZANG POS BYUGS PA BZHIN GYUR, NYI MA'I DKYIL 'KHOR NI 'JA' TSON SNA LNGA'I GUR GYI DBUS NA 'OD ZER GYI DRA BAS DKRIGS TE GZHON NU'I ZHAL GYI DKYIL 'KHOR LTA BA LA RINGS PA

, ,BZHIN DU 'KHOD, LHA RNAMS KYIS 'JA' TSON GYI YOL BA BRES PA'I GSAB NAS ME TOG GI CHAR BAB PA NI GZHON NU RDUL GYIS GOS NA MI RUNG NGO ZHES 'DZIN MA'I STENG KUN TU CHED DU BKRAM PA BZHIN BYAS TE, GZIM KHANG LA SKU DKAR GSOL ZIN PA DANG MNYAM DU YUM THUGS DMAL GNAS BZHIN PA'I NGANG NAS KHYE'U SHEL LTAR DKAR ZHING 'OD ZER 'PHRO BA, 'PHAGS PA SPYAN RAS GZIGS DE NYID PANYTZA LI KA'I STOD G-YOGS DANG SMAD G-YOGS SPANGS TE SKRAL BA DANG LDAN PA'I GDUL BYA RNAMS KYI MIG GI BDUD RTZIR 'GOS KHUG PA LHAS BTZAS LA SOGS PA'I DPA' BO DANG, YE SHES KYI MKHA' 'GRO MA YE SHES MTSO RGYAL SOGS DPA' MO DU MA 'KHRUNGS PA'I BYA 'DAB, G-YAS RU GTZANG GI RTA NAG CES GRAGS PA DAM PA DU MA'I ZHABS KYI PADMO YANG YANG BKOD PA'I MTHU LAS BKRA SHIS DANG DGE MTSAN DU MA'I DPAL DANG LDAN PA'I SA LUNG PA ZHES BYA BA'I SA'I THIG LE, BCOM LDAN 'DAS MNGON PAR RDZOGS PAR SANGS RGYAS PA'I GNAS DANG MTSUNGS PA RDO RJE GDAN ZHES BYA BAR SKU BLTAMS PAR GYUR TO, ,BLTAMS MA THAG TU RJE BTZUN SGROL MA'I GZUNGS SNGAGS T'A RE RGYUN DU BZLA BA ZHIG BYUNG ZHING, DGUNG LO GNYIS GSUM GYI DUS NAS RJE BTZUN TZONG KHA PA CHEN PO'I ZHAL GZIGS, DE'I TSE PHYAG THAL MO SBYAR SPYAN BAR SNANG LA GZIGS NAS DBU DUD DUD YANG YANG MDZAD PA ZHIG BYUNG BAR YAB YUM GYIS RGYU MTSAN ZHUS PAR PHA BLA MA BLO BZANG GRAGS PA BYON 'DUG

CES GSUNG ZHING, DE NAS BZUNG STE DUS RGYUN DU RJE BLA MA'I SKU ZHIG 'BRAL MED DU BCANG BAR MDZAD CING, DE MA BYUNG BA'I SKABS RNAMS SU'ANG RDO SMUG PO RE SKU MDUN DU BZHAG NAS PHA BLA MA BLO BZANG GRAGS PA GSUNG ZHING DE LA MCHOD PA DANG GUS PA'I RNAM PA MDZAD, SNGON GNAS RJES SU DRAN PAS RJE DGE 'DUN GRUB KYI SKABS KYI GSUNG 'PHROS YANG DANG YANG DU GNANG BA ZHIG BYUNG, LHAG PAR DGUNG LO GSUM PA'I DUS SU LHA MO DMAG ZOR MAS ZHAL GZIGS SHING DMAG ZOR MA'I BSTOD BSKUL YANG BRTZAMS, GZHAN YANG SANGS RGYAS BYANG SEMS KYI BSTOD PA SOGS RTZOM PA MANG PO THOGS MED DU GNANG BA ZHIG BYUNG, DE NAS BKRA SHIS LHUN PO NAS RJE DGE 'DUN GRUB KYI GSOL DPON SGROL MA DANG, THOS BSAM GLING PA CHEN PO KUN MKHYEN CHOS 'BYOR DPAL BZANG GI BANG MI DANG BLA BRANG GI BANG MI ZHU YIG GSOL 'DEBS SOGS BYUNG BAR ARJE 'DI PAS GSOL DPON SGROL MA GZIGS 'PHRAL NGO MKHYEN NAS KHYOD SDUG PO MA BYUNG PA MA GSUNG ZHING; RJE DGE 'DUN GRUB KYI SKABS SU JI LTAR MDZAD PA LTAR GYI GSUNG GLENG BAG PHEBS BA GNANG BAS KUN NGO MTSAR DU GYUR CING, RJE DGE 'DUN GRUB KYI SPRUL SKU 'KHRUL MED DU YID CHES RNYED, DE NAS DGUNG LO BCU GCIG BZHES PA'I TSE THAMS CAD MKHYEN PA'I RGYAL TSAB GNYIS PA PAn CHEN LUNG RIGS RGYA MTSO'I ZHAL SNGA NAS KYIS GTZO MDZAD BSTAN PA GSAL MDZAD CHES KYI RJE SLOB DPON RNAM PA BKA' BGROS TE GZHON NU DE NYID THAMS CAD MKHYON PA RANG GI

, ,ZHAL CHAMS LAS MA G-YOS PAR SPYAN 'DREN PA'I PHO NYAR SPYIS NAS GSOL DPON SGROL MA DANG DKA' BCU PA RDOR RGYAL GNYIS, DKYIL KHANG NAS CHOS MDZAD RGYAL BA, THOS BSAM GLING NAS DGE BSHES RGYAL MTSAN GRAGS, SHAR RTZE NAS CHOS MDZAD KHA RAG PA RNAMS MNGAGS TE BSTAN PA RIN PO CHE'I RGYAL MTSAN GYI TOG TU DMIGS NAS BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING DU SPYAN DRANGS PAR GYUR TO, ,DE NAS RTA LO HOR ZLA DRUG PA'I TSES BZHI YONGS SU GRAGS PA'I SANGS RGYAS KYIS CHOS KYI 'KHOR LO BSKOR BA'I DUS KHYAD PAR CAN LA DBU SKRA BCAD, DUR SMRIG GI RGYAL MTSAN BZHES, PAn CHEN LUNG RIGS RGYA MTSO'I DRUNG DU YONGS SU RDZOGS PA DGE BSNYEN GYI SDOM PA BZHES TE, MTSAN DGE 'DUN RGYA MTSO DPAL BZANG PO ZHES BYA BAR GSOL NAS LHA DANG BCAS PA'I 'JIG RTEN GYI DPAL MGON DAM PAR MNGA' GSOL TO, ,DE NAS RDZE DGE 'DUN GRUB KYI THUGS SRAS GNAS RNYING ZHABS DRUNG KUN DGA' BDE LEGS RJE 'DI'I DRUNG DU PHEBS, RJE 'DIS KYANG GUS PA CHEN PO MDZAD DE GNAS RNYING CHOS RJE DE NYID KYIS MKHAN PO GNANG, PAn CHEN LUNG RIGS RGYA MTSO'I ZHAL SNGA NAS KYIS SLOB DPON, DBU MDZAD SANGS RGYAS TSUL KHRIMS PAS DUS GO BA MDZAD, GNAS BRTAN SDE SNOD 'DZIN PA GSER RI'I PHRENG BA LTA BU BCU PHRAG GSUM GYI DBUS SU DGE TSUL GYI BRTUL ZHUGS YANG DAG PAR BZHES TE BCOM LDAN

'DAS KYIS LAGS PAR GSUNGS PA'I CHOS 'DUL BA LA RAB TU BYUNG BAR GYUR TO, ,DE NAS PAn CHEN LUNG RIGS RGYA MTSO DANG PAn CHEN YE SHES RTZE MO LEGS SOGS YONGS 'DZIN DU BSTEN NAS TSAD MA RNAM 'GREL LA SBYANGS SHING, GZHUNG CHEN MO GZHAN RNAMS LA'ANG SBYANGS TE LUNG RIGS SENGGE'I SGRA DBYANGS BSGRAGS PAS LOG PAR SMRA BA'I PHAS BGROL MTHA' DAG ZIL GYIS MNAN CING CHOS GRVA CHEN PO'I DGE 'DUN MTHA' DAG DAD PA'I SA LA BKOD, PAn CHEN YE SHES RTZO MO LA DBANG LUNG MAN NGAG MTHA' YAS PA GSAN NO, ,DE NAS 'BRAS SPUNGS BLO GSAL GLING GI GDAN SA BA 'JAM DBYANGS LAGS PA CHOS 'BYOR GYIS DBUS PHYOGS SU 'BYON DGOS PAR BSKUL ZHING, DGA' LDAN KHRI RIN PO CHE 'JAM DBYANGS SMON LAM DPAL BAS KYANG DBUS PHYOGS SU BYON NA BSTAN PAR PHAN CHE BAR LUNG BSTAN PA SOGS RKYEN SNA TSOGS PAS BSKUL TE ZHABS 'BRING PA 'JAM DPAL GRAGS DANG BCAS DBUS PHYOGS SU PHEBS PA NA 'JAM DBYANGS LEGS PA CHOS 'BYOR GYI MNAL LAM DU NUB PHYOGS NAS NYI MA'I DKYIL 'KHOR ZHIG SHAR BYUNG BA'I 'OD KYIS GANGS CAN GYI LJONGS KUN GSAL BAR BYAS PA CIG BYUNG SNANG, SANG DE SKU 'KHOR RNAMS LA, SKYES BU DAM PA CIG 'BYON PA'I LTAS SU 'DUG CES LUNG BSTAN YANG MDZAD, DE NAS RIM GYIS PHEBS TE DPAL LDAN 'BRAS SPUNGS KYI GCUG LAG KHANG, BLO GSAL GYI SKYE BA BRGYA PHRAG DU MAS BYUR BUR GTAMS PA'I DBUS NA YUN RING MO NAS YID LA BSAMS PA'I DGE

, ,BA'I BSHES GNYEN BYAMS PA'I SRAS PO LEGS BA CHOS 'BYOR DE NYID SKAL BA DANG LDAN PA'I MKHAS PA'I TSOGS LA SHES RAB KYI PHA ROL TU PHYIN PA'I CHOS ZAB MO RGYUN MI 'CHAD DU 'DOMS PAR MDZAD PA DE GZIGS PAR GYUR TO, ,DE NAS LO GSUM DU 'JAM DBYANGS LEGS PA CHOS 'BYOR GYI ZHABS DRUNG DU BSNYEN NAS GSAN PA MDZAD PA RAGS PA TZAM BRJOD NA, RTZA 'JUG GI BSHAD PA MDZUB KHRID DANG BCAS PA ZHIG THOG MAR GSAN, DE NAS PHAR TSAD, 'DUL MDZOD, MNGON PA GONG MA, MDO SDE RGYAN, RGYUD BLA MA, 'BYED RNAM GNYIS, TSAD MA MDO, DRANG NGES RNAM 'BYED, SNYAN NGAG ME LONG SOGS MTSAN NYID KYI GZHUNG DU MA'I BSHAD PA MDZUB KHRID DANG BCAS PA GSAN ZHING, DE THAMS CAD KYI SKYOR 'GO RJE 'DI PA RANG GIS MDZAD, GZHAN YANG DPAL GSANG PA 'DUS PA'I DBANG BZHI RDZOGS PAR GSAN NAS 'GREL PA SGRON GSAL CHA LAG DANG BCAS PA, RGYUD KYI MDZUB KHRID, RIM PA LNGA GSAL BA'I SGRON ME, GDAN RDZOGS, RJE BTZUN SHES RAB SENG GE NAS BRGYUD PA GSUNG NGAG LAG RJES SU GRAGS PA, BSKYED RIM t'IKKA, GZHAN YANG YIG CHA MANG PO'I BSHAD PA, SNGAGS RIM CHEN MO, BDE MCHOG t'IKKA CHEN GYI BSHAD LUNG, BDE MCHOG 'DOD 'JO, RDZOGS RIM RNAL 'BYOR CHEN PO'I RNAM BSHAD, DE'I KHRID SOGS DANG, N'A RO CHOS DRUG GI KHRID, DRIL BU RIM LNGA'I RNAM BSHAD, DE'I KHRID, RGYAL TSAB RJE'I

DUS 'KHOR GYI KHRID YIG, BA SO RJE'I DUS 'KHOR BSKYED RDZOGS, KYEE RDOR GYI RGYUD LA MKHAS GRUB RJE'I t'I KA CHEN STENG NAS BSHAD PA MDZUB KHRID DANG BCAS PA, GZHAN YANG 'JIGS BYED KYI DBANG, KYEE RDOR, 'KHOR CHEN RNAMS KYI BSKYED RDZOGS KYI ZIN THUN, GSANG 'DUS KYI BSKYED RDZOGS KYI ZIN THUN, LAM RIM CHEN MO, SNYING PO DON GSUM, LTA KHRID, RJE YAB SRAS KYI BKA' 'BUM, 'JAM DBYANGS CHOS RJE'I RNAM THAR, RJE BRTZUN MI LA'I RNAM THAR SOGS KYI LUNG YANG MANG DU GSAN NO, ,DE NAS LHA SAR PHEBS TE JO BO RIN PO CHE'I SKU MDUN DU MCHOD PA DANG SMON LAM MDZAD PA'I TSE DAG PA'I GZIGS SNANG NGO MTSAR BA MANG DU BYUNG DE NAS LNGA MCHOD CHEN MO DANG BSTUN DNGUL GDUNG RIN PO CHE MJAL BA LA DGA' LDAN DU PHEBS, DER MCHOD PA PHUL GSOL BA BTAB PAS RJE DANG MJAL ZHING BYIN GYIS BRLABS PA'I MTSAN MA BZANG PO BYUNG, DE NAS RJE NYID DGUNG LO NYER GCIG BZHES PA'I YOS LO'I DPYID SLOS TSIGS SNGA MA'I MKHAN PO GNAS RNYING RIN PO CHED BUS PHYOGS LA BYA BRAL GYI TSUL GYIS PHEBS PA 'BRAS SPUNGS SU SPYAN DRANGS, CHOS RJE DE NYID KYIS MKHAN PO DANG, 'BRAS SPUNGS RJE LEGS PA CHOS 'BYOR BAS LAS KYI SLOB DPON, RA CAG NAS CHOS RJE SANGS RGYAS BZANG PO BAS GSANG STE STON PA, RIGS PA SMRA BA SANGS RGYAS BZANG PO BAS DUS GO BA MDZAD DE DAD PA'I DGE 'DUN GRANGS TSANG ZHING KHA SKONG BAR 'OS PA'I DBUS SU HOR ZLA GNYIS PA'I TSES BRGYAD KYI

, ,CHO 'PHRUL GYI DUS CHEN LA DPAL LDAN 'BRAS SPUNGS SU YONGS SU RDZOGS PA DGE SLONG GI DNGOS BO BRNYES TE 'PHAGS PA DGYES PA'I TSANGS PAR SPYOD PA MCHOG DANG LDAN PAR GYUR TO, ,DE NAS 'JAM DBYANGS LEGS PA CHOS 'BYOR PA'I DRUNG DU DGE SLONG GI BSLAB BYA CHEN MO, TSUL KHRIMS LE'U'I RNAM BSHAD, BSLAB BTUS, SPYOD 'JUG ,BLA MA LNGA BCU PA'I t'IKKA, RTZA LTUNG RNAM BSHAD, CHOS RJE BYAMS PA GLING PA'I BSHES SPRING t'IKKA, PAn CHEN NAGS RIN NAS BRGYUD PA'I DUS 'KHOR SBYOR DRUG SOGS KYANG GSAN, DE DUS DBYANGS CAN MA'I RJES GNANG ZHUS DUS LHA MO RMI LAM DU BYON BYUNG GSUNG, 'JAM DBYANGS SMRA SENG MKHAS GRUB RJE NAS BRGYUD PA THUN MONG MA YIN PA, G-YAG RONG NAS BRGYUD PA'I MI G-YO DKAR BO'I CHOS SKOR, 'JAM DBYANGS CHOS RJES RJE BTZUN 'JAM DBYANGS NYID LA GSAN PA'I 'JAM DBYANGS DKAR PO'I CHOS SKOR SOGS DANG, RJE'I RNAM THAR CHE CHUNG, 'PHO KHRID CHEN MO, MDOR BYAS, MDO BSRE, SPYOD BSDUS, RDO RJE SEMS DPA'I SGRUB THABS, RNAM GZHAG RIM PA SOGS 'PHAGS SKOR GYI GZHUNG DU MA SOGS MDOR NA DE'I DUS CHOS RJE DE NYID GSAN RGYA CHE BAR GRAGS SHING, CHOS RJE NYID LA BZHUGS PA THAMS CAD BUM PA GANG BYOR GNANG NGO, ,DE LTAR GZHUNG LUGS RNAMS LA RGYA CHEN THOS PA MTHAR PHYIN PAR MDZAD NAS SGRENG RGYAL BA'I DBEN GNAS DANG PO DE GUNG RGYAL GYI DBEN GNAS SOGS RJE RGYAL BA

GNYIS PA TZONG KHA PA CHEN PO DE NYID KYIS BYIN GYIS BRLABS PA'I GNAS DA DAG BLTA ZHING, THOS PA'I DON RNAMS NYAMS SU BLANG BAR BYA'O SNYAM DU DGONGS TE BSTAN PA DANG SEMS CAN THUGS KYIS MA BZOD PA'I SGO NAS THUGS LA SKYO SHAS DRAG PO YANG 'KHRUNGS, DE'I TSE DBEN PA LA DGA' BA'I NYAMS MGUR MDZAD PA NI, PHA BLA MA RNAMS LA PHYAG 'TSAL LO, ,MA LUS RGYAL BA'I THUGS KYI DBYINGS CHEN POR, ,MKHYEN BRTZE'I DKYIL 'KHOR RDZOGS PA'I NYIN MOR BYED; ;GDUL BYA PADMO'I DPAL GYUR RDO RJE 'CHANG, ,YAB RJE DAM PA'I ZHABS LA SNYING NAS 'DUD, ,SMRAS PA, SGRIB MED MKHYEN BRTZE'I 'OD STONG DRA BA CAN, ,THUB DBANG NYI MA NUB RI'I RTZE LA 'DZEGS, ,THUB BSTAN 'DAB STONG RDZOGS PA'I PAD TSAL YANG, ,DUS KYI BA MO'I REG PAS NYIN BZHIN 'JOMS, ,BSTAN 'DZIN RKANG DRUG LDAN PA'I TSOGS RNAMS KYANG, ,RNYED BKUR SBRANG RTZI'I RO LA LHAG PAR CHAGS, ,BDUD KYI DBANG GYUR LOG SMRA 'BYUNG PO'I BYA, , 'DZEM MED MKHAS PA'I KHROD NA RNAM PAR RGYU, ,SKYE BO PHAL CHER LEGS NYES 'BYED PA'I MIG ,LJONGS PAS G-YANG SA'I MTHA' LA GOM PA 'DOR, ,KHA CIG PHRAG DOG DUG CHUS GZHAN DAG LAS, ,RANG NYID RGYAL BA'I SGYU THABS LHUR LEN GYUR, ,GZHAN DAG NGAN SEMS G-YO SGYU'I DUG GI CHUS, ,YID RAB MYOS KYANG BSTAN 'DZIN GZUGS SU RLOM, ,KYI HUD GANGS CAN KHRID 'DIR SENG CHEN LAS, ,SHVA NA'I BU NYID SKAD GSANG MNGON BAR MTHO, ,'DOD

, ,DGU'I 'BYUNG GNAS YID BZHIN RIN CHEN LAS, ,MCHING BU'I RDO BA LHAG PAR GCIS SU BYED, ,GCONG RONG NAGS KYI KHROD NA NYI MA PAS, ,ME KHYER MCHOG TU RLOM PA'I MTHONG BAS SKYO, ,DE LTAR MI BZAD SNYIGS MA'I DUS KYI MTHA', ,DMU RGOD SKYE BO BYUNG RGYAL SPYOD PA'I DUS, ,RGYAL DANG RGYAL SRAS MKHAS PA'I TSOGS RNAMS KYANG, ,ZHI BA'I DBYINGS SU GZIM NAS BTANG SNYOMS MDZAD, ,'THOR RLUNG DRAG PO'I MDUN SAR MAR ME YIS, ,MUN PA'I SMAG RUM SEL BAR BYED DAM CI, ,DE PHYIR NYAM CHUNG SKYE BOS THUB BSTAN GYI, ,KHUR CHEN MI BZAD 'KHYER BA NGAL BA'I GNAS, ,RTZOD PA'I DUS 'DIR THAMS CAD MKHYEN PA LTAR, ,MA LUS 'GRO BA'I MIG GCIG TZONG KHA PA, ,DE YI LEGS BSHAD BDUD RTZI MYANG BA'I PHYIR, ,GCIG PUR DBEN PA BSTEN PA MI LEGS SAM, ,RNAM DKAR BSOD NAMS STONG GIS LEGS BSKRUN PA'I, ,SHIN TU RNYED PAR DKA' BA'I DAL 'BYOR 'DI, ,DON MED 'JIG RTEN BYA BAS CHUD GZON PA, ,BDAG LA SNYING MED GYUR PAR GDON MI ZA, ,RIN CHEN BDUN LDAN GLING BZHIR DBANG SGYUR BA'I, ,'KHOR LOS SGYUR BA'I DPAL YANG CHU SHING 'DRA, ,SKABS GSUM BDAG PO'ANG RANG GI PHUN TSOGS KUN, ,MI BZAD LAS KYI DBANG GIS 'DOR DGOS KYANG, ,CUNG ZAD BDE BA'I DBANG GIS SRED PA 'PHEL, ,PHAL CHER MI BZAD ZUG RDU SKYE BA'I RGYU, ,NYES BRGYA'I 'BYUNG GNAS 'KHOR BA'I PHUN TSOGS LA, ,MKHAS PA SU ZHIG LHAG PAR

CHAGS PAR BYED, ,DE PHYIR KUN DGA' RGYAS PA'I NAGS KYI LJONGS, ,ME TOG MNGON PAR RGYAS PA'I 'JO SGEG CAN, ,BUNG BA'I NA CHUNG MGRIN PA'I GLU LEN CING, ,RMA BYA GZHON NU DGA' BA'I ZLOS GAR SGYUR, ,KHU BYUG MGRIN PA'I LAM NAS DRIL CHEN 'KHROL, ,KA LA PING KA KYUR KYUR GLU DBYANGS SGROG, ,DBU BA'I PHRENG MDZES 'BAB CHU'I NA CHUNG MA, ,LHUNG LHUNG SGRA SNYAN SGROG CING PHYOGS SU 'BAB, ,RAB SMIN 'BRAS BU'I KHUR 'CHANG LJON PA'I SHING, ,LO MA ME TOG RGYAS PAS PHYOGS KUN GANG, ,STENG NAS STOD G-YOGS CHU 'DZIN DKAR PO G-YO, ,NGOS NAS MU TIG CHU BO'I DO SHAL 'BAB, ,SKAD SKABS NAGS TSAL SNGON PO'I SHAM THABS CAN, ,SA 'DZIN BU MOS PHYOGS KUN MDZES PAR BSKOR,, 'OG GZHI BEE d'URYA YI NE'U GSING, ,NE TZO'I GSHOG PA LTA BUR MCHOG TU MDZES, ,SNA TSOGS ME TOG DRA BAS KHEBS PA LA, ,RI DVAGS SNA TSOGS BAG PHEBS RNAM PAR RGYU, ,'DU 'DZI'I CHOM RKUN SGRIB LA 'ONGS PA BZHIN, , 'KHRI SHING PHRENG BAS BAR MTSAMS MED PAR DKRIGS, ,DE LTAR PHUN TSOGS NAGS TSAL DBEN PA'I GNAS, ,LHA YI SKYED TSAL LTA BUR NYAMS DGA' BAR, ,TSE 'DI'I CHOS BRGYAD SNANG BA KUN DOR NAS, ,'KHRUL MED TING 'DZIN RO LA RTZE GCIG TU, ,ROL PA'I SPYOD TSUL 'DI LA SNYING NAS SPRO, ,MANG DU THOS PA'I BZLAS BRJOD LHUR LEN CING, ,BDE STONG LHAN CIG SKYES PA'I YE SHES MES, ,GNYIS SNANG 'KHRUL BA'I BAG CHAGS KUN BSREGS NAS, ,RNAM KUN

, ,MCHOG LDAN ZUNG 'JUG SGYU MA'I SKUR, ,LANGS NAS SNA TSOGS SPRUL PA'I THABS MKHAS KYI, ,LCAGS KYUS MA DAG SRID PA'I 'KHOR LO 'DI, ,MCHOG TU MI 'GYUR BDE BA'I DBYINGS CHEN POR, ,GANG DRANGS RNAL 'BYOR MCHOG DE SKAL BZANG, ,DE SKAD SMRA DE BZHAD PA'I RDO RJE NYID, ,SNGON BYON DAM PA'I RNAM THAR SNYING LA 'GROGS, ,SNYIGS DUS SKYE BO'I SPYOD PAS GTING NAS SUN, ,BLO GROS LUS STOBS RGYAS PAS CUNG ZAD DEGS, CHU YI LCID KYIS LHAG PAR NON PA'I SPRIN, ,'BRUG SGRA BSGRAGS PA MED PAR LDOG MA YIN, ,DE PHYIR SNYAN NGAG MGRIN PA'I GLU DBYANGS MCHOG ,MA SMRAS PAR YANG BDAG BLO CI ZHIG TSIM, ,TSUL 'DI SKYE BAS THOB PA'I BLO GROS KYIS SNYAN NGAG DRIL CHEN SGROG LA THOGS MED PA, ,LHAG BSAM KHO NA SNYING LA RAB 'GROGS PA, ,DBYANGS CAN BZHAD PA'I RDO RJES GTAM DU BYAS, ,ZHES SO, ,DE NAS YOS LO ZLA BA DGU PA'I DUS CHEN LA THUGS DMIGS GTAD DE PHUN CHUNG GI GNAS MJAL, DE'I LA LA BRGYUD DE PHEBS PA NA DE DUS 'PHAGS PA'I GRUB THOB KUN DGA' RGYAL MTSAN BZHES PA CIG BYANG RA SPRENG NA BZHUGS PA'I MNAL LAM DU, SANG 'BROM STON PA PHEBS PA YOD ZER BA CIG BYUNG 'DUG PAS, KHONG GIS KYANG RGYANG RING PO NAS BSDUS NAS GUS MCHOD CHEN PO MDZAD, GZHAN YANG THUGS DAM PA SO SO'I MNAL LAM DU 'BROM STON PA DANG MJAL BA DANG NYI ZLA SHAR BA SOGS BYUNG DUG PAS GNAS

DER PHEBS 'PHRUL NYID NAS RA SGREN BA KUN GYIS, PHA STON PA RIN PO CHE ZHES ZHABS LA BTUD, LHAG PAR DRUNG BYANG SEMS PA ZHES SKU SKYA BA NYI SHU TZAM DRAN PA ZHIG YOD PA DES KHONG RANG GI SPYIL BUR SPYAN DRANGS, LDUM NGAN ME TOG RTZA BA SUM CU TZAM YOD PA'I ME TOG THAMS CAD BTUS NAS DA RJES KHONG GIS BDEN TSIG BRJOD BA NI, SKU SKYE RIN PO CHE 'DI 'BROM GYI SPRUL PA YIN DES NA BDEN PA DES GNANG TSA BA ZHES KYI RING LA 'DIR ME TOG BRGYA RTZA GCIG 'CHAR BAR SHOG CIG, MIN NA GCIG KYANG MI 'BYUNG BAR SHOG CIG ,DE'I DPANG PO DKON MCHOG GSUM DANG, JO BO YAB SRAS DANG, KHYAD PAR CHOS SKYONG ZHAL DMAR BAS MDZOD CIG BYAS NANG DU BYON, DPON SLOB RNAMS KYIS GSOL JA 'DEBS GCIG GI RING LA ME TOG PHYED DANG NYIS BRGYA DUS GCIG TU SHAR 'DUG PAS KHONG DAD PA SHUGS DRAG TU 'BAR RO, ,DE NAS RJE DGE 'DUN GRUB KYI THUGS SRAS PAn CHEN PHYOGS LHA 'OD ZER 'PHYOD RGYAS RI BO BDE CHEN NA BZHUGS PA DES RJE 'DI'I SNYAN PA GSAN NAS RJE DGE 'DUN GRUB KYI BKA' DRIN BSAB PA'I PHYIR SPRUL PA'I SKU 'DI'I 'PHRIN LAS RGYA CHER SPEL BAR BYA'O SNYAM DU DGONGS NAS RJE 'DI LHO KHA PHYOGS SU SPYAN DRANGS, LHA KHA PHYOGS KYI CHOS SDE MTHA' DAG DANG, RJE DGE 'DUN GRUB KYI SBYIN BDAG 'BYOR PA CAN MTHA' DAG BSKUL TE RJE 'DI'I ZHAL BLTA BA DANG GSUNG GI BDUD RTZI MYANGS SU GZHUG PHYIR PAn CHEN RANG GIS GTZO MDZAD DE DGE 'DUN RNAMS KYIS RGYANG RING PO NAS BSU BA MDZAD, MJAL

, ,MA THAG TU PAn CHEN RIN PO CHE LAS DANG PA THOB PA LTA DU'I DGYES PA CHEN PO BYUNG BA YIN PA 'DUG, DE NAS RI BO BDE CHEN GYI GZHAL YAS KHANG GI STENG DU SPYAN DRANGS BKUR STI PHUL DU BYUNG BA MDZAD, THOG MAR DPAL LDAN LHA MO'I BKA' ZHIG GNANG DGOS ZHUS PAS, DANG PO BO DONG DU BYAS ZIN PAS DA BSKYAR LDAB MI DGOS BYA BA DANG, GZHAN YANG SNGON RJE NYID PA LA POR PAndI TA CIG TU 'KHRUNGS DUS KHYED DE DUS 'KHOR 'DI LTA BU ZHIG YIN GSUNGS PAS PAn CHEN NYID KYANG THUGS TSIM ZHING MOS GUS PHUL DU PHYIN PA 'KHRUNGS, DE NAS NYIN CIG NA BZA' CHA TSANG LA SOGS PA'I 'BUL BA BSAM GYIS MI KHYAB PA MDZAD DE PAn CHEN RIN PO CHES ZHABS SPYI POR BLANGS TE, DGE BA'I BSHES GNYEN PA LAGS, KHYED NI 'BROM STON PA RGYAL BA'I 'BYUNG GNAS DNGOS YIN, BDAG RDOG LEGS PA'I SHES RAB MIN YANG DE'I GDAN SA PA YIN PAS SNGON YER PA LHA RI SNYING PO'I MGUL DU RDOG LEGS PA'I SHES RAB KYIS JO BO YAB SRAS LA CHOS KYI 'KHOR LO BSKOR BAR GSOL BA BTAB PA LTAR BDAG KYANG GSOL BA 'DEBS NA, BKA' GDAMS KYI BSTAN PA RGYAS PA DANG, 'GRO BA MA LUS PA'I PHAN BDE SPEL BA'I PHYIR GLEGS BAM RIN PO CHE'I ZAB PA DANG RGYA CHE BA'I CHOS KYI CHAR BA GANGS CAN KYI 'DZIN MA'I KHYON THAMS CAD DU 'BEBS PAR MDZAD DU GSOL ZHES GSOL BA BTAB, DA'I CHE GANGS CAN GYI MGON PO SPRUL SKU

MTHONG BA DON LDAN DE NYID DGUNG LO NYI SHU RTZA GCIG LA BAB PA, SKU SHEL GYI RI BO THUN MTSAMS KYI SPRIN GYIS G-YOGS PA LTA BU, ZHABS RGYAS PA CUNG ZAD BRGYANGS TE GANGS CAN PA DAG LA BAL 'JUS SHIG CES DON GYIS GO BAR BYED PA DE SKAL BA DANG LDAN PA'I GDUL BYA'I DBUS NA RGYU SKAR RAB TU RGYAS PAS BSKOR BA'I ZLA BA'I DKYIL 'KHOR LTAR MTHONG BA TZAM GYIS GDUNG BA SEL BA, RI DVAGS KYI RGYAL PO SENG+GE LTA BUR 'KHOR GYI DBUS NA 'JIGS PA KUN DBANG GAL BA, GLING BZHI'I DBUS NA LHUN PO LTA BUR DGE MTSAN DU MAS MNGON PAR MTHO BA DE BKA' GDAMS KYI BSTAN PA RIN PO CHE GSAL BAR BZHAD PA'I THUGS BSKYED DANG, GANGS CAN GYI 'GRO BA KUN GYI SDUG BSNGAL MA LUS PA BSAL BAR BZHED PA'I LHAG BSAM RAB TU DKAR BA DE LUD PA LTA BU'I 'DZUM DKAR GYIS GANGS RI'I DPAL DANG LDAN PA'I SA'I DKYIL 'KHOR G-YOGS, BZHIN DU MDZAD DE, GSUNG GI GDANGS SNYAN PO 'GRO BA GANG GI RNA LAM DU SONG BA NA DANG POR LUS KYI BA SPU G-YO ZHING MTHAR THAR PA'I SA BON 'DEBS PAR MDZAD PAS LHA'I RNGA BO CHE'I SGRA BZHIN DU PAn CHEN PHYOGS LHA 'OD ZER GAS THOG DRANGS RI BO BDE CHEN GYI SKAL BA DANG LDAN PA'I DGE 'DUN RNAMS DANG, GZHAN YANG CHOS ZAB MO LA LHAG PAR MAS BA'I LHA DANG KLU DANG GNOD SBYIN DPAG TU MED PA LA, GLEGS BAM RIN PO CHE CHA LAG DANG BCAS BA DANG, RJE'I GSANG BA'I RNAM THAR THOG MAR STZAL, DE'I TSE NAM MKHA' LA 'JA' 'OD DANG ME TOG GI

, ,CHAR YANG DPAG TU MED PA BYUNG, DER 'KHOD PA THAMS CAD KYANG DAD PA'I SA LA BKOD DO, ,DE NAS SNGON CHOS KYI RGYAL PO TZONG KHA PA CHEN POS KYANG PHYOGS DE'I SA'I THIG LER MKHAS PA'I DBANG PO STONG PHRAG DU MA DANG, RGYAL PHRAN BYE BA'I GTZUG RGYAN GYIS ZHABS KYI PADMO MCHOD PA CHOS SKYONG BA'I MI'I DBANG PO RNAMS LA CHOS KYI 'KHOR LO BSKOR BA'I SROL BZANG PO DE NYID GOS BAR BZHED PAS CHOG GRVA CHEN PO'I SLOB DPON RNAMS DANG; SDE SNOD 'DZIN PA DANG DGE BA'I BSHES GNYEN DPAG TU MED PA LA BKA' GDAMS GLEGS BAM, RIM LNGA GSAL SGRON SOGS BKA' GDAMS GSAR SNYING GI GDAMS PA'I BCUD PHYUNG PA'I CHOS KYI CHAR PHAB, DE4R GNAS PA'I MKHAS PA RNAMS SKU NA PHRA MO 'DI LTA BU 'DI LA BU'I BLO GROS PHUL DU BYUNG BA NI RGYAL BA NYID KYI 'PHRIN LAS GZUGS SU BGYIS PAR GOR MA CHAG GO ZHES DAD GUS PHUL DU BYUNG BA MDZAD DO, ,DE NAS GANGS RI'I DBANG PO 'O DE GUNG RGYAL GYI MGUL NA, THAMS CAD MKHYEN PA DGE 'DUN GRUB KYI GSUNG LAS SKYES PA, LO BCU PHRAG BZHI'I BAR DU SGRUB PA'I RGYAL MTSAN BTZUGS PAS RTZA BA DANG YAN LAG GI RLUNG LA RDO RJE'I BZLAS PA MTHAR SON PAS CHOS 'KHOR LTA SAR LHA SA ROL MO PHUL BA 'OL KHA'I GANGS SUL DU GSAL BAR GSAN PA, MDOR NA SEMS DBEN GYI DPE'I 'OD GSAL MNGON DU GYUR PAS ZUNG 'JUG GI GO 'PHANG YANG LAG MTHIL NA GNAS PA LTA BU,

GRUB PA'I DBANG PHYUG RJE NOR BZANG RGYA MTSO'I ZHABS DRUNG DU PHEBS TE, BSAM SPYOR GNYIS GYIS TSUL BZHIN DU BSTEN NAS GSUNG RAB DGONGS 'GREL DANG BCAS PA THAMS CAD KYIS NYING PO'I DON MDO SNGAGS GNYIS KA'I LAM GYI GNAD YONGS SU RDZOGS PA BYANG CHUB LAM GYI RIM PA'I KHRID DANG, ZAB LA MO RIM PA GNYIS KYI KHRID SOGS MDO SNGAGS KYI MAN NGAG MTHA' YAS PA GSAN PAS GDAMS PA'I GTER DU GYUR TE, MKHAS GRUB NOR BZANG RGYA MTSO 'DI NYID BKA' DRIN ZLA MED DU 'DZIN PAR MDZAD DO, ,DE NAS LUG GI LO SKYID SHOD LA PHEBS, THOG MAR GSANG PHU NE'U THOG TU GLING SMAD CHOS RJES SPYAN DRANGS, CHOS DUNG GTONG BA'I SKABS DANG 'GRIG ,RTEN 'BREL LEGS PAR BYUNG GSUNG, NGAS MJAL GNANG, JO BO RIN PO CHE'I DRUNG DU PHEBS, MCHOD PA DANG SMON LAM RGYA CHER GNANG, DE NAS 'BRAS SPUNGS RJE'I DRUNG DU RIN PO CHE DANG NA BZA' SOGS KYI 'BUL BA, DGE 'DUN LA MANG JA SOGS KYANG GNANG, 'BRAS SPANGS RJE'I DRUNG DU BCOM LDAN 'DAS DUS KYI 'KHRO LO'I BDAG PO CHEN PO'I BKA' DANG, DAM CAN CHOS KYI RGYAL PO'I RJES GNANG ZHIG GSAN DUS YAB SRAS GNYIS KAR CHOS RGYAL GYI GZIGS SNANG BYUNG NGO, ,DE NAS RJE 'DI DGUNG LO NYI SHU RTZA LNGA BZHES PA LCAGS PHO SPRE'U'I LO YER PA LHA RI SNYING PO'I MGUL DU PHEBS NAS SKAL LDAN GYI GDUL BYA MANG PO LA GLEGS BAM RIN PO CHE CHA LAG DANG BCAS PA GSUNGS, DE'I TSE NYIN RE BZHIN NAM MKHA'

, ,G-YA' DAG PA LA 'JA' GUR DANG ME TOG GI CHAR SOGS NGO MTSAR BA'I LTAS DPAG TU MED PA CIG BYUNG NGO, ,DE NAS RA SGRENG DU PHEBS, JO BO YAB SRAS LA MCHOD PA RGYA CHEN PO PHUL, GSOL BA BTAB NAS DE'I DUS SNGA SOR GROD PA MYU LU ZHES PA'I SHUG PA MING CAN ZHAG BSKAMS 'DUG PA LA, NGA DGE BSHES STON PA'I RNAM 'PHRUL YIN NA SHUG PA KHYOD LA YAL GDANG ME TOG SKYE BAR GYUR CIG CES DBEN PA BDAR BAS LO AM GSAR DU SKYES, CHU MIG GSER PA CIG KYANG RDAL, GZHAN YANG SHUGS PA GSER LDAN SNGAR NGOS MA ZIN PAR SNANG BA LA NGOS 'DZIN GYI DAR 'DZUGS PA YANG MDZAD, DE'I TSE 'JA' TSON GYI DRA BA DRA PHYED KYI DBUS NAS ME TOG GI CHAR CHEN PO YANG BABS, GNAM SA BAR SNANG THAMS CAD KYI CHO 'PHRUL 'DI 'DRA NA, PHA STON PA RIN PO CHE, BDAG CAG GDUL BYA RNAMS LA BRTZE BAS GZIGS SHIG CES NGA RO CHEN POS GSOL BA 'DEBS PA SOGS SA RA SGRENG BA KUN GYIS GUS PA BSAM GYIS MI KHYAB PA MDZAD DO, ,DE NAS RTZVA RI YUL SMAD DU PHEBS, SPANG CHUNG ZHES BYA BAR G-YON GRAL BA'I SPANG MAR PHYOGS PHEBS MA THAG NAM MKHA' G-YA' DAG STE SPANG MO DE NYID RANG NAS DAG PA SHR'I GSAL BAR GZIGS, MTSO RNAMS CHUR MJAL DU BYUNG PA'I GZIGS SNANG SHAR, GNAS SO SO'I THAD DU 'JAB ZUG ,SPANG MO DE NYID RANG NAS GNAS SO SO'I GNAS BSHAD PHUL CHOG PA BYUNG BAR SNANG

BAS RI PA RNAMS SNGON CHAD 'DI LTA BU BYAS CHO GA PA SU LA YANG BYUNG BA'I GTAM SKAD MI 'DUG CES THAMS CAD MGRIN GCIG TU SMRA ZHING, KUN GYIS GUS PA BSAM GYIS MI KHYAB BA MDZAD, DPA' BO DANG MKHA' 'GRO RNAMS LA TSOGS KYI 'KHOR LO BSKOR TE GSOL BA BTAB PAS BCOM LDAN 'DAS MA RDO RJE PHAG MO LHA BCU GSUM GYI RTEN DANG BRTEN PAR BCAS PA'I DKYIL 'KHOR ZHAL GZIGS SO, ,DE NAS DGUNG LO NYER BRGYAD PA'I 'JAM DBYANGS LEGS PA CHOS 'BYOR SOGS DAM PA MANG POS BSKUL NAS MTSAN YANG DAG PAR BRJOD PA'I t'I KA CHEN RDO RJE'I RNAL 'BYOR GYI DE KHO NA NYID SNANG BAR BYED PA'I NYI MTSAN CHEN PO ZHES BYA BA'I THUGS RTZOM YANG YONGS SU RDZOGS PAR MDZAD DO, ,PHAG LO'I STON GTZANG PHYOGS SU PHEBS, YOL DU PHEBS PA'I NUB MGON PO'I ZHAL GZIGS, GAM PA LA'I RTZER RJE BTZUN MI LA'I ZHAL GZIGS, DE NAS RIM GYIS RTA NAG TU PHEBS TE YAB RJE KUN DGA' RGYAL MTSAN LA DBANG LUNG MAN NGAG MANG DU GSAN, DE NAS DBUS SU PHEBS TE RTZE THANG DU CHOS KYI 'KHOR LO RGYA CHER BSKOR, DE NAS BYANG SGRENG DU THOG GCIG BZHUGS RTZIS KYIS RTZIS THANG NAS PHEBS TE THOG MAR RI BO DGA' LDAN GYI DGE 'DUN RNAMS DANG, RGYUD STOD SMAD GNYIS KA'I DGE 'DUN LA CHOS 'KHOR RGYA CHER BSKOR, DE NA SAR SGRENG DU PHYAGS PHEBS, DE NA BZHUGS PA'I RTEN RNAMS DANG DGE 'DUN LA MCHOD PA BZANG PO YANG MDZAD, DE

, ,DUS RGYA MA NAS SPYAN SNGA RIN PO CHE BLO GROS 'JIGS MED PA PHEBS, MCHOD PA RGYA CHEN PO 'DZUGS BA GNANG, DE'I GRAL DBU LA, DA NI 'BROM STON PA DNGOS PHEBS RTING LA KHONG SPYAN 'DREN GSUNGS NAS RJE NYID TSOGS LA SPYAN DRANGS, SMON LAM YANG LHAN CIG TU MDZAD GSUNG, DE NAS THOG MAR SKU MTSAMS BCAD, SKU 'DRA RIN PO CHE DBU YON MA GZIMS SNGAS 'GOR SPYAN DRANGS, GSOL BA DRAG TU 'DEBS PA DANG, YI DAM GYI LHA MANG PO'I BSNYEN SGRUB KYANG MDZAD PAS DE'I DUS BKA' GDAMS LHA BZHI, RTA MGRIN NAG PO, RJE BTZUN SGROL DKAR SOGS YI DAM DU MA'I ZHAL GZIGS DANG, KHYAD PAR DU 'BROM STON PA RGYAL BA'I 'BYUNG GNAS NA BZA' BER PHYAM DKAR PO BZHES PA CIG ZHAL GZIGS TE DE'I ZHAL NAS GTZANG PHYOGS DANG, 'OL DVAGS GNYIS SU 'PHRIN LAS KYI 'JUG SGO YOD GSUNG BA'I LUNG BSTAN KYANG BYUNG, GZHAN YANG RA SGRENG GI CHOS SKYONG GZHI BDAG DANG BCAS PAS NGO MTSAR BA'I LTAS MANG DU STON PA YANG BYUNG, DE NAS BSAG SBYANG BYAS NA LEGS PAR GZIGS NAS GUNG TSIGS GROL RJES SU DGON GONG 'OG GI DGE 'DUN RNAMS DANG CHOS NYAN GZHAN YANG STOBS CHE BA LA GLEGS BAM GYI CHOS THUN RE GNANG, SNGA DGONG GNYIS GLING SKOR MDZAD, KHYAD PAR KA GNYIS MA DANG SPYAN SNGA SKU 'BUM LA SKOR BA STONG LAS MI NYUNG NGA RE MDZAD DO, ,

DA DUS PHYI'I SHUG SKOR YANG MANG DU GNANG, PHYAGS PHYIR YOD BA RNAMS LA, NANG GI RTEN GSUM DANG PHYI'I SHUG PA RNAMS LA KHYAD PAR SPU TZAM MED DO GSUNGS SHING, SHUG BA'I KHYON KUN RGYAL BA SRAS BCAS KYIS GANG BAR ZHAL GZIGS, CHOS GNANG BA'I SKABS KUN TU YANG ME TOG GI CHAR DANG, 'JA' TSON GYI GUR, BAR BAR DU 'JI' BLA BRE DANG, SGRA SNYAN PA MANG PO NAM MKHA' SA 'BYUNG BA DANG, GNAS DE'I BYA LA SOGS PA 'GRO BA GZHAN GYIS KYANG GZIM KHANG DANG CHOS KHRI LA SKOR BA BYED PA DANG, BYA YID DU 'ONG BA MANG PO SNGA DRO RE RE BZHIN PHYAG 'BUL BA'I TSUL DU 'ONGS NAS GUS BA'I RNAM 'GYUR BYED PA SOGS NGO MTSAR CHEN PO MTHA' YAS PA BYUNG, DE NAS STABS KAR PHEBS, SPRUL PA'I GLEGS BAM RIN PO CHE BZHUGS PA'I MCHOD RTEN MJAL DUS LHA'I SIL SNYAN GYI SGRA DANG, ME TOG GI CHAR BABS SO, ,DE NAS YAB RJE KUN DGA' RGYAL MTSAN SNYUN NAS GTZANG LA PHEBS TE RTA NAG RDO RJE GDAN DU PHEBS, YAB ZHING GSHEGS TE DNGOS SU ZHAL MJAL THUB PA MA BYUNG YANG DGONGS RDZOGS RGYA CHEN PO MDZAD, DE NAS DBUS SU PHEBS TE LAM BAR GYI DAD LDAN RNAMS LA CHOS KYI BDUD RTZI RGYA CHER STZAL CING MTHONG THOS DRAN REG GI 'BREL PA 'JOG PAR MDZAD, DE NAS SER NAS CHOS KYI RJE DPAL 'BYOR LHUN GRUB PA'I BKAS BSKUL TE SER TSOGS PAS SER SPRENG GIS SPYAN DRANGS, RTEN 'BREL

, ,GYI SGO YOD PAS CHOS KHRI CHEN MO'I THOG NAS GSUNG CHOS GNANG DGOS ZHES GSUNGS NAS MKHAS BA'I DBANG PO DON YOD DPAL LDAN PA'I ZHAL SNGA NAS DANG, MDO SNGAGS RAB 'BYAMS KYI GZHUNG LA MI 'JIGS PA'I SPOBS PA BRNYES KYANG KHENGS PA'I DRI MAS DBEN PA RJE BTZUN CHOS KYI RGYAL MTSAN PA'I ZHAL SNGA NAS DANG, CHEN PO DON GRUB PA, DKA' RAB 'BYAMS SMRA BA TSUL KHRIMS 'OD ZER BA RNAMS KYIS GTZO MDZAD TSOGS PA LA GSUNG CHOS GNANG, KUN GYIS GUS PA CHEN PO MDZAD DO, ,DE NAS 'BRAS SPUNGS NAS DBU MDZAD CHEN MO DPAL 'BYOR RGYAL MTSAN, DBU MA PA CHEN MO RIN CHEN DAR MA, MDO SMAD PA SHES RAB BLO GROS, DKA' RAB 'BYAMS SMRA BA SANGS RGYAS LEGS PA, SLOB DPON RGYAL MTSAN BLO GROS, RAB 'BYAMS PA RIN CHEN RNAM RGYAL, BDE MCHOG RAB 'BYAMS PA KUN DGA' RGYAL MTSAN, 'DUL BA 'DZIN PA RIN CHEN GRAGS PA, MNGA' RIS PA DKON MCHOG BZANG PO, CHOS RJE DPON PO DKON MCHOG DAR BA, DPON SLOB DPAL LDAN 'OD ZER LA SOGS TE BSTAN PA'I GSAL BYED RNAMS KYIS GTZO MDZAD DGE 'DUN TSOGS PA RGYA MTSO LTA BUS DPAL LDAN 'BRAS SPUNGS SU SPYAN DRANGS, TSOGS SU CHOS KYI 'KHOR LO BSKOR, KUN GYIS RGYAL BA TZONG KHA PA DANG GUS PA MNYAM BAR MDZAD, RGYAL BA GNYIS PA DE ZHING KHAMS

GZHAN DU GSHEGS RJES SKYID SHOD DU BSTAN PA LA PHAN THOGS SHING SKYE BO'I BKUR MTHONG SOGS RJE 'DI PA DANG MNYAM PA SU YANG MA BYUNG ZHES KUN MTHUN PAR GLENG NGO, ,DE NAS BKA' GDAMS GLEGS BAM LAS LUNG BSTAN PA LTAR, DPA' BO MKHA' 'GRO SPRIN BZHIN 'DU BA'I GNAS SBAS PA'I YUL DANG DPAL LDAN DMAG ZOR MA'I BLA MTSO MJAL BAR PHEBS, DE LTA BU'I GNAS NGO MTSAR CAN DE ZHABS KYIS BCAGS, YAR NGO'I GSO SBYONG ZHIG DANG 'GRIG NAS GSO SBYONG YANG DER MDZAD, YUL LHA DANG GZHI BDAG RNAMS LA CHOS KYANG GSUNGS SHING DAM LA BZHAG GO ,DE NAS SA MO SPRUL GYI LO SNRON GYI ZLA BA'I DKAR PHYOGS KYI GZA' SKAR DANG 'PHROD SBYOR PHUN SUM TSOGS PA LA LAG GI BLA BSKO BA DANG, LTO 'PHYE'I THIG 'DEBS PA DANG, RDO BA BTEG PA'I MTHA' LAS BYUNG BA'I RUNG KHANG GCOD PA SOGS SNGAGS MTSAN NYID KYI PHYAG LEN RGYUD SDE DANG 'DUL BA NAS BSHAD PA BZHIN GYI RNAM PAR DAG PA LA BRTEN PA'I LTE BA DE NYID DU GTZUG LAG KHANG DNGOS GZHI LA KA CHEN 'DUN CU, GTZANG KHANG LA KA CHEN BRGYAD, SGO KHANG LA KA CHEN BZHI, YONGS SU DRIL BAS KA CHEN BRGYAD CU GYA GNYIS KYI 'GRAM BTING STE, THOG MAR DGE 'DUN DAR ZHES PA GCIG GIS 'GRAM BRUS PA'I 'OG NAS RDO'I DUNG G-YAS 'KHYIL RANG BYUNG ZHIG DANG, RDO PANG 'DAB CAN BZHI THON BYUNG BAS DE'I TSE ME TOG GI CHAR CHEN PO YANG

, ,BABS SO, ,DE NAS RGYAL LEGS BSHAD SGROG PA'I DGA' CHAL BKRA SHIS LHUN GYIS GRUB PA'I GNAS CHEN 'DI NYID BSTAN PA'I SNANG BYED DU NI BZHENGS, MTHA' 'KHOB KYI 'GRO BA MA LUS PA NI SMIN GROL GYI LAM LA BKOD DO, ,DE NAS BKRA SHIS LHUN PO NAS PAn CHEN YE SHES RTZE MOS GTZO MJAD MKHAN SLOB DGE 'DUN TSANG MAS BKRA SHIS LHUN PO'I GDAN SAR 'BYON DGOS ZHES MGRIN GCIG GIS GSOL BA BTAB PA LTAR GTZANG PHYOGS SU PHEBS, BKRA SHIS LHUN PO DANG NYE BAR PHEBS PA NA, BLO GSAL LUNG RIGS SMRA BA 'DUS PA RGYA MTSOS MCHOD PA'I BYE BRAG DU MA THOGS TE ZAM PA SHAR NAS BKRA SHIS LHUN PO'I BAR DU SER SBRENG GIS TSAR DU DNGAR BAR GYUR PA NI, SNGON DUS NGANG PA'I RGYAL PO YUL 'KHOR SKYONG, ,RNYI LAS RANG GROL PAD MCHOR 'KHOR BA LAS, ,RAB DGA' LDAN PA'I DUR BA'I PHRENG BA YIS, ,TSAR DU DNGAR NAS GUS PAS GAR BYAS BZHIN, ,DE'I DUS PO BRANG BSAM GRUB RTZE'I SKYE BO'I TSOGS THAMS CAD KYANG YID RAB TU DGA' BAS ZHAL GYI DKYIL 'KHOR LTA BA LA 'KHOD PA NI DBYAR GYI CHAR SPRIN BZHIN, THAMS CAD KYIS SKYABS SU MCHI'O ZHES PA'I SGRA SGROG PA NI 'BRUG GI GAD MO BZHIN DU GYUR, LHA RNAMS DGA' BA'I LTAS KHYAD PAR CAN MANG PO DANG BCAS TE BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING DU PHYAGS PHEBS PAR GYUR TO, ,DE NAS GZA' SKAR DANG 'GRUB SBYOR BZANG PO LA

SENGGE'I KHRI LA MNGON PAR 'JEGS TI PAn CHEN RIN PO CHES GTZO MDZAD DGE 'DUN CHOGS PAS BKRA SHIS KYI ME TOG GTOR, PAn CHEN RIN PO CHES BLA BRANG SER POR KUN SPANGS MDZAD, RJE NYID BLA BRANG RGYAL MTSAN MTHON POR GZHI PHAB STE BSTAN PA RIN PO CHE NYIN MO LTAR GSAL BAR MDZAD TSUL NI, DE NAS DGUN CHOS DANG PO BTZUGS NAS NYI SHAR LA BZHUGS KHRI'I THOG TU PHEBS PAR MDZAD DE TSAD MA RNAM 'GREL GYI ZHUNG CHOS GSAN PA SUM BRGYA LHAG PA LA THAMS CAD MKHYEN PA DGE 'DUN GRUB KYI t'IKKA'I SA BCAD GZHIR BZHAG PA LA THAR LAM GSAL BYED DANG MKHAS GRUB t'IKA CHEN SKABS SU GANG BAB PA'I STENG DU LHA SHAG SOGS 'GREL CHEN RNAMS KYI BSHAD BAS BRGYAN TE GNANG, LHAG PAR LE'U GNYIS PA'I SKABS SU THAR BA DANG THAMS CAD MKHYEN PA DNGOS PO STOBS ZHUGS KYIS SGRUB PA'I RIGS LAM RNAMS LAM GYI RIM PAR BSGRIGS TE THAR 'DOD KYI NYAMS LEN DU SBYAR NAS GSUNGS BAS, GDAMS PA'I MCHOG NI 'DI KHO NA'O ZHES BSTAN PA DANG STON BA LA CHAD MAS DRANGS PA'I NGES PA 'DRONGS PA BYUNG STE NYIN MTSAN BSHAD SGRUB KYA BYA BAS DUS 'DA' BA LAS TSE 'DI'I RTOG PA RGYUN CHAD PA'I RIGS GRVA 'GRIM MKHAN LNGA BRGYA LA NYE BA 'DUG GO ZHES MTHUN PAR SMRA, MKHAS PA BLO GROS RGYA MTSO BA NI, SNGON CHAD GANGS RI'I KHROD 'DIR TSAD MA RNAM 'GREL GYI GZHUNG CHOS NYAN MKHAN PHYOGS GCIG NGAR 'DI BAS MANG BA MA BYUNG BA 'DRA ZHES GSUNG, DE'I RJES SU 'JUG PA'I t'IKA CHEN, DE'I RJES SU DRANG NGES RNAM 'BYED, MNGON PA MDZOD RNAMS GSUNGS

, ,TE CHOS GSAN MI YANG NYIS BRGYAR NYE BA DANG, GUNG TSIGS GROL NAS PHAR PHYIN RNAM BSHAD SNYING PO RGYAN GYI THOG NAS GZABS BSHAD MDZAD, LUNG GRVA 'GRIM MKHAN YANG NYIS BRGYA LHAG PA BYUNG, DE RJES 'DUL t'IKA CHEN MO, DPAL GSANG BA 'DUS PA'I RGYUD KYI 'GREL PA SGRON GSAL MCHAN MA'I STENG NAS GZABS BSHAD MDZAD, PHYI DRO 'KHAR RNGA BTANG STE TSOGS PA THAMS CAD LA GLEGS BAM RIN PO CHE'I CHOS THUN LAM PA RE GNANG, DE'I MUS LA DGE BA'I BSHES GNYEN SDE SNOD 'DZIN PA NYIS BRGYAR NYE BA LA RIM LNGA GSAL BA'I SGRON ME GZABS BSHAD KYANG MDZAD, DE LTAR DGUN CHOS GNYIS, DPYID CHOS GNYIS DBYAR CHOS DANG BCAS TE CHOS THOG LNGA'I RING NYIN RE BZHIN DE KHO NAS DUS 'DA' BAR MDZAD DO, ,DE LTA BU NI SNGON THAMS CAD MKHYEN PAS BKRA SHIS LHUN PO BTAB PA NAS BZUNG DENG SANG GI BAR GYI PHYAG SROL MA NYAMS PA DE NYID SLAR YANG RJE NYID KYIS RGYAS PAR MDZAD PAS NA RGYAL BA'I BSTAN PA LA RGYAL BA LAS KYANG BKA' DREN CHE BAR MDZAD DO, ,DE LTA BU'I CHOS 'KHOR RGYA CHEN PO BSKOR NAS SLAR YANG DBUS PHYOGS SU PHEBS TE RGYAL DU DGE 'DUN BRGYA PHRAG MANG BO 'TSOGS PA LA CHOS 'KHOR BTZUGS, DE NAS BZUNG STE LO RE BZHIN DGUN DPYID GNYIS 'BRAS SPUNGS SU BZHUGS, DBYAR STON GNYIS RGYAL DU BZHUGS NAS RGYAL BA'I BSTAN PA RGYA CHER SPEL BAR MDZAD DO, ,DE LTA BU'I TSUL GYIS RNAM DKAR GYI MDZAD PAS GANGS CAN GYI SA'I

KHYON PHAL CHER ZHABS KYIS BCAGS TE 'GRO BA MTHA' DAG LA THUGS RJE'I 'PHRIN LAS KYI MTHUS PHAN BDES KHYAB PAR MDZAD PA'I SKAL BZANG GI SKYE BO MTHA' YAS PA DAG DANG, THAN MTSAN TZAM 'DZIN BA'I PHYOGS MTHA' 'GRO BA GRANGS LAS 'DAS PA DAG KYANG DGA' LDAN CHOS KYI PHO BRANG DU 'DREN BAR BZHED PA'I THUGS RJE CHEN POS KUN NAS BSKYOD DE RGYAL LEGS BSHAD SGROG PA'I DGA' TSAL BKRA SHIS LHUN GYIS GRUB PA'I GTZUG LAG KHANG DU RGYAL BAM PHAM PA'I SKU ZHIG BZHENG BAR BYA'O SNYAM DU DGONGS NAS, LUG GI LO DPON SLOB RGYAL DU PHEBS NAS BAL PO'I DPON MO CHE MKHAS PA NYI MA DPAL GYIS THOG DRANGS SPRUL PA'I BZO BO DPON SLOB BDUN 'KHOR G-YOG DANG BCAS PAS DE'I LO CHU STOD ZLA BA NYIS BRTZEGS BYUNG BA'I DRUG PA SNGA MA'I TSES BCU GSUM GYI GZA' SKAR DANG 'PHROD SBYOR PHUN SUM TSOGS PA LA RJE BTZUN MA PHAM PA'I SKU RGYAB MTHO DRUG CU'I TSAD DANG LDAN PA ZHIG BZHENG BA'I BZO THAB LEGS PAR BTZUGS, DE'I CHE BZOR LA 'JA' TSON SNA LNGA PA THAL BYUNG DU YANG YANG ZUG PA DANG, 'JA'I GUR ME TOG GI CHAR SOGS NGO MTSAR BA'I LTAS BSAM GYIS MI KHYAB PA BYUNG NGO, ,SPRE'U'I LO GZUNGS GZHUG DANG BCAS PA GRUB STE RAB GNAS MDZAD PA'I TSE RJE BTZUN BYAMS PA BYON BYUNG STE RTEN CHEN LA THIM SONG BA DNGOS SU MTHONG GSUNG STE, DE'I DON GYIS RTEN CHEN 'DI RJE BTZUN BYAMS PA DNGOS SU BZHUGS PA YIN LA, GZHAN YANG RJE'I MNAL LAM DU, RJE TZONG KHA

, ,PA'I THUGS 'DI RJE BTZUN GYI THUGS KAR CHUG ZER BA ZHIG KYANG BYUNG GSUNG NGO, ,DE NAS ME PHO KHYI'I LO LA GTZO BOR GONG MA CHEN PO DPON BLON GYI BKA' NAN DANG, DGA' LDAN KHANG GSAR NAS DPON SA YUM SRAS, SE RA NAS CHOS KYI RJE DPON SLOB RNAM PAS THOG DRANGS DGE 'DUN RNAMS KYIS GSOL BA BTAB PA LA BRTEN SER THEG CHEN GLING GI GDAN SAR PHEBS TE THOG MAR DER BZHUGS KYI DGE 'DUN RNAMS LA GLEGS BAM RIN PO CHE CHA LAG DANG BCAS PA GSUNGS, KUN MI PHYED PA'I DAD PA G-YOS TE TSOGS KYI KUN SPYOD RNAM PAR DAG CING CHOS 'CHAD NYAN SOGS CHES PHUL DU BYUNG BAR GYUR TO, ,DE NAS RJE NYID KYI DGONGS PA LA, SNGA SOR NI SHAR PHYOGS KONG YUL NAS GTZANG STOD KYI BAR BOD DBUS GTZANG GI SKYE 'GRO KUN MTHONG THOS DRAN REG DANG, BSHAD PA'I SGO NAS SANGS RGYAS KYI 'PHRIN LAS SPEL ZHING SKAL LDAN RNAMS MNGON MTHO DANG NGES LEGS KYI LAM LA BKOD DA NI RANG GI BSTI GNAS DAM PAR RJES 'JUG RNAMS SGRUB PA NYAMS LEN LA SBYAR TE SGRUB PA'I SGO NAS SANGS RGYAS KYI 'PHRIN LAS SPEL BA 'DI MCHOG DANG GTZO BOR GSUNGS PAS GDUL BYA RNAMS RGYAL BA'I DGONGS PA BZHIN DU SGRUB PA NYAMS LEN LA 'GOD PAR BYA'O DGONGS TE SKAL BZANG RNAMS THAR PA DANG THAMS CAD MKHYEN PA'I SAR DGOD PHYIR DU LCAGS MO YOS NAS NYE BAR BZUNG PHAL CHER RGYAL RANG DU BZHUGS NAS 'KHOR RNAMS LA BKA' STZAL PA, THOS BA'I RJES 'JUG SGRUB

PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES DANG, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES DANG, TSUL GNAS THOS DANG BSAM LDAN PAS, ,SGOM PA LA NI RAB TU SBYAR, ,ZHES GSUNGS BA LTAR DPON SLOB KUN SGRUB PA LA BRTZON BAR MDZAD DO, ,DE LTAR DGUNG LO BCU GCIG NAS BZUNG DGUNG LO RE DRUG GI BAR LA BSTAN 'GRO'I DON RGYA CHER MDZAD NAS; BSTAN PA YUN RING DU GNAS PA'I PHYIR PHYI RABS KYI GDUL BYA RNAMS LA THUGS BRTZE BAS NYE BAR DGONGS TE MDO SNGAGS KYI GSUNG RAB RNAMS KYI DGONGS BA 'GREL BA'I LEGS BSHAD MTSAN BRJOD 'GREL CHEN, STONG NYID BDUN CU PA'I RNAM BSHAD, DBU MA 'JUG PA'I RNAM BSHAD, SMON LAM BDUN CU PA'I RNAM BSHAD, RTEN 'BREL BSTOD PA'I RNAM BSHAD, SGROL MA PHYAG 'TSAL NYER GCIG GI RNAM BSHAD, GRUB MTHA' RGYA MTSOR 'JUG PA'I GRU RDZINGS, DRANG NGES RNAM 'BYED KYI DKA' 'GREL, 'DUL 'DZIN BLO GROS SBAS BA'I MGUR GYI 'GREL PA, JA MCHOD RTZA 'GREL, PAn CHEN YE SHES RTZE MO'I RNAM THAR, RDO RJE 'CHANG KUN DGA' RGYAL MTSAN GYI RNAM THAR, RJE RANG NYID KYI RNAM THAR, BLA MA DANG SANGS RGYAS BYANG SEMS KYI BSTOD TSOGS, GDAMS MGUR GYI RIM PA, DPAL GSANG BA 'DUS PA'I RIM PA DANG PHO NYAMS SU LEN TSUL, DPAL RDO RJE 'JIGS BYED KYI RIM PA DANG PO NYAMS SU LEN TSUL, N'A RO CHOS DRUG GI DMIGS RIM, DRIL BU LHA LNGA'I SGRUB THABS, DRIL BU LUGS KYI SBYIN

, ,SREG ,DRIL BU LUS DKYIL GYI BSKYED RIM, 'KHOR LO SDOM PA'I RIM PA DANG PO LA SLOB TSUL, DRIL BU LUGS KYI RDZOGS RIM, YI DAM SGRUB SKOR DANG RJES GNANG GI SKOR, SMYUNG GNAS KYI CHO GA ,RAB GNAS KYI CHO GA, GNAS BRTAN PHYAG MCHOD, BCUD LEN GYI GDAMS PA RIM PA LNGA PA, DKAR GTOR DANG GTOR MA BRGYA RTZA'I RIM PA, BRGYA BZHI'I CHO GA, DKAR CHAG SNYAN NGAG, DGE SLONG GI BSLAB BYA, CHOS SKYONG GI SKOR, CHAB SHOG GI SKOR, 'JIGS BYED KYI SHIS BRJOD SMON LAM, DON RGYAN SO LNGA'I DPER BRJOD, BKA' GDAMS GLEGS BAM GYI BSDUS DON, BRTAN BZHUGS KYI SKOR, SMAN BLA'I SHIS BRJOD SOGS RMAD DU BYUNG BA'I LEGS BSHAD 'DI RNAMS MDZAD DO, ,DE NAS SKU TSE 'DI'I DNGOS KYI GDUL BYA RDZOGS PA NA DGUNG LO RE BDUN DU PHEBS PA DGE BYED CES PA CHU PHO STAG GI LO NAG PA ZLA BA'I TSES BRGYAD KYI SKYA RENGS DANG PO 'CHAR BA'I DUS SU SKU'I BKOD PA BSDUS TE DGA' LDAN CHOS KYI PHO BRANG SOGS SANGS RGYAS KYI ZHING RAB 'BYAMS RNAMS SU SPRUL PA'I BKOD PA BYE BA PHRAG BRGYA SPRUL TE RGYAL BA RNAMS MCHOD PA DANG SEMS CAN RNAMS KYI DON MDZAD CING BZHUGS SO, ,RJE 'DIS CHOS KYI 'KHOR LO BSKOR BA'I RGYUD 'DZIN BGRANG BA LAS 'DAS PA BYON PAS MTHA' DAG BGRANG BAR MI NUS SHING BYANG CHUB LAM GYI RIM PA'I 'PHRIN LAS SPEL BA'I BKA' BAB RGYUD 'DZIN GYI GTZO BO NI KHRI RIN PO CHE BDE BA CAN PA CHOS RJE DGE LEGS DPAL BZANG PO'O, ,

DES NA BYANG CHUB LAM GYI RAM PA LA BLO SBYONG BAR 'DOD PA RNAMS KYIS RGYAL BA DGE 'DUN RGYA MTSO LA GSOL BA 'DEBS SHING RJE 'DI'I MDZAD PA RNAM THAR LTAR RGYAL BA'I DAM CHOS MA LUS 'DZIN PA'I SMON LAM 'DEBS SHING GTZO BOR BYANG CHUB LAM GYI RIM PA LA BLO SBYANG BAR BYA'O,, ` ,,SMRA BA'I NYI MA DGE LEGS DPAL BZANG PO, ,ZHES BSNGAGS PA, KHRI RIN PO CHE BDE BA CAN PA DGE LEGS DPAL BZANG NI, 'OL KHA GYANG SAR DU SHING MO GLANG GI LO SKU 'KHRUNGS, GZHON NU NAS RGYAL BA'I BSTAN PA LA RAB TU BYUNG STE GZHUNG LUGS CHEN MO RNAMS LA SBYANGS PAS MKHAS PA'I PHUL DU PHYIN PAR GYUR, DE NAS RGYUD STOD DU PHEBS TE SPYIR GSANG SNGAGS RGYUD SDE BZHIG LA SBYANGS SHING KHYAD PA RGYUD KYI RGYAL PO DPAL GSANG BA 'DUS PA LA LEGS PAR SBYANGS, DE NAS THAMS CAD MKHYEN PA DGE 'DUN RGYA MTSO LA MKHAN PO ZHUS TE BSNYEN PAR RDZOGS SHING BYANG CHUB LAM GYI RIM PA'I KHRID GSAN NAS NYAMS SU BZHES TE MYONG BA THON PAR MDZAD, GZHAN YANG DGE BA'I BSHES GNYEN DU MA LAS MDO SNGAGS KYI ZAB CHOS MANG DU GSAN TE MDO SNGAGS GNYIS KA LA MKHAS PA'I PHUL DU PHYIN PAR GYUR PA NA RGYUD STOD KYI KHRI LA PHEBS TE RGYUD CHEN KUN DGA' DON GRUB KYI MDZAD BA RNAM THAR BZANG PO RNAMS RJES SU BSKYANGS TE SDOM PA GSUM GYI BCAS MCHAMS RNAM PAR DAG PA LA GNAS NAS DPAL GSANG BA 'DUS PA'I RGYUD KYI 'CHAD NYAN LEGS PAR BSKYANGS SHING SHAR RTZE CHOS RJE MDZAD, DE NAS DGUNG LO NGA BZHI PA SA PHO RTA'I LO DGA' LDAN

, ,GSER KHRIR PHEBS TE RJE BDAG NYID CHEN PO'I MDZAD BA RNAM THAR RNAMS RJES SU BSKYANGS TE DGUN DUS LAM RIM CHEN MO 'CHAD PA DANG, LHA LDAN SMON LAM CHEN MO'I DUS SKYES RABS SO BZHI PA GZABS BSHAD DU MDZAD CING, RGYUN DU GSER KHRI'I STENG NAS RGYA BOD HOR GSUM GYI DAD LDAN RNAMS KYIS RJE RIN PO CHE'I BSTAN PA BSTAN 'DZIN DANG BCAS PA LA MCHOD CING BSNYEN BKUR BA'I DAG BA RNAM CHUD MI ZA ZHING RGYA CHER SPEL PHYIR BSNGO BA YON BSHAD NAR MAR MDZAD PA DANG, PHYOGS PHYOGS NAS 'DUS PA'I CHOS DON GNYER CAN MANG POR RJE'I MDO SNGAGS KYI MAN NGAG RNAMS RGYA CHER SPEL ZHING LHAG PAR DUS GSUM GYI RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID LAN MANG GU GNANG STE BSTAN PA LA BYA BA RGYA CHER MDZAD, DGA' LDAN RNAM PAR RGYAL BA'I GLING DU RJE BTZUN BYAMS PA MGON PO'I SKU BRNYAN GSER ZANGS LAS BSGRUBS PA CHE LEGS BZHENGS PA SOGS PHYI RABS KYI MIG LTOS SU CHE BA'I PHYAG RJES BZANG PO 'JOG PAR MDZAD, DE NAS DGUNG LO DRUG CUR PHEBS PA SHING PHO BYI BA'I LO KHRI THOG BZHAG NAS BDE BA CAN DU ZUR BZHUGS MDZAD PAS CHOS RJE BDE BA CAN BA ZHES GRAGS, RJE 'DI PA 'PHRIN LAS CHE BAR BYUNG BAS THAMS CAD MKHYEN BA BSOD NAMS RGYA MTSOS KYANG BSNYEN PAR RDZOGS PA'I MKHAN PO ZHUS SHING CHOS MANG DU GSAN, MAL GRO RIN CHEN GLING DANG, PHAG MO CHOS SDE SOGS DGE 'DUN GYI SDE MANG PO BSKYANGS TE BSTAN PA'I BYA BA

RGYA CHER MDZAD DO, ,DE NAS SKU TSE 'DI'I DNGOS KYI GDUL BYA RDZOGS BA NA DGUNG LO RE GSUM PA ME MO YOS KYI LO DGA' LDAN RNAM PAR RGYAL BA'I GLING DU ZHING GSHEGS TE DGA' LDAN CHOS KYI PHO BRANG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS KHRI RIN PO CHE DGE LEGS DPAL BZANG LA GSOL BA 'DEBS SHING KHRI RIN PO CHE 'DI'I RNAM THAR LTAR RJE RIN PO CHE'I LTA GRUB BSRE LHAD MED PAR BZANG NAS BYANG CHUB LAM GYI RIM PA LA BLO SBYONG BAR BYA'O,, ` , MKHAS GRUB LHA BTZUN BSOD NAMS DPAL BZANG PO, ,ZHES BSNGAGS PA, MKHAS GRUB DAM PA LHA BTZUN BSOD NAMS DPAL BZANG PO NI, MNGA' RIS MANG YUL STOD KYI RGYAL PO'I RIGS SU SKU 'KHRUNGS, GZHON NU NAS SPE THUB CHOS SNGER DU PHEBS TE BKRA SHIS LHUN POR TSAD MA RNAMS 'GREL DANG, PHAR PHYIN, DBU MA, 'DUL BA, MDZOD RNAMS LA SBYANGS TE MKHAS PA'I PHUL DU PHYIN PAR GYUR PA NA, DBUS SU PHEBS TE RTZES THANG SOGS SU GRVA SKOR MDZAD, GRUB PA'I DBANG PHYUG SNGAGS RAM PA DGE 'DUN BKRA SHIS LA PHYAG RDOR 'KHOR CHEN GYI DBANG SOGS DBANG LUNG MAN NGAG MANG DU GSAN, THAMS CAD MKHYEN PA BSOD NAMS RGYA MTSOR SNYING BO DON GSUM GYI KHRID SOGS CHOS MANG DU GSAN, DE NAS KHRI RIN PO CHE BDE PA CAN PA BSAM SBYOR GNYIS KYIS TSUL BZHIN DU BSTEN TE GSUNG RAB DGONGS 'GREL DANG BCAS PA THAMS CAD KYI SNYING BO'I DON THAMS CAD GANG ZAG GCIG GI NYAMS LEN GYI RIM PAR DRIL BRJE BDAG

, ,NYID CHEN PO'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID RGYAS PAR GSAN TE TSE 'DI'I G-YENG BA MTHA' DAG DOR NAS DBEN BA'I GNAS SU BYANG CHUB LAM GYI RIM PA'I NYAMS LEN LA TSIG SGRIL DU GZHOL BAR MDZAD, DE NAS SNYAN PA'I GRAGS PA PHYOGS BCUR RGYAS TE CHOS DON GNYER BA MANG DU 'DUS PA RNAMS LA RANG RANG GI DBANG PO DANG 'TSAM PA'I GDAMS NGAG 'DOMS PAR MDZAD, LHAG PAR SHAR BA CHOS RJE SGOM BDE NAM MKHA' RGYAL MTSAN DANG, KHRI RIN PO CHE DGE 'DUN RGYAL MTSAN DANG, GANGS CAN MGON PO THAMS CAD MKHYEN PA BSOD NAMS RGYA MTSO SOGS BSTAN 'DZIN DAM PA MANG PO SLOB MAR 'DUS, BYANG CHUB LAM GYI RIM PA'I KHRID RGYA CHER SPEL ZHING ,GTZO BOR TSE 'DI'I G-YENG BA GANG YANG MED PAR SGRUB PA MTHAR PHYIN PAR MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB CHEN PO LHA BTZUN BSOD NAMS DPAL BZANG LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR BYANG CHUB LAM GYI RIM PA'I MAN NGAG LEGS PAR THOB BAR BYAS LA TSE 'DI'I BYA BA LA RGYAB KYIS PHYOGS TE DBEN PA'I GNAS SU LAM RIM SGOM PA MTHAR PHYIN PAR BYA'O,, ,,PHYAG NA PADMO BSOD NAMS RGYA MTSO'I SDE, ,ZHES BSNGAGS BA, THAMS CAD MKHYEN PA BSOD NAMS RGYA MTSO NI, STOD LUNG KHANG GSAR GONG DU YAB SDE PA RNAM RGYAL GRAGS PA DANG, YUM DPAL 'DZOM BU KHRID GNYIS

KYI SRAS SU CHU MO YOS KYI LO DPYID ZLAR BA'I NYER LNGA LA NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE YANG GROD 'HUMS SU 'KHRUNGS TE SHEL LTAR DKAR ZHING DNGAS BA'I GROD PA'I NANG DU BZHUGS PA NYI 'OD KYIS PADMA BYE PA LTAR 'KHRUNGS MA THAG NGANG GIS GROD PA BYE NAS SHEL LTAR DNGAS BA'I SKU BLTA BAS CHOG MI SHES PA MTSAN DPE DANG LDAN PA ZHIG BYON NO, ,DE'I TSE NAM MKHA'I KHYON THAMS CAD 'JA' GUR GYIS GANG ZHING LHA RNAMS KYIS ME TOG GI CHAR PHAB, 'KHRUNGS MA THAG RA MA DKAR MO'I 'O MA ZHAL DU GSOL BA DANG MNYAM DU YAB YUM GNYIS KYIS SHIS PA BRJOD CING RA NU SRI CHOD DPAL BZANG PO ZHES MTSAN GSOL, 'KHRUNGS TZAM NYID NAS MA nI ZHAL 'DON DU MDZAD PA ZHIG BYUNG ZHING THA MAL GYI SPYOD BA THAMS CAD LAS 'DAS TE CHOS 'CHAD PA'I PHYAG RGYA DANG, TING NGE 'DZIN LA BZHUGS PA'I TSUL MDZAD CING, DGUNG LO GSUM TZAM NAS RGYAL BA DGE 'DUN RGYA MTSO'I DUS KYI MDZAD PA RNAM THAR THAMS CAD RJES SU DRAN TE DE DANG DE'I NGANG TSUL KHO NA MDZAD CING, ZHAL NAS KYANG DE BZHIN DU GSUNG BA ZHIG BYUNG BAS PHYOGS THAMS CAD DU RGYAL BA DGE 'DUN RGYA MTSO'I SPRUL SKUR GRAGS, DE NAS DRUNG CHEN GSUNG RAB PA DANG, 'BRAS SDUNGS KYI BLA SPYI RNAMS GROS MTHUN PAR ME PHO RTA'I LO NAG PA ZLA BA'I DKAR PHYOGS KYI RGYAL BA GNYIS PA RGYAL PHUR 'DZOM BA'I 'GRUB SBYOR GYI NYIN 'BRAS SPUNGS KYI DGE 'DUN TSANG MAS MCHOD PA'I BYE BRAG SNA TSOGS PA THOGS

, ,DPAL LDAN 'BRAS SPUNGS CHOS KYI SDE CHEN PO PHYOGS THAMS CAD LAS RNAM PAR RGYAL BA'I GLING DU PHEBS TE DGA' LDAN PHO BRANG GI 'JIGS PA MED PA'I SENG GE'I KHRI CHEN PO LA ZHABS KYI PADMO BKOD DO, ,DE NAS SLOB DPON RIN PO CHE BSOD NAMS GRAGS PA'I DRUNG DU, YONGS RDZOGS DGE BSNYEN GYI SDOM PA BZHES TE, MTSAN BSOD NAMS RGYA MTSO DPAL BZANG PO BSTAN BA'I NYI MA PHYOGS THAMS CAD LAS RNAM PAR RGYAL BAR GSOL, DE NAS HOR ZLA LNGA PA'I TSES GSUM LA 'BRAS SPUNGS NAS BTEG STE RIM GYIS LAM BAR GYI SKYE 'GRO RNAMS LA MTHONG THOS DRAN REG GI 'BREL PA BZHAG STE HOR ZLA DRUG PA'I TSES LNGA LA RGYAL ME TOG THANG DU PHEBS, DE'I TSE DPAL LDAN DMAG ZOR MAS DGYES PA'I CHO 'PHRUL SNA TSOGS BSTAN CING, RGYAL GYI RTEN RNAMS LA MCHOD 'BUL SMON LAM DANG DGE 'DUN RNAMS LA CHOS KYI BDUD RTZI STZAL, DE NAS TSUR 'BRAS SPUNGS SU PHEBS, ZHI BZHES PA SA MO BYA'I LOS GA ZLA BA'I DUS CHEN TSES BCO LNGA'I NYIN PAn CHEN BSOD NAMS GRAGS PAS MKHAN PO DANG, GSANG PHU CHOS RJE LEGS PA DON GRUB KYIS LAS SLOB MDZAD DE DGE TSUL DU SGRUB PAR MDZAD, DE NAS PAn CHEN BSOD NAMS GRAGS PA'I DRUNG DU TSE DBANG GRUB RGYAL MA, RNAM SRAS SER CHEN, 'DOD KHAMS DBANG PHYUG DMAG ZOR MA, MKHAS GRUB DPAL LDAN SENG GE'I LUGS KYI DPAL MGON ZHAL, MGON PO PHYAG DRUG PA, CHOS RGYAL PHYI SGRUB RNAMS KYI RJES

GNANG GSAN, GLING STOD CHOS RJE LEGS DON PA'I DRUNG DU 'JIGS BYED KYI SNGAGS BTU, BLA MA LNGA BCU PA'I t'IKKA, LAM RIM CHE CHUNG, LAM SGRON, BYANG CHUB GZHUNG LAM, 'DUL BA'I BSLAB BYA CHE CHUNG, GZHI GSUM CHO GA, LAS CHOG ,RTZA 'JUG GNYIS DANG, DE'I t'IKA CHEN, 'GREL PA DON GSAL, RNAM BSHAD SNYING PO RGYAN, TSAD MA RNAM 'GREL, RNAM BSHAD THAR LAM GSAL BYED, MDZOD, MDO RTZA, DRANG NGES RNAM 'BYED, DPE CHOS, RIM LNGA GSAL SGRON, RIM LNGA GDAN RDZOGS, MKHAS GRUB BKA' 'BUM THOR BU, BSKYED RIM DNGOS GRUB RGYA MTSO RNAMS KYI LUNG GSAN, SHAR RTZE LEGS DON PA'I DRUNG DU, 'JAM DKAR, SPYAN RAS GZIGS PHYAG BZHI PA, MGON PO SNYING ZHUGS, 'KHROR BRGYAD MA, RTA MGRIN GSANG SGRUB, LCAGS RAL CAN, AU TZARYA, PHYAG BZHI PA TSAL LUGS, SGROL DKAR, TSE RING MCHED LNGA, YE SHES KHYUNG KHRA, BEKTZE, DMAR PO SKOR GSUM, KU RU KULLE GSANG SGRUB, SGROL MA NYI SHU RTZA GCIG, RNAM SRAS RTA SNGON CAN, BE CON CAN, MDUNG DMAR CAN, PHYAG MTSAN BZHI PA, GAR MKHAN MCHOG, DRAG BYED DKAR PO TSE SGRUB, SHR'A MAn, SENG LDENG NAGS SGROL, SENG GDONG MA, SME BRTZEGS RNAMS KYI RJES GNANG, 'JIGS BYED GYI SNGAGS BTU, 'JAM DBYANGS ZHI KHRO SBRAGS SGRUB KYI LUNG, GSANG 'DUS 'JAM RDOR DANG, 'JIG RTEN DBANG PHYUG GNYIS KYI DBANG, BKA' GDAMS THIG LE BCU DRUG

, ,DANG GLEGS BAM GYI LUNG RNAMS GSAN, DE RNAMS KYI DON THAMS CAD THOS BSAM GYIS GTAN LA 'BEBS PA DANG NYAMS BZHES MDZAD DO, ,DE NAS RGYAL DANG 'BRAS SPUNGS GNYIS RE MOS SU BZHUGS SHING LAM BAR GYI CHOS SDE RNAMS SU CHOS KYI BDUD RTZI RGYA CHER STZAL, DE NAS YONGS 'DZIN CES PA CHU PHO BYI BA'I LO PAn CHEN BSOD NAMS GRAGS PAS ZUR BZHUGS MDZAD DE DPAL LDAN 'BRAS SPUNGS CHOS KYI SDE CHEN PO'I 'JIGS MED SENG GE'I KHRI LA ZHABS SEN BKOD DE LUGS GNYIS KYIS SKYONG BAR MDZAD DO, ,DE NAS BAG YOD CES PA CHU MO GLANG GI LO LHA LDAN SMON LAM CHEN MO'I TSOGS DBUR PHEBS TE SNGA DRO 'KHRUNGS RABS SO BZHI BA'I GZABS BSHAD, PHYI DRO SMON LAM DANG BSNGO BA MDZAD PA SOGS RJE RIN PO CHE'I MDZAD CHEN MA NYAMS PAR SKYONG BAR MDZAD, DE'I TSE DKAR PHYOGS KYI LHA RNAMS DGA' BAS ME TOG GI CHAR CHEN PO PHAB PA SOGS NGO MTSAR BSAM GYIS MI KHYAB PA BYUNG NGO, ,DE NAS CHOS RJE BSOD NAMS GRAGS PA'I DRUNG DU, GSANG BA 'DUS PA MI BSKYOD PA'I DBANG, RIG BYED MA'I RJES GNANG, LAS CHEN KUN RGYAL BA'I BKA' GDAMS CHOS 'BYUNG BE'U BUM SNGON PO RTZA 'GREL, KARMA SHA TAm, ME TOG PHRENG RGYUD, DGA' LDAN CHOS 'BYUNG, GNAS BTZU' SGRUB YIG RNAMS KYI LUNG GSAN NO, ,DE NAS GRUB PA'I DBANG PHYUG SNGAGS RAM PA DGE 'DUN BKRA SHIS LA SPYAN RAS GZIGS DON YOD ZHAGS PA DANG, BCU

GCIG ZHAL, TSE DPAG MED LHA DGU GSUM GYI DBANG GSAN, DE NAS RIM GYIS, RDO RJE PHRENG BA'I DBANG LA BRGYUD TSUL SNGON CHAD MANG DU BYUNG YANG, KRi YA SA MUTZTSA DANG GCIG TU BSRES PA'I DKYIL 'KHOR ZHE LDAM SA BZANG 'PHAGS PA NAS DBANG GI CHU PO GCIG TU 'DRES PA 'DI NYID, CHOS RJE RDO RJE 'CHANG AE WAm PA YAB SRAS MA GTOGS, PHRENG BA MKHAN POR GRAGS PA PHAL CHER GYI SPYOD YUL DU MA GYUR KYANG DAM PA 'DI NYID LA MNGA' BAS RDZOGS PAR PHUL, GZHAN YANG ZUR BKA'I DBANG, 'DUS PA 'PHAGS LUGS DANG YE SHES ZHABS LUGS GNYIS, BDE MCHOG L'U AI PA, DRIL BU PHYI DKYIL DANG LUS DKYIL, SAMBU tA, KYEE RDOR MAN NGAG LUGS DANG RNGOG LUGS, BDAG MED LHA MO BCO LNGA, GUR RIGS BSDUS, DRAG PO GDAN CAN, RVA LUGS KYI 'JIGS BYED, DGRA NAG, GNYOS LUGS RO LANGS BRGYAD BSKOR DANG DGRA NAG, ZHANG LUGS KYI ZHE DGU MA, DPAL 'DZIN LUGS KYI GSHED DMAR BCU GSUM MA, RNAL 'BYOR DBANG PHYUG LUGS KYI GSHED DMAR LHA LNGA, 'KHOR CHEN, GTUM PO KHYUNG NYI SHU RTZA GCIG KHRO BO BZHI DANG BCAS PA'I NYER LNGA MA, KUN RIG, MI 'KHRUGS PA, GDUGS DKAR, GRVA LNGA, MI TRA LUGS KYI SPYAN RAS GZIGS, DUS 'KHOR RNAMS KYI DBANG, PHYAG RDOR KHYUNG LNGA, AU TZARYA 'GRO BZANG LUGS, RNAM 'JOMS, TSE DPAG MED GRUB RGYAL LUGS, NOR RGYUN MA, 'OD ZER CAN MA, DZI BHA LA, LO MA

, ,GYON MA RNAMS KYI RJES GNANG, SA RA HA'I LUGS KYI MGON PO ZHAL GSUM PHYAG DRUG PA'I DBANG BZHI, MGON PO BCU GSUM GYI RJES GNANG, LHA MO PHYAG BZHI MA GNOD SBYIN DANG BCAS PA'I RJES GNANG, SNYING ZHUGS THUN MONG MA YIN PA'I RJES GNANG, PHYAG BZHI PA RAS BRIS DANG LUS DKYIL LA BRTEN PA'I DBANG, GUR ZHAL LEGS LDAN MCHED GSUM, BDE MCHOG DANG 'JIGS BYED KYI SNGAGS BTU, DBYANGS GSAL, YE DHARMA, YI GE BRGYA PA RNAMS KYI RJES GNANG, MGON PO BZHI SBRAGS DANG DUS MTSAN MA'I DBANG, SENG GDONG RIGS LNGA'I DBANG DANG DE'I SGRUB THABS LAS TSOGS DANG BCAS PA, 'JAM DBYANGS CHOS SKOR GYI DBANG RJES GNANG LUNG DANG BCAS PA ,GDUGS DKAR GYI DBANG, RNAM SRAS GSANG SGRUB LJANG SER DANG DRAG BYED KLU CHEN BRGYAD KYIS BSKOR BA, SER CHEN DKAR PO, BDUD MO BZHI SKOR, GSHIN RJE LTAR SGRUB PA, DRAG BYED RKANG THANG MA RNAMS KYI RJES GNANG, MI TRA KHRID DRUG GI RJES GNANG, YE SHES MGON PO PHYAG DRUG PA'I BE'U BUM DKAR NAG, GTOR CHEN 'KHOR LO SOGS KYI PHYAG LEN ZHAL SHES DANG BCAS PA, RVA BOD, GSHIN RJE'I 'KHRUL 'KHOR, DRUG CU PA SOGS KYI PHYAG LEN MAN NGAG SOGS, MDOR NA DBANG KHRID LUNG GI RIM PA MTHA' YAS PA BUM PA GANG BYO'I TSUL DU GSAN PAR MDZAD DO, ,DE NAS BYANG GI HOR RNAMS KYIS GSOL BA BTAB NAS HOR GYI YUL DU PHEBS TE SKYE BO SDIG CAN RNAMS DGE BA BCU'I KHRIMS LA BKOD CING 'JAM MGON BA MA'I

BSTAN PA CHES CHER 'PHEL BAR MDZAD DO, ,DE NAS RA SGRENG DU PHEBS PA NA JO BO PHYING DKAR BAS DNGOS SU GZUGS BSTAN TE PHASU BA BYAS SHING, RA SGRENG 'DUS TSOGS LA BKA' GDAMS GLEGS BAM DANG SNYING PO DON GSUM SOGS CHOS MANG DU GNANG; DE NAS 'BRAS SPUNGS SU PHEBS PA NA PAn CHEN CHOS KYI RGYAL MTSAN GYI SLOB MA 'JA' LUS GRUB PA RDO RJE MCHED GSUM GYI NANG TSAN STOD LUNG PA DPAL LDAN RDO RJE DANG MJAL TE 'JAM MGON SNYAN RGYUD KYI GDAMS NGAG MANG DU GSAN NO, , DE NAS MIG DMAR ZHES PA SHING PHO BYI BA'I LO, YANG DAG PAR RDZOGS PA'I SANGS RGYAS KYI DUS CHEN GSUM 'DZOM HOR ZLA BZHI PA SA GAS NYA BA'I TSES BCO LNGA'I NYIN, DGE LDAN KHRI RIN PO CHE ZUR PA MKHAS GRUB DGE LEGS DPAL BZANG POS MKHAN PO, KHRI LAS THOG PA DGE BSHES PO TO LA'I RNAM PAR SPRUL PA DGE 'DUN BSTAN PA DAR RGYAS KYIS LAS SLOB, SHANGS DGE 'PHEL CHOS RJE PHYOGS LAS RNAM RGYAL BAS GSANG STON, LHA'I BTZUN PA BSOD NAMS DPAL BZANG GIS DUS GO BA MDZAD DE, DAD PA'I DGE 'DUN GRANGS TSANG BA'I DBUS SU, DGE SLONG GI SDOM PA BZHES, MKHAN SLOB SOGS LA ZANG ZING GI BSNYEN BKUR DPAG TU MED PA MDZAD, DE'I TSE MKHAN SLOB KYI SPYAN SNGAR JI LTAR ZHAL GYIS BZHES PA LTAR 'DUL KHRIMS MTHA' DAG NYAMS PA MED PAR BSRUNG BAR MDZAD DE THUB PA'I RGYAL TSAB CHEN POR GYUR TO, ,DE NAS BKRA SHIS LHUN PO'I GRA TSANG BLA MA RNAMS DANG, SPYI NAS GTZANG PHYOGS SU 'BYON DGOS PA'I GDAN 'DREN BYUNG STE GTZANG PHYOGS SU PHEBS, LAM BAR GYI

, ,SER SKYA BGRANG BA LAS 'DAS PA LA MTHO RIS DANG THAR PA'I SA BON 'DEBS PAR MDZAD CING DBEN DGON DU PHEBS NAS RGYAL BA DBEN SA PA CHEN PO'I SKU GDUNG LA MCHOD 'BUL SMON LAM MDZAD CING, MKHAS GRUB SANGS RGYAS YE SHES KYIS GSOL BA BTAB NAS DBEN DGON 'DUS TSOGS LA CHOS MANG DU GNANG, DE NAS BKRA SHIS LHUN PO'I DGE 'DUN RNAMS KYIS MCHOD PA'I BYE BRAG SNA TSOGS BAS BSUS TE 'JIGS MED SENGGE'I KHRI LA ZHABS SEN BKOD NAS MDO SNGAGS KYI CHOS MANG DU STZAL, DE NAS BKA' GDAMS BSTAN PA'I 'BYUNG GNAS SNAR THANG DU PHEBS TE RTEN RNAMS LA MCHOD 'BUL SMON LAM RGYA CHER MDZAD CING SER SKYA MANG PO LA CHOS KYI BDUD RTZI STZAL, DE NAS GANGS CAN CHOS 'PHEL DU PHEBS TE DPAL LDAN DMAG ZOR MA LA BSKANG BA DANG 'PHRIN 'CHOL RGYA CHER MDZAD CING 'DUS TSOGS LA CHOS KYANG STZAL, DE NAS KHRO PHUR PHEBS TE BYAMS CHEN LA MCHOD 'BUL SMON LAM RGYA CHER MDZAD, DE NAS SA SKYAR PHEBS TE RTEN RNAMS LA MCHOD 'BUL MDZAD CING, LHAG PAR BSE 'BAG DE LA SUS KYANG REG MI NUS PAR BYED PA LA RJE 'DIS PHYAG GIS RDUL RNAMS PHYIS SHING PHYAG GIS BZUNG STE SPYAN DMIGS MDZAD PA NA CHOS SKYONG DGYES PA'I MTSAN MA NGO MTSAR BA BYUNG, DE NAS KHA'UR PHEBS TE DPAL MGON ZHAL LA 'PHRIN 'CHOL MDZAD PAS CHOS SKYONG DGYES PA'I MTSAN MA STON PA DNGOS SU BYUNG, DE NAS RIM GYIS 'BRAS SPUNGS SU PHEBS TE BSTAN PA RIN PO CHE'I SROG SHING G-YO BA

MED PAR BZUNG, DE NAS SE RA'I DGE 'DUN TSANG MAS DAD 'DUN RTZE GCIG PAS GDAN DRANGS NAS SE RAR PHEBS TE MDO SNGAGS KYI CHOS MANG DU GSUNGS, DE LTAR RJE 'DI NI BSTAN PA'I DON DU NGAL BA MED PAR DBUS GCANG GI SA'I CHA PHAL MO CHER ZHABS KYIS BCAGS NAS RGYAL BA'I BSTAN BA LA MA DAD PA RNAMS DAD PAR BYAS DANG PA RNAMS PHYIR ZHING DAD PA 'PHEL BAR BYAS TE 'JAM MGON BSTAN PA PHYOGS KUN TU 'PHEL BAR MDZAD, GTZO BOR 'BRAS SPUNGS DANG RGYAL GNYIS GDAN SA 'DRA BAR MDZAD DE GNYIS KAR RE MOS KYIS BZHUGS SHING CHOS ZANG ZING GNYIS KA'I SGO NAS LEGS BAR BSKYANGS, BSTAN PA'I BYA BA DE LTAR MDZAD PA'I SKABS KUN TU'ANG THUGS DAM GYI RIM PA RNAMS 'CHAG MED DU MDZAD, DE YANG NYIN ZHAG PHRUGS GCIG LA THUGS DAM GYI RIM PA JI LTAR MDZAD PA NI, THOG MAR KHRUS DANG NYE REG GNAS BSRUNG BA, SKYABS 'GRO, PHYAG MCHOD, LAM RIM GYI KHRID, SGRA MI SNYAN DANG, MGON PO CHE CHUNG GI TSE SGRUB, LHA BZHI BRIL SGRUB KYI DPAG SNYING ZHUGS 'PHO BA DANG BCAS PA, 'JAM NAG, 'JAM DBYANGS, BLA MA'I RNAL 'BYOR, SEMS BSKYED, BSAM GTAN NYAL CHOG, BDE MCHOG LUS DKYIL, RTZA SNGAGS BRGYA RTZA, SNYING PO DANG NYE SNYING SUM BRGYA, MI 'KHRUGS PA, DE'I GZUNGS SNGAGS BRGYA RTZA, BKA' GDAMS LHA BZHI'I SGOM BZLAS DANG SNGAGS BRGYA RTZA, BSTOD CHOGS DANG SMON LAM SKOR 'GA' ZHIG, TSE DPAG MED KYI BSKYED KYI BSKYED RDZOGS, TSE KHRID, SGROL DKAR, 'JAM DBYANGS, DBYANGS CAN DKAR

, ,DMAR, MKHA' SPYOD MA RNAMS KYI BZLAS BSNYEN, BDE MCHOG GDAN BZHI'I BSNYEN PA SUM BRGYA, SNGAGS RING NYER GCIG RE BZLA ZHING, GTZO BOR LAM RIM, BLO SBYONG, GCOD DMIGS, RIM GNYIS KYI KHRID RNAMS SKYONG BAR MDZAD CING, CHOS SKYONG MANG PO'I BSKANG GSO BSTOD BSKUL RNAMS 'CHAG MED DU MDZAD, DE NAS LCAGS LUG GI LO AAL THAN RGYAL POS RJE 'DI'I SNYAN PA GSAN PAS DAD PA THOB STE SHAR PHYOGS SOG YUL DU 'BYON DGOS PAR GSOL BA BTAB, RJE 'DIS KYANG RANG GI GDUL SKAL DU GZIGS NAS 'BYON PAR ZHAL GYIS BZHES, SLAR MTSO KHAR MCHOD YON ZHAL 'DZOM RTZIS KYI ZHAL BKOD GNANG STE RE SHIG BLA MCHOD DU 'DUL BA BLA MA BRTZON 'GRUS BZANG PO RDZONG TA MDZAD, DE NAS MTSO SNGON DU PHEBS PA'I DUS LA BAB PA NA PHEBS BSKYEL DU BYON PA'I DGA' LDAN KHRI RIN PO CHE GDAN ZUR, SE 'BRAS KYI SLOB DPON, RIN PO CHE BOD MKHAR BA, GCANG PA PAn CHEN RIG PA SENGGE, DBEN SA PA SANGS RGYAS YE SHES, DPON SLOB BKRAS RIN PA, RGYAL NAS SGAR PA DPON SLOB NAM MKHA' BYAMS PA SOGS MDOR NA AE DVAGS YAR KLUNGS PHYOGS KYI MKHAN SLOB MANG PO, RTZE GONG DKAR GYI SKU TSAB, SDE PHRAN MANG PO'I NGO TSAB DANG, SA SKYONG BKRA SHIS RAB BRTAN DPON G-YOG SOGS PHAL CHER DE KHA NAS LOG RTZIS KYIS GSUNG GLENG GNANG SBYIN MDZAD, RA SGRENG NAS CHIBS THOG TU 'KHYOL THOG, SA SKYONG BKRA SHIS RAB BRTAN PAS CHIBS YOB LA 'DUS NAS, BSTAN PA'I DPAL GYUR BLA MA'I ZHABS PAD BRTAN, ,BSTAN

'DZIN SKYES BUS SA STENG YONGS LA KHYAB, ,CES TSIG RKANG GNYIS 'PHRAL RTZOM MDZAD THOG, MCHI MAS BRNABS TE GSUNG RGYU MA BYUNG BAS, BSTAN PA'I SBYIN BDAG MNGA' THANG 'BYOR BRGYAS, ,BSTAN PA YUN RING GNAS PA'I BKRA SHIS SHOG , CES CHIBS THOG NAS GNANG NGO, ,DE NAS CHIBS BSKYONG DE 'BRI CHU KHAR PHEBS PA NA LHA 'DRE'I TSO 'PHRUL GYIS 'BRI CHU GLO BUR DU 'KHRUGS SHING G-YO BAS PHAN TSUN DU BGROD DKA' BA LA, KHRO BO'I LTA STANGS DANG SDIGS MDZUB MDZAD PA TZAM GYIS MI PHYUGS MTHA' DAG BDE BAR BGROD TSOG PA BYUNG, DE NAS RIM GYIS NYA MTSO STOD DU PHEBS, DGON PAS GTZOS PA'I SKYA SER GYI KHROM CHEN PO 'TSOGS TE, GSER SRANG STONG PHRAG GSUM TZAM GYI GTZOS BA'I ZANG ZING GI 'BUL BA RGYA CHER PHUL, BLA MA'I RNAL 'BYOR, YI GE DRUG PA'I BZLAS LUNG, RAB BYUNG BSNYEN RDZOGS STONG PHRAG TU NYE BA SOGS GNANG STE KUN KYANG THAR PA'I LAM LA BKOD, DE NAS SMA CHU'I 'GRAM DU BZHUGS SGAR PHEBS PA NA, TSUR MTHONG GI SKYE BO RNAMS, CHU 'DI HA CANG CHE BAS RE SHIG SGROL BAR MI NUS SO ZHES SMRAS PA LA, SANG NAM LANGS TE LHAS TZA NA DONG BUS NUB TZAM LAS MI 'DUG PAS THAMS CAD SMRA MI SHES PA'I YA MTSAN DU GYUR, DE NAS RIM GYIS AA RIG DKAR PA THANG DU BZHUGS SGAR BTEG SKABS AA RIG RNAMS KYIS RTA STONG PHRAG DANG PHYUGS KHRI TSOR NYE BA'I 'BUL PA PHUL, 'JA' 'OD KYI GUR DANG LHA'I ME TOG GI CHAR BABS, SKYE BO MTHA' DAG LA THAR PA'I SA BON BSKRUN PAR MDZAD, DE NAS SNGAR AAL THAN TA RGYAL PO'I BLA MCHOD DU RDZONG TA GNAD

, ,BA'I CHOS RJE BRTZON 'GRUS BZANG PO DANG, LO TZ'A BA G'O SHR'I GNYIS KYIS GTZOS PA'I RTA BA LNGA BRGYA SKOR RGYAL PO'I GAM NAS BSU BA LA 'BYOR, RIM GYIS PHEBS TE HOR ZLA LNGA PA'I TSES BCO LNGA'I NYIN, SKYA DAR, RGYA GLING, LAS TSAN GO RIM PA SOGS GONG MA RGYAL PO'I BLA MA LA 'OS PA'I CHE BA DANG BCAS TE, YON TAN RIGS STOBS SOGS KYIS MNGON PAR MTHO BA'I DRUNG 'KHOR RNAMS LAS TSAN 'DI'I RJES SU 'DI 'GRO SOGS YID LA GANG DRAN BYAS PA MA YIN PA'I YA RABS KHUNGS BTZUN GYI SGRIGS BCA' BSTAR DANG LDAN PA'I CHIBS RAGS GLANG PO CHE SA LA RAB BRTAN 'CHI MED DBANG PO'I KHRUS KYI RDZING BUR DAL GYIS RGYU BA LTAR GSHEGS PA'I G-YAS G-YON DANG RGYAB RNAMS SU, RGYA DANG SOG PO SKYA SER GYI RTA PA STONG PHRAG MANG POS GZHI MTHA' DAG G-YOGS PA LTAR BSKOR TE TSA KHANG GCIG TZAM PHEBS PA NA, TSE RING GNAM GYI SHE MONG LA BRTEN NAS RTZOD DUS KYI 'KHOR LOS SGYUR BA, AAL THAN RGYAL PO NYID, MTHA' 'KHOB MUN PA'I GLING DKAR POR BYAS PA'I BRDA CHAD DU GOS DKAR PO GSOL, 'KHOR KHRI KHRAG TZAM DANG DE NYID KYI BTZUN MO'ANG 'KHOR MANG PO DANG BCAS TE 'ONGS NAS, MCHOD YON MJAL BA'I DGA' STON GYI THOG MAR, DNGUL SRANG LNGA BRGYA LAS GRUB PA'I MAndAL GSER GYI PHOR PA YUL DBUS KYI BRE TSAD SHONG BA ZHIG RIN PO CHES BKANG BA, GOS YUG DKAR SER DMAR LJANG SNGON PO RNAMS NYI SHU RE, RTA DKAR PO RIN PO CHE'I SGA SRAB KYIS BRGYAN PA BCUS THOG DRANGS PA'I RTA BRGYA, KHROM

ZIL GNON GYI GOS CHEN SNA LNGA PA YUG BCU, DNGUL SRANG STONG PHRAG GCIG, RAS DAR SOGS DNGOS PO BSAM GYIS MI KHYAB PA PHUL, DE NAS KHROM 'BUM PHRAG TZAM TSAGS PA'I DBUS SU MCHOD YON NYI ZLA ZUNG GCIG PHEBS TE, HONG THA'I JIS GTAM BTING, GOO SHR'I BAGshIS LO TZ'A BSGYUR TE, SNGON NAS CHAD DKAR GNAS GYI RIGS LAS CHAD PAS STOBS CHE, RGYA BOD HOR GSUM DRAG POS DBANG DU BSDUS ,SA SKYA PA DANG MCHOD YON DU 'BREL TE CHOS DAR, SLAR THE MUR RGYAL PO NAS CHOS CHAD, LAS SU SDIG DANG ZAS SU SHA KHRAG KHO NA LA LONGS SPYOD PA'I MUN NAG KHRAG MTSO'I GLING LTA BUR, MCHOD YON NYI ZLA ZUNG GCIG GI BKA' DRIN LAS DAM PA CHOS KYI LAM BTOD, KHRAG MCHE 'O MAR BSGYUR PA 'DI BKA' DRIN CHE BAS, PHYOGS 'DI NA YOD PA'I RGYA BOD HOR SOGS KUN KYIS KYANG DGE BA BCU'I KHRIMS LA GNAS PA DGOS, NYI MA DE RING NAS KHYAD PAR SOG PO CHAD DKAR LA KHRIMS SU BCA' BA NI, SNGAR SOG PO SHI BA'I RJES SU DRAG ZHAN GYI RNAM DBYES RANG GI CHUNG MA BRAN G-YOG RTA NOR SOGS SROG GCOD PA YIN NA'ANG, NGA PHYIN CHAD SROG GCOD KYI YUL DU GYUR PA'I RTA NOR SOGS KYI STENG DU JI TZAM BLOS 'CHAM PAR BCAD NAS, DGE 'DUN DANG BLA MA LA PHUL, BSNGO BA SMON LAM ZHUS, ,SHIN PO'I RJES SU A GS PA'I SROG GCOD GTAN MA BYED, GAL TE SNGAR BZHIN MI BSAD PA BYUNG NA KHRIMS KYIS LUS SROG 'BRAL BA YIN, RTA PHYUGS BSAD PA BYUNG NA KHRIMS KYIS NOR THAMS CAD 'PHROG, BLA MA DANG DGE 'DUN GYI CHA LUGS CAN LA BRDUL 'TSOGS

, ,SOGS LAG BZHAG PA BYUNG NA LAG 'JOG MKHAN GYI GZHI MA THAMS CAD GTOR, SNGAR AONG BKOD DU GRAGS PA'I GSHIN PO THAMS CAD KYI GZUGS BYAS PA LA MING BTAGS PA'I ZLA BA BYUNG RES KYI NYA STONG BRGYAD GSUM LA RTA PHYUGS BSAD PA'I KHRAG GIS MCHOD PA DANG, LO DUS KYI MCHOD PA LA DRAG ZHAN GYI DBYE BAS MANG NYUNG MTHA' YAS BA ZHIG GSOD PA RNAMS, DENG PHYIN CHAD NAS BZUNG RTEN DE RNAMS ME LA BSREGS NAS LO ZLA'I DUS KYI MCHOD PAR SROG GCOD PA GTAN NAS MA BYED, GAL TE BYAS PA BYUNG NA KHRIMS KYI CHAD PA RTA NOR GANG BSAD KYANG, DE'I BCU 'GYUR 'PHROG, AONG BKOD ME LA MA BSREGS NA KHYIM GTOR, AONG BKOD KYI TSAB TU YE SHES KYI MGON PO PHYAG DRUG PA'I SKU RE 'DZIN PA DANG, DE LA YANG DKAR GSUM GYI MCHOD PA MA GTOGS, SHA KHRAG GI MCHOD PA GTAN NAS MA BYED, GZHAN YANG THAMS CAD KYIS DGE BA LA 'BAD PA DANG, NYA STONG BRGYAD GSUM LA BSNYEN GNAS SRUNGS, RGYA BOD HOR KUN LA DGOS MED KYI 'PHROG 'JOMS MA BYED, MDOR NA BOD YUL DBUS GTZANG DU JI LTAR BYA BA LTAR YUL PHYOGS 'DIR YANG BYA DGOS ZHES KHRIMS MANG DU BSGRAGS SO, ,THUGS RJE CHEN PO'I BZLAS LUNG GNANG BA, LO TZ'A BAS SOG PO'I SKAD DU BSGYUR TE KUN GYIS GO BAS, MCHOG DMAN MTHA' DAG YI GE DRUG PA BZLA BA LA BRTZON BAR GYUR, 'JA' 'OD KYI GUR DANG ME TOG GI CHAR MANG DU BABS PA SOGS PHYOGS DER 'JAM MGON BLA MA'I BSTAN PA CHES CHER 'PHEL ZHING

RGYAS PA LA DKAR PHYOGS KYI LHA RNAMS DGA' BA'I RTAGS DANG MTSAN MA NGO MTSAR CAN MANG DU BYUNG NGO, ,DE NAS MCHOD YON MJAL BA'I SA DER GTZUG LAG KHANG BZHENGS, GNAS DER RTEN GSUM DANG DGE 'DUN GYIS DE MANG DU BTZUGS ,RAB TU GNAS PA RGYA CHER MDZAD, DGA' STON LA KHROM ZIL GNON GYI SKU BER GSUM GYIS GTZOS PA'I GOS BZOM BRGYA, KHA DOG SNA LNGA PA'I GOS YUG BRGYA, RIN PO CHE'I PHRENG BAS GTZOS PA'I PHRENG BA BRGYA, LUG, RA SOGS PAGS RIGS BRGYA, GSER GYI PHOR PA CHEN PO MU TIG GIS BKAD GA DNGUL DAM 'BRUG 'KHOR YOD PA BDUN TSAR, DNGUL SRANG STONG LAS GRUB PA'I KHOG MA, GSER GYI ZHVA DANG NA BZA' CHA CHANG SOGS RGYAL PO RANG NYID KYI CHAS, DNGUL SRANG GSUM RE LAS GRUB PA'I CA NE DANG SNGAR MA BDUN TSAR, RTA RMIG LUG RMIG GI DBYIBS CAN DNGUL SRANG LNGA BRGYA, RAS ZAM STONG PHRAG GCIG ,RTA DKAR PO RIN PO CHE'I SGRA SRAB KYIS SPRAS PA GSUM GYIS GCOS PA'I RTA BRGYA SOGS 'BUL BA GRANGS KYIS MI LANG BA PHUL PHYOGS DE'I DAD LDAN SER SKYA THAMS CAD LA RANG RANG GI DBANG PO DANG 'TSAM PA'I CHOS KYI BDUD RTZI STZAL ZHING THAMS CAD KYANG MGON PO SPYAN RAS GZIGS DANG RJE BTZUN TZONG KHA PA CHEN PO LA DAD PA RTZE GCIG PA'I GNAS LA BKOD DE HOR GYI YUL GRU CHEN POR GNAS PA'I MI DE NGAG SNGON CHAD ZAS SU SHA DANG KHRAG LA DGA' ZHING, LUS SU SROG CHAGS GSOD PA SOGS SDIG PA'I LAS 'BA' ZHIG SPYOD PA, BON SNANG ZHEN GYIS BSLUS TE MI SHI BA'I RJES SU'ANG SROG CHAGS

, ,MNGAS BSAD DE LHA MCHOD PA SOGS SDIG PA'I LAS KHO NA SPYOD PA LA RJE 'DIS SDIG PA'I LTA BA CAN DE DAG THAMS CAD BTUL TE PHYOGS DE DAG TU DKON MCHOG GSUM GYI RTAN BZHENG BA DANG, YI GE DRUG PA DANG DMIGS BRTZE MA KHON 'DON PA DANG, GSHIN PO'I DGE RTZAR YANG DKON MCHOG GSUM KHO NA MCHOD PA'I SROL BTZUGS, 'JAM MGON BLA MA'I BSTAN PA YUN RING DU GNAS PA'I PHYIR LI THANG THUB CHEN BYAMS PA GLING DANG, 'JAM MGON BLA MA GANG DU 'KHRUNGS PA'I SA SKU 'BUM SOGS SU DGE 'DUN GYI SDE MANG DU BTZUGS, KHYAD PAR SKU 'BUM DU RJE RIN PO CHE 'KHRUNGS PA'I LTE BA'I MTSAL KHRAG LAS BYUNG BA'I TZAN DAM GYI SDONG PO 'JIG RTEN KUN GYI BSOD NAMS KYI ZHING MCHOG DAM PA DE NYID DNGUL GYIS GTUMS TE MCHOD RTEN DU BYAS, MDO SNGAGS GNYIS KYI BSHAD GRVA RNAM PAR DAG PA BTZUGS PA SOGS PHYOGS DE DAG THAMS CAD 'JAM MGON BLA MA'I BSTAN PA'I GDUGS GCIG GIS KHYAB PAR MDZAD DO, ,DON GYI DBANG 'DI GZIGS NAS RJE BTZUN BLO BZANG CHOS KYI RGYAL MTSAN GYIS RJE 'DI LA BSTOD PA MDZAD PA NA, BDAG NYID CHEN PO GZHAN GYIS GDUL DKA' BA, ,MA RUNGS MTHA' 'KHOB SKYE BO MTHA' DAG LA, ,BSOD NAMS YE SHES RGYA MTSO'I MTHA' PHYIN PA'I, ,RGYAL BA'I MDZAD PA SGRUB LA GSOL BA 'DEBS, ,ZHES DANG, RJE BLO BZANG YE SHES KYIS, GDUL DKA' MTHA' 'KHOB SKYE 'GROR THAR PA'I LAM, ,STON MKHAS BSOD NAMS RGYA MTSOR GSOL BA 'DEBS, ,ZHES

BSNGAGS SO, ,RJE 'DIS PHYI RABS KYI GDUL BYA RNAMS KYI DON DU PHYANG CHUB LAM GYI RIM PA'I KHRID YIG GSER GYI YANG ZHUN MDZAD CING, GZHAN YANG GSOL 'DEBS BSTOD TSOGS DANG NYAMS MGUR SOGS MANG DU YOD DO, ,DE NAS SE 'BRAS DGE GSUM SOGS DBUS GTZANG GI LJONGS KYI SER SKYA DAD CAN TSANG MAS DBUS GTZANG DU 'BYON DGOS PAR GSOL BA SHUGS DRAG BTAB, RJE 'DI NYID KYANG YANG 'BYON PAR PHYOGS KYANG KHAR CHIN GYI RGYAL POS PHO NYA MNGAGS TE, MTHA' 'KHOB KYIS PHAL CHER NA 'KHOD PA'I GDUL BYA'I RE BA SKONG BAR MDZAD ZIN PAS, NGED KYI YUL DU PHEBS DGOS PA'I RGYU MTSAN NAN DU PHUL BAS, KUN MKHYEN ZAS GTZANG SRAS PO GYAD KYI YUL RTZVA CAN DU GSHEGS PA LTAR, KHAR TSON GYI GSER YIG PAR PHEBS PA'I BKA' LAN GNANG STE, BZHUGS SGAR RIM GYIS BTEG NAS, HOR RGYAL PO'I DUS KYI PHO BRANG SHANG TO ZHES PA'I SHUL GYI SAR PHYAGS PHEBS, RGYAL BLON 'GA' ZHIG LA BCOM LDAN 'DAS KYEE RDO RJE'I DBANG DANG, SKYE BO PHAL CHER YAN LAG BRGYAD PA'I KHRIMS SOGS DGE BA LA BKOD, RGYAL PO'I 'BUL CHEN GYI DUS, DNGUL LAS GRUB PA'I KHANG PA KA GNYIS MA TZAM ZHIG TU BZHUGS GDAN BKOD PAS, RE ZHIG SNGAS PA NTZAM YIN YANG 'DOD BA DANG BSTUN PAS CHOG GSUNGS TE, DNGUL GDUNG GI RTEN 'BREL DU DGONGS, GSER DNGUL GOS DAR RTA KHRAB SOGS 'BUL BA KHRI PHRAG BRGAL BA PHUL, DER DGE 'DUN GYI SDE BTZUGS 'DUG PA LA RAB TU GNAS PA RGYAS PAR MDZAD, KUN

, ,'DZIN ZHES PA SA BYI'I LO GSAR DANG, SMON LAM RLABS PO CHE GNANG, ZLA BA DANG PO'I MJUG NAS CUNG ZAD BRO 'TSAL BA'I RNAM PA BSTAN, RGYA NAG GONG MA RGYAL POS PHO BRANG DU PHEBS DGOS PA'I GDAN 'DREN PAR MI BRGYAD KYIS GNYA' BAS BTEG PA'I GSER YIG PA MDAGS KVA DING TA'I GOO SHR'I'I MTSAN DANG, LAS KA CHE BA 'DI RIS BYUNG, RTEN 'BREL DU DGONGS NAS PHO BRANG DU PHEBS PA'I ZHAL BZHES MDZAD, NAG PA ZLA BA NAS SNYUN BAB LCI BA'I TSUL BSTAN TE, GSUNG GI THA MA DANG LDAN YONGS LA ZHAL GDAMS PHYAG BRIS SU MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO ZHE DRUG TU PHEBS PA KUN 'DZIN ZHES PA SA PHO BYI BA'I LO NAG PA ZLA BA'I NYER DRUG GI THO RANGS ZHI BAR GSHEGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL BA BSOD NAMS RGYA MTSO LA GSOL BA 'DEBS SHING, RJE 'DIS LAM KHRID GSER ZHUN DU JI LTAR GDAMS PA LTAR GSUNG RAB THAMS CAD KYI SNYING PO'I GNAD BSDUS PA BYANG CHUB LAM GYI RIM PA'I NYAMS LEN LA BRTZON PAR BYA'O, , ` ,,ZAB DON GDAMS PA'I BKA' BAB CHOS DPAL BZANG, ,ZHES BSNGAGS PA, SPYAN SNGA CHOS DPAL BZANG PO NI, LHAS LUNG PA GRA NAM KHANG DU SPYAN SNGA BLO GROS RGYAL MTSAN SOGS MKHAS SHING GRUB PA'I SKYES BU DAM PA BRGYUD MAR BYON PA'I

DGYER GYI RIGS SU SKU 'KHRUNGS, GZHON NU NAS KHYIM GYI 'DU 'DZIN LA MA CHAGS PAR RGYAL BA'I BSTAN PA LA RAB TU BYUNG STE LHANG TZUN BSOD NAMS DPAL BA DANG RJE BTZUN CHOS KYI RGYAL MTSAN SOGS BSHES GNYEN DAM PA MANG PO BSTEN NAS SHING RTA CHEN PO'I GZHUNG LUGS RNAMS LA SBYANGS SHING, KHYAD PAR RGYAL BA BSOD NAMS RGYA MTSO BSAM SBYOR GNYIS KYIS TSUL BZHIN DU BSTEN TE GSUNG RAB DGONGS 'GREL DANG BCAS PA'I SNYING PO'I DON, DUS GSUM GYI RGYAL BA THAMS CAD GANG NAS GSHEGS PA DANG GSHEGS PAR 'GYUR BA'I LAM PO CHE, BYANG CHUB LAM GYI RIM PA'I KHRID LEGS PAR GSAN TE MDO RGYUD DGONGS 'GREL DANG BCAS PA THAMS CAD GANG ZAG RANG NYID 'TSANG RGYA BA'I MAN NGAG TU NGES PA RNYED NAS TSE 'DI'I BYA BA THAMS CAD BTZAN CHOD DU BTANG STA SANGS RGYAS DBON GYIS BTAB PA'I DBEN GNAS LHAS LTAG DGON DU BYANG CHUB LAM GYI RIM PA SGOM PA LA RTZE GCIG TU BZHUGS TE LO MANG PO'I BAR DU SGRUB PA RTZE GCIG TU MDZAD PAS BSHES GNYEN BSTEN TSUL NAS 'BRAS BU ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS PA LA RTZOL BYAS DANG RTZOL MED KYI MYONG BA RIM GYIS THON TE RANG NYID MI NYAMS PA'I GDANG THOB PA NA SKAL BA DANG LDAN PA GZHAN DAG LA'ANG CHOS KYI BDUD RTZI STZAL BAS SNYAN PA'I GRAGS PAS PHYOGS THAMS CAD DU KHYAB STE, DE'I TSE BYANG CHUB LAM GYI RIM PA DON DU GNYER BA'I SKAL LDAN RNAMS LHAS LTAG DGON DU 'DU BA ZHIG BYUNG STE RJE 'DIS BSTAN PA RGYA CHER

, ,SPEL BAS RGYUD 'DZIN GYI SLOB MA BGRANG BA LAS 'DAS PA BYUNG ZHING, BYANG CHUB LAM GYI RIM PA'I 'PHRIN LAS KYI BKA' BAB NI 'KHON STON DPAL 'BYOR LHUN GRUB BO, ,DE LTAR SPYAN SNGA CHOS DPAL BZANG PO ZHES YONGS SU GRAGS PA'I MKHAS GRUB CHEN PO DES RGYAL BA'I BSTAN PA LA BYA BA RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS SPYAN SNGA CHOS DPAL BZANG PO LA GSOL BA 'DEBS SHING MKHAS GRUB CHEN PO 'DI'I RNAM THAR LTAR MDO RGYUD DGONGS 'GREL DANG BCAS PA THAMS CAD KYI DON LAM GYI LUS GCIG TU DRIL BA BYANG CHUB LAM GYI RIM PA'I NYAMS LEN LA BRTZON PA TSIG BSGRIL DU BYA'O,, ` ,,RIGS KUN BDAG PO SNANG MDZAD RDO RJE'I ZHABS, ZHES BSNGAGS PA, 'KHON STON DPAL 'BYOR LHUN GRUB NI AE'I SKYONG KHAR DU YAB DBON TSE DBANG NOR RGYAS DANG YUM RGYAL MO 'DZOM GNYIS KYI SRAS SU LCAGS MO BYA'I LO SKU 'KHRUNGS, 'KHRUNGS TZAM NYID NAS DH'I: YIG DANG HR'I: YIG NGAG NAS BZLA BA DANG, 'JAM DBYANGS KYI GZUNGS BRGYUD MAR BZLA BA ZHIG BYUNG, TSE RABS MANG POR GOMS PA'I BAG CHAGS SAD PAS KHYIM GYI 'DU 'DZIN LA MI DGA' ZHING CHOS LA DGA' BA DANG, GZHAN LA CHOS STON PA DANG, GZHAN LA DBANG BSKUR BA'I STANGS KA BYED PA ZHIG BYUNG, YI GE 'DRI

KOG BRDA BSTAN PA TZAM GYIS MKHYEN ,DGUNG LO BDUN BRGYAD NAS SPYIR 'KHOR BA'I GNAS MTHA' DAG LA SKYO ZHING YID 'BYUNG BA DANG, LHAG PAR KHYIM GYI GNAS LA BTZON RA'I 'DU SHES NGANG GIS SKYE BA ZHIG BYUNG, SRANG BAR GYI KHYIM NYAM THAG ZHIB GZIGS PAS RKYEN BYAS SEMS CAN THAMS CAD LA SNYING RJE CHEN PO RGYUN DU SKYE BA ZHIG BYUNG, DGUNG LO BCU PA'I TSE THAMS CAD MKHYEN PA BSOD NAMS RGYA MTSO DANG MJAL, THOG MAR SKYABS 'GRO SEMS BSKYED GYI KHRID GSAN, DE NAS DBANG LUNG MAN NGAG RGYA CHER GSAN ZHING DGE BA'I BSHES GNYEN GZHAN MANG PO LA'ANG MDO SNGAGS KYI CHOS MTHA' YAS PA GSAN, DE NAS THAMS CAD MKHYEN PA BSOD NAMS RGYA MTSO LA GTZUG PHUD PHUL TE DGE BSNYEN GYI SDOM PA BZHES, MTSAN BSOD NAMS RNAM RGYAL ZHES GNANG, DE NAS BSHES GNYEN DAM PA MANG PO LA CHOS MANG DU GSAN ZHING, DGUNG LO NYI SHU LA BAB PA NA, MKHAS PA'I DBANG PO 'OL KHA BA BLO BZANG RGYA MTSO'I DRUNG DU DGE TSUL GYI SDOM PA BZHES TE, DVAGS PO GRVA TSANG DU PHEBS, MKHAS PA'I DBANG PO DE NYID YONGS 'DZIN DU BSTEN TE, PHAR PHYIN DANG, DBU MA DANG, 'DUL BA DANG, MDZOD DANG, RNAM 'GREL RNAMS LA SPYANGS PAS MKHAS PA'I PHUL DU PHYIN PAR GYUR, DE NAS SER BYES SU PHEBS NAS MKHAS PA'I DBANG PO DPAL 'BYOR BSOD NAMS LHUN GRUB DANG, MKHAS PA'I DBANG PO 'PHRIN LAS LHUN GRUB GNYIS RIM BZHIN YONGS 'DZIN DU BSTEN TE SE RA RJE BTZUN PA'I YIG CHA'I STENG NAS SHING RTA CHEN PO'I GZHUNG LUGS RNAMS LA

, ,SBYANGS PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON TE GRVA SKOR MDZAD, DE NAS LHAS LTAG DGON DU PHEBS TE SPYAN SNGA CHOS DPAL BZANG PO BSAM SBYOR GNYIS KYIS TSUL BZHIN DU BSTEN TE DPAL AA TI SHA DANG, CHOS KYI RGYAL PO TZONG KHA PA GNYIS KYI THUGS KYI BCUD PHYUNG PA'I MAN NGAG GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I KHRID GSAN TE MYONG BA THON PAR MDZAD, DE NAS SHAR PA CHOS RJE NAM MKHA' RGYAL MTSAN LA DPAL RDO RJE 'JIGS BYED CHEN PO'I DBANG DANG, RIM GNYIS KYI KHRID GSAN TE BSGOMS NAS MYONG BA THON PAR MDZAD, DE NAS DGUNG LO SO BZHI PA SHING PHO RTA'I LO DGA' LDAN RNAM PAR RGYAL BA'I GLING DU PHEBS NAS CHOS RJE DPAL 'BYOR RGYA MTSOS MKHAN PO DANG, CHOS RJE DGE 'DUN RGYAL MTSAN GYIS SLOB DPON MDZAD DE BSNYEN PAR RDZOGS, DPAL 'BYOR LHUN GRUB TU MTSAN GSOL, DE NAS RGYUD SMAD DU PHEBS TE MKHAS GRUB RNAM RGYAL DPAL BZANG BSAM SBYOR GNYIS KYIS TSUL BZHIN DU BSTEN TE DPAL GSANG BA 'DUS PA'I RGYUD 'GREL LA SBYANGS SHING RJE THAMS CAD MKHYEN PA NAS BRGYUD PA'I BDE GSANG 'JIGS GSUM GYI MAN NGAG SOGS CHOS MANG DU GSAN ZHING LO BZHI BZHUGS, DE NAS DGE BA'I BSHES GNYEN DU MA LA RJE BDAG NYID CHEN PO'I MDO SNGAGS KYI CHOS RNAMS LEGS PAR GSAN, DE NAS MKHAS SHING GRUB PA'I SNYAN PA PHYOGS THAMS CAD DU RGYAS PA NA GSANG PHU NYI MA THANG GI KHRI

LA GDAN DRANGS TE LO GCIG GI RING 'CHAD NYAN MDZAD, DE NAS SER BYES MKHAS MANG GRVA TSANG GI KHRI LA GDAN DRANGS TE 'CHAD NYAN RGYUN RING MDZAD THAMS CAD MKHYEN PA YON TAN RGYA MTSOS PAn CHEN THAMS CAD MKHYEN PA BLO BZANG CHOS KYI RGYAL MTSAN SPYAN DRANGS TE 'BRAS SPUNGS DGA' LDAN PHO BRANG GI GZIM CHUNG NYI 'OD 'KHYIL PAR MDO SNGAGS KYI CHOS MTHA' YAS PA GSAN PA'I CHE DAM PA 'DIS KYANG PHEBS TE, PAn CHEN THAMS CAD MKHYEN PA CHEN PO LA GSOL BA BTAB NAS RDO RJE PHRENG BA'I DBANG YONGS SU RDZOGS PA GSAN, PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS KYANG DAM PA 'DI LA BSNGAGS PA CHE BAR MDZAD DO, ,DE NAS SE RA BYES KYI KHRI BZHAG STE PHA BONG KHAR PHEBS NAS BSGRUB PA YUN RING DU MDZAD PAS PHA BOD KHA BA 'KHON STON DPAL 'BYOR LHUN GRUB CES YONGS SU GRAGS, 'KHON STON ZHES PA NI RIGS RGYUD LAS MTSAN DU BTAGS PA STE 'JAM DBYANGS 'KHON GYI RIGS YIN PAR BSHAD DO, ,DE NAS SKAL BA DANG LDAN PA MANG PO LA RGYAL BA TZONG KHA PA CHEN PO'I THUGS KYI BCUD PHUNG BA'I MAN NGAG BYANG CHUB LAM GYI RIM PA'I KHRID DANG GSANG BDE 'JIGS GSUM GYI DBANG DANG BSKYED RDZOGS KYI KHRID SOGS CHOS RGYA CHER STZAL CING, KUN MKHYEN LNGA PA CHEN POS KYANG YONGS 'DZIN DU BSTEN TE RIGS KYI COD PAN DU 'DZIN PAR MDZAD DO, ,DAM PA 'DIS PHYI RABS KYI GDUL BYA RNAMS KYI DON DU GSHIN RJE GSHED KYI CHOS 'BYUNG DANG SKYABS 'GRO'I KHRID YIG SOGS LEGS BSHAD KYI RTZOM

, ,PA'ANG MANG DU MDZAD, DAM PA 'DIS BSTAN PA'I BYA BA RGYA CHER MDZAD PAS RGYUD 'DZIN GYI SLOB MA MTHA' YAS PA BYUNG ZHING, GTZO BO NI GANGS CAN 'GRO BA'I MGON PO KUN MKHYEN LNGA PA CHEN PO DANG, BYANG CHUB LAM GYI RIM PA'I 'PHRIN LAS KYI BKA' BAB PA NI DPAL 'BYOR 'PHRIN LAS RAB RGYAS SO, ,DE LTAR BSTAN 'GRO'I DON RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO DON BDUN DU PHEBS PA ME MO GLANG GI LO ZHI BAR GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS 'KHON STON DPAL 'BYOR LHUN GRUB LA GSOL BA 'DEBS SHING MKHAS GRUB CHEN PO 'DI'I RNAM THAR LTAR MDO SNGAGS KYI GZHUNG LA THOS PA PHU THAG CHOD PAR BYAS NAS DBEN PA'I GNAS SU SKYES BU GSUM GYI LAM GYI RIM PA BSGOM PA LA BRTZON BAR BYA'O, ` ,,BKA' DRIN MNYAM MED SHR'I BHU TI'I MTSAN, ,ZHES BSNGAGS PA, ZUR DPAL 'BYOR 'PHRIN LAS RAB RGYAS NI, 'BROM CHU RIGS KYI RGYUD DU YAB ZUR GZHON NU DON GRUB DANG, YUM YID 'DZIN GNYIS KYI SRAS SU KHRO MO ZHES PA SHING PHO 'BRUG GI LO SKU 'KHRUNGS, MTSAN CHOS RJE NOR BUR BTAGS, DE NAS YI GE 'DRI KLOG RNAMS TSEGS MED PAR MKHYEN CING, DGUNG LO BDUN PA'I DUS CHOS RJE NGAG DBANG YE SHES GRUB PAR GTZUG PHUD PHUL MTSAN NGAG DBANG BKRA SHIS KUN DGAR BTAGS, DE NAS YAB KYI RIGS DANG MTHUN PAR GSANG SNGAGS GSAR RNYING GI CHOS MANG DU

GSAN CING, KHYAD PAR 'KHON STON DPAL 'BYOR LHUN GRUB KYIS RJES SU BZUNG STE DGE BSNYEN DANG BAR MA RAB BYUNG GNANG NAS MTSAN DPAL 'BYOR 'PHRIN LAS RAB RGYAS SU GSOL, BCAR BZHUGS NGOS PHYAG G-YOG 'PHRAL SEL MDZAD, NYI SHU'I TSE DE NYID LA DGE TSUL DANG BSNYEN PAR RDZOGS PA'I SDOM PA BZHES, SDIR? MDO SNGAGS KYI CHOS MANG DU GSAN CING KHYAD PAR MDO SNGAGS GSUNG RAB THAMS CAD KYI SNYING PO'I DON SKYES BU GSUM GYI LAM GYI RIM PA'I KHRID RGYAS PAR GSAN TE THUGS NYAMS SU BZHES NAS MYONG BA THON PAR MDZAD, DE NAS 'GREL PA BZHI SBRAGS, RIM LNGA GSAL SGRON, BDE MCHOG SBAS DON KUN GSAL, MKHAS GRUB NOR BZANG PA'I DUS 'KHOR GYI SPYI DON, GSANG 'DUS KYI BSKYED RDZOGS RNAMS GSAN NAS RTZES THANG DU GRVA SKOR MDZAD, DE NAS PHA BOD KHA NYID DU BZHUGS TE BKA' GDAMS GLEGS BAM, BSTAN RIM CHEN MO, BE'U BUM SNGON PO, DPE CHOS SKOR GSUM, BLO SBYONG SKOR, BKA' GDAMS GZHUNG DRUG, BYAMS CHOS SDE LNGA, RIGS TSOGS DRUG, SNGAGS RIM CHEN MO, GSANG 'DUS GSHED SKOR BDE DGYAS DUS 'KHOR SOGS KYI MNGON DKYIL BSKYED RDZOGS, LAM RIM CHE CHUNG, RTZA 'JUG GI RNAM BSHAD SOGS DANG, 'DUL 'DZIN PA'I GLENG 'BUM, BSLAB BYA CHE CHUNG, KUN RIG t'IKA CHEN SOGS RJE'I RJES 'BRANG GI YIG CHA DU MA, YANG GSANG 'DUS KYI RIM LNGA, 'PHO KHRID GSER GYI SGO 'BYED, BLO SBYONG DON BDUN MA'I KHRID, BYANG CHUB LAM GYI RIM PA, RJE PHA BONG KHA PA NYID KYIS MDZAD PA'I LTA PA SPYI KHYAB

, ,TU NGO SPROD PA RNAMS DMAR KHRID DU GSAN, MKHAS GRUB RIN PO CHES MDZAD PA'I KHAMS GSUM RNAM RGYAL GYI STENG NAS RDO RJE 'JIGS BYED KYI 'PHRIN LAS BZHI'I 'KHRUL 'KHOR, PHYAG DRUG PA'I BE'U BUM, PHRENG BA ZHE LNGA MA'I DBANG DNGOS GTZANG BA, ZUR BKA' GSANG 'DUS MI BSKYOD PA, BDE MCHOG L'U DRIL, 'JIGS BYED, 'KHOR CHEN GSHED DMAR, KUN RIG, MI 'KHRUGS PA, TSE DPAG MED SOGS DANG, GZHAN YANG SGRUB THABS BRGYA RTZA, SGROL MA NYER GCIG, MGON PO BCU GSUM SOGS DBANG LUNG MAN NGAG SHIN TU MANG BA GSAN, PAn CHEN BLO BZANG CHOS KYI RGYAL MTSAN LA BDE MCHOG L'U AI PA'I DBANG DANG, MGON PO ZHAL BZHI BA'I DBANG, PHYAG CHEN YANG GSAL SGRON ME'I LUNG RNAMS GSAN, DE LTAR GDAMS BA'I GTER DU GYUR PA NA SKAL BA DANG LDAN PA MANG PO LA MDO SNGAGS KYI CHOS RGYA CHER STZAL ZHING MAL YOR PA BAS BTAB PA'I YER BA SBOS DGA' DANG GUNG THANG CHOS KHRI LHO LCOG GI GDAN SAR PHEBS, KUN MKHYEN LNGA PA CHEN POS KYANG YONGS 'DZIN DU BZHES TE SPYIR MDO SNGAGS KYI CHOS MTHA' YAS PA GSAN ZHING, KHYAD PAR BYANG CHUB LAM GYI RIM PA'I MYONG KHRID RGYAS PAR GSAN PAS RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE LTAR BSTAN 'GRO'A DON RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO NGA BZHI PA ME MO BYA'I LO ZHI BAR GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB DAM PA DPAL 'BYOR 'PHRIN LAS

RAB RGYAS LA GSOL BA 'DEBS SHING, DAM PA 'DI'I RNAM THAR LTAR LEGS TSOGS THAMS CAD KYI RTZA BA BSHES GNYEN DAM PA BSAM SBYOR GNYIS KYIS TSUL BZHIN DU BSTEN NAS MDO SNGAGS KYI MAN NGAG LEGS PAR THOB PAR BYAS LA MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN SNYING POR BYA'O,, ,,KUN MKHYEN BLO BZANG BSTAN PA'I RGYA MTSO CHER, ,MTSAMS SPRIN LA 'GRAN DUR SMRIG GSAR PA YI, ,SGRANG RTZI'I RGYAL MTSAN 'DZIN PA'I PAD DKAR CAN, ,SPRUL BAS 'GRO BA 'DREN LA GSOL BA 'DEBS, ,ZHES BSNGAGS PA RGYAL BA THAMS CAD MKHYEN PA NGAG DBANG BLO BZANG RGYA MTSO NI, 'PHYONG RGYAS 'PHYING BAR STAG RTZER YAB HOR BDUD 'DUL RAB BRTAN DANG YUM KHRI LCAM KUN DGA' LHA MDZES KYI SRAS SU RAB BYUNG BCU PA'I ME SBRUL LA SKU 'KHRUNGS, 'KHRUNGS TZAM NYID NAS BYIS PA'I RGUD PA MTHA' DAG LAS 'DAS TE, 'GRO BA RNAMS LA CHOS STON BA'I PHYAG RGYA MDZAD PA SOGS BSAMS BZHIN DU SPRUL PA'I SKU GZUNG BA'I DANG TSUL GSAL BAR BSTAN, JO BO RJE DANG RJE BTZUN TZONG KHA PA CHEN PO SOGS LHA DANG BLA MA DAM PA MANG PO'I ZHAL GZIGS, BKA' GDAMS GLEGS BAM LAS GSAL BAR LUNG BSTAN PA LTAR PAn CHEN BLO BZANG CHOS KYI RGYAL MTSAN DANG, CHOS SKYONG KHAG RNAMS MTHUN PAR RGYAL BA YON TAN RGYA MTSO'I SPRUL SKUR NGOS ZIN, DE SKABS DUS GZER PAS GEGS DBANG DU SONG DOGS NAS PAn CHEN BLO BZANG CHOS KYI RGYAL MTSAN GYIS SDE SRID

, ,GTZANG PA LA ZHU MKHAS KYIS RTZOL BA CHEN PO MDZAD DE 'BRAS SPUNGS SU GDAN 'DREN PA'I BKOD PA MDZAD NAS DGUNG LO DRUG PA CHU KHYI HOR ZLA GNYIS PA'I NYER LNGA LA GANGS CAN 'DZIN MA'I RGYAN GCIG CHOS SDE CHEN PO DPAL LDAN 'BRAS SPUNGS SU SDE SRID BSOD NAMS CHOS 'PHEL, SE 'BRAS KYI BLA MA DPON SLOB RNAMS DANG, DGE 'DUN 'DUS PA RGYA MTSO SPRUL PA'I CHOS RGYAL CHEN PO KHOG TU BRLAMS BA SOGS KYIS PHEBS BSU SER SBRENG BSAM GYIS MI KHYAB PA, SKYE BO KHRI PHRAG BRGAL BA'I KHROM BCAS DGA' LDAN PHO BRANG DU PHEBS, DGUNG LO DGU BAR PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS MKHAN PO DANG, KHRI RIN PO CHE DKON MCHOG CHOS 'PHEL GYIS SLOB DPON MDZAD DE DGE TSUL BZHES NAS MTSAN BLO BZANG RGYA MTSOR GSOL, DE NAS PAn CHEN BLO BZANG CHOS KYI RGYAL MTSAN LA THOG MAR DGE TSUL GYI BSLAB BYA DANG, CHOS SPYOD RNAMS KYI LUNG, YI DAM GYI DBANG CHEN 'JAM DBYANGS CHOS SKOR GYI RJES GNANG SOGS DBANG DANG RJES GNANG MANG PO DANG, LAM RIM CHE CHUNG GI LUNG SOGS LUNG MTHA' YAS PA GSAN, KHRI CHEN DKON MCHOG CHOS 'PHEL LA LAM RIM CHEN MO'I BSHAD LUNG SOGS CHOS MANG DU GSAN TE RGYAN GYI YONGS 'DZIN TU BSTEN, 'KHON STON DPAL 'BYOR LHUN GRUB KYANG YONGS 'DZIN DU BSTEN NAS CHOS MANG DU GSAN, GZHAN YANG YONGS 'DZIN MANG DU BSTEN NAS MDO SNGAGS KYI CHOS MTHA'

YAS PA GSAN ZHING, RIGS PA'I GNAS LNGA LA'ANG SBYANGS PA MTHAR PHYIN PAR MDZAD, DE NAS DGUNG LO NYER GNYIS SU PHEBS BAS PHO STAG GI LO ZLA BA GSUM PA'I TSES LNGA'I NYIN JO BO RIN PO CHE'I SKU MDUN DU PAn CHEN THAMS CAD MKHYEN PA BLO BZANG CHOS KYI RGYAL MTSAN LA BSNYEN RDZOGS KYI SDOM PA BZHES TE THUB DBANG SLAR YANG GANGS RI'I KHROD DU BYON PA LTA BUR GYUR TE, ,DE NAS DGUNG LO NYER LNGA PA LCAGS MO SBRUL GYI LO GO SHR'I BSTAN 'DZIN CHOS KYI RGYAL POS GCES SDE SRID BCOM NAS BDE KHRI SKOR BCU GSUM DBANG DU BSDUS TE KUN MKHYEN LNGA PA CHEN PO 'DI'I PHYAG TU PHUL, PHO BRANG CHEN BO PO TA LA BRTZIGS TE BZHUGS YUL MDZAD, BOD KYI LHA CIG 'PHAGS PA THUGS RJE CHEN PO LO KE SHVA RA'I SKU RANG BYUNG YANG PHEBS NAS PHO BRANG DU BZHUGS, ZUR DPAL 'BYOR 'PHRIN LAS RAB RGYAS YONGS 'DZIN DU BSTEN NAS BYANG CHUB LAM GYI RIM PA'I KHRID RGYAS PAR GSAN, PAn CHEN BLO BZANG CHOS KYI RGYAL MTSAN GDAN DRANGS NAS SPYI BKA' RDO RJE 'PHRENG BA DANG, ZUR BKA' BDE GSANG 'JIGS GSUM SOGS RGYUD SDE BZHI DANG 'BREL BA'I DBANG DANG RJES GNANG MTHA' YAS PA DANG, DBEN SA BKA' 'BUM GYI LUNG SOGS DBEN SA SNYAN RGYUD KYI MANG NGAG RNAMS KYANG LEGS PAR GSAN, GOO SHR'I BSTAN 'DZIN CHOS RGYAL GYIS GDAN DRANGS NAS GTZANG PHYOGS SU PHEBS TE CHOS GRVA CHEN PO BKRA SHIS LHUN BO'I DGE 'DUN RNAMS LA

, ,CHOS KYI BDUD RTZI STZAL ZHING, MCHOD YON GNYIS KAS PAn CHEN BLO BZANG CHOS KYI RGYAL MTSAN LA GUS 'DUD DANG BSNYEN BKUR RGYA CHEN PO MDZAD, SER SKYA BGRANG PA LAS 'DAS BA LA ZHAL GYI DKYIL 'KHOR BSTAN CING CHOS KYI BDUD RTZI STZAL NAS MTHONG THOS DRAN REG THAMS CAD RJES SU 'DZIN PAR MDZAD, DGUNG LO SO DRUG TU PHEBS PA CHU PHO 'BRUG GI LO SHAR PHYOGS RGYA NAG PHO BRANG DU PHEBS TE RGYA DANG HOR SOG GI SKYE BO BGRANG PA LAS 'DAS PA'I DON MDZAD, SLAR PHO BRANG DU PHEBS NAS MTHA' DBUS SKYE 'GRO BGRANG BA LAS 'DAS PA LA RANG RANG GI DBANG PO DANG 'TSAM PA'I CHOS KYI 'KHOR LO RGYA CHER BSKOR ZHING LHAG PAR RAB BYUNG DANG BSNYEN RDZOGS KYI SDOM PA BGRANG BA LAS 'DAS PA STZAL, CHOS 'KHOR YANG RTZI SOGS CHOS GRVA CHEN PO MANG POR 'JAM MGON BLA MA'I BSTAN PA'I RGYUN GSAR 'DZUGS MDZAD, SNGAGS GRVA'I DGE 'DUN GYI SDE YANG MANG DU BTZUGS TE KUN MKHYEN LNGA PA CHEN POS GSAR 'DZUGS MDZAD PA'I GLING CHEN BCU GSUM ZHES YONGS SU GRAGS PA LTAR DANG, GZHAN YANG SNGAR YOD PA'I DGE 'DUN GYI SDE RNAMS LA CHOS GZHI GNANG STE, GONG 'PHEL DU MDZAD, DGE 'DUN GYI SDE GANG NA YOD PA THAMS CAD LA BCA' KHRIMS DAM POR MDZAD, GDUL BYA'I KHAMS DANG BSAM PA LA GZIGS NAS GSANG SNGAGS SNGA 'GYUR GYI CHOS KYANG MANG DU GSAN ZHING

GANGS RI'I LJONGS KYI SA'I CHA THAMS CAD DU SKU GSUNG THUGS RTEN MANG DU SPEL, RGYAL BSTAN YUN RING DU GNAS PA'I PHYIR DGE 'DUN GYI SDE RNAMS SU RE MOS KYIS BKA' 'GYUR GSUNG SGROG RGYUN MI 'CHAD DU MDZAD, JO BO SH'AKYA MU NE LA RIN PO CHE LAS GRUB PA'I DBU RGYAN GSAR DU BSGRON, BOD KHAMS BDE THABS SU MCHOG DMAN BAR MA THAMS CAD KYIS YI GE DRUG PA BZLA BA DANG, DGE 'DUN GYI SDE RNAMS SU SMAN BAL BDE GSHEGS BRGYAD KYI THUGS DAM BSKUL BA'I CHO GA DANG, GNAS BRTAN CHEN PO BCU DRUG MCHOD PA'I CHO GA RGYUN ME 'CHAD PA'I GZHI BTZUGS SHING BKA' 'DOMS CHE BAR MDZAD, RGYAL BSTAN YUN RING DU GNAS PA'I PHYIR GSUNG RAB DGONGS 'GREL DANG BCAS PA THAMS CAD KYI SNYING PO'I DON PHYOGS GCIG TU DRIL BA'I MAN GNAG BYANG CHUB LAM GYI RIM PA'I KHRID YIG 'JAM PA'I DBYANGS KYI ZHAL LUNG, LAM GYI GTZO BO RNAM GSUM GYI MCHAN 'GREL, BKA' GDAMS THIG LE BCU DRUG GI DBANG KHRID YUL BYUNG DGONGS RGYAN, DMIGS BRTZE MA'I t'IKKA, PHAR PHYIN BLO BZANG DGONGS RGYAN, DBU MA'I RNAM BSHAD, CHOS MNGON RIN CHEN 'DREN PA'I SHING RTA, 'DUL BA'I LAS CHOG GSER MDOG RNAM RGYAL, SO THAR GYI BSLAB BYA, MDO CHOG YID BZHIN DBANG RGYAL, GNAS BCU'I CHO GA ,GZUNGS 'BUL LAG LEN, PAn CHEN BLO BZANG CHOS KYI RGYAL MTSAN GYI RNAM THAR SOGS BLA MA GONG MA'I RNAM THAR KHAG MANG PO DANG, GSAN YIG GANGG'A'I CHU RGYUN DANG ,RGYAL

, ,BA MCHOG NYID KYI RNAM THAR DU KU LA'I GOS BZANG DANG, BOD KHAMS LUGS GNYIS KYIS SKYONG PHYIR RGYAL RABS DANG KHRIMS YIG, LHAG PA'I LHA MANG PO'I SGRUB THABS SOGS BKA' RTZOM BOD SUM CU SKOR BZHUGS SO; ;DE LTAR GANGS RI'I MGON PO RJE BTZUN SPYAN RAS GZIGS NGUR SMRIG GAR GYI RNAM PAR ROL PA GUN MKHKYEN LNGA PA CHEN PO NGANG DBANG BLO BZANG RGYA MTSOS BYANG PHYOGS GANGS RI'I KHROD 'DI LUGS GNYIS KYIS BSKYANGS TE BSTAN 'GRO'I DON RLABS CHEN MDZAD NAS SKU TSE 'DI'I DNGOS KYI GDUL BYA RDZOGS PA NA DUNG LO RE DRUG TU PHEBS BA CHU PHO KHYI'I LO ZHI BAR GSHEGS SO, ,MDZAD PA RNAM THAR CHES ZHIB PAR NI ^ RGYAL BA MCHOG NYID KYIS MDZAD PA'I RNAM THAR DU KU LA'I GOS BZANG DU GSAL BA LTAR RO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS ^ RGYAL BA THAMS CAD MKHYEN PA NGAG DBANG BLO BZANG RGYA MTSO LA GSOL BA 'DEBS SHING ^ RGYAL BA MCHOG 'DIS GANGS CAN GYI GDUL BYA RNAMS LA ZHAL GDAMS SU STZAL BA 'JAM DPAL ZHAL LUNG LAS, MA DAG SNED KYI SKYON SPANGS GZUR GNAS KYI, ,RNA BAR DAM PA'I CHOS KYI DBYANGS SNYAN PO, ,YONGS 'DZIN ZHAL GYI SGO LAS NYER THOS PA, , BSKAL PAR BSGRUBS PA'I BSOD NAMS ZONG GIS RNYED, ,KHYAD PAR RGYA BOD MKHAS GRUB MA LUS PA'I, ,THUGS KYI NYING KHU CHE BA BZHI LDAN CHOS, ,MCHOG DMAN 'GRO LA RIS MED PHAN PA'I SMAN, ,BDUD RTZI'I SPUN ZLA GNYIS PA RNYED

DKA'I LAM, ,LAM MCHOG 'DI 'DRA POS BSAM SGOM GSUM GYIS, ,NYAMS SU BLANG BYAR YOD PA'I SKAL BZANG RNAMS, ,MNOG CHUNG TSE 'DI'I MDUN MA RGYANG BSRINGS TE, ,ZHEN LOG SKYO SHAS DRAG POS RGYUD BSKUL NAS, , 'DU 'DZIS DBEN PA'I SA 'DZIN MTHON PO'I NGOS, ,SPANG LJONGS NAGS MAL ME TOG KHOR YUG CAN, ,RDO BA'I SPYIL CHUNG RANG SHONG KHANG BU RU, ,GRIB MA GNYIS PA'I GROGS DANG LHAN CIG PAR, ,LHUNG LHUNG DAL GYIS 'BAB PA'I NYAL 'GRO DANG, ,BAG PHEBS RI DVAGS RGYU BA'I SKAD GNYIS LAS, ,GZHAN DU DUG GSUM BSKYED PA'I LONG GTAM GYIS, ,BSAM GTAN TSER MA'I BYED PO DMIGS SU MED, ,PHYAG DANG KHROD PA'I GOS DANG BSOD SNYOMS KYIS, NYER 'TSO DKOR NAG DUG CHUS MA SBAGS PAS, ,RNAM DKAR DGE LA BSKUL NUS LUS NGAG YID, ,GTAN GYI BDE SGRUB MDUN MA'I YANG RTZER SON, ,ZHES GSUNGS PA LTAR DAL RTEN LAN CIG THOB PA'I SKABS 'DIR TSANG LA MA NOR PA'I LAM LA BAG CHAGS CI THEBS BYA'O,, ` ,,'JAM DPAL DBYANGS DNGOS NGAG DBANG DPAL BZANG PO, ,ZHES BSNGAGS PA KHRI RIN PO CHE SBYIN PA RGYA MTSO MTSAN GZHAN NGAG DBANG DPAL BZANG ZHES GRAGS PA DE NI, MDO KHAMS KYI SA'I CHA SAM CHU'I BYANG NGOS SU SKU 'KHRUNGS SKU GZHON NU NAS CHOS KYI BAG CHAGS SAD DE KHYIM GYI 'DU 'DZIL MA CHAGS BAR RGYAL BA'I BSTAN PA LA RAB TU BYUNG, CHOS KYI RGYAL PO TZONG KHA PA CHEN PO LA RTZE GCIG TU DAD PAS RJE'I RNAM THAR

, ,LTAR DANG POR GZHUNG LUGS CHEN MO RNAMS LA SBYANGS TE THOS PA PHU THAG CHOD PA ZHIG BYA BA DANG, THOS DON RANG GI RGYUD LA SBYAR TE NYAMS LEN MTHAR PHYIN PA ZHIG BYA BA DANG RGYUD 'BYONGS PA NA SGRUB 'BRAS KYIS BSTAN PA DANG SEMS CAN LA PHAN THOGS PA ZHIG BYA BAR 'DOD NAS DBUS GTZANG GI LJONGS SU BYON NAS 'BRAS SPUNGS SU PHEBS SGO MANG GRVA TSANG DU ZHUGS NAS PHAR PHYIN DANG BDUM DANG, 'DUL BA DANG, MDZOD DANG RNAM 'GREL RNAMS LA SBYANGS TE MKHAS PA'I PHUL DU PHYIN PAR GYUR PA NA LHA LDAN SMON LAM CHEN MO'I THOG MKHAS MANG RGYA MTSO LTA BU'I DBUS SU DAM BCA' BZHAG STE DKA' BZHI'I GRVA SKOR MDZAD, DE NAS SNGAGS LA SPYOD BAR BZHED NAS DPAL LDAN SMAD RGYUD GRVA TSANG DU ZHUGS TE RGYUD SDE BZHI GA DANG KHYAD PAR BLA MED, DE'I NANG NAS KYANG PHA RGYUD GSANG BA 'DUS PA DANG , MA RGYUD 'KHOR LO SDOM PA GNYIS KYI RGYUD 'GREL PA DANG BCAS PA LA SBYANGS TE MKHAS PA'I PHUL DU PHYIN PAR GYUR PA NA RANG GI YON TAN GYI BYED POS RGYUD SMAD KYI KHRI LA PHEBS NAS RGYUD KYI RGYAL PO DPAL GSANG BA 'DUS PA'I RTZA RGYUD 'GREL PA BZHI SBRAGS KYI SGO NAS GZABS BSHAD DANG ,RGYUD KYI t'IKKA NGAG THOG NAS 'DZIN CHOS DANG, RIN PO CHE LTA BU'I GDUL BYA RNAMS LA 'DUS PA'I BSKYED RDZOGS KYI MYONG KHRID GNANG STE RDO RJE THEG PA'I BSTAN BA RGYA CHER SPAL, GZHAN YANG GANGS RI'I KHROD 'DIR RGYAL BA'I BKA' 'GYUR RO COG GI LUNG DANG, BKA' GDAMS GZHUNG

DRUG SOGS 'PHAGS YUL PAn GRUB RNAMS KYI GSUNG PHAL MO CHE DANG, RJE YAB SRAS KYI GSUNG PA LA MO CHE'I LUNG GSAN PAS DE DUS GANGS RI'I KHROD NA BLA MA 'DI LUNG GSAN RGYA CHE BAR GRAGS, DE NAS THOS DON SGRUB BA SNYING POR BYA BAR BZHED NAS 'PHAGS MCHOG PHYAG NA PADMO DUR SMRIG GAR GYI RNAM PAR ROL PA KUN MKHYEN LNGA PA CHEN PO LA BYANG CHUB LAM GYI RIM PA'I KHRID ZLA CHOS SU RGYAS PAR GSAN CING NYAMS SU BLANGS TE MYONG BA THON BAR MDZAD, DE NAS RANG GI RGYUD SMIN PA NA ,SKAL BA DANG LDAN PA GZHAN DAG LA'ANG SKYES BU GSUM GYI LAM GYI RIM PA'I KHRID RGYAS PAR STZAL , GZHAN YANG RANG RANG GI DBANG PO DANG 'TSAM PAR MDO SNGAGS KYI CHOS KYI CHAR PHAG DE NAS RGYAL BTZONG KHA PA CHEN PO'I GDAN SA DGA' LDAN GSER KHRIR PHEBS TE MDO SNGAGS KYI LAM RIM 'CHAD PA DANG, LHA LDAN SMON LAM CHEN MO'I THOG TU SKYES RABS SO BZHI PA'I GZABS BSHAD MDZAD PA SOGS RJE BDAG NYID CHEN PO'I MDZAD BZANG RNAMS NYAMS PA MED PAR BSKYANGS TE DGA' LDAN KHRI THOG NYID DU ZHING GSHEGS TE MI PHAM 'JAM DPAL SNYING PO'I ZHABS DRUNG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS KHRI RIN PO CHE SBYIN PA RGYA MTSO LA GSOL BA 'DEBS SHING ,BLA MA DAM PA 'DI'I RNAM THAR LTAR MDO RGYUD DGONGS 'GREL DANG BCAS PA'I SNYING PO'I DON BYANG CHUB LAM GYI RIM BA'I NYAMS LEN LA 'BAD BAR BYA'O,, ,,

, ,BSHES GNYEN DAM PA BYAMS PA CHOS LDAN, ZHES BSNGAGS PA, DGE BA'I BSHES GNYEN SEMS DPA' CHEN PO BYAMS PA CHOS LDAN NI SKU GZHON NU NAS RGYAL BA'I BSTAN PA LA RAB TU BYUNG, SHING RTA CHEN PO'I GZHUNG RNAMS LA SBYANGS PA MTHAR PHYIN PAR MJAD DE, MKHAS PA'I PHUL DU PHYIN PAR GYUR PA NA, RIG SNGAGS 'CHANG BA'I SDE CHEN PO DPAL LDAN SMAD RGYUD GRVA TSANG DU PHEBS TE BDE GSANG 'JIGS GSUM GYI RIM PA GNYIS KYI GNAD RNAMS DANG, DKYIL 'KHOR BRI SGRUB SOGS CHO GA PHYAG LEN MTHA' DAG LA SBYANGS TE RGYUD DON LA MI 'JIGS PA'I GDENG THOB PA NA KUN GYIS BSNGAGS 'OS SU GYUR TE, RGYUD PA'I RDO RJE SLOB DPON MDZAD, DE NAS NGES 'BYUNG SHUGS DRAG POS BSKUL NAS SGRUB PA SNYING POR BYA BAR BZHED DE, DUS GSUM GYI SANGS RGYAS THAMS CAD GANG NAS BYON PA DANG 'BYON PAR 'GYUR BA'I LAM PO CHE GSUNG RAB DGONGS 'GREL DANG BCAS PA'I SNYING PO'I DON SKYES BU GSUM GYI LAM GYI RIM BA NYAMS SU LEN PA LA RGYUD LDAN BLA MA DAM PA'I MAN NGAG DGOS PAR GZIGS NAS KHRI RIN PO CHE SBYIN PA RGYA MTSO BSAM SBYOR GNYIS KYIS TSUL BZHIN DU BSTEN NAS BYANG CHUB LAM GYI RIM PA'I MYONG KHRID LEGS PAR GSAN, DE NAS DGA' LDAN GYI KHRI SOGS MTHON PO'I GO SA LA RE BA MA MDZAD BAR TSE 'DI BLOS BTANG STE DBUS STOD LO DGON PAR BYANG CHUB LAM GYI RIM PA'I NYAMS LAN LA BRTZON PA CHU BO'I RGYUN BZHIN DU MDZAD PAS MYONG BA PHUL

PHYIN THON PA NA SKAL BA DANG LDAN BA GZHAN DAG LA'ANG, BYANG CHUB LAM GYI RIM PA'I MAN NGAG STZAL TE, DE DUS BYANG CHUB LAM GYI RIM PA LA SNYING NAS BLO SBYONG BAR 'DOD PA RNAMS BSHES GNYEN DAM PA 'DI LA BRTEN PA ZHIG BYUNG NGO, DAM PA 'DIS NI BKA' GDAMS GLEGS BAM LAS, THE TSOM THAMS CAD SPANG BYA ZHING, ,SGRUB LA NAN TAN GCES SU BYA, ,ZHES GSUNGS PA DANG, RJE RIN PO CHES, DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN TE BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ,ZHES GANG GSUNGS BDE LTAR DU BSGRUBS TE, TSE 'DI'I G-YENG BA DANG ZAB ZAB SNYAN SNYAN GYI CHOS SNA MANG PO LA 'JUG PA DOR TE DPAL AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG BA'I MAN NGAG BYANG CHUB LAM GYI RIM PA NYID LA TSIG SGRIL DU BYAS TE, PHYI RABS KYI GDUL BYA YONGS KYI MIG LTOS SU CHE BA ZHIG MDZAD DO, ,DE LTAR SGRUB PA MTHAR PHYIN PAR MDZAD NAS, SKU TSE 'DI'I 'DU BYED DOR BA NA BU PHA KHYIM DU 'GRO BA LTAR DGA' BZHIN SPRO BZHIN DU RJE 'JAM DPAL SNYING PO'I ZHABS DRUNG DU PHEBS SO, ,KHRI RIN PO CHE SBYIN PA RGYA MTSO DANG, BSHES GNYEN DAM PA 'DI GNYIS KYI RNAM THAR ZHIB MO MA MTHONG BAS SLAR RNYED NA 'DIR BSNAN PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BSHES GNYEN DAM PA BYAMS PA CHOS LDAN LA GSOL BA

, ,'DEBS SHING, BSHES GNYEN DAM PA 'DI'I RNAM THAR LTAR BLO SNA MANG PO MI BYA BAR BYANG CHUB LAM GYI RIM PA NYID LA NYAMS LEN CHIG BSGRIL DU BYA'O,, ` ,,KHRI CHEN NGAG DBANG MCHOG LDAN PA NI; MDO SMAD KYI YUL GYI CHA BTZAN TSO ZHES BYA BA'I LUNG PA'I LE LAG DKAR MO PHUGS SU YEB NANG SO PHYAG RDOR BKRA SHIS DANG YUM SBO CHOG GNYIS KYI SRAS SU SHENG MO SBRUL GYI LO SKU 'KHRUNGS, 'KHRUNGS TZAM NAS BZUNG THA MAL BYIS PA'I SPYOD PA MTHA' NGAG RGYANG RING DU SPANGS SHING SKU DRANG BOR BSRANGS TE SGOM BYED PA'I TSUL DANG GZUNGS SNGAGS BZLA BA SOGS DAM PA'I SPYOD PAS DUS 'DA' BA ZHIG BYUNG ZHING, NYE SKOR DU MI GZHAN GYIS TING NGE 'DZIN RGYAL PO'I MDO DANG, THAR CHEN GYI MDO GNYIS KLOG PA GSAN PA'I TSE MDO'I DON RNAMS PHAL CHER THUGS LA CHUD PA ZHIG BYUNG, DE NAS KHYIM NA GNAS PA NI NYON MONGS BA DANG NYES PA DU MA'I 'BYUNG GNAS DANG, RAB TU BYUNG BA NI YON TAN THAMS CAD KYI RTEN DU GZIGS NAS YAB YUM GNYIS LA KHO BO RAB TU 'BYUNG NGO ZHES YANG DANG YANG DU GSOL BA NA YAB YUM GNYIS KYIS KYANG MTHUN PA'I GROGS BYAS TE KHYIM NAS KHYIM MED PAR BYA KHYUNG CHOS SDER MKHAN PO NGAG DBANG TSUL KHRIMS LA GTZUG PHUD PHUL NAS RAB TU BYUNG STE MTSAN NGAG DBANG MCHOG LDAN ZHES BTAGS, TSIGS SDAM DGE TSUL GYI SDOM PA BZHES NAS DGO TSUL GYIS SLAB KHRIMS LAS NAM YANG MI 'DA' BAR BCA' KHRIMS TSUL

BZHIN DU BSRUNG BAR MDZAD, MKHAN PO DE NYID CHUL BZHIN DU BSTAN TA CHOS SPYOD KYI RIM PA RNAMS DANG, RGYAN 'JUG SOGS GZHUNG CHEN BZHI'I RTZA BA RNAMS KYANG PHAL CHER BZUNGS, SBYOR BA RTZI BA SOGS RIGS PA'I SGO 'BYED LA BRTZON PAR MDZAD PAS TSEGS MED PAR MKHYEN, SNGON YUN RING PA NAS SBYANGS PA'I BAG CHAGS SAD PAS 'KHOR BA'I PHUN TSOGS GANG LA'ANG MI CHAGS SHING, SRID LA NGES 'BYUNG DANG GIS SKYE BA DANG, CHOS KUN SNANG ZHING STONG PA SGYU MA LTA BU'I SNANG BA RANG SHUGS KYIS 'CHAR BA ZHIG BYUNG, DE NAS DGUNG LO BCO LNGA LA BAB PA NA 'JAM MGON BLA MA TZONG KHA PA CHEN PO'I RNAM THAR SKYONG PHYIR DBUS GTZANG DU SLOB GNYER LA 'BYON PAR BZHED NAS BYA KHYUD MKHAN PO DANG YAB YUM GNYIS LA DE LTAR GSOL PA NA KHONG RNAMS KYIS KYANG MTHUN PA'I GROGS LEGS PAR SBYAR TE DBUS SU PHEBS NAS SER THEG CHEN GLING DU BYON, BYES MKHAS MANG GRVA TSANG DU ZHUGS MI CHEN GYI RIGS YIN PAS THAMS CAD KYIS CHOS MDZAD MDZAD DGOS PAR BSKUL YANG MI CHEN GYI CHE SGROB KYIS SLOB GNYER LA GNOD DOGS NAS ZHAL GYIS MA BZHES PAR CHOS GRVA BA SPYI 'GRE MDZAD, BYES BLA MA RGYAL MTSAN DON GRUB YONGS 'DZIN DU BSTEN TE THOG MAR CHAD MA RNAM 'GREL LA SBYANGS, DE NAS RJE BTZUN CHOS KYI RGYAL MTSAN GYI YIG CHA'I STENG NAS PAR PHYIN LA SBYANGS, PHAR PHYIN GYI RGYA BOD KYI GZHUNG THAMS CAD LA 'DRIS PAR MDZAD, PHAR PHYIN GYI ZUR BKOL BZHI PO THUGS LA BYANG BAR GZUNGS

, ,NAS TSOGS RGYUGS 'BUL BAR MDZAD, LO BCU DGU TSUN LA PHAR PHYIN GYI GSAN SBYONG RDZOGS PAR GRUB BAR MDZAD NAS LO NYI SHU PAR GSANG PHUR PHAR PHYIN GYI GRVA SKOR MDZAD, DE NAS DBU MA'I 'DZIN GRVAR ZHUGS TE SE RA RJE BTZUN PA'I DBU MA'I YIG CHA YONGS RDZOGS THUGS LA GZUNG, 'PHAGS PA YAB SRAS KYI DBU MA'I GZHUNG RNAMS DANG, RJE YAB SRAS KYI DBU MA'I BSTAN BCOS RNAMS LA LEGS PAR SBYANGS TE MKHAS PA'I PHUL DU PHYIN PAR MDZAD, DE NAS DGUNG LO NYER GNYIS NAS NYER BZHI PA'I BAR LO GSUM GYI RING LA 'DUL MDZOD GNYIS LA SBYANGS TE MKHAS PA'I PHUL DU PHYIN PAR MDZAD DE, DGUNG LO NYER LNGA PA'I LO LHA LDAN SMON LAM CHEN MO'I THOG TU DKA' BZHI'I GRVA SKOR MDZAD, DE NAS RJE RIN PO CHE'I RNAM THAR LTAR GZHUNG LUGS GDAMS PAR SHAR BA'I NYAMS LEN MDZAD BZHED NAS SER RTZER RJE SGRUB KHANG PA DGE LEGS RGYA MTSO'I ZHABS DRUNG DU PHEBS NAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID RGYAS PAR GSAN TE MTHA' DAG THUGS SU CHUD PAR MDZAD PA NA RJE DGE LEGS RGYA MTSO THUGS SHIN TU MNYES NAS NA TSOD GZHON NU 'DI TZAM NAS LAM RIM LA SGRUB BA MTHAR PHYIN PA BYAS NA RTOGS PA THOB NAS BSTAN PA LA PHAN THOGS PA ZHIG 'ONG ZHES LUNG BSTAN YANG MDZAD, SNGAR GZHUNG LUGS LA SBYANGS PA GANG BYAS PA THAMS CAD TSIG GCIG KYANG DON MED DU

MA SONG BAR RANG GI RGYUD 'DUL BA'I MAN NGAG MCHOG TU GO NAS DPAL AA TI SHAS GSER GLING PA CHEN PO RTZA BA'I BLA MA 'GRAN GYI DO MED DU 'DZIN PA JI LTA BAR RJE SGRUB KHANG PA 'DI NI RTZA BA'I BLA MA 'GRAN GYI DO MED DU 'DZIN PAR MDZAD DE, RJE SGRUB KHANG PA'I MTSAN BRJOD PA NA PHYAG THAL MO SBYOR, SPYAN MCHI MA 'KHRUG PA ZHIG YOD PAR GSUNG NGO, ,RJE SGRUB KHANG PA LA LAM RIM GYI KHRID GSAN NAS KHRID SKYONG SKABS BLA MA'I GSUNG TSIG GCIG KYANG RAS SUM BOR BAR PHYAG DANG MAndAL GRANGS GSOG DANG, MCHOD PA'ANG SNOD GZHAN MAD PAR RDZA'I KHOG MA BKRUS TE DE NYID DU YON CHAB YANG DANG YANG DU 'BUL BA SOGS RJE SGRUB KHANG PA'I RNAM THAR NYAMS PA MED PAR SKYOD BAR MDZAD DO, ,DE NAS SNANG BA MTHA' YAS DUR SMRIG GAR GYI RNAM PAR ROL PA PAn CHEN THAMS CAD MKHYEN PA RJE BTZUN BLO BZANG YE SHES LAS BSNYEN RDZOGS THOB PA ZHIG BYUNG NA CI MA RUNG SNYAM DU SMON PAS DKA' BA KHYAD DU BSAD NAS MI CHEN GYI SGROB GANG YANG MA MDZAD PAR 'TSO CHAS RNAMS KYANG RANG GI KHRES POR BSNAMS TE BKRA SHIS LHUN POR PHEBS, PAn CHEN THAMS CAD MKHYEN PA'I ZHAL MJAL, ZHAL GYI DKYIL 'KHOR MTHONG MA THAG SA DANG PO THOB PA LTA BU'I DGA' BA DANG, SANGS RGYAS DNGOS SU MTHONG BA'I DAD PA BCOS MIN 'KHRUNGS, BSNYEN RDZOGS KYI SDOM PA THOB PAS THUGS LEGS PAR TSIM ZHING MKHAN CHEN THAMS CAD MKHYEN PA'I BKA' BZHIN 'DUL BA'I BCAS MTSAMS MTHA' DAG NYAMS PA MED

, ,PAR BSRUNGS TE THUB PA'I RGYAL TSAB CHEN POR GYUR TO, ,DE NAS GSANG SNGAGS LA SBYONG BAR BZHED NAS DPAL LDAN SMAD RGYUD GRVA TSANG LA ZHUGS, RGYUD SMAD CHOS RJE DGE 'DUN PHUN TSOGS BSAM SBYOR GNYIS KYIS TSUL BZHIN BU BSTEN TE RGYUD KYI RGYAL PO DPAL GSANG BA 'DUS PA 'GEL BA 'GREL BSHAD MAN NGAG LAG KHRID DANG BCAS PA DANG, MA RGYUD THAMS CAD KYI GTZO BO DPAL 'KHOR LO SNGOM PA RGYUD 'GREL MAN NGAG LAG KHRID DANG BCAS PA DANG, DPAL RDO RJE 'JIGS BYED CHEN PO'I RGYUD MAN NGAG LAG KHRID DANG BCAS PA LA SPYANGS TE MKHAS PA'I PHUL DU PHYIN PAR MDZAD NAS DGUNG LO NYER BDUN PA'I LO DBYAR GNAS THOG RGYUD CHEN DGE 'DUN PHUN TSOGS LA GSOL BA BTAB STE, PHYI MIG LUNG GI KHRID KHANG DU ZHUGS NAS MKHAS GRUB RIN PO CHE'I DKAR CHAG THO'I YIG CHUNG LAS JI LTAR 'BYUNG BA LTAR 'DUS PA'I RIM GNYIS KYI KHRID LAG LEN CHE PHRA MTHA' DAG NYAMS PA MED PAR KHRID PAR MDZAD, RGYUD CHEN DGE 'DUN PHUN TSOGS 'DI LA DPAL DBEN SA SNYAN RGYUD KYI MAN NGAG DANG, SRAD RGYUD KYI MAN NGAG DANG, RGYUD SMAD RANG GI RDO LAG BRGYUD KYI MAN NGAG GSUM GA MNGA' ZHING, DE YANG BKLAGS LUNG TZAM MIN PAR DMAR KHRID LAG RJES DANG BCAS PA ZHIB TU KHRID PAR MDZAD PAS LAM RIM GNYIS LA MI 'JIGS PA'I GDENG THOB, DE NAS 'JAM DBYANGS BZHAD PA RDO RJE LA YANG LAM RIM GYI KHRID DANG BSKYED RDZOGS KYI KHRID

DANG DBANG RJES GNANG MANG DU GSAN, GZHAN YANG DGE BA'I BSHES GNYEN DU MA LA DBANG LUNG MAN NGAG MTHA' YAS PA GSAN, DE NAS YAB YUM GYIS NAN GYIS BSKUL TE MDO SMAD DU BYON NAS LO NGO BZHI TZAM BZHUGS SLAR DGUNG LO SO GSUM GYI THOG DBUS SU PHEBS NAS KHRI CHEN DGE 'DUN PHUN TSOGS LA GSANG BDE 'JIGS GSUM GA'I BSKYED RDZOGS RNAMS KYI KHRID DANG RJE RIN PO CHE'I GSUNG 'BUM GYI LUNG SOGS CHOS BKA' MTHA' YAS PA GSAN, DGUNG LO SO BZHI PA'I LO GZHUNGS NAS MTHO LDING MKHAN POR BSKO BZHAG GNANG STE MTHO LDING GSER KHRIR PHEBS NAS LO CHEN RIN CHEN BZANG PO'I GDAN SA BSKYANGS TE LO CHEN GYI BSTAN PA'I DON DU SKU GSUNG THUGS RTEN RGYA CHEN PO BZHANGS BA RNAMS DANG MDO SNGAGS KYI 'CHAD NYAN BTZUGS PA RNAMS BAR SKABS SU NYAMS PA RNAMS DAM PA 'DIS LEGS PAR GSOS TE LO CHEN RANG NYID SLAR BYON PA LTAR MNGA' RIS SKOR GSUM DU MDO SNGAGS KYI CHOS RGYA CHER BSHAD DE BSTAN PA LA BYA BA RGYA CHEN PO MDZAD, MNGA' RIS SU LO BDUN GYI RING BSTAN PA'I BYA BA MDZAD NAS MTHO LDING GI KHRI BZHAG STE DBUS GTZANG DU 'BYON PA'I LAM ZHOR GANGS TE SE MJAL BAR PHEBS, GNAS DER BKA' RGYUD PA'I BLA MA GONG MA MANG POS PHYAG RJES DANG ZHABS RJES BZHAG PA MANG DU SNANG BA RNAMS GZIGS PA NA 'JAM MGON BLA MA'I BSTAN PA'I CHE BA 'DON PHYIR DAM PA 'DIS KYANG RDO LA ZHABS RJES 'JOG PAR MDZAD, DE NAS MANG YUL SKYID GRONG DU PHEBS TE RANG

, ,BYUNG WA TI BZANG PO LA MCHOD 'BUL SMON LAM RGYA CHER MDZAD, DE NAS SKYID GRONG GI LU BRAG KHA RI KHROD DU LI THANG RAB 'BYAMS PA BLA MA BLO BZANG CHOS 'KHOR LA CHOS MANG DU GSAN, DE NAS DPAL KHUD DU PHEBS NAS PAD MA CHOS SDINGS MJAL, BO DONG 'JIGS BRAL GYI GSUNG RNAMS LA SHIN TU DGYES PAR MDZAD, DE NAS RIM GYIS BSKRA SHIS LHUN POR PHEBS TE PAn CHEN THAMS CAD MKHYEN PA CHEN POR RTA BZANG PO SUM CU SKOR GYIS GTZOS PA'I 'BUL BA SPAM CHE BA MDZAD, BYANG CHUB LAM GYI SGRON MA SOGS CHOS MANG DU ZHU BAR MDZAD, DE NAS DBUS SU PHEBS TE GRUB PA'I DBANG PHYUG 'JAM DPAL RGYA MTSO BA LA MI TRA BRGYA RTZA SOGS DBANG RJES GNANG MANG DU GSAN, KHRI CHEN DGE 'DUN PHUN TSOGS LA BDE MCHOG RTZA RGYUD DANG SBAS DON KUN GSAL GNYIS RTZA 'GREL SBRAGS BA'I LUNG SOGS ZAB CHOS MANG DU GSAN, DE NAS RGYUD SMAD KYI KHRIL PHEBS TE RJE THAMS CAD MKHYEN PAS RJE BTZUN SHES RAB SENG GE LA PHA RGYUD GSANG BA 'DUS PA DANG, MA RGYUD 'KHOR LO SDOM PA GNYIS KYI RGYUD 'GRAL DANG, BSKYED RDZOGS KYI KHRID RNAMS RGYUN MI NYAMS PAR BYA BA'I PHYIR RGYUD GRVA 'DZUGS DGOS PAR BKA' PHEBS PA LTAR RJE SHES RAB SENG GES RJE'I BKA' LTAR RGYUD KYI RGYAL PO GNYIS KYI 'CHAD NYAN GTZO BOR BTON, BDE GSANG 'JIGS GSUM GYI CHO GA PHYAG LEN MTHA' DAG RGYUD DANG

RJE'I DGONGS PA LTAR RNAM PAR DAG PA'I RGYUD GRVA 'DZUGS PAR MDZAD CING RING ZHIG 'PHEL RGYAS SU GYUR NA'ANG BDE MCHOG GI SKOR 'DI LHAG PAR BKA' GNYAN PA DANG, DUS DBANG GIS BAR SKABS SHIG NAS BZUNG RGYUN CHAD PA DAM PA 'DIS GSO BAR BZHED NAS RJE RIN PO CHE NYID LA GSOL BSHUGS DRAG LA RGYUN RING BA BTAB, RJE RIN PO CHE'I BSTAN PA GNYER DU GTAD PA'I SRUNG MA MGON CHOS GNYIS LA 'PHRIN LAS BCOL TE SDE SNOD 'DZIN PA BLO GSAL DON GNYER CAN KHA SHAS DBEN DGON DU BTANG STE GRUB CHEN DBEN SA PA YAB SRAS KYIS JI LTAR BTZUGS PA'I BDE MCHOG GI CHO GA'I PHYAG LEN RNAMS NYAMS PA MED PAR BLANGS TE CHO GA RNAMS LEGS PAR BTZUGS, SNGAR NAS GSANG BA 'DUS PA'I 'GREL PA BZHI SBRAGS KYI 'CHAD NYAN RGYUN NYAMS PA MED PAR GNAS PA GONG 'PHEL GYI THOG BDE MCHOG RTZA RGYUD DANG, SBAS DON KUN GSAL RTZA 'GREL SBRAGS PA'I 'CHAD NYAN LEGS PAR BTZUGS, t'IKKA'I 'DZIN CHOS DANG, BDE GSANG GNYIS KYI BSKYED RIM DANG RIM LNGA GSAL SGRON GYI GZABS BSHAD 'JIGS BYED KYI BSKYED RDZOGS CHEN MO'i GZABS BSHAD DBYAR GNAS THOG 'DUS PA'I BSKYED RDZOGS KYI MYONG KHRID LO LO BZHIN NYAMS PA MED PA BSKYANGS, DON GNYER CAN 'GA' YAR LA KHRID CHEN BRGYAD KYANG GNANG STE RDO RJE THEG PA'I BSTAN PA CHES CHER SPEL BAS RGYAL BA'I BSTAN PA SPYI DANG KHYAD PAR RDO RJE THEG BA'I

, ,BSTAN PA LA BKA' DRIN ZLA MED DU MDZAD DO, ,GZHAN YANG BLO GSAL GLING ZHAL SNGA NAS BLO BZANG SBYIN PA DANG, GRUB BA'I DBANG PHYUG DON YOD MKHAS GRUB SOGS LA'ANG MDO SNGAGS KYI ZAB KHRID MANG DU GSAN, DE LTAR ME PHAG NAS ME SPRE'I BAR LO BCU'I RING LA DPAL LDAN SMAD RGYUD GRVA TSANG GI GDAN SA MDZAD DE CHOS ZANG ZING GNYIS KA'I SGO NAS DGE 'DUN GYI SDE LEGS PAR BSKYANGS, KHYAD PAR BDE MCHOG GI CHOS SKOR NYAMS BA GSAR DU GSO BAR MDZAD, YUN RING GNAS PA' PHYIR GZHUNG SA CHEN POR RTZOL BA CHEN POS ZHUS TE BDE MCHOG SGRUB MCHOD KYI MCHOD GZHI YANG GSAR SBYOR MDZAD, DE NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO SNGAGS KYI GSAN SBYONG MDZAD RGYU'I YONGS 'DZIN DU RJE 'DI PA SPYAN DRANGS PA NA RGYUD SMAD KYI GDAN SA BZHAG STE RGYAL BA MCHOG GI YONGS 'DZIN DU BZHUGS TE 'GAR THAR DU PHEBS, , 'GAR THAR DU BZHUGS PA'I RING RGYAL BA BSKAL BZANG RGYA MTSOR RGYUD SMAD KYI PHYAG BZHES BZHIN RDO RJE SLOB DPON MCHOD PA'I CHO GA SNGON DU BTANG STE NYIN RE BZHIN 'GREL BA BZHI SBRAGS NAS GZABS BSHAD RE DANG RGYUD t'IKA GI 'DZIN CHOS 'CHAG MED NGOS BAR BAR DU DBANG RJES GNANG GI RIGS DANG LUNG GI RIGS 'BUL BAR MDZAD, DGUN DUS PHAL CHER BCAD RGYAR BZHUGS SHING RGYUD PA'I PHYAG BZHES LTAR DBYID SOS NAS BZUNG RGYUD 'GREL GYI

'CHAD NYAN GONG 'PHEL DU MDZAD DE BKLAGS LUNG TZAM GYIS CHOG BAR MA MDZAD BAR RTZA RGYUD DANG BA SHAD RGYUD RNAMS SHAN SBYAR, DE DAG GI DON 'PHAGS PA YAB SRAS KYI GZHUNG RNAMS DANG RJE YAB SRAS KYI GZHUNG RNAMS DANG SBYAR TE MTHA' DRUG DANG TSUL BZHI DON MTHA' DAG BAR BSHAD, RGYAL BA MCHOG 'DI'ANG SPYIR RGYAL BA'I DAM CHOS MA LUS 'DZIN PA DANG, KHYAD PAR BLA MED RDO RJE THEG PA'I BSTAN PA NYAMS PA RNAMS GSO BA DANG RGYUN CUNG ZAD GNAS PA RNAMS CHES CHER SPEL BAR BZHED PA'I LHAG BSAM SNYING STOBS LHAG PAR CHE BAS RGYA MTSO CHEN PO CHUS MI NGOMS PA LTAR BLA MA RDO RJE 'CHANG GIS JI TZAM BSHAD KYANG TSIM BA MED PAR GONG 'PHEL DU MDZAD, 'GAR THAR DU BZHUGS RING THOS BSAM SGOM PA'I BYA BA MTHA' DAG DBYAR GYI MTSO DANG YAR NGO'I ZLA BA LTAR GONG 'PHEL DU GYUR PA ZHIG BYUNG, DE LTAR LO GNYIS LHAG TZAM GYI RING LA 'GREL PA BZHI SBRAGS NAN TAN DU BYAS NAS THUGS SU CHUD PAR MDZAD, DE NAS DBUS SU 'BYON PAR CHAS PA NA GONG MI RGYAL KHAB NAS LCANG SKYA RIN PO CHE YANG PHEBS TE RGYAL BA MCHOG DANG RJE 'DI GNYIS KA LA MDO SNGAGS KYI CHOS MTHA' YAS PAR GSAN ZHING LHAG PAR RJE 'DI LA 'GREL BA BZHI SBRAGS DANG, RIM LNGA GSAL SGRON GYI GZABS BSHAD DANG, KHRID CHEN BRGYAD SOGS MDO SNGAGS KYI ZAB CHOS MTHA' YAS PA GSAN ZHING RJE 'DIS KYANG BUM PA GANG BYO LTA BUR GNANG BAR MDZAD, DE NAS PHO BRANG CHEN POR PHENGS NAS KYANG RGYAL BA MCHOG LA MDO SNGAGS KYI ZAB

, ,CHOS MTHA' DAG RIM GYIS 'BUL BAR MDZAD CING, RGYAL BA MCHOG GI BKAS DGA' LDAN GYI GSER KHRIR PHEBS TE RJE RIN PO CHE'I MDZAD SROL RNAMS MA NYAMS PAR BSKYANGS, LO BDUN GYI RING LA GSER KHRI SKYONG BAR MDZAD, DE NAS KHRI BZHAG STE PHO BRANG CHEN POR BCAR BZHUGS KYIS RGYAL BA MCHOG LA CHOS 'BUL DGOS RNAMS DANG DON GNYER CAN GZHAN MANG PO LA'ANG CHOS RGYA CHER GNANG, DE NAS DGUNG LO BDUN CU LON NAS SKU SMIN TSUL CHE BAR PHEBS PA NA GSER SRANG BRGYA PHRAG BRGAL BA BTUL TE GANGS RI'I LJONGS KYI RTEN BYIN RLABS CAN RNAMS LA GSER GSOL MDZAD, MDOR NA BDAG NYID CHEN PO 'DIS DGE BA'I BSHES GNYEN TSUL BZHIN DU BSTEN NAS BKA' MDO RGYUD MTHA' DAG LA MKHAS PAR SBYANGS PAS YANG DAG PA'I LAM LA RIGS PA'I LAM NAS DRANGS PA'I NGES PA GTENG TSUGS PA RNYED CING GRUB MTHA' RGYA MTSO LTA BU'I PHA ROL DU PHYIN, NGES 'BYUNG GI BSAM PA BCES MIN DU 'KHRUNGS PAS ZAG BCAS KYI BDE BA MTHA' DAG LA ZHEN PA GTING NAS LOG, BDAG PAS GZHAN GCES PA'I BYANG CHUB KYI THUGS 'BYONGS PAS SGO GSUM GYI MDZAD PA MTHA' DAG GZHAN DON 'BA' ZHIG TU GYUR, PHYI NANG GI RTEN 'BREL THAMS CAD CHU ZLA LTAR GZIGS PAS YE SHES DANG THABS MKHAS PA'I PHA ROL TU PHYIN, LAM RIM PA GNYIS KYI RNAL 'BYOR DANG BDE STONG GI TING NGE 'DZIN LA MNGA' BRNYES PAS MKHA' 'GRO DBANG DU 'DU ZHING CHOS SKYONG SRUNG

MA BRANG DU 'KHOL, RGYAL BA'I DAM CHOS 'DZIN PA'I SMON LAM GYI MTHU GRUB PAS DUS KYI MTHA' 'DIR YANG THUB BSTAN SPYI DANG, KHYAD PAR RGYAL BA BLO BZANG GRAGS BA'I BSTAN PA'I GNAD MTHA' DAG NYIN MO LTAR GSAL BAR MDZAD PA ZHIG YIN LA, SGRUB PA NYAMS LEN GYI DBANG DU BGYIS NA GANGS TE SE, KAM PO GNAS NANG, RTA SO BRAG DKAR, BZHAG PRAG GANGS RI, RI BO DGE LDAN, PHA BONG KHA LA SOGS PA'I SGRUB GNAS DU MAR SKU MTSAMS YUN RING DU MDZAD CING, GZHAN YANG BREL BA CHE SKABS MA GTOGS MNGA' RIS SU PHEBS PA NAS BZUNG GZHAN DON DU DGONGS PA GTAD PA TSUN CHAD LO RE BZHIN MA THA ZLA BA GSUM BZHI RE TZAM MA CHAG PAR SKU MTSAMS MDZAD CING RGYUN PA'I THUGS DAM GYI RIM PA YANG; SNYAN RGYUD BAL MA'I RNAL 'BYOR LA BRTEN PA'I DBANG BZHI LEN PA DANG, BYANG CHUB DE LAM GYI STENG NAS LAM RIM GYI DMIGS KHRID SKYONG BA, GSANG 'DUS MI SKYOD RDO RJE, BDE MCHOG DRIL BU LUS DKYIL, 'JIGS BYED LHA BCU GSUM MA GSUM GYI RNAL 'BYOR RGYAS PA RANG RANG GI RDZOGS RIM GYI NYAMS BZHES DANG BCAS PA, MYUR MDZAD MGON PO PHYAG DRUG BAS GTZOS SRUNG MA RNAMS LA GTOR BSNGO RGYAS PA CHAB GTOR BRGYA RTZAL SOGS PA'I CHOS SPYOD GTOR MA'I RIM BA, THABS SHES 'OD KYI NYAMS LEN RNAMS CHAG MED DU MDZAD CING THUN MTSAMS SU PHYAG DANG MAndAL SNGON DU 'GRO BA'I BYANG CHUB KYI SEMS SPYOD BA NYID LA THUGS DAM GYI GTZO BOR MDZAD PA YIN ZHING RGYUN BSNYEN YANG DKYIL

, ,'KHOR GTZO BO'I RTZA SNGAGS RNAMS DANG, KHYAD PAR 'JIGS BYED GYI RTZA SNGAGS LNGA BRGYA TZAM RE CHAG MED DU BZLA BA DANG, RDO RJE BZLAS PA DANG, BUM PA CAN GYI RLUNG SBYOR YANG MANG DU MDZAD PAR SNANG NGO, , LEGS PAR BSHAD PAS GDUL BYA BSKYANGS PA'I RIM PA YANG, MNGA' RIS SU PHEBS BA NAS BZUNG GZHAN DON DU DGONGS PA GTAD PA TSUN CHAD LO RE GNYIS TZAM MA GTOGS PHAL CHER LAM RIM GYI KHRID RGYAS BSDUS GANG YANG RUNG BA REM CHAG PAR MDZAD CING LAM RIM CHEN MO'I BSHAD LUNG YANG BCU PHRAG BRGAL BA DANG, 'GREL PA BZHI SBRAGS KYI STENG NAS 'DUS PA'I RGYUD KYI BSHAD PA TSAR NYI SHU LHAG DANG, RIM LNGA GSAL SGRON BDE MCHOG SBAS DON KUN GSAL LA SOGS PA GZHUNG CHEN MO DU MA'I BSHAD PA DANG, DBANG KHRID LUNG RJES GNANG MTHA' YAS PA'I SGO NAS BSTAN PA LA BYA BA RGYA CHER MDZAD CING, LHAG PAR RGYAL BA MCHOG LA LO NYI SHU RTZA BZHI'I BAR DU YONGS 'DZIN MDZAD DE CHOS BKA' THAMS CAD BUM PA GANG BYO'I TSUL DU PHUL, RGYAL BA MCHOG NAS KYANG YONGS 'DZIN RNAMS KYI NANG NAS RJE 'DI PA BKA' DRIN ZLA MED DU 'DZIN PAR MDZAD DO, ,DE NAS DGUNG LO BDUN CU DON LNGAR PHEBS PAN RGYAL BA MCHOG LDAN NI NA SO RGAS PAS 'GOL SA ZHIG TU BSDAD CHOG PA DGOS PAS DPAL 'KHOR CHOS SDE PHUL NAS RA SGRENG DED RANG LA GNANG BA DANG, DER SDAD CHOG PA DGOS ZHES ZHUS PAN, RGYAL BA MCHOG KYANG THUGS NGAL CHAS CHE

BAR MDZAD DE, KHRI CHEN GYI GZIM CHUNG DU PHEBS NAS BLA MA DAM PA'I SKU DANG GSUNG GI BABS LA GZIGS NAS ZHING KHAMS GZHAN DU DGONGS PA GTAD PA YA MI GNANG BA ZHU ZHES BKA' GNANG YANG YANG STZAL BA DANG GNAS CHEN RNAMS GYI RTEN MTHA' DAG LA MCHOD 'BUL DANG GRVA SA CHEN PO GSUM GYIS GTZOS PA'I DGON KHAG RNAMS LA MANG 'GYED RGYA CHER GNANG STE SKU'I RIM GRO SGRUB PA DANG SGRUB SDE KHAG RNAMS SU SKU TSE'I SGRUB PA 'DZUGS PA SOGS THUGS KHUR CHEN PO BA ZHES, SMAN PA RNAMS LA'ANG GSAL SMAN 'BUL LUGS SOGS GANG CI NAS BKA' NAN YANG YANG PHEBS KYANG, KHRI CHEN 'DIS DA NI NGES PAR DGONGS PA GNANG DGOS RGAN POR SGRENG DU 'CHIS BYED CES ZHUS BA NA GONG SA THAMS CAD MKHYEN PA GZIM SHAG TU PHEBS NAS DE 'DRA BKA' MI GNANG BA DGOS ZHES DPAL 'KHOR CHOS SDE YANG THUGS TSAGS GNANG BA DANG, RA SGRENG YANG PHUL CHOG BZHUGS YUL PHO BRANG 'DI KHA RANG DU GNANG DGOS ZHES MAndAL GYIS MCHON DNGOS PO SPAM CHE BA 'BUL BA GNANG STE SPYAN CHAB DANG BCAS GSOL BA SHUGS DRAG 'DEBS PAR MDZAD KYANG, KHRI CHEN 'DI PAS RGYAL BA THUGS RJE CHE BDAG RANG NGOS NAS CHUNG NGU NAS CHOS BYAS 'JAM MGON BLA MA'I BSTAN PA LA ZHUGS, SLOB GNYER MTHAR PHYIN PAR BYAS, BSAM SGOM YANG GANG 'GRUB BYAS NYAMS MYONG DANG DAG PA'I MTSAN MA YANG MANG DU SHAR, LHAG PAR RGYAL BA MCHOG LA MDO

, ,SNGAGS KYI CHOS RNAMS LEGS PAR PHUL GRUB PAS BLO BDE, RGYAL BA MCHOG GIS TSE RABS THAMS CAD DU RJES SU 'DZIN DGOS DE LAS ZHU RGYU MED CES GSAN DU MA BZHED, DE NAS RA SGRENG DU PHEBS PA'I SNGA ZHOGS NAM SENG TZAM LA GONG SA SKYABS MGON CHEN PO TSUR GZIM SHAG TU PHEBS YAB SRAS GNYIS GSUNG GLENG SHIN TU MANG BA DANG PHAN TSUN 'BRAL MI PHOD PA'I TSUL GYIS SPYAN CHAB MANG DU BSIL NAS BYIN RLABS ZHU RES MDZAD, RJE RANG GI 'BRAL SPANG LTA BU'I THUGS DAM RTEN RJE BTZUN MKHA' SPYOD MA'I SKU BYIN RLABS CAN ZHIG GONGS RIN PO CHER PHUL TE, MGON PO KHYED ZHABS PAD BRTAN PA DANG, 'PHRIN LAS DA LTA'I MU BZHIN RGYAS PA, BDAG SKYE BA THAMS CAD DU 'BRAL MED RJES SU GZUNG DU GSOL, 'O; BAN RGAN GYI SMON LAM 'DEBS RGYU DE YIN THUGS RJES ZUNGS ZHES ZHUS SHING RGYAL BA MCHOG NAS KYANG ZHAL BZHES BZANG PO GNANG, SKU HAR GYI BZHENGS TE GZIM CHUNG MDO BAR DU PHEBS SKYEL MDZAD SKABS GONG SA MCHOG GI DBU RJE 'DI PA'I THUGS KA'I THAD DU GTAD NAS THUGS SMON YUN RING GNANG ZHING SPYAN CHAB BSIL, PHO BRANG CHEN PO'I RGYAL SGO'I NYE 'GRAM NAS PHEBS BYAMS LA GDAN DRANGS, GSOL DPON CHEN MO GRAGS PA MTHA' YAS SOGS RTZE DRUNG NANG MA RNAMS LA BSLAB BYA ZHAL GDAMS MANG DU GNANG, DE NAS RIM GYIS RA SGRENG DU PHEBS 'THOG

DGUNG LO BDUN CU DON LDAR PHEBS PA LUG LO ZLA BA BRGYAD PA'I TSES BDUN GYI NYIN KHRI MTHON PO ZHIG BSHAM BCUG NAS DER BZHUGS PA MDZAD, GONG SA MCHOG NAS CHED DU SGRUB GNANG GI BUM CHU DANG 'PHEL GDUNG SOGS GNANG BA TSES BRGYAD KYI SNGA DRO 'BYOR PAS PO TA LA NGOS SU PHYAG THAL MO SBYAR NAS BZHES PA GNANG, DRO GONG SKABS CHAR ZIM BU ZHIG 'BAB BZHIN PA LA ZHABS RDO RJE SKYIL KRUNG, PHYAG GNYIS MNYAM GZHAG DANG SKU DRAD POR BSRANGS TE STONG PA GSUM RIM GYIS THIM PA'I THAMS CAD STONG PA 'OD GSAL CHOS KYI SKU MNGON DU MDZAD, GZUGS SKU RAGS PA'I ZA MA TOG NAS YE SHES KYI SKU KHA SBYOR BDUN LDAN GYI RNAM PA CAN DU BZHENGS BA; ZHING DAG PA RAB 'BYAMS KYI DPA' BO DANG MKHA' 'GRO'I TSOGS BYE BA 'BUM GYIS RMAD DU BYUNG BA'I LHA RDZAS KYI MCHOD PA'I SPRIN PHUNG BSAM GYIS MI KHYAB PA DANG BCAS PAS BSUS TE DGA' LDAN MI PHAM CHOS KYI BLA MA'I MDUN SA CHEN POR GSHEGS PAR GYUR TO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS KHRI CHEN NGAG DBANG MCHOG LDAN LA GSOL BA 'DEBS SHING BDAG NYID CHEN PO 'DI'I RNAM THAR LTAR MDO SNGAGS GNYIS KA'I LAM GYI GNAD RNAMS LA 'KHRUL MED KYI NGES PA BRTAN PO BTZAL LA NYIN RE BZHIN DU BAG CHAGS CI THEBS BYA'O,, ` ,,

, ,GANG BLO SNYING RJE BZANG PO'I GZHAN DBANG GIS, ,BSKAL BZANG SGRON ME'I SNANG BA CAN GYI DUS, ,RGYA MTSO'I GOS CAN GZHIR GNAS 'GRO BA RNAMS, ,'KHRID BZANG BLA MA MCHOG LA GSOL BA 'DEBS ZHES BSNGAGS PA, RGYAL BA THAMS CAD MKHYEN PA BLO BZANG BSKAL BZANG RGYA MTSO NI, SNGON YUN RING PO NAS BYANG PHYOGS GANGS RI'I KHROD 'DI NYID KYI PHYAG MTSAN DU BZHES TE SNYIGS DUS THUB DBANG BSTAN PA'I SGRON MA 'DZIN PAR THUGS BSKYED PA LTAR MDO KHAMS LI THANG THUB CHEN BYAMS PA GLING GI LHA ZHOL DU RAB BYUNG BCU GNYIS PA'I KUN 'DZIN ZHES PA SA PHO BYI BA'I LO ZLA BA BDUN BA'I TSES BCU DGU'I NYIN YAB BSOD NAMS DAR RGYAS DANG, YUM BSOD NAMS CHOS MTSO GNYIS KYI SRAS SU NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE'I TSE LHA DANG BLA MAS BYIN GYIS BRLABS PA'I MTSAN LTAS MKHAN ZHIG GIS LUNG BSTAN PA LTAR BSKAL BZANG RGYA MTSO ZHES MTSAN GSOL, DE 'DRA BA'I RGYAL SRAS GZHON NU DE NI DBU GDUGS LTAR RGYAS SHING, DPRAL BA'I DBYES CHE BA, SPYAN DKYUS RING ZHING SHANGS KYI GZENGS MTHO BA, SKU'I CHA THAMS CAD LA BKRA SHIS PA'I RI MO DU MA YOD PA, BYIS PA THA MAL BA'I SPYOD TSUL LAS 'DAS TE SKYIL KRUNG BCAS TE CHOS KYI DON SEMS PA DANG, CHOS 'CHAD PA'I TSUL SOGS BLA CHEN GYI SPYOD TSUL SNA TSOGS MDZAD BAS SKU MTHONG BA DANG MDZAD SPYOD KYI TSUL THOS PA DANG,

LHA DANG SRUNG MA MANG PO'I LUNG BSTAN PHYOGS KUN NAS BSGRAGS PAS GOO SHR'I BSTAN 'DZIN CHOS RGYAL GYI GDUNG BRGYUD RNAMS KYIS GTZOS MCHO SNGON DPON KHAG RNAMS DANG, 'DZAM GLING YANGS PA'I KHYON LA STOBS KYIS 'KHOR LOS BSGYUR BA 'JAM DBYANGS GONG MA BDAG PO CHEN POS GANGS CAN 'GRO BA'I MGON PO NI 'DI'O ZHES GZENGS BSTOD MDZAD CING, DE LA BRTEN NAS MDO KHAMS PHYOGS KYI CHOS KYI GDAN KHRI 'DZIN PA'I BLA CHEN RNAMS DANG, SKYES RABS DU MAR BYON PA'I SPRUL SKU RNAMS KYIS GTZOS MCHOG DMAN MTHA' DAG 'UR LANGS TE ZHABS KYI PADMO LA MNGON BAR BTUD CING, CHOS SDE CHE PHRA RNAMS DANG SDE DPON 'BANGS BCAS NAS YO LANGS CHEN POS BSNYEN BKUR GYI MCHOD PAR BYAS SO, ,DE NAS RGYAL SRAS GZHON NU DE RDZING GI PADMA BZHIN DU BSKYED DRAG PAR GYUR TE DGUNG LO BZHI LA BAB PA'I TSE THUB DBANG GNAS BRTAN BCU DRUG DANG BCAS BAS DNGOS SU BYIN GYIS BRLABS SHING, DGUNG LO LNGA PA'I DUS SU 'JAM MGON BLA MA TZONG KHA PA CHEN POS BYIN GYIS BRLABS BAS GLO BUR NYID DU DBUS GTZANG CHOS KYI ZHING DU 'GRO ZHES GSUNG BYON ZHING DE'I RTEN 'BREL KYANG MANG DU BSGRIG BAR MDZAD PA ZHIG BYUNG, SKUN PHRA MO DE TZAM GYI DUS NA'ANG DAD PAS LHAGS PA'I GDUL BYA DAG LA RANG RANG GI SKAL BA DANG 'TSAM BA'I CHOS KYI BDUD RTZI STZOL BAR MDZAD CING, LHAG PAR CHU BZANG NO MON HAN PHEBS NAS MAndAL PHUL TE CHOS KYI BDUD RTZI GNANG DGOS PAR GSOL

, ,BA BTAB PAN, CHOS GOS DUR SMRIG RGYAL MTSAN 'CHANG BA'I SKU, ,CHOS PHUNG BRGYAD KHRI BZHI STONG SGROG PA'I GSUNG, ,CHOS DBYINGS NGANG LAS G-YEL BA MED PA'I THUGS, ,CHOS KYI RGYAL PO RGYAL BTZONG KHA PA, ,GSOL BA 'DEBS SO BYIN GYIS BRLAB TU GSOL, ,ZHES PA 'DI THOGS MED DU STZAL BAS GDUL BYA MTHA' DAG MI PHYED BA'I DAD PA'I SA LA BKOD, DE NAS TSA GAN NO MON HAN NGAG DBANG BLO BZANG BSTAN PA'I RGYAL MTSAN YONGS 'DZIN DU BSTEN NAS DBANG LUNG MAN NGAG BRGYUD MAR GSAN TE SKU NA PHRA MO'I DUS DE NYID NAS GDAMS PA'I GTER DU GYUR, DE'I TSE GSOL BA 'DEBS PA MANG PO LA THUGS RJE CHEN PO'I RJES GNANG SOGS RJES GNANG DANG LUNG GI RIGS DU MA BRGYUD MAR STZAL, DE NAS DGUNG LO BRGYAD PA SHING MO LUG GI LO LI THANG NAS CHIBS BSKYOD, MDO KHAMS PHYOGS KYI CHOS SDE CHEN PO DU MA DANG SDE DGE SOGS YUL GRU DU MAR SPYAN DRANGS, TSA GAN NO MON HAN SOGS KYIS GSOL BA BTAB STE SER SKYA STONG TZAM LA THUGS RJE CHEN PO PHYAG BZHE PA'I RJES GNANG SNGON 'GRO'I CHOS BSHAD SOGS CHES RGYAS PAR STZAL BAS KUN MI PHYED PA'I DAD PA LA BKOD CING, MDO KHAMS PHYOGS KYI SER SKYA PHAL MO CHES, DGOS 'DOD KUN 'BYUNG NOR BU BSAM 'PHEL KHYOD, ,YON TAN THAMS CAD MA BSLABS THUGS SU CHUD, ,THOS BSAM SGOM PA MTHAR PHYIN GRUB BA BRNYES, ,'PHRIN LAS RGYUN MI

'CHAD LA GSOL BA 'DEBS, ,ZHES 'DON PA BYUNG, DE SKABS NAS LAM RIM CHEN MO LJAGS 'DZIN MDZAD CING, DPAL LDAN SA GSUM MA DANG 'JAM DPAL MTSAN BRJOD RGYUN DU ZHAL 'DON DU MDZAD DO, ,DE NAS ME PHO SPRE'U'I LO 'JAM DBYANGS GONG MA CHEN PO'I BKAS BSKUL ZHING MDO KHAMS PHYOGS KYI CHEN PO MTHA' DAG BLO MTHUN BAR SKU 'BUM DU PHEBS BAR GSOL BA BTAB STE RGYAL BA TZONG KHA PA CHEN PO GANG DU 'KHRUNGS PA'I SA'I CHA SKU 'BUM DU PHEBS, RGYAL BA BSOD NAMS RGYA MTSO'I CHOS KYI KHRI LA ZHABS SEN BKOD NAS DGE 'DUN STONG PHRAG MANG PO TSOGS PA LA SKYES RABS SO BZHI BA'I DBU NAS CHOS THUN GCIG GZABS BSHAD GNANG BA SOGS BSTAN 'GRO'I DON RGYA CHER MDZAD CING; CHU BZANG NO MON HAN LAS RDO RJE 'JIGS BYED KYI DBANG GSAN, DE NAS SNGON YUN RING PO NAS GOMS PA'I BAG CHAGS BRTAS PA'I MTHUS KHYIM PA'I CHA LUGS LA MI DGYES SHING SKRA BREGS RAB TU BYUNG BA'I CHA LUGS MDZAD BZHED PA NA LO DE'I HOR ZLA BCU PA'I TSES NYI SHU'I NYIN CHA GAN NO MON HAN DANG CHU BZANG NO MON HAN GNYIS KYIS MKHAN SLOB MDZAD DE SKRA BCAD NGUR SMRIG GI NA BZA' BSKON TE BSLAB SDOM PHUL, MTSAN NGAG GI DBANG PHYUG CHOS KYI GRAGS PA THUB BSTAN RGYAL MTSAN DPAL BZANG PO ZHES GSOL, DE NAS GZHUNG LUGS LA SBYONG BAR BZHED DE CHU BZANG NO MON HAN GYIS YONGS 'DZIN MDZAD NAS MTSAN NYID KYI GZHUNG CHEN MO LNGA'I DBU NAS RTZI SHAG GNANG STE

, ,GSAN SBYONG GI DBU TSUGS, RIM GYIS BSDUS GRVA'I GSAN SBYONG MDZAD PAS RING POR MA THOGS PAR MKHAS PA'I PHUL DU GYUR TE SKU 'BUM 'DUS TSOGS KYI DBUS SU DAM BCA' YANG 'JOG PA MDZAD, DE NAS GANGS CAN SKYE 'GRO YONGS KYI BSOD NAMS KYI MTHUS DGUNG LO BCU GSUM PA LCAGS PHO BYI BA'I LO GONG MA CHEN PO'I SKU CHAB SOGS DPA' BO STONG PHRAG MANG POS BAR CHAD BSRUNGS SHING BLA CHEN MANG POS MTHA' BSKOR TE SKU 'BUM NAS CHIBS BSKYOD DE LO DE'I ZLA BA DGU PA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS TE SER SKYA BGRANG BA LAS 'DAS PA LA ZHAL GYI DKYIL 'KHOR BSTAN TE GANGS CAN SKYE 'GRO MTHA' DAG DBUGS PHYIN PA THOB PAR MDZAD DO, ,DE NAS PHO BRANG CHEN PO PO TE LAR PHEBS, MGON PO SPYAN RAS GZIGS KYI RIGS KYI COD BAN SNANG BA MTHA' YAS DUR SMRIG GAR GYI RNAM PAR ROL BA PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO SPYAN DRANGS TE, PHO BRANG CHEN PO'I GZIM CHUNG NYI 'OD 'KHYIL DU LCAGS BYI LO DE KHA'I MGO ZLA BA'I YAR NGO'I TSES LNGA'I NYIN PAn CHEN THAMS CAD MKHYEN PA CHEN POS MKHAN SLOB SBRAGS MA MDZAD, KHRI CHEN DGE 'DUN PHUN TSOGS KYIS DUS GO BA MDZAD DE, TSIGS SNGA MA DGE CHUL DU BSGRUBS, MTSAN SNGAR GYI THOG TU BLO BZANG ZHES BSNAN TE, BLO BZANG BSKAL BZANG RGYA MTSO ZHES GSOL, DE NAS PAn CHEN THAMS

CAD MKHYEN PA CHEN PO RJE BCUN BLO BZANG YE SHES LA LAM RIM CHEN MO LAS DBU BTZUGS TE CHOS RGYUN DU GSAN PAR MDZAD, LHAG PAR PAn CHEN THAMS CAD MKHYEN BA CHEN PO LA DPAL RDO RJE 'JIGS BYED CHEN PO'I DBANG BZHI YONGS SU RDZOGS PA GSAN, PAn CHEN THAMS CAD MKHYEN PA CHEN POS KYANG RJE 'DI LA RGYAL BA TZONG KHA PA CHEN BO'I RNAM THAR LTAR DANG POR SHING RTA CHEN PO'I GZHUNG LUGS RNAMS LA MTHA' CHOD PAR SBYONG BA DANG, DE NAS GZHUNG LUGS GDAMS BAR 'CHAR BA'I NYAMS BZHES RNAMS LA 'BAD PA DANG, DE NAS 'JAM MGON BLA MA'I BSTAN PA RIN PO CHE 'DI NYID PHYOGS KUN TU SPEL BAR MDZAD NAS BSTAN PA'I SROG SHING G-YO BA MED PA ZHIG MDZAD DGOS ZHES ZHAL TA ZHIB PAR ZHU BAR MDZAD, DE NAS RJE 'DI PAS 'BROM RIN PO CHES JO BO RJE JI LTAR BSTEN PA LTAR GYI RNAM THAR RJES SU BSKYANGS TE PAn CHEN THAMS CAD MKHYEN PA CHEN PO RIGS KYI COD PAN DU BZUNG NAS GUS PA BLA LHAG TU MDZAD DE PAn CHEN THAMS CAD MKHYEN PA CHEN PO GTZANG DU CHIBS BSKYOD LA NYE BAN RJE 'DI NYID PAn CHEN THAMS CAD MKHYEN PA CHEN PO GZIM CHUNG KHAMS GSUM RNAM RGYAL DU BZHUGS PA'I SKU MDUN DU PHEBS TE GSER DNGUL SOGS YO BYAD DPAG TU MED PA PHUL NAS BSTAN 'GRO'I DON DU ZHABS PAD YUN RING DU BRTAN DGOS TSUL SOGS GSOL BA SHUGS DRAG TU 'DEBS PAR MDZAD, PAn CHEN THAMS CAD MKHYEN PA CHEN POS KYANG SNGAR ZHUS PA LTAR GSAN SBYOD DBYIS BYIN

, ,PA GNANG DGOS TSUL SOGS THUGS YID GCIG TU 'DRES PA'I BKA' MCHID ZHIB TU MDZAD, DE NAS PAn CHEN THAMS CAD MKHYEN PA'I BKA' RNAMS THUGS LA BCANGS TE KHRI RIN PO CHE BLO BZANG DAR RGYAS YONGS 'DZIN DU BSTEN NAS 'BRAS SPUNGS SU CHIBS BSKYOD DE THOG MAR ZHAG SHAS BSDUS GRVA'I RTZI SHAG GSAN PAN SNGAR NAS SKU 'BUM DU SBYANGS ZIN PAS THOGS PA MED PAR MKHYEN TE TSAD MA SDE BDUN MDO DANG BCAS PA LA SBYONG BAR MDZAD, DE'I TSE GRVA SAR SLOB GNYER BYED PA BYINGS DANG MTSUNGS BAR NYIN RE BZHIN DU SNGA DGONG GNYIS KAR RTZI SHAG TSAR RE 'CHAG MED DU GSAN ZHING, MTSAN NYID ZHABS PHYI RNAMS DANG CHOS KYI 'BEL GTAM LA BRTZON PAR MDZAD PAS RING POR MA THOGS PAR TSAD MA'I GZHUNG LUGS LA MKHAS PA'I PHUL DU PHYIN PAR GYUR TO, ,DE NAS PHAR PHYIN LA GSAN SBYONG MDZAD BZHED DE PAn CHEN BSOD NAMS GRAGS PA'I PHAR PHYIN THUGS 'DZIN MDZAD, LEGS BSHAD GSER PHRENG DANG RNAM BSHAD SNYING PO'I RGYAN SOGS RJE YAB SRAS KYI GSUNG RNAMS GZHIR BZHAG RGYA BOD KYI YIG CHA MTHA' DAG LA GZIGS RTOG MDZAD PAS RING POR MA THOGS PAR PHA ROL TU PHYIN PA'I GZHUNG LA MKHAS PA'I PHUL DU PHYIN PAR GYUR, DE NAS DBU MA'I GZHUNG LA SBYONG BAR BZHED DE KHRI RIN PO CHE DPAL LDAN GRAGS PA YONGS 'DZIN DU BSTEN NAS NYIN RE BZHIN RTZI SHAG THUN GNYIS RE 'CHAG MED GSAN NAS 'PHAGS

PA KLU SGRUB YAB SRAS KYI DBU MA'I GZHUNG RNAMS DANG RJE BDAG NYID CHEN POS MDZAD PA'I DBU MA'I t'IKA CHEN RNAM GNYIS, LEGS BSHAD SNYING PO, LHAG MTHONG CHE CHUNG SOGS RJE YAB SRAS KYI GSUNG RNAMS LA ZHIB TU DPYAD DE RTAG 'GRUS CHEN POS SBYONG BAR MDZAD PAS RING POR MA THOGS PAR DBU MA'I GZHUNG LA SBYANGS PA MTHAR PHYIN PAR GYUR TO, ,DE NAS RJE 'DI PA YONGS GRAGS KYI DGUNG LO BCU DGU MNGAL BSHOL RTZIS PA'I NYI SHUR PHEBS PA ME PHO RTA'I LO RIGS KYI COD PAN PAn CHEN THAMS CAD MKHYEN PA CHEN PO RJE BTZUN BLO BZANG YE SHES SPYAN DRANGS NAS LHA LDAN SPRUL PHA'I GTZUG LAG KHANG DU SA GA ZLA BA'I TSES BCO LNGA'I NYIN JO BO SH'AKYA MU NE'I SKU MDUN DU PAn CHEN THAMS CAD MKHYEN PA CHEN PO RJE BTZUN BLO BZANG YE SHES DPAL BZANG POS MKHAN PO MDZAD, KHRI RIN PO CHE DPAL LDAN GRAGS PAS LAS SLOB MDZAD, RGYUD SMAD MKHAN PO MKHAS GRUB CHEN PO NGAG DBANG MCHOG LDAN PAS GSANG STE STON PA'I SLOB DPON MDZAD, SDE SNOD 'DZIN PA CHEN PO DKA' CHEN BLO BZANG SMON LAM GYIS DUS GO BA MDZAD, RGYAL SRAS SPRUL SKU 'JIGS MED YE SHES GRAGS PA SOGS GANGS RI'I LJONGS KYI GNAS BRTAN CHEN PO SUM CU RTZA GCIG GI DBUS SU BSNYEN PAR RDZOGS PAR MDZAD DE THUB PA'I RGYAL TSAB CHEN POR MNGA' GSOL TO, ,DE NAS PAn CHEN THAMS CAD MKHYEN PA CHEN PO LA MDO SNGAGS KYI CHOS BKA' RGYA CHER GNANG DGOS PA'I GSOL 'DEBS

, ,MDZAD NAS PAn CHEN THAMS CAD MKHYEN PA CHEN PO GZIM CHUNG BDE BA CAN DU BZHUGS SU GSOL, DUS TSES KHYAD PAR CAN DANG BSTUN NAS PAn CHEN THAMS CAD MKHYEN PA CHEN POS GZIM CHUNG BDE BA CAN NYID DU DPAL GSANG BA 'DUS PA'I RAS BRIS KYI DKYIL 'KHOR DU DBANG BZHI YONGS SU RDZOGS PA STA GON DANG BCAS PA RGYAS PAR STZAL, DE NAS BA RI BRGYA RTZA'I RJES GNANG YONGS RDZOGS, SGRUB THABS SO SO'I LUNG DANG BCAS PA, RGYUD KYI RGYAL PO DPAL GSANG BA 'DUS PA'I 'GREL PA SGRON GSAL, DE LA RJE BDAG NYID CHEN POS MCHAN 'GREL, BSDUS DON, MTHA' GCOD BZHI'I SGO NAS 'DUS PA'I RTZA RGYUD 'CHAD PA'I BSHAD SROL BZANG PO DE RIM GYIS GNANG, YANG PAn CHEN THAMS CAD MKHYEN PA CHEN POR MA RGYUD THAMS CAD KYI GTZO PO DPAL 'KHOR LO SDOM PA L'U AI PA'I LUGS KYI LHA DRUG CU RE GNYIS PA'I DBANG GNAD DGOS ZHES GSOL BA 'DEBS PAR MDZAD PA NA PAn CHEN THAMS CAD MKHYEN PA CHEN POS KYANG DGYES BZHIN ZHAL GYIS BZHES TE RJE 'DI PA GZIM CHUNG BDE BA CAN DU PHEBS TE BDE MCHOG GI DBANG STA GON DANG BCAS PA RGYAS PAR GNANG BA GSAN PAR MDZAD, DE NAS MNGON PA MDZOD LA SBYONG BAR BZHED DE, MNGON PA MDZOD RTZA BA DANG, MNGON PA KUN LAS BTUS GNYIS THUGS LA BZUNG, GZHUNG DE GNYIS KYI 'GREL BA 'GREL BSHAD DANG BSHAD PA MTHA' DAG LA GZIGS RTOG MDZAD DE RING POR MA THOGS PAR MNGON PA LA MKHAS PA'I PHUL DU

PHYIN PAR GYUR TO, ,DE NAS BOD DU SDE GZIR DUS 'KHYOMS CHI BAR BYUNG BA NA 'JAM DBYANGS GONG MA BDAG PO CHEN POS RJE 'DI PA RE SHIG MDO KHAMS PHYOGS SU PHEBS NA LEGS TSUL PHEBS PA LTAR, SE 'BRAS DGE GSUM GYI BLA MA MANG PO DANG, MTSAN NYID ZHABS PHYI RNAMS DANG, GZHAN YANG BLA CHEN MANG PO DANG, DRUNG SKOR SER SKYA PHON CHE BA DANG BCAS CHIBS KHA BSKYOD DE 'GAR THAR DU PHEBS, LAM BAR GYI SER SKYA BGRANG BA LAS 'DAS PA MTHONG THOS DRAN REG GI 'BREL PA THOGS PA THAMS CAD SMIN GROL LA 'GOD PAR MDZAD, DE NAS KHRI CHEN DPAL LDAN GRAGS PA ZHING GSHEGS PA NA RGYUD SMAD MKHAN PO NGAG DBANG MCHOG LDAN YONGS 'DZIN DU SPYAN DRANGS TE DGA' LDAN KHRI PA DANG 'DRA BA'I ZOS SGO GNANG ZHING BSAM SBYOR GNYIS KYIS TSUL BZHIN DU BSTAN PAR MDZAD DE RJE RGYAL BA GNYIS PA'I MAN NGAG RGYAL BA'I GSUNG RAB THAMS CAD KYI NYID KHU BYANG CHUB LAM GYI RIM PA'I DMAR KHRID 'JAM DPAL ZHAL LUNG GI STENG NAS MYONG KHRID SLA CHOS SU MA SONG BAR ZLA SBREL GYI BAR DU GSAN ZHING YANG DANG YANG DU DRI GTUGS KYI SGO NAS GDENG THOB PAR MDZAD, DE NAS DPAL GSANG BA 'DUS PA'I RTZA RGYUD, 'GREL PA SGRON GSAL RJE RIN PO CHES MDZAD PA'I BSDUS DON MCHAN BU MTHA' GCOD RNAMS SBRAGS TE 'CHAD PA 'GREL PA BZHI SBRAGS SU GRAGS PA'I GZABS BSHAD RGYUN BSRINGS TE LO SBREL GYI BAR DU GSAN ZHING, DE YANG LUNG THOB TZAM GYIS CHOG PAR MA MDZAD BAR SNGA PHYI

, ,BAR GSUM DU BLA MA RGYUD MCHOD DANG, NYIN RE BZHIN RGYUD KYI t'IKKA'I RTZI SHAG 'DZIN TSES BCAS RJE YAB SRAS NAS BRGYUD PA'I PHYAG LEN NYAMS PA MED PAR GSAN PAR MDZAD, GZHAN YANG MKHAS GRUB CHEN PO NGAG DBANG MCHOG LDAN PA 'DI LA DPAL GSANG BA 'DUS PA'I DBANG, BSKYED RIM DNGOS GRUB RGYA MTSO DANG RDZOGS RIM RIM LNGA GSAL SGRON GNYIS KA'I GZABS BSHAD, GSANG BA 'DUS PA'I BSKYED RDZOGS GNYIS KA'I NYAMS KHRID, DPAL 'KHOR LO SDOM BA'I DBANG DANG BDE MCHOG RTZA RGYUD DANG RGYUD 'GREL SBAS DON KUN GSAL GNYIS RTZA 'GREL SGRAGS PA'I BSHAD LUNG, BDE MCHOG L'U AI PA'I LUGS KYI BSKYED RDZOGS GNYIS KA'I KHRID SOGS CHOS BKA' MTHA' YAS PA GSAN, DE NAS DBUS GCANG BDE 'JAGS SU SONG NAS DBUS GTZANG DU PHEBS PAR NYE BA NA GONG MA BDAG PO CHEN PO'I BKAS MNGAGS PA'I MI DRAG DPUNG CHE BA DANG, LCANG SKYA RIN PO CHE BCAS PHEBS TE LCANG SKYA RIN PO CHES RJE 'DI LA MDO SNGAGS KYI CHOS BKA' RGYA CHEN PO'I DON DU GSOL BA BTAB PA LTAR BDE MCHOG L'U AI PA'I DBANG STA GON DANG BCAS PA RGYAS PAR STZAL, YANG LCANG SKYA RIN PO CHE NAS GSOL BA BTAB STE GSANG 'DUS MI SKYOD PA'I DBANG STA GON DANG BCAS PA RGYAS PAR STZAL, YANG LCANG SKYA RIN PO CHE NAS GSOL BA BTAB STE DGE 'DUN LNGA BCU SKOR LA 'JAM DPAL ZHAL LUNG GI MYONG KHRID RGYAS PAR STZAL, DE NAS 'GAR THAR NAS CHIBS KHA BSKYOD DE LAM BAR GYI SKYA SER BGRANG BA LAS 'DAS PA LA

MTHO RIS DANG THAR PA'I SA BON BSKRUN PAR MDZAD CING RIM GYIS GRU 'DZIN GNYIS PA'I GZHAL MED KHANG DU PHEBS, DE NAS RJE NYID BSNYEN PAR RDZOGS NAS LO BCU LON PA YOS LO SA GA ZLA BA'I TSES BCO LNGA'I NYIN DE MO SPRUL PA'I SKU NGAG DBANG 'JAM DPAL BDE LEGS RGYA MTSO SOGS LA BSNYEN PAR RDZOGS PA'I SDOM PA GNANG, DE NAS BZUNG STE RAB BYUNG BSNYEN RDZOGS KYI SDOM PA ZAM MA CHAD PA LTA BUR STZAL ZHING, 'BROM RIN PO CHE'I RNAM THAR RJES SU BSKYANGS TE RIGS KYI COD BAN PAn CHEN THAMS CAD MKHYEN PA CHEN PO MJAL BAR RINGS NAS PHO BRANG DU PHEBS 'PHRAL SNYAN GSAN MDZAD KYANG DE LO SKU NA MTHO BA'I KHAR SKU KHAMS BSNYEL TSUL CHE BAS PHEBS THABS MA BYUNG BAR 'BRUG LO'I NANG DU GTZANG DU CHIBS KHA BSKYOD DE PAn CHEN THAMS CAD MKHYEN PA CHEN PO MJAL BAR PHEBS, BLA BRANG RGYAL MTSAN MTHON POR YAB SRAS MJAL MA THAG THUGS YID GCUGS PA'I GSUNG GLENG BAG PHEBS PAR MDZAD CING, LAM RIM MYUR LAM GYI KHRID SOGS CHOS BKA' MANG DU ZHU BA'I SNYAN GSAN MDZAD, RJE 'DI PAS THOS BSAM GLING DU BZHUGS TE BLA BRANG RGYAL MCHAN MTHON POR YANG YANG PA BAS NAS PAn CHEN THAMS CAD MKHYEN PA LA LAM RIM MYUR LAM, SGROL DKAR YID BZHIN 'KHOR LO'I RJES GNANG, TSE RTA ZUNG 'BREL GYI DBANG SOGS CHOS BKA' MANG TZAM GSAN ZHING, RJE 'DIS BKRA SHIS LHUN PO'I TSOGS CHEN LA LAM RIM BSDUS DON GYI LUNG GI THOG LAM GYI LUS YONGS SU RDZOGS PA'I GSUNG BSHAD RGYAS PAR GNANG, DE NAS YAB SRAS GNYIS 'BRAL MI BOD PAR THUGS YID

, ,GCUGS PA'I BKA' MCHID ZAB MO RGYA CHER MDZAD CING, 'JAM MGON BSTAN PA 'DZIN SKYONGS SPEL GSUM GYI GNAD LAS BTZAMS PA'I GSANG BA'I BKA' MCHID MANG PO ZHIG KYANG MDZAD NAS RJE 'DIS PHO BRANG DU CHIBS BSKYOD MDZAD, DE NAS RJE 'DIS CHOS KYI 'KHOR LO RGYA CHER BSKOR BA'I DUS LA BAB PA NA RGYA GAR CHU BO GANGG'A TSUN LA 'GRAN ZLA DANG BRAL BA'I RIG SNGAGS 'CHAD BA'I SDE DPAL LDAN SMAD RGYUD GRVA TSANG GI DGE 'DUN TSANG MAS GSOL BA RTZE GCIG TU BTAB STE TSOM CHEN RNYING PAR RGYUD SMAD TSOGS YONGS KYI THOG SPRUL SKU MANG PO DANG BLA CHEN MANG POS GTZOS DGE 'DUN KHYON STONG DANG LNGA BRGYA SKOR LA DPAL GSANG BA 'DUS PA 'PHAGS LUGS MI SKYOD PA'I DBANG STA GON DANG BCAS PA RGYAS PAR STZAL BAS GSANG CHEN RDO RJE THEG PA'I BSTAN PA NYI MA SHAR BA LTAR MDZAD DO, ,DE NAS YONGS 'DZIN GNAG DBANG MCHOG LDAN LA RDO RJE PHRENG BA'I DBANG RDZOGS PAR GSAN ZHING, RIM BZHIN BDE MCHOG L'U AI PA'I BSKYED RDZOGS, DRIL BU PA'I BSKYED RDZOGS, SRAD RGYUD LUGS KYI KHRID CHEN DRUG ,SMAD RGYUD LUGS KYI KHRID CHEN BRGYAD RNAMS LEGS PAR GSAN, DE NAS THUGS GNYER ZHABS PHYI RNAMS KYIS BSKUL NAS GSANG 'DUS DBANG BSHAD CHEN MO DBANG DON DE NYID YANG GSAL ZHES BYA BA SNGON MED PA'I LEGS BSHAD CHEN PO 'DI MDZAD DO, ,DE NAS DPAL LDAN STONG RGYUD GRVA TSANG GI DGE 'DUN RNAMS KYIS GTZOS SDE SNOD 'DZIN PA STONG DANG BRGYA SKOR LA DPAL 'KHOR LO SDOM PA L'U AI PA'I LUGS LHA RE GNYIS

PA'I DBANG STA GON DANG BCAS BRGYAS PAR STZAL TE GSANG CHEN RDO RJE THEG PA'I BSTAN PA CHES CHER 'PHEL BAR MDZAD DO, ,DE'I TSE RGYUD SDE DANG MTHUN PA'I NYAMS RTOGS KHYAD PAR CAN 'KHRUNGS NAS, DGYES PA'I MGUR DBYANGS BZHES BA NI, LHUN STUG RIN CHEN LAS GRUB PA NGO MTSAR GYI PHO BRANG, ,YE SHES 'JA' TSON DU 'KHRUGS PA DANGS GSAL GYI 'OD PHUNG, ,LNGA LDAN DKYIL 'KHOR GYI BDAG PO SKU BZHI YI DBANG PHYUG ,DRIN CAN RJE BTZUN GYI BLA MA SNYING DBUS SU BZHUGS SHIG ,SNGON BSAGS LEGS BYAS KYIS 'PHANGS PA'I DAL 'BYOR GYI RTEN BZANG, ,RAB 'BAR ME 'OBS DANG 'DRA BA'I KHYIM GNAS LAS PHYUNG NAS, ,MNYAM MED ZAS GTZANG GI SRAS PO'I BU RGYUD DU SNYEG PA, ,BSAMS KYIN BLO BDE'I NYAMS DBYANGS SHIG LEN PA RANG SPRO'O, ,MTSAN LDAN BLA MA YI ZHAL NAS GDAMS GNAG GI NYING KHU, ,SDE SNOD RIN PO CHE RNAM GSUM MDZUB 'KHRID DU BSTAN NAS, ,DUS GSUM SANGS RGYAS KYI GSHEGS BSHUL BYANG CHUB KYI SEMS LA, ,YID CHES GOL SA LAS LDOG PAS ZHE BLO RANG BDE'O, ,GANG SNANG TSUGS THUB KYI BLO 'DI 'KHRUL PA RU GO NAS, ,SPROS MED NAM MKHA' DANG 'DRA BA'I LTA BA YI RGYAL PO, ,SNANG STONG SGYU MA YI GZIGS MO LAM LAM DU SHAR NAS, ,RTAG TSAD G-YANG SA LAS GROL BAS ZHE BLO RANG BDE'O, ,'KHRUL BRAL RGYUD LUNG GI NGES PAS TSAD MA RU GRUB CING, ,CHAD MED BRGYUD LDAN GYI BLA MAR BYIN RLABS KYI BKA' BABS, ,MA DAG DRI MA KUN SBYONG NUS DBANG BZHI YI CHU BO, ,SNYING GI ZIL DBAR DU THOB PAS ZHE BLO RANG BDE'O, ,SNOD BCUD YE SHES KYI ROL BA DKYIL 'KHOR DU SHAR ZHING, ,MTSAR SDUG PHYAG

, ,RGYA YI GAR STABS SHIG SHIG TU BSGYUR BAS, ,RANG SEMS BDE STONG GI GZHON NU TING 'DZIN GYI 'CHAR SGO, ,GU YANGS RTZED 'JOL BREL BA'I DGA' STON ZHIG MYONG NGO, ,MA RIG SNYING DBUS KYI SBUBS LAS RANG BYUNG DU 'KHRUNGS PA, ,KHYAB BDAG HE RU KA'I ZHAL BZANG MNGON SUM DU MTHONG BA'I, ,'KHRUL MED LAM BZANG 'DI RNYED PA BLA MA YI BKA' DRIN, ,'JAM DPAL SNYING PO YI BKA' DRIN 'KHOR THABS RANG MED DO, ,SGO GSUM BAG MED LAS DBEN PA'I BSAM GTAN GYI KHANG BUR, ,CHES BRGYAD 'DE SNANG GI 'KHRI BA PHAR RGYAB TU BSKYUR NAS, ,TSE MJUG DON LDAN DU BYED NUS SGRUB PA YI MCHOD PAS, ,LHA DANG BLA MA KUN MNYES PA'I YID SMON ZHIG 'CHA'O, ,ZHES SO, ,DE NAS RJE BDAG NYID CHEN PO'I GSUNG 'BUM YONGS RDZOGS KYI LUNG GSAN, 'DI DAG GI SKABS LAM GYI LUS YONGS SU RDZOGS PA LA NYAMS BZHES LHUR MJAD PAS SKYES BU CHUNG DU'I MI RTAG PA'I DMIGS SKOR LA MYONG BA PHUL PHYIN 'KHRUNGS TE SKYO SHAS KYI MGUR DBYANGS GSUNGS PA NI; PHA DRAN PAS GDUNG BA SEL MDZAD PA'I, ,SKYABS BLA MA LHA LA GSOL BA 'DEBS, ,BLO 'CHI BA SNYING NAS DRAN PA DANG, ,CHOS RNAM DAG 'GRUB PAR BYIN GYIS RLOBS, ,SPANG SER PO GSER GYI RI BA LA, ,RLANGS NA BUN DNGUL MDOG SKED LA 'KHRIGS, ,DE DA LTA YOD LA DA LTA MED, ,RKYEN 'DIS KYANG MI RTAG DRAN NAS BYUNG, ,DBYAR DROD GSHER DUS SU 'DZOM PA NA, ,LO YAGS KYI SNYE MA G-YU YI MDOG ,STON MTHA' MAR ZHING STONG SKYA BOR SONG, ,RKYEN 'DIS KYANG MI RTAG

DRAN NAS BYUNG, ,SHING LJON PA 'ANG BA RGYAS LO MA RER, ,SMIN LEGS KYI 'BRAS BU PHANG PHUNG CHAGS, ,MTHAR GCIG KYANG MI SDOD SA LA BRUL, ,RKYEN 'DIS KYANG MI RTAG DRAN NAS BYUNG, ,SHAR RI BO SPO MTHO'I RTZE MO NAS, ,KHRI GDUGS KYI NYI MA DGUNG LA SHAR, ,DE MI SDONG NUB KYI RI RTZER SONG, ,RKYEN 'DIS KYANG MI RTAG DRAN NAS BYUNG, ,SKYES PHO MO GZHON NU LANG TSO CAN, ,NANG SHI DANG NUB SHI RGYUN MI 'CHAD, ,YAR 'DREN DANG SKYE BRTAG ZHU'O ZER, ,RKYEN 'DIS KYANG MI RTAG DRAN NAS BYUNG, ,SBRIN DKAR PO MKHA' LA LANG LONG 'KHRIGS, ,SBRANG CHAR GYI THEGS PA 'BAB LA KHAD, ,RLUNG DMAR NAG 'TSUB MAS PHYOGS BCUR GTOR, ,RKYEN 'DIS KYANG MI RTAG DRAN NAS BYUNG, ,SA YANGS PO DPAL MO'I THANG GI DBUS, ,PHYOGS 'GRON BO'I GUR GRAL SKAR MA 'DRA, ,SAD GAR BABS RTZVA SHING LUD SNYIGS TZAM, ,RKYEN 'DIS KYANG MI RTAG DRAN NAS BYUNG, ,DBYAR SA LA DROD BABS RTZI THOG RGYAS, ,BLO BAG PHEBS DUS KYI DE MA THAG ,DGUN KHA RLUNG 'CHUBS PA'I GRANG BAS SKYO, ,RKYEN 'DIS KYANG MI RTAG DRAN NAS BYUNG, ,STENG SGRA DBYANGS SGROG PA'I GA YU 'BRUG DANG, ,BAR GSUNG SNYAN 'JEBS PA'I KHU BYUG SOGS, ,DUS YAL YOL GAR SONG CHA MED THAL, ,RKYEN 'DIS KYANG MI RTAG DRAN NAS BYUNG, ,DNGOS ZHAL NAS CHOS KYI SMAN MCHOG GIS, ,SEMS NYON MONGS NAD SEL DAM PA MANG, ,DUS DENG SANG DAG PA'I ZHING NAS GZIGS, ,RKYEN 'DIS KYANG MI RTAG DRAN NAS BYUNG, ,LUS SKYED PA'I DRIN CAN MA LA SOGS, ,GNYEN MDZA' BSHES 'BRAL GLAGS

, ,MI PHOD KYANG, ,DUS DENG SANG 'DU PA'I 'BREL PA CHAD, ,RKYEN 'DIS KYANG MI RTAG DRAN NAS BYUNG, ,PHO RGOD PO 'PHYIS KYI SO CHIS CAN, ,LO ZLA BA RTING MA'I GRABS GSHOM BYED, ,LAS 'PHROR LUS RANG NYID GAR SONG MED, ,RKYEN 'DIS KYANG MI RTAG DRAN NAS BYUNG, ,DPAL 'CHI MED RDO RJE'I SKU BRNYES PA, ,SKYABS SANGS RGYAS DE YANG 'DA' TSUL STON, ,LUS SHA KHRAG PAGS PAS G-YOGS PA 'DI, ,'JIG NGES PA CHU YI LBU PA 'DRA, ,NAR SON PA'I PHA MAS RANG GI BU, ,SKYES TZAM NAS DUR DU SBA BA SNANG, ,DE MTHONG NAS BDAG KYANG GZHON NO ZHES, ,'CHI BDAG LA GSHOL 'DEBS RE BA CHAD, ,DUS DA NANG DGRA 'DUL GNYEN SKYONG GI, GROS BYED DUS LUS BDE SEMS KYANG RGOD, ,DGUNG DRO LA BAB DUS DUR KHROD DU, ,LUS BYA KHYIS ZA BCANG BDEN NAM, ,LAR MTHONG THOS YUL DU GYUR BA YI, ,KHONG 'GRO BA MI YI SKYES BU RNAMS, ,DUS RING MTHA' LO BRGYA TSUN CHAD DU, ,GCIG TZAM YANG MI SDOD 'CHI BAR NGES, ,PHYI SNOD BCUD SNANG BA GANG LA YANG, ,YID LEGS PAR GTAD NAS BSAMS PA'I CHE, ,DUS SNGA PHYIR 'GYUR BA 'BA' ZHIG GIS, ,KUN MI RTAG SLOB DPON NYID DU GDA', ,SNGAR PHYIS PA'I SKABS NAS RIM 'PHEL BA'I, ,STOBS LANG CHO GZHON NU'I LUS KYI CHA, ,DA GANG LA BLTAS KYANG MI SDUG PA, ,'DI RANG LUS YIN YANG YID MI 'ONG, ,BDE SDUG DANG BTANG SNYOMS SNA CHOGS SAM, ,YANG RES 'GA' DGE LA RAS 'GA'

SDIG, RES LUNG MA BSTAN GYI SEMS LA SOGS, ,BLO 'DI YANG MI RTAG SKAD CIG G-YO, ,RANG GZHAN GYI SNANG TSUL GAR BLTAS KYANG, ,GLAG BZHIN DU 'BYUNG BAS BLO SA BDE, ,KHENG 'CHI BDAG GSHED LAS MTHA' NAS BSGOS, ,DA GSOD PAR NGAS? NA CI RANG DRAG, GNYEN BSHES DANG NOR RDZAS KHANG KHYIM SOGS, ,MI YUL GYI SNANG BA DANG SPRO YANG, ,SEMS CHAGS PAS BCINGS BZHIN DBANG MED DU, ,SNANG BA 'DI NAM ZHIG NUB PAR 'GYUR, ,LUS MAL GYI THA MAR 'DRE LDOG CING, ,NGAG THA MA'I TSIG GI LNGA BA LDIB SMRA, ,SEMS THA MA'I DRAN RTOG JE PHRAR NUB, ,DUS DE 'DRA BDAG LA NAM 'OD NA, ,SNGAR SDIG PA'I LAS LA DE TZAM SPYAD, ,TSE PHYI MAR PHAN PA'I DGE BAS DBUL, ,PHYOGS GAR 'GRO 'DI 'GRO'I GTOL MED PAS, ,DA BSAM TSE 'CHI LA SHIN TU CHER, ,DON DE PHYIR BDAG DANG BDAG 'DRA'I 'GRO, ,DGOS MED KYI BYA BYED MA MANG BAR, ,SKYABS BLA MA YI DAM MKHA' 'GRO LA, ,SKYABS 'DEGS DUS SKYEL MA'I ZHU BA PHUL, ,DGE SEMS KYI SNANG PA DKAR PO'I DANG, ,GDENG DGA' SPRO DANG BCAS 'CHI BA LA, ,DUS DA LTA GOMS PA GAL CHE BAS, ,MDO SNGAGS KYI ZAB DON 'DRIS PAR BYA, ,GTAM 'DI LA BRTEN NAS BDAG 'DRA BA, ,BLO DRED POR SONG PA'I CHOS MED RNAMS, ,NGES 'PHYUNG GI BSKUL MA THEBS PA DANG, ,RGYUD SMIN CING GRO LBA THOB PAR SHOG, CES SO, ,DE NAS YONGS 'DZIN RIN PO CHE NGAG DBANG MCHOG LDAN LA DPE CHOS RIN CHEN SPUNGS PA SOGS BKA' GDAMS KYI CHOS SKOR DU MA ZHIG GSAN, 'BRAS

, ,SPUNGS SNGAGS PA BLA ZUR ZHAL SNGA NAS BLO BZANG CHOS 'PHEL GYIS GSOL BA BTAB NAS DGE BA'I BSHES GNYEN SUM BRGYA SUM CU SKOR LA BDE MCHOG L'U AI PA'I BSKYED RIM GYI KHRID SRAD RGYUD DANG DBEN SA SNYAN RGYUD KYI GDAMS PA'I CHU PO GNYIS 'DRES MYONG KHRID DU STZAL BAS DER 'DUS PA'I DGE BA'I BSHES GNYEN DE RNAMS BLA MED THEG BA'I BDUD RTZIS TSIM PAR MDZAD DO, ,DE'I TSE DGE BA'I BSHES GNYEN RIN CHEN RGYAL MTSAN GYIS DPAL HE RU KA: DANG RJE BDAG NYID CHEN PO, RJE 'DI NYID GSUM DBYER MED DU GSOL BA BTAB CHOG PA ZHIG DGOS ZHES ZHUS PA NA, STENG DGA' LDAN LHA BRGYA'I MDUN SA NAS, ,SPRIN DKAR PO SNYEG PA'I RTZE MO RU, ,RJE RGYAL BA KUN 'DUS BLO BZANG GRAGS, ,DENG MDUN GYI NAM MKHAR GSHEGS SU GSOL, ,GNAS SPYI GTZUG SENG KHRI BAD ZLA'I STENG, ,YID DRAN PAS SRID ZHI'I GDUNG BA SEL, ,DPAL HE RU KA: DANG DBYER MED PA'I, ,RJE DRIN CAN BLA MA RIN PO CHE, ,MGON GSANG GSUM BKOD PA MTHA' YAS KYANG, ,DON NGO BO GCIG TU GSOL 'DEBS NA, ,RGYUD NYON MONGS RTZUB REG ZHI BA DANG, ,SEMS CHOS DANG 'DRES PAR BYIN GYIS RLOBS, ,SNGON LEGS BYAS BRGYA YIS 'PHANGS PA'I LUS, ,RTEN CHOS DANG MJAL BA'I DAL 'BYOR 'DI, ,LHA TSANGS DBANG GTZUG GI NOR BU BZHIN, ,DUS LAN CIG TZAM LAS RNYED DKA' YANG, ,DENG SNGON CHAD 'DI SNANG RE DOGS DANG, ,SEMS NYON MONGS DBANG DU SONG BA YIS, ,BLO CHOS DANG 'DRES PA'I SKABS MED BAR, ,TSE PHAL

CHER DON MED NGANG LA ZAD, ,DUS GTAN GYI MDUN MA RLUNG LA BSKUR, ,RGYUD 'PHUN 'DRE ZHUGS PA'I SMYON PA BDAG, TSE 'DI SNANG PHUN CHOGS THAMS CAD DANG, ,GTAN BRAL GYI PHA ROL CHA BA'I TSE, ,CHOS GSHA' MA BSGRUBS PA'I NYAMS MYONG GIS, ,'JIGS MI DGOS SNYAM PA'I GDENG TSAD MED, ,LO ZLA BZHAG DANG ZA MAS KYANG, ,LUS SEMS KYI MTHU STOBS RIM GYIS BRI, ,SNGAR LANG TSO DAR PA'I GZHON NU'I LUS, ,DA RGAS PA'I GNAS SKEBS 'DI LTAR SONG, ,LUS 'BYUNG BA 'KHRUGS PA'I NAD CIG GAM, ,RKYEN GLO BUR GDON GYIS 'TSE BA YIS, ,PHYOGS GANG DU MAL GYI THA MA LA, ,BDAG 'CHI BA'I DUS TSOD NAM 'OD NA, ,DGRA GSHIN RJE'I BSU MA'I PHO NYA SLEBS, ,PHYOGS DED SHA THON PA'I GDANGS MIG LTA, , MTHA' MDZA' BA SHES DU BAS YONGS SU BSKOR, ,GSHIN DGE DANG DUR GYI GSHOM RAS BREL, ,GNYEN LONGS SPYOD DPAL LA 'KHREN BA YIS, ,YID GDUNGS KYANG RANG DBANG GTOL MED 'GYUR, ,LAR DE LTA'I 'CHI BA 'OD NGES SHING, ,DUS DE RING NYI MA MA NUB GONG, ,SEMS ZAG PHUNG BRAL NAS BAR DO YI, ,'PHRANG RING PHOR MI 'GRO'I CHA YANG MED, ,'BROG DGON PA 'JIGS BA'I SA PHYOGS SU, ,RANG GCIG BU GTOL MED 'BYAMS PA BZHIN, ,SNGAR 'DRIS KYI GROGS DANG MGON MED PAR, ,BSHUL 'JIG RTEN PHYI MAR 'GRO BA NA, ,SKYABS BSLU MED DKON MCHOG MA LUS PA, ,RJE BLA MA GCIG TU 'DUS PA'I SKU, ,KHYED MA GTOGS RE SA GZHAN MED PAS, ,THUGS BRTZEBS SKYONGS SHIG THUGS RJE CAN, ,SGO GSUM

, ,GYIS BSGRUBS PA'I DAM CHOS RNAMS, ,RGYUD NYON MONGS GNYEN POR SONG BA YI, ,CHOS GNAD DU 'KHEL BA'I NYAMS LEN GYIS, ,DUS NYIN MTSAN 'DA' BAR BYIN GYIS RLOBS, ,MA SEMS CAN 'KHOR BA'I RGYA MTSO CHER, SDUG BSNGAL BA'I NGANG TSUL MA BZOD BAR, ,TSIG BCOS MA MIN PAR CI BYED RNAMS, ,GZHAN PHAN BDER 'GYUR BAR BYIN GYIS RLOBS, ,BDAG 'DI SNANG 'GAG PAR PHYOGS PA'I TSE, ,RJE BLA MA KHYAB BDAG HE RU KA: 'KHOR DPA' BO DPA' MO'I BSU BA YIS, ,GNAS MKHA' SPYOD ZHING DU KHRID DU GSOL, ,LAS NYON MONGS DBANG GIS SKYE BA'I MTHA', ,YONGS ZAD PAR MA GYUR DE SRID DU, ,LHA BLA MAS THEG MCHOG MGON MDZAD NAS, ,SMIN GROL GYI LAM BZANG MTHAR PHYIN SHOG, CES PA GNANG NGO, ,DE NAS DGE BA'I BSHES GNYEN MANG PO ZHIG LA SMAD RGYUD LUGS KYI KHRID CHEN BRGYAD DANG, SRAD RGYUD LUGS KYI KHRID CHEN DRUG BCAS ZAB CHOS MTHA' YAS PA GNANG, YONGS 'DZIN DAM PA KHRI CHEN NGAG DBANG MCHOG LDAN LAS SA SKYA'I GSER CHOS BCU GSUM DANG, BKA' GDAMS LHA BZHI SOGS LHAG PA'I LHA MANG PO'I RJES GNANG DANG, MGON PO PHYAG DRUG PA DANG GUR MGON SOGS CHOS SKYONG MANG BO'I RJES GNANG GSAN RTA TSAG SPRUL PA'I SKUS GSOL BA BTAB NAS DRIL BU LTA LNGA'I DBANG STA GON DANG BCAS RGYAS PAR GNANG, DE'I CHE 'BRAS SPUNGS SNGAGS PA GRVA TSANG DANG SER SNGAGS PA GRVA TSANG GNYIS KAS RDO RJE 'JIGS BYED KYI DBANG GI DON DU GSOL

PA BTAB PA NA, DON GNYER CAN MTHA' YAS PA BYUNG STE 'BRAS SPUNGS SNGAGS PA TSOGS YONGS DANG, DE MO SPRUL SKU RIN PO CHE SOGS SPRUL SKU DANG, BLA MA DGE BA'I BSHES GNYEN CHES MANG BA BCAS DGE 'DUN STONG DANG NYIS BRGYA BRGYAD CU SKOR LA DPAL RDO RJE 'JIGS BYED LHA BCU GSUM MA'I DBANG STA GON DANG BCAS PA RGYAS PAR STZAL ZHING, DE NAS MU 'THUD DA SER SNGAGS PA TSOGS YONGS DANG DGE BA'I BSHES GNYEN CHES MANG BA BCAS LA'ANG DPAL RDO RJE 'JIGS BYED KYI DBANG STA GON DANG BCAS PA RGYAS PAR STZAL, BRAG G-YAB SPRUL PA'I SKUS GSOL BA BTAB STE DGE 'DUN STONG PHRAG LHAG TZAM LA BYANG CHUB LAM RIM CHEN MO'I BSHAD LUNG RGYAS PAR STZAL ZHING, NYUNG SHAS SHIG LA THUGS RJE CHEN PO BCU GCIG ZHAL DPAL MO LUGS KYI DBANG CHEN YANG STZAL, ,DE NAS KHRI CHEN NGAG DBANG MCHOG LDAN LA RDO RJE 'JIGS BYED KYI 'KHRUL 'KHOR KHAMS GSUM LAS RNAM PAR RGYAL BA'I NYI 'OD MA BU RNAMS KYI GZABS BSHAD GSAN ZHING PHYAG LEN YANG SBYONG BAR MDZAD, GZHAN YANG KHRID CHEN LA N'A RO CHOS DRUG GI ZAB KHRID DANG, DGA' LDAN PHYAG RGYA CHEN PO'I ZAB KHRID DANG, DUS 'KHOR SBYOR DRUG GI ZAB KHRID RNAMS RGYAS PAR GSAN ,DE NAS AANG DKAR ZHABS DRUNG GIS GSOL BA BTAB NAS BDE LAM GYI ZAB KHRID SEMS BSKYED MCHOD BA DANG BCAS RGYAS PAR GSAN, DE NAS SKU MTSAMS SHIG GI NANG DU MI RTAG PA'I SNANG TSUL LA MBUR DBYANGS MDZAD BA NI,

, ,NE'U GSING SPANG LA SKYES PA'I, ,SPANG RGYAN ME TOG BKRA YANG, ,DGUN GYI KHA RLUNG 'TSUB DUS, ,RDUL PHRAN TZAM DU 'THOR BAS, ,DA LTA MDANGS BA KRAG MTSAR DUS, ,DKON MCHOG DRUNG DU PHUL DANG, ,SNGON BSAGS SBYIN PA'I 'BRAS BU, ,'DOD DGU'I LONGS SPYOD 'BYOR YANG, ,NAM ZHIG GANG THAG GZHAN GYIS, ,BDAG BZUNG RDZAS SU 'GYUR BAS, ,DA LTA RANG DBANG YOD DUS, ,SBYIN PA'I ZHING LA PHUL ZHIG, RTZAL GSUM DAR LA RDZOGS PA'I, ,G-YU 'BRUG SKAD GSANG MTHO YANG, ,DBYAR GSUM NAM ZLA'I THA MAR, ,SGRA SKAD NYAMS PAR 'GYUR BAS, ,DA LTA MKHA' LA 'PHYO DUS, ,DBYAR RDO DAL BUS SGROGS DANG, ,MTHUN 'JUG 'JIG RTEN LAS LA, ,GSUNG SNYAN 'GYUR KHUGS 'KHROL YANG, , NAM ZHIG MGRIN PA'I LAM LA, ,DBUGS KYANG CHAD PAR 'GYUR BAS, ,DA LTA SMRA LCE BDE DUS, ,GRAG STONG BZLAS PAR 'BUNGS SHIG, MKHA' LA RGYAN DU CHAGS PA'I, ,SPRIN DKAR LANG CHO GSAR YANG, ,DRAG PO'I RLUNG DANG 'PHRAD NAS, ,PHYOGS BCUR 'THOR BAR NGES SO, ,DA LTA LANG LONG 'KHRIGS DUS, ,SBRANG CHAR BCUD DU PHOB DANG, ,KHU KHRAG GZHAN GYI RDZAS LA, ,BDAG BZUNG LUS 'DI 'PHYOR YANG, ,NAM ZHIG MI GTZANG RDZAS BZHIN, ,'BREL MED 'DOR BAR 'GYUR BAS, , DA LTA RTZAL STOBS LDAN DUS, ,DGE BA'I BRAN DU BKOL ZHIG, DANG BSIL YID LA 'THAD PA'I, ,NYAL 'GRO LHUNG LHUNG 'BAB KYANG, ,MI RING THIGS PA TZAM YANG, ,LUS MED SKAMS PAR 'GYUR GYI, ,DA LTA RGYUN BZANG 'BAB DUS, ,

RTZI THOG GSOS SU DRONGS DANG, ,RANG BDE GZHAN LA GNOD PA'I, ,THABS TSUL SNA DGU 'GYU YANG, ,NAM ZHIG MING DON TZAM YANG, ,'CHAR MED RMONGS PAR 'GYUR GYI, ,DA LTA BLO RIG GSAL DUS, ,ZAB RGYAS GDAMS NGAG SGOMS SHIG, TSONG DUS SA YI LTE BAR, ,LHO BYANG TSONG PHRUG 'DZOM YANG, ,ZHAG GSUM NANG PAR DUS SU, ,SO SOR GYES PAR 'GYUR BAS, ,DA LTA YUD TZAM 'TSOGS DUS, ,'KHON DANG MTHUN 'GROGS SPONGS DANG, ,CHO SNGON LAS KYIS BKUG PA'I, ,DGRA GNYEN BYAMS SDANG CHE YANG, ,MI RING RIGS DRUG GNAS SU, ,SO SOR 'GRO BAR 'GYUR BAS, ,DA LTA RIS SU BCAD NAS, ,DGOS MED CHAGS SNGANG SPONGS SHIG, STON DUS MKHA' LA SHAR BA'I, ,NYA RGYAS NAM 'PHANG MTHO YANG, , 'DZAM GLING SA 'DIR GNAS PA'I, ,SKYE BO TSA GDUNG CAN LA, ,LUS SEMS DGA' BDE SKYED PA'I, ,SHUGS 'BYUNG 'OD DKAR 'GYED DO, ,GZHAN LA PHAN BDE 'DOD PA, ,RANG SEMS KHONG NA GNAS KYANG, ,PHYOGS DUS SGYE BO KUN GYIS, ,DON GNYIS DPAL DU 'GYUR BAS, ,LUS NGAG TSUL 'CHOS SPANGS TE, ,LHAG BSAM BZANG PO SKYED CIG, KLU DBANG GTZUG GI NOR BU, ,PHYOGS LHUNG RTOG PA MED KYANG, ,MCHOD DANG BKUR STI CHEN POS, ,RTZE GCIG GSOL BA BTAB LA, ,GANG BSAM RE BA'I 'BRAS BU, ,LAG RTZER STZOL BAR NGES SO, ,BLA MA SKU GSUM DBANG PHYUG, 'GRO LA NYE RING SPANGS KYANG, ,MOS GUS LTEM RKYANG MED PAS, ,RTZE GCIG DRAN PA DE LA, ,'DI DANG PHYI MA KUN GYI, ,LEGS CHOS 'GRUB PAR NGES SO, ,DBANG PO

, ,BSLAD PA'I MTHU YIS, ,MKHA' LA SNANG BKRAG MCHAR YANG, ,GSO DPYAD MIG SMAD RNON POS, ,SBYANGS PA'I DE MA THAG TU, ,RAB RIB SNANG BA LOG PA'I, ,STONG GSAL RJEN BAR 'CHAR RO, ,DNGOS 'DZIN GDON GYIS DKRUGS PAS, ,KUN RDZOB CI YANG 'CHAR MONG, ,'KHRUL PA'I RANG MCHANG 'COD BA'I, ,RIGS SHES LTA BA'I NGO NA, ,BLO BRID SNANG PA LEGS PA'I, ,GNAS LUGS LTAD MO LTOS SHIG, STONG GSAL MKHA' YI NGOS NA, ,TSUGS THUB BDEN PAR MED KYANG, ,RGYU RKYEN RTEN 'BREL MANG PO, ,CHOGS PA'I 'JA' TSON RI MO, ,GTAD MED CI YANG 'CHAR BA'I, ,NGO MTSAR 'DI LA LTOS DANG, ,DPYAD NA 'DI ZHES BYA BA'I, ,NGOS BZUNG CI YANG MID KYANG, ,RGYU RKYEN CHA SHAS MANG POR BTAGS YOD MING TZAM 'DI LA, ,BYA BYED THAMS CAD 'THAD PA'I, ,SGYU MA 'DI LA GZIGS DANG, ,BDEN DNGOS BSLU BA MED PA'I ,DMIGS GTAD GANG YANG MED KYANG, ,KHOG YANGS BRAG GI PHUG PAR, ,SGRA SNYAN BRAG CA'I DBYANGS KYIS, ,RANG 'DZIN SHES PA BSKYED PA'I, ,NUS PA THOGS MED BZHIN DU, ,BSLU MED DON LA GRUB PA'I, ,SNYING PO CHA TZAM MED KYANG, ,DON LDAN TSIG GI PHRENG BA, ,'DI LTAR SPEL BA'I GTAM GYIS, ,KUN RDZOB 'GRO BA MANG BOR, ,PHAN PA RGYA CHEN GYUR CIG, ,CES SO, ,DE NAS KHRI CHEN NGAG DBANG MCHOG LDAN LA RGYAL TSAB DAR MA RIN CHEN GYI GSUNG PHAL CHA BA'I LUNG GAS NO?, ,DE NAS KHRI CHEN NGAG DBANG MCHOG LDAN LA GSOL BA YUN RING DU BTAB STE DPAL DUS KYI 'KHOR LO'I

DBANG MO CHE RJE YAB SRAS NAS BRGYUD PA DENG SANG RGYUN CHAD DU NYE BA LA THUG PAS KHRID CHEN RDO RJE 'CHANG GIS RGYUN ZHIG BZHES NAS GNANG THUB PA ZHIG DGOS ZHES YANG DANG YANG DU GSOL BA BTAB PA NA KHRI CHEN SKU NA MTHO YANG RGYAL BA MCHOG GI BKA' DANG 'JAM MGON BSTAN RGYUN LA DGONGS TE DKA' BA CHEN BOS GSAN NAS LJAGS BSNYEN SOGS LEGS PAR GRUB STE RJE 'DI PA LA 'BUL BAR MDZAD, RJE 'DIS KYANG GONG BSNYEN SOGS RGYUD DANG MTHUN PAR LEGS PAR GRUB PAR MDZAD NAS DPAL DUS KYI 'KHOR LO'I DBANG DANG MAN NGAG 'CHAD PA LA 'JIGS PA MED PA'I GNAS THOB PAR MDZAD DO, ,DE NAS DVAGS PO DGE BSHES KYIS GSOL BA BTAB PA LA BRTEN NAS 'BRAS SPUNGS 'DU KHANG CHEN MOR SDE SNOD 'DZIN PA BZHI STONG TZAM LA DRANG NGES RNAM 'BYED ZHAG NYI SHU RTZA GSUM GYI BAR DU DKA' BA'I GNAS RNAMS DRI MA MED PA'I RIGS PAS MTHA' CHOD PAR MDZAD DE RGYAS PAR GNANG BAS RGYAL BA TZONG KHA PA RANG NYID SLAR 'JIG RTEN 'DIR DNGOS SU BYON PA JI LTA BA BZHIN DU GYUR TO ZHES DE DUS KYI SDE SNOD 'DZIN PA MTHA' DAG GSUNG NGO, ,DE NAS KHRI CHEN RDO RJE 'CHANG NGAG DBANG MCHOG LDAN LA PHYAG RDOR 'KHOR CHEN GYI DBANG GSAN NAS YI DAM 'DI'I BSNYEN BSGRUB SOGS MTHAR PHYIN PAR MDZAD DO, ,DE NAS 'BRAS SPUNGS SNGAGS PA BLA ZUR ZHAL SNGA NAS KYIS GSOL BA BTAB NAS SDE SNOD 'DZIN PA BDUN BRGYA BSKOR LA DPAL GSANG BA 'DUS PA'I RTZA RGYUD 'GREL PA SGRON GSAL, RJE BDAG NYID CHEN POS MDZAD PA'I

, ,BSDUS DON MCHAN BU MTHA' GCOD DE 'GREL PA BZHI SBRAGS KYI BSHAD RGYUN RGYAS PAR STZAL BAS GSANG CHEN RDO RJE THEG PA'I BSTAN PA NYI MA LTAR GSAL BAR MDZAD DO, ,DE NAS SHING MO GLANG GI LO SDE SNOD 'DZIN PA MANG POS GSOL BA BTAB NAS, DAD LDAN TSIG STONG SKOR LA DPAL RDO RJE 'JIGS BYED CHEN PO'I DBANG BZHI STA GON DANG BCAS PAR RGYAS PAR GNANG, DE'I TSE DBANG DNGOS GZHI'I NYIN NAM MKHA' SHIN TU DNGAS PA LAS ME TOG GI CHAR BABS PA BYUNG ZHING, RIG PA 'DZIN PA 'GA' ZHIG LA YE SHES PA PHABS PA'ANG BYUNG BAS KUN MI PHYED PA'I DAD PA THOB BO, ,MANYDZU SHR'IS GSOL BA TAB NAS MA RGYUD THAMS CAD KYI GTZO BO DPAL 'KHOR LO SDOM PA'I RTZA RGYUD DANG, RJE BDAG NYID CHEN POS MDZAD PA'I SPAS DON KUN GSAL GNYIS RTZA 'GREL SBRAGS NAS GNANG BAS RJE BDAG NYID CHEN PO'I BSTAN PA'I SNYING PO NYAMS PA GSO BAR MDZAD DE RJE'I BSTAN PA LA BKA' DRIN CHE BAR MDZAD DO, ,DE NAS CHU KHYI LO DGA' LDAN RNAM PAR RGYAL BA'I GLING DU PHEBS SKABS RJE THAMS CAD MKHYEN BA'I RNAM THAR DANG BKA' DRIN DRAN BA'I DAD GUS SHUGS DRAG PO THUGS LA 'KHRUNGS PAS THUGS RJE BSKUL BA'I GSOL 'DEBS MGUR DBYANGS 'DI LTAR MDZAD DO, , GNAS SA 'DZIN MTHON PO LHUN CHAGS SPO, ,RJE BAD GSHEGS KUN GYIS BYIN GYIS BRLABS, ,DON YE SHES RANG SNANG SGYU 'PHRUL GYI, ,DPAL RGYAL BA'I DKYIL 'KHOR CHEN POR GRUB, ,RI SMAN LJONGS DRI BZANG NGAD PA 'THUL, ,DUS GSUM

DU ME TOG LDING KHANG BKRA, SHING G-YU LO RGYAS PA'I TSANG TSING GIS, ,RJE BLA MA'I MDZES SKU YID LA SHAR, ,CHAB LHUNG LHUNG 'BAB BA'I NYAL 'GRO'I SGRA, ,YID 'KHOS SU PHEBS PA'I 'DAB CHAGS SKAD, ,CHOS LEGS BSHAD DAR DIR SGROGS BA YIS, ,RJE BLA MA'I GSUNG DBYANGS YID LA DRAN, ,STON G-YA' DANG BRAL BA'I DGUNG SNGON SPOR, ,SPRIN DKAR GSAL LANG LONG RTZIBS SHAR BSGRENGS, ,NYI GZHON GYI 'OD SNANG LAM LAM 'DIS, ,RJE BLA MA'I MKHYEN BRTZE YID LA SHAR, ,SKU GSAL RDZOGS MTSAN DPE'I RGYAN GYIS SPRAS, ,GSUNG ZAB RGYAS GDAMS PAS 'DOD PA 'JO, ,THUGS 'OD GSAL CHOS KUN GZIGS MO CAN, ,RJE BLO BZANG GRAGS PA SRAS DANG BCAS, ,SNGON THUGS DAM JI LTAR BCAS PA BZHIN, ,MGON DPUNG GNYEN SANG DU 'DIR GSHEGS LA, ,KUN BZANG GI MCHOD PA RGYA MTSO'I TSOGS, ,DBYINGS BDE CHEN NGANG DU BZHES SU GSOL, ,ZHING RNAM DAG BYIN RLABS G-YANG DU CHAGS, ,NYAMS DGA' BDE'I 'BROG GI RI BO CHER, ,RJE RGYAL BAS LUNG BSTAN DGA' LDAN ZHES, ,PHYOGS KUN LAS RNAM PAR RGYAL BA 'DIR, ,THUGS BDE STONG DBYER MED DANG NYID LA, ,YUL KUN RDZOB 'JA' TSON CI YANG BKRA, SKU GCIG LAS RAB 'BYAMS SPRUL BA'I SPRIN, ,CHAD MU MTHA' BRAL BAR 'GYED BZHIN DU, , CHOS MDO SNGAGS ZAB DANG RGYA CHE'I LAM, ,THAR 'DOD KYI 'JUG NGOGS GANG YIN PA, ,TSIG SGRA SPYIR MA LUS 'KHRUL MED DU, ,SKAL LDAN GYI 'BRAL RJEN PAR BSTAN, ,RJE BLA MA KHYED KYI BKA' DRIN LAS, ,BKA' MDO RGYUD MA LUS GDAMS

, ,BAR GO, MTHAR BYANG CHUB NYE BA'I LAM NGO MTHONG, ,PHYOGS GOL SAR SHAR BA'I 'KHRUL BA ZAD, ,MGON KHYOD KYI RNAM PAR THAR PA LA, ,'BANGS RJES SU ZHUGS PA'I GDUL BYA BDAG, DRIN LEGS PAR BSAM PA'I MOS GUS KYIS, ,YID KHONG NAS BSKYOD PA'I RE LTOS ZHU, ,PHA MI MNGON BDE CHEN DBYINGS SU GSHEGS, ,BU SKAL MED 'KHOR BA'I 'DAM 'DIR LUS, ,DA MGON SKYABS BAR BA'I SMRE SNGAGS KYI, ,NGAG GDUNG DBYANGS 'DI LA GSAN DU GSOL, ,PHAR 'GRO BA'I SPYOD TSUL LA BLTAS NA, ,PHYI RAB BYUNG CHOS PAR RLOM NA YANG, ,NANG TSE 'DI KHO NA'I SNANG SHAS LA, ,KHONG KHYIM PA LAS KYANG ZHEN PA CHE, ,PHAL SKYE BO NAG PO'I LAS LA DGA', ,NGAN G-YO CAN MGO 'PHANG MTHO LA BRIN, ,DUS SNYIGS MAR SPYOD PA'I NGANG TSUL 'DIS,, SNYING RUS PA'I GTING LA NAD DU THINGS, ,TSUR RANG GI NGANG TSUL LA BLTAS NA, ,PHYI DGE SBYONG TSUL 'CHOS KYIS MDZES SHING, ,CHOS SDE SNOD ZAB MO THOS NA YANG, ,NANG SHES RGYUD MA DUL SHING LTAR RENGS, ,DBANG YUL GYI SNANG BA GANG SHAR LA, ,DRAN SHES DANG GNYEN PO MTHU CHUNG BAS, ,YID DUG GSUM DBANG DU SHAR SHOR TE, ,RDZAS MI GTZANG GANG BA'I GSER BUM BZHIN, , LAR DAL 'BYOR LDAN PA'I MI LUS 'DIS, ,SNGAR NGAN SONG RGYU TSOGS BSGRUBS BSGRUBS NAS, ,DON RANG GZHAN PHAN NGES RNAM DKAR GYI, ,GDENGS CHA SHAS TZAM YANG MA MCHIS SO, ,BDAG YUL NGAN DUS KYI THA MAR SKYES, ,LAS

GYI NAS 'DA' BA'I NGANG TSUL 'DI, ,PHA BLA MA KHYED KYIS NYER DGONGS LA, ,THUGS BRTZE BA'I LCAGS KYUS GZUNG DU GSOL, ,TSE 'DI PHYI BAR DO GANG DU YANG, ,RJE GCIG CHOG KHYED RANG MKHYEN LAGS BAS, ,SKYABS RE SAS BSLU BA MA MDZAD BAR, ,MGON DPUNG GNYEN MDZOD CIG BLA MA MKHYEN, ,SPYIR 'GRO BA KUN LA BU LTAR BRTZE, ,SGOS NYAM THAG BDAG GI PHA LAGS NA, ,SKU MTSAN DPES BRGYAN PA'I DKYIL 'KHOR DE, ,'DIR MNGON SUM SNANG BAR BSTAN DU GSOL, ,DUS GNAS SKABS KUN TU PHAN NGES PA'I, ,GSUNG GDAMS NGAG RNAM BAR STZAL DU GSOL, ,THUGS DMIGS MED BDE BA CHEN PO DANG, ,YID RO GCIG 'DRES PAR BYIN GYIS RLOBS, ,TSE MI RTAG NUB KA'I NYI MA 'DRA, ,NOR LONGS SPYOD RTZVA RTZE'I ZIL PAR MTSUNGS, ,GTAM SNYAN GAGS LUNG STONG RLUNG GI SGRA, ,LUS LANG TSO STON MTHA'I ME TOG BZHIN, ,LAR 'KHOR BA SPYI DANG BYE BRAG GI, MTSANG NGAN PA'I NGANG TSUL KUN MTHONG NAS, ,BLO GTING NAS CHOS LA PHYOGS PA DANG, ,CHOS LAM DU 'GRO BAR BYIN GYIS RLOBS, ,THOG MED NAS DRIN GYIS BSKYANGS BSKYANGS PA'I, ,MA RIGS DRUG SEMS CAN NYAM THAG LA, ,BYAMS SNYING RJE BYANG CHUB SEMS KYI BLOS, ,RGYUD LHAG BAR PHYUG PAR BYIN GYIS RLOBS, ,CHOS GANG SHAR NGO LA PHAR BLTAS TSE, ,RANG RTOG BTAGS RI MO TZAM ZHIG LAS, ,GSHIS SPROS BBREL GNAS LUGS CHEN PO DE, ,DUS MYUR TU RTOGS PAR BYIN GYIS RLOBS, PHYI SNANG BA LHA DANG

, ,LHA MONG SHAR, ,NAD SEMS RGYUD BDE STONG ROL PAS TSIMS, ,MCHOG BSKYED RDZOGS RDO RJE'I RNAL 'BYOR GYIS, ,TSE 'DI LA GROL BAR BYIN GYIS RLOBS, ,RGYUD NYON MONGS 'PHEL BA'I BSAM GTAN DGRAS, ,RGYANG RING DU DBEN PA'I GNAS BZANG PO, ,NYAMS BAG PHEBS BDE DGA' BSKYED PA'I SAR, ,ZAB DON LA GZHOL BAR BYIN GYIS RLOBS, ,CHOS SDOM PA GSUM GYI BLANG DOR LAS, ,PHYIR PHYOGS PA'I SDIG LTUNG DRI MA DANG, ,RKYEN BAR GCOD PHYI NANG 'TSE BA KUN, ,DUS MYUR DU ZHI BAR BYIN GYIS RLOBS, ,LHA 'JAM DPAL ZHI KHRO BKA' SDOD SOGS, ,SKU CIR YANG STON PA'I RDZU 'PHRUL GYIS, ,RKYEN MTHUN PA'I LAS KUN BSGRUB PA DANG, ,SKYABS G-YEL BA MED PAR MDZAD DU GSOL, ,BDAG LUS NGAG YID LA GSANG GSUM GYI, ,DPAL BYIN RLABS NUS MTHU KUN STZOL LA, ,SGO GSUM GYIS CI BYED SEMS CAN DANG, ,RJE KHYED KYI BSTAN LA PHAN PAR SHOG ,CHOS MDO SNGAGS SGRA YIS SA STENG KHYAB; ;DON SGRUB BRGYUD BSTAN PA'I NYI MA SHAR, ,'BREL TSAD LA PHAN BDE'I DNGOS GRUB 'PHEL, ,YID CI BSAM 'GRUB PA'I BKRA SHIS STZOL, ,ZHES PA'O, ,DE NAS BRAG G-YAB GDUNG KHANG SKU SKYES GSOL BA BTAB NAS DGE 'DUN TSIG STONG SKOR LA RJE NYID KYI GSUNG 'BUM YONGS RDZOGS KYI LJANGS LUNG GNANG, BAR SKABS SHIG BUNG BA MANG PO ME TOG LA 'KHOR TE 'PHUR LDING GIS ME TOG GI ZE'U 'BRU'I BCUD GZHIB TZANG RGYUD MANG SNYAN PA'I SGRA SGROG PA

GZIGS SHING GSAN PAS SNANG BA DPE CHAR SHAR BA'I NYAMS MGUR 'DI LTAR MDZAD DE, YID CI 'DOD DNGOS GRUB MA LUS PA'I, ,DON BDE BLAG STZOL MDZAD BLA MA DANG, ,LTA NGAG GI DBANG PHYUG YAB YUM LA, ,BDAG GSOL BA 'DEBS SO BYIN GYIS RLOBS, ,SHA MI GTZANG RDZAS KYI GONG BU LA, ,BLO GTAD MED SBRANG BU MANG PO ZHIG ,ZAS ZHIM POR RLOM NAS ZA ZIR 'DU, ,DPE 'DI DANG MCHUNGS PA'I DON GYI GLU, ,MNOG CHUNG BA TSE 'DI'I PHUN TSOGS LA, ,BLO COL CHUNG 'GRO BA MANG PO ZHIG, THABS DU MA'I SGO NAS 'TSOL NA YANG, ,YUD TZAM LAS PHAN PAR NGAS MA MTHONG, ,STAG CHUNG GI BUNG BA BZHON NU DES, ,MDANGS LDAN GYI ME TOG GCIG NAS GCIG, YUD TZAM LA 'DOR LEN BYED PA MTHONG, ,DPE 'DI DANG MTSUNGS PA'I DON GYI GLU, ,SNYIGS DUS KYI SKYE BO MANG PO ZHIG, SEMS MA DAG RANG GI SNANG TSUL GYIS, ,SKAD CIG LA DGRA GNYEN 'GYUR BA MTHONG, ,BLO BRTAN PA'I GROGS PO NGAS MA RNYED, ,PHYI KHA DOG MTSAR BA'I G-YU SBRANG TSO, ,NANG NGAN SKYUGS ZOS PA'I CHA SHAS KYI, ,KHUR LCI BA THOGS NAS ZLOS GAR RTZE, ,DPE 'DI DANG MTSUNGS PA'I DON GYI GLU, SHA RUS DANG RNAG KHRAG GSHANG GCI SOGS, ,RDZAS MI GTZANG KHO NA'I RGYAL PA LA, ,SGO DBANG PO'I BU GDONG TZAM 'DIR, ,BYI DAR GYIS 'GYING BA NGO RE TSA, ,SKAD ZIR ZIR SGROG PA BUNG BA'I GLU, 'PHRAL RNA BA'I YUL DU SNYAN MOD KYI, ,DUS NAM YANG PHAN PA'I DON GYIS STONG, ,DPE 'DI DANG MTSUNGS PA'I DON GYI GLU, NGO BSTOD DANG BZANG PO'I GRAGS PA DE, ,'PHRAL

, ,YID KYI YUL DU DGA' NA YANG, ,GRAG TZAM NAS GAR SONG MED PAR YAL, ,PHUGS PHAN PA'I CHA TZAM NGAS MA MTHONG, ,DBYAR LANG CHES DREGS PA'I RKANG DRUG TSO, ,YUD TZAM ZHIG DGA' MGUR LDING NA YANG; ;DA BSER BUS 'JOMS LA MNGON DU PHYOGS, ,DPE 'DI DANG MTSUNGS PA'I DON GYI GLU, LUS LANG TSO RGYAS PA'I 'JO SGEG GIS, ,DUS DA LTA RANG SEMS DREGS NA YANG, ,MTHAR 'CHI BDAG PHO NYAS DBANG MED DU, ,GSHIN PHA ROL YUL DU NAM 'KHRID NA, ,KHONG 'DU SHES 'KHRUL PA'I BHA MA RA: SMAN GA PUR NGAD LA MI BSNYEN PAR, ,RDZAS PHYI SA'I DRI LA NGANG GIS 'DU, ,DPE 'DI DANG MTSUNGS PA'I DON GYI GLU, SNYIGS DUS KYI SKYE BO PHAL MO CHE, ,TSUL GZUR GNAS DAM PA'I PHYOGS LA BYOL, ,NGAN G-YO CAN NOR DANG LDAN PA LA, ,YID RE LTOS 'CHA' BA AA RE 'KHRUL, ,KHONG KHREL MED SBRANG RTZI 'DOD PA TSO, ,RANG RTEN GYI ME TOG GZHON NU MA'I, ,BCUD CI 'DOD DRANGS NAS MOD LA 'DOR, ,DPE 'DI DANG MTSUNGS PA'I DON GYI GLU, ,DENG PHYI THAG MED PA'I SKYE BO PHAL, ,RANG PHAN BDER SBYOR BA'I DPYAD LDAN DANG, ,GROGS BZANG POS DRIN GYIS BSKYANGS NA YANG, ,PHYIR DGRA YI PHYOGS BZHIN 'DOR BA MANG, , BLO GU YANGS RKANG DRUG GZHON NU TSO, ,GNAS GROGS LA ZHEN PAS MA BCINGS PAR, ,RANG GANG SKYID PHYOGS LA RTZE ZHING 'GRO, DPE 'DI DANG MTSUNGS PA'I DON GYI GLU, YUL 'DOD YON 'CHING BAS MA BCINGS PAR, ,GNAS NYAMS SU

DGA' BA DBEN PA'I TSAL, ,DON BSAM SGOM RNAL 'BYOR LHUR LEN PAR, ,MI KHO BO SNYING NAS YID SMON 'CHA', ,DUS DBYAR GYI ZLA BA THA MA'I TSE, ,DPANG SER KYI ME TOG 'DZUM GROL ZHING, ,STENG DRO 'JAM NYI MA GUNG ZHIG LA, ,YID SKYO GROGS BUNG BA MANG PO ZHIG ,LANG LONG GI ZLOS GAR RTZE BA NA, ,DPE SBRANG RTZIR SPYOD PA'I SNANG TSUL RER, ,DON RKANG PAR BCAD PA'I MGRIN GLU 'DI, ,BDAG DBYANGS CAN DGYES PA'I RDO RJES SBYAR, ,ZHES PA'O, ,DE NAS LHA BTZUN THO YON DAR RGYAS KYIS GSOL BA BTAB NAS DGE 'DUN STONG DANG LNGA BRGYA SKOR LA THUGS RJE CHEN PO RGYAL BA RGYA MTSO'I DBANG STA GON DANG BCAS PA RGYAS PAR STZAL, DE NAS RTA TSAG RJE DRUNG GIS GSOL BA BTAB NAS RJE RIN PO CHE'I GSUNG 'BUM YONGS RDZOGS KYI LJAGS LUNG DANG, SA SKYA'I GSER CHOS BCU GSUM SOGS CHOS BKA' MANG DU STZAL, DE NAS CHU BZANG SPRUL PA'I SKUS GSOL BA BTAB NAS DAD LDAN SUM BRGYA SKOR LA TSE DPAG MAD LTA DGU'I DBANG STA GON DANG BCAS PA STZAL ZHING NYUNG BSDUS SHIG LA RDO RJE 'JIGS BYED KYI DBANG YANG STZAL, DE NAS JUN SGAR PA'I DGE SGRUB PA MI SNA PHON CHE 'BYOR PA'I TSE JUN SGAR GYI MKHAN PO KHRI THOG PA DGE 'DUN GRAGS PAS ZHAL GDAMS SHIG DGOS ZHES NAN CHEN POS BSKUL PA LA BRTEN NAS RJE RIN PO CHE'I BSTAN PA'I SNYING PO LA NYAMS LEN BYED TSUL GYI GNAD KYI ZHAL GDAMS DANG, DAD LDAN KHYIM PA DAG LA PHAN GDAGS TSUL SOGS GNAD DON TSANG BA'I ZHAL GDAMS 'DI LTAR GNANG STE,

, ,BSTAN PA DANG MJAL BA'I MI LUS RNAM PAR DAG PA NI THOB, GZHUB LUGS CHEN MO RNAMS THOS BSAM GYIS GTAN LA PHAB NAS BLANG DOR BYA BA'I GNAD KYANG LEGS BAR MKHYEN PA YIN PAS NA, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES GSUNGS PA LTAR, SNGAR THOS PA'I DON RNAMS RANG GI RGYUD STENG DU BSKOR NAS NYAMS SU BLANGS TE SEMS KHO NA 'DUL BA'I THABS SU 'GRO BA ZHIG MDZAD DGOS LA, DE YANG, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES GSUNGS PA LTAR, RAB TSE 'DI'I GNYEN BSHES 'KHOR SLOB SBYIN BDAG SOGS KYI 'GROGS 'DRIS THAMS CAD SPANGS NAS DBEN PA'I RI SUL DU LUS LA DRANG SRONG GI RGYAL MTSAN 'CHANG, NGAG BLA MA LHA'I GSOL 'DEBS DANG GSANG SNGAGS ZAB MO'I BZLAS BRJOD LHANG LHANG BA, DKOR ZAS DANG GRIB KYIS MA SBAGS PAS RIG PA DANG SING NGE, SEMS TSE 'DI'I RE DOGS GANG GIS KYANG MA BCINGS PAS GU YANGS, SGO GSUM SDIG LTUNG DANG MA 'DRES PAS BLO BDE, SEMS CHOS DANG 'DRES PA'I NYAMS LEN RDO RUS THUG PAS NYAMS DGA' YAL LE BA BYUNG NA, MDUN MA LA DE LAS LEGS PA GZHAN CI ZHIG YOD, MI LUS THOB PA'I GO BCAD PA YIN MOD, DE LTA NA'ANG RANG RE 'CHAD SPEL PHYI BYA BA RGYA CHEN PO LA ZHUGS PA'I GZHAN DBANG CAN LA DE LTA BU'I 'KHRI PA RBAD CHOD CIG 'BYUNG BAR DKA' NA'ANG

'PHRAL GYI 'DOD YON ZAR ZIR THAMS CAD LA BDAG DE RING RANG YANG MI 'CHI BA'I CHA MED PA LA 'DI DAG BYUNG BAS CI RANG BYED SNYAM DU ZHE NAS CHAGS ZHEN GYI 'CHING BA LTOD GANG THUB DANG, SNGAR RANG DON LA DE TZAM 'BAD DUNG BYAS KYANG PHAN GANG YANG MA THOGS, GZHAN DON SNYING DU BCANGS NAD GZOD SANGS RGYAS KYI GO 'PHANG THOB NGES YIN PA LA SNGON CHAD DKA' LA DON MED PA'I BYA BAS 'DAS, DA BYA BA CI BYED THAMS CAD SEMS CAN KHO NA LA PHAN THOGS PA ZHIG BYED SNYAM PA'I BSAM PA BZANG PO DANG DE LTAR SHOG CIG SNYAM PA'I SMON LAM DUS RTAG PAR YANG NAS YANG DU GSAL BTAB, DGE SLONG THAMS CAD BYANG CHUB KYI SEMS BCOS MA TSUN CHAD KYIS KYANG ZIN PAR BYAS NAS GTZO BOR GSANG SNGAGS BLA MED KYI BSKYED RDZOGS ZAB MO DANG 'BREL BAR RTAG PAR LHA'I NGA RGYAL DU RE BA DANG, BZLAS BSNYEN SOGS LA 'BAD PAR MDZED NA DE BAS LHAG PA GZHAN DU CI ZHIG YOD PAS YUL PHYOGS GANG DU GNAS DANG DBEN MI DBYEN LA MA BLTOS PAR SEMS KYI DGE SBYOR 'DI KHO NA GTZO BO YIN MOD, LHAG PAR BSTAN PA RDZOGS LDAN GYI DUS LA BSLAB GZHI YONGS SU RDZOGS PA BSRUNGS PA LAS DENG SANG BSLAB PA'I SNA GCIG BSRUNGS PA PHAN YON CHE BAR GSUNGS PA BZHIN DU BLA MA DGE BA'I BSHES GNYEN DANG, GRVA SA CHEN PO MANG DU BZHUGS PA'I GNAS LAS PHYOGS MTHAR BSTAN PA'I KHUR BSNAMS NA BAN YON LHAG PAR CHE BAS PHYOGS DER GTAN

, ,CHAGS PAR BZHUGS PA'I 'DUN PAS 'CHAD SPEL SOGS BSTAN PA'I BYA BA RGYA CHEN PO LA MA ZHUM PA'I SNYING STOBS BSKYEN PAR MDZOD, PHYOGS DE'I SKYE BO PHAL MO CHE SNOD RUNG GI GTZO BO CHOS LA DAD PA SHIN TU CHE ZHING BRTAN PA DANG LDAN PA YIN 'DUG GSHIS, RAB TU BYUNG BA RNAMS BDE LEGS THAMS CAD KYI RTZA BA SO SO THAR PA'I TSUL KHRIMS KYI BCAS PA PHRA MO TSUN CHOD KYANG LAG LEN LA 'DEBS GANG THUB DANG, BYANG SEMS DANG GSANG SNGAGS KYI SDOM PA LA DENG SANG GTAM TZAM ZHIG LAS LAG LEN BYED MI SRID MTHA' RU 'DUG PAS NA, SDOM PA DE GNYIS LA'ANG BSLAB TSUL SOGS RANG RANG GI SNOD RUNG RNAMS LA LEGS PAR 'KHRID NAS BLANG DOR BYED THUB PA ZHIG DANG, SDOM PA LAS 'GAL BA'I NYES LTUNG BYUNG BA'ANG NYIN MO BYUNG BA RNAMS NUB MO DANG, NUB MO BYUNG BA RNAMS NANGS PAR DKON MCHOG GI RTEN LA SOGS PA'I DRUNG DU SPYI BSHAGS DANG PHYIR BCOS LTUNG BSHAGS LA SOGS PA'I SGO NAS BSHAGS PA BYED DGOS PA'I BSLAB BYA NAN TAN MDZAD NAS LAG LEN LA THEBS PA ZHIG BYUNG NA RGYUD DAG PA DANG NGO TSA KHREL YOD SKYE BA SOGS KYI DGOS PA LHAG PAR CHE BA YIN, GZHAN YANG MDO SNGAGS KYI GZHUNG LUGS CHEN MO RNAMS LA BSLAB SBYANGS BYED DU BCUG NAS DE'I DON RNAMS LAG LEN LA THEBS PA'I PHYIR BYANG CHUB LAM GYI RIM PA LA SOGS PA'I 'KHRID TSUL BSTAN NAS THOS PA KHA PHYIR BLTAS KYI SGRA SPYI TZAM LA MA SONG BAR RGYUD LA PHAN THOGS PA'I THABS SU

'GYUR NGES PA ZHIG MDZOD, KHYIM PA'I RIGS KYANG DUS BZANG LA BSNYEN GNAS SMYUNG GNAS SOGS KYI BSLAB PA LA 'GOD PA DANG, RGYUN DU DKON MCHOG GI RTEN LA MCHOD PA, PHYAG SKOR, DMIGS BRTZEM DANG RIGS GSUM MGON PO, SGROL MA'I GSUNGS LA SOGS PA'I NGAG BZLAS LA BRTZON PA, 'DUL LUNG GI GLENG GZHI DANG, MDZANGS BLUN SOGS LAS 'BRAS KYI BYUNG BA RNAMS BSHAD NAS, GTZO BOR DKAR CHOS THAMS CAD KYI RTZA BA DKON MCHOG DANG LAS 'BRAS LAS DAD PA'I DAD PA BRTAN PO MI NYAMS GONG 'PHEL DU 'GRO BA'I ZABS KYIS SDIG SPONG DGE SGRUB KYI BLANG DOR LA 'GOD PA SOGS BSTAN PA DANG 'GRO BA LA PHAN PA'I BYA BA BZANG PO DON DANG LDAN PA LA NAN TAN GYIS 'BAD 'TSAL, ZHES DANG, TSIGS SU BCAD PA'I ZHAL GDAMS NI, SKYABS DUS GSUM RGYAL BA MA LUS PA, ,DANG THA MAL RDO RJE 'DZIN PA'I GZUGS, ,DON SKU BZHI'I MNGA' BDAG BLA MA RJE, ,YID GSOL BA 'DEBS SO BYIN GYIS RLOBS, ,KHYOD SNGON BSAGS LEGS BYAS RGYA MTSO LAS, ,RTEN DAL 'BYOR NOR BU LAG RTZER SON, ,BKA' MOD RGYUD GDAMS PA'I BYI DOR GYIS, ,SEMS RANG 'OD GSAL BA KHONG NAS 'BYIN, ,RANG RTOGS ZIN GNAS LA THA SNYAD KYI, ,TSIG SKAM POS GSAL 'DEBS MA DGOS KYANG,, YID DANG BAS BSKUL BA'I 'PHRIN LAN DU, ,GTAM 'DI SKAD SMRA LA SNYAN GSON CIG ,SNGON 'KHOR BAR DE TZAM 'KHYAMS 'KHYAMS NAS, ,GZHAN PHAN BDE LTA ZHOG RANG LA YANG, ,RDUL PHRA MO'I CHA YI PHAN PA TZAM, ,DENG SNGON CHAD GRUB PA CANG

, ,GDA' 'AM, ,DA CHOS LDAN MI YI LUS SU GRUB, ,ZAB RGYA CHE'I GDAMS PA SDE SNOD GSUM, ,THOS BSAM PAS RTOGS PA'I GNAS SKABS 'DIR, ,DON RTZE GCIG SGRUB LA NAN TAN MDZOD, ,MCHOG THUN MONG DNGOS GRUB MA LUS LA, ,YID GANG BSAM STZOL BA'I NOR BU DE, ,SKYABS BLA MA MCHOG GSUM YIN PAS NA, ,MOS GUS KYI GSOL 'DEBS NAN TAN MDZOD, ,DUS DE RING NYI MA MA NUB GONG, ,KHONG 'CHI BDAG RGYAL PO'I CHAD LAS KYIS, ,SROG DBUGS 'DI MI GCONG GDENG MED PAS, ,KHYED 'CHI BA 'DI LA BAG GZON MDZOD, ,GNYEN 'KHOR G-YOG LONGS SPYOD THAMS CAD KYIS, ,'PHRAL RANG SEMS BDE BA'I GO SKABS BCOM, ,SRED ZHEN GYIS 'CHI KHAR 'CHING BAS NA, ,KHYED 'DOD YON 'DI LA DGRA RU LTOS, ,ZAS GOS KYI PHAN PAS BSKYANGS BSKYANGS KYANG, ,SKAD CIG BZHIN MI SDUG 'GYUR BA STON, ,RDZAS NGAN GYIS GANG BA'I RGYAL PA BZHIN, ,KHYED RANG LUS 'DI LA KHUR DU LTOS, ,SNGON DE TZAM MYONG BA'I SDUG BSNGAL KUN, ,ZAG BCAS KYI PHUNG PO 'DI LAS BYUNG, ,DA SDUG LA RGYAN DU MA LTA BAR, ,KHYED 'PHUNG SRI 'DI DANG RGYAB GYES MDZOD, ,LHA TSANGS DBANG SRID RTZER PHYIN NAS KYANG, ,LAS NYON GYIS RANG RGYUD BCINGS BZHIN DU, ,MNAR MED KYI ME NANG LTUNG BAS NA, ,GNAS KHAMS GSUM 'DI LA SKYO BAR MDZOD, ,RANG LUS SEMS GDUNG BAS MNAR BA'I TSE, ,KHONG DE 'DRA'I 'GRO LA SNYING RJE BSKYED, ,'GRO KUN GYI SDUG BSNGAL TSUR BLANGS NAS, ,GZHAN DGA' BDES TSIMS PA'I GTONG LEN SBYONGS, ,SNGON SEMS CAN RNAMS KYIS

BDAG GI PHYIR, ,SROG YAL BAR BOR BA'I GRANGS TZAM YANG, ,DPAG MI NUS DRIN GYIS BSKYANGS PAS NA, ,YONGS PHA MA'I DRIN LAN SEMS LA CHONGS, ,DON BLANG DOR MTHONG BA'I MIG DANG BRAL, ,GNAS NGAN SONG G-YANG KHAR GOM 'GROS 'KHYOR,, LAS NYON MONGS SGROG GIS DAM DU BCINGS, ,MA NYAM THAG 'GRO LA SNYING RJE SGOMS, ,GNAS 'KHOR BA STONG MIN DE SRID DU, ,LHUN GRUB KYI GZHAN DON RGYUN 'CHAD MED,, RANG BDE BA MTHAR PHYIN SANGS RGYAS LA, ,DUS MYUR DU RE BA'I DON GNYER MDZOD, 'KHOR 'DAS KYI CHOS CAN MA LUS PA, ,RANG RTOG PAS BCOS PA'I SGYU MA LA, ,DON BDEN PAR BZUNG NA BSLU BA'I PHYIR, ,'KHRUL SNANG LA MA ZHEN STONG PAR LTOS, ,NYING 'KHRUL GYI RMI LAM MI BDEN YANG, ,SEMS DGA' SDUG BSKYED PA'I NUS PA BZHIN, ,LTOS GRUB KYI RTEN 'BREL MI BSLU BAS, ,LAS RGYU 'BRAS BLANG DOR GZAB PAR MDZOD, ,LUS SNANG STONG LHA SKU SGYU MA BZHIN, ,GNAS GAR SDED RANG SNANG GZHAL YAS KHANG, ,SGRA GANG GRAG GSANG SNGAGS DAR DIR LA, ,YENGS MED KYI DRAN PA RGYUN DU STEN, ,SNYING DBUS KYI MI SHIGS RLUNG SEMS DE, ,SKYABS KUN 'DUS NGO BOR GSAL BTAB STE,, CI ZA DANG CI 'THUNG BDUD RTZIR STOBS, ,TSOGS 'KHOR LO'I LONGS SPYOD ZHEN MED ROL, ,MTHAR BEM RIG 'BRAL BAR PHYOGS PA'I TSE,, THIM RIM GYI RTAGS RNAMS NGOS BZUNG STE, ,SNGAR 'DRIS KYI GROGS DANG 'PHRAD PA BZHIN, ,GZHI'I 'CHI BA 'OD GSAL ZIN PAR MDZOD, ,'PHRANG NYAM NGA BAR DOR 'GRIM PA NA, ,RANG GCIG PU LAS GZHAN GROGS MED PHYIR, ,DUS DA LTA LHA DANG BLA

, ,MA LA; ;LAM BDE BAR SGROL BA'I SKYEL MA ZHUS, ,LAR SKYE 'CHI BAR DO GANG LA YANG, ,DUS DA LTA'I BAG CHAGS GTZO CHE BAS, ,DE SPYOD BYED BSKYED RDZOGS RNAL 'BYOR GYIS, ,SKYABS SKU GSUM RANG NGO SHES PAR MDZOD, ,DUS RTAG TU RANG GI SGOM GSUM LA, ,TSUL JI LTAR 'DUG SNYAM RTOG DPYOD NGOS, ,SEMS KHO NA 'DUL BA'I DGE SBYOR GYIS, ,KHYED TSE MJUG DON LDAN MDZAD PAR ZHU, ,RANG DE LTAR DGE LA 'BUNGS BZHIN DU, ,GZHAN DANG LDAN SKYE BO BGRANG YAS LA, ,RNAM DKAR GYI SA BON 'DEBS PA'I PHYIR, ,DUS GZHAN DON SPYOD PAS 'DA' BAR MDZOD, ,BDAG SGO GSUM BYA BA CI BGYIS PA, ,BSTAN 'GRO BA YONGS LA GNAS SKABS KUN, ,PHAN RLABS CHEN KHO NAR GYUR CIG SNYAM, ,SMON 'DUN GYI 'TSAMS SBYOR RGYUN DU MDZOD, ,DGE 'DI YIS BLO BZANG GRAGS BSTAN MCHOG ,PHYOGS KUN TU DAR ZHING RGYAS PA DANG, ,MA MKHA' MNYAM SEMS CAN MA LUS PA, ,DPAL SKU GSUM GO 'PHANG THOB GYUR CIG, CES PA RNAMS GNANG NGO, ,DE NAS 'BRAS SPUNGS SNGAGS PA BLA ZUR BLO BZANG CHOS 'PHEL GYIS GSOL BA BTAB NAS 'BRAS SPUNGS 'DU KHANG CHEN MOR SDE SNOD 'DZIN PA STONG PHRAG MANG PO LA ZLA BA PHYED GNYIS KYI BAR DU LAM RIM CHEN MO'I BSHED LUNG RGYAS PAR STZAL, DE NAS RGYUD STOD TSOGS YONGS KYIS GSOL BA BTAB NAS DPAL LDAN STOD RGYUD GRVA TSANG YONGS RDZOGS KYI STEB DU GZHAN MANG PO DANG BCAS DGE 'DUN STONG DANG LNGA BRGYA SKOR LA

DPAL GSANG BA 'DUS PA'I DBANG BZHI STA GON DANG BCAS PA RGYAS PAR STZAL, ,DE NAS DAD LDAN SUM CU SKOR ZHIG LA 'JAM DBYANGS CHOS SKOR GYI RJES GNANG DANG, 'JIGS BYED SNGAGS BTU DANG, SGROL MA NYER GCIG GI RJES GNANG SOGS RJES GNANG MANG DU STZAL, ,DE NAS SANGS RGYAS LAS KYANG DKON PA'I RDO RJE THEG PA'I BSTAN PA NAM YANG MI NUB PAR YUN RING DU GNAS PA'I PHYIR DANG, RJE BDAG NYID CHEN POS SKU DANG SROG LA'ANG MA GZIGS PAR DKA' BA BRGYA PHRAG DU MA'I SGO NAS BSGRUBS PA'I BSTAN PA'I SNYING PO MTHAR THUG PA 'DI CHES CHER 'PHEL PAR BYA BA'I PHYIR PHO BRANG CHEN PO PO TA LAR RIN PO CHE SNA TSOGS LAS GRUB PA'I GSANG BDE 'JIGS GSUM GYI BLOS BSLANGS RGYUD DANG GRUB CHEN GYI DGONGS PA RGYAL BA TZONG KHA PA CHEN POS GSAL BAR MDZAD PA JI BZHIN DU GSAR BZHENGS MDZAD DE JI SRID RGYAL BSTAN NAM GNAS KYI BAR DU NAM YANG MI NYAMS PA'I MCHOD PA'I RGYUN DANG BDE GSANG 'JIGS GSUM GYI MCHOD BRGYUN 'DZUGS PA MDZAD, TSA GAN NO MON HAN GYIS GSOL BA BTAB NAS DGE 'DUN STONG DANG BDUN BRGYA SKOR LA RDO RJE PHRENG BA'I DBANG DANG PHYAG RDOR 'KHOR CHEN GYI DBANG BCAS STZAL, DE NAS PAn CHEN MCHOG GI SPRUL PA'I SKU DBUS SU PHEBS NAS RGYAL BA MCHOG LA DGE TSUL GYI SDOM PA ZHU BAR MDZAD PA NA RGYAL BA MCHOG 'DIS LHA LDAN DU CHIBS BSKYOD NAS SA GA ZLA BA'I TSES BCO LNGA'I NYIN JO BO RIN PO CHE'I SKU MDUN DU RJE 'DIS MKHAN SLOB SBRAGS MA MDZAD DE DGE 'DUN GRANGS TSANG BA'I DBUS SU

, ,DGE TSUL GYI SDOM PA PHUL TE THUB PA'I RGYAL TSAB MCHOG TU MNGA' GSOL, DE NAS PAn CHEN MCHOG GI SPRUL PA'I SKU BLO BZANG DPAL LDAN YE SHES KYIS RJE 'DI LA MDO SNGAGS KYI CHOS MANG DU GSAN ZHING SLAR RIM GYIS MDO SNGAGS KYI MAN NGAG YONGS SU RDZOGS PA GNANG DGOS PAR GSOL BA BTAB PA NA RGYAL BA MCHOG 'DIS KYANG THUGS DGYES PA CHEN POS ZHAL GYIS BZHES SHING RJE RIN PO CHE'I RNAM THAR LTAR GZHUNG LUGS RNAMS LA GSAN SBYONG GTING PHYIN PA ZHIG MDZAD PA DANG, DE NAS MDO SNGAGS KYI MAN NGAG MTHA' DAG LEGS PAR GSAN NAS THUGS NYAMS SU BZHES, DE NAS MTHA' DBUS SKYE 'GRO YONGS LA CHOS KYI 'KHOR LO RGYA CHER BSKOR BA'I THUGS BSKYED MDZAD DGOS ZHES ZHAL TA NAN TAN ZHU BAR MDZAD, PAn CHEN MCHOG GI SPRUL PA'I SKU RIN PO CHES KYANG RGYAL BA MCHOG GI BKA' JI LTAR GNANG BA LTAR ZHU ZHING SLAR MI RING BAR MDO SNGAGS KYI CHOS MTHA' DAG GNANG DGOS PAR GSOL BA SHUGS DRAG TU 'DEBS PAR MDZAD DO, ,DE NAS KHRI CHEN NGAG DBANG MCHOG LDAN PA DGUNG LO BDUN CU DON LNGAR PHEBS TE SKU GZUGS LCI ZHING BZHENGS BZHUGS DKA' BAR BYUNG BA NA RGYAL BA MCHOG NYID KHRI CHEN GYI GZIM CHUNG NYID DU PHEBS TE MAndAL SKU GSUNG THUGS RTEN DNGOS PO SPAM MTHO BA DANG BCAS PHUL TE ZHABS PAD YUN RING BRTAN DGOS ZHES GSOL BA SHUGS DRAG 'DEBS PAR MDZAD PA NA KHRI CHEN GYIS NGA RANG CHUNG DU NAS CHOS SGOR

ZHUGS, RGYAL BA TZONG KHA PA'I BSTAN PA 'DI 'DRA DANG MJAL, THOS BSAM SGOM GSUM KHO THAG CHOD PAR BYAS, LHAG PAR GANGS CAN 'GRO BA'I MGON PO KHYED LA SPYIR MDO SNGAGS KYI CHOS MTHA' YAS PA DANG, LHAG PAR RJE BLA MA'I MAN NGAG RNAMS 'BUL THUB PAS DA NI SHI YANG BLO BDE, BDAG RGAN PO 'CHI KHAR RVA SGRENG DU PHYIN CHOG PA DGOS ZHES ZHU BAR MDZAD, DE NAS RGYAL BA MCHOG GI KHRI CHEN GYI GZIM CHUNG DU YANG YANG PHEBS TE CHOS KYI GSUNG GLENG CHES MANG BA GNANG ZHING, RA SGRENG DU PHEBS PA'I THUGS 'DUN MI MDZAD PAR SKU KHAMS JI LTAR BYUNG YANG PHO BRANG 'DI RANG DU NGED CAG TSOGS RDZOGS PHYIR BZHUGS DGOS ZHES YANG DANG YANG DU GSOL 'DEBS MDZAD KYANG KHRI CHEN GYIS DA LAM CIS KYANG DGONGS PA KHROL DGOS ZHES BZHUGS SU MA BZHED, PHEBS RGYU'I SNGA ZHOGS RGYAL BA MCHOG NYID KHRI CHEN GYI SKU MDUN DU PHEBS TE 'DI PHYIR DGE BA'I GSUNG GLENG MANG DU MDZAD CING, PHEBS KHAR KHRI CHEN GYI THUGS KAR DBU BCUGS TE SPYAN CHAB GSIL ZHING YUN RING THUGS SMON MDZAD, KHRI CHEN GYIS KYANG RGYAL BA MCHOG LA BYIN RLABS ZHUS BDAG SKYE BA THAMS CAD DU RJES SU GZUNG DU GSOL ZHES GSOL BA 'DEBS PAR MDZAD, DE NAS RGYAL BA MCHOG GIS KHRI CHEN GYI ZHABS BRTAN DANG LAM BAR GYI RKYEN SEL DU SE 'BRAS DGE GSUM SOGS LA MANG JA GNANG STE RIM GRO RGYA ZCHEN SGRUB PAR MDZAD, MI RING BAR KHRI CHEN ZHING GSHEGS PA'I BSNGO RTEN BYUNG BA NA, DE 'PHRAL RGYAL

, ,PA MCHOG NYID 'PHAGS PA RIN PO CHE DANG GSIR GDUNG SOGS RTZE'I LHA KHANG RNAMS SU PHEBS TE MCHOD 'BUL SMON LAM RGYA CHER MDZAD CING, LHA SA'I JO SH'AKA KYIS GTZOS RTEN RNAMS LA MCHOD 'BUL RGYA CHEN PO DANG, SE 'BRAS DGE GSUM BKRA SHIS LHUN PO RNAMS KYIS GTZOS GANGS CAN GYI DGON SDE MTHA' DAG LA MANG BSKOL DANG, PAn CHEN RIN PO CHES GTZOS GANGS CAN GYI BSTAN 'DZIN MTHA' DAG LA BSNGO RTEN 'BUL BAR MDZAD, SKU GDUNG ZHUGS LA PHUL TE GDUNG RUS RNAMS RGYAL BA MCHOG GI GZEM CHUNG DU BZHES TE DNGUL GDUNG MA GRUB BAR DU MCHOD 'BUL SMON LAM MDZAD, DNGUL GDUNG SRUB 'PHRAL GDUNG RUS RNAMS DNGUL GDUNG GI BUM NANG DU BZHUGS SU GSOL TE DGONGS RDZOGS MCHOD 'BUL SMON LAM RGYA CHER MDZAD DO, ,RGYAL BA MCHOG 'DI NI GANGS CAN LHA CIG THUGS RJE CHEN POR YONGS SU GRAGS PA LTAR 'GRO BA LHA DANG BCAS PA'I PHYAG GI GNAS YIN PA DANG, THUN MONG BA'I SNANG NGOR YANG GANGS RI'I KHROD NA 'GRAN ZLA MED PA'I MKHAS GRUB TU GYUR CING 'JAM DBYANGS GONG MA BDAG PO CHEN POS BTEG STE YANGS PA'I SA CHEN PO LA DBANG PHYUG GI STOBS KYIS MNGA' MDZAD PA ZHIG YIN YANG CHE 'GYING DANG RLOM PA'I DRI TZAM YANG MED PAR LAM STON PA'I BSHES GNYEN LA 'DI LTA BU'I GUS PA DANG SRI ZHU MDZAD PA NI, 'BROM RIN PO CHES JO BO RJE JI LTAR BSTEN PA'I RNAM THAR BSKYANGS TE PHYI RABS KYI GDUL BYA RNAMS

LA CHOS RNAM DAG BYED PA LA LAM MA NOR BAR STON PA'I BSHES GNYEN BSTEN TSUL 'DI LTAR BYA DGOS SO ZHES 'DOMS PAR MDZAD PA NGO MTSAR RMAD DU BYUNG PA'I RNAM PAR THAR BA ZHIG GO ,DE NAS AANG DKAR ZHABS DRUNG GIS YUN RING PO NAS GSOL BA BTAB PA LTAR DGE 'DUN STONG DANG SUM BRGYA SKOR LA DPAL DUS KYI 'KHOR LO'I RDUL TSON GYI DKYIL 'KHOR DU DBANG BSKUR BA SLOB MA RJES BZUNG GI CHO GA NAS RDO RJE SLOB DPON BDAG PO CHEN BO'I DBANG MTHA' RTEN DANG BCAS PA'I BAR YONGS SU RDZOGS PA RGYAS PAR STZAL, DE NAS RGYUD SMAD TSOGS YONGS KYIS GSOL BA BTAB NAS DGE 'DUN STONG DANG BRGYAD BRGYA SKOR LA BDE MCHOG L'U AI BA'I DBANG STA GON DANG BCAS PA RGYAS PAR STZAL, DE NAS PAn CHEN MCHOG GI SPRUL PA'I SKU PHEBS NAS MDO SNGAGS KYI CHOS BKA' YONGS SU RDZOGS PA GNANG DGOS TSUL GSOL BA 'DEBS PAR MDZAD PAS THUGS DGYES BZHIN DU RDO RJE PHRENG BA'I DKYIL 'KHOR ZHE GNYIS KYI THOG DGE LEGS SU BYED PA'I DKYIL 'KHOR GSUM DANG BCAS PA, GRUB CHEN MI TRA DZO KI'I LUGS KYI DKYIL 'KHOR BRGYA RTZA'I DPANG YONGS SU RDZOGS PA, ZUR BKA' RDO RJE 'JIGS BYED LHA BCU GSUM MA, RDUL TSON LA BRTEN PA'I DPAL DUS KYI 'KHOR LO'I SKU GSUNG THUGS YONGS SU RDZOGS PA'I DKYIL 'KHOR GYI DBANG RGYAS PA DANG, TSE DPAG MED LHA DGU, SPYAN RAS GZIGS BCU GCIG ZHAL RNAMS KYI BKA' DBANG, GRUB RGYAL LUGS TSE DBANG THUN MONG MA YIN PA, RJES GNANG GI GRAS SLOB DPON

, ,AA BHA Y'A KA RAS PHYOGS GCIG TU BSDEBS PA'I SGRUB THABS RGYA MTSO, BA RI BA'I SGRUB THABS BRGYA RTZA, SNAR THANG PA'I SGRUB THABS BRGYA RTZA RNAMS YONGS SU RDZOGS PA DANG, RDO RJE SEMS DPA', RDO RJE 'JIGS BYED DPA' BO GCIG PA, SMAN BLA BDE GSHEGS BDUN, 'JAM DBYANGS NAG PO, KHYUNG KHRA, MKHA' 'GRO MA SENG GE'I GDONG CAN, MGON PO'I RJES GNANG BCU GSUM, SKU RKYANG LA SNYING ZHUGS DANG BCAS PA, MGON PO PHYAG BZHI PA, DPAL LHA, DZAM LA 'BRUG ZHON RNAMS KYI RJES GNANG, DGA' LDAN LHA BRGYA MA'I KHRID, GRUB RGYAL LUGS TSE DPAG MED KYI BSKYED RDZOGS KYI KHRID LCANG SKYA RDO RJE 'CHANG DE NYID KYI GSUNG LA GNAS RNYING PA KUN DGA' BDE LEGS KYI GSUNG NAS KHA SKENG GNANG BA, SKYABS MGON THAMS CAD MKHYEN PA NYID KYI BKA' 'BUM DANG, PHRENG BA SKOR GSUM, SGRUB THABS RGYA MTSO DANG, BRGYA RTZA'I RGYA GZHUNG RNAMS KYI LUNG RNAMS DANG BCAS ZLA BA DRUG GI RING LA RGYUN MI 'CHAD DU STZAL, DE SKABS PAn CHEN MCHOG GI SPRUL PA'I SKU NYID 'KHOR LO SGYUR DRUG GI BKA' DBANG DANG, DPAL DUS KYI 'KHOR LO'I BKA' DBANG GI SKABS SU CHU CHON GYIS BRIS PA'I DKYIL 'KHOR DBUS SU SENG GE'I KHRI LA RDO RJE 'DZIN PA'I CHAS 'JUG YONGS SU RDZOGS PA DANG BCAS TE BZHUGS SU GSOL, GDUGS DANG RGYAL MTSAN LA SOGS PA MCHOD PA'I YO BYAD DPAG TU MED PAS MCHOD, RJE BLA MA NYED NAS DKYIL 'KHOR GYI BDAG PO'I RNAL 'BYOR SHIN TU

BRTAN POS NAM MKHA' GANG BA'I RGYAL BA ZHI KHRO'I LHA TSOGS SPYAN DRANGS TE, RNAM RGYAL CHEN PO'I BUM PA LA SOGS PA'I CHU'I DBANG BSKUR ZHING SHIS PA BRJOD PA'I TSIG GI SGO NAS ME TOG GI CHAR PHAB, RIGS THAMS CAD KYI BDAG PO DANG DKYIL 'KHOR THAMS CAD KYI SLOB DPON DU MNGA' GSOL TE CHOS KYI RGYAL SRID DU DBANG BSKUR BAR MDZAD DO, ,DE NAS BDE 'BYOR BLA MAS GSOL BA BTAB NAS NYUNG BSDUS SHIG LA BCU GCIG ZHAL GYI DBANG, PHYAG RDOR 'KHOR CHEN GYI DBANG, RNAM SRAS BKA' MI 'DRA BA BCO LNGA'I RJES GNANG BCAS STZAL, DE NAS 'JAM DBYANGS BZHAD PA'I SPRUL PA'I SKUS GSOL BA BTAB NAS 'BRAS SPUNGS 'DU KHANG CHEN MOR DGE 'DUN LNGA STONG SKOR LA BDE LAM GYI KHRID DBEN SA SNYAN RGYUD KYI MAN NGAG LTAR ZHAG NYI SHU'I BAR RGYAS PAR STZAL, DE NAS CHOS GSAN PA SNGA MA RNAMS KYI THOG NAS BLA MED KYI DBANG CHEN THOB PA STONG DANG LNGA BRGYA SKOR LA 'GREL PA BZHI SBRAGS KYI GZABS BSHAD RGYAS BAR STZAL, DE NAS MA BYI LO CHOS 'KHOR RGYAL DU PHEBS BZHED NAS LAM ZHOR SE RAR PHEBS TE MKHAN PO DPAL 'BYOR GRAGS PAS GSOL BA BTAB NAS DGE 'DUN STONG DANG SUM BRGYA SKOR LA 'JAM DBYANGS CHOS SKOR NAS 'JAM DBYANGS AA RA PA TZA NA'I RJES GNANG SOGS GNANG, RJE NGAG DBANG BYAMS PAS GSOL BA BTAB NAS GNAS BCU'I RJES GNANG STZAL, DE NAS RIM GYIS DGA' LDAN RNAM BAR RGYAL BA'I GLING DU

, ,PHEBS TE GSAR KHRI'I STENG NAS SER SKYA BGRANG BA LAS 'DAS PA LA PHYAG DBANG DANG CHOS KYI BDUD RTZI STZAL, BLA MA SANGS RGYAS CHOS 'PHEL GYIS GSOL BA BTAB NAS DGE 'DUN STONG BRGAL BAR SNYING PO DON GSUM GYI KHRID RGYAS PAR STZAL, DE NAS RGYAL DU CHIBS KHA BSKYOD DE MNGA' DVAGS RGYAL GSUM GYI DGE 'DUN 'DUS PA LA DGA' LDAN LHA BRGYA MA'I ZAB KHRID RGYAS PAR STZAL ZHING, DPAL LDAN LHA MO LA RGYAL BSTAN GNYER DU GTAD PA'I 'PHRIN 'CHOL RGYAS PAR MDZAD, RJE 'DIS RGYAL DU LAN GSUM CHIBS BSKYOD GNANG PAR PHEBS RES KYIS DVAGS PO DANG 'OL KHA'I RJE'I SGRUB GNAS RNAMS LA MCHOD 'BUL SMON LAM RGYA CHER MDZAD CING, LHAG PAR RJE BTZUN TZONG KHA PA CHEN PO'I SGRUB GNAS KHYAD PAR CAN DAGS PO LHA SDINGS SU PHEBS TE MCHOD 'BUL SMON LAM RGYA CHER MDZAD CING RJE BDAG NYID CHEN PO'I MDZAD PA RNAM THAR DRAN PA'I THUGS DAD DANG NGES 'BYUNG SKYO SHAS SHUGS DRAG 'KHRUNGS TE GDUNG SHUGS KYI GSOL BA 'DEBS PA'I MGUR DBYANGS MANG DU MDZAD CING, LHAG PAR RGYAL BA TZONG KHA PA CHEN PO'I BKA' DRIN LAS GSUNG RAB DGONGS 'GRAL DANG BCAS PA'I SNYING PO'I BCUNG BSDUS PA MDO SNGAGS GNYIS KA'I LAM GYI LUS YONGS SU RDZOGS PA LA 'DOD DGUR LONGS SPYAD DU YOD PA 'DI 'DRA BA'I BKA' DRIN 'KHOR THABS MED DO SNYAM DU RJE BLA MA'I BKA' DRIN DRAN PA'I DAD GUS SHUGS DRAG PO 'KHRUNGS TE RJE RIN PO

CHES GTZOS BRGYUD PA GSUM LDAN GYI BLA MA RNAMS LA GSOL BA 'DEBS PA'I GDUNG DBYANGS 'DI LTAR MDZAD DE, NA MO GU RU, BDE CHEN SKU GSUM DBANG PHYUG KHYAB BDAG STON PA RDO RJE 'CHANG, ,DE YIS BYIN BRLABS GRUB MCHOG MDA' BSNUN L'U AI PA, ,RJE BTZUN DRIL BU PA DANG dOm BHI N'A RO SOGS, ,NYAMS LEN BYIN RLABS BLA MAS BDAG CAG SKYOB TU GSOL, ,MI MJED ZHING GI MGON PO RNAM 'DREN ZAS GTZANG SRAS, ,DGA' LDAN LHA BRGYA'I GTZUG RGYAN MI PHAM CHOS KYI RJE, ,RGYAL SRAS THOGS MED SKU MCHED GROL SDE ZHI 'TSO SOGS, ,RGYA CHEN SPYOD PA'I BLA MAS BDAG CAG SKYOB TU GSOL, ,RGYAL KUN MKHYEN PA'I RANG GZUGS MGON PO 'JAM DPAL DBYANGS, ,'PHAGS MCHOG KLU SGRUB ZHABS DANG DE SRAS 'PHAGS PA LHA, ,GRUB BRNYES SANGS RGYAS BSKYANGS DANG DPAL LDAN ZLA BA SOGS, ,ZAB MO LTA BA'I BLA MAS BDAG CAG SKYOB TU GSOL, ,LNGA BRGYA'I GTZUG GI NOR BU MGON PO AA TI SHA ,RGYAL BA RGYA MTSOS BYIN BRLABS 'BREM STON SPYAN RAS GZIGS, ,DE YI RGYUD 'DZIN RIGS GSUM SPRUL PHA? MCHED LA SOGS, ,BKA' GDAMS BRGYUD PA'I BLA MAS BDAG CAG SKYOB TU GSOL, ,'JAM DBYANGS MI YI GAR MDZAD KUN MKHYEN BLO BZANG GRAGS, ,RABS RDZOGS YON TAN RDZOGS PA'I DAG PA'I 'KHOR SLOB DANG, ,'PHRIN LAS MKHA' DANG MNYAM PA'I 'GRO MGON BKA' DRIN CAN, ,BYIN RLABS BRGYUD 'DZIN BLA MAS BDAG CAG SKYAB TU GSOL, ,SPROS BRAL BDE CHEN

, ,RANG BZHIN BLA MA CHOS KYI SKU, ,LHUN GRUB YAN LAG BDUN LDAN BLA MA LONGS SPYOD RDZOGS, ,GANG 'DUL CIR YANG 'CHAR PA'I BLA MA SPRUL PA'I SKU, ,DRIN CAN RTZA BA'I BLA MAS BDAG CAG SKYOB TU GSOL, ,TSE 'DI'I LO 'DOD KHO NAS NYIN MTSAN BREL NA YANG, ,'JIG RTEN PHYI MAR 'GRO TSE SGREN MO LAG STONG 'KHYAMS, ,DE RING TZAM YANG SDOD PA'I GDENG TSAD MA MCHIS PAS, ,MGON MED NYAM THAG BDAG CAG THUGS RJES SKYOB TU GSOL, ,PHAN PAS PHAR LA BSKYANGS BZHIN TSUR LA 'KHANG BA'I GROGS, ,RANG 'DAD THABS DGUS BSAGS KYANG GZHAN GYIS ZA BA'I NOR, ,RANG BDE'I CHED DU BSGRUBS KYANG PHYI PHYIR SDUG BSNGAL BSKYED, ,'DOD PA ME 'OBS 'DI LAS BDAG CAG SKYOB TU GSOL, ,LAS NYON 'CHING BAS BCINGS PA'I BTZON RA'I GNAS NA MNAR, ,SKYE RGAN 'CHI'I GCONG GIS SOS DUS MED PAR ZIN, ,ZAG BCAS RDOS SU CHE BA'I PHUNG PO'I KHUR GYIS MNAN, ,'KHOR BA SDUG BSNGAL GNAS NAS BDAG CAG DRANG DU GSOL, ,PHAN BYED THABS KYIS MCHOD NA SKYABS GNAS DKON MCHOG BZHIN, ,'DOD DGU THAMS CAD STZOL BA'I DRIN CAN PHA DANG MAR, ,DGRAR BZUNG YAL BAR 'DOR BA'I BSAM BRLAG BDAG CAG LA, ,SNYING RJE LHAG BSAM BZANG PO'I DRIN PA STZAL DU GSOL, ,BRTAGS NA GZHI RTZA BRAL BA'I CHOS KYI GNAS LUGS 'DI, ,MA RTOGS RANG SEMS 'KHRUL PAS RANG NYID

DAM DU BCINGS, ,GTI MUG MUN PAR 'KHYAMS PA'I DMUS LONG BDAG CAG LA, ,CHOS NYID RJEN PAR MTHONG BA'I SNANG BA STZAL DU GSOL, ,RNAM DAG TSUL KHRIMS MCHOG GIS PHYI DANG NANG DU GTZANG, ,BDE GSAL TING 'DZIN ROL PAS NYIN DANG MTSAN DU BDE, ,SHES RAB SNANG BA 'BAR BAS 'PHRAL DANG YUN DU GSAL, ,BSLAB GSUM BSTAN PA DAR BA'I DGE MTSAN STZAL DU GSOL, ,MTHU LDAN MKHA' 'GRO SRUNG MAS BGEGS DANG BAR GCOD BSRUNG, , CHOS DANG PHUN TSOGS RGYAS PAS MTHA' DANG DBUS SU BDE, ,BKRA SHIS DPAL GYI 'BYOR PAS SNOD DANG BCUD DU KHYAB, ,RANG GZHAN DON KUN 'GRUB PA'I DNGOS GRUB STZAL DU GSOL, ,ZHES SO,, ,DE NAS PHO BRANG DU PHEBS TE MTHA' DBUS RIS SU MA CHAD PA'I SKYE 'GRO RNAMS LA THUGS BSKYED RGYA CHEN POS SGO GSUM GYI SPYOD PA CI MDZAD THAMS CAD RGYAL BSTAN SPEL BA'I THABS KHO NAR MDZAD CING, BAR SKABS SHIG SHES BYA'I GNAS MTHA' DAG LA THUGS KYI MKHYEN PA CHES CHER 'PHRO BAS THOL BYUNG GI MGUR DBYANGS 'DI BZHIN MDZAD DE, AOm SVASDI, RGYUN BZANG CHU BO RNAM BZHI G-YAS SKOR DU 'BAB CING, ,DKOS 'DOD YID BZHIN 'KHYIL BA'I MA DROS KYI RGYA MTSO, ,DE NA BZHUGS PA GDENGS KA BDUN LDAN GYI KLU DBANG, ,SA 'DIR BKRA SHIS SPEL BA'I BYED PO RANG LOS YIN, ,MI RIGS RNAM BZHI RGYU BA'I GRONG KHYER GYI LTE BA, ,KHYON YANGS SA GZHIR 'PHAGS PA'I BYA RGOD KYI PHUNG PO, ,DE NA BZHUGS

, ,PA MNYAM MED ZAS GTZANG GI SRAS MCHOG ,MKHA' MNYAM YID CAN KUN GYI MGON SKYABS RANG LOS YIN, ,'PHRIN LAS RNAM BZHI SGRUB BYED 'OD ZER GYI DRA BA, ,RLUNG SEMS RIGS LNGAR 'PHRO BA'I MI SKYOD KYI ZHING KHAMS, ,DE NA BZHUGS PA SKYABS MCHOG NGES DON GYI BLA MA, ,BDAG CAG SKAL LDAN GDUL BYA'I GDUNG SEL RANG LOS YIN, ,'KHOR LO BZHI DANG LDAN PA'I DAL 'BYOR GYI RTEN BZANG, ,LEGS BSHAD BDUD RTZIS BSKYANGS PA'I SLOB BU NGA'I MDUN MA, ,BZANG NGAN JI LTAR GYUR KYANG BLA MA RANG MKHYEN BAS, ,RE SAS BSLU BAR MA MDZAD MTHU LDAN GYI MGON PO, ,DRIN CAN BLA MA MCHOG GI GSANG GSUM GYI ROL MO, ,YI DAM DPA' BO MKHA' 'GRO'I NGO BO RU BSGOMS TE, ,SNYING DBUS 'BRAL GLAGS MED PA'I GSOL 'DEBS 'DI GSAN NAS, ,MCHOG THUN DNGOS GRUB YONGS KYI DGA' STON 'DIR STZOL MDZOD, ,CES SO, ,DE NAS PHYOGS MTHA' DAG NAS 'DUS PA'I DAD LDAN RNAMS LA RANG RANG GI DBANG PO DANG 'TSAMS PA'I CHOS KYI BDUD RTZI RIM PAR STZAL ZHING, LHAG PAR DGUNG LO NYER BRGYAD PA'I DUS NAS DGUNG LO ZHE DGU'I BAR LA NUB PHYOGS KHA CHE'I YUL NAS SHAR PHYOGS RGYA MTSO CHEN PO LA THUG GI BAR GYI DAD LDAN RGYAL BA'I BSTAN PA LA ZHUGS NAS 'DUL KHRIMS BSRUNG BAR 'DOD PA BGRANG BA LAS 'DAS PA LA DGE TSUL DANG DGE SLONG GI SDOM PA BRGYUD MAR STZAL, MDOR NA RGYAL BA THAMS

CAD MKHYEN PA RJE BTZUN BLO BZANG BSKAL BZANG RGYA MTSO DPAL BZANG PO 'DI NI RANG CAG BOD KYI LHA CIG 'PHAGS MCHOG THUGS RJE CHEN PO NYID YIN PA KUN LA GRAGS PA LTAR YIN ZHING, THA MAL BA'I SNANG TSUL DANG BSTUN PA'I MDZAD PA RNAM THAR YANG KHYAD PAR DU 'PHAGS PA ZHIG STE, SKU 'KHRUNGS TZAM NYID NAS THUGS SNYING RJE CHEN BO'I GZHEN DBANG DU GYUR PAS CI MDZAD THAMS CAD BSTAN 'GROR SMAN PA'I THABS 'BA' ZHIG TU SBYOR BAR MDZAD PA, 'DZAM GLING YANGS PA'I KHYON LA DBANG BSGYUR ZHING CHE DGU KUN GYIS MCHOD KYANG KHENGS PA'I DRI TZAM YANG MED PAR GDUL BYA DMAN PA LA THUGS BRTZE BA, THUGS RGYUD LA SPANGS RTOGS MA LUS MTHAR PHYIN KYANG PHYI MA'I SKYE BO RNAMS LA TSUL 'DI LTAR GYIS SHIG CES BSLAB PA'I PHYIR YONGS 'DZIN MKHAS PA MANG PO BSTEN TE MDO RGYUD DGONGS 'GREL DANG BCAS PA LA GSAN SBYONGS MTHAR PHYIN PAR MDZAD PAS MDO SNGAGS GZHUNG LUGS KUN LA MKHAS PA, SA'I STENG GI MKHO DGU'I YO BYAD THAMS CAD DRUNG DU 'DUS SHING NAM MKHA' MDZOD LA MNGA' BRNYES KYANG YOD PA RGYU MTSAN DU BYAS NAS GZABS 'PHYOR DANG PHYAR G-YENG GI RNAM PA SKAD CIG KYANG MI MDZAD PAS LO RAR NA BZA' GSAR PA TSAR RE LAS BRJE BAR MI MDZAD CING CHOS GOS RNAM PA GSUM PO TSAD DANG DBYIBS DANG BZHES TSUL SOGS 'DUL BA NAS JI LTAR GSUNGS BA LAS DMAN LHAG TU MA SONG BAR MDZAD PA SOGS DRAN SHES BAG YOD BRTAN POS CI MDZAD 'DUL

, ,BA DANG BSTUN NAS MDZAD PAS SO THAR GYI TSUL KHRIMS GTZANG BA, BDAG PAS GZHAN GCES KYI THUGS BSKYED BZANG POS CI MDZAD SEMS CAN GYI DON 'BA' ZHIG TU MDZAD PAS BYANG SEMS KYI TSUL KHRIMS RNAM PAR DAG PA, GSANG SNGAGS RGYUD SDE BZHI'I DBANG LUNG MAN NGAG MTHA' DAG RGYUD LDAN BLA MA DAM PA LAS GSAN ZHING THUGS NYAMS SU BZHES PAS NYAMS RTOGS PHUL PHYIN BRNYES SHING RDO RJE THEG PA'I DAM TSIG LAS NAM YANG MI 'DA' ZHING BCAS PA CHE PHRA MTHA' DAG PHYAG LEN LA THEBS BAR MDZAD PAS RGYAL BAS BSNGAGS PA'I RDO RJE 'DZIN PA CHEN PO STE, MDOR NA SDOM GSUM GYI BCAS MTSAMS LAG LEN LA KHEL BA, CHOS KYI RGYAL PO TZONG KHA PA CHEN PO'I RING LUGS LA BSRE BSLAD PHRA MO TZAM YANG MED PAR SKYONG BAS RNAM THAR GTZANG BA 'CHAD RTZOD RTZOM GSUM GANG GI THAD LA'ANG ZLA DANG BRAL BA STE, MDOR NA, MDZAD PA KUN LAS GSUNG GI NI, ,MDZAD PA MCHOG YIN DE YANG NI, ,'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GSUNGS PA LTAR, RJE 'DIS RGYAL BA'I BSTAN PA GSAL BAR BYA BA'I PHYIR MDO SNGAGS KYI BSTAN BCOS TSIG DON PHUN SUM TSOGS PA MANG DU MDZAD PA NI 'DI LTAR; DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA GSANG BA 'DUS PA 'PHAGS LUGS ZHES YONGS SU GRAGS PA'I DKYIL 'KHOR DU BCUG NAS DBANG BSKUR BA'I CHO GA DE NYID RAB GSAL GYI RNAM

BAR BSHAD PA DBANG DON DE NYID YANG GSAL SNANG BA RDO RJE SEMS DPA'I ZHAL LUNG ZHES BYA BA LEGS BSHAD KYI RGYA MTSO CHEN PO, DGA' LDAN LHA BRGYA MA'I KHRID YIG ,'JIGS BYED DBANG GI RGYUD 'DEBS, DE'I BSKYED RDZOGS DMAR KHRID RGYUD 'DEBS, DE'I DBANG BSHAD CHEN MO, DE'I BSKYED RIM GYI KHRID, DE'I TSOGS MCHOD, DE LA BRTEN PA'I BLA MA'I RNAL 'BYOR, 'JIGS BYED DPA' BO GCIG PA'I DKYIL CHOG ,BDE MCHOG L'U AI PA DANG, MI TRA NAS BRGYUD PA'I DBANG GI RGYUD 'DEBS, DRIL BU LHA LNGA'I DBANG GI RGYUD 'DEBS, DE'I SGRUB THABS, L'U AI PA'I TSOGS MCHOD, BLA MA'I RNAL 'BYOR GYI RIM PA MANG BO, 'PHAGS PA THUGS RJE CHEN PO LA BSTOD CING GSOL BA 'DEBS PA PHAN BDE'I CHAR 'BEBS SOGS SANGS RGYAS BYANG SEMS RNAMS LA BSTOD CING SGOL BA 'DEBS PA DANG, RJE RANG NYID KYI BRTAN BZHUGS SOGS BLA MA DAM PA MANG PO'I GSOL 'DEBS BRTAN BZHUGS DU MA, BCOM LDAN 'DAS DUS KYI 'KHOR LO'I RGYUD 'DEBS, DE'I MCHOG DBANG GONG MA RNAMS BSKUR TSUL, DE'I SKU GSUNG THUGS YONGS SU RDZOGS PA'I SGRUB THABS, DE'I THUGS DKYIL GYI SGRUB THABS, DE'I TSOGS MCHOD, BLO SBYONG DANG 'BREL BA'I ZHAL GDAMS GYI RIM PA MANG PO, KHRI CHEN SPRUL SKU'I RNAM THAR, RDOR SEMS LHA BCU BDUN MA'I DBANG GI RGYUD 'DEBS, DE'I SGRUB THABS, DE'I DKYIL CHOG ,SPYAN RAS GZIGS RGYAL BA RGYA MTSO'I SGRUB THABS, RGYUD SDE NAS GSUNGS PA'I LHA TSOGS DU MA'I SGRUB THABS, SPYAN RAS GZIGS KHA

, ,SARPA nI'I SGRUB THABS DANG RJES GNANG BYA TSUL, GSANG BDAG DRAG PO GSUM SGRIL GYI SGRUB THABS, 'JAM DBYANGS AA RA PA TZA NA LHA LNGA'I DBANG RGYUD, DE'I SGRUB THABS, DE'I DKYIL CHOG ,DAM CAN CHOS SRUNG DU MA LA MCHOD GTOR 'BUL BA DANG, BSKANG BSHAGS BSTOD BSKUL MANG PO, 'KHOR CHEN GYI SBYIN SREG ,BCU GCIG ZHAL GYI DBANG GI RGYUD 'DEBS, DE'I DBANG CHOG ,SMYUNG GNAS KYI CHO GA ,SGO DRUG GI GZUNGS KYI RNAM BSHAD, BSTOD SPRIN RGYA MTSO'I 'GREL PA, 'DA' KA YE SHES KYI MDO 'GREL, TSOGS DBUS SU DGE TSOGS BYANG CHEN DU BSNGO BA'I GTAM, 'KHOR CHEN SMON LAM SHIS BRJOD, CHAB SHOG DI RIM PA, DVAGS PO DGE BSHES KYI 'JIGS BYED DBANG CHOG LA DAG MCHAN GNANG BA, BSANGS MCHOD KYI RIM PA, DRUG CU PA'I RNAM GZHAG ,MGON PO SNYING ZHUGS KYI RGYUN KHYER, SKU GSUNG THUGS RTEN GSAR BZHENGS KYI RGYAB YIG SMON LAM, 'DOD GSOL, DKAR CHAG SOGS, CHOS SDE CHE CHUNG GI BCA' YIG ,SPRINGS YIG, 'PHRIN BCOL GYI RIM PA PHYOGS GCIG TU BSGRIGS PA 'JIGS MED GDONG LNGA'I SGRA DBYANGS SOGS LEGS PAR BSHAD PA'I RTZOM PA MTHA' YAS PA MDZAD DO, ,DE LTAR RJE 'DIS SPYIR BSTAN PA'I BYA BA RGYA CHER MDZAD PA DANG, KHYAD PAR 'JAM MGON BLA MA'I LUGS BZANG MDO SNGAGS GANG GI THAD LA'ANG BSRE BSLAD PHRA MO'ANG MED PAR RNAM THAR GTZANG MA MTHAR PHYIN PAR MDZAD PA NI LEGS BSHAD DRI MA MED PA 'DI RNAMS LA BLTAS

PAS SHES SHING, 'DIR NI RNAM THAR GYI GTZO BO CHOS KYI 'KHOR LO BSKOR BA'I MDZAD PA RAGS RIM ZHIG BRJOD PA YIN GYI, LUGS GNYIS DANG 'BREL BA'I MDZAD PA RNAM THAR ZHIB PAR NI RNAM THAR CHEN MO LAS SHES PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS GANGS RI'I MGON PO RGYAL BA THUGS RJE CAN 'DI LA GSOL BA 'DEBS SHING 'DI'I MDZAD PA RNAM THAR LTAR THOS BSAM SGOM GSUM MKHAS BTZUN BZANG GSUM GCIG GOGS SU GCIG 'GRO BAR BYED CING, SDOM PA GSUM GYI BCAS MTSAMS DAG PA NYAMS LEN GYI MTHAL DU BYAS NAS GSUNG RAB DGONGS 'GREL DANG BCAS BA THAMS CAD KYI SNYING PO'I DON BYANG CHUB LAM GYI RIM PA'I NYAMS LEN LA 'BAD PAR BYA'O,, DE LTAR RGYAL DBANG THAMS CAD MKHYEN PA RJE BTZUN BLO BZANG BSKAL BZANG RGYA MTSOS DGUNG LO ZHE DGU'I BAR BSTAN 'GRO'I DON RGYA CHER MDZAD NAS DGUNG LO LNGA BCU LA PHEBS PA DBANG PHYUG CES PA ME MO GLANG GI LO DBO ZLA BA'I TSES GSUM GYI NYIN SKU TSE 'DI'I DNGOS KYI GDUL BYA RNAMS RDZOGS PA DANG, GDUL BYA RTAG 'DZIN CAN RNAMS LA MI RTAG PA'I NGANG TSUL MNGON SUM DU BSTAN TE CHOS LA BSKUL BA SOGS DGOS PA KHYAD PAR CAN MANG PO ZHIG GZIGS NAS THA MAL SNANG NGOR BSTAN PA'I GZUGS SKU'I BKOD PA BSDUS TE RE SHIG 'OD GSAL CHOS SKU'I NGANG DU BZHUGS, DE NAS 'OD GSAL DE LAS BZHENGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS TE MCHOD SPRIN RGYA MTSOS

, ,MCHOD CING GSANG BA ZAB MO'I GNAS LAS BRTZAMS TE BKA' BGRO BAR MDZAD PA DANG, GZHAN YANG SPRUL PA BYA BA PHRAG BRGYAS PHYOGS BCU'I ZHING RAB 'BYAMS SU PHEBS TE RGYAL BA SRAS BCAS RNAMS MCHOD CING BKA' BGRO BAR MDZAD, DE NAS YUN RING BO NAS THUGS BSKYED PA'I DAM BCA' 'GYUR BA MED PA DANG, PHYOGS BCU'I RGYAL BA SRAS BCAS KYIS KYANG THUGS RJE BSKUL BA'I MTHUS MYUR BAR ZHING 'DIR SPRUL BA'I SKU BZUNG STE GANGS RI'I KHROD KYI 'GRO BA MTHA' DAG MGON DANG BCAS BAR MDZAD DE, DE YANG MDO SDE ZA MA TOG BKOD BA'I RGYAL PO SOGS MDO RGYUD DU MA NAS BYANG PHYOGS KHA BA CAN 'DI MGON PO SPYAN RAS GZIGS KYI 'DUL ZHING DU LAN CIG MIN PAR BSNGAGS SHING, JI LTAR BSNGAGS PA LTAR MGON PO SPYAN RAS GZIGS KYI THABS MKHAS KYI SPRUL PA BGRANG BA LAS 'DAS PAS BYANG PHYOGS GANGS RI'I KHROD 'DIR SANGS RGYAS KYI BSTAN BA BTZUGS, SKYE 'GRO'I BDE SKYID THAMS CAD 'PHEL BAR MDZAD, LHAG PAR CHOS RGYAL SRONG BTZAN SGAM POS GANGS RI'I KHROD KYI 'GRO BA RNAMS SPYIR DKON MCHOG GSUM LA SKYABS SU 'GRO BA DANG, LHAG PAR MGON PO SPYAN RAS GZIGS NYID LA RTZE GCIG TU GSOL BA 'DEBS PA SHA STAG LA BKOD BAS DBUS GTZANG DAG PA'I ZHING ZHES GRAGS SHING, RGYAL BAS SHER PHYIN GYI MDO SDE NAS LUNG BSTAN PA LTAR PHYOGS BCU'I ZHING NAS BYANG CHUB SEMS DPA' SEMS DPA' CHEN PO MTHU STOBS DANG

LDAN BA BGRANG BA LAS 'DAS PA ZHING 'DIR THUGS RJE CHAN PO'I 'PHIN LAS KYI GROGS SU BYON TE RGYAL BSTAN YONGS SU RDZOGS PAS CHAS CHAR DAR BAR MDZAD, SLAR YANG JI SRID RGYAL BSTAN NAM GNAS KYI BAR DU THUGS RJE CHEN PO'I SPRUL BA RGYUN MI 'CHAD BAS BYANG PHYOGS GANGS RI'I KHROD 'DI SKYOD BAR MDO RGYUD DU MA NAS LUNG BSTAN BA LTAR CHOS RGYAL SRONG BTZAN SGAM PO NAS BZUNG THUGS RJE CHEN PO'I SPRUL BA RGYUN MI 'CHAD PAR RIM BAR BYON BA RNAMS KYIS BOD KHAMS MGON DANG BCAS PAR MDZAD, LHAG PAR RGYAL DBANG THAMS CAD MKHYEN PA CHEN BO RJE BTZUN BLO BZANG BSKAL BZANG RGYA MTSO ZHING BRJE BA LA NYE BA NA MYUR DU SPRUL SKU 'DZIN PAR THUGS BSKYED NAS THOB RGYAL LHA RI SGANG DU SPRUL SKU 'DZIN PAR MDZAD DE, 'DI LTAR GANG DU 'KHRUNGS PA'I YUL DANG, MTSAN JI LTAR 'BYUNG BA BKA' GDAMS GLEGS BAM LAS YANG DANG YANG DU LUNG BSTAN CING, RGYAL BA MCHOG DE NYID KYIS KYANG 'DI LTAR 'BYUNG NGO ZHAS GSAL BAR LUNG BSTAN TE, RGYAL BA MCHOG DE NYID KYIS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES LA DUS 'KHOR GYI DBANG CHEN GNANG BA'I CHE 'PHRIN LAS PA CHEN PO PHYAG MDZOD BLO BZANG TSE DBANG GI MNAL LAM DU, RGYAL BA THAMS CAD MKHYEN PA CHEN PO RJE BTZUN BLO BZANG BSKAL BZANG RGYA MTSO THOB RGYAL LHA RI SGANG GI GZIM KHANG DU PHEBS NAS BZHUGS PA GSAL BAR RMIS, DE'I CHE DAD PA TSAD MED BA SKYES SHING, 'ON KYANG 'DIR 'BYON PA CI YIN SNYAM PA BYUNG BA NA RGYAL BA MCHOG DE'I ZHAL NAS, GSUM

, ,NAS YIN GSUNG BA ZHIG GSAL BAR RMIS, MNAL SAD NAS RMI LTAS JI LTAR BYUNG BA YI GER BRIS TE RGYAL BA MCHOG NYID LA BDAG LA RMI LTAS 'DI LTAR BYUNG PA CI LAGS ZHES ZHUS PA NA RGYAL BA MCHOG GI BKA' LAS KHYED RANG DUS 'KHOR GYI GDUL BYA SKAL LDAN YIN 'DUG PAS RMI LTAS BZANG 'DUG GSUNG BA LAS RGYU MTSAN GSAL BAR MA GSUNGS, DE NI RGYAL BA MCHOG GI SPRUL SKU LHA RI SGANG DU PHEBS PA 'KHRUL MED KYI LUNG BSTAN TE, DUS DE NAS LO GSUM SONG BA NA RGYAL BA MCHOG ZHING GSHEGS NAS LHA RI SGANG DU NGO MTSAR BA'I LTAS BSAM GYIS MI KHYAB PA DANG BCAS SPRUL PA'I SKU PHEBS, LO GSUM NAS PAn CHEN THAMS CAD MKHYEN PA CHEN PO DANG, 'JAM DBYANG GONG MA BDAG PO CHEN PO GNYIS KYIS 'KHRUL MED DU NGOS BZUNG NAS 'DZAM GLING CHE DGU YONGS KYIS MCHOD PAS MDU NA BSUS TE PHO BRANG CHEN PO'I GSER KHRIR MNGA' GSOL, GANGS CAN MGON PO RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES MTSAN GSOL, NOR 'DZIN GYI KHYON THAMS CAD DU DAR PHYAR BA DANG, BKRA SHIS PA'I GLU DBYANGS LEN PA DANG, MCHOD PA'I BYE BRAG BSAM GYIS MI KHYAB PA DANG BCAS DGA' STON RGYA CHEN PO BSGRUBS, SNGON YUN RING PO NAS MGON PO SPYAN RAS GZIGS KYI RIGS KYI COD PAN NI RGYAL PA 'OD DPAG MED YIN BA LTAR DUS 'DIR YANG SNANG BA MTHA' YAS DUR SMRIG GAR KYI RNAM PAR ROL PA PAn CHEN

THAMS CAD MKHYEN PA RJE BTZUN BLO BZANG DPAL LDAN YE SHES RIGS KYI COD BAN DU BZHES NAS SDOM GSUM RIM GYIS BZHES SHING, DBANG LUNG MAN NGAG MTHA' YAS PA GSAN, KHO BO CAG LAS KYANG RJE BDAG NYID CHEN PO'I SNYAN RGYUD KYI MAN NGAG RNAMS LEGS PAR GSAN TE THUB BSTAN YONGS RDZOGS KYI BDAG POR BZHENGS SHING 'JAM MGON BSTAN PA'I SNYING PO LA GZHAN DRING MI 'JOG PA'I THUGS NGES BRTAN PO 'KHRUNGS PA'I TSUL BSTAN TE 'JAM MGON BSTAN PA'I SROG SHING DU G-YO BA MED PAR BZHUGS SHING, GNAM BSKOS 'JAM DBYANGS GONG MA BDAG PO CHEN POS CHOS SRID GNYIS KA'I BDAG POR MNGA' GSOL TE NOR 'DZIN YANGS PA'I KHYON MTHA' DAG RNAM PAR DKAR BA'I 'PHRIN LAS KYIS KHYAB CING PHO BRANG CHEN PO PO TA LA'I GSER KHRIR ZHABS ZUNG 'GYUR BA MED PAR BKOD NAS MTHA' DBUS SKYE 'GRO YONGS LA CHOS KYI BDUD RTZI STZOL BZHIN PAR BZHUGS SO,, ` ,,JO BO RJE DPAL LDAN AA TI SHAS BYANG CHUB LAM GYI RIM PA'I MAN NGAG GSAN PA'I RGYUD PA LA YANG DAG PAR RDZOGS PA'I SANGS RGYAS NAS RJE BTZUN BYAMS PA MGON PO, DE NAS 'PHAGS PA THOGS MED SKU MCHED SOGS LA RIM GYIS BRGYUD PA'I RGYA CHEN SPYOD RGYUD DANG, YANG DAG PAR RDZOGS PA'I SANGS RGYAS NAS RJE BTZUN 'JAM DBYANGS, DE NAS 'PHAGS BA KLU SGRUB YAB SRAS LA RIM GYIS BRGYUD PA'I ZAB MO LTA RGYUD DANG, RJE BTZUN 'JAM PA'I DBYANGS NAS RGYAL SRAS ZHI BA LHA SOGS LA RIM GYIS BRGYUD PA'I RLABS CHEN SPYOD

, ,RGYUD DE RGYUD PA GSUM YOD CING, RGYUD PA DE GSUM GA'I MAN NGAG JO BO RJE DPAL LDAN AA TI SHA LA MNGA' BAS JO BO RJE DPAL LDAN AA TI SHA'I LAM RIM GYI MAN NGAG 'DI LA RGYUD PA'I CHU BO GSUM 'DRES ZHES BRJOD DO, ,DE LA RGYA CHEN SPYOD RGYUD DANG ZAB MO LTE RGYUD KYI BLA MA GONG MA RNAMS KYI RNAM THAR BSHAD ZIN CING, RLABS CHEN SPYOD RGYUD NI STON PA THUB PA'I DBANG POS MDO SDE PHAL BO CHE SOGS THEG PA CHEN PO'I MDO SDI MANG POR RGYAL SRAS DBANG RNON RNAMS KYIS SEMS BSKYED SBYONG TSUL SHIN TU RLABS CHE BA BDAG GZHAN MNYAM BRJE'I BLO SBYONG TSUL RGYA CHER GSUNGS PA RNAMS MGON PO 'JAM PA'I DBYANGS KYIS RGYAL SRAS ZHI BA LHA LA LEGS PAR GDAMS, RGYAL SRAS ZHI BA LHAS BDAG GZHAN MNYAM BRJE'I SGO NAS BYANG CHUB KYI SEMS SBYONG TSUL RTZAL DU BTON PA'I MAN NGAG BSLAB BTUS DANG SPYOD 'JUG GNYIS MDZAD CING, DE'I MAN NGAG RNAMS SLOB DPON AE LA DHA RI LA RDZOGS PAR GNANG, SLOB DPON AE LA DHA RIS SLOB DPON DPA' BO RDO RJE LA GNANG, DES SEMS DPA' CHEN PO RIN CHEN DPAL LA GNANG, DES BLA MA GSER GLING PA LA GNANG, BLA MA GSER GLING PA CHEN PO'I ZHABS DRUNG DU JO BO RJE DPAL LDAN AA TI SHAS LO BCU GNYIS KYI BAR DU DBU SNGAS SBREL TE BLO SBYONG GI MAN NGAG 'DI MTHA' DAG PAR GSAN ZHING, SKYES MCHOG BYAMS PA'I RNAL 'BYOR PA DANG, SEMS DPA' CHEN PO DHARM'A RAKshI TA GNYIS LA'ANG BDAG

GZHAN MNYAM BRJE'I MAN NGAG GSAN LA, 'PHAGS MCHOG THUGS RJE CHEN PO DANG RJE BTZUN SGROL MA SOGS LHAG PA'I LHA MANG POS KYANG JO BO RJE LA DNGOS SU ZHAL BSTAN TE BDAG GZHAN MNYAM BRJE'I GDAMS PA YANG DANG YANG DU STZAL, JO BO RJES KYANG GDAMS PA 'DI NYID THUGS DAM GYI MTHIL DU BZUNG NAS RGYUN DU BLO SBYONG BAR MDZAD PAS BDAG PAS GZHAN GCES PA'I BYANG CHUB KYI SEMS RLABS CHEN PO THUGS LA 'KHRUNGS TE SKU MTHONG BA DANG, GSUNG THOS PA DANG, MTSAN THOS PA TZAM GYIS KYANG MI DANG MI MIN KUN GYI SEMS KYI GDUG RTZUB ZHI NUS PA BYUNG BAS JO BO RJE NI BYANG CHUB KYI SEMS RIN PO CHE'I MNGA' BDAG TU GRAGS SHING, LHAG BAR BSTOD BA SUM CU PA LAS, GSER GLING RGYAL PO'I SA SKYONG BLA MA LAS, ,BYANG CHUB SEMS KYI BDUD RTZI'I SMAN BLANGS NAS, ,'GRO BA KUN LA PHAN BAR MDZAD PA YI, ,DPAL LDAN AA TI SHA LA GSOL BA 'DEBS, ,ZHES BSNGAGS PA LTAR BYANG PHYOGS GANGS RI'I KHROD KYI SKYE BO GDUG RTZUB CAN KHRO ZHING GTUM PA, PHA LA PHAR MI 'DZIN PA, MA LA MAR MI 'DZIN PA, SLOB DPON LA SLOB DPON DU MI 'DZIN PA, DRIN LAN LOG PAR 'JAL BA DAG KYANG JO BO RJE DPAL LDAN AA TI SHA 'DI'I SKU MTHONG BA DANG GSUNG THOS PA TZAM GYIS ZHE SDANG GDUG RTZUB ZHI NAS SEMS RGYUD BYAMS PA'I BRLAN GYIS DUL BAR 'GYUR ZHING RANG RANG GI GRUB MTHA'I PHYOGS BZUNG STE KHO BO CAG GI 'DI KHO NA BDEN GYI GZHAN NI GTI MUG GO ZHES PHYOGS LHUNG GI GDON GYIS RGYUD CHES CHER DKRUGS PA DAG KYANG JO BO RJE 'DI LA SUS

, ,KYANG PHYOGS LHUNG MED PAR SKU MTHONG BA TZAM GYIS THAL MO SBYOR ZHING GSUNG THOS PA TZAM GYIS JI BZHIN SGRUB PAR MA NUS KYANG RJES SU YI RANG BA DANG SMON PA'I GNAS SU BYED PA 'DI BYUNG, JO BO RJES BOD DU RIS SU MA CHAD PA'I DAD LDAN MTHA' DAG LA DAM PA'I CHOS KYI BKA' DRIN STZAL CING, LHAG PAR SDE SNOD GSUM 'DZIN BA'I BSHES GNYEN CHEN PO RNAMS LA MDO SNGAGS KYI CHOS MTHA' YAS BSTON PAR MDZAD KYANG, RGYAL SRAS ZHI BA LHA'I MAN NGAG BDAG GZHAN MNYAM BRJE'I BLO SPYONG TSUL GYI GNAD YONGS SU RDZOGS PA 'BROM RIN PO CHE LA LKOG CHOS SU GNANG, 'BROM RIN PO CHES BKA' GDAMS SKU MCHED GSUM DANG KHAMS PA LUNG PA BZHI LA LKOG CHOS SU MDZAD, DGE BA'I BSHES GNYEN KHAMS PA LUNG PAS BLO SBYONG GI GDAMS PA 'DI LA THUGS DAM GYI MTHIL DU MDZAD PAS RANG NYID SA LAM MTHON POR BYON ZHING SKAL BA DANG LDAN PA GZHAN DAG LA'ANG CI RIGS BA GNANG ZHING BLO SBYONG GI MAN NGAG LA NYE BAR MKHO BA'I CHOS BRGYAD MDZAD DE, BRGYAD NI, ZAS LA BRTEN PA'I BLO SBYONG TSUL, DBUGS LA BRTEN PA'I BLO SBYONG TSUL, LUS GRANGS MED DU SPRUL NAS BLO SBYONG TSUL, SHA KHRAG LA, BRTEN NAS BLO SBYONG TSUL, GTOR MA LA BRTEN NAS BLO SBYONG TSUL, 'BYUNG BA BZHI LA BRTEN NAS BLO SBYONG TSUL, LUS YID BZHIN GYI NOR BUR SPRUL TE BLO SBYONG TSUL, 'CHI KHAR PHAN PA'I BLO SBYONG GI MAN NGAG STE BRGYAD YOD LA,

BRGYAD BO DE LA KHAMS PA LUNG BA'I BLO SBYONG THUN BRGYAD MA ZHES GRAGS SHING SKAL BA DANG LDAN PA MANG PO LA SPEL BAR MDZAD DO, ,BKA' GDAMS SKU MCHED GSUM GYIS NI JO BO YAB SRAS KYI MAN NGAG BYANG CHUB LAM GYI RIM PA RGYA CHER SPEL BA MDZAD KYANG BYANG CHUB LAM GYI RIM PA'I SNYING PO BDAG GZHAN MNYAM BRJE'I BLO SBYONG TSUL GYI MAN NGAG MTHAR THUG PA RNAMS NI SKAL BA DANG LDAN PA RE GNYIS LA LKOG CHOS SU MDZAD DO, ,BKA' GDAMS SKU MCHED GSUM GYI NANG NAS KYANG DGE BA'I BSHES GNYEN BO TO BA CHEN PO BYANG CHUB LAM GYI RIM PA STON PA LA 'PHRIN LAS KYI KHYAB BDAL CHE BA BYUNG BAS DGE BSHES PO TO BA CHEN POS SKYES BU GSUM GYI LAM GYI RIM BA RGYAL BA'I BKA' DANG SHING RTA CHEN PO'I GZHUNG RNAMS DANG SBYAR TE RGYA CHER STON PAR MDZAD CING, BDAG GZHAN MNYAM BRJE'I BLO SBYONG GI MAN NGAG MTHAR THUG RNAMS NI DGE BSHES GLANG RI THANG BA DANG, DGE BSHES SHVA BO SGANG BA DANG, DGE BSHES SHA RA BA GSUM LA LKOG CHOS SU GNANG, DGE BSHES SHA BO SGANG BAS SKAL BA DANG LDAN PA RE GNYIS LA GDAMS NGAG BSTAN CING, GTZO CHER SHA GZUG RANG ZA'I TSUL DU SGRUB PA SNYING POR BYED PAS DUS 'DA' BAR MDZAD, DGE BA'I BSHES GNYEN GLANG RI THANG PAS NI BLO SBYONG GI GDAMS NGAG 'DI LA NYAMS LEN SNYING POR MDZAD NAS BDAG PAS GZHAN GCES PA'I BYANG CHUB KYI SEMS RLABS CHEN PO THUGS RGYUD LA 'KHRUNGS SHING SKAL BA DANG LDAN PA GZHAN DAG LA'ANG GDAMS NGAG 'DI MANG DU 'DOMS PAR

, ,MDZAD, BLO SBYONG GI GDEMS NGAG 'DE LAG LA CHE BA BRGYAD DU MDZAD DE GLANG RI THANG PA NYID KYI ZHAL NAS, SPYIR SEMS CAN THAMS CAD YID BZHIN GYI NOR BU RIN PO CHE DANG 'DRA BAR BSLAB PA, KHYAD PAR DU GNAS GANG DU GROGS SU DANG 'GROGS KYANG PHYOGS MTHA' DAG NAS RANG DMAN PAR BLTAS LA TSIG TZAM MA YIN PAR SNYING THAG PA NAS GZHAN LA GUS PAR BSLAB PA, SPYOD LAM RNAM BZHIR RANG GI RGYUD LA BRTAGS NAS NYON MONGS BYUNG MA THAG TU BTZAN THABS SU GDONG NAS BZLOG PA LA BSLAB PA, SEMS CAN SHIN TU RANG BZHIN NGAN PA SDIG PA DANG SDUG BSNGAL DRAG POS NON BA LA RNYED PAR DKA' ZHING GCES PA'I BLOS BSLAB PA, RANG GIS SNGAR PHAN BTAGS PA'AM RE CHE BA'I GANG ZAG GIS KHREL MED DANG MGO BSKOR LA SOGS PA CI BYAS KYANG BKA' DRIN CHE BA'I BSAM PAS DGE BA'I BSHES GNYEN DU BSGOM PA, RANG GZHAN LA PHUNG GYOD LA SOGS PA NYES PA CI BYUNG YANG DAG GTZANG MI BYA BAR GYOD KHA RANG GIS BLANG BAR BSLAB PA, DNGOS SAM BRGYUD PAS PHAN PA DANG BDE BA THAMS CAD SEMS CAN LA GTONG ZHING DE DAG GI SDIG PA DANG SDUG BSNGAL THAMS CAD RANG GI SNYING KHONG DU BLANG BAR BSLAB PA, TSE 'DI'I RNAM PAR RTOG PA DANG MA 'DRES PAR CHOS THAMS CAD SGYU MA LTA BUR SHES PA'I BLOS DNGOS PO GANG LA'ANG MA ZHEN PAR BSLAB PA STE BRGYAD DO, ,BRGYAD PO DE LA GLANG RI THANG PA'I BLO SBYONG TSIG BRGYAD MA ZHES GRAGS SHING, DON TSAN

BRGYAD PO DE RGYUN DU KHA TON DU BYA BA'I PHYIR TSIGS BCAD DU BSDEBS PA NI, BDAG NI SEMS CAN THAMS CAD LA, ,YID BZHIN NOR BU LAS LHAG PA'I, ,DON MCHOG SGRUB PA'I BSAM PA YIS, ,RTAG TU GCES PAR 'DZIN PAR SHOG , GANG DU SU DANG 'GROGS PA'I TSE, ,BDAG NYID KUN NAS DMAN LTA ZHING, ,GZHAN LA BSAM PA THAG PA YIS, ,MCHOG TU GCES PAR 'DZIN PAR SHOG ,SPYOD LAM KUN TU RANG RGYUD LA, ,RTOG CING NYON MONGS SKYES MA THAG ,BDAG GZHAN MA RUNGS BYED PAS NA, ,BTZAN THABS GDONG NAS BZLOG PAR SHOG ,RANG BZHIN NGAN PA'I SEMS CAN NI, ,SDIG SDUG DRAG POS NON MTHONG TSE, ,RIN CHEN GTER DANG 'PHRAD PA BZHIN, ,RNYED PAR DKA' BA'I GCES 'DZIN SHOG , BDAG LA GZHAN GYI PHRAG DOG GIS, ,GSHE BSKUR LA SOGS MI RIGS PA'I, ,GYOD KHA RANG GIS LEN PA DANG, ,RGYAL KHA GZHAN LA 'BUL BAR SHOG ,GANG LA BDAG GIS PHAN BTAGS PA'I, ,RE BA CHE BA GANG ZHIG GIS, , SHIN TU MI RIGS GNOD BYED NA'ANG, ,BSHES GNYEN DAM PAR LTA BAR SHOG ,MDOR NA DNGOS DANG BRGYUD PA YIS, ,PHAN BDE MA RNAMS KUN LA 'BUL, ,MA YI GNOD DANG SDUG BSNGAL KUN, ,GSANG BAS BDAG LA LEN PAR SHOG ; DE DAG KUN KYANG CHOS BRGYAD KYI, ,RTOG BA'I DRI MAS MA SBAGS SHING, ,CHOS KUN SGYU MAR SHES PA'I BLOS, ,ZHEN MED 'CHING BA LAS GROL SHOG ,CES PA STE GLANG RI THANG PA'I BLO SBYONG TSIG BRGYAD MA ZHES GRAGS CHE ZHING DE'I KHRID

, ,RGYUN YANG DGE BA'I BSHES GNYEN GLANG RI THANG PAS DGE BSHES MYANG LCAGS ZHING PA LA GNANG, DES DGE BA'I BSHES GNYEN 'CHAD KHA BA CHEN PO LA GNANG STE, DGE BA'I BSHES GNYE NANG CHAD KHA BAS BLO SBYONG TSIG BRGYAD MA DE NYID BLO SBYONG DON BDUN MA'I NANG DU BSDUS NAS KHRID PAR MDZAD PAS DE PHYIN BLO SBYONG DON BDUN MA DANG BLO SBYONG TSIG BRGYAD MA GNYIS KHRID RGYUD GCIG GO ,DGE BA'I BSHES GNYEN SHA RAB CHEN PO LA BYANG CHUB LAM GYI RIM PA'I 'PHRIN LAS KYI BKA' BAB PAS SDE SNOD 'DZIN PA STONG PHRAG MANG PO LA BYANG CHUB LAM GYI RIM PA'I MAN NGAG RGYA CHER 'DOMS PAR MDZAD CING, GSUNG RAB DGONGS 'GREL DANG BCAS PA THAMS CAD SKYES BU GSUM GYI LAM GYI RIM PA'I STENG DU BSDUS NAS 'DOMS PAR MDZAD LA, BLO SBYONG SNYAN RGYUD KYI MAN NGAG RNAMS NI LKOG CHOS NYID DU MDZAD DE DGE BA'I BSHES GNYEN 'CHAD KHA PA CHEN PO LA LO BCU GNYIS KYI BAR DU LKOG KHRID BU BYAS TE MTHA' DAG PAR 'DOMS PAR MDZAD, DGE BA'I BSHES GNYEN 'CHAD KHA BA CHEN POS BDAG GZHAN MNYAM BRJE'I BLO SBYONG 'DI LA THUGS DAM GYI MTHIL DU MDZAD NAS SKU TSE RIL POR NYAMS LEN LA BRTZON PAR MDZAD PAS BDAG PAS GZHAN GCES PA'I BYANG CHUB KYI SEMS RIN PO CHE RLABS CHEN PO 'KHRUNGS SHING, BLO SBYONG 'DI 'DOMS PA LA DBANG 'BYOR PAR GYUR TE, BYANG CHUB KYI SEMS RIN PO CHE LA SLOB BAR 'DOD PA MTHA' DAG BDAG NYID CHEN PO

'DI'I DRUNG DU LHAGS PAR GYUR PA NA LKOG KHRID DU MDZAD MA THUB BAR TSOGS CHOS SU MDZAD DE DON GNYER CAN MTHA' DAG LA RGYA CHER SPEL ZHING BLO SBYONG 'DI'I MAN NGAG RNAMS DON TSAN BDUN DUS BCAD MDZAD DE BLO SBYONG DON BDUN MA ZHES MTSAN BTAGS, SA'I CHA THAMS CAD BLO SBYONG 'DI'I 'PHRIN LAS KYIS KHYAB PAR MDZAD, MAN NGAG YONGS SU RDZOGS PA DGE BA'I BSHES GNYEN SE SPYIL BU BA LA GNANG, DGE BSHES SE SPYIL BU BAS KYANG BYANG SEMS 'CHAD KHA BA CHEN POS JI LTAR MDZAD PA LTAR BLO SBYONG DON BDUN MA'I KHRID RGYA CHER SPEL ZHING, DGE BA'I BSHES GNYEN SE SPYIL BU BA LA LHA SPYIL BU BA 'OD ZER BLA MAS GSAN, DE LA DGE BSHES LHA SDINGS PAS GSAN, DE LA DGE BSHES LHA SDINGS DBON GYIS GSAN, DE LA DGE BA SHES YON TAN DPAL GYIS GSAN, DE LA MKHAN CHEN BDE BA DPAL GYIS GSAN, DE LA MKHAN CHEN DKA' BZHI PA GRAGS PA GZHON NUS GSAN, DE LA SEMS DPA' CHEN PO BSOD NAMS GRAGS PAS GSAN, DE LA RGYAL BA'I SRAS PO THOGS MED BZANG PO DPAL GYIS GSAN, DE LA RJE BTZUN RED MDA' PA CHEN POS GSAN, DE LA RJE BTZUN CHOS KYI RGYAL PO TZONG KHA PA CHEN POS GSAN NO, ,RGYAL SRAS ZHI BA LHA NAS DGE BA'I BSHES GNYEN SA SPYIL BU BA'I PAR GYI BLA MA RNAMS KYI RNAM PAR THAR PA SNGAR BRJOD ZIN LA, LHA SPYIL BU BA 'OD ZER BLA MA DANG, LHA SDINGS BA DANG, LHA SDINGS DBON DANG, BSHES GNYEN YON TAN DPAL BZHI PO 'DI'I MDZAD PA RNAM THAR ZHIB MOR 'KHOD

, ,PA MA MTHONG BAS SLAR RNYED NA 'DIR BSNAN PAR BYA'O, ` ,,MKHAN CHEN BDE BA DPAL NI, GTZANG RANG G-YAG SDER LCAGS MO YOS LA SKU 'KHRUNGS, SKU GZHON NU NAS RGYAL BA'I BSTAN PA RIN PO CHE'I SGOR RAB TU BYUNG STE KLOG BA THOS BSAM DANG SPONG BA BSAM GTAN LA BRTZON PAR MDZAD, DGUNG LO NYI SHU LON PA LCAGS PHO KHYI'I LO LA MKHAN CHEN LHO BRAG PA BYANG CHUB DPAL GYIS MKHAN PO, SLOB DPON BSOD NAMS BZANG POS LAS SLOB, SLOB DPON DBANG PHYUG GRAGS PAS GSANG STON MDZAD DE, DGE 'DUN GYI DBUS SU TSIG RDZOGS MDZAD NAS 'DUL BA LUNG SDE BZHI NAS GSUNGS PA'I DGE SLONG GI BSLAB BYA PHRA RAGS RNAMS MIG 'BRAS LTAR BSRUNG BAR MDZAD CING, SBYANGS BA'I YON TAN STAN GCIG PA'I BRTUL ZHUGS LA GNAS PA'I NGANG NAS MKHAN PO'I DRUNG DU ME TOG 'PHRENG BRGYUD MKHAN CHEN PA NYID KYIS MDZAD PA'I t'IKKA DANG SBYAR BA DANG, SPYOD 'JUG SOGS MDO PHYOGS KYI GZHUNG DANG MAN NGAG MANG DU GSAN, KHYAD PAR MKHAN CHEN BYANG CHUB DPAL BA LA SNE'U ZUR PA NAS BRGYUD PA'I LAM RIM DANG, DMIGS PA SKOR GSUM LA SOGS PA MI G-YO BA'I SKAB YIG RNAMS DANG, CHOS RJE PAn CHEN NAS BRGYUD PA'I 'JAM DKAR SGROL DKAR BDE MCHOG DKAR PO GNYAN GYI SGROL MA LA SOGS PA BKA' LUNG MANG DU GSAN, SLOB DPON YON TAN DPAL LA THEG PA CHEN PO BLO SBYONG GI GDAMS PA ZAB MO DANG, SLOB

DPON BKRA SHIS BSOD NAMS LA LAG SOR BA NAS BRGYUD PA'I THUGS RJE CHEN PO'I SGRUB SKOR DANG, BLA MA RDZONG PU BA LA DON YOD ZHAGS PA'I SGRUB SKOR RNAMS GSAN, GZHAN YANG G-YAG SDE LO TZ'A BA, MDO PHUG GI SLOB DPON DKON MCHOG GRAGS, 'GRO MGON 'PHAGS PA, MKHAN PO SENG GE ZIL GNON, RIN PO CHE KHRO PHU BA SOGS BSTEN TE, GZHUNG DANG GDAMS PA MANG PO GSAN ZHING MKHAN CHEN BYANG CHUB DPAL GSHEGS NAS LO GSUM GYI BAR SLOB DPON BSOD NAMS STOBS KYIS TSOGS PA'I DBU MDZAD BYAS, DE'I BAR DGA' BA GDONG DU DBYAR NYI MA BRTZON 'GRUS LA PHAR PHYIN GSAN, DE NAS DGUNG LO SUM CU RTZA BRGYAD PA LCAGS PO 'BRUG LA GDAN SAR BYON, NYI SHU RTZA BDUN GYI RING GDAN SA MDZAD NAS MA PHO STAG LA DKA' BZHI PA LA GDAN SA GTAD NAS ZUR BZHUGS MDZAD DE RGYAL BA'I GSUNG RAB DGONGS 'GREL DAM BCAS PA MA LUS PA NYAMS LEN GYI LUS GCIG TU DRIL BA BYANG CHUB LAM GYI RIM PA DANG, DE'I SNYING PO BDAG GZHAN MNYAMS RJE'I BLO SBYONG LA THUGS DAM RTZE GCIG TU MDZAD PAS LAM GYI LUS YONGS SU RDZOGS PA LA MYONG BA PHUL PHYIN THON ZHING THUGS RJE CHEN PO DANG RNAM BAR RGYAL MA'I ZHAL GZIGS, TSUL KHRIMS KYI DRI NGAD BZANG PO LDANG, CHOS SKYONG RNAM THOS SRAS KYIS 'PHRIN LAS BSGRUB PAR MDZAD DO, ,DE NAS DRUG CU RTZA BDUN BZHES PA ME MO BYA LA SKU GSHEGS, SKU GDUNG BZHU BA'I TSE THUGS LA MES MA REG PAR SGRA DANG BCAS TE BYON PA DA LTA'ANG BYES KYI RTEN GRAL NA BZHUGS SO, ` ,,

, ,MKHAN CHEN DKA' BZHI PA GRAGS PA GZHON NU NI, DBU RU STOD KYI LHA LCANG RI MO CAN ZHES BYA BA'I GRONG GYAD GSAR DU, YAB GYAD GSAR DGOS PA ZHES BYA BA'I SRAS SU ME MO SKRUL GYI LO LA SKU 'KHRUNGS, SKU GZHON NU NA SA KHYIM GYI 'DU 'JI LA MA CHAGS PAR SRID PA MTHA' DAG LA ZHEN PA LOG PA'I NGES 'BYUNG GIS RGYUD BSKUL TE, MKHAN PO GRAGS PA 'BUM LA RAB TU BYUNG STE, MTSAN GRAGS PA GZHON NU DPAL BZANG POR BTAGS, DE NAS MKHAN CHEN BDE BA DPAL BSAM SBYOR GNYIS KYIS TSUL BZHIN DU BSTEN TE LUNG DANG MAN NGAG MANG DU GSAN ZHING ,DGUNG LO NYI SHU BZHES PA G-YAG SDE BA'I DBANG BO ZHES BYA BAR, MKHAN CHEN BDE BA DPAL GYIS MKHAN PO, DANG, SLOB DPON THUGS RJE DPAL BZANG POS LAS SLOB, SLOB DPON CHOS LDAN DPAL BZANG POS GSANG STON MDZAD DE, ME PHO BYI LO'I DBYAR ZLA 'BRING PO'I DUS DAD PA'I DGE SLONG BCU DRUG GI DBUS SU BSNYEN PAR RDZOGS PAR MDZAD DE, ,TSUL KHRIMS MIG 'BRAS BZHIN DU BSRUNG BAR MDZAD DO, ,DE NAS MKHAN CHEN BDE BA DPAL LA DUS GSUM GYI SANGS RGYAS THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID DANG, DE'I RTZA PA'I MAN NGAG MNGON RTOGS RGYAN DANG SPOD 'JUG SOGS GSAN ZHING, KHYAD PAR RGYAL SRAS DAM PA RNAMS KYI THUGS DAM GYI MTHIL THEG PA CHEN PO'I BLO SBYONG GI KHRID GSAN TE NYAMS KHRID DU BSKYANGS, GZHAN YANG MKHAN CHEN BDE BA DPAL LA

SKYER SGANG PA'I THUGS RJE CHEN PO, DON YOD ZHAGS PA'I SKOR, 'JAM DPAL RNON PO, DPA' BO GCIG SGRUB DKAR BO, RNAM RGYAL MA, RNAM 'DZAMS, SMAN BLA RNAMS KYI RJES GNANG DANG, CHOS SPYOD MANG PO'I LUNG, MI G-YO DKAR SNGO, DMIGS PA SKOR GSUM LA SOGS PA GSAN, KHRO PHU'I SLOB DPON DKA' BZHI BA GZHON MDZES LA MNGON PA KUN LAS BTUS DANG TSAD MA RNAM NGES LEGS PAR BSLABS, MKHAS PA YON TAN 'BUM LA 'DUL BA MDO RTZA DANG MNGON PA MDZOD GSAN, G-YAG SDE LO TZ'A PA BSOD NAMS SENG GE LA BDE MCHOG DANG GSHED DMAR SOGS BKA' LUNG MANG PO DANG, RONG PA SHES RAB SENG GE LA DUS 'KHOR DANG GSHIN RJE GSHED SOGS RVA LUGS KYI CHOS SKOR MANG PO DANG, STON PA KUN DGA' RGYAL PO LA SGYOR DRUG GI SKOR DANG, BLA MA GRUB MCHOG LA'ANG GSANG SNGAGS KYI SKOR MANG PO GSAN TE, THOS PA'I PHA ROL TU SON NO, ,LAN CIG ZLA BA GZA' 'DZIN GYI DUS SU, MA SHA'I SBYOR BA MDZAD PAS ME TOG 'KHRUNGS, MNAL CUNG ZAD BYUNG BA'I GZIGS SNANG LA, RJE BTZUN 'JAM DBYANGS KYI ZHAL NAS, NGA SPYAN DRANGS NAS CI 'DOD PA YIN GSUNG, RAL GRI DE GNANG 'TSAL ZHUS LAS, RIGS PA'I RAL GRI LA BYIN YOD, KHYOD RDO RJE 'DI KHYER GSUNGS NAS, GSER GYI RDO RJE SOR BZHI PA ZHIG GNANG BA MNGON SUM LTA BUR BYUNG STE, GSUNG RAB KYI TSIG DON 'BYED PA LA GTUGS PA MED PA'I RNAM DPYOD PHUL DU BYUNG BA THUGS LA 'KHRUNGS SO, ,DE NAS DGUNG LO SO BRGYAD BA ZHIG PA SHING PHO RTA'I LO LA TSOGS KYI

, ,MKHAN PO MDZAD, 'DUL BA MDO RTZA, MNGON PA KUN LAS BTUS, TSAD MA BSDUS PA, PHAR PHYIN SOGS GZHUNG BSHAD DU MA DANG, THEG PA CHEN PO'I BLO SPYONG LA SOGS PA'I MAN NGAG GIS SKAL BA DANG LDAN PA RNAMS RJES SU 'DZIN BAR MDZAD DE, BLA MA BDAG NYID CHEN PO LA SOGS PA SA SKYA PA'I GDUNG BRGYUD DANG, BU STON RIN PO CHE, BYANG SEMS BSOD NAMS GRAGS PA SOGS MKHAS BTZUN MANG BO'I YONGS 'DZIN MDZAD CING, 'GRO DON 'PHRIN LAS BSAM GYIS MI KHYAB PA'I NGANG NAS MYANG SMAD PA SNAM 'BI LUNG RI KHROD DU SGRUB PA RTZE GCIG TU MDZAD CING, SKAL BA DANG LDAN BA GZHAN DAG LA'ANG LAM RIM DANG BLO SBYONG LA SOGS PA'I CHOS MANG DU STZAL SKU TSE 'DI'I MJED PA RDZOGS PA NA DGUNG LO NGA DGU BZHES PA SHING MO YOS KYI LO THA SKAR ZLA BA'I TSES BCO LNGA LA ZLA BA GZA' LAS GROL BA DANG DUS MNYAM DU BDE BAR GSHEGS PA'I TSUL BSTAN TO, ,DE'I TSE SPUGS LA 'JA' TSON KA BA LTAR ZUG PA DANG, ME TOG GI CHAR CHEN PO BABS DE NAS TSONG DUS MGUR MO'I YON BDAG RNAMS KYIS SKU GDUNG TSONG DUS SU GDAN DRANGS PA NA, MKHYEN RAB DBANG PHYUG BU STON RIN PO CHES THOG DRANGS SNAM SBYAR GYON PA'I DGE SLONG NYIS BRGYA LHAG TZAM GYIS SPOS DANG, GDUGS DANG RGYAL MTSAN DANG ROL MO LA SOGS PA'I MCHOD PA MANG PO DANG, SKYE BO'I TSOGS KYI KHROM CHEN POS BSU BA BYAS NAS, TSONG DUS KYI GRONG KHYER DANG NYE BAR SKU GDUNG BZHU BA'I TSE ME TOG GI CHAR CHEN PO 'BRAS SHING RING BSREL MANG PO BYON,

DUS PHYIS SKU GDUNG GI S'ATZTSA DANG GDUNG THAL BZHUGS PA'I KHANG BU LA'ANG RING BSREL 'DZAG PA BYUNG STE, NGO MTSAR BSAM GYIS MI KHYAB PA BYUNG NGO,, ` ,,MKHAN CHEN PA BYANG CHUB SEMS DPA' BSOD NAMS GRAGS PA NI ,CHU MO BYA'I LO LA SNYE MO PHUN SUM DU SKU 'KHRUNGS, DE'I TSE RGYAL SRAS 'DI'I MES PO'I RMI LAM DU ME TOG DANG 'BRAS BU PHUN SUM TSOGS PAS BRGYAN PA'I SHING LJON PA CHEN PO ZHIG LA SHING LJON PA MANG POS BSKOR BA CIG BYUNG BAS, 'O SKOL GYI PHU 'DI LA KHYIM BZUNG NA MI NER RDZAS GSUM 'DZOM PA CIG DANG, DAM PA'I CHOS BYAS NA GRVA BU SLOB MTHA' RGYAS PA CIG 'ONG BA 'DRA ZER, BYIS PA'I DUS NAS PHYAG NA CI YOD GZHAN LA STER PA DANG, PHAN SEMS DANG SNYING RJE CHE BA DANG, RTZED MO TSUN CHAD LA'ANG CHOS KYI SPYOD PA BYE DPA CIG BYUNG NGO, ,DE NAS DGUNG LO BCO BRGYAD BZHES PA'I TSE, MKHAN PO DKON MCHOG SKYABS DANG, SLOB DPON GZHON NU DAR ZHES BGYI BA LAS RAB TU BYUNG, DGE TSUL DU BSGRUBS TE MKHAN SLOB KYI SPYAN SNGAR JI LTAR KHAS BLANGS PA'I BSLAB BYA RNAMS TSUL BZHIN DU BSRUNG BA'I SGO NAS THOS BSAM LA BRTZON PAR MDZAD, DGUNG LO BCU DGU RU PHEBS PA LCAGS YOS LO MDAL BSHOL BRTZIS PAS NYI SHUR BYAS TE MKHAN CHEN BDE BA DPAL DANG, LAS SLOB MKHAN CHEN DKA' BZHI PA GRAGS PA GZHON NU DANG, GSANG STE BA SLOB DPON GZHON NU DAR GYIS MDZAD DE BSNYEN PAR RDZOGS, JI LTAR KHAS BLANGS PA'I BSLAB PA RNAMS LAS MI 'DA' BAR

, ,MDZAD, DE NAS MKHAN SLOB GNYIS LA MNGON PAR RTOGS BA'I RGYAN 'GREL PA DANG BCAS PA DANG, 'DUL BA'I MDO BYA t'IKA GI BSHAD SROL DANG BCAS PA LA LEGS PAR SBYANGS, GZHAN YANG MNGON PA KUN LAS BTUS, SPYOD 'JUG, GSANG SNGAGS PHYI NANG GI SGRUB SKOR DANG MAN NGAG MANG DU GSAN, MKHAN CHEN DKA' BZHI PA LA DGYER SGOM CHEN PO NAS BRGYUD PA'I LAM RIM, BLO SBYONG DON BDUN MA, JO BO'I DBU MA BDEN CHUNG DANG, DBU MA'I MAN NGAG, SGROL MA MAndAL BZHI PA, SGROL DKAR GYI SGRUB THABS, MI G-YO BA'I DMIGS PA SKOR GSUM, MI G-YO BA'I SGRUB YIG CHEN MO, DBU MA LUGS KYI SEMS BSKYED RNAMS GSAN, MKHAN CHEN DKA' BZHI PA LA RGYAL SRAS LAM 'JUG, BA RI BA'I SGRUB THABS BRGYA RTZA, SMAN BLA'I CHO GA LAG LEN DANG BCAS PA, JO BO'I LO RGYUS CHEN MO, LAM RIM, BLO SBYONG, MI G-YO BA'I SGRUB YIG RNAM GSUM, DMIGS PA SKOR GSUM, RTA MGRIN SHVA NA BZHI SKOR, SPYAN SNGA BA'I RAB GNAS, LAG SOR BA NAS BRGYUD PA'I THUGS RJE CHEN PO'I SGRUB SKOR MAN NGAG DANG BCAS PA, RIN CHEN 'BRU DGU SOGS KHRO PHU BA'I MAN NGAG SKOR, SBYOR DRUG GI KHRID, DBU MA'I SGOM RIM RNAM GSUM, SLOB DPON KLU SGRUB KYIS MDZAD BA'I MDO KUN LAS BTUS, GNAS BRTAN GYI GSOL 'DEBS, JO BO'I LAM SGREN RANG 'GREL DANG BCAS PA, GZHAN YANG CHOS SKOR MANG DU GSAN TE RTZA BA'I BLA MA BKA' DRIN CHE SHOS SU MDZAD DO, ,SLOB DPON GZHON NU MJES LA

SHER PHYIN SRAS YUM BCU BDUN DANG, SA SDE LNGA, KHRO PHU BA'I MAN NGAG BRGYA RTZA SOGS GSAN, SLOB DPON BSOD NAMS YE SHES LA LUNG SDE BZHI, MDO RTZA 'GREL, DBU MA TSIG GSAL, DBU MA LA 'JUG PA, DBU MA RGYAN, DBU MA SNANG BA, DBU MA BDEN GNYIS, BSLAB SPYOD GNYIS, JO BO'I CHOS CHUNG BRGYA RTZA, SHA RA BA PA NAS BRGYUD PA'I LAM SGRON GYI BSHAD PA, BE'U BUM SNGON PO DANG, DE'I 'GREL BA JO STAN GUR PAS MDZAD BA, 'CHAD KHA BA'I GRUB MTHA' CHEN MO, SNAR THANG PA'I LAM MCHOG, JO BO'I RNAM THAR DANG BLA MA GONG MA RNAMS KYI LO RGYUS, SEMS TZAM LUGS KYI SMON 'JUG SEMS BSKYED, SKYES BU GSUM GYI KHRID, DBU MA CHEN PO'I KHRID, BLO SBYONG DON BDUN MA, TSIG BRGYAD MA, KHAMS LUNG PA'I THUN BRGYAD MA, SNAR THANG PA'I LUGS KYI RAB GNAS DANG, GNAS BRTAN BCU DRUG GI SGRUB YIG RGYAS PA, MNGON RTOGS BRGYA RTZA, BLA MA'I DUS MCHOD SGRUB PA'I THABS, ,DON ZHAGS DE NYID BCU DRUG ,RGYUD CHUNG GI t'IKKA MCHIMS PAS MDZAD PA SOGS MANG DU GSAN NO, ,BYA YUL BA SANGS RGYAS JO BO LA, BYA YUL BA'I LUGS KYI RAB GNAS RGYAS BSDUS, PHYAG BRGYAD SGROL MA, DAM TSIG GSUM BKOD LHA LNGA MA DANG LHA GSUM MA, MKHAN CHEN SH'AKYA GZHON NU LA, JO BO'I RTA MGRIN PHYAG DRUG PA LAS TSOGS DANG BCAS PA, BLA MA GRAGS BA SHES RAB LA, BDE MCHOG NAG PO PA'I CHO GA JO BO'I LUGS DANG, L'U AI BA'I 'GREL PA JO BOS MDZAD PA, KYEE RDO RJE'I DBANG, MAH'A M'A

, ,YA'I DKYIL CHOG, SGRUB THABS PHYAG LEN DANG BCAS BA JO BO'I LUGS, MKHAN BO CHOS KYI DPAL BA LA, NAG CHO'I BSTAN RIM, JO BO'I BYANG CHUB LTUNG BSHAGS 'DON THABS ,BLA MA KUN DGA' TSUL KHRIMS LA, THUGS RJE CHEN PO'I DMAR KHRID, JO BO NAS BRGYUD BA'I DON ZHAGS DANG, BA RI BA'I DON ZHAGS LTA LNGA'I SKOR GSAN ZHING, GZHAN YANG BLA MA DAM PA MNGA' RIS PA SANGS RGYAS YE SHES, BLA MA DHARM'A SHR'I BHA DRA, DPANG LO BLO GROS BRTAN PA SLOB DPON BSOD SHE, MKHAN CHEN RGYAL MTSAN DPAL, MKHAN PO THUB PA MGON, MKHAN PO GRAGS PA DPAL, RONG PA SHES RAB SENG GE, 'JAM DBYANGS RIN RGYAL, BLA MA BDAG NYID CHEN PO, BLA MKHYEN KUN BLO, BLA MA MKHAS BTZUN PA, BLA MA KUN DGA' RGYAL MTSAN, BLA MA DON YOD RGYAL MTSAN, DPAL LDAN BLA MA DAM PA, BLA MA KUN DGA' SENG GE, BLA MA KUN BSOD PA, DRE'U LHAS PA'I MKHAN BO KYOG MO CHE, SLOB DPON RIN CHEN BSAM GRUB LA SOGS PA YONGS SU 'DZIN PA SUM CU TZAM BSTEN NAS MDO DANG SNGAGS KYI BSHAD LUNG MAN NGAG MANG DU GSAN NO, ,DE LTAR THOS BA RGYA MTSO'I PHA ROL TU PHYIN PA NA SNGON BYON DAM PA'I RNAM THAR LTAR MANG DU THOS PA'I DON RANG GI RGYUD LA SBYAR TE NYAMS LEN SNYING POR MDZAD BZHED NAS MKHAN CHEN BDE BA DPAL DANG MKHAN CHEN DKA' BZHI PA GNYIS LA BYANG CHUB MCHOG TU SEMS BSKYED NAS, DPAL LDAN AA TI SHA'I THUGS DAM GYI MTHIL SKYES BU GSUM GYI LAM RIM DANG, BYANG CHUB SEMS

SBYONG GI MAN NGAG RNAMS TSANG BAR ZHUS NAS BSGOMS PAS, NYAMS MYONG DANG DROD RTAGS PHUL DU BYUNG BA THUGS LA 'KHRUNGS TE, BDE SDUG MTHO DMA' CI BYUNG YANG THEG PA CHEN BO'I BLO SBYONG GI STENG 'BA' ZHIG TU 'JOG PAS BYANG CHUB KYI SEMS LAS NAM YANG G-YEL BAR MI MDZAD DO, ,GZHAN YANG PHA ROL TU PHYIN BA'I LUGS KYI RNAM PA'I KHRID, SRID ZHI MNYAM NYID KYI KHRID, DBU MA CHEN BO'I KHRID, RTEN 'BREL GYI KHRID RNAMS GSAN ZHING THUGS NYAMS SU BZHES PAS CHOS THAMS CAD SPROS PA'I MTHA' BRGYAD DANG BRAL BA RMI LAM DANG, SGYU MA DANG, CHU ZLA LTA BUR THUGS SU CHUD DE 'OD GSAL CHEN PO'I TING NGE 'DZIN LAS NAM YANG MI G-YO BAR BZHUGS SHING ,ZAB MO RDZOGS PA'I RIM BA'I TING NGE 'DZIN KYANG PHUL DU BYUNG BA LA MNGA' BRNYES SO, ,MDOR NA BDAG NYID CHEN PO 'DI NI PHYI'I KUN TU SPYOD PA DAM PA'I CHOS 'DUL BA GZHIR MDZAD DE, KHRUS DANG GTZANG SPRA LA GNAS NAS, CHOS GOS GSUM DANG GDING BA CHU TSAGS 'KHAR GSIL LHUNG BZED LA SOGS PA'I DGE SBYONG GI YO BYAD RNAMS DANG MI 'BRAL BAR GZHI GSUM GYI LAG LEN DANG, THA NA RUNG CHU LA SOGS PA RNAMS KYANG PHYAG LEN ZHIB BAR MDZAD DE 'PHAGS PA NYE BAR 'KHOR DANG MTSUNGS PA YIN NO, ,NANG DU BYANG CHUB KYI SEMS RIN PO CHE RNAM PA GNYIS KYI TING NGE 'DZIN DANG BCAS PA LA THUGS DAM GYI MTHIL DU MDZAD PAS, DGE SLONG RDO RJE 'DZIN PA CHEN POR BZHUGS PA YIN

, ,NO; ;DE NAS DGUNG LO NGA BZHI PA ME PHO STAG GI LO LA TSOGS PA CHOS LUNG PA'I MKHAN SAR PHEBS NAS LO NYI SHU RTZA BRGYAD KYI BAR DU TSOGS PA LA SBYANGS TE, BSDU BA RNAM BZHI'I SGO NAS 'GRO BA'I DON MTHA' YAS PA MDZAD DO, ,BU SLOB KYANG DPAL LDAN SA SKYA'I BDAG PO BLA CHEN KUN BLO, BLA MA DON YOD RGYAL MTSAN, DPAL LDAN BLA MA, BLA MA KUN DGA' LEGS PA'I RGYAL MTSAN, RGYAL BA'I SRAS PO THOGS MED BZANG PO DPAL, MKHYEN RAB DBANG PHYUG BU STON RIN PO CHE, KUN MKHYEN CHEN PO LA SOGS PA MKHAS GRUB BSAM GYIS MI KHYAB BA BYUNG ZHING RGYA HOR DANG MDO STOD SMAD KYI MI SDIG PA LA SPYOD PA RNAMS THABS SNA TSOGS MDZAD DE DGE BA LA SBYOR BAR MDZAD BA DANG, KHYIM PA RNAMS LA BSNYEN GNAS DANG, DGE BSNYEN LA SOGS PA'I BSLAB GZHI LEN DU 'JUG PA SOGS MDOR NA ZHAL MTHONG BA DANG CHOS 'BREL ZHU BA DANG, BYIN GYIS BRLABS PA SOGS KYI SGO NAS SEMS CAN LA PHAN PA SHA STAG MDZAD DO, , DE'I STOBS KYIS MI DANG MI MA YIN PA THAMS CAD KYANG DBANG DU 'DU ZHING 'PHRIN LAS SGRUB PAR MDZAD BA YIN NO, ,RNAM THOS KYI BUS BSRUNG SKYOB DANG 'PHRIN LAS MDZAD PA'I RTAGS MANG DU BYUNG ZHING, MAH'A K'A LA LCAM DRAL GYIS KYANG KHANG BA'I THOG RDIB NAS NYEN CHEN PO BYUNG BA'I DUS SU GDUNG MA DANG LCAM GYI SNE NAS BTEG PA'I LO RGYUS KYANG YOD CING, BSAM YAS SU PHEBS DUS DGE BSNYEN CHEN POS SKOR BA BYAS PA MI PHAL BAS KYANG MTHONG BA DANG,

SKYID GRONG DU PHEBS DUS NAD RIMS DRAG PO DAD MU GES MI RNAMS LA SDUG BSNGAL DU MA 'DUG PA LA, RIN PO CHE PAS 'PHAGS PA WA TI LA MCHOD PA PHUL TE GSOL BA BTAB PAS, NAD RIMS THAMS CAD RGYUN CHAD CING, 'BRAS KYI LAS SGO RDOL NAS 'BRU SHIN TU MOD PA BYUNG BA SOGS KYI LO RGYUS MANG PO DANG, YANG LAN CIG STOD LUNG LAM BA DGON PAR THUB PA CHU KHOL MA LA PHYAG MCHOD PHUL TE, DRI BZANG SBYAR BA'I CHU STA GON BYAS NAS SKU KHYAMS STOD DU SPYAN DRANGS TE CHU'I NANG DU BZHUGS SU GSOL MA THAG TU CHU THAMS CAD MGAR GYI SOL MAL DU BSREGS PA'I LCAGS CHU NANG DU SKYUR BA BZHIN DU CHER KHOL TE DBYIBS KYANG NOR BU BRTZEGS PA'I RNAM PA LTA BU BYUNG BAS, DER 'CHOGS PA'I MI THAMS CAD DAD PA RANG DBANG MED PAR SKYES NAS ,STON PA'I SKU DE DANG RIN BO CHE NGA GNYIS LA BYIN RLABS ZHU BA MI SHONG BA TZAM BYUNG, THUB PA'I SKU 'DI LA SKU KHRUS GSOL MI JI TZAM ZHIG BYUNG BA LA DA RES LAS CHU KHOL CHE BA'I GTAM MA THOS, DE YANG MI SKAM THAG CIG YIN TE, KHYED KYI ZHAL MJAL MA THAG DAD PA RANG DBANG MED PAR SKYE BA ZHIG BYUNG ZHES LAM DGON GYI SPYAN SNGAS ZHUS BAS, KHYED BKA' GDAMS KYI DGE BSHES BZANG POR GDA' BAS, DPAL LDAN AA TI SHA NAS BRGYUD PA'I CHOS SHIG 'BUL ZHES THEG PA CHEN PO BLO SBYONG GI GDAMS PA ZAB MO ZHIG GNANG NGO, ,DE NAS DGUNG LO BDUN CU BZHES PA'I TSE, SKU KHAMS CUNG ZAD LTEMS PA CIG LA PHYAG GI DNGOS PO THAMS CAD DGE 'DUN DANG

, ,DKON MCHOG GI MCHOD PAR BTANG PAS, SKU KHAMS KYANG LEGS PAR DVANGS TE BDE BAR BZHUGS PA'I DUS SU YONGS KYI DGE BA'I BSHES GNYEN BSOD NAMS BZANG PO LA GDAN SA GTAD DE THUGS LAS CHUNG NGUR BZHUGS SHING, DA PHAN CHAD SHI YANG BLA BA YIN, NGA RANG GIS BSAMS PA THAMS CAD 'GRUB GSUNG NGO, ,DE NAS RANG LO DON GSUM PA SHING MO BYA LA ZHI BAR GSHEGS SO,, ` ,,RGYAL BA'I SRAS PO THOGS MED BZANG PO DPAL NI, DPAL LDAN SA SKYA NAS LHO NUB TU DPAG TSAD PHYED DANG GSUM CAM BGROD PA NA PHUL BYUNG GRAG SKYA ZHES BYA BA MTHA' THAMS CAD PRAG RI DKAR POS BSKOR ZHING, PHUN 'BROG DANG ,MDA' NA ZHING BA MANG DU GNAS BA, SA GZHI THAMS CAD NE'U GSING SNGON PES BRGYAN PA GTZANG ZHING YID DU 'ONG BA'I YUL DU YAB DKON MCHOG DPAL DANG ,YUM 'BUM SGRON GNYIS KYI SRAS SU SHING MO LUG GI LO NGO MTSAR BA'I LTAS MANG PO DANG BCAS SKU 'KHRUNGS SO, ,RGYAL SRAS 'DI YUM GYI LHUMS SU 'JUG PA'I DUS NA YUM LA MGON PO SPYAN RAS GZIGS LUS LA THIM PA'I RMI LAM BYUNG ZHING BLTAMS PA'I DUS NA'ANG MGON PO SPYAN RAS GZIGS RTEN DANG BRTEN PAR BCAS PA'I DKYIL 'KHOR PHYIR SPROS PA'I SNANG BA DANG, SNGON MED PA'I DRI ZHIM PO MNAM PA DANG, ROL MO'I SGRI SNYAN PA PHYOGS KUN TU GRAGS PA DANG, SA G-YO BA DANG, ME TOG GI CHAR BABS PA DANG, YUL DER SNGON MED PA'I RTZVA DANG, SHING DANG, ME TOG SNA TSOGS SKYES PA SOGS NGO MTSAR

BA'I LTAS BSAM GYIS MI KHYAB PA BYUNG ZHING, RGYAL SRAS 'DI LA DKON MCHOG BZANG PO ZHES MTSAN GSOL TO, ,DE'I TSE RGYAL SRAS GZHON NU DE'I SKU NI MTSAN DPE RJES MTHUN PA DANG LDAN PAS 'JIG RTEN KUN GYI MIG GI BDUD RTZI LTA BU ZHIG BYUNG ZHING, RGYAL SRAS SEMS DPA' CHEN PO 'DI NI 'KHRUNGS MA THAG NAS, ZHI BA DANG, DUL BA DANG, DES PA DANG, YID GZHUNGS PA DANG, SNYING RJE CHEN PO'I NGANG TSUL DANG LDAN ZHING, BYIS PA'I SPYOD PA LAS 'DAS BA ZHIG BYUNG STE, DE YANG SKYE BA DPAG TU MED PA'I GONG ROL NAS TSOGS GNYIS CHU BO'I RGYUN BZHIN DU GOMS PA'I STOBS KYIS BYIS PA CHUNG DU SMRA SHES PA TZAM GYI DUS NA NYIN GCIG YUM GYI PANG NA BZHUGS DUS RLUNG PO KHOR KHOR BYED PA CIG GIS SHING LO ZHIG NAM MKHA' LA KHYER SONG BA GZIGS NAS DRAG TU BSHUM PA LA YUM GYIS CI BYUNG DRIS PAS, NAM MKHAR RLUNG GIS KHYER BA DE LA PHYAG MDZUB BCUGS NAS, SEMS CAN ZHIG NAM MKHA' LA KHYER SONG GSUNG BA DANG, SEMS CAN MA YIN SHING LO YIN BYAS PAS BSHUM PA'I 'PHRO CHAD PA ZHIG BYUNG, YANG STON KA ZHIG SA 'KHYAGS TE BA MO BYUNG DUS SNGA DRO ZHIG SGOR BZHUD NAS GOS MED PAR SGRAN MOR BYUNG BAS, YAB KYIS GOS GAR SONG BYAS BAS SNYING RJE BA'I SEMS CAN 'KHYAGS PA DE 'DRA LA G-YOGS NAS YOD ZER, KHRID NAS BLTAR PHYIN PAS SDOM PAS GANG BA'I SHO PHUNG BA MO SKYA KHAD PA CIG LA GOS G-YOGS MTHA' MA RDOS MNAN BYAS NAS 'DUG ZER, GZHON NU'I DUS NAS BDAG PAS GZHAN GCES PA'I BYANG

, ,CHUB KYI SEMS DE LTA BU DANG, YANG NGA SGOM BYED PA YIN ZER NAS SKU RNAM SNANG GI CHOS BDUN LDAN BCAS TE CHOS DON SEMS PA SOGS DAM PA'I SPYOD PAS DUS 'DA' BA CIG BYUNG ZHES GRAG GO, BSHUM BA'I DUS NA DPE CHA SHOG KHYAR PHYAG TU GTAD PA DANG SHIN TU MNYES SHING BSHUM 'PHRO CHAD PA DANG, BYIS PA GZHAN MIS BRDUNG TZA NA BSHUM PA CIG YOD PAR 'DUG, TSUL DE LA NI DUS PHYIS 'JAM PA'I DBYANGS DON YOD RGYAL MTSAN PAS SA SKYAR GDAN DRANGS DUS 'PHROS PA'I GSUNG GLENG BYUNG BA'I DUS SU, GONG GI DE LTA BU RNAMS THOS TE BDEN LAGS SAM ZHUS PAS DE LTAR GRAGS LAGS TE BDAG RANG GIS NI MI DRAN LAGS, DRAN TZAM NA CHOS LA GZHAN GYIS THU G-YOGS LA SOGS MI GUS PA BYAS TZAN MI BZOD PA SKYE ZHING, DANG PO BYIS PA'I DUS RANG NAS KHONG KHRO SHAS CHUNG ZHING BYAMS SNYING RJE CHE BA GZHAN GYI DGE BA LA RJES SU YI RANG KHA TSIG TZAM MIN PAR SKYE BA CIG YOD, DE'I STOBS KYIS SU LA'ANG TSIG NGAN SMRA MI NUS, NGA CHUNG CHUNG GI DUS SA SKYA DKAR PHUBS KYI SGO RTZAR MI GCIG GIS DON MED PAR MGO LA BRGYAB PAS SKRANGS 'BUR CHEN PO BYUNG YANG KHONG KHRO MA SKYES GSUNG BA DANG, BYIS PA GZHAN DANG RTZE BA NA GZHAN PHAM NAS DUS NA BDAG GIS MI BZOD CING, RANG PHAM YANG MYA NGAN TZAM MED PA CIG YOD GSUNG BA DANG, RTZVA SHING THU RU BYON DUS GROGS KYIS RNYED NAS RANG GIS MA RNYED KYANG MI SDUG, RANG GIS RNYED KYANG GROGS KYIS

MA RNYED NA KHONG CHO LA PHA MA SOGS KYIS 'THAB TU YOD BA SAMS NAS RES 'GA' RANG GIS RNYED BA NAS BYIN, RES 'GA' THU ROGS BYAS GSUNG BA DANG, BYIS PA'I DUS RTZED MO PHAL CHER MCHOD RTEN BZHANG BA DANG, CHOS 'CHAD PA DANG, SGOM BYED PA SOGS DGE BA'I PHYOGS KYIS DUS 'DA' BA CIG YED GSUNG, RGYAL SRAS 'DI'I YAB YUM GNYIS SNGA MO NAS 'DAS TE YUM GYI MA AA PHYI RGAN MO ZHIG GIS DGUNG LO LNGA NAS BZUNG BSKYANGS TE, RGYAL SRAS 'DI AA PHYI RGAN ME'I SA NA BZHUGS DUS PHYUGS LUG 'TSO BA LA BYON ZHING, AA PHYI LA KHRAL 'BAB PA LA RA LUG BSAD KYIN HOR 'DRA LA SHA SPROD DGOS PA BYUNG BAS RA LUG GSOD SAR KHRID PA'I DUS SU BSHUM ZHING 'CHANG NAS SNYING RJE BA YIN MOD GSUNG STE, YUN RING POR KHRID DU MI STER BAR BA RGYAL BRGYAL DU BSHUMS KYANG DBANG MED DU KHRID KYIN BSAD BA LAN MA PA RAB BYAS PAS, AA PHYIS BYAMS PO BYAS KYANG DE LTA BU LA YID 'BYUNG ZHING SKYO BA SKYES TE, DGUNG LO DGU BA ZHES BA'I DUS SU PHYUGS LUG 'TSO SA NAS BROS TE YAB KYI PHA SPUN MO'I BU STON PA RIN CHEN BKRA SHIS KYI SAR BSAM GLING DU BYON TE, YI GE 'DRI 'DON LA SOGS PA BSLABS PAS, RIGS PA'I GNAS RNAMS MTHONG BA TZAM GYIS SHES BA BYUNG STE, KUN GYIS 'DI NI PHAL PA CIG MA YIN NGES ZHES GLENG BA BYUNG ZHES GRAGS SO, ,DE NAS SANGS RGYAS KYI BSTAN PA LA RAB TU BYUNG STE THOS BSAM SGOM GSUM RNAM PAR DAG PA SNGON BYON DAM PA RNAMS KYI RNAM THAR DANG MTHUN PA ZHIG MDZAD BZHED NAS, DON DE LTAR DU BSAM

, ,GLING PA'I BLA MA SOGS LA GSOL BA NA THUGS BZHED GRUB STE DGUNG LO BCU BZHI PA SPRE'U'I LO ZLA BA DRUG PA'I TSES BRGYAD KYI SNGA DRO'I CHI LA, BSAM GLING PA'I GDUNG BRGYAD BLA MA DPAL 'BAR BAS MKHAN PO MDZAD, DE'I GCUNG PO MKHAN PO RIN CHEN DPAL BZANG BAS SLOB DPON MDZAD, GRIB TSOD PA SLOB DPON RIN CHEN RDO RJES MDZAD DE, BSTAN PA RIN PO CHE'I SGOR ZHUGS NAS RAB TU BYUNG DGE TSUL DU BSGRUBS TE BZANG PO DPAL ZHES MTSAN GSOL TO, ,DE'I NYIN PAR SNGAR MED PA'I DRI ZHIM POS KHYAB PA DANG, ROL MO'I SGRA SNYAN PA GRAG PA DANG, ME TOG GI CHAR 'BAB BA LA SOGS PA KUN GYIS MTHUN SNANG DU GRUB PA BYUNG NGO, , DE NAS RGYAL SRAS 'DIS MKHAN SLOB KYI SPYAN SNGAR JI LTAR KHAS BLANGS PA'I BCAS PA RNAMS SROG LAS KYANG GCES PAR BSRUNG BAR MDZAD CING SNGON BYON DAM PA'I RNAM THAR BZANG PO'I RJES SU ZHUGS TE TSE 'DI'I BYA BA MTHA' DAG DOR NAS RGYAL BA'I BKA' DANG DGONGS 'GREL RNAMS KYI TSIG 'DZIN PA DANG DON SEMS PA LA BRTZON 'GRUS LHOD PA MED PAR MDZAD, RANG YUL GYI NOR LONGS SPYOD SOGS 'KHOR BA'I PHUN TSOGS GANG LA'ANG MA CHAGS PAR RANG GI KHU PO RIN CHEN BKRA SHIS KYIS YI GE BRI 'DON BCUN PA BYED PA, BSHAD GSAR LA SOGS PA'I GROGS BYAS PAS DRIN CHE BAR DGONGS NAS, ZHING KHANG RNAMS KYANG AA KHU LA GNANG STE

'DI SKAD DU DA KHYED RANG DGE SBYOR GYIS ,'JIG RTEN GYI BYA BA LA SNYING PO MED, NGA'I ZHING DANG NYID RANG LA GANG YOD RNAMS KYIS MI PHONGS TZAM YONGS MCHI, GAL TE MA PHENGS NANGS BSOD SNYOMS BYAS NAS SKYONG BA YIN SEMS LAS MI 'TSAL ZHES ZHAL TA MDZAD ,SANGS RGYAS KYI BSTAN PA BSHAD SGRUB GNYIS KYIS 'DZIN PA LA, BSHAD NYAN GYIS LUNG GI CHOS 'DZIN, SGOM SGRUB KYIS RTOGS PA'I CHOS 'DZIN PAR DGONGS NAS RGYAL BA'I GSUNG RAB KYA DGONGS PA SHING RTA CHEN PO RNAMS KYIS BKRAL BA'I RIGS PA'I DKA' GNAS RNAMS LA SBYONG BAR BZHED DE DGUNG LO BCO LNGA PA'I DUS BO DONG AE BSAM GLING BA'I DGON LAG YIN PA'I STOBS KYIS AE'I CHOS GRVA CHEN POR BYON TE, BLA MA KUN RGYAL BA'I DRUNG DU DANG POR MNGON PA KUN LAS BTUS LA NAN TAN MDZAD, DE YANG DANG PO NAS DUL BA DANG, ZHI BA DANG, BZOD PA DANG, BYAMS PA'I NGANG TSUL DANG LDAN PAS, GROGS KYI SLOB GNYER LA 'GRAN ZLA DANG PHRAG DOG GI DMIGS RKYEN DU MI 'GYUR BAR BYA BA'I PHYIR GZHAN LAS BLO GROS KYI NUS PA CHUNG ZHING DMAN PA'I TSUL BZUNG YANG SKYE BA DPAG TU MED PA'I GONG ROL NAS GOMS PA'I PHYIR GZHAN GYIS LO MANG PO'I BAR DU 'BAD PA BAS KYANG MKHAS PAR GYUR TO, ,DE DUS 'JAM DBYANGS RONG PA NYI MA RGYAL MTSAN GYIS, MANG JA'I TSOGS GRAL DU,

, ,NYID BTZUN CHUNG BZANG PO DPAL DANG BCAS PA'I BLO GSAR BA RNAMS LA NGA DRI BA BYA RGYU YOD DO, ,MNGON PA NAS, ZANG ZING MED PA'I TSOR BA SDUG BSNGAL BYA BA CIG BSHAD 'DUG STE ZANG ZING MED PA'I TSOR BA YIN NA, SDUG BSNGAL YIN PA'I DAM BCA' BUD ZER NAS, 'DI LA LAN THOB ZER BA LA, GZHAN GYIS NI LAN GANG YANG MA BYUNG, DE LTA BU 'BYUNG BAR GZHUNG RANG NAS NYAN THOS DGRA BCOM PA 'GA' ZHIG LA ZANG ZING NYON MONGS MED KYANG LAS KYI NUS BA MTHONG BA YIN, ZHES SDUG BSNGAL 'BYUNG BAR BSHAD YOD DGONGS NAS, DE LUGS KYI 'GAL SPONG GSUNGS PAS, MKHAS PA THAMS CAD NGO MTSAR BAR GYUR TE, BLA MA NAM BKRA BA BYA BA NA RE NYID THOGS MAD DNGOS SU 'DUG, THOGS MED GNYIS PA YIN GSUNGS LA MCHOD YAR MDZOD ZER BAS, MCHOD YAR MDZAD NAS THOGS MED GNYIS PA YIN GSUNGS PAS, DUS DE NAS BO DONG THOGS MED CES MTSAN YONGS SU GRAGS SO, ,GZHAN YANG BYAMS PA'I CHOS LNGA, SA SDE LNGA, SDOM RNAM PA GNYIS, PRA KA RA nA SDE BRGYAD RNAMS KYI TSIG DON LA MKHAS PA 'PHAGS PA THOGS MED LTA BUR GYUR, BYANG CHUB SEMS DPA'I SPYOD 'JUG BSLAB BTUS MDO BTUS RNAMS DANG, DBU MA RIGS PA'I TSOGS LA SOGS BA DBU MA'I BSTAN BCOS RNAMS LA LEGS PAR SBYANGS NAS MKHAS

PA'I PHUL DU PHYIN PAR GYUR PA NA TSAD MA'I GZHUNG RNAMS LA SBYONG BAR BZHED DE DPAL LDAN SA SKYAR BYON NAS MKHAS PA CHEN PO BLA MA GZHIN RGYAL BA'I DRUNG DU SDE BDUN MDO DANG BCAS PA LA MKHAS PAR SBYANGS SHING, GTZO BOR TSAD MA RNAM NGES LA THUGS SBYONG MDZAD DE, CHOS MCHOG ,RGYAN , LHA DBANG BLO, SH'AKYA BLO ,DZNY'A NA SHR'I LA SOGS PA'I 'GREL PA CHEN BO RNAMS KYI TSIG DON LA MKHAS PA DPAL LDAN CHOS KYI GRAGS PA LTA BUR GYUR TE, DE DUS SEMS DPA' CHEN BO'I ZHAL NAS, LE LO'I DBANG GIS SHES CHER MA 'BANG KYANG, ,'ON KYANG KHO BO'I BLO DANG PHRAD PA NA, ,SHES BYA'I TSIG DON LHAN CIG DMIGS NGES YIN, ,ZHES NYAM MTSUR GYI TSUL DU ZHAL PHO YANG MDZAD DO, ,DE LTAR GZHUNG LUGS RNAMS LA SBYANGS PAS 'DZAM GLING MDZES PAR BYED PA'I RGYAN DRUG DANG MCHOG GNYIS KYI GZHUNG LUGS RNAMS LA MKHAS PA'I PHUL DU PHYIN BAR GYUR PA NA DGUNG LO NYER GSUM BZHES PA'I DUS SU GTZANG PHYOGS KYI CHOS GRVA KUN TU GRVA SKOR MDZAD NAS LTA BA LOG PAR 'DZIN PA'I RGOL BA NGAN PA RNAMS LUNG RIGS KYIS SUN PHYUNG STE SPOBS PA MED PAR BYAS, LTA BA PHYIN CI MA LOG PAR 'DZIN PA RNAMS MTHUN PHYOGS SU BSDUS PAS, KUN KHA MTHUN PAR GRVA SKOR BYUNG BA LA BO DONG GI MKHAS PA CHEN PO BZANG PO DPAL 'DI LAS STON

, ,PA BZANG BA DANG SHES RAB CHE BA MA BYUNG ZHES GLENG BA BYUNG NGO, ,DE NAS DGUNG LO SUM CU PA SHING PHO BYI BA'I LO ZLA PA BCU PA'I TSES DRUG GI SNGA DRO'I CHA LA, MKHAN PO BYANG SEMS RIN CHEN MGON DANG, LAS KYI SLOB DPON BLA MA NAM MKHA' SANGS RGYAS, GSANG STE STON BA BLA MA KUN DGA' RGYAL MTSAN, GRIB TSOD PA SLOB DPON SH'AKYA BYANG CHUB, DAD BA'I DGE 'DUN DGE SLONG RGYAL MTSAN 'BUM GYIS THOG DRANGS PA RNAMS KYI DBUS SU, AE'I CHOS GRVA CHEN POR BSNYEN PAR RDZOGS PAR MDZAD NAS 'DUL BA LUNG SDE BZHI NAS GSUNGS PA'I DGAG SGRUB GNAD GSUM GYI BCAS PA PHRA RAGS MTHA' DAG TSUL BZHIN DU BSRUNGS TE 'PHAGS MCHOG NYE BAR 'KHOR SLAR YANG GANGS RI'I KHROD DU BYON PA LTAR NGUR SMRIG 'DZIN PA THAMS CAD KYI NANG NA GTZUG GI NOR BU LTA BUR GYUR TO, ,DE NAS DGUNG LO SO GNYIS PA ME PHO STAG LA, 'JAM DPAL DBYANGS DON YOD RGYAL MTSAN PA SKU MCHED YUM DANG BCAS PA DANG, BLA MA KUN DGA' RGYAL MTSAN, KUN SPANGS NAM MKHA' GRAGS ,BYANG SEMS RIN CHEN MGON RNAMS KYIS RTA RA'I GDAN SA MDZAD PAR ZHU BA GSOL BA LA, ZHAL BZHES MA MDZAD PAS, BLA MA GNUR PA CHOS 'PHAGS RGYAL MTSAN DANG, RIN CHEN SHES RAB 'BUM PAS KYANG GDAN SA MDZOD GSUNG BA'I ZHAL TA NAN CHEN PO MDZAD PAS, BLA MA'I BKA' BCAG PAR

GYUR DOGS NAS ZHAL GYIS BZHES TE, BYANG SEMS RIN CHEN MGON GYIS DBU MDZAD PA'I BLA MA DGE BA'I BSHES GNYEN RNAMS DANG, SHAB CHONG BA LA GTOGS PA'I DGE BSHES GRVA PHA BU SLOB RNAMS KYIS ZHU 'BUL BYAS NAS CHOS GRVA CHEN PO AE'I ZUR CHEN MDZAD, DE'I TSE SEMS CAN THAMS CAD LA MA BU GCIG PU LA BRTZE BA LTAR BDAG PAS GZHAN GCES PA'I BYANG CHUB KYI SEMS DANG NAM YANG 'BRAL BA MED PA'I NGANG NAS, PHYI RU BSTAN PA GZUNG BA'I PHYIR BSHAD NYAN LA G-YEL BA MI MNGA' BAR MDZAD DE, DUS CHOS LA PHAR TSAD GNYIS, MNGON PA KUN LAS BTUS, MDO SDE RGYAN, RGYUD BLA MA, SPYOD 'JUG STE PO TI DRUG DRUG GSUNGS, ZHOR CHOS LA BKA' MDO RGYUD, 'GREL PA 'GREL BSHAD, MAN NGAG GI SKOR MTHA' YAS BA RNAMS 'JAM PA'I DBYANGS CHEN PO DON YOD RGYAL MTSAN BA SKU MCHED KYIS THOG DRANGS PA'I DGE BA'I BSHES GNYEN RGYA MTSO LTA BU LA GSUNGS SHING, BSHAD NYAN LA GNOD DGONGS NAS GSHIN CHOG LA SOGS PA RNAMS LA YANG MA BYON BAR BSHAD NYAN LA BRTZON PA'I STOBS DANG, BYANG CHUB KYI SEMS KYI NUS PA DANG, GZHUNG LUGS 'CHAD BA NA TSIG DON GSAL ZHING 'BREL CHAGS PA, LHAG CHAD MED CING RNA BAR SNYAN PA'I TSIG GIS BRDA 'PHROD PAS NGES SHES BSKYED PA LA GZHAN LAS PHUL DU PHYIN PA'I LEGS BAR BSHAD PA'I GSUNG GI 'OD ZER GYIS NYA NANG PO'I MI SHES

, ,PA'I DRI MA BSAL TE, BLO GROS KYI PADME'I ZE'U 'BRU GSAL BAR MDZAD PA LA BRTEN NAS NYID KYI SLOB MA DKA' CHEN BCU LA MKHAS PA MTHA' YAS PA BYUNG STE SNYAN PA'I GRAGS PAS SA'I STENG KHYAB PAR GYUR TO, ,DE LTAR BSTAN PA DANG SEMS CAN GYI DON LA SKAD CIG KYANG G-YEL BA MED PA'I NGANG NAS RTA RA'I GDAN SA LO BDUN MDZAD CING, DE'I TSE DGUNG LO SO BRGYAD BA LA 'JAM PA'I DBYANGS DON YOD PAS BSKUL NAS MDO SDE RGYAN LA t'IKKA MDZAD, KHONG GIS BSKUL NAS SBYAR BYAS NA STONG SOB TU SONG DOGS NAS MA BYAS GSUNG, 'DI LA DKA' LAS KYANG CHE RAB BYAS NAS BRTZAMS TE LEGS RAB GCIG BYUNG NAS 'DUG GSUNG, DE'I RJES LA RGYUD BLA'I t'IKKA MDZAD, DE'I RJES LA SLOB DPON GRUB RGYAL BA'I DON DU SPYOD 'JUG GI t'IKKA MDZAD, DE'I TSE MKHAS PA MANG PO DPANG LO'I DRUNG DU 'DZOM NAS SPYOD 'JUG LA SU MKHAS KYI GLENG MO BYUNG BAS, LA LAN RE KYI STON PA MKHAS ZER BA LA, DPANG LO'I ZHAL NAS, SPYOD 'JUG LA BOD GANGS CAN GYI KHROD NA RGOD TSANG PA DANG, GU RU THOGS MED GNYIS LAS MKHAS PA MED, SPYOD 'JUG GI DON THAMS CAD KHONG GNYIS KYI RGYUD LA LDAN PA YIN GSUNG NGO, ,DE LTAR BO DONG GI BSHAD NYAN MDZAD DUS SLOB DPON DANG MCHED GROGS 'GA' RES PHYAG RDZAS SRAB PA LA GRVA PA MANG PO SKYONG DGOS PAS LAG LEN GYI SKOR RNAMS SKYONG BAR ZHU ZHES YANG YANG ZHUS PAS, RGYAL

SRAS BDAG NYID CHEN PO 'DI'I THUGS LA KHA GSAG GZHOGS SLONG GIS NOR BSGRUBS TE SLOB MA SKYONG BA NI, RGYAL BA'I BKA' DANG MI MTHUN PA'I SNGON BYON DAM PA'I MDZAD TSUL MIN LA, SNGON BYON DAM PA RNAMS GYI MDZAD TSUL NI TSE 'DI'I BSAM SBYOR DOR TA RGYAL BA'I BKA' DANG MTHUN PAR SDOM PA GSUM GYI BCAS MTSAMS DAG PAR BSRUNG BA GZHIR BZHAG NAS BYANG CHUB LAM GYI RIM PA'I NYAMS LEN BYED PA 'DI YIN SNYAM DU LAG LEN SKYONG NA NGA'I LAG LEN DE 'DI LTA BU ZHIG YIN TE DGONGS NAS, RGYAL SRAS RNAMS KYI LAG LEN BSHAD PAR BYA ZHES LAG LEN GYI SGRA LA BRTEN NAS RANG GZHAN THAMS CAD RGYAL SRAS LAG LEN LA 'JUG PA'I PHYIR RGYAL SRAS LAG LEN MDZAD , BRTZAMS ZIN NAS ZHUS DAG LA KHANG THOG BYON TE MDUN NA BZHAG YOD PA'I DUS, RLUNG PO CHEN PO ZHIG BYUNG NAS KHYER SONG BAS SHOG BU GCIG KYANG BSDU RGYU MA RNYED, DE NAS YANG BLO LA GSAL LE 'DUG PAS LDABS NAS BRI DGOS BYUNG STE, DA PHYOGS THAMS CAD DU DAR BA 'DI'I RTEN 'BREL YIN PA 'DRA GSUNGS TE, DE NI RGYAL SRAS BDAG NYID CHEN PO 'DI THUGS BSKYED SHIN TU BZANG BAS RIS SU MA CHAD PA'I CHOS BYED THAMS CAD RGYAL SRAS RIN PO CHE 'DI'I GSUNG LA DAD CING MOS PAR BYED CING, LHAG PAR RGYAL SRAS LAG LEN 'DI PHYOGS THAMS CAD DU DAR CHA CHE ZHING, SUS MTHONG YANG GUS PAR THAL MO SBYOR ZHING JI BZHIN NYAMS SU LEN PAR MA NUS KYANG DAD CING GUS PA DANG SMON PA'I

, ,YUL DU BYED PA KUN LA MTHUN SNANG DU GRUB PA 'DI'O, ,DA'I DUS SU BSNYUNG PO ZHIG BYUNG BA LA GRVA PA RNAMS KYIS ZHAL TA 'JOG PAR ZHU ZHUS PAS, NGA'I KHA CHEMS RGYAL SRAS LAG LEN YIN GSUNG NGO, ,RGYAL SRAS BDAG NYID CHEN PO 'DI RGYAL BA'I DAM CHOS MA LUS 'DZIN PA'I SMON LAM RLABS PO CHE'I MTHU GRUB STE, BYANG CHUB SEMS DPA' GZHON NU NOR BZANG GIS DGE BA'I BSHES GNYEN BRGYA RTZA GCIG BSTEN PA'I TSUL LTAR, BYANG CHUB SEMS DPA' CHEN PO 'DIS KYANG DGE BA'I BSHES GNYEN BCU PHRAG BZHI DANG, 'GRAN GYI DO ZLA BRAL BA'I YONGS 'DZIN RIN CHEN GNYIS RNAMS BSTEN TE, DE YANG THOG MAR SHES BYA RGYA CHEN GSAN PA'I BSHES GNYEN BCU PHRAG GCIG NI 'DI LTAR, DGUNG LO BCU BZHES PA'I DUS SU, 'JAM DBYANGS 'KHON STON LA SEMS BSKYED, PHAR TSAD GNYIS, MNGON PA, GSHIN RJE GSHED DGRA NAG GI MNGON RTOGS, YUM SGRUB, MI 'KHRUGS PA'I SGOM BZLAS RNAMS GSAN, BLA MA KUN RGYAL BA LA MNGON PA KUN LAS BTUS LA SOGS PA BYAMS PA DANG 'BREL BA'I CHOS SKOR RNAMS GSAN, 'JAD RONG PA 'JAM DBYANGS NYI MA RGYAL MTSAN LA TSAD MA RNAM NGES GSAN, SA SKYA'I MKHAS PA CHEN PO BLA MA GZHON RGYAL BA LA SDE BDUN 'GREL PA 'GREL BSHAD DANG BCAS PA GSAN, BLA MA BKRA SHIS MGON LA MNGON PA KUN LAS BTUS GSAN, SLOB DPON SH'AKYA BYANG CHUB LA PHAR PHYIN GSAN, KHRO PHUR TSAD MA'I

SKYES BU BSOD NAMS MGON LA, YUM RGYAS PA, BRGYAD STONG PA, BRGYAD STONG 'GREL CHEN SOGS GSAN, 'JAM DBYANGS NYAG GCIG LA, NYI KHRI, KHRI BRGYAD STONG PA, SHES RAB SNA TSOGS, SHES RAB KHRI PA, NYI KHRI LE MANG, NYI KHRI SNANG BA, LE BRGYAD MA, SA SDE LNGA RNAMS GSAN, DPANG LO TZ'A BA BLO GROS BRTAN PA LA, SA SDE LNGA, THEG BSDUS SKOR GSUM, MNGON PA KUN LAS BTUS, THUB PA DGONGS RGYAN, RNAM BSHAD RIGS PA, LAS SGRUB BA'I RAB TU BYED PA, RTEN 'BREL MDO 'GREL, DBU MA SGOM RIM SOGS DBU MA'I SKOR, DUS 'KHOR RGYUD 'GREL, GSANG 'DUS KYI SGRUB THABS, BRGYAD STONG DON BSDU, DE'I 'GREL BA, BYANG CHUB GZHUNG LAM, PHUNG PO LNGA'I RAB BYED, BCU GCIG ZHAL GYI GZUNGS, SDUD PA'I 'GREL PA SANGS RGYAS YE SHES ZHABS KYIS MDZAD PA RNAMS GSAN, GOO SHR'I RIN CHEN SENG GE LA MNGON PA KUN LAS BTUS GSAN NO, ,SHIN TU BKA' DRIN CHE BA'I BSHES GNYEN BCU PHRAG GCIG BSTAN TSUL NI, DGUNG LO LNGA PA'I DUS SU BSAM GLING BA'I GDUNG BRGYUD SANGS RGYAS DBON LA BDE MCHOG DRIL BU PA'I DBANG ZHUS PAS DBANG BZHI'I DON NGO 'PHROD PA BYUNG ZHES GRAG GO ,BSAM GLING PA'I RIN CHEN DPAL 'BAR BA DANG MKHAN PO RIN CHEN DPAL BZANG GNYIS LA, SO SO THAR PA'I SDOM PA DE'I BSLAB BYA DANG BCAS BA GSAN, BLA MA MDO SDE DPAL BA LA RNAM RGYAL SGRUB THABS, DE'I GZUNGS, SGROL MA MAndAL BZHI PA, SGROL NA NYER

, ,GCIG GI LAS TSOGS SGRUB THABS DANG BCAS PA, GSHIN RJE GSHED DRAG PO'I RJES GNANG, BYANG CHUB SEMS DPA' ZLA BA RGYAL MTSAN GYIS MDZAD PA'I GTOR MA BRGYA RTZA, GZER LNGA'I GDAMS PA, BLO SBYONG RNAM DAG GTZUG NOR SOGS GSAN, BLA MA GNUR PA CHOS 'PHAGS RGYAL MTSAN LA, YO GA'I SKOR GYI DPANG BKA' BSHAD BKA' MAN NGAG GI BKA' THAMS CAD RDZOGS PA DANG, ZAB CHOS SNA TSOGS GSAN, BYANG SEMS RIN CHEN MGON LA, BDE MCHOG, SGROL MA, 'KHOR CHEN, DGYES RDOR, DGRA NAG, TSE DPAG MED, KUN RIG RNAMS KYI DBANG, THUB PA DGONGS RGYAN, THEG BSDUS SKOR GSUM, BYAMS CHOS LNGA RTZA 'GREL, NYI SHU PA, SUM CU PA, SEMS BSKYED LAN DRUG ,RNAM RGYAL GYI RJES GNANG, MGON PO LCAM DRAL GYI RJES GNANG LAS TSOGS DANG BCAS PA, AA PHYI MA'I GTOR DBANG, GTOR CHOG SOGS GSAN, BLA MAR SA PA RIN CHEN GLING PA LA 'JAM DBYANGS AA RA PA CA NA'I SGRUB THABS ZHUS NAS NYAMS LEN BYAS PAS DON DPYOD KYI SHES RAB CHEN POR SONG, KHONG RANG GI THUGS LA NYI KHRI ZIN PA BYUNG YOD PAR 'DUG GSUNGS, MKHAN CHEN CHOS RGYAL BA DPAL BZANG BO LA SNYING PO DON GSUM, SEMS NYID NGAL BSO SOGS KHRO PHU BA'I MAN NGAG BRGYA RTZA'I KHRID RNAMS GSAN, BLA MA RI PA DPAL SHES LA, ZHA MA NAS BRGYUD PA'I PHYAG RGYA CHEN PO BSTOD SKOR, N'A RO CHOS DRUG, LHAN CIG SKYES SBYOR SOGS

GSAN, KUN SPANGS NAS MKHA' GRAGS LA, 'DE MCHOG GI DBANG LAN GNYIS, DPA' BOS MDZAD PA'I SKYES RABS, BSLAB BTUS, MDO BTUS, PHYAG RGYA CHEN PO GANGG'A MA SOGS GSAN, BLA MA 'DI LA MA 'ONGS PA'I MNGON PAR MKHYEN BA MNGA' STA, GZIM KHANG CHOS RDZONG RTZIG PA'I DKOD PA'I ZHAL TA AAR PA RNAMS LA MDZAD PA'I RTZA NA SEMS DPA' CHEN PO YANG BZHUGS PAS, NYID KYI THUGS DGONGS LA, BTZUN RGAN BLO MA KHUGS DGONGS YONG MCHI STE, KHANG PA 'DI BDE SUS SPYOD MI SHES SO AANG GSUNG ZHING, MKHAR LAS GRUB NAS DGUN GCIG BZHUGS PA DANG BSNYUNG STE, SEMS DPA' CHEN PO GDAN DRANGS NAS, NGA'I TSIG BZHI PO 'DI NYID KYIS SGRUBS SHIG GSUNG STE, DAM SHI BAR RTZAR BZHUGS GSUNG BA DANG, NGA SHI NAS ZHE DGU'I BAR LA CHO GA RE GYIS GSUNG BA DANG, GZIM KHANG 'DI DANG GZHIS NAS BRGYA THON GCIG 'BUL BAS BZHES GSUNGS PA LA, GZHIS LAM GCIG BZHES NAS KHONG RANG GI DUS MCHOD LA PHUL, GZHAN RNAMS GSUNG BZHIN DU BSGRUBS TE SEMS DPA' CHEN PO'I ZHAL NAS, KHANG PA 'DI GRUB NAS KHONG PAS DGUN GCIG LAS MA BZHUGS, 'O SKOL GYIS LO SUM CU RTZA GRANGS SHIG BDE SPYAD 'DUG ,DA DUS MA 'ONGS PA'I MNGON PAR MKHYEN PA GSUNGS PAR GDA' GSUNG NGO, ,ZAB CHOS SNA TSOGS ZHUS PA'I BSHES GNYEN BCU PHRAG GCIG NI 'DI LTAR, BLA CHEN KUN BLO LA SEMS BSKYED, RGYAL SRAS LAM BZANG, BYANG CHUB SEMS

, ,DPA'I SPYOD 'JUG SOGS GSAN, 'DZIMS BA'I BLA MA YON TAN RGYA MTSO LA 'KHOR CHEN DANG SGROL MA'I RGYA GZHUNG, DON ZHAGS KYI SKOR RNAMS GSAN, DE'I SKU MCHED BLA MA RDO RJE DPAL LA, GZAR LNGA'I BYIN RLABS, BSHES SPRING SOGS GSAN, BLA MA RIN YE BA LA, 'JUG PA SEMS BSKYED, BYAMS CHOS LNGA RTZA 'GREL, YANG DGON PA'I RI CHOS SKOR GSUM, DPE CHOS RIN SPUNGS, MAN NGAG RIN SPUNGS SOGS GSAN, 'JAM DPAL DBYANGS DON YOD PA LA SGROL MA DANG, BDE CHEN RAL GCIG GI DBANG, SEMS BSKYED, SA SKYA PA'I BLA MA'I RNAL 'BYOR THUN MONG MA YIN PA, DBU MA CHEN PO'I KHRID RNAMS GSAN, MKHAN CHEN BU STON PA LA, BAD MCHOG, GSANG 'DUS, DPAL MCHOG, RDOR SEMS RNAMS KYI DBANG, NAG PO PA'I SGRUB THABS KYI t'IKKA, LAS CHOG GI t'IKKA RNAMS GSAN, CHOS RJE BSOD NAMS RGYAL MTSAN PA LA, SEMS BSKYED, SGROL MA'I DBANG, DRIL BU PA SKOR GSUM GYI DBANG, BDE MCHOG MCHOD 'PHRENG, BDE MCHOG SDOM 'BYUNG GI 'GREL PA, GSUM PA LO TZ'A'I SNYAN RGYUD, RNAM RGYAL GYI BSTOD PA TZANdA GO MIS MDZAD PA RNAMS GSAN, RA SA BLA MA BSOD NAMS LHUN GRUB LA, GSHIN RJE GSHED DGRA NAG GI DBANG RGYUD MAN NGAG DANG BCAS PA GSAN, BLA MA BLO BZANG BA LA GLANG RI THANG PA'I BLO SPYOD TSIG RKANG BRGYAD MA GSAN, SPYI BO LHAS PA'I MKHAN PO SHES RGYAL GRUB BZANG

LA; THUGS RJE CHEN PO SKYER SGANG PA'I SGRUB THABS LAS TSOGS DANG BCAS PA GSAN NO, ,DAG SNANG RGYA CHEN SBYANGS PA'I BSHES GNYEN BCU PHRAG GCIG NI TI SHR'I KUN DGA' RGYAL MTSAN, BLA MA MKHAS BTZUN CHEN PO, BLA CHEN BSOD BLO, BLA MA SHAR PA KUN BSOD, BLA MA SHES RAB RGYAL MTSAN, DRANG PO LUNG GI MKHAN PO THUGS RJE SHES RAB, SLOB DPON DPAL GYI, MKHAN PO BSOD NAMS SENG GE, BLA MA RGYAL PO DPAL, BLA MA NAM MKHA' SANGS RGYAS RNAMS LA YANG CHOS 'BREL RE YOD GSUNG, 'GRAN GYI DO ZLA MED PA'I YONGS 'DZIN RIN CHEN GNYIS NI 'DI LTAR, BSTAN 'DZIN THAMS CAD KYI GTZUG RGYAN, PHAN BDE THAMS CAD KYI 'BYUNG GNAS, GNAS BRTAN CHEN PO'I SPRUL PA, DAG PA'I SA LA GNAS PA'I SEMS DPA' CHEN PO, MKHAN CHEN BSOD NAMS GRAGS LA, MDO RGYUD THAMS CAD KYI SNYING PO, MAN NGAG THAMS CAD KYI NYING KHU, RGYAL BA THAMS CAD KYI SPYI LAM THEG PA CHEN PO'I BLO SBYONG ZHUS PA'I DUS SU, SKYE BA DPAG TU MED PA'I GONG ROL NAS DPON SLOB KYI 'BREL PA YOD PA'I RTEN 'BREL GYIS, BYANG CHUB KYI SEMS GNYIS NI DBYAR GYI CHU KLUNG CHEN PO'I RGYUN BZHIN DU 'PHEL ZHING RGYAS, STONG PA NYID DANG SNYING RJE CHEN BO'I RBA KLONG CHEN PO 'KHRUGS NAS DON GNYIS LHUN GRUB KYI RGYA MTSO CHEN POR PHYIN TO, ,RGYAL SRAS BDAG NYID CHEN PO 'DIS LAM MA NOR BAR STON PA'I BLA MA LA YID BZHIN GYI NOR BU DANG SANGS RGYAS DNGOS KYI MOS GUS BCOS MA MIN

, ,PA THOB STE, MKHAN CHEN RIN PO CHE DANG MJAL TZA NA, GNAS BRTAN CHEN PO ZHIG DANG MJAL BA'I SNANG BA YONG GIN 'DUG GSUNG, JO BO RJE BLA MA GSER GLING PA'I MTSAN BRJOD PA'I TSE, PHYAG THAL MO SBYOR SPYAN CHAB 'DON PA BZHIN DU, MKHAN CHEN RIN PO CHE'I MTSAN BRJOD PA NA PHYAG THAL MO SBYAR SPYAN CHAB NYIL MDZAD NAS, NGA'I BLA MA DE'I THUGS RJE DE LTA BU GZHAN LA RANG MED GSUNG NAS GTZUG GI NOR BU LTAR 'DZIN TO, ,GZHAN YANG BYANG SEMS BSOD NAMS GRAGS PA LA, SKYID SDUG LAM KHYER, DON ZHAGS KYI SKOR, SMAN BLA'I RJES GNANG DANG MDO CHOG ,'DUL BA MDO RTZA, RI KHROD LO MA GYON MA DANG 'OD ZER CAN GYI GZUNGS, JO BO RJES MDZAD PA'I SEMS BSKYED CHO GA, DZE TA RIS MDZAD PA LA SOGS PA'I CHOS CHUNG BRGYA RTZA, RIGS GTAD SOGS SKYER SGANG PA'I CHOS SKOR RNAMS ZHOR NYAN MDZAD DO, ,DANG POR RIGS PA'I GNAS LNGA LA MKHAS PAR SBYANGS SHING, BAR DU RNAM PA THAMS CAD PA'I MCHOG DANG LDAN PA'I STONG BA NYID DANG, DMIGS PA MED PA'I SNYING RJE CHEN PO GNYIS LA GOMS PAR BYAS PAS MCHOG GI DNGOS GRUB BRNYES NAS 'GRO BA'I DON RGYUN CHAD MED PAR MDZAD PA, RDO RJE 'CHANG CHEN PO'I NGO BOR GYUR PA RIN PO CHE SHES RAB 'BUM PA LA DUS 'KHOR GYI DBANG DANG SBYOR BA YAN LAG DRUG GI KHRID SOGS SNGAGS KYI ZAB CHOS MANG DU GSAN ZHING LHAG PAR DUS GSUM SANGS RGYAS THAMS CAD KYI BKROD PA GCIG PA'I LAM BYANG CHUB

SEMS DPA' THAMS CAD KYI THUGS DAM GYI MTHIL BYANG CHUB KYI SEMS RIN PO CHE RNAM PA GNYIS ZHU BAR MDZAD PAS DAD GUS BLA LHAG TU MDZAD CING, THUGS RJE CHEN PO THUGS RGYUD LA 'KHRUNGS NGES SHES PA NI RIN PO CHE SHES RAB 'BUM BA DE YIN GSUNGS NAS PHYAG THUGS KAR THAL MO SBYAR NAS SPYAN CHAB NYIL NYIL MDZAD DO, ,YANG RIN PO CHE SHES RAB 'BUM PAS RGYAL SRAS BDAG NYID CHEN PO 'DI LA DUS LAN CIG CHED KYIS SHOG GSUNG STE, SNYAN NAS SNYAN DU BRGYUD, THUGS NAS THUGS SU BRGYUD, GRUB THOB KYI ZAM MA CHAD, BYIN RLABS KYI NA BUN MA YAL BA, SDIG PO CHE BTZAN THABS SU 'TSANG RGYA BAR NUS SHING, RAB TSE 'DI, 'BRING BAR DO, THA MA YANG SKYE BA BDUN NAM BCU DRUG NA 'TSANG RGYA BA'I GDAMS NGAG MKHA' 'GRO'I KHA RLANGS THUL LE BA'I CHOS THUGS RJE CHEN PO'I DMAR KHRID DANG, PHYAG RGYA CHEN PO LHAN CIG SKYES SGYOR, RTEN 'BREL SNYING PO RNAMS KYI KHRID, DBANG MDOR BSTAN, SMYUNG GNAS KYI SKOR RNAMS GNANG STE, 'GRO DON RGYA CHEN PO 'BYUNG BA'I RTEN 'BREL BSGRIG PAR MDZAD DO, ,DE NAS RGYAL SRAS BDAG NYID CHEN PO 'DIS, MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR; MDO SNGAGS YONGS SU RDZOGS PA'I LAM GYI GNAD KUN LA THOS BSAM GYIS SGO 'DOGS CHOD PAR MDZAD NAS SNGON BYON DAM PA'I RNAM THAR LTAR DBEN PA'I GNAS SU SGRUB PA RTZE GCIG TU MDZAD BZHED NAS GRO CHON AE'I RTA RA'I

, ,GDAN SA SEMS DPA' CHEN PO RANG GI BU CHEN SLOB DPON RGYAL MTSAN SENG GE LA GTAD NAS BSHAD NYAN MDZAD KYIN YOD PA'I SKABS SU, 'JAM DPAL DBYANGS DON YOD RGYAL MTSAN SKU MCHED YUM DANG BCAS PA RNAMS KYIS, AE'I CHOS DPON MDZAD PAR ZHU BA GSOL BAS, NGAS CHOS DPON BTZAL YONG GI GSUNG NAS SA SKYAR BYON TE, DPANG LO TZ'A BA BLO GROS BRTAN PA LA AE'I CHOS DPON LA 'BYON PAR ZHU BA PHUL BAS DBANG LO'I ZHAL NAS, GU RU THOGS MED, THOS PA'I GTAM LA SNYAN, NGA'I BLA MA G-YAG SDE BA SENG GE RGYAL MTSAN GYIS KYANG MA THOB PA'I GDAN SA YIN SANG RANG 'GRO GSUNG NAS MNYES, DE NAS DPANG LO AER GDAN DRANGS NAS RGYAL SRAS 'DIS SA SDE LA SOGS PA'I PHYAG DPE RNAMS DPANG LO LA PHUL NAS, DBEN PA BSTEN PA LA THUGS PHYOGS TE, NYID KYI ZHAL NAS, 'DU 'DZI MI GTZANG BA LTAR BRGYANG BSRINGS NAS, ,RANG GZHAN DON DU RTAG TU BSAM GTAN LA, ,RAB TU BRTZON PAR 'DOD PA'I SKYE BO YIS, ,PHYI DANG NANG GI DBEN PA THOB PAR SHOG ,CES DANG, KYE KYE NYON CIG GROGS PO DAM PA KUN, ,KUN KYANG GTAN GYI BDE PA THOB 'DOD NA, ,NA RGA 'CHI DANG SKYE BA'I SDUG BSNGAL BSAM, ,BSAM PA THAG PAS SGO GSUM DGE LA 'BAD, ,'BAD KYANG DON CHUNG 'JIG RTEN BYA BA SPANGS, ,SKYES BU'I TSE NI RI GZAR 'BAB CHU 'DRA, ,SKAD CIG MI SDONG 'CHI BA'I GNAS SU SNYOG ,LANG CHO'I DPAL

NI ME TOG MGUL RGYAN BZHIN, ,YUD TZAM ZHIG GIS RNYINGS PAR 'GYUR BA YIN, ,TSE 'DI SKAD CIG CIG GIS 'DZAD 'GYUR ZHING, ,BSAGS PA'I LONGS SPYOD SPYOD PA'I DBANG MED PAR, ,GLO BUR NYID DU DU MA'I NANG NAS BDAG , GCIG PUR 'GRO TSE TSE 'DI'I MDUN MAS BSLU, ,BA SPU GYEN LANG BSHANG GCI 'THUR DU RGYUG ,BYAD SHA PHYIR SBOS MIG 'BRAS NANG DU BROS, ,ZAS KYI ZHEN LOG SKOM GYI SRED PA 'PHEL, ,LUS SKYOD MI NUS SEMS KYI GYA GYU LANGS, ,DE 'DRA'I SDUG BSNGAL DRAG POS THEBS PA'I TSE, ,SMAN BA MKHAS KYANG BCOS PA'I THABS MED CING, ,ZANG ZING RIM GROS BZLOG PAR MI NUS NA, ,GNYEN BSHES BRTZE GDUNG CHE YANG CI BYAR YOD, ,RIG RIG MIG GIS NYE DU'I GDONG LA BLTA, ,NOM NOM LAG PAS RANG GI GOS LA 'JU, ,NGAR NGAR DBUGS KYI PHRENG BA CHAD LA NYE, ,'JIGS 'JIGS 'DRA BA'I GSHIN RJES ZIN PA NA, ,KHANG BZANG RIN CHEN NANG DU GNAS BCAS SHING, ,DPA' BA'I SKYES BU RNO BA'I MTSON THOGS PA, ,'BUM PHRAG DAG GIS BSRUNGS KYANG GSHIN RJE YI, ,SKYES BU GCIG KYANG THUB PAR MI 'GYUR ZHING, ,'KHOR LOS BSGYUR RGYAL GYIS KYANG SKYOB MI NUS, ,STONG GSUM NOR GYIS BKANG YANG BLUR MI RUNG, ,DE BAS DA LTA NYID NAS DKON MCHOG LA, ,SKYABS SU SONG LA 'PHAGS PA'I NOR BDUN BZUNG, ,NYON MONGS STOBS KYIS BSGRUBS PA'I NOR RDZAS 'DI, ,'DI DANG PHYI MA'I SDUG BSNGAL KUN GYI GNAS, ,GNAS NGAN LEN DANG ZAG PA 'PHEL

, ,BA'I GROGS, ,GROGS DANG NYE DU 'BYED PA'I PHUNG 'DRE YIN, ,NOR NI SBRANG MA'I SBRANG RTZI JI BZHIN DU, ,RANG GIS TIL TZAM SPYAD PAR MI NUS SHING, ,GZHAN DAG BSRUNG BA'I DON DU NOR NYID DANG, ,BDAG GI SROG KYANG 'CHOR BAR 'GYUR BA YIN, ,STONG GSUM NOR LA DBANG BSGYUR RGYAL PO YANG, ,'JIG RTEN 'DI NAS PHYI MAR 'GRO BA'I TSE, ,SGREN MO LAG PA STONG PAR 'GRO 'GYUR NA, ,ZANG ZING NOR RDZAS SGRUB BA MA 'KHRUL LAM, , NAM YANG MI 'DZAD GTAN GYI BDE BA'I RGYU, ,DAD DANG TSUL KHRIMS THOS DANG GTONG BA DANG, ,NGO TSA SHES DANG KHREL YOD SHES RAB STE, ,BDE BAR 'DOD NA NOR BDUN 'DI DAG ZUNGS, ,SHES LDAN RNAMS KYIS SKYES BU DAM PA STEN, ,BSTEN CING 'GROGS NA NYON MONGS NAD SKYE BA, ,SKYE BO DMAN PA 'DI DAG SPRUL GDUG DANG, ,DUG DANG 'DRES PA'I KHA ZAS BZHIN DU SPONGS, ,G-YO SGYU DRUG CU RTZA BZHI'I ZHAGS PA YIS, ,CHAGS LDAN SKYES BU SHIN TU DAM BCINGS NAS, ,THAR PA'I SROG RTZA GCOD PAR BYED PA YI, ,BUD MED DAG LA SU ZHIG CHAGS PAR BYED, ,'BYOR PA'I TSEN BROS KYANG RJES SU SNYOG ,RGUD PA'I TSEN DRUNG DU BSNYEGS KYANG 'BROS, ,BU YIS RANG GI PHA YANG GSOD BYED NA, ,NYE DU RNAMS LA SU ZHIG YID RTON BYED, ,MNGON DU GYUR NA DGA' BA'I TSUL STON CING, ,LKOG TU GYUR NA MI SNYAN SNA TSOGS SGROG ,PHAN BTAGS LAN DU GNOD PA SKYEL BA YI, ,BYIS BA'I GROGS PO MJA' YANG NGES PAR

BSLU; ;DES NA 'JIG RTEN CHAGS PA RNAM PAR SPANG, ,SPANG BYA BAG CHAGS BCAS BA MA LUS BA, ,LUS PA MED PAR SPANGS PA 'GRO BA'I SKYABS, ,SKYABS MCHOG GSUM PO GUS PA'I YID KYIS STEN, ,'DUS BYAS MI RTAG RTAG PA'I SKABS MED CING, ,ZAG BCAS MI BDE BDE BAR 'DZIN PA 'KHRUL, ,MYANG 'DAS RAB ZHI ZHI BA'I LAM 'DOD NA, ,CHOS RNAMS BDAG MED MED YOD MTHA' BRAL SGOMS, ,LAS NGAN RGYA MTSO RKYEN NGAN RBA RLABS CAN, ,SDUG BSNGAL SNA TSOGS CHU BO'I RGYUN 'BAB CING, ,SKYE BO NGAN PA'I CHU SRIN RTAG RGYU BA'I, ,GRONG GI MCHO LA CHAG SPAR MA BYED PAR, ,RANG BZHIN NYAMS DGA' GZHAN GYIS 'CHE BA MED, ,CHU DANG LO MA 'BRAS BU'I 'BYOR PA MOD, ,CHAGS DANG SDANG BA'I GTAM YANG MI THOS PA'I, ,DBEN PA'I NAGS TSAL DAG TU GNAS PAR GYIS, ,BUNG BA DAG NI YID 'ONG GLU LEN CING, ,RMA BYA'I TSOGS RNAMS MDZES PA'I GAR STABS BSGYUR, ,LJON SHING 'GA' ZHIG YAL GA'I BSIL YAB G-YOB, ,'GA' ZHIG 'BRAS BU SMIN PA'I ME TOG 'THOR, ,YAN LAG BRGYAD DANG LDAN PA'I CHU BO'I RGYUN, ,LHUNG LHUNG SNYAN PA'I SGRA SKAD SGROGS BYED CING, ,LPU BA'I PHRENG BAS KUN NAS MDZES PAR SPRAS, ,CHU THIGS ZEGS MA'I ME TOG PHYOGS BCUR 'THOR, ,DE LTAR DBEN ZHING NYAMS DGA'I GNAS MCHOG TU, ,MCHOG TU ZAB MO'I MAN NGAG RAB STON PA, ,STON PA GNYIS PA LTA BU'I BLA MA LA, ,MA LA BU BZHIN GUS PAS RIM GRO BYA, ,DE YIS GSUNGS PA'I DAM CHOS

, ,'O MA'I RGYUN, ,RTOGS PA'I LUS STOBS 'PHEL BAR BYED PA DE, ,NYIN DANG MTSAN DU SKAD CIG MA YENGS PAR, ,NYAMS SU BLANG ZHING 'DI LTAR SPYAD BAR BYA, ,THABS KYI GRU CHEN SHES RAB ZAG LHAN CAN, ,BDAG GIS BZUNG STE 'KHOR BA'I RGYA MTSO LAS, ,SEMS CAN THAMS CAD BSGRAL BAR BYA SNYAM PA'I, ,BYANG CHUB SEMS MCHOG CHOS KYI RTZA BA YIN, ,TSE 'DIR LAN DANG PHYI MAR RNAM SMIN LA, ,RE BA MED PA'I SBYIN PA THUB PAS BSNGAGS, ,KHRIMS NI YON TAN KUN GYI GZHI YIN PAS, ,GZHAN LA GNOD PA DUG BZHIN SPANG BAR GYIS, ,KHONG KHRO'I DGRA YIS 'DI PHYI'I DPAL 'PHROG PAS, ,BZOD PA'I DMAG DPUNG CHEN PO SHIN TU GCES, ,LE LOS RANG GZHAN DON GNYIS MI 'GRUB BAS; ;LAS GZHAN SPANGS TE DGE LA 'BAD PAR BYA, ,BSAM GTAN MED PAR CHOS NYID MI MTHONG BAS, ,RNAM RTOG MTSAN MA MED PA'I TING 'DZIN SGOMS, ,SHES RAB MED PAR THAR LAM MI BGROD PAS, ,BDEN GNYIS ZAB MO'I DON LA MKHAS PAR GYIS, ,BDAG DANG GZHAN GYI DUS GSUM DGE BA RNAMS, ,SRID GSUM 'GRO BAS BYANG CHUB THOB BYA'I PHYIR, ,'KHOR GSUM YONGS SU DAG PA'I SHES RAB KYIS, ,SKU GSUM MNGON GYUR BYANG CHUB CHEN POR BSNGO, ,ZHES GSUNGS NAS DBEN PA'I GNAS MDO SDE RGYAN LAS JI LTAR GSUNGS PA DANG MTHUN PA RANG BZHIN GYIS DBEN LA 'DUG NA NYAMS DGA' ZHING TING NGE 'DZIN NGANG GIS 'PHEL BA, ME TOG RNAM PA SNA TSOGS SKYE BA BYA RNAM BA SNA TSOGS SGRA SNYAN

PA 'BYIN PA, RTZVA DANG LO MA DANG 'BRAS BUS BRGYAN PA'I SHING LJON PAS MDZES PA, MDUN NA CHU BO CHEN PO BZHI'I YA GYAL GTZANG CHAB SGRA SNYAN PO LHUNG LHUNG LTAR 'BAB PA, DE'I NYE 'KHOR NA BEEd'URYA LTA BU'I NE'U GSING SNGON PO LA, ME TOG KHA DOG SNA TSOGS BA DAG GIS TSOM BU BKOD PA BZHIN DU BRGYAN PA, MDUN NA THANG CHEN PO RGYAL THANG ZHES BYA BA GSER GYI MAndAL LA G-YU'I TSOM BU BKOD PA LTA BUS MDZES PA, 'TSO BA RNYED SLA ZHING TSOM RKUN DANG GCAN GZAN GYI 'JIGS PA MED PA, GANGS RI DPAL DANG LDAN PAS BSKOR BA'I DBUS, GRUB CHEN BRGYUD MAR BYON BA'I GNAS MCHOG RI BO PO TA LA DANG TSUL MTSUNGS PAR GYUR BA, DNGUL CHU'I CHOS RDZONG DU DGUNG LO ZHE GSUM PA LA BYON NAS SKU MTSAMS BCAD DE, MTHUN RKYEN GYI ZHABS TOG SLOB DPON BSOD NAMS BRTAN GYI PHA MA GNYIS DANG, PHYUG MO RNAL 'BYOR GYIS BSGRUBS TE, NYE GNAS MA GTOGS BA SU LA YANG MJAL KHA MED CING, DRAG ZHAN SU BYUNG YANG PHRAD PAR MI MDZAD CES SGO YIG 'DI LTAR SBYOR BAR MDZAD DE, BLA MA DANG DKON MCHOG GSUM LA PHYAG 'TSAL LO, ,BDAG LA PHRAD BAR 'DOD BA'I SKYE BO GANG, ,MI TSE STON KA'I NYI THUNG BZHIN DU YONG, ,'CHI BDAG NUB RI'I GRIB SO BZHIN DU GTUGS, , YONG NGES GCIG BU NGES PAR 'CHI BA YIN, ,PHAN NGES GCIG PU DAM PA'I CHOS LAS MED, ,DON MED GLENG MOS DGE SBYOR G-YENG MA BYED, ,SKYO SHAS SKYES NA LONG MED BLO SNA BSTUNGS, ,LE LOM BYED MYUR DU BRTZON 'GRUS RTZOMS, ,DAM

, ,PA'I CHOS DANG TSE 'DI'I MDUN MA GNYIS ,MNYAM DU 'GRUB BSU YANG YOD MA YIN, ,BSGRUB PAR 'DOD BA DE DAG RANG NYID KYIS, ,RANG NYID BSLU BA NYID DU THE TSOM MED, ,PHRAD KYANG SMRA RGYU DE LAS MA MCHIS PAS; ;SO SO'I GNAS SU LUS NGAG DGE LA SBYOR, ,ZHES DANG, BDAG NI SNGON GYI LAS 'PHRO MI BZANG BAS, ,SNYIGS MA'I DUS SU MTHA' 'KHOB YUL DU SKYES, ,SNGON CHAD LUS NGAG SEMS KYI BYA BYED RNAMS, ,SDUG BSNGAL 'BA' ZHIG SGRUB PA'I THABS SU SONG, ,DA NI DBEN PA'I KHANG BUR RAB ZHUGS TE, ,THAG PA CHAD PA'I SOG PHON JI BZHIN DU, ,LUS KYI BYA BYED THAMS CAD ZHOG LAS THONG, ,RGYUD GSUM CHAD PA'I PI WAm JI BZHIN DU, ,NGAG GI BYA BYED THAMS CAD ZHOG LAS THONG, ,LTAG CHU CHAD PA'I RANG THAG JI BZHIN DU, ,SEMS KYI BYA BYED THAMS CAD ZHOG LAS THONG, ,GAL TE 'DI LAS 'DAS PA BYED GYUR NA, ,MAH'A K'A LAS CHAD PA GCOD PAR GYUR, ,CES MKHA' 'GRO CHOS SKYONG DPANG DU BTZUGS TE MI DANG MI PHRAD CING CHE 'DI'I SNANG SHAS PHRA MO'ANG MED PAR SGRUB PA SNYING POR MDZAD PA'I DAM BCA' BRTAN POS SKU MTSAMS BCAD DE NYIN MTSAN THAMS CAD DU STONG NYID RTOGS PA'I LTA BA DANG SNYING RJE ZUNG DU 'BREL BA'I TING NGE 'DZIN GYIS DUS 'DA' BAR MDZAD DO, ,DE DUS AE NAS DGE BSHES RNAMS KYIS GDAN 'DREN PAR PHYIN TE DA DUNG CHOS GSUNG BAR ZHU 'PHRIN PHUL BAS MJAL KHA YANG MA GNANG BAR, NYID KYI ZHAL NAS, NA MO LO KE SHVA R'A YA, DBANG

LAS MKHYEN BRTZE 'PHRIN LAS 'OD ZER GYIS, ,GNAS SKABS BAD DANG GTAN DU PHAN PA'I LAM, ,'GRO BA KUN LA GSAL BAR STON MDZAD PA'I, ,RGYAL BA SRAS DANG BCAS LA PHYAG 'TSAL NAS, ,BRTZE YANG GZHAN PHAN NUS MED MA nI BA, ,MCHI MA'I RGYUN DANG SNYING RJES GDONG DANG YID, ,RNAM BAR BRLAN PAR GYUR NAS RANG NYID KYI, ,SLOB MA RNAMS LA SNYING GTAM 'DI SKAD SMRA, ,DAL 'BYOR RIN CHEN GLING DU CHUD DUS 'DIR, ,DAM CHOS YID BZHIN NOR BU MI LEN PAR, ,DON MED TSE 'DI'I BYA BA LHUR BLANGS NA, ,'GYOD KYANG 'PHYIS PA'I DUS SHIG BYUNG DOGS BDOG ,DE BAS RANG GIS RANG NYID MA BSLU BAR, ,TSUL GNAS THOS BSAM SGOM PA'I SBYOR BA YIS, ,DAM CHOS TSUL BZHIN SGRUBS LA DAL 'BYOR 'DI, ,THOB PA DON YOD MDZOD CIG SHES LDAN RNAMS, ,RGAN GZHON BAR MA GO RIM MA NGES BAR, ,'CHI SNYAM MED PAR GLO BUR 'CHI BA'I TSUL, ,MTHONG YANG RANG NYID 'CHI SNYAM MI SEMS PA, ,NANG NA BLO GDENG CI YOD LEGS PAR SOMS, ,DES NA RNYED BKUR GRAGS PA LA SOGS PA, ,TSE 'DI'I TSE THABS MA SGRUB PHA ROL TU, ,PHAN PA'I DAM CHOS BSGRUBS TE PHYI MA RU, ,'GRO BA'I TSE NA GDENG DANG LDAN PAR MDZOD, ,SDUG BSNGAL MI 'DOD BDE LA RAB SRED CING, ,LAS 'BRAS BSLU BA MED BAR SHES BZHIN DU, ,SDIG SPYOD DGE BA MA SGRUB SGYES BU DE, ,MKHAS PA YIN NA DA BAS BLUN BA SU, ,DES NA TSE 'DIR KUN GYIS BRNYAS GYUR CING, ,ZAS SKOM LA SOGS MED BAR SHI YANG BLA, ,MI DAG SPANGS TE RGYUN DU DGE BA'I LAS, ,SPYOD NA MKHAS BA YIN NO SHES

, ,LDAN RNAMS, ,BLUN PO YI DVAGS LA YANG SKYABS 'GRO ZHING, ,BRTZE MED SDIG CAN MI LA SKYABS 'GRO MOD, ,DE DAG MKHAS BA SNYING RJE CAN RNAMS KYI, ,SKYABS GNAS MA YIN SNYING RJE'I YUL NYID YIN, ,DE BAS MKHYEN BRTZE NUS LDAN DKON MCHOG LA, ,BLO LTOS GTOD LA 'PHRAL GYI BDE SDUG RKYEN, ,GANG BYUNG BYIN RLABS YIN PAR SHES BAR GYIS, ,YUN DU PHAN PAR 'GYUR BA GDON MI ZA, ,NYON MONGS KYIS BSKYED LAS KYI BUNG SHING LA, ,SDUG BSNGAL GSUM GYI ME LCE RAB 'BAR BA'I, ,'KHOR BA BDE BAR SEMS PA PHYE MA LEBS, ,MAR ME'I GZUGS LA DGA' BAS RGYUG DANG MTSUNGS, ,DAS NA 'KHOR BA SDUG BSNGAL RANG BZHIN DU, ,SHES NAS DE RGYU LAS DANG NYON MONGS RNAMS, ,SPANGS TE MYANG 'DAS THOB PAR BYA BA'I PHYIR, ,THAR PA'I LAM LA RAB TU 'BAD PAR MDZOD, ,BAD BA 'DOD DANG SDUG BSNGAL MI 'DOD PAR, ,BDAG DANG SEMS CAN MTSUNGS PAR RTOGS BZHIN DU, ,BDAG GI DON DU GZHAN LA GNOD BYED PA'I, ,MI DE MI YI GZUGS CAN DUD 'GRO YIN, ,GANG GIS SNGON CHAD 'KHOR BAR LAN MANG DU, ,BYAMS PA'I SHUGS KYIS SDUG BSNGAL KHUR BLANGS TE, ,PHAN BDE SGRUB PA'I MAR GYUR 'GRO RNAMS LA, ,GNOD BYED CHOS PA YIN NA CHOS MED SU, ,GANG GIS RANG GI BDE BA YAL BOR NAS, ,YU BU'I DON DU SDUG BSNGAL KHUR BLANGS BA'I, ,SEMS CAN TSOGS 'DI BLO YIS YAL BOR NA, ,THAG CHEN DAM CHOS THOS PA'I DGOS PA CI, ,DES NA MTHA' YAS SEMS CAN BSGRAL BYA'I PHYIR, ,BLA MED BYANG CHUB MCHOG

TU SEMS BSKYED DE, ,RANG DON SPANGS TE DNGOS SAM BRGYUD NAS KYANG, ,GZHAN DON SGRUB DE SKYES BU MCHOG YIN NO, ,GZHAN LA MI PHAN SRED ZAD BDE BA YANG, ,DMYAL BA'I ME LTAR MTHONG NAS RAB SPONG ZHANG, , GZHAN LA PHAN NA MNAR MED ME NANG DU'ANG, ,RAB DAGS 'JUG PA RNAMS KYI RJES SU SLOBS, ,SNANG BA THAMS CAD RMI LAM SGYU MA BZHIN, ,SNANG TZAM 'DI NAS RANG RANG NGO BOS STONG, ,STONG DANG SNANG BA GCIG MIN THA DAD MIN, ,RNAM PAR BRTAGS NA BRTAG DPYAD YUL LAS 'DAS, ,SHES BYA'I GNAS LUGS CIR YANG MA GRUB PAS, ,GANG DU BZUNG YANG 'DZIN BYED 'KHRUL PA YIN, ,DES NA MTHA' BZHIR 'DZIN PA RNAM SPANGS TE, , DBU MA'I LAM LA MNYAM PAR 'DOG PAR MDZOD, ,RANG GI STOBS KYIS SDUG BSNGAL KUN BSKYED PA'I, ,DNGOS 'DZIN NAD CHEN ZHI BAR MA NUS NA, ,BSHES GNYEN SMAN PA MKHAS PA NYAR BSTEN CING, ,DAM CHOS SMAN BZANG RNYED PA'I DGOS PA CI; ;DE BAS YONGS 'DZIN MKHAS PA'I GSUNG BZHIN DU, ,RIGS PAS LEGS PAR BRTAGS NAS DAM CHOS SMAN, ,TSUL BZHIN 'THUNGS NAS DNGOS 'DZIN NAD SPANGS TE, ,RANG GZHAN DON GNYIS SGRUB LA BRTZON PAR MDZOD, ,BSLAB GSUM BLANGS PAS NYES LTUNG DRI MAS GOS, ,THOS BSAM BYAS PAS TSIG BZHI'I GTING MA RNYED, ,GZHAN DON BYAS PAS RANG DON ME LTAR 'BAR, ,DBEN PAR BSDAD PAS SNYOMS LAS DBANG SONG BA, ,BDAG 'DRAS GZHAN LA BSKUL BA MI RIGS MONG, ,

, ,'ON KYANG SNYING GTAM YI GER BKOD PA 'DI, ,KHYED LA PHAN PAR 'DOD PA MA GTOGS PA, ,BDAG LA ZHE 'DOD 'GA' YANG YOD MIN PAS, ,LEGS PAR BRTAGS TE NYAMS SU BLANG BAR MDZOD, , PHRAD KYANG 'DI LAS GZHAN PA SMRA RGYU MED, ,SHI YANG KHA CHEMS GZHAN 'GA' MA MCHIS SO, ,ZHES SOGS GDAMS NGAG GNANG NAS BTANG NGO, ,DE NAS LO 'GA'I BAR DU GSOL 'DREN PA'I BUG MA GTOGS SGO BKAG STE SU YANG NANG DU GTONG BAR MA MDZAD, PHYI NAS 'BUL BA'I DAD RDZAS RNAMS KYANG MA BLANGS, THENG CIG SLOB DPON YON TAN DAR NYE GNAS LA YOD DUS, SHA GSAR ZUG GCIG DANG, ZHO RDZA GANG, PHUD DAM GANG 'BUL BA BYUNG BA NYE GNAS KYIS BLANGS PAS, NYID RANG GSOL GSUNG NAS GSOL DU MA GNANG, NYI GNAS KYIS KYANG MA NUS PAR CHAD DANG ZHO GNYIS PHO, SHA DE CHU SKYEL MI LA BYIN CES GRAG GO ,NYID KYI ZHAL NAS, RI KHROD DBEN PA'I GNAS SU RNYED BKUR LA, ,RE BA MED CING KHA ZAS ZHIM PA YI, ,RO LA CHAGS PA SPANGS TE 'KHOR BA YI, ,RA BA LAS NI THAR BAR BYA PHYIR 'BAD, ,CES SOGS GSUNGS TE, LO NYI SHU RTZA GRANGS KYI BAR DU SKU MTSAMS KHOR YUG LA BZHUGS TE, DA DUS CHOS RJE KUN MKHYEN PAS DNGUL CHUR BYON NAS RANG RE ZHAL ZHIG MJAL BAR ZHU, CHOS KYI GSUNG GLENG MDZAD PA YIN GSUNG BA LA, DA LTA MTSAMS DAM PO'I DAM BCA' ZHIG BDOG PAS, MI MJAL BAR

DU; DA GZOD NGED MJAL DU 'ONG ZHES PA ZHAL DANG KHONG GI DRI PA'I LAN ZHU YIG BUL TE SKU MTSAMS MA PHYE'O, ,DE DUS CHOS RJE BSOD NAMS RGYAL MTSAN PA BO DONG DU BYON NAS MJAL DU 'BYON GSUNGS LA YANG DA RES MI 'BYON PAR ZHU ZHES ZHU BA BSKUR TE, DE'I DUS SU, MI TSE LA KHA DRAG PA SUS ZHUS KYANG SKU MTSAMS MA PHYE BAR, SKU NI 'DU 'DZI'I G-YENG BAS DBEN, GSUNG NI BRI MO'I GTAM GYIS DBEN, THUGS NI GZUNG 'DZIN RTOG PAS DBEN PAR GYUR TO, ,DE LTAR DBEN PAR SGRUB PA RTZE GCIG TU MDZAD PAS RTOGS PA RNAMS RIM GYIS 'KHRUNGS TE, NYID KYI ZHAL NAS, GNAS DBEN PAR RIG PA DVANGS PA'I DUS SU, MI 'DI DANG 'DI ZHES BYA BA SHI ZER BA THOS TZA NA, 'O SKOL GYI LUS 'DI LA YANG CHU'I L'U BA'AM, RLUNG NANG GI MAR ME BZHIN DU SKAD CIG KYANG SDOD PA'I MTHU MED PAR RIG NAS BZOD GLAGS MED PA CIG YONG GIN 'DUG GSUNG, NYE GNAS KYIS GZIM KHANG LA MKHAR LHAN ZHIG BYED PA YIN ZHUS PAS, 'O SKOL GYIS YUN RING SDOD PA'I NGES PA MED, ,DE'I RKYEN GYIS SEMS CAN MANG PO 'CHI GSUNG NAS MA GNANG, RGYAL SRAS RIN PO CHE BLA MA RIN YE BA'I SAR BYON PA'I BSHUL DU NYE GNAS KYIS GSANGS NAS GZIM KHANG BYAS PAS, RGYAL SRAS RIN PO CHES SEMS CAN MANG PO SHI YOD, GZUNGS SNGAGS 'DREN DGOS SDUG GE KUN DE LA CI BA DER 'DUG, SNYING RE RJE GSUNG ZHING, DE'I DUS SU GSUNGS PA, NA MO LO KE SHVA R'A YA, MKHYEN BRTZE NUS PA PHUL PHYIN 'GRO BA'I MGON, ,SPYAN RAS GZIGS

, ,LA GUS PAR PHYAG 'TSAL NAS, ,SNYOM LAS CAN GYI SPRANG PO MA nI BA, ,RANG LA RANG GIS BSKUL PHYIR 'DI SKAD SMRA, ,MI BZAD SKYE BA'I BTZON RAR TSUD GYUR CING, ,NA DANG RGAS PA'I LCAGS SGROG GIS BCINGS TE; ;'CHI BDAG MTSON CHA PHYAR BA'I DRUNG GNAS NA, ,TSE 'DIR GTAN DU SDOD SNYAM KHYOD SEMS SAM, ,'KHOR BA'I RGYA MTSO GTING MTHA' YANGS PA 'DIR, ,LAS DANG NYON MONGS RLUNG SHUGS DRAG POS BSKYOD, ,'JIGS RUNG NGAN 'GRO'I KLONG 'KHYIL KHAR GNAS NA, ,RNYED BKUR GRAGS PA BSGRUB PA KHYOD DRAN NAM, ,LANG TSO'I NYIN PHYED LO ZLA'I NUB RIS BSGRIBS, ,LUS KYI RI KLUNGS RGAS PA'I GRIB MAS NON, ,'CHI KHA'I MUN NAG MYUR DU 'BYUNG NGES NA, ,SOS DAL SKYID CHOS BYED PAR KHYOD KHOM MAM, ,MGO LA SKRA DKAR LCAGS KYU RNON POS BTAB, ,LUS NI GNYER MA'I ZHAGS PA DAM POS BCINGS, ,BRTZE MED 'CHI BDAG SBAR MOR CHUD GYUR NA, ,BAG MED GNYID KYIS LOG PAR KHYOD KHOM MAM, ,RGYAB NAS LO ZLA MANG PO'I DMAG GIS BDAS, ,MDUN DU THAR MED 'CHI BA'I G-YANGS SAR THUG ,GANG DU BLTAS KYANG 'GRO SA MI 'DUG NA, ,DON MED LONG GTAM SMRA BAR KHYOD KHOM MAM, ,SHIN TU NYAM CHUNG CHU BUR LTA BU'I LUS, ,SNA TSOGS RKYEN NGAN RLUNG GIS RAB BSKYOD NAS, ,SKAD CIG GNAS PA'I GDENG YANG MI 'DUG NA, ,CHOS MIN YID LA SEMS PA'I LONG 'DUG GAM, ,DE RING TZAM YANG MI 'CHI'I GDENG MED CING, ,SHI NAS GAR

SKYE RANG DBANG MED BZHIN DU, ,DON MED TSE 'DI'I BYA BA LHUR BLANGS NA, ,RANG GIS RANG NYID BSLUS BAR MI 'GYUR RAM, ,NOR LDAN LAG STONG SGREN MOR 'GRO 'GYUR ZHING, ,KHA DRAG CAN LA YUD TZAM SDAD DBANG MED, ,'KHOR NA NGAN PA NAS GROGS MED GCIG PUR 'GRO, ,DE DUS CHOS MIN PHAN BA CI 'DUG SOMS, ,KHYOD KYIS SNGON CHAD TSE 'DI'I MDUN MA BSGRUBS, ,YENGS PA'I LAM LA MI TSE STONG ZAD BYAS, ,DA DUNG RNAM G-YENG LE LO MA SPANGS NA, ,'CHI KHAR 'GYOD KYANG 'PHYIS PAR MI 'GYUR RAM, ,GZHAN GYIS 'TSE MED RANG SEMS SON GNAS, ,GSUNG RAB BSTAN BCOS MAN NGAG DRAN DUS 'DIR, ,CHAGS SDANG 'KHRUL RTOG GZHOM PHYIR MA 'BAD NA, ,BAR DOR 'KHRUL SNANG SHAR TSE CI 'GYUR SOMS, 'DUL RGYU'I DGRA MED SKYONG RGYU'I GNYEN MED CING, ,PHAR LTOS DPON MED TSUR LTOS G-YOG MED PAS, ,DBEN PA'I GNAS 'DIR RANG SEMS MI 'DUL NA, ,KHYOD LA BYA RGYU CI 'DUG MA nI BA, ,DE BAS RNYED SOGS SRED DANG RNAM G-YENG DANG, , LE LO SPONGS LE RGYUN DU DRAN SHES STEN, ,THABS SHES ZUNG DU 'BREL BA'I LAM MCHOG GIS, ,GNYIS 'DZIN 'KHRUL PA'I BAG CHAGS SBYANG BAR GYIS, ,ZHES DANG, RGAN GZHON DAR MA GO RIM MA NGES PAR, ,'CHI SNYAM MED BAR GLO BUR 'CHI 'GYUR ZHING, ,SMAN DPYAD RIM GRO SOGS KYIS BZLOG MI NUS, ,'DI 'DRA BSAMS LA TSE 'DI'I ZHEN PA SPANGS, ,NOR LDAN LAG STONG SGREN MOR 'GRO 'GYUR ZHING, ,KHA DRAG CAN LA YUD TZAM SDAD DBANG MED, ,'KHOR MANG NAL?

, ,NAS GROGS MED GCIG PUR 'GRO ,'DI 'DRA BSAMS LA TSE 'DI'I ZHEN PA SPANGS, ,ZHES SOGS GSUNGS SHING, MI RTAG PA SGOM BA 'DI ZAB, 'DI RGYUD LA SKYES NA DANG POR CHOS LA 'JUG PA'I RGYU BYED, BAR DU SGRUB PA NYAMS SU LEN PA'I LCAG BYED, MTHAR 'OD GSAL CHOS SKU THOB PA'I RGYU BYED PAS 'DI SGOM PA GAL CHE GSUNG, SEMS DPA' CHEN PO 'DI NYID NI MI RTAG PA THUGS LA 'KHRUNGS PAS 'DOD YON GYI 'KHRI BA CHOD, PHYI CHIS KYI GRAGS GSHOM BOR, TSE 'DI'I MDUN MA MI CHOS KYI BYA BYED BLOS BTANG STE, ,BAG STE LANGS PAS GZHIS RDZOGS PA, ,BYAR MED DE NI BSTAN YUL YIN, ,ZHES BKA' GDAMS GLEGS BAM LAS GSUNGS PA DE PHYAG LEN LA THEBS PAR MDZAD DO, ,SEMS DPA' CHEN PO 'DIS TSE 'DI'I 'KHRI BA PHRA MO TZAM YANG MED PAR LAM CHA TSANG LA SGRUB PA SNYING POR MDZAD CING SKAL BA DANG LDAN PA GZHAN DAG LA YANG CHOS RNAM DAG SGRUB PA LA TSE 'DI'I SNANG SHAS 'DI LAS BAR CHAD CHE BA MED PAS RGYAL BA DGYES PA'I LAM LA SLOB PAR 'DOD PA RNAMS KYIS THOG MAR DAL 'BYOR RNYED DKA' DANG NAM 'CHI CHA MED BSAMS NAS TSE 'DI LA MA CHAGS PA ZHIG SKYES BU'I RTZAL CI YOD KYIS SGRUB DGOS SO ZHES 'DOMS PAR MDZAD BA NI, BLA MA DANG DKON MCHOG GSUM LA PHYAG 'TSAL LO, ,YON TAN 'OD ZER RAB TU RGYAS PA YIS, ,SKYON GYI RAB RIB MA LUS SEL MDZAD PA'I, ,RGYAL BA SRAS DANG BCAS LA PHYAG 'TSAL

NAS; ;DAM CHOS TSUL BZHIN SGRUB THABS BSHAD PAR BYA, ,DAM CHOS THAR PA'I LAM DU 'GRO BA LA, ,TSE 'DI'I PHUN TSOGS SGRUB LA RTZE GCIG PA'I, ,BLO NGAN 'DI LAS BAR CHAD CHE BA MED, ,DE PHYIR RNAM PA KUN TU 'DI SPANG BYA, ,THOS BSAM SGOM SOGS DGE BA GANG BYED KYANG, ,BLO NGAN 'DI DANG 'DRES NA RO BRGYA'I ZAS, ,NGAN SKYUGS DAG DANG BSRES PA JI BZHIN DU, ,BZANG PO NGAN PAR BYED PA GDON MI ZA, ,DPON SLOB MCHED GROGS GNYEN LA RTZOD BYED CING, ,BDE SDUG GTAM NGAN KUN LA MI 'DZEM PAR, ,NGAL BA CHEN POS LONGS SPYOD SGRUB BYED PA, ,BLO NGAN 'DI YIS DBANG MED BSKUL BAR ZAD, ,GZHAN GYI DPAL 'BYOR GZHOM PHYIR LUS SEMS KYI, ,'BAD PA DRAG POS 'THAB DANG RTZOD BYAS NAS; ;RANG GZHAN 'DI PHYI GNYIS KAR PHUNG BYED PA, ,DE YI SNYING DU BLO NGAN GDON 'DI ZHUGS, ,GSUNG RAB SGRON ME LAG TU THOGS NAS KYANG, ,RNYED BKUR 'KHOR SDE'I DON DU 'THAB RTZOD BYED, ,SDIG PA'I G-YANG SAR GOM PA 'DOR BA'I MIG ,BLO NGAN RAB RIB 'DI YIS BSGRIBS PAR NGES, ,NOR MANG SBYIN YANG GRAGS DANG 'KHOR LA SOGS, ,DON DU GNYER PHYIR SBYIN PA CHEN PO LAS, ,'BRAS BU CHUNG ZHING NGAN PAR BSGYUR BA NI, ,BLO NGAN BA MO 'DI YIS BCOM PAR NGES, ,'BAD BAS TSUL KHRIMS BSRUNGS KYANG RNYED SOGS KYI, ,'CHING BAS BCINGS NAS THAR LAM MI BGROD CING, ,'KHOR BA'I BTZON RAR 'DZIN BYED LCAGS SGROG DE, ,BLO NGAN 'DI YI LAG NA NGES PAR GNAS, ,YUN

, ,RING BSAM GTAN BSGOMS KYANG CHAGS SDANG GIS, ,BDAG BSTOD GZHAN SMOD RNYED PHYIR 'THAB RTZOD BYED, ,ZHI GNAS BSGOMS PAS MA ZHI'I BLO SKYES PA, ,BLO NGAN YUR MA'I RTZA BA YOD PAS LAN, NAD GDON CHOM RKUN DGRA SOGS DAM CHOS KYI, ,BAR GCOD YIN ZHES GRAGS KYANG RANG GI BLO, ,LAS SU RUNG NA DE KUN GROGS SU 'GYUR, ,BLO NGAN 'DI NI DAM CHOS GEGS SU NGES, ,DA LTA'I DAM CHOS TSUL BZHIN SGRUB 'DOD PAS; ;TSE 'DI'I PHUN TSOGS SGRUB 'DOD RNAM RTOG 'DI, ,DAM PA'I CHOS KYI GEGS SU SHES BYAS NAS, ,RNAM PA KUN TU SPONG BA SHIN TU GCES, ,TSE 'DI'I PHUN TSOGS BSGRUBS PAS 'GRUB PA DKA', ,GRUB KYANG RANG DBANG SPYOD PA'I NGES PA MED, ,BDAG LA NGES BAR 'ONG BA 'CHI BA YIN, ,DE TSE NOR DANG 'KHOR SOGS KYIS MI PHAN, ,DE DANG BRAL BAS LHAG PAR SDUG BSNGAL 'GYUR, ,DE LTAR BSAMS LA TSE 'DI'I CHE THABS SPANGS, ,'CHI BAR NGES SO NAM 'CHI NGES PA MED, ,'CHI TSE NGES PAR PHAN PA DAM CHOS YIN, ,SKYE BAR NGES SO GAR SKYE NGES PA MED, ,GANG DU SKYES KYANG PHAN NGES DAM CHOS YIN, ,STON BSAGS DPYID KA SPYOD PA'I NGES MED KYANG, ,DPYID RGYAGS STON NAS MI SGRUB BLUN ZER NA, ,'CHI BAR NGES SHING 'CHI TSE PHAN NGES CHOS, ,DA LTA NYID NAS MI SGRUB SHIN TU BLUN, ,DES NA RNYED BKUR GRAGS SOGS TSE 'DI YI, ,PHUN TSOGS SGRUB PA'I BSAM SBYOR YONGS SPANGS NAS, ,'CHI TSE

NGES PAR PHAN PA'I DAM CHOS LA, ,G-YEL PA MED PAR RTAG TU 'BAD PAR BYA, ,ZHES GSUNGS SO, ,BDAG NYID CHEN PO 'DIS SKYES BU GSUM GYI LAM LA SBYANGS PAS MYONG BA PHUL PHYIN THON TE BSHES GNYEN BSTEN TSUL DANG, DAL 'BYOR DANG MI RTAG PA'I SKOR LA MYONG BA PHUL PHYIN THON PA BSHAD ZIN PA LTAR DANG, SKYABS 'GRO LAS 'BRAS LA MYONG BA PHUL PHYIN THON PA NI RGYAL SRAS 'DI DBUS SU BYON PA'I DUS GUNG THANG NAS LHA SAR 'BYON PA'I CHU KHAR PHEBS DUS; RTA BDUN BRGYAD CIG LA MI RE RE ZHON NAS CHU LA RKYAL BTANG NAS BYUNG BAS, CHU DKYIL DU THAMS CAD NUB NAS SONG BA GZIGS PA DANG, AA KA KHA SKYON CHE GSUNG NAS PHYAG THAL MO SBYAR TE, SGROL MA SGROL MA, 'PHAGS MA 'PHAGS MA, GSUNG NAS SPYAN CHAB NYIL NYIL 'DUG PA DANG, MI RTA ZUNG GCIG MA GTOGS PA RTA DANG MA BRAL BAS YUD CIG NA CHU 'GRAM DU THON BYUNG, MI RTA ZUNG GCIG CHUS KHYER SONG BA DANG, SEMS DPA' CHEN PO'I SKU RGYAB NAS DA CI MED PA'I MI DKAR PO GZUGS RING, PHRUG GOS DKAR PO RNYING NGE SONG BA ZHIG LA, SKA RAGS DRES MA TSIG RKYANG BCINGS PA CIG BYUNG NAS NGA 'GRO NGA 'GRO ZER ZHING CHU LA TSAM TSAM MED PAR RGAL SONG BA NAS, MI DES LAG PA NAS DRUNG BYUNG STE CI YANG MA NYES PAR GSOS RTING MI DKAR PO DE GAR SONG CHA MED LA SONG BAS KUN YA MTSAN PAR GYUR TE, SEMS DPA' CHEN PO'I ZHAL NAS, CI THO DOD GSUNG BA LA, DRUNG NAS 'PHAGS MA LA GSOL BA BTAB PAS, 'PHAGS

, ,MA'I SPRUL PA YIN LAS CHE ZHUS PA LA, YIN PA DAG KYANG SRID, RE MTSAR CIG BYUNG, LAR RANG GIS BLO GTOD NUS NA DKON MCHOG 'DIS RANG MI BSLU BA CIG YIN GSUNGS, ,YANG NYO GNAS KYIS LO GCIG LO ZHING DUM PA GCIG BTAB PA GZIGS PAS, SEMS CAN MANG PO 'CHI, 'O SKOL LO MAS CI BYED GSUNG NAS BYED DU MA GNANG, DBYAR YOG MO'I ME SHING MA 'DON, DE LA SEMS CAN MANG PO YOD, MA SHIN 'KHOS GCIG 'CHAR NAS 'OD GSUNG, DBYAR 'OD KHANG MED DUS NUB MO DKAR ME PHUL NA PHYE MA LEB 'CHI GSUNGS NAS, DKAR ME NYIN BAR 'BUL, DBYAR KHA MCHOD BA SNGA SE GYIS, 'PHYIS NA SEMS CAN RKANG 'OG TU SONG BA MI MTHONG GSUNG SHING, MDOR NA LAS RGYU 'BRAS LA THUGS YID GTING NAS CHES PA'I RTAGS SROG GI PHYIR YANG SROG CHAGS PHRA MO RE LA'ANG GNOD PA MI MDZAD CING DUS RGYUN DU LAS RGYU 'BRAS SEMS PA LA BSNGAGS PA CHEN PO MDZAD DO, ,SKYES BU CHEN PO'I LAM LA MYONG BA PHUL PHYIN THON TE BDAG GZHAN DNGOS SU BRJE NUS PA BYUNG BA DANG SEMS CAN KUN LA NYE RING MED PAR PHAN SEMS KHO NA MDZAD BA NI, 'DI LTAR YON BDAG GI RIGS 'GA' ZHIG GIS, DMAG LA 'GRO BA'I DUS RIM GRO LA GTOR MA'I CHAS MANG PO BSKYAL CAN, GTOR MA PHUL NAS 'PHRIN LAS 'CHOL BA'I SKABS SU, 'O SKOL RANG DKON MCHOG DANG CHOS SKYONG LA ZHU BA BYED TZA NA, PHYOGS GNYIS

KAR 'KHRUG PA ZHI BAR BYIN GYIS RLOBS, BSAM NGAN SBYOR RTZUB THAMS CAD ZHI BAR MDZOD CIG ZER BA MA GTOGS, GCIG RGYAL GCIG PHAM PAR MDZOD MI ZER, NYID CAG RNAM PA'ANG DE BZHIN MDZOD, KHO BSTE RGYAL BA ZHIG 'DOD DE, RGYAL BA MA BYUNG YANG 'KHRUG BZHIN PHAR CHUR GNYIS KAR LA DES CHOG ,DE BZHIN BYAS PAS YON BDAG BSLUS PAR MI 'GRO GSUNG, SEMS CAN 'DI DANG 'DI ZHES BYA BA BDE ZHING SKYID PA 'DUG ZER BA GSAN CAN, DE LEGS SO GSUNG NAS SHIN TU MNYES SHING 'DI LTAR YANG GSUNG NGO, ,BDAG GIS SDUG BSNGAL RLUNG SHUGS KYIS BSKYOD NAS, ,GANG GIS BZHIN RAS NAG PO'I SPRIN BSDUS TE, ,MCHI MA'I CHAR PHAB DUD MO'I 'BRUG SGRA BSGRAGS, ,DE 'DRA YAL BAR 'DIR BA RIGS SAM CI, ,BDAG NYID BDE BA'I NYI ZER PHOG PA YIS, ,GANG GI BZHIN RAS PADMO'I CHAL RGYAS TE, ,SO YI ZE'U 'BRU DKAR PO STON GYUR PA, DE 'DRA YAL BAR 'DOR BA GA LA RIGS, ,ZHES SOGS GSUNG NGO, , YANG DRUNG NA 'KHOD PA'I RI DVAGS DANG GCAN GZAN KUN KYANG GCIG LA GCIG PHAN TSUN GNOD PA MED PAR BYAMS TE GZHAN GYIS PHUL BA'I SHA KHYI CHEN PO GCIG YOD PA YANG, RNA MOS RTZED MO'I PHYIR RDUNG BA LTAR BYAS CAN, MI RNUG PAR BROS 'GRO ZHING, SPRANG PO LA RMUG PA'I TSE MA nI BGRANGS PA DANG RMUG 'PHRO GCOD PA ZHIG YOD DO, ,BYI LA ZHIG YOD PA DE YANG BYE'U MTHONG KHAR BAB PA'I DUS GNOD PA'I SEMS SPANGS NAS, DE BYUNG BA LA DGA' ZHING 'GROGS

, ,DOGS PA'I PHYIR DES MI MTHONG BA'I SAR PHYIN NAS NYAL ZHING, BYI CHUNG LA YANG GNOD PA MI BYED DO, ,SPYANG KI GCIG YOD PA YANG SEMS CAN LA 'TSE BA'I SEMS SPANGS TE, RTING LA SHA BYIN KYANG MI ZA BA CIG BYUNG ZHING, NGANG PA GCIG YOD PA YANG SEMS DPA' CHEN PO BSKOR BA MDZAD PA'I DUS SU KHO YANG BSKOR BA BYED DE, BZHUGS PA'I DUS SU KHO YANG SDOD, SEMS DPA' CHEN PO'I SPYOD LAM GYI LAD MO BYED PA CIG BYUNG 'DUG ,DE LA MNYES SHING, DMAG BYUNG NAS BO DONG DU 'BYON DGOS PA BYUNG DUS, NYE GNAS LA GZHAN DNGOS PO MI THUB NGANG PA DE MA LUS PA GYIS GSUNG ZER, MKHAN CHEN BYANG CHUB RTZE MA'I GSUNG GIS, DUD 'GRO DE KUN GYI BYED LUGS DE RANG NGO MTSAR CHE, BYANG CHUB KYI SEMS 'DI 'BYONGS TZA NA GANG YANG DBANG DU 'DU BA CIG YIN PAR 'DUG GSUNG, DBUS PA'I DMAG 'JANG DU BYUNG DUS DNGUL CHU BA RNAMS LA, DNGOS PO LA MA CHAGS PAR THAMS CAD BROS, 'GRO BA MI 'ONG BA'I RGAS PA RNAMS KYI G-YOG NGAS BYED PA YIN GSUNG STE, BA SHUL NA YOD PA RNAMS KYIS BRED NAS DRUNG DU 'TSOGS NAS BSDAD PA'I DUS DMAG MI RNAMS KHRO ZHING RNGAM PA'I TSUL GYIS DRUNG DU BYUNG STE, ZHAL MTHONG BA DANG, 'PHRAL DU GTUM PA DANG KHRO ZHING RNGAM PA RNAMS KYANG ZHI NAS DRUNG NA 'KHOD PA RNAMS LA GNOD PA MI BYED PAR BYIN RLABS ZHUS KYIN 'GRO, 'GA' ZHIG DAD PA SKYES TE MCHI MA 'BYIN CING, MI

BSAD PA'I SDIG BSHAGS BYED DO ZHES GRAG GO ,DRUNG NA 'KHOD PA'I SLOB MA RNAMS KYANG NGA KHO NA LA MNYES SHING BYAMS SNYAM DU THAMS CAD DE LTAR DU SEMS SHING, DE RNAMS KYANG GCIG LA GCIG MTHONG CHE ZHING BYAMS PAS, PHAN TSUN TSA MI RTZAD PAR GRAL 'OG TU SDOD PA LA HAB THOB BYED CING GCIG LA GCIG SNYAN PAR SMRA'O, ,SEMS DPA' CHEN PO 'DI NI, DPER NA MA BU GCIG PU YID DU 'ONG BA LA BRTZE BA LTAR SEMS CAN RNAMS LA SNYING RJE CHEN PO MNGA' ZHING, KHYAD PAR DU DNGOS SU SDUG BSNGAL BA DANG, SDUG BSNGAL GYI RGYU LA SPYOD PA LA BRTZE STE, DGUNG LO BCU DRUG TZAM LON PA'I DUS ZANG ZING GIS PHAN 'DOGS BAG TZAM BYAS PA'I DGE BSHES GCIG GIS SANG NYIN LAN SLEB PA DGOS PA'I DON GAL CAN ZHIG GI BANG CHEN BCOL TE, BO DONG NAS SA SKYAR 'BYON PA'I PHYED LAM TZAM NA SLEB PA'I THANG DKYIL ZHIG NA, KHYI GU BZHI LNGA ZHIG SKYES PA MAS BOR NAS SONG 'DUG PA GZIGS PA DANG, SNYING RJE NAS BSHUMS SHING, DE RING 'DI PA SKYEL DU PHYIN NA NI KHONG GI DON MI 'GRUB, DE RING BZHAG NAS PHYIN NA NI DGUN YIN PAS 'KHYAGS NAS KYANG 'CHI, BYA ROG DANG GCAN GZAN DAG GIS KYANG GSOD SNYAM DU BSAM NAS DE RING 'DI PA BSKYAL LA, DO RED MTSAN LA 'GRO DGOS PA YIN DGONGS TE, KHYI GU SKYEL BA LA LOG NAS BYON PAS, DGE BSHES DE DANG DA RAS MA 'PHRAD BA BYA DGOS DGONGS PA, SRANG BAR GCIG TU 'PHRAD PAS, NYID KYIS DON GAL CAN GYI STABS BCOG PAR 'DUG

, ,ZER NAS 'THAB TU BYUNG BAS SKYENGS PO BYUNG GSUNG, DE NAS DE MA KHAD LOG NAS BYON PAS THO RANGS KHA SA SKYAR PHEBS LAN BSGYUR, CHAB GCIG GSOL NAS BYON PAS DGONG MO BO DONG DU PHEBS, DGE BSHES DE NA RE NGO MTSAR CHE NGAS 'THABS PA DE YANG BZOD PAR GSOL ZER BYUNG GSUNG, YANG DGUNG LO NYI SHU TZAM LON PA'I DUS SU AE'I DGE 'DUN RNAMS CHOS GZHI BTEG PAS, RGYA SGO'I 'GAG NA SPRANG MO ZHA MA GCIG YOD PA DE DU YIN 'DUG PAS THUGS KYIS MA BZOD DE CI NYES DRIS PAS, BTZUN PA THAMS CAD 'BYON PAR 'DUG ,DES NA NGA LA LTO STER MI MI YONG ZER, NGAS KHYOD LEN DU 'ONG GI SDUG BSNGAL MA BYED GSUNG STE, THAG PA KHYER NAS LOG BYON TE, NGA LA KHUR GSUNGS PA LA MOS KHUR MI NUS PA 'DUG ZER, SNGA LA MO'I GOS STAN RNAMS BSKYAL ,DE NAS MO RANG KHUR NAS CHOS BAR SAR BSKYAL GSUNG, DES NA SEMS CAN DNGOS SU SDUG BSNGAL BA GZIGS NA LTA SMOS KYANG CI 'CHAL, GZHAN GYIS SEMS CAN SDUG BSNGAL BA 'DI 'DRA 'DUG ZER BA GSAN NA, NGA'I MA RGAN RE SNYING RJE GSUNG STE BSHUMS NAS GSUNG GLENG KYANG 'PHRO CHAD NAS 'GRO ZHING, GLANG RI THANG PA LA GZHAN GYIS DO NAG PO BYAS PA GSAN PAS, NGA'I MA RGAN SEMS CAN GYI SDUG BSNGAL 'DI LA BSAMS NA NGO GDONG DKAR PO YONG SA MI 'DUG GSUNG ZER, DE KHONG PA MED PAR GDA' GSUNG NAS SPYAN CHAB NYIL NYIL MDZAD

CING 'DI LTAR YANG GSUNG NGO, ,SDUG BSNGAL MANG GZIR 'GRO 'DI YAL BOR NAS, ,RANG NYID ZHI BDE 'BA' ZHIG DON GNYER BA, ,PHA MA ME YIS 'TSIG PA YAL BOR NAS, ,RANG NYID BSIL BA'I RDZING BAR KHRUS BYED 'DRA, ,'GRO 'DIS RANG GI BDE BA YAL BOR NAS, ,BDAG GI DON DU SDUG BSNGAL KHUR BLANGS PA, ,SA DANG RGYA MTSO'I RDUL BAS CHES MANG NA, ,DE DAG BDAG GIS JI LTAR YAL BAR 'DOR, ,THOG MED DUS NAS LAN MANG PHAN BTAGS PA'I, ,'GRO MANG BZOD DKA'I SDUG BSNGAL GYIS GZIR BA, ,MTHONG THOS DRAN KYANG GAS PAR MA GYUR PA, ,BDAG GI SNYING 'DI LCAGS LAS BYAS SAM CI, ,SNGON CHAD YANG YANG SDUG BSNGAL SEL BYED MA, ,MNAR MED ME YI NANG DU TSIG GYUR NA, ,DE LA SNYING RJE'I BSAM PA MI SKYES, ,BDAG 'DRA MI YI LUS CAN DUD 'GROR ZAD, ,CES GSUNGS, DBUS PA'I DMAG RTING MA 'DZAD DU BYUNG DUS DNGUL CHU'I MDUN GYI THANG CHEN PO DE DMAG GIS GANG BA GZIGS PAS SDUG GE TSO SDUG GE TSO NGA'I MA RGAN 'DI TZAM ZHIG 'KHRUL NAS SDUG BSNGAL GYI RGYU LA SPYOD PA DE SNYING RE RJE SNYING RE RJE GSUNG ZHING BZHUGS GDAN GYI STENG DU 'DRE LDOG MDZAD CING BSHUMS PA'I MTHAR BRGYAL BRGYAL GYI BAR DU BSHUMS PA ZHIG BYUNG, GZHAN YANG 'DI LTAR GSUNGS TE, NGAN SONG GSUM STA AA CANG CHE, MI'I NANG NAS KYANG SDUG BSNGAL DNGOS SU SPYOD PA 'DI RNAMS SNYING SHIN TU YANG RJE MOD, BSAM BLO LEGS PAR BTANG NA SDUG BSNGAL GYI RGYU LA SPYOD PA 'DI RNAMS SNYING RJE

, ,GSUNG ZHING, DA LTA 'JIG RTEN GYI MI CHE RU RE, GRUNG DU RE, 'KHOR MANG, KHA DRAG ,NOR CHE, LAS SU SDIG PA 'BA' ZHIG BYED PA DE 'DRA RNAMS GZIGS PA'AM, DRAN PA'AM, DE DAG GI GLENG SO BYUNG TZA NA YANG SPYAN CHAB 'BYIN CING, PHA ROL PO RNAM RTOG SKYER YONG BSAM PA BYUNG NAS NYAMS SNA DKYIL GYIN TSOD BZUNG BA MIN NA, DE 'DRA RNAMS DANG PHRAD PA NA MCHI MA RANG DBANG MED PAR YONG GI 'DUG GSUNG, 'O SKOL CHOS PA 'DI RNAMS SDUG BSNGAL GYI RGYU LA SPYOD PA 'DI RNAMS LA SNYING RJE SKYE THANG BA CIG 'DUG PA LA, SKYE BA NYUNG BA DE RANG RE RNAMS KYANG TSE 'DI'I DPAL 'BYOR KHA DRAG DE RNAMS LA SKYON DU MI LTA BA'I BLO NGAN DE PHUGS SU ZHUGS PAS LAN 'DUG ,DA LTA SDUG BSNGAL LA RNAMS LA SNYING RJE SKYE BA DE, SDUG BSNGAL DE LA RANG RE SKYON DU LTA BAS YIN PAR 'DUG STE, DE GNYIS RANG SKYON GANG CHE MI SHES GSUNG, TSOGS CHOS GSUNG BA'I DUS SEMS CAN GYI SDUG BSNGAL LA GZIGS NAS SEMS DPA' CHEN PO NYID KYIS BSHUMS TZA NA TSOGS PA BYINGS PO DU CO THEG THEG YONG BA DE LA MTSAN NYID PA CIG NA RE, MKHAN CHEN BU STON PA DANG, BLA MA PAn CHEN PA CHOS GSUNG TZA NA, BZHAD GAD ZEG ZEG NYAMS DGA' ZHAD CHE BAR 'DUG ,'DI PAS CHOS GSUNG BA DE SDUG ZHAD CHE, MI GCES SHI BA BZHIN DU DU CO THEG THEG YONG ZER, RGYAL SRAS 'DI SKU MTSAMS DAM PO LA BZHUGS PA'I DUS, MKHAN

CHEN RIN PO CHE BSOD NAMS GRAGS PA ZHENG GZHAN DU GSHEGS PA MNGON PAR SHES PAS MKHYEN TE, MTSAMS HU RA THON MDZAD NAS BYON PA'I LAM KHAR MI GNYIS KYIS RA GCIG MI 'GRO BZHIN KHRID 'GRO BA DANG PHRAD PA NA CI BYED DRIS BAS, HOR 'DRA LA SPROD BA YIN ZER, SNYING RJE NAS BSHUMS TE GSER ZHO PHYED BYIN NAS 'DI HOR 'DRA LA SPROD LA RA 'DI MA GSOD NGA LA BLANGS BYAS GSUNG, DE NAS SHANGS KYI MDA'I GAD SKYIBS SHIG TU PHEBS PA DANG, 'DIR JA SKOL NGAL SO BA YIN GSUNG BA LA, 'DI NA CHU MI GDA' ZHUS PAS, CHU'I KHAG NGAS KHUR ME SHING THUS LA SHOG GSUNG, SHING BTUS NAS SLEB PA DANG, CHU 'DI NA GDA' YIS GSUNG NAS PHYAG GIS BYE MA LA RUD RUD MDZAD PA LA SNGAR MED PA'I CHU BYUNG BAS ZHABS TOG PA RNAMS KYI BSAM PA LA MIG 'PHRUL YIN NAM BSAM PA BYUNG ZER, JA GSOL ZIN PA'I RJES LA'ANG CHU 'DUG ,YAR LAM CHED KYIS BLTAS PAS CHU'I RJES YANG MI 'DUG ZER RO, ,DE NAS MKHAN CHEN RIN PO CHE DANG MJAL PAS NYID BYON PA DE DGA' GSUNG NAS MNYES TSOR CHEN PO MDZAD, 'JUG PA SEMS BSKYED 'DI SNGAR BLA MA RIN YE BA LA THOB LAGS TE YIN KYANG DRUNG DU GCIG THOB NA BSAM PAS SKU KHEMS KYIS LCOGS TZAM GDA' NA THUGS LA 'DOGS BAR ZHU ZHUS PAS, DE DUS BSNYUNG RAB 'DUG STE SHIN TU YANG SPRO YO, DA LTA RANG MCHOD PA SHOMS SHIG GSUNG, SEMS BSKYED KYI CHO GA DNGOS GZHI GRUB NAS MKHYEN PAR GSOL BA GDAB PA'I SKABS SU, SA CHEN PO NI RAB TU G-YOS

, ,LHA'I ME TOG NI CHAR BZHIN DU BABS, SPOS KYI DRI ZHIM PO'I NGAD PA NI RNAM PAR LDANG, ROL MO'I SGRA SNYAN PA NI DBYAR GYI 'BRUG BZHIN DU GRAG ,SPRIN RNAMS KYIS KYANG 'JA' TSON SNA LNGA'I BLA RE BRES PAR GYUR CES GRAG GO ,CHO GA TSAR BA'I RJES LA MKHAN RIN PO CHE'I ZHAL NAS, CHOS BDAG PO'I LAG TU 'PHROD, DA STE BTZUN RGAN DE RING SHI YANG 'GYOD PA MED DO GSUNG NAS RGYAL TSAB TU DBANG BSKUR TE, DE NAS RING PO MA THOGS PAR SKU GSHEGS SHING, GSHEGS KHAR SGYU MA'I DPE BRGYAD PO DE NAR BA GCIG GSUNG NAS GSHEGS ZHES GRAG GO ,MKHAN CHEN RIN PO CHE'I SLOB MA RNAMS KYIS, BLA MA RGYAL SRAS PA DE LA MNGON PAR MKHYEN PA YOD MED THE TSOM MI 'DUG ,MKHAN CHEN RIN PO CHE GSHEGS LA KHAD DER KHONG GIS PHEBS ZER, DE NAS SEMS DPA' CHEN PO NYID KYANG NYIN ZHAG RE LA DUS GSUM DU SMON 'JUG GI SEMS BSKYED BSDUS PA RE LEN CING, 'DI LTAR GSUNGS TE; GANG GIS RANG GI BDE BA YAL POR NAS, ,YU BU'I DON DU SDUG BSNGAL KHUR BLANGS PA'I, ,SEMS CAN TSOGS 'DI BLO YIS YAL BOR NA, ,THEG CHEN DAM CHOS THOS PA'I DGOS PA CI, ,DES NA MTHA' YAS SEMS CAN BSGRAL BYA'I PHYIR, ,BLA MED BYANG CHUB MCHOG TU SEMS BSKYED DE, ,RANG DON SPANGS TE DNGOS SA MA BRGYUD NAS KYANG, ,GZHAN DON SGRUB DE SKYES BU MCHOG YIN NO, ,ZHES SOGS GSUNGS SHING, DBUS GTZANG KHAMS

GSUM GYI DGE BA'I BSHES GNYEN DANG, SKYE PO'I TSOGS KHRI PHRAG DU MA LA BYANG CHUB SEMS KYI SDOM PA GNANG NAS, BYANG CHUB SEMS DPAR GYUR PAR MDZAD CING, DUS PHYIS MKHAN CHEN BYANG CHUB RTZE MOS DBU MDZAD PA'I DGE BA'I BSHES GNYEN 'BA' ZHIG TSOGS PA LA, 'JUG PA SEMS BSKYED GSUNGS PA'I SKABS SU 'O SKOL GYIS MKHAN CHEN RIN CHEN PA LA 'DI ZHUS PA'I DUS SU, CHOS BDAG PO'I LAG TU 'PHRED PA YIN GSUNG NAS MNYES TSOR CHEN PO MDZAD CING GDA', 'O SKOL LA BDAG PA'I BDAG RGYU TZAM MED DE, KHONG PA DE SKAD GSUNG GIN GDA', 'ON KYANG BYAS PAS, JO BO RJE YAB SRAS SKU MCHED GSUM LA SOGS PA'I DUS SU DAR, CHOS 'DI LA BKA' DOG PA YIN PAR 'DUG ,DUS PHYIS KYANG 'DI 'BOGS PA NYUNG BAR GDA', GANG LTAR LAGS KYANG, 'O SKOL LAS DBUS GTZANG GNYIS NA CHOS 'DI 'BOGS PA MANG BA MED, SNGAR YANG RGYUD LA SKYES PA MANG PO BYUNG ZHING, DA 'O SKOL NAS CHOS 'DI'I BKA' YANGS SU GTONG BA YIN PAS, NYID CAG DGE BA'I BSHES GNYEN 'BOGS PAR NUS PA THAMS CAD KYIS PHOG CIG GSUNG NGO, ,RGYAL SRAS 'DIS BDAG GZHAN BRJE BA'I MDZAD PA JI LTAR BSTAN PA NI SLOB DPON DPAL YE BAS BLO SBYONG LA NYAMS KHRID BSGOM DUS, LHONGS LA SHIG NAD BYUNG BAS, SEMS DPA' CHEN PO'I GSUNG GIS, NYID RANG GIS SNYING RUS BSKYED LA GSOS GAL TE MI GSOS PA 'DRA NA 'DIR BYON, NGED KYIS KYANG GSO ROGS BYA YIS GSUNG ZER,

, ,KHONG GIS YUN RING PO'I BAR DU GSOS KYANG NYUNG DU MA SONG, CHOS RDZONG DU BYON NAS BLA YEL DU MAL BCAS NAS ZHAG SHAS SONG BA DANG, SHIG RNAMS NYUNG DU SONG 'DUG PA, RNAM RTOG SKYES TE DRUNG DU BLTAR PHYIN PA DANG, DRUNG PA LA SHIG NYIL BA 'DUG PA MTHONG BAS, DRUNG NAS 'O BRGYAL NGA RANG GIS SNYING RUS BSKYED LA GANG GSOS BYED NGA RANG LA THUGS LA 'DOGS PAR ZHU ZHUS PAS, NYID KYI SHIG BLANGS PA MA YIN NGA RANG LA YOD PA YIN GSUNGS NAS MA GNANG, DE NAS ZHAG 'GA' NAS THAMS CAD YAL NAS SONG GSUNG, GZHAN GYI SDUG BSNGAL DNGOS SU LEN PA 'DI SNYING RJE'I BSAM PA DRAG POS BLANGS NA LONGS NGES SHES PA NYAMS SU MYONG BAS GRUB PA LAGS GSUNG, RGYAL SRAS BDAG NYID CHEN PO 'DI HOR DPON ZHIG GIS SA SKYAR GDAN DRANGS PA'I TSE SA SKYA'I RGYAB DER DRO 'DEBS PA'I SAR KHYI RGAN PO GCIG BYUNG BA LA, HOR GYI 'BA' HOR CHES RDO GCIG BRGYAB PAS 'GYEL NAS SKAD NGAN CHEN PO SHOR BAS, SEMS DPA' CHEN PO RANG LA BRGYAB PA BZHIN DU AA GSUNG NAS PHYAG NAS DKAR YOL 'CHOR LA KHAD BYUNG ZHING SPYAN CHAB MANG PO BTON, DE NAS SA SKYAR BYON TE, DGE BA'I BSHES GNYEN DANG SKYE BO'I TSOGS CHEN PO LA, ZAB BA DANG RGYA CHE BA'I CHOS GSUNGS NAS 'GRO? BA DPAG TU MED PA'I DON MDZAD DE, GSER YIG PAS TSONG DUS NAS MAR GDAN DRANGS DUS, HOR GYI G-YOG PO GSUM LA NAG CHEN PO THUG NAS GSOD DU BYUNG BA LA, RGYAL SRAS 'DIS THUGS KYIS

MA BZOD PAR HOR GYI DPON LA DE LTAR MA BYED CES GSUNG BYON PAS SROG LAS THAR BAR MDZED ,SKU ZHANG GI RTZIS KYI RTEN 'BREL LA DBEN SHR'I'I GDAN GYI 'OG TU KHO RANG GI GZUGS DANG, RAL GRI DANG, RANG THAG SOGS BCUG PA DBEN SHR'IS MTHONG NAS RTZA RA CHEN PO BYED DU BYUNG BA LA YANG GSUNG BYON PA TZAM GYIS GROL BAR MDZAD DE, RIN SPUNGS PAR BYON NAS DBUS SU 'BYON MA DGOS PAR YAR BYON TE, ZHA LUR GDAN DRANGS NAS DGE BA'I BSHES GNYEN DANG SKYE BO'I TSOGS DPAG TU MED PA LA CHOS KYI SBYIN PA MDZAD, DE DUS BU STON RIN PO CHE BSNYUNG NAS GRONGS LA KHAD PA MA MJAL TE ,SKU GSUNG THUGS RDO RJE'I RANG BZHIN DU BYIN GYIS BRLABS NAS BSTAN PA DANG SEMS CAN GYI DON LA BZHUGS PA'I RTEN 'BREL DANG ,BDAG GZHAN BRJE BA'I DMIGS PA MDZAD NAS DE'I NUB MO NAS SKU BSKYED BYUNG NAS BSNYUNG BA DANG, DE DUS BLA MA RGYAL SRAS PAS MKHAN CHEN BU STON PA'I BSNYUNG NAD SDANGS ZER BA'I GRAGS PA CHEN PO YANG BYUNG ZHING, MKHAN CHEN PA'I ZHABS TOG PA GCIG GI RMI LAM DU MDANGS DRUNG PA LA BLA MA RGYAL SRAS PA SKU LUS SHEL DKAR LTAR DVANGS PAR GYUR BAS GSER GYI DBU RGYAN GSOL NAS DBANG BSKUR MDZAD PA RMIS LAGS ZHUS PAS, RMI LAM BZANG PO YIN, NGA YANG MDANGS KHAMS BDE ZHING RIG PA DRANGS PA CIG BYUNG GSUNG NAS MNYES 'DUG GSUNG, YANG BLA MA DAM PA BSOD NAMS RGYAL MTSAN PAS CHOS ZHU BA LA SA SKYAR GDAN DRANGS NAS, CHOS KYI 'KHOR LO RGYA CHEN PO BSKOR TE

, ,TSUR 'BYON DUS LA RDZAS NAG POR JAG PA BYUNG STE, SEMS DPA' CHEN PO RANG GI SKU LA MA NGAG ZHABS TOG BA RNAMS 'O LA BA RE BKYIGS TE JAG PA ZA MA ZA DUS, ZHABS TOG PA GCIG BKYIGS PA GROL BYUNG BA'I RTZA NA, JAG PA'I RAL GRI BZHAG 'DUG PA KHYER NAS BROS NA BSAM YOD TZA NA, SEMS DPA' CHEN POS MKHYEN NAS NYID DE BLO CAB TZUB MA BYED AANG GSUNGS PAS BROS MA NUS ZER, DNGOS PO 'DI RNAMS RIN CHEN SGANG PA'I SA CHAR KHYER, NGAS BLOS BTANG YOD PAS PHROGS PA YIN SNYAM PA'I BLO YANG MA BYED DA'I GOS 'DI KHYER NA YANG KHYER GSUNGS PAS, JAG PAS PHYAG BTZAL NAS, NGED TSO YANG PHONGS NAS THABS SDUGS PAS NYID LTA BU DANG THUG ZER; JAG PA RNAMS RJES ZLOS BYED DU BCUG NAS BSNGO BA YANG MDZAD GSUNG, DBUS BA'I DMAG MANG PO MTHONG BA DE DANG ,DPON CHEN BYANG BA 'DIS 'O SKOL LA CHOS 'BREL MA BYAS PA'I GONG DU BTZON SDUG GI GCIG MI GSOD PA'I ZHU BA BYAS KYANG MA GRUB PA DE GNYIS KYIS LO MANG PO'I BAR DU DGE SBYOR GYI BSKUL MA BYAS ,DE BAR LA DGE SBYOR GANG BYED KYANG DE RNAMS DANG DBUS PA'I DMAG SNGON MA RANG RE DNGUL CHUB 'JOMS MI DE RNAMS KYI DON DU BSNGOS, SMON LAM MANG PO BTAB STE AE PHAN NI MI SHES GSUNG, YANG LAN CIG RGYAL SGA'I 'GAG NA SHIG NAD TSABS CAN BYUNG BA'I SPRANG RGAN LUS KYI ZUNGS SHOR BA GOS DANG STAN LA SOGS PA SHIG GI PHUNG POR GYUR PA CIG GI DI

CHEN PO MNAM PA CIG 'DUG PA DE LA, DRUNG SKU MCHED PA'I SKYE BO TSOS ,DRUNG NAS SKYUG BRO 'GAG DER MA BSDAD ZER ZHING 'BUD PA GZIGS PAS, SNYING RJE DRAG PO SKYES NAS SPYAN CHAB SHOR TE, DE'I NUB MO KHO'I GOS DANG STAN SHIG GI PHUNG POR GYUR PA RNAMS NANG DU KHYER, SPRANG PO LA NA BZA' GCIG GNYIS DANG ZA RGYU GNANG NAS SHIG RNAMS LA SKU LUS SBYIN BAR BTANG STE SHIG GI PHUNG PO'I GSEB TU GZIM NAS GAG BA nIG GNYIS SONG BA DANG, SLOB DPON DANG MCHED GROGS 'GA' RES TSOR NAS BLTAR BYON PAS SPRANG PO'I GOS DANG STAN SHIG GI PHUNG POR SONG BA RNAMS GSOL ,SKU LUS THAMS CAD 'BRUM NAD THUG BO BYUNG BA BZHIN DU GYUR 'DUG PA MTHONG NAS, KHONG RNAM PA HA LAS TE NYID DA LTA LUS GTONG BA'I DUS TZAM LA MA SLEBS LAS CHE, DE 'DA RANG HA CANG THAL DRAGS MI MDZAD PAR ZHU ZHUS PAS, SPYOD 'JUG LAS, BDAG GIS LUS CAN THAMS CAD LA, ,LUS 'DI CI BDER BYIN ZIN GYIS, ,RTAG TU GSOD DANG SMOD BA 'AM, BRDEG SOGS CI DGAR BYED LA RAG ZHES DANG, 'GO MANG RDOG BAS BDAG GI SPYIR 'TSOG GAM, ,'GUM YANG MI BSNGO 'JIG RTEN MGON DGYES MDZOD, ,GSUNG NAS MA GSAN PAS, KHONG RNAM PAS 'JAM PA'I DBYANGS DON YOD PA'I DRUNG DU PHYIN TE 'DI BZHIN MDZAD KYIN GDA', NGED RNAMS KYIS ZHU BA BYAS KYANG 'DI SKAD GSUNG NAS MI GNANG BAR 'DUG ,DRUNG NAS GSUNG BYON DGOS PAR GDA' ZHUS PAS, 'JAM DBYANGS DON YOD PAS KYANG

, ,DE KHAR BYON TE, DE LTA BU RANG MI MDZAD PA ZHU ,HA CANG 'O BRGYAL DRAGS CIR 'GYUR YANG MI SHES ZHUS PA LA YANG, SKYAS RABS LAS, LUS TZAM GYIS KYANG GZHAN LA PHAN THOGS PAR, ,NAM ZHIG 'GYUR ZHES BDAG GIS GANG BSAMS PA, ,SMON LAM DE NI 'BRAS BU YOD PAR BYA, ,ZHES DANG, NYID KYI ZHAL NAS, GZHAN LA MI PHAN SRED ZAD BDE BA YANG, ,DMYAL BA'I ME LTAR MTHONG NAS RAB SPONG ZHING, ,GZHAN LA PHAN NA MNAR MED ME NANG DU'ANG, ,RAB DGAS 'JUG PA RNAMS KYI RJES SU SLOB, ,CES GSUNGS TE MA GSAN PAR GSOL BAS, RING POR MA LON PAR SHIG RNAMS YAL NAS SONG ZHES GRAG GO, ,DE DUS HA CANG SO TSA RANG DRAGS NAS MA BZUG PA'I DUS SU STOD KYI CHA LA DAR GYI DUM RE DKRIS NAS BZHAG GSUNG, NYID KYI ZHAL NAS, GANG ZHIG KHRO DANG NGA RGYAL DBANG GYUR NAS, ,BDAG GI LUS LA RMA SROL CHER GTOD DE, ,'CHI BAR NGES PA'I GNAS SKABS BYUNG GYUR NA'ANG, ,DE TSE DAM BCA' 'DI NI DRAN PAR BGYI,, ZHES DAM BCAS PA BZHIN MDZAD DO, ,YANG BO DONG DU SPRANG PHRUG SHIG NAD BYUNG BA ZHIG GI SHIG THAMS CAD BLANGS PAS, SEMS DPA' CHEN PO'I SKU LUS LA 'PHUNGS NAS ZHAG GCIG LA SHI 'DUG ZER, SEMS DPA' CHEN PO LA BRTEN NAS DE PA RNAMS GNAS GONG MA ZHIG TU 'PHOS NGES BSAM PA BYUNG NGO, ,ZHES RGYAL SRAS BDAG NYID CHEN PO 'DI'I THUGS SRAS NYAN PO DPAL RIN GSUNG NGO, ,GZHAN YANG BO DONG DANG ,DNGUL CHU GNYIS SU SPRANG PO SHIG NAD BYUNG BA

MANG PO'I SHIG NAD BLANGS TE MYUR POR YAL GYIN SONG ZHES GRAG GO, DUS PHYIS PA NA YUL GLANG THANG PA YIN PA'I STON SGOM BYANG CHUB SEMS DPA' GCIG LA KHONG RANG LA SHIG BYUNG BA'I STENG DU GZHAN GYI SHIG NAD KYANG BLANGS TE SEMS CAN LA LUS DNGOS SBYIN PAR BTANG NAS GSHEGS PA'I DE MA THAG LA, BDAG GIS THUGS DAM LA 'DOGS PAR ZHU BA'I PHAN CHES KHYER NAS, NYE GNAS LA 'DI LTAR DUS BYAS PAS NYE GNAS DRUNG DU SONG NAS LOG BYUNG PA ,A CI GSUNG DRIS PAS, GO, RJES SU YI RANG, SH'AKYA THUB PA RUS SBAL DU SKU 'KHRUNGS PA'I DUS SU, SRIN BU KE TA KA BRGYAD KHRI LA SKU LUS SBYIN PAR BTANG BA DANG, DON GYI CHA MTHUN PA DE YIN, KHONG GI SEMS LA 'GYOD PA YONG BA'I RIGS SU MI 'DUG NGO MTSAR CHE, 'O SKOL PO SBYONG BA YIN PAS SHIG DE TZAM ZHIG 'CHIR 'JUG PA SNYING RJE YAR LA'ANG LA SHOG GSUNG GIN 'DUG, DRUNG NAS SKU BGRES PA DANG, SHIG TSAN CHES DRAGS PAS CI 'GYUR MI SHES ZHUS KYANG MI GSAN PAR LONG SHOG GSUNG, RGYAL SRAS BDAG NYID CHEN PO 'DI SBYIR SEMS CAN SU LA'ANG SKYON BRJOD MI GSUNG ZHING, LHAG PAR CHOS SGOR ZHUGS PA RNAMS LA DAG SNANG KHO NA MDZAD PA LAS SKYON BRJOD YE MI MDZAD ,GZHAN LA SKYON BRJOD BYED PA GSAN NA 'O SKOL RANG BLO MA DAG PA YIN, KHONG KUN CI 'DRA YIN MI SHES, SLAR YANG 'O SKOL GYIS PAR MI LA SKYON BRJOD MANG PO BYAS TZA NA 'O SKOL LA YANG THAMS CAD KYIS TSUR 'THAB PA CIG RTEN 'BREL LA CIS KYANG YONG GSUNG, RGYAL SRAS BDAG NYID CHEN PO

, ,'DI'I MDZAD PA RNAM THAR 'DI DAG LA DPANG LO TZ'A BA BLO GROS BRTAN PAS, THOG MAR SHES BYA KUN LA MKHAS PAR BYA, ,BAR DU MKHAS PA'I TSOGS SU LEGS PAR BSHAD, ,THA MAR 'DIS PA'I DON LA BRTZON PAS BSGOM, ,DUS GSUM RGYAL BA KUN GYI BZHED GZHUNG YIN, ,ZHES SA SKYA PAndI TAS GSUNGS PA DE, GU RU THOGS MED KHONG GIS BYAS PA YIN NO, ,'O SKOL CHOS PA RNAMS KYI NANG NA CHOS BYED PA MANG RAB 'DUG STE BRTAN PA THOB PA RANG DU TZAM BDOG GAM, GZHAN GYI RGYUS NI NGA LA MED, BRTAN PA THOB NGO SHES PA GU RU THOGS MED KHONG YIN, PHO SKYES PA ZER NA DE KUN LA ZER BA LAGS, MI GZHAN GYIS NGA'I RGYUD TSOD LA SLEB PA LA DA RUNG DKA' LAS CHEN PO YOD, NGAS GU RU THOGS MED KYI RGYUD TSOD SLEB PA LA BSKAL PA MANG PO TSOGS GSOG DGOS, NGA KHONG GI BLA MA YIN, KHONG NGA'I SLOB MA YIN TE NGA NI BLA MA ZHIG LAS KYANG DE LA MOS, MI RGAN NAM 'CHI PA'I SNGAS KHA DER GU RU THOGS MED YOD PA CIG BYUNG NA DGA' STE NGA PHYOGS THAMS CAD DU RGYUG, KHONG PA GCIG TU BZHUGS PA 'DIS YID SMON THOG TU AA 'BAB YIN GSUNG ZER ZHING, GSUNG YIG SNYAN DANG DNGAGS DANG BCAS PA BSKUR BA'I NANG NA YANG, KHYOD LA NGA 'DRA'I SLOB DPON BRGYA YONG KYANG GANG LA KHYOD 'DRA'I SLOB MA KHYOD LAS MED, ,CES SOGS KYI BSTOD PA MANG PO YANG MDZAD DO, ,KUN MKHYEN RONG PO'I ZHAL NAS KYANG, NGA LA PHA BAS LHAG PA'I BU

GCIG YOD PA YIN, NGA'I SLOB MA 'DI 'DRA GZHAN LA YOD NA SMON NE 'TSOR, SKYES BU DAM PA 'DI 'DRA 'JIG RTEN NA DKON GSUNG, CHOS RJE BU STON RIN PO CHES KYANG, SDE SNOD GSUM GYI DON LA MKHAS GYUR CING, ,RGYUD SDE ZAB MO'I RTOGS PAS KUN CHUB PA, ,BYANG CHUB SEMS GNYIS 'BYONGS PA RGYAL BA'I SRAS, ,ZHES SOGS KYI BSTOD PA YANG MDZAD CING, SEMS DPA' CHEN POS ZHA LUR BYON PA'I TSE BU STON RIN PO CHES ZHA LU'I GRVA PA RNAMS LA, DA LTA BOD GANGS CAN GYI KHROD NA CHOS SHES NAS NYAMS SU BLANG SHES PA RGYAL SRAS THOGS MED BA TZAM GCIG YIN, NGAS KYANG CHOS SHES PA SHES TE, KUN MKHYEN 'PHAGS PA 'OD KYIS BSTAN PA'I DON DU BSHAD NYAN DANG MDO RGYUD KYI 'GREL PA MANG DU RTZOMS ZHES GSUNG BA LA BRTEN NAS BSHAD NYAN BYED DGOS PA BYUNG BA, KHONG 'DRA BA'I NYAMS LEN BYUNG BA MED, 'DI LTA BU'I BYANG CHUB SEMS DPA' LA CHOS 'BREL THOGS PA TZAM GYIS KYANG 'KHOR BA MTHA' CAN DU 'GYUR NOG SHES PA YIN PAS, MTSAMS LA YOD PA RNAMS KYANG GSENG LA CHOS ZHUS, DE BAR GYI GZHABS TOG THAMS CAD BLA BRANG NAS BYED PA YIN GSUNG, DE'I RES SEMS DPA' CHEN POS KYANG ZLA BA GCIG ZHA LUR BZHUGS NAS GANG LA GANG 'DOD KYI CHOS GSUNGS TE 'GRO BA DPAG TU MED PA'I DON MDZAD DO, ,RGAL SRAS 'DI'I RTZAR GZHAN DAG GIS RANG RE'I CHOS BRGYUD DANG BLA MA DANG, RANG LA SMOD PA BYUNG BA'I DUS SU MAD LAGS

, ,BYAS PAS, DA KAS TSIG SKE YANG CHAD NAS PHAN TSUN RGYUD SREG RES KYANG MI YONG, RANG RE BZOD LDAN DU YANG 'GRO BA YEN GSUNGS NAS DAM BCA' YANG 'DI LTAR MDZAD DE, 'GRO MANG DBUS SU SDANG MIG LDAN PA'I MAS, ,TSIG NGAN BZOD PAR DKA' BAS SMA PHAB NAS, ,GDONG PA LEGS PA'I SKABS KYANG MED BYAS NA, ,DE TSE DAM BCA' 'DI DAG DRAN PAR GYIS, ,ZHES GSUNG, YANG BSTAN PA DANG SEMS CAN SPYI MTHUN LA GNOD PA CHEN PO BYED PA DE 'DRA RNAMS LA, 'GA' ZHIG GIS 'DI LTA BU KUN HA CANG MI RIGS DRAGS 'DUG ZER NAS ZHE SDANG BSGOM PA GZIGS TZA NA, HA CANG MI RIGS DRAGS PA DE KA SNYING RJE BA YIN GSUNGS NAS, DE LTA BU RNAMS LA LHAG BAR YANG BRTZE BAR MDZAD CING, 'DI LTAR GSUNG STA, BDAG GAM BDAG GI PHYOGS LA GNOD BYED DAM, ,BSTAN DANG 'GRO BA YONGS LA GNOD BYED PA'I, ,MA RUNGS SKYE BO MTHONG THOS DRAN GYUR NA, ,LHAG PAR SNYING RJE'I GNAS SU SHES BYAS NAS, ,RNYED BKUR SNYAN SMRAS SOGS KYIS DNGOS SU PHAN, ,GDAGS PAR NUS NA GDAGS SHING MA NUS NA'ANG, ,BYAMS DANG SNYING RJE DRAG POS DAG NYID KYI, ,BDE DGE CI YOD DE DON BSNGO BA GCE,S ,ZHES GSUNGS SO, ,RANG LA GZHAN GYIS DNGOS SU TSIG NGAN SMRA BA DANG BRNYAS PA BYED PA'I TSE DE'I LAN MA BYAS NA PHA ROL PO YANG ZHE SDANG MI BSKYED CING, RANG RE YANG SKYON MED KYI SKYES BU BZOD LDAN DU 'GRO BA YIN, GZHAN GYIS MI RIGS PA BYAS, RANG RES KYANG DE'I LAN

BYAS TZA NA, GNYIS KA SKYON CAN DU 'GRO BA YIN GSUNG, DE LTAR MDZAD PA RNAM THAR GANG GI THAD NAS KYANG SA'I STENG NA 'GRAN GYI DO ZLA THAMS CAD DANG BRAL BA'I SEMS DPA' CHEN PO 'DI'I SNYAN PA'I DRI BSUNG GRAGS PA'I DIR BZHON GYIS SA'I STENG THAMS CAD KHYAB PAR BYAS PAS, RGYA NAG PO'I YUL NAS KYANG STOBS KYIS 'KHOR LOS BSGYUR BA'I RGYAL PO CHEN PO DANG, RGYAL PO CHEN PO HONG THA'I TZTSE DANG, RGYA GAR DANG, BLA YUL DANG, YA RTA DANG, MNGA' RIS LA SOGS PA'I RGYAL PHRAN THAMS CAD KYIS KYANG MOS GUS CHEN POS, SH'AKYA THUB PA'I RGYAL TSAB BSTAN PA'I BDAG PO BO DONG THOGS MED CAS SOGS KYIS BSTOD PA DANG, GDAMS PA BSKUR BAR ZHU ZHES PA'I 'PHRIN YIG 'BUL BA DANG BCAS PA RIM PAR BSKUR ZHING DAD PA CHEN POS SPYI BOR 'I GTZUG TU SGOM PAR BYED PA DANG, DNGOS SU MI CHEN GYI SLOB BU'I RIGS 'DUS PA LA YANG, 'JAM DBYANGS CHEN PO DON YOD RGYAL MTSAN DPAL BZANG PO, CHOS RJE BSOD NAMS RGYAL MTSAN DPAL BZANG PO, ,TI SHR'I CHEN PO BSOD NAMS BLO GROS SKU MCHED, TA DBEN GU SHR'I KUN DGA' RIN CHEN RGYAL MA TSAN DPAL BZANG PO DANG, TAD BEN GU SHR'I KUN DGA' LEGS PA'I RGYAL MTSAN DPAL BZANG PO LA SOGS PA DPAL LDAN SA SKYA PA'I GDUNG RGYUD RNAMS DANG, MKHAN CHEN THAMS CAD MKHYEN PA BYANG CHUB RTZE MO, MKHAS BTZUN DKON MCHOG RGYAL MTSAN DANG, MKHAS GRUB CHEN PO KHYUNG PO BA DANG, DBUS PHYOGS KYI YANG PHAG

, ,MO GRU, STAG LUNG ,TSAL PA, RGYA MA LA SOGS PA'I RIN PO CHE RNAMS DANG, MDOR NA DBUS GTZANG GNYIS KYI DGE BA'I BSHES GNYEN MKHAS BTZUN BZANG GSUM 'DZOM PA PHAL CHER SLOB MAR 'DUS SHING, GZHAN YANG DBUS GTZANG GI TA DBEN, GU SHR'I, SI TU, DPON CHEN ,DU DBEN SHA LA SOGS KYI LAS KA 'DZIN PA'I MI CHEN THAMS CAD KYIS KYANG, SPYI PO'I GTZUG TU BKUR ZHING MCHOD DO, ,RGYAL SRAS BDAG NYID CHEN PO 'DI NI YID BZHIN GYI NOR BU RIN PO CHE LTAR DGOS 'DOD THAMS CAD RTZOL MED DU 'BYUNG, 'DAS MA 'ONGS THAMS CAD MKHYEN PA'I MNGON PAR SHES PA THOGS MED DU MNGA', YI DAM GYI LHA STON GNAM DNGAS PA'I SKAR TSOGS TZAM GZIGS ,JI LTA BA DANG JI SNYED PA'I DON LA DBANG 'BYOR KYANG THUGS LA RLOM PA DANG, KHENGS PA RDUL TZAM YANG MI MNGA' ZHING, 'DI LTAR GSUNG TE, RANG GI NYE DU'I BKUR STI RAB SPANGS NAS, ,GZHAN GYI BKUR STI 'DOD NA BLOS BTANG NYAMS, ,DE PHYIR GANG DU SU DANG 'GROGS KYANG RUNG, ,MTHO DMAN 'BRING GSUM SPYI BOR 'KHUR BA GCES, ZHES PA DANG, 'O SKOL CHOS PA RNAMS LA YANG MKHAS BTZUN BZANG GSUM GYI YON TAN GANG YOD KYANG, DES RANG MCHOG TU 'DZIN CING NGA RGYAL GYIS RANG LAS DMA' BA LA BRNYAS PA, MNYAM PA LA 'GRAN SEMS, MTHO BA LA PHRAG DOG BYED NA CHOS GNAD DU MA SONG BA YIN ,DPER NA SMAN GYIS NAD BSKYED PA'AM

'DRE SHAR NAS GNOD BA LA GLUD NUB SGOR SKYEL BA DANG 'DRA GSUNG, RGYAL SRAS BDAG NYID CHEN PO 'DI NI SKYE BO KUN GYIS MCHOD PA'I GNAS SU BZUNG YANG 'DOD YON LA SRED PA CHUNG BAS GSOL GANG DRANGS KYANG ZHIM PA DANG MI ZHIM PA'I ZHAL SNYAD MI MDZAD PAR GANG DRANGS PA GSOL BAS GZHAN GYIS BKUR BA DANG, BSGRUBS PA DANG, ZHABS TE GSAL ZHING 'DI LTAR YANG GSUNG NGO, ,CHU RGYA MTSO CHE LA 'PHYO BA'I NYA, ,RKAN LCAGS KYU RNON POS PHUG PA DE, ,RANG ZAS LA SRID PA CHES PAS LAN, ,SRED ZHEN GYIS ZAS LA MA RGYUGS NA, LCAGS KYU YIS YA RKAN 'BUG DON MED, ,YUL MTHUN RKYEN GYIS 'KHOR BAR 'DZIN BA 'DI, ,RANG 'DOD YON LA SRED PA CHES BAS LAN, ,'DOD YON GYI SRED PA SPANGS TZA NA, ,YUL MTHUN RKYEN LAM GYI GROGS SU 'CHAR, ,'DOD SON SPYAD KYANG ZHEN MED SHIN TU GCES, GSUNG BA DANG, 'O SKOL DANG PO GRVA SA'I DUS NAS DNGOS PO GSOG PA'I BLO MA SKYES PAS 'PHRAL LTO SKYID PA CIG BYUNG GSUNGS, RGYAL SRAS 'DI SPYIN PA'I PHAR PHYIN LA SLOB PAR MDZAD BA'I TSE LUS DANG LONGS SPYOD THAMS CAD SEMS CAN LA DNGOS SU GTONG BAR MDZAD DE, LHO SGO RU NAD PA SNYOMS CHUNG YUN RING NA BA BRGYU MED PA GCIG LA ,BSOD SNYOMS MDZAD PA'I RTZAM PA PONG RGYAB GCIG YOD PA DE BYIN PAS ,DA DE 'CHI BA'I 'DRE MED BAR BAS

, ,ZER NAS DU YIN 'DUG ,DE LA SNYING RJE DRAG PO SKYES GSUNGS, LAN CIG SA SKYA NA SPRANG PO 'CHI LA KHAD CIG 'DUG PA LA MA SHI BAR NAM LA KHYIS ZA BAR 'DUG ZER NAS SEMS LAS CHEN PO 'DUG PAS BYA BRAL BA GCIG LA RNGAN PA BYIN NAS BSRUNG DU BCUG PAS DE'I NUB MO SHI 'DUG, SPYIN PA DA GNYIS CHUNG YANG YID TSIM BAR BYUNG GSUNG, BSHAD NYAN MDZAD DUS BSHAD GSAR BAS BSHAD SLONGS ZHUS BA NA NANG DU 'DONG GSUNG NAS NANG DU PHEBS PA DANG, KHYED RANG 'DI NAS GANG DGA' PA ZHIG KHYER SONG GSUNG NAS GRUM TZE BZANG PO ZHIG YOD PA KHYER SONG GSUNG BA DANG, YANG BRO PAS GNANG SBYIN ZHUS PAS, KHYOD RANG 'DI NAS GANG DGA' BA ZHIG KHYER GSUNG PAS GSOL SDER KHYER SONG GSUNG BA DANG, GZHAN YANG NA BZA' SOGS GANG YOD GNANG ZHING, GRVA SKOR BA SOGS LA GZHAN GNANG RGYU MED NA YOL BA BLA BRE NAS KYANG BREGS KYIN GNANG NGO, ,THENG CIG NYAN PA'I SER SLONGS PA BYUNG NAS SLONG DU BYUNG BA LA GZHAN STER RGYU MED PAR CHOS STAN GYI GRUM TZE GCIG YOD PA BYIN PAS, SLOB DPON GYIS TSOR NAS KHONG TSO LA NAS KHAL GCIG BYIN GRUM TZE BLANGS TE KHYER BYUNG NAS STAN GCIG PO LAS MED PA GSUNG NAS 'THAB TU BYUNG GSUNG, YANG RTZE GDONG DU CHOS BAR LA BYON DUS NYI MA DPAL ZER BA'I GRVA PA ZHIG GI PHYAM RTZE

RKUN MA GCIG GIS KHYER BA LA KHO LA SEMS LAS CHEN PO 'DUG PA LA, SEMS DPA' CHEN PO RANG LA PHYAM RTZE GNYIS YOD PA'I GCIG KHO LA GNANG STE, DE DUS MKHAN CHEN BSOD NAMS GRAGS PA BO DONG DU BYON NAS DGUN GCIG SROD THO RANGS GNYIS KA CHOS GSUNG BA GSAN DU BYON PAS, PHYAM RTZE GCIG LAS MED PA DES GRANG MO BYUNG YANG SLOB DPON LA G-YAR NA YONG STE 'THAB TU YONG BSAMS NAS G-YOR MA NUS GSUNG, GRVA SA'I DUS SU RTZAM PA CHEN PO MED KYANG SPRANG PO LA SDER MAS BCUS KYIN GNANG TZA NA, DE BZHIN MDZAD NA NYID RANG LA GSOL RGYU MI YONG ZHUS TZA NA NAM ZAD TZA NA BLTA RGYU ZHIG YONG GSUNG NAS, RANG NYID DBUL POR GNAS KYANG SLONG BA PO'I SEMS SPONG BA MI SRID DE, ,DNGUL CHUR NYE GNAS MED PA'I BSHUL DU SER SLONG LA BYANG DANG RA NAS YONGS PA'I MI SUM CU TZAM ZHIG SLONG DU BYUNG BA LA NA BZA' PER THUL GCIG DANG RTZAM PA GANG YOD GNANG, YANG SPRANG PO GCIG SLONG DU BYUNG BA LA PHRUG PHYAM GCIG SNGON LA GNANG BA LA BZANG PO STER RGYU YOD BZHIN DU MI SNYER BA DGONGS TE, PHYAM RTZE BLANGS NAS BER THUL GCIG GNANG BAS ,PHYI LO YANG BRNYOGS NAS SLONG DU BYUNG BA LA PHRUG GI RING 'GAG GCIG GNANG GSUNG, YANG THENG CIG NYA GA NAS MED PA'I 'SHUL DU SPRANG SLONG GCIG SLONG DU PHYUNG BA LA GZHAN GNANG RGYU MED PAR RA LPAGS KYI SBUD PA

, ,GCIG YOD PA YANG GNANG NGO, ,DE LTAR RGYAL SRAS BDAG NYID CHEN PO 'DIS LO NYI SHU RTZA GRANGS SU KHOR YUG TU SKU MTSAMS DAM PO MDZAD PA DE GROL BA'I RJES SHIG LA, DNGUL CHUR DGE 'DUN DANG SKYE BO'I TSOGS CHEN PO LA SEMS BSKYED DANG, BLO SBYONG DANG, SKYES RABS DANG, BYANG CHUB SEMS DPA'I SA LA SOGS PA GSUNGS PA'I DUS SU LHA'I ME TOG GI CHAR KHA BA BU YUG 'TSUBS PA TZAM PA BAS SO, ,YANG THENG CIG BYANG CHUB SEMS DPA'I SPYOD 'JUG GSUNGS PA'I DUS SU LHA'I ME TOG GI CHAR SNGAR BZHIN DU BABS SO, ,DE NAS TA'I SI TU SOGS DBUS PHYOGS KYI CHEN PO MANG POS SPYAN DRANGS TE DGUNG LO DRUG CU RE BDUN BZHES PA'I DUS SU GLANG LO ZLA BA DANG PO'I TSES BCU DRUG LA BO DONG NAS BTEG STE, DPAL SDING DANG CHU MIG DANG ZHA LU LA SOGS PA RNAMS SU YANG DGE 'DUN DANG SKYE BO'I TSOGS CHEN PO LA CHOS KYI SBYIN PA MDZAD NAS, MKHAN CHEN BU STON RIN PO CHE DANG RIN SPUNGS PAR BSDEBS NAS BYON PA'I LAM KHAR MDZO MO ZHIG YOD PA LA PHYAGS PHYI BA RNAMS KYIS ZAN MANG PO BYIN PAS 'GRANGS DRAGS NAS NA BA LA, MKHAN CHEN PAS KHRO BO'I DRAG SNGAGS LA SOGS PA BGRANGS KYIN BYIN BRLABS BYAS KYANG MA PHAN PAR MDZO MO SHI BAS, SEMS DPA' CHEN POS MDZO MO'I SPYI BO THEN THEN MDZAD CING, NGA'I MA RGAN RE SNYING RJE GSUNG ZHING YUN RING BSHUM PA LA MKHAN CHEN PAS, BLA MA PA DA GSHEGS PAR ZHU GSUNGS PAS, DRUNG PA SNGON LA GSHEGS PAR

ZHU; 'O SKOL DUM PAS MI 'GRA GSUNG NAS YUN RING PO'I BAR BSHUM ZHING BZHUGS, RJES LA MKHAN CHEN PA'I GSUNG GIS, MDZO ME'I DON GRUB, DUD 'GRO GCIG LA DE LAS TSOGS BSAGS PA MI YONG GSUNG, DE NAS TA'I SI TU BYANG CHUB RGYAL MTSAN GYIS ZHU 'BROG LHA KHANG NAS BSU BA BYAS TE RIN SPUNGS SU PHEBS PA'I DUS, DE NAS MI MTHONG BA'I SAR SUS KYANG ZHUS PA MED PAR, DUR SMRIG GI SGROL MA RANG BYON BZHUGS SA DE RI PHA GI'I MDUN NA BDOG GAM GSUNG, DE NAS SI TU BYANG RGYAL BAS RDZONG RNAMS SU RIM PA BZHIN DU ZHABS TOG BYAS NAS, DBUS KYIS CHA BSAM YAS LA NYEN LAM GNYIS TZAM YOD PA'I LAM KHA GCIG TU PHEBS PA DANG, SPRIN DKAR PO GCIG LA TSAD BTZUGS NAS PHA GI'I THAD NA GANG YOD GSUNG PA LA, SA SNA BA CIG NA RE, PHA GI'I THAD NA BSAM YAS YOD ZER BAS, DE TSOD CIG 'DUG NGO MTSAR CHE GSUNG PA LA, SLOB DPON YON TAN 'OD KYIS CI GDA' ZHUS PAS, RGYU MTSAN 'DRA GDA' YA GSUNG, DE NAS SI TU BYANG RGYAL GYIS YAR KLUNGS SNE GDONG DU SBYAN DRANGS TE, GUS PA CHEN POS BSNYEN BKUR ZHING MCHOD PA'I KHYAD PAR MANG POS ZHABS TOG BYAS TE GTZUG GI NOR DU LTAR BZUNG NAS CHOS STON PAR GSOL BA BTAB PAN BDAG NYID CHEN PO 'DIS SNE GDONG DANG, KHA 'BRUG DANG, RTZES THANG LA SOGS PA RNAMS SU DGE 'DUN DANG SKYE BO'I TSOGS CHEN PO RNAMS LA CHOS GSUNGS PA'I DUS SU, LHA'I ME TOG CHAR BZHIN

, ,DU BABS PAS THAMS CAD RANG DBANG MED BAR DAD BAR BYAS NAS 'GRO BA DPAG TU MED PA'I DON MDZAD CING, 'CHI NGES BA'I MI MANG PO'I SROG YANG THAR BAR BYAS NAS ZLA BA LNGA PA LA LHA SAR BYON TE JO BO RIN PO CHE'I DRUNG DU GSER CHAB GSOL, DKAR ME PHUL, BSTAN PA DANG SEMS CAN GYI DON DU GSOL BA RGYA CHEN PO BTAB STE, LHA SAR PHYOGS THAMS CAD NAS DGE BA'I BSHES GNYEN DUR SMRIG GI RGYAL MTSAN 'DZIN PA GNAM GYI SKAR MA TZAM 'DUS PA DANG, SKYE PO'I TSOGS CHEN PO 'DUS PA RNAMS LA THUGS BSKYED LA SOGS PA GSUNGS PA'I TSE, LHA'I ME TOG CHAR BZHIN DU BABS PAS THAMS CAD DAD PAR BYAS SHING 'GRO PA DPAG TU MED PA SMIN GROL LA BKOD NAS GUNG THANG DANG, GSANG BDE DANG, ZUL SKOR DANG, SNYE THANG LA SOGS LA CHOS GAR GSUNGS THAMS CAD DU ME TOG GI CHAR BABS PAS, THAMS CAD DAD PAR BYAS NAS PHAN BDE LA BKOD PA KUN LA THUN MONG DU GRUB BO, ,SEMS DPA' CHEN PO'I DRUNG DU, MTSUR YON RIN YES GSANG PHU DANG GZHAN DU CHOS GSUNG DUS ME TOG GI CHAR BABS PA LAS KYANG, LHA SA RU CHOS GSUNGS DUS ME TOG GI CHAR 'BAB PHUL CHE BA 'DUG ZHUS PAS; GNAS KYI KHYAD PAR YIN MCHI GSUNG, DE NAS YANG SI TU BYANG RGYAL BAS YAR KLUNGS SA GDAN DRANGS TE, DANG SHI DBANG PHYUG GI BANG KHANG NOR DANG BCAS PA PHUL NAS, BSAM GTAN GLING DU SI TU BA 'KHOR DANG BCAS PAS

ZHABS TOG RGYA CHEN PO BSGRUBS TE, RTZES THANG BA LA SOGS PA'I DGE BA'I BSHES GNYEN DU MA DANG SKYE BO'I TSOGS DPAG TU MED PA LA CHOS KYI 'KHOR LO BSKOR ZHING, DE'I DUS SI TU BA LA SEMS DPA' CHEN POS, NGED LA DNGOS PO'I 'BUL BA CI YANG MI DGOS BCUN BA RNAMS LA KHRAL DMAG 'U LAG 'GEL BA 'DI BSTAN PA LA GNOD PAS MI MDZAD PAR ZHU GSUNG ZHES GRAG GO ,DE NAS GDAN SA MTHIL DANG BSAM YAS LA SOGS PA RNAMS SU YANG CHOS KYI 'KHOR LO RGYA CHEN PO BSKOR BA LA ME TOG GI CHAR SNGAR BZHIN BABS PAS THAMS CAD DAD PAR BYAS NAS PHAN BDE LA BKOD CING, SI TU BAS 'BUL BA RGYA CHEN PO BSGRUBS PA RNAMS DANG, GZHAN YANG DBUS PHYOGS NAS BYUNG BA'I PHYAG RDZAS RNAMS SA SKYAS THOG DRANGS PA'I DGON SDE RNAMS SU JA SKOL BTANG ZHING, BSHAD NYAN DANG SGOM SGRUB LA BRTZON PA RNAMS DANG, KHYAD PAR DU 'TSO BAS PHONGS PA RNAMS LA GNANG ZHING THAMS CAD CHOS DANG ZANG ZING GI SBYIN PHAS TSIM PAR MDZAD DO, ,DE NAS YANG TSAL PAS GDAN DRANGS TE, SI TU DGE LEGS BZANG PO YAB SRAS KYIS SBYIN BDAG MDZAD NAS DGE BA'I BSHES GNYEN DANG SKYE BO'I TSOGS CHEN PO LA CHOS KYI 'KHOR LO BSKOR NAS, DE DUS RIMS NAD CHEN PO BYUNG BA YANG RGYUN CHAD CING, BTZON MANG PO YANG THAR BAR MDZAD CES GRAG GO, MDOR NA DBUS KYI CHOS DON DU GNYER PA'I DGE PA'I BSHES GNYEN DANG, SKYE BO'I TSOGS THAMS CAD SBYIN PAS TSIM PAR

, ,MDZAD NAS LHA SAR JO BO RIN PO CHE'I DRUNG DU DKAR ME PHUL, GSER CHAB GSOL, BSTAN PA DANG SEMS CAN GYI DON DU GSOL BA RGYA CHEN PO BTAB NAS, SI TU BYANG RGYAL BA LA SOGS PA THAMS CAD KYIS DBUS PHYOGS SU BZHUGS PAR ZHU BA NAN CHEN PO BYAS KYANG MA BZHUGS PAR GTZANG PHYOGS LA BYON TE, YAR LAM STAG TSANG DU SPYAN DRANGS TE BLA MA KHYUNG PO BA DANG, BLA MA DBANG GIS THOG DRANGS PA'I DGE 'DUN DANG SKYE BO'I TSOGS CHEN PO LA CHOS KYI 'KHOR LO RGYA CHEN PO BSKOR ZHING, LAR NI LAM NA YOD PA'I SGOM GRVA BSHAD GRVA GRONG KHYER LA SOGS PA THAMS CAD DU CHOS KYI SBYIN PA RGYA CHEN PO BTANG STE, MDOR NA DE RES DBUS GTZANG GNYIS KAR CHOS DANG ZANG ZING DANG, MI 'JIGS PA'I SBYIN PAS TSIM BAR MDZAD NAS, YOS LO ZLA BA BCU BA'I TSES GCIG LA GRU 'DZIN DNGUL CHU CHOS RDZONG DU PHEBS SO, ,BDAG NYID CHEN PO 'DIS SO SO THAR PA'I SGOR ZHUGS NAS BSLAB PA NYIS BRGYA LNGA BCU RTZA GSUM LA NYES LTUNG DRI MA'I SKYON GYIS MA GOS, SMON 'JUG BYANG CHUB MCHOG TU SEMS BSKYED NAS RANG BDE 'DOD PA'I RNAM PAR RTOG PA THAMS CAD SPANGS NAS SGE GSUM GZHAN DON 'BA' ZHIG BSGRUBS, RDO RJE THEG PA'I SGOR ZHUGS NAS MA NGAG PA'I RNAM RTOG SPANGS TE, SNOD BCUD DAG PA'I 'KHOR LOR GZIGS PAS SKU LA TSUL KHRIMS KYI DRI ZHIM PO LDANG STE, GZIM KHANG GI NANG THAMS CAD KYANG DRI ZHIM POS KHYAB PA YOD CING, GSOL

'PHRON BZA' DANG DBU ZHVA LA SOGS GZHAN LA GNANG BA RNAMS KYI DRI ZHIM PO YANG ZLA RE TZAM KYI PHAR DU MI YAL BAR YONG, DGUNG LO LNGA BCU RTZA BDUN PA'I BAR DU SHA YANG GTAN NAS MI GSOL BA LA, DE LO BLA MA DBANG GRAGS PA RGYAL MTSAN DANG, BLA MA DKON RGYAL BA GNYIS LA LUNG MANG PO MDZAD PA'I DUS SU SKU KHAMS ZIB BYUNG BAS, KHONG RNAM GNYIS KYIS SHA GSOL BAR NAN CHEN PO ZHUS PAS, DE PHYIN CHAD SEMS CAN LA PHAN PAR DGONGS TE BAG RE GSOL, BDAG NYID CHEN PO 'DI NYIN ZHAG PHRUGS GCIG LA CHOS SPYOD KYI RIM PA 'DI LTAR MDZAD DO, NANG PHYOGS BZHENGS NAS SKU KHRUS MDZAD DE, PHYAG BRGYA RTZA RE DANG SBRAGS YAN LAG BDUN PA RGYAS PA MDZAD NAS SMON 'JUG GI SEMS BSKYED BSDUS PA RE LEN ZHING, GTOR MA'I RIM PA TSA GONG DU DKAR GTOR CHA BZHI, CHA BA GSOL NAS BRGYA RTZA, MI G-YO BA, DBYU GU, BRUL GTOR, BAR DO'I GTOR MA LA SOGS PA RNAMS MDZAD NAS, YANG SMON 'JUG GI SEMS BSKYED BSDUS PAR BLANGS NAS BSKOR BA BRGYA RTZA RE MDZAD, MA nI KHRI TSO GNYIS GNYIS, YUM SGRUB, SGROL MA CHAR SUM CU RE, BHEE shA DZHE NYER GCIG ,RNAM RGYAL GYI GZUNGS CHAR GCIG, DGONG MO BDE MCHOG GI MNGON RTOGS GZHUNG NAS BSHAD PA BZHIN BSGOMS NAS, SNYING PO STONG PHRAG RE'I BZLAS PA DANG, GZIM KHAR YAN LAG BDUN PA PHUL NAS SMON 'JUG GI SEMS BSKYED BSDUS PA RE LEN PA RNAMS MTSAMS KYI DUS SU 'CHAG MED DU MDZAD, GZHAN

, ,NGES PA MED GSUNG, BDAG NYID CHEN PO 'DI MDO SNGAGS KYI LAM YONGS RDZOGS LA NYAMS LEN MTHAR PHYIN PAS BSHAD NYAN MDZAD PA'I DUS NA'ANG, RMI LAM DU DAG PA'I ZHIS KHAMS GANG 'DOD PA BLTA BA DANG, DE NA BZHUGS PA'I SANGS RGYAS DANG BYANG CHUB SEMS DPA' GRANGS MED PA LA CHOS NYAN PAR NUS PA ZHIG YOD, CHOS RJE BSOD NAMS RGYAL MTSAN GYIS BO DONG AE'I KUN DGA' RA BA BZHENGS NAS RAB GNAS MDZAD PA'I DUS SU, SEMS DPA' CHEN PO DANG BU STON RIN PO CHE GNYIS RMI LAM GYI GSUNG GLENG BYUNG BA'I TSE, SEMS DPA' CHEN POS RMI LAM BZUNG STE DGA' LDAN DU PHYIN NAS BYAMS BA MGON PO LA BYAMS PA'I CHOS LNGA RDZOGS PAR NYAN GSUNG, CHOS RJE BU STON RIN PO CHES CHOS 'CHAD PA'I TSE NYIN PAR LTA RTOG MA GRUB NA MTSAN MO RMI LAM BZUNG NAS LTA RTOG BYAS GSUNG, RGYAL SRAS BDAG NYID CHEN PO 'DI CHOS GSUNG BA'I TSE NA YANG LUNG 'DREN LA SOGS PA'I TSIG NAM 'THOGS DUS SPYAN NAM MKHA' LA CHER MDZAD BAS SHAR DE GSUNG BA ZHIG YOD PAR 'DUG STE DE NA YI DAM GYI LHAS STON PA YIN ZHES SEMS DPA' CHEN PO NYID KYI THUGS SRAS RNAMS GSUNG NGO, ,RGYAL SRAS BDAG NYID CHEN PO 'DI JI TZAM GYI RTOGS PA MTHON POR BYON YANG DUS KUN TU RANG GI 'KHRUL PA LA RTOG BA LHUR MDZAD DE ZHAL NAS, RANG LA RANG GIS GROS 'DI 'DEBS SO KVA, MKHAS PA DANG, BTZUN PA DANG, BZANG BA'I YON TAN GANG YANG MED

BZHIN DU RANG BZANG POR RE BA'I RLOM STANGS CAN RANG SKYON RI TZAM YANG MI MTHONG ZHING, GZHAN SKYON RDUL PHRAN TZAM LA YANG RTOG, RANG DON ZHE LA BZHAG NAS GZHAN DON BYED PAR SMRA, CHOS PAR BRDZUS NAS TSE 'DI'I CHE THABS 'BA' ZHIG SGRUB PA KHYOD KYIS, SNGAR YANG RANG GI SPYOD PA LA MA BRTAGS PAR RANG GIS RANG BSLUS PAS SNGAR YANG SDUG BSNGAL MANG PO MYONG ZHING, DA DUNG 'KHOR BA DANG NGAN SONG GI SDUG BSNGAL LAS GROL BA'I GDENG MED PA 'DI KHYOD RANG GIS NYES PA YIN ZHING, DA YANG GTAN GYI BDE BA THOB BAR 'DOD NA DBEN PA'I GNAS SU SDOD LA, BLO BLA MA DKON MCHOG KHO NA LA GTOD, 'JIG RTEN GYI CHOS BRGYAD SPONGS LA CHOS BRGYAD CAN GYI MI DANG MA 'GROGS, RANG 'DOD KYI 'KHRI NGA CHOD LA GZHAN DON GYI GO CHA BSKYED, NGA RGYAL DANG KHONG YUS SPONGS LA DMAN CHA ZUNGS, SKYES BU DAM PA RNAMS KYI MDZAD SPYOD LA SOMS LA, DKA' THUB KYI SRAN BSKYED CES SOGS GSUNGS, YANG, NYON MONGS DBANG GIS RGYAL SRAS GZHAN DAG GI ,NYES PA GLENG NA BDAG NYID NYAMS 'GYUR BAS, ,THEG PA CHE LA ZHUGS PA'I GANG ZAG GI ,NYES PA MI SMRA RGYAL SRAS LAG LEN YIN, ,ZHES BA LTAR PHYAG LEN LA BTAB STE, DE YANG SEMS DPA' CHEN PO 'DI NI CHOS KYI GSUNG GLENG DANG GZHAN LA PHAN PA'I GSUNG TZAM MA GTOGS PA, DON MED KYI SMRA BRJOD MI GSUNG ZHING, KHYAD PAR DU GZHAN GYI NYES PA GLENG BA GTAN NAS MI SRID CING, 'GA' ZHIG GIS NGED KYI BLA MA

, ,BZANG KHYED KYI BLA MA MI BZANG ZER BA DANG, CHOS ZAB MI ZAB DANG, LTA BA LOG MA LOG SOGS GZHAN GYI NYES PA GLENG BA GSAN NA, DMIGS SU BKAR NAS MI GSUNG YANG, CHOS GSUNG PA'I DUS SU, SPYIR LONG GTAM LA SNYING PO MED, MI DGE BA 'PHEL, DGOS SU GZHAN LA SMAD PAS RANG MI MTHO'I STENG DU NYES PA 'PHOG, CHAGS SDANG 'BEL, KHYAD PAR DU CHOS DANG GANG ZAG LA SDE RIS SU PHYE NAS SMOD PA 'DI RANG 'JIGS GSUNG, SMRA BA MANG POS MI DGE BSKYED SRID CING, ,DE MA BSKYED KYANG DON MED DUS 'DA' BAS, ,RANG DANG GZHAN LA PHAN NGES MA GTOGS PA, ,SMRA BRJOD SPONG BA BRTZON 'GRUS GROGS SU GCES, ,GSUNG NGO, ,RGYAL SRAS 'DIS SKU TSE'I MJUG LA ZLA BA DGU DGU MCHAMS DAM PO LA BZHUGS NAS, ZLA BA GSUM GSUM SKU MTSAMS GSENGS TE, PHYOGS THAMS CAD NAS 'DUS PA'I DGE BA'I BSHES GNYEN DU MA DANG, TSE BLOS BTANG BA'I BYA BRAL PA GNAM GYI SKAR MA TZAM DANG; GZHAN YANG MI CHEN GYI RIGS LA SOGS PA SKYE BO'I TSOGS CHEN PO DANG, MDOR NA TSOGS BA RGYA MTSO LTA BU LA CHOS KYI SBYIN PA MDZAD CING, DE'I DUS SU GZHAN GYIS PHUL BA'I RNA MO DANG SHA KHYI DANG, TSE THAR GYI LUG YOD PA KUN KYANG DUS DER RUG GE 'DUS NAS CHOS NYAN GYIN YOD BA LA, LAN CIG SNAR THANG NAS KHRID ZHU PA LA BYUNG BA'I BTZUN PA GCIG GIS, KHOS BLA MAS GSUNG PA BZHIN MA BYAS AR, SHES PA PHAR 'PHRA PA DANG, TSUR BSDU

BA DANG, DE MA KHAD RLUNG BSGOMS 'DUG PAS, KHO SMYO NAS TSOGS CHOS GSUNG PA'I DUS SU SGRAN MOR SHOR BYUNG BA LA, KHO 'DZIN DU PHYIN PA RNAMS LA RDO BRGYAB NAS 'GRO SA MA BYUNG BA'I SKABS SU, RNA MO DE DRUNG NA CHOS NYAN KYIN YOD BA LA HAR TE LANGS NAS KHO'I PHYIR RGYUGS SONG STE, HAR HAR LANGS KYIN BRDUNGS TZA NA KHOS RVA CO NAS BZUNG GIN PHYIR PHUL BYED KYIN TSOGS CHOS MA GROL GYI BAR DU KHONG GNYIS 'DZING GIN BSDAD PAS GZHUG KHOS DRAN PA RNYED NAS 'DUG PA LA; SEMS DPA' CHEN POS, DA KHOS RDO MI BRDEG MCHI, GOS SHIG G-YOGS NAS KHRID SHOG GSUNG, DRUNG NA 'KHOD PA CIG GIS PHYIN PAS DRAN PA RNYED NAS NGO TSA ZHING 'DUG, DRUNG DU KHRID PHYIN PA DANG, RJE BTZUN MTSAR GCIG GSUNGS NAS BYIN RLABS MDZAD DE, DE RING NYID KYI GEGS SEL DE RNA MOS BYAS, MOS KYANG GO BCAD GSUNG BA LA, KHOS DUS PAS, SGROL MA GYIS LA SKAD CHEN BO THONG LA DUS GSUNGS PAS, RNA MO DES RJE BTZUN MA'I 'PHRIN LAS BYAS BA YIN BAR 'DUG, DE LTA BU'I YA MTSAN CHE BA CIG BYUNG BA DE DUS KYI TSOGS PA THAMS CAD LA MNGON SUM DU GRUB CING, BLA MA LA BYIN RLABS DANG THUGS RJE YOD TZA NA DUD 'GROS KYANG MI'I GEGS SEL NUS PA 'BYUNG NGO, ,BLA MKHYUNG PO BA'I SLOB MA GSUM GYIS BOGS 'DON GYI GDAMS PA CIG ZHUS PAS, TSE 'DI BLOS THONGS, SEMS CAN LA BYAMS SNYING RJE SGOMS, BLA MA LA GSOL BA DUNG PA THOB LA SPROS PA MED PA'I NGANG LAM YENGS PAR ZHOG GSUNG, DE YANG

, ,SEMS DPA' CHEN PO 'DI NI 'BYOR PA DANG LDAN PA'I MI CHEN RNAMS LAS KYANG SNYOMS CHANG CHOS DON DU GNYER BA RNAMS LA MNYES SHING KHYAD PAR DU KHRI ZHU BA RNAMS LA MNYES TE, KHRID ZHU BA 'DI RNAMS DUS RGYUN DU SGOM PA MA BYUNG YANG KHRID ZHU BA'I RIN DE LA 'JUR PO RE SGOM PAR 'DUG, DE'I STABS KYIS PHAL CHER LA NYAMS MYONG DGA' RAB RE SKYE YIN 'DUG PAS, GDUL BYA SKYONG BA'I DUS KHRID 'BOGS PA 'DI RANG 'GRO DON CHE GSUNG, PHYOGS NAS MJAL 'PHRAD PA DANG, BSNYEN BKUR BA NANG NA YOD PA'I DUS SU KHRID PA RNAMS 'TSOGS NAS GDA' ZHUS NA, DO ZHAG MTSAMS GROL BA'I SKABS DER GAL CHA SHOS CHOS 'CHAD PA 'DI YIN PAS, GZHAN RNAMS DUM PA SGOR BYON, KHRID PA TSO LA SHOG GYIS GSUNG NAS CHOS GSUNG, 'GRON PO MANG RAB RANG NANG NA YOD NA, STAN PHYIR THON 'O SKOL RANG SGOR CHOS 'CHAD 'GRO'O GSUNG NAS PHYIR BYON TE CHOS GSUNG NGO, ,DA LTA'I SLOB DPON TSO LA BLTAS TZA NA DE LTA BU'I MDZAD SPYOD RANG DKA' BAR GDA'O, ,KHRID TSAR BA'I RJES THAMS CAD DU MI LA RAS PAS DVAGS PO LHA RJE LA GDAMS NGAG ZAB SHOS RANG GCIG YOD PA 'GRO KHAR SPYIN ZER BA'I GTAM BRGYUD GSUNGS NAS THAMS CAD LA SGOM SKYE BAR 'DUG PAS SNYING DUS BSKYED LA SGOM DGOS PA YIN TE, SGOM CHEN PA BYA BSTAN THOG TU SDONG TSUGS PA CIG RANG DGOS GSUNGS, YANG DGON PA GSHEGS KHAR KHONG GI ZHAL NAS, KHYED SGOM CHEN PHO MO RNAMS KYIS RAB KYIS LO DGU DGU, 'BRING GIS LO GSUM, THA

MAS KYANG ZLA BA GSUM RI LA BSDAD NAS SGRUB PA MA BYAS NA, NGA DANG DAM TSIG MED GSUNGS NAS ZHAL CHEMS BZHAG PAR 'DUG, DE BZHIN DU THAMS CAD KYIS RGYUN DU SGOM PA BYUNG NA SHIN TU LEGS, THA MA YANG SROD THO RANGS DRAN TZAM RI MA BYAS NA DAM TSIG MED PA YIN NO GSUNG, RGYAL SRAS BDAG NYID CHEN PO 'DIS BSTAN 'GRO'I DON RGYA CHER MDZAD PAS SLOB BU'I RIGS KYANG RGYA GAR, RGYA NAG, BAL PO, HOR, YU GUR, SOG PO, 'GA', MDO STOD SMAD, DBUS GTZANG, YANG RTZE, MNGA' RIS LA SOGS PA'I MI RIGS MI GCIG PA GRANGS MED PA CIG SMIN CING GROL BAR MDZAD CING, SEMS DPA' CHEN PO 'DI'I 'PHRIN LAS RNAM PAR THAR PA BSAM GYIS MI KHYAB CING BRJOD KYIS MI LANG STE, BYAMS SNYING RJE BYANG CHUB KYI SEMS LA BLTAS NA, SKYE BA DBAG TU MED PA'I GONG ROL NAS BYAMS SNYING RJE BYANG CHUB KYI SEMS KHON LA SBYANGS PA 'DRA BA YOD, TING NGE 'DZIN DANG MNGON PAR SHES PA MNGA' TSUL LA BLTAS NA, SKYE BA DPAG TU MED PA'I GONG ROL NAS TING NGE 'DZIN KHO NA LA SBYANGS PA 'DRA BA YOD, RMI LAM LA DBANG THOB PA LA BLTAS NA, SKYE BA DPAG TU MED PA'I GONG ROL NAS SGYU LUS DANG RMI LAM KHO NA LA SBYANGS PA 'DRA BA YOD, YI DAM LHA'I ZHAL GZIGS PA LA BLTAS NA, SKYE BA DPAG TU MED PA'I GONG ROL NAS BSKYED RIM KHON LA GOMS PAR BYAS PA 'DRA BA YOD, SKU TSE 'DIR YANG DANG PO NYAN BSHAD MDZAD PA'I DUS KYI SLOB MA STON CHEN STON PA LA BLTAS NA, SKU TSE

, ,RIL PO NYAN BSHAD MDZAD PA 'DRA BA YOD, SKU MTSAMS DAM PO BCAD PA'I LO GRANGS LA BLTAS NA, SKU TSE RIL PO DBEN PA BSTEN PA 'DRA BA YOD, PHYAG DANG BSKOR BA MDZAD PA'I GRANGS LA BLTAS NA, SKU TSE RIL PO PHYAG DANG BSKOR BA MDZAD PA 'DRA BA YOD, MA nI DANG RJE BTZUN MA'I GZUNGS LA SOGS PA GZUNGS SNGAGS BZLAS PA'I GRANGS BCAD LA BLTAS NA, SKU TSE RIL PO BZLAS BRJOD KHO NA MDZAD PA 'DRA BA YOD, SO SO THAR PA'I SDOM PA PHOG PA'I SLOB MA DGE TSUL DANG DGE SLONG LA BLTAS NA, SKU TSE RIL PO MKHAN SLOB MDZAD PA 'DRA BA YOD, BYANG CHUB MCHOG TU SEMS BSKYED PA'I SLOB MA LA BLTAS NA, SKU TSE RIL PO BYANG CHUB SEMS DPA'I SDOM PA PHOG PA 'DRA BA YOD; BDAG PAS GZHAN GCES PA'I BYANG CHUB KYI SEMS 'KHRUNGS NAS GNOD LAN DU PHAN 'DOGS PA'I DAM BCA' BYED PA'I SLOB MA LA BLTAS NA, SKU TSE RIL PO KUN RDZOB BYANG CHUB KYI SEMS KHRID BSKYANGS PA 'DRA BA YOD, ZHI LHAG ZUNG 'JUG GI RTOGS PA DANG LDAN PA'I SLOB MA LA BLTAS NA, SKU TSE RIL PO DON DAM BYANG CHUB KYI SEMS KYI KHRID BSKYANGS PA 'DRA BA YOD, YANG ZHAL NAS, DGE BA BSAGS PA BYANG CHUB TU MA BSNGOS NA, YUL KHYAD PAR CAN LA KHONG KHRO SKYES PA LA SOGS PA DGE BA 'DZAD PA'I RGYU 'GA' ZHIG BYUNG NA 'DZAD CING, BYANG CHUB TU BSNGOS PA'I DGE BA NAM YANG MI 'DZAD CING, RANG NYID GCIG BU'I DON DU KHAMS GSUM GYI BDE 'BRAS DANG THEG PA DMAN PAR MI BSNGO STE,

SEMS CAN THAMS CAD KYI DAN DU BLA NA MED PA'I BYANG CHUB TU BSNGO BA GAL CHE, BSNGO BA'I DBANG POR RGYAL BA SRAS DANG BCAS PA BZHUGS PAR BSAMS LA, BSNGO BYA BSNGO BYED LA SOGS BA'I CHOS THAMS CAD MI DMIGS BZHIN DU BSNGO; ;BSNGO BZHIN DU MI DMIGS PAR SHES DGOS, DE LTAR MI SHES NA YANG 'O SKOL SO SO SKYE BO MOS PAS SPYOD PA YIN PAS, 'JAM DBYANGS DANG KUN TU BZANG PO LA SOGS PAS JI LTAR BSNGOS PA BZHIN DU BDAG GIS KYANG BSNGO SNYAM PA BYAS PAS CHOG GSUNG, LAN CIG CHOS SDE'I NYE GNAS DGE BSHES RGYAL BZANG BYA BAS, NYE GNAS STON PA LA ZHU BA BRGYUD NAS, SANG RED SKU MTSAMS GSENGS NAS ZLA BA GSUM CHOS GSUNG BA DE, BDAG GIS CHAR BYON NAS GSUNG BAR ZHU, DPON SLOB DU BYON PA'I ZHABS TOG DANG 'GRON PO JI TZAM BYUNG BA LA 'DI LA 'DI BYIN ZER BA GANG DGOS PA NGED RANG GIS SGRUB, DRUNG DU ZHUS ZER NAS ZHUS PAS, KHONG GI DE SEMS NAN TAR BZANG BLO STOBS CHE STE, RANG RE SANG PHOD DA TZAM NA KHONG GI GDAN 'DREN PA DE LAS THAG RING BA CIG TU 'GRO NYEN 'DUG, LAR GYIS KYANG DA NA SO RGAS BAS ZLA BA GSUM GSUM BA'I MTSAMS GSENG BA 'DI YANG G-YENG BA CHES 'DUG SNYAM PA LA; DE NA YAR 'GRO BA GA LA YONG, KHYED LA NOR YOD PAR 'DUG PAS NGA GDAN MA 'DRONGS KYANG CHOS PHYOGS GZHAN DANG GZHAN DU GTONG BA ZHU, RANG RE GZHAN DU 'GRO BA'I GLENG MO DE KHONG DANG GZHAN LA MA LAB, GRAGS PA BRDEG

, ,PA LAS YI YONG GSUNG ZER, YONG DE LO GONG DU GDAN 'DREN PA'I GSER YIG PA YONG GI YOD PA 'DUG ZER BA CIG THOS NAS SLOB DPON YON TAN 'OD KYIS DRUNG DU ZHUS PAS, YONG DAN MED MCHI PHO TSOD MED PAR BYUNG SRID NA'ANG, DE GONG DU GDAN 'DREN GZHAN CIG YONG BAR GDA' YI GSUNG, DE'I LO SKU MTSAMS LA 'JUG KHAR PHYAG RDZAS GANG YOD THAMS CAD DER 'DUS PA'I DGE 'DUN DANG, SKYE BO'I TSOGS CHEN PO RNAMS LA 'GYED CHEN PO MDZAD, THUB PA'I BSTAN PA RIN PO CHE LA BYA BA RGYA CHEN PO BSGRUBS, BSTAN PA DANG SEMS CAN GYI DON LA DMIGS PA'I GZHAN DON KHO NA MDZAD PA'I ZHAR LA RANG DON THOB BYA THAMS CAD THOB, SPANG BYA THAMS CAD SPANGS NAS, BCOM LDAN 'DAS THUB BA'I DBANG PO NYID KYANG, SKU RGYAB BSNYUN PA DANG, SMAN PA 'TSO BYED LAS SMAN BZHES PA'I TSUL BSTAN PA LTAR, SA MO BYA'I LO ZLA PA GNYIS PA NAS SNYUN PA'I TSUL BSTAN TE, LHA RJE LA STON PA DANG, GSOL SMAN BSTEN PAR ZHU ZHUS PAS, NGA'I BSAM PA LA SUS KYANG MA TSOR BAR SHIB CIG BYA BSAM PA YIN GSUNG PAS, NYE GNAS KYIS PHYIS MI THAMS CAD KYIS GSOL SMAN BSTEN PA LA SOGS PA'I ZHU BA GANG YANG MA BYAS ZER BA'I KHAG YONG LAGS ZHUS PAS DE RANG MED GSUNG NAS, LHA RJES PHYAG RTZA BLTAS PAS, GDAN 'DREN PA'I GSER YIG PA PHEBS PA LA BLTA RGYU MI 'DOG GAM MCHI GSUNG, DE'I DUS SU NYIN GCIG SLOB DPON

NAM MKHA' SENGGE LA BRGYAD STONG BA'I BYANG CHUB SEMS DPA' CHOS 'PHAGS DANG RTAG TU DU GNYIS KYI LE'U SGROGS GSUNG PA LA, BYANG CHUB SEMS DPA' RTAG TU DU'I TING NGE 'DZIN GYI SGO DU MA THOB DUS GYI SKABS SU, NGED KYI TING NGE 'DZIN 'DI DAG GI NGO BO NYID DANG RANG BZHIN LA BLTAS NA, GANG MNYAM PAR BZHAG BAR BYA BA'AM, LDANG BAR BYA PA'AM, BYANG CHUB TU SPYAD PA 'AM, GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I CHOS DE GANG YANG YANG DAG PAR RJES SU MI MTHONG, RIGS KYI BU 'DI NI SHES RAB KYI PHA ROL TU PHYIN PA YIN TE, ZHES PA'I SKABS SU DE 'DRA ZHIG RANG YIN GSUNG NAS YUN RING PO'I BAR DU TING NGE 'DZIN LA 'BYAMS SO, ,DE'I DUS DRUNG RANG DU NYIN GCIG MI LNGA SMAN BLA'I CHO GA RGYAS PA CIG SKAD GSANG MTHON PO'I SGRO NAS BYAS PA CHAR RTING YUN RING PO ZHIG NAS KHYED RNAMS KYIS SMAN BLA BYAS SAM MA BYA SA GSUNG BAL CHAR ZHUS PAS, KHYED RNAMS GRABS BYED KYI 'DUG PA DE DRAN PA YIN TE, RJES LA MNYAM GZHAG GCIG LA YENGS NAS KHYED RNAMS KYIS CHO GA BYAS PA MTSOR 'DUG GSUNG, DE'I DUS SU SA G-YO BA DANG, NAM THO RANGS KHA GZIM KHANG GI NYE SKOR 'JA' 'OD KYIS KHANGS PA LA SOGS PA'I LTAS CHEN PO RNAMS PANG BAS, THAMS CAD SEMS MA BAD BAR SKU RIM LA 'JANG STONG SKOR BSAGS NAS 'GYED BYED PA DANG, SKU RIM DANG GSOL 'DEBS NAR MAR SGRUBS PA DANG, GZHAN YANG PHYOGS THAMS CAD DU GSOL BA 'DEBS PA DANG, KHYAD PAR DU BDAG NYID CHEN PO NYID KYI SRAS KYI ZU PHO MKHAN CHEN BYANG CHUB RTZE MO DANG,

, ,CHOS RJE NYI MA SENG GE GNYIS KYIS BZHUGS STAN PHUL, ME TOG GTOR NAS BSTAN PA DANG SEMS CAN GYI DON DU BZHUGS PAR GSOL PA BTAB PA'I MTHU CHEN PO LA BRTEN NAS ZLA BA GSUM BZHI'I BAR DU SNYUN PA DVANGS PAR GYUR TO, ,YANG DE'I DUS SU SEMS DPA' CHEN POS KHONG RNAM GNYIS LA NAD PA GZHAN DANG MI 'DRA, DAR KHA MED KYANG DGE SBYOR 'PHEL DU SONG, RIG PA DANGS PO YOD GSUNGS, RGYAL SRAS 'DIS PHYI RABS KYI GDUL BYA RNAMS KYI DON DU GSUNG RAB THAMS CAD KYI SNYING PO'I DON GCIG TU BSDUS BA BLO SBYONG DON BDUN MA'I KHRID YIG DANG, RGYAL SRAS LAG LEN, 'ZUG PA SEMS BSKYED, SPYOD 'JUG GI t'IKKA, MDO SDE RGYAN GYI t'IKKA , THEG PA CHEN PO RGYUD BLA MA'I t'IKKA, SMYUNG GNAS KYI CHO GA ,RTEN 'BREL GYI KHRID YIG ,BLO SBYONG BLA MA RGYUD PA'I GSOL 'DEBS SMON TSIG DANG BCAS PA, BLO SBYONG GI BLA MA'I RNAL 'BYOR LAM GYI LUS YONGS SU RDZOGS PA, BLA MA RNAMS DANG SANGS RGYAS BYANG SEMS KYI BSTOD TSOGS, RANG GZHAN LA GDAMS PA SOGS CHOS TSAN BRGYA DANG BCO LNGA MDZAD DO, ,DE NAS ZLA BA BDUN PA NAS SNYUN LOG PA'I TSUL BSTAN NAS, SPYIR MI 'GYUR RDO RJE' SKU THOB PAS BSNYUN MI MNGA' YANG, RGYUD BLA MA LAS, YANG DAG JI BZHIN MTHONG BA'I PHYIR, ,SKYE SOGS RNAMS LAS 'DAS GYUR KYANG, ,SNYING RJE'I BDAG NYID SKYE BA DANG, ,'CHI BA DANG NI RGA BAR STON, ,ZHES GSUNG PA LTAR, SNYUN

PA'I TSUL BSTAN PA LA, DA RUNG SMAN DANG LHA RJE BSTEN PAR ZHU ZHUS PAS, NA SO MTHAR PHYIN PA DANG, NAD KYANG BYING CHES PA'I PHYIR PHAN PAR DKA' BAS DGAG SGRUB MED BAR RANG SOR GLOD NAS 'JOG PA YIN, LAR YANG RANG NYID MI BSGRUB PA DE GZHAN LA BSTAN PAR MI RIGS, 'O SKOL GYIS DANG PO SA SKYAR PHYIN DUS RTZI BAS RI BA YIN PA'I RTOGS LDAN GCIG SA SKYA'I YANG DGON NA NAD DRAG POS BTAB 'DUG PA GCIG GIS, NA TSA LA SOGS PA LAM DU 'KHYER NA JI LTAR BYED ZER BA LA, BDAG GZHAN SGYU LUS KYI PHUNG PO 'DI, ,NA NA NA STEN BAS DGA', ,SNGAR BSAGS KYI LAS NGAN 'DZAD PA YIN, ,CHOS SPYOD KYI BYA BA SNA TSOGS KYANG, ,SGRIB GNYIS SPYONG BA'I CHED DU YIN, ,NA BA MED NA MED DE DGA', ,LUS SEMS BDE NA DGE SBYOR 'PHEL, ,MI LUS DON CAN BYED PA YANG, ,SGO GSUM DAG LA SBYOR BA YIN, ,'BYOR PA MED NA MED DE DGA', ,BSKUNG GSOG GI BYA BREL DE LA MED, ,'THAB RTZOD KYI KHRO 'KHRUG JI SNYED PA, ,'DZIN CHAGS KYI NOR LAS BYUNG BAR NGES, ,'BYOR PA YONG NA YOD DE DGA', ,BSOD NAMS KYI DGE TSOGS SPEL BAS CHOG ,'PHRAL PHUGS KYI PHAN BDE JE SNYED PA, ,BSOD NAMS KYI 'BRAS BU MIN PAR NGAS, ,MYUR DU SHIN SHI BAS DGA', ,RKYEN NGAN GYIS BAR DU MCHOD CING, ,'TSAMS SBYOR GYI BAG CHAGS BZANG 'GROGS PAS, ,MA NOR GYI LAM DU TSUD PAR NGES, ,YUN DU GSON NA GSON PAS DGA', ,NYAMS MYONG GI LO TOG SKYES PA

, ,LA; ;GDAMS NGAG GI RLAN DROD MA YAL BAR, ,YUN DU BSTEN BAS SMIN PAR 'GYUR, ,ZHES BSTAN PA BZHIN DU, 'O SKOL RANG YANG GANG BYUNG LA DGA' BA SGOM PA'I MAN NGAG 'DI NYAMS SU LEN PA'I PHYIR PHAN PA'I THABS MI TSOL, NA BAR SNANG BA 'DI RGYU 'BRAS BSLU BA MED PAR STON PA'AM, SGRIB GNYIS SBYONG BA'I THABS MCHOG KYANG YIN, DGE SBYOR GYI BSKUL MA LTA BUR YANG 'DUG PAS, 'DI MI YONG BA'I THABS MI 'TSOL, PHYOGS KYI RIM GRO BA 'DI RNAMS KYIS KYANG DA BAR LA 'CHIR MA BCUG GSUNG BA LA, DRUNG GI ZHAL MTHONG BA DANG, GSUNG THOS SU RE BA'I GDUL BYA DPAG MED MCHIS PAS, DA DUNG SKU TSE BYIN GYIS RLOBS PAR ZHU ZHUS PAS; PHRU BA'I NANG NA MED PAR GZAR BUR 'BYUNG BA NI RIGS PA MIN NA'ANG PHAN THOGS PA YANG MANG RAB BYUNG, GZHAN DON GYI LAS LA CHES BYA BA MA MCHIS KYANG, 'O SKOL GYI TSOD RTZIS PA'I ZANG ZING YANG CUNG MANGS PA TZAM YANG YIN, SHI NA YANG GZHAN DON CHUNG DU YANG MI 'GRO MCHI GSUNG PA LA, DRUNG NAS GZHAN DON GZHAN DU RGYA CHE YANG, BDAG CAG GDUL BYA RNAMS MGON MED PAR 'GYUR BAS, CI NAS KYANG BZHUGS PAR ZHU ZHUS PAS, NUS BA MED NA LHAN CIG 'GROGS KYANG DGOS PA CHUNG, NUS PA BYUNG NA MYUR DU 'GRO BA THAMS CAD SGROL BAR 'DOD NA, BLO GTAD BA'I LTOS SA DANG BCAS PA KHYED RNAMS YAL BAR GA LA 'DOR, NGA DANG BRAL BA LA MYA NGAN BYA MI

DGOS, RGYUN DU GSOL BTOB DANG KHO BO YOD PA DANG MTSUNGS GYIS GSUNG, DE'I DUS MKHAN CHEN BYANG CHUB RTZE MO BYON NAS GDAN BZHUGS ZHUS PAS MA BZHES PAR TSUR LA GDAN BZHUGS MDZAD DE, SEMS DPA' CHEN PO RANG GI SNGAR GYI BZHUGS GDAN GYI STENG DU YANG GDAN BA DAGS GSUNG NAS MKHAN CHEN PA BZHUGS SU BCUG, RTEN 'BREL MDZAD PAS, DNGOS SU GSUNG MA BYON YANG BZHUGS GDAN GYI STENG DU BZHUGS SU 'JUG PA DE, CHOS BRGYUD ZUNGS ZER BA'I ZHAL TA RU GO ZHES NYE GNAS STON PA GSUNG NGO, ,DE DUS THAMS CAD LA MJAL KHA CIG GTONG BAR ZHUS PAS, DA LTA'I SKABS 'DI 'DRAR 'PHRAD KYANG RANG GZHAN GNYIS KA LA GNOD PA LAS MI YONG GSUNG, DE'I DUS KYANG MTSAN BCAS KYI THUGS DAM RNAMS YE MA CHAG PAR MDZAD PA DANG, MNAL BSRUNG BA'I PHYIR DKON BRTZEGS SGRAGS PA'I DUS DANG, MGUR MA BLANGS BA'I DUS SHUGS CHEN PO BSHUMS PAS, DO ZHAG MTSAN BCAS KYI THUGS DAM RNAMS KYANG GLOD BA DANG, KHYAD BAR DU SNYING RJE'I DMIGS PA MI MDZAD PAR ZHU, GLO BUR DU SER MA BYUNG DOGS GDA' ZHUS PAS, 'O SKOL GYI MTSAN MED LA MTSAN BCAS KYI DGE SPYOR GYIS MI GNOD PAR GDA' ZHING, THABS SHES RAB ZUNG DU 'BREL BA'I PHYIR RTZOL BA CUNG ZAD YOD KYANG BYED BAR SPRO BAR 'DUG ,SNYING RJE'I DMIGS PA CHED KYIS MA BYAS KYANG 'GRO BA'I SDUG BSNGAL DRAN TZA NA DAM NGAM SHUGS KYIS SKYE BAR 'DUG ,BYUNG RGYAL DU

, ,BTANG NA NYID CAG RNAMS YANG BAR DOGS NAS DRAN 'DZIN CHEN PO BYAS PA YIN, 'CHI KHAR 'PHO BA YANG SGOM PA LAS 'DI 'DRA'I 'PHRO LA SHI NA LEGS BA YIN MOD GSUNG, DE'I DUS SPYIR BSKYED RDZOGS GNYIS LA BRTAN PA THOB PA, KHYAD PAR DU SGYU LUS RMI LAM LA DBANG 'BYOR BA'I MKHAS GRUB CHEN PO SEMS DPA' CHEN PO'I THUGS SRAS BLA MA RDOR ZHON BA BYA BA DNGUL CHU NA SKU MTSAMS DAM PO LA BZHUGS PA'I CHU SKYEL BA ZHU PA BSKUR NAS, DRUNG NAS BSNYUNG BA 'DI LA GSOL BA THEBS MI THEBS KYI RMI LAM ZHIG BZUNG NAS LAN CIG YI GER BTAB NAS BSKUR BA ZHU ZHUS PAS, DA RES RANG GSOL BA THEBS SNYAM PA MI 'DUG ,LHAG PA'I YI DAM GYI LHA DPAG TU MED PA 'DU PA DANG, DPA' BO DANG MKHA' 'GRO MA'I TSOGS BSAM GYIS MI KHYAB PA DANG, LHA DANG LHA MO DU MAS MCHOD PA'I TSOGS MTHA' YAS BA RNAMS KYIS BSU BA DANG, CHOS RJE NYID KYANG ZHING GZHAN DU GSHEGS PA LA THUGS SPRO BA'I RNAM 'GYUR LA SOGS PA'I GTAN TSIG DU MA ZHIG 'DUG STE, ZHIB TU BSHAD NA CI RIGS KYI BLOR MI SHONG BA'I RGYU MTSAN ZHIG 'DUG PAS MI 'CHAD DE TZAM GYIS GO MOD GSUNG, DE NAS NYE GNAS KYIS 'ON 'DI LTAR GYIS GSUNG BA'I ZHAL TA GSUNG BAR ZHU ZHUS PAS, RGYAL SRAS 'DI'I ZHAL NAS KHA CHEMS 'JOG PA SKABS SU BAB 'DUG NA'ANG, NAD KYIS GDUNGS, LUS KYI SHED ZAD PA'I SKABS 'DIR, TSIG BZHI PA RE RTZOM PA

DANG; SMRAS PA LA YANG CU GAL YONG GIN 'DUG LAR GYIS 'O SKOL LA KHAMS BZANG DUS, CHOS DANG 'JIG RTEN GYI BYA BA GANG LA'ANG, KHRIGS KHA 'DI LTAR YIN GYI TIG TIG MED PAR GANG BYUNG LA GTONG GIN YONG PA DE YIN MOD, DA 'CHI KHA DANG, SHI BA'I RJES LA 'DI LTAR BYED KYI KHRIGS KHA DE BAS KYANG GA NA YONG, GAL TE KHA CHAMS LA NYAN MKHAN YOD NA, SNGAR KHAMS BZANG DUS RANG GI SHES TSOD DPE 'KHYUD MED PAR BSTAN, RTZOM BA YANG CHA CHUNG CI RIGS BA BYAS SHING, KHYAD BAR DU TSIGS BCAD TSE CHUNG MANG DAG CIG YI GER BKOD PA DA RNAMS KHA CHEMS YIN, DE MA GTOGS DO ZHAG 'BREL MED TSIG GSUM SMRAS PA LA DGOS PA MED, DE KA LA BSAMS NAS, 'PHRAD KYANG 'DI LAS GZHAN BA SMRA RGYU MED, ,SHI YANG KHA CHAMS GZHAN 'GA' MA MCHIS SO, ,BYAS PA DE KA YIN, NYID CIG RANG RNAMS KYANG BLO DKON MCHOG LA GTOD LA, TSE 'DI DANG MA 'DRES PA'I TSOS RO GYIS, SEMS CAN GYI DON DU CHOS TSUL BZHIN DU BYAD PA THAMS CAD RGYAL BA SRAS DANG BCAS PA'I RGYUD 'DZIN YIN PA LA, 'O SKOL GYIS LTA SMOS KYANG CI 'TSAL, DES NA KUN GYIS CHOS BRGYUD KYANG LAGS PAR ZUNGS, KHYAD BAR DU STON BA ZLA BZANG RANG YANG DAG SBYOR LA 'BAD PA THON, BYA BRAL GYI MING BTAGS YIN PA'I BYA'I, LONGS SPYOD MED NA LEGS PAS, NGA'I RJES LA BRA GANG BTANG RGYU MA BYUNG YANG BZOD, NUS PA BYUNG CHAD KYIS SNYOM CHUNG LA BYAMS SU BYED PA DANG, KHYAD PAR DU DA LTA

, ,RANG RES SKYONG DGOS KYIN YOD PA'I MA NUS PA 'DI RNAMS LA SKYONG RAN LEGS PO GYIS, SDUG GE RNAMS SNYING RJE BA YIN NO, ,LAB RGYU'I DNGOS GZHI DE ,YIN GSUNGS, YANG ZHAL NAS RMI LAM 'DZIN PA 'DI LA SNGAR NAS BYANG CHA CHEN BO ZHIG YOD, ZHING KHAMS GRANGS MED BLTA BA DANG, DE NA BZHUGS PA'I SANGS RGYAS DPAG TU MED BA LA CHOS NYAN PA LA SOGS PA 'BAD RTZOL MI DGOS PAR YONG BA CIG BYUNG, BAR SKABS SHIG TU 'GRIBS 'DUG PA YIN TE, DENG SANG NA BA 'DIS RMI LAM SOR TSUD 'DUG ,MA 'GAGS PA'I SNANG BA 'DI MTSAR CHE, BAR SKABS SU 'GRIB PA DE YANG BSOD NAMS SU MING BTAGS PA'I 'DU LONGS 'DIS LAN NAM BSAM, LAR BLO CHOS SU SONG BA RE BYUNG NA 'JIG RTEN GYI BSOD NAMS CHEN PO SKAD ZER BA 'DI KUN MA BYUNG NA RANG LEGS PA 'DUG STE, 'BAD RTZOL GYIS MA BSGRUBS PAR BYUNG NA LONGS SPYOD DU RUNG, ZHES SOGS KYI DGAG SGRUB MANG PO BSHAD 'DUG NA'ANG, 'BYOR NA'ANG 'BYOR PA LAM DU SLONG, RGUD NA'ANG RGUD BA LAM DU SLONG BA 'DI LA CI 'DRA'I CU GAL ZHIG 'DUG GSUNG, DE NAS ZLA BA BCU PA'I TSES BRGYAD KYI THO RANGS, SLOB DPON DPAL YE LA NGA YAR TZONG SLONGS LA MDUN RGYAB CIG SGYU RE GSUNG STE, DE BZHIN BYAS PAS, PHYAG THAL MO SBYAR NAS, YUN RING PO BSHUMS PA'I BAR SKABS SHIG TU GSUNG MANG PO 'BYON PA'I TSIG 'BRU GANG YIN MA

GNAS NANG BAR RGYU MTSAN ZHUS PAS, NGA SNYES NYAL BYAS PAS DE'I MDUN NA RJE BTZUN MA BYON 'DUG PAS, RJE BTZUN MA'I MDUN DU NGA NYAL BSDAD PAS MI YONG, TZONG LANGS LA GSOL BA BTAB DGOS BSAMS NAS DE LTAR BYAS PA YIN GSUNG BA LA, RJE BTZUN MA RNAL 'BYOR MA LAGS SAM SGROL MA LAGS ZHUS PAS, SPYAN NAM MKHA' LA CHER MDZAD NAS SGROL MA SGROL MA ZHES LAN GNYIS GSUNG BAS, RJE BTZUN MA GSUNG 'BYON GYI GDA' LAGS SAM ZHUS PAS; HE DE 'DRA MI 'DUG STE, 'O SKOL NGOS KYIS SEMS CAN GYI SDUG BSNGAL MA BZOD NAS RJE BTZUN MA LA BYAS PA MED PA'I YUS MANG BO BTZONGS GSUNGS, DE DANG DUS MNYAM PAR MYANG STOD DU SI TU 'PHAGS PA'I SAR BU MO BRONG BA'I CHOS KYIS MA GOS BA CIG LA, LHA KHA BAB NAS DANG PO DMAG GI G-YUL RGYAL PHAM 'CHAD PA'I 'PHRO LA, DE 'DRA RNAMS LTA CHA MED DE, NYI MA NUB PHYOGS YA GI NA, BLA MA RGYAL SRAS THOGS MED BYA BA ZLA BA BCU PA'I TSES BRGYAD LA RJE BTZUN MA SGROL MAS G-YU LO BKOD PA'I ZHING KHAMS SU GDAN DRANGS NAS 'GRO BAR 'DUG ZER BA ZHIG BYUNG ZHES GRAG GO ,DE DUS NYIN GCIG DA RUNG 'CHI NI MI 'CHI BAR 'DUG KYANG RTZA KHO NI BTUL 'DUG ,RTZA LA'ANG 'JU SA MI 'DUG GSUNGS NAS PHYAG BRGYANG BYUNG BA LA BLTAS BAS, RTZA BTUL 'DUG STE, DE LA BRTEN NAS SNYUN G-YOG CIG GIS, BLA MA LA MOS GUS CHE RAB YOD KYANG SANGS RGYAS DNGOS KYI 'DU SHES MED PA'I RTAGS SAM, 'ON KYANG GSUNG 'DI RNAMS 'BYON PA'I

, ,RKYEN DU, RTZA BTUL NAS CHEN PO MI SDOD PA YIN ZER, GAL TE MI 'DOD PA THOG TU BAB NAS SKU GSHEGS NA, 'PHO BA LA SOGS PA THUGS DAM GYI GSAL 'DEBS 'DI LTAR GYIS GSUNG PA'I ZHAL TA THUGS LA 'DOGS MI 'TSAL LAM ZHUS PAS, HE NYID NA RE, MI 'DOD PA THOG TU BAB NAS SHIN ZER GYIN 'DUG STE, SHI YANG MI 'DOD PA THOG TU BAB PA MIN, 'DI KO YONG BA'I GRABS SHIG SNGAR NAS TSAR, MI RGAN GYI LAS THABS ZIN, PHO LO YANG BDUN CU DON LNGA LON 'DUG TSE YANG THUNG THUNG MIN, MTSAMS GROL NAS MI MANG PO 'TSOGS PA DANG, CHOS STON PA'I 'PHRO YANG MED PAS NA BA'I DUS KYANG SNGA PHYI RAN, 'DI 'DRA ZHIG MA GRUB SNYAM PA'I BLO'I LHAG MA YANG LAS PA MED, DO CIG NAS STON DUS 'GRO DON DGA' RAB YONG GI 'DUG STE, 'GRO DON CHUNG DU YANG MI 'GRO MCHI, BYANG CHUB KYI SEMS GNYIS PO 'DI DANG NAM YANG 'BRAL MA MYONG, NA BA'I RKYEN GYIS RMI LAM SOR TSUD BYAS PA DANG 'DRA BAR, CI YIN CHA MED CIG LA KHA SANG SPYI BO NA BA NAS BZUNG STE DENG SANG GI BAR DU LUS LA SHED MED KYANG, LHAG PAR DU BYANG CHUB KYI SEMS GNYIS 'PHEL BA'I SKABS 'DI 'DRA 'JOM PA'I 'CHI BA RNYED DKA' YANG, BDAG GIS 'BAD MED DU RNYED PAS DKON MCHOG GI DRIN YIN, DE LTA BU'I DANG NAS 'CHI BA DE KA LA 'PHO BA ZER BA YIN, GZHAN GSAL 'DEBS BYA RGYU CI YANG MED, BYAS KYANG DGA' RU AE GTONG

ME SHES, DE YI SANGS RGYAS RJES DRAN SOGS, ,SUS KYANG G-YENGS PAR 'GYUR BA MED, ,CES PA DE DANG KHYED RANG RNAM PA YANG MA 'GAL BA MDZOD GSUNG, DE NAS NYE GNAS KYIS DA ZHAL MI BZHUGS NA ZHING KHAMS GANG DU SKYA BA BZHES ZHES ZHUS PAS, 'GRO LA PHAN PAR GYUR NA DMYAL BAR 'GRO BA YANG SHIN TU SPRO, MI PHAN NA DAG PA'I ZHING YANG MI 'DOD LAGS GSUNGS, DE DUS DGONG GCIG MAndAL DANG MCHOD PA RNAM LNGA KHYER SHOG GSUNG NAS, BDUD RTZI PHYAG MDZUB KYIS GTOR ZHING PHUD MCHOD RGYAS PA RE MDZAD, YANG PHYAG THAL MO SBYAR ZHING DBU DUD PA RE MDZAD, MCHOD PA RNAM LNGA PHYAG RGYA DANG BCAS PA LAN LNGA TZAM SKYAR KYIN DBUL, DRUNG NA 'KHOD PA RNAMS LA YANG MCHOD PA PHUL GSUNGS NAS SPYAN CHAB MANG PO 'BYIN GYIN 'DUG PA'I NANG PAR RGYU MTSAN ZHUS PAS, YI DAM GYI LHA 'DRA BYON PAS KHYED RNAMS LA YANG MCHOD PA PHUL BYAS PA YIN, GZHAN BSHAD RGYU TZAM MI GDA'I GSUNGS NAS ZHIB CHA GSUNG DUM GNANG, DE NAS SLOB DPON YON TAN 'OD SNYUN G-YOG RE MOS LA YOD PA'I SKABS SU, NUB CIG SROD KYI CHA LA MA DAG PA'I LAS SNANG THAMS CAD 'GAGS NAS, ZHING KHAMS RNAM PAR DAG PA, MDZES SHING YID DU 'ONG BA, DANGS SHING THOGS PA MED PA, NAM MKHA'I DBYINGS LTAR RGYA KHYON DANG TSAD RTZA BA NAS GZHAL BAR MI NUS PA 'DUG GSUNG GIN PHYAG NAM MKHA' LA YUG YUG MDZAD DE, MNAN NA NEM GYIS BYED CING BTEG NA SPAR GYIS BYED, REG NA BDE BA

, ,BSKYED PA LA SOGS PA MTSAR DU CHE BA CIG GI DBUS NA RANG RE 'DUG ,DE'I KHOR YUG KUN 'KHOR GYI TSOGS GRANGS MED PAS BSKOR 'DUG ,DE DUS TZAN YOD BA'I GNAD YIN NAM, BLA MA RGYAL BA RNAM PA GSAL BAR 'DUG ,GZHAN YANG 'OD GSAL GYI SNANG BA ZA ZI LANG LONG BRJOD KYIS MI LANG PA CIG 'DUG STE, DA STE MGYOGS POR 'GRO BAR 'DUG GSUNG, DE'I NAD PAR SLOB DPON DPAL YES, GLANG RI THAD PA BDE BAR GSHEGS PA BZHIN DU, DAG PA'I SNANG BA 'BA' ZHIG TU GDA' LAGS SAM ZHUS PAS, DA LTA ZA ZI'I SNANG BA SNA TSOGS SHIG LA YENGS NAS 'GRO YI 'DUG STE, DE THAMS CAD LA MNGON ZHEN BYA RGYU MED RMI LAM SGYU MA DANG 'DRA GSUNG, BDE BAR GSHEGS LA KHAD PA'I DUS DER YANG SNGAR NAS NYAL BA DANG SNYES PA LAM GOMS PAS, TZOG TZOG PUR SDOD PA 'DI KA BDE BA 'DUG GSUNG NAS DANG PO BSNYAN PA'I 'GO BRTZAMS NAS PHYIS BDE BAR GSHEGS KYI BAR DU SKU RNAM SNANG GI CHOS BDUN DANG NAM YANG MI 'BRAL BA'I DAR LAS, BCU DGU'I NUB MO NAS GSUNG BCAD MDZAD DO, SPYAN LA YANG 'GYAR 'GYUR MED PAR 'OD GSAL CHOS KYI SKU LAS MA G-YOS BZHIN DU, GDUL BYA RTAG 'DZIN CAN RNAMS 'DUL BA DANG, LAS TSUL BSAM GYIS MI KHYAB PA BSTAN PA DANG, ZHING KHAMS GZHAN DU GDUL BYA RGYA CHEN POR DGONGS TE SEMS DPA' CHEN PO NYID KYIS DGUNG LO BDUN CU DON LNGA BZHES PA, SA MO BYA'I LO ZLA BA BCU PA

SMIN DRUG ZLA BA'I TSES NYI SHU, RES GZA' SPEN PA, SKAR MA LAG PA YOD PA'I DGONG MO'I CHA, GZIM KHANG CHOS RDZONG GI SPU SHU LA NYI MA NUB PA DANG MNYAM DU SKU'I BKOD PA BSDUS SO, ,DE'I NUB MTSAN MO YANG DNGUL CHU'I STENG GI BAR SNANG THAMS CAD 'JA' TSON RNAM LNGA DANG, 'OD ZER GYI RANG BZHIN GYIS KHENGS SHING, SGRA CHEN PO GRAG PA DANG, DRI ZHIM PO'I NGAD PAS KHYAB PA DANG, SA CHEN PO G-YOS PAS, SMAN BLA'I COG KHRI'I STENG NAS GSER SKU SA LA LHUNG BA TZAM BYUNG, LHA'I ME TOG GI CHAR KHA BA BU YUG 'TSUBS PA LTA BU BABS SO, ,RGYAL SRAS BDAG NYID CHEN PO 'DIS BSTAN 'GRO'I DON RGYA CHER MDZAD PAS BRGYUD 'DZIN GYI SLOB MA MTHA' YAS PA BYON YANG THEG PA CHEN PO'I BLO SBYONG 'DI RGYA CHER SPEL BA'I 'PHRIN LAS KYI BKA' BAB PA NI RJE BTZUN RED MDA' PA GZHON NU BLO GROS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL SRAS BDAG NYID CHEN PO 'DI LA GUS PAS GSOL BA 'DEBS SHING, SEMS DPA' CHEN PO 'DI'I RNAM THAR LTAR DANG POR MDO SNGAGS KYI LAM GYI GNAD RNAMS LA 'KHRUL MED KYI NGES PA BRTAN PO RNYED PAR BYAS, DE NAS TSE 'DI'I PHUN TSOGS GANG LA'ANG MA CHAGS PAR DBEN PA'I RI SUL DU LAM CHA TSANG LA SGRUB PA SNYING POR BYA ZHING LHAG PAR BYANG CHUB KYI HSEMS RIN PO CHE NYAMS LEN GYI MTHIL DU BZUNG NAS RGYAL BA DGYES PA'I LAM LA SLOB PA LA BRTZON PA LHUR BYA'O,, ,,

, ,RJE BTZUN RED MDA' BA GZHON NU BLO GROS NI, SA SKYA DANG NYE BA'I SA'I CHA RED MDA' KHANG SOR BLON PO 'GAR STONG BTZAN YUL BSRUNG GI BRGYUD DU YAB BKRA SHIS RGYAL MTSAN DANG, YUM DBANG PHYUG SKYID GNYIS KYI SRAS SUS MO GLANG LA SKU 'KHRUNGS, RGYAL SRAS 'DI YUM GYI LHUMS SU ZHUGS PA'I TSE YUM LA NYI ZLA SHAR BA DANG, SGRON ME SBAR BA DANG, GTZUG LAG KHANG BZHENGS PA SOGS RMI LTAS BZANG PO BYUNG, RGYAL SRAS 'DI BTZAS PA'I TSE YANG NGO MTSAR BA'I LTAS MANG DU BYUNG, DE NAS RGYAL SRAS GZHON NU DE YAB YUM GNYIS KYIS 'O MA DANG, ZHO DANG, MAR GYI NYING KHU SOGS KYIS BSKYED BSRINGS TE MTSAN YANG BTZUN NE ZHES BYA BAR GSOL TE SMRA SHES DON GO TSUN CHAD DKON MCHOG GSUM GYI SGRA THOS PA'AM, RTEN MTHONG BA NA DAD CING GUS PA CHER SKYE BA BYUNG, RGYAL SRAS 'DI CHUNG NGU'I DUS NA YAB YUM GNYIS KA 'DAS PAS AA NE MO BKRA SHIS 'BUM BYA BAS BSKYANGS RGYAL SRAS BDAG NYID CHEN PO 'DIS BYIS PA'I DUS SU, AA NE LA, NGA YANG NAS SKYA DPON CHEN GYI LAG RTAGS BLANGS NAS BOD KHAMS BDE LA 'GOD, YANG NA BSTAN PA'I SGOR ZHUGS TE SANGS RGYAS KYI BSTAN PA NYIN MO LTAR BSAL BAR BYED GSUNGS PAS, AA NE NA RE, BTZUN NE BLO PO CHE KHYOD KYIS DE LTAR AE YONG ZHES ZER ZHING, DE NAS BZUNG STE RGYAL SRAS GZHON NU 'DI LA BTZUN NE BLO BO CHE ZHES 'BOD PA BYUNG, DE NAS RGYAL SRAS GZHON NU DE SKYES RABS

MANG POR CHOS LA SBYANGS PA'I BAG CHAGS BRTAS PAS PHYIS PA GZHAN DAG NU ZHO LEN PA DANG 'KHRUL PA'I RTZED MO LA BSLAB MI DGOS PAR NGANG GIS 'JUG PA LTAR, RGYAL SRAS 'DI DAM PA'I CHOS 'TSOL BA LA NGANG GIS 'JUG PA ZHIG BYUNG STE, 'PHAGS CHEN CHOS BZANG DPAL LA SKYABS 'GRO SEMS BSKYED DANG, BSNYEN GNAS KYI SDOM PA DANG, THUGS RJE CHEN PO'I CHOS SKOR MANG DU ZHU BAR MDZAD, DE NAS RGYAL SRAS 'DI'I THUGS LA DAL BA'I RTEN BZANG PO LAN CIG THOB PA'I DUS 'DIR SNGON BYON DAM PA'I RJES SU ZHUGS TE THOS BSAM SGOM GSUM MTHAR PHYIN PA ZHIG MA BYAS NA YID BZHIN GYI NOR BU'I GLING NAS LAG STONG DU LDOG PA LTAR DAL 'BYOR THOB PA DON MED DU 'GYUR ZHING, DE YANG KHYIM DU GNAS PA NI NYES PA DANG NYON MONGS PA DU MA'I 'BYUNG GNAS, SDUG BSNGAL DU MAS GZIR PA'I BTZON RA DANG 'DRA BA 'DI LAS MYUR DU THAR BAR BYAS NAS CHOS RNAM DAG CIG BYA'O SNYAM DU DGONGS NAS NGES 'BYUNG GI BSAM PA SHUGS DRAG POS DGUNG LO BCO BRGYAD BA LA SA BZANG PAn CHEN GYI DRUNG DU DGE TSUL GYI SDOM PA MNOS TE MTSAN GZHON NU BLO GROS SU BTAGS, DE NAS MKHAS PA'I DBANG PO NYA DBON KUN DGA' DPAL BA DANG, LUNG RIGS SMRA PA MKHAN CHEN SANGS RGYAS DPAL PA GNYIS LA GTUGS TE TSAD MA RNAM 'GREL LA SBYANGS PAS DRI MA MED PA'I RIGS PAS RTOG GE'I TSIG DON BRGYAD LEGS PAR RTOGS NAS MKHAS PA'I GRAGS PAS KHYAB PAR MDZAD, DE RJES

, ,SDE BDUN MDO 'GREL DANG BCAS PA LA SBYANGS SHING, MKHYEN RAB DBANG PHYUGS SKYA PAndI TA DANG, 'OD YUG BA RIGS PA'I SENG GE'I LEGS BSHAD RNAMS LA'ANG GZIGS PAS, DPAL LDAN TSES KYI GRAGS PA'I GZHUNG LUGS PHYIN CI MA LOG PAR THUGS SU CHUD DE RNAM 'GREL GYI t'IKKA CHE CHUNG GNYIS SPYI DON DANG BCAS PA'ANG MDZAD, DE NAS BSTAN BCOS MNGON BAR RTOGS PA'I RGYAN 'GREL PA DANG BCAS PA LA LEGS PAR SBYANGS PAS, RING POR MA LON PAR MKHAS PA'I PHUL DU PHYIN PAR GYUR, GZHAN YANG DPAL LDAN BLA MA DAM PA BSOD NAMS RGYAL MTSAN PA SOGS LA'ANG PHAR PHYIN GSAN, KHYAD PAR DU NYI KHRI SNANG BA DANG, BRGYAD STONG 'GREL CHEN 'BRE MAR GYI t'IKKA RNAMS LA'ANG ZHIB TU GZIGS PAS, 'PHAGS SENG GNYIS KYI DGONGS PA JI LTA BA BZHIN DU THUGS SU CHUD DE, PHAR PHYIN GYI t'IKKA DANG, DON BDUN CU LA RNAM BSHAD KYANG MDZAD, DE NAS CHOS THAMS CAD KYI MA MO MNGON PA'I SDE SNOD GSAN PAR DGONGS NAS, LO CHEN BYANG CHUB RTZE MO'I ZHABS LA BSNYEN TE, MNGON PA GONG 'OG TSAR MANG DU GSAN CING, SA SDE LNGA DANG SDOM RNAM PA GNYIS, PR'A K'A RA nA SDE BRGYAD 'GREL BSHAD DANG BCAS PA LA GZIGS SHING, MKHAS PA'I DBANG PO DBANG LO'I LEGS BSHAD RNAMS LA'ANG GZIGS PAS, THOGS MED SKU MCHED KYI BZHED PA JI BZHIN THUGS SU CHUD NAS, MNGON PA GONG 'OG GI t'IKKA BSDUS DO CHA DANG BCAS

BA MDZAD, DE NAS MKHAN CHEN LDOG LONG PA KUN DGA' BZANG PO'I DRUNG DU BYON TE, MKHAN SLOB DGE 'DUN DANG BCAS PA'I DBUS SU BSNYEN PAR RDZOGS TE, MKHAN CHEN PA'I DRUNG DU MDO RTZA PA TSAR GCIG GSAN PAS, MKHAN CHEN BA'I ZHAL NAS, 'DUL BA NGED LAS KHYED MKHAS PAR BYUNG BAR GDA' BAS CHOS BDAG PO LA 'PHROD DO GSUNG, MKHAN CHEN 'DIS BSKUL NAS MDO RTZA'I t'IKKA DANG, LAS CHOG KYANG MDZAD DE PHYIN CHAD NAS DBYAR GNAS DANG GSO SBYONG DGAG DBYE GSUM 'CHAG MED DU MDZAD DO, ,DE NAS DBU MA'I GZHUNG LA SBYONG BAR BZHED DE CHOS RJE BYANG SANG BA'I DRUNG DU DBUM RIGS TSOGS DANG, BZHI BRGYA PA, 'JUG PA SOGS DBU MA'I SKOR RNAMS GSAN TE, DKON MCHOG LA GSOL BA BTAB CING YANG YANG DPYAD PAS, SNGON GYI SMON LAM DANG DKON MCHOG GI BYIN RLABS LA BRTEN NAS KLU SGRUB YAB SRAS KYI DGONGS PA PHYIN CI MA LOG PAR THUGS SU CHUD DE DBU MA RTZA BA SHES RAB DANG, DBU MA LA 'JUG PA DANG, BZHI BRGYA PA GSUM LA t'IKKA MDZAD CING, RTZA SHE'I 'GREL BA TSIG GSAL LA SPYI DON YANG MDZAD DO, ,DE NAS BDAG NYID CHEN PO 'DI DANG 'DI'I RJES SU SLOB PA THAMS CAD KYIS DBU MA LA 'CHAD NYAN MDZAD BAS DBU MA'I SROL LEGS PAR GTOD DE KHO BOS BSTAN PA LA BYA BA BYAS PA YIN ZHES GSUNG NGO, ,DE RJES THEG PA'I YANG RTZE RDO RJE THEG PA LA 'JUG PAR DGONGS NAS, LO CHEN BYANG CHUB RTZE MO'I DRUNG DU GSANG BA 'DUS PA MI SKYOD PA'I DBANG ZHUS TE

, ,GSANG MTSAN MI SKYOD RDO RJER BTAGS, LO CHEN SKYABS MCHOG DPAL BZANG PO'I DRUNG DU RGYUNG KYI BSHAD PA, DPAL LDAN BLA MA DAM PA BSOD NAMS RGYAL MTSAN PA'I DRUNG DU DPAL GSANG BA 'DUS PA'I 'GREL PA SGRON GSAL CHA LAG DANG BCAS PA ZHIB PAR GSAN CING, KYEE RDO RJE'I MAN NGAG LAM 'BRAS BU DANG BCAS PA SOGS SNGAGS KYI ZAB CHOS MANG DU GSAN, SA BZANG PAn CHEN GYI DRUNG DU BDE MCHOG GI DBANG, LO CHEN SKYABS MCHOG PA LA RDO RJE PHRENG BA, 'JAM RDOR, 'JIG RTEN DBANG PHYUG, SA SKYA PA'I RDO RJE GZHON NU, RIM LNGA MDOR BYAS, SPYOD BSDUS SGRON MA SOGS GSAN CING, SA SKYA PA DANG, BU STON RIN PO CHE LA SOGS PA'I YIG CHA RNAMS LA'ANG YANG DAG PAR GZIGS TE, DPAL GSANG BA 'DUS PA'I RGYUD 'GREL CHA LAG DANG BCAS PA THUGS SU CHUD NAS, RTZA RGYUD LA t'IKKA, MNGON RTOGS, BDAG 'JUG MCHOD PHRENG, RIM LNGA'I BSDUS DON SOGS MDZAD CING, GZHAN YANG RGYUD BLA MA, BSHES SPRING, LUNG KUN LAS BTUS PA RNAMS LA t'IKKA'ANG MDZAD DO, ,RGYAL BA'I SRAS PO THOGS MED BZANG PO DPAL GYI DRUNG DU SMON 'JUG GNYIS KYI SEMS BSKYED, BLO SBYONG LA SOGS PA'I CHOS SKOR MANG DU ZHU BAR MDZAD DO, ,RGYAL SRAS BDAG NYID CHEN PO 'DI NI DAM PA'I CHOS 'TSOL BA LA NGOMS PA MED PAS MDO SNGAGS KYI CHOS 'TSOL PHYIR BSHES GNYEN JI TZAM BSTEN PA NI, NYID KYI ZHAL NAS, SKYA DGU'I GTZUG

RGYAN CHOS RJE BSOD RGYAL DANG, ,RGYAL BA'I SRAS PO THOGS MED BZANG PO DPAL, ,MA TI PAn CHEN PAn CHEN BYANG RTZE DANG, ,MKHAS BA'I DBANG PO NYA DPON KUN DGA' SOGS, ,BKA' DRIN MNOS PA'I BLA MA BCU PHRAG GNYIS, , YUN RING 'BAD DE GUS PAS GTZUG GIS BSTEN, ,ZHES GSUNGS TE, MDOR NA BDAG NYID CHEN PO 'DIS BSHES GNYEN DU MA LA BRTEN TE MDO SNGAGS MA LUS PA'I TSIG DON LA MKHAS PAR MDZAD DE SKAL BA DANG LDAN PA RNAMS LA CHOS KYI 'KHOR LO'ANG RGYA CHEN PO BSKOR NAS SANGS RGYAS KYI BSTAN PA RIN PO CHE 'DZIN SKYONG SPEL BAR MDZAD DO, ,MKHAS PA CHEN PO 'DIS DBUS PHYOGS SU BYON NAS RJE BTZUN TZONG KHA PA CHEN PO DANG ZHAL 'DZOM STE GNAM RTZENG LDENG DANG; BYANG RA SGRENG DANG, SKYID SHOD KYI SA'I CHA MANG PO DANG, GTZANG STAG TSANG RDZONG KHA SOGS SU YAB SRAS GNYIS ZHAL 'DZOM STE CHOS KYI 'KHOR LO RGYA CHER BSKOR NAS RGYAL BA'I BSTAN PA GZHI NAS GSO BAR MDZAD PA'I TSUL ZHIB PAR NI RJE RIN PO CHE'I RNAM THAR DU GSAL BA LTAR RO, ,DE NAS RJE BTZUN RED MDA' PA CHEN PO 'DIS SNGON BYON DAM PA'I RNAM THAR LTAR MANG DU THOS PA'I DON SGRUB PA SNYING BOR MDZAD BZHED NAS RNYED BKUR SNYAN GRAGS 'KHOR LONGS SPYOD THAMS CAD MCHIL MA'I THAL BA BZHIN DU DOR TE NYID KYI RJES SU SLOB PA TSE BLOS BTANG ZHING NGES 'BYUNG GI BSAM PA SHUGS DRAG POS RGYUD BSKUL TE THEG PA MCHOG GI LAM LA SGRUB PA SNYING POR BYA 'DOD PA 'GA' ZHIG DANG

, ,BCAS GANGS BU LE DKAR PO'I G-YAS MGUL G-YU LUNG RDO RJE LJONGS SU LO LNGA'I BAR DU SKU MTSAMS LA BZHUGS TE MDO SNGAGS KYI LAM YONGS SU RDZOGS PA LA SGRUB PA RTZE GCIG TU MDZAD PAS LAM THUN MONG BA DANG THUN MONG MIN PA SNGAGS KYI LAM RIM GNYIS LA MYONG BA PHUL PHYIN THON TE LHAG PA'I LHA MANG PO'I ZHAL GZIGS PA DANG, TING NGE 'DZIN GYI SGO MANG PO 'KHRUNGS PA DANG, RANG DANG GZHAN GYI TSE RABS BRGYA STONG DRAN PA DANG; SANGS RGYAS KYI ZHING MANG POR BGROD NUS PA SOGS RGYAL BAS BSNGAGS PA'I RTOGS PA MCHOG THOB PAR GYUR TO, ,DE LTA NA'ANG PHYI RABS KYI GDUL BYA RNAMS LA BSLAB PA'I PHYIR DBEN PA 'BA' ZHIG LA THUGS DGYES PA'I TSUL MDZAD DE SGRUB PA RTZE GCIG TU MDZAD BZHED PA'I GSUNG 'DI LTAR BYON TE, GANG ZHIG LEGS GSUNGS DAM CHOS 'DUL BA LA, ,RAB TU BYUNG NAS LEGS PAR MI SDOM ZHING, ,THUB PA'I BKA' LUNG TSUL MIN 'DA' BYED PA'I; ;DGE SBYONG DE DAG 'JIG RTEN CHO MA RKUN YIN, ,'KHYOG POR SMRA LA GZHAN DAG BRLINGS POR SEMS, ,NGAG MI BTZUN PA DGE SBYONG TSUL MIN PAS, ,GYA GYU'I SEMS DANG DE YI TSUL SPANGS TE, ,GSONG POR SMRA LA KHO BO RTAG TU BRTEN, ,'DZEM MAD SMRA LA GZHAN DAG SMOBS PAR SEMS, ,NGAG MI SDOM PA DGE SBYONG TSUL MIN PAS, ,MU COR SMRA BA SMYON PA'I TSUL SPANGS TE, ,ZHI BA'I TSUL LA KHO BO RTAG TU BRTEN, ,PHYI TSUL 'CHOS PA

GZHAN DAG BTZUN POR SEMS, ,G-YO RGYU'I SPYOD BA DGE SBYONG TSUL MIN PAS, ,PHA ROL 'DRID BYED YON PO'I TSUL SPANGS TE, ,DES PA'I TSUL LA KHO BO RTAG TU BRTEN, ,RANG DGA'I SPYOD PA GZHAN DAG DRANG POR SEMS, ,DBANG PO MI SDOM DGE SBYONG TSUL MIN PAS, ,BAG DANG MI LDAN HRAL PO'I TSUL SPANGS TE, ,BAG YOD TSUL LA KHO BO RTAG TU BRTEN, ,BYA BYED MANG BA GZHAN DAG GRUNG POR SEMS, ,RNAM G-YENG 'DONG PA DGE SBYONG TSUL MIN PAS, ,'DU 'DZI BSREL BA KHYIM PA'I TSUL SPANGS TE, ,DON NYUNG TSUL LA KHO BO RTAG TU BRTEN, ,LONGS SPYOD 'BYOR PA GZHAN DAG DPAL DU SEMS, ,'DOD ZHEN CHE BA DGE SBYONG TSUL MIN PAS, ,ZANG ZING DANG BCAS GRONG PA'I TSUL SPANGS TE; ;CHOG SHES TSUL LA KHO BO RTAG TU BRTEN, ,GRONG 'DAB 'GRIM PA GZHAN DAG GDUL BYAR SEMS, ,RNYED BKUR SGRUB PA DGE SBYONG TSUL MIN PAS, ,KHA SPOGS 'DOD PA TSONG PA'I TSUL SPANGS TE, ,BAS MTHA'I GNAS LA KHO BO RTAG TU BRTEN, ,ZHES DANG, DBEN PAR BYON TE SGRUB PA RTZE GCIG TU MDZAD PA'I DAM BCA' MDZAD PA NI, GANG GI ZHABS ZUNG PADMO'I GE SAR RDUL, ,TSANGS DANG LHA DBANG KHYAB 'JUG LA SOGS PA, ,'JIG RTEN DREGS LDAN GTZUG GIS GUS BSTEN PA'I, ,SPYAN RAS GZIGS MGON DE LA PHYAG 'TSAL LO, ,MANG DU THOS KYANG TSUL BZHIN BSGRUB LA G-YEL, ,KHRIMS BRGYA NOD KYANG NYES LTUNG DRI MA CAN, ,DGE SBYONG BDAG GI G-YAR DAM 'DI

, ,RNAMS LA, ,MKHYEN LDAN THUGS RJE'I LHA KHYOD YUD TZAM DGONGS, ,GANG DU GNAS NA SNANG SHAS 'PHEL 'GYUR ZHING, ,RANG RGYUD RNYED BKUR ZHAGS PAS 'CHING BYED LA, ,GZHAN RGYUD PHRAG DOG 'GRAN SEMS KYIS GDUNGS PA'I, ,GNAS DER SKAD CIG TZAM YANG MI GNAS SO, ,DENG NAS BZUNG STE JI SRID 'TSO BAR DU, ,GANGS DANG RI SUL NAGS KYI KHROD RNAMS SU, ,BSE RU LTA BUR RTAG TU GNAS BYED CING, , GRONG DANG 'KHOR MANG DBUS SU GNAS MI BGYI, ,CHOS BRGYAD RKYEN GYIS NAM YANG MI G-YO BA'I, ,SEMS LA JI SRID BRTAN PA MA THOB BAR, ,GCIG PU RANG RGYUD 'DUL BA MA GTOGS PA, ,GZHAN DON THABS KYIS RANG DON NYAMS MI BGYI, ,CHOS GOS GSUM DANG LHUNG BZED LA SOGS PA, ,RANG NYID 'CHO BA'I YO BYAD MA GTOGS PA, ,GSER DANG DBYIG SOGS LHAG PA'I YO BYAD NI, ,RANG GI DON DU TIL TZAM MI BCANG NGO, ,GZHAN GYI NYES PA NAM YANG MI GLENG ZHING, ,DON DANG LDAN ZHING CHOS MTHUN MA GTOGS PA, ,DMAG DANG CHOM RKUN RGYAL PO'I GTAM LA SOGS, ,'KHRUL PA'I BKA' MCHID NAM YANG MI BGYID DO, ,CHOS KYI DON DU DKA' SPYAD SRAN BZOD CING, ,'JIG RTEN BLOS BTANG RNAM GROL DON DU GNYER, ,'DOD CHUNG CHOG SHES RANG DANG RJES MTHUN PA'I, ,RJES 'BRANG 'KHOR NI BZHI BAS LHAG MI BSTEN, ,GAL TE BDAG GI G-YAR DAM 'DI RNAMS

DANG, ,'GAL BAR BGYIS NA RGYAL BA SRAS BCAS DANG, ,THUGS RJE'I MNGA' BDAG SPYAN RAS GZIGS MGON GYIS, ,KHYI PHAG LUG BOD RNAMS DANG BDAG SNYOMS SHIG ,CES RGYAL BA SRAS BCAS DBANG DU BZHAG STE DAM BCA' MDZAD, DBEN PA'I YON TAN BSAM NAS RANG GIS RANG LA BSKUL BA NI, KHO BO DBEN PA BSTEN PA'I RGYU MTSAN YANG 'KHOR DANG GROGS KYIS YID SUN BYUNG BA'AM, RNYED BKUR DANG GRAGS PA 'DOD PAS MA YIN GYI GZHAN DU NA, 'KHOR BA'I SDUG BSNGAL ME 'OBS LTAR SHIN TU BRANG DKA' BAR MTHONG BA'I PHYIR DANG, BCOM LDAN 'DAS KYIS RNAM GRANGS DU MAR BSNGAGS PA'I DBEN PA'I GNAS PAD MA'I TSAL BAS KYANG SHIN TU YID DU 'ONG BAR MTHONG BA'I PHYIR RO, , DE YANG 'DI LTAR, GANG LA NYES PA RDUL TZAM MI MNGA' ZHING, ,RMAD BYUNG YON TAN DPAL GYIS RAB BRJID PAS, ,SNYAN PA'I BA DAN 'JIG RTEN GSUM NA G-YO, ,THUB DBANG LHA YI LHA LA PHYAG 'TSAL LO, ,KA YE NYON CIG SHES LDAN GROGS PO DAG ,BSTAN PA'I NYIN BYED NUB RI'I RTZE LA SON, ,LUS SROG G-YO BA 'BAB CHU'I RGYUN DAD MTSUNGS, ,THAR 'DOD RNAMS KYIS BAG YOD BSTEN BAR RIGS, ,RIN CHEN BDUN LDAN GLING CHEN BZHI LA DBANG, ,DPAG MED CHER GNAS DGE BCU'I DPAL LA SPYOD, ,PHUN TSOGS MNGON MTHO'I BDE LA ROL BYED PA'I, ,'KHOR LOS BSGYUR RGYAL DPAL DE'ANG CHU SHING 'DRA, ,LHUN PO'I SPO LA YUN RING GNAS BCAS TE, ,YONGS 'DU'I TSAL DU DGA' BDE'I

, ,DANG LA GYIS ROL, ,'CHI MED NYE DBANG TSOGS KYIS GUS BTUD PA'I, ,'PHROG BYED MIG STONG LDAN DE'ANG SRID PA'I BRAN, ,LUS SEMS ZUG RDU'I GDUNG BA RANG DU SPANGS, ,TING 'DZIN BDE BAS BSKAL MANG 'DA' BYED PA'I, ,'JIG RTEN MES PO GSER GYI MNGAL LDAN YANG, ,'CHI MED GO 'PHANG LAS RING GYI NAR 'KHOR, ,GANG GIS REG NA RAB BRTAN LHUN PO YANG, ,SKAD CIG TZAM GYIS BRAL BAR RLOG BYED PA'I, ,ME LCE'I PHRENG BA LUS LA RAB 'BAR BA, ,DMYAL BA'I ZUG RDU SU YIS BRANG PAR NUS, ,BLTAS PA TZAM GYIS KLUNG CHEN RGYUN SKEMS SHING, ,LJON SHING 'BRAS BU MED PAR BYED PA YI, ,TA LA YA TOG SKAM LTA'I YI DVAGS GZUGS, , GANG ZHIG MTHONG NA 'JIGS RUNG SKYI YANG G-YA', ,BLANG DOR RMONGS PA'I GTI MUG SMAG RUM 'THIB, ,GCIG LA GCIG ZA RDO RJE'I ME STAG DANG, ,BGOL BTZEG CHAR RGYUN LUS LA RTAG 'BAB PA'I, ,RNAM MANG DUD 'GRO'I GDUNG BA SU YIS BZOD, ,SRID PA'I PHUN TSOGS DE LTAR MNOG CHUNG ZHING, ,RAB MANG NYES PA'I TSOGS DANG LDAN RIG NAS, ,RANG GZHAN SRID PA'I MTSO LAS BSGRAL BYA'I PHYIR, ,MANG THOS BDAG NI DBEN PA'I NAGS SU 'GRO ,CHAR SDOD BYE'US 'BRUG SGRA THOS PA LTAR, ,DBEN PA'I GTAM 'DI KHO BO'I SNYING LA 'BAB, ,THOS PA'I DON RNAMS DON YOD BYA BA'I PHYIR, ,GZHON NU BLO GROS DBEN PA'I NAGS SU 'GRO ,NGANG PA'I TSOGS KYIS PADMA'I MTSO

MTHONG LTAR, ,BAS MTHA'I GNAS LA KHO BO SEMS RAB G-YO, ,DAL 'BYOR LUS LA SNYING BO BLANG BA'I PHYIR, ,GZHON NU BLO GROS DBEN PA'I NAGS SU 'GRO ,BUNG BA GZHON NUS 'DAB BRGYA'I TSAL MTHONG LTAR, ,KHO BO'I YID NI DBEN BA'I RO LA CHAGS, ,TENG 'DZIN BDUD RTZI'I RO DE MYANG BYA'I PHYIR, ,GZHON NU BLO GROS DBEN PA'I NAGS SU 'GRO ,DBYID DUS BSAL BA'I MA LA YA RLUNG LTAR, ,NAGS KYI SMAN LJONGS KHO BO'I YID LA 'BAB, ,NYON MONGS BDUD KYI SDE DE GZHOM BYA'I PHYIR, ,GZHON NU BLO GROS DBEN PA'I NAGS SU 'GRO ,ZHES DANG, 'JIG RTEN 'DREN PA LHA MI'I STON PA YIS, ,'DOD LA ZHEN PA PHUNG KROL RTZA BAR BSTAN, ,'DOD PA'I YON TAN SDUG BSNGAL BSKYENG PA STE, NAD DANG 'BRAS DANG ZUG RDU'I RTZA BA YIN, ,JI LTAR MDZE CAN G-YAN PA PHRUGS PA DANG, ,TSA BA'I NAD CAN BSIL BA'I CHU DANG NI, ,SKOM PAS NYEN PA LAN TSVA'I CHU 'THUNGS BZHIN, ,'DOD PA BSTEN PAS NAM YANG NGOMS MI 'GYUR DUG DANG BCAS PA'I KHA ZAS G-YOS LEGS DANG, ,SBU GRI'I SO LA CHAGS PA'I SPRANG RTZI DANG, ,SHING RTA 'DREN PA'I PHYUGS KYIS RTZVA ZOS BZHIN, ,'DOD PA'I YON TAN GNOG CHUNG NYES PA MANG, ,GLANG CHEN DRI LA CHAGS PA'I SBRANG BU DANG, ,RNGON PA'I GLU DBYANGS NYAN PA'I RI DVAGS DANG, ,LCAGS KYU'I SHA LA CHAGS PA'I NYA BZHIN DU, ,'DOD LA RKAM PA'I BYIS BA MYUR DU BRLAG ,CES SOGS GSUNGS NAS, DBEN PA'I GNAS SU SGRUB PA SNYING POR MDZAD

, ,PHYIR BLA BOD KYI SA'I MTSAMS MANG YUL SKYID GRONG GI NAGS KHROD DU PHEBS TE, DRANG SRONG MNGON BAR DGA' BA'I BSTI GNAS ME TOG MDANGS CAN DU RGYAL BA'I SRAS PO THOS PA DGA'I RNAM THAR BSKYANGS TE SGRUB PA LA RTZE GCIG TU BZHUGS SO, ,DE'I TSE BDAG NYID CHEN PO 'DI'I RJES SU 'BRANGS NAS DBEN PA'I GNAS SU SGRUB PA RTZE GCIG TU BYA 'DOD PA'I SDE SNOD 'DZIN PA MANG PO'ANG PHYOGS DER LHAGS TE DUS DUS SU RJE BTZUN RED MDA' PA CHEN PO 'DI LA CHOS STON PAR GSOL BA BTAB NAS CHOS KYI BDUD RTZI ZHU ZHING, RGYUN DU NAGS KHROD DBEN PA SO SOR SGRUB PA LA BZHUGS TE 'GA' ZHIG NI GCIG PU DANG, LA LA NI BZHI SDE DANG, LA LA NI BRGYAD DANG; LA LA NI NYI SHU SOGS SPONG BA PA SDE SDER GNAS NAS SGRUB PA MDZAD DE ME TOG MDANGS CAN GYI G-YAS G-YON GYI RI NGOS RNAMS DANG, MA nI LA KHA, BRAG KHA, PHUG PO CHE, CHOS SDINGS, LHA LNGA PHUG ,LA LDEBS CHOS RDZONG, RKYANG PHAN NAM MKHA' RDZONG, KLONG RTZE BSAM GTAN GLING, DGUN PHU DGON GSAR, RTZVA'I RKANG TSUGS PHUG SOGS SU BSLAB GSUM LDAN PA'I DGE SLONG SPONG BA BA MANG PO GNAS TE SNGON SANGS RGYAS ZHAL BZHUGS PA'I DUS DANG, SGRUB PA'I DUS KYI BSTAN PA LTAR LAM CHA TSAD LA SGRUB PA MDZAD PAS PHYOGS DE GANG STE DKAR PHYOGS KYI LHA RNAMS DGA' ZHING MGU NAS SHIS PA BRJOD PA ZHIG BYUNG NGO, ,DE DUS RJE BTZUN TZONG

KHAB CHEN POS KYANG RJE RED MDA' PA CHEN PO'I DRUNG DU SGRUB PA MDZAD PA RNAMS LA BSNGAGS PA CHE BAR MDZAD DO, ,GRUB THOB THANG STENG RGYAL POS KYANG RJE BTZUN RED MDA' PA CHEN PO'I SNYAN PA GSAN NAS ME TOG MDANGS CAN DU MJAL BAR PHEBS TE CHOS GSAN PAS THOG MAR THUGS CHOS LA 'GYUR BA'I RKYEN BYAS PAR GRAGS SO, ,BDAG NYID CHEN PO 'DIS RGYAL BA'I DGONGS PA SHING RTA CHEN PO RNAM GNYIS KYIS JI LTAR BKRAL BA'I DON LTAR DANG POR DRI MA MED PA'I RIGS PAS GSUNG RAB KYI DGONGS DON RNYED PAR MDZAD PA NI, NYID KYI ZHAL NAS, STON PA 'DAS NAS BZHI BRGYA'I LO 'DAS TSE, ,BE TA'I YUL DU LI TZA BYI GZHON NU, ,KLU SGRUB CES BYA'I DGE SLONG DU GYUR NAS, ,THUB BSTAN RGYAS PAR MDO SDE'I CHOGS LAS GSUNGS, ,KLU YI YUL SOGS 'JIG RTEN GZHAN DAG NAS, ,ZAB CING RGYA CHE'I MDO SDE RNAM MANG BLANGS, ,RTAG CHAD MTHAR LTA'I MUN PA STUG PO BCOM, ,MTHA' BRAL DBU MA'I SGRON ME DE YIS SBAR, ,DE 'OG THUB PAS LUNG BSTAN THOGS MED KYIS, ,MI PHAM MGON LA BKA' DRIN RJES THOB NAS, ,RNAM RIG SMRA BA'I GRUB MTHA' GSAL BYAS ZHES, ,RGYA BOD SHING RTA CHEN PO RNAMS LA GRAGS, ,'DI DAG THEG CHEN SHING RTA'I SROL 'BYED DE,, THEG CHEN MDO DANG RGYUD SDE'I DGONGS PA RNAMS, ,GNYIS PO 'DI YI LUGS DANG MI MTHUN PA, ,GANG GIS BKRAL DE LOG PA'I LAM DU SHES, ,THUB PA'I BSTAN PA NYID KYI DGONGS PA BZHIN, ,'KHRUL MED SMRA BA 'PHAGS PA KLU

, ,SGRUB YIN, ,KLU SGRUB DANG NI THOGS MED GNYIS, ,KHYOD BSTAN 'DZIN PAR KHYOD KYIS GSUNGS, ,DE DAG GZHUNG GI RJES 'BRANGS NAS, ,BDAG GIS KHYOD KYI DGONGS PA BTZAL, ,ZHES GSUNGS SO, ,KHYAD PAR BDAG NYID CHEN PO 'DIS RGYAL PA'I GSUNG RAB KYI DGONGS PA DPAL MGON 'PHAGS PA KLU SGRUB KYIS LEGS PAR BKRAL BA'I DKA' GNAS MTHAR THUG PA ZAB MO RTEN CING 'BREL PAR 'BYUNG BA RTAG CHAD KYI MTHA' DANG BRAL BA'I DBU MA'I LAM BZANG 'PHAGS PA KLU SGRUB KYI DGONGS PA DPAL LDAN ZLA BA GRAGS PAS BKRAL BA JI BZHIN THUGS SU CHUD DE ZAB MO DBU MA'I LAM LA GZHAN DRING MI 'JOG PA'I NGES PA BRTAN PO RNYED CING PHYIR MI LDOG PA'I GDENG THOB NAS GANGS RI'I KHROD 'DIR DBU MA'I LAM SROL GSAL BAR STON PAR MDZAD PA NI, NYID KYI ZHAL NAS, RGYA GAR BAL PO BOD KYI YUL RNAMS SU, ,MDO DON SMRA BA'I MKHAS PA MANG BYON YANG, ,PHAL CHER RTOG PAS SBYAR BA'I DON TZAM LA, ,MKHAS PAR ZAD KYI DE NYID DON LA MIN, ,THUB PA'I BSTAN LA NYID KYI DGONGS PA BZHIN, ,'KHRUL MED SMRA BA 'PHAGS BA KLU SGRUB YIN, ,DE YI BZHED GZHUNG RAB DKAR KUN DA'I TSAL, ,JI BZHIN 'BYED PA DPAL LDAN ZLA BA YIN, ,SLOB DPON DE DAG DGONGS PA 'DI YIN ZHES, ,MKHAS RLOMS MANG YANG SU LA CI CHA YOD, ,RNAM BKRA CHEN GYI RI MO GSAL

PA YI; ,RNAM DBYED MUS LONG DAG LA YOD DAM CI, ,LONG BAS RIN CHEN GTER KHA PHYED PA LTAR, ,RNAM DAG 'PHAGS PA'I MIG DANG MI LDAN YANG, ,RGYAL DANG RGYAL BA'I SRAS KYI BYIN RLABS LAS, ,RTEN 'GYUNG ZAB MO'I LAM DE KHO BOS RNYED, ,'DAS DANG MA BYON DA LTAR BZHUGS PA YI, ,RGYAL BA SRAS BCAS DGYES PA'I LAM 'DI YIN, ,'DI LAS GZHAN DU THAR PA'I LAM YOD CES, ,SMRA BA DE DAG BDAG GIS GYI NAR RTOGS, ,PHYOGS BCUR BZHUGS PA'I RGYAL DANG DE SRAS RNAMS, ,MNGON SUM BYON NAS DBYANGS DANG MGRIN GCIG GIS, ,'DI LAS GZHAN DU THAR PA'I LAM STON KYANG, ,BDAG BLO G-YO BA MED DO GROGS PO DAG ,DE PHYIR GANG ZHIG NYAM NGA'I LAM SPANGS NAS, ,BDE GSHEGS DGYES PA'I LAM LA 'JUG 'DOD NA, ,DKA' DANG 'BAD PA BRGYA PHRAG DAG GIS KYANG, ,KLU SGRUB LUGS BZANG 'DI LA 'JUG PAR RIGS, ,'DI MA RTOGS NA GZHUNG LUGS MANG BSLABS KYANG; ;BDE GSHEGS DGONGS PA RTOGS PA'I THABS GZHAN MED, ,PHAL CHER RTOG PA'I DRA BA SPEL BA'I PHYIR, ,BLO GROS NGAL BA TZAM ZHIG THOB PAR ZAD, ,DE PHYIR RANG NYID DRAN PA GSO PHYIR DANG, ,SKAL BZANG GZHAN LA PHAN BAR BYA PHYIR DANG, ,THUB PA'I BSTAN PA YUN RING GNAS BYA'I PHYIR, ,DUS GSUM RGYAL BA'I LAM 'DI BDAG GIS BSHAD, ,CES DANG, 'DI NA BLO NGAN RNAMS KYI NYES BSHAD KYIS, ,THUB BSTAN DRI MAR BYAS PA MA BZOD NAS, ,

, ,RIGS DANG MI RIGS CUNG ZAD PHYI NA YANG, ,DENG SANG 'DI NA BDAG LA GSHE BA MANG, ,'JIG RTEN SKYE BO MA MNYES GYUR KYANG BLA'I, ,DAM PAS KHREL NA GSON PO SROG SONG YIN, ,DE PHYIR BDAG LA BSTAN PA DANG 'GAL BA'I, ,LTA SPYOD YOD NA DAM PA RNAMS KYIS SMOD, ,KHO BOS SANGS RGYAS BSTAN LA RAB BYUNG NAS, ,RIGS DANG MI RIGS 'BYED SHES TSUN CHAD DU, ,LUS NGAG YID KYI SPYED PA CI BYAD KYANG, ,RAB TU BSGRIMS NAS THUB PA'I GSUNG BZHIN BSGRUBS, ,THOG MED GOMS BA'I NYON MONGS SHUGS DRAG PAS, ,GAL TE MI RIGS CUNG ZAD BYAS NA YANG, ,DE YI MOD LA DUG ZAS DRAN PA BZHIN, , 'GYOD SEMS LDAN PAS SLAR YANG CHOS BZHIN BYAS, ,GNAS LUGS 'BYED PA'I 'OD STONG LDAN PA YI, ,THUB BSTAN NYI MA'I DKYIL 'KHOR MTHONG BAS NA, ,BLO NGAN MUN PA'I KHROD NA 'OD 'BYIN PA'I, ,GZHAN GZHUNG ME KHYER TSOGS LA BDAG MI GUS, ,GSUNG RAB RIN CHEN GLING LA DBANG BSGYUR PA'I, ,KLU SGRUB KLU DBANG LEGS BSHAD GDENGS KA'I NOR, ,DGOS 'DOD KUN 'BYUNG 'DOD DGUR SPYOD PAS NA, ,NYES BSHAD MCHING BU'I TSOGS KYIS BDAG MI MGU ,MTHA' GNYIS SPANGS PA'I CHU GTER LA GNAS TE, ,GDENGS CAN DBANG PO KLU SGRUB RING LUGS 'DZIN, ,KHO BO'I LTA ZER 'BAR BA'I GZI BRJID LA, ,PHAS RGOL 'DAB

BZANG STONG GIS 'GOM MI NUS, ,ZHES GSUNGS BA LTAR RO, ,BDAG NYID CHEN PO 'DIS PHYI RABS KYI GDUL BYA RNAMS LA THUGS BRTZE BAS 'PHAGS PA KLU SGRUB KYI DGONGS PA ZAB MO DBU MA'I LTA BA RTOGS PA'I TSAD BSTAN PA NI, RGYU 'BRAS BSLU BA MED PA'I YID CHES DANG, ,RTEN 'BREL STONG PAR RTOGS PA'I SHES RAB GNYIS, ,'BRAL MED ZUNG DU CHUD PAR NAM GYUR PA, ,DA TSE MTHA' BREL DBU MA'I LAM LA ZHUGS, ,JI LTAR SNANG ZHING GRAGS PA'I DNGOS 'DI LA, ,RANG GZHAN GRUB MTHAS BTAGS PA'I KUN BRTAGS DANG, ,LHAN SKYES YID KYI DNGOS 'DZIN MUN PA RNAMS, ,RNAM DAG LUNG RIGS ZER GYIS RAB BSAL TE, ,SNANG DUS NYID NA STONG PAR RTOGS PA DANG, ,STONG BAR RTOGS TSE SNANG BA MI 'GOG BA'I, ,ZUG 'JUG TSUL LA NGES PA NAM SKYES NA, ,DE TSE RGYAL BA'I DGONGS PA RTOGS PA YIN, ,ZHES GSUNGS, BDAG NYID CHEN PO 'DIS DE LTAR RGYAL BA'I DGONGS PA BTZAL BAS NGES PA RNYED NAS SGRUB PA MTHAR PHYIN PAR MDZAD PA RGYAL BA SRAS DANG BCAS PAS BSNGAGS PA'I 'OS SU GYUR PA NI, RJE RIN PO CHES RJE BTZUN NGED MDA' PA LA BSTOD PA MDZAD PA LAS, 'JIG RTEN 'DREN PA'I DGONGS PA BZHIN, ,DGONGS SHING DE BZHIN 'DOMS PA DANG, ,'DOMS PA BZHIN DU LEGS SGRUB PA, ,'DI NI KHYOD KYI YON TAN LAGS, ,GZHAN DU TSUL 'DI MA MTHONG BAS, ,GSHONG PU DMA' BAR CHU RGYUN BZHIN, ,DUS KUN TU NI BDAG

, ,GI YID, ,KHYOD NYID LA NI RJES SU SONG, ,ZHES GSUNGS BA LTAR RO, ,BDAG NYID CHEN PO 'DIS SHING RTA CHAN PO'I DGONGS DON JI BZHIN RNYED NAS DRI MA MED PA'I LAM SROL GANGS RI'I KHROD DU GSAL BAR MDZAD PA NI, THUB PA'I DGONGS PA 'TSOL BA'I SGO GCIG PU, ,LUNG DON TSUL BZHIN DPYOD PA'I RIGS PA YI, ,DO SHAL MCHOG 'DIS KHYOD KYI MGRIN PA NYID, ,YONGS SU BZUNG NAS GZHAN DU 'GRO MI BYED, ,LUNG TZAM SKYABS SU GYUR PA'I SKYE BO 'DIS, ,RANG GI KHAS 'CHE TZAM LA RIGS LA ZHES, ,RNAM PAR ZHEN NAS THUB PA'I LUGS 'DZIN PA, ,MTHONG BAR GYUR TSE LHAG PAR KHYOD NYID DRAN, ,ZHES GSUNGS PA LTAR RO, ,BDAG NYID CHEN PO 'DIS BSTAN PA'I NANG MDZOD 'DUL BA LUNG SNGA BZHI'I DON SLOB DPON YON TAN 'OD KYIS BKRAL BA LTAR THUB PA'I BCAS MTSAMS MTHA' DAG THUGS SU CHUD NAS PHYAG LEN LA BTAB STE BSTAN PA'I BYA PA MDZAD PA NI, LEGS TSOGS JI SNYED MCHIS PA SKYE BA DANG, ,GNAS DANG 'PHEL BA GANG LA RAG LUS PAR, ,RGYAL BAS LAN CIG MIN PAR BSNGAGS PA YI, ,TSUL KHRIMS 'PHAGS PA'I NOR DU GZIGS NAS NI, ,NYER SPAS ZLA BA'I NOR BU YON TAN 'OD, ,THAMS CAD YOD SMRA'I MKHAS PA'I DGONGS PA BZHIN, ,'DUL BA 'BUM SDE'I DGAG SGRUB GNANG GSUM GYI, ,BSLAB PA'I GNAS LA MKHAS SHING 'DA' MI BYED, ,CES GSUNGS PA LTAR RO, ,BDAG NYID CHEN PO 'DIS GSUNG RAB KYI DON LA LTA BA'I MIG GCIG BU

TSAD MA SDE BDUN MDO DANG BCAS PA'I DGONGS BA'I DON GTING BYIN PAR RNYED NAS GANGS RI'I KHROD 'DIR RIGS BA'I LAM SROL GSAL BAR MDZAD PA NI, THUB PA'I GSUNG LAS RNAM PA GZHAN NYID DU, ,DNGOS PO'I DE NYID BSTAN PAR 'DOD PA YI, ,SER SKYA RKANG MIG SOGS KYIS BSTAN PA'I LAM, ,CHU SHING BZHIN TE TSIG TZAM SNYING PO RU, ,LEGS PAR MTHONG ZHING BDE BAR GSHEGS PA'I LUGS, ,DON BZANG TSIG 'BRU BZANG ZHING MA 'DRES RDZOGS, ,THOG MTHA' BAR DU DGE BA RO GCIG BAR, ,YID CHES GTING NAS RNYED PA'I THABS KYI MCHOG, RIGS TSUL BRGYA PHRAG DU MA'I RO LDAN PAS, ,BLO CHEN LDAN RNAMS DGA' BA RGYAS BYED BA, ,RNAM 'GREL MDZAD PA'I THUN MONG MIN PA'I LUGS, ,YONGS SU RDZOGS BAR SMRA BA'ANG KHYOD DU BAS, ,ZHES GSUNGS PA LTAR RO, ,BDAG NYID CHEN PO 'DIS SHING RTA CHEN PO GNYIS KA'I BZHED GZHUNG MTHA' DAG THUGS SU CHUD NAS RGYAL BSTAN YONGS RDZOGS LA NGES PA BSKYED PAR MDZAD PA NI, ,STOBS BCU MNGA' BA THUB PA'I RING LUGS PA, ,TSUL GNYIS SHING RTA'I SROL 'BYED 'DZAM GLING RGYAN, ,GANG GIS BDE BAR GSHEGS PA'I GDUNG 'TSOB PA, ,KLU SGRUB THOGS MED GNYIS KYI BZHED PA'I GZHUNG, ,JI BZHIN GSAL BAR GZIGS NAS BRTZE BA YIS, ,SKYON BRAL GSUNG GIS GZHAN LA LEGS 'DOGS DES, ,BSTAN PA'I GNAD LA NGES PA STER BA 'DI, ,KHYOD KYI RJES SU BSTAN PAS GZHAN SU ZHIG, CES GSUNGS PA LTAR RO, ,BDAG NYID CHEN PO 'DIS MDO

, ,PHYOGS LA BSTAN PA'I BYA BA RGYA CHEN PO MDZAD PAR MA ZAD GSANG CHEN RDO RJE THEG PA'I SNYING PO'I YANG SNYING PO GSUNG RAB KUN GYI RAB DANG PHUL DU GYUR PA DPAL GSANG BA 'DUS PA'I RTZA RGYUD 'GREL PA SGRON GSAL, GYI STENG NAS MTHA' DRUG DANG TSUL BZHI'I RGYA BKROL TE ZAB LAM RIM PA GNYIS KYI MAN NGAG RNAMS GSAL BAR MDZAD PA NI, THUB PA CHEN POS CHOS KYI RNAM GRANGS NI, ,JI SNYED GSUNGS PA KUN GYI RTZER GYUR PA, ,RGYUD SDE'I MTHAR THUG DPAL LDAN 'DUS PA YI, ,MTHA' DRUG TSUL BZHI'I RGYAS BTAB RDO RJE'I CHIG, JI BZHIN LEGS PAR PHYED NAS RIM GNYIS KYI, ,TING 'DZIN MCHOG GI BDE LA ROL BAS NA, ,RDO RJE 'DZIN PA ZHES PA'I SGRA DE YANG, ,MGON PO KHYOD LA DON DANG BCAS PAR GYUR,, CES GSUNGS PA LTAR RO, ,MDOR NA BDAG NYID CHEN PO 'DI NI GANGS RI'I KHROD 'DIR MDO SNGAGS GNYIS KA'I BSTAN PA YONGS SU RDZOGS BA 'DZIN CING SDEL BA LA ZLA DANG BRAL BAR GYUR PA NI, DE LTAR THOS PA RGYA MTSO'I PHA ROL SON, ,GZHAN LA 'DOMS PA'I NGAG TSIG DRI MA MED, ,TSIG GIS MI NGOMS SGRUB PA SNYING POR BYED, ,DE PHYIR KHYOD NI MKHAS PAS BSNGAGS PAR 'OS, ,KHYOD KYIS RANG GI STON PA YI, ,YON TAN DANG NI LUGS GZHAN GYI, ,SKYON RNAMS MTHONG PA'I RIGS PA'I MIG, DRI MA MED PA LEGS PAR STZAL, ,SKYON DANG BRAL BA THUB PA'I LUGS, ,GZHUNG 'JUGS BGYID PA'I SGRUB PA DANG, ,SMRA BA NGAN RNAMS TSAR GCOD PA'I, ,SUN 'BYIN BGYID PA'I GNAS RNAMS LA, ,SKYON YANG YON TAN LTA BU DANG,,

YON TAN SKYON LTAR SNANG BA YI, ,YANG DAG PA DANG LTAR SNANG GI, RNAM PAR DBYE BA'ANG LEGS PAR BSTAN, ,DE LTAR LOG PAR 'GRO BA BKAG, MKHAS PA DGYES PA'I LAM DU KHRID, ,MANG THOS CHUD MI ZA BA'I RGYU, ,DE DON SGRUB LA'ANG RAB TU SBYAR, , DE PHYIR KHYED KYIS GDUL BYA LA, ,BGYI BAR 'OS PA MA LUS MDZAD, ,CES GSUNGS PA LTAR RO, ,MKHAS PA'I DBANG PO 'DIS BSTAN PA'I DON DU LEGS BSHAD KYI RTZOM PA'ANG MANG DU MDZAD PA NI, NYID KYI ZHAL NAS, 'DZAM GLING MKHAS PA'I RGYAN MCHOG DKA' CHEN BZHI, ,RTZA 'JUG GZHI GSUM THEG CHEN RGYUD BLA DANG, ,CHOS MNGON MDZOD DANG DPAL LDAN 'DUS PA SOGS, ,RNAM BSHAD BYAS PA'I GZHUNG LUGS BCU PHRAG GCIG, GZHAN YANG BOD YUL 'GYUR PA'I BSTAN BCOS DANG; ;MDO DANG RGYUD SDE PHAL CHER LEGS PAR BLTAS, ,RANG GZHAN GRUB MTHA'I DE NYID 'BYED PA LA, ,MKHAS PA'I MDUN SAR MI 'JIGS SPOBS PA THOB, ,CES GSUNGS PA LTAR YIN ZHING, DE DAG KYANG GTZO CHA BA 'GA' ZHIG GSUNGS PA YIN GYI, DE DAG LAS GZHAN YANG MANG STE, BDAG NYID CHEN PO 'DIS LUNG KUN LAS BTUS PA'I t'IKKA YANG MDZAD CING ,GZHAN YANG BSHES SBRING GI t'IKKA DANG, GSANG 'DUS KYI CHOG CHA TSANG YANG MDZAD, GZHAN YANG SANGS RGYAS BYANG SEMS KYI BSTOD PA, BSTAN 'DZIN DAM PA MANG PO'I DRIS LAN, DAD LDAN MANG POR ZHAL GDAMS GNANG BA, ,NYAMS MGUR MDZAD PA SOGS MANG DU SNANG NGO, ,DE LTAR RGYAL SRAS BDAG NYID CHEN PO RED MDA' PA

, ,GZHON NU BLO GROS ZHES MTSAN YONGS SU GRAGS PA'I MKHAS PA'I DBANG PO 'DIS BSTAN PA LA BYA BA RGYA CHER MDZAD PAS CHOS BRGYUD 'DZIN PA'I SLOB MA BSTAN 'DZIN DAM PA'ANG MANG DU BYON TE, NYID KYI ZHAL NAS, KUN MKHYEN SHER 'OD BLO BZANG GRAGS PA SOGS, ,GZHUNG LUGS RAB 'BYAMS SHES PA'I BSHES GNYEN BDUN, ,DKA' BZHI LEGS PAR SMRA BA BCU PHRAG GCIG, PHAR TSAD SHES BA'I SLOB MA BRGYA PHRAG BRGAL, ,ZHES GSUNGS PA LTAR TE DE THAMS CAD KYI NANG NAS ZLA DANG BRAL BA THUB BSTAN YONGS RDZOGS KYI BDAG PO NI RJE BTZUN CHOS KYI RGYAL PO TZONG KHA PA CHEN PO BLO BZANG GRAGS PA'I DPAL LO, ,RJE BTZUN RED MDA' PA CHEN PO DANG RJE BTZUN TZONG KHA PA CHEN PO GNYIS NI SKU CHE 'DI TZAM DU MA ZAD SKYES RABS MANG POR MDZAD PA 'PHRIN LAS MTHUN PA RES 'GA' RJE BTZUN RED MDA' PAS BLA MA DANG RJE RIN PO CHES SLOB MA MDZAD, RES 'GA' RJE RIN PO CHES BLA MA DANG RJE BTZUN RED MDA' PAS SLOB MA MDZAD DE RGYAL SRAS KYI SPYOD PA STABS GCIG TU SPYAD CING GNYIS KA RJE BTZUN 'JAM PA'I DBYANGS KYI SRAS KYI THU BOR GYUR TE SMON LAM LHAN CIG TU MDZAD NAS ZHING 'DIR BSAM BZHIN DU BYON PA YIN PAR RJE BTZUN 'JAM PA'I DBYANGS DANG GSANG BA'I BDAG PO PHYAG NA RDO RJES LUNG BSTAN PA'I TSUL MANG DU YOD DE, RJE BTZUN 'JAM PA'I DBYANGS KYIS DBU MA PA DPA' BO RDO RJE LA GSUNGS PA DANG, GSANG BA'I BDAG POS LHO BRAG MKHAN CHEN LA GSUNGS PA SOGS SO SO'I

RNAM THAR DU GSAL BA LTAR RO, ,DE LTAR BDAG NYID CHEN PO 'DIS RGYAL BA'I BSTAN PA LA BYA BA RGYA CHER MDZAD NAS SKU TSE 'DI'I MDZAD PA PHAL CHER RDZOGS NAS ZHING GZHAN DU 'BYON PAR BZHED PA NA PHYI RABS KYI GDUL BYA RNAMS LA NYID KYIS JI LTAR MDZAD PA 'DI LTAR DU 'BYUNG BAR BYA DGOS SO ZHES 'DOMS PHYIR GDENG THOB PA'I GSUNG BYON PA NI, GANG LA SKYABS NA BSLU MED DKON MCHOG GSUM, ,'BRAL MED SPYI GCUG RGYAN DU RTAG BZHUGS GSOL, ,SNANG STONG SGYU MA'I RNAL 'BYOR RI KHROD PA, ,SEMS GNONG MED KYI GLU SKAD 'DI BZHIN LEN, ,SHUL NA 'PHRENG BA'I ZAS NOR LUS PA MED, ,GDONGS NA TSER BA'I LAS NGAN BSAGS BA MED, ,THEG CHEN BSLAB PA'I BSAM SBYOR NYAMS PA MED, ,DA SGYU MA'I LUS SEMS 'BRAL YANG 'GYOD PA MED, ,TSE 'DI'I RNYED BKUR CHE THABS SGRUB MA MYONG, ,'DOD YON SRED PA'I RJES PHYIR 'BRANG MA MYONG, ,DA SGYU MA'I LUS SEMS 'BRAL YANG 'GYOD PA MED, ,CIR SNANG SGYU MAR RTOGS PA'I SHES RAB YOD, ,'GRO DRUG PHA MAR SHES PA'I LHAG BSAM YOD, ,THABS SHES ZUNG DU 'BREL BA'I NYAMS LEN YOD, ,DA SGYU MA'I LUS SEMS 'BRAL YANG 'GYOD PA MED, ,THOG MAR GSUNG RAB DGONGS DON TSUL BZHIN SPYANGS, ,BAR DU BLO GSAL GDUL BYA'I TSOGS LA BSHAD, ,THA MAR 'DIS PA'I DON LA RTZE GCIG BSGOMS, ,DA SGYU MA'I LUS SEMS 'BRAL YANG 'GYOD PA MED, ,RGYAL BA'I BSTAN PA SROG PAS GCES PAR BZUNG, ,RIGS DANG MI RIGS TSUL BZHIN RNAM PAR PHYE, ,'CHAD RTZOD RTZOM

, ,PAS DAL 'BYOR DON YOD BYAS, ,DA SGYU MA'I LUS SEMS 'BRAL YANG 'GYOD PA MED, ,'GYOD MED GDENG BROD KYI MGUR MA 'DI, ,GANGS BU LE'I MBUL DU BLANGS PA YIN, ,MI KHO BO'I RJES 'JUG DAD LDAN RNAMS MING BZHAN BYED NA 'DI BZHIN MDZOD, ,TSOGS GNYIS ZUNG DU 'JUG PAS RGYUD SBYANGS TE, ,BDEN GNYIS ZUNG DU 'JUG PA'I DON RTOGS SHING, ,RIM GNYIS ZUNG 'JUG RDO RJE'I LAM BSGOMS NAS, ,'JA' LUS RDO RJE'I SKU RU BDAG GYUR CIG, CES GSUNGS PA LTAR RO, ,DE NAS KLONGS RTZE BSAM GTAN GLING DU PHEBS NAS DGE 'DUN BRGYA DANG LNGA BCU SKOR LA CHOS KYI 'KHOR LO RGYA CHER BSKOR ZHING DBU MA 'JUG PA GSUNGS SKABS, GANG TSE SKYE MED DE NYID YIN CING BLO YANG SKYE BA DANG BRAL BA, ,ZHES PA'I SKABS SU SLEBS PA NA MYA NGAN LAS 'DA' BAR BZHED NAS CUNG ZAD BSNYUN PA'I TSUL BSTAN PA NA, GDUL BYA RNAMS KYIS GSOL BA SHUGS DRAG TU BTAB PAS ZHAG BDUN DU SKU TSE BYIN GYIS BRLABS NAS GDUL BYA RNAMS LA CHOS BSTAN, DE NAS DGUNG LO RE BZHI PA CHU PHO 'BRUG GI LO ZLA BA BCU GNYIS PA'I NYER DGU'I NYIN MYA NGAN LAS 'DA' BA'I TSUL BSTAN NAS DED DPON YID BZHIN GYI NOR BU RNYED NAS RANG YUL DU 'GRO BA LTAR DGA' BZHIN SPRO BZHIN DU DGA' LDAN CHOS KYI PHO BRANG DU PHEBS SO, ,RGYAL SRAS DAM PA 'DI ZHING GSHEGS PA'I TSE SA CHEN PO 'DIS KYANG MYA NGAN BYAS PA LTAR CHES CHER G-YOS SHING DKAR PHYOGS KYI LHA RNAMS KYIS BDAG NYID CHEN PO 'DI DGA' LDAN DU PHEBS PA

LA MCHOD PA'I BYE BRAG SNA TSOGS PA THOGS NAS BSU BA BYAS SHING LHA RNAMS KYIS BRDUNGS PA'I RNGA BO CHE'I SGRA CHER GRAG PA MI RNAMS KYIS THOS PA'ANG BYUNG NGO, ,RJE BTZUN RED MDA' PA LA RJE BTZUN CHOS KYI RGYAL PO TZONG KHA BA CHEN POS BLO SBYONG DON BDUN MA'I KHRID LEGS PAR GSAN ZHING RJE RIN PO CHES SKAL BA DANG LDAN PA MTHA' YAS PA LA SPEL PAR MDZAD DE RJE RIN PO CHES BYANG CHUB LAM GYI RIM PA'I KHRID GNANG SKABS BYANG CHUB KYI SEMS SBYONG TSUL LA RGYU 'BRAS MAN NGAG BDUN GYI SGO NAS SBYONG TSUL DANG, RGYAL SRAS ZHI BA LHA'I GZHUNG LA BRTEN NAS BDAG GZHAN MNYAM RJE'I SGO NAS SBYONG TSUL GNYIS SU MDZAD NAS BDAG GZHAN MNYAM RJE'I SGO NAS SBYONG TSUL LA BLO SBYONG 'DI'I MAN NGAG RNAMS STEN PAR MDZAD LA, YANG BYANG SEMS 'CHAD KHA BAS BLO SBYONG 'DI LA DON BDUN DU SA BCAD MDZAD CING MING YANG BLO SBYONG DON BDUN MA ZHES 'DOGS PAR MDZAD PA LTAR DE DANG MTHUN PA'I KHRID TSUL RGYAL SRAS THOGS MED BZANG PO DPAL GYIS DON BDUN MA'I KHRID YIG ZUR DU MDZAD LA LTAR BLO SBYONG DON BDUN MA'I KHRID ZUR DU'ANG GNANG STE RJE RIN PO CHE 'ON BKRA SHIS RDO KHAR PHEBS SKABS SEMS DPA' CHEN PO HOR STON PA SOGS RGYAL SRAS CHANG PO LA BLO SBYONG DON BDUN MA'I KHRID RGYAS PAR STZAL, SEMS DPA' CHEN PO HOR STON PAS RJE DGE 'DUN GRUB LA GNANG, ,DES 'DUL 'DZIN BLO GROS SPAS PA LA GNANG, DES PAn CHEN YE SHES RTZE MO LA GNANG, DES RJE SKYABS MCHOG DPAL LA GNANG, DES RGYAL BA

, ,DBEN SA PA LA GNANG, DES MKHAS GRUB SANGS RGYAS YE SHES LA GNANG, DES RJE BTZUN BLO BZANG CHOS KYI RGYAL MTSAN LA GNANG, DES ZHABS DRUNG LHA PA BSTAN PA DAR RGYAS LA GNANG, DES GRUB CHEN BLO BZANG BYAMS BA LA GNANG, DES GRUB DBANG CHOS RGYA MTSO LA GNANG, DES RJE BTZUN BLA MA GRUB PA'I DBANG PHYUG BLO BZANG RNAM RGYAL LA GNANG, RJE BLA MA BKA' DRIN MTSUNGS MED DI'I ZHABS DRUNG DU BDAG GIS CHOS 'DI'I BKA' DRIN THOB PO, , YANG RGYAL BA'I SRAS PO THOGS MED BZANG PO DPAL GYIS SEMS DPA' CHEN PO RGYA MA BA YON TAN 'OD LA GNANG, DE NAS RIM GYIS BRGYUD DE BDAG GI DRIN CAN RTZA BA'I BLA MA RJE BTZUN NGAG DBANG BYAMS PA'I ZHABS DRUNG DU CHOS 'DI'I BKA' DRIN BDAG GIS RGYAS PAR THOB BO, ,BLO SBYONG SNYAN RGYUD CHEN MO 'DI'I RGYUD RIM MDOR BSDUS GSOL 'DEBS KYI TSUL DU BKOD NA 'DI LTAR, THUB DBANG 'JAM DBYANGS RGYAL SRAS ZHI BA LHA, ,AE LA DHA RI DPA' BO RDO RJE DANG, ,RIN CHEN DPAL DANG BLA MA GSER GLING PA, ,GSOL BA 'DEBS SO BDAG RGYUD BYIN GYIS RLOBS, ,YID BZHIN NOR 'DRA'I THUGS MNGA' MAR ME MDZAD, ,RGYAL PA'I 'BYUNG GNAS STON PA RIN PO CHE, ,BSTAN PA RIN CHEN GSAL MDZAD PO TO BA, ,GSOL BA 'DEBS SO BDAG RGYUD BYIN GYIS RLOBS, ,YON TAN MCHOG GI GRAGS PA'I SHA RA BA, ,BYANG CHUB THUGS GNYIS 'BYONGS BA'I 'CHAD KA BA, ,LTA SPYOD RNAM PAR DAG PA'I RGYAL BA SE, ,GSOL BA 'DEBS SO BDAG RGYUD BYIN GYIS

RLOBS, ,GCIG TU GZHAN DON MDZAD PA'I SKYES MCHOG LHA, ,BSLAB GSUM RNAM PAR DAG PA'I LHA SDINGS PA, ,SGO GSUM GZHAN DON MDZAD PA'I LHA SDINGS DPON, ,GSOL BA 'DEBS SO BDAG RGYUD BYIN GYIS RLOBS, ,DUS GSUM RGYAL BA'I LAM GNAS YON TAN DPAL, ,SANGS RGYAS BSTAN PA RGYAS MDZAD BDE BA DPAL, ,MKHAS BTZUN 'GRAN ZLA BRAL BA'I DKA' BZHI PA, ,GSOL BA 'DEBS SO BDAG RGYUD BYIN GYIS RLOBS, ,PHAN BDE KUN GYI 'BYUNG GNAS RIN PO CHE, ,BSOD NAMS YE SHES STOBS KYIS STONG GSUM GRAGS, ,BYAMS DANG SNYING RJE'I MNGA' BDAG CHOS KYI RJE, ,GSOL BA 'DEBS SO BDAG RGYUD BYIN GYIS RLOBS, ,THOGS MED GNYIS PA RGYAL SRAS RIN PO CHE, ,'DZAM GLING MKHAS PA'I GTZUG RGYAN RED MDA' PA, ,RGYAL BA KUN DNGOS BLO BZANG GRAGS PA'I DPAL, ,GSOL BA 'DEBS SO BDAG RGYUD BYIN GYIS RLOBS, ,THEG MCHOG GDAMS PA'I GTER GYUR NAM MKHA' DPAL, ,KHAMS GSUM BSTAN PA'I BDAG PO DGE 'DUN GRUB, ,SEMS DPA' CHEN PO BLO GROS SPAS PA'I ZHABS, ,GSOL BA 'DEBS SO BDAG RGYUD BYIN GYIS RLOBS, ,YE SHES MTSAN CAN 'JAM DBYANGS SKYABS MCHOG DPAL, ,SKU GSUM MNGON GYUR RJE BTZUN DBEN SA PA, ,DE SRAS THU BO SANGS RGYAS YE SHES ZHABS, ,GSOL BA 'DEBS SO BDAG RGYUD BYIN GYIS RLOBS, ,RJE BTZUN BLO BZANG CHOS KYI RGYAL MTSAN ZHABS, ,DE SRAS THU BO ZHABS DRUNG LHA PA DANG, ,GRUB CHEN BLO BZANG BYAMS PA RIN PO CHER, ,GSOL PA

, ,'DEBS SO BDAG RGYUD BYIN GYIS RLOBS, ,SEMS DPA' CHEN PO GRUB DBANG CHOS RGYA MTSO, ,RTZA BA'I BLA MA BLO BZANG RNAM RGYAL TE, ,DNGOS DANG BRGYUD PA'I BLA MA MCHOG RNAMS LA, ,GSOL BA 'DEB SO BDAG RGYUD BYIN GYIS RLOBS YANG RTZA BA'I BLA MA BYAMS PA'I MTSAN CAN GYI GSAN RGYUN LTAR GSOL BA 'DEBS PA NI, RGYAL SRAS THOGS MED YAN GONG LTAR LA, DE NAS 'DI LTAR, RGYAL BA'I SRAS PO THOGS MED BZANG PO DPAL, ,YON TAN 'OD DANG BLO 'BAL TSUL KHRIMS DAR, ,BSOD NAMS LHA DBANG BSOD NAMS LEGS MCHOG LA, ,BSOL BA 'DEBS SO BDAG RGYUD BYIN GYIS RLOBS, ,SNYUG LA PAn CHEN NGAG DBANG GRAGS PA DANG, ,SPYAN SNGA NGAG DBANG CHOS GRAGS BRAG DGON PA, ,DPAL 'BYOR LHUN GRUB 'PHRIN LAS RAB RGYAS LA, ,GSOL BA 'DEBS SO BDAG RGYUD BYIN GYIS RLOBS, ,GANGS CAN MGON PO BLO BZANG RGYA MTSO'I SDE, ,BLO BZANG DAR RGYAS 'JAM DBYANGS GRAGS PA'I DPAL, ,LAM BZANG GSAL MDZAD DGE LEGS RGYA MTSO LA, ,GSOL BA 'DEBS SO BDAG RGYUD BYIN GYIS RLOBS, ,RGYAL BA KUN GYI MKHYEN BRTZE NUS PA KUN, ,GCIG BSDUS 'JAM MGON BSTAN PA'I SROG SHING CHE, ,RTZA BA'I BLA MA NGAG DBANG BYAMS PA LA, ,GSOL BA 'DEBS SO BDAG RGYUD BYIN GYIS RLOBS, ,RAB 'BYAMS GSUNG RAB KUN GYI SNYING PO'I DON, ,GCIG TU BSDUS NAS GSAL BAR STON MDZAD PA, ,BKA' DRIN MTSUNGS MED RJE BTZUN BLA MA LA, ,GSOL BA 'DEBS SO BDAG RGYUD

BYIN GYIS RLOBS, ,ZHES BA'O, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS BDAG PAS GZHAN GCES PA'I BYANG CHUB KYI SEMS RIN PO CHE MYUR DU RGYUD LA SKYE PAR BYA BA'I PHYIR BLO SBYANG SNYAN RGYUD KYI BLA MA RNAMS LA GSOL BA 'DEBS SHING BLO SBYONG RGYUD PA'I BLA MA RNAMS KYI MDZAD PA RNAM THAR RNAMS BSAMS LA BYANG CHUB KYI SEMS RIN PO CHE MA SKYES PA BSKYED PA DANG SKYAS ZIN GONG NAS GONG DU SPEL BA LA BLO GROS DANG NUS PA DANG RTZOL BA CI YOD THAMS CAD GCIG TU DRIL TE RNAM PA KUN TU 'BAD BAR BYA'O,, ,,` JO BO RJE DPAL LDAN AA TI SHA DANG CHOS KYI RGYAL PO TZONG KHA BA CHEN PO GNYIS KYI THUGS KYI BCUD PHYUNG PA'I MAN NGAG BYANG CHUB LAM GYI RIM PA 'DI LA MDO SNGAGS GNYIS KA'I THUN MONG BA'I LAM GYI RIM PA DANG, THUN MONG MIN PA RDO RJE THEG PA'I LAM GYI RIM PA GNYIS LAS, THUN MONG BA'I LAM GYI RIM PA LA JO BO RJE LA RGYUD PA'I CHU BO GSUM 'DRES PAS RGYA CHEN SPYOD RGYUD DANG, ZAB MO LTA RGYUD DANG, RGYA CHAN SPYOD RGYUD LAS PHYE BA RLABS CHEN SPYOD PA'I RGYUD GSUM GYI BLA MA GONG MA RNAMS KYI RNAM PAR THAR PA MDOR BSDUS BRJOD ZIN NAS RDO RJE THEG PA'I LAM GYI RIM PA'I BLA MA RNAMS KYI RGYUD RIM LA JO BO RJES NYAMS LEN BYIN RLABS RGYUD BA ZHES THA SNYAD MDZAD LA, 'DI LA YANG RDO RJE THEG PA SPYI'I BRGYUD RIM DANG, JO BO YAB SRAS KYI GSANG CHOS THUN MONG MIN PA BKA' GDAMS THIG LE BCU DRUG GI BRGYUD RIM GNYIS LAS, DANG PO MDO SNGAGS SPYI'I

, ,BRGYUD RIM LA YANG RGYUD SDE BZHI'I DBANG LUNG MAN NGAG MTHA' YAS PA YOD MOD KYANG 'DIR MTHA' DAG BRI MI NUS PAS GZHAN DU SHES PAR BYA ZHING, 'DIR CHOS KYI RGYAL PO RGYAL BA TZONG KHA PA CHEN PO LA MGON PO 'JAM PA'I DBYANGS KYIS SNYIGS DUS KYI TSE THUNG 'DI LA MYUR BA LAS KYANG CHES MYUR BAR 'TSAD RGYA BAR 'DOD PA RNAMS KYIS BSHES GNYEN BSTEN TSUL NAS SPYOD PA SPYI BSLAB KYI BAR THUN MONG BA'I LAM GYI RIM PA LA MYONG BA THON NGES BYAS NAS BDE GSANG 'JIGS GSUM GYI DBANG DANG MAN NGAG RNAMS THOB PAR BYAS LA DE GSUM YA MA BRAL BA'I NYAMS LEN LA 'BAD DGOS TSUL RGYU MTSAN DU MAS 'DOMS PAR MDZAD PA LTAR BSTAN PA'I SNYING PO MTHAR THUG PA'I NYAMS LEN GYI GNAD 'DI DAG MA NUB NA CI MA RUNG SNYAM DU SMON PAS GSANG BDE 'JIGS GSUM GYI DBANG LUNG MAN NGAG GI BRGYUD RIM BLA MA RNAMS KYI MTSAN TZAM ZHIG BRJOD PA NI, STON PA BCOM LDAN 'DAS THUB PA'I DBANG PO THUGS RJE CAN 'DIS RDO RJE THEG PA'I CHOS KYI 'KHOR LO BSKOR TSUL NI THUB PA'I RNAM THAR GYI SKABS SU BSHAD ZIN PA LTAR YIN LA, THUB PA'I DBANG PO NAS DA LTA'I BAR DU RDO RJE THEG PA'I BLA MA BRGYUD RIM JI LTAR BYUNG BA NI, STON PA ZHAL BZHUGS DUS NUB PHYOGS AOO dI YA'I YUL NA RGYAL PO AINDRA BHO TI NAS BYA BA BYUNG STE, RGYAL PO DE KHANG BZANG GI THOG NA GNAS PA'I TSE DGE SLONG DGRA BCOM PA NAM MKHA' LA 'PHUR TE SHAR NUB TU 'GRO BA DAG MTHONG

BAN 'DI DAG CI YIN ZHES DRIS PAS, BLON PO SANGS RGYAS 'JIG RTEN DU BYON PA'I RGYUS YOD PA DAG GIS 'DI DAG NI SH'AKYA'I RGYAL PO ZAS GTZANG GI SRAS PO SANGS RGYAS NAS 'PHAGS YUL NA CHOS KYI 'KHOR LO BSKOR BAR MDZAD PA DE'I NYAN THOS DAG YUL GZHAN DANG GZHAN DU RGYU BA NA NAM MKHA' LA 'PHUR TE 'GRO BAS RGYAL POS GZIGS PA DE DAG KYANG SANGS RGYAS KYI NYAN THOS DAG GO, ZHES BRJOD PA NA RGYAL PO PHYIR MI LDOG PA'I DAD PA SKYES TE SANGS RGYA LA GSOL BA BTAB PAS STON PAS MKHYEN BZHIN DU 'KHOR DANG BCAS PA RDZU 'PHRUL GYIS BYON NAS RGYAL PO'I KHANG BZANG DU PHEBS TE RGYAL PO LA CHOS BSTAN PAS RGYAL PO DAD PA LHAG PAR SKYES SHING, 'DI SKRAD DU BDAG GIS KHYIM PA'I RTAGS CHA LUGS MA BOR BAR 'DI NYID DU GNAS NAS 'TSANG RGYA BAR NUS PA ZHIG 'DOD CES ZHUS PAS RGYAL PO DE RIN PO CHE LTA BU'I GDUL BYA YIN PAS BCOM LDAN 'DAS KYIS DPAL GSANG BA 'DUS PA'I DKYIL 'KHOR DU RDO RJE 'CHANG GI SKUR BZHENGS NAS DBANG BSKUR, GDAMS NGAG BSTAN, RGYUD GSUNGS, PHYAG NA RDO RJES LEGS PAR KHRID BAS RGYAL PO AINDRA BHO TIS LAM THUN MONG BA DANG THUN MONG MIN PA'I RIM GNYIS KYI RNAL 'BYOR MTHAR PHYIN TE SPROS BCAS KYI SPYOD PA SPYAD NAS TSE DE NYID LA ZUNG 'JUG GI SKU GRUB, DE NAS RGYAL PO AINDRA BHO TIS YUL DE'I SKYE PO RNAMS LA RDO RJE'I THEG PA BSTAN PAS GRUB PA THOB PA BGRANG BA LAS 'DAS PA BYUNG ZHING DPAL GSANG BA 'DUS PA'I DBANG DANG GDAMS NGAG RNAMS SPEL BA LA BKA'

, ,BABS PA KLU MO RNAL 'BYOR MA LA RDZOGS PAR GNANG, DES RGYAL PO BI SU KA PA LA GNANG, DES KYANG BSGOMS PAS GRUB PA THOB STE DPAL LDAN SA RA HA PA LA GNANG, DES KYANG BSGOMS PAS GRUB PA THOB STE DPAL MGON 'PHAGS PA KLU SGRUB LA DPAL GSANG BA 'DUS PA'I DBANG LUNG MAN NGAG THAMS CAD RDZOGS PAR GNANG, 'PHAGS PA KLU SGRUB KYIS LHO PHYOGS DPAL GYI RI BOR BSGOMS NAS SKU TSE DE LA ZUNG 'JUG GI SKU BRNYES NAS SRAS KYI THU BO A'ARYA DE BA DANG, KLU'I BYANG CHUB DANG, SH'AKYA BSHES GNYEN DANG, ZLA BA GRAGS PA SOGS THUGS SRAS MANG PO LA DPAL GSANG BA 'DUS PA'I DBANG LUNG MAN NGAG RNAMS RDZOGS PAR GNANG, SLOB DPON A'ARYA DE BA DANG, SLOB DPON KLU'I BYANG CHUB DANG, SLOB DPON SH'AKYA BSHES GNYEN DANG, SLOB DPON ZLA BA GRAGS PA BZHI GAS DPAL GSANG BA 'DUS PA'I LAM RIM GNYIS MTHAR PHYIN TE SKU TSE DE LA ZUNG 'JUG RDO RJE 'DZIN PA'I GO 'PHANG BRNYES, GZHAN YANG SLOB DPON SANGS RGYAS BSKYANGS SOGS SLOB DPON KLU SGRUB KYI THUGS SRAS ZUNG 'JUG GRUB PA CHES MANG NGO, ,SLOB DPON KLU SGRUB YAB SRAS DE DAG LAS GSANG BA 'DUS PA'I DBANG LUNG MAN NGAG GI BRGYUD RIM MTHA' YAS PA BYUNG MOD KYANG MTHA' DAG BGRANG BAR GA LA NUS, YONGS SU GRAGS PA'I DBANG GI BRGYUD RIM NI, SLOB DPON MA TANGKI PA, DES GRUB CHEN TE LO PA, DES PAn CHEN N'A RO PA, DES SGRA BSGYUR MAR PA LO TZ'A, DES MTSUR STON DBANG GI RDO RJE,

DES 'KHON STON GAD PA K'I RTI, DES BYA SGANG PA BSOD NAMS RIN CHEN, DES THUR LTA BA TSUL KHRI LAS SKYABS, DES THANG SPE PA 'PHAGS PA SKYABS, DES GSER SDINGS BA GZHON NU 'OD, DES KUN MKHYEN CHOS SKU 'OD ZER, DES KUN MKHYEN 'PHAGS BA 'OD, DES CHOS RJE BU STON RIN CHEN GRUB, DES KHYUNG PO LHAS PA GZHON NU BSOD NAMS, DES CHOS KYI RGYAL PO TZONG KHA PA CHEN PO, DES MKHAS GRUB DGE LEGS DPAL BZANG, DES PAn CHEN CHOS KYI RGYAL MTSAN, DES GRUB CHEN CHOS RDO RJE, DES RGYAL BA BLO BZANG DON GRUB, NGES MKHAS GRUB SANGS RGYAS YE SHES, DES RJE BTZUN BLO BZANG CHOS KYI RGYAL MTSAN, DES RDO RJE 'DZIN BA DKON MCHOG RGYAL MTSAN ,DES RJE BTZUN BLO BZANG YE SHES, DES RDO RJE 'DZIN PA BLO BZANG RIG GROL, DES MKHAS SHING GRUB PA RDO RJE 'DZIN PA YE SHES DPAL 'BYOR, BKA' DRIN MTSUNGS MED RDO RJE 'DZIN PA CHEN PO DE'I ZHABS DRUNG DU BDAG GIS DPAL GSANG BA 'DUS PA'I DBANG BZHI YONGS SU RDZOGS PA THOB, YANG RJE THAMS CAD MKHYEN PA NAS RJE BTZUN SHES RAB SENG GE 'DUL NAG PA DPAL LDAN BZANG PO, RGYUD CHEN DGE 'DUN 'PHEL, RGYUD CHEN BKRA SHIS 'PHAGS, RGYUD CHEN BSAM GRUB RGYA MTSO, RGYUD CHEN BRTZON 'GRUS 'PHAGS, RGYUD CHEN RDO RJE BZANG PO, RGYUD CHEN SANGS RGYAS RGYA MTSO, RGYUD CHEN DKON MCHOG RGYA MTSO, RGYUD CHEN DKON MCHOG YAR 'PHEL, THANG SAG PA DNGOS GRUB RGYA MTSO, GRUB PA'I DBANG PHYUG DON YOD MKHAS GRUB, RJE BTZUN NGAG DBANG BYAMS PA, RJE

, ,BTZUN BLA MA BKA' DRIN MTSUNGS MED DE NYID KYI ZHABS DRUNG DU BDAG GIS DPAL GSANG BA 'DUS PA'I DBANG DANG RGYUD KYI LUNG RIM GNYIS KYI MAN NGAG YONGS SU RDZOGS PA THOB, YANG DPAL MGON 'PHAGS PA KLU SGRUB NAS SLOB DPON ZLA BA GRAGS PA, SLOB PA'I RDO RJE, GRUB CHEN NAG PO SPYOD PA, BLA MA SPRIN GYI SHUGS CAN, RJE RIN PO CHE 'GOS, MANG RA BA SENG GE RGYAL MTSAN, RDOG YE SHES SENG GE, RDOG A'ARYA DE BA, GLAN TSA NYI MA LCAM, LTAG PA RIN CHEN GRAGS, THUR LHA BA TSUL KHRIMS SKYABS, THANG SPE BA 'PHAGS PA SKYABS, GSER SDING PA GZHON NU 'OD, KUN MKHYEN CHOS SKU 'OD ZER, KUN MKHYEN 'PHAGS PA 'OD, CHOS RJE BU STON RIN CHEN GRUB, BLA MA DAM PA BSOD NAMS RGYAL MTSAN, SGRA BSGYUR NAM MKHA' BZANG PO, MNYAM MED RJE BTZUN RED MDA' PA CHEN PO, CHOS KYI RGYAL PO TZONG KHA PA CHEN PO, RJE BTZUN SHES RAB SENG GE ,RGYUD CHEN SBYIN PA DPAL BA NAS 'DUS PA'I BSHAD SROL SPEL PA'I RGYUD 'DZIN RIM PAR BRGYUD PA YONGS SU GRAGS PA LTAR LA 'DUS PA'I BSTAN PA'I BDAG PO RJE BTZUN NGAG DBANG BYAMS PA NAS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES, SKYABS MGON BKA' DRIN MTSUNGS MED DE NYID KYI ZHABS DRUNG DU BDAG GIS DPAL GSANG BA 'DUS PA'I RGYUD KYI BSHAD PA 'GREL PA BZHI SPRAGS SU GRAGS PA CHA TSANG PHA THOB BO,, ` ,,DPAL 'KHOR LO SGOM PA'I CHOS SKOR NI, STON PA THUB DBANG RDO RJE

'CHANG GIS GSANG BA'I BDAG PO PHYAG NA RDO RJE LA 'KHOR LO SDOM PA'I DBANG DANG RGYUD YONGS SU RDZOGS PA GNANG, GSANG BA'I BDAG POS GRUB CHEN SA RA HA LA GNANG, DES DPAL MGON 'PHAGS PA KLU SGRUB LA, DES DPAL SHA BA RI PA LA; DES GRUB CHEN L'U AI PA LA, DES RGYAL PO DHA RI KA PA LA, DES SLOB DPON RDO RJE DRIL BU PA LA, DES GRUB CHEN RUS SBAL ZHABS LA, DES GRUB CHEN DZ'A LAN DHA RA PA LA, DES GRUB CHEN NAG PO SPYOD PA LA, DES GRUB CHEN GSANG BA PA LA, DES GRUB CHEN RNAM RGYAL ZHABS LA, DES GRUB CHEN TEE LO PA LA, DES PAn CHEN N'A RO PA LA, DES PHAM MTHING PA SKU MCHED LA, DES GLOG SKYA SHES RAB BRTZEGS LA, DES MAL LO TZ'A BA BLO GROS GRAGS LA, DES SA CHEN KUN DGA' SNYING PO LA, DES RJE BTZUN BSOD NAMS RTZE MO LA, DES RJE BTZUN GRAGS PA RGYAL MTSAN LA, DES CHOS RJE SA PAndI TA LA, DES RGYAL SRAS BSOD NAMS SENG GE LA, DES SLOB DPON SANGS RGYAS 'BUM LA, DES MCHOG LDAN LEGS PA'I BLO GROS LA, DES BLA MA DPAL LDAN SENG GE LA, DES BU STON RIN CHEN GRUB LA, DES KHYUNG PO LHAS PA GZHON NU BSOD NAMS LA, DE LA CHOS KYI RGYAL PO TZONG KHA PA CHEN POS GSAN, RJE RIN PO CHE NAS BRGYUD RIM PHAL CHER GSANG BA 'DUS PA DANG 'DRA BA LA BDE MCHOG L'U AI BA'I RIM GNYIS KYI MAN NGAG RNAMS THANG SAG PA DNGOS GRUB RGYA MTSOS GRUB PA'I DBANG PHYUG 'JAM DBYANGS BDE BA'I RDO RJE LA GNANG, DES RJE BTZUN NGAG DBANG BYAMS

, ,PA LA GNANG, GRUB CHEN DRIL BU LUGS KYI BDE MCHOG GI DBANG DANG RIM GNYIS KYI MAN NGAG RNAMS PAn CHEN BLO BZANG CHOS KYI RGYAL MTSAN GYIS RDO RJE 'DZIN PA DKON MCHOG RGYAL MTSAN LA GNANG, DES SKYID SHOD ZHABS DRUNG NGAG DBANG BSTAN 'DZIN 'PHRIN LAS LA GNANG, DES MKHAS GRUB BLO BZANG MKHAS BTZUN LA GNANG, DES RJE BTZUN NGAG DBANG BYAMS PA LA GNANG STE, RJE BTZUN BLA MA BKA' DRIN MTSUNGS MED DE NYID KYI ZHABS DRUNG DU BDAG GIS LEGS PAR THOB BO, ,BDE MCHOG RGYUD 'GREL SBAS DON KUN GSAL RTZA 'GREL SPRAGS PA'I LUNG DANG RTZA BSHAD SBYAR BA'I MAN NGAG NI PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO'I ZHABS DRUNG DU BDAG GIS LEGS PAR THOB BO,, ` ,,DPAL RDO RJE 'JIGS BYED CHEN PO'I CHOS BSKOR NI, 'PHAGS YUL GYI GRUB CHEN L'A LI TA SA 'JAM DPAL MTSAN BRJOD ZHAL 'DON DU MDZAD PA NA, RDO RJE 'JIGS BYED 'JIGS PAR BYED, ,CES PA DANG, KHRO BO'I RGYAL PO GDONG DRUG 'JIGS, ,ZHES PA DANG, GSHIN RJE GSHED PO BGEGS KYI RGYAL, ,ZHES PA RNAMS KYI DON LA BSAMS PA NA, DPAL RDO RJE 'JIGS BYED CHEN PO'I RGYUD DANG GSHIN RJE'I GSHED DMAR NAG GI RGYUD RNAMS YOD BAR BSAMS NAS 'PHAGS YUL GYI PAn GRUB RNAMS LA RTZAD BCAD KYANG DE DUS RGYUD 'DI DAG 'PHAGS YUL NA MA BZHUGS PAS

MA RNYED, AYON GYI YUL NA BZHUGS PAR RIG NAS BLA MA DANG RJE BTZUN 'JAM PA'I DBYANGS DBYER MA MCHIS PA LA GSOL BA SHUGS DRAG LA RGYUN RING PO BTAB, RGYAL BA'I BSTAN PA 'BA' ZHIG LA DGONGS TE NYID KYI SKU DANG SROG LA'ANG MI LTA BAR DKA' BA CHEN POS AYON GYI YUL DU BYON NAS GSOL BA SHUGS DRAG TU BTAB BAN YE SHES KYI MKHA' 'GRO MAS RJES SU BZUNG STE DPAL RDO RJE 'JIGS BYED CHEN PO'I DBANG DANG GSHIN RJE'I GSHED DMAR NAG GNYIS KYI DBANG RNAMS GNANG, GDAMS PA DANG RJES SU BSTAN PA LEGS PAR STZAL, SEMS CAN RNAMS KYI DON DU RGYUD KYI GLEGS BAM GNANG DGOS PAR GSOL BA BTAB PA NA YE SHES KYI MKHA' 'GRO MAS CHOS MDZOD ZHAL PHYE NAS DPAL RDO RJE 'JIGS BYED CHEN PO'I RTZA BA'I RGYUD RGYAS PA SHO LO KA 'BUM RTOG BA SUM BRGYA YOD PA RNAMS BSTAN TE ZHAG BDUN GYI RING LA 'DI'I NANG NAS GANG BLO LA GZUNG THUB PA RNAMS ZUNGS, DE LAS MI YONG ZHES RGYUD THAMS CAD MA GNANG BA NA GRUB CHEN GYIS ZHAG BDUN GYI RING LA GLEGS BAM CHEN PO 'DI NAS MANG PO ZHIG 'DZIN MI THUB PAS SMON LAM GDAB PA GAL CHE DGONGS NAS ZHAG BDUN GYI RING RGYUD KYI GLEGS BAM RNAMS LA MCHOD PA PHUL TE PHYAG DANG BSKOR BA BYED CING GSOL BA SHUGS DRAG TU BTAB PA NA ZHAG BDUN SONG BA'I NYIN RTOG BA SUM BRGYA'I NANG NAS DNGOS GRUB KYI RTOG PA ZHES BYA BA DPAL RDO RJE 'JIGS BYED CHEN PO'I RGYUD RTOG PA BDUN PA 'DI THUGS LA WA LA GYIS SHAR, 'DI LA NOR

, ,'KHRUL DANG LHAG CHAD YOD DAM MED BLTA DGOS DGONGS BA NA, DE'I THAD KYI GLEGS BAM RANG ZHAL PHYE NAS THUGS LA GANG SHAR BA DE KHA JI BZHIN DU BYUNG, DE MA THAG GLEGS BAM RNAMS MKHA' 'GRO MA RNAMS KYI GSANG BA'I CHOS MDZOD DU BZHUGS SU GSOL, DE NAS GRUB CHEN L'A LI TAS 'PHAGS YUL DU PHEBS NAS GSHIN RJE'I GSHED DMAR NAG 'JIGS GSUM GA DANG, KHYAD PAR DPAL RDO RJE 'JIGS BYED CHEN PO'I DBANG DANG RIM GNYIS KYI MAN NGAG RGYUD KYI LUNG RNAMS SKAL BA DANG LDAN PA MANG PO LA RGYA CHER SPEL BAS LAM 'DI LA BRTEN NAS GRUB PA THOB PA CHES MANG BA BYUNG, RGYUD 'DZIN 'PHRIN LAS KYI BKA' BAB PA NI GRUB CHEN DON YOD RDO RJE CHE CHUNG GNYIS SO, ,DON YOD RDO RJE CHUNG PAS GRUB CHEN PADMA BADZRA LA GNANG, DES GRUB CHEN MAR ME MJAD SRUNG CHEN PO LA GNANG, DES RGYUD 'DI SPEL BA'I SMON LAM RLABS PO CHE'I MTHU GRUB PA RVA LO RDO RJE GRAGS LA GNANG, RVA LO CHEN POS DBUS GTZANG KHAMS GSUM GYI SA'I CHA THAMS CAD DU SKAL BA DANG LDAN PA MTHA' YAS PA LA RGYA CHER SPEL ZHING, RGYUD 'DI DBU 'PHANG MTHON POR BYAS TE RTOG BDUN GYI LUNG RE TZAM ZHU BA LA'ANG GSER SRAD MANG PO 'BUL DGOS PA GSER CHOS KHO NAR MDZAD, DE'I TSE DPAL RDO RJE 'JIGS BYED CHEN PO'I RNAL 'BYOR GYI SGO NAS LAS BZHI'I 'PHRIN LAS GRUB PA DANG, RIM GNYIS LA MYONG BA THON PA DANG, RIM PA DANG PO MTHAR

SON BA DANG, RDZOGS RIM GYI RTOGS PA THOB PA SOGS LAM 'DI'I NUS PA THON BA BGRANG BA LAS 'DAS PA BYUNG NGO, ,RVA LO CHEN BOS RGYA CHER SPEL BAR MDZAD PA LAS 'PHRIN LAS RGYUD 'DZIN GYI BKA' BAB NI RVA CHOS RAB BO, ,RVA CHOS RAB KYIS RVA YE SHES SENG GA LA GNANG, DES RVA 'BUM SENG LA GNANG, DES RJE BTZUN RGVA LO LA GNANG, DES RONG PA SHES RAB SENG GE LA GNANG, DES BLA MA YE SHES DPAL BA LA GNANG STE BLA MA GONG MA DE DAG THAMS CAD KYANG DPAL RDO RJE 'JIGS BYED CHEN PO'I RIM GNYIS LA NUS PA THON PA SHA STAG GO ,BLA MA YE SHES DPAL BAS CHOS RJE DON GRUB RIN CHEN LA GNANG STE, CHOS RJE DON GRUB RIN CHEN NI DPAL RDO RJE 'JIGS BYED CHEN PO'I GRUB THOB TU YONGS SU GRAGS PA LTAR YIN ZHING, CHOS RJE DES DPAL RDO RJE 'JIGS BYED CHEN PO LA PHYI NANG GSANG BA DE KHO NA NYID KYI MCHOD PA PHUL TE GSOL BSHUGS DRAG TU BTAB PA NA DPAL RDO RJE 'JIGS BYED CHEN PO'I ZHAL NAS NGA SANG PHOD DA TZAM LUNG PA 'DI'I MDA' RU SLEB YONG BAS DE'I BAR BDE BAR GYIS ZHES GSUNGS, DE NAS CHOS RJE DON GRUB RIN CHEN GYIS KHONG RANG BZHUGS SA'I LUNG BA'I MDA' NA RJE RIN PO CHE 'KHRUNGS SA'I YUL TZONG KHA YOD PAS DER RDO RJE 'JIGS BYED KYI SPRUL PA CI 'DRA ZHIG YONG SNYAM DU BRTAGS PA NA TZONG KHAR KLU 'BUM DGE DANG SHING BZA' AA CHOS GNYIS KYI SRAS SU RDO RJE 'JIGS BYED KYI SPRUL PA BYON PAR RIG NAS YAB YUM DE GNYIS LA SPRUL PA'I SRAS DE LA GTZANG SPRA DANG GCES SPRAS BYED

, ,DGOS PA'I BKA' NAN TAN DU GNANG ZHING DAM RDZAS BDUD RTZI RIL BU BZHES RGYU DANG, SKUL BCANG RGYU'I SRUNG MDUD SOGS GNANG STE SPRUL PA'I SKU DE MJAL BAR PHEBS, DE NAS YAB YUM GNYIS LA ZANG ZING GI DNGOS PO TSAD MED PA GNANG STE SPRUL PA'I SKU 'DI NGA LA DGOS ZHES RJE RIN PO CHE 'KHRUNGS MA THAG NAS BDAG GIR MDZAD DO, ,DE LTAR NA RJE RIN PO CHE 'DI NI RJE BTZUN 'JAM PA'I DBYANGS BSTAN PA DANG 'GRO BA'I DON DU BSAM BZHIN DU BYON PA ZHIG YIN LA, DE LTA NA'ANG PHYI RABS KYI GDUL BYA RNAMS LA 'DOMS PA'I PHYIR RANG NYID RJE BTZUN 'JAM BA'I DBYANGS YIN ZHES ZHAL GYIS MA BZHES PAR THA MAL PA'I TSUL BZUNG STE, CHOS RJE DON GRUB RIN CHEN YONGS 'DZIN DU BSTEN NAS DPAL RDO RJE 'JIGS BYED CHEN PO'I DBANG DANG GDAMS NGAG RNAMS LEGS PAR GSAN TE DGUNG LO BDUN BRGYAD KYI DUS TZAM NAS DPAL RDO RJE 'JIGS BYED CHEN PO'I BSNYEN SGRUB MTHAR PHYIN PAR MDZAD, DUS PHYIS DBUS SU PHEBS NAS BLA MA DBU MA PAS 'TSAMS SPYAR TE RJE BTZUN 'JAM PA'I DBYANGS LA 'JAM DBYANGS CHOS SKOR DANG, RDO RJE 'JIGS BYED KYI GDAMS NGAG MANG DU GSAN ZHING, DE NAS RJE BTZUN 'JAM PA'I DBYANGS NYID KYIS DNGOS SU ZHAL BSTAN NAS MDO SNGAGS KYI CHOS MTHA' YAS PA GSUNGS SHING, LHAG PAR DPAL RDO RJE 'JIGS BYED CHEN PO'I DBANG GNANG BA'I CHE RJE BTZUN 'JAM PA'I DBYANGS

SKAD CIG GIS RDO RJE 'JIGS BYED KYI SKUR BZHENGS NAS DBANG BZHI YONGS SU RDZOGS BA BSKUR BA DANG, GSHIN RJE CHOS KYI RGYAL PO SRUNG MAR BKA' BSGO BA SOGS MDZAD PA'I RNAM 'PHRUL BSAM GYIS MI KHYAB BA DE 'DRA YOD PAR GSUNGS, DES NA THUN MONG MIN BA'I DBANG DU BYAS NA RJE RIN PO CHE RANG NYID RJE BTZUN 'JAM DBYANGS DNGOS YIN BAR MA ZAD YI DAM ZHI KHRO GNYIS KAS RJE RIN PO CHE LA DNGOS SU ZHAL BSTAN NAS YI DAM 'DI'I DBANG DANG GDAMS NGAG RNAMS RDZOGS PAR GNANG BA YIN PAS NYE RGYUD THUN MONG MIN PA'I RGYUD RIM GSOL 'DEBS SU BYAS NA 'DI LTAR, 'JAM DPAL RDO RJE RGYAL BA TZONG KHA BA, ,MKHAS GRUB SKU MCHED DHARM'A BADZRA ZHABS, ,DBEN SA YAB SRAS BLO BZANG CHOS KYI RGYAL; ;GSOL PA 'DEBS SO DNGOS GRUB RNAM GNYIS STZOL, ,GRUB BA MCHOG BRNYES DKON MCHOG RGYAL MTSAN DANG, ,DKYIL 'KHOR MNGA' BDAG BLO BZANG YE SHES ZHABS, ,RJE BTZUN BLO BZANG BSKAL BZANG RGYA MTSO LA, ,GSOL BA 'DEBS SO DNGOS GRUB RNAM GNYIS STZOL, ,RGYAL KUN THUGS RJE'I NGO BO BYAMS PA'I MTSAN, ,RJE BTZUN BLO BZANG DPAL LDAN YE SHES ZHABS, ,BKA' DRIN MNYAM MED RTZA BA'I BLA MA LA, ,GSOL BA 'DEBS SO DNGOS GRUB RNAM GNYIS STZOL, ,RGYAL BA KUN GYI YAB GCIG 'JAM BA'I DBYANGS, ,MA RUNGS GDUL DKA' MTHA' DAG 'DUL BA'I PHYIR, ,'JIGS BYED KHRO BO CHEN PO'I SKUR BSTAN PA, ,GSOL BA 'DEBS SO DNGOS GRUB RNAM GNYIS STZOL, ,DE

, ,LTAR BSTOD PAS BYANG CHUB SNYING PO'I BAR, ,'GAL RKYEN BDUD BZHI'I G-YUL LAS RNAM RGYAL TE, ,ZHI RGYAS DBANG DRAG GRUB CHEN BRGYAD LA SOGS, ,DNGOS GRUB KUN GYIS RTAG TU 'BYOR GYUR CIG , MDOR NA DENG NAS TSE RABS THAMS CAD DU, ,'JAM DPAL DPA' BOS DGYES BZHIN RJES BZUNG STE, ,RIM GNYIS LAM GYI RTOGS PA MTHAR PHYIN NAS, ,SKU GSUM GO 'PHANG BDE BLAG THOB GYUR CIG ,CES PA'O, ,RJE BTZUN THAMS CAD MKHYEN PA BLO BZANG YE SHES KYIS RJE BTZUN BLO BZANG BSKAL BZANG RGYA MTSO LA GNANG, DES RJE BCUN BLO BZANG DPAL LDAN YE SHES LA GNANG, RJE DE NYID KYI ZHABS DRUNG DU BDAG GIS RDO RJE 'JIGS BYED KYI DBANG LEGS PAR THOB CING, YANG RJE BLO BZANG YE SHES KYIS RDO RJE 'DZIN PA BLO BZANG RIG GROL LA GNANG, DES RDO RJE 'DZIN PA YE SHES DPAL 'BYOR LA GNANG, RDO RJE 'DZIN PA DE'I ZHABS DRUNG DU BDAG GIS YI DAM 'DI'I DBANG THOB, YANG RJE BLO BZANG YE SHES KYIS MKHAN CHEN NGAG DBANG BLO BZANG LA GNANG, DES KHRI CHEN NAM MKHA' BZANG PO LA GNANG, DE'I ZHABS DRUNG DU BDAG GIS YI DAM 'DI'I DBANG THOB, YANG RJE BTZUN SHES RAB SENG GE NAS SRAD RGYUD GONG MA RNAMS LA RIM GYIS BRGYUD PA RJE BTZUN BLA MA NGAG DBANG BYAMS PA'I ZHABS DRUNG DU BDAG GIS YI DAM 'DI'I DBANG DANG RIM GNYIS KYI MAN NGAG RNAMS LEGS PAR THOB BO,, ,,

` GSANG BDE 'JIGS GSUM GYI BRGYUD RIM GONG DU BSTAN PA DE DAG KYANG DENG SANG YONGS GRAGS LTAR BKOD PA YIN GYI, 'DI DAG LA NANG GSES KYIS PHYEN RGYA GAR GRUB CHEN MANG PO NAS BRGYUD PA'I BRGYUD RIM DANG, LO TZ'A BA MANG PO BRGYUD PA DANG, DE LA'ANG DBANG GI BRGYUD PA DANG, RGYUD KYI LUNG GI BRGYUD PA DANG, RIM GNYIS KYI MAN NGAG MYONG KHRID GYI BRGYUD PA DANG, RTZA BSHAD SBYAR BA'I BSHAD SROL GYI BRGYUD RIM SOGS MANG DU YOD DE, RJE RIN PO CHE'I GSAN YIG DANG, MKHAS GRUB RIN PO CHE'I GSAN YIG DANG, PAn CHEN BLO BZANG CHOS KYI RGYAL MTSAN GYI GSAN YIG DANG, KUN MKHYEN LNGA PA CHEN PO'I GSAN YIG GANGG'A'I CHU RGYUN DANG, RJE BTZUN BLO BZANG YE SHES KYI GSAN YIG SOGS LAS GSUNGS PA LTAR RO,, ` ,,JO BO YAB SRAS KYI GSANG CHOS THUN MONG MIN PA BKA' GDAMS THIG LE BCU DRUG GI BRGYUD RIM NI, JO BO YAB SRAS ZHAL BZHUGS DUS SHIN TU GSANG BAR MDZAD NAS GSANG CHOS 'DI 'DZIN PA'I SMON LAM GYI MTHU GRUB PA RJE BTZUN 'JAM PA'I DBYANGS KYIS BYEN GYIS BRLABS PA'I BSHES GNYEN CHEN PO RDOG LEGS PA'I SHES RAB GCIG PU LA GNANG STE BKA' RGYA DAM POR BTAB, JO BO RJE ZHING GSHEGS NAS 'BROM RIN PO CHES DGE BSHES KA BA LA 'DI'I DBANG DANG GDAMS NGAG MDOR BSDUS SHIG GNANG NAS BKA' RGYAS BTAB, SRAS KYI THU BO SKU MCHED GSUM LAS PHU CHUNG BA

, ,LA BKA' GDAMS SNYING GI THIG LE'I MAN NGAG GI MDZOD 'DZIN PAR LUNG BSTAN MDZAD DO, ,DES NA 'BROM RIN PO CHE'I THUGS SRAS DGE BA'I BSHES GNYEN PHU CHUNG BA ZHES GRAGS PA DE NI , 'PHAN YUL RGYAL GYI SKYI RA RDZING KHAR LCAGS MO LUG GI LO LA SKU 'KHRUNGS, TSE RABS MANG POR LAM LA SBYANGS PA'I BAG CHAGS BRTAS PAS BYIS PA'I DUS NAS MI RTAG BA RTOGS PA'I BLO RANG 'KHRUNGS BYUNG STE SRID PA'I PHUN TSOGS GANG LA'ANG MA CHAGS PAR RGYAL BA'I BSTAN BA LA ZHUGS TE CHOS RNAM DAG CIG MDZAD BZHED NAS RGYAL LHA KHANG DU BROS TE ZHANG CHEN PO DANG, GLAN TSUL BYANG LA RAB TU BYUNG, MTSAN GZHON NU RGYAL MTSAN DU BTAGS, DE NAS 'DUL BA'I BCAS MTSAMS RNAMS MIG GI 'BRAS BU LTAR BSRUNG ZHING SNGON BYON DAM PA'I RNAM THAR BSAMS TE THOS PAS MA SGOM GSUM CHA TSANG PA ZHIG MDZAD BZHED NAS MKHAS PA CHEN PO KHU STON LA PHAR PHYIN GYI 'GREL CHUNG TSAR BCO LNGA GSAN PA SOGS THOS PA MANG DU MDZAD, 'DUL BA LA'ANG GSAN SBYONG MTHAR PHYIN PAR MDZAD NAS, SNYE THANG DU JO BO'I ZHAL MJAL ZHING CHOS KYANG CUNG ZAD GSAN, JO BO GSHEGS NAS DGE BSHES STON PA'I PHYAGS PHYI MDZAD NAS RA SGRENG DU PHEBS, GDAMS PA RDZOGS PAR GSAN ZHING THUGS NYAMS SU BZHES, DGE BSHES STON PA'I BKA' LUNG GIS SLOB MA SKYONG BA'ANG MDZAD DE, 'BROM RIN PO CHE'I

ZHABS DRUNG DU DGE SLONG GSAR BU BYUNG BA RNAMS LA 'DUL BA'I BSLAB BYA LEGS PAR SLOBS SHIG CES BKA' GNANG NAS, 'DUL BA'I PHYAG LEN KHRID BAR MDZAD, DGE BSHES STON PA LO BCU GCIG TU BSTEN NAS YON TAN MA LUS THUGS LA MNGA' BAR MDZAD, DGE BSHES STON PA 'DAS NAS TSE 'DI'I 'KHRI BA PHRA MO 'ANG MED PAR DBEN PA'I GNAS SU MDO SNGAGS KYI LAM CHA TSANG LA NYAMS LEN MTHAR PHYIN BA ZHIG MDZAD BZHED BAR BYUNG STE, DGE BSHES PHU CHUNG BA 'DE NYID NI, SKYES KYANG NAGS SU SKYES, DENGS KYANG NAGS SU DENGS PA LTA BU ZHIG YIN TE, SHA GZUG RANG ZA GSUNGS NAS SGRUB PA 'BA' ZHIG MDZAD DE, 'PHAN YUL YUNG BA'I PHU PHU CHUNG DU SGRUB KHANG BRTZIGS TE SGRUB PA GTZO BOR MDZAD, DE'I TSE SGRUB KHANG GI NUB NA BRAG LA PHYAG MDZUB BTZUGS PAR SGRUB CHU BYUNG BA'ANG YOD DO, ,'DIS SLOB MA DRUNG DU 'DUS PA DAG LA'ANG RTEN CING 'BREL PAR 'BYUNG BA YAN LAG BCU GNYIS KYI GDAMS PA GTZO BOR 'DEBS BAR MDZAD CING, LAM GYI RIM PA'ANG DE'I KHONGS SU 'THUS PAR MDZAD DO, ,BDAG NYID CHEN PO 'DI RI DVAGS RMAS MA LTAR 'DU 'JI LA CHES 'JIGS PAS SKU MCHED GSUM TSOGS PA'I SKABS MA GTOGS TSOGS MI SDUD CING, GCIG BU GNYIS SU MED SAR DBEN PA NAS DBEN PAR 'PHO BAR MDZAD KYANG YON TAN GYI DRI BSUNG LA THAMS CAD 'KHOR TE SKU MCHED GNYIS KYI SLOB MA PHAL CHE BAS CHOS MA GSAN PA MED DE, SPYAN SNGA GSHEGS

, ,NAS BYA YUL BAS PHU CHUNG DU BYON TE RTEN 'BREL GYI KHRID GSAN CING BZHUGS DUS MANG RA'I ZHAL NAS, DA LTA PHU CHUNG NA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' ZHIG SMIN BDOG GSUNG SKAD, PHU CHUNG BA'I LUGS KYI RTEN 'BREL GYI KHRID NYAMS SU LEN CHUL BYA YUL BA'I BKA' RGYUD LA DAR CHE CHE BAR BYUNG NGO, ,DGE BSHES PHU CHUNG BA DE NYID DKON MCHOG MCHOD BA LA GTZO BOR MDZAD PAS GZIM KHANG GI PHYI ROL TU SBOS KYI DRI NGAD LDANG BA LAGS PAR GDA', ZHAL NAS NGAS DANG POR SPANG SPOS SNA CHA TING NGE BA PHUL, DE NAS RENG BU BZHI SBYOR MNGAR SID DE BA 'BUL RGYU BYUNG, DA LTA AA KA RU DANG DU RU KA LA SOGS PA DRI BSUNG CHING NGE BA 'BUL GSUNG, LAN CIG LA GSER SRANG NYI SHU RTZA GNYIS KYI SPOS SBYAR SKAD, YANG ZHAL NAS, DA LTA NAS SKYABS 'GRO GOMS CAN NA BA'I TSE AA RA ZER BA'I DOD LA SANGS RGYAS SOGS 'ONG STE GSUNG, YANG LAN CIG G-YANG SHUN MGO LA BKAB NAS RGYAL LHA KHANG GI SHI BA RNAMS BGRANG GIN SNANG SKAD, YANG LAN CIG PHU CHUNG BA DANG KHAM LUNG BA 'DZOM DUS DGE BSHES PA NI LAS 'BRAS KHO NA GAL CHE BAR GSUNG BA LA, DA LTA BSHAD RIN DANG NYAN RIN DANG SGOM RIN MED PAR BYED DE, 'DI KHO NA NYAMS SU BLANGS DKA' SEMS GSUNG BAS, PHU CHUNG BA YANG DE TZUG LAGS GSUNG BA DANG, YANG PHU CHUNG BA'I ZHAL NAS, NGA NI RGAS KHAR MDZANGS BLUN LA KHA

LHAN GYIS SONG GSUNG SKAD, YANG ZHAL NAS, 'U CAG DGE BA'I TSIG 'BRU BTON DANG, MI DGE BA DON BTON DU 'GRO GSUNG, YANG PHU CHUNG BA CHEN POS LAN CIG NAM PHYED CAN AA TZA MA GSUNG, CI NONGS ZHUS PAS, DE RING MDO SDE BLTAS PA NA DUS KYI MTHA'I NYAN THOS BYE MA'I SGRO BA KHA SPUB BA BZHIN MAR LA 'GRO BAR BSHAD SNANG, DE'I GSEB NA NI NGA YANG YOD BLA LHAG BA'I CHOS NI MA BYAS, SRUB KAR CHAGS PA 'DRA YIN NA RUNG STE ZHES GSUNGS, YANG ZHAL NAS; CHOS BYED PA LA SHES DGOS, DE LA GO DGOS, DE LA NYAN DGOS, YANG HUR CHEN PO PHYUNG NAS BYED DGOS, LUNG PA'I SROL BSGYUR NAS CHOS BYED DGOS TE, BDAG GZHAN BRJE BA'AM, 'JIG RTEN DANG MI MTHUN BAR BYED DGOS, GTAM NGAN BLANGS NAS BYED DGOS, SNYING KHAM RANG DPE THE'U TZAM DGOS GSUNG, YANG LAN CIG DGE BSHES SHA BO SGONG PA'I MTSAN PHYUNG NAS, JO BO PA 'CHI BA 'DI MNGON SUM DU MI RO LUD BZHIN SKYEL BA 'DI MI GO BAR CHOS RNAMS KYI GNAS LUGS 'JIG RTEN MTHA' DAG GIS IYID CHES PAR DKA' BA LA BLO 'GRO BA SKAD ZER BA 'DIL GLO BA MI CHES BAR GDA'O GSUNG SKAD, YANG SHA BO SGANG PA LA NGA DE RING KHYED LA CHOS SHIG NYAN GSUNGS NAS, SLE MO THANG DU RO BSREGS PA RNAMS STON CIG GSUNG, SHA BO SGANG PAS 'DIR 'DI SKAD BYA BA BSREGS PA LAGS, 'DIR 'DI SKAD BYA BA BSREGS BA LAGS BYA BA LA SOGS PA GSUNGS PAS, NYON MONGS PA

, ,RA YOM MI BA, SGRO LDEM ME BA, RMIG PA SHA RA BAR BZHAG BA'I CHOS BYED SHES PA GSUNGS PA LA, SHA BO PA'I ZHAL NAS, SHES PHA BAS KYANG MKHAS KYANG MKHAS, MKHAS PA BAS MANG YANG MANG GSUNG NGO, ,YANG LAN CIG ZHAL NAS 'CHI BA MI RTAG PA DANG LAS DANG 'BRAS BU MANG DU SGOMS SHIG ,PHAS PHAM PA BZHI BYUNG YANG SBYOD NUS PA CIG 'ONG GI ,DE NGA'I KHA CHEMS YIN GSUNG NGO, ,YANG ZHAL NAS, BDAG NYID GANG LA MI DGA' BA, ,GZHAN LA KUN DU CHI SPYAD DO, ,ZHES PA BYANG CHUB SEMS DPA'I BSLAB PA'I KHOG PA YIN GSUNG, 'BROM RIN PO CHE'I ZHABS DRUNG DU SKU MCHED GSUM 'TSOGS NAS 'BROM RIN PO CHE ZHING GSHEGS KYI PAR DU 'BRAL MED DU BZHUGS KYANG JO BO YAB SRAS KYI GSANG BA'I CHOS RDZOGS BAR MNGA' BA NI PHU CHUNG BA NYID MIN TE, 'BROM RIN PO CHE'I ZHAL NAS KYANG, TSUL KHRIMS 'BAR BA RIN CHEN 'OD GSAL BA, ,RIN CHEN GSAL BAS TSUL KHRIMS RGYAN MJES PA, ,NGA YI RNAM THAR MI NUB SKYONG BAR MDZOD, ,GZHON NU RGYAL MTSAN NGA DANG GNYIS SU MED, ,THUGS RJE CHEN PO KUN TU SBAS PA'I BU, ,'JIG RTEN KHAMS RNAMS RGYAL MTSAN 'DI YIS GANG, ,PADMA'I SUL RNAMS GZHON NU 'DI YIS BRGYAN, ,CES DANG, 'DI LA GRA BAR GYUR PA SU YANG MED, ,SLOB MAR MA GYUR CHOS PA SU YANG MED, ,'DI LA GNAS MED ZHING KHAMS THAMS CAD 'DZIN, ,MI GRAL

NAS BUD MI DBANG RNAMS KYIS MCHOD, ,GZHON NU RGYAL MTSAN RTAG TU RGYAL GYUR CIG ,CES GSUNGS TE LEGS PAR BSNGAGS PA'I SEMS DPA' CHEN PO 'DIS JO BO YAB SRAS KYI GSANG CHOS BKA' GDAMS THIG LE BCU DRUG GI DBANG DANG GDAMS NGAG JI LTAR GSAN BA DANG, NYAMS LEN JI LTAR MDZAD BA DANG, BDAG NYID CHEN PO 'DI'I PHYAG TU SPRUL PA'I GLEGS BAM JI LTAR BYUNG CHUL SOGS LO RGYUS RNAM THAR CUNG ZAD BRJOD NA, JO BO YAB SRAS GNYIS YER PA LHA RI SNYING PO'I MGUL NA BZHUG SA DUS MDO SNGAGS GSUNG RAB DGONGS 'GREL DANG BCAS PA THAMS CAD KYI SNYING PO'I DON BYANG CHUB LAM GYI RIM PA'I GNAD RNAMS LA BKA' BGRO BAR MJAD PA'I TSE RGYUD PA GSUM GYI BLA MA GONG MA THAMS CAD KYANG DNGOS SU BYON TE ZHAL 'DZOM, MGON PO SPYAN RAS GZIGS DANG RJE BTZUN MA SGROL MA SOGS LHAG PA'I LHA RNAMS KYIS KYANG DNGOS SU ZHAL BSTAN, DE'I TSE MGON PO GSER GLING PAS BYANG CHUB LAM GYI RIM PA'I SNYING PO DANG SROG SHING DANG LAM GYI RTZA BA BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, NYAMS LEN MTHAR PHYIN PAR BYED PA LA SNYING RJE'I LHA MGAN PO SPYAN RAS GZIGS LHAG PA'I LTAR BSTEN NAS GSOL BA GDAB DGOS PA DANG, MGON PO SPYAN RAS GZIGS KYI SKU'I BKOD PA BSAM GYIS MI KHYAB PA THIG LE BCU DRUG GI MAN NGAG LAS 'BYUNG BA LTAR YOD TSUL RNAMS

, ,GSUNGS, RJE BCUN MA SGROL MAS KYANG GSUNG RAB DGONGS 'GREL DANG BCAS PA THAMS CAD SKYABS GNAS BLA MA RJES DRAN, RANG LUS LHA SKUR RJES DRAN, NGAG BZLAS BRJOD DU RJES DRAN, 'GRO KUN PHA MAR RJES DRAN, GNAS LUGS STONG PA RJES DRAN TE RJES DRAN LNGAR BSDUS NAS NYAMS SU LEN TSUL RGYAS PAR GSUNGS TE, DE NI THIG LE BCU DRUG GI GDAMS NGAG 'DI'I NYAMS LEN BYA TSUL NYID DO, ,DE NAS JO BO RJES 'BROM RIN PO CHE'I SKYES RABS RNAM THAR RNAMS DANG SPRUL PA'I BKOD BA BSAM GYIS MI KHYAB PA RNAMS MDOR BSDUS GSUNGS SHING, 'BROM RIN PO CHE NYID LA'ANG KHYED BOD KYI MGON PO THUGS RJE CAN YIN PAS HA CANG SPA BAR MA MDZAD PAR PHYI RABS KYI GDUL BYA'I DON DU CUNG ZAD GSUNGS SHIG CES BSKUL BA NA 'BROM RIN PO CHES THA MAL PA'I SNANG NGOR BSTAN PA'I SKU DE YAL NAS THUGS RJE CHEN PO RGYAL BA RGYA MTSO RTEN DANG BRTEN BAR BCAS PA'I DKYIL 'KHOR DU DNGOS SU BZHENGS NAS THIG LE BCU DRUG GI GDAMS BA ZAB MO RNAMS GSUNGS, DE YANG JO BO YAB SRAS KYIS GSUNGS BA TZAM MIN GYI, MDO RGYUD NAS GSUNGS PA'I MAN NGAG STE MDO SDE ZA MA TOG BKOD PAR THIG LE BCU DRUG GI DKYIL 'KHOR 'DI DANG CHA 'DRA BAR THUGS RJE CHEN PO'I SKU'I BA SBU'I BU GA RE RE YANG SANGS RGYAS KYI ZHING MANG PO YOD PA SOGS GSUNGS, DE BZHIN DU 'DUS PA CHEN PO'I GZUNGS LA SOGS PA DANG, DPAL

GSANG BA 'DUS PA YE SHES ZHABS LUGS GYI RTZA BA'I MAN NGAG 'JAM PA'I DBYANGS KYI ZHAL LUNG DANG, DE'I MAN NGAG SGRUB THABS KUN BZANG DANG, GROL BA'I THIG LE RTZA 'GREL SOGS LAS THIG LE BCU DRUG GI NYAMS LEN 'DI'I GNAD RNAMS GSUNGS TE DA DAG GI TSUL ZHIB PAR BDAG GIS YI GE LOGS SU BRIS NAS YOD DO, ,DE LTA BU'I SNYING GI THEG LE'I DKYIL 'KHOR SGOM TSUL GYI GDAMS PA ZAB MO YID CHES KHUNGS BTZUN BYIN RLABS KYI TSAN KA SHIN TU CHE BA 'DI JO BO YAB SRAS GNYIS KYIS DGE BSHES GSANG PHU BA LA GNANG STE, DE YANG DGE BSHES GSANG PHU BA RDOG LAGS PA'I SHES RAB CES BYA BA 'DI NI BSKAL PA DPAG TU MED PA NAS TSOGS RGYA CHEN PO BSAGS SHING, LHAG PAR JO BO YAB SRAS KYI GSANG BA'I MDZOD 'DZIN PA'I SMON LAM RLABS PO CHE BTAB PA, RJE BTZUN 'JAM PA'I DBYANGS KYIS DNGOS SU BYIN GYIS BRLABS BAS SHES BYA'I GNAS THAMS CAD LA MKHYEN PA THOGS PA MED PAR 'JUG PA ZHIG STE, DE LTA BU'I BDAG NYID CHEN PO DE GSANG PHU NA DGE 'DUN LNGA BRGYA TZAM LA GZHUNG LUGS RAB 'BYAMS 'CHAD CING BZHUGS PA NA, RJE BTZUN 'JAM PA'I DBYANGS KYI BKAS BSKUL NAS TSE 'DI'I BUN LONG THAMS CAD DOR TE PHYI BZHIN 'BRANG BA ZHIG DANG BCAS YER PA LHA RI SNYING POR PHEBS NAS JO BO YAB SRAS LA DNGUL GYI MAndAL MDA' GANG BA ZHIG LA DUNG GI TSOM BU BKOD PA SOGS MCHOD PA'I DNGOS PO TSAD MED BAS MCHOD DE YANG DANG YANG DU GSOL BA BTAB NAS

, ,'BROM RIN PO CHE'I SKYES RABS RNAMS DANG, SNYING GI THIG LE'I GDAMS PA YONGS SU RDZOGS BAR ZHUS, GANG GSUNGS THAMS CAD THUGS LA BZUNG, RJE BTZUN 'JAM PA'I DBYANGS KYI MTHUS GDAMS PA YONGS SU RDZOGS PA YI GE'I GZUGS SU SHAR PA'I BKA' GDAMS SPRUL PA'I GLEGS BAM CHEN MO YANG PHYAG TU BZHUGS, DE NAS RDOG LEGS PA'I SHES RAB KYIS GSANG PHUR PHEBS NAS BKA' GDAMS SPRUL PA'I GLEGS BAM LA MCHOD PA TSAD MED PAS MCHOD CING KHOR YUG TU GSOL BA BTAB, NAM ZHIG NA RJE BTZUN 'JAM PA'I DBYANGS KYIS BSKUL NAS MNGA' RIS BA SHES RAB RGYAL MTSAN ZHES BYA BA'I BYANG CHUB SEMS DPA' CHEN PO ZHIG GSANG PHU'I NAGS KHROD NA SGOM ZHING YOD PA'I SAR GSANG PU BA CAN PO BYON NAS SNYING GI THIG LE'I GDAMS BA 'DI'I LO RGYUS CUNG ZAD GSUNGS PA NA BYANG CHUB SEMS DPA' SHES RAB RGYAL MCHAN GYIS KYANG DE LTA BU'I GDAMS BA ZAB MO DE CI NAS KYANG GSUNG 'CHAL ZHES GSOL BA BTAB BA NA, GSANG PHU BA CHEN POS KYANG ZHAL GYIS BZHES NAS 'DI LA SPYAN RAS GZIGS KYI DKYIL 'KHOR LA MCHOD PA'I RGYU ZHIG DGOS GSUNGS PA NA, BYANG CHUB SEMS DPA' SHES RAB RGYAL MTSAN GYIS YO BYAD CI YOD MCHOD PA'I RGYUR PHUL, DA'I STENG DU GSANG PHU BA CHEN POS KYANG YO BYAD MANG DU GNANG STE, THIG LE'I DKYIL 'KHOR BZHENGS NAS SGRUB GROGS DGE SLONG BZHI DANG

BCAS ZHAG SUM CU'I RING LA THIG LA BCU DRUG GI DBANG DANG GDAMS PA YONGS SU RDZOGS BAR GNANG, MTHAR SPRUL BA'I GLEGS BAM YANG GNANG STE BKA' RGYAD DAM DU MDZAD, DE NAS BYANG CHUB SEMS DPA' SHES RAB RGYAL MTSAN GYIS MI MED DBEN PA'I GNAS DU MAR NYAMS SU BZHES TE RTOGS PA MCHOG BRNYES NAS DGE BSHES PHU CHUNG BA'I SAR BYON PA NA, PHU CHUNG BAS KYANG KHONG LA SNYING GI THIG LE'I GDAMS PA ZAB MO 'DI YOD PAR MNGON SHES KYIS MKHYEN NAS DE GNANG DGOS BAR GSOL BA BTAB, BYANG CHUB SEMS DPA' CHEN POS KYANG ZHAL GYIS BZHES NAS 'DI LA SPYAN RAS GZIGS KYI DKYIL 'KHOR LA MCHOD RDZAS SHIG DGOS GSUNGS PA NA, PHU CHUNG BAS RNAM SRAS LA 'PHRIN LAS KYI GROGS BCOL BA NA DE MA THAG TU MCHOD RDZAS THAMS CAD THOGS PA MED PAR GRUB STE DKYIL 'KHOR BSHAMS, GNYIS KA KUN SPANG BYA BRAL DU SONG BAS SGRUB GROGS GZHAN MA RNYED PA NA PHU CHUNG BAS 'PHAGS PA GNAS BRTAN BCU DRUG LA GSOL BA BTAB NAS GNAS BRTAN BCU DRUG GIS SGRUB GROGS MDZAD, DER BYANG CHUB SEMS DPA' SHES RAB RGYAL MTSAN GYIS SNYING GI THIG LE'I DKYIL 'KHOR DU DBANG BSKUR BA DANG GDAMS NGAG RNAMS SPEL MAR BYAS TE ZLA BA GCIG DANG ZHAG BCO BRGYAD KYI RING LA YONGS SU RDZOGS PA GNANG ZHING, MTHAR BKA' GDAMS SPRUL PA'I GLEGS BAM YANG DGE BSHES PHU CHUNG BA LA GTAD NAS BYANG CHUB SEMS DPA' SHES RAB RGYAL MTSAN SKU'I SNANG BA BSDUS

, ,TE 'JA' LUS SU GSHEGS SO, ,DE NAS DGE BSHES PHU CHUNG BA CHEN POS DBEN PA'I GNAS DU MAR THUGS NYAM SU BZHES TE ZUNG 'JUG GI GO 'PHANG BRNYES PA NA BYANG CHUB SEMS DPA' RIN CHEN RGYAL MTSAN ZHES BYA BA'I SAR PHEBS, DES KYANG PHU CHUNG BA CHEN PO LA BKA' GDAMS BSTAN PA'I SNYING PO 'DI GNANG DGOS PAR GSAL BA BTAB PA NA, GDAMS NGAG 'DI LA THUGS RJE CHEN PO'I DKYIL 'KHOR LA MCHOD RDZAS SHIG DGOS BAS KHYOD RANG YANG BSOD SNYOMS CUNG ZAD MDZOD, NGAS KYANG GROGS BYA GSUNGS NAS PHU CHUNG BA CHEN POS RA SGRENG SOGS NAS ZAS SNA DANG SMAN SNA BTZAL, BYANG CHUB SEMS DPA' RIN CHEN RGYAL MTSAN GYIS BSOD SNYOMS BYAS TE YO BYAD RNAMS TSOGS BA NA ZHAG RE LA THIG LE RE MDZAD NAS ZHAG BCU DRUG LA THIG LE BCU DRUG GI DBANG RDZOGS BAR MDZAD, MAN NGAG RNAMS ZLA BA DRUG GI RING RDZOGS PAR BSTAN NAS RGYUD SMIN CING GROL BAR MDZAD DO, ,DE'I TSE PHU CHUNG PA CHEN BOS BKA' GDAMS BSTAN PA'I SNYING PO 'DI NYID GANGS RI'I KHROD 'DIR MI NUB CING 'PHEL BAR BYA PA'I PHYIR BKA' GDAMS LHA CHOS BDUN LDAN SNYING GI THIG LE'I MAN NGAG 'DI JI LTAR BYON TSUL GTER GYI KHA BYANG LTA BU ZHIG KYANG YI GER 'GOD BAR MDZAD DO, ,DE LTAR PHU CHUNG BA CHEN POS SEMS DPA' CHEN PO RIN CHEN RGYAL MTSAN LA BKA' GDAMS SNYING GI THIG LE'I MAN NGAG YONGS SU RDZOGS BAR

BSTAN NAS MTHAR SPRUL PA'I GLEGS BAM YANG GNANG STE PHU CHUNG BA CHEN PO 'JA' LUS SU GSHEGS SO, ,DE NAS BYANG CHUB SEMS DPA' RIN CHEN RGYAL MTSAN GYIS DBUS GTZANG MNGA' RIS BAL YUL SOGS DBEN GNAS DU MAR BYON NAS NYAMS SU BA ZHES SHING RTOGS PA MCHOG BRNYES PA NA RA SGRENG DU BYON TE ZHANG STON DAR MA RGYAL MTSAN BTZUN CHUNG GZHON NU ZHIG YOD PA DE GDAMS NGAG 'DI'I BDAG POR 'GYUR BAR MKHYEN NAS DE RJES SU BZUNG, DGE BSHES STABS KAB CHEN POS ZHU SNA DANG MCHOD RDZAS THAMS CAD SBYOR BAR MDZAD NAS RA SGRENG GI KA GNYIS MAR THIG LE BCU DRUG GI DKYIL 'KHOR RGYAS PAR BRIS TE, JO BO YAB SRAS GNYIS KYANG DNGOS SU BYON NAS BSNYEN PA'I GROGS MDZAD, ZLA BA GCIG DANG ZHAG GNYIS KYI RING LA THIG LE BCU DRUG GI DBANG RGYAS PA ZHIG MDZAD, DE NAS LO BCU GNYIS KYI RING ZHABS 'BRING DU BSTEN TE DPEN PA'I GNAS DU MAR GDAMS NGAG YONGS SU RDZOGS PAR BSTAN, MTHAR GLEGS BAM YANG GNANG STE ZHANG STON DAR MA RGYAL MTSAN CHOS 'DI'I BDAG POR BYIN GYIS BRLABS PO ,DE NAS ZHANG STON DAR MA RGYAL MTSAN GYIS DBEN GNAS DU MAR THUGS NYAMS SU BZHES SHING RTOGS PA MCHOG BRNYES PA NA STABS KA BA BYANG CHUB BZANG PO RJES SU BZUNG, BYANG CHUB BZANG POS KYANG ZHANG STON DAR MA RGYAL MTSAN LA SNYING GI THIG LE'I GDAMS PA 'DI GSUNG BAR GSOL BA BTAB PA NA ZHAL GYIS BZHES TE MCHOD RJES RNAMS BSAGS, MCHOD PA'I YO BYAD

, ,RNAMS 'JOM PA NA 'BROM RIN PO CHE'I 'KHRUNGS YUL PHUG RING DU BYON NAS ZHAG BCU DRUG GI RING LA THIG LE BCU DRUG GI DBANG TSAR BAR MDZAD, DE NAS RA SGRENG DU BYON NAS ZLA BA GCIG GI RING LA THIG LE'I SGRUB PA MDZAD, DE NAS LO DGU'I BAR DU BSTEN NAS GDAMS NGAG RNAMS RDZOGS PAR GSAN NO, ,DE NAS SLOB DPON BYANG CHUB BZANG POS SNYING GI THIG LE'I GDAMS PA THUGS NYAMS SU BZHES SHING RTOGS PA MCHOG BRNYES BA NA STABS KA BA NAM MKHA' RIN CHEN RJES SU BZUNG STE, STABS KA BA NAM MKHA' RIN CHEN GYIS SLOB DPON BYANG CHUB BZANG BO LA BKA' GDAMS BSTAN PA'I SNYING PO SNYING GI THIG LE'I GDAMS PA GNANG DGOS PAR ZHUS PA NA 'DI LA MCHOD RDZAS CUNG ZAD CIG DGOS GSUNGS, DE 'TSOL BAR ZHUS NAS YO BYAD RNAMS BTZAL TE MCHOD RDZAS RNAMS TSANG BAR BTZAL GRUB PA NA ZHAG BCU DRUG GI RING THIG LE BCU DRUG GI DBANG MDZAD DE NAS DBEN PA'I GNAS DU MAR PHEBS NAS GDAMS NGAG RNAMS YONGS SU RDZOGS PAR GNANG STE, LO NYI SHU RTZA BZHI'I RING 'BRAL MED DU BSTEN NAS BKA' GDAMS KYI GDAMS NGAG YONGS SU RDZOGS PAR GSAN GSUNG NGO; ;'DI YAN CHAD NI CHIG RGYUD KHO NA YIN PA LA SLOB DPON BYANG CHUB BZANG POS STABS KA BA NAM MKHA' RIN CHEN LA DA PHYIN CHAD MAN NGAG CUNG ZAD YANGS SU THONGS ZHES BKA' GNANG, DE NAS SLOB DPON NAM MKHA'

RIN CHEN GYIS BYANG CHUB SEMS DPA'I NOR BU'I PHRENG BA RGYA CHER SPEL ZHING, BKA' GDAMS GLEGS BAM YANG DON GNYER CAN MANG PO LA BSHAD, SNYING GI THIG LE'I GDAMS PA NI 'BROM KU MA RA MA TI LA GNANG STE, MCHOD PA'I YO BYAD RNAMS TSOGS PAR BYAS TE THIG LE BCU DRUG GI DBANG ZHAG BCU GNYIS LA RDZOGS PA ZHIG MDZAD, GLEGS BAM YANG YONGS SU RDZOGS PAR BSTAN TE THUGS LA GZUNG DU BCUG ,'BROM KU MA RA MA TIS KYANG BKA' GDAMS GLEGS BAM YONGS SU RDZOGS PA TSIG GCIG KYANG MA LUS PAR THUGS LA BZUNG NAS RGYUN DU ZHAL TON MDZAD, BKA' GDAMS SPRUL PA'I GLEGS BAM CHEN MO NI SLOB DPON NAM MKHA' RIN CHEN GYIS STABS KA'I MCHOD RTEN GYI NANG DU BZHUGS SU GSOL ZHES 'BYUNG NGO, ,DE NAS 'BROM KU MAR MA TIS SNAR THANG DU NGES NAS BKA' GDAMS GLEGS BAM RGYA CHER SPEL ZHING, SNAR THANG MKHAN CHEN GYI MA RGYAL MTSAN GYIS 'BROM KU MA RA MA TI'I ZHAL NAS JI LTAR GSUNGS PA LTAR BKA' GDAMS GLEGS BAM YI GOR BKOD, DEL MA PHYI BYAS NAS PHYOGS PHYOGS SU 'PHEL BA YIN PAS DENG SANG BKA' GDAMS GLEGS BAM YI GER 'KHOD PA LA BLTAR YOD PA NI 'BROM KUN MA RA MA TIS BKA' GDAMS GLEGS BAM THUGS LA BZUNG BA DE'I BKA' DRIN LAS BYUNG BA YIN NO, ,DE NAS RIM GYIS THAMS CAD MKHYEN PA DGE 'DUN GRUB DANG, RGYAL BA DGE 'DUN RGYA MTSO GNYIS KYIS RGYA CHER SPEL BAR MDZAD, DE NAS RIM GYIS BRGYUD DE PAn CHEN

, ,THAMS CAD MKHYEN PA BLO BZANG CHOS KYI RGYAL MTSAN DANG, RGYAL DBANG THAMS CAD MKHYEN PA NGAG DBANG BLO RGYA MTSO GNYIS KYIS SPEL BAR MDZAD, RGYAL DBANG THAMS CAD MKHYEN PA NGAG DBANG BLO BZANG RGYA MTSOL NI 'BROM RIN PO CHES DNGOS SA ZHAL GZIGS NAS SNYING GI THIG LE'I DBANG DANG GDAMS NGAG GNANG BA YIN ZHES BDAG GI BLA MA DAM PA GSUNG NGO, ,DUS PHYIS MI BDAG GI DRIN CAN RTZA BA'I BLA MA RJE BTZUN NGAG DBANG BYAMS PAS SNYING GI THIG LE'I DBANG DANG GDAMS NGAG MI NUB PAR BZUNG NAS DON GNYER CAN KHA SHAS LA GNANG BA LAS HA CANG DAR CHA CHE BA MI SNANG LA, BLA MA RIN PO CHE DE NYID KYI ZHABS DRUNG DU BDAG GIS THIG LE BCU DRUG GI DBANG DANG BKA' GDAMS SNYING GI THIG LE'I GDAMS NGAG 'DI'I BKA' DRIN LEGS PAR THOB LA JO BO YAB SRAS KYI GSANG CHOS BKA' GDAMS LHA CHOS BDUN LDAN GYI SNYING PO'I YANG SNYING PO THIG LE BCU DRUG GI GDAMS NGAG 'DI MA NUB NGAR YUN RING DU GNAS NA CIM RUNG SNYAM DU SMON PAS THIG LE BCU DRUG GI GDAMS NGAG 'DI'I BLA GONG MA'I BRGYUD RIM RNAM THAR DANG, 'DI'I DKYIL CHOG SLOB MA RJES SU 'DZIN TSUL DANG BCAS PA CHES ZHIB PAR BKOD PA BKA' GDAMS GSAL BYED CES BYA BA DANG, BLO DMAN RNAMS KYIS 'DI'I CHO GA RNAMS NGAG 'DON DU BYA TSUL DANG, 'DI'I MAN NGAG JI LTAR NYAMS SU YEN TSUL GYI KHRID YIG DANG, BKA' GDAMS LHA CHOS BDUN LDAN

GYI RNAM THAR LA SMON LAM DU BYA TSUL TSIGS BCAD DU BSDEBS PA BCAS GDAMS NGAG 'DI CHA LAG DANG BCAS PA'I YI GE BDAG GIS LOGS SU BRIS NAS YOD DO, ,DES NA BYANG CHUB LAM GYI RIM PA LA BLO SPYOD BAR 'DOD PA RNAMS KYIS RGYA CHEN SPYOD PA'I RGYUD KYI BLA MA RNAMS DANG, ZAB MO LTA BA'I RGYUD KYI BLA MA RNAMS DANG, NYAMS LEN BYIN RLABS RGYUD KYI BLA MA RNAMS LA GSOL BA 'DEBS SHING LAM PHYOGS DER MA SONG BAR MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA SNYING POR BYA ZHING THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ,,SMRAS PA, NAM MKHA'I MTHAS GTUGS PHYOGS BCU'I 'JIG RTEN NA, ,LUS CAN RNAMS LA PHAN BDE GANG 'BYUNG BA, ,RGYAL BA'I BSTAN PA NYID LA RAG LAS ZHES, ,RGYAL DANG RGYAL SRAS KUN GYIS MTHUN PAR GSUNGS, ,PHAN BDE'I 'BYUNG GNAS RGYAL BA'I BSTAN PA NI, ,TSANG LAM NOR BYANG CHUB LAM RIM STE, ,RGYAL BSTAN THAMS CAD LAM RIM 'DIR 'DU BAR, ,SHING RTA CHEN PO GNYIS KYIS GSUNGS PHYIR RO, ,DE PHYIR BYANG CHUB LAM GYI RIM PA YI, ,BSHAD SGRUB JI SRID GNAS PA DE SRID DU, ,RGYAL BA'I BSTAN PA GNAS PA ZHES BYA STE, ,'DI NYAMS NA NI RGYAL BSTAN MED PHYIR RO, ,SKYA BA 'DZIN PA MED PAR NI, ,GRU YIS PHA ROL MI BGROD LTAR, ,LAM STON BSHES GNYEN MED NA NI, ,LAM BZANG DAR BA'I SKABS MED DO, ,NYI MA MED PAR NYIN MO MED, ,SA GZHI MED PAR LO TOG MED, ,RGYA MTSO MED

, ,PAR NOR BU MED, ,LAM STON MED PAR LAM MED DO, ,RTZVA SHING NAGS TSAL LO TOG THAMS CAD NI, ,SA LA GNAS SHING SA LAS 'BYUNG BA LTAR, ,MTHO RIS THAR PA'I YON TAN MA LUS PA, ,LAM STON BSHES GNYEN NYID LA RAG LAS SO, ,MA NOR LAM STON BSHES GNYEN DAM PA NI, ,MTHO RIS THAR PA'I LAM BZANG LTA BA'I MIG ,MCHOG DANG THUN MONG DNGOS GRUB KUN GYI GZHIR, ,RGYAL DANG RGYAL SRAS KUN GYIS RGYA CHER BSNGAGS, ,TSUL DE MTHONG NAS BDAG GIS NI, ,MA NOR LAM BZANG STON MDZAD PA'I, ,RTZA BRGYUD BLA MA'I TSOGS RNAMS KYI, ,RTOGS PA BRJOD PA 'DI BYAS SO, ,'KHOR BA THOG MA MED PA NAS, ,LAS NYON DBANG GIS LUS BLANGS TE, ,BYA BA GANG DANG GANG BYAS PA, ,THAMS CAD DON MED LAS ROR SONG, ,DA RES RGYAL BSTAN 'PHEL BA'I PHYIR, ,BSTAN 'DZIN DAM PA'I TSOGS RNAMS KYI, ,RTOGS BRJOD NGAL BA 'DI BYAS PAS, ,LUS 'DIS SNYING PO CUNG ZAD LON, ,'KHOR BA THOG MA MED PA NAS, SEMS DANG SEMS BYUNG 'DI DAG NI, ,LOG PA'I LAM DU BRGYUGS BRGYUGS NAS, ,RGYUN DU RANG NYID PHUNG BAR BYAS, ,DA RES YUL 'DZIN RNAM RIG 'DIS, ,RGYAL DANG RGYAL BA'I SRAS RNAMS KYI, ,MDZAD BZANG YON TAN LTAS PAS NA, ,RNAM RIG BKRA BA DON LDAN BYAS, ,THOG MED DUS NAS LAS NYON SGYU MA MKHAN PO YIS, ,MI GTZANG KHU BA KHRAG GI THIGS PA TSOGS PA LA, ,RO LANGS SHA RUS 'KHRUL 'KHOR JI SNYED BCOS BCOS KYANG, ,CI BYAS THAMS CAD RANG GZHAN PHUNG BA'I LAS SU SONG, ,DA RES KHU KHRAG THIG

PA'I DANG MA MCHOG ,GZUGS 'DZIN DBANG POS DAM PA'I RNAM THAR LA, ,YANG DANG YANG DU BLTAS TAR BYAD DPYAD NAS, ,LEGS BSHAD GRUB BAS LTA BYED DON DANG LDAN, THOG MA MED NAS NGO 'DZIN STONG GRUB KYANG, ,NYON MONGS DUG GSUM DBANG DU SONG SONG NAS, ,MI DGE'I GTAM GYIS NYIN MTSAN DUS 'DAS TE, ,RANG GZHAN THAMS CAD PHUNG BA BRGYUD MAR BYAS, ,DA RES 'GRO BA'I SGRON ME SANGS RGYAS DANG, ,RGYAL BA'I SRAS PO RIM PAR BYON RNAMS KYI, ,MDZAD TSUL RNAM THAR BZANG PO CHER BSGRAGS PAS, , LCE YI DBANG PO DON DANG LDAN PAR BYAS, ,RGYUD PA GSUM LDAN BLA MA'I TSOGS RNAMS KYI, ,MDZAD PA RNAM THAR BZANG PO'I TSUL DAG LA, ,BDAG GIS BSGRIMS TE RAB TU BSTOD BYAS KYANG, ,YON TAN CHA TZAM BRJOD BAR GAL NUS, ,BYIS PA'I 'DOM GYIS LHA LAM 'JAL BA DANG, ,CHIG GU'I KHOG PAS CHU GTER 'JAL BA BZHIN, ,BDAG GIS RGYAL BA SRAS BCAS BSNGAGS BA YANG, ,DE DANG 'DRA BAS BSAM PA BZANG BCAM, ,RGYUD PA GSUM LDAN RNAMS KYI YON TAN NI, ,MKHA' LTAR RGYA CHE MTSO LTAR GTING ZAB PA,, BDAG BLO NYAM CHUNG SHIN TU MI GSAL BAS, ,NONGS PAR GANG GYUR BRTZE LDAN RNAMS LA BSHAGS, ,BYIS PA CHUNG DUS PHA MA'I MING TZAM ZHIG, 'KHRUL PAR BRJOD NA'ANG MTSAR DU BYED PA LTAR, ,BLO DMAN BDAG 'DRAS RGYAL BA SRAS BCAS KYI, ,YON TAN BSNGAGS, PA'ANG MTSAR DU DGONGS PAR RIGS, ,DRI MED RIGS LAM MKHYEN PA'I MKHAS PA DANG, ,NYAMS MYONG GNAD DU KHEL BA'I DAM PA RNAMS, ,THUGS KHREL BYUNG NA GSON YANG SHI DANG MTSUNGS, ,DE PHYIR DAM PAS SMAD PA'I LAS MI BYA, ,BLO NGAN PHRAG DOG GDON

, ,GYIS DKRUGS RNAMS KYIS, ,'DI LTAR BGYIS LA SMAD PA BYAS GYUR KYANG, ,DE YI RANG BZHIN DE NYID YIN PAS NA, ,DE 'DRA DE LA SU YIS CI ZHIG BYA, ,JI LTAR BDE GSHEGS SKU GZUGS RTZIG NGOS LA; ;BYIS PAS RTZED MOR RI MOR BRIS PA YANG, ,DON DANG LDAN ZHING DE NYID MTHONG BA YANG, BSOD NAMS 'PHEL ZHES RGYAL BAS BSNGAGS GYUR NA, ,RGYAL DANG RGYAL SRAS RNAMS KYA MDZAD PA'I TSUL, ,DANG PA'I SEMS KYIS PHYOGS TZAM BSNGAGS PA 'DI, ,DON DANG LDAN ZHING BSOD NAMS CHER 'PHEL BAR, ,'GYUR SNYAM TSUL 'DIR BDAG GIS NGAL BA BYAS, ,'DIR 'BAD PA LAS THOB PA'I DGE PA DES, ,'GROL LAM BZANG MTSON PA'I MIG GCIG PU, ,BYANG CHUB LAM GYI RIM PA'I MAN NGAG 'DI, ,NAM YANG MI NUB 'PHEL BA'I RGYU RU BSNGO, ,SA 'DZIN LHUN PO CHU GTER SMAD G-YOGS MA GROL ZHING, ,SRID PA'I SGRON ME ZUNG GI SNANG BAM CHAD BAR, ,DAM PA'I SPYOD TSUL BSNGAGS PA'I LEGS BSHAD 'DI YIS KYANG, ,'GRO LA LAM BZANG LTA PA'I SNANG BA STER GYUR CIG ,BDAG KYANG DENG NAS CHE RABS THAMS CAD DU, ,THEG MCHOG DAM PA'I MGON GYIS RJES BZUNG NAS, ,TSANG LA MA NOR BYANG CHUB LAM RIM LA, ,SGRUB PA SNYING POR BYED PA NYID GYUR CIG ,RGYUD PA GSUM LDAN BLA M'I BYIN RLABS MTHUS, ,SDE SNOD GSUM GYI DON LA NGES RNYED NAS, ,BSLAB PA GSUM GYI NYAMS LEN MTHAR PHYIN TE, ,SKU GSUM

GO 'PHANG MYUR DU THOB GYUR CIG ,BLO BZANG THUB DBANG RDO RJE 'CHANG CHEN POS, ,CHOS 'DI GANG LA GNYER DU GTAD MDZAD PA, ,SKYES BU GSUM GYI LAM GYI SRUNG MA YIS, ,CHOS 'DI SGRUB LA RTAG TU GROGS MDZOD CIG , TSANGS DBANG 'JIG RTEN SKYONG BA BZHI LA SOGS, ,DKAR PHYOGS SKYONG BA'I SRUNG MA THAMS CAD KYIS, ,CHOS TSUL 'DI LA RTAG TU GROGS BYED CING, ,'JIG RTEN BDE LEGS CHEN POS KHYA' GYUR CIG ,CES BYANG CHUB LAM GYI RIM PA'I BLA MA BRGYUD PA'I RNAM PAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA 'DI NI, SNGA MO NAS DGE PA'I BSHES GNYEN MANG PO ZHIG GIS BSKUL MA BYUNG BA DANG; SGRUB PA SNYING POR BYED PA DGE SLONG NGAG DBANG BSNYAN 'DZIN GYIS BDE LAM DANG ZHAL LUNG GNYIS KA'I BLA MA BRGYUD PA'I RNAM PAR THAR PA RGYAS PA ZHIG DGOS ZHES YANG DANG YANG DU NAN CHEN POS BSKUL ZHING, RANG GI NYE 'KHOR BA DGE SLONG YE SHES BSAM GTAN GYIS KYANG RJE BDAG NYID CHEN PO'I RNAM PAR THAR PA RGYAS PA ZHIG DGOS ZHES BSKUL BA DANG, BSTAN PA'I GSAL BYED DAM PA DGE BSHES THOGS MED KYIS KYANG BYAMS MGON BLA MA RIN PO CHE'I RNAM THAR RGYAS PA ZHIG DGOS ZHES YANG YANG BSKUL BA DANG, NYE CHAR ^ GANGS CAN 'GRO BA'I MGON PO RGYAL DBANG THAMS CAD MKHYEN GZIGS CHEN PO RJE BTZUN BLO BZANG BSTAN PA'I

, ,DBANG PHYUG 'JAM DPAL RGYA MTSO DPAL BZANG POS STON PA THUB PA'I DBANG PO NAS BZUNG NGA LTAR ZHAL BZHUGS PA'I RTZA BA'I BLA MA LA THUG GI BAR BYANG CHUB LAM GYI RIM PA'I BLA MA BRGYUD PA TSANG BA'I RNAM PAR THAR PA RGYAS PA ZHIG BYUNG NA BSTAN PA'I SNYING PO 'DI 'PHEL BA'I RKYEN DU CHE BAS CIS KYANG BGYI DGOS SO ZHES BKA' LUNG SPYI BOR PHEBS PA GUS PAS MNOS TE, DON GYI SLAD DU MTSAN NAS SMOS TE MKHAN PO RIN PO CHE PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I BKA' DRIN LAS RGYAL BA'I BSTAN PA RIN PO CHE'I SGOR RAB TU BYUNG NAS SHING RTA CHEN PO'I GZHUNG RNAMS LA SBYONG PA'I SKAL BA THOB CING, DPAL DPEN SA SNYAN RGYUD KYI MAN NGAG LA BRTEN NAS GRUB PA'I GO 'PHANG MTHON POR GSHEGS PA BYA BRAL GRUB PA'I DBANG PHYUG RJE BTZUN BLA MA BLO BZANG RNAM RGYAL DANG, THUB BSTAN YONGS RDZOGS KYI BDAG PO RJE BTZUN NGAG DBANG BYAMS PA GNYIS KYI BKA' DRIN LAS BYANG CHUB LAM GYI RIM PA'I MAN NGAG LEGS PAR THOB PA DGE SLONG YE SHES RGYAL MTSAN GYIS RAB BYUNG BCU GSUM PA'I SPRE'U ZHES PA ME MO LUG GI LO PHE BRANG CHEN PO PO TA LAR SBYAR BA'I, ,'DIS KYANG RGYAL BA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,,

AOm STVA STI; BSKAL BZANG 'DI LA RNAM 'DREN MANG BYON YANG, ,MGON MED SNYIGS DUS NYAM THAG 'GRO RNAMS LA, ,RGYAL BA GZHAN LAS THUGS RJE CHES LHAG PA, ,ZLA MED STON PA SH'AKYA'I RGYAL POR 'DUD, ,STON PA MNYAM MED THUB PA'I DBANG PO YIS, ,MTHA' YAS GDUL BYA'I KHAMS DANG BSAM PA DANG, ,BAG LA NYAL DANG DBANG PO LA GZIGS NAS, , CHOS PHUNG BRGYAD KHRI BZHI STONG BKA' STZAL TO, ,RGYAL BA'I GSUNG RAB KUN GYI SNYING BO'I DON, ,SKAL BZANG GCIG GI NYAMS ?LEN RIM PA RU, ,LEGS PAR DRIL BAM TSANG MED PA'I CHOS, ,BYANG CHUB LAM GYI RIM BA 'DI NYID DO, ,RAB 'BYAMS ZHING GI RGYAL BA MA LUS PA'I, ,GDUNG 'CHOB THEG PA MCHOG GI DGE BA'I BSHES, ,BYANG CHUB LAM GYI RIM PA STON MDZAD PA'I, ,RGYA BOD RIM BYON BLA MA RNAMS LA 'DUD, ,SA GSUM 'GRO BA'I RE SKONG YID BZHIN NOR, ,SKYES PU GSUM GYI LAM BZANG GSAL MDZAD PA'I, ,BLA MA RNAMS KYI NGO MTSAR MDZAD PA'I TSUL, ,GSAL BAR STON PA'I SNGON MED LEGS BSHAD 'DI, ,GANGS CAN 'GRO BA YONGS KYI MGON GCIG PU, ,RJE BTZUN BLO BZANG 'JAM DPAL RGYA MTSO YIS, ,MTHA' DBUS SKYE 'GRO YONGS LA BRTZER

[DD1] !, ,DGE SDIG SHAN 'BYED DAM CAN CHOS KYI RGYAL, , [DD2] !, ,DPAL LDAN YE SHES MGON PO LAG DRAG PA, , *, ,DGONGS NAS, ,CHOS SBYIN 'DZAD MED DAL 'GRO'I RGYUN 'DI SPEL, TSUL 'DIR 'BAD LAS DUNG DANG KUN DA LTAR; ;RAB DKAR DGE BA GANG ZHIG THOB PA DES, ,TSANG LA MA NOR RBYANG CHUB LAM RIM 'DI, ,PHYOGS RNAMS KUN TU 'PHEL ZHING RGYAS GYUR CIG, SARBA MANGGA LAm, [DD3] !, ,??LDAN SKONG 'DZAD RGYAL CHEN RNAM GRONG? 

*, ,BYANG CHUB LAM GYI RIM BA'I BLA MA BRGYUD PA'I RNAM BAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA'I SMAD CHA BZHUGS SO, , @001 [DD1] !, ,ZUNG 'JUG SKU BSNYES CHOS KYI RDO RJE'I ZHABS, , #, ,RJE BTZUN BLA MA DMIGS PA MED PA'I THUGS RJE CHEN PO DANG LDAN PA THUB DBANG RDO RJE 'CHANG DANG DBYER MA MCHIS PA'I ZHABS LA PHYAG 'TSAL ZHING SKYABS SU MCHI'O, ,BRTZE BA CHEN POS DUS THAMS CAD DU RJES SU GZUNG DU GSOL, ,DPAL LDAN BLA MA BDE CHEN DNGOS GRUB KUN, ,KUN LA SBYIN MDZAD BLO BZANG RDO RJE 'CHANG, ,SKYABS GSUM KUN 'DUS RJE BTZUN SPRUL BA'I SKU, ,BLO BZANG DON GRUB ZHABS LA GSOL BA 'DEBS, ,ZHES BSNGAGS PA RGYAL BA DBEN SA PA BLO BZANG DON GRUB NI, SNGON 'DAS PA'I BSKAL PA BRJOD KYIS MI LANG BA'I YANG BRJOD KYIS MI LANG BA'I SNGON ROL NAS BYANG CHUB MCHOG TU THUGS BSKYED DE RGYAL SRAS KYI SPYOD PA RGYA MTSO'I PHA ROL TU SON PA ZHIG MI MJED 'JIG [DD2] !, ,SKU GSUM MNGON GYUR RGYAL BA DBEN SA PA, ,

[DD1] !, ,BLO BZANG CHOS KYI RGYAL MTSAN 'DZIN PA'I RJE, , *, ,RTEN GYI KHAMS 'DIR STON PA THUB PA'I DBANG PO'I MDO SNGAGS KYI BSTAN PA SPEL BA'I SLAD DU RGYA GAR SHAR NUB KHA CHE BAL YUL SOGS SU SPRUL PA'I BKOD PA SNA TSOGS BSTAN NAS RGYAL BA'I BSTAN PA 'DZIN CING SPEL BAR MDZAD, BYANG PHYOGS GANGS RI'I LJONGS 'DIR YANG SPRUL PA SNA TSOGS BSTAN TE GANG DU RGYAL BA'I BSTAN PA MA DAR BA'I SA RNAMS SU THUB DBANG BSTAN PA'I SGRON ME GSAR DU BTZUGS, CUNG ZAD DAR BA'I SA RNAMS SU NYAMS PA RNAMS GSOS, CUNG ZAD RGYUN GNAS PA RNAMS DAR BAR MDZAD PA'I 'PHRIN LAS RGYA CHE RGYUN MI CHAD DU 'JUG BZHIN PA LAS, DUS 'DIR 'JAM MGON BLA MA'I SNYAN RGYUD KYI BSTAN PA 'DZIN CING SPEL BA'I SLAD DU BSAM BZHIN DU BYON PA ZHIG STE, DE YANG G-YAS [DD2] !, ,LAM BZANG GSAL MDZAD DZNY'A NA DHA DZA'I ZHABS, ,

RU GTZANG 'GRAM DGE RGYAS BYE MA GLING GI GTZUG LAG KHANG DANG NYE BA'I SA'I CHA LHA KHUD CES BYA BA'I YUL GYI PHU DBEN SA ZHES PA SNGON BYON DAM PA DU MAS BYIN GYIS BRLABS PA'I GNAS SU MKHAS GRUB CHEN PO BSOD NAMS PHYOGS GLANG SOGS DAM PA DU MA 'KHRUNGS PA'I RGYUD PA, RUS KHYAD PAR CAN MDONGS KYI RUS, DE LTA BU'I RIGS RUS CHO 'BRANG RGYUD PA MA SMAD PA'I RIGS SU YAB BSOD NAMS RDO RJE ZHES GRAGS PA YA RABS KYI SPYOD TSUL GYI GZI BYIN DU MAS MDZES PA DANG, YUM DPAL 'DZOM SKYID CES PA GZUGS DANG LANG TSO PHUN SUM TSOGS PA ZHIG STE YAB YUM DE GNYIS KYI SRAS SU BSAMS BZHIN DU KHRO BO ZHES PA SHING MO GLANG GI LO ZLA BA DANG PO'I DKAR TSES BCU'I NYIN NGO MTSAR BA'I LTAS DANG BCAS TE SKU BLTAMS, BLTAMS MA THAG TU MA GYUR SEMS CAN THAMS CAD SNYING RE RJE AOm MA nI PADME H'Um, ZHES YI GE DRUG PA'I SGRA BSGRAGS PAS 'JIG RTEN THAMS CAD DU DBYANGS KYI NGA ROS KHYAB NAS LHA'I DBANG PO BRGYA BYIN DANG RGYAL PO CHEN PO BZHI LA SOGS PA DKAR PHYOGS SKYONG BA'I LHA DANG SRUNG MA THAMS CAD DGA' ZHING MGU LA NGO MTSAR RMAD DU GYUR TE

, ,DA NI 'JIG RTEN MGON DANG BCAS SO, ,THUB PA'I BSTAN PA NYAMS PA GSOS PAR 'GYUR RO, ,BDUD SDE DPUNG DANG BCAS PA NYAMS PAR 'GYUR RO, ,DKAR PHYOGS KYI LHA RNAMS RGYAL LO, ,ZHES DGA' BA'I CA CO'I SGRA BSGRAGS PA GONG NAS GONG DU 'OG MIN GYI BAR DU KHYAB PAR BYAS SO, ,PHYOGS BCU'I RGYAL BA SRAS DANG BCAS PA THAMS CAD DGYES NAS RGYAL SRAS BDAG NYID CHEN PO 'DI'I DON GRUB PAR GYUR CIG CES SMON LAM MDZAD CING ME TOG GTOR BAR NGES SO, ,RGYAL BA DBEN SA PA CHEN PO YUM GYI MNGAL NAS 'KHRUNGS MA THAG, RGYAL SRAS DPA' BO'I NGANG TSUL GSAL BAR BSTAN TE SNYING RJE'I SGRA DBYANGS BSGRAGS PA'I TSUL 'DI LA SRAS KYI THU BO MKHAS GRUB SANGS RGYAS YE SHES KYIS BSTOD PA 'DI LTAR MDZAD DE, BSKAL BZANG YUM GYI LHUMS BZHUGS BLTAMS PA'I TSE, ,'GRO LA BRTZE BA'I SNYING RJE'I SGRA DBYANGS BSGRAGS, ,GRUB PA'I GDUNG MCHOG 'DZIN PA'I DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES BSNGAGS SO, ,RGYAL SRAS BDAG NYID CHEN PO 'DI DBEN SAR YUM GYI MNGAL NAS BTZAS MA THAG SHANGS MDO

RI BO DGE 'PHEL GYI MKHAN PO RJE LEGS PA'I BLO GROS KYIS, JI LTAR GZHON NU DON GRUB YUM SGYU 'PHRUL MA LAS 'KHRUNGS MA THAG LHA RNAMS KYIS KHRUS GSOL BA JI LTA BAR RGYAL SRAS GZHON NU DE LA KHRUS GSOL ZHING DA NI 'JIG RTEN MGON DANG SKYABS DANG DPUNG GNYEN DANG BCAS SO ZHES GO BA'I CHED DU MTSAN MGON PO SKYABS ZHES BTAGS SO, ,DE 'DRA BA'I RGYAL SRAS GZHON NU DE NI, DBU GDUGS LTA BU DANG, DPRAL BA DBYES CHE ZHING SMIN MA 'DZAR LA SHANGS KYI GZENGS MTHO BA DANG, SNYAN SHAL RING DU 'PHYANG ZHING YAN LAG DANG NYING LAG RGYAS LA DKU SKABS PHYED PA DANG, DBANG PO YONGS SU GSAL ZHING PAGS PA'I MDOG NI ME TOG KU MU DA LTAR DKAR BAS 'JIG RTEN GYI SKYE BO GZHAN DANG MI 'DRA BA'I MTSAN GYI DPAL GYIS MDZES PA MIG GI BDUD RTZI LTA BU ZHIG BYUNG NGO, ,DE'I TSE RJE SKYABS MCHOG DPAL BZANG DE NYID LHAG PA'I LHA RNAMS DANG BLA MA RNAMS KYIS 'JAM MGON SNYAN RGYUD KYI BSTAN PA 'DZIN PA'I SKYES BU DAM PA ZHIG DA BEN SAR MYUR DU 'BYUNG BAS DE LA MDO SNGAGS KYI LAM GYI GNAD THAMS CAD RDZOGS PAR STON CIG CES LUNG BSTAN PAS BSKUL TE DBEN SA'I DGON PA ZHOL DU PHEBS NAS THAMS CAD MKHYEN PA BSOD NAMS PHYOGS GLANG GI GDAN SAR BZHUGS TE; RIGS SAD PA DU MA LA DAM PA'I CHOS KYI BGO SKAL STZAL ZHING, GTZO BOR CHOS BRGYAD KYI ROL PA BTZAN THABS SU BCAD NAS ZAB PA DANG RGYA CHE BA'I LAM RNAMS LA RTZE GCIG TU SEMS SHING GOMS PAR MDZAD PAS GZHAL DU

, ,MED PA'I MNGON PAR RTOGS PA YANG BRNYES, RJE SKYABS MCHOG DPAL BA DBEN SA'I DGON BA ZHOL DU PHEBS SKABS RGYAL BA DBEN SA PA CHEN PO 'DI NYID 'KHRUNGS NAS RING PO MA LON PA SKU NA SHIN TU PHRA BA'I SKABS YIN YANG SNGON YUN RING PO NAS SMON LAM GYI MTSAMS SBYAR BA'I MTHU DANG, 'JAM MGON BSTAN SRUNG RNAMS KYIS BSKUL BA'I MTHUS, RGYAL BA DBEN SA BA RGYAL SRAS GZHON NU GSAR BA'I ZLA TSES LTA BUR GNAS PA 'DIS RJE SKYABS MCHOG DPAL BA'I MTSAN THOS PA TZAM GYIS DAD CING GUS PAR GYUR LA, RJE SKYABS MCHOG DPAL BA YANG RGYAL BA DBEN SA PA'I SKU GZIGS PA TZAM GYIS YUN RING MA 'PHRAD PA'I PHA BU GSAR DU 'PHRAD PA BZHIN DU DGA' BA DANG SPRO BAS SHIN TU GCES PAR 'DZIN PAR GYUR TO, ,DE'I TSE THA MAL CHU BUR MIG LDAN RNAMS KYI SNANG NGOR RJE SKYABS MCHOG DPAL BAS DBEN SAR 'KHRUNGS PA'I RGYAL SRAS GZHON NU 'DI LA THUGS MNYES PA'I STANGS KA MDZAD PA TZAM ZHIG TU SNANG YANG, NGES PA DON DU ZUNG 'JUG GRUB PA'I DPA' BO RJE SKYABS MCHOG DPAL BA DANG, RGYAS SRAS SPRUL PA'I GAR MDZAD PA DBEN SA PA GNYIS PO ZHAL 'DZOM STE DUS GSUM GSAL BAR GZIGS PAS BSTAN PA DANG SEMS CAN GYI DON DU JI LTAR MDZAD DGOS PA'I BKA' BGRO BA MDZAD CING, MA 'ONGS PA NA YAB SRAS GNYIS KYIS MDZAD PA JI LTAR MDZAD PA MTHA' DAG GSUNG MOL ZHIB

TU MDZAD DO, ,DE NAS RGYAL SRAS GZHON NU DE NYID SNGON YUN RING PO NAS RGYAL SRAS KYI SPYOD PA LA GOMS PA KLONGS SU GYUR PAS BYIS PA'I NGANG TSUL MTHA' DAG LAS 'DAS TE JI LTAR BYIS PA GZHAN DAG SKYES TZAM NYID NAS MA'I NU ZHO LEN PA LA GZHAN GYIS BSLAB MI DGOS PAR NGANG GIS 'JUG PA CI 'DRA BA DE 'DRA BAR RGYAL SRAS BDAG NYID CHEN PO 'DI NI SKYES TZAM NYID NAS GZHAN GYIS BSLAB MI DGOS PAR LHA DANG BLA MA LA GSOL BA 'DEBS PA LHUR BYED CING 'KHOR BA'I NGANG TSUL GANG DANG GANG LA'ANG MTHONG BA TZAM GYIS ZHEN PA LOG PA DANG, SEMS CAN SU DANG SU MTHONG YANG 'GRO BA NYAM THAG 'DI THABS GANG ZHIG GIS 'KHOR BA'I BTZON NANG NAS GDON PAR BYA SNYAM DU SNYING RJE DAM NGAM SHUGS KYIS SKYE BA DANG, LHAG PAR CHOS KYI RGYAL PO TZONG KHA PA CHEN PO NYID LA GSOL BA 'DEBS SHING RGYAL BA TZONG KHA PA'I BSTAN PA'I SNYING PO YONGS SU RDZOGS PA 'DZIN CING SPEL NUS PA DUS NAM ZHIG NA 'ONG SNYAM PA 'BA' ZHIG THUGS LA BRNAGS TE YUL DE'I SHAR PHYOGS NA PHUG GZHAN GYIS RNYED DKA' BA ZHIG YOD PAS PHUG DER BDAG NYID GCIG PUR ZHAG LNGA DRUG TZAM RE BSDAD PAS YANG YANG 'TSOL DGOS PA ZHIG YOD GSUNG, GCIG BU DBEN PA LA MNGON PAR DGYES PA ZHIG DE 'DRA BA'I GZHON NU NYID NAS RANG 'KHRUNGS SU YOD CING, DE DUS NAS STON PA THUB PA'I DBANG PO DANG RGYAL PA TZONG KHA PA LA GSOL 'DEBS NYIN MTSAN KHOR YUG TU SHUGS DRAG TU

, ,MDZAD PA NA BCOM LDAN 'DAS THUB PA'I DBANG PO DANG RGYAL BA BLO BZANG GRAGS PA GNYIS KYI ZHAL GZIGS SHING BYIN GYIS BRLABS PA'I SNANG BAS DUS 'DA' BA ZHIG BYUNG NGO, ,DE NAS DGUNG LO BRGYAD BZHES PA NA, NUB GCIG SEG RI'I RTZE NAS ZLA BA'I DKYIL 'KHOR NYA GANG BA ZHIG SHAR BYUNG BAS RANG NYID KYI SKU LA DAR DKAR GYI GOS DANG RIN PO CHE'I RGYAN GYIS BRGYAN, RDO DRIL 'DZIN PAS ZLA BA DE LA ZHUGS TE DRIL BU GSIL BA'I SGRAS 'JIG RTEN GYI KHAMS KHYAB PA CIG RMIS GSUNGS TE DE NI RGYAL BA DBEN SA PA CHEN PO 'DIS RJE BLA MA'I MDO SNGAGS KYI BSTAN PA 'DZIN MA'I KHYON THAMS CAD DU DAR ZHING RGYAS PAR MDZAD PA'I 'PHRIN LAS RGYA CHE RGYUN MI 'CHAD 'BYUNG PA 'DI LA DGONGS PAR NGES SO, ,RGYAL BA DBEN SA PA 'KHRUNGS TZAM NYID NAS BLA MA LHA'I RNAL 'BYOR GYI SGRUB PA LA ZHUGS PAS STON PA MCHOG DANG 'JAM MGON BLA MAS BYIN GYIS BRLABS PA'I SNANG BA KHYAD PAR CAN BYUNG BA'I TSUL DE LA SRAS KYI THU BO MKHAS GRUB SANGS RGYAS YE SHES KYIS BSTOD PA MDZAD PA NI, BLA MA MCHOG DANG LHAG PA'I LHA RNAMS KYIS, ,'GRO PA'I DPAL MGON MCHOG TU NYER GZIGS NAS, ,GZHON NU'I DUS NAS BYIN BRLABS DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS SNGON LAN CIG MA YIN PAR GOMS PA'I BAG CHAGS BZANG PO'I MTHU

YONGS SU BRTAS PAS, 'KHOR BA MTHA' DAG ME 'BAR BA'I RLUBS LTAR GZIGS PA'I NGES 'BYUNG GI BSAM PA SHUGS BRAG POS RAB TU 'BYUNG BA'I THABS JI LTAR BYA ZHES NYIN MTSAN KUN TU DE 'BA' ZHIG THUGS LA BRNAGS SO, ,DE NAS JI LTAR SMON PA LTAR DGUNG LO BCU GCIG BZHES PA PHAG LO ZLA BA DANG PO'I TSE'I BCU'I NYIN CHOS 'KHOR DBUS SDINGS KYI DGON PAR CHOS RJE LHA RI RTZA PA GRAGS PA DON GRUB PAS MKHAN PO DANG, ZHAL SNGA NAS TSUL KHRIMS RIN CHEN PAS SLOB DPON MDZAD, GNAS BRTAN CHOS KYI RGYAL MTSAN DANG, RAB 'BYAMS PA LEGS PA SOGS KHA SKONG BAR 'OS PA DAD PA'I DGE 'DUN YONGS SU RDZOGS PA'I DBUS SU KHYIM NAS KHYIM MED PAR RAB TU BYUNG STE MTSAN YANG BLO BZANG NGON GRUB CES BYA BAR GSOL TO, ,'DI NI SNGON THUB PA'I DBANG PO YUM SGYU 'PHRUL MA LAS 'KHRUNGS MA THAG RGYAL PO ZAS GTZANG MAS DON THAMS CAD GRUB PA ZHES MTSAN GSOL BA LTAR, RGYAL SRAS BDAG NYID CHEN PO 'DI YANG RGYAL BA'I BSTAN PA'I SGOR BYON MA THAG PHYOGS BCU'I RGYAL BA SRAS BCAS THAMS CAD KYIS MKHAN SLOB GNYIS BYIN GYIS BRLABS TE BLO BZANG THUB DBANG RDO RJE 'CHANG CHEN PO'I MDO SNGAGS SNYAN RGYUD KYI BSTAN PA YONGS RDZOGS DA NI 'JIG RTEN BDIR NGES PAR NGAR BAR 'GYUR BAS RGYAL BA SRAS BCAS KUN GYI THUGS LA BRANGS PA'I DON GRUB BO ZHES MTSON PA'I PHYIR BLO BZANG DON GRUB CES

, ,MTSAN GSOL BAR NGES SO, ,TSUL 'DI LA MKHAS GRUB CHEN PO SANGS RGYAS YE SHES KYIS, RJE BTZUN DAM PA GRAGS PA'I MTSAN CAN GYIS, ,BLO BZANG DON GRUB CES BYER? MTSAN GSOL NAS, ,BSTAN LA RAB TU BYUNG MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES BSNGAGS PA MDZAD DO, ,DE LTAR RGYAL SRAS BDAG NYID CHEN PO 'DI LHA DANG BCAS PA'I 'JIG RTEN MTHA' DAG GI YON GNAS DAM PA THUB PA'I DBANG PO GNYIS PA LTA BUR GYUR CING, DE'I TSE MKHAN SLOB DGE 'DUN DANG BCAS PAS KYANG ME TOG GTOR ZHING SHIS PA BRJOD DE DON DE LTAR DU 'GYUR BAR SMON LAM MDZAD DO, ,TSUL DE NI RGYAL BA DBEN SA PA CHEN PO RANG NYID KYI GSUNG LAS KYANG BYUNG STE, PHAG LO RTA ZLA'I TSES BCU LA, ,SO SO THAR PA'I SDOM PA BLANGS, ,SANGS RGYAS BSTAN LA ZHUGS PA DANG, ,NGUR SMRIG RGYAL MTSAN BSKON PA MNYAM, ,ZHES GSUNGS SO, ,RGYAL BA DBEN SA PA CHEN PO RANG NYID SNGON YUN RING PO NAS RGYAL SRAS KYI SPYOD PA RGYA MTSO LA BSLAB PAR MTHAR PHYIN PA ZHIG YIN YANG, PHYI RABS KYI GDUL BYA RNAMS RGYAL BA'I BSTAN PA LA ZHUGS NAS THOS BSAM SGOM GSUM 'DI LTAR BYA DGOS SO ZHES 'DOMS PA'I PHYIR DANG, RJE BLA MAS, DANG POR RGYA CHEN MANG DU THOS PA

BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN PA RGYAS PA'I CHED DU BSNGOS, ,TSUL 'DI BSAMS SHING MDUN MA LEGS NAS GDA', ,ZHES GSUNGS PA LTAR PHA RJES BUS ZIN PA ZHIG BYA BA'I PHYIR RGYA CHEN THOS PA 'TSOL BAR BZHED NAS DBYAR CHOS LA DGE 'PHEL DU PHEBS PA NA, SLOB DPON TSUL KHRIMS RIN CHEN PAS TSUL KHRIMS SGANG GI GDAN SA BZHAG STE 'BRAS SPUNGS LA PHEBS PA DANG THUG NAS 'BRAS SPUNGS SU MKHAN PO RIN PO CHE GRAGS PA DON GRUB DANG, SLOB DPON RIN PO CHE TSUL KHRIMS RIN CHEN PA GNYIS DANG LHAN DU BYON, DE NAS 'BRAS SPUNGS SU DBYAR STON SBREL NAS BZHUGS TE CHOS SPYOD KYI RIM PA CI RIGS PA THUGS LA CHUD PAR MDZAD, RJE LHA RI PA LA BYANG CHUB LAM GYI RIM PA DANG, DPE CHOS RIN SPUNGS SOGS CHOS BKA' DU MA DANG, DPAL DUS KYI 'KHOR LO'I DBANG, BCOM LDAN 'DAS RDO RJE 'JIGS BYED KYI DBANG BZHI YONGS SU RDZOGS PA ZHU BAR MDZAD, RJE LHA RI BA 'DIS RDO RJE THEG PA'I SGOR DANG POR SMIN PAR MDZAD PAS BKA' DRIN ZLA MED DU 'DZIN PAR MDZAD DO, ,DE NAS ZLA BA BCU PA'I MJUG TU DBEN SAR PHEBS, SLAR RI BO DGE 'PHEL DU CHOS KYI RJE BLO GROS RGYAL MTSAN PA'I DRUNG DU GSANG BA 'DUS PA MI BSKYOD PA'I DBANG BZHI, RTZA RGYUD KYI LUNG,

, ,RDO RJE MI 'KHRUGS PA'I DBANG RJES GNANG, GZUNGS KYI LUNG DANG BCAS PA, SMAN BLA'I RJES GNANG LUNG DANG BCAS PA, SNAR THANG BRGYA RTZA'I RJES GNANG LUNG DANG BCAS PA YONGS SU RDZOGS PAR GSAN NO, ,DE NAS RGYAL BA'I BSTAN PA LA ZHUGS NAS LAM LA SLOB PAR 'DOD PA RNAMS LA TSE 'DI'I RNYED BKUR SNYAN GRAGS TZAM GYI PHYIR DU THOS BSAM BYED PA NI BDUD RTZI DUG TU BSGYUR BA LTAR NGAL BA 'BRAS MED DU 'GYUR BA DANG, DAL BA STONG ZAD DU BYED DO ZHES 'DOMS PA DANG, THOS BSAM BYED PA'I TSE RANG RGYUD 'DUL BA'I PHYIR DU NYON MONGS PA'I GNYEN POR DRI MA MED PA'I RIGS LAM 'TSOL BA YIN GYI, DE LTA MIN PAR SHING RTA CHEN PO'I GZHUNG GI DGONGS PA MI 'TSOL BAR KHO 'DI ZER NA NGA 'DI ZER GYI GSHAGS 'GYED TZAM DANG, TSIG ZUR 'CHOS PA'I TZOD PA LHUR LEN PA NI SNYING PO GANG YANG MED DO ZHES 'DOMS PA DANG, RANG NYID GRUB PA'I GO 'PHANG MTHON POR GSHEGS PA'I NGANG TSUL STON PA SOGS KYI DGOS PA MANG PO GZIGS NAS DE'I DGUN BKRA SHIS LHUN POR PHEBS NAS THOS BSAM GLING GI GDAN SA PA 'JAM PA'I DBYANGS BLO BZANG BSHES GNYEN PA'I DRUNG DU BSDUS GRVA RTZI BA DANG GZHUNG DANG CHOS SPYOD MANG PO'I LUNG YANG GSAN, DE'I TSE THOG MAR NYIN GCIG TZAM ZHIG SBYOR

BA RTZI BA SOGS LA THOGS PA MED PA'I SPOBS PA MTHU CAN DU GYUR KYANG, PHYIS NI CHOS BRGYAD KYI ROL RTZED LA RGYAB KYIS PHYOGS PA SMYON PA LTA BU'I BRTUL ZHUGS KYIS GNAS NAS GZHAN DAG GIS THOS BSAM GYI SBYOR BA LA BSKUL BA'I BDAG RKYEN NYE BAR BSGRUBS KYANG, DON SKAD CIG KYANG NYAMS SU MI LEN PA'I TSIG GI SBYOR BA KHO NA LA BRTZON PA LHUR LEN PA LA SNYING PO RANG CI YOD, CHU'I LBUB DANG MTSUNGS PA'I TSIG PHRENG DAG NI NYIN RE BZHIN ZLOS BUR SMRA BA KHO NA'O, ,ZHES RIGS PA'I BRTUL ZHUGS KYI SENG GE'I SGRA CHEN PO BSGRAGS, DON 'DI NI, BDAG NYID CHEN PO RANG NYID TSE RABS DU MAR GOMS PAS LUNG GI CHOS KYI BDAG POR GYUR PAS SKU TSE 'DIR THOS BSAM GYI SBYANGS PA LA MI LTOS PA DANG, NYAMS LEN MED PAR LTAR SNANG GI TSIG 'KHRI LA SNYING POR 'DU SHES PA'I RTOG GE PA RNAMS SPA BKONG BAR MDZAD PA DANG GCIG TU RGYAL BA DGYES PA'I LAM BZANG BSGRUBS PAS SNYING PO'I BSTAN PA PHYOGS MTHAR SPEL BAR MDZAD PA LA DGONGS PA'O, ,DE NAS SLAR YANG, DGE 'PHEL DU RJE BLO GROS RGYAL MTSAN PA LA KUN MKHYEN STOBS 'BAR 'OD ZER GYIS MDZAD PA'I 'DUL BA'I BSLAB BYA, RJE BTZUN TZONG KHA PA'I RNAM THAR SOGS KYI LUNG DU MA GSAN, GZHAN YANG GNAS DER CHOS KYI RJE THUB BSTAN RNAM RGYAL BA'I DRUNG DU SPYAN

, ,RAS GZIGS BCU GCIG ZHAL, THUGS RJE CHEN PO PHYAG BZHI PA, DZAM LA DMAR PO YAB YUM, MGON PO'I BKA' CHEN BCU GSUM DU GRAGS PA'I RJES GNANG LUNG MAN NGAG DANG BCAS PA, CHOS RGYAL PHYI NANG GSANG GSUM, GTUM PO KHYUNG LNGA'I LUNG MAN NGAG DANG BCAS PA, NAM MKHA' SGO 'BYED, TSE RING MCHED LNGA'I DBANG DANG, 'JAM DBYANGS MGON PO'I GCOD GZHUNG t'IKKA DANG BCAS PA SOGS GCOD KYI GDAMS PA DU MA DANG, RJE BLA MA NAS BRGYUD PA'I N'A RO'I CHOS DRUG GI KHRID, GSANG 'DUS RIM LNGA'I KHRID LAG RJES, PAn CHEN CHOS RGYAL GYI BSRE 'PHO, PHYAG RGYA SROG RTZOL GYI GDAMS NGAG SOGS YIG CHUNG NGU MA DANG, 'PHO KHRID CHEN MO, NE GU CHOS DRUG GI KHRID, LHA MO SHRAM nA'I SGRUB THABS, MKHA' 'GRO SENG GDONG CAN, DPAL LDAN DMAG ZOR RGYAL MO, GUR, ZHAL, PHYAG BZHI PA, RNAM SRAS, GNOD SBYIN BEKTZE RNAMS KYI RJES GNANG DANG SNYING PO'I BZLAS LUNG DANG BCAS PA GSAN NO, ,DE LTAR MANG DU THOS PA MDZAD PA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, GCIG TU SNYING PO'I DON LA GZHOL BA'I THUGS, ,MCHOG TU GYUR PAS MKHAS GRUB GZHAN LAS KYANG, ,GDAMS PA'I BDUD RTZI MANG GSOL DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA

LTAR RO, ,DE NAS RGYAL BA DBEN SA PA CHEN POS CHOS 'KHOR DBUS SDINGS SU PHEBS TE ZUNG 'JUG GRUB PA'I DPA' BO BLA MA RJE BTZUN SKYABS MCHOG DPAL BZANG PO'I DRUNG DU GSANG BDE 'JIGS GSUM GYI DBANG YONGS RDZOGS, MGON PO, CHOS RGYAL, BCU GCIG ZHAL, DON ZHAGS, GTUM PO KHYUNG LNGA RNAMS KYI RJES GNANG BZLAS LUNG DANG BCAS PA, GRUB RGYAL LUGS KYI TSE DBANG LA SOGS PA MDO SNGAGS KYI CHOS BKA' YONGS SU RDZOGS PA ZHUS SHING, BLA MA DANG YI DAM DBYER MI PHYED PA'I YE SHES KYI DKYIL 'KHOR DNGOS SU GZIGS PA DANG, NGO MTSAR BA'I LTAS DU MA GZIGS PA NI RGYAL BA DBEN SA PA CHEN POS BDAG NYID CHEN PO RJE BTZUN SKYABS MCHOG DPAL BZANG LA PHYAG NA RDO RJE GTUM PO'I DBANG ZHUS PA'I DUS SU RJE SKYABS MCHOG DPAL BA DE SKU MDOG MTHING KHA 'OD ZER LNGA 'PHRO BA LA ME SNA LNGA 'BAR BAS MDZES PAR BSKOR BA, GTOR MA DANG RDO DRIL NAM MKHAR GNAS SHING, DRI ZHIM PO BRO BA DANG, LHA'I ROL MO'I SGRA YANG MNGON SUM DU GSAN, YANG DON ZHAGS DANG, BCU GCIG ZHAL GYI DBANG ZHUS PA'I DUS SU SNGAR BSTAN MA MTHONG BA'I RDUL TSON GYI DKYIL 'KHOR YID 'PHROG PA CIG LA LHA'I ME TOG SNA TSOGS PA SOGS MCHOD PA'I TSOGS KYANG DU MA 'DUG CING, DRI ZHIM PO DANG LHA'I SIL SNYAN GYI SGRA SNYAN PO YANG 'KHROL, RJE SKYABS MCHOG DPAL PA DE NYID KYI SKU YANG ZLA BA'I DKYIL 'KHOR MNGON PAR GANG BA LTA BUR DKAR ZHING 'OD ZER 'PHRO BA MTHONG BAS RKYEN BYAS NAS DGA' SPRO

, ,DPAG TU MED PA SKYES, DE NAS RGYAL BA DBEN SA PA CHEN POS RJE SKYABS MCHOG DPAL BA NYID LA GSOL BA YUN RING DU BTAB NAS, 'DAS MA 'ONGS KYI SKYE BA BZHES TSUL, SKU SKYE BA 'DI LA NGO MTSAR CHE BA'I YON TAN 'KHRUNGS TSUL RNAMS GSUNG PAR ZHUS PAS RJE SKYABS MCHOG DPAL BAS 'DI LTAR GSUNGS TE, SANGS RGYAS 'JIG RTEN DU BYON PA'I TSE BYANG CHUB SEMS DPA' 'DUL BA'I TOG CES PAR SKYES NAS SANGS RGYAS DNGOS LA THEG PA CHAN PO'I CHOS DPAG TU MED PA NYAN, DE'I 'OG TU RGYA GAR SHAR PHYOGS SU STOBS LDAN GYI RGYAL PO ZHIG TU SKYES TE CHOS LDAN GYI KHRIMS BCAS NAS MI DGE BA BYED PA RNAMS GYI MIG 'DON PA DANG, RKANG LAG GCOD PA SOGS BYAS PA'I STOBS KYIS MA 'ONGS PA NA MIG DANG RKANG LAG SOGS LA SKYON CUNG ZAD 'ONG BA 'DRA GSUNG, DE NAS SUM CU RTZA GSUM DU SKYES, DER YUN RING PO MA LON PAR RGYA GAR DU SLOB DPON YON TAN 'OD DU GYUR NAS BSTAN PA DANG 'GRO BA'I DON TSAD MED PA BYAS, DE'I PHYI MA RGYA NAG RI BO RTZE LNGAR SONG NAS RJE BTZUN 'JAM PA'I DBYANGS LA CHOS MANG DU NYAN ZHING RJE BTZUN GYIS LUNG BSTAN PA LA BRTEN NAS BAL POR RDO RJE GZHON NU ZHES BYA BA'I SNGAGS PA ZHIG GI RTEN BZUNG STE THEG PA CHEN PO GSANG SNGAGS KYI BSTAN PA DAR BAR BYAS, DE NAS LO TZ'A BA TSUL KHRIMS RGYAL BAR SKYES NAS JO BO RJE BOD LA GDAN 'DREN PA SOGS DKA' SPYAD MANG PO BYAS SHING DAM PA'I CHOS

MANG PO BSGYUR BA YANG DRAN GSUNG, GZHAN YANG RJE N'A RO PA'I SPRUL PAR GRAGS PA'I 'GRO BA'I MGON PO GTZANG BA RGYA RAS DANG, CHOS KYI RGYAL PO TZONG KHA PA CHEN PO'I SRAS KYI THU BO 'DUL 'DZIN GRAGS PA RGYAL MTSAN GNYIS KYANG DAM PA 'DI'I SKU'I SKYE BA YIN PA YANG RGYAL BA DBEN SA PA CHEN PO NYID KYI YE SHES KYIS MNGON SUM DU GZIGS SHING RJE BTZUN 'JAM PA'I DBYANGS KYIS GNANG BA'I LUNG BSTAN GSANG BA'I ME LONG LAS KYANG DE LTAR DU 'BYUNG NGO, ,DE NAS RJE SKYABS MCHOG DPAL BA DGUNG LO DRUG CU RE GSUM BZHES PA'I TSE 'JIGS BYED SGRUB MCHOD CIG MDZAD PA'I DUS SU DPAL RDO RJE 'JIGS BYED KYI DKYIL 'KHOR YONGS SU RDZOGS PA DANG, DGRA NAG DANG GSHED DMAR LHA LNGA'I DKYIL 'KHOR DANG BCAS PA'I ZHAL MNGON SUM DU GZIGS SHING, DE'I DUS SU RGYAL BA DBEN SA PA CHEN POS YI DAM GYI DBANG GSAN PAS SKU LAS ME 'BAR ZHING ZHABS BRDABS PAS SA G-YO BA DANG, DKYIL 'KHOR YANG ME KHA DOG SNA LNGA PAS BSKOR BA SOGS NGO MTSAR BA'I LTAS MANG DU GZIGS SO, ,DE NAS SPRE'U LO ZLA BA LNGA PA'I TSES BRGYAD KYI THO RANGS BCOM LDAN 'DAS MI BSKYOD RDO RJE'I DKYIL 'KHOR GYI ZHAL MTHONG LUS DBEN DANG NGAG DBEN LA BRTAN PA THOB GSUNG ZHING DE DUS RGYAL BA DBEN SA PA CHEN POS RJE SKYABS MCHOG DPAL BA LA GSANG BA 'DUS PA'I DBANG ZHUS TE YE SHES 'BEBS PA'I DUS SU, RJE SKYABS MCHOG DPAL BA'I SKU 'OD ZER KHA DOG SNA LNGA'I RANG BZHIN CAN DU

, ,BYAS NAS DKYIL 'KHOR GYI STENG NA PHAR 'BYON TSUR 'BYON MDZAD KYANG, RDUL TSON LA MI GNOD PA SOGS YA MTSAN PA'I STAS DU MA BYUNG NGO, ,DE'I TSE RJE SKYABS MCHOG DPAL BAS 'DI LTAR GSUNGS TE, DA NI RMI LAM LA BRTAN PA THOB NAS 'BAD MED DU ZIN, KHYAD PAR TSES BCO LNGA DANG GNAM GANG LA RMI LAM GYI LUS KHYAD PAR CAN BZUNG NAS THUB CHEN DANG, BYAMS PA RGYAL SRAS 'JAM DPAL SNYING PO SOGS KYI SPYAN SNGAR GSO SBYONG RGYUN PAR BYED CING CHOS MANG DU ZHUS ,GZHAN YANG BDE BA CAN DANG, 'OG MIN STUG PO BKOD PA DANG, MNGON DGA' SOGS LONGS SPRUL GYI ZHING KHAMS MANG PO BLTA BAR PHYIN PAS ZHING DE DAG GI RGYAL BA SRAS DANG BCAS PA YANG MTHONG, DBANG DANG BYIN RLABS DPAG TU MED PA YANG DAG PAR STZAL, BDAG NYID KYIS KYANG LUS TSAD MED PA SPRUL NAS BDUN RNAM DAG PHUL GSUNG NGO, ,DE NAS RJE SKYABS MCHOG DPAL BA DGUNG MO BDUN CU DON BRGYAD BZHES PA'I TSE BCOM LDAN 'DAS 'KHOR LO SDOM PA'I SGRUB PA ZHIG MDZAD PA'I DUS SU, BDE MCHOG LHA DRUG CU RTZA GNYIS KYI DKYIL 'KHOR YONGS SU RDZOGS PA'I ZHAL GZIGS SHING DER GTZO BOS DBANG BZHI RDZOGS PAR BSKUR NAS DA MYUR DU MKHA' SPYOD DU 'BYON PA'I 'DUN PA THONGS ZHES GSUNG GI GNANG BAS DBUGS DBYUNG BA BRNYES, DE'I TSE RGYAL BA DBEN SA PA CHEN POS BDE MCHOG GI DBANG ZHUS PAS NANG MCHOD KHA DOG LNGA LDAN DU KHOL BA DANG ,RDZE

SKYABS MCHOG DPAL BA DKYIL 'KHOR GYI STENG DU MDA' GANG TZAM 'PHAGS NAS GAR MDZAD PA SOGS PHUL DU BYUNG BA'I LTAS DUM ZHIG GZIGS, NYIN GCIG GI TSE RJE SKYABS MCHOG DPAL BA DANG RGYAL BA DBEN SA PA CHEN PO GNYIS KAS DBUS RI'I RTZER PHEBS PA NA RJE SKYABS MCHOG DPAL BA SPYAN NAM MKHAR HRIG HRIG GZIGS SHING PHYAG THUGS KAR THAL MO SBYOR BAR MDZAD, DE LA RGYAL BA DBEN SA PA CHEN POS CI 'DRA ZHIG MCHIS ZHUS PAS, RGYAL BA RDO RJE 'CHANG LA GRUB CHEN BRGYAD CUS BSKOR NAS BYIN GYIS BRLABS PA'I NYAMS SHIG SHAR GSUNG, DE NAS DGUNG LO BRGYAD CU GYA GCIG BZHES PA'I STON ZHIG ,DON DU NA, DBEN DGON 'DI NYID 'BYUNG BA'I SA GZHI BYIN GYIS BRLABS BAR 'DUG KYANG, THA MAL PA RNAMS KYI NGOR ZHABS 'CHAG PAR SNYAD DE, YAB SRAS GNYIS KAS DBUS RI'I RTZE MOR PHEBS PA NA RJE BTZUN SKYABS MCHOG DPAL BZANG PHYAG GNYIS THAL MO SBYAR NAS DBU GUG GUG PA LAN MANG DU MDZAD CING 'DUG PA LA RGYAL BA DBEN SA PA CHEN POS DE 'DRA CI YIN ZHUS PAS, RGYAL BA BLO BZANG GRAGS PA LA RGYA BOD KYI MKHAS GRUB MANG POS BSKOR NAS BYON, BYIN GYIS KYANG BRLABS GSUNG, LAN CIG DA NI DPAL MGON PO YAB YUM DANG, DAM CAN CHOS RGYAL 'KHOR BCAS KYIS BRAN BZHIN BKA' NYAN PAR 'DUG GSUNG NGO, ,DE'I TSE RJE SKYABS MCHOG DPAL PAS RGYAL BA DBEN SA PA CHEN PO LA ZHAL GDAMS 'DI LTAR MDZAD DE, KHO BOS

, ,KYANG SDE DGON GYI BDAG SPANGS, LTO GOS GTAM GSUM LA GYONG BSKUR, LA 'DOD DANG KHE GRAGS SPANGS NAS SBAS PA'I TSUL BZUNG STE, DGE SBYOR 'BA' ZHIG LA 'BUNGS PAS TSE YANG RING DU SLEBS, SEMS DBEN DANG, SGYU LUS, 'OD GSAL, ZUNG 'JUG GI BAR GYI RTOGS PA KHYAD PAR CAN 'DI BZHIN SKYES PA YIN NO, ,KHYOD KYIS KYANG TSE 'DI DON DU GNYER BA'I MI'I KHA LA MA NYAN PAR DBEN PAR DGE SBYOR RTZE GCIG TU GYIS SHIG, CES GSUNGS SHING, SPYIR SANGS RGYAS KYI BSTAN PA DANG SEMS CAN GYI DON BYA TSUL, KHYAD PAR RGYAL BA TZONG KHA PA CHEN PO'I SNYAN RGYUD KYI BSTAN PA 'DZIN CING SPEL LUGS SOGS ZHAL GDAMS MTHAR PHYIN PAR GNANG STE RJE SKYABS MCHOG DPAL BA CHOS BDAG PO LA PHROD PAS THUGS TSIM ZHING DED DPON YID BZHIN GYI NOR BU THOB STE RANG YUL DU DGA' BZHIN DU 'GRO BA LTAR RGYAL BA TZONG KHA PA'I MAN NGAG LA BRTEN NAS SA LAM RIM GYIS BGROD DE ZUNG 'JUG DBANG GI RGYAL PO THOB PAS NAM MKHA' MA ZAD KYI BAR DU 'GYUR BA MED PA'I GDENG THOB NAS RNAM SMIN GYI SKU LUS RAGS PA DOR TE 'JA' LTAR PHRA ZHING RGYUN 'CHAD PA MED PA'I ZUNG 'JUG GI SKU 'JAM MGON BLA MA GANG DU BZHUGS PA'I SA SOGS ZHING KHAMS RAB 'BYAMS SPRUL PAS 'GENGS SHING BZHUGS SO, ,DE LTAR RGYAL BA DBEN SA PA CHEN POS RJE BTZUN SKYABS MCHOG DPAL BZANG GI ZHABS

DRUNG NAS GSANG BDE 'JIGS GSUM GYI DBANG LUNG MAN NGAG SOGS SNGAGS KYI ZAB CHOS MTHA' YAS PA GSAN ZHING RDZU 'PHRUL GYI BKOD PA MTHA' YAS PA BSTAN PA SOGS BLA MA LHA'I GZIGS SNANG NGO MTSAR RMAD DU BYUNG BA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI ,'JAM DBYANGS BLA MAS DBANG BSKUR BYIN RLABS TSE, ,RDZU 'PHRUL DAG PA'I SNANG BA DPAG MED DANG, ,BLA MA LHAG PA'I LHAR GZIGS DBEN SA PA, , BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS RGYAL BA DBEN SA PA CHEN PO DGUNG LO BCU BDUN BZHES PA NA, PHYOGS KUN TU 'BRUM NAD KYIS KHYAB CING, RJE NYID KYANG SKU 'BRUM GYIS BSNYUN NAS YOD PA LA; NYIN GCIG CHA BA SGOR RTEN 'BREL BSTOD PA KHA TON DU BYED PA ZHIG BYUNG BA NA DE'I GSUNG GI GDANGS THOS BA TZAM GYIS LUS KYI SPU ZING ZHES BYED CING SNANG BA GTING NAS 'GYUR BA ZHIG BYUNG BAS, PHYIR PHEBS TE GZIGS PA NA DGE SLONG SMA RA DKAR PO'I AAG TSOM CAN, PHYAG DAR KHROD KYI CHOS GOS GSOL BA, SHIN TU DANG BA 'DREN PA CIG 'DUG PAS, NANG DU SPYAN DRANGS PA NA GRUB CHEN GYIS DON DU 'GYUR BA MKHYEN NAS, CHA RKYEN DANG 'TSAM PAR BSNYEN BKUR BA YANG LEGS PAR BZHES, DE LTAR RGYAL BA DBEN SA PA CHEN POS GRUB CHEN CHOS RDO RJE DANG THOG MAR MJAL BA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, KHYAD PAR DANG PA'I RGYAL POS

, ,PAD MTSOR BZHIN, ,RTOGS PA'I MNGA' BDAG DHARMA BADZRA ZHABS, ,BSAMS BZHIN YONGS DAG SKYES BU KHYOD DRUNG PHEBS, ,DANG PO'I RTEN 'BREL LEGS 'GRIG DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE'I TSE RGYAL BA DBEN SA PA CHEN PO'I THUGS LA 'DI NI GRUB PA MCHOG GI DNGOS GRUB BRNYES BA ZHIG GOR MA CHAG GO SNYAM DU DGONGS TE, MKHAS GRUB SANGS RGYAS YE SHES KYIS BSTOD PA MDZAD PA LAS ,DE NYID TSUL LA LEGS PAR BRTAGS PA NA, ,GSANG BA'I MDZOD 'DZIN CHOS KYI RGYAL MTSAN GYIS, ,THUGS SRAS MCHOG TU LEGS GZIGS DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA LTAR ,GDAMS PA'I GTER DU GYUR PA'I GRUB MCHOG TU GZIGS NAS RJES SU 'DZIN PAR ZHUS PAS ,GRUB CHEN CHOS RDO RJES KYANG DGYES BZHIN DU ZHAL GYIS BZHES TE BKRA SHIS RDZONG DGA'I PHU'I MGAR MO CHOS RDZONG DU DUS 'DI TZAM LA SHOG CES BKA' GNANG, DE NAS RGYAL BA DBEN SA PAS 'BRUM BU'I BSNYUN LAS GROL MA THAG BLA MA GRUB CHEN GYIS JI LTAR GSUNG BA'I DUS TSOD DE LAS YOL PA MED PAR DBEN GNAS MGAR MO CHOS RDZONG DU PHEBS ,GRUB CHEN CHOS RDO RJE MNYES PA GSUM GYIS MNYES PAR BYAS NAS RGYAL BA TZONG KHA BA'I SNYAN RGYUD KYI MAN NGAG YONGS SU RDZOGS PA ZHIG GNANG BA THUGS RJES GZUNG 'TSAL ZHES GSOL BA BTAB PAS GRUB

MCHOG CHOS RDO RJES KYANG DGYES BZHIN DU THOG MAR MDO SNGAGS KYI GSUNG RAB DGONGS 'GREL DANG BCAS PA'I DON MTHA' DAG SNYING POR BSDUS TE GANG ZAG GCIG GI NYAMS LEN GYI RIM PAR DRIL BA, LAS DANG PO PA'I SA NAS SANGS RGYAS KYI SA'I BAR GYI SA LAM 'BRAS BU DANG BCAS PA'I LAM GYI GNAD THAMS CAD TSANG BA BYANG CHUB LAM GYI RIM PA'I KHRID MAN NGAG ZHAL SHES DANG BCAS PA YONGS SU RDZOGS PA DANG, BDE GSANG 'JIGS GSUM SOGS BLA MED KYI DBANG DANG RIM GNYIS KYI MAN NGAG RNAMS YONGS SU RDZOGS PA GNANG STE RGYAL BA DBEN SA PA CHEN PO 'JAM MGON SNYAN RGYUD BSTAN PA'I BDAG POR MNGA' GSOL LO, ,RGYAL BA DBEN SA PA CHEN POS GRUB CHEN CHOS RDO RJE LA 'JAM MGON SNYAN RGYUD KYI MAN NGAG YONGS RDZOGS GSAN PA'I TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, DE NAS DE NYID ZHABS GTUGS GSOL BTAB PAS, ,BLO BZANG GDAMS PA'I SNYING PO MA LUS STZAL, ,SNYAN RGYUD GDAMS PA'I GTER GYUR DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS SO, ,DE NAS GRUB CHEN CHOS RDO RJE DANG RGYAL BA DBEN SA PA CHEN PO GNYIS DPON SLOB LHAN CIG DBUS GTZANG GI LJONGS DE DANG DER SKAL LDAN GYI GDUL BYA DUM RJES SU 'DZIN PA DANG, MTHONG THOS DRAN REG GIS GNAS SKABS DANG MTHAR THUG GI PHAN BDE BSGRUB BA'I RTEN 'BREL KHYAD PAR CAN BSKRUN PA'I PHYIR, GANGS RI'I

, ,KHROD KYI GNAS DANG YUL LJONGS PHAL MO CHER BKRA SHIS PA'I MTSAN DANG LDAN PA'I ZHABS RDUL GYIS REG PA STZAL ZHING, MTHAR GRUB PA'I GNAS MCHOG PADMA CAN DU PHEBS TE YUN RING DU SGRUB PA BSAM GTAN GYI 'KHOR LO LA GZHOL BAR MDZAD, DE NAS GRUB CHEN CHOS RDO RJES RGYAL BA DBEN SA PA CHEN PO LA SPRUL PA'I GLEGS BAM GTAD DE BKA' RGYA DAM PO BTAB, RE SHIG TSE 'DI BLOS BTANG STE DBEN PA'I RI SUL DU SGRUB PA SNYING POR MDZAD DGOS BA DANG, MTHAR MDO SNGAGS KYI LAM YONGS RDZOGS LA NYAMS LEN MTHAR PHYIN TE RANG NYID MI NYAMS PA'I GDENG THOB PA NA SKAL BA DANG LDAN PA GZHAN DAG LA SNYAN RGYUD KYI MAN NGAG JI LTAR STON LUGS SOGS ZHIB TU 'DOMS PAR MDZAD DO, ,DE NAS RGYAL BA DPEN SA PA CHEN POS GRUB CHEN CHOS RDO RJE'I ZHAL GDAMS DANG, SNGAR RJE SKYABS MCHOG DPAL BZANG GIS KYANG GDAMS PA LTAR 'JIG RTEN GYI CHOS BRGYAD LA DGA' MI DGA'I RNAM RTOG DOR TE CHOS BRGYAD 'GO SNYOMS TSE 'DI'I 'KHRI BA PHRA MO 'ANG MED PAR MTHO MTHO RLUNG LA BSKUR DMA' DMA' CHU LA BSKYUR ZHES DAM PA GONG MA'I GSUNG BGROS LAS 'BYUNG BA LTAR PHYI NANG GI SPROS BA BTZAN THABS SU BCAD DE DBEN GNAS RNAMS SU ZAB LAM SNYING PO'I RNAL 'BYOR LAS SKAD CIG KYANG G-YEL BA MED PAR SHUGS DRAG LA RGYUN MI 'CHAD PA'I GOMS PA BSRINGS TE, ZHABS RDO RJE SKYIL

KRUNG BCAS PA'I SKU SHA RUL BA LA LCI BA'I THAL BA 'JAM PO BTAB, GZHAN BCOS SOGS MA MDZAD PAR THUGS DAM LA BRTZON PA CHER MDZAD PAS RING PO MA LON PAR DRAN SHES KYI 'BAD RTZOL LA MA LTOS BAR NYIN MTSAN KHOR MO YUG TU MNYAM PAR 'JOG NUS PA'I TING NGE 'DZIN NI BRNYES, DE LA BRTEN NAS 'DOD PA'I NYON MONGS MNGON GYUR 'GO GNON NUS PA DANG, RIM GYIS SEMS DGE BA LA 'JUG MI NUS PA'I 'CHOR NGAD KYI RNAM PA SANGS TE DGE BA'I DMIGS PA LA CI 'DOD DU 'JOG NUS PA DANG, SKU LUS KYI RLUNG GNAS NGAN LEN SKYED BYED RNAMS NI 'GAGS, LUS SEMS LAS SU RUNG BA'I BDE CHEN KHYAD PAR CAN THUGS LA 'KHRUNGS ,DE'I MTHUS RI RAB SOGS LA GZIGS PA NA RDUL PHRA RAB KYANG BGRANG THUB PA LTA BU'I GSAL NYAMS KYANG BYUNG GSUNG, DE NAS RE ZHIG NA DGE 'PHEL DU BZHUGS PA'I DUS THO RANGS RJE 'DI NYID BZHUGS SA NAS KHANG PA SKYA SBREL MANG PO'I NANG GCIG NAS GCIG TU SKYA SBREL LA THOGS PA MED PAR BYON PAS RDZU 'PHRUL DE MTHONG PA KUN NGO MTSAR DU GYUR TO, ,LAN CIG BRAG G-YANG CHEN PO MIS MI THAR BA ZHIG YOD PAR RDZU 'PHRUL GYIS GSHEGS PA BRANG DPON DON BKRIS BYA BAS MTHONG NAS, CHOS RJE LAGS DE 'DRA'I LTAD MO STON PA ZHES THAL MO SBYAR NAS PHYAG 'TSAL DU BYUNG BA LA RGYAL BA DBEN SA PA CHEN POS KHYOD SU DANG NOR GANG MTHONG GSUNGS, SNGAR GYI MTHONG TSUL ZHUS PAS, NGAS BRAG G-YANG DE 'DRA LA GA LA THAR BRANG DPON RANG MIG

, ,'KHRUL BA'AM, BRAG 'DI'I GZHI BDAG JO BO BRAG DKAR BA MTHONG BA YIN YONG GSUNGS, DE NAS, DGUNG LO NYI SHU LHAG TZAM 'GRO BA'I DUS RGYAL BA G-YUNG GI SGRUB GNAS BRAG RGYA BO RDO RJE'I PHO BRANG DU DPAL GSANG BA 'DUS PA'I MAN NGAG GI GNAD PHRA MO ZHIG THUGS NYAMS SU BZHES PA LA BRTEN NAS RMAD DU BYUNG PA'I RTOGS PA KHYAD PAR CAN BRNYES TE, RGYA BOD KYI MKHAS GRUB MANG PO'I GZHUNG RNAMS DANG, RGYAL BA'I BKA' RAB 'BYAMS NGAG NAS THOGS MED DU 'DON NUS BA BYUNG STE, TSUL DE LA MKHAS GRUB SANGS RGYAS YE SHES KYIS BSNGAGS PA NI, DE NAS RING POR MA LON SKAD CIG LA, ,GRUB PA'I GNAS MCHOG RDO RJE'I PHO BRANG DU, ,NYAMS DANG RTOGS PA CHER 'BAR DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES DANG, DE NAS CHOS KUN TSIG DON THUGS CHUNG CING, ,BDE CHEN CHANG GIS MYOS PA'I DPA' BO'I GAR, ,GCIG PU'I NYAMS KYIS BSGYUR MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSUNGS PA LTAR RO, ,GZHAN YANG 'PHAGS PA'I YUL GYI 'PHRAL SKAD DANG, ,LEGS SBYAR GYI SKAD SOGS SKAD KYI RIGS MI 'DRA BA DU MA LA'ANG MKHYEN PA THOGS PA MED PAR GYUR TE, LAN CIG SHANGS LA 'BYON PA'I LAM KHAR RGYAL PO CHU THAGS BUD MTSAMS NA YAR LA DZO KI 'GA' ZHIG DANG 'GROGS TE AA TZA RYA'I 'PHRAL SKAD KYIS DE DAG DANG GSUNG GLENG

MDZAD PAS TSONG PA MANG PO 'DUG PA YA MTSAN DU GYUR NAS 'DUG GSUNG, YANG DUS GCIG RONG PHYOGS SU PHEBS PAS SA SKYA'I BDAG CHEN RDO RJE GLING PA DANG, BYAMS CHEN PA'I SLOB DPON MANG PO DANG, SKYED TSAL BA'I DGE BSHES 'GA' ZHIG DANG, RTA NAG PA'I LO CHEN ZER BA GCIG RNAMS KHA RU STENG DU 'TSOGS NAS SGRA'I BSHAD BA YUS YUS BYED CING DGE LDAN RNAMS KYIS SGRA MI SHES ZER ZHING GTAM MANG PO GLENG BA'I SAR RJE BLA MA NYID KYIS BYON NAS, BRGYAD STONG PA SAm SKRi TA'I SKAD DU 'DON GYIN BSHAD PA MDZAD PAS, DE DAG GI SGRA'I YON TAN GYIS GANG DU YANG MA PHYIN CING LUNG RIGS GANG GIS KYANG LAN 'DON PAR MA NUS PA NA, BDAG NYID CHEN PO 'DI'I PAn ZHVA SER PO DANG, RAS KYI CHOS GOS DANG MTHANG GOS SOGS LA DPAGS TE 'DI NI RGYA 'DRE MNGON SUM MO ZHES ZHE SDANG SHIN TU 'BAR BA'I RGYUD DANG SBYAR BA'I TSIG NGAN GYI DUG MDA' SHIN TU MI BZAD PA'I CHAR PHAB KYANG DAM PA 'DIS LAN BRGYAR GOMS PA'I BZOD PA'I GO CHA LA BRTEN PAS BA SPU'I RTZE MO TZAM YANG 'KHRUGS PA MED DO, ,DE RNAMS KYI KHROD NAS NOR BU GLING PA'I SLOB DPON NA RE, DE 'DRA MA GSUNG KHONG SKYES BU NGO MTSAR CHE PA ZHIG SNANG ZER KHONG RANG GI DKAR YOL BKRUS NAS JA'I SKAL BA DRANGS, DER RGYAL BA DBEN SA PA CHEN PO NYID GDUL BYA MA RUNGS PA DE DAG SKRAG PAR BYA BA'I PHYIR STOD NAS ME 'BAR BA DANG, SMAD NAS CHU 'KHRUG PA SOGS RDZU 'PHRUL YA MA ZUNG STON PA DANG, KHRO BO'I

, ,DBANG PO'I SKUR BZHENGS TE 'DOD NA RI RAB KYANG THAL BAR RLOG PA SOGS MTHU STOBS DANG RDZU 'PHRUL DPAG MED STON NUS MOD KYANG GDUL BYA MA RUNGS PA DE DAG NYON MONGS PA'I GDON DRAG BOS ZIN PAS RE SHIG BCOS THABS MED DE, KHO BOS JI 'DRA BA'I RDZU 'PHRUL MNGON PAR 'DU BYAS KYANG GDON DRAG PAS BRLAMS PA'I NAD PA LA SMAN GYI RIGS GANG YANG MI 'PHROD PA LTAR SKAL PA MED PA'I SKYE BO 'DI DAG LA DON DU MI 'GYUR BAR MA ZAD, LOG PAR RTOG PA 'PHEL BAR 'GYUR RO SNYAM DU DGONGS NAS GTZANG LA PHEBS SO, ,DE'I CHE GRUB CHEN CHOS RDO RJE'I 'KHOR DU GRUB PA THOB PA'I SLOB MA BCU TZAM YOD PA'I NANG NAS ,RJE 'DI NYID SRAS KYI THU BOR DGONGS SNYAN RGYUD KYI BE'U BUM DANG, SPRUL PA'I GLEGS BAM PHYAG TU GTAD DE LHA DANG BLA MA'I TSOGS KYIS LHAN CIG TU CHOS KYI RGYAL TSAB TU DBANG BSKUR TO, ,DE LTAR RGYAL BA DBEN SA PA CHEN BO LA GRUB CHEN CHOS RDO RJES 'JAM MGON BLA MA'I MDO SNGAGS KYI SNYAN RGYUD MAN NGAG YONGS RDZOGS GNANG BA'I MTHAR SPRUL PA'I GLEGS BAM PHYAG TU GTAD DE SNYAN RGYUD BSTAN PA'I BDAG POR MNGA' GSOL BA'I TSUL LAS BRTZAMS TE, MKHAS GRUB SANGS RGYAS YE SHES KYIS BSTOD PA MDZAD PA NI, GRUB BA'I DBANG POS RANG GI 'KHOR RNAMS LA, ,SGRIB MED YE SHES SPYAN GYIS BRTAGS PA NA, ,KHYOD LAS MCHOG GZHAN MA GZIGS DBEN SA PA, ,BLO BZANG

DON GRUB ZHABS LA GSOL BA 'DEBS, ,ZHES DANG, DE NAS RANG GI CHOS KYI RGYAL TSAB TU, ,DBANG BSKUR SPRUL PA'I GLEGS BAM PHYAG TU BZHAG, CHOS KYI RGYAL SRID YONGS GTAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES DANG ,DE TSE BLA MA LHA DANG SRUNG MA'I TSOGS, ,DGONGS GCIG NYID KYIS LEGS PAR MNGA' GSOL BA, ,KHAMS GSUM CHOS KYI RGYAL PO DBEN SA PA, ,BLO BZANG DON GRUB ZHABS LA GSOL BA 'DEBS, ZHES GSUNGS SO, ,DE NAS RGYAL BA DBEN SA PA CHEN POS GRUB PA'I GNAS MCHOG PADMA CAN ZHES KYANG BYA PADMA 'OD KYI GZHAL YAS ZHES KYANG BYA BA'I GNAS DER DAG PA'I 'KHOR GYI TSOGS LA CHOS KYI 'KHOR LO DANG POR BSKOR ZHING, GZHAN YANG, GRUB PA'I GNAS DU MAR SKYE BO PHAL MO CHE LA LKOG TU GYUR PA'I TSUL GYIS SKAL BA DANG LDAN PA RNAMS LA CHOS KYI 'KHOR LO DU MA BSKOR BAS, GRUB PA'I GDUNG 'TSOB BRNYES PA'I SKYE BOS GANGS KHROD KYI DBEN PA MTHA' DAG KHYAB PAR RJE NYID KYI GSUNG LAS DON GYIS 'BYUNG NGO, ,RGYAL BA DBEN SA PA CHEN POS GRUB PA'I GNAS MCHOG TU DAG PA'I 'KHOR 'GA' ZHIG LA CHOS KYI 'KHOR LO THOG MAR BSKOR BA'I TSUL LA MKHAS GRUB SANGS RGYAS YE SHES KYIS BSTOD PA MDZAD PA NI, PADMA CAN DANG DE GZHAN GRUB PA'I GNAS, ,RNAMS SU ZAB RGYAS CHOS KYI CHAR PHAB NAS, ,KUN TU GRUB PAS KHYAB MDZAD DBEN SA PA, ,BLO BZANG DON GRUB ZHABS GSOL BA

, ,'DEBS, ,ZHES GSUNGS SO, ,DE DANG DE'I SKABS RNAMS SU YANG GANG DANG GANG DU ZHABS KYI 'KHOR LO BKOD PA'I SA PHYOGS DANG, DBEN PA'I GNAS DE DANG DE DAG GI MI BSRUN PA'I GZHI BDAG RNAMS DAM LA BTAGS TE, SROG GI SNYING PO BZHES NAS SLAN CHAD DGE BA'I BAR CHAD MI BGYID PA'I BKA' YANG DAG PAR STZAL, DE YANG PADMA CAN DU PHEBS PA'I LAM KHAR SDIG PA RVA CAN LUG THONG TZAM ZHiG BDAG NYID CHEN PO LA 'JIGS PA STON PA LTAR BYED PA NA, BDAG NYID CHEN POS JI MI SNYAM PAR TING NGE 'DZIN GYIS PHYAG RGYAS BCINGS TE PHEBS PAS CHO 'PHRUL RANG ZHING SONG ,PHYIS NI GZHI BDAG DES TSUL BZHIN 'PHRIN LAS BSGRUBS TE RJE 'DI BA 'TSO BA'I CHA RKYEN GYIS GTUGS NAS GNAS DE LAS 'BYON PAR BZHED PA NA RNA RO SOGS 'TSO BA'I YO BYAD SGRUB KHANG GI NYE LOGS SU YANG YANG 'JOG PAR BYED, DE'I TSUL RIG STE GNAS 'DIR RGYUN RING NA DGE SBYOR 'PHEL YANG SEMS CAN LA GNOD PAR DGONGS NAS PHEBS, PHYIS DBEN SAR BZHUGS PA'I TSE YANG, JO MO'I GZHI BDAG DES GSA'I RNAM PAR KUN GYIS MTHONG BAR BYAS TE RJE NYID MJAL PA LA BYUNG GSUNG NGO, ,TSUL DE LA MKHAS GRUB SANGS RGYAS YE SHES KYIS BSTOD PA MDZAD PA NI, SKU GSUNG THUGS KYI RNAM PA SNA TSOGS PAS, ,ZHING SKYONG GZHI BDAG TSOGS RNAMS DAM LA BZHAG, ,'GRO LA PHAN BDE RGYAS MDZAD DBEN SA PA, ,BLO BZANG DON GRUB

ZHABS LA GSOL BA 'DEBS, ZHES GSUNGS SO, ,DE NAS RGYAL BA DBEN SA PA CHEN POS RI BO DGE 'PHEL DU THOG SHAS BZHUGS, DE'I DUS SU GANG SHAR BDE STONG DU SHAR BA'I RIG PA BRTUL ZHUGS KYI SPYOD PAS DUS 'DA' BAR MDZAD PAS, BLO MIG LDONGS PA'I SKYE BO PHAL MO CHES DBEN SA SMYON PA ZHES KYANG SGROG PAR BYED PA ZHIG BYUNG NGO, ,TSUL 'DI NI RGYAL BA DBEN SA PA CHEN PO NYID KYI GSUNG LAS KYANG, BLA MA LHA LA RTZE GCIG GSOL BTAB PAS, ,YID LA GANG DRAN 'PHRAL LA LAG LEN LA, ,'GEL BA SMYON PA 'DRA BA'I SPYOD PAS NI, ,SANGS RGYAS MYUR DU SGRUB PA BDAG GI LUGS, ,ZHES DANG, DE YANG 'DI LTAR, BLA MA DANG LHAG PA'I LHA LA GSOL BA RTZE GCIG TU BTAB NAS, DGE BA'I RNAM RTOG RNAMS LTA CI SMOS, YID LA SKYES SHING GANG DRAN PA'I 'DOD CHAGS SOGS MI DGE BA'I RNAM RTOG RNAMS KYANG BLA NA MED PA'I BYANG CHUB THOB PA'I RGYU DANG THABS SU BSGYUR NAS 'PHRAL LA DRAN PA 'PHRAL LA LAG LEN LA 'GEL BA'I NYAMS LEN LA BRTZON PAR BYAS PAS, DENG SANG GI MI PHAL CHE BA RNAMS KYIS BLTA BA DANG NYAN PA'I NGOR YID LA GANG DRAN LAG LEN LA 'GEL BA'I SMYON PA 'DRA BA'I SPYOD PA ZHIG NI YONG BAR 'DUG NA'ANG ,'GRO BA'I DON DU GO 'PHANG MCHOG DAM PA SANGS RGYAS MYUR BA MYUR BA NYID DU SGRUB PAR BYED PA'I CHOS LUGS MCHOG DAM PA 'DI NI BDAG BLO BZANG DON GRUB KYI LUGS SO, ,ZHES DANG ,BLA MA LHA LA RTZE GCIG GSOL BTAB NAS, ,GANG BYUNG RKYEN RNAMS

, ,PHAL CHER DGE SBYOR GYI, ,GROGS SU 'CHAR PHYIR SMYON SPYOD LA GNAS NAS, ,DBEN PAR GCIG PUR SDOD PA KHO BO'I LUGS, ,ZHES GSUNGS PA LTAR, RKYEN BZANG NGAN GANG BYUNG LA THOG BRDZIS SU BYAS NAS 'OG GNON PAR MDZAD DE BKA' LAS, YANG NA NI CHOS BRGYAD 'DI 'GO GNON NUS PA CIG DGOS PAR 'DUG ,YANG NA NI CHOS BRGYAD 'DI LAM DU 'KHYER NUS PA CIG DGOS PAR 'DUG ,DE LA YANG MA NOR BAR 'KHRID PA'I BSHES GNYEN ZHIG GIS ZIN DGOS PAR 'DUG GSUNG, DE DAG GI TSE RGYAL BA DPEN SA PA CHEN PO NYID BLA MA LHA'I RNAL 'BYOR LAM GYI SROG SHING DU BYAS TE MDO SNGAGS KYI GNAD THAMS CAD BSDUS PA'I LAM GYI SNYING PO THUGS NYAMS SU BSTAR BAR MDZAD PAR SNANG STE, GSUNG LAS, 'JAM DBYANGS BLA MA'I ZHABS LA PHYAG 'TSAL LO, ,DE LTA NA, LAM THUN MONG BA LA SBYANGS NAS RGYUD 'OS SU GYUR PA NA BLA MA MNYES PAR BYAS NAS RNAM PAR DAG PA'I DBANG LAM ZAB MO'I RTEN DU BSGRUB PAR NUS NGOS SHES PA BLANGS NAS DAM TSIG DANG SDOM PA BZUNG, DE NAS, SKABS DE DANG GZHAN DU BLANGS PA'I SDOM PA GSUM LA GCES SPRAS SU BYAS TE TSUL BZHIN DU BSRUNG BA GZHIR BZHAG NAS THUN BZHI'I RNAL 'BYOR GYIS RIM PA DANG PO BSNYOMS LA RDZOGS RIM GYI RTOGS PA KHYAD PAR CAN SKYE BA'I DGE BA'I RTZA PA SMIN PAR BYAS, DE NAS RDZOGS PA'I RIM PA KHYAD PAR CAN RIM GYIS BSKYED NAS ZUNG 'JUG GI SKU BSGRUBS NA MDO SDE DANG RGYUD SDE

MTHA' DAG GI GNAD RNAMS GANG ZAG GCIG 'TSANG RGYA PA'I CHA RKYEN DU GYUR PA LA NGES PA RNYED NAS, THUB PA'I BSTAN PA YONGS SU RDZOGS PA RANG GIS 'DZIN CING GZHAN LA SPEL NUS PA YIN NO, ,DHARM'A BADZRA GYI GSUNG RGYUN BLO BZANG GIS YI GER BKOD PA'O, ,ZHES GSUNGS TE, GZHAN DAG LA 'DI LTAR GYIS SHIG CES GO BAR MDZAD PA'O, ,YANG DE'I TSE PHYI RABS KYI GDUL BYA RNAMS LA 'DOMS PA'I PHYIR DGE SBYOR RGYEN DBANG DU MI GTANG BAR PHYOGS BCU'I RGYAL BA SRAS BCAS DPANG DU BZHAG STE MKHYEN PAR GSOL NAS LAM CHA TSANG LA SGRUB PA MTHAR PHYIN PAR MDZAD PA'I DAM BCA' 'DI LTAR MDZAD DE, NA MO GU RU BUDDHA BO DHI SATVA BHYA: GANG ZHIG CUNG ZAD YID LA DRAN PAS KYANG, ,DNGOS GRUB THAMS CAD DA LTA STZOL MDZAD PA'I, ,BLO BZANG GRAGS DANG THUB DBANG SPYAN RAS GZIGS, ,'KHOR BCAS RNAMS KYI 'DRA 'BAG DRUNG NYID DU, ,'KHOR BA'I SNANG TSUL RAB TU MTHONG NAS NI, ,TSE 'DI NYID LA SANGS RGYAS SGRUB 'DOD PA'I, ,BLO BZANG DON GRUB CES PA'I BTZUN PA NGAS, ,DGE 'PHEL RI BO'I RTZE NAS 'DI SKAD ZHU, ,SNGA SOR KHYED RNAMS DRUNG DU BDAG GI SU, ,TSE 'DIR GLO BUR BYA BA NGAN PA RNAMS, ,SPANGS TE SNYING NAS DAM CHOS SGRUB BYED PA'I, ,YID KYI DAM BCA' MANG PO BLANGS NA YANG, ,TSE 'DI'I 'KHRI BA PHRA MO MA CHOD PAS, ,YID DAM BCAS PA RNAMS LAS CUNG ZAD TZAM, ,'GAL BAR GYUR RNAMS BSHAGS PAS BZOD PAR MDZOD, ,SLAR YANG KHYED RNAMS DGYES PA BSKYED PHYIR DU,,

, ,TSOGS GNYIS BSAGS PA'I DGE SLONG BLO BZANG BDAG ,DGA' BDE LDAN PA'I NGANG NAS 'DI SKAD DU, ,NGO MTSAR LEGS BYED GTAM 'DI 'BUL BAR BYA, ,NGA NI LOG BA'I LAM DU 'KHRID PA'I RGYU, ,GNYEN DANG 'KHOR G-YOG GROGS DANG LONGS SPYOD DANG, ,TSE 'DIR DON MED BYA BA NGAN PA RNAMS, ,SPANGS NAS CHAGS SPANG MED PA'I DBEN GNAS SU, ,THAMS CAD MKHYEN PA'I LAM DU 'KHRID PA'I RGYU, ,GNYEN DANG 'KHOR G-YOG GROGS DANG LONGS SPYOD DANG, ,BCAS TE GTAN GYI MDUN MA BSGRUB PHYIR DU, ,CHOS KYI BYA BAS RGYUN DU 'DA' LAGS SO, ,ZHES DAM BCA' MDZAD DO, ,YANG DUS LAN CIG GI TSE RANG GIS RANG LA BSKUL BA 'DI LTAR MDZAD DE, SANGS RGYAS LAS KYANG DKON PA'I GDAMS PA MCHOG ,RNYED PAR DKA' BA RDO RJE THEG PA'I LAM, ,LAM 'DI PHYIS NAS RNYED PAR DKA' BAS NA, ,TSE 'DI'I 'DOD YON THED LA BOR MDZOD LA, ,RGYAL BAS BSNGAGS PA'I RI KHROD STONG BA RU, ,BSE RU BZHIN DU GCIG PUR GNAS MDZOD LA, ,LAN CIG MIN PAR YANG YANG SGOMS SHIG AANG, ,DE LTAR BSGOMS PAS BLO GROS BZANG PO KHYOD, ,SGRUB PA'I RGYAL MTSAN RTAG TU TSUGS SHIG AANG, ,KHYAD PAR PHA RGYUD GSANG BA 'DUS PA DANG, , RNAL 'BYOR MA RGYUD 'KHOR LO SDOM PA GNYIS, ,'BRAL BA MED BAR LUS LA STIMS SHIG AANG, ,ZHES PA'ANG GSUNGS SO, ,GNAS DER STON GYI RING LA BLA MA MGON PO'I SGRUB PA ZHIG MDZAD NAS, SKU KHAMS SENG BA'I PHYIR

GZIM KHANG GI STENG DU PHEBS PA NA, STON GYI MDZES MA LANG TSO DAR LA BAB PAS PHYOGS THAMS CAD MI GTZANG BA'I RDUL DANG BRAL TE DRI ZHIM POS BSGOS PA'I BSIR BU BSIL BA'I NGAD NI DAL BUS LDANG, YUL LJONGS PHAL CHER NI GSER GYI KHU BA DANG 'DRES PA'I RIN PO CHE MAR GAD KYI MDANGS NYE BAR 'DZIN, NAM MKHA'I DKYIL 'KHOR NI 'GA' ZHIG SPRIN GYI BLA BRES G-YOGS SHING PHAL CHER BEEd'URYA LTAR RAB TU DVANGS, KHYAD PAR PA SNAM JO MO LHA RI'I PHYOGS KYI STENG GI NAM MKHAR SPRIN DANG NA BUN CHU YI LCID KYIS LHAG PAR NON PA DNGUL CHU'I MDOG LTA BU ZHIG LDING ZHING, RI BO'I RTZE MOR CUNG ZAD CHAGS PA GZIGS PAS RKYEN BYAS TE, BYA BRAL THAMS CAD MKHYEN PA DHARM'A BADZRA DE NYID DUS DAL JO MO LHA RI'I GNAS NA SKU 'JA' LUS RDO RJE'I SKU BRNYES SHING, THUGS ZAB YANGS BDE STONG GI ROL PA LAS G-YEL BA MED PAR, GSUNG RIM GNYIS ZAB MO'I SGRA DBYANGS SGROGS BZHIN PAR, SPYIR GANGS CAN GYI 'GRO BA MTHA' DAG GI DPAL DU BZHUGS, KHYAD PAR BDAG NYID RJE RGYAL BA GNYIS PA'I BKA' RGYUD ZAB MO'I DON CI DGAR NYAMS SU BLANGS PAS CHOG CING CHOS LA BLO KHA PHYOGS NAS NYAMS LEN GYI GNAD LA NGES PA CUNG ZAD THOB PA 'DI YANG RJE BTZUN DAM PA 'DI'I BKA' DRIN YIN SNYAM DU DAD PA TSAD MED 'KHRUNGS TE MGUR 'DI GSUNGS SO, ,NA MO GU RU MAH'A K'A L'A YA, RJE SPYI GTZUG SENG GE'I KHRI STANGS SU, ,GDAN NYI ZLA PADMA'I DBUS BZHUGS LA, ,THUGS BRTZE BA CHEN POS

, ,NYER DGONGS NAS, ,MCHOG THUN MONG DNGOS GRUB STZAL DU GSOL, ,'BRU RTZI THOG RGYAS PA STON GYI DUS, ,DGUNG BEEd'URYA LTAR DVANGS PA'I 'O GA ,RLANGS NA BUN DNGUL GYI MDOG 'DRA BA, ,'DI MTHONG BA'I MOD LA BLA MA DRAN, ,LUS NYI KHRI CHIG STONG BA SPU G-YOS, ,MIG BKA' DRIN DRAN PA'I MCHI MAS BRLAN, ,NGAG SKAD GSANG MTHON POS GSOL BA 'DEBS, ,BDAG LUS NGAG YID GSUM BYIN GYIS RLOBS, ,MTSAN DRAN THOS 'GAL RKYEN SEL BA LA, ,DPAL MGON PO MCHOG DANG DBYER MED PA'I, ,DUS DA LTA MTSAN LDAN BLA MA DE, ,LHA JO MO LHA RI'I GNAS MCHOG NA, ,SKU 'JA' LUS RDO RJE 'DZIN PA'I TSUL, ,GSUNG RIM GNYIS ZAB MO'I DGA' STON 'GYED, ,THUGS ZAB YANGS BDE BA CHEN PO'I NGANG, ,SPYIR GANGS CAN SKYE 'GRO'I DPAL DU SHAR, ,SGOS SNYOMS LAS CAN GYI BLO BZANG BDAG, CHOS MDO RGYUD ZAB MO KUN GYI DON, ,RANG CI DGAR SPYAD PAS CHOG PA 'DI, ,RJE KHYED KYI BKA' DRIN CHE LAS THOB, ,NGA'I GSUM LDAN BLA MA 'GRAN ZLA MED, ,YID BKA' DRIN DRAN PAS GSOL BA 'DEBS, ,TSE 'DI LA RIM GNYIS RNAL 'BYOR GYIS, ,RGYUD SMIN CING GROL BAR BYIN GYIS RLOBS, ZHES GSUNGS SO, ,DE NAS YE SHES KYI MKHA' 'GRO MAS SANG NYIN GRUB CHEN DPAL 'BRAS RDO RJE'I SKYE BA PAndI TA ZHIG DANG 'PHRAD PA YONG PAS DE LA MAN NGAG RNAMS MA GSANG BAR STON ZHES LUNG BSTAN PA BZHIN BKRA SHIS LHUN

BOR KUN MKHYEN LEGS PA DON GRUB DANG ZHAL 'DZOM, PHAN TSUN DU LUNG RTOGS KYI YON TAN KHYAD PAR CAN MNGA' BA'I STOBS KYIS THUGS YID GCUGS PAR GYUR, KUN MKHYEN CHEN POS BSKUL NAS GSANG 'DUS DANG 'JIGS BYED KYI KHRID LAG RJES KYI RTZOM PA YANG MDZAD, 'PHRIN LAS CHE BA YONG BAS SBYAR BYANG KUN MKHYEN GYIS MDZOD GSUNGS MDZAD DO, ,DE DUS PHYI LTAR KUN MKHYEN GYIS MDZAD PAR GRAGS KYANG NANG LTAR RJE 'DI NYID KYIS MDZAD PA YIN, DENG SANG NI DPEN SA BKA' 'BUM GYI NANG NYID DU BZHUGS PA YONGS SU GRAGS PA LTAR RO, ,DE'I DUS GZIM KHANG SER POR, GDOD NAS DAG PA'I CHOS DBYINGS NAM MKHA' LA, ,SNA TSOGS RTEN 'BREL SPRIN PHUNG CI YANG BKRA, ,RNAM DAG RIGS PA'I RLUNG GIS DPYAD PA NA, ,SLAR YANG KUN GSAL NYID DU THIM PAR 'GYUR, ,ZHES SOGS LTA BA'I MGUR YANG MANG DU BZHES SO, ,MDOR NA RGYAL BA DBEN SA PA CHEN PO DANG KUN MKHYEN LEGS PA DON GRUB GNYIS THUGS YID GCIG TU 'DRES PA LTAR GYUR TE, TSUL DE LA MKHAS GRUB SANGS RGYAS YE SHES KYIS BSTOD PA MDZAD PA LAS, LUNG BSTAN BRNYES PA MKHAS PA'I DBANG PO DANG, ,THABS SHES ZUNG DU 'BREL BA'I RTEN 'BREL GYIS, ,BSTAN PA'I SNYING PO GSAL MDZAD DBEN SA PA, ,BLO BZANG DON GRUB ZHABS LA GSOL BA 'DEBS, ,ZHES GSANGS PA LTAR RO, ,DE'I TSE RGYAL BA DBEN SA PA CHEN POS YE SHES MKHA' 'GROS LUNG BSTAN PA LTAR, RJE RIN PO CHE LA MGON PO 'JAM DPAL

, ,DBYANGS KYIS GNANG BA'I SNYAN RGYUD KYI MAN NGAG THUN MONG MA YIN PA RNAMS DANG SPRUL PA'I GLEGS BAM CHEN MO LAS SKABS SU BAB PA 'GA' ZHIG KUN MKHYEN LEGS PA DON GRUB LA GNANG STE, DENG SANG DBEN SA BKA' 'BUM NA BZHUGS PA'I LUNG BSTAN GSANG BA'I ME LONG GI DUM BU YI GER 'KHOD PA 'DI DAG KYANG DE DUS KUN MKHYEN LEGS PA DON GRUB LA GNANG BA DANG RJES SU MKHAS GRUB SANGS RGYAS YE SHES LA GNANG BA DAG LAS MCHED PAR MNGON NO, ,DE NAS DGUNG LO SO GSUM LA BAB PA DGUN ZLA RA BA'I TSES BRGYAD LA, DPAL LDAN 'BRAS SPUNGS KYI CHOS GRVA CHEN POR 'BROM STON RGYAL BA'I 'BYUNG GNAS SLAR YANG BYON PA THAMS CAD MKHYEN PA DGE 'DUN RGYA MTSOS MKHAN PO DANG, 'DUL BA'I SLOB DPON LHA DBANG RIN CHEN PAS LAS SLOB DANG, 'BRAS SPUNGS BYANG 'DREN CHEN MOS GSANG STON MDZAD DE, DAD PA'I DGE 'DUN GRANGS TSANG BA LAS BSNYEN RDZOGS KYI SDOM PA BZHES TE SO SOR THAR PA'I DBANG DU BYAS PA'I LHAG PA TSUL KHRIMS KYI BSLAB PA LHA'I CHU BOS THUGS KYI BUM BZANG YONGS SU GANG, DE NAS BZUNG STA RANG BZHIN GYI NYES PAS GOS PA GA LA ZHIG ,BCAS PA'I CHA SHAS PHRA MO TZAM YANG SROG GI DBANG PO LAS GCES PAR BSRUNG BAR MDZAD DO, ,DE YANG GANGS RI'I KHROD KYI GRUB THOB TU GRAGS PA PHAL MO CHE RJES 'BRANG DANG BCAS PA NI RAB TU BYUNG BA'I RTAGS DANG CHA BYAD CHOS GOS GSUM SOGS 'CHANG BA DANG, CHANG DANG PHYI DRO'I KHA ZAS

SPANGS TE CHAB LEN PA DANG, RUNG CHU 'DEBS PA DANG, BYIN LEN BYED PA SOGS RGYAL BAS JI LTAR BCAS PA RNAMS TSUL BZHIN DU BSGRUB PA DAG MTHONG BA NA, TSAM TSOM MED PAR THEG PA DMAN PA'I NYAN THOS DBANG RTUL LO, ,ZHES LUG LTAR RMONGS PA'I KHYU CHEN PO'I DBUS SU SKAD GSANG MTHON POS SGROG PAR BYED CING, LAS NGAN PA'I MTHUS BCOM ZHING NYON MONGS PA'I GDON GYI DBANG DU SONG BA GZHAN NGAG NI ZHE SDANG GI SREG ZAS YID KYI BUD SHING KUN TU 'BAR BAR BYAS TE, DGE 'DUN GYI SDE RIS SU BCAD NAS YANG DAG PA MA YIN PA'I CA CO RGYUN MAR BSGRAGS NAS, RANG NYID DE BZHIN GSHEGS PAS GSUNGS PA'I CHOS 'DUL BA'I SPYOD TSUL LAS BSAMS BZHIN DU BRGAL BA LA DPA' BAR BYAS TE BLA NA MED PA'I LAM MTHON PO LA REG PAR SEM ZHING, SKYE BO PHAL CHER YANG DE LTA BU'I SPYOD TSUL LA MGU MOD, BDAG NYID CHEN PO 'DI NI GRUB PA'I GO 'PHANG MTHON POR GSHEGS KYANG BSTAN PA'I RTZA BA SO SO THAR PA NYID RGYAL BAS GSUNG DBYANGS MTHON POS MDO RGYUD DU MAR RGYA CHER BSNGAGS SHING MKHAS GRUB TSAD LDAN RNAMS KYIS KYANG DGONGS PA GCIG DANG DBYANGS GCIG GIS BSNGAGS PA THUGS LA BCAGS TE, JI SRID 'CHO'I BAR DU LTUNG BA PHRA MO'I RNYOG PAS KYANG GOS PA MED PAR BSRUNG BAR MDZAD DO, ,DE NAS RGYAL BA DBEN SA PA CHEN POS LHA SAR PHEBS TE JO BO RNAM GNYIS KYI DRUNG DU BSTAN PA DANG 'GRO BA'I PHAN BDE RGYAS PA'I SMON LAM YANG DAG PAR MDZAD, KA BA SHING LO CAN NAS BKA' CHEMS

, ,BKA' KHOL MA DE BTON NAS GZIGS GRABS SHIG MDZAD, 'ON KYANG DGOS PA LHAG PO MI 'DUG PAS BZHAG GSUNG, DE NAS NUB GCIG MNAL LAM DU 'DUL 'DZIN SH'AKYA BSHES GNYEN YIN ZER BA'I RNAL 'BYOR PA SMUG NAG DOM LPAGS KYI SHAM THABS CAN ZHIG GIS, 'JAM DBYANGS ME TOG GSAL BAR BYE BA GSUM GTAD NAS, NYID KYI DON LEGS PAR GRUB PAS GTZANG LA SONGS ZER NAS MI SNANG BAR GYUR TO, ,NANGS PAR DGE LDAN RA SGRENG SOGS MJAL BAR CHAS PA LAM LAM BAR DU BSNYEL GZHI SHIN TU DRAG PA CIG BYUNG BAS, MDANG GI RMI LAM DANG MTHUN PAR DA RES MA PHYIN PA LEGS BAR 'DUG SNYAM STE LDOG PAR BRTZAMS PA NAS SKU KHAMS RANG DNGAS BYUNG NGO, ,DE NAS SE RA THEG CHEN GLING DU PHEBS TE THAMS CAD MKHYEN PA DGE 'DUN RGYA MTSO'I DRUNG DU GRUB RGYAL LUGS KYI TSE KHRID DANG, CHE DBANG, SO THAR GYI MDO DANG CHOS SGRAGS KYI MDO, THAMS CAD MKHYEN PA RANG NYID KYI GSUNG 'BUM THOR BU'I LUNG TSANG MA GSAN SLAR GTZANG PHYOGS SU ZHABS KYI 'KHOR LO BKOD DE, DGE 'PHEL MKHAN PO LEGS PA'I BLO GROS PA LA SMYUNG GNAS KYI CHO GA'I LUNG, YI DAM GYI SNGAGS BTU'I RJES GNANG, BLA MA MGON PO DBYER MED KYI RJES GNANG, SMAN BLA'I LUNG SOGS CHOS BKA' CI RIGS PA GSAN NO, ,GZHAN YANG ,DE DAG GI SKABS SHIG TU GSER SDINGS SU PHEBS, PAn CHEN BYANG CHUB BLO GROS LA DPAL GSANG BA

'DUS PA'I RTZA RGYUD SGRON GSAL CHA LAG DANG BCAS PA SOGS 'DUS PA 'PHAGS PA'I SKOR GYI GDAMS PA CHA LAG DANG BCAS PA RDZOGS PAR GSAN NO, ,DE DUS GNAS RNYING YOL DU MNGA' RIS LO CHEN RNAM RGYAL BA LA SBA BZHI'I GDAMS PA DANG BDE MCHOG GDAN BZHI LA SOGS PA MA RGYUD LA BRTEN PA'I ZAB MO'I GDAMS PA MTHA' YAS PA GSAN CING, BLA MA 'DI KHA CHE KHRI GDAN DU SLOB DPON RDO RJE DRIL BU PA'I DNGOS SLOB MCHOG GI DNGOS GRUB BRNYES PA ZHIG DANG MJAL NAS RJES SU BZUNG ZHING; KHYAD PAR RGYAL BA TZONG KHA PA'I ZHAL MNGON DU GYUR NAS GDAMS PA MTHA' YAS PA THOB PA'I RNAL 'BYOR GYI DBANG PHYUG ZHIG GO ,GZHAN YANG DGOS PA KHYAD PAR CAN LA DGONGS NAS MKHAS BA DANG GRUB PA'I BLA MA DU MA ZHIG LAS KYANG ZAB PA DANG RGYA CHE BA'I GDAMS PA SNA TSOGS PA GSAN PAS LUNG GI BSTAN PA MTHA' DAG GI BDAG POR GYUR TO, ,DE LTAR RGYAL BA DBEN SA PA CHEN PO SBYIR BSTAN PA YONGS RDZOGS KYI BDAG POR GYUR CING, KHYAD PAR RJE BTZUN 'JAM DBYANGS KYIS RGYAL BA TZONG KHA PA CHEN PO LA DNGOS SU GNANG BA'I SNYAN RGYUD KYI MAN NGAG YONGS SU RDZOGS PA'I MDA' BDAG GCIG PUR GYUR PA NI RANG NYID KYIS KYANG ZHAL GYIS BZHES TE, RGYAL BA DBEN SA PA CHEN PO NYID KYIS GSUNG LAS, 'JAM PA'I DBYANGS KYI SRAS KYI THU BO MCHOG ,BLO BZANG GRAGS PA ZHES PA'I BLA MA DE'I, ,GSUNG GI SNYING PO SNYAN RGYUD 'DZIN PA NI, ,DENG SANG DUS NA KHO BO TZAM DU BAS, ,ZHES GSUNGS PA LTAR RO, ,MDOR NA DGUNG LO BCU BDUN NAS BZHI BCU ZHE GNYIS KYI BAR DU,

, ,BRAG RGYA RDO RJE'I PHO BRANG, DBEN SMAR STAG GZIG GLAN CHEN, KO BRAG ,KHYAD PAR PA SNAM JO MO LHA RI LA SOGS PA'I RI KHROD RNAMS SU SGRUB PA SNYING POR MDZAD DE, CHOS RJE NGAG DBANG GRAGS PA LA GNANG BA'I BKA' SHOG TU, BDAG KYANG ZLA RE ZLA GNYIS MA SHIN, SKYE BA 'DI'I PHYI MA'I MDUN MA ZHIG DANG, LO RE LO GNYIS MA SHI NA SKYE BA GTAN GYI MDUN MA ZHIG RKANG TSUGS SU BYED DGOS SNYAM PA'I BSAM PAS, RANG LO BCU BDUN NAS BZUNG DA BAR THEG PA MCHOG GI BRTUL ZHUGS LA GNAS PA'I RGYA BOD KYI MKHAS GRUB PHAL CHE BA RNAMS KYI GSUNG GI SNYING PO DON GYI GDAMS PA CIG NYAMS SU LEN PA'I DRAN 'DUN DANG MA BRAL BA YOD LAGS ZHES 'BYUNG ZHING, DE LTAR SGRUB PA YUN RING LA SHUGS DRAG POS GO 'PHANG JI LTA BU BRNYES PA YANG, NYID KYI GSUNG LAS, GANGS CAN LJONGS KYI SKAL LDAN MCHOG ,BLO BZANG DON GRUB CES PAS KYANG, ,LAM MCHOG 'DI NYID NYAMS BLANGS PAS, ,TSE 'DI NYID LA SANGS RGYAS THOB, ,CES GSUNGS TE, BSAM GYIS MI KHYAB PA'I RNAM THAR RO, ,DE NAS SKU TSE JI SRID PAR SKYE BO PHAL MO CHES MTHONG BA DANG THOS PA'I YUL LAS 'DAS PA DBEN PA NAS DBEN PA'I GNAS CHEN DAG TU RGYU ZHING GNAS PAR BYA'O SNYAM DU DGONGS PA LAS, DUS RE ZHIG GI TSE DBEN PAR THUGS DAM LA MNYAM PAR BZHAG PA'I THO RANGS ZHIG ZIL DANG 'UR CHOM SHIN TU CHE BA'I NGANG NAS SKU RGYAB KYI MGON PO'I BRIS SKU DES GSUNGS SNYAM PA LA,

NYI SHU RTZA BZHI'I MKHA' 'GRO'I GTZO, ,DPA' BO CHEN PO 'DIR BZHUGS LA, ,CHU SKYES KHONG PA'I PAD DKAR BZHIN, ,SBAS PA'I TSUL GYIS BYIN GYIS RLOBS, ,ZER BA ZHIG BYUNG GSUNGS, DE LTA BU'A MGON PO'I BRIS SKU BYIN RLABS CAN DE YANG DBEN DGON GYI MGON KHANG NA BZHUGS SO, ,DE LTAR LHA DANG BLA MAS LUNG BSTAN BA LA BRTEN NAS DBUS RI'I RTZER DBEN DGON BTAB NAS, MDO KHAMS, MNGA' RIS, DBUS GTZANG SO SO NAS DAD 'DUS KYI SKAL BA DANG LDAN PA'I GDUL BYA'I TSOGS RNAMS LA ZAB PA DANG RGYA CHE BA'I CHOS KYI 'KHOR LO BSKOR BAR MDZAD DO, ,DE'I TSE YANG GDUL BYA'I TSOGS RNAMS KYIS DAD PAS KUN NAS BSLANGS PA'I MCHOD PA DANG ZANG ZHING GI BSNYEN BKUR GYI TSOGS RGYANG RING BO DAG NAS KYANG DAM PA 'DI'I DRUNG DU NYE BAR LHAGS SHING SPYAN LAM DU BABS PA DAG KYANG BDAG GIR YONGS SU BZUNG BA GCIG KYANG MA MDZAD PAR GRAGS TE, NYID KYI GSUNG LAS, SNGON DUS KYI MI LA RAS PA DANG, ,DA DUS KYI BLO BZANG DON GRUB LA, ,'PHRAL CHAS KYI ZAS GOS MA GTOGS PA, ,NOR DNGOS PO'I 'DZIN PAS DGOS PA MED, ,TSE GCIG LA SANGS RGYAS BSGRUB PA LA, ,DE 'DRA YI SBYOD LA LEGS GNAS NAS, ,CHAGS SDANG SPANGS PA'I DBEN GNAS SU, ,DAL 'BYOR LA SNYING PO LEN PAR SHOG ,CES GSUNGS PA LTAR RO, ,DE LTAR RGYAL BA DBEN SA PA CHEN POS RNAL 'BYOR GYI DBANG PHYUG MI LA RAS PA SLAR YANG 'JAM MGON BLA MA'I BSTAN PA SPEL BA'I PHYIR SKRA BCAD DUR SMIG GI NA BZA' GSOL BA SOGS RAB

, ,TU BYUNG BA'I RTAGS CHA LUGS BZUNG STE BYON PA JI LTA BAR CHOS BRGYAD TSE 'DI'I 'KHRI BA PHRA MO TZAM YANG MED PAR, GSANG BA 'DUS PA'I RTZA RGYUD LAS, DGON PA CHEN PO'I SA PHYOGS SU, ,ME TOG 'BRAS BU SOGS KYIS BRGYAN, RI BO DBEN PA'I SA PHYOGS SU, ,DNGOS GRUB THAMS CAD BSDUS PA BSGRUB, ,CES GSUNGS PA LTAR, SNGON BYON DAM PA'I BSTI GNAS 'DU 'DZIS DBEN PA'I GRUB PA'I GNAS MCHOG DAG TU MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA MTHAR PHYIN PAR MDZAD DE, LAM THUN MONG BA'I DES 'BYUNG, BYANG CHUB KYI SEMS ,YANG DAG PA'I LTA BA RNAMS LA MYONG BA MTHAR PHYIN TE RGYAL SRAS KYI SPYOD BA RGYA MTSO'I PHA ROL TU SON, SNGAGS KYI DAM TSIG DANG SDOM PA RNAM PAR DAG PA BSRUNGS TE LAM RIM GNYIS LA BSLABS PAS RIM PA DANG PO'I RNAL 'BYOR MTHAR PHYIN TE GANG SHAR LHA'I RNAM ROL TU 'CHAR ZHING, ZAB GSAL GNYIS MED KYI RNAL 'BYOR MTHAR PHYIN TE RANG DANG GZHAN GYI TSE RABS BRGYA STONG DRAN TE RANG GI SKU TSE SNGA MA'I 'KHRUNGS RABS DAG PA'I 'KHOR LA GSUNGS PA NI, GAD GIS KHYOD KYI MTSAN TZAM DRAN PAS KYANG, ,'DI PHYI'I LEGS TSOGS THAMS CAD CIG CAR DU, ,STER MDZAD BLA MA THUB PA'I DBANG PO LA, ,RTAG TU GUS PA'I YID KYIS PHYAG 'TSAL LO, ,BDAG CAG THAR LAM BGROD PA'I GCOR GYUR PA, ,THAG CHEN BSTAN PA 'DZIN PA'I NYAN THOS SU, ,LEGS GYUR THUB PA CHEN

PO'I NYAN THOS KYI, ,RTOGS PA'I MCHOG TU GYUR PA YIN SNYAM YOD, ,DE NAS DA BAR BYANG CHUB SPYOD PA YI, ,DAL 'BYOR RTEN BZANG LEGS BAR THOB GYUR NAS, ,NGAN SONG GSUM SOGS SDUG BSNGAL RAB SPANGS NAS, ,LTA SPYOD LDAN PA'I NGAL 'BYOR THOB BAM SNYAM, BDAG GI LUS NGAG YID GSUM 'DI DAG NI, ,RGYAL BA THAMS CAD 'DUS PA'I SKU YI MCHOG ,THUB DBANG RDO RJE 'CHANG DU LEGS MTHONG NAS, ,DAD PA'I SPU LONG LEGS PAR G-YOS GYUR CING, ,NYIN MTSAN KUN TU GSOL BA 'DEBS PA DANG, SHUGS DRAG DAD PAS YAN LAG BDUN PAR NI, ,JI SRID BYANG CHUB BAR DU BRTZON PAR SHOG ,'DI YI DGE BAS BDAG GZHAN 'GRO BA KUN, ,'OG MIN MKHA' SPYOD DGA' LDAN BDE BA CAN, ,MNGON DGA' LA SOGS DAG PA'I ZHING KHAMS SU, ,MYUR BA MYUR BAR LEGS PAR SKYE BAR SHOG, BDAG LA LEGS PAR DAD PA'I SKYES BU RNAMS, ,CHO YI MTHAR YANG RGYAL BA 'OD DPAG MED, ,'KHOR DANG BCAS PA MTHONG NAS DE MA THAG, BU BU BDE BA CAN DU 'GRO'O ZHES, ,MTHAR THUG GSUNG GI GNANG BA THOB PAR SHOG ,SANGS RGYAS KUN GYIS GSUNGS BA'I THEG PA MCHOG ,HE RU KA BA LA SOGS YI DAM LHA'I, ,RIM GNYIS CHA LAG BCAS PA'I RTOGS PA RNAMS, ,TSE 'DI NYID LA MNGON DU RAB GYUR NAS, ,'GRO KUN BDE CHEN GNAS LA 'GOD BAR SHOG ,THUB DBANG RDO RJE 'CHANG DANG TZONG KHA PA, ,YID LA GANG 'DOD DNGOS GRUB MA LUS PA, ,STZOL MDZAD RTZA BRGYUD BLA MA'I TSOGS RNAMS DANG, ,PHYAG DRUG

, ,MGON PO LA SOGS BSTAN SRUNGS KYIS, ,'DI PHYI'I LEGS TSOGS THAMS CAD CIG CAR DU, ,LEGS PAR 'GRUB PAR BYED PA'I BKRA SHIS SHOG ,CES GSAL BAR GSUNGS, RDZU 'PHRUL LA MNGA' BRNYES TE SA RDO RI BRAG LA THOGS PA MED BA DANG NAM MKHA' LA 'PHUR BA SOGS KYI RDZU 'PHRUL BSTAN PA 'GA' ZHIG NI SNGAR BRJOD ZIN PA LTAR RO, ,BDE GSANG 'JIGS GSUM GYI RDZOGS RIM DANG, BLA MED KYI RDZOGS RIM MTHA' DAG GI GNAD BSDUS PA N'A RO CHOS DRUG GI NYAMS LEN MTHAR PHYIN TE 'KHOR LO GSUM GYI RTZA MDUD GROL NAS RGYAL BA'I BKA' RNAMS SAm SKRi TA'I SKAD DU 'DON PA SOGS LA THOGS PA MED PA SNGAR BRJOD ZIN PA LTAR DANG, GTZO BOR SEMS DBEN DANG SGYU LUS 'OD GSAL GYI RIM PA RNAMS MTHAR SON TE ZUNG 'JUG GI GO 'PHANG BRNYES PA NI 'JAM MGON SNYAN RGYUD 'DZIN PA'I SKYES BU DAM PA GONG MA RNAMS LA YONGS SU GRAGS TE, SKU GSUM GO 'PHANG MNGON GYUR DBEN SA BA, ,ZHES 'JAM MGON BSTAN PA 'DZIN PA'I SKYES BU DAM PA THAMS CAD MTHUN PAR SGROGS PA LTAR RO, ,DE LTAR RANG GIS RTOGS BA MCHOG BRNYES NAS SKAL BA DANG LDAN BA MTHA' YAS BA LA CHOS KYI BDUD RTZI STZAL BAS NA RGYUD 'DZIN GYI SLOB MA YANG MTHA' YAS PAS MTHA' DAG BAR SU ZHIG GIS BRJOD PAR NUS, GTZO BO 'GA' ZHIG BRJOD NA YE SHES MKHA' 'GROS LUNG BSTAN PA'I SKYE BA BDUN PA GRUB PA'I SKYES BU KUN MKHYEN LEGS PA DON GRUB LA'ANG RNAL

'BYOR BLA MED KYI KHRID LAG RJES THUN MONG MA YIN PA'I GDAMS PA MA LUS PA STZAL, BYANG STON SMRA BA'I DBANG PO BSAM GTAN 'OD ZER, ,KUN MKHYEN SHES RAB DPAL BA'I GDAN SA PA MDO BRJOD RJE BLO GROS RNAM RGYAL PA, CHOS RJE DGE LEGS RNAM RGYAL BA, ZHAL SNGA NAS SANGS RGYAS RGYAL MTSAN PA, CHOS RJE NGAG DBANG GRAGS PA SKU MCHED, KONG STON CHOS RJE 'JAM DBYANGS RGYAL PO, THON PA ZHAL SNGA NAS BKRA SHIS RGYAL MTSAN, CHOS RJE LHO PA BLO GROS RNAM RGYAL, BSAM GTAN PA CHEN PO RJE DBON LEGS TSOGS LHUN GRUB, MKHAN CHEN NOR BZANG RGYA MTSO, RGYUD SDE 'DZIN PA ZHAL SNGA NAS RNAM RGYAL DPAL BZANG, PAn CHEN BSAM GRUB DPAL BZANG, BSTAN PA'I MNGA' BDAG PAn CHEN DAM CHOS YAR 'PHEL, 'JAM DBYANGS BLA MA DGE 'DUN BLO BZANG, 'JAM DBYANGS SH'INTA PA CHEN PO, RJE BLO BZANG RGYA MTSO, MNGA' RIS SLOB DPON DGE 'DUN RGYAL MTSAN, THOS BSAM GLING BA RIN CHEN DPAL 'BYOR RGYA MTSO, GANGS CAN MKHAN PO PAn CHEN RIGS PA SENG GE LA SOGS BA BSTAN 'DZIN BGRANG PA LAS 'DAS PA BYON ZHING, MDOR NA DBUS GTZANG GI SDE SNOD 'DZIN PA DANG, RIS MED PA'I BAN SKYA'I TSOGS MTHA' YAS PA LA ZAB PA DANG RGYA CHE BA'I DAM PA'I CHOS KYI BKA' DRIN GYIS KHYAB PAR MDZAD DO, ,SNYAN RGYUD BSTAN PA'I BDAG PO RANG GI SRAS KYI THU BO RGYAL TSAB TU DBANG BSKUR BA NI MKHAS GRUB CHEN PO SANGS RGYAS YE SHES SO, ,RGYAL BA

, ,DBEN SA PA CHEN PO 'DIS PHYI RABS KYI GDUL BYA RNAMS KYI DON DU BYANG CHUB LAM GYI RIM PA'I KHRID YIG DNGOS GRUB KUN 'BYUNG, BLA MA LA GSOL BA 'DEBS BA'I RIM PAR PHYE BA DNGOS GRUB KUN 'BYUNG, SNYING PO'I GNAD THOR BU'I RIM PAR PHYE BA DNGOS GRUB KUN 'BYUNG, BYANG CHUB LAM GYI RIM PA'I SNYING PO GSOL 'DEBS TSIGS BCAD DU SDEBS PA DNGOS GRUB KUN 'BYUNG, RANG LA GDAMS PA BDE CHEN GTER MDZOD SOGS THOR BU'I SKOR, RJE RANG NYID THUGS BSKYED TSUL DANG, SDOM GSUM RIM GYIS BZHES TSUL, RGYAL BA SRAS BCAS LA ZHU YIG, DGE LDAN RNAL 'BYOR PHO MO NAMS KYI BCA' KHRIMS KYI YI GE DNGOS GRUB KUN 'BYUNG, RGYAL BA BLO BZANG GRAGS PA'I SGRUB THABS KYI RIM PAR PHYE BA DNGOS GRUB KUN 'BYUNG, RJE BLA MA LA BRTEN PA'I MTSON BSRUNG, BLA MA LHA'I RNAL 'BYOR TSIGS BCAD DNGOS GRUB KUN 'BYUNG, BLA MA RGYUD SDE BZHI'I RNAL 'BYOR GYI RIM PAR PHYE BA DNGOS GRUB KUN 'BYUNG, 'KHOR LO SDOM PA'I BLA MA'I RNAL 'BYOR DNGOS GRUB KUN 'BYUNG, BDE MCHOG LHAN SKYES KYI BLA MA'I RNAL 'BYOR DNGOS GRUB KUN 'BYUNG, BLA MA 'KHOR LO SDOM PA'I RNAL 'BYOR RGYAS PA DNGOS GRUB KUN 'BYUNG, BDE MCHOG DRIL BU PA'I SGRUB THABS DNGOS GRUB KUN 'BYUNG, RANG GI GDAN SA PA RJE CHOS SKYABS RDO RJE LA GNANG BA'I MAN NGAG DNGOS GRUB KUN 'BYUNG, BDE MCHOG LUS DKYIL SGOM TSUL GYI GNAD GSAL BAR BSTAN PA'I SNYING PO'I MAN NGAG DNGOS GRUB KUN 'BYUNG,

BLA MA GSANG BA 'DUS PA'I SGRUB THABS KYI SNYING PO DNGOS GRUB KUN 'BYUNG, BLA MA RDO RJE 'JIGS BYED KYI RNAL 'BYOR RGYAS PA DNGOS GRUB KUN 'BYUNG, BLA MA RDO RJE 'JIGS BYED YAB YUM GYI RNAL 'BYOR GYI SNYING PO DNGOS GRUB KUN 'BYUNG, 'JAM DBYANGS ZHI KHRO SBRAGS SGRUB KYI SNYING PO'I MAN NGAG DNGOS GRUB KUN 'BYUNG, GDONG DRUG GI SGRUB THABS KYI SNYING PO RGYAL BA SH'AKYA THUB PA'I SGRUB THABS GNYIS, BLA MA RDO RJE SEMS DPA'I RNAL 'BYOR GYI SNYING PO DNGOS GRUB KUN 'BYUNG, BLA MA'I RNAL 'BYOR BSDUS PA 'JAM DBYANGS DKAR PO'I SGRUB THABS BLA MA'I RNAL 'BYOR DNGOS GRUB KUN 'BYUNG, 'JAM DBYANGS DMAR SER LA BRTEN PA'I BLA MA'I RNAL 'BYOR DNGOS GRUB KUN 'BYUNG, BLA MA SPYAN RAS GZIGS KYI RNAL 'BYOR GYI SNYING PO DNGOS GRUB KUN 'BYUNG, SGROL LJANG SGRUB THABS GSOL 'DEBS DANG BCAS PA, SGROL DKAR SGRUB THABS, YE SHES KYI MKHA' 'GRO SENG GDONG MA'I SGRUB THABS, MI G-YO BA'I SGRUB THAB, RTA MGRIN GYI SGRUB THABS RGYAS BSDUS GNYIS, PHYAG RDOR 'KHOR CHEN GYI SGRUB THABS DNGOS GRUB KUN 'BYUNG, PHYAG RDOR GTUM PO KHYUNG LNGA'I SGRUB THABS KYI SNYING PO MAN NGAG GIS RNAM PAR BRGYAN PA DNGOS GRUB KUN 'BYUNG, YE SHES KHYUNG KHRI'I SGRUB THABS, RIG SNGAGS KYI RGYAL MO YI GE GCIG MA'I SGRUB THABS THUN MONG MA YIN PA DNGOS GRUB KUN 'BYUNG, BYANG CHUB LAM RIM GYI BLA MA'I RNAL 'BYOR DNGOS GRUB KUN 'BYUNG, LAM RIM GYI ZUR 'DEBS BSDUS PA DNGOS GRUB KUN 'BYUNG, LTA KHRID KYI SNYING

, ,PO DNGOS GRUB KUN 'BYUNG, DRAN PA BZHI LDAN GYI KHRID KYI SNYING PO DNGOS GRUB KUN 'BYUNG, SHES RAB KYI PHA ROL TU PHYIN PA'I SNYING PO'I DON GCOD YUL STAN THOG GCIG MA DNGOS GRUB KUN 'BYUNG, THUN DRUG GI RNAL 'BYOR GYI SNYING PO DNGOS GRUB KUN 'BYUNG, THEG CHEN GSO SBYONG GI SDOM PA LEN PA'I CHO GA DNGOS GRUB KUN 'BYUNG, 'DUL BA'I BSLAB BYA RGYA MTSO'I SNYING PO DNGOS GRUB KUN 'BYUNG, BYANG SEMS KYI BSLAB BYA RGYA MTSO LAS MDOR BSDUS PA DNGOS GRUB KUN 'BYUNG, SNGAGS KYI BSLAB BYA'I SNYING PO DNGOS GRUB KUN 'BYUNG, TSE DPAG MED KYI SGRUB THABS DNGOS GRUB KUN 'BYUNG, TSE KHRID RDO RJE'I RNAL 'BYOR 'CHI BDAG LAS RGYAL BA DANG, LHUN PO RDO RJE LA GNANG BA'I TSE SGRUB, SLOB DPON BSAM GTAN 'OD ZER LA GNANG BA'I TSE SGRUB, 'BAR LUGS TSE DBANG GI CHO GA DNGOS GRUB KUN 'BYUNG, BDE MCHOG DRIL BU PA'I LUGS KYI BSKYED RIM DNGOS GRUB KUN 'BYUNG, THABS LAM N'A RO CHOS DRUG GI LAG RJES DNGOS GRUB KUN 'BYUNG, 'KHOR LO SDOM PA'I RDZOGS RIM RNAL 'BYOR CHEN PO DNGOS GRUB KUN 'BYUNG, DPAL GSANG BA 'DUS PA'I DMAR KHRID KYI SNYING PO DNGOS GRUB KUN 'BYUNG, DPAL RDO RJE 'JIGS BYED KYI ZAB KHRID LAG RJES DANG BCAS PA DNGOS GRUB KUN 'BYUNG, GSHIN RJE'I GSHED KYI BSAD ZLOG BSRUNG BA'I GDAMS PA, SKYABS 'GRO SEMS BSKYED SPYAN 'DREN YAN LAG BDUN PA BYED TSUL DNGOS GRUB KUN 'BYUNG SKYABS

'GRO'I MAN NGAG DNGOS GRUB KUN 'BYUNG, THEG CHEN THUN MONG MA YIN PA'I SKYABS 'GRO'I NYAMS LEN SNYING PO DNGOS GRUB KUN 'BYUNG, THEG CHEN THUN MONG BA'I SKYABS 'GRO'I NYAMS LEN GYI SNYING PO DNGOS GRUB KUN 'BYUNG, BLA MA BDE MCHOG LHAN SKYES YAB YUM SGRUB PA'I MAN NGAG GI SNYING PO DNGOS GRUB KUN 'BYUNG, BDE MCHOG GI BSKYED RIM GYI SNYING PO BDE MCHOG LHAN SKYES LA BRTEN NAS NYAMS SU LEN TSUL DNGOS GRUB KUN 'BYUNG, BDE MCHOG GI BSKYED RIM GNAD BSDUS DANG DE'I GZHAL YAS KHANG SGOM TSUL DNGOS GRUB KUN 'BYUNG, DRIL BU LUGS KYI DPAL 'KHOR LO BDE MCHOG GI DBANG CHOG DNGOS GRUB KUN 'BYUNG, BDE MCHOG DRIL BU LUGS KYI SMON LAM SHIS BRJOD, BCOM LDAN 'DAS 'KHOR LO SDOM PA DRIL BU PA'I LUS DKYIL GYI RDZOGS RIM RIM PA LNGA'I DMAR KHRID ZAB MO DNGOS GRUB KUN 'BYUNG, PHYAG RGYA SROG RTZOL GYI MAN NGAG THUN MONG MA YIN PA SOGS BSKYED RDZOGS KYI ZAB GNAD KYI YIG CHUNG, YIG CHUNG GI SDEBS MAN NGAG SHIN TU ZAB MO ZHAL SHES YI GER BKOD PA, RIM GNYIS KYI DKA' GNAD MAN NGAG ZAB MO, DPAL GSANG BA 'DUS PA'I RTEN GYI DKYIL 'KHOR PHYIN CI MA LOG PA'I GSAL BYED, BLA MA 'JAM DBYANGS DKAR PO'I SGRUB THABS, BLA MA RDO RJE 'CHANG GI RNAL 'BYOR GYI SNYING PO'I MAN NGAG ,BLA MA RDO RJE 'CHANG YAB YUM GYI SGRUB THABS, BLA MA RDO RJE 'JIGS BYED KYI RDZOGS RIM GYI MAN NGAG GI

, ,SNYING PO, BLA MA 'JAL DPAL ZHI BA'I SGRUB THABS LHAG PA'I LHA TSE DANG YE SHES DPAG TU MED PA'I SGRUB THABS KYI SKOR RIM PAR PHYE BA TSAN PA BCU BDUN, GRUB CHEN TSEM BU LUGS KYI SPYAN RAS GZIGS KYI DMAR KHRID KYI SNYING PO MAN NGAG GIS RNAM PAR BRGYAN PA DNGOS GRUB KUN 'BYUNG, GRUB CHEN TSEM BU LUGS KYI MAN NGAG SPYAN RAS GZIGS KYI DMAR KHRID KYI SNYING PO NYAMS LEN DU BSDUS PA MAN NGAG GIS RNAM PAR BRGYAN PA DNGOS GRUB KUN 'BYUNG, RTA MGRIN GYI SGRUB THABS KYI RIM PA TSAN PA GSUM, DGE BSNYEN GYI SDOM PA 'BOGS CHOG ,DGE SLONG GI BSLAB BYA RGYAS PA, GTOR MA BRGYA RTZA'I RIM PA DNGOS GRUB KUN 'BYUNG, RGYAL BA BLO BZANG GRAGS PA'I RNAL 'BYOR, YI DAM DANG YE SHES 'PHAGS PA SRUNG MAR BCAS PA SOGS LA GTOR MA 'BUL BA'I CHO GA ,TSA BSUR GYI RIM PA, BLA MA PHYAG DRUG YE SHES MGON PO'I RNAL 'BYOR GYI RIM PAR PHYE BA DNGOS GRUB KUN 'BYUNG TSAN PA BZHI, MGON DKAR YID BZHIN NOR BU'I SGRUB THABS, GRIB SEL MGON PO'I GNAD 'BEBS, MYUR MDZAD YE SHES MGON PO'I CHOS SKOR GYI BLA MA BRGYUD PA'I RIM PA, DPAL MGON SDE LNGA LA MCHOD GTOR 'BUL TSUL 'KHYER BDE BA, CHOS SKYONG SPYI LA GTOR MA 'BUL TSUL, BLA MA 'JAM DPAL GSHIN RJE'I GSHED DANG SKYES BU GSUM GYI CHOS SKYONG BSTEN TSUL, DPAL LDAN LHA MO RDO RJE RAB BRTAN MA LA MCHOD GTOR

'BUL TSUL GYI RIM PA TSAN PA GSUM, GTER DUNG GI LO RGYUS, GRUB CHEN MI TRA'I LAM SROL SNYING PO DON GSUM ZHES GRAGS PA SPYAN RAS GZIGS SGRUB PA'I MAN NGAG GI SNYING PO, LTA KHRID, BCOM LDAN 'DAS MI 'KHRUGS PA LA BRTEN NAS SGRIB PA SBYONG TSUL, PHYAG DRUG SGRUB SKOR LA MGON PO BRAM CHEN GYI SGRUB THABS, LTA BZHI DRIL SGRUB, MGON PO TSE BDAG GI SGRUB THABS, MGON PO DBANG RGYAL SGRUB THABS, YE SHES MGON PO GSANG SGRUB, MGON PO YID BZHIN NOR BU'I SGRUB THABS RJES GNANG 'KHOR LO'I MAN NGAG DANG BCAS PA, GRIB SEL DBANG SDUD, GNAD 'BEBS, RTEN GZHI GNAD GSUM, YANG DBANG SDUD DANG NANG SGRUB, H'Um DRUG GI ZHAL SHES DMIGS SKOR; SNYING ZHUGS 'PHO BA ZHAL SHES DANG BCAS PA RGYAS BSDUS, BLA MA MGON PO DBYER MED KYI ZHAL SHES GNYIS, LAS SBYOR DANG GRIB SEL GYI DMIGS SKOR, DAM CAN GSHIN RJE'I RGYAL PA'I SGRUB YIG RGYAS 'BRING BSDUS GSUM, GSHIN RJE DKAR SER DMAR PO LA BRTEN BA'I ZHI RGYAS DBANG GSUM GYI MAN NGAG ,GSHIN RJE DMAR PO LA BRTEN PA'I DBANG GI 'PHRIN LAS SGRUB TSUL, GSHIN RJE DKAR SER SBRAGS SGRUB LA BRTEN PA'I ZHI RGYAS DNGOS GRUB SGRUB PA'I MAN NGAG ,LHA MO PHYAG BZHI MA'I SGRUB THABS, MA CIG RDO RJE RAB BRTAN MA LA MCHOD GTOR 'BUL TSUL, CHOS SKYONG SPYI'I BSKUL, BRUL GTOR GYI CHOG ,GTOR MA'I BSNGO BA, CHU'I BCUD LEN GYI SNYING PO, BRIS

, ,SKU MTHONG BA DON LDAN 'BRI TSUL, RTEN LA GZUNGS GZHUG 'BUL TSUL SOGS NYE BAR MTHO BA'I RIM PA, BKRA SHIS LHUN POR BSHES GNYEN BYON PA DANG 'BYON 'GYUR GYI BSHES GNYEN LUNG BSTAN, SNYING PO'I MAN NGAG GI DOGS GCOD DANG SPRUL SKU BSOD NAMS RGYA MTSO'I LUNG BSTAN, RJE BLA MA'I BSTAN PA'I GNAS TSAD, KUN MKHYEN LEGS DON PA'I GSANG MTSAN GYI DOGS GCOD 'PHROS DANG BCAS PA, LUNG BSTAN GDAMS NGAG MA BKA' RGYA BTAB PA 'PHROS DANG BCAS PA, SH'ANTI PA BLO GROS RGYAL MTSAN LUNG BSTAN PA, CHAB MDO CHOS RJE MI G-YO SNYING PO'I ZHUS LAN, LUNG BSTAN GSANG BA'I ME LONG LAS DGE LDAN BSTAN 'DZIN JI LTAR 'BYUNG BA CHE LONG TZAM GYI LUNG BSTAN PA, RJE DGE 'DUN BLO BZANG GI ZHU LAN, MKHAS GRUB LEGS PA DON GRUB KYI RNAM THAR, LEGS PA DON GRUB KYI GSANG BA'I RNAM THAR, RJE SKYABS MCHOG DPAL BZANG GI RNAM THAR DANG GSANG BA'I RNAM THAR; BSNGO BA'I RIM PA, LTA BA'I YIG CHUNG, 'JAM DBYANGS DMAR SER LA BRTEN PA'I BLA MA'I RNAL 'BYOR, BLA MA 'JIGS BYED YAB YUM GYI RNAL 'BYOR GYI SNYING PO, CHOS RGYAL NANG SGRUB 'KHOR BCAS KYI SGRUB YIG 'BRING PO RNAMS MDZAD DO, ,DE LTAR RGYAL BA DBEN SA PA CHEN POS SKU DNGOS KYIS GDUL BA'I MDZAD PA MTHAR PHYIN PAR MDZAD NAS, DPA' BO G-YUL LAS RGYAL BA'AM, DAD DPON NOR BU LON NAS RANG YUL DU LOG PA LTAR DU, TSE RAM LA

BRTEN PA'I BSNYAL TSUL CUNG ZAD BSTAN PA'I MU NAS, RJE BTZUN BLA MA DAM PA SANGS RGYAS YE SHES NYID KYI RGYAL TSAB TU MNGON BAR DBANG BSKUR TE ZAD BYED CES PA'I CHO 'PHRUL ZLA BA'I NYER GSUM LA THA MAL GYI GZUGS SKU'I BKOD PA CHOS KYI DBYINGS SU BSDU BAR MDZAD, DE'I TSE DGUNG ZHAG MA GROL GYI BAR DU NAM MKHA' LAS LHA RNAMS KYIS ME TOG GI CHAR 'BEBS PA DANG, 'JA' 'OD KYI BLA BRE PHYOGS MTSAMS SU BRES PA LA SOGS PA SKYE PO KUN GYI YID 'PHROG PA'I LTAS BAR MTSAN MA NGO MTSAR BA BSAM GYIS MI KHYAB PA BYUNG BAR GYUR TO, ,DE NAS DAD LDAN THAMS CAD KYIS SKU GDUNG RIN PO CHE LA PHYI NANG GSANG BA DE KHO NA NYID KYI MCHOD PA TSAD MED PAS MCHOD DE SMON LAM BTAB NAS 'JAM MGON SNYAN RGYUD KYI BSTAN PA NAM YANG MI NYAMS PAR 'PHEL BA'I RTEN 'BREL DU SKU GDUNG RIL POR MA NYAMS PA DBEN SA CHOS KYI PHO BRANG NYID NA LHA DANG BCAS PA'I 'GRO BA YONGS KYI BSOD NAMS KYI ZHING DU BYIN RLABS KYI GZI 'OD 'BAR BAR BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL BA DBEN SA PA CHEN PO BLO BZANG DON GRUB LA GSOL BA 'DEBS SHING, BDAG NYID CHEN PO 'DI'I RNAM THAR LTAR TSE 'DI'I BYA BYED BYIS PA'I ROL RTZED DANG 'BRAS BU MED PA'I SPUN PA PHYAR BA DANG SMYON PA'I ZLOS GAR LTAR BLTAS TE TSE 'DI'I 'KHRI BA CHOD PA ZHIG BYA BA DANG, 'KHOR BA'I PHUN TSOGS DUG SPRUL GYI GDENGS GA'I GRIB BSIL LTAR YID BRTAN MI RUNG BA GNOD PA DU MA'I

, ,'BYUNG GNAS SU BLTAS TE SRID PA MTHA' DAG LA ZHEN PA LOG PA'I NGES 'BYUNG BCOS MA MIN PA ZHIG BSKYED PA DANG, BDAG PAS GZHAN GCES PA'I BYANG CHUB KYI SEMS RIN PO CHE RGYUD LA BSKYED CI THUB BYA BA DANG, CHOS THAMS CAD SNANG ZHING STONG BA STONG ZHING SNANG BA'I RTEN 'BREL ZAB MO'I TSUL LA NGES PA GTING TSUGS PA ZHIG BTZAL LA GANG SNANG SGYU MA'I RNAM ROL TU BLTA BA DANG, ZAB LAM BLA MA LHA'I RNAL 'BYOR LAM GYI SROG TU BYAS TE BSKYED RDZOGS ZUNG 'BREL LA SLOB PA DANG, 'JAM MGON SNYAN RGYUD KYI MAN NGAG THOS PAR BYAS LA DBEN PA'I RI SUL DU SGRUB PA MTHAR PHYIN PA ZHIG BYA BA LA SKYES BU'I RTZAL CI YOD KYIS 'BAD CING THA NA SMON LAM GYI YUL DU'ANG BYAS TE BLO SBYANG BAR BYA'O,, ` ,,SNGON TSE THUGS BSKYED SMON LAM GRUB PA'I MTHUS, ,DA LTA BLO BZANG BSTAN PA'I SNYING PO 'DZIN, ,DGAG SGRUB SPANGS BLANG BRAL BA'I RNAL 'BYOR PA, ,SANGS RGYAS YE SHES ZHABS LA GSOL BA 'DEBS, ,ZHES BSNGAGS PA, MKHAS GRUB SANGS RGYAS YE SHES NI, GTZANG RONG GI YUL LHAN DRUG BRGYAR YAB DGE BSNYEN RDO RJE 'DZIN PA BLA MA RIN CHEN ZHES BYA BA DANG, YUM CHOS BSTAN ZHES BYA BA G-YO SGYU MED LA RANG BZHIN GYIS NYON MONGS CHUNG BA, NGO TSA KHREL YOD DANG LDAN PA, SKYE BO KUN GYI YID DU 'ONG BA ZHIG YOD PA DE GNYIS KYI SRAS SUS SKYONG ZHES PA SHING MO BYA'I LO NGO MTSAR BA'I LTAS DANG BCAS TE 'KHRUNGS SO, ,'KHRUNGS

MA THAG TU YAB YUM GNYIS KYIS KHRUS BYA BA DANG DKAR PHYOGS KYI LHA RNAMS MCHOD PA DANG, DGE 'DUN GYI SDE LA BSNYEN BKUR BA DANG, GNYEN BSHES RNAMS TSOGS TE DGA' STON BYA BA SOGS BTZAS STON LUGS DANG MTHUN PAR BYAS SO, ,DE LTAR 'KHRUNGS PA'I GZHON NU DE NI, GZUGS BZANG BA, BLTA NA SDUG PA, MDZES PA, GSAL BA, PAGS PA'I MDOG DKAR BA, MGON GDUGS LTA BU, LAG PA RING BA, DPRAL BA'I DBYES CHE BA, SMIN MA 'DZAR BA, SNA'I GZENGS MTHO BA, 'JIG RTEN KUN GYI MIG GI BDUD RTZI LTA BU ZHIG YOD PAR GRAGS SO, ,DE YANG YAB YUM DE GNYIS LA SRAS BZHI MNGA' BAS BDAG NYID CHEN PO 'DI CHUNG BA YIN LA, DE 'DRA BA'I RGYAL SRAS GZHON NU DE YAB YUM GCEN RNAMS DANG BCAS PAS KYANG SMAN GYI MYU GU LTAR BSKYANGS PAS RDZING GI PADMA LTAR DU SKYE DRAG PAR GYUR TO, ,DE LTA BU'I RGYAL SRAS DE SKU NA SHIN TU PHRA BA'I SKABS NYID NA'ANG SNGON YUN RING PO NAS LAM LA GOMS PA'I BAG CHAGS BRTAS PAS RGYUD 'JAM ZHING NGES PA DANG, BYIS PA'I SPYOD PA NGAN PA GANG GI'ANG DBANG DU MI 'GRO ZHING SKYES RABS DU MAR PAn GRUB KYI SKYE BA BRGYUD MAR BZHES PA'I BAG CHAGS KYIS RES 'GA' NI SLOB DPON GYI TSUL DU BDAG NYID CHOS 'CHAD BA DANG, RES 'GA' NI TING NGE 'DZIN SGOM PA DANG, RES 'GA' NI CHOS KYI GTAM BYED PA LA SOGS PA'I CHOS KYI RTZED MO 'BA' ZHIG MDZAD CING, DE'I DUS SU RJE GRUB PA'I DBANG PHYUG DBEN SA PA CHEN POS GZHON NU DE GZIGS PA

, ,NA JI LTAR 'KHOR LOS BSGYUR BA'I RGYAL PO LA BU GCIG BYUNG NA BU CHUNG DU DE LA DGA' BA DANG YID DU 'ONG BA DANG MA 'ONGS PA NA RGYAL TSAB TU 'GYUR BA'I RE BAS SHIN TU GCES PAR BYED PA JI LTA BAR RGYAL BA DBEN SA PA CHEN POS RGYAL SRAS GZHON NU DE MA 'ONGS PA NA RANG GI CHOS KYI RGYAL TSAB TU 'GYUR BAR MKHYEN NAS MNYES PA'I TSUL MDZAD CING, YAB YUM GNYIS LA'ANG GCES SPRAS SU BYA DGOS PAR GDAMS SO, ,DE NAS RGYAL SRAS GZHON NU DE TSE RABS MANG POR NGES 'BYUNG GI TSUL KHRIMS GOMS PAR BYAS PA'I MTHUS GZHAN GYIS BSKUL BA LA MI LTOS PAR, SKYES RABS LAS, GAL TE CHOS SPYOD KHYIM GYI SO NAM 'CHOR, ,KHYIM LA PHYOGS NA CHOS KYANG GA LA 'GRUB, ,CHOS KYI LAS NI RAB TU ZHI BA YIN, ,KHYIM GYI DON NI DRAG SHUL CAN GYIS 'GRUB, ,DE BAS CHOS DANG 'GAL BA'I SKYON YOD PHYIR, ,BDAG LA PHAN 'DOD SU ZHIG KHYIM NA GNAS, ,ZHES GSUNGS PA LTAR, KHYIM GYI GNAS NI NYON MONGS PA DANG NYES SBYONG DU MA'I 'BYUNG GNAS SU GZIGS SHING, GNYEN DANG NYE DU RNAMS NI THAR LAM BGROD PA LA GEGS BYED PA BTZON RA'I GSHED MA LTA BUR GZIGS NAS RGYAL BA'I BSTAN PA LA RAB TU 'BYUNG BAR 'DOD PA BCOS MA MIN PA SKYES SHING, YAB YUM GCEN RNAMS DANG BCAS PAS MTHUN PA'I RKYEN SBYAR TE DGUNG LO BCU TZAM LA NYE BA NA, MDO SNGAGS KYI GDAMS PA'I GTER DU GYUR BA YONGS KYI DGE BA'I BSHES GNYEN

YON TAN BZANG PO'I DRUNG DU YONGS RDZOGS DGE BSNYEN GYI SDOM PA BZHES, MTSAN CHOS SKYABS RDO RJE ZHES BTAGS SO, ,DE NAS YI GE'I PHYI MO'I GLOG PA DANG BRDA' SPROD KYI GTZUG LAG DON PA DANG, CHOS SPYOD THOR BU BDAG 'DZIN PA SOGS DE DANG DE'I GRVAR ZHUGS PA TZAM GYIS DKA' TSEGS MED PAR THUGS SU CHUD, DE NAS BA SO LHUN GRUB BDE CHEN DU YONGS KYI DGE BA'I BSHES GNYEN YON TAN BZANG PO LA MKHAN POR GSOL BA BTAB STE TSIGS SNGA MA DGE TSUL GYI SDOM PA YANG DAG PAR BZHES SHING, RGYAL SRAS GZHON NU DE RTAGS CHA LUGS BRJES TE CHOS GOS DUR SMRIG BGOS MYUR DU 'TSANG RGYA BA'I RTEN 'BREL DU MTSAN SANGS RGYAS YE SHES ZHES BTAGS, DRANG SRONG GI SNOD LHUNG BZED LAG TU THOGS PA LHA DANG BCAS PA'I 'GRO BA MTHA' DAG GI YON GNAS DAM PA THUB PA'I DBANG PO GNYIS PA LTA BUR GYUR TO, ,DE NAS MKHAS GRUB SANGS RGYAS YE SHES KYIS BLA MA YON TAN BZANG PO'I DRUNG DU DPAL RDO RJE 'JIGS BYED DANG, GSANG BA 'DUS PA, MI BSKYOD PA'I DBANG BZHI YONGS RDZOGS DANG, TSE DBANG DANG, MGON PO'I DBANG RJES GNANG SOGS KYIS MTSAN DBANG RJES GNANG DU MA DANG, BKA' GDAMS GLEGS BAM GYI LUNG LA SOGS PA DAM PA'I CHOS MANG DU GSAN NO, ,DE NAS MKHAS GRUB SANGS RGYAS YE SHES KYI THUGS LA 'DI LTAR DGONGS PAR NGES TE, BLANGS DOR GNAS LA KUN NAS 'THOMS PA'I MUN, ,YANG DAG THOS PA'I SGRON MES MA BSAL BAR, ,LAM MI SHES NA THAR

, ,PA'I GRONG MCHOG TU, ,'JUG PAR 'GYUR BA SMOS KYANG CI ZHIG DGOS, ,DE NYID PHYIR NA MI PHAM CHOS RJE DANG, ,'DZAM GLING RGYAN DRUG MCHOG GNYIS ZHES GRAGS PA'I, ,GZHUNG LA PHYOGS RE BA DANG RAGS PA RES; ;TSIM PAR MA BYAS KUN LA ZHIB TU SBYANGS, ,ZHES GSUNGS PA LTAR, MKHAS MANG 'DUS PA'I DBUS SU SHING RTA CHEN PO'I GZHUNG RNAMS LA SBYONG BAR BZHED DE DGUNG LO BCO LNGA LA BAB PA SGYUR BYED KYI LO'I DGUN CHOS THOG CHOS GRVA CHEN PO BKRA SHIS LHUN POR PHEBS TE THOS BSAM GLING GI GDAN SA PA RIGS PA'I DBANG PHYUG BRTZON 'GRUS RGYAL MTSAN GYI DRUNG DU MTSAN NYID DANG MTSON CHA'I RNAM GZHAG SOGS SBYOR BA RTZI BA LA ZHUGS SHING CHOS BKA' CI RIGS PA YANG GSAN NO, ,LO DE'I DPYID MKHAS GRUB SANGS RGYAS YE SHES ZLA GROGS GSUM BZHI TZAM BSDEBS BCAS TE SE NGAR MKHAS PA'I DBANG PO RJE BTZUN DAM PA CHOS KYI RGYAL MTSAN PA'I DRUNG DU PHEBS PAR BKA' BGROS PA LAS, GROGS PO ZHIG NA RE, DA NI RJE BTZUN CHOS KYI RGYAL MTSAN RANG NYID KYI DNGOS SLOB MKHAS PA'I BYA BA GSUM LA 'GRAN ZLA DANG BRAL BA'I CHOS KYI RJE RTA NAG PA DGE 'DUN BLO BZANG ZHES BYA BA, LEGS GRUB GRVA TSANG NA BZHUGS PA DE'I DRUNG DU PHYIN PA 'THAD ZER, DER SKYE BA SNGA MA MANG POR 'JAM DBYANGS DGE 'DUN BLO BZANG DANG DPON SLOB TU GYUR PA'I LAS 'BREL GYI MTHUS 'JAM DBYANGS DGE 'DUN BLO BZANG GI MTSAN THOS PA TZAM GYIS BSDU LDANG ZHING MCHI

MA 'KHRUG PA ZHIG BYUNG BAS LEGS GRUB GRA TSANG DU SLOB GNYER LA 'GRO BAR ZHAL GYI BZHES, DE NAS MYANG STOD DU BYON PA NA LEGS GRUB GRVA TSANG PA RNAMS 'BRAS MA'I DPYID CHOS LA 'DZOM PA DANG DUS MTSUNGS TE, 'JAM PA'I DBYANGS DGE 'DUN BLO BZANG PA'I ZHABS RDUL SPYI BOS BLANGS NAS, THOG MAR MTSAN MTSON GYI RNAM GZHAG ,SPYI DANG BYE BRAG GI RNAM RTAGS DANG THAL 'GYUR 'PHEN LUGS RTAGS DANG THAL 'GYUR 'PHEN LUGS SOGS RIGS PA'I SGO 'BYED SBYOR BA BRTZI BA SOGS MDZAD PAS RIGS PA'I SGO LEGS PAR BYE STE, MTHAR DGUN CHOS LA 'JAM DBYANGS DGE 'DUN BLO BZANG GI DRUNG DU TSAD MA RNAMS 'GREL GYI SPYI DON DANG, MTHA' GCOD MDZUB KHRID SOGS BKA' LUNG YANG DAG PAR MNOS SO, ,DE'I TSE 'JAM DBYANGS DGE 'DUN BLO BZANG GIS THEG PA GSUM GYI LAM GYI GNAD THAMS CAD DRI MA MED PA'I RIGS PA'I LAM NAS DRANGS TE GTAN LA 'BEBS PA LA ZLA DANG BRAL BA'I BSTAN BCOS TSAD MA RNAM 'GREL GYI DON DBYIS PHYIN PAR BSHAD DE THOG MAR RTZA BA DRANGS TE 'PHROS MTSAMS SBYAR, DE NAS BRJOD BYA'I KHOG PHUG PA'I SPYI DON, DE NAS LAM GYI YAN LAG MTHA' DAG LA NGES SHES DRANG BA'I PHYIR MTHA' GCOD, GZHUNG RANG RANG GI BRJOD BYA'I SNYING PO RANG LUGS BSHAD PA DE LA RTZOD SPONG RNAMS RTZI SHAG 'DZIN CHOS SU MDZAD PA MKHAS GRUB SANGS RGYAS YE SHES KYIS SKYOR 'OG MDZAD DE YONGS RDZOGS THUGS SU CHUD PAR MDZAD, SLAR YI GER PHAB STE DA LTA THOS BSAM GLING DU 'JAM

, ,DBYANGS DGE 'DUN BLO BZANG GI RNAM 'GREL GYI YIG CHA ZHES GANGS RI'I KHRID 'DIR TSAD MA RNAM 'GREL GYI SPYI DON MTHA' GCOD LA 'GRAN ZLA DANG BRAL BA 'DI BYUNG BA YIN NO, ,DON GYI DBANG 'DI GZIGS NAS GRUB CHEN BYAMS PA PHUN TSOGS KYIS 'JAM DBYANGS DGE 'DUN BLO BZANG LA BSTOD PA LAS, SANGS RGYAS KUN GYI YE SHES GCIG BSDUS NAS, ,DUR SMRIG GAR GYI BSHES GNYEN TSUL 'DZIN PA, ,DGAG SGRUB SPANG BLANG BRAL BA'I DAM PAS KYANG, ,ZHABS RDUL SPYI BOS LEN PA KHYOD PHYAG 'TSAL, ,ZHES BSNGAGS SO, ,DE NAS MKHAS GRUB SANGS RGYAS YE SHES KYIS DGUN CHOS LA BKRA SHIS LHAN POR BYON NAS RIGS GRVA LA LEGS PAR ZHUGS PA NA, DAM PA 'DI'I LUNG DANG RIGS PA PHUN SUM TSOGS PA'I DGA' STON LA MKHAS PA MTHA' DAG KYANG YID 'PHROG PAR GYUR TO, ,DE NAS DGUNG LO BCO BRGYAD KYI BAR DU DGUN DPYID PHAL CHER TSAD MA DANG, DBYAR PHAL CHER DBU MA LA LEGS PAR SBYANGS PAS DBU TSAD GNYIS KYI DKA' BA'I GNAS MTHA' DAG KYANG MNGON DU GYUR, DE'I TSE, THOS BSAM GLING GI 'CHAD NYAN DU RJE DGE 'DUN BLO BZANG PA NYID BZHUGS SHING, BLA MA DE NYID KYIS KYANG DAM PA 'DI LUNG DANG RIGS PA'I BDAG NYID DU GZIGS TE, DGUNG LO BCO BRGYAD KYI DGUN DBU MA'I SPYI SKYAR GYIS BKA' STZAL PA NA MKHAS GRUB CHEN PO 'DIS BKA' LUNG YANG DAG BSGRUBS TE, DGUN CHOS GNYIS KYI RING THOS BSAM GLING GI DGE 'DUN 'DUS PA'I

DBUS SU DBU MA'I GZHUNG LA DAM BCA' YANG YANG BZHAG, ,DGUNG LU BCU DGUR PHEBS PA'I ZLA BA DANG PO'I YAR TSES LA BSKAL BZANG KHYAMS RA CHEN MOR BKRA SHIS LHUN PO'I MKHAN SLOB DGE 'DUN TSANG MA 'DZOM PA'I DBUS SU DBU MA'I DAM BCA' BZHAG STE SHAR RTZE NAS DGE BA'I BSHES GNYEN SHIN TU MKHAS GRAGS CHE BA ZHIG DANG MNYAM DU BGRO GLENG MDZAD PA NA 'JIGS PA DANG YA NGA BA DANG BAG TSAB MED PAR LUNG DANG RIGS PA'I NGA RO RGYA CHER BSGRAGS PAS PHA ROL SPOBS PA LAN MED DU BYAS TE PHYOGS LAS RNAM PAR RGYAL BA'I GRAGS PA YANG THOB BO, ,DE NAS PHAR PHYIN DANG, 'DUL MDZOD LA SOGS PA PO TI PHYI MA RNAMS LA LEGS PAR SBYANGS PAS BLO GROS KYI SNANG BA THOGS PA MED PAR RGYAS SHING, KHYAD BAR, DRANG BA DANG NGES PA'I DON RNAM PAR 'BYED PA LEGS PAR BSHAD PA'I SNYING PO'I TSIG DON MTHA' DAG THUGS SU CHUD PAR MDZAD DE LEGS PAR BSHAD PA'I BDUD RTZIS MKHAS PA MTHA' DAG TSIM PAR MDZAD DO, ,DE NAS DGUNG LO NYI SHU RTZA LNGA LA BAB PA NA, CHOS GRVA CHEN PO DPAL 'KHOR BDE CHEN DU MKHAS MANG 'DUS PA RGYA MTSO'I DBUS SU DKA' BZHI'I GRVA SKOR MDZAD DE LEGS BSHAD SPRIN GYI SGRA DBYANGS RGYA CHER BSGRAGS PAS PHYOGS 'DUS KYI MKHAS MANG MDONGS LDAN MTHA' DAG LEGS BSHAD DBYAR SKYES SGRA DBYANGS KYIS TSIM NAS MKHAS GRUB CHEN PO 'DI 'BA' ZHIG GI YON TAN BSNGAGS PAS SDUS 'DAS TE GTAM GZHAN GLENG BA'I GOS KAB MED PA LTA BU GYUR TO, ,DE NAS 'JAM

, ,DBYANGS DGE 'DUN BLO BZANG GI BKAS BSKUL TE DGUNG LO NYER DRUG GI THOG BKRA SHIS LHUN PO'I CHOS KHRIMS BZUNG STE YANG DAG PA'I CHOS KYI KHRIMS KYI 'OD BSIL MNYAM PAR BKYE BAS CHOS GRVA KUNDA'I TSAL MTHA' DAG KUN TU 'BAR BA RDZOGS LDAN GYI DUS LA 'GRAN PA LTA BUR GYUR CING, ZANG ZING GI BSNYEN BKUR GYIS KYANG DGE 'DUN RNAMS LEGS PAR TSIM PAR MDZAD DO, ,DE RJES, SNGAR BKRA SHIS LHUN PO'I MKHAN PO MDZAD DUS NAS MDO SNGAGS KYI CHOS MANG DU GSAN ZHING THUGS MOS KYANG CHER YOD PA LTAR PAn CHEN RIN PO CHE DON YOD RGYAL MTSAN GYI ZHABS DRUNG DU CHOS GRVA CHEN PO GANGS CAN CHOS 'PHEL DU PHEBS TE BLO SBYONG MTHA' DAG GI LUNG DANG, KHYAD PAR DON BDUN MA'I NYAMS KHRID SOGS CHOS MANG DU ZHUS SHING DPYID CHOS NAS STON CHOS KYI BAR DU BZHUGS, SLAR BKRA SHIS LHUN BOR PHEBS, DE NAS ZHAL SNGA NAS DGE 'DUN BLO BZANG PA NYID KYIS DBEN DGON DU RJE GRUB BA'I DBANG PHYUG DBEN SA PA CHEN PO LA DPAL GSANG BA 'DUS PA'I DMAR KHRID LA SOGS PA'I GDAMS PA ZHU BA'I SNYAN GSAN DANG, ZHAL SNGA NAS RANG NYID 'PHRAL PHUGS SU JI LTAR BYA BA'I BSLAB DON ZHU BA'I ZHU YIG 'BUL BA'I BANG PHYIN LA 'BYON DGOS TSUL BYUNG BAS 'TSAMS SBYAR TE, BDAG NYID KYANG MNGON PAR DGYES BZHIN DU DBEN SA CHOS KYI PHO BRANG DU PHEBS MA THAG MJAL KHA YANG GEGS MED DU BYUNG ZHING, MJAL RTEN DU SPYI BLUGS SHIN TU LEGS

PA ZHIG YOD PA PHUL BAR DE DUS RGYAL BA DBEN SA PA CHEN PO GZHAN GYIS CHAS DNGOS PHUL BA BZHES PAR MI MDZAD KYANG BDAG NYID CHEN PO 'DI RGYAL BA DBEN SA BA RANG NYID KYI CHOS KYI RGYAL TSAB TU 'GYUR BAR GZIGS NAS DGYES BZHIN DU BZHES PA NA MKHAS GRUB SANGS RGYAS YE SHES RGYAL BA DBEN SA PA'I SKU GZIGS PA TZAM GYIS SNANG BA 'GYUR ZHING DAD GUS TSAD MED PAR 'KHRUNGS TE, CHOS KYI BKA' DRIN ZHIG KYANG ZHUS, ZHAL SNGA NAS DGE 'DUN BLO BZANG PA NYID LA NI ZAB DON GYI GDAMS PA STZOL BAR BKA' MA GNANG STE, SLAR BKRA SHIS LHUN POR PHEBS, DE NAS ZAB MO RDO RJE THEG PA'I SKYED TSAL DU 'JUG PAR DGONGS TE RJE RIN PO CHES, 'DI NA RDZOGS SANGS RGYAS SU BGROD PA LA, , ZAB MO RDO RJE THEG DANG PHAR PHYIN THEG ,RNAM PA GNYIS YOD GSANG SNGAGS PHAR PHYIN LAS, ,SHIN TU KHYAD PAR 'PHAGS PA YIN NO ZHES, ,NYI MA ZLA BA LTA BUR KUN TU GRAGS, ,TSIG DE DBEN PA'I TSIG TU 'DOD BZHIN DU, ,ZAB MO'I THEG DE JI LTA BU ZHIG CES, ,TSOL BAR MI BYED MKHAS PA'I KHUR 'DZIN PA, ,DE 'DRA DE YANG SHES RAB CAN YIN NA, ,DE LAS GZHAN PA'I DBANG PO RTUL PO GANG, ,SHIN TU PHRAD DGA' GONG NA MED PA'I LAM, ,'DI 'DRA YAL BAR 'DOR BA KYE MA'O MTSAR, ,DE NYID PHYIR NA RGYAL BA'I THEG PA MCHOG ,SANGS RGYAS LAS KYANG DKON BA'I RDO RJE THEG ,DNGOS GRUB GNYIS KYI GTER GYUR ZAB MO DER, ,ZHUGS NAS 'BAD PA MANG POS RING DU SBYANGS, ,ZHES GSUNGS PA LTAR, SANGS RGYAS

, ,LAS KYANG DKON PA'I CHOS BLA MED RDO RJE THEG PA DANG LAN CIG MJAL BA'I SKABS 'DIR RDO RJE THEG PA'I LAM LA SBYANGS TE SNYING PO LON PA ZHIG MA BYAS NA DAL PA STONG LOG TU 'GYUR RO SNYAM DU DGONGS NAS 'JAM MGON BLA MA'I SNGAGS KYI GSANG MDZOD 'DZIN PA'I GNAS DPAL LDAN SMAD RGYUD GRVA TSANG DU PHEBS BZHED DE CHOS KYI RJE DGE 'DUN BLO BZANG PA'I DRUNG DU GNANG BA GSOL ZHING, MAR LAM DBEN DGON DU RJE BLA MA'I DRUNG DU'ANG GNANG BA DANG BAR CHAD MI 'BYUNG BA'I THUGS DAM SKYABS 'JUG DANG PHYIS ZHABS DRUNG DU YONGS CHOG PA'I BKA' YANG DAG PAR ZHUS TE ZHABS SEN DBANG PO'I PHYOGS SU BKOD NAS DBUS PHYOGS SU PHEBS, YAR LAM SE 'BRAS LHA SA DANG BCAS PA LEGS PAR MJAL TE RI BO DGE LDAN RNAM PAR RGYAL BA'I GLING DU PHEBS, DER RGYUD SMAD KYI SLOB DPON RDO RJE 'CHANG NAM MKHA' GRAGS KYI ZHABS RDUL SPYI BOS BLANGS TE GUS PA DANG RTAG TU SBYOR BA'I BRTZON 'GRUS BSTEN PAS RGYUD KYI RGYAL PO'I TSIG DON GYI DE KHO NA NYID RING POR MA LON PAR MNGON DU GYUR TE, DER RGYUD KYI GRVA LA ZHUGS NAS LO GCIG CUNG MA LON TZAM LA, CHU HA CANG BSIL BA'I REG PAS NYEN TE ZHABS NAD KYIS MI BDE BA'I RNAM PA BYUNG BAS RE ZHIG SMAN DPYAD BSTEN PA SOGS GTZO BOR MDZAD PAS, RING PO MA LON PAR ZLA BA GZA' LAS GROL BA LTAR SKU KHAMS KYANG LEGS PAR DVANGS, DE NAS SMAD RGYUD GRVA TSANG GI PHYAG BZHES LTAR BDE GSANG 'JIGS GSUM GYI SGRUB

THABS DKYIL CHOG SBYIN SREG DANG BCAS BA'I PHYAG LEN GANG THIG DBYANGS GSUM DANG BCAS PA TSANG MA LEGS PAR SBYANGS TE THUGS SU CHUD PAR MDZAD NAS SLAR GTZANG PHYOGS LA PHYAGS BTEG ,THOS BSAM GLING DU CHOS KYI RJE DGE 'DUN BLO BZANG PA'I DRUNG DU PHEBS TE PHYAG MDZAD PAS, 'O DRUNG RAB 'BYAMS PA 'KHOR BA CIS KYANG LEGS, KHO BOS DPAL LDAN LHA MO LA NGA'I RAB 'BYAMS PA KHUG SHOG CIG CES BKA' BSGOS PAS DRUNG PA DBUS PHYOGS SU BZHUGS PA LA GNOD PAR MCHIS GSUNG, TSUL 'DI NI DAM PA 'DI NYID LHA SAR ZHABS BSNYEL BA'I SKABS SU DA NAD 'DI LAS GROL NA GTZANG LA 'GRO SNYAM DU DGONGS PA'I NUB CIG MNAL LAM DU'ANG BU MO GZHON NU MA ZHIG DA DON GRUB PAS GTZANG LA LOG 'GRO ZER BA CIG BYUNG GSUNG BA DANG MTHUN PAR SNANG NGO, ,DE NAS DBEN DGON DU PHYAGS PHEBS TE RJE GRUB PA'I DBANG PHYUG DBEN SA PA CHEN PO BSAM SBYOR GNYIS KYI SGO NAS LEGS PAR BSTEN CING, RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO KLU SGRUB DANG THOGS MED GNYIS KYI LAM SROL DPAL AA TI SHA DANG, RGYAL BA GNYIS PA TZONG KHA PA CHEN PO'I THUGS KYI BCUD PHYUNG BA, BYANG CHUB LAM GYI RIM PA'I MYONG KHRID SNYAN RGYUD KYI MAN NGAG ZHAL SHES GEGS SEL BOGS 'DON DANG BCAS PA LEGS PAR GSAN TE RGYAL BA DBEN SA PA CHEN PO NYID KYI ZHABS DRUNG DU 'TSO CHAS KYI RTZOL SGRUB TZAM YANG MA MDZAD PAR TSE 'DI'I 'KHRI BA GANG YANG MED PAR DKA' THUB LA GNAS TE YUN RING DU

, ,SGOM PAR MDZAD BAS PHAL BU SKYES PA LTAR THUGS SHIN TU MNYES PAR GYUR, DE'I TSE MKHAS GRUB SANGS RGYAS YE SHES KYIS LO GSUM GYI RING SKYES BU CHUNG DU GTZO BOR BYAS TE BSGOMS PAS RTZOL MED KYI MYONG BA THON TE, DE YAN GYI LAM GYI RIM PA RNAMS MYUR DU THUGS RGYUD LA 'KHRUNGS PA ZHIG BYUNG ZHES DBEN SA SNYAN RGYUD KYI BLA MA GONG MA RNAMS KYI GSUNG RGYUN LAS 'BYUNG NGO, ,DE NAS SRID PA MTHA' DAG LA ZHEN PA LOG BA'I NGES 'BYUNG BCOS MA MA YIN PA THUGS RGYUD LA 'KHRUNGS PA NA RGYAL BA'I BSTAN PA'I NANG MDZOD 'DUL BA'I BSLAB GZHI YONGS SU RDZOGS PA DGE SLONG GI SDOM PA LEN PAR BZHED NAS RGYAL BA DBEN SA PA CHEN PO LA ZHUS PAS DBEN SA PA CHEN POS JI LTAR LUNG BSTAN PA LTAR SHANGS MDO RI BO DGE 'PHEL DU GRUB PA'I DBANG PHYUG PHYOGS LAS RNAM PAR RGYAL BAS MKHAN PO DANG, BDE YANGS SLOB DPON CHOS RJE DGE LEGS PAS LAS SLOB DANG, NOR GDENGS PA CHOS RJE SH'AKYA DPAL BZANG PO BAS GSANG STON MDZAD DE, DAD PA'I DGE 'DUN GRANGS TSANG BA'I DBUS SU BSNYEN PAR RDZOGS TE LHAG PA TSUL KHRIMS KYI BSLAB PA LHA'I CHU BOS YID KYI RDZING BU YONGS SU GANG BAS SKYE DGU LAG LDAN MTHA' DAG GI PHAN BDE'I GZHI DANG YON GNAS BLA NA MED PAR GYUR TO, ,DE NAS MKHAS GRUB SANGS RGYAS YE SHES KYIS GRUB PA'I DBANG PHYUG PHYOGS LAS RNAM RGYAL BA'I DRUNG DU SNAR THANG BRGYA RTZA'I RJES GNANG LUNG DANG BCAS PA,

BKA' GDAMS LHA BZHI'I RJES GNANG, TSE DPAG MED LHA DGU DANG, KUN RIG GI DBANG SOGS DAM PA'I CHOS MANG DU GSAN TE SLAR DBEN DGON DU PHEBS NAS SGRUB PA LA RTZE GCIG TU BRTZON PAR MDZAD CING, KHYAD PAR DBEN SA PA CHEN PO LA BSNYEN RGYAB KYI THUGS DAM SKYABS 'OG ZHUS NAS DBEN SA'I DGON PA GZHOL GYI GTZANG KHANG DU DPAL RDO RJE 'JIGS BYED KYI BSNYEN BSGRUB MDZAD PAS RE ZHIG CIG NA THUGS DAM GYI RIM PA RNAMS KYANG GRUB STE NAM GYI GUNG LA REG NAS GZIMS PA NA, SKU GRANG BA'I NYAMS SHIN TU CHE BA ZHIG BYUNG BA NA RGYAL BA BLO BZANG DON GRUB NYID BLA BRANG GI 'DEGS SGO NA BZHUGS PA'I SKU BEM GYI SNE MOS RANG MNGON PAR BKAB PA'I NYAMS SHIN TU GSAL BA ZHIG BYUNG BAS BDE DROD TSAD MED PA RANG 'BAR BYUNG NGO, ,YANG DE'I DUS SDIG PA RVA CAN LAG PA TZAM ZHIG 'JIGS 'JIGS LTAR BDAG NYID KYI MDUN DU BYUNG BA LA BAG TSA BA MED PAR BTANG SNYOMS SU BZHAG PA NA RVA GNYIS MGAL ME LTAR 'KHOR ZHING 'DUG PAS DGOD CIG SHOR, DE KHAR RANG YAL DU SONG GSUNG, YANG DE'I DUS SU SNANG BA THAMS CAD BDUD DU SHAR NAS NYAMS SHIN TU MI DGA' BA CIG BYUNG BA LA DGONG GCIG BLA BRANG GI BA ZHIG YOD PA DES 'DU KHANG GI SGO PHYE NAS GTZANG KHANG DU BYUNG STE RANG NYID KYI SNYING GAR KHA BTZUGS TE SNYING DMAR TZAR GYIS KHYER SONG, DE MA KHAD YID MI BDE BA DE LHAG MA MED PAR SANGS SONG GSUNG, MDOR NA DE'I DUS DNGOS SU RNAL 'BYOR PA'I RNAM PA CAN DANG, BYA RI DVAGS LA SOGS

, ,GZUGS CAN SNA TSOGS BA ZHIG SKU DRUNG DU 'OD ZHING 'KHONG PA LA BDAG NYID LHA'I NGA RGYAL DANG, TING NGE 'DZIN SHIN TU BRTAN PA'I NGANG NAS GSANG SNGAGS KYI BZLAS BRJOD LAS SKAD CIG KYANG G-YEL BA MI MNGA' PAS SNANG BA DE DAG NAM MKHA'I DBYINGS SU SPRIN PHUNG ZHI BLTAR 'GRO BZHIS BYUNG, SNANG TSUL DE DAG RGYAL BA DBEN SA CHEN PO LA ZHUS PA NA SNANG BA DE DAG LA 'JIGS PA DANG YANG BA YANG MI DGOS, DE LAS 'JIGS PA STAG DANG RO LANGS LA SOGS PA YANG YOD, DE 'DRA BYUNG NA CI 'DRA MCHIS GSUNG, MDOR NA DE'I DUS NGO MTSAR BA'I GZIGS SNANG LHAG PA'I LTAS BYIN GYIS BRLABS PA'I SNANG BA RMAD DU BYUNG BA BRNYES SO, ,DE LTAR 'JIGS BYED KYI BSNYEN PA THON NAS RGYAL BA DBEN SA PA CHEN PO NYID KYI ZHABS DRUNG DU MGON PO'I BKA' CHEN BCU GSUM GYI RJES GNANG DANG, BE'U BUM GYI LUNG LA SOGS PA MGON PO'I CHOS SKOR YONGS SU RDZOGS PA DANG, CHOS RGYAL PHYI NANG GSANG GSUM GYI SGRUB SKOR RJES GNANG DANG BCAS PA YONGS SU RDZOGS PA DANG, GSANG BDE 'JIGS GSUM GYI DBANG BZHI YONGS RDZOGS KHRID LAG RJES DANG BCAS PA THUN MONG DANG THUN MONG MA YIN PA'I GDAMS PA RMAD DU BYUNG BA RNAMS DANG, LAM RIM CHE CHUNG GI LUNG GZABS BSHAD DANG BCAS PA RNAMS DANG, THUN MONG DANG THUN MONG MA YIN PA'I TSE DBANG KHRID DANG BCAS PA DANG, RJE BTZUN TZONG KHA PA CHEN PO'I SGRUB SKOR THUN MONG MA YIN PA RNAMS DANG, 'PHAGS PA

BCU GCIG ZHAL GYI RJES GNANG, SNYING PO DON GSUM DANG, TSEM BU DMAR KHRID SOGS 'PHAGS PA'I CHOS SKOR YONGS SU RDZOGS PA DANG, SKYER SGANG LUGS KYI RTA MGRIN GYI RJES GNANG SGRUB SKOR DANG BCAS PA'I LUNG DANG, YIG CHUNG NYI SHU RTZA GCIG GI LUNG DANG, MKHAS GRUB THAMS CAD MKHYEN PA'I LTA KHRID DANG, RGYAL SRAS BLO GROS SBAS PA'I LTA KHRID RNAMS KYI LUNG DANG, SKYABS 'GRO'I KHRID RIM THUN MONG DANG THUN MONG MA YIN PA RNAMS DANG, GCOD KYI CHOS SKOR YONGS RDZOGS DANG, THUN DRUG GI RNAL 'BYOR LA SOGS PA MDOR NA LHAG BA'I LHA DANG YI DAM DANG CHOS SKYONG DU MA'I RJES GNANG SGRUB SKOR MTHA' YAS PA DANG, GTOR 'BUM GYI LUNG DMIGS RIM DANG BCAS PA DANG, ME TOG DANG, RDO DANG, CHU'I BCUD LEN BYA TSUL GYI LUNG LA SOGS PA ZAB PA DANG RGYA CHE BA'I CHOS TSUL MTHA' YAS BA ZHUS SHING PHYAG LEN LA THEBS PAR MDZAD DO, ,DE LTAR RMAD DU BYUNG BA'I GDAMS PA'I GTER CHEN POR NI GYUR, SDOM PA GSUM YANG DAG PAR NOS NAS BCAS MTSAMS LAS SKAD CIG TZAM YANG MI 'DA' BAR MIG GI 'BRAS BU LTAR SKYONG BA'I DRAN SHES KYI GOMS PA NI YONGS SU RDZOGS, ZHI LHAG ZUNG DU 'BREL BA DANG BSKYED PA'I RIM PA GOMS PA MTHAR PHYIN TE BDE STONG DBYER MED KYI TING NGE 'DZIN KHYAD PAR CAN BRNYES PAS, DA NI TSE 'DI'I 'KHRI BA BTZAN THABS SU BCAD DE TSE DANG SGRUB BA MNYAM PA ZHIG BYA'O SNYAM DU DGONGS PA 'BA' ZHIG BYUNG STE, MKHAS GRUB SANGS RGYAS YE SHES RANG

, ,NYID KYI GSUNG LAS KYANG, DE DUS RJE BLA MA LA DAM PA'I CHOS 'DOD DGUR ZHUR YOD PA ZHIG YIN NA'ANG, THUN MONG MA YIN PA'I GDAMS PA RNAMS NI THOB, DA SNANG BA MI DANG MI BSTUN PA'I SGRUB BA ZHIG BYED PAS RNAM GRANGS MANG POS DGOS BA MI 'DUG SNYAM DU MA ZHUS BA DES CUNG ZAD THOB RGYA CHUNG BA BYUNG 'DUG GSUNGS, DE NAS, BDAG NYID CHEN PO 'DI DGE 'PHEL GYI MKHAN POR SPYAN 'DREN PA'I GSOL BA 'DEBS PA DANG, SDE PA RIN SPUNGS BA DPON BLON GYI PHYAG DMAN NA CHAGS PA DANG BCAS BYUNG BA LA, DAM PA 'DI NI SKYE BA MANG BOR DBEN PA LA THUGS GZHOL BAS DANG DU MA BZHES KYANG, RGYAL BA DBEN SA BA CHEN BOS DAM TSIG LA BKAR TE RANG DBANG MED PAR RE ZHIG MDZAD PA'I ZHAL LEN GNANG, DE NAS GZA' SKAR 'PHROD SBYOR LEGS PA'I THOG ,KUN MKHYEN CHEN PO SHES RAB DPAL BZANG GI GDAN SA SHANGS MDO RI BO DGE 'PHEL GYI CHOS KHRI LA 'KHOD NAS DON DU GNYER BA DAG LA LEGS PAR BSHAD PA'I CHAR CHEN PO YANG PHAB, DE'I MU NAS RJE GRUB BA'I DBANG PHYUG GI ZHABS LA TSER MA'I REG BAS NYEN PA'I BSNYUN TSUL BSTAN NAS, SKU'I BKOD BA NYE BAR BSDU BA LA GZHOL ZHING, SEMS DPA' CHEN PO 'DI NYID BDAG NYID KYI RGYAL TSAB TU 'OS PAR GZIGS NAS GDAN DRANGS TE LHA DANG BCAS PA'I 'GRO BA MTHA' DAG LA ZAB PA DANG RGYA CHE BA'I SNYAN RGYUD KYI GDAMS PA'I 'KHOR LO BSKOR BA'I CHOS GYI RGYAL SRID DU DBANG BSKUR BAR

MDZAD DO, ,DE NAS RING POR MA LON PAR RJE GRUB PA'I DBANG PHYUG DBEN SA PA CHEN PO MYA NGAN LAS 'DAS PA'I MDZAD PA BSTAN PA NA, CHOS DANG ZANG ZING GI SGO NAS THUGS DGONGS YONGS SU RDZOGS BAR MDZAD CING, KHYAD PAR DBEN DGON DU RJE GRUB PA'I DBANG PHYUG DBEN SA PA CHEN PO'I GZIM SPYIL BZO BCOS MED PAR GTZANG KHANG DU BZHAG NAS GTZUG LAG KHANG MGON KHANG BLA BRANG DANG BCAS PA'I 'GAM BTINGS TE 'KHOR LO GSUM GYI ROL PA KHO NAS DUS 'DA' BAR MDZAD, DE NAS RGYAL BA DBEN SA PA CHEN PO NYID KYI DON GYI DGONGS PA LTAR GTZANG KHANG GI NANG DU SKU GDUNG RIL POR BZHUGS SU GSOL TE, RIN PO CHE BRDAR BA'I PHYE MA DANG SMAN 'DAM LAS RJE BTZUN DAM PA RANG NYID KYI SKU 'DRA BYIN RLABS KYI GZI 'OD 'BAR BA KUN GYI MIG GI BDUD RTZIR SPUNGS PA LTA BUR PIR THOGS RGYAL PO SMAN THANG NAS CHOS KYI RJE BLO BZANG RGYA MTSO DPON SLOB RNAMS KYIS LEGS PAR BZHENGS, 'DI'I NANG BZHUGS SU DE BZHIN GSHEGS PA'I RING BSREL, DAM PA GONG MA MANG PO'I SKU GDUNG DANG RING BSREL, SKU BAL SOGS BYIN RTEN TSANG MED PA BZHUGS SO, ,GTZANG KHANG GI LOGS RNAMS LA BLA MA LHA'I RNAL 'BYOR GYI RIM PA DANG MTHUN PA'I GSANG BDE 'JIGS GSUM KYEE RDOR DUS 'KHOR RNAMS KYI SKU DANG STENG DU RANG RANG GI BLA MA BRGYUD PA, 'OG TU SO SO'I CHOS SKYONG DANG BCAS PA LEGS PAR BZHENGS, GTZANG KHANG GI RTEN BZHENGS RNAMS GRUB CING 'DU KHANG GI THOG KHEL MTSAMS SU 'GRO BA THAMS CAD

, ,KYI 'DREN PA DAM PA LNGA BRGYA PA RNAMS KYI GTZUG GI NOR BU GANGS CAN GYI MGON PO THAMS CAD MKHYEN PA BSOD NAMS RGYA MTSO'I DPAL GTZANG PHYOGS SU CHIBS KHA BSGYUR BA RTEN 'BREL LEGS BAR 'DZOM, DBEN DGON DU GDAN DRANGS RAB TU GNAS PA MDZAD CING ME TOG GI CHAR CHEN PO MNGON PAR PHAB, RGYAL BA THAMS CAD MKHYEN PA RANG NYID KYANG SKU GDUNG RIN PO CHER DBU GTUGS TE RGYUN RING DU BZHUGS DANG GUS TSAD MED PA 'KHRUNGS SHING, SKU 'DRA RIN PO CHE RDO RJE 'JIGS BYED KYI SKUR GZIGS SO, ,DE NAS MKHAS GRUB SANGS RGYAS YE SHES DPON SLOB RNAMS RGYAL BA THAMS CAD MKHYEN PA BSOD NAMS RGYA MTSO'I ZHABS PHYIR PHEBS TE, BKRA SHIS LHUN POR SGROL MA NYI SHU RTZA GCIG GI RJES GNANG DANG, BKA' GDAMS GLEGS BAM GYI LE'U 'GA' RE'I LUNG DANG, MGON PO ZHAL LUGS GSUM GYI RJES GNANG DANG THUN MONG MA YIN PA'I GTOR CHEN LAS TSOGS DANG BCAS PA GDAMS PA YONGS SU RDZOGS PA'I LUNG SOGS CHOS BKA' MANG DU GSAN, SLAR DBEN DGON DU PHEBS TE MKHAR LAS KYI 'PHRO YONGS SU RDZOGS PAR MDZAD DO, ,MTSAMS SHIG TU SPOR TOG TU PHEBS NAS GRUB PA'I DBANG PHYUG PHYOGS LAS RNAM RGYAL BA'I DRUNG DU DPAL DUS KYI 'KHOR LO'I DBANG GONG MA RNAMS DANG BCAS PA DANG, GZHAN YANG BKA' CHOS MANG DU GSAN, GLANG MIG TU YANG 'JAM DBYANGS LEGS PA'I BLO GROS KYI SKU SKYE RJE RIN PO

CHE GLANG MIG PA ZHES GRAGS PA DE NYID KYI DRUNG DU'ANG DAM PA'I CHOS MANG DU GSAN, DE NAS SMAN THANG NAS CHOS KYI RJE BLO BZANG RGYA MTSO DPON SLOB RNAMS KYIS THUGS KYI KHUR BZHES TE 'DU KHANG GI LOGS BRIS YONGS SU RDZOGS PAR MDZAD CING, GUNG DU RGYAL BA BLO BZANG DON GRUB KYI SKU 'DRA SKYA RIS BTAB PA'I TSE NYIN MTSAN KHOR YUG TU MAR ME BZUNG BA SOGS NGO MTSAR BA'I LTAS DU MA YANG BYUNG, SKU 'DRA 'DIS MKHAS GRUB SANGS RGYAS YE SHES LA MNAL LAM DU GSUNG LAN GNYIS TZAM BYON NO, ,DE LTAR 'BAD PAS MTHAR BDE BAR GSHEGS PA'I SKU DNGOS SU BYON PA LTA BU SKYE BO MTHA' DAG YID 'PHROG CING, MKHAS PA RNAMS MGU BA SKYED PA'I LOGS BRIS LEGS PAR GRUB NAS RAB TU GNAS PA'I DGA' STON RGYAS PAR BSGRUBS TE 'JAM MGON SNYAN RGYUD KYI BSTAN PA NAM YANG MI NYAMS PAR PHYOGS KUN TU 'PHEL ZHING RGYAS PA DANG, GRUB PA'I GNAS MCHOG 'DI YANG 'JAM MGON SNYAN RGYUD BSTAN PA'I 'BYUNG KHUNGS SU SGRUB PAR MDZAD DO, ,DE NAS MKHAS GRUB SANGS RGYAS YE SHES DPON SLOB RNAMS GANGS CAN CHOS 'PHEL DU PHEBS TE, RDO RJE 'DZIN PA CHEN PO RIGS PA SENG GE'I DRUNG DU BDE MCHOG LO DRIL GNYIS KYI DBANG, 'JIGS BYED KYI DBANG, KYEE RDOR GYI DBANG, 'KHOR CHEN GYI DBANG, TSE DPAG MED LHA DGU'I DBANG, DPAL LDAN LHA MO'I DBANG BZHI, GUR ZHAL GYI RJES GNANG, N'A RO CHOS DRUG GI KHRID, BDE MCHOG GI MNGON PAR RTOGS PA RGYA CHER BSHAD PA

, ,'DOD 'JO, RDZOGS RIM RNAL 'BYOR CHEN PO'I RNAM BSHAD, BRTAG GNYIS t'IKA CHEN, KYEE RDOR, BDE MCHOG RNAMS KYI MNGON DKYIL SO SO'I LUNG SOGS CHOS MANG DU GSAN NAS, SLAR GRUB PA'I GNAS MCHOG DBEN DGON DU PHEBS TE 'KHOR LO GSUM GYI BYA BAS 'JAM MGON SNYAN RGYUD KYI BSTAN PA 'PHEL ZHING RGYAS PAR MDZAD DO, ,DE NAS MKHAS GRUB SANGS RGYAS YE SHES DPON SLOB NYUNG BSDUS SHIG RGYAL BA BSOD NAMS RGYA MTSO SOG YUL LA PHEBS KHAR MJAL BAR BZHED DE, DPON SLOB THAMS CAD GLANG GI LO ZLA BA GSUM PA'I NANG DU DBUS PHYOGS SU PHEBS TE, THOG MAR LHA SAR JO ZHAL GNYIS SOGS RTEN RNAMS KYI DRUNG DU BSTAN PA RGYAS PA'I SMON LAM YANG DAG PAR MDZAD, DER DPAL GYI LHA MOS DNGOS SU GSUNG BYON PAR YANG 'DUG ,DE NAS RI BO DGE LDAN DU CHOS RJE BYAMS PA RGYA MTSO'I DRUNG DU'ANG LAM RIM GYI 'GO NAS CHOS 'BREL ZHIG GSAN, DE NAS RGYAL BA THAMS CAD MKHYEN PA'I DRUNG DU DAD GUS KYIS KUN NAS BSLANGS PA'I 'BUL BA YANG DAG PAS MNYES PAR BYAS SHING ZAB PA DANG RGYA CHE BA'I CHOS MANG DU ZHUS, LHA'I BTZUN PA BSOD NAMS DPAL BZANG PO'I DRUNG DU'ANG SPYOD 'JUG DANG MTSAN BRJOD LA SOGS PA'I LUNG DU MA ZHUS, DE'I TSE DAM PA 'DI NYID KYI DRUNG DU'ANG, STOBS KYI 'KHOR LOS BSGYUR BA DGE LDAN PA YAB SRAS LA SOGS PA'I MI CHEN DANG, DGE BA'I BSHES GNYEN DU MAS ZHABS

LA GTUGS SHING, MKHAS GRUB DAM PA 'DIS KYANG SKAL LDAN DE DAG LA ZAB PA DANG RGYA CHE BA'I CHOS KYI BKA' DRIN YANG DAG PAR STZAL TE SLAR GTZANG PHYOGS SU PHEBS, DE KHA'I STON GTZANG RONG GI SDE 'KHRUG CHEN PO BYUNG STE, GRA PA BYING BSOD SNYOMS LA BYON SHUL GZIM KHANG NA DPON SLOB GSUM LAS MED PA'I THO RANGS SHIG PA SNAM RDZONG GI SRUNG CHA BA'I KHROD NAS DVAGS PO DANG, DE LA BRTEN PA'I PA SNAM PA'I PHO YAN 'TSOGS PA'I DMAG GI TSOGS SHIN TU 'JIGS PAS BCOMS TE MDA' MTSON GYI CHAR PHAB, DE'I TSE BDAG NYID CHEN PO 'DIS DE LTAR MA BYED CES 'JIGS PA MED PA LTAR SKU MNGON DU PHYUNG STE SKAL NGAN DE DAG LA GO BAR MDZAD PA NA NGAN PA DE DAG GIS DAM PA 'DI LA CHES CHER BSDIGS NAS MDA' 'PHANGS BA PHAL CHER BDAG NYID CHEN PO'I SKU LAS YOL TE 'GRO ZHING, 'GA' ZHIG PHOG KYANG JI LTAR RDO RJE RIN PO CHE'I RANG BZHIN GYI BRAG RIL MDA' PHAL PA 'PHANGS PA LTAR GNOD PA MED PAR BRUL BAR BYED DO, ,DER SDIG PA CAN DE DAG KYANG 'DI LA NI MTSON BSRUNG BLA NA MED PA DANG LDAN PA ZHIG GO ,ZHES SGRA DBYANGS SGROGS MOD KYANG LHA DANG BLA MA'I THUGS RJE'I GZI BYIN YIN GYI MTSON SRUNG THA MAL PA NI GNYAN NAS MED GSUNG NGO, ,BDAG NYID CHEN PO 'DI NI BLA MA LHA'I RNAL 'BYOR LA BRTAN PA THOB PAS GANG SNANG THAMS CAD BLA MA LHA'I RNAM ROL TU 'CHAR ZHING, DAM CAN CHOS SRUNG RNAMS KYANG BLA MA LHA'I BYA SGRUB YE SHES KYI RANG SNANG DU SHAR TE RGYUD SDE NAS GSUNGS BA'I 'PHRIN LAS

, ,RAB 'BYAMS THAMS CAD BLA MA LHA'I RNAL 'BYOR GYIS SGRUB NUS 'BYUNG ZHING MKHAS GRUB CHEN PO 'DI NYID CHOS SKYONG LA MNGA' BRNYES PAS GTOR BRDEG DANG BSKANG GSO SOGS GANG GNANG YANG ZIL GZHAN BAS CHE BA ZIG 'ONG, GTOR BRDEG MDZAD PA'I SLA NGA LA ZHABS RJES BYON PA'ANG MANG DU BYUNG 'DUG CING, BSKYED BA'I RIM PA MTHAR PHYIN PAS LHAG PA'I LHA'I NGA RGYAL DANG GSAL SNANG SHIN TU BRTAN PA MNGA' BA'I STOBS KYIS NANG MCHOD RANG KHOL DANG, TSE RIL 'PHAR BA DANG, BDUD RTZI 'BAB PA DANG, TSE CHANG KHOL BA DANG, SPYAN DBYE'I CHE, LHAS ME TOG DNGOS SU BZUNG BA YANG DU MA ZHIG BYUNG, DE NAS DBEN DGON DU LO RE BZHIN MDO SNGAGS KYI ZAB CHOS RGYA CHER GNANG BAS PHYIS NI MKHAS SHING GRUB PA'I SNYAN GRAGS KYI 'UR LANGS TE PHYOGS PHYOGS KYI SDE DGON SO SO'I BLA MA DANG, SDE DPON MANG POS KYANG MCHOD GNAS 'GRAN ZLA MED PAR BZUNG BA YIN NO, ,DE'ANG DUS RGYUN PAR YANG BLA MA LHA'I RNAL 'BYOR KHO NA LA SGRUB PA SNYING POR MDZAD CING RTOGS PA KHYAD PAR CAN DE LA BRTEN NAS BRNYES TE, BKA' LAS, DPAL LDAN BDE CHEN DBEN PA'I PHO BRANG DU, ,RTZE GCIG BSGRUB LA BRTZON BA'I RNAL 'BYOR PA, ,RTAG TU BLA MA DRAN PA'I BSAM GTAN LA, ,G-YEL MED GCIG TU GZHOL ZHING BRTZON PAR BYED, ,CES GSUNGS, YANG BKA' LAS,

MA YENGS DRAN PA'I CHU 'DZIN 'THUG PO LAS, ,DON DAM RIG PA'I GNAM LCAGS CHAR PHAB NAS, ,MTHAR 'DZIN BRAG RI'I PHUNG PO MYUR BSHIG STE, ,BDE CHEN DAM PA'I GNAS SU BGROD PA NI, ,AE MA NGO MTSAR DPAL GYI DAM PA'O, ,ZHES GSUNGS, GZHAN YANG DGE BA'I BSHES GNYEN DU MAS BSKUL BA DANG, BDAG NYID KYANG RJE BTZUN BLO BZANG DON GRUB KYI BKA' DRIN PA'I NYAMS MGUR YANG MANG DU MDZAD DE, 'DI LTAR, NA MO MAH'A MU TR'A YA, PHA GI ZHIG RGYA MTSO CHEN PO NA, ,YID BZHIN NOR BU RIN CHEN YOD, ,DED DPON GYI THABS LA MA BRTEN NA, ,GTING MTHA' ZAB PAS RNYED BAR DKA', ,'DI KHA ZHIG GSUNG RAB KYI RGYA MTSO NA, ,SNYING PO YID BZHIN NOR BU YOD, ,MTSAN LDAN GYI THABS LAM BRTEN NA, ,ZAB RGYAS KYI SPROS PA RNYED PAR DKA', ,DKA' TSUL 'DI SNYING GI DKYIL DU CHONGS, ,DPA' BO DANG DPA' MO'I THUGS KYI BCUD, ,NGOMS PA RANG MED PAR GSOL BAR ZHU, ,ZHU BA 'DI RANG SEMS RGYAL PO LA, ,GDAMS PA BDE CHEN GYI GTER MDZOD YIN, ,ZHES PA DANG, YANG, NA MO MAH'A MU TR'A YA, RGYA MTSOR YOD PA'I NOR BU RIN CHEN DE, ,SHUGS DRAG RLABS KYIS PHYOGS SU BSKYOD NA YANG, ,BSOD NAMS LDAN PA'I 'GRO BA'I DPAL DU CHE, ,BSTAN PA'I SNYING PO RANG SEMS BDE CHEN DE, ,RNAM PAR RTOG PA'I 'KHRUL PAS G-YON YANG,

, ,DAD LDAN SKAL LDAN GDUL BYA'I DPAL DU CHE, ,CHE BAR GYUR CIG BLA MA LHAG PA'I LHA, ,ZHES BYA BA LA SOGS PA GSUNGS, ,DE NAS BDAG NYID CHEN PO DGUNG LO LNGA BCU NGA BRGYAD BZHES PA, SNA TSOGS ZHES PA CHU PHO RTA'I LO'I DGUN BSAM 'GRUB RTZE NAS PHYAG DAM NAN CHES BA'I STABS KYIS DGE 'PHEL KHRI THOG TU PHEBS, LO LNGA'I BAR DU DAM PA'I CHOS KYI 'KHOR LO BSKOR TE CHOS KYI KHRIMS KYANG YANG DAG BAR BSDAMS PAS BKA' DRIN GYIS KHYAB PAR MDZAD DO, ,DE NAS RGYAL BA DBEN SAB CHEN PO'I BKA' LUNG LTAR GRUB PA'I GNAS MCHOG DBEN SA CHOS KYI PHO BRANG NYID SKYONG BA GTZO BOR MDZAD BZHED DE DGE 'PHEL GYI GDAN SA BZHAG NAS 'PHAGS PA 'JIG RTEN DBANG PHYUG GI GDUNG 'DZIN 'GRO BA DU MA'I 'DREN PA GNAS RNYING NAS RJE 'JAM PA'I DBYANGS DGE 'PHEL GYI KHRIR BKOD NAS SLAR YANG GRUB BA'I GNAS MCHOG DBEN SA CHOS KYI PHO BRANG DU PHEBS TE DGUN PHAL CHER SGRUB BA BSAM GTAN GYI 'KHOR LO DANG, DBYAR CHOS LA PHYOGS PHYOGS KYI SDE SNOD 'DZIN PA DANG, GNYUG MAR GNAS PA RNAMS LA ZAB RGYAS MDO SNGAGS KYI CHOS BKA' RGYA CHER STZAL LO, ,DE SKABS RGYAL BA DBEN SA PA CHEN PO SLAR YANG 'JAM MGON SNYAN RGYUD KYI BSTAN PA SPEL BA'I PHYIR BSAM BZHIN DU BYON PA RJE BTZUN BLO BZANG CHOS KYI RGYAL MTSAN DBEN DGON DU GDAN DRANGS NAS DGE BSNYEN, DGE TSUL, DBANG LUNG MAN NGAG THAMS CAD YONGS

SU RDZOGS PAR GNANG STE DBEN SA CHOS KYI PHO BRANG GI MI 'JIGS SENG GE'I KHRI LA MNGON BAR DBANG BSKUR TE SNYAN RGYUD BSTAN PA'I BDAG BOR MNGA' GSOL, NAM MKHA'I DBYINGS THAMS CAD TIL GYI GANG BU LTAR GANG BA'I RGYAL BA SRAS BCAS RNAMS KYIS ME TOG GI CHAR PHAB BO, ,DE NAS RGYAL BA TZONG KHA BA'I RNAM THAR LTAR DBEN SA BA CHEN PO'I SPRUL PA'I SKU 'DI RGYAL BA TZONG KHA PA RANG NYID SLAR BYON PA LTA BU ZHIG 'ONG BAR BYA'O SNYAM DU THUGS LA BRNAGS TE BKRA SHIS LHUN POR THUGS GNYER LA BRDZANGS, DE NAS RJE BTZUN BLO BZANG CHOS RGYAL DGUNG LO BCU DGU'I THOG BKRA SHIS LHUN POR DKA' BZHI'I GRVA SKOR MDZAD PA LA NYE BA'I TSE 'BRUM BU'I BSNYUN GZHI BYUNG BA NA MKHAS GRUB SANGS RGYAS YE SHES DE MA THAG PHEBS TE DBANG BSKUR BYIN RLABS GNANG ZHING GZHUNG LUGS CHEN MO RNAMS LA SBYANGS BA MDZAD LUGS, DE NAS GZHUNG DON GDAMS PAR SHAR BA'I NYAMS LEN LA 'BAD DGOS LUGS, RANG NYID MI NYAMS PA'I GDENG THOB PA NA RJE BLA MA'I SNYAN RGYUD KYI BSTAN PA 'DZIN SKYONG SPEL GSUM 'DI LTAR MDZAD DGOS SO ZHES GDAMS PA MTHIL PHYIN PAR GNANG ZHING LUNG BSTAN GSANG BA'I ME LONG YANG ZHIG TU BSTAN TE, SKU TSE DE'I THA MA'I ZHAL CHEMS LTA BUR BSLAB BYA MTHAR PHYIN PAR MDZAD DE ZHAG GSUM BZHUGS NAS DBEN DGON NYID DU PHEBS SO, ,MDOR NA MKHAS GRUB SANGS RGYAS YE SHES ZHES YONGS SU GRAGS BA'I BDAG NYID CHEN PO 'DI NI TSUL KHRIMS

, ,GSUM GYIS YANG DAG PAR BSDAMS SHING CHAGS SDANG 'GO GNON PA, LHAG PA'I LHA'I RNAL 'BYOR LAS G-YEL BA MED CING BDE STONG GI TING NGE 'DZIN MNGA' BA, RGYAL BA BLO BZANG DON GRUB KYIS DBEN DGON 'DI GNYER DU GTAD PA'I BKA' LAS 'GONGS PA MED PAR SGRUB PA'I SDE 'DI KHO NA THUGS KYI DKYIL DU BCUG NAS 'KHOR LO GSUM GYIS DUS 'DA' BAR MDZAD DO, ,MKHAS GRUB SANGS RGYAS YE SHES KYIS 'DZAM MGON SNYAN RGYUD KYI MAN NGAG RNAMS MI NUB PAR YUN RING GNAS PA'I PHYIR, RJE BTZUN BLO BZANG DON GRUB KYI RNAM THAR GSOL 'DEBS, ZAB LAM BLA MA LHA'I RNAL 'BYOR NYAMS SU LEN TSUL RJE RIN PO CHE LA BRTEN PA'I PHYI NANG GSANG GSUM GYI BLA MA'I RNAL 'BYOR, LAM RIM GSOL 'DEBS DANG 'BREL BA'I BLA MA'I RNAL 'BYOR, LHAG PA'I LHA MANG PO LA BRTEN PA'I BLA MA'I RNAL 'BYOR MANG PO, BYANG CHUB LAM GYI RIM PA'I SKYES BU CHUNG DU'I DMIGS SKOR; GCOD KYI SKOR, TSOGS 'KHOR, RJE RIN PO CHE'I SGRUB THABS, MGON PO'I BLA RGYUD GSOL 'DEBS, BLA MA'I BSTOD PA'I RIM PA, BLA MA MCHOD PA'I CHOG ,THEG CHEN THUN MONG BA'I BLA MA LHA'I RNAL 'BYOR GYI SGO NAS SKYES BU GSUM GYI LAM GYI RIM PA'I KHRID, BLA MA LHA'I RNAL 'BYOR GYI SGO NAS TSE 'DI DON DANG LDAN PAR BYED PA, BLO SBYONG DON BDUN MA BSHAD CHOS TZAM MA YIN PAR RGYUD LA SBYOR TSUL, CHU SBYIN GYI DMIGS SKOR, DE BZHIN

GSHEGS PA BZHI'I DMIGS SKOR, DRIS LAN LEGS PAR BSHAD PA'I SNYING PO NYIN MOR BYED PA'I DPAL ZHES BYA BA, LTA SGOM SPYOD PA'I SNYING BO, GZHAN YANG MAN NGAG SHIN TU ZAB PA'I ZHAL GDAMS BCU GCIG, GZHI LAM 'BRAS BU'I DKA' BA'I GNAD KYI DRI BA DANG DE'I LAN RANG NYID KYIS MDZAD PA, DBU MA'I ZIN BRIS, RJE BKRA SHIS RIN PO CHE BA'I DRI LAN, THEG CHEN GSO SBYONG GI SDOM PA LEN TSUL DANG, THUGS RJE CHEN PO'I SGRUB THABS, YI DAM LA BLA BRE PHUL BA'I GNYER GTAD, CHAB SHOG, GRUB RGYAL LUGS KYI TSE DBANG, GTUM PO KHYUD LNGA'I RJES GNANG, SKYER SGANG LUGS KYI RTA MGRIN GYI RJES GNANG, MGON PO'I RJES GNANG BYED TSUL, RDO RJE 'JIGS BYED KYI SGRUB THABS BDUD THAMS CAD LAS RNAM PAR RGYAL BA NGAG 'DON GYI RIM PAR BSGRIGS PA, RTA MGRIN GYI RNAL 'BYOR NYAMS SU LEN TSUL, SMYUNG BAR GNAS PA'I CHO GA DNGOS GRUB KUN 'BYUNG, BLA MA YI DAM DPAL MGON SRUNG MA'I TSOGS LA MCHOD GTOR 'BUL BA'I RIM PA, CHOS RGYAL GYI SGRUB THABS BDUD DPUNG TSAR GCOD 'PHRIN LAS BZHI'I DNGOS GRUB, GTOR MA'I CHO GA'I RIM PA DNGOS GRUB KUN 'BYUNG, BLA MA LHA 'JAM DPAL DBYANGS KYI SGRUB THABS, BLA MA DPAL RDO RJE 'JIGS BYED KYI RNAL 'BYOR NYAMS SU LEN TSUL LA SOGS PA RNAMS MDZAD DO, DE LTAR MKHAS GRUB SANGS RGYAS YE SHES KYIS ZHING 'DI'I SKU DNGOS KYI GDUL BYA RNAMS KYI DON BSGRUBS ZIN PA NA

, ,NYID KYI DGUNG LO DRUG CU RE BDUN PA, BONG BU ZHES PA LCAGS MO YOS KYI LO ZLA BA BCU GNYIS PA'I NYER LNGA LA SKU TSE 'DI'I GDUL BYA'I THA MA BKA' ZHIG RJES SU GZUNG BZHED PA DANG, BYAMS MGON LA MCHOD 'BUL SMON LAM MDZAD BZHED PA SOGS DGOS PA KHYAD PAR CAN MANG PO ZHIG LA DGONGS TE RONG BYAMS CHEN DU PHEBS NAS JI LTAR BZHED PA'I THA MA'I MDZAD PA RNAMS MDZAD DE ZLA BA BCU GCIG PA'I YAR NGO'I TSES BCU BZHI LA NGO MTSAR BA'I LTAS DANG BCAS TE MYA NGAN LAS 'DA' BA'I TSUL BSTAN TO, ,DE NAS DGUNG ZHAG BDUN GYI BAR DU BSIR BU'I RGYU BA CHAD CING LHA'I ME TOG GI CHAR BABS SO, ,DE NAS RJE BTZUN BLO BZANG CHOS KYI RGYAL MTSAN GYI BKAS MNGAGS TE SKU GDUNG SLAR DBEN DGON DU GDAN DRANGS NAS ZHUGS LA SBYANGS, ZHAG ZHE DGU'I BAR DU TSOGS PAS GUNG TSIGS YAN LA DPAL RDO RJE 'JIGS BYED KYI DKYIL 'KHOR BSGRUBS NAS DBANG BLANGS SHING, DGUNG GI RING BLA MA MCHOD PA'I CHOG MDZAD, BKRA SHIS LHUN PO, DGE 'PHEL, BYAMS CHEN SOGS CHOS SDE RNAMS SU MANG 'GYED DANG, DNGOS 'BUL GYA NOMS PA MDZAD PA SOGS MDOR NA GRA BU SLOB, SDE DGON GYI SBYIN BDAG SO SO DANG BCAS PA TSANG MAS DAD PA CHEN POS THUGS DGONGS YONGS SU RDZOGS PAR MDZAD, DGUNG ZHAG GROL NAS SPUR KHANG ZHAL PHYE BA NA, RING BSREL SRAN MA TZAM ZHIG GIS SNYING POR BYAS SHING PHYI RNAMS RING BSREL

GYIS BYUR BUR GTAMS PA'I THUGS GNYIS, LJAGS, SPYAN, RTZA DBU MA BYANG SEMS DKAR DMAR GYIS GANG BA, DBU KLAD RING BSREL GYIS BYUR BUR GTAMS PA SOGS BYON ZHING, RING BSREL SIL BU BA NI SHIN TU MANG PAR BYON NO, ,DE NAS RJE BTZUN BLO BZANG CHOS KYI RGYAL MTSAN GYIS MKHAS GRUB CHEN PO 'DI NYID KYI SPUR KHANG GI SA PHAG RNAMS LA GZHI BYAS, PHYI ROL TU SKU TSE BYIN BRLABS KYI MCHOD RTEN SHIN TU LEGS PA ZHIG DGUNG ZHAG GROL 'PHRAL DU BZHENGS, DPAL 'KHOR LO SDOM PA'I SGO NAS RAB GNAS RGYAS PAR MDZAD DO, ,DE NAS RJE BTZUN BLO BZANG CHOS KYI RGYAL MTSAN NYID DE SKABS THUGS GNYER GYI SKABS YIN PA DANG, THUGS NGES 'BYUNG SKYO SHAS SHIN TU CHE BAS RTEN BZHENGS SOGS YO LANGS LA MI DGYES KYANG MKHAS GRUB CHEN PO DE NYID KYI SLOB MA MANG PO DANG SBYIN BDAG MANG PO ZHIG GIS BSKUL NAS CHOS KYI RJE BLO BZANG RGYA MTSO BAS SBYIN BDAG DANG ZHAL BKOD KYI MTHIL MDZAD NAS MKHAS GRUB SANGS RGYAS YE SHES KYI SKU 'DRA BSKAL BA DANG PO'I MI TSAD TZAM GSER ZANGS LAS GRUB PA BLTABS CHOG MI SHES PA ZHIG BSGRUBS TE, LHA BZO BA RNAMS KYANG 'BUL NOR GYIS MNYES PAR MDZAD, 'KHOR LO BDE MCHOG GI SGO NAS RAB TU GNAS PA RGYAS PAR MDZAD DE BYIN RLABS KYI GZI BYIN 'BAR BAR BZHUGS SO, ,DE LTA BU'I DAM PA 'DI LA DBUS GTZANG GI LJONGS 'DIR BU SLOB MANG DU BYUNG BA RGYAS PAR NI BRJOD PAR MI SPOBS MOD, RAGS PA TZAM SMOS NA, GNAS RNYING

, ,NAS RJE RIN PO CHE 'JAM PA'I DBYANGS, JO GDAN MKHAN RIN PO CHE NOR BZANG RGYA MTSO, SHAR RTZE SLOB DPON PA RJE SH'AKYA MCHOG GRUB, CHOS RJE BSAM BLO SHES RAB RGYAL MTSAN, CHOS RJE RGYAL BA'I 'BYUNG GNAS MNGA' RIS DKA' BCU PA BLO BZANG DPAL MGON, MKHAN PO SANGS RGYAS TSUL KHRIMS, MNGA' RIS MKHAN PO BSAM RDOR BA, CHU DBAR RIN CHEN DON YOD RGYA MTSO, DBUS PA CHOS RJE DGE LEGS PA, MTSAN SGROG MKHAN CHEN SDINGS PA NANG SO, ,KONG STON 'JAM DBYANGS RGYAL PO, ZHAL SNGA NAS 'JAM DPAL RDO RJE, CHOS RJE GUNG RU SHES RAB BKRA SHIS ,CHOS RJE CHOS DON PA SOGS BSTAN PA'I RTZA LAG TU GYUR PA'I BSHES GNYEN MTHA' YAS SHING THUGS KYI SRAS MCHOG 'JAM MGON SNYAN RGYUD KYI BDAG PO 'GRAN PA'I ZLA THAMS CAD DANG BRAL BA NI RJE BTZUN BLO BZANG CHOS KYI RGYAL MTSAN NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB SANGS RGYAS YE SHES LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR 'JAM MGON SNYAN RGYUD 'DZIN PA'I BSHES GNYEN DAM PA TSUL BZHIN DU BSTEN NAS MDO SNGAGS GNYIS KA'I LAM GYI LUS RDZOGS BA'I MAN NGAG THOB PAR BYAS LA THOG MAR LAM THUN MONG PA LA MYONG BA THON NGES SHIG BYA, DE NAS THUN MONG MIN PA RDO RJE THEG PA'I LAM LA SBYANGS TE NGES PA RNYED PA NA BLA MA LHA'I RNAL 'BYOR LAM GYI SROG TU BYAS TE BSKYED

RDZOGS GNYIS LA MYONG BA THON NGES SHIG BYA'O,, ` ,,DGE LEGS YON TAN MA LUS 'BYUNG BA'I GNAS, ,DRI MED BLO BZANG BSTAN PA'I KHANG BZANG RTZER, ,CHOS KYI RGYAL MTSAN 'DZIN PA'I DPAL YON CAN, ,DPAL LDAN BLA MA'I ZHABS LA GSOL BA 'DEBS, ZHES BSNGAGS PA, PAn CHEN BLO BZANG CHOS KYI RGYAL MTSAN NI, GANGS CAN GRUB MCHOG RGYAL BA DBEN SA PA CHEN PO 'JAM MGON BLA MA'I MDO SNGAGS KYI BSTAN PA SPEL BA'I SLAD DU, SNYIGS MA'I 'GRO BA RNAMS THUGS RJES MA BZOD PA DANG RGYAL BA'I DAM CHOS 'DZIN PA'I SMON LAM RLABS PO CHE'I MTHUS BSAM BZHIN DU BYON PA ZHIG STE, DE YANG BDAG NYID CHEN PO 'DI GANG DU 'KHRUNGS BA'I YUL NI GTZANG RONG GI YUL LTAN ZHES BYA BA RTZI SHING NAGS TSAL RGYAS SHING, 'BRU BCUD LO TOG 'PHEL BA SNGON BYON DAM PA MANG POS BYIN GYIS BRLABS PA SOGS DGE MTSAN KHYAD PAR CAN DANG LDAN BA ZHIG STE, DE LTA BU'I YUL DE'I NANG DRUG BRGYAR, SBA YE SHES DBANG PO DANG, MTSUNGS MED G-YAG SDE PAn CHEN SOGS DAM PA DU MA 'KHRUNGS PA'I RIGS SU YAB NI SHER PHYIN BRGYAD STONG PA RGYUN DU KHA TON MDZAD PA SOGS LUNG DANG RTOGS PA'I YON TAN GYIS RGYUD PHYUG PA DRUNG 'TSO BA KUN DGA' 'OD ZER ZHES BYA BA DANG, YUM NI RANG BZHIN GYIS DRANG ZHING NYON MONGS CHUNG LA SKYE BO KUN LA PHAN SEMS CHE BA SOGS KUN GYIS BSNGAGS 'OS SU BYED PA MTSO RGYAL ZHES BYA BA GNYIS KYI SRAS SU, RAB MYOS ZHES PA LCAGS PHO RTA'I LO NGO MTSAR BA'I LTAS

, ,BSAM GYIS MI KHYAB PA DANG BCAS 'KHRUNGS SO, ,DE'I TSE DKAR PHYOGS KYI LHA RNAMS KYIS DA NI 'GRO BA MGON DANG BCAS SO ZHES DGA' BA'I CA CO'I SGRA SGROG, ME TOG 'THOR ZHING GOS KYIS G-YAB MO BYED, LHA 'GA' ZHIG GIS RGYAL SRAS GZHON NU 'DI LA MNGAL GYI DRI MAS GOS PA DAG PAR BYA BA'I PHYIR KHRUS GSOL, GNOD SBYIN LAG NA RDO RJE 'KHOR BRGYA PHRAG MANG PO DANG BCAS PAS PHYOGS PHYOGS SU 'KHOD NAS BAR CHAD BSRUNG, RGYAL BA SRAS BCAS THAMS CAD KYIS RGYAL SRAS 'DI'I DON GRUB PAR GYUR CIG CES BDEN TSIG GI SMON LAM MDZAD PAR NGES TE, SKU GSUM MNGON DU GYUR PA'I RDO RJE 'DZIN PA CHEN PO ZHING 'DIR GDUL BYA'I DON DU SPRUL PA'I SKU BZUNG BA YIN PAS NA ZHING GANG DANG GANG DU SPRUL PA'I SKU BYON PA DE DANG DE'I TSE SNGAR BSHAD PA'I RTAGS DANG MTSAN MA DE DAG 'BYUNG BAR RGYAL BA'I BKA' LAS GSUNGS SO, ,DE LTA BU'I RGYAL SRAS GZHON NU DE MTHUN PA'I DNGOS PO DAG GIS BSKYED BSRINGS SHING LHA DANG BLA MA'I LUNG BSTAN LTAR MTSAN CHOS RGYAL DPAL LDAN BZANG PO ZHES BTAGS SO, ,RGYAL SRAS GZHON NU DE NI BSKAL PA MANG PO'I SNGON ROL NAS LAM LA SBYANGS PA'I MTHU GRUB PA YIN PAS SKU NA SHIN TU PHRA BA'I GNAS SKABS DER YANG BYIS PA GZHAN DAG GI NGANG TSUL LAS 'DAS TE, THUGS RAB SHIN TU GSAL BAS GZHAN DAG GIS SGROL MA DANG, SHES RAB SNYING PO SOGS NGAG 'DON BYAS PA NA ZHAL NAS GSUNG

PAR MA MDZAD KYANG THUGS LA TSIG 'BRU GO RIM DANG BCAS PA GSAL BAR SHAR, DRUNG 'TSO BA ZHAG RE BZHIN MTSAN BRJOD KHA TON 'CHAG MED MDZAD PA GSAN PAS DGUNG LO GSUM PA'I SKABS MTSAN BRJOD THUGS LA GSAL BA NGAG TU 'ANG GTZANG SENG NGE PA 'DON NUS PA BYUNG, DGUNG LO LNGA LON DUS ZHAG RE BZHIN MTSAN BRJOD TSAR LNGA RE ZHAL TON DU MDZAD, DE DUS DBEN DGON PA DPON SLOB KYIS DBYAR GNAS DRUG BRGYAR MDZAD PAS, DE'I TSE RGYAL SRAS GZHON NU DE PHYI ROL TU THABS CI BYAS KYANG BZHUGS MA 'DOD PAR DBEN DGON TSOGS PA'I NANG DU BYON TE GRAL GONG DER BZHUGS PA ZHIG BYUNG, DE'I RGYUS, RDO RJE 'JIGS BYED KYI CHO GA DANG, MGON PO, CHOS RGYAL, LHA MO, PHYAG BZHI PA, GUR ZHAL RNAMS KYI BSKANG GSO RNAMS TSOGS PA'I ZHOR THEGS PA MKHYEN, DGAG DBYE GROL NAS GRVA PA RNAMS BSOD SNYOMS LA BYON, MKHAS GRUB CHEN PO SANGS RGYAS YE SHES ZLA BA GCIG TZAM DER BZHUGS PA'I JA'I GRAL DU MKHAS GRUB SANGS RGYAS YE SHES KYIS, SRAS CHUNG 'DI DBYAR GNAS KYI RING TSOGS DKYIL RANG DU BZHUGS TSUGS SHING, YI DAM DANG BSKANG GSO RNAMS KYI ZHOR 'DEGS KYANG LEGS PAR YONG 'DUG GSUNGS PAS, DRUNG 'TSO 'CHEN MO NA RE, 'DI SHES RAB DGA' RAB YIN PA 'DRA, BDAG GIS KHA TON BYAS PA'I RNA 'JAGS KYIS NA NING LO GSUM PA'I MJUG TU MTSAN BRJOD SHIN TU BYANG BA BYUNG NAS, KHA SANG SKABS SHIG NYIN RE LA TSAR MANG PO 'DON GYIN 'DUG LAGS, DA LTA SKU ZHABS SU RGYUGS PHUL DANG GSUNG, RGYAL

, ,SRAS GZHON NU DES DE 'PHRAL DU YE SHES YON TAN BZANG PO'I BSTOD PA SNGON DU BTANG, RGYA GAR SKAD NAS, MNGON PAR BSTOD DO'I BAR DANG, MJUG TU SHES BYA MKHA' DBYINGS MA'I SMON LAM DANG BCAS PA DAG CING GSAL BSANG BZHIG BSKYAR BAS MKHAS GRUB SANGS RGYAS YE SHES THUGS SHIN TU DGYES NAS 'DON KHYER DAG CING BYANG BA 'DUG, BTZUN PA ZHIG BYED DGOS PA YIN, BTZUN CHAS LEN MI MIN BLTA'O GSUNGS NAS DBU PAn DE PHUD NAS RGYAL SRAS GZHON NU'I DBU LA G-YOGS NAS BTZUN PA LEN PO YONG BA 'DUG CES GSUNGS TE, DE NI MKHAS GRUB SANGS RGYAS YE SHES KYIS RGYAL SRAS GZHON NU 'DI RGYAL BA DBEN SA PA CHEN PO'I SPRUL SKUR YID CHES NAS MA 'ONGS PA'I RTEN 'BREL BSGRIB PA'I PHYIR DE LTAR MDZAD PA YIN TE, RGYAL BA DBEN SA PA CHEN PO SKU'I BKOD PA BSDU BAR PHYOGS PA'I DRUNG DU, MKHAS GRUB CHEN PO SANGS RGYAS YE SHES NYID KYIS DNGOS SU TSIG GI LAM NAS ZHU BA NI MA SPOBS; YID LA GDUNG BA MI BZAD PA SKYES SHING, SKU'I SKYE BA MYUR DU 'BYON PAR GSOL BA RTZE GCIG TU BTAB BAS MKHAS GRUB SANGS RGYAS YE SHES KYI THUGS LA GANG SHAR RGYAL BA DBEN SA PA CHEN POS THUGS KYIS MKHYEN NAS, DRUNG RAB 'BYAMS PA DE TZAM GYI THUGS NGAL MDZAD MI DGOS, NGED KYANG SPEL BA'I DE RU MYUR DU YONG, ZHES GSUNGS PAS, MKHAS GRUB SANGS RGYAS YE SHES SLAR YANG 'JIGS PA DANG MOS PAS THUGS CHAD CHOD DU SONG BAS RGYU MTSAN ZHU MA THUB,

SLAR LHA KHUD SPEL BA ZER BA 'DIR RE BA BCAS TE BRTAGS KYANG DOGS PA TZAM YANG MA BYUNG, PHYIS DRUG BRGYA BA'I SPE'U MTHON PO DE LA RANG DGONGS SAM SNYAM PA BYUNG ZHING, MNAL LAM DU'ANG RGYAL BA DBEN PA DRUG BRGYAR SPRUL SKU STON PA'I LUNG BSTAN MTSAR BA ZHIG BYUNG, 'ON KYANG DA DUNG GDENGS MA BKAL BAR DE DUS RJE GLANG MIG PA CHOS KYI RGYAL MTSAN PA ZHES BYA BA DE MNGON MKHYEN THOGS MED DU GSUNG BAR BYED PAS KHONG LA DRUG BRGYA'I SRAS PO 'DI RGYAL BA DBEN SA PA CHEN PO'I SPRUL SKU YIN MIN BRTAG PA ZHUS PA NA, DRUG BRGYA'I DE SKYE BA GCIG 'PHAR DGOS BYUNG BA MA GTOGS THE TSOM DGOS PA MI BDOG, MING YANG NGED GNYIS MTSUNGS PA YOD PAS CHOS KYI RGYAL MTSAN ZHES 'DOGS PAR MDZOD GSUNG BAS, MKHAS GRUB SANGS RGYAS YE SHES RANG NYID KYI MTSAN LTAS DANG RGYAL BA DBEN SA PA CHEN PO ZHING GSHEGS KHA'I GSUNG RIS DANG, SRAS CHUNG DE RANG GI MDZAD SPYOD DANG YON TAN MTSUNGS PA MED PA DE DAG GZIGS PAS THUGS YID CHES TE DBEN SA PA CHEN PO'I SPRUL SKUR NGOS BZUNG, PHYIS RAB BYUNG SGRUB PAR MDZAD DUS RJE GLANG MIG PAS GSUNG BA LTAR CHOS KYI RGYAL MTSAN ZHES MTSAN BTAGS DE'I STENG DU BLO BZANG ZHES SBYOR BAR MDZAD DO, ,DE LTAR RGYAL BA DBEN SA PA CHEN PO NYID KYIS LHAN DRUG BRGYAR SPRUL PA'I SKU 'BYON PAR ZHAL GYIS BZHES PA DANG, LHA DANG BLA MA GZHAN GYI LUNG BSTAN DANG ,MKHAS GRUB SANGS RGYAS YE SHES KYIS

, ,MNGON SUM DU RGYAL SRAS 'DI'I MDZAD SPYOD RNAMS GZIGS PAS THUGS GTING NAS YID CHOS SHING, 'PHRAL DU YONGS LA BSGRAGS NA BAR CHAD BYUNG DOGS PAS YAB YUM LA'ANG DE RIGS MA GSUNGS PAR DON GYIS PAn ZHVA DBU LA G-YOGS TE 'JAM MGON SNYAN RGYUD KYI BSTAN PA'I BDAG POR 'GYUR BA'I RTEN 'BREL BSGRIG PAR MDZAD PA'O, ,RGYAL SRAS GZHON NU DE DGUNG LO LNGA PA'I DUS DE NYID DU BDE GSHEGS BDUN GYI CHO GA BZUNG STE DUS BZANG RNAMS SU 'CHAG MED ZHAL 'DON MDZAD, RDOR GCOD ZHIG YANG YANG BKLAG PAR MDZAD PAS, KLOG BYANG BA DANG THUGS SU CHUD PA MNYAM DU BYUNG, DUS DE SKABS MKHAS GRUB SANGS RGYAS YE SHES KYANG STON DUS PHAL CHER DRUG PA RGYAR BZHUGS PAS, TSE DBANG, MGON PO PHYAG DRUG PA'I BKA' RDZOGS PA, RTA MGRIN GYI RIM PA MANG PO'I RJES GNANG, RTA POD KYI LUNG, RIGS GSUM MGON PO, SGROL MA, RNAM RGYAL, RNAM 'JOMS, CHOS SKYONG MANG PO'I RJES GNANG SOGS DBANG LUNG MANG DU ZHU BAR MDZAD, DGE BA'I BSHES GNYEN RIN PO CHE GRANGS CAN PA LA BRGYAD STONG PA SOGS SHER PHYOGS DANG, MDO MANG DANG, 'DUL BA LUNG DANG, RGYUD 'GA' ZHIG SOGS LUNG SHIN TU MANG BA DRUNG 'TSO BA CHEN MO SOGS DANG LHAN CIG ZHU BAR MDZAD, MES PO DRUNG 'TSO BA NYID KYI DRUNG DU PHU BO DRUNG 'TSO BA RTA MGRIN BZANG PO'I RIGS BRGYUD KYI SRUNG MA DRANG SRONG CHEN PO R'A HU LA'I RIGS GTAD, GDAMS PA YONGS RDZOGS KYI LUNG, ZHANG BLON GYI RJES

GNANG, SGRUB SKOR, RGYUD BZHI'I LUNG SOGS SMAN DPYAD KYI SKOR GYI DBANG LUNG RNAMS KYANG ZHOR LA GSAN, DGUNG LO BDUN PA'I DUS SU 'GRAM SO GNYIS GSAR DU SKYES PAS, 'JIG RTEN GYI KHA DNGAGS SU PHAG 'GRAM SKYES NA TSE PHYED SONG, ZER BA GSAN PAS 'DI YANG PHAG 'GRAM YIN 'DUG LA, DE LTAR NA MYUR DU 'CHI BAR 'GYUR BAR GDON MI ZA'O SNYAM DU 'CHI BA RTZOL MED DU DRAN PA NAR MAR BYUNG NGO, ,SBYIN PA NI 'JIG RTEN PHYI MAR NOR BCOL BA LEN PA DANG 'DRA SNYAM DU DGONGS TE RANG NYID KYI KHA ZAS LA BGO BSHA' BYAS SHING BZA' BTUNG SOGS PHYAG TU CI BYUNG SLONG MO BA DANG, KHYI DANG BYA BYE'U SOGS LA SBYIN BAR MDZAD CING, PHYI MA BDE 'GRO'I RTEN BZANG THOB PA TSUL KHRIMS LA RAG LAS PAR DGONGS NAS MI DGE BCU LA SDOM SEMS BSTEN GOMS YANG YANG MDZAD, TSUL 'DI NI RJE BTZUN BLO BZANG CHOS KYI RGYAL MTSAN RANG NYID KYI ZHAL NAS SBYIR NA BYIS PA CHUNG DU'I GNAS SKABS NAS, RAB TU 'BYUNG KHA'I BAR RANG BZHIN GYI KHA NA MA THO BA GZHAN LTA ZHOG, BSAMS BZHIN DU SROG CHAGS GROG SBUR PHRA MO BKUMS PA TZAM YANG DRAN LAM NA MA MCHIS SO, ,ZHES GSUNGS, RGYAL SRAS GZHON NU DE SNGON YUN RING PO NAS 'KHOR BA MTHA' DAG LA ZHEN PA LOG PA ZHIG YIN PAS SKU NA PHRA MO DE DUS NAS GZHAN GYIS BSKUL BA LA MI BLTOS PAR KHYIM DU 'DUG PA LA BTZON RAR BCINGS PA'I 'DU SHES BCOS MA MIN PA 'KHRUNGS NAS KHYIM NA GNAS PA LA NAM YANG DGA' BAR MI MDZAD CING, SPYIR RAB TU BYUNG BA DANG,

, ,KHYAD PAR DBEN DGON PA'I DGE SLONG DAG BYUNG NA LHAG PAR DGYES SHING, RANG DBANG 'DUS NA DE DAG DANG 'GROGS NAS BZHUGS PA LA YUN JI TZAM RING YANG THUGS SKYO BA MI SKYE, NA MNYAM GZHAN DANG DAL BAR RTZE BA'I DUS SU RDUL GZAN SHAM THABS SU BYAS, DRUNG GNAS TSUL KHRIMS PA'I ZHVA SER BSAMS BZHIN BLANGS NAS DBU LA BZHES TE BYIS PA MANG PO'I DBUS SU RES 'GA' CHOS 'CHAD NYAN, RES 'GA' 'GRO GLENG, RES 'GA' GRVA TSANG 'DZUGS PA LTA BU'I RTZED MO 'BA' ZHIG MDZAD PA ZHIG YOD PAR SKU THOG MNYAM PA'I SKYE BO MANG PO'I MNGON SUM DU GYUR PA YIN NO ZHES RJE NYID KYI GSUNG LAS 'BYUNG NGO, DE NAS SNA TSOGS ZHES PA CHU PHO RTA'I LO DGUNG LO BCU GSUM PA'I NGO MTHONG BA'I TSE NYE DU LA SOGS PA'I 'CHING BA MED PAR MA ZAD, DE DAG GIS MTHUN PA'I RKYEN NYE BAR SBYAR TE CHO 'PHRUL ZLA BA'I TSES BCU'I NYIN KHYIM NAS 'THON TE DBEN SA CHOS KYI PHO BRANG DU PHEBS, ZLA BA DE KHA'I TSES BCU GSUM LA RGYAL PHUR 'DZOM PA'I 'GRUB SBYOR THOG, MKHAS GRUB CHEN PO RJE BTZUN SANGS RGYAS YE SHES KYIS MKHAN SLOB ZUNG 'BREL DU MDZAD NAS, GRIB TSOD NYI MA'I BRGYAD CHA SHAR BA LA TSIGS SNGA MA DGE TSUL GYI SDOM PA LEGS PAR BZHES SHING, MTSAN BLO BZANG CHOS KYI RGYAL MTSAN ZHES GSOL, RAB TU BYUNG 'PHRAL MKHAN SLOB TSOGS BA DANG BCAS PA RAB STON GYA NOM PAS MNYES PAR MDZAD DO, ,DE'I TSE MKHAS GRUB SANGS RGYAS YE SHES KYIS DGONG

JA'I THOG TSOGS LA BYIN RLABS NYE BRGYUD KYI BLA MA'I RNAL 'BYOR LAM GYI GNAD TSANG BA SHIN TU ZAB CING RGYAS PA ZHIG GNANG, ZLA BA DE'I GSUM MCHOD DANG BSTUN SMAN THANG PA CHOS KYI RJE DKON MCHOG LHUN GRUB PAS SNGON NAS GSOL BA BTAB PA LTAR DPAL GSANG BA 'DUS PA'I DKYIL 'KHOR DU DBANG BZHI YONGS SU RDZOGS PA ZHU BAR MDZAD, DE'I DPYID DUS MKHAS GRUB SANGS RGYAS YE SHES KYI BKA' LTAR RJE RIN PO CHES MDZAD PA'I BYAMS MGON GYI BSTOD PA TSANGS COD MA DANG, RJE BTZUN 'JAM PA'I DBYANGS KYI BSTOD PA BSTOD SBRIN RGYA MTSO DANG, RNAM RGYAL MA'I BSTOD PA 'CHI MED GRUB PA DANG, RDO RJE RNAM 'JOMS KYI BSTOD PA RNAMS 'DZIN PA LA 'BAD RTZOL MA DGOS BAR LAN RE GZIGS PA TZAM GYIS THUGS SU CHUD DE RGYUN DU ZHAL 'DON MDZAD, BKA' GDAMS LHA BZHI DANG, 'JAM DBYANGS RIGS 'GA' ZHIG DANG, 'JIGS BYED, MGON PO PHYAG DRUG PA RNAMS RGYUN BSNYEN GYI TSUL DU MDZAD, DE'I TSE YI DAM DANG CHOS SKYONG GI GZUNGS MANG TZAM BZLAS RES KYIS MNAL LAM DU DUR KHROD 'JIGS SU RUNG BA DANG, KHRO BO DANG, GCAN GZAN SNA TSOGS PA'I RNAM PA 'BYUNG PA DANG, DNGOS SU YANG YI DAM RDO RJE 'JIGS BYED DANG, MGON PO PHYAG DRUG PA SOGS DAM CAN CHOS SRUNG MANG PO'I ZHAL GZIGS, 'JAM MGON BSTAN PA'I SRUNG MA RNAMS KYIS 'PHRIN LAS RNAM BZHI SGRUB PAR ZHAL GYIS BZHES PA SOGS DAG PA'I GZIGS SNANG DPAG TU MAD BA BYUNG ZHING, RANG DANG GZHAN GYI TSE RABS BRGYA STONG DRAN PA DANG, 'DAS

, ,PA'I DUS DANG MA 'ONGS PAR 'GYUNG 'GYUR MANG PO THUGS LA SHAR, SKAL BA DANG LDAN PA RE GNYIS LA DE BZHIN DU LUNG BSTAN YANG MDZAD, DE NAS MKHAS GRUB SANGS RGYAS YE SHES KYIS DBYAR CHOS LA LAM RIM GYI KHRID TSOGS CHOS SU GSUNGS PA BSGRIMS TE GSAN PAS TSIG DON THAMS CAD THUGS SU CHUD, DBYAR THOG DE LA DBEN DGON DU 'JIGS BYED KYI SGRUB MCHOD THOG MAR TSUGS THOG BDAG NYID CHEN PO 'DIS GTZOS DBEN DGON 'DUS TSOGS LA RDUL TSON GYI DKYIL 'KHOR DU YI DAM GYI DBANG BZHI RGYAS PAR GNANG BAS DBANG DON BRDA 'PHROD CING DMIGS RIM SHIN TU GSAL BA DANG, DBANG BSHAD GSAN STOBS KYIS BLA MED SPYI'I DBANG GI RNAM GZHAG LA 'KHRUL MED KYI NGES PA RNYED DE SNGAGS LAM LA GDENG THOB PA BYUNG STE BSAM GYIS MI KHYAB PA'I RNAM PAR THAR PA'O, ,DE'I STON RJE 'DI PA 'KHOR DANG BCAS PAS MKHAS GRUB SANGS RGYAS YE SHES LA BKA' GDAMS GLEGS BAM CHA LAG DANG BCAS PA, JO BO'I LAM YIG RGYAS BSDUS, SHAR BA'I LAM RIM, RGYAL SRAS BKA' 'BUM, LAM MCHOG RTZA 'GREL RNAMS KYI LUNG YONGS SU RDZOGS PAR GSAN NO, ,DE NAS RJE 'DI PAS DGUN GYI RING RIS MED PA'I DAM PA MANG PO'I RNAM THAR NYIN MTSAN KHOR YUG TU GZIGS PAS PHYOGS MED KYI BSTAN PA DANG DAM PA RNAMS LA CHOS KYI RJES SU 'BRANG BA'I THUGS DAD CHEN PO 'KHRUNGS SHING, BDAG NYID KYANG DAM PA RNAMS KYI RNAM

THAR 'DZIN PA'I DAM BCA' BRTAN PO DANG SPRO SHUGS 'PHEL PAR GYUR CING 'DI NANG GI 'DOD PA LA ZHEN PA SPANGS NAS GZHI TSUL KHRIMS RNAM PAR DAG PA LA GNAS BCAS ,RE SHIG MDO SNGAGS KYI THOS BSAM PHYOGS RE RAM SONG BA ZHIG BYAS DBUS GTZANG GI LJONGS 'DIR PHYOGS RIS SU MA SONG BAR SKYES BU DAM PA RNAMS KYI ZHABS LA GTUGS TE GSUNG GI BDUD RTZI'I BGO SKAL LA SPYAD NAS 'DU 'DZIS DBEN PA'I NAGS KYI SMAN LJONGS RNAMS SU TSE DANG SGRUB PA SNYOMS PA ZHIG CIS KYANG BYED SNYAM DU THUGS LA BCOS MIN DU 'CHAR BA ZHIG BYUNG NGO, ,DE DUS THUGS SKYO SHAS SHIN TU CHE ZHING ,RJE MI LA RAS PA DANG, 'JAM MGON TZONG KHA PA CHEN PO DANG, RGYAL BA DBEN SA PA CHEN PO SOGS SNGON BYON DAM PA'I RNAM THAR SKYONG BAR BZHED NAS ZHAL NAS KYANG DE DANG MTHUN PA'I GSUNG RIGS MDZAD PAS DBEN DGON PA'I DGE 'DUN RNAMS RIM GYIS BCOS MIN GYI DAD PA RNYED CING, RGYAL BA DBEN SA PA CHEN PO'I SPRUL SKUR YID CHES RNYED DE MKHAS GRUB SANGS RGYAS YE SHES LA DE LUGS BYAS CHOG PA DGOS ZHES ZHUS PA NA, MKHAS GRUB SANGS RGYAS YE SHES KYIS KYANG DA NI DUS LA BAB BO SNYAM DU DGONGS NAS DE LTAR MDZAD PAR ZHAL GYIS BZHES TE DGUNG LO BCU BZHI PA NYI MA ZHES PA CHU MO LUG GI LO ZLA BA GNYIS PA'I TSES GSUM GYI NYIN BSLAB GSUM LDAN PA'I DGE SLONG RI KHROD PA 'DUS PA'I TSOGS KYI DBUS SU MI 'JIGS SENG GE'I KHRI LA BKOD DE MKHAS

, ,GRUB CHEN PO SANGS RGYAS YE SHES KYIS SHIS PA RGYAS PAR BRJOD CING ME TOG GTOR NAS BYIN GYIS BRLABS, DE'I TSE NAM MKHA' SHIN TU DRANGS PA LA ME TOG KHA DOG SNA LNGA PA'I CHAR BABS PA SKYE BO KUN KYIS MTHONG BA BYUNG NGO, ,ZLA BA DE'I TSES BRGYAD LA MKHAS GRUB CHEN PO SANGS RGYAS YE SHES LA DBYANGS CAN MA DKAR MO'I RJES GNANG ZHUS TE TSES BCU NAS DBYANGS CAN MA'I BSNYEN PA ZHAG BDUN MDZAD PAS RGYAL BA KUN GYI YUM GCIG SGRA DBYANGS LHA MOR GRAGS PA DBYANGS CAN MA DKAR MO ZHAL GZIGS, KHYAD PAR DBYANGS CAN MA DE'I THUGS KA NAS LHA MO DBYANGS CAN MA SNGON MO PHYAG GNYIS RIN PO CHE'I YOL GO DNGOS GRUB GZUGS CAN LTA BU'I SHING THOG GSAR BAS BKANG BA 'DZIN PA ZHIG 'THON TE SNOD BCUD DANG BCAS PA GTZO MO LA PHUL BA, GTZO MO'I PHYAG G-YAS SU BZHES PA'I SHING THOG GI 'BRU GCIG LAS TSANGS PA'I SRAS MO DMAR MO GCIG THON BYUNG BA DES GTZO MO'I PHYAG NAS SHING THOG SNOD DANG BCAS PA BLANGS TE RJE 'DI LA PHUL BYUNG BA LONGS SPYOD BAS BLO GROS NAM MKHA' MDZOD KYI SGO THOG MAR BYE BA'I TSUL BSTAN, SKU TSE 'DIR DE GONG DU SNYAN NGAG SOGS THA SNYAD KYI GTZUG LAG LA THUGS SBYONGS MA MDZAD NA'ANG ,DE DUS DBYANGS CAN MA JI LTAR GZIGS PA LTAR, THUN MTSAMS SU LHA MO DBYANGS CAN MA'I BSTOD PA ZHIG RTZOM 'DOD 'KHRUNGS PA NA, DE MA THAG TSIG SBYOR RNAMS WAL GYIS SHAR NAS THOGS MED DU RTZOM PA 'DI LTAR MDZAD DE, NA MO SVA RA SVA STE Y'A, SGRA DBYANGS LHA MO DBYANGS CAN MA LA BSTOD PA

LHA'I GLU DBYANGS ZHES BYA BA, BCOM LDAN 'DAS NGAG GI DBANG PHYUG LA PHYAG 'TSAL LO, ,DBANG SNGON ZHU BA 'KHYIL 'DRA'I YID BZHIN MTSO, ,DAL GYIS RLABS PHRANG DBU BA'I 'DZUM DKAR CAN, ,CHU SKYES BLA BRES BRGYAN PA'I CHU GTER DOGS, ,RTZA SHA GZHON NU'I KHA DOG LTAR BKRA BA'I, ,YID 'PHROG BEE d'UR SNGON PO'I NE'U GSING STENG, ,ZLA BA NOR BU'I DO SHAL BKRAMS PA NI, ,'CHI MED LAM DU SKAR TSOGS GSAL BA BZHIN, ,MARGA TA YI KHU BA BYUGS 'DRA BA, ,YID 'ONG RKANG 'THUNG MDZES PA'I LAG MNYEN NI, ,DANG BA'I BSER BU'I PHO NYAS BSKUL BA NI, ,CHAGS LDAN YID DBANG 'GUGS PA'I G-YAB MO BZHIN, ,GSAR PA'I LANG TSO RGYAS PA'I PADMO RNAMS, ,LDEM LDEM GAR BSGYUR GE SAR ZE'U 'BRU DGOD, ,ME TOG SBRANG RTZIS PHYUG PA'I LDING KHANG DU, ,BUNG BA GZHON NU MGRIN PA'I RGYUD MANG BSGRENG, ,NE'U TZO'I GSHOG PA LTAR MDZES NAGS TSAL GYI, PHUN TSOGS GZHAL MED KUN DGA' BSKYED PA'I DBUS, ,PAD DKAR LAN TSAR G-YO BA'I LTE BAR NI, ,BDUD RTZI'I 'OD CAN GZI BYIN RGYAS PA'I STENG, , 'BUM PHRAG NAM MKHA'I NOR BU'I 'OD STONG GIS, ,RAB MYOS KII LA SHA YI RDUL BRTZEGS LA, ,'KHU LDAN DUNG GI 'KHRIL SHING MDZES MA 'DI, ,LTA BYED BDUD RTZI MA LUS SPUNGS PA BZHIN, ,BSIL 'OD BDAG PO PHYED PAS THOR TSUGS DANG, ,THOR TSUGS NAM MKHAR BSGRENG BAS ME TOG PHRENG, ,SPEL LEGS ME TOG PHRENG BAS SIL MA'I SKRA, ,KUN KYANG GDUGS DKAR YAN LAG MCHOG GIS MDZES, ,DPAL LDAN NAM MKHA'I LUS CAN KHYOD NYID KYI, ,'DREN BYED YON

, ,POR 'KHYOG PA'I SGRO LDAN NI, ,PANYTZA RDZOGS PA CI SMOS GCIG GIS KYANG, ,DPAL RKANG YID KYI BRTAN PA RDO RJE'I GO ,LAN BRGYAR 'BIGS NA DE LAS GZHAN PA'I CI, ,MCHU SGROS BYU RU'I SKYED TSAL NYAMS DGA' BAR; ;CHU SHEL GSAR BA'I SPU LONG PHANG PHUNG LA, ,'GONGS PA'I TSEMS DKAR PHRENG BA TSAR DU DNGAR, ,SNYAN TSIG GRE 'GYUR GDANGS KYIS SGRA 'DZIN GYI, ,DBANG PO RNAM PAR BZHAD PA'I BCUD LEN 'DIS, ,DRI ZA'I NA CHUNG MKHAR NYAL GNAS 'BROS SHING, ,GSER MNGAL SKYENGS NAS BSAM GTAN ZOL LA BRTEN, ,RIN CHEN SOR GDUB MDZES MAS DAM 'KHYUD PA'I, ,PHYAG ZUNG 'JAM MNYEN KA MA LA YI STENG, ,'PHANG 'GRO'I RNGA GSANG DBYAR SKYES DBYANGS BZHIN SGROG ,MKHRANG ZHING RAB RGYAS NU MA'I KHUR 'CHANG BA, ,SMIN LEGS NA CHUNG GTZUG RGYAN KHYOD KYIS NI, ,LUS CAN CHAGS PA'I BSAM GTAN LA 'GOD NA, ,'DI LAS GZHAN PA'I YID SRUBS MDA' DE GANG, ,RING NAS CHAGS DANG BRAL BA'I DRANG SRONG YANG, ,YA MTSAN KHYOD SKU'I DPAL 'DIR YID 'KHYOR BAS, ,MANDHA R'A YI DBU BA BRTZEGS 'DRA BA'I, ,MU TIG PHRENG TSOGS 'CHA' BAS DGOD PA BZHIN, ,DBANG SNGON 'DAB BRGYA BZHAD PA LA 'GRAN PA'I, ,SRAB 'JAM LHA RDZAS STOD G-YOGS RNAM PAR G-YO, ,PADMA R'A GA'I MDANGS KYI MA JES SDUG KYANG, ,PAM BYED SMAD G-YOGS SHAM THABS DRA BAS DKRIS, ,YID 'OD RNAM 'GYUR STONG GI RNAM ROL CAN, ,'PHO

'GYUR SPANGS PA'I BRGYAD ZUNG LANG TSO'I DBYINGS, ,MNGON DGYES DUS GSUM RGYAL BA'I YUM DE LA, ,GTZUG SKYES 'DZIN MAR BKOD PA'I PHYAG BGYID DO, ,SNYING LA KHYOD SKU'I SNANG BA DRAN TZAM GYIS, ,RAB 'BYAMS SHES BYA'I TSIGS RNAMS MA LUS PA, ,JI BZHIN RTOGS PA'I RNAM DPYOD 'OD STONG GIS, ,'GRO BA'I RMONGS MUN MA LUS SEL BAR SHOG ,BSHAD PAS BLO GSAL RNA BA MDZES BYED CING, ,RTZOD PAS LOG SMRA MA LUS KLAD PA 'GEMS, ,RTZOM PAS MKHAS RNAMS MGRIN PA'I RGYAN 'CHANG PA'I, ,DBYANGS CAN LHA MOS BKRA SHIS DENG 'DIR STZOL, ,CES PA 'DI, BTZUN PA BLO BZANG CHOS KYI RGYAL MTSAN GYIS NA TSOD LO BCU BZHI PA'I DUS SU SBYAR BA'O, ,ZHES PA 'DI PHYAG KHRIS SU MDZAD DO, BSTOD PA 'DI NI DBYANGS CAN MA'I SKU JI LTAR GZIGS PA LTAR DU BSTOD PA MDZAD PA YIN BAS 'DI LA DBYANGS CAN MA'I BSTOD PA GZIGS SNANG MA ZHES RJE BTZUN BLO BZANG CHOS KYI RGYAL MTSAN GYI THUGS SRAS GRUB CHEN RNAMS MTHUN PAR GSUNG NGO, ,DE NAS MKHAS GRUB SANGS RGYAS YE SHES KYI BKA' BZHIN LAM RIM CHUNG BA BZUNG NAS ZHAG BCU SKOR SONG BA'I MTSAMS LAM RIM CHE BA LA GZIGS PAS THUGS SHIN TU 'GRO BA ZHIG BYUNG STE 'DZIN PAR RTZOM PA NA BDAG CAG GI STON PA THUB PA'I DBANG PO SKU GSER GYI LHUN PO LA NYI MA 'BUM GYI MDANGS BYUGS PA LTA BU SKU CHE ZHING 'OD ZER PHYOGS KUN TU 'PHRO BA ZHIG ZHAL GZIGS TE, DE LA BSKOR BA LAN MANG DU BYAS TE GSOL BA BTAB PAS BYIN

, ,GYIS BRLABS TE LAM RIM CHEN MO YONGS SU RDZOGS PA THOGS PA MED PAR ZIN TE MKHAS GRUB SANGS RGYAS YE SHES LA RGYUGS PHUL, DE NAS DGUNG LO BCU DRUG LON PA'I DUS SU MGON PO ZHI BA LHA'I RTOGS BRJOD PADMA DKAR PO'I PHRENG BA ZHES PA SNYAN NGAG GI TSIG RGYAN PHUN SUM TSOGS BA ZHIG RTZOM PA MDZAD PAS SKYE BO BLO'I NOR LDAN RNAMS DGA' BA BSKYED PAR GYUR, RAB TU BYUNG NAS KHAS BLANGS PA'I TSUL KHRIMS MIG 'BRAS LTAR GCES PAR BSRUNG 'DOD KYIS THAMS CAD MKHYEN PA DGE 'DUN GRUB KYIS MDZAD PA'I 'DUL BA'I GLENG 'BUM CHEN MO YANG YANG GZIGS PAS TSIG DON THAMS CAD THUGS SU CHUD PA BYUNG ,TSUL 'DI LA NI RJE BLO BZANG CHOS KYI RGYAL MTSAN NYID KYI ZHAL NAS, DE DUS DKOR GYIS CHER MA SBAGS SHING NA TSOD GSAR PA RTZA KHAMS SHES PA SOGS KYANG GSAL BAS YIN PA 'DRA, GLEGS BAM BDAG NYID KYIS BLTAS PA DANG, ,CHOS BLA MAS GSUNGS PA SOGS LAN RE LAN GNYIS TZAM GYIS DON BLO LA 'CHAR BA BYUNG GSUNG NGO, ,MDOR NA DGUNG LO BCU BZHI NAS BCO BRGYAD KYI BAR MKHAS GRUB CHEN PO SANGS RGYAS YE SHES KYI ZHAL SNGA NAS GDUL BYA'I BSOD NAMS KYI ZHING DU PHYOGS SU GSHEGS PA'I SKABS MA GTOGS RGYUN DU ZHABS DRUNG DU BZHUGS NAS BU STON THAMS CAD MKHYEN PA'I GSUNG RAB 'GANGS CHE BA 'GA' ZHIG GI LUNG DANG, BLO SBYONG GI RIM PA MANG PO'I LUNG DANG, DPE CHOS RIN SPUNGS

RTZA 'GREL, BE'U BUM SNGON PO RTZA 'GREL SOGS KYI LUNG GSAN, GZHAN YANG LAM RIM CHE BA DANG 'DUS PA'I 'GREL PA BZHI SBRAGS SU GRAGS PA SOGS CUNG ZAD MA GTOGS, RJE BDAG NYID CHEN PO, SRAS KYI THU BO RNAM GSUM, RJE DGE 'DUN GRUB, BA SO CHOS RJE SOGS KYI GSUNG RAB YONGS SU GRAGS PA PHAL CHER GYI LUNG RNAMS GSAN, LAM RIM DANG BSKYED RDZOGS KYI KHRID GANG GSAN PA RNAMS LA NYAMS BZHES KYANG GDENG THOB PAR MDZAD, STON GYI DUS 'GOL BA'I SKABS SNAR THANG BRGYA RTZA'I RJES GNANG, JO BO LUGS KYI SGROL MA NYER GCIG GI RJES GNANG, BKA' GDAMS LHA BZHI'I RJES GNANG, BE'U BUM SO SO'I LUNG DANG BCAS PA, RDO RJE 'PHRENG BA DANG, MI TRA BRGYA RTZA'I DBANG LUNG YONGS RDZOGS GSAN, DBANG RJES GNANG GSAN PA'I LHA RNAMS LA BSNYEN PA 'GRO GANG CHE YANG MDZAD DO, ,DE NAS STON RJE RIN PO CHE'I RNAM THAR LTAR THOG MAR SHING RTA CHEN PO'I GZHUNG RNAMS LA BSLAB SBYONG GTING PHYIN PA ZHIG MDZAD PAR BZHED NAS THUGS LA 'DI LTAR 'KHRUNGS TE, DA NI DBANG LUNG GDAMS NGAG PHAL CHER YANG ZHUS ZIN, MDO SNGAGS KYI LAM GYI RIM PA RNAMS LA YANG GO BA RAGS PA TZAM CHAGS, LHAG PA'I LHA MANG PO'I BSNYEN SGRUB SOGS KYANG DGA' RAB BYUNG, DA NI BKRA SHIS LHUN POR PHYIN NAS SHING RTA CHEN PO'I GZHUNG YONGS RDZOGS LA BSLAB SBYONG MTHAR PHYIN PA ZHIG MYUR BAR BYA'O SNYAM DU DGONGS NAS MKHAS GRUB SANGS RGYAS YE SHES LA DE BZHIN ZHUS PA NA, SNGAR DANG GTAN MI 'DRA BA'I DGYES

, ,BA'I 'DZUM DANG BCAS TE, DA NI BKRA SHIS LHUN POR SLOB GNYER GYI RTZIS CIS KYANG LEGS ZHES BKA' STZAL TE LO DE KHA'I ZLA BA BCU GCIG PA'I YAR NGO'I TSES GSUM LA CHOS GRVA CHEN PO BKRA SHIS LHUN POR PHEBS, DE NUB MNAL LAM DU BUD MED GZHON NU MA PHO CHAS SU BYAS PA CIG NA RE, 'DI SNGAR KHYOD RANG GIS BZUNG BA'I NYI MA'I DKYIL 'KHOR YIN NO ZER SER KHOB PA 'OD ZER CHER MED PA MAndAL GYI DBYIBS CAN ZHIG PHYAG TU PHUL BYUNG BA LA, NYI MA YIN NA 'OD CHEN PO YONG DGOS RGYU LA GSUNGS PAS, DE NA RE, 'OD ZER RNAMS PHYIS NAS GSAL BAR 'GYUR RO, ,ZER BA ZHIG RMIS, DE YANG SLOB GNYER GSHA' MA ZHIG BYED NA SNYING THAG PA NAS CHOS GRVA RIGS LUNG DUS LAM MA YOL BA 'GRIM PA SOGS DKA' BA MA SPYAD NA DAM PA'I SKYE BO MKHAS PA RNAMS DGYES PA BSKYED MI NUS PA'I NYER PAR GZIGS NAS, 'KHRUNGS YUL DANG BSTUN THOS BSAM GLING GI CHOS GRVA 'GRIM PAR MDZAD, DE DUS 'KHOR YANG DGE BSHES DPAL 'BYOR BYA BA GCIG LAS MED CING, GRVA RKYANG SNYOMS CHUNG RANG LA THUGS GZHOL PAS DE KHA'I BRTUL ZHUGS 'DZIN PA YIN YANG BKRA SHIS LHUN PO'I BLA MA SLOB DPON THAMS CAD KYIS PHYAG DANG BSNYEN BKUR MTHONG GZOS CHER MDZAD CING, KHYAD PAR KHRI THOG NA PAn CHAN BSAM 'GRUB DPAL BZANG BZHUGS PA MJAL, DE RJES KHONG LA GRVA BA ZHIG GIS DE RING RJE DRUNG DBEN SA PA DANG

MJAL 'DZOM MDZAD 'DUG PA ZHES ZHUS PAS, SHIN TU MJAL, NGED GNYIS PHYAG 'TSAL RES NI MA BYUNG GSUNGS, CI YIN ZHUS PAS, KHONG NI THAMS CAD MKHYEN BA DGE 'DUN GRUB LA PHYAG 'TSAL GYIN 'DUG ,NGAS NI RGYAL BA BLO BZANG DON GRUB LA BTZAL, NGED GNYIS PHYAG 'TSAL RES MA BYUNG ZHES ZHAL KYAL YANG GSUNGS ZHES ZER, DE'I TSE GZIM KHANG DANG CHOS KHRIMS PA SOGS MANG POS MKHAN SLOB THAMS CAD KYIS PHYAG SOGS MDZAD NAS, TSOGS CHEN DU YANG KHRI STAN MTHO BA ZHIG CIS KYANG BZHES DGOS ZHES YANG YANG NAN GYIS ZHU BA BYUNG YANG, DGAG BYA CHE ZHING DGOS PA CHUNG BA DANG, RJE BLA MA'I DGONGS PAR YANG SNYOMS CHUNG GIS CHOS GRVA GSHA' MA 'GRIM PA ZHIG LA DGYES PAS DANG DU MA BZHES PA NA, 'O NA BTZUN CHUNG RNAMS DANG LHAN CIG GRAL 'DZIN GYI DKA' BA MI DGOS SHING, NYES PA GZHAN GANG YANG MED PAS DRE'U RDOG GIS KHYAD PAR DU BYAS PA'I GRAL KHUNGS SHIG CIS KYANG 'DZIN DGOS ZHES PAn CHEN RIN PO CHES NAN GYIS ZHU BAR MDZAD PAS, RJE 'DI THUGS BZHED PA BZHIN MA BYUNG YANG PAn CHEN RIN PO CHE'I BKA' LCID CHES BAS DANG DU BZHES, DE NAS THOS BSAM GLING GI SLOB DPON RIN PO CHE DPAL 'BYOR RGYA MTSO'I DRUNG DU SBYOR BA RTZI BA'I 'GO 'DZIN PAR BYON PA'I TSE RTEN 'BREL KHYAD PAR CAN MANG DU BYUNG ZHING, KHYAD PAR GZIM SKYIL GYI SGO DRUNG DU RNAL 'BYOR MA'I RNAM PA ZHIG GIS LO MA KA P'A LA GANG KHYER BYUNG BA, RJE 'DI PAS MA RGYUD PA'I BSLAB BYA G-YON SKOR DANG PHYAG MDZAD PAR MOS PAS,

, ,DES 'DZUM PA DANG BCAS SNOD BCU DE RJE 'DI'I SKU MDUN DU BTEG BYUNG BA DE LA MCHOD YAR ZHIG MDZAD NAS YAR CUNG ZAD CIG PHEBS TE, RNAL 'BYOR MA DE CI 'DRA ZHIG YIN SNYAM DU PHYI MIG CIG GZIGS PAS MI SNANG BAR GYUR 'DUG GSUNG, DE NAS SBYOR BA RTZI BA SOGS SPYI DANG MTHUN PAR MDZAD PAS SNGON YUN RING PO NAS SBYANGS PA'I MTHU CAN YIN PAR MA ZAD, MKHAS GRUB SANGS RGYAS YE SHES KYI ZHABS DRUNG DU MDO SNGAGS KYI LAM GYI DKA' GNAS THAMS CAD GSAN TE THUGS NYAMS SU BZHES PAR MDZAD PAS, DUS 'DIR CHOS GRVAR PHEBS TZAM NYID NAS LAM DANG LAM MIN 'BYED PA LA BLO GROS THOGS PA MED PAR GYUR KYANG ZLA BA GCIG TZAM ZHIG BUM NANG GI MAR ME'I TSUL DU BZHUGS, DBYAR GNAS LA DBEN DGON DU PHEBS, DE'I TSE MKHAS GRUB SANGS RGYAS YE SHES KYIS BDAG NYID CHEN PO 'DIS GTZOS DBEN DGON TSOGS PA LA SPYAN SNGA CHOS DRUG GI BSHAD LUNG DANG; CHOS RJE 'BA' RA BA'I GSUNG 'BUM GYI LUNG SOGS DANG, BDAG NYID CHEN PO 'DI LA SGER DU RGYAL BA TZONG KHA PA'I SNYAN RGYUD THUN MONG MIN PA KHRID CHEN BRGYAD DU GRAGS PA DANG, DPANG RJES GNANG SNGAR MA GSAN PA MANG DU GNANG, STON DUS RJE BTZUN MI LA'I RNAM MGUR GYI LUNG SOGS GSAN ZHING, DBEN PA LA THUGS SPRO BAS, NA MO GU RU MANYDZU GHO sh'A YA, GANG LA BRTEN NA BSLU BA MED PA'I SKYABS, ,BU RAM SHING PA'I ZHABS

SEN ZLA TSES DKAR, BDAG SNYING KUN DA'I ZE'U 'BRUR RTAG GZIMS PA'I, ,MDZES SDUG NAM YANG NYAMS PA MED GYUR CIG ,LHAR BCAS 'DREN PA STON PA SANGS RGYAS KYANG, ,DENG DUS THOS PA'I LAM DU GSHEGS GYUR NA, ,MTHON PO'I NOR 'DZIN LAS 'ONGS 'BAB CHU LTAR, ,G-YO BA'I 'JIG RTEN RTAG PA'I GO SKABS CI, ,DPAG MED TSE GNAS SNGON GYI MI RNAMS KYANG, ,DENG SANG MING GI LHAG MA TZAM ZHIG NA, ,SKAL NGAN SNYIGS DUS SKYE BO 'DI DAG GI ,TSE NI BAR SNANG GLOG DANG CIS MI MTSUNGS, ,SKYE RGA NA 'CHI'I DGRA TSOGS KUN BCOMS SHING, ,NYON MONGS G-YUL LAS RGYAL BA'I MKHAS PA'I TSOGS, ,KUN KYANG DUS KYIS RIM PAS BYON ZIN NA, ,BDAG LTA MYUR DU MI 'CHI'I NGES PA GANG, ,TSE NI BSER BUS BSKYOD PA'I AUTPAL GYI, ,'DAB RTZER 'BRENG BA'I CHU THIGS LTAR MTHONG ZHING, ,SRID PA'I PHUN TSOGS GDUG PA'I SBRUL GYI LCE, ,G-YO BA'I ZLOS GAR 'DI LA DGA' BA CI, ,'KHOR BA'I BDE 'BYOR KUN GYI RTZER SON PA, ,TSANGS DANG DBANG PO 'KHOR LOS BSGYUR RGYAL YANG, ,DBANG MED 'JIGS RUNG MNAR MED MES SREG NA, ,MKHAS PA SU ZHIG 'DOD LA CHAGS PAR BYED, ,'JIG RTEN PHUN TSOGS STOBS KYI MYOS CHU YIS, ,MNGON PAR MYOS PA'I DREGS LDAN 'DI DAG KYANG, ,RING POR MI THOGS RGYA MTSO 'KHRUGS PA'I NANG, ,GRUNG NA JI BZHIN 'GYUR BA'I CHOS CAN NYID, ,MDOR NA MTHON PO'I MTHA' RGUD BSAGS, PA MDZAD, ,'DUS PA 'BRAL ZHING SKYES PA KUN 'CHI ZHES, ,BSLU MED BDEN PA GSUNG BAS GANG GSUNGS PA, ,DE DE BZHIN DU 'JIG RTEN 'DI NA SNANG, ,RGYAL BA'I ZHAL GYI NYIN BYED LAS 'ONGS PA'I, ,'OD ZER GANG GIS YID LA MA REG PA, ,

, ,MI KHOM BRGYAD KYI MUN PA'I GLING CHUD NA, ,DE TSE DGE LEGS GO SKABS GA LA YOD, ,SNA TSOGS 'GRO BA'I MTHO DMAN 'GYUR LDOG DANG, ,SDANG DANG PHRAD DANG GNYEN DANG BRAL BA DANG, ,SKYE RGA NA 'CHI'I SNANG TSUL MTHONG NAS NI, ,BDAG KYANG DE DANG 'DRA BAR CIS MI LTA, ,DBYAR DUS MKHA' LA SHAR BA'I 'JA' TSON DANG, ,CHU 'DZIN LANG LING G-YO BA'I 'DU 'GOD LTAR, ,LANG TSO'I RANG BZHIN 'JIG PA'I NGANG TSUL CAN, ,'DI LA BLO LDAN SU ZHIG YID RAB RTON, ,GSER GYI RI LAS G-YU YI KHRON 'BAB CING, ,MI RNAMS BDAG GI BSHES SU SONG YANG CI, ,'BRAL MED NOR DU 'PHAGS PA'I NOR BDUN DANG, ,GTAN GYI GROGS POR BLA MED BYANG CHUB BZANG, ,DE PHYIR 'DI NANG CHOS BRGYAD SPROS PA'I RGYA, ,SHES RAB RAL GRI RNON POS DRAL BYAS TE, THUB PAS BSNGAGS PA DBEN PA'I NAGS TSAL DER, ,SEMS KHYOD ZHI BA'I BDUD RTZI CIS MI LEN, ,SPANGS LJONGS 'JA' TSON BKRA BA'I LDING KHANG DU, , ZLA BA NOR BU'I RDO LEB GCAL DU BKRAM, ,G-YUR GYIS DUD PA'I 'DAB MA'I GRIB BSIL LA, ,NYIN MO SPYOD PA'I RNAL 'BYOR SKYONG BAR SPRO, ,DE BZHIN ZLA BA'I SGRON ME 'OD 'BAR ZHING, ,RGYU SKAR DO SHAL RGOD PA'I MTSAN DUS SU, ,G-YENG MED RNAL 'BYOR BRTZON PA'I DGA' BDE 'DI'I, ,DPE YANG SRID PA GSUM NA GAL YOD, ,PADMO'I DRA BAS KHEBS PA'I NYAL 'GRO'I RGYUN, ,YONGS MDZES CHU BYA'I TSOGS RNAMS SNYAN SGROG CING, ,RMA BYA GZHON NU DGA' PA'I GAR BYED PA'I,

GNAS DER DAL 'BYOR DON LDAN BYAS NA SNYAM, ,ME TOG 'BRAS BUS GANG BA'I LJON SHING GI ,SPU LONG MNGON PAR RGYAS PA'I SA 'DZIN KHROD, ,SNGO LJANG LO MA'I SPYIL CHUNG NYAMS DGA' BAR, ,TING 'DZIN DGA' BDE'I DPAL LA SPYOD PAR SPRO; ;GANG DU ZA ZIR G-YENG BA KUN BOR NAS, ,RI SKYIBS NOR BU'I PHUG YANGS NYAMS DGA' BAR, ,'PHAGS PA'I RIGS BZHI LA GNAS DGA' BDE GANG, ,DE 'DRA RGYAL PO RNAMS LA'ANG YOD RE SKAN, ,'CHI MED SKYED TSAL 'DRA PA'I SMAN LJONGS SU, ,MI DGE'I SPYOD TSUL PHRA MO'ANG RGYANG BSRINGS TE, ,SGO GSUM DAM PA'I LAM BZANG SKYON MED PAR, ,MA BCOS LHUG PAR 'JOG LA SNYING NAS SPRO, ,DER NI THUB GZHUNG BDUD RTZI'I BCUD LEN GYIS, ,NYON MONGS YID KYI RNAG KHRAG KUN SBYANGS TE, ,TING 'DZIN SGO BRGYAD PHYE NAS YON TAN GYI, ,NGO MTSAR BGRANG YAS LTAD MO BLTA BAR SMON, ,DE SKAD SMRA BA DBEN PA'I NAGS TSAL LA, ,MNGON PAR SPRO BA'I DGE SBYONG GYI NA PA, ,BLO BZANG CHOS KYI RGYAL MTSAN ZHES BYA BAS, ,SMON PA JI BZHIN TSIG GI LAM DU SPEL, ,ZHES SOGS GSUNG MGUR MANG PO MDZAD, ,DE NAS DGUN CHOS DANG PO LA BKRA SHIS LHUN POR PHEBS TE RIGS CHEN LA BSGRIGS CHOS GRVA DANG RIGS LUNG CHEN MO'I GRVA THAMS CAD DU BGRO GLENG LA THUGS BRTZON SHIN TU CHE BAR MDZAD DE PHYAG MTHIL LA SGAL PA CHAGS SHING, PHYAG SEN GYI MTSAMS RNAMS AUTPAL LTAR GAS PA BYUNG NGO, ,DE NAS 'GAL BA ZHES PA SA MO GLANG GI LO'I SA GA ZLA BA'I

, ,DUS CHEN GYI THOG DBEN DGON DU PHEBS TE MKHAS GRUB SANGS RGYAS YE SHES KYIS RDUL MTSON GYI DKYIL 'KHOR DU BDE MCHOG GI DBANG GNANG BA GSAN, DE 'PHRAL DU BKRA SHIS LHUN POR PHEBS, DE DUS PHYOGS THAMS CAD 'BRUM NAD KYIS KHYAB NAS RJE 'DI LA'ANG 'BRUM BU'I BSNYUN GZHIS BTAB KYANG RIGS LUNG 'CHAG MED MDZAD, RJE 'DI 'BRUM BUS BSNYUN PA MKHAS GRUB SANGS RGYAS YE SHES KYIS GSAN 'PHRAL BKRA SHIS LHUN POR PHEBS, ZHAG GSUM BZHUGS NAS BYIN RLABS MDZAD DE 'PHRAL DANG YUN DU DGE PA'I BKA' THA MA STZAL NAS TSES GSUM LA DBEN DGON DU PHEBS, DE'I NYIN PAR GSOL JA BZHES 'DOD NAS ZHABS 'BRING RNAMS MI 'DOD CING 'JIGS BZHIN DU GSOL JA BZHES SHING ZHAL GZON GLOD PAS, MDOR NA NYER BDUN BRGYAD GNYIS SKU NGAL BA TZAM MA GTOGS BSNYUN GZHI'I RIGS CI YANG MED PAR ZHAG LNGA LA 'BRUM BU'I BSNYUN GZHI SANGS KYIS DVANGS PA ZHIG BYUNG ,DE YANG ZHABS 'BRING BA DGE BSHES MNGON SUM DU YOD PA MA GTOGS, SNYUN GZHI YUN THUNG BA DANG 'BRUM RJES MED PA LA DPAGS TE GZHAN DAG NI BDEN NAM BRTZUN ZHES THE TSOM GYI DPYAD THAG 'DZIN PA'ANG BYUNG ZHES GRAGS GO ,DE DUS MKHAS GRUB SANGS RGYAS YE SHES KYIS RJE 'DI PA LA BYIN RLABS GNANG ZHING SNYAN RGYUD KYI BSTAN PA'I BDAG POR BYIN GYIS BRLABS PA'I TSUL SOGS NI MKHAS GRUB SANGS RGYAS YE SHES KYI RNAM

THAR DU BRJOD ZIN PA LTAR RO, ,DE NAS THOS BSAM GLING ZHAL SNGA NAS SLOB DPON RIN PO CHES TSAD MA RNAM 'GREL GYI SPYI BSKYUR MDZAD DGOS TSUL NAN CHAGS PA LTAR ZHAL GYIS BZHES TE MKHAS MANG 'DUS PA RGYA MTSO'I DBUS SU TSAD MA RNAM 'GREL LA DAM BCA' BZHAG STE DRI MED RIGS PA'I SGRA DBYANGS SGROG PA LA DPAL LDAN CHOS KYI GRAGS PA SLAR YANG 'ONGS PA JI LTA BA BZHIN DU GYUR TE MKHAS PA MTHA' DAG GI YID 'PHROG PAR MDZAD DO, ,'BRUM BU'I BSNYUN GZHI DVANGS PA'I MJUG NAS SKU MTSAMS RGYUN BSKYANGS TE 'JAM DKAR DANG, 'JIGS BYED KYI BSNYEN PA SPREL NAS ZLA BA GCIG LHAG TZAM SKU MTSAMS MDZAD, DE SKABS MNAL LTAS NGO MTSAR BA DU MA BYUNG YANG PHYAG BRIS SU MA MDZAD, DE SKABS 'JA' TSON SNA LNGA'I GUR KHYIM GYI DBUS SU ZLA BA'I DKYIL 'KHOR GYI STENG DU AA DKAR PO'I MTHAR AA MA RA DZA'I YI GE SHEL LTAR DVANGS PAS BSKOR BA ,DE LAS 'OD ZER 'PHROS PAS RANG GZHAN SNOD BCUD THAMS CAD 'OD GSAL BAR BYED PA ZHIG MNGON SUM DU GZIGS TE, 'JAM MGON SNYAN RGYUD KYI MAN NGAG MTHAR THUG 'JAM DBYANGS ZHI KHRO SBRAGS SGRUB KYI BYIN RLABS RTOGS PA KHYAD PAR CAN BRNYES SO, ,DE NAS MKHAS GRUB SANGS RGYAS YE SHES ZHING GSHEGS PA GSAN NAS DBEN DGON DU PHEBS TE SKU GDUNG LA MCHOD PA DANG, DGONGS RDZOGS SU PHYI'I MCHOD RTEN DANG, GZIM MAL DU SKU 'DRA BZHENGS PA SOGS DGONGS RDZOGS JI LTAR MDZAD PA'I TSUL RNAMS NI MKHAS GRUB SANGS RGYAS YE

, ,SHES KYI RNAM THAR DU BRJOD ZIN PA LTAR RO, ,DE NAS BKRA SHIS LHUN POR PHEBS NAS DBU MA'I GZHUNG LA SBYANGS TE LUNG DANG RIGS PAS PHAS RGOL ZIL GYIS GNON PA LA SPOBS PA THOGS PA MED PAS SLOB DPON ZLA BA GRAGS PA SLAR YANG GANGS RI'I LJONGS 'DIR PHEBS PA JI LTA BA BZHIN DU GYUR TO, ,DE NAS LCAGS MO YOS LO'I GRO ZHUN ZLA BA'I DKAR PO'I TSES GSUM GYI NYIN GZIM KHANG RGYAL MTSAN MTHON POR PAn CHEN DAM CHOS YAR 'PHEL BA'I ZHAL SNGA NAS KYIS MKHAN PO DANG, SLOB DPON RIN CHEN DPAL 'BYOR RGYA MTSO BAS LAS SLOB, PAn CHEN LHA DBANG BLO GROS PAS GSANG STON MDZAD DE DAD PA'I DGE 'DUN GRANGS TSANG BA'I DBUS SU BSNYEN PAR RDZOGS PA DGE SLONG GI DNGOS PO YONGS SU RDZOGS PA BZHES TE, STON PA THUB PA'I DBANG PO SLAR YANG GANGS RI'I LJONGS 'DIR BYON PA JI LTA BAR GYUR TO, ,LO DE KHA'I STON MJUG DBUS PHYOGS SU BYON, JO ZHAL RNAM GNYIS SOGS KYI DRUNG DU DNGOS BSHAMS YID SPRUL GYIS MCHOD CING BSTAN PA RGYAS PA'I SMON LAM RNAM PAR DAG PA 'DEBS PAR MDZAD PAS BYIN GYIS BRLABS PA'I MTSAN MA KHYAD PAR CAN YANG MANG PO BYUNG, DE NAS MTHAR GYIS RI BO DGE LDAN DU PHEBS, DER DGA' LDAN KHRI RIN PO CHE DANG SDE PA SKYID SHOD PA SOGS KYIS BSKUL MA MDZAD PA LTAR SER SKYA STONG PHRAG MANG PO TSOGS PA'I DBUS SU DKA' CHEN BZHI LA DAM BCA' MDZAD PA NA BDAG NYID CHEN PO 'DI'I RIGS PA'I RNAM

'GYUR LA 'GRAN NUS PA SU YANG MA BYUNG BAS PHYOGS LAS RNAM PAR RGYAL BA'I GRAGS PAS SA'I STENG MA LUS PA KHYAB PAR GYUR TO, ,GNAS DER RJE BTZUN NAM MKHA'I MTSAN CAN GYI DRUNG DU GTZO BOR DUS KYI 'KHOR LO'I DBANG YONGS RDZOGS, BSDUS RGYUD, 'GREL CHEN, DBANG MDOR BSTAN SOGS KYI LUNG YONGS RDZOGS, BDE MCHOG DRIL BU PHYI NANG GNYIS KYI DBANG, KYEE RDOR THOD PA CAN DANG MTSON CHA CAN GNYIS KYI DBANG, 'KHOR CHEN GYI DBANG RTA MGRIN YANG GSANG GI DBANG, BDE MCHOG NAG PO PA'I DBANG, GSHED DMAR LHA LNGA, BKA' GDAMS THIG LE BCU DRUG GI DBANG, KUN RIG GI DBANG SOGS RNAL 'BYOR RGYUD KYI DBANG 'GA' DANG, TSE DBAG MED ,MI 'KHRUGS PA SOGS BYA SPYOD RNAMS KYI DBANG MANG PO DANG, DMAR PO SKOR GSUM GYI RJES GNANG DANG, GSUM GA'I GDAMS PA YONGS SU RDZOGS PA'I LUNG, BDE MCHOG DKAR BO, PHAG DKAR SHES RAB GSAL BYED, SNA TSOGS YUM, LHA MO SHR'A MA nA, DUR KHROD BDAG PO YAB YUM, LHA MO PHYAG BZHI MA, RNAM SRAS SER CHEN GYI RJES GNANG, BKA' GDAMS GZHUNG DRUG, BKA' GDAMS CHOS 'BYUNG, BU STON CHOS 'BYUNG, DPE CHOS RIN SPUNGS RTZA 'GREL, CHOS RJE NAM MKHA'I MTSAN CAN RANG NYID KYIS MDZAD PA'I 'JIGS BYED KYI BSKYED RDZOGS, BSHES SPRING, TSIG GSAL, 'JUG PA'I RANG 'GREL, LAM RIM CHEN MO RNAMS KYI LUNG GSAN, SLOB DPON RDO RJE 'DZIN PA DGE 'DUN RGYAL MTSAN PA'I DRUNG DU, 'DUS PA'I 'GREL PA BZHI SBRAGS KYI LUNG BSHAD, RJE DGE 'DUN RGYA MTSO'I GSUNG

, ,'BUM THOR BU BAS MTSON GSUNG RTZOM THAMS CAD KYI LUNG, TSE DBANG, PHYAG RDOR AU TZA, RNAM SRAS SER CHEN RNAMS KYI RJES GNANG RNAMS GSAN, SLOB DPON RIN PO CHE RNAM RGYAL DPAL BZANG BA'I DRUNG DU RGYUD PA RNAMS DANG LHAN CIG RIM LNGA GSAL SGRON GYI BSHAD LUNG, BOD DU 'GYUR BA'I 'DUS PA'I BSHAD RGYUD RNAMS KYI LUNG, TSAL LUGS KYI MGON PO PHYAG BZHI BA'I DBANG BZHI YONGS SU RDZOGS PA RNAMS GSAN, KHRI THOG PA SEMS DPA' CHEN PO DAM CHOS DPAL 'BAR BA'I DRUNG DU, KHROS NAG GI DBANG DANG, NAM MKHA' SGO 'BYED, GCOD GZHUNG SKAL LDAN 'JUG NGOGS SKOR GSUM GYI LUNG SOGS GCOD SKOR YONGS RDZOGS GSAN, ,DE DANG DE DAG GI TSE DON GNYER CAN MANG PO LA CHOS KYI BDUD RTZI'ANG RGYA CHER STZAL ,DE DUS YER PA DANG TSAL GUNG THANG GI GNAS MJAL YANG ZHIB TU MDZAD, YER PAR ZHAG BDUN BZHUGS RING THUGS DAM LA GCIG TU GZHOL BAR MDZAD CING, DRUNG PA BSAM GTAN PA SOGS DGE SLONG RI KHROD PA MANG PO LA LAM RIM DANG BLO SBYONG GI KHRID STZAL, PHYIR LAM TSAL YANG DGON GYI MGON PO DES BYIN GYIS RLOBS BA'I MTSAN MA STON PA DANG, LHAG PAR GUNG THANG GI MGON PO'I ZHABS LA BZUNG NAS 'PHRIN 'CHOL SHUGS DRAG MDZAD PA NA ZHABS 'GUL BSKYOD MDZAD PA BYUNG, DE NAS DBEN DGON DU PHEBS TE DBYAR GNAS THOG BLA MA SLOB DPON DANG DKA' BCU RAB 'BYAMS SOGS DGE BA'I BSHES GNYEN CHOS NYAN PA MANG PO 'DUS PA LA THUGS BZHED LTAR LAM RIM CHUNG

BKHRID DANG SBYAR, MDO DANG RGYA GZHUNG MANG PO'I LUNG GIS BRGYAN TE GZABS BSHAD RGYAS BAR STZAL BAS DGE BA'I BSHES GNYEN RNAMS LHAG PAR DGYES, SGO MANG SLOB DPON GZHUNG KHANG RAB 'BYAMS BA ZER BA ZHIG NA RE, NGAS DGE LDAN KHRI GDAN ZUR SOGS DBUS GTZANG GI BLA MA MANG PO LA CHOS NYAN, MGO BO SHIN TU MKHREGS PA ZHIG YIN YANG, RJE BLA MA KHYED NYID KYI GSUNG BSHAD RNAMS SEMS LA PHAN ZHING GZHAN LAS DAD PA MCHOG TU SKYES ZHES ZHUS, STON DER BZHUGS TE SKU MTSAMS BCAD NAS DKYIL 'KHOR CHEN PO MANG PO'I BSNYEN PA MDZAD ,DE NAS SKU MDUN BLO BZANG PA YANG DBUS NAS BYON TE RJE BTZUN BLA MA MKHAS GRUB SANGS RGYAS YE SHES KYI SKU BRNYAN GSER ZANGS LAS GRUB PA MI TSAD CHE LA GTOGS PA BZHENGS NAS RNAM BYUNG ZHES PA SA PHO 'BRUG LO'I NANG DU RDZOGS PAR GRUB STE, DPAL 'KHOR LO SDOM PA'I RDUL TSON GYI DKYIL 'KHOR DU RAB TU GNAS PA RGYAS PAR MDZAD CING BZO BO RNAMS KYANG YON GYIS TSIMS PAR MDZAD DO, ,DE NAS DBEN DGON DU MA 'ONGS PA'I BSTAN RGYUN LA DGONGS TE RTEN BZHENGS MANG DU MDZAD CING, RTEN BZHENGS GRUB 'PHRAL DU, DA NI SKYE BA 'DI LA BLTOS PA'I RNAM G-YENG DANG 'DRES PA'I BYA BA BYED DGOS KYANG DE TZAM GYIS MJUG BSDUS, ,TSE 'DI DON GNYER GYI MI DANG MI 'PHRAD, 'JIG RTEN CHOS BRGYAD KYI RNAM RTOG DANG MTSAMS PO CHE BCAD NAS TSE DANG SGRUB PA MNYAM PA ZHIG BYA'O SNYAM DU THUGS LA BCANGS SHING, SKU MDUN BLO BZANG PA DANG YANG BGROS TE DE 'PHRAL SKU MTSAMS DAM PAR BCAD, THUN MTSAMS RNAMS SU

, ,PHYAG DPE GZIGS PA SOGS KYANG BSHOL TE ZLA BA DRUG 'DUN GYI BAR DGE SPYOR LA BRTZON PAR MDZAD PAS DGE SBYOR LA BROD PA RNYED DE 'DI KHA'I RGYUN SKYONG RGYU BYUNG NA LAM SNA ZIN PA LA'ANG TSEGS MI YONG BA 'DUG SNYAM PA THUGS LA SHAR, DE DUS THUGS NGES 'BYUNG SKYO SHAS SHIN TU CHE BAS TSE 'DIR DPAL SHA BA RI PA DANG, RJE MI LA RAS PA LTAR TSE DANG SGRUB PA MNYAM PA ZHIG BYED SNYAM PA NAR MAR YOD PA NA RJE BTZUN TZONG KHA PA CHEN PO MDUN GYI NAM MKHAR BYON NAS, RANG DANG GZHAN LA PHAN PA'I PHYIR, ,THOS PAS NGOMS PAR MI BYA STE, ,SA GSUM BRNYES PA'I SEMS DPA' YANG, ,THOS PAS NGOMS PA MED LA LTOS, ,ZHES GSUNG BA ZHIG GSAL BAR BYUNG, DE NAS RING PO MA LON PAR SKU MTSAMS GROL TE MNAL LAM DANG MTHUN PAR DBANG LUNG MAN NGAG MTHA' YAS PA GSAN CING, GZHUNG CHEN MO'I RTZI 'GREL RNAMS LA'ANG ZHIB TU GZIGS TE, MNGON RTOGS RGYAN ,RGYUD BLA MA, RTZA BA SHES RAB, RIN CHEN PHRENG BA, RIGS PA DRUG CU BA, BSHES PA'I SPRING YIG, BZHI BRGYA BA, DBU MA 'JUG PA, BSLAB BTUS RTZA BA, BYANG CHUB SEMS DPA'I SPYOD PA LA 'JUG PA, BYANG CHUB LAM SGRON, BLO SBYONG RTZA BA 'GA', 'DUS PA'I RTZA RGYUD, BDE MCHOG RTZA RGYUD, BRTAG GNYIS, DUS 'KHOR BSDUS RGYUD BSDUS PA, MGON PO KLU SGRUB KYI RIM LNGA SOGS GZHUNG CHEN MO MANG PO LA ZHAL TON RE MOS SU MDZAD, RJE RIN PO CHE BKRAS RIN PA, TSOGS CHEN MKHAN PO RIN RGYAM PA SOGS DGE BA'I BSHES GNYEN BCU TZAM ZHIG LA BDE MCHOG L'U AI BA'I

DBANG DANG DMAR KHRID, SNAR THANG BRGYA RTZA'I RJES GNANG, SGROL MA NYER GCIG GI RJES GNANG, BRGYAD STONG BA'I LUNG, BKA' GDAMS GZHUNG DRUG GI LUNG, LAM RIM GYI KHRID SOGS CHOS KYI RNAM GRANGS SHIN TU MANG BA GNANG, DAM PA DE NYID KYI DRUNG DU'ANG, N'A RO MKHA' SBYOD MA'I DBANG, MKHA' SPYOD GZHAN GNYIS KYI RJES GNANG, 'JAM DBYANGS CHOS SKOR, ZHABS BRGYAD PA'I RJES GNANG, GLENG 'BUM CHEN MO, MDO RTZA, SUM BRGYA PA, MNGON BA KUN LAS BTUS DANG MDZOD RTZA PA, 'GREL PA DON GSAL, MDO KUN LAS BTUS ,JO BO'I CHOS CHUNG BRGYA RTZA, DBU MA RIGS TSOGS DRUG, BYAMS CHOS LNGA, 'JIGS BYED KYI BSKYED RIM CHEN MO MKHAS GRUB THAMS CAD MKHYEN PA'I GSUNG GI 'PHRO CHOS RJE BLO GROS CHOS SKYONG BAS MDZAD PA RNAMS KYI LUNG GSAN, NYIN MTSAN KHOR YUG LTA BUR PHAN TSUN RE MOS SU CHOS KYI 'KHOR LO BSKOR TE, MNGON CHUNG BAR DPEN DGON DU PHEBS, DE DUS DBEN PA LA SHIN TU DGYES PA CHE ZHING, DA LAM BYA BRAL GYI BRTUL ZHUGS BLANGS TE PHYIR ZLOG PA MED PA SNGON GYI GRUB THOB RNAMS DANG MTSUNGS PA ZHIG BYED, DE LTAR BYED PA LA 'DI NANG GI LTO GOS TZAM LA YANG 'KHRI BA CHOD BA ZHIG MA BYUNG NA BYA BRAL GYI MING BTAGS PA'I GNYIS MED SENG GER SONG NA MA LEGS SO SNYAM DU DGONGS TE BCUNG LEN GYI RNAM GRANGS DU MA LA GOMS PA NYAMS 'OG TU CHUD PAR MDZAD CING RLUNG SBYOR 'KHRUL 'KHOR SOGS LA GOMS PA PHUL PHYIN YOD KYANG DA DUNG BOGS DBYUNG BA'I PHYIR DGUN STOD BRAG RGYAR PHEBS NAS BRTZON PAR MDZAD PAS ZHAG BDUN TZAM GYIS

, ,BKA' RGYUD PA'I LUGS KYI RAS PHUD BTANG CHOG PA BYUNG, DER G-YENG BA MED CING THUGS RIG DANGS PAS NYAMS MGUR MANG PO MDZAD CING, 'GA' ZHIG YI GER MDZAD PA NI 'DI LTAR, NA MO GU RU MANYDZU GHOsh'A YA, BLO GTAD THUB KYI BLA MA DKON MCHOG GSUM, ,RKANG RUS PA'I KHONG NAS SKYABS BZUNG STE, ,BKA' MDO RGYUD KYI LAM LAS 'ONGS PA YI, ,GLU TSIG GSUM GYI SNYING GTAM 'DI SKAD SMRA, ,DUS DA LTA RANG DBANG YOD PA'I TSE, ,DON 'BRAS MED SBUN PA MA 'PHYAR BAR, ,LAS BYAS PAS 'TSENG PA'I RNAM DKAR LA, ,YID RTZE GCIG TU DRIL NA DON PO YIN, ,TSE 'DI YI MDUN MA CI BYAS SLA, ,TSE PHYI MA SHUL RING 'JIGS PA CHE, , LAM SHUL RING 'JIGS PA'I BSKYEL BSU DANG, ,BRGYAGS 'DZAD MED KYI GRABS GSHOMS BYAS NA LEGS, ,SNGAR 'DOD YON RO LA JI TZAM SPYAD, ,DE BSAMS NA SNYING PO CI 'DRA 'DUG ,DA RANG NYID RANG GIS MA BSLU BAR, , BLO 'GYOD MED KYI GDENGS DROD TSAGS SU TSUD, ,RANG MNGAL DU ZHUGS PA NAS BZUNG STE, ,DGRA 'CHI BDAG DRUNG DU CHAS ZIN CING, ,DUS YUD TZAM SDOD PA'I SKABS MED PAS, ,SNYING DANG RINGS KYI LONGS YOD BDUD KYIS BSLUS, ,DGUNG MKHA' LA SHAR BA'I 'JA' TSON DE, ,GZUGS MDZES KYANG MYUR DU YAL NAS 'GRO ,GZHON SHA KHRAG RGYAS PA'I LANG TSO YANG, ,DUS SKAD CIG GIS MI RTAG 'GYUR BA'I CHOS, ,DBYAR CHAR SPRIN NANG GI GLOG

DMAR BZHIN, ,DUS SNYIGS MA'I TSE THUNG ZHAG 'GA' 'O, ,MI RGAN GZHON GO RIM MI 'DUG PAS, ,PHYIS G-YENG MED DU BAG GZON DAM PO MDZOD, ,GNYEN 'KHOR G-YOG SPRIN GYI 'DU 'GOD DANG, ,SROG MI BRTAN CHU YI CHU LBUR DANG; ;NOR LONGS SPYOD RMI LAM DPAL 'DRA PAS, ,TSE RTAG 'DZIN GYI MDUN GRABS TZAM STE ZHOG ,RTEN DAL 'BYOR LDAN PA'I MI YI LUS, ,'DI RNYED PAR DKA' ZHING 'JIG PAR SLA, ,DUS DA RES LAN CIG RNYED PA 'DI, ,DON MDO MED DU GTONG NA SMYON PA YIN, ,YUL YUL CAN GYI CHOS RNAMS JI SNYED PA, ,BLOS MA BRTAGS MA DPYAD NYAMS DGA' YANG, ,DON DPYAD NA MI DMIGS STONG PA'I NGANG, ,DBYINGS DE RU RIG PA GCER BUR ZHOG ,SEMS CHAGS SDANG RJES SU MA 'PHRO BAR, ,RJE RGYAL BA'I GSUNG GI GCES PA'I MDZOD, ,LAM STONG NYID SNYING RJE'I SNYING PO CAN, ,'DI 'BRAL MED DU SGOMS DANG YUN DU DGE ,PHYI THOS BSAM SGRO 'DOGS MA CHOD KYANG, ,SEMS 'KHOR 'DAS RTZA BAR GSUNGS PA'I PHYIR, ,NANG SHES RGYUD ZHI ZHING DUL BAR GYIS, ,CHOS ZAB DON GYI SNYING PO BSDUS PA YIN, ,LUS SNANG STONG TSOGS PA LHA YI SKU, ,NGAG BRAG STONG BZLAS PA RGYUN MI 'CHAD, ,YID BDE STONG DBYINGS LAS MA G-YOS PAR, ,DA BLA MA'I RNAM THAR RJES SU SKYONGS, ,GTAM 'DI LTAR SMRAS PA'I DGE BA DES, ,KHAMS GSUM GYI 'KHOR BA'I SEMS CAN RNAMS, ,RGYU KUN 'BYUNG 'BRAS BCAS YONGS SPANGS TE, ,SKU GSUM GYI GO 'PHANG MYUR THOB

, ,SHOG ;DE NAS DBEN DGON TSOGS BA JE RGYAS SU SONG STE DGE 'DUN MANG DU TSOGS PA DANG, PHYOGS 'DUS KYI DAD LDAN BCAS LA LAM RIM, BLO SBYONG, BKA' GDAMS GLEGS BAM, DPE CHOS RIN SPUNGS, 'DUL BA'I BSLAB BYA, 'JIGS BYED DANG BDE MCHOG SOGS KYI BSKYED RDZOGS DMAR KHRID, LTA KHRID, GSANG BDE 'JIGS GSUM, GDUGS DKAR SOGS KYI DBANG, SNAR THANG BRGYA RTZA'I RJES GNANG, CHOS SKYONG MANG PO'I RJES GNANG, BSGRUB SKOR SOGS RGYAS PAR MDZAD DE KLOG PA THOS BSAM GYI 'KHOR LO DANG, STON DANG DGUN GYI DUS 'DU 'DZIS DBEN PAR MDZAD DE, SKU MTSAMS SU BZHUGS NAS LHAG PA'I LHA MANG PO'I BSNYEN BSGRUB SOGS BSAM GTAN GYI 'KHOR LO DANG, SOS DANG DBYAR MJUG MYANG STOD, SHAB, SHANGS, THON SOGS CI RIGS SU PHEBS NAS CHOS DANG MTHUN PAR SDE DPON RIGS DANG BAN SKYA'I TSOGS MANG PO'I BZHED PA 'GENGS PA SOGS BYA BA LAS KYI 'KHOR LO LA'ANG BRTZON PAR MDZAD, DE DAG GI SKABS SU'ANG, DAM PA'I 'GRO BA GNYIS YIN TE, ,THAMS CAD PHUN SUM TSOGS PA'AM, ,YANG NA NAGS SU GNAS PA'O, ,ZHES 'BYUNG BA LTAR, RAB MI GRAL NAS BUD DE, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES BKA' STZAL PA LTAR, GZHAN DON DU RANG DON GTZO BO LTAR BSGRUB PA'I SGRUB PA CIG BYED, DE BYED, DE MIN RANG DON GYI 'KHRI BA BCAD

DA BSTAN PA DANG SEMS CAN GYI DON PHUN SUM TSOGS PA GANG RUNG ZHIG BSGRUB PAR BYA'I, DE GNYIS GANG YANG MA YIN PA'I GSON PA TZAM LAS SHI BA LEGS SO SNYAM DU DGONGS PA BYUNG ZHING, DE DANG MTHUN PAR BLA MA DKON MCHOG LA YANG SNYING NAS RE DOGS DANG BRAL BA'I GSOL PA 'DEBS PA 'DI LTAR MDZAD DE, NA MO A'ARYA MEE TRI YA, STENG DGA' LDAN LHA BRGYA'I GTZUG RGYAN DU, ,RJE SA BCU'I DBANG PHYUG MI PHAM MGON, ,DPAL NAM MKHA' DRI MA MED PA DANG, , PHA MNYAM MED 'JAM DPAL SNYING PO'I ZHABS, ,SRAS DPAG MED SEMS DPA'I 'KHOR DBUS SU, ,CHOS THEG MCHOG DGA' STON 'GYED PA DER, ,BDAG GDUNG BA'I SEMS KYIS GSOL 'DEBS NA, ,THUGS BRTZE BA'I LCAGS KYUS DRANGS SU GSOL, ,DUS DENG SANG BSTAN PA'I GZUGS BRNYAN 'DI, ,LAR YID LA BRNAGS KYANG PHAN PA MED, ,DON DE PHYIR YID DGA' CHOS 'DZIN DU, ,DUS MYUR BA NYID DU BGROD PAR SMON, ,TSE 'DI NANG 'GAGS PA'I DE MA THAG ,RJE RGYAL TSAB CHOS KYI MDUN SA DER, ,YID DANG BA'I RLUNG GIS RAB 'PHANGS NAS, ,CHOS THEG PA CHE LA SPYOD PAR SHOG ,TSE 'DI NANG RANG GZHAN DON 'GRUB PA'I, ,LAS MTHU DANG LDAN PA MA MCHIS NA, ,PHA KHYED LA THUGS RJE TSAD MED PAS; ;DUS DA LTA GNAS DER DRANG DU GSOL, ,MI KHO BO'I 'DI PHYI'I BDE LEGS KUN, ,RJE BLA MA KHYED RNAMS MKHYEN LAGS PAS, ,DUS 'DI NAS BYANG CHUB MA THOB BAR, ,LAM NGANG PA'I G-YANGS LAS BSKYAB TU GSOL, ,CES

, ,PA'O; ,DE NAS RNAM 'PHYANG ZHES PA SA PHO KHYI'I LO CHOS GRA CHEN PO GANGS CAN CHOS 'PHEL GYI MKHAN POR 'BYON DGOS TSUL SDE PA LHUN PO RTZE PA DANG MCHOD YON THAMS CAD KYIS NAN GYIS GSOL BA BTAB PA LA BRTEN NAS LNGA MCHOD CHEN MO'I NYIN CHOS GRVA CHEN PO GANGS CAN CHOS 'PHEL GYI KHRI THOG TU PHEBS, TSOGS PA LA LAM RIM CHEN MO'I GZABS BSHAD DANG, DE'I DUS GANGS CAN DGE BSHES RAGS SHING MANG BAS, DKA' BCU RAB 'BYAMS BZHI BCU TZAM GYIS GSOL BA BTAB NAS LAM RIM GYI KHRID RGYAS PAR STZAL, THAMS CAD KYIS NGAG 'DZIN DANG SHAR SGOM DU MDZAD, DPYID DUS TSOGS PAR SNAR THANG BRGYA RTZA'I RJES GNANG DANG, GNAS PA PAn CHEN MKHAR BRAG PA, SHAR BYANG SLOB DPON GNYIS SOGS DGE BSHES DRAG RIM NYI SHU SKOR LA DGONGS JA NYIS SBREL GYI RING, RDO RJE 'CHANG CHEN PO'I LAM GYI RIM PA'I BSHAD LUNG GNANG, MJUG TU MDO SNGAGS KYI DKA' GNAS KYI 'BEL MCHID DANG RIGS LUNG RGYUN RING NYIN RE BZHIN MDZAD DE BSHAD SGRUB SHIN TU 'PHEL, DE NAS KHRO PHU'I SMON LAM LA PHEBS TE SKYA SER PHON CHE PA 'TSOGS PAR DGE 'DUN RNAMS LA MANG JA DANG 'GYED SOGS RGYA CHER GNANG ZHING, SKYE BO STONG PHRAG DU MA 'TSOGS PA LA BYAMS PA LUNG BSTAN PA'I MDO DANG, SKYES RABS THUN RE'I SPYI CHOS KYI SROL GSAR DU BTZUGS, MDOR NA SANGS RGYAS KYI BSTAN PA DANG, SEMS CAN GYI PHAN BDE RGYAS PA RJE NYID

MTHONG THOS DRAN REG TU GYUR PA THAMS CAD RJE BTZUN GYI ZHABS DRUNG DU SKYES NAS, BYAMS PA'I BSTAN PA LA BYA BA BYED PA'I SMON BRGYA CHER MDZAD, GANGS CAN GYI CHOS SDE SKYONG RING DBYAR CHOS GANGS CAN DANG, STON DUS SOGS RGYUN BAR DBEN DGON RANG DU BZHUGS NAS BSHAD SGRUB KYI RGYUN BSKYANGS, DE NAS GANGS CAN YANG YUN RING 'DZIN MI THUB, GANG BYED RING PHAN PA ZHIG BYA'O SNYAM DU DGONGS NAS 'DU KHANG LA ZHIG GSO DANG SKU GSUNG THUGS RTEN GSAR BZHENGS SPYI 'JOG SOGS CHOS ZANG ZING GNYIS KA'I SGO NAS BKA' DRIN ZLA MED MDZAD, DE NAS SRAD RGYUD DU PHEBS NAS SLOB DPON RIN PO CHE RGYUD CHEN SANGS RGYAS RGYA MTSO'I DRUNG DU 'JAM RDOR, GSHIN RJE GSHED DMAR NAG GNYIS, 'JIGS BYED LUGS GSUM SOGS BLA MED DANG, RDOR DBYINGS, DPAL RTZE SOGS RNAL 'BYOR RGYUD, RNAM SNANG MNGON BYANG, PHYAG RDOR DBANG BSKUR BA SOGS SPYOD RGYUD DANG, DAM TSIG GSUM BKOD, RNAM RGYAL MA, RNAM 'JOMS, GDUGS DKAR, 'OD ZER CAN, STON PA LA KHRUS KYI LHA MO BRGYAD KYIS BSKOR BA DANG, YANG STON PA LA BKRA SHIS KYI LHA MO BRGYAD KYIS BSKOR BA'I DBANG SOGS, RGYUD SDE BZHI'I RIGS KYI DBANG SUM CU SKOR DANG; 'DUS PA, BDE MCHOG ,RNAL 'BYOR MA'I SNGAGS BTU, SGRUB THABS BRGYA RTZA, SGRUB THABS RGYA MTSO, LEGS LDAN, STAG ZHON, DUD SOL MA, TRAKA SHAD RIGS MANG PO, PHAG MO, SROG SGRUB MA, DUS MTSAN MA, NAM

, ,MKHA'I GOS CAN MA SOGS KYI RJES GNANG, RNAM SRAS BKA' MI 'DRA BA BCU GSUM ,DE'I BE'U BUM YONGS RDZOGS KYI LUNG RNAMS DANG, GZHAN YANG ZAB RGYAS KYI GDAMS PA ZHAL SHES SHIN TU MANG BA GSAN, SRAD RGYUD NA BZHUGS SKABS BKRA SHIS LHUN PO'I KHRI THOG TU MYUR BAR PHEBS DGOS PA'I MNAL LAM GSAL BA BYUNG, DE NAS TSUR LAM ZHA LUR PHEBS, RJE 'DI SKU NA PHRA MO NAS, THAMS CAD MKHYEN PA BU STON RIN CHEN GRUB LA THUGS DAD LHAG PAR CHE BA ZHIG YOD PA'I STABS RI MTHI GNYIS KA'I GNAS GZIGS KYANG ZHIB TU MDZAD, RING PO MA LON PAR MYANG PHYOGS LA PHEBS DGOS BYUNG, DGE TSA DANG BSTUN DPAL 'KHOR BDE CHEN DU GRVA TSANG SO SOR 'DOD CHOS KYI CHAR PHAB CING, SPYI THOG TU BLA MA SLOB DPON MANG PO DGE BSHES RAGS BSDUS RNAMS LA BDE MCHOG L'U AI PA'I DBANG YONGS RDZOGS MDZAD, DE NAS DBEN DGON DU PHEBS TE DGA' LDAN SGRUB RGYUD KYI BSTAN PA NAM YANG MI NYAMS PAR BYA BA'I PHYIR DANG RJE GONG MA RNAMS KYI THUGS DGONGS YONGS SU RDZOGS PAR BYA BA'I PHYIR DANG DAD PA CAN GYI RDZAS RNAMS CHUD MI ZA BAR GTER DU SPA BA'I PHYIR SKU GSUNG THUGS RTEN GSAR BZHENGS, MCHOD RDZAS GSAR BZHENGS, DGE 'DUN GYI MKHO BA'I YO BYAD GSAR BZHENGS SOGS GANGS RI'I KHROD KYI SGRUB SDE ZHIG LA 'GRAN ZLA DANG BRAL PA BSKRUN PAR MDZAD, DE NAS BKRA SHIS LHUN PO'I BLA MA DGE 'DUN TSANG MAS DAD 'DUN RTZE GCIG PAS BKRA SHIS LHUN POR RJE DGE 'DUN

GRUB KYI GDAN SAR PHEBS DGOS ZHES NAN CHER GSOL BA BTAB BA LA BRTEN NAS DGUNG LO SO GCIG PA KUN LDAN ZHES PA LCAGS PHO BYI BA'I LO ZLA BA BCU GNYIS PA'I TSES GSUM LA CHOS GRVA CHEN PO BKRA SHIS LHUN PO'I KHRI THOG TU PHEBS 'DUS BA RGYA MTSO'I DBUS SU MI 'JIGS SENG GE'I KHRI LA ZHABS SEN BKOD NAS TSOGS CHEN LA SNAR THANG BRGYA RTZA'I RJES GNANG, SGROL MA NYER GCIG GI RJES GNANG, BKA' GDAMS CHOS 'BYUNG CHEN MO'I LUNG, RTZA BA SHES RAB, DBU MA 'JUG PA, MNGON RTOGS RGYAN RNAMS KYI LUNG GNANG, DE NAS RIM GYIS CHOS 'KHOR RGYA CHER BSKOR ZHING, DPYID GANGS CAN DU PHEBS NAS RAB BYUNG BSNYEN RDZOGS MANG DU GNANG ZHING GZHAN YANG CHOS 'KHOR RGYA CHER BSKOR, KHRO PHU'I SMON LAM LA PHEBS NAS SER SKYA BGRANG BA LAS 'DAS PA LA THAR PA'I SA BON BZHAG STE RGYAL BA'I BSTAN PA LA BYA BA RGYA CHER MDZAD, GANGS CAN BA RNAMS DBU MKHREGS, STAB STOB TU 'DUN PA SHIN TU DKA' BA ZHIG YIN NA'ANG, RJE 'DI LA NI RTZA BA'I DGON PA 'DEBS PA PO PAn CHEN BZANG PO BKRA SHIS LAS KYANG DAD MOS CHE BAR MDZAD DO, ,DE NAS GANGS CAN GYI GDAN SA 'JOG PAR MDZAD NAS BKRA SHIS LHUN POR DBYAR GNAS THOG TSOGS PAR THAMS CAD MKHYEN PA DGE 'DUN RGYA MTSO'I GSUNG 'BUM THOR BU'I LUNG DANG, 'JUG PA'I t'IKA CHEN DGONGS PA RAB GSAL GYI LUNG STZAL, DE'I STON GSER KHANG GONG PA DPON SLOB KYIS GDAN DRANGS, DGON RGYA 'OG DANG BCAS PA LA 'GRO DON 'PHRIN LAS JI LTAR MDZAD TSUL DE KHA'I DUS

, ,MKHAN CHEN NOR BZANG RGYA MCHOS BSKUL NAS DE 'PHRAL TSIGS BCAD DU MDZAD PA'ANG YOD DO, ,DE LTAR GSER KHANG GRVA TSANG PA RNAMS KYIS SPYAN DRANGS RJES, SNA TSOGS DBYIG GI LO'I BAR GYI STON RIM BZHIN DPAL 'KHOR BDE CHEN GI GRVA TSANG GZHI GNAS PA, LEGS GRUB PA, LHA KHANG PA, NOR BU DGE LDAN PA RNAMS KYIS RIM GYIS RANG RANG GI DGON RGYA 'OG DANG BCAS PAR GDAN DRANGS TE RNYED PA DANG BKUR STI BZANG PO 'GRAN PA BZHIN DU BSGRUBS, SKYA SER GYI SKYE BO STONG PHRAG MANG PO LA GANG 'TSAM GYI CHOS KYI CHAR PHAB STE NGAN 'GRO'I SGRO GTAN BCAD CING MTHO RIS DANG THAR PA'I LAM LAM PO CHE BZHIN DU MDZAD DO, ,DE NAS BKRA SHIS LHUN POR DGUN CHOS LA 'JAM DBYANGS CHOS SKOR YONGS SU RDZOGS PA GNANG, DBYID DBEN DGON DU RI KHROD PA RNAMS LA 'DOD CHOS CI RIGS STZAL NAS, SGRUB THABS RGYA MTSO DANG BRGYA RTZA'I LHA GTZO BO RNAMS KYI BSNYEN SGRUB ZHIG MDZAD, DE NAS SHANGS KHUL GYI DAD LDAN RNAMS KYIS GDAN DRANGS TE SHANGS SU MDA'I SER SKYA MTHA' DAG LA ZHAL MJAL DANG GSUNG GI BDUD RTZI STZAL TE THAR PA'I SA BON THEBS PAR MDZAD, DE NAS BKRA SHIS LHUN PO'I DGUN CHOS DANG BSTUN NAS DGONGS JA'I THOG SKYES RABS THUN RE'I GZABS BSHAD STZAL, DE YANG SNYIGS MA LNGA LHAG PAR BDO BA'I DUS 'DI 'DRA BAR NI YUL RTEN PHUN SUM TSOGS PA, GZHI TSUL KHRIMS RNAM PAR DAG PA'I DGE 'DUN BRGYA PHRAG MANG PO DANG LHAN CIG TU

CHO 'PHRUL CHEN PO'I DUS BZANG POR DKON MCHOG GSUM LA SKYABS SU SONG ZHING BYANG CHUB TU THUGS BSKYED, BSAG SBYANG GI GNAD BSDUS PA'I YAN LAG BDUN PA SNGON DU BTANG NAS, KUN TU BZANG PO'I SMON LAM TSUL BZHIN DU BSGRUBS PA NI DUS SKABS KYIS BSTAN PA DANG SEMS CAN GYI DON BLA NA MED PA DANG, RANG GZHAN GTAN GYI MDUN MA 'GRUB PA'I RTZA BA YIN NO SNYAM DU DGONGS NAS, THOG MAR MDZES BYED KYI LO RTA ZLA BA'I DKAR TSES GSUM NAS BCU DRUG GI BAR DU SMON LAM CHEN MO LEGS PAR 'DZUGS PAR MDZAD, DANG PO MANG JA RE RE TZAM YANG 'GRIG PA JI LTAR SNYAM DU THUGS YID 'PHYANG MO NYUG TU GYUR KYANG, PHYIS NI NYIN RE MANG JA LNGA DRUG TZAM YANG GTONG DGOS PA BYUNG, DE NAS BZUNG STE LO NYI SHU RTZA LNGA'I BAR LA BKRA SHIS LHUN POR DAD PA CAN GYI RDZAS RNAMS CHUD MI ZA BA'I PHYIR DANG, GDAN SA 'DI NYID LHA DANG BCAS PA'I 'GRO BA YONGS KYI BSOD NAMS KYI ZHING MCHOG DAM PAR BSGRUB PHYIR SKU GSUNG THUGS RTEN GSAR BZHENGS, MCHOD RDZAS GSAR BZHENGS DGE 'DUN LA BSNYEN BKUR GYI RGYUN SOGS GONG NAS GONG 'PHEL DU MDZAD, LHAG PAR CHO 'PHRUL SMON LAM 'DZUGS PAR MDZAD PA 'DI NYID RGYAL BA TZONG KHA PA'I YANG MDZAD CHEN GCIG YIN PA BCAS RJE 'DI RANG GI YANG MDZAD CHEN NGO MTSAR BA GCIG TU MDZAD DE, TSUL 'DI LA RJE RANG NYID KYI ZHAL NAS, 'DI NI KHO BO'I TSE 'DI LA LTOS PA'I RNAM THAR BZANG BA ZHIG YIN SNYAM PA YOD DE, DGE BA'I BSHES GNYEN PO TO BA'I RNAM THAR DU, BOD NA DGE 'DUN STONG PHRAG DU MA RNAM A

, ,THAR GCIG LA 'GOD NUS PA'I DGE SLONG YOD CES, DAM PA 'DI NYID RGYA GAR DU YANG GRAGS ZHES 'BYUNG BA LTAR, DGE 'DUN STONG RVA CAN BRGAL BA LO GRANGS DE SNYED DU THAMS CAD MKHYEN PA BSGRUB PA LA RTZE GCIG TU THUGS BSTUN NAS 'DUN PA RMAD DU BYUNG BA'I RNAM THAR LA 'GOD BAR BYAS PA'I PHYIR DANG, JI SKAD DU, GANG GIS PHYOGS BCU'I ZHING RNAMS JI SNYED PA, ,RIN CHEN BRGYAN TE RGYAL BA RNAMS LA PHUL, ,LHA DANG MI YI BDE BA'I MCHOG RNAMS NI, ,ZHING GI RDUL SNYED BSKAL BAR PHUL BA BAS, ,GANG GIS BSNGO BA'I RGYAL PO 'DI THOS NAS, ,BYANG CHUB MCHOG GI RJES SU RAB MOS SHING, ,LAN CIG TZAM YANG DAD PA BSKYED PA NI, ,BSOD NYAMS DAM PA'I MCHOG TU 'DI 'GYUR RO, ,ZHES SOGS RGYAL BA'I BKA' TSAD MAR GYUR BAS ZHAL GYIS BZHES PA'I BSOD NYAMS GZHAL DU MED PA RANG GZHAN GYI RGYUD LA BSKRUN PAR BYAS BA'I PHYIR RO, ,ZHES GSUNGS, DE NAS DAD LDAN MANG POS BSKUL NAS RTA NAG LA PHEBS, SKYE BO MTHA' YAS PA 'DUN PAR MDZAD CING, RJE 'GOS KYI SGRUB GNAS ZHAL GZIGS PHUG PA MJAL BAR MDZAD PAS, LHAS ME TOG GI CHAR 'PHAB CING TSE CHU'I RGYUN BABS, DE'I 'OG MKHA' SPYOD NA DPAL LDAN LHA MO'I LOGS BRIS BYIN RLABS CAN ZHIG 'DUG PA LA ME TOG 'THOR BAR MDZAD PAS 'OD ZER KHA DOG SNA LNGA 'PHRO ZHING, RNAM 'GYUR SNA TSOGS STON PA ZHIG GZIGS, DE NAS BKRA SHIS LHUN POR PHEBS, 'DI SKABS RGYAL BA THAMS CAD MKHYEN PA YON TAN RGYA MTSO

YANG BYANG PHYOGS KYI RGYUD NAS PHEBS, PHYI NANG GI RKYEN DU MAS BSKUL TE BKRA SHIS LHUN PO'I MKHAN SLOB THAMS CAD KYIS MJAL BAR BYON, PHEBS LAM DU YANG RTZAL BA CHEN POS BYON BAS YA MTSAN DU BYED BA BYUNG, DE DUS RJE RANG NYID NAS BDOG PA'I DNGOS BO'I PHYAG RTEN GZABS SHING, 'BRAS SPUNGS SU MANG JA 'GYED DANG BCAS PA GNANG, BKRA SHIS LHUN PO'I SLOB DPON PA RNAMS PHYIR THEGS, RJE RANG NYID RE SHIG BZHUGS RGYAL BA THAMS CAD MKHYEN PA CHEN POS CHOS BKA' MTHA' YAS PA GNANG DGOS TSUL GSOL BA BTAB PA LTAR, DGUN 'BRAS SPUNGS RANG DU BZHUGS NAS DBANG LUNG RJES GNANG SOGS LAM PA KA'I KU SHA'I GRANGS DANG MTSUNGS PA 'GRO GANG CHE GTZOR BTON MDZAD CING ZHAR LA 'BRAS SPUNGS KYI DKA' BCU RAB 'BYAMS PHAL CHER 'DUS PA LA DKA' CHEN BZHI'I RTZA BA'I LUNG YONGS RDZOGS DANG, RGYAL BA YON TAN RGYA MTSO DANG, DE'I ZHABS 'BRING PA SLOB DPON PA RNAMS GDAN 'DZOM PA LA DMAR NAG GNYIS, ZHE DGU MA, RO LANGS BRGYAD BSKOR, DPA' BO GCIG PA RNAMS KYI DBANG GNANG, GZHAN YANG SNGA PHYIR DBANG DANG, RJES GNANG DANG, ZAB KHRID MAN NGAG ZHAL SHES SOGS PHAL CHER PUM PA GANG BYO'I TSUL DU 'BUL BAR MDZAD DO, ,RGYAL BA THAMS CAD MKHYEN PA CHEN POS KYANG SKU TSE MANG PO'I SNGA ROL NAS RJE 'DI BA LA MNGON PAR DGYES PA'I THUGS KYI BAG CHAGS SAD PA LTAR MDZAD NAS, CHOS GSAN PA'I BLA MA MANG PO'I NANG NAS, RJE 'DI PHA RIGS KYI BDAG POR LEGS PAR

, ,BZHES TE THOG MTHA' BAR GSUM DU SO SKYE'I BLO YUL LAS 'DAS PA'I RNYED PA DANG BKUR STIS MCHOD PA NI DGE BSHES STON PA'I RNAM THAR DRI MA MED PA'I RGYUN 'KHRUL MED DU SKYONG BAR MDZAD PA YIN NO, ,DE NAS LHA SA'I SMON LAM GROL NAS BYANG RA SGRENG MJAL DU PHEBS, RA SGRENG BA RNAMS LA DAM BA'I CHOS RGYA CHER STZAL, RA SGRENG DU BZHUGS RING NGO MTSAR BA'I LTAS BSAM GYIS MI KHYAB BA BYUNG, RA SGRENG TSOGS BA LA BKA' GDAMS GLEGS BAM GZABS BSHAD DANG BCAS PA GNANG, DE NAS SLAR YANG RGYAL BA YON TAN RGYA MTSO DANG LHAN DU RGYAL ME TOG THANG LA PHEBS TE GTZO CHER RGYAL BA YON TAN RGYA MTSO LA DBANG LUNG MAN NGAG RNAMS NAR MAR GNANG ZHING SENG DBAR RNAMS SU LAM BAR GYI GNAS RNAMS LA MCHOD 'BUL DANG KHYAD BAR DGA' LDAN SGRUB RGYUD KYI CHU 'OG GRUB CHEN 'JAM DPAL RGYA MTSO'I SGRUB GNAS MAL GRO SPANG SA'I YANG DGON DANG, RJE RIN PO CHE 'KHOR DAG PA RNAM BRGYAD DANG BCAS PAS GANG DU SGRUB PA MDZAD PA'I GNAS 'OL KHA CHOS LUNG SOGS 'OL KHA DANG DVAGS PO'I GNAS RNAMS MJAL TE THUGS SMON MDZAD, RGYAL ME TOG THANG DU DPAL LDAN LHA MO DGYES PA'I CHO 'PHRUL NGO MTSAR BA BYUNG ZHING, GNAS GANG DANG GANG DU PHEBS PA DE DANG DER DAD LDAN RNAMS LA RANG RANG GI SKAL BA DANG 'TSAM PA'I CHOS KYI BDUD RTZI STZAL TE THAR PA'I SA BON THEBS PAR MDZAD, DE NAS GTZANG DU PHEBS TE BKRA SHIS LHUN PO'I 'DUS TSOGS LA DGUN CHOS SNGA PHYI'I SKABS TSOGS CHEN LA

SGRUB THABS RGYA MTSO'I RJES GNANG LUNG DANG BCAS PA STZAL, CHO 'PHRUL SMON LAM GROL RJES 'BRAS SPUNGS NAS GDAN 'DREN ZHU MI DOS DRAG BYUNG BA LTAR, DBUS SU PHEBS NAS DGA' LDAN PHO BRANG GI GZIM CHUNG NYI 'OD DU NAG NYA DANG BSTUN DPAL DUS KYI 'KHOR LO'I RDUL TSON GYI DKYIL 'KHOR BZHENGS TE RGYAL BA THAMS CAD MKHYEN PA YON TAN RGYA MTSO LA DUS KYI 'KHOR LO'I DBANG YONGS SU RDZOGS PA MTHA' RTEN DANG BCAS PA DANG, GZHAN YANG CHOS BKA' CI RIGS PA 'BUL BAR MDZAD, DE'I TSE LHO RGYUD PHYOGS NAS SDE DPON DU MAS PHEBS DGOS TSUL GSOL BA BTAB PA LA BRTEN NAS LHO KHAR PHEBS, DE DUS MKHAR TOG, 'PHYOD RGYAS RI BO BDE CHEN, SPYAN G-YAS, SNE'U GDONG, RTZES DANG, RONG CHA DKAR SOGS SU JO STAN TSOGS CHEN PA'I MKHAN CHEN GYIS MTSON PA'I BLA MA SLOB DPON DANG, DGE 'DUN MANG PO LA DBANG KHRID LUNG SOGS RGYA CHER STZAL, GANG DANG GANG DU PHEBS PA DE DANG DER SKYE BO'I TSOGS BRGYA STONG DU MA 'DUS PA LA YIG DRUG GI LUNG DANG, BLA MA'I RNAL 'BYOR SOGS DAM PA'I CHOS RGYA CHER STZAL, SNGON GYI DAM BA MANG PO'I BSTI GNAS JO BO CHEN PO LHA CIG GI GDUNG KHANG BZHUGS PA THANG PO CHE DANG, SPYAN G-YAS, YAM BU BLA SGANG, KHRA 'BRUG, RTZES DANG, BYAMS PA GLING, BSAM YAS SOGS KYI GNAS DANG RTEN MJAL ZHIB TU MDZAD, MCHOD 'BUL, BSAG SBYANG, SMON LAM RNAM DAG MDZAD BA NI SNGON BYON DAM PA'I RNAM THAR LTAR RMAD DU BYUNG BA'I MDZAD PA YIN LA, GANG

, ,DANG GANG DU PHEBS PA DE DANG DER ZANG ZING GI BSNYEN BKUR RGYA CHE BA DANG MI MANG GI 'A 'UR 'DU 'GOD MANG PA RNAMS LA NI DE DANG DE GZIGS PA TZAM GYIS SKYO SHAS NGES 'BYUNG SHUGS DRAG SKYE BA LAS ZANG ZING LA THUGS DGYES PA NI NAM YANG MI MDZAD DO, ,DE NAS BKRA SHIS LHUN POR PHEBS NAS DBYAR GNAS KYI KHONGS SU NYI SHU RTZA LNGA RTZA LNGA GRANGS SU BCAD DE TSOGS CHEN LA GDUGS DKAR GYI DBANG RGYAS PAR STZAL, DGAG DBYE THON NAS ZHAG NYER GCIG GI RING SKU MTSAMS BCAD NAS DKON MCHOG RJES SU DRAN PA GTZO BOR BSGOM PAR MDZAD NAS BSAG SBYANG LA BRTZON PAR MDZAD PAS STON PA THUGS RJE CAN DE'I BKA' DRIN DRAN PA'I DAD PA SHUGS DRAG 'KHRUNGS SHING GSOL 'DEBS GDUNG DBYANGS SU MDZAD PA NI 'DI LTAR, NA MO GU RU MU NI AINDR'A YA, 'JIG RTEN STOBS KYIS MNGON RLOM MTHA' DAG GI, GTZUG RGYAN GZHAL MED NOR BU'I PHRENG MDZES LA, ,ZHABS SEN GSAR PA'I ZLA TSOS NGAL BSO BA, , THUB DBANG LHA YI BLA MAS DGE LEGS STZOL, ,GANG SKU SER GYI SA 'DZIN MTHON PO'I RTZER, ,ZHAL DKYIL NYIN BYED RGYAS PA'I 'DZUM ZER KYIS, ,PHAN BDE'I 'OD BRGYA'I SNANG BAS SRID PA GSUM, ,YONGS 'GENGS STON PA DE LA BDAG CAG DAD, ,LAN DANG RNAM PAR SMIN LA MI RE BAR, ,MGON MED NYAM THAG RNAMS LA RJES BRTZE PA, ,BCOM LDAN ZHABS ZUNG RTEN PA'I PADMA LA'ANG, ,BYANG CHUB SNYING PO'I BAR DU BDAG SKYABS MCHI, ,GRANGS MED PA SKAL PAR GANG GI MTSAN

TZAM YANG, ,THOS PAR DKA' ZHING LAN CIG THOS NA YANG, 'JIGS PA KUN SEL DGE LEGS MCHOG STZOL BA'I, ,LHAR BCAS 'GRO BA'I BLA MAS BDAG SKYOBS SHIG ,THUGS RJE CHE MNGA' RGYAL BA GZHAN RNAMS KYIS, ,GDUL BAR MA NUS DMU RGOD 'DUL DKA' BA, ,BDAG DANG BDAG 'DRA'I SNYIGS DUS 'GRO RNAMS LA, ,KHYOD LAS LHAG PA'I MGON DANG SKYABS GZHAN CI, ,BDE MED SDUG BSNGAL BRGYAS GANG SRID PA 'DIR, ,GROGS MED GCIG PUR YANG YANG 'KHOR BA NA, ,NYAM CHUNG BDAG GI SKYID SDUG LEGS NYES KUN, ,MKHYEN BRTZE'I BDAG NYID THUB CHEN DPA' BO MKHYEN, ,SKYON BRAL YON TAN KUN GYI GTER GYUR CING, ,MA BCOL BAR YANG PHAN DANG BDE MDZAD PA'I, ,RNAM THAR BSAMS NA RKANG GI KHONG NAS KYANG, ,YID RAB DAD PAR MI BYED SEMS LDAN SU, ,THUB DBANG RJES SU RAB TU BYUNG GYUR KYANG, ,MNGON SUM MA MTHONG SEMS KYI ZUG RDU DE, ,BSAL PHYIR YID MTSOR RGYAL BA'I SKU BSKRUN YANG, ,SEL BAR MI NUS SLAR YANG STON PA DRAN, ,DGRA DANG BSHES MED KUN LA BRTZE BA'I GNYEN, ,THAMS CAD MKHYEN PA'I NYI MA NUB RI'I PHAG, THOS PA'I LAM DU GSHEGS PA'I DUS MTHA' 'DIR, ,SROG GI LHAG MA GSON YANG CI ZHIG RUNG, ,DES NA DBANG PHYUG BRGYAD LDAN MGON KHYOD KYIS, ,STON DUS DGUNG SNGON DBUS SU ZLA RGYAS BZHIN, ,BSOD NAMS PHUNG PO'I SKU DANG 'DZUM PA'I ZHAL, ,DA LTA MNGON SUM STON LA BDAG DBUGS DBYUNG, ,RNAM DKAR BYE BA LAS GRUB RTZIBS STONG CAN, ,'KHOR LO'I MTSAN MNGA' DANG PA'I DRA BA LTAR, ,RAB MDZES

, ,NOR BU'I 'OD 'BAR ZHABS SEN GYIS, ,REG PAS BDAG SNYING ZE'U 'BRU SKAL BZANG MDZOD, ,STON PA MCHOG DE DA LTA 'DIR BZHUGS ZHES, ,NGES PA MIN YANG RGYAL BA'I MDZAD PA YIS, ,ROL PA'I ZHING 'DIR RTZE GCIG YID GTAD KYIS, ,BDAG CAG RE BA'I 'BRAS BU MCHIS PAR MDZOD, ,PHA ROL BSKYAS CHEN 'DEGS PAR PHYOGS PA'I TSE, ,BSOD NYAMS BRGYA PHRAG LAS 'KHRUNGS GSER SBYANGS KYI, ,GLANG PO'I SNA LTAR MDZES PA'I PHYAG G-YAS DE, ,BDAG GI SPYI BOR MNGON SUM BZHAG TU GSOL, ,GAL TE SNGON GYI LAS NGAN DBANG BTZAN PAS, ,SRID PA NYAM NGA'I GNAS SU LHUNG GYUR KYANG, ,YID LA SH'AKYA'I GTZO BO DRAN PA DANG, ,THUB MTSAN RNA BAR THOS DANG 'BRAL MA GYUR; ;'JIGS DANG SDUG BSNGAL BRGYAS NYEN SDUG PA'I BU, ,BRTZE BA'I PHA YIS BSAMS SHING DOR BA LTAR, ,NYAM CHUNG SKAL NGAN BDAG CAG YAL BOR NAS, ,LHAR BCAS STON PA MCHOG DE GANG DU GSHEGS, ,'ON KYANG THUB PA'I MKHYEN BRTZE NUS PA LA, ,SGRIB THOGS MI MNGA' PHONGS PA'I GNYEN GCIG CES, ,BDEN PA GSUNG BA'I BKA' YI 'THOR 'THUNG GIS, ,STON DANG BRAL PA'I TSA GDUNG CUNG ZAD BSAL, ,DE BZHIN BU RAM SHING BA'I LUGS BZANG RNAMS,, BDAG LA DNGOS SU 'DOMS PA'I BLA MA'I TSOGS, ,MGON DE'I YE SHES SGYU MA'I RNAM ROL TU, ,BSAMS SHING DRAN PAS YID KYI NGAL BAS THOB, ,ZAS GTZANG SRAS KYI MDZAD PA'I CHA SHAS TZAM, ,BRGYUD NAS MTHONG THOS DRAN PA TZAM

GYIS KYANG, ,DAD DANG MOS DGA'I PHUN TSOGS 'DI 'DRA NA, ,MNGON SUM MTHONG NA AE MA CI 'DRA ZHIG, BDE BAR GSHEGS PA'I SNANG TSUL PHRA MO 'GA', ,YID LA SHAR TSE DAD DANG GDUNG BA YIS, ,MYOS PA'I BLA BRDOL ME TOG PHRENG BA 'DI, ,YID KYI GDUNG BA SEL PHYIR MGON POS BZHES, ,DE LAS 'ONGS PA'I DGE TSOGS KU MUD TA, ,ZLA SHEL DUNG LTAR DKAR BA CI THOB PAS, ,THUB DBANG GANG DU BZHUGS PA'I ZHABS DRUNG DU, ,SKYES NAS 'BRAL MED RJES SU 'DZIN GYUR CIG, CES PA'O; ;DE KHA'I STON 'BRING MTSAMS GCEN LUNG PHYOGS SU PHEBS NAS SKYE BO BRGYA PHRAG MANG PO BSNYEN GNAS SMYUNG GNAS, SROG GCOD SPONG BA, GZUNGS SNGAGS SOGS BZLAS BRJOD KYI DAM BCA' LEN PA SOGS DGE BA LA BKOD CING, KHYAD PAR GCEN LUNG KHA SPYOD DU TSOGS PA LA DPAL GSANG BA 'DUS PA MI BSKYOD PA'I DBANG BZHI YONGS SU RDZOGS PA DANG, GZHAN YANG 'DOD CHOS MANG DU STZAL, DE YANG MYANG STOD NAS BZUNG LHO RTZA KHOG BRGYUD NAS GCEN LUNG GI BAR GANG DANG GANG DU PHEBS PA DE DANG DER, KHROM CHEN PO GLO BUR DU TSOGS SHING RING POR MI THOGS PAR 'GYES PA DANG, DE DAG GI NANG NAS MANG PO ZHIG NI GNYEN BSHES YID DU 'ONG BA DANG BRAL BAS MTSI MA DANG BCAS BZHIN BSNGO BA ZHU BA DANG, 'GA' ZHIG NI LANG TSOS RGYAGS SHING 'JO SGEG DANG BCAS PA DANG, LA LA NI RGAS SHING RGAN PO 'CHI KHA MA LA GZIGS SHIG CES SNYING RJE LTAR DU 'DUG PA DANG, MANG PO NI MA BRTAGS NYAMS DGA' BAS BZHAD GAD DANG BCAS TE 'DUG PA DANG,

, ,PHAL CHER SER SNAS BSAGS PA'I DNGOS PO RJE NYID LA RE BA'I SEMS KYIS 'BUL BA GZIGS PAS 'KHOR BA THOG MA MED PA NAS LTA CI SMOS, TSE THUNG 'DI GCIG PU LA YANG GNYEN BSHES DANG DAR RGUNG KHROM GYI 'DU 'TSOGS DANG GZHON PA'I LANG TSO NAM MKHA'I 'JA' TSON DANG, SER SNAS BSAGS PA'I NOR RDZAS SBRANG MA'I SBRANG RTZI DANG 'DRA BA 'DI LTAR MNGON SUM DU GSAL BAR STON PA'I SLOB DPON NO SNYAM DU THUGS SHIN TU 'BYUNG BAR GYUR NAS NYAMS MGUR 'DI LTAR MDZAD DO,, NA MO GU RU MANYDZU GHO sh'A YA, DUS GSUM SANGS RGYAS KYI NGO BO, ,BKA' DRIN GSUM LDAN GYI BLA MA, ,'BRAL MED SPYI GTZUG TU BZHUGS LA, ,BYIN RLABS DNGOS GRUB KYI CHAR PHOBS, ,YID 'OD SNYING GROGS DANG MDZA' BSHES, ,NGES MED 'DU 'BRAL GYI ROL PA, ,DBYAR DUS DGUNG SNGON LA 'KHRIGS PA'I, ,MI RTAG LANG LONG GI CHU 'DZIN, ,NGAL BA BRGYA PHRAG GIS BSGRUBS BA, ,SRID PA'I PHUN TSOGS KYI DGA' STON, ,LHO PHYOGS DRI BZHON GYIS BSKYOD BA'I, ,PADMO'I 'DAB STENG GI ZIL PA, ,CHAGS LDAN BYIS PA YI DGA' BSKYED, ,YID 'ONG GZUGS MDZES KYI LANG TSO, ,NGAN SKYUGS BSHAD GCI YIS GANG BA'I, ,DBYIBS LEGS MI GCOD BA'I BUM PA, ,DENG SANG 'DZAM GLING GI MI TSE, ,RGAN GZHON GO RIM GYI NGES MED, ,SHUGS DRAG RLUNG DMAR GYI NANG GI, MAR ME JI BZHIN DU 'DUG PA, ,SRID GSUM SGYU MA YI GRONG KHYER, ,BDE MED SDUG BSNGAL GYI 'BYUNG GNAS, ,THAR MED

'JIGS RUNG GI BTZON RA, ,LCAGS KHANG 'BAR BA YI RANG BZHIN, ,STONG GSUM ZAS NOR LA DBANG YANG, ,SGREN MO LAG STONG DU 'GRO 'DI, ,MYA NGAM NYAM THAG GI THANG LA, ,GCIG PUR DGRA BO YIS BCOMS 'DRA, ,NYON MONGS LAS NGAN GYI SHUGS KYIS; ;'DI NANG 'DOD YON LA ZHEN PA, ,MI GTZANG PHUNG PO LA CHAGS PA'I, ,GDOL PA KHYI PHAG GI RNAM THAR, ,CI DRAG SANGS RGYAS DANG BYANG SEMS, ,DAM PA'I SKYES BU RNAMS THEGS BZHUD, ,BLUN PA BDAG NYID KYI NYES PAS, ,DA DUNG BTZON RA 'DIR LUS BYUNG, ,MTHA' MED SDUG BSNGAL GYIS RGYA MTSOR, ,GROGS MED GCIG PU RU 'GRO TSE, ,SKYABS GNAS BLA MA DANG DKON MCHOG, PHAN PA DAM CHOS LAS MED PA'I, ,TSUL 'DI SNYING KHONG NAS MA DRAN, ,BAG MED GU YANGS KYI SPYOD BAS; ;NYIN MTSAN DON MED DU 'DA' BA, ,SEMS MED YANG NA NI SMYON PA, ,NAM ZHIG 'CHI BDAG GIS BZUNG NAS, ,'JIGS SKRAG SDUG BSNGAL GYIS GZIR CING, ,NGAN SONG 'KHRUL SNANG KUN SHAR BA'I, ,DUS DER 'GYOD PO CIG 'BYUNG BAS, , BSAM BLO DA LTA NAS THONGS LA, ,SGO GSUM DAM PA YI LAM BZANG, ,NYIN MTSAN KHOR YUG TU BSTEN LA, ,THAR PA'I GRONG KHYER DU BSNYEGS SHIG, CES DANG, GZHAN YANG 'DI LTAR GSUNGS TE, NA MO GU RU MANYDZU GHOsh'A YA ,GSUM LDAN GYI BLA MA RDO RJE 'DZIN, ,BDAG SNYING GI PADMO'I DBUS BZHUGS LA, ,BYANG CHUB KYI SNYING POR MCHIS KYI BAR, ,'BRAL MED DU RJES SU GZUNG DU GSOL, ,THOG MED NAS THA MA DA LTA'I BAR, ,'JIGS RUNG GI 'KHOR BA'I BTZON KHANG 'DIR, ,

, ,LAS NYON GYI LCAGS SGROG DAM POS BCING, ,SDUG BSNGAL GYI GSHED MAS YANG YANG GTZOS, ,NGAN SONG GI GNAS SU GTAN YUL BYAS, ,TSA GRANG GI SDUG BSNGAL DRAG POS MNAR, ,RANG SHA DANG RANG KHRAG GRANGS MED ZOS, ,BRDEG 'TSOG GIS MNAR ZHING NGAL THAG BCAD, ,LAN 'GA' MTHO RIS KYI RTEN THOB KYANG, ,SKYID 'DOD KYIS SDIG BA'I LAS BYAS PAS, ,NGAN SONG GI YUL DU YANG YANG LOG, BDE MED KYI SDUG BSNGAL BRGYA PHRAG MYONG, ,DA DUNG YANG NYON MONGS CHU KLUNG 'DI, ,BZLOG NGES KYI CHU LON MA BSGRUBS NA, ,MTHA' MED KYI SRID PA'I RGYA MTSO 'DIR, ,NYAM THAG GI KLONG DU BYING NYEN GDA', ,BAR SNANG GI GLOG 'DRA'I TSE THUNG 'DI, ,SKYID PAS KYANG MI 'TSENGS SDUG MI PHUNG, ,MNAR MED KYI KHRO CHU KHOL MA'I NANG, ,YUN RING DU BSREGS NA AE BZOD SOMS, ,DAL 'BYOR DANG LDAN PA'I MI LUS 'DI, ,DON MED KYI BYA BAS DUS 'DA' BA, ,RIN CHEN GYI GLING NAS LAG STONG DU, ,GCER BU RU RANG KHYIM LDOG PA BZHIN, ,CHE THUNG 'DI CI LTAR BYAS KYANG PHYID, ,BYANG CHUB 'DI PHYIS NAS RNYED PAR DKA', ,SKYID SDUG GI 'DAM KA DA RES BYUNG, ,BSAM BLO DE SNYING GI DKYIL NAS THONGS, ,DBYAR DGUN SOGS NAM ZLA'I 'GYUR LDOG DANG, ,SKYA SER GYI SKYE BO'I 'CHI LUGS SOGS, ,MNGON SUM DU MIG GIS MTHONG BZHIN DU, ,JI SNYAM YANG MI SEMS RTAG 'DZIN CAN, ,GNYEN BSHES DANG LONGS SPYOD KUN BOR NAS, ,'CHI BDAG GI GSHIN RJES DBANG MED KHRID, ,RGYUS MED DU GCIG

BUR 'GRO BA'I TSE, ,PHAN NGES DE DAM CHOS KHO NA RANG, ,ZHES SO, ,SNGA PHYIR DAD 'BUL BYUNG BA RNAMS LA SKU GSUNG THUGS RTEN BZHENG BA DANG, DGE 'DUN LA BSNYEN BKUR MDZAD PA MTHA' YAS TE 'DIR MA BRIS SO, ,DE NAS BKRA SHIS LHUN BO'I SLOB DPON PA RNAMS KYIS GSOL BA NAN GYIS BTAB PA LA BRTEN NAS TSOGS CHEN LA RDUL TSON GYI DKYIL 'KHOR DU DPAL RDO RJE 'JIGS BYED KYI DBANG BZHI YONGS SU RDZOGS PA STZAL, DBYAR GNAS GROL 'PHRAL BDUN PHRAG GSUM BCAD RGYAR BZHUGS TE LAM GYI RIM PA'I NYAMS BZHES LA BRTZON PAR MDZAD, DE SKABS THUGS LA 'DI LTAR 'KHRUNGS TE SNGON CHAD BLA MA'I MING BTAGS CHOS BRGYAD DANG 'DRES MA'I RNAM G-YENG GI GZHAN DBANG DU SONG, SBYIN BA PO RNAMS KYI SEN MO DKAR DMAR GYI STENG NAS BCAD PA'I DAD RDZAS DANG BA, SHIN RDZAS CHUNG MI 'DZA' TZAM AE YONG BSAM LHA KHANG DANG RTEN BZHENGS SOGS BLOS CI LCOGS BGYIS SHING BSTAN PA DANG GZHAN DON YIN RGYU'I KHUL GYI DBANG BSKUR LUNG KHRID SOGS CHOS BSHAD MANG DU BYAS MOD KYANG NGES 'BYUNG DANG LTA BA RNAM DAG GIS RTZIS ZIN PA NI SHAS CHER DKA', DE GNYIS CI RIGS BAS MA ZIN PA'I ZAG BCAS KYI DGE BA RGYA CHER BYAS KYANG 'KHOR BA'I 'KHOR LO BSKOR BA KHO NAR 'DUG, ,SRID PA'I PHUN TSOGS JI TZAM THOB KYANG SKYE RGAN 'CHI'I RGUD BA NI RGUD PA NI SDUG BSNGAL GYI ME RAB TU 'BAR BAS SKAD CIG TZAM YANG BZOD GLAGS MI 'DUG, MI BZOD BZHIN DU 'JIGS PA CHEN PO LNGA PO 'DI LAS THAR BA'I THABS LA BRTZON PAR

, ,MI BYED PA NI KYE MA KYI HUD BDAG LA SNYING MED PA'AM, SMYON PA DNGOS SO SNYAM DU DGONGS, 'KHOR BA'I PHUN TSOGS THAMS CAD KYANG SDUG BSNGAL GYI RANG BZHIN DU GZIGS TE DON DE DAG 'PHAGS PA'I DBYANGS SU MDZAD PA NI, NA MO GU RU MANYDZU GHO sh'A YA, SKYON BRAL YON TAN KUN GYI MCHOG MNGA' BA'I, ,ZLA MED STON PA SH'AKYA'I RGYAL PO DANG, ,DBYER MED RJE BTZUN BLA MA'I ZHABS PAD LA, ,BYANG CHUB SNYING PO'I BAR DU SKYABS SU 'CHI, ,NYON MONGS CHU BO LAS NGAN RAB RLABS CAN, ,SHUGS DRAG DBANG GIS SKYE BA'I RGYA MTSO CHER, ,KYE MA YANG YANG NYING MTSAMS SBYAR BA'I TSUL, ,RGYUN DU LEGS PAR SOGS DANG SHES LDAN DAG, MDOG STOBS GZI NYAMS MI SDUG RNYINGS PA'I LUS, ,YID 'ONG YUL BRGYA 'TSOGS KYANG SPYOD MI NUS, ,DRAN DBANG BLO NYAMS 'GUM PAR MNGON PHYOGS PA, ,'JIGS RUNG RGAS PA'I TSUL 'DI GROGS DAG LTOS, ,'BYUNG BA 'KHRUGS PA'I ZUG RDU BRGYAS GTZES PAS, ,NYIN MTSAN MI 'KHYOL 'DOD RNAMS BSTEN DBANG MED, ,BCOS KYIS MI PHAN 'CHI BAR SHES SHING 'GYOD, ,THAR MED NAD KYIS GDUNGS 'DI KYI HUD 'JIGS, ,PHUN TSOGS BDE SKYID 'BYOR PA'I PAD TSAL YANG, ,BSOD NAMS MIN PA'I GLANG POS BCOMS PA NA, ,MYA NGAN ME 'BAR SHIN TU YA NGA BA, ,KYE BA 'JIG RTEN RGUD PA'I TSUL 'DI LTOS, ,YID 'PHROG GNYEN 'KHOR LUS DANG LONGS SPYOD SOGS, ,'BYOR BAS DREGS KYANG SGREN MO LAG STONG DU, ,GROGS MED MYUR DU 'JIG RTEN PHA ROL TU, ,GLO BUR 'CHI BA

'DI KO MKHAS PAS SOMS, ,STOBS DANG DPUNG GIS BZLOG PA'I SKABS MED CING, ,RTZAS SNGAGS NOR DANG MDZES MAS BSLUR MED BA'I, ,'JIGS RUNG DUS KYI CHAD PA RNAM PA LNGA, ,THOG LTAR 'BAB BO MKHAS PAS BAG YOD STEN, , SRID PA'I RTZE MO NAS BZUNG DMYAL BA'I BAR, ,KUN LA 'DOD DGUR DBANG BYED RGYAL PO LNGA'I, ,SNANG TSUL DRAN TSE CUNG ZAD YID SKYO BAS, BLO BZANG CHOS KYI RGYAL MTSAN ZHES BYAS SMRAS, ,ZHES GSUNGS, YANG DUS DE'I TSE, SKYID KYANG MI 'TSENGS SDUG KYANG MI PHUNG BA'I DGUN NYI DANG 'DRA BA'I TSE THUNG 'DI'I LUS SROG LONGS SPYOD LA GNOD PA BYED PA'I SKYE BO LA'ANG DGRA'I GTZO BOR 'DZIN PAR BYED NA 'KHOR BA THOG MA MED PA NAS 'GAL ME'I 'KHOR LO LTAR RGYUN MI 'CHAD PAR SKYE RGAN 'CHI'I RGYUD PA'I SDUG BSNGAL 'BAR BA'I RAL GRI RNON POS 'DEBS PA'I BYED PA PO NI, RANG RGYUD KYI NYON MONGS PA DUG GSUM PO 'DI YIN PAS 'DI NYID PHYI ROL GYI DGRA BOR THAMS CAD KYIS DPER MI PHOD PA, 'JIGS PA DANG YA NGA BA DANG, SDUG BSNGAL THAMS CAD KYI 'BYUNG GNAS GSHED MA BUR RDZUS LTA BU'I DGRA BOR BZUNG STE 'JOM BYA'I GTZO BOR GZIGS NAS 'BUR 'JOMS MDZAD CING, DE DANG MTHUN PAR 'PHAGS PA'I DBYANGS SU MDZAD PA'ANG 'DI LTAR, NA MO GU RU MANYDZU GHO sh'A YA, RGYA DKA' DUG GSUM G-YUL LAS RNAM RGYAL BA'I, ,DANG SRONG CHEN PO DE LA GUS 'DUD KYI, ,NYON MONGS 'BRAS DANG ZUG RDU 'CHI BDAG LTAR, ,KUN GYIS MTHONG ZHING RTOGS PAR BYIN GYIS RLOBS, ,THOG MED GOMS PA'I

, ,RGYUN GYIS STOBS LDAN ZHIG TSUL MIN YID BYED BSIR BUS CHER BSKYOD PAS, ,SDIG SDUG GTAM NGAN RBA KLONG RAB 'KHRUGS PA'I, ,NYON MONGS CHU BO'I RGYUN 'DI BCAD BAR DKA', ,THUB PAS SMAD CING 'PHAGS TSOGS KUN GYIS SPANGS, ,BSTEN PA TZAM GYIS 'BAD RTZO LA MI DGOS PAR, RANG GI NGANG GIS 'THUR NAS 'THUR 'GRO BA'I, ,KYE MA BZLOG DKA'I ZAG RGYUN SHUGS RE DRAG, DGA' MGU'I ZOL GYIS BDAG YID KHRID KHRID NAS, ,RING BOR MI THOGS THAR MED BTZON KHANG DU, ,BRGYA PHRAG SDUG BSNGAL DUD MO'I DKA' THUB DAG ,STER BYED NYON MONGS LAS GZHAN YOD RE SKAN, ,GANG ZHIG REG NA RDO RJE'I RI RAB KYANG, ,YUD TZAM ZHIG GIS THAL BAR BRLAG 'GYUR BA, ,RAB TSA MNAR MED 'BAR BA'I ME NANG DU, , REG PA'I RGYU GANG 'DI LAS GZHAN PA CI, ,MTHA' DANG DBUS MED 'JIGS RUNG SKYI G-YA' BA'I, ,MI BZAD 'KHOR BA'I 'BROG DGON NYAM NGA BAR, ,SKYABS MED MGON MED LAN CIG MA YIN PAR, ,YANG YANG NYING 'TSAMS SBYOR BA'ANG NYON MONGS DBANG, ,BSTEN CING GOMS NA DAM PAS KHREL 'GYUR ZHING, ,THAR PA DAM PA'I DPAL DANG GTAN PHRAL BYED, ,BDUD RNAMS DGA' BA'I GNYEN GYUR NYON MONGS TSOGS, ,'DI LA SHES LDAN SU ZHIG DGRAR MI LTA, ,DE BZHIN SDIG TSOGS MTHA' DAG 'BOD PA'I GROGS, ,MTHA' BRAL SRID PA'I RGYA MTSOR 'JUG PA'I RGYUN, ,NGAN SONG GSUM DU 'GRO BA'I SGO MO CHE, ,'DI KO THABS TSUL STONG GIS 'GEGS PA'I RIGS, ,TSE 'DI'I LUS SROG LAN CIG MA YIN PAR, ,LAN BRGYA STONG

DU 'JOMS BYED GANG GIS KYANG, ,DPER 'OS MIN PA'I NYON MONGS DGRA BO LA, ,YID RAB RTON PA DE DAG PHYUGS LAS PHYUGS, ,DE PHYIR KHAMS GSUM RGUD PA'I 'CHING BA LAS, ,RNAM GROL 'CHI MED BDUD RTZI'I DPAL THOB STE, ,BDE DGA' RGYA MTSOR 'JUG 'DOD MKHAS PA DANG, ,DUG GSUM G-YUL LAS RGYAL BA'I DGRA THABS STEN, ,RIGS TSUL 'BUM PHRAG RNO BA'I NGAR LDAN PA, ,STOBS LDAN GNYEN PO'I RAL GRI RAB 'BAR BAS, ,BZLOG DKA'I NYON MONGS DGRA TSOGS SROG 'PHROG PA, ,AE MA 'DI DAG MKHAS PA RNAMS KYIS BSNGAGS, ,BDAG KYANG DE NGAN NAS SKYE BA THAMS CAD DU, ,LHA SOGS 'GRO BA MA LUS DGRAR LANGS TE, ,SROG DANG 'TSO BA YANG YANG PHRAL GYUR KYANG, ,CUNG ZAD SDANG DANG KHRO BAR MA GYUR CIG ,DE BZHIN YID 'PHROG PHYI NANG DNGOS PO'I TSOGS, ,DGA' BSKYED YUL BRGYA DAG GIS KUN BSKOR KYANG, ,MI RTAG MI GTZANG SGYU MA LTAR MTHONG NAS, ,RMI LAM DU YANG CHAGS PAR MA GYUR CIG ,'JIGS RTEN 'JIG RTEN 'DAS PA'I LAM BZANG LA; ;KUN NAS 'THOMS PA'I MUN NAG MI BZAD PA, ,THOS BSAM SGOM PA'I SHES RAB SGRON 'BAR BAS, ,NAM YANG RMONGS PAS GOS PAR MA RAB SGRON 'BAR BAS, ,NAM YANG RMONGS PAS GOS PAR MA YON TAN RGYA MTSO GTZANG PHYOGS SU PHEBS PA BKRA SHIS LHUN POR GDAN 'DREN PA'I ZHAL BKOD MDZAD DE SPRE'U ZHES PA ME LUG ZLA BA DRUG PA'I YAR TSES LA CHOS GRVA ,CHEN PO'I MKHAN SLOB RNAMS KYIS GTZO MDZAD GZABS 'BYOR GYI RTA PA BRGYA PHRAG BRGAL PA PHEBS BSUR BYON,

, ,CHU SHAR DU YAB SRAS ZHAL MJAL SKABS, LHA'I RNGA BO CHE'I SGRA LTA BU'I SGRA BSGRAGS SHING LHA RNAMS KYIS ME TOG GI CHAR CHEN PO LEGS PAR PHAB PA THAMS CAD KYI MNGON SUM DU GYUR, DGE 'DUN SUM STONG LHAG PA'I SER SBRENG DANG BCAS DGE MTSAN PHUN SUM TSOGS PA DANG LDAN PAS CHOS GRVA CHEN POR PHEBS, ZLA BA PHYED GNYIS LHAG TZAM BZHUGS, RJE 'DI PAS ZANG ZING GI DNGOS 'BUL SPAM MTHO BA DANG, ZAB CHOS KYI RIM PA CI RIGS PA'ANG PHUL NAS THUGS MNYES PAR MDZAD DE GANGS CAN CHOS 'PHEL GYI BAR PHEBS SKYEL DU BYON, SLAR BKRA SHIS LHUN POR PHEBS NAS DGAG DBYE GROL 'PHRAL SKU MTSAMS LA BZHUGS, DE'I TSE THUGS LA CHOS LDAN GYI BYA BA YIN YANG ZA ZIR GYI RNAM PAR G-YENG BA SHIN TU CHE BA 'KHRUL PA'I BYA BYED DE DAG THAMS CAD NI SNYING PO MED PA SGYU MA DANG SMIG RGYU'I PHUNG PO LTA BU KUN RDZOB KYI GNAS TSUL RJEN CHER GYIS 'CHAR BA DANG, DE'I MTHUS BDEN STONG GI DON SPYI THUGS LA LAM LAM SHAR BA BZHIN 'DI LTAR GSUNGS TE, NA MO GU RU MANYDZU GHO sh'A YA, SKU MTHONG BAS DON LDAN GZI 'OD 'BAR, ,GSUNG YAN LAG DRUG CU'I DBYANGS SNYAN SGROG ,THUGS SRID ZHI LAS 'DAS MKHYEN BRTZE'I GTER, ,RJE RDO RJE 'CHANG ZHABS PADMOR 'DUD, ,GDON DNGOS 'DZIN 'KHRUL PAS YID BSKYOD NAS, ,SGO PHYIN CI LOG TU BTAGS SHING ZHE NA, ,DE'I MTHU LAS BDAG GZHAN RIS SU BCAD, ,LAS NYON MONGS DBANG GIS 'KHOR BAR

'KHYAMS, ,DA YIN LUGS RTOGS PA'I MTSON RNON GYIS, ,DGRA BDAG 'DZIN SROG DANG MA PHRAL NA, ,GNAS 'JIGS RUNG SRID PA'I RGYA MTSO 'DIR, ,YANG SDUG BSNGAL 'KHOR LO RGYUN MI 'CHAD, ,BLO MA RIG SGYU MA'I 'KHRUL 'KHOR 'DI'I, ,YUL GDOD NAS SKYE BA MED MTHONG BAS, ,PHYI GZUNG 'DZIN SPROS PA DBYINGS SU THIM, ,DPE CHAB ROM RGYA MTSO'I KLONG DU BZHIN, ,CHOS KUN GYI GNAS LUGS GDOD MA'I GSHIS, ,DON DBYER MED SPROS PA KUN DANG BRAL, ,DPES MTSON DU MED PA'I RANG BZHIN GYI; ;DBYINGS 'DI 'DRA'I RANG ZHAL BLTAS PA'I TSE, ,RJE SANGS RGYAS CHOS DANG DGE 'DUN GYI, ,MTSAN TZAM YANG DMIGS SU MA MCHIS NA, ,SEMS MA RIG DRIMS SBAGS MTHONG BA'I, ,GNAS 'KHOR BA'I SDUG BSNGAL GA LA YOD, ,YUL 'OD GSAL DANG DU RIG PA ZHUGS, ,CHOS KUN GYI NGO BO RJEN PAR MTHONG, ,SLAR BLTAS KYANG MTHONG BA'I YUL LAS 'DAS, ,DPE 'GAG MED NAM MKHA'I PHA MTHA' 'TSOL, ,KHYED 'KHOR BAS SKRAG PA'I 'GRO KUN KYANG, ,GZHI BDEN STONG YANGS PA'I GZIGS MO MDZOD, ,'DI MTHONG NA SNANG SRID SKYE BO KUN, ,DGRA'I GTZO BOR GYUR KYANG 'JIGS MI DGOS, ,LAS DGE SDIG 'BRAS BU MA DMIGS SHING, ,LAM SPANG GNYEN DGAG BSGRUB DANG YANG BRAL, ,YID 'BAD PAS BSGRUBS PA'I 'BRAS BUS DBEN, ,DBYINGS 'DI 'DRA RGYAL BA'I DGONGS PA SNYAM, ,YANG 'KHOR 'DAS CHOS LA PHAR BLTAS PAS, ,RKYEN 'DI PA TZAM GYI RGYU DANG 'BRAS, ,CHES PHRA ZHING BSLU BA MED PAR MTHONG, ,DPE 'CHI MED LAM NAS 'JA' TSON BZHIN, ,DBYINGS SPROS BRAL GDOD NAS

, ,DAG PA DANG, ,LAS RGYU 'BRAS BSLU BA MED PA YI, ,YUL SNANG STONG RES 'JOG MA YIN PA'I, ,DON ZUNG 'JUG MTHA' BRAL DBU MA'I LAM, ,LAM 'DI 'DRA RNYED PA BLA MA'I DRIN, ,DRIN CHE'O RGYAL PA GNYIS PA'I RJE, ,MA DRIN CAN 'GRO BA RNAMS KYIS KYANG, ,DON 'DI 'DRA RTOGS PAR BYIN GYIS RLOBS, ,ZHES PA DANG, YANG, NA MO GU RU MANYUDZU GHO sh'A YA, DBYINGS RIG PA DBYER MED LHA YI LAM, ,ZHING KUN KHYAB MIG 'PHRUL ZLOS GAR MKHAN, ,PHA BDEN MED RMI LAM LTA BU LA, ,BU SGYU MA'I SKYES BUS SNYING NAS 'DUD, ,CHOS CAN KUN BLTAS PAS SGYU MA TZAM, ,CHOS NYID LA BLTAS KYANG CANG MA MTHONG, ,SGYU MA DANG STONG PA ZUNG 'BREL LAM, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,CHOS NYID LA BLTAS PAS CHOS CAN BKRA, ,CHOS CAN LA DPYAD PAS STONG PAR BROS, ,SNANG STONG GNYIS RES 'JOG MI BYED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,DON DAM GYIS RGYU 'BRAS BSLU MED BSTAN, ,KUN RDZOB KYIS DON DAM RANG ZHAL PHYE, ,BDEN GNYIS KYI RANG BZHIN DBYER MED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR BZHOG ,

DON DAM GYI DBYINGS LA DPYAD PA'I TSE, ,RTEN 'BREL GYI MING YANG MED PA DANG, ,STONG PA DANG RTEN 'BREL ZUNG 'JUG 'DI, ,'GAL MED DU BLA MA'I DRIN GYIS SHES, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,'KHOR 'DAS KYI CHOS RNAMS MA LUS PA, ,BDEN MED DU SHES PAS BDEN PA GO ,BDEN RDZUN GYI RANG BZHIN DBYER MED PA'I, ,ZUNG 'JUG 'DI BLA MA'I DRIN GYIS RNYED, ,AA LA LA YOD MED KYI MTHA' DANG BRAL, ,MTHA' BRAL GYI DBYINGS SU MNYAM PAR ZHOG ,MING RKYANG GI CHOS RNAMS BDEN PAS STONG, ,BDEN STONG KUN RGYU 'BRAS ROL PAR SHAR, ,STONG PA DANG RGYU 'BRAS DBYER MED LAM, ,AE MA HO BLA MA'I DRIN GYIS RNYED, ,AA LA LA RTAG CHAD KYI G-YANGS LAS GROL, ,ZHES SO, ,YANG DE DUS NGES DON ZAB MO'I NYAMS BZHES LA BRTZON PAR MDZAD BAS GZHUNG CHEN MO RNAMS DANG MTHUN PA'I MNYAM GZHAG DANG RJES THOB KYI RNAL 'BYOR GNYIS KA LA THUGS BKOL DU BTUB PA BYUNG NAS 'DI KHA'I RGYUN BSKYANG RGYU BYUNG NA STONG NYID MNGAN SUM DU RTOGS PA LA DKA' BA MI YOD PA 'DUG SNYAM PA THUGS LA SHAR ZHING SNANG BAS YONG MTHA' DANG STONG PAS MED MTHA' SEL BA'I THAL 'GYUR BA'I THUN MONG MA YIN PA'I KHYAD CHOS RTEN 'BYUNG ZAB MO'I TSUL LA THUGS NGES KHYAD PAR CAN THOB NAS LTA BA'I MGUR DBYANGS 'DI LTAR MDZAD DE, NA MO GU RU MANYUDZU GHO sh'A YA, DBYINGS BRJOD BRAL LHAN SKYES BDE BA CHE, ,DON CIR YANG 'CHAR BA'I

, ,SGYU 'PHRUL MKHAN, ,PHA RDO RJE 'CHANG DBANG BLA MA'I ZHABS, ,DGRA SRID BA'I 'JIGS 'PHROG DE LA 'DUD, ,DUS DE RING NYAMS KYI SNANG BA LA, ,SPYIR 'GAL MED 'GAL BA LTAR SNANG BA'I, ,YID NGO MTSAR RI MO SNA TSOGS SHAR; ;CHA TZAM ZHIG 'PHAGS PA'I DBYANGS SU BSDEBS, ,YUL GANG SHAR DO LA PHAR BLTAS PAS, ,KHO RANG TSUGS MA THUB BRDZUN KHUNG RIG ,DE RIG PAS BDEN PA'I RANG ZHAL BSTAN, ,SEMS GCER BU STONG NYID GOS KYIS KLUBS, ,CHOS KUN BYANG DBYE BA THA DAD RNAMS, ,DBYINGS DON DAM NGANG DU DBYER MED 'DRES, ,LAM DGAG BSGRUB BRAL YANG MDZANGS PA'I BLOS, ,LAS DGE SDIG BLANG DOR BYA RU BYUNG, ,NGAS DANG POR NGAR 'DZIN DGRAR BLTAS TE, ,LUNG RIGS PA'I MTSON RNON SNYING LA BSNUN, ,DA DMIGS MED YANGS PA'I ME LONG LA, ,YANG NGA ZHIG BLTAR MED TSUL DU BLTA, ,CHOS JI SNYED BLTAS BAS GZHI RTZA BRAL, ,YUL CHOS NYID BLTAS PAS CIR YANG SNANG, ,DON SNANG STONG ZUNG 'JUG YANGS PA'I LAM, ,LAM 'DI 'DRA'I ZHAGS PAS CHOS KUN BCINGS, ,GCIG THA DAD SPANGS KYANG RO GCIG LA, ,YANG GCIG KYANG DU MA'I ROL BAR SHAR, ,DPES MTSON KYANG MTSON PAR MI NUS PA'I, ,NGAG BRJOD BRAL DON 'DI BRJOD SNYING 'DOD, ,GZHI 'KHOR BA SPANG BYAR MA DMIGS SHING, ,LAM THAR PA THOB TU MA MCHIS KYANG, ,MA 'GRO BA'I SDUG BSNGAL MA BZOD PAS, ,MCHOG SKU GSUM MYUR DU THOB PAR SHOG ,CES SO, ,DE LTA BU'I TSUL GYIS

'KHOR 'DAS KYIS BSDUS PA'I CHOS THAMS CAD KYI SNANG TSUL DANG GNAS TSUL 'KHRUL MED DU GZIGS SHING, SNANG TSUL LA GZIGS PAS SEMS CAN RNAMS LA SNYING RJE RTZOL MED DU SKYE BA DANG, CHOS RNAMS KYI GNAS LUGS RTOGS PA'I DBANG GIS SPRO PA YANG NGANG GIS 'PHEL BA ZHIG BYUNG BAS RKYEN BYAS MGUR DBYANGS 'DI LTAR MDZAD DE, NA MO GU RU MANYDZU GHO sh'A YA, 'GAG MED DU SNANG BA CHOS KYI DBYINGS, ,BDEN STONG DU 'CHAR BA SEMS KYI RGYUN, ,DBYER MED DU 'DRES BA'I RO GCIG PA, ,SEMS PA DE SEMS KYI RDO RJER SONG, ,SRED LDAN GYI MA RGAN SEMS CAN RNAMS, ,'DOD YON LA SRED PA'I ZHAGS PAS BCINGS, ,THAR MED KYI BTZON KHANG RA BAR BCUG ,SDUG BSNGAL GYI TSOR BA DRAG POS MNAR, ,BDAG 'DZIN GYI 'GONG PO SNYING ZHUGS PAS, ,LTOS MED KYI BDAG CIG GCES PAR BZUNG, ,DE NYID LA DMIGS NAS RTAG CHAD SOGS, ,LTA NGAN GYI 'DRE GDON MANG POS GTZES, ,CHAGS SDANG GI TSA GRANG NANG MANG 'KHRUGS, ,LAS NGAN GYI 'KHRU SKYUGS KHRAG TU 'BAB, ,DGE LEGS KYI TSE SROG YANG YANG 'GAG ,YANG SRID DU SDUG BSNGAL PHUNG CHEN GRUB, ,SNANG TSUL 'DI MTHONG BAS MCHI MA SHOR, ,SNYING RE RJE NYAM THAG 'JIGS SHING SKYO; ;GNAS TSUL 'DI MTHONG BAS GANG MO SHOR, ,NYAMS RE DGA' GTING NAS ZHE BLO BDE, ,MO GSHAM GYI BU MO'I MDZES SDUG LA, ,CHAGS SDANG GIS BSLAD PA'I 'DU BYED KYIS, ,BDE SDUG GIS NYEN PA'I SKYE BO LA, ,SHES LDAN GYI GROGS

, ,RNAMS JI LTAR DGONGS, ,BRGYUD LDAN GYI RJE LA BLO PHUGS GTAD, ,NGES DON GYI GZHUNG MANG THOS BSAM BYAS, ,ZAB DON GYIS SNYING GI ZE'U 'BRU GTAMS, ,ZEGS MA TZAM TSIG GI LAM DU 'THOR, ,CES SO, ,DE NAS BKRA SHIS LHUN PO'I DBEN BSDUM MCHOD RTEN GSAR BZHENGS MDZAD DE RAB GNAS KYI SKABS GRUB CHEN SA RA HA DANG, ,GRUB CHEN CHOS RDO RJE GNYIS DNGOS SU BYON PA SOGS NGAG PA'I GZIGS SNANG NGO MTSAR RMAD DU BYUNG BA MTHA' YAS PA BYUNG SNANG NGO, ,DE NAS SDE PA THON PA SOGS DAD LDAN MANG POS GDAN DRANGS NAS THON PHYOGS SU PHEBS TE SKYA SER BGRANG BA LAS 'DAS BA LA CHOS KYI BDUD RTZI STZAL TE MTHO RIS DANG THAR PA'I SA BON 'DEBS PAR MDZAD, DE NAS SHANGS MDO RI BO DGE 'PHEL BA MCHOD YON RNAMS KYIS KUN MKHYEN SHES RAB DPAL BZANG GI GDAN SAR PHEBS DGOS TSUL NAN GYIS GSOL BA BTAB PA LA BRTEN NAS LNGA MCHOD CHEN MO'I DUS DGE 'PHEL DU PHEBS, TSOGS PA LA BDE GSHEGS BDUN GYI RJES GNANG DANG, MDO CHOG GI LUNG SOGS NYER MKHO'I CHOS KYI CHAR PHAB, SLAR BKRA SHIS LHUN POR PHEBS NAS, ZHI BA'I LO'I DGUN CHOS DUS SU NUB GCIG MNAL LAM DU DGE SLONG RNAM SBYAR DMAR SER GSOL CING, RIGS LNGAS DBU BRGYAN PA, PHYAG NA PO TI NA BZA' LEGS PO DU MA DANG SKU RAGS MDZES PAR BCINGS PA BSNAMS PA ZHIG GIS GLEGS BAM DE RJE RANG NYID KYI PHYAG TU GTAD NAS, 'DI SNGON NAS

BRIS ZIN TE DA BAR RAB TU GNAS PA MA GRUB PAS, DA LAM KHYOD KYIS ZHAL PHYE LA RAB GNAS SHIG GYIS GSUNGS, GLEGS BAM DE PHYAG TU BZHES NAS SKU RAGS BKROL TE GZIGS PA NA 'DUS PA'I RTZA RGYUD MTHING SHOG LA GSER GYIS BRIS PA SHIN TU LEGS PA ZHIG 'DUG PAS, RAB YANGS NAM MKHA' TIL GYI GANG BU BZHIN, ,ZHES RJE RANG NYID KYIS 'DON PAR MDZAD PA NA 'DI NAS BYUNG MED PAR NGO MKHYEN PA DANG MI MKHYEN PA'I TSOGS PA CHEN PO ZHIG 'DUS NAS SA G-YO BA TZAM GYI RAM BTEG STE 'DUS PA'I SHIS BRJOD YONGS RDZOGS 'DON PAR MDZAD PA ZHIG GSAL BAR BYUNG, DE'I SANG NYIN DKA' BCU RAB 'BYAMS PA BZHI LNGA TZAM GYIS 'DUS PA'I RTZA RGYUD KYI 'GREL BSHAD RGYAS PA GCIG KHYER NAS 'DI'I STENG NAS CHOS THUN RE CIS KYANG ZHU ZHES GSOL BA BTAB PA DANG, MDANG GI MNAL LAM GYIS KYANG RKYEN BYAS t'IKKA'I 'DZIN CHOS DANG, 'GREL BA BZHI SBRAGS KYI BSHAD PA RGYAS BA RE STZAL, DE DUS DGE BSHES DE DAG LA ZLA BA GCIG GNYIS TZAM LA'ANG RDO RJE THEG PA'I LAM GYI RNAM GZHAG CHAGS PA BYUNG NGO, ,BKRA SHIS LHUN PO'I RGYUD GRVA GSAR 'DZUGS MDZAD PA 'DI LA NI RJE RANG NYID KYANG THUGS SHIN TU DGYES PA BYUNG STE RJE RANG NYID KYI ZHAL NAS SNGAR GYI RMI LTAS DE YANG RGYUD GRVA 'DI NYID TSUGS PA'I LTAS DANG, PHYI'I MCHOD RTEN GYI SA CHOG DE YANG BSAM GZHIGS MED PAR DPAL GSANG BA 'DUS PA'I SGO NAS BYED PAR SHAR SONG BA YANG DE KHA'I RTEN 'BREL DU 'DUG ,RGYU MTSAN DE DAG GI PHYIR BDAG NYID KYIS KYANG THOG MTHA' BAR

, ,GSUM DU CHOS DANG CHOS LDAN GYI SGO NAS SMAN GYI LJON SHING LTAR BSKYANGS PA'I LAG RJES MKHAS PAS BSNGAGS PAR 'OS PA ZHIG YIN NO SNYAM DU RLOM PA'ANG MCHIS SO, ,ZHES GSUNGS, ,DE NAS 'GAL BYED CES PA LCAGS MO PHAG GI LO'I TSO 'PHRUL SMON LAM GROL 'PHRAL BSAM GRUB DGE LDAN PA MCHOD YON RNAMS KYIS GDAN DRANGS, LAM ZHOR DU DNGUL CHU CHOS RDZONG DU PHEBS, GZIM PHUG DANG SKU 'DRA RIN PO CHE MJAL BA MDZAD, DE SKABS RGYAL SRAS RIN PO CHE DANG DNGOS SU MJAL ZHING BYIN GYIS BRLABS PA LTA BU'I DAD MOS DANG DGA' BA THOB CING SMON LAM YANG DAG 'DEBS PAR MDZAD, DE NAS BSAM GRUB DGE LDAN DU PHEBS NAS SPYI SGER THAMS CAD KYIS BSNYEN BKUR BSAM GYIS MI KHYAB PAS MCHOD, RJE NYID NAS KYANG DGE 'DUN RNAMS LA MANG 'GYED DANG 'JIGS GSANG GNYIS KYI DBANG CHEN, CHOS SKYONG MANG PO'I RJES GNANG SOGS CHOS RGYA CHER GNANG ZHING RAB BYUNG BSNYEN RDZOGS KYANG MANG DU STZAL, PHYOGS DE'I SKYE BO BYINGS LA TSE DBANG GNANG, DE'I TSE LHA RNAMS KYIS ME TOG GI CHAR PHAB PA SOGS NGO MTSAR BA'I LTAS BSAM GYIS MI KHYAB PA BYUNG, DE NAS LAM BAR GYI CHOS SDE RNAMS SU RIM GYIS PHEBS NAS RTEN RNAMS LA MCHOD 'BUL SMON LAM DANG DGE 'DUN RNAMS LA SO SO'I 'DOD DANG MTHUN PA'I CHOS MANG DU STZAL TE BKRA SHIS LHUN POR PHEBS, DE NAS 'BRAS SPUNGS NAS GDAN 'DREN BYUNG BA LTAR PHEBS TE RGYAL BA YON TAN RGYA MTSO DANG

GZIM KHANG GONG SPRUL PA'I SKU SE 'BRAS KYI BLA MA RNAM PA SOGS NYI 'OD 'KHYIL DU GSHONG TZAM LA RDO RJE PHRENG BA'I DBANG RDZOGS PAR GNANG, 'DI DAG GI SKABS SU PHYOGS SNA TSOGS SU DAD LDAN GYI GDUL BYA'I BSOD NAMS KYI ZHING DU PHEBS PA NA GNAS DANG DUS DANG GANG ZAG LA SOGS PA SKAD CIG KYANG RTAG PA MED PA 'PHRAL 'PHRAL 'GYUR 'GRO BA MNGON SUM DU GZIGS PAS RKYEN BYAS, 'BAD RTZOL GYI GOMS PA LA MI LTOS PAR, 'KHOR BA'I PHUN TSOGS THAMS CAD NI RMI LAM GYI DGA' STON NAM ,SGYU MA'I ROL RTZED LTA BU DANG, 'DUS BYAS KYI NGANG TSUL NI GLOG GI ZLOS GAR RAM, CHU 'DZIN GYI 'DU 'GOD LTA BU DANG, SNYIGS DUS KYI SKYE BO'I TSE NI CHU YI CHU BUR RAM, RTZVA RTZE'I ZIL PA LTAR GZIGS ,KHYAD PAR RANG NYID KYANG DANG PO MNGAL DU ZHUGS PA NAS 'CHI BDAG GI KHAR CHUD CING, NYI MA RE RE BZHIN YANG 'CHI RKYEN SHIN TU MANG BAS MI 'CHI BA'I GDENG NI CI YANG MI 'DUG ,SNGON CHAD DUS KYI CHAD BA MA PHOG PA'ANG NGO MTSAR CHE, DA NI GLO BUR NYID DU BSKYAS CHEN 'DEGS PAR YANG NYE 'AM CI CHA SNYAM DU THUGS LA NGES 'BYUNG SHUGS DRAG TU 'KHRUNGS TE DON DE NYID 'PHAGS PA'I DBYANGS SU BSDEBS PAR MDZAD PA NI 'DI LTAR, NA MO GU RU MANYUDZU GHO sh'A YA, DUS GSUM GYI SANGS RGYAS MI GZUGS CAN, ,GSUM LDAN GYI BLA MA'I ZHABS PAD LA, ,BYANG CHUB KYI BAR DU SKYABS SU MCHI, ,'BRAL MED DU BRTZE BAS RJES 'DZIN MDZOD, ,MTHA' MED KYI 'KHOR BA'I RGYA MTSO 'DIR, ,LAS NYON GYI 'CHING BA DAM POS BCINGS, ,SKYE RGA

, ,DANG NA 'CHI'I RAB KLONG 'KHRUGS, ,GNAS TSUL 'DI BSAMS SHING GLO SNYING 'DAR, ,TSANGS DBANG DANG KHYAB 'JUG DRAG PO SOGS, ,'CHI MED KYI BDAG PO'I DPAL THOB KYANG, ,DBANG MED DU MNAR MED MES BSREG NA, ,MTHO RIS KYI BDE LA YID BRTAN CI, ,DPAG MED KYI TSE DANG 'BYOR PA CAN, ,GSER DNGUL GYI 'KHOR LOS BSGYUR RGYAL YANG, ,NGES MED DU 'KHOR BA'I YANG BRAN 'GYUR, ,AA TZA MA SRID 'DIR SNYING PO GANG, ,TSE SNGON GYI DGRA PO 'DI NANG GNYEN, ,'DI NANG GI DGRA YANG PHYI MA'I GROGS, ,ZA ZIR GYI 'KHOR BA'I NGANG TSUL 'DI, ,'BREL MED KYI SMYON PA'I ZLOS GAR RANG, ,SKAD CIG KYANG 'BRAL BAR MI PHOD PA'I, ,YID 'ONG GI SNYING GROGS MDZA' BSHES RNAMS, ,DUS TSOD KYIS SO SOR 'GRO BA 'DI, ,YID RE SKYO SEMS LA CUNG MA BAB, ,SDIG SDUG DANG GTAM NGAN KHYAD BSAD NAS, ,SER SNA YIS BSAGS PA'I ZAS NOR LAS, ,RDUL PHRAN TZAM 'KHYER BA'I DBANG MED PAR, ,LAG STONG DU 'GRO BA 'DI SEMS LA GZAN, ,TSE LHAG GI BSKYEL MA YUD TZAM LA, ,'CHI BDAG GI BSU MA BANG RE MGYOGS, ,PHA ROL GYI G-YANG SA 'JIGS PA CHE, ,CI RANG DRAG 'BROS THABS AE 'DUG SOMS, ,SNGAR BYAS KYI RANG GI LAS LA 'GYOD, ,SDIG LTUNG GI KHUR PO RI BAS LCI, ,GROGS MED DU BSKYAS CHEN 'DEGS PA 'DI, ,GTING NAS RANG SKYO ZHING 'TSER LA 'JIGS, ,'CHI MA LA DU BDAG NYID CHUD PA'I TSE, ,KHA DRAG GI DPA' BOS MI BZLOG CING, ,STONG GSUM KUN GANG BA'I ZAS NOR DANG, ,MDZES SDUG GI LANG TSOS BSLU RU MED, ,'TSO BYED KYI RGYAL PO GZHON NU DE, ,MNGON SUM

DU BYON YANG CI BYAR YOD, ,BRTZE GDUNG DANG LDAN PA'I GROGS DBUS NAS, ,GCIG PU RU 'GRO BA 'DI SHIN TU 'TSER, ,RGYUS MED KYI BAR DO LAM 'PHRANG DOG, LAS NGAN GYI 'KHRUL SNANG CHU LTAR 'KHRUGS, ,'JIGS SKRAG GI SDUG BSNGAL YANG BA; ;MNGON SUM DU SHAR TSE CI TZUG BYED, ,'DI NANG GI DGA' SKYID 'DZOM PA DANG, ,SGYU LUS KYI KHANG STONG SHUL DU BZHAG ,RNAM SHES DE BYA SPU RLUNG KHYER BZHIN, ,DON MED DU 'KHYAM PA 'DI SEMS KYI GCONG, ,LAS NGAN GYIS NYID 'TSAMS SBYAR BA'I TSE, ,LJAN LJIN GYI MI GTZANG DANG 'DRES NAS, ,MUN KHROD KYI MNGAL NANG DRI NGA BAR, ,'DUG TSUL 'DI BSAMS NA SNYING RLUNG LDANG, ,MNGAL GRIB KYIS DAM CHOS BAG CHAGS BRJED, ,RAB RMONGS KYI BYIS PA'I GNAS SKABS GYUR, ,BLANG DOR GYI GNAS LA LKUGS PA 'DRA, ,SPYOD TSUL DE DRAN PAS SHES PA 'PHYO, ,GZHON NU DANG LANG TSO DAR BA'I DUS, ,SDIG GROGS DANG DUG GSUM SHUGS DRAG GIS, ,BSLAD NAS KYANG NGAN 'GRO'I SDUG BSNGAL RGYU, ,BAG MED DU SGRUB NA CI RANG DRAG ,GTING ZAB KYI 'KHOR BA'I KHRON PA 'DIR, ,LEGS NYES KYI MTHO DMAN SNA TSOGS BA'I, ,BDE SDUG GI GAN BUG MANG PO ZHIG ,MGAL ME LTAR 'KHOR BA 'DI YID RAB SKYO, ,'KHOR BA NA SKYID SDUG CI YOD RNAMS, ,THOG MED NAS THA MA DA LTA'I BAR, ,YANG YANG RANG NYAMS SU MYONG LAGS NA, ,DE KA TZAM TSIM MAM SUN RE RAN, ,DRED PO KHYOD RANG LA SNYING RJES LTOS, ,SKYID SDUG GI 'DAM KA DA RES BYUNG, ,RANG NYID LA RANG GI GNYER BABS PAS, ,JI LTAR BYA RANG GI SEMS LA DRIS, ,SEMS NYID KYI DNGUL DKAR ME LONG

, ,LA; ;'KHOR BA 'DI'I SNANG TSUL SHAR BA'I TSE, ,BAB COL GYI TSIG PHRENG YI GE'I GZUGS, ,'GOD PA PO BLO BZANG CHOS RGYAN YIN, ,ZHES SO, ,DUS DE'I TSE LUNG BSTAN MKHAN PO MANG PO ZHIG GIS SKU TSE'I BAR CHAD CHE BAS TSE SGRUB MDZAD DGOS SO ZHES BSKUL BA NA CHOS BRGYAD 'OG SNYOMS KYI GSUNG 'DI LTAR BYON TE, RJE GSUM LDAN BLA MA RDO RJE 'DZIN, ,MI BDAG SNYING PADMO'I DBUS ZHUGS LA, ,DGRA CHOS BRGYAD SNANG ZHEN BKRAG PO CHE, ,'DI RTZAD NAS THON PAR BYIN GYIS RLOBS, ,TSE RING DU GNAS NA RNAM DKAR GYI, ,LAM BZANG PO SGRUB PO SHI YANG BDE, ,LAS BAG CHAGS BZANG PO'I NGANG DU 'CHI, ,AA LA LA GSON SHI SEMS LA SNYOMS, ,TSE SGRUB KUN JI LTAR DGYES DGYES MDZOD, ,DPAL PHUN TSOGS 'BYOR NA MCHOD SBYIN GYIS, ,TSOGS GSOG GO DBUL POR GYUR KYANG SLA, ,CHUD ZOS DOGS SER SNA'I SDUG BSNGAL MED, ,AA LA LA 'BYOR RGUD SEMS LA SNYOMS, ,NOR SGRUB KUN JI LTAR DGYES DGYES MDZOD, ,YONGS KUN GYIS BSTOD CING SNYAN GRAGS NA, ,YID MI BDE MED DO SMAD KYANG SLA, ,SGRA GRAG STONG SGYU MA'I BSLU BRID YIN, ,AA LA LA BSTOD SMAD SEMS LA SNYOMS, ,SNYAN GRAGS KUN JI LTAR DGYES DGYES MDZOD, ,DA LUS SEMS BDE NA DKON MCHOG GI ,DRIN YIN NO SDUG BSNGAL GYUR KYANG SLA, ,YID NGES 'BYUNG SNYING RJE NGANG GIS 'PHEL, ,AA LA LA BDE SDUG SEMS LA SNYOMS, ,SKYID 'DOD KUN JI LTAR DGYES DGYES MDZOD, ,SROG 'TSO 'CHI 'BYOR RGUD BDE

SDUG DANG, ,YONGS BSTOD SMAD SNYAN DANG MI SNYAN SOGS, ,GANG BYUNG YANG BLA MA'I BYIN RLABS YIN, ,AA LA LA CI BYAS GLO BA DGA', ,RE DOGS KUN JI LTAR DGYES DGYES MDZOD, ,DPAL ZHI BA LHA DANG MAR ME MDZAD, ,RJE RGYAL BA GNYIS PA LAS 'ONGS PA, ,DUG BDUD RTZIR BSGYUR BA'I GDAMS PA YIS, ,AA LA LA LTAS NGAN G-YANG DU LEN, ,RKYEN NGAN KUN JI LTAR DGYES DGYES MDZOD, ,CES PA DANG, YANG DON DAM PA'I DBANG DU MDZAD NAS, NA MO GU RU MANYDZU GHO sh'A YA, PHA RGYA CHEN SPROS PA KUN MKHYEN KYANG, ,DBYINGS SPROS BRAL NGANG DU RTAG GZIM PA, ,RJE RGYAL BA GNYIS PA BLO BZANG GRAGS, ,'BANGS BDAG CAG DA DUNG THUGS RJES SKYONGS, ,SNGON THOG MA MED NAS DA LTA'I BAR, ,GDON RANG GI SNYING LA GNAS BCAS NAS, ,YUL BDAG MED CIG LA BDAG TU BZUNG, ,'PHRAL PHAN PA'I ZOL GYIS BSLUS BYAS TE, ,NGA DMYAL BAR BSREGS PA'ANG BGRANG LAS 'DAS, ,DUS DE RING BLA MA'I BKA' DRIN GYIS, ,DGRA BDAG 'DZIN 'GONG PO'I MTSANG RIG PAS, , SEMS SPROS BRAL GNYUG MA'I NGO BO MTHONG, ,BU RANG BYUNG RIG PA'I GZHON NU DANG, ,YUL 'OD GSAL CHOS DBYINGS MDZES MA MJAL, ,DBYINGS RIG PA DBYER MED THABS SHES 'BREL, ,'DI 'DU 'BRAL MED PA'I GROGS SU BZANG, ,YE GDOD NAS CIR YANG MA GRUB PAS, ,YUL BDAG MED RTOGS PA'I NGES SHES KYIS, ,LAS RGYU 'BRAS BSLUB MED PAR RTOGS, ,DA CHAD PA'I G-YANG LA NYAM NGA MED, ,YANG RTEN NAS 'BYUNG BA'I CHOS RNAMS KUN, ,SNANG TZAM GYIS SGYU MA'I ROL PAR

, ,MTHONG, ,DE MTHONG BAS AA 'THAS 'CHING BA ZHIG ,DON DE PHYIR RTAG PA'I MTHA' LAS GROL, ,NGA STONG NYID NAM MKHA'I RNAL 'BYOR PA, ,YUL GANG SHAR BRDZUN PA'I RGYAS THEBS PAS, ,KHONG BDEN PAR 'DZIN BA'I CHOM RKUN PA, ,GZHI SKYE MED GDOD MA'I DBYINGS SU BROS, ,LAR 'KHOR 'DAS CHOS RNAMS MA LUS PA, ,MING BTAGS YOD TZAM GYI ROL PA LAS, ,DBYINGS NGO BO CIR YANG MA MCHIS PAS, ,NGA SKYE 'CHI GNYIS LA YANG MED, ,SNGAR DAL MED 'KHYAMS PA'I NGAL BSO'I GNAS, ,CHOS STONG NYID BDUD RTZI'I SNYING PO RNYED, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,NGA BLO BZANG RGYAL BA GNYIS PA'I BU, ,LAM PHYAG RGYA CHEN PO'I ROL RTZED KYIS; ;CHOS LTA BA'I GLU DBYANGS 'DI BZHIN LEN, ,GROGS THAR 'DOD KUN KYANG 'DI LTAR MDZOD, ,CES MDZAD DE LUNG BSTAN MKHAN PO DE DAG LA BSKUR BAR MDZAD DO, ,DE NAS DAD LDAN MANG POS BSKUL BA LTAR 'BRING MTSAMS DANG GCEN LUNG DU PHEBS TE DE DANG DE NA GNAS PA'I GDUL BYA RNAMS LA THAR PA'I SA BON BZHAG ,DE NAS ZAR DU PHEBS TE BYANG PHUG GI JO BO MJAL, ,MCHOD 'BUL, SMON LAM MDZAD, GNAS DER SKYO SHAS CHEN POS GDUNG DBYANGS 'DI LTAR MDZAD DE, NA MO GU RU MANYDZU GHO sh'A YA, SKU GSUM GYI GO 'PHANG MCHOG BRNYES KYANG, ,GZHAN SNANG DU THA MAL DGE SLONG TSUL, ,SANGS RGYAS KYI YE SHES BLO BZANG GRAGS, ,BDAG SNYING GI PADMO'I DBUS BZHUGS LA, ,DUR

SMRIG GIS PHYI TSUL MDZES LAGS KYANG, ,DUG GSUM GYI CHANG GIS CHER MYOS PAS, ,SENG LPAGS KYIS G-YOGS PA'I WA SKYES 'DRA'I, ,SNYING RUL GYI BU LA BRTZE BAS GZIGS, ,DUG LNGA YI NYON MONGS MTSANG RIG KYANG, ,NGAN GOMS KYI BAG CHAGS SHUGS DRAG CING, ,GDONG BZLOG GI GNYEN PO NGAR CHUNG BAS, ,MNAR MED KYI ME NANG SREG NYEN GDA'O, ,NGAG SNANG GIS RGYAL KHAMS SKOR 'DOD KYANG, ,KUN SLONG GI LA CHU 'PHRANG DOG PAS, ,PHRAG DOG DANG 'KHON 'DZIN ZER MGO RNO, ,CHOS SPONG GI G-YANGS SU LHUNG NYEN GDA'O, ,CHOS BSHAD KYIS GZHAN SEMS BSGYUR MKHAS KYANG, ,RANG RGYUD KYI KO SKAM GYONG POR LUS, ,GLU MKHAN DANG NE TZO'I CHOS BSHAD BZHIN, ,CHOS RGYUS MKHAN CHOS KYIS PHONGS NYEN GDA'O, ,ZAB DON GYI NYAMS LEN BYED 'DOD KYANG, ,RNYED GRAGS KYIS MI MGO BSKOR PHYIR DU, ,CHOS CHUNG GI RNAM GRANGS GSOG GSOG NAS, ,KUN SHES KYI GCIG RDUGS BYUNG GNYEN GDA'O, ,SKYO SHAS DANG NGES 'BYUNG BSGOMS LAGS KYANG, ,RTAG 'DZIN GYI GDON CHEN THUGS GSOL BAS, ,PHYI NANG GI DNGOS LA SHI SPAR 'THAMS, ,GSUNG TSUL DANG RNAM THAR 'GAL NYEN GDA'O, ,THEG TSAN GYI LAM DU ZHUGS RLOMS KYANG, ,RANG 'DOD KYI GSHED MA BUR RDZUS PAS, ,CHAGS SDANG GI PHYOGS RIS SU BAS CHE, ,'GRO DRUG GI PHA MA BSLUS NYEN GDA'O, ,BDEN MED KYI RANG ZHAL BLTAS BLTAS KYANG, ,MNYAM GZHAG GI GOMS PA 'DRIS CHUNG BAS, ,BDEN SNANG GI 'DZIN PA SBRING SBRING SHAR, ,DRAN SHES KYI SO BA YENGS NYEN GDA'O, ,ZHES SO, ,

, ,DA NAS BKRA SHIS LHUN POR PHEBS, DGUN CHOS THOG TSOGS CHEN LA THAMS CAD MKHYEN PA DGE 'DUN GRUB PA'I RNAM THAR GZABS BSHAD MDZAD, DE NAS YONGS 'DZIN ZHES PA CHU PHO BYI BA'I LO ZLA BA BRGYAD PA'I TSES BCU DGU LA LHO MON PHYOGS SU PHEBS TE, THOG MA G-YANG BU RTAG LUNG DU LHA RIN PO CHE DPON SLOB LA 'KHOR LO BDE MCHOG GI DPANG DANG, 'JIGS BYED RO LANGS BRGYAD BSKOR GYI DBANG, BDE MCHOG DKAR PO'I TSE SGRUB, MGON PO TRA KA SHAD KYI CHOS SKOR YONGS RDZOGS, SMAN BLA'I RJES GNANG LUNG DANG BCAS PA SOGS 'DOD CHOS RNAMS LEGS BAR STZAL, DE NAS RIM GYIS SPA GRO THIM BU DAR DKAR GYI BAR DU PHEBS, SPYIR LHO MON DE RANG RANG GI GRUB MTHA' DANG BLA MA SO SO'I PHYOGS 'DZIN GZHAN LAS CHE YANG RJE 'DI LA NI RANG NYID LA GRUB MTHA'I PHYOGS 'DZIN MED PAR KUN LA DAG SNANG MDZAD PA'I MTHUS THAMS CAD KYIS BSNYEN BKUR 'BUL BA ZHABS RTOG TSAD MED PA BYUNG ZHING, RJE 'DI NYID KYIS KYANG DGE 'DUN GYI SDE RNAMS SU ZANG ZING GI SGO NAS MANG 'GYED BZANG PO DANG, CHOS PHYOGS NGOS NAS DPAL GSANG BA 'DUS PA DANG 'JIGS BYED LA SOGS PA'I DBANG DANG ZAB KHRID DU MA DANG, YI DAM DANG CHOS SKYONG MANG PO'I RJES GNANG SOGS 'DOD CHOS MANG DU STZAL ZHING, KHROM MI STONG PHRAG MANG PO TSOGS PA RNAMS LA LAS 'BRAS KYI RNAM GZHAG GTZO BOR MDZAD PA'I TSE DBANG DANG, YIG DRUG GI LUNG STZAL NAS DGE BA'I

DAM BCA' CHED DU BSKUL BAS BSNYEN GNAS KYI DAM BCA' LEN MI BRGYA PHRAG DU MA DANG, BZANG SPYOD, BYAMS SMON, LTUNG BSHAGS, SGROL MA, SHER SNYING, SKYABS 'GRO, RANG GANG MOS KYI BLA MA'I GSOL 'DEBS, MA nI DUNG NAS BZUNG NYER GCIG RE YAN, SROG GCOD SPONG PA, NYAL PHYAG LANG PHYAG ,DUS KYANG RAB RNAMS KYIS JI SRID 'TSO'I BAR, THA MAS LO GCIG GI BAR DU DAM BCA' LEN MI BSAM GYIS MI KHYAB PA BYUNG BAS RJE 'DI PA GANG DU BYON PA'I YUL DE DANG DER DAM BCA'I RGYUN SKYONG BAS DGE BA'I LAM GSAL BAR MDZAD DO, ,KHYAD PAR DGUNG WANG LA BRTEN PA'I MI BRGYA STONG PHRAG MANG PO GSOD RES BYED CING RANG RANG GI BLA MA RNAMS KYIS KYANG MA 'DOMS PA'I RTZA BA MI SHA LEN PAR CHAS PA MANG PO LA DNGOS PO'I GNANG SBYIN SNGON DU 'GRO BAS, PHYAG PHRENG SPYI BOR BZHAG STE MI SHA MI LEN PA'I DAM TSIG LA BZHAG NAS SDIG PA'I RTZA BA BCAD PAS LHO MON PHYOGS BDE 'JAMS SU GNAS PA BYUNG NGO, ,DE LTA BU'I TSUL GYIS BSTAN PA DANG SEMS CAN LA PHAN PA RGYA CHEN PO MDZAD CING, SLAR BOD DU PHEBS PA NA, DBUS GTZANG GNYIS KAR DUS 'KHRUG MTHO DMAN GYI 'GYUR LDOG LHAG PAR CHE BAS LA LA SDUG BSNGAL DNGOS LA SPYOD, LA LA SDUG BSNGAL GYI RGYU LA DGA' DGA' LTAR SPYOD PA GZIGS PAS THUGS SKYO SHAS DRAG PO 'KHRUNGS TE NGES 'BYUNG GI GDUNG DBYANGS GSUNGS PA NI, NA MO GU RU MANYDZU GHOsh'A YA, DANG POR 'KHOR 'DAS KYI SKYON YON RIG ,BAR DU BLANG DOR GYI ROL PAS 'DAS, ,THA MAR KUN BYANG GI RANG BZHIN RNAMS, ,DBYER

, ,MED DU MKHYEN RNAMS BDAG GI SKYABS, ,RTAG 'DZIN GYI GDON CHE NA THUGS ZHUGS PAS, ,PHYI RTZIS KYI GRANGS SHOMS BYED BYED NAS, ,'BRAS MED KYI SPUN PA 'PHYAR BA BZHIN, ,DON MED DU 'DA' BA 'DI AA TZA MA, , SDIG SDUG DANG GTAM NGAN KHYAD BSAD DE, ,SER SNA YIS ZAS NOR BSAGS BSAGS NAS, ,RDUL PHRAN TZAM 'KHYER BA'I DBANG MED PAR, ,LAG STONG DU 'GRE BA 'DI AA TZA MA, ,NYON MONGS KYI GOMS PA SHUGS DRAG PAS, ,LANG SHOR GYI BAG YANGS SPYOD SPYOD NAS, ,THAR MED KYI DMYAL BA'I BTZON KHANG DU, ,TSA GRANG GI SDUG BSNGAL 'DI AA TZAM, ,GNYEN GROGS DAN 'KHOR MANG TSOGS PA'I DPUS, ,NGA SNYAM DU MNGON PAR 'GYID 'GYING NAS, ,MYA NGAM GYI THANG LA DGRAS BCOM BZHIN, ,GROGS MED DU NYAM THAG 'DI AA TZAM, ,SHA KHRAG GI LANG TSO YID 'PHROG CING, ,MDZES BYED KYI GSER G-YUS BRGYAN BRGYAN NAS, ,KENG RUS KYIS KHYAB PA'I DUR KHROD DU, ,GCER BU RU 'GRO PA 'DI AA TZA MA, ,BLO MTHUN GYI SNYING SDUG MANG PO DANG, ,DGA' 'DUS KYI NYAMS DGA' SKYONG SKYONG NAS, ,DBANG MED DU 'CHI BDAG BDUD PO DES, ,SO SO RU 'PHRAL BA 'DI AA TZAM, ,KHANG BZANG GI BKOD PA BRGYA BYAS SHING, ,DBYIBS LEGS KYI GNAS MAL GSHOM GSHOM NAS, ,RNAG KHRAG GIS SBAGS PA'I RO KHUNG DU, ,SGREN MO RU NYAL BA 'DI AA TZA MA, ,'JAM LEGS KYI GYON PA BRGYA PHRAG DANG, ,ZHIM DGU YI BZA' BTUNG SPYAD SPYAD NAS, ,MYUR BA RU DUR BRGYAGS KHAM GANG ZA, ,RO

SHUN GYIS DKRI BA 'DI AA TZA MA, ,STONG GSUM GYI KHYON LA DBANG BSGYUR ZHING, ,PHUN TSOGS KYI STOBS KYIS DREGS DREGS NAS, ,'JIGS RUNG GI GSHIN RJE CHOS RGYAL GYIS, ,DBANG MED DU 'KHRID PA 'DI AA TZA MA, ,MA BRTAGS PAR NYAMS DGA'I SKYE BO'I TSOGS, ,'DI NANG GI BDE LA ZHEN ZHEN PA'I, ,THUGS RGYUD LA GLU 'DI MI 'BAB MOD, ,DE KUN KYANG DE BAS AA TZA MA, ,AA TZA MA BCU YI GLU CHUNG 'DI, ,PHYOGS MED KYI RGYAL KHAMS MYUL MYUL NAS, ,SNYOM LAS KYI MAL DU RTAG NYAL BA'I, ,BLO BZANG GI CHOS RGYAN ZHES BYAS SMRAS, ,ZHES SO, ,DE NAS RIM GYIS BKRA SHIS LHUN POR PHEBS NAS MANG 'GYED RGYAS PAR STZAL NAS CHOS KYI 'KHOR LO RGYA CHER BSKOR, DE NAS RGYAL BA THAMS CAD MKHYEN PA YON TAN RGYA MTSO'I BKA' SHOG DANG GDAN 'DREN GYI MI SNA BCAS RJE 'DI LHA LDAN SMON LAM GYI TSOGS DBUR SPYAN DRANGS TE CHU GLANG NAS SA RTA'I BAR SMON LAM CHEN MO'I TSOGS DBU RGYUN DU MDZAD, GLANG LO'I SMON LAM GROL NAS SPRUL PA'I SKU BSOD NAMS DGE LEGS DPAL BZANG DANG, SE 'BRAS RGYUD STONG SMAD SOGS KYI DGE BA'I BSHES GNYEN BZHI BCU TZAM LA BSNYAN RDZOGS GNANG, 'BRAS SPUNGS TSOGS CHEN LA 'JAM DPYANGS CHOS SKOR YONGS RDZOGS DANG, THAMS CAD MKHYEN PA LA MGON PO ZHAL GYI RNAM 'GYUR MANG PO'I BKA' DANG, THUN MONG DANG THUN MONG MA YIN PA'I BE'U BUM LUNG ZHAL SHES DANG BCAS PA GNANG NGO, ,DE NAS BKRA SHIS LHUN POR PHEBS NAS SNGAGS GRVAR BZHUGS PA'I RAB 'BYAMS

, ,PA RNAMS LA 'DUS PA'I BSHAD NYAN GYI STENG DU DPAL DUS KYI 'KHOR LO'I RGYUD 'GREL GYI 'CHAD NYAN GSAR 'DZUGS MDZAD, DE NAS RE SHIG SKU MTSAMS MDZAD DE DPAL GSANG BA 'DUS PA'I ZAB LAM RIM PA LNGA LA NYAMS BZHES RTZE GCIG TU MDZAD PAS RIM LNGA'I RTOGS PA MNGON DU GYUR TE PHYI RABS KYI GDUL BYA RNAMS LA 'JAM MGON BLA MA'I RJES SU SLOB PAR 'DOD PA RNAMS KYIS RANG NGOS NAS NYAMS LEN BYUNG PHYIN RJE'I BSTAN PA 'DI LA TSE GCIG NYID LA ZUNG 'JUG BSGRUB PA'I NYE LAM 'DI LTA BU YOD DO ZHES RDO RJE'I SGRA DBYANGS SGROGS PAR MDZAD PA NI, NA MO GU RU MANYDZU GHO sh'A YA, RJE DUS GSUM SANGS RGYAS THAMS CAD KYI, ,DPAL BDE BA CHEN PO'I YE SHES SKU, ,PHYI NGUR SMRIG GAR GYIS RNAM ROL PA, ,PHA MA TI BHA DRA'I ZHABS LA 'DUD, ,DUS NYIN GCIG RIG PA DVANGS PA'I TSE, ,CHOS THOS PA'I SNYING PO CUNG ZAD BSAMS, ,DE BSAMS PAS BLA MA'I BKA' DRIN DRAN, ,LUNG MAN NGAG RIGS PAS NGES PA'I DON,, 'DI 'BRAS BU LAM BYED TSUL NYID DU, ,RJE BLA MA'I BKA' DRIN RJES DRAN PA'I, ,NGAG RDO RJE'I GLU DBYANGS 'DI BZHIN LEN, ,MGON THUGS RJE CAN DE'I BKA' DRIN GYIS, ,RTEN DAL 'BYOR TSANG BA'I MI LUS THOB, ,RJE RGYAL BA GNYIS PA'I BSTAN DANG MJAL, ,RGYUD SDOM PA GSUM GYIS MDZES PAR BYAS, ,GZHI DAM TSIG SDOM PA GCES PAR BSRUNGS, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,BKA' MDO RGYUD DON LA SGRO 'DOGS BCAD, ,GNAS

'KHOR BA'I RGYU 'BRAS NGANG TSUL RIG ,BYAMS SNYING RJE BYANG CHUB SEMS NYID SBYANGS, ,DBYINGS GNAS LUGS RTOGS PA'I LTA BA GO ,LAM RIM GNYIS ZAB MO'I NYAMS LEN SHES, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,GZHI MA DAG SKYE SHI BAR DO GSUM, ,RGYUD SMIN BYED SKU GSUM NGO BOR BSGYUR, ,YUL GANG SNANG DAG PA'I ROL PAR SHAR, ,LUS ZAB GSAL GNYIS MED LHA YI SKU, ,NGAG GRAG STONG SNGAGS KYI BZLAS PA SHES, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,NANG RDO RJE'I LUS KYI GNAS LUGS RTOGS, ,RTZA 'DAB BRGYAD NOR BU'I CHU SKYES DBUS, ,CHOS KHYAD PAR GSUM LDAN SMIN LEGS MAR, ,SEMS RTZE GCIG CHAGS PA'I ROL RTZED KYIS, ,MA YE SHES d'A KI'I GZI BRJID RGYAS, ,STENG CHU SHEL ZLA ZER SPROS SHING BSDUS, ,PHYIS JI SNYED CHOS KYI RI DVAGS KUN, ,SNGAR MNYAM GZHAG DRAN PA'I RGYA RU BCUG ,RGYA DE NYID BDE STONG LHA SKUR SHAR, , 'DI BSAMS SHING RJE BCUN BLA MA'I DRIN, ,DRIN CHE BAR NGES SO BLA MA RJE, ,SNYING MTSON CHA 'KHOR LO RTZIBS BRGYAD DBUS, ,SNGAGS BZANG PO'I THIG LES NGAR BLUD NAS, ,DGRA GZUNG 'DZIN BZHON PA'I BDUD SDE YI, ,MGUL CIG CAR 'DRAL BA'I DGRA THABS MKHAS, ,YANG CHOS 'KHOR PADMO'I LTE BA LA, ,DPAL YE SHES RDO RJE'I RANG BZHIN GYI, ,NOR BEEd'UR DKAR PO'I PI WAm NI, ,RGYUD 'OD ZER LNGA YI RI MO CAN, ,GDANGS MI SHIGS

, ,RDO RJE GSUM GYI DBYANGS, ,DPAL MKHA' SPYOD GRUB PA'I GTAM SNYAN 'DIS, ,DBYE DKA' BAM RIG MDUD PA 'BYED, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,THABS SHES RAB NGES GSANG RTZA MCHOG NI, ,CHES PHRA BA'I CHU SKYES MYU GU'I RTZER, ,RDZAS DKAR DMAR 'BRAS BU'I THIG LE MDZES, ,'DI ZOS PAS ZHE SDANG 'DOD CHAGS DANG, ,DE'I 'BRAS BU GTI MUG ME TOG RGYAS, ,SROG MA 'GAGS BZHIN DU MNGON SUM SHI ,LAR 'GAL 'DU'I LTAD MO CI YANG MTHONG, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,BLO MYUR MGYOGS DRAN PA'I LHA BZO YIS, ,KHAMS PHRA MO'I GSER SBYANGS BTZOM LAS, ,RTEN YE SHES RANG BZHIN LHA SKU BZHENGS, ,SKU DE YI CHO 'PHRUL BSAM MI KHYAB, ,KHAMS GSUM PO MA LUS RIL GYIS MID, ,MTHAR DE BZHIN GSHEGS PA'I TSOGS KUN BSAD, ,RJE SANGS RGYAS YUM YANG BDAG TU BZUNG, ,DE'I NGO TSAS RANG YANG STONG PAR BROS, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,SLAR NAM MKHA'I LAM LAS 'JA' TSON 'KHRUNGS, ,'JA' DE NYID MTSAN DPE'I 'OD DU 'BAR, ,THABS DBANG PO'I GZHU YIN CHUNG DANG, ,YUL 'OD GSAL CHANG GIS RTAG MYOS BA'I, ,DBYINGS LHAN SKYES GZHON NU MIG YANGS PO, ,DUS 'DU 'BRAL MED PA'I GROGS POR SONG, ,GROGS MDZA' BAS DNGOS PO GCIG TU 'DRES, ,DPAL ZAG MED NOR DANG LONGS SPYOD TSOGS, ,KHONG GZHAN

LAS PHROGS TE BDAG GIR BZUNG, ,'DI BSAMS SHING RJE BTZUN BLA MA'I DRIN, ,DRIN CHE BAR NGES SO BLA MA RJE, ,DON DE BZHIN MNGON DU MA GYUR KYANG, ,CHOS ZAB MO THOS DANG BSAM PA'I MTHUS, ,RJE SANGS RGYAS LAS KYANG CHES DKON PA'I, ,LAM 'DI 'DRA BLA MA'I DRIN GYIS RNYED, ,MI NGA LA GTAD PA MA MCHIS KYANG, ,GLU 'DI NYID GSANG CHEN RGYUD SDE'I BCUD, ,YUL NYER BZHI'I DPAL BO RNAL 'BYOR MA, ,GLU 'DI 'DRA GSANG BA'I MGUR DU 'DZER, ,'DI BLO BZANG CHOS KYI RGYAL MTSAN GYIS, ,RJE'I BKA' DRIN DRAN TSE DBYANGS SU BSDEBS, ,GTAM 'DI YI DGE PAS 'GRO BA KUN, ,DPAL ZUNG 'JUG RDO RJE'I SKU THOB SHOG ,CES SO, ,DE NAS KUN DGA' ZHES PA SHING PHO STAG GI LO LHA LDAN SMON LAM CHEN MOR PHEBS TE TSOGS DBU MDZAD NAS SKYES RABS KYI GZABS BSHAD SOGS 'JAM MGON BLA MA'I MDZAD SROL NYAMS PA MED PAR BSKYANGS, THAMS CAD MKHYEN PA YON TAN RGYA MTSO BSNYEN PAR RDZOGS PA MDZAD PA'I MKHAN PO MDZAD, GZHAN YANG DON GNYER CAN BRGYA PHRAG MANG BOR RAB BYUNG BSNYEN RDZOGS GNANG, 'BRAS SPUNGS TSOGS CHEN LA SGRUB THABS RGYA MTSO RDZOGS PAR GNANG, DE DUS RJE NYID KYI ZHAL SLOB BSTAN PA LA PHAN DU RE BA MANG PO ZHIG GLO BUR GLO BUR DU 'DAS PAS RKYEN BYAS MI RTAG PA'I NGANG TSUL BCOS MIN THUGS LA 'KHRUNGS TE GSUNG MGUR 'DI LTAR MDZAD DE, NA MO GU RU MANYDZU GHOsh'A YA, KUN MKHYEN GYI RGYAL PO TZONG KHA PA'I, ,GDAMS PA YI MDZOD 'DZIN DBEN SA PA, ,DUS GSUM GYI

, ,SANGS RGYAS YE SHES DNGOS, ,MI BDAG SNYING GI PADMO'I ZE'U 'BRUR BZHUGS, ,'JIGS RANG 'JIGS LNGA BCU KHA RAL DUS, ,LO RGAN TSO BZHI BCU LNGA TZAM LON, ,RNAM G-YENG GI NGANG LA MI TSE ZAD, ,DA TSE LHAG 'DI SNUM ZAD MAR ME TZAM, ,RI GZAR GYI 'BAB CHU DRAG PO LTAR, ,SNYIGS DUS KYI TSE THUNG ZHAG 'GA'O, ,SUS BZUNG BAR MI NUS NAM MKHA'I GLOG ,'DI BSAMS NA TSE 'DI'I MDUN MAS CI, ,MTHO DMAN GYI GROGS PO PHAL MO CHE, , 'JIGS RUNG GI GSHIN RJES ZOS NAS ZIN, ,THAR MED KYI 'CHI BDAG ZA RES DE, ,MI BDAG CAG GI THOG TU 'BAB LA KHAD, ,RGYUS MED KYI BAR DO'I 'PHRANG BRGYUD NAS, ,RGYANG RING DU GCIG PUR 'GRO DOGS NA, ,BSLU MED KYI GROGS DANG 'DZAD MED KYI BRGYAGS, ,'GYOD MED DU TSAGS SU TSUD LAGS SAM, ,'DI NANG GI PHUN TSOGS CI 'BYOR KYANG, ,RMI LAM GYI YUL GYI LONGS SPYOD BZHIN, ,DON CHUNG LA MI TSE 'DZAD PA'I RGYU, ,DUG GSUM GYI SA BON SKYUG RE BRO, ,SNYING SDUG GI MDZA' GROGS MNGAN YANG, ,NGAN SONG GI 'THEN THAG 'CHING BA'I LCAGS, ,SING GLING GI SRIN MO MDZES MA LTAR, ,BDE 'GRO YI SROG GCOD THAR PA'I GSHED, ,GZHON GROGS DANG DGA' BA'I RTZED 'JO YANG, ,ZHIM 'DOD KYIS BTZAN DUG ZA BA BZHIN, , THAR MED KYI RO MYAGS 'DAM RDZAB TU, ,YUN RING DU NYAM THAG AA RE SDUG ,RO ZHIM GYI MYOS 'GYUR MANG 'THUNGS KYANG, ,DMAR 'BAR GYI KHRO CHU 'THUNG BA'I RGYU, ,'BUM PHRAG GI SKYE BA DUM RU, ,SEMS RNAL DU MI GNAS BA MA GLANG, ,BAN BUN GYI

'JIG RTEN BYA BA 'DI, ,AA 'THAS SU ZHEN PAS SDUG LA BKOD, ,BAG CHAGS KYIS BSLAD PA'I RMI LAM BZHIN, ,NYIN MTSAN KUN 'KHRUL PA'I BYA BAS 'DAS, ,DUG GSUM GYI BAG CHAGS TSAN CHES PAS, ,LANG SHOR GYI BAG MED BSAM SBYOR 'DI, ,BTZAN CHOD DU GNYEN POS MA SPANGS NA, ,'O BRGYAL TSOD DUNG BYUNG GIS DOGS, ,'DUS BYAS KYI MTSAN NYID MI RTAG CING, ,SNYIGS DUS KYI TSE LA LONG MED PAS, ,DA DON MED KYI BYA BAS MI 'DA' BAR, ,YANG DAG GI SNYING PO LEN PAR 'DOD, ,CES SO, ,LO DE LA STONG 'KHOR SPRUL SKU 'JAM DBYANGS RGYA MTSO DANG, SKYID SHOD ZHABS DRUNG BSTAN 'DZIN BLO BZANG RGYA MTSO SOGS BLA CHEN MANG POS GTZOS BSNYEN RDZOGS GSAR SGRUB BRGYA PHRAG MANG PO'I DON MDZAD, DE NAS BKRA SHIS LHUN POR PHEBS TE GONG SMOS BLA CHEN GNYIS PO DE DANG ZUR BZHI SLOB DPON RNAMS KYIS THOG DRANGS SDE SNOD 'DZIN PA SUM BRGYA LHAG TZAM LA RDO RJE PHRENG BA DANG MI TRA BRGYA RTZA'I DBANG RNAMS RDZOGS PAR STZAL, DE NAS LHUN RTZE CHOS SDE BA RNAMS KYIS GDAN DRANGS NAS GSANG BDE 'JIGS GSUM GYI DBANG CHEN DANG CHOS SKYONG MANG PO'I RJES GNANG SOGS CHOS MANG DU GNANG, DE NAS DMAR SER CAN ZHES PA ME SBRUL GYI LO ZLA BA BCU GNYIS PA'I NANG DU THAMS CAD MKHYEN PA YON TAN RGYA MTSO GLO BUR GYI RKYEN GYIS ZHING GZHAN DU GSHEGS NAS DGONGS PA CHOS KYI DBYINGS SU RDZOGS PAR BYA BA DANG, LHA LDAN SMON LAM GYI TSOGS DBU RNAMS DUS MTSUNGS SU MDZAD, SMON

, ,LAM GROL 'PHRAL RA SGRENG LA PHEBS, DGON PA GONG DU ZLA BA LHAG TZAM SKU MTSAMS BCAD DE SKU 'DRA RIN PO CHE DBU YON MA SPYAN DRANGS, GSOL BA RTZE GCIG TU 'DEBS PAR MDZAD PAS BYIN GYIS BRLABS PA'I MTSAN MA KHYAD BAR CAN BYUNG BAS JO BO CHEN PO DPAL LDAN AA TI SHA LA, NA MO GU RU MANYDZU GHO sh'A YA, RJE MI PHAM CHOS KYI MDUN SA'I RGYAN, ,LHA SKAL LDAN GRANGS MED YONGS KYI MGON, ,DPAL NAM MKHA' DRI MA MED PA'I ZHABS, MI BDAG SNYING PADMO'I ZE'U 'BRUR ZHOG ,ZHING BDE BCAN NA 'OD DPAG MED, ,RJE RGYAL BA'I SPYAN SNGAR BZANG PO SKYONG, ,YONGS LNGA RIG PAn CHEN KUN GYI GTZO, ,THUGS BRTZE BAS GZIGS SHIG AA TI SHA ,SNGON DPAG MED DUS NAS SANGS RGYAS KYANG, ,BDAG MGON MED 'GRO BA'I DON GYI PHYIR, ,KHRIMS BSLAB GSUM LDAN PA'I DGE SLONG TSUL, ,THUGS BRTZE BAS GZIGS SHIG AA TI SHA ,BOD 'DRE SRIN GDUL DKA' 'DUL MDZAD PA'I, ,DPAL MTHU STOBS DBANG PHYUG PADMA 'BYUNG, ,MGON KHYOD KYI YE SHES SGYU MA'I 'PHRUL, ,THUGS BRTZE BAS GZIGS SHIG AA TI SHA ,DUS MI BZAD SNYIGS MA LNGA BDO BA, ,YUL BYANG PHYOGS RMONGS PA'I MUN KHROD 'DIR, ,CHOS PHAN BDE'I GZI 'OD STONG 'BAR PA'I, ,DPAL MAR ME MDZAD DPAL AA TI SHA ,RIGS KHYAB BDAG BDE GSHEGS KUN GYI DNGOS, ,CHOS BRGYAD KHRI BZHI STONG 'BYUNG BA'I GNA, ,TSOGS 'PHAGS MCHOG KUN GYI 'DREN PA MCHOG ,SKYABS BSLU MED MGON PO AA

TI SHA ,PHA KHYOD ZHABS BSTEN CING MCHOD PA DANG, ,YID RTZE GCIG GDUNG BAS GSOL 'DEBS NA, ,MCHOG THUN MONGS DNGOS GRUB MA LUS KUN, ,DUS MYUR DU STZOL MDZAD AA TI SHA ,DA DENG NAS BYANG CHUB SNYING PO'I BAR, ,MGON KHYOD ZHABS PADMO SPANGS NAS NI, ,BDAG RE BA'I SKYABS GZHAN MI 'TSOL BAS, ,PHA THUGS RJES ZUNGS SHIG AA TI SHA ,RTEN RNYED DKA' 'JIG SLA'I MI LUS 'DI, ,PHYIS 'BRAS MED SPUN PA MI 'PHYAR BAR, ,DON RTZE GCIG SNYING PO LEN PA RU, , RGYUD BYIN GYIS RLOBS SHIG PHUL BYUNG ZHABS, ,DGRA BDAG 'DZIN 'GONG PO RTZAD NAS BTON, ,GNYEN 'GRO DRUG SEMS CAN GCES PAR BZUNG, ,LAM STONG NYID SNYING RJE DPYER MED PAR, ,RGYUD BYIN GYIS RLOBS SHIG PHUL BYUNG ZHABS,, SLAR MA 'ONGS SKYE BA RNAMS SU YANG, ,SPRANG BDAG GI SKYID SDUG LEGS NYES RNAMS, ,DPAL LHA CIG JO BO KHYED RANG MKHYEN, ,LAM LOG PAR MA GTONG AA TI SHA ,TSE 'DI NANG 'GAGS PAR GYUR PA NA, ,DPAL MAR ME MDZAD DPAL SNANG MTHA' YAS, ,DON DE PHYIR THUGS RJE'I 'OD ZER GYIS, ,BU SNYING MED BDE BA CAN DU DRONGS, ,MI NGA LA DAD CING GUS PA RNAMS, ,STENG DGA' LDAN LHA BRGYA'I GNAS MJAL ZHES, ,BKA' 'GYUR MED ZHAL GYIS BZHES PA YI, ,DON MNGON SUM BDAG LA BSTAN DU GSOL, ,CES DANG, 'BROM LA, NA MO GU RU MANYDZU GHO sh'A YA, LHA GANGS RI'I MGON PO SPYAN RAS GZIGS, ,DPAL MAR MA MDZAD PA'I THUGS KYI SRAS, ,RJE RGYAL BA KUN GYI 'BYUNG GNAS ZHES, ,MTSAN

, ,SNYAN PAR GRAGS PA'I RGYAL BA 'BROM, ,SRAS SA BCU'I DBANG PHYUG PAD DKAR 'DZIN, ,RGYUD MA DAG 'GRO BA 'DREN PA'I PHYIR, ,RTEN TSANGS SPYOD DGE BSNYEN TSUL 'DZIN KYANG, ,DON SNYING BO'I DGE SLONG RGYAL BA 'BROM, ,YUL BYANG PHYOGS AU PA S'I KA ZHIG ,MING CHOS 'PHEL SKAD DU 'BYUNG NGO ZHES, ,RJE RGYAL BA'I LUNG BSTAN MCHOG BRNYES PA'I, ,BOD GANGS CAN MGON PO RGYAL BA 'BROM, ,ZHING PHYOGS BCU'I BDE GSHEGS THAMS CAD KYI, ,THUGS BRTZE BA'I YE SHES GCIG BSDUS NAS, ,DPAL BKA' GDAMS MES PO'I SKUR STON PA, ,PHA BSTAN PA'I BDAG PO RGYAL BA 'BROM, ,TSE MI RTAG DGUN NYI LTA BU 'DI, ,DGRA CHOS BRGYAD RKYEN GYIS MI G-YENG BAR, ,DA RTZE GCIG DAM CHOS BSGRUB PA RU, ,RGYUD BYIN GYIS RLOBS SHIG 'BROM STON RJE, ,GYONG LTO GOS GTAM GYI STENG DU BSKUR, ,TSE 'DI NANG LUS SROG THED LA BOR, ,RANG GCES 'DZIN GCONG NAD THON PA RU, ,RGYUD BYIN GYIS RLOBS SHIG 'BROM STON RJE, ,BYAMS SNYING RJE BYANG CHUB SEMS GNYIS 'BYONGS DBYINGS SPROS BRAL BDAG MED MNGON SUM RTOGS, ,LAM RIM GNYIS RNAL 'BYOR MTHAR PHYIN PAR, ,RGYUD BYIN GYIS RLOBS SHIG 'BROM STON RJE, ,ZHES JO BO YAB SRAS GNYIS KYI GSOL 'DEBS PHYAG BRIS SU MDZAD DO, ,DE NAS 'BRAS SPUNGS SU PHEBS PA NA SE 'BRAS GNYIS KA'I MKHAN PO MDZAD DGOS ZHES BLA MA DGE 'DUN TSANG MAS GSOL BA RTZE GCIG TU BTAB PA RJE RIN PO CHE'I BSTAN RGYUN LA DGONGS NAS RE SHIG MDZAD PAR ZHAL GYIS BZHES TE SE 'BRAS GNYIS KA'I MKHAN

PO MDZAD, DE'I TSE STON PA THUB PA'I DBANG PO LA BDEN TSIG GSOL 'DEBS 'DI LTAR MDZAD DE, NA MO GU RU MU NI AINDR'A YA, BSKAL BZANG 'DREN PA RGYU SKAR STONG GI DBUS, ,SNYING STOBS CHA SHAS RDZOGS PA'I 'OD DKAR CAN, ,THUB DBANG SMRA BA'I ZLA BA'I ZHABS PAD LA, ,BYANG CHUB SNYING PO'I BAR DU SKYABS SU MCHI, ,'JIGS RUNG SNYIGS MA'I BYIN ZA CHER 'BAR BAS, ,RGYAL GZHAN MTHA' DAG SGRAG PA 'DZIN PA'I TSE, ,MKHYEN BRTZE'I SPRIN PHUNG THUGS RJE'I CHU RIS CAN, ,GDUGS SEL SH'AKYA'I GTZO BO LAS GZHAN CI, ,DE PHYIR THUB PA'I NYI MA MANG PO YIS, ,YAL BAR BOR BA'I DMU RGOD GDUL DKA' BA, ,NYAM THAG MGON SKYABS MED PA BDAG CAG LA, ,RE BA'I SKYABS GZHAN MED DO SH'AKYA'I TOG ,BSAM ZHING BSAMS SHING KUN MKHYEN NYI MA'I GNYEN,, MNGON SUM MA MTHONG GDUNG BA'I ME 'BAR BA, ,GZHOM PHYIR SPRIN DANG BRAL YANG MIG MKHA' LAS, ,MCHI MA'I CHAR ZIM G-YO BAS CI YANG KHEBS, ,DE SLAD LHAR BCAS STON PA MCHOG DE NYID, ,DRAN BA'I YUL DU GSHEGS KYANG GUS PA YIS, ,ZHABS PHYIR BSNYEGS PAR 'DOD PA BDAG CAG LA, ,BRTZE BAS PHYI BZHIN GZIGS DANG ZAS GTZANG SRAS, ,KHYOD KYI BSTAN PA'I CHA TZAM MI SGRUB PAR, ,NYON MONGS DUG GSUM CHANG GIS RAB MYOS PA, ,KHREL MED SMYON PA LTA BU BDAG CAG LA, ,BCOM LDAN THUGS RJE MNGA' BAS SKYABS MDZOD CIG ,DAL 'BYOR DON CHEN SNYING PO MI LEN PAR, ,DON CHUNG TSE 'DI'I BYA BAS DUS 'DA' BA, ,RIN CHEN DOR NAS MCHING BU LEN PA YI, ,BAG MED BZANG RDZU MKHAN LA THUGS RJES GZIGS, ,'DUS BYAS MI RTAG KHYAD PAR RANG

, ,GI TSE, ,RTZVA RTZE'I ZIL PA BAR SNANG GLOG 'DRA YANG, ,RNYED BKUR DON GNYER RTAG TU SDOD GRABS BYED, ,RTAG 'DZIN PHYI 'SHOL MKHAN LA THUGS RJES GZIGS, ,TSER MA'I SDUG BSNGAL TZAM YANG MI BZOD KYANG, ,BSKAL BRGYAR NGAN 'GRO'I SDUG BSNGAL MYONG BA'I RGYU, ,DGE SDIG KHYAD DU GSOD PA'I KHREL MED PO, ,SDIG LDAN SER GZUGS CAN LA THUGS RJES GZIGS, ,NYON MONGS DGRA BOR SHES KYANG SEMS LA 'CHANG, ,SDOM GSUM GNYEN DU MTHONG YANG YAL BAR 'DOR,, GZHAN GYIS DAM PAR BKUR YANG THA MAL PA, ,'GAL 'DU'I PHUNG PO BDAG LA THUGS RJES GZIGS, ,LDAN GROL MI LDAN DKOR GYIS RANG RGYUD TSOS, ,NYIN MTSAN KHOR YUG RNAM G-YENG RO NYAL MKHAN, ,CHOS BRGYAD KHOL PO GZHAN GNOR TSUL 'CHOS PA, ,SNYING RUL BLUN PO BDAG LA THUGS RJES GZIGS, ,GAR 'GRO'I GTOL MED GZHAN GYI LAM SNA 'DREN, ,RANG RGYUD MA DUL GZHAN LA DAM CHOS 'CHAD, ,RANG MGO MI THON MANG PO'I TSOGS DPON BYED, ,BTZUN PA'I GZUGS BRNYAN BDAG LA THUGS RJES GZIGS, ,TSUL 'DI BU RAM SHING PA'I RNAM THAR DANG, ,RANG GZHAN SPYOD TSUL DRAN PAS RKYEN BYAS TE, ,DGE SLONG BLO BZANG CHOS KYI RGYAL MTSAN GYIS, ,DPAL LDAN 'BRAS SPUNGS CHOS SDE CHEN POR SMRAS, ,ZHES SO, ,DUS DE DANG GZHAN GYI TSE YANG KHRIMS 'CHAL DUR SMRIG GIS DKRIS SHING DAD BAS BYIN PA LA 'DZEM MED SPYAD KYANG DBUL BA'I SDUG BSNGAL GYIS NYAM THAG PA DU MA SPYAN LAM DU GZIGS PAS LHAG PAR SNYING RJE 'KHRUNGS SHING THUGS YA NGA BAR

GYUR; DES MTSON TSE 'DI'I BDE SKYID DON DU GNYER BA'I PHYIR SDIG PA 'BA' ZHIG BYED PA RNAMS KYI BSAM SBYOR GZIGS PAS KYANG RKYEN BYAS, 'DI LTAR THUGS LA SHAR BA BZHIN 'PHAGS PA'I DBYANGS SU BSDEBS PAR MDZAD PA NI, NA MO GU RU MANYDZU GHO sh'A YA, PHA RJE BTZUN BLA MA'I ZHABS LA 'DUD, ,KHYED GSON DANG RNAM DPYOD YANGS PA KYE, ,KHE MNOG CHUNG GI BYA BAS CI ZHIG BYED, ,BDE 'DOD NA DAM PA'I LHA CHOS MDZOD, ,NOR ZANG ZING GI 'DU 'GOD STON KA'I SPRIN, ,GNYEN 'KHOR G-YOG GI LANG LONG TSONG DUS 'GRON, ,LUS SHA KHRAG GI LANG TSO NAM MKHA'I 'JA', ,'DI DGONGS SAM SHES LDAN GROGS PO DAG ,RTEN DAL 'BYOR 'DI NYIN MO'I SKAR MA 'DRA, ,DGRA 'CHI BDAG KHO MI SDOD TSUR TSUR 'OD, ,TSE PHA ROL GYI NGAM GROG G-YANG SA CHE, ,'DI DGONGS SAM SHES LDAN GROGS PO DAG ,SPYIR 'KHRO BA'I GNAS 'DI DUG SPRUL TSANG, ,DGOS 'DOD YON GYI LONGS SPYOD KIM PA'I 'BRAS, ,LHA TSANGS DBANG GI DPAL YANG CHU SHING 'DRA, ,'DI DGONGS SAM SHES LDAN GROGS PO DAG ,NYEN CHE DUS SU SKYOB PA DKON MCHOG GSUM, ,DUS MTHAR THUG GI GTAN GROGS DRIN CAN RJE, ,RANG DGOS DUS SU PHAN PA DAM PA'I CHOS, ,'DI DGONGS SAM SHES LDAN GROGS PO DAG ,SHU LA THAG RING GI BRGYAGS PHYE SBYIN PA'I GTER, ,LAM MTHO RIS KYI THEM SKAS TSUL KHRIMS DANG, , RGYAN GZUGS BZANG GI BYED PO BZOD PA STE, ,'DI DGONGS SAM SHES LDAN GROGS PO DAG ,KHYED 'DI NANG GI BDE LA CHAGS RIN MED, ,YUL 'DI LAS DGA' LDAN LHA YUL SKYID, ,ZAS 'DI LAS LHA YI BDUD RTZI ZHIM, ,'DI DGONGS SAM SHES LDAN GROGS PO

, ,DAG ,GOS 'DI LAS LHA RDZAS NA BZA' DRO, ,RGYAN 'DI LAS NOR BU RIN CHEN MDZES, ,GROGS 'DI LAS LHA DANG LHA MO BZANG, ,'DI DGONGS SAM SHES LDAN GROGS PO DAG ,MI'I 'DOD PA'I BDE LA ZHEN BAS CI, ,KYE LHA YI LUS DANG LONGS SPYOD YOD, ,KVA'I 'KHOR BA'I BDE BA 'DOD NA YANG, ,CHOS TSUL BZHIN MDZOD DANG 'DI BZHIN 'BYUNG, ,ZHES SO, ,DE SKABS DBEN PA'I GNAS SU SGRUB PA SNYING POR MDZAD PA LA THUGS SMON PA'I GSUNG DBYANGS 'DI LTAR MDZAD DE, NA MO GU RU MANYDZU GHO sh'A YA, RJE SANGS RGYAS KUN GYI YE SHES NYID, ,PHA 'GRAN ZLA MED PA'I BLO BZANG GRAGS, ,MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB STZAL DU GSOL, ,GNAS 'JIGS RUNG 'KHOR BA'I BTZON RA 'DIR, ,SNGAR SKYE RGA NA 'CHI'I 'KHOR LO BSKOR, ,DA RJE BTZUN BLA MA'I THUGS RJE YIS, ,LAS NYON MONGS SKYE BA BZLOG TU GSOL, ,GZHON LANG TSO RGYAS PA'I MYU GU DE, ,MTHAR LO ZLA 'GYUR BAS RIM BZHIN SMIN, ,SEMS COL CHUNG BYIS BA RGAN PO'I LUS, ,'DI BSAMS SHING SHES PA GTING NAS SKYO, ,DBYAR SPANG LJONGS BKRA BA'I ME TOG DE, ,DBYIBS RAB MDZES MTHONG NA YID 'PHROG KYANG, ,DUS NAM ZLA STON DU GYUR PA NA, ,MDOG MI LEGS RNYINGS SHING YID MI CHAGS, ,DON DE BZHIN YID 'ONG BLTA NA MDZES, ,RGYAN LANG TSOS DREGS PA'I GZHON NU YANG, ,MTHAR DAR YOL RGAS PA'I DUS KYI TSE, ,GZUGS MI SDUG RO LANGS MNGON SUM BZHIN, ,NANG SHA DANG KHRAG GI STOBS BRI BAS, ,PHYI LHAB LHAB 'PHYANG BA'I PAGS PA DE, ,RGYA GNYER MA MANG POS RGYA GRAM BCINGS, ,LUS DRANG POR SKYES

PA'ANG GZHU LTAR SGUR, ,SO'I GE SAR PHAL CHER LHUNG GYUR BAB, ,MA CHU'I YAL 'DAB G-YO YANG MDZES PA MED, ,NGAG MI GSAL LDAB LDIB SMRA BA 'DI, ,DBUGS CHUS CHAG CHAG 'GREMS PA BZHIN, ,YAR LDANG TSE SUG BZHI SA LA BGRAD, ,MAR SDOD TSE 'BEBS CHEN RGYAG DANG MTSUNGS, ,RKANG BYIN PA SOR BZHI'I KHRI DES KYANG, ,LUS SGROM BU MI THEG LING LING 'DAR, ,SKRA ZEGS SHING LHAG MA SKYA BOR GYUR, ,MIG MI GSAL MIG 'BRAS NANG DU BROS, ,GTAM 'GRO 'ONG RNA BA'I SGO LA BKAG ,BLO RMONGS SHING DRAN DANG DBANG PO NYAMS, ,LUS 'BAD BAS 'KHAR BA LA BRTEN YANG, ,'GROS 'KHYOR ZHING 'KHYOR ZHING RES 'GA' 'BUB, ,TSE PHAL CHER ZAD PAS PHA ROL NYE, ,GNYEN NYE 'BREL 'KHOR G-YOG BCAS PAS KYANG, ,DE MED NA BDE ZHES SHI SMON BYED, ,RGAS 'KHOGS SHING LANG CHO NYAMS GYUR PAS, ,SHING KHONG RUL SDONG PO RNYING PA 'DRA, ,TSUL 'DI 'DRA'I 'JIGS RUNG SDUG BSNGAL YANG, ,DUS LAN RE KHO NA MA YIN TE, ,RGYUN MI CHAD YANG DANG YANG DU MYONG, ,LAR RGAS PA'I SNANG TSUL 'DI LTA BU, ,YONGS KUN LA 'BYUNG BA'I RANG BZHIN YANG, ,GZHON LANG TSO RGYAS PA'I BYIS PA RNAMS, ,'DI MI SHES NA TSOD RTAG TU RE, ,PHYI GSER CHUS G-YOGS PA'I BSHANG GCI LA, ,SEMS CHAGS KYANG RANG MTSANG MYUR DU STON, ,TSON RI MO BKRA BA'I DBANG PO'I GZHU, ,MDANGS LEGS KYANG MYUR DU YAL NAS 'GRO, ,DON DE PHYIR LUS KYI RKYEN BZOD TSE, ,NAGS SMAN LJONGS MDZES PA'I DGA' TSAL DER, ,GRANGS BCU GNYIS SBYANGS PA'I YON TAN BLANGS, ,BKA' MDO RGYUD DAM PA'I RNAM THAR BLTA, ,CHOS MANG DU THOS PA'I GNAD RNAMS SEMS, ,DON TING 'DZIN BDE LA RTZE GCIG ROL, ,SLAR RJES THOB SGYUR MA'I RNAM THAR SKYONG, ,DUS RES 'GA'

, ,SA 'DZIN YANGS PAR 'CHAG, LAM THUN MONG RIM PA NAS BZUNG STE, ,DPAL ZUNG 'JUG BDE PA CHEN PO'I PAR, ,GZHI STAN THOG GCIG TU DRIL BYAS NAS, ,DUS NYIN MTSAN KHOR YUG BSGOM PAR SPRO, ,MTHAR NA TSOD YONGS SU SMIN GYUR KYANG, ,RJE KUN MKHYEN THUB PA'I DBANG PO YIS, ,CHOS MANG DU THOS PA'I DGE SLONG DE, ,NAGS BZANG PO'I SKYED MOS TSAL GYI KHROD, ,TSE LANG TSO YOL BA GNAS PA BDE, ,ZHES GSUNGS BZHIN RGA SHIS SKRAG PA MED; ;SEMS CHOS BRGYAD SPROS BRTZAD NAS BCAD, ,LHA'I SKYED TSAL 'DRA BA'I DBEN GNAS DER, ,PHA BLA MA'I RNAM THAR SKYONG BAR SPRO, ,STENG CHU 'DZIN BLA BRE LANG LING G-YO, ,BAR RMUGS PA'I STOD G-YOGS YOL BAS BRES, ,SMAD NAGS TSAL SNGON PO'I SHAM THABS MDZES, ,GZHI NE'U GSING ME TOG PHANG PHUNG CAN, ,'GROGS BDE BA'I BYA DANG RI DVAGS GROGS, ,YID BAG PHEBS BDE BAR ZLOS GAR SGYUR, ,TSE 'DI NANG CHAGS SDANG SKYE BA'I YUL, ,GNYEN NYE DU DGRA SOGS MING SDANG SKYE BA'I YUL, ,GNYEN NYE DU DGRA SOGS MING YANG MED, 'BYOR RGUD GSOG BSRUNG SDUG BSNGAL BRAL, ,'PHRAL GANG BYUNG CHOG SHES BDUD RTZIS 'TSO, ,CHOS 'PHAGS NOR BDUN GYI BANG MDZOD 'DZIN, ,LAS CI BYED SNA THAG RANG GIS BZUNG, ,RJE RGYAL BA KUN GYI RJES SU SLOB, ,TSUL 'DI 'DRA'I BDE SKYID KHYAD PAR GANG, ,LHA'I DBANG POS KYANG NI RNYED DKAR GSUNGS, ,DON DE PHYIR PADMO'I DRA BA YIS, ,STENG MDZES PAR KHEBS PA'I YID BZHIN MTSO, ,RGYANG MIG LAM

BAB PA'I NGANG PA BZHIN, ,GNAS DBEN PA'I DGA' TSAL SNYING LA DRAN, ,LAS NYON MONGS CHU SRIN MANG POS GTZES, ,RLABS SKYE RGA NA 'CHI'I RBA KLONG 'KHRUG ,GTING MTHA' MED 'KHOR BA'I RGYA MTSO LAS, ,DA MYUR DU SGROL PHYIR DBEN PAR 'GRO, LAM THABS SHES ZAB MO'I NYAMS LEN GYIS, ,DGRA SKYE RGA NA 'CHI RTZAD BCAD NAS, ,DUS RTAG TU 'DU 'BRAL MI BYED PA'I, ,LUS LONGS SPYOD GROGS SOGS SGRUB PAR SMON, ,TSUL 'DI LTAR RE BA'I DON PO RNAMS, ,SKYABS BSLU MED BLA MA DKON MCHOG GIS, ,YUN MI RING MYUR DU 'GRUB PA YI, ,GEGS ZHI ZHING MTHUN RKYEN 'GRUB PAR MDZOD, ,CES SO, ,DE DUS SU GU GE CHOS RGYAL GYIS GDAN 'DREN YANG YANG BYUNG BA LTAR ZHAL GYIS BZHES TE LHA LDAN NAS BKRA SHIS LHUN POR PHEBS, ZLA PHYED LHAG TZAM BZHUGS NAS RIM GYIS PHEBS TE LAM BAR DU BZHUGS PA'I DGE 'DUN GYI SDE DANG DAD PA CAN RNAMS KYIS MCHOD CING BSNYEN BKUR BA YANG DANG DU BZHES, CI 'DOD PA'I CHOS KYIS KYANG TSIM PAR MDZAD, ZLA BA BZHI PA'I NYER GSUM LA MA PHAM MTSO 'GRAM DU PHEBS NAS SKU KHRUS MDZAD CING MTSO'I RDE'U PHYAG SPAR GANG BZHES PAS PHAL CHER LHA'I RNAM PAR BYON, SANG GANGS RI'I MDUN NA PHAR PHEBS DUS GANGS RI'I RTZE NAS 'JA' TSON KHA DOG SNA LNGA RGYAL MTSAN DANG, BA DAN DANG, GDUGS LTA BU DANG, DAR BRKYANGS PA 'DRA BA DPAG TU MED PA BYUNG STE RJE 'DI PA'I STENG NGOS SU CHAGS PA BYUNG STE RJE 'DI GAR PHEBS KYI DBU'I THOG TU CHAGS PA BYUNG BAS GANGS RI'I GNAS 'DZIN PA 'DRI KHUNG RDOR 'DZIN

, ,'KHOR BCAS DAD PAR GYUR TE RJE 'DI'I PHYI BZHIN BSNYEGS NAS SHA LA TZA GONG DU MJAL KHA DANG BYIN RLABS ZHUS, NGED GANGS RIR SLEBS NAS LO BCU TZAM SONG YANG DE RING LAS RTAGS YA MTSAN CHE BA MA BYUNG, KHYED KYIS BDAG BYANG CHUB MA THOB KYI BAR DU THUGS RJES ZUNGS ZHES DAD GUS CHEN POS SMON LAM 'DEBS PAR BYED DO, ,DE NAS ZLA BA LNGA PA'I TSES BCU GSUM LA ZHABS DRUNG CHOS RJE, JO BO BDAG PO LHA SDE MI SDE'I GTZO BO RNAMS KYIS RTA PA MANG PO'I TSOGS DANG BCAS PHEBS BSU ZHUS TE ZHANG ZHUNG GI LUNG NANG SPA'I LDING ZHES BYA BAR PHEBS, 'DI SKABS LHA RNAMS KYIS ME TOG GI CHAR PHABS PA SOGS DGE MTSAN PHUN SUM TSOGS PA KUN GYI MNGON SUM DU GYUR, TSES BCO LNGA LA MTHO LDING GSER GYI LHA KHANG DU ZHABS DRUNG MI DBANG GIS, SKYES MCHOG LO TZ'A BA RIN CHEN BZANG PO'I BZHUGS KHRIR GDAN DRANGS TE RIN PO CHE'I MAndAL PHUL TE SER TSOGS KYI 'DUS PA RGYA MTSO LA MANG 'GYED KYI BSNYEN BKUR DANG BLA MA'I RNAL 'BYOR SOGS 'DOD CHOS ZHUS, ,DE NAS PHAL CHER CHOS GRVA SAR BZHUGS NAS MCHOD YON RNAMS LA GSANG BDE 'JIGS GSUM GYI DBANG, BSKYED RDZOGS, SNAR THANG BRGYA RTZA, 'JAM DBYANGS CHOS SKOR, BKA' GDAMS CHOS 'BYUNG GI LUNG SOGS ZAB RGYAS CHOS KYI 'KHOR LO BSKOR, MDOR NA GU GE BDAG PO SKU MCHED KHU DBON RNAMS KYIS THOG DRANGS PHYOGS DE'I LHA SDE MI SDE THAMS CAD KYIS DAD GUS TSAD MED PAS MCHOD, DE NAS ZLA BA DGU PA'I

TSES BCU GSUM LA GU GE NAS CHIBS BSKYOD DE GANGS RI'I BAR DU ZHAL NGO MCHOD YON RNAMS KYIS CHIBS BSKYEL ZHUS, GANGS RI CHEN PO LA ZHABS BSKOR MDZAD NAS GANGS RI'I SKU MDUN DU DAD 'DUS KYI SKYA SER GYI KHROM SHIN TU CHE BA TSOGS PA LA NYIN DGUNG KHROM DBANG ZHIG GNANG SKABS, GANGS RI CHEN PO BEE d'URYA'I MDOG LTAR SNGO BA LA GZUGS BRNYAN SNA TSOGS 'CHAR BA ZHIG TU GZIGS, SKU'I NYE SKOR DU YOD PA'I GRVA PA 'GA' ZHIG LA GANGS RI 'DI CI 'DRAR SNANG BKA' 'DRI GNANG BAR, DKAR ZHING 'TSER BAR 'DUG ZER, MKHAR NAG CHOS MDZAD LA BKA' 'DRI GNANG BAR RGYA MTHING BZANG PO'I MDOG LTA BU SHIN TU SNGO BA ZHIG 'DUG ZER, DE TZAM ZHIG MTHONG NAS YA MTSAN DU BYED DO, ,DE NAS ZLA BA BCU GCIG PA'I TSES BCU GSUM LA CHOS GRVA CHEN PO BKRA SHIS LHUN POR PHEBS NAS SER JA GSER 'GYED DANG BCAS PA GNANG, DE DUS LHA SA DANG 'BRAS SPUNGS KYI RGYAB RIR MI STONG PHRAG DU MA KHA BTAGS SHING SE 'BRAS GNYIS DMAG GIS BCOM SKABS SU MCHIS KYANG, YANG DAG PAR RDZOGS PA'I SANGS RGYAS BZHUGS SKABS SU'ANG GRONG KHYER SER SKYA PA RNAMS DANG KO SA LA PA'I DMAG 'KHRUG TSAN CHE BA DANG RGYA BOD GNYIS KAR BSTAN PA'I 'PHEL 'GRIB SNA TSOGS BYUNG YANG, LAS KYI RNAM SMIN BCOS SU DKA' BA LTAR THABS DANG BRAL YANG, BSTAN PA 'BA' ZHIG THUGS LA DGONGS TE SE 'BRAS GNYIS KAR MANG JA GSER 'GYED DANG BCAS PA LAN LNGA, KHA CHE'I CHAB BUM SPUS

, ,GTZANG BA CHA RE RE, 'BRAS SPUNGS BYAMS KHANG DANG DNGUL GDUNG KHANG DU GUG TING CHE LEGS BDUN TSAR RE RE PHUL BA SOGS SE 'BRAS GNYIS KA MI NYAMS PA'I THABS LA RNAM PA KUN TU 'BAD PAR MDZAD, DE NAS LO DE NYID KYI STON MJUG SOG DMAG DPUNG CHE BA BYANG RGYAB TU SLEBS, SDE SRID DPON BLON GYI BKAS RJE 'DI PA CHINGS LA PHEBS DGOS PA BYUNG, LHA SAR PHEBS PA'I NUB MO RJE RIN PO CHE'I RTOGS BRJOD MDUN LEGS MA TSANG MA ZHAL TON DU MDZAD PA'I MNAL LAM ZHIG BYUNG BA CHINGS DGA' RAB YONG DU RE BAS RONG PO 'DAM GYI BAR DU PHEBS KYANG THUGS BZHED BZHIN MA BYUNG, DE NAS RE ZHIG 'BRAS SPUNGS SU BZHUGS NAS SER 'BRAS GNYIS KA CHOS DANG ZANG ZING GNYIS KYI SGO NAS BSKYANGS TE SROG RTZA BZUNG, KHYAD PAR THAMS CAD MKHYEN PA BSOD NAMS RGYA MTSO'I DNGUL GDUNG GI SGRO RGYAN THAMS CAD BSHIG NAS MA RUNGS PAR BYAS PA, RJE 'DI PAS BSTAN RGYUN DANG RTEN 'BREL LA DGONGS TE GSER G-YU SOGS RIN PO CHE'I PHUNG PO LAS GSAR BSGRUBS MDZAD DE, THAMS CAD MKHYEN PA'I PHYAG RDZAS DAR LA BAB PA'I DUS SU BSGRUBS PA'I SGO RGYAN ZIL GYIS NGON PA LTA BU BZO BAR MDZAD DO, ,GZHAN YANG SE 'BRAS GNYIS KAR BDAG CAG GI STON PA'I SKU BRNYAN BKRA BA'I BKRA SHIS KHA BTAGS KYI 'PHAN GYI PHRENG BA RE RE DANG, GRVA SA GSUM GAR MANG JA'I BSNYEN BKUR YANG YANG MDZAD DE RE ZHIG 'BRAS SPUNGS SU SKU MTSAMS DAM PO LA BZHUGS SO, ,

DE NAS ZLA BA BDUN PA'I ZLA 'GO LA BOD DMAG THAMS CAD RKYANG THANG SGANG DU 'DRIL, TSES BCU GCIG GI TSA BA ZHES GROL MTSAMS SU SKAD CIG LA SOG PO'I RTA PA SGAR THOG BRGYUGS NAS MI BRGYA PHRAG DU MA BSAD CES SNYAN DU GSAN BAS, RJE 'DI PAS SKU DANG SROG LA'ANG MA GZIGS PAR SKU MTSAMS LA HAR 'DON MDZAD DE DAN 'BAG GI BAR ZHABS THANG GIS MGYOGS PAR PHEBS PAS, BOD DMAG RNAMS LCAGS PO RI'I MTSAMS SU 'KHAR ZHING SOG PO'I RTA PA LAN GNYIS PA RGYUG PAR RTZOM PA ME MDA' DANG NYAG PHRAN GYI CHAR 'BAB PA'I SKABS SU PHEBS, LHA BTZUN RANG LA ZANG ZING GI GNANG CHA GYA NOM PA DANG BCAS DNGOS SU ZHU BA NAN CHEN MDZAD PAS, LHA BTZUN GYIS KYANG CI GSUNG BKA' BZHIN DU NOD NAS RTA RGYUG 'PHRO BCAD PAS DMAG MI 'BUM PHRAG TU NYE BA SROG GCES PA LAS SKYOB PAR MDZAD DO, ,DE SKABS GTZANG SOG GNYIS KAS LHA SA SPYI MCHOD KYI PHYIR RJE 'DI PA LA PHUL, SO SOR TSIG SBYANGS SNGON DU 'GRO BA'I KHRA MA GNANG NAS, JO BO RIN PO CHE'I GSER THOG GI 'OD KYIS KHYAB PA'I SAR BRO DAM POS BKAG CING BRTAN PAR MDZAD DE NYID KYI SKU DANG SROG LA'ANG MA GZIGS BAR SE 'BRAS GNYIS KA BSKYANGS TE RGYAL BA TZONG KHA PA CHEN PO'I BSTAN PA'I SROG 'DZIN PAR MDZAD DO, ,DON GYI DBANG 'DI LA DGONGS NAS RJE BTZUN BLO BZANG CHOS KYI RGYAL MTSAN BYON TSUN GYI 'JAM MGON BLA MA'I LUGS BZANG 'DZIN PA'I MKHAS PA GZUR GNAS THAMS CAD RJE BTZUN BLO BZANG CHOS KYI

, ,RGYAL MTSAN NI 'JAM MGON BLA MA'I BSTAN PA 'DI LA 'JAM MGON BLA MA RANG NYID DANG MTSUNGS PAR BKA' DRIN ZLA MED DO ZHES MGRIN GCIG TU SGROG PAR MDZAD DO, ,DE DUS SEMS CAN SPYI MTHUN GYI LAS DANG BDUD SDIG TO CAN GYI MTHUS RGYAL BA'I BSTAN PA SPYI DANG KHYAD PAR 'JAM MGON BLA MA'I BSTAN PA 'PHEL BA LA GEGS 'TSUB SHIN TU CHE BAS THAMS CAD MKHYEN PA YON TAN RGYA MTSO GLO BUR GYI RKYEN GYIS ZHING GSHEGS, SPRUL SKU NGOS 'DZIN PA'ANG SHIN TU DKA' BAR BYUNG BA NA RJE BTZUN BLO BZANG CHOS KYI RGYAL MTSAN NYID KYIS ZANG ZING GI DNGOS PO GANG LA'ANG PHANGS PA MED PAR BTANG STE BYANG PHYOGS GANGS RI'I KHROD KYI SKYE BO GDUG RTZUB CAN RNAMS ZANG ZING GI DNGOS POS TSIM PAR MDZAD CING SU LA'ANG NYE RING MED BAR DMAG GZINGS JI SNYED CIG BYUNG BA THAMS CAD THUGS BYAMS PA DANG SNYING RJE SHUGS DRAG PA'I DBANG GIS PHAN TSUN SU LA'ANG KHON MED PAR BAR CHINGS DANG NAG CAN MANG PO'I SROG SKYOB PA DANG, GDUG RTZUB CAN RNAMS LA LAS RGYU 'BRAS KYI CHOS BSHAD NAS SEMS ZHI BAR BYAS TE RJE RANG NYID LA RANG DON BYA BA GANG YANG MED PAR SPYIR BOD 'BANGS KYI SEMS CAN THAMS CAD BDE 'JAGS SHIG DANG, DGE 'DUN GYI SDE RNAMS 'KHRUG PA MED PAR CHOS SPYOD 'PHEL BA ZHIG DANG, LHAG PAR THAMS CAD MKHYEN PA YON TAN RGYA MTSO'I MCHOG GI SPRUL SKU 'KHRUL MED DU NGOS ZIN PA ZHIG GI THABS LA NYID KYI SKU DANG SGROG LA'ANG MA GZIS PAR 'BANG

PAS; NGOS 'DZIN THUB STE RNGA CHEN ZHES PA CHU PHO KHYI'I LO THAMS CAD MKHYEN PA'I MCHOG GI SPRUL SKU 'PHYONG RGYAS NAS 'BRAS SPUNGS SU SPYAN DRANGS, GTZUG PHUNG BZHES TE MTSAN NGAG DBANG BLO BZANG RGYA MCHOR GSOL, DE NAS RIM GYIS TSIGS SNGA MA DGE TSUL GYI MKHAN PO MDZAD DE DGE TSUL DU BSGRUBS, THOG MAR TSE DBANG DANG, RDO RJE 'JIGS BYED KYI DBANG CHEN, CHOS SKYONG MANG PO'I RJES GNANG SOGS CHOS BKA' MTHA' YAS PA GNANG ZHING YID BZHIN GYI NOR BU LTAR GCES PAR SKYONG BAR MDZAD, DE NAS KHRAG SKYUG CES PA CHU MO PHAG GI LO LHA LDAN SPRUL PA'I GTZUG LAG KHANG GI THUGS RJE CHEN PO RANG BYUNG LDA LDAN GYI STENG GI RGYA PHUB SHIN TU RNYINGS PAS LHA KHANG THIB COMS SU 'GRO NYEN CHE PA THUGS KYIS MA BZOD PAR GZHI NAS GSAR GZO MDZAD DO, CHUL 'DI LA NI RJE RANG NYID KYI ZHAL NAS, JO BO RANG BYUNG LNGA LDAN GYI PHO BRANG GI RGYA PHIBS DE GSER ZAD PAS G-YAS ZOS THAR THOR DU GYUR, SHING RNAMS RUL BAS THOG KYANG RDIB NYEN SHIN TU CHE YANG LHA KHANG 'DI LHAG BAR GNYAN PAS, BLA MA SLOB DPON SDE DPON SOGS SUS KYANG 'CHOS MNUS PA 'DUG KYANG, KHO BOS NI 'PHAGS PA'I ZHABS TOG GI PHYIR LUS SROG KYANG YAL BAR DOR TE RTZA BA NAS BA SHIG, ZANGS KHAL BRGYA PHRAG DU MA DANG GSER ZHO STONG PHRAG DUM BRGAL BA LAS GZHI NAS GSAR DU BCOS PAS GEGS PHRA MO TZAM YANG MED BAR ZLA BA DRUG GI KHONGS SU LEGS PAR GRUB NAS RAB TU GNAS PA BGYIS TE, BOD SPYI'I BDE SKYID KYI

, ,GSOS SMAN DU BYAS PA 'DI YANG DAM PA'I MDZAD PA DANG RJES SU MTHUN PAR RUNG NGAM SNYAM DU BGYID DO ZHES GSUNGS SO, ,DE NAS MIG DMAR ZHES PA SHING PHO BYI BA'I LO BKRA SHIS LHUN POR LHA KHANG MANG PO GSAR BSKRUN MDZAD, GZHAN YANG RIS SU MA CHAD PA'I DGE 'DUN GYI SDE MANG POR SKU GSUNG THUGS RTEN MCHOD RDZAS GSAR BZHENGS DANG BSNYEN BKUR NAR MAR MDZAD CING NAM MKHA' MDZOD LA MNGA' BRNYES PA LTAR BYANG PHYOGS GANGS RI'I LJONGS KYI GRUB MTHA' RIS SU MA CHAD PA'I DGE 'DUN GYI SDE THAMS CAD CHOS ZANG ZING GNYIS KA'I SGO NAS BSKYANGS SHING, SKU GSUNG THUGS RTEN RNAMS LA MCHOD PA TSAD MED PA MDZAD DE RGYAL BA'I BSTAN PA YUN RING GNAS PA'I THABS LA RNAM PA KUN TU BRTZON PAR MDZAD PA NI RJE BLO BZANG CHOS KYI RGYAL MTSAN RANG NYID KYI ZHAL NAS, MDOR NA RGYAL SRAS SKU MCHED GSUM GYI MDZAD PA RJES SU BSGRUBS TE, DGE BSHES CHEN PO PO TO PA'I GSUNG NAS, GCIG GIS DAD RDZAS ME LA BSREGS, ,GCIG GIS DAD RDZAS MKHAR DU BRTZIGS, ,NGA'I DAD RDZAS DKON MCHOG SO CAN GYI KHA NA, ,ZHES GSUNGS PA BZHIN, DGE BSHES PHU CHUNG BA DE DKON MCHOG MCHOD PA GTZO BOR MDZAD DE, KHONG RANG GI GSUNG NAS, NGAS DANG POR SPANG SPOS SNA TSA TING NGE BA PHUL, DE NAS RENG BU BZHI SBYOR MNGAR SING DE BA 'BUL RGYU BYUNG, DA LTA AA KA RU DANG, DU RU KA SOGS BSUNG CHING DE 'BUL

GSUNG ZHING, RES GCIG GSER SRANG NYI SHU RTZA GNYIS KYI SPOS SBYANGS ZHES GSUNGS PA LTAR, KHO BOS KYANG SPYIR DKON MCHOG GI MCHOD PA LA GTZO BOR BYAS SHING, KHYAD PAR CHUNG DU NAS DA LTA'I BAR GUR KUM BZANG PO RIN THANG CHE ZHING SPUS MI RNYED PA'I DUS SU KHA CHE BZANG PO GCIG BU'ANG SNGA PHYI BSDOMS NA SRANG GRANGS BRGYA PHRAG DU MA SBYAR BA'I BZANG SBOS KHOR YUG TU PHUL, DGE BSHES SPYAN SNGA BA DE GTZUG LAG KHANG DANG RTEN GSUM BZHENG BA GTZO BOR MDZAD PA LTAR, KHO BOS KYANG, RA SGRENG, DBEN DGON, BKRA SHI LHUN PO'I PHYI'I MCHOD RTEN DANG, 'BRAS SPUNGS DANG, BKRA SHIS LHUN PO'I DNGUL GYI MCHOD RTEN GNYIS DANG, THUGS RJE CHEN PO'I DBU THOG SOGS DBUS GTZANG GNYIS KA'I GSER THOG DANG GANYJI RA DANG, DBEN DGON DU RJE BLA MA'I SKU, BKRA SHIS LHUN POR DNGUL SKU BZHI, RJE BTZUN GYI LI SKU, STON PA'I GOS SKU SOGS BRIS 'BUR MANG PO DANG, DBEN DGON DGE 'PHEL GANGS CAN RNAMS SU'ANG BSTAN PA LA BSAMS PA'I MKHAR LAS CUNG ZAD BGYIS SHING, KHYAD PAR BKRA SHIS LHUN POR SNGAGS KHANG, LHA KHANG RNAM PA GSUM, GZIM KHANG, THA NA CHOS KHRIMS KHANG DANG, SKU GNYER KHANG STENG SHOD, GOS SKU SPE'U GRA SA'I RGYUN LA PHAN BAR RE BA'I KLU SDING GNYIS LA SOGS PA GSAR DU BGYIS, DGE BSHES PO TO BA DGE 'DUN GYI BSNYEN BKUR GTZO BOR MDZAD PA LTAR, KHO BOS KYANG SPYIR SNGAR SMOS PA LTAR BOD DBUS GTZANG, MNGA' RIS, LHO MON

, ,TSUN GYI RIS MED PA'I DGE 'DUN GYI SDE LA BSNYEN BKUR SNA RE TZAM MA BYAS PA MED CING, BKRA SHIS LHUN PO'I GRVA TSANG GSUM, GANGS CAN GYI GRVA TSANG GNYIS, DPAL 'KHOR BDE CHEN GRVA TSANG BDUN, 'BRONG RTZE CHOS SDE, RI BO DGE 'PHEL, GRVA TSANG CHEN MO, RI MKHAR CHOS SDE, LHUN GRUB RTZE'I CHOS SDE RNAMS SU MANG JA GNYIS GSUM GYI DGE RGYUN BTZUGS, KHYAD PAR BKRA SHIS LHUN POR NI, RTZA BA THAMS CAD MKHYEN PA DGE 'DUN GRUB DE NYID SPRUL PA'I SKYES MCHOG TU GYUR PAS DGE 'DUN GYI BSNYEN BKUR PHUL DU BYUNG BA MDZAD PA'I RGYUN DANG, DE'I STENG DU BRGYAD MCHOD, BDUN MCHOD SOGS MKHAN POS RGYUN CHAGS SU BTANG DGOS PA RNAMS BLA MA DE DANG DE DAG GI MDZAD PA 'PHRIN LAS KYI STOBS LAS, MCHOG DMAN SNA TSOGS BYUNG BA RNAMS KYANG GONG 'PHEL DU BYAS PA'I STENG DU DKON MCHOG GZHAN GYI CHED DU BSNGOS PA MA GTOGS, LHAG PO'I BDOG PA CI YOD RANG DON DU SER SNAS MA BZUNG BAR 'DUS PA RGYA MTSO'I TSOGS RNYED PA DANG BKUR STIS YANG DAG PAR MCHOD, DES NA RJE THAMS CAD MKHYEN PA DGE 'DUN GRUB KYI RNAM THAR RNAMS LA'ANG ZHIB TU BRTAGS NA, GDAN SA'I RGYUN DANG, RTEN GSUM MCHOD CHA'I RIM PA BSGRUBS PA DANG, DGE 'DUN GYI BSNYEN BKUR ZHABS TOG GI CHA NI RJE DE NYID LAS KYANG CUNG ZAD LHAG GAM SNYAM DU RLOM PA YANG MCHIS SO, ,MKHAS PA'I BYA BA GSUM GYI SGO NAS KYANG BSTAN PA LA PHAN PA DANG, STON PA LA BYA

BA CUNG ZAD BYAS TE, DE YANG NGAL BSO MED PAR PHYOGS MED KYI RGYAL KHAMS KUN TU MYUL NAS GANG LA GANG 'TSAM GYI RGYUD SDE BZHI DANG 'BREL BA'I DBANG, RJES GNANG, MDO SNGAGS KYI LUNG BSHAD MAN NGAG GI CHAR PHAB CING, CHED DU BSNYEN RDZOGS KYI MKHAN PO BYAS PA NI, LO LNGA'I BAR ZIN BRIS 'DUG PAS STONG TZAM ZIN PA'I RGYU MTSAN LAS NA, DA TZAM KHRI KHRAG BRGAL BAR SNANG LA, RAB BYUNG BSNYEN RDZOGS KYI MKHAN PO BYAS PA'I MKHAN BU THAMS CAD LA TSE RABS THAMS CAD DU MKHAN PO'I BYA BA BYAS TE PHAN PA SGRUB PA'I YI DAM BCAS, 'DI NI, STON PAS KUN DGA' BO, KHYOD KYIS MKHAN PO DANG SLOB DPON BYAS NAS RAB TU BYUNG BA DANG, BSNYEN PAR RDZOGS PA BYAS NA NGA LA BYA BA BYAS PA YIN NO, ,ZHES BKA' STZAL BA'I PHYIR KHO BO'I RNAM PAR THAR PA'I MCHOG YIN NO, ,DE LTAR NA RJE RGYAL BA GNYIS PA'I RING LUGS LA BRTEN PA SHAR RGYA NAG PO NAS NUB DZ'A LAN RDA RA'I BAR GYI CHOS KYI GDAN KHRI 'DZIN PA DANG, DREGS LDAN GYI COD PAN DU GYUR PA DANG RIGS MTHON PO'I BRGYUD PA 'DZIN PA DANG, SDOM PA GSUM DANG LDAN ZHING RIM GNYIS KYI RNAL 'BYOR LHUR LEN PA PHAL CHER LA CHOS KYI PHAN PA BSGRUBS, MDOR NA KHO BO RANG GI YON TAN LA GRUB MTHA' GANG LA YANG CHAGS SDANG GIS KUN NAS BSLANGS PA'I PHYOGS 'DZIN GTAN NAS MED PA'I MTHUS, BDAG LA MNGON PAR DGYES PA'I CHOS KYI BDUD RTZI YANG DAG PAR BZHES PA GRUB MTHA' SNA TSOGS PA'I BSTAN 'DZIN GYI SKYES BU CHE PHRA DU MAS NI BOD DBUS GTZANG GI PHYOGS

, ,MTSAMS KUN TU KHYAB CING, GZHAN YANG GRVA SA CHE CHUNG GI MGON DU BZHUGS PA LHA KHANG GSAR DU BGYI BAR BRTZON PA DANG, GTZUG LAG KHANG GI ZHIG BSOS DANG, GSER THOG GSER PHRU SOGS BYA BAR 'DOD PA DANG, RANG RANG GI SDE DE DANG DE'I GTONG SGO RNAMS KHRAL 'JAL TZAM LA NGO MTSAR BYAS TE GONG 'PHEL DU BZHED PA RNAMS KYANG KHO BO LA SPYAN YAR GZIGS PA'I 'PHRIN LAS KYI RGYUN DU SEMS SO, ,ZHES GSUNGS PA LTAR RO, ,RJE 'DI NI BSTAN PA DANG SEMS CAN GYI DON LA NAM YANG THUGS SKYO BAR MI MDZAD PAR DGUN DUS LHA LDAN DU BYON NAS SMON LAM CHEN MO'I TSOGS DBU MDZAD DE RJE RIN PO CHE'I MDZAD CHEN MA NYAMS PAR SKYONG ZHING LHA MI BGRANG BA LAS 'DAS PA SMIN GROL LA 'GOD PAR MDZAD, DBYAR DUS GTZANG DU PHEBS TE BKRA SHIS LHUN POS GTZOS GTZANG PHYOGS KYI CHOS SDE RNAMS LUGS GNYIS KYIS SKYONG ZHING SKAL BA DANG LDAN PA BGRANG BA LAS 'DAS PA SMIN GROL LA 'GOD PAR MDZAD, BAR SKABS SHIG LHO MON PHYOGS SU PHEBS TE DBEN PA'I NAGS TSAL RNAMS GZIGS PAS DBEN PA LA SPRO BA'I NYAMS MGUR 'DI LTAR MDZAD DE, NA MO GU RU, RJE DUS GSUM SANGS RGYAS KUN GYI DNGOS, ,PHA BKA' DRIN GSUM LDAN BLA MA DANG, ,DPAL MNYAM MED BU RAM SHING BA'I ZHABS, ,DGRA SRID PA'I 'JIGS 'PHROG DE LA 'DUD, ,LHA BSTAN SKYONG CHEN MO GNAS PA'I MGUL, ,BOD GANGS CAN LHO BOD GNYIS KYI MTSAMS, ,YUL SPANGS LUNG 'BRAS MO

GSHONGS KYI 'DABS, ,SA'I THIG LE KHANG BU ZHES GRAGS PA, ,GZHI RI KLUNG THAMS CAD MRGAD KYI, ,MDANGS BZANG PO'I 'JO SGEG ROL BA 'DZIN, ,NOR PADMA R'A GA BEEd'U RYA, ,GSER BTZOM DUNG DANG G-YU 'DRA BA'I, ,MDOG SNA TSOGS DBYIBS LEGS ME TOG GIS, ,PHYOGS KUN TU 'JA' TSON BKRAM PA BZHIN, ,SPANG SNGO LJANG RI BO MKHA' LA SNYEGS, ,G-YU MTSO 'DAB MDZES PA'I NAGS TSAL RGYAS, ,BYA SNA MANG MGRIN PA'I GSUNG SNYAN SGYUR, ,PHU GANGS DANG G-YA' YI RA BAS BSKOR, ,SHEL DKAR 'TSER DBU BA'I GOS GYON PA'I, ,CHU MI CHE MI CHUNG SNYOMS PAR 'BAB, ,STENG CHU 'DZIN SNGON PO LANG MA LING, ,DUS RES 'GA' SBRANG CHAR ZIM BU 'BAB, ,NAD BZHI BRGYA RTZA BZHI 'JOMS BYED CING, ,RO KHA DOG NUS PA SNA TSOGS PA'I, ,SMAN BZANG POS SA YI PHYOGS KUN BRGYAN, ,LI GA DUR B'A SHUG BA LU SOGS, ,SPOS BZANG PO'I DRI DANG RGYUN DU 'THUL, ,LHA'I DGA' TSAL LTA BU'I YUL LJONGS DER, ,RJE ZAS GTZANG SRAS KYI RNAM THAR BZHIN, ,DRAN SHES BZHIN LDAN PAS 'CHAG CING 'DUG ,DUS DE RING NAGS KYI SMAN LJONGS NGOGS, ,BLO 'KHRUL BAS BRTAGS SHING MTHONG BA YI, ,YID NGO MTSAR RI MO SNA TSOGS KYANG, ,DON DPYAD NA MI DMIGS STONG PA'I DANG, ,RJE RGYAL BA KUN GI THUGS KYI BCUD, ,BKA' BRGYAD KHRI BZHI STONG SNYING PO'I DON, ,SRAS DUS GSUM 'PHAGS BZHI BSKYED PA'I YUM, ,'DI GSAL BAR STON PA'I SLOB DPON DANG, ,YUL SNANG TZAM MA BRTAGS NYAMS DGA' YANG, ,DON GNAS TSUL NAM MKHA'I PADMO

, ,BZHIN, ,'DI MA RTOGS 'KHOR BA'I SEMS CAN RNAMS, ,CHES BZOD DKA'I SDUG BSNGAL YANG YANG MYONG, ,GDON DNGOS 'DZIN SGYU MAS RMONGS PA YI, ,MA KHAMS GSUM 'KHOR BA'I SEMS CAN GYIS, , DON 'DI 'DRA RTOGS NA DGA' BA LA, ,LAM 'DI 'DRA RNYED NA SKYID PA LA, ,MI NGA LA NGES BA MA MCHIS KYANG, ,MI KHO BO'I DPUNG GNYEN ZAS GTZANG SRAS, ,MGON DE NYID NAS BZUNG ZAB MO'I LAM, ,TSIG SGRA SPYI'I RGYUD 'DZIN MA YIN PAR, ,'DI MNGON DU MDZAD PA'I GRUB THOB KYI, ,PHA RGYUD LDAN BLA MA TSUL BZHIN BSTEN, ,BOD GANGS CAN BSTAN 'DZIN MTHA' DAG LA, ,SEMS KHONG NAS DAG PA'I SNANG BA SBYANGS, ,RGYUD CHOS SPONG LOG LTAS MA SBAGS TZAM, ,'DI BSTAN PA 'GAL MED RTOGS PA'I DRIN, ,SPYIR 'KHRUL PA'I SEMS CAN THAMS CAD DANG, ,SOGS RMI LAM YUL GYI GNYEN BSHES 'DRA'I, ,BDAG MTHONG THOS DRAN REG GYUR RNAMS LA'ANG, ,DUS KUN TU DGE BA'I SMON LAM BSGRUBS, ,SKYABS MCHOG GSUM BSLU MED THUGS RJE YIS, ,NGA RDZUN PA SGYU MA'I DGE SLONG LA, ,LAS CI BYAS 'BRAS BU 'TSENG NGAM SNYAM, ,DA SHI YANG 'GYOD PA CUNG ZAD MED, ,GTAM 'DIS KYANG 'GRO BA MA LUS PA, ,RGYUD CHAGS SDANG DRI MAS MA GOS PAR, ,LAM STONG NYID SNYING RJE'I SNYING PO CAN, ,CHOS THAMS CAD GZIGS PA THOB PAR SHOG ,CES SO, ,LHO PHYOGS NAS BOD DU TSUR PHEBS SKABS MYANG STONG PHYOGS SU DAD LDAN 'GA' ZHIG LA GDAMS PA 'DI LTAR MDZAD DE, RJE NA MO GU RU DKON MCHOG GSUM, ,

MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB MA LUS PA, ,DUS DA LTA NYID DU STZAL DU GSOL, ,SBYIR SANGS RGYAS 'BYUNG BA RNYED DKA' ZHING, ,SGOS DAL 'BYOR MI LUS THOB DKA' NA, ,TSE 'DI NANG BDE LAM CHAGS PAR, ,DUS GTAN GYI MDUN MA SGRUB RE RAN, ,GZHON SHA KHRAG RGYAS PA'I LANG TSO YANG, ,DGUNG MKHA' LA SHAR BA'I 'JA' TSON DANG, ,SROG CHU BUR BZHIN DU 'JIG 'GYUR BAS, ,DA RTAG 'DZIN MA BYED CHOS LA 'BUNGS, ,KHONG TSANGS DBANG 'KHOR LOS BSGYUR RGYAL YANG, ,GNAS 'KHOR BA'I BDE 'BYOR PHUN TSOGS KYANG, ,SLAR MNAR MED 'BAR BA'I MES BSREG NA, ,DA SRID PA'I BDE LA YID BRTAN CI, ,KHYED SNYING NAS RANG LA PHAN DGONGS NA, ,RJE LAM SNA 'DREN PA'I BLA MA DANG, ,TSE KUN TU MI 'BRAL DGE BA'I NOR, ,LAM BSLAB GSUM 'BRAL MED BSTEN NA LEGS, ,'DI PHYOGS MED MYUL BA'I BYA BRAL BA, ,SPRANG SMYON PA CHOS KYI RGYAL MTSAN LA, ,BU SBYIN PA RGYA MTSOS BSKUL BA'I NGOR, ,DPAL 'KHOR LO BDE CHEN ZHES BYAR BKOD, , CES DANG, NA MO GU RU MA H'A MU DR'A YA, RJE RIGS KUN KHYAB BDAG RDO RJE 'CHANG, ,GSUM LDAN GYI BLA MA'I ZHABS LA 'DUD, ,TSE GCIG GIS SANGS RGYAS SGRUB PA'I THABS, ,MTSAN LDAN GYI RJE BTZUN BLA MA LA, ,YENGS MED DU GSOL BA 'DEBS PA 'DI, ,ZAB LAM GYI SNYING PO BSDUS BA YIN, ,RGYU 'BRAS KYI RTEN 'BREL MI BSLU BA, ,CHU ZLA LTAR SNANG BA KUN RDZOB GSHIS, ,RI BONG GI RVA YI RNO RTUL LTAR, ,SPROS PA DANG BRAL BA DON DAM YIN, ,GZHI BDEN GNYIS KYI RNAM DBYE RTOGS PA'I

, ,BLO; ;THABS BYANG CHUB SEMS KYI RTZIS ZIN PA, ,LAM STONG NYID SNYING RJE'I SNYING PO CAN, ,'DI CHOS KUN YANG SNYING MTHAR THUG LAGS, ,LAM DE 'DRA BSGOMS BA LAS BYUNG PA, ,SGRIB BRAL GYI YON TAN NAM MKHA'I MDZOD, ,MTHAR THUG GI ZUNG 'JUG PHYAG RGYA CHE, ,SKU GSUM GYI BDAG NYID 'BRAS BU YIN, ,BDEN 'DZI GYI 'CHING BA BSHIG BYAS TE, ,'KHOR 'DAS KYI CHOS RNAMS MA LUS PA, ,RANG BZHIN DANG BRAL BA'I STONG PA NYID, , JI BZHIN DU RTOGS PA LTA BA'I MCHOG ,'KHOR 'DAS KYI RANG BZHIN STONG PA'I DANG, ,RNAM DAG GI RIGS PA'I MDUNG BSKOR BYAS, ,G-YENG MED DU CHU BO'I GZHUNG BZHIN DU, ,RTZE GCIG TU 'JOG PA SGOM PA YIN, ,DON DAM DU SPROS PA KUN BRAL YANG, ,RJES THOB TU 'KHYER SO GSUM GYI DANG, ,RGYAL SRAS KYI SPYOD PA'I RJES SLOB PA, ,SKYON MED KYI RLABS CHEN SPYOD PA YIN, ,LAM 'DI 'DRA BSGOM BA'I RNAL 'BYOR PA, ,AE MA HO SKYID PA'I NYI MA 'CHAR, ,AA LA LA DGA' BA'I GLU DBYANGS LEN, ,DBYANGS MCHOD PAR BZHES SHIG DKON MCHOG GSUM, ,ZHES GDAMS SO, ,DE NAS, DBUS SU LHA LDAN SMON LAM GYI TSOGS DBUR PHEBS DE'I TSE 'BRAS SPUNGS SU MCHOG GI SPRUL PA'I SKU NGAG DBANG BLO BZANG RGYA MCHOS GTZOS DBUS PHYOGS KYI BLA MA SPRUL SKU DGE BSHES RAGS BSDUS BCAS LA 'JAM DBYANGS CHOS SKOR SOGS DBANG LUNG MAN NGAG MTHA' YAS PA GNANG, DE SKABS DBUS GTZANG GI DGE 'DUN GYI SDE PHAL MO CHES RJE 'DI PA SO

SO'I GNAS SU GDAN DRANGS TE MCHOD CING BSNYEN BKUR BA DANG, CHOS KYI BKA' DRIN ZHUS, RJE 'DI PAS KYANG GANGS RI'I LJONGS KYI DGE 'DUN GYI SDE GANG NA YOD PA THAMS CAD LA CHOS KYI BKA' DRIN STZAL ZHING, RJE 'DI'I GSUNG THOS PA TZAM GYIS GRUB MTHA' RIS SU MA CHAD BA MTHA' DAG GIS SNYING NAS DAD CING MOS PAS CHOS KYI BDUD RTZI ZHU BAR BYED LA, LHAG PAR 'BRUG PA RNAMS NI RJE 'DI LA RNAL 'BYOR GYI DBANG PHYUG MI LA RAS PA DANG MTSUNGS PA'I DAD GUS BYED CING, 'BRUG PA SANGS RGYAS RDO RJES RJE 'DI LA PHYAG CHEN RTZA 'GREL GYI LUNG ZHUS TE DA PHYIN CHAD BDAG GIS 'DI'I 'PHRIN LAS SPEL LO ZHES DAM BCAS, RJE 'DI LA MI PHYED PA'I DAD PA THOB STE YON TAN LA CHES CHER BSNGAGS PA'I RNAM THAR YANG BSGRIGS ZHES GRAG GO ,BAR SKABS SU RI BO DGE LDAN GYI BLA MA DGE 'DUN TSANG MAS RAB TU DGA' LDAN GDAN SA GTAN DU MDZAD PA ZHIG DGOS, MA MTHA' 'ANG RE SHIG DGA' LDAN DU BZHUGS NAS RJE'I SKU GDUNG RIN PO CHE'I STENG GI RGYA PHUB HA CANG RNYINGS PAS GRUM NAS THIGS PAS MCHOD KHANG YANG CHUD ZA BA 'DI LA THUGS RJES GZIGS DGOS ZHES MGRIN GCIG TU GSOL BA BTAB PA NA GDAN SA MDZAD PAR ZHAL GYIS MA BZHES KYANG SKU GDUNG RIN PO CHE'I RGYA PHUB BZO BAR ZHAL GYIS BZHES TE BYANG RTZER PHEBS, DE DUS NGO MTSAR BA'I MTSAN LTAS BYUNG BA BRDA TSIG GIS YI GER 'GOD PAR MDZAD PA NI 'DI LTAR, SVASTI, MDANGS GNYID KYIS LOG PA'I RMI LAM DU, ,BAG CHAGS KYI NYING 'KHRUL SNA TSOGS SHAR, ,DUS DANG POR BDEN

, ,BA'I RGYA YIS BCINGS, ,SLAR 'KHRUL PA'I RANG MTSANG RIG PA YIS, ,SEMS CHOS NYID NAM MKHA'I DBYINGS SU THIM, ,DPE RGYA MTSO'I NANG DU CHAB ROM BZHIN, ,YANG DGUNG SNGON DBYINGS NAS 'JA' TSON DANG, ,SLAR CHU NANG ZLA BA'I GZUGS BRNYAN LTAR, ,BLO YANG DAG DANG LTAR SNANG CI RIGS PA'I, ,YUL SNA TSOGS KYI BKOD PA MA 'DRES DANG, ,LAR NGO MTSAR GYI RI MO SNA TSOGS MTHONG, ,DPE DGUNG SNGON GYI DBYINGS NAS 'JA' TSON BZHIN, ,TSIG GSAL PAR BKOD KYANG SGRO SKUR RGYU, ,DON DE PHYIR KHA BYANG TZAM ZHIG BKOD, ,CES SO, ,DE DUS ZHAG GNYIS GSUM ZHIG KHUG RNA 'KHRIGS PA'I RKYEN GYIS NYI MA KHRAG MDOG TU 'CHAR BA BYUNG ZHING, DE DANG BSTUN DGE BA'I BSHES GNYEN 'GA' ZHIG GIS LUNG BSTAN MANG PO BKOD PAS SKYE BO DU MA RE DOGS KYI CA CO KUN TU SGROG PA RJE 'DI BA'I SNYAN DU GSAN PAS THUGS LA 'DI LTA BU 'KHRUNGS TE, KYE MA 'GRO BA 'DI DAG NI SHES BYA THAMS CAD LA LKOG TU MA GYUR BA'I SPYAN MNGA' BA SANGS RGYAS BCOM LDAN 'DAS BDEN PA GSUNG BA DES, TSE RABS THAMS CAD DU MI SHIS PA DANG, SDUG BSNGAL DANG, 'JIGS PA MTHA' DAG 'BYUNG BA'I SA BON DANG, LTAS NGAN PAR LUNG GSAL BAR BSTAN PA G-YO SGYU KHRAM GSUM GYIS MI DGE BA SPYOD PA LA RANG GI NGANG GIS 'JUG ,CHED DU SER GZUGS PHAL CHER NI SDOM PA DANG DAM TSIG YAL BAR DOR NAS MKHAN SLOB MCHED GROGS DGRA BO'I DANG MAR 'DZIN, KHYAD PAR SKYE BO PHAL CHER

'CHI BDAG GI GSHIN RJE MCHE BA GTZIGS SHING 'JIGS SU RUNG BA MA RANGS PA'I GAD MO DGOD PA, RANG GI SLAD BZHIN 'BRANG BA'I CHAD PA DRAG PO THOG TU NGES BAR 'BAB CING DE YANG NAM YONG NGES PA MED PA LA BAG GZON NAM NYAMS SNANG CUNG ZAD KYANG MED PAR TSE 'DI'I PHYI NANG GI MTSAN MA CUNG ZAD TZAM LA DOGS PA 'DI LTAR BYED PA, KYE MA MA LA TSES CHER RMONGS PA'AM, GDON THUGS LA ZHUGS PA RANG YIN PA 'DRA, BSHES GNYEN CHEN PO PO TO BA'I ZHAL NAS, 'O SKOL SANGS RGYAS KYI MKHYEN PA LA MO MA RNO SHOS TZAM DU'ANG MI RTZI GSUNG BA SHIN TU MED SNYAM DU THUGS LA SHAR BA CHA TZAM TSIG TU GSAL BAR MDZAD PA 'DI LTAR, AOm SVASTI, GANG LA BRTEN NA BSLU BA MED PA'I SKYABS, ,BDEN PA GSUNG BA DE LA GUS BTUNG NAS, ,RNAM DPYOD LDAN PA DAM PA'I RJES 'BRANG BA'I, ,GZUR GNAS SKYE BO YONGS LA 'DI LTAR GLENG, ,YONG NGAM MI YONG THE TSOM ZA BA YI, ,RGYA SOG BOD KYI 'DRE YI DMAG 'DUS PA'I, ,DMAG DPON BDUD NAG SENG GES 'GO BYAS TE, , BYUNG NGOS MKHA' DBYINGS SPAR MOS GZHAL BAS CI, ,YONG NGES SHES SHING BZLOG THABS MED PA YI, ,DUS KYI SRIN PO'I KHA YI NANG CHUD CING, ,'JIGS RUNG NGAN 'GRO'I G-YANG SA MDUN GNAS PA, ,BZLOG PA'I THABS MKHAS BSGRUBS NA MI LEGS SAM, ,SKYID KYANG MI 'TSENGS SDUG KYANG MI PHUNG BA'I, ,TSE THUNG 'DI YI RE DOGS MDUN MAS CI, ,NGES PAR YONG ZHING NAM YONG CHA MED PAS, ,'CHI GRABS TSAGS SU BTZUD NA MI LEGS SAM, ,TSE GCIG GNYEN 'DUN 'JIGS

, ,SAR SKYEL MA SOGS, ,RMONGS PA RNAMS KYANG 'BAD PAS TSOL BYED NA, ,NAM GZHAG GTAN GYI MDUN MA BSGRUB PA LA, ,DUS RNAM KUN TU BRTZON BA BSTEN BA'I RIGS, ,TSUL 'DI DRAN PA YIS KYANG GDUNG SEL BA, ,'DREN PA MNYAM MED SGYU 'PHRUL SRAS BO YI, ,PHYI BZHIN 'DRANG BA'I DGE SLONG GYI NA PA, ,BLO BZANG CHOS KYI RGYAL MTSAN ZHES BYAS SPRINGS, ,DGE BAS 'GOR KUN GROG SKAM NYA RGYA DANG, ,SGYU MA'I GSHIN RJE KHROS LA 'JIGS PA LTA'I, ,RE DOGS CHOS BRGYAD 'CHING BA LAS GROL TE, ,KUN MKHYEN 'GRO BA'I RTZA LAG THOB PAR SHOG ,CES SO, ,GZHAN YANG DE DUS NYAMS MGUR 'DI LTAR MDZAD DE, NA MO GU RU, DKYIL 'KHOR GYI 'KHOR LO BYE BA'I GTZO, , DUS MTHA' 'DIR DUR SMRIG RNAM ROL GYIS, ,SANGS RGYAS KYI MDZAD PA MNGON SUM BSGRUBS, ,DA DUNG YANG YE SHES SPYAN GYIS GZIGS, ,'KHOR 'DAS KYI CHOS RNAMS JI SNYED PA, ,SNANG BA LTAR MA ZHEN GNAS TSUL LTOS, ,SNANG GNAS KYI NGO BO GNYIS MTHONG NA, ,RTAG PA DANG CHAD PA'I MTHA' LAS GROL, ,MDO RGYUD KYI RGYAB RTEN DPUNG CHE ZHING, ,GDAMS NGAG GI NANG BYAN TSUD PA YI, ,BYIN RLABS KYI BRGYUD PA MA NYAMS PA'I, ,MTSAN LDAN GYI RJE BTZUN BSTEN PAS 'TSENGS,, THAR 'DOD KYI SKAL LDAN KHYED RNAMS KYANG, ,CHOS NYID KYI RANG ZHAL GZIGS BZHED NA, ,SKAM BSHAD KYI THA SNYAD MKHAN PO DANG, ,THOS CHUNG GI SGAM SGOM MA YIN PA'I, ,YONGS GRAGS KYI RJE LA BLO SNYING GTOD, ,SHUGS DRAG GI BSAGS

SBYANGS YUN DU BSRINGS, ,SNANG THOG TU ZHEN PA'I GZHI RTZA SHIG ,RIG THOG TU YOD MED MTHA' DANG BRAL, ,SNANG TZAM GYI RTEN 'BREL MI BSLU ZHING, ,RTEN 'BREL GYIS STONG PA'I DON STON PA, ,ZUNG 'JUG TU SKYONG BA'I RNAL 'BYOR 'DI, ,LTA BA DANG SGOM PA SPYOD PA GSUM, ,ZUNG 'JUG TU 'KHYER BA'I NYAMS LEN YIN, ,ZHES DANG, RJE BKA' DRIN GSUM LDAN RDO RJE 'CHANG, ,MI BDAG SNYING PADMO'I DBUS BZHUGS LA, ,MCHOG THUN MONG DNGOS GRUB MA LUS PA, ,DUS DA LTA NYID DU BDAG LA STZOL, , LO DKAR PO'I SA GA ZLA BA LA, ,DUS NYIN GCIG DGE LDAN RI BO'I NGOS, ,KHAMS 'DUS PA BSANG PHYIR SONG PA'I TSE, ,YUL RI MO SNA TSOGS SO SOR SNANG, ,SGO MA 'GAGS SNANG BA'I TSUL BRTAGS PAS, ,KUN BYANG GI CHOS RNAMS NGO BOS STONG, NGO BO DANG BRAL YANG CI YANG SHAR, ,SNANG STONG GNYIS 'GAL BA MA YIN PA'I, ,ZUNG 'JUG GI GZHAL MED NYAMS DGA' PA, ,'DI GANG SHAR GYI NGO BO BSKYANGS PAS MTHONG, ,CHOS PHUNG PO BRGYAD KHRI BZHI STONG KUN, ,LAM 'DI NYID KYI STENG DU 'BAB PAR GSUNGS, ,BZANG NGAN GYI SNANG PA GANG SHAR YANG, ,MING RTOG PAS BTAGS PA TZAM ZHIG LAS, ,RDUL TZAM YANG DMIGS SU MA MCHIS NA, ,LAR DGAG SGRUB KYI SPROS PAS CI RANG BYED, ,DA MNAR MED 'BAR BA'I ME NANG DU, , YUN BSKAL PAR BSREGS KYANG NYAM NGA MED, ,RMI LAM GYI RAB 'BAR MES BSREGS KYANG, ,SREG MKHAN DANG BSREG BYA SREG BYED GANG, ,DON DE PHYIR TSANGS DBANG LA SOGS PA, ,DPAL SRID PA'I PHUN TSOGS THAMS CAD LA'ANG, ,YID

, ,'DUN CING CHAGS PA CUNG ZAD MED, ,LAR SGYU MAS SPRUL PA'I LONGS SPYOD BZHIN, ,DON 'DI BZHIN NGES PA BLA MA'I DRIN, ,TSIG SKAM BSHAD KYI RGYUD PA MA YIN PA, ,DPAL BYIN RLABS KYI RGYUD PA MA NYAMS PA'I, ,PHA YONGS GRAGS KYI RJE BTZUN BSTEN BAS 'TSENGS, ,CES PA DANG, YANG HA HA, SEMS GSAL RIG 'GAG MED DU SKYE BA 'DI, ,SKYE MED DU MTHONG BA YA RE MTSAN, ,SKYE MED LA GNAS DANG 'GAG PA GANG, ,MO GSHAM GYI BU MO'I 'GYING BAG BZHIN, ,SEMS RANG BZHIN SPROS PA'I MTHA' DANG BRAL, ,GDANGS 'GAG MED CIR YANG 'CHAR ZHING SNANG, ,DBYINGS GZUNG 'DZIN GYI SGROG LAS RNAM GROL KYANG, ,DENG SBAR 'DZIN BYED PA 'DI CI 'DRA ZHIG ,KHONG GZHAN TSO LTA KHRID DANG PHYAG CHEN SGOM, ,MI KHO BO LA BSGOM BYA SGOM BYED DANG, ,DON 'DI BSGOM GYI MTSAN MA RDUL TZAM MED, ,SGOM SGRUB KUN JI LTAR DGYES DGYES MDZOD, ,DA MYUR DU SHI'AM GSON YANG BLA, ,SEMS SNANG STONG BDE CHEN GYI GROGS MCHOG DANG, ,DUS SKAD CIG KYANG MI 'BRAL 'GROGS NAS 'GRO, ,SDUG BSNGAL KUN JI LTAR DGYES DGYES MDZAD, ,KHA PHYI LTA'I THA SNYAD RTOG GE PAS, ,'DI THOS NA 'GAL 'DU'I PHUNG POR SEMS, ,DON NYAMS MYONG CAN GYI RNAL 'BYOR PAS, , GLU 'DI 'DRA GSAN NA 'DZUM PA 'CHOR, ,ZHES DANG, NA MO MAH'A MU DR'A YA, PHA BKA' DRIN MNYAM MED BLA MA RJE, ,MI BDAG SNYING PADMO'I ZE'U 'BRUR BZHUGS, ,RTEN DAL 'BYOR MI LUS RNYED DKA' ZHING, ,'DI MI RTAG MYUR DU 'CHI BAS NA, ,

RGYUD NGANG RING LE LO MA MCHIS PAR, ,DA G-YEL MED SGRUB LA BRTZON PAR MDZOD, ,RJE BSLU MED BLA MA DKON MCHOG LA, ,SNYING RUS PA'I GTING NAS SKYABS 'GRO ZHING, ,MA KHAMS GSUM 'KHOR BA'I SEMS CAN LA, ,BYAMS SNYING RJES DRANGS PA'I SEMS BSKYED 'TSAL, ,SNGON THOG MA MED NAS DA LTA'I BAR, ,SEMS 'KHRUL PA'I DBANG GIS 'KHOR BAR 'KHYAMS, ,DA 'KHRUL PA'I RJES SU MA 'BRENG BAR, ,CHOS KUN GYI RANG BZHIN GDOD MA'I GSHIS, , DON G-YEL MED SEMS KYI RDO RJE STE, ,LAM PHYAG RGYA CHEN POR GRAGS PA YIN, ,DER RE DOGS DGAG SGRUB MA BYED PAR, ,SEMS CHOS DBYINGS NGANG DU LHOD KYIS GLOD, ,LUS SNANG STONG DAG PA LHA YI SKU, ,NGAG GRAG STONG RDO RJE'I BZLAS PA DANG, ,SEMS GSAL STONG PHYAG RGYA CHEN PO'I DANG, ,DUS RTAG TU G-YENGS MED MNYAM PAR ZHOG ,RJES MTSAN MA'I DUG DANG MA 'DRES PAR, ,DPAL TSOGS GNYIS BYANG CHUB CHEN POR BSNGOS, ,ZHES PA RNAMS MDZAD, DE NAS RJE'I SKU GDUNG RIN PO CHE'I DBU THOG TU RGYA PHUB BYA 'DAB DANG BCAS PA GSAR BZOS LEGS PAR GRUB STE PHUL NAS RAB TU GNAS PA RGYAS PAR MDZAD, GZHAN YANG SKU GDUNG RIN PO CHE'I SKU MDUN DU MCHOD PA'I BYE BRAG BSAM GYIS MI KHYAB PA PHUL ZHING, DGA' LDAN 'DUS TSOGS LA MDO SNGAGS KYI CHOS MANG DU STZAL, DE NAS GTZANG PHYOGS SU PHEBS TE GCEN LUNG DANG, LHO PHYOGS SU DAD LDAN MANG POS GDAN DRANGS PA LTAR PHEBS TE, GANG DANG

, ,GANG DU PHEBS PA'I SA DE DANG DER SKYE BO RNAMS LA MTHO RIS DANG THAR PA'I SA BON THEBS PAR MDZAD CING, LHO PHYOGS KYI GZHI BDAG DKAR PHYOGS PA RNAMS KYIS GUS PA CHEN POS MCHOD CING, RJE NYID NAS KYANG THUGS MNYES PA'I GSUNG MGUR 'DI LTAR MDZOD DE, NA MO GU RU BUDDHA BO DHI SATVA BHYA: PHA BGA' DRIN GSUM LDAN BLA MA RJE, ,BDAG MOS PA'I BU LA THUGS RJES GZIGS, ,LO RAB MYOS SKYES BDAG GNYIS KYI MTSAMS, ,KHONG DANG LDAN SKYE BOS 'TSAMS SBYAR NAS, ,BOD MON MTSAMS NOR 'DZIN YANGS PA'I GZHIR, ,ZAS BSOD SNYOMS 'TSOL BA'I DON DU PHYIN, ,DER PHYIN BAS LHA CHEN BZANG RA SOGS, ,KHONG DKAR PHYOGS SKYONG BA'I GZHI BDAG RNAMS, ,YID DGA' BAS MCHOD PA'I SPRIN GYIS BSUS, ,SPYIR DAD LDAN SKYE BO'I ZHING SA LA, ,DUS KUN TU DGE BA'I SA BON BTAB, ,KHROM 'DU 'GYES ROL BA SNA TSOGS PA'I, ,PHYI RNAM G-YENG BAN BUN RGYAR CHUD KYANG, YUL GANG SHAR MI RTAG SDUG BSNGAL BA, ,DPE SGYU MA RMI LAM DRI ZA'I GRONG, ,CHU DVANGS PA'I ZLA GZUGS LTAR MTHONG BAS, ,DBYINGS SPROS BRAL GSAL BAR STON PA BZHIN, ,DON DE PHYIR SGYU MAS BSLUS PA YI, ,MA KHAMS GSUM 'KHOR BA'I 'GRO KUN LA, ,SNYING RUS PA'I GTING NAS SNYING RJE SKYES, ,DE SKYES KYANG GZHI MED RTZA BA BRAL, ,DON SNA MANG BYA BA'I SGROG CHUD CING, ,RGYUD SNYOMS LAS LE LO'I DBANG GYUR KYANG, ,CHOS PHUNG PO BRGYAD KHRI BZHI STONG GI ,DON GCES

PA'I BRJOD BYA MCHOG GYUR PA, ,LAM STONG NYID SNYING RJE'I SNYING PO CAN, ,'DI RES 'JOG RES 'GA' ZUNG 'JUG PA'I, ,DON NYAMS LEN GNAD DANG MA BRAL TZAM, ,BKA' MDO RGYUD KUN GYI SNYING PO MCHOG ,CHOS STONG NYID SNYING RJE'I SNYING BO CAN, ,'DI KUN GYIS NGES NA AA LA LA, ,DON NGES NAS GROL NA AE MA HO, ,ZHES SO, ,DE NAS BKRA SHIS LHUN POR PHEBS NAS BSTAN PA'I RGYUN LA DGONGS TE BKA' 'GYUR RIN PO CHE DAG NGES SHIG BZHENG BAR BZHED NAS ZHA LU NAS CHOS RJE BU STON RIN PO CHES ZHUS DAG MDZAD PA'I BKA' 'GYUR GDAN DRANGS, GZHAN YANG BKA' 'GYUR GYI DPE KHUNG MA MANG PO BSAGS TE RJE 'DI NYID KYI SPYAN LAM DU PHAB PA'I ZHUS DAG LEGS PAR MDZAD NAS GANGS RI'I LJONGS KYI YIG MKHAN MKHAS PAR GRAGS PA RNAMS BSDUS TE BKA' 'GYUR GSAR BZHENGS MDZAD PA DE LA NI BKA' 'GYUR SKYA BOD CHEN MO LJAGS ZHUS MAR GRAGS SHING, YANG GSER 'BA' ZHIG GIS BRIS PA'I BKA' 'GYUR ZHIG KYANG GSAR BSKRUN MDZAD DE BKA' 'GYUR GNYIS KA BKRA SHIS LHUN PO'I GTZUG LAG KHANG NA BZHUGS SO, ,DE SKABS DUS GZIR GYI 'GYUR BA LA BRTEN BLA CHEN MI CHEN MANG PO ZHIG DAR RGUD KYI 'GYUR LDOG SNA TSOGS BYUNG BA GZIGS PAS, RGYAL SRAS RIN PO CHES, PHYI MA'I SO TSIS GROG SKAM NYA RGYA 'DRA, ,BSAM PA THOG TU MI KHEL 'DOD 'DUN SKYUNGS, ,CIS KYANG DRAN NA 'BYOR RGUD 'DU 'BRAL SOMS, ,LTOS THUB CHOS LAS 'DUG GE MA nI BA, ,ZHES GSUNGS PA BZHIN PHYI TSIS KYIS ZAS NOR BSAGS KYANG SBRANG MA'I SBRANG RTZI DANG

, ,'DRA BAR MNGON SUM DU MTHONG ZHING GRUB KYANG, DA DUNG SNYING PO MED PA LA SNYING POR 'DU SHES PA 'DI DAG NI KYEM GYI HUD SNYING DANG MIG MED PA'O SNYAM DU MI RTAG PA DANG, SDUG BSNGAL BA DANG, BDAG MED BAR NGES PA'I NGES SHES DANG SGYU MAS RMONGS PA'I 'GRO BA MTHA' DAG LA SNYING RJE SHUGS DRAG TU 'KHRUNGS NAS 'KHOR BA'I NGANG TSUL THUGS LA SHAR BA LTAR TSIG TU MTSON PAR MDZAD PA NI 'DI LTAR, NA MO SH'AKYA MU NA YE, TSANGS DBANG DANG 'KHOR LOS BSGYUR BA YI, ,DGA' STON YANG GSHED MA LTAR DGONGS TE, ,CHOG SHES KYI BDUD RTZIS NGOMS PA RNAMS, ,AE MA HO MCHOG TU BSNGAGS PAR 'OS, ,RTAG 'DZIN GYI 'BYUNG POS YID BSGYUR NAS, ,CHOS BRGYAD KYI DUG CHUS RAB MYOS PA'I, ,DRED PO KHYOD SKYE RGA NA 'CHI YI, ,GNAS TSUL 'DI SNYING NAS BSAM PA'I RIGS, ,NYI RGAS KYI GRIB MA JI BZHIN DU, ,'CHI BDAG KHO MI SDOD TSUR TSUR 'ONG, ,BROS PAS KYANG THAR SA MI 'DUG PAS, ,'CHI GRABS LA PHYI SHOL MA BYED CIG ,STONG GSUM GYI KHYON LA DBANG BSGYUR ZHING, ,ZAS NOR SOGS RGYA MTSO'I 'JING GNAS KYANG, ,'CHI BDAG GI GSHIN RJE'I ZHAGS PA YIS, ,DBANG MED DU PHA ROL GCER PUR 'KHRID, ,GNAD GCOD KYI MTSON RNON DRAG POS BSNUN, ,NGAN SONG GI 'KHRUL SNANG SNA TSOGS SHAR, ,SNGAR BYAS KYI LAS LA 'GYOD CING 'TSER, ,AA TZAM CI BYA GTOL MED GYUR, NGAN SKYUGS DANG BSHAD GCI DRI NGA BA, ,'DAM RDZAB KYI NANG DU BYING ZHING NUB, ,BYANG SHA RNAMS PHYIR SBOS MIG 'BRAS RDIB, ,KHA ZAS KYI ZHEN LOG SKOM PAS GDUNGS, ,RIG RIG TU BLTA ZHING YAN LAG G-YOB, ,NGAR NGAR GYI DBUGS PHRENG GYEN DU BRTZEG ,NYAM THAG GI NGA ROS

BOS BYAS KYANG, ,RANG NYES KYIS SKYOB MKHAN GCIG KYANG MED, ,'JIGS RUNG GI G-YANG SAR LHUNG MTHONG NAS, ,RANG NYID LA GTING NAS YI MUG SKYES, ,LAG STONG DU SGREN MOR 'GRO DGOS PA, ,NAM YONG LA NGES PA MI 'DUG NA, ,GZON MED DU BDE PAR SDOD PHOD DAM, ,DON CHUNG GI KHE NYEN RTZI RTZI NAS, ,GLO BUR DU SKYAS CHEN 'DEGS DGOS BA'I, ,DANG TSUL 'DI SNYING NAS MI BRAN PA, ,PHYUGS LAS KYANG BLUN PA'AM YANG NA SMYO, ,GTAM NGAN DANG SDUG BSNGAL KHYAD BSAD NAS, ,SER SNA YIS BSAGS PA'I ZAS NOR LAS, ,RDUL TZAM YANG KHYER BA'I DBANG MED PAR, ,GCER BU RU BAR DO'I 'PHRANG LA 'KHYAM, ,'BAD RTZOL GYIS BSGRUBS PA'I NOR RDZAS DE, ,SPRANG MA YIS BSAGS PA'I SBRANG RTZI BZHIN, ,'BREL MED KYI SKYE BO GZHAN GYIS SPYOD, ,GNAS TSUL 'DI MNGON SUM MTHONG BZHIN DU, ,DA DUNG PHYI CHIS KYI GSOG RUN MKHAN, ,BLO NGAN GYI SKYE BO CE RE LONG, ,DA GSOG NA DUS GSUM 'PHAGS PA'I NOR, ,'GYUR MED KYI DAD PA RNAM DAG KHRIMS, ,THOS PA DANG GTONG BA NGO TSA SHES, ,KHREL YOD DANG SHES RAB NOR RNAMS SOGS, , 'PHAGS NOR GYIS GANG BA'I BANG MDZOD DE, ,SKYE RGA DANG NA 'CHI'I DGRA KUN GYIS, ,DUS NAM YANG 'PHROG PAR MI NUS PA, ,MTHAR THUG TU MI 'BRAL 'GROGS PAS BDE, ,ZHES DANG, NA MO GU RU MANYDZU GHO sh'A YA, BSKAL BZANG 'DI LA BDE GSHEGS NI, , MANG PO'I MDZAD PAS RNAM ROL PA, ,DRIN CAN RTZA BA'I BLA MA DE, ,DRAN PAS SRID PA'I GDUNG BA SEL, ,DENG NAS BYANG CHUB MA THOB BAR, ,NGAN SONG 'JIGS PA LAS SGROL ZHING, ,MTHO RIS THAR PA'I LAM 'DREN PA, ,BLA MA MCHOG

, ,LA RAG LAS KYANG, ,BKA' DRIN GSUM LDAN BLA MA LAS, ,LHAG BA'I SKYABS GNAS GZHAN 'TSOL BA, ,YID BZHIN NOR BU MCHOG THOB PA, ,DOR NAS MCHING BU LEN PA BZHIN, ,LHA LAS LHAG PA'I RTEN BZANG 'DI, ,RNYED DKA' DON CHE SHES GYUR KYANG, ,DON CHEN SNYING PO MI LEN PAR, ,TSE 'DI'I BYA BAS DUS 'DA' BA, ,DBUL PO 'GA' ZHIG STES DBANG GIS, ,NOR BU'I GLING DU SLEBS NAS KYANG, ,LAG STONG GCER BUR RANG KHYIM DU; ;'JUG PA LAS KYANG SHIN TU BLUN, ,'DI NA LO ZLA'I KHONGS TZAM DU, ,YONG PAR NGES SHING NAM 'ONG BA, ,NGES PA MED PA'I DGRA DAG LA, ,RMONGS PA'I 'JIG RTEN SKYE BO YANG, ,NYIN RE BZHIN DU BAG BYED NA, ,NGES PAR 'ONG ZHING NAM 'ONG BA, ,NGES MED 'CHI BDAG DGRA BO LA, ,GZON MED BDE BAR 'DUG PA 'DI, ,KYE MA KYI HUD PHYUGS LAS BLUN, ,'JIGS RUNG 'CHI BDAG ZA RES DE, ,DE RING THOG TU MI 'BAB PA'I, ,BDAG LA GDENGS YOD MA YIN NA, ,CI PHYIR BDAG YID BDE BAR 'DUG ,MI BZAD BZOD DKA'I NAD KYIS BTAB, ,BSHAD GCI'I GDAN LA 'GRE LDOG BYED, ,DROD BSDUS DBUGS RTZEGS DAR SGRA DAG ,'BYIN BA'I DUS SHIG MYUR DU 'ONG, ,GNYEN BSHES DU BAS MTHA' SKOR ZHING, ,SMAN DANG RIM GROS BCOS SU MED, ,YAN LAG G-YOB CING RIG RIG BLTA, ,'ON KYANG RTAG 'DZIN DBANG GYUR PAS, ,DA DUNG GSON PAR RE NA YANG, ,'CHI BDAG GSHIN RJE GNYAN ZHON TE, ,MAR RANGS KHREL NAS

GAD MO DGOD, ,GCES PAR BSKYANGS PA'I SHA RUS KYANG, ,BZHAG NAS GROGS MED GCER BU RU, ,'JIGS PA'I THANG LA DGRAS BCOM LTAR, ,MYUR DU 'GRO BA'I DUS SHIG 'ONG, ,STONG GSUM NOR LA DBANG BSGYUR YANG, ,RDUL PHRAN TZAM YANG KHYER DBANG MED, ,GNYEN BSHES MDZA' BAS MTHA' BSKOR YANG, ,GCIG TZAM RJES SU 'BRANG BA MED, ,DE TSE BDAG GI MING TZAM YANG, ,SHUL DU LUS NA GZHAN CI SMOS, ,'JIGS CHEN 'DI 'DRA MA DREN PAR, ,'BREL MED TSE 'DI'I BYA BA LA, ,ZHEN PA BDAG DANG BDAG 'DRA BA'I, ,MGON MED 'GRO BA MTHA' DAG LA, ,BRTZE BAS GZIGS SHIG BLA MA LHA, ,ZHES SOGS NYAMS MGUR MANG DU MDZAD DO, ,SPYIR SNYIGS MA'I NGANG TSUL CHES CHER BDO BA DANG, LHAG PAR PHYOGS LHUNG GDON GYIS YID DKRUGS NAS BSTAN 'DZIN DAM PA RNAMS LA 'TSE ZHING DRIN LAN LOG PAR 'JAL BA'I SDIG CAN 'GA' ZHIG GI NGANG TSUL GZIGS PAS THUGS SKYO BA'I NYAMS MGUR 'DI LTAR MDZAD DE, NA MO GU RU MANYDZU GHO sh'A YA, THUGS RJE DANG LDAN PA'I RGYAL GZHAN GYIS, ,'DUL BA RU MA NUS SPANGS PA YI, ,MGON MED KYI LONG PA BDAG CAG LA, ,G-YEL MED DU GZIGS SHIG ZAS GTZANG SRAS, ,'DUS BYAS KYI PNGANG TSUL STON KA'I SPRIN, , DGRA GNYEN GYI 'TSOGS 'DU TSONG DUS 'GRON, ,SNYIGS DUS KYI MI TSE NAM MKHA'I GLOG ,SHES LDAN 'DRA YOD NA BSAM PA'I RIGS, ,NAG PHYOGS KYI BDUD RIGS STOBS LDAN PAS, ,KHREL MED KYI NGAN SPYOD CHU LTAR 'KHRUG ,

, ,'DOD NAG GI DUG CHUS YID MYOS PAS, ,YA RABS KYI SPYOD TSUL RGYANG DU BSRINGS, ,DAM TSIG DANG SDOM PA RTZA LTAR DOR, ,NGO TSA DANG GTAM NGAN KHYAD BSAD NAS, ,'JIGS RUNG GI NGAN 'GRO'I G-YANGS SA CHER, ,SU MGYOGS RANG MDZAD TSOS CI DGONGS NA, ,RGYANG RING GI SNANG TSUL PHAR ZHOG GI ,DBYAR DGUN SOGS NAM ZLA'I 'GYUR LDOG DANG, ,DENG DUS KYI SKYE BO'I DAR RGUD 'DI, ,SHES BZHIN DU MI MTHONG CE RE LONG, , 'DI NANG GI BYA BA CI BYAS BDE, ,BYANG CHUB 'DI PHYIS NAS BTZAL THABS MED, ,THAR MED KYI BTZON KHANG RA BA LAS, ,'BROS THABS 'DRA AE 'DUG LEGS PAR SOMS, ,RI GZAR GYI 'BAB CHU DRAG PO LTAR, ,SKYES TZAM NAS 'CHI BDAG PHYOGS RGYUG PA, ,GANG GIS KYANG BZLOG PAR MI NUS NA, ,BDE MO RU SDOD PA PHYUGS LAS BLUN, ,'DI NANG GI DGRA 'DUL GNYEN SKYONG SOGS, ,'JIG RTEN GYI BYA BAR ZHEN PA TSO, ,'BRAS MED KYI SPUN PA 'PHYAR 'PHYAR NAS; ;DON PO MNAR MED KYI BUD SHING NYID, ,STONG GSUM LA DBANG BSGYUR RGYAL PO YANG, ,SKAD CIG KYANG SDOD PA'I DBANG MED PAR, ,PHA ROL TU GCER BUR 'GRO DGOS NA, ,'KHOR BA'I PHUN TSOGS LA YID BRTAN CI, ,DON CHUNG LA MI TSE 'DZAD PA'I RGYU, ,BAN BUN GYI G-YENG BAS CI RANG MDZAD, ,RLUNG DMAR GYI NANG GI MAR ME BZHIN, ,NAM 'CHI LA NGES BAM MCHIS PA, ,RMI LAM GYI DGA' STON LTA BU YI, ,ZAG BCAS KYI BDE LA ZHEN RIN MED, ,'GYUR

MED KYI ZUNG 'JUG BDE BA CHE'I, ,GRONG KHYER DU ZHUGS NA MI LEGS SAM, ,ZHES SO, ,LAS BDAG GIR BYA BA'I SNYIGS MA'I 'GRO BA RNAMS LA RGYAL BAS KYANG CI BYAR MED PAR NYAM THAG PAR GZIGS NAS STON PA THUGS RJE CAN LA GSOL 'DEBS SHUGS DRAG TU MDZAD PAS STON PA THUGS RJE CAN GSER GYI LHUN PO LA NYI MA BYE BA'I MDANGS BYUGS PA LTA BU ZHIG ZHAL GZIGS NAS DE'I MDUN DU YAN LAG BDUN BA MAndAL DANG BCAS PA PHUL TE GSOL BA 'DEBS PA'I GDUNG DBYANGS 'DI LTAR MDZAD DE, NA MO GU RU MU NI AAINDRA YA, MI MJED KYI ZHING GI STON PA DANG, ,DBYER MED KYI RTZA BA'I BLA MA LA, ,BYANG CHUB KYI SNYING POR SKYABS SU MCHI, ,'BRAL MED DU THUGS RJE'I LCAGS KYUS ZUNGS, ,RGYUD DRUG GI MA RGAN SEMS CAN RNAMS, ,KHAMS GSUM GYI BTZON KHANG RA BA 'DIR, ,NYON MONGS KYI LCAGS SGROG DAM POS BCINGS, ,LAS NGAN GYI RLUNG NAG 'TSUBS MAS G-YENGS, ,SDUG BSNGAL GYI MDA' CHAR DRAG POS MNAR, , GROGS MED DU MYA NGAM THANG LA 'KHYAMS, ,MGON MED KYI LONG BA NYAM THAG PA, ,SNYIGS DUS KYI SKAL NGAN 'GRO BA LA, ,BSLU MED KYI 'DREN MCHOG SH'AKYA'I TOG ,LONGS SPRUL GYI ZHING KHAMS GAR BZHUGS KYANG, ,SGRIB BRAL GYI SPYAN GYIS GZIGS MDZOD LA, ,BTZOM YI GSER SBYANGS ME LONG 'DRA'I, ,'DZUM ZHAL GYI BDUD RTZIS DBUGS PHYUNG LA, ,THUGS RJE DANG THABS TSUL BRGYA PHRAG GIS, ,DRIN CAN GYI 'GRO BA MA LUS PA, ,MTHO RIS KYI THEM

, ,SKAS LA BRGYUD NAS, ,SKU GSUM GYI GZHAL MED KHANG DU DRONGS, ,ZHES SO, ,DE NAS NA TSOD LDAN ZHES PA SHING MO PHAG GI LO 'TSUB LHONGS CHE ZHING PHYI NANG GI MTSAN LTAS KYANG 'TSUB 'GYUR CHE BA BYUNG NAS BKRA SHIS LHUN PO'I BLA MA RNAMS KYIS GTZOS RJE NYID KYI SLOB MA GTZO CHE BA MANG POS SKU TSE TSE SGRUB MDZAD DGOS ZHES GSOL BA BTAB CING RKYEN BZLOG DGOS TSUL NAN GYIS ZHUS KYANG RJE NYID NI SNGON GYI GRUB CHEN RNAMS KYI RNAM THAR LTAR 'JIG RTEN CHOS BRGYAD 'GO SNYOM ZHING, RKYEN BZANG NGAN GANG BYUNG YANG LAM DU 'KHYER BA LAS RKYEN BZLOG SOGS MA MDZAD CING, CHOS BRGYAD 'GO SNYOM PA'I GSUNG YANG 'DI LTAR BYON TE, NA MO GU RU RATNA TRA Y'A YA; GANG LA BRTEN NA BSLU BA MED PA'I, ,DKON MCHOG GSUM DANG RJE BTZUN BLA MA, ,DBYER MED SNYING GA'I PADMOR BZHUGS LA, ,MCHOG DANG THUN MONG DNGOS GRUB KUN STZOL, ,DENG SANG BAR SNANG GLOG 'DRA'I TSE THUNG, ,BSRINGS KYING DGUN GYI DGONG NYI 'DRA BA, ,GSON YANG CI BYA DE BAS GTAN GYI, ,MDUN GRABS BYAS NA LEGS PA MIN NAM, ,RMI LAM LO BRGYA LON DANG YUD TZAM, ,SONG NAS SAD PA GNYIS KA MTSUNGS LTAR, ,MI RTAG SGYU MA CHU BUR GLOG 'DRA, ,DE BAS NAM MKHA' GNAS PA DE SRID, ,SKYE RGA NA 'CHI MED PA'I PHUN TSOGS, ,BSGRUBS NA 'GRUB CING SGRUB DBANG YOD DUS, ,SGRUB PAR MI BYED BYIS PA'I SPYOD PA, ,SDIG SDUG GTAM NGAN KHYAD DU BSAD NAS, ,SKYID KYANG MI 'TSENGS

SDUG MI PHUNG BA'I, ,TSE 'DI'I PHUN TSOGS SGRUB RNAMS MTHONG TSE, ,GANG ZHIG THOB PAS NYES KUN MUN TSOGS, ,YONG YE MTHAR BYED NAM MKHA'I NOR BU, ,'GYUR MED BDE BA CHEN PO'I RANG BZHIN, ,SKU GSUM GZHAL MED PHO BRANG CHEN POR, , SEMS SHES LDAN PA SU ZHIG MI 'JUG ,'JIG RTEN 'DI YI BDE SKYID SGRUB DANG, ,GRUB RNAMS BRTAN DANG RGYAS PA'I DON DU, ,BZLAS BRJOD RIM GRO MCHOD SBYIN LA SOGS, ,BRTZON PA CHEN POS LEGS PAR BSGRUBS KYANG, ,BZANG PO'I KHA ZAS RNON PO'I DUG DANG, ,SBYOR BA'AM GSER BZANG SIL MA'I RIN GYIS, ,MI GTZANG KHROD KYI 'BRAS MED SPUN PA, ,NYON BA LAS KYANG BLUN PA MIN NAM, ,RANG DON KHO NAR NOR DANG TSE SGRUB, ,DBANG SDUD DRAG PO'I MNGON SPYOD LA SOGS, ,NGAN SONG SKRUB PA'I MYUR LAM YIN ZHES, ,MDO RGYUD KUN LAS GSUNGS PA MIN NAM, ,BDAG LA PHAN PAR 'DOD PA'I GROGS PO, ,RNAM DPYOD YANGS PA'I SKYE BO GANG DAG ,TZA NAG KYI YA BRAM ZE'I KHYE'U'I, ,RNAM THAR TSUL LA RJES SU 'JUG NA, , MIG CAN G-YANG DU MCHOD PA MIN NAM, ,CHOS BRGYAD 'CHING BA'I LCAGS SGROG SPANGS NAS, ,BDAG NYID PHYIR DU BRGYA PHRAG DKA' BAS, ,G-YEL MED THAR PA BSGRUB PA DE YANG, ,THEG MCHOG LAM LAS RGYAB KYIS PHYOGS NA, ,'DI NANG BDE SKYID 'BA' ZHIG SGRUB PHYIR, ,BZLAS BRJOD DKA' THUB RNAM DKAR DGE TSOGS, ,BRTZON PA'I 'BRAS BU JI LTAR 'GYUR ZHES, ,SHES LDAN RNAMS LA DAL BUS GLENG NGO, ,ZHES DANG, NA MO GU RU, LHA DKON MCHOG GSUM GYI NGO BO

, ,NYID; ;PHA RJE BTZUN BLA MA'I ZHABS LA 'DUD, ,DUS MA RUNGS SNYIGS MA LNGA BDO BAS, ,BDUD NAG PO'I RIGS RNAMS STOBS LDAN ZHING, ,LHA DKAR PO'I PHYOGS RNAMS SGRUB THAG RING, ,MI PHAL CHER MI DGE SDIG LA RNGAMS, ,KHYIM SPANGS PA'I DGE SBYONG PHAL CHER YANG, ,RGYUD KHRIMS 'CHAL G-YO SGYU TSUL 'CHOS MKHAN, ,RJE ZAS GTZANG SRAS KYI BSTAN PA YANG, ,SNUM ZAD PA'I MAR ME DAG DANG MTSUNGS, ,DON DE PHYIR THAR PA 'DOD PA RNAMS, ,SEMS BAG YOD BRTZON PA BSTEN PA'I RIGS, ,SPYIR 'DUS BYAS MTSAN NYID DBYAR GYI SPRIN, ,SOGS DENG SANG MI TSE GLOG 'DRA BAS, ,DON 'DO MED BYA BAS MI G-YENG BAR, ,DUS GTAN GYI MDUN MA SGRUB RE RAN, , DE RAN PAR MA ZAD 'PHYIS PA TZAM, ,GNAS 'KHOR BA'I RGYA MTSO GTING ZAB CING, ,SGOS NGAN SONG SDUG BSNGAL BZOD DKA' BAS, ,SEMS YOD NA 'BROS PA'I DUS LA BAB, ,LUS 'DOR LEN YANG DANG YANG BYAS PA'I, ,SHA RUS PA BSAGS NA LHUN PO BRGAL, ,ZANGS BZHU BA'I KHU BA BTUNGS PA DANG, ,ZAS MI GTZANG RANG KHRAG SPYAD PA DANG, ,LHA'I BDUD RTZI 'THUNGS PA GANG YIN PA'I, ,DPER RGYA MTSO RUNG BA MA YIN GSUNGS, ,KHONG GZHAN DANG 'THABS SHING RTZONG PA YIS, ,MGO BCAD NAS SPUNGS NA'ANG RI RAB 'DAS, ,SNYING NYE BA'I MDZA' BSHES DANG BRAL BAS, ,NGAG SMRE ZHING DUS PA'I MCHI MA YANG, ,PHYOGS GCIG TU BSKYIL NA RGYA MTSOR MTSUNGS, ,'DI SHES

SHING BDE BAR SDOD KHOM PA, ,YID MYOS SAM KHYOD SNYING LCAGS LAS BYAS, ,TSE 'DI SNANG SKYEL MAS 'DOR LA KHAD, ,DGRA GSHIN RJE'I GDAN 'DREN MDUN DU SLEBS, ,LAM BAR DO'I 'PHRANG 'DI YA YANG NGA, ,TSE PHYI MA'I 'BYON SA CI 'DRA RANG, , YAR BDE 'GROR SKYES KYANG MKHAS PA YIS, ,DON BSAMS NA DMYAL ME LTA BUR 'JIGS, ,MI SNYING CAN RANG LA SNYING RJES LTOS, ,RANG BSAM NA PHYI MA'I MDUN GRABS GYIS, ,SNGON LAN BRGYAR MYONG BA MA YIN PA'I, ,LAR SRID PA'I BDE BA GANG ZHIG YOD, ,DE SPYAD PAS DON 'BRAS CI 'DRA 'BYUNG, ,DA BSAMS NA SNYING PO GANG 'DRA 'DUG ,'DI SOMS LA PHYIN CHAD 'DOD 'DUN BSKYUNGS, ,RJE 'DREN MCHOG RGYAL PO BLA MA'I ZHABS, ,'DI 'BRAL MED SPYI BO'I RGYAN BZUNG LA; ;BKA' MDO RGYUD RGYA MTSO'I BCUD BSDUS PA, ,LAM THABS SHES ZAB MO'I NYAMS LEN GYIS, ,DPAL SKU GSUM BDE BA CHEN PO DE, ,TSE 'DI LA BSGRUBS NA MI LEGS SAM, ,ZHES SOGS NYAMS MGUR MANG DU MDZAD DO, ,DE SKABS GANGS LJONGS 'DIR GTZANG SOG 'DZINGS PA'I DUS 'KHYOMS DANG, 'BRI PHAG SDE GZAR GYI DUS 'KHYIMS SOGS DMAG 'KHRUG BRGYUD MAR BYUNG BAS GSHIN RJE'I 'JIG RTEN MI YUL DU 'PHOS BA LTAR 'KHYIG BRDUNG DANG GSOD GCOD DBUL ZHING PHONGS PAS NYAM THAG PA SOGS SDUG BSNGAL MTSO RDOL BA LTAR GYUR CING, DENG SANG GI SKYE BO RNAMS KYI DGRA GNYEN DANG MTHO DMAN YID BRTAN MI RUNG BA'I 'GYUR LDOG ,LHAG PAR DUS NGAN GYI KHREL MED SPYI DANG BYE BRAG TU BSTAN

, ,PA'I SGOR ZHUGS PAR RLOMS PA'I SER GZUGS SNYIGS MA LNGA'I GDON GYIS BSKYOD CING, CHAGS SDANG DANG PHRAG DOG DANG G-YO SGYU'I CHANG GIS YID LHAG PAR MYOS PAS NGAN 'GRO'I ME DONG 'JIGS SU RUNG BA'I STENG DU DGA' MGUR ZLOS GAR BSGYUR BA MANG PO GZIGS SHING, SNYAN DU GSAN PAS DE DAG GI BYED SPYOD LA SGRUB BYED 'PHEN PA'I TSUL DU NYAMS MGUR 'DI LTAR MDZAD DE, NA MO GU RU MANYDZU GHO sh'A YA, SPROS DANG BRAL YANG MTSAN DPE'I RGYAN GYIS SPRAS, ,GSUNG GCIG NYID KYANG DU MA SO SOR STON, ,DBYINGS LAS G-YO BA MED KYANG CHOS KUN GSAL, ,'CHID BA BCAD KYANG SNYING RJES DAM DU BCINGS, ,BSLU MED 'DREN PA SH'AKYA'I RGYAL PO DANG, ,DBYER MED RJE BTZUN BLA MA THUGS RJE CAN, ,DUS NGAN SNYIGS MA'I BDAG CAG 'GRO RNAMS LA, ,'BRAL MED BRTZE BAS GZIGS LA MCHOG STZOL ZHIG ,CHOS MED MI LA CHOS KYI RJER BTAGS PA, ,BDAG DANG BDAG 'DRA'I BLA MAR RLOM MTHONG TSE, ,DUL ZHING ZHI SOGS YON TAN BCU LDAN PA'I, ,BZLOG PHYOGS BLA MA'I MTSAN NYID LAGS SAM SNYAM, ,'GRO BA'I 'DREN PAR MNGON RLOM PHYOGS RIS CAN, ,KHROS PA'I TSE NA YUL DANG SDE DGON 'JOMS, ,RGYAL PO'I RNAM THAR SKYONG RNAMS MTHONG BA'I TSE, MTHO RIS THAR PA'I YAR 'DREN CI 'DRA RANG, ,PHAN BDE'I 'BYUNG GNAS BSTAN DANG BSTAN 'DZIN CES, ,GSUNGS MOD BSTAN 'DZIN PHAL CHER CHAGS SDANG GIS, ,SKYE DGU'I PHAN BDE 'JOMS PA MTHONG BA'I TSE, ,SANGS RGYAS BSTAN

PA'ANG SDUG BSNGAL 'BYUNG BA'I SGO, ,DGE LEGS RTZA BA TSUL KHRIMS YONGS POR BA'I, ,THEG MCHOG RNAL 'BYOR DBANG BO MANG MTHONG TSE, ,'GRAM RTZA MED PA'AM ZAGS PA'I KHANG RUL STENG, ,KHANG BRTZEGS BRTAN PO'I BKOD PA RUNG SNYAM SEMS, ,GRONG 'DABS DANG 'BREL DGON PA'AM GZHAN DU YANG, ,BKOD PAS MDZES PA'I KHRI GDAN LA 'DUG STE, ,MJO'I ZHABS 'BRING CAN DE'ANG RNAM GROL GYI, ,SROG LDAN CI ZHIG TSUL KHRIMS NOR LA SOMS, ,BKA' DRIN GSUM LDAN BLA MA'I THUGS DKRUG CING, ,BKA' BZHIN MI SGRUB SLOB MA'I TSOGS MTHONG TSE, ,MNAR MED KHRO CHU KHOL MA'I ZANGS MO CHE, ,CHAG GAM RDOL BA'I GTAM SNYAN THOS SAM SNYAM, ,BSTAN PA'I SGOR ZHUGS DUR SMRIG GOS GYON NAS, ,KHRIMS 'CHAL BAG MED SPYOD PA'I TSOGS MTHONG TSE, ,NGAN SONG GSUM GYI GNAS DE LEGS BRIS KYI, ,DGA' BA'I TSAL LTAR MTHONG BA YIN NAM SNYAM, ,SKRA BREGS LUS BSGYUR CHOS KYI SGOR ZHUGS KYANG, ,KUN SLONG DUG CHUS YID MYOS DGE 'DUN GYI, ,SDE BCAS DAM CHOS SPONG PA'I TSOGS MTHONG TSE, ,BSTAN LA ZHUGS PA YIS KYANG LHAG PAR PHUNG, ,BRDZUN DANG NGAN G-YO KHRAM GYIS RANG DON DAG ,SGRUB RNAMS SPYANG GRUNG 'DZOM PAR BYED MTHONG TSE, ,RANG DON DOR NAS GZHAN DON GTZOR MDZAD PA'I, ,SEMS DPA' MCHOG RNAMS MI GLUNG BLUN PA SNYAM, ,DAM PAS SMAD PA'I MI DGE'I LAS RNAMS LA, ,BAG MED DGA' MGUR 'JUG RNAMS MTHONG BA'I TSE, ,DGE SDIG SHAN 'BYED CHOS KYI RGYAL PO DE, ,SHI'AM MCHE BA ZAD PAR SHES PA 'DRA, ,SEMS

, ,CAN MGU BYA MA GTOGS RGYAL BA RNAMS, ,MNYES PA'I THABS GZHAN MED KYANG MCHOD SBYIN PHYIR, ,SKYA 'GRO KHRAL GYIS MNAR BA MTHONG BA'I TSE, ,'TSE BA CHOS SU SMRA LA NYES PA CI, ,DUS MTHA'I SKYE BO KUN GYI SPYOD TSUL RNAMS, ,STON PA'I GSUNG RAB PEE d'UR SA GZHI'I NGOS, ,GSAL BAR SHAR BA'I SNANG TSUL TZUNG ZAD TZAM, ,BLO BZANG CHOS KYI RGYAL MTSAN ZHES BYAS BKOD, ,DGE BAS MTHA' YAS 'GRO BA MA LUS PA, ,DUS BZANG YON TAN BRGYA LA LONGS SPYOD CING; ;SKYON BRAL SDOM PA GSUM GYIS RGYUD BSDAMS NAS, ,SKU GSUM GO 'PHANG MYUR DU THOB PAR SHOG ,BDAG KYANG TSE RABS KUN TU 'GRO RNAMS KYI, ,NGAN SPYOD SKYON GYI TSOGS LA MI RTOG PAR, ,DAG SNANG BYAMS BRTZE'I 'OD KYIS KHYAB BYAS TE, ,RNAM GROL DGA' BA'I TSAL DU MYUR 'JUG SHOG ,CES DANG, NA MO GU RU MANYDZU GHO sh'A YA, GANG GI ZHABS SEN NOR BU'I 'OD CHAGS, ,DRAN PAS DNGOS GRUB 'DOD DGU STZOL MDZAD, ,BLA MA MCHOG DANG SH'AKYA'I GTZO BO, ,DBYER MED SNYING GA'I PADMO'I DBUS BZHUGS, THOG MED DUS NAS DA LTA'I BAR DU, ,SKYE RGA NA 'CHI'I RBA KLONG 'KHRUG CING, ,SDUG BSNGAL CHU SRIN MANG POS GANG BA'I, ,'KHOR BA'I RGYA MTSO CHEN PO'I NANG 'KHYAMS, ,NGAN SONG GNAS SU GTAN YUL BYAS SHING, ,PHAL CHER MNAR MED 'BAR BA'I MES BSREGS, ,SKABS 'GAR BDE 'GRO'I LUS RTEN THOB KYANG, ,MA RIG 'THUG BOS BLO MIG BSGRIBS PAS, ,MI DGE'I BSHES DANG SDIG PA'I GROGS DANG, SDUG BSNGAL 'GRUB PA'I RGYU DANG SDUG BSNGAL, ,BDE BAR 'DZIN PA'I LOG

SHES DBANG GIS, ,DGA' MGUR DGOD CING BYAS PA'I 'BRAS BU, ,'JIGS RUNG BTZON KHANG RA BAR BCUG NAS, ,MI BZAD SDUG BSNGAL CHAR LTAR 'BAB CING, ,MGON MED SKYABS MED MCHIMS GDONG G-YOGS, ,DU BZHIN NYAMS SU MYONG BAR 'GYUR RO, SKYE RGA NA 'CHI YID 'ONG BRAL DANG, ,MI SDUG PHRAD DANG 'DOD PA MA RNYED, ,'DU BYED SDUG BSNGAL 'BAR BA'I MTSON GYIS, ,BCOM ZHING MI 'JOMS SRID NA CI ZHIG ,SRID NA NGA RGYAL RLOM BAS 'GYING ZHING, ,DREGS PA'I NGA RO CHES CHER SGROG PA'I, ,LHA CHEN TSANGS DBANG MDA' LNGA PA SOGS, ,'DOD PA'I BDE LA YUN RING SPYAD NAS, ,MNAR MED RAB TU TSA BA'I ME NANG, ,BSREG CING 'PAR BA'I THO BAS PHYER 'THAG ,MTHO RIS BU MO'I NU MA'I REG PAS, ,MNGON PAR DGA' ZHING RTZES NAS SLAR YANG, ,RAB RNO BZANG RING SHAL MA'I RI YIS, ,GTING DU 'BIGS SHING TSAL PAR GSHEG GO ,LHA YUL RO BRGYA LDAN PA'I BDUD RTZIR, ,NGOMS PA MED PAR YANG YANG SPYAD NAS, ,MI GTZANG RANG BZHIN RANG KHRAG RUL PA, ,DRI NGA BTZOG PA'I BSHANG GCIS 'TSO 'GYUR,, GLING BZHI'I KHYON LA 'DOD DGUR BSGYUR BA, ,STOBS KYIS SNYEMS BA'I GTZO BOR GYUR NAS, ,BYIS NAS BLUN CING RMONGS PA'I DUD 'GRO, ,BKOL SPYAD GZHAN GYI DBANG DU 'GYUR RO, ,YUD TZAM ZHIG KYANG 'BRAL MI PHOD PA'I, ,GNYEN 'KHOR MDZA' BA MANG POS BSKOR YANG, ,MYUR DU RGYUS MED NYAM NGA'I GNAS SU, ,GROGS MED RANG NYID GCIG PUR 'GO'O, ,SER SNAS BSAGS PA'I ZAS NOR PHUNG PO, ,RGYA MTSO'I GOS CAN GANG BAR DBANG YANG, ,RING POR MI THOGS LHAN CIG SKYES PA'I, ,LUS KYANG

, ,BZHAG STE LAG STONG 'GRO'O, ,MTHO RIS BDE 'GRO'I LUS DANG LONGS SPYOD, ,GNYEN GROGS 'KHOR G-YOG PHUN TSOGS GANG LA'ANG, ,YID BRTAN RUNG BA CUNG ZAD MED CING, ,BDE MED SDUG BSNGAL BRGYA YIS GTZES NAS, , LAS NGAN DBANG GIS LUS NGAN BLANGS PA'I, ,DMYAL BA YI DVAGS DUD 'GRO LA SOGS, ,NGAN SONG LOG PAR LTUNG BA RNAMS KYI, ,SDUG BSNGAL 'DI LA BZOD THABS AE 'DUG ,MI BZOD BZHIN DU RANG NYES 'BRAS BU, ,DUS KYI LO TOG BZHIN DU SMIN NAS, ,MI 'DOD TSOR BA DRAG POS MNAR TSE, ,SANGS RGYAS KYIS KYANG SKYOB PA'I THABS MED, ,DE PHYIR RANG DBANG YOD PA'I DUS 'DIR, ,SKYE RGA NA 'CHI RGUD PA'I SDUG BSNGAL, ,MTHA' DAG SPANGS PA'I SKU GSUM GO 'PHANG, ,BSGRUB PA'I TSUL LA BRTZON PAR GYIS SHIG ,CES SOGS NGES 'BYUNG SHUGS DRAG POS BSKYOD PA'I NYAMS MGUR MANG DU MDZAD DO, ,LHAG PAR DE DUS CHEN POR RLOMS PA STOBS KYIS DREGS PA MANG PO ZHIG DUS 'KHRUG GIS NYAM THAG PAR GYUR PA GZIGS PAS DNGOS SU DE DAG LA PHAN PA BYED BA'I SKABS MA RNYED CING THUGS NGES 'BYUNG DANG SNYING RJES BSKUL BA'I DKON MCHOG LA GSOL 'DEBS 'DI LTAR MDZAD DE, GU RU BUDDHA BODHI SATVA YA NA MA: SGYU MAS RMONGS PA'I 'GRO BA 'DI'I, ,DUG GSUM DRIM 'KHRUD PA'I PHYIR, ,DAM CHOS BDUD RTZI'I CHAR 'BEBS PA'I, ,SH'AKYA'I GTZO BO DE LA 'DUD, ,'JIGS RUNG SRID PA'I RGYA MTSO 'DIR, ,LAS DANG NYON MONGS RBA KLONG 'KHRUG ,SDUG BSNGAL CHU SRIN GYIS GTZES PA'I, ,NYAM THAG 'GRO

'DI THUGS RJES SKYOBS, ,DMYAL BA YI DVAGS DUD 'GRO SOGS, ,SDUG BSNGAL DRAG POS MNAR BA YI, ,MGON SKYABS MED PA'I 'GRO BA KUN, ,THUGS RJE MNGA' BAS BSKYAB TU GSOL, ,BDE BAR 'GRO BA ZHES GRAGS KYANG, ,'DU BYED 'GYUR BA'I SDUG BSNGAL GYI, ,MDA' CHAR 'BAB PA 'DI DAG LA, ,THUGS RJE MNGA' BAS BSKYAB TU GSOL, ,'DUS PA 'BRAL ZHING BSAGS PA 'DZAD, ,SKYES PA 'CHI ZHING MTHON PO'I MTHA', ,RGUD BAS MNAR BA'I 'GRO BA RNAMS, ,THUGS RJE MNGA' BAS BSKYAB TU GSOL, ,SKYE RGA NA 'CHI RGUD BA YI, ,'JIGS RUNG SRIN PO'I MCHE BA BZHI'I, ,PHRAG TU ZHUGS PA'I SKYE BO YI, ,MGON SKYABS MDZOD CIG ZAS GTZANG SRAS, ,DENG SANG DUS KYI 'GYUR BA 'DI, ,KUN MKHYEN THUB PA'I GSUNG RAB LAS, ,SRID PA'I PHUN TSOGS RMI LAM DANG, ,ZAS NOR SBRANG MA'I SBRANG RTZI DANG, ,'DUS BYAS SA 'DZIN MTHON PO YI, ,RTZE NAS LHUNG BA'I 'BAB CHU BZHIN, ,GSUNGS DON RMONGS PA'I SKYE BO LA, ,MNGON SUM STON PA'I SLOB DPON BZHIN, ,KHA CIG RNGON PAS GCES PA YI, ,RI DVAGS JI BZHIN SKRAG PAS NYEN, ,LA LA 'JIGS RUNG MYA NGAM GYI, ,THANG LA DGRAS BCOM 'GRON PO BZHIN, ,'GA' ZHIG BDE BA 'DOD PA'I PHYIR, ,DGOD CING SDIG PA'I LAS BYAS PAS, ,MCHIMS GDONG G-YOGS DU BZHIN DU, ,RNAM SMIN MYONG BA'I LAS LA SPYOD, ,PHAL CHER BAR DO'I SEMS CAN BZHIN, ,LAS NGAN GDON GYIS DKRUGS PA YI, ,NYAM THAG 'GRO BA 'DI RNAMS LA, ,THUGS RJE MNGA' BAS MI DGONGS NA, ,KHYOD LAS LHAG PA'I SKYABS GZHAN CI, ,DE PHYIR BSKAL PA DPAG MED NAS, ,

, ,BDAG CAG SNYIGS MA'I 'GRO BA RNAMS, ,PHYAG MTSAN BZHES BZHIN THUGS RJES SKYOBS, ,CES SO, ,GTZANG SOG GZIR BA'I DUS CHOS SDE MANG PO ZHIG KYANG 'GA' ZHIG DBANG MED DU DMAG LA BSKUL BA DANG, 'GA' ZHIG NI BSAM BZHIN DU SER DMAG BYAS PA SOGS, RGYAL BA'I BSTAN PA CHES CHER NYAMS PA'I NGANG TSUL GZIGS PA DANG, SKYE BO PHAL MO CHE'I SNANG TSUL SNA TSOGS PA ZHIG GZIGS PAS THUGS PHYUNG ZHING 'KHOR BA'I GNAS SU NYAM THAG PA'I 'GRO BA 'DI DAG LA PHAN PA BLA NA MED PA SBYIN PA'I SKYABS GNAS STON BA MTSUNGS PA MED PA SH'AKYA'I GTZO BO LA GSOL 'DEBS 'DI LTAR MDZAD DE, NA MO GU RU MANYDZU GHOsh'A YA, BTZO MA'I GSER SBYANGS LHUN PO NI, ,LI KHRI'I MTSAMS SPRIN GOS GYON NAS, ,DGE MTSAN 'OD KYIS 'GENGS 'DRA BA'I, ,SH'AKYA'I GTZO BO DE LA 'DUD, ,KYE MA BDAG CAG SKAL BA NGAN, ,'JIGS RUNG DUS KYI SRIN PO LNGAS, ,SNOD BCUD KUN GYI MDANGS PHROGS PA'I, ,MTHA' 'KHOB MUN PA'I YUL 'DIR SKYES, ,THUB DBANG SMRA BA'I NYI MA DE, ,DUS KYIS NUB RI'I PHAG TU GSHEGS, ,RGYAL SRAS 'PHAGS PA'I TSOGS RNAMS DANG, ,BSTAN 'DZIN DAM PA'I SKYES BU RNAMS, ,DAG PA'I ZHING DU BTANG SNYOMS MDZAD, ,BSTAN PA RIN CHEN SGRON ME YANG, ,BUD SHING ZAD PA'I ME DANG MTSUNGS, ,STON PA'I BKA' KHRIMS YID BZHIN NOR, ,GUS PAS GTZUG GI RGYAN 'DZIN PA, ,'OD STONG BDAG PO'I GZI BYIN GYIS, ,LHA LAM BKANG PA'I RGYU SKAR BZHIN, ,DAM PA'I GZUGS KYI

TSANG TSING NAGS, ,CHAGS SDANG G-YO SGYU PHRAG DOG GI ,GDUG PA'I SBRUL GYIS GANG BA YI, ,KHA RLANGS ME YI 'BRAS BUS KHYAB, ,DUR SMRIG MDZES PA'I GOS 'CHANG YANG, ,KHREL DANG NGO TSA SDOM PA GSUM, ,CIG CAR SPANGS PA'I ZLOS GAR GYIS, CHU SRIN RGYAL MTSAN CAN SDE'I TSOGS, ,NYIN BYED ZER GYIS REG PA YI, ,PADMO GZHON NU LTA BUR 'DZUM, ,THA MAL SKYE BO PHAL CHER YANG, ,CHAGS SDANG DRAG PO'I GDON ZHUGS PAS, ,DAM PAS SMAD PA'I LAS RNAMS LA, ,'DZEM MED CI DGAR KUN TU SPYOD, ,SNGON DUS DGE BA'I MI DBANG GIS, ,SKYE DGU BDE BA'I DON BCAS PA'I, ,KHRIMS RNAMS BZHI MDO'I RTZA LTAR 'DOR, ,RANG 'DOD GZU LUMS SPYOD PA YI, ,SDIG SPYOD RGYAL PO'I KHRAL GYIS MNAR, ,NAD RIMS 'THAB RTZOD MU GE YI, ,GNAM LCAGS SER CHEN STONG BAB PAS, ,SKYE DGU'I PHAN BDE'I PAD TSAL BCOM, ,'DI 'DRA'I 'GRO BA NYAM THAG PA, ,RI DVAGS RGYA RU CHUD 'DRA BA'I, ,MGON SKYABS MED PA BDAG CAG LA, ,THUGS RJE CHE LDAN STON PA LAS, , LHAG PA'I SKYABS GZHAN CANG MA MCHIS, ,KHYOD SNGON BDE GSHEGS RIN PO CHE, ,SNYING PO'I YAB TU GYUR PA'I TSE, ,RNYOG MAS SBAGS PA'I RTZOD DUS 'DI, ,BRTZE LDAN GZHAN GYIS SPANGS DUS SU, ,RLABS CHEN SMON LAM 'BUM PHRAG GIS; ;THABS MKHAS THUGS RJES PHYAG MTSAN BZUNG, ,DE PHYIR SNYIGS MA'I BYIN ZA YIS, ,GDUNGS BA'I BDAG CAG 'GRO BA RNAMS, ,THUGS RJE'I CHAR GYIS BSIL BAR MDZOD, ,MTHA' MED 'KHOR BA'I RGYA MTSO CHE, ,

, ,SDUG BSNGAL RBA GLONG 'KHRUG PA'I GLONG, ,BYING BA'I MGON MED 'GRO BA 'DI, ,THUGS RJE'I LCAGS KYUS DRANG DU GSOL, ,BLANG DOR GNAS LA LTA BA'I MIG ,MA RIG LING THOG GIS BSGRIBS PAS, , DMUS LONG G-YANGS SAR MCHONG 'DRA BA'I, ,RMONGS PA'I 'GRO LA BRTZE BAS GZIGS, ,KHYI PHAG MI GTZANG PHUNG PO LA, ,CHAGS SHING ZHEN PA JI LTA BAR, ,SDUG BSNGAL BDE BAR 'DZIN PA YI, ,LOG SHES CAN RNAMS THUGS RJES SKYOBS, ,'DOD CHAGS RI GZAR CHU BZHIN 'KHRUG ,ZHE SDANG DUS MTHA'I ME LTAR 'BAR, ,PHRAG DOG RLUNG DMAR LTAR 'TSUBS PA'I, ,RMONGS BA'I 'GRO RNAMS THUGS RJES SKYOBS, ,BDE 'DOD SDUG BSNGAL 'DOR 'DOD KYANG, , DGE LA DGRAR BLTA SDIG PA LA, ,DGA' ZHING BRTZON PAS 'JUG PA YI, ,LOG SHES CAN RNAMS THUGS RJES SKYOBS, ,THA MA'I DUS KYANG SKYENGS BYED PA'I, ,MTSON DANG MU GE NANG RIMS KYI, ,MI BZANG MDA' CHAR DRAG PO YIS, ,GDUNGS BA'I 'GRO RNAMS THUGS RJES SKYOBS, ,RGYAL BA'I BSTAN LA RAB BYUNG NAS, ,CHOS GOS BZHIN DU GO CHA GYON, ,GSIL BYED BZHIN DU MDA' MTSON THOGS, ,MIG CAN 'BAR BA'I ME NANG DU, ,MCHONG 'DRA'I 'GRO RNAMS THUGS RJES SKYOBS, ,MI BZAD DRI NGA MI GTZANG PA'I, ,LJAN LJIN MUN PA'I NANG ZHUGS TE, ,BZOD DKA' GDUNG BAS NYAM THAG PA'I, ,SKYE GNAS CAN RNAMS THUGS RJES SKYOBS, ,LANG TSO RGYAS PA'I ME TOG KYANG, ,DUS KYI BA MOS BCOM PA YI, ,'GRAM

ZAGS KHANG RUL LTAR 'JIG PA'I, ,'CHI BAR NYE RNAMS THUGS RJES SKYOBS, ,MDZA' BA'I GNYEN DANG BSAGS PA'I NOR, ,LUS DANG LONGS SPYAD KUN BOR NAS, ,MGON MED SKYABS MED PHA ROL TU, ,GCIG PUR 'GRO RNAMS THUGS RJES SKYOBS, ,SDUG DANG BRAL ZHING DGRA DANG PHRAD, ,'DOD 'BRAS KYIS DBEN MI 'DOD PA'I, ,DNGOS RNAMS THOG LTAR BAB PA YI, ,MGON MED RNAMS LA THUGS RJES SKYOBS, ,ZAS NOR LONGS SPYOD STOBS RNAMS KYIS, ,NGA RGYAL DREGS PAS 'GYING RLOM YANG, ,DBANG MED RGUD PA'I LCAGS SGROG GIS, ,DAM POR BCINGS RNAMS THUGS RJES SKYOBS, ,TSA GRANG BZOD DKA'I SDUG BSNGAL DANG, ,BKRES SKOM BKOL SPYAD GCIG LA GCIG ,ZA BA'I 'JIGS RUNG SDUG BSNGAL GYIS, ,MNAR BA'I 'GRO RNAMS THUGS RJES SKYOBS, ,MDOR NA NAM MKHA'I MTHAS KLAS PA'I, ,MAR GYUR 'GRO BA MA LUS PA, ,SRID ZHI'I RGYA MTSO LAS BSGRAL TE, ,THAMS CAD GZIGS PA'I GNAS SU DRONGS, ,ZHES SO, ,RJE 'DIS NOR 'DZIN YANGS PA'I KHYON THAMS CAD DU RGYAL BA'I BSTAN PA RIN PO CHE SBEL PAR MDZAD CING LHAG PAR DBANG PHYOGS GONG MA'I RGYAL KHAB 'DI RGYA CHE ZHING STOBS MNGA' THANG CHE BAS PHYOGS DER RJE RIN PO CHE'I BSTAN PA SNGON DUS RJE RIN PO CHE'I BKAS BYAMS CHEN CHOS RJE MNGAGS TE CUNG ZAD DAR BAR BYUNG NA'ANG DUS PHYIS DAR CHA CHUNG BAS THABS TSUL JI LTA BU ZHIG GIS DAR BAR BYA SNYAM DU YE SHES KYI GZIGS PA NA SE CHEN CHOS RJE LA 'PHRIN LAS KYI BKA' BAB YONG PAR GZIGS NAS SE CHEN

, ,CHOS RJE BKAS MNGAGS TE SBYOR JID KYI RGYAL PO LA RGYU MTSAN ZHIB BKOD KYI PHYAG DAM RTEN SBRAGS GNANG STE BTANG BAR 'PHRIN LAS DUS SU BAB STE SBYOR JID KYI RGYAL POS SE CHEN CHOS RJE GUS BAS BKUR TE PHYOGS DER 'JAM MGON BSTAN PA GSAR DU BTZUGS PAS SBYOR JID KYI RGYAL PO BSOD NAMS KYI STOBS CHES CHER RGYAS TE RGYA NAG GI RGYAL SRID LA 'KHOD NAS DBANG PHYOGS SU RJE RIN PO CHE'I BSTAN PA CHES CHER DAR BAR BYAS SHING SE CHEN CHOS RJE SLAR BOD DU BYON PA'I TSE GONG MA RGYAL BOS RJE 'DI PA DANG RGYAL DBANG THAMS CAD MKHYEN PA GNYIS KA LA GUS 'DUD BLA MED MDZAD, MNGAGS 'OS GZENGS BSTOD KYI GSER YIG GNANG BA BYUNG, RJE 'DIS NOR 'DZIN GYI KHYON MTHA' DAG RJE RIN PO CHE'I RING LUGS KYIS KHYAB PAR MDZAD CING, RGYAL DBANG THAMS CAD MKHYEN PA NGAG DBANG BLO BZANG RGYA MTSOR GSANG BA DE 'JIGS GSUM GYI DBANG RDO RJE PHRENG BA'I DBANG SOGS DBANG BKA' DANG RJES GNANG PHAL CHER DANG, LAM RIM GYI KHRID BSKYED RDZOGS KYI KHRID SOGS RJE RIN PO CHE'I MAN NGAG RNAMS GNANG STE BSTAN PA YONGS RDZOGS KYI BDAG POR MNGA' GSOL, GZHAN YANG CHAB MDO 'PHAGS PA LHA, GZIM KHANG GONG SPRUL BA'I SKU, DE MO SPRUL PA'I SKU, RGYAL SRAS SPRUL SKU, SEMS DPA' SPRUL SKU, RJE DRUNG SPRUL SKU SOGS SKU PHRENG RIM PAR BYON PA'I SPRUL SKU RNAMS DANG, GRVA SA CHEN PO BZHI'I GDAN

KHRI 'DZIN PA'I BLA MA RNAMS KYIS GTZOS BLA CHEN RNAMS DANG, BSTAN PA LA BYA BA MDZAD PA'I BSHES GNYEN CHEN PO RNAMS KYIS GTZOS BSIL LDAN LJONGS KYI CHOS DON GNYER BA PHAL MO CHE LA MDO SNGAGS KYI CHOS MTHA' YOS PA STZAL ZHING; LHAG PAR SE 'BRAS DGE GSUM BKRA SHIS LHUN PO RGYUD STOD SMAD BCAS KYI DGE 'DUN RNAMS LA SNGA PHYI LAN MANG POR GSANG BDE 'JIGS GSUM GYI DBANG BSKYED RDZOGS KYI KHRID, RDO RJE 'CHANG CHEN PO'I LAM GYI RIM PA'I GZABS BSHAD, 'GREL PA BZHI SBRAGS, RIM LNGA GSAL SGRON GYI GZABS BSHAD, BDE MCHOG RGYUD 'GREL SBAS DON KUN GSAL GYI GZABS BSHAD RNAMS YANG YANG STZAL ZHING, SGRUB PA SNYING POR MDZAD PA MANG PO LA LAM RIM DANG BSKYED RDZOGS RNAMS 'DZIN CHOS SU YANG LAN MANG DU STZAL, LHAG PAR BKRA SHIS LHUN POR SRAS KYI THU BO GRUB CHEN MANG PO DANG 'DUS TSOGS BCAS LA RJE RIN PO CHE'I SNYAN RGYUD LAM RIM GYI KHRID ZLA SBREL GYI BAR LA 'DZIN CHOS SU STZAL BA THUGS SRAS THU BO RNAMS KYIS ZIN BRIS SU BTAB PA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM ZHES YONGS SU GRAGS PA 'DI BZHIN DANG, GSANG BDE 'JIGS GSUM GYI BSKYED RDZOGS RNAMS 'DZIN CHOS SU STZAL BA THUGS SRAS THU BO RNAMS KYIS ZIN BRIS SU BTAB PA BDE GSANG 'JIGS GSUM GYI BSKYED RIM GYI KHRID YIG GSUNG 'BUM DU BZHUGS PA 'DI BZHIN DANG, RJE THAMS CAD MKHYEN PA'I PHYAG

, ,BZHES LTAR BDE GSANG 'JIGS GSUM GYI BDAG BSKYED, MDUN BSKYED, BUM SGRUB, DBANG CHOG DANG BCAS PA NGAG 'DON CHOG BSGRIGS SU MDZAD PA, RJE RIN PO CHE'I RING LUGS 'DZIN PA MTHA' DAG LA YONGS SU GRAGS PA LTAR YIN ZHING, CHOG SGRIGS 'DI DAG RJE BLO BZANG CHOS KYI RGYAL MTSAN NYID KYIS MDZAD PA YIN YANG GSUNG 'BUM GRAS SU MA BCUG PAR RGYUD PA GRVA TSANG GI 'DON CHA ZHES ZUR DU BZHAG PA DA LTA'I BAR DU DE RGYUN DU GNAS PA 'DI DAG RJE BLO BZANG CHOS KYI RGYAL MTSAN NYID KYIS MDZAD PA YIN PA NI SO SO'I GSHAM DU MDZAD BYANG BKOD PA LTAR RO, ,DE LTAR NA, RJE BLO BZANG CHOS KYI RGYAL MTSAN 'DI NYID NI MDO SNGAGS GANG GI THAD LA'ANG, ,RJE RIN PO CHE'I LUGS BZANG BSRE BSLAD MED PAR 'DZIN CING SPEL BA LA RJE RIN PO CHE RANG NYID SLAR BYON PA LTA BUR GYUR TO, ,TSUL 'DI YANG KHO BO CAG GIS RMONGS ZHEN DANG 'DU SHES BSGYUR TE RAB BRTAGS DANG ZOL BSTOD BYAS PA MIN GYI RANG BZHIN BRJOD PA STE DE LTA MIN NA RJE RIN PO CHE'I LUGS BZANG 'DZIN CING SPEL BA LA RJE 'DI DANG 'PHRIN LAS MTSUNGS PA YOD KYANG SNANG DU MI RUNG BA SU ZHIG YOD, PHYOGS SU MA LHUNG BAR GZU BO'I BLOS BSAMS NA MI RNYED DO, ,DE LTAR RJE 'DIS MDO SNGAGS GANG GI THAD LA'ANG, RJE RANG NYID SLAR BYON PA LTAR BSTAN PA LA BYA BA RGYA CHEN PO MDZAD PA, DE YANG BDAG CAG LTA BU SKU DNGOS SU MTHONG BA'I SKAL BA MED PA RNAMS LA THUGS BRTZE BAS DGONGS TE RJE'I LUGS BZANG DRI MA MED PA STON PA'I BSTAN

BCOS 'DI LTAR MDZAD DE, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM, RJE RANG NYID KYI MDZAD PA RNAM THAR GSAL BAR STON PA NOR BU'I PHRENG BA, RGYAL BA BLO BZANG DON GRUB KYI SKYES PA RABS KYI PHRENG BA LA BSTOD PA, MKHAS GRUB CHEN PO GSUM GYI RTOGS PA BRJOD PA, DGE LDAN BKA' RGYUD RIN PO CHE'I ZAB LAM BRGYUD PA'I RNAM PAR THAR PA MDOR BSDUS, 'PHAGS PA'I GNAS BRTAN CHEN PO RAB 'BYOR GYI RTOGS BRJOD, RIGS LDAN GRAGS PA'I RTOGS BRJOD, SLOB DPON AA BHYA Y'A KA RA'I RTOGS BRJOD, CHOS KYI RJE SA SKYA PAndI TA'I RTOGS BRJOD, G-YUNG STON RI KHROD PA'I RTOGS BRJOD, BYANG CHUB SEMS DPA' SEMS DPA' CHEN PO ZHI BA LHA'I RTOGS BRJOD, SKYE DGU'I BDAG MO'I RTOGS BRJOD, MKHYEN RAB DBANG PHYUG GRAGS PA BZANG PO'I RTOGS BRJOD, SA GSUM MA'I t'IKKA TSIG DON GSAL BA, GRUB PA'I DBANG PHYUG MI LA LA BRTEN PA'I RNAL 'BYOR DANG GSUNG MGUR 'GA' ZHIG ,RJE BTZUN BLA MA'I RNAL 'BYOR DANG NANG GI KHONG SKRAN 'DON PA'I SKYUG SMAN, BLA MA MCHOD PA'I CHO GA ,THUN DRUG GI RNAL 'BYOR, BLA MA'I RNAL 'BYOR RGYAS BSDUS SNA TSOGS, RGYAL SRAS SHES RAB 'PHEL GYI GSOL 'DEBS DANG DGE SLONG MKHAR SKYA PA'I BKA' LAN, RDO RJE PHRENG BA'I DKYIL 'KHOR CHEN PO BZHI BCU RTZA GNYIS KYI SGRUB THABS, MGON PO KLU SGRUB KYIS MDZAD PA'I RIM PA LNGA'I RNAM PAR BSHAD PA, RGYUD THAMS CAD KYI RGYAL PO DPAL GSANG BA 'DUS PA'I BSKYED

, ,RIM GYI RNAM BSHAD, RGYUD THAMS CAD KYI RGYAL PO DPAL GSANG BA 'DUS PA'I RDZOGS RIM, RGYUD THAMS CAD KYI RGYAL PO DPAL GSANG BA 'DUS PA'I GDAMS NGAG RIM LNGA GSAL SGRON, DPAL GSANG BA 'DUS PA'I BLA MA'I RNAL 'BYOR DANG MNGON PAR RTOGS PA, BCOM LDAN 'DAS DPAL 'KHOR LO BDE MCHOG L'U AI PA'I LUGS KYI BSKYED RIM, BDE MCHOG L'U AI PA'I BSKYED RDZOGS SNYING POR DRIL BA TSIGS BCAD DANG L'U DRIL GNYIS KYI RDZOGS RIM, YI DAM RDO RJE 'JIGS BYED LA BRTEN PA'I LAM ZAB MO BLA MA'I RNAL 'BYOR NYAMS SU LEN TSUL, DPAL RDO RJE 'JIGS BYED KYI BSKYED RIM RNAM BSHAD, 'JAM DPAL GSHIN RJE MTHAR BYED KYI MAN NGAG 'JAM DBYANGS BLA MA'I GSUNG GI MAN NGAG ZHI KHRO SPRAGS SGRUB NYAMS SU LEN TSUL, DPAL RDO RJE 'JIGS BYED KYI RDZOGS RIM RNAL 'BYOR BZHI'I RIM PA, GTOR CHEN DRUG CU PA'I RNAM GZHAG RGYAS PA, RTZA TSIG BSDUS PA DANG MAN NGAG BKA' RGYA MA, 'CHI BDAG KHRAG GI MDOG CAN DANG DAM CAN BKA' SDOD RNAM GSUM GYI ZUR 'DEBS, 'DOD KHAMS DBANG PHYUG DPAL LDAN DMAG ZOR RGYAL MO'I 'PHRIN LAS DRAG PO'I ZUR 'DEBS, CHOS SKYONG DREGS PA LCAM DRAL LA BRTEN PA'I BSNYEN SGRUB, RGYUD THAMS CAD KYI RGYAL PO BCOM LDAN 'DAS DPAL DUS KYI 'KHOR LO'I RGYAS 'GRAL DRI MA MED PA'I 'OD KYI RGYA CHER BSHAD PA DE KHO NA NYID SNANG BAR BYED BA'I SNYING PO BSDUS PA YID BZHIN NOR BU, DUS 'KHOR GYI SMON LAM SHIS BRJOD, BCOM LDAN 'DAS DUS KYI

'KHOR LO'I ZAB LAM RDO RJE'I RNAL 'BYOR, DUS 'KHOR SGRUB THABS, 'JIGS BYED DPA' GCIG PA'I DKYIL CHOG ,RDO RJE 'JIGS BYED DPA' PO GCIG PA RO LANGS BRGYAD BSKOR ZHE DGU MA GSUM GYI SGRUB THABS, RDO RJE 'JIGS BYED KYI DBANG CHOG DANG BUM BSKYED KYI ZUR 'DEBS, 'JIGS BYED LA BRTEN PA'I DBANG DRAG GI SBYIN SREG, TSOGS 'KHOR DANG SBYIN SREG BYA TSUL, TSE CHOG ,TSE DBANG, KUN RIG GI CHO GA ,KUN RIG BUM BSKYED, KUN RIG GI SGO NAS TSE 'DAS RJES SU 'DZIN TSUL, RNAM SNANG MNGON BYANG GI DKYIL 'KHOR GYI CHO GA ,RNAM RGYAL SGRUB DKYIL, MI 'KHRUGS PA'I SGRUB DKYIL YONGS SU RDZOGS PA'I CHO GA, SMAN BLA'I MDO CHOG GI SNYING PO BSDUS PA, 'JAM DKAR GYI SGRUB THABS, 'PHAGS PA ZHAL BCU GCIG PA'I SGRUB THABS SMYUNG BAR GNAS PA'I CHO GA DANG DE'I DBANG CHO GA ,KHYUNG 'KHRA'I SGRUB THABS, GDON 'GROL BYED TSUL, SGROL MA NYI SHU RTZA GCIG GI SGRUB THABS, SGROL MA G-YUL BZLOG JI LTAR BYA BA'I CHO GA, RDO RJE RNAM PAR 'JOMS PA'I CHO GA ,KHRO BO SME PA BRTZEGS PA'I SGRUB THABS, CHOS RGYAL GYI BSKANG BSHAGS BZLOG PA MNGA' GSOL, TSES GCIG GTOR MA RTEN 'DZUGS, BSTAN PA SPYI DANG RGYUD SDE BZHI'I RNAM GZHAG ,DGE LDAN BKA' RGYUD RIN PO CHE'I BKA' SROL PHYAG CHEN RTZA BA RGYAL BA'I GZHUNG LAM, DGE LDAN BKA' RGYUD RIN PO CHE'I BKA' SROL PHYAG CHEN RTZA BA'I 'GREL PA YANG GSAL SGRON ME, BYANG CHUB LAM GYI SGRON MA'I RNAM BSHAD, SHES RAB KYI PHA ROL TU PHYIN PA'I MAN NGAG GI BSTAN BCOS MNGON PAR RTOGS PA'I RGYAN SKABS DANG PO'I 'GREL PA, BYANG CHUB LAM

, ,GYI RIM PA'I KHRID YIG TSIGS BCAD MA, DGE SLONG GI BSLAB BYA NYER MKHO, TSUL KHRIMS BSRUNG BA'I MAN NGAG ,THAR PA DON DU GNYER BA'I RI KHROD PA RNAMS LA KHRIMS SU BCA' BA, BLO SBYONG DMAR KHRID, STOBS BZHI'I BSHAGS BSDAMS, SDIG MUN SEL BYED, DRI BA LHAG BSAM RAB DKAR GYI DRIS LAN, SGRA PA SHES RAB RIN CHEN PA'I RTZOD LAN, N'A RO'I ZAB KHRID, SNYING PO DON GSUM GYI KHRID, NAM MKHA' SGO 'BYED, GCOD KYI GDAMS PA, ZHAL GZIGS DANG RDO RJE GDAN GYI RI KHROD YOL DKAR RNAMS KYI GNAS BSTOD, ,BDE BA CAN GYI ZHING DU THOGS PA MED PAR BGROD PA'I MYUR LAM, BKRA SHIS LHUN PO'I MCHOD RTEN MTHONG BAS DON DANG LDAN ZHING THOS PAS RNAM PAR GROL BA'I DKAR CHAG, BKRA SHIS LHUN PO'I PHYI'I MCHOD RTEN DANG RVA SGRENG DU MCHOD RTEN BZHENGS PA'I DKAR CHAG ,BYAMS PA'I 'PHO BA, KHRO MO SME BA BRTZEGS PA'I SGRUB THABS BKRU BYA BA BSRUNG GSUM BYA TSUL, TRAKSHA DA KYI MCHOD GTOR, PHYING DKAR BA'I BSANGS MCHOD ,GZUNGS GZHUG GNOD SBYIN 'KHOR LO BYA TSUL, RAB GNAS KYI CHO GA GTZUG TOR BZLOG CHEN GYI CHO GA RGYAS 'BRING BSDUS GSUM, 'BAR MA'I GTOR CHO GA ,BRGYA BZHI'I CHO GA ,GTOR MA BRGYA RTZA, BRGYA RTZA BSDUS PA, BRUL GTOR ,CHA BZHI, KLU GTOR GYI RIM PA, TSA BSUR YID LA 'DOD 'JO, 'BYUNG BZHI GTOR MA, SU R'U PA, RJE BTZUN BLA MA THAMS CAD MKHYEN PA BLO BZANG GRAGS BA'I DPAL LA GSOL BA 'DEBS PA DANG PA'I LJON SHING RGYAS PA'I ME TOG ,BLA MA DAM PA DU MA'I BSTOD TSOGS, SDOM GSUM,

PHAR PHYIN, BDE MCHOG ,RDO RJE 'JIGS BYED LA SOGS PA'I BRGYUD PA'I BLA MA LA GSOL BA 'DEBS PA'I RIM PA, STON PA YANG DAG PAR RDZOGS PA'I SANGS RGYAS KYIS CHO 'PHRUL CHEN PO BSTAN PA'I MDZAD PAR BSTOD PA, SANGS RGYAS BYANG SEMS MANG PO'I BSTOD PA, DPAL 'KHOR LO SDOM PA LHA LNGA'I SGRUB THABS, BDE MCHOG DKAR PO'I SGO NAS TSES SGRUB PA SOGS RGYUD SDE BZHI'I LHA TSOGS MANG PO'I SGRUB THABS, RGYAL BA'I BKA' SRUNG GTZO BO MANG PO'I SGRUB THABS SNYING POR DRIL BA GSER GYI YANG ZHUN LA SOGS PA CHOS SKYONG BA'I BSRUNG AM SNA TSOGS PA'I SGRUB THABS, ZHI GNAS SGOM TSUL DANG DBU MA'I LTA KHRID SOGS GDAMS PA SHIN TU ZAB PA SNA TSOGS, SMON LAM SHIS BRJOD LA SOGS PA GDAMS PA SHIN TU MANG PO PHYOGS GCIG TU BSGRIGS PA, BKRA SHIS RTZE PA NANG SO BLO BZANG DBANG RGYAL LA GDAMS PA'I ZHAL GDAMS, BSANGS KYI CHO GA DNGOS GRUB KYI GZI 'OD 'BAR BA NGO MTSAR RIN PO CHE'I PHRENG BA, BSANGS KYI CHO GA DNGOS GRUB KYI GZI 'OD 'BAR BA 'BRING PO, , BSANGS CHO GA BKRA SHIS CHAR 'BEBS MCHOD SPRIN RGYA MTSO RNAMS MDZAD DO, ,DE LTAR RJE 'DIS DGUNG LO BRGYA PHRAG BRGAL BA'I BAR DU BSTAN PA'I BYA BA MDZAD PA NA, RJE NYID KYI ZHAL NAS, 'JIGS RUNG SNYIGS MA LNGA YI ME 'BAR BAS, ,MI RNAMS TSE THUNG 'DOD DGU'I 'BYOR PA NI, RUS SBAL SPU LTAR MTSUNGS PA'I DUS MTHA' 'DIR, ,BDE GSHEGS SKU GSUNG THUGS KYI RTEN BSGRUBS SHING, ,RIS MED 'DUN LDAN RGYA MTSO'I TSOGS RNAMS LA, ,MCHOD SBYIN RNAM MANG ME TOG GIS MCHOD PA, ,BRGYA PHRAG LO

, ,LAS BRGAL BA'I NANG BSGRUBS PA, ,RLOM SEMS BRAL PAS RMAD BYUNG SKAL BA BZANG, ,ZHES GSUNGS PA LTAR RO, ,DE NAS SKU TSE 'DI'I DNGOS KYI GDUL BYA PHAL CHER RDZOGS PA NA, ZHING RJE BA'I SNGA LTAS SU SKU GZUGS SNGAR DANG MI 'DRA BAR PHYIS PA LO BRGYAD TZAM GYI BONG TSOD GZHON SHA CHAGS SHING 'OD KYI RANG BZHIN CAN ZHIG TU GYUR CING, THUGS DAM ZAB MO LAS G-YO BA MED PAR BZHUGS SHING THUN MTSAMS RNAMS SU BYAMS PAS DAM BCAS PA'I GZUNGS GTZO BOR ZHAL TON DU MDZAD PA DANG, GSOL DPON BLO BZANG BSTAN 'DZIN SOGS LA MI RTAG PA'I GSUNG GLENG MANG PO DANG, SNGA PHYIR 'KHOR BA'I MTHA' DANG MNYAM TZAM DU, ,RGYA CHE RING BA'I NYIN DANG MTSAN GYUR LA, ,DE 'DRA BSAGS PAS LOR GYUR DUS RING BA'I, ,BSKAL PA RGYA MTSO'I CHU THIGS GRANGS RNYED KYIS, ,BYANG CHUB MCHOG GI SEMS GCIG SKYE 'GYUR LA, ,DE 'DRA'I RNAM PAS TSOGS GZHAN RE RE ZHING, ,SGRUB DGOS GYUR KYANG SNYING RJES SKYO BA MED, ,BYANG CHUB DAM PA SGYID LUG MED PAR SGRUB, ,'KHOR TSE RANG GI SDUG BSNGAL SEMS BTANG ZHING, ,GO CHA BRTAN PA DPAG YAS DE BSKYED NA, ,BRTUL ZHUGS DPA' BO SNYING RJE'I NGANG CAN LA, ,YANG DAG BLANGS PA DANG PO YIN PAR BRJOD, ,CES SOGS BYANG CHUB KYI SEMS RLABS CHEN POS NAM MKHA' MA ZAD KYI BAR DU SEMS CAN GYI DON MDZAD PA LAS SKYO NGAL MED PA'I GSUNG YANG YANG 'BYON PA ZHIG BYUNG, DE NAS BKRA SHIS LHUN PO'I DGE 'DUN RNAMS KYIS GTZOS DAD LDAN TSANG MAS ZHABS PAD BRTAN DGOS ZHES ZHUS SHING ZHABS BRTAN TSIGS BCAD GCIG KYANG GNANG DGOS ZHES ZHUS PAR,

THUB DBANG GNYIS PA BLO BZANG GRAGS PA YI, ,MDO SNGAGS CHOS KYI RGYAL MTSAN 'OD 'BAR BAS, ,MTHA' YAS GDUL BYA'I RMONGS PA KUN SEL ZHING, ,PHAN BDE 'DAB BRGYA'I DGA' TSAL RGYAS GYUR CIG ,CES PA 'PHRAL LA GNANG NAS BZHAD MO CUNG ZAD MDZAD CING, SKYON MED NGA RGAS KHOGS LO BRGYA PHRAG LON PA YIN PAS, BSTAN PA'I DPAL DU BLA MA RIN PO CHE ZHABS PAD BRTAN YANG GSUNG BA LAS BZHUGS PA'I ZHAL BZHES MA GNANG, DE NAS DGE BYED CES PA CHU PHO STAG GI LO DRI ZHIM ZLA BA'I TSES BCU GSUM GYI NYIN SKU'I BKOD PA SDUD DU NYE BA NA ZHABS RDO RJE SKYIL KRUNG MDZAD DE MNYAM GZHAG LA BZHUGS NAS 'OD GSAL CHOS SKU MNGON DU MDZAD, 'OD GSAL DE LAS BZHENGS MA THAG DGA' LDAN CHOS KYI PHO BRANG DU MI PHAM 'JAM DPAL SNYING PO ZHABS DRUNG DU PHEBS TE MCHOD SPRIN RGYA MTSOS MCHOD CING GZHAN YANG SANGS RGYAS KYI ZHING RAB 'BYAMS MU MED PAR DE SNYED KYI SPRUL PA'I BKOD PA BSTAN TE RGYAL BA SRAS BCAS THAMS CAD MCHOD PA DANG MKHA' KHYAB KYI GDUL BYA RNAMS LA RANG RANG GI SKAL BA DANG 'TSAM PAR SKU'I BKOD PA BSTAN TE RANG RANG GI DBANG PO DANG 'TSAM PA'I CHOS STON PA SOGS SEMS CAN GYI DON MDZAD PA LA G-YEL BA MED PA'I NGANG NAS ZHING 'DIR THUB PA'I BSTAN PA SPEL BA'I PHYIR SLAR YANG SPRUL BA'I SKU BSTAN TE SEMS CAN GYI DON MDZAD PA'I TSUL NI 'CHAD PAR 'GYUR RO, ,DE LTAR RJE BLO BZANG CHOS KYI RGYAL MTSAN GYIS DGUNG LO BRGYA PHRAG BRGAL PA'I PAR DU BSTAN PA'I BYA BA RGYA CHEN PO

, ,MDZAD PAS SKU TSE STOD SMAD PAR GSUM GYI SLOB MA BSTAN 'DZIN DAM PA BGRANG BA LAS 'DAS PA BYON PAS MTHA' DAG SU ZHIG GIS BGRANG BAR NUS, RGYUD 'DZIN GYI GTZO BO THUB BSTAN YONGS RDZOGS KYI BDAG POR MNGA' GSOL BA NI GANGS CAN 'GRO BA'I MGON PO RGYAL DBANG THAMS CAD MKHYEN PA NGAG DBANG BLO BZANG RGYA MTSO DPAL BZANG PO'O, ,DBEN BA'I RI SUL DU SGRUB PA SNYING POR MDZAD BA'I SGO NAS 'PHRIN LAS RGYA CHER SPEL BAR MDZAD PA NI SRAS KYI THU BO GRUB PA'I DBANG PHYUG BRTZON 'GRUS RGYAL MTSAN, GU GE CHOS RJE SNYING STOBS RGYA MTSO, RJE NYID KYI RGYAL TSAB TU BKRA SHIS LHUN PO'I RGYUD PA GRVA TSANG GI GDAN SAR MNGA' GSOL BA RDO RJE 'DZIN PA DKON MCHOG RGYAL MTSAN ,GRUB PA'I DBANG PHYUG GNAS BCU RAB 'BYAMS PA DGE 'DUN RGYAL MTSAN, SNYAN RGYUD 'PHRIN LAS KYI BKA' BAB DRUNG PA RTA PHUG PA DAM CHOS RGYAL MTSAN, ZHABS DRUNG LHA PA BLO BZANG BSTAN PA DAR RGYAS, DBANG RJES GNANG GI 'PHRIN LAS KYI BKA' BAB SKYID SHOD ZHABS DRUNG NGAG DBANG BSTAN 'DZIN 'PHRIN LAS, ZAB DON LTA BA'I BKA' BAB DKA' CHEN NAM MKHA' RDO RJE, DBANG PHYUG GI STOBS KYIS BSTAN PA SKYONG BA'I BKA' BAB SE CHEN CHOS RJE SOGS NYI ZLA LTAR YONGS SU GRAGS PA'I BSTAN 'DZIN DAM PA'ANG CHES MANG NGO, ,DE LA SRAS KYI THU BO DRUNG PA RGYAL TSAB PA BLO BZANG BRTZON 'GRUS RGYAL MTSAN NI, MNGA' RIS CHOS RGYAL SKYI LDE NYI MA MGON GYI GDUNG RGYUD BZANG LA RGYAL PO'I SRAS

SU SKU 'KHRUNGS, 'KHRUNGS TZAM NYID NAS SNGON GYI BAG CHAGS BZANG PO'I MTHU BRTAS TE, DKON MCHOG LA SKYABS SU 'GRO ZHING DAM PA'I CHOS KHO NA SEMS PA ZHIG BYUNG, YAB YUM MA MA DANG BCAS PAS BSKYED BSRINGS TE NAR SON PA NA DBUS GTZANG GI LJONGS SU DAM PA'I CHOS 'TSOL BA LA 'BYON PAR BZHED PA BYUNG YANG RGYAL PO'I SRAS SU SONG BAS RGYAL BLON 'BANGS DANG BCAS PAS RGYAL SRID SKYONG DGOS ZHES CHOS LA GTONG BA'I SKABS MED PA ZHIG BYUNG BA NA YUN RING PO NAS SBYANGS PA'I THUGS BSKYED KYI MTHUS LA DAGS RGYAL POS DMAG DRANGS TE BZANG LA'I RGYAL SA PHROGS PA NA 'CHING BYED THAMS CAD RANG SAR ZHIG STE DAM PA 'DI PA DANG GROGS KHA YAR BCAS BYA BRAL GYI RNAM PAS DBUS GTZANG DU PHEBS PA NA LA DVAGS RGYAL POS SHES NAS BZANG LA RGYAL PO'I SRAS SU SONG BAS BZUNG ZHING GSOD PAR BSDIGS PA NA GROGS GZHAN RNAMS NI 'JIGS SHING SKRAG PAS SKANG NGAN 'DON, DAM PA 'DI NI 'JIGS SKRAG MED PAR MA ZAD THUGS DGA' ZHING RANGS PAR GYUR TE, DA LAM BSAD NA DBUS GTZANG DU CHOS RNAM DAG CIG BYED U 'GRO BA'I 'DUN PA BZANG PO YOD PA 'DIS BAG CHAGS BZANG PO'I NGANG DU SHIN PHYI MA DBUS GTZANG DU SKYES NAS DAM P'I CHOS DAD MJAL BA ZHIG NGES PAR 'ONG DGONGS PA BYUNG STE SHIN TU DGYES PAR MDZAD, TSUL 'DI NI DPAG PAR DKA' BA'I RNAM THAR TE DKON MCHOG GSUM LA SNYING THAG PA NAS SKYABS SU SONG ZHING LAS 'BRAS LA YID CHES KYI DAD PA BCOS MA MIN PA YOD PAS 'GRO BA BZHIS CHOS LAS MI 'DA' PA DANG, CHOS KYI PHYIR DU SROG KYANG GTONG

, ,PHOD PA'I SNYING STOBS YOD PA, YUM SDUD PA LAS, CHOS PHYIR SROG KYANG 'DOR LA RNAL 'BYOR RAB TU BRTZON, ,ZHES GSUNGS PA LTAR PHYIR MI LDOG PA'I RTAGS THOB PA YIN PAS PHYI RABS KYI SKYE BO KUN GYIS RJES SU YI RANG BAR BYA BA'I RNAM THAR RO, ,DE NAS DAM PA 'DI'I MDZAD SPYOD LA LA DAGS RGYAL PO'ANG NGANG NAS GNOD PA MA BYAS PAR BTANG, DE NAS DGUNG LO NYI SHU RTZA BZHI BA LA DBUS GTZANG DU PHEBS NAS PAn CHEN BLO BZANG CHOS KYI RGYAL MTSAN GYI ZHABS RDUL SPYI BOS BLANGS TE DGE TSUL DANG DGE SLONG GI SDOM PA RNAMS RIM GYIS BZHES, DE NAS RJE RIN PO CHE'I RNAM THAR LTAR, DANG POR RGYA CHEN THOS PA 'TSOL BAR BZHED NAS SER BYES GRVA TSANG DU BZHUGS TE 'KHON STON DPAL 'BYOR LHUN GRUB YONGS 'DZIN DU BSTEN NAS GZHUNG LUGS LA SBYANGS, DE NAS DVAGS PO GRVA TSANG DU PHEBS TE DKA' CHEN BZHI LA BRTZON BA CHEN POS SBYONG BAR MDZAD, SLAR YANG SE RAR PHEBS NAS SHING RTA CHEN PO'I GZHUNG RNAMS LA ZHIB TU GZIGS SHING LO SHAS BZHUGS, DE NAS RGYUD STOD LA PHEBS TE LA SHAS BZHUGS NAS RGYUD SDE RGYA MTSO LTA BU LA SBYANGS, DE'I TSE RGYUD PA'I BLA MA BSKO SHAG LA RTZOD PA CHEN PO BYED PA GZIGS PAS THUGS SKYO SHAS CHEN PO 'KHRUNGS TE PAn CHEN BLO BZANG CHOS KYI RGYAL MTSAN GYI ZHABS DRUNG DU PHEBS NAS GSUNG RAB THAMS CAD KYI SNYING PO'I DON RGYAL BA SRAS BCAS KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID DPAL DPEN SA BSNYAN RGYUD KYI MAN NGAG LTAR NYAMS LEN MYONG KHRID DU MDZAD DE

SNYAN RGYUD KYI MAN NGAG ZHAL SHES GEGS SEL BOGS 'DON DANG BCAS PA LA GDENG THOB PAR MDZAD, DE NAS 'JAM MGON SNYAN RGYUD KYI MAN NGAG DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI DANG BCAS PA MYONG KHRID DU GSAN TE GDENG THOB PAR MDZAD, DE NAS BLO SBYONG DON BDUN MA'I KHRID DANG NAM MKHA' SGO 'BYED KYI DBANG DANG GCOD YUL GYI ZAB KHRID, RGYUD SDE BZHI DANG 'BREL BA'I DBANG LUNG MAN NGAG MTHA' YAS PA DANG, LHAG PAR BSKYED RDZOGS KYI KHRID RNAMS DANG, N'A RO CHOS DRUG SOGS RJE THAMS CAD MKHYEN PA'I MAN NGAG ZHAL SHES RNAMS RDZOGS PAR GSAN, DE NAS RJE BTZUN BLO BZANG CHOS KYI RGYAL MTSAN GYIS GTZANG PHYOGS KYI RI KHROD RNAMS SU SGRUB PA BYAS NA LEGS PA'I BKA' PHEBS PA LTAR RE SHIG SRAS PHYOGS LA PHEBS TE RI KHROD SNA TSOGS SU BZHUGS NAS SGRUB PA MDZAD, DE NAS RTA NAG PHYOGS LA PHEBS TE YOL DKAR DANG GRUB CHEN CHOS RDO RJE'I 'KHRUNGS SA GO BO TSANG DANG, RJE 'GOS KYI SGRUB GNAS ZHAL GZIGS RNAMS SU BZHUGS NAS SGRUB PA DAR DRAG LA RGYUN RING BA MDZAD, DE SKABS BYA BRAL KUN SPANGS MDZAD PAS BAR SKABS SHIG NA BZA' SHIN TU DKON PAS DGUN DUS SA BRUS PA'I KHUNG BUR RTZA'I SPUBS SU BZHUGS TE SGRUB PA MDZAD PA SOGS RNAL 'BYOR GYI DBANG PHYUG MI LA RAS BA DANG MTSUNGS PA'I DKA' SPYAD KYI SGO NAS SGRUB PA MDZAD, DAM PA 'DI NI PAn CHEN BLO BZANG CHOS KYI RGYAL MTSAN

, ,GYIS SPYAN GYI 'BRAS BU LTAR SKYONG BAR MDZAD PA ZHIG YIN PAS 'TSO BAS PHONGS DON MI 'DUG KYANG 'JAM MGON SGRUB RGYUD KYI BSTAN PA 'DZIN PA'I RTEN 'BREL DANG SNGON BYON DAM PA'I RNAM THAR SKYONG BAR BZHED PA DANG, RJE BLO BZANG CHOS KYI RGYAL MTSAN GYIS KYANG RE ZHIG DBEN PA'I RI SUL DU 'TSO BA DKA' THUB LA GNAS NAS SGRUB PA SNYING POR MDZAD NA BSTAN PA LA PHAN CHE BAR GZIGS NAS TSUL DE LTA BU'I DKA' THUB LA SBYOR BAR MDZAD DO; ;DE LTAR 'JAM MGON SNYAN RGYUD KYI MAN NGAG LA SGRUB BA DAR DRAG LA RGYUN RING BA MDZAD PAS LAM THUN MONG BA DANG THUN MONG MIN PA THAMS CAD LA RTZOL BCAS DANG RTZOL MED KYI MYONG BA RIM GYIS THON TE PHYIR MI LDOG PA'I GDENG THOB PA NA SKAL BA DANG LDAN PA GZHAN DAG LA CHOS KYI BDUD RTZI STZAL, RIM GYIS 'PHRIN LAS RJE RGYAS SU SONG STE SA CHEN PO'I KHYON THAMS CAD SNYAN PA'I GRAGS PAS KHYAB NAS PHYOGS MTHA' DAG NAS CHOS DON GNYER BA 'DUS PA RNAMS LA GTZO POR BYANG CHUB LAM GYI RIM PA'I KHRID RGYA CHER GNANG ZHING, RJE RIN PO CHE'I BSTAN PA LA GTING NAS YID CHES PA'I GDUL BYA MDO SNGAGS GNYIS KA'I LAM GYI LUS RDZOGS PA LA SLOB PAR NUS PA DAG LA DGA' LDAN PHYAG RGYA CHEN PO'I ZAB KHRID RGYAS PAR GNANG, DE TZAM GYI BLO'I MTHU MED PA RJE'I SNYAN RGYUD LA MOS PA CHE BA DAG LA SBYOR BA'I CHOS DRUG LA NAN TAN DANG, DE NAS SKYES BU GSUM GYI LAM LA KHRID DE SPYOD PA SPYI BSLAB SONG NAS ZHI LHAG GI SKABS

SU SLEB PA NA DGA' LDAN PHYAG RGYA CHEN PO'I ZAB KHRID THUN MONG BA RE GNANG BAR MDZAD, BLO MCHOG TU GYUR PA 'GA' ZHIG LA BSKYED RDZOGS KYI KHRID DANG LHAG PAR N'A RO CHOS DRUG RGYAS PAR GNANG BAR MDZAD, DE NAS PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS SHANGS MDO RGOD TSANG DU SPONG BA BSAM GTAN GYI SDE GSAR 'DZUGS MDZAD PA'I MGON DU MNGA' GSOL TE SKU TSE'I MJUG LA RGOD TSANG DANG LHA LNGA BRAG GNYIS SU BZHUGS TE BSTAN PA'I BYA BA RGYA CHER MDZAD, MTHAR DGUNG LO BRGYAD CU GYA BZHI BA'I THOG SKU TSE 'DI'I DNGOS KYI GDUL BYA RNAMS RDZOGS PA NA LHA LNGA BRAG TU SKU'I BKOD PA BSDU BA LA PHYOGS PA NA 'JAM MGON SGRUB RGYUD KYI BSTAN PA'I CHE BA 'DON PAR BZHED NAS 'BYUNG BA'I SDUD RIM RNAMS RIM GYIS SONG STE STONG CHEN 'OD GSAL LA 'JUG TU NYE BA NA SKU LUS MDA' LTAR BSRANGS TE 'OD GSAL THAMS CAD STONG PA'I DANG DU ZLA BA LHAG TZAM GYI BAR DU THUGS DAM LA BZHUGS, DE'I TSE DAM PA 'DI NYID THUGS DAM LA BZHUGS PA'I 'OD GSAL NI 'DI LTA BU ZHIG GO ZHES MTSON PA LTAR DU DE SKABS ZLA BA BCU PA'I GNAM GANG LA GSHEGS NAS BCU GCIG PA'I SKABS GRANG NGAR CHE ZHING RLUNG DMAR 'TSUB PA'I SKABS YIN YANG DAM PA 'DI NYID THAGS DAM LAS MA BZHENGS KYI BAR STON GNAM G-YA' DAG PA LTAR DU NAM MKHA' SHIN TU DVANGS SHING BSIR BU'I RGYU BA PHRA MO 'ANG MED PAR SHANGS KHUL GYI RI KLUNGS THAMS CAD LA DROD SKYES TE SHANGS CHU'I

, ,DAR CHAGS PA'ANG ZHIG NAS STON DUS LTAR GYUR PA SOGS KUN GYI MTHUN SNANG DU GRUB PA BYUNG, DE NAS 'OD GSAL LAS BZHENGS PA NA SRAS KYI THU BO RNAMS KYIS GTZOS DAD LDAN RNAMS KYI MCHOD PA TSAD MED PAR PHUL ZHING SKU GDUNG ZHUGS LA PHUL BAS THUGS LJAGS SPYAN GSUM MA NYAMS PAR BYON PA 'GRO BA LHA DANG BCAS PA'I BSOD NAMS KYI ZHING DU RGOD TSANG RI KHROD KYI DNGUL GDUNG NANG NA BZHUGS SO, ,RJE BTZUN BLO BZANG CHOS KYI RGYAL MTSAN DPAL BZANG POS BYANG CHUB LAM GYI RIM PA'I KHRiD YANG DANG YANG DU STZAL BAS BRGYUD TSUL MTHA' YAS PA YOD CING ,LHAG PAR THUGS SRAS THU BO RNAMS LAS BRGYUD TSUL SO SOR YOD MOD, 'PHRIN LAS KYI RGYUN RING DU GNAS PA NI, RJE BLO BZANG CHOS KYI RGYAL MTSAN NAS RDO RJE 'DZIN PA DKON MCHOG RGYAL MTSAN, DE NAS RJE BTZUN BLO BZANG YE SHES LA BRGYUD PA DANG, YANG RJE BLO BZANG CHOS KYI RGYAL MTSAN NAS DRUNG PA RTA PHUG PA, DE NAS RJE DGE LEGS RGYA MTSO LA BRGYUD PA GNYIS 'PHRIN LAS RGYA CHE RGYUN RING BA BYUNG LA, KHO BOS KYANG BRGYUD PA DE GNYIS KA THOB PA YIN PAS 'DIR YANG BRGYUD PA DE GNYIS KA'I BLA MA RNAMS KYI RNAM THAR BRJOD PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD BA RNAMS KYIS RJE BTZUN BLO BZANG CHOS KYI RGYAL MTSAN LA GSOL BA 'DEBS SHING RJE 'DI'I RNAM THAR LTAR MDO SNGAGS KYI LAM GYI LUS YONGS SU RDZOGS PA LA 'KHRUL MED KYI NGES PA BRTAN PO RNYED PAR

BYAS TE JI LTAR NYAMS SU LEN TSUL 'JAM MGON SNYAN RGYUD KYI MAN NGAG THOB PAR BYAS LA KHA PHYI LTAR MA SONG BAR SGRUB PA SNYING POR BYA BA LA SKYES BU'I RTZAL CI YOD KYIS 'BAD PAR BYA'O,, ` ,,DKON MCHOG GSUM GYI MKHYEN BRTZE GCIG BSDUS NAS, ,RGYAL BA GNYIS PA'I LUNG RTOGS DAM CHOS KYI, ,BSHAD SGRUB RGYAL MTSAN 'DZIN PA'I MCHOG GYUR PA, ,YONGS 'DZIN DAM PA'I ZHABS LA GSOL BA 'DEBS, ,ZHES BSNGAGS PA, RDO RJE 'DZIN PA DKON MCHOG RGYAL MTSAN NI, ,LA STOD SHEL DKAR GYI SA PHYOGS MTSO SGO LHUN GRUB SGANG CHEN NAS KYI SRAS SU YONGS 'DZIN ZHES PA CHU PHO BYI BA'I LO SKU 'KHRUNGS, SNGON GYI BAG CHAGS BZANG POS GZHON NU'I DUS NYID NAS SDE DPON CHEN PO'I STOBS 'BYOR LA MA CHAGS PAR CHOS RNAM DAG CIG BYED BAR THUGS 'DUN 'KHRUNGS, YAB YUM 'BANGS DANG BCAS PAS KYANG BKAG PA MED PAR MTHUN PA'I RKYEN BYAS TE CHOS GRVA CHEN PO BKRA SHIS LHUN POR PAn CHEN THAMS CAD MKHYEN PA BLO BZANG CHOS KYI RGYAL MTSAN GYI ZHABS DRUNG DU RAB TU BYUNG STE DGE TSUL GYI SDOM PA BZHES, ,MTSAN DKON MCHOG RGYAL MTSAN ZHES BTAGS, SHAR RTZE GRVA TSANG DU BZHUGS TE THOG MAR RIG PA'I SGO 'BYED MTSAN NYID DANG MTSON BYA'I RNAM GZHAG, SBYI DANG BYE BRAG GI RNAM GZHAG SOGS BSDUS PA LA SBYANGS, SKYES THOB KYI SHES RAB SHIN TU CHE BAS RING POR MA THOGS PAR SBYOR BA RTZI BA LA THOGS PA MED PAR GYUR TE KUN MKHYEN LEGS PA DON

, ,GRUB KYI YIG CHA'I STENG NAS TSAD MA RNAM 'GREL GYI MTHA' GCOD SPYI DON RNAMS LA SBYANGS, DE NAS DRI MA MED PA'I RIGS PA'I STOBS CHES CHER RGYAS BA NA RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED DANG, MKHAS GRUB THAMS CAD MKHYEN PAS MDZAD PA'I tIKA CHEN RIG PA'I RGYA MTSO GNYIS KYI STENG NAS RNAM 'GREL GYI GZHUNG LA SBYANGS TE MKHAS PA'I PHUL DU PHYIN PAR GYUR PA NA BKRA SHIS LHUN PO'I MKHAN SLOB DGE 'DUN TSANG MA'I DBUS SU DAM BCA' BZHAG STE THOS BSAM GLING NA MKHAS PAR GRAGS PA DPAL TSUL ZHES PA ZHIG DANG BGRO GLENG LA BZHENGS TE DRI MA MED PA'I RIG PA'I NGA ROS RGOL BA'I SPOBS PA LAN MED DU BYAS TE MKHAS PA'I GRAGS PAS PHYOGS THAMS CAD DU KHYAB PAR GYUR, DE NAS PHAR PHYIN DANG DBU MA DANG 'DUL BA DANG MDZOD RNAMS LA SBYANGS TE GZHUNG LUGS CHEN MO DE DAG LA MKHAS PA'I PHUL DU PHYIN PAR GYUR PA NA; GZHUNG DON GDAMS PAR SHAR BA'I NYAMS LEN MDZAD BZHED NAS THOG MAR PAn CHEN THAMS CAD MKHYEN PA BLO BZANG CHOS KYI RGYAL MTSAN LA MKHAN POR GSOL BA BTAB STE BSNYEN PAR RDZOGS PA'I SDOM PA BZHES NAS DRAN SHES BAG YOD BRTAN POS KHRIMS NYIS BRGYA DANG LNGA BCU RTZA GSUM BSRUNG BA LA G-YEL BA MED PAR MDZAD, DE NAS PAn CHEN THAMS CAD MKHYEN PA CHEN PO DE NYID LA DUS GSUM GYI SANGS RGYAS THAMS CAD KYI BGROD PA

GCIG PA'I LAM PO CHE BYANG CHUB LAM GYI RIM PA'I ZAB KHRID DPAL DBEN SA SNYAN RGYUD KYI MAN NGAG GEGS SEL BOGS 'DON DANG BCAS PA YONGS SU RDZOGS PA GSAN, DE NAS BLO SBYONG DON BDUN MA'I KHRID DANG, NAM MKHA' SGO 'BYED KYI DBANG DANG, GCOD KYI ZAB KHRID DANG, DGA' LDAN PHYAG RGYA CHEN BO'I ZAB KHRID SNGON 'GRO KHRID CHEN BZHI DANG BCAS PA LEGS PAR GSAN, DE NAS SPYIR DBANG LUNG MAN NGAG MTHA' YAS PA DANG, LHAG PAR BDE GSANG 'JIGS GSUM GYI DBANG DANG BSKYED RDZOGS KYI KHRID RNAMS LEGS PAR GSAN, DE NAS MDO SNGAGS GNYIS KA'I LAM GYI LUS YONGS SU RDZOGS PA LA 'KHRUL MED KYI NGES BA BRTAN PA RNYED PA NA TSE 'DI'I 'KHRI BA BCAD DE DBEN PA'I GNAS SU TSE DANG SGRUB PA SNYOMS PA RNAL 'BYOR GYI DBANG PHYUG MI LA RAS PA DANG GRUB CHEN DBEN SA PA YAB SRAS KYI RNAM THAR 'KHYONGS PA ZHIG CIS KYANG BYED SNYAM DU THAG GCAD DE PAn CHEN THAMS CAD MKHYEN PA BLO BZANG CHOS KYI RGYAL MTSAN LA SKYABS 'JUG ZHUS TE DBEN DGON DU TSE MTSAMS LA BZHUGS, DE'I TSE NYIN RE BZHIN NYAMS LEN GYI RTOGS PA GONG 'PHEL DU GYUR TE SGO GSUM LA DRAN PA NYE BAR GZHAG NAS SDOM PA GSUM GYI BCAS MTSAMS DANG 'GAL BA'I NYES LTUNG PHRA MOS KYANG MA GOS PA ZHIG BYED SNYAM DU 'DUN PA SHUGS DRAG TU MDZAD CING, RANG LA RANG GIS BSKUL BA'I DAM BCA'I NYAMS MGUR YANG 'DI LTAR MDZAD DE, NA MO GU RU BHYA: BLA MA DANG YI DAM DKON

, ,MCHOG GSUM, ,BDAG MOS PA'I SPYI GTZUG RGYAN DU BZHUGS, ,DA JI LTAR BSAMS PA'I DON 'DI RNAMS, ,DUS MYUR DU 'GRUB PAR BYIN GYIS RLOBS, ,KHYED BKA' SDOD CHOS SKYONG SRUNG MA'I TSOGS, ,MI KHO BO'I GROS 'DEBS GSAN MDZOD LA, ,GROS JI BZHIN THEBS PA'I BAR CHAD KUN, ,DUS DA LTA SEL BAR MDZAD DU GSOL, ,GZUGS MI LA DUD 'GRO'I BSAM BA CAN, ,NGO TSA BAS MI PHAN CUNG ZAD NYON, ,NGAS KHYED KYI SEMS LA GROS SHIG 'DEBS, ,DON DE PHYIR MTSANG GTAM TSIG GSUM SMRA, ,RTEN RNYED PAR DKA' PA'I DAL 'BYOR RNYED, ,LAM MJAL DKA' SANGS RGYAS BSTAN DANG MJAL, ,PHA MTSAN LDAN BLA MA'I TSOGS RNAMS KYIS, ,CHOS ZANG ZING DRIN GYIS RGYUN DU BSKYANGS, ,KHYOD DAL 'BYOR LOG PA'I LAM DANG SBYAR, ,LAM SANGS RGYAS BSTAN PA DRI MAS BSGOS, ,RJE MTSAN LDAN BLA MA'I TSOGS RNAMS BSLUS, ,MI KHYOD LA MTSANG CHEN 'DI RNAMS MTHONG, ,MI KHYED KYIS DA LTA PHAN CHAD LA, ,CHOS TSUL BZHIN SKAD CIG MA BYAS PAR, ,GZUGS CHOS PA'I GZUGS SU BYAS NAS KYANG, ,LONGS CI SPYAD DAD RDZAS GSHIN RDZAS KYIS, ,RTEN DAL 'BYOR LOG PA'I G-YANG LA BSKYUR, ,PHA BLA MA MKHAN SLOB MTSAN LDAN LA, ,LAM SDOM PA GSUM GYI BKA' DRIN NOS, ,KHYOD RTZA BA'I NYES PA MED 'DOD KYANG, ,RJE RGYAL BA'I BCAS PA SHIN TU PHRA, ,KHYOD DBANG PO BRTUL ZHING GNYEN PO ZHAN, ,RGYU DES NA BSTAN PA DRI MAS BSGOS, ,SNGAR RDO RJE THEG

BA'I SDOM PA DANG, ,LAM BYANG CHUB SEMS DPA'I BSLAB PA LA, ,DGRA RTZA BA'I LTUNG BA CHAR LTAR BABS, ,GZHAN SDOM PA'I YAN LAG PHRA RAG KUN, ,PHAL CHE BA SHES BZHIN KHYAD DU BSAD, ,'GA' MI SHES DBANG GIS LOG PAR SBYAD,, RGYUD LTUNG BA'I MI GTZANG 'DAM DU BYINGS, ,KHYOD DE LTAR GYUR KYANG RAB BYUNG SOGS, ,LAS DGE SLONG BYED RGYU GANG YIN DANG, ,DBANG BSKUR SOGS RDO RJE SLOB DPON GYI, ,LAS RKYED PAR YANG BAG TSA MED, ,RGYU DES NA BSTAN PA DRI MAS BSGOS,, CHOS ZAB CING RGYA CHE BDUD RTZI'I RGYUN, ,MI KHYOD KYI SNOD DU CI BLUGS KYANG, ,CHOS TSIG DON SNOD KYIS MA THUB PAS, ,DON DE LAS BSLUS THABS CHE BA CI, ,LAR DE LTAR 'BYUNG BA'I RGYU MTSAN YANG, ,CHOS TSIG BZHE'I DON YANG MA RTOGS PAR,, RANG MKHAS PAR 'DZIN PA'I NGA RGYAL DANG, ,RGYUD LTUNG BA'I NANG DU BYING NAS KYANG, ,RANG BTZUN PAR 'DZIN PA'I LOG LTA DANG, ,SEMS CHAGS SDANG DBANG DU GYUR PA LA, ,RANG BZANG POR 'DOD PA'I KHENGS SEMS CAN, ,LAS CI BYAS CHOS BRGYAD BYED BZHIN DU, ,RANG CHOS PAR RLOM PA'I RLOM SEMS DES, ,BDUD DE BZHIN SNYING LA ZHUGS BAS LAN, ,BDUD SNYING LA 'JUG PA'I RTZA BA YANG, ,LUS GZUGS BRNYAN MI KHYUR BSDAD PA DANG, ,GTAM MI ZER KHA LA NYAN PA DANG,, BLO MI MTHUN MI DANG BSTUN BAS LAN, ,MTSAD 'DI RNAMS YOD MED SEMS LA DRIS, ,RGYU DE RNAMS YIN MIN BSAM MNO THONGS, ,SNGAR MTSANG DU MA SHES DON SNYING RUL, ,DON DE PHYIR SNGAR BYAS DON MED SONG, ,DA TSE 'JUG NAM

, ,MKHA'I GLOG 'DRA 'DI, ,RTEN DAL 'BYOR SNYING PO LEN 'DOD CING, ,RANG LEGS PA'I LAM DU 'JUG 'DOD NA, ,MTSANG YUL NAS 'DON LUGS DE LTAR MDZOD, ,CHOS TSIG GCIG MA GO'I MKHAS PA DANG, ,KHO BLUN CING RMONGS PA'I BA GLANG GNYIS, ,MKHAS MI MKHAS KHYAD PAR GANG GIS 'BYED, ,KHO BA GLANG MKHAS PAR 'DZIN PA MED, ,CHOS DE YIS BA GLANG KHYAD PAR 'PHAGS, ,RGYUD LTUNG BAS GOS PA'I BTZUN PO DANG, ,ZAS MI GTZANG ZA BA'I KHYI PHAG GNYIS, ,BTZUN MI BTZUN KHYAD PAR GANG GIS 'BYED, ,KHO KHYI PHAG BTZUN POR LTA BA MED, ,CHOS DE YIS KHYI PHAG KHYAD PAR 'PHAGS, ,GNOD GANG 'KHYOL BYED PA'I BZANG PO DANG, ,KHREL GTONG NAS BOR PA'I GYAG KHYER GNYIS, ,BZANG MI BZANG KHYAD PAR GANG GIS 'BYED, ,BZANG MI BZANG KHYAD PAR MED PA LA, ,KHO GYAG KHYER BZANG POR 'DOD PA MED, ,CHOS DE YIS GYAG KHYER KHYAD PAR 'PHAGS, ,CHAS CHOS BRGYAD BYED PA'I CHOS PA DANG, ,KHRAM G-YO SGYU BYED BA'I KHYIM PA GNYIS, ,CHOS BYED MED KHYAD PAR GANG GIS 'BYED, ,CHOS BYED MED KHYAD PAR MED PA LA, ,KHO KHYIM PA CHOS KYIS RLOMS PA MED, ,CHOS DE YIS KHYIM PA KHYAD PAR 'PHAGS, ,KHYOD MKHAS BTZUN BZANG POR 'DOD PA DANG, ,CHOS BYAS SO SNYAM PA'I 'KHRUL PA ZHIG, DA KHYOD LAS DMAN PA'I SEMS CAN SU, ,DE SHES NA DMAN CHA 'DZIN RE RAN, ,SEMS MI GAL MI SNYEG DMAN CHA BZUNG, ,LUS MI YI GSEB NAS DA BUD LA, ,GNAS MI MED SA YI BAS MTHA' STEN, ,SEMS TSA 'DI'I

'KHRI BA GTING NAS CHOD, ,GYONG LTO GOS GNYIS KYI STENG DU BSKUR, ,ZAS DKA' THUB BCUD LEN BDUD RTZI ZO, ,GOS PHYAG DAR KHROD KYIS CHOG SHES STEN ,DA DKOR ZAS DUG CHU'I ZHEN PA SPONGS, ,RGYUD SDOM PA GSUM GYI NOR LUG RNAMS, ,BYAMS SNYING RJE LHAG BSAM THANG CHEN DU, ,DRAN SHES BZHIN RDZI BOS LEGS SKYONGS LA, ,DA YAN LAG PHRA MO SNA GCIG KYANG, ,SEMS NYON MONGS DGRA LA MA SHOR BAR, ,RGYUD TSUL KHRIMS 'PHEL SKABS CHE BAR MDZOD, ,BLO BLA MA DKON MCHOG GSUM LA GTOD, ,DUS 'BRAL MED RGYUN DU GSOL BA THOB, ,CHOS THOS BSAM SGOM GSUM TSUL BZHIN GYIS, ,SEMS DNGOS 'DZIN 'KHRUL PA RTZAD NAS CHOD, ,MI SMRA MKHAS CHOS BRGYAD SLOB BYUNG NA, ,TSIG GCIG KYANG DE LA MA NYAN PAR, STOBS CI YOD DE YI LOG PHYOGS SGRUBS, ,KHO GTING NAS MA DGA' 'GYOD PA MED, ,DA GTAM DANG GROGS NGAN SNA TSOGS DANG, ,MI KUN GYIS RING DU SPANGS PA DANG, ,'PHRAL 'TSO BA'I YO BYAD DKON PA SOGS,, KHONG 'JIG RTEN CHOS DANG MI MTHUN PA'I, ,RKYEN MI 'DOD SNA TSOGS CI BYUNG YANG, ,CHOS SNYING NAS BYED PA'I BSAM PA GRUB, ,MTSANG YUL 'DON SEMS LA GROS 'DEBS 'DI, ,RANG NYES KYI DOGS NAS SMRAS BA YIN, ,GROS SEMS LA ZHOG LA NYAMS SU LONGS, ,DUS GTAN GYI MDUN MA 'GRUB STE MCHI, ,ZHES SO, ,DE SKABS PAn CHEN BLO BZANG CHOS KYI RGYAL MTSAN DBEN DGON DU PHEBS PA ZHIG GI DUS, N'A RO CHOS DRUG GI ZAB KHRID RGYAS PA ZHIG DGOS ZHES ZHUS PAR

, ,PAn CHEN THAMS CAD MKHYEN PA CHEN PO DE NYID SPYIR YANG DBEN PA'I RI SUL DU SGRUB PA BYED PA RNAMS LA SHIN TU DGYES SHING, LHAG PAR DAM PA 'DI NYID SPYAN GYI 'BRAS BU LTAR SKYONG BAR MDZAD PAS MTSAMS GROL NA DGE SBYOR LA G-YENG BA YONG GSUNGS NAS PAn CHEN THAMS CAD MKHYEN PA CHEN PO NYID DAM PA 'DI'I SGRUB KHANG DU PHEBS NAS N'A RO CHOS DRUG GI KHRID RGYAS PAR STZAL ZHING SGRUB PA MTHAR PHYIN PA'I PHYIR LAM GYI GEGS SEL BOGS 'DON RNAMS ZHIB PAR GSUNGS, GZHAN YANG MTSAMS KHONGS SU GRUB PA'I DBANG PHYUG GNAS BCU RAB 'BYAMS PA DGE 'DUN RGYAL MTSAN GDAN DRANGS NAS MAN NGAG DU MA GSAN ZHING, LHAG PAR N'A RO CHOS DRUG SKOR SOGS 'KHRUL 'KHOR GYI SKOR RNAMS MTHIL PHYIN PAR ZHUS NAS SBYANGS TE GDENG THOB PAR MDZAD, DE LTAR SGRUB PA YUN RING DU MDZAD NAS NYAMS RTOGS GONG 'PHEL DU GYUR TE TSE 'DI LA GNYEN NYE 'BREL NOR LONGS SPYOD GANG LA'ANG CHAGS PA MED PAR SGRUB PA MTHAR PHYIN PA DPAL SHA BA RI DANG MTSUNGS PA ZHIG BYED DGONGS PA YOD PA LA, PAn CHEN BLO BZANG CHOS KYI RGYAL MTSAN GYIS BKRA SHIS LHUN POR RGYUD GRVA GSAR 'DZUGS MDZAD DE GZHUNG LUGS RAB 'BYAMS LA SBYANGS PA MTHAR PHYIN PA'I DGE BA'I BSHES GNYEN SHA STAG BSDUS TE RGYUD GRVAR GZHUG PAR MDZAD PA'I MGON DU DAM PA 'DI NYID 'BYON DGOS PA'I BKA' PHEBS PA NA TSE MTSAMS LA BZHUGS PA YIN YANG PHYOGS BCU'I RGYAL BA THAMS CAD

MCHOD PA BAS BLA MA'I BA SPU'I BU GA GCIG MCHOD PA PHAN YON CHE BAR GSUNGS PA DANG, SANGS RGYAS KYI SAR MYUR PA MYUR BAR BGROD PA LA RDO RJE SLOB DPON GYI BKA' BZHIN SGRUB PA NYID BSNGAGS PAR RGYUD DANG GRUB CHEN GYI GZHUNG THAMS CAD LAS GSUNGS PA'I TSUL LA NGES PA RNYED NAS TSAM TSOM MED PAR MTSAMS GROL TE PAn CHEN BLO BZANG CHOS KYI RGYAL MTSAN GYI BKA' BZHIN BKRA SHIS LHUN PO'I SNGAGS KHANG GI GDAN SAR PHEBS, PAn CHEN THAMS CAD MKHYEN PA CHEN PO BLO BZANG CHOS KYI RGYAL MTSAN LA RGYUD KYI RGYAL PO DPAL GSANG BA 'DUS PA 'GREL BA SGRON GSAL MCHAN BU, BSDUS DON, MTHA' GCOD BZHI'I SGO NAS 'GREL TSUL RGYAL BA TZONG KHA PA CHEN PO'I MAN NGAG RNAMS LEGS PAR ZHUS, MTHA' DRUG DANG TSUL BZHI'I DKA' GNAS RNAMS LA KHONG NA GNAS PA'I DOGS PA PHRA MO'ANG CHOD BAR MDZAD NAS RGYUD GRVAR BZHUGS PA'I RAB 'BYAMS SMRA BA'I SDE RNAMS LA BLO'I RGYUN LTAR BSHAD CING ;DPAL GSANG BA 'DUS PA GTZO BOR BTON, DPAL 'KHOR LO SDOM PA, RDO RJE 'JIGS BYED, DUS KYI 'KHOR LO RNAMS KYI DBANG LUNG MAN NGAG RNAMS KYANG RGYA CHER GNANG BAS RGYUD GRVAR BZHUGS PAS RAB 'BYAMS SMRA BA'I SDE RNAMS DANG, PHYOGS MTHA' DAG NAS 'DUS PA'I DON GNYER CAN MTHA' DAG GSANG CHEN RDO RJE THEG PA'I BDUD RTZIS TSIM NAS DAM PA 'DI LA RDO RJE 'CHANG DNGOS KYI 'DU SHES SKYES TE RDO RJE 'DZIN PA CHEN PO ZHES MTSAN YONGS

, ,SU GRAGS PAR GYUR, DE SKABS RJE BTZUN BLO BZANG CHOS KYI RGYAL MTSAN DGUNG LO BRGYAR NYE BA'I DUS SU PHEBS NAS PHYOGS KYI THA GRU KUN NAS 'DUS PA'I CHOS DON GNYER BA RNAMS LA CHOS BKA' HA CANG RGYA CHE BA GNANG BAR MA MDZAD PA NA, RDO RJE 'DZIN PA CHEN PO 'DIS GDUL BYA SO SO'I DBANG PO'I RIM PA DANG 'TSAMS PAR LAM RIM GYI KHRID DANG, BLO SBYONG GI KHRID DANG, DGA' LDAN PHYAG RGYA CHEN PO'I ZAB KHRID DANG, BDE GSANG 'JIGS GSUM GYI BSKYED RDZOGS KYI KHRID SOGS MDO SNGAGS KYI CHOS MTHA' YAS PA STZOL BAR MDZAD, DE NAS RJE BTZUN BLO BZANG CHOS KYI RGYAL MTSAN ZHING GSHEGS NAS KYANG RE SHIG SNGAGS KHANG GI GDAN SA MDZAD DE RJE BLO BZANG CHOS KYI RGYAL MTSAN GYI MAN NGAG RNAMS MI NUB PAR BZUNG ZHING SBEL, DE NAS BRUL TSANG DU MCHOG GI SPRUL SKU PHEBS PA NA GONG SA LNGA PA CHEN POS BKRA SHIS LHUN PO'I SNGAGS KHANG GI GDAN SA PA DE PAn CHEN THAMS CAD MKHYEN PA CHEN PO DE NYID KYI THUGS SRAS THU BO LUNG RTOGS KYI YON TAN GANG SA NAS BZANG BA ZHIG YIN 'DUG PAS MCHOG GI SPRUL SKUR BRTAG DBYAD BYED PA DANG NGOS 'DZIN PAR KHONG PA BYON NA LEGS ZHES BKA' PHEBS PA LTAR RDO RJE 'DZIN PA DKON MCHOG RGYAL MTSAN NYID BRUL TSANG DU PHEBS TE BRTAG DPYAD MDZAD PAS MCHOG GI SBRUL SKUR 'KHRUL MED KYI NGES RNYED NAS SKU KHRUS GSOL BA DANG, SKU TSE RING PA'I

RTEN 'BREL BSGRIG PA SOGS MDZAD, DE NAS MCHOG GI SPRUL SKU BKRA SHIS LHUN POR GDAN DRANGS, 'GRO BA LHA DANG BCAS PA'I MGON DU MNGA' GSOL GRUB NAS SNGAGS KHANG GI GDAN SA BZHAG STE SHANGS MKHA' SPYOD GZIM SPYI LA GSAR BSKRUN GNANG NAS SPONG PA PA'I SDE DANG BCAS BZHUGS TE 'JAM MGON SNYAN RGYUD KYI BSTAN PA 'DZIN CING SPEL BAR MDZAD, DE NAS MCHOG GI SPRUL PA'I SKU RJE BTZUN BLO BZANG YE SHES DPAL BZANG PO GUNG LO NYI SHUR PHEBS PA'I TSE RDO RJE 'DZIN PA 'DI NYID BLA BRANG RGYAL MTSAN MTHON POR GDAN DRANGS, RJE BTZUN BLO BZANG CHOS KYI RGYAL MTSAN GYI MAN NGAG RNAMS YONGS SU RDZOGS PA ZHIG GNANG DGOS PAR GSOL BA BTAB PA NA, RDO RJE 'DZIN PA CHEN PO 'DIS KYANG DGYES BZHIN DU ZHAL GYIS BZHES TE BLA BRANG RGYAL MTSAN MTHON PO'I GZIM CHUNG DGA' LDAN NYID DU BZHUGS TE THOG MAR RJE BTZUN BLO BZANG YE SHES LA BSNYEN RDZOGS KYI SDOM PA PHUL, DE NAS BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI STENG NAS LAM KHRID DPAL DBEN SA SNYAN RGYUD KYI MAN NGAG ZHAL SHES YONGS SU RDZOGS PA DANG, DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI DANG BCAS PA, LHAG PAR MDO SNGAGS KYI LAM GYI LUS YONGS SU RDZOGS PA ZAB LAM BLA MA LHA'I RNAL 'BYOR GYI KHRID MAN NGAG ZHAL SHES MTHA' DAG YONGS SU RDZOGS PA DANG, GSANG BDE 'JIGS GSUM

, ,GYI DBANG LUNG BSKYED RDZOGS KYI KHRID RNAMS YONGS SU RDZOGS PA DANG, GRUB CHEN DRIL BU LUGS KYI PHYI NANG GI DKYIL 'KHOR DU DBANG BSKUR BA DANG ZAB KHRID RNAMS YONGS SU RDZOGS PA DANG, GZHAN YANG RGYUD SDE BZHI DANG 'BRAL BA'I DBANG LUNG MAN NGAG MTHA' YAS PA DANG, YONGS SU GRAGS PA'I CHOS SKYONG RNAMS KYI RJES GNANG SOGS RJES GNANG MTHA' YAS PA GNANG ZHING CHOS BDAG PO LA 'PHROD PAR MDZAD NAS SKU TSE 'DI'I MDZAD PA THAMS CAD RDZOGS PA NA DGUNG LO BDUN CU DON DRUG PA RAB BYUNG ZHES PA ME MO YOS KYI LO LA BKRA SHIS LHUN PO'I BLA BRANG RGYAL MTSAN MTHON PO NYID DU CHO 'PHRUL ZLA BA'I TSES BCU'I PHYI NANG GI MNGON BYANG MTSUNGS PAR SKU'I BKOD PA BSDUS TE 'OD GSAL CHOS SKU MNGON DU MDZAD, DE'I TSE BDE MCHOG RTZA RGYUD NAS JI LTAR GSUNGS PA LTAR GYI 'OD GSAL MNGON DU MDZAD PA'I PHYI NANG GI RTAGS RTEN 'BREL RNAMS TSANG BAR BYUNG STE NAM MKHA' DANGS SHING 'JA' 'OD KYIS KHYAB PA SOGS SKYE BO KUN LA MTHUN SNANG DU BYUNG STE MCHOG DMAN BAR MA'I SKYE BO MTHA' DAG DAD CING GUS PA DANG 'JAM MGON SNYAN RGYUD KYI BSTAN PA LA YID CHES RNYED PAR MDZAD DO, ,DE NAS RJE BTZUN THAMS CAD MKHYEN PA BLO BZANG YE SHES DPAL BZANG POS PHYOGS BCU'I SANGS RGYAS THAMS CAD MCHOD PA BAS BLA MA MCHOD PA DON CHE'O ZHES KUN LA 'DOMS PA'I PHYIR SKU GDUNG LA MCHOD PA TSAD MED PAS MCHOD DE DPAL DBEN SA SNYAN RGYUD KYI BSTAN PA

YUN RING DU GNAS PA'I RTEN 'BREL DU SKU GDUNG RIL POR DNGUL GYI MCHOD RTEN GYI BUM PA'I NANG DU BZHUGS TE BKRA SHIS LHUN PO'I SNGAGS KHANG NA BZHUGS SO, ,RDO RJE 'DZIN PA CHEN PO 'DIS MCHOG DMAN PAR MA BGRANG BA LAS 'DAS PA LA MDO SNGAGS KYI CHOS KYI BDUD RTZI RGYA CHER STZAL BAS RGYUD 'DZIN YANG DE SNYED BYUNG MOD, GTZO BO NI MDO SNGAGS YONGS SU RDZOGS PA'I BSTAN PA'I BDAG PO RJE BTZUN THAMS CAD MKHYEN PA BLO BZANG YE SHES DPAL BZANG PO'O; ;GZHAN YANG RDO RJE 'DZIN PA DGE LEGS RAB RGYAS, ,RDO RJE 'DZIN PA BLO BZANG MGON PO, RJE ZHAL SNGA NAS 'JAM DBYANGS CHOS 'PHEL, SKYID SHOD ZHABS DRUNG BSTAN 'DZIN 'PHRIN LAS, LCANG SKYU SBRUL PA'I SKU NGAG DBANG BLO BZANG CHOS LDAN SOGS BSTAN 'DZIN DAM PA MANG DU BYON NO, ,RDO RJE 'DZIN PA CHEN PO 'DIS PHYIR BAS KYI GDUL BYA RNAMS KYI DON DU PAn CHEN BLO BZANG CHOS KYI RGYAL MTSAN GYI MAN NGAG ZHAL SHES DGA' LDAN PHYAG RGYA CHEN PO'I ZAB KHRID SNGON 'GRO KHRID CHEN BZHI, BLO SBYONG SDUG BSNGAL LAM KHYER DANG DON BDUN MA'I 'GREL PA ,'KHOR LO SDOM PA'I DKYIL CHOG, BDE MCHOG LUS DKYIL GYI MNGON RTOGS, LHO SGO'I CHOG ,DRIL BU LHA LNGA'I MNGON RTOGS, 'DUS PA'I RDUL TSON CHAB LA 'DREN TSUL, NAM MKHA' SGO 'BYED KYI DBANG BSKUR TSUL, KLU GTOR BYA TSUL, S'A TZTSA'I CHOG SOGS NYER MKHO KHA SHAS, YI GE BRGYA PA'I 'GREL PA, SO SKYE THA MAL PA'I RUS CHOG, LAM RIM

, ,TSIG BCAD MA ZHI GNAS KYI YIG CHUNG DANG BCAS PA, BCOM LDAN 'DAS DAM TSIG GSUM BKOD KYI SGRUB DKYIL YONGS SU RDZOGS PA'I CHOG SGRIGS, 'JAM DBYANGS CHOS SKOR GYI RJES GNANG CHOG SGRIGS RNAMS MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RDO RJE 'DZIN PA DKON MCHOG RGYAL MTSAN LA GSOL BA 'DEBS SHING DAM PA 'DI'I RNAM THAR LTAR LEGS TSOGS THAMS CAD KYI RTZA BA DAM PA'I MGON LA BRTEN NAS MDO SNGAGS KYI LAM GYI LUS YONGS SU RDZOGS PA LA 'KHRUL MED KYI NGES PA BRTAN PO RNYED PAR BYA BA DANG, NGES PA RNYED NAS TSE 'DI'I 'KHRI PA BCAD DE DBEN PA'I GNAS SU LAM CHA TSANG LA SGRUB PA SNYING BOR BYA'O,, ,,BLO GROS YANGS PA'I SKAL BZANG GDUL BYA'I TSOGS, ,GTZUG NA BSOD NAMS YE SHES 'BRAS BU YIS, ,LEGS DUD RLUNG GI RGYAL MTSAN LTAR BKRA BA, ,DPAL LDAN BLA MA'I ZHABS LA GSOL BA 'DEBS, ZHES BSNGAGS PA, DON GYI SLAD DU MTSAN NAS SMOS TE BDAG GI MKHAN PO RIN PO CHE RJE BTZUN THAMS CAD MKHYEN PA BLO BZANG YE SHES DPAL BZANG PO NI, SNGON BYON DAM PA MANG POS BYIN GYIS BRLABS PA'I YUL THOB RGYAL BRUL TSANG DU MDZES BYED CES PA CHU MO YOS LO'I ZLA BA BDUN PA'I TSES BCO LNGA'I ZLA BA SHAR BA DANG MNYAM DU YAB ZHABS DRUNG BSOD NAMS DBANG GRAGS DANG, YUM TSE BRTAN BU KHRID GNYIS KYI SRAS SU BSAM BZHIN DU SKU 'KHRUNGS, DE'I TSE DKAR PHYOGS KYI LHA RNAMS

KYIS DA NI 'GRO BA MGON DANG BCAS SO ZHES DGA' BA'I DBYANGS SA GSUM 'GENGS PAR BSGRAGS SHING, BDAG NYID CHEN PO 'DI LA MCHOD PA'I DON DU MKHA' DBYINGS 'JA' 'OD KYIS KHYAB CING ME TOG GI CHAR BABS PA SOGS NGO MTSAR BA'I BLTAS BSAM GYIS MI KHYAB PA BSTAN, DKAR PHYOGS KYI LHA RNAMS KYIS KHRUS GSOL BA DANG CHABS CIG PAR YAB YUM GNYIS KYIS KYANG KHRUS PHUL TE MNGAL GYI DRI MAS GOS PA RNAMS LEGS PAR DAG PAR BYAS TE, KHYE'U CHU SHEL DRI MA MED PA LTAR SKU LUS DKAR LA DMAR BA'I MDANGS CHAGS PA, ZHI ZHING DES PA'I NGANG TSUL 'DZUM MDANGS CAN ,DBU GDUGS LTA BU, DPRAL BA'I DBYES CHE BA, SHANGS KYI GZENGS MTHO BA, SNYAN DUNG G-YAS A'KHYIL GYI RNAM PAR YOD PA, SPYAN AUTPA LA'I 'DAB MA LTAR MDZES PA, YAN LAG DANG NYID LAG RGYAS LA DKU SKABS PHYED PA DANG, DBANG PO YONGS SU GSAL ZHING 'JIG RTEN KUN GYI MIG GI BDUD RTZI LTA BU ZHIG BYUNG NGO, ,BTZAS NAS RING PO MA LON PAR BLA MA MKHYEN ZHES CHOS KYI SGRA DBYANGS BSGRAGS SHING ,LHA DANG SRUNG MAS LUNG BSTAN PA LTAR MTSAN BSOD NAMS BSTAN PA'I RGYAL MTSAN ZHES BTAGS, DE NAS YAB YUM GNYIS KYIS DKON MCHOG GI MCHOD PA, DGE 'DUN GYI SDE LA BSNYEN BKUR ,DKAR PHYOGS SKYONG BA'I SRUNG MA RNAMS LA MCHOD GTOR RGYA CHER PHUL, BTZAS STON GYIS GNYEN DANG NYE DU RNAMS TSIM PAR BYAS SHING MTHUN PA'I DNGOS PO DAG GIS BSKYED BSRINGS TE MTSO'I NANG GI PADMA LTAR BSKYED DRAG PAR NGYUR TO, ,DE NAS BDAG NYID CHEN PO 'DI LA

, ,DKAR PHYOGS KYI LHA RNAMS KYIS MCHOD PA'I RTAGS RGYUN DU 'BYUNG BA DANG, BYIS PA THA MAL PA'I SPYOD PA LAS LOG STE SKYIL KRUNG BCAS NAS CHOS DANG MTHUN PA'I GSUNG YANG YANG GNANG BA DANG, CHOS STON PA'I PHYAG RGYA MDZAD PA SOGS SKU'I RNAM 'GYUR GYIS PHYOGS DE'I SKYE BO THAMS CAD RANG DBANG MED PAR DAD PAR GYUR PA DANG, RJE BLO BZANG CHOS KYI RGYAL MTSAN GYIS ZHING GSHEGS KHAR GSOL DPON BLO BZANG BSTAN 'DZIN LA BRUL TSANG DU PHEBS PA'I BRDA STON PAR MDZAD PA DANG SPRUL PA'I SKU LA BCANG RGYU'I SRUNG MDUD 'DI BZHIN PHUL CIG PA'I BRDA MDZAD DE SRUNG MDUD GSUM BZHUGS GDAN GYI 'OG TU 'JOG PAR MDZAD PA SOGS KYIS ZHABS 'BRING PA RNAMS BRUL TSANG GI SRAS DE MCHOG GI SPRUL SKU YIN PAR YID CHES RNYED KYANG PHYI CHAR DU GSANGS SHING, SNA TSOGS DBYIG CES PA SHING MO SBRUL GYI LO DGUNG LO GSUM GYI THOG GSANG STABS KYIS BKRA SHIS LHUN POR GDAN DRANGS, RGYAL MTSAN MTHON PO'I GZIM KHANG DU PHEBS BA'I NYIN ZHABS PHYI NANG 'KHOR MA GTOGS GZHAN GYIS MTSOR YANG PHYI NANG GI RTAGS RTEN 'BREL KHYAD PAR CAN MANG DU BYUNG ZHING, KHYAD PAR RTA DKAR PO DUNG GI MDOG CAN KHYAD PAR DU 'PHAGS PA ZHIG 'KHRID NAS 'DI 'BUL RGYU YIN ZER RTA DE BDE YANGS SU BTAGS TE 'BUL MI DE GAR SONG CHA MED PA ZHIG BYUNG BAS DKAR PHYOGS SKYONG BA'I SRUNG MA ZHIG GIS PHUL BAR NGES PA SOGS NGO MTSAR YA MTSAN CHE BA DPAG TU MED PA BYUNG ZHING GZIM CHUNG MDO SBUGS

RNAMS SU PHEBS LUGS DANG BZHUGS LUGS, THUGS DAM RTEN RNAMS LA NGOS 'DZIN RJE BLO BZANG CHOS KYI RGYAL MTSAN RANG NYID KYIS JI LTAR MDZAD PA LTAR MDZAD PAS KUN YID CHES BLA NA MED PA THOB, MI RING BAR GSANG STABS KYIS BRUL TSANG NYID DU PHEBS, DE NAS RGYAL BA THAMS CAD MKHYEN PA NGAG DBANG BLO BZANG RGYA MTSOR RGYU MTSAN SNYAN ZHU PHUL BAR, SNGAGS PA BLA MA DKON MCHOG RGYAL MTSAN BRJE DE NYID KYI THUGS SRAS THU BO YIN PA DANG, LUNG RTOGS KYI YON TAN GANG SA NAS BZANG BA BCAS KHONG PA PHEBS NAS BRTAG DBYAD BYAS NA LEGS ZHES PHEBS PAR, RDO RJE 'DZIN PA DKON MCHOG RGYAL MTSAN PHEBS TE BRTAG DPYAD MDZAD PAS MCHOG SPRUL DU 'KHRUL MED KYI NGES PA BRTAN PO RNYED NAS SKU KHRUS GSOL ZHING SKU TSE RING DU GNAS PA'I RTEN 'BREL BSGRIGS, DE NAS RGYAL BA THAMS CAD MKHYEN PAR TSUL 'DI LTAR SNANG ZHES ZHUS PAR DGYES PA CHEN POS 'PHRAL DU GDAN SAR GDAN 'DREN ZHU DGOS TSUL PHEBS BAR SPRE'U ZHES PA ME MO LUG GI LO ZLA BA BCU PA'I TSES BCU GSUM GYI NYIN KHYIM PA'I RTAGS RNAMS DOR NA BZA' DUR SMRIG DANG PAn ZHVA GSOL TE SNGAR SBRUL PA'I CHOS SKYONG GIS PHUL BA'I CHIBS DUNG GI MDOG CAN DE LA CHIBS NAS BRUL TSANG NAS CHIBS BSKYOD DE LAM BAR GYI SER SKYA BGRANG BA LAS 'DAS PA LA MTHO RIS DANG THAR PA'I SA BON THEBS BAR MDZAD CING RIM GYIS CHIBS BSKYOD DE BKRA SHIS LHUN POR SNYUG MAR GNAS PA DANG PHYOGS 'DUS KYI DGE 'DUN KHRI KHRAG BRGAL BAS MCHOD PA'I BYE BRAG SNA TSOGS THOGS

, ,PAS BSUS TE ZLA BA BCU PA'I TSES BCU BDUN GYI NYIN GZIM KHANG RGYAL MTSAN MTHON POR PHEBS, DE'I SANG NYIN TSES BCO BRGYAD KYI NYIN GZIM CHUNG YID DGA' CHOS 'DZIN DU RJE BLO BZANG CHOS KYI RGYAL MTSAN GYI BZHUGS KHRI LA BZHUGS SU GSOL TE DBANG BSKUR, RGYAL BA THAMS CAD MKHYEN PA'I SKU TSAB SOGS 'DZIN MA'I KHYON LA GNAS PA'I CHE DGU KUN GYIS MCHOD NAS BKRA SHIS KYI TSIGS BCAD BRJOD CING ME TOG GTOR TE RGYAL BA THAMS CAD MKHYEN PA'I BKAS RJE BTZUN THAMS CAD MKHYEN PA BLO BZANG YE SHES DPAL BZANG PO ZHES MTSAN GSOL TO, ,TSUL 'DI LA RJE RANG NYID KYI ZHAL NAS, RGYAL BAS MDO RGYUD DU MAR BZANG NGAN GYI, ,LAS SPYAD 'BRAS BU JI BZHIN SMIN GSUNGS BZHIN, ,SNGON NAS RNAM DKAR SA BON LEGS BTAB MTHU, ,NYER BRTAS TSANGS SPYOD RTEN RUNG MI LUS LJON, ,PHYAG NA PADMO BLO BZANG RGYA MTSO'I SDE'I, ,THUGS RJE'I MKHA' LA BYIN RLABS GRU CHAR RGYUN, ,NYER 'KHREGS BLO BZANG CHOS RGYAN MTSAN BYIN DANG, ,LHAN CIG LEGS PHAB RIS MED 'GRO TSOGS LA, ,'DI PHYI GTAN DU PHAN BDE'I MCHOG STZOL MKHAN, ,BLO BZANG CHOS KYI RGYAL MTSAN YONGS 'DU CHE, ,GNYIS PAR GYUR CIG DGONGS PA'I THUGS BRTZER BCAS, ,THUB BSTAN LHA YI DGA' TSAL MDZES RGYAN BSKRUN, ,ZHES GSUNGS SO, ,DE NAS MI RING BAR THOB RGYAL DGA' LDAN RAB RGYAS NAS RJE ZHAL SNGA NAS BLO BZANG BSTAN 'DZIN YONGS 'DZIN DU SPYAN DRANGS TE, THOG MAR YI GE 'DRI

KLOG DANG CHOS SPYOD RNAMS KYI SNYAN BSKUL ZHUS PA NA THOGS PA MED BAR MKHYEN, DE NAS SKU TSE 'DIR CHOS GSAN PA'I THOG MAR BYANG CHUB LAM GYI RIM PA'I BLA MA BRGYUD PA'I GSOL 'DEBS LAM MCHOG SGO 'BYED GSAN TE, DE NI SKU TSE 'DIR RJE GONG MA'I RNAM THAR LTAR 'JAM MGON BLA MA'I BSTAN PA BSRE BSLAD MED PAR SKYONG BA'I RTEN 'BREL DU NGES SO, ,DE NAS RIM BZHIN RJE BTZUN BLO BZANG CHOS KYI RGYAL MTSAN GYI GSUNG 'BUM YONGS RDZOGS KYI LJAGS LUNG GSAN, DE NAS RJE RIN PO CHE'I RNAM THAR LTAR THOG MAR SHING RTA CHEN PO'I GZHUNG RNAMS LA SBYONG BAR BZHAD NAS MTSAN MTSON GYI RNAM GZHAG ,RGYU 'BRAS KYI RNAM GZHAG, THAL 'GYUR GYI RNAM GZHAG SOGS LA SBYONG BA'I TSUL MDZAD PA NA THOGS PA MED PAR MKHYEN CING, SUM CU PA DANG RTAGS 'JUG SOGS RIG GNAS RNAMS KYANG BRDA PHUL BA TZAM GYIS THOGS MED DU MKHYEN TO, ,DE NAS SKYES RABS THAMS CAD DU RAB TU BYUNG BA'I TSUL KHRIMS RNAM PAR DAG PA LA GNAS PA'I BAG CHAGS KYI MTHU BRTAS TE, RGYAL BA'I BSTAN BA LA RAB TU 'BYUNG BAR 'DOD PA'I THUGS 'DUN SHUGS DRAG PO 'KHRUNGS SHING, DE YANG SNGON THUGS BSKYED PA NAS BZUNG YAB SRAS DAM TSIG RDO RJE'I LU GU RGYUD DU 'BREL BAS RGYAL BA THAMS CAD MKHYEN PA CHEN PO ZHAL MJAL BAR SHIN TU RINGS PAR GYUR TE, DE NAS DGUNG LO BRGYAD BA THUN MONG ZHES PA LCAGS PO KHYI'I LO DBUS PHYOGS SU CHIBS BSKYOD DE PHO BRANG CHEN PO PO TA LAR ZLA BA DRUG PA'I TSES BCO LNGA'I NYIN THOG MAR

, ,TSOM CHEN DU RGYAL BA MCHOG GI ZHAL MJAL YAB SRAS THUGS SHIN TU MNYES PA'I GSUNG GLENG MJAD, ZLA BA DE'I TSES NYER GCIG GI NYIN GZIM CHUNG BDE BA CAN DU RGYAL BA MCHOG LA CHOS ZHU BA'I DBU BTZUGS TE, THOG MAR 'JAM DPAL MTSAN BRJOD PHAN YON DANG BCAS PA, GDUGS DKAR, RGYAL BA TSE DPAG MED KYI MTSAN BRGYA RTZA BRGYAD PA TSE MDO DANG, SHER SNYING, SGROL MA PHYAG 'TSAL NYER GCIG GI BSTOD PA SGROL GSOL DANG BCAS PA, PHUNG PO GSUM BA'I MDO, BZANG SPYOD, BYAMS SMON, SPYOD 'JUG SMON LAM, KHAMS GSUM 'GRO BA'I BLA MA TZONG KHA PA CHEN PO'I GSUNG THOR BU BA RNAMS KYI LUNG GSAN, ZLA BA BDUN PA'I TSES GNYIS KYI NYIN RJE THAMS CAD MKHYEN PA DGE 'DUN RGYA MTSO'I GSUNG 'BUM LAS GNAS BRTAN PHYAG MCHOD KYI CHO GA'I LUNG GSAN, DE NAS ZLA BA BDUN BA'I TSES BCO LNGA'I NYIN GZIM CHUNG KHAMS GSUM RNAM RGYAL DU RGYAL BA THAMS CAD MKHYEN PA NGAG DBANG BLO BZANG RGYA MTSO DPAL BZANG POS MKHAN SLOB ZUNG 'BREL MDZAD DE DGE BSNYEN RAB BYUNG TSIGS SNGA MA DGE TSUL GYI SDOM PA RNAMS LEGS PAR BZHES, ZLA BA BDUN PA'I TSES NYER BZHI'I NYIN DPAL RDO RJE 'JIGS BYED LHA BCU GSUM MA'I DBANG GI SNGON 'GRO STA GON DANG, NYER LNGA LA DBANG BZHI RDZOGS PAR GSAN, ZLA BA BRGYAD BA'I TSES GNYIS NAS THAMS CAD MKHYEN PA DGE 'DUN RGYA MTSO'I GSUNG 'BUM GYI LUNG GSAN 'PHRO YI DAM SGRUB SKOR

YONGS RDZOGS DANG, RGYA DBON PO LA GNANG BA'I BLA MA'I RNAL 'BYOR, BLA MA'I RNAL 'BYOR GO SLAR BKOD PA, NI GU CHOS DRUG GI KHRID YE SHES MKHA' 'GRO'I ZHAL LUNG, DE'I KHRID MDOR BSDUS GNAD DON GSAL BA'I ME LONG, SNYING PO DON GSUM GYI KHRID, MKHA' SPYOD MA DKAR MO'I 'PHO BA, MGON PO SNYING ZHUGS KYI 'PHO BA, LTA KHRID THAR 'DOD 'JUG NGOGS, LTA KHRID SNYING GI MUN SEL, BSAM 'GRUB DPAL BZANG LA GNANG BA'I LTA KHRID, RI KHROD BA BSAM GTAN LA GNANG BA'I LTA KHRID TSIGS BCAD MA, BYANG SEMS CHEN MO DPAL LDAN NOR 'DZIN SGROL MA LA GNANG BA'I LTA KHRID, RDO RJE RGYAL MTSAN LA GNANG BA'I GSANG BA 'DUS PA'I DKA' GNAD, KUN DGA' DPAL MO LA GNANG BA'I BYANG CHUB SEMS KYI BSGOM TSUL, RGYAL MTSAN DPAL GYI NGOR GNANG BA'I TSEM BU LUGS KYI DMAR KHRID TSIGS BCAD MA, GCOD KYI RTZA TSIG MDOR BSDUS RNAMS KYI LUNG GSAN, TSES BZHI NAS TSE DPAG MED DKAR PO, SENG LDENG NAGS KYI SGROL MA, 'JAM DPAL AA RA PA TZA NA, THUGS RJE CHEN PO KHA SARB'A nI, PHYAG RDOR 'BYUNG 'DUL, YE SHES KHYUNG KHRA, RTA MGRIN YANG GSANG, YE SHES MGON PO PHYAG DRUG PA, GRUB RGYAL LUGS KYI TSE DPAG MED, LAS GSHIN, SGROL DKAR RNAMS KYI RJES GNANG DANG, RGYAL BA THAMS CAD MKHYEN PA NGAG DBANG BLO BZANG RGYA MTSO DPAL BZANG PO NYID KYI GSUNG 'BUM THOR BU PA'I GRAS DU MA'I LUNG GSAN, GZHAN YANG MDO MANGS KYI NANG TSAN, DBANG SKONG PHYAG RGYA PA, 'CHI MED RNGA SGRA'I GZUNGS, RGYAL MCHAN RTZE MO'I DPUNG

, ,RGYAN; 'DA' KHA YE SHES, STOBS PO CHE, GTZUG TOR 'BAR BA, GTZUG TOR RNAM RGYAL, 'OD ZER CAN, GZA' YUM, PHYOGS BCU MUN SEL, BKRA SHIS BRTZEGS PA, TSONG DPON GA GON DANG BZANG PO GNYIS LA GNANG PA'I SHIS BRJOD, RDO RJE RNAM 'JOMS KYI GZUNGS, MDO SDUD PA, BGRES MOS ZHUS PA, KHYE'U RIN CHEN ZLA BAS ZHUS PA, MCHU SDE LNGA, YANGS PA'I GRONG KHYER DU 'JUG PA'I MDO RNAMS DANG, JO BSTOD SUM CU PA, DPAL LDAN SA GSUM MA, RNAM DAG GANGS RI MA, DPAL LDAN YON TSOGS MA SOGS KYI LUNG RNAMS GSAN, DE NAS RNAM THAR DAD PA'I 'JUG NGOGS NAS DBU TSUGS TZAM ZHIG MJAD, DE NAS RGYAL BA THAMS CAD MKHYEN PA CHEN BOS RE SHIG GZHUNG LUGS RNAMS LA SBYANGS PA MTHAR PHYIN PA MDZAD DGOS PA SOGS KYI ZHAL TA LEGS PAR GNANG, RJE 'DI BAS KYANG RGYAL DBANG MCHOG LA ZHABS PAD BSKAL BRGYAR BRTAN PA DANG, MDO SNGAGS YONGS RDZOGS KYI CHOS KYI BDUD RTZI ZHUS CHOG PA DGOS ZHES ZHUS TE GTZANG PHYOGS SU CHIBS KHA BSKYOD, DE NAS BKRA SHIS LHUN POR PHEBS NAS RE SHIG SKU MTSAMS MDZAD, LO DE'I ZLA BA BCU GCIG PA'I TSES LNGA'I NYIN 'DUS PA RGYA MTSO'I TSOGS KYIS SPYAN DRANGS TE THAMS CAD MKHYEN PA DGE 'DUN GRUB NAS BZUNG RJE BTZUN BLO BZANG CHOS KYI RGYAL MTSAN GYI BAR 'JAM MGON BSTAN PA'I SROG SHING 'DZIN PA'I DAM PA BAR MA CHAD PAS CHOS KYI 'KHOR LO BSKOR PA'I KHRI LA ZHABS SEN BKOD DE LHA DANG BCAS PA'I 'GRO BA

MA LUS DBUGS PHYIN PAR MDZAD DO, ,TSUL 'DI LA RJE RANG NYID KYI ZHAL NAS, GDOD NAS BSOD NAMS BRGYA YIS NYER BSGRUBS RTEN, ,DAL 'BYOR YONGS 'DU GTAN BDE'I MCHOG STER BA, ,TSE 'DI'I PHUN TSOGS BSGRUB BLO'I BA MO YIS, ,MA BCOM NGES LEGS 'BRAS BU SMIN RE NAS, ,MCHOG GSUM NGO BO RJE BTZUN PAD DKAR 'DZIN, ,THAMS CAD MKHYEN PA BLO BZANG RGYA MTSO'I SDER, ,GUS PAS BTUD DE TSANGS SPYOD BRTUL ZHUGS BLANGS, ,MGON DE'I SPYAN SNGAR JI LTAR KHAS BLANGS PA'I, ,BSLAB GZHI PHRA RAGS BCAS PA'I MTSAMS LA'ANG, ,NYES PA'I SKYON GYIS NAM YANG MA GOS PAR, ,BYA'O SNYAM PA'I BLO DPUNG YANG DAG BSKYED, ,MCHOG GSUM NGO BO THAMS CAD MKHYEN PA YI, ,THUGS RJE'I GZI DANG BCOM LDAN SNANG MTHA'I MGON, ,BSHES GNYEN TSUL BZUNG BLO BZANG CHOS RGYAN RJE'I, ,MTSAN GYI BYIN RLABS BZANG PO NYER ZHUGS MTHUS, ,'DUS LDAN RGYA MTSO'I TSOGS KYI DBUS NYID DU, ,SPYAN RAS GZIGS DBANG THAMS CAD MKHYEN PA YI, ,CHOS KYI KHRI LA CI DGAR SPYOD CIG CES, ,MANG POS BKUR BA'I MI RJE JI BZHIN DU, ,'DUS TSOGS SBYIN BDAG BCAS PAS MNGA' GSOL MDZAD, ,CES GSUNGS SO, ,DE SKABS CHOS GRVA TSAN POR 'BRUM BU'I NAD BYUNG BAR DBEN GNAS BYANG CHUB CHEN PO'I PHO BRANG DU 'BRUM YOL LA PHEBS, BYANG CHEN DU BZHUGS RING MDO SDUD PA, 'JAM DPAL MTSAN BRJOD, BYANG CHUB LAM GYI SGRON MA, RJE BTZUN CHOS KYI RGYAL PO TZONG KHA PA CHEN PO'I GSUNG MDUN LEGS MA, BLA MA LNGA BCU PA, BLO SBYONG

, ,MTSON CHA 'KHOR LO, ,RMA BYA DUG 'JOMS, RJE BTZUN BYAMS PA'I BSTOD PA TSANGS COD MA, RJE BTZUN 'JAM DBYANGS KYI BSTOD PA BSTOD SPRIN RGYA MTSO SOGS BSTOD CHEN BZHI, GZHAN YANG CHOS GRVA CHEN POR 'DON SROL YOD PA'I CHOS SPYOD KYI SKOR SOGS LJAGS 'DZIN MDZAD DE RGYUN DU ZHAL 'DON DU MDZAD, BYANG CHEN DU BZHUGS RING THUGS DAM SHIN TU 'PHEL BAS NUB GCIG MNAL LAM DU DPAL RDO RJE 'JIGS BYED ZHAL PHYAG YONGS SU RDZOGS PA ZHABS 'OG NA SROG CHAGS MED PA ZHIG DANG, CHOS RGYAL LA MA HE MED PA ZHIG DANG, DPAL LDAN LHA MO DRE'U MED PA SOGS CHOS SKYONG BA'I SRUNG MA DU MA MNGON SUM DU GZIGS PA LTA BU'I SNANG BA DANG, KHYAD PAR RDO RJE 'JIGS BYED LA PHAR BKA' BSGO BYED PA ZHIG RMIS GSUNGS TE, DON DU DE SKABS LHAG PA'I LHA DANG SRUNG MA MANG PO'I ZHAL GZIGS PA YIN ZHES PAn CHEN THAMS CAD MKHYEN PA CHEN PO BLO BZANG DPAL LDAN YE SHES DE NYID GSUNG NGO, ,DE'I TSE RI KHROD PA RNAMS LA CHOS KYI BDUD RTZI'ANG KHA YAR STZAL ZHING, 'BRUM THAG CHOD NAS BKRA SHIS LHUN POR CHIBS KHA BSKYOD SNGAGS KHANG DU GDAN DRANGS TE RGYUD GRVAR BZHUGS PA'I DGE BA'I BSHES GNYEN RNAMS LA CHOS KYI BDUD RTZI STZAL, DE NAS DGUNG LO BCUR PHEBS PA CHU BYI ZLA BA LNGA BA'I TSES LNGA'I NUB MNAL LAM DU THEG PA CHEN PO'I DAM PA'I CHOS DKON MCHOG BRTZEGS PA YONGS SU RDZOGS PA THUGS LA BZUNG NAS SKYAR BAS, SLOB DPON RIN PO CHE BLO BZANG BSTAN 'DZIN

SHIN TU DGYES NAS RJE RANG NYID LA PHYAG MDZAD PA'I SNANG BA BYUNG ZHING, TSES BRGYAD KYI NYIN RTZOM PA'I TSIG DON 'GA' YAR THUGS YUL DU 'CHAR BA'ANG BYUNG BAR, AOm SVASTI, DUS GSUM RGYAL BA KUN GYI MCHOG ,THAMS CAD MKHYEN PAS RJES SU BZUNG, ,GUS PA CHEN POS SNYING NAS BTUD, ,CES PA DANG, SLAR YANG, 'DOD KHAMS DBANG PHYUG RE MA TI SOGS KYIS, ,DNGOS BSHAMS YID KYIS SPRUL PA'I MCHOD SPRIN 'DI, ,MYUR DU BZHES LA RNAL 'BYOR 'KHOR BCAS KYI, ,'GAL RKYEN KUN SOL MTHUN RKYEN MA LUS SGRUBS, ,DENG 'DIR YID LA BSAMS PAR GYUR PA RNAMS, ,GEGS MED YID BZHIN 'GRUB PAR MDZAD DU GSOL, ,ZHES PA DANG, YANG TSES DRUG GI NUB MO MNAL LAM DU, NAM MKHA' LA 'JA' GUG STE SHAR BA, DE SGOR MOR SONG BA'I DKYIL NA RJE BTZUN 'JAM PA'I DBYANGS DMAR SER BZHUGS PA'I THUGS KA NAS 'OD ZER 'PHROS PA RJE BLA MA RANG NYID KYI THUGS KAR THIM PA DANG, THO RANGS PAn CHEN THAMS CAD MKHYEN PA RJE BTZUN BLO BZANG CHOS KYI RGYAL MTSAN GYI SKU GDUNG LA 'PHAN PHYE PHUR SOGS PHUL TE MCHOD PA MDZAD PA'I SNANG BA'ANG BYUNG, SANGS RGYAS CHOS KYI 'KHOR LO BSKOR, ,SEMS CAN THAMS CAD RTAG TU BDE, ,DGOS 'DOD THAMS CAD CHAR DU PHAB, ,MTHAR THUG SANGS RGYAS 'GRUB PAR SHOG ,CES DANG, RJE BTZUN CHOS KYI RGYAL BO DPAL BZANG PO'I, ,BSHAD SGRUB BSTAN PA'I BYA BA LEGS TSOGS RNAMS, ,YAR NGO'I ZLA LTAR 'PHEL ZHING RGYAS PA DANG, ,MCHOG DANG THUN MONG DNGOS GRUB STZAL DU GSOL,,

, ,ZHES PA RNAMS THOGS MED DU GSUNGS, DE NAS SA CHEN PO'I KHYON MTHA' DAG NAS 'DUS PA'I DAD LDAN SER SKYA BGRANG BA LAS 'DAS PA DAG LA ZHAL GYI DKYIL 'KHOR STON PA DANG, GSUNG GI BDUD RTZI STZOL BA DANG, DAD PAS PHUL BA'I DNGOS PO RNAMS BZHES TE NYIN RE BZHIN 'GRO BA BGRANG BA LAS 'DAS PAR MTHO RIS DANG THAR PA'I SA BON 'DEBS PAR MDZAD DO, ,DE NAS TSAD MA RNAM 'GREL LA SPYONG BAR BZHED DE 'JAM DBYANGS DGE 'DUN BLO BZANG GIS MJAD PA'I RNAM 'GREL GYI YIG CHA YONGS RDZOGS THUGS LA BZUNG STE BSKAL BZANG KHYAMS RA CHEN MOR 'DUS PA RGYA MTSO DANG LHAN CIG RIGS LUNG LA RTAG PAR PHEBS TE 'JAM MGON BLA MA'I RNAM THAR SKYONG BAR MDZAD DO, ,BAR SKABS SU BYANG RGYUD RGYAL PO 'KHOR BCAS DAD PA CHEN POS 'DUS BAR SO SO'I BSNYEN BKUR RNAMS BZHES SHING, RGYAL PO 'KHOR BCAS LA LAM RIM TSIGS BCAD MA, LAM RIM DMAR KHRID, SMAN BLA'I MDO CHOG ,LAM RIM CHUNG BA SOGS DANG, SRAS BGRES PAR THUB DBANG ZHAL PAD MA SOGS RANG RANG GI 'DOD PA DANG BSTUN PA'I CHOS KYI BDUD RTZI STZAL, DE'I TSE 'DUS PA RGYA MTSO'I TSOGS LA'ANG TSAD MA RNAM 'GREL GYI DBU NAS RIM GYIS GNANG BA'I 'OG TSUGS, TSAD MA RNAM 'GREL LA THUGS RAB THOGS PA MED PAR RGYAS PA'I TSUL BZHES TA THAMS CAD MKHYEN PA DGE 'DUN GRUB KYIS MDZAD PA'I SPYI DON RIGS RGYAN YONGS RDZOGS THUGS LA BZUNG, GZHAN YANG TSAD MA RNAM 'GREL GYI t'IKKA 'JAM DBYANGS SMON

LAM DPAL BA LEGS PA'I BLO GROS KYIS MDZAD PA'I SMON t'IKKA TU GRAGS PA DANG, THAMS CAD MKHYEN PA DGE 'DUN GRUB KYIS MDZAD PA'I RNAM 'GREL GYI t'IKKA NAS THOGS SHAS THUGS LA BZUNG STE ZHAG 'GA' RIGS LUNG CHOS SPYOD LA PHEBS NAS BGRO GLENG LA BRTZON PAR MDZAD, DE YANG SPYI DON RIGS RGYAN 'DI THAMS CAD MKHYEN PA DGE 'DUN GRUB KYIS RJE BTZUN BLA MA TZONG KHA PA CHEN PO BKRA SHIS RDO KHAR PHEBS PA'I TSE TSAD MA RNAM NGES KYI SKOR LA DOGS GCOD ZHUS PA'I ZIN BRIS DANG, RI BO DGE LDAN DU RGYAL TSAB THAMS CAD MKHYEN PA LA TSAD MA'I SKOR LA ZHIB BSHAD ZHUS PA RNAMS LA GZHI MDZAD NAS GZHUNG GSAR RTZOM GNANG BA YIN 'DUG PA DANG, THAMS CAD MKHYEN PA DGE 'DUN RGYA MTSOS KYANG CHOS GRVA CHEN PO 'DIR TSAD MA RNAM 'GREL GYI GZHUNG LA GSAN SBYONG GNANG BA'I SKABS SPYI DON RIGS RGYAN DANG, SMON t'IKA GNYIS LA ZHIB TU GZIGS SHING, KHYAD PAR SMON t'IKA LA THUGS YID 'PHROG PAR BYUNG NAS PHAL CHER THUGS LA BZUNG STE NGA'I TSAD MA'I SLOB DPON 'DI YIN GSUNG BA'I BSNGAGS BRJOD KYANG MDZAD PA BYUNG 'DUG CING, CHOS GRVA CHEN PO 'DIR BSDUS TSAD GTZO BOR MDZAD PA'I RGYU MTSAN YANG, BKA' GDAMS GLEGS BAM LAS, RGYAL MTSAN STOD LA CHOS GRVA 'ONG, ,CHOS RGYAL DHARM'A K'IRTI YI, ,CHOS KYI RGYAL MTSAN LEGS PAR 'DZUGS, ,ZHES DANG, THAMS CAD MKHYEN PA DGE 'DUN GRUB DGE 'PHEL DU BZHUGS SKABS MNAL LAM DU, BKRA SHIS LHUN PO'I RGYAB RI'I RTZE'I RNAM BA NAS, RJE BTZUN TZONG KHA PA CHEN POS DGE 'DUN GRUB CES 'BOD

, ,BAR MDZAD NAS, SA PHYOGS 'DIR TSAD MA RNAM 'GREL GYI BSTAN BA RGYAS PAR 'GYUR BA YIN, ZHES LUNG BSTAN GSUNGS PA BZHIN, THAMS CAD MKHYEN PA DGE 'DUN GRUB KYIS CHOS GRVA 'DIR BAR SKABS SHIG LHA SH'AKA GI 'GREL PA SOGS RGYA GZHUNG, t'IKA CHEN RIGS PA'I RGYA MTSO SOGS BOD GZHUNG 'GA' ZHIG LA GZHI MDZAD NAS SPROS BSHAD GNANG BAS THAMS CAD THUGS PHROGS TE MKHAS PA DRI MED BSHES GNYEN SOGS ZHAL SLOB CHE BA RNAMS KYIS ZIN BRIS KYANG MDZAD 'DUG , GZHAN YANG RJE BDAG NYID CHEN POS, LOG SMRA TSAR GCOD PHYOGS GLANG GRAGS PA LAS, ,LEGS PAR 'ONGS PA'I RIGS LAM BDUD RTZI'I CHUS, ,BLO MIG DRI MA YANG YANG MA BKRUS NA, ,SHIN TU ZAB GNAD MTHONG BA SMOS CI DGOS, ,RIGS PA'I LUNG DON LA YANG DPYOD PA NA, ,PHAL CHER LOG PAR RTOG PA 'PHEL 'GYUR ZHING, ,GAL TE YANG DAG DAM BCA' TZAM ZHIG GIS, ,NGES PA RNYED KYANG SGRUB DANG SUN 'BYIN GYI, ,TSAD MA'I STOBS KYIS THE TSOM MCHOD PHYIR, ,'DAM LA BTAB PA'I PHUR PA BZHIN 'GYUR BAS, , YANG DAG BAG CHAGS BRTAN PO 'JOG MI NUS, ,ZHES GSUNGS PA LTAR, LTA SPYOD GANG LA YANG RIGS LAM NAS DRANGS PA'I BSGOM BYA'I DON LA NGES PA MA RNYED NA 'KHRUL MED KYI LAM LA 'JUG DKA' BAR GZIGS SHING, SHES RAB DANG DON GNYER CAN RNAMS DPE CHA 'DRI BA'I DKA' CHE GAS LA BLTAS NA PHAN PA CHEN PO YONG BAR DGONGS TE THOG MAR SPYI DON RIGS RGYAN DANG, DE NAS RIM BZHIN 'DUL BA MOD RTZA BA, MDZOD RTZA, RNAM 'GREL RTZA BA, 'GREL PA DON GSAL, 'JUG PA RNAMS PAR DU BRKO

BA MDZAD, GZHAN YANG DON GNYER CAN MANG POR LUNG DANG RJES GNANG SOGS MTHA' YAS PA RIM PAR GNANG ZHING, ,DAD RDZAS RNAMS CHUD MI ZA BA'I PHYIR SKU GSUNG THUGS RTEN MTHA' YAS PA BZHENGS SHING, DE DAG GI BZHUGS GNAS LHA KHANG MANG PO'ANG GSAR BSKRUN MDZAD DE BSTAN RGYUN LA DGONGS NAS SKU GSUNG THUGS RTEN GSAR BZHENGS RNAMS CHOS SRUNG LA GNYER DU GTAD KYI 'PHRIN 'CHOL MDZAD PA NI, AOm SA MA YA TIshthA, DUS GSUM RGYAL BA'I YAB GCIG 'JAM PA'I DBYANGS, ,SNYIGS DUS GDUL DKA' MTHA' DAG 'DUL BA'I PHYIR, ,GTUM DRAG RNGAMS BA'I SKUR BSTAN LHAG PA'I LHAR, ,BTUD NAS GNYER DU GTAD PA'I DAM TSIG BRJOD, ,MTHU LDAN MYUR MDZAD MGON PO PHYAG DRUG PA, ,YAB YUM GNOD SPYIN BKA' NYAN 'KHOR BZHI DANG, ,LEGS NYES SHAN 'BYED CHOS KYI RGYAL PO DANG, ,TZ'A MUNdI DANG PHO BRGYAD MO BRGYAD SOGS, ,BSTAN DGRA TSAR GCOD DPAL LDAN RE MA TI, ,GUR MGON MA H'A K'A LA PHYAG BZHI PA, ,GTUM DRAG RDO RJE NAG PO YAB YUM DANG, ,SGROL GYING SROG BDAG DMAR PO 'KHOR BCAS LA, ,BKRA SHIS LHUN GYIS GRUB PA'I CHOS GRVA CHER, ,LHAG BSAM DAG PAS GSAR DU BSKRUN PA YI, ,RTEN GSUM MCHOD RDZAS JI SNYED MCHIS BA RNAMS, ,GNYER DU GTAD DO G-YEL MED BYA RA MDZOD, ,GAL TE 'DI DAG MTHU YIS 'PHROG PA'AM, ,'JAB BUS BRKU SOGS BSAM SBYOR LOG PA YIS, ,RDUL PHRAN TZAM YANG GZHAN DU 'KHYER BYED NA, ,SKAD CIG

, ,DE LA DRAG POS TSAR CHOD MDZOD, ,GZHAN YANG PHAN BDE'I 'BYUNG GNAS CHOS GRVA CHE'I, ,GTZUG LAG KHANG DANG DGE 'DUN CHOS 'BANGS LA, ,'TSE BA'I SNYING KHRAG ZHAL DU RAB DRANGS NAS, ,BDE CHEN GO 'PHANG THOB PA'I 'PHRIN LAS MDZOD, ,SHUGS DRAG DAD PAS MCHOD CING BSNYEN BKUR BA'I, ,MTHA' DAG SKYE DGU TSE RING 'BYOR LDAN ZHING, ,MTHAR THUG SKU GSUM GO 'PHANG MYUR THOB NAS, ,PHYOGS 'DIR BSHAD SGRUB MNGA' THANG 'PHEL GYUR CIG; CES SO, ,RJE 'DI PA NI SNGON BSKAL PA BGRANG BA LAS 'DAS PA NAS THUGS BSKYED DE ZHING 'DIR THUB PA'I BSTAN PA SPEL BA'I SLAD DU BSAMS BZHIN DU BYON PA YIN PA DANG, THA MAL BA RNAMS KYI SNANG NGOR YANG BYANG CHUB KYI SEMS RIN PO CHE NYID THUGS DAM GYI THIL DU MDZAD DE SPYIR 'GRO BA MTHA' DAG DANG, KHYAD PAR BYANG PHYOGS GANGS RI'I KHROD KYI 'GRO BA RNAMS LA YUL PHYOGS DANG GRUB MTHA'I PHYOGS LHUNG GANG YANG MED PAR THAMS CAD BYAMS BRTZES SKYONG BAR MDZAD PAS MCHOG DMAN BAR MA THAMS CAD KYIS BSNYEN BKUR PA'I ZHING MCHOG TU BZUNG STE RANG RANG GI GCES PA'I NOR RNAMS RJE 'DI'I PHYAG TU 'BUL CI THUB BYAD PAS ZANG ZING GI YO BYANG MTHA' YAS PA BYUNG BA DE DAG THAMS CAD SKU GSUNG THUGS RTEN GSAR BZHENG DANG, RIS SU MA CHAD PA'I DGE 'DUN GYI SDE MTHA' DAG LA BSNYEN BKUR NAR MAR MDZAD CING, DE THAMS CAD KYANG BSNGO BAS RGYAS THEBS PAR MDZAD DE, DE'I TSE BSNGO BA'I TSIGS BCAD KYANG 'DI LTAR, NA MO GU RU BUDDHA BO DHI SATV'A YA, GSER

SPYANGS BTZO MA'I LHUN PO RNAM MANG PHRAS, ,BTAB PA JI BZHIN MTSAN DPE'I DPAL 'BAR BA, ,SH'AKYA'I TOG SOGS RGYAL BA SRAS BCAS LA, ,PHYAG 'CHAL YID SMON 'GRUB PA'I GROGS MDZOD CIG ,BDAG GIS SKU GSUNG THUGS RTEN BZHENGS MCHOD DANG, ,DGE 'DUN BSNYEN BKUR DBUL PHONGS TSIM BYAS SOGS, ,DGE BA 'DI DAG GIS MTSON BDAG GZHAN GYIS, ,SNGON NAS DA LTA'I BAR BSGRUBS DGE TSOGS MTHUS, ,'BRU KUN SKYE LAS BZHIN YID CAN LA, ,PHAN BDE BLA MED STER LA MED MI RUNG; ;THUB PA'I BSTAN PA LUNG RTOGS NYI 'OD KYIS, ,'CHI MED LAM BZHIN PHYOGS KUN KHYAB GYUR CIG ,'JIG RTEN KHAMS SU MI 'DOD BSKYED PA'I GZHI, PHAN TSUN RTZOD SOGS MI DGE'I TSOGS ZHI ZHING, ,RDZOGS LDAN GSAR DU BZHAD PA'I DGA' STON LA, ,'GRO KUN GTAN DU SPYOD PA NYID GYUR CIG ,GRANGS MED BGROD KYANG BZOD PA'I LAM CHEN BZHIN, ,SDUG BSNGAL GYIS MNAR 'GRO TSOGS SGROL BA'I KHUR, ,LCI YANG BZOD PA'I BYANG CHUB SEMS MCHOG DANG, ,NAM YANG 'BRAL BA MED PA NYID GYUR CIG ,THUB PAS 'GRO KUN DON CHED GRANGS MED PA'I, ,BSKAL PA GSUM DU SKU LUS LONGS SPYOD SOGS, ,BTANG BAS TSOGS GNYIS YONGS RDZOGS BYANG CHUB BRNYES, ,BDAG GI SPYOD PA'ANG DE DANG MTSUNGS PAR SHOG ,JI LTAR SMON BZHIN BSOD NAMS YE SHES KYI, ,RLABS CHEN TSOGS DAG YONGS SU RDZOGS GYUR NAS, ,SKYON BRAL YON TAN KUN GYI DPAL LDAN PA'I, ,BLA MED BYANG CHUB MYUR DU THOB GYUR CIG ,DE THOB NAS KYANG 'KHOR BAR 'KHYAMS BA'I 'GRO, ,MA LUS KUN MKHYEN RGYAL

, ,BA'I GO 'PHANG LA, ,'GOD PA'I BRTZON 'GRUS THUB PA MCHOG NYID DANG, ,MI MNYAM MED PA NYID DU BDAG GYUR CIG ,CES SO, ,DE NAS DON GRUB CES PA SA MO LUG GE LO ZLA BA DRUG PA'I NANG DU DBUS PHYOGS SU CHIBS KHA BSKYOD DE RGYAL BA THAMS CAD MKHYEN BA NGAG DBANG BLO BZANG RGYA MTSO LA GSER GYI MAndAL DANG NAM MKHA' MDZOD KYI SGO 'PHAR PHYE BA LTAR DNGOS PO TSAD MED PAS MCHOD DE DBANG LUNG MAN NGAG MTHA' DAG YONGS SU RDZOGS PA ZHIG GNANG DGOS ZHES GSOL BA 'DEBS PAR MDZAD PAS, RGYAL DBANG THAMS CAD MKHYEN PA CHEN POS DA LAM CHOS BKA' YONGS RDZOGS 'BUL THUB PA MI YONG YANG NYER MKHO GANG 'GRUB CIG 'BUL GSUNG NAS, THUB PA GTZO 'KHOR GSUM, THUGS RJE CHEN PO GTZO 'KHOR GSUM, RJE BTZUN MI G-YO MGON PO, SGROL MA GTZO 'KHOR GSUM DANG BCAS TE BKA' GDAMS LHA BZHIR GRAGS PA'I RJES GNANG, SMAN BLA BDE GSHEGS BRGYAD MTHO BRTZEGS SU BZHUGS PA'I RJES GNANG ,PAndI TA GSER GDUGS CAN GYI BZHED SROL 'JAM DKAR SHES RAB 'KHOR LO'I RJES GNANG KHRO PHU LO TZ'A BA NAS BRGYUD PA, DGE SLONG MA DPAL MA NAS BRGYUD BA'I THUGS RJE CHEN PO ZHAL BCU GCIG PA PHYAG STONG SPYAN STONG GI RIGS GTAD KYI RJES GNANG, BA RI BA'I LUGS KYI RNAM 'JOMS LJANG SNGON GYI RJES GNANG, 'JAM DBYANGS DKON MCHOG LHUN GRUB KYI YI GE'I STENG NAS PHYAG NA RDO RJE 'BYUNG PO 'DUL BYED KYI RJES GNANG GUR NAS

'BYUNG NGA, RJE BTZUN SA SKYA PA'I ZAB CHOS SU GRAGS PA DBANG GI SGROL MA DMAR MO'I RJES GNANG, 'PHAGS PA KLU SGRUB KYIS MDZAD PA'I SGRUB THABS DANG GONG MA'I PHYAG LAN LTAR KLU DBANG RGYAL PO GTZO 'KHOR LNGA'I RJES GNANG, ,MI G-YO BA'I RJES GNANG, DPAL SNAR THANG PA RIG RAL GYI PHYAG LEN DANG MTHUN BA MI G-YO CHU SRUNGS KYI RJES GNANG YAR KLUNGS PA YON TAN BKRA SHIS KYI PHYAG LEN DANG MTHUN PA, YANG DE NYID KYI PHYAG LEN DAD MTHUN PA MI G-YO BA DKAR PO GTUM PO'I RJAS GNANG, 'JAM DBYANGS MKHYEN BRTZE'I YI GE'I STENG NAS GUR NAS GSUNGS PA'I SO SOR 'BRANG MA'I RJES GNANG, RAB 'BYAMS PA RIN CHEN DPAL BZANG GI YI GE'I STENG NAS SVA'I SNGAGS 'CHANG SNYE MO SH'AKYA DPAL LA GSANG BA'I BDAG POS DNGOS SU GSUNGS PA GUR NAS 'BYUNG BA DANG 'BREL BA'I PHYAG RDOR 'BYUNG 'DUL GYI RJES GNANG MI'I DBANG DBANG BCAS PA, 'JAM DBYANGS MKHYEN BRTZE'I DBANG PHYUG GI YI GE'I STENG NAS 'OD ZER CAN GTZO RKYANG GI RJES GNANG, SPYAN SNGA NGAG DBANG CHOS GRAGS KYI YIG CHA'I STENG NAS JO PO LUGS KYI SME BRTZEGS LJANG NAG GI RJES GNANG, 'JAM DBYANGS MKHYEN BRTZE'I ZIN BRIS GYI STENG NAS SME BRTZEGS DUD KA'I RJES GNANG, RTA MGRIN LCAGS RAL CAN ZLA RGYAL LUGS SU GRAGS PA'I RJES GNANG YIG RNYING DANG MTHUN PA, RTA MGRIN SHVA NA BZHI SKOR GYI RJES GNANG JO BO CHEN PO NAS BRGYUD PA, SHE'U LO TZ'A BA'I YIG CHA'I STENG NAS JO BO CHEN PO LA 'PHAGS PA SPYAN RAS GZIGS KYIS GNANG BA'I DZAM LA DKAR PO 'BRUG ZHON GYI RJES GNANG,

, ,YANG DZAM LA SER PO DANG NAG PO GNYIS KYI RJES GNANG, SLOB DPON AA BHA YA'I BZHENG SROL CHAG LO SUM PAS MDZAD PA'I SREG BYED ME'I MTSON CHA'I YI GE'I STENG NAS GTZUG TOR 'BAR BA'I RJES GNANG, SGRUB THABS RGYA MTSO'I NANG GI RDO RJE DBYANGS CAN MA DMAR MO ZHAL GSUM PHYAG DRUG BA'I RJES GNANG, THAR RTZE NAM MKHA' DPAL BZANG GIS MDZAD PA'I YIG CHA'I STENG NAS JO BO CHEN POS YOL CHOS DBANG LA GNANG BA'I RTA MGRIN GSHOG BA CAN ZHAL GSUM PHYAG DRUG PA'I RJES GNANG ,PAndI TA NAGS KYI RIN CHEN NAS BRGYUD PA'I SENG GDONG MA DMAR MO'I RJES GNANG, SA SKYA PA'I GSER CHOS SU GRAGS PA'I SENG GDONG MA NAG MO'I RJES GNANG, YANG SA SKYA PA'I LCAGS RI MI 'DA' BA'I GSER CHOS SU GRAGS PA 'PHAGS PA 'JIG RTEN DBANG PHYUG SENG GE SGRA'I RJES GNANG, DAM PA SANGS RGYAS NAS BRGYUD PA'I 'JAM DBYANGS SMRA SENG YUM BCAS KYI RJES GNANG, PHYAG RDOR AU TZARYA'I BYABS BSRUNG DANG RJES GNANG RNAMS GSAN, GZHAN YANG JO BO CHEN PO LHA CIG NAS BRGYUD PA'I SGROL MA NYER GCIG GI SNGON 'GROR, SER LDENG NAGS KYI SGROL MA'I RJES GNANG BCAS YONGS RDZOGS DANG, DPAL LDAN LHA MO'I RJES GNANG, K'A MA RU PA NAS BRGYUD BA'I ZHAL BRAM NAG GI RJES GNANG, TSE DPAG MED DKAR BO'I RJES GNANG RNAMS GSAN, 'DI SKABS RGYAL BA THAMS CAD MKHYEN PA CHEN POS RJE 'DI BA LA RJE BDAG NYID CHEN PO'I THUGS DAM RTEN STON PA THUB PA'I DBANG PO'I SKU

BRNYAN 'PHAGS YUL LA MI NGO MA KHYAD MTSAR ZHIG GNANG STE, MNYAM MED BU RAM SHING PA'I MDO SNGAGS KYI BSTAN BA SPYI DANG, KHYAD PAR KHAMS GSUM CHOS KYI RGYAL PO TZONG KHA BA CHEN PO'I BSTAN PA'I BDAG PO MDZOD CES BSTAN PA'I BDAG POR MNGA' GSOL, DE MTHUN GZHAN GYI ZHU BA PE MED BAR DGONGS DPYAD KYIS, RGYAL KUN NGO BO BLO BZANG GRAGS SNYAN BSTAN, ,'DZIN BAR BSOD NAMS SA BON DANG DRAG LAS, ,YE SHES MCHEG GI YONGS 'DU SA BRTOL RTZER, , SPRUL SKU'I 'BRAS BZANG SMIN LA GSOL BA 'DEBS, ZHES SOGS ZHABS BRTAN GSOL 'DEBS BKA' RTZOM GSAR DU GNANG STE PHYAG TU PHUL, GSOL 'DEBS DE NYID PHYOGS MTHA' DAG LA'ANG 'GYED BAR MDZAD, DE SKABS THON PHYAG GI SKABS YAB SRAS GNYIS KA PHAN TSUN 'BRAL MI PHOD PAR SPYAN CHAB MANG DU BYUNG ZHING THUGS 'PHRENG BA'I RNAM PA CHOR MDZAD PA NA ZHABS 'BRING BA TSANG MA'ANG RGYAL BA YAB SRAS 'DI GNYIS KYI MDZAD SPYOD 'DI 'DRA SNYAM DU YAB SRAS GNYIS KAR GUS BA BLA MED THOB CING SPYAN CHAB 'BYIN PA BYUNG 'DUG STE, DE NI SKU TSE 'DIR YAB SRAS GNYIS SLAR MI MJAL BAR GNYIS KAS MKHYEN PAR MNGON NO, ,TSUL DE DAG LA RJE NYID KYIS 'DI LTAR GSUNGS TE, RGYAL BA KUN DNGOS BLO BZANG GRAGS BA DANG, ,DBYER MED GTAN GYI SKYABS GCIG THAMS CAD MKHYEN, ,PHYAG NA PADMO'I ZHAL DKYIL LEGS MJAL TE, DAM CHOS BDUD RTZI'I DGA' STON DPAG MED MYANGS, ,THUB BA'I SNANG BRNYAN DNGOS PO'I GNANG SKYES BCAS, ,STZAL NAS THUNG

, ,BSTAN BDAG PO GYIS SHIG CES, ,SH'AKYA'I RGYAL POS 'PHAGS PA 'OD SRUNGS LA, ,JI BZHIN BSTAN PA'I KHUR CHEN BDAG LA STZAL, ,BLO DMAN BDAG 'DRAS DE 'DRA'I KHUR LCI BA, ,BZOD PAR DKA' YANG RJE BTZUN BLA MA'I BKA', ,'DOR MED YANG NGAG BSGRUB NUS GYUR CIG BA'I, ,SMON LAM BZANG PO RTZE GCIG YID KYIS BTAB, ,CES SO, ,DE NAS GTZANG DU PHEBS BKRA SHIS LHUN PO'I DBYAR CHOS KYI THOG DBU MA'I GZHUNG LA SBYONG BAR BZHED DE KHYUNG PHRUG BYAMS PA BKRA SHIS KYIS MDZAD BA'I DBU MA'I SPYI DON DANG, SER RJE BTZUN BAS MDZAD BA'I DBU MA'I SPYI DON CHEN MO DANG, DBU MA'I SA LAM RNAM GZHAG YONGS RDZOGS THUGS LA BZUNG STE NYIN LTAR SNGA DRO'I CHA LA BLA BRANG NYID DU MTSAN NYID ZHABS PHYI RNAMS DANG BGRO GLENG MDZAD, DGONG MO BSKAL BZANG KHYAM RA CHEN MOR 'DUS TSOGS KYI RIGS LUNG DANG BSTUN NAS ZUR BZHI BLA MA RNAMS DANG BCAS RIGS LUNG 'CHAG MED MDZAD, PHUN TSOGS RGYA MTSOS MDZAD PA'I DBU MA'I MTHA' DPYOD DANG, SGOM SDES MDZAD BA'I DBU MA'I t'AKKI GNYIS KYANG THUGS LA BZUNG, GZHAN YANG 'JAM DBYANGS DGA' BLOS MDZAD PA'I DBU MA'I MTHA' DPYOD DANG, RJE DGE 'DUN RGYA MTSOS MDZAD PA'I LTA KHRID CHEN MO DANG, CHOS RJE BDE LEGS NYI MAS MDZAD PA'I DBU MA'I SPYI DON RNAMS KYANG THUGS LA BZUNG ZHING, 'JUG PA'I RNAM BSHAD DGONGS PA RAB GSAL YANG PHAL CHER THUGS LA BZUNG STE ZAB MO DBU MA'I LTA BA GTAN LA 'BEBS PA LA SLOB DPON ZLA BA

GRAGS BA SLAR YANG 'JIG RTEN 'DIR BYON PA LTAR LUNG DANG RIGS PA'I DBANG PHYUG CHEN POR GYUR TO, ,DE NAS RDO RJE 'DZIN BA DKON MCHOG RGYAL MTSAN SPYAN DRANGS TE RIN PO CHE'I MAndAL SOGS MCHOD SPRIN MTHA' YAS PHAS MCHOD NAS 'JAM MGON BLA MA'I BSTAN PA'I SNYING PO GRUB CAN DBEN SA PA YAB SRAS KYI SNYAN RGYUD KYI MAN NGAG ZHAL SHES DANG BCAS PA GSAN ZHING DPAL GSANG BA 'DUS BA MI BSKYOD PA'I DBANG GI STA GON DANG, DNGOS GZHI BCAS GSAN ,DE NAS RIM GYIS BDE MCHOG L'U DRIL GNYIS, TSE DPAG MED LHA DGU SOGS KYI DBANG SO SOR STA GON DANG BCAS PA, NAM MKHA' SGO 'BYED KYI DBANG, BDE MCHOG L'U DRIL GNYIS DANG RDO RJE 'JIGS BYED KYI RDZOGS RIM GYI KHRID, BYANG CHUB LAM GYI RIM PA'I KHRID, YE SHES MGON PO PHYAG DRUG PA, DAM CAN CHOS KYI RGYAL PO, DPAL LDAN DMAG ZOR RGYAL MO, DPAL MGON ZHAL BZHI PA, RGYAL CHEN RNAM SRAS RNAMS KYI RJES GNANG, THUN DRUG GI RNAL 'BYOR GYI BSHAD LUNG DANG BCAS BA DANG, BLA MA MCHOD PA'I ZAB KHRID SNYAN RGYUD MAN NGAG ZHAL SHES YONGS RDZOGS DANG, MGON BO'I BKA' CHEN BCU GSUM GYI RJES GNANG, KHYUNG NAG ME'I SPU GRI'I RJES GNANG, BCOM LDAN 'DAS DAM TSIG GSUM BKOD RGYAL PO'I DBANG GI STA GON DNGOS GZHI DANG BCAS PA, DE NYID KYI SGRUB DKYIL YONGS SU RDZOGS PA'I CHOG SGRIGS RDO RJE 'DZIN BA RANG NYID KYIS MDZAD PA'I LUNG, DPAL RDO RJE 'JIGS BYED DPA' BO GCIG PA DANG BCU GSUM MA

, ,GNYIS KYI DBANG BZHI YONGS RDZOGS SO SOR STA GON DANG BCAS PA DANG, SNGAGS BTU BA'I RJES GNANG, KHAMS GSUM 'GRO BA'I BLA MA TZONG KHA PA CHEN POS MDZAD PA'I N'A RO CHOS DRUG GI KHRID YIG YID CHES GSUM LDAN GYI STENG NAS KHRID LUNG SBRAGS MA DANG RKANG PA'I 'KHRUL 'KHOR GYI SKABS SU 'DI SKOR GYI LAG LAN RNAMS LEGS PAR GSAN, BSRE BA SKOR DGUL GSUNG BSHAD 'THUS 'DOMS CHE BA ZHIG KYANG GNANG GSUNG, GZHAN YANG PHYAG RDOR GTUM CHEN DANG GTUM CHUNG GNYIS KYI RJES GNANG, DPAL 'KHOR LO BDE MCHOG LHA LNGA'I DBANG BZHI YONGS SU RDZOGS PA, PHYAG RDOR GOS SNGON CAN GYI RJES GNANG, 'JAM DBYANGS NAG PO'I RJES GNANG, RGYAL BA'I SRAS BO THOGS MED BZANG PO DPAL GYIS MDZAD PA'I BLO SBYONG GI KHRID YIG STENG NAS KHRID LUNG SBRAGS MA, SGOM SDE THAMS CAD MKHYEN PAS MDZAD PA'I DPAL RDO RJE 'JIGS BYED CHEN PO'I BSKYED RDZOGS KYI LUNG RNAMS GSAN ZHING THUB PA DAM TSIG GSUM BKOD KYI DBANG MANG GSAN, LHAG BAR DGA' LDAN SNYAN RGYUD KYI MAN NGAG YONGS SU RDZOGS PA GSAN, DE NAS DGUNG LO NYER GNYIS PA MIG DMAR ZHES PA SHING PHO BYI BA'I LO RGYAL ZLA BA'I YAR TSES BRGYAD KYI NYIN BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU RDO RJE 'DZIN PA DKON MCHOG RGYAL MTSAN DPAL BZANG BO'I ZHAL SNGA NAS KYIS MKHAN SLOB ZUNG 'BREL DANG, SNGAGS GRVA ZHAL SNGA NAS SLOB DPON RIN PO CHE BLO BZANG MGON

BOS GSANG STON ,DKYIL KHANG ZHAL SNGA NAS MGON PO DPAL BZANG GIS GREB CHOD PA, THOS BSAM GLING ZHAL SNGA NAS BLO BZANG BYAMS PAS LHUNG BZED 'BRIM PA, SHAR RTZE ZHAL SNGA NAS BLO BZANG DPAL 'BYOR SOGS KHA SKOR DU 'OS PA DAG GIS KHA SKONG BA MDZAD DE DAD PA'I DGE 'DUN GRANGS CHANG BA'I DBUS SU BSTAN PA LA ZHUGS LA YONGS SU RDZOGS PA DGE SLOB GI SDOM PA LEGS PAR BZHES TE THUB PA'I DBANG PO SLAR YANG GANGS RI'I LJONGS 'DIR BYON PA JI LTA BAR GYUR TO, ,TSUL NGAL NI RJE NYID KYI ZHAL NAS, MKHAN CHEN RDO RJE 'DZIN BA'I DED DPON GYIS, ,BDAG BLO'I GRU CHEN LHAG BA TSUL KHRIMS KYI, ,BSLAB PA YONGS RDZOGS RIN CHEN GTER GYIS BKANG, ,BKA' DRIN CHE'O DKON MCHOG RGYAL MTSAN ZHANGS, ,GZHAN YANG SRID ZHI'I GTZUG RGYAN RDO RJE 'CHANG, ,MKHAN CHAN RNAM GNYIS BKA' DRIN LA BRTEN NAS, ,BYANG SEMS RIG 'DZIN SDOM PA'I NOR BUS KYANG, ,RNYED DKA'I DAL 'BYOR GRU CHEN BYUR BUR GTAMS, ,SDOM GSUM CHU GTAR LAS 'ONGS TSUL KHRIMS NI, ,RNAM GSUM RIN CHEN GYIS GANG GZINGS BZANG PO, ,NYON MONGS CHU SRIN CHOM RKUN MA RUNGS PAS, ,MI 'JIGS DRAN SHES SO BCAS BRTZON PAS BSRUNG, ,CI YI PHYIR NA 'JAM MGON BLA MA YIS, ,TSUL KHRIMS NYES SPYOD DRI MA 'KHRUD PA'I CHU, ,NYON MONGS TSA GDUNG SEL BA ZLA BA'I 'OD, ,SKYE DGU'I DBUS NA LHUN PO LTA BUR BRJID, ,STOBS KYIS BSDIGS BA MED BAR 'GRO KUN 'DUD, ,CES SOGS BSNGAGS

, ,PA'I TSUL LA NGES RNYED CING, ,THUB BA'I BSTAN PA YANG DAG GZUNG BAR YANG, ,LEGS PAR RTOGS PAS 'BAD DE BSRUNG BAR SMON, ,DE'ANG TSE 'DIR RNYED BKUR SNYAN GRAGS DENG, ,PHYI MA MNGON MTHO'I BDE 'BRAS THOB CHED MIN, ,'PHRAL YUN BSTAN 'GROR PHAN BDE BSGRUB PA SOGS, ,'JAM DPAL DPA' BO'I SPYOD PA JI LTAR SMON, ,'DI LAS BYUNG BA'I DGE TSOGS 'OD DKAR GYIS, ,KHAMS GSUM 'KHOR BA'I GNAS KUN KHYAB GYUR NAS, ,MAR GYUR 'GRO BA'I MA RIG MUN SANGS TE, ,SGRIB BRAL BAS LEGS LAM BZANG THOB GYUR CIG ,CES GSUNGS SO, ,RJE 'DI NI RGYAL BA TZONG KHA PA CHEN PO'I MDZAD PA RNAM THAR LTAR SHING RTA CHEN PO'I GZHUNG LUGS RNAMS LA SBYANGS PA MTHAR PHYIN PA ZHIG MDZAD BZHED NAS RNAM 'GREL DANG DBU MA GNYIS LA SBYANGS PA MTHAR PHYIN PA MDZAD NAS PHAR PHYIN GYI GZHUNG LA SBYONG BAR BZHED DE, PAn CHEN SHANTI PA'I PHAR PHYIN GYI SBYI DON DANG MTHA' DPYOD YONGS RDZOGS, ZUR BKOL RTEN 'BREL, BSAM GZUGS, DGE 'DUN NYI SHU, THOD BRGAL, SA LAM RNAM GZHAG RNAMS YONGS RDZOGS THUGS LA BZUNG STE NYIN LTAR RIGS LUNG 'CHAG MED MDZAD, DE NAS SER RJE BTZUN PAS MDZAD PA'I PHAR PHYIN GYI SPYI DON YANG PHAL CHER BZUNG ZHING, GTZO BOR LEGS BSHAD GSER PHRENG DANG RNAM BSHAD SNYING PO RGYAN GNYIS LA GZIGS TE SHER PHYIN GYI MDO SDE RIN PO CHE'I DON RJE BTZUN BYAMS PA MGON

BOS NYAMS LEN GYI RIM PAR BSGRIGS PA'I GZHUNG MNGON RTOGS RGYAN GYI DGONGS PA BYANG CHUB LAM RIM DANG SBYAR TE GTAN LA 'BEBS PA LA GDENG THOB BAR MDZAD, DE NAS 'DUL BA LA SBYONG BAR BZHED DE SE RA RJA BTZUN PAS MDZAD BA'I 'DUL BA'I YIG CHA YONGS RDZOGS BZUNG ZHING SNGA SOR 'BUL BA MDO RTZA BA YONGS RDZOGS THUGS LA BZUNG BA BAR SKABS CUNG ZAD MNYEL BA'ANG SKABS 'DER GSOS TE 'DUL BA MDO RTZA BZHAL TON DU MDZAD CING, DE DANG 'DUL t'IKA RIN CHEN PHRANG BA RTZA 'GREL SBYAR TA MTHA' DAG PAR GTAN LA PHAB, 'DUL BA NAS JI LTAR GSUNGS BA LTAR 'GRO 'CHA GNYAL 'DUG GI SPYOD LAM THAMS CAD DANG, ZAS DANG GOS DANG SMAN DANG GNAS MAL JI LTAR LONGS SPYOD BA'I TSUL RNAMS PHRA MO'ANG MA 'PHYUGS BAR PHYAG LEN LA THABS BAR MDZAD DE 'PHAGS MCHOG NYE BAR 'KHRO GANGS RI'I KHROD 'DIR SLAR YANG BYON PA JI LTA BAR GYUR TO, ,DE NAS MNGON PA MDZOD LA SBYONG BAR BZHED DE MDZOD RTZA BA DANG, DKYIL KHANG GRA TSANG GI YIG CHA MNGON BA MDZOD LUNG RIGS GTER MJOD YONGS RDZOGS THUGS LA BZUNG ZHING GZHAN YANG MNGON PA KUN BTUS SOGS RGYA BOD KYI MNGON BA'I YIG CHA PHAL MO CHE LA GZIGS TE MTHA' CHOD PAR MDZAD, DE NAS DGE BA'I BSHES GNYEN BSOD NAMS GRAGS BA YONGS 'DZIN DU BSTEN TE YONGS 'DZIN DAM PA DE NYID LA BAn CHEN THAMS CAD MKHYEN PAS MDZAD PA'I DPAL GSANG BA 'DUS PA'I KHRID LAG RJES ZHAL SHES DANG BCAS PA RDO RJE 'DZIN PA DKON MCHOG

, ,RGYAL MTSAN GYIS ZIN BRIS SU GNANG BA DANG, BYANG CHUB LAM GYI SGRON MA, RJE SANGS RGYAS YE SHES KYIS MDZAD PA'I BLO SBYONG, SNAR THANG BA'I LAM MCHOG RTZA BA, BE'U BUM SNGON PO'I RTZA PA, DE'I 'GREL PA LHA 'BRI SGANG PAS MDZAD PA, SPYOD 'JUG ,CHED DU BRJOD PA'I TSOMS, BSLAB PA KUN LAS BTUS, RJE BDAG NYID CHEN PO'I GSUNG LAM RIM CHE CHUNG GNYIS, TSUL KHRIMS LE'U'I RNAM BSHAD, BYANG CHUB GZHUNG LAM; BLA MA LNGA BCU PA'I RNAM BSHAD, RDO RJE 'CHANG CHEN PO'I LAM GYI RIM PA, BDE MCHOG RTZA RGYUD DANG DE'I 'GREL PA SPAS DON KUN GSAL, BDE MCHOG L'U AI PA'I RNAM BSHAD 'DOD 'JO, BDE MCHOG GI RDZOGS RIM DNGOS GRUB SNYE MA, L'U AI PA'I RDZOGS RIM RNAL 'BYOR CHEN PO'I KHRID, DRIL BU RIN LNGA'I RNAM BSHAD, SBAS DON LTA BA'I MIG 'BYED, L'U AI PA'I SGRUB THABS BDE CHEN GSAL PA, BDE MCHOG DRIL BU PA'I SGRUB THABS DGONGS PA RAB GSAL, RIM LNGA GSAL SGRON, YE SHES RDO RJE KUN LAS BTUS DANG DE'I 'GREL PA, LHA MO BZHI ZHUS KYI RGYUD DANG DE'I 'GREL PA, 'PHO t'A KI GSER GYI SGO 'PHYED, RNAL 'BYOR BZHI RIM GYI t'AKKI, ,'JAM DPAL ZHI KHRO GNYIS KYI BSRUNG BA DRBAN A'A TZ'ARYA'I MAN NGAG LAS BYUNG BA, 'JIGS BYED KYI RTZA'I DAG SBYOR, KYEE RDOR ZIN BRIS, BDAG MED MA'I SGRUB DKYIL ZIN BRIS, SPRIN DRIL BA'I MAN NGAG RJE THAMS CAD MKHYEN PAS MDZAD PA, MKHAS

GRUB RIN PO CHES MDZAD PA'I RTZA LTUNG RNAM BSHAD, SBOM PO BRGYAD PA'I RNAM BSHAD, BLA MA LNGA BCU PA ,RTZA LTUNG BCU BZHI PA, SPOM PO BRGYAD PA, YANG RJE'I GSUNG 'JUG PA'I RNAM BSHAD DGONGS PA RAB GSAL DANG, DRANG NGES RNAM 'BYED LEGS BSHAD SNYING PO, DE'I DKA' 'GREL THAMS CAD MKHYEN PA DGE 'DUN RGYA MTSOS MDZAD PA SOGS GSUNG PHAL CHER, GSANG PA 'DUS PA'I BSHAD RGYUD DGONGS PA LUNG STON LE'U BCU GNYIS PA, DPAL GSANG BA 'DUS PA'I BSHAD RGYUD RNAL 'BYOR CHEN PO'I RGYUD DPAL RDO RJE PHRENG BA MNGON PAR BRJOD PA, RGYUD KYI RGYAL PO DPAL GSANG BA RNAM PAR 'BYED PA ZHES BYA BA LE'U DRUG CU RTZA BRGYAD PA, YE SHES RDO RJE KUN LAS BTUS PA ZHES BYA BA'I RNAL 'BYOR CHEN PO'I RGYUD DANG, DPAL RDO RJE SNYING PO RGYAN GYI RGYUD, RNAL 'BYOR CHEN PO'I DE KHO NA NYID CES BYA BA DANG, DPAL RDO RJE 'JIGS BYED KYI RGYUD RTOG BA BDUN PA, NGAN SONG THAMS CAD YONGS SU SBYONG BA'I RGYUD KYI RGYAL PO, TING NGE 'DZIN RGYAL PO'I MDO, DPAL SDOM PA 'BYUNG BA'I RGYUD KYI RGYAL PO, DE BZHIN GSHEGS PA BDUN GYI SNGON GYI SMON LAM GYI KHYAD PAR RGYAS PA ZHES BYA BA THEG PA CHEN PO'I MDO BRGYAD BRGYA PA, BLO SBYONG MTSON CHA 'KHOR LO DANG RMA BYA DUG 'JOMS, RGYAL SRAS BKA' 'BUM YONGS RDZOGS, BLO SBYONG DPAL YE MA, SPYAN SNGA BLO GROS RGYAL MTSAN GYIS MDZAD PA'I THOG MA'I BLO SBYONG, YANG RJE'I GSUNG BDE MCHOG DRIL BU LUS DKYIL GYI DKYIL CHOG RIN PO CHE'I BANG MDZOD DANG, RTZA SHE t'IKA CHEN,

, ,RIM LNGA GDAN RDZOGS, GZHAN YANG DUS 'KHOR BSDUS RGYUD DANG, BYAMS PA DAM BCAS KYI GZUNGS PHAN YON DANG BCAS PA, YON SBYONG PA'I GZUNGS, 'JAM DBYANGS DAM BCAS PHAN YON DANG BCAS PA, RDO RJE 'DZIN PA DKON MCHOG RGYAL MTSAN GYIS MDZAD PA'I 'JAM DBYANGS CHOS SKOR GYI RJES GNANG CHOG SGRIGS, 'JAM DBYANGS CHOS SKOR PAR LA 'KHOD PA RNAMS KYI LUNG DANG, 'JAM DBYANGS CHOS SKOR NANG GI CHOS RGYAL GSUM MA GTOGS PA'I RJES GNANG, GZHAN YANG BKA' GDAMS GLEGS BAM CHA LAG DANG BCAS PA, LAS CHEN KUN RGYAL BAS MDZAD PA'I BKA' GDAMS CHOS 'BYUNG, MKHAS GRUB SANGS RGYAS YE SHES KYI BKA' 'BUM YONGS RDZOGS, JO BO'I CHOS CHUNG BRGYA RTZA YONGS RDZOGS, RJE DGE 'DUN GRUB KYIS MDZAD PA'I THUB DBANG GI BSTOD PA BDUD DPUNG PHYE MAR 'THAGS PA, MI CHOS GNAD PHRENG, DPE CHOS RIN SPUNGS, YIG CHUNG NYER GCIG ,'DUL BA'I GLENG 'BUM CHEN MO BCAS KYI LUNG RNAMS GSAN, DE LTAR MANG DU THOS PAR GYA CHER 'TSOL BAR MDZAD CING, DE DAG GI SKABS SHING RTA CHEN PO'I GZHUNG LUGS RNAMS KYI DON LA RIGS PAS DPYAD PA NA BDE BA 'DOD KYANG RMONGS NAS SDUG BSNGAL GYI RGYU SGRUB PA'I SEMS CAN RNAMS LA SNYING RJE DANG MI RTAG SDUG BSNGAL STONG PA'I DANG TSUL DGONGS NAS NGES 'BYUNG SHUGS DRAG BO DANG SNGON BYON DAM PA RNAMS KYI RNAM THAR LA SLOB 'DOD SHUGS DRAG 'KHRUNGS SHING, LHAG PAR RJE THAMS CAD MKHYEN PAS DENG SANG GI BYED

SPYOD LTAR CHUNG DU NAS BLA CHEN GYI TSUL BZUNG NAS CHE SGROB BYED PA 'DI 'DRA MIN PAR CHOS RJE DON GRUB RIN CHEN NAS BZUNG MKHAS DANG GRUB PA'I DAM BA MANG PO'I ZHABS LA GTUGS TE GDAMS PA MANG DU GSAN PA DANG, GRVA SA CHEN PO RNAMS SU MKHAS PA BLO GSAL DON GNYER CAN RNAMS DANG MNYAM 'PHRE MDZAD DE GZHUNG LUGS LA MTHA' CHOD PAR SPYANG BAR MDZAD PA DANG, LHAG PAR RJE BTZUN 'JAM PA'I DBYANGS KYI BKAS BSKUL TE 'KHOR DAG PA RNAM BRGYAD DANG BCAS BYA BRAL LA PHEBS NAS DBAN PA'I RI SUL RNAMS SU DPON MED G-YOG MED SPYOD PA RANG DBANG 'DUS PA'I BYA BRAL GYI BRTUL ZHUGS LA GNAS TE 'TSO BA DKA' THUB MDZAD CING DPAG PAR DKA' BA'I BSAG SBYANG MDZAD PA'I RNAM THAR DE DAG LA BSAMS NA BDAG NI BLA CHEN GYI GO SAR SBYIN BDAG GRVA RIGS MANG PO'I GZHAN DBANG DU SONG STE PHA BLA MA'I RNAM THAR SKYANG BA'I DBANG MED PA 'DI LTA BU SNYAM DU THUGS SHIN TU SKYON NAS SPYAN CHAB RGYUN MA CHAD PAR BYUNG ZHING RJE BLA MA'I RNAM THAR LA SMON PA'I GSUNG MGUR 'DI LTAR MDZAD DO, NA MO GU RU SU MA TI K'IRTIYE, PHUL BYUNG BLO GROS ZAB YANGS YID BZHIN MTSOR, ,BSLAB GSUM RNAM DAG RIM GNYIS NOR BZANG POS, ,LEGS GTAMS YID CAN YONGS KYI RE SKONG ZHES, ,GRAGS BA'I RLABS PHRENG SRID GSUM G-YO KHYOD RGYAL, ,GDENGS CAN DBANG PO'I TSOGS KYI GTZUG RGYAN BZHIN, ,GANG GI ZHABS SEN PAD RAG MDANGS CHAGS PA, ,SPYI BO BDE CHEN 'KHOR LO'I STENG BKOD NAS, ,BYANG CHUB SNYING PO'I BAR DU MCHOD LA BRTZON, ,NYI 'OD GCIG GIS

, ,GRANGS MED SKAR MA'I TSOGS, ,PHAM BAR BYED BZHIN KHYOD KYI THUGS RJE'I ZER, ,GCIG GIS MA RIG SMAG TSOGS 'JOMS PA'I MTHU, ,MTHONG BAS RAB DAD BTUD DE PHYAG BGYID DO, ,JI LTAR DBYAR GYI LANG TSO BRTAS PA'I DUS, ,DGUNG SNGON DBYINGS LAS 'BRUG GI SGRA BSGRAGS TSE, ,MDONGS LDAN TSOGS RNAMS ZLOS GAR BSGYUR BA BZHIN, ,RJE YI RNAM THAR DRAN PAS YID RAB G-YOS, ,'JIG RTEN PA DAG GSER GYI GTER MTHONG DUS, ,TSE 'DE'I BDE BA BSGRUB PHYIR DER 'JUG NA, ,GTAN GYI BDE BA DAM PA STER BYED PA'I, ,RNAM THAR BZANG BA'I TSUL LA CIS MI 'JUG ,DAL 'BYOR RNYED DKA' TSE 'DI'I MDUN THABS LA, ,SNYING PO MED GZIGS BTZON KHANG DANG 'DRA BA'I, ,PHA YUL SPANGS NAS TSANGS SPYOD BRTUL ZHUGS BZHES, ,NYES LTUNG DRIS DBEN DE BZHIN BDAG KYANG BSGRUB, ,GZHON NU NYID NAS BSHES GNYEN DAM PA'I TSOGS, ,NYER BSTEN BKA' LAS MI 'DA' BSGRUB PA DANG, ,SRI ZHU BKUR STI BLA MAR BGYI MKHAS PA'I, ,'JAM MGON BLA MA'I RJES SU BDAG KYANG 'JUG, GLING BZHIR DBANG BSGYUR RGYAL PO'I DPAL THOB KYANG, ,CHU SHING LTA BUR SNYING PO MED GZIGS NAS, ,YANG DAG RDZOGS BYANG BSGRUB LA RAB GZHOL BA'I, ,RMAD BYUNG SPYOD DER BDAG KYANG 'JUG PAR SPRO, ,SDE DGON BDAG BZUNG RNYED BKUR SNYAN GRAGS PHYIR, ,BSHAD CHOS DON GNYER CHOS MIN CHOS BTAGS SU, ,GZIGS TE CHAGS ZHEN KUN BOR BYA BRAL MDZAD, ,DE LTAR BSGRUB SKAL DMAN YANG YID

KYIS SMON, ,'JAM PA'I DBYANGS SOGS BSHES GNYEN DAM PA YI, ,ZHAL GYI BUM BZANG LAS 'ONGS BDUD RTZI'I BCUD, ,DBEN PA'I GNAS SU RTZE GCIG MYANG MKHAS PA'I, ,SPYOD TSUL DER YANG YID KYIS SMON PA LAGS, ,SRID PA'I PHUN TSOGS NYES MANG MNOG CHANG BA'I, ,BDER CHAGS SDUG BSNGAL BSGRUB PA'I DRIN CAN MA, ,SGROL BA'I RLABS CHEN KHUR 'CHANG BLO BZANG GRAGS, ,KHYOD KYI SPYOD TSUL CI 'DRAR BDAG KYANG SMON, ,NYE RING SPANGS PAS CHAGS SNGA DANG SDANG PA MED, ,'JIG RTEN CHOS BRGYAD SGYU MA BRAG CA BZHIN, ,SNYING PO MED GZIGS 'GO SNYOMS MDZAD PA YI, ,BLO BZANG GRAGS PA'I RJES SU BDAG KYANG 'JUG ,LAN DANG RNAM PAR SMIN PAR MI LTA BAR, ,PHYI NANG DNGOS PO MCHOD SBYIN GTONG BA DAB, ,MI 'JIGS CHOS DANG BYAMS SOGS SBYIN PA YIS, ,'GRO DON RLABS CHEN MDZAD PA DE RJES 'JUG ,SDOM PA GSUM MNOS NYES SPYOD KUN SDOM ZHING, ,DGE BAR SPYOD DANG SEMS CAN DON BSGRUB PA'I, ,RNAM GSUM TSUL KHRIMS MTHAR PHYIN 'GRO BA'I MGON, ,BLO BZANG GRAGS PA'I RNAM THAR RJES SU SLOB, ,BRDEG 'CHOG MTSANG 'BRU GSHE SKUR SOGS MTSON GYIS BSKAL PAR BTAB KYANG YI PHIGS BZOD PA'I GO ,LEGS MAN BAS RJE BTZUN BLO BZANG GRAGS PA YI, ,GO CHE BTZAN PO DE LTAR BDAG KYANG BGO, ,GZHON NU NYID NAS JI LTA DAM BCAS PA'I, ,RLABS CHEN SPYOD PA'I KHUR CHEN CHES LCI YANG, ,MI 'DOR BZOD PA'I BRTZON 'GRUS SA GZHI LTAR, ,RAB BRTAN RJE BTZUN RDZAS SU BDAG KYANG 'DZUG ,DMIGS

, ,PA'I NGO BO GANG LA GTAD GYUR KYANG, ,LE LO LA SOGS NYES PA'I SKYON LNGA GIS, ,NAM YANG MI G-YO YON TAN LEGS 'PHEL BA'I, ,BSAM GTAN MTHAR PHYIN KHYOD RJES BDAG KYANG 'JUG ,DE YI NGANG LAS BDAG GNYIS 'DZIN PA'I NAGS, ,DRUNGS NAS 'BYIN PA'I SHES RAB ME CHEN GYIS, ,BDAG 'DZIN TSAL BCOM SHIN SBYANGS BDE 'ONG 'BAR, ,SHES RAB MTHAR PHYIN KHYOD RJES BDAG KYANG 'JUG ,BDE GSHEGS RNAMS KYI GZUGS SKU BSOD NAMS DANG, ,CHOS SKU YE SHES TSOGS KYIS BSGRUB DGOS PA, ,DE'ANG PHAR PHYIN DRUG TU 'DUS GZIGS NAS, ,BRTUN TE BSGRUB MKHAS KHYOD RJES BDAG KYANG 'JUG ,DE DAG RER YANG PHAR PHYIN DRUG CHANG DANG, ,SNYING RJE SHES RAB KYIS ZIN RANG DON SPANGS, ,BLA MED BYANG CHUB RGYU RU BSNGO BA STE, ,THABS MKHAS GSUM LDAN MDZAD PA DE RJES 'JUG ,DE LTAR RJE BTZUN BLA MA'I RNAM THAR LA, ,RJES SU YI RANG DE BSGRUB RAB SMON BA'I, ,DGE BA 'DIS MTSON ZLA 'OD LTAR DKAR KUN, 'GRO BA'I DON DU RDZOGS BYANG THOB PHYIR BSNGO, ,DENG NAS JI SRID BYANG CHUB SNYING PO'I BAR, ,BLO BZANG GRAGS PA'I SPYOD TSUL CI 'DRA BAR, ,SMON TE 'JAM DPAL DPA' BO THABS MKHAS PAS, ,'GRO DON RLABS CHEN SPYOD PA'I RJES 'GROR GYUR, THUB DBANG GNYIS BA BLO BZANG GRAGS PA YI, ,LUNG RTOGS PAD TSAL THUGS RJE'I NYI 'OD KYIS, ,PHYE LA SPYOD PA'I SKAL LDAN BHRA MA RAS, ,THEG GSUM SHIS GLU SRID MTHAR SGROGS GYUR CIG ,CES GSUNGS SO, ,DE NAS RJE ZHAL SNGA

NAS BLO BZANG MGON PO LA, DPAL GSANG BA 'DUS PA'I 'GREL BA BZHI BA SGRAGS KYI BSHAD LUNG DANG, MKHAS GRUB THAMS CAD MKHYEN PAS MDZAD PA'I DPAL RDO RJE 'JIGS BYED KYI BSKYED RIM STOD CHA KHA SKONG 'BRONG RTZE BLO GROS CHOS SKYONG GIS MDZAD PA DANG BCAS PA, 'JUG PA RANG 'GREL DANG BCAS PA, 'GREL PA DON GSAL, RJE RIN PO CHES MDZAD PA'I RTZA LTUNG RNAM BSHAD DANG, SBYIN SREG DNGOS GRUB RGYA MTSO, DPAL RDO RJE 'JIGS BYED CHEN PO'I MNGON RTOGS ZA MA TOG ,'DUL 'DZIN GRAGS PA RGYAL MTSAN GYIS MDZAD PA'I GZHI GSUM CHO GA ,BU STON THAMS CAD MKHYEN PAS MDZAD PA'I 'DUL BA'I LAS CHOG ZHAR BYUNG KHYIM PA LA PHAN GDAGS PA YAN BCAS KYI LUNG GSAN NO, ,BAR SKABS SHIG PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO'I THUGS SRAS SGRUB PA'I RGYAL MTSAN 'DZIN PA RNAMS KYI MCHOG TU GYUR PA DRUNG PA BLO BZANG DAM CHOS RGYAL MCHAN DPAL BZANG PO'I ZHAL SNGA NAS LA PHYAG CHEN GYI KHRID LUNG, 'JAM DBYANGS CHOS SKOR GYI LUNG, GCOD KHRID THAR 'DOD DENG DPON GYI KHRID LUNG RNAMS GSAN NO, ,DE NAS RDO RJE 'DZIN PA CHEN PO BLO BZANG DON GRUB LA RJE GRUB PA'I DBANG PHYUG BLO BZANG DON YOD GRUB PA'I BKA' 'BUM YONGS RDZOGS, MKHAS GRUB THAMS CAD MKHYEN PAS MDZAD PA'I 'KHRUL 'KHOR RNAM BSHAD CHEN MO, ,MYUR MDZAD YE SHES MGON PO PHYAG DRUG PA'I BE'U BUM MKHAS GRUB RJES ZHUS DAG MA, 'DUS PA'I SGRUB THABS RNAL 'BYOR DAG RIM DANG DKYIL CHOG

, ,DBANG DON DE NYID GSAL BA RNAMS KYI LUNG DANG, KUN RIG GI DBANG, 'DUL 'DZIN GRAGS PA RGYAL MTSAN GYIS MDZAD PA'I KUN RIG GI CHO GA CHEN MO DANG, 'KHRUL 'KHOR RNAM BSHAD KYI ZHAL SHES YIG CHUNG DANG YANG CHUNG SKOR GYI LUNG, RDO RJE PHRENG BA'I DBANG YONGS RDZOGS, DPAL DUS KYI 'KHOR LO'I RDUL TSON GYI DKYIL 'KHOR DU MKHAS GRUB THAMS CAD MKHYEN PA'I SGRUB DKYIL LA BRTEN NAS DBANG YONGS SU RDZOGS PA, PHRENG BA RNAM GSUM DANG SGRUB THABS RGYA MTSO RGYA GZHUNG GI LUNG, SNAR THANG BRGYA RTZA NAS 'BYUNG BA'I LHA RNAMS KYI RJES GNANG DANG DE'I GZHUNG GI LUNG, 'DUL 'DZIN BLO GROS SBAS PAS MDZAD PA'I GCOD KHRID PHUL BYUNG GSER PHRENG, SPYAN SNGA BLO GROS RGYAL MTSAN GYIS MDZAD PA'I BLO SBYONG 'JIG RTEN BYA BA'I RNAM GZHAG ,BYANG SEMS RA SGRENG PAS MDZAD PA'I BLO SBYONG CHEN MO'I LUNG, BA RI BRGYA RTZA'I RJES GNANG DANG SGRUB THABS KYI LUNG, LO TZ'A BA GRAGS PA RGYAL MTSAN GYIS BSGYUR BA'I SGRUB THABS RGYA MTSOR GRAGS PA'I RJES GNANG YONGS RDZOGS, PHYAG RDOR 'KHOR CHEN GYI DBANG BZHI YONGS RDZOGS, RGYAL BA LNGA PAS MDZAD PA'I DKYIL CHOG GI STENG NAS GSHED DMAR LHA LNGA'I DBANG DANG DKYIL CHOG GI LUNG, RJE TZONG KHA PA CHEN POS MDZAD PA'I DKYIL CHOG GI STENG NAS GSHIN RJE'I GSHED DMAR NAG LHA BCU GSUM MA GNYIS KYI DBANG, MI TRA BRGYA RTZA'I DBANG YONGS SU RDZOGS PA, RNAM SNANG MNGON BYANG, GSANG 'DUS 'JIG RTEN DBANG PHYUG,

DPAL RDO RJE 'JIGS BYED ZHED GU MA DANG RO LANGS BRGYAD SKOR, DPAL MO LUGS KYI SPYAN RAS GZIGS BCU GCIG ZHAL GTZO 'KHOR LNGA PA, BKA' GDAMS THIG LE BCU DRUG RNAMS KYI DBANG DANG, RNAM SRAS BKA' BCO LNGA, DPAL LHA DUNG SKYONG MA, LHA MO DUD SOL MA RNAMS KYI RJES GNANG, DPAL RDO RJE 'JIGS BYED DPA' BO GCIG PA'I RJES GNANG, DE'I CHOG SGRIGS SGRUL SKU NGAG DBANG BSTAN 'DZIN 'PHRIN LAS KYIS MJAD PA'I LUNG, GZHAN YANG TSOGS BDAG DMAR PO PHYAG BCU GNYIS PA, DUR KHROD BDAG PO YAB YUM, RDO RJE RAB BRTAN MA, ZHANG BLON RDO RJE BDUD 'DUL, KHRO MO SME BRTZAGS, LHA MO SHRA MA nA, RDO RJE SEMS DPA', TSE RING MCHED LNGA RNAMS KYI RJES GNANG DANG, 'JAM DBYANGS DMAR SER LA BRTEN PA'I DBYANGS GSAL GYI RJES GNANG, RTEN 'BREL SNYING PO'I RJES GNANG, BENG LCAM DRAL DANG, MGON PO PHYAG BZHI PA, GUR LHA BRGYAD, PHYAG RDOR 'KHOR CHEN, BCU GCIG ZHAL LA BRTEN PA'I MKHA' 'GRO SDE LNGA, DBYANGS CAN MA DKAR MO RNAMS KYI RDZAS GNANG, LHO BRAG GRUB CHEN LAS KYI RDO RJE'I LUGS KYI SNYAN RGYUD KYI TSE DBANG, PHYAG RDOR LA BRTEN PA'I DON DAM BYANG CHUB SEMS BSKYED KYI RJES GNANG, PHYAG RDOR SKU LNGA'I RJES GNANG, PHYAG RDOR ZHAL GSUM PHYAG DRUG PA GTZO 'KHOR DGU PA'I RJES GNANG, PHAG DKAR SHES RAB GSAL BYED DANG, KU RU KULLE GNYIS KYI RJES GNANG, TSE DPAG MED LHA LNGA PA NYE RGYUD KYI RJES GNANG TSE DBANG DU GRAGS PA, GZHAN YANG BYAMS CHOS SDE LNGA, D'U MA RIGS TSOGS DRUG ,BZHI BRGYA PA,

, ,'DUL BA MDO RTZA, MDZOD RTZA, 'JUG PA, MNGON PA KUN BTUS, TSAD MA KUN BTUS, TSAD MA SDE BDUN, SKYES RABS SO BZHI BA, LAM SGRON RANG 'GREL, RNAM BSHAD THAR LAM GSAL BYED, RNAM BSHAD SNYING PO'I RGYAN, SPYOD 'JUG DAR t'IKA, STONG THUN SKAL BZANG MIG 'BYED, BSKYED RIM DNGOS GRUB RGYA MTSO, SDOM GSUM RNAM GZHAG THUB BSTAN BYI DOR, MKHAS GRUB THAMS CAD MKHYEN PA'I GSUNG THOR BU, RJE TZONG KHA PA'I RNAM THAR DAD PA'I 'JUG NGOGS, MKHAS GRUB RJES MDZAD PA'I 'DUS PA'I ZHI RGYAS KYI SBYIN SREG ,'DUL 'DZIN GRAGS PA RGYAL MTSAN GYIS MDZAD PA'I DGE SLONG GI BSLAB BYA CHEN MO DANG KUN RIG t'IKA CHEN, BSLAB BYA GNAM RTZENG LTENG MA, BU STON CHOS 'BYUNG, BU STON THAMS CAD MKHYEN PAS MDZAD PA'I THUB PA'I RNAM THAR CHEN MO DANG, SNYING THUR BDUD MO LA SMAD PA DANG BCAS PA, SA SKYA LEGS BSHAD, SHES BYA'I MKHA' DBYINGS MA, YE SHES YON TAN BZANG PO'I BSTOD PA, BSKAL BZANG RGYAN PHRENG, 'DUL LUNG KA PA NAS BZUNG RGYAL BA'I BKA' 'GYUR RIN PO CHE YONGS RDZOGS, MGON PO PHYAG DRUG PA DANG ZHAL GYI BSKAD GSO, SPYAN SNGA BLO GROS RGYAL MTSAN GYI GSUNG 'BUM YONGS RDZOGS, DPAL DUS KYI 'KHOR LO'I 'GREL CHEN DRI MED 'OD, RGYAL BA LNGA PAS MDZAD PA'I SMAN BLA'I MDO CHOG ,'DUL BA'I LAS CHOG ,SPYAN SNGA CHOS DRUG ,RJE RIN PO CHE'I GSUNG ZIN BRIS SKOR MANG BA DANG, MKHAS GRUB RJES MDZAD PA'I RGYUD SDE SPYI RNAM, SNGAGS 'CHANG GZUNGS KYI DPAL BA DANG

BLA MA 'PHAGS PA SOGS KYI MAN NGAG GIS BRGYAN PA'I KHYUNG KHRA'I LAS TSOGS, RNAM SRAS BE'U BUM, DUR KHROD BDAG PO'I LAS TSOGS, DAM PA SANGS RGYAS KYIS MDZAD PA'I 'JAM DBYANGS CHOS SKOR, RTOGS BRJOD DPAG BSAM 'KHRI SHING, RGYAL BA LNGA PAS MDZAD PA'I BLA MA'I RNAL 'BYOR GYI SKOR, G-YANG PA CHOS RJES MDZAD PA'I RGYAL BA DGE 'DUN RGYA MTSO'I RNAM THAR ZHABS STEGS DANG BCAS PA, DZE T'A RIS MDZAD PA'I TSE DPAG MED KYI BSTOD BA SGRUB THABS DANG BCAS PA, SGRA MI SNYAN GYI TSE SGRUB BLA MA RTOGS LDAN PAS MDZAD PA'I RJE'I RNAM THAR LEGS BSHAD KUN 'DUS, RGYAL BA LNGA PA'I RNAM THAR GA BA'I STOD CHA NAS LUNG GI 'PHRO YOD PA RNAMS, RJE RIN PO CHES MDZAD PA'I 'DUL BA'I ZIN BRIS, SPYOD 'JUG SHER LE'U ZIN BRIS, BDAG BYIN RLABS KYI ZIN BRIS, MKHAS GRUB RJE SKU MCHED KYI YIG CHUNG, RJE GRAGS PA RGYAL MTSAN GYIS MDZAD PA'I RAB GNAS RNAMS KYI LUNG DANG, KUN RIG GI DBANG, NGAN SONG SBYONG BA'I DKYIL 'KHOR BCU GNYIS KYI DBANG, GDUGS DKAR LHA SO LNGA DANG BCU BDUN MA GNYIS KYI DBANG STA GON DANG BCAS PA, 'JAM DBYANGS CHOS SKOR GYI NANG GI SGROL DKAR GYI RJES GNANG DANG NYER MKHO'I LUNG 'GA' ZHIG RNAMS GSAN ZHING, LCAGS RTA SA GA ZLA BA'I TSES BCU BZHI BCO LNGA GNYIS LA DAM PA 'DI'I ZHABS DRUNG DU THEG CHEN GSO SBYONG GI SDOM PA BZHES NAS, SMYUNG BAR GNAS PA'I CHO GA JI LTAR BYA BA'I TSUL RNAMS KYANG SNGA GONG NAS DOGS GCOD MDZAD DE SBYOR DNGOS GNYIS KA RNAM PAR DAG PAR MDZAD DO, ,RJE 'DI NI LEGS TSOGS THAMS CAD

, ,KYI RTZA BA BSHES GNYEN BSTEN TSUL LA SHIN TU BZO BAR MDZAD PAS BLA CHEN GYI GO SAR BZHUGS PA TZAM LAS BLA MA RNAMS LA CHE 'GYING NAM YANG MI MDZAD BAR SHIN TU GUS PAS PHYAG 'TSAL ZHING MCHOD PA'I DNGOS PO YID DU 'ONG BA MTHA' DAG GIS MCHOD CING BKA' BZHIN SGRUB PA LAS NAM YANG MI G-YEL BAR MDZAD DE RJE NYID KYI ZHAL NAS, THOS PA'I TSOM LAS, THOS PAS CHOS RNAMS SHES PAR 'GYUR, ,THOS PAS SDIG LAS LDOG PAR BYED ,THOS PAS DON MA YIN PA SPONG, ,THOS BAS MYA NGAN 'DAS PA THOB, ,CES DANG, SDIG PA DANG NI DGE BA'I CHOS, ,MA THOS BAR DU SHES MI 'GYUR, ,MIG LDAN MAR ME YOD PA YIS, ,GZUGS RNAMS MTHONG BA JI LTA BAR, ,DE BZHIN DGE DANG SDIG PA'I CHOS,, THOS BAS RNAM BAR SHES PAR 'GYUR, ,ZHES SOGS GSUNGS PA LTAR RGYAL BA'I BKA' DANG DE'I DGONGS 'GREL GYI BSTAN BCOS MANG BO'I LUNG THOB PAR 'DOD PA DANG, DE'ANG BDAG NYID LTA BU'I BLO DMAN GYIS THOS PA TZAM GYIS DGONGS DON ZAB MO RNAMS RTOGS DKA' BAS RTAG TU DGE BA'I BSHES GNYEN DAM PA DANG MI 'BRAL BAR BYA DGOS SNYAM STE, SGRA GOR NAS MKHAN CHEN RDO RJE 'DZIN PA CHEN PO DANG, KHYAB BDAG 'KHOR LO'I MGON PO BLO BZANG DON GRUB PA'I ZHAL SNGA NAS DANG, BKA' DRIN MTSUNGS MED BSOD NAMS GRAGS PA'I ZHAL SNGA NAS GSUM LA'ANG BLA BRANG RANG DU BZHUGS DGOS PA'I GSOL BA BTAB, DE YANG DGE BA'I BSHES GNYEN PO TO BA CHEN PO'I ZHAL NAS, RNAM GROL BSGRUB PA LA BLA

MA LAS GAL CHE BA MED DE, TSE 'DI'I BYA BA BLTAS NAS BYAS CHOG BA LA YANG SLOB MKHAN MED PAR MI 'ONG NA NGAN SONG NAS 'ONG MA THAG PA 'GRO MA MYONG BA'I SAR 'GRO BA LA BLA MA MED PAR GA NA 'ONG, GSUNGS PA DE MAD SNYAM PA BYUNG, DA YANG GO SA'I DBANG GIS BLA CHEN GYI 'GYING TSUL LA GNAS DGOS PA TZAM MA GTOGS BSHES GNYEN DAM PA DE DAG LA MI GUS PA SKAD CIG TZAM YANG SKYE MA MYONG ZHING, PO TO BAS SPYAN SNGA'I GRVA PA RNAMS LA, KHYED NGA'I DGE BSHES BYANG CHUB SEMS DPA' 'DI LTA PU DANG 'PHRAD NAS BKA' BZHIN BSGRUB TU YOD PA BSOD NAMS CHE'O, ,ZHES GSUNGS PA LTAR 'DI DAG LTA BU'I BSHES GNYEN DAM PA DANG MJAL PA BSOD NAMS CHA ZHING SKAL BA BZANG SNYAM PA DANG, YANG DAM PA DE NYID KYI GSUNG GI 'PHROS LAS DA KHUR DU MI 'GRO BAR RGYAN DU 'GRO BAR GYIS SHIG GSUNGS PA YANG MDO PAS DE BZHIN DU BGYI'O SNYAM PA YANG BYUNG, DRAG SHUL CAN GYIS ZHUS PA'I MDO LAS, CHIGS BCAD GCIG NYAN NA DE'I CHIG 'BRU'I GRANGS DANG MNYAM PA'I BSKAL PAR BDE BA'I YO BYAD THAMS CAD KYIS MCHOD KYANG, DE'I DRIN LAN MI 'KHOR GSUNGS PA LTAR, BDAG NYID KYIS KYANG DE DAG BLO LA BCANGS NAS GUS MCHOD JI LTAR BYAS RUNG DRIN 'KHOR THABS MA MCHIS MOD, 'ON KYANG SGO GSUM MI PHYED DANG BA'I SGO NAS DUS DANG RNAM PA KUN TU BLA MAR BGYIS SHING, DBANG LUNG MAN NGAG SOGS ZHU BA'I SKABS SU SKYES RABS LAS, RAB TU DMA' BA'I STAN LA 'DUG ,DUL BA'I DPAL NI RNAM PAR SKYED, ,CES SOGS GSUNGS PA BZHIN, SLOB DPON STAN MTHON PO'I

, ,STENG DU BZHUGS SU GSOL, BDAG NYID KYIS KHENGS PA BSKYUNGS TE DMA' BAR BSDAD, PHYAG SOGS YAN LAG BDUN PA MAndAL DANG BCAS PHUL BAS MTSON PA'I GUS MCHOD DANG, SKABS MTSAMS SO SOR DNGOS PO'I YON DANG, RGYUN PAR YANG NYER SEMS YANG DAG BGYIS SO, ,ZHES GSUNGS PA LTAR RO, ,DE LTAR YONGS 'DZIN DAM PA MANG PO LAS CHOS RGYA CHER GSAN PA'I TSUL DE DAG LA NI RJE RANG NYID KYI ZHAL NAS, RDO RJE 'CHANG DNGOS BLO BZANG DON GRUB DANG, ,'DUL 'DZIN BSOD NAMS GRAGS PA'I ZHABS BSTEN NAS, ,DBANG LUNG MAN NGAG BDUD RTZI'I RGYUN 'THUNGS TE, ,THOS BSAM SGOM PA'I RO MCHOG SPEL MAR MYANGS, ,LUS SEMS NGAL BRGYAS BSGRUBS PA SGYU MA'I NOR, ,BDAG 'DZIN LCAGS SGROG GIS BCINGS SPYAD MI BZOD, ,PHANGS MED BDAG LA GTAD NAS 'DI PHYI YI, ,SKYABS GNAS BCOL BA'I 'GRO BA GRANGS MED GDA', ,BDAG LA DE DAG SKYOB PA'I NUS MED KYANG, ,MCHOG GSUM DAM PA'I RTEN GSUM BZHENGS MCHOD DANG, ,DGE 'DUN BSNYEN BKUR DBUL PHONGS SPYIN GTONG RGYUR, ,BSNGOS LAS BDAG TU GZUNG BA'I DNGOS PO MED, ,TSUL 'DI GZUR GNAS MKHAS PAS BRTAGS GYUR NA, ,DRIN LAN LEGS GZHAL RE 'BRAS CHUD MA ZOS, ,DKON MCHOG THUGS RJE'I NUS PA MTHU BTZAN PAS, ,RE BLTOS BCAS PA NGAN 'GROR LTUNG MI SRID, ,RANG GZHAN SKYE 'PHAGS KUN GYIS DUS GSUM DU, ,BSAGS PA'I DGE TSOGS MKHA' MNYAM DRIN CAN MA, ,BLA MED BYANG CHUB

THOB PA'I RGYUR BSNGO ZHING, ,BDAG KYANG DE DAG KUN GYI 'DREN PAR SMON, ,ZHES GSUNGS SO, ,DE LTAR GSAN SBYONG MDZAD PA'I SKABS RNAMS SU'ANG PHYOGS PHYOGS NAS 'DUS PA'I CHOS DON GNYER CAR RNAMS LA RANG RANG GI DBANG PO DANG 'TSAM PA'I CHOS KYI BDUD RTZI BRGYUD MAR STZAL, KHYAD PAR BKRA SHIS LHUN PO'I SNGAGS GRVAR BZHUGS PA'I DGE BA'I BSHES GNYEN RNAMS KYIS GSOL BA BTAB NAS SNGAGS GRVA BA TSANG MA'I THOG PHYOGS PHYOGS NAS 'DUS PA'I BLA CHEN MANG PO DANG BCAS PA LA RDO RJE 'JIGS BYED BCU GSUM MA'I DKYIL 'KHOR DU STA GON DANG DBANG BZHI YONGS SU RDZOGS PA RJE RGYAL BA GNYIS PA'I THUGS KYI BCUD PHYUNG PA'I SNGAGS KYI ZAB BSHAD RGYAS PA DANG BCAS STZAL, DGE 'DUN 'DUS BRGYA MTSO'I TSOGS LA'ANG DBANG DANG RJES GNANG RIM PAR STZAL TE THOG MAR RI PO DGA' LDAN PA'I THUN MONG MIN PA'I ZAB CHOS 'JAM DBYANGS CHOS SKOR YONGS RDZOGS KYI RJES GNANG DANG LUNG, CHOS SPYOD RAB GSAL SOGS CHOS KYI 'KHOR LO BRGYUD MAR BSKOR, SLAR YANG RJE ZHAL SNGA NAS 'JAM DBYANGS CHOS 'PHEL GYIS GSOL BA BTAB NAS DGE BA'I BSHES GNYEN RAGS BSDUS SHIG LA RDO RJE 'JIGS BYED LHA BCU GSUM MA'I DBANG CHEN RGYAS PAR GNANG, BAR SKABS SHIG BKRA SHIS RTZE PA YUM SRAS KYIS ZHABS BRTAN PHUL BAR THUGS DGYES PA CHEN POS RTEN 'BREL LEGS PO BYUNG ZHES SMON LAM 'DI LTAR MDZAD DE, NA MO GU RU SH'AKYA MU NA YE, BTZO SBYANGS SA ZLA'I LHUN POR RTA BDUN RGYAL, ,'BUM PHRAG ZER STONG SPRO BAS RAB

, ,SPUD KYANG, ,BSGRUN PAR MI NUS MTSAN DPE'I DPAL 'BAR BA, ,MNYAM MED ZAS GTZANG SRAS POS DGE LEGS STZOL, ,BKA' DRIN MTSUNGS MED GANGS CAN 'GRO BA'I MGON, ,THAMS CAD MKHYEN BA BLO BZANG RGYA MTSO'I SDE; ;LHA CHOS BDUN LDAN DKON MCHOG RGYAL MTSAN TE, ,MKHAN CHEN RNAM GNYIS ZHABS RDUL SPYI BOR BSTEN, ,DUS GSUM PHYOGS BCU'I SANGS RGYAS THAMS CAD DANG, ,BRGYAD KHRI BZHI STONG NAD 'JOMS SMAN MCHOG CHOS, ,TSUL BZHIN BSGRUB PA THEG GSUM DAG 'DUN TE, ,RIN CHEN RNAM PA GSUM LA MGOS PHYAG 'TSAL, ,BEM GZUGS YID BZHIN NOR BUR GSOL BTAB PAS, ,YID LA 'DOD DGU'I 'BYOR PA KUN 'BYUNG NA, ,RDZUN SPANGS BDEN GSUNG RGYAL BA'I BDEN PA YIS, ,BDAG GI SMON LAM JI BZHIN CIS MI 'GRUB, ,DES NA BLA MA RGYAL BA SRAS DANG BCAS, ,DVANGS PA'I MKHA' LA RGYU SKAR GSAL JI BZHIN, ,DAD LDAN SMON PA'I ZHING DU LEGS BZHUGS LA, ,RE BA JI BZHIN 'GRUB PA'I GROGS MDZOD CIG ,SO THAR RIS BDUN YON TAN GZHI RTEN DU, ,RGYAL BAS GSUNGS BZHIN GRANGS MED DRIN CAN MA, ,RIM GYIS DE SGOR 'JUG DANG KHYAD PAR DU, ,DUR SMRIG 'DZIN BAS LJONGS 'DIR 'GENGS NUS SHOG ,DE DAG KUN KYANG MI DGE BCU BRAL ZHING, ,RNAM DAG BSLAB GSUM LDAN PA'I DGE SBYONG MCHOG, TSUL KHRIMS BSUNG ZHIM 'THUL BA'I YONGS 'DU CHE, ,BSTAN 'PHROR PHAN BDE STER NUS NYID GYUR CIG ,SRID MTSOR 'KHYAMS PA'I PHAM GRANGS MED TSOGS, ,PHYAG GIS DRANGS NAS THAMS CAD MKHYEN GLENG DU, ,SGROL BA'I NUS PA RGYAL BA RNAMS LA'ANG

MED, DES NA THABS MKHAS GRU 'DIS SGROL NUS SHOG ,RANG RANG GRUB MTHAR ZHUGS PA'I KHRIMS LDAN TSOGS, ,KUN KYANG THUB BSTAN NYID DU KHYAD MED LA, ,PHYOGS LHUNG GDON GYIS BSKYOD SHUGS MI LDANG BAR, ,GRU NANG SKYES BU BZHIN DU THUGS MTHUN SHOG ,'JIG RTEN KHAMS KYI BDE SKYID MA LUS PA, ,THAMS CAD THUB PA'I BSTAN LA RAG LAS PAS, ,DUR SMRIG RGYAL MTSAN 'DZIN PA'I TSOGS RNAMS KYIS, ,TSUL KHRIMS RIN CHEN GTER BUM GCES 'DZIN SHOG ,THUB BSTAN SO SO THAR PA RIS BDUN DANG, ,KHYAD PAR TSANGS SPYOD DPAL LDAN DGE SBYONG GIS, ,PADMO'I TSAL LA BUNG BA'I TSOGS JI BZHIN, ,'DZIN MA'I LTO 'DI BDAG GIS 'GENG NUS SHOG ,'DI LTAR SMON LAM LHAG BSAM DAG SGO NAS, ,BTAB PA'I DGE PAS TSE RABS THAMS CAD DU, ,MTHO RIS YON TAN BDUN LDAN RTEN THOB STE, ,RTAG TU DGE SPYOD DNGOS PO THOB PAR SHOG ,DE THOB NAS KYANG PHA MAR GYUR PA'I 'GRO, THABS MKHAS 'DI YIS SGROL LA MI ZHUM PA'I, ,SNYING STOBS PHUL BYUNG NAM YANG MI 'DOR SOGS, ,KUN BZANG SPYOD KUN BDAG GIS SPYOD GYUR CIG ,CES SO, ,RJE 'DI LA RGYA BOD HOR GSUM NAS MAndAL DANG MKHO DGU'I YO BYAD 'BUL MI GRANGS KYIS MI LANG BA LA BKRA SHIS RTZE PAS MAndAL PHUL BA 'DI LA LHAG PAR DGYES TSOR CHE BAS SMON TSIG 'DI LTAR MDZAD PA NI MA 'ONGS PA'I 'BYUNG 'GYUR LA DGONGS PAR MNGON NO, ,DE SKABS GONG MA CHEN PO'I GSER YIG PA GSER SRANG LNGA BRGYA DANG DNGUL SRANG NYIS STONG GIS GTZOS PA'I DNGOS PO TSAD MED PA DANG BCAS 'BUL MI GNANG BA 'BYOR PAR ^ GONG MA CHEN PO'I BKA' NGAG LA NGA'I PA'I

, ,THOG RGYAL DBANG THAMS CAD MKHYEN PA SPYAN DRANGS PAS BSTAN 'GROR PHAN CHE ZHING RGYA BOD LUGS LEGS PA BYUNG, NGA RGOS SBOG THO PAn CHEN GYIS RGYAL BA'I BSTAN PA DANG SEMS CAN GYI DON LA DGONGS NAS RGYA NAG TU PHEBS DGOS TSUL GSER YIG DANG BKA' NGAG BCAS BYUNG BA'I THOG SDE SRID RIN PO CHE NAS KYANG ^ GONG MA CHEN PO'I BKA' 'DI 'DRA PHEBS PA RMI LAM DU BSGUGS PA MNGON SUM DU BYUNG BA LTA BU YIN 'DUG BAS DA LAM CIS KYANG PHEBS DGOS ZHES ZHU BA MDZAD PAR RJE 'DI PA NI GSER DANG BONG BA MNYAM, NAM MKHA' DANG LAG MTHIL DU MNYAM PA'I THUGS MNGA' BA YIN GSHIS RGYA NAG TU 'BYON PA DGAG BYA CHE ZHING DGOS PA CHUNG BAR GZIGS NAS GONG MA'I GSER YIG PA RNAMS LA BKA' 'DI LTAR GNANG STE, DNGOS GZHI GONG MA CHEN PO MCHOG TU DGYES PA'I BKA' LUNG YIN 'DUG KYANG 'BRUM PA MA THAR PAS 'GRO BSKYOD CI LA 'ONG RUNG, GONG MA'I THAM KHA LA BLTAS NAS ZHIB CHA RJES LA YONG BKA' PHEBS SHING, MGRON GNYER LA YANG KHONG MI SNA RNAMS LA ZHUS PA BZHIN DE RIGS BSLAB STON SPANG BLANG ZHU THUB MDOG MA KHA BAS DGONGS SEL GYI ZHU YIG 'THUS PA BYED GSUNGS SHING, 'JAM DBYANGS ^ GONG MA CHEN POR YANG ZHU YIG RTEN SBRAGS DANG BCAS RGYA NAG PHYOGS SU 'GRO BA LA 'BRUM DOGS KYIS BAG GZON BYED DGOS SOGS RGYU MTSAN ZHIB 'THUS GNANG ,DE MTSUNGS MI SNA RNAMS LA YANG NGAG MAR, DNGOS GZHI GONG MA CHEN PO SHIN TU DGYES SHING SPYAN BSKYANGS CHE BA'I BSLAB STON YIN 'DUG GSHIS BKA' DAD LEN ZHU SPRO YANG,

SPYIR THOS BSAM PHYED PA'I 'PHRO YIN PAR MA ZAD 'BRUM PA'I NAD MTHAR BAS 'DIR YANG DUS RGYUN DU 'BRUM NAD LA PAG GZON GYIS BCAD MTSAMS DAM POR SDOD DGOS PA BCAS DGAG BYA CHE BA DANG, YANG SGRES SU BDAG LTA BU ZHIG GIS BSTAN PA DANG SEMS CAN LA PHAN DKA' GSHIS 'GRO 'DUG NGAL BTZAM LAS DGOS PA CHUNG BA BCAS SPYI SGOS GANG SA NAS DGONGS PA ZHU DGOS KYI ZHU YIG ZHIB 'THUS PHUL YOD PAS, KHYED RNAMS KYIS KYANG ^ GONG MA CHEN PO'I SKU ZHABS SU DE LUGS BZHIN DGONGS BA RTZA , YANGS BRTZE BAS GZIGS DGOS PA'I BSLAB STON GANG DRAG ZHU GROGS MDZOD GSUNGS SHING ,MGRON GNYER 'BRI LUNG PAR YANG SDE SRID RIN PO CHE'I ZHU YIG TU ZHIB 'THUS PHUL YOD PA LTAR DGONGS YANGS THUGS RJE CHE DGOS PA'I BSLAB STON ZHU GROGS, MDZOD CES GSUNGS SHING, DE MTHUN ^ GONG MA'I ZHU LAN DU'ANG DE LTAR 'BUL BAR MDZAD, YANG DE'I PHYI LO GONG MA CHEN PO NAS GSER DNGUL LA SOGS PA'I YO BYAD PHON CHE BA DANG BCAS YANG SKYAR RJE 'DI PA PHO BRANG DU GDAN 'DREN PA'I GSER YIG DANG BKA' NGAG BCAS 'BYOR PA, MI SNA RNAMS KYI NGAG NAS 'DI LTAR ZHU BA BYUNG STE, ^ GONG MA RGYAL PO'I BKA' LA PAn CHEN MCHOG GI SPRUL SKU RIN PO CHE SNGA SOR GDAN 'DREN BTANG YANG BYON PA MA BYUNG, DA LA MA CIS KYANG 'BYON DGOS TSUL GSER YIG DANG BKA' NGAG MA BCAS BYUNG BAR RJE 'DIS LAN DU 'DI LTAR GSUNGS TE, DED LA LUNG RTOGS KYI YON TAN CI YANG MED PAR SHAR PHYOGS ^ GONG MA'I RGYAL KHAB TU YONG DGOS BKA' STZAL PHEBS PA BDAG NYID LA GZIGS PA SHIN

, ,TU MTHO BA'I BKA' STZAL YIN 'DUG KYANG, 'BRUM NAD LA 'DZEM DGOS KYI DGAG BYA CHE BA BCAS KHAS LEN ZHU MI NUS 'DUG PAS, DE DON LTAR KHYED MI SNA SBREL POS KYANG ZHU GANG LEGS KYI SGO NAS DGONGS KHROL YONG BA'I GROGS DAN DGOS TSUL GSUNGS NAS PHEBS PAR MA BZHED, SDE SRID RIN PO CHE NAS ^ GONG MA CHEN PO'I BKA' BCAG NA SKU NYID RANG LA YA YUD YONG ZHING RGYA BOD KYI BSTAN SRID LA'ANG MI 'GA BCOS TSA NAN ZHUS 'DUG KYANG RJE 'DI PA NI SRID GSUM SGYU MA DANG RMI LAM LTAR GZIGS SHING SEMS CAN LA PHAN NA NI DMYAL BA'I ME NANG DU'ANG 'BYON PAR BZHED LA, DE LTA MIN NA RANG DON DU NI TSANGS PA DANG BRGYA BYIN GYI DPAL YANG MI BZHED CING, RANG DON DU THAR PA'I BDE BA'ANG SGRUB PAR MI BZHED NA TSE 'DI'I PHUN TSOGS LA THUGS CHAGS PA'I GO SKABS GA LA YOD, TSUL 'DI NI BDAG GI DRIN CAN RTZA BA'I BLA MA RJE BTZUN THAMS CAD MKHYEN PA 'DI'I RNAM PAR THAR PA THUN MONG MIN PA ZHIG STE, DENG SANG SNYIGS MA LNGA CHES CHER BDO BAS SKYE BO PHAL CHER TSE 'DI'I LTO GOS TZAM ZHIG DON DU GNYER BA LAS CHOS LA SEMS PA'I GO SKABS BRAL ZHING, CHOS PAR RLOM PA PHAL MO CHE YANG TSE 'DI'I RNYED BKUR NGAN NGAN RE LA CHAGS NAS SGO GSUM GYI SPYOD PA CI BYED RNYED BKUR SNYAN GRAGS SGRUB PA'I THABS KHO NAR BYED PA LAS CHO 'DI'I 'KHRI BA BCAD DE RGYAL BA DGYES PA'I LAM LA SLOB PA NYIN MO'I SKAR MA LTAR DKON PA'I DUS MTHA' 'DIR, YANGS PA'I SA CHEN

PO LA STOBS KYIS 'KHOR LOS BSGYUR BA GONG MA BDAG PO CHEN POS GUS PAS MCHOD PA'ANG BDAG GIR MI MDZAD CING RI DVAGS LA SHA BYIN PA LTAR TSUL 'DIS RKYEN BYAS NAS SRID PA'I PHUN TSOGS MTHA' DAG LA CHES CHER SKRAG PAR MDZAD PA 'DI 'DRA BA'I RNAM PAR THAR PA NI BLO GZU BOR GNAS PA RNAMS KYIS LEGS PAR BSAMS NA SNYIGS MA LNGA BDO BA'I DUS MTHA' 'DIR 'DI 'DRA BA'I BDAG NYID CHEN PO BYON PA NI SNYIGS MA'I 'GRO BA RNAMS MGON DANG BCAS SO SNYAM DU SNYING NAS DAD CING GUS PAS GSOL BA GDAB PAR BYA BA'I GNAS SO, ,TSUL 'DI DAG LA NI RJE RANG NYID KYI ZHAL NAS 'DI LTAR GSUNGS TE, MKHAN SLOB KYI SPYAN SNGAR JI LTAR KHAS BLANGS PA'I LHAG PA TSUL KHRIMS KYI BSLAB PA RIN PO CHER GCES SPRAS SU BYED PA'I SGO NAS YI DAM GYI LHA DU MA'I BSNYEN SGRUB LA BRTZON PAR BYAR YOD PA DANG, GONG MA CHEN POR DGONGS PA ZHU BDE PA SOGS 'BRUM PA MA THAR BA YANG RKYEN NGAN DGE BA'I BSHES GNYEN DU CHE BA BYUNG NGO, ,SMRAS PA, DAL 'BYOR RTEN BZANG LAN CIG THOB DUS 'DIR, ,RTZE GCIG DAM CHOS BSGRUB PA'I LONG MED PAR, ,RTAG TU GZHAN NGO BSRUNG BAS 'DA' DGOS SKABS, ,'BRUM NAD MA THAR BA YANG GROGS SU BZANG, ,SA YI TSANGS PA 'JAM DBYANGS GONG MA'I BKAS, ,SBYANGS STOBS YON TAN CHUNG BA'I SNYOM LAS PA, ,BDAG 'DRAR SHAR PHYOGS GONG MA'I RGYAL KHAB TU, ,BSTAN 'GRO'I PHAN BDE SPEL PHYIR SHOG CES GSUNGS, ,BKA' NAN LCI BA RI GZAR RBAB LTA BU, ,BZLOG PAR DKA' ZHING BSTAN

, ,'GROR PAN GYUR NA, ,'GRO BAR SMON YANG RNAM G-YENG MI 'PHEL BA, ,RKYEN NGAN DGE BA'I BSHES GNYEN CHEN POR BYUNG, ,MDO RGYUD ZAB DON DPAG PAR DKA' BA'I GNAD, ,TSUL BZHIN MA RTOGS RGYA CHE'I BSHAD RTZOM SOGS, ,MKHAS BYA'I GNAS LUGS KUN LA MI MKHAS KYANG, ,SPROS PA'I MTSAN MA RNAMS LA BDAG MI SPRO, ,DE PHYIR RTAG TU TSUL KHRIMS GTZANG LDAN ZHING, ,RIS MED BSTAN 'GROR GUS DANG BRTZE SEMS KYIS, ,THUB BSTAN NYAMS PA MED PAR 'DZIN PA LA, ,BLO BZANG GRAGS PA'I DPAL DANG MTSUNGS GYUR CIG ,CES GSUNGS SO, ,DE NAS SDE SRID RIN PO CHES ZHU SAM ZHIG LA SNGA SOR GONG SA LNGA PA CHEN PO CHU KHYI HOR ZLA GNYIS PA'I TSES NYER LNGA LA ZHING GSHEGS KYANG RE SHIG GSANG BA MI BYED DKA' MED BYUNG ZHING DA CHA MCHOG GI SPRUL SKU MTSO SNA PHYOGS SU 'KHRUL BRAL BABS NAS GDAN 'DREN RTZIS YIN PAS PAn CHEN RIN PO CHE NYID DGE TSUL GYI MKHAN POR SNA DKAR RTZER PHEBS DGOS TSUL ZHUS PAR RJE 'DIS KYANG THUGS DGYES BZHIN DU ZHAL GYIS BZHES TE CHIBS KHA BSGYUR NAS SNA DKAR RTZER PHEBS TE DUS CHOS KHYAD PAR CAN GYI NYIN SNA DKAR RTZE'I GZIM CHUNG DU RJE 'DIS MKHAN SLOB SBRAGS MA MDZAD DE, RGYAL BA LNGA PA CHEN PO'I MCHOG GI SPRUL PA'I SKU LA, DGE BSNYEN, BAR MA RAB BYUNG, DGE TSUL GYI SDOM PA RNAMS RIM GYIS PHUL TE BLO BZANG RIN CHEN TSANGS DBYANGS RGYA MTSO ZHES MTSAN GSOL, DE NAS CHOS KYI THOG MAR 'JAM DPAL MTSAN BRJOD DANG, TSE MDO ,

GDUGS DKAR, SGROL BSTOD PHYAG 'TSAL NYER GCIG ,SHER SNYING, 'DA' KHA YE SHES, SMON LAM RNAM GSUM, BSTOD CHEN BZHI SOGS KYI LUNG DANG, RJE TZONG KHA PA CHEN PO'I BKA' 'BUM THOR BU, RNAM THAR DAD PA'I 'JUG NGOGS , THAMS CAD MKHYEN PA DGE 'DUN RGYA MTSO'I GSUNG 'BUM LAS RJE RANG NYID KYI RNAM THAR DANG, YAB RJE KUN DGA' RGYAL MTSAN GYI RNAM THAR GYI LUNG BCAS 'BUL BAR MDZAD, DE NAS RIM GYIS RGYAL BA DGE 'DUN RGYA MTSO'I GSUNG 'BUM GYI LUNG RNAMS PHUL, DE NAS PHO BRANG PO TA LAR PHEBS NAS GONG SA MCHOG GI SPRUL PA'I SKU LA DPAL RDO RJE 'JIGS BYED LHA BCU GSUM MA'I DBANG BZHI YONGS SU RDZOGS PA 'BUL BAR MDZAD CING GZHUNG SA NAS BSKUL MA MDZAD PA LTAR RGYAL DBANG LNGA PA CHEN PO'I SKU GDUNG RIL POR BZHUGS PA'I GSER GYI MCHOD SDONG 'DZAM GLING RGYAN GCIG LA RAB TU GNAS PA RGYAS PAR MDZAD, DE NAS RGYUD STOD SMAD SE 'BRAS SOGS DBUS PHYOGS KYI CHOS DON GNYER BA RNAMS LA RANG RANG GI DBANG PO DANG 'TSAM PA'I CHOS KYI BDUD RTZI RGYA CHER STZAL ZHING RAB BYUNG BSNYEN RDZOGS NAR MAR SGRUB PAR MDZAD, DE NAS DGA' LDAN RNAM BAR RGYAL BA'I GLING DU PHEBS TE RJE BDAG NYID CHEN PO'I GSAR KHRI'I STENG NAS DGA' LDAN 'DUS TSOGS DANG PHYOGS 'DUS KYI DAD LDAN BGRANG BA LAS 'DAS PA LA CHOS KYI BDUD RTZI STZAL ZHING YAR NGO'I GSO SBYONG DANG DUS 'GRIG PAS CHOS BSGRAGS KYI MDO DANG SO THAR GYI MDO 'DON PA SOGS GSO SBYONG MDZAD DE RJE RGYAL BA GNYIS PA'I

, ,BSTAN PA RIN PO CHE DAR ZHING RGYAS LA YUN RING DU GNAS PA'I RTEN 'BREL BSGRIG BAR MDZAD, DE SKABS DGA' LDAN SKU GDUNG RIN PO CHE'I DBU THOG TU GSO BZANG BSGRIGS KYI GNAM RGYAN DANG, GSER KHRI'I DBU THOG TU GSER ZANGS KYI GANYDZI RA GSAR BZHENGS KYI THEBS DNGOS PO PHON CHE BA GNANG, GSER GDUNG RIN PO CHE'I SKU MDUN DU MCHOD PA TSAD MED PA PHUL TE SMON LAM RGYA CHER MDZAD, DGA' LDAN DU GLING SKOR ZHIG LA PHEBS SKABS NAM MKHA' LA 'JA' KHA DOG SNA LNGAS KHYAB PA SOGS PHYI NANG GI RTAGS RTEN 'BREL NGO MTSAR MTHA' YAS PA BYUNG, TSUL DE DAG LA RDZE NYID KYI ZHAL NAS 'DI LTAR GSUNGS TE, NA MO GU RU MANYDZU GHO sh'A YA, MANG MANG RGYAL BA'I YAB GCIG 'JAM PA'I DBYANGS, ,LEGS LEGS NGUR SMRIG 'DZIN PA'I SKUR BSTAN NAS, ,YANG YANG 'KHOR MTSOR 'KHYAMS PA'I DRIN CAN MA, ,NGES NGES LEGS LAM 'KHRID MKHAS DER PHYAG 'TSAL, ,BKA' BSTAN DU MAR LUNG BSTAN 'JAM MGON RJE'I, ,GDAN SA RI BO DGE LDAN RTEN GSUM DANG, ,BSLAB PA GSUM LDAN MKHAS MANG 'DUS PA'I TSOGS, ,MNGON SUM MJAL BAS YID KYI LJON PA BRTAS, ,JI LTAR DVANGS MTSOR DANG TSOGS DGA' ROL BZHIN, ,DAD PA'I SHUGS KYIS RTEN GSUM DGE 'DUN SDER, ,GUS PAS MCHOD SOGS BSNYEN BKUR BGYIS PA YI, ,RAB DKAR BSOD NAMS JI SNYED MCHIS PA'I MTHUS, ,RGYAL BSTAN SPYI DANG 'JAM MGON TZONG KHA PA'I, ,MDO SNGAGS BSTAN PA DI BRAL

ZLA 'OD KYIS, ,SNOD BCUD SDIG 'BRAS MUN PA'I TSOGS BCOM STE, ,RDZOGS LDAN KUNDA'I BZHIN RAS BYE GYUR CIG ,MA 'DRIS 'GRO BA'I GNYEN GCIG TZONG KHA PA, ,KHYOD KYI RJES 'JUG ZHVA SER 'CHANG BA'I TSOGS, ,RNAM DAG BSLAB PA GSUM GYI MDZOD 'DZIN CING, ,LUNG RTOGS BSTAN PA'I RGYAL MTSAN RAB BSGRENG SHOG ,BDAG KYANG RJE BTZUN BLA MA'I THUGS BSKYED SMON, ,MA LUS BSGRUB LA MI ZHUM RAB DPA' BAS, ,'GRO KUN KHYOD KYI RLABS CHEN MDZAD BZANG LA, ,SBYIR MKHAS BSTAN 'GRO'I NYER 'TSO CHEN POR SHOG ,MCHOG GSUM BSLU MED BDEN PA'I BYIN RLABS DANG, ,CHOS KYI RGYAL PO LA SOGS BSRUNG MA'I MTHUS, ,DGE LDAN BSTAN PA PHYOGS BCUR RGYAS PA DANG, ,'GRO KUN BDE SKYID LDAN PA'I BKRA SHIS SHOG ,CES SO, , DE NAS GTZANG LA CHIBS KHA BSKYOD PA'I LAM ZHOR DU YER BA DANG, LHA SA'I RTEN RNAMS LA MCHOD 'BUL SMON LAM RGYA CHER MDZAD, RIM GYIS LAM BAR RNAMS SU PHYOGS PHYOGS NAS 'DUS PA'I CHOS DON GNYER BA RNAMS LA CHOS KYI BDUD RTZI STZAL ZHING RAB BYUNG BSNYEN RDZOGS KYI SDOM PA'ANG ZAM MA CHAD PAR GNANG, DE SKABS 'BRAS SPUNGS NAS BSNYEN RDZOGS KYI SDOM PA DON GNYER BA KHA SHAS RJES SNYEGS SU BYUNG BAR RJE 'DI PAS RGYAL BA'I BSTAN PA 'BA' ZHIG LA DGONGS TE NGAL BA KHYAD DU BSAD NAS GAM PA LA'I NGOS LA GSOL TSIGS GNANG SKABS KYANG RAB BYUNG BSNYEN RDZOGS 'GA' ZHIG GNANG ZHING, DE BZHIN DU TSA ZHAG GAR BABS SU RAB BYUNG BSNYEN RDZOGS MANG DU GNANG STE 'JAM MGON RGYAL BA GNYIS

, ,BA'I BSTAN PA'I SROG SHING 'DZIN PAR MDZAD DO, ,DE NAS DBEN DGON DU PHEBS TE DPEN DGON 'DUS TSOGS LA DPAL RDO RJE 'JIGS BYED LHA BCU GSUM MA'I DBANG STA GON DANG BCAS PA DANG, DPAL 'KHOR LO SDOM PA L'U AI PA'I LUGS KYI DBANG CHEN STA GON DANG BCAS PA, DGA' LDAN SNYAN RGYUD KYI MAN NGAG ZAB BSHAD RGYAS PA STZAL, GZHAN YANG DBEN DGON 'DUS TSOGS LA MGON PO BAR CHAD KUN SEL DANG, DAM CAN CHOS KYI RGYAL PO PHYI SGRUB, 'DOD KHAMS DBANG PHYUG DMAG ZOR RGYAL MO GSUM GYI RJES GNANG DANG, DPAL MGON SDE LNGA, LHA MO RNAM GSUM RNAMS KYI BSKANG GSO, BDE MCHOG RTZA RGYUD, BDE MCHOG L'U AI BA'I SGRUB THABS BDE CHEN GSAL BA SMON LAM SHIS BRJOD DANG BCAS PA, 'JIGS BYED BCU GSUM MA'I SGRUB THABS ZA MA TOG SOGS CHOS KYI BDUD RTZI RGYA CHER STZAL TO, ,DE LTAR BSTAN 'GRO'I DON RGYA CHER MDZAD PA DE DAG LA NI RJE RANG NYID KYI ZHAL NAS 'DI LTAR GSUNGS TE, RNYED BKUR SNYAN GRAGS DON GNYER CHAGS SDANG GIS, ,RANG GZHAN GRUB MTHA'I PHYOGS 'DZIN BLO SPANGS NAS, ,SGO GSUM MI DGE BCU YIS MA GOS PAR, ,BKA' GDAMS GONG MA'I RING LUGS LEGS PAR BSKYANGS, ,GZHON NU NYID NAS YANG DAG BLANGS PA'I KHRIMS, ,NYAMS MED BSRUNGS MTHUS RIS MED SKYE BO KUN, ,CHU GTER CHEN POR CHU PHRAN KUN 'DUS BZHIN, ,DAD PA'I BA SPU G-YO BZHIN 'DUS BAR GYUR, ,TSUL DER BRTAGS PAS

DKAR NAG LAS KYI 'BRAS, ,MI SLUR NGES RNYED BRTZON PA'I SHUGS BSKYED NAS, ,SGO GSUM DGE BA GONG DU SPEL BA LA, ,SPRO DGA' YAR NGO'I ZLA BZHIN LHAG PAR 'PHEL, ,SPYAN RAS GZIGS DBANG SPRUL PA'I SKU MCHOG LA, ,SDOM PA RIM PHUL RDO RJE 'JIGS BYED KYI, ,DKYIL 'KHOR CHEN POR BCUG NAS DBANG BSKUR TE, ,GANGS CAN 'GRO BA'I MGON POR MNGA' GSOL BGYIS, ,CHOS SPYOD DANG PO'I LUGS 'DZIN BZO RIG DAG ,BSDUS NAS 'DRI ZHING PAR DU BRKO BA DANG, ,BLA MA MCHOG GSUM RIS MED 'DUS TSOGS LA, ,DNGOS DANG YID SPRUL MCHOD PAS RTAG TU MCHOD, ,CHOS DANG ZANG ZING 'DOD PA'I SKYE DGU LA, ,CI 'DOD DE DANG DE YIS TSIM PAR BYAS, ,ZHI DUL THUGS BRTZER LDAN PA'I BA SHES GNYEN MCHOG , BSTEN NAS MDO RGYUD GZHUNG LUGS MTHA' DAG MNYAN, ,RGYU YON SBYANG NAS GSUNG RAB KLOG PA DANG, ,RANG GI'ANG BKLAGS TE TSIG DON BLO LA BLANGS, ,BLO STOBS BSKYED NAS MNGON DANG MI MNGON PA'I, ,DRIN CAN PHA MAR DAM PA'I CHOS KYANG BSHAD, ,CHED GNYER DAD 'DUS SKYE BO'I DON BSGRUBS LAS, ,RNAM G-YENG KUN BOR PHAL CHER ZLA MED BSDAD, ,KHA TON DE DON SEMS DANG BSGOMS PA YI, ,CHOS SPYOD RNAM BCU'I RGYUN BZANG 'CHAG MED BSKYANGS, ,'DI DAG LAS BYUNG RNAM DKAR DGE BA'I MTHUS, ,MYUR DU RDZOGS PA'I BYANG CHUB THOB PA DANG, ,'GRO KUN SGROL LA NAM YANG MI ZHUM PA, ,KUN BZANG 'JAM PA'I DBYANGS DANG MTSUNGS PAR SMON, ,ZHES GSUNGS, DE NAS BKRA SHIS LHUN PAR PHEBS NAS 'DUS PA RGYA

, ,MTSO'I TSOGS DANG PHYOGS 'DUS KYI DON GNYER CAN MANG POR DBANG LUNG RJES GNANG RIM BAR STZAL ZHING, LHAG PAR BYA RGYUD DE BZHIN GSHEGS PA'I RIGS KYI GTZO BO BCOM LDAN 'DAS DAM TSIG GSUM BKOD RGYAL PO'I DBANG GI NYER BSDOGS DANG, PHYI NYIN DNGOS GZHI YONGS SU RDZOGS PA STZAL ZHING, DE NAS MU SBREL TE SNAR THANG BRGYA RTZA NAS 'BYUNG PA'I LHA RNAMS KYI RJES GNANG DANG, DE DAG GI MNGON RTOGS RNAMS KYI LUNG, RNAM 'GREL, DBU MA, 'DUL MDZOD, PHAR PHYIN RNAMS KYI RTZA BA'I LUNG STZAL, GZHAN YANG PHYOGS PHYOGS NAS 'DUS PA'I DON GNYER CAN RNAMS LA DGE TSUL DANG DGE SLONG GI SDOM PA BRGYUD MAR GNANG ZHING MTHONG THOS DRAN REG GI 'GRO BA RNAMS RJES SU BZUNG STE MTHA' DBUS SKYE 'GRO BGRANG BA LAS 'DAS PA LA MTHO RIS DANG THAR PA'I DGE BA'I RTZA BA BSKYED PAR MDZAD CING, DE DAG GI SKABS KUN TU NANG DU THUGS DAM ZAB MO'I NYAMS BZHES LAS NAM YANG G-YO BA MED PAR MDZAD PA NI RJE NYID KYI ZHAL NAS, GO SA'I DBANG GIS 'PHRAL RNAM G-YENG CHE BA TZAM MA GTOGS SGO GSUM LA MI DGE BA BCUS GOS MA GOS BRTAG PA DANG, BSHAGS SHING SDOM PA SOGS RANG RGYUD 'DUL THABS LA GTZO BO DANG, GZHAN YANG CHOS SPYOD BCU DANG, PHA ROL TU PHYIN PA DRUG LA SOGS PA'I SGO NAS RANG GZHAN GYI DON BSGRUB PA LA SOGS BA SGO GSUM DGE BA LA DUS RNAM KUN TU GZHOL BAR BGYIS ZHES GSUNGS, DE NAS ZHAL SNGA NAS TSE BRTAN RGYAL MTSAN BKRA

SHIS LHUN PO'I CHOS KHRIMS CHEN MO MDZAD SKABS BKRA SHIS LHUN PO'I TSOGS CHEN DANG, DBEN PA'I RI SU LA DU BZHUGS PA'I SPONG BA PA'I SDE RNAMS BCAS LA GSANG BDE 'JIGS GSUM GYI DBANG GNANG DGOS ZHES GSOL BA BTAB BA NA DGYES BZHIN ZHAL GYIS BZHES TE DPAL GSANG BA 'DUS PA MI BSKYOD PA LHA SO GNYIS KYI DBANG STA GON DANG BCAS PA DANG, BDE MCHOG L'U AI PA LHA DRUG CU RE GNYIS PA'I DBANG STA GON DANG BCAS PA, RDO RJE 'JIGS BYED LHA BCU GSUM MA'I DBANG STA GON DANG BCAS PA DANG, 'JAM DBYANGS CHOS SKOR RNAMS DKYUS GCIG LA GNANG STE THUB DBANG RDO RJE 'CHANG SLAR YANG 'JIG RTEN DU BYON PA LTAR GSANG CHEN RDO RJE THEG PA'I CHOS KYI 'KHOR LO RGYA CHER BSKOR BAR MDZAD DO, ,DE NAS BKRA SHIS LHUN PO'I SNGAGS GRVA BA RNAMS LA CHOS SKYONG YONGS RDZOGS KYI RJES GNANG SOGS CHOS BKA' MTHA' YAS PA GNANG ZHING TSOGS CHEN LA KUN RAG RNAM PAR SNANG MDZAD DANG TSE DPAG MED LHA DGU'I DBANG YANG GNANG, DE NAS SKYE 'GRO YONGS KYI BSOD NAMS MIN PA'I LAS KYI MTHU GRUB PAS SDE SRID RIN PO CHE DANG RGYAL PO LHA SANGS THUGS MA MTHUN PAS DUS GZER TE BOD SOG GI DMAG 'KHRUG CHEN PO BYUNG BA NA ^ GONG SA RIN PO CHES RJE 'DI BA LA CHINGS MDZAD DGOS TSUL GSOL BA BZHIN RJE 'DIS NGAL BA KHYAD DU BSAD NAS DBUS PHYOGS SU CHIBS KHA BSKYOD KYANG GZHUNG SA'I BKAS RE SHIG PHEBS STABS MA BDE BAR LAM BAR DU RGYUN RING BZHUGS DGOS BYUNG, RJES SOR PHEBS CHOG PA BYUNG NAS PHEBS KYANG SDE SRID RIN PO CHE STOD LUNG SNANG RTZER RKYEN DBANG

, ,DU SONG BAS BYA THABS MA BYUNG ZHING, DE DAG GI TSE 'KHOR PA'I NGANG TSUL LA THUGS SKYO BAS GSUNG MGUR 'DI LTAR MDZAD DE, NA MO GU RU LO KA SHVA R'A YA, PHA GANGS RI'I MGON PO SPYAN RAS GZIGS, ,DRIN 'KHOR MED BLO BZANG RGYA MTSO'I SDE, ,MGON KHYOD KYIS GDUL BA'I ZHING 'DI NA, ,DUS 'GYUR BA'I NGANG TSUL 'DI 'DRAR SNANG, ,SPYIR DENG SANG MI RNAMS DMU RGOD CING, ,SGOS LOG SPYOD NGAN BA DAR DUS 'DIR, ,RJE BU RAM SHING BSTAN BDAG GTAD NAS, ,PHA KHYOD NYID RANG ZHI'I BDER GZIMS SAM, ,MA 'GRO BA DU: KHAS GZIR SKABS 'DIR, ,RJE KHYOD KYI THUGS RJES MI SKYOB NA, ,BOD GANGS CAN YONGS KYI MGON PO ZHES, ,MTSAN GRAGS PAS KHYAB PA DGOS BA CI, ,'ON GYUR KYANG SKYON BRAL YON TAN GTER, ,MGON KHYOD KYI 'PHRIN LAS BSAM MI KHYAB, ,DUS SNYIGS MA'I LOG SPYOD NGANG TSUL LA, ,BDAG SKYO BAS GDUNG YUS TZAM DU ZAD, ,BOD GANGS CAN LJONGS GNAS 'GRO BA KUN, ,NYON ME 'OD ZHEN BA'I PHYE MA LE BA, ,DUS DANG BOR BSRUNGS DUS MA THUB NA, ,MTHAR ME DONG LHUNG NAS CI BYAR YOD, ,RJE RGYAL BAS BDE BA'I THABS BSTAN PA, ,DUS DANG PO NYID NAS MI SPYOD NA, ,LAS NGAN BA'I 'BRAS BU RANG SMIN DUS, ,RJE SANGS RGYAS KYIS KYANG SKYOB PAR DKA', ,YUL KHA BA CAN GYI LJONGS 'DI NA, ,RANG CHE BAR RLOM ZHING KUN GYIS BKUR, ,MTHAR DBANG MED GSHEGS TSUL 'DI LTOS LA, ,KUN DMAN CHA BZUNG LA GNOD SEMS SPONGS, ,NOR LONGS SPYOD 'DOD DGU'I GTER LDAN YANG, ,MTHAR TIL 'BRU TZAM DANG RUNG LUS KYANG, ,BDAG BYA PA'I DBANG MED TSUL LTOS LA, ,LUS

LONGS SPYOD KUN LA SNYING PO LONGS, ,RTEN LAN CIG RNYED PA MI YI LUS, ,'DI MYUR 'JIG RTZVA RTZE'I ME DANG MTSUNGS, ,TSE 'DI YI BYA BYED KUN BOR LA, ,DUS RTAG TU MI RTAG 'CHI BA SOMS, ,LUS RJES SU 'BRAD BA'I GRIB MA BZHIN, ,SHI RJES SU DKAR NAG LAS 'BRANG BAS, ,SDIG MI DGE BCU PO RAB SPONGS LA, ,CHOS DGE BA RNAM BCU 'BAD PAS SGRUBS, ,TSE 'DI YI DGRA 'DUL GNYEN SKYONG PHYIR, ,NYIN MTSAN DU NGAL BA BRGYAS BSGRUBS KYANG, ,MTHAR MI BZAD BA MYAL BA'I BTZON DONG DU, ,BTZO BSREG SOGS SDUG BSNGAL DPAG MED MYONG, ,TSE 'DI YI LUS SEMS DU BKYANG BLA'I, ,DGRA BDAG 'DZIN GYI 'GOD PO 'DI THUL NA, ,DUS GTAN GYI BDE BA KUN 'BYUNG PAS, ,DA RANG SEMS 'DUL THABS KHO NAR 'BUNGS, ,YONGS 'KHOR MTSOR 'KHYAMS PA'I 'GRO BA KUN, ,DRIN CHE BA'I PHA MA SHA STAG YIN, ,DON DE PHYIR CHAGS SHING SDANG BA 'KHRUL, ,BYAMS SNYING RJES KUN LA KHYAB PAR MDZOD, ,SNGON THOG MA MED NAS DA LTA'I BAR, ,BLO 'KHRUL PA 'DI YIS BSLAD PA'I MTHUS, ,KUN GTAN SDUG PHUNG PO 'DI 'DRAR SBYAR, ,NGA RGYAL SRAS SPYOD KUN SPYAD NA LEGS, ,MI BDAG LA GTANG SO MA MCHIS KYANG, ,RJE RGYAL BAS GDAMS DON MDOR BSDUS YIN, ,TSUL 'DI TZAM 'BAD PAS BSGRUBS NA YANG, ,RANG GZHAN KUN BDE BA'I DPAL LA SBYOR, ,DUS DA LTA RANG DBANG YOD SKABS 'DIR, ,TSE 'DI PHYI 'DAM KA MA LOG PAR, CHOS DGE BA BCU LA 'BUNGS SHIG CIS, ,MI KHO BOS KUN LA GROS SU 'DEBS, ,SKYABS BSLU BA MED PA'I DKON MCHOG GSUM, ,MKHYEN RAB KYI LHA LAM KHYON YANGS LAS, ,BRTZE CHEN GYI BYIN RLABS CHAR PHOBS LA, ,GDUG RTZUB KYI ME CHEN ZHI BAR MDZOD, ,

, ,RJE RGYAL BA SRAS BCAS THUGS BSKYED SMON, ,CI BTAB KUN DENG DUS 'BYOR GYUR TE, ,BRTAN G-YO YI SDIG 'BRAS KUN ZHI NAS, CHOS DGE BCU'I DPAL 'BYOR RGYAS GYUR CIG ,CES SO, ,DE NAS LO SHAS KYI RING LA BKRA SHIS LHUN PO NYID DU CHOS KYI 'KHOR LO RGYA CHER BSKOR ZHING PHYOGS 'DUS KYI 'GRO PA BGRANG BA LAS 'DAS PA LA MTHO RIS DANG THAR PA'I SA BON BSKRUN PAR MDZAD, DE NAS BAR SKABS SHIG RGYAL PO LHA SANGS BANG GIS GNGAN DRANGS TE LHA LDAN JO BO RIN PO CHE'I SKU MDUN DU PAD DKAR 'DZIN PA NGAG DBANG YE SHES RGYA MTSO LA DGE BSNYEN DGE TSUL BSNYEN RDZOGS KYI SDOM PA RNAMS DKYUS GCING LA 'BUL BAR MDZAD, PHO BRANG DU PHEBS NAS DBANG LUNG MAN NGAG MTHA' YAS PA RIM PAR 'BUL BAR MDZAD, GZHAN YANG SE 'BRAS DGE GSUM RGYUD STOD SMAD SOGS DBUS PHYOGS KYI CHOS DON GNYER BA RNAMS LA DBANG LUNG MAN NGAG MTHA' YAS PA DANG, RAB BYUNG BSNYEN RDZOGS BGRANG BA LAS 'DAS PA STZAL, LHAG PAR ZHABS DRUNG LHA PA'I SKU SKYE BLO BZANG 'PHRIN LAS LA BYANG CHUB LAM GYI RIM PA'I DMAR KHRID, LAM GTZO'I KHRID, BLA MA MCHOD PA'I KHRID, SNYING PO DON GSUM GYI KHRID DANG BLA BRGYUD GSOL 'DEBS KYI LUNG, RJE BLA MA LA BRTEN PA'I BLA MA'I RNAL 'BYOR, NANG GA KHONG SKRAN 'DON PA'I SKYUG SMAN SOGS CHOS BKA' MTHA' YAS PA STZAL TE ZHABS DRUNG LHA PA'I SPRUL SKU 'DI RJE RGYAL BA GNYIS PA'I BSTAN PAR PHAN RE CHE BAS SNGA PHYI LAN MANG POR GZIM TSUNG DU GCIG

BU LA RJE BLA MA'I SNYAN RGYUD KYI GDAMS PA MANG DU STZOL BAR MDZAD DO, ,DE NAS YANG BOD KHAMS 'DIR SEMS CAN SPYI MTHUN GYI LAS NGAN PA'I MTHUS DUS GZINGS CHE BAR BYUNG STE JUN SGAR NAS RGYAL PO HONG TH'A JIS DMAG DBUNG CHEN PO BTANG STE RGYAL PO LHA SANGS BOD DMAG DANG BCAS PA RNAMS DANG 'DAM DU 'KHRUG GZINGS BYAS TSE RJE 'DI BAS THUGS SNYING RJE CHEN POS MA BZOD PAR NGAL BA KHYAD DU BSAD NAS 'DAM DU CHIBS KHA BSGYUR TE ZANG ZING GI DNGOS PO PHANGS MED BTANG NAS CHINGS BSGRIGS MDZAD KYANG MA 'DUMS PAR JUN SGAR GYI DMAG STONG PHRAG BZHI TZAM LHA SAR SHOR, BOD DMAG RNAMS 'THOR TE BROS, RGYAL PO LHA SANGS DPON G-YOG RNAMS KYIS PO TA LA BZUNG STE BZHUGS PA'I TSE RJE 'DIS LHA SA BLA BRANG DU BZHUGS NAS JUN SGAR GYI DMAG DPON RNAMS SKU MDUN DU BOD BAR MDZAD DE RGYAL PO LHA SANGS 'KHOR BCAS LA SROG SKYON MED PAR NGED LA GNANG DGOS, RGYAL PO HONG TH'A JI LA NGED RANG GIS ZHUS CHOG CES DNGOS PO SBAM CHE BA GNANG STE ZHU BA MDZAD KYANG RGYAL PO LHA SANGS RANG JUN SGAR GYI DMAG DPON TSE RING DON GRUB KYI GDONG DU BYUNG NA DED RANG NGOS KYI RGYU MTSAN ZHIB SED BYAS NAS BLA MA'I BKA' BZHIN ZHUS CHOG ,DE MIN BYA THABS MED, LAR NI RGYAL PO HONG TH'A JIS MI NOR MANG PO 'DI LA BLTOS PA MED PAR NGED TSO DMAG LA BTANG PA 'DI RGYAL PO HONG TH'A JI RANG LA RANG 'DOD GANG YANG MED, BOD KYI MI NGAN 'GA' ZHIG GIS RGYAL BA TZONG KHA PA'I BSTAN PA LA GNOD PA CHEN PO BYAS PA THUGS KYIS MA BZOD NAS RGYAL BA'I BSTAN PA KHO NA'I CHED DU NGED TSO BTANG BA YIN, LHA SANGS KHANG RANG LA DE TZAM

, ,GYI SKYON MED ZER ZHING DA DUNG RGYAL BO'I SKU SROG SKYOB THUB PA ZHIG YONG RES PHAN SKOR SNA TSOGS MDZAD CING LHA LDAN RANG DU BZHUGS KYANG RGYAL PO LHA SANGS KYIS PO TA LA NAS 'THON TE 'THAB 'DZING DU PHEBS PA JUN SGAR GYI DMAG MIS RGYAL PO NGO MA SHES PAR RKYEN DBANG DU SONG BAS MDZAD THABS MA BYUNG, DA DUNG BOD KYI MI DRAG MANG PO LA HONG TH'A JI'I BKA' BKYON YOD SKAD GSAN PAS DE RIGS LA SROG SKYOB 'DRA THUB PA YONG RES RE SHIG LHA LDAN RANG DU BZHUGS RTZES MDZAD KYANG JUN SGAR GYI DMAG DPON RNAMS NAS 'DIR MA BZHUGS PAR GTZANG LA 'PHRAL DU CHIBS BSKYOD MDZOD CES ZHU NAN CHE BAS MDZAD THABS GANG YANG MA BYUNG BAR GTZANG LA CHIBS BSKYOD GNANG, DE SKABS BDE BA 'DOD KYANG BLANG DOR GO LOG STE SDUG BSNGAL GYI RGYU LA RNGAM ZHING 'JUG PA MANG PO DANG, 'GA' ZHIG DBANG MED DU SDUG BSNGAL DRAG POS MNAR TE SDUG BSNGAL DANG SDUG BSNGAL GYI RGYU LA GNAS PA SNYIGS MA'I SKYE BO RNAMS KYI NGANG TSUL LA THUGS SKYO NAS SKYO SHAS KYI NYAMS MGUR 'DI LTAR MDZAD DE, NA MO GU RU MANYDZU GHO sh'A YA, 'DREN PA KUN GYI MCHOG GYUR ZAS GTZANG SRAS, ,RGYAL BA'I RGYAL TSAB 'JAM MGON TZONG KHA PA, ,BKA' DRIN MNYAM MED RTZA BA'I BLA MA LA, ,SNYING KHONG RUS PA'I GTING NAS SKYABS SU MCHI, ,RTEN RNYED PAR DKA' BA DAL 'BYOR LUS, ,'DI THOB NAS GTAN MDUN MI SGRUB PAR, ,NOR RIN CHEN BZHAG NAS MCHING BU LEN, ,RTEN STONG LOG BYED LA BRTZEBS GZIGS, ,MTHO LHA LAM YANGS PA'I CHU 'DZIN LTAR, ,DUS

DENG SANG SKYE BO'I DAR RGUD DANG, ,YID GYA GYU MANG PO'I 'GYUR LDOG RNAMS, ,'DI MTHONG YANG NGES 'BYUNG BLO DANG BLAL, ,YID BRTAN DU MED PA'I SRID 'BYOR LA, ,DUS RTAG TU 'DOD SRED ZHAGS PAS BCINGS, ,'DI SBRANG MAS BSAGS PA'I SBRANG RTZI BZHIN, , NER RANG GIS BSAGS PA GZHAN GYIS SPYOD, ,RANG SKYES NAS 'JIGS RUNG 'CHI BDAG GI ,KHAR CHUD NAS LAS NGAN MCHE RNON GYI, ,PHRAG CHUD KYANG TSE 'DI'I MDUN THABS BSGRUB, ,DON PHYIN CI LOG PA SMYON PA RANG, ,GNYEN 'KHOR MANG 'DOD DGU'I DPAL ROL KYANG, ,RANG GCIG PUR PHA ROL 'GRO BA'I TSE, ,CHOS MIN BA PHAN PA CANG MED PAS, ,NOR 'DOD DGU DMYAL BA'I BUD SHING YIN, ,DA SRID RTZE NAS BZUNG DMYAL 'KHOR MTSOR, ,LAS DUG GSUM RBA RLABS DRAG 'KHRUG CING, ,SKYEN RGA 'CHI BA'I SDUG BSNGAL GYIS, ,DUS RTAG PAR GTZES PA'I GNAS TSUL SOMS, ,SNGAR BSAGS PA 'DZAD CING 'DUS PA KUN, ,NGES 'BRAL ZHING MTHON PO'I MTHA' MA RGUD, ,SKYE BZHIN DU 'CHI BAR MNGON PHYOGS SHING, ,DA GTAN GYI MDUN MA BSGRUB LA BRTZON, , SPYIR CHOS BRGYAD SNANG BA BSLU BRID MKHAS, ,SGOS SNYIGS DUS MI TSE BAR SNANG GLOG ,DA NGAN SONG G-YANG SA YA NGA BA, ,DE BZLOG PA'I THABS LA 'BAD PAR MDZOD, ,'KHOR BA'I PHUN TSOGS DMYAL ME'I 'OBS LTAR MTHONG, ,'GRO KUN DON DU BYANG CHUB SEMS BSKYED DE, ,RGYAL SRAS RLABS CHEN SPYOD LA BRTZON 'GRUS KYIS, ,YID CAN 'KHOR BA'I MTSO LAS SGROL BAR SHOG ,CES SO, ,DE NAS BKRA SHIS LHUN POR PHEBS NAS PHYOGS 'DUS KYI DAD LDAN BGRANG BA LAS 'DAS PA LA RANG RANG GI

, ,DBANG PO DANG 'TSAM PA'I CHOS KYI BDUD RTZI BRGYUD MAR STZAL ZHING RGYA MTSO'I GLING BAR TSUN CHAD NAS DAD LDAN DAG GIS RJE 'DI NYID LA MKHO DGU'I YO BYAD THAMS CAD 'BUL ZHING ZHAL BLTA BA DANG, CHOS KYI BDUD RTZI 'DOD NAS 'DUS PA MTHA' DAG GI RE BA SKONG BAR MDZAD CING NAM MKHA' MDZOD LA MNGA' BRNYES PAS, GSER DANG DNGUL LA SOGS PA'I RIN PO CHE DANG, GOS DAR SOGS ZANG ZING GI DNGOS PO RNAMS RGYAL BA'I BSTAN PA YUN RING DU GNAS PAR BYA BA'I PHYIR DANG 'BREL THOGS KYI SEMS CAN RNAMS LA PHAN GDAGS PAR BYA BA'I PHYIR GSER ZANGS 'BA' ZHIG LAS GRUB PA'I LAM RIM BLA MA BRGYUD PA'I SKU BRNYAN YONGS SU RDZOGS PA'I LHA KHANG DANG BCAS PA SOGS SKU RTEN DANG, BKA' 'GYUR RIN PO CHE GSER 'BA' ZHIG GIS BRIS PA SOGS GSUNG RTEN MTHA' YAS PA DANG BKRA SHIS LHUN PO'I DGE 'DUN RNAMS THUGS MTHUN KHRIMS GTZANG BSHAD SGRUB 'PHEL BA'I PHYIR DU DBYEN BSDUM MCHOD RTEN GSAR BZHENGS SOGS SKU GSUNG THUGS RTEN BGRANG BA LAS 'DAS PA DANG, RIS MED PA'I DGE 'DUN GYI SDE MTHA' DAG LA BSNYEN BKUR NAR MAR MDZAD, DE NAS CANG JUN SOGS RGYA DMAG BGRANG BA LAS 'DAS PA BOD KYIS DANG NYE BAR SLEB PA GSAN BAS SEMS CAN RNAMS LA THUGS BRTZE BA CHEN POS MA BZOD PAR RJE NYID RANG PHEBS BZHED KYANG DE SKABS SKU KHAMS BSNYUN PA ZHIG DANG THUG PAS CHIBS BSKYOD MA THUB PAR PHYAG MDZOD CHEN MO DNGOS PO'I GNANG SBYIN PHON CHE BA DANG BCAS GTONG

BA GNANG STA 'THAB 'DZINGS SU MA SONG BAR MTHUN SBYOR LUGS LEGS SHIG DGOS ZHES BKA' NGAG DANG PHYAG DAM BCAS GNANG YANG SEMS CAN SPYI MTHUN GYI LAS NGAN PA'I MTHU BZLOG TU MED PAS RGYA DANG MTSO SNGON GYI DMAG DPUNG LTOS CHE BA LHA SAR 'BYOR, JUN SGAR PA RNAMS GNAM MTSO BRGYUD NAS PHYIR LOG ,MTSO SNGON DPON BSTAN 'DZIN WANG SOGS DBON KHAG MANG PO'I MI SNA ^ GONG SA RIN PO CHE'I MI SNA SOGS MI SNA MANG POS RJE 'DI PA LHA LDAN DU CHIBS BSKYOD DGOS TSUL NAN BSKYED ZHUS PAR DE SKABS SKU GZUGS GCONG BAR YOD KYANG SKYES RABS KUN TU RGYAL BA YAB SRAS GNYIS DAM TSIG RDO RJE'I LU GU BRGYUD DU 'BREL BA'I RTEN 'BREL DANG, MI MANG PO ZHIG GI SROG SKYOB PA ZHIG YONG THUB RE BCAS NGAL BA KHYAD DU BSAD NAS LHA LDAN DU CHIBS BSKYOD GNANG, 'JAM DBYANGS GONG MA BDAG PO CHEN PO'I ZHABS 'BRING BA CANG JUN CHEN PO SOGS SER SKYA STONG PHRAG MANG POS BSUS TE PHO BRANG CHEN PO PO TA LAR PHEBS, RGYAL BA YAB SRAS GNYIS ZHAL 'DZOM, CANG JUN CHEN POS RJE 'DI PA LA DNGUL SRANG LNGA STONG GIS GTZOS PA'I DNGOS 'BUL TSAD MED PA MDZAD DE ZHABS BRTAN PHUL, DE NAS SE 'BRAS DGE GSUM RGYUD STOD SMAD SOGS DBUS KHUL GYI CHOS SDE RNAMS KYI BLA MA LAS SNE RNAMS DANG, GONG MA'I MI DRAG CANG JUN CHEN PO, MTSO SNGON DPON KHAG, RGYAL BA'I YAB RJE SOGS TSANG MAS CHOS 'KHOR RGYA CHER BSKOR DGOS PA'I GSOL BA BTAB CING, GONG SA MCHOG GI SPRUL SKU RIN PO CHES RJE 'DI LA MDO SNGAGS KYI CHOS MTHA' DAG GNANG DGOS PA DANG, LHAG PAR DGE TSUL GYI SDOM PA'I

, ,MKHAN PO MDZAD DGOS PA'I GSOL 'DEBS SHUGS DRAG GNANG, RJE 'DIS KYANG DGYES BZHIN DU PHO BRANG CHEN PO PO TA LA'I GZIM CHUNG NYI 'OD 'KHYIL BAR GONGS MCHOG GI SPRUL SKU RIN PO CHER DGE TSUL GYI SDOM BA 'BUL BA GNANG ZHING BLO BZANG BSKAL BZANG RGYA MTSO ZHES MTSAN GSOL, DE NAS GONG SA RIN PO CHER LAM RIM CHEN MO'I LUNG SOGS CHOS BKA' RNAMS RIM GYIS 'BUL BA'I DBU TSUGS PAR MDZAD, DE SKABS BKA' BLON BKRA SHIS RTZE PA SOGS BOD KYI MI DRAG MANG POR RGYA'I BKA' BKYON PHOG PAR RJE 'DI PAS SROG SKYOB GNANG THUB RAS RTZOL BA CHEN PO MDZAD KYANG THABS GANG GIS KYANG BZLOG MA THUB, DE'I TSE SNYIGS MA'I NGANG TSUL CHES CHER BDO BAS MTHO DMA'I 'GYUR LDOG MANG PO DANG SKYE BO PHAL MO CHE SDUG BSNGAL MTSO RDOL BA LTA BUR GZIGS SHING BLA CHEN DANG MI CHEN GYI GO SA LA'ANG THUGS YI MUG NAS, 'DI LTAR GSUNGS TE, KHO BO NI GO SA GOG PO'I CHE RLOM 'DI SHIN TU YI MUG PAS, SEMS BLONG BLONG POR GYUR, DE DAG GI SKABS SU SPYIR 'KHOR BA'I SNANG TSUL BZOD PAR DKA' ZHING, SOGS DENG SANG SNYIGS MA LNGA BDO'I GDON GYIS GZIR BA'I 'GRO BA RNAMS DGRA GNYEN DANG MTHO DMAN 'GYUR LDOG ,NYON MONGS PA DUG GSUM GYI CHAD GYIS MYOS PAS, NGAN 'GRO'I G-YANG SA 'JIGS SU RUNG BAR DGA' MGU'I ZLOS GAR BSGYUR BA'I BLANG DOR PHYIN CI LOG DANG, 'GA' ZHIG RGUD PA'I SDUG BSNGAL GYI ME RAB TU 'BAR BA'I SPYOD TSUL LA YID LHAG PAR GDUNG BAS SMRAS PA, NA MO GU RU MU NI AINDR'A YA, GSER

ZHUN LHUN PO MTSAN DPE'I DPAL 'BAR SKU, ,TSANGS DBYANGS BSGRUN MIN DRUG CU'I DBYANGS SNYAN GSUNG, ,CHOS KUN MTHA' DAG GSAL BAR GZIGS PA'I THUGS, ,SNYIGS DUS 'GRO LA GZIGS SHIG SH'AKYA'I TOG ,YANG DAG LUNG LAS RGYA MTSO TSE'I, ,STENG GI GNYA' SHING BU GA RU, ,RUS SBAL LONG BA MGRIN CHUD LAS, ,BDE 'GRO THOB PA SHIN TU DKON, ,THOB KYANG SKAL DMAN BDAG CAG RNAMS, ,CHOS MIN MUN PA'I PHYOGS 'DIR SKYES, ,'DREN MCHOG THUB DBANG NYI MA DE, ,TZA RA MA NI'I PHAG TU GSHEGS, ,RGYAL BA SRAS BCAS SKYES CHEN RNAMS, ,RANG RANG ZHING DU BTANG SNYOMS SHING, ,LUNG RTOGS CHOS KYI SGRON ME YANG, ,BUD SHING ZANG PA'I ME DANG 'DRA, ,THAR MED 'KHOR BA'I RGYA MTSO CHER, ,LAS NGAN DUG GSUM RBA RLABS 'KHRUG, BZOD DKA'I SDUG BSNGAL CHU SRIN GYIS, ,YANG YANG GTZES PA MA LAGS SAM, ,MTHO RIS BDAG PO'I DBAL MNGA' BA'I, ,TSANGS DBANG KHYAB 'JUG LHA YI GTZO, ,RANG DBANG MA THOB DMYAL MES SREG ,SRID PA'I BDE LA YID BRTAN GANG, ,BDE SKYID MKHO DGU'I 'BYOR LDAN PA'I, ,RIN CHEN 'KHOR LOS BSGYUR RGYAL YANG, ,MA NGES 'KHOR BA'I BRAN DU KHOL, ,GDENG MED SRID LA ZHEN PA 'KHRUL, ,TSE STOD GNYEN NI DGRAR LDANG ZHING, ,'DI NANG DGRA BO PHYI MA'I GNYEN, ,SKAD CIG TZAM GYIS 'GYUR LDOG MANG, ,YID BRTAN MI RUNG 'KHOR BA'I CHOS, ,SNYING GROGS MDZA' BSHES YID 'ONG KUN, ,YUD TZAM BRAL BAS SDUG BSNGAL NA, ,GTAN DU SO SOR 'BRAL

, ,BA 'DI, ,KYE MA SEMS LA SHIN TU GCONG, ,NGO TSA GTAM NGAN SDIG SDUG RNAMS, ,KHYAD BSAD SER SNAS BSAGS PA'I NOR, ,TIL 'BRU TZAM YANG 'KHYER DBANG BRAL, ,SGREN MOR 'GRO BA SEMS LA GTZER, ,TSE LHAG LAS RLUNG SKYEL MAS BDAS, ,'CHI BDAG MUN PA'I BSU MA MGYOGS, ,'JIGS RUNG G-YANG SA CHEN PO DER, ,'BROS THABS MED PA'I DUS LA BAB, ,SNGAR BSAGS LAS NGAN 'CHI KHAR 'GYOD, ,DGE LA MA 'BAD YI MUG CING, NYES LTUNG KHUR LCI LTAG KHYER NAS, ,GROGS MED BAR DO'I 'PHRANG DER 'TSER, ,'JIGS RUNG 'CHI BDAG GSHIN RJE YIS, ,BZOD DKA'I BTZON KHANG ME 'BAR BAR, ,MNAR MED BSREGS PA'I SDUG BSNGAL YANG, ,THAR MED CI BYA GTOL MED GYUR, ,SHI NAS MED DE MI 'GRO BAR, ,KHAMS GSUM 'KHOR BA 'DIR 'KHYAMS TSE, ,BDE 'GRO THOB KYANG SDUG BSNGAL GYI, ,RANG BZHIN DAG LAS MA 'DAS SHING, ,BSTAN BCOS BZHI BRGYA PA NYID LAS, ,MKHAS PA RNAMS LA MTHO RIS KYANG, ,DMYAL BA DANG MTSUNGS 'JIGS BSKYED 'GYUR, ,BDE BA NAM YANG MED PAR GSUNGS, ,GZOD NAS SRID PA'I GTZONG RONG 'DIR, ,LAS NGAN SKYE RGA NA 'CHI YIS, ,MGAL ME'I 'KHOR LO LTAR 'KHOR BAS, SDUG BSNGAL SHUGS DRAG BZOD LAGS SAM, ,'DUS BYAS MI RTAG STON KA'I SPRIN, ,RTZOD DUS MI TSE BAR SNANG GLOG ,GNYEN 'KHOR DGA' 'DUS TSONG DUS 'GRON, ,NOR RDZAS LONGS SPYOD SBRANG RTZIR MTSUNGS, ,SKYE BO LOG LTAS RGYUD

DKRUGS NAS, ,CHAGS SDANG NGAN SEMS G-YO SGYU CAN, ,CHOS MIN MI DGE'I LAS LA SPYOD, ,DMYAL BAR LTUNG BAR THE TSOM MED, ,SNYIGS DUS RAB BYUNG BDUD KYIS BRLAMS, ,BLO LOG 'DOD PAS TSAS BSKYUNGS NAS, ,RGYAL PO STOBS 'BYOR DREGS SOGS KYI, ,PHO NYA DAG LA MGU ZHING 'JUG ,HOR GYI CHA LUGS MDA' MTSON THOGS, ,SDIG RNGAMS GTUM POS PHYOGS KUN MYUL, ,SHA KHRAG CHANG LA DGA' MGUR SPYOD, ,SEMS CAN SDUG BSNGAL DAG LA BKOD, ,RIGS DRUG BZOD DKA'I SDUG BSNGAL KUN, ,MI LUS RTEN LA RDZOGS PAR GNAS, ,BDE SKYID 'DZOM PA'I SEMS CAN DANG, ,CHOS BYED NYIN SKAR TZAM DU DKON, ,DA NI 'KHOR BA'I CHOS NYID LA, ,SNYING PO MED BAR RTOGS GYUR NAS, ,GTAN GYI MDUN MA BSGRUB RE RAN, ,RAN PAR MA ZAD SHIN TU 'GYANGS, ,'KHOR BA BZOD DKA'I BTZON RA 'DRAR, ,SRID 'BYOR 'DOD PA'I BLO SPANGS NAS, ,NGO TSA KHREL YOD 'PHAGS PA'I NOR, ,BSTEN NAS THAR BAR BGROD THABS MDZOD, ,NYAM THAG 'GRO KUN BDAG GI MAS, ,GRANGS MED BRTZE BAS DRIN GYIS BSKYANGS, ,SDUG BSNGAL ZUG RNGUS RTAG MNAR PA, ,BDAG 'DRAS PHAN PA BSGRUB DKA' BAS, ,BLA MA RGYAL BA SRAS BCAS RNAMS, ,THUGS BSKYED DAM BCA' RJES DGONGS LA, ,CHER SNYIGS SKYABS MED 'GRO RNAMS KYI, ,MGON SKYABS MDZOD CIG BLA MA LHA, ,ZHES GDUNG DBYANGS KYI NYAMS MGUR MDZAD DO, ,DE NAS GONG SA RIN PO CHER LAM RIM CHEN MO'I LUNG GI 'PHRO, ,RJE RIN PO CHE'I BKA' 'BUM THOR BU, BA RI BRGYA RTZA'I RJES GNANG YONGS

, ,RDZOGS SO SO'I RGYA GZHUNG GI LUNG SOGS DBANG LUNG MAN NGAG RGYA CHER 'BUL BAR MDZAD, ,DE NAS SKU KHAMS BSNYEL GZHI CHE BAS PHYOGS 'DUS KYI CHOS DON GNYER CAN RNAMS LA CHOS 'BREL PHRAN BU RE LAS RGYA CHER GNANG MA THUB, ,DE NAS GTZANG DU CHI BAS BSKYOD GNANG BAR BZHED DE GONG SA RIN PO CHER LCAM SRING GI RJES GNANG ZHIG GNANG, RGYAL BA TZONG KHA PA'I BSTAN PA 'DZIN CING SPEL BA'I THUGS BSKYED MDZAD PA DANG, GTZO BOR BSLAB KHRIMS DAG PA GZHIR BZUNG NAS RE SHIG GSAN SBYONG LA THUGS BRTZON CHE BA SOGS RGYAL BA TZONG KHA PA CHEN PO'I RNAM THAR 'KHYONGS PA ZHIG MDZAD DGOS SO ZHES ZHAL TA ZHIB RGYAS SU GNANG STE GTZANG DU CHIBS KHA BSKYOD, DE NAS BKRA SHIS LHUN POR PHEBS NAS TSOGS CHEN DANG SPONG BA PA'I SDE DANG BCAS PA LA PHYAG DBANG GNANG ZHING CHOS KYI BDUD RTZI RIM PAR STZAL, DE NAS RJE NYID DGUNG LO DRUG CU RE GCIG TU PHEBS PA CHU YOS ZLA BA DRUG PA'I TSES BCU LA TSOGS CHEN DGE BSKOS CHEN MO DKA' CHEN DON GRUB RGYA MTSOS 'DUS PA RGYA MTSO'I TSOGS LA DBANG CHEN ZHIG DANG, GZHAN YANG CHOS BKA' GANG ZAB DGONGS DPYAD KYIS THUGS RJES GZIGS DGOS TSUL ZHUS PAR SNGA SOR TSOGS CHEN LA GSANG BDE 'JIGS GSUM GYI DBANG CHEN LEGS PAR PHUL BA YIN YANG, GSHIN RJE GSHED DMAR NAG GNYIS KYI DBANG CHEN DENG SANG RGYUN DKON ZHING, LHAG PAR YONGS 'DZIN BSOD NAMS GRAGS PA'I ZHAL CHEMS SU YANG SLAR TSOGS CHEN LA

GSHIN RJE GSHED DMAR NAG GNYIS KYI DBANG CHEN ZHIG GNANG THUB PA MDZAD DGOS ZHES GSUNGS BYUNG BA BCAS BLA MA'I DGONGS PA RDZOGS PA DANG, 'JAM MGON BLA MA'I BSTAN RGYUN LA PHAN RES DA LAM GSHIN RJE GSHED DMAR NAG GNYIS KYI DBANG CHEN ZHIG BYED CES DGYES BZHIN DU ZHAL GYIS BZHES TE TSES BCU'I NYIN GSHED DMAR GYI DBANG GI STA GON DANG, TSES BCU GCIG LA DBANG DNGOS GZHI, CHES BCU BDUN LA GSHIN RJE GSHED DGRAS NAG GI DBANG GI STA GON DANG, TSES BCO BRGYAD LA DBANG DNGOS GZHI DGE 'DUN GSUM STONG BRGAL BA LA DGYES BZHIN DU STZAL, DE NAS RIM GYIS SA CHEN PO'I KHYON MTHA' DAG NA GNAS PA'I DAD PA CAN RJE 'DI'I ZHAL GYI DKYIL 'KHOR BLTA BA DANG, GSUNG GI BDUD RTZI THOB PAR 'DOD PA DANG, LHAG PAR RAB BYUNG BSNYEN RDZOGS 'DOD PA RNAMS LA BRGYUD MAR STZAL ZHING, BAR SKABS SHIG RGYAL BA 'PHAGS PA LHAR DGE TSUL GYI SDOM PA DANG, 'JIGS BYED KYI DBANG CHEN SOGS CHOS BKA' MANG DU STZAL, DE NAS BRIL? GNON ZHES PA ME PHO RTA'I LO GONG SA RIN PO CHE THUGS RJEGS BZHES PA DANG, DBANG LUNG MAN NGAG MANG PO GSAN PHYIR DBUS PHYOGS SU 'BYON DGOS TSUL ZHUS PAR SKU NA MTHO ZHING SKU GZUGS GCONG TSUL CHE YANG 'JAM MGON BLA MA'I BSTAN RGYUN LA DGONGS NGAL BA KHYAD DU BSAD DE DBUS PHYOGS SU CHI BAS KHA BSKYOD, LO DE'I SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG

, ,DU JO BO SH'AKYA MU NE'I SKU MDUN DU RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO LA BSNYEN PAR RDZOGS PA'I SDOM PA PHUL TE THUB BSTAN YONGS SU RDZOGS PA'I BDAG POR MNGA' GSOL MDZAD, DE NAS PO TA LA'I GZIM CHUNG BDE BA CAN DU BZHUGS TE, RGYAL BA THAMS CAD MKHYEN PA CHEN POR DPAL GSANG BA 'DUS PA MI SKYOD PA LHA SO GNYIS KYI DBANG CHEN STA GON DANG BCAS PA GSANG CHEN RGYUD SDE RGYA MTSO'I SNYING PO'I BCUD PHYUNG BA ZAB BSHAD DANG BCAS PA DANG, DPAL 'KHOR LO BDE MCHOG L'U AI PA LHA DRUG CU RE GNYIS PA'I DBANG CHEN STA GON DANG BCAS BA RKYAS PAR GNANG, DE NAS RGYAL BA THAMS CAD MKHYEN PA BLO BZANG BSKAL BZANG RGYA MTSOS RJE 'DI PA LA DAD GUS CHEN POS RABS SU LO KHA SHAS BZHUGS NAS DBANG LUNG MAN NGAG YONGS SU RDZOGS PA ZHIG GNANG BA DANG, MA THA ZLA BA BCU SKOR TZAM ZHIG BZHUGS NAS DBANG LUNG MAN NGAG DGONGS DPYAD KYIS GANG DRAG THUGS RJES GZIGS DGOS TSUL NAN BSKYED ZHU BAR MDZAD PA NA, RJE 'DIS RGYAL BA MCHOG LA RANG GIS GANG SHES KYI MAN NGAG RNAMS 'BUL BAR CIS KYANG SPRO YANG, NA MTHO ZHING GZUGS GZHI GCONG BA BCAS DA LAM RES GTZANG DU PHYIN CHOG PA DGOS ZHES ZHU BAR MDZAD DE, MA DAG PA'I GDUL BYA RNAMS KYI SNANG NGOR SKU GZUGS GCONG BAS BZHUGS MA THUB PA LTA BUR SNANG YANG, DON DU NI MYUR DU DBUS GTZANG DUS GZIR GYI DUS 'KHRUG CHEN PO DE 'BYUNG BAR MNGON SHAS KYIS GZIGS NAS BZHUGS KYANG DGOS PA

MED PAR DGONGS TE MYUR DU CHIBS KHA BSKYOD PA YIN ZHES BLA MA DAM PA MANG PO GSUNG NGO, DE NAS RGYA BOD HOR GSUM GYI GDUL BYA BGRANG BA LAS 'DAS PA LA ZHAL GYI DKYIL 'KHOR BSTAN NAS THUGS SNYING RJES BRLAN PA'I SPYAN GYIS GZIGS PA TZAM GYIS MCHOG DMAN MTHA' DAG LA THAR PA'I SA BON 'DABS PAR MDZAD DE RIM GYIS BKRA SHIS LHUN POR PHEBS NAS SNYUG MAR GNAS PA DANG PHYOGS NAS 'DUS PA'I DAD LDAN BGRANG BA LAS 'DAS PA LA RAB BYUNG BSNYEN RDZOGS BRGYUD MAR GNANG BA SOGS BSTAN PA'I SROG SHING 'DZIN PAR MDZAD DE, TSUL 'DI LA NI RJE RANG NYID KYI ZHAL NAS, SA GLANG NAS 'DI LO PHAN BDAG NYID KYIS SO SO THAR PA'I SDOM PA DON DU GNYER PA RNAMS KYI BZHED DON LEGS PAR BSGRUBS TE RGYAL BA'I BSTAN PA RIN PO CHE'I ZHABS 'DEGS DANG 'GRO BA LA PHAN BDE BLA NA MA MCHIS PA 'GYIS PA YIN TE, DE YANG DPAL LDAN ZLA BA GRAGS PAS, SO SO'I SKYE BO RNAMS DANG GSUNG SKYES DANG, ,RANG BYANG CHUB LA BDAG NYID NGES RNAMS DANG, ,RGYAL SRAS RNAMS KYI NGES PAR LEGS PA DANG, ,MNGON MTHO'I RGYU NI TSUL KHRIMS LAS GZHAN MED, ,CES GSUNGS PA LTAR, TSUL KHRIMS 'DI NI YON TAN KUN GYI GZHI RTZA'AM 'BYUNG GNAS YIN PAR BKA' DANG DGONGS 'GREL DU MNAS GSUNGS PA BZHIN, MNYAM MED YANG DAG PAR RDZOGS PA'I SANGS RGYAS KYI RING LUGS 'DZIN PA 'PHAGS BOD KYI MKHAS BTZUN BZANG PO RIM BYON RNAMS KYIS MKHAN SLOB KYI BYA BA MDZAD NAS THUB BSTAN GANGS LA NYI MA SHAR BA BZHIN

, ,GSAL BAR MDZAD, GDUL BYA RNAMS PHAN PA DANG BDE BA'I LAM BZANG POR 'GOD PAR GNANG BA DE DAG LA BDAG NYID KYI SMON PA DANG 'JUG PA'I BSAM PAS KUN NAS BSLANGS TE BSIL LJONG 'DIS MTSON PA'I YUL PHYOGS PHAL MO CHE MTHA' DAG NAS, NGES 'BYUNG GI BSAM PAS RGYAL BA'I BSTAN PA RIN PO CHE'I SGOR GZHUG CING, DE LA RIM GYIS SLOB 'DOD MCHOG DMAN BAR MA'I TSOGS STONG PHRAG DU MA BGRANG BAR RNYED BKUR SNYAN GRAGS KYIS MA BSLAD PAR, BDAG CAG GIS MKHAN SLOB KYI BYA BA LA 'BAD NAS, MNYAM MED SH'AKYA THUB PA'I BSTAN PA LA SRI ZHU DANG, GDUL BYA RNAMS LA PHAN BDE 'BYUNG BA'I BYA BA LA BRTZON PA BGYIS PA DE DAG NI BDAG NYID KYI BYA BA KUN GYI NANG NAS MCHOG TU GYUR PA YIN NO SNYAM MO ZHES GSUNGS SHING, DE MTHUN NYAMS MGUR TSIGS BCAD DU MDZAD PA'ANG 'DI LTAR, SVA STI PRA DZA BHYA: KHAMS GSUM 'GRO BA'I SDUG BSNGAL BZOD DKA' BA, ,BRTZE BAS GRANGS MED TSOGS GNYIS YONGS RDZOGS PAS, ,LHAR BCAS SKYE DGU'I 'DREN PA BLA NA MED, ,RNAM 'DREN GZHAN GYIS BSGRUN MIN TSUL KHRIMS GTER, ,MA 'DRIS YID CAN KUN LAM LTAR BRTZE, ,GSAL 'GRIB SPANGS PA'I DAM BCA' SROG GI SHING, ,SRID ZHI'I SNYING POR SKYES PA'I LJON BA'I RTZA, ,RAB BRTAN ZAS GTZANG SRAS DE GTZUG NA RGYAL, ,GANG GI MGUL NAS BDEN PA GSUNGS PA YI, ,RAB 'BYAMS MDO RGYUD RGYA MTSO'I GZHUNG LUGS LAS, ,MNGON MTHO NGES LEGS RMAD BYUNG

NGO MTSAR BA'I, ,LEGS TSOGS KUN 'BYUNG LHAG PA'I TSUL KHRIMS BSNGAGS, ,NGAL BA KHYAD BSAD PHYOGS KUN NAS, ,THUB BSTAN SGOR ZHUGS DON GNYER GYI, ,SKAL LDAN YID KYI KA LA SHA, ,TSANGSm SPYOD TSUL KHRIMS BDUD RTZIS BKANG, ,DA DAG SKAL BZANG GDUL BYA'I TSOGS, ,THUB PA'I BSTAN PA'I SGOR ZHUGS NAS, ,KHRIMS LDAN DUR SMRIG RGYAL MTSAN MDZES, ,BAG YOD BSGRUB LA BRTZON PAR SMON, ,NGES 'BYUR BSLAB PA MA LA YA'I, ,TSUL GNAS SDOM PA'I TZENDAN DRIS, ,LNGA BDE'I 'GRO BA'I TSA GDUNG BCIL, ,GSER 'GYUR RTZI YIS LCAGS KHAMS BZHIN, ,THUB PAS DGAG SGRUB GNANG GSUM GYI, ,BCAS MTSAMS G-YAG RNGA LTAR BSRUNG ZHING, ,RNAM DAG KHRIMS DANG RAB LDAN PAS, ,KUN GYIS BSNGAGS 'OS BLA NA MED, , RGYAL BSTAN SNYING PO SO THAR GYI, ,TSANGS SPYOD BRTUL ZHUGS DANG LDAN PA'I, ,DUR SMRIG 'CHANG BAS GSER LDAN MA, ,TIL GYI GANG BU LTAR GANG SHIG ,BDAG NI TSE RABS KUN TU YANG, ,LUG SROG NGAG LA MI BLTA BAR, ,NYI MA'I GNYEN GYI LUGS BZANG RNAMS, ,'DZIN SKYONG SPEL BA'I MCHOG 'GYUR SHOG ,CES SO, ,DE NAS ME MO LUG GI LOR BSTAN PA'I GEGS DANG LJONGS 'DI'I SKYE 'GRO RNAMS KYI BSOD NAMS MIN PA'I LAS KYI MTHUS DUS GZIR BYUNG STE LO NGO GNYIS TZAM GSHIN RJE'I 'JIG RTEN MI YUL DU 'PHOS PA LTAR MCHOG DMAN MTHA' DAG SDUG BSNGAL GYIS GZIR ZHING DGE 'DUN RNAMS KYI BSHAD SGRA BA NYAMS TSABS CHE BAR BYUNG BAR RDZE 'DI PAS NOR LONGS SPYOD

, ,GANG LA'ANG PHANGS PA MED PAR CHINGS SGRIGS SOGS MDZAD KYANG THABS MTHON, DE NAS GONG MA'I SKU CHE AA LI AAM PA SOGS 'BYOR NAS GONG MA CHEN PO'I BKAS LHA LDAN DU PHEBS DOGS CHUL NAN CHE BYUNG YANG RJE 'DI BAS SKU NA MTHO ZHING SKU GZUGS SHIN TU GCONG BA BCAS DA LAM GONG MA'I BKA' NYAN PAR PHYAG MDZOD BTANG CHOG BA DGOS TSUL ZHU BA MDZAD KYANG GONG MA'I BKA' LA BSGYUR BKOD MI YOD GSUNG NAS MA GSAN PAR RJE 'DI DPUS SU CHIBS BSKYOD GNANG DGOS BYUNG, DE NAS PO TA LAR PHEBS NAS RGYAL BA YAB SRAS ZHAL 'DZOM, ,RJE 'DIS GZIM CHUNG BDE BA CAN DU BZHUGS, DE DUS GONG MA'I BKAS GTZANG PHYOGS KYI SA RIGS TSANG MA MCHOD GZHIS SU GNANG BA YIN TSUL BKA' BSGYUR BAR RJE 'DIS BDAG NI NA RGAS SHING GZUGS GZHI GCONG BA BCAS MCHOD GZHIS MANG BO'I KHA 'DZIN MI GCOGS SHING MCHOD GZHIS RNYING PA RNAMS KYIS DGE 'DUN GYI PHOGS JA TSUL 'DANG TZAM BYUNG PHYIN SA RIGS GSAR PA'I RIGS MI ZHU ZHES NAN CHER ZHU BAR MDZAD KYANG 'GONG MA CHEN PO'I BKA' GCOG RGYU MI YONG ZHING, LHAG PAR KHYED PHONGS NAS PHUL BA MIN BSTAN PA DANG SEMS CAN LA PHAN CHE BAR DGONGS NAS PHUL BA YIN GSUNG BAS MDZAD THABS MU BYUNG BAR, ,DE LTA NA GONG MA CHEN PO'I BKA' MA BCAG TZAM DU SA CHA KHA SHAS SHIG ZHUS CHOG PA DGOS ZHES LHA NGAM PHUN GSUM BZHES PAR MDZAD, CHUL 'DI YANG RJE 'DI'I RNAM THAR THUN MONG MIN PA ZHIG STE, DENG SANG CHOS BYED PHAL CHER TSE 'DI'I RNYED BKUR SNYAN GRAGS

'BA' ZHIG 'TSOL ZHING LHAG PAR GZHUNG LUGS LA SBYANGS PA MTHAR PHYIN PAR BYAS PA DANG, BLA MA'I GDAN KHRI 'DZIN PA PHAL CHER YANG RNYED BKUR NGAN DON RE YANG BLOS MI THONGS PAR DGON PA CHUNG DU RE DANG SA CHA PHRAN BU RI LA YANG CI THOB BYED PA'I DANG TSUL 'DI LA DPAGS NA BDAG GI DRIN CAN RTZA BA'I BLA MA RJE THAMS CAD MKHYEN PA 'DI NI NOR 'DZIN YANGS PA'I KHYON LA STOBS KYIS 'KHOR LOS BSGYUR BA'I GONG MA BDAG PO CHEN PO LTA BUS BSNYEN BKUR BA'ANG DANG DU MI BZHES SHING SA CHEN PO LI KHYON LA DBANG BSGYUR BA'I DPAL PHUL YANG DGYES PA MED CING TSUL DES LHAG PAR 'JIGS SHING SKRAG BA DANG SKYO ZHING YID 'BYUNG BAR MDZAD NAS DGE 'DUN GYI SDE GNAS PA'I RTAN TZAM LAS RANG DON DU GSER SE PA GANG DANG, SA ROL GANG TZAM YANG MI BZHES PAR NGES 'BYUNG DANG BYANG CHUB KYI SEMS RLABS CHEN POS 'GRO BA'I SDUG BSNGAL ZHI BA DANG RGYAL BA'I BSTAN PA 'PHEL BA 'BA' ZHIG THUGS LA BRNAGS TE SGO GSUM GYI BYA BA CI MDZAD THAMS CAD BSTAN PA DANG SEMS CAN KHO NA'I DON DU MDZAD PA 'DI 'DRA BA NA RGYAL BA SRAS BCAS THAMS CAD KYIS LAN CIG MIN BAR BSNGAGS PA'I GNAS YIN ZHING, SNGON CHOS KYI RGYAL PO TZONG KHA PA CHEN PO ZHING 'DIR BYON NAS MDZAD PA DE LTAR DU MDZAD PA DUS MTHA' 'DIR BDAG GI DRIN CAN RTZA BA'I BLA MA 'DIS PHAG LEN DU THEBS PAR MDZAD BA YIN PAS RGYAL BA'I BSTAN PA LA BYA BA MDZAD PA'I RNAM PAR THAR PA NGO MTSAR RMAD DU BYUNG BA ZHIG GO ,DE NAS RJE 'DIS RGYAL BA THAMS CAD MKHYEN PA CHEN PO LA THOS BSAM SGOM GSUM 'CHAD RTZOD RTZOM GSUM

, ,GYI SGO NAS 'JAM MGON BLA MA'I BSTAN PA BSRE BSLAD MED PAR SKYONG DGOS TSUL ZHAL TA ZHING RGYAS SU MDZAD DE BSTAN PA'I BDAG POR MNGA' GSOL NAS GTZANG DU CHIBS KHA BSKYOD, BKRA SHIS LHUN POR PHEBS NAS SNYUG MAR GNAS PA DANG PHYOGS 'DUS KYI DANG LDAN SER SKYA BGRANG BA LAS 'DAS PA LA ZHAL GYI DKYIL 'KHOR STON PA DANG, PHYAG GIS BYIN RLABS MDZAD PA DANG, CHOS KYI BDUD RTZI STZAL BA DANG, LHAG PAR RAB BYUNG BSNYEN RDZOGS KYI SDOM PA BRGYUD MAR STZAL BA SOGS BSTAN 'GRO'I DON RGYA CHER MDZAD CING, SHI GSON GYI RDZAS RNAMS CHUD MI 'DZA BA'I PHYIR BKRA SHIS LI MA LHA KHANG SOGS LHA KHANG MANG PO DANG, BSTAN BCOS 'GYUR RO COG RNAMS DANG, RJE YAB SRAS KYI GSUNG RAB SOGS SKU GSUNG THUGS RTEN GSAR BZHENGS MANG BO DANG, SNGAR YOD RNAMS LA MCHOD RDZAS DANG, RGYAL BSTAN JI SRID GNAS PA'I BAR DU MI NYAMS PA'I MCHOD PA'I THEBS DANG, RIS SU MA CHAD PA'I DGE 'DUN GYI SDE MTHA' DAG LA BSNYEN BKUR NAR MAR MDZAD PA SOGS SNGON BYON PA'I DAM PA RNAMS KYI MDZAD PA RNAM THAR BZANG PO RNAMS RJE 'DIS MA NYAMS PAR BSKYANGS SHING MA 'ONGS PA NA 'BYON PAR 'GYUR BA'I BSTAN 'DZIN DAM PA THAMS CAD KYI MIG LTOS SU 'GYUR BA ZHIG MDZAD DO, ,MDOR NA BDAG CAG GI DPAL LDAN BLA MA DAM PA 'DIS NI BKA' GDAMS SKU MCHED GSUM GYI RNAM PAR THAR PA RJES SU BSKYANGS TE, DE YANG DGE BA'I BSHES GNYEN PHU CHUNG PA CHEN PO NI 'GRO BA'I PHAN BDE DKON MCHOG GI THUGS RJE LA RAG LAS PAR DGONGS NAS

DKON MCHOG MCHOD PA GTZO BOR MDZAD PA'I RNAM PAR THAR PA LTAR, RJE 'DIS KYANG BSKAL BZANG LI MA LHA KHANG SOGS MCHOG GSUM GYI RTEN BSAM LAS 'DAS PA GSAR DU BZHENGS SHING ,DE DAG DANG SNGON BZHUGS PA'I MCHOG GSUM GYI RTEN RNAMS LA MCHOD PA'I DNGOS PO BSAM GYIS MI KHYAB PAS MCHOD, DE YANG JI SRID BSTAN PA NAM GNAS KYI BAR DU MCHOD PA RGYUN MI 'CHAD PAR 'BYUNG BAR MDZAD PA'ANG MTHA' YAS TE, NGA LTA SKYE BO KUN GYI MIG LAM DU SNANG BA 'DI BZHIN NO, ,DGE BA'I BSHES GNYEN SPYAN SNGA BA NI SEMS CAN GYI BDE SKYID DGE 'DUN GYI SDE GNAS PA LA RAG LAS PAR DGONGS NAS, GTZUG LAG KHANG DANG, LHA KHANG MANG DU BRTZIGS PA'I RNAM THAR LTAR, RJE 'DIS KYANG BOD YUL GYI LJONGS 'DIR GTZUG LAG KHANG CHES DAR RGYAS SU MDZAD DE ,BKRA SHIS LHUN PO'I GTZUG LAG KHANG RGYA CHER 'PHEL BA 'DI BZHIN DANG, GANGS RI'I LJONGS KYI RI SUL RNAMS SU BSAM GTAN GYI SDE MANG DU 'DZUGS PAR GNANG BA SOGS RJE 'DI NYID KYI BKA' DRIN LAS GANGS CAN GYI LJONGS 'DIR KHRIMS LDAN 'DUS PA'I SDE RGYA CHER 'PHEL BA KUN GYI MIG LAM DU SNANG BA 'DI'O, ,DGE BA'I BSHES GNYEN PO TO BA CHEN PO NI DGE 'DUN GYI BSNYEN BKUR DANG, BKA' GDAMS GZHUNG DRUG GI SGO NAS JO BO'I MAN NGAG 'CHANG BA GTZO BOR MDZAD PA BZHIN, RJE 'DIS KYANG RIS SU MA CHAD PA'I DGE 'DUN GYI SDE MTHA' DAG LA BSNYEN BKUR GTZO BOR MDZAD CING, LHAG PAR BKRA SHIS LHUN PO NI CHOS DANG ZANG ZING GNYIS KA'I SGO NAS SPYAN GYI 'BRAS BU LTAR BSKYANGS TE, DGE 'DUN ZHAL GRANGS JE 'PHEL DU GYUR CING, BYANG PHYOGS BSIL

, ,LDAN YANGS PA'I LJONGS 'DIR LUGS GNYIS KA'I SGO NAS BRAN ZLA DANG BRAL PA KUN GYI MIG LAM DU SNANG BA 'DI BZHIN NO, ,MDZAD PA THAMS CAD KYI NANG NAS GTZO BOR GYUR PA NI RGYAL BA'I BSTAN PA LA BYA PA MDZAD PA YIN PAS, BSTAN PA LA BYA BA MDZAD PHYIR RJE RANG NYID KYI TSUL KHRIMS RNAM PAR DAG PA'I DRI BSUNG LA 'KHOR PA'I DAD LDAN GYI SKYES BU GTZANG DBUS KHAMS GSUM MTHA' DAG DANG, THA NA RGYA MTSO'I MTHA' DANG GLING BAR TSUN CHAD NAS RANG DBANG MED PAR 'DUS PA NGAG LA DGE BSNYEN ,DAG TSUL, DGE SLONG GI SDOM PA RNAMS GNANG BA NI BGRANG BA LAS 'DAS TE, 'DZAM GLING YANGS PA'I RGYAL KHAMS THAMS CAD RJE NYID LA BSLAB PA MNOS PA'I KHRIMS LDAN GYIS KHYAB CING, LHAG PAR GANGS CAN 'GRO BA'I MGON PO RJA BTZUN BLO BZANG BSKAL BZANG RGYA MTSO DPAL BZANG POR, DGE TSUL GYI SDOM PA, DGE SLONG GI SDOM PA, GSANG BDE 'JIGS GSUM GYI DBANG RNAMS PHUL TE SDOM PA GSUM LDAN DU BSGRUBS SHING, RJE RGYAL BA GNYIS PA'I BSTAN PA'I BDAG POR MDA' GSOL BAS 'DZAM GLING YANGS PA'I RGYAL KHAMS MTHA' DAG RGYAL BA YAB SRAS GNYIS KYI 'PHRIN LAS RNAM PAR DKAR BA'I GDUGS GCIG GIS KHYAB CING, RJE BTZUN BLA MA NGAG DBANG BYAMS PA LA DGE SLONG GI SDOM PA DANG, CHOS BKA' GZHAN YANG MANG DU GNANG NAS RGYAL BA 'OD DPAG MED KYI SKU BRNYAN LI DMAR LAS GRUB PA PHYAG TU GNANG NAS THEG CHEN BSTAN PA'I SNYING PO RJE RGYAL BA GNYIS PA'I BSTAN PA RIN PO

CHE'I SROG SHING DU MNGA' GSOL, DUS GSUM GYI RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA GTZO BOR BTON PA'I SGO NAS RJE RGYAL BA GNYIS PA'I LUGS SROL BZANG PO RGYA CHER SPEL DOGS PA'I ZHAL TA GNANG ZHING, PHYOGS KYI THA GRU KUN TU RJE BTZUN BLA MA 'DI'I 'PHRIN LAS RGYA CHER 'PHEL BA'I RTEN 'BREL BSGRIG BAR MDZAD PAS SHAR PHYOGS RGYA MTSO'I MTHA' LA THUG GI BAR DU BYANG CHUB LAM GYI RIM PA'I 'PHRIN LAS KYIS KHYAB PA 'DI YANG RJE 'DI NYID KYI THUGS RJE'I NUS MTHU LAS GRUB PA YIN PAS GANGS CAN PA RNAMS LA BKA' DRIN ZLA MED DU MDZAD PA YIN NO, ,MA 'ONGS PA NA BSTAN PA SPYI DANG KHYAD PAR RJE RGYAL BA GNYIS PA'I SNYAN RGYUD KYI BSTAN PA YUN RING DU GNAS PA'I PHYIR BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I MYUR LAM ZHES GRAGS PA DPAL DBEN SA SNYAN RGYUD KYI MAN NGAG RNAMS CHES GSOL BAR BKOD PA SNGON MED PA'I LEGS BSHAD 'DI MDZAD CING, GZHAN YANG BYANG CHUB LAM GYI RIM PA'I BLA MA BRGYUD PA'I RNAM PAR THAR PA PADMAR DKAR PO'I 'PHRENG BA, LAM GYI GTZO BO RNAM GSUM GYI RNAM BSHAD GSUNG RAB KUN GYI GNAD BSDUS PA LEGS BSHAD SNYING PO, SNYING PO DON GSUM GYI KHRID YIG THAMS CAD MKHYEN PAR BGROD PA'I NYE LAM, PAn CHEN BLO BZANG CHOS KYI RGYAL MTSAN GYI RNAM THAR GSAL BAR STON PA NOR BU'I PHRENG BA'I SMAD CHA, RJE DRUNG SPRUL SKU DGE 'DUN CHOS RGYAL DBANG PHYAG GI RNAM THAR GRUB DBANG DGYES PA'I ROL MTSO, BLA MA'I RNAL 'BYOR GYI 'GREL PA DANG BKA'

, ,DRIN GSOL 'DEBS, BLO CHEN RGYAL KUN MA, RGYUD KYI RGYAL PO DPAL GSANG BA 'DUS PA'I BSHAD PA RDZOGS PA'I 'OG TU RDO RJE SLOB DPON LA GTANG RAG GI MCHOD PA SOGS BYA TSUL, THUGS RJE CHEN PO RGYAL PA RGYA MTSO LHA DGU'I BLA BRGYUD GSOL 'DEBS DANG SHIS BRJOD, THUGS RJE CHEN PO RGYAL BA RGYA MTSO LHA DGU'I SGRUB THABS, THUGS RJE CHEN PO RGYAL BA RGYA MTSO LHA DGU'I DKYIL CHOG ,THUGS RJE CHEN PO RGYAL BA RGYAL MTSO LHA DGU'I SBYIN SREG GI CHO GA, DRIS LAN GYI SKOR, TSE SGRUB 'CHI MED BDUD RTZI'I CHU RGYUN, 'PHAGS MA GDUGS DKAR CAN GYI SGRUB THABS MCHOG THUN DNGOS GRUB CHAR 'BEBS, GSHIN PO RJES 'DZIN THAR PA'I LAM STON, BLA MA'I RNAL 'BYOR, BLA MA'I BSTOD TSIG GSOL 'DEBS, YI DAM 'GA' LA BRTEN PA'I BLA MA'I RNAL 'BYOR, BRTAN BZHUGS TSIGS BCAD MANG BA, LHA 'GA'I SGRUB THABS DANG RJES GNANG BYED TSUL, BSNYEN GNAS BSRUNGS PA DANG SMYUNG GNAS BYAS PA'I PHAN YON, SKU GDUNG GI DKAR CHAG LE TSAN, RTEN SOGS BZHENGS PA'I RGYAB YIG ,DGON SDE 'GA' ZHIG GI KHRIMS SU BCA' BA, RTEN GSUM BZHENGS PA SOGS KYIS MTSAN PA'I DGE BSNGO'I SMON LAM TSIGS BCAD, MGON DKAR YID BZHIN NOR BU'I GTOR CHOG DGE LEGS KUN 'BYUNG, YE SHES KYI MGON PO GRI GUG DANG CHER GSEB CHOS SKYONG BSTAN MA GSUM GYI GTOR CHO GA, BSTAN SRUNG RGYA MTSOR MCHOD GTOR 'BUL TSUL DANG 'PHRIN BCOL, BSANGS KYI CHO GA, SNYAN NGAG ME LONG LAS LE'U GNYIS PA'I DPER BRJOD MTSO BYUNG DGYES

PA'I ME TAG ,LE'U GNYIS PA'I GZUGS CAN BCU GNYIS PA YAN GYI DPER BRJOD, MDO RGYUD ZAB MO'I LUNG RJES GNANG DBANG KHRID GSAN YIG GZHAN PHAN RIN CHEN DBANG RGYAL LHAG BSAM PUndA RI KA'I PHRENG BAS SPUD PA, SKU GZHON NU NYID NAS RGYAL BA'I BSTAN PA RIN PO CHE'I SGOR ZHUGS NAS BLA MA DAM PA MTSAN NYID DANG LDAN PA DU MA ZHIG GUS PA CHEN POS BSTEN PA'I SGO NAS RAB 'BYAMS MDO DANG RGYUD SDE'I GZHUNG LA LEGS PAR BSLABS NAS, THOS BSAM SGOM PA DANG 'CHAD RTZOD RTZOM PA LA SOGS PA, SKU GSUNG THUGS KYI RTEN BZHENGS PA DANG MCHOD PA, RIS MED PA'I DGE 'DUN MANG PO LA BSNYEN BKUR BA SOGS BSTAN 'GRO'I BYA BA MTHA' DAG LA BRTZON PAR MDZAD PA'I RNAM THAR 'OD DKAR CAN GYI PHRENG BA RNAMS MDZAD DE BSTAN PA LA BYA BA RGYA CHER MDZAD NAS DGUNG LO DON LNGA LA PHEBS PA ME MO SPRUL GYI LO GDUL BYA RTAG 'DZIN CAN RNAMS CHOS LA BSKUL BA'I PHYIR RE ZHIG GZUGS SKU'I BKOD BA BSDU BA'I TSUL BSTAN TO, ,RJE 'DI LA NI NOR 'DZIN YANGS PA'I KHYON LA GNAS PA'I CHE DGU MTHA' DAG GIS GUS PAS MCHOD CING RIS SU MA CHAD PA'I BSTAN 'DZIN DAM PA PHAL MO CHES RJE 'DI PA LAS BSLAB SDOM BLANGS SHING, CHOS KYI BKA' DRIN NOS PAS NA RGYUD 'DZIN GYI SLOB MAS SA'I STENG KHYAB PAS MTHA' DAG BGRANG BAR GA LA NUS, THUGS SRAS KYI GTZO BO THUB BSTAN YONGS RDZOGS KYI BDAG POR MNGA' GSOL BA RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO DANG,

, ,MDO KHAMS BSTAN PA'I SGRAN ME CHAB MDO 'PHAGS PA LHA, BRAG G-YAB SPRUL SKU RNAM GNYIS, DBANG PHYOGS BSTAN PA'I SGRON ME RJE LCANG SKYA RIN PO CHE YE SHES BSTAN PA'I SGRON ME, BA SO SPRUL PA'I SKU, 'JAM MGON BSTAN PA'I SROG SHING RJE BTZUN NGAG DBANG BYAMS PA, GRUB PA'I DBANG PHYUG RJE DON YOD MKHAS GRUB ,GRUB CHEN BLO BZANG BYAMS PA, SNGAGS CHEN DGE LEGS RAB RGYAS, RJE ZHAL SNGA NAS 'JAM DBYANGS CHOS 'PHEL, THOS BSAM GLING PA CHEN PO DPAL LDAN YE SHES, RDO RJE 'DZIN PA BLO BZANG RIG GROL, BYA BRAL GRUB PA'I DBANG PHYUG BLO BZANG RNAM RGYAL, SNGAGS CHEN DAM CHOS DPAL 'BYOR, SNYAN RGYUD 'PHRIN LAS KYI BKA' BAB ZHABS DRUNG LHA PA SPRUL SKU BLO BZANG 'PHRIN LAS, DBANG DANG RJES GNANG GI BKA' BAB RDO RJE 'DZIN PA YE SHES DPAL 'BYOR ,RGYUD 'DZIN 'PHRIN LAS KYI BKA' BAB GRUB PA'I DBANG PHYUG BLO BZANG BZOD PA SOGS BSTAN 'DZIN DAM PA BGRANG BA LAS 'DAS PA BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE BTZUN THAMS CAD MKHYEN PA BLO BZANG YE SHES DPAL BZANG PO LA GSOL BA 'DEBS SHING RJE 'DI'I MDZAD PA BZANG PO RNAMS DRAN PAR BYAS LA 'JAM MGON BSTAN PA'I SNYING PO LA YID CHES KYI DAD PA BRTAN POS BLO SNA NANG DU BKUG STE BYANG CHUB LAM GYI RIM PA LA BAG CHAGS CI THEBS BYA'O,, ~ ,,MKHYEN RAB DBANG PHYUG 'JAM DBYANGS CHOS 'PHEL ZHES BSNGAGS PA, RJE ZHAL SNGA NAS 'JAM DBYANGS CHOS 'PHEL NI SRAD DU SKU 'KHRUNGS, SNGON YUN RING PO NAS LAM LA SBYANGS PA'I BAG CHAGS KYI MTHU BRTAS PAS

KHYIM GYI 'DU 'DZAL CHAGS PA MED PAR GZHON NU NAS RGYAL BA'I BSTAN PA LA RAB TU BYUNG, CHOS GRVA CHEN PO BKRA SHIS LHUN POR PHEBS TE RJE BTZUN BLO BZANG CHOS KYI RGYAL MTSAN GYI ZHABS LA BSNYEN CING ,THOG MAR TSAD MA RNAM 'GREL LA SBYANGS PA NA MKHYEN RAB MTSUNGS PA MED PAS RING POR MA THOGS PAR SDE BDUN MDO DANG BCAS PA'I DON LA MI 'JIGS PA'I SPOBS PA THOB, DE NAS PHAR PHYIN DANG, DBU MA DANG, 'DUL BA DANG, MDZOD RNAMS LA RIM BZHIN SBYANGS TE MKHAS PA'I PHUL DU PHYIN PAR GYUR PA NA DGE 'DUN 'DUS PA RGYA MTSO'I DBUS SU DAM BCA' BZHAG STE SNGAR BRJOD PA'I GZHUNG CHEN MO DE RNAMS LA GRVA SKOR MDZAD, DE NAS DRUNG PA YAB SRAS DANG, RDO RJE 'DZIN PA DKON MCHOG RGYAL MTSAN SOGS RJE BTZUN BLO BZANG CHOS KYI RGYAL MTSAN GYI THUGS SRAS MKHAS GRUB MANG PO LAS RGYUD SDE BZHI DANG 'BREL BA'I DBANG LUNG MAN NGAG MANG DU GSAN ZHING, KHYAD PAR JO BO RJE DPAL LDAN AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG PA'I MAN NGAG GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I ZAB KHRID DBEN SA SNYAN RGYUD KYI MAN NGAG ZHAL SHES DANG BCAS PA GSAN NAS NYAMS SU BLANGS TE MYONG BA THON PAR MDZAD, DE NAS LUNG DANG RTOGS PA'I YON TAN GYI GTER CHEN POR GYUR PA NA RJE BTZUN BLO BZANG YE SHES KYI BKAS THOS BSAM GLING GI GDAN SAR PHEBS TE SDE SNOD 'DZIN PA STONG PHRAG BRGAL BA LA SHING RTA CHEN PO'I GZHUNG LUGS RNAMS RGYA CHER 'CHAD PAR MDZAD, DE NAS SNGAGS KHANG GI GDAN SAR

, ,PHEBS TE RGYUD THAMS CAD KYI RGYAL PO DPAL GSANG BA 'DUS PA MTHA' DRUG TSUL BZHI'I SGO NAS 'CHAD PA LA MKHAS PA'I PHUL DU PHYIN PAR GYUR TE SDE SNOD 'DZIN PA BRGYA PHRAG MANG PO LA 'GREL PA BZHI SBRAGS DANG, 'KHOR LO BDE MCHOG GI RGYUD 'GREL PA DANG BCAS PA DANG, DUS KYI 'KHOR LO'I RGYUD 'GREL PA DANG BCAS PA SOGS RDO RJE THEG PA'I BSTAN PA RGYA CHER SPEL BAR MDZAD CING, DE DAG GI BAR BAR DU SKAL BA DANG LDAN PA MANG PO LA BYANG CHUB LAM GYI RIM PA'I KHRID SOGS MDO SNGAGS KYI CHOS MTHA' YAS PA STZAL TE BSTAN PA LA BYA BA RGYA CHER MDZAD, MTHAR SNGAGS KHANG GI GDAN SA'I THOG NYID DU ZHING GSHEGS, DE'I TSE THUGS DAM LA RGYUN RING BZHUGS SHING SKU GZUGS KYANG 'OD KYI RANG BZHIN CAN JE CHUNG JE CHUNG DU SONG STE THUGS DAM LAS BZHENGS PA'I TSE SPUR DAR KHA GANG LA 'THUMS PA ZHIG BYUNG, GDUNG ZHUGS LA PHUL BA'I TSE GDUNG LA RJE BTZUN SGROL MA RANG BYON DU PHEBS PA SOGS NGO MTSAR YA MTSAN CHE BA'I MTSAN MA MANG DU BYUNG BA ZHIG GO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BDAG NYID CHEN PO 'DI LA GSOL BA 'DEBS SHING, 'DI'I RNAM THAR LTAR MDO SNGAGS KYI GZHUNG LA SBYANGS PA MTHAR PHYIN PAR BYAS LA GZHUNG LUGS GDAMS PAR 'CHAR BA'I NYAMS LEN LA 'BAD DE RANG RGYUD BTUL NAS SKAL BA DANG LDAN PA GZHAN DAG LA'ANG PHAN THOGS PA ZHIG BYA'O,, ` ,,BLO BZANG THUGS RJE'I YE SHES 'OD STONG GIS, ,GANG GIS BLO GROS PADMO KHA PHYE NAS, ,

SKAL LDAN 'PHRIN LAS SPRANG RTZI'I DGA' STON CAN, ,YONGS 'DZIN DAM PA'I ZHABS LA GSOL BA 'DEBS, ,ZHES BSNGAGS PA, ZHABS DRUNG LHA PA SPRUL SKU BLO BZANG 'PHRIN LAS NI, PAn CHEN BLO BZANG CHOS KYI RGYAL MTSAN GYI THUGS SRAS ZHABS DRUNG LHA PA BLO BZANG BSTAN PA DAR RGYAS ZHES YONGS SU GRAGS PA'I MKHAS GRUB CHEN PO DE NYID ZHING GSHEGS GONG DANG, GSHEGS NAS SPUR SBYONG BA'I SKABS KYI RTAGS DANG MTSAN MA DANG, LHA DANG BLA MA MANG POS LUNG BSTAN PA LTAR SPRUL BA'I SKU 'DI NYID DBUS PHYOGS SU SKU 'KHRUNGS, GZHON NU'I DUS NAS SNGON GYI BAG CHAGS BZANG PO'I MTHU BRTAS PAS SRID PA'I PHUN TSOGS GANG LA'ANG MA CHAGS PAR RGYAL BA'I BSTAN PA RIN PO CHE'I SGOR RAB TU BYUNG, ,PAn CHEN BLO BZANG CHOS KYI RGYAL MTSAN GYI THUGS SRAS MANG PO'I ZHABS LA GTUGS SHING, LHAG PAR DRUNG BA YAB SRAS LA MDO SNGAGS KYI GDAMS NGAG MTHA' YAS PA GSAN ZHING ,LUNG DANG RTOGS PA'I MNGA' BDAG RIN CHEN DON GRUB LA PAn CHEN BLO BZANG CHOS KYI RGYAL MTSAN NAS GRUB CHEN NAM MKHA' RDO RJE LA BRGYUD PA'I BYANG CHUB LAM GYI RIM PA'I KHRID DBEN SA SNYAN RGYUD KYI MAN NGAG ZHAL SHES CHA LAG DANG BCAS PA RGYAS PAR GSAN TE NYAMS SU BZHES PAS NYAMS RTOGS KHYAD PAR CAN 'KHRUNGS, GRUB CHEN NAM MKHA' RDO RJE NAS BRGYUD PA'I MAN NGAG BLA MA RIN CHEN DON GRUB KYIS ZIN BRIS MDZAD PA'I LAM RIM GYI KHRID YIG KHYAD PAR CAN ZHIG KYANG YOD DO, ,ZHABS DRUNG RIN PO CHE 'DI SNGON SBYANGS KYI BAG CHAGS SANG PAS NGES 'BYUNG SKYO SHAS CHE ZHING

, ,SDOM PA GSUM GYI BCAS MCHAMS RNAM PAR DAG PA DANG, BDAG PAS GZHAN GCES PA'I BYANG CHUB KYI SEMS THUGS LA MNGA' BAS SKAL BA DANG LDAN PA MTHA' YAS PA LA THAR PA DANG THAMS CAD MKHYEN PA'I SA BON 'DEBS NUS PA ZHIG BYUNG STE, PAn CHEN THAMS CAD MKHYEN PA RJE BTZUN BLO BZANG YE SHES KYIS KYANG SPYAN MTHONG SHIN TU CHE BAR MDZAD DE ZHABS DRUNG RIN PO CHE 'DI LA LAM RIM GYI KHRID DANG, BLA MA MCHOD PA'I KHRID DANG, SNYING PO DON GSUM GYI KHRID DANG, DGA' LDAN PHYAG RGYA CHEN PO'I KHRID RNAMS DGYES BZHIN DU GNANG ZHING SNAR THANG BYANG CHEN GYI BLA MAR BSKO BAR MDZAD DE 'DI PA BYANG CHEN DU BZHUGS SKABS SKYA SER MANG PO LA PHAN CHE BAR GZIGS NAS PAn CHEN THAMS CAD MKHYEN PA CHEN POS GZIM CHUNG YID DGA' CHOS 'DZIN DU ZHABS DRUNG RIN PO CHE 'DI GCIG PU LA SMYUNG GNAS KYI SDOM PA YANG STZAL, ZHABS DRUNG RIN PO CHE 'DI PAS KYANG PAn CHEN THAMS CAD MKHYEN PA'I BKA' BZHIN BSGRUBS TE LO RE BZHIN SNAR THANG BYANG CHEN DU SKYA SER BRGYA PHRAG MANG PO LA SMYUNG GNAS KYI SDOM PA GNANG ZHING, GZHAN YANG DGE BA'I BSHES GNYEN DON GNYER CAN RNAMS LA CHO 'PHRUL GYI DUS DANG CHOS 'KHOR BSKOR BA'I DUS LA SOGS PA DUS KHYAD PAR CAN RNAMS LA SMYUNG GZHAS KYI SDOM PA GNANG STE THUGS RJE CHEN PO'I CHOS SKOR CHES CHER DAR BAR MDZAD, LHAG PAR MDO SNGAGS GSUNG RAB THAMS CAD KYI SNYING PO'I DON RGYAL BA THAMS CAD GANG NAS BYON PA'I LAM PO CHE BYANG CHUB LAM GYI RIM PA'I KHRID YANG

YANG STZAL TE BSTAN PA LA BYA BA RGYA CHER MDZAD, LAM GYI RIM PA LA BLO SBYANGS TE THABS BRTAN PAR GYUR PA RNAMS LA SHER PHYIN GYI MDO SDE RIN PO CHE'I SNYING PO'I DON, DPAL MGON 'PHAGS PA KLU SGRUB KYIS NGES DON GYI MDO SDE'I DON LEGS PAR BKRAL BRTEN 'BYUNG SPROS PA'I MTHA' THAMS CAD DANG BRAL BA DRI MA MED PA'I RIGS LAM NAS DRANGS TE MTHA' DAG PAR 'DOMS PA LA ZLA DANG BRAL BA ZHIG STE, BYA BRAL GRUB PA'I DBANG PHYUG BLO BZANG RNAM RGYAL GYIS GTZOS SDE SNOD 'DZIN PA MANG PO ZHIG GIS ZHABS DRUNG RIN PO CHE 'DI PA LA LAM RIM GYI KHRID ZHUS PAR CHE BA SHES GNYEN BSTEN TSUL NAS LHAG MTHONG GI BAR DMIGS SKOR RE RE NAS MYONG KHRID DU BYAS TE ZLA SBREL GYI BAR RGYAS PAR GNANG ZHING, LHAG PAR ZAB MO DBU MA'I LTA BA RTAG CHAD KYI MTHA' THAMS CAD DANG BRAL BA RIGS PA'I RNAM GRANGS MTHA' YAS PAS GTAN LA PHAB NAS 'DOMS PAR MDZAD CING, SGOM TSUL GYI MAN NGAG SNYING PO'I DON MGON PO 'JAM PA'I DBYANGS KYIS RJE BDAG NYID CHEN PO PHA JI LTAR STZAL BA'I SNYAN RGYUD KYI MAN NGAG LTAR 'KHRID PAR MDZAD, LAM RIM GYI KHRID GRUB NAS SPYIR LAM GYI LUS YONGS SU RDZOGS PA DANG KHYAD PAR DBU MA'I LTA BA MTHAR THUG BA SHER PHYIN GYI MDO SDE RIN PO CHE'I KHUNGS DANG SBYAR BA BRGYAD STONG PA'I GZABS BSHAD MDZAD PAS 'JAM MGON SNYAN RGYUD KYI BSTAN PA LA BKA' DRIN ZLA MED DU MDZAD DO, ,BDAG NYID CHEN PO 'DI'I SKU TSE RIL PO'I MDZAD PA RNAM THAR ZHIB TU STON PA'I YI GE MA MTHONG BAS SLAR RNYED NA 'DIR BSNAN

, ,PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS ZHABS DRUNG RIN PO CHE SPRUL PA'I SKU BLO BZANG 'PHRIN LAS LA GSOL BA 'DEBS SHING, BDAG NYID CHEN PO 'DI'I RNAM THAR LTAR 'JAM MGON SNYAN RGYUD KYI MAN NGAG LA SGRUB PA SNYING POR BYAS TE DAL BA DON LDAN DU BYA'O,, ` ,,THUB PA'I DGONGS DON ZAB DANG RGYA CHE'I GZHUNG, ,BLO GSAL SKAL BZANG GDUL BYAR RNAM KUN TU, ,SPEL MDZAD RGYAL BA DGYES PA'I LAM BZANG LA, ,'GOD MKHAS BSHES GNYEN BZANG POR GSOL BA 'DEBS, ZHES BSNGAGS PA, BYA BRAL GRUB PA'I DBANG PHYUG BLO BZANG RNAM RGYAL NI ,CHOS GRVA CHEN PO BKRA SHIS LHUN PO NAS LHO PHYOGS SU DPAG TSAD GCIG LHAG TZAM GYI SAN LCAGS LUNG PA ZHES BYA BA, PHUN RTZVA RI PHUN SUM TSOGS PA LA 'BROG SDE DANG ,MDA' NAS GZHI LO TOG PHUN SUM TSOGS PA SKYE BA'I ZHING PA MI KHYIM MANG DU YOD PA ,SNGON BYON DAM PA DU MAS ZHABS KYIS BCAGS SHING BYIN GYIS BRLABS PA, LHAG PAR PAn CHEN THAMS CAD MKHYEN PA BLO BZANG CHOS KYI RGYAL MTSAN PHYOGS DER PHEBS NAS BKRA SHIS KYI GSO SBYONG MDZAD PA SOGS DGE MTSAN DU MAS BRGYAN PA'I SA'I THIG LE DE'I PHUN BCUS KHANG DMAR SHAR BA ZHES BYA BA'I KHYIM DU YAB MGON PO TSE RGYAL ZHES BYA BA DANG, YUM SRAS MO LAGS ZHES GRAGS PA GNYIS KYI SRAS SU BSAM BZHIN DU SKYE BA BZHES TE LCAGS PHO KHYI'I LOR KHYE'U DBU GDUGS LTAR ZLUM ZHING SPYI GTZUG MTHO BA, DPRAL BA'I DBYES CHE

ZHING SHANGS KYI GZENGS MTHO PA, SPYAN DKYUS RING ZHING MCHU SGROS PADMA'I 'DAB MA JI LTA BA, PAGS PA'I MDOG NI DKAR LA DMAR BA'I MDANGS CHAGS PA 'GRO BA KUN GYI MIG GI BDUD RTZI LTA BU ZHIG NGO MTSAR BA'I LTAS DANG BCAS TE 'KHRUNGS SO, ,'DI SKABS RJE BTZUN BLO BZANG CHOS KYI RGYAL MTSAN ZHING GSHEGS NAS LO DGU DANG, RJE BTZUN BLO BZANG YE SHES 'KHRUNGS NAS LO BRGYAD SONG BA'I SKABS DE YIN NO, ,DE 'DRA BA'I GZHON NU DE NI SNGON YUN RING PO NAS LAM LA GOMS PA'I BAG CHAGS SAD PAS BYIS PA'I RGUD PA MTHA' DAG LAS 'DAS SHING DAM PA'I CHOS 'TSOL BA LHUR LEN PA'I NGANG TSUL CAN ZHIG BYUNG STE, KHYIM GYI GNAS LA MNGON PAR MI DGA' BAR KHYIM NA GNAS PA NI BYA BA NGAN PA SNA TSOGS KYIS BREL NAS DGE BA'I BSAM PA MA SKYES PA MI SKYE ZHING SKYES PA RNAMS RIM GYIS 'GRIB PAR BYED PA, TSONG DANG ZHING LAS SOGS LAS NGAN PA SNA TSOGS PA DANG, DE DAG GI CHED DU PHAN TSUN 'THAB PA DANG RTZOD PA SOGS BZOD PAR DKA' BA'I SDUG BSNGAL DU MAS LUS SEMS KUN NAS GDUNG BAR BYED PA, 'DOD PA SPYOD PA NI DUG SBRUL NAG PO'I GDENGS KA'I GRIB BSIL LTAR MNOG CHUNG ZHING NYEN CHE BA, MDOR NA NYES PA DU MA'I 'BYUNG KHUNGS SU GYUR LA, RAB TU BYUNG BA NI NYES PA THAMS CAD LAS LDOG CING YON TAN THAMS CAD SKYE BA'I RTEN SA GZHI LTA BU, RGYAL BA SRAS BCAS THAMS CAD KYIS BSNGAGS PA'I GNAS YIN PAR MKHYEN NAS RAB TU 'BYUNG 'DOD GTING NAS YOD PA'I KHAR,

, ,RGYAL PO DGA' LDAN TSE DBANG GI CHOS TSAB BTZUN CHUNG KHA SHAS 'JUG RTZIS KYIS BRTAGS PA NA, DAM PA 'DI NYID GZHON NU BLO GROS GSAL ZHING RIGS RUS BTZUN PA SOGS GANG CIR 'OS PAR GZIGS NAS, 'DI NYID DANG GZHAN YANG BTZUN CHUNG KHA SHAS BCAS CHOS TSAB TU 'JUG PAR MDZAD PA'I RKYEN GYIS NYE BAR BSKUL TE KHYIM NAS KHYIM MED PAR RAB TU 'BYUNG BAR 'DOD NAS CHOS GRVA CHEN PO BKRA SHIS LHUN PO PHYOGS THAMS CAD LAS RNAM PAR RGYAL BA'I GLING DU MGON PO 'OD DPAG MED NGUR SMRIG GAR GYI RNAM PAR ROL PA PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I DRUNG DU PHEBS, DE SKABS RJE BTZUN BLO BZANG YE SHES KYIS BSNYEN RDZOGS BZHES MA GRUB PAS MKHAN PO'I BYA BA MI MDZAD PAS THOS BSAM GLING GI BLA MA RJE ZHAL SNGA NAS GRUB CHEN BLO BZANG BYAMS PA LAS RAB TU BYUNG ZHING TSIGS SDE MA DGE TSUL GYI SDOM PA NOD PAR MDZAD DE, MTSAN BLO BZANG RNAM RGYAL ZHES 'DOGS PAR MDZAD DO, ,DE NAS THUGS BSAM 'DI LTA BU DAG 'KHRUNGS TE STON PA'I BSTAN PA LA RAB TU BYUNG BA RNAMS KYI BYA BA NI GNYIS TE, KLOG PA THOS BSAM DANG, SPONG BA BSAM GTAN NO, ,DE YANG MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR, SGOM RNAM DAG BYED PA LA BSAM PAS NGAS SHES 'DREN PA SNGON DU 'GRO DGOS, DE LA THOS PA MA NOR PA ZHIG BYAD DGOS, DE YANG GANG BYUNG BYUNG LA THOS PAS BYAS PAS MI CHOG PAS, RGYAL BA'I DGONGS PA 'GREL PA LA

TSAD MAR GYUR DPANG DU GYUR PA KLU SGRUB LA SOGS PA SHING RTA CHEN PO RNAMS KYI GZHUNG LA MKHAS PA BSTEN NAS SBYANG DGOS PAR DGONGS NAS THOG MAR RIGS PA'I GZHUNG LUGS RNAMS LA GSAN SBYONG MDZAD PA LA ZHUGS SHING, RJE ZHAL SNGA NAS GRUB CHEN BLO BZANG BYAMS PA DANG, ZHAL SNGA NAS 'JAM DBYANGS CHOS 'PHEL SOGS KYI ZHABS LA GTUGS NAS, THOG MAR CHOS SPYOD RNAMS 'DZIN PA DANG, RIGS PA'I SGO 'BYED MCHED MTSON RTAGS GSAL RTZI LUGS THAL 'GYUR 'PHEN LUGS SOGS LA SBYONG BA SBRAGS NAS MDZAD, DE NAS RTAGS GSAL 'PHEN LUGS KYI GNAD MKHYEN CING RIGS GZHUNG LA BLO KHA BYE BAR GYUR PA NA, RIGS 'BRING DU PHEBS TE 'JAM DBYANGS DGE 'DUN BLO BZANG GI YIG CHA LA BRTEN NAS TSAD MA RNAM 'GREL GYI LE'U BZHI'I MTHA' DPYOD SPYI DON DANG BCAS PA THUGS LA BZUNG ZHING BGRO GLENG LA BRTZON PAR MDZAD PAS, RING POR MA THOGS PAR GZHUNG GI LUS RNAM GZHAG, GZHUNG SNGA PHYI'I 'TSAMS SBYOR SO SO'I 'PHROS DON SOGS RTOG GE'I TSIG DON MTHA' DAG LA BLO GROS RAB TU RGYAS PAR GYUR TE, PHYI NANG GI GRUB MTHA'I KHYAD PAR RNAMS DRI MA MED PA'I RIGS PAS LEGS PAR PHYE NAS, PHYI ROL PA'I GRUB MTHA' RNAMS NI LONG BA LAG NOM BYED PA DANG 'DRA BAR RMONGS PA 'BA' ZHIG GI DBANG DU SONG BA DANG ,RGAN PO G-YO CAN GYIS LAG PA STONG PAS BYIS PA SLU BAR BYED PA LTAR THAR 'DOD RNAMS SLU BAR BYED PA KHO NA DANG, SANGS RGYAS BCOM LDAN 'DAS KYI BSTAN PA KHO NA THAR 'DOD RNAMS KYI 'JUG NGOGS SU GTING THAG PA NAS YID CHES BSKYED PA'I THABS SGRUB NGAG YANG

, ,DAG DANG RTAGS SBYOR YANG DAG GNYIS KYI SGO NAS RANG DANG SNOD LDAN RNAMS LA NGES SHES SKYED PAR BYED CING, LOG PAR SMRA BA RNAMS NI SUN 'BYIN PA'I THAL NGAG GI SGO NAS TSAR GCOD PAR MDZAD PA'I DRI MED RIGS PA'I NGA RO SGROG PA LA NAM YANG ZHUM PA MED PAR GYUR TO, ,DE NAS RNAM 'BREL GYI MTHA' GCOD RNAMS LA SHIN TU MKHAS PAR GYUR PA NA RIGS CHEN DU PHEBS TE, TSAD MA RNAM 'GREL DANG, NAM BSHAD THAR LAM GSAL BYED GNYIS RTZA 'GREL SBRAGS NAS THUGS 'DZIN MDZAD CING, DON GYI GNAD RNAMS LA GO BA 'TSOL BA LA SHIN TU 'GRUS PAR MDZAD, DE YANG THAR PA DANG THAMS CAD MKHYEN PA THOB PAR BYED PA'I LAM GYI GNAD RNAMS RIGS PA'I LAM NAS RNYED PA ZHIG MA BYUNG NA, LUNG TZAM SKYABS SU BZUNG STE MOS BLO BYAS KYANG GTING NAS NGES PA 'DRONGS PA'I THABS MI 'JUG CING, NGES PA DE LTAR DU SKYE BA YANG GZHUNG LUGS 'DI NYID LA RAG LAS PAR DGONGS NAS TSIG TZAM DANG DON GYI 'O LA SPYI TZAM GYIS TSIM PA MA YIN PAR, YAB RJE THAMS CAD MKHYEN PA'I BKA' LTAR THEG PA GSUM GYI LAM GYI GNAD THAMS CAD RIGS PA'I LAM NAS RNYED PA ZHIG NAM ZHIG NA 'ONG SNYAM DU THUGS BRTZON SHIN TU CHE BAR MDZAD DO, ,DE NAS RNAM 'GREL GYI DKA' GNAS RNAMS THUGS LA CHUD PAR GYUR PA'I TSE, DGE 'DUN 'DUS PA RGYA MTSO'I DBUS SU DAM BCA' YANG YANG 'JOG PAR MDZAD CING, KHYAD PAR DKYIL KHANG NAS MNGA' RIS PA MKHAS PAR GRAGS PA ZHIG DANG SPYI SKYUR GYI BGRO GLENG LA BZHENGS TE, RJE ZHAL SNGA NAS

RNAMS KYIS DBU MDZAD MKHAS MANG RGYA MTSO LTA BU'I DBUS SU BDAG NYID CHEN PO PHYOGS GLANG CHOS GRAGS MU STEGS KYI RGOL BA 'JOMS PHYIR ZHUGS PA BZHIN DU DRI MA MED PA'I RIGS PA'I NGA RO DANG 'BEL BA'I GTAM GYIS MKHAS PA MTHA' DGE DGYES PAR MDZAD CING SNYAM GRAGS KYIS GLING KHYAB PAR GYUR TO, ,DE NAS GZHUNG LUGS CHEN MO GZHAN RNAMS LA'ANG RIM GYIS SBYONG BAR MDZAD DE, DE YANG DUS GSUM GYI RGYAL BA THAMS CAD KYI YUM SHES RAB KYI PHA ROL TU PHYIN PA RGYAS 'BRING BSDUS GSUM GYI DON RNAMS NYAMS LEN GYI RIM PAR BSGRIGS PA RJE BTZUN BYAMS PAS MDZAD PA'I MNGON RTOGS RGYAN DANG, DE'I 'GREL PA SLOB DPON SENG GE BZANG POS MDZAD PA GNYIS SBYAR NAS PHAR PHYIN GYI SKOR DANG, SLOB DPON KLU SGRUB KYI DBU MA'I GZHUNG RNAMS NYAMS LEN GYI RIM PAR BSGRIGS PA SLOB DPON ZLA BA GRAGS PAS MDZAD PA'I DBU MA LA 'JUG PA DANG, DE'I 'GREL PA RJE THAMS CAD MKHYEN PAS MDZAD PA'I DGONGS PA RAB GSAL LA BRTEN NAS DBU MA'I SKOR DANG, 'DUL BA LUNG SDE BZHI'I GNAD RNAMS BSDUS PA SLOB DPON YON TAN 'OD KYIS MDZAD PA'I 'DUL BA'I MDO DANG, DE'I 'GREL PA RJE DGE 'DUN GRUB KYIS MDZAD PA'I 'DUL t'IKA RIN CHEN PHRENG BA DANG, CHOS RJE BDE LEGS NYI MA'I 'DUL BA SOGS LA BRTEN NAS 'DUL BA'I SKOR RNAMS LA SBYANGS SHING LHAG PAR ZAB MO DBU MA'I LTA BA 'DI MA BTZAL NA MDO SNGAGS GNYIS KA'I LAM GYI SROG STOR BAR 'GYUR ZHING, BTZAL KYANG SHIN TU RTOGS DKA' BA YIN PA'I TSUL LA THUGS NGES DRAG

, ,PO 'KHRUNGS TE, DGONGS PA RAB GSAL LA ZHIB TU SBYONG BAR MDZAD CING, BYANG CHUB SEMS DPA' RTAG TU DU SHER PHYIN 'TSOL BAR ZHUGS PA CI 'DRA BAR ZAB MO'I LTA PA 'DI 'TSOL BA'I PHYIR DU MKHAS PA DU MA'I ZHABS LA GTUGS SHING, BLA MA DANG LHAG PA'I LHA LA GSOL BA 'DEBS PA DANG, BSAG SBYANG LA 'BAD PA SOGS RJE BLA MA LA RJE BTZUN 'JAM PA'I DBYANGS KYIS GSUNGS PA LTAR GYI RGYU TSOGS KUN LA BRTZON PA CHU BO'I RGYUN BZHIN NAR MAR MDZAD DO, ,'DUL BA'I SKOR LA'ANG GZHUNG GI TSIG RIS DANG SBYOR NGAG 'GOD SHES PA TZAM GYIS CHOG PA MA YIN PAR RGYAL BA RANG NYID KYI DGONGS PA BZHIN DU SDOM PA MA THOB PAR BYED PA, THOB PA MI NYAMS PAR SRUNG THABS, NYAMS NA PHYIR BCOS THABS, DE DAG LA YANG DGAG SGRUB GNANG GSUM GYI BCAS MTSAMS PHRA ZHING PHRA BA MTHA' DAG JI BZHIN DU NGES PAR MDZAD CING, DE YANG LAG LEN LA SBYOR BA'I THUGS RTZIS 'BA' ZHIG MDZAD DO, ,DE LTAR THUGS SBYONG MDZAD PA'I SKABS RNAMS SU YANG THOS BSAM GYI SKABS YIN ZER NAS BSLAB KHRIMS KHYAD DU BSAD NAS RTZIR SPYOD BYED PA DE 'BRAM YIN PAR ,BSLAB PA'I BCAS MTSAMS SRUNG BA GZHIR MDZAD NAS CHOS GANG THOS NYON MONGS PA'I GNYEN POR 'GYUR BA ZHIG DANG, RE ZHIG GZHUNG LUGS CHEN MO 'DI DAG LA SBYANGS NAS, MTHAR 'DI DAG GI DON LA SGRUB PA SNYING POR BYED PA ZHIG BYUNG NA CI MA RUNG SNYAN DU DGONGS NAS RGYUN DU SMON LAM DANG, LHAG PAR DUS BZANG GI SKABS RNAMS SU CHOS MTHUN GYI GROGS 'GA' DANG

BCAS CI 'BYOR PA'I MCHOD PA BZANG PO BSHAMS TE SMON LAM RGYA CHER 'DEBS PAR MDZAD CING, GTZO BOR TSE MJUG DBEN PA'I GNAS SU TSE DANG SGRUB PA MNYAM PA ZHIG GI THUGS SMON RANG 'DEBS PAR MDZAD, DE NAS GZHUNG LUGS RNAMS LA GSAN SBYONG RAGS RIM GRUB PA NA, RJE BLA MAS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR YIN MTSAN KUN TU NYAMS SU BLANGS, ,KUN KYANG THUB BSTAN RGYAS PA'I CHED DU BSNGOS, ,ZHES GSUNGS PA LTAR, DA NI GZHUNG CHEN MO RNAMS LA SBYANGS PA'I DON TSE MJUG 'DIR SGRUB PA RNAM PAR DAG PA ZHIG BYED DGONGS PA NAR MAR BYUNG ZHING SGRUB PA BYED PA LA MAN NGAG RNAMS GSAN DGOS PAR DGONGS NAS, YANG DAG PAR RDZOGS PA'I SANGS RGYAS NAS BZUNG STE DAM PA BAR MA CHAD PA LAS BRGYUD PA'I MAN NGAG MNGA' BA'I BSHES GNYEN DAM PA RNAMS KYI ZHABS LA GTUGS NAS GZHUNG LUGS GDAMS NGAG TU 'CHAR PA'I MAN NGAG GI GNAD RNAMS 'TSOL BA LA ZHUGS SO, ,DE NAS PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I ZHES DRUNG DU RJE RIN PO CHE'I RNAM THAR DAD PA'I 'JUG NGOGS, ,SLOB DPON DPA' BOS MDZAD PA'I 'KHRUNGS RABS SO BZHI BA'I GZABS BSHAD, MDZOD RTZA, 'DUL BA MDO RTZA BA, TSAD MA RNAM 'GREL, 'GREL PA DON GSAL, DBU MA LA 'JUG PA, BYAMS PAS DAM BCAS PA'I GZUNGS, SNAR THANG BRGYA RTZA, LAM GYI GTZO BO RNAM GSUM

, ,GYI 'GREL PA RJE RANG NYID KYIS MDZAD PA, BKA' DRIN GSOL 'DEBS, BKRA SHIS LHUN PO'I PAR DU 'KHOD PA'I CHOS SPYOD RAB GSAL, RJE BLO BZANG CHOS RGYAN GYIS MDZAD PA'I GTOR MA'I SKOR RNAMS PHAL CHER BCAS RIM GYIS GSAN, YANG RJE RIN PO CHES MDZAD PA'I LAM RIM CHUNG BA, RJE RIN PO CHE DANG BLA MA DBU MA PA LA RJE BTZUN 'JAM PA'I DBYANGS KYIS GNANG BA 'JAM DBYANGS CHOS SKOR ZHES GRAGS PA THUN MONG MA YIN PA'I ZAB CHOS RNAMS RIM GYIS GSAN TO,, DE NAS RJE ZHAL SNGA NAS 'JAM DBYANGS CHOS 'PHEL BA'I DRUNG DU BYANG CHUB LAM GYI RIM PA'I ZAB KHRID YONGS SU RDZOGS PA GSAN ZHING CHOS BKA' GZHAN YANG MANG DU GSAN NO, ,DE NAS SNAR THANG BYANG CHEN DU ZHABS DRUNG RIN PO CHE BLO BZANG 'PHRIN LAS KYI DRUNG DU PHEBS TE SGO GSUM GUS PA CHEN POS ZHABS LA GTUGS SHING, DUS GSUM GYI RGYAL BA THAMS CAD KYI BGROD PA GCIG PA'I LAM PO CHE, GSUNG RAB THAMS CAD KYI SNYING PO'I DON SHING RTA CHEN PO GNYIS KYI BZHED SROL ,DPAL LTA CIG 'DI BAm KA RA'I MAN NGAG CHOS KYI RGYAL PO TZONG KHA PA CHEN PO'I THUGS KYI BCUD PHYUNG BA BYANG CHUB LAM GYI RIM PA'I DMAR KHRID MAN NGAG GI CHA LAG YONGS SU RDZOGS PA GNANG DGOS ZHES LUS LONGS SPYOD THAMS CAD LTOS PA MED PAR PHUL TE GSOL BA SHUGS DRAG TU 'DEBS PAR MDZAD PA NA ZHABS DRUNG RIN PO CHES KYANG GANG ZAG DAM PA ZHIG YIN PAR DGONGS NAS THUGS DGYES PA CHEN POS ZHAL GYIS BZHES TE, BYANG CHUB LAM GYI RIM PA'I SNGON 'GRO, DNGOS GZHI, RJES KYI

DMIGS SKOR THAMS CAD DPAL DBEN SA PA CHEN PO'I MAN NGAG GIS BRGYAN NAS ZLA SBREL GYI BAR LA SHIN TU RGYAS PAR GNANG ,DE'I TSE DMIGS SKOR RE RE NAS TSIG BLO LA BZUNG ZHING DON LA DPYAD SGOM DANG 'JOG SGOM GNYIS KYI SGO NAS DMIGS RNAM SKYONG BA LA SHIN TU 'GRUS PAR MDZAD, THA NA BLA MAS GNANG BA'I TSIG ZUR PHRA MO TSUN CHAD NYAMS PA MED PAR THUGS LA BZUNG STE CHOS GSAN PA'I KUN SLONG KUN SPYOD THAMS CAD RNAM PAR DAG CING MTSAN NYID THAMS CAD TSANG BA BYANG CHUB SEMS DPA' GZHON NU NOR BZANG RJE BTZUN BYAMS PA MGON PO'I DRUNG DU THEG PA CHEN PO'I CHOS GSAN PA CI 'DRA BA DE 'DRAR MDZAD PAS ZHABS DRUNG RIN PO CHE YANG THUGS SHIN TU MNYES SHING MAN NGAG GI GNAD MTHA' DAG DANG, KHYAD PAR RJE BTZUN TZONG KHA PA CHEN POS MGON PO 'JAM PA'I DBYANGS LA GSOL BA SHUGS DRAG TU BTAB STE, DKA' BA BRGYA PHRAG DU MA'I SGO NAS RGYAL PA'I DGONGS PA'I SNYING PO ZAB MO DBU MA'I LTA BA JI LTAR RNYED PA DE NYID KYI MAN NGAG RNAMS BUM PA GANG BYA'I TSUL DU GNANG BAR MDZAD PAS BKA' DRIN ZLA MED DU GYUR CING RIGS KYI COD PAN DU 'DZIN PAR MDZAD DO, ,DE'I TSE BLA MA NYID KYI THUGS RAB TU TSIMS SHING RGYA MTSOR ZHUGS PA'I DED DPON GYIS YID BZHIN GYI NOR BU RNYED PA LTAR, RING NAS SMON PA'I DON RGYAL BA'I GSUNG RAB THAMS CAD GANG ZAG GCIG GI NYAMS LEN GYI RIM PAR BSGRIGS PA BYANG CHUB LAM GYI RIM PA'I GNAD MTHA' DAG THUGS SU CHUD, DE'I NANG NAS KYANG, ZAB ZHI SPROS BRAL

, ,'OD GSAL 'DUS MA BYAS, ,BDUD RTZI LTA BU'I CHOS SHIG KHO BOS RNYED, ,SU LA BSTAN KYANG GO BAR MI NUS PAS, ,MI SMRA NAGS KYI TSAL DU GNAS PAR BYA, ,ZHES GSUNGS PA LTAR, SHIN TU RTOGS DKA' ZHING MA RTOGS NA MDO SNGAGS GANG GI SKABS SU YANG LAM GYI SROG MI RNYED PA SNGON DUS KYI BSHES GNYEN DAM PA RIG GNAS RGYA MTSO LTA BU LA SBYANGS SHING ,TSE 'DI'I BUN LONG BLOS BTANG STE DBEN PA'I GNAS SU TSE DANG SGRUB PA SNYOMS PAR MJAD PA DU MAS KYANG SHIN TU RTOGS DKA' BAR BYUNG PA, SHER PHYIN GYI MDO SDE RIN PO CHE'I SNYING PO'I DON SNANG BAS YOD MTHA' SEL ZHING STONG PAS MED MTHA' SEL BA, RTEN 'BYUNG STONG PA'I DON DANG STONG PA RTEN 'BYUNG GI DON DU 'CHAR BA, RGYAL BA SRAS DANG BCAS PA THAMS CAD KYIS KUN NAS BSNGAGS PA'I GNAS ZAB MO DBU MA'I LTA BA PHU THAG CHOD PA THUGS LA 'KHRUNGS PAS THUGS RAB TU TSIMS SHING ,BLA MA'I YON TAN DANG BKA' DRIN DRAN PA'I DAD BA DANG GUS PA, NYAM CHUNG RMONGS PA'I 'GRO LA BRTZE BA, STON PA THUGS RJE CAN DE LA SHES NAS DAD PA 'PHEL BA, SHING RTA CHEN PO SPYI DANG, KHYAD PAR CHOS KYI RGYAL PO TZONG KHA PA CHEN PO'I BKA' DRIN DRAN TE GUS PAS GSOL BA 'DEBS PA SOGS NYAMS RTOGS KYI YON TAN MTHA' YAS PA ZHIG THUGS LA SPUNGS PA BZHIN DU 'KHRUNGS PAR GYUR TO, ,DON 'DI LA DGONGS NAS ZHABS DRUNG LHA PA SPRUL SKU RIN PO CHE BLO BZANG 'PHRIN LAS LA ,SKU MTHONG BAS DAD PA'I SPU LONG G-YOS, ,GSUNG THOS PAS

LTA NGAN BRAG RI 'JOMS, ,THUGS BRTZE BAS 'GRO KUN BU BZHIN GZIGS, ,SKYABS KUN 'DUS BLO BZANG 'PHRIN LAS RGYAL, ,ZHES BSTOD BA MDZAD DO, ,DE SKABS LAM RIM GYI BRGYUD 'DEBS SU BCUG CHOG PA'I GSOL 'DEBS SHIG KYANG ZHABS DRUNG RIN PO CHE RANG NYID NAS MDZAD PA ZHIG DGOS TSUL ZHUS PAR, BLO BZANG THUGS RJE'I YE SHES 'OD STONG GIS, ,GANG GI BLO GROS PADMO KHA PHYE NAS, ,SKAL LDAN 'PHRIN LAS SBRANG RTZI'I DGA' STON CAN, ,YONGS 'DZIN DAM PA'I ZHABS LA GSOL BA 'DEBS, ,ZHES PA 'DI YANG ZHABS DRUNG RIN PO CHE NYID KYIS MDZAD PA YIN NO, ,DE NAS LAM GYI RIM PA'I RGYAB CHOS SAM KHUNGS MTHAR THUG PA BRGYAD STONG PA'I LUNG YANG LEGS PAR ZHUS, GZHAN YANG THOG MA'I BLO SBYONG, SPYAN SNGA BA'I LAM RIM GZHAN PHAN SNYING PO, BSLAB PA KUN LAS BTUS, SBYOD 'JUG, BYANGS, MDO SDE RGYAN, TSOMS, SKYES RABS SO BZHI PA, DBU MA RTZA BA SHES RAB, DPE CHOS RIN CHEN SPUNGS PA LCE SGOM PAS SDEBS PA, JO BO'I CHOS CHUNG BRGYA RTZA, RJE MI LA'I RNAM THAR MGUR 'BUM, BLO SBYONG DPAL YE MA, RJE THAMS CAD MKHYEN PAS MDZAD PA'I LAM RIM CHE BA, LAM RIM CHUNG BA, RJE'I GSUNG THOR BU, RNAM BSHAD DGONGS PA RAB GSAL, SNGAGS RIM CHEN MO, RJE NAM MKHA' DPAL GYIS MDZAD PA'I BLO SBYONG DON BDUN MA'I RNAM BSHAD NYI MA'I 'OD ZER, RJE BLO BZANG 'PHRIN LAS RANG NYID KYIS MDZAD PA'I RTEN 'BREL GYI CHOS SKOR, DES MDZAD PA'I LAM RIM GYI KHRID GZHAN PHAN SNYING PO, ,RGYAL DBANG THAMS CAD MKHYEN PAS MDZAD PA'I LAM GTZO'I 'GREL PA DANG MCHAN BU

, ,GNYIS SOGS KYI LUNG DANG, MGON PO CHEN BCU GSUM GYI RJES GNANG SOGS CHOS BKA' DPAG TU MED PA GSAN NO, ,DE NAS BKA' GDAMS GONG MA'I LKOG CHOS BDAG PAS GZHAN GCES PA'I BYANG CHUB KYI SEMS SBYONG BA'I MAN NGAG BLO SBYONG DON BDUN MA'I SKOR RNAMS GSAN PAR BZHED NAS NU MA CHOS LUNG DU PHEBS NAS GRUB PA'I DBANG PHYUG CHOS RGYA MTSO BA LA BLO SBYONG DON BDUN MA'I KHRID RGYAL SRAS DNGUL CHU CHOS RDZONG PA'I YIG CHA'I STENG NAS LEGS PAR GSAN, GZHAN YANG BLA MA 'DI'I ZHABS DRUNG DU CHOS MANG DU GSAN TO, ,DE NAS RI KHROD 'DZIN PA'I BSHES GNYEN DAM PA BLO BZANG TSE DBANG GI ZHABS DRUNG DU RGYAL BA DBEN SA BA'I BKA' 'BUM SOGS CHOS MANG DU GSAN, DE NAS 'DUL 'DZIN STOBS LDAN RGYA MTSO'I DRUNG DU BLO SBYONG LEGS BSHAD KUN 'DUS SOGS CHOS MANG DU GSAN, DE NAS RDO RJE 'DZIN PA BLO BZANG RIG GROL GYI ZHABS DRUNG DU BCU GCIG ZHAL GYI DBANG CHEN SOGS CHOS MANG DU GSAN, DE NAS BLA MA NYID DGUNG LO NYI SHU RTZA DGU LA BAB BA NA DBEN GNAS BYANG CHEN DU DRIN CAN RTZA BA'I BLA MA ZHABS DRUNG RIN PO CHE'I SKU MDUN DU PHEBS TE, SMYUNG BAR GNAS PA'I SDOM PA'I BKA' DRIN ZHUS TE SA PHO STAG GI LO CHO 'PHRUL ZLA BA'I TSES BDUN LA SBYOR BA DANG, BRGYAD LA DNGOS GZHI'I GSO SBYONG GI SDOM PA BZHES PA MDZAD CING, SMYUNG GNAS KYI CHOG PHYAG LEN SOGS MTHA' DAG ZHIB PA RE GSAN NAS, PHYIS SKU NA MTHON POR GYUR BA NA YANG SMYUNG GNAS LA THUGS BRTZON CHER MDZAD KYIN YOD PA NI, SPYIR BSAG

SBYANGS LA SHIN TU GAL CHE BA YIN PA DANG, LHAG PAR ZHABS DRUNG RIN PO CHE NAS THOB PAS BYIN RLABS KYI TSAN KE CHE BA LA DGONGS PA YIN NAM SNYAM MO, ,DE NAS SNGAR LTAR GZHUNG LUGS RNAMS LA SBYONG BA'I MU NAS NANG DU NYAMS LEN LA GZHOL BAR MDZAD CING, LHAG PAR BDAG 'DZIN 'DUL BA'I MAN NGAG SHIN TU ZAB PA MA CIG GI GCOD SKOR LA THUGS BZHED CHE BAR GYUR TE, RJE ZHAL SNGA NAS BLO BZANG RIG GROL LA NAM MKHA' SGO 'BYED KYI DBANG DANG GCOD KYI GDAMS PA GSAN ZHING; BYA BTANG 'PHRIN LAS CHOS 'PHEL LA YANG NAM MKHA' SGO 'BYED KYI DBANG DANG GCOD KYI DMIGS SKOR RNAMS MTHIL PHYIN PAR GSAN NAS MNGON CHUNG GI SGO NAS THUGS NYAMS SU BZHES, BYANG CHUB LAM GYI RIM PA DANG GCOD GNYIS ZUNG DU SBREL NAS NYAMS LEN LA SHIN TU 'GRUS PAR MDZAD PAS GCOD KYI LHONGS MANG DU BYUNG ZHING, LHAG PAR DGONG GCIG SROD KYI CHA LA GCOD KYI DMIGS SKOR LA GNAD DU BSNUN PA'I TSE GLO BUR DU 'BRUG SGRA DRAG PO BSGRAGS SHING THOG NYE SKOR DU BABS PAS MI DANG BONG BU MANG PO BRGYAL BA DANG, LHAG PAR GRANG MO CHE BA'I GRVA PA GCIG THOG GZER GYIS GSHEGS PA BYUNG YANG NYID LA NI GNOD PA GANG YANG MA BYUNG ZHES BLA MA NYID KYI ZHAL LAS DNGOS SU THOS SO; ;DE NAS ME PHO KHYI'I LO ZLA BA BDUN PA'I TSES BCU GSUM GYI NYIN GZIM CHUNG YID DGA' CHOS 'DZIN DU LHAR BCAS 'GRO BA'I BLA MA DON GYI SLAD DU MCHEN NAS SMOS TE MKHAN PO RIN PO CHE RJE BTZUN BLO BZANG YE SHES DPAL BZANG BOS

, ,MKHAN SLOB SBRAGS MA DANG, KHA SKONG BA'I DGE 'DUN GRANGS TSANG BA DANG BCAS PA'I DBUS SU BSNYEN PAR RDZOGS PA DGE SLONG GI SDOM PA LEGS PAR BZHES SO, ,BSNYEN RDZOGS BZHES NAS DGE SLONG GI BCAS MTSAMS THAMS CAD PHRA ZHING ZHIB PAR BSRUNG BAR MDZAD DE, LTUNG BA SDE LNGA SO SO'I SRUNG MTSAMS LEGS BAR ZIN PAR MDZAD, 'TSE BA'I YO BYAD DANG MKHO BA'I YO BYAD 'CHANG LUGS, BYIN LEN BYA TSUL, NUB LHAG GCOD PA, RUNG CHU 'DEBS PA SOGS 'DUL BA'I BCAS MTSAMS PHRA MO ZHIG YAN CHAD THAMS CAD PHYAG LEN LA CI THEBS MDZAD CING, CUNG ZAD 'DAS NA YANG DE MA THAG PHYIR BCOS PA'I THABS LA BRTZON PAR MDZAD DO, ,DE LTAR GZHUNG LUGS CHEN MO RNAMS LA SBYANGS SHING BYANG CHUB LAM GYI RIM PA'I NYAMS LEN LA BRTZON PAR MDZAD PAS, LAM THUN MONG BA'I STENG DU GSANG SNGAGS KYI LAM GYI BSNON PA BTAB NAS TSE GCIG NYID LA SEMS CAN THAMS CAD KYI DON DU SANGS RGYAS KYI GO 'PHANG BSGRUB DGOS PAR GZIGS NAS GSANG SNGAGS LA 'JUG 'DOD SHUGS DRAG PO THUGS LA 'KHRUNGS PA NA, GSANG SNGAGS KYI LAM GYI RTZA BA DANG 'JUG SGO NI DBANG DANG DAM TSIG YIN PAR GZIGS NAS RDO RJE 'CHANG CHEN PO RJE BTZUN BLO BZANG YE SHES KYI ZHABS DRUNG DU DPAL GSANG BA 'DUS PA'I DBANG BZHI YONGS SU RDZOGS PA, 'KHOR LO SDOM PA'I DBANG BZHI YONGS SU RDZOGS PA, RDO RJE 'JIGS BYED KYI DBANG BZHI YONGS SU RDZOGS PA, MI 'KHRUGS PA'I DBANG CHEN, TSE DPAG MED LHA DGU'I DBANG RNAMS

GSAN ZHING, GZHAN YANG RGYUD SDE BZHI'I LHA MANG BO'I RJES GNANG DANG BZLAS LUNG, SGRUB THABS MANG BO'I LUNG BCAS CHOS BKA' MTHA' YAS PA GSAN PAS ZHABS DRUNG RIN PO CHE DANG, RJE 'DI GNYIS NI RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE NAS RJE ZHAL SNGA NAS BLO BZANG RIG GROL LA BDE MCHOG GI DBANG CHEN, 'JIGS BYED KYI SNGAGS BTU, 'JAM DBYANGS NAG PO'I RJES GNANG, GDUGS DKAR GYI DBANG, CHOS RGYAL PHYI NANG GSANG GSUM GYI RJES GNANG SOGS DBANG DANG RJES GNANG MANG DU GSAN, LHAG PAR GSANG SNGAGS KYI LAM RIM PA GNYIS KYI DMAR KHRID GNANG DGOS TSUL GSOL BA BTAB PAS DGYES BZHIN DU YI DAM RDO RJE 'JIGS BYED KYI BSKYED RDZOGS GNYIS KA'I ZAB KHRID, RGYAL BA DBEN SA BA NAS BRGYUD PA'I 'PHO BA SHIN TU ZAB PA'I KHRID, LAM GYI LUS RDZOGS PA'I BLA MA'I RNAL 'BYOR GYI ZAB KHRID RNAMS LEGS PAR GSAN ZHING DMIGS SKOR GYI GNAD THAMS CAD LA SHIN TU ZHIB PAR DPYAD NAS GCIG PUR SGRUB PA MDZAD PA'I TSE GZHAN LA 'DRI MI DGOS PA'I GDENG THOB PAR MDZAD DO, ,DE NAS RDO RJE 'DZIN PA LHUN GRUB RGYA MTSO'I ZHABS DRUNG DU, 'JIGS BYED KYI DBANG CHEN, 'JAM DBYANGS BZHAD PAS MDZAD PA'I 'JIGS BYED KYI BSKYED RDZOGS GNYIS KYI LUNG, DBYANGS CAN MA'I SGRUB THABS, BDE MCHOG DRIL BU LHA LNGA'I DBANG CHEN, 'OD DPAG MED LA BRTEN BA'I TSE SGRUB SOGS CHOS BKA' MTHA' YAS PA GSAN TO, ,DE NAS BSHES GNYEN DAM PA BLO BZANG TSE DBANG GZHIBS DRUNG DU BDE MCHOG BDE CHEN

, ,GSAL BA, GSANG 'DUS YIG CHUNG NYER GCIG, MKHAS GRUB RIN PO CHE'I BKA' 'BUM THOR BU, BSKYED RIM DNGOS GRUB RGYA MTSO, ,BDE CHEN ROL MTSO, MGON PO'I BE'U BUM YONGS RDZOGS, SKYID SHOD BKA' 'BUM GRAS NAS RJES GNANG GI SKOR KHA SHAS, SANGS RGYAS BKA' 'BUM, RJE GONG MA'I GSUNG 'BUM BKA' RGYA MA'I SKOR, CHOS SKYONG YONGS RDZOGS KYI BSKANG GSO'I SKOR, MDO PHRAN KHA SHAS BCAS KYI LUNG, 'JIGS BYED KYI BSKYED RDZOGS KYI SKOR, GCOD GZHUNG GI KHRID, LAM RIM GYI KHRID DANG LUNG, BLA MA MCHOD PA'I KHRID, PHYAG CHEN GYI KHRID, SPYOD 'JUG DAR t'IKA GI LUNG, STONG MTHUN SKAL BZANG MIG 'BYED KYI LUNG, PO TO BA'I CHIG LAB RING MO'I LUNG, BCUD LEN GYI SKOR RNAM GRANGS MANG PO DANG, SGRUB THABS LAS TSOGS KYI SKOR MANG PO'I LUNG DANG LAG KHRID BCAS CHOS BKA' MTHA' YAS PA GSAN TO, ,YANG GRUB DBANG CHOS RGYA MTSO'I ZHABS DRUNG DU BKA' GDAMS BE'U BUM SNGON PO'I LUNG ,PHYAG CHEN GYI KHRID, BLO SBYONG LAM RIM GYI SKOR SOGS CHOS BKA' MTHA' YAS PA GSAN, DE NAS 'DUL 'DZIN DKON MCHOG GI ZHABS DRUNG DU PHYAG CHEN GYI KHRID, N'A RO CHOS DRUG GI KHRID, BLO SBYONG GI DMAR KHRID SOGS CHOS BKA' MANG DU GSAN, DE NAS DBEN SA CHOS KYI PHO BRANG DU RAB 'BYAMS SMA BA RJE DRUNG LAGS KYI ZHABS DRUNG DU PHEBS NAS CHOS 'BREL ZHIG MDZAD, BYA BTANG 'PHRIN LAS CHOS 'PHEL GYI ZHABS DRUNG DU PHEBS NAS RGYAL SRAS BKA' 'BUM, BKA' GDAMS

THOR BU, GZHI GSUM CHOG, DPAL GSANG BA 'DUS PA'I RTZA RGYUD YONGS RDZOGS, DPAL GSANG BA 'DUS PA'I CHO GA CHA LAG DANG BCAS PA TSANG MA, MDO MANG GI GNANG NAS LUNG RGYUN MA BZHUGS PA KHA SHAS MA GTOGS YONGS RDZOGS KYI LUNG SOGS MDO SNGAGS KYI LUNG MTHA' YAS PA GSAN ZHING, DGA' LDAN PHYAG RGYA CHEN PO'I ZAB KHRID SNGON 'GRO'I MAN NGAG ZHAL SHES DANG BCAS PA ,GCOD GZHUNG THAR 'DOD DAD DPON MA'I ZAB KHRID MAN NGAG ZHAL SHES DANG BCAS PA LEGS PAR GSAN PAS BLA MA 'DI BKA' DRIN CHE BA ZHIG TU MDZAD DO, ,DE LTAR BLA MA BDAG NYID CHEN PO 'DI THOS PA RGYA MTSO'I GTER DU GYUR NAS DON GNYER CAN GYI BLO GSAL BA MANG PO LA'ANG RTZI SHAG GTONG BA DANG RIGS LAM SLOB PA SOGS KYANG MDZAD DGOS PA BYUNG ZHING, DE DAG GI TSE THUGS BSAM LA 'DI LTA BU DAG 'KHRUNGS PAR GYUR TE, MDO RGYUD BSTAN BCOS THAMS CAD NAS DBEN PAR SGRUB PA SNYING POR BYED PA LA RGYA CHER BSNGAGS SHING, SNGON BYON DAM PA THAMS CAD KYIS KYANG TSE 'DI BLOS BTANG STE DBEN PA'I GNAS RNAMS SU SGRUB PA MDZAD PA SHA STAG YIN PAS, BDAG KYANG THOS PA'I DON RNAMS LA DBEN PA'I GNAS RNAMS SU SGRUB BA SNYING POR BYED PA ZHIG MA BYUNG NA THOS BA TZAM GYIS NYON MONGS 'JOMS MI NUS SHING, GONG MA'I YON TAN KHYAD BAR CAN RNAMS MI THOB PAS DAL 'BYOR GYI RTEN BZANG PO 'DI 'DRA THOB NAS SNYING PO MA LON PAR SHIN NI DBUL POS YID BZHIN GYI NOR BU RNYED BA DON MA GRUB PAR STOR PA DANG KHYAD MED PAS

, ,SHIN TU PHANGS SO SNYAM DU NGES 'BYUNG DRAG POS BSKUL NAS TSE 'DI BLOS BTANG STE DBEN PA'I GNAS SU TSE DANG SGRUB PA MNYAM PA ZHIG BYED PA'I THUGS 'DUN NAR MAR YOD PA'I THOG ,DE SKABS THOS BSAM GLING ZHAL SNGA NAS DAM CHOS RGYAL MTSAN ZUR BZHUGS MDZAD NAS, RJE ZHAL SNGA NAS DPAL LDAN YE SHES KHRI THOG NA PHEBS YOD PA DES THUGS GZIGS SHIN TU CHE BAS SPYAN GYI 'BRAS BU LTAR BSKYANGS SHING, LHAG PAR BLA MA 'DI NYID LUGS GNYIS KA LA MKHYEN PA CHE ZHING THUGS KYI GTING DPAG PAR DKA' BA ZHIG YOD PA'I STABS KYIS, RJE ZHAL SNGA NAS KYIS LUGS GNYIS KYI BYA BYED GANG LA'ANG YANG YANG BOD BAR MDZAD PAS THUGS DAM LA GNOD PAR GYUR NAS THUGS SHIN TU SUN BAR BYUNG ZHING, DE'I KHAR MI CHOS KYI SKU MCHED DANG SKU TSA RNAMS KYANG YANG YANG SHING 'TSONG LA YONGS PAS THUGS GTING NAS SUN TE, KYE MA BDAG RAB TU BYUNG NAS KHYIM PA DANG BSRE BSLAD 'DI LTAR CHE BA NI SHIN TU MA LEGS PAS, DA NI NGES PAR YUL THAG RING ZHIG TU 'GRO BAR BYA'O SNYAM DU DGONGS NAS DBUS PHYOGS SU 'BYON PA'I ZLA GROGS BTZAL ZHING, NYID KYI ZHABS PHYI DRUNG RAM PA BLO BZANG RAB BRTAN LA YO BYAD RNAMS 'BOGS PA DANG 'DI LTAR GYIS ZHAL TA YANG GNANG, SOG BTZUN DGE PHRUG MANG DU YOD PA RNAMS LA YANG SO SOR ZHAL TA GNANG NAS RJE ZHAL SNGA NAS DPAL LDAN YE SHES LA DGONGS PA NAN GYIS ZHUS TE TSE 'DI SNANG GI GNYEN NYE GROGS GRVA SLOB MCHED GROGS NOR LONGS

SPYOD RANG YUL GRVA SA DANG BCAS PA GANG LA YANG CHAGS ZHEN MED PAR ZLA GROGS JO STAN PA ZHIG DANG BSDEBS NAS DBUS PHYOGS LA PHEBS SO, ,RIM GYIS BYON PAS CHOS 'KHOR LHA SAR PHEBS TE JO BO SH'AKYA MU NE DANG 'PHAGS MCHOG RANG BYUNG LNGA LDAN SOGS MJAL NAS CI 'BYOR PA'I MCHOD PA PHUL TE SMON LAM MANG DU 'DEBS PAR MDZAD CING JO BO RIN PO CHE'I SKU MDUN DU THUGS BSKYED KYANG MDZAD SNANG NGO, ,DE MTHUN RA MO CHE'I JO BOR YANG PHYAG DANG SKOR BA SMON LAM SOGS MANG DU MDZAD, GNAS CHEN PO TA LAR PHEBS NAS PAD DKAR 'DZIN PA NGAG DBANG YE SHES RGYA MTSO ZHAL MJAL ZHING ,MCHOD MJAL YANG ZHIG TU MDZAD, DE NAS GRUB PA'I GNAS MCHOG PHA BONG KHAR PHEBS NAS GNANG 'BREL MDZAD CING DE'I BLA MA LA CHOS 'BREL ZHIG KYANG ZHU BAR MDZAD, DE NAS BKRA SHIS CHOS GLING DU PHEBS NAS GNAS 'BREL DANG CHOS 'BREL SOGS MDZAD, DE NAS PHUR BU LCOG TU PHEBS NAS RJE GRUB PA'I DBANG PHYUG DGE LEGS RGYA MTSO'I ZHAL DKYIL MJAL ZHING BYIN RLABS ZHUS ,DAM PA'I CHOS MANG DU GNANG DGOS PA'I GSOL BA BTAB PA'I TSE, DGYES BZHIN ZHAL GYIS BZHES NAS GCOD STAN THOG GCIG MA'I ZAB KHRID DANG DPA' BO G-YUL 'JUG MA'I KHRID GNANG BA LEGS PAR GSAN, GZHAN YANG 'PHO BA'I RNAM GRANGS MANG PO DANG BCUD LEN GYI SKOR, BLA MA'I RNAL 'BYOR SOGS CHOS MANG DU GSAN, DE NAS MKHAR RDOR PHEBS NAS RJE BZOD PA RGYA MTSO MJAL ZHING CHOS 'BREL

, ,YAR KHA SHAS GSAN, DE GAR ZLA BA LHAG TZAM BZHUGS NAS SGRUB PA LA BRTZON PAR MDZAD CING, GTZO CHER DER BZHUGS RING BCUD LEN SBYONG BAR MDZAD DO, ,DE NAS RIM GYIS YER PA DANG GSANG SNGAGS MKHAR SOGS LAM BAR GYI GNAS RNAMS MJAL ZHING RI BO DGE LDAN DU PHEBS NAS GSER GDUNG RIN PO CHE'I SKU MDUN DU DNGOS BSHAMS YID SPRUL GYI MCHOD TSOGS PHUL TE 'DI PHYIR DGE BA'I SMON LAM MKHO THAG CHOD PA 'DEBS PAR MDZAD CING ZHABS SKYOR YANG MANG DU GNANG, DE NAS RIM GYIS BKA' GDAMS GONG MA'I GNAS RNAMS MJAL ZHING RA SGRENG RGYAL BA'I DBEN GNAS SU PHEBS DNGOS BSHAMS YID SPRUL GYI MCHOD TSOGS PHUL NAS SMON LAM 'DEBS PAR MDZAD CING ZHABS SKAR YANG MANG DU GNANG, GNAS DE BKA' GDAMS GLEGS BAM LAS 'BYUNG BA LTAR SHIN TU BAG PHEBS SHING NYAMS DGA' BA DANG, JO BO YAB SRAS KYIS BYIN PHYIS BRLABS PA'I GNAS YIN PA DANG, RJE THAMS CAD MKHYEN PAS KYANG BYIN GYIS BRLABS PA'I GNAS YIN PAS GNAS DER SGRUB PA MDZAD PA LA THUGS SPRO BAR GYUR NAS RA SGRENG YANG DGON GYI BRAG SENG GE'I ZHOL ZHES BYA BA SNGON RJE THAMS CAD MKHYEN PAS YUN RING BZHUGS SHING LAM RIM CHEN MO'I RTZOM PA SOGS MDZAD PA'I GNAS BYIN RLABS CAN DER THUGS PHAB NAS GCIG PU GNYIS SU MED PAR SGRUB PA LA BRTZON PAR BZHUGS SO, ,DE'I TSE 'TSO CHAS SHIN TU BKREN PA YOD KYANG NANG DU NYAMS LEN LA BOGS SHIN TU CHE BA BYUNG STE, DE YANG

BLA MA NYID KYI ZHAL NAS, DE SKABS NGA LA YO BYAD GZHAN SHIN TU DKON PA YOD KYANG, SKU ZHABS RIN PO CHE NAS GSOL RAS SU GNANG BA'I BZANG JA CUNG ZAD CIG YOD PAR JA DANG TSA GNYIS MANG NYUNG MNYAM PAR BTAGS NAS SKOL BA PHOR PA GANG RO DO RE 'THUNG GI NA YOD PA YIN TE SHIN TU ZHIM PA RIG PA DVANGS SHING DGE SBYOR LA YAR SKYED TSE BAR BYUNG, DE BLA MA'I BYIN RLABS SHIG GIS YIN PA 'DRA ZHES GSUNG NGO, ,DE NAS GNAS DER YUN RING SONG BA NA BZHUGS LUGS DANG MDZAD PHA BZANG PO GZHAN DANG MA 'DRA BA'I STABS KYIS YANG DGON RI KHRAD DU BZHUGS PA RNAMS KYIS DAD GUS CHEN PO BYAS SHING, RIM GYIS RA SGRENG PHYOGS KYI BYANG 'BROG RNAMS KYIS DAD GUS CHEN POS 'TSO BA'I MTHUN RKYEN 'BUL MI YANG MANG DU BYUNG BA NA THUGS LA DA PHYOGS 'DIR YANG YUN RING NA 'DOD YON GYI DBANG DU 'GRO BA 'DUG CING, DE LTAR NA RANG YUL GRVA SA DANG BCAS PA BLOS BTANG NAS GZHAN GYI YUL DU RNAM G-YENG 'PHEL BA NI, MKHAS GRUB RIN PO CHES, RANG YUL NYE DU LONGS SPYOD KUN BOR NAS, ,RTZE GCIG DAM CHOS SGRUB PAR DAM BCAS TE, ,GZHAN GYI YUL DU RNAM G-YENG 'DU 'DZI YIS, ,DAL 'BYOR DON MED BYED BA SMYON PA YIN, ,ZHES GSUNGS PA LTAR, SHIN TU MA LEGS PAS DA NI DBEN GNAS GZHAN ZHIG TU 'GRO DGOS SNYAM DU DGONGS PA NA, TZVA RIR 'BYON PAR BZHED NAS ZLA GROGS SRAD PA BLO BZANG NOR BU DANG BSDEBS NAS TZVA RI'I GNAS LA PHEBS, RIM GYIS KONG PO'I YUL LA BSOD SNYOMS MDZAD CING TZVA RIR BYON NAS GNAS

, ,MJAL DANG SMON LAM MDZAD, DE'I TSE YUL DE'I MI RNAMS MTHUN BSNGABS KYIS GNAS MJAL DU YONGS NAS GNAS RNAMS SU GLU GZHAS KYI MCHOD PA BYED PA'I SROL YOD 'DUG PA, DE SKABS BLA MA NYID GCOD KYI NYAMS LEN LA SHIN TU 'GRUS PAR MDZAD PA'I SKABS YIN PAS GNAS RNAMS SU GCOD KYI NYAMS LEN MDZAD CING NYAMS DBYANGS MANG PO 'THON PAR MDZAD PA'I TSE, GSUNG TSANGS PA'I DBYANGS LTAR SNYAN ZHING GANG GI RNA BA'I LAM DU SONG BA THAMS CAD YID GTING NAS 'GYUR BA ZHIG YOD PA'I STOBS KYIS, PHYOGS DE'I SKYE BO RNAMS KYIS GSUNG GI GDANGS THOS PA'I MOD LA GTZANG PA DGE SLONG GI MGUR MNYAN DU 'GRO ZHES RANG RANG GI GLU DANG GZHAS BYED 'PHRO BTANG STE BLA MA NYID KYI NYE SKOR DU THAMS CAD 'DUS PA YANG BYUNG 'DUG GO ,GNAS GZIGS LA 'BYON PA'I LAM 'PHRAD ZHIG TU 'BRAS SBUNGS KYI GRVA PA MTSAN NYID LA MKHAS PAR GRAGS PA 'BYOR PA CAN ZHIG BRAG 'PHRANG ZHIG LA G-YANG DU LHUNG BAR PHYOGS PA NA, MI 'DI DANG 'DI LA BA'I NOR 'DI DANG 'DI YOD DO ZHES NOR LA CHAGS PA'I CHO DE CHEN PO 'DON PA ZHIG GZIGS PAS, SPYIR 'KHOR BA'I CHOS GANG LA'ANG SNYING PO MED PA DANG, LHAG PAR ZANG ZING GI NOR LA CHAGS PA NI 'DI LTAR PHUNG BAR BYED PA'O SNYAM DU THUGS LA SKYO SHAS SHIN TU CHE BA 'KHRUNGS SHING, DES RKYEN BYAS NAS 'KHOR BA MTHA' DAG LA ZHEN PA LOG PA'I NGES 'BYUNG DANG, BYANG CHUB KYI SEMS SOGS NYAMS RTOGS RNAMS CHES CHER 'PHEL BAR GYUR,

DUS PHYIS KYANG DE SKABS GRVA PA DE'I NGANG TSUL MTHONG BA DE LAS SEMS PA PHAN PA MA BYUNG ZHES YANG YANG GSUNG NGO, ,TZVA RI'I GNAS GZIGS GRUB NAS RIM GYIS 'OL KHA DANG 'PHYONG RGYAS PHYOGS SU BYON NAS, YAB RJE THAMS CAD MKHYEN PA 'KHOR DAG PA RNAM BRGYAD DANG BCAS PAS PHYOGS DER ZHABS KYIS BCAGS NAS SGRUB PA MDZAD PA DANG, RJE BLA MAS RJE BTZUN 'JAM DBYANGS LA SOGS PA LHAG PA'I LHA MANG PO'I ZHAL GZIGS SHING GSUNG GI GNANG BA THOB PA DANG, NYAMS RTOGS KHYAD PAR CAN 'KHRUNGS PA'I GNAS DE DANG DE DAG TU RIM GYIS PHEBS TE MAndAL PHUL NAS SMON LAM MANG DU 'DEBS PAR MDZAD, LHAG PAR RDZING PHYI'I JO BO RIN PO CHE'I SKU MDUN DU SMON LAM SHUGS DRAG TU 'DEBS PAR MDZAD, 'DI DAG GI SKABS SU BYANG CHUB LAM GYI RIM PA, ZAB LAM PHYAG RGYA CHEN PO, THABS SHES SPYOD KYI NYAMS LEN RNAMS LA SHIN TU 'GRUS PAR MDZAD, PHAL CHER ZLA GROGS KYANG MED PAR RNAL 'BYOR GYI DBANG PHYUG MI LA RAS PA BZHIN DU RDZA KHROD DANG GANGS KHROD DANG NAGS KHROD SOGS DBEN GNAS BDAG MED RNAMS SU GCIG PUR BZHUGS NAS THUGS DAM LA CHIG SGREL DU GZHOL BAR MDZAD, DE'I NANG NAS KYANG GCOD KYI NYAMS BZHES GTZO BOR MDZAD PA NI BLA MA NYID KYI ZHAL NAS, DA GNAS DE DAG TU 'GRO BA'I TSE GANG DANG GANG DU SLOB PA DE'I TSE NYAL GANG BYUNG DU BYED CING DGOR MO GCOD YAGS PO RE BTANG NAS NYAL SDOD KYIN YOD CES GSUNG, DE NI MA CIG LABS SGRON GYI ZHAL NAS, NYAL BAS CHOG PA'I CHOS SHIG YOD DE, ,KHYED BU SLOB RNAMS KYIS

, ,NYAL MI SHES, ,DES KYANG RGAN MO NGA BLO MA BDE, ,ZHES GSUNGS PA LTAR TSIG NUS PA SHIN TU CHE BA YIN PAS, STONG NYID SNYING RJE'I SNYING PO CAN LAS THUGS G-YO BA MED PAR BZHUGS KYIN YOD PA'I BRDA TZAM ZHIG BDAG LA THUGS BRTZE BAS GSUNGS PA YIN NAM SNYAM MO, ,'DI SKABS SNGA SOR TZVA RIR 'DRIS YOD PA'I 'OL KHA BA 'PHAGS PA CHOS BZANG ZHES BYA BAS SKU TSE RIL PO 'OL KHA'I SGRUB GNAS SHIG TU BZHUGS DGOS ZHABS TOG 'O MI BRGYAL BA SGRUB CES NAN GYIS GSOL BA BTAB KYANG ZHAL GYIS BZHES PA MA MDZAD DO, ,DE NAS 'PHYONG RGYAS SU PHEBS NAS GNAS MJAL ZHIB TU MDZAD CING SMON LAM BTAB, GNAS GANG BYUNG NGES MED DU BZHUGS NAS THUGS DAM LAS G-YEL BA MED PAR MDZAD, DE DAG GI TSE 'TSO CHAS HA CANG BKREN PAR GYUR TE RTZAM BSOD MDZAD PA NA, 'PHYONG RGYAS RI BO BDE CHEN GYI GRVA BDAG SNANG CHE CHE 'DRAS BSLAB BYA BYAS PA LTAR DGE BSKOS LA GNANG BA ZHUS NAS 'DU KHANG GI SGO KHANG DU BZHUGS NAS TSOGS PA LA RTZAM BSOD MDZAD PA'I TSE, DE GA'I DGE 'DUN RNAMS 'BYOR PA CHE BA DANG, DAM PA 'DI'I SKU MTHONG BA TZAM GYIS THAMS CAD DANG BA SKYES PA BCAS TSOGS PA PAL MO CHES RANG RANG GI RTZAM SNOD RNAMS KHA PHYE NAS DAM PA 'DI'I NA BZA'I STENG DU BLUGS BA NA TSOGS PA'I PHYED CEM? MA SONG BAR RTZAM KHUR LONGS PA BYUNG BAS SLONG 'PHRO BSHOL TE GANG BYUNG BA RNAMS KHYER NAS DBEN GNAS SHIG TU PHEBS TE RE ZHIG MTHUN RKYEN TSANG BA'I NGOS NAS SGRUB PA LA BRTZON PAR

MDZAD DE NAS RI BO BDE CHEN NA CHOS RJE NGAG DBANG DPAL 'BYOR ZHES BYA BA'I BSHES GNYEN DAM PA ZHIG BZHUGS YOD PA DE'I DRUNG DU BABS NAS MA nI BKA' 'BUM YONGS RDZOGS KYI LUNG DANG, THUGS RJE CHEN PO'I RJES GNANG, CHOS RGYAL SRONG BTZAN SGAM POS RGYAL BA BSOD NAMS RGYA MTSO LA DNGOS SU GNANG BA'I SPYAN RAS GZIGS KYI RJES GNANG, CHAG LO TZ'A BA NAS BRGYUD PA'I PHAG DKAR GYI RJES GNANG, DZAM NAG GI RJES GNANG, KHRO MO SME BRTZAGS KYI RJES GNANG, GONG SA LNGA PA CHEN PO'I GSUNG MANG PO'I LUNG, LHO BRAG GRUB CHEN GYI BKA' 'BUM GYI LUNG DANG, DE NAS 'BYUNG BA'I DBANG RJES GNANG KHA SHAS BCAS GSAN, DE NAS RI BO BDE CHEN BA'I GRA PA PHAL MO CHES DAG SNANG CHEN PO MDZAD CING DAM PA 'DI'I SKU'I DBYIBS GSUNG GI GDANGS MDZAD SPYOD RNAMS GZHAN DANG MI 'DRA DA MTHONG BA'I RKYEN GYIS 'DI NI GANG ZAG RANG DGA' BA ZHIG MAN PA 'DUG CES GLENG ZHING GRAGS CHE BAR BYUNG NAS, DE GA'I DBU MDZAD SOGS KYIS NANG DU BOS NAS BDAG RKYEN BZANG PO MDZAD CING, KHYOD RANG DGA' BA ZHIG MIN PA 'DUG YUL PHYOGS GANG NAS YIN, GRVA SA GANG DU BZHUGS, SLOB GNYER CI 'DRA BYAS ZHES ZHIB TU DRIS PAS, BLA MA NYID NGES 'BYUNG SHUGS DRAG PA'I STOBS KYIS RANG GI YON TAN MI BRJOD PAR MA ZAD GRVA SA 'DI NAS YIN YANG GSAL BA RANG MA GSUNGS PAR BDAG GTZANG GI GZHIS DGON ZHIG NAS YONGS PA'I SPRANG 'KHYAMS PA ZHIG YIN ZHES GSUNG BAR MDZAD, 'GA' ZHIG GIS DA DUNG ZHIB TU DRIS PA NA SNAR THANG

, ,LTA BU NAS YIN RGYU'I KHUL MDZAD NAS SPRANG RDZU RANG MDZAD KYANG, PHYOGS GANG NAS BLTAS KYANG THA MAL PA ZHIG MIN PAR 'DUG CES KUN GYIS GLENG, DE NAS RE ZHIG NA ZHABS LA BS'UNG GZHI ZHIG BYUNG BA DE JE NGAN JE NGAN LA SONG STE SKU LA BSNYUNG GZHI TSABS CHE BAR BYUNG BA'I TSE, RI BO BDE CHEN NA SMAN PA MKHAS PA ZHIG 'DUG PA DE LA PHYAG RTZA STON PAR MDZAD PAS SMAN PA DES RING ZHIG BRTAGS NAS LAG PA THAL MO SBYAR TE, NYID RANG DGA' BA ZHIG MIN PAR 'DUG BAS NGA LA GSAL BAR SHOD DGOS ZHES NAN GYIS ZHUS KYANG SPRANG 'KHYAMS BA ZHIG YIN TSUL LAS GSAL BAR GSUNG MNYAN, DE NAS SMAN PA DES NYID SPRANG 'KHYAMS PA RANG ZHIG MIN PA 'DUG GRVA SA CHEN PO ZHIG GI BLA MA'AM, SPYI MI 'AM MTHONG CHE BA ZHIG NGES PAR YIN PAR 'DUG ,BSNYUN GZHI 'DI YANG GRVA SA DE GA'I CHOS SRUNG GI 'PHRUL DU 'DUG PAS, DA NYID RANG LOG THEGS NA LEGS PA 'DUG CES SHIN TU GSAL PAR LUNG BSTAN PA ZHIG BYUNG 'DUG PAS, SMAN PA DE YANG RANG DGA' BA ZHIG MIN NAM SNYAM MO, ,SMAN PA DES DAM PA 'DI NYID LA BYANG CHUB KYI SEMS RTZA YIN PAR SHES NAS CHAB RTAGS BZHAG PA'ANG SMAN PA DES 'THUNGS ZHES THOS SO, ,DE NAS BLA MA NYID KYI THUGS LA YANG NAD 'DI MI YONG TZAM LA RMI LAM DU DPAL LDAN LHA MO'I 'TSUB KYI RNAM PA ZHIG KYANG BYUNG, SNGA SOR RJE ZHAL SNGA NAS KYI DGONGS PA GTING NAS KHROL BA RANG ZHIG MED PA DE GA'I RKYEN GYIS SMAN PAS ZER BA'ANG YIN PA SRID SNYAM DU DGONGS NAS

GTZANG PHYOGS LA 'BYON PA'I THUGS BSAM BTANG BA NA BSNYUN GZHI DE YANG RIM GYIS DVANGS PAR GYUR, DE NAS RIM GYIS BYON TE GTZANG DBUS KYI MTSAMS NA JO MO KHA RAG CES BYA BA'I GNAS CHEN ZHIG YOD BA DE LA PHEBS TE, SGRUB GNAS RNAMS MJAL BAS GNAS LA THUGS SPRO BAR GYUR TE PHUG PA ZHIG TU BZHUGS NAS SGRUB PA LA BRTZON PAR MDZAD, DE'I TSE YUL PHYOGS DE'I MI RNAMS SNGAR 'DRIS SHES GANG YANG MED PA'I STABS KYIS 'TSO BA 'BUL MI MA BYUNG ZHING GRONG DU BSOD SNYOMS LA YANG MA PHEBS PAS 'TSO CHAS SHIN TU BKREN PAR GYUR TE, ZAS RLUNG 'DZIN TZAM LA BRTEN PA'I DKA' THUB DRAG PO'I SGO NAS SGRUB PA LA SHIN TU BRTZON PAR MDZAD DO, ,'TSO CHAS SHIN TU BKREN PA'I STOBS KYIS SKU LUS NYAMS SHING SKYA BO BSENG BSENG POR GYUR KYANG NANG DU NYAMS LEN GYI 'CHAR SGO CHES CHER 'PHEL BAS THUGS LA DGA' BDE RGYAS PAR GYUR CING, SNGON BYON DAM PA RNAMS KYI RNAM THAR LTAR DBEN PA'I RI SUL DU DKA' THUB LA GNAS TE LAM CHA TSAD LA SGRUB PA SNYING POR BYAR YOD PA 'DI 'DRA NI, RGYAL BA DBEN SA BA CHEN PAS, SNGON DUS KYI MI LA RAS PA DANG, ,DA DUS KYI BLO BZANG DON GRUB LA, ,'PHRAL CHAS KYI ZAS GOS MA GTOGS PA, ,NOR DNGOS PO'I 'DZIN PAS DGOS PA MED, ,TSE GCIG LA SANGS RGYAS SGRUB PA LA, ,DE 'DRA BA'I SPYOD LA LEGS GNAS NAS, ,CHAGS SDANG SPANGS PA'I DBEN GNAS SU, ,DAL 'BYOR LA SNYING PO LEN PAR SHOG ,CES GSUNGS PA LTAR DAL BA'I RTEN

, ,LA SNYING PO LON PA YIN BAS SHIN TU SKAL BA BZANG SNYAM DU THUGS LA SPRO BA 'PHEL BAR GYUR, DON 'DI LA BLA MA NYID KYI ZHAL NAS, NGA KHA RAG DU SDOD RING DGUN THOG CIG LA RTZAM PA THANG KHUG GANG MIN PA STER MKHAN MA BYUNG, JA SHIN TU SLA BA PHOR RE POR DO RE DANG PHYE RLUNG 'DZIN TZAM RE ZOS SHING, JA LA MAR 'DEBS RGYU MED SHA'I CHIL BU CUNG ZAD RE BTAB NAS 'THUNGS, 'TSO BA SHIN TU BKREN YANG LUS BDE ZHING DGE SBYOR 'PHEL BA BYUNG ZHES ZHAL LAS DNGOS SU THOS SO, ,DE NAS DBEN SA BA CHEN PO DANG RJE BTZUN BLO BZANG CHOS KYI RGYAL MTSAN SOGS KYIS SGRUB PA MDZAD CING BYIN GYIS BRLABS PA'I GNAS CHEN BRAG RGYA RDO RJE'I PHO BRANG DU PHEBS NAS RGYAL BA G-YUNG GI SGRUB PHUG TU LAM THUN MONG BA DANG, THUN MONG MIN PA GSANG SNGAGS BLA NA MED PA'I LAM RIM PA GNYIS LA THUN BZHI'I RNAL 'BYOR MDZAD CING BZHUGS SO, ,'DI DUS GSOL CHAS RNAMS NI RJE ZHAL SNGA NAS KYIS THOS BSAM GLING NAS PHUL ZHING, DGE SLONG TSUL KHRIMS KYIS ZLA RE'I GSOL CHAS 'BUL BA SOGS KYI ZHABS PHYI BGYIS SO, ,DE LTAR THUGS DAM THUN BZHI'I RNAL 'BYOR LA CHU BO'I RGYUN BZHIN DU 'BAD PAS NGES 'BYUNG, BYANG CHUB KYI SEMS, YANG DAG PA'I LTA BA, LAM RIM PA GNYIS KYI GNAD RNAMS LA RGYAL BA DGYES PA'I NYAMS RTOGS RMAD DU BYUNG BA MTHA' YAS PA 'KHRUNGS SO, ,DE YANG BLA MA NYID KYI GSUNG TSAD MA DBANG POR GYUR PA LAS SHES TE, DE'I TSE NYAMS RTOGS GONG

'PHEL DU GYUR PA'I NYAMS MGUR BSAM LAS 'DAS PA YOD TSOD 'DUG KYANG THAMS CAD YI GER 'KHOD BA MA BYUNG ZHING, THUGS BRTZE BAS DGONGS TE CUNG ZAD CIG YI GER 'GOD PAR MDZAD PA NI 'DI LTAR, NA MO GU RU MANYDZU GHO sh'A YA ,DUS GSUM GYI SANGS RGYAS DBEN SA PA, ,GSUM LDAN GYI BLO BZANG YE SHES ZHABS, ,GUS LDAN GYI BU LA BRTZER DGONGS LA, ,BYIN RLABS KYI CHAR RGYUN DBAB TU GSOL, ,LUS SEMS GNYIS BDE BA'I NGANG NYID NAS, ,PHYOGS MED KYI RGYAL KHAMS MYUL MYUL BA'I, ,GU YANGS KYI SPRANG PO YAN PA NGA, ,NYAMS DGA' BA'I GLU DBYANGS 'DI BZHIN LEN, ,DAL 'BYOR GYI MI LUS THOB NGOS NAS, ,SANGS RGYAS LAS LHAG PA'I RJE DANG MJAL, ,NYAMS LEN LA 'BAD 'BUNG BYED BYED PA'I, ,MI LUS LA DON LDAN NGA'I SKYID PA, ,SKYE SA YI PHA YUL BOR NGOS NAS, ,NYE 'BREL LA ZHEN CHAGS MI BYED PAR, ,RANG MGO NI RANG GIS 'DON 'DON PA'I, ,PHO RGOD KYI RNAL 'BYOR NGA'I SKYID PA, ,GAR SKYID LA PHA YUL BYAS NGOS NAS, ,SU BYAMS LA PHA MAR BLTAS GYUR TE, ,PHYOGS MED DU DAG SNANG SBYONG SBYONG BA'I, ,GU YANGS KYI SPRANG PO NGA'I SKYID PA, ,BDAG 'DZIN GYI DGON BA BOR NGOS NAS, ,MI NGAN LA NGO SRUNG MI BYED PAR, ,RANG DBANG NI RANG GIS BZUNG BZUNG BA'I, ,DPON MED DANG G-YOG MED NGA'I SKYID PA, ,YO BYAD KYI SOG RUN POR NGOS NAS, ,'GRO DUS SU KHUR PO MI 'KHUR BAR, ,SGO RTZAM LA ZAD LEN BYED BYED PA'I, ,SPRANG PO YI KHYU RGYAN NGA'I SKYID PA, ,MDO RGYUD LA THOS BSAM BYAS NGOS

, ,NAS; ;PHAN MED KYI KHA BSHAD MI BYED PAR, ,NYAMS PHEN LA MTHIL THON BYED BYED PA'I, ,PHO GRUNG GI RNAL 'BYOR NGA'I SKYID PA, ,SGYU LUS LA GCES 'DZIN BOR NGOS NAS, ,GAR SHI LA 'GYOD MED BYAS GYUR TE, ,NA RGA DANG SHI SKYID BYED BYED PA'I, ,THAG CHOD DANG BLO BDE NGA'I SKYID PA, ,'DI 'DRA YI SKYID PA MI BYED PAR, ,TSE 'DI'I BDE BA LA SRED GYUR PA'I, ,SNYIGS DUS SKYA SER GYI SKYE BO'I TSOGS, ,SNYING MED YANG NA NI SMYON PA RANG; ;DENG SANG 'JIG RTEN GYI KHAMS 'DI NA, ,RANG RE SPRANG PO LAS SKYID PA NI MI 'DUG ,SKYID PA'I SKYID GLU ZHIG BLANGS GYUR NAS, ,RGYAL KHAMS GANG BZANG LA CHAS 'GRO AANG, ,HAHA, ZHES PA DANG, GRUB PA'I GNAS MCHOG KHYAD PAR CAN DE NYID LA BSTOD PA'I NYAMS MGUR 'DI LTAR YANG MDZAD DE, NANG RIM GNYIS RNAL 'BYOR MTHAR PHYIN PAS, ,PHYI LHA 'DRE SDE BRGYAD ZIL GYIS GNON, ,LHA DAM CAN GSHIN RJE BRAN DU 'KHOL, ,RJE G-YUNG STON RDO RJE DPAL LA 'DUD, ,MGON DE YIS BYIN GYIS BRLABS GYUR PA'I, ,BRAG RGYA BO RDO RJE'I PHO BRANG ZHES, ,SNGON DAM PA DU MAS CHER BSNGAGS PA'I, ,GNAS 'DI LA BDAG GIS CUNG ZAD BSTOD, ,RI MTHO ZHING BRJID CHAGS LHUN PO 'DRA; ;DE'I SHAR GYI MTHON PO'I NGOS DAG NA, ,CHOS PHUNG PO GRANGS MED BRTZEGS 'DRA BA'I, ,BRAG RGYA CHEN MTHOL SHIN TU MDZES, ,DE'I STENG DU MRGAD MDOG CAN GYI, ,DAR BZANG PO'I GUR 'DRA SPANG GIS BRGYAN, ,BRAG DE YI

MTHON PO'I DBUS DAG NA, ,BRAG BLA GAB 'DRA BA'I BRAG SKYIBS SU, ,RDO DKAR PO'I G-YAM SPYIL PHUB PA NI, ,RANG SHONG TZAM DU MA BKOD PAS MDZES, ,DE'I STENG DANG G-YAS G-YON NGOS DAG NA, ,BYA RGOD PO'I TSANG GI TSOGS RNAMS KUN; ;BLO CHAGS SDANG BRAL BA'I KHYIM MTSES TSUL, ,MDUN MTHON PO'I MKHA' DBYINGS DBUS DAG NA, ,DUS RGYUN CHAD MED PAR LDING SKOR BYED, ,BRAG DE YI MDUN GYI SA PHYOGS LA, ,SHING LJON PA SNA TSOGS 'KHRIGS PA YI, , LHA'I DGA' TSAL LTA BU'I NAGS KYIS MDZES, ,NAGS DE LA 'KHOR BA'I BYA DANG BYE'U NI, ,DBYIBS 'DAB GSHOG MI GCIG DU MA'I TSOGS, ,GNAS DE RU BZHUGS PA'I RNAL 'BYOR LA, ,YID MOS PA'I GLU DBYANGS DI RI RI; ;RI DE YI G-YAS G-YON MDUN DAG NA, ,DRIS DPAG TSAD KHOR YUG KHYAB PA YI, ,RIGS MI GCIG BSANG SNA DU MA 'KHRIGS, ,NAGS TSANG TSING DE YI KHROD DAG NA, ,KHONG GNYIS SKYES LHA BYA GONG MO'I TSOGS, , DAG SNYAN PA'I GLU DBYANGS KYU RU RU, ,GNAS DE YI MDUN GYI PHYOGS DAG NA, ,RJE G-YUNG STON CHEN PO'I SGRUB CHU'I RGYUN, ,NAD TSA GRANG KUN LA SNYOMS PA YI, ,LHA'I BDUD RTZI LTA BU'I CHAB KYI RGYUN, ,DUS DBYAR DGUN SKYE BRI MI BYED PAR, ,GNAS DE LA YON CHAB 'BUL BA'I TSUL, ,DUS RGYUN CHAD MED PAR KHRO LA LO LO, ,G-YAS PHYOGS NAS MRGAD MDOG CAN GYI, ,DAR BZANG PO'I YOL BAS BSKOR 'DRA BA'I, ,SPANG NGOS 'JAM MTHO BAS

, ,LEGS PAR BSKOR, ,DE'I NGOS LA RI DVAGS DU MA'I TSOGS, ,NYAMS DGA' BA'I BANG RTZAL SHA RA RA, ,G-YON PHYAGS NAS GCING CHAB SNGON MO NI, ,GNAS DE LA YON CHAB 'BUL BA'I TSUL, ,MDUN PHYOGS NAS G-YAS LA 'KHOR RO RO, ,SHAR PHYOGS KYI MDUN GYI YUL PHYOGS NA, ,THANG CHEN PO DPAG TSAD DU MA'I BAR, ,DBYIBS ZLUM PO GSER GYI MAndAL 'DRA, ,DE'I DBUS KYI LTE BA'I NGOS NGAG NA, ,GNAS CHEN PO GTZANG GI PHUNG PO RI, , DE'I PHYOGS DANG PHYOGS MTSAMS RNAMS SU NI, ,KHYIM CHE CHUNG MI 'DRA DU MA NI, ,GLING BZHI DANG GLING PHRAN BRGYAD KYI TSUL, ,THANG DE YI MTHA' DBUS BAR BAR NA, ,G-YU BZANG PO LA SOGS RIN CHEN LDAS, ,SPRAS 'DRA BA'I NE'U GSING SNGON PO DANG, ,SA'I KHA DOG SDO DMAR SER PO SOGS, ,MDANGS MA 'DRES RANG RANG SO SOR GSAL, ,SNGON KUN BZANG SMON LAM MTHUS GRUB PA'I, ,DBUS LHUN PO GLING BZHI NYI ZLA DANG, ,NOR RIN CHEN BDUN SOGS LHA MI YI, ,DPAL PHUN TSOGS MA LUS TSANG GYUR PA'I, ,NGO MTSAR BA'I MAndAL BZANG PO 'DI, ,GNAS 'DI RU BZHUGS PA'I MCHOG GSUM LA, ,DUS BSKAL BRGYA'I BAR DU PHUL NAS GDE', ,AE MA RANG BYUNG GI MAndAL BZANG PO 'DI, ,BDAG 'DRA YI SPRANG POS BLOS BSLANGS TE, ,DPEN SA PA'I BKA' RGYUD MA LUS DANG, ,BLO BZANG GI YE SHES MCHOG LA 'BUL, ,YID 'ONG GI GNAS MCHOG 'DI NYID DU, ,TSA GRANG DANG BKRES SKOM LA SOGS PA'I, ,'GAL RKYEN LA ZUR 'GROS MI BYED PAR, ,GANG

'DOD DU NYAL NUS BDAG LA STZOL, ,SPROS BCAS KYI BYA BA MI MANG BAR, ,SPROS MED KYI MAL BDE GU YANGS SU, ,NYIN MTSAN LA NGO SHES MI BYED PAR, ,GANG 'DOD DU NYAL NUS BDAG LA STZOL, ,GNAS LUGS KYI NGANG DU NYAL DUS SU, , 'KHOR 'DAS LA RE DOGS MI BYED PAR, ,MTHA' BRAL GYI DBYINGS SU DBYER MED PA'I, ,RO GCIG GI LAM BZANG BDAG LA STZOL, ,KUN BZANG GI MDZES MA'I LANG TSO DANG, ,RANG SEMS KYI KHYE'U DBYER MED DANG, ,'GRO KUN RNAMS BRTZE BAS SKYONG NUS PA'I, ,THABS SHES KYI LAM BZANG BDAG LA STZOL, ,RANG MAL NAS LANGS PA'I GNAS SKABS DER, ,PHYI NANG GI CHOS RNAMS MA LUS PA, ,RMI LAM DANG SGYU MAR NGES NUS PA'I, ,GRUB THOB KYI LAM BZANG BDAG LA STZOL, ,'KHOR BA 'DI MA STONGS PAR DAG TU, ,SKYE 'CHI SOGS 'GYUR LDOG MI BYED PA'I, ,'JIG MED KYI LUS SEMS NGANG NYID NAS, ,'GRO KUN RNAMS SGROL NUS BDAG LA STZOL, ,PHA RGAN GYI LAM BZANG BDAG LA STZOL, ,BKA' RGYUD KYI LAM BZANG BDAG LA STZOL, ,DBEN SA PA'I LAM BZANG BDAG LA STZOL, ,SPRANG PO YI SEMS LA THAG CHOD STZOL, ,CES GNAS BSTOD DANG THUGS DAM GYI NYAMS RTOGS MTHON POR GYUR PA'I GSUNG MGUR 'DI DAG PHYI MA'I SKYE BO RNAMS LA THUGS BRTZE BAS PHYAG BRIS SU 'GOD PAR MDZAD DO, ,GNAS DER BZHUGS RING ZHEN LOG SKYO SHAS DRAG POS THUGS DAM LA BOGS SHIN TU CHE ZHING DAG BA'I GZIGS SNANG MANG DU BYUNG YOD TSOD 'DUG KYANG THAMS CAD GSAL BAR MI GSUNG NGO, ,DE NAS RTA NAG CHOS SDINGS

, ,SU PHEBS, DE NA GNAS DBEN LA CHU SHING 'DZOM ZHING 'BRAS BU'I SHING MANG PO YOD PA, BRAG PHUG BTZAN ZHING SUS KYANG GLAGS RNYED MI NUS BA ZHIG YOD PA DER BZHUGS NAS SGRUB PA LA BRTZON PAR MDZAD, GSOL CHAS RNAMS NI THOS BSAM GLING ZHAL SNGA NAS KYIS RTA NAG GZHIS KA NAS PHYAG MA THOGS PAR PHUL, DE NAS RE SHIG NAS RTA NAG KHUL GYI MI RNAMS KYIS DAG SNANG CHE CHE BYAS PA NA, DA 'DIR YANG YUN RING NA DGE SBYOR GYI BAR CHAD DU 'GRO NYEN CHE DGONGS NAS GNAS SPO BAR BZHED NAS BYA BRAL SGRUB SDER BYON, DON GNYER CAN KHA SHAS LA PHYAG CHEN GYI KHRID SOGS CHOS BKA' CI RIGS KYANG GNANG, DER 'GA' ZHIG GIS PHYAG CHEN GSOL 'DEBS LA 'JUG RGYU'I GSOL 'DEBS SHIG DGOS TSUL ZHUS PA LTAR, LAM SNYAN RGYUD ZAB MO'I SNYING PO'I DON, ,YUL PHYOGS MED GNAS SU LEGS BSKYANGS PA, ,BYA BRAL BLO BZANG RNAM RGYAL LA GSOL BA 'DEBS, ,ZHES PA 'DI YANG GNAS DER MDZAD DO, ,DE NAS 'PHAGS MCHOG THUGS RJE CHEN PO'I SPRUL PA RGYAL SRAS THOGS MED PA'I SGRUB GNAS DNGUL CHU CHOS RDZONG DU PHABS, GNAS DE RGYAL SRAS RIN PO CHES BYIN GYIS BRLABS PA'I GNAS BAG PHEBS SHING BYIN CHAGS PA ZHIG 'DUG PAR, GNAS 'DIR SNGON RGYAL SRAS RIN PO CHES LO MANG PO'I BAR DU SKU MTSAMS LA BZHUGS NAS SGRUB PA MDZAD PAS NYAMS RTOGS GONG 'PHEL DU GYUR BA DE BZHIN DU, BDAG GIS KYANG GNAS 'DIR G-YENG BA THAMS CAD

SPANGS TE LO KHA SHAS KYI RING LA SGRUB PA LA BRTZON PAR BYA'O SNYAM DU SGRUB PA'I DAM BCA' BRTAN PAR MDZAD NAS SKU MTSAMS LA BZHUGS SO, ,GNAS DER LO GSUM TZAM GYI RING LA THUGS DAM SHIN TU 'PHEL BAR BYUNG ZHING, GCOD KYI LHONGS SOGS KYANG MANG DU BYUNG BA'I LO RGYUS SNANG NGO, ,DE NAS RE SHIG NA THOS BSAM GLING NAS ZHAL SNGA NAS DPAL LDAN YE SHES KYIS BANG PHYIN PA ZHIG CHED MNGAGS GNANG BAR DA LAM BANG PHYIN PA 'DI PA DANG MNYAM DU THOS BSAM GLING DU PHEBS DGOS PA'I BKA' SHOG NAN CHEN PHEBS PAR, BANG MI DE LA KHYOD RANG DE RING LOG SONG, NGA SANG NYIN YONG ZHES BKA' GNANG ZHING PHEBS RTZIS MDZAD PAR BANG MI THON 'PHRAL THUGS BSAM ZHIG MDZAD PAS MI LEGS PAR DGONGS TE, BANG MI RI SKED CAM DU SLEB PA YAR BOD PAR MDZAD NAS RJE ZHAL SNGA NAS LA DA RES SKU MDUN DU BCAR THUB PA MI 'DUG PAS DGONGS PA MI KHREL BA DANG, THUGS DAM GYI SKYABS 'JUG MKHYEN MKHYEN ZHU BA SOGS ZHU YIG DANG NGAG MA NAN CHEN ZHUS TE BANG MI GTONG BAR MDZAD, DE NI ZHAL SNGA NAS DPAL LDAN YE SHES JUN SGAR DU PHEBS RGYU DANG BLA MA NYID THOS BSAM GLING DU SKU TSAB TU 'JOG PA MDZAD RTZIS YIN PA DE THUGS MKHYEN GYIS MKHYEN PAR NGES SO, ,DE LTAR NA DAM PA 'DI NYID NI CHOS GRVA CHEN PO BKRA SHIS LHUN PO LTA BU'I GRVA TSANG GI GDAN SA PHUL YANG THUGS DGYES PA MED NA BSNYEN BKUR NGAN NGON TZAM LA TSAGS PA'I GO SKABS GA LA YOD, DE'I PHYIR RJE BTZUN MI LA DANG MDZAD PA MTSUNGS SO ZHES GRAGS PA'ANG DON DANG

, ,MTHUN BA'O, ,DE NAS DNGUL CHU'I RI KHROD PA RNAMS DANG, BZHAD BKRA SHIS DGE 'PHEL GYI BLA MA SOGS DON GNYER CAN KHA SHAS LA NAM MKHA' SGO 'BYED KYI DBANG DANG, GZHAN YANG CHOS BKA' CI RIGS GNANG, BZHAD KHUL GYI MI SDE RNAMS KYIS KYANG DAD GUS CHER BYAS SHING 'TSO BA'I MTHUN RKYEN 'BUL BA'ANG MANG DU BYUNG BA NA, DA NI GNAS 'DIR YANG YUN RING NA 'DOD YON GYI DBANG DU 'GRO BAR 'DUG CING, DE LTAR NA DGE SBYOR GYI BAR CHAD DU 'GYUR NYEN CHE PAS YUL GZHAN ZHIG TU 'GRO BAR BYA'O SNYAM DU DGONGS NAS ZHABS 'BRING BA DGE SLONG TSUL KHRIMS DANG MNYAM DU PHYOGS DE'I DBEN GNAS SNA TSOGS LA NGES MED DU BEBS SHING, DE'I TSE BLA MA NYID SKYO SHAS SHUGS DRAG PAS CHOS MTHUN GYI 'TSO BA GANG BYUNG MDZAD CING BSOD SNYOMS SPYOD PA'I TSE YANG, RJE MI LA'I RNAM THAR LTAR THEG MAR SGO GANG PHRAD DU SLONG ZHING BSOD SNYOMS PHUL NA GANG SBYIN PA DES CHOG SHES PA DANG, MA PHUL KYANG YID MI BDE BA MED CING YUN RING MI BZHUGS PAR PHEBS PAS ZHABS 'BRING BA DGE SLONG TSUL KHRIMS 'TSO BAS NYON MONGS NAS 'KHRUL BA BSKYED PA'ANG BYUNG ZHES THOS SO, ,DE DAG GI DUS KYI TSE DAM PA 'DI NYID CHOS BRGYAD 'OG SNYOMS PA DANG, BDAG PAS GZHAN GCES PA'I BYANG CHUB KYI SEMS SBYONG BA'I MAN NGAG BLO SBYONG GI SKOR LA NYAMS BZHES MDZAD PA LA 'CHAD KHA BA'I GSUNG RNAMS SHIN TU GAL CHE BAR DGONGS NAS, 'CHAD KHA BA'I BLO SBYONG GCIG DANG LNGA PA ZHES BYA BA, MTHUN RKYEN

SNA GCIG KYANG MED PA'I NANG DU PHUN SUM TSOGS PA'I YANG RTZE RNYED PA GCIG DANG, BAR CHAD SPRIN 'THIBS PA LTA BU'I NANG DU GNOD PA GCIG KYANG MED PA GCIG DANG, SDUG BSNGAL RI RDIB PA LTA BU'I NANG DU BDE PA CHEN PO RNYED PA GCIG DANG, DGRA 'DRE NYI RGAS GYI GRIB SO LTA BU'I NANG DU DGE BA'I BSHES GNYEN GYI NYI MA SHAR BA GCIG DANG, NYON MONGS BSKAL PA'I ME LTA BU'I NANG DU SANGS RGYAS KYI CHOS TSANG BA GCIG STE LNGA'O, ,ZHES GSUNGS PA 'DI THUGS LA BZUNG ZHING, DE'I NANG NA NYAMS LEN GYI GNAD MANG PO YOD PAR DGONGS NAS, RJE BTZUN BLO BZANG YE SHES DPAL BZANG PO LA BLO SBYONG 'DI'I 'GREL PA MAN NGAG GI GNAD RNAMS GSAL BAR STON PA ZHIG DGOS ZHES NAN GYIS GSOL BA BTAB PAS PAn CHEN THAMS CAD MKHYEN PA CHEN POS KYANG DGYES BZHIN ZHAL GYIS BZHES NAS, NA MO GU RU BADZRA DHA R'A YA, SKU MTSAN BZANG RMAD BYUNG LONGS SPYOD RDZOGS, ,ZHES PA NAS, RJE BKA' GDAMS GONG MA'I DGONGS PA'I DON, ,PHYOGS KUN TU DAR RGYAS BKRA SHIS SHOG , CES PA'I BAR SHLOO KA NYI SHU RTZA GNYIS YOD PA TSIG SBYOR PHUN SUM TSOGS PA RKYEN NGAN LAM DU 'KHYER BA'I MAN NGAG GI GNAD RNAMS GSAL BAR STON BA SNGON MED PA'I LEGS BSHAD 'DI MDZAD DO, ,DE NAS BLA MA NYID 'DRIS SHES MED PA'I SA YUL THAG RING ZHIG TU PHEBS NAS TSE DANG SGRUB BA SNYOMS PA ZHIG MDZAD BZHED NAR MAR YOD PA'I KHAR, CHOS 'PHEL DZA' SANG SOGS KYIS KYANG BLA MA 'DI NYID GZHAN DANG MI 'DRA BA YOD TSUL THOS NAS AO RGYEN KYI YUL DU GDAN 'DREN 'DOD YOD PA'ANG GSAN PAS

, ,NYE BAR BSKUL TE, DA NI MYUR DU THAG RING ZHIG LAM PHYIN NA SDE DGON GOG PO ZHIG GI BDAG GZUNG BYED DGOS PA'AM, RGYAL PO'I MCHOD GNAS BYA BA MING SNYAN YANG DON BZANG BTZON ZHIG BYED MI DGOS PA'I NGES BA YANG MI 'DUG PAS SUS KYANG MTHONG TSOR MED PA'I YUL ZHIG TU 'PHRAL DU 'BRO DGOS PA 'DUG ,DE YANG SANGS RGYAS DNGOS KYI BSHES GNYEN 'DI LTA BU BZHUGS BZHIN DU MA ZHUS PAR 'GRO BA'ANG MI LEGS PAS SKYABS MGON CHEN PO NYID LA ZHUS NAS BKA' GNANG BA LTAR BYED DO SNYAM DU DGONGS NAS ZHU YIG GSUNG BRTAG GI TSUL DU PHUL BA, BDAG TSE 'DI'I RNYED BKUR SNYAN GRAGS RNAM G-YENG GANG GI YANG DBANG DU MA SONG BAR SGRUB PA MTHAR PHYIN PA ZHIG BYED 'DOD LAGS PAS SA PHYOGS GANG DU PHYIN PA LEGS ZHES ZHUS PA NA, STOD PHYOGS SU LEGS PA'I BKA' PHEBS, DE NAS LCAGS SU PHEBS NAS LO TZ'A PA LHA BTZUN BLO BZANG 'BYUNG GNAS LA 'DOD CHOS MANG DU STZAL CING, SLAR SKYID GRONG PHYOGS SU 'DZOM PA'I ZHAL NGAN MDZAD, DE NAS BLA MA NYID DGUNG LO LNGA BCU LA PHEBS PAS MO PHAG GI LO NYE GNAS DRUNG RAM PA DANG BCAS STOD PHYOGS SU PHEBS SO, ,DE SKABS PAn CHEN THAMS CAD MKHYEN PA LA CHOS 'PHEL JA'I SANG SOGS MI CHEN DANG, SDE DGON MANG PO NAS DAM PA 'DI NYID BLA MAR GNANG DGOS TSUL ZHUS KYANG, SNGAR NAS DE RIGS MI DGOS PA'I SNYAN 'BUL ZHUS ZIN PA DANG, THAG RING DU PHEBS PA'I GRAGS PA DES GYENG RKYEN BYAS NAS, KHONG GAR YOD

MI SHES PAS DE 'DRA GA LA YONG ZHES SKU ZHABS RTZE SHOD GNYIS GNAS GNANG BAR MA MDZAD CING, PHYIS KYANG DE RIGS MANG DU BYUNG YANG GNANG BAR MA MDZAD DO, ,DE NAS DING RI NAS BU SE LA 'DZEGS TE RNAL 'BYOR DBANG PHYUG MI LA RAS PA'I SGRUB GNAS ZHING SKYENG GI MKHA' 'GRO 'DU BA'I GNAS CHEN DBANG NAS BRIN GYI CHU DBAR LA PHEBS SO, ,DE NAS RJE BTZUN MI LA ZHING KHAMS GZHAN DU GSHEGS PA'I TSUL BSTAN PA'I GNAS 'DRE LCE PHUG ,SPRO BDE BKRA SHIS SGANG, 'GRO PHAN GLING SOGS ZHIB TU MJAL ZHING SMON LAM MDZAD, DE NAS DBEN GNAS KYI ERTZE MO LA PHEBS TE GTZO CHER BRAG DMAR MCHOD LUNG RANG DU BZHUGS NAS SGRUB PA MDZAD, SKABS 'GAR SPO MTHO NAM MKHA' RDZONG, KHU BYUG DPEN BA RDZONG, SKYID PHUG NYI MA RDZONG SAGS RJE BTZUN RIN PO CHES BZHUGS PA'I GNAS DE DANG DE DAG TU PHEBS NAS THUN BZHI'I RNAL 'BYOR DANG, THUN MTSAMS KYI NYAMS LEN RNAMS LA BRTZON PAR MDZAD PAS THUGS DAM LA BOGS SHIN TU CHE BAR GYUR, CHU DBAR CHOS SDE DE GONG SA LNGA PA CHEN PO'I BKA' DRIN GYIS LONGS SPYOD 'DZOM ZHING DBANG SHED SHIN TU CHE BA ZHIG YIN 'DUG KYANG, DAM PA 'DI NYID LA NI SKU MTHONG BA TZAM GYIS DAD GUS CHEN PO BYAS SHING CHOS 'BREL DANG BYIN RLABS ZHU BA MANG DU BYUNG, DE SKABS SNGAGS RAM PA YA SHAS SKAL LDAN SOGS DPAL LDAN STONG RGYUD GRVA TSANG NAS SGRUB PA SNYING POR MDZAD 'DOD PA GSUM TZAM ZHIG BYON PA, SNGAR NAS BLA MA 'DI NYID KYI MTSAN MA THOS KYANG ZHAL MJAL BA TZAM GYIS DAD PA'I SPU LONG G-YOS NAS CHOS KYI

, ,BKA' DRIN GNANG DGOS PAR GSOL BA BTAB PAS, BLA MA NYID KYANG THUGS SHIN TU DGYES PA BYUNG, DE NAS YE SHES GRAGS PA GRAGS PA GROGS MCHED GNYIS KYANG SKU MDUN DU SLEB NAS CHOS KYI BKA' DRIN DANG, LHAG PAR BSNYEN RDZOGS KYI BKA' DRIN ZHUS PA NA DGYES BZHIN ZHAL GYIS BZHES, DE NAS ZA KHA LUNG GI RGYAN PHUG TU BZHUGS SHING, BSNYEN RDZOGS DANG RAB BYUNG MANG DU GNANG, DE NAS RGYUD STOD PA GSUM GYIS GTZO BYAS DAD 'DUS KHA SHAS LA BYANG CHUB LAM GYI RIM PA'I KHRID, BLO SBYONG GI KHRID, 'JIGS BYED BSKYED RIM KYI KHRID, PHYAG CHEN GYI KHRID SOGS KHRID DANG LUNG MANG DU STZAL TO, ,DE NAS RGYUN STOD PA GSUM GYIS GSOL BA BTAB NAS NAM MKHA' SGO 'BYED KYI DBANG DANG, GCOD KYI CHOS SKOR RNAMS DGYES BZHIN DU GNANG, DE NAS GNAS DER 'PHYOD RGYAS RI BO BDE CHEN PA'I DGE SLONG ZHIG DANG, 'GRO PHAN GLING GI GRVA PA DAD LDAN ZHIG GIS BSKUL NAS GCOD GZHUNG THAR 'DOD DED DPON MA'I t'IKKA TSIG DON GSAL BA'I SGRON ME ZHES BYA BA TSIG DON PHUN SUM TSOGS SHING MAN NGAG GIS BRGYAN PA BYANG CHUB LAM GYI RIM PA DANG GCOD GNYIS ZUNG DU SBREL NAS NYAMS SU LEN PA LA NYE BAR MKHO BA'I BSTAN BCOS PHUN SUM TSOGS PA 'DI MDZAD DO, ,DE NAS TSE RING MA'I BLA MTSO GZIGS BAR PHEBS, MTSO'I DRUNG DU PHEBS SU NYE BAN DRUNG RAM PA SOGS ZHABS PHYI RNAMS LA KHYED RANG RNAMS NGED KYI RJES LA MA YONG BAR 'DIR CUNG ZAD SDOD CES BKA' GNANG NAS, BLA MA

NYID GCIG PU MTSO 'GRAM LA PHEBS NAS MTSO 'GO NGOS SU PHEBS PA NA, DRUNG RAM PA SOGS KYI MTHANG SNANG LA MTSO DE'I DKYIL NA 'KHYAG PA'I RNAM PA LTA BU SKYA LING LING BA ZHIG 'DUG PA, BLA MA NYID MTSO' 'GOR PHEBS PA NA MTSO DKYIL NAS TSUR DAR DKAR PO'I RNAM PA LTAR BLA MA NYID KYI SKU MDUN DU SKYAN RA SONG BA ZHIG MTHONG 'DUG BAS, DE'I TSE DAG PA'I GZIGS SNANG NGO MTSAR CHE BA ZHIG BYUNG BA GOR MA CHAG KYANG, BLA MA NYID YON TAN SBED PA GTZO BOR MDZAD PAS DE RING RTEN 'BREL LEGS PO ZHIG BYUNG GSUNG BA LAS 'DI BYUNG GSUNG BA MI SNANG NGO, ,DE NAS 'GRA PAN GLING GI SPO MTHO LHA KHANG DU ZLA BA BZHI'I RING LA DPAL 'KHOR LO SDOM PA'I BSNYEN SGRUB LA 'GRUS PAR MDZAD, BSNYEN MTSAMS GROL NAS DUS KHYAD PAR CAN ZHIG DANG BSTUN BDE MCHOG GI SBYIN SREG MDZAD BA NA 'JA' DKAR PO ZHIG GANG DU SBYIN SREG MDZAD PA'I GNAS DER ZUG NGA SOGS NGO MTSAR YA MTSAN CHE BA'I LTAS MANG PO SKYE BO KUN GYIS MTHONG BA BYUNG, DE'I TSE SNGAGS RAM PA YE SHES SKAL LDAN GANG ZAG DAM PA ZHIG YIN PAR GZIGS NAS SPYAN GYI 'BRAS BU LTAR SKYONG BA GNANG ZHING, 'TSO BA'I MTHUN RKYANG SOGS KYANG PHYAG MA THOGS PAR GNANG BAR MDZAD, GNAS DER LO LNGA TZAM BZHUGS NAS DPON SLOB THAMS CAD KYIS THUGS DAM LA SHIN TU 'GRUS PAR MDZAD PAS THAMS CAD LA BOGS CHE BAR BYUNG NGO, ,DE NAS CHU MO YOS LO ZLA BA BCU GNYIS PA'I 'GOL BLA YUL DU PHEBS NAS, STAG MO LUS SBYIN DANG, SNYE SHANGS GUR RTA SOGS GNAS

, ,BRAN RNAMS MJAL NAS SMON LAM MDZAD, DE NAS BYA RUNG KHA SHOR DU PHEBS NAS ZHAG GSUM PA ZHUGS, ZHABS SKOR DANG SMON LAM SHUGS DRAG TU MDZAD, DE NAS 'PHAGS PA SHING KUN DU PHEBS ZHAG LNGA TZAM BZHUGS NAS ZHABS SKOR DANG SMON LAM MDZAD, DE'I RING LA DE'I NYE SKOR GYI GNAS PHRAN RNAMS KYANG ZHIB TU MJAL BAR MDZAD, DE SKABS RONG GI LAM ZHIG TU MON PA'I RKUN JAG BYUNG BAR CHAS DNGOS KHA SHAS RKUN MAR SHOR ZHING, LHAG PAR YUM GYIS BZO BAR MDZAD BA'I SKU GZAN RNYING PA ZHIG YOD PA MON PA LA SHOR BAS, CHAS DNGOS GZHAN RNAMS LA THUGS SNANG MI MDZAD CING, SKU GZAN DE LNGA'I AA MA'I GZAN DE MON BA NGAN PA'I LAG TU SHOR ZHES THUGS PHANGS PHANGS MDZAD CING, PHYIS NAS KYANG YANG YANG GSUNG NGO, ,DE NI DAM PA 'DI NYID 'BREL TSAD DON LDAN YIN PAS YUM GYI BKA' DRIN BSAB PHYIR GZAN DE SKU LA YUN RING BCANG BZHED YIN PAR NGES TE; YUM GYIS BCOS PA'I SKA RAGS SHIG YOD PA PHYIS PHAN PHUN DU GYUR PA NA PHYI NANG NAS LHAN PAS GLANG TE NAM GSHEGS KYI BAR SKU LA BCANG BAR MDZAD PA BDAG CAG GIS MNGON SUM DU MTHONG DO, ,DE NAS RIM GYIS SKYID GRONG DU PHABS NAS JO BO RIN PO CHE'I SKU MDUN DU CI 'BYOR PA'I MCHOD BA PHUL TE SMON LAM SHUGS DRAG TU MDZAD, DE NAS BLA MA LHA BTZUN NGAS GDAN DRANGS TE ZLA BA BCU GNYIS PA'I MJUG LA GYANG KHANG DU PHEBS, BLA MA LHA BTZUN

DANG LHAN CIG TU LO GSAR GYI DGA' STON MDZAD, DE SKABS 'BA' SPRUL SKU'I MNAL LAM DU PHA DAM PA'I SPRUL PA 'DI LTA BU ZHIG 'BYON KYIN YOD PAS MJAL DU SOD ZER BA'I LUNG BSTAN GSAL BA ZHIG BYUNG BA LTAR BLA MA 'DI NYID PHA DAM PA'I SPRUL PA YIN PA'I GRAGS PA'ANG BYUNG 'DUG GO ,DE NAS BLA MA LHA BTZUN DANG, BLA MA SNGAGS RAM PA GNYIS KYIS GTZO MDZAD DGE 'DUN MANG POS GSOL BA RTZE GCIG TU BTAB NAS BDE LAM GYI BKA' KHRID DGE LDAN BKA' RGYUD RIN PO CHE'I ZAB LAM PHYAG RGYA CHEN PO'I BKA' KHRID, BLO SBYONG DON BDUN MA'I BKA' KHRID RNAMS STZAL CING, LAM RIM CHE CHUNG GI LUNG, SNGAGS RIM CHEN MO'I LUNG SOGS ZAB CHOS MANG DU GNAR NGO, ,DE'I TSE DGE LDAN PHYAG RGYA CHEN PO'I SA BCAD KYANG RTZOM PAR MDZAD, DER ZLA BA LNGA TZAM BZHUGS, DE NAS GNAS KYI RGYAB RI GRUB CHEN AO RGYAN BA'I GZIM PHUG TU ZLA BA GCIG TZAM BZHUGS, DE NAS RJE BTZUN RED MDA' BA CHAN PO DANG RJE CHOS LDAN RAB 'BYOR SOGS BKA' GDAMS BSTAN 'DZIN DAM PA MANG POS BZHUGS SHING BYIN GYIS BRLABS PA'I GNAS ME TOG MDANGS CAN DU PHEBS NAS, RJE BTZUN RED MDA' PA'I SGRUB PHUG CHEN MOR BZHUGS TE SKU MTSAMS MDZAD, SKU MTSAMS GROL NAS DON GNYER CAN KHA SHAS LA GTUM MO'I KHRID LA SOGS PA'I CHOS BKA' CI RIGS PA GNANG NGO, ,DE NAS RJE BTZUN SA PAn LA 'JAM DBYANGS LHA LNGAS ZHAL GZIGS PA'I GNAS LHA LNGA PHUG TU BZHUGS, GNAS DER DGE SLONG MANG DU 'DUS PA RNAMS KYIS CHOS GSUNG BAR

, ,GSOL BA BTAB PA NA CHOS MANG DU GNANG BA'I ZHAL BA ZHES YOD PA LA 'GA' ZHIG GIS BKA' GDAMS THOR BU DE SNGON LA NAN GYIS ZHUS PAS DE GNANG NAS, DE'I NANG NA SNYIGS MA'I DUS 'DIR GZHAN MGO 'DON PA'I DUS MA YIN RANG MGO 'DON PA'I DUS YIN, ZHES SOGS KYI MTSAMS SU SLEB PA NA SPYAN CHAB MNAN PAS MI THUB PA BYUNG ZHING, THUGS LA NGES 'BYUNG SHUGS DRAG TU SKYES NAS SPYAN CHAB BCAD MA THUB BAR DE'I NYIN CHOS 'PHRO GNANG MA THUB, SANG NYIN GNANG RGYU'I RTZIS MDZAD PA NA YANG DE'I MTSAMS LA GZIGS PA TZAM GYIS SPYAN CHAB BYUNG ZHING MGUL 'GAGS NAS GNANG MA THUB PAR 'PHRO LUS, DE NAS DE 'PHRAL SLAR YANG ME TOG MDANGS CAN DU PHEBS, CHU BTAGS GSAR PA BA'I BU BSOD NAMS PHUN TSOGS KYIS ZHABS PHYI ZHUS SHING, DGE SLONG RNAMS KYANG PHEBS SKYEL DU PHEBS NAS MKHA' 'GRO'I GSANG PHUG TU PHEBS, DE NAS DGE SLONG RNAMS LA SO SOR THUGS DAM LA BRTZON BA MDZAD DGOS PA'I ZHAL TA DANG, NGED RANG YANG TSE 'DI'I RNAM G-YENG GANG GI YANG DBANG DU MA SONG BAR SGRUB PA GSHA' MA ZHIG BYED, DE LTAR BYED MIN KHYED GROGS PO RNAMS KYIS KYANG BLTAS NAS CHOS DANG 'GAL BA BYUNG NA KHYED RNAMS KYIS KYANG LAB DGOS SO, ,MDOR NA RANG RE RNAMS TSE MJUG 'DIR BYA RGYU CHOS LAS MED BAS RANG RANG GANG 'DOD KYI GNAS SU DGE SBYOR LA BRTZON PAR MDZOD CES BKA'

GNANG NAS SO SOR BTANG STE G-YENG BA GANG YANG MED BAR SKU MTSAMS DAM PO LA BZHUGS, DE LTAR ME TOG MDANGS CAN DU LO GSUM LHAG TZAM BZHUGS NAS THUGS DAM CHU BO RGYUN GYI RNAL 'BYOR LA GNAS PAR MDZAD, DE'I TSE ZHABS 'BRING PA ZHIG DBUS PHYOGS SU GNAS SKOR LA 'GRO 'DOD NAS DGONGS PA ZHUS SHING, ZHAL GDAMS SHIG DGOS ZHES GSOL BA BTAB PA LTAR NYAMS MGUR 'DI LTAR MDZAD DE, NA MO GU RU, DUS GSUM GYI SANGS RGYAS DBEN SA PA, ,MTSUNGS MED KYI RJE BTZUN THAMS CAD MKHYEN, ,BLO BZANG GI YE SHES SKYABS KYI MCHOG ,'BRAL MED DU SPYI PO'I RGYAN DU BZHUGS, ,RANG BLO NI CHOS LA PHYOGS PA'I TSE, ,SDUG DOGS KYIS NOR RDZAS BSAGS GYUR NAS, ,SDIG GSOG GI SER SNA BYED PA LAS, ,ZANG ZING GI 'BYOR PA SPANGS NA BDE, ,RANG BLO NI CHOS LA 'KHUL BA'I TSE, ,RE DOGS KYI BSAM RGYA MANG PO YIS, ,BLO MANG GI BYA BA BYED PA LAS, ,BYA BA RNAMS BLO YIS BTANG NA BDE, ,NGES MED KYI RGYAL KHAMS 'KHYAMS PA'I TSE, ,RKYEN NGAN GYI BAR CHANG BYUNG DOGS NAS, ,BLO CHUNG GI GROGS DANG 'GROGS PA LAS, ,SKYID SDUG LA THOG RDZIS BYAS NA BDE, ,RGYAL KHAMS SU 'CHO BA SLONG BA'I TSE, ,MA 'ONGS PA'I BSAM RGYAS BSLANGS GYUR NAS, ,SGYU LUS LA KHUR PO 'GREL BA LAS, ,SGO RTZAM LA ZAD LEN BYAS NA BDE, ,RGYAL KHAMS SU RI KHROD 'GRIM PA'I TSE, ,CHAGS SDANG GI SEMS RTZA 'KHRUG 'GYUR BA'I, ,DON MED KYI KHYIM MTSES BSTEN PA LAS, ,BSE RU BZHIN GCIG BUR GNAS NA BDE, ,NGES MED KYI RI KHROD 'GRIM PA'I TSE, ,NGES BZUNG

, ,GI SBYIN BDAG BTZAL GYUR NAS, ,NGO SRUNG GI DGE SBYOR BYED PA LAS, ,NGES MED KYI BSOD SNYOMS BYAS NA BDE, ,GCIG PU RU RI LA SDOD PA'I TSE, ,SDIG GSOG GI MKHAR LAS BYAS GYUR NAS, , 'DZAD MED KYI LAS NGAN GSOG PA LAS, ,SA PHUG DANG BRAG PHUG BSTEN NA BDE, ,GZHI GCIG TU YUN RING GNAS GYUR NAS, ,CHAGS SDANG GI SEMS RTZA 'KHRUG BA LAS, ,NYAMS LEN LA BOGS 'DON BYED PA'I PHYIR, , DBEN PA NAS DBEN PAR 'PHOS NA BDE, ,NYAMS LEN GYI GNAD LA SBYOR BA'I TSE, ,SDOM GSUM LA GCES SPRAS GTZOR BTON TE, ,THOS BSAM GYI RGYA MTSO'I GRUR ZHUGS NAS, ,THOS DON RNAMS RGYUD LA SBYANG NA BDE, ,THOS BSAM GYI GNAD LA SBYOR BA'I TSE, ,LTA SPYOD GNYIS YA BRAL MA SONG BAR, ,ZUNG 'BREL GYI NYAMS LEN MKHAS GYUR NA, ,ZUNG 'JUG GI RGYU RU 'GYUR BAS BDE, ,ZAB DON GYI GNAD LA SBYOR BA'I TSE, ,DANG PO NAS 'JOG SGOM MI BYED BAR, ,DPYAD SGOM GYIS NGES SHES DRANGS GYUR NAS, ,'JOG DUS SU BLO THAG CHOD BAS BDE, ,RJES THOB TU BYA BA GANG BYED CHO, ,THA MAL GYI SNANG ZHEN SPANGS GYUR NAS, ,MNYAM GZHAG GI RGYA YIS BCINGS GYUR NA, , SDIG LTUNG RNAMS RANG SHUGS 'GAGS PAS BDE, ,DGE PHYOGS RNAMS BSNGO BAS RGYAS 'DEBS TSE, ,RANG DON GYI BSAM PA SPANGS GYUR NAS, ,GZHAN DON DANG BDEN MED RTZIS ZIN NA, ,CHOS GZUGS KYI RGYU RU 'GYUR BAS

BDE, ,BDE BDE YI GLU DBYANGS RING MO 'DI, ,MKHAS 'DOD KYIS BRTZAMS BA MA YIN YANG, ,GROGS MCHOG GI BLO NGO MA BZOD PAR, ,ME TOG GI MDANGS CAN GNAS SU SBYAR, ,'DI DON BZHIN NYAMS LEN BYAS BA'I DANG, , RGYAL KHAMS SU LO GSUM 'GRIMS GYUR NAS, ,BAN RGAN GYI SGYU LUS BLTA BA'I PHYIR, ,MJAL 'DZOM GYI SMON LAM YANG DAG THOB, ,CES SO, ,GNAS DER BZHUGS RING 'TSO BA MTHA' GNYIS LA MA LHUNG TZAM LA BRTEN NAS THUN BZHI'I RNAL 'BYOR LA GNAS TE, DPAL GSANG BA 'DUS PA DANG, YI DAM RDO RJE 'JIGS BYED SOGS LHAG PA'I LHA MANG PO'I BSNYEN SGRUB GNANG ZHING KHA SKONG BA'I SBYIN SREG KYANG ZHAG BCU SKOR SGREL NAS MDZAD, CHU DBAR DU BZHUGS SKABS NAS BZUNG YAR NGO MAR NGO'I TSES BCU RNAM GNYIS LA 'KHOR LO SDOM BA'I SGRUB MCHOD RGYAS BAS BDAG NYID 'JUG CING DBANG BZHES BA SOGS MDZAD, DE'I TSE MI DBANG PO LHA NAS KYIS DAM PA 'DI'I SNYAN GRAGS GSAN NAS DPAL LDAN RDO RJE CHED MNGAGS SU GNANG BAR, SANGS RGYAS KYI BSTAN PA'I DON DU SPYIR SKU RIM GANG DRAG MDZAD DGOS TSUL DANG, LHAG PAR DRAG PO'I LAS SBYOR GNANG DGOS TSUL DNGUL SRANG SUM CU SKOR DANG BCAS PHUL BA NA, NANG DU GTONG BAR MA MDZAD CING BUG SGO NAS NGED RANG DGE SKYOR CI BYED RGYAL BA'I BSTAN PA 'BA' ZHIG GI CHED DU BYED PA YIN, DE MIN DPON PO CHEN PO'I RIM GRO BYED PA BAS MI YOD, ,LHAG PAR DRAG PO'I LAS SBYOR GTAN NAS

, ,MI YONG ZHES NGO 'DZIN GANG YANG MA MDZAD PAR ZHU YIG RTEN BCAS PHYIR LOG BAR MDZAD DO, ,'DI NI RGYAL BA DGYES PA'I RNAM PAR THAR PA RMAD DU BYUNG BA ZHIG STE, YANGS PA'I SA CHEN PO LA STOBS KYIS 'KHOR LOS BSGYUR BA'I RGYAL PO'I BSNYEN BKUR YANG MCHIL SNABS BZHIN DU 'DOR BAR MDZAD NA, BSNYEN BKUR NGAN NGON TZAM LA MI CHAGS PA LTA CI SMOS, GNAS DER NGO MTSAR YA MTSAN CHE BA'I GCIGS SNANG SOGS MANG DU BYUNG MOD KYANG PHAL CHER GSUNG BAR MI MDZAD CING , RDZA PHUG TU BZHUGS SKABS DE'I SHAR NGOS KYI RI LA BDE GSHEGS MCHOD RTEN GYI RNAM PA RANG BYUNG DU YOD PA CHES GSAL BAR GZIGS SHING MCHOD RTEN GYI STENG NAS CHU 'BAB PA RGYUN PAR NYUNG DU DANG, DUS BZANG RNAMS LA CHER 'BAB CING BUG RON GYI RNAM PA LTA BU KHYU CHEN POS MCHOD RTEN LA SKOR BA MANG DU BYED PA GZIGS 'DUG CING , GZHAN YANG RJE BTZUN RED MDA' PA'I SKABS KYI GRUB PA'I MTSAN MA YA MTSAN CHA BA MANG DU GZIGS PA'ANG BYUNG 'DUG GO , DE NAS BLA MA 'DI NYID DGUNG LO RE GCIG TU PHEBS BA LTZAL SA PHO KHYI'I LOR MKHAN PO RIN PO CHE RJE BTZUN BLO BZANG YE SHES DPAL BZANG PO'I ZHAL DKYIL MJAL ZHING GSUNG GI BDUD RTZI MYONG BA DANG, RGYAL PA'I BSTAN PA LA

BYA BA MDZAD BZHED PA BCAS DGOS LA MANG DU GZIGS NAS NYE GNAS DANG BCAS TE CHOS GRVA CHEN PO BKRA SHIS LHUN POR PHEBS, LHAR BCAS 'GRO BA'I BLA MA PAn CHEN THAMS CAD MKHYEN PA CHEN PO'I ZHAL MJAL ZHING, RANG NYID LA DAD LDAN RNAMS KYIS PHUL BA'I CHAS DNGOS PHRAN BU YOD PA RNAMS DANG LUS LONGS SPYOD THAMS CAD LTOS PA MED PAR MAndAL DANG BCAS TE PHUL NAS, BDAG GZHAN RNAM DKAR DGE BA'I PHUNG PO'I MTHUS, , MGON KHYOD BSKAL BRGYA'I BAR DU ZHABS BRTAN NAS, ,RGYAL BA'I BSTAN PA PHYOGS BCUR RGYAS MDZAD DE, ,'GRO KUN BDE LA 'GOD PA'I BKRA SHIS STZOL, ,ZHES GSAR DU BRTZAMS PA'I TSIGS BCAD DANG BCAS ZHABS PAD BSKAL BRGYAR BRTAN NAS CHOS KYI 'KHOR LO BSKOR DU GSOL ZHES GSOL BA SHUGS DRAG TU 'DEBS PAR MDZAD, DE NAS SKU MDUN DU JA GRAL ZHIG GNANG BAR BLA MA'I YON TAN MTHONG BA'I DAD PA DANG, BKA' DRIN RJES SU DRAN PA'I GUS PA CHEN PO YOD PA'I KHAR GDUL BYA'I SNANG NGOR SKU NA MTHON POR PHEBS TSUL GZIGS PA'I RKYEN BYAS NAS SPYAN CHAB MNAN PAS MI THUB PA BYUNG, DE NAS BYIN RLABS ZHUS HE RE ZHIG NOR BU BRANG KHANG DU BZHUGS , RIM GYIS MGRON GNYER RNAMS BRGYUD NAS SKYABS MGON CHEN PO'I GSUNG RTZOM GANG YIN LA LUNG ZHIG DANG , LAM RIM MYUR,

, ,LAM LA BKA' KHRID CIG KYANG THUGS RJES GZIGS DGOS ZHES SNYAN 'BUL ZHUS PA NA, MGRON GNYER HA LAS PA LTAR BYAS TE, DE 'DRA GA NA YONG ZHES GSAN 'JOG MA MDZAD, SLAR YANG DAR PHUL TE NGA BAN RGAN SA'I MTHA' NAS GNAS 'DIR DON 'DI ZHU BA LA YONGS PA LAGS BAS CIS KYANG ZHU ROGS THUGS RJES GZIGS DGOS ZHES ZHUS PA NA, MGRON GNYER GYIS BKA' BKYON MANG DU MDZAD CING SKYABS MGON CHEN PO SPYAN MI GSAL BA'I TSUL BZHES LA DE 'DRA SUS ZHU NUS ZHES ZHU ROGS MA MDZAD PA NA, SLAR YANG DAM PA 'DI NYID TSE 'DI'I THUGS BSAM BLOS DOR TE BSTAN PA 'BA' ZHIG LA DMIGS PA'I THUGS KYIS, YANG MGRON GNYER GYI DRUNG DU PHEBS TE DON 'DI RNAMS SKYABS MGON CHEN PO'I SNYAN DU 'KHYOL BA ZHIG CIS KYANG ZHU ROGS MDZOD, SKU NA MTHO PA DANG SBYAN MI GSAL TSUL GYIS DA LTA MI YONG NA SLAR YONG NGAM, CHOS 'DI DAG GI LUNG RGYUN CHAD NA NI RANG RE RJES 'JUG KHA THABS ZHAN PAR 'GYUR, YONG MI YONG JI LTAR YANG SKYABS MGON CHEN BO'I SNYAN DU LHUNG BA ZHIG ZHU ROGS MDZOD, MI YONG BA'I BKA' PHEBS BYUNG NA BYA BA GZHAN MED PAS DBEN PA'I GNAS LA 'GRO ZHES NGO 'DZIN MED PAR THUGS NGAR DANG BCAS ZHUS PA NA MGRON GNYER YANG MDZAD THABS DKAL BA BYUNG NAS SNYAN 'BUL ZHUS PA NA, THUGS DGYES BZHIN DU ZHAL GYIS BZHES NAS, DE SNGA PHAN SHLOO KA RE GNYIS KYI LUNG GNANG YANG DMIGS

BSAL GYI YI GE CHEN PO BRIS NAS GNANG DGOS PA LA, DE SKABS PAR MA RANG GI STENG NAS SHOG BU SUM CU TZAM RE THUN RER GNANG BAS ZHABS 'BRING PA SOGS TSANG MA SANGS RGYAS KYI MDZAD PA NI SO SO SKYE BO'I BLO YUL LAS 'DAS SO ZHES NGO MTSAR YA MTSAN DU 'DZIN PA BYUNG, DE NAS DAM PA 'DI NYID DANG ZUR BZHI DPON SLOB SOGS BSHES GNYEN RGOS BSDUS LA SHRE YA'I LUNG TSANG MA GNANG, DENG SANG PAn CHEN THAMS CAD MKHYEN PA'I BKA' 'BUM LUNG RGYUN MA CHAD PAR BZHUGS PA NI BLA MA GRUB PA'I DBANG PHYUG 'DI NYID KYI BKA' DRIN YIN NO, ,DE NAS SLAR YANG LAM RIM GYI KHRID GNANG DGOS TSUL NAN GYIS ZHUS KYANG, SKU NA MTHO TSUL BZHES PA SOGS KYIS GNANG BA MA BYUNG BA'I TSE GSOL BA 'DEBS PA MAN NGAG BZHIN ZHES BYA BA'I MAN NGAG DE YI GER 'KHOD PA ZHIG CIS KYANG DGOS ZHES GSOL BA 'DEBS PAR MDZAD PAS, SKYABS MGON CHEN POS KYANG THUGS DGYES BZHIN DU LAM RIM GSOL 'DEBS KYI DMIGS SKOR MAN NGAG ZHAL SHES GYIS BRGYAN PA 'DI RTZOM PA GNANG NAS LJAGS LUNG YANG GNANG, DE NAS BLA MA NYID KYIS SNGA SOR GRVA SAR BZHUGS SKABS ZHABS DRUNG LHA PA SPRUL SKU RIN PO CHE DANG, ZHAL SNGA NAS 'JAM DBYANGS CHOS 'PHEL SOGS LA LAM RIM GYI KHRID GTING PHYIN PAR GSAN ZHING DBEN PA BSTEN NAS LO MANG POR THUGS NYAMS SU BZHES PAS RANG NYID KYI THUGS LA MI BDE BA GANG YANG MED KYANG, MYUR LAM 'DI LA KHRID RGYUN DAR BA ZHIG BYUNG NA DGONGS NAS SHAR RTZE ZHAL SNGA NAS BLO BZANG MGON

, ,PO LA MYUR LAM GYI KHRID LEGS PAR GSAN ZHING SKYABS MGON CHEN POR YANG RGYU MCHAN ZHUS BA NA, BLA MA NYID LA MYUR LAM GYI KHRID GNANG CHOG PA'I BKA' YANG KHROL PA BCAS PAn CHEN THAMS CAD MKHYEN BA'I GSUNG RNAMS MI NUB CING PHYOGS KUN TU DAR BA'I RTEN 'BREL 'GRIG PAS THUGS RAB TU TSIMS PAR GYUR TO, ,DE NAS BKRA SHIS LHUN POR BZHUGS RING BLO GSAR DON GNYER CAN RNAMS LA TSAD MA RNAM 'GREL ,DBU MA 'JUG PA SOGS GZHUNG MANG PO'I LUNG DANG, BLO SBYONG SOGS CHOS BKA' MANG DU GNANG NGO, ,DE NAS SNAR THANG SOGS GTZANG KHUL GYI GNAS RNAMS LA MCHOD 'BUL SMON LAM MDZAD NAS RIM GYIS GNYA' NANG BRGYUD DE BLA YUL DU PHEBS, KHYUNG RANG BYUNG SOGS BLA YUL GYI GNAS GRAGS CHE BA RNAMS MJAL NAS SMON LAM MDZAD, GTZO BOR SNGON RGYA GAR GYI PAn GRUB RNAMS KYIS KYANG RANG BYUNG GI MCHOD RTEN ZHES BSNGAGS BA RGYA CHER MDZAD PA 'PHAGS PA SHING KUN TU PHEBS, DER ZLA BA GCIG TZAM BZHUGS NAS DE'I RING LA ZHABS SKOR DANG, PHYAG 'BUM ZHIG GSOG BAR MDZAD, DE SKABS THUGS DAM BOGS CHE BA BYUNG YOD 'DUG STA BLA MA NYID KYI ZHAL NAS, ZAB MO DBU MA'I LTA BA 'DI RTOGS PA LA BLA MA LA GSOL BA 'DEBS PA DANG, BSAG SBYANG RANG GAL CHE GSUNG, BSAG SBYANG LA MANG DU 'DUG PA LAS GANG GAL CHE ZHUS PAS, LTUNG BSHAGS LA BRTEN NAS BYED PA GAL CHE TSUL SNGON RJE BTZUN TZONG KHA PA CHEN PO DANG, RTOGS LDAN 'JAM DPAL RGYA MTSO SOGS BKA' RGYUD

'DI'I DAM PA GONG MA RNAMS KYIS MDZAD TSUL GYI KHANGS DANG BCAS ZHIB TU GSUNG, BLA MA NYID KYIS JI LTAR MDZAD ZHUS PAS, NGAS SHING KUN TU LTUNG BSHAGS LA RTEN NAS BSAG SBYANG ZLA BA GCIG GI RING BYAS, DE DGA' MO BYUNG ZHES GSUNG ,DA NAS RIM GYIS YAR PHABS TE SKYID GRONG DU PHEBS, DE NAS 'DIR BZHUGS KYI NGES PA MED PA LA, DGE SLANG DGE 'DUN GYIS CHU TSAN BAR PHEBS BSUR PHYIN NAS, BLA MA RIN PO CHE'I BZHUGS GNAS PHUG PO CHE ZHES BYA BA ME TOG MDANGS CAN LAS SA DMA' ZHING, DBYAR BSIL LA DGUN DRO BA, SHING LJON PA BZANG POS KHOR MOR BSKOR BA, GNAS DBEN ZHING YID DU 'ONG BA ZHIG BTZAL NAS YOD BAS DER PHEBS BAR ZHU ZHES GSOL BA BTAB BA NA, MA 'ONGS PA'I 'BYUNG 'GYUR MKHYEN CING DUS LA BAB PAR GZIGS NAS LCAGS MO PHAG GI LOR DGA' LDAN PHUG PO CHER PHEBS SO, ,DE LTAR DGA' LDAN PHUG PO CHER PHEBS TE SA GZHI BYIN GYIS BRLABS SHING ZLA SHES BZHUGS NAS GANGS RIR PHEBS RTZIS MDZAD PA NA ,BLA MA SNGAGS RAM PAS DA RES BZHUGS DGOS PA'I GSOL 'DEBS MDZAD PAS RE ZHIG BZHUGS PAR ZHAL GYIS BZHES, DE NAS BLA MA NYID LA MI PHYED PA 'DAD BA CAN RDZONG DKAR MKHAN PO DKA' CHEN CHOS MDZAD KYIS SNGA MO NAS GSOL BA BTAB PA LTAR; KHONG GIS GTZO MDZAD DGE 'DUN MANG TZAM LA BYANG CHUB LAM RIM CHEN MO, LAM RIM CHUNG BA, RDO RJE 'CHANG CHEN PO'I LAM GYI RIM PA, RTZA LHUNG RNAM BSHAD, BLA MA LNGA BCU PA'I RNAM BSHAD SOGS RJE RIN PO CHE'I GSUNG

, ,MANG PO'I LUNG; RJE BTZUN BLO BZANG CHOS KYI RGYAL MTSAN DPAL BZANG PO'I GSUNG 'BUM PHAL CHE BA'I LUNG, ZAB LAM NAM MKHA' SGO 'BYED KYI BKA' DBANG, GCOD GZHUNG THAR 'DOD DED DPON MA'I KHRID MAN NGAG ZHAL SHES KYIS BRGYAN PA NYAMS MGUR GYI DBYANGS DANG GNYAN SAR 'GRO TSUL SOGS PHYAG LEN RNAMS KYANG MTHIL PHYIN KHRID PAR MDZAD, GZHAN YANG LHA BTZUN RDO RJE NAS BRGYUD PA'I CHOS BKA' MANG BO DANG, BLO SBYONG GI KHRID, LAM RIM GYI KHRID SOGS ZAB CHOS MANG DU STZAL, DE NAS RDZONG DKAR MKHAN POS SBYIN BDAG MDZAD NAS DGE SLONG RNAMS KYI TSOGS KHANG DANG RUNG KHANG SOGS BZO BAR MDZAD, 'DI SKABS TSOGS KHANG GI GZHI 'DING BA NA, SA DE NA PHA BONG MANG DU YOD PA RNAMS MI GZHAN GYIS THABS CI BYAS KYANG BSGUL MI THUB PA RNAMS, BLA MA NYID KYIS LCAGS KYI THUR MA CHUNG DU ZHIG GIS THABS MDZAD NAS DKA' TSEGS MED PAR 'THON PAR MDZAD PAS 'DI NI NGES BAR RDZU 'PHRUL LO ZHES GRAGS PA'ANG BYUNG 'DUG ,'DU KHANG GI 'OG GZHI'I SA'I NANG NAS DPAL LDAN LHA MO'I RTEN GTOR CI 'DRA BA'I RDO ZHIG THON PAS KUN YA MTSAN CHE BAR BYUNG ZHING, SLAR TSOGS KHANG GI SBUG TU 'JOG PAR MDZAD DO, ,DE SNGA PHAN GSHIN PO'I BSNGO ZHUS SOGS GTAN NAS BZHES PAR MI MDZAD PA LA, RDZONG DKAR MKHAN PO LA SOGS PAS SHI GSON KUN LA PHAN PA'I PHYIR BSNGO ZHUS LA SOGS PA RNAMS CIS KYANG BZHES DGOS ZHES GSOL BA BTAB PHAS, DE PHYIN CHANG BZHES PAR MDZAD

NAS DAR KHA GANG YAN CHAD RDZAS CHE CHUNG CI BYUNG YANG BDAG GIR MI MDZAD PAR DGE 'DUN LA BSNGO BAR MDZAD CING, CHUD ZOS SU MI 'GYUR BA'I DAM BSGRAGS NAN CHE BAR MDZAD, SKABS SHIG TU GRVA CHOS GLING NAS 'BA' RA SPRUL SKU MJAL BAR PHEBS TE CHOS KYI BKA' DRIN ZHUS PA NA, THUGS DGYES PA CHEN POS JO BO RJE DPAL LDAN AA TI SHA'I CHOS CHUNG BRGYA RTZA SOGS CHOS BKA' MANG DU GNANG, DE NAS BLA MA NYID DGUNG LO RE LNGAR PHEBS PA STAG GI LO'I NANG DU SKYABS MGON CHEN PO'I ZHAL MJAL BA'I PHYIR GTZANG PHYOGS SU PHEBS BZHED PA NA, RDZONG DKAR MKHAN POS KYANG GANG CI'I ZHABS TOG 'O MI BRGYAL BA MDZAD RTZIS ZHUS NAS RDZONG DKAR MKHAN PO DPON G-YOG RNAMS DANG STABS GCIG TU RIM GYIS PHEBS NAS BKRA SHIS LHUN PO'I KLU SDINGS SU COG GUR PHUB NAS BZHUGS, GLANGS LO'I MJUG NAS BZUNG PAn CHEN THAMS CAD MKHYEN PA CHEN PO RJE BTZUN BLO BZANG YE SHES SKU KHAMS BSNYUN TSUL BZHES NAS, STAG LO ZLA BA DANG BO GNYIS PA'I NANG DU SKU BSNYUN TSUL CHER BZHES SHING, DE DAG GI TSE NAM MKHA' 'JA' 'OD KYIS KHYAB CING SKABS SKABS SU 'JA' DKAR PO ZUG PA YANG YANG BYUNG, GZHAN YANG LTAS SNA TSOGS BYUNG BA BCAS GRVA SA CHEN PO RNAMS KYIS GTZOS THA GRU KUN NA BZHUGS BA'I DGE 'DUN RNAMS KYIS ZHABS BRTAN SKU RIM LA KHOR MO YUG TU 'GRUS PAR MDZAD CING, LHAG BAR BLA MA NYID LA BLA BRANG CHEN PO NAS SKYABS MGON CHEN BO'I ZHABS BRTAN LA DMIGS PA'I TSE SGRUB CIG MDZAD DGOS TSUL GNANG BAR BKRA SHIS

, ,LHUN PO'I GLING DU BZHUGS NAS ZLA SBREL GYI BAR LA SKU MTSAMS SHIN TU DAM PAR BCAD NAS GRUB RGYAL LUGS KYI TSE SGRUB LA THUN BZHIR MDZAD, DE'I TSE LHAR BCAS 'GRO BA'I BLA MA 'DIM BZHUGS NA NI SKYA BO THAMS CAD MGON DANG BRAL ZHING THUB PA'I BSTAN PA YANG CHU DANG BRAL BA'I PADMA BZHIN DU SKAD CIG LA NYAMS PA LA TSOGS MED CING, DE LTAR NA 'GRO BA'I BDE SKYID KYANG NUB PAR 'GYUR BAS, SKYABS MGOM CHEN PO 'DI NYID KYI ZHABS BRTAN LA 'BAD BA NI 'GRO BA SEMS CAN THAMS CAD KYI DON GYI MCHOG GO SNYAM DU DGONGS NAS TSE SGRUB LA SHIN TU 'GRUS PAR MDZAD CING, THUN RER GZUNGS RING STONG PHRAG RE MA THA 'GRO BAR MDZAD PA SOGS BYA DKA' BA'I BRTZON 'GRUS KYIS BZLAS SGOM LA BRTZON PAR MDZAD PAS, MGON PO TSE DPAG MED KYIS BYIN GYIS BRLABS PA'I DAG PA'I MTSAN MA KHYAD PAR CAN YANG BYUNG ZHING 'DOD PA'I DON GRUB PA'I RTAGS DANG MTSAN MA LEGS PAR BYUNG NAS SKU MTSAMS GROL, DE NAS SKYABS MGON CHEN PO YANG GDUL BYA YONGS KYI BSOD NAMS KYI MTHUS SKU KHAMS LEGS PAR DVANGS TSUL BZHES, DE NAS MI RING BAR SKYABS MGON CHEN POR BYIN RLABS ZHUS TE DON GNYER CAN KHA SHAS LA LHO BRAG BKA' 'BUM SOGS TSOS BKA' MANG DU GNANG NAS PAn CHEN THAMS CAD MKHYEN PA CHEN POR 'DI PHYIR DGE BA'I SKYABS 'JUG ZHUS NAS RIM GYIS PUG CHEN SGRUB SDER PHEBS, DE NAS RE SHIG SKU MTSAMS DAM PO LA BZHUGS, SKU MTSAMS GROL NAS YOS LO ZLA BA BZHI BA'I NANG DU SMYUNG GNAS

GYI 'GO BTZUGS NAS CHOG BRGYAD TSAR GSUM SBREL NAS ZLA BA PHYED GNYIS LHAG TZAM GYI RING LA SMYUNG GNAS MDZAD DE, GDAN GCIG DANG KHRUS KYI RIM PA, DNGOS GZHI LHA DRUG SGOM TSUL SOGS BYA BA'I RGYUD NAS BSHAD PA LTAR PHYAG LEN SHIN TU DAG BAR MDZAD CING, PO BSTOD NYER GCIG GI RING DBYANGS DANG BCAS TE PHYAG 'TSAL LA BRTZON PAR GNANG, GTZO CHER YIG DRUG GA BSNYEN PA THUN RER KHRI TSO RE TZAM 'GRO BAR MDZAD NAS SHIN TU 'GRUS PAR MDZAD PAS NUB CIG MNAL LAM DU MI DKAR BO ZHIG GIS DA GZUNGS RING BGRANG NA LEGS ZHES BRJOD PA ZHIG GSAL BAR BYUNG BAS DE PHYIN GZUNGS RING LA BRTZON PAR MDZAD, TSUL 'DI LA DPAGS NA DE'I TSE DAG PA'I MTSAN MA MANG PO BYUNG YOD TSOD 'DUG KYANG DE TZAM LAS GSUNG BA MI GNANG, DE'I TSE GRVA SLOB RNAMS BLA MA BDAG NYID CHEN PO SKU NA 'DI LTAR DU MTHO BA YANG PHYAG 'TSAL SOGS BSAG SBYANG LA 'DI LTAR 'GRUS PAR MDZAD NA, BDAG CAG LE LOR GNAS PA GA LA RIGS SNYAM DU CHUD DANG PHRAD PA'I PADMA BZHIN DU DPON SLOB TSANG MA THUGS DAM SHIN TU 'PHEL, ZLA BA BDUN PA'I NANG DU BSLAB PA KUN LAS BTUS PA, RGYAL SRAS BKA' 'BUM, DGONGS PA RAB GSAL, RTZA SHE'I t'IKA CHEN SOGS CHOS MANG DU GNANG, DON GNYER CAN KHA SHAS LA BSNYEN RDZOGS KYANG GNANG, DE NAS STON GYI RING LA MKHAS GRUB THAMS CAD MKHYEN PA'I BKA' 'BUM THOR BU BA, SDOM GSUM RNAM GZHAG THUB BSTAN BYI DOR, ZHU LAN NOR BU'I PHRENG BA, BLO SBYONG MTSON CHA

, ,'KHOR LO, MDO SDE RGYAN, MI RTAG PA'I TSOMS, DRANG NGES RNAM 'BYED, MDO SDE BSKAL BZANG, MDZANGS BLUN, BRGYAD STONG BA RNAMS KYI LUNG GNANG ZHING BRGYAD STONG BA GNANG SKABS SPYAN CHAB MANG DU BYUNG BA SHANGS PHYIS KYI SHANGS SNABS PHYID PA'I RNAM PA DANG, ZHAL GDONG LA 'GEB PA SOGS MDZAD NAS, SPYAN CHAB MI MNGON PAR MDZAD KYANG, BRGYAD STONG PA GNANG RING SPYAN CHAB NAR MAR BYUNG ZHING, SKABS SKABS SU SPYAN HUR BAG TU MDZAD NAS DGYES PA'I RNAM PA SHIN TU CHE BA RE YANG MDZAD, RES 'GA' ZAB MO'I DKA' GNAS 'DRA LA GZIGS NAS DAN SO RGAS SONG GZHAN MA CHOS BYA RGYU RANG ZHIG 'DI NA 'DUG PA YIN TE ZHES GSUNG BAR YANG MDZAD, 'DI NI RGYAL BA'I BSTAN BA SPYI'I GNAD MKHYEN PA'I MKHAS BA RNAMS LA NGO MTSAR BSKYED PA'I RNAM BAR THAR BA ZHIG STE, SNYIGS MA LAS KYANG CHES SNYIGS MAR GYUR PA'I DUS 'DIR RGYAL BA'I GSUNG RAB RNAMS RIM GRO LA NYE BAR MKHO BA DANG, PHYAG MCHOD KYI YUL TZAM DU 'DZIN PA MA GTOGS NYAMS LEN GYI GNAD RNAMS DE NA YOD PA'I THE TSOM TZAM YANG SKYE BA SHIN TU DKON PA LA, DAM PA 'DIS NI GDAMS PA'I GNAD MTHAR THUG RNAMS GSUNG RAB NYID LA YOD PAR GZIGS PA YIN NO, ,DE NAS 'BRUG LO ZLA BA BZHI PA'I NANG DU DON GNYER CAN RNAMS KYIS YUN RING MO NAS GSOL BA BTAB BA LTAR DUS GSUM GYI SANGS RGYAS THAMS CAD GANG NAS GSHEGS SHING GSHEGS PAR 'GYUR BA'I LAM PO CHE, SDE SNOD GSUM GYI BRJOD BYA THAMS CAD PHYOGS GCIG TU BSDUS PA,

DPAL LHA CIG D'I BAm KA RA DANG CHOS KYI RGYAL BO TZONG KHA BA CHEN PO GNYIS KYI THUGS KYI BCUD BYANG CHUB LAM GYI RIM BA'I DMAR KHRID, RJE BTZUN BLO BZANG YE SHES DPAL BZANG PO'I GSUNG MYUR LAM GYI STENG NAS SHIN TU RGYAS PA DPAL DBEN SA PA'I MAN NGAG GI GNAD RNAMS TSANG BAR ZLA BA GCIG GI RING GNANG, CHOS KYI DKYIL TZAM DU SKU KHAMS MI BDE BA ZHIG BYUNG NAS NYIN GCIG GNYIS CHOS MTSAMS MDZAD DGOS BYUNG BAS, DGE SLONG RNAMS KYIS RANG RANG GI 'BYOR PA CI YOD BSDUS NAS BLA MA GRUB PA'I DBANG PHYUG CHEN POR SKU GSUNG THUGS RTEN, DBU ZHVA, SNAM SPYAR, LHUNG BZED, GDING BA SOGS YO BYAD CI 'BYOR DANG BCAS MAndAL PHUL TE ZHABS PAD BSKAL BRGYAR BRTAN PA DANG SKU BSNYUN BA'I TSUL MI STON PAR CHOS KYI 'KHOR LO BSKOR DU GSOL ZHES GSOL BA BTAB PA NA, CHOS PHYIR LUS LONGS SPYOD THAMS CAD 'BUL BA NI KHYED RANG RNAMS TSOGS RDZOGS SHING SNGON GYI GRUB CHEN RNAMS KYI RNAM THAR DANG MTHUN PAS RTEN 'BREL LEGS ZHES GSUNG ZHING DGYES NYAMS CHEN PO MDZAD, DE MA KHAD BSNYUNG GZHI LEGS PAR DVANGS SHING CHOS 'PHRO YANG DGYES BZHIN RDZOGS PAR GNANG, CHOS GROL NAS GTANG RAG GI MCHOD PA RGYAS BAR BSHAMS TE SEMS BSKYED ZHUS PAR SPYOD 'JUG NAS 'BYUNG BA LTAR DGYES BZHIN DU GNANG, 'BRUG LO'I STON RJE MI LA'I RNAM MGUR, TSUL KHRIMS LE'U'I RNAM BSHAD BYANG CHUB GZHUNG LAM, 'DUL BA MDO RTZA, TSAD MA RNAM 'GREL, DBU MA RIGS TSOGS DRUG ,'DUL BA'I BSLAB BYA CHAN MO, GZHI GSUM CHO GA SOGS LUNG MANG

, ,PO DANG, BYIN RLABS NAM MKHA' SGO 'BYED KYI DBANG, GCOD KYI ZAB KHRID RGYAS BA BCAS GNANG NGO, ,DE NAS SBRUL LO'I NANG DU PHAL CHER SKU MTSAMS LA BZHUGS SHING DON GNYER CAN RNAMS LA PAn CHEN THAMS CAD MKHYEN PA RJE BLO BZANG YE SHES KYI GSUNG 'BUM GYI LUNG SOGS CHOS BKA' MANG DU GNANG, DA NAS RTA LO DANG LUG GI LO PHAL CHER SKU MTSAMS LA BZHUGS SHING, LUG LO'I STON DGA' LDAN PHYAG RGYA CHEN PO'I BKA' KHRID SNGON 'GRO'I KHRID BZHI DANG BCAS PA RGYAS PAR STZAL, DE LTAR BLA MA BDAG NYID CHEN PO 'DIS BSTAN PA'I DON DU DGE 'DUN GYI SDE BTZUGS SHING BCAS KHRIMS DAM PAR MDZAD, RDZONG DKAR CHOS SDE NAS RAB BYUNG DON DU GNYER BA RNAMS LA YANG DGYES BZHIN DU GNANG, GZHAN YANG GRUB MTHA'I PHYOGS LHUNG GTAN NAS MI MNGA' BAR RIS SU MA CHAD PA'I SKYE 'GRO KUN LA THUGS BRTZE BA 'BA' ZHIG MDZAD PAS, GRUB MTHA' RIS SU MA CHAD PA'I BSTAN 'DZIN THAMS CAD KYANG DAM PA 'DI'I ZHABS LA GTUGS NAS BYIN RLABS DANG CHOS 'BREL ZHU BA DANG, DGE BSNYEN, DGE TSUL, DGE SLONG GI SNGOM PA BLANGS NAS THUB PA'I BSTAN PA LA ZHUGS TE BCAS KHRIMS SRUNG BA MANG DU BYUNG BAS, BAL BOD MTSAMS KYI YUL PHYOGS 'DIR THUB PA'I BSTAN PA MING TZAM YANG MA LUS PAR NUB PA'I DUS 'DIR BLA MA GRUB PA'I DBANG PHYUG CHEN PO 'DIS THUB PA'I BSTAN BA DAR BAR MDZAD PAS NA RGYAL BA'I BSTAN PA LA BYA BA CHEN PO MDZAD CING BAL BOD MTSAMS KYI SKYE 'GOR RNAMS LA BKA' DRIN ZLA MED DU MDZAD DO,,

DA LTAR SKU DNGOS KYI GDUL BYA 'DUL BA'I MDZAD PA RNAMS RDZOGS NAS ZHING KHAMS GZHAN DU 'BYON PA'I DGONGS PA GTAD BAN MI RTAG PA'I GSUNG YANG YANG GNANG ZHING, DUS BZHI'I 'GYUR LDOG LA BRTEN NAS NAM ZLA DBYAR KHA KHO SONG, STON KA RU SLEB BYUNG GSUNG BA SOGS MI RTAG PA'I GTAM RANG GSUNG, RES 'GA' GSUNG SGROS KYI MU NAS SNGON GYI BYUNG BA MANG PO DANG, JO BO RJE DANG, RJE BTZUN TZONG KHA BA YAB SRAS RNAMS KYIS DGUNG LO JI TZAM BZHUGS PA SOGS GSUNGS NAS , SNGON GYI DAM PA RE GNYIS MA GTOGS NGED RANG YANG LO RING TSAD DU SLEB PA YIN PAR 'DUG CES GSUNG BA DANG, YANG LAN CIG LO GSUM TZAM NAS 'CHI BA SHES KYIN YOD PA 'DRA, LO GCIG NAS 'CHI BA NI SHES TSOD RANG DU 'DUG CES GSUNGS NAS BZHAD MO MDZAD DE ,DE NI RANG NYID JI TZAM LA GSHEGS MKHYEN PAR 'DUG GO, DE NAS SKU BSNYUNG TSUL MDZAD CING BZHENG BZHUGS DKA' BAR BYUNG BA'I TSE, DA NI GSUNG RIS DANG MDZAD PA GANG LA BRTAGS KYANG MA LEGS SO SNYAM NAS ZHABS BRTAN LA BRTZON PAR BYAS SHING, SPYI SGER THAMS CAD NAS ZHABS BRTAN PHUL BAR THUGS MNYES MNYES MDZAD CING ZHAL BZHES NI MA GNANG, TSE RING DU GNAS NA RNAM DKAR GYI, ,LAS BZANG PO SGRUB PO SHI YANG BDE, ,LAS BAG CHAGS BZANG PO'I DANG DU 'CHI, ,AA LA LA GSON SHI SEMS LA SNYOMS, ,TSE SGRUB KUN JI LTAR DGYES DGYES MDZOD, ,CES GSUNGS PA DE YIN PAR 'DUG CES GSUNG BA DANG, YANG LAN CIG KHYED GROGS PO TSOS 'DI GTZAM GYI DAG SNANG BYED LUGS KYIS

, ,DBEN SA SNYAN RGYUD KYI BSTAN PA 'DI DA DUNG DAR RGYU YIN SHAS CHE ZHES TSIG NUS PA CAN DBYAD DKA' BAR GSUNG, DE NAS BLA MA NYID KYI PHYAG NA YOD PA'I DNGOS CHAS RNAMS DGE PHYOGS SU BSNGO BAR MDZAD, ZHABS 'BRING DU 'KHOD PA'I DGE SLONG RNAMS LA YUM GSUNG SGROG DANG RDO RJE 'JIGS BYED KYI SGRUB MCHOD CIG TSUGS GSUNGS, DE LTAR BKA' BZHIN DU BSGRUBS SKU GZUGS BSNYUNG BAB LCI YANG ZHAL MDANGS SHIN TU RGYAS SHING DED DPON YID BZHIN GYI NOR BU THOB NAS RANG YUL DU 'GRO BA LTAR ZHING BRJE BA LA DGYES NYAMS KYI SPRO BA CHEN BO MDZAD CING, SKU DNGOS KYI GDUL BYA RNAMS RDZOGS PA NA DGUNG LO DON GNYIS SU PHEBS PA LCAGS MO BYA LO'I ZLA BA GSUM PA'I TSES BCU'I NAM LANGS TZAM LA LHA DANG LHA MO RNAMS KYIS GDUGS DANG, RGYAL MTSAN DANG, BA DAN DANG, ROL MO SOGS MCHOD PA'I BYE BRAG BSAM GYIS MI KHYAB BA THOGS PA'I BSU BA DANG BCAS TE DGA' LDAN YID DGA' CHOS 'DZIN DU GSHEGS SO,, DE'I TSE THAMS CAD STONG PA 'OD GSAL MNGON DU MDZAD PA NA, 'OD GSAL DE NYID 'DI 'DRA'O ZHES MTSON PA'I PHYIR DU NAM MKHA' NI SPRIN DANG, RDUL DANG, KHUG RNA SOGS GANG GIS KYANG SGRIB PA MED PA SHIN TU G-YA' DAG CING, SA GZHI LA RLUNG GI RGYU BA PHRA MO TZAM YANG MED PAR GYUR TE, DE NAS DGE SLONG RNAMS KYIS DPAL RDO RJE 'JIGS BYAD CHEN PO'I DKYIL 'KHOR ZHAL PHYE NAS BLA MA DANG DKYIL 'KHOR GYI GTZO BO THA MI DAD PA LA PHYI NANG GSANG BA DE KHO NA NYID KYIS MCHOD CING, SMON LAM

KHOR YUG TU MDZAD, STENG 'OG NAS BYANG SEMS BABS PA SOGS THUGS DAM GROL BA'I RTAGS RNAMS BYUNG BAN, PHYOGS MTHA' DAG NAS 'DUS PA'I DAD LDAN RNAMS KYIS MCHOD PA DPAG TU MED PA PHUL ZHING GSOL BA BTAB NAS LAS BZANG PO'I 'BREL PA BZHAG ,THUGS DAM GROL BA NAS BZUNG NAM MKHA'I DKYIL RGYA MTHING BZANG PO'I MDOG LTAR SNGO ZHING DANGS PA LA, PHYOGS KYI RI RTZE RNAMS SU SPRIN GSAR DKAR PO BLA BRE LTAR BRES PA DANG, 'GA' ZHIG GDUGS LTA BU, 'GA' ZHIG BA DAN LTA BU, 'GA' ZHIG RGYAL MTSAN LTA BU DANG, PHYOGS PHYOGS SU 'JA' 'OD KHA DOG SNA LNGA PA 'PHYANG BA SOGS ZHAG MANG PO'I BAR LHA RNAMS KYIS MCHOD PA'I LTAS DPAG TU MED PA BYUNG NGO, ,BLA MA BDAG NYID CHEN PO 'DI'I RNAM PAR THAR PA RGYAS PAR NI THUB BSTAN MDZES RGYAN RIN PO CHE'I PHRENG BA DANG, GSANG BA MCHOG GI MDZAD PA LAS BRTZAMS TE RTOGS PA BRJOD PA DNGOS GRUB KYI SNYE MA ZHES BYA BA GNYIS SU BDAG GIS RGYAS PAR BRIS ZIN PAS DA DAG LAS SHES SAR BYA'O, , DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BYA BRAL GRUB PA'I DBANG PHYUG CHEN PO 'DI LA GSOL BA 'DEBS SHING, BDAG NYID CHEN PO 'DI'I RNAM THAR LTAR MDO SNGAGS KYI GZHUNG LA THOS PA PHU THAG CHOD PA BYAS SHING SNYAN RGYUD KYI MAN NGAG THOB PAR BYAS LA TSE 'DI BLOS BTANG STE DBEN PA'I RI SUL DU 'CHO BA DKA' THUB LA GNAS NAS TSE DANG SGRUB PA MNYAM PAR BYA ZHING, DE TZAM MA THUB KYANG BDAG NYID CHEN PO 'DI'I MDZAD PA RNAM THAR RNAMS

, ,SMON LAM GYI YUL DU BYAS TE NYIN RE BZHIN LAM CHA TSANG LA BAG CHAGS CI THEBS BYA'O,, ` ,,RJE BTZUN BLO BZANG CHOS KYI RGYAL MTSAN NAS DRUNG BA YAB SRAS RNAMS DANG DE NAS RJE SGRUB KHANG PA SOGS LA BRGYUD PA'I BLA MA RNAMS KYI RNAM PAR THAR PA 'CHAD PA LA DRUNG BA RGYAL TSAB BA'I RNAM THAR NI SNGAR BRJOD ZIN LA, RJE BTZUN BLO BZANG DAM CHOS RGYAL MTSAN ZHES BSNGAGS PA, DRUNG PA RTA PHUG PA BLO BZANG DAM CHOS RGYAL MTSAN NI, STOD MNGA' RIS SKONG GSUM GYI NANG TSAN ZANGS DKAR GYI YUL GYI CHA ZANGS LA ZHES BYA BAR YAB MNGA' RIS CHOS RGYAL GYI GDUNG RGYUD DPAL LDE ZHES BYA BA DANG, YUM SKYID 'DZOM ZHES PA GNYIS KYI SRAS SU LUG GI LO NGO MTSAR BA'I LTAS DANG BCAS TE 'KHRUNGS, DE GONG DU SRAS MANG PO TSE MA ZIN PAS SRI CHOD THABS SU GZHON NU 'DI'I MTSAN LA KHYI DPAL LDE ZHES BTAGS, SKYES RABS MANG BOR LAM LA SBYANGS PA'I BAG CHAGS SAD PAS MNO SHES PA NAS BZUNG BYIS PA THA MAL PA LTAR NGAN SPYOD GANG YANG MI MDZAD PAR SKU GSUNG THUGS RTEN MTHONG NA DGA' ZHING DE LA MCHOD PA BYED PA DANG, GSUNG NGAG MA BYE GONG DU YANG TSIG 'BRU MI GSAL BAR CHOS DANG GZUNGS SNGAGS SNA TSOGS BZLA BA ZHIG BYUNG, DE NAS DBUS GTZANG CHOS KYI ZHING DU PHYIN NAS CHOS RNAM DAG CIG BYA 'DOD PA NAR MAR BYUNG YANG YAB YUM DANG NYE DU SOGS KYIS GTONG DU MA NYAN PAR RE SHIG KHYIM DU

ZHUGS NAS 'DRI KLOG DANG CHOS SPYOD 'DZIN PA SOGS LA BRTZON PAR MDZAD, DE NAS DGUNG LO BCU DRUG LON PA'I TSE DRUNG BA BLO BZANG RNAM RGYAL ZHES PA'I DAM PA ZHIG YOD PA DE'I DRUNG DU SKRA BCAD, YONGS RDZOGS DGE BSNYEN KYI SDOM PA ZHUS, DE SKABS PAn CHEN BLO BZANG CHOS KYI RGYAL MTSAN GU GE MTHO LDING DU PHEBS NAS MNGA' RIS SKOR GSUM GYI SKYA SER TSANG MAS DAD GUS BLA LHAG TU CHE BAR BYED PAS DAM PA 'DI LA'ANG DRUNG PA BLO BZANG RNAM RGYAL GYIS PAn CHEN BLO BZANG CHOS KYI RGYAL MTSAN GYI MTSAN NAS DRAS TE BLO BZANG RGYAL MTSAN ZHES BTAGS, DE NAS RTZA BZHI CHANG DANG BCAS PA SROG DANG BSDOS TE BSRUNG ZHING YUL DE'I DBEN GNAS DU MAR DGE SBYOR LA BRTZON PAR MDZAD, DE'I TSE BYA BRAL GNAS NGES MED DU 'BYON PA MTHONG TSE BDAG KYANG NAM ZHIG NA TSE 'DI'I GNYEN NYE DU GANG GIS KYANG MTHONG TSOR MED PAR DBEN PA'I RI SUL DU 'TSO BA DKA' THUB LA GNAS NAS DPON MED G-YOG MED SNA THAG MGO DKRIS KYI SPYOD PAS SGRUB PA SNYING BOR BYED BZHIG NAM 'ONG SNYAM PA 'BA' ZHIG 'KHRUNGS, DE NAS SNGAR DBUS GTZANG DU SLOB GNYER LA 'GRO MYONG BA 'GA' ZHIG GIS MNGON RTOGS RGYAN ZIN NA YONG ZHES BSKUL BA NA DRUNG PA 'DI BA GROGS MCHED GSUM GYIS 'DZIN PAR MDZAD DE NYIN RE BZHIN NAM LANGS TE YI GE MTHONG TZAM NAS KHANG BA LA NYIM MA SHAR GYI BAR LA SHLOO KA BCO BRGYAD RE 'CHAG MED DU 'DZIN PAR MDZAD, GZHAN YANG BSHES SPRID DANG DBU MA 'JUG PA SOGS GZHUNG MANG PO GZUNG BAS DER GNAS PA KUN NGO MTSAR YA MTSAN DU

, ,GYUR NAS 'DI 'DRA BA'I MKHYEN RABS CHE BA DBUS GTZANG DU PHYIN NAS GZHUNG LUGS CHEN MO RNAMS LA SBYANGS NA GZHAN DANG MI 'DRA BA ZHIG 'ONG ZHES BSNGAGS PA BYUNG, DE NAS DGUNG LO NYER LNGA LA BAB PA NA KHYIM GYI GNAS NI SDUG BSNGAL DU MA'I 'BYUNG GNAS SU RIG NAS YID 'BYUNG DANG SKYO SHAS SHUGS DRAG POS DA RIS DAL BA'I RTEN LAN CIG THOB PA 'DI DON LDAN DU BYA PHYIR DBUS GTZANG DU PHYIN LA CHOS RNAM DAG CIG BYA'O SNYAM DU THAG BCANG NAS RANG YUL NOR LONGS SPYOD GNYEN NYE DU THAMS CAD DANG GSON BRAL BYAS NAS RIGS MTHON POR SKYAS PA'I NGA RGYAL DANG SNYEM BA GANG YANG MED PAR 'TSO BA BSOD SNYOMS LA BRTEN TE BYA BRAL RTUL ZHUGS KYI SPYOD PAS DBUS GTZANG GI LJONGS SU PHEBS SO, ,DE NAS BKRA SHIS LHUN POR PHEBS PA NA PAn CHEN BLO BZANG CHOS KYI RGYAL MTSAN SOGS DMAG GI CHIN GSAL PHEBS PA DANG THUGS STE MA BZHUGS PAS DKYIL KHANG GI RDZA ZHAL SNGA NAS SMAN BLA MA'I DRUNG DU RAB TU BYUNG STE DGE TSUL BSGRUBS, MTSAN SNGAR GYI DE'I STENG DU DAM CHOS ZHES PA BSNAN TE BLO BZANG DAM CHOS RGYAL MTSAN ZHES BTAGS, DGE TSUL GYI BSLAB BYA RNAMS LEGS PAR BSRUNG ZHING GZHUNG LUGS LA SBYOD BA'I 'GO BRTZAMS, DE NAS PAn CHEN THAMS CAD MKHYEN PA BLO BZANG CHOS KYI RGYAL MTSAN PHEBS PA NA MJAL BAR BYON PAS DRUNG PA 'DI NYID RJE NYID KYI THUGS SRAS DAM BAR 'GYUR BAR MKHYEN NAS SKU MDUN DU BZHAG NAS YUL GANG NAS YIN DON GANG LA

'ONGS SOGS BKA' DRI ZHIB TU GNANG BAR RANG GI YUL DANG DE NAS 'ONGS PA'I BSAM BA'I KHYAD PAR RNAMS ZHIB TU ZHUS BA NA THUGS SHIN TU MNYES NAS DA KHYOD 'DI RU SDOD DAM DBUS SU 'GRO GSUNGS, DRUNG PA 'DI BAS AA KHU DRUNG PA RGYAL TSAB PA DANG POR DVAGS PO GRVA TSANG LA BYON PAS BDAG KYANG DVAGS PO GRVA TSANG LA 'GRO ZHUS PAS, PAn CHEN THAMS CAD MKHYEN PA CHEN PO'I ZHAL NAS GRVA SA GAR PHYIN YANG RANG GIS NUS PHYIN MTSAN NYID KYI SLOB GNYER BYED PA LA KHYAD MED DE DBANG LUNG MAN NGAG THOB PA LA 'DIR BSDAD NA LEGS BA YONGS GSUNG BA LA DRUNG PA 'DI PAS THUGS LA GANG SHAR DRANG POR ZHUS TE, 'DIR SDOD BA LA CHAS DNGOS KYANG GANG YANG MED AA KHU DRUNG PA RGYAL TSAB PA YANG DVAGS PO GRVA TSANG LA PHEBS PA BCAS DER 'GRO BSAM PA YONG ZHUS PA NA PAn CHEN THAMS CAD MKHYEN PAS 'ON 'U RANG GNYIS SHO DRIL, NGA'I SHO CHE BA BYUNG NA 'DIR SDOD, DRUNG PA RANG SHO CHE BA BYUNG NA DBUS SU RGYUG GSUNGS NAS PHYAG GIS DUNG SHO GNYIS DRIL TE 'DI 'AM BU'I YIN; 'DI DRUNG PA'I YIN ZHES ZHAL BA'I STENG DU DRIL BA NA DRUNG PA 'DI PA'I SHO MIG CHUNG BA BYUNG PAS PAn CHEN THAMS CAD MKHYEN PA THUGS MNYES NAS 'DIR SDOD PA DGA' BA 'DUG ,DBANG LUNG RJES GNANG SOGS CHOS GANG 'DUG KYANG SHOG GSUNGS, 'DI PAS KYANG THUGS RJE? CHE ZHES ZHUS, DE NAS CHOS GRA 'GRIMS TE THOG MAR RNAM 'GREL LA SLOB GNYER MDZAD CING PAn CHEN THAMS CAD MKHYEN PA CHEN POS CHOS GANG GNANG YANG BLA BRANG NAS BRDA GTONG BAR MDZAD PAS MDO SNGAGS

, ,KYI CHOS BKA' MTHA' YAS PA RIM PAS THOB, BAR SKABS SHIG CHU MA 'PHROD BAS BAD KAN GYIS BSNYUN TSABS CHE TZAM ZHIG BYUNG BA SMAN BA RNAMS KYIS NAD 'DI LAS MI THAR ZHES BLOS BTANG BA NA, PAn CHEN THAMS CAD MKHYEN PA CHEN POR SKYABS 'JUG ZHUR PHEBS BAS BAn CHEN THAMS CAD MKHYEN PA CHEN POS SGROL LJANG GI MNGON RTOGS SHIG GI LJAGS LUNG GNANG NAS SNGON GYI LAS 'BREL ZHIG 'DUG PAS SGROL MA 'DI LA BSNYEN PA ZHIG GYIS DANG DGA' MO YONG ZHES BKA' PHEBS, DE 'PHRAL DU MTSAMS BCAD DE BSNYAN PA MDZAD PAS RJE BTZUN MA SGROL MA'I ZHAL GZIGS BSNYUN GZHI YANG DRANGS, DE NAS BZUNG STE SKU TSE PHRIL POR NYIN RER SGROL BSTOD GANG 'GRUB RE DANG, LEGS BRIS MA TSAR RE 'CHAG MED ZHAL 'DON MDZAD, DE NAS BAR SKABS SHIG GNAS BSKOR ZHIG MDZAD, DE NAS BKRA SHIS LHUN POR PHEBS NAS SNGAR RGYUN BZHIN THUGS GNYER LA BRTZON PAR MDZAD PAS 'BRUM BU'I NAD KYIS PHYOGS THAMS CAD KHYAB CING NAD BYUNG TSAD SHI BA ZHIG BYUNG BA NA MNGA' RIS PHYOGS KYI SLOB GNYER BA PHAL CHER RANG YUL LA BROS, DAM PA 'DIBS PAn CHEN THAMS CAD MKHYEN PA CHEN PO'I SKU MDUN DU PHYIN NAS RANG YUL LA PROS PA LEGS SAM JI LTAR LEGS ZHES ZHUS PA NA, DA LAM DGA' MO YONG 'GRO GSUNG ZHING SRAN NAG BDUN LA LJAGS SNGAGS BTAB STE DAR DMAR ZHIG LA DRIL NAS RGYAS BTAB STE 'DI SKE LA THOGS, ZHAG BDUN SONG BAN YANG LEN DU SHOG GSAR PA STER BA YIN

RNYING PA'I SRAN MA RNAMS KHYUR MID GYIS CHOS GRVA MA CHAG PAR RGYUG GSUNGS, BKA' BZHIN BYAS BAS 'BRUM BU'I NAD MA BYUNG ZHING SLOB GNYER 'PHEL BA BYUNG BAS BLA MA LA SANGS RGYAS DNGOS GYI 'DU SHES BCOS MA MIN PA 'KHRUNGS, DE NAS RE SHIG DRUNG PA RGYAL TSAB PA DANG MNYAM DU DBEN BA'I GNAS MANG POR THUGS DAM GANG 'PHEL MDZAD, LHAG PAR RTA NAG LA KHAR BZHUGS RING RJE ZHAL SNGA NAS SMAN BLA BA LA KHA CHOS SDE'I BLA MAR PHEBS PA DANG THUG PAS MJAL BAR PHEBS, DE'I TSE BLA MA DE'I ZHAL NAS KHYED RI KHROD PA TSOS BKA' DRIN GSOL 'DEBS MA 'DZIN DGOS GSUNGS, BLA MA DGONG JA'I TSOGS LA PHEBS PA DANG MNYAM DU 'DI BAS BKA' DRIN GSOL 'DEBS MA BZUNG BAS BLA MA DGONGS TSOGS NAS TSUR PHEBS DUS ZIN THUB PA BYUNG BLA MA LA ZHUS PAS BLA MA HA LAS TE DE 'DRA MI BDEN RIB TZAM ZHIG LA DE TZAM ZIN MI THUB GSUNG, 'DI PAS ZIN NAS 'KHYOR TZAM YOD ZHUS NAS BSKYAR BAS BLA MA DES NGO MTSAR YA MTSAN DBE MED DU 'DZIN PAR MDZAD DE, PAn CHEN BLO BZANG CHOS KYI RGYAL MTSAN GYIS MDZAD PA'I BKA' DRIN GSOL 'DEBS MA 'DI LA SHOG BU BZHI TZAM YOD PA DGONG TSOGS RI'I YUN LA LJAGS 'DZIN THUB PA 'DI NI MKHYEN RAB RMAD DU BYUNG BA ZHIG GO ,DE NAS NUB GCIG MNAL LAM DU PAn CHEN BLO BZANG CHOS KYI RGYAL MTSAN GYIS THOG MA'I BLO SBYONG GI LJAGS LUNG YONGS RDZOGS GNANG BA GSAL BAR RMIS BZHIG BYUNG, DE NAS BKRA SHIS LHUN POR PHEBS TE PAn CHEN THAMS CAD MKHYEN

, ,PA MJAL BA NA DRUNG PAS THOG MA'I BLO SBYONG GI LUNG THOB BAM GSUNG, SNGAR MA THOB ZHUS PA NA 'O NA DA LTA LUNG ZHIG BYED DGOS YOD BAS SHOG RI KHROD BA LA 'DI GAL CHE GRUB CHEN GNAS BCU PA 'DI YANG THOG MA'I BLO SBYONG THOS PA'I RKYEN GYIS BLO CHOS LA 'KHUL TE RTOGS PA MTHON POR SONG BA YIN GSUNGS NAS DGYES BZHIN DU LUNG GNANG, DE NAS DGUNG LO SUM CU SO GNYIS SU PHEBS BA NA PAn CHEN THAMS CAD MKHYEN PA CHEN POR BSNYEN RDZOGS KYI SDOM PA ZHUS 'DUL BA'I BSLAB BYA RNAMS KYANG RGYAS PAR SLOB BAR MDZAD, PAn CHEN THAMS CAD MKHYEN PA CHEN PO LA THOG MA MJAL PA NAS BZUNG CHOS BKA' MTHA' YAS PA GSAN ZHING TSOGS CHEN DU GNANG BA'I GRAS LA, SGRUB THABS BRGYA RTZA'I NANG GI LHA RNAMS KYI RJES GNANG DANG LJAGS LUNG, LHO BRAG GRUB CHEN GYI BKA' 'BUM, 'JAM DBYANGS CHOS SKOR ,JO BO'I CHOS CHUNG BRGYA RTZA, RJE DGE 'DUN RGYA MTSO'I GSUNG 'BUM GYI STOD, BSLAB BTUS, BYANG CHUB GZHUNG LAM, SBYIN SREG DNGOS GRUB RGYA MTSO, MKHAS GRUB RIN PO CHES MDZAD PA'I 'JIGS BYED KYI BSKYED RIM, STON PA'I RNAM THAR CHEN MO, DGA' LDAN CHOS 'BYUNG, GTZUG TOR GDUGS DKAR GYI MDO SOGS KYI LUNG, SGROL MA NYER GCIG GI RJES GNANG, PHAG DKAR SHES RAB GSAL BYED KYI RJES GNANG, 'JAM DBYANGS DBA' GCIG ,AA RA PA TZA NA, 'JAM DBYANGS DKAR PO, 'JAM DPAL NAG PO, 'JAM DBYANGS SMRA SANG, DUS MA CHEN MA, KU RU KULLE, DBYANGS CA NA MA, SGROL DKAR LJANG, RI KHROD MA, GTZUG

TOR GDUGS DKAR, RNAM RGYAL MA, SME BRTZEGS, SENG GDONG MA, DZAM SER NAG ,THUB BA RDO RJE GDAN MA, MI G-YO PA SNGON PO, SPYAN RAS GZIGS PHYAG BZHI PA, SENG GE SGRA, RTA MGRIN GSANG SGRUB, LCAGS RAL CAN, SNA TSOGS YUM RNAMS KYI RJES GNANG, GSANG 'DUS, 'JIGS BYED BDUD LAS RNAM RGYAL, 'JIGS BYED BCU GSUM MA RNAMS KYI DBANG, MGON PO PHYAG DRUG BA, CHOS RGYAL PHYI NANG GSANG GSUM, ZHAL BZHI PA, LHA MO, GUR MGON, RNAM SRAS, BEG TZE, PHYAG RDOR 'KHOR CHEN, GTUM PO, AU TZARYA, GOS SNGON CAN RNAMS KYI RJES GNANG GSAN, GZIM CHUNG DU SGER DU GNANG BA LA GSANG 'DUS MI BSKYOD PA'I DBANG, BDE MCHOG L'U AI PA'I DBANG, 'JIGS BYED BCU GSUM MA'I DBANG, MI 'KHRUGS PA'I DBANG, NAM MKHA' SGO 'BYED KYI DBANG DANG GCOD KYI KHRID RNAMS GSAN ZHING, LHAG PAR LAM RIM GYI KHRID DPAL DBEN SA SNYAN RGYUD KYI MAN NGAG SKYES BU CHUNG NGU YAN DAM BA 'DI GCIG PU LA GZIM CHUNG DU RGYAS PAR GNANG ZHING, SKYES BU 'BRING TSUGS NAS DRUNG PA RGYAL TSAB PA YANG DER PHEBS PA DANG THUG STE DRUNG PA GNYIS PO LA LAM KHRID YONGS RDZOGS SNYAN RGYUD KYI MAN NGAG GEGS SEL BOGS 'DON DANG BCAS PA TSANG BAR GNANG ZHING DE'I TSE GANG GNANG BA THAMS CAD BDAG NYID CHEN PO 'DIS THUGS SU CHUD PAR MDZAD DO, ,DE NAS DRUNG PA 'DIS LAM RIM CHUNG BA THUGS 'DZIN MDZAD NAS NYIN RE BZHIN GZIM CHUNG DU PHEBS TE 'DI PA GCIG PU LA LAM RIM CHUNG BA

, ,'GO NAS MJUG RDZOGS KYI BAR TSIG GCIG KYANG MA LUS PA MTHA' DAG PAR GZABS BSHAD GNANG ZHING DKA' BA'I GNANG RNAMS LA DRI GTUGS KYI SGO NAS MTHA' CHOD PAR MDZAD DE, DE LTAR NA DAM PA 'DI NI PAn CHEN BLO BZANG CHOS KYI RGYAL MTSAN GYI NANG THUGS KYI SRAS SHIN TU GCES PAR MDZAD PA ZHIG GO ,DRUNG PA 'DIS NYIN GCIG PAn CHEN THAMS CAD MKHYEN PAn CHEN PO MJAL BAR BYON TE SKU MDUN DU GCIG PU YUN RING BZHUGS RGYU BYUNG PA NA BDAG LA JO BO RJE DANG BKA' GDAMS LHA BZHI LA BRTEN PA'I BLA MA'I RNAL 'BYOR ZHIG GNANG DGOS ZHES GSOL BA BTAB PA NA DGYES BZHIN DU DA LTA RANG BYAS PAS CHOG GSUNGS NAS JO BO RJE BKA' GDAMS LHA BZHI DANG BCAS PA'I BLA MA'I RNAL 'BYOR ZHIG THUGS THOG NAS GNANG BA DRUNG PA 'DI PAS GANG GSUNGS THAMS CAD 'DZIN THUB PA BYUNG, DE NAS BZUNG STE SKU TSE HRIL POR NYIN RE BZHIN JO BO RJE LA GSOL BA 'DEBS BA DANG BKA' GDAMS LHA BZHI'I SNYING PO RNAMS BRGYA RTZA RE 'CHAG MED BZLA BAR MDZAD, DE NAS PAn CHEN THAMS CAD MKHYEN PAn CHEN POS 'DI PA LA DA RI KHROD LA SONGS LA SGRUB BA GYIS ZHES BKA' STZAL, DRUNG PA 'DI PAS BDAG GIS THOS PA MTHAR MA PHYIN PAS SGRUB PA TSAD LDAN ZHIG MI 'ONG NGAM ZHES ZHUS PA NA, PAn CHEN THAMS CAD MKHYEN PA CHEN POS SNGON LA THOS PA BYAS, DE NAS RI KHROD DU THUGS DAM BYED ZER BA MANG PO YONG GI 'DUG KYANG DE THOG TU 'GRO BA DANG MTHAR THON PA MI YONG BA 'DUG ,RI KHROD DU

PHYIN NAS THOS BSAM SGOM GSUM ZUNG 'BREL DU BYED DGOS PA YIN, DGE BA'I BSHES GNYEN PO TO BDE GZHUNG LUGS RGYA MTSO LTA BU LA GZIGS PA YIN YANG DA LTA'I CHOS GRVA'I 'CHAD NYAN LTA BU MIN, RE SHIG RI KHROD DU DRUNG PA RGYAL TSAB PA LA BRTEN LA DOGS DPYOD ZHU YIN BYED, MNYAM DU MA SDOD, TSE BLOS BTANG GI RI KHROD MTHAR PHYIN BA ZHIG BYED DGOS GSUNG, DE NAS 'DI BAS BKA' BZHIN ZHU ZHES ZHUS TE RI KHROD DU 'BYON PAR THAG BCAD, THON KHAR PHYAG DBANG LA BYON PA NA THUGS DGYES BZHIN DU BYANG DAR DMAR PO LA MDUD BA MANG PO GNANG BZHIG DANG, DBU LO BUBS PHYED GNANG STE 'DI GNYIS LUS LA THOGS SLAR CHOS GANG 'DUG KYANG SNYAN GSAN BYED MI DGOS YONGS CHOG CES BKA' PHEBS, DE NAS DRUNG PA 'DI PAS BLA MA'I BKA' BZHIN DU MTHO MTHO RLUNG LA BSKUR, DMA' DMA' CHUL BSGYUR ZER BA LTAR GANG LA'ANG CHAGS ZHEN MED BAR CHOS GOS GSUM DANG LHUNG BZED GDING BA CHU TSAGS, NYER MKHO'I GLEGS BAM BOD GCIG ,'BRAL SPANG GI SKU, NYIN GNYIS KYI BRGYAGS PHYE MA GTOGS GZHAN GANG YANG MED PAR SPO 'KHAR BSNAMS TE RTA NAG PHYOGS KYI RI KHROD LA PHEBS SO, ,DE NAS RTA NAG PHU'I RI KHROD DBEN BA ZHIG TU 'TSO BA DKA' THUB LA BRTEN TE BYANG CHUB LAM GYI RIM PA'I NYAMS LEN LA BRTZON PA CHU BO'I RGYUN BZHIN MJAD CING BZHUGS SO, ,DE NAS PAn CHEN THAMS CAD MKHYEN PAn CHEN PO RTA NAG PHYOGS SU PHEBS PA NA 'DI PAS SKU MDUN DU MJAL BAR BYON PA'I TSE PAn CHEN

, ,THAMS CAD MKHYEN PA CHEN POS DGYES BZHIN DU ZHAL TA MANG DU GNANG ZHING, LHAG PAR LAN CIG 'DI PA GCIG BU LA BLA MA MCHOD PA'I KHRID, 'JAM MGON SNYAN RGYUD KYI MAN NGAG DGA' LDAN PHYAG RGYA CHEN PO'I LTA BA SKYONG TSUL DANG BCAS PA CHES ZHEB BA ZHIG GNANG, DE NAS SNGAR LTAR RI KHROD DBEN BA DE RANG DU SGRUB PA LA BZHUGS TE RTZAM PA RLUNG 'DZIN TZAM RE LAS MED KYANG THUGS RIG SHIN TU DANGS SHING DGE SPYOR 'PHEL BA BYUNG, SKABS 'GAR RTZAM PA RLUNG 'DZIN TZAM YANG MED PAR RDE'U'I BCUD LEN LA BRTEN TE DKA' THUB DRAG PO'I SGO NAS SGRUB PA SNYING POR MDZAD, SKABS SHIG RTZAM PA 'BUL MI PHRAN BU ZHIG BYUNG STE RTZAM PA RLUNG 'DZIN TZAM RE GSOL ZHING YOD PA LA GTZANG SOG 'KHRUGS PA'I DMAG ZINGS KYIS GZHIS KA RTZE'I CHU LHO BYANG THAMS CAD DU SKYE 'GRO RNAMS SDUG BSNGAL GYIS NYAM THAG CING MU GE SHIN TU CHE BA ZHIG BYUNG BAS, NUB GCIG JAG RKUN PA MI BZHI 'DI PA'I SGRUB PHUG TU SLEB; THOG MAR 'DI PA ZIN NAS SNYING GAR GRI BTZUGS TE BSDIGS MO BYAS, DE LA 'DI PAS KHONG KHRO GANG YANG MA MDZAD PAR KHONG RANG TSO GANG BYED DU BZHAG PA NA JAG RKUN PA DE RNAMS GYI NANG NAS GCIG GIS 'DI PA MNAN, GZHAN RNAMS KYIS ME SBAR TE CHAS DNGOS G-YENG PA NA 'DI PA LA CHAS DNGOS GANG YANG MED PAS JAG PA DE RNAMS KYIS DGE SLONG GI RTZAM PA GAN YOD ZER, DE LA DAM PA 'DI PAS RTZAM PA NYUNG ZAD GCIG YOD PA SHING DE'I GSEB NA YOD GSUNGS

KHONG TSOS YID MA CHES PAR 'DI PA 'KHYIG RTZIS BYAS PA LA 'KHYIG BA'I THAG PA MA RNYED BA NA 'DI PAS PHYI'I YOL BDE LA THAG PA YOD GSUNGS PAS RKUN MA TSOS PHYI'I YOL BA DE SHED KYIS 'THEN PAN THAG BA GAR SONG MA BYUNG BAR YOL BAS LA BABS, DE NAS DAM PA 'DI PAS KHYED RANG TSO CIS KYANG 'KHYIG 'DOD NA SDAS KYI 'OG NA SGA RAGS YOD GSUNGS PAS RKUN MA TSOS SKA RAGS SLANGS TE BKHYIG RTZIS BYAS PA NA DAM PA 'DIS KHYED TSO RANG YID MI TSES PA BYED MI DGOS, NGAS GANG YANG BYAS MI YONG GSUNGS PA NA RKUN MA TSOS NGA TSO YID MI CHES PA 'DUG PAS CUNG ZAD CIG 'KHYIG DGOS ZER NAS DAM PA 'DI PA GCER BUR BTON NAS PHYAG GNYIS BKYIGS TA BZHAG, SGRUB KHANG DEN YOD BA'I SHING GI TSAL BU YAN CHAD KHYER BA'I GRAGS BYAS; DE NAS DAM PA 'DI PAS DA KHYED RANG RNAMS THUG PA SKOL LA THUNGS GSUNGS PAS THUG PA SKOL LONG MI 'DUG ZER, DE NAS DAM PA 'DE BAS DA'I 'BRAL SPANG GI SKU 'DRA DE DANG CHOS GOS DE ZHOG ,KHYED TSOL PHAN GANG YANG MI THOGS , GZHAN MA GANG YONG KHYER GSUNGS PAS RKUN MA DE TSOS DGE SLONG GI CHOS GOS DANG SKU 'DRA BZHAG YOD DO, ,GLEGS BAM 'DING NANG NA NGED TSOL NGAN SDUGS BYED RGYU 'DU YOD SHAS CHE BAS BYER RGYU YIN, NGED TSOS MI ZAS MA MYONG BA ZLA BA GNYIS SONG, SROG BLOS MA THONGS PAR 'DI 'DRA BYED DGOS BYUNG, DGE SLONG GIS DED TSOL NGAN SNGAGS MA BYED CIG ZER NAS SONG, DE NAS DAM PA 'DI PAS SPYIR 'KHOR BA'I CHOS NYID DANG, LHAG PAR SKYE BO NYAM THAG DE TSO GZIGS PAS

, ,KHONG KHRO MI SKYE BAR MA ZAD THUGS SKYO LA NYAMS DGA' BZHIG BYUNG NAS JAG RKUN DE TSO LA DMIGS NAS SPYOD 'JUG SMON LAM ZHIG 'DON PAR MJAD, DE NAS MTSAN MO DE NA BZA' GZHAN GANG YANG MED BAR CHOS GOS DE STOD LA BKAB, STAN DE SMAD NGOS LA BKAB NAS GZIMS PAS MNAL SHIN TU SKYID PA ZHIG BYUNG, NAM LANGS NAS GZIGS PAS YOL BA'I THAG PA MIS 'GROL THUB PA MOD KYANG RI GSHAM NA MAR SLEB NAS BSDAD 'DUG PA GZIGS PAS CHOS SRUNG NGAM DKAR PHYOGS LA DGA' BA'I LHA ZHIG GIS 'PHANGS PA YIN SNYAM PA THUGS LA SHAR, DE NAS DKA' THUB DE KHA'I RGYUN LA BZHUGS BAS RE SHIG NAS DRUNG PA RGYAL TSAB PA LA PAn CHEN THAMS CAD MKHYEN PAS BKA' PHEBS NAS DRUNG PA KHONG DENG SANG SO SOD PO AE YOD NA, DENG SANG RI KHROD PAS RI THUB KYANG, RIS RI KHROD PA MI THUB BYA BA'I SKABS YIN PAS KHYED RANG GNYIS KA LOG SHOG ,BTZAN SA ZHIG LA 'GRO BA DGA' GSUNG BA'I BKA' PHEBS, DE NAS DRUNG PA RGYAL TSAB PAS DA NGED RANG GNYIS KA BLA MA MJAL BAR 'GRA GSUNGS NAS, GNYIS KAS BKRA SHIS LHUN POR PHEBS TE PAn CHEN THAMS CAD MKHYEN PA MJAL BAR PHEBS PAS PAn CHEN THAMS CAD MKHYEN PA CHEN POS DAM PA 'DI'I DBU PHYAG GIS MNAN NAS DA LAM 'KHYIG THAG RDO 'DRA BA ZHIG AE BYUNG GSUNG, LAN ZHU MA NUS PAR LA LA ZHUS PAS, DE DUS DRED PO AE BYUNG GSUNG, DRED PO RANG MA BYUNG ZHUS PAS, 'O NA GA 'DRA BYUNG, KHONG KHRO SKYES BYUNG NGAM

GSUNG, MA BYUNG LAGS ZHUS PAS, 'O YAGS, DE RNAMS LA SMON LAM BZANG PO BTAB SNYING RJE SGOM DGOS GSUNG, DE NAS DRUNG PA GNYIS KA PAn CHEN THAMS CAD MKHYEN PA'I BKAS RGOD TSANG LA PHEBS, DE DUS RGOD TSANG SGRUB SDE MA CHAGS PA'I DUS YIN PAS DRUNG PA RNAM GNYIS DANG GZHAN KHA SHAS BCAS SGRUB PA LA BZHUGS, DE NAS DAM PA 'DI PAS DBEN DGON LA PHEBS TE GNAS DER PAn CHEN THAMS CAD MKHYEN PAS BKA' GNANG BA'I MTHUS DBEN DGON PA RNAMS KYIS MTHUN RKYEN PHUL TE MTHUN RKYEN TSANG BA'I SGO NAS SGRUB PA RTZE GCIG TU MDZAD PAS BYANG CHUB LAM GYI RIM PA LA MYONG BA POGS CHE BAR THON, DE SKABS NAS BZUNG STE NYAMS MGUR YANG MANG DU MDZAD, DE NAS PAn CHEN THAMS CAD MKHYEN PA CHEN POS RGOD TSANG SGRUB SDE GSAR 'DZUGS MDZAD DE DRUNG PA RGYAL TSAB PA BLA MAR BSKO BAR MDZAD, DRUNG PA 'DI PAS NI GNAS NGES MED MDZAD DE BYANG CHUB LAM RIM GYI NYAMS LEN LA CHIG BSGRIL MDZAD, DE NAS PAn CHEN THAMS CAD MKHYEN PA CHEN PO DBEN DGON DU PHEBS PA ZHIG LA MJAL KHAR BYON PAS ZHAL NAS DBUS PHYOGS KYI BLA MA BSTAN PAR PHAN RE CHE BA ZHIG LA 'JIGS BYED KYI DBANG ZHIG BYED DGOS YOD PAS DRUNG PA RANG 'DOD NA GNANGS NYIN SHOG GSUNGS THUGS RJE CHE ZHUS NAS ZHUNG PHEBS PAS KHONG BCU GSUM LA 'JIGS BYED KYI DBANG BZHIN TU RGYAS PA ZHIG GNANG, DE NAS DBYAR CHOS KYI THOG SPRUL SKU GRAGS PA RGYAL MTSAN PHEBS NAS GSOL BA BTAB PA LTAR LAM

, ,RIM CHEN MO DANG 'JAM DBYANGS CHOS SKOR SOGS CHOS BKA' MTHA' YAS PA GNANG BA ZHU BAR MDZAD, DE'I STON PAn CHEN THAMS CAD MKHYEN PA CHEN PO RGOD TSANG DU PHEBS, SGRUB SDE LA RAB GNAS DANG RI KHROD PA RNAMS LA LAM RIM GYI KHRID SHIN TU RGYAS PA ZHIG DANG, BE'U BUM SNGON PO'I LUNG SOGS CHOS BKA' MANG DU GNANG BA RNAMS ZHU BAR MDZAD, DE NAS DAM PA 'DI PAS DBEN PA'I RI SUL MANG POR LAM RIM SGOM PA LA RTZE GCIG TU BZHUGS SHING; SKABS SKABS SU PAn CHEN THAMS CAD MKHYEN PA MJAL BAR PHEBS TE DBANG LUNG MAN NGAG MTHA' YAS BA GSAN, DE NAS DAM PA 'DIS DBUS PHYOGS KYI GNAS BSKOR LA PHEBS TE, LHA SA, YER PA, DGA' LDAN, RA SGRENG; BSAM YAS, RGYAL ME TOG THANG, DVAGS PO DANG 'OL KHA'I PHYOGS KYI RJE'I SGRUB GNAS RNAMS MJAL ZHING GNAS DE DANG DE DAG TU LAM RIM GTZO BOR BSKYANGS SHING GCOD KYI DMIGS SKOR LA'ANG 'GRUS PAR MDZAD, DE SKABS PAn CHEN BLO BZANG CHOS KYI RGYAL MTSAN GYI THUGS SRAS GRUB PA'I DBANG PHYUG DKA' CHEN NAM MKHA' RDO RJE YANG PHYOGS DER PHEBS PA DANG MJAL, ZHAG SHAS LHAN DU BZHUGS TE LTA SGOM SPYOD GSUM LAS BRTZAMS TE GSUNG MOL ZHIB TU MDZAD PAS GNYIS KA'I DGE SBYOR LA BOGS CHEN PO THON ZHING, LHAG PAR DKA' CHEN NAM MKHA' RDO RJE NI DBU MA'I LTA BA LA MNGA' BRNYES PA ZHIG YIN PAS DAM PA 'DI LA LTA BA'I BOGS 'DON SHIN TU CHE BA BYUNG STE GNAS DER

LTA BA'I MGUR DBYANGS MANG DU MDZAD, DE NAS LOG PHEBS TE PAn CHEN THAMS CAD MKHYEN PA DBEN DGON DU BZHUGS PA DANG MJAL TE BDE MCHOG GI MAN NGAG RNAMS ZHUS TE NYAMS LEN LA THE TSOM CHOD PAR MJAD, DE NAS DAM PA 'DI DANG DRUNG PA RGYAL TSAB PA GNYIS KA BRAG RGYA RDO RJE'I PHO BRANG LA PHEBS TE SGRUB PA MDZAD PAS NYAMS RTOGS YAR NGO'I ZLA BZHIN 'PHEL BA BYUNG, DE NAS DAM PA 'DIS GRUB CHEN CHOS RDO RJE'I SGRUB GNAS PA SNAM JO MO LHA RIR PHEBS TE ZUNG 'JUG PHUG SOGS MA LA ZHING, PADMA 'OD DU BZHUGS TE SGRUB PA RTZE GCIG TU MDZAD, DE NAS 'GAR MO CHOS RDZONG DU BZHUGS TE DGE SBYOR CHU BO'I RGYUN BZHIN MDZAD PAS NYAMS RTOGS DBYAR GYI MTSO LTAR 'PHEL BA BYUNG, DE NAS SHANGS PHYOGS SU BYON TE MKHAS GRUB KHYUNG PO'I SGRUB GNAS RNAMS MJAL TE GNAS DE DAG TU SGRUB PA RTZE GCIG TU MDZAD, DE NAS RGOD TSANG DU PHEBS TE DRUNG PA RGYAL TSAB PA DANG MJAL BAS DE DUS DRUNG PA RGYAL CHAB PAS DON GNYER CAN MANG PO ZHIG LA LAM RIM GYI KHRID RGYAS PA ZHIG GNANG BA DANG THUG PAS DAM PA 'DIS KYANG ZHU BAR MDZAD, DRUNG PA RGYAL TSAB PA NI LAM RIM 'CHAD PA LA MNGA' BRNYES PA ZHIG STE, DPAL DBEN SA SNYAN RGYUD KYI MAN NGAG GZHUNG BSRANGS PA'I STENG DU RGYAL BA'I BKA' DANG DGONGS 'GREL GYI BSTAN BCOS RNAMS DANG, DE DAG GI DON DRI MA MED PA'I RIGS LAM NAS DRANGS TE MTHA' CHOD PAR STON PAR MDZAD PAS DE DUS KYI CHOS NYAN PA RNAMS KYIS DAM PA 'DI LA DA RES DRUNG PA RGYAL TSAB BA'I GSUNG 'DI RNAMS LA ZIN

, ,BRIS SHIG MDZAD DGOS ZHES ZHUS PAN DAM PA 'DI PAS BDE LAM GYI SNGON 'GRO'I MAN NGAG CHES ZHIB BSNGAR PAn CHEN BLO BZANG CHOS KYI RGYAL MTSAN GYI ZHAL LAS THOS PA RNAMS GZHIR BYAS DRUNG PA RGYAL TSAB PA'I ZHAL LAS THOS PA RNAMS KYIS KYANG BRGYAN TE SHIN TU GSAL ZHING GO BDE BA ZHIG MDZAD DO, ,DAM PA 'DIS PAn CHEN THAMS CAD MKHYEN BA BLO BZANG CHOS KYI RGYAL MTSAN GYI BKA' LTAR DPAL DBEN SA SNYAN RGYUD KYI MAN NGAG BYANG CHUB LAM GYI RIM PA LA SGRUB PA CHU BO'I RGYUN BZHIN MDZAD PAS MYONG BA PHUL PHYIN THON PA NI DAM PA 'DI NYID RANG GI ZHAL NAS, BDAG GIS SGRUB BA SNYING BOR BYAS PA'I TSUL GLENG NA, DE YANG BKA' DRIN MNYAM MED DPAL LDAN BLA MA DAM PA MKHYEN BRTZE NUS PA'I BDAG NYID CAN PAn CHEN THAMS CAD MKHYEN PA BLO BZANG CHOS KYI RGYAL MTSAN DPAL BZANG PO MCHAN BRJOD BAR DKA' BA DE NYID KYIS BDAG RJES SU BZUNG BAS BRTZE BA CHEN POS 'DI PHYI THAMS CAD DU BDAG BDE BA DANG LEGS BA'I LAM LA 'GOD BA'I PHYIR RI KHROD DU SGRUB PA LA 'GRO BA DGA' GSUNGS NAS YANG YANG BSKUL BAR MDZAD BA'I MTHAR, PHAN PA'I LAN DU MCHOD PA BYA BA NI, ,BSGO PA'I TSIG BZHIN NYAMS SU LEN PA YIN, ,ZHES GSUNGS PA'I DON BDAG GIR BYAS NAS BKA' DANG DU BLANG NAS KHAS BLANGS DAM BCAS PAS DRIN CAN RTZA BA'I BLA MA PAn CHEN THAMS CAD MKHYEN PA BLO BZANG CHOS KYI RGYAL MTSAN THUGS DGYES PA'I RNAM 'GYUR DANG BCAS, DE YANG CHO BLOS BTANG

GI RI KHROD PA GZHAN GYI MIG LTOS LA PHAN PA RANG CIG BYED DGOS, RI KHROD DU THOS BSAM SGOM GSUM DANG, LTA SGOM SPYOD PA'I NYAMS LEN LA 'BAD DGOS GSUNG NAS LAM GYI RIM PA SPYI DANG KHYAD PAR SNYAN NAS SNYAN DU BRGYUD PA'I ZHAL SHES KYE GDAMS PA ZAB RGYAS GSUNG GI BDUD RTZI MGUR GYI BUM BZANG LAS 'ONGS SHING ZHAL GYI PADMO LAS 'KHRUNGS PA'I BCUD KYI ZEGS MA BDAG GI SGRA 'DZIN GYI RTZER CHAGS PA DAD PAS MYANGS BAS YID DGA' BAR BYED PA'I RO MCHOG SNYING GI BUM PAR 'KHYIL BA RAS SUM BOR BAR GAL PO CHER MTHONG NAS GUS PAS NYAMS SU BLANGS BA LAS, MI RTAG PA DANG, NGAN 'GRO'I SDUG BSNGAL DANG, 'KHOR BA'I CHOS LA SKYO ZHING YID 'BYUNG BA'I NGES 'BYUNG GI BSAM BA MYONG BA SNA ZIN SKYES PA'I DBANG GIS LAS DANG 'BRAS BU'I GNAS TSUL LA MI PHYED PA'I DAD PA BRTAN PO THOB, RANG BZHIN DANG BCAS PA'I KHA NA MA THO PA'I NYES DMIGS MTHONG NAS JI LTAR KHAS BLANGS PA'I TSUL KHRIMS KYI SDOM PA GTZO BOR BYAS, BSLAB PA GSUM GYI BSLAB BYA'I RIM PA RNAMS LAG TU BLANG THUB PA RNAMS GLANGS, MI THUB PA RNAMS BSLAB PA LA KHYAD GSOD DANG BRNYAS BCOS SUM SONG BA'I NGOS NAS SKYE BA PHYI MA RNAMS SU SLOB PAR NUS PA'I RGYU LA BSLAB PA DANG, SLOB PAR DAM BCA' BA DANG SMON LAM GYIS KHA BSGYUR PA DANG, BCAS MTSAMS PHRA ZHING PHRA BA LA NYES PAS MA GOS PAR BYED PA NI THAR PA'I SA BON THEBS PA YIN YANG, SRID PA'I RTZA BA DRUNG NAS 'BYIN PAR BYED PA'I SMAN MCHOG BDUD RTZI'I THIGS BA LTA BU

, ,ZAB MO STONG PA NYID KYI DON NI, YOD MAN MED MIN GNYIS KA MIN, ,GNYIS KA'I BDAG NYID MIN BA'ANG MIN, ,MTHA' BZHI RNAM PAR GROL BA YI, ,DE NYID DBUM PA YI RIG ,CES GSUNGS PA LTAR, RTAG CHAD KYI MTHAL BZHI DANG BRAL BA'I NGES DON MTHAR THUG GI LTA BA PHYAG RGYA CHEN PO 'PHAGS PA YAB SRAS KYI THUGS KYI BCUD 'KHRUL MED KYI LTA BA 'DI LHAG MTHONG CHE CHUNG DANG, SRAS KYI THU BO RNAMS KYIS GSUNGS PA'I LTA KHRID DANG, RTZA BA'I BLA MA THAMS CAD MKHYEN PA NYID KYIS GSUNGS PA'I DMAR KHRID KYI LHAG MTHONG DANG, LTA BA'I SKOR GYI GSUNG MGUR RNAMS LA BLTA ZHING DON NYAMS SU BLANGS PAS STONG NYID LA THOG MAR GO BA CUNG ZAD CHAGS BA DANG, DON SPYI'I TSUL GYIS SGOM PA DAD, DA LAS LANGS NAS GANG SHAR SGYU MA LTA BU'I RNAM ROL GYI DANG NAS SPYOD PHYOGS RNAMS LA BSLABS PAS BDAG GI SKYE BA 'DI'I MI LUS CHUD MA ZOS PA 'DI RANG GI RNAM PAR THAR PA LAGS SO ZHES GANG GSUNGS PA LTAR RO, ,DE NAS DAM PA 'DIS BYANG CHUB LAM GYI RIM PA LA MYONG BA PHUL PHYIN THON TE RANG NYID MI NYAMS PA'I GDENG THOB BA NA RTA NAG PHUG TU SGRUB SDE 'DZUGS PAR MDZAD, RTA PHUG RDO RJE'I GUR KHANG ZHES MTSAN BTAGS SHING DER SDONG BA PA'I SDE BSKYANGS, DE NAS STAG GI LO DRUNG PA RGYAL TSAB PA SKU GSHEGS BAN BLA BRANG RGYAL MTSAN MTHON PO NAS BSKUL TE DAM PA 'DI BA RGOD TSANG BLA MAR 'BYON DGOS BYUNG, DE NAS RTA PHUG DANG RGOD TSANG GNYIS KA BSKYANGS TE RES RTA PHUG TU PHEBS NAS DER GNAS

PA'I RI KHROD BA RNAMS DANG PHYOGS 'DUS KYI DAD LDAN MANG POR LAM RIM GYI KHRID DANG, DGA' LDAN PHYAG RGYA CHEN PO'I KHRID DANG, BLO SBYONG GI KHRID DANG, GCOD KYI KHRID DANG, N'A RO CHOS DRUG GI KHRID DANG, GZHAN YANG DBANG LUNG MAN NGAG RGYA CHER GNANG, RES RGOD TSANG DU PHEBS TE DBANG LUNG MAN NGAG RGYA CHER GNANG STE RJE SGRUB KHANG PAS DAM PA 'DI LA LAM KHRID SOGS GSAN PA NI RGOD CHANG YIN LA, LCANG SKYA ZHABS DRUNG NGAG DBANG BLO BZANG CHOS LDAN DANG, BLA MA SMAN KHANG PA SOGS KYIS DAM BA 'DI LA CHOS GSAN PA NI RTA PHUB YIN NO, ,DE NAS PAn CHEN BLO BZANG CHOS KYI RGYAL MTSAN ZHING GSHEGS NAS PAn CHEN MCHOG GI SPRUL PA'I SKU RJE BTZUN BLO BZANG YE SHES BKRA SHIS LHUN POR PHEBS NAS YANG YANG MJAL BAR BYON ZHING, RJE BTZUN BLO BZANG YE SHES KYIS DAM PA 'DI LA NAM MKHA' SGO 'BYED KYI DBANG DANG, GCOD KYI KHRID DANG, 'JAM DBYANGS CHOS SKOR SOGS CHOS BKA' MANG DU GSAN NO, ,DE NAS DAM PA 'DI'I 'PHRIN LAS CHES CHER RGYAS PA NA DBUS GTZANG KHAMS GSUM NAS CHOS DON GNYER BA MANG DU 'DUS SHING RANG RANG GI KHAMS DANG BSAM BA DANG MTHUN BAR CHOS STON BAR MDZAD CING, GTZO BOR NI BYANG CHUB LAM GYI RIM PA'I KHRID RTZAL DU 'DON BAR MDZAD, DE'I YAN LAG TU BLO SBYONG GI KHRID DANG, GCOD KYI KHRID RNAMS MDZAD CING, GDUL BYA DBANG PO RAB TU GYUR BA LAM THUN MONG BA LA MYONG BA THON PA 'GA' LA SNGAGS KYI SKYED RDZOGS RNAMS STON PAR MDZAD CING, LHAG PAR DAM PA 'DI NYID N'A RO CHOS DRUG LA MNGA' BRNYES

, ,BAS SNGON 'GRO'I 'KHRUL 'KHOR RNAMS KYANG ZHIB TU STON PAR MDZAD, DAM PA 'DI NYID NAS BRGYUD PA'I N'A RO CHOS DRUG GI KHRID RGYUN NI DENG SANG DAR CHA CHE BAR SNANG NGO, ,DAM PA 'DIS BSTAN PA'I DON DU BYANG CHUB LAM GYI RIM PA'I SNGON 'GRO'I CHOS SKOR DANG, NYAMS LEN GYI GNAD LAS BRTZAMS PA'I GSUNG MGUR MANG DU SNANG ZHING, LHAG PAR RANG RGYUD LA BSKUL MA 'DEBS PA'I MGUR MA MDZAD PA NI 'DI LTAR, PHA BLA MA RNAMS DANG YI DAM LHA, ,SKYABS BSLU BA MED PA DKON MCHOG GSUM, ,SNYING RUS PA'I GTING NAS GSOL BA 'DEBS, ,BDAG SKYE RGA NA 'CHI'I 'JIGS LAS SKYOBS, ,LAR LAS DANG NYON MONGS STOBS SHUGS KYIS, ,DBANG MED DU SRID PAR YANG YANG 'KHYAMS, ,DUS DA LTA THAR LAM MA BSGRUBS NA, ,RTEN DAL 'BYOR THOB PA'I DON PO CI, ,LHA TSANGS DBANG BRGYA BYIN BYA BA YANG, ,SNGON BSAGS PA'I 'BRAS BU SPYAD SPYAD NAS, ,YANG 'KHOR BAR YANG BRAN NYID DU 'GYUR, ,GNAS MTHO RIS NA YANG BDE SKABS MED, ,SPYIR YID BRTAN MI RUNG 'KHOR BA'I CHOS, ,TSUL 'DI LA MA BRTAGS MA BSAM PAS, ,DRI NGAN PA'I KHROD KYI SPRANG BU BZHIN, ,CHOS BDUD RTZI MYONG BA DKA' MOR GDA', ,SGOM PHYI RU MI GSAL NANG DU GSAL, , DPA BKLAGS PAS MI GO BSAMS PAS GO ,RJE BLA MA'I BYIN RLABS SEMS LA 'JUG ,RGYUD SMIN CING GROL BAR BYIN GYIS RLOBS, ,BLO BAN BUN SPRIN PA MA DVANGS NA, ,SEMS GSAL STONG GI NYI MA MI MNGON PAS, ,YUL YUL

CAN RNAM RTOG SGO BKAG NAS, ,SKABS GANG YIN GDAMS NGAG MA BRJED DGOS, ,DER DRAN PA'I 'DZIN STANGS SHUGS BSKYED LA, ,GROGS SHES BZHIN PHRA MOS BYA RA GYIS, ,DGRA BYING RGOD BYUNG NA DA'I GNYEN POR, ,'DU BYED PA SGOM GYI 'GO 'DREN YIN, ,RTEN BCAS PA DAM PO'I TSUL KHRIMS DANG, ,DON NANG DU BSAMS PA'I NYAMS MYONG DANG, ,RKYEN DKA' SPYAD BZOD PA'I ZHE RUS CAN, ,CHOS MED KYANG BLA MA'I SGOM PHRUG YIN, ,ZHES DANG, NA MO GU RU BUDDHA MEE TR YE, STENG DGA' LDAN LHA BRGYA'I GTZUG RGYAN DU, ,RJE SA BCU'I DBANG PHYUG MI PHAM MGON, ,DPAL NAM MKHA' DRI MA MED PA DANG, ,MTSAN 'JAM DPAL SNYING POR GRAGS PA'I ZHABS, ,SRAS DPAG MED SEMS DPA'I 'KHOR GYI DBUS, ,NOR RIN CHEN DU MA LAS GRUB PA'I, ,KHRI RAB 'BAR GDONG LDAS BTEG PA'I KHAR, ,GDAN CHU SKYES ZLA BA'I DBUS BZHUGS PA'I, ,SKU RAB BRJID STON MCHOG GNYIS PA YIS, ,CHOS THEG CHEN DGA' STON 'GYED PA DER, ,BDAG GDUNG BA'I YID KYIS GSOL BA 'DEBS, ,THUGS BRTZE BA'I LCAGS KYUS DRANG DU GSOL, ,SNGON BYON PA'I RGYAL BAS BTANG SNYOMS MDZAD, ,DUS DA LTA'I BLA MA SANGS RGYAS KYIS, ,'DUL MA NUS BLO DRED CHOS DRED NGA, ,RGYUD CHU NANG RDO BZHIN SKAM POR LUS, ,CHER SNYIGS PA'I BSTAN PA'I GZUGS BRNYAN 'DI, ,LAR YID LA BRANGS KYANG YID THANG CHAD, ,DON DES NA YID DGA' CHOS 'DZIN DU, ,DUS

, ,BA LTA 'PHOS NA DGA' BA LA, ,GSHIS RANG BZHIN NGAN PA'I MI RNAMS NI, ,RGYUD PHYOGS LHUNG DBANG GIS BSTAN PA YANG, ,'BRAS SDUG BSNGAL 'BYIN PA'I PHYOGS SU BRNYIL, ,'DI BSAMS NA BLO SNYING MGRIN PA 'DAR, ,GZHON BCU GSUM LON NAS KHYIM NAS BYUNG, ,SKABS DANG PO'I BSNYEN RDZOGS SDOM PA NOS, ,RJE BLA MAS BSTAN PA'I SGOR BTZUD NAS, ,THUGS NYE BAS BDAG BLO CHOS LA BSGYUR, ,DRIN CHE MOD SNGON LAS MTHU BA TZAN PAS, ,SEMS COL CHUNG PHYI CHIS GRAB GSHOM DANG, ,PHUGS MDO MED RNAM G-YENG 'DU 'DZIR 'CHOR, ,SNYING NANG DU RUL YANG CHOS BAR BRDZU, ,MING 'JIG RTEN GTAM GRAGS LO 'DOD DANG, LUS DMAR SER SNAL MAS DKRIS LAGS KYANG, ,THABS BLANG DOR BSLAB BYA'I GNAS LA RMONGS, ,DUS LNGA PAR GTUGS CHE 'GYOD KYANG CI, ,GANG THOS PA'I TSIG RNAMS YI GER LAS, ,RGYUD CHOS DANG GANG ZAG LTAR SPROD SONG, ,RANG MA DUL GZHAN GYI YAR 'DREN BYAS, ,MING CHOS LA SNYAD NAS CHOS MIN BSGRUBS, ,GZHAN BSLU SNYAM KUN SLONG CI ZHIG STE, ,G-YO BRDZUN SBYOR ZOG PO'I RNAM THAR DANG, ,SNGAGS NOR 'KHRUL DES MED PHYAG MTSAN GYIS, ,'BRID MKHAS KYANG MYONG 'GYUR BSAM PAR RIGS, ,TSE 'DI YI BDE SDUG SLONG LEN TZAM, ,CHED GNYER BA BYOL SONG PHYUGS LA'ANG YOD, ,DON DE LAS LOG PA'I SGOM SGRUB KYIS, ,RTEN MI LUS DON

LDAN CIS MI BYED, ,SROG NAM ZHIG 'GAGS PA'I DE MA THAG ,RJE RGYAL TSAB CHOS KYI MDUN SA DER, ,YID RLUNG DANG HIKA GIS DRANGS PA NA, ,SKABS DE RU BYAMS MGON THUGS BSKYED CIG ,LUS RTEN MED SHING BAL RLUNG KHYER BZHIN, ,GNAS GAR SKYE'I GDENG MAD DNGANGS SKRAG GIS, ,MIG HRIG HRIG SKYABS 'TSOL 'PHYAN PA'I TSE, ,LHA BLA MA RNAM GSUM TSUR SPYON CIG ,DE'I BYIN GYIS YID 'ONGS LHA YI BU'I, ,LUS BZUNG NAS DAD BRTZON, GZUR GNAS KYIS, ,CHOS LEGS BSHAD THOS BSAM SGOM PA'I DON, ,ZHI BA SA BCU'I SPO LA MNGON PAR RTZEG, ,DUS DE NAS SKYE RGYUN MI MANG BAR, ,LAM ZAB MO BLA MA'I RNAL 'BYOR GYIS, ,DPAL CHOS KYI SKU DANG LONGS SPYOD RDZOGS, ,STABS GCIG TU 'BREL BA'I SMON LAM 'DEBS, ,GTAM DE SKAD GLENG BA'I SPONG BA PA, ,YUS DAG PA'I NYAMS MYONG GA LA ZHIG ,RJE BAL MA DAM PA GUS BSTEN PAS, ,GSUNG YON TAN RDUL GYIS GSO PA YIN, , DON 'DIS MTSON DUS GSUM BSAGS PA'I DGE, RANG ZHI BDE'I BSAM PAS MA SBAGS PAR, ,MA NYAG THAG 'GRO BA'I DON DU BSNGO, ,'DI BU RAM LSHING PA'I BKA' SROL YIN, ,ZHES 'DI YANG SA MTHA'I GYI NA PA, ,MING BLO BZANG DAM CHOS RGYAL MTSAN GYIS, ,GNAS RTA PHUG CES BYA'I SPYIL PU RU, ,YID SKYO BA'I SMRE NGAG TSIG TU BSGRIGS, ,ZHES GSUNGS, DE LTAR DAM PA 'DIS PAn CHEN BLO BZANG CHOS KYI RGYAL MTSAN BSAM SBYOR GNYIS KYIS

, ,TSUL BZHIN DU BSTEN TE 'JAM MGON SNYAN RGYUD KYI MAN NGAG YONGS SU RDZOGS PA THOB PAR BYAS, TSE 'DI BLOS BTANG STE DBEN PA'I RI SUL DU SGRUB PA SNYING POR BYAS TE BYANG CHUB LAM GYI RIM PA LA MYONG BA PHUL PHYIN THON BAR MDZAD, SGRUB 'BRAS KYIS RGYAL BA'I BSTAN PA LA BYA BA MDZAD PHYIR RJE SGRUB KHANG PA SOGS DAM PA MANG PO RJES SU BZUNG STE 'JAM MGON SNYAN RGYUD KYI BSTAN PA RGYA CHER SPEL NAS DGUNG LO BRGYAD CU GYA GRANGS LA PHEBS PA NA DED DPON YID BZHIN GYI NOR BU RNYED NAS RANG YUL DU 'GRO BA LTAR SKU'I BKOD PA BSDUS TE DGA' BZHIN SPRO BZHIN DU DGA' LDAN CHOS KYI PHO BRANG DU PHEBS NAS RGYAL TSAB BYAMS PA MGON PO DANG, RJE NAM MKHA' DRI MA MED PA DANG, RJE 'JAM DPAL SNYING PO 'KHOR SA BCU'I BYANG CHUB SEMS DPA' BGRANG BA LAS 'DAS PA DANG BCAS PA LA MCHOD CING CHOS KYI 'GRO BA MDZAD BA DANG, SPRUL PA'I BKOD BA MU MED PAR STON CING BZHUGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS DRUNG PA RTA PHUG PA BLO BZANG DAM CHOS RGYAL MTSAN LA GSOL BA 'DEBS SHING, DAM PA 'DI'I RNAM THAR LTAR BYANG CHUB LAM GYI RIM PA'I SNYAN RGYUD KYI MAN NGAG LEGS PAR THOB PAR BYAS LA TSE 'DI'I 'KHRIB MED PAR DBEN PA'I RI SUL DU BYANG CHUB LAM GYI RIM PA'I NYAMS LEN LA 'BAD PAR BYA'O,, ` ,,DGE LEGS SNYAN GRAGS RGYA MTSO'I MTHAR KHYAB PA, ,ZHES BSNGAGS PA, RJE SGRUB KHANG PA DGE LEGS RGYA MTSO NI MNGA' RIS ZANGS DKAR

GYI SA'I CHA ZANGS LA ZHES PAR YAB GU RU DKON MCHOG DANG YUM BU MO MCHOG GNYIS KYIS SRAS SU LCAGS MO SPRUL GYI LO NGO MTSAR BA'I LTAS DANG BCAS TE 'KHRUNGS, DE NAS YAB YUM GNYIS KYIS BSKYED BSRING BA'I THABS LA 'BAD CING DMIG ZA ZHES MTSAN GSOL, DAM PA 'DI NI SKU CHE SNGA MA MANG POR LAM LA GOMS PA'I BAG CHAGS SAD DE SGO GSUM BAG YOD LA SBYOR BA'I DRAN SHES BZHIN DANG LDAN PAS GZHON NU'I DUS NAS KYANG DAM PAS SMAD PA'I NYES SPYOD LA MI 'JUG CING BYIS PA RNAMS KYI NANG DU'ANG CHOS LDAN GYI RTZED MO SNA TSOGS MDZAD BA LA BYIS PA GZHAN LAS BLO RNO ZHING GZI BRJID DANG LDAN BA SOGS BSNGAGS PA'I 'OS SU GYUR PA ZHIG BYUNG NGO, ,DE NAS DGUNG LO DRUG LON PA'I CHE YAB GSHEGS YUM BDAG NI SMUG PO'I GCONG GIS ZIN NAS NAD TSABS CHE BAR BYUNG BA DAM PA 'DIS PHA MA NI BSNYEN BKUR BA'I ZHING DU RGYAL BAS GSUNGS PA LTAR RIM GRO MDZAD 'OS YIN PA DANG DRIN CHE BAR DGONGS NAS NGAL BA DANG SKYUG BRO BA'I 'DU SHES GANG YANG MED PAR LO BCU BDUN GYI BAR DU BSHANG CI 'DOR BA TSUN CHAD MA'I BSNYUN G-YOG LEGS PAR MDZAD, YUM GYI BSNYUN G-YOG LA BREL NAS KLOG LA DE TZAM RTZAL DU 'DON RGYUN MA BYUNG YANG SHIN TU BYANG BAR THUGS SU TSUD, DGUNG LO BCU BDUN LON PA'I TSE YUM GSHEGS PA'I PHUNG PO NYID KYIS BSNAMS NAS BAS MTHI 'DUR KHROD DU BSKYED BA SOGS RJES KYI BYA BA RNAMS TSUL DANG MTHUN PAR MDZAD DE, YUM CI 'DRA BA DE BZHIN DU BDAG KYANG DE LTA BU'I

, ,CHOS CAN DE LTA BU'I RANG BZHIN LAS MA 'DAS SO SNYAM DU NYIN MTSAN KUN TU 'KHOR BA'I NGANG TSUL SEMS PA 'BA' ZHIG GIS DUS 'DA' BAR MDZAD DO, ,YUM GSHEGS NAS RING POR MA LON PAR DGON SDE CHEN PO BYAMS PA GLING DU SLOB DPON RIN PO CHE BLO BZANG LEGS PA'I DRUNG DU YONGS RDZOGS DGE BSNYEN GYI SDOM PA MNOS TE RTZA BZHI CHANG DANG BCAS PA LEGS PAR SPANGS DGON GNAS DER LO GNYIS BZHUGS SO, ,DAM PA 'DI NI THEG CHEN BSTAN PA'I SROG SHING DU 'GYUR BAR DGONGS NAS, DPAL YE SHES KYI MGON PO PHYAG DRUG PAS CHUNG NGU'I DUS NA RJES SU BSKYANGS SHING, MNAL LAM DU KHYOD BUD MED DANG MA 'GROGS PAR DBUS SU SONGS SHIG GSUNG BA DRAN NAS, DBUS GTZANG DU SLOB GNYER LA 'BYON 'DOD SHUGS DRAG SKYES TE, PHA YUL DANG GNYEN BSHES RNAMS LA CHAGS ZHEN MED PAR DGA' BZHIN SPRO BZHIN DU LAM DU ZHUGS NAS RIM GYIS PHEBS TE CHOS GRVA CHEN PO BKRA SHIS LHUN PONG PHEBS NAS SNANG BA MTHA' YAS NGUR SMRIG GAR GYI RNAM PAR ROL PA PAn CHEN BLO BZANG CHOS KYI RGYAL MTSAN DPAL BZANG PO'I ZHAL GYI DKYIL 'KHOR MJAL ZHING BYIN RLABS THOB PAS DGA' SPRO TSAD MED PA BYUNG ZHING DAD PA'I SPU LONG G-YOS, DE NAS SHANGS RGOD TSANG DU PHEBS DRUNG BA RGYAL TSAB PA BRTZON 'GRUS RGYAL MTSAN DPAL BZANG PO'I ZHABS DRUNG DU 'BYOR PAS SNGON GYI 'BREL PA BZANG PO'I MTHUS DANG GUS TSAD MED PA 'KHRUNGS, DRUNG PA RIN PO CHE PAS DAM PA 'DI GANG ZAG KHYAD PAR CAN DU MKHYEN

NAS THUGS SHIN TU DGYES PA'I ZHAL TA MANG DU GNANG ZHING RE ZHIG NGAL SOS SDONG GSUNGS, RAB BYUNG GI MKHAN BOR GSOL BA BTAB PAS DGYES PA CHEN POS RAB BYUNG DANG DGE TSUL GYI SDOM PA GNANG STE RAB TU BYUNG BA'I MTSAN DGE LEGS RGYA MTSO ZHES GSOL, DE NAS BZUNG STE KHYIM PA'I RTAGS DANG CHA LUGS SPANGS TE MING BSGYUR BA'I DGOS PA BZHIN 'JIG RTEN PA'I LUGS KYI DGRA GNYEN GYI PHYOGS RIS DANG 'DOD YON LA ZHEN PA'I SPYOD PA LAS PHYIR PHYOGS TE, DGE SBYONG GI CHOS BZHI LAS NAM YANG MI 'DA' BAR MDZAD DO, ,DE NAS MKHAN POS DGE TSUL GYI BSLAB BYA BLANGS 'DAS SO DRUG GI BSRUNG MTSAMS NGO 'PHROD PA'I BKA' CHOS DANG, GZHAN YANG, RGYAN 'JUG GNYIS KYIS GTZOS PA'I CHOS SPYOD RNAMS LA 'DZIN SKYOR DGOS TSUL DANG, GRVA SA GZHAN DU MA 'DUG PAR DVAGS PO GRVA TSANG RANG DU SONGS LA SLOB GNYER LAN SO GZHON PA'I SKABS SU SNYING RUS BSKYED NAS 'BAD DGOS, LO BCU'I BAR DU MI TSE STONG ZAD LA MA GTONG BAR SLOB GNYER LA 'BAD NAS NGA'I RTZAR SHOG DANG DE NAS LAM RIM GYI KHRID GTONG, TSE MJUG SGRUB PA LA DRIL DGOS, SGRUB PA LA SHES DGOS, SHES PA LA SLOB DGOS PAS THOG MAR SLOB GNYER BYAS LO TZAM MA YIN PAR RANG SEMS KHO THAG CHOD PA ZHIG GYIS LA SHOG GSUNGS, DE NAS DAM PA 'DIS DRUNG BA RGYAL TSAB PA'I BKA' BZHIN DU DBUS SU BYON DVAGS PO GRVA TSANG DU PHEBS NAS RJE BTZUN BLO GROS BRTAN PA NAS BZUNG STE SLOB DPON RIN PO CHE LHA SDINGS PA BLO BZANG DON GRUB PA'I BAR

, ,MKHAS SHING GRUB BA BRNYES PA'I DAM PA BAR MA CHAD BAR BYON ZHING, MKHAS MANG BRGYA PHRAG 'DU BA'I BSTI GNAS SHAR PHYOGS BSTAN PA'I SGRON ME DVAGS PO GRVA TSANG DU RANG RGYUD GTAN LA 'BEBS PA'I CHED DU THES PA RGYA CHER 'TSOL BA LA ZHUGS SO, ,DE NAS DRUNG BA RGYAL TSAB PA'I BSLAB BYA RNAMS THUGS LA BZHAG NAS THOG MAR RIGS PA'I SGO 'BYED BSDUS GRA CHE CHUNG, DE NAS TSAD MA RNAM 'GREL PHAR PHYIN 'DUL BA MNGON PA MDZOD RNAMS LA LO BCU DRUG GI BAR DU SBYANGS TE MKHAS PA'I PHUL DU PHYIN PAR MDZAD, THOS BSAM MDZAD PA'I SKABS DE DAG GI CHO YANG ZAS GOS NGAN NGON TZAM GYIS CHOG SHES PAR MDZAD NAS MTSAN MO MNAL YE MA GZIM PAR NYIN MTSAN KHOR YUG TU SBYONG BAR MDZAD, DE LTAR SLOB GNYAR MDZAD PA'I GNAS SKABS THAMS CAD DU ZAS GOS 'DU 'DZI GNYID KYI BDE BA LA ZHEN PA MED TSUL DANG, 'DZIN GRVA GONG 'OG SOGS GANG LA'ANG CHAGS SDANG 'GRAN SEMS MED PAR BSAM PA BZANG BA, DAD PA DANG BRTZON 'GRUS CHE BA, BZHUGS LUGS SOGS LA MKHAS PA RNAMS SHIN TU YA MTSAN PAR BYED CING, CHOS RNAMS KYI RANG SPYI'I MTSAN NYID LA RMONGS PA MED PA'I SHES RAB RNO LA GTING ZAB PAS DON LA RTON GYI TSIG LA MI RTON PA, GZHUNG LUGS RNAMS LAS JI LTAR BSHAD PA THAMS CAD RANG RGYUD 'DUL BA'I THABS 'BA' ZHIG TU GO ZHING GZHAN LA'ANG DE LTAR STON PA, NYAMS MTSAR GSHAGS 'DEBS RTZED MO JI LTA BU MDZAD KYANG

GZHAN DANG MI 'DRA BAR TSIG 'GRIG PA, NYAMS DOD PA, ZHIB TU DPYAD NA SEMS 'DUL BA'I THABS 'BA' ZHIG TU 'ONG BA ZHIG YOD CES GRAG GO, THUGS GNYER MDZAD PA'I SKABS SU'ANG BYANG CHUB LAM GYI RIM PA'I NYAMS LEN LA BRTZON PAR MDZAD PAS RGYA CHEN SPYOD RGYUD DANG, ZAB MO LTA RGYUD KYI BLA MA RNAMS KYI ZHAL GZIGS PA SOGS DAG PA'I MTSAN MA'ANG MANG DU BYUNG NGO, ,DE LTAR LO BCU DRUG GI BAR DBU TSAD PHAR PHYIN 'DUL BA MNGON PA RNAMS LA TSIG SPYI TZAM DU MA LUS PA'I THUGS GNYER MTHAR PHYIN BAR MDZAD DE, DON GNYER CAN GYI DGE PHRUG 'GA' RE LA RTZI SHAG GNANG ZHING, RIGS LAM LA SHIN TU BYANG BA'I MKHAS BA DU BA'I THE TSOM GCOD PA BOR GYUR CING SDE SNOD 'DZIN PA RNAMS KYI GTZUG GI RGYAN DU BZHUGS SO, ,DE NAS THUGS LA 'DI LTAR DGONGS TE THOS DON SGRUB PA SNYING POR BYED PA ZHIG MA BYUNG PHYIN, THOS PA TZAM GYIS RANG RGYUD 'DUL MI NUS LA, RANG MA DRAL BAS GZHAN 'DUL MI NUS BAS DBEN PA'I GNAS SU THOS DON SGRUB PA SNYING POR BYED DGOS PAR 'DUG ,SNGAR BLA MA'I BSLAB STON LAS KYANG 'GYANGS SONG BAS DA NI MYUR DU MA SONG NA DENG BYA SONG BYA'I NGANG LA TSE ZAD NAS RANG GZHAN GYI DON CHEN PO SGRUB PA LAS NYAMS BAR 'GYUR BAR 'DUG SNYAM NAS NYIN MTSAN KUN TU DBEN PA'I YON TAN GYIS YID PHROGS NAS YOD PA'I TSE, GRVA TSANG DE KHA'I DGE BSKOS BYED DGOS KYI GRAL MTSAMS SU YANG SLEB YOD PAS BLA MAS DGE BSKOS DANG GRVA SKOR DGOS PA'I BSLAB STON PHEBS PAR BLA

, ,MAL DGANGS PA JI LTAR ZHUS KYANG MA GNANG BA'I RKYEN GYIS DGE BSKOS LA BYOL THABS KYIS BROS NAS 'BRAS SPUNGS SU PHEBS, GZIM SHAG MKHAN PO BLO BZANG MKHAS BTZUN GYI DRUNG NAS LAM RIM CHEN MO'I LJAGS LUNG TSAR GCIG GSAN, DE NAS BLA MAS LCAGS RI'I PHYI ROL TU SKYAL THUNG MDZAD NAS BSLAB BYA YANG DAG GNANG STE GTZANG DU BYON, SHANGS RGOD TSANG DU DRUNG BA RIN PO CHE'I ZHABS DRUNG DU PHEBS PAS, DRUNG PA RIN PO CHE'I ZHAL NAS KHYOD MTSAN NYID LA RGYUN RING DRAGS BYUNG, LO BCU SONG NAS 'ONGS NA 'GRIG RGYU YIN, DA LE LO MA BYED PAR RI KHROD RANG BYAS PA DGA' GSUNG ZHING GANG SHES RGYUD LA SBYOR DGOS PA'I BKA' CHOS BSLAB BYA DANG 'BREL PA MANG DU GNANG, DE NAS DRUNG PA RIN PO CHE LA BSNYEN RDZOGS KYI MKHAN POR GSOL BA BTAB BAS, DGYES PA CHEN POS ZHAL GYIS BZHES SHING, MKHAN SLOB GRANGS TSANG BA'I DGE SLONG GI DGE 'DUN DANG BCAS PA'I DBUS SU BSNYEN PAR RDZOGS PA DGE SLONG GI DNGOS PO THOB STE, THUB PA'I RGYAL TSAB GNAS BRTAN 'DUL BA 'DZIN PA CHEN POR GYUR TO, ,DE NAS SKU KHAMS MI SNYOMS PA CUNG ZHIG BYUNG BA NA DRUNG PA RGYAL TSAB PA'I ZHAL NAS DVAGS PO GRVA TSANG GI DGONGS PA MA KHROL BAS LHA MO'I 'TSUB KYI RNAM PAR 'DUG, GRVA TSANG GI DGONGS PA LEGS PAR ZHUS LA SHOG GSUNG, DE NAS DVAGS PO GRVA TSANG DU PHEBS TE DGONGS BA ZHUS, DE KHA'I BLA MA DGE 'DUN TSANG MAS DANG BA CHER MDZAD DE

GRVA TSANG GI KHRI LA 'JOG 'DOD MDZAD KYANG, DAM PA 'DI NGES 'BYUNG SKYO SHAS CHE BAS GRVA TSANG GI BLA MA LA MDZAD CING, BLO GSAL DON GNYER CAN 'GA' ZHIG LA DRANG NGES RNAM 'BYED KYI BSHAD PA ZHIG GNANG, DE NAS RGYUD STANG DU CHOS THOG GCIG TZAM PHEBS NAS DGE RGAN RE SGO AA TZA RA RI GONG BYA BA'I RI KHROD DU BZHUGS BAS DER PHEBS, ZAB CHOS MANG DU GSAN CING, BYANG CHUB SEMS KYI GDAMS NGAG THUGS TSIM BAR ZHUS TE, SLAR YANG GTZANG DU PHEBS BAS DRUNG PA RIN PO CHE GZUGS SKU'I BKOD PA CHOS KYI DBYINGS SU BSDUS NAS DAD LDAN GYI SLOB MA RNAMS NYID KYI THUGS SRAS DRUNG PA RTA PHUG PA BLO BZANG DAM CHOS RGYAL MTSAN GYIS BLA MA RGYAL TSAB PA NYID LAS MI ZHAN PAR SKYONG SKABS SU SDANG BAS DRUNG PA RIN PO CHE DANG BKRA SHIS LHUN PO'I DKYIL KHANG DU MJAL NAS BSNYEN BKUR DANG 'BUL BA GANG 'BYOR PHUL TE SKYES BU GSUM GYI LAM GYI RIM PA'I KHRID KYI SNYAN 'BUL ZHUS PAS, DER BDE LAM GYI KHRID DBU 'DZUGS TZAM MDZAD, 'PHROS RNAMS RGOD TSANG DU SLEBS NAS YONG GSUNG, DER PHABS NAS ZHUS PAS MTSAN NYID BA LA LAM RIM GYI KHAG MI 'ONG GSUNGS NAS MA GNANG BAS CHOS LA GDUNG DRAG NAS YANG YANG ZHUS PAS SGO DU MA NAS BKA' BKYON MDZAD PA LAS BKA' CHOS KYI ZHAL BZHES MI MDZAD PAR THUGS MI MNYES PA LTA BU LAN MANG DU MDZAD PAS THUGS LA NGA LAS SGRIB CHE BAS SNOD DU MA GYUR PA YIN 'ONG, SNGON LA BSHAGS SBYANGS LAS SGRIB DAG PA'I MTSAN MA THOB BA ZHIG BYED, DE NAS YANG ZHABS BSKUL

, ,ZHU DGONGS TE BKRA SHIS LHUN POR PHEBS SKOR BA GSOG PA'I TSE, NYIN GCIG SKOR LAM DU RO KHYER BA GZIGS PAS, NGA 'DI DANG MNYAM DU MA SHI BA'I BDEN NAM RDZUN YA MTSAN, DE RING RANG YANG 'CHI NYEN 'DUG ,RTEN BZANG PO 'DI 'DRA THOB NAS BYANG CHUB LAM GYI RIM PA LA BLO SBYONG RGYU MA BYUNG BAR SHIN JI LTAR BYED, SLAR 'DI LTA BU'I RTEN THOB MI 'THOB CHA CI YOD SNYAM NAS DAL 'BYOR DANG 'CHI BA MI RTAG PA ZUNG 'BREL DU GO NAS BRTZON 'GRUS DRAG POS BANG BTANG NAS SKOR BA MDZAD, DE'I TSE THUGS LA NGA DA LTA RANG YANG 'CHI NYIN 'DUG ,'JIGS PA CHEN PO 'DI PAn CHEN THAMS CAD MKHYEN PAS DGONGS NI DGONGS THUGS BRTZE BAS GCIG GSUNG RIGS PAR 'DUG SNYAM PA BYUNG, SKOR BA BSOGS NAS SLAR YANG RGOD TSANG DU PHEBS, BKA' CHOS KYI ZHABS BSKUL ZHUS PA NA KHYED MTSAN NYID PA LA LAM RIM BSHAD PA LA DGOS PA MED GSUNGS MA GNANG BAS, 'CHI RKYEN MANG LUGS DANG; GSON RKYEN NYUNG LUGS, SROG NYAM CHUNG LUGS GANG LA BSAMS KYANG, TSE 'DI LA LAM RIM GYI KHRID THOB PA'I SKAL BA MI 'DUG, SKYE BA RJES MA LA BYANG CHUB LAM RIM STON PA'I BLA MA MTSAN NYID DANG LDAN PA ZHIG DANG MJAL NAS CHOS DE LA THOS BSAM SGOM PA MTHAR PHYIN PA ZHIG 'ONG BA'I BSNGO SMON DANG, DE'I GEGS MI DAG BA GANG BYAS LA BSHAGS SDOM 'GYOD MED CIG BYA BA LAS 'OS MI 'DUG SNYAM STE, ZHUM PA MED PAR SNYING STOBS BSKYED NAS,

RGOD TSANG GI NYE SKOR PHUG BA DBEN PA ZHIG TU, RTZAM BA NYUNG TZAM LA BZHES CHOD MDZAD CING GCIG PUR BZHUGS NAS, NYI MA RE LA BRKYANG PHYAG STONG PHRAG GSUM RE BTZAL NAS BSHAGS SBYANGS LA 'BAD PAS, RE ZHIG LON NAS YUL DE NA DMAR BSHAL GYI RIMS BYUNG BAS, LAN CIG KHRAG MANG PO 'KHRU BA BYUNG, PHUG BA'I NANG DU BYON KHRAG 'KHRU BA DE BDEN NAM BRDZUN SNYAM SLAR GZIGS PAR PHEBS PAS GANG YANG MI 'DUG RUNG, NGA NAD NGAN DE THEBS 'DUG MYUR DU 'CHI SNYAM DGE SBYOR LA BRTZON PA DRAG TU BTANG BAS DA STE ZHAG BDUN NAS KHYOD 'CHI'O ZER BA'I SGRA ZHIG MNGON SUM DU BYUNG BAS, ZHAG BDUN SONG BA'I NYIN 'CHI BAR THAG CHOD NAS 'CHI GRABS 'GYOD MED CIG BYED DGOS SNYAM NYIN RE BZHIN BSAG SBYANGS LA 'BAD CING NYIN BDUN BA LA DGE RTZA RNAMS BSNGO SMON RNAM PAR DAG PAS RGYAS BTAB, SEMS 'PHRENG BA'I CHAS KA DANG MDZA' BSHES NI MED, TSE 'DI LA LAM RIM MA THOS KYANG LAS 'BRAS MI BSLU BAS PHYI MTHOB NGES 'GYOD PA SPU TZAM MED SNYAM 'CHI BAR THAG BCAD NAS BZHUGS PAS ZHAG NI BDUN SONG, GRONGS NI MA GRONGS, DE RING MA SHI PA DE BLA MA DKON MCHOG GI BKA' DRIN YIN SNYAM THUGS DAM SNGAR LAS KYANG NUS PAR MDZAD PAS RMI LAM DU CHOS GOS RNAM GSUM BZHES NAS SEL BO STONG PA ZHIG BSNAMS PHEBS PA RMIS PAS CHOS GOS RNAM GSUM GYON PA LEGS MOD SEL BA STONG BA KHUR BA BZANG RGYU MI 'DUG SNYAM STE SNGAR BZHIN THUGS DAM RGYUN BSKYANGS PAS

, ,RMI LAM DU GOS DKAR PO DRI MA MED PA ZHIG GYON NAS NAM MKHA'I DBYINGS THAMS CAD DU THOGS MED DU 'GRO BA ZHIG RMIS PA SDIG PA DAG PA'I RTAGS YIN NGES SHES PA BYUNG, DA NI SHI YANG MI 'GYOD DO SNYAM BZHUGS PAS, DGONG, CIG RMI LAM DU BLA MA RTA PHUG PA DE NYID RGOD TSANG GI RI RTZER PHEBS NAS, KUN GZHAN GYIS G-YAB MO MDZAD PA ZHIG RMIS THUGS LA DA RANG PHYIN PA BLA MAS GSUNG CHOS GNANG BA 'DRA DGONGS NAS RGOD TSANG DU BYON PAS THUGS SHIN TU DGYES PA'I SGO NAS DUS GSUM SANGS RGYAS THAMS CAD KYI BGROD PA GCIG PA'I LAM PO CHE, SHING RTA CHEN PO KLU SGRUB DANG THOGS MED GNYIS KYI LAM SROL, SKYES BU GSUM GYIS NYAMS SU BLANG BAR BYA BA'I RIM PA MTHA' DAG MA TSANG BA MED PAR STON PA, SNYIGS DUS KYI RGYAL BA GNYIS PA SHAR TZONG KHA PA BLO BZANG GRAGS PA'I THUGS KYI NYING KHU BYANG CHUB LAM GYI RIM PA'I MYONG KHRID GNANG BAS SKOM PAS GDUNGS PA CHU THOB PA'AM, DBUL POS GTER RNYED PA LTA BU'I DGA' SPRO BSAM GYIS MI KHYAB PA 'KHRUNGS, NYIN LTAR CHOS THUN GROL MA THAG GZHAN LA NGAG MA BTANG BAR SPYIL POR PHEBS NAS, BLA MAS JI LTAR GSUNGS PA'I TSIG RIS PHRA MO TSUN CHAD ZUR MA NYAMS PAR 'DI'I SKABS SU 'DI GSUNGS 'DI'I SKABS SU 'DI GSUNGS SNYAM DU TSIG SKYOR BA DANG, DON SEMS PA SOGS LA SNOD KYI SKYON GSUM GAD GIS KYANG MA GOS BAR MDZAD, BLA MA'I RNAL 'BYOR GYI SKABS SU KLOG SLOB PA'I SLOB DPON BTZUN LO GCIG YOD PA DE LA SANGS RGYAS

DNGOS KYI 'DU SHES SKYE DKA' BAR BYUNG BA BLA MA LA ZHUS PAS, SLOB DPON BTZUN LOG DE NYID TSOGS ZHING GI GTZO BOR GYIS THUB PA'I DBANG POR BSGOMS LA DANG PA SBYONGS, NAM SANGS RGYAS SU MTHONG BA'I DAD PA BYUNG TSE KHONG RANG GI GRAL DU BZHUGS LA DANG PA SGOMS GSUNGS, DE LTA BU'I TSUL GYIS 'GO BSHES GNYEN BSTEN TSUL NAS MJUG LHAG MTHONG GI BAR GYI DMIGS SKOR MTHA' DAG LA THOS BSAM GYIS MTHA' CHOD PAR GTAN LA PHAB STE DOGS PA SHIN TU GCOD DKA' BA RNAMS BLA MA RANG LA ZHUS NAS LAM SGOM PA'I THOG MTHA' BAR GSUM GYI GNAD 'GA' PHRA ZHING PHRA BA RNAMS KYANG THAG CHOD PAR MDZAD DE, GCIG PUR BZHUGS TSE GZHAN LA DOGS GCOD 'DRI MI DGOS PA'I GDENG THOB PAR MDZAD DO, ,KHRID SKYONG BA LA SHIN TU BRTZON PAR YOD PA'I SKABS SHIG MNAL LAM DU LHA KHANG CHEN PO SGO SHAR LA BSTAN PA SGO LCAGS CHEN PO RGYAB PA ZHIG GI SGO DRUNG NA NYID RANG BZHUGS 'DUG PA LA MI ZHIG GIS LDE MIG CHEN PO ZHIG BYIN BYUNG, DES SGO LCAGS DE PHYE NAS SGO PHYE BA DANG DUS MNYAM DU SHAR PHYOGS NAS SPRIN DANG BRAL BA'I NYI MA'I DKYIL 'KHOR 'OD ZER SHIN TU GSAL BA ZHIG SHAR BA KHANG PA DE'I NANG DU BSTAN PA'I BDAG PO'I SKU SHIN TU CHE BA ZHIG BZHUGS 'DUG PA DE'I THUGS KAR 'OD ZER PHOG PAS SKU DE LAS KYANG 'OD ZER 'PHROS PAS KHANG BA DE NYID GANG NAS 'OD DANG 'OD ZER PHYOGS BCUR 'PHOR BA ZHIG RMIS, THO RENGS MNAL SAD TZA NA RMI LAM YA MTSAN CAN DE 'DRA CI YIN NAM SNYAM BZHUGS PAS PHAN TSUN GYI SPYIL PO

, ,RNAMS KYI KHAR RDO 'PHEN PAR 'DUG PAS, RMI LAM LA DPAGS NA DE RING BKA' CHOS SHIG GNANG BAR THAG CHOD SNYAM NAS MYUR DU BLA GRANG DU BYON PAS, RTZA BA'I BLA MA DE NYID BZHUGS KHRI PHUN SUM TSOGS PA ZHIG GI STENG NA SKU STOD GTZER PU MDZAD, CHOS GOS RNAM GSUM LEGS PAR BZHES PHYAG TU LAM RIM CHEN MO'I GLEGS BAM BSNAMS, NYI MA DRO SA ZHIG NA DANG BA 'DREN PA ZHIG MDZAD NAS BZHUGS 'DUG ,RMI LAM LA DPAGS NA RANG NGOS NAS BYUNG PHYIN BLA MA SANGS RGYAS YIN PAR THAG CHOD PA'I NGES SHES CHEN PO SKYES, BLA MAS DGYES BZHIN DU LAM RIM CHEN MO'I BSHAD LUNG RGYAS PAR GNANG BAS BLA MA DANG CHOS LA NGES SHES KHYAD PAR CAN 'KHRUNGS TE LUS KYI PA SPU LDANG; MIG NAS MCHI MA 'KHRUG BZHIN PAS BLA MA RGYANG 'BOD LA 'BAD CING, RIS DGA' BSTAN PA'I BDAG PO'I BKA' DRIN DRAN NAS SKABS GSUM PA MANG DU BTON NAS DAD PA DANG SKYO SHAS 'GRAN PA ZHIG YOD CING ,BLA MA LA BKA' DRIN DRAN PA'I DAD GUS RGYUN MI 'CHAD PA BYUNG ZHING BLA MA'I BYIN RLABS ZHUGS PA'I MTSAN MA'ANG THOB, RGOD TSANG RI KHROD KYI BSGRAGS LA ZHUGS NAS LO GSUM BZHUGS, LAM RIM GTZO BOR BSKYANGS PA'I BAR DU BKRA SHIS LHUN POR SNGAGS CHEN RDO RJE 'DZIN PA DKON MCHOG RGYAL MTSAN PA'I DRUNG NAS GSANG BDE 'JIGS GSUM SOGS KYI DBANG CHEN DU MA DANG, CHOS SKYONG SKOR PHAL CHER GYI RJES GNANG, SGRUB THABS DU MA'I LUNG BCAS CHOS BKA' CI RIGS

PA GSAN NO, ,DE NAS DRUNG PA RTA PHUG PAS DAM PA 'DI NYID DBUS PHYOGS SU RJE'I BSTAN PA LA PHAN PA CHEN PO 'BYUNG BAR GZIGS NAS NYIN GCIG SKU MDUN DU BOS NAS, ,NGA KHYOD DBUS LA SONGS GSUNGS TE NYID KYI SKU 'GAG BZHAS PA DE PHUD NAS GNANG, DBEN PA BSTEN PA'I TSE DKA' SPYAD DGOS TSUL, SGRUB PA BYED TSUL, DE LA BRTEN NAS BSTAN PA DANG 'GRO DON JI LTAR BYA BA'I BSLAB DON RGYAS PAR GNANG, KHYAD PAR DU GOS RGYAB DROS DANG ,'TSO BRTZAM PAS TSAG SHES GYIS LA DBEN PAR LAM RIM RANG LA DRIL CIG GSUNGS, DE NAS BLA MA SANGS RGYAS SU MTHONG BA'I DAD PA DANG, BKA' DRIN DRAN PA'I GUS PA CHEN POS DRANGS PA'I MCHI MAS BRLAN ZHING 'BRAL MI PHOD PA BYUNG YANG BKA' BZHIN SGRUB PA BLA MA MNYES PA'I MCHOD PA'I MCHOG DANG BKA' DRIN GZHAL BA'I MCHOG TU GZIGS TE DBUS SU BYON PAS SNYE THANG DU PHEBS PA'I TSE SE RA'I RGYAB RI'I LDEBS NA RJE'I SGRUB KHANG GI CHU MIG DANG SHING NAGS GZIGS PAS DGA' BA DANG SKYO BA 'DRES PA'I SPYAN CHAB MANG DU BYUNG, NGA YA GI RANG DU SGRUB PA BYAS LA 'DUG SNYAM PA BYUNG, DE NAS SGRUB KHANG DU PHEBS GNAS DER ZIL GNON DMIGS PA SKOR GSUM MDZAD, PHYAG BDAR LEGS PAR BYAS, SHIN TU BAG PHEBS PA DANG, DBEN PA BSTEN PA'I DGA' BAS THUGS RAB TU TSIM NAS RTZVA'I GDAN LA BZHUGS NAS LAM RIM DANG GCOD GNYIS KA LA BRTZON PAR MDZAD PAS, NUB DANG PO NAS SGO'I RTZAR SHU RGYAGS PA DANG 'GRAM LCAG GTONG BA DANG ,RMI LAM

, ,DU PO TA LA'I RGYAB NAS BZUNG, SGRAB KHANG GI BAR DU GUR KHRA CHEM ME BA'I SGAR BA CHEN PO'I MTHA' THAMS CAD 'BROG PA'I CHA LUGS CAN GYI RTA BA KHOR GSUM CHER MA 'DRA BA BTAGS PAS BSKOR BA DANG, NYANG BRAN PHU NAS G-YAG NAG PO RI 'DRA BZHIG NGAR SGRAS PA GZHO 'DAR ZHING ME STAG 'PHRO BA'I RLUNG 'TZUB DANG BCAS BYUNG BAS SGRUB KHANG 'OG GZHAN DANG BCAS PA RVA RTZER BSKOR BA RNAMS GCOD KYI DMIGS PA BRTAN POS GZI BAS, G-YAG RGOD DE CHUNG DU CHUNG DU SONG BA'I MTHAR THA 'OG PA'I LHA RTEN GYI RTZAR MAR ME CHUNG NGU ZHIG TU GYUR SONG ZHING, THABS SHES SPYAD KYI NYAMS LEN LA RGYUN BSKYANGS PAS BDAG 'DZIN 'GONG PO'I CHO 'PHRUL RANG ZHI LA SONG BA'I MTHAR GNAS DE'I GZHI BDAG RNAMS BRAN DU KHOL TE PHYIN CHAD BKA' BZHIN DU 'PHRIN LAS SGRUB PA ZHIG BYUNG NGO, ,DE NAS DUS RE ZHIG NAS NA BZA' DANG 'TSO CHAS RNAMS ZAD PA NA, RI NAS RTZVA BRNGAS NAS GDAN DANG G-YAS G-YON RNAMS SU RTZVA SPUNGS NAS SGOM PAR MDZAD, DE'I TSE G-YAS G-YON MDUN RGYAB GANG KRANG SA DER RTZVA MANG BAR SPUNGS NAS BSGOMS, MCHOD PA GZHAN CHER MED PAS PHOR BA BKRUS NAS YON CHAB DUS DRUG RE NYIN LTAR PHUL TE BYANG CHUB LAM RIM BSGOM PA LA BRTZON PA CHU BO'I RGYUN BZHIN MDZAD DO, ,DA LTAR BYANG CHUB LAM RIM GYI DMIGS RNAM SKYONG BA LA 'DABS THUGS RGYUD LA RTOGS PA SKYE PA'I RKYEN NI SGOM PA'I THUN BAR ZHIG LA CHU LEN PAR PHEBS BAS LA MKHAN SBRANG BU ZHIG CUNG ZAD 'BUR NAS

SA LA YANG YANG LHUNG BAR 'DUG ,'DI CI YIN SNYAM ZHIB TU GZIGS PAS SBRANG BU'I BRANG LA GROG MA ZHIG GIS MCHU BTZUGS NAS 'DUG ,DES RKYAN BYAS NAS LAS 'BRAS LA BSAM PAS, RANG GIS LAS NGANG ZHIG BSAGS PHYIN JI LTAR BYAS KYANG 'BRAS BU MYANG DGOS 'DUG, SBRANG BU LA MIG 'DUG ,GSHOG PA 'DUG ,GROG MA LA MIG KYANG MI 'DUG LA, GSHOG PA YANG MI 'DUG STE LAS KYIS BKUG NAS GNAS SKABS 'DI 'DRAR GYUR 'DUG PAS DGE MI DGE'I LAS NGES PA CAN SOGS STON PA SANGS RGYAS KYIS GSUNGS PA LA NAM YANG BSLU BA MED PA'I NGES SHES KHYAD PAR CAN 'KHRUNGS TE, DES SNA DRANGS NAS LAM GYI RTOGS BA MTHA' DAG RGYUD LA SPUNGS BA BZHIN DU 'KHRUNGS SO, ,DE LTAR BSHES GNYEN BSTEN TSUL NAS ZHI LHAG GI BAR LA RTZOL BCAS DANG RTZOL MED KYI MYONG BA RIM GYIS THON TE RANG NYID MI NYAMS PA'I GDENG THOB PA NA SKAL DANG YI GDUL BYA RE GNYIS LA GANG LA GNAG 'TSAM GYI ZAB CHOS MNGON CHUNG GI SGO NAS GNANG, BAR SKABS SHIG DGOS PA KHYAD PAR CAN 'GA' GZIGS TE, 'O KHA DANG, NRGYAL DANG, DVAGS PO DANG, RTZVA RI'I RTZE SKOR SOGS LA PHEBS, 'DI SKABS SU BLA MA DRUNG RAM PA RIN CHEN DON GRUB LA GCOD STON THOG GCIG MA'I KHRID, NAM MKHA' SGO 'BYED KYI DBANG, DPON SLOB LHA SDINGS PA LA CHOS SPYOD RAB GSAL GYI LUNG, RE SGO AA TZA RA LA BLO SBYONG GZHAN DON DON GNYER, BYANG CHUB DON GNYER, BZOD PA'I PHAR PHYIN LA BSLOB TSUL SOGS CHOS MANG DU GSAN

, ,NO; ;DE NAS THUGS LA SNGAR GTZANG DU BZHUGS SKABS BLA MA'I ZHAL NAS GCOD LA BZHED PA CHEN PO 'DUG PA, BAR GRVA TSANG GI GCOD ZHIG NYAN NA 'ONG GSUNG BA ZHIG YOD PA DRAN NAS ,CI NAS KYANG DA RES 'GRO DGONGS TE PHEBS PAS, CHOS LUNG BYA BAR ZHAL SNGA NAS CHOS 'PHEL RGYA MTSO'I DRUNG DU 'BYOR, GCOD KYI GDAMS PA GNANG DGOS TSUL ZHUS PAS THUGS DGYES DGYES DPAG MED MDZAD, GCOD KHRID ZAB RGYAS GNANG, ZHAG BZHI BZHUGS, DE DUS ZHAL SNGA NAS DER DA LTA BREL BA YOD RJES SOR SHOG DANG, GCOD KYI DPE YANG STER GSUNGS TE THUGS LA BZHAG NAS SLAR YANG PHEBS PAS ZHAG BCU BZHI'I RING LA GCOD DBANG DANG ,SKAL LDAN 'JUG DOGS CHE CHUNG GNYIS, MA CIG RKYANG SGOM DANG BCAS PA'I KHRID LUNG DPE DANG BCAS PA GNANG, NGAS GCOD KHRID ZHUS NAS MA CHAG PAR BTANG BA YIN, NGA KHYOD KYIS KYANG MA CHAGS PAR THONGS GSUNGS TE, MA CIG BLA MA DANG BCAS PAS THABS SHES SPYOD KYI GDAMS PA'I MNGA' BDAG CHEN POR MNGA' GSOL BA'I RTEN 'BREL GYIS GDAMS PA 'DIS MA CIG GI DGONGS PA JI LTA BA BZHIN GDAMS NGAG BLO SBYONG SPYI DANG MTHUN ZHING, KUN SPYOD 'DUL BA LTAR MDZAD DE NANG GSANG SNGAGS LTAR GNAS NAS KUN RDZOB BYANG CHUB KYI SEMS KYIS RANG GCES 'DZIN BCAD, DON DAM BYANG CHUB KYI SEMS KYIS BDAG 'DZIN BCAD DE BDUD BZHI RANG SAR GROL, RANG SEMS DBANG DU 'DUS, DE'I MTHUS LHA 'DRE MI

GSUM DBANG DU 'DUS NAS GDAMS PA 'DI'I SGO NAS SKAL LDAN DU MA SMIN GROL LA BKOD CING, MING DON MTHUN PA'I GCOD KYI BSTAN PA NYIN MO LTAR GSAL BAR MDZAD NAS GDON GYIS BRLAMS PA'I NAD PA DU MA NAD LAS GROL BAR MDZAD TSUL YANG MTHA' YAS SO, ,GZHAN YANG DBUS STOD PHYOGS SU LAN 'GA' RE PHEBS TE, BLA MA SNYAN GRAGS KYI DRUNG NAS LAM RIM CHUNG NGU, DMIGS BRTZE MA'I LAS TSOGS SOGS CHOS MANG DU GSAN, HOR BKA' CHEN BLO BZANG DON GRUB KYI DRUNG NAS BE'U BUM SNGON PO'I 'GREL PA, 'JIGS BYED KYI BSKYED RDZOGS, BLO SBYONG SNYAN RGYUD CHEN MO, YI DAM SGRUB SKOR, BAR DO GSOL 'DEBS, GTOR MA SNA TSOGS, SMAN BLA'I BLA MA'I RNAL 'BYOR, PHYAG CHEN RNAMS GSAN, SLOB DPON BYAMS PA CHOS LDAN LA DMAR KHRID 'JAM DPAL ZHAL LUNG GI MYONG KHRID SEMS BSKYED CHO GAS 'DZIN TSUL DANG BCAS PA GSAN, SEMS BSKYED MCHOD PA'I SKABS ME TOG DKAR PO'I CHAR BABS PAS BLA MA SHIN TU MNYES PAR GYUR, GZHAN YANG NYI SDINGS BLA MA DGE 'DUN PHUN TSOGS KYI DRUNG NAS SRAD RGYUD LUGS KYI 'JIGS BYED KYI BSKYED RDZOGS KYI KHRID SMIN RGYAS GSAN, SNGA PHYI DU MER PO TA LAR PHEBS NAS RDO RJE 'CHANG CHEN PO DGE SLONG 'JAM DBYANGS GRAGS PA'I DRUNG NAS, TSE DPAG MED KYI KHRID, SNYING PO DON GSUM GYI KHRID LUNG, BLO SBYONG DON BDUN MA'I KHRID LUNG, DMIGS BRTZE MA'I BLA MA'I RNAL 'BYOR GYI KHRID LUNG SOGS CHOS MANG DU GSAN NO, ,DE LTAR THOS BSAM SGOM PA

, ,GSUM LA DRIL NAS GCIG GI GEGS GCIG GIS BSAL, GCIG GROGS SU GCIG SONG BAS LUNG RTOGS KYI YON TAN RNAMS MTSO'I PADMA LTAR GYUR TE, THAR 'DOD DU MA LA LEGS BSHAD KYI DGA' STON 'GYED PAR MDZAD DO, ,DE NAS MA 'ONGS PA'I BSTAN RGYUN LA DGONGS TE SER RE RTZE'I SGRUB KHANG DU SGRUB SDE 'DZUGS PAR MDZAD DE THOG MAR DGE SLONG BCU BDUN LONGS PA'I DGE 'DUN GYI SDE CHAGS, DE NAS GDUL BYA LAS CAN RNAMS LA LAM RIM GTZO BOR MDZAD PA'I GCOD SNYING PO DON GSUM SOGS KYI CHOS 'KHOR DU MA BSKOR BAS SLOB MA THAMS CAD KYANG NYID KYI RJES SU SLOB PAS YUN RING PO'I BAR DU GNAS DER SANGS RGYAS KYI BSTAN PA SGRUB PA'I LE'U'I DUS LTAR GNAS PAR GYUR TO, ,DE NAS RKYEN CI RIGS PAS BSKUL NAS 'OL KHAR PHEBS TE 'GAR PHUG DANG, CHOS LUNG SOGS SU RE ZHIG BZHUGS PAS, 'GAR PHUG GI RJE'I SGRUB KHANG DU DAM CAN CHOS RGYAL ZHAL GZIGS, GCOD KYI LHONGS LA PHAG RGOD NAG PO RA TZIM ZHIG RLUNG DMAR DRAG TU G-YO BA DANG BCAS BYUNG BA DMIGS PAS GZIR BAS MTHAR PHYI BA GSUM DU SONG, DE YANG DMIGS PAS GZIR NAS THAL BA'I RDUL DU BRLAG STE RNAM SHES CHOS KYI DBYINGS SU 'PHANGS NAS LTA THOG TU MNYAM PAR BZHAG PAS PHYI NYIN NYI MA LAM GYI MA DROS PAR MNYAM GZHAG THUN GCIG LA SONG, MNYAM GZHAG LAS LANGS MA THAG 'KHOR 'DAS MNYAM NYID DANG SNANG STONG ZUNG 'BREL GYI MGUR MA ZHIG KYANG GSUNGS,

RGYAL DU PHEBS PAS DPAL LDAN LHA MO'I ZHAL GZIGS PA SOGS DAG PA'I MTSAN MA MANG DU BYUNG, DE NAS TSUR PHEBS PAS SANG ZANGS RIR PHEBS RGYU'I DGONG MO MNAL LAM DU, MI ZHVA NAG PO GYON PA DUNG LONG BRGYAB PA ZHIG GIS, DOG BDE'I NANG DU MCHOD RTEN YOD DER KHANG PA BRTZIGS NA 'ONG ZER BA ZHIG BYUNG, SANG ZANGS RI KHANG DMAR DU PHEBS RTEN MJAL MDZAD PAS SRAS THOD SMYON BSAM 'GRUB KYI SKU DE RMI LAM DU BYUNG BA JI LTA BAR 'DUG GSUNG, DE NAS SE RA RTZER PHEBS NYIN DGE 'DUN RNAMS KYIS BSU BA MDZAD, 'DU KHANG DU MCHOD PA BRGYA TSAR PHUL, DGE 'DUN THAMS CAD KYIS ZHABS SPYI BOR BLANGS, DA PHYIN CHAD GDAN SA 'DI RANG DU BZHUGS NAS CHOS GSUNG BAR GSOL BA MGRIN GCIG TU BTAB PAS THUGS DGYES PA CHEN POS ZHAL GYIS BZHES TE, DA NGAS KYANG LAM RIM RANG 'CHAD KHYED RANG RNAMS KYANG LAM RIM RANG SGOMS SHIG GSUNG, DE NAS BZUNG STON DPYID GNYIS LA LAM RIM GYI KHRID TSAR RE PAL CHER GNANG, DPON SLOB THAMS CAD BSHAD SGRUB SHIN TU 'PHEL, SEMS BSKYED MCHOD PA DANG MAndAL RNAMS LA BSNGAGS BRJOD CHEN PO MDZAD PAS DAR RGYA CHE RU SONG, DE NAS SNGAR MNAL LAM DU BYUNG BA'I DOG BDE'I NANG GI MCHOD RTEN YOD PA RTZAD DPYAD PAS, BUR BU LCOG TU MCHOD RTEN 'GA' ZHIG 'DUG PAS DAR RJE 'DI NYID KYIS SA 'BUL DANG BKOD PA MDZAD NAS, SPYIN BDAG KHRA 'BUR SOGS KYIS DER GZIM KHANG ZHIG BRTZIGS, DAM PA 'DI DGUNG LO DRUG CU THAM PA BZHES PA LCAGS PO 'BRUG GI LO

, ,PHUR BU LCOG TU BYON, NYIN MANG PO'I BAR MDO SDA BSKAL BZANG BKLAGS SHING MCHOD PA GZABS PA PHUL, BYANG CHUB MCHOG TU SEMS BSKYED DGOS TSUL GYI GSUNG BSHAD RNO LA RGYAS PAR GNANG NAS MDO SDE BSKAL BZANG DBANG DU BZHAG NAS SBYOR DNGOS RJES GSUM TSANG BA'I SEMS BSKYED RE DPON SLOB THAMS CAD KYIS MGRIN GCIG TU MDZAD DO, ,BSKAL BZANG LAS DE BZHIN GSHEGS PA GRAGS PA SNGON THAG PAR GYUR PA'I CHE RAS KYI KHA TSAR PHUL NAS SEMS BSKYED PA DANG, DE BZHIN GSHEGS PA 'OD 'PHRO RTZVA'I SGRON ME PHUL NAS SEMS BSKYED PAR GSUNGS PA YI GER BRIS NAS MGUL DU BZHES, NGED RANG TSO SEMS BSKYED PA'I RDZAS LA MA THOGS DAD PA LA THOGS GSUNGS PA SOGS GSUNG CHOS RUS BA CAN MANG DU GNANG, DE NAS RGYAL DGA' TSAL DBU MDZAD KYIS RJE BTZUN THAMS CAD MKHYEN PA BLO BZANG YE SHES LA GSOL BA BTAB NAS LAM RIM GYI MAN NGAG CHES GSAL BA MYUR LAM ZHES BYA BA GNANG BA GSAN NAS RGYAL DU PHEBS TE BRAG RTZA BLA MA BLO BZANG RGYAL MTSAN LA SNGAGS RIM CHEN MO, 'DUL BA'I GLENG 'BUM CHEN MO, PAn CHEN THAMS CAD MKHYEN PAS MDZAD PA'I MYUR LAM RNAMS KYI LUNG GSAN CING BYAMS CHEN GYI MDUN DU SEMS BSKYED DANG, BSTAN PA RGYAS PA'I BSNGO SMON MDZAD NAS 'OL KHAR PHEBS DRUNG RAM PA BLO BZANG CHOS RGYAL LA SMON LAM MTHA' YAS PA'I GCOD SOGS BKA' CHOS CI RIGS GSAN NAS SER RTZER PHEBS

SNGAR BZHIN BSHAD SGRUB KYIS 'DUS SDA RNAMS LEGS PAR BSKYANGS SO, ,DE NAS PHUR BU LCOG TU DGE SLONG BRGYAD SDE ZHIG 'DZUGS PA'I THUGS 'DUN YOD BA BZHIN ME KHYI LO HOR ZLA GSUM PA'I MJUG GZA' SKAR 'PHROD SBYOR LEGS PA ZHIG GNAS BZUNG 'BAD RTZOL CHER MED PAR THAR 'DOD DU MA RJE BLA MA NYID KYI THUGS RJES 'UR GYIS 'DUS NAS THOG MAR BRGYAD SDE DANG, DE NAS RIM GYIS 'DUS NAS DGE 'DUN NYI SHU LONGS BA'I SGRUB SDE PHUN SUM TSOGS PA CHAGS PAS DAD LDAN BSOD NAMS GSOG PA'I ZHING SA MCHOG TU GYUR PA 'DI BYUNG NGO, ,'DI SKABS NAS BZUNG SGRUB SDE RNAMS SU TSOGS NAM 'TSOG RES KYIS THOG MAR PHYAG 'TSAL BA DANG SBRAGS PA'I YAN LAG BDUN PA MAndAL DANG BCAS PA PHUL NAS SEMS BSKYED PA DANG, TSOGS 'DU SOGS GANG DU PHEBS KYANG MAndAL BSNAMS PA'I SROL BTZUGS, PHUR BU LCOG GI SGRUB SDE CHAGS NAS 'DU KHANG LOGS BRIS GRUB RJES RJE BTZUN BLA MA NGAG DBANG BYAMS PAS DBU MDZAD DGE SLONG RNAMS KYIS ZLA BA GCIG GI BAR 'DU KHANG DU DGONG MO RE RE BZHIN BRGYAD PHYAG LNGA BRGYA RE LA NYUNG THA BYAS NAS BSAG SBYANGS LA BRTZON PAR MDZAD PAS THUGS SHIN TU MNYES NAS NGA LAS KHYED TSE SNYING RUS CHE BA 'DUG ,CHUNG DU'I DUS NAS RJE BLA MA LA BLO SNYING GTAD NAS RI KHROD CIG LA 'GRO BSAM PA YOD, SNYING RUS KHYED TSO TZAM MED GSUNGS, LAM RIM CHEN MO'I BSHAD LUNG DANG 'JAM DPAL ZHAL LUNG GI KHRID RGYAS PAR GNANG, DE NAS RA KHA BRAG SGRUB SDE CHAGS TE SER RTZE DANG PHUR BU LCOG GI DGE

, ,'DUN RNAMS KYANG SPYAN DRANGS NAS SEMS BSKYED MCHOD BA RGYAS PAR MDZAD, THOG MAR DGE SLONG BCU GNYIS CHAGS, DE NAS RIM GYIS JE 'PHEL DU GYUR TO, ,DE NAS BZUNG SGRUB SDE SO SOR ZLA BA YAR NGO MAR NGO'I GSO SBYONG DANG DBYAR GNAS, DGAG DBYE SOGS BSTAN PA RIN PO CHE'I RTZA BA SO SOR THAR PA'I PHYAG LEN RNAM PAR DAG PA 'DZUGS PAR MDZAD, SA MO GLANG LO'I ZLA PA DANG PO NAS SGRUB SDE PHAN TSUN SO SOR SEMS BSKYED MCHOD PA ZHU MI DU MA BYUNG BA LA SPYAN DRANGS PA BZHIN SKYA SER MANG PO LA THEG PA CHEN PO'I SEMS RIN PO CHE'I GSUNG BSHAD GNANG, ZLA BA GSUM PA'I NANG DU LHA RI BLA MA LHO RTING SKYES BLA MA SE 'BRAS DGE GSUM RGYUD STOD SMAD KYI DGE BA'I BSHES GNYEN MANG PO DANG SGRUB SDE GSUM GYI DGE SLONG RNAMS GTZO BOR BYAS PA'I THAR 'DOD NYIS BRGYA MA LONGS TZAM LA BYANG CHUB LAM GYI RIM PA'I MYONG KHRID ZLA BA GCIG GI BAR DU GNANG NGO, ,DE NAS MA 'ONGS PA'I BSTAN RGYUN LA DGONGS TE SNGA SNOD RIN PO CHE GSUM GYI BRJOD BYA LAG LEN DU 'DEBS TSUL SPONG BA'I KHRIMS SU BCA' BA, PAn CHEN RIN PO CHE BLO BZANG YE SHES DPAL BZANG POS MDZAD PA DE LA DAM PA NYID KYIS CUNG ZAD KHA BKANG STE SGRUB SDE SO SOR GNANG NAS SGRIGS LAM DE GA SOR GNAS DGOS TSUL GYI BSLAB STON RGYAS PAR GNANG STE, RA KHA BRAG TU DBYAR ZHAL BZHES MDZAD, DGAG DBYE TSAR NAS RA KHA BRAG DANG PHUR BU LCOG TU BDE MCHOG DRIL BU LHA LNGA'I CHO GA BTZUGS, ZHAG BDUN GYI

RING TSOGS 'KHOR MCHOD PA DGE 'DUN RNAMS LA BSNYEN BKUR LEGS PAR MDZAD DO, ,DE NAS PHUR BU LCOG TU PHEBS THAR BDON GNYER CAN MANG PO LA BSNYEN RDZOGS KYI SDOM PA GNANG, SGRUB SDE SO SOR SKYA SER MANG POS SEMS BSKYED MCHOD PA DUM PHUL BAR BYANG CHUB SEMS KYI GDAMS NGAG DANG SEMS BSKYED BSNGO SMON YANG DAG MDZAD, DGE SLONG DNGOS GRUB KYIS ZHUS NAS NYUNG SHAS SHIG LA BKA' GDAMS THIG LA BCU DRUG GI DBANG GNANG, MNAL LAM DU MI MANGS PA'I SKYON BYUNG GSUNG, BAR SKABS SHIG MKHAR RDO MKHAN PO BZOD PA RGYA MTSOS GDAN DRANGS NAS SEMS BSKYED MCHOD PA MDZAD, GNAS DER DGE 'DUN GYI SDE YUN RING GNAS PA'I THUGS SMON MDZAD DE NYIN 'KHOR DU PHUR BU LCOG TU PHEBS, DE NAS SGRUB SDE GSUM GYI DGE 'DUN THAMS CAD LA, SPYIR CHOS LAM RIM 'DI LA LONG BAS GLANG MJUG LTAR BYED DGOS, KHYAD BAR DU TSAD MED BZHI'I SGO NAS BYANG CHUB KYI SEMS LA BLO SGYONG DGOS, SGRUB SDE SO SOS SGRIGS LAM 'DUL BA'I BSLAB BYA GZHIR BZHAG BYAS TE THEG PA KHUR BLANGS DGOS TSUL RGYAS PAR GSUNGS, SHIN TU THUGS SKYO BA'I RNAM PA MDZAD CING, YANG SGOS KHYAD PAR CAN DU BYANG CHUB KYI SEMS 'DI LA THAMS CAD KYIS MA 'BAD NA, BYANG CHUB KYI SEMS KYI SKAD CHA DE TZAM ZHIG BYAS PA GO RGYU CI YANG MED PA 'DI 'DRA NGA RANG NA SO SONG, SO BUD PA DANG BCAS GO BRDAM 'PHROD PA YIN PA 'DRA BSAM PA YONG GI 'DUG GSUNG BA SOGS THEG CHEN BSTAN PA NYAMS PA THUGS KYIS MA BZOD NAS GNAD DU BSNUN

, ,PA'I ZHAL TA MANG DU GNANG BAS DER TSOGS PA THAMS CAD LA BOGS CHE BAR BYUNG NGO, ,DE NAS CHU PHO 'BRUG GI LO SGRUB SDE GSUM SO SOR SEMS BSKYED MCHOD PA MANG DU BYUNG ZHING BYANG CHUB KYI SEMS RANG SGOM DGOS GSUNG BA SOGS GSUNG CHOS GNAD CAN MANG DU GNANG ZHING YUN RING MI BZHUGS PA'I RTAGS SU ZHAL NAS, NA TSOD DAR BAB KHO LANGS SONG, ,SKRA DKAR GNYER MA KHO SLEBS BYUNG, ,MI RTAG 'CHI BA KHO SLEBS RAN, ,'GYOD MED DAM CHOS KHO REMS PAS, ,SLEBS RUNG 'GYOD RGYU CANG MI GDA', ,ZHES BYA BA LA SOGS PA'I MI RTAG PA'I SKYO MGUR DU MA GSUNG ZHING, THUGS KYIS GTAD PA'I SLOB MA RNAMS LA MNGON CHUNG GI SGO NAS 'PHRAL DU PHUGS JI LTAR BYA BA'I ZHAL TA GNAD 'GAG CAN DU MA GNANG NGO, ,DE LTAR DAM PA 'DIS SKU TSE'I STOD LA THOS PA RGYA CHEN PO BTZAL, BAR DU LUNG RIGS PA GDAMS NGAG THAMS CAD KYIS TSUL BZHIN DU BSAMS, THA MAR BSAMS PA'I DON DE LA THUN BZHIR BCAD NAS SGOM PA 'DI SKU BSNYUN PA DANG, THUGS BREL CHE PA SOGS RKYEN CI BYUNG YANG CHAG TU MI 'JUG LA, BSAM PA BZANG PO BYANG CHUB KYI SEMS LA THUGS DAM GYI MTHIL DU MDZAD NAS GZHAN LA YANG DE BZHIN DU 'DOMS PAR MDZAD DE; ZHAL NAS NGAS DANG POR BLA MA LAS BYANG CHUB SEMS KYI GDAMS NGAG THOS PAS SKOM PAS CHU'I GTAM THOS PA LTAR SEMS DE RGYUD LA SKYE BA'I DUS SHIG NAM 'ONG SNYAM STE RI'I RTZER SONG YANG DE DRAN, KLUNGS DU SONG YANG DE DRAN,

MI MANG PO'I NANG DU PHYIN RUNG, GCIG PUR BSDAD RUNG MDOR NA SPYOD LAM CI BYED KYANG DE KHO NA DRAN, CI DRAG LA THUG PA BYUNG NAS BSLAB BTUS LAS 'BYUNG BA'I RJE BTZUN 'JAM DBYANGS SNGON RGYAL PO NAM MKHAR GYUR DUS SEMS BSKYED PA'I TSIGS BCAD YI GER BRIS NAS SKE LA BTAGS PA YIN, DA BSAMS NA DE BYUNG 'DUG SRUNG BA LA DE LAS LHAG PA MI 'ONG BA 'DRA GSUNGS, YANG LAN CIG 'GA' RES KHO LA DUS RGYUN DU BYANG CHUB KYI SEMS SGOMS ZER RGYU ZHIG LAS MED BSAM SHAS CHE STE, NGA LA DE KA LAS ZER RGYU MED, YAGS PO BYED NA BYANG CHUB KYI SEMS 'DI DBUL POS GTER RNYED PA LTAR RANG GIS RGYUS YOD BYAS NAS 'CHAD PA LAS 'DI YOD PA'I SKAD CHA GZHAN LA GTONG MI PHOD PA ZHIG YIN TE, PHAN PA ZHIG AE YONG BSAMS NAS DUS RGYUN DU 'DI'I SKAD CHA BYAS BA YIN GSUNG, GNAS GANG NAS GANG DU PHEBS KYANG PHEBS KHA DANG, PHAGS MA THAG DANG, NGAL SO BA DANG, ME TOG DANG, CHU DANGS PA DANG, SA PHYOGS NYAMS DGA' BA SOGS MCHOD PAR 'OS PA'I DNGOS PO CI 'DRA BA ZHIG GZIGS PA DANG, MI MA YIN GYI LHA RTEN GYI DRUNG DU PHEBS PA'I TSE YAN LAG BDUN BA SEMS BSKYED DANG BCAS PA'AM, MA THA YANG SA GZHI SPOS BYUd BA DANG THAL MO SBYAR NAS SEMS BSKYED RE NGES PAR MDZAD, SGRUB SDE PHAN TSUN DU PHEBS PA NA, SER RTZE'I SHAR GYI RI GDONG DANG, RA KHA BRAG GI MTHA'I GONG PHUR BU LCOG GI NUB KYI BRAG 'BUR GONG RNAMS SU PHEBS PHYIN YAN LAG BDUN PA SEMS BSKYED DANG BCAS PA RE NGES PAR MDZAD,

, ,SA MTHO SA NAS SEMS BSKYED NA SEMS BSKYED RGYA CHEN PO 'ONG BAR RJE BLA MAS GSUNGS PA YIN GSUNG, BRAG 'BUR GONG DE LA SEMS BSKYED SKANG ZHES MING 'DOGS MDZAD, DE LTA BU'I TSUL GYIS BYANG CHUB SEMS KYI BSTAN PA NYIN MO LTAR GSAL BAR MDZAD PAS RJE BDAG NYID CHEN PO'I BSTAN PA LA BYA BA MDZAD DO, ,DE LTAR BYANG CHUB SEMS KYIS 'PHANGS PA'I SKU GSUNG THUGS KYI KUN SPYOD YONGS SU DAG PAS SO THAR GYI TSUL KHRIMS LA SDOMS KYIS BSDUS PA'I NYES BYAS PHRA MO DANG, BYANG SEMS KYI TSUL KHRIMS LA 'DOD PA'I SEMS KYI RJES SU 'JUG PA'I NYE BYAS TZAM DANG, GSANG SNGAGS KYI TSUL KHRIMS LA LHA'I MTSAN MA DANG DMAN MA LA 'GOM PA'I NYES PA TZAM GYIS KYANG MA GOS PA LA 'BAD CING, BRGYAL GOS NA YANG RANG RANG GI GZHUNG NAS 'BYUNG BA'I PHYIR BCOS TSUL BZHIN MDZAD PAS TSUL KHRIMS RNAM PAR DAG PA'I DRIS GZIM KHANG GI NANG DANG NYE SKOR THAMS CAD BSUNG CHING NGE SPOS BZANG PO SBAR BA LTAR YOD LA THA NA GZIM KHANG DU BZHAG PA'I CHAS KA DANG PHYAGS G-YOG TSUL GYI GOS LA'ANG TSUL KHRIMS KYI DRI NGAD LDANG BA YOD, TSUL KHRIMS RNAM PAR DAG PA LAS TING NGE 'DZIN BZANG PO 'KHRUNGS, DE LAS MNGON PAR SHES PA DANG NGO MTSAR CAN GYI DAG PA'I GZIGS SNANG DU MA YOD PAR MCHIS TE, GZHAN SEMS MKHYEN PA'I MNGON SHES MNGA' BAS RES 'GA' DA RES CHOS ZAB MO JI LTA BU ZHIG GSUNG NA SNYAM TZAN CI YANG MI GSUNG, RES THUGS

BREL CHE ZHING SKU GZUGS MI BDE BA JI LTA BU LA'ANG MI GZIGS BAR SHIN TU RGYAS PAR GSUNG NGO, ,DE LTAR PHAR PHYIN THEG PA'I DBANG DU BYAS NAS YON TAN RGYA CHEN PO DANG LDAN PAR MA ZAD, GSANG SNGAGS RDO RJE THEG PA'I DBANG DU BYAS NAS KYANG RDZOGS RIM GYI RTOGS PA KHYAD PAR CAN BRNYES TE, SKU TSE'I SMAD LA DPAL RDO RJE 'JIGS BYED KYI LAM RIM PA GNYIS LA GTZO BOR BRTZON PAR MDZAD CING ZHAL NAS SNGAR GYIN NANG ZHAG RE MI MANG SAR BSDAD NA SUN SNANG CHEN PO 'ONG BA YIN TE; DA MI MANG SAR BSDAD PA DANG THANG STONG ZHIG TU RANG GCIG PUR BSDAD PA DANG, RI KHROD DU MTHUN RKYEN 'DZOM PO BYAS NAS BSDAD PA GANG BYAS KYANG BLA MA DKON MCHOG GI THUGS RJES BDE BA CHEN PO NGAM DAM SHUGS KYIS SKYE BA ZHIG YOD GSUNG, DE LTAR MKHAS PA 'CHAL PHAR MA SHOR BA, BTZUN PO RMONGS PAR MA SHOR BA, BSHAD PA KHA BSHAD DU MA SHOR BA, SGRUB PA RANG DON DU MA SHOR BA'I SKYES MCHOG DAM PA 'DIS MTHON PO'I KHRI LA BZANG PO'I ZAS GSOL SPYID CING RMONGS PA'I 'KHOR GYIS BSKOR BAS BSTAN PA DANG 'GRO BA'I DON MI 'ONG BAR GZIGS NAS, MI MED LUNG STONG 'GRIMS, 'TSO BA BYA 'TSOL MDZAD, YON TAN THAMS CAD SBAS, 'OG NAS 'GRO BA CHU LAS MED PA'I DMAN SA BZUNG, CHOS BRGYAD NGAN SKYUGS BZHIN DU DOR, BSLAB KHRIMS RNAMS KHAS BLANGS TZAM LA MA BZHAG BAR NGO LKOG MED PAR BSRUNGS, DKON MCHOG SPYI BOR KHUR, NYAM CHUNG BRTZE BAS BSKYANGS, SDE SNOD GSUM GYI DON THAMS CAD SKYES BU GSUM GYI LAM

, ,RIM DU BSDUS NAS NYAMS SU BLANGS PAS THEG PA CHEN BO'I DGE BA'I BSHES GNYEN GYI MTSAN NYID THAMS CAD TSANG BAR MDZAD, PHYI 'DUL BA LTAR DANG NANG GSANG SNGAGS LTAR GYI MDZAD PAS BKA' GDAMS RIN PO CHE'I RNAM THAR GTZANG MA LAGS PAR PHYAG LEN LA THEBS PAR MDZAD PAS RMAD DU BYUNG BA'I RNAM PAR THAR PA MCHIS SO, ,DE NAS SKU TSE 'DI'I DNGOS KYI GDUL BYA RDZOGS PA NA DGUNG LO DON GSUM LA PHEBS PA CHU MO SPRUL LO ZLA BA DANG PO'I TSES BDUN GYI NYIN PHUR BU LCOG TU SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,RJE SGRUB KHANG PA CHEN PO 'DIS 'JAM MGON BSTAN PA'I SROG SHING BZUNG STE BYANG CHUB LAM GYI RIM PA RGYA CHER SPEL BAS RGYUD 'DZIN GYI SLOB MA BSAM GYIS MI KHYAB PA BYUNG ZHING THUGS SRAS DAM PA RJE NYID KYI RGYAL TSAB TU DBANG BSKUR BA THUB BSTAN YONGS RDZOGS KYI BDAG PO NI RJE BTZUN BLA MA NGAG DBANG BYAMS PA YIN LA, GZHAN YANG MKHAR RDO MKHAN PO BZOD PA RGYA MTSO DANG, RGYUD SMAD MKHAN PO NGAG DBANG MCHOG LDAN DANG, KHRI RIN PO CHE BLO BZANG DAR RGYAS SOGS 'PHRIN LAS RGYA CHER SPEL BA'I BSTAN 'DZIN DAM PA MANG DU BYON NO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE SGRUB KHANG PA DGE LEGS RGYA MTSO LA GSOL BA 'DEBS SHING, RJE 'DI'I RNAM THAR LTAR DPAL AA TI SHA DANG RGYAL BTZONG KHA BA'I BSTAN PA'I SNYING PO BYANG CHUB LAM GYI RIM PA LA TSE DANG SGRUB PA MNYAM

PA ZHIG BYA BA LA SKYAS BU'I RTZAL CI YOD KYIS 'BAD PAR BYA'O,, ,,RJE DGE LEGS RGYA MTSO'I THUGS SRAS MKHAR RDO MKHAN PO BZOD PA RGYA MTSO NI, CHOS 'KHOR LHA SAR YAB SNGAGS 'CHANG NGAG DBANG TSUL KHRIMS DANG, YUM AA LCE SKYID SKYID GNYIS KYI SRAS SU YONGS 'DZIN CES PA CHU PHO BYI BA'I LO 'KHRUNGS, YAB YUM GNYIS KYIS SHES RAB RGYA MTSO ZHES MTSAN BTAGS, DAM PA 'DI RANG TSE RABS SNGA MA NAS SBYANGS PA'I BAG CHAGS YOD PA DANG, YAB YUM GNYIS KYANG CHOS DANG MTHUN PAS SMRA SHES TZAM NAS YI GE DRUG PA BZLA BA DANG, CHOS SPYOD SNA TSOGS 'DON BA DANG, KLOG YIG SLOB PA DANG, MI DGE BCU PHRA MO NAS SPONG BA DANG, PHYAG DANG BSKOR BA SOGS SGO GSUM DGE LA SBYOR BA ZHIG BYUNG, DE NAS DGUNG LO DRUG BDUN LON TE BSAM BLO RNYED PA NA KHYIM LA BTZON RA'I 'DU SHAS SKYES TE, SKAD CIG KYANG 'DUG MI PHOD PAR SE 'BRAS GANG RIGS SHIG TU ZHUGS TE CHOS RNAMS DAG CIG BYA 'DOD PA NAR MAR GYUNG STE, YAB YUM GNYIS LA'ANG DON DE LTAR GSOL BA NA YAB YUM DE GNYIS KYANG CHOS DANG MTHUN BAS BKAG PA MA BYAS PAR DAM PA 'DI RANG GI THUGS BZHED LTAR CHOS SGOR 'JUG PA'I MTHUN RKYEN SBYAR TE DGUNG LO BCU GSUM GYI LO SER THEG CHEN GLING DU PHEBS TE BYES MKHAS MANG GRVA TSANG DU ZHUGS NAS BYES PA'I DPON SLOB RGYAL MTSAN DON GRUB KYI DRUNG DU RAB TU BYUNG NAS DGE TSUL GYI SDOM PA BZHES, MTSAN BZOD PA RGYA MTSO ZHES BTAGS, LO DE'I RING LA CHOS SBYOD RNAMS BZUNG, DGUNG LO

, ,BCU BZHI BA LA CHOS GRVA 'GRIMS TE THOG MAR BSDUS GRAR BZHUGS TE SBYOR BA RTZI BAR MDZAD PAS GZHAN GYIS BSKUL BA LAM BLTOS PAR THUGS BRTZON SHIN TU CHE BAS RING PO MA THOGS PAR SBYOR BA LA BYANG BAR GYUR NAS PAR PHYIN LA SBYANGS, RJE BTZUN CHOS KYI RGYAL MTSAN GYI PHAR PHYIN GYI YIG CHA RNAMS THUGS LA BZUNG, NYIN MTSAN KUN TU THUGS BRTZON SHIN TU CHE BAR MDZAD PAS LO GSUM TZAM GYI RING LA PHAR PHYIN GYI GZHUNG LA MKHAS PAR GYUR CING, LAS RGYU 'BRAS DANG SA LAM BGROD TSUL SOGS PHAR PHYIN GYI GZHUNG DON NYAMS SU LEN TSUL LA NGES SHES GTING CHUGS PA RNYED NAS SGRUB PA SNYING POR BYED 'DOD SHUGS DRAG PO 'KHRUNGS TE DGE RGAN DANG GROGS RNAMS LA DE BZHIN GYI 'PHROS BYAS BA NA SGRUB PA LA BSKUL BA SU YANG MA BYUNG ZHING, THAMS CAD KHA MTHUN PAR RE SHIG SGRUB PA BYED PA MI YOD TSUL GLEGS PA NA, DAM PA 'DI LA RTA BZANG PO LCAGS GIS BRUBS BA LTAR SGRUB PA LA BSKUL MAR GYUR TE, 'DI DAG GIS ZER BA LTAR DAL 'BYOR LAN CIG THOB PA'I SKABS 'DIR NYAMS LEN KHO THAG CHOD PA ZHIG BYED RGYU MA BYUNG BAR SHI NA DAL BA STONG ZAD DU 'GRO BA 'DUG CING, DE RING RANG YANG MI 'CHI BA'I GDENG MI 'DUG PAS 'PHREL DU SGRUB PA RNAM DAG CIG BYA'O SNYAM PA'I 'DUN PA SHUGS DRAG 'KHRUNGS, SNGA SOR GRVA SAR ZHUGS TZAM NAS PHAR PHYIN GYI 'OG LUGS DANG, DBU MA LA SBYANGS TE ZAB MO DBU MA'I LTA BA LA GO BA

CHAGS TZAM BYUNG NA DE NAS SGRUB BA RNAM DAG CIG BYED SNYAM PA NAR MAR YOD THOG NAM 'CHI CHA MED DRAN PA DANG, TSE 'DIR CHAGS PA'I SKYE BO RNAMS KYI BYED SPYOD DANG BRJOD TSUL DE DAG GIS RKYEN BYAS TE DBU MA'I GZHUNG LA SBYONG LONG MA BYUNG BAR SE RA RTZE'I RJE'I SGRUB KHANG NA BLA MA BZANG PO ZHIG BZHUGS 'DUG GO ZER BA GSAN PAS LUS KYI SPU ZING ZHES BYED CING SMRA MI SHES PA'I DAD GUS CHEN PO 'KHRUNGS TE NGA YANG BLA MA DAM BA DE'I ZHABS DRUNG DU PHYIN TE TSE DANG SGRUB PA MNYAM PA ZHIG BYED SNYAM PA BYUNG STE, MKHA' 'GRO CHOS SKYONG DBANG DU BZHAG STE DE LTAR BYED PA'I DAM BCA' DRAG PO MDZAD, DE NAS BYES PA BLA MA'I DRUNG DU PHEBS TE SPYAN MCHI MA DANG BCAS RGYU MTSAN ZHIB TU ZHUS NAS DGONGS PA NAN GYIS ZHUS TE DGUNG LO BCU BDUN GYI THOG SER RTZER RJE SGRUB KHANG PA MJAL DU PHEBS, RJE BTZUN MI LAS LHO BRAG MAR BA LA JI LTAR GSOL BA BTAB BA LTAR RJE SGRUB KHANG PA LA LUS NGAG YID GSUM PHUL TE RGYAL BA TZONG KHA BA'I BSTAN PA'I SNYING PO BYANG CHUB LAM GYI RIM PA LA TSE DANG SGRUB PA MNYAM PA ZHIG YONG BAR GSOL BA BTAB, RJE SGRUB KHANG PAS KYANG DGYES BZHIN DU ZHAL GYIS BZHES TE, DUS GSUM GYI RGYAL BA KUN GYI BGROD PA GCIG PA'I LAM PO CHE CHOS PHUNG BRGYAD KHRI UBZHI STONG GI BRJOD BYA'I DON THAMS CAD GANG ZAG GCIG GI NYAMS LEN GYI RIM PAR BSDUS PA BYANG CHUM LAM GYI RIM PA'I KHRID RGYAS PAR GNANG, SKYES BU CHEN PO'I SKOR LA THEG CHEN SEMS BSKYED SBYONG BA'I MAN NGAG JO BO RJE DPAL LDAN AA TI SHA'I SNYAN RGYUD RGYAL BA'I SRAS PO BZANG

, ,PO DPAL GYI KHRID YIG SDOM TSIG LTA BUR MDZAD PA BLO SBYONG DON BDUN MA'I KHRID DANG, ,LAM RIM GYI GEGS SEL BOGS 'DON DU GCOD KYA KHRID DANG, GRUB CHEN MI TRA LA MGON PO SPYAN RAS GZIGS KYIS MDO SNGAGS GNYIS KA'I LAM GYI GNAD BSDUS NAS BSTAN PA SNYING PO DON GSUM GYI KHRID RNAMS MYONG KHRID DU BYAS TE LAGS PAR GSAN, DGUNG LO NYI SHU LA BAB PA NA SNGAR DGE TSUL GYI MKHAN PO BYES BLA MA RGYAL MTSAN DON GRUB LA BSNYEN RDZOGS KYI SDOM PA ZHUS, RJE SGRUB KHANG PA'I BKA' LTAR SE RA RTZER RANG SHONG GI KHANG BU ZHIG GSAR DU BZOS, LO BCU DGU NAS NYI SHU RTZA GSUM GYI BAR LO LNGA'I RING LA PHYI NANG GI G-YENG PA GANG YANG MED PAR 'TSOL DKA' THUB LA GNAS NAS BYANG CHUB LAM GYI RIM PA'I NYAMS LEN LA TSIG BSGRIL DU 'BAD CING, GEGS SEL BOGS 'DON GCOD KYI DMIGS SKOR DANG BLO SBYONG GI NYAMS BZHES LA 'BAD PAS BSHES GNYEN BSTEN TSUL NAS ZHI LHAG GI BAR LAM GYI LUS YONGS SU RDZOGS PA LA RTZOL BCAS KYI MYONG BA LAGS PAR THON, DE NAS NYAMS LEN LA BOGS 'DON PHYIR RJE THAMS CAD MKHYEN PA 'KHOR DAG PA RNAM BRGYAD DANG BCAS PAS GANG DU MTHONG BA'I CHOS LA RTOGS PA MCHOG BRNYES PA'I SA 'OL KHA'I SGRUB GNAS RNAMS SU BSGRUB PA BYA PHYIR PHEBS TE THOG MAR 'ON GYI SGRUB PHUG CIG TU LO GCIG BZHUGS, DGE SBYOR LA BOGS SHIN TU CHE BA BYUNG ZHING, MGON PO PHYAG

DRUG PA SOGS LHA'I GZIGS SNANG YANG KHA YAR BYUNG, DUS DE TZAM NAS BZUNG DAM PA 'DI'I YON TAN LA 'KHOR BA'I SLOB MA DAD PA CAN YANG MANG DU BYUNG STE GANG DANG GANG DU SLOB MA DAD PA CAN GYIS GSOL BA BTAB PA DE DANG DE DAG LA RANG RANG GI DBANG PO DANG 'TSAM PA'I CHOS CI RIGS PA KA NANG ZHING RGYUN DU NI RNAL 'BYOR DBANG PHYUG MI LA RAS PA LTAR GCIG PU DBEN PAR GNAS TE 'GA' ZHIG TU RDE'U'I BCUD LEN DANG, 'GA' ZHIG TU ME TOG BCUD LEN DANG, 'GA' ZHIG TU CHU'I BCUD LEN MDZAD, RGYUN DU RTZAM PA MA CHAD TZAM RE DANG THUG PAS CHOG SHES PAR MDZAD CING, 'PHAGS PA'I RIGS BZHI DANG, DGE SBYONG GI CHOS BZHI LA GNAS TE 'OL KHA CHOS LUNG SOGS RJE'I SGRUB GNAS RNAMS SU SGRUB PA LA BRTZON PAR MDZAD, DE NAS CHOS 'KHOR RGYAL GYI GNAS RNAMS DANG, RTZVA RI'I GNAS RNAMS SU SGRUB PA MDZAD PAS DGE SBYOR LA BOGS CHE BAR BYUNG ZHING DAG PA'I GZIGS SNANG YANG MANG DU BYUNG, DE NAS TSUR PHEBS TE YER PA LHA RI SNYING PO DANG, 'PHAN YUL GYI BKA' GDAMS GONG MA'I GNAS RNAMS DANG LHAG PAR RA SGRENG DU SGRUB PA YUN RING DU MDZAD, GNAS DE DANG DE DAG TU'ANG BSHES GNYEN DAM PA MANG PO LA DBANG LUNG MAN NGAG MANG DU GSAN, DE NAS MKHAR RDOR PHEBS TE ZIL GNON DMIGS PA SKOR GSUM GYI SGO NAS GZHI BDAG DAM LA BTAGS TE SLAR SGRUB SDE CHAGS PA'I RTEN 'BREL BSGRIGS, DE NAS DGE SBYOR LA BOGS DBYUNG BA DANG GDUL BYA SKAL BA DANG LDAN PA DAG LA

, ,PHAN GDAGS PHYIR GTZANG PHYOGS LA BYON TE, RGYAL BA DBEN SA PA YAB SRAS KYIS GRUB PA BRNYED PA'I SA DBEN DGON DANG, SHANGS MDO RGOD CHANG SOGS SU BZHUGS TE DBEN SA PA YAB SRAS KYI RNAM THAR BSKYANGS, DRUNG PA YAB SRAS KYI THUGS SRAS BLA MA BRTZON 'GRUS RGYA MTSO LA BLA MA MCHOD PA'I KHRID SOGS DBEN SA SNYAN RGYUD KYI MAN NGAG MANG DU GSAN, BKRA SHIS LHUN POR PHEBS NAS PAn CHEN BLO BZANG YE SHES MJAL, DE NAS SNAR THANG, GANGS CAN, KHRO PHU, RGYAL SRAS THOGS MED BZANG PO DPAL GYI SGRUB GNAS DNGUL CHU CHOS RDZONG RNAMS MJAL ZHING GNAS 'BREL MDZAD, DE NAS RTA NAG LA PHEBS TE RJE 'GOS LO CHEN PO'I SGRUB GNAS ZHAL GZIGS DANG, GRUB CHEN CHOS RDO RJE 'KHRUNGS PA'I GNAS DANG, RGYAL BA DGE 'DUN RGYA MTSO 'KHRUNGS PA'I GNAS DANG, DRUNG PA RTA PHUG PA'I BZHUGS GNAS RTA PHUG RDO RJE'I GUR KHANG RNAMS MJAL TE, GNAS DE DAG TU SGRUB PA MDZAD PAS DGE SBYOR LA BOGS CHE BAR BYUNG ZHING LHAG PAR RTA PHUG TU RI KHROD PA DANG LDAN MANG PO LA LAM RIM DANG BLO SBYONG SOGS CHOS MANG DU STZAL, RTA PHUG RI KHROD PA RNAMS KYIS GSOL BA BTAB STE DRUNG PA RTA PHUG PA'I RNAM THAR MDOR BSDUS PA ZHIG KYANG BRTZAMS, DE NAS DBUS SU PHEBS TE SER RTZER SGRUB KHANG PA CHEN PO MCHOD CING BSNYEN BKUR BAS MNYES PAR MDZAD DE MDO SNGAGS KYI CHOS MANG DU GSAN, SER NAS CHOS DON GTER CAN BYUNG BA RNAMS LA DBANG LUNG

KHRID 'GA' YAR MDZAD, DE NAS MKHAR RDO'I SGRUB SDE CHAGS TE MKHAR RDOR GZHI PHAB NAS BZHUGS, SNYAN PA'I GRAGS PA PHYOGS THAMS CAD DU RGYAS TE PHYOGS PHYOGS NAS 'DUS PA'I DAD LDAN RNAMS LA DBANG LUNG MAN NGAG RGYA CHER STZAL, BSTAN PA'I DON DU PHYAG RJES SU MKHAR RDO'I SGRUB SDER SPONG KHANG MANG DU BRTZIGS SHING LHA KHANG MANG DU BZHENGS, BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI TSOGS ZHING MAN NGAG ZHAL SHES LTAR BRIS THANG PAR DU BRKOS, RGYAL BA TZONG KHA PA GTZO BOR BYAS PA'I LAM GTZO'I KHRID DANG MTHUN PA'I TSOGS ZHING GI THANG SKU'ANG PAR DU BRKOS, BKA' GDAMS LHA BZHI SOGS SKU PAR MANG PO DANG, DKYIL THANG MANG PO DANG, GSUNG PAR YANG MANG PO BZHENGS, DAD LDAN KHYIM PA DAG LA'ANG PHAN GDAGS PA MANG DU MDZAD CING, BSTAN PA YUN RING DU GNAS PA'I PHYIR GSUNG RTZOM YANG DAM PA RANG NYID KYI RNAM THAR, BLANGS DOR MUN SEL, BLA MA MCHOD PA'I KHRID, BLA MA MCHOD PA'I KHRID KYI LHAN THABS, PHA BONG KHA'I DKAR CHAG ,BDE LAM GYI ZHAL SHAS LHAN THABS, RDOR SEMS KHRID YIG ,CHOS KYI RGYAL PO TZONG KHA PA LA BRTEN PA'I BLA MA'I RNAL 'BYOR, MKHAR RDO BSAM GTAN GLING GI DKAR CHAG, ME TOG BCUD LEN GYI GDAMS PA, RGYUN 'KHYER GCOD KYI SNYING PO, GNAS BCU'I CHO GA, RGYUN 'KHYER TSOGS MCHOD SNYING PO, RDO RJE 'JIGS BYED KYI BSNYEN YIG ,RDOR SEMS BUM SGRUB, MGUR MA PHYOGS BSDEBS, BYANG CHUB

, ,LAM GYI RIM PA'I SNGON 'GRO'I DON BSAM PA MDO LUNG GSAL BA'I NYI MA, BDE LAM LHAG MTHONG GI LHAN THABS, RJE DGE LEGS RGYA MTSO'I RNAM THAR, SGOM SDE DGE BSHES KYI RNAM THAR, GSOL 'DEBS BRTAN BZHUGS SOGS THOR BU 'GA' YAR RNAMS MDZAD, DE LTAR BSTAN 'GRO'I DON RGYA TSER MDZAD NAS SKU TSE 'DI'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO,, ,, ` NGAG GI DBANG PHYUG RJE BTZUN TZONG KHA PA'I, ,MDO SNGAGS LEGS BSHAD CHOS KYI RGYA MTSO CHE, ,BYAMS PAS 'GRO LA SPEL BA'I SNYING STOBS CAN, ,BKA' DRIN MTSUNGS MED ZHABS LA GSOL BA 'DEBS, ,ZHES BSNGAGS PA, DUS GSUM GYI SANGS RGYAS THAMS CAD KYI THUGS RJE'I RANG GZUGS 'JAM MGON BSTAN PA'I SROG SHING BDAG GI DRIN CAN RTZA BA'I BLA MA BKA' DRIN MTSUNGS ZLA MED PA DON GYI SLAD DU MTSAN NAS SMOS TE RJE BTZUN BLA MA NGAG DBANG BYAMS PA DE NYID GANG DU 'KHRUNGS PA'I YUL NI MDO STOD ZAB MO SGANG GI CHAR GTOGS PA CHAB MDO DANG NYE BA'I SA'I CHAR YAB AA NU 'PHAGS PA ZHES BYA BA DANG, YUM BKRA SHIS MTSO GNYIS KYI SRAS SU RNGA CHEN ZHES PA CHU PHO KHYI'I LO NGO MTSAR PA'I LTAS BSAM GYIS MI KHYAB PA DANG BCAS 'KHRUNGS, DE YANG BDAG NYID CHEN PO 'DI YUM GYI MNGAL DU ZHUGS PA NA YUM GYI MNAL LAM DU DPAL GSANG BA 'DUS PA'I DKYIL 'KHOR RANG GI LUS LA THIM PA'I RMI LAM BYUNG STE, DPAL

GSANG BA 'DUS PA'I DKYIL 'KHOR NI SANGS RGYAS THAMS CAD GZHAL YAS KHANG GCIG TU 'TSOGS PA'I TSOM BU YIN PAS NA DRIN CAN RTZA BA'I BLA MA 'DI SANGS RGYAS THAMS CAD KYI MKHYEN BRTZE NUS GSUM GCIG TU BSDUS TE BDAG CAG SNYIGS MA'I 'GRO BA RNAMS KYI MGON SKYABS DANG DPUNG GNYEN DU BYON PA YIN PAS NA YUM LA MTSAN LTAS DE LTAR BYUNG BA YIN PAR NGES SO, ,DE LTAR SKU BLTAMS PA'I GZHON NU DE NI 'DAM GYI KHROD NAS PADMA DKAR PO THON PA'AM, SPRIN RUM NAS ZLA BA SHAR BA BZHIN DU ZHAL GYI DKYIL 'KHOR DKAR ZHING DANGS PA, DBU GDUGS LTAR ZLUM PA, DPRAL BA DBYES CHE BA, SPYAN DKYUS RING BA, SHANGS KYI GZENGS MTHO BA, MTSAN DPE RJES MTHUN PA DANG LDAN PA, 'JIG RTEN KUN GYI MIG GI BDUD RTZI LTA BU ZHIG BYON NO, ,DE'I TSE DKAR PHYOGS SKYONG BA'I LHA DANG KLU RNAMS KYIS DA NI SNYIGS MA'I 'GRO BA RNAMS MGON DANG BCAS SO ZHES DGA' BA'I CA CO'I SGRA SGROG CING, LHA'I CHU BOS SKU KHRUS GSOL BAR NGES LA, BSKAL BZANG GI SANGS RGYAS STONG GIS GANG LA BSTAN PA GTAD PA MTHU STOBS DBANG PHYUG GSANG BA'I BDAG PO 'KHOR BRGYA PHRAG MANG PO DANG BCAS PA'ANG GNAS DER LHAGS NAS RGYAL SRAS GZHON NU DE BSRUNG BA DANG, BSKYAB BA DANG, SBA BAR BYA BA LA SKAD CIG KYANG MI G-YAL BAR DUS KUN TU BSGRIMS TE GNAS PAR NGES TE, GANG GIS BYANG CHUB TU SEMS BSKYED PA TZAM GYIS GSANG BA'I BDAG PO 'KHOR BRGYA PHRAG DU MA DANG BCAS PA PHYI BZHIN RJES SU 'BRANGS TE BSRUNG BA DANG, BSKYAB PA DANG, SBA

, ,BAR BYED BAR MDO SDE LAS GSUNGS NA, THEG CHEN BSTAN PA'I SROG SHING BDAG NYID CHEN PO 'DI LTA BU 'JIG RTEN 'DIR BYON PA LA GSANG BA'I BDAG PO 'KHOR BCAS KYIS BSRUNG SKYOB DE LTAR BYED PAR 'OS MED KYI RIGS PAS 'GRUB BO, ,DE'I TSE YAB YUM GNYIS KYI MCHOD GNAS BLA MA DAM PA ZHIG BZHUGS PA DES RGYAL SRAS 'DI LA BDE MCHOG SRUNG ZHES MTSAN BTAGS SO, ,DE NAS RGYAL SRAS GZHON NU DE 'KHRUNGS NAS RING PO MA LON PAR BZHENGS NAS YUM LA BOD PAR MDZAD PA SOGS BYIS PA THA MAL PA DAG GI NGANG TSUL LAS 'DAS PA'I MDZAD PA NGO MTSAR BA MANG DU BSTAN CING, DGUNG LO BDUN BA'I DUS SU YI GE 'DRI KLOG BRDA BSTAN PA TZAM GYIS MKHYEN TE GLEGS BAM KLOG PA LA BRTZON PAR MDZAD, CING DAD LDAN GZHAN GYI MCHOD GNAS KYANG MDZAD LA, DE SKABS GSER 'OD DAM PA KLOG BAR MDZAD PAS, DE BZHIN GSHEGS PA SNGON RGYAL BU SNYING STOBS CHEN POR 'KHRUNGS PA'I TSE STAG MO LA LUS BYIN PA'I MDZAD PA RNAM THAR DE GZIGS PA NA MI PHYED PA'I DAD PA CHEN PO 'KHRUNGS TE BDAG KYANG 'DI LTAR DU RGYAL SRAS KYI SPYOD PA RLABS PO CHE LA ZHUM PA MED PAR BSLABS TE RANG GI LUS KYANG SEMS CAN GYI DON DU GTONG NUS PA NAM ZHIG NA 'OD SNYAM DU SNYING RJE'I SHUGS KYIS BSKYED PA'I SPYAN CHAB RGYUN MI 'CHAD PA ZHIG BYUNG STE, BDAG NYID CHEN PO 'DI NI SNGON YUN RING PO NAS RGYAL SRAS KYI SPYOD PA RLABS PO CHE LA SBYANGS PA'I MTHU GRUB PA ZHIG YIN PAR 'BRAS BU'I RTAGS KYIS

SHES TE, SKYE BO GZHAN DAG DGE BA'I BSHES GNYEN GYIS NAN GYIS KHRID KYANG 'JIG RTEN PHYI MA DON GNYER GYI BSAM PA BCOS MA TZAM YANG SKYE DKA' NA RTZOL BA MED PA'I SNYING RJE'I SHUGS KYIS RGYAL SRAS KYI SPYOD PA RLABS PO CHE LA SLOB 'DOD SKYE DKA' BA LTA CI SMOS, DE YANG SPYOD 'JUG LAS, GZHAN NGAG RANG GI DON DU YANG, ,MI 'BYUNG SEMS CAN DON SEMS GANG, ,SEMS KYI RIN CHEN KHYAD PAR 'DI, ,SNGA NA MED PA'I RMAD CIG 'KHRUNGS, ,ZHES GSUNGS PA LTAR CHOS MA THOS PA'I SKYE BO GZHAN DAG LTA CI SMOS, CHOS SGOR ZHUGS TE TSE HRIL POR SBYANGS PA RNAMS KYANG TSE 'DI LA MA CHAGS PAR 'JIG RTEN PHYI MA DON GNYER GYI BSAM PA BCOS MIN SKYE BA SRID MTHAR SNANG NA, MKHA' KHYAB KYI SEMS CAN 'KHOR BA NAS SGROL BAR 'DOD PA'I BSAM PAS RGYAL SRAS KYI SPYOD PA RLABS PO CHE LA SLOB 'DOD BCOS MIN SKYE BA NI NYIN MO'I SKAR MA LTAR SHIN TU DKON ZHING BRGYA LAM NA SRID THA TZAM MO, ,DE LTAR CHE HRIL POR SBYANGS PA RNAMS LA'ANG BSAM PA DE LTA BU SKYE DKA' NA GANG YANG MA SBYANGS PA'I SKYE BO RNAMS LA BSAM PA RLABS PO CHE DE LTAR SKYE BA'I GO SKABS GA NA YOD, DES NA BDAG CAG GI BLA MA BDAG NYID CHEN PO 'DI NI SKU CHE 'DIR GZHAN GYIS BSKUL BA LA MI LTOS PAR GLEGS BAM GZIGS BA TZAM GYIS DE LTA BU'I RGYAL SRAS KYI SPYOD PA LA SLOB PA'I BSAM PA RLABS NGO TSA RANG 'KHRUNGS SU BYUNG BA NI SNGON YUN RING PO NAS SBYANGS PA'I MTHU GRUB PA YIN PAR GDON MI ZA'O, ,DE'I PHYIR BLA MA DAM BA 'DI NI BDAG CAG SNYIGS MA'I 'GRO BA RNAMS

, ,KYI MGON DU BSAM BZHIN DU BYON PA ZHIG YIN PAR NGES SO, ,DES NA BLA MA DAM PA 'DI'I RJE SU SLOB PAR 'DOD PA RNAMS KYIS RNAM PAR THAR PA 'DI TZAM ZHIG BSAMS NAS KYANG DAD GUS CHEN POS GSOL BA 'DEBS PAR BYA'O, ,GZHAN YANG DE DUS KHYIM DE NA MDZO MO MDONGS SGRON ZER BA ZHIG YOD PA DE YAB KYIS GZHAN LA CHONG BA'I PHYIR KHRID PA NA MDZO MO'ANG RANG NYID TSONG BAR SHES NAS KHANG PA'I PHYOGS LA YANG YANG 'THEN GYIN 'DUG PA GZIGS PAS RKYEN BYAS, MDZO MO 'DI NGED RANG LA MA LTAR DRIN CHE BAR 'DUG PA 'DI 'DRA GZHAN LA TSONG BOD AANG SNYAM DU DGONGS NAS SPYAN CHAB MANG DU GSIL ZHING KHONG RNAMS TSONG BSGRIG PA'I SKABS SU'ANG THUGS SKYO BA DANG SPYAN CHAB KYI RGYUN MA CHAD PAS GNAS DE LAS LKOG CIG TU BYOL TE BZHUGS DGOS PA BYUNG BA DANG, 'KHRUNGS GZHIS DE LA MNGA' 'BANGS DUD KHA BDUN TZAM ZHIG YOD PA LA, YAB KYIS DE RNAMS NAS KHRAL 'BAB BZHES PA ZHIG GI SAR BYON PA'I TSE MI TSANG ZHIG LA 'BRU SPUS NGAN NYUNG DU ZHIG LAS GTAD RGYU MI 'DUG PAR YAB KYIS DE LA KHRO TSIG BRJOD PA GSAN PAS, DAM PA 'DI SNYING RJE 'KHRUNGS NAS SPYAN CHAB DANG BCAS TE YAB LA ZHU BA MDZAD PAS YAB KYIS KYANG DNGOS PO DE KAS 'ONG BAR MDZAD NAS BZHES PA ZHIG BYUNG STE TSUL 'DI DAG NI BLA MA RIN PO CHE 'DI NYID KYIS CHOS GNANG BA'I ZHAR LA GSUNG BA YANG YANG THOS SHING, DE YANG BLA MA RIN PO CHE DE NYID KYIS RANG NYID DMAN SA 'DZIN PA KHO NA LHUR MDZAD PAS, MNGON SHES DANG RDZU 'PHRUL

DANG SA LAM GONG MA'I YON TAN YOD PAR ZHAL GYIS MI BZHES SHING, SKYON 'DI DANG 'DI YOD CES RANG SKYON 'BYIN PA LHUR MDZAD, 'ON KYANG CHOS KYI BAG CHAGS SHIG NI YOD, CHUNG NGU'I DUS SU'ANG BSAM PA 'DI 'DRA SKYE MYONG ZHES GSUNG BAR MDZAD, DE NAS DGUNG LO BCU GNYIS LON PA NA KHYIM NA GNAS PA NYES BA DU MA'I 'BYUNG KHUNGS SU GZIGS SHING, RAB TU BYUNG BA NI RGYAL BAS RNAM GRANGS DU MAR BSNGAGS PA DANG YON TAN THAMS CAD KYI GZHI RTEN DU GZIGS NAS YAB YUM GNYIS LA RGYAL BA 'PHAGS PA LHA'I ZHABS DRUNG DU CHOS BYAS CHOG PA DGOS ZHES YANG YANG GSOL BA NA YAB YUM GNYIS DANG NYE 'BREL GZHAN TSANG MAS BDE MCHOG SRUNG 'DI NI PHA MA LA GUS SHING YA RABS KYI NGANG TSUL DANG LDAN PA BYA BA THAMS CAD LA MKHAS PA SHIN TU SGRIN PA CIG 'DUG PAS 'DI KHYIM DU BZHAG NAS RIGS BRGYUD 'DZIN DGOS, SPUN GZHAN ZHIG 'PHAGS PA LHA'I DRUNG 'KHOR DU ZHUGS PA LEGS ZHES BGROS NAS CHOS BYED PAR YAB YUM GYIS MA GNANG BA NA, RGYAL SRAS BDAG NYID CHEN PO 'DI SNGON YUN RING PO NAS GOMS PA'I MTHUS SPYIR 'KHOR BA'I GNAS MTHA' DAG ME 'BAR BA'I RLUBS LTAR GZIGS SHING, KHYAD BAR KHYIM NA GNAS PA NI NYES PA DU MA'I 'BYUNG GNAS SU GZIGS TE YAB YUM GNYEN BSHES RTZA LAG DANG BCAS PA TSOGS PA'I DBUS SU BZHENGS TE, NGA CHOS BYED DU MI 'JUG NA KHYIM 'DIR SKAD CIG KYANG SNGOD RI ZHES DBU MNA' BZHES TE SPYAN CHAB RGYUN MA CHAD PAR BYUNG BA NA YAB YUM GNYEN

, ,DANG BCAS PA TSANG MA BYA THABS ZAD NAS DGUNG LO BCU GSUM PA SHING PHO KHYI'I LO RGYAL BA 'PHAGS PA LHA RGYAL BA RGYA MTSO'I ZHABS DRUNG DU PHEBS TE SKRA BCAD LUS BSGYUR DUR SMRIG GSOL RAB TU BYUNG NAS DGE TSUL GYI SDOM PA BZHES ,DE'I TSE RGYAL PA 'PHAGS PA LHAS RAB BYUNG GSAR BU THAMS CAD LA 'PHAGS PA'I MTSAN ZUNG YOD PA'I MING BYANG BRIS TE STER BAR MDZAD PA LA DAM PA 'DI LA NI RGYAL BA 'PHAGS PA LTA NYID KYIS NGAG DBANG BYAMS PA ZHES MTSAN BTAGS SO, ,RGYU MTSAN 'DI LAS NA, DUS PHYIS BLA MA RIN PO CHE 'DI PA 'PHRIN LAS CHES CHER RGYAS PA NA CHAB MDO'I GRVA RGAN RNAMS KYANG RGYAL BA 'PHAGS PA LHAS RAB BYUNG GZHAN GYI NI NGA 'DOGS LUGS DANG MI 'DRA BAR CHED DMIGS SU MDZAD NAS BYAMS PA'I MING BTAGS PA DE NI BLA MA 'DI BYAMS MGON GYI SPRUL PA YIN PAR NGES SO ZHES BRJOD NAS BYAMS MGON GYI SPRUL BAR GRAGS BA BYUNG, BLA MA RIN PO CHE DE NYID KYI GCUNG PO RIN CHEN LEGS PAS NGED CAG GI BLA MA 'DI BYAMS MGON GYI SPRUL PA YIN PA'I RGYU MTSAN MANG PO YOD CES KHO BO RANG LA'ANG DNGOS SU GSUNG BA BYUNG, DE MTHUN DGE BA'I BSHES GNYEN MANG POS ZHABS BRTAN GSOL 'DEBS ZHU BA'I DUS SU'ANG BYAMS MGON GYI SPRUL PA YIN PA'I RGYU MTSAN MANG DU ZHU BAR BYED PA DE DUS KYI SLOB MA YONGS LA GRAGS, 'ON KYANG BLA MA RIN PO CHE NYID RANG NI BYAMS MGON GYI SPRUL PA YIN PAR ZHAL BZHES GA LA MDZAD DE SA THOB PA ZHIG YIN PA

YANG GTAN NAS ZHAL BZHES MI MDZAD, DER MA ZAD LAM SNA ZIN PA ZHIG YIN PAR YANG ZHAL GYIS MI BZHES, GZHAN DAG DGE BA'I BSHES GNYEN GRAGS CHE TSAD SPRUL BA RER SKYEL BA LA'ANG THUGS MI MNYES PA'I GSUNG MANG DU 'BYON, DE NI SNGON RNAL 'BYOR GYI DBANG PHYUG MI LA RAS PAS RANG NYID CHOS SGOR ZHUGS NAS DKA' SPYAD MDZAD TSUL RNAMS GSUNGS PA'I TSE RJE BTZUN LA RAS PA ZHI BA 'OD KYIS RJE BTZUN GYIS, CHOS ZHU TSE BLA MA'I DRUNG DU MOS GUS DANG DKA' SPYAD MDZAD LUGS SAM, CHOS THOB NAS RI LA BSGOM PA'I THUGS RUS SAM, GANG NAS BSAMS RUNG BLOS MI 'KHYUD PA GDA' BAS, MDZAD PA DE RNAMS LA BSAMS NA, BDAG CAG RNAMS KYI CHOS 'DI RANG BYED BLOR GDA' BAS, 'KHOR BA MI GROL BAR 'DUG, CI RANG DRAG NA ZHES MANG DU DUS PAS, RJE BTZUN GYI ZHAL NAS, 'KHOR BA DANG NGAN SONG GI SDUG BSNGAL LA BSAMS NA, MOS GUS DANG SNYING RUS DE YANG CHOS SKYON RANG MI 'DUG, SNYING YOD RNAMS KYIS RGYU 'BRAS KYI CHOS THOS NAS LAS 'BRAS LA YID CHES RTING DE TZAM GYI SNYING RUS KUN GYIS NUS PAR GDA' STE, CHOS LA YID MA CHES PAR GO YUL DU LUS SHING, CHOS BRGYAD BLOS MA THONGS PA YIN PAS, RGYU 'BRAS LA YID CHES PA GAL CHE, RGYU 'BRAS RAGS PA TZAM LA'ANG YID MA CHES PA'I RTAGS NAR MAR BSTAN RTING, STONG NYID KYI BSHAD PA LUNG RIGS DANG MTHUN MTHUN MO MANG PO BYAS RUNG, STONG NYID DE BAS KYANG PHRA BAS GO BA DANG YID CHES PA DKA',

, ,STONG NYID LA YID CHES RTING, STONG NYID RANG RGYU 'BRAS SU SHAR BAR GO NAS, RGYU 'BRAS KYI 'DOR LEN SDIG SPONG DGE SGRUB LA BRTZON DU RANG 'GRO BA YIN ZHING, ,CHOS KUN GYI RTZA BA RGYU 'BRAS LA YID CHES PA 'DI YIN PAS, SDIG SPONG DGE SGRUB KYI PHYAG LEN LA ZHIB PA DANG BRTZON PA GAL CHE'O, ,NGAS DANG PO STONG NYID KYI DON MA RTOGS TE RGYU 'BRAS LA YID CHES PAS SDIG PA TSABS CHEN DE BSAGS RTING, NGAN SONG GSUM LAS BTANG SA MED SNYAM 'JIGS SKRAG, BLA MA LA MOS GUS DANG SGOM PA LA SNYING RUS MI YONG DBANG MED BYUNG BA YIN, KHYED RNAMS KYANG NGA RANG GI NGAG LTAR GSANG SNGAGS KYI NYAMS LEN DA LTA'I 'DI BZHIN DU GYIS LA RI KHROD DU GCIG PUR SDOD NUS PAR GYIS SHIG, 'KHOR BA LAS THAR BA'I KHAG MI RGAN NGA RANG GIS KHUR BA YIN NO GSUNG, YANG NGAN RDZONG STON PA BO DHI R'A DZAS, RJE BTZUN RIN PO CHE RANG RDO RJE 'CHANG CHEN MI'I GZUGS SU SKU SPRUL NAS MDZAD PA DE RNAMS SEMS CAN GYI DON DU STON PA CIG YIN BA 'DRA, DE MIN RUNG, BSKAL PA DPAG TU MED PA NAS TSOGS BSAGS PA, PHYIR MI LDOG PA'I SEMS DPA' CHEN PO ZHIG YIN PAR THAG CHOD GDA' STE, CHOS PHYIR SROG KYANG 'DOR ZHING RNAL 'BYOR RAB TU BRTZON, ,ZHES BYA BA'I RTAGS RNAMS RJE BTZUN LA TSANG GDA', DE MIN BDAG SOGS SO SO SKYE BO RNAMS KYIS NI, BLA MA'I DRUNG GI DAD GUS KYI MDZAD PA SOGS, CHOS PHYIR DKA' BA SPYAD TSUL RJE BTZUN GYI DE 'DRA BLO RANG GI YANG MI 'KHYUD

NA, PHYAG LEN LA SUS KHEL, BRGYA LA PHYAG LEN LA BKA' RUNG LUS KYIS RKYEN MI THEG PAR 'DUG PAS, RJE BTZUN DANG PO NAS SANGS RGYAS BYANG SEMS GANG RUNG GCIG YIN PAR THAG CHOD GDA', DES NA BDAG NI CHOS MA NUS RUNG RJE BTZUN GYI ZHAL MTHONG GSUNG THOS PA'I SEMS CAN RNAMS KYANG 'KHOR BA LAS GROL SNYAM PA GDA' BAS, RJE BTZUN RDO RJE 'CHANG NGAM, BYANG CHUB SEMS DPA' GANG GI SPRUL PA LAGS PA DE GSUNG DU GSOL ZHES ZHUS PAS, RJE BTZUN GYI ZHAL NAS, NGA GANG GI SPRUL PA YIN NGA RANG LA YANG CHA MED, NGAN SONG GSUM GYI SPRUL PA YIN RUNG, KHYED RANG RNAMS KYIS RDO RJE 'CHANG SOGS GANG DU MTHONG BA DE'I BYIN RLABS 'JUG PAS MOS GUS GYIS, SPRUL PA YIN SNYAM PA DE KHYED RANG RNAMS KYIS NGA LA DAG SNANG YIN TE, CHOS LA LOG LTA DE BAS CHE BA MI YONG, CHOS RNAMS DAG BYED PA'I CHE BA MA MTHONG BAS LAN, SPYIR DAM PA'I CHOS KYI CHE BAS, TSE STOD LANG LTA BUR SDIG PA TSABS CHEN BYAS PA'I SO SO SKYE BO ZHIG YIN RUNG, PHYIS RGYU 'BRAS LA YID CHES NAS, TSE BLOS BTANG STE SGO GSUM G-YO MED DU BSGOM NUS NA SANGS RGYAS THOB PA LA THAG RING MI 'DUG, KHYAD PAR BLA MA MTSAN LDAN ZHIG GIS RJES SU BZUNG ZHING ,GSANG SNGAGS NYE LAM GYI MAN NGAG DANG SNYING PO'I DON THA SNYAD KYI SGRIB G-YOGS MED PAR GCER MTHONG DU NGO SPROD PA'I DBANG DANG GDAMS NGAG THOB NAS BSGOM NUS NA, TSE 'DIR SANGS RGYA MI RGYA THE TSOM MI 'DUG CING, TSE 'DIR

, ,MI DGE BCU DANG MTSAMS MED LNGA'I LAS TSABS CHEN BYAS NA SHI MTHAG DMYAL BA MNAR MED DU SKYE MI SKYE THE TSOM MI 'DUG STE, RGYU 'BRAS LA YID MA CHES SHING SNYING RUS CHUNG BAS LAN, SNYING THAG PA NAS RGYU 'BRAS LA YID CHES NA, NGAN SONG GI SDUG BSNGAL LA 'JIGS SKRAG, SANGS RGYAS THOB 'DOD KYI SGO NAS DANG POR BLA MA LA MOS GUS, BAR DU GDAMS NGAG BSGOM PA LA SNYING RUS, MTHAR NYAMS RTOGS SKYONG LUGS SOGS KYI SNYING RUS PA'I 'DI PAS MA ZHAN PA SO SKYE SNYING RUS CAN KUN LA YONG BAR 'DUG, BYUNG TSE SANGS RGYAS DANG BYANG CHUB SEMS DPA'I SPRUL PAR RLOM PA 'DUG STE, GSANG SNGAGS KYI NYE LAM LA YID MA CHES PA'I RTAGS YIN PAS, DA KHYED RANG RNAMS RGYU 'BRAS LA YID CHES PAR GYIS LA, GONG MA'I RNAM THAR, LAS RGYU 'BRAS, 'KHOR BA'I NYES DMIGS, DAL 'BYOR RNYED DKA', NAM MCHI CHA MED RNAMS SOGS LA, ,GSANG SNGAGS KYI NYAMS LEN LA 'BUNGS SHIG, NGAS KYANG LTO GOS GTAM GSUM LA GYONG BTANG, SEMS LA DPA' BSKYED, LUS LA BAB BSKUR SDUG BSNGAL KHYAD DU BSAD NAS MI MED KYI RI LA BSGOMS PAS NYAMS RTOGS KYI YON TAN SKYES PA YIN, KHYED RNAMS KYANG NGA'I RJES SU ZHUGS LA NYAMS SU LONGS SHIG GSUNGS PA DE LTA BU'I TSUL LA DGONGS PAR MNGON NO, ,'ON KYANG BLA MA RIN PO CHE 'DI NYID BYAMS MGON GYI BYIN RLABS THUGS LA ZHUGS PA ZHIG YIN PA NI BLA MA RIN PO CHE NYID KYI GSUNGS

LAS; SHES RAB ME LONG DAG PA'I NGOS, ,SHES BYA'I GZUGS BRNYAN GSAL BA'I TSE, ,SHES 'DOD MED KYANG SHES MDOG GI, SHES RAB RTZAL 'DI SU YIS 'GOG, NGAG LA NGAG GI DBANG PHYUG GIS, ,BYIN GYIS BRLABS SHING SEMS RGYUD LA; ;BYAMS PA'I 'PHRIN LAS ZHUGS PA ZHIG, BLA MA'I RNAM THAR DRAN NAS BRIS, ,ZHES GSUNGS PA LTAR RO, ,DE LTAR CHAB MDO CHOS SDER RGYAL BA 'PHAGS PA LHA'I ZHABS DRUNG DU RAB TU BYUNG NAS DUR SMIG GI RGYAL MTSAN GSOL TE 'GRO BA LHA DANG BCAS PA THAMS CAD LA MYUR BA MYUR BAR THUB BSTAN YONGS SU RDZOGS PA BZUNG STE DAM PA'I CHOS GYI SGRA DBYANGS BSGRAGS NAS 'GRO BA MA RIG PA'I GNYID KYIS NON PA RNAMS MYUR DU SAD PAR BYA, 'KHIR BA'I BTZON RAR BCINGS PA RNAMS MYUR DU SGROL BAR BYA, BLO GROS KYI MIG LDONGS TE GAR 'GRO'I GTOL MED PA RNAMS LA MTHO RIS DANG THAR PA'I LAM MYUR DU GSAL BAR BYA'O ZHES DBUGS 'BYIN PAR MDZAD DO, ,DE NAS THUGS BSAM 'DI LTA NGAG 'KHRUNGS TE, SNGON STON PA THUGS RJE CAN DES RGYAL BA'I BSTAN PA LA ZHUGS NAS RAB TU BYUNG BA RNAMS KYIS LAS SU BYA BA NI GNYIS BKA' STZAL TE, KLOG PA THOS BSAM DANG, SPONG BA BSAM GTAN NO, ,BDAG GIS KYANG STON PA THUGS RJE CAN GYI BKA' LTAR THOG MAR KLOG PA THOS BSAM DANG, DE NAS SPONG BA BSAM GTAN BYAS TE RGYAL BA DGYES PA'I LAM BZANG BSGRUB PAR BYA'O SNYAM DU DGONGS NAS THOG MAR 'PHAGS PA LHA'I BKA' LTAR CHAB MDO GRVA TSANG GI CHOS SPYOD RNAMS LAGS PAR

, ,BZUNG, ,DGUNG LO BCU BZHI PA'I DUS SU 'PHAGS BA LHA LA RDO RJE 'JIGS BYED CHEN PO'I DBANG LEGS BAR GSAN, DE NAS 'PHAGS PA LHA'I SKU MDUN DU RAB 'BYAMS SMRA BA 'GA' ZHIG BGRO GLENG BYED PA GZIGS PAS SHING RTA CHEN PO'I GZHUNG LA DAD PA CHES CHER 'KHRUNGS NAS LUS KYI PA SPU RNAMS ZINGS ZHES BYED CING RANG DBANG MED PAR SPYAN CHAB BYUNG ZHING BDAG KYANG NAM ZHIG NA SHING RTA CHEN BO'I GZHUNG LUGS RNAMS LA SBYANGS TE CHOS DANG CHOS MIN RIGS PAS 'BYED THUB PA ZHIG 'OD SNYAM DU THUGS 'DUN DRAG PO 'KHRUNGS TE 'PHAGS PA LHAR DBUS PHYOGS SU SLOB GNYER LA PHYIN CHOG PA DGOS ZHES DGONGS BZHUS PA NA, 'PHAGS PA LHAS KYANG 'JAM MGON BSTAN PA'I SROG SHING DU 'GYUR BAR MKHYEN NAS DGYES BZHIN DU GNANG NAS DGUNG LO BCO LNGA'I LO DBUS PHYOGS SU PHEBS, THOG MAR SE RAR PHEBS NAS GNAS MJAL ZHIG BYAS, DE NAS DGA' LDAN DU PHEBS NAS SLOB GNYER MDZAD DGONGS PA YOD PA LA, BYES GRVA KHANG GI GNAS GZIGS LA PHEBS PA NA, GRVA KHANG GI NANG DU LOGS BRIS RNAMS GZIGS PA DANG DUS MNYAM DU RLUNG BSIR BU ZHIG SKU LA REG PAS RKYEN BYAS, ,SMRA MI SHES PA'I DGA' BA DANG DAD BA CHEN PO ZHIG 'KHRUNGS NAS, DA NI GRVA TSANG 'DI KHA RANG DU SLOB GNYER BYED SNYAM BA BYUNG NAS BYES GRVA TSANG DU ZHUGS ,BYES PA BLA MA NGAG DBANG RGYA MTSO YONGS 'DZIN DU BSTEN NAS THOG MAR RIGS PA'I SGO 'BYED BSDUS GRA

RNAMS RTZI BA LA ZHUGS PAS TSEGS MED PAR MKHYEN TE YUN RING BOR SBYANGS PA'I MKHAS BA DAG DANG BGRO GLENG BYAS BA NA DRI MA MED PA'I RIGS PA'I NGA ROS MKHAS PA DAG DPA' ZHUM BAR MDZAD PAS MKHAS PA DAG NGO MTSAR DU GYUR NAS 'DI NI GRVA SA GZHAN DU SBYANGS ZIN PA ZHIG YIN PA'AM, YANG NA SA THOB PA ZHIG YIN PAR NGES SO ZHES GLENG BAR BYED DO, ,DE NAS DGUNG LO BCU DRUG GI DUS PHAR PHYIN GYI GZHUNG LA SBYANGS TE LO GNYIS KYI RING LA PHAR PHYIN LA MKHAS PAR GYUR TE DGUNG LO BCU BDUN PA LA RIGS CHUNG TSOGS LANGS MDZAD PAS MKHAS PA THAMS CAD NGO MTSAR BA'I GNAS SU GYUR, LO DE'I STON DUS SER RTZER RJE SGRUB KHANG BA MJAL BAR PHEBS BAS RJE SGRUB KHANG BA'I ZHABS PHYIR BLA MA RIN PO CHE 'DI PA'I KHU BO DKA' BCU SKAL LDAN ZER BA ZHIG BZHUGS PAS DES SANG NYIN SEMS BSKYED MCHOD PA YIN PAS ME TOG GANG 'BYOR NYOS LA SANG NYIN SNGA BAR SHOG CES ZHAL TA GNANG BA BZHIN BLA MA RIN PO CHES KYANG DE BZHIN MDZAD NAS SANG NYIN ME TOG MANG PO BSNAMS NAS SGRUB KHANG DU PHEBS TE LAM KHRID GSAN GRUB PA'I DGE SLONG MANG PO DANG LHAN CIG SEMS BSKYED ZHU BAR MDZAD, CHOS GROL NAS RJE SGRUB KHANG PA CHEN PO MJAL BAR PHEBS PAS RJE SGRUB KHANG PA CHEN POS BKA' 'DRI ZHIB TU GNANG NAS GZHON NU 'DI LTA BU NAS BYANG CHUB SEMS DPA' BYED THUB PA SHIN TU LEGS GZHUNG CHEN MO RNAMS LA SLOB SBYONG 'GRUS PAR GYIS SKABS SKABS SU 'DIR SHOG, NGED NAS NYAMS LEN LAS BRTZAMS PA'I BSLAB BYA BYED CES DGYES PA'I GSUNG BYON,

, ,DE NAS KHU BO DKA' BCU PA'I SAR PHEBS BAS, DKA' BCU PAS, KHYOD KYIS DE RING BLA MAS GSUNGS PA RNAMS NGES SAM GSUNG, DES BYUNG LAGS ZHES ZHUS PA NA, DKA' BCU PAS, 'O NA SKYOR DANG GSUNG BAR BLA MA RIN PO CHE 'DI LAS RJE SGRUB KHANG PAS GANG GSUNGS PA THAMS CAD CHAD LHAG MED PAR BSKYAR BAS DKA' BCU PA CHES NGO MTSAR TE KHYOD NI BAG CHAGS BZANG PO ZHIG 'DUG CES GSUNG, DE NAS SA RAR THUGS GNYER MDZAD BZHIN PA'I MUR DGUNG LO BCO BRGYAD LA BAB PA'I TSE BLA MA RIN PO CHE 'DI BAS MKHAR RDO DPON SLOB RIN PO CHE 'OL KHA NAS SKYID SHOD DU PHEBS TE, LHA SA NAG TSANG BYANG DU TSOGS MCHOD KYI DUS SLAB MA'I TSOGS DU MA LA BYANG CHUB LAM GYI RIM PA'I KHRID PAn CHEN CHOS KYI RGYAL PO BLO BZANG CHOS KYI RGYAL MTSAN DPAL BZANG PO'I MAN NGAG DAM PA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI STENG NAS STZAL BA GSAN PAR PHEBS PAS LAM GYI NGO BO DANG, GRANGS DANG, GO RIM DANG, DBYE BA, SO SO'I DON RNAMS LA NGES PA GTING TSUGS PA 'KHRUNGS TE, RGYU 'BRAS MAN NGAG BDUN GYI DANG PO MAR SHES KYI SKABS NAS 'BYUNG BA LTAR DE PHYIN CHAD NAS BZUNG STE SEMS CAN GZIGS SO COG LA 'DI NI BDAG GI DRIN CAN GYI MA'O SNYAM DU 'BANG MED DU THUGS LA 'CHAR BA ZHIG BYUNG BA 'DI NI GZHAN GYIS YI RANG BA TZAM YANG BYA BAR DKA' BA'I GNAS RNAMS LA MYONG BA

MTHAR PHYIN PHA MNGON DU MDZAD PA'O, ,BLA MA RIN PO CHE 'DI BAS LAM RIM GSOL 'DEBS GRAS SU, ,BLO BZANG RGYAL BA'I RIN PO CHEN GZHUNG LUGS LA, ,'DOD DGUR SPYOD PA'I RLABS CHEN SNYING STOBS CAN, ,BZOD PA'I GO CHA RGYA MTSO LEGS BGOS PA'I,, SGOM CHUNG RI KHROD DBANG POR GSOL BA 'DEBS, ,ZHES NGES PAR 'JUG PAR MDZAD KYIN YOD PA SKU NA PHRA MO'I DUS DE SKABS MKHAR RDO MKHAN PO 'DI PAS BDE LAM GYI KHRID GNANG BA DE THUGS LA SHIN TU 'PHROD PA ZHIG BYUNG BAS DE LTAR MDZAD PA YIN GYI BRGYUD RIM LA MED MI RUNG MIN TE, PAn CHEN BLO BZANG CHOS KYI RGYAL MTSAN GYIS DRUNG PA RTA PHUG PA, DES RJE SGRUB KHANG PA, DES BLA MA RIN PO CHE 'DI PA LA GNANG BA YONGS SU GRAGS PA LTAR RO, ,DE NAS RJE SGRUB KHANG PA CHEN POR RIGS GSUM SPYI SGRUB KYI BLA MA'I RNAL 'BYOR GYI KHRID NYIN GSUM GYI RING ZHU BAR MDZAD DE, DUS DE NAS BZUNG BLA MA'I RNAL 'BYOR 'DI 'CHAG MED MDZAD CING ,LHAG PAR GROGS DPAL 'BYOR GRAGS PA DANG BSDEBS NAS RA KHA BRAG TU DGUN THOG GCIG RIGS GSUM SPYI SGRUB KYI BLA MA'I RNAL 'BYOR SKYONG ZHING BZHUGS, DE SKABS RA KHA BRAG GI SGRUB SDE MA CHAGS PAS GNYIS KAS PHUG BA RE BZUNG NAS SO SOR BZHUGS, BLA MA RIN PO CHE 'DI PAS THUN DNGOS GZHI LA RJE BTZUN 'JAM PA'I DBYANGS KYI RNAL 'BYOR SNGON DU BTANG STE RIGS GSUM SPYI SGRUB KYI BLA MA'I RNAL 'BYOR BSGOMS NAS DMIGS BRTZE MA GANG 'GRUB DANG, THUN MTSAMS SKU LTUNG BSHAGS SUM CU SO LNGA RE DANG BRKYANG PHYAG SBRAGS PA'I BSAG SBYANGS LA

, ,'BAD PAS SKU LA BYED KYI GZUNGS NAS JI LTAR BSHAD PA LTAR GYI LAS SGRIB DAG PA'I MTSAN MA BRTAN BO THOB CING, LHAG BAR NUB CIG PHYAG TU RAL GRI ZHIG BYUNG BA BSNAMS TE NAM MKHA' LA 'PHUR BA'I MTSAN LTAS SHIN TU GSAL BA BYUNG, BLA MA RIN PO CHE RANG YON TAN SBA BA GTZO BOR MDZAD PAS 'DI TZAM LAS MI GSUNG MOD, DON DU NA RJE BTZUN 'JAM PA'I DBYANGS DANG RJE RIN PO CHE'I SKU DANG GSUNG GI SNANG BA BYUNG BAR NGES SO, ,DE NAS CHOS RAB TU RNAM 'BYED KYI SHES RAB CHES CHER RGYAS TE BSHES GNYEN LA DAD PA NAS ZHI LHAG GI BAR LAM GYI NGO BO DANG GRANG NGES GO RIM RNAMS LA NGES BA BRTAN PO RNYED CING, NGES 'BYUNG DANG BYANG CHUB KYI SEMS DANG YANG DAG PA'I LTA BA RNAMS LA MYONG BA PHUL PHYIN THON, DE SKABS 'TSO BA DKA' THUB LA GNAS PAS NYIN RE'I GSOL ZAS TZAM YANG MED KYANG 'KHOR BA'I PHUN TSOGS GANG LA YANG YID SMON NAM YANG MI SKYE, 'KHOR BA'I PHUN TSOGS GANG DANG GANG MTHONG TZAM GYIS 'JIGS SKRAG ZHEN LOG NGANG GIS SKYE BA ZHIG BYUNG, SKU MTSAMS GROL NAS SE RAR PHEBS DUS LO GSAR GYI SKABS YIN PAS KHANG TSAN GYI GRVA BA RNAMS LO GSAR GYI DGA' STON YIN ZER NAS BZA' BTUNG SNA TSOGS BYED CING RAB TU BYUNG BA'I RTAGS CHA LUGS TZAM YANG TSUL MTHUN MI 'DZIN PAR PHAN TSUN RTZED 'JO BYED CING, HA HA HU HU ZER NAS DGA' DGA' SKYID SKYID LTAR BYED PA RNAMS GZIGS BA

NA, DE RING RANG YANG MI 'CHI BA'I GDENG MED CING GAR 'GRO'I GTOL MED PAR 'DI 'DRA BYED PHOD PA MI 'DI DAG NGES BAR SMYO BA YIN PAR 'DUG SNYAM PA BCOS MIN DU 'CHAR ZHING, DE'I RING LA SPYAN CHAB RGYUN MI 'CHAD DU 'BAB PA THABS CI BYAS KYANG CHAD MI THUB PA ZHIG BYUNG GSUNG, DE KHA'I MUR RGYAL PO LHA BZAS KYIS SDE SRID RIN PO CHE BCOM STE GRONG SMAD KYI DNGOS CHAS RNAMS SOG PO'I GRVA PA RNAMS LA BYIN TE GRVA PA RNAMS HAB THOB BYED PA GZIGS PA NA SKYO ZHING YID 'BYUNG BA CHES CHER 'PHEL TE PHA PHA 'DI 'DRA BYED PHOD PA SNYAM DU SPYAN CHAB RGYUN MI 'CHAD PA NYIN MTSAN KHOR YUG TU BYUNG BAS SKU GZUGS KYI ZUNGS KYANG SHIN TU NGAN PA BYUNG GSUNG, TSUL 'DI LA RGYAL BA'I GSUNG RAB DANG SHING RTA CHEN PO'I GZHUNG GI DON LA 'DRIS PA SNGON BYON DAM PA'I RNAM THAR GYI RGYUS YOD PA DAG GIS BLTAS NA DBAG PAR DKA' BA'I RNAM THAR YIN TE MYUR DU 'CHI BA'I TSUL LA MYONG BA THON NAS TSE 'DI LA MA CHAGS PAR PHYI MA DON GNYER GYI BSAM PA BCOS MIN SKYE BA'ANG SHIN TU DKA' NA SRID PA'I PHUN TSOGS LA ZHEN PA GTING NAS LOG PA'I NGES 'BYUNG SKYE DKA' BA DANG, NGES 'BYUNG DE LTAR SKYES NA NGO MTSAR BA'I GNAS YIN PA LTA CI SMOS, STON PA THUGS RJE CAN DES DGE SLONG RNAMS LA GSER DNGUL LA REG PA TZAM YANG MI RUNG BA SOGS 'DUL BA'I BCAS PA JI SNYED CIG MDZAD PA THAMS CAD 'DI 'DRA BA'I NGES 'BYUNG BCOS MIN SKYE BA'I THABS SU MDZAD

, ,PA YIN PAS NA BLO GROS DANG LDAN BA RNAMS KYIS BLA MA RIN PO CHE 'DI'I MDZAD PA RNAM THAR 'DI 'DRA BA LA YID SMON DU BYA'O, ,DE NAS SNGAR LTAR GZHUNG LUGS LA SBYONG BA DAD BSAG SBYANG LA 'BAD BA LTAR DANG, BLA MA DANG LHAG PA'I LHA LA GSOL BA 'DEBS PA RNAMS LA BRTZON PAR MDZAD CING, CHOS GRVA'I SKABS NYIN GCIG GI 'TSO BA'I MTHUN RGYEN TZAM YANG MED KYANG TSOGS KYI MANG JA TZAM LA BRTAN TE SNGA CHOS DGONG CHOS 'CHAG MED DANG, DE'I BAR RNAMS SU GZHUNG GI 'DZIN SKYOR DANG BSAG SBYANG LA BRTZON PAR MDZAD, DE'I TSEN BZA' HRUL LA 'TSO CHAS SHIN TU BKREN PAS MTHANG GOS HRAL HRUL DU GYUR TE PUS MO SNGO HRENG HRENG BA KUN GYIS MTHONG BA DANG, ZLA GAM HRAL HRUL DU GYUR TE TSOGS SU DGE 'DUN RNAMS MANG JA LA GSOL BA BZHES PA'I CHE GSOL ZHIB YONG RGYU'I KHUL GYIS ZLA GAM GYIS GDONG BTUMS KYANG G-YAS G-YON THAMS CAD RAL PA'I SKAR KHUNG DU GYUR TE SBA MI THUB PAR KUN GYIS MTHONG BA ZHIG BYUNG BAS TSE 'DI'I SNANG SHAS CAN DAG NI TSUL 'DI MTHONG BAS YA NGA ZHING SNYING RJE'I GNAS SU BYED PA DANG, SKYE BO DAM PA RNAMS NI NGO MTSAR BA'I GNAS SU BYAD BA ZHIG BYUNG NGO, ,DE 'DRA BA'I 'CHO CHAS BKREN PA'I SKABS SU'ANG 'BYOR BA CAN DAG GZIGS PA NA YID SMON MI SKYE BAR MA ZAD LHAG PAR SNYING RJE SKYE ZHING RE SHIG GZHUNG LUGS CHEN MO 'DI RNAMS LA

SBYANGS LA NAM ZHIG NA DBEN PA'I GNAS SU 'TSO BA DKA' THUB LA GNAS NAS LAM CHA TSANG LA SGRUB PA BYED PA ZHIG NAM 'ONG SNYAM PA 'BA' ZHIG THUGS LA BRNAGS SHING DON DE LTAR DU YANG DANG YANG DU SMON LAM 'DEBS PAR MDZAD DO, ,DE LTAR PAR PHYIN LA SBYOD BA'I TSE PHAR PHYIN GYI SPYI DON DANG MTHA' DPYOD, ZUR BKOL BZHI YONGS RDZOGS THUGS LA BZUNG STE DGE 'DUN TSOGS PA'I DBUS SU SKYOR BA'I TSOGS BSOG KYANG MDZAD ,DE NAS BYES PA BLA MAS GLING BSRE'I GRVA SKOR MDZOD CES GSUNGS BA NA RJE GRUB PA'I DBANG PHYUG DGE LEGS RGYA MTSO'I ZHABS DRUNG DU PHEBS NAS GRVA SKOR BYED NA, DE'I TSE BSHAD PA GANG LA BYED ZHUS PAS SGRUB KHANG PA CHEN POS 'JAM DPAL ZHAL LUNG BZUNG NAS BSHAD PA BYAS NA SLAR GZHAN LA KHRID GTONG BA LA KHYAD CHEN PO 'OD ZHES MA 'ONGS LUNG BSTAN DANG BCAS GSUNGS ,DE NAS BLA MA RIN PO CHE 'DI BAS RJE SGRUB KHANG PA'I BKA' LTAR 'JAM DPAL ZHAL LUNG YONGS RDZOGS THUGS LA BZUNG STE DGUNG LO NYI SHU RTZA GCIG PA CHU PHO RTA'I LO SE RAR GLING BSRE'I GRVA SKOR MDZAD PAS BSHAD PAS BSTAN PA'I MIG RGYAN LA PHAN PA DANG, DRI MA MED PA RIGS PA'I NGA ROS MKHAS PA MTHA' DAG GI YID 'PHROG PAR MDZAD, GLING BSRE'I GRVA SKOR GRUB NAS RJE SGRUB KHANG PA PHUR BU LCOG TU BZHUGS PA'I SKU MDUN DU MJAL BAR PHEBS PAS SGRUB KHANG PA CHEN POS SGRUB KHANG DU 'GRO BAS KHYOD RANG 'DI KHYER SHOG GSUNGS NAS

, ,GCI BAS GANG BA'I SGYE MO SHIN TU LCI BA ZHIG BSKUR BAR MDZAD PA NA, BLA MA RIN PO CHE 'DI BA DA SKABS DKA' BCU'I GRVA SKOR GRUB PAS SE RAR MKHAS PA'I GRAGS BA CHE BA YOD KYANG MKHAS PA'I BSNYEMS BA MAD PAR BLA MA'I ZHABS TOG TU SHI YANG SKAL BA BZANG SNYAM DU SPRO BA CHEN POS SHING KHUR CHEN PO DE BSNAMS TE SER RTZER PHEBS PAS RJE SGRUB KHANG PA CHEN PO SHIN TU MNYAS NAS KHONG RANG GIS SNGAR THUGS GNYER MDZAD LUGS, BLA MA RTA PHUG PA BSTEN LUGS, DE NAS DKA' SPYAD SNYING RUS KYIS SGRUB PA MDZAD LUGS RNAMS GSUNGS NAS KHYOD RANG YANG DE 'DRA ZHIG YOD BA BYED DGOS GSUNG ZHING DA KHYOD RANG CHOS YAGS BO ZHIG BYAS NA 'ONG GSUNG BAR BLA MA RIN PO CHE 'DI PAS CHOS YAGS PO JI LTAR BYED DGOS ZHUS PAR, RJE SGRUB KHANG PAS, CHOS RNAM DAG CIG BYED NA RI KHROD LA 'GRO DGOS, DE KHYOD KYIS YONG MI YONG RJE BTZUN MI LA LA ZHU'O GSUNGS NAS RJE BTZUN GYI RNAM MGUR LA CHOS MO LAN GSUM MDZAD SOD BAS BZANG PO SHA STAG BAB PAS RJE SGRUB KHANG BA SHIN TU MNYES, BLA MA RIN PO CHE 'DI PA'ANG DAD CING SBRO BAR GYUR NAS RJE SGRUB KHANG BA CHEN PO'I ZHABS LA SPYI BOS GTUGS TE, 'JIG RTEN 'JIG RTEN 'DAS PA'I DGE LEGS KYI, ,YON TAN KUN GYI RTZA BA DRIN CAN RJE, ,YID LA DRAN PA TZAM GYIS DUS KUN TU, ,MOS GUS RTZOL MED SKYE BAR BYIN GYIS RLOBS, ,ZHES SOGS LAM GTZO'I SMON LAM YONGS RDZOGS 'DEBS PAR MDZAD DO, ,DE NAS

BLA MA RIN PO CHE 'DI PA DGUNG LO NYER GSUM LA BAB PA NA PAn CHEN THAMS CAD MKHYEN PA CHEN PO RJE BTZUN BLO BZANG YE SHES DPAL BZANG PO LA BSNYEN RDZOGS KYI SDOM PA ZHU BAR BZHED NAS KHRES PO BSNAMS NAS BKRA SHIS LHUN POR PHEBS, PAn CHEN THAMS CAD MKHYEN PA CHEN PO LA BSNYEN RDZOGS KYI GSOL BA BTAB PA NA DGYES BZHIN ZHAL GYIS BZHES TE BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU BDE LDAN ZHING GI MGON PA DUR SMRIG GAR GYI RNAM PAR ROL PA GANGS RI'I KHROD KYI 'DUL 'DZIN THAMS CAD KYI GTZUG GI NOR BU PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG POS MKHAN PO DANG, YONGS 'DZIN BSOD NAMS GRAGS PAS GSANG STON MDZAD DE KHA SKONG GI DGE 'DUN GRANGS TSANG BA'I DBUS SU BSNYEN PAR RDZOGS PA'I SDOM PA BZHES TE THUB PA'I RGYAL TSAB CHEN POR GYUR TO, ,DE NAS DBUS SU PHEBS TE DBU MA DANG 'DUL BA DANG MDZOD RNAMS LA'ANG SBYANGS BA MTHAR PHYIN PAR MDZAD NAS DGUNG LO NYER LNGA'I LO LHA LDAN CHO 'PHRUL SMON LAM CHEN MO'I DUS SU DKA' BZHI'I GRVA SKOR MDZAD DE 'JAM MGON BLA MA TZONG KHANG PA CHEN PO'I MDZAD PA RNAM THAR RJES SU BSKYANGS, GRVA SKOR GYI SKABS SU'ANG RJE SGRUB KHANG PA'I ZHAL GDAMS THUGS LA BZHAG NAS PHYIR BRGOL SU LA'ANG MTSANG 'BRU BA DANG, SKYON BRJOD PA'I TSIG RTZUB PHRA MO'ANG MA GSUNGS SHING, TSIG LA MI RTON DON LA RTON TE BSTAN BCOS GANG DANG GANG YIN PA DE DANG DE'I BRJOD BYA BA'I DON THAMS

, ,CAD RANG GI RGYUD 'DUL BA'I THABS SHA STAG TU 'KHYER BA'I TSUL GO BAR BYED PA DANG, RGYAN DRUG MCHOG GNYIS KYI GZHUNG NAS JI LTAR 'BYUNG BA LTAR DAM BCA' GANG DANG GANG BZHAG PA DE DANG DE LA 'GAL BA DANG MA NGES PA DANG, MA GRUB PA'I SKYON PHRA MO'ANG MED CING BZLOS BUR SMRA BA'ANG MED PAR BSGRUB BYA'I DON TSUL GSUM PA'I RTAGS KYIS SGRUB BA'I DRI MA MED PA'I RIGS BA'I NGA RO RGYA CHER BSGRAGS PAS GZU BOR GNAS PA'I MKHAS PA MTHA' DAG GZHAN DU LO MANG POR THOS PA BYAS PA LAS BLA MA RIN PO CHE 'DI PA'I RIGS PA'I RNAM 'GYUR LAN CIG MTHONG BA DANG THOS PA DON CHE'O, ,ZHES SMRA BAS SNYAN PA'I GRAGS PAS SA'I STENG KHYAB PAR GYUR TO, ,GRVA SKOR GRUB 'PHRAL RJE SGRUB KHANG PA MJAL DU PHEBS PAS RJE SGRUB KHANG PAS SEMS BSKYED CIG GNANG BA DANG THUG STE BLA MA RIN PO CHE 'DI BAS DA NI SROG LA BAB KYANG SANGS RGYAS MA THOB KYI BAR DU BYANG CHUB KYI SEMS MI GTAD NGO SNYAM DU DAM BCA' BRTAN PO MDZAD, TSUL 'DI LA BLA MA RIN PO CHE NYID KYI ZHAL NAS DA DUS SEMS BSKYED KYI DAM BCA' BRTAN PO DE 'DRA BYAS PA YIN, SEMS BSKYED KYI BSLAB BYA RGYA CHE, BSLAB BYA LAS 'DAS PA'I NYES PA GRANGS MANG BAS NYES PA DE 'DRAS DMYAL BAR LHUNG YANG SNGON THOG MA MED PA NAS LAS NGAN 'BA' ZHIG BSAGS TE DMYAL BA'I SDUG BSNGAL BRGYUD MAR MYONG BA'I RTZIS BTANG NA DA RES SEMS BSKYED KYI BSLAB BYA LAS 'DAS PA'I NYES PAS DMYAL BAR SKYE DGOS BYUNG YANG BZOD, DON MED DU

LAS NGAN BSAGS PA'I RTZIS BTANG NA THEG CHEN GYI CHOS SGRUB PA'I PHYIR DU SDUG BSNGAL CI MYONG DGOS BYUNG YANG SKAL BZANG GSUNG BA THOS PAS TSUL 'DI YANG DPAG PAR DKA' BA'I RNAM PAR THAR PA ZHIG STE, DENG SANG SNYIGS MA LNGA CHES CHER BDO BAS SANGS RGYAS KYI BSTAN PA NYAMS PA LA PHYOGS SHING, LHAG PAR THEG PA CHEN PO MING TZAM YANG NUB PA LA PHYOGS PA'I SKABS 'DIR RGYAL SRAS KYI SNYING STOBS RLABS PO CHE 'DI 'DRA BA MDZAD PA'I RNAM THAR NI BLO CHEN DAG KYANG RJES SU YI RANG ZHING SMON LAM GDAB PA'I GNAS SO, ,DE NAS BLA MA RIN PO CHE 'DI PAS RJE SGRUB KHANG PA LA BDAG BLA MA'I ZHABS DRUNG DU RI KHROD DU BSDAD CHOG PA DGOS ZHES ZHU BAR MDZAD PAS, LAN DU RJE GRUB PA'I DBANG PHYUG GIS PHYAG BRIS SHIG STZAL 'DUG PA'I NANG NA, 'O DANG POR GAL CHE BA PHA YUL DANG GNYEN BSHES BLOS DOR, BAR DU GAL CHE BA RGYUD DANG RI KHROD GANG RIGS SHIG TU THOS BSAM GTZO BOR THON, MTHA' MAR GAL CHE BA CHE DANG SGRUB PA MNYAM BAR BYA BA THEG PA CHEN PO'I LAM GYI RTZA BA TSUGS PA'I SGRUB PA SNYING POR MDZOD MDZOD GSUNG BA PHYAG BRIS SU GNANG, BLA MA RIN PO CHE 'DI PA NI RJE SGRUB KHANG PA LA SANGS RGYAS DNGOS KYI 'DU SHES BCOS MA MIN PA YOD PAS GANG GSUNGS TSAD MAR 'DZIN PAR MDZAD DE 'PHRAL DU RI KHROD DU PHEBS BAR THAG BCAD, DE YANG SPYOD 'JUG LAS, NAGS NA RI DVAGS BYA RNAMS DANG, ,SHING RNAMS MI SNYAN BRJOD MI BYED, ,'GROGS NA BDE BDE DAG DANG, ,NAM ZHIG LHAG CIG BDAG GNAS 'GYUR, ,PHUG GAM LHA KHANG STONG

, ,BA'AM, ,LJON SHING DRUNG DU GNAS BCAS TE, ,NAM ZHIG RGYAB TU MI LTA ZHING, ,CHAGS BA MED PAR 'GYUR ZHIG GU, ,SA PHYOGS BDAG GIR BZUNG MED PA, ,RANG BZHIN GYIS NI YANGS RNAMS SU, ,RANG DBANG SPYOD CING CHAGS MED PAR, ,NAM ZHIG BDAG NI GNAS PAR 'GYUR, ,LHUNG BZED LA SOGS NYI TSE DANG, ,KUN LA MI MKHO'I GOS 'CHANG ZHING, ,LUS 'DI SBA BA MA BYAS KYANG, ,'JIGS MED GNAS PA NAM ZHIG 'GYUR, , DUR KHROD SONG NAS GZHAN DAG GI, ,RUS GONG DAG DANG BDAG GI LUS, ,'JIG PA'I CHOS CAN DAG TU NI, ,NAM ZHIG 'GO SNYOMS BYED PAR 'GYUR, ,ZHES DANG, DE LTAR 'DOD LA SKYO BYAS TE, ,DBEN PA LA NI DGA' BA SKYED, ,RTZOD DANG NYON MONGS KYIS STONG PA, ,ZHI BA'I NAGS KYI NANG DAG TU, ,SKAL LDAN ZLA 'OD TZAN DAN GYIS BSIL BA'I, ,YANGS PA'I RDO LEB KHANG BZANG NYAMS DGA' BAR, ,DGRA MED ZHI BA'I NAGS KLUNG G-YO BA YIS, ,GZHAN LA PHAN DON SEMS SHING 'CHAG PAR BYED, ,KHANG STONG SHING DRUNG PHUG DAG TU, ,GANG DU JI SRID 'DOD GNAS SHING, ,YONGS 'DZIN BSRUNG BA'I SDUG BSNGAL SPANGS, ,LTOS PA MED PAR BAG YANGS SPYOD, ,RANG DBANG SPYOD CING CHAGS MED LA,, GANG DANG YANG NI 'BREL MED PA, ,CHOG SHES BDE SPYOD GANG YIN PA, ,DBANG POS KYANG NI DE RNYED DKA', ,ZHES GSUNGS PA LTAR DBEN PA'I YON TAN GYIS THUGS YID LEGS PAR 'PHROGS NAS RJE SGRUB KHANG PA CHEN PO LA SKYID RUNG SDUG

RUNG BA LA BLA MA MIN BA BLO RTZE GTAD SA MED PAS 'DI KHAR BLA MA'I ZHABS LA GTUGS NAS BLAD CHOG BA DGOS ZHES NAN ZHUS MDZAD PAS, GRUB PA'I DBANG PHYUG CHEN PO DGE LEGS RGYA MTSO LEGS PAR DGYES NAS, DA 'O NA 'DI KHA RANG DU SNOD, KHRID SKYONG BAR BYED BA LA SPYIL BU RANG DBANG 'DUS PA ZHIG DGOS PA YIN PAS RTZIGS SHIG GSUNGS NAS DE'I MTHUN RKYEN PHRAN BU'ANG STZAL, DE NAS BLA MA RIN PO CHE 'DI PAS SGRUB KHANG BA'I BKA' LTAR PHUR BU LCOG TU RANG SHONG SPYIL BU ZHIG BZOS, BYES PA BLA MA LA DGONGS PA ZHUS TE TSE 'DI'I RNYED BKUR SNYAN GRAGS GANG LA'ANG CHAGS PA MED PAR PHUR BU LCOG TU RJE SGRUB KHANG PA'I ZHABS DRUNG DU PHEBS, PHEBS 'PHRAL LAM RIM DMAR KHRID BDE LAM GYI KHRID CIG GNANG BA GSAN, DE'I TSE SGRUB KHANG PA CHEN POS PHUR BU LCOG TU DGE SLONG BRGYAD GRVA ZHIG GI SGRUB SDE 'DZUGS PAR BZHED NAS, 'DU KHANG RUNG KHANG GZIM CHUNG RNAMS KYI ZHAL BKOD MDZAD PA NA BLA MA RIN PO CHE 'DI PAS SNGON RJE BTZUN MI LAS LHO BRAG MAR PA'I ZHABS DRUNG DU MKHAR LAS JI LTAR MDZAD PA DE KHO NA LTAR RANG NYID MKHAS PA CHEN PO YIN PA'I NGA RGYAL DANG RLOM PA PHRA MO'ANG MED PAR, BRAN KHOL LTAR DU SA RDO DANG CHU LEN BA SHING 'DREN PA 'JIM PA BSKYEL BA RTZIG PA RNAMS LA ZHAL BA BYED BA LHA BRIS PA'I LAG G-YOG TU TSON BSNUR BA DRES 'DAM BRDUNG BA SOGS SGO GSUM NGAL BA KHYAD DU BSAD NAS RUSON BA CHEN BOS BLA MA'I BKA' BZHIN SGRUB PAR MDZAD, DE NAS RJE SGRUB KHANG PA CHEN POS LAM KHRID 'JAM DPAL

, ,ZHAL LUNG GI KHRID RGYAS PA ZHIG DANG, BLO SBYONG DON BDUN MA'I KHRID RGYAS PA ZHIG GNANG, RJE SGRUB KHANG PA DE SNGAGS LA SHIN TU DAM DOG CHE BA YOD NA'ANG BLA MA RIN PO CHE 'DI PA GCIG PU LA RDO RJE 'JIGS BYED KYA SGRUB THABS ZA MA TOG GI LUNG DANG, BSKYED RDZOGS GYI MAN NGAG GNAD BSDUS SHIG GNANG STE, SGRUB PA MTHAR PHYIN PA ZHIG BYED PA LA LAS SGRIB SBYONG PHYIR YIG BRGYA 'BUM THER ZHIG DANG YI DAM RDO RJE 'JIGS BYED KYI BSNYEN PA TSED DU 'KHYOL BA ZHIG NGES PAR BYAD DGOS GSUNG BA LTAR BKA' BZHIN DU SGRUB PAR MDZAD, PHUR BU LCOG GI SGRUB SDE THOG MAR CHAGS SKABS BLA MA RIN PO CHE 'DI PAS DBU MDZAD DGE SLONG RNAMS KYIS DGONG MO'I CHA LA 'DU KHANG DU MANG JA MED KYANG 'TSOGS NAS BRKYANG PHYAG LNGA BRGYA TZAM RE BTZAL, LAM KHRID 'JAM DPAL ZHAL LUD CHAR RE SKYOR BA RGYUN RING POR MDZAD PAS SGRUB KHANG PA CHEN PO SHIN TU MNYES NAS NGA LAS KHYED TSO SNYING STOBS CHE BA BYUNG ZHES BSNGAGS BRJOD MDZAD, DE SKABS BLA MA RIN PO CHE 'DI PAR GSOL JA BZHES RGYU GTAN NAS MED PAR RI'I RTZVA ZHIG GI RTZA BA BRKOS NAS DE SKOL BA'I KHU BAS SKOM PA SEL BAR MDZAD PA SOGS DKA' THUB KHO NA MDZAD, BAR SKABS SHIG RDO RJE BRAG NA RJE RIN PO CHE'I GSUNG 'BUM GYI LUNG GNANG GI 'DUG ZER BA GSAN PAS RJE SGRUB KHANG PA CHEN BOR NGA YANG DER RJE'I GSUNG 'BUM GYI LUNG ZHIG ZHU BAR 'GRO 'DOD 'DUG PAS PHYIN NA AE YONG ZHUS PAR, SGRUB KHANG PA CHEN POS 'GRO 'DOD YOD NA SONGS

GSUNGS, DE LA BLA MA RIN PO CHE 'DI PAS RANG GI 'DOD PAR GANG YOD BYED RGYU MIN, PHYIN PA LEGS PA ZHIG YOD NA 'GRO, ,MI LAGS NA MI 'GRO GLO SNYING BRANG GSUM BLA MA RANG LA GTAD PA YIN, NGA RANG GI BSAM PA LA GANG SHAR ZHUS PA LAGS, ZHES ZHU BAR MDZAD PAS SGRUB KHANG PA CHEN PO MNYES NAS, 'ON SDOD, LAR DENG SANG THAMS CAD NYAMS LEN BYED BSAMS PA MED PAR MANG PO ZHIG THOS DGOS PA 'DUG, CHOS RNAM DAG CIG BYED NA LAM RIM 'DI LA SBYANGS ZHAS RANG GI SEMS 'DI KO BA MNYED MNYED BYED DGOS RGYU YIN, LAM RIM GYI STENG DU N'A RO CHOS DRUG GI KHRID CIG YIN NA NGES PAR THOB PAR BYED DGOS GSUNG, DE LA BLA MA RIN PO CHE 'DI PAS BKA' DRIN CHE ZHES ZHUS NAS BLA MA'I BKA' BZHIN MTSAMS BCAD DE YIG BRGYA 'BUM THER DANG, BRKYANG PHYAG 'BUM THER ZHIG BSAGS, LAM RIM RANG LA THUN BZHIR BCAD NAS LO MANG PO'I BAR DU BSGOMS TE MYONG BA THON PAR MDZAD, DE YANG DMIGS SKOR RE RE NAS DPYAD SGOM DANG 'JOG SGOM GNYIS KYI SGO NAS BSKYANGS TE RGYUD LA 'CHAR DKA' BA RNAMS LA DMIGS APHUG NAS BSGOMS, DE YANG DMYAL BA'I SDUG BSNGAL SGOM PA'I TSE GRANG DMYAL BA RNAMS LA SDUG BSNGAL JI LTAR YOD LTA BA'I PHYIR DGUN DGU 'DREN PA'I SKABS SU THO RANGS GCER BUR 'THON NAS KHANG PA'I PHYIR PHEBS TE SGROL MA GSUM BZHI RE'I RING GCER BUR BZHUGS PA NA GRANG BA'I NGAD KYIS LUS SGRIB NAS ZUG GZER CHER MI MNGAN, DE NAS NANG DU 'ONGS TE GOS BGOS TE YBZHUGS PA NA CHER 'DAR ZHING RUS,

, ,PA'I GTING LA ZUG GZER BZOD PAR DKA' BA BYUNG BA NA DE LAS BYE BA PHRAG BRGYA 'GYUR GYIS GRANG DMYAL GYI SDUG BSNGAL CHE BA YOD TSUL LA SAMS NAS RGYUD THOG TU BKAL TA MYONG BA THON PAR MDZAD, DE LTAR DMIGS SKOR RE RE NAS RGYUD LA SBYAR TE MYONG BA THON PAR MDZAD, SKABS SKABS SU RJE SGRUB KHANG PA MJAL NAS LAM RIM GYI KHRID DANG BLO SBYONG GI KHRID DANG GCOD KYI KHRID RNAMS GSAN ZHING YANG DANG YANG DU SEMS BSKYED ZHUS, GZHAN YANG MDO BSTAN BCOS KYI LUNG DANG MAN NGAG MANG DU GSAN, DE NAS BLA MA RIN PO CHE 'DI PA LA CHAB MDO NAS SKU MCHED RNAMS GDAN 'DREN DU YANG DANG YANG DU 'ONGS PA DANG, 'PHAGS PA LHAS KYANG 'BYON DGOS PA'I BKA' SHOG PHEBS PA BCAS MDZAD DKA' BAR BYUNG BA NA RJE SGRUB KHANG PA LA ZHUS PAS SGRUB KHANG BA CHEN POS KHYOD LAM RIM CHEN MO'I BSHAD LUNG ZHIG MA THOB PAR KHAMS SU 'GRO DGOS BYUNG NA PHANGS GSUNGS NAS SGRUB KHANG PA CHEN POS THUN PAR THUN BAR LA LAM RIM CHEN MO'I BSHAD LUNG SHOG BU KHA SHES RE GNANG STE LO GSUM LA LEGS PAR GRUB PAR MDZAD, DE NAS KYANG GDAN 'DREN YANG YANG BYUNG BSAD PHEBS DGOS RGYU AE YIN DGONGS PA BYUNG BA NA NYIN CIG TSOGS SU DGE SLONG RNAMS SGROL MA 'DON PA'I CHE THUGS BSAM LA KHAMS PHYOGS LA PHEBS DGOS BYUNG NA CI 'DRA 'OD DGONGS NAS BLA MA LA PHYAG DBANG DANG SKYABS 'JUG ZHUS TE SKU MDUN NAS PHYI 'GROS KYIS PHEBS NAS GZIM CHUNG GI PHYI ROL TU SON PA'I RNAM PA THUGS LA

MDZAD PA'I TSE THUGS SKYO NAS SNYING 'GAS PA CAM GYI TSOD 'ONG BAR SNANG ZHING, DE NAS KYANG RIM GYIS LAM SO SOR ZHUGS TE RI RE'I RTZER PHEBS PA'I RNAM PA MDZAD NAS PHA GI'I THAD DU BLA MA BZHUGS PA'I LUNG PA DANG BLA MA'I SKU'I RNAM PA'ANG 'DRA YOD SNYAM PA SOGS BSGOM PAR MDZAD PA NA SPYAN CHAB DBANG MED DU YONG GI NA 'DUG GSUNG, DE NAS NGA BLA MA 'DI 'DRA DANG BRAL NAS 'GRO THABS MI 'DUG SNYAM DU THAG BCAD NAS RGYAL BA 'PHAGS PA LHA LA DE LUGS KYI ZHU YIG BZOS, ZHU YIG DE LA SGRUB KHANG PA CHEN POS BDEN PA'I MTHU BRJOD PA'I SMON LAM DANG BYIN RLABS SHIG MDZAD NAS 'PHAGS PA LHAR PHUL BAS PHEBS MA DGOS, DE NAS SGRUB KHANG PA CHEN POS JO BO YAB SRAS KYI THUGS KYI BCUD PHYUNG BA'I MAN NGAG BKA' GDAMS THIG LE BCU DRUG GI DBANG DANG GDAMS NGAG RNAMS KYANG BLA MA RIN PO CHE 'DI PA DANG, SKAL LDAN GYI GDUL BYA GZHAN GCIG BCAS GNYIS LA GZIM CHUNG SBUG TU GSANG STABS KYIS DGYES BZHIN DU GNANG, BLA MA RIN PO CHE 'DI PAS DUS DE NAS BZUNG STE THIG LE BCU DRUG LA THUGS DAM GTZO BOR MDZAD CING, CHOS 'DI'I 'PHRIN LAS KYI BKA' BAB STE, DE'I TSUL NI 'OG TU STON NO, ,BAR SKABS SHIG STENG GDON GYI GNOD PA ZHIG BYUNG BA RJE SGRUB KHANG BA CHEN PO LA ZHUS PAS SGRUB KHANG PA CHEN POS PHYAG RDOR GYI RJES GNANG STZAL TE 'DI'I BSNYEN PA ZHIG GYIS GSUNG BAR, RGYUN GYI THUGS DAM RIGS GSUM SPYI SGRUB KYI BLA MA'I RNAL 'BYOR GYI SGO NAS RJE RIN PO CHE'I THUGS KAR PHYAG

, ,RDOR BSKYED NAS BZLAS PA MDZAD PAS STENG GDON GYI GNOD PA LAS GROL, RJE SGRUB KHANG BA CHEN POS TSE RABS GTAN GYI LHAG BA'I LHA RJE BTZUN SGROL MA DKAR MO LA BSNYEN SGRUB CIG BYAS NA LEGS PA 'DUG GSUNG BAR SGRUB KHANG PA CHEN POR SGROL DKAR GYI RJES GNANG ZHUS NAS ZLA BA GSUM GYI RING SGROL DKAR YID BZHIN 'KHOR LO'I BSNYEN SGRUB MDZAD PAS CHOS RAB TU RNAM 'BYED KYI SHES RAB CHES CHER RGYAS TE 'CHAD RTZOD RTZOM GSUM LA SPOBS PA THOGS MED DU GYUR NAS, DE GONG SGRA DANG SNYAN NGAG LA SBYONG BAR MA MDZAD KYANG, DUS DE NAS BZUNG MDO RGYUD GSUNG RAB KYI DGONGS 'GREL RTZOM PA DANG, SANGS RGYAS BYANG SEMS KYI BSTOD PA MDZAD PA SOGS RTZOM PA GANG MDZAD KYANG SPOBS PA THOGS PA MED CING, SNYAN NGAG GI RGYAN GYI NYAMS NGO MTSAR BA DAG RANG SHUGS KYIS 'BYUNG BA ZHIG BYUNG STE, TSUL DE NI BLA MA RIN PO CHE 'DI BA'I GSUNG RTZOM RNAMS BLTAS LAS GSAL LO, ,DE LTAR BLA MA RIN PO CHE 'DI PAS RJE SGRUB KHANG PA CHEN PO BSAM SBYOR GNYIS KYIS TSUL BZHIN DU BSTAN TE SROG GI PHYIR YANG BKA' BZHIN DU SGRUB PA LAS MI 'DA' BAR GTZO BOR BYANG CHUB LAM RIM GYI DMIGS RNAM BSKYANGS, DE'I GEGS SEL DANG MTHUN RKYEN BSGRUB PHYIR RGYAL KUN NGO BO RJE BTZUN TZONG KHA PA CHEN PO LA RTZE GCIG TU GSOL BA 'DEBS PA DANG, LHAG BA'I LHA RNAMS KYI BSNYEN SGRUB LA 'BAD PA DANG, DPAG PAR

DKA' BA'I BSAG SBYANG MDZAD PA DANG, ZAB LAM GCOD KYI RNAL 'BYOR SKYOD BAR BA SGRUB KHANG PA CHEN PO'I BKA' LTAR DPAL LDAN DMAG ZOR RGYAL MO'I BSNYEN SGRUB DANG RGYUN DU MCHOD GTOR 'CHAG MED MDZAD PA SOGS RGYU TSOGS CHAD PA'I NYAMS LEN LA CHU BO'I RGYUN BZHIN 'BAD PAS RGYU MTSANG BA MED BA LAS 'BRAS BU 'BYUNG BRTEN 'BREL GYI CHOS NYID YIN PAS BLA MA RIN PO CHE 'DI PA LA'ANG LAM GYI LUS YONGS SU RDZOGS PA LA MYONG BA PHUL DU PHYIN PA'I RTOGS PA 'KHRUNGS TE, BLA MA RIN PO CHE NYID KYI ZHAL NAS NGA CHUNG DU'I DUS RJE SGRUB KHANG PA LAS LAM RIM THOG MAR ZHUS TZAM NAS, GSUNG RAB KYI DON LA GO YUL RGYA CHEN PO RANG MED KYANG, BLO LA THAG CHOD SHIN TU CHE BA BYANG GSUNGS, DE YANG BSHES GNYEN BSTAN TSUL GYI SKABS BLA MA DAM PA'I BKA' BZHIN SGRUB PA SNYING POR BYED GOS PAR THAG CHOD, DAL 'BYOR GYI SKABS TSE THUNG 'DI LA CHOS RNAM DAG CIG BYED DGOS PAR THAG CHOD, SKYES BU CHUNG DU'I SKABS TSE 'DI BLOS GTANG DGOS PAR THAG CHOD, 'BRING GI SKABS 'KHOR BA'I PHUN TSOGS MTHA' DAG LA ZHEN PA GTING NAS LOG DGOS PAR THAG CHOD, CHEN BO'I SKABS BYANG CHUB TU SEMS BSKYED NAS CI BYED SEMS CAN GYI DON DU BYED CING TSOGS GNYIS ZUNG 'BREL DU SLOB DGOS PAR THAG CHOD PA'I BLO SKYES, RJES SU BSAMS KYANG THAG GCOD LUGS DE KHA RANG RENG GSUNG BA KHO BO RANG GIS DNGOS SU THAS BAS THOG MAR RJE SGRUB KHANG PA DANG

, ,MJAL TE LAM KHRID GSAN TZAM NYID NAS DE LTA BU'I THAG CHOD GDENG KHEL THUGS LA 'KHRUNGS SHING, DE NAS RJE RGYAL BA GNYIS BA'I SNYAN RGYUD GYI MAN NGAG DAM PA BYANG CHUB LAM GYI RIM PA LA BSHAD BA TZAM MA YIN PAR, RJE GRUB PA'I DBANG PHYUG GI GSUNG GI BDUD RTZI BZHIN MYONG BA THON NGES BAR DPYAD SGOM DANG 'JOG SGOM GNYIS BLA MA LHA LA GSOL BA 'DEBS PA'I GNAD DAM PA DANG BCAS TE NYAMS MYONG LA BKAR NAS BSGOM BAR MDZAD PAS, BSHES GNYEN DAM PA SANGS RGYAS DNGOS SU MTHONG PA, RANG GIS THOB PA'I DAL 'BYOR DON CHE ZHING RNYED DKA' BA, 'CHI BA MI RTAG PA, NGAN SONG GSUM GYI SDUG BSNGAL, DE LAS THAR BA'I THABS DKON MCHOG LA SKYABS 'GRO DANG SDIG SPONG DGE BA BSGRUB PA, MTHO RIS KYI BDE BA THOB KYANG SDUG BSNGAL GYI RANG BZHIN LAS MA 'DAS SHING MI BRTAN PA, DER 'KHOR BAR BYED PA'I RTZA BA 'JIG LTA LA SOGS PA'I NYON MONGS RNAMS YIN PA, DE SPONG BYED KYI THABS LAM BSLAB PA RIN PO CHE GSUM YIN PA, RANG NYID 'KHOR BA'I SDUG BSNGAL LAS 'GROL KYANG SEMS CAN GZHAN 'KHOR BA'I SDUG BSNGAL GYIS MNAR BA RNAMS DRIN CAN GYI MA SHA STAG YIN PAS DE RNAMS LA BYAMS PA DANG, SNYING RJE DANG, DRIN DU BZO BA DANG, BDAG GZHAN BRJE BA'I 'PHRUL KHYAD PAR CAN LA BRTEN NAS BYANG CHUB DAM PA SANGS RGYAS BCOM LDAN 'DAS KYI GO 'PHANG LA DMIGS PA'I SMON SEMS

DANG 'JUG SEMS KYI BLO'I STOBS YANG DAG PAR BSKYED NAS SBYIN SOGS PHA ROL TU PHYIN PA DRUG DANG, BSDUS RNAM BZHI LA LEGS PAR BLO SBYONG BA DANG, LUS SEMS SHIN SBYANGS DANG BCAS PA'I ZHIG NAS DANG, GNAS LUGS STONG PA NYID KYI DON LA DMIGS PA'I LHAG MTHONG RNAMS ZUNG DU 'BREL BA RNAMS LA RDO RJE THEG PA'I LAM GYIS BSNON MA BTAB NAS NYAMS SU LEN TSUL RNAMS RGYAL BA THUGS RJE DANG BKA' DRIN MTSUNGS PA'I ZLA THAMS CAD DANG BRAL BA SH'AKYA'I RGYAL PO'I GSUNG RAB KYI DGONGS DON RGYAL BA NYID KYIS RANG GI RGYAL TSAB DAM PAR DBANG BSKUR BA MI PHAM MGON PO DANG, SHING RTA CHEN PO RNAMS KYIS LEGS PAR BSHAD PA'I GDAMS PA'I CHU PO GCIG TU 'DRES PA DPAL LHA CIG 'DI PAm KA RA'I BSHAD SROL RJE RGYAL BA GNYIS PA YAB SRAS KYI GSUNG LAS 'BYUNG BZHIN DU THUGS RGYUD LA RTOGS PA'I YON TAN 'KHRUNGS TE, 'GO BSHES GNYEN BSTEN TSUL NAS 'BRAS BU ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS BA'I DMIGS SKOR DE DANG DE DAG GANG DANG GANG GI DON LA MNYAM PAR BZHAG PA'I TSE, MNYAM GZHAG GI DUS SU DE DANG DE'I GNAD KYI DON BCOS MA MA YIN PA'I TING NGE 'DZIN LA KHYUR GYIS 'GRO ZHING, RJES THOB TU YANG MNYAM GZHAG GI DMIGS PA DE'I STOBS KYIS YUL GANG SNANG THAMS CAD DNGOS GZHI'I DMIGS SKOR DE DANG DE'I GROGS SU 'GRO BA ZHIG BYUNG STE, BSHES GNYEN BSTEN TSUL LA BLA MA'I GZIM KHANG DANG, ZHABS PHYI DANG, ,GZIM KHANG DANG NYE BA'I BYA RI DVAGS CHUN CHAD

, ,KYANG BLA MA'I RNAM 'PHRUL YIN SNYAM PA BCOS MAN DU 'CHAR BA LTA BU DMIGS SKOR MTHA' DAG LA BYUNG STA, TSUL 'DI NI LAM GYI GNAD MKHYEN PA'I MKHAS PA RNAMS KYIS BRTAGS NA DPAG PAR DKA' BA'I RNAM BAR THAR PA YIN PAS BYANG CHUB LAM GYI RIM PA LA BLO SBYONG BAR 'DOD PA RNAMS KYIS BLA MA RIN PO CHE 'DI'I MDZAD PA RNAM THAR 'DI DAG BSAMS LA RJES SU BSLAB PAR BYA ZHING THA NA SMON LAM GYI YUL CHUN CHANG DU BYA'O, ,DE NAS RJE SGRUB KHANG PA CHEN PO ZHING BRJE BA'I SNGA LTAS MANG DU SHAR TE, MI RTAG PA'I GSUNG MANG DU 'BYON PA DANG, SGRUB GNAS RNAMS LAM 'ONGS PA NA JI LTAR BYA BA'I LUNG BSTAN MDZAD PA DANG, BLA MA RIN PO CHE 'DI PA DON GYIS RGYAL TSAB TU BSKO BAR MDZAD PA SOGS GANG SA NAS YUN RING MI BZHUGS PA'I RTAGS BSTAN PA NA, BLA MA RIN PO CHE 'DI PAS 'JIGS SAR SKYEL MAS BOR PA 'DRA BA ZHIG MYUR DU 'ONG BAR 'DUG SNYAM DU DGONGS NAS CHU PO 'BRUG GI LO'I NANG DU SEMS BSKYED MCHOD BA BYUNG RAS KYI GSUNG BSHAD RNAMS ZIN BRIS SU MDZAD DE, SGRUB KHANG RIN PO CHE ZHING GZHAN DU GSHEGS PA'I THUGS 'DUN CHER MNGON PA'I TSE, SNGAR ZIN BRIS SU MDZAD PA'I GDAMS DAG RNAMS RJE DRUB PA'I DBANG PHYUG CHEN POR SPYAN 'BEGS ZHU RGYU PHUL NAS, BLAMS LONG BA THANG SKYUR 'DI 'DRA ZHIG MDZAD PAR 'DUG ,DE DUS RANG GI SNYING LA BCANG RGYU BLA MA'I SKU TSAB CIG DGOS PAR 'DUG BSAMS NAS GSUNG 'GA' ZHIG ZIN BRIS SU 'TA' PA 'DI LA BLA MAS PHYAG GIS BYIN RLABS SHIG GNANG DGOS ZHES GDUNG SHUGS

DRAG POS GSOL 'DEBS DANG BCAS TE GZIGS 'BUL ZHU RGYU BSNYUN G-YOG TSUL KHRIMS RGYAL MTSAN LA 'CHOL BAR MDZAD BAS, BLA MAS DE NAS SHOG BU KHA SHAS SHIG LJAGS KLOG GNANG NAS MTHAR THUGS SMON RGYA CHER SCAL TE, PHYAG MTHE PONG KER NAS 'DI 'DRA MO BYUNG 'DUG GSUNG ZHING RAB 'BYAMS PA BYAMS PA KHO SNYING RJE PO RANG YIN, ZHES GSUNGS BA ZHIG BYUNG, DE DUS RJE SGRUB KHANG PA'I MNAL LAM DU BLA MA RIN PO CHE 'DI PA LA 'PHRIN LAS RGYA CHEN 'OD BA GSAL POR SHAR BA BYUNG STE SGRUB KHANG RIN PO CHE'I MNAL LAM DU RAB 'BYAMS PA BYAMS PA 'DI DA'I PANG DU BZHAG PAS KHO RANG SDOD PA LA MTSER BO BYED 'DUG, 'ON KYANG KHO BA'I BANG DU BSDAD MA THAG NYI MA SHAR BA LTA BU'I 'OD ZER 'PHROS PAS MUN PA THAMS CAD SANGS SHING NAM MKHA'I KHAMS THAMS CAD KHYAB SONG BA ZHIG BYUNG, 'DI LEGS PO ZHIG 'OD BA 'DUG GSUNG BA ZHIG BYUNG, BLA MA RIN PO CHE 'DI PA THEG CHEN BSTAN PA'I SROG SHING DU 'GYUR BAR MKHYEN NAS RJE SGRUB KHANG BAS MGON PO PHYAG DRUG PA'I RJES GNANG ZHIG BLA MA RIN PO CHE 'DI BA LA CHED MDAGS SU STZAL, DE NAS SGRUB KHANG PA ZHING GSHEGS NAS DGONGS RDZOGS RNAMS RJE SGRUB KHANG BA'I DGONGS PA LTAR BSGRUBS TE DGONGS BA YONGS SU RDZOGS PAR MDZAD, DE NAS BLA MA RIN PO CHE DGUNG LO SO GSUM DU PHEBS PA SHING PO RTA'I LO NAS 'PHRIN LAS KYIS THOG MAR BYE STE SKAL LDAN GYI GDUL BYA 'GA' RES GSOL BA BTAB PA LTAR BE'U BUM SBON PO'I LUNG SOGS CHOS BKA' CI RIGS STZAL, DA NAS SNYAN GRAGS RJE RGYAS

, ,SU SONG STE DGUNG LO SO DRUG TU PHEBS BA BYA LO'I NANG DU YONGS KYI DGE BA'I BSHES GNYEN DAM PA DGA' LDAN KHRI RIN PO CHE BLO BZANG DAR RGYAS KYI BKAS BSKUL NAS, KHRI CHEN BLO BZANG DAR RGYAS NYID KYI SKU TSA BSOD NAMS RAB BRTAN LA ZHAL LUNG GI KHRID GNANG DAGS PAR GSOL BA BTAB PAS, RJE BTZUN BLA MA DAM PA 'DI NYID KYIS RE SHIG SKU MTSAMS MDZAD NAS BRTAG PA ZHIG MDZAD DE, SKABS SU BAB PA'I MTSAN MA BRTAN PO GZIGS NAS ZHAL GYIS BZHAS PA'I ZHU 'PHRIN 'BUL BAR MDZAD PAS, KHRI RIN PO CHE NAS LAN DU KHO BO BDE MCHOG L'U AI BA'I BDAG 'JUG LEN PA'I GSANG DBANG GI SKABS SU 'PHRIN YIG 'BYOR BYUNG BA GSANG DBANG GSUNG GI BYIN RLABS YIN PAS NYID KYI KHRID 'GRO DON CHEN PO YOD PA'I BRTEN 'BREL 'GRIG ,DES NA DA LAM LAM KHRID SHIN TU NAS THONGS, 'ON KYANG DGOS ZER TSAD LA BTANG NA CHOS GTZIGS CHUNG DU 'GRO BAS LO RE LA KHRID ZLA BA LONGS PA'I THONGS, ZHES GSUNGS PAS 'TSAMS SBYAR NAS, BYA LO SA GA ZLA BA'I CHES BRGYAD NAS BZUNG STE DBON CHUNG BSOD NAMS RAB BRTAN, BLA MA DKON MCHOG RDO RJE GNYIS KYIS GTZO BYAS PA'I SKAL LDAN GYI GDUL BYA DGE 'DUN BZHI BCU SKOR LA DUS GSUM RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID RGYAS PAR STZAL ZHING RJE RGYAL BA GNYIS PA'I BSTAN PA RIN PO CHE MI NUB PA'I CHOS KYI RGYAL MTSAN BTZUGS, CHOS KYI RNGA BO CHE

BRDUNGS TE 'DZIN MA'I KHYON MA LUS CHOS KYI SGRA DBYANGS KYAS KHYAB PAR MDZAD, DE'I SEMS BSKYED MCHOD PA'I SKABS CHAR CHEN BO ZHIG BABS PAS BLA MA RIN PO CHE 'DI PAS SKU TSE RI LA POR CHOS KYI CHAR 'BEBS PA'I RTEN 'BREL LAGS PAR 'GRIG ,DE DUS JUN SGAR NAS HONG THA' JIS DPUNG CHEN BTEG NAS LHA BZANG KHANG BCOM STE BOD LJONGS KHA LO BSGYUR BA'I SKABS DE YIN, JUN SGAR GYI SOG PO RNAMS KYIS BLA MA RIN PO CHE 'DI'I SNYAN GRAGS THOS NAS JUN SGAR DU GDAN 'DREN PA'I BKOD PA MANG DU BYAS KYANG RA DVAGS LA SHA BYIN PA LTAR SRID PA'I PHUN TSOGS LA 'JIGS SHING SKRAG PAR MDZAD NAS 'BYON DU MA BZHED, TSUL 'DI YANG LAM GYI GNAD SHES PA RNAMS KYIS BLTAS NA NGO MTSAR BA'I RNAM THAR TE, STOBS KYI 'KHOR LOS BSGYUR BA'I RGYAL PO'I BSNYEN BKUR LA'ANG DGA' BAR MI MDZAD CING 'GO BA'I NAD DANG DUG LTAR DU SGREG BAR MDZAD NA BSNYEN BKUR NGAN NGON LA CHAGS PA'I GO SKABS GA LA YOD, DA LTA BDAG DANG BDAG 'DRA BA'I CHOS BYED PHAL MO CHE BSNYEN BKUR NGAN NGON RE YANG BLOS MI THONGS PAR KHA GSAG GZHOGS SLONG GIS LOG 'TSO SGRUB PA'I NGANG TSUL 'DI LTAR NA BLA MA RIN PO CHE 'DI PA'I MDZAD PA 'DI NI DENG SANG GI SKYE BO BLO CHUNG DAG GIS RJES SU YI RANG TZAM YANG BYA DKA' BA'I RNAM THAR RO ,DUS DE NAS BZUNG STE BLA MA RIN PO CHE 'DIS DPYID DUS 'JAM DPAL ZHAL LUNG GI KHRID DANG, STON DUS BDE LAM GYI KHRID RE

, ,PHAL CHER 'CHAG MED DU GNANG, THOG MAR PHUR BU LCOG GI DGE SLONG RNAMS KYI 'DU KHANG DU SHONG TZAM DANG, DE NAS JE 'PHEL DU SONG STE PHYI'I KHYAMS DANG BCAS PAR SHONG CAS DANG, DE NAS 'PHRIN LAS JE RGYAS SU SONG STE DGE 'DUN MANG DU 'DUS BAN BOD KYI SRID SKYONG MI DBANG BSOD NAMS STOBS RGYAS KYIS CHOS GRVA CHEN MO GSAR BSKRUN MDZAD DE LO SHAS DER SHONG TZAM DANG, DE NAS 'DZAM BU GLING GIS SA'I CHA THAMS CAD NAS LAM KHRID DON DU GNYER BA LHAGS PA NA DER YANG MA SHONG BAR CHOS GRVA CHEN MO'I LTAG TU GTZANG KHANG GTOD, MDOR SGO MANG BZOS TE KHYAMS CHEN PO GTOD NAS DGE 'DUN STONG PHRAG BRGAL BA LA LO LTAR DBYID DUS ZLA BA GSUM PA'I TSES BRGYAD NAS BZHI PA'I TSES BDUN GYI BAR LAM KHRID 'JAM DPAL ZHAL LUNG TSES BRGYAD NYIN SEMS BSKYED MCHOD PA, TSES DGU NAS BCU GNYIS BAR LA 'DOD CHOS CI RIGS, TSES BCU GSUM LA THUGS RJE CHEN PO'I DBANG CHEN NAM RJES GNANG GANG RIGS, BCU BZHI DANG BCO LNGA GNYIS LA SMYUNG GNAS SBYOR GUG ,TSES BCO BRGYAD BCU DGU TZAM NAS BLA MED KYI DBANG CHEN THOB PA SHA STAG LA BDE GSANG 'JIGS GSUM GYI BSKYED RDZOGS GANG RIGS RE, STON DUS ZLA BA BRGYAD PA'I TSES BCO BRGYAD NAS GNAM GANG GI BAR LA BDE LAM GYI KHRID TSAR RE BCAS LO LTAR 'CHAG MDAG NANG ZHING, LAM KHRID KYI SKABS GZHUNG SA NAS SBYIN BDAG MDZAD DE, NYIN RER MANG JA BDUN DANG THUG PA GNYIS RE SEMS BSKYED MCHOD

BA'I SKABS BLA MA RIN PO CHER BRTAN BZHUGS RNAMS 'CHAG MED MDZAD, DPON PO YAB SRAS 'DAS NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSOS LHAG PAR BSNGAGS 'OS GZENGS BSTONG DU MDZAD DE, STON DPYID LAM KHRID LA 'DUS PA'I DGE 'DUN RNAMS LA BSNYEN BKUR GONG 'PHEL DANG, SEMS BSKYED KYI THOG MGRON GNYER RE CHED GNANG GIS BLA MA RIN PO CHER MAndAL SKU GSUNG THUGS RTEN, NA BZA' CHA TSANG, DNGOS BO SPAM MTHOB BCAS LO LTAR STZAL, BLA MA RIN PO CHE 'DI PAS CHAB MDOR PHEBS PA'I SKABS DANG, BYANG RA SGRENG DU PHEBS PA'I SKABS DANG, GTZANG DU PHEBS PA'I SKABS 'GA' ZHIG MA GTOGS DGUNG LO SUM CU SO DRUG NAS DGUNG LO BRGYAD CUR PHEBS PA'I BAR LAN KHRID 'CHAG MED DU GNANG STE 'JAM MGON BSTAN PA'I SROG SHING BZUNG, MDO PHYOGS KYI BSTAN PA'I SROG SHING BZUNG BAR MA ZAD SNGAGS KYI BSTAN PA'I SROG SHING YANG 'DZIN PAR MDZAD DE, BLA MA RIN PO CHE 'DI THOG MAR CHAB MDOR BZHUGS SKABS RGYAL BA 'PHAGS PA LHA LA RDO RJE 'JIGS BYED BCU GSUM MA'I DBANG CHEN GSAN, DE NAS RJE SGRUB KHANG PA LA RDO RJE 'JIGS BYED KYI SGRUB THABS KYI LUNG DANG BSKYED RDZOGS GNYIS KYI MAN DAG GSAN, KHRI RIN PO CHE BLO BZANG DAR RGYAS LA GSANG BA 'DUS PA LUGS GNYIS KYI DBANG SOGS RDO RJE PHRENG BA YONGS RDZOGS DANG, ZUR BKA' DBANG RJES GNANG MANG DU GSAN, GRUB PA'I DBANG PHYUG DON YOD MKHAS GRUB LA GSANG BA 'DUS PA'I DBANG SOGS DBANG MANG PO

, ,DANG; GSANG BA 'DUS PA DANG RDO RJE 'JIGS BYED GNYIS KYI BSKYED RDZOGS KYI ZAB KHRID RGYAS PA DANG, RIM LDAGS LA SGRON GYI GZABS BSHAD SOGS BSNGAGS KYI CHOS MTHA' YAS PA GSAN, GRUB PA'I DBANG PHYUG 'JAM DPAL RGYA MTSO 'AM, MTSAN GZHAN 'JAM DBYANGS BDE BA'I RDO RJE LA BDE MCHOG L'U AI PA'I BSKYED RDZOGS GNYIS KA'I MYONG KHRID, N'A RO MKHA' SPYOD MA'I DBANG DANG BSKYED RDZOGS SOGS CHOS MANG DU GSAN, RGYUD SMAD MKHAN PO MKHAS SHING GRUB PA NGAG DBANG MCHOG LDAN LA 'GREL BA BZHI SBRAGS SOGS CHOS MANG DU GSAN, YER PA'I BLA MA MKHAS GRUB PHUN TSOGS RGYA MTSO LA DRIL BU LUGS KYI PHYI NANG GNYIS KA'I DBANG DANG, DRIL BU LUS DKYIL GYI BSKYED RIM DANG RDZOGS RIM LNGA'I KHRID RNAMS GSAN, BYA BRAL BLO BZANG RIN CHEN LA MKHAS GRUB RIN PO CHE NAS BRGYUD PA'I KYEE RDOR LHA DGU'I DBANG GSAN, BLA MA BSOD NAMS BZANG PO LA RJE RIN PO CHE'I GSUNG 'BUM PHAL CHE BA SOGS MDO SNGAGS KYI CHOS MANG DU GSAN TE, JI LTAR GSAN BA LTAR GSANG BDE 'JIGS GSUM SOGS SNGAR DBANG GSAN PA'I YI DAM RNAMS KYI BSNYEN SGRUB MTHAR PHYIN BA MDZAD, BSKYED RDZOGS KYI MAN NGAG RNAMS THUGS NYAMS SU BZHES TE NUS PA THON PAR MDZAD NAS SKAL BA DANG LDAN PA GZHAN DAG LA'ANG RGYA CHER SPEL BAS BLA MA RIN PO CHE 'DI NYID 'PHRIN LAS CHER 'PHEL TE SKAL BA DANG LDAN PA MANG PO LA BYANG CHUB LAM GYI RIM PA'I KHRID YANG YANG GNANG, BAR SKABS SHIG

GRUB PA'I DBANG PHYUG DON YOD MKHAS GRUB LA DPAL GSANG BA 'DUS PA'I BSKYED RDZOGS KYI KHRID RNAMS LEGS PAR GSAN, DE'I TSE GDUL BYA GZHAN DAG LA CHOS GANG SHES RGYUD LA SBYOR DGOS SO ZHES 'DOMS PA'I PHYIR RANG RGYUD LA BSKUL MA 'DEBS PA'I GSUNG MGUR YANG 'DI LTAR MDZAD DE, NA MO GU RU, PHUL BYUNG YON TAN DANG LDAN PAS, ,KUN GYI SPYI GTZUG GIS MCHOD KYANG, ,NYAM CHUNG LA LHAG PAR BRTZE BA'I, ,BLA MA LA SNYING NAS 'DUD DO, ,RANG NYID LA RANG GIS BRTZE NA; ;RANG SEMS LA RANG GIS GROS 'DEBS, ,RANG MTSANG LA RANG GIS RGOL BA'I, ,RANG TSIG 'DI RANG GIS GSAN DANG, ,SNGON MTHA' MI MNGON PA'I 'KHOR BAR, ,'KHOR BA'I BDE 'BYOR KUN SPYOD KYANG, ,SAMS LA TSIM BA ZHIG MA BYUNG, , MI BZOD SDUG BSNGAL KUN MYONG YANG, ,DA DUNG THAR 'DOD CIG MA SKYES, ,LUS RTEN BGRANG YAS SHIG BLANGS KYANG, ,CHOS LDAN MI LUS SHIG MA THOB, ,BLANGS DOR MA NOR BAR STON PA'I, ,MTSAN LDAN BLA MA DANG MA MJAL, ,NGES BAR SRING ZHI LAS SGROL BA'I, ,THUB BSTAN CHOS SGO RU MA TSUD, ,DA RES STABS LEGS KYI DBANG GIS, ,DAL 'BYOR PHUN TSOGS 'DI THOB NAS, ,GZHON NU NAS RAB TU BYUNG STE, ,THUB BSTAN YONGS RDZOGS KYI BDAG BO, ,BSHES GNYEN DU MA DANG MJAL ZHING, ,MDO SNGAGS GZHUNG LUGS KYI SNYING PO, ,NGES 'BYUNG SEMS BSKYED DANG LTA BA, ,RIM GNYIS NYAMS LEN GYI GNAD RNAMS, ,PHYOGS 'GRO RE LEGS PAR GO DUS, ,GO YUL SEMS RGYUD DANG 'BREL PHYIR, ,MI RTAG SKYO SHAS KYIS BSKUL NAS, ,PHA

, ,YUL NYE DU DANG MDZA' GROGS, ,LTOS MED RGYANG BSKYUR CIG BYAS NAS, ,SPANG GSHONG RI SUL DANG SHING DRUNG, ,CHAGS MED DBEN GNAS KUN 'GRIM ZHING, ,ZAS GOS SROG 'CHO TZAM BRTEN NAS, ,LONG MED BRTZON 'GRUS SHIG RTZOM RAN, ,MDUN MA GTAN LEGS DANG GTAN NYES, ,DA RES TSE MJUG 'DIR THUG 'DUG ,LONG YOD SNYING KHAMS 'DI DOR NAS, ,ZHE BCAD SNYING RUS SHIG BSKYED RNA, ,DAM CHOS BYED 'DOD CIG YOD KYANG, ,'DI SNANG YENG YENG LA ZAD NAS, ,DAL 'BYOR STONG LOG LA CHA BAS, ,'PHRUL DU THAG CHOD CIG BYA RAN, ,CHU LA DBYU GU YIS BRIS 'DRA'I, ,'DI SNANG BLO BRID KUN DOR NAS, ,BLA MA'I GDAMS NGAG 'DI BSGOM RAN, ,SNOD BCUD MI RTAG CING MI BRTAN, , NAM MKHA'I 'JA' TSON DANG 'DRA BAR, ,HA CANG ZHEN PA 'DI DOR NAS, SNYING PO DAM CHOS SHIG BYA RAN, ,MTSAR SDUG LANG TSO DANG LDAN ZHING, ,NAD MED LONGS SPYOD KUN 'DZEM YANG, ,MA NGES GLO BUR DU 'CHI BAS, ,'DU 'DZI BTZAN CHOD DU SPONG RAN, ,'DZOM DUS KHA GSAG LA MKHAS PA'I, ,MDZA' GROGS BZHIN 'DZUM CAN MANG YANG, ,NA TSA DBUL PHONGS KYIS GDUNGS TSE, ,MI PHAN GROGS NGAN KUN 'DOR RAN, ,ZAS GOS SMAN BCOS KYIS BSKYANGS KYANG, ,NA TSA SDUG BSNGAL GYI 'BYUNG KHUNGS, ,MI GTZANG 'DOR NGES KYI LUS 'DI, ,'DOR TSE 'GYOD MED CIG BYA RAN, ,THABS TSUL SNA TSOGS KYIS BSGRUBS KYANG, ,GSOG BSRUNG SDUG BSNGAL DANG SDIG PAS, ,'DI PHYI GNYIS KA LA 'PHUNG BA'I, ,

NOR RDZAS 'CHING THAG 'DI GLOD RAN, ,'JIGS RUNG DUG SBRUL GYI TSANG 'DRA'I, ,SRID GSUM 'KHOR BA 'DI RGYU BCAS, ,DA RES BSLAB GSUM GYI NYAMS LEN, ,BRTZON PA SHUGS DRAG GIS SPONG RAN, ,BDE 'DOD SDUG BSNGAL LA 'JIGS KYANG, , DGE SPONG SDIG PA LA REM PA'I, ,BLANG DOR GO LOG GI PHA MA, ,SGROL 'DOD BYANG SEMS MCHOG BSKYED RAN, ,SNGON CHAD LAS RO LA SONG BA'I, ,'KHOR BA'I BYA BA LA BSAMS NA, ,BYA SLA DON CHEN GYI SPYOD PA, ,RGYAL SRAS RNAM THAR LA BSLAB RAN, , RGYU RKYEN SNA TSOGS KYIS BCOS PA'I, ,BCOS MA'I KUN RDZOB LA BLTOS TSE, ,RDZUN PA BDEN GRUB TU 'DZIN PA'I, ,G-YO CAN BDAG 'DZIN 'DI 'DUL RAN, ,GRANGS MED BSKAL BA LA MI BLTOS, ,SNYIGS DUS TSE THUNG GCIG KHO NAR, ,NGES PAR SANGS RGYAS NYID STER BA'I, ,GSANG SNGAGS ZAB LAM ZHIG SGOM RAN, ,SNANG BA GDONG 'DED KYI BAN CHUNG, ,DPON MED G-YOG MED KYI BLO BDE, ,DGRA MED GNYEN MED KYI YUL DU, ,RE MED DOGS MED CIG BYA RAN, ,BLO PHUGS DAM CHOS LA GTAD NAS, ,MI MED LUNG STONG LA GNAS PA'I, ,BLO 'GEL DKON MCHOG LA BYAS NAS, ,CHE GNYAN NGO 'DZIN GYIS CI BYED, ,DPANG PO RANG SEMS LA BCOL NAS, ,DGE SBYOR LA DO LKOG MED NA, ,MI MANG GI KHA LOG BYUNG YANG, ,'CHI DUS SU 'GYOD PA CI YOD, ,DAD PA SKYO SHAS GNYIS 'DRES NAS, ,SEMS RGYUD DAM CHOS DANG 'DRES NA, ,LTO GOS JI LTAR DU PHONGS KYANG, ,GZHAN 'BYOR LA SMON RGYU CI YOD, ,TSANG LAM NOR BA'I LAM MCHOG ,TSUL BZHIN SGRUB PA LA REM

, ,NA; ;NYAMS RTOGS YON TAN GYIS DBUL YANG, ,CHOS RDZU 'DI BYED DON CI YOD, ,DAL 'BYOR 'DI SHIN TU RNYED DKA', ,RNYED PA 'DI YUD TZAM MI RTAG ,PHYI MA 'DI SHUL RING YANG, ,'DI SNANG LA YENGS LONG MI 'DUG ,CUNG ZAD GZHUNG LUGS LA SBYANGS PA, ,TSE MJUG SGRUB BA LA BSGRIL BAR, ,BLA MA LHAS BYIN GYIS RLOBS SHIG ,CHOS SKYONG TSOS 'PHRIN LAS SGRUB MDZOD, ,CES SO, ,DE NAS SLAR YANG BLA MA DON YOD MKHAS GRUB LA YUN RING POR GSOL BA BTAB NAS ZLA BA GCIG DANG ZHAG NYI SHU'I RING LA GSANG CHEN RGYUD SDE'I SNYING PO'I BCUD BSDUS PA SNYIGS DUS KYI TSE THUNG GCIG LA ZUNG 'JUG SGRUB PA'I THABS RDO RJE 'CHANG DNGOS SU BYON YANG DE PHAN CHAD DU GSUNG DU MED PA'I MAN NGAG MTHAR THUG RIM LNGA GSAL SGRON GYI GZABS BSHAD GSAN, DE'I TSE GRUB DBANG DON YOD MKHAS GRUB RIN PO CHE NAS BLA MA RIN PO CHE 'DI CHOS GRVAR SENGGE'I KHRI LA BZHUGS SU GSOL NAS TSE DPAG MED KYI SKU DANG, ZHAL DKAR YU RING ZHOS GANG BA BCAS PHYAG TU PHUL NAS, RJE DON YOD MKHAS GRUB PA SKYA BCUN DU MA'I 'KHOR DANG BCAS PA LA, RGYAN 'JUG DANG RTZA SHE SPYOD 'JUG RNAMS KYI LUNG GSUNG BAR GSOL BA 'DEBS PAR MDZAD PA BZHIN RJE 'DIS KYANG LEGS PAR STZAL, RJE DON YOD MKHAS GRUB PAS 'KHOR RNAMS LA LUNG BZHI PO DE RNAMS LAS RANG RANG GIS JI LTAR 'DOD PA RE 'DON DGOS PA'I KHAS LEN SKOR BAR MDZAD NAS, RJE BTZUN BLA MA 'DI BSTAN PA YONGS SU RDZOGS PA'I MNGA' BDAG

CHOS KYI RGYAL SRID CHEN BOR MNGA' GSOL BAR MDZAD DO, ,DE NAS CHAB MDO 'PHAGS PA LHAS SPYAN DRANGS NAS CHAB MDOR PHEBS TE, RGYAL BA 'PHAGS BA LHAS GTZO MDZAD CHA BA MDO'I DGE 'DUN RNAMS LA LAM RIM GYI KHRID DANG, LAM RIM CHEN MO'I BSHAD LUNG DANG, 'GREL BA BZHI SBRAGS SOGS CHOS BKA' MTHA' YAS STZAL ZHING PHYOGS DE'I DAD LDAN MANG BOS DNGOS PO PHUL BA'I RIGS RNAMS LA BKA' DANG BSTAN BCOS KYI PU STA KA MANG PO GSER DNGUL LAS BZHENGS PAR MDZAD PA'I LHAG RNAMS 'BRAL CHAS SU MKHO BA 'GA' ZHIG MA GTOGS KHANG BA ZHIG TU BZHAG NAS LDE MIG RGYAL BA 'PHAGS PA LHA'I PHYAG TU PHUL TE, GZHUNG BZHI'I 'DON PA GRA RJE RGYAS SU MDZAD DE RGYAL BA'I BSTAN PA 'BA' ZHIG THUGS LA BRNAGS NAS SKAL BA DANG LDAN BDAG LA CHOS GNANG BA LAS ZANG ZING GI DNGOS PO GANG YANG BDAG GIR MI MDZAD BAR DANG RDZAS DANG GSHIN RDZAS CI BYUNG THAMS CAD CHUD MA ZOS PAR DGE PHYOGS SU GTONG BAR MDZAD PA 'DI 'DRA BA'I RNAM BAR THAR BA NI PHYI RABS KYI CHOS BYED RNAMS LA KHA YAR LTA'I MIG LTOS SU CHE ZHING SKYE BO PHAL CHER ZANG ZHING GI DNGOS PO 'BA' ZHIG DON DU GNYER BA'I DUS MTHA' 'DI 'DRA BAR 'DI LTA BU'I RNAM PAR THAR PA NI RGYAL BA'I BSTAN PA LA BYA BA BLA LHAG TU MDZAD PA'I RNAM BAR THAR BA'O, ,DE NAS YAR PHEBS TE PHUR BU LCOG NYID DU BSHAD SGRUB KYIS DUS 'DA' BAR MDZAD CING, BAR SKABS SHIG SNYIGS MA'I SKYE BO DAG GI SPYOD TSUL NGAN PA SNA TSOGS BYUNG BAS THUGS YID PHYUNG ZHING,

, ,SKYE BO GZHAN DAG LTA CI SMOS RGYAL BA'I BSTAN PA LA ZHUGS NAS MDO SNGAGS KYI GZHUNG CHEN MO RNAMS LA LEGS PAR SBYANGS PA'I MKHAS PAR RLOM PA PHAL MO CHE YANG TSE 'DI'I SNANG SHAS KYIS BSLUS NAS RNYED BKUR SNYAN GRAGS SGRUB PA LHUR LEN PA MANG PO ZHIG GZIGS PAS THUGS LHAG PAR SKYO NAS, RANG LA BSKUL BA'I TSUL DU GSUNG MGUR 'DI LTAR MDZAD DE, GNAS 'KHOR BA'I GNAS TSUL SNYING NAS DRAN, ,MA DRIN CAN BLO YI PHUG TU BCUG ,LAM THABS SHES ZUNG 'BREL NYAMS LEN LAS, ,DUS NAM YANG G-YO MED BLA MAR 'DUD, ,KYE NYON DANG CHOL CHUNG 'GAL 'DU MKHAN, ,MING BLA MA DGE BSHES DGE SLONG ZER, ,LUS DGE SBYONG CHA LUGS MTSAR POS BRGYAN, , GNAS DBEN PAR 'DUG KHYOD BSAM BLO THONGS, ,KHYOD BYUNG NA BSU ZHING SONG NA SKYEL, ,KHYOD 'DUG NA GDAN 'DING RNYED BKUR 'BUL, ,PHAR CHOS 'CHAD SKYABS 'JUG PHYAG DBANG STER, ,KHYOD RANG TSOD BZUNG LA RANG LAM TSOL, ,RGYUD GONG MAR GYUR LA BLA MA ZER, ,GZHAN DGE BAR SBYOR LA DGE BSHES ZER, ,LAM LEGS PAR 'TSOL LA DGE SLONG ZER, ,SEMS 'DOD SRED SPONG PHYIR DUR SMRIG GYON, ,CHOS RTZE GCIG SGRUB PHYIR DBEN PA BSTEN ,DON DE RNAMS RANG LA TSANG BA'I PHYIR, ,MI RANG LA RANG GIS MA BSKUL NA, ,MING BLA MA YON TAN 'DREBS CHUNG, ,MING DGE BSHES BYED SBYONG KHYIM PA DNGOS, ,MING DGE SLONG SPYOD PA KHYI PHAG 'DRA, ,PHYI DGRA BCOM NANG DON NYON MONGS MTSO, ,KHYOD PHYI NANG MI

MTSUNGS BRTAG DKA' BAS, ,KUN 'KHRUL NAS KHYOD LA RE 'CHAB YANG, ,PHYOD SNGON BZHIN KUN SPYOD 'DI BSTEN NA, ,MING BLA MA ZER YANG TSOM RKUN PA, ,MING DGE BSHES ZER YANG SDIG PA'I GROGS, ,MING DGE SLONG ZER YANG MI NAG PA, , LUS SER GOS GYON YANG WA SKYES 'DRA, ,GNAS DBEN PAR 'DUG KYANG SPYANG KYI 'DRA, ,KHYOD PA LA CHER KHYI RKUN LTAR 'KHYAMS NAS, ,MI DRAG GZHAN DU MA'I SAR BYIN TE, ,THABS KHA GSAG GZHOGS SLONG SNA TSOGS GYIS, ,ZAS RNYED BA CUNG ZANG BYUNG BA RNAMS, ,GNAS DBEN BAR DGA' 'DUS BAG MAD SPYOD, ,GROGS TSANG SPYOD SKYON DANG CHAGS SDANG GTAM, ,DUS NYIN MTSAN THUN MTSAMS 'DAS 'DAS SMRA, ,SEMS 'DOD YON MYOS CHUS MYOS PA'I MTHUS, ,LUS BYA MIN SPYOD LA NGO TSE MED, ,NGAG BTZOG GTAM SMRA LA NGO TSA MED, ,SEMS TSUL MIN YID BYED GNYEN PO MED, ,LAS RGYU 'BRAS BSAMS NAS 'DZEM 'DOD MED, ,RANG KHAS BLANGS DRAN NAS SDOM SEMS MED, ,RJE BLA MA'I DRUNG DU GNONG SEMS MAD, ,GROGS TSANGS SPYOD 'DUS KYANG KHREL GZHUNG MAD, ,RANG CHOS LA BSKUL YANG NYAN 'DOD MED, ,MI RANG LA RANG GIS SHA TSA MED, ,CHOS BLANG DOR SHES PA'I SHES RAB MED, ,MAR 'KHOR BA'I GNAS LA SKYO BA MED, , YAR THAR PA'I GO 'PHANG THOB 'DOD MED, ,MA SEMS CAN KUN LA SNYING RJE MED, ,MED BCU GSUM 'DZOMS LA SANGS RGYAS MED, ,DER MA ZAD THAR PA'I GO 'PHANG MED, ,DER MA ZAD PHYI MA MTHO RIS MED, ,DER MA ZAD TSE 'DI'I MI CHOS MED, ,

, ,YOD DGOS PA GCIG KYANG MED BZHIN DU, ,KUN 'DZOM PA'I MKHAS BTZUN BZANG PO'I GRAR, ,SNYEGS NUS PA AE MA'O NGO MTSAR CHE, ,TSE BLOS BTANG THAR BDON GNYER GRAR, ,'TSANG NUS PA AE MA'O NGO MTSAR CHE; ;RGYUD SNGON GSUM LDAN PA'I RAB BYUNG GRAR, ,'DUG NUS PA AE MA'O NGO MTSAR CHE, ,KHYOD 'BRAS BU MED PA'I PHRED YAG ,KHONG LO YAGS SNYE MA'I GRAR CHUD MTSAR, ,ZHES SO, ,DE NAS GSUNG NGAG BCAD DE ZLA BA MANG PO'I BAR LA SGROL DKAR YID BZHIN 'KHOR LO'I BSNYEN MTSAMS LA BZHUGS PAS NYAMS RTOGS LHAG PAR 'PHEL ZHING THUGS RAB LHAG PAR RGYAS TE GZHUNG LUGS KYI DON GANG DANG GANG LA'ANG BLO GROS KU SHA'I RTZE LTAR RNO ZHING PHRA BAS DON GYI GTING DPOG NUS BA DANG RANG DANG GZHAN GYI TSE RABS MANG PO DRAN PA DANG, LHAG PAR SNYIGS MA'I DUS SU MI DGE BA'I BDAG 'BRAS BDO BAS LOG SKYOD 'BYUNG 'GYUR MANG PO'ANG MKHYEN NAS GSUNG MGUR 'DI LTAR MDZAD DE, AOm SVASTI, SEMS BSKYED RTZAB DMIGS MED SNYING RJE'I CHUS, ,YANG YANG BRLAN PAS THABS SHES YAL 'DAB RGYAS, ,DON GNYIS MTHAR PHYIN 'BRAS BUR RAB BRJID PA'I, ,THUB DBANG DPAG BSAM LJON PA RGYAL GYUR CIG ,GANG GIS LEGS GSUNGS MDO SNGAGS CHOS KYI ROS, ,LEGS PAR TSIM PA'I DGA' BAS LEGS BSHAD GLU, ,CI YANG LEN PA KLU SGRUB THOGS MED SOGS, ,GNYIS SKYES MANG POS 'PHAGS YUL SKYED TSAL GANG, ,RING MO ZHIG NA CHOS RGYAL LO PAn SOGS, ,

SMON LAM MTHU LDAN DED DPON BRGYA PHRAG GIS, ,RGYA GAR DAM CHOS RIN CHEN 'BYUNG GNAS NAS, ,BSHAD SGRUB DBANG GI RGYAL BO BOD DU BLANGS, ,CHOS SRID 'BYOR BA SRID PA'I MIG 'BAR BAS, ,GANGS CAN LJONGS 'DI'I RGUD PA'I MUN KUN BSAL, ,DE NYID GLANG DAR SGRA GCAN BRLANGS KYIS, ,PHYOGS 'DI'I 'GRO LA YUN RING SNANG MA GYUR, ,DE NAS BYANG CHUB 'OD KYI SMON LAM DANG, ,'GRO 'DI'I SPYI MTHUN BSOD NAMS RGYA MTSO LAS, ,AA TI SHA DANG RGYAL BA'I 'BYUNG GNAS KYI; ;NYI ZLA ZUNG GCIG THUB BSTAN RGYAN DU GYUR, ,THUB BSTAN RGYA MTSOR CI DGAR LONGS SPYOD PA'I, ,KHRIMS LDAN DUR SMRIG 'DZIN PA'I NGANG PA KHYU, ,THABS SHES GSHOG YANGS DKAR PO'I GAR MANG BSGYUR, ,SLAR YANG DE NYID CUNG ZAD 'GRIB PA'I TSE, ,BLO BZANG DKYIL 'KHOR GRAGS PA'I GZI BRJID 'BAR, ,GANGS CAN SKYE 'GRO'I LEGS BYAS SHAR RI'I RTZER, ,'PHAGS NAS THUB BSTAN PAD TSAL RGYAS PA'I CHE, ,PHYOGS MED MKHAS PA'I RKANG DRUG GSHOG RTZAL 'GRAN, ,MAN NGAG SGRANG RTZIS MYOS NAS LEGS BSHAD KYI, ,GLU DBYANGS 'GYUR KHUG STONG PHRAG 'THEN BA NA, ,MDO SNGAGS DGONGS 'GREL TSIG GI 'DAB BRGYA RGOD, ,DON GYI GSER SO PHRENG NGOM BA BZHIN, ,RGYAL BA GNYIS BA'I LUGS BZANG LUS PHRA MA'I, ,BSHAD SGRUB LANG TSO DAR LA BAB PA YIS, ,MKHAS MANG YID KYI BRTAN PA NYAMS BYAS PAS, ,YUN RING 'KHOR LO GSUM GYI RTZONG 'JOS BREL, ,DAM BA'I RING LUGS DBYAR DUS ZAD PA

, ,NA; ;MI BZAD SNYIGS MA'I GRANG REG CHER G-YOS TE, ,BSRE BSLAD BRAL BA'I BSHAD SGRUB 'DAB BRGYAB, ,SKAD CIG NYID LA MOG POR BYAS PAS SKYO, ,KHA BSHAD LTA BA MTHON PO'I MKHAR 'PHAGS KYANG, ,BLO GROS 'KHYOG PO RDZUN GYIR RI CAN, ,SNGAGS PAR RLOM PA TSES PA'I CHU SHEL GYIS, ,MKHAS PA'I GSUNG RAB PAD DKAR 'DAB BRGYA ZUM, ,SANGS RGYAS RANG LA YOD PA'I KHA PO DANG, ,NYON MONGS MA SPANGS 'TSANG RGYA'I GDAMS NGAG GIS, ,SNGAGS BSKYUR DAD CAN RNAMS SPOBS PA DANG, ,BLUN PO DAD LDAN BSLU BA MNYAM DU BYAS, ,SKAD CIG SEMS NGO 'PHROD PA'I SNYAN RGYUD 'DIS, ,RGYA CHEN MDO SNGAGS GZHUNG DANG SHES RAB MIG ,THAR 'DOD KUN LA MI MKHO'I CHOS LUGS DANG, ,THOS BSAM SGOM PA 'DOR BA LHAN CIG BYAS, ,HA CANG TSIG LA ZHEN PA'I GO RGYA DANG, ,TSIG GI RGYAL PHAM RTZOD PA'I THOS PA 'DIS, ,BLO SNA NANG DU BKUG PA'I NYAMS LEN DANG, ,SNGAR BSAGS DGE RTZA 'JOMS PA MNYAM DU BYAS, ,'DAG SBYAR MTSAMS NAS 'JIG RTEN PHO RUS DANG, 'DI BYA 'DI BYAS SEMS PA'I BLO NGAN 'DIS, ,PHYI MA NGAN 'GRO'I RGYU TSOGS BSGRUB PA DANG, ,'DI PHYI GNYIS KA MED PA CHABS CIG BYAS, ,NGAM CHOS DAR BA'I MI YI GTZO BO RNAMS, ,KHREL MED GDOL PA'I SPYOD PA BYED PA 'DIS, ,GSHAN PA GDOL PA LAS KA MED PA DANG, ,RANG GZHAN GNYIS

KA PUNG BA DUS GCIG BYAS, ,BSAM NGAN GDUG PA'I CHANG GIS MYONG GYUR CING, ,DAM BAS SMAD PA'I SNA ZHAGS RING SKYONG BA, ,DKAR DANG SER BA'I GNYIS 'THUNG MANG PO YIS, ,'GRO BA'I BDE SKYID PAD TSAL LHAG MED BYAS, ,SGOM PA SRID RTZE'I SNYOM 'JUG THOB GYUR KYANG, ,SLAR YANG 'OG MA'I SEMS SU LHUNG BAS SKYO, ,BSAM BA RIG PA'I GNAS LDAR MKHAS GYUR KYANG, ,DUD 'GRO JI BZHIN TSE 'DIR ZHEN PAS SKYO, ,THOS BA GZHUNG LUGS 'BUM PHRAG NGAG BTON KYANG, ,RGYAL PO GDUG PA'I GROS DPON BYED PAS SKYO, ,'KHOR BA'I BDE 'BYOR JI LTAR PHUN TSOGS KYANG, ,THA MA NGES PAR RGUD PAS 'JOMS PAS SKYO, ,GSON PA 'CHI BAS NGES PAR 'JOMS PA DANG, ,LANG CHO RTA BAS NGES PAR 'JOMS PAS SKYO, ,NAD MED NGES PAR NAD KYIS 'JOMS PA DANG, ,'DUS PA NGES PAR SO SOR 'BRAL BAS SKYO, ,MTHON PO DMA' POR NGES BAR LHUNG BA DANG, ,'BYOR PA THAMS CAD NGES PAR 'DOR BAS SKYO, ,PHAN GNOD GANG LA'ANG YID BRTAN MED PA DANG, ,'DOD PA BRTEN PAS TSIM PA MED PAS SKYO, ,LA LA DGA' BZHIN SDUG BSNGAL RGYU LA 'JUG ,LA LA SDUG BZHIN DBANG MED MNAR BAS SKYO; ;KUN KYANG BDE BDOD MI DGE SBYOD PA DANG, ,SDUG BSNGAL MI 'DOD GE BA SPANGS PAS SKYO, ,MDOR NA 'GRO BA'I MGON PO'I GSUNG RAB LAS, ,'KHOR BA'I GNAS TSUL JI LTAR GSUNGS PA BZHIN, ,'KHRUL MED MNGON

, ,SUM MTHONG BAS SKYO BA DANG, ,THUB PA'I GSUNG LA YID CHES CUNG ZAD RNYED, ,BLUN PO RMONGS PA CHOS RGYUS MED PA DANG, ,CHES DRED KHENGS PAS 'GYING LA CI CHA YOD, ,KHO BO SNGON BSAGS DGE BAS DAL 'BYOR THOB, ,RGYUD LDAN DAM BA MANG POS RJES SU BZUNG, ,MDO SNGAGS MAN NGAG THUGS KYI NYING KHUS GSOS, ,GNAS DANG GROGS SOGS CHOS KYI MTHUN RKYEN TSENG, ,DE PHYIR MNOG CHUNG TSE 'DI'I MDUN MA DOR, , SNA THAG MI LAG MA SHOR RANG GIS 'DZIN, ,LTO GOS MTHA' GNYIS MA LHUR DBEN GNAS 'GRIMS, ,G-YENG MED BLA MA'I MAN NGAG NGOMS PAR SPYOD, ,SKYO SHAS KHRI SNYAN SA LE'I PAGS STENG NA, ,KHREL YOD NGO TSA'I KYI SHIG GYON ZHING, ,SKYABS GNAS DKON MCHOG GSUM GYI THOR COG BCINGS, ,TSAD MED BZHI YI MIG RTZA DMAR 'KHRUG CING, ,TSANGS SPYOD ZHI DUL AAG TSOM RING BOS BRJID, ,LHA BZHI'I TSANGS SKUD DKAR PO LUS LA 'CHANG, ,SDE SNOD GSUM GYI GSANG TSIG NGAG NAS 'DON, ,BSLAB GSUM BDUD RTZIS SEMS KYI RIL BA BKANGS, ,BDAG GZHAN MNYAN BRJE'I THAB KHUNG DKAR PO'I NANG, ,MTHA' BRAL LTA BA'I ME LCE 'BAR BA'I DBUS, ,RANG NYID GCES PAR 'DZIN PA'I BUD SHING DANG, ,'JIG LTA'I MAR KHU LHAG MED BSREG LA BRTZON, ,BKA' GDAMS BRAM ZAG GTZANG MA'I RNAM THAR LA, ,GNYIS SKYES PHRA MO BDAG

KYANG LHAG BAR MOS, ,SKYABS GNAS DKON MCHOG GSUM GYI THUGS RJE YIS, ,RNAM THAR 'DI 'DRAS TSE MTHAR PHYIN PAR SHOG ,DAM PA'I RNAM THAR TSUL BZHIN BSKYANGS PA'I MTHAR, ,YUN RING 'GROGS PA'I GROGS BZANG LUS SEMS GNYIS, ,MA RUNGS 'CHI BDAG PHRA MAS PHYE BA'I TSE, ,DE YI MOD LA SEMS KYI GZHON NU YIS, ,DE LA MI 'DOD MED PAR DGA' BZHIN DU, ,SMON LAM TSUL KHRIMS BZHON PA LA ROL TE, ,MI PHAM RGYAL BA'I MDUN SAR LEGS BGROD DE, ,RGYAL SRAS MTHU CHEN RNAMS DANG LHAN CIG TU, ,THEG MCHOG CHOS KYI DGA' STON MYONG BAR SHOG ,ZHING KHAMS BYE BAR RGYAL RNAMS BLTA BA DANG, ,NGO MTSAR MCHOD PA RGYA MTSOS MCHOD PA DANG, ,SEMS CAN RGYA MTSO SMIN PAR BYA BA'I PHYIR, ,DPAG MED LUS KYI BKOD PA STON PAR SHOG ,TSOGS GNYIS RGYA MTSO'I PHA MTHAR PHYIN PA NA, ,YON TAN RGYA MTSO RGYAL BA SRAS BCAS KYI; ;MDZAD PA RGYA MTSO BYE BRAG JI SNYED PA, ,BSKAL PA RGYA MTSOR BDAG GIS SBYOD PAR SHOG ,RNAM DPYOD DNGUL DKAR ME LONG YANGS PA'I NGOS, ,KUN KYANG CHOS KYI BZHIN RAS GSAL BA 'DI, , SNGON BSAGS RNAM DKAR BZANG PO'I BYED LAS DANG, ,YONGS 'DZIN GSUNG GIS BYI DOR BYAS PA'I MTHUS, ,ME MO LUG LO HOR ZLA BCU GCIG PAR, ,SMRA BCAD MTSAMS NGOS YID BZHIN 'KHOR

, ,LO LA, ,GSOL BA BTAB TSE SEMS LA SHAR BA BZHIN, ,MEE TRI'I MING GES PHUR BU LCOG TU BRIS, ,ZHES SO, ,DE NAS BLA MA RIN PO CHE NYID DGUNG LO LNGA BCUR PHEBS PA LCAGS MO PHAG GI LO GTZANG DU PHEBS NAS PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO ZHAL MJAL, MAndAL PHUL TE ZHABS PAD YUN DU BRTAN PA'I GSOL 'DEBS MDZAD, DE'I TSE PAn CHEN THAMS CAD MKHYEN PA CHEN POS BLA MA RIN PO CHE 'DI LA THUGS DGYES PA CHEN POS GRA SA 'DI'I DGE 'DUN CHOS DON GNYER CAN RNAMS LA LAM RIM CHEN MO'I BSHAD LUNG ZHIG MDZOD CES BKAS BSKUL TE BLA MA RIN PO CHE 'DIS BDE LEGS KHANG GSAR DU DGE 'DUN LNGA BRGYA SKOR LA LAM RIM GYI KHRID DANG, LAM RIM CHEN MO'I BSHAD LUNG RGYAS BA ZHIG MDZAD, DE NAS SNAR THANG DU PHEBS SNAR THANG GI DGE 'DUN RNAMS LA'ANG CHOS KYI BDUD RTZI STZAL ZHING SNAR THANG GI 'DU KHANG CHEN MOR GLO BUR DU KA BA ZHIG GI MDUN DU DAM BCA' 'JOG MKHAN GZHAN ZHIG YOD PA LTAR DU BZHENGS TE BGRO GLENG GTONG BAR MDZAD, 'KHOR GSUM BSKOR ZHING LUNG RIGS KYI NGA RO CHES CHER BSGRAGS TE THAL SKAD KYANG CHES CHER 'DON PAR MDZAD, ,DER 'KHOD PA'I SKYE

BO RNAMS NI NGO MTSAR ZHING RTZED MO'I 'DU SHES KYIS GAD MO BYED PA LAS RGYU MCHEN GZHAN GANG YANG MA BSAMS, DUS PHYIS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES KYIS BLA MA RIN PO CHES SNGA SOR SNANG THANG DU PHEBS DUS DE 'DRA MDZAD 'DUG PA DE CI YIN ZHUS PAR BLA MA RIN PO CHE 'DI PA'I ZHAL NAS DE DUS 'DUL BA 'DZIN PA'I NYAMS SHIG SHAR NAS DE LTAR BYAS BA YIN GSUNGS BYUNG ZHES PAn CHEN THAMS CAD MKHYEN PA CHEN PO'I ZHAL LAS BDAG GIS DNGOS SU THOS SO, ,DE YANG BLA MA RIN PO CHE 'DI PA LA BKRA SHIS LHUN PO'I DGE 'DUN RNAMS LHAG BAR DAD ZHEN CHE BA ZHIG BYED PA DE LA 'GA' ZHIG GIS 'DI CI YIN SNYAM DU BRTAGS PA NA, DGE BA'I BSHES GNYEN 'GA' ZHIG GIS BLA MA RIN PO CHE 'DI 'DUL 'DZIN BLO GROS SBAS PA DANG THUGS RGYUD GCIG CING 'DUL 'DZIN BLO GROS SBAS BA NI RJE DGE 'DUN GRUB KYI SRAS KYI THU BO BKRA SHIS LHUN BO'I DGON GNAS THOG MAR 'DEBS PA DANG, DGON GNAS BTAB NAS DGE 'DUN GYI SDE SKYONG BA DANG, RJE DGE 'DUN GRUB ZHING GSHEGS NAS KYANG DGONGS RDZOGS DANG DGE 'DUN GYI SDE MI NYAMS PAR SKYONG BA'I ZHAL BKOD MDZAD BA SOGS DGON GNAS 'DI LA BKA' DRIN ZLA

, ,MED DU CHE BA ZHIG YIN PAS DGON GNAS 'DI'I GRVA PA RNAMS PAn CHEN THAMS CAD MKHYEN PA MA GTOGS GZHAN SU BYUNG LA MGO MI GTOD PA ZHIG YIN PA LA BLA MA RIN PO CHE 'DI BA LA DAD GUS LHAG PAR CHE BA 'DI DE'I RTEN 'BREL GYI YIN ZHES GLENG BA BYUNG STE, DE NI 'DI LTAR DON LA GNAS SAM SNYAMS TE, BLA MA RIN PO CHE 'DI NYID KYIS PAn CHEN THAMS CAD MKHYEN PA LA DE LTAR GSUNGS PA DANG, DUS RGYUN DU'ANG BYANG SEMS 'DUL DKAR BAS 'DI LTAR MDZAD CES 'DUL 'DZIN BLO GROS SBAS PA'I MDZAD PA RNAMS THUGS RGYUS SHIN TU ZHIB PA ZHIG YOD PA LTAR GSUNG BA YANG DANG YANG DU THOS SO, ,DE NAS DGUNG LO LNGA BCU NGA GNYIS SU PHEBS PA CHU MO GLANG GI LO MI DBANG BSOD NAMS STOBS RGYAS KYIS BLA MA DON YOD MKHAS GRUB LA LAM RIM CHEN MO'I BSHAD LUNG GI GSOL BA BTAB STE LHA LDAN RGYUD KHANG LCANG LO CAN DU PHYOGS 'DUS KYI DGE 'DUN BRGYAD BRGYA SKOR LA LAM RAM CHEN MO'I BSHAD LUNG GNANG BA'I TSE BLA MA DON YOD MKHAS GRUB RIN PO CHES GUNG YOL NAS NYI RGAS KYI BAR LA LAM RIM CHEN MO'I BSHAD LUNG GNANG, DE SKABS BLA MA RIN PO CHE 'DI PA'ANG PHEBS NAS SNGA DRO'I CHI LA BLA MA RIN PO CHE 'DI PAS RMI RUR LAM RIM BDE LAM GYI KHRID DANG, ZHAL LUNG GI KHRID DANG, BLO SBYONG GI KHRID SOGS BLA MA MKHAS GRUB RIN PO CHE'I BSHAD LUNG MA RDZOGS KYI BAR SNGA DRO'I CHAR CHOS BKA' RGYA CHER STZAL,

DA NAS BLA MA RIN PO CHE 'DI BA DGUNG LO LNGA BCU NGA GSUM DU PHEBS PA SHING PHO STAG GI LO GTZANG DU PHEBS TE PAn CHEN THAMS CAD MKHYEN PA RJE BTZUN BLO BZANG YE SHES LA BRTAN BZHUGS 'BUL BAR MDZAD, DE'I TSE PAn CHEN THAMS CAD MKHYEN PA CHEN POS BLA MA RIN PO CHE 'DI PA LA KHYED RANG LA 'DI KHA'I DGE 'DUN RNAMS DAD MOS CHE BAR 'DUG PAS LAM RIM GYI KHRID CIG GNANG BAR MDZOD, CHOS MTHO MTHO ZAB ZAB MANG PO LAS GDUL BYA BLO MTHO DMA' THAMS CAD LA CHOS LAM RIM 'DI RANG PHAN CHE ZHES BKA' STZAL, BLA MA RIN PO CHES KYANG PAn CHEN THAMS CAD MKHYEN PA'I BKA' BZHIN ZLA BA DRUG PA'I TSES BZHI NAS BDUN PA'I TSES BZHI'I BAR ZLA BA GCIG GI RING BDAG CAG DAD LDAN LNGA BRGYA SKOR LA LAM RIM BDE LAM GYI KHRID RGYAS PA DANG, DE NAS LAM RIM CHEN MO'I BSHAD LUNG DANG DGA' LDAN LHA BRGYA MA'I KHRID SOGS CHOS MANG DU STZAL CING GZHUNG LUGS LA SBYONG BA'I BLO GSAR BA RNAMS LA RJE BTZUN SGROL MA'I RJES GNANG ZHIG DGYES BZHIN STZAL, LAM KHRID GRUB PA'I SEMS BSKYED MCHOD PA'I NYIN DGE 'DUN GYIS STONG TZAM TSOGS TE STENG 'OG BAR GSUM THAMS CAD DGE 'DUN GYIS GANG BAS SEMS BSKYED RGYAS PA GNANG BAR ME TOG GI CHAR CHEN PO BABS BA SOGS NGO MTSAR BA'I LTAS BSAM GYIS MI KHYAB PA BYUNG, DE'I TSE DON GNYER CAN 'GA' ZHIG GIS BLA MA MCHOD PA'I KHRID CIG ZHUS PA NA DBANG CHEN THOB BA RNAMS LA GNANG RTZIS KYIS TSOMS CHEN DU GRA BSGRIGS KYANG DGE

, ,'DUN THAMS CAD 'UR LANGS KYIS BKAG MA THUB PAR BDE LEGS KHANG GSAR GYI PHYI'I KHYAMS GANG BA NA BLA MA RAN PO CHE'I BZHUGS GDAN YANG RAB GSAL NAS PHYIR 'PHANGS TE PHYI'I KHYAMS SU BZHUGS KHRI BA SHAMS NAS BLA MA MCHOD PA'I KHRID GNANG, DE'I TSE 'DI LTAR GSUNG STE BLA MA MCHOD PA BDE STONG DBYER MED MA 'DI NI SPYIR MDO SNGAGS GNYIS KA'I LAM GYI GNAD TSAD BA DANG, LHAG BAR BLA MED KYI BSKYED RDZOGS GNYIS KA'I LAM GYI GNAD TSANG BA YIN PAS SNGAGS KYI DBANG CHEN MA THOB PA LA BSHAD MI RUNG YANG KHYED CAG DGE 'DUN RNAMS 'DI TZAM GYI DAD PA CHE BA MDZAD NA NGAS BLA MA MCHOD PA'I KHRID LEGS PAR BTANG, KHYED RNAMS LA PHAN THOGS NA NGA SNOD MIN LA GSANG BA BSHAD PAS DMYAL BAR SHOR YANG BZOD GSUNG STE, TSUL 'DI NI THUGS BYANG CHUB SEMS KYI DBANG DU GYUR BA'I RNAM THAR YIN PAS SHIN TU NGO MTSAR RO, ,RANG GI DON DU THAR PA'ANG BDE PA'ANG MI BZHED LA, SEMS CAN GYI DON DU 'GYUR NA DMYAL BA'I ME NANG DU'ANG 'JUG PAR SPRO BA NI RGYAL SRAS BDAG NYID CHEN PO'I SNYING STOBS BLA NA MED PA STE, TSUL 'DIS BLA MA RIN PO CHE'I THUGS RGYUD LA BYAMS SNYING RJE BYANG CHUB KYI SEMS RLABS PO CHE BLO CHUNG RNAMS KYIS RJES SU YI RANG TZAM YANG BYA BAR DKA' BA YOD PA 'BRAS BU'I RTAGS KYIS SHES PAR BYAS LA RGYAL BA DGYES PA'I LAM LA SLOB PAR 'DOD PA RNAMS KYIS BLA MA RIN PO CHE 'DI'I MDZAD BA BZANG PO

'DI DAG LA SNYING NAS MOS PAR BYA'O, ,DE NAS DBUS SU PHEBS TE SNGAR RGYUN LTAR PHUR BU LCOG TU DBYAR DGUN GNYIS SKU MTSAMS DANG STON DBYID GNYIS SU SKAL BA DANG LDAN BA BGRANG BA LA 'DAS PA LA RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA RGYA CHER SPEL BAR MDZAD DO, ,DE SKABS BOD KYI SRID SKYONG MI'I DBANG POS BLA MA RIN PO CHE 'DI PA GANGS CAN MKHAS PA KUN GYI GTZUG RGYAN DU GYUR PA YIN GSHIS DGA' LDAN GYI GSER KHRIR PHEBS DGOS SO ZHES ZHU BA MDZAD KYANG BLA MA RIN PO CHE 'DI PA NI CHEN PO'I GO SA GTAN NAS MI BZHED PAS ZHAL GYIS BZHES PAR MA MDZAD DER MA ZAD PHYOGS MTHA' DAG NAS DAD LDAN RNAMS ZHABS DRUNG DU 'DU BAS 'PHRAL GYI GSOL CHAS KYI THEBS RE BZHES NA ZHES ZHU BA MANG DU BYUNG YANG GANG YANG BZHES PAR MA MDZAD CING, SKU TSE RIL POR BKA' GDAMS SKU MCHED GSUM RGYAL BA DBEN SA PA CHEN PO SOGS SNGON BYON DAM PA'I RNAM THAR SKYONG BAR BZHED PA LAS ZHING ROL GANG YANG 'DEBS BAR MI MDZAD CING, DNGUL SKAR MA GANG DANG SMAN RTZE KHA GANG YAN CHAD KYI TSONG DANG BUN SKYED SOGS MDZAD PA BDAG CAG DNGOS KYI GDUL BYA SUS KYANG MTHONG BA MED CING DAD PA CAN GYIS PHUL BA'I RDZAS GANG BYUNG THAMS CAD TSUNG MA ZOS PAR DKON MCHOG GI MCHOD PA DANG DGE 'DUN GYI BSNYEN BKUR SKU GSUNG THUGS RTEN BZHENG BA SOGS DGE PHYOGS KHO GNAR GTONG BAR MDZAD, DE NAS PAn CHEN THAMS CAD MKHYEN PA RJE BTZUN BLO BZANG YE SHES ZHING

, ,GSHEGS NAS MCHOG GI SPRUL SKU PHEBS PA NA PAn CHEN MCHOG GI SPRUL PA'I SKU'I MJAL KHAR BKRA SHIS LHUN POR PHEBS SHING, DE DUS KYANG BKRA SHIS LHUN PO'I DGE 'DUN RNAMS LA BLO SBYONG DON BDUN MA'I KHRID RGYAS PA SOGS CHOS MANG DU STZAL, BLA BRANG NAS GSOL BA BTAB STE PAn CHEN MCHOG GI SPRUL PA'I SKU LA TSE DBANG DANG BYABS BSRUNG 'JIGS BYED BDUD LAS RNAM RGYAL GYI DBANG CHEN SOGS CHOS MANG DU 'BUL BAR MDZAD, RGYAL DBANG THAMS CAD MKHYEN PA RJE BTZUN BLO BZANG BSKAL BZANG RGYA MTSOS KYANG BLA MA RIN PO CHE 'DI PA MJAL KHAR PHEBS RES KYIS GSOL TSIGS LHAN DU GNANG ZHING, MDO SNGAGS KYI DKA' GNAD LAS BRTZAMS PA'I DRI GTUGS RGYA CHER MDZAD, ZHAL NAS KYANG NGAS BLA MA LA MAndAL PHUL NAS CHOS ZHU BA MA BYUNG YANG MDO SNGAGS KYI DKA' GNAD RNAMS LA DRI BA ZHUS BLA MAS KYANG SPA GSANG MED PAR LHUG PAR GSUNG BAR MDZAD PAS SEMS LA PHAN THOGS SHIN TU CHE BA BYUNG BAS DON GYIS CHOS ZHUS PA DANG KHYAD MED CES DAG SNANG GI GZIGS PA BLA MED MDZAD, STON DPYID KYI CHOS RNAMS LA'ANG BSNYEN BKUR DANG SEMS BSKYED MCHOD PA'I DUS BRTAN BZHUGS DNGOS 'BUL RNAMS KYANG GONG 'PHEL KHO NAR MDZAD CING GONG SA MCHOG NYID KYI GSOL ZHIB KYI RGYU PHUB DKAR GYI GRAS NAS LO LTAR ZHIB RGYU 'DEB NGES GNANG,

BLA MA RIN PO CHE 'DI PAS KYANG RGYAL BA MCHOG GI ZHABS DRUNG DU YANG YANG PHEBS NAS MAndAL PHUL TE THUGS RJE BSKUL BA'I GSOL 'DEBS NAR MAR MDZAD, RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO SHING KHYI LO RGYAL LA PHEBS ZHOR SE RAR PHEBS SKABS BLA MA RIN PO CHE 'DI PAS RGYAL BA MCHOG LA SE RA'I DGE 'DUN RNAMS KYIS GTZOS PHYOGS 'DUS KYI DAD LDAN MANG POR GNAS BCU'I RJES GNANG ZHU BAR MDZAD, DE LO BLA MA RIN PO CHE 'DI PA DGUNG LO DON GSUM DU PHEBS PA'I DGUNG KAG YIN YANG SKU KHAMS SHIN TU DANGS SHING, GDUL BYA SO SO'I KHAMS DANG BSAM PA DANG 'TSAM PA'I ZAB CHOS MANG DU STZAL, ZLA BA BRGYAD PA'I NANG DU BDAG GIS YUN RING PO NAS GSOL BA BTAB PA LTAR BKA' GDAMS BSTAN PA'I SNYING PO JO BO YAB SRAS KYI GSANG CHOS THIG LE BCU DRUG GI DBANG RGYAS PA ZHIG STZAL, DE'I TSE RANG RGYUD BSKUL 'DEBS DAD PA'I LJON SHING YONGS RDZOGS THUGS THOG NAS BTON TE SKYES BU GSUM GYI LAM RIM DANG SBYAR NAS RGYAS PAR STZAL CING DBANG DNGES GZHI'I SKABS 'BROM RIN PO CHE'I SNGON GYI 'KHRUNGS RABS BKA' GDAMS GLEGS BAM LAS JI LTAR 'BYUNG BA LTAR ZHIB TU GSUNGS SHING, 'KHRUNGS RABS DA DANG DE'I MDZAD PA BZANG PO RNAMS GDUL BYA'I NYAMS LEN DANG SBYAR TE CHES ZHIB PAR STON PAR MDZAD PAS BKA' GDAMS BSTAN PA'I SNYING PO GZHI NAS GSO BA LTA BUR MDZAD, STON CHOS BDE LAM GYI KHRID KYANG SNGAR RGYUN LTAR

, ,STZAL ZHING, KONG PO MKHAN CHEN SKU SKYE DANG BDAG CAG SOGS DAD LDAN MANG POR BLA MA RIN PO CHE NYID KYI GSUNG BKA' RGYA MA'I GRAS BDE GSANG 'JIGS GSUM GYI BSKYED RDZOGS RNAMS DANG SNGON CHAD LUNG GNANG MA GRUB PA'I GSUNG RTZOM THOR BU RNAMS KYI LUNG DGYES BZHIN DU STZAL, GZIM CHUNG DU SKAL LDAN NYUNG SHAS LA DPAL RDO RJE 'JIGS BYED LHA BCU GSUM MA'I DBANG SNGAGS KYI ZAB BSHAD RGYAS PA BCAS STZAL, DE SKABS MNAL LAM ZHIG LA PAn CHEN MCHOG GI SPRUL PA'I SKU LA, BDE LAM GYI KHRID CIG 'BUL BA'I MTSAN LTAS BYUNG GSUNG STE DE NI MA 'ONGS PA'I 'BYUNG 'GYUR MKHYEN PAR NGES SO, ,DE NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO ZHING BRJES NAS PAn CHEN MCHOG GI SPRUL PA'I SKU RJE BTZUN BLO BZANG DPAL LDAN YE SHES KYIS RGYAL BA MCHOG LA ZHU MA THUB PA'I MDO SNGAGS KYI CHOS BKA' RNAMS GSAN PHYIR BLA MA RIN PO CHE 'DI PA SPYAN DRANGS TE BYANG CHUB LAM GYI RIM PA'I KHRID DANG LAM RIM CHEN MO'I BSHAD LUNG DANG GSANG BA DE 'JIGS GSUM GYI BSKYED RDZOGS KYI MAN NGAG RNAMS DANG 'GREL PA BZHI SBRAGS, BDE MCHOG L'U DRIL GNYIS KA'I DBANG DANG KHRID BCAS ZHU BAR MDZAD, BLA MA RIN PO CHE 'DI PAS KYANG MDZES CHOS SU MA SONG BAR LAM RIM GYI KHRID DMIGS RNAMS 'DZIN CHOS SU MDZAD CING BSHAD LUNG GI SKABS RANG DANG GZHAN GYI GRUB PA'I MTHA' RGYA MTSO LTA BU LA

DRI MA MED PA'I RIGS PAS MTHA' DPYAD DE MTHA' DAG PAR STON PAR MDZAD PAS PAn CHEN MCHOG GI SPRUL PA'I SKU NYID GLO BUR DU MKHYEN RAB KLONGS BRDOL BA'I TSUL BZHES TE, 'CHAD RTZOD RTZOM GSUM GANG GI THAD LA'ANG THOGS PA MED PA MKHAS GRUB SMRA BA'I NYI MA SLAR YANG 'JIG RTEN 'DIR BYON PA JI LTA BAR GYUR PA NA BLA MA RIN PO CHE 'DI PAS PAn CHEN THAMS CAD MKHYEN PA 'DUS PA RGYA MTSO'I TSOGS DBUR SPYAN DRANGS TE MCHOD SPRIN TSAD MED PAS MCHOD CING PAn CHEN DBEN SA PA YAB SRAS KYI RNAM THAR RGYAS BAR GSUNGS NAS DA NI PAn CHEN BSTAN PA'I BDAG PO KHYED 'JIG RTEN DU NYI MA SHAR BA LTAR BSTAN PA YONGS RDZOGS LA MKHAS SHING 'CHAD RTZOD RTZOM GSUM LA THOGS PA MED BAR GYUR, 'JAM MGON BSTAN PA'I SNYING PO 'DI LAS PHYI ROL TU GZHAN GYIS DKRI BAR MI NUS PA'I GDENG THOB PAR MDZAD PA 'DI LTA BU BYUNG BAS RGAN PO SHI YANG BLO BDE ZHES GSUNG BAR MDZAD, DE NAS PAn CHEN THAMS CAD MKHYEN PAS BKRA SHIS LHUN PO RANG DU RE SHIG BZHUGS DGOS PAR GSOL BA BTAB KYANG LO LTAR STON DPYID GNYIS SU PHUR BU LCOG GI CHOS GRVA CHEN MOR LAM RIM GYI KHRID 'CHAG MED MDZAD PA DE SKU TSE 'DI'I MDZAD PA'I GTZO BO YIN PAS JI SRID 'TSO'I BAR DU MA 'CHAG PAR MDZAD BZHED PA DANG, NYE CHAR DBANG PHYOGS BSTAN PA'I SGON ME RJE LCANG SKYA RIN PO CHE DBUS SU PHEBS NYE BAS BDAG NYID CHEN PA GNYIS ZHAL 'DZOM NAS BSTAN PA'I GNAD LAS BRTZAMS PA'I BKA' BGRO BAR

, ,BZHED PAS YUN RING BZHUGS PAR ZHAL GYIS MA BZHES PAR DBUS PHYOGS SU PHEBS RJE LCANG SKYA RIN PO CHE DANG ZHAL 'DZOM, GANGS RI'I KHROD 'DIR RGYUD SDE BZHI'I NANG NAS SPYOD RGYUD RNAM SNANG MNGON BYANG GI DBANG RGYUN CHAD DU NYE BA RJE LCANG SKYA RIN PO CHE LA DE'I RGYUN BZHUGS PAS GSOL BA BTAB NAS DE'I DBANG GSAN PAR MDZAD, RJE LCANG SKYA RIN MO CHES KYANG BLA MA RIN PO CHE 'DI LA MKHAS GRUB RIN PO CHE NAS BRGYUD PA'I KYEE RDOR LHA DGU'I DBANG RGYUN YOD PAR MKHYEN NAS DE'I DBANG ZHU BAR MDZAD, DE LTAR 'JAM MGON BSTAN PA'I SROG SHING RNAM PA GNYIS PO 'DI PHAN TSUN YID CHES KYI DAD PA THOB NAS THUGS YID GCIG TU 'DRES, DE NAS BLA MA RIN PO CHE 'DI BAS PHUR BU LCOG TU BSHAD SGRUB BSTAN PA'I RGYAL MCHEN BSGRENGS SHING, CHOS KYI RNGA BO CHE BRGYUD MAR BRDUNGS, 'JIG RTEN KUN GYI RMONGS PA'I MUN PA SEL BA'I CHOS KYI SGRON ME RGYUN DU SBAR, SNYIGS MA'I 'GRO BA NYAM THAG YONGS LA DUG GSUM GYI NAD SEL BA'I CHOS KYI SMAN SBYIN RGYUN MA CHAD PAR MDZAD, YID SRUBS BDAG PO DPUNG DANG BCAS PAS G-YO BAR MI NUS PAR 'JAM MGON BSTAN PA'I SROG SHING BZUNG, RGYAL BA SRAS BCAS KUN GYI MDZAD PA GANG GI SNYING STOBS LHAG BSAM CHEN POS KHYER NAS 'JAM MGON BSTAN BA'I SNYING BO 'DZIN PA LA NAM YANG G-YO BA MED PAR BZHUGS, DE NAS BLA MA RIN PO CHE 'DI BA DGUNG LO BRGYAD CUR PHEBS PA LCAGS ME SPRUL GYI LO PAn CHEN THAMS

CAD MKHYEN PA CHEN POS GTZANG DU SPYAN DRANGS NAS RIM LNGA GSAL SGRON GYI GZABS BSHAD KYI DON DU GSOL BA BTAB, 'JAM MGON BSTAN PA'I SNYING PO 'DI GSAN PA LA BLA MA RIN PO CHE 'DI SKU DVANGS SHING BAR CHAD MI 'BYUNG BA ZHIG GI PHYIR ZHABS BRTAN SKU RIM RLABS CHEN PO SGRUB PAR MDZAD, BLA MA RIN PO CHE 'DI BAS KYANG SKU NA PHEBS CHE ZHING SPYAN MI GSAL TZAM YOD KYANG PAn CHEN THAMS CAD MKHYEN PA 'JAM MGON BSTAN PA'I BDAG POR SONG GSHIS RTZOL BA CHEN POS DKA' BA KHYAD DU BSAD NAS RIM LNGA GSAL SGRON GYI GZABS BSHAD RGYAS PAR GNAD, DE NAS PAn CHEN THAMS CAD MKHYEN PA CHEN POS 'JAM DPAL ZHAL LUNG GI KHRID CIG KYANG GNANG DGOS PAR GSOL BA BTAB, RNAM SNANG MNGON BYANG GI DBANG DANG, KYEE RDOR LHA DGU'I DBANG ZHIG KYANG GNANG DGOS PAR GSOL BA BTAB CING, BLA MA RIN PO CHE SKUN MTHO BAS BAR CHAD BYUNG DOGS NAS ZHABS BRTAN SKU RIM RGYA CHEN PO MDZAD, BLA MA'I SKU TSE SPEL PHYIR TSE DPAG MED LHA DGU'I DBANG ZHIG KYANG 'BUL BAR MDZAD PAS BSTAN PA'I BDAG PO GNYIS KA THUGS BSKYED RLABS CHE BAS BAR CHAD KYI MTSAN MA MED PAR RNAM SNANG MNGON BYANG GI DBANG DANG, KYEE RDOR LHA DGU'I DBANG GNYIS KYANG RGYAS PAR GNANG ZHING, DE NAS 'JAM DPAL ZHAL LUNG GI KHRID CHOS THUN BCU BDUN LA RDZOGS PA ZHIG RTZI SHAG DANG BCAS RGYAS PAR GNANG, 'JAM DPAL ZHAL LUNG GI BKA' KHRID GRUB PA'I SEMS BSKYED TSAR MA THAG RGYAL BA THAMS CAD MKHYEN PA'I MCHOG SPRUL

, ,LHA RI SGANG DU 'KHRUL BRAL GSAL DVANGS SU PHEBS PA 'JAM DBYANGS GONG MA BDAG PO CHEN POS NGOS 'DZIN GYI LUNG PHEBS NAS DE 'PHRAL BKRA SHIS LHUN POR GDAN DRANGS, BLA MA RIN PO CHE 'DI PAS KYANG RGYAL BA THAMS CAD MKHYEN PA ZHAL MJAL NAS DBUS SU PHEBS TE STON DPYID KYI LAM KHRID SNGA MU BZHIN GNANG, DE NAS GONG SA MCHOG GI SPRUL SKU RIN PO CHE DBUS SU SPYAN DRANGS NAS SNYE THANG BDE BA CAN DU BZHUGS SKABS BLA MA RIN PO CHE 'DI PA DANG ,RGYUD SMAD MKHAN PO NGAG DBANG CHOS GRAGS GNYIS GONGS MCHOG GI YONGS 'DZIN DU GDAN DRANGS, BLA MA RIN PO CHE 'DI PA SKU NA PHEBS CHE BAS ZHABS PHYI 'GRUB RE MED KYANG RTEN 'BREL GYI KHYAD DGYES, BZHIN ZHAL GYIS BZHES TE SNYE THANG DU PHEBS TE KHRI 'DON MDZAD, RGYAL BA MCHOG LA SPYIR SEMS CAN THAMS CAD DANG, SGOS KHA BA CAN BA RNAMS KYI MGON DU ZHABS PAD BRTAN CING THUGS BSKYED RGYA CHEN DGOS PA'I GSOL 'DEBS MDZAD NAS LAM SGRON GYI LUNG DANG TSE DBANG GDUGS DKAR SGROL MA 'JAM DBYANGS RNAMS KYI RJES GNANG 'BUL BAR MDZAD, DE NAS PHUR BU LCOG TU PHEBS TE DGUN GYI RING BCAD RGYAR BZHUGS, DPYID CHOS SNGA MU LTAR TSUGS RTZIS MDZAD PAR SKU NA PHEBS CHE BA'I KHAR CHAB KYI SNYUN GZHI ZHIG KYANG BZHES PAS ZHABS 'BRING BA RNAMS KYIS 'DI LO BKA' CHOS SKU GZUGS KYIS LCOGS RI MI 'DUG PAS 'THEN DGOS ZHES GSOL BA

BTAB KYANG GSAN DU MA BZHED PAR NGA CHOS KHRI'I THOG TU SHIN BSAM PA RDZOGS PA YIN GSUNGS NAS CHOS BTZUGS, DE NI DUS RGYUN DU YANG DGE BA'I BSHES GNYEN PO TO BA CHEN PO ZHING GSHEGS KHAR CHOS KHRI'I THOG TU PHEBS NAS DGE 'DUN LA ZHAL BSTAN, CHOS GSUNG 'PHRO LA SEMS CAN MGON MED PA RNAMS KYI MGON DANG, SKYABS MED PA RNAMS KYI SKYABS DANG, 'KHRA SA MED PA RNAMS KYI 'KHRA SAR SHOG GSUNGS NAS THAL MO SHAG GI PHYE NAS ZHING GSHEGS PA YIN, NGA YANG DE 'DRA ZHIG LA SMON LAM 'DEBS, ZHES YANG YANG GSUNG GI YOD, DE NAS CHOS THUN RE GNYIS TZAM LAS GNANG MA THUB, ZLA BA BZHI PA'I TSES BRGYAD LA SEMS BSKYED KYI TSOGS DBUR PHEBS, TSES BCU BZHI DANG, BCO LNGA LA SMYUNG GNAS KYI SDOM PA STZAL, DE NAS CHAB KYI SNYUN GZHI JE LOD DU SONG NAS GSUNG GLO CHE ZHING BZHENG BZHUGS DKA' TZAM BYUNG YANG THUGS BDE ZHING SPRO BA'I NYAMS KHO NA MDZAD, BSTAN PA RIN PO CHE'I RGYUN DANG SLAD KYI RTEN 'BREL LA DGONGS NAS GSER SBYANGS PA 'BA' ZHIG LAS GRUB PA'I BKA' 'GYUR RIN PO CHE BZHENG BAR BZHED NAS, PHYAG NA YOD PA'I GSER RNAMS GUNG PAndI TAR GNANG NAS BZHED DGOS PA'I BKA' DANG, DE YANG DA LO RANG BYED DGOS PHEBS BAR; KHONG NAS KYANG GUS PA CHEN POS BKA' SPYI BOS NOS TE, MTHING SHOG BZANG PO LA GSER SBYANGS 'BA' ZHIG LAS GRUB PA'I POD BRGYA DANG BCU GCIG CHA TSANG DANG, BYANG CHUB LAM GYI RIM PA CHEN MO DANG, SNGAGS RIM CHEN MO

, ,GNYIS POD RE BCAS 'JIG RTEN KUN GYI MIG GI BDUD RTZIR SPUNGS PA LTA BU, DBU KHANG DANG POR PHAN TSUN DBU LHA TSON BRIS LCAGS SGIR GYI DKYIL DU MU TIG GI PHRA LDAN BZANG GOS GSER MA SPUS LEGS KYI ZHAL KHEBS NYIS BRTZEGS, GDONG DAR GSUM BRTZEGS MDO RTAGS RNAMS PAR PHYIN, GLEGS SHING MTSAL GYIS BYUGS PA YAS SPANG GI MTHONGS LA RTEN 'BREL SNYING PO DANG, GDONG SNE PHAN TSUN DU GZUNGS SNGAGS LANYTZA 'BUR DU YOD PA LA GSER SHOG DANG, DE PHYIN LA GSER GYI ME TOG RIS KYIS MDZES PA, GLEGS THAG THAD MA MDZOD GOS NGUR SMRIG GIS GTUMS PA, ZANGS TSA GSER MA'I GLEGS CHAB RDO RJE GZUGS RKOS MA PHRA LDAN, CHOS KHRI TSON RTZI GSER SHOG GIS PHYUG PA BCAS GSAR DU BSKRUN PA'I RGYUR GSER THUR SRANG BZHI BRGYA DANG GSUM, BZANG GOS GSER MA SPUS LEGS YUG PHYED DANG LNGA DANG, MDZOD GOS NGUR SMRIG YUG LNGA, GOS LING DANG CHU RTZE 'DRES MA YUG NYI SHU, MU TIG SPUS LEGS SRAN MA TZAM RDOG NYIS BRGYA DANG NYI SHU RTZA DRUG RNAMS NGO THOG DANG, AE PA DANG SNYE MO BA'I BRIS PA LTO GAR BA BZHI DANG BYINGS BRIS SHOG PA BSDOMS MI DGU BCU GO BRGYAD, DGE BSHES ZHUS DAG PA BRGYAD, LHA BIS NGA; SHING RKOS PA, GSER DNGUL BZO PA, TSEM BU PA BCAS BZO PHRAN MI NYI SHU RTZA GCIG ,LAG G-YOG MI NYI SHU RTZA BDUN BCAS KYI LAS RGYUN RING GI PHOGS DANG ZUR GSOS, GLA YON DANG, LEGS GNANG, 'DZUGS SGANG GROL

GSUM GYI STON MO GNANG CHA DANG, GZHUNG SAR GLEGS SHING DANG SHOG BU'I RIN PHUL BA BCAS LA DNGUL GYI MAndAL SNE 'DOGS CAN, NA BZA' CHA 'GRIG ,DNGUL DANG GOS CHEN, PHO MO'I RGYAN GOS, RTA SGA 'KHOR, DRE'U, MDZO MO, KHA BTAGS CHE CHUNG SOGS YANG TIG DNGUL RKYANG THOG DNGOS PO'I RI GONG BSNAN PA BCAS KHYON DNGUL SRANG SUM STONG BRGYAD BRGYA DGU BCU GO LNGA ZHO DO SKAR LNGA BCAS PHUL NAS BKA' 'GYUR RIN PO CHE GSAR BZHENG RMAD DU BYUNG BA GNANG, LI THANG GI BKA' 'GYUR MTSAL PAR MA DE SHIN TU DAG PA YOD 'DUG PAS, DE YANG TSAR GCIG BZHENG THUB PA GYIS ZHES BKA' GNANG, NYE GNAS RAB 'BYAMS PAS KYANG DE 'PHRAL DU LI THANG DU PAR BRGYAG RGYU'I BKOD PA MDZAD, DE SKABS GONG SA LHA MI'I 'DREN PA MCHOG PHO BRANG CHEN PO'I GSER KHRI LA MNGA' GSOL BA'I SKABS YIN PAS PAn CHEN THAMS CAD MKHYEN PA CHEN PO YANG DBUS SU CHIBS KHA BSKYOD NAS PHO BRANG PO TA LAR BZHUGS PA'I SKABS YIN PAS BLA MA RIN PO CHE 'DI PA'ANG PAn CHEN THAMS CAD MKHYEN PA CHEN PO MJAL BZHED CHE BA BYUNG ZHING, PAn CHEN THAMS CAD MKHYEN PA CHEN POS KYANG PHYI RABS KYI GDUL BYA RNAMS LA RANG LA LAM MA NOR BAR STON PA'I BSHES GNYEN DAM PA NI SANGS RGYAS THAMS CAD LAS KYANG LHAG PA'I BSOD NAMS KYI ZHING DAM PA YIN PAS, RANG NYID CHEN PO'I GO SA JI 'DRA ZHIG LA GNAS KYANG TSE 'GYING MI BYA BAR BLA MA BSTEN TSUL 'DI LTAR BYA DGOS SO ZHES 'DOMS PA'I PHYIR PHUR BU LCOG TU CHIBS

, ,BSKYOD NAS BLA MA RIN PO CHE'I GZIM CHUNG DU PHEBS TE SKU TSE BSRING BA'I PHYIR TSE DBANG ZHIG PHUL, DE NAS MAndAL DANG SKU GSUNG THUGS RTEN, DNGOS PO SPAM MTHO BA BCAS 'BUL BAR MDZAD DE ZHABS PAD YUN RING BRTAN DGOS PA'I GSOL 'DEBS MDZAD, GONG SA LHA MI'I 'DREN PA MCHOG NAS MGRON GNYER DGE SLONG BSKAL BZANG CHED GNANG GIS DNGUL GYI MAndAL DANG SKU GSUNG THUGS RTEN DNGOS 'BUL BCAS ZHABS PAD YUN RING BRTAN DGOS ZHES ZHU BAR MDZAD, DE SKABS BLA MA RIN PO CHE 'DI CHAB GZHI'I BSNYUN BAB LCI BAS THA MAL BA RANG BZHIN YIN NA GSUNG BGROS GNANG RE MED PA'I TSOD DU GYUR KYANG, BLA MA RIN PO CHE NI THUGS SNANG GANG YANG MED PAR, PAn CHEN THAMS CAD MKHYEN PA CHEN PO LA BSTAN PA'I GNAD LAS BRTZAMS PA'I GSUNG GLENG CHES MANG BA DANG, LHAG PAR TSAD MA RNAM 'GREL GYI RIGS PA'I DKA' GNANG PHRA MO LAS BRTZAMS TE 'BREL GTAM CHES ZHIB CING RGYAS PAR MDZAD, YONGS 'DZIN BLO BZANG CHOS 'PHEL LA'ANG SEMS TZAM PA'I PHYI DON 'GOG PA'I RIGS PA LAS BRTZAMS PA'I BKA' 'DRI MANG DU GNANG ZHING, SKU BSNYUN PA'I TSUL MED PAR DGYES NYAMS SHIN TU CHE BAR MDZAD, DE NAS PAn CHEN THAMS CAD MKHYEN PA CHEN PO CHOS GRVA CHEN MO'I BZHUGS KHRIR SPYAN DRANGS, DE SKABS GLO BUR DU DAD 'DUS CHES MANG BA LA CHOS STON PAR GSOL BA 'DEBS PAR MDZAD CING, MAndAL SKU GSUNG THUGS RTEN DNGOS 'BUL RGYA CHEN PO DANG BCAS ZHABS

BAD YUN RING DU BRTAN TE 'JAM MGON BSTAN PA'I SROG SHING DU G-YO BA MED PAR BZHUGS DGOS ZHES GSOL BA 'DEBS PAR MDZAD ,DE NAS PAn CHEN THAMS CAD MKHYEN PA CHEN PO PHO BRANG DU CHIBS KHA BSKYOD, DE NAS ZHAG KHA SHAS NAS, RGYAL BA THAMS CAD MKHYEN PA CHEN PO PHO BRANG CHEN PO'I GSER KHRIR MNGA' GSOL BA LA LEGS 'BUL RGYAS PA ZHIG BYED DGOS ZHES BKA' PHEBS, 'BUL THO'I 'OG BRJOD KYANG BLA MA RIN PO CHE NYID KYIS RGYAS PAR BKA' STZAL; PAn CHEN THAMS CAD MKHYEN PA CHEN PO LA'ANG DNGOS 'BUL GTOS CHE BAR MDZAD DU RGYUR ZHU YIG 'GO BRJOD BLA MA RIN PO CHE NYID KYIS MDZAD, BKA' 'GYUR GSER MA GSAR BZHENGS KYI SKU YON TSANG MA 'PHRAL 'BUL BYED DGOS PA DANG, SE RA SMAD KYI GRVA KHANG GSAR BZHENGS LA ZUG STON RGYAS PA ZHIG KYANG 'PHRAL DU GYIS ZHES NYE GNAS LA BKA' PHABS, NYE GNAS RAB 'BYAMS PAS KYANG BLA MA RIN PO CHE'I BKA' GANG PHEBS THAMS CAD 'PHRAL RANG DU GRUB PAR MDZAD DE, 'DI DANG 'DI LTA BU BGYIS SO ZHES SNYAN DU GSOL, DE NAS ZHABS 'BRING PA RNAMS NAS SE 'BRAS DGE GSUM RGYUD STOD SMAD RI KHROD KHAG BCAS LA ZHABS BRTAN SKU RIM NAR MAR BSGRUBS, SBYIN BDAG CHEN PO RDO RING NO YON DANG BKA' BLON MDO MKHAR BA SOGS DANG LDAN TSANG MAS BLA MA RIN PO CHE NYID LA MAndAL PHUL TE GSOL BA 'DEBS PA DANG RANG RANG GI 'BYOR PA DANG BSTUN PAS DGE 'DUN GYI SDE RNAMS LA BSNYEN BKUR TE ZHABS BRTAN SKU RIM SGRUB

, ,PA LA TSANG MAS BRTZON PA CHIG BSGRIL DU BYAS SO, ,DE LTAR BDAG CAG GI DPAL LDAN BLA MA DAM PA 'DIS, DANG POR RGYA CHEN THOS PA MANG DU BTZAL, ,BAR DU GZHUNG LUGS THAMS CAD GDAMS PAR SHAR, ,THA MAR NYIN MTSAN KUN TU NYAMS SU BLANGS, ,KUN KYANG BSTAN BA RGYAS PA'I CHED DU BSNGOS, ,ZHES RJE RIN PO CHES GANG GSUNGS PA DE KHO NA LTAR PHYAG LEN LA THEBS PAR MDZAD DE, DANG POR RGYAL BA'I BSTAN PA LA ZHUGS NAS SDOM PA GSUM RIM GYIS BZHES SHING THUB PA'I BCAS MTSAMS LAS NAM YANG 'DA' BA MED PA GZHIR BZUNG NAS MDO RGYUD DGONGS 'GREL DANG BCAS PA LA THOS PA PHU THAG CHOD PA MDZAD, SANGS RGYAS NAS BZUNG STE DAM PA BAR MA CHAD PA LAS BRGYUD PA'I MDO SNGAGS GNYIS KA'I SNYAN RGYUD KYI MAN NGAG RNAMS YONGS SU RDZOGS PA GSAN, BAR DU TSE 'DI BLOS BTANG STE DKA' SPYAD SNYING RUS KYI SGO NAS NYAMS LEN MTHAR PHYIN PAR MDZAD, RANG NYID MI NYAMS PA'I GDENG THOB PA'I MTHAR SKAL BA DANG LDAN PA DAG LA DGE TSUL GYI BSLAB BYA K'A RI KA NAS RGYUD THAMS CAD KYI RGYAL PO DPAL GSANG BA 'DUS PA'I MTHAR THUG ZUNG 'JUG 'GRUB PA'I BAR RGYAL BA'I BSTAN PA YONGS SU RDZOGS PA DRI MA MED PA'I RIGS PA'I LAM NAS DRANGS TE RGYA CHER BSHAD CING ,CHOS TSIG BZHI PA ZHIG YAN CHAD KHA PHYI BLTAR MA SONG BAR RANG GI RGYUD 'DUL BA'I PHYIR DU NYAMS LEN GYI GNAD DU BSDUS TE BYANG CHUB LAM GYI RIM PA NYID LA BSGRIL NAS STON PAR MDZAD CING ,DBUGS

PHYI NANG DU RGYU BA TSUN CHAD SGO GSUM GYI SPYOD PA THAMS CAD RGYAL BA'I BSTAN PA RGYAS PA'I THABS KHO NAR MDZAD DE NUB PHYOGS KHA CHE'I YUL NAS, SHAR PHYOGS RGYA MTSO CHEN PO LA THUG GI BAR DANG GLING BAR TSUN CHAD SA CHEN PO'I KHYON 'DI BKA' GDAMS LHA CHOS BDUN LDAN GYI RNAM THAR GTZANG MA BYANG CHUB LAM GYI RIM PA LA NYAMS LEN SNYING POR BYED PAS KHYAB PAR MDZAD DO, ,MA 'ONGS PA'I GDUL BYA RNAMS KYI DON DU RJE BTZUN BLA MA DGE LEGS RGYA MTSO'I RNAM PAR THAR PA, RJE RIN PO CHE'I RTOGS BRJOD MDUN LEGS MA'I 'GREL PA RTEN 'BREL BSTOD PA'I t'IKKA, 'JAM DPAL DBYANGS KYIS RJE BLA MAR DNGOS SU GNANG BA'I GDAMS PA MDOR BSDUS KYI t'IKKA, MA PHAM MGON POR BSTOD PA TSANGS PA'I COD PAN GYI DON 'GREL, STAG TSANG LO TZA BA'I BRGAL LAN, BRGYAD STONG PA'I DON SLOB DPON SENG BZANG DANG PHYOGS GLANG GNYIS KYI 'CHAD TSUL, SDOM PA GSUM GYI NYES LTUNG NGOS BZUNG NAS BSHAGS SDOM BYED TSUL, DRIS LAN SOM NYI GCOD PA'I RAL GRI, GSUNG MGUR BSLAB BYA'I RIM PA, SKYES BU CHEN PO'I LAM LA BLO SBYONG TSUL, BYANG CHUB LAM RIM LAS BRTZAMS PA'I DRIS LAN, 'JIGS BYED GTZO RKYANG GI MNGON RTOGS, SENG GDONG MA DANG RTA MGRIN GSANG SGRUB KYI SGRUB THABS, BDAG MED PA'I CHOS KYI PHYAG RGYA GTAN LA 'BEBS TSUL, THIG LE BCU DRUG GI CHOS SKOR DANG SGROL MA BCU GNYIS KYI GTOR 'BUL, 'JAM DBYANGS NANG SGRUB KYI SGRUB THABS, SGROL DKAR GYI BSNYEN YIG DANG DE'I BUM SGRUB,

, ,GSANG 'DUS 'JAM RDOR SGRUB THABS 'DOD 'JO'I BUM BZANG, DE'I BUM SGRUB, DE'I DKYIL 'KHOR SGRUB PA DANG BDAG 'JUG NGAG 'DON, DE'I ZHI RGYAS KYI SBYIN SREG ,'DUS PA YE SHES ZHABS LUGS KYI BSKYED RDZOGS RIN CHEN PHRENG BA, GSANG 'DUS BSKYED RIM DNGOS GRUB SNYING PO, DE'I RDZOGS RIM RIM LNGA GDAN RDZOGS KYI SNYING PO, 'JIGS BYED BSKYED RIM ZA MA TOG GI SNYING PO, DE'I RDZOGS RIM RNAL 'BYOR BZHI NYAMS SU LEN TSUL; ;DPAL 'KHOR LO SDOM PA L'U AI PA'I RIM PA DANG PO'I DMAR KHRID, GRUB CHEN KUN TU DGE BA'I LUGS KYI RDZOGS RIM RNAL 'BYOR CHEN PO'I DMIGS RIM, 'KHOR LO SDOM PA'I BSNYEN YIG ,'JAM LUGS TSE DBANG RIGS LNGA'I ZUR 'DEBS, RDOR SEMS BUM SGRUB DANG RIL SGRUB BYED TSUL, MA nI BUM SGRUB, SGROL MA MAndAL BZHI PA SOGS NYER MKHO'I RIGS, RIGS GSUM SPYI SGRUB, RDO RJE 'CHANG DON YOD MKHAS GRUB KYI RNAM THAR, BYANG CHUB LAM RIM GYI KHRID YIG, SNYING PO DON GSUM GYI KHRID YIG ,RGYAL BA MA PHAM PA'I THUGS RJE BSKUL BA'I GSOL 'DEBS SMON LAM SOGS GSOL 'DEBS LTAR BSTOD TSOGS KYI RIM PA DANG 'DOD GSOL BRTAN BZHUGS KYI RIM PA, RTEN GSUM GSAR BZHENGS KYI DKAR CHAG ,SMON TSIG ,RGYAB YIG, MCHOD RDZAS GSAR BZHENGS KYI 'DOD GSOL, LAM KHRID 'JAM DPAL ZHAL LUNG GI NGOGS GCOD, GRVA SA CHEN PO BZHI DANG RGYUD STONG SMAD CHAGS TSUL,

GTOR 'BUL GYI RIM PA, BCA' YIG GI RIM PA, PAn CHEN THAMS CAD MKHYEN PA'I DOGS GCOD GSUNG LAN, BYANG CHUB KYI SEMS SBYONG TSUL GYI GDAMS NGAG THOR BU ZIN BRIS SU BKOD PA, BSNGO BA DON GNYIS PHUN TSOGS RNAMS, MDZAD DO, ,DE NAS SKU TSE 'DI'I DNGOS KYI GDUL BYA RNAMS RDZOGS PA NA DGUNG LO GYA GCIG TU PHEBS PA SNA TSOGS ZHES PA CHU PO RTA'I LO STON ZLA 'BRING PO'I YAR NGO'I TSE GNYIS KYI NYIN SKU'I BKOD PA BSDUS TE 'OD GSAL LA BZHUGS, 'OD GSAL DA LAS BZHENGS MA THAG DGA' LDAN CHES KYI PHO BRANG DU RJE BTZUN BYAMS PA MGON PO DANG, RJE NAM MKHA' DRI MA MED PA DANG, RJE 'JAM DPAL SNYING PO 'KHOR DANG BCAS PA'I CHOS KYI MDUN SAR PHEBS SO, ,DE LTAR 'JAM MGON BSTAN PA'I SROG SHING BLA MA RIN PO CHE 'DES MCHOG DMAN THAMS CAD LA CHOS KYI BDUD RTZI RGYA CHER STZAL BAS BRGYUD 'DZIN GYI SLOB MAS SA'I STENG THAMS CAD KHYAB CING, BSTAN PA YONGS RDZOGS KYI BDAG POR MNGA' GSOL BA NI PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RJE BTZUN BLA MA THUGS RJE'I BDAG NYID MTSAN BRJOD PAR DKA' BA DON GYI SLAD DU MTSAN NAS SMOS TE NGAG DBANG BYAMS PA LA GSOL BA 'DEBS SHING, BLA MA RIN PO CHE 'DI'I MDZAD PA RNAM THAR RNAMS BSAMS LA RJES SU BSLAB PAR BYA'O,, ` ,,BLO BZANG RGYAL BA'I RING LUGS PADMO'I TSAL, ,DPAL LDAN YE

, ,SHES 'OD KYIS RGYAS MDZAD PA'I, ,RIS MED 'GRO BA'I 'DREN PA KUN GYI GTZO, ,RJE BTZUN BLA MA'I ZHABS LA GSOL BA 'DEBS, ZHES BSNGAGS PA, BDE LDAN ZHING GI MGON PO SNYIGS DUS 'GRO BA'I MGON DU BSAMS BZHIN DU BYON PA PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO NI SHANGS BKRA SHIS RTZER YAB THANG LHA DANG, YUM NYI ZLA DBANG MO GNYIS KYI SRAS SU RAB BYUNG BCU GNYIS PA'I DUS KYI PHO NYA ZHES PA SA PHO RTA'I LO HOR ZLA BCU PA'I TSES BZHI GZA' SKAR PHUN SUM TSOGS PA'I NYIN NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE'I TSE TSANGS PA DANG BRGYA BYIN LA SOGS PA'I DKAR PHYOGS SKYONG BA'I LHA RNAMS GNAS DER LHAGS TE MKHA' DBYINGS 'JA' SPRIN GYIS KHYAB PAR BYAS, ME TOG GI CHAR PHAB, DGA' BA'I CA CO'I SGRA BSGRAGS, RJE BTZUN THAMS CAD MKHYEN PA BLO BZANG YE SHES DPAL BZANG POS BKA' BSGOS DAM LA BZHAG PA'I SRUNG MA THAMS CAD DANG, KHYAD PAR DPAL LDAN DMAG ZOR RGYAL MO DANG, NE SER JO BO CHEN PO GNYIS 'BRAL MED DU BYON TE RJE 'DI SKU BLTAMS PA DANG MNYAM DU DPAL LDAN LHA MOS NAG PHYOGS BDUD SDE ZIL GYIS GNON PHYIR DRE'U'I NGAR SKAD YANG YANG 'DON PA DANG, GZIM KHANG GI KHO RA KHOR YUG TU TSIG SGRA DANG 'UR SGRA CHEN PO NAR MAR BYUNG, NE SER BAS NI RGYUN DU GUS PAS

MCHOD PA'I TSUL DANG, GNAS BDAG GI TSUL DU SPRUL PA SNA TSOGS BSTAN TO, ,DE LTAR YUM LAS SKU BLTAMS PA'I RGYAL SRAS GZHON NU DA NI SRID ZHI'I DGE LEGS THAMS CAD GZUGS CAN GCIG TU BSDUS TE ZLA BA DAG PA'I GZUGS SU BYAS PA LTAR, PAGS PA'I MDOG NI DKAR ZHING DANGS LA 'OD 'TSER BA, DBU GDUGS LTAR ZLUM ZHING RGYAS LA SPYI GTZUG MTHO BA, SPYAN DKYUS RING ZHING DKAR NAG 'BYES PA, SHANGS KYI GZENGS MTHO ZHING MCHU SGROS BIM PA LTAR DMAR BA SOGS MTSAN DPE DANG LDAN PA 'JIG RTEN KUN GYI MIG GI BDUD RTZI LTA BU ZHIG BYUNG NGO, ,DE'I TSE DKAR PHYOGS KYI LHA DANG KLU RNAMS KYIS KHRUS GSOL BAR NGES SHING, DNGOS SU YAB YUM GYI MCHOD GNAS DGE SLONG RNAM DAG GCIG GIS SKU KHRUS YANG YANG GSOL, 'KHRUNGS NAS ZLA BA GNYIS TZAM SONG BA NA PHYAG GNYIS THAL MO YANG YANG SBYOR BAR MDZAD PA DANG, ZHAL NAS MA nI DANG DMIGS BRTZE MA RGYUN DU 'DON PAR MDZAD, BYIS PA THA MAL PA'I SPYOD PA LAS RNAM PA KUN TU 'DAS TE SKYIL KRUNG BCAS NAS THUGS DAM MDZAD PA DANG, PHYAG THAL MO SBYAR TE MCHOG GSUM GYI THUGS RJE BSKUL BA'I GSOL 'DEBS MDZAD PA DANG CHOS STON PA'I PHYAG RGYA MDZAD PA DANG, RDO DRIL BZUNG NAS THUGS DAM MDZAD PA DANG, GLEGS BAM LA GZIGS NAS KLOG PA'I TSUL MDZAD PA SOGS SKYE BO DAM PA'I SPYOD PAS DUS 'DA' BAR MDZAD PA ZHIG BYUNG BA NA PHYOGS THAMS CAD DU DE'I SNYAN GRAGS RGYAS TE BKRA SHIS

, ,LHUN PO NAS MGRON GNYER SA KHUD PA BRTAG PA MDZAD DU BYON PAR RJE GONG MA'I SKU'I NYER SPYAD RNAMS 'KHRUL MED DU NGOS 'DZIN PAR MDZAD PA SOGS 'KHRUL BRAL YID CHES KYI NGES PA RNYED, 'ON KYANG 'JIG RTEN THAMS CAD YID CHES PAR BYA BA'I PHYIR RGYAL BA THAMS CAD MKHYEN PA CHEN PO DANG MI DBANG BSOD NAMS STOBS RGYAS MCHOD YON BKRA SHIS LHUN PO'I SKU TSAB BCAS NAS, LA MO CHOS SKYONG SPYAN DRANGS NAS LUNG BSTAN ZHUS PAR BKRA SHIS RTZE'I SRAS PO 'DI PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I SKU'I YANG SRID 'KHRUL MED YIN TSUL SNGA PHYI'I RGYU MTSAN DU MA DANG BCAS LUNG BSTAN NAS 'PHRAL DU GDAN SAR SPYAN DRANGS NAS MNGA' GSOL BYED DGOS TSUL GSUNG BA LTAR DGUNG LO GSUM DU PHEBS PA LCAGS PHO SPRE'U'I LO ZLA BA DGU PA'I TSES NYER DRUG GI NYIN RGYAL BA THAMS CAD MKHYEN PA CHEN PO NAS BLO BZANG DPAL LDAN YE SHES ZHES MTSAN GSOL GNANG ZHING, GANGS LJONGS KYI SA'I CHA THAMS CAD DU DRIL BSGRAGS TA LHA SDE MI SDE THAMS CAD KYIS GTAM SNYAN DAR PHYAR BYAS, DE NAS DGUNG LO BZHIR PHEBS PA LCAGS MO BYA'I LO ZLA BA DRUG PA'I BYA'I LO ZLA BA DRUG PA'I TSES GCIG RGYAL PHUR 'GRUB SBYOR 'DZOM PA'I THOG BKRA SHIS LHUN PO NAS PHYAG MDZOD CHEN MO BLO BZANG TSE DBANG DRUNG 'KHOR RAGS RIM DANG BCAS PHEBS TE BKRA SHIS RTZE NAS GDAN DRANGS, RGYAL BA THAMS CAD MKHYEN PA'I

SKU TSAB DANG, 'JAM DBYANGS GONG MA BDAG PO CHEN PO'I BKAS MNGAGS PA'I MI DRAG MANG PO DANG, MI DBANG BSOD NAMS STOBS RGYAS SKU 'KHOR GTOGS CHE BA BCAS RGYA BOD HOR GSUM GYI RTA PA STONG PHRAG MANG PO DANG, BKRA SHIS LHUN PO'I BLA MA DGE 'DUN TSANG MA'I THOG PHYOGS 'DUS KYI DGE 'DUN KHRI KHRAG MANG POS MCHOD PA'I BYE BRAG SNA TSOGS PA THOGS TE BSDUS NAS ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI PHO BRANG RGYAL MTSAN MTHON PO'I GZIM CHUNG BKA' GDAMS PHO BRANG DU PHEBS SO, ,DE NAS SA'I STENG GI CHE DGU MTHA' DAG GIS ZHABS KYI PADMO LA SPYI BOS GTUGS TE, MNGON PAR MCHOD CING MKHO DGU'I YO BYAD THAMS CAD RDZOGS LDAN GYI SPRIN BZHIN DU 'DUS TE RJE 'DI PA'I ZHABS DRUNG DU PHUL NAS GSOL BA 'DEBS PA LA BRTZON PAR GYUR TO, ,DE NAS RJE 'DI PAS GZIM CHUNG GI SKU GSUNG THUGS RTEN RNAMS LA LEGS PAR GZIGS TE 'DI DANG 'DI'O ZHES NGOS 'DZIN MDZAD CING, RJE GONG MA'I DUS KYI SKU GSUNG THUGS RTEN DNGOS SU MA BZHUGS PA 'GA' ZHIG GAR YOD CES BKA' 'DRI MDZAD PAS THAMS CAD YID CHES KYI DAD PA'I GNAS LA BKOD, DE NAS YI GE 'DRI KLOG BRDA PHUL BA TZAM GYIS MKHYEN CING, GANG BLO MA, SHES BYA MKHA' DBYINGS MA SOGS CHOS SPYOD RNAMS GZIGS PA TZAM GYIS ZHAL 'DON DU MDZAD CHOG PA BYUNG,

, ,DE NAS RJE 'DI PA DGUNG LO LNGAR PHEBS PA CHU PHO KHYI'I LO RJE BTZUN BLA MA NGAG DBANG BYAMS PA MJAL KHAR PHEBS NAS DNGOS 'BUL TSAN CHE BA DANG BCAS ZHABS BRTAN GSOL 'DEBS RGYAS PAR MDZAD CING, LHAG PAR SKU NA PHRA MO'I DUS 'DI NYID NAS PAn CHEN DBEN SA PA SKU GONG MA RNAMS KYI RNAM THAR BZANG BO LA SPYAN YAR LTA MDZAD NAS BCOS SLAD MED PA ZHIG DANG, GROGS NGAN GYI DBANG DU MA SONG BAR THOS BSAM SGOM GSUM LA THUGS BRTZON CHE BAR MDZAD DE CHOS GRVA CHEN PO 'DIR 'JAM MGON RGYAL BA GNYIS PA'I RING LUGS DRI MA MED PA CHES CHER 'PHEL ZHING RGYAS PAR BYA BA'I THUGS KHUR CHEN PO CI NAS KYANG BZHES DGOS ZHES GSOL 'DEBS MDZAD BA THUGS LA SHIN TU 'PHROD PA BYUNG STE, DUS PHYIS KYANG BLA MA RIN PO CHE NAS NGA CHUNG NGU'I DUS NA ZHAL TA 'DI 'DRA MDZAD BYUNG BA DE SNYING LA PHUR PA BTAB PA LTA BU ZHIG BYUNG ZHES RJE 'DIS YANG YANG GSUNG NGO, ,DE NAS LA MO CHOS SKYONG CHEN POS DGE PA'I BSHES GNYEN BYAMS PA RIN PO CHE'I DRUNG NAS CHOS 'DRA GSAN NA LEGS ZHES LUNG PHEBS PA LTAR RJE BTZUN BLA MA NGAG DBANG BYAMS PA'I DRUNG NAS, BYANG CHUB LAM SGRON GYI LUNG, RNAM 'JOMS KYI BYABS BSRUNG, TSE DBANG GRUB RGYAL LUGS DANG 'JAM LUGS, RTA MGRIN GSANG SGRUB, GTZUG TOR RNAM RGYAL, SGROL DKAR, GDUGS DKAR, KHYUNG NAG ,'JAM DBYANGS NANG SGRUB, KHRO BO SME BRTZEGS, MGON PO PHYAG DRUG PA'I CHO GA'I

LUNG BCAS GSAN, BKA' CHOS GSAN PA'I TSE, RJE BTZUN BLA MA NGAG DBANG BYAMS PA RIN PO CHE BZHUGS KHRI MTHON PO DANG, RJE RANG NYID STAN DMA' BA'I STENG DU BZHUGS TE CHOS GSAN PA'I KUN SPYOD 'DUL BA DANG MDO SDE NAS 'BYUNG BA LTAR MDZAD PAS BSTAN BA'I MIG RGYAN DU GYUR PA MDZAD DO, ,RJE 'DI PAS BLA MA RIN PO CHE DE NYID LA THUGS DAD TSAD MED PA MDZAD CING, LAM SGRON GYI LUNG GSAN SKABS DBU SHOG PHYAG TU PHUL BA SMRA BRJOD GTZANG ZHING SHAR RGYAG KLOG PA GNANG BAS BLA MA RIN PO CHE THUGS SHIN TU DGYES PA BYUNG NGO, ,DE NAS DGUNG LO DRUG TU PHEBS PA CHU MO PHAG GI LO ZLA BA DANG PO'I TSES BCU GCIG GI NYIN GRUB PA'I DBANG PHYUG SNGAGS CHEN ZHAL SNGA NAS BLO BZANG BZOD PA YONGS 'DZIN DU MNGA' GSOL TE, THOG MAR PAn CHEN BLO BZANG CHOS KYI RGYAL MTSAN GYI GSUNG 'BUM NANG NAS RJE BTZUN TZONG KHA PA CHEN PO LA BRTEN PA'I BLA MA'I RNAL 'BYOR, DBYANGS CAN MA'I BSTOD PA LHA'I GLU DBYANGS, 'JAM DKAR GYI SGRUB THABS SHES RAB MCHOG SBYIN, 'JAM DBYANGS AA RA PA TZA NA'I SGRUB THABS NOR BU CHU SHEL DANG BLO GSAL KUNDA'I DGA' BYED, SMRA SENG GE SGRUB THABS RMONGS PA'I RNYOG SEL NOR BU CHU DANGS MA DANG SHES RAB GSAL BYED, DBYANGS CAN MA'I SGRUB THABS, 'JAM DBYANGS KYI BSTOD PA SHES RAB GSAL BYED, 'JAM DKAR GYI BSTOD PA BLO GROS MIG 'BYED KYI THUR MA DANG, RJE'I GSUNG THOR BU NAS DBYANGS CAN MA'I SGRUB THABS RNAMS KYI LUNG

, ,GSAN PAR MDZAD DO, ,DE NAS YONGS 'DZIN RIN PO CHE 'DI LA BDE GSANG 'JIGS GSUM GYI DBANG DANG RJES GNANG MANG PO DANG, BKA' 'GYUR RIN PO CHE'I LUNG DANG, RJE RIN PO CHE'I GSUNG 'BUM GYI LUNG SOGS GSAN PAS RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE NAS RJE 'DI PA DGUNG LO BDUN DU PHEBS PA SHING PHO BYI BA'I LO BKRA SHIS LHUN PO'I DGE 'DUN TSANG MAS 'DUS PA RGYA MTSO'I DBUS SU MI 'JIGS SENG GE'I KHRI LA PHEBS NAS DGE 'DUN TSANG MAR PHYAG DBANG DANG CHOS KYI BDUD RTZI GNANG DGOS ZHES YANG YANG GSOL BA BTAB PA NA YONGS 'DZIN RIN PO CHE BLO BZANG BZOD PA LAS BSLAB SDOM BZHES TE DUR SMRIG GI RGYAL MTSAN GSOL NAS ZLA BA DGU PA'I TSES BCU'I NYIN MI DBANG BSOD NAMS STOBS RGYAS KYIS SPYAN DRANGS TE GTZUG LAG KHANG CHEN POR MI 'JIGS SENG GE'I KHRI LA PHEBS NAS TSANGS PA'I DBYANGS KYIS MCHOG GSUM GYI THUGS RJE BSKUL TE BDEN PA'I MTHU BRJOD PA'I LJAGS BSNGO GNANG ZHING DGE 'DUN TSANG MAR PHYAG DBANG STZAL PAS DGE 'DUN RNAMS THUGS YID TSIM PAR MDZAD, RGYAL BA MCHOG NAS KYANG DGE 'DUN GYI SDE CHEN PO'I DBUS SU CHOS KYI BDUD RTZI GNANG BA'I DBU TSUGS PA LEGS ZHES RTEN 'BYUNG GI DNGOS PO RGYA CHE BA STZAL ZHING, MI DBANG BSOD NAMS STOBS RGYAS SOGS CHE DGU TSANG MAS SRID NA DKON PA'I

'BYOR PA'I KHYAD PAR SNA TSOGS PA PHUL TE MCHOD, DE NAS RJE 'DI NYID DGUNG LO BCU GNYIS SU PHEBS PA SA MO SPRUL GYI LO SNGAGS CHEN ZHAL SNGA NAS BLO BZANG DPAL 'BYOR GYIS DBUS SNGAGS GRVA'I DGE 'DUN TSANG MAS ZHABS BRTAN GSOL 'DEBS SHIG GI BKA' RTZOM ZHUS PAR, AOm BDE LEGS SU GYUR CIG, ,BLO GROS DPAG BSAM LJON PA'I RTZA BA BRTAN, ,BZANG PO'I YAL GA LO MA ME TOG RGYAS, DPAL LDAN YE SHES 'BRAS BUS 'GRO BA KUN, TSIM MDZAD RJE BTZUN BLA MAR GSOL BA 'DEBS, ,DGE LEGS YON TAN KUN GYI GZHIR GYUR PA'I, ,BLO BZANG RGYAL BA'I BSTAN PA 'DZIN PA LA, ,DPAL LDAN MKHAS KUN GTZUG GI RGYAN GYUR PA, ,YE SHES MTSAN LDAN ZHABS LA GSOL BA 'DEBS, ,BLO BZANG MKHYEN BRTZE'I DKYIL 'KHOR RGYAS PA LAS, ,DPAL LDAN YE SHES SNANG BA 'BUM 'PHRO BAS, ,GDUL BYA'I NYON MONGS MUN PA MA LUS PA, ,SEL MDZAD RJE BTZUN BLA MAR GSOL BA 'DEBS, ,THUB MCHOG ZAS GTZANG SRAS PO'I BSTAN PA DANG, ,KHYAD PAR BLO BZANG RGYAL BA'I RING LUGS KUN, ,SPEL ZHING 'GRO RNAMS THAR LAM 'GOD MDZAD PA'I, ,DPAL LDAN YE SHES DBANG PO ZHABS BRTAN SHOG ,DENG NAS BDAG SOGS 'GRO BA MA LUS PA, ,THEG MCHOG DGE BA'I BSHES KYIS RJES BZUNG NAS, ,MDO SNGAGS ZUNG 'BREL NYAMS LEN MTHAR PHYIN TE, ,SA BCU RIM BGROD RNAM MKHYEN MYUR THOB SHOG ,

, ,CES PA DANG, BLA BRGYUD GSOL 'DEBS KHA SKONG DU BCUG CHOG PA'I TSIGS BCAD GCIG DGOS ZHUS PAR, BLO BZANG RGYAL BA'I RING LUGS PADMO'I TSAL, ,DPAL LDAN YE SHES 'OD KYIS RGYAS MDZAD PA'I,, RIS MED 'GRO BA'I 'DREN BA KUN GYI GTZO, ,RJE BTZUN BLA MA'I ZHABS LA GSOL BA 'DEBS, ,ZHES PA GNANG STE 'DI GNYIS NI SKU TSE 'DI'I BKA' RTZOM GYI THOG MA YIN ZHING, DE SNGA SNYAN NGAG LA SBYONG BAR MA MDZAD KYANG SNYAN NGAG GI TSIG RGYAN NGO MTSAR BA'I TSIG SBYOR PHUN SUM TSOGS PA THOGS MED DU GNANG BA 'DI 'DRA BA NGO MTSAR CHE'O ZHES MKHAS PA RNAMS YA MTSAN DU 'DZIN CING, SKU TSE 'DIR MKHAS GRUB SMRA BA'I NYI MA SLAR DNGOS SU BYON PA 'DRA BA ZHIG NGES PAR 'BYUNG NGO ZHES DGE 'DUN TSANG MA YID CHES KYI DAD PA THOB STE, RJE 'DI'I BSTOD BSNGAGS 'BA' ZHIG BRJOD PAS GTAM GZHAN GLENG BA'I GO SKABS PHROGS PA LTA BUR GYUR TO, ,DE NAS RJE 'DI PA RGYAL BA THAMS CAD MKHYEN PA CHEN PO MJAL BAR SHIN TU RINGS PAR GYUR NAS LO 'DIR RGYAL BA THAMS CAD MKHYEN PA CHEN PO'I ZHAL MJAL ZHING DGE TSUL GYI SDOM PA ZHU BA SOGS KYI CHED DU PHEBS TSOGS PA DGOS ZHES RGYAL DBANG MCHOG LA ZHU BAR MDZAD PA NA RGYAL BA THAMS CAD MKHYEN PA CHEN PO YANG THUGS SHIN TU DGYES NAS NGED KYANG PAn CHEN MCHOG GI SPRUL PA'I SKU MJAL 'DOD SKOM PA CHU 'DOD LTA BUR YOD PAS DBUS PHYOGS SU PHEBS BZHED PA CIS KYANG LEGS ZHES MGRON GNYER YON TAN LEGS

GRUB SOGS DRUNG 'KHOR KHA SHAS PHEBS BSUR GTONG BA GNANG, DE NAS BKRA SHIS LHUN PO NAS CHIBS BSKYOD DE LAM BAR GYI DAD LDAN THAMS CAD MTHONG THOS DRAN REG GI SGO NAS SMIN GROL LA BKOD CING, ZLA BA BZHI PA'I TSES BCU'I NYIN PO BRANG CHEN PO PO TA LAR PHEBS TE RGYAL BA YAB SRAS GSER ZHAL LHAN RGYAS NAS LHA MI THAMS CAD TSIM PAR MDZAD, DE NAS SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS TE SANGS RGYAS DNGOS DANG DBYER MA MCHIS PA JO BO SH'AKYA MU NE'I DRUNG DU GANGS RI'I MGON PO RGYAL DBANG THAMS CAD MKHYEN PA CHEN PO RJE BTZUN BLO BZANG BSKAL BZANG RGYA MTSO DPAL BZANG POS MKHAN SLOB SBRAGS MA MDZAD, YONGS 'DZIN BLO BZANG BZOD PAS DUS GO BA DANG, DE MO SPRUL PA'I SKU SOGS GANGS RI'I KHROD KYI 'DUL 'DZIN MCHOG TU GYUR PA BCU TSOGS KYI DBUS SU TSIGS SNGA MA DGE TSUL GYI SDOM PA LEGS PAR BZHES TE, STON PA THUB PA'I DBANG PO'I GDUNG 'TSO BA DUR SMRIG GI RGYAL MTSAN 'DZIN PA RNAMS KYI GTZUG GI NOR BUR DBANG BSKUR BAR MDZAD DO, DE SKABS RGYAL BA THAMS CAD MKHYEN PA CHEN PO LA 'JAM DBYANGS AA RA PA TZA NA DANG, SGROL DKAR YID BZHIN 'KHOR LO SOGS KYI RJES GNANG DANG, RJE BDAG NYID CHEN PO'I BSTAN PA'I SNYING PO LAM RIM BSDUS DON DANG, SHES RAB BLO 'PHEL GYI GDAMS PA'I MCHOG DGA' LDAN LHA BRGYA MA BCAS GSAN ZHING, DBANG LUNG MAN NGAG MTHA' DAG SLAR BUM PA GANG BYO'I TSUL DU RIM GYIS ZHUS

, ,CHOG PA DGOS ZHES ZHU BAR MDZAD, DE NAS GTZANG DU CHIBS KHA BSKYOD DE CHOS GRVA CHEN PO BKRA SHIS LHUN POR RGYAL BSTAN MI NUB PA'I SROG SHING DU G-YO BA MED PAR BZHUGS SHING, GDUL BYA RNAMS LA 'DOMS PHYIR KLOG PA THOS BSAM DANG, SPONG BA BSAM GTAN GYIS DUS 'DA' BAR MDZAD, DE NAS RJE BDAG NYID CHEN PO'I MDZAD PA RNAM THAR LTAR DANG POR RGYA CHEN THOS PA MANG DU 'TSOL BAR BZHED NAS YONGS 'DZIN BLO BZANG BZOD PA LA MDO SNGAGS KYI CHOS NAR MAR GSAN ZHING, RJE 'DI PA DGUNG LO BCO LNGAR PHEBS PA CHU PHO SPRE'U'I LO RGYAL BA THAMS CAD MKHYEN PA CHEN POR MDO SNGAGS KYI CHOS BKA' RGYA CHEN PO ZHU BA'I PHYIR ZLA BA LNGA PA'I NANG DU SKU MDUN DU BCAR CHOG PA DGOS ZHES ZHU BAR MDZAD PAR, RGYAL BA THAMS CAD MKHYEN PA CHEN PO THUGS SHIN TU DGYES NAS PHEBS BSU BA GNANG, RJE 'DIS BKRA SHIS LHUN PO NAS CHIBS KHA BSKYOD DE ZLA BA DRUG PA'I TSES LNGA'I NYIN PHO BRANG CHEN POR PHEBS, ZLA BA DRUG PA'I TSES BCU GNYIS GZA' SKAR 'PHROD SBYOR PHUN SUM TSOGS PA'I NYIN NAS CHOS KYI DBU BTZUGS TE RDO RJE PHRENG BA'I DBANG YONGS RDZOGS, MI TRA BRGYA RTZA, BA RI BRGYA RTZA, SNAR THANG BRGYA RTZA, SGRUB THABS RGYA MTSO, MGON CHEN BCU GSUM, 'JIGS BYED BCU GSUM MA'I DBANG SOGS SPYI BKA' DANG ZUR BKA' MTHA' YAS PA GSAN, BDE MCHOG 'KHOR BSGYUR GYI DBANG GI SKABS RGYAL BA THAMS CAD MKHYEN PA CHEN PO DPAL 'KHOR LO SDOM PA'I SKUR

DNGOS SU BZHENGS NAS DBANG BSKUR BA'I BYA BA MDZAD PAR GZIGS BA SOGS DAG PA'I GZIGS SNANG NGO MTSAR BA BSAM GYIS MI KHYAB PA BYUNG, ZLA BA DGU PA'I TSES BRGYAD LA DPAL DUS KYI 'KHOR LO'I DBANG CHEN GSAN BA'I DBU CHUGS TE, TSES BRGYAD KYI NYIN SLOB MA RJES 'DZIN DANG, DGU LA STA GON GNANG, DE NAS TSES BCU BZHI'I BAR LAS CHOG DANG RDUL TSON GYI DKYIL 'KHOR SGRUB PAR MDZAD, CHOS BCO LNGA NAS DUS 'KHOR GYI DBANG DNGOS GZHI BYIS PA LTAR 'JUG PA'I DBANG BDUN, DBANG GONG MA, GONG CHEN, RDO RJE SLOB DPON BDAG PO CHEN PO'I DBANG BCAS MKHAS GRUB THAMS CAD MKHYEN PA NAS BRGYUD PA'I DBANG ZAB MO PHYAG LEN RNAM PAR DAG PA RGYAS PAR STZAL TE RIGS LDAN 'JAM DPAL GRAGS PA SLAR YANG GANGS CAN 'GRO BA'I MGON DU BYON PA YIN PA LTAR 'JIG RTEN KUN LA DA LTAR YIN NO ZHES GO BAR BYA BA'I PHYIR DPAL DUS KYI 'KHOR LO'I BDAG POR DBANG BSKUR BAR MDZAD DO, ,DE NAS DED DPON YID BZHIN GYI NOR BU RIN PO CHE RNYED NAS RANG YUL DU LOG PA LTAR RJE 'DI PA 'PHAGS MCHOG PHYAG NA PADMO'I ZHAL GYI BUM BZANG LAS 'ONGS PA'I MDO SNGAGS LEGS BSHAD KYI BDUD RTZIS THUGS LAGS PAR TSIM NAS GANGS RI'I MGON PO RGYAL BA MCHOG LA NAM MKHA' MDZOD KYI SGO 'PHAR PHYE BA LTAR SRID NA DKON PA'I YO BYAD KYI KHYAD BAR MTHA' YAS PAS MCHOD, DBUS PHYAGS KYI SKAL BA DANG LDAN PA MTHA' DAG ZHAL GYI DKYIL 'KHOR MTHONG BA DANG, GSUNG GI BDUD RTZI

, ,THOS PA DANG, PHYAG GIS REG PAS RANG RANG GI SKAL BA DANG 'TSAM PAR SMIN GROL LA 'GOD PAR MDZAD NAS GTZANG DU CHIBS KHA BSKYOD DE CHOS GRVA CHEN PO BKRA SHIS LHUN POR PHEBS, DE NAS RGYAL BA MCHOG GI BKAS BSDUS GRVA NAS BZUNG GZHUNG LUGS CHEN MO RNAMS LA GSAN SBYONG MDZAD DGOS PAR BSKUL MA MDZAD PA THUGS LA BCANGS TE, DGUNG LO BCU DRUG PA CHU BYA LO ZLA BA DRUG PA'I TSES BZHI NAS BSDUS GRVA'I GSAN SBYONG GI DBU BTZUGS PA RING POR MA THOGS PAR RIGS PA'I SGO BYE STE MKHAS PA MTHA' DAG DRI MA MED PA'I RIGS PA'I NGA ROS SKRAG PAR MDZAD, LO GCIG LA BSDUS GRVA'I GSAN SBYONG MTHAR PHYIN PAR MDZAD DE DGUNG LO BCU BDUN PA SHING KHYI LO ZLA BA DANG PO'I TSES BRGYAD NAS TSAD MA RNAM 'GREL GYI MTHA' DPYOD LA SBYONG BA'I DBU TSUGS, RJE 'DI PA BSDUS GRVA'I GSAN SBYONG MDZAD PA'I GONG TZAM NAS YONGS 'DZIN BLO BZANG BZOD PA ZHING GSHEGS TE; RIGS PA SMRA BA'I GTZUG NOR DKYIL KHANG ZHAL SNGA NAS BLO BZANG CHOS 'PHEL YONGS 'DZIN DU PHEBS TE GSAN SBYONG GI ZHABS BSKUL ZHUS, DE NAS RNAM 'GREL GYI MTHA' DPYOD MYUR BAR MTHAR PHYIN TE RNAM 'GREL GYI GZHUNG LA SBYONG BAR BZHED PA NA RNAM 'GREL RTZA BA DANG RJE SMON LAM DPAL BA'I RNAM 'GREL GYI t'IKKA GNYIS SBYAR TE SBYONG BAR MDZAD CING, RGYAL TSAB DAR MA RIN CHEN GYIS MDZAD PA'I RNAM BSHAD THAR LAM GSAL BYED DANG, MKHAS GRUB

THAMS CAD MKHYEN PAS MDZAD PA'I t'IKA CHEN RIGS PA'I RGYA MTSO GNYIS LA'ANG LEGS PAR GZIGS TE GZHAL BYA'I GNAS GSUM TSAD MA GSUM GYIS GTAN LA 'BEBS PA LA DPAL LDAN CHOS KYI GRAGS PA SLAR YANG 'ONGS PA BZHIN DRI MA MED PA'I RIGS PA'I NGA RO RE RES KYANG GANGS RI'I KHROD KYI MKHAS PAR RLOMS PA MTHA' DAG GI SPOBS PA LAN MED DU MDZAD DO, ,DE NAS RJE NYID DGUNG LO NYI SHUR PHEBS PA ME MO GLANG GI LO RGYAL BA THAMS CAD MKHYEN PA CHEN POR THUGS RDZOGS BZHES PAR PHEBS PAR THAG CHOD KYANG BSTAN 'GRO SPYI'I GEGS CHAGS KYIS RGYAL BA THAMS CAD MKHYEN PA CHEN PO LO DE'I ZLA BA GNYIS PA'I TSES GSUM LA ZHING GSHEGS PA GSAN PAS THUGS NGAL TSAD MED PA MDZAD CING DGONGS RDZOGS RGYA CHEN PO SGRUB PAR MDZAD, DE NAS LO DE'I ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN NYIN BLA BRANG RGYAL MTSAN MTHON PO'I GZIM CHUNG YID DGA' CHOS 'DZIN DU, RIGS PA SMRA BA'I GTZUG GI NOR BU GNAS BRTAN 'DUL BA 'DZIN PA CHEN PO YONGS 'DZIN BLO BZANG CHOS 'PHEL GYIS MKHAN PO MDZAD, THOS BSAM GLING ZHAL SNGA NAS BLO BZANG BKRA SHIS KYIS LAS SLOB, SHAR RTZE ZHAL SNGA NAS BLO BZANG MKHAS MCHOG GIS GSANG STON; DKYIL KHANG ZHAL SNGA NAS BLO BZANG BRTZON 'GRUS KYIS DUS GO BA, SNGAGS CHEN ZHAL SNGA NAS BLO BZANG DPAL 'BYOR GYIS LHUNG BZED 'BRIM PA MDZAD NAS KHA SKONG GI DGE 'DUN GRANGS TSANG BA'I DBUS SU BSNYEN RDZOGS BZHES TE

, ,THUB PA'I DBANG PO SLAR YANG GANGS RI'I KHROD DU BYON PA JI LTA BAR GYUR TO, ,DE NAS 'JAM MGON BSTAN PA'I SROG SHING RJE BTZUN BLA MA NGAG DBANG BYAMS PA GDAN DRANGS NAS THOG MAR BYANG CHUB LAM RIM BDE LAM GYI KHRID MYONG KHRID DU MDZAD DE RGYAS PAR GSAN, DE NAS LAM RIM CHEN MO'I BSHAD LUNG GSAN PAS RANG DANG GZHAN GYI GRUB MTHA' RGYA MTSO'I PHA ROL TU PHYIN PAR GYUR TE GANGS RI'I KHROD 'DIR BYANG CHUB LAM RIM 'CHAD PA LA SUS KYANG 'GRAN DU MED PA MKHAS GRUB SMRA BA'I NYI MA SLAR YANG BYON PA JI LTA BAR GYUR TO, ,DE NAS RIM BZHIN RJE BTZUN NGAG DBANG BYAMS PA'I ZHABS DRUNG DU DPAL GSANG BA 'DUS PA'I DBANG DANG 'DUS PA'I RTZA RGYUD 'GREL PA BZHI SPRAGS NAS 'CHAD PA'I BSHAD SROL GSANG CHEN RGYUD SDE RGYA MTSO'I SNYING PO'I BCUD PHYUNG BA GONG NA MED PA'I LEGS BSHAD KYI GTER CHEN PO GSAN, DE NAS DPAL GSANG BA 'DUS PA'I RIM GNYIS KYI KHRID DANG, DPAL 'KHOR LO SDOM PA'I DBANG DANG, DE'I RIM GNYIS KYI KHRID, BDE MCHOG DRIL BU LUGS PHYI NANG GNYIS KA'I DBANG DANG, DE'I RIM GNYIS KYI KHRID, DPAL RDO RJE 'JIGS BYED CHEN PO'I RIM GNYIS KYI KHRID, BKA' GDAMS THIG LE BCU DRUG GI DBANG DANG MAN NGAG BCAS GNANG STE, RJE BTZUN BLA MA NGAG DBANG BYAMS PAS RJE 'DI GSANG CHEN BSTAN PA'I BDAG POR MNGA' GSOL TO, ,DE NAS SNGAGS GRVA'I DGE 'DUN TSANG MAS GSOL BA NAN GYIS BTAB NAS RJE 'DI SNGAGS KHANG DU

PHEBS TE SNGAGS PA TSOGS YONGS KYI THOG ,SKAL BA DANG LDAN PA GZHAN MANG PO BCAS DGE 'DUN DRUG BRGYA SKOR LA DPAL RDO RJE 'JIGS BYED CHEN PO'I DBANG BZHI STA GON DANG BCAS PA RGYAS PAR STZAL, DE NAS RJE BTZUN BLA MA NGAG DBANG BYAMS PAS BKRA SHIS LHUN PO'I TSOGS CHEN LA LAM RIM GYI KHRID RGYAS PA ZHIG GNANG DGOS SO ZHES BSKUL MA MDZAD PA LTAR TSOGS CHEN LA LAM RIM GYI KHRID RGYAS PA SEMS BSKYED MCHOD PA DANG BCAS PA GNANG, DE NAS LCANG SKYA RIN PO CHE PHEBS TE RJE 'DI TSOGS DBUR SPYAN DRANGS NAS ZHABS BRTAN RGYAS PA 'BUL BAR MDZAD CING CHOS KYI BDUD RTZI STZOL DGOS PAR GSOL 'DABS MDZAD PA LTAR GZIM CHUNG NYI 'OD 'KHYIL PAR LCANG SKYA RIN PO CHE 'KHRO BCAS DANG; DE SKABS BDAG KYANG SKYABS MGON MCHOG GI ZHAL MJAL BAR 'ONGS PA DUS 'GRIG STE BDAG CAG RNAMS LA DPAL RDO RJE 'JIGS BYED LHA BCU GSUM MA'I DBANG BZHI CHES RGYAS PAR STZAL, GZHAN YANG LCANG SKYA RIN PO CHE LA SNGAGS KYI ZAB CHOS MANG DU GNANG ZHING, LCANG SKYA RIN PO CHE 'DI NYID MDO SNGAGS THAMS CAD LA MKHAS PA'I PHUL DU PHYIN PA SUS KYANG 'GRAN DU MED BA ZHIG YIN YANG RJE BLA MA MCHOG 'DI'I DBANG BSHAD RNAMS LA THUGS SHIN TU DGYES NAS LEGS SO BRJOD PAR MDZAD, DE NAS BDAG GIS GSOL BA BTAB STE GZIM CHUNG YID DGA' CHOS 'DZIN DU BDAG DANG ZLA BO RI KHROD PA BCU DRUG TZAM ZHIG LA DPAL RDO RJE 'JIGS BYED CHEN PO'I BSKYED RIM DANG RDZOGS RIM GYI KHRID LAG RJES

, ,SGYU LUS MCHOD BA DANG BCAS PA RGYAS PAR STZAL, DE NAS CHOGS CHEN LA LAM RIM CHEN MO'I BSHAD LUNG RGYAS PAR STZAL, RIM GYIS TSOGS CHEN LA GDUGS DKAR GYI DBANG CHEN, TSE DPAG MED LHA DGU'I DBANG CHEN, THUB PA DAM TSIG GSUM BKOD KYI DBANG CHEN, DPAL MO LUGS BCU GCIG ZHAL GYI DBANG CHEN RNAMS SO SOR STA GON DANG BCAS RGYAS PAR STZAL, DA NAS LCANG SKYA RIN PO CHES DBUS SU SPYAN DRANGS TE DPAL DUS KYI 'KHOR LO'I DBANG CHEN GNANG DGOS BAR GSOL BA BTAB PA NA PHO BRANG CHEN PO PO TA LA'I GZIM CHUNG KHAMS GSUM RNAM RGYAL DU SLOB MA RJES 'DZIN GYI CHO GA MDZAD, DE NAS TSOM CHEN DU LCANG SKYA RIN PO CHES DBUS DGE 'DUN NYIS STONG BRGAL BAR DPAL DUS KYI 'KHOR LO'I DBANG STA GON DANG BCAS PA YONGS SU RDZOGS PA GNANG STE DPAL DUS KYI 'KHOR LO'I BSTAN PA NYIN MO LTAR GSAL BAR MDZAD DO, ,DE NAS SE 'BRAS DGE GSUM RGYUD STOD SMAD SOGS DBUS PHYOGS KYI DGE 'DUN RNAMS LA MDO SNGAGS KYI CHOS RGYA CHER STZAL TE BSTAN PA LA BYA BA RGYA CHER MDZAD DO, ,DE NAS GTZANG DU PHEBS BZHED PA NA DGANG LDAN RNAM PAR RGYAL BA'I GLING DU SPYAN DRANGS TE GSER KHRI'I STENG NAS BSTAN PA'I RTZA BA SO SO THAR PA'I MDO 'CHAD PA SOGS CHOS KYI 'KHOR LO RGYA CHER BSKOR, DE NAS BKA' GDAMS BSTAN PA'I 'BYUNG GNAS RA SGRENG DU PHEBS TE SNYUG MAR GNAS PA DANG PHYOGS 'DUS KYI DGE 'DUN BGRANG BA LAS

'DAS PA RNAMS LA CHOS KYI 'KHOR LO RGYA CHER BSKOR, JO BO'I SKU 'DRA DBU YON MAR GRAGS PA LA MCHOD 'BUL RGYA CHEN PO DANG BCAS GSOL 'DEBS SHUGS DRAG MDZAD PA NA DAG PA'I GZIGS SNANG DANG JO BO PHYING DKAR BA DGYES PA'I MTSAN MA NGO MTSAR BA MANG DU BYUNG, YAR LAM DGA' LDAN RAB RGYAS SU CHIBS BSKYOD DE ZHAG BCO LNGA TZAM BZHUGS NAS CHOS 'KHOR RGYA CHER BSKOR, DE SKABS RGYAL BA MCHOG GI SPRUL PA'I SKU THOB RGYAL LHA RI SGANG DU PHEBS PA PHYI CHAR DU MA GRAGS KYANG RGYAL BA YAB SRAS GNYIS YE SHES SGRIB PA MED PAS GCIG GIS GCIG GSAL BAR GZIGS TE LHA RI SGANG PA'I YUM SRAS BCAS RJE 'DI PA MJAL DU BYON PA NA RGYAL BA YAB SRAS GNYIS ZHAL MJAL TE GSANG BA ZAB MO'I BKA' MCHID MDZAD CING MYUR DU GSER KHRI LA MNGA' GSOL BA'I RTEN 'BREL BSGRIG PAR MDZAD DO, ,DE NAS GDAN SA CHEN PO BKRA SHIS LHUN POR PHEBS TE GZHIS BYAS KYI DGE 'DUN BGRANG BA LAS 'DAS PA LA PHYAG DBANG DANG CHOS KYI 'KHOR LO RIM PAR BSKOR BAR MDZAD CING, RJE BDAG NYID CHEN PO'I RNAM THAR LTAR SHING RTA CHEN PO'I GZHUNG RNAMS LA SBYANGS PA MTHAR PHYIN PA ZHIG MDZAD BZHED NAS RNAM 'GREL GYI RIGS LUNG GONG 'PHEL THOG MNGON RTOGS RGYAN THUGS LA BZUNG STE PHAR PHYIN GYI GSAN SBYONG DANG, DBU MA 'JUG PA THUGS LA BZUNG STE DBU MA'I GSAN SBYONG DANG, 'DUL BA MDO RTZA BA THUGS LA BZUNG STE 'DUL BA'I GSAN SBYONG DANG, MNGON PA MDZOD THUGS LA BZUNG STE MNGON PA'I GSAN SBYONG RNAMS DANG RGYA GAR MKHAS PA'I GZHUNG RNAMS

, ,DANG RJE YAB SRAS KYI GZHUNG RNAMS LA LEGS PAR GZIGS TE MTHA' CHOD BAR MDZAD CING, 'DZAM BU'I GLING GI SA'I CHA MTHA' DAG NAS 'DUS PA'I CHOS DON GNYER BA RNAMS LA SDE SNOD GSUM DANG RGYUD SDE BZHIS BSDUS PA'I MDO SNGAGS KYI CHOS MTHA' YAS PA BRGYUD MAR STZAL, BSTAN PA'I GSAL BYED RJE LCANG SKYA RIN PO CHE NAS BSKUL MA MDZAD PA LTAR SNGAGS KHANG DU BDE MCHOG GI CHO GA GSAR 'DZUGS MDZAD RGYUR, SNGAGS PA TSOGS YONGS LA BDE MCHOG GI DBANG CHEN STZAL NAS SNGAGS KHANG DU BDE MCHOG GI CHO GA 'DZUGS PAR MDZAD, SNGAGS PA'I DGE BSHES DRAG RIM NAS BDE MCHOG GI BSNYEN PA BYED DGOS PA'I BKA' 'DOMS MDZAD DE BSNYEN SONG MANG DU BYUNG BA NA RJE NYID DGUNG LO NYI SHU RTZA LNGAR PHEBS PA CHU PHO RTA'I LO ZLA BA BCU GCIG PA'I TSES BCU GSUM GZA' SKAR 'PHROD SBYOR LEGS PA'I NYIN NAS BDE MCHOG SGRUB MCHOD KYI DBU TSUGS TE JI SRID RGYAL BSTAN NAM GNAS KYI BAR DU MI NYAMS PA'I BKA' 'DOMS MDZAD, RJE RGYAL BA GNYIS PA'I BSTAN PA'I SNYING PO GSANG CHEN RDO RJE THEG PA'I BSTAN PA MTHAR THUG MA RGYUD KYI GTZO BO DPAL 'KHOR LO SDOM PA'I BSTAN PA GSAL BAR MDZAD PA NI NGO MTSAR RMAD DU BYUNG BA'I RNAM PAR THAR BA ZHIG GO ,DE NAS SA SKYONG ZHES BA SHING MO BYA'I LO DUS 'KHOR GYI SGRUB MCHOD 'DZUGS PAR MDZAD DE JI SRID RGYAL BSTAN NAM GNAS BAR NAG PA ZLA BA'I NANG DU DUS 'KHOR

SGRUB MCHOD CHAG MED YONG BA'I BKA' 'DOMS MDZAD, DE'I TSE SNGON SHAMBHA LAR RIGS LDAN 'JAM DPAL GRAGS PAS DRANG SRONG NYI MA'I SHING RTA SOGS SKAL LDAN GYI SLOB MA BYE BA PHRAG MANG BO DKYIL 'KHOR CHEN POR 'DZUD PAR MDZAD PA LTAR RJE 'DIS KYANG DPAL DUS KYI 'KHOR LO'I BSTAN PA CHES CHER RGYAS PAR BYA BA'I RTEN 'BREL DU BKRA SHIS LHUN PO'I DGE 'DUN TSANG MA DUS 'KHOR SGRUB MCHOD KYI THOG DKYIL 'KHOR MJAL BA DANG RJE NYID KYI BYIN RLABS ZHU BA BCAS LA GTONG BAR MDZAD, DE SKABS GNAS GSUM GYI DPA' BO DANG DPA' MO RNAMS CHES CHER DGYES PA'I RTAGS SU NAM MKHAR 'JA' SPRIN 'KHRIGS PA SOGS NGO MTSAR BA'I LTAS MANG DU BYUNG NGO, ,DE NAS RNAM 'DREN RGYAL BA'I DBANG POS SPYAN 'DREN ZHUS TE DBUS PHYOGS SU PHEBS, ZLA BA DRUG PA'I TSES BZHI RGYAL BAS CHOS 'KHOR BSKOR BA'I DUS CHEN GYI NYIN, LHA LDAN SPRUL PA'I GTZUG LAG KHANG GI JO BO SH'AKYA MU NE'I DRUNG DU RJE 'DIS MKHAN SLOB SBRAGS MA MDZAD YONGS 'DZIN RIN PO CHE DAG DBANG CHOS GRAGS KYIS DUS GO BA MDZAD, DE MO SPRUL PA'I SKU RIN PO CHE SOGS DGE 'DUN GRANGS TSANG BA'I DBUS SU RAB TU BYUNG ZHING DGE TSUL GYI SDOM PA BZHES TE GANGS CAN 'GRO BA'I MGON PO RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES THUB DBANG SLAR YANG PHYOGS 'DIR BYON PA JI LTA BA BZHIN DUR SMRIG 'DZIN PA'I MCHOG TU GYUR TO DE NYIN DKAR PHYOGS KYI LHA RNAMS CHES CHER DGA' STE,

, ,DA NI THUB PA'I BSTAN PA 'PHAL ZHING SNYIGS MA'I 'GRO BA RNAMS MGON DANG BCAS PAR GYUR TO ZHES DGA' BA'I CA CO'I SGRA 'OG MIN GYI BAR DU'ANG BSGRAGS SHING, SKYE BO THA MAL PA RNAMS KYI MTHONG SNANG DU'ANG NAM MKHA'I KHYON THAMS CAD 'JA' SPRIN GYIS KHYAB PAR GYUR PA ZHIG BYUNG BAS MCHOG DMAN BAR MA'I 'GRO BA THAMS CAD RGYAL BA YAB SRAS GNYIS KA LA MI KHYED PA'I DAD PA THOB PAR GYUR TO, ,DE NAS RGYAL BA YAB SRAS GNYIS KA PHO BRANG CHEN PO PO TA LAR PHEBS TE, RJE 'DIS RGYAL BA MCHOG LA 'KHRUNGS RABS SO BZHI PA SOGS LUNG MANG PO DANG, LAM RIM BDE LAM MYUR LAM SOGS 'JAM MGON RGYAL BA GNYIS PA'I SNYAN RGYUD KYI MAN NGAG RGYA CHER 'BUL BAR MDZAD, RJE 'DI NI BSTAN PA'I DON LA DKA' BA CI BYUNG YANG SKYO NGAL MI MDZAD PAR DE'I TSE PHYOGS MTHA' DAG NAS 'DUS PA'I CHOS DON GNYER BA RNAMS LA RANG RANG GI 'DOD PA LTAR CHOS KYI BDUD RTZI RGYA CHER STZAL ZHING, LHAG PAR BSNYEN RDZOGS BSGRUB BYA STONG PHRAG BRGAL BA BYUNG YANG BSTAN PA'I RTZA BA SO SO THAR PA YIN PAS DKA' BA CI BYUNG YANG BZOD GSUNGS NAS NYIN MANG POR SBREL NAS GNANG ZHING RES 'GA' GUNG YOL NAS TSUGS PA SROD THUN YOL GYI BAR DU GNANG DGOS PA BYUNG YANG SKYO NGAL MI MDZAD PAR THUGS SPRO ZHING GNANG BA NI RGYAL BA'I BSTAN PA

'BA' ZHIG THUGS LA BCANGS PA'I RNAM BAR THAR PA RMAD DU BYUNG BA ZHIG GO, DE NAS RGYAL BA MCHOG LA DPAL RDO RJE 'JIGS BYED CHEN PO LHA BCU GSUM MA'I DBANG DANG, GDUGS DKAR LHA SO BDUN MA'I DBANG DANG, LEGS LDAN MCHED GSUM GYI RJES GNANG DANG, MGON PO RGYAN CAN GYI RJES GNANG DANG, SGRUB THABS BRGYA RTZA'I NANG NAS 'OD ZER CAN MA DANG 'JAM DBYANGS SMRA SENG SOGS RJES GNANG 'GA' ZHIG 'BUL BAR MDZAD CING; GZHAN MA DON GNYER CAN MANG POR DBANG LUNG MAN NGAG MTHA' YAS PA STZAL, DE NAS GTZANG DU CHIBS BSKYOD MDZAD RGYUR PHO BRANG NAS PHEBS TE 'BRAS SPUNGS 'DU KHANG CHEN MOR 'BRAS SPUNGS TSOGS CHEN GYI THOG PHYOGS 'DUS MANG PO BCAS DGE 'DUN STONG PHRAG MANG POR LAM GTZO'I KHRID STZAL DE NAS RIM GYIS LAM BAR GYI DAD LDAN SER SKYA BGRANG BA LAS 'DAS PA LA MTHO RIS DANG THAR PA'I SA BON 'DEBS PAR MDZAD CING, CHOS GRVA CHEN PO BKRA SHIS LHUN POR PHEBS NAS 'KHOR LO GSUM GYI BYA BAS ROL PAR MDZAD, DE NAS MI ZAD CES PA ME PHO KHYI'I LO SNGAGS CHEN ZHAL SNGA NAS SOGS SNGAGS GRVA'I DGE 'DUN TSANG MAS GSOL BA BTAB NAS PHO BRANG RGYAL MTSAN MTHON PO'I GZIM CHUNG NYI 'OD 'KHYIL BAR YONGS 'DZIN RIN PO CHE, PHYAG MDZOD CHEN MO, GRVA TSANG BLA MA BZHI, SNGAGS PA TSOGS YONGS GZHAN YANG SKAL LDAN KHA SHAS BCAS LA DPAL DUS

, ,KYI 'KHOR LO'I DBANG CHEN SLOB MA RJES BZUNG NAS GONG CHEN BDAG PO CHEN PO'I DBANG GI BAR RGYAS PAR STZAL TE RIGS LDAN 'JAM DPAL GRAGS BA SLAR YANG GANGS RI'I KHROD DU PHEBS NAS DPAL LDAN DANG PO'I SANGS RGYAS KYI RGYUD CHEN GSAL BAR MDZAD DO ZHES SA STENG MA LUS GRAGS PAS KHYAB PAR GYUR TO, ,DE NAS ZLA BA LNGA PA'I NANG DU BDAG CAG SKYID GRONG RI KHROD PA RNAMS SKU MDUN DU BCAR TE MAndAL PHUL NAS RJE NYID ZHABS PAD YUN RING BRTAN PA'I GSOL BA BTAB CING, 'JAM MGON BLA MA'I BSTAN PA'I SNYING PO MTHAR THUG PA MDO SNGAGS KYI MAN NGAG MTHA' DAG RGYA CHER SBEL BAR MDZAD PA DANG, LHAG PAR RDO RJE 'CHANG CHEN PO'I LAM GYI RIM PA'I GZABS BSHAD RGYAS PA ZHIG STZOL BAR GSOL BA BTAB PAS DGYES BZHIN ZHAL GYIS BZHES TE RGYAL MTSAN MTHON PO'I GZIM CHUNG NGO MTSAR BKOD PAR GRVA TSANG BLA MA BZHI DANG, SNGAGS GRVA'I DGE BSHES DRAG GRAS 'GA' ZHIG ,BDAG CAG SKYID GRONG RI KHROD PA RNAMS BCAS LA SNGAGS RIM CHEN MO'I BSHAD LUNG CHOS THUN NYI SHU SKOR ZHIG RGYAS PAR STZAL, CHOS TSUGS PA'I 'GOR BLA MA YI DAM SRUNG MAR BCAS PA LA TSOGS MCHOD DANG, GRUB NAS KYANG GTANG RAG GI TSOGS MCHOD DANG MAndAL RGYAS BAR PHUL, RJE 'DIS 'JAM MGON BLA MA'I BSTAN PA'I SNYING PO MTHAR

THUG PA RNAMS MING TZAM YANG NYAMS PA LA PHYOGS PA GSO BAR MDZAD PAS BSTAN PA LA BYA BA BLA NA MED PA MDZAD DO, ,DE LTAR BSTAN PA'I BYA BA RGYA CHEN PO MDZAD PA 'JAM DBYANGS GONG MA BDAG PO CHEN POS GSAN NAS LEGS SO'I GNANG SKYES 'JA' SA GSER THAM SOGS PHEBS TE, RJE 'DI'I RNAM PAR DKAR BA'I 'PHRIN LAS KYIS SA GSUM MA LUS KHYAB PAR GYUR TO, ,DE NAS RIM GYIS LO LO BZHIN BKRA SHIS LHUN PO'I TSOGS CHEN LA DBYAR GNAS KYI THOG SHING RTA CHEN PO'I GZHUNG RNAMS KYI BSHAD LUNG DANG, LHAG PAR SKYES RABS SO BZHI PA'I GZABS BSHAD CHES RGYAS PA DANG, LAM RIM CHEN MO'I BSHAD LUNG, LAM RIM BDE LAM GYI KHRID, BLO SBYONG DON BDUN MA'I KHRID, DGA' LDAN LHA BRGYA MA'I KHRID, BLA MA MCHOD PA'I KHRID, RGYUD SDE BZHI DANG 'BREL BA'I DBANG DANG LHAG PA'I LHA MANG PO'I RJES GNANG RIM PAR STZAL, DE NAS RGYAL BA THAMS CAD MKHYEN PAS MDO SNGAGS KYI CHOS BKA' RGYA CHEN PO GSAN PHYIR DBUS SU SPYAN DRANGS TE PHO BRANG CHEN POR PHEBS NAS RGYAL BA MCHOG SKU 'KHOR RAGS RIM DANG BCAS PA LA 'JAM DBYANGS CHOS SKOR GYI RJES GNANG YONGS RDZOGS, DPAL GSANG BA 'DUS PA MI BSKYOD RDO RJE'I DBANG STA GON DANG BCAS PA, DPAL 'KHOR LO SDOM PA L'U AI PA'I LUGS KYI DBANG STA GON DANG

, ,BCAS PA, SGROL MA NYER GCIG GI RJES GNANG YONGS RDZOGS, RNAM 'GREL, 'DUL BA, PHAR PHYIN, DBU MA, MDZOD RNAMS KYI LUNG DANG, RDO RJE 'JIGS BYED KYI BSKYED RIM GYI KHRID, DAM CAN CHOS KYI RGYAL PO'I RJES GNANG, LHA MO DMAG ZOR MA'I RJES GNANG, DPAL MGON ZHAL BZHI PA'I RJES GNANG, LCAM SRING GI RJES GNANG, DPAL LHA'I RJES GNANG, MGON PO PHYAG BZHI PA'I RJES GNANG RNAMS RIM GYIS 'BUL BAR MDZAD, DE NAS GTZANG LA CHIBS BSGYUR GNANG STE BKRA SHIS LHUN POR PHEBS NAS 'JAM MGON BSTAN PA'I SROG SHING G-YO BA MED PAR BZUNG NAS RAB BYUNG BSNYEN RDZOGS BRGYUD MAR BSGRUB PA DANG, MDO SNGAGS KYI CHOS KYI 'KHOR LO BRGYUD MAR BSKOR TE BSTAN PA'I BYA BA RGYA CHER MDZAD DO, ,'DI SKABS RJE BLA MA 'DIS SNGON STON PA THUGS RJE CAN DES GANG DU SANGS RGYAS PA'I TSUL BSTAN PA'I GNAS RDO RJE GDAN SOGS 'PHAGS YUL GYI GNAS CHEN RNAMS LA MCHOD 'BUL SMON LAM MDZAD PHYIR BKRA SHIS LHUN PO'I GRVA PA CHOS MTHUN BZHI TZAM ZHIG GTONG BAR MDZAD PA RGYA GAR KA SHI'I RGYAL POS DAD PA CHEN POS ZHABS 'GYUR BYAS TE LAM BAR GYI 'JIGS PA LAS BSKYABS SHING RGYUS YOD KYI ROGS BTANG STE RDO RJE GDAN DU 'BYOR NAS BYANG CHUB CHEN PO LA GSER CHAB DANG, SNA LNGA'I STONG MCHOD SOGS MCHOD 'BUL RGYA CHEN PO

BYAS PA NA RGYA GAR GYI YUL GRU THAMS CAD DU CHES CHER GRAGS TE BOD KYI BLA MA CHEN POS BYANG CHUB CHEN PO LA MCHOD PA TSAD MED PA PHUL, DE YANG SEMS CAN THAMS CAD KYI DON DU YIN PA 'DUG CES THOS NAS RJE 'DI'I THUGS BSKYED KYI MTHUS 'PHAGS YUL GYI RGYAL BLON 'BANGS DANG BCAS PA DAD PA'I SA LA BKOD, RGYA GAR SHAR NUB DBUS DANG BCAS PA'I RGYAL PO SO SO NAS RJE 'DI LA ZHU 'PHRIN 'BUL ZHING RANG RANG GI YUL GYI DPYAD PA NGO MTSAR BA SNA TSOGS 'BUL BA DANG, RJE 'DI LA GSOL BA 'DEBS PA DANG, BKA' BZHIN DU SGRUB PAR DAM 'CHA' BA SOGS SNGON MED PA'I NGO MTSAR YA MTSAN CHE BA BYUNG NGO, ,DE NAS RJE NYID DGUNG LO SO BRGYAD DU PHEBS PA MYOS BYED CES PA SHING MO LUG GI LO BOD KYI SRID SKYONG DE MO RIN PO CHES BSAM YAS LA ZHIG GSO RLABS CHEN MDZAD PAR ZHAL 'DEBS DANG MCHOD 'BUL RLABS CHE BA MDZAD, BRAG G-YAB SPRUL SKU SOGS SKAL LDAN MANG PO LA LAM RIM GYI KHRID DANG, 'JIGS BYED BDUD LAS RNAM RGYAL GYI DBANG, GDUGS DKAR GYI DBANG DANG, TSE DPAG MED LHA DGU'I DBANG DANG, BCU GCIG ZHAL GYI DBANG DANG, DRIL BU LUS DKYIL GYI DBANG, 'JAM DBYANGS CHOS SKOR GYI RJES GNANG SOGS MDO SNGAGS KYI CHOS MTHA' YAS PA STZAL, LO DE'I DBYAR GNAS KYI THOG TSOGS CHEN LA LAM RIM GYI KHRID ZHI BA LHA'I LUGS KYI SEMS BSKYED

, ,KYI CHO GA DANG BCAS PA RGYAS PAR STZAL, ZLA BA BDUN PA'I NANG DU BDAG CAG SKYID GRONG RI KHROD BA RNAMS 'BYOR TE TSES BDUN GYI NYIN RJE BLA MA 'DI NYID TSOGS DBUR SPYAN DRANGS TE DNGOS 'BYOR GYI 'BUL BA DANG BCAS ZHABS BRTAN GSOL 'DEBS ZHUS, DE SKABS THAN PA SHIN TU CHE BA YOD PA LA, DE NYIN RJE 'DI TSOGS CHEN GYI BZHUGS KHRI'I STENG DU PHEBS MA THAG MKHA' LA GLO BUR DU SPRIN 'KHRIGS TE 'BRUG SGRA DRAG PO BRGYUD MAR BSGRAGS SHING CHAR DRAG PO BABS TE 'DZIN MA'I KHYON THAMS CAD CHUS BRLAN PAR BYAS PAS RJE NYID THUGS SHIN TU DGYES TE RTEN 'BREL SHIN TU LEGS PA BYUNG ZHES BKA' PHEBS, DE NYIN LHA KHANG RNAMS SU PHEBS TE KHRUS GSOL RGYAS PA MDZAD, DPAL LDAN DMAG ZOR RGYAL MO LA RTZAM KHAL BRGYA PHRAG BRGAL BA LAS GRUB PA'I GTOR MA BSHAMS TE 'DUS PA RGYA MTSO'I TSOGS DANG LHAN CIG TU DPAL LDAN LHA MO LA GTOR 'BUL DANG 'PHRIN 'CHOL RGYAS PA MDZAD, GZHAN YANG LO DE LA SKAL BA DANG LDAN PA BGRANG BA LAS 'DAS PA LA CHOS KYI 'KHOR LO BSKOR BA DANG, RGYAL BA'I BKA' DANG BSTAN BCOS 'GYUR RO COG TSANG MA GSER BTZO MA'I KHU BAS 'DRI BAR MDZAD PA SOGS BLO DMAN DAG GIS RJES SU YI RANG TZAM YANG BYA DKA' BA'I BSTAN PA'I BYA BA RGYA CHER MDZAD DO, ,DE NAS RJE BLA MA 'DI NYID DGUNG LO SO DGUR PHEBS

PA GDONG NGAN ZHES PA ME PHO SPRE'U'I LO KHAL KHA RJE BTZUN DAM PA'I DGONGS RDZOGS PA NO MO HAN 'JAM DPAL RDO RJE SOGS SOGS 'GRUL GTOS CHE BA 'BYOR TE BLA MA DGE 'DUN TSANG MAR BSNYEN BKUR RGYA CHEN PO BYAS SHING, RJE 'DI PAS KYANG SO SO'I 'DOD PA DANG MTHUN PA'I DBANG RJES GNANG LUNG MAN NGAG MTHA' YAS PA STZAL CING 'DI LO DBYAR GNAS KYI THOG DGE 'DUN 'DUS PA RGYA MTSO'I TSOGS LA RJE NYID KYI BKA' RTZOM SNGAR YOD PHAL CHE BA'I LUNG GNANG, DBYAR GNAS KYI SKABS 'DIR BDAG KYANG DBUS NAS 'KHOR TE SKYABS MGON MCHOG 'DI NYID LA DPAL GSANG BA 'DUS PA'I RTZA BA'I RGYUD, SGRON GSAL SOGS 'GREL PA BZHIS 'CHAD PA'I BSHAD SROL BZANG PO CHOS KYI RGYAL PO TZONG KHA PA CHEN POS GANGS RI'I KHROD 'DIR SNGON MED PA'I SHING RTA'I LAM SROL PHYE BA, 'GREL PA BZHI SBRAGS SU GRAGS PA'I GSANG BA ZAB MO'I ZAB CHOS STZOL BAR GSOL BA BTAB PAS DGYES BZHIN ZHAL GYIS BZHES TE BDAG CAG SKYID GRONG RI KHROD PA RNAMS DANG RJE NYID KYI SKU'I PHU PO PHYAG MDZOD CHEN MO, GRVA TSANG BZHI'I BLA MA, SNGAGS GRVA'I 'GREL DPON PA KHA SHAS BCAS LA ZLA BA BRGYAD PA'I TSES BCU DRUG NAS DBU BTZUGS TE NYIN LTAR SNGA DRO NYI SHAR NAS GSOL TSIGS BAR CHOS THUN RING PO RE MDZAD NAS 'GREL PA BZHI SBRAGS GZABS BSHAD DANG BCAS PA ZLA BA GCIG GI RING RGYAS PAR STZAL, DE'I

, ,TSE THOG MAR BLA MA RDO RJE 'CHANG CHEN PO LA PHYI NANG GSANG BA DE KHO NA NYID KYI MCHOD PA RIN PO CHE'I MAndAL DANG BCAS PA RGYAS PAR PHUL TE GSOL BA 'DEBS PA BLA MA RGYUD MCHOD DU GRAGS PA RGYAS PAR BYAS SHING CHOS THUN RE RE BZHIN RDOR SEMS SGOM BZLAS YI DAM DKYIL 'KHOR GYI LHA TSOGS DANG PHYOGS SKYONG RNAMS DANG DAM CAN CHOS KYI RGYAL POR GTOR 'BUL BLA MA BRGYUD PA'I GSOL 'DEBS RNAMS DKAR CHAG THO'I YIG CHUNG LAS 'BYUNG BA LTAR MDZAD CING, LEGS PAR GRUB BA'I RJES SU GTANG RAG GI TSOGS 'KHOR RIN PO CHE'I MAndAL CI 'BYOR PA'I DNGOS PO RNAMS KYIS MCHOD, RJE BLA MA RDO RJE 'CHANG CHEN BO NYID KYIS GLEGS BAM PHYAG TU BZHES TE BDAG CAG RNAMS LA DBANG BSKUR BRGYAS BAR GNANG BA SOGS MKHAS GRUB THAMS CAD MKHYEN PAS 'JAM MGON BLA MA'I BKA' SROL BZANG PO RNAMS MI NUB PAR BYA BA'I PHYIR RDO RJE SLOB DPON MCHOD PA DANG 'CHAD NYAN JI LTAR BYA BA'I CHUL DKAR CHAG THO'I YIG CHUNG DU BKOD BA CHANG MA CHAD LHAG MED PA MDZAD BAS 'JAM MGON BLA MA'I BSTAN PA LA BKA' DRIN ZLA MED DU MDZAD DO, ,DE NAS DUS 'KHOR CHO GA BA RNAMS KYIS ZHUS NGOR KHONG RNAM PA DANG BDAG CAG RI KHROD BA RNAMS BCAS LA DUS 'KHOR GYI CHOG YONGS RDZOGS KYI LUNG DANG, DUS KYI 'KHOR LO'I MAN NGAG PHYI NANG GZHAN GSUM SBYOR TSUL RNAMS SBA GSANG MED

PAR CHES ZHIB PAR STZAL, TSOGS CHEN DGE BSKOS CHEN MOS ZHUS NAS 'DUS TSOGS LA RNAM 'GREL DBU MA PAR PHYIN 'DUL BA RNAMS LAM RIM GYI NYAMS LEN DANG SBYAR NAS RGYAS PAR GSUNGS TE RJE YAB SRAS KYI MDZAD SROL BZANG PO NYAMS PA MED PAR MDZAD DO, ,BDE MCHOG SGRUB MCHOD KYI THIG SNGAGS GRVA'I DGE 'DUN RNAMS LA SGRUB MCHOD KYI RING TSA RTING MA'I TSOGS BAR LA BDE MCHOG SBAS DON KUN GSAL BDE MCHOG RTZA RGYUD DANG RTZA 'GREL SBRAGS TE CHOS THUN RE LO LTAR GNANG SROL MDZAD 'DUG PA 'DI LO BDAG GIS TSAR GCIG TSANG MA GSUNG BAR GSOL BA BTAB STE MA RGYUD THAMS CAD KYI GTZO BO DPAL 'KHOR LO SDOM PA'I RTZA RGYUD RJE THAMS CAD MKHYEN PAS MDZAD PA'I RGYUD 'GREL SBAS DON KUN GSAL DANG RTZA 'GREL SBRAGS TE DKA' BA'I GNAD RNAMS LA GZABS BSHAD DANG BCAS RGYAS BAR STZAL, 'DI'I TSE BLA MA RDO RJE 'CHANG CHEN PO DKYIL 'KHOR GYI LHA TSOGS DANG BCAS BA LA PHYI NANG GSANG BA DE KHA NA NYID KYI MCHOD PA RIN PO CHE'I MAndAL DANG BCAS PA SNGA PHYI GNYIS SU RGYAS PAR BYAS SHING, GTANG RAG GI TSOGS 'KHOR DANG ZANG ZING GI LONGS SPYOD CI 'BYOR BAS MCHOD DE GSANG CHEN RDO RJE THEG BA'I BSTAN BA'I SNYING PO MTHAR THUG PA BDE MCHOG RTZA RGYUD KYI BSHAD SROL BZANG PO PAn CHEN N'A RO TA PA'I

, ,MAN NGAG CHOS KYI RGYAL PO TZONG KHA PA CHEN POS MGON PO 'JAM PA'I DBYANGS KYI MAN NGAG LA BRTEN NAS LEGS PAR PHYE BA 'DI NYID MING TZAM YANG NUB PA LA NYE BA'I DUS 'DIR NYAMS PA GSOS TE 'PHEL ZHING RGYAS PA'I BKA' DRIN MDZAD PAS RJE 'DIS RGYAL BA'I BSTAN PA LA BYA BA MDZAD PA THAMS CAD KYI NANG NAS DPAL GSANG BA 'DUS PA'I RGYUD KYI BSHAD SROL DANG, DPAL DUS KYI 'KHOR LO'I BSHAD SROL DANG, RDO RJE 'CHANG CHEN PO'I LAM GYI RIM PA'I SGO NAS RGYUD SDE BZHI KA'I LAM GYI BSHAD SROL DANG, DPAL 'KHOR LO SDOM PA'I RGYUD 'GREL GYI BSHAD SROL 'DI RNAMS NI MDZAD PA KUN GYI NANG NAS MDZAD PA'I MCHOG TU GYUR PA BSTAN PA'I BYA BA BLA NA MED PA YIN PAS GANGS CAN PA THAMS CAD KYIS BKA' DRIN BSAB PAR SLAB MA YIN ZHING TSUL 'DI DAG GI SGO NAS RJE 'DI'I BKA' DRIN DRAN PAR BYA BA DANG, RJE 'DI'I SKU CHE BA'I YON TAN LA BSNGAGS TE PHYOGS SU LHUNG PA MA YIN PAR GZU BO'I BLOS RJE 'DI'I RNAM THAR BRJOD CING DRAN PAR BYA'O, ,DE NAS GSER 'PHYANG ZHES PA ME MO BYA'I LO RGYAL BA THAMS CAD MKHYEN PA RJE BTZUN BLO BZANG BSTAN PA'I DBANG PHYUG 'JAM DPAL RGYA MTSOS THUGS RDZOGS BZHES PA DANG, DPANG LUNG MAN NGAG RGYA CHEN PO GSAN PA SOGS KYI CHED DU RJE 'DI SPYAN 'DREN ZHUS TE DBUS PHYOGS SU PHEBS NAS PHO BRANG CHEN PO PO TA LAR RGYAL BA THAMS CAD MKHYEN PA CHEN PO LA GSUNG RAB DGONGS

'GREL DANG BCES PA'I SNYING PO'I DON BSTAN PA YONGS RDZOGS GANG ZAG GCIG GI NYAMS LEN DU 'KHYER BA'I MAN NGAG 'JAM MGON BLA MA TZONG KHA PA CHEN PO'I THUGS KYI BCUD BYUNG BA BYANG CHUB LAM GYI RIM PA'I DMAR KHRID THAMS CAD MKHYEN PAR BGROD PA'I BDE LAM GYI KHRID DANG, SA GSUM GYI SGRON ME GCIG PU LEGS BSHAD MA LUS 'DU BA'I CHOS KYI RGYA MTSO CHEN PO BYANG CHUB LAM RIM CHEN MO'I BSHAD LUNG DANG, LHAG PA'I LHA MANG PO'I RJES GNANG SGRUB THABS SO SO'I LUNG RNAMS 'DUL BAR MDZAD CING, SA GA ZLA BA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS NAS JO BO SH'AKYA MU NE'I SKU MDUN DU RJE 'DIS MKHAN PO MDZAD, YONGS 'DZIN RIN PO CHE NGAG DBANG CHOS GRAGS KYIS LAS SLOB, YONGS 'DZIN ZHAL SNGA NAS BLO BZANG CHOS 'PHEL GYIS GSANG STON, DGA' LDAN KHRI RIN PO CHE BLO BZANG BSTAN PAS DUS GO BA, BSTAN PA'I GSAL BYED CHEN PO CHA GAN NO MO HAN GYIS LHUNG BZED 'BRIM PA PO MDZAD CING, SHAR BYANG GI CHOS RJE GNYIS DANG SE 'BRAS DGE GSUM GYI BLA MA KHRI PA RNAMS KYIS GTZOS GANGS RI'I KHROD KYI 'DUL 'DZIN DAM PA NYI SHU RTZA LNGA'I DBUS SU GANGS CAN 'GRO BA'I MGON PO RGYAL DBANG THAMS CAD MKHYEN PA RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO GSOL BZHI'I LAS KYIS BSNYEN PAR RDZOGS TE THUB PA'I RGYAL TSAB BYANG PHYOGS BSIL LDAN LJONGS KYI BSTAN PA YONGS

, ,RDZOGS KYI BDAG POR MNGA' GSOL, DE NAS PHO BRANG CHEN PO PO TA LAR PHEBS NAS RJE BTZUN RDO RJE RNAL 'BYOR MAS SLOB DPON AA BHYA YA KA RE RJES SU BZUNG STE GSANG CHEN RDO RJE THEG PA'I DBANG GI CHU BO MANG PO GCIG TU BSDUS PA RDO RJE PHRENG BAR GRAGS PA'I STA GON DANG BCAS PA YONGS SU RDZOGS PA RGYAL BA THAMS CAD MKHYEN PA CHEN POR 'BUL BA GNANG STE, DE YANG THOG MAR SLOB MA RJES 'DZIN, DE NAS SLOB MA STA GON, DE NAS GSANG 'DUS 'JAM PA'I RDO RJE'I DBANG CHEN NAS BZUNG BAR MA CHAD PAR RIM GYIS GNANG STE RDO RJE PHRENG BA NAS BSHAD PA'I DBANG ZHE GNYIS DANG, KRi YA SA MUTZTSA NAS BSHAD PA'I DGE LEGS SU BYED PA'I DKYIL 'KHOR GSUM STE DKYIL 'KHOR ZHE LNGA'I DBANG YONGS SU RDZOGS PAR 'BUL BAR MDZAD, DE NAS GRUB CHEN MI TRA DZO KI'I BZHED SROL MI TRA BRGYA RTZAR GRAGS PA'I LHA RNAMS KYI DBANG YONGS SU RDZOGS PA DANG, SGRUB THABS RGYA MTSO'I RJES GNANG YONGS SU RDZOGS PA DANG, MGON PO'I BKA' CHEN BCU GSUM YONGS RDZOGS DANG, GZHAN YANG LHAG PA'I LHA MANG PO'I DBANG DANG RJES GNANG BZLAS LUNG MAN NGAG LAG KHRID SOGS MTHA' YAS PA GNANG STE RGYAL BA THAMS CAD MKHYEN BA CHEN PO MDO SNGAGS BSTAN PA'I BDAG POR MNGA' GSOL LO, ,DE NAS SE 'BRAS DGE GSUM RGYUD STOD SMAD SOGS DBUS PHYOGS KYI DGE 'DUN BGRANG

BA LAS 'DAS PA DANG, DBUS PHYOGS KYI SKYE BO KHYIM PA DANG LDAN BGRANG BA LAS 'DAS PA DANG, PHYOGS 'DUS KYI SER SKYA BGRANG BA LAS 'DAS PA DAG LA ZHAL GYI DKYIL 'KHOR BSTAN TA SKU MTHONG BA DANG, GSUNG THOS PA DANG, PHYAG GIS GANG GI MGO LA REG PA THAMS CAD RIM GYIS SMIN CING GROL BA'I 'PHRIN LAS MDZAD, PHYI RABS KYI GDUL BYA RNAMS LA RANG LA LAM MA NOR BAR STON PA'I DGE BA'I BSHES GNYEN NI PHYOGS BCU'I SANGS RGYAS THAMS CAD LAS LHAG PA'I MCHOD YUL DAM PA YIN ZHING, PHYOGS BCU'I RGYAL BA THAMS CAD MCHOD BA BAS BLA MA'I SKU'I BA SPU GCIG MCHOD PA DANG, BLA MA'I 'DRA 'BAG MCHOD PA BSOD NAMS LHAG PAS BDAG LEGS SU 'DOD PA DAG GIS RANG NYID CHEN PO'I GO SA CI 'DRA ZHIG LA GNAS PA YIN YANG RANG LA CHOS STON PA'I BLA MA LA GUS PA 'DI LTAR BYA DGOS SO, ,ZHES 'DOMS PA'I PHYIR PHUR BU LCOG TU PHEBS TE RJE BTZUN BLA MA NGAG DBANG BYAMS PA'I SKU GDUD LA MCHOD TSOGS RGYA CHEN POS MCHOD PAR MDZAD CING, BLA MA RIN PO CHE DE NYID KYI DGONGS PA YONGS SU BKANG BA'I PHYIR CHOS RA CHEN MO'I KHRI LA PHEBS TE DAD 'DUS KYI SER SKYA STONG PHRAG BRGAL BAR SEMS BSKYED GNANG ZHING, BYAMS MGON BLA MA RIN PO CHE DE NYID KYIS JI LTAR GSUNG BA LTAR RGYAL BSTAN SNYING PO BYANG CHUB LAM GYI RIM PA PHYOGS THAMS CAD DU 'PHEL ZHING RGYAS PA DANG, LAM 'DI STON PA'I BSHES GNYEN DAM PA THAMS CAD

, ,SKU TSE BRTAN CING 'PHRIN LAS RGYAS PA DANG, MTHA' DBUS SKYE 'GRO MA LUS LAM BZANG 'DI LA ZHUGS TE SMIN CING GROL BA'I THUGS SMON RGYA CHER MDZAD, DE NAS PHO BRANG CHEN POR PHEBS NAS GANGS CAN 'GRO BA'I MGON PO RGYAL DBANG MCHOG LA MTHA' DBUS SKYE 'GRO MA LUS DAM PA'I CHOS KYIS TSIM PAR MDZAD PA DANG, MGON PO THUGS RJE CAN NYID KYIS SNGON YUN RING PO NAS PHYAG MTSAN DU BZUNG BA'I BYANG PHYOGS GANGS RI'I LJONGS 'DI LUGS GNYIS KYIS SKYONG TSUL 'DI LTAR MDZAD DGOS SO ZHES ZHAL TA ZHIB RGYAS SU ZHU BAR MDZAD NAS RGYAL BA YAB SRAS GNYIS KA PHAN TSUN THUGS 'PHRENG BZHIN PAS SKYABS 'JUG ZHU BAR MDZAD DE RJE 'DIS GTZANG PHYOGS SU CHIBS KHA BSKYOD NAS BKRA SHIS LHUN POR PHEBS TE SNYUG MAR GNAS PA DANG, PHYOGS PHYOGS NAS 'DUS PA'I DGE 'DUN BGRANG BA LAS 'DAS PA LA CHOS KYI 'KHOR LO BRGYUD MAR BSKOR ZHING, RJE 'DI NYID LA 'DZAM GLING YANGS PA'I SA CHEN PO'I KHYON LA GNAS PA'I SKYE BO MTHA' DAG GIS RANG RANG GI YO BYAD GCES PA GANG YOD 'BUL BAR BYED PAS GSER DANG DNGUL LA SOGS PA'I RIN PO CHE'I BANG MDZOD DANG, GZHAN YANG YO BYAD KYI KHYAD PAR RNAM THOS KYI BU'I NOR LA 'GRAN PA LTA BU MCHIS PA RNAMS NAM YANG CHUD MI ZA BA'I PHYIR DAD LDAN SO SO'I TSOGS RDZOGS PA'I THABS DANG, RGYAL BA'I BSTAN PA RIN PO CHE 'PHEL BA'I THABS 'BA' ZHIG TU SBYOR BAR

MDZAD DE SKU GSUNG THUGS RTEN BZHENG BA DANG, RIS SU MA CHAD PA'I DGE 'DUN GYI SDE LA BSNYEN BKUR BA DANG, DBUL PHONGS RNAMS LA GANG LA GANG 'DOD KYI SBYIN PA MDZAD CING, LHAG PAR SKABS 'DIR RGYAL BA'I BSTAN PA LA SRI ZHU BLA LHAG TU MDZAD BZHED PA DANG, SNGON SANGS RGYAS MTHONG BA'I DKAR PHYOGS KYI LHA KLU RNAMS DGA' ZHING MGU BAR BYA BA DANG, STOBS 'BYOR CAN RNAMS LA SNGON BSAGS BSOD NAMS KYI MTHUS 'BYOR PA THOB PA RNAMS TSUL 'DI LTAR DU CHUD MI ZA BAR BYA DGOS SO ZHES 'DOMS PAR BYA BA'I PHYIR GSER ZHO STONG PHRAG MANG PO BZHU BTUL MDZAD DE RGYAL BA'I BKA' GANGS CAN DU 'GYUR RO COG THAMS CAD DANG, DPAL MGON 'PHAGS PA KLU SGRUB DANG 'PHAGS PA THOGS MED SOGS RGYAL BAS LUNG BSTAN PA'I SHING RTA CHEN PO RNAMS KYIS RGYAL BA'I GSUNG RAB KYI DGONGS PA 'GREL BA'I PHYIR DU MDO SNGAGS KYI BSTAN BCOS JI SNYED CIG MDZAD PA RNAMS DANG, GZHAN YANG 'PHAGS YUL GYI PAn GRUB BGRANG BA LAS 'DAS PAS RGYAL BA'I GSUNG RAB KYI DGONGS PA 'GREL BA'I BSNGAN BCOS MDZAD PA MTHA' YAS PA YOD PA LAS GANGS RI'I LJONGS 'DIR SNGON CHAD BSTAN BCOS 'GYUR RO COG THAMS CAD DANG, KHAMS GSUM CHOS KYI RGYAL PO TZONG KHA PA CHEN PO'I GSUNG 'BUM YONGS RDZOGS DANG, RGYAL TSAB DANG MA RIN CHEN GYI GSUNG 'BUM YONGS RDZOGS DANG, MKHAS GRUB DGE LEGS DPAL BZANG PO'I GSUNG 'BUM YONGS RDZOGS DANG,

, ,PAn CHEN BLO BZANG CHOS KYI RGYAL MTSAN GYI GSUNG 'BUM YONGS RDZOGS DANG, RJE BTZUN BLO BZANG YE SHES KYI GSUNG 'BUM YONGS RDZOGS DANG, RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO'I GSUNG 'BUM YONGS RDZOGS RNAMS MTHING SHOG BZANG PO'I NGOS LA GSER 'BA' ZHIG GIS BRIS PA GLEGS BAM SO SOR NA BZA' GDONG DAR GLEGS SHING SKU RAGS RNAMS KHYAD PAR DU 'PHAGS PA POD BZHI BRGYAR NYE BA GSAR BSKRUN MDZAD DE BKRA SHIS LHUN PO DPAL GYI SDE CHEN PHYOGS THAMS CAD LAS RNAM PAR RGYAL BA'I GLING GI GTZUG LAG KHANG DU RIN PO CHE SNA TSOGS KYIS PHRA BKOD PA'I GDAN KHRI BZANG PO LA BZHUGS SU GSOL TE MCHOD PA'I DNGOS PO TSAD MED PAS MCHOD CING, BSLAB GSUM LDAN PA'I DGE 'DUN STONG PHRAG MANG PO DANG LHAN CIG TU JI SRID BYAMS MGON DBUS 'GYUR TSAL DU MA BYON BAR DU GNAS 'DIR RGYAL BSTAN MI NYAMS SHING GONG NAS GONG DU 'PHEL BA'I BDEN TSIG BRJOD CING RAB TU GNAS PA RGYAS PAR MDZAD DO, ,DE LTAR RJE 'DIS RGYAL BA SRAS BCAS THAMS CAD KYI MDZAD PA'I KHUR BDAG GIR BZHES TE THOS BSAM SGOM GSUM 'CHAD RTZOD RTZOM GSUM GYI SGO NAS BSTAN PA'I BYA BA RGYA CHER MDZAD CING PHYI RABS KYI GDUL BYA RNAMS LA MDO SNGAGS KYI CHOS LA BSLAB TSUL 'DI LTAR BYA DGOS SO ZHES 'DOMS

PHYIR LEGS BSHAD KYI RTZOM PA'ANG MANG DU MDZAD DE, 'DI LTAR GSUNG RAB DGONGS 'GREL DANG BCAS PA'I DON THAMS CAD GANG ZAG GCIG GI NYAMS LEN GYI RIM PAR BSGRIGS PA BYANG CHUB LAM GYI RIM PA'I KHRID YIG GZHAN PHAN BDUD RTZI'I BUM PA, BDE LAM MYONG KHRID, RJE BTZUN BLO BZANG YE SHES DPAL BZANG PO'I SKU GSUNG THUGS KYI MDZAD PA MA LUS PA GSAL BAR BYED PA'I RNAM PAR THAR PA 'OD DKAR CAN GYI PHRENG BA'I SMAD CHA, RJE BTZUN NGAG DBANG BYAMS PA RIN PO CHE'I RNAM THAR DAD PA'I 'DAB BRGYA BZHAD PAR BYED PA'I NYI MA, RJE BTZUN THAMS CAD MKHYEN PA BLO BZANG BSKAL BZANG RGYA MTSO'I SKU GDUNG YID BZHIN GYI NOR BU SNYING POR BZHUGS PA'I LHAR BCAS SKYE DGU'I MCHOD SDONG CHEN PO'I DKAR CHAG 'OD ZER PHYOGS BRGYAR 'GYED PA'I SNANG BYED, RJE BTZUN RDO RJE 'CHANG CHEN BLO BZANG BZOD PA DPAL BZANG PO'I RNAM THAR NGO MTSAR DPAG MED, DMIGS BRTZE MA'I LAS TSOGS BCU GCIG NAG 'GROS SU BKOD PA, DE'I DON BSHAD PA, DGA' LDAN LHA BRGYA MA'I SKABS SU NYER MKHO'I KHA TSAR, RJE BLA MA TZONG KHA PA CHEN PO'I BLA MA'I RNAL 'BYOR MKHAS GRUB RJER ZHAL GZIGS DANG MTHUN PA; 'PHAGS PA GNAS BRTAN BCU DRUG GI RNAM THAR, RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO'I BRTAN BZHUGS DANG RJE RANG NYID KYI BRTAN BZHUGS SOGS BRTAN BZHUGS DANG 'KHRUNGS RABS

, ,GSOL 'DEBS RJES 'DZIN SMON LAM GYI RIM PA MANG PO, ,MDO SNGAGS KYI GNAD RNAMS LA DRI BA ZHUS BA'I DRIS LAN, 'DOD LHA SNA TSOGS KYI BSTOD TSOGS GSOL 'DEBS MANG PO, BSLAB BYA SPYI DANG DGON SDE KHAG GI BCA' YIG MANG PO, RTEN GSAR BZHENGS KYI DKAR CHAG DANG RGYAB YIG ZHAL BYANG SOGS, 'DOD LHA SNA TSOGS LA BRTAN PA'I LTUNG BA BSHAGS BSDAM BYA TSUL, CHAB SHOG GI SKOR MANG PO , DBEN SA CHOS KYI PHO BRANG GI GNAS BSTOD SOGS GNAS BSTOD MANG PO, LHA SNA TSOGS KYI SGRUB THABS KYI MJUG TU BYA BA'I SMON LAM SHIS BRJOD, GRUB CHEN DRIL BU LUGS KYI LUS DKYIL GYI MNGON RTOGS NGAG 'DON , BCOM LDAN 'DAS 'JAM DPAL RDO RJE'I BDAG MDUN BUM GSUM SLOB MA STA GON DANG BCAS PA, RTEN GSUM RNAMS LA SNYAN SHAL SPYAN GZIGS NA BZA' BCAS PHUL BA'I 'DOD GSOL MANG PO, BDE GSANG 'JIGS GSUM SOGS LHA MANG PO LA BRTEN PA'I BLA MA'I RNAL 'BYOR MANG PO, 'KHOR LO SDOM PA L'U AI PA'I LUGS KYI BDAG BSKYED BSDUS PA, BDE MCHOG ,'KHOR CHEN, DGA' LDAN LHA BRGYA MA, DUS 'KHOR BCAS KYI BSNYEN YIG ,BLA MA SANGS RGYAS BYANG SEMS LA BRTEN PA'I 'PHO BA MANG PO, SPYAN RAS GZIGS RGYAL BA RGYA MTSO'I SGRUB THABS SOGS LHAG PA'I LHA MANG PO'I SGRUB THABS DU MA, MA nI RIL SGRUB, BRIS 'BUR GYI SKU SOGS

RTEN GSUM BZHENG TSUL, LHA SNA TSOGS KYI LAS BZHI'I SPYIN SREG GI CHO GA, DPAL 'KHOR LO SDOM BA'I ZHI BA'I SBYIN SREG DANG DRAG PO'I SBYIN SREG GI KHA SKONG, DPAL RDO RJE 'JIGS BYED KYI DBANG GI SBYIN SREG ,DPAL DUS KYI 'KHOR LO'I ZHI BA'I SBYIN SREG ,RDOR DBYINGS KYI SBYIN SREG ,SGROL MA'I SBYIN SREG ,'JAM DBYANGS DKAR PO'I SPYIN SREG ,YE SHES MGON BO PHYAG DRUG PA'I ZHI RGYAS KYI SBYIN SREG ,CHOS SKYONG DREGS PA LCAM SRING GI SBYIN SREG ,TSE BDAG MGON PO LA BRTEN PA'I TSE DBANG BYA TSUL, BZANG SPYOD LA BRTEN PA'I 'CHI BLU, GSANG BA 'DUS PA SOGS KYI TSOGS MCHOD, SMYUNG GNAS BLA RGYUD RNAM THAR PHAN YON DANG BCAS PA, BLA RGYUD GSOL 'DEBS KYI SKOR, DPAL DUS KYI 'KHOR LO'I SKU GSUNG THUGS YONGS SU RDZOGS PA'I SGRUB THABS BDUD RTZI'I 'BYUNG GNAS, DE'I SGRUB THABS RIN PO CHE'I GTER MDZOD, DPAL RDO RJE 'JIGS BYED KYI BSKYED RIM, DE'I BSKYED RIM TSIGS BCAD MA, DE'I RDZOGS RIM, YANG DE'I LAM RIM GNYIS KYI KHRID MDOR BSDUS, DE'I SGO NAS RAB GNAS BYA TSUL MDOR BSDUS, DE LA BRTEN NAS GSHIN PO RJES 'DZIN, DE LA BRTEN NAS DUG ZHI BAR BYED THABS, 'JIGS BYED DMAR PO ZHAL GCIG PHYAG GNYIS PA LA BRTEN PA'I DUG DBANG BSKUR TSUL, DPAL 'KHOR LO SDOM PA'I DBANG DON ZAB GSANG GI GNAD BSDUS PA, 'KHOR LO SDOM PA DRIL BU LHA LNGA'I SGRUB THABS BLA RGYUD DANG BCAS PA,

, ,DE'I BUM BSKYED DANG MDUN BSKYED DBANG CHOG DANG BCAS PA, DGYES RDOR LHA DGU'I SGRUB THABS BDUD RTZI'I CHU RGYUN, RNAM SNANG MNGON BYANG GI BDAG BSKYED, DE'I DKYIL CHOG ,DE'I DBANG CHOG SMON LAM SHIS BRJOD DANG BCAS PA, RMA BYA'I RGYAL PO GSER DU SNANG PBA LA BRTEN NAS DUG ZHI BAR BYED TSUL, LAM RIM GNYIS KY GNAD RNAMS RDO RJE'I MGUR DU BZHES PA'I DGONGS DON 'GREL BAR BYED PA GSANG CHEN LAM GYI SGO 'BYED, GTOR CHEN DRUG CU PA'I ZHAL SHES, RDO RJE MKHA' LDING NAG PO LA BRTEN PA'I RANG GZHAN GYI SDIG SGRIB SBYONG ZHING MI GTZANG PA BKRU TSUL, SHAMBHA LAR SKYE BA'I SMON TSIG DANG DE'I ZHING BKOD 'DRI TSUL, LHA MO DBYANGS CAN MA LA BSTOD PA, MYUR MDZAD YE SHES KYI MGON PO PHYAG DRUG PA SOGS CHOS SKYONG MANG PO LA MCHOD GTOR 'BUL TSUL DANG SGRUB THABS LAS TSOGS KYI RIM PA DU MA, GSANG SNGAGS RGYUD PA GRVA TSANG GI GTOR BZO'I RIM PA, GZHI BDAG GTOR MA DANG BKA' BSGO'I RIM PA, GSUNG THOR BU BA SOGS LEGS BSHAD MTHA' YAS PA MDZAD DO, ,DE LTAR RJE 'DIS DBUS GTZANG GI LJONGS SU SKU TSE 'DIR DNGOS SU 'DUL BA'I SNOD RUNG GI GDUL BYA MTHA' DAG LA 'PHRIN LAS GANG MDZAD DGOS PA RNAMS MDZAD ZIN NAS SNGON STON PA THUB PA'I DBANG POS DNGOS KYI GDUL BYA PHAL MO CHE'I DON MDZAD ZIN NAS SKU TSE DE'I GDUL BYA'I THA MA KUN TU RGYU RAB BZANG DANG, DRI ZA'I RGYAL PO RAB DGA' 'DUL PHYIR

GRONG KHYER RTZVA CAN DU BYON PA JI LTA BAR RJE 'DIS KYANG MDO KHAMS PHYOGS KYI GDUL BYA BGRANG BA LAS 'DAS PA DANG, RGYA HOR GYI GDUL BYA BGRANG BA LAS 'DAS PA ZHIG LA MTHONG THOS DRAN REG GI 'BREL BA BZHAG STE SMIN GROL LA 'GOD PAR MDZAD BZHED PA DANG, GTZO BOR NI SNGON YUN RING PO NAS THUGS BSKYED DE 'JAM MGON BSTAN PA 'DZIN CING SPEL BA DANG SKYONG BA'I SMON LAM RLABS PO CHE'I MTHU GRUB PA SA'I TSANGS PA CHEN PO 'JAM DBYANGS GONG MA BDAG PO CHEN PO DANG ZHAL 'DZOM STE 'DZAM GLING SKYE 'GRO YONGS LA PHAN BAD SPEL BA DANG, LHA DANG BCAS PA'I 'GRO BA MA LUS PA'I PHAN BDE'I GZHI GCIG PU RGYAL BA'I BSTAN BA RIN PO CHE MI NYAMS SHING 'PHEL BA DANG, LHAG BAR 'JAM MGON BLA MA'I LUGS BZANG DRI MA MED PA 'DI NYID NAM YANG MI NYAMS SHING CHES CHER 'PHEL BAR BYA BA SEGS RGYAL SRAS DPA' BO'I MDZAD PA'I TSUL LAS BRTZAMS TE GSANG BA ZAB MO'I BKA' BGRO BA MDZAD BZHED PAS DBANG PHYOGS SU CHIBS KHA BSKYOD, LAM BAR DAG TU NYI MA RE RE BZHIN SKYE BO BGRANG BA LAS 'DAS PA ZHAL GYI DKYIL 'KHOR LA BLTAS TE GSOL 'DEBS KYI NGA RO DBYANGS SU SGROGS PA DAG DANG, RIN PO CHE'I ME TOG GTOR TE GSOL BA 'DEBS BA DAG DANG, BLO MCHOG TU GYUR PA 'GA' ZHIG GSUNG RAB KYI DKA' GNAS LAS BRTZAMS TE DRI BA ZHU BA DANG, SNGON BYON DAM PA'I RJES SU SNYEG PAR 'DOD PA 'GA' ZHIG MAN NGAG GI BDUD RTZI ZHU BA SOGS GDUL BYA RANG RANG GI DBANG PO DANG, KHAMS

, ,DANG, BSAM PA DANG, BAG LA NYAL DANG MTHUN PAR CHOS STON PA SOGS MTHO RIS DANG THAR PA'I SGO PHYE ZHING, NGAN SONG GSUM GYI SGO BKAG NAS SNGON STON PA THUB PA'I DBANG POS MA GA DHA BZANG MOS GSOL BA BTAB PA LTAR BU RAM SHING 'PHEL DU BYON PA'I MDZAD PA RNAM THAR JI LTA BA DE BZHIN DU MDZAD DO, ,DE LTAR RIM GYIS BYON NAS KUN LDAN ZHES PA LCAGS PHO BYI BA'I LO BKRA SHIS PA'I DUS TSES DGE PAR YANGS PA'I SA CHEN PO LA STOBS KYI 'KHOR LOS BSGYUR BA 'JAM DBYANGS SA'I TSANGS PA CHEN PO DANG ZHAL MJAL TE, DE'I TSE SNGON STON PA THUB PA'I DBANG PO SUM CU RTZA GSUM DU PHEBS PA'I TSE LHA'I DBANG PO BRGYA BYIN GZI BRJID BZOD PAR DKA' BA'I NYE DBANG RNAMS KYI GTZOS LHA BGRANG BA LAS 'DAS PA DAG GIS BSKOR ZHING 'JIG RTEN SKYONG BA BZHI 'KHOR BGRANG BA LAS 'DAS PA DANG BCAS PA DAG GIS LHA'I ROL MO SNA TSOGS PA DKROL ZHING LHA'I GDUGS DANG, LHA'I RGYAL MTSAN DANG, LHA'I BA DAN DANG, LHA'I ME TOG GI PHRENG BA DAG GIS MCHOD CING BSUS NAS RNAM PAR RGYAL BA'I KHANG BZANG CHEN POR PHEBS PA JI LTA BA DE 'DRA BAR SRID 'BYOR GYI YO LANG BSAM GYIS MI KHYAB PA DANG BCAS SA'I TSANGS PA CHEN PO DANG ZHAL 'DZOM STE, SKYE 'GRO'I BDE SKYID DANG RGYAL BA'I BSTAN PA JI LTAR SPEL BA'I TSUL LAS BRTZAMS TE BKA' BGRO BA YANG DANG YANG DU MDZAD CING, 'JAM DBYANGS GONG MA

BDAG PO CHEN PO BSTAN 'GRO YONGS KYI SPYI DPAL DU SKU TSE KHRI PHRAG MANG POR MI SHIGS RDO RJE'I G-YUNG DRUNG LTAR BRTAN PA DANG, MDZAD PA 'PHRIN LAS RNAMS DBYAR GYI LANG TSO DAR LA BAB PA'I MTSO CHEN LTAR CHAS CHER 'PHEL BA DANG, 'JAM MGON BLA MA'I BSTAN PA 'DZIN CING SKYONG BA LA NAM YANG 'GYUR BA MED PAR RDO RJE'I KHAMS LTAR BRTAN PA'I 'PHRIN LAS MDZAD, RGYA MTSO'I GLING BAR TSUN CHAD NAS ZHAL GYI DKYIL 'KHOR BLTA BA'I PHYIR LHAGS PA DAG LA DGE BA'I RTZA BA BSKRUN PAR MDZAD DE SKU TSE 'DI'I DNGOS KYI MDZAD PA MTHA' DAG RDZOGS PA NA GDUL BYA RTAG 'DZIN CAN RNAMS LA SPYIR 'DUS BYAS THAMS CAD NI SDOD PA'I MTHU MED CING, LHAG PAR SNYIGS MA'I DUS KYI MI RNAMS NI YUN RING POR SDOD BA'I MTHU MED PAS 'DI LTAR MI RTAG GO ZHES 'DOMS PA'I PHYIR DANG, SKYE BO DAM PA 'JIG RTEN DU 'BYUNG BA DKON NO ZHES 'DOMS PA DANG, SKYE BO DAM PA DANG MJAL NAS CHOS KYI BDUD RTZI THOB PA NI SHIN TU DKON NO ZHES 'DOMS PA DANG, LAM STON PA'I BSHES GNYEN DAM PA DANG MJAL BA'I TSE CHOS KYI BDUD RTZI THOB MA THAG PHYI SHOL MI BYA BAR MYUR BA MYUR BAR LAM LA BSLABS TE RGYUD SMIN CING GROL BAR BYA DGOS SO ZHES 'DOMS PA SOGS KYI PHYIR MYA NGAN LAS 'DA' BA'I TSUL BSTAN TO, DE LTAR THA MAL PA RNAMS KYI SNANG NGOR ZHING BRJE BA'I TSUL BSTAN KYANG NGES PA'I DON DU NI 'KHOR BA MA STONGS KYI BAR DU MYA NGAN LAS 'DA' BA MAD CING CHOS STON PA'I GSUNG 'GAG PA MED PAR RGYUN MI 'CHAD

, ,DU 'BYUNG LA THA MAL PA RNAMS KYI SNANG DOR YANG RJE 'DIS SPRUL PA RGYUN MI 'CHAD PA 'BYUNG NGO ZHES GO BAR MDZAD DE, BKRA SHIS LHUN PO NAS DBANG PHYOGS SU CHIBS BSKYOD KHAR DGE 'DUN THAMS CAD KYIS MYUR DU 'BYON PAR GSOL BA BTAB PA NA KHO BO LO GSUM NAS GDAN SA 'DIR SLEB PA NGES PAR 'ONG ZHES YANG DANG YANG DU GSUNG BAR MDZAD CING, DE'I TSE BKRA SHIS LHUN PO'I GRVA RGAN ZHIG GIS GDUNG BA CHEN POS GSOL BA BTAB BA NA RJE 'DI'I ZHAL NAS KHO BOS DGE 'DUN 'DUS PA RGYA MTSO'I DBUS SU JI LTAR BRJOD PA DE LTAR LO GSUM NAS NGES BAR 'DIR SLEBS 'ONGS BAS SEMS NGAL MA BYED CES GSUNGS PA NA, GRVA RGAN DES SLAR YANG DES NA THUGS RJE CHE, 'DIR PHEBS DUS PHYOGS GANG NGOS NAS PHEBS PA 'ONG ZHES ZHUS PA NA CUNG ZHIG DGONGS PA LA ZHUGS NAS NGA 'DIR 'ONG DUS MYANG PHYOGS NAS 'ONG, DE NAS TSONG DUS NAS BRGYUD 'DIR SLEBS 'ONG ZHES GSUNGS 'DUG PA LTAR, DENG SANG GI GDUL BYA RNAMS THUGS BRTZE BAS MA BOR BAR ZHING GSHEGS MA THAG DGA' LDAN LA SOGS PA'I SANGS RGYAS KYI ZHING BRJOD DU MED PA DAG TU SPRUL PAS BYON TE RGYAL BA SRAS DANG BCAS PA THAMS CAD MCHOD CING BKA' 'GRO BAR MDZAD NAS MYUR BAR PA SNAM SKYID SHONGS SU SPRUL PA'I SKU BZUNG STE SNGAR DGE 'DUN 'DUS PA'I TSOGS DANG DAD LDAN GRVA RGAN DE LA JI LTAR ZHAL BZHES MDZAD PA LTAR PHAG LO ZLA BA BDUN PA'I NANG DU DBANG

PHYOGS SU CHIBS BSKYOD PA NAS LO GSUM SONG BA STAG LO ZLA BA BZHI PA'I NANG DU PA SNAM SKYID SHONGS SU SKU BLTAMS, SKU BLTAMS MA THAG TU RGYAL BA THAMS CAD MKHYEN PA CHEN PO DANG 'JAM DBYANGS GONG MA BDAG PO CHEN PO GNYIS BKA' BGROS TE SPRUL SKU 'KHRUL MED DU NGOS BZUNG NAS DGA' LDAN LEGS BSHAD CHOS GLING DU SPYAN DRANGS, DE NAS MI RING BAR ZHA LU TSONG DUS KYI LAM NAS BKRA SHIS LHUN GYIS GRUB PA'I CHOS GRVA CHEN POR SPYAN DRANGS, RGYAL BA THAMS CAD MKHYEN PA CHEN PO CHIBS BSKYOD DE MNGA' GSOL, ME TOG GI CHAR PHAB, RJE BTZUN MCHOG GI SPRUL PA'I SKU BLO BZANG DPAL LDAN BSTAN PA'I NYI MA PHYOGS LAS RNAM RGYAL DPAL BZANG PO ZHES MTSAN GSOL, MTSAN DON DANG MTHUN PAR BKRA SHIS LHUN GYIS GRUB PA'I LHUN PO'I SPOR MCHOG GI SPRUL SKU'I NYIN BYED GSAR DU SHAR NAS 'PHRIN LAS KYI SNANG BA MKHA' KHYAB TU 'PHRO BZHIN PAR BZHUGS SO, ,` RJE THAMS CAD MKHYEN PAS SKAL BA DANG LDAN PA BGRANG BA LAS 'DAS PA LA BYANG CHUB LAM GYI RIM PA'I KHRID STZAL CING, RJE'I THUGS SRAS MKHAS GRUB DAM PAS NUB DZ'A LANDHA RA NAS SHAR PHYOGS RGYA MTSO'I MTHA' LA THUG GI BAR KHYAB PAS RJE BDAG NYID CHEN PO NAS BYANG CHUB LAM GYI RIM PA'I KHRING KYI BRGYUD TSUL YANG DE SNYED BYUNG MOD, DENG SANG YONGS SU GRAGS PA NI BDE LAM DANG 'JAM DPAL ZHAL LUNG GI KHRID RGYUN GNYIS SU BZHUGS PA LAS, BDE LAM KYI KHRID RGYUN LTAR DPAL DBEN SA SNYAN RGYUD KYI BLA MA GONG MA GCIG NAS GCIG

, ,TU BRGYUD PA'I BRGYUD RIM LTAR GYI BLA MA RNAMS KYI RNAM PAR THAR PA MDOR BSDUS BRJOD ZIN NAS, 'JAM DPAL ZHAL LUNG GI RGYUD 'DEBS LAS 'BYUNG BA LTAR RJE RIN PO CHE NAS MKHAS GRUB SHES RAB SENGGE DANG, DE NAS RJE DGE 'DUN GRUB SOGS LA RIM GYIS BRGYUD PA'I BLA MA RNAMS KYI RNAM PAR THAR PA BRJOD PA NI, MKHAS GRUB CHEN PO SHES RAB SENGGE'I ZHABS, ,ZHES BSNGAGS PA, MKHAS GRUB CHEN PO SHES RAB SENGGE NI GTZANG GI SA'I CHA SRAD KYI GUR MA ZHES BYA BAR YAB DAM BA DMAR PO ZHES BYA BA DANG, YUM CHOS SKU BKRA SHIS GNYIS KYI SRAS SU SKU 'KHRUNGS, GZHON NU'I DUS NAS SNGON GYI BAG CHAGS BZANG PO SAD PA'I MTHUS KHYIM GYI 'DU 'DZIL MI DGA' ZHING DAM PA'I CHOS 'TSOL BA LA NGANG GIS GZHOL BA ZHIG BYUNG NGO, ,DE NAS DGUNG LO BCU GSUM BZHES PA'I TSE NA NI DAL 'BYOR GYI LUS THOB PA'I DUS 'DIR 'KHOR BA LAS THAR PA'I THABS SHIG BYA DGOS PAR 'DUG ,DE YANG DENG BYA SANG BYA'I NGANG DU LUS NA CHE 'DI'I SNANG SHAS KYIS BSLUS NAS DAL BA STONG LOG TU SONG STE 'CHI PA'I NYEN YOD PAS 'PHRAL RANG DU RGYAL BA'I BSTAN PA LA RAB TU BYUNG NAS MDO SNGAGS GSUNG RAB RNAMS LA THOS BSAM SGOM GSUM TSUL DANG MTHUN PA CIG BYED DGONGS PA DANG, MNAL LAM DU RJE BTZUN SGROL MAS DA MYUR DU RAB TU BYUNG NA LEGS SO ZHES BSKUL BA LA BRTEN NAS DGUNG LO BCU BZHI BZHES PA'I TSE SANGS RGYAS SMAN PA'I RGYAL PO'I RNAM 'PHRUL MKHAN CHEN GRUB PA SHES RAB KYIS MKHAN PO MDZAD, LAS SLOB DUS GO

BA DGE 'DUN DANG BCAS PA'I DBUS SU DGE BSNYEN GYI SDOM PA DANG, BAR MA RAB BYUNG GI TSUL KHRIMS DANG, DGE TSUL GYI SDOM PA BZHES SHING MTSAN SHES RAB SENGGE ZHES 'DOGS PAR GNANG, SNGAR NAS NGO TSA DANG BAG YOD LA GNAS PA'I STENG DU, 'DI NAS BZUNG STE DGE TSUL GYI BSLAB BYA RNAMS LA LEGS PAR SLOB PAR MDZAD PAS GZHON NU NAS BTZUN PA'I MCHOG TU GYUR PA CIG BYUNG, DE NAS SLOB DPON MKHAS PA ZHIG LA BRTEN NAS PHYAG BRIS SLOB PA DANG 'DRI BA LA SBYANGS BDAR GNANG BAS TSOGS MED PAR MKHYEN PAR GYUR, DE 'PHRAL BSTAN BCOS MNGON RTOGS RGYAN 'GREL PA DANG BCAS PA THUGS LA BZUNG STE ZHAL 'DON LAN MANG DU GNANG BA'I TSE, LAN CIG GZIGS SNANG LA NUB PHYOGS NAS BLA GOS DUR SMRIG BZHES PA, DBU GTZUG TOR DANG BCAS PA, PHYAG NA GSIL BYED DANG LHUNG BZED BSNAMS PA ZHI ZHING 'DZUM PA ZHIG BYON NAS BYIN GYIS BRLABS PA'I GNANG PA'I MTSAN MA BZANG PO BYUNG STE, DE NI CHOS KYI RGYAL PO TZONG KHA PA CHEN PO DANG MJAL BA'I LNGAS SU MNGON ZHES RJE NYID GSUNG, DE NAS MKHAS PA CHEN PO G-YAS PHRUG BA SANGS RGYAS DPAL DE NYID MKHAN CHEN GRUB PA SHES RAB MJAL BAR PHEBS PA LA MKHAN CHEN PAS RJE 'DI NYID KYIS GTZO MDZAD PA'I BLO GSAL 'GA' ZHIG SBYOR GTAD GNANG STE, KHYED KYIS BLO GSAL DON GNYER CAN 'DI RNAMS RE ZHIG CHOS DANG ZANG ZING GNYIS KAS LEGS PAR SKYONGS SHIG CES BKA' STZAL BA BZHIN ZHAL GYIS BZHES NAS DE BZHIN MDZAD PAS DAM PA 'DI NYID KYIS MKHAS PA CHEN PO SANGS RGYAS DPAL LA BRTEN NAS BYAMS CHOS LNGA DANG, DBUM RIGS TSOGS DRUG, 'JUG PA RTZA 'GREL, SPYOD 'JUG, TSAD MA MDO DANG SDE BDUN SOGS LA SBYANGS PA MDZAD PAS DE DAG GI TSIG DON LA MKHAS PAR GYUR CING MKHAS PA CHEN PO SANGS RGYAS

, ,DPAL BAS KYANG RJE 'DI LA MKHAS GRUB CHEN POR MTSAN GSOL, DE NAS DGUNG LO NYI SHU BZHES PA'I TSE SNAR THANG DU TSIGS SNGA MA'I MKHAN PO MKHAN CHEN GRUB PA SHES RAB KYIS MKHAN PO MDZAD CING, GZHAN YANG LAS KYI SLOB DPON, GSANG STE STON PA, GRIB TSOD PA, KHA SKONG GI DGE 'DUN RNAMS TSAD BA'I DBUS SU DGE SLONG GI SDOM PA LEGS PAR BZHES TE BSTAN PA RIN PO CHE LA ZHUGS LA YONGS SU RDZOGS PA'I DPAL THOB, DE NAS BZUNG STE DGE SLONG GI BSLAB BYA RNAMS LA TSUL BZHIN DU SLOB PAR MDZAD PAS 'JIG RTEN GYI YON GNAS DAM PAR GYUR, GZHAN YANG SNAR THANG DU BZHUGS SKABS SU GTZO BOR SNGAR SMOS PA'I MTSAN NYID KYI GZHUNG RNAMS LA SBYONG BAR MDZAD CING, ZHAR LA DE'I MKHAN SLOB SOGS LA DBANG DANG RJES GANG DANG, LUNG DANG BSHAD PA SOGS CHOS BKA' RNAM GRANGS MANG PO GSAN PAR MDZAD PAS, GNAS DE'I MKHAN SLOB DGE 'DUN GYI SDE DANG BCAS PA RNAMS KYIS BSNGAGS PA'I GNAS SU GYUR, DE NAS SNGON GYI SMON LAM DANG CHOS KYI RGYAL PO TZONG KHA PA CHEN PO'I MKHAS BTZUN BZANG GSUM GYI SNYAN GRAGS GSAN PAS RKYEN BYAS NAS DBUS SU PHEBS, RIM GYIS RA SA 'PHRUL SNANG DANG RA MO CHE SOGS KYI RTEN RNAMS MJAL TE PHYAG DANG BSKOR BA SMON LAM 'DEBS PA RNAMS LA NAN TAN CHEN PO GNANG, DE DUS CHOS KYI RGYAL PO TZONG KHA PA

CHEN PO DGE LDAN RNAM PAR RGYAL BA'I GLING NA DBUS GTZANG KHAMS GSUM NAS PHEBS PA'I DGE BA'I BSHES GNYEN CHOS DON DU GNYER BA RNAMS LA CHOS KYI 'KHOR LO BSKOR BA'I SKABS SU PHEBS, DE NAS GZIM KHANG DKAR MOR RJE RIN PO CHE MJAL BAR PHEBS PAS RJE THAMS CAD MKHYEN PA'I SKU GZIGS PA TZAM GYIS SANGS RGYAS KYI 'DU SHES 'KHRUNGS TE DAD GUS BCOS MA MIN PA 'KHRUNGS, DUS DE NAS BZUNG STE RJE THAMS CAD MKHYEN PA BSAM SBYOR GNYIS KYI SGO NAS TSUL BZHIN DU BSTEN NAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA SOGS MDO SNGAGS KYI DAM BA'I CHOS MANG PO GSAN, DE NAS RGYAL BA TZONG KHA PA CHEN POS MTHUN RKYEN DANG BCAS NAS SKYOR MO LUNG DU MKHAN PO BSAM GTAN DON GRUB PA'I DRUNG DU 'DUL BA DANG MNGON PA GSAN PA LA RDZONG BA GNANG , RJE 'DI NYID KYIS DER PHEBS TE 'DUL MNGON GNYIS LA GSAN SBYONG MTHAR PHYIN PAR MDZAD, DE NAS RGYAL BA TZONG KHA PA CHEN PO MI'I DBANG PO GRAGS PA RGYAL MTSAN GYIS 'ON MNGA' BKRA SHIS DO KHAR GDAN DRANGS BA'I PHYAGS PHYIR RJE 'DI NYID KYIS PHEBS NAS DER DBU MA RTZA SHE'I RNAM BSHAD DRANG NGES RNAM 'BYED, TSAD MA RNA MA NGES KYI DKA' GNAS, RTZA LTUNG RNAM BSHAD RNAMS GSAN, DE RJES CHOS RJE GUNG THANG PA MDZES PA DPAL LA CHOS GSAN PAR PHEBS PA'I DRUNG DU 'KHOR LO SDOM PA LUS DKYIL

, ,GYI DBANG GSAN ZHING, THAMS CAD MKHYEN PA DGE 'DUN GRUB PA YANG DER BYON NAS RJE RIN PO CHE DANG MJAL, DE NAS RGYAL BA TZONG KHA PA CHEN PO PHYIR DGE LDAN DU PHEBS, RJE 'DI BAS RGYAL BA TZONG KHA BA'I BKA' BZHIN DU GSANG PHUR PHEBS NAS RJE DGE 'DUN GRUB PA SOGS BSHES GNYEN MANG PO LA LEGS BSHAD KYI DGA' STON THOG MAR STZAL CING, DPAL 'KHOR LO SDOM PA LUS DKYIL GYI BDAG 'JUG GI CHO GA MANG DU MDZAD, DE NAS SNON GYI 'CHAD DGON ZHES PAR PHEBS TE CHOS 'CHAD NYAN LA BRTZON BAR MDZAD BA'I TSE MNAL LAM DU DPAL LDAN CHOS GRAGS KYIS BYIN GYIS BRLABS NAS, RIGS KYI BU, DE RING NAS KHYOD KYI TSE'I PHYED RDZOGS SO ZHES GSUNGS TE MI SNANG BAR GYUR, MNAL LAM DE'I LTAS DPAL LDAN CHOS GRAGS KYI GZHUNG LA BRTEN NAS GZHAN LA PHAN PA RGYA CHEN PO 'BYUNG BA DANG DGUNG LO RE GSUM THUB PA'I LTAS SU MNGON ZHES RJE NYID GSUNG NGO, ,DE NAS BAR CHAD KYI MTSAN MA RTZUB BA ZHIG BYUNG BA NA RJE BTZUN SGROL MA LA GSOL BA BTAB PAS MNAL LAM DU NAM MKHA' LA SGROL MA'I SNYING PO YI GE BCU GSER GYI MDOG CAN ZHIG GSAL BAR GZIGS SHING, GZHAN YANG NAM MKHA' LAS SGROL MA DKAR MO'I SGO NAS TSE BSRING THABS SLOB DPON NGAG DBANG GRAGS PA'I GZHUNG LA BRTEN NAS GYIS SHIG PA'I SGRA GSAL BAR BYUNG, DES BSKUL MA BYAS NAS RJE BTZUN MA YID BZHIN 'KHOR LO'I RJES GANG DANG MAN NGAG ZHU BA GNANG

STA ZHAG RE BZHIN SNYING PO SPEL TSIG DANG BCAS BA STONG PHRAG DRUG RE'I LJAGS BZLAS RGYUN DU GNANG, DE'I TSE SLOB MA RNAMS KYIS GSOL BA BTAB PA'I DOR, RJE DGE 'DUN GRUB BAS DRUNG YIG GNANG NAS TSAD MA RNAM 'GREL GYI RNAM BSHAD LEGS PA CIG THUGS RTZOM YANG GNANG, DE NAS GRUB BA'I GNAS MCHOG DGE LDAN RNAM PAR RGYAL BA'I GLING DU PHEBS TE RDO RJE 'CHANG GI NGO BO RGYAL BTZONG KHA BA CHEN PO'I ZHABS DRUNG DU SHING RTA CHEN PO GNYIS KYI LAM SROL BYANG CHUB LAM GYI RIM PA CHE CHUNG GNYIS KYI DON RNAMS NYAMS LEN DU DRIL BA GSUNG BSHAD DANG BCAS PA GSAN PAS THUGS RANG DBANG MED PAR PHROGS TE, BSHES GNYEN BSTEN TSUL NAS LHAG MTHONG LA SLOB PA'I BAR GYI LAM RNAMS DMIGS PA'I RIM PAR DRIL NAS THUGS NYAMS SU BZHES PAS LAM THUN MONG BA LA THUGS NGES CHEN PO 'KHRUNGS SHING, KHYAD PAR SLOB DPON KA MA LA SH'I LA'I BZHAD PA RGYU 'BRAS BDUN GYI SGO NAS BYANG CHUB KYI SEMS SBYONG TSUL DANG, SLOB DPON ZHI BA LHA'I BZHED PA BDAG GZHAN BRJE BA'I SGO NAS BYANG CHUB KYI SEMS SBYONG TSUL GNYIS LA BRTEN NAS SMON PA SEMS BSKYED LA LEGS PAR SBYANGS, DE LA BRTAN PA THOB NAS SMON PA SEMS BSKYED CHO GAS BZUNG STE PHAR PHYIN DRUG DANG BSDU BA BZHI SOGS RGYAL SRAS KYI SPYOD PA RNAMS LA SLOB PAR MDZAD, GZHAN YANG MDO SDE DU MA DANG BSLAB BTUS SOGS BYANG SEMS KYI SDE SNOD

, ,DGONGS 'GREL DANG BCAS PA LA SBYANGS PAS BYANG CHUB KYI SEMS LA THUGS NGES SHIN TU CHE BA 'KHRUNGS, DE NAS RJE BLA MA BLO BZANG THUB DBANG RDO RJE 'CHANG BLO BZANG GRAGS PA'I DPAL NYID LA RGYUD KYI RGYAL PO DPAL GSANG BA 'DUS PA'I CHOS SKOR RNAMS GSUNG BAR GSOL BA 'DEBS PA GNANG BAS, RJE BLA MA BLO BZANG GRAGS PA'I DPAL GYIS RGYAL BA'I SRAS PO BZANG SKYONG LA RJE BTZUN 'DI NYID KYI RGYUD YONGS SU SMIN PAR MDZOD CIG CES BKA' STZAL BA ZHAL GYI BZHES TE, 'PHAGS LUGS KYI 'DUS PA'I DKYIL 'KHOR DU BCUG NAS DBANG BZHI RDZOGS PAR BSKUR BAR MDZAD, DE NAS RJE BDAG NYID CHEN POS TSUL KHRIMS LE'U DANG BLA MA LNGA BCU PA RTZA LTUNG BCU BZHI PA RNAMS KYI RNAM BSHAD GSUNGS, RJE 'DI NYID KYIS DE DAG GI TSIG DON THUGS LA BZUNG NAS DAM TSIG DANG SNGOM PA TSUL BZHIN DU BSRUNG BAR MDZAD PA'I NGANG NAS RJE BLA MA TZONG KHA PA CHEN PO NYID LA DPAL GSANG BA 'DUS PA'I RTZA RGYUD DANG 'GREL PA SGRON GSAL CHA LAG DANG BCAS PA DANG BSHAD RGYUD LNGA SGRUB THABS MDOR BYAS MDO SRE GNYIS RNAM GZHAG RIM PA DANG RIM LNGA SOGS 'PHAGS LUGS KYI 'DUS PA'I GDAMS PA RNAMS DANG, RJE MAR PA DANG 'GOS LA SOGS PA BOD KYI BLA MA RNAMS KYIS MDZAD PA'I MAN NGAG DANG GZHUNG BSHAD DANG, 'DUS PA YE SHES LUGS DAN GSHIN RJE GSHED

SKOR DANG, 'KHOR LO SDOM PA DANG KYEE RDO RJE, DUS KYI 'KHOR LO RNAMS KYI 'GRE BSHAD DANG BCAS PA RNAMS DANG, DE DAG GI MAN NGAG RNAMS GSAN NAS BRTZON PA CHEN POS SBYANGS PAS SPYIR RGYUD SDE BZHIG DANG, KHYAD PAR BLA MED KYI RGYUD SDE'I DON LA MKHAS PA'I PHUL TU PHYIN PAR GYUR, DE DUS RJE BDAG NYID CHEN POS 'GREL PA BZHI SBRAGS PHYAG TU BSNAMS NAS KHYED CAG MKHAS PA RNAMS KYI KHROD NA DPAL GSANG BA 'DUS PA'I RGYUD KYI BSHAD SREL 'DZIN NUS PA SU YOD CES BKA' LAN 'GA' ZHIG STZAL BA NA, MKHAS PA GZHAN SUS KYANG ZHAL GYIS BZHES MA NUS PA'I TSE, RJE 'DI NYID KYIS DE LTA BU BDAG GIS BGYI'O ZHES ZHAL GYIS BZHES PAR MDZAD PA NA RGYAL BA TZONG KHA PA CHEN PO THUGS SHIN TU DGYES NAS GSANG BA 'DUS PA'I GSER SKU KHYAD 'PHAGS DANG, 'GREL PA BZHI SBRAGS KYI GLEGS BAM, CHOS RGYAL GYI ZHAL 'BAG 'CHAM GOS DBYUG TO ZHAGS PA SOGS GNAD NAS SNGAGS KYI BSTAN PA'I BDAG POR MNGA' GSOL, DE NAS RGYAL BTZONG KHA PA CHEN POS RJE 'DI LA KHYOD RANG GTZANG PHYOGS SU BYON LA RGYUD KYI 'CHAD NYAN MDZOD DANG ,GNOD SBYIN MA CHEN MO ZHIG GIS SBYIN BDAG GI GTZO BO BYED PAR 'DUG CES LUNG BSTAN YANG GNANG NGO, ,RJE 'DIS DE DUS DANG GZHAN GYI TSE YANG RGYAL TSAB DAR MA RIN CHEN, 'DUL 'DZIN GRAGS PA GYAL MTSAN, MKHAS GRUB DGE LEGS DPAL BZANG, CHOS RJE LEGS

, ,PA RGYAL MTSAN SOGS YONGS 'DZIN DAM PA MANG PO LA DBANG DANG RJES GNANG, LUNG DANG BSHAD PA MAN NGAG SOGS DAM PA'I CHOS MTHA' YAS PA CIG GSAN PAR MDZAD, DE DUS PHO BRANG CHEN PO SNE'U GDONG RTZE NAS MI YI DBANG PO GRAGS PA RGYAL MTSAN GYIS RJE 'DI NYID LA RGYAL BA TZONG KHA PA CHEN PO'I BKA' 'BUM BZHENGS NA 'DI NAS GROGS DAN ZHU BAS 'DI PHYOGS SU PHEBS PAR ZHU ZHES PA'I BKA' SHOG PHEBS PAS THUGS SHIN TU DGYES NAS DE 'PHRAL SNE'U GDONG DU PHEBS BAR MI'I DBANG POS RJE RIN PO CHE'I BKA' 'BUM BZHENGS GROGS BDAG RGYEN BZANG PO GNANG ZHING , ZHAR LA KHRA 'BRUG GI GTZUG LAG KHANG YANG MJAL BAR GNANG, BKA' 'BUM BZHENGS GRUB PA DANG DE NYID BSNAMS NAS SKYID SHOD DU PHEBS PA NA PHEBS LAM DU RJE RIN PO CHE'I GSUNG RAB KYI GLEGS BAM 'GA' ZHIG LUS PA NA, GSHIN RJE CHOS KYI RGYAL POS MNGON SUM DU BYON NAS GLEGS BAM MYUR DU LONGS SHIG CES BSKUL BAS DE 'PHRAL LEN PAR PHEBS PAS PHYAG TU 'BYOR, DE NAS BZUNG STE CHOS SKYONG 'DIS 'PHRIN LAS TSUL BZHIN BSGRUB CING LUNG BSTAN YANG MANG DU MDZAD PA YIN PAR SNANG, DE NAS GSANG PHUR PHEBS TE GLING STOD KYI MTHONG SMON GRVA TSANG GI SLOB DPON LO SHAS GNANG NAS MDO PHYOGS KYI BSHAD NYON MDZAD PAS BSTAN PA LA PHAN THOGS RAB BYUNG, DE NAS RJE

'DI NYID DANG RJE DGE 'DUN GRUB GNYIS KAS GTZANG PHYOGS SU PHEBS, RI ZHIG SNAR THANG DU BZHUGS NAS PHAR TSAD LA SOGS PA MTSAN NYID KYI 'CHAD GNANG BAS GRVA BA MANG DU 'DUS, DE DUS RDZONG DPON SANGS RGYAS SKYABS KYIS SBYIN BDAG MDZAD NAS SNAR THANG DANG BYANG CHEN GNYIS DANG, RTA NAG DGE SBYONG DKAR POS SBYIN BDAG MDZAD NAS RI KHUD DANG, 'PHYONG RGYAS STAG RTZE BA HOR DPAL 'BYOR BZANG PO DE DUS BSAM GRUB RTZE'I RDZONG DPON YIN PAS KHONG GIS SBYIN BDAG MDZAD CING, BSAM GRUB CHOS SDE BRAG DMAR PHUL BAS GNAS DE RNAMS SU RJE 'DI NYID KYIS SGRON GSAL SOGS SNGAGS PHYOGS DANG, RJE DGE 'DUN GRUB PAS PHAR TSAD SOGS MDO PHYOGS KYI BSHAD PA MDZAD PAS DGE BSHES THON CHE RAB BYUNG, DE NAS SLAR BYANG CHEN DU BZHUGS DUS DPON SLOB GNYIS KA LA GZHAN GYIS BYANG KHA LTA BU'I SKU DOG SHIN TU CHE BA'I MTSAN MA BYUNG BAS DE DUS RJE 'DI NYID BSAM GRUB RTZE'I GZIM CHUNG BDE GSAL DU SKU SNYUN BA'I TSUL BSTAN , DE'I TSE RNAL 'BYOR GYI DBANG PHYUG BZANG PO RGYAL MTSAN GDAN DRANGS TE KHONG GIS YE SHES KYI MGON PO PHYAG DRUG PA'I GTOR CHEN THUN MONG MA YIN PA MDZAD PAS DE 'PHRAL SNYUN DVANGS NAS SNGAR BZHIN RGYUD KYI 'CHAD NYAN LA BRTZON PAR GNANG ZHING, RJE DGE 'DUN GRUB PAS KYANG BYANG CHEN DU PHEBS NAS SGROL DKAR GYI BSNYEN SGRUB LA BRTZON PAR MDZAD, DE DUS RGYAL TSAB RJE DANG MKHAS

, ,GRUB RJE GNYIS GNAS RNYING DU LHAN CIG TU PHEBS PA LA RJE SHES RAB SENG GE DON SROB GNYIS KYIS MJAL BAR PHEBS TE, RGYAL TSAB RIN PO CHER KHONG RANG GI GNANG BA'I MDON PA KUN BTUS KYI RNAM BSHAD SOGS GSUNG CHOS MANG PO YANG GSAN, DE NAS RJE SHES RAB SENG GE DPON SLOB GNYIS BSAM GRUB RTZEL PHEBS, RJE DGE 'DUN GRUB PA LA STOD LHOR CHOS BAR LA PHEBS PA'I SKYEL MAR RJE 'DI NYID KYIS CHU 'DUS BAR DU PHEBS, DE NAS PHYIR LOG PHEBS DUS RJE DGE 'DUN GRUB KYIS RJE 'DI NYID LA PHYAG PHUL TE ZHABS SPYI BOR BLANGS NAS YUN RING DU BZHUGS PA'I GSOL BA BTAB STE GRVA PA MTSAN NYID PA RNAMS KHRID NAS SHEL DKAR PHYOGS SU PHEBS, RJE 'DI NYID KYIS GRVA PA SNGAGS PA RNAMS 'KHRID NAS BSAM GRUB RTZER PHEBS TE RE ZHIG BZHUGS NAS RGYUD KYI 'CHAD NYAN 'PHEL BAR YOD PA'I TSE, RJE BLA MA TZONG KHA PA CHEN POS SNGAR LUNG BSTAN GNANG BA BZHIN GNOD SBYIN MO'I SPRUL PA BDAG MO SH'AKYA DPAL GYIS GDAN DRANGS, DER CHOS RJE 'PHAGS 'OD YON TAN RGYA MTSO SOGS LA GSANG 'DUS DANG BDE MCHOG SOGS GSANG SNGAGS KYI CHOS MTHA' YAS PA ZHIG GSUNGS TE KHONG DPON SLOB RNAMS DGE LDAN PA'I CHOS RGYUD 'DZIN PA LA BSGYUR, 'PHAGS 'OD YON TAN RGYA MTSO RDO RJE SLOB DPON DU BSKOS TE GNAS DER RGYUD KYI

'CHAD NYAN BTZUGS, BYIN RLABS KYI RTEN DU SNGAR RJE RIN PO CHES GNANG BA'I DAM CAN CHOS RGYAL GYI ZHAL 'BAG DANG, 'CHAM GOS DBYUG TE BCAS GNANG, DE NAS SRAD KYI SA'I CHAR DGA' LDAN PHO BRANG ZHES PA'I DGON GNAS BTAB STE RGYUD KYI RGYAL PO'I 'CHAD NYAN 'DZUGS PAR MDZAD NAS 'DUL 'DZIN DPAL LDAN BZANG PO 'CHAD NYAN PAR BSKO BZHAG MDZAD, BYIN RLABS KYI RTEN DU RJE RIN PO CHES GNANG BA'I 'GREL PA BZHI SGRAGS KYI GLEGS BAM GNANG, DE NAS DBUS PHYOGS SU PHEBS NAS GDAN SA CHEN PO DGA' LDAN RNAM PAR RGYAL BA'I GLING DU RGYUD KYI 'CHAD NYAN BTZUGS, DE NAS DAM PA'I CHOS KYI 'BYUNG GNAS ZHA LUR PHEBS TE MKHAN CHEN GRAGS PA RGYAL MTSAN GYI DRUNG DU DPAL MCHOG DANG RTZE MO DANG RDOR DBYINGS SOGS RGYUD SDE 'OG MA RNAMS KYI DBANG DANG RGYUD BSHAD, LUNG DANG MAN NGAG DPAG TU MED PA GSANG CING DE DAG LA SBYANGS PA MDZAD PAS MKHAS PAR GYUR, DE NAS SLAR YANG DGA' LDAN RNAM PAR RGYAL PA'I GLING DU PHEBS, RGYAL TSAB RIN PO CHER DUS 'KHOR GYI CHOS SKOR GSANG PA'I THUGS 'DUN YOD PA LA DGE SBYONG DKAR POS RTA NAG TU GDAN DRANGS TE RI KHUNG CHOS SDE PHUL BAS DE NYID ZHAL BDAG GNANG STE LO KHA SHAS 'CHAD NYAN 'PHEL BAR BZHUGS, DE DUS RI BO DGE 'PHEL DU PHEBS NAS KUN MKHYEN SHES RAB DPAL BZANG YAB SRAS KYI DRUNG DU YANG CHOS BKA' MANG PO GSAN PAR MDZAD, DE NAS RJE DGE 'DUN GRUB BA DPON SLOB RNAMS

, ,LA STOD PHYOGS NAS PHEBS TE YAB SRAS MJAL BAS PHAN TSUN THUGS SHIN TU DGYES PAR GYUR, DE NAS YAB SRAS BKA' BGROS GNANG STE RJE DGE 'DUN GRUB PA RI KHUD KYI GDAN SAR BSKOS NAS RJE 'DI NYID KYIS DBUS SU PHEBS, DGE LDAN RNAM PAR RGYAL BA'I GLING DU MKHAS GRUB RIN PO CHER DUS 'KHOR GYI DBANG DANG RGYUD 'GREL GYI BSHAD PA SBYOR DRUG GI KHRID SOGS GSUNG CHOS MANG PO GSAN, RGYUD KHANG NYID DU THUGS DAM LA BRTZON PAR BZHUGS PAS BAR GCOD CUNG ZAD BYUNG BA THUGS DAM GYIS BZLOG PAR MDZAD, GNAS DER 'DUS PA'I RIM PA DANG PO'I LAM LA GOM PAR MDZAD PA THA MAL GYI SNANG ZHEN 'GAGS SHING, RIM PA GNYIS PA'I LAM LA MNYAM PAR 'JOG PAR MDZAD BAS KUN RTOG G-YO BYED KYI RLUNG RNAMS DHU T'I RR THIM PAR GYUR, DE LA BRTEN NAS MNYAM GZHAG TU BDE BA CHEN PO 'KHRUNGS SHING, BDE BA CHAN POS STONG PA NYID NGES PAR MDZAD DE BDE STONG DBYER MED KYI TING NGE 'DZIN YUN RING DU SKYONG BAR MDZAD NAS MNYAM GZHAG DE LAS BZHENGS PA'I RJES THOB TU YUL DU SNANG BA THAMS CAD BDE BA CHEN PO'I RNAM ROL DU 'CHAR BA DANG, DE GNYIS KYANG LHA SKUR 'CHAR BA BYUNG ZHING , SROG RTZOL GSUM GYI RDOR BZLAS DANG, RLUNG BUM PA CAN DANG KHYAB BYED KYI RLUNG LA RDOR BZLAS GNANG BAS GRUB PA'I DBANG PHYUG TU GYUR, DE NAS SNGAR GSAN PA'I MDO SNGAGS KYI CHOS RNAMS GDUL BYA RNAMS LA BSHAD NA LEGS

PAR DGONGS TE, CHOS DON DU GNYER BA RNAMS LA BYANG CHUB LAM RIM DANG 'DUS PA BDE MCHOG SOGS KYI KHRID DANG BSHAD PA DBANG RJES GNANG SOGS GNANG ZHING, KHYAD PAR RJE BLA MA TZONG KHA BA CHEN PO'I SPYAN SNGAR 'DUS PA'I RGYUD KYI BSHAD SROL 'DZIN PAR ZHAL GYIS BZHES PA BZHIN DU DE'I TSE SNE'U GDONG NAS DPON NAM MKHA' DPAL 'BYER GYIS SBYIN BDAG MDZAD DE NAN GYIS GSOL BA BTAB PA'I NGOR STOD LUNG GI GNAM RTZENG LTENG DU PHEBS, GNAS DER DGE BA'I BSHES GNYEN MANG DU 'DUS PA LA RGYUD KYI RGYAL PO DPAL GSANG BA 'DUS PA'I RGYUD 'GREL GYI BSHAD PA RJE BLA MA RDO RJE 'CHANG GI GSUNG RGYUN BZHIN GNANG BAS DGE BA'I BSHES GNYEN DE RNAMS LA THUGS BSKYED SHIN TU CHE BA BYUNG ZHING KHONG DPON SLOB RNAMS KYANG DAD PA LHAG PAR 'KHRUNGS, DE NAS BZUNG STE RJE 'DI NYID KYI THUGS LA DGE BA'I BSHES GNYEN 'DI RNAMS SDOM GSUM GYI NYAMS LEN LA GNAS PA'I DANG NAS 'DUS PA'I RGYUD 'GREL DANG BSKYED RDZOGS GNYIS KYI 'CHAD NYAN RGYUN TSUGS SHIG BYUNG NA DGONGS TE, DPON SLOB RNAMS PHYOGS PHYOGS SU CHOS BAR BTEG NAS DBYANG SOS GNYIS RGYUD 'GREL GYI BSHAD PA DANG, STON DUS 'DUS PA'I RDZOGS RIM RIM LNGA GDAN RDZOGS KYI DMAR KHRID, SPYOR BA YON LAG DRUG GI KHRID, N'A RO CHOS DRUG GI KHRID, 'KHOR LO SDOM PA'I RDZOGS RIM RNAL 'BOR CHEN PO'I KHRID, DE'I RDZOGS RIM RIM PA LNGA'I KHRID,

, ,RDO RJE 'JIGS BYED GYI RDZOGS RIM RNAL 'BYOR BZHI'I KHRID RNAMS 'DEBS BAR MDZAD LA, 'DI RNAMS LA KHRID CHEN DRUG CES GRAGS SHING, DE'I STENG DU 'KHOR LO CHEN PO'I RDZOGS RIM GYI KHRID DANG, YE SHES ZHABS LUGS KYI 'DUS PA'I RIM GNYIS KYI KHRID BSNAN NAS KHRID CHEN BRGYAD DU YANG GRAGS PA DANG, DE'I STENG DU BYANG CHUB LAM GYI RIM PA'I KHRID DANG, DBU MA THAL 'GYUR BA'I LTA KHRID KYANG 'DEBS PAR MDZAD DO, ,DE RNAMS KYI NANG NAS 'DUS PA DANG 'KHOR LO SDOM PA GNYIS KYI RDZOGS RIM GYI KHRID LA RJE BLA MA TZONG KHA PA CHEN PO'I ZHAL SLOB GZHAN LA MED PA'I MAN NGAG ZHAL SHES YI GE MED BA MANG PO YANG RJE 'DI NYID LA YOD BAS DE RNAMS KYANG GSUNGS SHING, KHRID DE RNAMS DUS PHYIS KYANG LAN RE GNYIS TZAM MIN BAR LO RE BZHIN 'DEBS PAR MDZAD BAS BSTAN PA'I RGYUN LA PHAN PAR BYUNG ZHING BLO LDAN RNAMS KYIS BSNGAGS PA'I GNAS DANG , SKYE DUG RNAMS KYI BDE SKYID KYI GSOS SU GYUR PA LAGS, DE NAS RGYUD KYI 'CHAD NYAN RGYUD CHEN SBYIN PA DPAL BA LA GTAD CING, GRVA TSANG GI BYIN RLABS KYI RTEN DU RJE RIN PO CHES GNANG PA'I GSANG BA 'DUS PA'I GSER SKU BYIN RLABS CAN DE GNANG NGO, ,DE LTAR RGYUD KYI 'CHAD NYAN GNANG BZHIN PA'I NGANG NAS SKU 'KHOR RNAMS LA DPE CHA 'DI RNAMS DGE 'DUN GRUB PA'I SAR SKYOL , RGYUD SDE'I 'CHAD NYAN 'DI SBYIN PA DPAL BAS GYIS, DE'I

GROGS DGOS PA GRAGS PA BZANG PO LA CHOL, ZHES GSUNGS NAS MYA NGAN LAS 'DA' BA'I THUGS 'DUN GTAD, DE NAS RGYUD KYI GRVA TSANG DANG LHAN CIG TU DGE LDAN RNAMS PAR RGYAL BA'I GLING DU PHEBS TE RIM GNYIS KYI RNAL 'BYOR LA BRTZON BA'I NGANG NAS THUN MTSAMS SU CHOS GSAN MI RNAMS LA RANG RANG GI 'DOD PA DANG MTHUN PA'I CHOS RNAMS STZAL, DE'I TSE RJE 'DI NYID KYI THUGS RGYUD LA MNGON BAR RTOGS PA'I YON TAN BSAM GYIS MI KHYAB PA 'KHRUNGS SO, , DE NAS SKU CHE 'DI'I DNGOS KYI GDUL BYA RDZOGS TE ZHING GZHAN DU 'BYON PAR DGONGS BAN THUGS DAM RIM GNYIS KYI RNAL 'BYOR LA RTZE GCIG TU BZHUGS SHING, DE'I TSE DAG PA'I GZIGS SNANG LA SKU MDUN GYI BAR SNANG LA RJE BTZUN BYAMS PA DANG 'JAM DBYANGS GNYIS KYIS SHER PHYIN GSUNGS SHING, SHER PHYIN GYI MDO SGROGS SHIG CES BKA' STZAL PA YANG DE BZHIN DU MDZAD CING, DPAL GSANG BA 'DUS PA, 'KHOR LO SDOM PA, DUS KYI 'KHOR LO SOGS YI DAM MANG PO'I ZHAL GZIGS, ,DE GA'I DANG NAS 'OD GSAL CHOS SKU MNGON DU MDZAD NAS DE'I NGANG LA YUN RING MNYAM PAR 'JOG PA GNANG, DE LAS LONGS SKUR BZHENGS PA'I TSE LHA RNAMS KYIS ME TOG GI CHAR DANG ROL MO'I SGRA LA SOGS PAS MCHOD CING NAM MKHA' G-YA' DAG PA LA 'JA' 'OD KYIS KHYAB PA DANG, DPA' BO DANG RNAL 'BYOR MA RNAMS KYIS GDUGS DANG RGYAL MTSAN DANG ROL MO'I SGRA LA SOGS PAS MCHOD CING BSUS TE DGA' LDAN CHOS KYI PHO

, ,BRANG DU RJE BDAG NYID CHEN PO YAB SRAS KYI DRUNG DU PHEBS SO, ,DE NAS RJES 'JUG RNAMS KYIS SKU GDUNG LA MCHOD PA RGYA CHER BYAS TE ZHUGS LA PHUL BA NA DBU THOD RIL POR MA NYAMS PAR BYON PA DANG, RING BSREL CHES NGO MTSAR BAR BYON PA DAG NI RJE DGE 'DUN GRUB KYIS BZHES TE BKRA SHIS LHUN PO'I THUB CHEN GYI SKU'I NANG DU BZHUGS SO, ,DE LTAR RJE SHES RAB SENG GE 'DIS CHOS KYI RGYAL PO TZONG KHA PA CHEN PO'I BSTAN PA'I SNYING PO MTHAR THUG PHA RNAMS RGYA CHER SPEL BAR MDZAD PAS RGYUD 'DZIN GYI SLOB MA MTHA' YAS PA BYON ZHING, RGYUD KYI BSHAD SROL 'DZIN PA NI GTZANG DU 'DUL NAG PA DPAL LDAN BZANG POS SRAD DU RGYUD GRVA BTZUGS TE 'DUS PA'I BSHAD SROL MA NYAMS PAR BSKYANGS ,PAn CHEN BZANG PO BKRA SHIS KYIS GANGS CAN DU MDO SNGAGS GNYIS KA'I BSHAD GRVA BTZUGS TE BSHAD SROL MA NYAMS PAR BSKYANGS, RGYUD CHEN SPYIN PA DPAL BAS RGYUD SMAD GRVA TSANG DU RJE'I SNGAGS KYI BSHAD SROL MA NYAMS PAR BSKYANGS, RGYUD CHEN KUN DGA' DON GRUB KYIS 'CHUM MDA' SOGS SU RGYUD KYI BSHAD SROL MA NYAMS PAR BSKYANGS PA LA RGYUD STOD DU GRAGS PA BYUNG, 'PHAGS 'OD YON TAN RGYA MTSOS LHUN PO RTZER 'DUS PA'I BSHAD SROL MNYAMS BAR BSKYANGS SHING SGRON GSAL GYI MCHAN BU RJE BDAG NYID CHEN PO'I DGONGS PA RMA MED PAR BKOD PA SGRON GSAL

RNAM NGES ZHES BYA BA'I LEGS BSHAD RMAD DU BYUNG BA 'DI MDZAD DO, ,GZHAN YANG RGYUD 'DZIN GYI SLOB MA MTHA' YAS PA BYUNG ZHING THAMS CAD KYI NANG NAS RGYAL MTSAN GYI TOG LTAR MNGON PAR MTHO BA 'GRAN PA'I ZLA THAMS CAD DANG BRAL ZHING 'PHRIN LAS NAM MKHA' DANG MNYAM PA NI THAMS CAD MKHYEN PA DGE 'DUN GRUB PA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB CHEN PO SHES RAB SENG GE LA GSOL BA 'DEBS SHING ,BDAG NYID CHEN PO 'DI'I RNA MTHAR LTAR MDO SNGAGS GNYIS KA'I LAM GYI LUS YONGS SU RDZOGS PA LA BAG CHAGS CI THEBS BYA'O,, ` ,,RIG GROL PHUN TSOGS DGE 'DUN 'DUS PA'I GTZO, ,GRUB PA'I DBANG PHYUG MKHAS PA KUN GYI DPAL, ,'PHRIN LAS BZANG POS BSTAN PA RGYAS MDZAD BA, ,DPAL LDAN BLA MA'I ZHABS LA GSOL BA 'DEBS, ,ZHES BSNGAGS PA, THAMS CAD MKHYEN PA DGE 'DUN GRUB PA DPAL BZANG PO NI, GUR MA ZHES BYA BA'I YUL GYI LHAS RA ZHIG TU, YAB MGON PO RDO RJE DANG, YUM JO MO NAM SKYID CES BYA BA GNYIS KYI SRAS SU LCAGS MO LUG GI LO NGO MTSAR BA'I LTAS DANG BCAS TE 'KHRUNGS, RJE 'DI SPRUL PA'I SKYES BUR STON PHYIR 'KHRUNGS PO'I NUB MO DE PHYOGS KYI 'BROG BA LA DGRA JAG BYUNG STE YUM GYIS KHYE'U 'KHRUNGS MA THAG PA DE KHYER MA THUB PAR RDO'I GSEB CIG TU SBAS TE NANG MI THAMS CAD BROS, SANG NYIN NAM LANGS NAS LTAR 'ONGS PAS, DE'I MTHA' SKOR LA BYA

, ,DANG GCAN GZAN MANG PO 'KHOR NAS YOD PA LA, BYA ROG CHEN PO GCIG GIS KHYE'U 'KHRUNGS MA THAG PA DE GCAN GZAN SOGS KYI GNOD PA LAS BSRUNGS TE MA NONGS PAR BZHUGS BAN THONG STE DGA' ZHING NGO MTSAR YA MTSAN DU BZUNG NAS KHYE'U DE KHYER TE BROS NAS PHYIN, DE DUS KYI BYA ROG CHEN PO DE NI DPAL MGON ZHAL GYI RNAM 'PHRUL DU 'DUG ,MGON PO 'DIS PHYIS KYANG DE DUS KYI DRIN NGO DANG, KHYOD LTA BU'I BSTAN 'DZIN LA NGA LTA BU'I CHOS SKYONG BSTEN DGOS PA YIN NO ZHES YANG YANG GSUNG GIN YOD GSUNG STE BSAM GYIS MI KHYAB PA'I RNAM THAR RO, ,DE LTA BU'I GZHON NU DE NYID NI, BYIS PA'I GNAS SKABS NYID NAS KYANG BYIS PA'I RGUD PA THAMS CAD LAS YANG DAG PAR 'DAG SHING, BAG MED BAR RTZE BA MTHA' DAG LAS NGANG GIS LOG, NYES SPYOD RNAMS NI RANG BZHIN GYIS BSDAMS, BLO GROS DPAG PAR DKA' ZHING DAM PA'I CHOS 'CHOL BA LA NGANG GIS ZHUGS PA SOGS BYANG CHUB SEMS DPA'I SPYOD PA RLABS PO CHE RNAMS LAS NAM YANG NYAMS PA MED CING ,KHYAD PAR RANG DANG NA TSOD MNYAM PA'I BYIS PA MANG NGO BSAGS NAS DE DAG LA RANG NYID KYIS CHOS 'CHAD PA'I RNAM PA MDZAD CING, GZHAN YANG RTEN BZHENG DANG, GTZUG LAG KHANG DANG, CHOS KHRI DANG, CHOS RA RTZIG BA YIN GSUNGS NAS, NYIN MTSAN KUN TU PHYAG DAL BAR BZHUGS PA'I SKABS MED BLTA BU ZHIG YOD CES GRAG GO, DE NAS RJE 'DI'I YAB YUM RNAMS KYANG NOR DGRA LA SHOR TE

SBRAM TSUGS BAR RE ZHIG LA KHA STOD KYI GRONG YUL RNAMS SU BZHUGS TE RJE 'DIS KYANG GRONG BA DAG GI RDZI BO SOGS MJAD DE SEMS CAN LA PHAN PA MDZAD, KHYAD PAR RTZEN DKAR BYA BA'I YUL DU BZHUGS, DGUNG LO LNGA BA'I DUS NYIN RE BZHIN PHYOGS GZHAN ZHIG TU 'BYON PA ZHIG BYUNG BA LCAM MO ZHIG YOD PA DES LTAR PHYIN PAS RDO MANG PO LA MA nI PHYAG BRIS MDZAD DE BRKO YIN 'DUG ,CI MDZAD ZHUS PAS, 'DI LA NGA'I PHA MA'I SGRIB SBYONG BYED PA YIN GSUNG, PHA MANG LTA MA SHI LAGS ZHUS PAS, PHA MA SHI BA DANG MA SHI BA MANG PO YOD PAS DE THAMS CAD KYI SGRIB SBYONG YIN GSUNG, DE 'DRA'I MA nI DE YUL DE NA DA LTA YANG YOD PAR GRAGS, DE NAS KHA STOD MTHONG SMON BYA BAR YUM SRAS RNAMS KYI BYON, YUL DE'I PHYUG PO ZHIG GI RA RDZI MDZAD DE RI GDONG ZHIG GI BRAG LDEBS LA 'BRU DRUG DANG, 'BRU GSUM DANG, H'Um DANG HR'I: LA SOGS PA'I GSUNG YIG 'BRU MANG PO DANG, GDUGS DANG, RGYAL MTSAN DANG, BA DAN SOGS MCHOD PA'I YO BYAD MANG PO PHYAG BRIS SU BSKO BAR MDZAD PA DA LTA YANG YUL DE NA BZHUGS ,DE NAS ZHU RONG BYA BAR PHEBS TE 'GRO DON MDZAD, DE NAS SNAR THANG GI PHU DGE STENG BYA BAR BZHUGS, DGUNG LO BDUN PA'I TSE YAB DE SKU GSHEGS, DE'I TSE RJE 'DIS STON PA SMAN PA'I RGYAL PO'I MDO ZHIG PHYAG BRIS MDZAD DE BZHENGS, 'DI LA BDAG GI PHA'I SGRIB SBYONG BYED PA YIN NO GSUNG, DE NAS YAB YUM DAG 'BYOR PA CHUNG BAS RGYAL SRAS 'DIS

, ,SNAR THANG DU DGE 'DUN GYI TSOGS LA BSGRU BA LA BYON, DE LA YANG NA BZA' SER PO RE BZHES, DBU SKRA BREGS TE BYON, DE LA MI RNAMS KYIS BTZUN CHUNG RAG SKYA ZHES 'BOD PA BYUNG, DE NAS RGYAL BA'I BSTAN PA LA 'JUG PAR BZHED DE SNANG THANG MKHAN CHEN GRUB PA SHES RAB LAS YONGS RDZOGS DGE BSNYEN GYI SDOM PA BZHES TE BSLAB KHRIMS RNAMS TSUL BZHIN DU BSRUNG BAR MDZAD CING, CHOS SPYOD MANG PO ZHAL TON DU MDZAD PA NA BTZUN CHUNG PAD RDOR ZHES 'BOD PA BYUNG, DE NAS SNAR THANG MKHAN PO'I GSUNG NAS, DA RA ZHIG LA YON TAN THAMS CAD KYI RTZA BA YIN PAS KLOG YIG LA SBYONGS SHIG GSUNGS NAS, DE DUS KYI KLOG DPON RGYA STON TZANDRA PA ZHES PA SLOB MA BRGYA PHRAG MANG PO BSTEN PA GCIG LA GTAD DE KLOG YIG SBYONG BA'I TSUL BSTAN PA TZAM GYIS THOGS MED DU MKHYEN PA BYUNG, DE NAS RGYA STON PA'I ZHAL NAS, DA NI NGA BAS KHYOD MKHAS PAR 'DUG PAS NGA'I SLOB MA RNAMS KHYOD KYIS SKYONGS SHIG GSUNGS NAS, DE DUS KYANG KLOG GIS BU SLOB SKYONG BA SOGS MDZAD, DE NAS YANG, DE DUS KYI YIG DBON SH'AKYA DPAL ZHES PA LA YI GE SBYONG BA'I TSUL BSTAN PA TZAM GYIS YI GE'I RIGS, RGYA YIG ,BOD YIG ,HOR GYI YI GE, RGYA GAR GYI YI GE'ANG, LANYTSA, WARDHU, BOD YIG LA'ANG, CHE YIG ,CHUNG YIG ,DE LA'ANG, 'BRU MA, TSAG BRIS, ZLUM BRIS SOGS THAMS CAD THOGS PA MED PAR

MKHYEN, DE LTAR MKHYEN CING RAB TU BYUNG BA'I RJES SU'ANG SNAR THANG DU KLOG YIG GI PA BU SLOB MANG PO BSKYANGS BAS MI RNAMS KYIS DBON YIG DGE 'DUN GRUB CES 'BOD PA'ANG BYUNG ZHING, DE LTAR YIG RIGS THAMS CAD MKHYEN PAS GSAN SBYONG MDZAD DUS KYI PHYAG DPE PHAL CHE BA PHYAG BRIS MDZAD DE BZHENGS, CHOS BAR SOGS LA BYON DUS GTZUG LAG KHANG GANG DU BYON SAR 'PHAN GDUGS RGYAL MTSAN SOGS PHUL BA RNAMS LA DKAR CHAG RE PHYAG BRIS SU MDZAD, PHYIS BKRA SHIS LHUN PO'I PHYI NANG KUN TU BLA MA SANGS RGYAS BYANG SEMS KYI MTSAN DANG, MA nI JI SNYED YOD PA PHAL CHE BA DANG, KHYAD PAR GTZUG LAG KHANG GI NANG NA YOD PA LANYTSA SOGS YIG RIGS PHAL CHE BA RNAMS RJE 'DI'I PHYAG BRIS YIN ZHING, RJE 'DIS MDZAD PA'I PHYAG BRIS CHAD LHAG NOR GSUM GYI SKYON DANG BRAL BAR RJE RANG NYID KYIS ZHAL GYIS BZHES SO, ,DE NAS 'DI SNYAM DU DGONGS TE, RGYAL BA'I BSTAN PAL ZHUGS TE KHYIM NAS KHYIM MED PAR RAB TU BYUNG NAS THOS BSAM SGOM GSUM 'CHAD RTZOD RTZOM GSUM GYI SGO NAS RGYAL BA'I BSTAN PA RIN PO CHE CHES CHER SPEL THUB PA ZHIG BYA'O SNYAM DU DGONGS NAS DGUNG LO BCO LNGA PA SHING MO BYA'I LO ZLA BA GSUM PA'I NYER GCIG GI NYIN DPAL SNAR THANG GI GTZUG LAG KHANG DU MKHAN CHEN GRUB PA SHES RAB PAS MKHAN PO DANG, BSHES GNYEN CHEN PO BLO LDAN PA ZHES PAS SLOB DPON MDZAD DE ,

, ,RAB TU BYUNG ZHING CHIGS SNGA MA DGE TSUL GYI SDOM BA YANG DAG BAR MNOS TE, DGE 'DUN GRUB PA DPAL BZANG PO ZHES MCHAN GSOL, DE LTAR RAB TU BYUNG NAS 'DI SNYAM DU DGENGS TA, SANGS RGYAS BCOM LDAN 'DAS KYI RJES SU RAB TU BYUNG BA DAG GI LAS SU BYA BA NI GNYIS TE, 'DI LTAR KLOG PA THOS BSAM DANG, SGRUB PA BSAM GTAN GYI RIM PA'O, ,DE BAS NA BDAG GIS KYANG KLOG PA THOS BSAM DANG SPONG BA BSAM GTAN GNYIS KYI SGO NAS RGYAL BSTAN YONGS SU RDZOGS PA RANG GI RGYUD LA 'DZIN CING GZHAN LA'ANG RGYA CHER SPEL BAR BYA'O SNYAM DU DGONGS NAS DE DUS SNAR THANG NA MAH'A PAndI TA SADGHA SHR'I ZHES PA'I MKHAS GRUB CHEN PO ZHIG YOD PA LA, SNYAN DNGAGS ME LONG DANG, 'CHI MED MDZOD DANG, SGRA 'TSAMS SBYOR LNGA BA RNAMS GSAN CING, GTUM PO DKAR PO'I RJES GNANG SOGS KYI BKA' YANG MANG RAB GSAN LA, BSHES GNYEN DAM PA GZHAN MANG PO LA'ANG DBANG LUNG MAN NGAG RGYA CHER GSAN NO, ,DE NAS DGUNG LO NYI SHU BZHES PA LCAGS PHO STAG GI LO ZLA BA GNYIS PA'I GRAL TSES BCU GCIG GI NYIN TSIGS SNGA MA'I MKHAN PO GNAS LNGA RIG PA GRUB PA SHES RAB PAS MKHAN PO DANG, TSIGS SNGA MA'I SLOB DPON BLO LDAN PAS LAS SLOB, DE'I GDAN SA PA CHEN PO GRAGS PA SHES RAB PAS GSANG STON MDZAD CING MTSAN NYID LDAN PA'I KHA SKONG GRANGS TSANG BAS

DAD PA'I DGE 'DUN MDZAD NAS BSNYEN PAR RDZOGS PA'I SDOM PA YANG DAG PAR BZHES TE, LHAG PA TSUL KHRIMS KYI BSLAB PA YONGS SU RDZOGS PA'I LHA'I CHU BOS THUGS RGYUD KYI BAM BZANG NYE BAR GTAMS SHING, LHA DANG BCAS PA'I 'JIG RTEN GYI YON GNAS GCIG PUR GYUR TO, ,DE NAS TSAD MA RNAM 'GREL GYI GZHUNG LA SPYANGS TE SNAR THANG DU GRVA SKOR YANG MDZAD, DE NAS SNAR THANG MKHAN CHEN SOGS BSHES GNYEN MANG PO LA MDO SNGAGS KYI CHOS MANG DU GSAN, DE DAG GI TSE YANG YON TAN THAMS CAD KYI GZHI DANG RTZA BA TSUL KHRIMS SU DGONGS NAS LHAG PA'I TSUL KHRIMS NYES LTUNG GI DRI MA THAMS CAD DANG BRAL BA ZHIG MNGA' BAS GNAS BRTAN 'DUL BA 'DZIN PA GSER RI'I PHRENG BA LTA PU'I DBUS NA LHUN PO LTAR MNGON PAR 'PHAGS SHING, BDAG PAS GZHAN GCES PA'I BYANG CHUB KYI SEMS BCOS MIN THUGS RGYUD LA RGYUN CHAGS PAR MNGA' BAS 'GRO BA KUN LA PU GCIG BA LTAR DGONGS TE, BSTAN PA DANG SEMS CAN LA PHAN PAR GZIGS NA DMYAL BA'I ME YANG PADMA'I TSAL LTAR GZIGS NAS 'JUG PA LA YA MI NGA ZHING RANG GI CHED DU DAG PA'I ZHING GI 'BYOR PA YANG RMI LAM GYI DGA' STON LTAR GZIGS NAS BLTOS PA MED CING, BSKYED RDZOGS KYI TING NGE 'DZIN SHIN TU BRTAN PO BRNYES PAS THUN MONG DANG THUN MONG MA YIN PA'I MNGON PAR RTOGS PA'I YON TAN NI, SO SO SKYE BO'I BYANG CHUB SEMS

, ,DPA' PHAL MO CHE DAG GIS RJES SU YI RANG BA TZAM YANG BYA DKA' BA'I RGYAL SRAS KYI SNYING STOBS PHUL DU BYUNG BA MNGA' BAS, RGYAL BA'I SPYAN SNGAR KHAS BLANGS PA'I DAM TSIG LAS MI G-YEL BA'I SRUNG MA KHYAD BAR CAN DANG DKAR PHYOGS SKYONG BA'I LHA DAG GIS DNGOS SU BSNYEN BKUR ZHING LEGS SO GSOL BA'I TSIG GIS MNGON PAR BSNGAGS SHING, GZHAN LA CHOS STON PA'I 'PHRIN LAS LHUR MDZAD PA LA DGONGS PA MNGON DU PHYOGS PAR GYUR TO, ,DE NAS 'DI LTAR DGONGS TE, DE YAN CHAD NYER 'DZIN CHEN PO'I GSUNG DANG DU BLANGS, BSTAN PA DANG SEMS CAN LA PHAN GANG CHE'I SGO NAS 'GRO BA'I DON BYAS, DA NI SNGAR NAS YID LA YANG DANG YANG DU YOD PA BZHIN DAM PA'I CHOS 'TSOL BA DANG, RJE BTZUN CHOS KYI RGYAL PO TZONG KHA PA CHEN PO'I DRUNG DU MYUR DU 'GRO BAR BYA'O SNYAM DU DGONGS NAS DE LUGS KYI GRABS BYAS NAS DGUNG LO NYER LNGA PA SHING MO LUG GI LO LA DBUS PHYOGS LA BYON TE, KHRA 'BRUG TU SEMS DPA' CHEN PO KUN BZANG PA LA TSAD MA DANG DBUM SOGS KYI THUGS SPYOD MDZAD, DE NAS RJE BTZUN TZONG KHA BA CHEN POS SKYONG MI'I DPANG PO GRAGS PA RGYAL MTSAN GYIS BKRA SHIS RDO KHAR SPYAN DRANGS PA'I DRUNG DU, SEMS DPA' CHEN PO KUN BZANG PA'I PHYAGS PHYI MJAD DE BYON NAS, DER RJE RIN PO CHE LA TSAD MA RNAM NGES KYI DOGS GCOD, DRANG NGES RNAM 'BYED,

RTZA SHE'I RNAM BSHAD, BLA MA LNGA BCU BA'I RNAM BSHAD, RTZA LTUNG GA NAM BSHAD SOGS CHOS MANG PO GSAN CING, RJE RIN PO CHE YANG THUGS SHIN TU DGYES BAR BYUNG STE, 'DUL BA'I BSLAB KHRIMS KHYAD PAR CAN SPEL PA'I RTEN 'BREL BSGRIG PA'I PHYIR DU MTHANG GOS BZHES 'PHRO ZHIG GI GNANG SBYIN KYANG MDZAD, DE NAS RJE BTZUN TZONG KHA PA'I GSUNG GIS THANG BO CHE'I BLA BRANG BA NYI MA RGYAL MTSAN PA LA DPAL GSANG BA 'DUS PA'I BKA' ZHIG ZHU BA LA PHYIN PA LEGS ZHES BSKUL TE DER BYON, RJE NYI MA RGYAL MTSAN PA LA DPAL GSANG BA 'DUS PA MI BSKYOD PA DANG, RDO RJE 'JIGS BYED BCU GSUM MA DANG, GSHED DMAR BCU GSUM MA DANG, GSHED DMAR LHA LNGA MA SOGS KYI BKA' MANG PO GSAN NO, ,DE NAS DBON SLOB RNAMS DGE LDAN DU BYON, RJE SHES RAB SENGGE GSANG PHU LA BYON, DGE LDAN DU RJE RIN PO CHE'I DRUNG DU RJE BLA MA 'DIS, BDAG GSANG PHUR RJE SHES RAB SENGGE'I DRUNG DU PHYIN NA BSAM PA LAGS ZHUS PAS, CIS KYANG LEGS GSUNGS NAS SLOB DPON RAB MCHOG PA DANG GNYIS LA SPYI RU GSER ZHO GANG, RDUL GZANG LEGS PO ZHIG GNANG, GSER KHOD PA LA PHUL, GZAN DE RJE 'DI PAS BSNAMS TE DGUN CHOS LA GSANG PHUR PHEBS RIGS 'BRING MAN CHAD LA MA BRTEN PAR DANG PO NAS TSAD MA'I RIGS CHEN MDZAD, THUGS GSAL BA DANG STON BA BZANG PA'I SNYAN PA'I GRAGS PA YANG RGYA CHER BYUNG NGO, ,DE NAS RJE 'DI BAS STON CHOS SOGS

, ,LA DGE LDAN DU PHEBS, RJE RIN PO CHE LA LAM RIM CHEN MO, 'KHOR LO BDE MCHOG GI RTZA RGYUD KYI BSHAD PA, SNGAGS DBANG, SGRUB DKYIL GYI LUNG SOGS SNGAGS CHOS MANG PO GSAN ZHING,, RJE DAR MA RIN CHEN LA TSAD MA, PHAR PHYIN, BYAMS CHOS PHYI MA SOGS KYI BSHAD PA MANG DU GSAN BAS RJE DAR MA RIN CHEN 'DI PHA ROL TU PHYIN PA'I THEG PA'I PHYOGS LA BKA' DRAN CHE BA YIN GSUNG, YANG GSANG PHUR PHEBS TE RIGS LUNG 'GRIM BA SOGS KYI THUGS SBYONG MDZAD, STON DGE LDAN LA PHEBS TE RJE RIN PO CHE DANG RGYAL TSAB RJE STE YAB SRAS GNYIS LA MDO SNGAGS KYI CHOS RGYA CHER GSAN PA DANG, 'DUL 'DZIN CHEN PO GRAGS BA RGYAL MTSAN PA LA DRANG DES RNAM 'BYED TSAR GCIG DANG, GZHAN YANG CHOS BKA' CI RIGS GSAN, DE LTA BU'I TSUL GYIS GSANG PHU DGE LDAN GNYIS LA LO GSUM TZAM ZHIG BZHUGS, DE NAS SA MO PHAG GI LO RJE BTZUN CONG KHA PA CHEN PO STOD LUNG CHU TSAN LA BYON TE SLAR 'BRAS SPUNGS SU PHEBS PA'I TSE RJE 'DIS KYANG DER BYON TE LAM RIM GYI KHRID, N'A RO CHOS DRUG, DBU MA 'JUG PA, GSANG BA 'DUS PA'I RGYUD LA SOGS PA MANG DU GSAN NO, ,DE NAS 'DI LTAR DGONGS TE, SPYIR 'DUL BA'I BSLAB KHRIMS RNAM PAR DAG PA CIG BYED PA LA 'DUL BA SHES DGOS PAR 'DUG ,KHYAD BAR GROS 'DI 'DUL BA'I 'BYUNG KHUNGS LTA BUR 'DUG PAS DER 'DUL BA SLOB TU 'GRO SNYAM DU DGONGS TE DE'I RGYU MTSAN RJE

BTZUN TZONG KHA PA CHEN PO LA ZHUS PAS, 'DUL BA SLOB PA LA NYAMS SU LEN 'DOD KYI BSAM PAS SLOB DGOS PA YIN, DE LTAR YIN NA NGO MTSAR CHE GSUNGS NAS TSAS KYI MTHUN RKYEN DU GSER ZHO GANG GNANG, DE'I CHA SHAS SHIG LA LHA SA NAS RTZAM PA BSGRUBS TE SGO LA LA BYON, LAM DU MA THEG PAR RDUL GZAN GYI SNAM PA GCIG PHOG STE DRUBS PA'I NANG DU RTZAM PA THOGS GCIG BZHAG, DER RDO LA PHYAG BRIS MDZAD DE 'DI SU DANG PHRAD PAS LONGS SPYAD KYANG NYES PA MED DO, ,ZHES BRIS PA BZHAG NAS GRO SAR BYON, DE'I DUS SU RJE SHES RAB SENG GE PAS DMAR STON YAB SRAS KYI DRUNG DU, DGE BSHES 'DI BDAG GI SLOB MA'I DANG MA YIN PAS 'DUL MDZOD PHUL DU PHYIN PA CIG SLOB PAR ZHU ZER BA'I ZHU YIG KYANG PHUL, DMAR STON DPAL LDAN RIN CHEN PA DANG RGYA MTSO RIN CHEN PA GNYIS LA LO GNYIS KYI BAR DU MDO RTZA BA DANG MNGON PA MDZOD LEGS BAR GSAN, KHYAD PAR RGYA MTSO RIN CHEN PA LA LUNG SDE BZHI'I LUNG YANG GSAN LA; DMAR STON PA'I ZHAL NAS, NGED KYI SLOB MA GTZANG PHYOGS NA KHYED DANG DKA' BCU PA GZHON NU RGYAL MCHOG GNYIS LAS 'DUL BA LA MKHAS PA MED PAS KHYOD KYIS KYANG BSTAN PA LA PHAN PA'I 'CHAD NYEN LEGS PO MDZOD, NGAS KYANG LO BCU DRUG NAS DA LTA'I BAR DU 'CHAD NYAN MA CHAG PAR BYAS PA 'DI BSTAN PA 'BA' ZHIG LA BSAMS PA YIN NO, ,ZHES GSUNGS, DE NAS SLAR YANG GSANG PHUR PHYAGS PHEBS, SNGAR GYI THUGS SBYONG GI 'PHRO RNAMS LEGS

, ,BAR MJAD, GLING STOD DU MTHONG SMON BA ZHAS PA'I GRVA TSANG ZHIG GI 'CHAD NYAN PA RJE SHES RAB SENG GES MDZAD KYIN YOD PA'I GDAN SAR RJE 'DI PA DANG SHAR DVAGS PO'I PAndI TA BKRA SHIS RNAM RGYAL BA GNYIS BSKRA BZHAG MDZAD DE LO KHA YAR 'CHAD NYAN KYANG MDZAD, DE DUS GSANG PHU'I BRAG PHUG CIG TU THUGS DAM MDZAD PA'I MNAL LAM DU BYANG SHAR PHYOGS NAS THUB DBANG GI SKU SHIN TU CHE BA ZHIG GZIGS PA'I MDZOD SPU NAS ZLA BA NYA GANG BA GCIG CHAD DE RJE RANG NYID LA THIM PA RMIS, DE RJE SHES RAB SENG GE LA ZHUS PAS, SANGS RGYAS KYI 'PHRIN LAS 'JUG CING TSE RING PO 'ONG BA'I LTAS YIN, NGED KYI RMI LAM DU'ANG KHYOD MGO SKYA YER YER 'CHAD NYAN BYED KYIN 'DUG PA RMIS GSUNG, YANG DE DUS MNAL LAM LA NAM MKHA' NAS AOm WA G'I SHVA RI MUm ZER BA ZHIG LANYTSA'I RNAM PAR NAR TA BYUNG BA RJE NYID KYI LCE THOG TU BABS PA DANG, NGA 'TSENGS, NGA 'TSENGS, ZER BA LAN GSUM BRJOD BA DUS MNYAM PA CIG BYUNG GSUNG, DE NAS MA PHO RTA LO LA GTZANG PHYOGS LA PHYAGS PHEBS TE BYANG CHEN DU GRVA PA BDUN CU TZAM LA 'CHAD NYAN MDZAD, RIGS LUNG KYANG SHIN TU 'PHEL BAR BYUNG, DE NAS GRVA TSOGS KYANG RJE CHE LA SONG STE SNAR THANG BYANG CHEN RTA NAG RI KHUD RNAMS LA RIM GYIS CHOS PAR LA BYON TE LO LNGA DRUG GI RING LA 'CHAD NYEN 'PHEL BAR BYUNG, DE DUS LCAGS PHO KHYI LO LA SNAR THANG DU 'JUG PA'I RNAM BSHAD DGONGS PA RAB TU GSAL BA'I ME LONG GCI MA

BA YANG MDZAD, SLAR YANG GSANG PHU'I 'CHAD NYAN LA GDAN 'DRAN BYUNG YANG MI PHEBS, YANG DE DUS RGYAL TSAB RJE DANG MKHAS GRUB RJE YAB SAS GNYIS GNAS RNYING DU PHEBS, DE'I DRUNG DU RJE SHES RAB SENG GE DANG YAB SRAS GNYIS KYIS KYANG BYON TE RGYAL TSAB RJE LA SPYIR CHOS MANG PO DANG, KHYAD PAR MNGON LA KUN LAS BTUS KYI t'IKKA DE GSAN, RIM GYIS RJE 'DI PAS PHYAG BRIS MDZAD DE GZHAN LA YANG GSUNGS LA, MKHAS GRUB RJE LA YANG CHOS MANG DU GSAN NO, , DE NAS LCAGS MO PHAG LA RJE SHES RAB SENGGE DANG YAB SRAS PHOGS MTHUN LA STOD LA CHOS BAR LA BYON, YAR LAM GCEN LUNG DANG CHU 'DUS SOGS SU BYANG SAMS SH'AKYA DPAL BAS SBYIN BDAG MDZAD DE CHOS AR MDZAD, DE NAS STOD PHYOGS KYI CHOS SDE MANG POR BYON ZHING SKAL BA DANG LDAN BA MANG PO LA MTHO RIS DANG THAR BA'I SA BON 'JOG BAR MDZAD, DE NAS DPON SLONG RNAMS KYIS PADMA CHOS SDENGS SU BYON, YAR LAM GLANG SKOR DU PHA DAM PA'I SKU GDUNG KA RU MJAL, SPYIR DE LA MTHONG TSUL SNA TSOGS SHIG YOD PA LA, RJE 'DI PAS DAM PA RANG GI SKU DNGOS SU GZIGS PA YIN ZER BA'I LO RGYUS SKU GNYER GYIS BRJOD BA DANG LTA'I BAR DU YOD DO, ,DE NAS PADMA CHOS SDIGS SU BYON TE; PAn CHEN 'JIGS BRAL DANG MJAL, ZHAG SHAS DER BZHUGS, CHOS MANG DU ZHUS, KHYAD BAR SGROL MA NYER GCIG MA, SGROL MA LHA BCU BDUN MA SOGS KYI DPANG DANG, RJE BTZUN MA DKAR SNGO GNYIS DANG, DBYANGS

, ,CAN MA, GDUGS DKAR SOGS KYI RJES GNANG MANG DU ZHUS, PAn CHEN GYIS DRI BA MANG PO MDZAD BA RNAMS LA LAN PHUL BA RNAMS LA'ANG THUGS SHIN TU DGYES PAR BYUNG NAS, DA PHYIN CHAD THAMS CAD MKHYEN PA DGE 'DUN GRUB GYIS ZHES PA'I MNGA' GSOL YANG MDZAD DO, ,DE NAS SLAR YANG SHEL DKAR DU PHEBS TE CHOS BAR MDZAD, DE DUS NUB GCIG GI MNAL LAM DU RGYAL TSAB RJE BYON NAS, RJE BTZUN MA LA GSOL GDA' KYI RJES SU, BCOM LDAN 'DAS MA MCHOD BYAS PAS, ,ZHES SOGS SHLOOKA 'DI LAN GSUM RE GYIS GSUNG BA RMIS, DE LA BRTAGS NA DE DUS RGYAL TSAB RJE GZHAN DON LA GSHEGS YAR 'DUG BAS, NGA PO TA LA NAS BDE BA CAN DU 'GRO, KHYED KYANG DE LTAR MDZOD CES AR GO NAS TSIGS BCAD TSOGS SU MA CHAG BAR BTZUGS GSUNG, DE NAS CHU PHO BYE BA'I LO NAG PA ZLA BA'I TSES BZHI LA TSAD MA RNAM 'GREL GYI T'IKKA 'DI'I RTZOM PA YANG MDZAD DO, ,DE NAS CHU MO GLANG GI LO SLAR YANG SNAR THANG DU BYON, RTZA SHE'I RNAM BSHAD RIN PO CHE'I PHRENG BA'I RTZOM PA MDZAD DE 'CHAD NYAN GYI SGO NAS GTAN LA PHAB, DE RJES RI KHUD DU PHEBS, DE'I TSE RJE SHES RAB SENGGE SNGAR RJE BLA MA 'DI BA LA STOD LA CHOS BAR LA BYON BA'I SKYEL MAR CHU 'DUS BAR BYON, DE NAS PHYIR BYON TE DGE LDAN DU RGYAL TSAB RJE LA DUS 'KHOR GSAN PA LA PHEBS BZHED YIN PA LA, RTA NAG TU DGE SBYONG DKAR PO BAS SBYAN DRANGS TE RI KHUD CHOS SDE PHUL, ZHAL BDAG MDZAD NAS LO SHAS BZHUGS,

DE DUS SHANGS BA KUN MKHYEN CHEN PO DANG DE'I GDAN SA PA SEMS DPA' CHEN PO TSUL KHRIMS DPAL BZANG PO GNYIS LA CHOS BKA' MANG DU GSAN, GSANG BA 'DUS PA'I RGYUD KYI 'CHAD NYAN YANG 'PHEL BAR MDZAD, DE THAD DU RJE BLA MA 'DI YANG PHEBS TE DE DUS YAB SRAS BKA' BGROS MDZAD, RJE SHES RAB SENGGE DGE LDAN DU MKHAS GRUB RJE LA DUS KYI 'KHOR LO GSAN PA LA BYON, RJE 'DI PA RI KHUD KYI GDAN SAR BSKO BA SOGS KYI ZHAL TA DRUNG CHEN DGE SPYONG BA DANG YON MCHOD ZHAL 'DZOM PA LA GNANG STE DBUS PHYOGS LA PHEBS, RJE 'DI PAS RI KHUD CHOS SDE'I ZHAL BDAG MDZAD, DRUNG CHEN DGE SBYONG BAS SBYIN BDAG MDZAD DE RTEN 'BREL KHYAD PAR CAN BSGRIG PA'I PHYIR DU RJE BTZUN BYAMS PA'I SKU KHYAD PAR CAN ZHIG BZHENGS, GTZUG LAG KHANG GI SGO SGYUR BA DANG RDO GCAL 'DING BA SOGS KYI SGO NAS CHOS SDE LA PHAN PA CHE BAR MDZAD DO, ,DE NAS YANG SNAR THANG PHYOGS LA PHEBS, BYANG CHEN SOGS SU CHOS BAR MDZAD, DE NAS BO DONG LA BYON, DPAL LDAN DMAG ZOR LHA MO 'DI SKU SKYE MANG PO NAS KYI CHOS SKYONG YIN PA LA SNGAR RJES GNANG ZHU BA SOGS MA MDZAD PAS, DE ZHU BA LA DE DUS BO DANG NA RGYAL SRAS RIN PO CHE'I DNGOS SLOB RIN PO CHE CHOS BZANG DPAL BA ZHES PA BZHUGS PAS DER BYON, LHA MO'I RJES GNANG DGOS ZHUS BAS KHONG GI ZHAL NAS, MDANG RMI LAM BZANG, LHO PHYOGS 'DI NAS RLUNG NAG 'TSUB MA'I DKYIL NAS DGE SLONG ZHIG BO DONG GI SGO RTZAR SLEBS

, ,BYUNG BA LA 'DI NAS BUD MED RGYAN CAN ZHIG SONG STE, BSTAN 'DZIN CHEN PO LA BSU BA BYA ZER NAS BYUNG BRMIS, DA RES RAB 'BROG MO HOR GYIS 'KHYER BA 'DRA, HA HA GSUNG ZHING, LHA MO 'DI'I DKA' LUNG MAN NGAG DANG BCAS PA RDZOGS BAR GNANG, GZHAN YANG KHONG PA LA RGYAL SRAS RIN PO CHE'I BKA' 'BUM GYI LUNG SOGS CHOS MANG RAB GSAN NO, ,DE NAS BYANG CHEN DU PHEBS TE SKABS SHIG TU RJE 'DI'I THUGS LA 'CHAD NYAN 'DI JI LTA BU ZHIG 'ONG SNYAM YOD PA LA, NUB CIG RMI LAM NA SNGAR RI BO DGE LDAN DU BZHUGS DUS ZHAL 'DRIS YOD PA'I DGE SLONG TSES MTHUN ZHIG YOD PA DE BYUNG NAS, KHYED KYI DON DE NGAS RMI LAM DU BRTAG GIS GSUNGS NAS GNYID LOG PA'I CHUL MDZAD, DE NAS GNYID SANG DE LAG BAS PHYAG RGYA ZHIG MDZAD NAS, PHUN TSOGS GROL THOB CIG 'ONG BA'I RIGS SU NI YOD, BDEN, ZHES DANG, SKRAG MI DGOS BLO 'DUN DKON MCHOG LA GTOD LA BLO LTOS CHOL, ZHES SHUGS DRAG TU ZER BA ZHIG RMIS PAS DA NI, NGA RANG BLO DKON MCHOG LA GTAD LA BSHAD NYAN BYED PAR THAG BCAD SNYAM PA THUGS LA 'KHRUNGS, DE'I TSE 'DI LTAR DGONGS TE, BYANG CHEN 'DIR CHOS BAR 'DRA DANG, SKABS SU THUGS DAM BYED BA'I KHANG PA CIG DGOS PAR 'DUG SNYAM DU DGONGS TE, DE'I MTHUN RE NA SHING CHA SOGS BSTAN PA'I SBYIN BDAG CHEN MO SH'AKYA DPAL BA LA BKA' LUNG GNANG ZHING, KHONG

GIS KYANG GANG DGOS PHUL TE SA GZHI BAR BYAS NA GDUL BYA 'PHRIN LAS RGYA CHER 'ONG BA'I MTSAN LTAS SOGS KYANG YOD PAS THEG CHEN PHO BRANG ZHES PA'I GZIM KHANG CHEN PO MA PHO 'BRUG GI LO LA BTAB BO, ,DE NAS SNGAR BKRA SHIS RDO KHAR RJE BCUN TZONG KHA PA CHEN POR TSAD MA RNAM NGES KYI DOGS GCOD GSAN PA'I ZIN BRIS RNAMS DANG, DGE LDAN DU RGYAL TSAB RJE LA RNAMS 'GREL GSAN PA'I GSUNG RGYUN RNAMS LA GZHI BYAS TE TSAD MA'I BSTAN BCOS CHEN PO RIGS PA'I RGYAN CES BYA BA ME MO SBRUL GYI LO'I ZLA BA BCU PA LA RDZOGS PAR MDZAD DO, ,DE NAS SHANGS MDO RI BO DGE 'PHEL DU PHEBS NAS ZLA BA GCIG TZAM SKU MTSAMS MDZAD DE BZHUGS PA'I NUB GCIG MNAL LAM NA DA LTA BKRA SHIS LHUN PO'I RGYAB RI 'DI'I RNAM PA CAN GYI RI RTZE NA RJE TZONG KHA PA BZHUGS, RKED PA CAM NA SEMS DPA' CHEN PO 'DUL 'DZIN BLO GROS SPAS BA BZHUGS, DE'I SMAD TZAM NA RJE RANG NYID BZHUGS 'DUG ,DE NAS SEMS DPA' CHEN PO BLO GROS SBAS PA'I ZHAL NAS, RJE BLA MA'I 'DI LA YAR SNYAN GTOD LA GSON DANG, RJE TZOD KHA PA CHEN PO RANG RE LA LUNG BSTAN MANG PO MDZAD KYIN 'DUG ZER BA LA RJE 'DI BAS LEGS PAR GSAN PAS GSUNG GI SGRA DBYANGS MANG PO ZHIG SGROG PAR PHAL CHER MA GO ,GSUNG GI CHA SHAS SHIG LA, DGE 'DUN GRUB CES BOS NAS, KHYOD LA BRTEN NAS SA PHYOGS 'DIR TSAD MA RNAM 'GREL GYI BSTAN BRGYAS BAR 'GYUR BA ZHIG 'ONG BA YIN, ZHES GSUNG BA ZHIG GSAL BAR TSOR

, ,BAS LUS KYI BA SPU G-YO BA ZHIG BYUNG, DE'I TSE 'DUL 'DZIN BLO GROS SBAS PA RJE RIN PO CHE'I DRUNG NA BZHUGS NAS RJE DGE 'DUN GRUB LA RJE RIN BO CHES LUNG BSTAN 'DI LTAR GNANG ZHES GSUNG BDE CI BA LTA BA YIN NAM SNYAM DU DGONGS NA, SKYE BA PHYI MA RJE DANG MJAL BA KHONG SNGA BA ZHIG 'ONG BA YIN NAM SNYAM PA CIG BANG, YANG RMI LAM DE KHA'I 'PHRO LA TE'I SI TU CHEN PO DE GOS 'GANG DKAR PO ZHIG GYON, ZHO KHO GCIG LAG TU KHYER NAS RI DE'I RTZER RJE BTZUN TZONG KHA PA LA MJAL GYIN 'DUG PA RMIS PA ZHIG BYUNG STE MTSAN LTAS DE DAG NI RJE DGE 'DUN GRUB KYIS BKRA SHIS LHUN PO 'DEBS PA DANG, DGON GNAS 'DIR RJE RIN PO CHE'I BSTAN PA CHES CHER 'PHEL BA DANG MDO SNGAGS KYI GZHUNG SPYI DANG KHYAD PAR TSAD MA RNAM 'GREL DAR BA'I LUNG BSTAN 'KHRUL MED DU BYUNG BA YIN ZHING, JI LTAR LUNG BSTAN BA LTAR CHOS GRVA CHEN PO BKRA SHIS LHUN POR RJE BLA MA'I MDO SNGAGS KYI BSTAN BA CHES CHER DAR BA KUN GYI MIG LAM DU SNANG BA LTAR RO, ,DE NAS DE GE LDAN DU PHEBS NAS BYANG RTZE CHOS RJE NAM MKHA' DPAL BA LA, BCOM LDAN 'DAS 'KHOR LO CHEN PO'I BYIN RLABS RGYUD KYI DBANG LUNG MAN NGAG SOGS DANG, TSE DPAG MED LHA DGU'I DBANG YANG GSAN CING, KHONG GIS MDZAD PA'I DE'I SGRUB DKYIL ZHIG 'DUG PA'I YIG MKHAN YANG MDZAD DO, ,GZHAN YANG SNGAGS KYI BKA' LUNG MANG PO GSAN CING, THUN MONG BA BYANG CHUB LAM

GYI RIM BA'I KHRID DANG RJE TZONG KHA PA NAS BRGYUD BA'I BLO SBYONG SNYAN RGYUD CHEN MO SOGS ZAB CING RGYA CHE BA'I CHOS MANG PO GSAN NO, ,DE NAS LCAGS PHO SBRE'U'I LO LAG TZANG PHYOGS LA PHEBS, SNAR THANG DU BYON, DE SKOR LA SNAR THANG BYANG CHEN GNYIS SU PHAL CHER BSHAD NYAN MDZAD, KHYAD PAR SNAR THANG DU 'DUL BA'I GLENG 'BUM CHEN MO DANG SO THAR GYI t'IKKA'I RTZOM PA MDZAD, DE NAS BSAM GRUB RTZE NAS RJE SHES RAB SENG GE DANG, RJE DGE 'DUN GRUB GNYIS KA GDAN DRANGS TE MDO SNGAGS KYI 'CHAD NYAN MDZAD PA'I BDAG RKYEN BZANG PO RIM PA BZHIN DU MDZAD, DE NAS BYANG CHEN SNAR THANG SOGS SU RIM PAR BYON TE BSHAD NYAN GTZO BOR MDZAD, DE DUS DGONGS BA LA, SNGA DUS 'OD 'DIR LO CHEN YAB SRAS KYI RING LA BSHAD NYAN DAR BAR BYUNG 'DUG NA'ANG GZHI GSUM GYI PHYAG LEN CHER MA BYUNG, DA 'DUL BA'I BSLAB KHRIMS RNAM BAR DAG BA CIG GZHIR BZUNG STE DE'I STENG NAS BSHAD NYAN GTZO BOR BYED PA CIG BYA DGOS TE, DE'I RTEN 'BREL DU BSLAB KHRIMS BCA' YIG CHEN MO 'DI CHU MO PHAG GI ZLA BA DRUG PA'I YAR TSES LA DPAL BYANG CHUB CHEN POR MDZAD, DE NAS BZUNG STE GZHI GSUM GYI PHYAG LEN BAR MA CHAD DU YOD BA YIN NO, ,DE NAS GLEGS BAM RIN PO CHE'I LUNG YANG SNGAR NAS MA GSAN PAS GSAN 'DOD CHE BA DANG, SGRA KA L'A BA'I SA BRIS YONGS SU RDZOGS PA CIG MDZAD BZHED KYIS KUN NAS BSLANGS TE, LO DE'I STON MJUG LA DPAL SDINGS LA BYON TE, LO TZ'A BA CHEN PO THUGS RJE

, ,DPAL BA LA SGRA'I SA BRIS THOGS SHIG ZHUS, YONGS SU RDZOGS PA RTING SOR MDZAD PAR ZHUS TE SHING MO GLANG LO'I DGUN CHOS LA BO DONG LA BYON CHOS THOG GCIG BZHUGS, CHOS GROL MTSAMS SHIG TU BLA BRANG SER POR GRAGS PA DER THO RANGS SHIG DPU 'PHUR NAS BZHUGS YOD TZA NA BAR SNANG LA BUD MED DUS PA'I SKAD LHANG BA ZHIG BYUNG, DBU 'PHUR BA BSANGS TE, CI BYUNG BA YIN DRIS PAS, NGA'I MING PO SANGS RGYAS KYI BSTAN PA LA GCES PA CIG YOD PA DE GSHEGS PAS DU BA YIN ZER, DE SU YIN BYAS PAS, DE BSHAD NA KHYOD KYANG MYA NGAN BYED DU 'ONG BAS MI SMRA ZER, CI YIN NAM SNYAM DU SEMS MA BDE BA ZHIG BYUNG, YANG DE DUS THO RANGS SHIG SNGAR GYI BUD MED DE'I SKAD LHANG BA CIG BYUNG, MGO BO BSANGS TE NYAN PAS, DE NA KHYOD KYI DGON PA YOD, ,GDUL BYA DAG KYANG DER 'DU ZHING, ,KHO MO'ANG KHYOD KYI RJES SU 'BRANG, ,KHYOD KYI RJES 'BRANG SKYOB BAR BYED, , CES ZER, DGON PA JI LTA BU ZHIG 'ONG, DGON PA'I MING LA JI SKAD ZER BYAS PAS, LAG PA GNYIS THAL MO KHONG STONG DU SPYAR TE, DGON PA 'DI LTA BU ZHIG 'ONG, DGON PA'I MING LA MU KHYUD CAN ZER, DE MKHA' 'GRO'I BRDA SKAD YIN NO AANG ZER TE YAL SONG, YANG DE DUS LHA MO 'DI'I ZHAL NAS, RTEN 'BREL KHYAD PAR CAN YOD PAS TSOGS SU MA nI BRGYA RTZA RE YANG MA CHAG PAR TSUGS SHIG GSUNG, YANG DE DUS DGE BSHES SHIG LA LHA

MO 'DI SPYAN DRANGS PA BYON PA LA, NGAS BSHAD SAB GANG BYAS NA BSTAN PA DANG SEMS CAN LA PHAN, DGON PA GA NA YOD, DGE TSUL CIG KYANG GA NA YOD ZHUS PAS, DE'I ZHAL NAS, BSHAD SGRUB DANG KHYAD PAR 'CHAD NYAN BYAS NA BSTAN PA LA PHAN STOBS CHE, DGON PA CIG MA GI NA YOD, MING LA MU KHYUD CAN, DE YANG BRDA SKAD YIN NO AANG, DGE TSUL CIG PHA GI NA YOD, SNYING RJE RJE ZHIG PHA GI NA YOD DO ZER RO, ,DE NAS BDE CHEN RTZER STON CHOS LA LO CHEN THUd RJE DPAL BA SPYAN DRANGS TE SNGAR GYI KA L'A PA'I SA BRIS KYI 'PHRO DANG, SDEB SBYOR RIN CHEN 'BYUNG GNAS SOGS THA SNYAD KYI GTZUG LAG KYANG MANG DU GSAN, KHYAD PAR KA L'A PA'I GZHUNG DON 'GA' ZHIG LA, 'DI RANG 'GREL BA DANG BSTUN NA 'DI LTAR YIN PA 'DRA ZHES YAR ZHUS PAS KHONG GIS THAL MO SBYAR TE, NGO MTSAR CHE, KHYED RANG SNGA NAS MKHAS PAR 'DUG ,NGA LAS SLOB MI DGOS PAR 'DUG GO GSUNG NAS SHIN TU DGYES PA BYUNG, GZHAN YANG SGROL MA YID BZHIN NOR BU'I RJES GNANG SOGS BKA' YANG 'GA' RE GSAN CING, KHYAD PAR SNGA NAS YANG YANG YID LA GCAGS PA'I GLEGS BAM RIN PO CHE'I LUNG GSAN DUS, DRUNG NAS KYIS SU LA GSAN ZHUS PAS KHONG GI ZHAL NAS, BDAG GIS CHOS 'KHOR SGENG PA CHOS RJE SENGGE RGYAL MTSAN LA ZHUS, KHONG 'BROM GYI SPRUL PAR BYED PAR GDA' GSUNG ZHING, GZHAN YANG DE DUS KHONG GIS GSUNG NAS, GLEGS BAM RIN PO CHE NAS 'BYUNG BA LTAR DA STE YUN

, ,MI RING BAR KHYED RANG GI YUL PHYOGS SU BSTAN 'DZIN GYI DGE SLONG BGRES BO ZHIG ,'BROM GYI RNAM THAR ZHU ZER 'ONG GIS, DE DUS DGE SLONG DE LA 'BROM GYI 'DU SHES ZHIG, KHYOD RANG SPYAN RAS GZIGS SU SGOMS LA GLEGS BAM RIN PO CHE LEGS PAR STON CIG GSUNG GIN 'DUG PA DANG MTHUN PAR KHO BO SKAL BAR LDAN, GLEGS BAM RIN PO CHE 'DI 'BROM LAS THOS NAS 'BROM LA 'CHAD PAR 'DUG PAS, DA NI CHOS BDAG PO LA 'PHROD PA YIN NO ZHES GSUNGS NAS THUGS DGYES PAR BYUNG LA 'DI RNAMS LA BRTAGS NA YANG RJE BLA MA 'DI NYID 'BROM THUGS RJE CHEN PO'I SPRUL PA YIN PAR GDON MI ZA BA YIN NO, ,DE NAS SNAR THANG DU RJE 'DI PAS NYE GNAS CHEN PO DON GRUB GRAGS PA LA, NGED LA TSE 'DIR RJE SHES RAB SENGGE BKA' DRIN CHE BA YIN, DE'I BKA' DRIN BSAB PHYIR DU CHOS PHYOGS NAS BSHAD NYAN BYAS TE LAG RJES SHIG 'JOG ,'JIG RTEN ZANG ZING GI LONGS SPYOD PHYOGS NAS NANG RTEN DU RTEN BZHENG ZHIG BYAS TE LAG RJES DOD PA CIG BYAS NA BSAM PAS, RTEN DE BZHUGS SA ZHIG JI LTAR BYA ZHES DRI BA MDZAD CING DE JI LTAR BYAS NA 'ONG SNYAM DU DGONGS PA BTANG BAS, DANG PO RJE BTZUN TZONG KHA PAS LUNG BSTAN PA DE DANG, PHYIS BO DONG DU LHA MO 'DIS LUNG BSTAN PA'I DGON PA DE YANG 'DI GA YIN PA SRID, KHYAD PAR SNGAR RJE SHES RAB SENGGE BSAM GRUB RTZE NAS SNAR THANG LA 'BYON RES KYIS BKRA SHIS LHUN PO'I DGON PA 'DI LA PHYAG

MDZUB GTAD DE, SA PHYOGS 'DI NA DGE 'DUN GRUB MGO BO SKYA YER YER CHOS 'CHAD KYIN 'DUG PA CIG SEMS SANG LA DUS RGYUN DU 'ONG GSUNG BA CIG YANG YANG YOD PA LA BRTEN, SA PHYOGS 'DI GA DGON PA'I GNAS SU BZANG BAR GZI? TE 'DI NYID DU DGON PA 'DEBS PAR THUGS THAG BCAD LA, SPYIR SNGA ME NAS BLA MA LHA DANG BCAS PAS LUNG BSTIN DE LTAR YOD CING RJE RANG LA NGES NGES YOD NA'ANG SBAS PA'I TSUL DU DE LTAR MDZAD DO, ,DE NAS ME MO YOS LO'I DBYAR SOS NAS BRTZAMS TE BSAM GRUB RTZE'I BRAG DMAR BLA BRANG DU RTEN BZHENG GI 'GO BTZUGS TE LUGS BTANG BAS, THANG LA MA BYUNG BA LA, MYANG STOD PA'I DKA' BCU PA GCIG RMI LAM BRTAG TU BCUG PAS, KHONG GI RMI LAM DU CHA LUGS MDZES BA'I BUD MED GSUM MI RKANG GI GLING BU 'BUD CING 'DI SKAD LO, SKYES BU DAM PA'I THUGS KYI MUN PA GTING NAS BSAL, ,GANG DANG GANG DU BZHUGS PA DE RA, ,'OD DPAG MED PA'I SMON LAM MA, ,'GRO LA DGYES PA'I 'DZUM STON MA, ,YANG DANG YANG DU SPYAN 'DREN NO, ,LUGS PHUD RJE BTZUN SGROL MA 'TSAL, ,SENG GDONG GEGS MED 'BYON PA LA, ,THUB DBANG MNGAL SKYES KYI BSTOD PA 'TSAL, ,PE HAR GYI RTZOM PA CUNG ZAD YOD, ,RTA MGRIN NAG PO'I ZLOG PA 'TSAL, ,NGED TSO YANG SPE GDONG CAN GZUNGS KYI DPAL DANG, ,MKHAS GRUB DU MA BSTEN PA YIN, ,YANG DANG YANG DU 'ONG GIN YOD, ,ZER GYIN 'DUG ,YANG NA KHA CIG NA BUD MED SMUG MO GCIG NA RE, BAR CHAD MI 'ONG,

, ,'PHRIN LAS DANG GROGS DAN NGED LCAM DRAL GYIS BYED PA YIN ZER BA CIG RMIS LAGS ZHUS PAS, DE MA THAG THUB PA CHEN PO LA BDUD DPUNG PHYE MAR 'THAG PA ZHES BYA BA'I BSTOD PA DE MDZAD DE LUGS PHUD LA RJE BTZUN MA'I SKU BZHENGS SHING, DE NAS STON PA'I SKU RGYAB MTHO NYER LNGA PA CIG GI LUGS BTANG BAS BYIN RLABS KYI GZI 'OD 'BAR ZHING NGO MTSAR BAR BYON NAS RTEN DE'I THUGS KAR RGYAL BA TZONG KHA PA CHEN POS THOG DRANGS RTZA RGYUD KYI BLA MA SANGS RGYAS BYANG SEMS KYI RING BSREL MANG POS GTAMS PA'I DNGUL GYI RGYAL BA 'OD DPAG MED KYI SKU, RJE BTZUN SHES RAB SENGGE'I DBU THOD RIN PO CHE SNA TSOGS PAS BKAD BA DANG BCAS PA BZHUGS SHING, GZHAN YANG SKU'I STOD SMAD KYI CHAR GZUNGS SNGAGS BYIN RLABS CAN MANG PO BSHAD TSOD DANG MTHUN PAR BZHUGS, KHYAD PAR SKU'I SMAD KYI CHA LA 'DUL BA'I GSUNG RAB KYA GLEGS BAM MANG PO ,RJE BTZUN TZONG KHA PA'I MTHANG GOS DANG BCAS BA RTEN 'BREL KHYAD PAR CAN BSGRIG PA'I PHYIR DU BZHUGS, MDOR NA DE NAS BRTZAMS TE RTEN GYI NANG BZHUGS SOGS YONGS SU RDZOGS PAR 'BRUG LO ZLA BA GSUM PA YAN LA RDZOGS PAR GRUB PA YIN NO, ,DE NAS RTEN YAR PHYOGS LA SPYAN 'DREN NAM SNYAM DU DGONGS TE DAR RGYAS PA LA KHRAB RMOG GRI GSUM GYI GNANG SBYIN MDZAD, BKA' BGROS MDZAD PA LA RDO RING PA'I DPON PO NA RE, RJE KHYED RANG DKON MCHOG LA GSOL BA THEBS PA'I GANG ZAG YIN PAS DKON

MCHOG LA GSOL BA BTAB NAS, BSTAN PA DANG SEMS CAN LA GANG DU BZHUGS NA PHAN PA CHE BAR LUNG BSTAN PA CIG MDZAD PAR ZHU YAR MAR LA KHYAD PAR MA BYUNG NA 'DI PHYOGS LA BZHUGS PA CIG ZHU ZER, DAR RGYAS PA'I ZHU BA LA; DA SKU 'DI GANG DU BZHUGS KYANG GTZUG LAG KHANG GI ZHABS TOG BDAG RANG GIS BYED PA LAGS PAS YON MCHOD RING DU MI GTONG BZHU ZER, DE NAS BSAM GRUB RTZER GZHIS BYES KYI DGE 'DUN MANG PO BSAGS NAS RJE BTZUN MA LA GSOL BA BTAB PAS 'DI PHYOGS LA BZHUGS PA LUNG BSTAN BYUNG, DE NAS DGON PA'I 'GRAM GDING BAR BZHED DE DNGOS KYI SBYIN BDAG DAR RGYAS PA DGON BSOD NAMS DPAL BZANG BAS MDZAD NAS, RAB BYUNG ZHES PA ME MO YOS LO'I SMIN DRUG ZLA BA'I YAR TSES BZANG PO LA RJE RANG NYID SBYIN BDAG DANG BCAS PA 'DIR PHEBS, SA BRTAG PA, GZHI BDAG LA GTOR MA SBYIN PA LA SOGS PA'I CHO GA RGYAS PAR MDZAD DE, SA'I CHA 'DIR GTZUG LAG KHANG, 'DIR BLA BRANG, 'DI RNAMS SU BRANG KHANG SO SO RNAMS GYIS GSUNGS TE, GTZUG LAG KHANG DRI GTZANG KHANG DBUS MA DANG BCAS PA'I 'GRAM BTING STE, BKRA SHIS LHUN PHO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING BTAB BO, ,DE YANG GTZANG KHANG CHEN MO LA KA BA DRUG GIS DANG, 'DU KHANG LA KA BA BZHI BCU ZHE BRGYAD KYIS YOD CING, BYAMS KHANG LA KA BA BCU GNYIS KYIS DANG, SKROL MA LHA KHANG LA KA BA DRUG GIS DANG, MGON KHANG LA KA

, ,BA GNYIS KYIS RNAMS PHYIS BZHENGS PA YIN NO, ,YANG DE'I DUS SU RJE BLA MA 'DI GTZUG LAG KHANG 'DI'I KHYAMS SU GUR DKAR PO ZHIG GI NANG DU BZHUGS PA'I THO RANGS SHIG SNGAR GYI BUD MED DE'I SKAD BAR SNANG LA LHANG BA CIG BYUNG BA LA GSAN PAS, DGON PA'I MING LA BKRA SHIS LHUN PO GYIS, SNGAR GYI MKHA' 'GRO'I BAD SKAD DES KHROL LO AANG GSUNG BA CIG BYUNG BAS BKRA SHIS LHUN PO ZHES PA LHA MO 'DIS BTAGS PA YIN; DPAL GYI SDE CHEN PHYOGS THAMS CAD LAS RNAM PAR RGYAL BA'I GLING ZHES PA RJE RANG GIS BYAS PA YIN GSUNG NGO, ,YANG DE DUS SU DGON PA'I MDUN GYI NE'U THANG DER RAB BYUNG ZHIG BSGRUBS, DE GNAS DER RAB BYUNG BYED PA'I THOG MA YIN PAS MING TSOGS PA RGYA MTSO 'PHEL DU BTAGS, RAB BYUNG SGRUB PA'I DUS RJE ZHAL DGON PA PHYOGS LA BSTAN TE GZIGS PAS SNGAR RI BO DGE 'PHEL DU RMI LAM LA, RJE BTZUN TZONG KHA PAS LUNG BSTAN PA'I GNAS DE 'DI YIN PAR GOR MA CHAG PAR 'DUG SNYAM DU THUGS NGES DANG, KHYAD PAR RJE YAB SRAS GSUM GYI BZHUGS SA SOGS LA CHER DPYAD BAS THUN MONG MA YIN PA'I NGES SHES BYUNG, DE'I PHYIR DGON PA 'DI RJE BTZUN TZONG KHA PA YAB SRAS DANG LHA MO 'DIS LUNG BSTAN PA YIN NO ZHES GSUNG, KHYAD PAR GLEGS BAM RIN PO CHE LAS KYANG DGON BA 'DI NYID KYI LUNG BSTAN MANG DU GSUNGS SHING, CHES GSAL BAR, GLANG CHEN BZHENGS DANG

BZHUGS 'DRA BA, ,MTHAR THUG BSAM GTAN LHUN GRUB SHOG ,CES DANG, LTA BAS MI NGOMS GZI BRJID CAN, ,MTSUNGS PA MED PA'I BKRA SHIS GNAS, ,BKRA SHIS LHUN PO RGYAS 'GYUR SHOG ,'DOD DGU 'BYUNG BA'I RIN PO CHE, , DE DANG MTHUN PA DPAG BSAM SHING, ,DGOS 'DOD 'BYUNG BA'I BKRA SHIS GNAS, ,BKRA SHIS MCHOG RAB RGYAS 'GYUR SHOG ,CES SOGS KYIS BKRA SHIS LHUN PO'I RGYAB RI DANG, GNAS KYI DBYIBS DANG, DE'I GANG ZAG DANG, DE'I BSAM GTAN 'GRUB LUGS DANG, RTEN KHYAD PAR CAN 'BYON LUGS LA SOGS PA RNAMS LUNG BSTAN TO, ,DE NAS LCAGS PHO RTA'I LO'I DGUN CHOS GROL MTSAMS SHIG TU RJE BLA MA 'DI RI BO DGE LDAN GYI MKHAN PO LA GDAN 'DREN PA LA BLA MA DKA' BCU BA SBYIN PA DPAL BA DANG DGE BSKOS DPAL LDAN RIN CHEN PA GNYIS KYIS THOG DRANGS DPON SLOB THEGS SHIG GIS SLEBS NAS RJE 'DI PA LA DGA' LDAN GYI GDAN SA LA 'BYON DGOS PA'I ZHU BA PHUL BAS RJE 'DI BAS BDAG DGE LDAN GYI GDAN SA BYED DU MI 'GRO ,DE'I RGYU MTSAN YANG DGON PA 'DI YANG BTAB MA THAG TU SONG BAS RGYUN BRTAG PA CIG MA BYUNG DOGS SHING, KHYAD PAR SNGAR BYAS PA THAMS CAD KYANG BSTAN PA SPYI SGOS 'BA' ZHIG LA BSAMS DA DUNG YANG RJE BTZUN TZONG KHA PA CHEN PO'I BSTAN PA 'BA' ZHIG LA BSAMS TE 'DI KHAR SNGOD PA YIN, DA LAM MKHAS GRUB RIN PO CHE'I GCUNG PO CHOS RJE BSO BA 'DI LUNG RTOGS KYI YON TAN GANG SA NAS RJE'I GDAN SAR 'OS PA

, ,YOD PAS 'DI DGE LDAN GYI KHRI LA GDAN 'DREN PAR MDZOD GSUNGS NAS RJE NYID MI 'BYON PAR THAG BCAD, DE NAS RTA NAG RI KHUD DANG, LHA RGYAL RTZE SOGS SU CHOS BAR MDZAD CING SKAL BA DANG LDAN PA MTHA' YAS PA LA CHOS STON PAR MDZAD DO, ,DE DAG GI BAR SKABS SHIG RJE 'DI NYID BYANG CHEN DU SKU MTSAMS LA BZHUGS NAS RGYAL BA TZONG KHA PA'I BSTAN PA'I SNYING PO MTHAR THUG PA RNAMS LA NYAMS BZHES MDZAD PAS SKYES BU GSUM GYI LAM GYI RIM PA RNAMS DANG SNGAGS KYI ZAB LAM RIN PA GNYIS KYI GNAD RNAMS LA MYONG PA PHUL PHYIN 'KHRUNGS SHING SHAR GYI RI BO'I RTZER SPRIN DKAR PO ZHIG GZIGS PA'I RKYEN BYAS RJE YAB SRAS KYI BKA' DRIN DRAN PA'I MOS GUS SHUGS DRAG 'KHRUNGS TE, SHAR GANGS RI DKAR PO'I RTZE MO NA, ,ZHES SOGS KYI NYAMS MGUR MDZAD, DE DUS GTZANG PHYOGS SU LUS MED BDAG PO SNYING LA ZHUGS PA MANG POS 'JAM MGON BLA MA'I BSTAN PA 'PHEL BA LA GEGS CHEN PO BYAS KYANG, RJE 'DI PAS RANG GI SKU DANG SROG LA'ANG MA GZIGS PAR 'JAM MGON BLA MA'I BSTAN PA CHES CHER 'PHEL PHYIR CHOS GRVA CHEN PO BKRA SHIS LHUN PO BTAB CING, MDO SNGAGS GNYIS KA'I BSHAD SGRUB RKANG TSUGS PAR MDZAD DE BSTAN PA'I SROG SHING BZUNG BAS NA RJE 'DI NI 'JAM MGON BLA MA'I BSTAN PA 'DI LA BKA' DRIN BLA LHAG TU CHE BA ZHIG GO ,DE NAS RJE 'DI'I DGONGS PA LA, SNGA MO NAS MKHAS GRUB THAMS CAD MKHYEN

PA MNAL LAM DU BYON TE, RJE BTZUN BYAMS PA'I SKU ZHIG BZHENGS NA BSTAN PA DANG SEMS CAN LA PHAN PA RGYA CHEN POR 'GYUR BA'I LUNG BSTAN CIG YOD PA DANG, GZHAN YANG RANG GI SLOB MA NYAMS RTOGS CAN 'GA' ZHIG GI NYAMS DANG RMI LAM LA, RJE BTZUN GYI SKU BZHENGS NA PHAN THOGS RGYA CHEN PO 'OD ZER BA MANG PO YOD PA SOGS LA BRTEN NAS RJE BTZUN BYAMS MGON GYI SKU BZHENG BAR RTZOM PAN RJE 'DI PAS LHA BTZUN BSTAN PA'I RGYAL MTSAN LA, RJE BTZUN GYI SKU TSAD JI TZAM 'ONG GI BRTAG PA CIG BYED DGOS PA 'DUG PAS, GYANG LOGS SHIG LA PHYAG MTHO DRUG GI TSAD MDZAD NAS, 'DI LA DPES PA'I ZHAL ZHIG BRIS GSUNGS, KHONG GIS BRIS PAS TSAD 'PHYUGS NAS MTHO DGU TZAM DU SONG BA DANG RJE'I ZHAL NAS, BLA MA ZHANG GIS LHA CHEN DPAL 'BAR BZHENGS DUS NYE GNAS KYIS SROG SHING TSAD 'PHYUGS PA'I RTEN 'BREL GYIS SKU SHIN TU CHE BA CIG BYUNG ZER, 'O SKOL LA YANG SKU CHEN PO ZHIG 'ONG BA YIN YOD GSUNG, DE NAS ZHAL BRIS NAS MCHOD PA PHUL, GSOL BA BTAB PAS DE'I NUB MO LHA RI RTZE NAS SER SNAM GYI GSOL BEMS LEGS PA CIG 'BUL BA LA BTANG BYUNG BAS, RTEN 'BREL SHIN TU LEGS ZHES GSUNG, DE'I THO RANGS MNAL LAM DU, SUM BRGYA DRUG CU THOB ZER BA'I SGRA LHANG BA ZHIG BYUNG GSUNG, DE'I TSE SPRUL PA'I BZO BO RNAMS SPYAN RAS GZIGS DANG SGROL MAS RGYUD BSKUL, DPAL LDAN LHA MOS LAM SRUNGS MDZAD NAS CHU 'DUS SU SLEBS, DE NAS DRUNG CHOS RGYAL BAS LHA BZO PA RNAMS KHRID NAS

, ,'DIR SLEBS, RJE'I DRUNG DU RGYU MTSAN PHUL BAS RJE'I GSUNG NAS, SHIN TU LEGS, MI GSAR GYI KHA NAS GTAM BYUNG, SLANG TSA DUS KYI SKAM PA BYAS PA YIN GSUNG, DE NAS SANG NYIN BZO BO RNAMS LA ZANGS LEB RNAMS BSTAN PAS KHONG RNAMS NA RE, DA NI, RGYU YANG LDANGS SHING, ZANGS LEB RNAMS KYANG LEGS PO 'OD ZER NAS DBU'I TSUG DRANGS TE BZO TSUGS SO, ,DE NAS SPRUL PA'I BZO BO RNAMS KYIS SKAD CIG KYANG MA YENGS BAR BZO BYAS PAS THOG MAR DBU LEGS PAR GRUB, DE LA RAB GNAS MDZAD DE GSOL BA BTAB BAS MDZOD SPU LA ME TOG GCIG CHAGS SHING, KHYAD PAR SNYAN RGYAN G-YAS KYI 'BUR DBUS MA LA RGYAL BA TZONG KHA PA'I SKU RANG BYON SHIN TU MTSAR BA ZHIG SKYE BO THAMS CAD KYI MTHUN GRUB TU BYON, GZHAN YANG DE'I TSE CHOS SKYONG GI GTOR SGRUB 'DZUGS PA SOGS KYI RIM GRO 'DZUGS PA DANG BCAS TE BAL PO RNAMS KYIS BZO LEGS PAR BRTZAMS, DE'I TSE SKU RIM PA RNAMS DANG BZO BO RNAMS KYI NYAMS SNANG LA NYIN MO MI DANG MTSAN MO MI MA YIN GYIS BZO SGRUB PA'I SNANG BA RGYUN MI 'CHAD CING, DE LTAR BSGRUBS PAS RING POR MA THOGS PAR KHRU NYI SHU RTZA LNGA'I SKU TSAD DANG LDAN PA'I RJE BTZUN GYI SKU NGO MTSAR CAN DE CHU MO LUG GI LO LA GRUB STE RTEN GYI NANG BZHUGS LA YANG DAM PA MANG PO'I RING BSREL SOGS SANGS RGYAS BYANG SEMS KYI SKU GDUNG RING BSREL DANG LDAN ZHING, RGYU RIN PO CHE LAS GRUB PA'I LUGS SKU MANG PO BZHUGS

SHING; GZHAN SKU'I STOD SMAD KYI CHA LA BSHAD TSOD DANG MTHUN PA'I GZUNGS SNGAGS MANG PO DANG, GSUNG RAB PO TI MANG PO BZHUGS, GZHAN YANG SMAN SNA, 'BRU SNA, ZAS SNA, GOS DAR GYI SNA MANG PO SOGS MTSANG BA MED BAR BZHUGS, GZHAN YANG RTEN GYI NANG BZHUGS KHYAD PAR CAN ZHIG GZHAN SU LA YANG RGYUS MED PAR RJE RANG NYID KYIS MTSAN MO BYON TE, RTEN GYI THUGS KAR BZHUGS SU GSOL NAS GSOL BA GDAB PA DANG SMON LAM MANG PO YANG MDZAD CES GRAGS SO, ,DE LTA BU'I RTEN NGO MTSAR CAN DE'I RAB TU GNAS PA LUG LO ZLA BA LNGA PA'I YAR TSES BZANG PO LA DPAL GSANG PA 'DUS PA'I DKYIL 'KHOR BZHENGS TE, DE'I SGO NAS RAB TU GNAS PA RGYAS PAR MDZAD, DE'I DUS NAM MKHA' LA 'JA' TSON GYI GUR DANG, ME TOG GI CHAR 'BAB PA SOGS NGO MTSAR BA'I LTAS DPAG TU MED PA DANG, KHYAD PAR RJE RANG NYID KYIS DE NUB RJE BTZUN GYI ZHABS DRUNG DU BZHUGS TE GSOL BA RTZE GCIG TU BTAB PAS RJE BTZUN BYAMS PA SNAM SBYAR RDO TSOS MA GYON PA'I DGE SLONG GI RNAM PA CAN ZHIG SKU DE NYID LA YANG DANG YANG DU THIM PA'I SNANG BA BYUNG ZHING, DE'I THO RANGS DE LTA BU'I DGE SLONG ZHIG GIS; KHYOD KYIS BSTAN PA DANG SEMS CAN LA PHAN PA RGYA CHEN PO DE GRUB ZIN PAS DGA' BA SGOMS SHIG CES PA'I LUNG BSTAN YANG BYUNG NGO, ,DE NAS RJE BTZUN BYAMS MGON GYI SKU LEGS PAR GRUB

, ,PA'I RJES SU, RGYAB MTHO BCU DRUG DANG LDAN PA'I RJE BTZUN MA'I GSER SKU DANG, G-YAS G-YON DU RJE BTZUN MA SNGON MO DANG SGROL DKAR YID BZHIN 'KHOR LO'I SMAN SKU GNYIS MTSAR CHAGS BYIN RLABS DANG LDAN PAR GRUB STE, NANG BZHUGS LA THUGS KA NA SANGS RGYAS BYANG SEMS KYI SKU GDUNG RING BSREL MANG PO DANG, MGRIN PA NA RJE BTZUN MA RANG GI SKU 'JIM PA LAS RANG BYUNG DU BYON PA MTHO GANG TZAM ZHIG BZHUGS SHING, GZHAN YANG STOD SMAD KYI CHA RNAMS GZUNGS SNGAGS SKU TSE BSRING BA'I SPEL TSIG DANG BCAS PA MANG PO 'KHOR LO DANG BCAS PA BSHAD TSOD BZHIN DU BZHUGS PA'I RTEN NGO MTSAR CAN 'DI DAG LEGS PAR GRUB PA RAB TU GNAS PA LO DE'I ZLA BA BRGYAD PA'I TSES BZANG PO LA LEGS PAR BSGRUBS, DE'I TSE NAM MKHA' LA 'JA' 'OD 'KHRIGS PA, ME TOG GI CHAR 'BAB PA, KHYAD PAR BAR SNANG LA GLO BUR DU GAndI'I SGRA GLING STOD PA RNAMS KYIS GLING SMAD DANG, GLING SMAD PA RNAMS KYIS CIG SHOS NA GRAG PAR THOS PA SOGS NGO MTSAR BA'I LTAS MANG PO BYUNG NGO, ,DE NAS PHYI RABS 'BYOR LDAN SKYE BO RNAMS KYI DMIGS RKYEN DU BSTAN PA'I GTZO BO'I GOS SKU CHEN MO BZHENG BAR DGONGS TE, LHAG PA'I LHAS RGYUD BYIN GYIS BRLABS PA PIR THOGS RNAMS KYI RGYAL PO SMAN BLA DON GRUB PA DPON SLOB SPYAN DRANGS TE BZO'I RTZOM PA MDZAD DE DKYUS SU 'DOM BCO BRGYAD DANG, ZHENG DU 'DOM BCU GNYIS KYI TSAD DANG LDAN

PA'I SKU BZANG ZHING MTSAR CHAGS BYIN RLABS DANG LDAN PA YONGS SU RDZOGS PAR GRUB STE, GOS SKU 'DI'I THUGS KA NA RJE RANG NYID KYIS MDZAD PA'I BSTAN PA RGYAS PA'I SMON LAM GYI TSIG MANG PO BRIS NAS BZHUGS LA, DE'I RAB TU GNAS NGA YANG NGO MTSAR BA'I LTAS MANG PO DANG BCAS TE GRUB BO, ,DE LTA BU'I GOS SKU 'DI'I RGYU LA GOS YUG DGU BCU GO LNGA, GONG PA LA RTEN KHEBS NYI SHU RTZA LNGA, BLA BRE GNYIS, G-YAS G-YON GYI MTHA' LA DAB YUG LNGA, DAR CHAG LA DAR YUG GCIG DANG DAR KHA LNGA, SKUD PA LA GOS DAR 'DRES PA KHA BZHI BCU ZHE DGU DANG SE THA'U 'DOM PA DO, SMAD KYI MTHA' LA DAR YUG SNGON BO GCIG RNAMS SONG GSUNG NGO, ,DE NAS RJE BTZUN MA'I GOS SKU CHUR 'DOM BRGYAD DANG, ZHENG DU 'DOM DRUG GI TSAD DANG LDAN PA, RGYU BZANG ZHING BYIN RLABS KYI GZI 'OD 'PHRO BA DANG BCAS PA YONGS SU RDZOGS PA MYUR DU GRUB STE, RAB TU GNAS PA YANG NGO MTSAR BA'I LTAS MANG BO DANG BCAS TE LEGS PAR GRUB BO, ,GOS SKU 'DI'I MDZOD SPU NA MU TIG STONG NYIS BRGYA BDUN CU DON LNGA KHROM TSOGS SU YOD PA'I DBUS NA CHAR 'BEBS SHIG GI DUS SU GZHI GBDAG NA SER BAS RJE RANG NYID LA PHUL BA'I RIN PO CHE CHU SHEL GCIG DANG, DE BZHIN GSHEGS PA'I 'PHEL GDUNG, GLANG POR 'KHRUNGS PA'I SKU GDUNG, MCHIMS BLO BZANG GRAGS PA'I SKU GDUNG, SNAR THANG NYER 'DZIN CHEN PO'I SKU GDUNG, RING BSREL MANG PO DANG BCAS PA BZHUGS SHING, PHYAG G-YAS LA BYU RU MU MEN RNAMS 'DRAS PA

, ,BRGYA DANG NYER LNGA, PHYAG G-YON LA BYU RU NYIS BRGYA DANG GSUM, MGUL PA LA BYU RU DGU BCU, SHANGS KYI RTZE LA SBOS SHEL BZANG PO ZHIG DANG MU TIG RNAMS YOD GSUNG NGO, ,DE NAS RJE 'DI PAS BKRA SHIS LHUN GYIS GRUB PA'I CHOS GRVA CHEN POR GZHI PHAB NAS BZHUGS NAS CHOS KYI 'KHOR LO RGYUN MI 'CHAD DU BSKOR TE, DE YANG SNGA CHOS LA TSAD MA RNAM 'GREL DANG, MNGON BA MDZOD GNYIS GSUNGS, DE RJES ZHU MI DANG BSTUN, PHYI DRO DANG POR PHAR PHYIN, DE NAS 'DUL BA, DE NAS RTZA 'JUG GAM, BYANG CHUB LAM RIM, RGYUD 'GREL SOGS 'DOD PA DANG BSTUN TE GSUNGS, RNAM 'GREL LHA SH'A KA DANG DAR t'IKA MKHAS GRUB t'IKKA SOGS LA BRTEN NAS GSUNG, MNGON PA MCHI MAS DANG NEL PA'I t'IKKA GNYIS LA BRTEN GZHI MDZAD NAS DGONGS PAS DPYOD PAR SNANG, PHAR PHYIN GSER PHRENG DANG DAR t'IKA, 'DUL PA DMAR t'IKA DANG RGYA CHER 'GREL, RTZA 'JUG GSUNG DUS t'IKA CHEN TSAR PA RE BKLAGS NAS DON GYI SNYING PO DRIL BA RE LA BSKYAR CHOS MDZAD, LAM RIM BSLAB BYA BLO SBYONG SOGS LA'ANG BSHAD PA RE DANG BSKYAR CHOS GNYIS RE 'ONG NGO, ,BLO SBYONG LA 'DAR STON BYANG CHUB DPAL GYIS ZIN BRIS RGYAS PA CIG MDZAD SNANG, CHOS GSUNG BA'I DUS SU ZHAL 'DZUM MDANGS DANG LDAN PA CIG 'ONG, DRUNG NA 'DUG BA DANG THAG RING PO NA 'DUG PA LA KHYAD PAR MED PA CIG 'ONG, GSUNG GI GDANGS DAL ZHING 'GRO GZHAN LAS CHE BA

CIG 'ONG, GZHUNG GI GCOD MTSAMS MDZAD PA RANG GIS GO THUB PA 'DRA BA CIG 'ONG, CHOS GSUNG BA'I BUS GZHAN LA SMOD PA SOGS KYI CHOS DMAG DANG ZER CHU YE MI 'ONG GRUB MTHA'I 'DOD CHUL MI 'DRA BA DANG, DOGS PA MANG DU BKOD NAS 'DI TSE RIGS LUNG GI SAR DPYAD DGOS GSUNG, NYAMS SU LEN NA 'DI 'DRA ZHIG 'ONG TSOD DU GDA' ZHES PHYOGS RGYAG RE MDZAD DA BLO GZHAN LAS 'KHUL BA CIG 'ONG, BGRO GLENG GNANG BA'I DUS ZHAL PHO DANG BCAS TE HUR PHYUNG NAS MDZAD, THAL SKAD KYANG SHIN TU BDE BA SNYING RLUNG SANGS PA 'DRA BA CIG YOD, BGRO GLENG MDZAD PAR GRUB MTHA' MANG DU BZHAG NAS, SKYON GTONG RGYU CI YOD CES GSUNG, 'CHAD NYAN PA RNAMS DANG GRVA PAS KYANG BLO NUS JI YOD KYIS BGRO GLENG PHUL TE SONG BA MI 'ONG BAR GDA', SPYIR MI GCIG LA DGYES PA'I BZHAD GNANG TZA NA TSOGS PA THAMS CAD SPRO SING GIS 'ONG, GCIG LA BKA' BKYON DUS GZHAN MA'ANG SKRAG 'ONG BA CIG YOD , DGYES PA'I STABS MDZAD DUS ZHAL GYI DKYIL 'KHOR THAMS CAD 'DZUM GYI RANG BZHIN DU SONG BA 'DRA BA CIG 'ONG, DBU NI GDUGS LTA BU SGOR KHYIL BA CIG YOD, SHANGS MTHO ZHING SNYAN SHAL RING BA, DPRAL BA YANGS PA ZHAL CHE BA, SPYAN ZUR GSUM LTA BUR GZIGS PA 'DAB, SKU SHA CUNG SNGO BA, RGYANG NAS BLTAS NA CUNG ZAD SGUR BA LTA BUR MNGON PA, PHYAG NGAR SBOM PA CIG YANG, PHAL CHER DBU ZHVA MI BSNAMS SHING, NA BZA' GANG BYUNG BZHES PAS MI KUN GYIS NGO

, ,MI SHES PA 'ONG, NA BZA' RTZI MA DANG GOS DAR DRAG LHAN CAN GYI RING 'GAG 'BUL MI BYUNG YANG, GOS DAR RNAMS DKON MCHOG NYID KYI PHYOGS SU BSNGO, NA BZA' DANG SPYOD LAM LA PHYI NANG DANG MI DRAG ZHAN GYI SAR KHYAD MI MDZAD, GZHAN GYI 'BUL BA DANG BSNYEN BKUR BYUNG BA'I TSE DE 'PHRAL LA DKON MCHOG GSUM GANG RUNG GI CHED DU BSNGO BA MDZAD, 'BUL BA CHE CHUNG GANG PHUL KYANG 'DI YANG NGED LA 'DI LTAR MKHO BA YOD CES MNYES MNYES MDZAD, GSOL JA RKYANG PA RE LA'ANG GDAN DRANGS PAR CHOS RJE NYID PHEBS PAR MDZAD, BZHUGS GDAN KYANG BEM PO SOGS GANG BYUNG GIS CHOG ,ZANG ZING GIS YON BDAG DANG DPON GYI PO 'DZIN, SLOB MA LA 'DI LA BYAMS DANG 'DI LA MI BYAMS MED SU LA 'BOD KYANG DRUNG PA ZHES ZHE SA RE MDZAD, KUN LA NYE RING MED PA'I THUGS RJE CHEN PO MNGA' YANG SNYING RJE RJE LTAR MI STON, 'CHAL TSUL KYI RNYOG PA DA 'BRAL BA'I TSUL KHRIMS MNGA' YANG ZHI ZHING DUL DUL LTAR MI MDZAD, MTHA' MED PA'I MKHYEN PA MNGA' YANG MKHAS PA NYID DU ZHAL BZHES MI MDZAD, RIGS LUNG LA BYUNG MA BYUNG LA GTZIGS STING CHE BAR MDZAD DE, CHOS GRVAR BYUNG MA BYUNG LA DGONGS PAR MI MDZAD, GRVA PA BYUNG BA'AM SONG BA LA DGYES MI DGYES MI MNGA' ZHING, YON BDAG DANG SLOB MA MI NYO, MDOR NA 'JIG RTEN GYI CHOS BRGYAD MNYAM PAR DGONGS SHING, BYIS PA'I SPYOD PA LAS RING DU SONG BA DANG RGYAL SRAS KYI SPYOD PA RLABS PO

CHE MTHA' DAG ZHUM BA MED PAR SKYONG BA DGE BSHES STON PA'I RNAM PAR THAR PA JI LTA BA BZHIN DU MDZAD SNANG NGO, ,RJE 'DIS DGON GNAS 'DEBS PA DANG, SKU GSUNG THUGS RTEN BZHENG BA SOGS MDZAD PA RGYA CHEN PO DE TZAM ZHIG MDZAD KYANG, NANG DU THUGS DAM THUN BZHI'I RNAL 'BYOR LAS NAM YANG MI G-YEL ZHING SNGAR BSHAD PA LTAR GYI GZHUNG CHEN MO'I CHOS 'CHAD DE DAG KYANG NAM YANG 'CHAG MED MDZAD DE 'DI NI SPRUL PA'I MDZAD PA SHA STAG YIN LA, SANGS RGYAS STONG GI RDO SKU BZHENG BAR BZHED NAS SKU RGYU'I RDO GANG NAS BTZAL BAR BYA ZHES BGROS PA NA, 'GA' ZHIG GIS RGYAL CHEN RTZE'I PHYOGS NAS BTZAL NA LEGS ZHUS PA LA, DE THAG RING BAS 'DREN BA DKA' GSUNG, 'O NA NYE SKOR NAS MI RNYED ZHUS PA'I SKABS SHIG NA, NYIN GCIG PHYAGS PHYI LA SKU 'KHOR KHA YAR KHRID DE RDO 'TSOL DU 'GRO BA YIN GSUNGS NAS, DGON PA'I NYE LOGS MKHAR LUNG ZHES PA'I LUNG BA CIG YOD PA DER THEGS TZA NA YA GI NA BYA ROG GCIG LDING GI GDA' ZHUS PAS, 'O NA DER 'DED GSUNGS NAS, RI 'BOG GCIG GI RTZER THEGS TE 'DI NAS BRAG RKOS SHIG CES GSUNGS NAS BRAG GSHEGS PAS G-YAM BA CHE LA MANG BA CI 'DOD BYUNG NGO, ,DGE 'DUN THAMS CAD KYIS DE NYIN GCIG LA DRANGS NAS, BSKAL BA BZANG PO'I SANGS RGYAS STONG MTSAN DANG BCAS PA, SANGS RGYAS SUM CU SO LNGA MTSAN DANG BCAS PA 'BUR DU BRKOS TE BZHENGS, DE BZHIN GSHEGS PA'I SKU

, ,SHA RNAMS LA GSER BZANG PO 'BA' ZHIG GSOL TE PHYI'I BAR KHYAMS LA THOG BKAL BA'I 'OG TU BZHUGS TE, DE LA BSKAL BZANG LHA KHANG DU GRAGS TE, 'DI YANG SPRUL PA'I MDZAD PA YIN TE DUS PHYIS SKYE BO GZHAN MANG POS MKHAR LUNG SBUG NAS RDO JI TZAM BTZAL YANG RJE 'DIS GTER BZHES PA'I RDO'I CHAG GRUM PHRAN BU 'DRA RNYED PA LAS STONG SKU'I RDO 'DI DAG DANG 'DRA PA SUS KYANG MA RNYED DO, ,MDOR NA RJE BLA MA 'DI NYID KYIS SKU TSE 'DI LA 'DUL BA'I BSLAB KHRIMS RNAM PAR DAG PA GZHIR BZUNG, GZHI GSUM GYI PHYAG LEN MA NYAMS PA'I NGANG NAS BSHAD NYAN, RTEN BZHENGS, GTZUG LAG KHANG BZHENGS PA, DKON MCHOG GI MCHOD PA, GSUNG RAB KYI RTZOM PA MDZAD PA SOGS THAMS CAD PHYOGS GCIG TU RGYUN MI 'CHAD PAR MDZAD PA NI, SNGON CHAD GANGS RI'I KHROD KYI CHEN PO GANG GI'ANG RNAM PAR THAR PAS BSGRUN PAR BZOD PA MA YIN NO, ,RJE THAMS CAD MKHYEN PA DGE 'DUN GRUB 'DIS DAM PA'I CHOS SPEL BA'I CHED DU DAM PA'I CHOS 'DUL BA'I GLENG 'BUM CHEN MO, MDO RTZA'I t'IKA CHEN, SO SO THAR PA'I t'IKKA, RNAM 'GREL GYI t'IKKA, SPYI DON RIGS PA'I RGYAN, RTZA 'JUG GNYIS LA t'IKKA RE RE, THUB PA'I BSTOD PA LUNG KUN LAS BTUS PA, BDUD DPUNG PHYE 'THAG MA, SANGS RGYAS KYI GSUNG LA BSTOD PA, RGYAL TSAB RJE'I BSTOD PA KUN TU BZANG PO, RNAM DPYOD LANG TSO MA, MKHAS GRUB THAMS CAD MKHYEN PA'I BSTOD PA, BYANG RTZE BA

NAM MKHA' DPAL BA LA BSTOD PA, SPYAN SNGA BSOD NAMS LHUN GRUB PA LA BSTOD PA, SPYAN SNGA RIN CHEN 'PHEL LA BSTOD PA, 'JAM DBYANGS RIN CHEN RGYAL MTSAN LA BSTOD PA, SEMS DPA' CHEN PO TSUL KHRIMS DPAL BZANG LA BSTOD PA, RJE BTZUN 'JAM DBYANGS LA BSTOD PA, SENG LDENG NAGS KYI SGROL MA'I BSTOD PA, DE'I PHO BRANG NAGS KYI BSTOD PA, RJE BTZUN MA DKAR MO'I SGRUB THABS, DE'I BSTOD PA, MI G-YO BA SNGON PO'I SGRUB THABS, 'DUS PA LA BRTEN PA'I RAB GNAS KYI CHO GA, LHA MO DBYANGS CAN MA'I BSTOD PA, RDO RJE KHYUNG KHRI'I BSTOD PA, SA'I SNYING PO'I BSTOD PA, MGON PO GRI GUG GI BSTOD PA, MGON PO ZHAL BZHI PA'I BSTOD PA, DAM CAN CHOS RGYAL GYI BSTOD PA, DE'I ZLOG PA RGYAS PA, DAM CAN GSANG SGRUB DMAR PO'I BSTOD PA, TZ'A MUNtI'i BSTOD PA, DMAG ZOR LHA MO'I BSTOD PA, DE'I GTOR CHOG MDOR BSDUS, NYAMS MGUR SHAR GANGS RIM, KA MAD LA GRAS PA'I NYAMS MGUR, LHA RGYAL RTZER MDZAD PA'I NYAMS MGUR, DKON RTZEGS NAS 'BYUNG BA'I SMON LAM, DKON MCHOG GSUM LA YAN LAG BDUN PA'I BSTOD PA, MGON PO LA MNGA' GSOL GYI TSIGS BCAD, 'OD DPAG MED GTZO 'KHOR LA BSTOD PA SMON LAM DANG BCAS PA, SMON LAM CHEN MO'I DUS SU MDZAD PA'I SMON LAM MDOR BSDUS, BYAMS CHEN BZHENGS TE MDZAD PA'I SMON LAM MDOR BSDUS, SENGGE GDONG CAN GYI ZLOG PA BYA THABS, DZAMBHA LA

, ,SER PO LA CHU 'BUL BA'I CHOG ,TA'I SI TU RNAM RGYAL GRAGS PA'I DRIS LAN RNAMS YOD LA, RJE NYID KYIS GSUNGS PA LA GZHAN GYIS ZIN BRIS BYAS PA 'GA' YAR DANG, KHYAD PAR RJE NYID LA PO TI NYI SHU TZAM NYAN PA'I SKYOR 'GO LO MANG POR MDZAD CING, PHYIS BSTAN 'DZIN CHEN POR GYUR PA 'DAR STON BYANG CHUB DPAL ZHES PA DAM PHAR TSAD, 'DUL MDZOD, RTZA 'JUG SOGS LA ZIN BRIS MDZAD PA YOD CING, GZHAN YANG RJES 'JUG MKHAS GRUB BGRANG BA LAS 'DAS BA YOD PAS SO SOS ZIN BRIS MDZAD PA MANG DU MCHIS SO, ,RJE 'DI NI BKA' GDAMS GLEGS BAM LAS, SPYAN RAS GZIGS DBANG BZANG POR SPRUL, ,ZHES LUNG BSTAN PA LTAR KHA BA CAN GYI MGON PA SPYAN RAS GZIGS NYID 'JAM MGON BLA MA'I BSTAN PA SPEL BA'I CHED DU BSAMS BZHIN DU SPRUL BA'I SKU BZUNG STE THAMS CAD MKHYEN PA DGE 'DUN GRUB PA DPAL BZANG PO ZHES MTSAN NYI ZLA LTAR GRAGS SHING RJE BTZUN MA SGROL MAS 'PHRIN LAS KYI GROGS MDZAD DE CHOS GRVA CHEN PO BKRA SHIS LHUN PO BTAB NAS 'JAM MGON BLA MA'I BSTAN PA DRI MA MED PA BSRE BSLAD THAMS CAD DANG BRAL BA MDO SNGAGS YONGS SU RDZOGS PA'I BSHAD PA DANG SGRUB PA GNYIS KA TSANG BA RKANG TSUGS PAR MDZAD DE 'DZAM BU'I GLING GI PHYOGS MTHA' DAG NAS 'DUS PA'I MKHAS GRUB BGRANG BA LAS 'DAS PA RJE BDAG NYID CHEN PO'I LEGS BSHAD KYIS TSIM PAR MDZAD DE SA CHEN PO'I

KHYON THAMS CAD RNAM THAR GTZANG MAS KHYAB PAR MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LA BRGYAD CU GYA BZHIR PHEBS PA SHING PHO RTA'I LO RGYAL ZLA BA'I YAR TSES BRGYAD KYI THO RENGS ZHABS RDO RJE SKYIL KRUNG, PHYAG GNYIS MNYAM GZHAG MDZAD DE, STONG PA GSUM RIM GYIS THIM NAS THAMS CAD STONG BA 'OD GSAL DON DAM BA'I BDEN BA MNGON DU MDZAD DE, DE YANG SNGAR SNYUN PA SOGS KYIS SKU MDANGS CUNG ZHIG CHUNG BAR YOD NA'ANG, DE'I TSE GLO BUR DU SKU LUS ZLA BA RGYAS PA LTAR GYUR TE, SNGAR GYI SKU'I GNYAR MA RNAMS KYANG MED PAR BLTA BAR MI BZOD PA'I 'OD KYI PHUNG PO DANG LDAN ZHING, DE YANG KHA CIG Ni SKU'I 'OD DMAR SER, KHA CIG NI DKAR SER, KHA CIG NI GSER BTZO MA LTA BUR SNANG NGO, ,ZHES ZER RO, ,DE BAS NA RJE 'DI NI, DE'I TSE 'OD GSAL DON DAM PA'I BDEN PA MNGON SUM DU MDZAD DE, 'CHI BA CHOS SKUR BSGYUR BA'I SGO NAS BAR DO SGYU MA'I SKUR BZHENGS TE, DE LA BRTAN NAS MCHOG GI DNGOS GRUB MNGON DU MDZAD PA YIN PAR GDON MI ZA BA YIN NO, ,'O NA PHYI MA RGYA NAG TU SKU SKYE BA BZHES PAR GSUNGS PA SOGS JI LTAR YIN ZHE NA, RJE RANG GI GSUNG NAS, SPRUL PAS SKYE BA 'DZIN PA YIN PAS MI 'GAL, GSUNG BA LTAR YIN NO, ,DUS DE DAG GI TSE NAM MKHA' NI, THAMS CAD STONG PA 'OD GSAL MNGON DU MDZAD PA'I TSUL NI, 'DI 'DRA'O ZHES 'JIG RTEN THAMS CAD LA GO BAR BYED PA BZHIN DU SHIN TU G-YA' DAG PAR GYUR TE, THA MAL GYI SPRIN

, ,DANG RDUL LA SOGS PA THAMS CAD DANG BRAL ZHING SA GZHI RLUNG GI RGYU BA THAMS CAD DANG BRAL NAS BSER BU PHRA MO'I 'GRO 'ONG YANG RGYUN CHAD PA ZHAG BZHI BCU ZHE LNGA TZAM GYI BAR DU BYUNG LA, GZHAN YANG LHA RNAMS KYIS MCHOD PA ME TOG SNA TSOGS PA RNAMS PHAL CHE BA KUNDA LTAR DKAR ZHING MU TIG LTAR 'OD GSAL BA, ZLA BA LTAR 'TSER BA LAG MTHIL TZAM DANG SHING RTA'I 'PHANG LO TZAM DPAG TU MED PA DANG, KHA DOG KYANG 'GA' ZHIG NI SNGON PO, 'GA' ZHIG NI SER PO, 'GA' ZHIG NI DMAR PO SOGS CHAR LTAR BABS BAR GYUR TO, ,GZHAN YANG SKU'I THAD DRANG DU 'JA' TSON KHA DOG SNA LNGA PA SHIN TU DANGS SHING 'OD 'TSER BA RNAM PAR BKRA BA ZHIG YUN RING BO'I BAR DU GNAS PAR GYUR LA, PHAL CHE BA NAM MKHA'I LAM THAMS CAD 'JA' TSON DKAR PO BLA BRE LTAR BRES PA DANG, BA DAN LTAR 'PHYANG BA DANG, DGON PA'I G-YAS G-YON THAMS CAD 'JA' TSON SNA TSOGS PAS LDA LDI LTAR KHRIG GIS GANG BA LA SOGS PA ZHAG MANG PO'I BAR DU BYUNG ZHING, DPA' PO DANG MKHA' 'GRO MA RNAMS KYIS MNGON PAR BSGRAGS PA'I 'KHAR RNGA SOGS ROL MO'I BYE BRAG BSAM GYIS MI KHYAB PA MTSAN DGUNG LA GRAG PA DANG, NYIN MO YANG GAndI BRDUNGS PA'I SGRA CHEN PO GRAG STE THAMS CAD THE TSOM DU GYUR NAS BRTAGS KYANG MI ZHIG GIS BRDUNGS PA MA YIN BAR NGES PA TZAM DU ZAD KYI GZHAN DU GZHAN JI LTA BU ZHIG GIS GNAS GANG DU BRDUNGS

BA SOGS GANG DU'ANG BRTAG PAR MI NUS BAR YUN RING DU SGRA SHIN TU GRAG PA ZHIG BYUNG NGO, ,MDOR NA BCOM LDAN 'DAS RTZVA MCHOG TU MYA NGAN LAS 'DA' BA'I TSUL BSTAN PA'I TSE, LHA RNAMS KYIS MNGON PAR MCHOD PA JI LTA BA BZHIN DU 'DIR YANG BYUNG BAR GYUR TO, ,DE NAS SRAS KYI THU BO 'DUL 'DZIN RIN PO CHES GTZO MDZAD, DGE 'DUN PHYED DANG NYIS STONG TZAM GYIS ZLA BA PHYED TZAM GYI BAR DU GSOL 'DEBS GDUNG MCHOD SMON LAM RGYAS BAR MDZAD CING, SBYIN BDAG GRVA BU SLOB RNAMS DANG, BLA BRANG GI PHYAG RDZAS RNAMS KYIS SKU GDUNG GI SKU MDUN DANG, PHYI NANG GI MCHOD KHANG THAMS CAD DU MCHOD PA'I TSOGS BSAM GYIS MI KHYAB PA DANG, BRANG KHANG SO SO'I THOG KHAR YANG MAR ME'I PHRENG BA LA SOGS PA'I MCHOD PAS MCHOD PAR MDZAD CING RTZE GCIG TU GSOL BA 'DEBS PAR MDZAD DO, ,DE LTAR BSOD NAMS DANG YE SHES KYI TSOGS RLABS PO CHES DGONGS PA YONGS SU RDZOGS PAR MDZAD NAS, LUG GI LO GSAR MA THAG MKHYEN PA'I MNGA' BDAG RDO RJE SLOB DPON BZANG PO BKRA SHIS GANGS CAN NAS SPYAN DRANGS, GDUGS DANG RGYAL MTSAN DANG BA DAN LA SOGS PAS BSU BA MDZAD DE, BDAG NYID CHEN PO'I SENGGE'I KHRIL BZHUGS SU GSOL TE RGYAL TSAB TU DBANG BSKUR, 'DUL 'DZIN SEMS DPA' CHEN POS ME TOG GTOR TE SHIS PA BRJOD PAR MDZAD DO, ,RJE 'DIS BSTAN PA LA BYA BA RGYA CHER MDZAD PAS RGYUD 'DZIN MTHA' YAS PA BYUNG ZHING 'PHRIN LAS RGYA CHER SPEL

, ,BA'I BSTAN 'DZIN DAM PA 'DUL 'DZIN BLO GROS SBAS PA, BYANG SEMS 'DUL NAG PA DPAL LDAN BZANG PO, PAn CHEN BZANG PO BKRA SHIS, PAn CHEN LUNG RIGS RGYA MTSO, PAn CHEN YE SHES RTZE MO, KUN MKHYEN CHOS 'BYOR DPAL BZANG, MKHAS GRUB NOR BZANG RGYA MTSO, GNAS RNYING ZHABS DRUNG KUN DGA' BDE LEGS, LAS CHEN KUN DGA' RGYAL MTSAN, 'JAM DBYANGS DGA' BA'I BLO GROS, KUN MKHYEN PHYOGS LHA 'OD ZAR SOGS MANG DU BYON PA LAS SRAS KYI THU BO NI 'DUL 'DZIN BLO GROS SPAS PA'O, ,'DUL 'DZIN BLO GROS SBAS PA ZHES BYA BA'I BDAG NYID CHEN PO 'DI NI, GTZANG STOD CHU SGO'I G-YO GRONG ZHES PAR LCAGS PHO 'BRUG GI LO LA SKU BLTAMS, BYIS PA'I DUS KYI TSE SEMS CAN LA SNYING RJE BSGOMS TZA NA MCHI MA RANG DBANG MED PAR 'ONG BA CIG YOD DE, SNYING RJE'I DMIGS RNAM RANG NI MA SHAR BAR 'DUG GSUNG, DE NAS DPAL SNAR THANG DU MKHAN CHEN GRUB PA SHES RAB KYI SPYAN SNGAR RAB TU BYUNG, MCHAN BSAM 'GRUB GRAGS PA DPAL LDAN ZHES BTAGS, CHEN PO LO TZ'A BA SANGGHA SHR'I LA SLOB DPON BCOL TE SGRA DANG BSTAN BCOS MANG DU GSAN NO, ,DE NAS RGYAL GYI RTZIBS RI LA SOGS PA'I SGRUB GNAS MANG DU MTHONG BAS, DA NI SGOM CHEN ZHIG RANG BYA SNYAM DU DGONGS PA 'KHRUNGS PAS, GROGS KHAMS BA DGE RGAN ZHIG YOD PA DE NA RE, RE SHIG SLOB GNYER BYAS, DE

NAS BSGOMS NA LEGS PO 'ONG, DA LTA NAS BSGOMS NA GLEN BSGOM DU 'GRO ZHES ZER BAS SLOB GNYER GYI 'GRO BSKYANGS, NGAS DE DUS RTZIBS RIR SDAD NAS BSGOMS NA SGOM CHEN BZANG ZER BA CIG 'OD PA YOD DE, DBU MA'I LTA PA ZAB MO 'DI DANG AE 'PHRAD NI MI SHES GSUNGS, DE NAS GROGS 'GA' ZHIG DANG BCAS TE DBUS LA PHEBS PA'I TSE, BSAM YAS KYI RI MTHONG BA'I LAM KHA CIG TU THUGS DRAN MED DU BRGYAL BA CIG BYUNG 'DUG ,GROGS MCHED RNAMS KYIS LEGS PAR BOS, KHONG RANG GI SNANG BA LA BTZUN PA CIG DANG 'GROGS TE PHYIN, BSAM YAS YIN RGYU'I GTZUG LAG KHANG ZHIG GI RTZAR SLEB, BTZUN PA DE DANG LHAN DU SGO LA PHYIN DUS MI DKAR PO ZHIG GIS 'DI GAR 'GRO BA YIN ZHES NGA MA GTANG, DE DUS MNAL LAM DU GZHAN GYIS BOS PA'I SKAD GRAG PAS RKYEN BYAS TE DRAN PA RNYED PAR GYUR CES GSUNGS, MI DKAR PO DE NI BLA MA 'DI'I LHAG PA'I LHA GTUM PO DKAR PO YIN PAS DES BAR CHAD BSAL BA YIN ZHES GSUNG, DE NAS PHAR PHYIN LA NAN TAN MDZAD PAS LO GSUM TZAM LON TZAN LUNG CHOS LA THOGS PA MED PA'I MKHYEN PA CAN DU GYUR, DE NAS DA DBU TSAD SLOB SNYAM DU SEMS CAN, GROGS PO KHAMS BA DGE RGAN DE NA RE, KHYED DBU TSAD SLOB NA DGA' LDAN PA DRAG ZER, DES RKYEN BYAS NAS RI BO DGA' LDAN DU RGYAL CHAB RIN PO CHE BSTAN PA'I BDAG PO MDZAD PA'I SAR BYON, CHOS RJE SHES RAB SENGGE DANG RJE DGE 'DUN GRUB

, ,GNYIS DANG YANG DE DUS MJAL, DE NAS THUGS DGONGS LA PHAR PHYIN NGA RANG GI 'DI KAS 'ONG, DBU TSAD GNYIS MKHAS PAR BSLAB SNYAM NAS, RGYAL TSAB RIN PO CHE'I DRUNG DU LEGS PAR MNYAN, CHOS RJE SHES RAB SENG GE DANG RJE DGE 'DUN GRUB PA GNYIS LA YANG GSAN PAS, PHAR PHYIN GYI DE SNGA'I GRUB MTHA' RNAMS KYANG 'GYUR TE, RJE YAB SRAS KYI THUN MONG MA YIN PA'I GRUB MTHA' LA YID CHES RNYED PA CIG BYUNG, LHAG PAR RJE DANG MA MJAL YANG RJE NYID LA SANGS RGYAS DNGOS KYI 'DU SHES SKYE BA CIG BYUNG STE LAS 'BREL ZHIG YOD PA 'DRA GSUNG, GROGS PO DGE RGAN DE NGA LA DRIN CHE BA CIG BYUNG GSUNG, DE NAS RGYAL SRAS 'DUL BA 'DZIN PA 'DIS RANG LO NYI SHU RTZA DRUG PA SHING MO SBRUL GYI LO RGYAL TSAB RIN PO CHES MKHAN PO DANG, 'DUL 'DZIN CHEN PO GRAGS PA RGYAL MTSAN GYIS LAS KYI SLOB DPON, SHAR BA BYANG SEMS RIN RGYAL BAS GSANG STE STON PA MDZAD DE DGE 'DUN CHOS GSUM DANG LDAN PA'I DBUS SU BSNYEN PAR RDZOGS PA DGE SLONG GI DNGOS PO MNOS, DE NAS BRTZAMS TE LTUNG BA PHRA MOS KYANG MA GOS PAR TSUL KHRIMS MIG GI 'BRAS BU BZHIN DU BSRUNG BAR MDZAD PAS 'DUL BA PA ZHES GRAGS, DE NAS DGONGS PA LA 'DUL BA'I BSLAB BYA ZHIG MA NYAN NA GZHAN GYIS DKA' BCU PA YANG 'DUL BA'I LAG LEN MI SHES BAR SNANG SNYAM NAS 'ONG BAS 'DUL BA LUNG SDE BZHI NAS GSUNGS PA'I DGAG SGRUB GNANG GSUM

GYI BSLAB BYA MTHA' DAG LA 'KHRUL PA MED PAR LEGS PAR SHES PA ZHIG BYA SNYAM DU DGONGS NAS 'DUL 'DZIN CHEN PO GRAGS PA RGYAL MTSAN LA BSLAB BYA CHA LAG DANG BCAS PA GSAN, BYANG CHUB LAM GYI RIM PA YANG THOG MAR RIN PO CHE 'DUL BA PA LA GSAN GSUNG STE, GZHAN YANG CHOS MANG DU GSAN NO, ,DE NAS RGYAL SRAS 'DUL BA 'DZIN PA 'DIS CHOS RJE SHES RAB SENGGE'I DRUNG DU GSAD BA 'DUS PA'I RGYUD 'GREL PA DANG BCAS PA, GDAN RDZOGS, GSAL SGRON LA SOGS PA'I RJE'I GSUNG RAB DANG, 'PHAGS SKOR MTHA' DAG TSANG BAR GSAN, BDE MCHOG GI RGYUD KYI BSHAD PA DANG 'DOD 'JO, L'U DRIL GYI RDZOGS RIM LA SOGS PA'I BDE MCHOG GI SKOR RNAMS DANG, GSANG SNGAGS DANG PHAR PHYIN GNYIS KYI LAM RIM, ZAB MO DBU MA'I LTA KHRID, TSUL KHRIMS LE'U, RTZA LTUNG BCU BZHI PA, BLA MA LNGA BCU PA RNAMS KYI RJE'I RNAM BSAHD DANG, MTSAN NYID KYI CHOS SKOR YANG MANG DU GSAN TE, GTZO BOR RDO RJE TEHG PA'I BKA' DRIN RNAMS BLA MA 'DI LA RDZOGS PAR MNOS PAS RTZA BA' IBAL MA BKA' DRIN CHE SHOS SU MDZAD PA YIN NO, ,DKA' CHEN BZHIS GTZO BYAS PA'I MTSAN NYID KYI PO TI SHIN TU MANG BA NI SLOB DPON THAMS CAD MKHYEN PA DGE 'DUN GRUB LA GSAN PAS SNGE SNOD KYI PHYOGS LA BKA' DRIN CHE BA'I BLA MA GCIG TU MDZAD DO, ,RGYAL SRAS 'DIS MANG DU THOS PA RGYA CHER BTZAL BA'I TSUL RANG NYID KYI ZHAL NAS,

, ,NGAS SLOB DPON RIN PO CHE THAMS CAD MKHYEN PA LA 'DUL BA MDO RTZA BA'I BSHAD PA BSKYAR CHOS SU BYAS PA RANG TSAR DRUG NYAN, CHOS RJE GZHON NU RGYAL MCHOG PA'I DRUNG DU TSAR GCIG STE BDUN NYAN PA YIN ZHES GSUNGS, YANG BA SO DGON PAR LTA KHRID CIG GSUNGS PA'I SKABS SU, GCIG DU BRAL GYI BSHAD PA RGYAS PA CIG MDZAD DE, NGAS 'DI TSO SLOB DPON THAMS CAD MKHAN PO LA NYAN NAS BRJED MA BCUG PA YIN ZHES GSUNGS, YANG NGAS SLOB DPON RIN PO CHE LA THEG PA CHEN PO'I BLO SBYONG 'DI NYAMS KHRID DU TSAR GCIG THOB PA YIN GSUNG NGO, ,DE NAS RGYAL SRAS 'DUL BA 'DZIN PA CHEN PA BLO GROS SBAS PA 'DI NI THAMS CAD MKHYEN PA'I PHYAGS PHYIR DGE 'DUN 'DUS PA'I GRAL DPON MDZAD CING SLOB MA'ANG MANG DU SKYONG BAR MDZAD, BAR SKABS SU LHUN PO RTZER BYON TE 'PHAGS 'OD YON TAN RGYA MTSO LAS GSANG SNGAGS KYI GDAMS PA MANG PO BLANGS SHING PHYAG LEN KYANG DE NYID LAS KHRID PAR MDZAD DO, ,RJE DGE 'DUN GRUB DANG RGYAL SRAS 'DUL BA 'DZIN PA 'DI GNYIS KYIS BSTAN PA LA BYA BA RGYA CHER MDZAD CING, LHAG PAR GTZANG DU RJE RIN PO CHE'I BSTAN PA RGYA CHER SPEL PHYIR CHOS GRVA CHEN PO BKRA SHIS LHUN PO 'DEBS PA SOGS DKA' BA CHEN PO MDZAD NAS CHOS GRVA CHEN PO LEGS PAR GRUB STE 'DZAM GLING YANGS PA'I PHYOGS MTHA' DAG NAS THAMS CAD MKHYEN PA DGE 'DUN

GRUB LA CHOS KYI BKA' DRIN ZHU BA BGRANG BA LAS 'DAS PA 'DUS NAS 'PHRIN LAS KHYAB BDAL? CHEN POR GYUR PA NA RGYAL SRAS 'DUL BA 'DZIN PA BLO GROS SBAS PAS MTHO MTHO RLUNG LA BSKUR DMA' DMA' CHU LA BSKYUR ZER BA LTAR TSE 'DI'I BYA BA THAMS CAD BLOS BTANG STE BYA RNYI LAS THAR BA BZHIN DU KHAB GUNG THANG NAS NYE BAR BZUNG STE, GANGS RI'I RGYAL PO TE SE DANG, KHA CHE'I 'GRAM MAR YUL GYI MTHAR THUG BAR BYON TE, DBEN PA'I GNAS RNAMS SU BSAM GTAN LA RTZE GCIG TU GNAS PAR MDZAD PAS, SNGON GYI SKYE GNAS RJES SU DRAN PA LA SOGS PA'I MNGON PAR SHES PA DANG, LHAG MTHONG GI LTA BA KHYAD PAR CAN 'KHRUNGS SHING, RGYA GAR DANG BOD KYI PAn GRUB DU MA ZHIG GI GZIGS SNANG YANG BYUNG SNANG ZHING, KHYAD PAR DU RJE BTZUN TZONG KHA PA DANG SKU TSE SNGA MA LA KHA CHA'I YUL DU DPON SLOB TU GYUR PA NYID KYI 'BREL BAS RJE RIN PO CHE'I SKU DANG GSUNG GI SNANG BA NI NAM 'DOD DU 'ONG BA CIG YIN PAR SNANG NGO, ,RJE'I SKU SKYE SNGA MA LA CHOS JI LTAR GSAN PA'I TSUL DUS PHYIS MGUR DU GSUNGS PA NI 'DI LTAR, SANGS RGYAS BSTAN PA NYI LTAR GSAL BYED PA, ,MKHAS GRUB BGRANG LAS 'DAS PA 'BYUNG BA'I GNAS, ,RGYAL BAS BSNGAGS PA DPAL LDAN KHA CHE'I YUL, ,YUL DE MDZES PA'I RGYAN MCHOG MKHAS GRUB CHE, ,MDO SNGAGS BSTAN PA'I BDAG POR MNGA' GSOL BA, ,MA TI BHA TRA ZHES BYA'I PAn CHEN DE'I, ,ZHABS

, ,PAD DI MA MED PA'I ZE'U 'BRUL, ,SPYI POS REG PA'I BLO GROS SPAS PA NGAS, ,RGYAL BA DE YI ZHAL GYI PADMO LAS, ,'DUL BA SDE BZHI'I SNYING PO 'DUL BA'I MDO, ,LEGS PAR THOS SHING NYAMS SU BLANGS PA LAS, ,DA LTA DAM CHOS 'DUL BA'I SNOD DU GYUR, ,MDO SDE'I SNYING PO RGYAL SRAS SEMS BSKYED DANG, ,RLABS CHEN SPYOD PA ZHAL GYI PADMO LAS, ,YANG YANG THOS SHING NYAMS SU BLANGS PA LAS, ,DA LTA BYANG SEMS SDOM PA'I SKAL BA THOB, ,SANGS RGYAS KUN GYI GSANG BA KUN 'DUS PA, ,DPAL LDAN 'DUS PA'I SMIN BYED DBANG BZHI YI, ,SA BON MKHAS GRUB ZHAL LAS LEGS THOB PAS, ,DA LTA GSANG SNGAGS SDOM PA'I SKAL BA THOB, ,RIGS MTHO GZUGS MDZES RGYAL PO'I SRAS PO NGAS, ,'DZAM GLING MDZES BYED MA TI PAn CHEN DRUNG, ,MTHA' BRAL LTA BA'I SA BON BZHAG PA LAS, ,AE MA HO DA LTA THAR PA'I LAM BZANG RNYED, ,TSUL 'DI BSAMS TSE MA TI PAn CHEN DE'I, ,BKA' DRIN MNYAM MED DA LTA YID LA DRAN, ,DRAN PA'I MOD LA 'KHOR BAS NYAM THAG BDAG ,THEG PA DMAN DANG 'KHOR PA'I G-YANG LAS DRONGS, ,'DI DON DRAN YANG MA RUNG SKYA BO'I TSOGS, ,PHAL CHER LOG PA'I PHYOGS SU LTUNG BAS NA, ,DA LTA'I BAR LA GTER BZHIN SBAS NAS BZHAG ,TSE 'DI NUB RI'I NYI BZHIN GYUR TSE BKOD, ,CES JI SKAD GSUNGS PA NYID DO, ,DE'I TSE BLA MA 'DI

NUB RI'I RGYAL PO'I SRAS SU 'KHRUNGS PA NYID KYI TSUL YANG GSAL BAR GSUNGS SO, ,MAR YUL DU BZHUGS DUS CHOS RJE SHES RAB BZANG PO LA GSUNG CHOS MANG DU GSAN ZHING, DE'I DGE 'DUN RNAMS LA'ANG NYID KYI GDAMS PAS TSIM BAR MDZAD DO, ,DER KHONG DPON SLOB KYIS DE TSOR BZHUGS PA'I ZHU BA PHUL BA LA, DA GRVA TSANG MA GI 'DRA BA BZHAG NAS DA 'DI'I DGON PA GA LA 'DZIN DGONGS PA BYUNG GSUNG, YANG DE'I DUS KYI TSE, CHOS KYI RGYAL PO RGYAL BA ZAS GTZANG SRAS, ,RGYAL BA GNYIS PA BLO BZANG GRAGS PA'I DPAL, ,BKA' DRIN DRAN NO SLAR YANG 'KHOR BA LAS, ,LAN CIG MIN PAR YANG YANG BSKYAB TU GSOL, ,RGYAL BA'I SRAS PO DPAL LDAN RDO RJE 'DZIN, ,SHES RAB SENG GE PAn CHEN DGO 'DUN GRUB, ,THAG RING SA MTHA'I YUL DU MDUN NA DRAN, ,DRAN PA'I MOD LA THUGS RJE'I LCAGS KYUS DONGS, ,ZHES PA LA SOGS PA DANG, SHES RAB SENGGE DE SRAS DGE 'DUN GRUB, , BKA' DRIN YON TAN DRAN PA'I STOBS NYID LAS, ,ZHES BYA BA LA SOGS PA'I MGUR MA'ANG MANG DU MDZAD, RJE BTZUN SHES RAB SENG GE GSHEGS PA'I DUS MNGA' RIS SU RMI LAM SHIN TU GSAL BAR BYUNG GSUNG STE RANG DANG GZHAN KYI 'DAS MA 'ONGS RNAMS GSAL BAR GZIGS PA'I MNGON MKHYEN MNGA' BAR SNANG NGO, ,MNGA' RIS SKOR DU LO DRUG BDUN TZAM BZHUGS TE, BLA MA MJAL BA'I DGONGS PAS DBUS GTZANG DU PHYIR PHEBS, BYANG GI

, ,BDE GLING ZHES BYE BAR DBU MA'I STONG THUN DE BRTZAMS, PHYIS K'A RI KA'I t'IKA CHEN ZHIG KYANG MDZAD, BYANG CHUB LAM RIM GYI YIG SNA DU MA DANG, MA CIG GI GCOD SKOR DANG, SGRUB THABS CHE CHUNG DU MA DANG, THUGS SKYO SHAS CHE ZHING GSANG BDE BAS NYAMS MGUR DANG BSTOD PA'ANG DU MA ZHIG MDZAD SNANG STE BRTZAMS CHOS LA BO TI GNYIS TZAM YOD DO, ,GTZANG DU PEBS NAS THAMS CAD MKHYEN PA DANG YAB SRAS MJAL ZHING CHOS KYI BGO BA MANG DU MDZAD, SLAR YANG BSAM GTAN DGA' LDAN CHOS RDZONG LA SOGS PA'I RI KHROD RNAMS SU LO BCU SKOR GYI BAR DU THUGS DAM LA BZHUGS PAR MDZAD DE, NGAS DAL 'BYOR RNYED DKA' RANG YANG ZLA BA BCO BRGYAD KYI PAR DU BSGOMS SHING, DE BZHIN DU LAM RIM GYI DMIGS SKOR MTHA' DAG YUN RING DU BSGOMS NAS MYONG BA THON NGES BYAS GSUNG, DGUNG LO DRUG CU RE GRANGS NAS 'JAD KYI BYANG CHUB CHOS LUNG, ROG PA TSANG BO DONG GI LUNG NAG SHEL DKAR, BOR THOG, LHUN PO RTZE, BYANG CHEN, RTA NAG RI MKHAR, SKOL MA SDINGS, NYA RI DGA' BA TSAL, PHUR MO CHOS RDZONG, RGYAL CHEN RTZE, LHAN BA SO, GNAS RNYING, MAN LUNG, KHROM MDA' BGON GSAR, 'BRONG RTZE, BKRA SHIS LHAN PO LA SOGS BA RNAMS SU, LAM RIM CHE CHUNG, BSLAB BYA CHE CHUNG, TSUL KHRIMS LE'U DANG, RTZA LTUNG RNAM BSHAD, BLA MA LNGA BCU PA'I RNAM BSHAD, 'DRUS PA'I BSKYED

RDZOGS, 'KHOR LO SDOM PA'I BSKYED RDZOGS, GCOD KHRID DANG LTA KHRID LA SOGS PA'I CHOS MANG DU GSUNGS TE, KHYIM PA DANG RAB TU BYUNG PA MANG PO LA PHAN GDAGS PA, LAM RIM DANG LTA KHRID GSUNGS PA DGE BA'I BSHES GNYEN 'DI BAS MANG BA MA BYUNG BA 'DUG ZER, THAMS CAD MKHYEN PA'I ZHAL NAS, 'U CAG GIS MI TSE RIL POR 'DUL BA BSHAD PA BAS, DRUNG 'DUL PA PAS BSLAB BYA TSAR RE BSHAD PA DRAG PAR 'DAG SNANG GSUNG, 'DUL 'DZIN RIN PO CHE'I ZHAL NAS, NUB GCIG RMI LAM DU NYI SHU LNGA MCHOD CIG BYED KYI 'DUG PAS, DER CHOS RJE RIN PO CHE CHIBS MDZO ZHIG LA CHIBS NAS PHEBS BYON BA LA GSOL BA BTAB PAS, NGA YANG JO BO YAB SRAS LA DAD KYI, KHYOD RANG YANG JO BO YAB SRAS LA DANG PA SGOMS SHIG CES GSUNG BA CIG RMIS, SANG DE NAS NGA'I RO STOD GZER BA CIG YONG GI YOD PA DE GTAN MA BYUNG, YANG NUB GCIG MNAL LAM DU DGE BA'I BSHES GNYEN 'BROM STON BAS BKA' GDAMS GLEGS BAM GYI 'GO NAS MJUG GI BAR TSAD MAR GNANG BA CIG RMIS TE, NGA'I LUNG DE KHAS GO CHOD PA YIN GSUNG, YANG ZHAL NAS, DA RTZA RLUNG 'GRIBS NAS CHOS BSHAD RE BYAS PA YIN, MNGA' RIS SU SDONG DUS ZHAG LNGA DRUG RI'I BAR DU ZA BA BZA' DGOS PA MA BYUNG ZHES GSUNG STE, TING 'DZIN PHUN SUM TSOGS PA MNGA' BA LAGS PAR GDA', YANG NYIN GCIG CHOS GLAR, NGAS BAL PO, KHA CHE RDZA LAN

, ,DHA RA RNAMS SU 'GRO MYONG GSUNG STE, DE LA SOGS PA'I 'DAS PA'I DUS KYI GTAM SHOR 'OD GI SNANG, BYANG CHUB CHOS LUNG DU BZHUGS PA'I DUS, NGA SANG PHOD 'GRO BAR YOD BAS, CHOS NYAN 'DOD YOD BA RNAMS DA LO NYAN PA LEGS ZHES GSUNGS, DE'I GTAM DE KHA CIG GIS CHOS RJE THAMS CAD MKHYEN PA'I SNYAN DU GSON PAS ZHAL NAS KHONG GI DE LA TIG PO MI BDOG ,KHONG SNGAR BZHAG BTUN NAS 'CHI BAR YOD PA YIN ZER TE BZHUD PAS, YANG LOG BYUNG GSUNG, DE'I RJES LA KHONG PA GRONGS DUNG BDE BA NAS BDE BAR 'GRO BA YIN TE GSUNG NGO, ,YOS LO'I DGUN THAMS CAD MKHYEN PA'I BKA' LUNG PHEBS PAS BKRA SHIS LHUN POR BZHUGS NAS GSUNG CHOS MANG DU GSUNGS, YAB SRAS GNYIS KYIS BSNYEN PAR RDZOGS PA'ANG BZHI BCU LHAG TZAM BSGRUBS, DE DUS CHOS RJE RIN PO CHES KYANG BKA' LUNG GNANG ZHING, SLOB DPON RNAMS PAS KYANG GSAL BA BTAB STE; DBYAR DGUN BKRA SHIS LHUN POR PHEBS PA GNAD DAGS, GZIM KHANG ZHIG KYAD RTZIG PA YIN ZHUS PAS LEGS PAR ZHAL GYIS BZHES TE, THAMS CAD MKHYEN PA MYA NGAN LAS 'DA' KHA'I BAR DU BZHUGS PAR MDZAD DE; ;THAMS CAD MKHYEN PA SKU KHAMS CHER BSNYEL DU SONG BA NA, SLOB DPON RNAM BA LA GDAN 'DREN THONG ZHES BKA' STZAL PAS, 'DUL 'DZIN RIN PO CHES GCO MDZAD, 'CHAD NYAN PA RNAMS ZHABS DRUNG DU 'KHOD PA LA, NGED

RANG RE ZHIG SDOD BSAM PA YIN TE DA 'GRO PAR SNANG, 'ON NA'ANG 'GYOD PA MED PAR TSE'I DUS BYED PA YIN, KHYED SLOB DPON RNAM PAS KYANG BKRA SHIS LHUN PO LA BRTEN NAS SANGS RGYAS KYI BSTAN PA LA CI PHAN MDZAD 'TSAL, SMON LAM DE DANG NGA'I DGONGS RDZOGS GNYIS SGRAGS PAS 'ONG, RTEN GSUM BZHED DGOS PA NI MED, NGA'I RUS BU 'DI SREGS LA MI 'KHRUGS PA'I STONG SKU ZHIG THOB, SGROL MA RANG YANG 'DIR SHOG GSUNGS NAS BTZUN CHUNG 'DIS LO SUM CU LHAG CIG GI BAR DU NGA'I G-YOG BYAS PA YIN, 'DI LA KHYED RNAM PAS BGOS SKAL MI PHAM PA CIG KYANG BYIN GSUNGS NAS LDE MIG RNAMS SLOB DPON RNAM PA'I DRUNG DU 'PHANGS PAR GDA', DE NAS SLOB DPON RNAM PAS GDAN SA 'DI JI LTAR BGYI BA BKA' LUNG GNANG DGOS ZHUS PAS, RJE'I ZHAL NAS DRUNG 'DUL BA PA DANG, KHYED RANG DPON SLOB KYIS BRTAG PA BYAS NAS GANG LEGS PA CIG LA GYIS SHIG GSUNGS, MYA NGAN LAS 'DA' KHAR 'DUL BA 'DZIN PAS THUGS DAM GSAL 'DEBS 'DRA DGOS LAGS SAM ZHUS PAS MI DGOS BAR GDA' ZHES GSUNG, DE NAS RJE DGE 'DUN GRUB ZHING GSHEGS NAS 'DUL 'DZIN BLO GROS SBAS PAS RJE DGE 'DUN GRUB KYI DGONGS RDZOGS DANG; DGON GNAS MI NYAMS PAR BYA BA'I PHYIR GDAN SA BSKO BA SOGS THUGS KHUR CHE BA ZHES MDZAD DO, ,DE LTAR NA RGYAL SRAS 'DUL 'DZIN CHEN PO 'DI NI THAMS CAD MKHYEN PA DGE 'DUN GRUB KYI GRVA TSANG GI DANG PO'I RTZA BA 'DZIN

, ,BA; BAR DU MI NYAMS PAR SKYONG BA, MTHAR 'PHRIN LAS SPEL ZHING DGONGS RDZOGS DANG GDAN SA'I BSKO BZHAG GI BAR DU MDZAD DE, CHOS RJE NYID DANG BKA' DRIN KHYAD PAR MED CING, BU SLOB SBYIN BDAG RNAMS KYIS KYANG YAB SAS DBYER MED DU 'KHUR BAR MDZAD PA YIN NO, ,DGUN CHOS GNYIS PA LA 'DUL 'DZIN RIN PO CHES RIM LNGA'I DMAR KHRID ZHAL SHES KYIS BRGYAN PA CIG DGE BA'I BSHES GNYEN BLO MCHOG TU GYUR PA DRUG CU LHAG TZAM LA GSUNG PA MDZAD, GSUNG CHOS DE THON NAS RTA NAG AO RGYAN RDZONG DU THEGS TE ZLA GCIG TZAM GYI BAR DU BZHUGS SHING, CHOS KYANG MANG DU GSUNGS, DPYID GZHUG LHUN PO RTZER SPYAN DRANGS, DER DGE 'DUN BRGYA PHRAG MANG PO LA MDO SNGAGS KYI GDAMS BA ZAB DGU COG GIS TSIM PAR MDZAD, DER SKU KHAMS CUNG MI BDE BA'I RNAM PA CIG KYANG BYUNG, CUNG ZAD SNYUN PA'I 'PHRO NYID LA BKRA SHIS LHUN PO'I DBYAR CHOS LA PHEBS BA GNANG, PHEBS MA THAG NA GZIM KHANG SAR PAR SKU MTSAMS LA BZHUGS, DER LHA RJE ZHIG KYANG ZHABS DRUNG DU BOS, KHYOD KYIS NGA'I NAD GZHI 'DI LA PHAN PA'I THABS 'DUG NA GYIS, SDOD RTZIS NA MI BYED, LUS GOG PO 'DIS RANG GZHAN GYI DON GANG YANG MI 'ONG BAR 'DUG PAS, NGA 'DI NAS DGA' LDAN DU 'GRO ,RGYAL BA TZONG KHA PA CHEN PO'I ZHABS DRUNG NA MKHAS GRUB THAMS CAD MKHYEN PA DANG RJE BTZUN SHES RAB SENGGE GNYIS KYANG BZHUGS 'DUG ,LHA BU GZHON

NU ZHIG GI LUS BLANGS NAS CHOS NYAN, 'GRO BA MANG PO'I DON BYED PA YIN, DE NAS RGYA GAR SHAR PHYOGS SU SKYE BA LEN, DER YANG RJE'I SPRUL PA CIG GIS RJES SU 'DZIN, PHO BA'I LAM GYIS SA LAM BGROD BA CIG 'ONG BAR SNANG ZHES GSUNG BAR GDA', LHA RJE DES GRVA PA RNAMS LA SNYUN GZHI 'DI 'CHOS THUB PAR 'DUG STE, ZHAL SNGA NAS BZHUGS PA'I THUGS 'DUN YE MI 'DUG PAS GSOL BA THEBS BA RANG NI DKA' BAR GDA', SKU RIM ZHIG BYAS NA KHYAD AEN RE AE YOD ZER BAS, NYI SHU GSUM GYA RANG GSOL DPON SGROL MAS MANG JA'I SBYIN BDAG MDZAD DE, TSOGS PAS SMAN BLA'I CHO GA MDZAD, DE SKU MDUN DU GSAN PAS LHA RJE LA'ANG BKYON TE KHYOD KYIS NGA LA GNOD PO ZHIG BYAS, NGA SANG DANG DE RING GNYIS KYANG DE RING 'CHI BA LA 'DAM PA LA GSUNG, NYI SHU LNGA'I NYIN MKHO BA'I YO BYAD DU BYIN GYIS BRLABS PA'I SNAM RAS BUBS GNYIS TZAM DANG, PHYAG DPE PO TI BZHI TZAM 'DUG PA TSOGS SU 'BUL BA MDZAD, NYI SHU DRUG LA THOS BSAM GLING DU SROD JA GCIG GI STENG DU SKU RIM BGYI BA'I ZHAL TA ZHUS PAS, NGA LA RIM GRO GTAN NAS BYED MI DGOS PA YIN TE, DA 'ON DPAL LDAN SA GSUM MA THON LA RJE NYID LA GSOL BA THOB CIG GSUNG, DE NAS DGUNG LO DON DRUG BSHING LUG ZLA BA LNGA PA'I NYER BRGYAD KYI NAM LANG SU NYE BA NA 'PHO BA MDZAD DE, BYAMS PA'I MDUN SAR 'JAM DPAL SNYING PO'I

, ,ZHABS DRUNG DU GSHEGS PAR MDZAD, DE'I TSE 'JA' DANG 'OD LA SOGS PA'I NGO MTSAR BA'I LTAS DU MA BYUNG NGO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS THAMS CAD MKHYEN PA DGE 'DUN GRUB YAB SRAS 'DI GNYIS LA GSOL BA 'DEBS SHING BDAG NYID CHEN PO 'DI GNYIS KYI RNAM THAR LTAR TSUL KHRIMS DAG CING LTA GRUB GTZANG BA'I SGO NAS GZHUNG LUGS GDAMS BAR SHAR BA'I NYAMS LEN LA BRTZON PA LHUR BLANG BAR BYA'O,, ` ,,SKU GSUM GO 'PHANG MNGON GYUR NOR BU BZANG, ,ZHES BSNGAGS PA, MKHAS GRUB NOR BZANG RGYA MTSO NI, GTZANG RTA NAG RANG BYUNG DU, YAB NAM MKHA' DPAL BZANG DANG, YUM CHOS SKYABS 'BUM GNYIS KYI SRAS SU MDZES BYED KYI LO LA NGO MTSAR BA'I LTAS DANG BCAS TE SKU 'KHRUNGS, GZHON NU NYID NAS CHOS KYI BAG CHAGS BRTAS PAS KLOG YIG SOGS TSEGS MED PAR MKHYEN CING, KHYIM GYI GNAS NI NYES BA DU MA'I 'BYUNG GNAS SU RIG NAS, SPYIR 'KHOR BA'I PHUN TSOGS MTHA' DAG DANG, KHYAD PAR KHYIM GYI 'DU 'DZIN DANG LONGS SPYOD LA MA CHAGS PAR DGUD LO BCU GSUM PA NA BRAG DMAR CHOS SDINGS SU, CHOS RJE BLO GROS MGON PO BAS MKHAN PO DANG, BYANG SEMS CHOS 'PHEL RGYAL MTSAN PAS SLOB DPON MDZAD NAS RAB TU BYUNG STE MKHAN SLOB KYI SPYAN SNGAR JI LTAR KHAS BLANGS PA'I BCAS MTSAMS LAS

NAM YANG MI 'DA' ZHING, RGYAL BA'I BSTAN PA LA RAB TU BYUNG BA RNAMS KYI BYA BA KLOG PA THOS BSAM DANG, SPONG BA BSAM GTAN GNYIS LAS THOG MAR SDE SNOD GSUM LA THOS PA BYA DGOS PAR GZIGS NAS RI KHUD CHOS SDER MKHYEN RAB DBANG PHYUG GRAGS PA BZANG PO'I ZHABS LA GTUGS TE SDE SNOD GSUM LA MANG DU THOS PA 'TSOL BA LA ZHUGS SO, ,DAM PA 'DI RI KHUD CHOS SDER BZHUGS PA'I DUS SU MKHAS GRUB SHES RAB SENGGE DANG, THAMS CAD MKHYEN PA DGE 'DUN GRUB DANG, 'DUL 'DZIN BLO GROS SBAS PA RNAMS KYANG MKHYEN RAB DBANG PHYUG GRAGS PA BZANG PO DANG YON BDAG CHEN PO DGE SBYONG DKAR PO SOGS KYIS GDAN DRANGS TE ZHAL 'DZOM NAS SDE SNOD GSUM DANG DE DAG GI DGONGS 'GREL SHING RTA CHEN PO'I GZHUNG LUGS RNAMS KYI CHOS SGRA RGYA CHER SGROG PAR MDZAD, DE DUS RI KHUD CHOS SDE NA MKHAS GRUB CHEN PO GONG DU SMOS PA DE DAG DANG DE DAG GI THUGS SRAS SEMS DPA' CHEN PO MANG PO 'TSOGS TE THAMS CAD KYANG TSUL KHRIMS RNAM PAR DAG CING TSE 'DI'I BYA BA LA RGYAB KYIS PHYOGS PA SDE SNOD GSUM GYI CHOS SGRA BRGYUD MAR SGROG PA SANGS RGYAS 'JIG RTEN DU BYON PA'I DUS 'DRA BA ZHIG YOD CES MKHAS GRUB NOR BZANG RGYA MTSO NYID GSUNG NGO, ,DE NAS DAM PA 'DIS GRVA TSANG CHEN MO SOGS SU'ANG THUGS GNYER LA BYON TE GZHUNG LUGS RNAMS LA SBYANGS PAS RING POR MA THOGS PAR RIGS LAM LA MKHAS PAR GYUR CING, DE NAS 'CHUMS BDE CHEN DANG, CHOS 'KHOR SGANG SOGS SU BYON NAS GZHUNG LUGS RNAMS LA

, ,THOS PA RGYA CHER BTZAL ZHING, KUN MKHYEN SHES RAB RIN PO CHEN SOGS BSHES GNYEN DAM PA DU MA LA DBANG LUNG MAN NGAG DU MA GSAN, DA NAS CHOS GRVA CHEN PO BKRA SHIS LHUN POR PHEBS NAS THAMS CAD MKHYEN PA DGE 'DUN GRUB KYI ZHABS LA GTUGS TE DUS GSUM GYI RGYAL BA THAMS CAD KYI BGROD PA GCIG PA'I LAM PO CHE SHING RTA CHEN PO GNYIS KYIS LAM SROL DPAL AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID LEGS PAR GSAN NAS THUGS RGYUD LA SBYAR TE MYONG BA THON PAR MDZAD, GZHAN YANG PHAR PHYIN, DBU MA, 'DUL BA, MNGON PA RNAMS DANG, LHAG PAR TSAD MA RNAM 'GREL LA ZHIB TU SBYANGS TE, GZHUNG LUGS CHEN PO DE DAG GDAMS NGAG TU 'CHAR TSUL THAMS CAD MKHYEN PA DGE 'DUN GRUB KYI ZHAL NAS GSUNGS PA MTHA' DAG LEGS PAR GSAN TE RANG DANG GZHAN GYI GRUB MTHA' RGYA MTSO'I PHA ROL TU SON PAR GYUR, DE NAS DBUS SU PHEBS NAS GSANG PHU SOGS SU PHEBS TE GRVA SKOR MDZAD PAS MKHAS PA'I GRAGS PAS SA STENG KHYAB PAR GYUR, DE NAS DAM PA 'DI DGUNG LO SO LNGA LA BAB PA NA DGA' LDAN RNAM PAR RGYAL BA'I GLING DU PHEBS TE, CHOS KYI RJE BLO GROS CHOS SKYONG BAS MKHAN PO, CHOS RJE GRAGS 'OD PHAS LAS SLOB, RONG PO BLO BZANG PAS GSANG STON MDZAD DE, BSNYEN PAR RDZOGS TE RGYAL BA'I BSTAN PA LA ZHUGS LA YONGS SU RDZOGS PA'I DPAL THOB STE THUB PA'I RGYAL TSAB CHEN POR GYUR TO, ,DE

NAS CHOS RJE BLO GROS CHOS SKYONG SOGS BSHES GNYEN DU MA LA RJE THAMS CAD MKHYEN PA'I GSUNG RNAMS KYI LUNG SOGS MDO SNGAGS KYI CHOS MANG DU GSAN, DE NAS DGUNG LO SO BDUN LA 'OL KHAR PHEBS TE, DBEN GNAS RIN CHEN SGANG DU CHOS RJE CHOS GRAGS PA LA CHOS MANG DU GSAN NO, ,DE LTAR MDO SNGAGS KYI GZHUNG LA THOS PA RGYA CHER MDZAD DE GDAMS PA'I GTER DU GYUR PA NA TSE 'DI'I 'KHRI BA PHRA MO'ANG MED BAR RNAL 'BYOR GYI DBANG PHYUG MI LA RAS PA DANG MCHUNGS PAR SROG 'TSO'I 'TSE BA DKA' THUB LA BRTEN NAS GTZO BOR DBAN GNAS RIN CHAN SPANG DANG GZHAN YANG AE'I TE'U RA DANG, 'OL KHA CHOS LUNG DANG, RGYA SOG PHU DANG, LHA SDINGS SOGS RJE RIN PO CHE'I SGRUB GNAS RNAMS SU LO BZHI BCU TZAM GYI BAR DU SGRUB PA LA RTZE GCIG TU BZHUGS TE RGYU TSOGS TSANG BA'I NYAMS LEN LA 'BAD PAS SKYES BU GSUM GYI LAM GYI RIM PA'I NYAMS LEN MTHAR PHYIN ZHING, RIM LNGA DANG SBYOR DRUG SOGS BLA MED KYI LAM RIM GNYIS LA MYONG BA PHUL PHYIN THON TE RANG DANG GZHAN GYI TSE RABS BRGYA STONG DRAN PA DANG, LHAG BA'I LHA MANG PO'I ZHAL GZIGS SHING, GZUNGS DANG, SPOBS PA DANG, MNGON PAR SHES PA SOGS YON TAN MTHA' YAS PA THOB STE 'CHAD RTZOD RTZOM GSUM LA THOGS PA MED PAR GYUR NAS THUN BZHI'I RNAL 'BYOR 'CHAG MED KYI NGANG NAS SKAL BA DANG LDAN BA BGRANG BA LAS 'DAS PA LA LAM RIM GYI KHRID DANG, SNGAGS KYI DBANG LUNG MAN NGAG MTHA' YAS PA STZAL ZHING BSTAN PA YUN RING DU GNAS PA'I CHED DU DUS 'KHOR

, ,SPYI DON DRI MED 'OD RGYAN, PAD DKAR ZHAL LUNG, DPAL GSANG BA 'DUS PA'I RIM GNYIS KYI GNANG DON GSAL BAR STON PA RIM LNGA YANG GSAL SOGS LEGS BSHAD MANG DU MDZAD CING, GTZO BOR 'JAM MGON BLA MA'I SGRUB RGYUD KYI BSTAN PA BZUNG STE PHYIR RABS KYI GDUL BYA RNAMS LA 'DI LTAR BYA DGOS SO ZHES 'DOMS PHYIR THUN BZHI'I RNAL 'BYOR LA BRTZON PA CHU BO'I RGYUN BZHIN MDZAD NAS, 'JAM MGON BLA MA'I MAN NGAG LA BRTEN NAS ZUNG 'JUG GRUB STE SKU TSE 'DI'I DNGOS KYI GDUL BYA RDZOGS PA NA DGUNG LO GO GCIG TU PHEBS PA CHU BYA ZLA BA DRUG PA'I NYER LNGA LA SKU'I BKOD PA BSDUS TE DGA' LDAN CHOS KYI PHO BRANG LA SOGS PA DAG PA'I ZHING KHAMS RAB 'BYAMS SU SPRUL PA BYE BA PHRAG BRGYAR STON CING BZHUGS SO, ,BDAG NYID CHEN PO 'DI LA RGYUD 'DZIN GYI SLOB MA MANG DU BYUNG BA LAS 'GRAN PA'I ZLA THAMS CAD DANG BRAL BA BSTAN PA YONGS RDZOGS KYI BDAG PO NI THAMS CAD MKHYAN PA DAG 'DUN RGYA MTSO'O, , DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB NOR BZANG RGYA MTSO LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR SDOM PA GSUM GYI BCAS MTSAMS PHRA ZHING PHRA BA NYAMS BA MED PAR BSRUNG BA GZHIR BZHAG NAS TSE 'DI'I 'KHRI BA BCAD DE DBEN PA'I GNAS SU MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN SNYING POR BYA'O,, ` ,,DGOS 'DOD KUN

'BYUNG NOR BU BSAM 'PHEL KHYOD, ,YON TAN THAMS CAD MA BSLABS THUGS SU CHUD, ,THOS BSAM SGOM PA MTHAR PHYIN GRUB PA BRNYES, ,'PHRIN LAS RGYUN MI 'CHAD LA GSOL BA 'DEBS, ,ZHES BSNGAGS PA, THAMS CAD MKHYEN PA DGE 'DUN RGYA MTSO GANG DU BLTAMS PA'I YUL NI GCANG RTA NAG GI SA'I CHA YOL DKAR RDO RJE GDAN ZHES BYA BA STE, DE YANG THAMS CAD MKHYEN PA DGE 'DUN GRUB DE NYID DGA' LDAN CHOS KYI PHO BRANG NA RJE BTZUN BYAMS PA MGON PO DANG, RGYAL SRAS NAM MKHA' DRI MA MED PA DANG, BYANG CHUB SEMS DPA' 'JAM DPAL SNYING PO RNAMS GUS PAS MCHOD CING BSNYEN BKUR NAS RGYAL BA SRAS BCAS DE RNAMS KYI GDAMS NGAG DANG RJES SU BSTAN PA GSAN TE, BDAG GANG DU 'GRO DON LA 'GRO ZHUS BAS, RGYAL SRAS 'JAM DPAL SNYING POS PADMA DKAR PO ZHIG NAM MKHA' LA 'PHANGS TE 'DI GAR SONG BAR 'GRO DON GYIS SHIG CES LUNG BSTAN BA NA ME TOG DE RDO RJE GDAN GYI DBEN GNAS YOL DKAR DPAL GYI SDE TSEN DU BABS SO, , RJE THAMS CAD MKHYEN PAS JI LTAR LUNG BSTAN PA LTAR YAB KUN DGA' RGYAL MTSAN DANG YUM KUN DGA' DPAL MO GNYIS KYI SRAS SU SHING MO LUG GI LO RGYAL ZLA BA'I TSES GSUM GYI NYIN NYI MA DROS BRDAL BA NA BAR GYI NAM MKHA' LA RDUL DANG BSER BU MED PAS NAM MKHA' NI RGYA MTHING BZANG POS BYUGS PA BZHIN GYUR, NYI MA'I DKYIL 'KHOR NI 'JA' TSON SNA LNGA'I GUR GYI DBUS NA 'OD ZER GYI DRA BAS DKRIGS TE GZHON NU'I ZHAL GYI DKYIL 'KHOR LTA BA LA RINGS PA

, ,BZHIN DU 'KHOD, LHA RNAMS KYIS 'JA' TSON GYI YOL BA BRES PA'I GSAB NAS ME TOG GI CHAR BAB PA NI GZHON NU RDUL GYIS GOS NA MI RUNG NGO ZHES 'DZIN MA'I STENG KUN TU CHED DU BKRAM PA BZHIN BYAS TE, GZIM KHANG LA SKU DKAR GSOL ZIN PA DANG MNYAM DU YUM THUGS DMAL GNAS BZHIN PA'I NGANG NAS KHYE'U SHEL LTAR DKAR ZHING 'OD ZER 'PHRO BA, 'PHAGS PA SPYAN RAS GZIGS DE NYID PANYTZA LI KA'I STOD G-YOGS DANG SMAD G-YOGS SPANGS TE SKRAL BA DANG LDAN PA'I GDUL BYA RNAMS KYI MIG GI BDUD RTZIR 'GOS KHUG PA LHAS BTZAS LA SOGS PA'I DPA' BO DANG, YE SHES KYI MKHA' 'GRO MA YE SHES MTSO RGYAL SOGS DPA' MO DU MA 'KHRUNGS PA'I BYA 'DAB, G-YAS RU GTZANG GI RTA NAG CES GRAGS PA DAM PA DU MA'I ZHABS KYI PADMO YANG YANG BKOD PA'I MTHU LAS BKRA SHIS DANG DGE MTSAN DU MA'I DPAL DANG LDAN PA'I SA LUNG PA ZHES BYA BA'I SA'I THIG LE, BCOM LDAN 'DAS MNGON PAR RDZOGS PAR SANGS RGYAS PA'I GNAS DANG MTSUNGS PA RDO RJE GDAN ZHES BYA BAR SKU BLTAMS PAR GYUR TO, ,BLTAMS MA THAG TU RJE BTZUN SGROL MA'I GZUNGS SNGAGS T'A RE RGYUN DU BZLA BA ZHIG BYUNG ZHING, DGUNG LO GNYIS GSUM GYI DUS NAS RJE BTZUN TZONG KHA PA CHEN PO'I ZHAL GZIGS, DE'I TSE PHYAG THAL MO SBYAR SPYAN BAR SNANG LA GZIGS NAS DBU DUD DUD YANG YANG MDZAD PA ZHIG BYUNG BAR YAB YUM GYIS RGYU MTSAN ZHUS PAR PHA BLA MA BLO BZANG GRAGS PA BYON 'DUG

CES GSUNG ZHING, DE NAS BZUNG STE DUS RGYUN DU RJE BLA MA'I SKU ZHIG 'BRAL MED DU BCANG BAR MDZAD CING, DE MA BYUNG BA'I SKABS RNAMS SU'ANG RDO SMUG PO RE SKU MDUN DU BZHAG NAS PHA BLA MA BLO BZANG GRAGS PA GSUNG ZHING DE LA MCHOD PA DANG GUS PA'I RNAM PA MDZAD, SNGON GNAS RJES SU DRAN PAS RJE DGE 'DUN GRUB KYI SKABS KYI GSUNG 'PHROS YANG DANG YANG DU GNANG BA ZHIG BYUNG, LHAG PAR DGUNG LO GSUM PA'I DUS SU LHA MO DMAG ZOR MAS ZHAL GZIGS SHING DMAG ZOR MA'I BSTOD BSKUL YANG BRTZAMS, GZHAN YANG SANGS RGYAS BYANG SEMS KYI BSTOD PA SOGS RTZOM PA MANG PO THOGS MED DU GNANG BA ZHIG BYUNG, DE NAS BKRA SHIS LHUN PO NAS RJE DGE 'DUN GRUB KYI GSOL DPON SGROL MA DANG, THOS BSAM GLING PA CHEN PO KUN MKHYEN CHOS 'BYOR DPAL BZANG GI BANG MI DANG BLA BRANG GI BANG MI ZHU YIG GSOL 'DEBS SOGS BYUNG BAR ARJE 'DI PAS GSOL DPON SGROL MA GZIGS 'PHRAL NGO MKHYEN NAS KHYOD SDUG PO MA BYUNG PA MA GSUNG ZHING; RJE DGE 'DUN GRUB KYI SKABS SU JI LTAR MDZAD PA LTAR GYI GSUNG GLENG BAG PHEBS BA GNANG BAS KUN NGO MTSAR DU GYUR CING, RJE DGE 'DUN GRUB KYI SPRUL SKU 'KHRUL MED DU YID CHES RNYED, DE NAS DGUNG LO BCU GCIG BZHES PA'I TSE THAMS CAD MKHYEN PA'I RGYAL TSAB GNYIS PA PAn CHEN LUNG RIGS RGYA MTSO'I ZHAL SNGA NAS KYIS GTZO MDZAD BSTAN PA GSAL MDZAD CHES KYI RJE SLOB DPON RNAM PA BKA' BGROS TE GZHON NU DE NYID THAMS CAD MKHYON PA RANG GI

, ,ZHAL CHAMS LAS MA G-YOS PAR SPYAN 'DREN PA'I PHO NYAR SPYIS NAS GSOL DPON SGROL MA DANG DKA' BCU PA RDOR RGYAL GNYIS, DKYIL KHANG NAS CHOS MDZAD RGYAL BA, THOS BSAM GLING NAS DGE BSHES RGYAL MTSAN GRAGS, SHAR RTZE NAS CHOS MDZAD KHA RAG PA RNAMS MNGAGS TE BSTAN PA RIN PO CHE'I RGYAL MTSAN GYI TOG TU DMIGS NAS BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING DU SPYAN DRANGS PAR GYUR TO, ,DE NAS RTA LO HOR ZLA DRUG PA'I TSES BZHI YONGS SU GRAGS PA'I SANGS RGYAS KYIS CHOS KYI 'KHOR LO BSKOR BA'I DUS KHYAD PAR CAN LA DBU SKRA BCAD, DUR SMRIG GI RGYAL MTSAN BZHES, PAn CHEN LUNG RIGS RGYA MTSO'I DRUNG DU YONGS SU RDZOGS PA DGE BSNYEN GYI SDOM PA BZHES TE, MTSAN DGE 'DUN RGYA MTSO DPAL BZANG PO ZHES BYA BAR GSOL NAS LHA DANG BCAS PA'I 'JIG RTEN GYI DPAL MGON DAM PAR MNGA' GSOL TO, ,DE NAS RDZE DGE 'DUN GRUB KYI THUGS SRAS GNAS RNYING ZHABS DRUNG KUN DGA' BDE LEGS RJE 'DI'I DRUNG DU PHEBS, RJE 'DIS KYANG GUS PA CHEN PO MDZAD DE GNAS RNYING CHOS RJE DE NYID KYIS MKHAN PO GNANG, PAn CHEN LUNG RIGS RGYA MTSO'I ZHAL SNGA NAS KYIS SLOB DPON, DBU MDZAD SANGS RGYAS TSUL KHRIMS PAS DUS GO BA MDZAD, GNAS BRTAN SDE SNOD 'DZIN PA GSER RI'I PHRENG BA LTA BU BCU PHRAG GSUM GYI DBUS SU DGE TSUL GYI BRTUL ZHUGS YANG DAG PAR BZHES TE BCOM LDAN

'DAS KYIS LAGS PAR GSUNGS PA'I CHOS 'DUL BA LA RAB TU BYUNG BAR GYUR TO, ,DE NAS PAn CHEN LUNG RIGS RGYA MTSO DANG PAn CHEN YE SHES RTZE MO LEGS SOGS YONGS 'DZIN DU BSTEN NAS TSAD MA RNAM 'GREL LA SBYANGS SHING, GZHUNG CHEN MO GZHAN RNAMS LA'ANG SBYANGS TE LUNG RIGS SENGGE'I SGRA DBYANGS BSGRAGS PAS LOG PAR SMRA BA'I PHAS BGROL MTHA' DAG ZIL GYIS MNAN CING CHOS GRVA CHEN PO'I DGE 'DUN MTHA' DAG DAD PA'I SA LA BKOD, PAn CHEN YE SHES RTZO MO LA DBANG LUNG MAN NGAG MTHA' YAS PA GSAN NO, ,DE NAS 'BRAS SPUNGS BLO GSAL GLING GI GDAN SA BA 'JAM DBYANGS LAGS PA CHOS 'BYOR GYIS DBUS PHYOGS SU 'BYON DGOS PAR BSKUL ZHING, DGA' LDAN KHRI RIN PO CHE 'JAM DBYANGS SMON LAM DPAL BAS KYANG DBUS PHYOGS SU BYON NA BSTAN PAR PHAN CHE BAR LUNG BSTAN PA SOGS RKYEN SNA TSOGS PAS BSKUL TE ZHABS 'BRING PA 'JAM DPAL GRAGS DANG BCAS DBUS PHYOGS SU PHEBS PA NA 'JAM DBYANGS LEGS PA CHOS 'BYOR GYI MNAL LAM DU NUB PHYOGS NAS NYI MA'I DKYIL 'KHOR ZHIG SHAR BYUNG BA'I 'OD KYIS GANGS CAN GYI LJONGS KUN GSAL BAR BYAS PA CIG BYUNG SNANG, SANG DE SKU 'KHOR RNAMS LA, SKYES BU DAM PA CIG 'BYON PA'I LTAS SU 'DUG CES LUNG BSTAN YANG MDZAD, DE NAS RIM GYIS PHEBS TE DPAL LDAN 'BRAS SPUNGS KYI GCUG LAG KHANG, BLO GSAL GYI SKYE BA BRGYA PHRAG DU MAS BYUR BUR GTAMS PA'I DBUS NA YUN RING MO NAS YID LA BSAMS PA'I DGE

, ,BA'I BSHES GNYEN BYAMS PA'I SRAS PO LEGS BA CHOS 'BYOR DE NYID SKAL BA DANG LDAN PA'I MKHAS PA'I TSOGS LA SHES RAB KYI PHA ROL TU PHYIN PA'I CHOS ZAB MO RGYUN MI 'CHAD DU 'DOMS PAR MDZAD PA DE GZIGS PAR GYUR TO, ,DE NAS LO GSUM DU 'JAM DBYANGS LEGS PA CHOS 'BYOR GYI ZHABS DRUNG DU BSNYEN NAS GSAN PA MDZAD PA RAGS PA TZAM BRJOD NA, RTZA 'JUG GI BSHAD PA MDZUB KHRID DANG BCAS PA ZHIG THOG MAR GSAN, DE NAS PHAR TSAD, 'DUL MDZOD, MNGON PA GONG MA, MDO SDE RGYAN, RGYUD BLA MA, 'BYED RNAM GNYIS, TSAD MA MDO, DRANG NGES RNAM 'BYED, SNYAN NGAG ME LONG SOGS MTSAN NYID KYI GZHUNG DU MA'I BSHAD PA MDZUB KHRID DANG BCAS PA GSAN ZHING, DE THAMS CAD KYI SKYOR 'GO RJE 'DI PA RANG GIS MDZAD, GZHAN YANG DPAL GSANG PA 'DUS PA'I DBANG BZHI RDZOGS PAR GSAN NAS 'GREL PA SGRON GSAL CHA LAG DANG BCAS PA, RGYUD KYI MDZUB KHRID, RIM PA LNGA GSAL BA'I SGRON ME, GDAN RDZOGS, RJE BTZUN SHES RAB SENG GE NAS BRGYUD PA GSUNG NGAG LAG RJES SU GRAGS PA, BSKYED RIM t'IKKA, GZHAN YANG YIG CHA MANG PO'I BSHAD PA, SNGAGS RIM CHEN MO, BDE MCHOG t'IKKA CHEN GYI BSHAD LUNG, BDE MCHOG 'DOD 'JO, RDZOGS RIM RNAL 'BYOR CHEN PO'I RNAM BSHAD, DE'I KHRID SOGS DANG, N'A RO CHOS DRUG GI KHRID, DRIL BU RIM LNGA'I RNAM BSHAD, DE'I KHRID, RGYAL TSAB RJE'I

DUS 'KHOR GYI KHRID YIG, BA SO RJE'I DUS 'KHOR BSKYED RDZOGS, KYEE RDOR GYI RGYUD LA MKHAS GRUB RJE'I t'I KA CHEN STENG NAS BSHAD PA MDZUB KHRID DANG BCAS PA, GZHAN YANG 'JIGS BYED KYI DBANG, KYEE RDOR, 'KHOR CHEN RNAMS KYI BSKYED RDZOGS KYI ZIN THUN, GSANG 'DUS KYI BSKYED RDZOGS KYI ZIN THUN, LAM RIM CHEN MO, SNYING PO DON GSUM, LTA KHRID, RJE YAB SRAS KYI BKA' 'BUM, 'JAM DBYANGS CHOS RJE'I RNAM THAR, RJE BRTZUN MI LA'I RNAM THAR SOGS KYI LUNG YANG MANG DU GSAN NO, ,DE NAS LHA SAR PHEBS TE JO BO RIN PO CHE'I SKU MDUN DU MCHOD PA DANG SMON LAM MDZAD PA'I TSE DAG PA'I GZIGS SNANG NGO MTSAR BA MANG DU BYUNG DE NAS LNGA MCHOD CHEN MO DANG BSTUN DNGUL GDUNG RIN PO CHE MJAL BA LA DGA' LDAN DU PHEBS, DER MCHOD PA PHUL GSOL BA BTAB PAS RJE DANG MJAL ZHING BYIN GYIS BRLABS PA'I MTSAN MA BZANG PO BYUNG, DE NAS RJE NYID DGUNG LO NYER GCIG BZHES PA'I YOS LO'I DPYID SLOS TSIGS SNGA MA'I MKHAN PO GNAS RNYING RIN PO CHED BUS PHYOGS LA BYA BRAL GYI TSUL GYIS PHEBS PA 'BRAS SPUNGS SU SPYAN DRANGS, CHOS RJE DE NYID KYIS MKHAN PO DANG, 'BRAS SPUNGS RJE LEGS PA CHOS 'BYOR BAS LAS KYI SLOB DPON, RA CAG NAS CHOS RJE SANGS RGYAS BZANG PO BAS GSANG STE STON PA, RIGS PA SMRA BA SANGS RGYAS BZANG PO BAS DUS GO BA MDZAD DE DAD PA'I DGE 'DUN GRANGS TSANG ZHING KHA SKONG BAR 'OS PA'I DBUS SU HOR ZLA GNYIS PA'I TSES BRGYAD KYI

, ,CHO 'PHRUL GYI DUS CHEN LA DPAL LDAN 'BRAS SPUNGS SU YONGS SU RDZOGS PA DGE SLONG GI DNGOS BO BRNYES TE 'PHAGS PA DGYES PA'I TSANGS PAR SPYOD PA MCHOG DANG LDAN PAR GYUR TO, ,DE NAS 'JAM DBYANGS LEGS PA CHOS 'BYOR PA'I DRUNG DU DGE SLONG GI BSLAB BYA CHEN MO, TSUL KHRIMS LE'U'I RNAM BSHAD, BSLAB BTUS, SPYOD 'JUG ,BLA MA LNGA BCU PA'I t'IKKA, RTZA LTUNG RNAM BSHAD, CHOS RJE BYAMS PA GLING PA'I BSHES SPRING t'IKKA, PAn CHEN NAGS RIN NAS BRGYUD PA'I DUS 'KHOR SBYOR DRUG SOGS KYANG GSAN, DE DUS DBYANGS CAN MA'I RJES GNANG ZHUS DUS LHA MO RMI LAM DU BYON BYUNG GSUNG, 'JAM DBYANGS SMRA SENG MKHAS GRUB RJE NAS BRGYUD PA THUN MONG MA YIN PA, G-YAG RONG NAS BRGYUD PA'I MI G-YO DKAR BO'I CHOS SKOR, 'JAM DBYANGS CHOS RJES RJE BTZUN 'JAM DBYANGS NYID LA GSAN PA'I 'JAM DBYANGS DKAR PO'I CHOS SKOR SOGS DANG, RJE'I RNAM THAR CHE CHUNG, 'PHO KHRID CHEN MO, MDOR BYAS, MDO BSRE, SPYOD BSDUS, RDO RJE SEMS DPA'I SGRUB THABS, RNAM GZHAG RIM PA SOGS 'PHAGS SKOR GYI GZHUNG DU MA SOGS MDOR NA DE'I DUS CHOS RJE DE NYID GSAN RGYA CHE BAR GRAGS SHING, CHOS RJE NYID LA BZHUGS PA THAMS CAD BUM PA GANG BYOR GNANG NGO, ,DE LTAR GZHUNG LUGS RNAMS LA RGYA CHEN THOS PA MTHAR PHYIN PAR MDZAD NAS SGRENG RGYAL BA'I DBEN GNAS DANG PO DE GUNG RGYAL GYI DBEN GNAS SOGS RJE RGYAL BA

GNYIS PA TZONG KHA PA CHEN PO DE NYID KYIS BYIN GYIS BRLABS PA'I GNAS DA DAG BLTA ZHING, THOS PA'I DON RNAMS NYAMS SU BLANG BAR BYA'O SNYAM DU DGONGS TE BSTAN PA DANG SEMS CAN THUGS KYIS MA BZOD PA'I SGO NAS THUGS LA SKYO SHAS DRAG PO YANG 'KHRUNGS, DE'I TSE DBEN PA LA DGA' BA'I NYAMS MGUR MDZAD PA NI, PHA BLA MA RNAMS LA PHYAG 'TSAL LO, ,MA LUS RGYAL BA'I THUGS KYI DBYINGS CHEN POR, ,MKHYEN BRTZE'I DKYIL 'KHOR RDZOGS PA'I NYIN MOR BYED; ;GDUL BYA PADMO'I DPAL GYUR RDO RJE 'CHANG, ,YAB RJE DAM PA'I ZHABS LA SNYING NAS 'DUD, ,SMRAS PA, SGRIB MED MKHYEN BRTZE'I 'OD STONG DRA BA CAN, ,THUB DBANG NYI MA NUB RI'I RTZE LA 'DZEGS, ,THUB BSTAN 'DAB STONG RDZOGS PA'I PAD TSAL YANG, ,DUS KYI BA MO'I REG PAS NYIN BZHIN 'JOMS, ,BSTAN 'DZIN RKANG DRUG LDAN PA'I TSOGS RNAMS KYANG, ,RNYED BKUR SBRANG RTZI'I RO LA LHAG PAR CHAGS, ,BDUD KYI DBANG GYUR LOG SMRA 'BYUNG PO'I BYA, , 'DZEM MED MKHAS PA'I KHROD NA RNAM PAR RGYU, ,SKYE BO PHAL CHER LEGS NYES 'BYED PA'I MIG ,LJONGS PAS G-YANG SA'I MTHA' LA GOM PA 'DOR, ,KHA CIG PHRAG DOG DUG CHUS GZHAN DAG LAS, ,RANG NYID RGYAL BA'I SGYU THABS LHUR LEN GYUR, ,GZHAN DAG NGAN SEMS G-YO SGYU'I DUG GI CHUS, ,YID RAB MYOS KYANG BSTAN 'DZIN GZUGS SU RLOM, ,KYI HUD GANGS CAN KHRID 'DIR SENG CHEN LAS, ,SHVA NA'I BU NYID SKAD GSANG MNGON BAR MTHO, ,'DOD

, ,DGU'I 'BYUNG GNAS YID BZHIN RIN CHEN LAS, ,MCHING BU'I RDO BA LHAG PAR GCIS SU BYED, ,GCONG RONG NAGS KYI KHROD NA NYI MA PAS, ,ME KHYER MCHOG TU RLOM PA'I MTHONG BAS SKYO, ,DE LTAR MI BZAD SNYIGS MA'I DUS KYI MTHA', ,DMU RGOD SKYE BO BYUNG RGYAL SPYOD PA'I DUS, ,RGYAL DANG RGYAL SRAS MKHAS PA'I TSOGS RNAMS KYANG, ,ZHI BA'I DBYINGS SU GZIM NAS BTANG SNYOMS MDZAD, ,'THOR RLUNG DRAG PO'I MDUN SAR MAR ME YIS, ,MUN PA'I SMAG RUM SEL BAR BYED DAM CI, ,DE PHYIR NYAM CHUNG SKYE BOS THUB BSTAN GYI, ,KHUR CHEN MI BZAD 'KHYER BA NGAL BA'I GNAS, ,RTZOD PA'I DUS 'DIR THAMS CAD MKHYEN PA LTAR, ,MA LUS 'GRO BA'I MIG GCIG TZONG KHA PA, ,DE YI LEGS BSHAD BDUD RTZI MYANG BA'I PHYIR, ,GCIG PUR DBEN PA BSTEN PA MI LEGS SAM, ,RNAM DKAR BSOD NAMS STONG GIS LEGS BSKRUN PA'I, ,SHIN TU RNYED PAR DKA' BA'I DAL 'BYOR 'DI, ,DON MED 'JIG RTEN BYA BAS CHUD GZON PA, ,BDAG LA SNYING MED GYUR PAR GDON MI ZA, ,RIN CHEN BDUN LDAN GLING BZHIR DBANG SGYUR BA'I, ,'KHOR LOS SGYUR BA'I DPAL YANG CHU SHING 'DRA, ,SKABS GSUM BDAG PO'ANG RANG GI PHUN TSOGS KUN, ,MI BZAD LAS KYI DBANG GIS 'DOR DGOS KYANG, ,CUNG ZAD BDE BA'I DBANG GIS SRED PA 'PHEL, ,PHAL CHER MI BZAD ZUG RDU SKYE BA'I RGYU, ,NYES BRGYA'I 'BYUNG GNAS 'KHOR BA'I PHUN TSOGS LA, ,MKHAS PA SU ZHIG LHAG PAR

CHAGS PAR BYED, ,DE PHYIR KUN DGA' RGYAS PA'I NAGS KYI LJONGS, ,ME TOG MNGON PAR RGYAS PA'I 'JO SGEG CAN, ,BUNG BA'I NA CHUNG MGRIN PA'I GLU LEN CING, ,RMA BYA GZHON NU DGA' BA'I ZLOS GAR SGYUR, ,KHU BYUG MGRIN PA'I LAM NAS DRIL CHEN 'KHROL, ,KA LA PING KA KYUR KYUR GLU DBYANGS SGROG, ,DBU BA'I PHRENG MDZES 'BAB CHU'I NA CHUNG MA, ,LHUNG LHUNG SGRA SNYAN SGROG CING PHYOGS SU 'BAB, ,RAB SMIN 'BRAS BU'I KHUR 'CHANG LJON PA'I SHING, ,LO MA ME TOG RGYAS PAS PHYOGS KUN GANG, ,STENG NAS STOD G-YOGS CHU 'DZIN DKAR PO G-YO, ,NGOS NAS MU TIG CHU BO'I DO SHAL 'BAB, ,SKAD SKABS NAGS TSAL SNGON PO'I SHAM THABS CAN, ,SA 'DZIN BU MOS PHYOGS KUN MDZES PAR BSKOR,, 'OG GZHI BEE d'URYA YI NE'U GSING, ,NE TZO'I GSHOG PA LTA BUR MCHOG TU MDZES, ,SNA TSOGS ME TOG DRA BAS KHEBS PA LA, ,RI DVAGS SNA TSOGS BAG PHEBS RNAM PAR RGYU, ,'DU 'DZI'I CHOM RKUN SGRIB LA 'ONGS PA BZHIN, , 'KHRI SHING PHRENG BAS BAR MTSAMS MED PAR DKRIGS, ,DE LTAR PHUN TSOGS NAGS TSAL DBEN PA'I GNAS, ,LHA YI SKYED TSAL LTA BUR NYAMS DGA' BAR, ,TSE 'DI'I CHOS BRGYAD SNANG BA KUN DOR NAS, ,'KHRUL MED TING 'DZIN RO LA RTZE GCIG TU, ,ROL PA'I SPYOD TSUL 'DI LA SNYING NAS SPRO, ,MANG DU THOS PA'I BZLAS BRJOD LHUR LEN CING, ,BDE STONG LHAN CIG SKYES PA'I YE SHES MES, ,GNYIS SNANG 'KHRUL BA'I BAG CHAGS KUN BSREGS NAS, ,RNAM KUN

, ,MCHOG LDAN ZUNG 'JUG SGYU MA'I SKUR, ,LANGS NAS SNA TSOGS SPRUL PA'I THABS MKHAS KYI, ,LCAGS KYUS MA DAG SRID PA'I 'KHOR LO 'DI, ,MCHOG TU MI 'GYUR BDE BA'I DBYINGS CHEN POR, ,GANG DRANGS RNAL 'BYOR MCHOG DE SKAL BZANG, ,DE SKAD SMRA DE BZHAD PA'I RDO RJE NYID, ,SNGON BYON DAM PA'I RNAM THAR SNYING LA 'GROGS, ,SNYIGS DUS SKYE BO'I SPYOD PAS GTING NAS SUN, ,BLO GROS LUS STOBS RGYAS PAS CUNG ZAD DEGS, CHU YI LCID KYIS LHAG PAR NON PA'I SPRIN, ,'BRUG SGRA BSGRAGS PA MED PAR LDOG MA YIN, ,DE PHYIR SNYAN NGAG MGRIN PA'I GLU DBYANGS MCHOG ,MA SMRAS PAR YANG BDAG BLO CI ZHIG TSIM, ,TSUL 'DI SKYE BAS THOB PA'I BLO GROS KYIS SNYAN NGAG DRIL CHEN SGROG LA THOGS MED PA, ,LHAG BSAM KHO NA SNYING LA RAB 'GROGS PA, ,DBYANGS CAN BZHAD PA'I RDO RJES GTAM DU BYAS, ,ZHES SO, ,DE NAS YOS LO ZLA BA DGU PA'I DUS CHEN LA THUGS DMIGS GTAD DE PHUN CHUNG GI GNAS MJAL, DE'I LA LA BRGYUD DE PHEBS PA NA DE DUS 'PHAGS PA'I GRUB THOB KUN DGA' RGYAL MTSAN BZHES PA CIG BYANG RA SPRENG NA BZHUGS PA'I MNAL LAM DU, SANG 'BROM STON PA PHEBS PA YOD ZER BA CIG BYUNG 'DUG PAS, KHONG GIS KYANG RGYANG RING PO NAS BSDUS NAS GUS MCHOD CHEN PO MDZAD, GZHAN YANG THUGS DAM PA SO SO'I MNAL LAM DU 'BROM STON PA DANG MJAL BA DANG NYI ZLA SHAR BA SOGS BYUNG DUG PAS GNAS

DER PHEBS 'PHRUL NYID NAS RA SGREN BA KUN GYIS, PHA STON PA RIN PO CHE ZHES ZHABS LA BTUD, LHAG PAR DRUNG BYANG SEMS PA ZHES SKU SKYA BA NYI SHU TZAM DRAN PA ZHIG YOD PA DES KHONG RANG GI SPYIL BUR SPYAN DRANGS, LDUM NGAN ME TOG RTZA BA SUM CU TZAM YOD PA'I ME TOG THAMS CAD BTUS NAS DA RJES KHONG GIS BDEN TSIG BRJOD BA NI, SKU SKYE RIN PO CHE 'DI 'BROM GYI SPRUL PA YIN DES NA BDEN PA DES GNANG TSA BA ZHES KYI RING LA 'DIR ME TOG BRGYA RTZA GCIG 'CHAR BAR SHOG CIG, MIN NA GCIG KYANG MI 'BYUNG BAR SHOG CIG ,DE'I DPANG PO DKON MCHOG GSUM DANG, JO BO YAB SRAS DANG, KHYAD PAR CHOS SKYONG ZHAL DMAR BAS MDZOD CIG BYAS NANG DU BYON, DPON SLOB RNAMS KYIS GSOL JA 'DEBS GCIG GI RING LA ME TOG PHYED DANG NYIS BRGYA DUS GCIG TU SHAR 'DUG PAS KHONG DAD PA SHUGS DRAG TU 'BAR RO, ,DE NAS RJE DGE 'DUN GRUB KYI THUGS SRAS PAn CHEN PHYOGS LHA 'OD ZER 'PHYOD RGYAS RI BO BDE CHEN NA BZHUGS PA DES RJE 'DI'I SNYAN PA GSAN NAS RJE DGE 'DUN GRUB KYI BKA' DRIN BSAB PA'I PHYIR SPRUL PA'I SKU 'DI'I 'PHRIN LAS RGYA CHER SPEL BAR BYA'O SNYAM DU DGONGS NAS RJE 'DI LHO KHA PHYOGS SU SPYAN DRANGS, LHA KHA PHYOGS KYI CHOS SDE MTHA' DAG DANG, RJE DGE 'DUN GRUB KYI SBYIN BDAG 'BYOR PA CAN MTHA' DAG BSKUL TE RJE 'DI'I ZHAL BLTA BA DANG GSUNG GI BDUD RTZI MYANGS SU GZHUG PHYIR PAn CHEN RANG GIS GTZO MDZAD DE DGE 'DUN RNAMS KYIS RGYANG RING PO NAS BSU BA MDZAD, MJAL

, ,MA THAG TU PAn CHEN RIN PO CHE LAS DANG PA THOB PA LTA DU'I DGYES PA CHEN PO BYUNG BA YIN PA 'DUG, DE NAS RI BO BDE CHEN GYI GZHAL YAS KHANG GI STENG DU SPYAN DRANGS BKUR STI PHUL DU BYUNG BA MDZAD, THOG MAR DPAL LDAN LHA MO'I BKA' ZHIG GNANG DGOS ZHUS PAS, DANG PO BO DONG DU BYAS ZIN PAS DA BSKYAR LDAB MI DGOS BYA BA DANG, GZHAN YANG SNGON RJE NYID PA LA POR PAndI TA CIG TU 'KHRUNGS DUS KHYED DE DUS 'KHOR 'DI LTA BU ZHIG YIN GSUNGS PAS PAn CHEN NYID KYANG THUGS TSIM ZHING MOS GUS PHUL DU PHYIN PA 'KHRUNGS, DE NAS NYIN CIG NA BZA' CHA TSANG LA SOGS PA'I 'BUL BA BSAM GYIS MI KHYAB PA MDZAD DE PAn CHEN RIN PO CHES ZHABS SPYI POR BLANGS TE, DGE BA'I BSHES GNYEN PA LAGS, KHYED NI 'BROM STON PA RGYAL BA'I 'BYUNG GNAS DNGOS YIN, BDAG RDOG LEGS PA'I SHES RAB MIN YANG DE'I GDAN SA PA YIN PAS SNGON YER PA LHA RI SNYING PO'I MGUL DU RDOG LEGS PA'I SHES RAB KYIS JO BO YAB SRAS LA CHOS KYI 'KHOR LO BSKOR BAR GSOL BA BTAB PA LTAR BDAG KYANG GSOL BA 'DEBS NA, BKA' GDAMS KYI BSTAN PA RGYAS PA DANG, 'GRO BA MA LUS PA'I PHAN BDE SPEL BA'I PHYIR GLEGS BAM RIN PO CHE'I ZAB PA DANG RGYA CHE BA'I CHOS KYI CHAR BA GANGS CAN KYI 'DZIN MA'I KHYON THAMS CAD DU 'BEBS PAR MDZAD DU GSOL ZHES GSOL BA BTAB, DA'I CHE GANGS CAN GYI MGON PO SPRUL SKU

MTHONG BA DON LDAN DE NYID DGUNG LO NYI SHU RTZA GCIG LA BAB PA, SKU SHEL GYI RI BO THUN MTSAMS KYI SPRIN GYIS G-YOGS PA LTA BU, ZHABS RGYAS PA CUNG ZAD BRGYANGS TE GANGS CAN PA DAG LA BAL 'JUS SHIG CES DON GYIS GO BAR BYED PA DE SKAL BA DANG LDAN PA'I GDUL BYA'I DBUS NA RGYU SKAR RAB TU RGYAS PAS BSKOR BA'I ZLA BA'I DKYIL 'KHOR LTAR MTHONG BA TZAM GYIS GDUNG BA SEL BA, RI DVAGS KYI RGYAL PO SENG+GE LTA BUR 'KHOR GYI DBUS NA 'JIGS PA KUN DBANG GAL BA, GLING BZHI'I DBUS NA LHUN PO LTA BUR DGE MTSAN DU MAS MNGON PAR MTHO BA DE BKA' GDAMS KYI BSTAN PA RIN PO CHE GSAL BAR BZHAD PA'I THUGS BSKYED DANG, GANGS CAN GYI 'GRO BA KUN GYI SDUG BSNGAL MA LUS PA BSAL BAR BZHED PA'I LHAG BSAM RAB TU DKAR BA DE LUD PA LTA BU'I 'DZUM DKAR GYIS GANGS RI'I DPAL DANG LDAN PA'I SA'I DKYIL 'KHOR G-YOGS, BZHIN DU MDZAD DE, GSUNG GI GDANGS SNYAN PO 'GRO BA GANG GI RNA LAM DU SONG BA NA DANG POR LUS KYI BA SPU G-YO ZHING MTHAR THAR PA'I SA BON 'DEBS PAR MDZAD PAS LHA'I RNGA BO CHE'I SGRA BZHIN DU PAn CHEN PHYOGS LHA 'OD ZER GAS THOG DRANGS RI BO BDE CHEN GYI SKAL BA DANG LDAN PA'I DGE 'DUN RNAMS DANG, GZHAN YANG CHOS ZAB MO LA LHAG PAR MAS BA'I LHA DANG KLU DANG GNOD SBYIN DPAG TU MED PA LA, GLEGS BAM RIN PO CHE CHA LAG DANG BCAS BA DANG, RJE'I GSANG BA'I RNAM THAR THOG MAR STZAL, DE'I TSE NAM MKHA' LA 'JA' 'OD DANG ME TOG GI

, ,CHAR YANG DPAG TU MED PA BYUNG, DER 'KHOD PA THAMS CAD KYANG DAD PA'I SA LA BKOD DO, ,DE NAS SNGON CHOS KYI RGYAL PO TZONG KHA PA CHEN POS KYANG PHYOGS DE'I SA'I THIG LER MKHAS PA'I DBANG PO STONG PHRAG DU MA DANG, RGYAL PHRAN BYE BA'I GTZUG RGYAN GYIS ZHABS KYI PADMO MCHOD PA CHOS SKYONG BA'I MI'I DBANG PO RNAMS LA CHOS KYI 'KHOR LO BSKOR BA'I SROL BZANG PO DE NYID GOS BAR BZHED PAS CHOG GRVA CHEN PO'I SLOB DPON RNAMS DANG; SDE SNOD 'DZIN PA DANG DGE BA'I BSHES GNYEN DPAG TU MED PA LA BKA' GDAMS GLEGS BAM, RIM LNGA GSAL SGRON SOGS BKA' GDAMS GSAR SNYING GI GDAMS PA'I BCUD PHYUNG PA'I CHOS KYI CHAR PHAB, DE4R GNAS PA'I MKHAS PA RNAMS SKU NA PHRA MO 'DI LTA BU 'DI LA BU'I BLO GROS PHUL DU BYUNG BA NI RGYAL BA NYID KYI 'PHRIN LAS GZUGS SU BGYIS PAR GOR MA CHAG GO ZHES DAD GUS PHUL DU BYUNG BA MDZAD DO, ,DE NAS GANGS RI'I DBANG PO 'O DE GUNG RGYAL GYI MGUL NA, THAMS CAD MKHYEN PA DGE 'DUN GRUB KYI GSUNG LAS SKYES PA, LO BCU PHRAG BZHI'I BAR DU SGRUB PA'I RGYAL MTSAN BTZUGS PAS RTZA BA DANG YAN LAG GI RLUNG LA RDO RJE'I BZLAS PA MTHAR SON PAS CHOS 'KHOR LTA SAR LHA SA ROL MO PHUL BA 'OL KHA'I GANGS SUL DU GSAL BAR GSAN PA, MDOR NA SEMS DBEN GYI DPE'I 'OD GSAL MNGON DU GYUR PAS ZUNG 'JUG GI GO 'PHANG YANG LAG MTHIL NA GNAS PA LTA BU,

GRUB PA'I DBANG PHYUG RJE NOR BZANG RGYA MTSO'I ZHABS DRUNG DU PHEBS TE, BSAM SPYOR GNYIS GYIS TSUL BZHIN DU BSTEN NAS GSUNG RAB DGONGS 'GREL DANG BCAS PA THAMS CAD KYIS NYING PO'I DON MDO SNGAGS GNYIS KA'I LAM GYI GNAD YONGS SU RDZOGS PA BYANG CHUB LAM GYI RIM PA'I KHRID DANG, ZAB LA MO RIM PA GNYIS KYI KHRID SOGS MDO SNGAGS KYI MAN NGAG MTHA' YAS PA GSAN PAS GDAMS PA'I GTER DU GYUR TE, MKHAS GRUB NOR BZANG RGYA MTSO 'DI NYID BKA' DRIN ZLA MED DU 'DZIN PAR MDZAD DO, ,DE NAS LUG GI LO SKYID SHOD LA PHEBS, THOG MAR GSANG PHU NE'U THOG TU GLING SMAD CHOS RJES SPYAN DRANGS, CHOS DUNG GTONG BA'I SKABS DANG 'GRIG ,RTEN 'BREL LEGS PAR BYUNG GSUNG, NGAS MJAL GNANG, JO BO RIN PO CHE'I DRUNG DU PHEBS, MCHOD PA DANG SMON LAM RGYA CHER GNANG, DE NAS 'BRAS SPUNGS RJE'I DRUNG DU RIN PO CHE DANG NA BZA' SOGS KYI 'BUL BA, DGE 'DUN LA MANG JA SOGS KYANG GNANG, 'BRAS SPANGS RJE'I DRUNG DU BCOM LDAN 'DAS DUS KYI 'KHRO LO'I BDAG PO CHEN PO'I BKA' DANG, DAM CAN CHOS KYI RGYAL PO'I RJES GNANG ZHIG GSAN DUS YAB SRAS GNYIS KAR CHOS RGYAL GYI GZIGS SNANG BYUNG NGO, ,DE NAS RJE 'DI DGUNG LO NYI SHU RTZA LNGA BZHES PA LCAGS PHO SPRE'U'I LO YER PA LHA RI SNYING PO'I MGUL DU PHEBS NAS SKAL LDAN GYI GDUL BYA MANG PO LA GLEGS BAM RIN PO CHE CHA LAG DANG BCAS PA GSUNGS, DE'I TSE NYIN RE BZHIN NAM MKHA'

, ,G-YA' DAG PA LA 'JA' GUR DANG ME TOG GI CHAR SOGS NGO MTSAR BA'I LTAS DPAG TU MED PA CIG BYUNG NGO, ,DE NAS RA SGRENG DU PHEBS, JO BO YAB SRAS LA MCHOD PA RGYA CHEN PO PHUL, GSOL BA BTAB NAS DE'I DUS SNGA SOR GROD PA MYU LU ZHES PA'I SHUG PA MING CAN ZHAG BSKAMS 'DUG PA LA, NGA DGE BSHES STON PA'I RNAM 'PHRUL YIN NA SHUG PA KHYOD LA YAL GDANG ME TOG SKYE BAR GYUR CIG CES DBEN PA BDAR BAS LO AM GSAR DU SKYES, CHU MIG GSER PA CIG KYANG RDAL, GZHAN YANG SHUGS PA GSER LDAN SNGAR NGOS MA ZIN PAR SNANG BA LA NGOS 'DZIN GYI DAR 'DZUGS PA YANG MDZAD, DE'I TSE 'JA' TSON GYI DRA BA DRA PHYED KYI DBUS NAS ME TOG GI CHAR CHEN PO YANG BABS, GNAM SA BAR SNANG THAMS CAD KYI CHO 'PHRUL 'DI 'DRA NA, PHA STON PA RIN PO CHE, BDAG CAG GDUL BYA RNAMS LA BRTZE BAS GZIGS SHIG CES NGA RO CHEN POS GSOL BA 'DEBS PA SOGS SA RA SGRENG BA KUN GYIS GUS PA BSAM GYIS MI KHYAB PA MDZAD DO, ,DE NAS RTZVA RI YUL SMAD DU PHEBS, SPANG CHUNG ZHES BYA BAR G-YON GRAL BA'I SPANG MAR PHYOGS PHEBS MA THAG NAM MKHA' G-YA' DAG STE SPANG MO DE NYID RANG NAS DAG PA SHR'I GSAL BAR GZIGS, MTSO RNAMS CHUR MJAL DU BYUNG PA'I GZIGS SNANG SHAR, GNAS SO SO'I THAD DU 'JAB ZUG ,SPANG MO DE NYID RANG NAS GNAS SO SO'I GNAS BSHAD PHUL CHOG PA BYUNG BAR SNANG

BAS RI PA RNAMS SNGON CHAD 'DI LTA BU BYAS CHO GA PA SU LA YANG BYUNG BA'I GTAM SKAD MI 'DUG CES THAMS CAD MGRIN GCIG TU SMRA ZHING, KUN GYIS GUS PA BSAM GYIS MI KHYAB BA MDZAD, DPA' BO DANG MKHA' 'GRO RNAMS LA TSOGS KYI 'KHOR LO BSKOR TE GSOL BA BTAB PAS BCOM LDAN 'DAS MA RDO RJE PHAG MO LHA BCU GSUM GYI RTEN DANG BRTEN PAR BCAS PA'I DKYIL 'KHOR ZHAL GZIGS SO, ,DE NAS DGUNG LO NYER BRGYAD PA'I 'JAM DBYANGS LEGS PA CHOS 'BYOR SOGS DAM PA MANG POS BSKUL NAS MTSAN YANG DAG PAR BRJOD PA'I t'I KA CHEN RDO RJE'I RNAL 'BYOR GYI DE KHO NA NYID SNANG BAR BYED PA'I NYI MTSAN CHEN PO ZHES BYA BA'I THUGS RTZOM YANG YONGS SU RDZOGS PAR MDZAD DO, ,PHAG LO'I STON GTZANG PHYOGS SU PHEBS, YOL DU PHEBS PA'I NUB MGON PO'I ZHAL GZIGS, GAM PA LA'I RTZER RJE BTZUN MI LA'I ZHAL GZIGS, DE NAS RIM GYIS RTA NAG TU PHEBS TE YAB RJE KUN DGA' RGYAL MTSAN LA DBANG LUNG MAN NGAG MANG DU GSAN, DE NAS DBUS SU PHEBS TE RTZE THANG DU CHOS KYI 'KHOR LO RGYA CHER BSKOR, DE NAS BYANG SGRENG DU THOG GCIG BZHUGS RTZIS KYIS RTZIS THANG NAS PHEBS TE THOG MAR RI BO DGA' LDAN GYI DGE 'DUN RNAMS DANG, RGYUD STOD SMAD GNYIS KA'I DGE 'DUN LA CHOS 'KHOR RGYA CHER BSKOR, DE NA SAR SGRENG DU PHYAGS PHEBS, DE NA BZHUGS PA'I RTEN RNAMS DANG DGE 'DUN LA MCHOD PA BZANG PO YANG MDZAD, DE

, ,DUS RGYA MA NAS SPYAN SNGA RIN PO CHE BLO GROS 'JIGS MED PA PHEBS, MCHOD PA RGYA CHEN PO 'DZUGS BA GNANG, DE'I GRAL DBU LA, DA NI 'BROM STON PA DNGOS PHEBS RTING LA KHONG SPYAN 'DREN GSUNGS NAS RJE NYID TSOGS LA SPYAN DRANGS, SMON LAM YANG LHAN CIG TU MDZAD GSUNG, DE NAS THOG MAR SKU MTSAMS BCAD, SKU 'DRA RIN PO CHE DBU YON MA GZIMS SNGAS 'GOR SPYAN DRANGS, GSOL BA DRAG TU 'DEBS PA DANG, YI DAM GYI LHA MANG PO'I BSNYEN SGRUB KYANG MDZAD PAS DE'I DUS BKA' GDAMS LHA BZHI, RTA MGRIN NAG PO, RJE BTZUN SGROL DKAR SOGS YI DAM DU MA'I ZHAL GZIGS DANG, KHYAD PAR DU 'BROM STON PA RGYAL BA'I 'BYUNG GNAS NA BZA' BER PHYAM DKAR PO BZHES PA CIG ZHAL GZIGS TE DE'I ZHAL NAS GTZANG PHYOGS DANG, 'OL DVAGS GNYIS SU 'PHRIN LAS KYI 'JUG SGO YOD GSUNG BA'I LUNG BSTAN KYANG BYUNG, GZHAN YANG RA SGRENG GI CHOS SKYONG GZHI BDAG DANG BCAS PAS NGO MTSAR BA'I LTAS MANG DU STON PA YANG BYUNG, DE NAS BSAG SBYANG BYAS NA LEGS PAR GZIGS NAS GUNG TSIGS GROL RJES SU DGON GONG 'OG GI DGE 'DUN RNAMS DANG CHOS NYAN GZHAN YANG STOBS CHE BA LA GLEGS BAM GYI CHOS THUN RE GNANG, SNGA DGONG GNYIS GLING SKOR MDZAD, KHYAD PAR KA GNYIS MA DANG SPYAN SNGA SKU 'BUM LA SKOR BA STONG LAS MI NYUNG NGA RE MDZAD DO, ,

DA DUS PHYI'I SHUG SKOR YANG MANG DU GNANG, PHYAGS PHYIR YOD BA RNAMS LA, NANG GI RTEN GSUM DANG PHYI'I SHUG PA RNAMS LA KHYAD PAR SPU TZAM MED DO GSUNGS SHING, SHUG BA'I KHYON KUN RGYAL BA SRAS BCAS KYIS GANG BAR ZHAL GZIGS, CHOS GNANG BA'I SKABS KUN TU YANG ME TOG GI CHAR DANG, 'JA' TSON GYI GUR, BAR BAR DU 'JI' BLA BRE DANG, SGRA SNYAN PA MANG PO NAM MKHA' SA 'BYUNG BA DANG, GNAS DE'I BYA LA SOGS PA 'GRO BA GZHAN GYIS KYANG GZIM KHANG DANG CHOS KHRI LA SKOR BA BYED PA DANG, BYA YID DU 'ONG BA MANG PO SNGA DRO RE RE BZHIN PHYAG 'BUL BA'I TSUL DU 'ONGS NAS GUS BA'I RNAM 'GYUR BYED PA SOGS NGO MTSAR CHEN PO MTHA' YAS PA BYUNG, DE NAS STABS KAR PHEBS, SPRUL PA'I GLEGS BAM RIN PO CHE BZHUGS PA'I MCHOD RTEN MJAL DUS LHA'I SIL SNYAN GYI SGRA DANG, ME TOG GI CHAR BABS SO, ,DE NAS YAB RJE KUN DGA' RGYAL MTSAN SNYUN NAS GTZANG LA PHEBS TE RTA NAG RDO RJE GDAN DU PHEBS, YAB ZHING GSHEGS TE DNGOS SU ZHAL MJAL THUB PA MA BYUNG YANG DGONGS RDZOGS RGYA CHEN PO MDZAD, DE NAS DBUS SU PHEBS TE LAM BAR GYI DAD LDAN RNAMS LA CHOS KYI BDUD RTZI RGYA CHER STZAL CING MTHONG THOS DRAN REG GI 'BREL PA 'JOG PAR MDZAD, DE NAS SER NAS CHOS KYI RJE DPAL 'BYOR LHUN GRUB PA'I BKAS BSKUL TE SER TSOGS PAS SER SPRENG GIS SPYAN DRANGS, RTEN 'BREL

, ,GYI SGO YOD PAS CHOS KHRI CHEN MO'I THOG NAS GSUNG CHOS GNANG DGOS ZHES GSUNGS NAS MKHAS BA'I DBANG PO DON YOD DPAL LDAN PA'I ZHAL SNGA NAS DANG, MDO SNGAGS RAB 'BYAMS KYI GZHUNG LA MI 'JIGS PA'I SPOBS PA BRNYES KYANG KHENGS PA'I DRI MAS DBEN PA RJE BTZUN CHOS KYI RGYAL MTSAN PA'I ZHAL SNGA NAS DANG, CHEN PO DON GRUB PA, DKA' RAB 'BYAMS SMRA BA TSUL KHRIMS 'OD ZER BA RNAMS KYIS GTZO MDZAD TSOGS PA LA GSUNG CHOS GNANG, KUN GYIS GUS PA CHEN PO MDZAD DO, ,DE NAS 'BRAS SPUNGS NAS DBU MDZAD CHEN MO DPAL 'BYOR RGYAL MTSAN, DBU MA PA CHEN MO RIN CHEN DAR MA, MDO SMAD PA SHES RAB BLO GROS, DKA' RAB 'BYAMS SMRA BA SANGS RGYAS LEGS PA, SLOB DPON RGYAL MTSAN BLO GROS, RAB 'BYAMS PA RIN CHEN RNAM RGYAL, BDE MCHOG RAB 'BYAMS PA KUN DGA' RGYAL MTSAN, 'DUL BA 'DZIN PA RIN CHEN GRAGS PA, MNGA' RIS PA DKON MCHOG BZANG PO, CHOS RJE DPON PO DKON MCHOG DAR BA, DPON SLOB DPAL LDAN 'OD ZER LA SOGS TE BSTAN PA'I GSAL BYED RNAMS KYIS GTZO MDZAD DGE 'DUN TSOGS PA RGYA MTSO LTA BUS DPAL LDAN 'BRAS SPUNGS SU SPYAN DRANGS, TSOGS SU CHOS KYI 'KHOR LO BSKOR, KUN GYIS RGYAL BA TZONG KHA PA DANG GUS PA MNYAM BAR MDZAD, RGYAL BA GNYIS PA DE ZHING KHAMS

GZHAN DU GSHEGS RJES SKYID SHOD DU BSTAN PA LA PHAN THOGS SHING SKYE BO'I BKUR MTHONG SOGS RJE 'DI PA DANG MNYAM PA SU YANG MA BYUNG ZHES KUN MTHUN PAR GLENG NGO, ,DE NAS BKA' GDAMS GLEGS BAM LAS LUNG BSTAN PA LTAR, DPA' BO MKHA' 'GRO SPRIN BZHIN 'DU BA'I GNAS SBAS PA'I YUL DANG DPAL LDAN DMAG ZOR MA'I BLA MTSO MJAL BAR PHEBS, DE LTA BU'I GNAS NGO MTSAR CAN DE ZHABS KYIS BCAGS, YAR NGO'I GSO SBYONG ZHIG DANG 'GRIG NAS GSO SBYONG YANG DER MDZAD, YUL LHA DANG GZHI BDAG RNAMS LA CHOS KYANG GSUNGS SHING DAM LA BZHAG GO ,DE NAS SA MO SPRUL GYI LO SNRON GYI ZLA BA'I DKAR PHYOGS KYI GZA' SKAR DANG 'PHROD SBYOR PHUN SUM TSOGS PA LA LAG GI BLA BSKO BA DANG, LTO 'PHYE'I THIG 'DEBS PA DANG, RDO BA BTEG PA'I MTHA' LAS BYUNG BA'I RUNG KHANG GCOD PA SOGS SNGAGS MTSAN NYID KYI PHYAG LEN RGYUD SDE DANG 'DUL BA NAS BSHAD PA BZHIN GYI RNAM PAR DAG PA LA BRTEN PA'I LTE BA DE NYID DU GTZUG LAG KHANG DNGOS GZHI LA KA CHEN 'DUN CU, GTZANG KHANG LA KA CHEN BRGYAD, SGO KHANG LA KA CHEN BZHI, YONGS SU DRIL BAS KA CHEN BRGYAD CU GYA GNYIS KYI 'GRAM BTING STE, THOG MAR DGE 'DUN DAR ZHES PA GCIG GIS 'GRAM BRUS PA'I 'OG NAS RDO'I DUNG G-YAS 'KHYIL RANG BYUNG ZHIG DANG, RDO PANG 'DAB CAN BZHI THON BYUNG BAS DE'I TSE ME TOG GI CHAR CHEN PO YANG

, ,BABS SO, ,DE NAS RGYAL LEGS BSHAD SGROG PA'I DGA' CHAL BKRA SHIS LHUN GYIS GRUB PA'I GNAS CHEN 'DI NYID BSTAN PA'I SNANG BYED DU NI BZHENGS, MTHA' 'KHOB KYI 'GRO BA MA LUS PA NI SMIN GROL GYI LAM LA BKOD DO, ,DE NAS BKRA SHIS LHUN PO NAS PAn CHEN YE SHES RTZE MOS GTZO MJAD MKHAN SLOB DGE 'DUN TSANG MAS BKRA SHIS LHUN PO'I GDAN SAR 'BYON DGOS ZHES MGRIN GCIG GIS GSOL BA BTAB PA LTAR GTZANG PHYOGS SU PHEBS, BKRA SHIS LHUN PO DANG NYE BAR PHEBS PA NA, BLO GSAL LUNG RIGS SMRA BA 'DUS PA RGYA MTSOS MCHOD PA'I BYE BRAG DU MA THOGS TE ZAM PA SHAR NAS BKRA SHIS LHUN PO'I BAR DU SER SBRENG GIS TSAR DU DNGAR BAR GYUR PA NI, SNGON DUS NGANG PA'I RGYAL PO YUL 'KHOR SKYONG, ,RNYI LAS RANG GROL PAD MCHOR 'KHOR BA LAS, ,RAB DGA' LDAN PA'I DUR BA'I PHRENG BA YIS, ,TSAR DU DNGAR NAS GUS PAS GAR BYAS BZHIN, ,DE'I DUS PO BRANG BSAM GRUB RTZE'I SKYE BO'I TSOGS THAMS CAD KYANG YID RAB TU DGA' BAS ZHAL GYI DKYIL 'KHOR LTA BA LA 'KHOD PA NI DBYAR GYI CHAR SPRIN BZHIN, THAMS CAD KYIS SKYABS SU MCHI'O ZHES PA'I SGRA SGROG PA NI 'BRUG GI GAD MO BZHIN DU GYUR, LHA RNAMS DGA' BA'I LTAS KHYAD PAR CAN MANG PO DANG BCAS TE BKRA SHIS LHUN PO DPAL GYI BDE CHEN PHYOGS THAMS CAD LAS RNAM PAR RGYAL BA'I GLING DU PHYAGS PHEBS PAR GYUR TO, ,DE NAS GZA' SKAR DANG 'GRUB SBYOR BZANG PO LA

SENGGE'I KHRI LA MNGON PAR 'JEGS TI PAn CHEN RIN PO CHES GTZO MDZAD DGE 'DUN CHOGS PAS BKRA SHIS KYI ME TOG GTOR, PAn CHEN RIN PO CHES BLA BRANG SER POR KUN SPANGS MDZAD, RJE NYID BLA BRANG RGYAL MTSAN MTHON POR GZHI PHAB STE BSTAN PA RIN PO CHE NYIN MO LTAR GSAL BAR MDZAD TSUL NI, DE NAS DGUN CHOS DANG PO BTZUGS NAS NYI SHAR LA BZHUGS KHRI'I THOG TU PHEBS PAR MDZAD DE TSAD MA RNAM 'GREL GYI ZHUNG CHOS GSAN PA SUM BRGYA LHAG PA LA THAMS CAD MKHYEN PA DGE 'DUN GRUB KYI t'IKKA'I SA BCAD GZHIR BZHAG PA LA THAR LAM GSAL BYED DANG MKHAS GRUB t'IKA CHEN SKABS SU GANG BAB PA'I STENG DU LHA SHAG SOGS 'GREL CHEN RNAMS KYI BSHAD BAS BRGYAN TE GNANG, LHAG PAR LE'U GNYIS PA'I SKABS SU THAR BA DANG THAMS CAD MKHYEN PA DNGOS PO STOBS ZHUGS KYIS SGRUB PA'I RIGS LAM RNAMS LAM GYI RIM PAR BSGRIGS TE THAR 'DOD KYI NYAMS LEN DU SBYAR NAS GSUNGS BAS, GDAMS PA'I MCHOG NI 'DI KHO NA'O ZHES BSTAN PA DANG STON BA LA CHAD MAS DRANGS PA'I NGES PA 'DRONGS PA BYUNG STE NYIN MTSAN BSHAD SGRUB KYA BYA BAS DUS 'DA' BA LAS TSE 'DI'I RTOG PA RGYUN CHAD PA'I RIGS GRVA 'GRIM MKHAN LNGA BRGYA LA NYE BA 'DUG GO ZHES MTHUN PAR SMRA, MKHAS PA BLO GROS RGYA MTSO BA NI, SNGON CHAD GANGS RI'I KHROD 'DIR TSAD MA RNAM 'GREL GYI GZHUNG CHOS NYAN MKHAN PHYOGS GCIG NGAR 'DI BAS MANG BA MA BYUNG BA 'DRA ZHES GSUNG, DE'I RJES SU 'JUG PA'I t'IKA CHEN, DE'I RJES SU DRANG NGES RNAM 'BYED, MNGON PA MDZOD RNAMS GSUNGS

, ,TE CHOS GSAN MI YANG NYIS BRGYAR NYE BA DANG, GUNG TSIGS GROL NAS PHAR PHYIN RNAM BSHAD SNYING PO RGYAN GYI THOG NAS GZABS BSHAD MDZAD, LUNG GRVA 'GRIM MKHAN YANG NYIS BRGYA LHAG PA BYUNG, DE RJES 'DUL t'IKA CHEN MO, DPAL GSANG BA 'DUS PA'I RGYUD KYI 'GREL PA SGRON GSAL MCHAN MA'I STENG NAS GZABS BSHAD MDZAD, PHYI DRO 'KHAR RNGA BTANG STE TSOGS PA THAMS CAD LA GLEGS BAM RIN PO CHE'I CHOS THUN LAM PA RE GNANG, DE'I MUS LA DGE BA'I BSHES GNYEN SDE SNOD 'DZIN PA NYIS BRGYAR NYE BA LA RIM LNGA GSAL BA'I SGRON ME GZABS BSHAD KYANG MDZAD, DE LTAR DGUN CHOS GNYIS, DPYID CHOS GNYIS DBYAR CHOS DANG BCAS TE CHOS THOG LNGA'I RING NYIN RE BZHIN DE KHO NAS DUS 'DA' BAR MDZAD DO, ,DE LTA BU NI SNGON THAMS CAD MKHYEN PAS BKRA SHIS LHUN PO BTAB PA NAS BZUNG DENG SANG GI BAR GYI PHYAG SROL MA NYAMS PA DE NYID SLAR YANG RJE NYID KYIS RGYAS PAR MDZAD PAS NA RGYAL BA'I BSTAN PA LA RGYAL BA LAS KYANG BKA' DREN CHE BAR MDZAD DO, ,DE LTA BU'I CHOS 'KHOR RGYA CHEN PO BSKOR NAS SLAR YANG DBUS PHYOGS SU PHEBS TE RGYAL DU DGE 'DUN BRGYA PHRAG MANG BO 'TSOGS PA LA CHOS 'KHOR BTZUGS, DE NAS BZUNG STE LO RE BZHIN DGUN DPYID GNYIS 'BRAS SPUNGS SU BZHUGS, DBYAR STON GNYIS RGYAL DU BZHUGS NAS RGYAL BA'I BSTAN PA RGYA CHER SPEL BAR MDZAD DO, ,DE LTA BU'I TSUL GYIS RNAM DKAR GYI MDZAD PAS GANGS CAN GYI SA'I

KHYON PHAL CHER ZHABS KYIS BCAGS TE 'GRO BA MTHA' DAG LA THUGS RJE'I 'PHRIN LAS KYI MTHUS PHAN BDES KHYAB PAR MDZAD PA'I SKAL BZANG GI SKYE BO MTHA' YAS PA DAG DANG, THAN MTSAN TZAM 'DZIN BA'I PHYOGS MTHA' 'GRO BA GRANGS LAS 'DAS PA DAG KYANG DGA' LDAN CHOS KYI PHO BRANG DU 'DREN BAR BZHED PA'I THUGS RJE CHEN POS KUN NAS BSKYOD DE RGYAL LEGS BSHAD SGROG PA'I DGA' TSAL BKRA SHIS LHUN GYIS GRUB PA'I GTZUG LAG KHANG DU RGYAL BAM PHAM PA'I SKU ZHIG BZHENG BAR BYA'O SNYAM DU DGONGS NAS, LUG GI LO DPON SLOB RGYAL DU PHEBS NAS BAL PO'I DPON MO CHE MKHAS PA NYI MA DPAL GYIS THOG DRANGS SPRUL PA'I BZO BO DPON SLOB BDUN 'KHOR G-YOG DANG BCAS PAS DE'I LO CHU STOD ZLA BA NYIS BRTZEGS BYUNG BA'I DRUG PA SNGA MA'I TSES BCU GSUM GYI GZA' SKAR DANG 'PHROD SBYOR PHUN SUM TSOGS PA LA RJE BTZUN MA PHAM PA'I SKU RGYAB MTHO DRUG CU'I TSAD DANG LDAN PA ZHIG BZHENG BA'I BZO THAB LEGS PAR BTZUGS, DE'I CHE BZOR LA 'JA' TSON SNA LNGA PA THAL BYUNG DU YANG YANG ZUG PA DANG, 'JA'I GUR ME TOG GI CHAR SOGS NGO MTSAR BA'I LTAS BSAM GYIS MI KHYAB PA BYUNG NGO, ,SPRE'U'I LO GZUNGS GZHUG DANG BCAS PA GRUB STE RAB GNAS MDZAD PA'I TSE RJE BTZUN BYAMS PA BYON BYUNG STE RTEN CHEN LA THIM SONG BA DNGOS SU MTHONG GSUNG STE, DE'I DON GYIS RTEN CHEN 'DI RJE BTZUN BYAMS PA DNGOS SU BZHUGS PA YIN LA, GZHAN YANG RJE'I MNAL LAM DU, RJE TZONG KHA

, ,PA'I THUGS 'DI RJE BTZUN GYI THUGS KAR CHUG ZER BA ZHIG KYANG BYUNG GSUNG NGO, ,DE NAS ME PHO KHYI'I LO LA GTZO BOR GONG MA CHEN PO DPON BLON GYI BKA' NAN DANG, DGA' LDAN KHANG GSAR NAS DPON SA YUM SRAS, SE RA NAS CHOS KYI RJE DPON SLOB RNAM PAS THOG DRANGS DGE 'DUN RNAMS KYIS GSOL BA BTAB PA LA BRTEN SER THEG CHEN GLING GI GDAN SAR PHEBS TE THOG MAR DER BZHUGS KYI DGE 'DUN RNAMS LA GLEGS BAM RIN PO CHE CHA LAG DANG BCAS PA GSUNGS, KUN MI PHYED PA'I DAD PA G-YOS TE TSOGS KYI KUN SPYOD RNAM PAR DAG CING CHOS 'CHAD NYAN SOGS CHES PHUL DU BYUNG BAR GYUR TO, ,DE NAS RJE NYID KYI DGONGS PA LA, SNGA SOR NI SHAR PHYOGS KONG YUL NAS GTZANG STOD KYI BAR BOD DBUS GTZANG GI SKYE 'GRO KUN MTHONG THOS DRAN REG DANG, BSHAD PA'I SGO NAS SANGS RGYAS KYI 'PHRIN LAS SPEL ZHING SKAL LDAN RNAMS MNGON MTHO DANG NGES LEGS KYI LAM LA BKOD DA NI RANG GI BSTI GNAS DAM PAR RJES 'JUG RNAMS SGRUB PA NYAMS LEN LA SBYAR TE SGRUB PA'I SGO NAS SANGS RGYAS KYI 'PHRIN LAS SPEL BA 'DI MCHOG DANG GTZO BOR GSUNGS PAS GDUL BYA RNAMS RGYAL BA'I DGONGS PA BZHIN DU SGRUB PA NYAMS LEN LA 'GOD PAR BYA'O DGONGS TE SKAL BZANG RNAMS THAR PA DANG THAMS CAD MKHYEN PA'I SAR DGOD PHYIR DU LCAGS MO YOS NAS NYE BAR BZUNG PHAL CHER RGYAL RANG DU BZHUGS NAS 'KHOR RNAMS LA BKA' STZAL PA, THOS BA'I RJES 'JUG SGRUB

PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES DANG, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES DANG, TSUL GNAS THOS DANG BSAM LDAN PAS, ,SGOM PA LA NI RAB TU SBYAR, ,ZHES GSUNGS BA LTAR DPON SLOB KUN SGRUB PA LA BRTZON BAR MDZAD DO, ,DE LTAR DGUNG LO BCU GCIG NAS BZUNG DGUNG LO RE DRUG GI BAR LA BSTAN 'GRO'I DON RGYA CHER MDZAD NAS; BSTAN PA YUN RING DU GNAS PA'I PHYIR PHYI RABS KYI GDUL BYA RNAMS LA THUGS BRTZE BAS NYE BAR DGONGS TE MDO SNGAGS KYI GSUNG RAB RNAMS KYI DGONGS BA 'GREL BA'I LEGS BSHAD MTSAN BRJOD 'GREL CHEN, STONG NYID BDUN CU PA'I RNAM BSHAD, DBU MA 'JUG PA'I RNAM BSHAD, SMON LAM BDUN CU PA'I RNAM BSHAD, RTEN 'BREL BSTOD PA'I RNAM BSHAD, SGROL MA PHYAG 'TSAL NYER GCIG GI RNAM BSHAD, GRUB MTHA' RGYA MTSOR 'JUG PA'I GRU RDZINGS, DRANG NGES RNAM 'BYED KYI DKA' 'GREL, 'DUL 'DZIN BLO GROS SBAS BA'I MGUR GYI 'GREL PA, JA MCHOD RTZA 'GREL, PAn CHEN YE SHES RTZE MO'I RNAM THAR, RDO RJE 'CHANG KUN DGA' RGYAL MTSAN GYI RNAM THAR, RJE RANG NYID KYI RNAM THAR, BLA MA DANG SANGS RGYAS BYANG SEMS KYI BSTOD TSOGS, GDAMS MGUR GYI RIM PA, DPAL GSANG BA 'DUS PA'I RIM PA DANG PHO NYAMS SU LEN TSUL, DPAL RDO RJE 'JIGS BYED KYI RIM PA DANG PO NYAMS SU LEN TSUL, N'A RO CHOS DRUG GI DMIGS RIM, DRIL BU LHA LNGA'I SGRUB THABS, DRIL BU LUGS KYI SBYIN

, ,SREG ,DRIL BU LUS DKYIL GYI BSKYED RIM, 'KHOR LO SDOM PA'I RIM PA DANG PO LA SLOB TSUL, DRIL BU LUGS KYI RDZOGS RIM, YI DAM SGRUB SKOR DANG RJES GNANG GI SKOR, SMYUNG GNAS KYI CHO GA ,RAB GNAS KYI CHO GA, GNAS BRTAN PHYAG MCHOD, BCUD LEN GYI GDAMS PA RIM PA LNGA PA, DKAR GTOR DANG GTOR MA BRGYA RTZA'I RIM PA, BRGYA BZHI'I CHO GA, DKAR CHAG SNYAN NGAG, DGE SLONG GI BSLAB BYA, CHOS SKYONG GI SKOR, CHAB SHOG GI SKOR, 'JIGS BYED KYI SHIS BRJOD SMON LAM, DON RGYAN SO LNGA'I DPER BRJOD, BKA' GDAMS GLEGS BAM GYI BSDUS DON, BRTAN BZHUGS KYI SKOR, SMAN BLA'I SHIS BRJOD SOGS RMAD DU BYUNG BA'I LEGS BSHAD 'DI RNAMS MDZAD DO, ,DE NAS SKU TSE 'DI'I DNGOS KYI GDUL BYA RDZOGS PA NA DGUNG LO RE BDUN DU PHEBS PA DGE BYED CES PA CHU PHO STAG GI LO NAG PA ZLA BA'I TSES BRGYAD KYI SKYA RENGS DANG PO 'CHAR BA'I DUS SU SKU'I BKOD PA BSDUS TE DGA' LDAN CHOS KYI PHO BRANG SOGS SANGS RGYAS KYI ZHING RAB 'BYAMS RNAMS SU SPRUL PA'I BKOD PA BYE BA PHRAG BRGYA SPRUL TE RGYAL BA RNAMS MCHOD PA DANG SEMS CAN RNAMS KYI DON MDZAD CING BZHUGS SO, ,RJE 'DIS CHOS KYI 'KHOR LO BSKOR BA'I RGYUD 'DZIN BGRANG BA LAS 'DAS PA BYON PAS MTHA' DAG BGRANG BAR MI NUS SHING BYANG CHUB LAM GYI RIM PA'I 'PHRIN LAS SPEL BA'I BKA' BAB RGYUD 'DZIN GYI GTZO BO NI KHRI RIN PO CHE BDE BA CAN PA CHOS RJE DGE LEGS DPAL BZANG PO'O, ,

DES NA BYANG CHUB LAM GYI RAM PA LA BLO SBYONG BAR 'DOD PA RNAMS KYIS RGYAL BA DGE 'DUN RGYA MTSO LA GSOL BA 'DEBS SHING RJE 'DI'I MDZAD PA RNAM THAR LTAR RGYAL BA'I DAM CHOS MA LUS 'DZIN PA'I SMON LAM 'DEBS SHING GTZO BOR BYANG CHUB LAM GYI RIM PA LA BLO SBYANG BAR BYA'O,, ` ,,SMRA BA'I NYI MA DGE LEGS DPAL BZANG PO, ,ZHES BSNGAGS PA, KHRI RIN PO CHE BDE BA CAN PA DGE LEGS DPAL BZANG NI, 'OL KHA GYANG SAR DU SHING MO GLANG GI LO SKU 'KHRUNGS, GZHON NU NAS RGYAL BA'I BSTAN PA LA RAB TU BYUNG STE GZHUNG LUGS CHEN MO RNAMS LA SBYANGS PAS MKHAS PA'I PHUL DU PHYIN PAR GYUR, DE NAS RGYUD STOD DU PHEBS TE SPYIR GSANG SNGAGS RGYUD SDE BZHIG LA SBYANGS SHING KHYAD PA RGYUD KYI RGYAL PO DPAL GSANG BA 'DUS PA LA LEGS PAR SBYANGS, DE NAS THAMS CAD MKHYEN PA DGE 'DUN RGYA MTSO LA MKHAN PO ZHUS TE BSNYEN PAR RDZOGS SHING BYANG CHUB LAM GYI RIM PA'I KHRID GSAN NAS NYAMS SU BZHES TE MYONG BA THON PAR MDZAD, GZHAN YANG DGE BA'I BSHES GNYEN DU MA LAS MDO SNGAGS KYI ZAB CHOS MANG DU GSAN TE MDO SNGAGS GNYIS KA LA MKHAS PA'I PHUL DU PHYIN PAR GYUR PA NA RGYUD STOD KYI KHRI LA PHEBS TE RGYUD CHEN KUN DGA' DON GRUB KYI MDZAD BA RNAM THAR BZANG PO RNAMS RJES SU BSKYANGS TE SDOM PA GSUM GYI BCAS MCHAMS RNAM PAR DAG PA LA GNAS NAS DPAL GSANG BA 'DUS PA'I RGYUD KYI 'CHAD NYAN LEGS PAR BSKYANGS SHING SHAR RTZE CHOS RJE MDZAD, DE NAS DGUNG LO NGA BZHI PA SA PHO RTA'I LO DGA' LDAN

, ,GSER KHRIR PHEBS TE RJE BDAG NYID CHEN PO'I MDZAD BA RNAM THAR RNAMS RJES SU BSKYANGS TE DGUN DUS LAM RIM CHEN MO 'CHAD PA DANG, LHA LDAN SMON LAM CHEN MO'I DUS SKYES RABS SO BZHI PA GZABS BSHAD DU MDZAD CING, RGYUN DU GSER KHRI'I STENG NAS RGYA BOD HOR GSUM GYI DAD LDAN RNAMS KYIS RJE RIN PO CHE'I BSTAN PA BSTAN 'DZIN DANG BCAS PA LA MCHOD CING BSNYEN BKUR BA'I DAG BA RNAM CHUD MI ZA ZHING RGYA CHER SPEL PHYIR BSNGO BA YON BSHAD NAR MAR MDZAD PA DANG, PHYOGS PHYOGS NAS 'DUS PA'I CHOS DON GNYER CAN MANG POR RJE'I MDO SNGAGS KYI MAN NGAG RNAMS RGYA CHER SPEL ZHING LHAG PAR DUS GSUM GYI RGYAL BA KUN GYI BGROD PA GCIG PA'I LAM PO CHE BYANG CHUB LAM GYI RIM PA'I KHRID LAN MANG GU GNANG STE BSTAN PA LA BYA BA RGYA CHER MDZAD, DGA' LDAN RNAM PAR RGYAL BA'I GLING DU RJE BTZUN BYAMS PA MGON PO'I SKU BRNYAN GSER ZANGS LAS BSGRUBS PA CHE LEGS BZHENGS PA SOGS PHYI RABS KYI MIG LTOS SU CHE BA'I PHYAG RJES BZANG PO 'JOG PAR MDZAD, DE NAS DGUNG LO DRUG CUR PHEBS PA SHING PHO BYI BA'I LO KHRI THOG BZHAG NAS BDE BA CAN DU ZUR BZHUGS MDZAD PAS CHOS RJE BDE BA CAN BA ZHES GRAGS, RJE 'DI PA 'PHRIN LAS CHE BAR BYUNG BAS THAMS CAD MKHYEN BA BSOD NAMS RGYA MTSOS KYANG BSNYEN PAR RDZOGS PA'I MKHAN PO ZHUS SHING CHOS MANG DU GSAN, MAL GRO RIN CHEN GLING DANG, PHAG MO CHOS SDE SOGS DGE 'DUN GYI SDE MANG PO BSKYANGS TE BSTAN PA'I BYA BA

RGYA CHER MDZAD DO, ,DE NAS SKU TSE 'DI'I DNGOS KYI GDUL BYA RDZOGS BA NA DGUNG LO RE GSUM PA ME MO YOS KYI LO DGA' LDAN RNAM PAR RGYAL BA'I GLING DU ZHING GSHEGS TE DGA' LDAN CHOS KYI PHO BRANG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS KHRI RIN PO CHE DGE LEGS DPAL BZANG LA GSOL BA 'DEBS SHING KHRI RIN PO CHE 'DI'I RNAM THAR LTAR RJE RIN PO CHE'I LTA GRUB BSRE LHAD MED PAR BZANG NAS BYANG CHUB LAM GYI RIM PA LA BLO SBYONG BAR BYA'O,, ` , MKHAS GRUB LHA BTZUN BSOD NAMS DPAL BZANG PO, ,ZHES BSNGAGS PA, MKHAS GRUB DAM PA LHA BTZUN BSOD NAMS DPAL BZANG PO NI, MNGA' RIS MANG YUL STOD KYI RGYAL PO'I RIGS SU SKU 'KHRUNGS, GZHON NU NAS SPE THUB CHOS SNGER DU PHEBS TE BKRA SHIS LHUN POR TSAD MA RNAMS 'GREL DANG, PHAR PHYIN, DBU MA, 'DUL BA, MDZOD RNAMS LA SBYANGS TE MKHAS PA'I PHUL DU PHYIN PAR GYUR PA NA, DBUS SU PHEBS TE RTZES THANG SOGS SU GRVA SKOR MDZAD, GRUB PA'I DBANG PHYUG SNGAGS RAM PA DGE 'DUN BKRA SHIS LA PHYAG RDOR 'KHOR CHEN GYI DBANG SOGS DBANG LUNG MAN NGAG MANG DU GSAN, THAMS CAD MKHYEN PA BSOD NAMS RGYA MTSOR SNYING BO DON GSUM GYI KHRID SOGS CHOS MANG DU GSAN, DE NAS KHRI RIN PO CHE BDE PA CAN PA BSAM SBYOR GNYIS KYIS TSUL BZHIN DU BSTEN TE GSUNG RAB DGONGS 'GREL DANG BCAS PA THAMS CAD KYI SNYING BO'I DON THAMS CAD GANG ZAG GCIG GI NYAMS LEN GYI RIM PAR DRIL BRJE BDAG

, ,NYID CHEN PO'I THUGS KYI BCUD PHYUNG BA'I MAN NGAG BYANG CHUB LAM GYI RIM PA'I KHRID RGYAS PAR GSAN TE TSE 'DI'I G-YENG BA MTHA' DAG DOR NAS DBEN BA'I GNAS SU BYANG CHUB LAM GYI RIM PA'I NYAMS LEN LA TSIG SGRIL DU GZHOL BAR MDZAD, DE NAS SNYAN PA'I GRAGS PA PHYOGS BCUR RGYAS TE CHOS DON GNYER BA MANG DU 'DUS PA RNAMS LA RANG RANG GI DBANG PO DANG 'TSAM PA'I GDAMS NGAG 'DOMS PAR MDZAD, LHAG PAR SHAR BA CHOS RJE SGOM BDE NAM MKHA' RGYAL MTSAN DANG, KHRI RIN PO CHE DGE 'DUN RGYAL MTSAN DANG, GANGS CAN MGON PO THAMS CAD MKHYEN PA BSOD NAMS RGYA MTSO SOGS BSTAN 'DZIN DAM PA MANG PO SLOB MAR 'DUS, BYANG CHUB LAM GYI RIM PA'I KHRID RGYA CHER SPEL ZHING ,GTZO BOR TSE 'DI'I G-YENG BA GANG YANG MED PAR SGRUB PA MTHAR PHYIN PAR MDZAD DO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB CHEN PO LHA BTZUN BSOD NAMS DPAL BZANG LA GSOL BA 'DEBS SHING, MKHAS GRUB CHEN PO 'DI'I RNAM THAR LTAR BYANG CHUB LAM GYI RIM PA'I MAN NGAG LEGS PAR THOB BAR BYAS LA TSE 'DI'I BYA BA LA RGYAB KYIS PHYOGS TE DBEN PA'I GNAS SU LAM RIM SGOM PA MTHAR PHYIN PAR BYA'O,, ,,PHYAG NA PADMO BSOD NAMS RGYA MTSO'I SDE, ,ZHES BSNGAGS BA, THAMS CAD MKHYEN PA BSOD NAMS RGYA MTSO NI, STOD LUNG KHANG GSAR GONG DU YAB SDE PA RNAM RGYAL GRAGS PA DANG, YUM DPAL 'DZOM BU KHRID GNYIS

KYI SRAS SU CHU MO YOS KYI LO DPYID ZLAR BA'I NYER LNGA LA NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE YANG GROD 'HUMS SU 'KHRUNGS TE SHEL LTAR DKAR ZHING DNGAS BA'I GROD PA'I NANG DU BZHUGS PA NYI 'OD KYIS PADMA BYE PA LTAR 'KHRUNGS MA THAG NGANG GIS GROD PA BYE NAS SHEL LTAR DNGAS BA'I SKU BLTA BAS CHOG MI SHES PA MTSAN DPE DANG LDAN PA ZHIG BYON NO, ,DE'I TSE NAM MKHA'I KHYON THAMS CAD 'JA' GUR GYIS GANG ZHING LHA RNAMS KYIS ME TOG GI CHAR PHAB, 'KHRUNGS MA THAG RA MA DKAR MO'I 'O MA ZHAL DU GSOL BA DANG MNYAM DU YAB YUM GNYIS KYIS SHIS PA BRJOD CING RA NU SRI CHOD DPAL BZANG PO ZHES MTSAN GSOL, 'KHRUNGS TZAM NYID NAS MA nI ZHAL 'DON DU MDZAD PA ZHIG BYUNG ZHING THA MAL GYI SPYOD BA THAMS CAD LAS 'DAS TE CHOS 'CHAD PA'I PHYAG RGYA DANG, TING NGE 'DZIN LA BZHUGS PA'I TSUL MDZAD CING, DGUNG LO GSUM TZAM NAS RGYAL BA DGE 'DUN RGYA MTSO'I DUS KYI MDZAD PA RNAM THAR THAMS CAD RJES SU DRAN TE DE DANG DE'I NGANG TSUL KHO NA MDZAD CING, ZHAL NAS KYANG DE BZHIN DU GSUNG BA ZHIG BYUNG BAS PHYOGS THAMS CAD DU RGYAL BA DGE 'DUN RGYA MTSO'I SPRUL SKUR GRAGS, DE NAS DRUNG CHEN GSUNG RAB PA DANG, 'BRAS SDUNGS KYI BLA SPYI RNAMS GROS MTHUN PAR ME PHO RTA'I LO NAG PA ZLA BA'I DKAR PHYOGS KYI RGYAL BA GNYIS PA RGYAL PHUR 'DZOM BA'I 'GRUB SBYOR GYI NYIN 'BRAS SPUNGS KYI DGE 'DUN TSANG MAS MCHOD PA'I BYE BRAG SNA TSOGS PA THOGS

, ,DPAL LDAN 'BRAS SPUNGS CHOS KYI SDE CHEN PO PHYOGS THAMS CAD LAS RNAM PAR RGYAL BA'I GLING DU PHEBS TE DGA' LDAN PHO BRANG GI 'JIGS PA MED PA'I SENG GE'I KHRI CHEN PO LA ZHABS KYI PADMO BKOD DO, ,DE NAS SLOB DPON RIN PO CHE BSOD NAMS GRAGS PA'I DRUNG DU, YONGS RDZOGS DGE BSNYEN GYI SDOM PA BZHES TE, MTSAN BSOD NAMS RGYA MTSO DPAL BZANG PO BSTAN BA'I NYI MA PHYOGS THAMS CAD LAS RNAM PAR RGYAL BAR GSOL, DE NAS HOR ZLA LNGA PA'I TSES GSUM LA 'BRAS SPUNGS NAS BTEG STE RIM GYIS LAM BAR GYI SKYE 'GRO RNAMS LA MTHONG THOS DRAN REG GI 'BREL PA BZHAG STE HOR ZLA DRUG PA'I TSES LNGA LA RGYAL ME TOG THANG DU PHEBS, DE'I TSE DPAL LDAN DMAG ZOR MAS DGYES PA'I CHO 'PHRUL SNA TSOGS BSTAN CING, RGYAL GYI RTEN RNAMS LA MCHOD 'BUL SMON LAM DANG DGE 'DUN RNAMS LA CHOS KYI BDUD RTZI STZAL, DE NAS TSUR 'BRAS SPUNGS SU PHEBS, ZHI BZHES PA SA MO BYA'I LOS GA ZLA BA'I DUS CHEN TSES BCO LNGA'I NYIN PAn CHEN BSOD NAMS GRAGS PAS MKHAN PO DANG, GSANG PHU CHOS RJE LEGS PA DON GRUB KYIS LAS SLOB MDZAD DE DGE TSUL DU SGRUB PAR MDZAD, DE NAS PAn CHEN BSOD NAMS GRAGS PA'I DRUNG DU TSE DBANG GRUB RGYAL MA, RNAM SRAS SER CHEN, 'DOD KHAMS DBANG PHYUG DMAG ZOR MA, MKHAS GRUB DPAL LDAN SENG GE'I LUGS KYI DPAL MGON ZHAL, MGON PO PHYAG DRUG PA, CHOS RGYAL PHYI SGRUB RNAMS KYI RJES

GNANG GSAN, GLING STOD CHOS RJE LEGS DON PA'I DRUNG DU 'JIGS BYED KYI SNGAGS BTU, BLA MA LNGA BCU PA'I t'IKKA, LAM RIM CHE CHUNG, LAM SGRON, BYANG CHUB GZHUNG LAM, 'DUL BA'I BSLAB BYA CHE CHUNG, GZHI GSUM CHO GA, LAS CHOG ,RTZA 'JUG GNYIS DANG, DE'I t'IKA CHEN, 'GREL PA DON GSAL, RNAM BSHAD SNYING PO RGYAN, TSAD MA RNAM 'GREL, RNAM BSHAD THAR LAM GSAL BYED, MDZOD, MDO RTZA, DRANG NGES RNAM 'BYED, DPE CHOS, RIM LNGA GSAL SGRON, RIM LNGA GDAN RDZOGS, MKHAS GRUB BKA' 'BUM THOR BU, BSKYED RIM DNGOS GRUB RGYA MTSO RNAMS KYI LUNG GSAN, SHAR RTZE LEGS DON PA'I DRUNG DU, 'JAM DKAR, SPYAN RAS GZIGS PHYAG BZHI PA, MGON PO SNYING ZHUGS, 'KHROR BRGYAD MA, RTA MGRIN GSANG SGRUB, LCAGS RAL CAN, AU TZARYA, PHYAG BZHI PA TSAL LUGS, SGROL DKAR, TSE RING MCHED LNGA, YE SHES KHYUNG KHRA, BEKTZE, DMAR PO SKOR GSUM, KU RU KULLE GSANG SGRUB, SGROL MA NYI SHU RTZA GCIG, RNAM SRAS RTA SNGON CAN, BE CON CAN, MDUNG DMAR CAN, PHYAG MTSAN BZHI PA, GAR MKHAN MCHOG, DRAG BYED DKAR PO TSE SGRUB, SHR'A MAn, SENG LDENG NAGS SGROL, SENG GDONG MA, SME BRTZEGS RNAMS KYI RJES GNANG, 'JIGS BYED GYI SNGAGS BTU, 'JAM DBYANGS ZHI KHRO SBRAGS SGRUB KYI LUNG, GSANG 'DUS 'JAM RDOR DANG, 'JIG RTEN DBANG PHYUG GNYIS KYI DBANG, BKA' GDAMS THIG LE BCU DRUG

, ,DANG GLEGS BAM GYI LUNG RNAMS GSAN, DE RNAMS KYI DON THAMS CAD THOS BSAM GYIS GTAN LA 'BEBS PA DANG NYAMS BZHES MDZAD DO, ,DE NAS RGYAL DANG 'BRAS SPUNGS GNYIS RE MOS SU BZHUGS SHING LAM BAR GYI CHOS SDE RNAMS SU CHOS KYI BDUD RTZI RGYA CHER STZAL, DE NAS YONGS 'DZIN CES PA CHU PHO BYI BA'I LO PAn CHEN BSOD NAMS GRAGS PAS ZUR BZHUGS MDZAD DE DPAL LDAN 'BRAS SPUNGS CHOS KYI SDE CHEN PO'I 'JIGS MED SENG GE'I KHRI LA ZHABS SEN BKOD DE LUGS GNYIS KYIS SKYONG BAR MDZAD DO, ,DE NAS BAG YOD CES PA CHU MO GLANG GI LO LHA LDAN SMON LAM CHEN MO'I TSOGS DBUR PHEBS TE SNGA DRO 'KHRUNGS RABS SO BZHI BA'I GZABS BSHAD, PHYI DRO SMON LAM DANG BSNGO BA MDZAD PA SOGS RJE RIN PO CHE'I MDZAD CHEN MA NYAMS PAR SKYONG BAR MDZAD, DE'I TSE DKAR PHYOGS KYI LHA RNAMS DGA' BAS ME TOG GI CHAR CHEN PO PHAB PA SOGS NGO MTSAR BSAM GYIS MI KHYAB PA BYUNG NGO, ,DE NAS CHOS RJE BSOD NAMS GRAGS PA'I DRUNG DU, GSANG BA 'DUS PA MI BSKYOD PA'I DBANG, RIG BYED MA'I RJES GNANG, LAS CHEN KUN RGYAL BA'I BKA' GDAMS CHOS 'BYUNG BE'U BUM SNGON PO RTZA 'GREL, KARMA SHA TAm, ME TOG PHRENG RGYUD, DGA' LDAN CHOS 'BYUNG, GNAS BTZU' SGRUB YIG RNAMS KYI LUNG GSAN NO, ,DE NAS GRUB PA'I DBANG PHYUG SNGAGS RAM PA DGE 'DUN BKRA SHIS LA SPYAN RAS GZIGS DON YOD ZHAGS PA DANG, BCU

GCIG ZHAL, TSE DPAG MED LHA DGU GSUM GYI DBANG GSAN, DE NAS RIM GYIS, RDO RJE PHRENG BA'I DBANG LA BRGYUD TSUL SNGON CHAD MANG DU BYUNG YANG, KRi YA SA MUTZTSA DANG GCIG TU BSRES PA'I DKYIL 'KHOR ZHE LDAM SA BZANG 'PHAGS PA NAS DBANG GI CHU PO GCIG TU 'DRES PA 'DI NYID, CHOS RJE RDO RJE 'CHANG AE WAm PA YAB SRAS MA GTOGS, PHRENG BA MKHAN POR GRAGS PA PHAL CHER GYI SPYOD YUL DU MA GYUR KYANG DAM PA 'DI NYID LA MNGA' BAS RDZOGS PAR PHUL, GZHAN YANG ZUR BKA'I DBANG, 'DUS PA 'PHAGS LUGS DANG YE SHES ZHABS LUGS GNYIS, BDE MCHOG L'U AI PA, DRIL BU PHYI DKYIL DANG LUS DKYIL, SAMBU tA, KYEE RDOR MAN NGAG LUGS DANG RNGOG LUGS, BDAG MED LHA MO BCO LNGA, GUR RIGS BSDUS, DRAG PO GDAN CAN, RVA LUGS KYI 'JIGS BYED, DGRA NAG, GNYOS LUGS RO LANGS BRGYAD BSKOR DANG DGRA NAG, ZHANG LUGS KYI ZHE DGU MA, DPAL 'DZIN LUGS KYI GSHED DMAR BCU GSUM MA, RNAL 'BYOR DBANG PHYUG LUGS KYI GSHED DMAR LHA LNGA, 'KHOR CHEN, GTUM PO KHYUNG NYI SHU RTZA GCIG KHRO BO BZHI DANG BCAS PA'I NYER LNGA MA, KUN RIG, MI 'KHRUGS PA, GDUGS DKAR, GRVA LNGA, MI TRA LUGS KYI SPYAN RAS GZIGS, DUS 'KHOR RNAMS KYI DBANG, PHYAG RDOR KHYUNG LNGA, AU TZARYA 'GRO BZANG LUGS, RNAM 'JOMS, TSE DPAG MED GRUB RGYAL LUGS, NOR RGYUN MA, 'OD ZER CAN MA, DZI BHA LA, LO MA

, ,GYON MA RNAMS KYI RJES GNANG, SA RA HA'I LUGS KYI MGON PO ZHAL GSUM PHYAG DRUG PA'I DBANG BZHI, MGON PO BCU GSUM GYI RJES GNANG, LHA MO PHYAG BZHI MA GNOD SBYIN DANG BCAS PA'I RJES GNANG, SNYING ZHUGS THUN MONG MA YIN PA'I RJES GNANG, PHYAG BZHI PA RAS BRIS DANG LUS DKYIL LA BRTEN PA'I DBANG, GUR ZHAL LEGS LDAN MCHED GSUM, BDE MCHOG DANG 'JIGS BYED KYI SNGAGS BTU, DBYANGS GSAL, YE DHARMA, YI GE BRGYA PA RNAMS KYI RJES GNANG, MGON PO BZHI SBRAGS DANG DUS MTSAN MA'I DBANG, SENG GDONG RIGS LNGA'I DBANG DANG DE'I SGRUB THABS LAS TSOGS DANG BCAS PA, 'JAM DBYANGS CHOS SKOR GYI DBANG RJES GNANG LUNG DANG BCAS PA ,GDUGS DKAR GYI DBANG, RNAM SRAS GSANG SGRUB LJANG SER DANG DRAG BYED KLU CHEN BRGYAD KYIS BSKOR BA, SER CHEN DKAR PO, BDUD MO BZHI SKOR, GSHIN RJE LTAR SGRUB PA, DRAG BYED RKANG THANG MA RNAMS KYI RJES GNANG, MI TRA KHRID DRUG GI RJES GNANG, YE SHES MGON PO PHYAG DRUG PA'I BE'U BUM DKAR NAG, GTOR CHEN 'KHOR LO SOGS KYI PHYAG LEN ZHAL SHES DANG BCAS PA, RVA BOD, GSHIN RJE'I 'KHRUL 'KHOR, DRUG CU PA SOGS KYI PHYAG LEN MAN NGAG SOGS, MDOR NA DBANG KHRID LUNG GI RIM PA MTHA' YAS PA BUM PA GANG BYO'I TSUL DU GSAN PAR MDZAD DO, ,DE NAS BYANG GI HOR RNAMS KYIS GSOL BA BTAB NAS HOR GYI YUL DU PHEBS TE SKYE BO SDIG CAN RNAMS DGE BA BCU'I KHRIMS LA BKOD CING 'JAM MGON BA MA'I

BSTAN PA CHES CHER 'PHEL BAR MDZAD DO, ,DE NAS RA SGRENG DU PHEBS PA NA JO BO PHYING DKAR BAS DNGOS SU GZUGS BSTAN TE PHASU BA BYAS SHING, RA SGRENG 'DUS TSOGS LA BKA' GDAMS GLEGS BAM DANG SNYING PO DON GSUM SOGS CHOS MANG DU GNANG; DE NAS 'BRAS SPUNGS SU PHEBS PA NA PAn CHEN CHOS KYI RGYAL MTSAN GYI SLOB MA 'JA' LUS GRUB PA RDO RJE MCHED GSUM GYI NANG TSAN STOD LUNG PA DPAL LDAN RDO RJE DANG MJAL TE 'JAM MGON SNYAN RGYUD KYI GDAMS NGAG MANG DU GSAN NO, , DE NAS MIG DMAR ZHES PA SHING PHO BYI BA'I LO, YANG DAG PAR RDZOGS PA'I SANGS RGYAS KYI DUS CHEN GSUM 'DZOM HOR ZLA BZHI PA SA GAS NYA BA'I TSES BCO LNGA'I NYIN, DGE LDAN KHRI RIN PO CHE ZUR PA MKHAS GRUB DGE LEGS DPAL BZANG POS MKHAN PO, KHRI LAS THOG PA DGE BSHES PO TO LA'I RNAM PAR SPRUL PA DGE 'DUN BSTAN PA DAR RGYAS KYIS LAS SLOB, SHANGS DGE 'PHEL CHOS RJE PHYOGS LAS RNAM RGYAL BAS GSANG STON, LHA'I BTZUN PA BSOD NAMS DPAL BZANG GIS DUS GO BA MDZAD DE, DAD PA'I DGE 'DUN GRANGS TSANG BA'I DBUS SU, DGE SLONG GI SDOM PA BZHES, MKHAN SLOB SOGS LA ZANG ZING GI BSNYEN BKUR DPAG TU MED PA MDZAD, DE'I TSE MKHAN SLOB KYI SPYAN SNGAR JI LTAR ZHAL GYIS BZHES PA LTAR 'DUL KHRIMS MTHA' DAG NYAMS PA MED PAR BSRUNG BAR MDZAD DE THUB PA'I RGYAL TSAB CHEN POR GYUR TO, ,DE NAS BKRA SHIS LHUN PO'I GRA TSANG BLA MA RNAMS DANG, SPYI NAS GTZANG PHYOGS SU 'BYON DGOS PA'I GDAN 'DREN BYUNG STE GTZANG PHYOGS SU PHEBS, LAM BAR GYI

, ,SER SKYA BGRANG BA LAS 'DAS PA LA MTHO RIS DANG THAR PA'I SA BON 'DEBS PAR MDZAD CING DBEN DGON DU PHEBS NAS RGYAL BA DBEN SA PA CHEN PO'I SKU GDUNG LA MCHOD 'BUL SMON LAM MDZAD CING, MKHAS GRUB SANGS RGYAS YE SHES KYIS GSOL BA BTAB NAS DBEN DGON 'DUS TSOGS LA CHOS MANG DU GNANG, DE NAS BKRA SHIS LHUN PO'I DGE 'DUN RNAMS KYIS MCHOD PA'I BYE BRAG SNA TSOGS BAS BSUS TE 'JIGS MED SENGGE'I KHRI LA ZHABS SEN BKOD NAS MDO SNGAGS KYI CHOS MANG DU STZAL, DE NAS BKA' GDAMS BSTAN PA'I 'BYUNG GNAS SNAR THANG DU PHEBS TE RTEN RNAMS LA MCHOD 'BUL SMON LAM RGYA CHER MDZAD CING SER SKYA MANG PO LA CHOS KYI BDUD RTZI STZAL, DE NAS GANGS CAN CHOS 'PHEL DU PHEBS TE DPAL LDAN DMAG ZOR MA LA BSKANG BA DANG 'PHRIN 'CHOL RGYA CHER MDZAD CING 'DUS TSOGS LA CHOS KYANG STZAL, DE NAS KHRO PHUR PHEBS TE BYAMS CHEN LA MCHOD 'BUL SMON LAM RGYA CHER MDZAD, DE NAS SA SKYAR PHEBS TE RTEN RNAMS LA MCHOD 'BUL MDZAD CING, LHAG PAR BSE 'BAG DE LA SUS KYANG REG MI NUS PAR BYED PA LA RJE 'DIS PHYAG GIS RDUL RNAMS PHYIS SHING PHYAG GIS BZUNG STE SPYAN DMIGS MDZAD PA NA CHOS SKYONG DGYES PA'I MTSAN MA NGO MTSAR BA BYUNG, DE NAS KHA'UR PHEBS TE DPAL MGON ZHAL LA 'PHRIN 'CHOL MDZAD PAS CHOS SKYONG DGYES PA'I MTSAN MA STON PA DNGOS SU BYUNG, DE NAS RIM GYIS 'BRAS SPUNGS SU PHEBS TE BSTAN PA RIN PO CHE'I SROG SHING G-YO BA

MED PAR BZUNG, DE NAS SE RA'I DGE 'DUN TSANG MAS DAD 'DUN RTZE GCIG PAS GDAN DRANGS NAS SE RAR PHEBS TE MDO SNGAGS KYI CHOS MANG DU GSUNGS, DE LTAR RJE 'DI NI BSTAN PA'I DON DU NGAL BA MED PAR DBUS GCANG GI SA'I CHA PHAL MO CHER ZHABS KYIS BCAGS NAS RGYAL BA'I BSTAN BA LA MA DAD PA RNAMS DAD PAR BYAS DANG PA RNAMS PHYIR ZHING DAD PA 'PHEL BAR BYAS TE 'JAM MGON BSTAN PA PHYOGS KUN TU 'PHEL BAR MDZAD, GTZO BOR 'BRAS SPUNGS DANG RGYAL GNYIS GDAN SA 'DRA BAR MDZAD DE GNYIS KAR RE MOS KYIS BZHUGS SHING CHOS ZANG ZING GNYIS KA'I SGO NAS LEGS BAR BSKYANGS, BSTAN PA'I BYA BA DE LTAR MDZAD PA'I SKABS KUN TU'ANG THUGS DAM GYI RIM PA RNAMS 'CHAG MED DU MDZAD, DE YANG NYIN ZHAG PHRUGS GCIG LA THUGS DAM GYI RIM PA JI LTAR MDZAD PA NI, THOG MAR KHRUS DANG NYE REG GNAS BSRUNG BA, SKYABS 'GRO, PHYAG MCHOD, LAM RIM GYI KHRID, SGRA MI SNYAN DANG, MGON PO CHE CHUNG GI TSE SGRUB, LHA BZHI BRIL SGRUB KYI DPAG SNYING ZHUGS 'PHO BA DANG BCAS PA, 'JAM NAG, 'JAM DBYANGS, BLA MA'I RNAL 'BYOR, SEMS BSKYED, BSAM GTAN NYAL CHOG, BDE MCHOG LUS DKYIL, RTZA SNGAGS BRGYA RTZA, SNYING PO DANG NYE SNYING SUM BRGYA, MI 'KHRUGS PA, DE'I GZUNGS SNGAGS BRGYA RTZA, BKA' GDAMS LHA BZHI'I SGOM BZLAS DANG SNGAGS BRGYA RTZA, BSTOD CHOGS DANG SMON LAM SKOR 'GA' ZHIG, TSE DPAG MED KYI BSKYED KYI BSKYED RDZOGS, TSE KHRID, SGROL DKAR, 'JAM DBYANGS, DBYANGS CAN DKAR

, ,DMAR, MKHA' SPYOD MA RNAMS KYI BZLAS BSNYEN, BDE MCHOG GDAN BZHI'I BSNYEN PA SUM BRGYA, SNGAGS RING NYER GCIG RE BZLA ZHING, GTZO BOR LAM RIM, BLO SBYONG, GCOD DMIGS, RIM GNYIS KYI KHRID RNAMS SKYONG BAR MDZAD CING, CHOS SKYONG MANG PO'I BSKANG GSO BSTOD BSKUL RNAMS 'CHAG MED DU MDZAD, DE NAS LCAGS LUG GI LO AAL THAN RGYAL POS RJE 'DI'I SNYAN PA GSAN PAS DAD PA THOB STE SHAR PHYOGS SOG YUL DU 'BYON DGOS PAR GSOL BA BTAB, RJE 'DIS KYANG RANG GI GDUL SKAL DU GZIGS NAS 'BYON PAR ZHAL GYIS BZHES, SLAR MTSO KHAR MCHOD YON ZHAL 'DZOM RTZIS KYI ZHAL BKOD GNANG STE RE SHIG BLA MCHOD DU 'DUL BA BLA MA BRTZON 'GRUS BZANG PO RDZONG TA MDZAD, DE NAS MTSO SNGON DU PHEBS PA'I DUS LA BAB PA NA PHEBS BSKYEL DU BYON PA'I DGA' LDAN KHRI RIN PO CHE GDAN ZUR, SE 'BRAS KYI SLOB DPON, RIN PO CHE BOD MKHAR BA, GCANG PA PAn CHEN RIG PA SENGGE, DBEN SA PA SANGS RGYAS YE SHES, DPON SLOB BKRAS RIN PA, RGYAL NAS SGAR PA DPON SLOB NAM MKHA' BYAMS PA SOGS MDOR NA AE DVAGS YAR KLUNGS PHYOGS KYI MKHAN SLOB MANG PO, RTZE GONG DKAR GYI SKU TSAB, SDE PHRAN MANG PO'I NGO TSAB DANG, SA SKYONG BKRA SHIS RAB BRTAN DPON G-YOG SOGS PHAL CHER DE KHA NAS LOG RTZIS KYIS GSUNG GLENG GNANG SBYIN MDZAD, RA SGRENG NAS CHIBS THOG TU 'KHYOL THOG, SA SKYONG BKRA SHIS RAB BRTAN PAS CHIBS YOB LA 'DUS NAS, BSTAN PA'I DPAL GYUR BLA MA'I ZHABS PAD BRTAN, ,BSTAN

'DZIN SKYES BUS SA STENG YONGS LA KHYAB, ,CES TSIG RKANG GNYIS 'PHRAL RTZOM MDZAD THOG, MCHI MAS BRNABS TE GSUNG RGYU MA BYUNG BAS, BSTAN PA'I SBYIN BDAG MNGA' THANG 'BYOR BRGYAS, ,BSTAN PA YUN RING GNAS PA'I BKRA SHIS SHOG , CES CHIBS THOG NAS GNANG NGO, ,DE NAS CHIBS BSKYONG DE 'BRI CHU KHAR PHEBS PA NA LHA 'DRE'I TSO 'PHRUL GYIS 'BRI CHU GLO BUR DU 'KHRUGS SHING G-YO BAS PHAN TSUN DU BGROD DKA' BA LA, KHRO BO'I LTA STANGS DANG SDIGS MDZUB MDZAD PA TZAM GYIS MI PHYUGS MTHA' DAG BDE BAR BGROD TSOG PA BYUNG, DE NAS RIM GYIS NYA MTSO STOD DU PHEBS, DGON PAS GTZOS PA'I SKYA SER GYI KHROM CHEN PO 'TSOGS TE, GSER SRANG STONG PHRAG GSUM TZAM GYI GTZOS BA'I ZANG ZING GI 'BUL BA RGYA CHER PHUL, BLA MA'I RNAL 'BYOR, YI GE DRUG PA'I BZLAS LUNG, RAB BYUNG BSNYEN RDZOGS STONG PHRAG TU NYE BA SOGS GNANG STE KUN KYANG THAR PA'I LAM LA BKOD, DE NAS SMA CHU'I 'GRAM DU BZHUGS SGAR PHEBS PA NA, TSUR MTHONG GI SKYE BO RNAMS, CHU 'DI HA CANG CHE BAS RE SHIG SGROL BAR MI NUS SO ZHES SMRAS PA LA, SANG NAM LANGS TE LHAS TZA NA DONG BUS NUB TZAM LAS MI 'DUG PAS THAMS CAD SMRA MI SHES PA'I YA MTSAN DU GYUR, DE NAS RIM GYIS AA RIG DKAR PA THANG DU BZHUGS SGAR BTEG SKABS AA RIG RNAMS KYIS RTA STONG PHRAG DANG PHYUGS KHRI TSOR NYE BA'I 'BUL PA PHUL, 'JA' 'OD KYI GUR DANG LHA'I ME TOG GI CHAR BABS, SKYE BO MTHA' DAG LA THAR PA'I SA BON BSKRUN PAR MDZAD, DE NAS SNGAR AAL THAN TA RGYAL PO'I BLA MCHOD DU RDZONG TA GNAD

, ,BA'I CHOS RJE BRTZON 'GRUS BZANG PO DANG, LO TZ'A BA G'O SHR'I GNYIS KYIS GTZOS PA'I RTA BA LNGA BRGYA SKOR RGYAL PO'I GAM NAS BSU BA LA 'BYOR, RIM GYIS PHEBS TE HOR ZLA LNGA PA'I TSES BCO LNGA'I NYIN, SKYA DAR, RGYA GLING, LAS TSAN GO RIM PA SOGS GONG MA RGYAL PO'I BLA MA LA 'OS PA'I CHE BA DANG BCAS TE, YON TAN RIGS STOBS SOGS KYIS MNGON PAR MTHO BA'I DRUNG 'KHOR RNAMS LAS TSAN 'DI'I RJES SU 'DI 'GRO SOGS YID LA GANG DRAN BYAS PA MA YIN PA'I YA RABS KHUNGS BTZUN GYI SGRIGS BCA' BSTAR DANG LDAN PA'I CHIBS RAGS GLANG PO CHE SA LA RAB BRTAN 'CHI MED DBANG PO'I KHRUS KYI RDZING BUR DAL GYIS RGYU BA LTAR GSHEGS PA'I G-YAS G-YON DANG RGYAB RNAMS SU, RGYA DANG SOG PO SKYA SER GYI RTA PA STONG PHRAG MANG POS GZHI MTHA' DAG G-YOGS PA LTAR BSKOR TE TSA KHANG GCIG TZAM PHEBS PA NA, TSE RING GNAM GYI SHE MONG LA BRTEN NAS RTZOD DUS KYI 'KHOR LOS SGYUR BA, AAL THAN RGYAL PO NYID, MTHA' 'KHOB MUN PA'I GLING DKAR POR BYAS PA'I BRDA CHAD DU GOS DKAR PO GSOL, 'KHOR KHRI KHRAG TZAM DANG DE NYID KYI BTZUN MO'ANG 'KHOR MANG PO DANG BCAS TE 'ONGS NAS, MCHOD YON MJAL BA'I DGA' STON GYI THOG MAR, DNGUL SRANG LNGA BRGYA LAS GRUB PA'I MAndAL GSER GYI PHOR PA YUL DBUS KYI BRE TSAD SHONG BA ZHIG RIN PO CHES BKANG BA, GOS YUG DKAR SER DMAR LJANG SNGON PO RNAMS NYI SHU RE, RTA DKAR PO RIN PO CHE'I SGA SRAB KYIS BRGYAN PA BCUS THOG DRANGS PA'I RTA BRGYA, KHROM

ZIL GNON GYI GOS CHEN SNA LNGA PA YUG BCU, DNGUL SRANG STONG PHRAG GCIG, RAS DAR SOGS DNGOS PO BSAM GYIS MI KHYAB PA PHUL, DE NAS KHROM 'BUM PHRAG TZAM TSAGS PA'I DBUS SU MCHOD YON NYI ZLA ZUNG GCIG PHEBS TE, HONG THA'I JIS GTAM BTING, GOO SHR'I BAGshIS LO TZ'A BSGYUR TE, SNGON NAS CHAD DKAR GNAS GYI RIGS LAS CHAD PAS STOBS CHE, RGYA BOD HOR GSUM DRAG POS DBANG DU BSDUS ,SA SKYA PA DANG MCHOD YON DU 'BREL TE CHOS DAR, SLAR THE MUR RGYAL PO NAS CHOS CHAD, LAS SU SDIG DANG ZAS SU SHA KHRAG KHO NA LA LONGS SPYOD PA'I MUN NAG KHRAG MTSO'I GLING LTA BUR, MCHOD YON NYI ZLA ZUNG GCIG GI BKA' DRIN LAS DAM PA CHOS KYI LAM BTOD, KHRAG MCHE 'O MAR BSGYUR PA 'DI BKA' DRIN CHE BAS, PHYOGS 'DI NA YOD PA'I RGYA BOD HOR SOGS KUN KYIS KYANG DGE BA BCU'I KHRIMS LA GNAS PA DGOS, NYI MA DE RING NAS KHYAD PAR SOG PO CHAD DKAR LA KHRIMS SU BCA' BA NI, SNGAR SOG PO SHI BA'I RJES SU DRAG ZHAN GYI RNAM DBYES RANG GI CHUNG MA BRAN G-YOG RTA NOR SOGS SROG GCOD PA YIN NA'ANG, NGA PHYIN CHAD SROG GCOD KYI YUL DU GYUR PA'I RTA NOR SOGS KYI STENG DU JI TZAM BLOS 'CHAM PAR BCAD NAS, DGE 'DUN DANG BLA MA LA PHUL, BSNGO BA SMON LAM ZHUS, ,SHIN PO'I RJES SU A GS PA'I SROG GCOD GTAN MA BYED, GAL TE SNGAR BZHIN MI BSAD PA BYUNG NA KHRIMS KYIS LUS SROG 'BRAL BA YIN, RTA PHYUGS BSAD PA BYUNG NA KHRIMS KYIS NOR THAMS CAD 'PHROG, BLA MA DANG DGE 'DUN GYI CHA LUGS CAN LA BRDUL 'TSOGS

, ,SOGS LAG BZHAG PA BYUNG NA LAG 'JOG MKHAN GYI GZHI MA THAMS CAD GTOR, SNGAR AONG BKOD DU GRAGS PA'I GSHIN PO THAMS CAD KYI GZUGS BYAS PA LA MING BTAGS PA'I ZLA BA BYUNG RES KYI NYA STONG BRGYAD GSUM LA RTA PHYUGS BSAD PA'I KHRAG GIS MCHOD PA DANG, LO DUS KYI MCHOD PA LA DRAG ZHAN GYI DBYE BAS MANG NYUNG MTHA' YAS BA ZHIG GSOD PA RNAMS, DENG PHYIN CHAD NAS BZUNG RTEN DE RNAMS ME LA BSREGS NAS LO ZLA'I DUS KYI MCHOD PAR SROG GCOD PA GTAN NAS MA BYED, GAL TE BYAS PA BYUNG NA KHRIMS KYI CHAD PA RTA NOR GANG BSAD KYANG, DE'I BCU 'GYUR 'PHROG, AONG BKOD ME LA MA BSREGS NA KHYIM GTOR, AONG BKOD KYI TSAB TU YE SHES KYI MGON PO PHYAG DRUG PA'I SKU RE 'DZIN PA DANG, DE LA YANG DKAR GSUM GYI MCHOD PA MA GTOGS, SHA KHRAG GI MCHOD PA GTAN NAS MA BYED, GZHAN YANG THAMS CAD KYIS DGE BA LA 'BAD PA DANG, NYA STONG BRGYAD GSUM LA BSNYEN GNAS SRUNGS, RGYA BOD HOR KUN LA DGOS MED KYI 'PHROG 'JOMS MA BYED, MDOR NA BOD YUL DBUS GTZANG DU JI LTAR BYA BA LTAR YUL PHYOGS 'DIR YANG BYA DGOS ZHES KHRIMS MANG DU BSGRAGS SO, ,THUGS RJE CHEN PO'I BZLAS LUNG GNANG BA, LO TZ'A BAS SOG PO'I SKAD DU BSGYUR TE KUN GYIS GO BAS, MCHOG DMAN MTHA' DAG YI GE DRUG PA BZLA BA LA BRTZON BAR GYUR, 'JA' 'OD KYI GUR DANG ME TOG GI CHAR MANG DU BABS PA SOGS PHYOGS DER 'JAM MGON BLA MA'I BSTAN PA CHES CHER 'PHEL ZHING

RGYAS PA LA DKAR PHYOGS KYI LHA RNAMS DGA' BA'I RTAGS DANG MTSAN MA NGO MTSAR CAN MANG DU BYUNG NGO, ,DE NAS MCHOD YON MJAL BA'I SA DER GTZUG LAG KHANG BZHENGS, GNAS DER RTEN GSUM DANG DGE 'DUN GYIS DE MANG DU BTZUGS ,RAB TU GNAS PA RGYA CHER MDZAD, DGA' STON LA KHROM ZIL GNON GYI SKU BER GSUM GYIS GTZOS PA'I GOS BZOM BRGYA, KHA DOG SNA LNGA PA'I GOS YUG BRGYA, RIN PO CHE'I PHRENG BAS GTZOS PA'I PHRENG BA BRGYA, LUG, RA SOGS PAGS RIGS BRGYA, GSER GYI PHOR PA CHEN PO MU TIG GIS BKAD GA DNGUL DAM 'BRUG 'KHOR YOD PA BDUN TSAR, DNGUL SRANG STONG LAS GRUB PA'I KHOG MA, GSER GYI ZHVA DANG NA BZA' CHA CHANG SOGS RGYAL PO RANG NYID KYI CHAS, DNGUL SRANG GSUM RE LAS GRUB PA'I CA NE DANG SNGAR MA BDUN TSAR, RTA RMIG LUG RMIG GI DBYIBS CAN DNGUL SRANG LNGA BRGYA, RAS ZAM STONG PHRAG GCIG ,RTA DKAR PO RIN PO CHE'I SGRA SRAB KYIS SPRAS PA GSUM GYIS GCOS PA'I RTA BRGYA SOGS 'BUL BA GRANGS KYIS MI LANG BA PHUL PHYOGS DE'I DAD LDAN SER SKYA THAMS CAD LA RANG RANG GI DBANG PO DANG 'TSAM PA'I CHOS KYI BDUD RTZI STZAL ZHING THAMS CAD KYANG MGON PO SPYAN RAS GZIGS DANG RJE BTZUN TZONG KHA PA CHEN PO LA DAD PA RTZE GCIG PA'I GNAS LA BKOD DE HOR GYI YUL GRU CHEN POR GNAS PA'I MI DE NGAG SNGON CHAD ZAS SU SHA DANG KHRAG LA DGA' ZHING, LUS SU SROG CHAGS GSOD PA SOGS SDIG PA'I LAS 'BA' ZHIG SPYOD PA, BON SNANG ZHEN GYIS BSLUS TE MI SHI BA'I RJES SU'ANG SROG CHAGS

, ,MNGAS BSAD DE LHA MCHOD PA SOGS SDIG PA'I LAS KHO NA SPYOD PA LA RJE 'DIS SDIG PA'I LTA BA CAN DE DAG THAMS CAD BTUL TE PHYOGS DE DAG TU DKON MCHOG GSUM GYI RTAN BZHENG BA DANG, YI GE DRUG PA DANG DMIGS BRTZE MA KHON 'DON PA DANG, GSHIN PO'I DGE RTZAR YANG DKON MCHOG GSUM KHO NA MCHOD PA'I SROL BTZUGS, 'JAM MGON BLA MA'I BSTAN PA YUN RING DU GNAS PA'I PHYIR LI THANG THUB CHEN BYAMS PA GLING DANG, 'JAM MGON BLA MA GANG DU 'KHRUNGS PA'I SA SKU 'BUM SOGS SU DGE 'DUN GYI SDE MANG DU BTZUGS, KHYAD PAR SKU 'BUM DU RJE RIN PO CHE 'KHRUNGS PA'I LTE BA'I MTSAL KHRAG LAS BYUNG BA'I TZAN DAM GYI SDONG PO 'JIG RTEN KUN GYI BSOD NAMS KYI ZHING MCHOG DAM PA DE NYID DNGUL GYIS GTUMS TE MCHOD RTEN DU BYAS, MDO SNGAGS GNYIS KYI BSHAD GRVA RNAM PAR DAG PA BTZUGS PA SOGS PHYOGS DE DAG THAMS CAD 'JAM MGON BLA MA'I BSTAN PA'I GDUGS GCIG GIS KHYAB PAR MDZAD DO, ,DON GYI DBANG 'DI GZIGS NAS RJE BTZUN BLO BZANG CHOS KYI RGYAL MTSAN GYIS RJE 'DI LA BSTOD PA MDZAD PA NA, BDAG NYID CHEN PO GZHAN GYIS GDUL DKA' BA, ,MA RUNGS MTHA' 'KHOB SKYE BO MTHA' DAG LA, ,BSOD NAMS YE SHES RGYA MTSO'I MTHA' PHYIN PA'I, ,RGYAL BA'I MDZAD PA SGRUB LA GSOL BA 'DEBS, ,ZHES DANG, RJE BLO BZANG YE SHES KYIS, GDUL DKA' MTHA' 'KHOB SKYE 'GROR THAR PA'I LAM, ,STON MKHAS BSOD NAMS RGYA MTSOR GSOL BA 'DEBS, ,ZHES

BSNGAGS SO, ,RJE 'DIS PHYI RABS KYI GDUL BYA RNAMS KYI DON DU PHYANG CHUB LAM GYI RIM PA'I KHRID YIG GSER GYI YANG ZHUN MDZAD CING, GZHAN YANG GSOL 'DEBS BSTOD TSOGS DANG NYAMS MGUR SOGS MANG DU YOD DO, ,DE NAS SE 'BRAS DGE GSUM SOGS DBUS GTZANG GI LJONGS KYI SER SKYA DAD CAN TSANG MAS DBUS GTZANG DU 'BYON DGOS PAR GSOL BA SHUGS DRAG BTAB, RJE 'DI NYID KYANG YANG 'BYON PAR PHYOGS KYANG KHAR CHIN GYI RGYAL POS PHO NYA MNGAGS TE, MTHA' 'KHOB KYIS PHAL CHER NA 'KHOD PA'I GDUL BYA'I RE BA SKONG BAR MDZAD ZIN PAS, NGED KYI YUL DU PHEBS DGOS PA'I RGYU MTSAN NAN DU PHUL BAS, KUN MKHYEN ZAS GTZANG SRAS PO GYAD KYI YUL RTZVA CAN DU GSHEGS PA LTAR, KHAR TSON GYI GSER YIG PAR PHEBS PA'I BKA' LAN GNANG STE, BZHUGS SGAR RIM GYIS BTEG NAS, HOR RGYAL PO'I DUS KYI PHO BRANG SHANG TO ZHES PA'I SHUL GYI SAR PHYAGS PHEBS, RGYAL BLON 'GA' ZHIG LA BCOM LDAN 'DAS KYEE RDO RJE'I DBANG DANG, SKYE BO PHAL CHER YAN LAG BRGYAD PA'I KHRIMS SOGS DGE BA LA BKOD, RGYAL PO'I 'BUL CHEN GYI DUS, DNGUL LAS GRUB PA'I KHANG PA KA GNYIS MA TZAM ZHIG TU BZHUGS GDAN BKOD PAS, RE ZHIG SNGAS PA NTZAM YIN YANG 'DOD BA DANG BSTUN PAS CHOG GSUNGS TE, DNGUL GDUNG GI RTEN 'BREL DU DGONGS, GSER DNGUL GOS DAR RTA KHRAB SOGS 'BUL BA KHRI PHRAG BRGAL BA PHUL, DER DGE 'DUN GYI SDE BTZUGS 'DUG PA LA RAB TU GNAS PA RGYAS PAR MDZAD, KUN

, ,'DZIN ZHES PA SA BYI'I LO GSAR DANG, SMON LAM RLABS PO CHE GNANG, ZLA BA DANG PO'I MJUG NAS CUNG ZAD BRO 'TSAL BA'I RNAM PA BSTAN, RGYA NAG GONG MA RGYAL POS PHO BRANG DU PHEBS DGOS PA'I GDAN 'DREN PAR MI BRGYAD KYIS GNYA' BAS BTEG PA'I GSER YIG PA MDAGS KVA DING TA'I GOO SHR'I'I MTSAN DANG, LAS KA CHE BA 'DI RIS BYUNG, RTEN 'BREL DU DGONGS NAS PHO BRANG DU PHEBS PA'I ZHAL BZHES MDZAD, NAG PA ZLA BA NAS SNYUN BAB LCI BA'I TSUL BSTAN TE, GSUNG GI THA MA DANG LDAN YONGS LA ZHAL GDAMS PHYAG BRIS SU MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO ZHE DRUG TU PHEBS PA KUN 'DZIN ZHES PA SA PHO BYI BA'I LO NAG PA ZLA BA'I NYER DRUG GI THO RANGS ZHI BAR GSHEGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL BA BSOD NAMS RGYA MTSO LA GSOL BA 'DEBS SHING, RJE 'DIS LAM KHRID GSER ZHUN DU JI LTAR GDAMS PA LTAR GSUNG RAB THAMS CAD KYI SNYING PO'I GNAD BSDUS PA BYANG CHUB LAM GYI RIM PA'I NYAMS LEN LA BRTZON PAR BYA'O, , ` ,,ZAB DON GDAMS PA'I BKA' BAB CHOS DPAL BZANG, ,ZHES BSNGAGS PA, SPYAN SNGA CHOS DPAL BZANG PO NI, LHAS LUNG PA GRA NAM KHANG DU SPYAN SNGA BLO GROS RGYAL MTSAN SOGS MKHAS SHING GRUB PA'I SKYES BU DAM PA BRGYUD MAR BYON PA'I

DGYER GYI RIGS SU SKU 'KHRUNGS, GZHON NU NAS KHYIM GYI 'DU 'DZIN LA MA CHAGS PAR RGYAL BA'I BSTAN PA LA RAB TU BYUNG STE LHANG TZUN BSOD NAMS DPAL BA DANG RJE BTZUN CHOS KYI RGYAL MTSAN SOGS BSHES GNYEN DAM PA MANG PO BSTEN NAS SHING RTA CHEN PO'I GZHUNG LUGS RNAMS LA SBYANGS SHING, KHYAD PAR RGYAL BA BSOD NAMS RGYA MTSO BSAM SBYOR GNYIS KYIS TSUL BZHIN DU BSTEN TE GSUNG RAB DGONGS 'GREL DANG BCAS PA'I SNYING PO'I DON, DUS GSUM GYI RGYAL BA THAMS CAD GANG NAS GSHEGS PA DANG GSHEGS PAR 'GYUR BA'I LAM PO CHE, BYANG CHUB LAM GYI RIM PA'I KHRID LEGS PAR GSAN TE MDO RGYUD DGONGS 'GREL DANG BCAS PA THAMS CAD GANG ZAG RANG NYID 'TSANG RGYA BA'I MAN NGAG TU NGES PA RNYED NAS TSE 'DI'I BYA BA THAMS CAD BTZAN CHOD DU BTANG STA SANGS RGYAS DBON GYIS BTAB PA'I DBEN GNAS LHAS LTAG DGON DU BYANG CHUB LAM GYI RIM PA SGOM PA LA RTZE GCIG TU BZHUGS TE LO MANG PO'I BAR DU SGRUB PA RTZE GCIG TU MDZAD PAS BSHES GNYEN BSTEN TSUL NAS 'BRAS BU ZUNG 'JUG GI BAR MDO SNGAGS GNYIS KA'I LAM GYI LUS YONGS SU RDZOGS PA LA RTZOL BYAS DANG RTZOL MED KYI MYONG BA RIM GYIS THON TE RANG NYID MI NYAMS PA'I GDANG THOB PA NA SKAL BA DANG LDAN PA GZHAN DAG LA'ANG CHOS KYI BDUD RTZI STZAL BAS SNYAN PA'I GRAGS PAS PHYOGS THAMS CAD DU KHYAB STE, DE'I TSE BYANG CHUB LAM GYI RIM PA DON DU GNYER BA'I SKAL LDAN RNAMS LHAS LTAG DGON DU 'DU BA ZHIG BYUNG STE RJE 'DIS BSTAN PA RGYA CHER

, ,SPEL BAS RGYUD 'DZIN GYI SLOB MA BGRANG BA LAS 'DAS PA BYUNG ZHING, BYANG CHUB LAM GYI RIM PA'I 'PHRIN LAS KYI BKA' BAB NI 'KHON STON DPAL 'BYOR LHUN GRUB BO, ,DE LTAR SPYAN SNGA CHOS DPAL BZANG PO ZHES YONGS SU GRAGS PA'I MKHAS GRUB CHEN PO DES RGYAL BA'I BSTAN PA LA BYA BA RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA SKU'I BKOD PA BSDUS TE DGA' LDAN CHOS KYI PHO BRANG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS SPYAN SNGA CHOS DPAL BZANG PO LA GSOL BA 'DEBS SHING MKHAS GRUB CHEN PO 'DI'I RNAM THAR LTAR MDO RGYUD DGONGS 'GREL DANG BCAS PA THAMS CAD KYI DON LAM GYI LUS GCIG TU DRIL BA BYANG CHUB LAM GYI RIM PA'I NYAMS LEN LA BRTZON PA TSIG BSGRIL DU BYA'O,, ` ,,RIGS KUN BDAG PO SNANG MDZAD RDO RJE'I ZHABS, ZHES BSNGAGS PA, 'KHON STON DPAL 'BYOR LHUN GRUB NI AE'I SKYONG KHAR DU YAB DBON TSE DBANG NOR RGYAS DANG YUM RGYAL MO 'DZOM GNYIS KYI SRAS SU LCAGS MO BYA'I LO SKU 'KHRUNGS, 'KHRUNGS TZAM NYID NAS DH'I: YIG DANG HR'I: YIG NGAG NAS BZLA BA DANG, 'JAM DBYANGS KYI GZUNGS BRGYUD MAR BZLA BA ZHIG BYUNG, TSE RABS MANG POR GOMS PA'I BAG CHAGS SAD PAS KHYIM GYI 'DU 'DZIN LA MI DGA' ZHING CHOS LA DGA' BA DANG, GZHAN LA CHOS STON PA DANG, GZHAN LA DBANG BSKUR BA'I STANGS KA BYED PA ZHIG BYUNG, YI GE 'DRI

KOG BRDA BSTAN PA TZAM GYIS MKHYEN ,DGUNG LO BDUN BRGYAD NAS SPYIR 'KHOR BA'I GNAS MTHA' DAG LA SKYO ZHING YID 'BYUNG BA DANG, LHAG PAR KHYIM GYI GNAS LA BTZON RA'I 'DU SHES NGANG GIS SKYE BA ZHIG BYUNG, SRANG BAR GYI KHYIM NYAM THAG ZHIB GZIGS PAS RKYEN BYAS SEMS CAN THAMS CAD LA SNYING RJE CHEN PO RGYUN DU SKYE BA ZHIG BYUNG, DGUNG LO BCU PA'I TSE THAMS CAD MKHYEN PA BSOD NAMS RGYA MTSO DANG MJAL, THOG MAR SKYABS 'GRO SEMS BSKYED GYI KHRID GSAN, DE NAS DBANG LUNG MAN NGAG RGYA CHER GSAN ZHING DGE BA'I BSHES GNYEN GZHAN MANG PO LA'ANG MDO SNGAGS KYI CHOS MTHA' YAS PA GSAN, DE NAS THAMS CAD MKHYEN PA BSOD NAMS RGYA MTSO LA GTZUG PHUD PHUL TE DGE BSNYEN GYI SDOM PA BZHES, MTSAN BSOD NAMS RNAM RGYAL ZHES GNANG, DE NAS BSHES GNYEN DAM PA MANG PO LA CHOS MANG DU GSAN ZHING, DGUNG LO NYI SHU LA BAB PA NA, MKHAS PA'I DBANG PO 'OL KHA BA BLO BZANG RGYA MTSO'I DRUNG DU DGE TSUL GYI SDOM PA BZHES TE, DVAGS PO GRVA TSANG DU PHEBS, MKHAS PA'I DBANG PO DE NYID YONGS 'DZIN DU BSTEN TE, PHAR PHYIN DANG, DBU MA DANG, 'DUL BA DANG, MDZOD DANG, RNAM 'GREL RNAMS LA SPYANGS PAS MKHAS PA'I PHUL DU PHYIN PAR GYUR, DE NAS SER BYES SU PHEBS NAS MKHAS PA'I DBANG PO DPAL 'BYOR BSOD NAMS LHUN GRUB DANG, MKHAS PA'I DBANG PO 'PHRIN LAS LHUN GRUB GNYIS RIM BZHIN YONGS 'DZIN DU BSTEN TE SE RA RJE BTZUN PA'I YIG CHA'I STENG NAS SHING RTA CHEN PO'I GZHUNG LUGS RNAMS LA

, ,SBYANGS PAS RANG DANG GZHAN GYI GRUB PA'I MTHA' RGYA MTSO LTA BU'I PHA ROL TU SON TE GRVA SKOR MDZAD, DE NAS LHAS LTAG DGON DU PHEBS TE SPYAN SNGA CHOS DPAL BZANG PO BSAM SBYOR GNYIS KYIS TSUL BZHIN DU BSTEN TE DPAL AA TI SHA DANG, CHOS KYI RGYAL PO TZONG KHA PA GNYIS KYI THUGS KYI BCUD PHYUNG PA'I MAN NGAG GSUNG RAB DGONGS 'GREL DANG BCAS PA'I SNYING PO'I DON BYANG CHUB LAM GYI RIM PA'I KHRID GSAN TE MYONG BA THON PAR MDZAD, DE NAS SHAR PA CHOS RJE NAM MKHA' RGYAL MTSAN LA DPAL RDO RJE 'JIGS BYED CHEN PO'I DBANG DANG, RIM GNYIS KYI KHRID GSAN TE BSGOMS NAS MYONG BA THON PAR MDZAD, DE NAS DGUNG LO SO BZHI PA SHING PHO RTA'I LO DGA' LDAN RNAM PAR RGYAL BA'I GLING DU PHEBS NAS CHOS RJE DPAL 'BYOR RGYA MTSOS MKHAN PO DANG, CHOS RJE DGE 'DUN RGYAL MTSAN GYIS SLOB DPON MDZAD DE BSNYEN PAR RDZOGS, DPAL 'BYOR LHUN GRUB TU MTSAN GSOL, DE NAS RGYUD SMAD DU PHEBS TE MKHAS GRUB RNAM RGYAL DPAL BZANG BSAM SBYOR GNYIS KYIS TSUL BZHIN DU BSTEN TE DPAL GSANG BA 'DUS PA'I RGYUD 'GREL LA SBYANGS SHING RJE THAMS CAD MKHYEN PA NAS BRGYUD PA'I BDE GSANG 'JIGS GSUM GYI MAN NGAG SOGS CHOS MANG DU GSAN ZHING LO BZHI BZHUGS, DE NAS DGE BA'I BSHES GNYEN DU MA LA RJE BDAG NYID CHEN PO'I MDO SNGAGS KYI CHOS RNAMS LEGS PAR GSAN, DE NAS MKHAS SHING GRUB PA'I SNYAN PA PHYOGS THAMS CAD DU RGYAS PA NA GSANG PHU NYI MA THANG GI KHRI

LA GDAN DRANGS TE LO GCIG GI RING 'CHAD NYAN MDZAD, DE NAS SER BYES MKHAS MANG GRVA TSANG GI KHRI LA GDAN DRANGS TE 'CHAD NYAN RGYUN RING MDZAD THAMS CAD MKHYEN PA YON TAN RGYA MTSOS PAn CHEN THAMS CAD MKHYEN PA BLO BZANG CHOS KYI RGYAL MTSAN SPYAN DRANGS TE 'BRAS SPUNGS DGA' LDAN PHO BRANG GI GZIM CHUNG NYI 'OD 'KHYIL PAR MDO SNGAGS KYI CHOS MTHA' YAS PA GSAN PA'I CHE DAM PA 'DIS KYANG PHEBS TE, PAn CHEN THAMS CAD MKHYEN PA CHEN PO LA GSOL BA BTAB NAS RDO RJE PHRENG BA'I DBANG YONGS SU RDZOGS PA GSAN, PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS KYANG DAM PA 'DI LA BSNGAGS PA CHE BAR MDZAD DO, ,DE NAS SE RA BYES KYI KHRI BZHAG STE PHA BONG KHAR PHEBS NAS BSGRUB PA YUN RING DU MDZAD PAS PHA BOD KHA BA 'KHON STON DPAL 'BYOR LHUN GRUB CES YONGS SU GRAGS, 'KHON STON ZHES PA NI RIGS RGYUD LAS MTSAN DU BTAGS PA STE 'JAM DBYANGS 'KHON GYI RIGS YIN PAR BSHAD DO, ,DE NAS SKAL BA DANG LDAN PA MANG PO LA RGYAL BA TZONG KHA PA CHEN PO'I THUGS KYI BCUD PHUNG BA'I MAN NGAG BYANG CHUB LAM GYI RIM PA'I KHRID DANG GSANG BDE 'JIGS GSUM GYI DBANG DANG BSKYED RDZOGS KYI KHRID SOGS CHOS RGYA CHER STZAL CING, KUN MKHYEN LNGA PA CHEN POS KYANG YONGS 'DZIN DU BSTEN TE RIGS KYI COD PAN DU 'DZIN PAR MDZAD DO, ,DAM PA 'DIS PHYI RABS KYI GDUL BYA RNAMS KYI DON DU GSHIN RJE GSHED KYI CHOS 'BYUNG DANG SKYABS 'GRO'I KHRID YIG SOGS LEGS BSHAD KYI RTZOM

, ,PA'ANG MANG DU MDZAD, DAM PA 'DIS BSTAN PA'I BYA BA RGYA CHER MDZAD PAS RGYUD 'DZIN GYI SLOB MA MTHA' YAS PA BYUNG ZHING, GTZO BO NI GANGS CAN 'GRO BA'I MGON PO KUN MKHYEN LNGA PA CHEN PO DANG, BYANG CHUB LAM GYI RIM PA'I 'PHRIN LAS KYI BKA' BAB PA NI DPAL 'BYOR 'PHRIN LAS RAB RGYAS SO, ,DE LTAR BSTAN 'GRO'I DON RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO DON BDUN DU PHEBS PA ME MO GLANG GI LO ZHI BAR GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS 'KHON STON DPAL 'BYOR LHUN GRUB LA GSOL BA 'DEBS SHING MKHAS GRUB CHEN PO 'DI'I RNAM THAR LTAR MDO SNGAGS KYI GZHUNG LA THOS PA PHU THAG CHOD PAR BYAS NAS DBEN PA'I GNAS SU SKYES BU GSUM GYI LAM GYI RIM PA BSGOM PA LA BRTZON BAR BYA'O, ` ,,BKA' DRIN MNYAM MED SHR'I BHU TI'I MTSAN, ,ZHES BSNGAGS PA, ZUR DPAL 'BYOR 'PHRIN LAS RAB RGYAS NI, 'BROM CHU RIGS KYI RGYUD DU YAB ZUR GZHON NU DON GRUB DANG, YUM YID 'DZIN GNYIS KYI SRAS SU KHRO MO ZHES PA SHING PHO 'BRUG GI LO SKU 'KHRUNGS, MTSAN CHOS RJE NOR BUR BTAGS, DE NAS YI GE 'DRI KLOG RNAMS TSEGS MED PAR MKHYEN CING, DGUNG LO BDUN PA'I DUS CHOS RJE NGAG DBANG YE SHES GRUB PAR GTZUG PHUD PHUL MTSAN NGAG DBANG BKRA SHIS KUN DGAR BTAGS, DE NAS YAB KYI RIGS DANG MTHUN PAR GSANG SNGAGS GSAR RNYING GI CHOS MANG DU

GSAN CING, KHYAD PAR 'KHON STON DPAL 'BYOR LHUN GRUB KYIS RJES SU BZUNG STE DGE BSNYEN DANG BAR MA RAB BYUNG GNANG NAS MTSAN DPAL 'BYOR 'PHRIN LAS RAB RGYAS SU GSOL, BCAR BZHUGS NGOS PHYAG G-YOG 'PHRAL SEL MDZAD, NYI SHU'I TSE DE NYID LA DGE TSUL DANG BSNYEN PAR RDZOGS PA'I SDOM PA BZHES, SDIR? MDO SNGAGS KYI CHOS MANG DU GSAN CING KHYAD PAR MDO SNGAGS GSUNG RAB THAMS CAD KYI SNYING PO'I DON SKYES BU GSUM GYI LAM GYI RIM PA'I KHRID RGYAS PAR GSAN TE THUGS NYAMS SU BZHES NAS MYONG BA THON PAR MDZAD, DE NAS 'GREL PA BZHI SBRAGS, RIM LNGA GSAL SGRON, BDE MCHOG SBAS DON KUN GSAL, MKHAS GRUB NOR BZANG PA'I DUS 'KHOR GYI SPYI DON, GSANG 'DUS KYI BSKYED RDZOGS RNAMS GSAN NAS RTZES THANG DU GRVA SKOR MDZAD, DE NAS PHA BOD KHA NYID DU BZHUGS TE BKA' GDAMS GLEGS BAM, BSTAN RIM CHEN MO, BE'U BUM SNGON PO, DPE CHOS SKOR GSUM, BLO SBYONG SKOR, BKA' GDAMS GZHUNG DRUG, BYAMS CHOS SDE LNGA, RIGS TSOGS DRUG, SNGAGS RIM CHEN MO, GSANG 'DUS GSHED SKOR BDE DGYAS DUS 'KHOR SOGS KYI MNGON DKYIL BSKYED RDZOGS, LAM RIM CHE CHUNG, RTZA 'JUG GI RNAM BSHAD SOGS DANG, 'DUL 'DZIN PA'I GLENG 'BUM, BSLAB BYA CHE CHUNG, KUN RIG t'IKA CHEN SOGS RJE'I RJES 'BRANG GI YIG CHA DU MA, YANG GSANG 'DUS KYI RIM LNGA, 'PHO KHRID GSER GYI SGO 'BYED, BLO SBYONG DON BDUN MA'I KHRID, BYANG CHUB LAM GYI RIM PA, RJE PHA BONG KHA PA NYID KYIS MDZAD PA'I LTA PA SPYI KHYAB

, ,TU NGO SPROD PA RNAMS DMAR KHRID DU GSAN, MKHAS GRUB RIN PO CHES MDZAD PA'I KHAMS GSUM RNAM RGYAL GYI STENG NAS RDO RJE 'JIGS BYED KYI 'PHRIN LAS BZHI'I 'KHRUL 'KHOR, PHYAG DRUG PA'I BE'U BUM, PHRENG BA ZHE LNGA MA'I DBANG DNGOS GTZANG BA, ZUR BKA' GSANG 'DUS MI BSKYOD PA, BDE MCHOG L'U DRIL, 'JIGS BYED, 'KHOR CHEN GSHED DMAR, KUN RIG, MI 'KHRUGS PA, TSE DPAG MED SOGS DANG, GZHAN YANG SGRUB THABS BRGYA RTZA, SGROL MA NYER GCIG, MGON PO BCU GSUM SOGS DBANG LUNG MAN NGAG SHIN TU MANG BA GSAN, PAn CHEN BLO BZANG CHOS KYI RGYAL MTSAN LA BDE MCHOG L'U AI PA'I DBANG DANG, MGON PO ZHAL BZHI BA'I DBANG, PHYAG CHEN YANG GSAL SGRON ME'I LUNG RNAMS GSAN, DE LTAR GDAMS BA'I GTER DU GYUR PA NA SKAL BA DANG LDAN PA MANG PO LA MDO SNGAGS KYI CHOS RGYA CHER STZAL ZHING MAL YOR PA BAS BTAB PA'I YER BA SBOS DGA' DANG GUNG THANG CHOS KHRI LHO LCOG GI GDAN SAR PHEBS, KUN MKHYEN LNGA PA CHEN POS KYANG YONGS 'DZIN DU BZHES TE SPYIR MDO SNGAGS KYI CHOS MTHA' YAS PA GSAN ZHING, KHYAD PAR BYANG CHUB LAM GYI RIM PA'I MYONG KHRID RGYAS PAR GSAN PAS RTZA BA'I BLA MA BKA' DRIN ZLA MED DU 'DZIN PAR MDZAD DO, ,DE LTAR BSTAN 'GRO'A DON RGYA CHER MDZAD NAS SKU TSE 'DI'I DNGOS KYI GDUL BYA RDZOGS PA NA DGUNG LO NGA BZHI PA ME MO BYA'I LO ZHI BAR GSHEGS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS MKHAS GRUB DAM PA DPAL 'BYOR 'PHRIN LAS

RAB RGYAS LA GSOL BA 'DEBS SHING, DAM PA 'DI'I RNAM THAR LTAR LEGS TSOGS THAMS CAD KYI RTZA BA BSHES GNYEN DAM PA BSAM SBYOR GNYIS KYIS TSUL BZHIN DU BSTEN NAS MDO SNGAGS KYI MAN NGAG LEGS PAR THOB PAR BYAS LA MDO SNGAGS GNYIS KA'I LAM GYI LUS YONGS SU RDZOGS PA LA NYAMS LEN SNYING POR BYA'O,, ,,KUN MKHYEN BLO BZANG BSTAN PA'I RGYA MTSO CHER, ,MTSAMS SPRIN LA 'GRAN DUR SMRIG GSAR PA YI, ,SGRANG RTZI'I RGYAL MTSAN 'DZIN PA'I PAD DKAR CAN, ,SPRUL BAS 'GRO BA 'DREN LA GSOL BA 'DEBS, ,ZHES BSNGAGS PA RGYAL BA THAMS CAD MKHYEN PA NGAG DBANG BLO BZANG RGYA MTSO NI, 'PHYONG RGYAS 'PHYING BAR STAG RTZER YAB HOR BDUD 'DUL RAB BRTAN DANG YUM KHRI LCAM KUN DGA' LHA MDZES KYI SRAS SU RAB BYUNG BCU PA'I ME SBRUL LA SKU 'KHRUNGS, 'KHRUNGS TZAM NYID NAS BYIS PA'I RGUD PA MTHA' DAG LAS 'DAS TE, 'GRO BA RNAMS LA CHOS STON BA'I PHYAG RGYA MDZAD PA SOGS BSAMS BZHIN DU SPRUL PA'I SKU GZUNG BA'I DANG TSUL GSAL BAR BSTAN, JO BO RJE DANG RJE BTZUN TZONG KHA PA CHEN PO SOGS LHA DANG BLA MA DAM PA MANG PO'I ZHAL GZIGS, BKA' GDAMS GLEGS BAM LAS GSAL BAR LUNG BSTAN PA LTAR PAn CHEN BLO BZANG CHOS KYI RGYAL MTSAN DANG, CHOS SKYONG KHAG RNAMS MTHUN PAR RGYAL BA YON TAN RGYA MTSO'I SPRUL SKUR NGOS ZIN, DE SKABS DUS GZER PAS GEGS DBANG DU SONG DOGS NAS PAn CHEN BLO BZANG CHOS KYI RGYAL MTSAN GYIS SDE SRID

, ,GTZANG PA LA ZHU MKHAS KYIS RTZOL BA CHEN PO MDZAD DE 'BRAS SPUNGS SU GDAN 'DREN PA'I BKOD PA MDZAD NAS DGUNG LO DRUG PA CHU KHYI HOR ZLA GNYIS PA'I NYER LNGA LA GANGS CAN 'DZIN MA'I RGYAN GCIG CHOS SDE CHEN PO DPAL LDAN 'BRAS SPUNGS SU SDE SRID BSOD NAMS CHOS 'PHEL, SE 'BRAS KYI BLA MA DPON SLOB RNAMS DANG, DGE 'DUN 'DUS PA RGYA MTSO SPRUL PA'I CHOS RGYAL CHEN PO KHOG TU BRLAMS BA SOGS KYIS PHEBS BSU SER SBRENG BSAM GYIS MI KHYAB PA, SKYE BO KHRI PHRAG BRGAL BA'I KHROM BCAS DGA' LDAN PHO BRANG DU PHEBS, DGUNG LO DGU BAR PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS MKHAN PO DANG, KHRI RIN PO CHE DKON MCHOG CHOS 'PHEL GYIS SLOB DPON MDZAD DE DGE TSUL BZHES NAS MTSAN BLO BZANG RGYA MTSOR GSOL, DE NAS PAn CHEN BLO BZANG CHOS KYI RGYAL MTSAN LA THOG MAR DGE TSUL GYI BSLAB BYA DANG, CHOS SPYOD RNAMS KYI LUNG, YI DAM GYI DBANG CHEN 'JAM DBYANGS CHOS SKOR GYI RJES GNANG SOGS DBANG DANG RJES GNANG MANG PO DANG, LAM RIM CHE CHUNG GI LUNG SOGS LUNG MTHA' YAS PA GSAN, KHRI CHEN DKON MCHOG CHOS 'PHEL LA LAM RIM CHEN MO'I BSHAD LUNG SOGS CHOS MANG DU GSAN TE RGYAN GYI YONGS 'DZIN TU BSTEN, 'KHON STON DPAL 'BYOR LHUN GRUB KYANG YONGS 'DZIN DU BSTEN NAS CHOS MANG DU GSAN, GZHAN YANG YONGS 'DZIN MANG DU BSTEN NAS MDO SNGAGS KYI CHOS MTHA'

YAS PA GSAN ZHING, RIGS PA'I GNAS LNGA LA'ANG SBYANGS PA MTHAR PHYIN PAR MDZAD, DE NAS DGUNG LO NYER GNYIS SU PHEBS BAS PHO STAG GI LO ZLA BA GSUM PA'I TSES LNGA'I NYIN JO BO RIN PO CHE'I SKU MDUN DU PAn CHEN THAMS CAD MKHYEN PA BLO BZANG CHOS KYI RGYAL MTSAN LA BSNYEN RDZOGS KYI SDOM PA BZHES TE THUB DBANG SLAR YANG GANGS RI'I KHROD DU BYON PA LTA BUR GYUR TE, ,DE NAS DGUNG LO NYER LNGA PA LCAGS MO SBRUL GYI LO GO SHR'I BSTAN 'DZIN CHOS KYI RGYAL POS GCES SDE SRID BCOM NAS BDE KHRI SKOR BCU GSUM DBANG DU BSDUS TE KUN MKHYEN LNGA PA CHEN PO 'DI'I PHYAG TU PHUL, PHO BRANG CHEN BO PO TA LA BRTZIGS TE BZHUGS YUL MDZAD, BOD KYI LHA CIG 'PHAGS PA THUGS RJE CHEN PO LO KE SHVA RA'I SKU RANG BYUNG YANG PHEBS NAS PHO BRANG DU BZHUGS, ZUR DPAL 'BYOR 'PHRIN LAS RAB RGYAS YONGS 'DZIN DU BSTEN NAS BYANG CHUB LAM GYI RIM PA'I KHRID RGYAS PAR GSAN, PAn CHEN BLO BZANG CHOS KYI RGYAL MTSAN GDAN DRANGS NAS SPYI BKA' RDO RJE 'PHRENG BA DANG, ZUR BKA' BDE GSANG 'JIGS GSUM SOGS RGYUD SDE BZHI DANG 'BREL BA'I DBANG DANG RJES GNANG MTHA' YAS PA DANG, DBEN SA BKA' 'BUM GYI LUNG SOGS DBEN SA SNYAN RGYUD KYI MANG NGAG RNAMS KYANG LEGS PAR GSAN, GOO SHR'I BSTAN 'DZIN CHOS RGYAL GYIS GDAN DRANGS NAS GTZANG PHYOGS SU PHEBS TE CHOS GRVA CHEN PO BKRA SHIS LHUN BO'I DGE 'DUN RNAMS LA

, ,CHOS KYI BDUD RTZI STZAL ZHING, MCHOD YON GNYIS KAS PAn CHEN BLO BZANG CHOS KYI RGYAL MTSAN LA GUS 'DUD DANG BSNYEN BKUR RGYA CHEN PO MDZAD, SER SKYA BGRANG PA LAS 'DAS BA LA ZHAL GYI DKYIL 'KHOR BSTAN CING CHOS KYI BDUD RTZI STZAL NAS MTHONG THOS DRAN REG THAMS CAD RJES SU 'DZIN PAR MDZAD, DGUNG LO SO DRUG TU PHEBS PA CHU PHO 'BRUG GI LO SHAR PHYOGS RGYA NAG PHO BRANG DU PHEBS TE RGYA DANG HOR SOG GI SKYE BO BGRANG PA LAS 'DAS PA'I DON MDZAD, SLAR PHO BRANG DU PHEBS NAS MTHA' DBUS SKYE 'GRO BGRANG BA LAS 'DAS PA LA RANG RANG GI DBANG PO DANG 'TSAM PA'I CHOS KYI 'KHOR LO RGYA CHER BSKOR ZHING LHAG PAR RAB BYUNG DANG BSNYEN RDZOGS KYI SDOM PA BGRANG BA LAS 'DAS PA STZAL, CHOS 'KHOR YANG RTZI SOGS CHOS GRVA CHEN PO MANG POR 'JAM MGON BLA MA'I BSTAN PA'I RGYUN GSAR 'DZUGS MDZAD, SNGAGS GRVA'I DGE 'DUN GYI SDE YANG MANG DU BTZUGS TE KUN MKHYEN LNGA PA CHEN POS GSAR 'DZUGS MDZAD PA'I GLING CHEN BCU GSUM ZHES YONGS SU GRAGS PA LTAR DANG, GZHAN YANG SNGAR YOD PA'I DGE 'DUN GYI SDE RNAMS LA CHOS GZHI GNANG STE, GONG 'PHEL DU MDZAD, DGE 'DUN GYI SDE GANG NA YOD PA THAMS CAD LA BCA' KHRIMS DAM POR MDZAD, GDUL BYA'I KHAMS DANG BSAM PA LA GZIGS NAS GSANG SNGAGS SNGA 'GYUR GYI CHOS KYANG MANG DU GSAN ZHING

GANGS RI'I LJONGS KYI SA'I CHA THAMS CAD DU SKU GSUNG THUGS RTEN MANG DU SPEL, RGYAL BSTAN YUN RING DU GNAS PA'I PHYIR DGE 'DUN GYI SDE RNAMS SU RE MOS KYIS BKA' 'GYUR GSUNG SGROG RGYUN MI 'CHAD DU MDZAD, JO BO SH'AKYA MU NE LA RIN PO CHE LAS GRUB PA'I DBU RGYAN GSAR DU BSGRON, BOD KHAMS BDE THABS SU MCHOG DMAN BAR MA THAMS CAD KYIS YI GE DRUG PA BZLA BA DANG, DGE 'DUN GYI SDE RNAMS SU SMAN BAL BDE GSHEGS BRGYAD KYI THUGS DAM BSKUL BA'I CHO GA DANG, GNAS BRTAN CHEN PO BCU DRUG MCHOD PA'I CHO GA RGYUN ME 'CHAD PA'I GZHI BTZUGS SHING BKA' 'DOMS CHE BAR MDZAD, RGYAL BSTAN YUN RING DU GNAS PA'I PHYIR GSUNG RAB DGONGS 'GREL DANG BCAS PA THAMS CAD KYI SNYING PO'I DON PHYOGS GCIG TU DRIL BA'I MAN GNAG BYANG CHUB LAM GYI RIM PA'I KHRID YIG 'JAM PA'I DBYANGS KYI ZHAL LUNG, LAM GYI GTZO BO RNAM GSUM GYI MCHAN 'GREL, BKA' GDAMS THIG LE BCU DRUG GI DBANG KHRID YUL BYUNG DGONGS RGYAN, DMIGS BRTZE MA'I t'IKKA, PHAR PHYIN BLO BZANG DGONGS RGYAN, DBU MA'I RNAM BSHAD, CHOS MNGON RIN CHEN 'DREN PA'I SHING RTA, 'DUL BA'I LAS CHOG GSER MDOG RNAM RGYAL, SO THAR GYI BSLAB BYA, MDO CHOG YID BZHIN DBANG RGYAL, GNAS BCU'I CHO GA ,GZUNGS 'BUL LAG LEN, PAn CHEN BLO BZANG CHOS KYI RGYAL MTSAN GYI RNAM THAR SOGS BLA MA GONG MA'I RNAM THAR KHAG MANG PO DANG, GSAN YIG GANGG'A'I CHU RGYUN DANG ,RGYAL

, ,BA MCHOG NYID KYI RNAM THAR DU KU LA'I GOS BZANG DANG, BOD KHAMS LUGS GNYIS KYIS SKYONG PHYIR RGYAL RABS DANG KHRIMS YIG, LHAG PA'I LHA MANG PO'I SGRUB THABS SOGS BKA' RTZOM BOD SUM CU SKOR BZHUGS SO; ;DE LTAR GANGS RI'I MGON PO RJE BTZUN SPYAN RAS GZIGS NGUR SMRIG GAR GYI RNAM PAR ROL PA GUN MKHKYEN LNGA PA CHEN PO NGANG DBANG BLO BZANG RGYA MTSOS BYANG PHYOGS GANGS RI'I KHROD 'DI LUGS GNYIS KYIS BSKYANGS TE BSTAN 'GRO'I DON RLABS CHEN MDZAD NAS SKU TSE 'DI'I DNGOS KYI GDUL BYA RDZOGS PA NA DUNG LO RE DRUG TU PHEBS BA CHU PHO KHYI'I LO ZHI BAR GSHEGS SO, ,MDZAD PA RNAM THAR CHES ZHIB PAR NI ^ RGYAL BA MCHOG NYID KYIS MDZAD PA'I RNAM THAR DU KU LA'I GOS BZANG DU GSAL BA LTAR RO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS ^ RGYAL BA THAMS CAD MKHYEN PA NGAG DBANG BLO BZANG RGYA MTSO LA GSOL BA 'DEBS SHING ^ RGYAL BA MCHOG 'DIS GANGS CAN GYI GDUL BYA RNAMS LA ZHAL GDAMS SU STZAL BA 'JAM DPAL ZHAL LUNG LAS, MA DAG SNED KYI SKYON SPANGS GZUR GNAS KYI, ,RNA BAR DAM PA'I CHOS KYI DBYANGS SNYAN PO, ,YONGS 'DZIN ZHAL GYI SGO LAS NYER THOS PA, , BSKAL PAR BSGRUBS PA'I BSOD NAMS ZONG GIS RNYED, ,KHYAD PAR RGYA BOD MKHAS GRUB MA LUS PA'I, ,THUGS KYI NYING KHU CHE BA BZHI LDAN CHOS, ,MCHOG DMAN 'GRO LA RIS MED PHAN PA'I SMAN, ,BDUD RTZI'I SPUN ZLA GNYIS PA RNYED

DKA'I LAM, ,LAM MCHOG 'DI 'DRA POS BSAM SGOM GSUM GYIS, ,NYAMS SU BLANG BYAR YOD PA'I SKAL BZANG RNAMS, ,MNOG CHUNG TSE 'DI'I MDUN MA RGYANG BSRINGS TE, ,ZHEN LOG SKYO SHAS DRAG POS RGYUD BSKUL NAS, , 'DU 'DZIS DBEN PA'I SA 'DZIN MTHON PO'I NGOS, ,SPANG LJONGS NAGS MAL ME TOG KHOR YUG CAN, ,RDO BA'I SPYIL CHUNG RANG SHONG KHANG BU RU, ,GRIB MA GNYIS PA'I GROGS DANG LHAN CIG PAR, ,LHUNG LHUNG DAL GYIS 'BAB PA'I NYAL 'GRO DANG, ,BAG PHEBS RI DVAGS RGYU BA'I SKAD GNYIS LAS, ,GZHAN DU DUG GSUM BSKYED PA'I LONG GTAM GYIS, ,BSAM GTAN TSER MA'I BYED PO DMIGS SU MED, ,PHYAG DANG KHROD PA'I GOS DANG BSOD SNYOMS KYIS, NYER 'TSO DKOR NAG DUG CHUS MA SBAGS PAS, ,RNAM DKAR DGE LA BSKUL NUS LUS NGAG YID, ,GTAN GYI BDE SGRUB MDUN MA'I YANG RTZER SON, ,ZHES GSUNGS PA LTAR DAL RTEN LAN CIG THOB PA'I SKABS 'DIR TSANG LA MA NOR PA'I LAM LA BAG CHAGS CI THEBS BYA'O,, ` ,,'JAM DPAL DBYANGS DNGOS NGAG DBANG DPAL BZANG PO, ,ZHES BSNGAGS PA KHRI RIN PO CHE SBYIN PA RGYA MTSO MTSAN GZHAN NGAG DBANG DPAL BZANG ZHES GRAGS PA DE NI, MDO KHAMS KYI SA'I CHA SAM CHU'I BYANG NGOS SU SKU 'KHRUNGS SKU GZHON NU NAS CHOS KYI BAG CHAGS SAD DE KHYIM GYI 'DU 'DZIL MA CHAGS BAR RGYAL BA'I BSTAN PA LA RAB TU BYUNG, CHOS KYI RGYAL PO TZONG KHA PA CHEN PO LA RTZE GCIG TU DAD PAS RJE'I RNAM THAR

, ,LTAR DANG POR GZHUNG LUGS CHEN MO RNAMS LA SBYANGS TE THOS PA PHU THAG CHOD PA ZHIG BYA BA DANG, THOS DON RANG GI RGYUD LA SBYAR TE NYAMS LEN MTHAR PHYIN PA ZHIG BYA BA DANG RGYUD 'BYONGS PA NA SGRUB 'BRAS KYIS BSTAN PA DANG SEMS CAN LA PHAN THOGS PA ZHIG BYA BAR 'DOD NAS DBUS GTZANG GI LJONGS SU BYON NAS 'BRAS SPUNGS SU PHEBS SGO MANG GRVA TSANG DU ZHUGS NAS PHAR PHYIN DANG BDUM DANG, 'DUL BA DANG, MDZOD DANG RNAM 'GREL RNAMS LA SBYANGS TE MKHAS PA'I PHUL DU PHYIN PAR GYUR PA NA LHA LDAN SMON LAM CHEN MO'I THOG MKHAS MANG RGYA MTSO LTA BU'I DBUS SU DAM BCA' BZHAG STE DKA' BZHI'I GRVA SKOR MDZAD, DE NAS SNGAGS LA SPYOD BAR BZHED NAS DPAL LDAN SMAD RGYUD GRVA TSANG DU ZHUGS TE RGYUD SDE BZHI GA DANG KHYAD PAR BLA MED, DE'I NANG NAS KYANG PHA RGYUD GSANG BA 'DUS PA DANG , MA RGYUD 'KHOR LO SDOM PA GNYIS KYI RGYUD 'GREL PA DANG BCAS PA LA SBYANGS TE MKHAS PA'I PHUL DU PHYIN PAR GYUR PA NA RANG GI YON TAN GYI BYED POS RGYUD SMAD KYI KHRI LA PHEBS NAS RGYUD KYI RGYAL PO DPAL GSANG BA 'DUS PA'I RTZA RGYUD 'GREL PA BZHI SBRAGS KYI SGO NAS GZABS BSHAD DANG ,RGYUD KYI t'IKKA NGAG THOG NAS 'DZIN CHOS DANG, RIN PO CHE LTA BU'I GDUL BYA RNAMS LA 'DUS PA'I BSKYED RDZOGS KYI MYONG KHRID GNANG STE RDO RJE THEG PA'I BSTAN BA RGYA CHER SPAL, GZHAN YANG GANGS RI'I KHROD 'DIR RGYAL BA'I BKA' 'GYUR RO COG GI LUNG DANG, BKA' GDAMS GZHUNG

DRUG SOGS 'PHAGS YUL PAn GRUB RNAMS KYI GSUNG PHAL MO CHE DANG, RJE YAB SRAS KYI GSUNG PA LA MO CHE'I LUNG GSAN PAS DE DUS GANGS RI'I KHROD NA BLA MA 'DI LUNG GSAN RGYA CHE BAR GRAGS, DE NAS THOS DON SGRUB BA SNYING POR BYA BAR BZHED NAS 'PHAGS MCHOG PHYAG NA PADMO DUR SMRIG GAR GYI RNAM PAR ROL PA KUN MKHYEN LNGA PA CHEN PO LA BYANG CHUB LAM GYI RIM PA'I KHRID ZLA CHOS SU RGYAS PAR GSAN CING NYAMS SU BLANGS TE MYONG BA THON BAR MDZAD, DE NAS RANG GI RGYUD SMIN PA NA ,SKAL BA DANG LDAN PA GZHAN DAG LA'ANG SKYES BU GSUM GYI LAM GYI RIM PA'I KHRID RGYAS PAR STZAL , GZHAN YANG RANG RANG GI DBANG PO DANG 'TSAM PAR MDO SNGAGS KYI CHOS KYI CHAR PHAG DE NAS RGYAL BTZONG KHA PA CHEN PO'I GDAN SA DGA' LDAN GSER KHRIR PHEBS TE MDO SNGAGS KYI LAM RIM 'CHAD PA DANG, LHA LDAN SMON LAM CHEN MO'I THOG TU SKYES RABS SO BZHI PA'I GZABS BSHAD MDZAD PA SOGS RJE BDAG NYID CHEN PO'I MDZAD BZANG RNAMS NYAMS PA MED PAR BSKYANGS TE DGA' LDAN KHRI THOG NYID DU ZHING GSHEGS TE MI PHAM 'JAM DPAL SNYING PO'I ZHABS DRUNG DU PHEBS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS KHRI RIN PO CHE SBYIN PA RGYA MTSO LA GSOL BA 'DEBS SHING ,BLA MA DAM PA 'DI'I RNAM THAR LTAR MDO RGYUD DGONGS 'GREL DANG BCAS PA'I SNYING PO'I DON BYANG CHUB LAM GYI RIM BA'I NYAMS LEN LA 'BAD BAR BYA'O,, ,,

, ,BSHES GNYEN DAM PA BYAMS PA CHOS LDAN, ZHES BSNGAGS PA, DGE BA'I BSHES GNYEN SEMS DPA' CHEN PO BYAMS PA CHOS LDAN NI SKU GZHON NU NAS RGYAL BA'I BSTAN PA LA RAB TU BYUNG, SHING RTA CHEN PO'I GZHUNG RNAMS LA SBYANGS PA MTHAR PHYIN PAR MJAD DE, MKHAS PA'I PHUL DU PHYIN PAR GYUR PA NA, RIG SNGAGS 'CHANG BA'I SDE CHEN PO DPAL LDAN SMAD RGYUD GRVA TSANG DU PHEBS TE BDE GSANG 'JIGS GSUM GYI RIM PA GNYIS KYI GNAD RNAMS DANG, DKYIL 'KHOR BRI SGRUB SOGS CHO GA PHYAG LEN MTHA' DAG LA SBYANGS TE RGYUD DON LA MI 'JIGS PA'I GDENG THOB PA NA KUN GYIS BSNGAGS 'OS SU GYUR TE, RGYUD PA'I RDO RJE SLOB DPON MDZAD, DE NAS NGES 'BYUNG SHUGS DRAG POS BSKUL NAS SGRUB PA SNYING POR BYA BAR BZHED DE, DUS GSUM GYI SANGS RGYAS THAMS CAD GANG NAS BYON PA DANG 'BYON PAR 'GYUR BA'I LAM PO CHE GSUNG RAB DGONGS 'GREL DANG BCAS PA'I SNYING PO'I DON SKYES BU GSUM GYI LAM GYI RIM BA NYAMS SU LEN PA LA RGYUD LDAN BLA MA DAM PA'I MAN NGAG DGOS PAR GZIGS NAS KHRI RIN PO CHE SBYIN PA RGYA MTSO BSAM SBYOR GNYIS KYIS TSUL BZHIN DU BSTEN NAS BYANG CHUB LAM GYI RIM PA'I MYONG KHRID LEGS PAR GSAN, DE NAS DGA' LDAN GYI KHRI SOGS MTHON PO'I GO SA LA RE BA MA MDZAD BAR TSE 'DI BLOS BTANG STE DBUS STOD LO DGON PAR BYANG CHUB LAM GYI RIM PA'I NYAMS LAN LA BRTZON PA CHU BO'I RGYUN BZHIN DU MDZAD PAS MYONG BA PHUL

PHYIN THON PA NA SKAL BA DANG LDAN BA GZHAN DAG LA'ANG, BYANG CHUB LAM GYI RIM PA'I MAN NGAG STZAL TE, DE DUS BYANG CHUB LAM GYI RIM PA LA SNYING NAS BLO SBYONG BAR 'DOD PA RNAMS BSHES GNYEN DAM PA 'DI LA BRTEN PA ZHIG BYUNG NGO, DAM PA 'DIS NI BKA' GDAMS GLEGS BAM LAS, THE TSOM THAMS CAD SPANG BYA ZHING, ,SGRUB LA NAN TAN GCES SU BYA, ,ZHES GSUNGS PA DANG, RJE RIN PO CHES, DE LTAR LAM GYI GTZO BO RNAM GSUM GYI, ,GNAD RNAMS RANG GIS JI BZHIN RTOGS PA'I TSE, ,DBEN PA BSTEN TE BRTZON 'GRUS STOBS BSKYED NAS, ,GTAN GYI MDUN MA MYUR DU SGRUBS SHIG BU, ,ZHES GANG GSUNGS BDE LTAR DU BSGRUBS TE, TSE 'DI'I G-YENG BA DANG ZAB ZAB SNYAN SNYAN GYI CHOS SNA MANG PO LA 'JUG PA DOR TE DPAL AA TI SHA DANG, CHOS KYI RGYAL PO TZONG KHA PA CHEN PO GNYIS KYI THUGS KYI BCUD PHYUNG BA'I MAN NGAG BYANG CHUB LAM GYI RIM PA NYID LA TSIG SGRIL DU BYAS TE, PHYI RABS KYI GDUL BYA YONGS KYI MIG LTOS SU CHE BA ZHIG MDZAD DO, ,DE LTAR SGRUB PA MTHAR PHYIN PAR MDZAD NAS, SKU TSE 'DI'I 'DU BYED DOR BA NA BU PHA KHYIM DU 'GRO BA LTAR DGA' BZHIN SPRO BZHIN DU RJE 'JAM DPAL SNYING PO'I ZHABS DRUNG DU PHEBS SO, ,KHRI RIN PO CHE SBYIN PA RGYA MTSO DANG, BSHES GNYEN DAM PA 'DI GNYIS KYI RNAM THAR ZHIB MO MA MTHONG BAS SLAR RNYED NA 'DIR BSNAN PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS BSHES GNYEN DAM PA BYAMS PA CHOS LDAN LA GSOL BA

, ,'DEBS SHING, BSHES GNYEN DAM PA 'DI'I RNAM THAR LTAR BLO SNA MANG PO MI BYA BAR BYANG CHUB LAM GYI RIM PA NYID LA NYAMS LEN CHIG BSGRIL DU BYA'O,, ` ,,KHRI CHEN NGAG DBANG MCHOG LDAN PA NI; MDO SMAD KYI YUL GYI CHA BTZAN TSO ZHES BYA BA'I LUNG PA'I LE LAG DKAR MO PHUGS SU YEB NANG SO PHYAG RDOR BKRA SHIS DANG YUM SBO CHOG GNYIS KYI SRAS SU SHENG MO SBRUL GYI LO SKU 'KHRUNGS, 'KHRUNGS TZAM NAS BZUNG THA MAL BYIS PA'I SPYOD PA MTHA' NGAG RGYANG RING DU SPANGS SHING SKU DRANG BOR BSRANGS TE SGOM BYED PA'I TSUL DANG GZUNGS SNGAGS BZLA BA SOGS DAM PA'I SPYOD PAS DUS 'DA' BA ZHIG BYUNG ZHING, NYE SKOR DU MI GZHAN GYIS TING NGE 'DZIN RGYAL PO'I MDO DANG, THAR CHEN GYI MDO GNYIS KLOG PA GSAN PA'I TSE MDO'I DON RNAMS PHAL CHER THUGS LA CHUD PA ZHIG BYUNG, DE NAS KHYIM NA GNAS PA NI NYON MONGS BA DANG NYES PA DU MA'I 'BYUNG GNAS DANG, RAB TU BYUNG BA NI YON TAN THAMS CAD KYI RTEN DU GZIGS NAS YAB YUM GNYIS LA KHO BO RAB TU 'BYUNG NGO ZHES YANG DANG YANG DU GSOL BA NA YAB YUM GNYIS KYIS KYANG MTHUN PA'I GROGS BYAS TE KHYIM NAS KHYIM MED PAR BYA KHYUNG CHOS SDER MKHAN PO NGAG DBANG TSUL KHRIMS LA GTZUG PHUD PHUL NAS RAB TU BYUNG STE MTSAN NGAG DBANG MCHOG LDAN ZHES BTAGS, TSIGS SDAM DGE TSUL GYI SDOM PA BZHES NAS DGO TSUL GYIS SLAB KHRIMS LAS NAM YANG MI 'DA' BAR BCA' KHRIMS TSUL

BZHIN DU BSRUNG BAR MDZAD, MKHAN PO DE NYID CHUL BZHIN DU BSTAN TA CHOS SPYOD KYI RIM PA RNAMS DANG, RGYAN 'JUG SOGS GZHUNG CHEN BZHI'I RTZA BA RNAMS KYANG PHAL CHER BZUNGS, SBYOR BA RTZI BA SOGS RIGS PA'I SGO 'BYED LA BRTZON PAR MDZAD PAS TSEGS MED PAR MKHYEN, SNGON YUN RING PA NAS SBYANGS PA'I BAG CHAGS SAD PAS 'KHOR BA'I PHUN TSOGS GANG LA'ANG MI CHAGS SHING, SRID LA NGES 'BYUNG DANG GIS SKYE BA DANG, CHOS KUN SNANG ZHING STONG PA SGYU MA LTA BU'I SNANG BA RANG SHUGS KYIS 'CHAR BA ZHIG BYUNG, DE NAS DGUNG LO BCO LNGA LA BAB PA NA 'JAM MGON BLA MA TZONG KHA PA CHEN PO'I RNAM THAR SKYONG PHYIR DBUS GTZANG DU SLOB GNYER LA 'BYON PAR BZHED NAS BYA KHYUD MKHAN PO DANG YAB YUM GNYIS LA DE LTAR GSOL PA NA KHONG RNAMS KYIS KYANG MTHUN PA'I GROGS LEGS PAR SBYAR TE DBUS SU PHEBS NAS SER THEG CHEN GLING DU BYON, BYES MKHAS MANG GRVA TSANG DU ZHUGS MI CHEN GYI RIGS YIN PAS THAMS CAD KYIS CHOS MDZAD MDZAD DGOS PAR BSKUL YANG MI CHEN GYI CHE SGROB KYIS SLOB GNYER LA GNOD DOGS NAS ZHAL GYIS MA BZHES PAR CHOS GRVA BA SPYI 'GRE MDZAD, BYES BLA MA RGYAL MTSAN DON GRUB YONGS 'DZIN DU BSTEN TE THOG MAR CHAD MA RNAM 'GREL LA SBYANGS, DE NAS RJE BTZUN CHOS KYI RGYAL MTSAN GYI YIG CHA'I STENG NAS PAR PHYIN LA SBYANGS, PHAR PHYIN GYI RGYA BOD KYI GZHUNG THAMS CAD LA 'DRIS PAR MDZAD, PHAR PHYIN GYI ZUR BKOL BZHI PO THUGS LA BYANG BAR GZUNGS

, ,NAS TSOGS RGYUGS 'BUL BAR MDZAD, LO BCU DGU TSUN LA PHAR PHYIN GYI GSAN SBYONG RDZOGS PAR GRUB BAR MDZAD NAS LO NYI SHU PAR GSANG PHUR PHAR PHYIN GYI GRVA SKOR MDZAD, DE NAS DBU MA'I 'DZIN GRVAR ZHUGS TE SE RA RJE BTZUN PA'I DBU MA'I YIG CHA YONGS RDZOGS THUGS LA GZUNG, 'PHAGS PA YAB SRAS KYI DBU MA'I GZHUNG RNAMS DANG, RJE YAB SRAS KYI DBU MA'I BSTAN BCOS RNAMS LA LEGS PAR SBYANGS TE MKHAS PA'I PHUL DU PHYIN PAR MDZAD, DE NAS DGUNG LO NYER GNYIS NAS NYER BZHI PA'I BAR LO GSUM GYI RING LA 'DUL MDZOD GNYIS LA SBYANGS TE MKHAS PA'I PHUL DU PHYIN PAR MDZAD DE, DGUNG LO NYER LNGA PA'I LO LHA LDAN SMON LAM CHEN MO'I THOG TU DKA' BZHI'I GRVA SKOR MDZAD, DE NAS RJE RIN PO CHE'I RNAM THAR LTAR GZHUNG LUGS GDAMS PAR SHAR BA'I NYAMS LEN MDZAD BZHED NAS SER RTZER RJE SGRUB KHANG PA DGE LEGS RGYA MTSO'I ZHABS DRUNG DU PHEBS NAS DUS GSUM GYI RGYAL BA THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID RGYAS PAR GSAN TE MTHA' DAG THUGS SU CHUD PAR MDZAD PA NA RJE DGE LEGS RGYA MTSO THUGS SHIN TU MNYES NAS NA TSOD GZHON NU 'DI TZAM NAS LAM RIM LA SGRUB BA MTHAR PHYIN PA BYAS NA RTOGS PA THOB NAS BSTAN PA LA PHAN THOGS PA ZHIG 'ONG ZHES LUNG BSTAN YANG MDZAD, SNGAR GZHUNG LUGS LA SBYANGS PA GANG BYAS PA THAMS CAD TSIG GCIG KYANG DON MED DU

MA SONG BAR RANG GI RGYUD 'DUL BA'I MAN NGAG MCHOG TU GO NAS DPAL AA TI SHAS GSER GLING PA CHEN PO RTZA BA'I BLA MA 'GRAN GYI DO MED DU 'DZIN PA JI LTA BAR RJE SGRUB KHANG PA 'DI NI RTZA BA'I BLA MA 'GRAN GYI DO MED DU 'DZIN PAR MDZAD DE, RJE SGRUB KHANG PA'I MTSAN BRJOD PA NA PHYAG THAL MO SBYOR, SPYAN MCHI MA 'KHRUG PA ZHIG YOD PAR GSUNG NGO, ,RJE SGRUB KHANG PA LA LAM RIM GYI KHRID GSAN NAS KHRID SKYONG SKABS BLA MA'I GSUNG TSIG GCIG KYANG RAS SUM BOR BAR PHYAG DANG MAndAL GRANGS GSOG DANG, MCHOD PA'ANG SNOD GZHAN MAD PAR RDZA'I KHOG MA BKRUS TE DE NYID DU YON CHAB YANG DANG YANG DU 'BUL BA SOGS RJE SGRUB KHANG PA'I RNAM THAR NYAMS PA MED PAR SKYOD BAR MDZAD DO, ,DE NAS SNANG BA MTHA' YAS DUR SMRIG GAR GYI RNAM PAR ROL PA PAn CHEN THAMS CAD MKHYEN PA RJE BTZUN BLO BZANG YE SHES LAS BSNYEN RDZOGS THOB PA ZHIG BYUNG NA CI MA RUNG SNYAM DU SMON PAS DKA' BA KHYAD DU BSAD NAS MI CHEN GYI SGROB GANG YANG MA MDZAD PAR 'TSO CHAS RNAMS KYANG RANG GI KHRES POR BSNAMS TE BKRA SHIS LHUN POR PHEBS, PAn CHEN THAMS CAD MKHYEN PA'I ZHAL MJAL, ZHAL GYI DKYIL 'KHOR MTHONG MA THAG SA DANG PO THOB PA LTA BU'I DGA' BA DANG, SANGS RGYAS DNGOS SU MTHONG BA'I DAD PA BCOS MIN 'KHRUNGS, BSNYEN RDZOGS KYI SDOM PA THOB PAS THUGS LEGS PAR TSIM ZHING MKHAN CHEN THAMS CAD MKHYEN PA'I BKA' BZHIN 'DUL BA'I BCAS MTSAMS MTHA' DAG NYAMS PA MED

, ,PAR BSRUNGS TE THUB PA'I RGYAL TSAB CHEN POR GYUR TO, ,DE NAS GSANG SNGAGS LA SBYONG BAR BZHED NAS DPAL LDAN SMAD RGYUD GRVA TSANG LA ZHUGS, RGYUD SMAD CHOS RJE DGE 'DUN PHUN TSOGS BSAM SBYOR GNYIS KYIS TSUL BZHIN BU BSTEN TE RGYUD KYI RGYAL PO DPAL GSANG BA 'DUS PA 'GEL BA 'GREL BSHAD MAN NGAG LAG KHRID DANG BCAS PA DANG, MA RGYUD THAMS CAD KYI GTZO BO DPAL 'KHOR LO SNGOM PA RGYUD 'GREL MAN NGAG LAG KHRID DANG BCAS PA DANG, DPAL RDO RJE 'JIGS BYED CHEN PO'I RGYUD MAN NGAG LAG KHRID DANG BCAS PA LA SPYANGS TE MKHAS PA'I PHUL DU PHYIN PAR MDZAD NAS DGUNG LO NYER BDUN PA'I LO DBYAR GNAS THOG RGYUD CHEN DGE 'DUN PHUN TSOGS LA GSOL BA BTAB STE, PHYI MIG LUNG GI KHRID KHANG DU ZHUGS NAS MKHAS GRUB RIN PO CHE'I DKAR CHAG THO'I YIG CHUNG LAS JI LTAR 'BYUNG BA LTAR 'DUS PA'I RIM GNYIS KYI KHRID LAG LEN CHE PHRA MTHA' DAG NYAMS PA MED PAR KHRID PAR MDZAD, RGYUD CHEN DGE 'DUN PHUN TSOGS 'DI LA DPAL DBEN SA SNYAN RGYUD KYI MAN NGAG DANG, SRAD RGYUD KYI MAN NGAG DANG, RGYUD SMAD RANG GI RDO LAG BRGYUD KYI MAN NGAG GSUM GA MNGA' ZHING, DE YANG BKLAGS LUNG TZAM MIN PAR DMAR KHRID LAG RJES DANG BCAS PA ZHIB TU KHRID PAR MDZAD PAS LAM RIM GNYIS LA MI 'JIGS PA'I GDENG THOB, DE NAS 'JAM DBYANGS BZHAD PA RDO RJE LA YANG LAM RIM GYI KHRID DANG BSKYED RDZOGS KYI KHRID

DANG DBANG RJES GNANG MANG DU GSAN, GZHAN YANG DGE BA'I BSHES GNYEN DU MA LA DBANG LUNG MAN NGAG MTHA' YAS PA GSAN, DE NAS YAB YUM GYIS NAN GYIS BSKUL TE MDO SMAD DU BYON NAS LO NGO BZHI TZAM BZHUGS SLAR DGUNG LO SO GSUM GYI THOG DBUS SU PHEBS NAS KHRI CHEN DGE 'DUN PHUN TSOGS LA GSANG BDE 'JIGS GSUM GA'I BSKYED RDZOGS RNAMS KYI KHRID DANG RJE RIN PO CHE'I GSUNG 'BUM GYI LUNG SOGS CHOS BKA' MTHA' YAS PA GSAN, DGUNG LO SO BZHI PA'I LO GZHUNGS NAS MTHO LDING MKHAN POR BSKO BZHAG GNANG STE MTHO LDING GSER KHRIR PHEBS NAS LO CHEN RIN CHEN BZANG PO'I GDAN SA BSKYANGS TE LO CHEN GYI BSTAN PA'I DON DU SKU GSUNG THUGS RTEN RGYA CHEN PO BZHANGS BA RNAMS DANG MDO SNGAGS KYI 'CHAD NYAN BTZUGS PA RNAMS BAR SKABS SU NYAMS PA RNAMS DAM PA 'DIS LEGS PAR GSOS TE LO CHEN RANG NYID SLAR BYON PA LTAR MNGA' RIS SKOR GSUM DU MDO SNGAGS KYI CHOS RGYA CHER BSHAD DE BSTAN PA LA BYA BA RGYA CHEN PO MDZAD, MNGA' RIS SU LO BDUN GYI RING BSTAN PA'I BYA BA MDZAD NAS MTHO LDING GI KHRI BZHAG STE DBUS GTZANG DU 'BYON PA'I LAM ZHOR GANGS TE SE MJAL BAR PHEBS, GNAS DER BKA' RGYUD PA'I BLA MA GONG MA MANG POS PHYAG RJES DANG ZHABS RJES BZHAG PA MANG DU SNANG BA RNAMS GZIGS PA NA 'JAM MGON BLA MA'I BSTAN PA'I CHE BA 'DON PHYIR DAM PA 'DIS KYANG RDO LA ZHABS RJES 'JOG PAR MDZAD, DE NAS MANG YUL SKYID GRONG DU PHEBS TE RANG

, ,BYUNG WA TI BZANG PO LA MCHOD 'BUL SMON LAM RGYA CHER MDZAD, DE NAS SKYID GRONG GI LU BRAG KHA RI KHROD DU LI THANG RAB 'BYAMS PA BLA MA BLO BZANG CHOS 'KHOR LA CHOS MANG DU GSAN, DE NAS DPAL KHUD DU PHEBS NAS PAD MA CHOS SDINGS MJAL, BO DONG 'JIGS BRAL GYI GSUNG RNAMS LA SHIN TU DGYES PAR MDZAD, DE NAS RIM GYIS BSKRA SHIS LHUN POR PHEBS TE PAn CHEN THAMS CAD MKHYEN PA CHEN POR RTA BZANG PO SUM CU SKOR GYIS GTZOS PA'I 'BUL BA SPAM CHE BA MDZAD, BYANG CHUB LAM GYI SGRON MA SOGS CHOS MANG DU ZHU BAR MDZAD, DE NAS DBUS SU PHEBS TE GRUB PA'I DBANG PHYUG 'JAM DPAL RGYA MTSO BA LA MI TRA BRGYA RTZA SOGS DBANG RJES GNANG MANG DU GSAN, KHRI CHEN DGE 'DUN PHUN TSOGS LA BDE MCHOG RTZA RGYUD DANG SBAS DON KUN GSAL GNYIS RTZA 'GREL SBRAGS BA'I LUNG SOGS ZAB CHOS MANG DU GSAN, DE NAS RGYUD SMAD KYI KHRIL PHEBS TE RJE THAMS CAD MKHYEN PAS RJE BTZUN SHES RAB SENG GE LA PHA RGYUD GSANG BA 'DUS PA DANG, MA RGYUD 'KHOR LO SDOM PA GNYIS KYI RGYUD 'GRAL DANG, BSKYED RDZOGS KYI KHRID RNAMS RGYUN MI NYAMS PAR BYA BA'I PHYIR RGYUD GRVA 'DZUGS DGOS PAR BKA' PHEBS PA LTAR RJE SHES RAB SENG GES RJE'I BKA' LTAR RGYUD KYI RGYAL PO GNYIS KYI 'CHAD NYAN GTZO BOR BTON, BDE GSANG 'JIGS GSUM GYI CHO GA PHYAG LEN MTHA' DAG RGYUD DANG

RJE'I DGONGS PA LTAR RNAM PAR DAG PA'I RGYUD GRVA 'DZUGS PAR MDZAD CING RING ZHIG 'PHEL RGYAS SU GYUR NA'ANG BDE MCHOG GI SKOR 'DI LHAG PAR BKA' GNYAN PA DANG, DUS DBANG GIS BAR SKABS SHIG NAS BZUNG RGYUN CHAD PA DAM PA 'DIS GSO BAR BZHED NAS RJE RIN PO CHE NYID LA GSOL BSHUGS DRAG LA RGYUN RING BA BTAB, RJE RIN PO CHE'I BSTAN PA GNYER DU GTAD PA'I SRUNG MA MGON CHOS GNYIS LA 'PHRIN LAS BCOL TE SDE SNOD 'DZIN PA BLO GSAL DON GNYER CAN KHA SHAS DBEN DGON DU BTANG STE GRUB CHEN DBEN SA PA YAB SRAS KYIS JI LTAR BTZUGS PA'I BDE MCHOG GI CHO GA'I PHYAG LEN RNAMS NYAMS PA MED PAR BLANGS TE CHO GA RNAMS LEGS PAR BTZUGS, SNGAR NAS GSANG BA 'DUS PA'I 'GREL PA BZHI SBRAGS KYI 'CHAD NYAN RGYUN NYAMS PA MED PAR GNAS PA GONG 'PHEL GYI THOG BDE MCHOG RTZA RGYUD DANG, SBAS DON KUN GSAL RTZA 'GREL SBRAGS PA'I 'CHAD NYAN LEGS PAR BTZUGS, t'IKKA'I 'DZIN CHOS DANG, BDE GSANG GNYIS KYI BSKYED RIM DANG RIM LNGA GSAL SGRON GYI GZABS BSHAD 'JIGS BYED KYI BSKYED RDZOGS CHEN MO'i GZABS BSHAD DBYAR GNAS THOG 'DUS PA'I BSKYED RDZOGS KYI MYONG KHRID LO LO BZHIN NYAMS PA MED PA BSKYANGS, DON GNYER CAN 'GA' YAR LA KHRID CHEN BRGYAD KYANG GNANG STE RDO RJE THEG PA'I BSTAN PA CHES CHER SPEL BAS RGYAL BA'I BSTAN PA SPYI DANG KHYAD PAR RDO RJE THEG BA'I

, ,BSTAN PA LA BKA' DRIN ZLA MED DU MDZAD DO, ,GZHAN YANG BLO GSAL GLING ZHAL SNGA NAS BLO BZANG SBYIN PA DANG, GRUB BA'I DBANG PHYUG DON YOD MKHAS GRUB SOGS LA'ANG MDO SNGAGS KYI ZAB KHRID MANG DU GSAN, DE LTAR ME PHAG NAS ME SPRE'I BAR LO BCU'I RING LA DPAL LDAN SMAD RGYUD GRVA TSANG GI GDAN SA MDZAD DE CHOS ZANG ZING GNYIS KA'I SGO NAS DGE 'DUN GYI SDE LEGS PAR BSKYANGS, KHYAD PAR BDE MCHOG GI CHOS SKOR NYAMS BA GSAR DU GSO BAR MDZAD, YUN RING GNAS PA' PHYIR GZHUNG SA CHEN POR RTZOL BA CHEN POS ZHUS TE BDE MCHOG SGRUB MCHOD KYI MCHOD GZHI YANG GSAR SBYOR MDZAD, DE NAS RGYAL BA THAMS CAD MKHYEN PA RJE BTZUN BLO BZANG BSKAL BZANG RGYA MTSO SNGAGS KYI GSAN SBYONG MDZAD RGYU'I YONGS 'DZIN DU RJE 'DI PA SPYAN DRANGS PA NA RGYUD SMAD KYI GDAN SA BZHAG STE RGYAL BA MCHOG GI YONGS 'DZIN DU BZHUGS TE 'GAR THAR DU PHEBS, , 'GAR THAR DU BZHUGS PA'I RING RGYAL BA BSKAL BZANG RGYA MTSOR RGYUD SMAD KYI PHYAG BZHES BZHIN RDO RJE SLOB DPON MCHOD PA'I CHO GA SNGON DU BTANG STE NYIN RE BZHIN 'GREL BA BZHI SBRAGS NAS GZABS BSHAD RE DANG RGYUD t'IKA GI 'DZIN CHOS 'CHAG MED NGOS BAR BAR DU DBANG RJES GNANG GI RIGS DANG LUNG GI RIGS 'BUL BAR MDZAD, DGUN DUS PHAL CHER BCAD RGYAR BZHUGS SHING RGYUD PA'I PHYAG BZHES LTAR DBYID SOS NAS BZUNG RGYUD 'GREL GYI

'CHAD NYAN GONG 'PHEL DU MDZAD DE BKLAGS LUNG TZAM GYIS CHOG BAR MA MDZAD BAR RTZA RGYUD DANG BA SHAD RGYUD RNAMS SHAN SBYAR, DE DAG GI DON 'PHAGS PA YAB SRAS KYI GZHUNG RNAMS DANG RJE YAB SRAS KYI GZHUNG RNAMS DANG SBYAR TE MTHA' DRUG DANG TSUL BZHI DON MTHA' DAG BAR BSHAD, RGYAL BA MCHOG 'DI'ANG SPYIR RGYAL BA'I DAM CHOS MA LUS 'DZIN PA DANG, KHYAD PAR BLA MED RDO RJE THEG PA'I BSTAN PA NYAMS PA RNAMS GSO BA DANG RGYUN CUNG ZAD GNAS PA RNAMS CHES CHER SPEL BAR BZHED PA'I LHAG BSAM SNYING STOBS LHAG PAR CHE BAS RGYA MTSO CHEN PO CHUS MI NGOMS PA LTAR BLA MA RDO RJE 'CHANG GIS JI TZAM BSHAD KYANG TSIM BA MED PAR GONG 'PHEL DU MDZAD, 'GAR THAR DU BZHUGS RING THOS BSAM SGOM PA'I BYA BA MTHA' DAG DBYAR GYI MTSO DANG YAR NGO'I ZLA BA LTAR GONG 'PHEL DU GYUR PA ZHIG BYUNG, DE LTAR LO GNYIS LHAG TZAM GYI RING LA 'GREL PA BZHI SBRAGS NAN TAN DU BYAS NAS THUGS SU CHUD PAR MDZAD, DE NAS DBUS SU 'BYON PAR CHAS PA NA GONG MI RGYAL KHAB NAS LCANG SKYA RIN PO CHE YANG PHEBS TE RGYAL BA MCHOG DANG RJE 'DI GNYIS KA LA MDO SNGAGS KYI CHOS MTHA' YAS PAR GSAN ZHING LHAG PAR RJE 'DI LA 'GREL BA BZHI SBRAGS DANG, RIM LNGA GSAL SGRON GYI GZABS BSHAD DANG, KHRID CHEN BRGYAD SOGS MDO SNGAGS KYI ZAB CHOS MTHA' YAS PA GSAN ZHING RJE 'DIS KYANG BUM PA GANG BYO LTA BUR GNANG BAR MDZAD, DE NAS PHO BRANG CHEN POR PHENGS NAS KYANG RGYAL BA MCHOG LA MDO SNGAGS KYI ZAB

, ,CHOS MTHA' DAG RIM GYIS 'BUL BAR MDZAD CING, RGYAL BA MCHOG GI BKAS DGA' LDAN GYI GSER KHRIR PHEBS TE RJE RIN PO CHE'I MDZAD SROL RNAMS MA NYAMS PAR BSKYANGS, LO BDUN GYI RING LA GSER KHRI SKYONG BAR MDZAD, DE NAS KHRI BZHAG STE PHO BRANG CHEN POR BCAR BZHUGS KYIS RGYAL BA MCHOG LA CHOS 'BUL DGOS RNAMS DANG DON GNYER CAN GZHAN MANG PO LA'ANG CHOS RGYA CHER GNANG, DE NAS DGUNG LO BDUN CU LON NAS SKU SMIN TSUL CHE BAR PHEBS PA NA GSER SRANG BRGYA PHRAG BRGAL BA BTUL TE GANGS RI'I LJONGS KYI RTEN BYIN RLABS CAN RNAMS LA GSER GSOL MDZAD, MDOR NA BDAG NYID CHEN PO 'DIS DGE BA'I BSHES GNYEN TSUL BZHIN DU BSTEN NAS BKA' MDO RGYUD MTHA' DAG LA MKHAS PAR SBYANGS PAS YANG DAG PA'I LAM LA RIGS PA'I LAM NAS DRANGS PA'I NGES PA GTENG TSUGS PA RNYED CING GRUB MTHA' RGYA MTSO LTA BU'I PHA ROL DU PHYIN, NGES 'BYUNG GI BSAM PA BCES MIN DU 'KHRUNGS PAS ZAG BCAS KYI BDE BA MTHA' DAG LA ZHEN PA GTING NAS LOG, BDAG PAS GZHAN GCES PA'I BYANG CHUB KYI THUGS 'BYONGS PAS SGO GSUM GYI MDZAD PA MTHA' DAG GZHAN DON 'BA' ZHIG TU GYUR, PHYI NANG GI RTEN 'BREL THAMS CAD CHU ZLA LTAR GZIGS PAS YE SHES DANG THABS MKHAS PA'I PHA ROL TU PHYIN, LAM RIM PA GNYIS KYI RNAL 'BYOR DANG BDE STONG GI TING NGE 'DZIN LA MNGA' BRNYES PAS MKHA' 'GRO DBANG DU 'DU ZHING CHOS SKYONG SRUNG

MA BRANG DU 'KHOL, RGYAL BA'I DAM CHOS 'DZIN PA'I SMON LAM GYI MTHU GRUB PAS DUS KYI MTHA' 'DIR YANG THUB BSTAN SPYI DANG, KHYAD PAR RGYAL BA BLO BZANG GRAGS BA'I BSTAN PA'I GNAD MTHA' DAG NYIN MO LTAR GSAL BAR MDZAD PA ZHIG YIN LA, SGRUB PA NYAMS LEN GYI DBANG DU BGYIS NA GANGS TE SE, KAM PO GNAS NANG, RTA SO BRAG DKAR, BZHAG PRAG GANGS RI, RI BO DGE LDAN, PHA BONG KHA LA SOGS PA'I SGRUB GNAS DU MAR SKU MTSAMS YUN RING DU MDZAD CING, GZHAN YANG BREL BA CHE SKABS MA GTOGS MNGA' RIS SU PHEBS PA NAS BZUNG GZHAN DON DU DGONGS PA GTAD PA TSUN CHAD LO RE BZHIN MA THA ZLA BA GSUM BZHI RE TZAM MA CHAG PAR SKU MTSAMS MDZAD CING RGYUN PA'I THUGS DAM GYI RIM PA YANG; SNYAN RGYUD BAL MA'I RNAL 'BYOR LA BRTEN PA'I DBANG BZHI LEN PA DANG, BYANG CHUB DE LAM GYI STENG NAS LAM RIM GYI DMIGS KHRID SKYONG BA, GSANG 'DUS MI SKYOD RDO RJE, BDE MCHOG DRIL BU LUS DKYIL, 'JIGS BYED LHA BCU GSUM MA GSUM GYI RNAL 'BYOR RGYAS PA RANG RANG GI RDZOGS RIM GYI NYAMS BZHES DANG BCAS PA, MYUR MDZAD MGON PO PHYAG DRUG BAS GTZOS SRUNG MA RNAMS LA GTOR BSNGO RGYAS PA CHAB GTOR BRGYA RTZAL SOGS PA'I CHOS SPYOD GTOR MA'I RIM BA, THABS SHES 'OD KYI NYAMS LEN RNAMS CHAG MED DU MDZAD CING THUN MTSAMS SU PHYAG DANG MAndAL SNGON DU 'GRO BA'I BYANG CHUB KYI SEMS SPYOD BA NYID LA THUGS DAM GYI GTZO BOR MDZAD PA YIN ZHING RGYUN BSNYEN YANG DKYIL

, ,'KHOR GTZO BO'I RTZA SNGAGS RNAMS DANG, KHYAD PAR 'JIGS BYED GYI RTZA SNGAGS LNGA BRGYA TZAM RE CHAG MED DU BZLA BA DANG, RDO RJE BZLAS PA DANG, BUM PA CAN GYI RLUNG SBYOR YANG MANG DU MDZAD PAR SNANG NGO, , LEGS PAR BSHAD PAS GDUL BYA BSKYANGS PA'I RIM PA YANG, MNGA' RIS SU PHEBS BA NAS BZUNG GZHAN DON DU DGONGS PA GTAD PA TSUN CHAD LO RE GNYIS TZAM MA GTOGS PHAL CHER LAM RIM GYI KHRID RGYAS BSDUS GANG YANG RUNG BA REM CHAG PAR MDZAD CING LAM RIM CHEN MO'I BSHAD LUNG YANG BCU PHRAG BRGAL BA DANG, 'GREL PA BZHI SBRAGS KYI STENG NAS 'DUS PA'I RGYUD KYI BSHAD PA TSAR NYI SHU LHAG DANG, RIM LNGA GSAL SGRON BDE MCHOG SBAS DON KUN GSAL LA SOGS PA GZHUNG CHEN MO DU MA'I BSHAD PA DANG, DBANG KHRID LUNG RJES GNANG MTHA' YAS PA'I SGO NAS BSTAN PA LA BYA BA RGYA CHER MDZAD CING, LHAG PAR RGYAL BA MCHOG LA LO NYI SHU RTZA BZHI'I BAR DU YONGS 'DZIN MDZAD DE CHOS BKA' THAMS CAD BUM PA GANG BYO'I TSUL DU PHUL, RGYAL BA MCHOG NAS KYANG YONGS 'DZIN RNAMS KYI NANG NAS RJE 'DI PA BKA' DRIN ZLA MED DU 'DZIN PAR MDZAD DO, ,DE NAS DGUNG LO BDUN CU DON LNGAR PHEBS PAN RGYAL BA MCHOG LDAN NI NA SO RGAS PAS 'GOL SA ZHIG TU BSDAD CHOG PA DGOS PAS DPAL 'KHOR CHOS SDE PHUL NAS RA SGRENG DED RANG LA GNANG BA DANG, DER SDAD CHOG PA DGOS ZHES ZHUS PAN, RGYAL BA MCHOG KYANG THUGS NGAL CHAS CHE

BAR MDZAD DE, KHRI CHEN GYI GZIM CHUNG DU PHEBS NAS BLA MA DAM PA'I SKU DANG GSUNG GI BABS LA GZIGS NAS ZHING KHAMS GZHAN DU DGONGS PA GTAD PA YA MI GNANG BA ZHU ZHES BKA' GNANG YANG YANG STZAL BA DANG GNAS CHEN RNAMS GYI RTEN MTHA' DAG LA MCHOD 'BUL DANG GRVA SA CHEN PO GSUM GYIS GTZOS PA'I DGON KHAG RNAMS LA MANG 'GYED RGYA CHER GNANG STE SKU'I RIM GRO SGRUB PA DANG SGRUB SDE KHAG RNAMS SU SKU TSE'I SGRUB PA 'DZUGS PA SOGS THUGS KHUR CHEN PO BA ZHES, SMAN PA RNAMS LA'ANG GSAL SMAN 'BUL LUGS SOGS GANG CI NAS BKA' NAN YANG YANG PHEBS KYANG, KHRI CHEN 'DIS DA NI NGES PAR DGONGS PA GNANG DGOS RGAN POR SGRENG DU 'CHIS BYED CES ZHUS BA NA GONG SA THAMS CAD MKHYEN PA GZIM SHAG TU PHEBS NAS DE 'DRA BKA' MI GNANG BA DGOS ZHES DPAL 'KHOR CHOS SDE YANG THUGS TSAGS GNANG BA DANG, RA SGRENG YANG PHUL CHOG BZHUGS YUL PHO BRANG 'DI KHA RANG DU GNANG DGOS ZHES MAndAL GYIS MCHON DNGOS PO SPAM CHE BA 'BUL BA GNANG STE SPYAN CHAB DANG BCAS GSOL BA SHUGS DRAG 'DEBS PAR MDZAD KYANG, KHRI CHEN 'DI PAS RGYAL BA THUGS RJE CHE BDAG RANG NGOS NAS CHUNG NGU NAS CHOS BYAS 'JAM MGON BLA MA'I BSTAN PA LA ZHUGS, SLOB GNYER MTHAR PHYIN PAR BYAS, BSAM SGOM YANG GANG 'GRUB BYAS NYAMS MYONG DANG DAG PA'I MTSAN MA YANG MANG DU SHAR, LHAG PAR RGYAL BA MCHOG LA MDO

, ,SNGAGS KYI CHOS RNAMS LEGS PAR PHUL GRUB PAS BLO BDE, RGYAL BA MCHOG GIS TSE RABS THAMS CAD DU RJES SU 'DZIN DGOS DE LAS ZHU RGYU MED CES GSAN DU MA BZHED, DE NAS RA SGRENG DU PHEBS PA'I SNGA ZHOGS NAM SENG TZAM LA GONG SA SKYABS MGON CHEN PO TSUR GZIM SHAG TU PHEBS YAB SRAS GNYIS GSUNG GLENG SHIN TU MANG BA DANG PHAN TSUN 'BRAL MI PHOD PA'I TSUL GYIS SPYAN CHAB MANG DU BSIL NAS BYIN RLABS ZHU RES MDZAD, RJE RANG GI 'BRAL SPANG LTA BU'I THUGS DAM RTEN RJE BTZUN MKHA' SPYOD MA'I SKU BYIN RLABS CAN ZHIG GONGS RIN PO CHER PHUL TE, MGON PO KHYED ZHABS PAD BRTAN PA DANG, 'PHRIN LAS DA LTA'I MU BZHIN RGYAS PA, BDAG SKYE BA THAMS CAD DU 'BRAL MED RJES SU GZUNG DU GSOL, 'O; BAN RGAN GYI SMON LAM 'DEBS RGYU DE YIN THUGS RJES ZUNGS ZHES ZHUS SHING RGYAL BA MCHOG NAS KYANG ZHAL BZHES BZANG PO GNANG, SKU HAR GYI BZHENGS TE GZIM CHUNG MDO BAR DU PHEBS SKYEL MDZAD SKABS GONG SA MCHOG GI DBU RJE 'DI PA'I THUGS KA'I THAD DU GTAD NAS THUGS SMON YUN RING GNANG ZHING SPYAN CHAB BSIL, PHO BRANG CHEN PO'I RGYAL SGO'I NYE 'GRAM NAS PHEBS BYAMS LA GDAN DRANGS, GSOL DPON CHEN MO GRAGS PA MTHA' YAS SOGS RTZE DRUNG NANG MA RNAMS LA BSLAB BYA ZHAL GDAMS MANG DU GNANG, DE NAS RIM GYIS RA SGRENG DU PHEBS 'THOG

DGUNG LO BDUN CU DON LDAR PHEBS PA LUG LO ZLA BA BRGYAD PA'I TSES BDUN GYI NYIN KHRI MTHON PO ZHIG BSHAM BCUG NAS DER BZHUGS PA MDZAD, GONG SA MCHOG NAS CHED DU SGRUB GNANG GI BUM CHU DANG 'PHEL GDUNG SOGS GNANG BA TSES BRGYAD KYI SNGA DRO 'BYOR PAS PO TA LA NGOS SU PHYAG THAL MO SBYAR NAS BZHES PA GNANG, DRO GONG SKABS CHAR ZIM BU ZHIG 'BAB BZHIN PA LA ZHABS RDO RJE SKYIL KRUNG, PHYAG GNYIS MNYAM GZHAG DANG SKU DRAD POR BSRANGS TE STONG PA GSUM RIM GYIS THIM PA'I THAMS CAD STONG PA 'OD GSAL CHOS KYI SKU MNGON DU MDZAD, GZUGS SKU RAGS PA'I ZA MA TOG NAS YE SHES KYI SKU KHA SBYOR BDUN LDAN GYI RNAM PA CAN DU BZHENGS BA; ZHING DAG PA RAB 'BYAMS KYI DPA' BO DANG MKHA' 'GRO'I TSOGS BYE BA 'BUM GYIS RMAD DU BYUNG BA'I LHA RDZAS KYI MCHOD PA'I SPRIN PHUNG BSAM GYIS MI KHYAB PA DANG BCAS PAS BSUS TE DGA' LDAN MI PHAM CHOS KYI BLA MA'I MDUN SA CHEN POR GSHEGS PAR GYUR TO, ,DES NA BYANG CHUB LAM RIM LA BLO SBYONG BAR 'DOD PA RNAMS KYIS KHRI CHEN NGAG DBANG MCHOG LDAN LA GSOL BA 'DEBS SHING BDAG NYID CHEN PO 'DI'I RNAM THAR LTAR MDO SNGAGS GNYIS KA'I LAM GYI GNAD RNAMS LA 'KHRUL MED KYI NGES PA BRTAN PO BTZAL LA NYIN RE BZHIN DU BAG CHAGS CI THEBS BYA'O,, ` ,,

, ,GANG BLO SNYING RJE BZANG PO'I GZHAN DBANG GIS, ,BSKAL BZANG SGRON ME'I SNANG BA CAN GYI DUS, ,RGYA MTSO'I GOS CAN GZHIR GNAS 'GRO BA RNAMS, ,'KHRID BZANG BLA MA MCHOG LA GSOL BA 'DEBS ZHES BSNGAGS PA, RGYAL BA THAMS CAD MKHYEN PA BLO BZANG BSKAL BZANG RGYA MTSO NI, SNGON YUN RING PO NAS BYANG PHYOGS GANGS RI'I KHROD 'DI NYID KYI PHYAG MTSAN DU BZHES TE SNYIGS DUS THUB DBANG BSTAN PA'I SGRON MA 'DZIN PAR THUGS BSKYED PA LTAR MDO KHAMS LI THANG THUB CHEN BYAMS PA GLING GI LHA ZHOL DU RAB BYUNG BCU GNYIS PA'I KUN 'DZIN ZHES PA SA PHO BYI BA'I LO ZLA BA BDUN BA'I TSES BCU DGU'I NYIN YAB BSOD NAMS DAR RGYAS DANG, YUM BSOD NAMS CHOS MTSO GNYIS KYI SRAS SU NGO MTSAR BA'I LTAS BSAM GYIS MI KHYAB PA DANG BCAS SKU 'KHRUNGS, DE'I TSE LHA DANG BLA MAS BYIN GYIS BRLABS PA'I MTSAN LTAS MKHAN ZHIG GIS LUNG BSTAN PA LTAR BSKAL BZANG RGYA MTSO ZHES MTSAN GSOL, DE 'DRA BA'I RGYAL SRAS GZHON NU DE NI DBU GDUGS LTAR RGYAS SHING, DPRAL BA'I DBYES CHE BA, SPYAN DKYUS RING ZHING SHANGS KYI GZENGS MTHO BA, SKU'I CHA THAMS CAD LA BKRA SHIS PA'I RI MO DU MA YOD PA, BYIS PA THA MAL BA'I SPYOD TSUL LAS 'DAS TE SKYIL KRUNG BCAS TE CHOS KYI DON SEMS PA DANG, CHOS 'CHAD PA'I TSUL SOGS BLA CHEN GYI SPYOD TSUL SNA TSOGS MDZAD BAS SKU MTHONG BA DANG MDZAD SPYOD KYI TSUL THOS PA DANG,

LHA DANG SRUNG MA MANG PO'I LUNG BSTAN PHYOGS KUN NAS BSGRAGS PAS GOO SHR'I BSTAN 'DZIN CHOS RGYAL GYI GDUNG BRGYUD RNAMS KYIS GTZOS MCHO SNGON DPON KHAG RNAMS DANG, 'DZAM GLING YANGS PA'I KHYON LA STOBS KYIS 'KHOR LOS BSGYUR BA 'JAM DBYANGS GONG MA BDAG PO CHEN POS GANGS CAN 'GRO BA'I MGON PO NI 'DI'O ZHES GZENGS BSTOD MDZAD CING, DE LA BRTEN NAS MDO KHAMS PHYOGS KYI CHOS KYI GDAN KHRI 'DZIN PA'I BLA CHEN RNAMS DANG, SKYES RABS DU MAR BYON PA'I SPRUL SKU RNAMS KYIS GTZOS MCHOG DMAN MTHA' DAG 'UR LANGS TE ZHABS KYI PADMO LA MNGON BAR BTUD CING, CHOS SDE CHE PHRA RNAMS DANG SDE DPON 'BANGS BCAS NAS YO LANGS CHEN POS BSNYEN BKUR GYI MCHOD PAR BYAS SO, ,DE NAS RGYAL SRAS GZHON NU DE RDZING GI PADMA BZHIN DU BSKYED DRAG PAR GYUR TE DGUNG LO BZHI LA BAB PA'I TSE THUB DBANG GNAS BRTAN BCU DRUG DANG BCAS BAS DNGOS SU BYIN GYIS BRLABS SHING, DGUNG LO LNGA PA'I DUS SU 'JAM MGON BLA MA TZONG KHA PA CHEN POS BYIN GYIS BRLABS BAS GLO BUR NYID DU DBUS GTZANG CHOS KYI ZHING DU 'GRO ZHES GSUNG BYON ZHING DE'I RTEN 'BREL KYANG MANG DU BSGRIG BAR MDZAD PA ZHIG BYUNG, SKUN PHRA MO DE TZAM GYI DUS NA'ANG DAD PAS LHAGS PA'I GDUL BYA DAG LA RANG RANG GI SKAL BA DANG 'TSAM BA'I CHOS KYI BDUD RTZI STZOL BAR MDZAD CING, LHAG PAR CHU BZANG NO MON HAN PHEBS NAS MAndAL PHUL TE CHOS KYI BDUD RTZI GNANG DGOS PAR GSOL

, ,BA BTAB PAN, CHOS GOS DUR SMRIG RGYAL MTSAN 'CHANG BA'I SKU, ,CHOS PHUNG BRGYAD KHRI BZHI STONG SGROG PA'I GSUNG, ,CHOS DBYINGS NGANG LAS G-YEL BA MED PA'I THUGS, ,CHOS KYI RGYAL PO RGYAL BTZONG KHA PA, ,GSOL BA 'DEBS SO BYIN GYIS BRLAB TU GSOL, ,ZHES PA 'DI THOGS MED DU STZAL BAS GDUL BYA MTHA' DAG MI PHYED BA'I DAD PA'I SA LA BKOD, DE NAS TSA GAN NO MON HAN NGAG DBANG BLO BZANG BSTAN PA'I RGYAL MTSAN YONGS 'DZIN DU BSTEN NAS DBANG LUNG MAN NGAG BRGYUD MAR GSAN TE SKU NA PHRA MO'I DUS DE NYID NAS GDAMS PA'I GTER DU GYUR, DE'I TSE GSOL BA 'DEBS PA MANG PO LA THUGS RJE CHEN PO'I RJES GNANG SOGS RJES GNANG DANG LUNG GI RIGS DU MA BRGYUD MAR STZAL, DE NAS DGUNG LO BRGYAD PA SHING MO LUG GI LO LI THANG NAS CHIBS BSKYOD, MDO KHAMS PHYOGS KYI CHOS SDE CHEN PO DU MA DANG SDE DGE SOGS YUL GRU DU MAR SPYAN DRANGS, TSA GAN NO MON HAN SOGS KYIS GSOL BA BTAB STE SER SKYA STONG TZAM LA THUGS RJE CHEN PO PHYAG BZHE PA'I RJES GNANG SNGON 'GRO'I CHOS BSHAD SOGS CHES RGYAS PAR STZAL BAS KUN MI PHYED PA'I DAD PA LA BKOD CING, MDO KHAMS PHYOGS KYI SER SKYA PHAL MO CHES, DGOS 'DOD KUN 'BYUNG NOR BU BSAM 'PHEL KHYOD, ,YON TAN THAMS CAD MA BSLABS THUGS SU CHUD, ,THOS BSAM SGOM PA MTHAR PHYIN GRUB BA BRNYES, ,'PHRIN LAS RGYUN MI

'CHAD LA GSOL BA 'DEBS, ,ZHES 'DON PA BYUNG, DE SKABS NAS LAM RIM CHEN MO LJAGS 'DZIN MDZAD CING, DPAL LDAN SA GSUM MA DANG 'JAM DPAL MTSAN BRJOD RGYUN DU ZHAL 'DON DU MDZAD DO, ,DE NAS ME PHO SPRE'U'I LO 'JAM DBYANGS GONG MA CHEN PO'I BKAS BSKUL ZHING MDO KHAMS PHYOGS KYI CHEN PO MTHA' DAG BLO MTHUN BAR SKU 'BUM DU PHEBS BAR GSOL BA BTAB STE RGYAL BA TZONG KHA PA CHEN PO GANG DU 'KHRUNGS PA'I SA'I CHA SKU 'BUM DU PHEBS, RGYAL BA BSOD NAMS RGYA MTSO'I CHOS KYI KHRI LA ZHABS SEN BKOD NAS DGE 'DUN STONG PHRAG MANG PO TSOGS PA LA SKYES RABS SO BZHI BA'I DBU NAS CHOS THUN GCIG GZABS BSHAD GNANG BA SOGS BSTAN 'GRO'I DON RGYA CHER MDZAD CING; CHU BZANG NO MON HAN LAS RDO RJE 'JIGS BYED KYI DBANG GSAN, DE NAS SNGON YUN RING PO NAS GOMS PA'I BAG CHAGS BRTAS PA'I MTHUS KHYIM PA'I CHA LUGS LA MI DGYES SHING SKRA BREGS RAB TU BYUNG BA'I CHA LUGS MDZAD BZHED PA NA LO DE'I HOR ZLA BCU PA'I TSES NYI SHU'I NYIN CHA GAN NO MON HAN DANG CHU BZANG NO MON HAN GNYIS KYIS MKHAN SLOB MDZAD DE SKRA BCAD NGUR SMRIG GI NA BZA' BSKON TE BSLAB SDOM PHUL, MTSAN NGAG GI DBANG PHYUG CHOS KYI GRAGS PA THUB BSTAN RGYAL MTSAN DPAL BZANG PO ZHES GSOL, DE NAS GZHUNG LUGS LA SBYONG BAR BZHED DE CHU BZANG NO MON HAN GYIS YONGS 'DZIN MDZAD NAS MTSAN NYID KYI GZHUNG CHEN MO LNGA'I DBU NAS RTZI SHAG GNANG STE

, ,GSAN SBYONG GI DBU TSUGS, RIM GYIS BSDUS GRVA'I GSAN SBYONG MDZAD PAS RING POR MA THOGS PAR MKHAS PA'I PHUL DU GYUR TE SKU 'BUM 'DUS TSOGS KYI DBUS SU DAM BCA' YANG 'JOG PA MDZAD, DE NAS GANGS CAN SKYE 'GRO YONGS KYI BSOD NAMS KYI MTHUS DGUNG LO BCU GSUM PA LCAGS PHO BYI BA'I LO GONG MA CHEN PO'I SKU CHAB SOGS DPA' BO STONG PHRAG MANG POS BAR CHAD BSRUNGS SHING BLA CHEN MANG POS MTHA' BSKOR TE SKU 'BUM NAS CHIBS BSKYOD DE LO DE'I ZLA BA DGU PA'I TSES BCO LNGA'I NYIN LHA LDAN SPRUL PA'I GTZUG LAG KHANG DU PHEBS TE SER SKYA BGRANG BA LAS 'DAS PA LA ZHAL GYI DKYIL 'KHOR BSTAN TE GANGS CAN SKYE 'GRO MTHA' DAG DBUGS PHYIN PA THOB PAR MDZAD DO, ,DE NAS PHO BRANG CHEN PO PO TE LAR PHEBS, MGON PO SPYAN RAS GZIGS KYI RIGS KYI COD BAN SNANG BA MTHA' YAS DUR SMRIG GAR GYI RNAM PAR ROL BA PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO SPYAN DRANGS TE, PHO BRANG CHEN PO'I GZIM CHUNG NYI 'OD 'KHYIL DU LCAGS BYI LO DE KHA'I MGO ZLA BA'I YAR NGO'I TSES LNGA'I NYIN PAn CHEN THAMS CAD MKHYEN PA CHEN POS MKHAN SLOB SBRAGS MA MDZAD, KHRI CHEN DGE 'DUN PHUN TSOGS KYIS DUS GO BA MDZAD DE, TSIGS SNGA MA DGE CHUL DU BSGRUBS, MTSAN SNGAR GYI THOG TU BLO BZANG ZHES BSNAN TE, BLO BZANG BSKAL BZANG RGYA MTSO ZHES GSOL, DE NAS PAn CHEN THAMS

CAD MKHYEN PA CHEN PO RJE BCUN BLO BZANG YE SHES LA LAM RIM CHEN MO LAS DBU BTZUGS TE CHOS RGYUN DU GSAN PAR MDZAD, LHAG PAR PAn CHEN THAMS CAD MKHYEN BA CHEN PO LA DPAL RDO RJE 'JIGS BYED CHEN PO'I DBANG BZHI YONGS SU RDZOGS PA GSAN, PAn CHEN THAMS CAD MKHYEN PA CHEN POS KYANG RJE 'DI LA RGYAL BA TZONG KHA PA CHEN BO'I RNAM THAR LTAR DANG POR SHING RTA CHEN PO'I GZHUNG LUGS RNAMS LA MTHA' CHOD PAR SBYONG BA DANG, DE NAS GZHUNG LUGS GDAMS BAR 'CHAR BA'I NYAMS BZHES RNAMS LA 'BAD PA DANG, DE NAS 'JAM MGON BLA MA'I BSTAN PA RIN PO CHE 'DI NYID PHYOGS KUN TU SPEL BAR MDZAD NAS BSTAN PA'I SROG SHING G-YO BA MED PA ZHIG MDZAD DGOS ZHES ZHAL TA ZHIB PAR ZHU BAR MDZAD, DE NAS RJE 'DI PAS 'BROM RIN PO CHES JO BO RJE JI LTAR BSTEN PA LTAR GYI RNAM THAR RJES SU BSKYANGS TE PAn CHEN THAMS CAD MKHYEN PA CHEN PO RIGS KYI COD PAN DU BZUNG NAS GUS PA BLA LHAG TU MDZAD DE PAn CHEN THAMS CAD MKHYEN PA CHEN PO GTZANG DU CHIBS BSKYOD LA NYE BAN RJE 'DI NYID PAn CHEN THAMS CAD MKHYEN PA CHEN PO GZIM CHUNG KHAMS GSUM RNAM RGYAL DU BZHUGS PA'I SKU MDUN DU PHEBS TE GSER DNGUL SOGS YO BYAD DPAG TU MED PA PHUL NAS BSTAN 'GRO'I DON DU ZHABS PAD YUN RING DU BRTAN DGOS TSUL SOGS GSOL BA SHUGS DRAG TU 'DEBS PAR MDZAD, PAn CHEN THAMS CAD MKHYEN PA CHEN POS KYANG SNGAR ZHUS PA LTAR GSAN SBYOD DBYIS BYIN

, ,PA GNANG DGOS TSUL SOGS THUGS YID GCIG TU 'DRES PA'I BKA' MCHID ZHIB TU MDZAD, DE NAS PAn CHEN THAMS CAD MKHYEN PA'I BKA' RNAMS THUGS LA BCANGS TE KHRI RIN PO CHE BLO BZANG DAR RGYAS YONGS 'DZIN DU BSTEN NAS 'BRAS SPUNGS SU CHIBS BSKYOD DE THOG MAR ZHAG SHAS BSDUS GRVA'I RTZI SHAG GSAN PAN SNGAR NAS SKU 'BUM DU SBYANGS ZIN PAS THOGS PA MED PAR MKHYEN TE TSAD MA SDE BDUN MDO DANG BCAS PA LA SBYONG BAR MDZAD, DE'I TSE GRVA SAR SLOB GNYER BYED PA BYINGS DANG MTSUNGS BAR NYIN RE BZHIN DU SNGA DGONG GNYIS KAR RTZI SHAG TSAR RE 'CHAG MED DU GSAN ZHING, MTSAN NYID ZHABS PHYI RNAMS DANG CHOS KYI 'BEL GTAM LA BRTZON PAR MDZAD PAS RING POR MA THOGS PAR TSAD MA'I GZHUNG LUGS LA MKHAS PA'I PHUL DU PHYIN PAR GYUR TO, ,DE NAS PHAR PHYIN LA GSAN SBYONG MDZAD BZHED DE PAn CHEN BSOD NAMS GRAGS PA'I PHAR PHYIN THUGS 'DZIN MDZAD, LEGS BSHAD GSER PHRENG DANG RNAM BSHAD SNYING PO'I RGYAN SOGS RJE YAB SRAS KYI GSUNG RNAMS GZHIR BZHAG RGYA BOD KYI YIG CHA MTHA' DAG LA GZIGS RTOG MDZAD PAS RING POR MA THOGS PAR PHA ROL TU PHYIN PA'I GZHUNG LA MKHAS PA'I PHUL DU PHYIN PAR GYUR, DE NAS DBU MA'I GZHUNG LA SBYONG BAR BZHED DE KHRI RIN PO CHE DPAL LDAN GRAGS PA YONGS 'DZIN DU BSTEN NAS NYIN RE BZHIN RTZI SHAG THUN GNYIS RE 'CHAG MED GSAN NAS 'PHAGS

PA KLU SGRUB YAB SRAS KYI DBU MA'I GZHUNG RNAMS DANG RJE BDAG NYID CHEN POS MDZAD PA'I DBU MA'I t'IKA CHEN RNAM GNYIS, LEGS BSHAD SNYING PO, LHAG MTHONG CHE CHUNG SOGS RJE YAB SRAS KYI GSUNG RNAMS LA ZHIB TU DPYAD DE RTAG 'GRUS CHEN POS SBYONG BAR MDZAD PAS RING POR MA THOGS PAR DBU MA'I GZHUNG LA SBYANGS PA MTHAR PHYIN PAR GYUR TO, ,DE NAS RJE 'DI PA YONGS GRAGS KYI DGUNG LO BCU DGU MNGAL BSHOL RTZIS PA'I NYI SHUR PHEBS PA ME PHO RTA'I LO RIGS KYI COD PAN PAn CHEN THAMS CAD MKHYEN PA CHEN PO RJE BTZUN BLO BZANG YE SHES SPYAN DRANGS NAS LHA LDAN SPRUL PHA'I GTZUG LAG KHANG DU SA GA ZLA BA'I TSES BCO LNGA'I NYIN JO BO SH'AKYA MU NE'I SKU MDUN DU PAn CHEN THAMS CAD MKHYEN PA CHEN PO RJE BTZUN BLO BZANG YE SHES DPAL BZANG POS MKHAN PO MDZAD, KHRI RIN PO CHE DPAL LDAN GRAGS PAS LAS SLOB MDZAD, RGYUD SMAD MKHAN PO MKHAS GRUB CHEN PO NGAG DBANG MCHOG LDAN PAS GSANG STE STON PA'I SLOB DPON MDZAD, SDE SNOD 'DZIN PA CHEN PO DKA' CHEN BLO BZANG SMON LAM GYIS DUS GO BA MDZAD, RGYAL SRAS SPRUL SKU 'JIGS MED YE SHES GRAGS PA SOGS GANGS RI'I LJONGS KYI GNAS BRTAN CHEN PO SUM CU RTZA GCIG GI DBUS SU BSNYEN PAR RDZOGS PAR MDZAD DE THUB PA'I RGYAL TSAB CHEN POR MNGA' GSOL TO, ,DE NAS PAn CHEN THAMS CAD MKHYEN PA CHEN PO LA MDO SNGAGS KYI CHOS BKA' RGYA CHER GNANG DGOS PA'I GSOL 'DEBS

, ,MDZAD NAS PAn CHEN THAMS CAD MKHYEN PA CHEN PO GZIM CHUNG BDE BA CAN DU BZHUGS SU GSOL, DUS TSES KHYAD PAR CAN DANG BSTUN NAS PAn CHEN THAMS CAD MKHYEN PA CHEN POS GZIM CHUNG BDE BA CAN NYID DU DPAL GSANG BA 'DUS PA'I RAS BRIS KYI DKYIL 'KHOR DU DBANG BZHI YONGS SU RDZOGS PA STA GON DANG BCAS PA RGYAS PAR STZAL, DE NAS BA RI BRGYA RTZA'I RJES GNANG YONGS RDZOGS, SGRUB THABS SO SO'I LUNG DANG BCAS PA, RGYUD KYI RGYAL PO DPAL GSANG BA 'DUS PA'I 'GREL PA SGRON GSAL, DE LA RJE BDAG NYID CHEN POS MCHAN 'GREL, BSDUS DON, MTHA' GCOD BZHI'I SGO NAS 'DUS PA'I RTZA RGYUD 'CHAD PA'I BSHAD SROL BZANG PO DE RIM GYIS GNANG, YANG PAn CHEN THAMS CAD MKHYEN PA CHEN POR MA RGYUD THAMS CAD KYI GTZO PO DPAL 'KHOR LO SDOM PA L'U AI PA'I LUGS KYI LHA DRUG CU RE GNYIS PA'I DBANG GNAD DGOS ZHES GSOL BA 'DEBS PAR MDZAD PA NA PAn CHEN THAMS CAD MKHYEN PA CHEN POS KYANG DGYES BZHIN ZHAL GYIS BZHES TE RJE 'DI PA GZIM CHUNG BDE BA CAN DU PHEBS TE BDE MCHOG GI DBANG STA GON DANG BCAS PA RGYAS PAR GNANG BA GSAN PAR MDZAD, DE NAS MNGON PA MDZOD LA SBYONG BAR BZHED DE, MNGON PA MDZOD RTZA BA DANG, MNGON PA KUN LAS BTUS GNYIS THUGS LA BZUNG, GZHUNG DE GNYIS KYI 'GREL BA 'GREL BSHAD DANG BSHAD PA MTHA' DAG LA GZIGS RTOG MDZAD DE RING POR MA THOGS PAR MNGON PA LA MKHAS PA'I PHUL DU

PHYIN PAR GYUR TO, ,DE NAS BOD DU SDE GZIR DUS 'KHYOMS CHI BAR BYUNG BA NA 'JAM DBYANGS GONG MA BDAG PO CHEN POS RJE 'DI PA RE SHIG MDO KHAMS PHYOGS SU PHEBS NA LEGS TSUL PHEBS PA LTAR, SE 'BRAS DGE GSUM GYI BLA MA MANG PO DANG, MTSAN NYID ZHABS PHYI RNAMS DANG, GZHAN YANG BLA CHEN MANG PO DANG, DRUNG SKOR SER SKYA PHON CHE BA DANG BCAS CHIBS KHA BSKYOD DE 'GAR THAR DU PHEBS, LAM BAR GYI SER SKYA BGRANG BA LAS 'DAS PA MTHONG THOS DRAN REG GI 'BREL PA THOGS PA THAMS CAD SMIN GROL LA 'GOD PAR MDZAD, DE NAS KHRI CHEN DPAL LDAN GRAGS PA ZHING GSHEGS PA NA RGYUD SMAD MKHAN PO NGAG DBANG MCHOG LDAN YONGS 'DZIN DU SPYAN DRANGS TE DGA' LDAN KHRI PA DANG 'DRA BA'I ZOS SGO GNANG ZHING BSAM SBYOR GNYIS KYIS TSUL BZHIN DU BSTAN PAR MDZAD DE RJE RGYAL BA GNYIS PA'I MAN NGAG RGYAL BA'I GSUNG RAB THAMS CAD KYI NYID KHU BYANG CHUB LAM GYI RIM PA'I DMAR KHRID 'JAM DPAL ZHAL LUNG GI STENG NAS MYONG KHRID SLA CHOS SU MA SONG BAR ZLA SBREL GYI BAR DU GSAN ZHING YANG DANG YANG DU DRI GTUGS KYI SGO NAS GDENG THOB PAR MDZAD, DE NAS DPAL GSANG BA 'DUS PA'I RTZA RGYUD, 'GREL PA SGRON GSAL RJE RIN PO CHES MDZAD PA'I BSDUS DON MCHAN BU MTHA' GCOD RNAMS SBRAGS TE 'CHAD PA 'GREL PA BZHI SBRAGS SU GRAGS PA'I GZABS BSHAD RGYUN BSRINGS TE LO SBREL GYI BAR DU GSAN ZHING, DE YANG LUNG THOB TZAM GYIS CHOG PAR MA MDZAD BAR SNGA PHYI

, ,BAR GSUM DU BLA MA RGYUD MCHOD DANG, NYIN RE BZHIN RGYUD KYI t'IKKA'I RTZI SHAG 'DZIN TSES BCAS RJE YAB SRAS NAS BRGYUD PA'I PHYAG LEN NYAMS PA MED PAR GSAN PAR MDZAD, GZHAN YANG MKHAS GRUB CHEN PO NGAG DBANG MCHOG LDAN PA 'DI LA DPAL GSANG BA 'DUS PA'I DBANG, BSKYED RIM DNGOS GRUB RGYA MTSO DANG RDZOGS RIM RIM LNGA GSAL SGRON GNYIS KA'I GZABS BSHAD, GSANG BA 'DUS PA'I BSKYED RDZOGS GNYIS KA'I NYAMS KHRID, DPAL 'KHOR LO SDOM BA'I DBANG DANG BDE MCHOG RTZA RGYUD DANG RGYUD 'GREL SBAS DON KUN GSAL GNYIS RTZA 'GREL SGRAGS PA'I BSHAD LUNG, BDE MCHOG L'U AI PA'I LUGS KYI BSKYED RDZOGS GNYIS KA'I KHRID SOGS CHOS BKA' MTHA' YAS PA GSAN, DE NAS DBUS GCANG BDE 'JAGS SU SONG NAS DBUS GTZANG DU PHEBS PAR NYE BA NA GONG MA BDAG PO CHEN PO'I BKAS MNGAGS PA'I MI DRAG DPUNG CHE BA DANG, LCANG SKYA RIN PO CHE BCAS PHEBS TE LCANG SKYA RIN PO CHES RJE 'DI LA MDO SNGAGS KYI CHOS BKA' RGYA CHEN PO'I DON DU GSOL BA BTAB PA LTAR BDE MCHOG L'U AI PA'I DBANG STA GON DANG BCAS PA RGYAS PAR STZAL, YANG LCANG SKYA RIN PO CHE NAS GSOL BA BTAB STE GSANG 'DUS MI SKYOD PA'I DBANG STA GON DANG BCAS PA RGYAS PAR STZAL, YANG LCANG SKYA RIN PO CHE NAS GSOL BA BTAB STE DGE 'DUN LNGA BCU SKOR LA 'JAM DPAL ZHAL LUNG GI MYONG KHRID RGYAS PAR STZAL, DE NAS 'GAR THAR NAS CHIBS KHA BSKYOD DE LAM BAR GYI SKYA SER BGRANG BA LAS 'DAS PA LA

MTHO RIS DANG THAR PA'I SA BON BSKRUN PAR MDZAD CING RIM GYIS GRU 'DZIN GNYIS PA'I GZHAL MED KHANG DU PHEBS, DE NAS RJE NYID BSNYEN PAR RDZOGS NAS LO BCU LON PA YOS LO SA GA ZLA BA'I TSES BCO LNGA'I NYIN DE MO SPRUL PA'I SKU NGAG DBANG 'JAM DPAL BDE LEGS RGYA MTSO SOGS LA BSNYEN PAR RDZOGS PA'I SDOM PA GNANG, DE NAS BZUNG STE RAB BYUNG BSNYEN RDZOGS KYI SDOM PA ZAM MA CHAD PA LTA BUR STZAL ZHING, 'BROM RIN PO CHE'I RNAM THAR RJES SU BSKYANGS TE RIGS KYI COD BAN PAn CHEN THAMS CAD MKHYEN PA CHEN PO MJAL BAR RINGS NAS PHO BRANG DU PHEBS 'PHRAL SNYAN GSAN MDZAD KYANG DE LO SKU NA MTHO BA'I KHAR SKU KHAMS BSNYEL TSUL CHE BAS PHEBS THABS MA BYUNG BAR 'BRUG LO'I NANG DU GTZANG DU CHIBS KHA BSKYOD DE PAn CHEN THAMS CAD MKHYEN PA CHEN PO MJAL BAR PHEBS, BLA BRANG RGYAL MTSAN MTHON POR YAB SRAS MJAL MA THAG THUGS YID GCUGS PA'I GSUNG GLENG BAG PHEBS PAR MDZAD CING, LAM RIM MYUR LAM GYI KHRID SOGS CHOS BKA' MANG DU ZHU BA'I SNYAN GSAN MDZAD, RJE 'DI PAS THOS BSAM GLING DU BZHUGS TE BLA BRANG RGYAL MCHAN MTHON POR YANG YANG PA BAS NAS PAn CHEN THAMS CAD MKHYEN PA LA LAM RIM MYUR LAM, SGROL DKAR YID BZHIN 'KHOR LO'I RJES GNANG, TSE RTA ZUNG 'BREL GYI DBANG SOGS CHOS BKA' MANG TZAM GSAN ZHING, RJE 'DIS BKRA SHIS LHUN PO'I TSOGS CHEN LA LAM RIM BSDUS DON GYI LUNG GI THOG LAM GYI LUS YONGS SU RDZOGS PA'I GSUNG BSHAD RGYAS PAR GNANG, DE NAS YAB SRAS GNYIS 'BRAL MI BOD PAR THUGS YID

, ,GCUGS PA'I BKA' MCHID ZAB MO RGYA CHER MDZAD CING, 'JAM MGON BSTAN PA 'DZIN SKYONGS SPEL GSUM GYI GNAD LAS BTZAMS PA'I GSANG BA'I BKA' MCHID MANG PO ZHIG KYANG MDZAD NAS RJE 'DIS PHO BRANG DU CHIBS BSKYOD MDZAD, DE NAS RJE 'DIS CHOS KYI 'KHOR LO RGYA CHER BSKOR BA'I DUS LA BAB PA NA RGYA GAR CHU BO GANGG'A TSUN LA 'GRAN ZLA DANG BRAL BA'I RIG SNGAGS 'CHAD BA'I SDE DPAL LDAN SMAD RGYUD GRVA TSANG GI DGE 'DUN TSANG MAS GSOL BA RTZE GCIG TU BTAB STE TSOM CHEN RNYING PAR RGYUD SMAD TSOGS YONGS KYI THOG SPRUL SKU MANG PO DANG BLA CHEN MANG POS GTZOS DGE 'DUN KHYON STONG DANG LNGA BRGYA SKOR LA DPAL GSANG BA 'DUS PA 'PHAGS LUGS MI SKYOD PA'I DBANG STA GON DANG BCAS PA RGYAS PAR STZAL BAS GSANG CHEN RDO RJE THEG PA'I BSTAN PA NYI MA SHAR BA LTAR MDZAD DO, ,DE NAS YONGS 'DZIN GNAG DBANG MCHOG LDAN LA RDO RJE PHRENG BA'I DBANG RDZOGS PAR GSAN ZHING, RIM BZHIN BDE MCHOG L'U AI PA'I BSKYED RDZOGS, DRIL BU PA'I BSKYED RDZOGS, SRAD RGYUD LUGS KYI KHRID CHEN DRUG ,SMAD RGYUD LUGS KYI KHRID CHEN BRGYAD RNAMS LEGS PAR GSAN, DE NAS THUGS GNYER ZHABS PHYI RNAMS KYIS BSKUL NAS GSANG 'DUS DBANG BSHAD CHEN MO DBANG DON DE NYID YANG GSAL ZHES BYA BA SNGON MED PA'I LEGS BSHAD CHEN PO 'DI MDZAD DO, ,DE NAS DPAL LDAN STONG RGYUD GRVA TSANG GI DGE 'DUN RNAMS KYIS GTZOS SDE SNOD 'DZIN PA STONG DANG BRGYA SKOR LA DPAL 'KHOR LO SDOM PA L'U AI PA'I LUGS LHA RE GNYIS

PA'I DBANG STA GON DANG BCAS BRGYAS PAR STZAL TE GSANG CHEN RDO RJE THEG PA'I BSTAN PA CHES CHER 'PHEL BAR MDZAD DO, ,DE'I TSE RGYUD SDE DANG MTHUN PA'I NYAMS RTOGS KHYAD PAR CAN 'KHRUNGS NAS, DGYES PA'I MGUR DBYANGS BZHES BA NI, LHUN STUG RIN CHEN LAS GRUB PA NGO MTSAR GYI PHO BRANG, ,YE SHES 'JA' TSON DU 'KHRUGS PA DANGS GSAL GYI 'OD PHUNG, ,LNGA LDAN DKYIL 'KHOR GYI BDAG PO SKU BZHI YI DBANG PHYUG ,DRIN CAN RJE BTZUN GYI BLA MA SNYING DBUS SU BZHUGS SHIG ,SNGON BSAGS LEGS BYAS KYIS 'PHANGS PA'I DAL 'BYOR GYI RTEN BZANG, ,RAB 'BAR ME 'OBS DANG 'DRA BA'I KHYIM GNAS LAS PHYUNG NAS, ,MNYAM MED ZAS GTZANG GI SRAS PO'I BU RGYUD DU SNYEG PA, ,BSAMS KYIN BLO BDE'I NYAMS DBYANGS SHIG LEN PA RANG SPRO'O, ,MTSAN LDAN BLA MA YI ZHAL NAS GDAMS GNAG GI NYING KHU, ,SDE SNOD RIN PO CHE RNAM GSUM MDZUB 'KHRID DU BSTAN NAS, ,DUS GSUM SANGS RGYAS KYI GSHEGS BSHUL BYANG CHUB KYI SEMS LA, ,YID CHES GOL SA LAS LDOG PAS ZHE BLO RANG BDE'O, ,GANG SNANG TSUGS THUB KYI BLO 'DI 'KHRUL PA RU GO NAS, ,SPROS MED NAM MKHA' DANG 'DRA BA'I LTA BA YI RGYAL PO, ,SNANG STONG SGYU MA YI GZIGS MO LAM LAM DU SHAR NAS, ,RTAG TSAD G-YANG SA LAS GROL BAS ZHE BLO RANG BDE'O, ,'KHRUL BRAL RGYUD LUNG GI NGES PAS TSAD MA RU GRUB CING, ,CHAD MED BRGYUD LDAN GYI BLA MAR BYIN RLABS KYI BKA' BABS, ,MA DAG DRI MA KUN SBYONG NUS DBANG BZHI YI CHU BO, ,SNYING GI ZIL DBAR DU THOB PAS ZHE BLO RANG BDE'O, ,SNOD BCUD YE SHES KYI ROL BA DKYIL 'KHOR DU SHAR ZHING, ,MTSAR SDUG PHYAG

, ,RGYA YI GAR STABS SHIG SHIG TU BSGYUR BAS, ,RANG SEMS BDE STONG GI GZHON NU TING 'DZIN GYI 'CHAR SGO, ,GU YANGS RTZED 'JOL BREL BA'I DGA' STON ZHIG MYONG NGO, ,MA RIG SNYING DBUS KYI SBUBS LAS RANG BYUNG DU 'KHRUNGS PA, ,KHYAB BDAG HE RU KA'I ZHAL BZANG MNGON SUM DU MTHONG BA'I, ,'KHRUL MED LAM BZANG 'DI RNYED PA BLA MA YI BKA' DRIN, ,'JAM DPAL SNYING PO YI BKA' DRIN 'KHOR THABS RANG MED DO, ,SGO GSUM BAG MED LAS DBEN PA'I BSAM GTAN GYI KHANG BUR, ,CHES BRGYAD 'DE SNANG GI 'KHRI BA PHAR RGYAB TU BSKYUR NAS, ,TSE MJUG DON LDAN DU BYED NUS SGRUB PA YI MCHOD PAS, ,LHA DANG BLA MA KUN MNYES PA'I YID SMON ZHIG 'CHA'O, ,ZHES SO, ,DE NAS RJE BDAG NYID CHEN PO'I GSUNG 'BUM YONGS RDZOGS KYI LUNG GSAN, 'DI DAG GI SKABS LAM GYI LUS YONGS SU RDZOGS PA LA NYAMS BZHES LHUR MJAD PAS SKYES BU CHUNG DU'I MI RTAG PA'I DMIGS SKOR LA MYONG BA PHUL PHYIN 'KHRUNGS TE SKYO SHAS KYI MGUR DBYANGS GSUNGS PA NI; PHA DRAN PAS GDUNG BA SEL MDZAD PA'I, ,SKYABS BLA MA LHA LA GSOL BA 'DEBS, ,BLO 'CHI BA SNYING NAS DRAN PA DANG, ,CHOS RNAM DAG 'GRUB PAR BYIN GYIS RLOBS, ,SPANG SER PO GSER GYI RI BA LA, ,RLANGS NA BUN DNGUL MDOG SKED LA 'KHRIGS, ,DE DA LTA YOD LA DA LTA MED, ,RKYEN 'DIS KYANG MI RTAG DRAN NAS BYUNG, ,DBYAR DROD GSHER DUS SU 'DZOM PA NA, ,LO YAGS KYI SNYE MA G-YU YI MDOG ,STON MTHA' MAR ZHING STONG SKYA BOR SONG, ,RKYEN 'DIS KYANG MI RTAG

DRAN NAS BYUNG, ,SHING LJON PA 'ANG BA RGYAS LO MA RER, ,SMIN LEGS KYI 'BRAS BU PHANG PHUNG CHAGS, ,MTHAR GCIG KYANG MI SDOD SA LA BRUL, ,RKYEN 'DIS KYANG MI RTAG DRAN NAS BYUNG, ,SHAR RI BO SPO MTHO'I RTZE MO NAS, ,KHRI GDUGS KYI NYI MA DGUNG LA SHAR, ,DE MI SDONG NUB KYI RI RTZER SONG, ,RKYEN 'DIS KYANG MI RTAG DRAN NAS BYUNG, ,SKYES PHO MO GZHON NU LANG TSO CAN, ,NANG SHI DANG NUB SHI RGYUN MI 'CHAD, ,YAR 'DREN DANG SKYE BRTAG ZHU'O ZER, ,RKYEN 'DIS KYANG MI RTAG DRAN NAS BYUNG, ,SBRIN DKAR PO MKHA' LA LANG LONG 'KHRIGS, ,SBRANG CHAR GYI THEGS PA 'BAB LA KHAD, ,RLUNG DMAR NAG 'TSUB MAS PHYOGS BCUR GTOR, ,RKYEN 'DIS KYANG MI RTAG DRAN NAS BYUNG, ,SA YANGS PO DPAL MO'I THANG GI DBUS, ,PHYOGS 'GRON BO'I GUR GRAL SKAR MA 'DRA, ,SAD GAR BABS RTZVA SHING LUD SNYIGS TZAM, ,RKYEN 'DIS KYANG MI RTAG DRAN NAS BYUNG, ,DBYAR SA LA DROD BABS RTZI THOG RGYAS, ,BLO BAG PHEBS DUS KYI DE MA THAG ,DGUN KHA RLUNG 'CHUBS PA'I GRANG BAS SKYO, ,RKYEN 'DIS KYANG MI RTAG DRAN NAS BYUNG, ,STENG SGRA DBYANGS SGROG PA'I GA YU 'BRUG DANG, ,BAR GSUNG SNYAN 'JEBS PA'I KHU BYUG SOGS, ,DUS YAL YOL GAR SONG CHA MED THAL, ,RKYEN 'DIS KYANG MI RTAG DRAN NAS BYUNG, ,DNGOS ZHAL NAS CHOS KYI SMAN MCHOG GIS, ,SEMS NYON MONGS NAD SEL DAM PA MANG, ,DUS DENG SANG DAG PA'I ZHING NAS GZIGS, ,RKYEN 'DIS KYANG MI RTAG DRAN NAS BYUNG, ,LUS SKYED PA'I DRIN CAN MA LA SOGS, ,GNYEN MDZA' BSHES 'BRAL GLAGS

, ,MI PHOD KYANG, ,DUS DENG SANG 'DU PA'I 'BREL PA CHAD, ,RKYEN 'DIS KYANG MI RTAG DRAN NAS BYUNG, ,PHO RGOD PO 'PHYIS KYI SO CHIS CAN, ,LO ZLA BA RTING MA'I GRABS GSHOM BYED, ,LAS 'PHROR LUS RANG NYID GAR SONG MED, ,RKYEN 'DIS KYANG MI RTAG DRAN NAS BYUNG, ,DPAL 'CHI MED RDO RJE'I SKU BRNYES PA, ,SKYABS SANGS RGYAS DE YANG 'DA' TSUL STON, ,LUS SHA KHRAG PAGS PAS G-YOGS PA 'DI, ,'JIG NGES PA CHU YI LBU PA 'DRA, ,NAR SON PA'I PHA MAS RANG GI BU, ,SKYES TZAM NAS DUR DU SBA BA SNANG, ,DE MTHONG NAS BDAG KYANG GZHON NO ZHES, ,'CHI BDAG LA GSHOL 'DEBS RE BA CHAD, ,DUS DA NANG DGRA 'DUL GNYEN SKYONG GI, GROS BYED DUS LUS BDE SEMS KYANG RGOD, ,DGUNG DRO LA BAB DUS DUR KHROD DU, ,LUS BYA KHYIS ZA BCANG BDEN NAM, ,LAR MTHONG THOS YUL DU GYUR BA YI, ,KHONG 'GRO BA MI YI SKYES BU RNAMS, ,DUS RING MTHA' LO BRGYA TSUN CHAD DU, ,GCIG TZAM YANG MI SDOD 'CHI BAR NGES, ,PHYI SNOD BCUD SNANG BA GANG LA YANG, ,YID LEGS PAR GTAD NAS BSAMS PA'I CHE, ,DUS SNGA PHYIR 'GYUR BA 'BA' ZHIG GIS, ,KUN MI RTAG SLOB DPON NYID DU GDA', ,SNGAR PHYIS PA'I SKABS NAS RIM 'PHEL BA'I, ,STOBS LANG CHO GZHON NU'I LUS KYI CHA, ,DA GANG LA BLTAS KYANG MI SDUG PA, ,'DI RANG LUS YIN YANG YID MI 'ONG, ,BDE SDUG DANG BTANG SNYOMS SNA CHOGS SAM, ,YANG RES 'GA' DGE LA RAS 'GA'

SDIG, RES LUNG MA BSTAN GYI SEMS LA SOGS, ,BLO 'DI YANG MI RTAG SKAD CIG G-YO, ,RANG GZHAN GYI SNANG TSUL GAR BLTAS KYANG, ,GLAG BZHIN DU 'BYUNG BAS BLO SA BDE, ,KHENG 'CHI BDAG GSHED LAS MTHA' NAS BSGOS, ,DA GSOD PAR NGAS? NA CI RANG DRAG, GNYEN BSHES DANG NOR RDZAS KHANG KHYIM SOGS, ,MI YUL GYI SNANG BA DANG SPRO YANG, ,SEMS CHAGS PAS BCINGS BZHIN DBANG MED DU, ,SNANG BA 'DI NAM ZHIG NUB PAR 'GYUR, ,LUS MAL GYI THA MAR 'DRE LDOG CING, ,NGAG THA MA'I TSIG GI LNGA BA LDIB SMRA, ,SEMS THA MA'I DRAN RTOG JE PHRAR NUB, ,DUS DE 'DRA BDAG LA NAM 'OD NA, ,SNGAR SDIG PA'I LAS LA DE TZAM SPYAD, ,TSE PHYI MAR PHAN PA'I DGE BAS DBUL, ,PHYOGS GAR 'GRO 'DI 'GRO'I GTOL MED PAS, ,DA BSAM TSE 'CHI LA SHIN TU CHER, ,DON DE PHYIR BDAG DANG BDAG 'DRA'I 'GRO, ,DGOS MED KYI BYA BYED MA MANG BAR, ,SKYABS BLA MA YI DAM MKHA' 'GRO LA, ,SKYABS 'DEGS DUS SKYEL MA'I ZHU BA PHUL, ,DGE SEMS KYI SNANG PA DKAR PO'I DANG, ,GDENG DGA' SPRO DANG BCAS 'CHI BA LA, ,DUS DA LTA GOMS PA GAL CHE BAS, ,MDO SNGAGS KYI ZAB DON 'DRIS PAR BYA, ,GTAM 'DI LA BRTEN NAS BDAG 'DRA BA, ,BLO DRED POR SONG PA'I CHOS MED RNAMS, ,NGES 'PHYUNG GI BSKUL MA THEBS PA DANG, ,RGYUD SMIN CING GRO LBA THOB PAR SHOG, CES SO, ,DE NAS YONGS 'DZIN RIN PO CHE NGAG DBANG MCHOG LDAN LA DPE CHOS RIN CHEN SPUNGS PA SOGS BKA' GDAMS KYI CHOS SKOR DU MA ZHIG GSAN, 'BRAS

, ,SPUNGS SNGAGS PA BLA ZUR ZHAL SNGA NAS BLO BZANG CHOS 'PHEL GYIS GSOL BA BTAB NAS DGE BA'I BSHES GNYEN SUM BRGYA SUM CU SKOR LA BDE MCHOG L'U AI PA'I BSKYED RIM GYI KHRID SRAD RGYUD DANG DBEN SA SNYAN RGYUD KYI GDAMS PA'I CHU PO GNYIS 'DRES MYONG KHRID DU STZAL BAS DER 'DUS PA'I DGE BA'I BSHES GNYEN DE RNAMS BLA MED THEG BA'I BDUD RTZIS TSIM PAR MDZAD DO, ,DE'I TSE DGE BA'I BSHES GNYEN RIN CHEN RGYAL MTSAN GYIS DPAL HE RU KA: DANG RJE BDAG NYID CHEN PO, RJE 'DI NYID GSUM DBYER MED DU GSOL BA BTAB CHOG PA ZHIG DGOS ZHES ZHUS PA NA, STENG DGA' LDAN LHA BRGYA'I MDUN SA NAS, ,SPRIN DKAR PO SNYEG PA'I RTZE MO RU, ,RJE RGYAL BA KUN 'DUS BLO BZANG GRAGS, ,DENG MDUN GYI NAM MKHAR GSHEGS SU GSOL, ,GNAS SPYI GTZUG SENG KHRI BAD ZLA'I STENG, ,YID DRAN PAS SRID ZHI'I GDUNG BA SEL, ,DPAL HE RU KA: DANG DBYER MED PA'I, ,RJE DRIN CAN BLA MA RIN PO CHE, ,MGON GSANG GSUM BKOD PA MTHA' YAS KYANG, ,DON NGO BO GCIG TU GSOL 'DEBS NA, ,RGYUD NYON MONGS RTZUB REG ZHI BA DANG, ,SEMS CHOS DANG 'DRES PAR BYIN GYIS RLOBS, ,SNGON LEGS BYAS BRGYA YIS 'PHANGS PA'I LUS, ,RTEN CHOS DANG MJAL BA'I DAL 'BYOR 'DI, ,LHA TSANGS DBANG GTZUG GI NOR BU BZHIN, ,DUS LAN CIG TZAM LAS RNYED DKA' YANG, ,DENG SNGON CHAD 'DI SNANG RE DOGS DANG, ,SEMS NYON MONGS DBANG DU SONG BA YIS, ,BLO CHOS DANG 'DRES PA'I SKABS MED BAR, ,TSE PHAL

CHER DON MED NGANG LA ZAD, ,DUS GTAN GYI MDUN MA RLUNG LA BSKUR, ,RGYUD 'PHUN 'DRE ZHUGS PA'I SMYON PA BDAG, TSE 'DI SNANG PHUN CHOGS THAMS CAD DANG, ,GTAN BRAL GYI PHA ROL CHA BA'I TSE, ,CHOS GSHA' MA BSGRUBS PA'I NYAMS MYONG GIS, ,'JIGS MI DGOS SNYAM PA'I GDENG TSAD MED, ,LO ZLA BZHAG DANG ZA MAS KYANG, ,LUS SEMS KYI MTHU STOBS RIM GYIS BRI, ,SNGAR LANG TSO DAR PA'I GZHON NU'I LUS, ,DA RGAS PA'I GNAS SKEBS 'DI LTAR SONG, ,LUS 'BYUNG BA 'KHRUGS PA'I NAD CIG GAM, ,RKYEN GLO BUR GDON GYIS 'TSE BA YIS, ,PHYOGS GANG DU MAL GYI THA MA LA, ,BDAG 'CHI BA'I DUS TSOD NAM 'OD NA, ,DGRA GSHIN RJE'I BSU MA'I PHO NYA SLEBS, ,PHYOGS DED SHA THON PA'I GDANGS MIG LTA, , MTHA' MDZA' BA SHES DU BAS YONGS SU BSKOR, ,GSHIN DGE DANG DUR GYI GSHOM RAS BREL, ,GNYEN LONGS SPYOD DPAL LA 'KHREN BA YIS, ,YID GDUNGS KYANG RANG DBANG GTOL MED 'GYUR, ,LAR DE LTA'I 'CHI BA 'OD NGES SHING, ,DUS DE RING NYI MA MA NUB GONG, ,SEMS ZAG PHUNG BRAL NAS BAR DO YI, ,'PHRANG RING PHOR MI 'GRO'I CHA YANG MED, ,'BROG DGON PA 'JIGS BA'I SA PHYOGS SU, ,RANG GCIG BU GTOL MED 'BYAMS PA BZHIN, ,SNGAR 'DRIS KYI GROGS DANG MGON MED PAR, ,BSHUL 'JIG RTEN PHYI MAR 'GRO BA NA, ,SKYABS BSLU MED DKON MCHOG MA LUS PA, ,RJE BLA MA GCIG TU 'DUS PA'I SKU, ,KHYED MA GTOGS RE SA GZHAN MED PAS, ,THUGS BRTZEBS SKYONGS SHIG THUGS RJE CAN, ,SGO GSUM

, ,GYIS BSGRUBS PA'I DAM CHOS RNAMS, ,RGYUD NYON MONGS GNYEN POR SONG BA YI, ,CHOS GNAD DU 'KHEL BA'I NYAMS LEN GYIS, ,DUS NYIN MTSAN 'DA' BAR BYIN GYIS RLOBS, ,MA SEMS CAN 'KHOR BA'I RGYA MTSO CHER, SDUG BSNGAL BA'I NGANG TSUL MA BZOD BAR, ,TSIG BCOS MA MIN PAR CI BYED RNAMS, ,GZHAN PHAN BDER 'GYUR BAR BYIN GYIS RLOBS, ,BDAG 'DI SNANG 'GAG PAR PHYOGS PA'I TSE, ,RJE BLA MA KHYAB BDAG HE RU KA: 'KHOR DPA' BO DPA' MO'I BSU BA YIS, ,GNAS MKHA' SPYOD ZHING DU KHRID DU GSOL, ,LAS NYON MONGS DBANG GIS SKYE BA'I MTHA', ,YONGS ZAD PAR MA GYUR DE SRID DU, ,LHA BLA MAS THEG MCHOG MGON MDZAD NAS, ,SMIN GROL GYI LAM BZANG MTHAR PHYIN SHOG, CES PA GNANG NGO, ,DE NAS DGE BA'I BSHES GNYEN MANG PO ZHIG LA SMAD RGYUD LUGS KYI KHRID CHEN BRGYAD DANG, SRAD RGYUD LUGS KYI KHRID CHEN DRUG BCAS ZAB CHOS MTHA' YAS PA GNANG, YONGS 'DZIN DAM PA KHRI CHEN NGAG DBANG MCHOG LDAN LAS SA SKYA'I GSER CHOS BCU GSUM DANG, BKA' GDAMS LHA BZHI SOGS LHAG PA'I LHA MANG PO'I RJES GNANG DANG, MGON PO PHYAG DRUG PA DANG GUR MGON SOGS CHOS SKYONG MANG BO'I RJES GNANG GSAN RTA TSAG SPRUL PA'I SKUS GSOL BA BTAB NAS DRIL BU LTA LNGA'I DBANG STA GON DANG BCAS RGYAS PAR GNANG, DE'I CHE 'BRAS SPUNGS SNGAGS PA GRVA TSANG DANG SER SNGAGS PA GRVA TSANG GNYIS KAS RDO RJE 'JIGS BYED KYI DBANG GI DON DU GSOL

PA BTAB PA NA, DON GNYER CAN MTHA' YAS PA BYUNG STE 'BRAS SPUNGS SNGAGS PA TSOGS YONGS DANG, DE MO SPRUL SKU RIN PO CHE SOGS SPRUL SKU DANG, BLA MA DGE BA'I BSHES GNYEN CHES MANG BA BCAS DGE 'DUN STONG DANG NYIS BRGYA BRGYAD CU SKOR LA DPAL RDO RJE 'JIGS BYED LHA BCU GSUM MA'I DBANG STA GON DANG BCAS PA RGYAS PAR STZAL ZHING, DE NAS MU 'THUD DA SER SNGAGS PA TSOGS YONGS DANG DGE BA'I BSHES GNYEN CHES MANG BA BCAS LA'ANG DPAL RDO RJE 'JIGS BYED KYI DBANG STA GON DANG BCAS PA RGYAS PAR STZAL, BRAG G-YAB SPRUL PA'I SKUS GSOL BA BTAB STE DGE 'DUN STONG PHRAG LHAG TZAM LA BYANG CHUB LAM RIM CHEN MO'I BSHAD LUNG RGYAS PAR STZAL ZHING, NYUNG SHAS SHIG LA THUGS RJE CHEN PO BCU GCIG ZHAL DPAL MO LUGS KYI DBANG CHEN YANG STZAL, ,DE NAS KHRI CHEN NGAG DBANG MCHOG LDAN LA RDO RJE 'JIGS BYED KYI 'KHRUL 'KHOR KHAMS GSUM LAS RNAM PAR RGYAL BA'I NYI 'OD MA BU RNAMS KYI GZABS BSHAD GSAN ZHING PHYAG LEN YANG SBYONG BAR MDZAD, GZHAN YANG KHRID CHEN LA N'A RO CHOS DRUG GI ZAB KHRID DANG, DGA' LDAN PHYAG RGYA CHEN PO'I ZAB KHRID DANG, DUS 'KHOR SBYOR DRUG GI ZAB KHRID RNAMS RGYAS PAR GSAN ,DE NAS AANG DKAR ZHABS DRUNG GIS GSOL BA BTAB NAS BDE LAM GYI ZAB KHRID SEMS BSKYED MCHOD BA DANG BCAS RGYAS PAR GSAN, DE NAS SKU MTSAMS SHIG GI NANG DU MI RTAG PA'I SNANG TSUL LA MBUR DBYANGS MDZAD BA NI,

, ,NE'U GSING SPANG LA SKYES PA'I, ,SPANG RGYAN ME TOG BKRA YANG, ,DGUN GYI KHA RLUNG 'TSUB DUS, ,RDUL PHRAN TZAM DU 'THOR BAS, ,DA LTA MDANGS BA KRAG MTSAR DUS, ,DKON MCHOG DRUNG DU PHUL DANG, ,SNGON BSAGS SBYIN PA'I 'BRAS BU, ,'DOD DGU'I LONGS SPYOD 'BYOR YANG, ,NAM ZHIG GANG THAG GZHAN GYIS, ,BDAG BZUNG RDZAS SU 'GYUR BAS, ,DA LTA RANG DBANG YOD DUS, ,SBYIN PA'I ZHING LA PHUL ZHIG, RTZAL GSUM DAR LA RDZOGS PA'I, ,G-YU 'BRUG SKAD GSANG MTHO YANG, ,DBYAR GSUM NAM ZLA'I THA MAR, ,SGRA SKAD NYAMS PAR 'GYUR BAS, ,DA LTA MKHA' LA 'PHYO DUS, ,DBYAR RDO DAL BUS SGROGS DANG, ,MTHUN 'JUG 'JIG RTEN LAS LA, ,GSUNG SNYAN 'GYUR KHUGS 'KHROL YANG, , NAM ZHIG MGRIN PA'I LAM LA, ,DBUGS KYANG CHAD PAR 'GYUR BAS, ,DA LTA SMRA LCE BDE DUS, ,GRAG STONG BZLAS PAR 'BUNGS SHIG, MKHA' LA RGYAN DU CHAGS PA'I, ,SPRIN DKAR LANG CHO GSAR YANG, ,DRAG PO'I RLUNG DANG 'PHRAD NAS, ,PHYOGS BCUR 'THOR BAR NGES SO, ,DA LTA LANG LONG 'KHRIGS DUS, ,SBRANG CHAR BCUD DU PHOB DANG, ,KHU KHRAG GZHAN GYI RDZAS LA, ,BDAG BZUNG LUS 'DI 'PHYOR YANG, ,NAM ZHIG MI GTZANG RDZAS BZHIN, ,'BREL MED 'DOR BAR 'GYUR BAS, , DA LTA RTZAL STOBS LDAN DUS, ,DGE BA'I BRAN DU BKOL ZHIG, DANG BSIL YID LA 'THAD PA'I, ,NYAL 'GRO LHUNG LHUNG 'BAB KYANG, ,MI RING THIGS PA TZAM YANG, ,LUS MED SKAMS PAR 'GYUR GYI, ,DA LTA RGYUN BZANG 'BAB DUS, ,

RTZI THOG GSOS SU DRONGS DANG, ,RANG BDE GZHAN LA GNOD PA'I, ,THABS TSUL SNA DGU 'GYU YANG, ,NAM ZHIG MING DON TZAM YANG, ,'CHAR MED RMONGS PAR 'GYUR GYI, ,DA LTA BLO RIG GSAL DUS, ,ZAB RGYAS GDAMS NGAG SGOMS SHIG, TSONG DUS SA YI LTE BAR, ,LHO BYANG TSONG PHRUG 'DZOM YANG, ,ZHAG GSUM NANG PAR DUS SU, ,SO SOR GYES PAR 'GYUR BAS, ,DA LTA YUD TZAM 'TSOGS DUS, ,'KHON DANG MTHUN 'GROGS SPONGS DANG, ,CHO SNGON LAS KYIS BKUG PA'I, ,DGRA GNYEN BYAMS SDANG CHE YANG, ,MI RING RIGS DRUG GNAS SU, ,SO SOR 'GRO BAR 'GYUR BAS, ,DA LTA RIS SU BCAD NAS, ,DGOS MED CHAGS SNGANG SPONGS SHIG, STON DUS MKHA' LA SHAR BA'I, ,NYA RGYAS NAM 'PHANG MTHO YANG, , 'DZAM GLING SA 'DIR GNAS PA'I, ,SKYE BO TSA GDUNG CAN LA, ,LUS SEMS DGA' BDE SKYED PA'I, ,SHUGS 'BYUNG 'OD DKAR 'GYED DO, ,GZHAN LA PHAN BDE 'DOD PA, ,RANG SEMS KHONG NA GNAS KYANG, ,PHYOGS DUS SGYE BO KUN GYIS, ,DON GNYIS DPAL DU 'GYUR BAS, ,LUS NGAG TSUL 'CHOS SPANGS TE, ,LHAG BSAM BZANG PO SKYED CIG, KLU DBANG GTZUG GI NOR BU, ,PHYOGS LHUNG RTOG PA MED KYANG, ,MCHOD DANG BKUR STI CHEN POS, ,RTZE GCIG GSOL BA BTAB LA, ,GANG BSAM RE BA'I 'BRAS BU, ,LAG RTZER STZOL BAR NGES SO, ,BLA MA SKU GSUM DBANG PHYUG, 'GRO LA NYE RING SPANGS KYANG, ,MOS GUS LTEM RKYANG MED PAS, ,RTZE GCIG DRAN PA DE LA, ,'DI DANG PHYI MA KUN GYI, ,LEGS CHOS 'GRUB PAR NGES SO, ,DBANG PO

, ,BSLAD PA'I MTHU YIS, ,MKHA' LA SNANG BKRAG MCHAR YANG, ,GSO DPYAD MIG SMAD RNON POS, ,SBYANGS PA'I DE MA THAG TU, ,RAB RIB SNANG BA LOG PA'I, ,STONG GSAL RJEN BAR 'CHAR RO, ,DNGOS 'DZIN GDON GYIS DKRUGS PAS, ,KUN RDZOB CI YANG 'CHAR MONG, ,'KHRUL PA'I RANG MCHANG 'COD BA'I, ,RIGS SHES LTA BA'I NGO NA, ,BLO BRID SNANG PA LEGS PA'I, ,GNAS LUGS LTAD MO LTOS SHIG, STONG GSAL MKHA' YI NGOS NA, ,TSUGS THUB BDEN PAR MED KYANG, ,RGYU RKYEN RTEN 'BREL MANG PO, ,CHOGS PA'I 'JA' TSON RI MO, ,GTAD MED CI YANG 'CHAR BA'I, ,NGO MTSAR 'DI LA LTOS DANG, ,DPYAD NA 'DI ZHES BYA BA'I, ,NGOS BZUNG CI YANG MID KYANG, ,RGYU RKYEN CHA SHAS MANG POR BTAGS YOD MING TZAM 'DI LA, ,BYA BYED THAMS CAD 'THAD PA'I, ,SGYU MA 'DI LA GZIGS DANG, ,BDEN DNGOS BSLU BA MED PA'I ,DMIGS GTAD GANG YANG MED KYANG, ,KHOG YANGS BRAG GI PHUG PAR, ,SGRA SNYAN BRAG CA'I DBYANGS KYIS, ,RANG 'DZIN SHES PA BSKYED PA'I, ,NUS PA THOGS MED BZHIN DU, ,BSLU MED DON LA GRUB PA'I, ,SNYING PO CHA TZAM MED KYANG, ,DON LDAN TSIG GI PHRENG BA, ,'DI LTAR SPEL BA'I GTAM GYIS, ,KUN RDZOB 'GRO BA MANG BOR, ,PHAN PA RGYA CHEN GYUR CIG, ,CES SO, ,DE NAS KHRI CHEN NGAG DBANG MCHOG LDAN LA RGYAL TSAB DAR MA RIN CHEN GYI GSUNG PHAL CHA BA'I LUNG GAS NO?, ,DE NAS KHRI CHEN NGAG DBANG MCHOG LDAN LA GSOL BA YUN RING DU BTAB STE DPAL DUS KYI 'KHOR LO'I

DBANG MO CHE RJE YAB SRAS NAS BRGYUD PA DENG SANG RGYUN CHAD DU NYE BA LA THUG PAS KHRID CHEN RDO RJE 'CHANG GIS RGYUN ZHIG BZHES NAS GNANG THUB PA ZHIG DGOS ZHES YANG DANG YANG DU GSOL BA BTAB PA NA KHRI CHEN SKU NA MTHO YANG RGYAL BA MCHOG GI BKA' DANG 'JAM MGON BSTAN RGYUN LA DGONGS TE DKA' BA CHEN BOS GSAN NAS LJAGS BSNYEN SOGS LEGS PAR GRUB STE RJE 'DI PA LA 'BUL BAR MDZAD, RJE 'DIS KYANG GONG BSNYEN SOGS RGYUD DANG MTHUN PAR LEGS PAR GRUB PAR MDZAD NAS DPAL DUS KYI 'KHOR LO'I DBANG DANG MAN NGAG 'CHAD PA LA 'JIGS PA MED PA'I GNAS THOB PAR MDZAD DO, ,DE NAS DVAGS PO DGE BSHES KYIS GSOL BA BTAB PA LA BRTEN NAS 'BRAS SPUNGS 'DU KHANG CHEN MOR SDE SNOD 'DZIN PA BZHI STONG TZAM LA DRANG NGES RNAM 'BYED ZHAG NYI SHU RTZA GSUM GYI BAR DU DKA' BA'I GNAS RNAMS DRI MA MED PA'I RIGS PAS MTHA' CHOD PAR MDZAD DE RGYAS PAR GNANG BAS RGYAL BA TZONG KHA PA RANG NYID SLAR 'JIG RTEN 'DIR DNGOS SU BYON PA JI LTA BA BZHIN DU GYUR TO ZHES DE DUS KYI SDE SNOD 'DZIN PA MTHA' DAG GSUNG NGO, ,DE NAS KHRI CHEN RDO RJE 'CHANG NGAG DBANG MCHOG LDAN LA PHYAG RDOR 'KHOR CHEN GYI DBANG GSAN NAS YI DAM 'DI'I BSNYEN BSGRUB SOGS MTHAR PHYIN PAR MDZAD DO, ,DE NAS 'BRAS SPUNGS SNGAGS PA BLA ZUR ZHAL SNGA NAS KYIS GSOL BA BTAB NAS SDE SNOD 'DZIN PA BDUN BRGYA BSKOR LA DPAL GSANG BA 'DUS PA'I RTZA RGYUD 'GREL PA SGRON GSAL, RJE BDAG NYID CHEN POS MDZAD PA'I

, ,BSDUS DON MCHAN BU MTHA' GCOD DE 'GREL PA BZHI SBRAGS KYI BSHAD RGYUN RGYAS PAR STZAL BAS GSANG CHEN RDO RJE THEG PA'I BSTAN PA NYI MA LTAR GSAL BAR MDZAD DO, ,DE NAS SHING MO GLANG GI LO SDE SNOD 'DZIN PA MANG POS GSOL BA BTAB NAS, DAD LDAN TSIG STONG SKOR LA DPAL RDO RJE 'JIGS BYED CHEN PO'I DBANG BZHI STA GON DANG BCAS PAR RGYAS PAR GNANG, DE'I TSE DBANG DNGOS GZHI'I NYIN NAM MKHA' SHIN TU DNGAS PA LAS ME TOG GI CHAR BABS PA BYUNG ZHING, RIG PA 'DZIN PA 'GA' ZHIG LA YE SHES PA PHABS PA'ANG BYUNG BAS KUN MI PHYED PA'I DAD PA THOB BO, ,MANYDZU SHR'IS GSOL BA TAB NAS MA RGYUD THAMS CAD KYI GTZO BO DPAL 'KHOR LO SDOM PA'I RTZA RGYUD DANG, RJE BDAG NYID CHEN POS MDZAD PA'I SPAS DON KUN GSAL GNYIS RTZA 'GREL SBRAGS NAS GNANG BAS RJE BDAG NYID CHEN PO'I BSTAN PA'I SNYING PO NYAMS PA GSO BAR MDZAD DE RJE'I BSTAN PA LA BKA' DRIN CHE BAR MDZAD DO, ,DE NAS CHU KHYI LO DGA' LDAN RNAM PAR RGYAL BA'I GLING DU PHEBS SKABS RJE THAMS CAD MKHYEN BA'I RNAM THAR DANG BKA' DRIN DRAN BA'I DAD GUS SHUGS DRAG PO THUGS LA 'KHRUNGS PAS THUGS RJE BSKUL BA'I GSOL 'DEBS MGUR DBYANGS 'DI LTAR MDZAD DO, , GNAS SA 'DZIN MTHON PO LHUN CHAGS SPO, ,RJE BAD GSHEGS KUN GYIS BYIN GYIS BRLABS, ,DON YE SHES RANG SNANG SGYU 'PHRUL GYI, ,DPAL RGYAL BA'I DKYIL 'KHOR CHEN POR GRUB, ,RI SMAN LJONGS DRI BZANG NGAD PA 'THUL, ,DUS GSUM

DU ME TOG LDING KHANG BKRA, SHING G-YU LO RGYAS PA'I TSANG TSING GIS, ,RJE BLA MA'I MDZES SKU YID LA SHAR, ,CHAB LHUNG LHUNG 'BAB BA'I NYAL 'GRO'I SGRA, ,YID 'KHOS SU PHEBS PA'I 'DAB CHAGS SKAD, ,CHOS LEGS BSHAD DAR DIR SGROGS BA YIS, ,RJE BLA MA'I GSUNG DBYANGS YID LA DRAN, ,STON G-YA' DANG BRAL BA'I DGUNG SNGON SPOR, ,SPRIN DKAR GSAL LANG LONG RTZIBS SHAR BSGRENGS, ,NYI GZHON GYI 'OD SNANG LAM LAM 'DIS, ,RJE BLA MA'I MKHYEN BRTZE YID LA SHAR, ,SKU GSAL RDZOGS MTSAN DPE'I RGYAN GYIS SPRAS, ,GSUNG ZAB RGYAS GDAMS PAS 'DOD PA 'JO, ,THUGS 'OD GSAL CHOS KUN GZIGS MO CAN, ,RJE BLO BZANG GRAGS PA SRAS DANG BCAS, ,SNGON THUGS DAM JI LTAR BCAS PA BZHIN, ,MGON DPUNG GNYEN SANG DU 'DIR GSHEGS LA, ,KUN BZANG GI MCHOD PA RGYA MTSO'I TSOGS, ,DBYINGS BDE CHEN NGANG DU BZHES SU GSOL, ,ZHING RNAM DAG BYIN RLABS G-YANG DU CHAGS, ,NYAMS DGA' BDE'I 'BROG GI RI BO CHER, ,RJE RGYAL BAS LUNG BSTAN DGA' LDAN ZHES, ,PHYOGS KUN LAS RNAM PAR RGYAL BA 'DIR, ,THUGS BDE STONG DBYER MED DANG NYID LA, ,YUL KUN RDZOB 'JA' TSON CI YANG BKRA, SKU GCIG LAS RAB 'BYAMS SPRUL BA'I SPRIN, ,CHAD MU MTHA' BRAL BAR 'GYED BZHIN DU, , CHOS MDO SNGAGS ZAB DANG RGYA CHE'I LAM, ,THAR 'DOD KYI 'JUG NGOGS GANG YIN PA, ,TSIG SGRA SPYIR MA LUS 'KHRUL MED DU, ,SKAL LDAN GYI 'BRAL RJEN PAR BSTAN, ,RJE BLA MA KHYED KYI BKA' DRIN LAS, ,BKA' MDO RGYUD MA LUS GDAMS

, ,BAR GO, MTHAR BYANG CHUB NYE BA'I LAM NGO MTHONG, ,PHYOGS GOL SAR SHAR BA'I 'KHRUL BA ZAD, ,MGON KHYOD KYI RNAM PAR THAR PA LA, ,'BANGS RJES SU ZHUGS PA'I GDUL BYA BDAG, DRIN LEGS PAR BSAM PA'I MOS GUS KYIS, ,YID KHONG NAS BSKYOD PA'I RE LTOS ZHU, ,PHA MI MNGON BDE CHEN DBYINGS SU GSHEGS, ,BU SKAL MED 'KHOR BA'I 'DAM 'DIR LUS, ,DA MGON SKYABS BAR BA'I SMRE SNGAGS KYI, ,NGAG GDUNG DBYANGS 'DI LA GSAN DU GSOL, ,PHAR 'GRO BA'I SPYOD TSUL LA BLTAS NA, ,PHYI RAB BYUNG CHOS PAR RLOM NA YANG, ,NANG TSE 'DI KHO NA'I SNANG SHAS LA, ,KHONG KHYIM PA LAS KYANG ZHEN PA CHE, ,PHAL SKYE BO NAG PO'I LAS LA DGA', ,NGAN G-YO CAN MGO 'PHANG MTHO LA BRIN, ,DUS SNYIGS MAR SPYOD PA'I NGANG TSUL 'DIS,, SNYING RUS PA'I GTING LA NAD DU THINGS, ,TSUR RANG GI NGANG TSUL LA BLTAS NA, ,PHYI DGE SBYONG TSUL 'CHOS KYIS MDZES SHING, ,CHOS SDE SNOD ZAB MO THOS NA YANG, ,NANG SHES RGYUD MA DUL SHING LTAR RENGS, ,DBANG YUL GYI SNANG BA GANG SHAR LA, ,DRAN SHES DANG GNYEN PO MTHU CHUNG BAS, ,YID DUG GSUM DBANG DU SHAR SHOR TE, ,RDZAS MI GTZANG GANG BA'I GSER BUM BZHIN, , LAR DAL 'BYOR LDAN PA'I MI LUS 'DIS, ,SNGAR NGAN SONG RGYU TSOGS BSGRUBS BSGRUBS NAS, ,DON RANG GZHAN PHAN NGES RNAM DKAR GYI, ,GDENGS CHA SHAS TZAM YANG MA MCHIS SO, ,BDAG YUL NGAN DUS KYI THA MAR SKYES, ,LAS

GYI NAS 'DA' BA'I NGANG TSUL 'DI, ,PHA BLA MA KHYED KYIS NYER DGONGS LA, ,THUGS BRTZE BA'I LCAGS KYUS GZUNG DU GSOL, ,TSE 'DI PHYI BAR DO GANG DU YANG, ,RJE GCIG CHOG KHYED RANG MKHYEN LAGS BAS, ,SKYABS RE SAS BSLU BA MA MDZAD BAR, ,MGON DPUNG GNYEN MDZOD CIG BLA MA MKHYEN, ,SPYIR 'GRO BA KUN LA BU LTAR BRTZE, ,SGOS NYAM THAG BDAG GI PHA LAGS NA, ,SKU MTSAN DPES BRGYAN PA'I DKYIL 'KHOR DE, ,'DIR MNGON SUM SNANG BAR BSTAN DU GSOL, ,DUS GNAS SKABS KUN TU PHAN NGES PA'I, ,GSUNG GDAMS NGAG RNAM BAR STZAL DU GSOL, ,THUGS DMIGS MED BDE BA CHEN PO DANG, ,YID RO GCIG 'DRES PAR BYIN GYIS RLOBS, ,TSE MI RTAG NUB KA'I NYI MA 'DRA, ,NOR LONGS SPYOD RTZVA RTZE'I ZIL PAR MTSUNGS, ,GTAM SNYAN GAGS LUNG STONG RLUNG GI SGRA, ,LUS LANG TSO STON MTHA'I ME TOG BZHIN, ,LAR 'KHOR BA SPYI DANG BYE BRAG GI, MTSANG NGAN PA'I NGANG TSUL KUN MTHONG NAS, ,BLO GTING NAS CHOS LA PHYOGS PA DANG, ,CHOS LAM DU 'GRO BAR BYIN GYIS RLOBS, ,THOG MED NAS DRIN GYIS BSKYANGS BSKYANGS PA'I, ,MA RIGS DRUG SEMS CAN NYAM THAG LA, ,BYAMS SNYING RJE BYANG CHUB SEMS KYI BLOS, ,RGYUD LHAG BAR PHYUG PAR BYIN GYIS RLOBS, ,CHOS GANG SHAR NGO LA PHAR BLTAS TSE, ,RANG RTOG BTAGS RI MO TZAM ZHIG LAS, ,GSHIS SPROS BBREL GNAS LUGS CHEN PO DE, ,DUS MYUR TU RTOGS PAR BYIN GYIS RLOBS, PHYI SNANG BA LHA DANG

, ,LHA MONG SHAR, ,NAD SEMS RGYUD BDE STONG ROL PAS TSIMS, ,MCHOG BSKYED RDZOGS RDO RJE'I RNAL 'BYOR GYIS, ,TSE 'DI LA GROL BAR BYIN GYIS RLOBS, ,RGYUD NYON MONGS 'PHEL BA'I BSAM GTAN DGRAS, ,RGYANG RING DU DBEN PA'I GNAS BZANG PO, ,NYAMS BAG PHEBS BDE DGA' BSKYED PA'I SAR, ,ZAB DON LA GZHOL BAR BYIN GYIS RLOBS, ,CHOS SDOM PA GSUM GYI BLANG DOR LAS, ,PHYIR PHYOGS PA'I SDIG LTUNG DRI MA DANG, ,RKYEN BAR GCOD PHYI NANG 'TSE BA KUN, ,DUS MYUR DU ZHI BAR BYIN GYIS RLOBS, ,LHA 'JAM DPAL ZHI KHRO BKA' SDOD SOGS, ,SKU CIR YANG STON PA'I RDZU 'PHRUL GYIS, ,RKYEN MTHUN PA'I LAS KUN BSGRUB PA DANG, ,SKYABS G-YEL BA MED PAR MDZAD DU GSOL, ,BDAG LUS NGAG YID LA GSANG GSUM GYI, ,DPAL BYIN RLABS NUS MTHU KUN STZOL LA, ,SGO GSUM GYIS CI BYED SEMS CAN DANG, ,RJE KHYED KYI BSTAN LA PHAN PAR SHOG ,CHOS MDO SNGAGS SGRA YIS SA STENG KHYAB; ;DON SGRUB BRGYUD BSTAN PA'I NYI MA SHAR, ,'BREL TSAD LA PHAN BDE'I DNGOS GRUB 'PHEL, ,YID CI BSAM 'GRUB PA'I BKRA SHIS STZOL, ,ZHES PA'O, ,DE NAS BRAG G-YAB GDUNG KHANG SKU SKYES GSOL BA BTAB NAS DGE 'DUN TSIG STONG SKOR LA RJE NYID KYI GSUNG 'BUM YONGS RDZOGS KYI LJANGS LUNG GNANG, BAR SKABS SHIG BUNG BA MANG PO ME TOG LA 'KHOR TE 'PHUR LDING GIS ME TOG GI ZE'U 'BRU'I BCUD GZHIB TZANG RGYUD MANG SNYAN PA'I SGRA SGROG PA

GZIGS SHING GSAN PAS SNANG BA DPE CHAR SHAR BA'I NYAMS MGUR 'DI LTAR MDZAD DE, YID CI 'DOD DNGOS GRUB MA LUS PA'I, ,DON BDE BLAG STZOL MDZAD BLA MA DANG, ,LTA NGAG GI DBANG PHYUG YAB YUM LA, ,BDAG GSOL BA 'DEBS SO BYIN GYIS RLOBS, ,SHA MI GTZANG RDZAS KYI GONG BU LA, ,BLO GTAD MED SBRANG BU MANG PO ZHIG ,ZAS ZHIM POR RLOM NAS ZA ZIR 'DU, ,DPE 'DI DANG MCHUNGS PA'I DON GYI GLU, ,MNOG CHUNG BA TSE 'DI'I PHUN TSOGS LA, ,BLO COL CHUNG 'GRO BA MANG PO ZHIG, THABS DU MA'I SGO NAS 'TSOL NA YANG, ,YUD TZAM LAS PHAN PAR NGAS MA MTHONG, ,STAG CHUNG GI BUNG BA BZHON NU DES, ,MDANGS LDAN GYI ME TOG GCIG NAS GCIG, YUD TZAM LA 'DOR LEN BYED PA MTHONG, ,DPE 'DI DANG MTSUNGS PA'I DON GYI GLU, ,SNYIGS DUS KYI SKYE BO MANG PO ZHIG, SEMS MA DAG RANG GI SNANG TSUL GYIS, ,SKAD CIG LA DGRA GNYEN 'GYUR BA MTHONG, ,BLO BRTAN PA'I GROGS PO NGAS MA RNYED, ,PHYI KHA DOG MTSAR BA'I G-YU SBRANG TSO, ,NANG NGAN SKYUGS ZOS PA'I CHA SHAS KYI, ,KHUR LCI BA THOGS NAS ZLOS GAR RTZE, ,DPE 'DI DANG MTSUNGS PA'I DON GYI GLU, SHA RUS DANG RNAG KHRAG GSHANG GCI SOGS, ,RDZAS MI GTZANG KHO NA'I RGYAL PA LA, ,SGO DBANG PO'I BU GDONG TZAM 'DIR, ,BYI DAR GYIS 'GYING BA NGO RE TSA, ,SKAD ZIR ZIR SGROG PA BUNG BA'I GLU, 'PHRAL RNA BA'I YUL DU SNYAN MOD KYI, ,DUS NAM YANG PHAN PA'I DON GYIS STONG, ,DPE 'DI DANG MTSUNGS PA'I DON GYI GLU, NGO BSTOD DANG BZANG PO'I GRAGS PA DE, ,'PHRAL

, ,YID KYI YUL DU DGA' NA YANG, ,GRAG TZAM NAS GAR SONG MED PAR YAL, ,PHUGS PHAN PA'I CHA TZAM NGAS MA MTHONG, ,DBYAR LANG CHES DREGS PA'I RKANG DRUG TSO, ,YUD TZAM ZHIG DGA' MGUR LDING NA YANG; ;DA BSER BUS 'JOMS LA MNGON DU PHYOGS, ,DPE 'DI DANG MTSUNGS PA'I DON GYI GLU, LUS LANG TSO RGYAS PA'I 'JO SGEG GIS, ,DUS DA LTA RANG SEMS DREGS NA YANG, ,MTHAR 'CHI BDAG PHO NYAS DBANG MED DU, ,GSHIN PHA ROL YUL DU NAM 'KHRID NA, ,KHONG 'DU SHES 'KHRUL PA'I BHA MA RA: SMAN GA PUR NGAD LA MI BSNYEN PAR, ,RDZAS PHYI SA'I DRI LA NGANG GIS 'DU, ,DPE 'DI DANG MTSUNGS PA'I DON GYI GLU, SNYIGS DUS KYI SKYE BO PHAL MO CHE, ,TSUL GZUR GNAS DAM PA'I PHYOGS LA BYOL, ,NGAN G-YO CAN NOR DANG LDAN PA LA, ,YID RE LTOS 'CHA' BA AA RE 'KHRUL, ,KHONG KHREL MED SBRANG RTZI 'DOD PA TSO, ,RANG RTEN GYI ME TOG GZHON NU MA'I, ,BCUD CI 'DOD DRANGS NAS MOD LA 'DOR, ,DPE 'DI DANG MTSUNGS PA'I DON GYI GLU, ,DENG PHYI THAG MED PA'I SKYE BO PHAL, ,RANG PHAN BDER SBYOR BA'I DPYAD LDAN DANG, ,GROGS BZANG POS DRIN GYIS BSKYANGS NA YANG, ,PHYIR DGRA YI PHYOGS BZHIN 'DOR BA MANG, , BLO GU YANGS RKANG DRUG GZHON NU TSO, ,GNAS GROGS LA ZHEN PAS MA BCINGS PAR, ,RANG GANG SKYID PHYOGS LA RTZE ZHING 'GRO, DPE 'DI DANG MTSUNGS PA'I DON GYI GLU, YUL 'DOD YON 'CHING BAS MA BCINGS PAR, ,GNAS NYAMS SU

DGA' BA DBEN PA'I TSAL, ,DON BSAM SGOM RNAL 'BYOR LHUR LEN PAR, ,MI KHO BO SNYING NAS YID SMON 'CHA', ,DUS DBYAR GYI ZLA BA THA MA'I TSE, ,DPANG SER KYI ME TOG 'DZUM GROL ZHING, ,STENG DRO 'JAM NYI MA GUNG ZHIG LA, ,YID SKYO GROGS BUNG BA MANG PO ZHIG ,LANG LONG GI ZLOS GAR RTZE BA NA, ,DPE SBRANG RTZIR SPYOD PA'I SNANG TSUL RER, ,DON RKANG PAR BCAD PA'I MGRIN GLU 'DI, ,BDAG DBYANGS CAN DGYES PA'I RDO RJES SBYAR, ,ZHES PA'O, ,DE NAS LHA BTZUN THO YON DAR RGYAS KYIS GSOL BA BTAB NAS DGE 'DUN STONG DANG LNGA BRGYA SKOR LA THUGS RJE CHEN PO RGYAL BA RGYA MTSO'I DBANG STA GON DANG BCAS PA RGYAS PAR STZAL, DE NAS RTA TSAG RJE DRUNG GIS GSOL BA BTAB NAS RJE RIN PO CHE'I GSUNG 'BUM YONGS RDZOGS KYI LJAGS LUNG DANG, SA SKYA'I GSER CHOS BCU GSUM SOGS CHOS BKA' MANG DU STZAL, DE NAS CHU BZANG SPRUL PA'I SKUS GSOL BA BTAB NAS DAD LDAN SUM BRGYA SKOR LA TSE DPAG MAD LTA DGU'I DBANG STA GON DANG BCAS PA STZAL ZHING NYUNG BSDUS SHIG LA RDO RJE 'JIGS BYED KYI DBANG YANG STZAL, DE NAS JUN SGAR PA'I DGE SGRUB PA MI SNA PHON CHE 'BYOR PA'I TSE JUN SGAR GYI MKHAN PO KHRI THOG PA DGE 'DUN GRAGS PAS ZHAL GDAMS SHIG DGOS ZHES NAN CHEN POS BSKUL PA LA BRTEN NAS RJE RIN PO CHE'I BSTAN PA'I SNYING PO LA NYAMS LEN BYED TSUL GYI GNAD KYI ZHAL GDAMS DANG, DAD LDAN KHYIM PA DAG LA PHAN GDAGS TSUL SOGS GNAD DON TSANG BA'I ZHAL GDAMS 'DI LTAR GNANG STE,

, ,BSTAN PA DANG MJAL BA'I MI LUS RNAM PAR DAG PA NI THOB, GZHUB LUGS CHEN MO RNAMS THOS BSAM GYIS GTAN LA PHAB NAS BLANG DOR BYA BA'I GNAD KYANG LEGS BAR MKHYEN PA YIN PAS NA, THOS PA'I RJES 'JUG SGRUB PA SNYING POR BYED, ,SKYE BA'I RDZONG LAS TSEGS CHUNG THAR BAR 'GYUR, ,ZHES GSUNGS PA LTAR, SNGAR THOS PA'I DON RNAMS RANG GI RGYUD STENG DU BSKOR NAS NYAMS SU BLANGS TE SEMS KHO NA 'DUL BA'I THABS SU 'GRO BA ZHIG MDZAD DGOS LA, DE YANG, MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,ZHES GSUNGS PA LTAR, RAB TSE 'DI'I GNYEN BSHES 'KHOR SLOB SBYIN BDAG SOGS KYI 'GROGS 'DRIS THAMS CAD SPANGS NAS DBEN PA'I RI SUL DU LUS LA DRANG SRONG GI RGYAL MTSAN 'CHANG, NGAG BLA MA LHA'I GSOL 'DEBS DANG GSANG SNGAGS ZAB MO'I BZLAS BRJOD LHANG LHANG BA, DKOR ZAS DANG GRIB KYIS MA SBAGS PAS RIG PA DANG SING NGE, SEMS TSE 'DI'I RE DOGS GANG GIS KYANG MA BCINGS PAS GU YANGS, SGO GSUM SDIG LTUNG DANG MA 'DRES PAS BLO BDE, SEMS CHOS DANG 'DRES PA'I NYAMS LEN RDO RUS THUG PAS NYAMS DGA' YAL LE BA BYUNG NA, MDUN MA LA DE LAS LEGS PA GZHAN CI ZHIG YOD, MI LUS THOB PA'I GO BCAD PA YIN MOD, DE LTA NA'ANG RANG RE 'CHAD SPEL PHYI BYA BA RGYA CHEN PO LA ZHUGS PA'I GZHAN DBANG CAN LA DE LTA BU'I 'KHRI PA RBAD CHOD CIG 'BYUNG BAR DKA' NA'ANG

'PHRAL GYI 'DOD YON ZAR ZIR THAMS CAD LA BDAG DE RING RANG YANG MI 'CHI BA'I CHA MED PA LA 'DI DAG BYUNG BAS CI RANG BYED SNYAM DU ZHE NAS CHAGS ZHEN GYI 'CHING BA LTOD GANG THUB DANG, SNGAR RANG DON LA DE TZAM 'BAD DUNG BYAS KYANG PHAN GANG YANG MA THOGS, GZHAN DON SNYING DU BCANGS NAD GZOD SANGS RGYAS KYI GO 'PHANG THOB NGES YIN PA LA SNGON CHAD DKA' LA DON MED PA'I BYA BAS 'DAS, DA BYA BA CI BYED THAMS CAD SEMS CAN KHO NA LA PHAN THOGS PA ZHIG BYED SNYAM PA'I BSAM PA BZANG PO DANG DE LTAR SHOG CIG SNYAM PA'I SMON LAM DUS RTAG PAR YANG NAS YANG DU GSAL BTAB, DGE SLONG THAMS CAD BYANG CHUB KYI SEMS BCOS MA TSUN CHAD KYIS KYANG ZIN PAR BYAS NAS GTZO BOR GSANG SNGAGS BLA MED KYI BSKYED RDZOGS ZAB MO DANG 'BREL BAR RTAG PAR LHA'I NGA RGYAL DU RE BA DANG, BZLAS BSNYEN SOGS LA 'BAD PAR MDZED NA DE BAS LHAG PA GZHAN DU CI ZHIG YOD PAS YUL PHYOGS GANG DU GNAS DANG DBEN MI DBYEN LA MA BLTOS PAR SEMS KYI DGE SBYOR 'DI KHO NA GTZO BO YIN MOD, LHAG PAR BSTAN PA RDZOGS LDAN GYI DUS LA BSLAB GZHI YONGS SU RDZOGS PA BSRUNGS PA LAS DENG SANG BSLAB PA'I SNA GCIG BSRUNGS PA PHAN YON CHE BAR GSUNGS PA BZHIN DU BLA MA DGE BA'I BSHES GNYEN DANG, GRVA SA CHEN PO MANG DU BZHUGS PA'I GNAS LAS PHYOGS MTHAR BSTAN PA'I KHUR BSNAMS NA BAN YON LHAG PAR CHE BAS PHYOGS DER GTAN

, ,CHAGS PAR BZHUGS PA'I 'DUN PAS 'CHAD SPEL SOGS BSTAN PA'I BYA BA RGYA CHEN PO LA MA ZHUM PA'I SNYING STOBS BSKYEN PAR MDZOD, PHYOGS DE'I SKYE BO PHAL MO CHE SNOD RUNG GI GTZO BO CHOS LA DAD PA SHIN TU CHE ZHING BRTAN PA DANG LDAN PA YIN 'DUG GSHIS, RAB TU BYUNG BA RNAMS BDE LEGS THAMS CAD KYI RTZA BA SO SO THAR PA'I TSUL KHRIMS KYI BCAS PA PHRA MO TSUN CHOD KYANG LAG LEN LA 'DEBS GANG THUB DANG, BYANG SEMS DANG GSANG SNGAGS KYI SDOM PA LA DENG SANG GTAM TZAM ZHIG LAS LAG LEN BYED MI SRID MTHA' RU 'DUG PAS NA, SDOM PA DE GNYIS LA'ANG BSLAB TSUL SOGS RANG RANG GI SNOD RUNG RNAMS LA LEGS PAR 'KHRID NAS BLANG DOR BYED THUB PA ZHIG DANG, SDOM PA LAS 'GAL BA'I NYES LTUNG BYUNG BA'ANG NYIN MO BYUNG BA RNAMS NUB MO DANG, NUB MO BYUNG BA RNAMS NANGS PAR DKON MCHOG GI RTEN LA SOGS PA'I DRUNG DU SPYI BSHAGS DANG PHYIR BCOS LTUNG BSHAGS LA SOGS PA'I SGO NAS BSHAGS PA BYED DGOS PA'I BSLAB BYA NAN TAN MDZAD NAS LAG LEN LA THEBS PA ZHIG BYUNG NA RGYUD DAG PA DANG NGO TSA KHREL YOD SKYE BA SOGS KYI DGOS PA LHAG PAR CHE BA YIN, GZHAN YANG MDO SNGAGS KYI GZHUNG LUGS CHEN MO RNAMS LA BSLAB SBYANGS BYED DU BCUG NAS DE'I DON RNAMS LAG LEN LA THEBS PA'I PHYIR BYANG CHUB LAM GYI RIM PA LA SOGS PA'I 'KHRID TSUL BSTAN NAS THOS PA KHA PHYIR BLTAS KYI SGRA SPYI TZAM LA MA SONG BAR RGYUD LA PHAN THOGS PA'I THABS SU

'GYUR NGES PA ZHIG MDZOD, KHYIM PA'I RIGS KYANG DUS BZANG LA BSNYEN GNAS SMYUNG GNAS SOGS KYI BSLAB PA LA 'GOD PA DANG, RGYUN DU DKON MCHOG GI RTEN LA MCHOD PA, PHYAG SKOR, DMIGS BRTZEM DANG RIGS GSUM MGON PO, SGROL MA'I GSUNGS LA SOGS PA'I NGAG BZLAS LA BRTZON PA, 'DUL LUNG GI GLENG GZHI DANG, MDZANGS BLUN SOGS LAS 'BRAS KYI BYUNG BA RNAMS BSHAD NAS, GTZO BOR DKAR CHOS THAMS CAD KYI RTZA BA DKON MCHOG DANG LAS 'BRAS LAS DAD PA'I DAD PA BRTAN PO MI NYAMS GONG 'PHEL DU 'GRO BA'I ZABS KYIS SDIG SPONG DGE SGRUB KYI BLANG DOR LA 'GOD PA SOGS BSTAN PA DANG 'GRO BA LA PHAN PA'I BYA BA BZANG PO DON DANG LDAN PA LA NAN TAN GYIS 'BAD 'TSAL, ZHES DANG, TSIGS SU BCAD PA'I ZHAL GDAMS NI, SKYABS DUS GSUM RGYAL BA MA LUS PA, ,DANG THA MAL RDO RJE 'DZIN PA'I GZUGS, ,DON SKU BZHI'I MNGA' BDAG BLA MA RJE, ,YID GSOL BA 'DEBS SO BYIN GYIS RLOBS, ,KHYOD SNGON BSAGS LEGS BYAS RGYA MTSO LAS, ,RTEN DAL 'BYOR NOR BU LAG RTZER SON, ,BKA' MOD RGYUD GDAMS PA'I BYI DOR GYIS, ,SEMS RANG 'OD GSAL BA KHONG NAS 'BYIN, ,RANG RTOGS ZIN GNAS LA THA SNYAD KYI, ,TSIG SKAM POS GSAL 'DEBS MA DGOS KYANG,, YID DANG BAS BSKUL BA'I 'PHRIN LAN DU, ,GTAM 'DI SKAD SMRA LA SNYAN GSON CIG ,SNGON 'KHOR BAR DE TZAM 'KHYAMS 'KHYAMS NAS, ,GZHAN PHAN BDE LTA ZHOG RANG LA YANG, ,RDUL PHRA MO'I CHA YI PHAN PA TZAM, ,DENG SNGON CHAD GRUB PA CANG

, ,GDA' 'AM, ,DA CHOS LDAN MI YI LUS SU GRUB, ,ZAB RGYA CHE'I GDAMS PA SDE SNOD GSUM, ,THOS BSAM PAS RTOGS PA'I GNAS SKABS 'DIR, ,DON RTZE GCIG SGRUB LA NAN TAN MDZOD, ,MCHOG THUN MONG DNGOS GRUB MA LUS LA, ,YID GANG BSAM STZOL BA'I NOR BU DE, ,SKYABS BLA MA MCHOG GSUM YIN PAS NA, ,MOS GUS KYI GSOL 'DEBS NAN TAN MDZOD, ,DUS DE RING NYI MA MA NUB GONG, ,KHONG 'CHI BDAG RGYAL PO'I CHAD LAS KYIS, ,SROG DBUGS 'DI MI GCONG GDENG MED PAS, ,KHYED 'CHI BA 'DI LA BAG GZON MDZOD, ,GNYEN 'KHOR G-YOG LONGS SPYOD THAMS CAD KYIS, ,'PHRAL RANG SEMS BDE BA'I GO SKABS BCOM, ,SRED ZHEN GYIS 'CHI KHAR 'CHING BAS NA, ,KHYED 'DOD YON 'DI LA DGRA RU LTOS, ,ZAS GOS KYI PHAN PAS BSKYANGS BSKYANGS KYANG, ,SKAD CIG BZHIN MI SDUG 'GYUR BA STON, ,RDZAS NGAN GYIS GANG BA'I RGYAL PA BZHIN, ,KHYED RANG LUS 'DI LA KHUR DU LTOS, ,SNGON DE TZAM MYONG BA'I SDUG BSNGAL KUN, ,ZAG BCAS KYI PHUNG PO 'DI LAS BYUNG, ,DA SDUG LA RGYAN DU MA LTA BAR, ,KHYED 'PHUNG SRI 'DI DANG RGYAB GYES MDZOD, ,LHA TSANGS DBANG SRID RTZER PHYIN NAS KYANG, ,LAS NYON GYIS RANG RGYUD BCINGS BZHIN DU, ,MNAR MED KYI ME NANG LTUNG BAS NA, ,GNAS KHAMS GSUM 'DI LA SKYO BAR MDZOD, ,RANG LUS SEMS GDUNG BAS MNAR BA'I TSE, ,KHONG DE 'DRA'I 'GRO LA SNYING RJE BSKYED, ,'GRO KUN GYI SDUG BSNGAL TSUR BLANGS NAS, ,GZHAN DGA' BDES TSIMS PA'I GTONG LEN SBYONGS, ,SNGON SEMS CAN RNAMS KYIS

BDAG GI PHYIR, ,SROG YAL BAR BOR BA'I GRANGS TZAM YANG, ,DPAG MI NUS DRIN GYIS BSKYANGS PAS NA, ,YONGS PHA MA'I DRIN LAN SEMS LA CHONGS, ,DON BLANG DOR MTHONG BA'I MIG DANG BRAL, ,GNAS NGAN SONG G-YANG KHAR GOM 'GROS 'KHYOR,, LAS NYON MONGS SGROG GIS DAM DU BCINGS, ,MA NYAM THAG 'GRO LA SNYING RJE SGOMS, ,GNAS 'KHOR BA STONG MIN DE SRID DU, ,LHUN GRUB KYI GZHAN DON RGYUN 'CHAD MED,, RANG BDE BA MTHAR PHYIN SANGS RGYAS LA, ,DUS MYUR DU RE BA'I DON GNYER MDZOD, 'KHOR 'DAS KYI CHOS CAN MA LUS PA, ,RANG RTOG PAS BCOS PA'I SGYU MA LA, ,DON BDEN PAR BZUNG NA BSLU BA'I PHYIR, ,'KHRUL SNANG LA MA ZHEN STONG PAR LTOS, ,NYING 'KHRUL GYI RMI LAM MI BDEN YANG, ,SEMS DGA' SDUG BSKYED PA'I NUS PA BZHIN, ,LTOS GRUB KYI RTEN 'BREL MI BSLU BAS, ,LAS RGYU 'BRAS BLANG DOR GZAB PAR MDZOD, ,LUS SNANG STONG LHA SKU SGYU MA BZHIN, ,GNAS GAR SDED RANG SNANG GZHAL YAS KHANG, ,SGRA GANG GRAG GSANG SNGAGS DAR DIR LA, ,YENGS MED KYI DRAN PA RGYUN DU STEN, ,SNYING DBUS KYI MI SHIGS RLUNG SEMS DE, ,SKYABS KUN 'DUS NGO BOR GSAL BTAB STE,, CI ZA DANG CI 'THUNG BDUD RTZIR STOBS, ,TSOGS 'KHOR LO'I LONGS SPYOD ZHEN MED ROL, ,MTHAR BEM RIG 'BRAL BAR PHYOGS PA'I TSE,, THIM RIM GYI RTAGS RNAMS NGOS BZUNG STE, ,SNGAR 'DRIS KYI GROGS DANG 'PHRAD PA BZHIN, ,GZHI'I 'CHI BA 'OD GSAL ZIN PAR MDZOD, ,'PHRANG NYAM NGA BAR DOR 'GRIM PA NA, ,RANG GCIG PU LAS GZHAN GROGS MED PHYIR, ,DUS DA LTA LHA DANG BLA

, ,MA LA; ;LAM BDE BAR SGROL BA'I SKYEL MA ZHUS, ,LAR SKYE 'CHI BAR DO GANG LA YANG, ,DUS DA LTA'I BAG CHAGS GTZO CHE BAS, ,DE SPYOD BYED BSKYED RDZOGS RNAL 'BYOR GYIS, ,SKYABS SKU GSUM RANG NGO SHES PAR MDZOD, ,DUS RTAG TU RANG GI SGOM GSUM LA, ,TSUL JI LTAR 'DUG SNYAM RTOG DPYOD NGOS, ,SEMS KHO NA 'DUL BA'I DGE SBYOR GYIS, ,KHYED TSE MJUG DON LDAN MDZAD PAR ZHU, ,RANG DE LTAR DGE LA 'BUNGS BZHIN DU, ,GZHAN DANG LDAN SKYE BO BGRANG YAS LA, ,RNAM DKAR GYI SA BON 'DEBS PA'I PHYIR, ,DUS GZHAN DON SPYOD PAS 'DA' BAR MDZOD, ,BDAG SGO GSUM BYA BA CI BGYIS PA, ,BSTAN 'GRO BA YONGS LA GNAS SKABS KUN, ,PHAN RLABS CHEN KHO NAR GYUR CIG SNYAM, ,SMON 'DUN GYI 'TSAMS SBYOR RGYUN DU MDZOD, ,DGE 'DI YIS BLO BZANG GRAGS BSTAN MCHOG ,PHYOGS KUN TU DAR ZHING RGYAS PA DANG, ,MA MKHA' MNYAM SEMS CAN MA LUS PA, ,DPAL SKU GSUM GO 'PHANG THOB GYUR CIG, CES PA RNAMS GNANG NGO, ,DE NAS 'BRAS SPUNGS SNGAGS PA BLA ZUR BLO BZANG CHOS 'PHEL GYIS GSOL BA BTAB NAS 'BRAS SPUNGS 'DU KHANG CHEN MOR SDE SNOD 'DZIN PA STONG PHRAG MANG PO LA ZLA BA PHYED GNYIS KYI BAR DU LAM RIM CHEN MO'I BSHED LUNG RGYAS PAR STZAL, DE NAS RGYUD STOD TSOGS YONGS KYIS GSOL BA BTAB NAS DPAL LDAN STOD RGYUD GRVA TSANG YONGS RDZOGS KYI STEB DU GZHAN MANG PO DANG BCAS DGE 'DUN STONG DANG LNGA BRGYA SKOR LA

DPAL GSANG BA 'DUS PA'I DBANG BZHI STA GON DANG BCAS PA RGYAS PAR STZAL, ,DE NAS DAD LDAN SUM CU SKOR ZHIG LA 'JAM DBYANGS CHOS SKOR GYI RJES GNANG DANG, 'JIGS BYED SNGAGS BTU DANG, SGROL MA NYER GCIG GI RJES GNANG SOGS RJES GNANG MANG DU STZAL, ,DE NAS SANGS RGYAS LAS KYANG DKON PA'I RDO RJE THEG PA'I BSTAN PA NAM YANG MI NUB PAR YUN RING DU GNAS PA'I PHYIR DANG, RJE BDAG NYID CHEN POS SKU DANG SROG LA'ANG MA GZIGS PAR DKA' BA BRGYA PHRAG DU MA'I SGO NAS BSGRUBS PA'I BSTAN PA'I SNYING PO MTHAR THUG PA 'DI CHES CHER 'PHEL PAR BYA BA'I PHYIR PHO BRANG CHEN PO PO TA LAR RIN PO CHE SNA TSOGS LAS GRUB PA'I GSANG BDE 'JIGS GSUM GYI BLOS BSLANGS RGYUD DANG GRUB CHEN GYI DGONGS PA RGYAL BA TZONG KHA PA CHEN POS GSAL BAR MDZAD PA JI BZHIN DU GSAR BZHENGS MDZAD DE JI SRID RGYAL BSTAN NAM GNAS KYI BAR DU NAM YANG MI NYAMS PA'I MCHOD PA'I RGYUN DANG BDE GSANG 'JIGS GSUM GYI MCHOD BRGYUN 'DZUGS PA MDZAD, TSA GAN NO MON HAN GYIS GSOL BA BTAB NAS DGE 'DUN STONG DANG BDUN BRGYA SKOR LA RDO RJE PHRENG BA'I DBANG DANG PHYAG RDOR 'KHOR CHEN GYI DBANG BCAS STZAL, DE NAS PAn CHEN MCHOG GI SPRUL PA'I SKU DBUS SU PHEBS NAS RGYAL BA MCHOG LA DGE TSUL GYI SDOM PA ZHU BAR MDZAD PA NA RGYAL BA MCHOG 'DIS LHA LDAN DU CHIBS BSKYOD NAS SA GA ZLA BA'I TSES BCO LNGA'I NYIN JO BO RIN PO CHE'I SKU MDUN DU RJE 'DIS MKHAN SLOB SBRAGS MA MDZAD DE DGE 'DUN GRANGS TSANG BA'I DBUS SU

, ,DGE TSUL GYI SDOM PA PHUL TE THUB PA'I RGYAL TSAB MCHOG TU MNGA' GSOL, DE NAS PAn CHEN MCHOG GI SPRUL PA'I SKU BLO BZANG DPAL LDAN YE SHES KYIS RJE 'DI LA MDO SNGAGS KYI CHOS MANG DU GSAN ZHING SLAR RIM GYIS MDO SNGAGS KYI MAN NGAG YONGS SU RDZOGS PA GNANG DGOS PAR GSOL BA BTAB PA NA RGYAL BA MCHOG 'DIS KYANG THUGS DGYES PA CHEN POS ZHAL GYIS BZHES SHING RJE RIN PO CHE'I RNAM THAR LTAR GZHUNG LUGS RNAMS LA GSAN SBYONG GTING PHYIN PA ZHIG MDZAD PA DANG, DE NAS MDO SNGAGS KYI MAN NGAG MTHA' DAG LEGS PAR GSAN NAS THUGS NYAMS SU BZHES, DE NAS MTHA' DBUS SKYE 'GRO YONGS LA CHOS KYI 'KHOR LO RGYA CHER BSKOR BA'I THUGS BSKYED MDZAD DGOS ZHES ZHAL TA NAN TAN ZHU BAR MDZAD, PAn CHEN MCHOG GI SPRUL PA'I SKU RIN PO CHES KYANG RGYAL BA MCHOG GI BKA' JI LTAR GNANG BA LTAR ZHU ZHING SLAR MI RING BAR MDO SNGAGS KYI CHOS MTHA' DAG GNANG DGOS PAR GSOL BA SHUGS DRAG TU 'DEBS PAR MDZAD DO, ,DE NAS KHRI CHEN NGAG DBANG MCHOG LDAN PA DGUNG LO BDUN CU DON LNGAR PHEBS TE SKU GZUGS LCI ZHING BZHENGS BZHUGS DKA' BAR BYUNG BA NA RGYAL BA MCHOG NYID KHRI CHEN GYI GZIM CHUNG NYID DU PHEBS TE MAndAL SKU GSUNG THUGS RTEN DNGOS PO SPAM MTHO BA DANG BCAS PHUL TE ZHABS PAD YUN RING BRTAN DGOS ZHES GSOL BA SHUGS DRAG 'DEBS PAR MDZAD PA NA KHRI CHEN GYIS NGA RANG CHUNG DU NAS CHOS SGOR

ZHUGS, RGYAL BA TZONG KHA PA'I BSTAN PA 'DI 'DRA DANG MJAL, THOS BSAM SGOM GSUM KHO THAG CHOD PAR BYAS, LHAG PAR GANGS CAN 'GRO BA'I MGON PO KHYED LA SPYIR MDO SNGAGS KYI CHOS MTHA' YAS PA DANG, LHAG PAR RJE BLA MA'I MAN NGAG RNAMS 'BUL THUB PAS DA NI SHI YANG BLO BDE, BDAG RGAN PO 'CHI KHAR RVA SGRENG DU PHYIN CHOG PA DGOS ZHES ZHU BAR MDZAD, DE NAS RGYAL BA MCHOG GI KHRI CHEN GYI GZIM CHUNG DU YANG YANG PHEBS TE CHOS KYI GSUNG GLENG CHES MANG BA GNANG ZHING, RA SGRENG DU PHEBS PA'I THUGS 'DUN MI MDZAD PAR SKU KHAMS JI LTAR BYUNG YANG PHO BRANG 'DI RANG DU NGED CAG TSOGS RDZOGS PHYIR BZHUGS DGOS ZHES YANG DANG YANG DU GSOL 'DEBS MDZAD KYANG KHRI CHEN GYIS DA LAM CIS KYANG DGONGS PA KHROL DGOS ZHES BZHUGS SU MA BZHED, PHEBS RGYU'I SNGA ZHOGS RGYAL BA MCHOG NYID KHRI CHEN GYI SKU MDUN DU PHEBS TE 'DI PHYIR DGE BA'I GSUNG GLENG MANG DU MDZAD CING, PHEBS KHAR KHRI CHEN GYI THUGS KAR DBU BCUGS TE SPYAN CHAB GSIL ZHING YUN RING THUGS SMON MDZAD, KHRI CHEN GYIS KYANG RGYAL BA MCHOG LA BYIN RLABS ZHUS BDAG SKYE BA THAMS CAD DU RJES SU GZUNG DU GSOL ZHES GSOL BA 'DEBS PAR MDZAD, DE NAS RGYAL BA MCHOG GIS KHRI CHEN GYI ZHABS BRTAN DANG LAM BAR GYI RKYEN SEL DU SE 'BRAS DGE GSUM SOGS LA MANG JA GNANG STE RIM GRO RGYA ZCHEN SGRUB PAR MDZAD, MI RING BAR KHRI CHEN ZHING GSHEGS PA'I BSNGO RTEN BYUNG BA NA, DE 'PHRAL RGYAL

, ,PA MCHOG NYID 'PHAGS PA RIN PO CHE DANG GSIR GDUNG SOGS RTZE'I LHA KHANG RNAMS SU PHEBS TE MCHOD 'BUL SMON LAM RGYA CHER MDZAD CING, LHA SA'I JO SH'AKA KYIS GTZOS RTEN RNAMS LA MCHOD 'BUL RGYA CHEN PO DANG, SE 'BRAS DGE GSUM BKRA SHIS LHUN PO RNAMS KYIS GTZOS GANGS CAN GYI DGON SDE MTHA' DAG LA MANG BSKOL DANG, PAn CHEN RIN PO CHES GTZOS GANGS CAN GYI BSTAN 'DZIN MTHA' DAG LA BSNGO RTEN 'BUL BAR MDZAD, SKU GDUNG ZHUGS LA PHUL TE GDUNG RUS RNAMS RGYAL BA MCHOG GI GZEM CHUNG DU BZHES TE DNGUL GDUNG MA GRUB BAR DU MCHOD 'BUL SMON LAM MDZAD, DNGUL GDUNG SRUB 'PHRAL GDUNG RUS RNAMS DNGUL GDUNG GI BUM NANG DU BZHUGS SU GSOL TE DGONGS RDZOGS MCHOD 'BUL SMON LAM RGYA CHER MDZAD DO, ,RGYAL BA MCHOG 'DI NI GANGS CAN LHA CIG THUGS RJE CHEN POR YONGS SU GRAGS PA LTAR 'GRO BA LHA DANG BCAS PA'I PHYAG GI GNAS YIN PA DANG, THUN MONG BA'I SNANG NGOR YANG GANGS RI'I KHROD NA 'GRAN ZLA MED PA'I MKHAS GRUB TU GYUR CING 'JAM DBYANGS GONG MA BDAG PO CHEN POS BTEG STE YANGS PA'I SA CHEN PO LA DBANG PHYUG GI STOBS KYIS MNGA' MDZAD PA ZHIG YIN YANG CHE 'GYING DANG RLOM PA'I DRI TZAM YANG MED PAR LAM STON PA'I BSHES GNYEN LA 'DI LTA BU'I GUS PA DANG SRI ZHU MDZAD PA NI, 'BROM RIN PO CHES JO BO RJE JI LTAR BSTEN PA'I RNAM THAR BSKYANGS TE PHYI RABS KYI GDUL BYA RNAMS

LA CHOS RNAM DAG BYED PA LA LAM MA NOR BAR STON PA'I BSHES GNYEN BSTEN TSUL 'DI LTAR BYA DGOS SO ZHES 'DOMS PAR MDZAD PA NGO MTSAR RMAD DU BYUNG PA'I RNAM PAR THAR BA ZHIG GO ,DE NAS AANG DKAR ZHABS DRUNG GIS YUN RING PO NAS GSOL BA BTAB PA LTAR DGE 'DUN STONG DANG SUM BRGYA SKOR LA DPAL DUS KYI 'KHOR LO'I RDUL TSON GYI DKYIL 'KHOR DU DBANG BSKUR BA SLOB MA RJES BZUNG GI CHO GA NAS RDO RJE SLOB DPON BDAG PO CHEN BO'I DBANG MTHA' RTEN DANG BCAS PA'I BAR YONGS SU RDZOGS PA RGYAS PAR STZAL, DE NAS RGYUD SMAD TSOGS YONGS KYIS GSOL BA BTAB NAS DGE 'DUN STONG DANG BRGYAD BRGYA SKOR LA BDE MCHOG L'U AI BA'I DBANG STA GON DANG BCAS PA RGYAS PAR STZAL, DE NAS PAn CHEN MCHOG GI SPRUL PA'I SKU PHEBS NAS MDO SNGAGS KYI CHOS BKA' YONGS SU RDZOGS PA GNANG DGOS TSUL GSOL BA 'DEBS PAR MDZAD PAS THUGS DGYES BZHIN DU RDO RJE PHRENG BA'I DKYIL 'KHOR ZHE GNYIS KYI THOG DGE LEGS SU BYED PA'I DKYIL 'KHOR GSUM DANG BCAS PA, GRUB CHEN MI TRA DZO KI'I LUGS KYI DKYIL 'KHOR BRGYA RTZA'I DPANG YONGS SU RDZOGS PA, ZUR BKA' RDO RJE 'JIGS BYED LHA BCU GSUM MA, RDUL TSON LA BRTEN PA'I DPAL DUS KYI 'KHOR LO'I SKU GSUNG THUGS YONGS SU RDZOGS PA'I DKYIL 'KHOR GYI DBANG RGYAS PA DANG, TSE DPAG MED LHA DGU, SPYAN RAS GZIGS BCU GCIG ZHAL RNAMS KYI BKA' DBANG, GRUB RGYAL LUGS TSE DBANG THUN MONG MA YIN PA, RJES GNANG GI GRAS SLOB DPON

, ,AA BHA Y'A KA RAS PHYOGS GCIG TU BSDEBS PA'I SGRUB THABS RGYA MTSO, BA RI BA'I SGRUB THABS BRGYA RTZA, SNAR THANG PA'I SGRUB THABS BRGYA RTZA RNAMS YONGS SU RDZOGS PA DANG, RDO RJE SEMS DPA', RDO RJE 'JIGS BYED DPA' BO GCIG PA, SMAN BLA BDE GSHEGS BDUN, 'JAM DBYANGS NAG PO, KHYUNG KHRA, MKHA' 'GRO MA SENG GE'I GDONG CAN, MGON PO'I RJES GNANG BCU GSUM, SKU RKYANG LA SNYING ZHUGS DANG BCAS PA, MGON PO PHYAG BZHI PA, DPAL LHA, DZAM LA 'BRUG ZHON RNAMS KYI RJES GNANG, DGA' LDAN LHA BRGYA MA'I KHRID, GRUB RGYAL LUGS TSE DPAG MED KYI BSKYED RDZOGS KYI KHRID LCANG SKYA RDO RJE 'CHANG DE NYID KYI GSUNG LA GNAS RNYING PA KUN DGA' BDE LEGS KYI GSUNG NAS KHA SKENG GNANG BA, SKYABS MGON THAMS CAD MKHYEN PA NYID KYI BKA' 'BUM DANG, PHRENG BA SKOR GSUM, SGRUB THABS RGYA MTSO DANG, BRGYA RTZA'I RGYA GZHUNG RNAMS KYI LUNG RNAMS DANG BCAS ZLA BA DRUG GI RING LA RGYUN MI 'CHAD DU STZAL, DE SKABS PAn CHEN MCHOG GI SPRUL PA'I SKU NYID 'KHOR LO SGYUR DRUG GI BKA' DBANG DANG, DPAL DUS KYI 'KHOR LO'I BKA' DBANG GI SKABS SU CHU CHON GYIS BRIS PA'I DKYIL 'KHOR DBUS SU SENG GE'I KHRI LA RDO RJE 'DZIN PA'I CHAS 'JUG YONGS SU RDZOGS PA DANG BCAS TE BZHUGS SU GSOL, GDUGS DANG RGYAL MTSAN LA SOGS PA MCHOD PA'I YO BYAD DPAG TU MED PAS MCHOD, RJE BLA MA NYED NAS DKYIL 'KHOR GYI BDAG PO'I RNAL 'BYOR SHIN TU

BRTAN POS NAM MKHA' GANG BA'I RGYAL BA ZHI KHRO'I LHA TSOGS SPYAN DRANGS TE, RNAM RGYAL CHEN PO'I BUM PA LA SOGS PA'I CHU'I DBANG BSKUR ZHING SHIS PA BRJOD PA'I TSIG GI SGO NAS ME TOG GI CHAR PHAB, RIGS THAMS CAD KYI BDAG PO DANG DKYIL 'KHOR THAMS CAD KYI SLOB DPON DU MNGA' GSOL TE CHOS KYI RGYAL SRID DU DBANG BSKUR BAR MDZAD DO, ,DE NAS BDE 'BYOR BLA MAS GSOL BA BTAB NAS NYUNG BSDUS SHIG LA BCU GCIG ZHAL GYI DBANG, PHYAG RDOR 'KHOR CHEN GYI DBANG, RNAM SRAS BKA' MI 'DRA BA BCO LNGA'I RJES GNANG BCAS STZAL, DE NAS 'JAM DBYANGS BZHAD PA'I SPRUL PA'I SKUS GSOL BA BTAB NAS 'BRAS SPUNGS 'DU KHANG CHEN MOR DGE 'DUN LNGA STONG SKOR LA BDE LAM GYI KHRID DBEN SA SNYAN RGYUD KYI MAN NGAG LTAR ZHAG NYI SHU'I BAR RGYAS PAR STZAL, DE NAS CHOS GSAN PA SNGA MA RNAMS KYI THOG NAS BLA MED KYI DBANG CHEN THOB PA STONG DANG LNGA BRGYA SKOR LA 'GREL PA BZHI SBRAGS KYI GZABS BSHAD RGYAS BAR STZAL, DE NAS MA BYI LO CHOS 'KHOR RGYAL DU PHEBS BZHED NAS LAM ZHOR SE RAR PHEBS TE MKHAN PO DPAL 'BYOR GRAGS PAS GSOL BA BTAB NAS DGE 'DUN STONG DANG SUM BRGYA SKOR LA 'JAM DBYANGS CHOS SKOR NAS 'JAM DBYANGS AA RA PA TZA NA'I RJES GNANG SOGS GNANG, RJE NGAG DBANG BYAMS PAS GSOL BA BTAB NAS GNAS BCU'I RJES GNANG STZAL, DE NAS RIM GYIS DGA' LDAN RNAM BAR RGYAL BA'I GLING DU

, ,PHEBS TE GSAR KHRI'I STENG NAS SER SKYA BGRANG BA LAS 'DAS PA LA PHYAG DBANG DANG CHOS KYI BDUD RTZI STZAL, BLA MA SANGS RGYAS CHOS 'PHEL GYIS GSOL BA BTAB NAS DGE 'DUN STONG BRGAL BAR SNYING PO DON GSUM GYI KHRID RGYAS PAR STZAL, DE NAS RGYAL DU CHIBS KHA BSKYOD DE MNGA' DVAGS RGYAL GSUM GYI DGE 'DUN 'DUS PA LA DGA' LDAN LHA BRGYA MA'I ZAB KHRID RGYAS PAR STZAL ZHING, DPAL LDAN LHA MO LA RGYAL BSTAN GNYER DU GTAD PA'I 'PHRIN 'CHOL RGYAS PAR MDZAD, RJE 'DIS RGYAL DU LAN GSUM CHIBS BSKYOD GNANG PAR PHEBS RES KYIS DVAGS PO DANG 'OL KHA'I RJE'I SGRUB GNAS RNAMS LA MCHOD 'BUL SMON LAM RGYA CHER MDZAD CING, LHAG PAR RJE BTZUN TZONG KHA PA CHEN PO'I SGRUB GNAS KHYAD PAR CAN DAGS PO LHA SDINGS SU PHEBS TE MCHOD 'BUL SMON LAM RGYA CHER MDZAD CING RJE BDAG NYID CHEN PO'I MDZAD PA RNAM THAR DRAN PA'I THUGS DAD DANG NGES 'BYUNG SKYO SHAS SHUGS DRAG 'KHRUNGS TE GDUNG SHUGS KYI GSOL BA 'DEBS PA'I MGUR DBYANGS MANG DU MDZAD CING, LHAG PAR RGYAL BA TZONG KHA PA CHEN PO'I BKA' DRIN LAS GSUNG RAB DGONGS 'GRAL DANG BCAS PA'I SNYING PO'I BCUNG BSDUS PA MDO SNGAGS GNYIS KA'I LAM GYI LUS YONGS SU RDZOGS PA LA 'DOD DGUR LONGS SPYAD DU YOD PA 'DI 'DRA BA'I BKA' DRIN 'KHOR THABS MED DO SNYAM DU RJE BLA MA'I BKA' DRIN DRAN PA'I DAD GUS SHUGS DRAG PO 'KHRUNGS TE RJE RIN PO

CHES GTZOS BRGYUD PA GSUM LDAN GYI BLA MA RNAMS LA GSOL BA 'DEBS PA'I GDUNG DBYANGS 'DI LTAR MDZAD DE, NA MO GU RU, BDE CHEN SKU GSUM DBANG PHYUG KHYAB BDAG STON PA RDO RJE 'CHANG, ,DE YIS BYIN BRLABS GRUB MCHOG MDA' BSNUN L'U AI PA, ,RJE BTZUN DRIL BU PA DANG dOm BHI N'A RO SOGS, ,NYAMS LEN BYIN RLABS BLA MAS BDAG CAG SKYOB TU GSOL, ,MI MJED ZHING GI MGON PO RNAM 'DREN ZAS GTZANG SRAS, ,DGA' LDAN LHA BRGYA'I GTZUG RGYAN MI PHAM CHOS KYI RJE, ,RGYAL SRAS THOGS MED SKU MCHED GROL SDE ZHI 'TSO SOGS, ,RGYA CHEN SPYOD PA'I BLA MAS BDAG CAG SKYOB TU GSOL, ,RGYAL KUN MKHYEN PA'I RANG GZUGS MGON PO 'JAM DPAL DBYANGS, ,'PHAGS MCHOG KLU SGRUB ZHABS DANG DE SRAS 'PHAGS PA LHA, ,GRUB BRNYES SANGS RGYAS BSKYANGS DANG DPAL LDAN ZLA BA SOGS, ,ZAB MO LTA BA'I BLA MAS BDAG CAG SKYOB TU GSOL, ,LNGA BRGYA'I GTZUG GI NOR BU MGON PO AA TI SHA ,RGYAL BA RGYA MTSOS BYIN BRLABS 'BREM STON SPYAN RAS GZIGS, ,DE YI RGYUD 'DZIN RIGS GSUM SPRUL PHA? MCHED LA SOGS, ,BKA' GDAMS BRGYUD PA'I BLA MAS BDAG CAG SKYOB TU GSOL, ,'JAM DBYANGS MI YI GAR MDZAD KUN MKHYEN BLO BZANG GRAGS, ,RABS RDZOGS YON TAN RDZOGS PA'I DAG PA'I 'KHOR SLOB DANG, ,'PHRIN LAS MKHA' DANG MNYAM PA'I 'GRO MGON BKA' DRIN CAN, ,BYIN RLABS BRGYUD 'DZIN BLA MAS BDAG CAG SKYAB TU GSOL, ,SPROS BRAL BDE CHEN

, ,RANG BZHIN BLA MA CHOS KYI SKU, ,LHUN GRUB YAN LAG BDUN LDAN BLA MA LONGS SPYOD RDZOGS, ,GANG 'DUL CIR YANG 'CHAR PA'I BLA MA SPRUL PA'I SKU, ,DRIN CAN RTZA BA'I BLA MAS BDAG CAG SKYOB TU GSOL, ,TSE 'DI'I LO 'DOD KHO NAS NYIN MTSAN BREL NA YANG, ,'JIG RTEN PHYI MAR 'GRO TSE SGREN MO LAG STONG 'KHYAMS, ,DE RING TZAM YANG SDOD PA'I GDENG TSAD MA MCHIS PAS, ,MGON MED NYAM THAG BDAG CAG THUGS RJES SKYOB TU GSOL, ,PHAN PAS PHAR LA BSKYANGS BZHIN TSUR LA 'KHANG BA'I GROGS, ,RANG 'DAD THABS DGUS BSAGS KYANG GZHAN GYIS ZA BA'I NOR, ,RANG BDE'I CHED DU BSGRUBS KYANG PHYI PHYIR SDUG BSNGAL BSKYED, ,'DOD PA ME 'OBS 'DI LAS BDAG CAG SKYOB TU GSOL, ,LAS NYON 'CHING BAS BCINGS PA'I BTZON RA'I GNAS NA MNAR, ,SKYE RGAN 'CHI'I GCONG GIS SOS DUS MED PAR ZIN, ,ZAG BCAS RDOS SU CHE BA'I PHUNG PO'I KHUR GYIS MNAN, ,'KHOR BA SDUG BSNGAL GNAS NAS BDAG CAG DRANG DU GSOL, ,PHAN BYED THABS KYIS MCHOD NA SKYABS GNAS DKON MCHOG BZHIN, ,'DOD DGU THAMS CAD STZOL BA'I DRIN CAN PHA DANG MAR, ,DGRAR BZUNG YAL BAR 'DOR BA'I BSAM BRLAG BDAG CAG LA, ,SNYING RJE LHAG BSAM BZANG PO'I DRIN PA STZAL DU GSOL, ,BRTAGS NA GZHI RTZA BRAL BA'I CHOS KYI GNAS LUGS 'DI, ,MA RTOGS RANG SEMS 'KHRUL PAS RANG NYID

DAM DU BCINGS, ,GTI MUG MUN PAR 'KHYAMS PA'I DMUS LONG BDAG CAG LA, ,CHOS NYID RJEN PAR MTHONG BA'I SNANG BA STZAL DU GSOL, ,RNAM DAG TSUL KHRIMS MCHOG GIS PHYI DANG NANG DU GTZANG, ,BDE GSAL TING 'DZIN ROL PAS NYIN DANG MTSAN DU BDE, ,SHES RAB SNANG BA 'BAR BAS 'PHRAL DANG YUN DU GSAL, ,BSLAB GSUM BSTAN PA DAR BA'I DGE MTSAN STZAL DU GSOL, ,MTHU LDAN MKHA' 'GRO SRUNG MAS BGEGS DANG BAR GCOD BSRUNG, , CHOS DANG PHUN TSOGS RGYAS PAS MTHA' DANG DBUS SU BDE, ,BKRA SHIS DPAL GYI 'BYOR PAS SNOD DANG BCUD DU KHYAB, ,RANG GZHAN DON KUN 'GRUB PA'I DNGOS GRUB STZAL DU GSOL, ,ZHES SO,, ,DE NAS PHO BRANG DU PHEBS TE MTHA' DBUS RIS SU MA CHAD PA'I SKYE 'GRO RNAMS LA THUGS BSKYED RGYA CHEN POS SGO GSUM GYI SPYOD PA CI MDZAD THAMS CAD RGYAL BSTAN SPEL BA'I THABS KHO NAR MDZAD CING, BAR SKABS SHIG SHES BYA'I GNAS MTHA' DAG LA THUGS KYI MKHYEN PA CHES CHER 'PHRO BAS THOL BYUNG GI MGUR DBYANGS 'DI BZHIN MDZAD DE, AOm SVASDI, RGYUN BZANG CHU BO RNAM BZHI G-YAS SKOR DU 'BAB CING, ,DKOS 'DOD YID BZHIN 'KHYIL BA'I MA DROS KYI RGYA MTSO, ,DE NA BZHUGS PA GDENGS KA BDUN LDAN GYI KLU DBANG, ,SA 'DIR BKRA SHIS SPEL BA'I BYED PO RANG LOS YIN, ,MI RIGS RNAM BZHI RGYU BA'I GRONG KHYER GYI LTE BA, ,KHYON YANGS SA GZHIR 'PHAGS PA'I BYA RGOD KYI PHUNG PO, ,DE NA BZHUGS

, ,PA MNYAM MED ZAS GTZANG GI SRAS MCHOG ,MKHA' MNYAM YID CAN KUN GYI MGON SKYABS RANG LOS YIN, ,'PHRIN LAS RNAM BZHI SGRUB BYED 'OD ZER GYI DRA BA, ,RLUNG SEMS RIGS LNGAR 'PHRO BA'I MI SKYOD KYI ZHING KHAMS, ,DE NA BZHUGS PA SKYABS MCHOG NGES DON GYI BLA MA, ,BDAG CAG SKAL LDAN GDUL BYA'I GDUNG SEL RANG LOS YIN, ,'KHOR LO BZHI DANG LDAN PA'I DAL 'BYOR GYI RTEN BZANG, ,LEGS BSHAD BDUD RTZIS BSKYANGS PA'I SLOB BU NGA'I MDUN MA, ,BZANG NGAN JI LTAR GYUR KYANG BLA MA RANG MKHYEN BAS, ,RE SAS BSLU BAR MA MDZAD MTHU LDAN GYI MGON PO, ,DRIN CAN BLA MA MCHOG GI GSANG GSUM GYI ROL MO, ,YI DAM DPA' BO MKHA' 'GRO'I NGO BO RU BSGOMS TE, ,SNYING DBUS 'BRAL GLAGS MED PA'I GSOL 'DEBS 'DI GSAN NAS, ,MCHOG THUN DNGOS GRUB YONGS KYI DGA' STON 'DIR STZOL MDZOD, ,CES SO, ,DE NAS PHYOGS MTHA' DAG NAS 'DUS PA'I DAD LDAN RNAMS LA RANG RANG GI DBANG PO DANG 'TSAMS PA'I CHOS KYI BDUD RTZI RIM PAR STZAL ZHING, LHAG PAR DGUNG LO NYER BRGYAD PA'I DUS NAS DGUNG LO ZHE DGU'I BAR LA NUB PHYOGS KHA CHE'I YUL NAS SHAR PHYOGS RGYA MTSO CHEN PO LA THUG GI BAR GYI DAD LDAN RGYAL BA'I BSTAN PA LA ZHUGS NAS 'DUL KHRIMS BSRUNG BAR 'DOD PA BGRANG BA LAS 'DAS PA LA DGE TSUL DANG DGE SLONG GI SDOM PA BRGYUD MAR STZAL, MDOR NA RGYAL BA THAMS

CAD MKHYEN PA RJE BTZUN BLO BZANG BSKAL BZANG RGYA MTSO DPAL BZANG PO 'DI NI RANG CAG BOD KYI LHA CIG 'PHAGS MCHOG THUGS RJE CHEN PO NYID YIN PA KUN LA GRAGS PA LTAR YIN ZHING, THA MAL BA'I SNANG TSUL DANG BSTUN PA'I MDZAD PA RNAM THAR YANG KHYAD PAR DU 'PHAGS PA ZHIG STE, SKU 'KHRUNGS TZAM NYID NAS THUGS SNYING RJE CHEN BO'I GZHEN DBANG DU GYUR PAS CI MDZAD THAMS CAD BSTAN 'GROR SMAN PA'I THABS 'BA' ZHIG TU SBYOR BAR MDZAD PA, 'DZAM GLING YANGS PA'I KHYON LA DBANG BSGYUR ZHING CHE DGU KUN GYIS MCHOD KYANG KHENGS PA'I DRI TZAM YANG MED PAR GDUL BYA DMAN PA LA THUGS BRTZE BA, THUGS RGYUD LA SPANGS RTOGS MA LUS MTHAR PHYIN KYANG PHYI MA'I SKYE BO RNAMS LA TSUL 'DI LTAR GYIS SHIG CES BSLAB PA'I PHYIR YONGS 'DZIN MKHAS PA MANG PO BSTEN TE MDO RGYUD DGONGS 'GREL DANG BCAS PA LA GSAN SBYONGS MTHAR PHYIN PAR MDZAD PAS MDO SNGAGS GZHUNG LUGS KUN LA MKHAS PA, SA'I STENG GI MKHO DGU'I YO BYAD THAMS CAD DRUNG DU 'DUS SHING NAM MKHA' MDZOD LA MNGA' BRNYES KYANG YOD PA RGYU MTSAN DU BYAS NAS GZABS 'PHYOR DANG PHYAR G-YENG GI RNAM PA SKAD CIG KYANG MI MDZAD PAS LO RAR NA BZA' GSAR PA TSAR RE LAS BRJE BAR MI MDZAD CING CHOS GOS RNAM PA GSUM PO TSAD DANG DBYIBS DANG BZHES TSUL SOGS 'DUL BA NAS JI LTAR GSUNGS BA LAS DMAN LHAG TU MA SONG BAR MDZAD PA SOGS DRAN SHES BAG YOD BRTAN POS CI MDZAD 'DUL

, ,BA DANG BSTUN NAS MDZAD PAS SO THAR GYI TSUL KHRIMS GTZANG BA, BDAG PAS GZHAN GCES KYI THUGS BSKYED BZANG POS CI MDZAD SEMS CAN GYI DON 'BA' ZHIG TU MDZAD PAS BYANG SEMS KYI TSUL KHRIMS RNAM PAR DAG PA, GSANG SNGAGS RGYUD SDE BZHI'I DBANG LUNG MAN NGAG MTHA' DAG RGYUD LDAN BLA MA DAM PA LAS GSAN ZHING THUGS NYAMS SU BZHES PAS NYAMS RTOGS PHUL PHYIN BRNYES SHING RDO RJE THEG PA'I DAM TSIG LAS NAM YANG MI 'DA' ZHING BCAS PA CHE PHRA MTHA' DAG PHYAG LEN LA THEBS BAR MDZAD PAS RGYAL BAS BSNGAGS PA'I RDO RJE 'DZIN PA CHEN PO STE, MDOR NA SDOM GSUM GYI BCAS MTSAMS LAG LEN LA KHEL BA, CHOS KYI RGYAL PO TZONG KHA PA CHEN PO'I RING LUGS LA BSRE BSLAD PHRA MO TZAM YANG MED PAR SKYONG BAS RNAM THAR GTZANG BA 'CHAD RTZOD RTZOM GSUM GANG GI THAD LA'ANG ZLA DANG BRAL BA STE, MDOR NA, MDZAD PA KUN LAS GSUNG GI NI, ,MDZAD PA MCHOG YIN DE YANG NI, ,'DI NYID YIN PHYIR MKHAS PA YIS, ,'DI LAS SANGS RGYAS RJES DRAN BYOS, ,ZHES GSUNGS PA LTAR, RJE 'DIS RGYAL BA'I BSTAN PA GSAL BAR BYA BA'I PHYIR MDO SNGAGS KYI BSTAN BCOS TSIG DON PHUN SUM TSOGS PA MANG DU MDZAD PA NI 'DI LTAR; DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA GSANG BA 'DUS PA 'PHAGS LUGS ZHES YONGS SU GRAGS PA'I DKYIL 'KHOR DU BCUG NAS DBANG BSKUR BA'I CHO GA DE NYID RAB GSAL GYI RNAM

BAR BSHAD PA DBANG DON DE NYID YANG GSAL SNANG BA RDO RJE SEMS DPA'I ZHAL LUNG ZHES BYA BA LEGS BSHAD KYI RGYA MTSO CHEN PO, DGA' LDAN LHA BRGYA MA'I KHRID YIG ,'JIGS BYED DBANG GI RGYUD 'DEBS, DE'I BSKYED RDZOGS DMAR KHRID RGYUD 'DEBS, DE'I DBANG BSHAD CHEN MO, DE'I BSKYED RIM GYI KHRID, DE'I TSOGS MCHOD, DE LA BRTEN PA'I BLA MA'I RNAL 'BYOR, 'JIGS BYED DPA' BO GCIG PA'I DKYIL CHOG ,BDE MCHOG L'U AI PA DANG, MI TRA NAS BRGYUD PA'I DBANG GI RGYUD 'DEBS, DRIL BU LHA LNGA'I DBANG GI RGYUD 'DEBS, DE'I SGRUB THABS, L'U AI PA'I TSOGS MCHOD, BLA MA'I RNAL 'BYOR GYI RIM PA MANG BO, 'PHAGS PA THUGS RJE CHEN PO LA BSTOD CING GSOL BA 'DEBS PA PHAN BDE'I CHAR 'BEBS SOGS SANGS RGYAS BYANG SEMS RNAMS LA BSTOD CING SGOL BA 'DEBS PA DANG, RJE RANG NYID KYI BRTAN BZHUGS SOGS BLA MA DAM PA MANG PO'I GSOL 'DEBS BRTAN BZHUGS DU MA, BCOM LDAN 'DAS DUS KYI 'KHOR LO'I RGYUD 'DEBS, DE'I MCHOG DBANG GONG MA RNAMS BSKUR TSUL, DE'I SKU GSUNG THUGS YONGS SU RDZOGS PA'I SGRUB THABS, DE'I THUGS DKYIL GYI SGRUB THABS, DE'I TSOGS MCHOD, BLO SBYONG DANG 'BREL BA'I ZHAL GDAMS GYI RIM PA MANG PO, KHRI CHEN SPRUL SKU'I RNAM THAR, RDOR SEMS LHA BCU BDUN MA'I DBANG GI RGYUD 'DEBS, DE'I SGRUB THABS, DE'I DKYIL CHOG ,SPYAN RAS GZIGS RGYAL BA RGYA MTSO'I SGRUB THABS, RGYUD SDE NAS GSUNGS PA'I LHA TSOGS DU MA'I SGRUB THABS, SPYAN RAS GZIGS KHA

, ,SARPA nI'I SGRUB THABS DANG RJES GNANG BYA TSUL, GSANG BDAG DRAG PO GSUM SGRIL GYI SGRUB THABS, 'JAM DBYANGS AA RA PA TZA NA LHA LNGA'I DBANG RGYUD, DE'I SGRUB THABS, DE'I DKYIL CHOG ,DAM CAN CHOS SRUNG DU MA LA MCHOD GTOR 'BUL BA DANG, BSKANG BSHAGS BSTOD BSKUL MANG PO, 'KHOR CHEN GYI SBYIN SREG ,BCU GCIG ZHAL GYI DBANG GI RGYUD 'DEBS, DE'I DBANG CHOG ,SMYUNG GNAS KYI CHO GA ,SGO DRUG GI GZUNGS KYI RNAM BSHAD, BSTOD SPRIN RGYA MTSO'I 'GREL PA, 'DA' KA YE SHES KYI MDO 'GREL, TSOGS DBUS SU DGE TSOGS BYANG CHEN DU BSNGO BA'I GTAM, 'KHOR CHEN SMON LAM SHIS BRJOD, CHAB SHOG DI RIM PA, DVAGS PO DGE BSHES KYI 'JIGS BYED DBANG CHOG LA DAG MCHAN GNANG BA, BSANGS MCHOD KYI RIM PA, DRUG CU PA'I RNAM GZHAG ,MGON PO SNYING ZHUGS KYI RGYUN KHYER, SKU GSUNG THUGS RTEN GSAR BZHENGS KYI RGYAB YIG SMON LAM, 'DOD GSOL, DKAR CHAG SOGS, CHOS SDE CHE CHUNG GI BCA' YIG ,SPRINGS YIG, 'PHRIN BCOL GYI RIM PA PHYOGS GCIG TU BSGRIGS PA 'JIGS MED GDONG LNGA'I SGRA DBYANGS SOGS LEGS PAR BSHAD PA'I RTZOM PA MTHA' YAS PA MDZAD DO, ,DE LTAR RJE 'DIS SPYIR BSTAN PA'I BYA BA RGYA CHER MDZAD PA DANG, KHYAD PAR 'JAM MGON BLA MA'I LUGS BZANG MDO SNGAGS GANG GI THAD LA'ANG BSRE BSLAD PHRA MO'ANG MED PAR RNAM THAR GTZANG MA MTHAR PHYIN PAR MDZAD PA NI LEGS BSHAD DRI MA MED PA 'DI RNAMS LA BLTAS

PAS SHES SHING, 'DIR NI RNAM THAR GYI GTZO BO CHOS KYI 'KHOR LO BSKOR BA'I MDZAD PA RAGS RIM ZHIG BRJOD PA YIN GYI, LUGS GNYIS DANG 'BREL BA'I MDZAD PA RNAM THAR ZHIB PAR NI RNAM THAR CHEN MO LAS SHES PAR BYA'O, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS GANGS RI'I MGON PO RGYAL BA THUGS RJE CAN 'DI LA GSOL BA 'DEBS SHING 'DI'I MDZAD PA RNAM THAR LTAR THOS BSAM SGOM GSUM MKHAS BTZUN BZANG GSUM GCIG GOGS SU GCIG 'GRO BAR BYED CING, SDOM PA GSUM GYI BCAS MTSAMS DAG PA NYAMS LEN GYI MTHAL DU BYAS NAS GSUNG RAB DGONGS 'GREL DANG BCAS BA THAMS CAD KYI SNYING PO'I DON BYANG CHUB LAM GYI RIM PA'I NYAMS LEN LA 'BAD PAR BYA'O,, DE LTAR RGYAL DBANG THAMS CAD MKHYEN PA RJE BTZUN BLO BZANG BSKAL BZANG RGYA MTSOS DGUNG LO ZHE DGU'I BAR BSTAN 'GRO'I DON RGYA CHER MDZAD NAS DGUNG LO LNGA BCU LA PHEBS PA DBANG PHYUG CES PA ME MO GLANG GI LO DBO ZLA BA'I TSES GSUM GYI NYIN SKU TSE 'DI'I DNGOS KYI GDUL BYA RNAMS RDZOGS PA DANG, GDUL BYA RTAG 'DZIN CAN RNAMS LA MI RTAG PA'I NGANG TSUL MNGON SUM DU BSTAN TE CHOS LA BSKUL BA SOGS DGOS PA KHYAD PAR CAN MANG PO ZHIG GZIGS NAS THA MAL SNANG NGOR BSTAN PA'I GZUGS SKU'I BKOD PA BSDUS TE RE SHIG 'OD GSAL CHOS SKU'I NGANG DU BZHUGS, DE NAS 'OD GSAL DE LAS BZHENGS TE DGA' LDAN CHOS KYI PHO BRANG DU MI PHAM 'JAM DPAL SNYING PO'I ZHABS DRUNG DU PHEBS TE MCHOD SPRIN RGYA MTSOS

, ,MCHOD CING GSANG BA ZAB MO'I GNAS LAS BRTZAMS TE BKA' BGRO BAR MDZAD PA DANG, GZHAN YANG SPRUL PA BYA BA PHRAG BRGYAS PHYOGS BCU'I ZHING RAB 'BYAMS SU PHEBS TE RGYAL BA SRAS BCAS RNAMS MCHOD CING BKA' BGRO BAR MDZAD, DE NAS YUN RING BO NAS THUGS BSKYED PA'I DAM BCA' 'GYUR BA MED PA DANG, PHYOGS BCU'I RGYAL BA SRAS BCAS KYIS KYANG THUGS RJE BSKUL BA'I MTHUS MYUR BAR ZHING 'DIR SPRUL BA'I SKU BZUNG STE GANGS RI'I KHROD KYI 'GRO BA MTHA' DAG MGON DANG BCAS BAR MDZAD DE, DE YANG MDO SDE ZA MA TOG BKOD BA'I RGYAL PO SOGS MDO RGYUD DU MA NAS BYANG PHYOGS KHA BA CAN 'DI MGON PO SPYAN RAS GZIGS KYI 'DUL ZHING DU LAN CIG MIN PAR BSNGAGS SHING, JI LTAR BSNGAGS PA LTAR MGON PO SPYAN RAS GZIGS KYI THABS MKHAS KYI SPRUL PA BGRANG BA LAS 'DAS PAS BYANG PHYOGS GANGS RI'I KHROD 'DIR SANGS RGYAS KYI BSTAN BA BTZUGS, SKYE 'GRO'I BDE SKYID THAMS CAD 'PHEL BAR MDZAD, LHAG PAR CHOS RGYAL SRONG BTZAN SGAM POS GANGS RI'I KHROD KYI 'GRO BA RNAMS SPYIR DKON MCHOG GSUM LA SKYABS SU 'GRO BA DANG, LHAG PAR MGON PO SPYAN RAS GZIGS NYID LA RTZE GCIG TU GSOL BA 'DEBS PA SHA STAG LA BKOD BAS DBUS GTZANG DAG PA'I ZHING ZHES GRAGS SHING, RGYAL BAS SHER PHYIN GYI MDO SDE NAS LUNG BSTAN PA LTAR PHYOGS BCU'I ZHING NAS BYANG CHUB SEMS DPA' SEMS DPA' CHEN PO MTHU STOBS DANG

LDAN BA BGRANG BA LAS 'DAS PA ZHING 'DIR THUGS RJE CHAN PO'I 'PHIN LAS KYI GROGS SU BYON TE RGYAL BSTAN YONGS SU RDZOGS PAS CHAS CHAR DAR BAR MDZAD, SLAR YANG JI SRID RGYAL BSTAN NAM GNAS KYI BAR DU THUGS RJE CHEN PO'I SPRUL BA RGYUN MI 'CHAD BAS BYANG PHYOGS GANGS RI'I KHROD 'DI SKYOD BAR MDO RGYUD DU MA NAS LUNG BSTAN BA LTAR CHOS RGYAL SRONG BTZAN SGAM PO NAS BZUNG THUGS RJE CHEN PO'I SPRUL BA RGYUN MI 'CHAD PAR RIM BAR BYON BA RNAMS KYIS BOD KHAMS MGON DANG BCAS PAR MDZAD, LHAG PAR RGYAL DBANG THAMS CAD MKHYEN PA CHEN BO RJE BTZUN BLO BZANG BSKAL BZANG RGYA MTSO ZHING BRJE BA LA NYE BA NA MYUR DU SPRUL SKU 'DZIN PAR THUGS BSKYED NAS THOB RGYAL LHA RI SGANG DU SPRUL SKU 'DZIN PAR MDZAD DE, 'DI LTAR GANG DU 'KHRUNGS PA'I YUL DANG, MTSAN JI LTAR 'BYUNG BA BKA' GDAMS GLEGS BAM LAS YANG DANG YANG DU LUNG BSTAN CING, RGYAL BA MCHOG DE NYID KYIS KYANG 'DI LTAR 'BYUNG NGO ZHAS GSAL BAR LUNG BSTAN TE, RGYAL BA MCHOG DE NYID KYIS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES LA DUS 'KHOR GYI DBANG CHEN GNANG BA'I CHE 'PHRIN LAS PA CHEN PO PHYAG MDZOD BLO BZANG TSE DBANG GI MNAL LAM DU, RGYAL BA THAMS CAD MKHYEN PA CHEN PO RJE BTZUN BLO BZANG BSKAL BZANG RGYA MTSO THOB RGYAL LHA RI SGANG GI GZIM KHANG DU PHEBS NAS BZHUGS PA GSAL BAR RMIS, DE'I CHE DAD PA TSAD MED BA SKYES SHING, 'ON KYANG 'DIR 'BYON PA CI YIN SNYAM PA BYUNG BA NA RGYAL BA MCHOG DE'I ZHAL NAS, GSUM

, ,NAS YIN GSUNG BA ZHIG GSAL BAR RMIS, MNAL SAD NAS RMI LTAS JI LTAR BYUNG BA YI GER BRIS TE RGYAL BA MCHOG NYID LA BDAG LA RMI LTAS 'DI LTAR BYUNG PA CI LAGS ZHES ZHUS PA NA RGYAL BA MCHOG GI BKA' LAS KHYED RANG DUS 'KHOR GYI GDUL BYA SKAL LDAN YIN 'DUG PAS RMI LTAS BZANG 'DUG GSUNG BA LAS RGYU MTSAN GSAL BAR MA GSUNGS, DE NI RGYAL BA MCHOG GI SPRUL SKU LHA RI SGANG DU PHEBS PA 'KHRUL MED KYI LUNG BSTAN TE, DUS DE NAS LO GSUM SONG BA NA RGYAL BA MCHOG ZHING GSHEGS NAS LHA RI SGANG DU NGO MTSAR BA'I LTAS BSAM GYIS MI KHYAB PA DANG BCAS SPRUL PA'I SKU PHEBS, LO GSUM NAS PAn CHEN THAMS CAD MKHYEN PA CHEN PO DANG, 'JAM DBYANG GONG MA BDAG PO CHEN PO GNYIS KYIS 'KHRUL MED DU NGOS BZUNG NAS 'DZAM GLING CHE DGU YONGS KYIS MCHOD PAS MDU NA BSUS TE PHO BRANG CHEN PO'I GSER KHRIR MNGA' GSOL, GANGS CAN MGON PO RJE BTZUN BLO BZANG BSTAN PA'I DBANG PHYUG 'JAM DPAL RGYA MTSO DPAL BZANG PO ZHES MTSAN GSOL, NOR 'DZIN GYI KHYON THAMS CAD DU DAR PHYAR BA DANG, BKRA SHIS PA'I GLU DBYANGS LEN PA DANG, MCHOD PA'I BYE BRAG BSAM GYIS MI KHYAB PA DANG BCAS DGA' STON RGYA CHEN PO BSGRUBS, SNGON YUN RING PO NAS MGON PO SPYAN RAS GZIGS KYI RIGS KYI COD PAN NI RGYAL PA 'OD DPAG MED YIN BA LTAR DUS 'DIR YANG SNANG BA MTHA' YAS DUR SMRIG GAR KYI RNAM PAR ROL PA PAn CHEN

THAMS CAD MKHYEN PA RJE BTZUN BLO BZANG DPAL LDAN YE SHES RIGS KYI COD BAN DU BZHES NAS SDOM GSUM RIM GYIS BZHES SHING, DBANG LUNG MAN NGAG MTHA' YAS PA GSAN, KHO BO CAG LAS KYANG RJE BDAG NYID CHEN PO'I SNYAN RGYUD KYI MAN NGAG RNAMS LEGS PAR GSAN TE THUB BSTAN YONGS RDZOGS KYI BDAG POR BZHENGS SHING 'JAM MGON BSTAN PA'I SNYING PO LA GZHAN DRING MI 'JOG PA'I THUGS NGES BRTAN PO 'KHRUNGS PA'I TSUL BSTAN TE 'JAM MGON BSTAN PA'I SROG SHING DU G-YO BA MED PAR BZHUGS SHING, GNAM BSKOS 'JAM DBYANGS GONG MA BDAG PO CHEN POS CHOS SRID GNYIS KA'I BDAG POR MNGA' GSOL TE NOR 'DZIN YANGS PA'I KHYON MTHA' DAG RNAM PAR DKAR BA'I 'PHRIN LAS KYIS KHYAB CING PHO BRANG CHEN PO PO TA LA'I GSER KHRIR ZHABS ZUNG 'GYUR BA MED PAR BKOD NAS MTHA' DBUS SKYE 'GRO YONGS LA CHOS KYI BDUD RTZI STZOL BZHIN PAR BZHUGS SO,, ` ,,JO BO RJE DPAL LDAN AA TI SHAS BYANG CHUB LAM GYI RIM PA'I MAN NGAG GSAN PA'I RGYUD PA LA YANG DAG PAR RDZOGS PA'I SANGS RGYAS NAS RJE BTZUN BYAMS PA MGON PO, DE NAS 'PHAGS PA THOGS MED SKU MCHED SOGS LA RIM GYIS BRGYUD PA'I RGYA CHEN SPYOD RGYUD DANG, YANG DAG PAR RDZOGS PA'I SANGS RGYAS NAS RJE BTZUN 'JAM DBYANGS, DE NAS 'PHAGS BA KLU SGRUB YAB SRAS LA RIM GYIS BRGYUD PA'I ZAB MO LTA RGYUD DANG, RJE BTZUN 'JAM PA'I DBYANGS NAS RGYAL SRAS ZHI BA LHA SOGS LA RIM GYIS BRGYUD PA'I RLABS CHEN SPYOD

, ,RGYUD DE RGYUD PA GSUM YOD CING, RGYUD PA DE GSUM GA'I MAN NGAG JO BO RJE DPAL LDAN AA TI SHA LA MNGA' BAS JO BO RJE DPAL LDAN AA TI SHA'I LAM RIM GYI MAN NGAG 'DI LA RGYUD PA'I CHU BO GSUM 'DRES ZHES BRJOD DO, ,DE LA RGYA CHEN SPYOD RGYUD DANG ZAB MO LTE RGYUD KYI BLA MA GONG MA RNAMS KYI RNAM THAR BSHAD ZIN CING, RLABS CHEN SPYOD RGYUD NI STON PA THUB PA'I DBANG POS MDO SDE PHAL BO CHE SOGS THEG PA CHEN PO'I MDO SDI MANG POR RGYAL SRAS DBANG RNON RNAMS KYIS SEMS BSKYED SBYONG TSUL SHIN TU RLABS CHE BA BDAG GZHAN MNYAM BRJE'I BLO SBYONG TSUL RGYA CHER GSUNGS PA RNAMS MGON PO 'JAM PA'I DBYANGS KYIS RGYAL SRAS ZHI BA LHA LA LEGS PAR GDAMS, RGYAL SRAS ZHI BA LHAS BDAG GZHAN MNYAM BRJE'I SGO NAS BYANG CHUB KYI SEMS SBYONG TSUL RTZAL DU BTON PA'I MAN NGAG BSLAB BTUS DANG SPYOD 'JUG GNYIS MDZAD CING, DE'I MAN NGAG RNAMS SLOB DPON AE LA DHA RI LA RDZOGS PAR GNANG, SLOB DPON AE LA DHA RIS SLOB DPON DPA' BO RDO RJE LA GNANG, DES SEMS DPA' CHEN PO RIN CHEN DPAL LA GNANG, DES BLA MA GSER GLING PA LA GNANG, BLA MA GSER GLING PA CHEN PO'I ZHABS DRUNG DU JO BO RJE DPAL LDAN AA TI SHAS LO BCU GNYIS KYI BAR DU DBU SNGAS SBREL TE BLO SBYONG GI MAN NGAG 'DI MTHA' DAG PAR GSAN ZHING, SKYES MCHOG BYAMS PA'I RNAL 'BYOR PA DANG, SEMS DPA' CHEN PO DHARM'A RAKshI TA GNYIS LA'ANG BDAG

GZHAN MNYAM BRJE'I MAN NGAG GSAN LA, 'PHAGS MCHOG THUGS RJE CHEN PO DANG RJE BTZUN SGROL MA SOGS LHAG PA'I LHA MANG POS KYANG JO BO RJE LA DNGOS SU ZHAL BSTAN TE BDAG GZHAN MNYAM BRJE'I GDAMS PA YANG DANG YANG DU STZAL, JO BO RJES KYANG GDAMS PA 'DI NYID THUGS DAM GYI MTHIL DU BZUNG NAS RGYUN DU BLO SBYONG BAR MDZAD PAS BDAG PAS GZHAN GCES PA'I BYANG CHUB KYI SEMS RLABS CHEN PO THUGS LA 'KHRUNGS TE SKU MTHONG BA DANG, GSUNG THOS PA DANG, MTSAN THOS PA TZAM GYIS KYANG MI DANG MI MIN KUN GYI SEMS KYI GDUG RTZUB ZHI NUS PA BYUNG BAS JO BO RJE NI BYANG CHUB KYI SEMS RIN PO CHE'I MNGA' BDAG TU GRAGS SHING, LHAG BAR BSTOD BA SUM CU PA LAS, GSER GLING RGYAL PO'I SA SKYONG BLA MA LAS, ,BYANG CHUB SEMS KYI BDUD RTZI'I SMAN BLANGS NAS, ,'GRO BA KUN LA PHAN BAR MDZAD PA YI, ,DPAL LDAN AA TI SHA LA GSOL BA 'DEBS, ,ZHES BSNGAGS PA LTAR BYANG PHYOGS GANGS RI'I KHROD KYI SKYE BO GDUG RTZUB CAN KHRO ZHING GTUM PA, PHA LA PHAR MI 'DZIN PA, MA LA MAR MI 'DZIN PA, SLOB DPON LA SLOB DPON DU MI 'DZIN PA, DRIN LAN LOG PAR 'JAL BA DAG KYANG JO BO RJE DPAL LDAN AA TI SHA 'DI'I SKU MTHONG BA DANG GSUNG THOS PA TZAM GYIS ZHE SDANG GDUG RTZUB ZHI NAS SEMS RGYUD BYAMS PA'I BRLAN GYIS DUL BAR 'GYUR ZHING RANG RANG GI GRUB MTHA'I PHYOGS BZUNG STE KHO BO CAG GI 'DI KHO NA BDEN GYI GZHAN NI GTI MUG GO ZHES PHYOGS LHUNG GI GDON GYIS RGYUD CHES CHER DKRUGS PA DAG KYANG JO BO RJE 'DI LA SUS

, ,KYANG PHYOGS LHUNG MED PAR SKU MTHONG BA TZAM GYIS THAL MO SBYOR ZHING GSUNG THOS PA TZAM GYIS JI BZHIN SGRUB PAR MA NUS KYANG RJES SU YI RANG BA DANG SMON PA'I GNAS SU BYED PA 'DI BYUNG, JO BO RJES BOD DU RIS SU MA CHAD PA'I DAD LDAN MTHA' DAG LA DAM PA'I CHOS KYI BKA' DRIN STZAL CING, LHAG PAR SDE SNOD GSUM 'DZIN BA'I BSHES GNYEN CHEN PO RNAMS LA MDO SNGAGS KYI CHOS MTHA' YAS BSTON PAR MDZAD KYANG, RGYAL SRAS ZHI BA LHA'I MAN NGAG BDAG GZHAN MNYAM BRJE'I BLO SPYONG TSUL GYI GNAD YONGS SU RDZOGS PA 'BROM RIN PO CHE LA LKOG CHOS SU GNANG, 'BROM RIN PO CHES BKA' GDAMS SKU MCHED GSUM DANG KHAMS PA LUNG PA BZHI LA LKOG CHOS SU MDZAD, DGE BA'I BSHES GNYEN KHAMS PA LUNG PAS BLO SBYONG GI GDAMS PA 'DI LA THUGS DAM GYI MTHIL DU MDZAD PAS RANG NYID SA LAM MTHON POR BYON ZHING SKAL BA DANG LDAN PA GZHAN DAG LA'ANG CI RIGS BA GNANG ZHING BLO SBYONG GI MAN NGAG LA NYE BAR MKHO BA'I CHOS BRGYAD MDZAD DE, BRGYAD NI, ZAS LA BRTEN PA'I BLO SBYONG TSUL, DBUGS LA BRTEN PA'I BLO SBYONG TSUL, LUS GRANGS MED DU SPRUL NAS BLO SBYONG TSUL, SHA KHRAG LA, BRTEN NAS BLO SBYONG TSUL, GTOR MA LA BRTEN NAS BLO SBYONG TSUL, 'BYUNG BA BZHI LA BRTEN NAS BLO SBYONG TSUL, LUS YID BZHIN GYI NOR BUR SPRUL TE BLO SBYONG TSUL, 'CHI KHAR PHAN PA'I BLO SBYONG GI MAN NGAG STE BRGYAD YOD LA,

BRGYAD BO DE LA KHAMS PA LUNG BA'I BLO SBYONG THUN BRGYAD MA ZHES GRAGS SHING SKAL BA DANG LDAN PA MANG PO LA SPEL BAR MDZAD DO, ,BKA' GDAMS SKU MCHED GSUM GYIS NI JO BO YAB SRAS KYI MAN NGAG BYANG CHUB LAM GYI RIM PA RGYA CHER SPEL BA MDZAD KYANG BYANG CHUB LAM GYI RIM PA'I SNYING PO BDAG GZHAN MNYAM BRJE'I BLO SBYONG TSUL GYI MAN NGAG MTHAR THUG PA RNAMS NI SKAL BA DANG LDAN PA RE GNYIS LA LKOG CHOS SU MDZAD DO, ,BKA' GDAMS SKU MCHED GSUM GYI NANG NAS KYANG DGE BA'I BSHES GNYEN BO TO BA CHEN PO BYANG CHUB LAM GYI RIM PA STON PA LA 'PHRIN LAS KYI KHYAB BDAL CHE BA BYUNG BAS DGE BSHES PO TO BA CHEN POS SKYES BU GSUM GYI LAM GYI RIM BA RGYAL BA'I BKA' DANG SHING RTA CHEN PO'I GZHUNG RNAMS DANG SBYAR TE RGYA CHER STON PAR MDZAD CING, BDAG GZHAN MNYAM BRJE'I BLO SBYONG GI MAN NGAG MTHAR THUG RNAMS NI DGE BSHES GLANG RI THANG BA DANG, DGE BSHES SHVA BO SGANG BA DANG, DGE BSHES SHA RA BA GSUM LA LKOG CHOS SU GNANG, DGE BSHES SHA BO SGANG BAS SKAL BA DANG LDAN PA RE GNYIS LA GDAMS NGAG BSTAN CING, GTZO CHER SHA GZUG RANG ZA'I TSUL DU SGRUB PA SNYING POR BYED PAS DUS 'DA' BAR MDZAD, DGE BA'I BSHES GNYEN GLANG RI THANG PAS NI BLO SBYONG GI GDAMS NGAG 'DI LA NYAMS LEN SNYING POR MDZAD NAS BDAG PAS GZHAN GCES PA'I BYANG CHUB KYI SEMS RLABS CHEN PO THUGS RGYUD LA 'KHRUNGS SHING SKAL BA DANG LDAN PA GZHAN DAG LA'ANG GDAMS NGAG 'DI MANG DU 'DOMS PAR

, ,MDZAD, BLO SBYONG GI GDEMS NGAG 'DE LAG LA CHE BA BRGYAD DU MDZAD DE GLANG RI THANG PA NYID KYI ZHAL NAS, SPYIR SEMS CAN THAMS CAD YID BZHIN GYI NOR BU RIN PO CHE DANG 'DRA BAR BSLAB PA, KHYAD PAR DU GNAS GANG DU GROGS SU DANG 'GROGS KYANG PHYOGS MTHA' DAG NAS RANG DMAN PAR BLTAS LA TSIG TZAM MA YIN PAR SNYING THAG PA NAS GZHAN LA GUS PAR BSLAB PA, SPYOD LAM RNAM BZHIR RANG GI RGYUD LA BRTAGS NAS NYON MONGS BYUNG MA THAG TU BTZAN THABS SU GDONG NAS BZLOG PA LA BSLAB PA, SEMS CAN SHIN TU RANG BZHIN NGAN PA SDIG PA DANG SDUG BSNGAL DRAG POS NON BA LA RNYED PAR DKA' ZHING GCES PA'I BLOS BSLAB PA, RANG GIS SNGAR PHAN BTAGS PA'AM RE CHE BA'I GANG ZAG GIS KHREL MED DANG MGO BSKOR LA SOGS PA CI BYAS KYANG BKA' DRIN CHE BA'I BSAM PAS DGE BA'I BSHES GNYEN DU BSGOM PA, RANG GZHAN LA PHUNG GYOD LA SOGS PA NYES PA CI BYUNG YANG DAG GTZANG MI BYA BAR GYOD KHA RANG GIS BLANG BAR BSLAB PA, DNGOS SAM BRGYUD PAS PHAN PA DANG BDE BA THAMS CAD SEMS CAN LA GTONG ZHING DE DAG GI SDIG PA DANG SDUG BSNGAL THAMS CAD RANG GI SNYING KHONG DU BLANG BAR BSLAB PA, TSE 'DI'I RNAM PAR RTOG PA DANG MA 'DRES PAR CHOS THAMS CAD SGYU MA LTA BUR SHES PA'I BLOS DNGOS PO GANG LA'ANG MA ZHEN PAR BSLAB PA STE BRGYAD DO, ,BRGYAD PO DE LA GLANG RI THANG PA'I BLO SBYONG TSIG BRGYAD MA ZHES GRAGS SHING, DON TSAN

BRGYAD PO DE RGYUN DU KHA TON DU BYA BA'I PHYIR TSIGS BCAD DU BSDEBS PA NI, BDAG NI SEMS CAN THAMS CAD LA, ,YID BZHIN NOR BU LAS LHAG PA'I, ,DON MCHOG SGRUB PA'I BSAM PA YIS, ,RTAG TU GCES PAR 'DZIN PAR SHOG , GANG DU SU DANG 'GROGS PA'I TSE, ,BDAG NYID KUN NAS DMAN LTA ZHING, ,GZHAN LA BSAM PA THAG PA YIS, ,MCHOG TU GCES PAR 'DZIN PAR SHOG ,SPYOD LAM KUN TU RANG RGYUD LA, ,RTOG CING NYON MONGS SKYES MA THAG ,BDAG GZHAN MA RUNGS BYED PAS NA, ,BTZAN THABS GDONG NAS BZLOG PAR SHOG ,RANG BZHIN NGAN PA'I SEMS CAN NI, ,SDIG SDUG DRAG POS NON MTHONG TSE, ,RIN CHEN GTER DANG 'PHRAD PA BZHIN, ,RNYED PAR DKA' BA'I GCES 'DZIN SHOG , BDAG LA GZHAN GYI PHRAG DOG GIS, ,GSHE BSKUR LA SOGS MI RIGS PA'I, ,GYOD KHA RANG GIS LEN PA DANG, ,RGYAL KHA GZHAN LA 'BUL BAR SHOG ,GANG LA BDAG GIS PHAN BTAGS PA'I, ,RE BA CHE BA GANG ZHIG GIS, , SHIN TU MI RIGS GNOD BYED NA'ANG, ,BSHES GNYEN DAM PAR LTA BAR SHOG ,MDOR NA DNGOS DANG BRGYUD PA YIS, ,PHAN BDE MA RNAMS KUN LA 'BUL, ,MA YI GNOD DANG SDUG BSNGAL KUN, ,GSANG BAS BDAG LA LEN PAR SHOG ; DE DAG KUN KYANG CHOS BRGYAD KYI, ,RTOG BA'I DRI MAS MA SBAGS SHING, ,CHOS KUN SGYU MAR SHES PA'I BLOS, ,ZHEN MED 'CHING BA LAS GROL SHOG ,CES PA STE GLANG RI THANG PA'I BLO SBYONG TSIG BRGYAD MA ZHES GRAGS CHE ZHING DE'I KHRID

, ,RGYUN YANG DGE BA'I BSHES GNYEN GLANG RI THANG PAS DGE BSHES MYANG LCAGS ZHING PA LA GNANG, DES DGE BA'I BSHES GNYEN 'CHAD KHA BA CHEN PO LA GNANG STE, DGE BA'I BSHES GNYE NANG CHAD KHA BAS BLO SBYONG TSIG BRGYAD MA DE NYID BLO SBYONG DON BDUN MA'I NANG DU BSDUS NAS KHRID PAR MDZAD PAS DE PHYIN BLO SBYONG DON BDUN MA DANG BLO SBYONG TSIG BRGYAD MA GNYIS KHRID RGYUD GCIG GO ,DGE BA'I BSHES GNYEN SHA RAB CHEN PO LA BYANG CHUB LAM GYI RIM PA'I 'PHRIN LAS KYI BKA' BAB PAS SDE SNOD 'DZIN PA STONG PHRAG MANG PO LA BYANG CHUB LAM GYI RIM PA'I MAN NGAG RGYA CHER 'DOMS PAR MDZAD CING, GSUNG RAB DGONGS 'GREL DANG BCAS PA THAMS CAD SKYES BU GSUM GYI LAM GYI RIM PA'I STENG DU BSDUS NAS 'DOMS PAR MDZAD LA, BLO SBYONG SNYAN RGYUD KYI MAN NGAG RNAMS NI LKOG CHOS NYID DU MDZAD DE DGE BA'I BSHES GNYEN 'CHAD KHA PA CHEN PO LA LO BCU GNYIS KYI BAR DU LKOG KHRID BU BYAS TE MTHA' DAG PAR 'DOMS PAR MDZAD, DGE BA'I BSHES GNYEN 'CHAD KHA BA CHEN POS BDAG GZHAN MNYAM BRJE'I BLO SBYONG 'DI LA THUGS DAM GYI MTHIL DU MDZAD NAS SKU TSE RIL POR NYAMS LEN LA BRTZON PAR MDZAD PAS BDAG PAS GZHAN GCES PA'I BYANG CHUB KYI SEMS RIN PO CHE RLABS CHEN PO 'KHRUNGS SHING, BLO SBYONG 'DI 'DOMS PA LA DBANG 'BYOR PAR GYUR TE, BYANG CHUB KYI SEMS RIN PO CHE LA SLOB BAR 'DOD PA MTHA' DAG BDAG NYID CHEN PO

'DI'I DRUNG DU LHAGS PAR GYUR PA NA LKOG KHRID DU MDZAD MA THUB BAR TSOGS CHOS SU MDZAD DE DON GNYER CAN MTHA' DAG LA RGYA CHER SPEL ZHING BLO SBYONG 'DI'I MAN NGAG RNAMS DON TSAN BDUN DUS BCAD MDZAD DE BLO SBYONG DON BDUN MA ZHES MTSAN BTAGS, SA'I CHA THAMS CAD BLO SBYONG 'DI'I 'PHRIN LAS KYIS KHYAB PAR MDZAD, MAN NGAG YONGS SU RDZOGS PA DGE BA'I BSHES GNYEN SE SPYIL BU BA LA GNANG, DGE BSHES SE SPYIL BU BAS KYANG BYANG SEMS 'CHAD KHA BA CHEN POS JI LTAR MDZAD PA LTAR BLO SBYONG DON BDUN MA'I KHRID RGYA CHER SPEL ZHING, DGE BA'I BSHES GNYEN SE SPYIL BU BA LA LHA SPYIL BU BA 'OD ZER BLA MAS GSAN, DE LA DGE BSHES LHA SDINGS PAS GSAN, DE LA DGE BSHES LHA SDINGS DBON GYIS GSAN, DE LA DGE BA SHES YON TAN DPAL GYIS GSAN, DE LA MKHAN CHEN BDE BA DPAL GYIS GSAN, DE LA MKHAN CHEN DKA' BZHI PA GRAGS PA GZHON NUS GSAN, DE LA SEMS DPA' CHEN PO BSOD NAMS GRAGS PAS GSAN, DE LA RGYAL BA'I SRAS PO THOGS MED BZANG PO DPAL GYIS GSAN, DE LA RJE BTZUN RED MDA' PA CHEN POS GSAN, DE LA RJE BTZUN CHOS KYI RGYAL PO TZONG KHA PA CHEN POS GSAN NO, ,RGYAL SRAS ZHI BA LHA NAS DGE BA'I BSHES GNYEN SA SPYIL BU BA'I PAR GYI BLA MA RNAMS KYI RNAM PAR THAR PA SNGAR BRJOD ZIN LA, LHA SPYIL BU BA 'OD ZER BLA MA DANG, LHA SDINGS BA DANG, LHA SDINGS DBON DANG, BSHES GNYEN YON TAN DPAL BZHI PO 'DI'I MDZAD PA RNAM THAR ZHIB MOR 'KHOD

, ,PA MA MTHONG BAS SLAR RNYED NA 'DIR BSNAN PAR BYA'O, ` ,,MKHAN CHEN BDE BA DPAL NI, GTZANG RANG G-YAG SDER LCAGS MO YOS LA SKU 'KHRUNGS, SKU GZHON NU NAS RGYAL BA'I BSTAN PA RIN PO CHE'I SGOR RAB TU BYUNG STE KLOG BA THOS BSAM DANG SPONG BA BSAM GTAN LA BRTZON PAR MDZAD, DGUNG LO NYI SHU LON PA LCAGS PHO KHYI'I LO LA MKHAN CHEN LHO BRAG PA BYANG CHUB DPAL GYIS MKHAN PO, SLOB DPON BSOD NAMS BZANG POS LAS SLOB, SLOB DPON DBANG PHYUG GRAGS PAS GSANG STON MDZAD DE, DGE 'DUN GYI DBUS SU TSIG RDZOGS MDZAD NAS 'DUL BA LUNG SDE BZHI NAS GSUNGS PA'I DGE SLONG GI BSLAB BYA PHRA RAGS RNAMS MIG 'BRAS LTAR BSRUNG BAR MDZAD CING, SBYANGS BA'I YON TAN STAN GCIG PA'I BRTUL ZHUGS LA GNAS PA'I NGANG NAS MKHAN PO'I DRUNG DU ME TOG 'PHRENG BRGYUD MKHAN CHEN PA NYID KYIS MDZAD PA'I t'IKKA DANG SBYAR BA DANG, SPYOD 'JUG SOGS MDO PHYOGS KYI GZHUNG DANG MAN NGAG MANG DU GSAN, KHYAD PAR MKHAN CHEN BYANG CHUB DPAL BA LA SNE'U ZUR PA NAS BRGYUD PA'I LAM RIM DANG, DMIGS PA SKOR GSUM LA SOGS PA MI G-YO BA'I SKAB YIG RNAMS DANG, CHOS RJE PAn CHEN NAS BRGYUD PA'I 'JAM DKAR SGROL DKAR BDE MCHOG DKAR PO GNYAN GYI SGROL MA LA SOGS PA BKA' LUNG MANG DU GSAN, SLOB DPON YON TAN DPAL LA THEG PA CHEN PO BLO SBYONG GI GDAMS PA ZAB MO DANG, SLOB

DPON BKRA SHIS BSOD NAMS LA LAG SOR BA NAS BRGYUD PA'I THUGS RJE CHEN PO'I SGRUB SKOR DANG, BLA MA RDZONG PU BA LA DON YOD ZHAGS PA'I SGRUB SKOR RNAMS GSAN, GZHAN YANG G-YAG SDE LO TZ'A BA, MDO PHUG GI SLOB DPON DKON MCHOG GRAGS, 'GRO MGON 'PHAGS PA, MKHAN PO SENG GE ZIL GNON, RIN PO CHE KHRO PHU BA SOGS BSTEN TE, GZHUNG DANG GDAMS PA MANG PO GSAN ZHING MKHAN CHEN BYANG CHUB DPAL GSHEGS NAS LO GSUM GYI BAR SLOB DPON BSOD NAMS STOBS KYIS TSOGS PA'I DBU MDZAD BYAS, DE'I BAR DGA' BA GDONG DU DBYAR NYI MA BRTZON 'GRUS LA PHAR PHYIN GSAN, DE NAS DGUNG LO SUM CU RTZA BRGYAD PA LCAGS PO 'BRUG LA GDAN SAR BYON, NYI SHU RTZA BDUN GYI RING GDAN SA MDZAD NAS MA PHO STAG LA DKA' BZHI PA LA GDAN SA GTAD NAS ZUR BZHUGS MDZAD DE RGYAL BA'I GSUNG RAB DGONGS 'GREL DAM BCAS PA MA LUS PA NYAMS LEN GYI LUS GCIG TU DRIL BA BYANG CHUB LAM GYI RIM PA DANG, DE'I SNYING PO BDAG GZHAN MNYAMS RJE'I BLO SBYONG LA THUGS DAM RTZE GCIG TU MDZAD PAS LAM GYI LUS YONGS SU RDZOGS PA LA MYONG BA PHUL PHYIN THON ZHING THUGS RJE CHEN PO DANG RNAM BAR RGYAL MA'I ZHAL GZIGS, TSUL KHRIMS KYI DRI NGAD BZANG PO LDANG, CHOS SKYONG RNAM THOS SRAS KYIS 'PHRIN LAS BSGRUB PAR MDZAD DO, ,DE NAS DRUG CU RTZA BDUN BZHES PA ME MO BYA LA SKU GSHEGS, SKU GDUNG BZHU BA'I TSE THUGS LA MES MA REG PAR SGRA DANG BCAS TE BYON PA DA LTA'ANG BYES KYI RTEN GRAL NA BZHUGS SO, ` ,,

, ,MKHAN CHEN DKA' BZHI PA GRAGS PA GZHON NU NI, DBU RU STOD KYI LHA LCANG RI MO CAN ZHES BYA BA'I GRONG GYAD GSAR DU, YAB GYAD GSAR DGOS PA ZHES BYA BA'I SRAS SU ME MO SKRUL GYI LO LA SKU 'KHRUNGS, SKU GZHON NU NA SA KHYIM GYI 'DU 'JI LA MA CHAGS PAR SRID PA MTHA' DAG LA ZHEN PA LOG PA'I NGES 'BYUNG GIS RGYUD BSKUL TE, MKHAN PO GRAGS PA 'BUM LA RAB TU BYUNG STE, MTSAN GRAGS PA GZHON NU DPAL BZANG POR BTAGS, DE NAS MKHAN CHEN BDE BA DPAL BSAM SBYOR GNYIS KYIS TSUL BZHIN DU BSTEN TE LUNG DANG MAN NGAG MANG DU GSAN ZHING ,DGUNG LO NYI SHU BZHES PA G-YAG SDE BA'I DBANG BO ZHES BYA BAR, MKHAN CHEN BDE BA DPAL GYIS MKHAN PO, DANG, SLOB DPON THUGS RJE DPAL BZANG POS LAS SLOB, SLOB DPON CHOS LDAN DPAL BZANG POS GSANG STON MDZAD DE, ME PHO BYI LO'I DBYAR ZLA 'BRING PO'I DUS DAD PA'I DGE SLONG BCU DRUG GI DBUS SU BSNYEN PAR RDZOGS PAR MDZAD DE, ,TSUL KHRIMS MIG 'BRAS BZHIN DU BSRUNG BAR MDZAD DO, ,DE NAS MKHAN CHEN BDE BA DPAL LA DUS GSUM GYI SANGS RGYAS THAMS CAD KYI BGROD PA GCIG PA'I LAM PO CHE BYANG CHUB LAM GYI RIM PA'I KHRID DANG, DE'I RTZA PA'I MAN NGAG MNGON RTOGS RGYAN DANG SPOD 'JUG SOGS GSAN ZHING, KHYAD PAR RGYAL SRAS DAM PA RNAMS KYI THUGS DAM GYI MTHIL THEG PA CHEN PO'I BLO SBYONG GI KHRID GSAN TE NYAMS KHRID DU BSKYANGS, GZHAN YANG MKHAN CHEN BDE BA DPAL LA

SKYER SGANG PA'I THUGS RJE CHEN PO, DON YOD ZHAGS PA'I SKOR, 'JAM DPAL RNON PO, DPA' BO GCIG SGRUB DKAR BO, RNAM RGYAL MA, RNAM 'DZAMS, SMAN BLA RNAMS KYI RJES GNANG DANG, CHOS SPYOD MANG PO'I LUNG, MI G-YO DKAR SNGO, DMIGS PA SKOR GSUM LA SOGS PA GSAN, KHRO PHU'I SLOB DPON DKA' BZHI BA GZHON MDZES LA MNGON PA KUN LAS BTUS DANG TSAD MA RNAM NGES LEGS PAR BSLABS, MKHAS PA YON TAN 'BUM LA 'DUL BA MDO RTZA DANG MNGON PA MDZOD GSAN, G-YAG SDE LO TZ'A PA BSOD NAMS SENG GE LA BDE MCHOG DANG GSHED DMAR SOGS BKA' LUNG MANG PO DANG, RONG PA SHES RAB SENG GE LA DUS 'KHOR DANG GSHIN RJE GSHED SOGS RVA LUGS KYI CHOS SKOR MANG PO DANG, STON PA KUN DGA' RGYAL PO LA SGYOR DRUG GI SKOR DANG, BLA MA GRUB MCHOG LA'ANG GSANG SNGAGS KYI SKOR MANG PO GSAN TE, THOS PA'I PHA ROL TU SON NO, ,LAN CIG ZLA BA GZA' 'DZIN GYI DUS SU, MA SHA'I SBYOR BA MDZAD PAS ME TOG 'KHRUNGS, MNAL CUNG ZAD BYUNG BA'I GZIGS SNANG LA, RJE BTZUN 'JAM DBYANGS KYI ZHAL NAS, NGA SPYAN DRANGS NAS CI 'DOD PA YIN GSUNG, RAL GRI DE GNANG 'TSAL ZHUS LAS, RIGS PA'I RAL GRI LA BYIN YOD, KHYOD RDO RJE 'DI KHYER GSUNGS NAS, GSER GYI RDO RJE SOR BZHI PA ZHIG GNANG BA MNGON SUM LTA BUR BYUNG STE, GSUNG RAB KYI TSIG DON 'BYED PA LA GTUGS PA MED PA'I RNAM DPYOD PHUL DU BYUNG BA THUGS LA 'KHRUNGS SO, ,DE NAS DGUNG LO SO BRGYAD BA ZHIG PA SHING PHO RTA'I LO LA TSOGS KYI

, ,MKHAN PO MDZAD, 'DUL BA MDO RTZA, MNGON PA KUN LAS BTUS, TSAD MA BSDUS PA, PHAR PHYIN SOGS GZHUNG BSHAD DU MA DANG, THEG PA CHEN PO'I BLO SPYONG LA SOGS PA'I MAN NGAG GIS SKAL BA DANG LDAN PA RNAMS RJES SU 'DZIN BAR MDZAD DE, BLA MA BDAG NYID CHEN PO LA SOGS PA SA SKYA PA'I GDUNG BRGYUD DANG, BU STON RIN PO CHE, BYANG SEMS BSOD NAMS GRAGS PA SOGS MKHAS BTZUN MANG BO'I YONGS 'DZIN MDZAD CING, 'GRO DON 'PHRIN LAS BSAM GYIS MI KHYAB PA'I NGANG NAS MYANG SMAD PA SNAM 'BI LUNG RI KHROD DU SGRUB PA RTZE GCIG TU MDZAD CING, SKAL BA DANG LDAN BA GZHAN DAG LA'ANG LAM RIM DANG BLO SBYONG LA SOGS PA'I CHOS MANG DU STZAL SKU TSE 'DI'I MJED PA RDZOGS PA NA DGUNG LO NGA DGU BZHES PA SHING MO YOS KYI LO THA SKAR ZLA BA'I TSES BCO LNGA LA ZLA BA GZA' LAS GROL BA DANG DUS MNYAM DU BDE BAR GSHEGS PA'I TSUL BSTAN TO, ,DE'I TSE SPUGS LA 'JA' TSON KA BA LTAR ZUG PA DANG, ME TOG GI CHAR CHEN PO BABS DE NAS TSONG DUS MGUR MO'I YON BDAG RNAMS KYIS SKU GDUNG TSONG DUS SU GDAN DRANGS PA NA, MKHYEN RAB DBANG PHYUG BU STON RIN PO CHES THOG DRANGS SNAM SBYAR GYON PA'I DGE SLONG NYIS BRGYA LHAG TZAM GYIS SPOS DANG, GDUGS DANG RGYAL MTSAN DANG ROL MO LA SOGS PA'I MCHOD PA MANG PO DANG, SKYE BO'I TSOGS KYI KHROM CHEN POS BSU BA BYAS NAS, TSONG DUS KYI GRONG KHYER DANG NYE BAR SKU GDUNG BZHU BA'I TSE ME TOG GI CHAR CHEN PO 'BRAS SHING RING BSREL MANG PO BYON,

DUS PHYIS SKU GDUNG GI S'ATZTSA DANG GDUNG THAL BZHUGS PA'I KHANG BU LA'ANG RING BSREL 'DZAG PA BYUNG STE, NGO MTSAR BSAM GYIS MI KHYAB PA BYUNG NGO,, ` ,,MKHAN CHEN PA BYANG CHUB SEMS DPA' BSOD NAMS GRAGS PA NI ,CHU MO BYA'I LO LA SNYE MO PHUN SUM DU SKU 'KHRUNGS, DE'I TSE RGYAL SRAS 'DI'I MES PO'I RMI LAM DU ME TOG DANG 'BRAS BU PHUN SUM TSOGS PAS BRGYAN PA'I SHING LJON PA CHEN PO ZHIG LA SHING LJON PA MANG POS BSKOR BA CIG BYUNG BAS, 'O SKOL GYI PHU 'DI LA KHYIM BZUNG NA MI NER RDZAS GSUM 'DZOM PA CIG DANG, DAM PA'I CHOS BYAS NA GRVA BU SLOB MTHA' RGYAS PA CIG 'ONG BA 'DRA ZER, BYIS PA'I DUS NAS PHYAG NA CI YOD GZHAN LA STER PA DANG, PHAN SEMS DANG SNYING RJE CHE BA DANG, RTZED MO TSUN CHAD LA'ANG CHOS KYI SPYOD PA BYE DPA CIG BYUNG NGO, ,DE NAS DGUNG LO BCO BRGYAD BZHES PA'I TSE, MKHAN PO DKON MCHOG SKYABS DANG, SLOB DPON GZHON NU DAR ZHES BGYI BA LAS RAB TU BYUNG, DGE TSUL DU BSGRUBS TE MKHAN SLOB KYI SPYAN SNGAR JI LTAR KHAS BLANGS PA'I BSLAB BYA RNAMS TSUL BZHIN DU BSRUNG BA'I SGO NAS THOS BSAM LA BRTZON PAR MDZAD, DGUNG LO BCU DGU RU PHEBS PA LCAGS YOS LO MDAL BSHOL BRTZIS PAS NYI SHUR BYAS TE MKHAN CHEN BDE BA DPAL DANG, LAS SLOB MKHAN CHEN DKA' BZHI PA GRAGS PA GZHON NU DANG, GSANG STE BA SLOB DPON GZHON NU DAR GYIS MDZAD DE BSNYEN PAR RDZOGS, JI LTAR KHAS BLANGS PA'I BSLAB PA RNAMS LAS MI 'DA' BAR

, ,MDZAD, DE NAS MKHAN SLOB GNYIS LA MNGON PAR RTOGS BA'I RGYAN 'GREL PA DANG BCAS PA DANG, 'DUL BA'I MDO BYA t'IKA GI BSHAD SROL DANG BCAS PA LA LEGS PAR SBYANGS, GZHAN YANG MNGON PA KUN LAS BTUS, SPYOD 'JUG, GSANG SNGAGS PHYI NANG GI SGRUB SKOR DANG MAN NGAG MANG DU GSAN, MKHAN CHEN DKA' BZHI PA LA DGYER SGOM CHEN PO NAS BRGYUD PA'I LAM RIM, BLO SBYONG DON BDUN MA, JO BO'I DBU MA BDEN CHUNG DANG, DBU MA'I MAN NGAG, SGROL MA MAndAL BZHI PA, SGROL DKAR GYI SGRUB THABS, MI G-YO BA'I DMIGS PA SKOR GSUM, MI G-YO BA'I SGRUB YIG CHEN MO, DBU MA LUGS KYI SEMS BSKYED RNAMS GSAN, MKHAN CHEN DKA' BZHI PA LA RGYAL SRAS LAM 'JUG, BA RI BA'I SGRUB THABS BRGYA RTZA, SMAN BLA'I CHO GA LAG LEN DANG BCAS PA, JO BO'I LO RGYUS CHEN MO, LAM RIM, BLO SBYONG, MI G-YO BA'I SGRUB YIG RNAM GSUM, DMIGS PA SKOR GSUM, RTA MGRIN SHVA NA BZHI SKOR, SPYAN SNGA BA'I RAB GNAS, LAG SOR BA NAS BRGYUD PA'I THUGS RJE CHEN PO'I SGRUB SKOR MAN NGAG DANG BCAS PA, RIN CHEN 'BRU DGU SOGS KHRO PHU BA'I MAN NGAG SKOR, SBYOR DRUG GI KHRID, DBU MA'I SGOM RIM RNAM GSUM, SLOB DPON KLU SGRUB KYIS MDZAD BA'I MDO KUN LAS BTUS, GNAS BRTAN GYI GSOL 'DEBS, JO BO'I LAM SGREN RANG 'GREL DANG BCAS PA, GZHAN YANG CHOS SKOR MANG DU GSAN TE RTZA BA'I BLA MA BKA' DRIN CHE SHOS SU MDZAD DO, ,SLOB DPON GZHON NU MJES LA

SHER PHYIN SRAS YUM BCU BDUN DANG, SA SDE LNGA, KHRO PHU BA'I MAN NGAG BRGYA RTZA SOGS GSAN, SLOB DPON BSOD NAMS YE SHES LA LUNG SDE BZHI, MDO RTZA 'GREL, DBU MA TSIG GSAL, DBU MA LA 'JUG PA, DBU MA RGYAN, DBU MA SNANG BA, DBU MA BDEN GNYIS, BSLAB SPYOD GNYIS, JO BO'I CHOS CHUNG BRGYA RTZA, SHA RA BA PA NAS BRGYUD PA'I LAM SGRON GYI BSHAD PA, BE'U BUM SNGON PO DANG, DE'I 'GREL BA JO STAN GUR PAS MDZAD BA, 'CHAD KHA BA'I GRUB MTHA' CHEN MO, SNAR THANG PA'I LAM MCHOG, JO BO'I RNAM THAR DANG BLA MA GONG MA RNAMS KYI LO RGYUS, SEMS TZAM LUGS KYI SMON 'JUG SEMS BSKYED, SKYES BU GSUM GYI KHRID, DBU MA CHEN PO'I KHRID, BLO SBYONG DON BDUN MA, TSIG BRGYAD MA, KHAMS LUNG PA'I THUN BRGYAD MA, SNAR THANG PA'I LUGS KYI RAB GNAS DANG, GNAS BRTAN BCU DRUG GI SGRUB YIG RGYAS PA, MNGON RTOGS BRGYA RTZA, BLA MA'I DUS MCHOD SGRUB PA'I THABS, ,DON ZHAGS DE NYID BCU DRUG ,RGYUD CHUNG GI t'IKKA MCHIMS PAS MDZAD PA SOGS MANG DU GSAN NO, ,BYA YUL BA SANGS RGYAS JO BO LA, BYA YUL BA'I LUGS KYI RAB GNAS RGYAS BSDUS, PHYAG BRGYAD SGROL MA, DAM TSIG GSUM BKOD LHA LNGA MA DANG LHA GSUM MA, MKHAN CHEN SH'AKYA GZHON NU LA, JO BO'I RTA MGRIN PHYAG DRUG PA LAS TSOGS DANG BCAS PA, BLA MA GRAGS BA SHES RAB LA, BDE MCHOG NAG PO PA'I CHO GA JO BO'I LUGS DANG, L'U AI BA'I 'GREL PA JO BOS MDZAD PA, KYEE RDO RJE'I DBANG, MAH'A M'A

, ,YA'I DKYIL CHOG, SGRUB THABS PHYAG LEN DANG BCAS BA JO BO'I LUGS, MKHAN BO CHOS KYI DPAL BA LA, NAG CHO'I BSTAN RIM, JO BO'I BYANG CHUB LTUNG BSHAGS 'DON THABS ,BLA MA KUN DGA' TSUL KHRIMS LA, THUGS RJE CHEN PO'I DMAR KHRID, JO BO NAS BRGYUD BA'I DON ZHAGS DANG, BA RI BA'I DON ZHAGS LTA LNGA'I SKOR GSAN ZHING, GZHAN YANG BLA MA DAM PA MNGA' RIS PA SANGS RGYAS YE SHES, BLA MA DHARM'A SHR'I BHA DRA, DPANG LO BLO GROS BRTAN PA SLOB DPON BSOD SHE, MKHAN CHEN RGYAL MTSAN DPAL, MKHAN PO THUB PA MGON, MKHAN PO GRAGS PA DPAL, RONG PA SHES RAB SENG GE, 'JAM DBYANGS RIN RGYAL, BLA MA BDAG NYID CHEN PO, BLA MKHYEN KUN BLO, BLA MA MKHAS BTZUN PA, BLA MA KUN DGA' RGYAL MTSAN, BLA MA DON YOD RGYAL MTSAN, DPAL LDAN BLA MA DAM PA, BLA MA KUN DGA' SENG GE, BLA MA KUN BSOD PA, DRE'U LHAS PA'I MKHAN BO KYOG MO CHE, SLOB DPON RIN CHEN BSAM GRUB LA SOGS PA YONGS SU 'DZIN PA SUM CU TZAM BSTEN NAS MDO DANG SNGAGS KYI BSHAD LUNG MAN NGAG MANG DU GSAN NO, ,DE LTAR THOS BA RGYA MTSO'I PHA ROL TU PHYIN PA NA SNGON BYON DAM PA'I RNAM THAR LTAR MANG DU THOS PA'I DON RANG GI RGYUD LA SBYAR TE NYAMS LEN SNYING POR MDZAD BZHED NAS MKHAN CHEN BDE BA DPAL DANG MKHAN CHEN DKA' BZHI PA GNYIS LA BYANG CHUB MCHOG TU SEMS BSKYED NAS, DPAL LDAN AA TI SHA'I THUGS DAM GYI MTHIL SKYES BU GSUM GYI LAM RIM DANG, BYANG CHUB SEMS

SBYONG GI MAN NGAG RNAMS TSANG BAR ZHUS NAS BSGOMS PAS, NYAMS MYONG DANG DROD RTAGS PHUL DU BYUNG BA THUGS LA 'KHRUNGS TE, BDE SDUG MTHO DMA' CI BYUNG YANG THEG PA CHEN BO'I BLO SBYONG GI STENG 'BA' ZHIG TU 'JOG PAS BYANG CHUB KYI SEMS LAS NAM YANG G-YEL BAR MI MDZAD DO, ,GZHAN YANG PHA ROL TU PHYIN BA'I LUGS KYI RNAM PA'I KHRID, SRID ZHI MNYAM NYID KYI KHRID, DBU MA CHEN BO'I KHRID, RTEN 'BREL GYI KHRID RNAMS GSAN ZHING THUGS NYAMS SU BZHES PAS CHOS THAMS CAD SPROS PA'I MTHA' BRGYAD DANG BRAL BA RMI LAM DANG, SGYU MA DANG, CHU ZLA LTA BUR THUGS SU CHUD DE 'OD GSAL CHEN PO'I TING NGE 'DZIN LAS NAM YANG MI G-YO BAR BZHUGS SHING ,ZAB MO RDZOGS PA'I RIM BA'I TING NGE 'DZIN KYANG PHUL DU BYUNG BA LA MNGA' BRNYES SO, ,MDOR NA BDAG NYID CHEN PO 'DI NI PHYI'I KUN TU SPYOD PA DAM PA'I CHOS 'DUL BA GZHIR MDZAD DE, KHRUS DANG GTZANG SPRA LA GNAS NAS, CHOS GOS GSUM DANG GDING BA CHU TSAGS 'KHAR GSIL LHUNG BZED LA SOGS PA'I DGE SBYONG GI YO BYAD RNAMS DANG MI 'BRAL BAR GZHI GSUM GYI LAG LEN DANG, THA NA RUNG CHU LA SOGS PA RNAMS KYANG PHYAG LEN ZHIB BAR MDZAD DE 'PHAGS PA NYE BAR 'KHOR DANG MTSUNGS PA YIN NO, ,NANG DU BYANG CHUB KYI SEMS RIN PO CHE RNAM PA GNYIS KYI TING NGE 'DZIN DANG BCAS PA LA THUGS DAM GYI MTHIL DU MDZAD PAS, DGE SLONG RDO RJE 'DZIN PA CHEN POR BZHUGS PA YIN

, ,NO; ;DE NAS DGUNG LO NGA BZHI PA ME PHO STAG GI LO LA TSOGS PA CHOS LUNG PA'I MKHAN SAR PHEBS NAS LO NYI SHU RTZA BRGYAD KYI BAR DU TSOGS PA LA SBYANGS TE, BSDU BA RNAM BZHI'I SGO NAS 'GRO BA'I DON MTHA' YAS PA MDZAD DO, ,BU SLOB KYANG DPAL LDAN SA SKYA'I BDAG PO BLA CHEN KUN BLO, BLA MA DON YOD RGYAL MTSAN, DPAL LDAN BLA MA, BLA MA KUN DGA' LEGS PA'I RGYAL MTSAN, RGYAL BA'I SRAS PO THOGS MED BZANG PO DPAL, MKHYEN RAB DBANG PHYUG BU STON RIN PO CHE, KUN MKHYEN CHEN PO LA SOGS PA MKHAS GRUB BSAM GYIS MI KHYAB BA BYUNG ZHING RGYA HOR DANG MDO STOD SMAD KYI MI SDIG PA LA SPYOD PA RNAMS THABS SNA TSOGS MDZAD DE DGE BA LA SBYOR BAR MDZAD BA DANG, KHYIM PA RNAMS LA BSNYEN GNAS DANG, DGE BSNYEN LA SOGS PA'I BSLAB GZHI LEN DU 'JUG PA SOGS MDOR NA ZHAL MTHONG BA DANG CHOS 'BREL ZHU BA DANG, BYIN GYIS BRLABS PA SOGS KYI SGO NAS SEMS CAN LA PHAN PA SHA STAG MDZAD DO, , DE'I STOBS KYIS MI DANG MI MA YIN PA THAMS CAD KYANG DBANG DU 'DU ZHING 'PHRIN LAS SGRUB PAR MDZAD BA YIN NO, ,RNAM THOS KYI BUS BSRUNG SKYOB DANG 'PHRIN LAS MDZAD PA'I RTAGS MANG DU BYUNG ZHING, MAH'A K'A LA LCAM DRAL GYIS KYANG KHANG BA'I THOG RDIB NAS NYEN CHEN PO BYUNG BA'I DUS SU GDUNG MA DANG LCAM GYI SNE NAS BTEG PA'I LO RGYUS KYANG YOD CING, BSAM YAS SU PHEBS DUS DGE BSNYEN CHEN POS SKOR BA BYAS PA MI PHAL BAS KYANG MTHONG BA DANG,

SKYID GRONG DU PHEBS DUS NAD RIMS DRAG PO DAD MU GES MI RNAMS LA SDUG BSNGAL DU MA 'DUG PA LA, RIN PO CHE PAS 'PHAGS PA WA TI LA MCHOD PA PHUL TE GSOL BA BTAB PAS, NAD RIMS THAMS CAD RGYUN CHAD CING, 'BRAS KYI LAS SGO RDOL NAS 'BRU SHIN TU MOD PA BYUNG BA SOGS KYI LO RGYUS MANG PO DANG, YANG LAN CIG STOD LUNG LAM BA DGON PAR THUB PA CHU KHOL MA LA PHYAG MCHOD PHUL TE, DRI BZANG SBYAR BA'I CHU STA GON BYAS NAS SKU KHYAMS STOD DU SPYAN DRANGS TE CHU'I NANG DU BZHUGS SU GSOL MA THAG TU CHU THAMS CAD MGAR GYI SOL MAL DU BSREGS PA'I LCAGS CHU NANG DU SKYUR BA BZHIN DU CHER KHOL TE DBYIBS KYANG NOR BU BRTZEGS PA'I RNAM PA LTA BU BYUNG BAS, DER 'CHOGS PA'I MI THAMS CAD DAD PA RANG DBANG MED PAR SKYES NAS ,STON PA'I SKU DE DANG RIN BO CHE NGA GNYIS LA BYIN RLABS ZHU BA MI SHONG BA TZAM BYUNG, THUB PA'I SKU 'DI LA SKU KHRUS GSOL MI JI TZAM ZHIG BYUNG BA LA DA RES LAS CHU KHOL CHE BA'I GTAM MA THOS, DE YANG MI SKAM THAG CIG YIN TE, KHYED KYI ZHAL MJAL MA THAG DAD PA RANG DBANG MED PAR SKYE BA ZHIG BYUNG ZHES LAM DGON GYI SPYAN SNGAS ZHUS BAS, KHYED BKA' GDAMS KYI DGE BSHES BZANG POR GDA' BAS, DPAL LDAN AA TI SHA NAS BRGYUD PA'I CHOS SHIG 'BUL ZHES THEG PA CHEN PO BLO SBYONG GI GDAMS PA ZAB MO ZHIG GNANG NGO, ,DE NAS DGUNG LO BDUN CU BZHES PA'I TSE, SKU KHAMS CUNG ZAD LTEMS PA CIG LA PHYAG GI DNGOS PO THAMS CAD DGE 'DUN DANG

, ,DKON MCHOG GI MCHOD PAR BTANG PAS, SKU KHAMS KYANG LEGS PAR DVANGS TE BDE BAR BZHUGS PA'I DUS SU YONGS KYI DGE BA'I BSHES GNYEN BSOD NAMS BZANG PO LA GDAN SA GTAD DE THUGS LAS CHUNG NGUR BZHUGS SHING, DA PHAN CHAD SHI YANG BLA BA YIN, NGA RANG GIS BSAMS PA THAMS CAD 'GRUB GSUNG NGO, ,DE NAS RANG LO DON GSUM PA SHING MO BYA LA ZHI BAR GSHEGS SO,, ` ,,RGYAL BA'I SRAS PO THOGS MED BZANG PO DPAL NI, DPAL LDAN SA SKYA NAS LHO NUB TU DPAG TSAD PHYED DANG GSUM CAM BGROD PA NA PHUL BYUNG GRAG SKYA ZHES BYA BA MTHA' THAMS CAD PRAG RI DKAR POS BSKOR ZHING, PHUN 'BROG DANG ,MDA' NA ZHING BA MANG DU GNAS BA, SA GZHI THAMS CAD NE'U GSING SNGON PES BRGYAN PA GTZANG ZHING YID DU 'ONG BA'I YUL DU YAB DKON MCHOG DPAL DANG ,YUM 'BUM SGRON GNYIS KYI SRAS SU SHING MO LUG GI LO NGO MTSAR BA'I LTAS MANG PO DANG BCAS SKU 'KHRUNGS SO, ,RGYAL SRAS 'DI YUM GYI LHUMS SU 'JUG PA'I DUS NA YUM LA MGON PO SPYAN RAS GZIGS LUS LA THIM PA'I RMI LAM BYUNG ZHING BLTAMS PA'I DUS NA'ANG MGON PO SPYAN RAS GZIGS RTEN DANG BRTEN PAR BCAS PA'I DKYIL 'KHOR PHYIR SPROS PA'I SNANG BA DANG, SNGON MED PA'I DRI ZHIM PO MNAM PA DANG, ROL MO'I SGRI SNYAN PA PHYOGS KUN TU GRAGS PA DANG, SA G-YO BA DANG, ME TOG GI CHAR BABS PA DANG, YUL DER SNGON MED PA'I RTZVA DANG, SHING DANG, ME TOG SNA TSOGS SKYES PA SOGS NGO MTSAR

BA'I LTAS BSAM GYIS MI KHYAB PA BYUNG ZHING, RGYAL SRAS 'DI LA DKON MCHOG BZANG PO ZHES MTSAN GSOL TO, ,DE'I TSE RGYAL SRAS GZHON NU DE'I SKU NI MTSAN DPE RJES MTHUN PA DANG LDAN PAS 'JIG RTEN KUN GYI MIG GI BDUD RTZI LTA BU ZHIG BYUNG ZHING, RGYAL SRAS SEMS DPA' CHEN PO 'DI NI 'KHRUNGS MA THAG NAS, ZHI BA DANG, DUL BA DANG, DES PA DANG, YID GZHUNGS PA DANG, SNYING RJE CHEN PO'I NGANG TSUL DANG LDAN ZHING, BYIS PA'I SPYOD PA LAS 'DAS BA ZHIG BYUNG STE, DE YANG SKYE BA DPAG TU MED PA'I GONG ROL NAS TSOGS GNYIS CHU BO'I RGYUN BZHIN DU GOMS PA'I STOBS KYIS BYIS PA CHUNG DU SMRA SHES PA TZAM GYI DUS NA NYIN GCIG YUM GYI PANG NA BZHUGS DUS RLUNG PO KHOR KHOR BYED PA CIG GIS SHING LO ZHIG NAM MKHA' LA KHYER SONG BA GZIGS NAS DRAG TU BSHUM PA LA YUM GYIS CI BYUNG DRIS PAS, NAM MKHAR RLUNG GIS KHYER BA DE LA PHYAG MDZUB BCUGS NAS, SEMS CAN ZHIG NAM MKHA' LA KHYER SONG GSUNG BA DANG, SEMS CAN MA YIN SHING LO YIN BYAS PAS BSHUM PA'I 'PHRO CHAD PA ZHIG BYUNG, YANG STON KA ZHIG SA 'KHYAGS TE BA MO BYUNG DUS SNGA DRO ZHIG SGOR BZHUD NAS GOS MED PAR SGRAN MOR BYUNG BAS, YAB KYIS GOS GAR SONG BYAS BAS SNYING RJE BA'I SEMS CAN 'KHYAGS PA DE 'DRA LA G-YOGS NAS YOD ZER, KHRID NAS BLTAR PHYIN PAS SDOM PAS GANG BA'I SHO PHUNG BA MO SKYA KHAD PA CIG LA GOS G-YOGS MTHA' MA RDOS MNAN BYAS NAS 'DUG ZER, GZHON NU'I DUS NAS BDAG PAS GZHAN GCES PA'I BYANG

, ,CHUB KYI SEMS DE LTA BU DANG, YANG NGA SGOM BYED PA YIN ZER NAS SKU RNAM SNANG GI CHOS BDUN LDAN BCAS TE CHOS DON SEMS PA SOGS DAM PA'I SPYOD PAS DUS 'DA' BA CIG BYUNG ZHES GRAG GO, BSHUM BA'I DUS NA DPE CHA SHOG KHYAR PHYAG TU GTAD PA DANG SHIN TU MNYES SHING BSHUM 'PHRO CHAD PA DANG, BYIS PA GZHAN MIS BRDUNG TZA NA BSHUM PA CIG YOD PAR 'DUG, TSUL DE LA NI DUS PHYIS 'JAM PA'I DBYANGS DON YOD RGYAL MTSAN PAS SA SKYAR GDAN DRANGS DUS 'PHROS PA'I GSUNG GLENG BYUNG BA'I DUS SU, GONG GI DE LTA BU RNAMS THOS TE BDEN LAGS SAM ZHUS PAS DE LTAR GRAGS LAGS TE BDAG RANG GIS NI MI DRAN LAGS, DRAN TZAM NA CHOS LA GZHAN GYIS THU G-YOGS LA SOGS MI GUS PA BYAS TZAN MI BZOD PA SKYE ZHING, DANG PO BYIS PA'I DUS RANG NAS KHONG KHRO SHAS CHUNG ZHING BYAMS SNYING RJE CHE BA GZHAN GYI DGE BA LA RJES SU YI RANG KHA TSIG TZAM MIN PAR SKYE BA CIG YOD, DE'I STOBS KYIS SU LA'ANG TSIG NGAN SMRA MI NUS, NGA CHUNG CHUNG GI DUS SA SKYA DKAR PHUBS KYI SGO RTZAR MI GCIG GIS DON MED PAR MGO LA BRGYAB PAS SKRANGS 'BUR CHEN PO BYUNG YANG KHONG KHRO MA SKYES GSUNG BA DANG, BYIS PA GZHAN DANG RTZE BA NA GZHAN PHAM NAS DUS NA BDAG GIS MI BZOD CING, RANG PHAM YANG MYA NGAN TZAM MED PA CIG YOD GSUNG BA DANG, RTZVA SHING THU RU BYON DUS GROGS KYIS RNYED NAS RANG GIS MA RNYED KYANG MI SDUG, RANG GIS RNYED KYANG GROGS KYIS

MA RNYED NA KHONG CHO LA PHA MA SOGS KYIS 'THAB TU YOD BA SAMS NAS RES 'GA' RANG GIS RNYED BA NAS BYIN, RES 'GA' THU ROGS BYAS GSUNG BA DANG, BYIS PA'I DUS RTZED MO PHAL CHER MCHOD RTEN BZHANG BA DANG, CHOS 'CHAD PA DANG, SGOM BYED PA SOGS DGE BA'I PHYOGS KYIS DUS 'DA' BA CIG YED GSUNG, RGYAL SRAS 'DI'I YAB YUM GNYIS SNGA MO NAS 'DAS TE YUM GYI MA AA PHYI RGAN MO ZHIG GIS DGUNG LO LNGA NAS BZUNG BSKYANGS TE, RGYAL SRAS 'DI AA PHYI RGAN ME'I SA NA BZHUGS DUS PHYUGS LUG 'TSO BA LA BYON ZHING, AA PHYI LA KHRAL 'BAB PA LA RA LUG BSAD KYIN HOR 'DRA LA SHA SPROD DGOS PA BYUNG BAS RA LUG GSOD SAR KHRID PA'I DUS SU BSHUM ZHING 'CHANG NAS SNYING RJE BA YIN MOD GSUNG STE, YUN RING POR KHRID DU MI STER BAR BA RGYAL BRGYAL DU BSHUMS KYANG DBANG MED DU KHRID KYIN BSAD BA LAN MA PA RAB BYAS PAS, AA PHYIS BYAMS PO BYAS KYANG DE LTA BU LA YID 'BYUNG ZHING SKYO BA SKYES TE, DGUNG LO DGU BA ZHES BA'I DUS SU PHYUGS LUG 'TSO SA NAS BROS TE YAB KYI PHA SPUN MO'I BU STON PA RIN CHEN BKRA SHIS KYI SAR BSAM GLING DU BYON TE, YI GE 'DRI 'DON LA SOGS PA BSLABS PAS, RIGS PA'I GNAS RNAMS MTHONG BA TZAM GYIS SHES BA BYUNG STE, KUN GYIS 'DI NI PHAL PA CIG MA YIN NGES ZHES GLENG BA BYUNG ZHES GRAGS SO, ,DE NAS SANGS RGYAS KYI BSTAN PA LA RAB TU BYUNG STE THOS BSAM SGOM GSUM RNAM PAR DAG PA SNGON BYON DAM PA RNAMS KYI RNAM THAR DANG MTHUN PA ZHIG MDZAD BZHED NAS, DON DE LTAR DU BSAM

, ,GLING PA'I BLA MA SOGS LA GSOL BA NA THUGS BZHED GRUB STE DGUNG LO BCU BZHI PA SPRE'U'I LO ZLA BA DRUG PA'I TSES BRGYAD KYI SNGA DRO'I CHI LA, BSAM GLING PA'I GDUNG BRGYAD BLA MA DPAL 'BAR BAS MKHAN PO MDZAD, DE'I GCUNG PO MKHAN PO RIN CHEN DPAL BZANG BAS SLOB DPON MDZAD, GRIB TSOD PA SLOB DPON RIN CHEN RDO RJES MDZAD DE, BSTAN PA RIN PO CHE'I SGOR ZHUGS NAS RAB TU BYUNG DGE TSUL DU BSGRUBS TE BZANG PO DPAL ZHES MTSAN GSOL TO, ,DE'I NYIN PAR SNGAR MED PA'I DRI ZHIM POS KHYAB PA DANG, ROL MO'I SGRA SNYAN PA GRAG PA DANG, ME TOG GI CHAR 'BAB BA LA SOGS PA KUN GYIS MTHUN SNANG DU GRUB PA BYUNG NGO, , DE NAS RGYAL SRAS 'DIS MKHAN SLOB KYI SPYAN SNGAR JI LTAR KHAS BLANGS PA'I BCAS PA RNAMS SROG LAS KYANG GCES PAR BSRUNG BAR MDZAD CING SNGON BYON DAM PA'I RNAM THAR BZANG PO'I RJES SU ZHUGS TE TSE 'DI'I BYA BA MTHA' DAG DOR NAS RGYAL BA'I BKA' DANG DGONGS 'GREL RNAMS KYI TSIG 'DZIN PA DANG DON SEMS PA LA BRTZON 'GRUS LHOD PA MED PAR MDZAD, RANG YUL GYI NOR LONGS SPYOD SOGS 'KHOR BA'I PHUN TSOGS GANG LA'ANG MA CHAGS PAR RANG GI KHU PO RIN CHEN BKRA SHIS KYIS YI GE BRI 'DON BCUN PA BYED PA, BSHAD GSAR LA SOGS PA'I GROGS BYAS PAS DRIN CHE BAR DGONGS NAS, ZHING KHANG RNAMS KYANG AA KHU LA GNANG STE

'DI SKAD DU DA KHYED RANG DGE SBYOR GYIS ,'JIG RTEN GYI BYA BA LA SNYING PO MED, NGA'I ZHING DANG NYID RANG LA GANG YOD RNAMS KYIS MI PHONGS TZAM YONGS MCHI, GAL TE MA PHENGS NANGS BSOD SNYOMS BYAS NAS SKYONG BA YIN SEMS LAS MI 'TSAL ZHES ZHAL TA MDZAD ,SANGS RGYAS KYI BSTAN PA BSHAD SGRUB GNYIS KYIS 'DZIN PA LA, BSHAD NYAN GYIS LUNG GI CHOS 'DZIN, SGOM SGRUB KYIS RTOGS PA'I CHOS 'DZIN PAR DGONGS NAS RGYAL BA'I GSUNG RAB KYA DGONGS PA SHING RTA CHEN PO RNAMS KYIS BKRAL BA'I RIGS PA'I DKA' GNAS RNAMS LA SBYONG BAR BZHED DE DGUNG LO BCO LNGA PA'I DUS BO DONG AE BSAM GLING BA'I DGON LAG YIN PA'I STOBS KYIS AE'I CHOS GRVA CHEN POR BYON TE, BLA MA KUN RGYAL BA'I DRUNG DU DANG POR MNGON PA KUN LAS BTUS LA NAN TAN MDZAD, DE YANG DANG PO NAS DUL BA DANG, ZHI BA DANG, BZOD PA DANG, BYAMS PA'I NGANG TSUL DANG LDAN PAS, GROGS KYI SLOB GNYER LA 'GRAN ZLA DANG PHRAG DOG GI DMIGS RKYEN DU MI 'GYUR BAR BYA BA'I PHYIR GZHAN LAS BLO GROS KYI NUS PA CHUNG ZHING DMAN PA'I TSUL BZUNG YANG SKYE BA DPAG TU MED PA'I GONG ROL NAS GOMS PA'I PHYIR GZHAN GYIS LO MANG PO'I BAR DU 'BAD PA BAS KYANG MKHAS PAR GYUR TO, ,DE DUS 'JAM DBYANGS RONG PA NYI MA RGYAL MTSAN GYIS, MANG JA'I TSOGS GRAL DU,

, ,NYID BTZUN CHUNG BZANG PO DPAL DANG BCAS PA'I BLO GSAR BA RNAMS LA NGA DRI BA BYA RGYU YOD DO, ,MNGON PA NAS, ZANG ZING MED PA'I TSOR BA SDUG BSNGAL BYA BA CIG BSHAD 'DUG STE ZANG ZING MED PA'I TSOR BA YIN NA, SDUG BSNGAL YIN PA'I DAM BCA' BUD ZER NAS, 'DI LA LAN THOB ZER BA LA, GZHAN GYIS NI LAN GANG YANG MA BYUNG, DE LTA BU 'BYUNG BAR GZHUNG RANG NAS NYAN THOS DGRA BCOM PA 'GA' ZHIG LA ZANG ZING NYON MONGS MED KYANG LAS KYI NUS BA MTHONG BA YIN, ZHES SDUG BSNGAL 'BYUNG BAR BSHAD YOD DGONGS NAS, DE LUGS KYI 'GAL SPONG GSUNGS PAS, MKHAS PA THAMS CAD NGO MTSAR BAR GYUR TE, BLA MA NAM BKRA BA BYA BA NA RE NYID THOGS MAD DNGOS SU 'DUG, THOGS MED GNYIS PA YIN GSUNGS LA MCHOD YAR MDZOD ZER BAS, MCHOD YAR MDZAD NAS THOGS MED GNYIS PA YIN GSUNGS PAS, DUS DE NAS BO DONG THOGS MED CES MTSAN YONGS SU GRAGS SO, ,GZHAN YANG BYAMS PA'I CHOS LNGA, SA SDE LNGA, SDOM RNAM PA GNYIS, PRA KA RA nA SDE BRGYAD RNAMS KYI TSIG DON LA MKHAS PA 'PHAGS PA THOGS MED LTA BUR GYUR, BYANG CHUB SEMS DPA'I SPYOD 'JUG BSLAB BTUS MDO BTUS RNAMS DANG, DBU MA RIGS PA'I TSOGS LA SOGS BA DBU MA'I BSTAN BCOS RNAMS LA LEGS PAR SBYANGS NAS MKHAS

PA'I PHUL DU PHYIN PAR GYUR PA NA TSAD MA'I GZHUNG RNAMS LA SBYONG BAR BZHED DE DPAL LDAN SA SKYAR BYON NAS MKHAS PA CHEN PO BLA MA GZHIN RGYAL BA'I DRUNG DU SDE BDUN MDO DANG BCAS PA LA MKHAS PAR SBYANGS SHING, GTZO BOR TSAD MA RNAM NGES LA THUGS SBYONG MDZAD DE, CHOS MCHOG ,RGYAN , LHA DBANG BLO, SH'AKYA BLO ,DZNY'A NA SHR'I LA SOGS PA'I 'GREL PA CHEN BO RNAMS KYI TSIG DON LA MKHAS PA DPAL LDAN CHOS KYI GRAGS PA LTA BUR GYUR TE, DE DUS SEMS DPA' CHEN BO'I ZHAL NAS, LE LO'I DBANG GIS SHES CHER MA 'BANG KYANG, ,'ON KYANG KHO BO'I BLO DANG PHRAD PA NA, ,SHES BYA'I TSIG DON LHAN CIG DMIGS NGES YIN, ,ZHES NYAM MTSUR GYI TSUL DU ZHAL PHO YANG MDZAD DO, ,DE LTAR GZHUNG LUGS RNAMS LA SBYANGS PAS 'DZAM GLING MDZES PAR BYED PA'I RGYAN DRUG DANG MCHOG GNYIS KYI GZHUNG LUGS RNAMS LA MKHAS PA'I PHUL DU PHYIN BAR GYUR PA NA DGUNG LO NYER GSUM BZHES PA'I DUS SU GTZANG PHYOGS KYI CHOS GRVA KUN TU GRVA SKOR MDZAD NAS LTA BA LOG PAR 'DZIN PA'I RGOL BA NGAN PA RNAMS LUNG RIGS KYIS SUN PHYUNG STE SPOBS PA MED PAR BYAS, LTA BA PHYIN CI MA LOG PAR 'DZIN PA RNAMS MTHUN PHYOGS SU BSDUS PAS, KUN KHA MTHUN PAR GRVA SKOR BYUNG BA LA BO DONG GI MKHAS PA CHEN PO BZANG PO DPAL 'DI LAS STON

, ,PA BZANG BA DANG SHES RAB CHE BA MA BYUNG ZHES GLENG BA BYUNG NGO, ,DE NAS DGUNG LO SUM CU PA SHING PHO BYI BA'I LO ZLA PA BCU PA'I TSES DRUG GI SNGA DRO'I CHA LA, MKHAN PO BYANG SEMS RIN CHEN MGON DANG, LAS KYI SLOB DPON BLA MA NAM MKHA' SANGS RGYAS, GSANG STE STON BA BLA MA KUN DGA' RGYAL MTSAN, GRIB TSOD PA SLOB DPON SH'AKYA BYANG CHUB, DAD BA'I DGE 'DUN DGE SLONG RGYAL MTSAN 'BUM GYIS THOG DRANGS PA RNAMS KYI DBUS SU, AE'I CHOS GRVA CHEN POR BSNYEN PAR RDZOGS PAR MDZAD NAS 'DUL BA LUNG SDE BZHI NAS GSUNGS PA'I DGAG SGRUB GNAD GSUM GYI BCAS PA PHRA RAGS MTHA' DAG TSUL BZHIN DU BSRUNGS TE 'PHAGS MCHOG NYE BAR 'KHOR SLAR YANG GANGS RI'I KHROD DU BYON PA LTAR NGUR SMRIG 'DZIN PA THAMS CAD KYI NANG NA GTZUG GI NOR BU LTA BUR GYUR TO, ,DE NAS DGUNG LO SO GNYIS PA ME PHO STAG LA, 'JAM DPAL DBYANGS DON YOD RGYAL MTSAN PA SKU MCHED YUM DANG BCAS PA DANG, BLA MA KUN DGA' RGYAL MTSAN, KUN SPANGS NAM MKHA' GRAGS ,BYANG SEMS RIN CHEN MGON RNAMS KYIS RTA RA'I GDAN SA MDZAD PAR ZHU BA GSOL BA LA, ZHAL BZHES MA MDZAD PAS, BLA MA GNUR PA CHOS 'PHAGS RGYAL MTSAN DANG, RIN CHEN SHES RAB 'BUM PAS KYANG GDAN SA MDZOD GSUNG BA'I ZHAL TA NAN CHEN PO MDZAD PAS, BLA MA'I BKA' BCAG PAR

GYUR DOGS NAS ZHAL GYIS BZHES TE, BYANG SEMS RIN CHEN MGON GYIS DBU MDZAD PA'I BLA MA DGE BA'I BSHES GNYEN RNAMS DANG, SHAB CHONG BA LA GTOGS PA'I DGE BSHES GRVA PHA BU SLOB RNAMS KYIS ZHU 'BUL BYAS NAS CHOS GRVA CHEN PO AE'I ZUR CHEN MDZAD, DE'I TSE SEMS CAN THAMS CAD LA MA BU GCIG PU LA BRTZE BA LTAR BDAG PAS GZHAN GCES PA'I BYANG CHUB KYI SEMS DANG NAM YANG 'BRAL BA MED PA'I NGANG NAS, PHYI RU BSTAN PA GZUNG BA'I PHYIR BSHAD NYAN LA G-YEL BA MI MNGA' BAR MDZAD DE, DUS CHOS LA PHAR TSAD GNYIS, MNGON PA KUN LAS BTUS, MDO SDE RGYAN, RGYUD BLA MA, SPYOD 'JUG STE PO TI DRUG DRUG GSUNGS, ZHOR CHOS LA BKA' MDO RGYUD, 'GREL PA 'GREL BSHAD, MAN NGAG GI SKOR MTHA' YAS BA RNAMS 'JAM PA'I DBYANGS CHEN PO DON YOD RGYAL MTSAN BA SKU MCHED KYIS THOG DRANGS PA'I DGE BA'I BSHES GNYEN RGYA MTSO LTA BU LA GSUNGS SHING, BSHAD NYAN LA GNOD DGONGS NAS GSHIN CHOG LA SOGS PA RNAMS LA YANG MA BYON BAR BSHAD NYAN LA BRTZON PA'I STOBS DANG, BYANG CHUB KYI SEMS KYI NUS PA DANG, GZHUNG LUGS 'CHAD BA NA TSIG DON GSAL ZHING 'BREL CHAGS PA, LHAG CHAD MED CING RNA BAR SNYAN PA'I TSIG GIS BRDA 'PHROD PAS NGES SHES BSKYED PA LA GZHAN LAS PHUL DU PHYIN PA'I LEGS BAR BSHAD PA'I GSUNG GI 'OD ZER GYIS NYA NANG PO'I MI SHES

, ,PA'I DRI MA BSAL TE, BLO GROS KYI PADME'I ZE'U 'BRU GSAL BAR MDZAD PA LA BRTEN NAS NYID KYI SLOB MA DKA' CHEN BCU LA MKHAS PA MTHA' YAS PA BYUNG STE SNYAN PA'I GRAGS PAS SA'I STENG KHYAB PAR GYUR TO, ,DE LTAR BSTAN PA DANG SEMS CAN GYI DON LA SKAD CIG KYANG G-YEL BA MED PA'I NGANG NAS RTA RA'I GDAN SA LO BDUN MDZAD CING, DE'I TSE DGUNG LO SO BRGYAD BA LA 'JAM PA'I DBYANGS DON YOD PAS BSKUL NAS MDO SDE RGYAN LA t'IKKA MDZAD, KHONG GIS BSKUL NAS SBYAR BYAS NA STONG SOB TU SONG DOGS NAS MA BYAS GSUNG, 'DI LA DKA' LAS KYANG CHE RAB BYAS NAS BRTZAMS TE LEGS RAB GCIG BYUNG NAS 'DUG GSUNG, DE'I RJES LA RGYUD BLA'I t'IKKA MDZAD, DE'I RJES LA SLOB DPON GRUB RGYAL BA'I DON DU SPYOD 'JUG GI t'IKKA MDZAD, DE'I TSE MKHAS PA MANG PO DPANG LO'I DRUNG DU 'DZOM NAS SPYOD 'JUG LA SU MKHAS KYI GLENG MO BYUNG BAS, LA LAN RE KYI STON PA MKHAS ZER BA LA, DPANG LO'I ZHAL NAS, SPYOD 'JUG LA BOD GANGS CAN GYI KHROD NA RGOD TSANG PA DANG, GU RU THOGS MED GNYIS LAS MKHAS PA MED, SPYOD 'JUG GI DON THAMS CAD KHONG GNYIS KYI RGYUD LA LDAN PA YIN GSUNG NGO, ,DE LTAR BO DONG GI BSHAD NYAN MDZAD DUS SLOB DPON DANG MCHED GROGS 'GA' RES PHYAG RDZAS SRAB PA LA GRVA PA MANG PO SKYONG DGOS PAS LAG LEN GYI SKOR RNAMS SKYONG BAR ZHU ZHES YANG YANG ZHUS PAS, RGYAL

SRAS BDAG NYID CHEN PO 'DI'I THUGS LA KHA GSAG GZHOGS SLONG GIS NOR BSGRUBS TE SLOB MA SKYONG BA NI, RGYAL BA'I BKA' DANG MI MTHUN PA'I SNGON BYON DAM PA'I MDZAD TSUL MIN LA, SNGON BYON DAM PA RNAMS GYI MDZAD TSUL NI TSE 'DI'I BSAM SBYOR DOR TA RGYAL BA'I BKA' DANG MTHUN PAR SDOM PA GSUM GYI BCAS MTSAMS DAG PAR BSRUNG BA GZHIR BZHAG NAS BYANG CHUB LAM GYI RIM PA'I NYAMS LEN BYED PA 'DI YIN SNYAM DU LAG LEN SKYONG NA NGA'I LAG LEN DE 'DI LTA BU ZHIG YIN TE DGONGS NAS, RGYAL SRAS RNAMS KYI LAG LEN BSHAD PAR BYA ZHES LAG LEN GYI SGRA LA BRTEN NAS RANG GZHAN THAMS CAD RGYAL SRAS LAG LEN LA 'JUG PA'I PHYIR RGYAL SRAS LAG LEN MDZAD , BRTZAMS ZIN NAS ZHUS DAG LA KHANG THOG BYON TE MDUN NA BZHAG YOD PA'I DUS, RLUNG PO CHEN PO ZHIG BYUNG NAS KHYER SONG BAS SHOG BU GCIG KYANG BSDU RGYU MA RNYED, DE NAS YANG BLO LA GSAL LE 'DUG PAS LDABS NAS BRI DGOS BYUNG STE, DA PHYOGS THAMS CAD DU DAR BA 'DI'I RTEN 'BREL YIN PA 'DRA GSUNGS TE, DE NI RGYAL SRAS BDAG NYID CHEN PO 'DI THUGS BSKYED SHIN TU BZANG BAS RIS SU MA CHAD PA'I CHOS BYED THAMS CAD RGYAL SRAS RIN PO CHE 'DI'I GSUNG LA DAD CING MOS PAR BYED CING, LHAG PAR RGYAL SRAS LAG LEN 'DI PHYOGS THAMS CAD DU DAR CHA CHE ZHING, SUS MTHONG YANG GUS PAR THAL MO SBYOR ZHING JI BZHIN NYAMS SU LEN PAR MA NUS KYANG DAD CING GUS PA DANG SMON PA'I

, ,YUL DU BYED PA KUN LA MTHUN SNANG DU GRUB PA 'DI'O, ,DA'I DUS SU BSNYUNG PO ZHIG BYUNG BA LA GRVA PA RNAMS KYIS ZHAL TA 'JOG PAR ZHU ZHUS PAS, NGA'I KHA CHEMS RGYAL SRAS LAG LEN YIN GSUNG NGO, ,RGYAL SRAS BDAG NYID CHEN PO 'DI RGYAL BA'I DAM CHOS MA LUS 'DZIN PA'I SMON LAM RLABS PO CHE'I MTHU GRUB STE, BYANG CHUB SEMS DPA' GZHON NU NOR BZANG GIS DGE BA'I BSHES GNYEN BRGYA RTZA GCIG BSTEN PA'I TSUL LTAR, BYANG CHUB SEMS DPA' CHEN PO 'DIS KYANG DGE BA'I BSHES GNYEN BCU PHRAG BZHI DANG, 'GRAN GYI DO ZLA BRAL BA'I YONGS 'DZIN RIN CHEN GNYIS RNAMS BSTEN TE, DE YANG THOG MAR SHES BYA RGYA CHEN GSAN PA'I BSHES GNYEN BCU PHRAG GCIG NI 'DI LTAR, DGUNG LO BCU BZHES PA'I DUS SU, 'JAM DBYANGS 'KHON STON LA SEMS BSKYED, PHAR TSAD GNYIS, MNGON PA, GSHIN RJE GSHED DGRA NAG GI MNGON RTOGS, YUM SGRUB, MI 'KHRUGS PA'I SGOM BZLAS RNAMS GSAN, BLA MA KUN RGYAL BA LA MNGON PA KUN LAS BTUS LA SOGS PA BYAMS PA DANG 'BREL BA'I CHOS SKOR RNAMS GSAN, 'JAD RONG PA 'JAM DBYANGS NYI MA RGYAL MTSAN LA TSAD MA RNAM NGES GSAN, SA SKYA'I MKHAS PA CHEN PO BLA MA GZHON RGYAL BA LA SDE BDUN 'GREL PA 'GREL BSHAD DANG BCAS PA GSAN, BLA MA BKRA SHIS MGON LA MNGON PA KUN LAS BTUS GSAN, SLOB DPON SH'AKYA BYANG CHUB LA PHAR PHYIN GSAN, KHRO PHUR TSAD MA'I

SKYES BU BSOD NAMS MGON LA, YUM RGYAS PA, BRGYAD STONG PA, BRGYAD STONG 'GREL CHEN SOGS GSAN, 'JAM DBYANGS NYAG GCIG LA, NYI KHRI, KHRI BRGYAD STONG PA, SHES RAB SNA TSOGS, SHES RAB KHRI PA, NYI KHRI LE MANG, NYI KHRI SNANG BA, LE BRGYAD MA, SA SDE LNGA RNAMS GSAN, DPANG LO TZ'A BA BLO GROS BRTAN PA LA, SA SDE LNGA, THEG BSDUS SKOR GSUM, MNGON PA KUN LAS BTUS, THUB PA DGONGS RGYAN, RNAM BSHAD RIGS PA, LAS SGRUB BA'I RAB TU BYED PA, RTEN 'BREL MDO 'GREL, DBU MA SGOM RIM SOGS DBU MA'I SKOR, DUS 'KHOR RGYUD 'GREL, GSANG 'DUS KYI SGRUB THABS, BRGYAD STONG DON BSDU, DE'I 'GREL BA, BYANG CHUB GZHUNG LAM, PHUNG PO LNGA'I RAB BYED, BCU GCIG ZHAL GYI GZUNGS, SDUD PA'I 'GREL PA SANGS RGYAS YE SHES ZHABS KYIS MDZAD PA RNAMS GSAN, GOO SHR'I RIN CHEN SENG GE LA MNGON PA KUN LAS BTUS GSAN NO, ,SHIN TU BKA' DRIN CHE BA'I BSHES GNYEN BCU PHRAG GCIG BSTAN TSUL NI, DGUNG LO LNGA PA'I DUS SU BSAM GLING BA'I GDUNG BRGYUD SANGS RGYAS DBON LA BDE MCHOG DRIL BU PA'I DBANG ZHUS PAS DBANG BZHI'I DON NGO 'PHROD PA BYUNG ZHES GRAG GO ,BSAM GLING PA'I RIN CHEN DPAL 'BAR BA DANG MKHAN PO RIN CHEN DPAL BZANG GNYIS LA, SO SO THAR PA'I SDOM PA DE'I BSLAB BYA DANG BCAS BA GSAN, BLA MA MDO SDE DPAL BA LA RNAM RGYAL SGRUB THABS, DE'I GZUNGS, SGROL MA MAndAL BZHI PA, SGROL NA NYER

, ,GCIG GI LAS TSOGS SGRUB THABS DANG BCAS PA, GSHIN RJE GSHED DRAG PO'I RJES GNANG, BYANG CHUB SEMS DPA' ZLA BA RGYAL MTSAN GYIS MDZAD PA'I GTOR MA BRGYA RTZA, GZER LNGA'I GDAMS PA, BLO SBYONG RNAM DAG GTZUG NOR SOGS GSAN, BLA MA GNUR PA CHOS 'PHAGS RGYAL MTSAN LA, YO GA'I SKOR GYI DPANG BKA' BSHAD BKA' MAN NGAG GI BKA' THAMS CAD RDZOGS PA DANG, ZAB CHOS SNA TSOGS GSAN, BYANG SEMS RIN CHEN MGON LA, BDE MCHOG, SGROL MA, 'KHOR CHEN, DGYES RDOR, DGRA NAG, TSE DPAG MED, KUN RIG RNAMS KYI DBANG, THUB PA DGONGS RGYAN, THEG BSDUS SKOR GSUM, BYAMS CHOS LNGA RTZA 'GREL, NYI SHU PA, SUM CU PA, SEMS BSKYED LAN DRUG ,RNAM RGYAL GYI RJES GNANG, MGON PO LCAM DRAL GYI RJES GNANG LAS TSOGS DANG BCAS PA, AA PHYI MA'I GTOR DBANG, GTOR CHOG SOGS GSAN, BLA MAR SA PA RIN CHEN GLING PA LA 'JAM DBYANGS AA RA PA CA NA'I SGRUB THABS ZHUS NAS NYAMS LEN BYAS PAS DON DPYOD KYI SHES RAB CHEN POR SONG, KHONG RANG GI THUGS LA NYI KHRI ZIN PA BYUNG YOD PAR 'DUG GSUNGS, MKHAN CHEN CHOS RGYAL BA DPAL BZANG BO LA SNYING PO DON GSUM, SEMS NYID NGAL BSO SOGS KHRO PHU BA'I MAN NGAG BRGYA RTZA'I KHRID RNAMS GSAN, BLA MA RI PA DPAL SHES LA, ZHA MA NAS BRGYUD PA'I PHYAG RGYA CHEN PO BSTOD SKOR, N'A RO CHOS DRUG, LHAN CIG SKYES SBYOR SOGS

GSAN, KUN SPANGS NAS MKHA' GRAGS LA, 'DE MCHOG GI DBANG LAN GNYIS, DPA' BOS MDZAD PA'I SKYES RABS, BSLAB BTUS, MDO BTUS, PHYAG RGYA CHEN PO GANGG'A MA SOGS GSAN, BLA MA 'DI LA MA 'ONGS PA'I MNGON PAR MKHYEN BA MNGA' STA, GZIM KHANG CHOS RDZONG RTZIG PA'I DKOD PA'I ZHAL TA AAR PA RNAMS LA MDZAD PA'I RTZA NA SEMS DPA' CHEN PO YANG BZHUGS PAS, NYID KYI THUGS DGONGS LA, BTZUN RGAN BLO MA KHUGS DGONGS YONG MCHI STE, KHANG PA 'DI BDE SUS SPYOD MI SHES SO AANG GSUNG ZHING, MKHAR LAS GRUB NAS DGUN GCIG BZHUGS PA DANG BSNYUNG STE, SEMS DPA' CHEN PO GDAN DRANGS NAS, NGA'I TSIG BZHI PO 'DI NYID KYIS SGRUBS SHIG GSUNG STE, DAM SHI BAR RTZAR BZHUGS GSUNG BA DANG, NGA SHI NAS ZHE DGU'I BAR LA CHO GA RE GYIS GSUNG BA DANG, GZIM KHANG 'DI DANG GZHIS NAS BRGYA THON GCIG 'BUL BAS BZHES GSUNGS PA LA, GZHIS LAM GCIG BZHES NAS KHONG RANG GI DUS MCHOD LA PHUL, GZHAN RNAMS GSUNG BZHIN DU BSGRUBS TE SEMS DPA' CHEN PO'I ZHAL NAS, KHANG PA 'DI GRUB NAS KHONG PAS DGUN GCIG LAS MA BZHUGS, 'O SKOL GYIS LO SUM CU RTZA GRANGS SHIG BDE SPYAD 'DUG ,DA DUS MA 'ONGS PA'I MNGON PAR MKHYEN PA GSUNGS PAR GDA' GSUNG NGO, ,ZAB CHOS SNA TSOGS ZHUS PA'I BSHES GNYEN BCU PHRAG GCIG NI 'DI LTAR, BLA CHEN KUN BLO LA SEMS BSKYED, RGYAL SRAS LAM BZANG, BYANG CHUB SEMS

, ,DPA'I SPYOD 'JUG SOGS GSAN, 'DZIMS BA'I BLA MA YON TAN RGYA MTSO LA 'KHOR CHEN DANG SGROL MA'I RGYA GZHUNG, DON ZHAGS KYI SKOR RNAMS GSAN, DE'I SKU MCHED BLA MA RDO RJE DPAL LA, GZAR LNGA'I BYIN RLABS, BSHES SPRING SOGS GSAN, BLA MA RIN YE BA LA, 'JUG PA SEMS BSKYED, BYAMS CHOS LNGA RTZA 'GREL, YANG DGON PA'I RI CHOS SKOR GSUM, DPE CHOS RIN SPUNGS, MAN NGAG RIN SPUNGS SOGS GSAN, 'JAM DPAL DBYANGS DON YOD PA LA SGROL MA DANG, BDE CHEN RAL GCIG GI DBANG, SEMS BSKYED, SA SKYA PA'I BLA MA'I RNAL 'BYOR THUN MONG MA YIN PA, DBU MA CHEN PO'I KHRID RNAMS GSAN, MKHAN CHEN BU STON PA LA, BAD MCHOG, GSANG 'DUS, DPAL MCHOG, RDOR SEMS RNAMS KYI DBANG, NAG PO PA'I SGRUB THABS KYI t'IKKA, LAS CHOG GI t'IKKA RNAMS GSAN, CHOS RJE BSOD NAMS RGYAL MTSAN PA LA, SEMS BSKYED, SGROL MA'I DBANG, DRIL BU PA SKOR GSUM GYI DBANG, BDE MCHOG MCHOD 'PHRENG, BDE MCHOG SDOM 'BYUNG GI 'GREL PA, GSUM PA LO TZ'A'I SNYAN RGYUD, RNAM RGYAL GYI BSTOD PA TZANdA GO MIS MDZAD PA RNAMS GSAN, RA SA BLA MA BSOD NAMS LHUN GRUB LA, GSHIN RJE GSHED DGRA NAG GI DBANG RGYUD MAN NGAG DANG BCAS PA GSAN, BLA MA BLO BZANG BA LA GLANG RI THANG PA'I BLO SPYOD TSIG RKANG BRGYAD MA GSAN, SPYI BO LHAS PA'I MKHAN PO SHES RGYAL GRUB BZANG

LA; THUGS RJE CHEN PO SKYER SGANG PA'I SGRUB THABS LAS TSOGS DANG BCAS PA GSAN NO, ,DAG SNANG RGYA CHEN SBYANGS PA'I BSHES GNYEN BCU PHRAG GCIG NI TI SHR'I KUN DGA' RGYAL MTSAN, BLA MA MKHAS BTZUN CHEN PO, BLA CHEN BSOD BLO, BLA MA SHAR PA KUN BSOD, BLA MA SHES RAB RGYAL MTSAN, DRANG PO LUNG GI MKHAN PO THUGS RJE SHES RAB, SLOB DPON DPAL GYI, MKHAN PO BSOD NAMS SENG GE, BLA MA RGYAL PO DPAL, BLA MA NAM MKHA' SANGS RGYAS RNAMS LA YANG CHOS 'BREL RE YOD GSUNG, 'GRAN GYI DO ZLA MED PA'I YONGS 'DZIN RIN CHEN GNYIS NI 'DI LTAR, BSTAN 'DZIN THAMS CAD KYI GTZUG RGYAN, PHAN BDE THAMS CAD KYI 'BYUNG GNAS, GNAS BRTAN CHEN PO'I SPRUL PA, DAG PA'I SA LA GNAS PA'I SEMS DPA' CHEN PO, MKHAN CHEN BSOD NAMS GRAGS LA, MDO RGYUD THAMS CAD KYI SNYING PO, MAN NGAG THAMS CAD KYI NYING KHU, RGYAL BA THAMS CAD KYI SPYI LAM THEG PA CHEN PO'I BLO SBYONG ZHUS PA'I DUS SU, SKYE BA DPAG TU MED PA'I GONG ROL NAS DPON SLOB KYI 'BREL PA YOD PA'I RTEN 'BREL GYIS, BYANG CHUB KYI SEMS GNYIS NI DBYAR GYI CHU KLUNG CHEN PO'I RGYUN BZHIN DU 'PHEL ZHING RGYAS, STONG PA NYID DANG SNYING RJE CHEN BO'I RBA KLONG CHEN PO 'KHRUGS NAS DON GNYIS LHUN GRUB KYI RGYA MTSO CHEN POR PHYIN TO, ,RGYAL SRAS BDAG NYID CHEN PO 'DIS LAM MA NOR BAR STON PA'I BLA MA LA YID BZHIN GYI NOR BU DANG SANGS RGYAS DNGOS KYI MOS GUS BCOS MA MIN

, ,PA THOB STE, MKHAN CHEN RIN PO CHE DANG MJAL TZA NA, GNAS BRTAN CHEN PO ZHIG DANG MJAL BA'I SNANG BA YONG GIN 'DUG GSUNG, JO BO RJE BLA MA GSER GLING PA'I MTSAN BRJOD PA'I TSE, PHYAG THAL MO SBYOR SPYAN CHAB 'DON PA BZHIN DU, MKHAN CHEN RIN PO CHE'I MTSAN BRJOD PA NA PHYAG THAL MO SBYAR SPYAN CHAB NYIL MDZAD NAS, NGA'I BLA MA DE'I THUGS RJE DE LTA BU GZHAN LA RANG MED GSUNG NAS GTZUG GI NOR BU LTAR 'DZIN TO, ,GZHAN YANG BYANG SEMS BSOD NAMS GRAGS PA LA, SKYID SDUG LAM KHYER, DON ZHAGS KYI SKOR, SMAN BLA'I RJES GNANG DANG MDO CHOG ,'DUL BA MDO RTZA, RI KHROD LO MA GYON MA DANG 'OD ZER CAN GYI GZUNGS, JO BO RJES MDZAD PA'I SEMS BSKYED CHO GA, DZE TA RIS MDZAD PA LA SOGS PA'I CHOS CHUNG BRGYA RTZA, RIGS GTAD SOGS SKYER SGANG PA'I CHOS SKOR RNAMS ZHOR NYAN MDZAD DO, ,DANG POR RIGS PA'I GNAS LNGA LA MKHAS PAR SBYANGS SHING, BAR DU RNAM PA THAMS CAD PA'I MCHOG DANG LDAN PA'I STONG BA NYID DANG, DMIGS PA MED PA'I SNYING RJE CHEN PO GNYIS LA GOMS PAR BYAS PAS MCHOG GI DNGOS GRUB BRNYES NAS 'GRO BA'I DON RGYUN CHAD MED PAR MDZAD PA, RDO RJE 'CHANG CHEN PO'I NGO BOR GYUR PA RIN PO CHE SHES RAB 'BUM PA LA DUS 'KHOR GYI DBANG DANG SBYOR BA YAN LAG DRUG GI KHRID SOGS SNGAGS KYI ZAB CHOS MANG DU GSAN ZHING LHAG PAR DUS GSUM SANGS RGYAS THAMS CAD KYI BKROD PA GCIG PA'I LAM BYANG CHUB

SEMS DPA' THAMS CAD KYI THUGS DAM GYI MTHIL BYANG CHUB KYI SEMS RIN PO CHE RNAM PA GNYIS ZHU BAR MDZAD PAS DAD GUS BLA LHAG TU MDZAD CING, THUGS RJE CHEN PO THUGS RGYUD LA 'KHRUNGS NGES SHES PA NI RIN PO CHE SHES RAB 'BUM BA DE YIN GSUNGS NAS PHYAG THUGS KAR THAL MO SBYAR NAS SPYAN CHAB NYIL NYIL MDZAD DO, ,YANG RIN PO CHE SHES RAB 'BUM PAS RGYAL SRAS BDAG NYID CHEN PO 'DI LA DUS LAN CIG CHED KYIS SHOG GSUNG STE, SNYAN NAS SNYAN DU BRGYUD, THUGS NAS THUGS SU BRGYUD, GRUB THOB KYI ZAM MA CHAD, BYIN RLABS KYI NA BUN MA YAL BA, SDIG PO CHE BTZAN THABS SU 'TSANG RGYA BAR NUS SHING, RAB TSE 'DI, 'BRING BAR DO, THA MA YANG SKYE BA BDUN NAM BCU DRUG NA 'TSANG RGYA BA'I GDAMS NGAG MKHA' 'GRO'I KHA RLANGS THUL LE BA'I CHOS THUGS RJE CHEN PO'I DMAR KHRID DANG, PHYAG RGYA CHEN PO LHAN CIG SKYES SGYOR, RTEN 'BREL SNYING PO RNAMS KYI KHRID, DBANG MDOR BSTAN, SMYUNG GNAS KYI SKOR RNAMS GNANG STE, 'GRO DON RGYA CHEN PO 'BYUNG BA'I RTEN 'BREL BSGRIG PAR MDZAD DO, ,DE NAS RGYAL SRAS BDAG NYID CHEN PO 'DIS, MDZOD LAS, TSUL GNAS THOS DANG BSAM LDAN PAS, ,SGOM PA LA NI RAB TU SBYOR, ,ZHES GSUNGS PA LTAR; MDO SNGAGS YONGS SU RDZOGS PA'I LAM GYI GNAD KUN LA THOS BSAM GYIS SGO 'DOGS CHOD PAR MDZAD NAS SNGON BYON DAM PA'I RNAM THAR LTAR DBEN PA'I GNAS SU SGRUB PA RTZE GCIG TU MDZAD BZHED NAS GRO CHON AE'I RTA RA'I

, ,GDAN SA SEMS DPA' CHEN PO RANG GI BU CHEN SLOB DPON RGYAL MTSAN SENG GE LA GTAD NAS BSHAD NYAN MDZAD KYIN YOD PA'I SKABS SU, 'JAM DPAL DBYANGS DON YOD RGYAL MTSAN SKU MCHED YUM DANG BCAS PA RNAMS KYIS, AE'I CHOS DPON MDZAD PAR ZHU BA GSOL BAS, NGAS CHOS DPON BTZAL YONG GI GSUNG NAS SA SKYAR BYON TE, DPANG LO TZ'A BA BLO GROS BRTAN PA LA AE'I CHOS DPON LA 'BYON PAR ZHU BA PHUL BAS DBANG LO'I ZHAL NAS, GU RU THOGS MED, THOS PA'I GTAM LA SNYAN, NGA'I BLA MA G-YAG SDE BA SENG GE RGYAL MTSAN GYIS KYANG MA THOB PA'I GDAN SA YIN SANG RANG 'GRO GSUNG NAS MNYES, DE NAS DPANG LO AER GDAN DRANGS NAS RGYAL SRAS 'DIS SA SDE LA SOGS PA'I PHYAG DPE RNAMS DPANG LO LA PHUL NAS, DBEN PA BSTEN PA LA THUGS PHYOGS TE, NYID KYI ZHAL NAS, 'DU 'DZI MI GTZANG BA LTAR BRGYANG BSRINGS NAS, ,RANG GZHAN DON DU RTAG TU BSAM GTAN LA, ,RAB TU BRTZON PAR 'DOD PA'I SKYE BO YIS, ,PHYI DANG NANG GI DBEN PA THOB PAR SHOG ,CES DANG, KYE KYE NYON CIG GROGS PO DAM PA KUN, ,KUN KYANG GTAN GYI BDE PA THOB 'DOD NA, ,NA RGA 'CHI DANG SKYE BA'I SDUG BSNGAL BSAM, ,BSAM PA THAG PAS SGO GSUM DGE LA 'BAD, ,'BAD KYANG DON CHUNG 'JIG RTEN BYA BA SPANGS, ,SKYES BU'I TSE NI RI GZAR 'BAB CHU 'DRA, ,SKAD CIG MI SDONG 'CHI BA'I GNAS SU SNYOG ,LANG CHO'I DPAL

NI ME TOG MGUL RGYAN BZHIN, ,YUD TZAM ZHIG GIS RNYINGS PAR 'GYUR BA YIN, ,TSE 'DI SKAD CIG CIG GIS 'DZAD 'GYUR ZHING, ,BSAGS PA'I LONGS SPYOD SPYOD PA'I DBANG MED PAR, ,GLO BUR NYID DU DU MA'I NANG NAS BDAG , GCIG PUR 'GRO TSE TSE 'DI'I MDUN MAS BSLU, ,BA SPU GYEN LANG BSHANG GCI 'THUR DU RGYUG ,BYAD SHA PHYIR SBOS MIG 'BRAS NANG DU BROS, ,ZAS KYI ZHEN LOG SKOM GYI SRED PA 'PHEL, ,LUS SKYOD MI NUS SEMS KYI GYA GYU LANGS, ,DE 'DRA'I SDUG BSNGAL DRAG POS THEBS PA'I TSE, ,SMAN BA MKHAS KYANG BCOS PA'I THABS MED CING, ,ZANG ZING RIM GROS BZLOG PAR MI NUS NA, ,GNYEN BSHES BRTZE GDUNG CHE YANG CI BYAR YOD, ,RIG RIG MIG GIS NYE DU'I GDONG LA BLTA, ,NOM NOM LAG PAS RANG GI GOS LA 'JU, ,NGAR NGAR DBUGS KYI PHRENG BA CHAD LA NYE, ,'JIGS 'JIGS 'DRA BA'I GSHIN RJES ZIN PA NA, ,KHANG BZANG RIN CHEN NANG DU GNAS BCAS SHING, ,DPA' BA'I SKYES BU RNO BA'I MTSON THOGS PA, ,'BUM PHRAG DAG GIS BSRUNGS KYANG GSHIN RJE YI, ,SKYES BU GCIG KYANG THUB PAR MI 'GYUR ZHING, ,'KHOR LOS BSGYUR RGYAL GYIS KYANG SKYOB MI NUS, ,STONG GSUM NOR GYIS BKANG YANG BLUR MI RUNG, ,DE BAS DA LTA NYID NAS DKON MCHOG LA, ,SKYABS SU SONG LA 'PHAGS PA'I NOR BDUN BZUNG, ,NYON MONGS STOBS KYIS BSGRUBS PA'I NOR RDZAS 'DI, ,'DI DANG PHYI MA'I SDUG BSNGAL KUN GYI GNAS, ,GNAS NGAN LEN DANG ZAG PA 'PHEL

, ,BA'I GROGS, ,GROGS DANG NYE DU 'BYED PA'I PHUNG 'DRE YIN, ,NOR NI SBRANG MA'I SBRANG RTZI JI BZHIN DU, ,RANG GIS TIL TZAM SPYAD PAR MI NUS SHING, ,GZHAN DAG BSRUNG BA'I DON DU NOR NYID DANG, ,BDAG GI SROG KYANG 'CHOR BAR 'GYUR BA YIN, ,STONG GSUM NOR LA DBANG BSGYUR RGYAL PO YANG, ,'JIG RTEN 'DI NAS PHYI MAR 'GRO BA'I TSE, ,SGREN MO LAG PA STONG PAR 'GRO 'GYUR NA, ,ZANG ZING NOR RDZAS SGRUB BA MA 'KHRUL LAM, , NAM YANG MI 'DZAD GTAN GYI BDE BA'I RGYU, ,DAD DANG TSUL KHRIMS THOS DANG GTONG BA DANG, ,NGO TSA SHES DANG KHREL YOD SHES RAB STE, ,BDE BAR 'DOD NA NOR BDUN 'DI DAG ZUNGS, ,SHES LDAN RNAMS KYIS SKYES BU DAM PA STEN, ,BSTEN CING 'GROGS NA NYON MONGS NAD SKYE BA, ,SKYE BO DMAN PA 'DI DAG SPRUL GDUG DANG, ,DUG DANG 'DRES PA'I KHA ZAS BZHIN DU SPONGS, ,G-YO SGYU DRUG CU RTZA BZHI'I ZHAGS PA YIS, ,CHAGS LDAN SKYES BU SHIN TU DAM BCINGS NAS, ,THAR PA'I SROG RTZA GCOD PAR BYED PA YI, ,BUD MED DAG LA SU ZHIG CHAGS PAR BYED, ,'BYOR PA'I TSEN BROS KYANG RJES SU SNYOG ,RGUD PA'I TSEN DRUNG DU BSNYEGS KYANG 'BROS, ,BU YIS RANG GI PHA YANG GSOD BYED NA, ,NYE DU RNAMS LA SU ZHIG YID RTON BYED, ,MNGON DU GYUR NA DGA' BA'I TSUL STON CING, ,LKOG TU GYUR NA MI SNYAN SNA TSOGS SGROG ,PHAN BTAGS LAN DU GNOD PA SKYEL BA YI, ,BYIS BA'I GROGS PO MJA' YANG NGES PAR

BSLU; ;DES NA 'JIG RTEN CHAGS PA RNAM PAR SPANG, ,SPANG BYA BAG CHAGS BCAS BA MA LUS BA, ,LUS PA MED PAR SPANGS PA 'GRO BA'I SKYABS, ,SKYABS MCHOG GSUM PO GUS PA'I YID KYIS STEN, ,'DUS BYAS MI RTAG RTAG PA'I SKABS MED CING, ,ZAG BCAS MI BDE BDE BAR 'DZIN PA 'KHRUL, ,MYANG 'DAS RAB ZHI ZHI BA'I LAM 'DOD NA, ,CHOS RNAMS BDAG MED MED YOD MTHA' BRAL SGOMS, ,LAS NGAN RGYA MTSO RKYEN NGAN RBA RLABS CAN, ,SDUG BSNGAL SNA TSOGS CHU BO'I RGYUN 'BAB CING, ,SKYE BO NGAN PA'I CHU SRIN RTAG RGYU BA'I, ,GRONG GI MCHO LA CHAG SPAR MA BYED PAR, ,RANG BZHIN NYAMS DGA' GZHAN GYIS 'CHE BA MED, ,CHU DANG LO MA 'BRAS BU'I 'BYOR PA MOD, ,CHAGS DANG SDANG BA'I GTAM YANG MI THOS PA'I, ,DBEN PA'I NAGS TSAL DAG TU GNAS PAR GYIS, ,BUNG BA DAG NI YID 'ONG GLU LEN CING, ,RMA BYA'I TSOGS RNAMS MDZES PA'I GAR STABS BSGYUR, ,LJON SHING 'GA' ZHIG YAL GA'I BSIL YAB G-YOB, ,'GA' ZHIG 'BRAS BU SMIN PA'I ME TOG 'THOR, ,YAN LAG BRGYAD DANG LDAN PA'I CHU BO'I RGYUN, ,LHUNG LHUNG SNYAN PA'I SGRA SKAD SGROGS BYED CING, ,LPU BA'I PHRENG BAS KUN NAS MDZES PAR SPRAS, ,CHU THIGS ZEGS MA'I ME TOG PHYOGS BCUR 'THOR, ,DE LTAR DBEN ZHING NYAMS DGA'I GNAS MCHOG TU, ,MCHOG TU ZAB MO'I MAN NGAG RAB STON PA, ,STON PA GNYIS PA LTA BU'I BLA MA LA, ,MA LA BU BZHIN GUS PAS RIM GRO BYA, ,DE YIS GSUNGS PA'I DAM CHOS

, ,'O MA'I RGYUN, ,RTOGS PA'I LUS STOBS 'PHEL BAR BYED PA DE, ,NYIN DANG MTSAN DU SKAD CIG MA YENGS PAR, ,NYAMS SU BLANG ZHING 'DI LTAR SPYAD BAR BYA, ,THABS KYI GRU CHEN SHES RAB ZAG LHAN CAN, ,BDAG GIS BZUNG STE 'KHOR BA'I RGYA MTSO LAS, ,SEMS CAN THAMS CAD BSGRAL BAR BYA SNYAM PA'I, ,BYANG CHUB SEMS MCHOG CHOS KYI RTZA BA YIN, ,TSE 'DIR LAN DANG PHYI MAR RNAM SMIN LA, ,RE BA MED PA'I SBYIN PA THUB PAS BSNGAGS, ,KHRIMS NI YON TAN KUN GYI GZHI YIN PAS, ,GZHAN LA GNOD PA DUG BZHIN SPANG BAR GYIS, ,KHONG KHRO'I DGRA YIS 'DI PHYI'I DPAL 'PHROG PAS, ,BZOD PA'I DMAG DPUNG CHEN PO SHIN TU GCES, ,LE LOS RANG GZHAN DON GNYIS MI 'GRUB BAS; ;LAS GZHAN SPANGS TE DGE LA 'BAD PAR BYA, ,BSAM GTAN MED PAR CHOS NYID MI MTHONG BAS, ,RNAM RTOG MTSAN MA MED PA'I TING 'DZIN SGOMS, ,SHES RAB MED PAR THAR LAM MI BGROD PAS, ,BDEN GNYIS ZAB MO'I DON LA MKHAS PAR GYIS, ,BDAG DANG GZHAN GYI DUS GSUM DGE BA RNAMS, ,SRID GSUM 'GRO BAS BYANG CHUB THOB BYA'I PHYIR, ,'KHOR GSUM YONGS SU DAG PA'I SHES RAB KYIS, ,SKU GSUM MNGON GYUR BYANG CHUB CHEN POR BSNGO, ,ZHES GSUNGS NAS DBEN PA'I GNAS MDO SDE RGYAN LAS JI LTAR GSUNGS PA DANG MTHUN PA RANG BZHIN GYIS DBEN LA 'DUG NA NYAMS DGA' ZHING TING NGE 'DZIN NGANG GIS 'PHEL BA, ME TOG RNAM PA SNA TSOGS SKYE BA BYA RNAM BA SNA TSOGS SGRA SNYAN

PA 'BYIN PA, RTZVA DANG LO MA DANG 'BRAS BUS BRGYAN PA'I SHING LJON PAS MDZES PA, MDUN NA CHU BO CHEN PO BZHI'I YA GYAL GTZANG CHAB SGRA SNYAN PO LHUNG LHUNG LTAR 'BAB PA, DE'I NYE 'KHOR NA BEEd'URYA LTA BU'I NE'U GSING SNGON PO LA, ME TOG KHA DOG SNA TSOGS BA DAG GIS TSOM BU BKOD PA BZHIN DU BRGYAN PA, MDUN NA THANG CHEN PO RGYAL THANG ZHES BYA BA GSER GYI MAndAL LA G-YU'I TSOM BU BKOD PA LTA BUS MDZES PA, 'TSO BA RNYED SLA ZHING TSOM RKUN DANG GCAN GZAN GYI 'JIGS PA MED PA, GANGS RI DPAL DANG LDAN PAS BSKOR BA'I DBUS, GRUB CHEN BRGYUD MAR BYON BA'I GNAS MCHOG RI BO PO TA LA DANG TSUL MTSUNGS PAR GYUR BA, DNGUL CHU'I CHOS RDZONG DU DGUNG LO ZHE GSUM PA LA BYON NAS SKU MTSAMS BCAD DE, MTHUN RKYEN GYI ZHABS TOG SLOB DPON BSOD NAMS BRTAN GYI PHA MA GNYIS DANG, PHYUG MO RNAL 'BYOR GYIS BSGRUBS TE, NYE GNAS MA GTOGS BA SU LA YANG MJAL KHA MED CING, DRAG ZHAN SU BYUNG YANG PHRAD PAR MI MDZAD CES SGO YIG 'DI LTAR SBYOR BAR MDZAD DE, BLA MA DANG DKON MCHOG GSUM LA PHYAG 'TSAL LO, ,BDAG LA PHRAD BAR 'DOD BA'I SKYE BO GANG, ,MI TSE STON KA'I NYI THUNG BZHIN DU YONG, ,'CHI BDAG NUB RI'I GRIB SO BZHIN DU GTUGS, , YONG NGES GCIG BU NGES PAR 'CHI BA YIN, ,PHAN NGES GCIG PU DAM PA'I CHOS LAS MED, ,DON MED GLENG MOS DGE SBYOR G-YENG MA BYED, ,SKYO SHAS SKYES NA LONG MED BLO SNA BSTUNGS, ,LE LOM BYED MYUR DU BRTZON 'GRUS RTZOMS, ,DAM

, ,PA'I CHOS DANG TSE 'DI'I MDUN MA GNYIS ,MNYAM DU 'GRUB BSU YANG YOD MA YIN, ,BSGRUB PAR 'DOD BA DE DAG RANG NYID KYIS, ,RANG NYID BSLU BA NYID DU THE TSOM MED, ,PHRAD KYANG SMRA RGYU DE LAS MA MCHIS PAS; ;SO SO'I GNAS SU LUS NGAG DGE LA SBYOR, ,ZHES DANG, BDAG NI SNGON GYI LAS 'PHRO MI BZANG BAS, ,SNYIGS MA'I DUS SU MTHA' 'KHOB YUL DU SKYES, ,SNGON CHAD LUS NGAG SEMS KYI BYA BYED RNAMS, ,SDUG BSNGAL 'BA' ZHIG SGRUB PA'I THABS SU SONG, ,DA NI DBEN PA'I KHANG BUR RAB ZHUGS TE, ,THAG PA CHAD PA'I SOG PHON JI BZHIN DU, ,LUS KYI BYA BYED THAMS CAD ZHOG LAS THONG, ,RGYUD GSUM CHAD PA'I PI WAm JI BZHIN DU, ,NGAG GI BYA BYED THAMS CAD ZHOG LAS THONG, ,LTAG CHU CHAD PA'I RANG THAG JI BZHIN DU, ,SEMS KYI BYA BYED THAMS CAD ZHOG LAS THONG, ,GAL TE 'DI LAS 'DAS PA BYED GYUR NA, ,MAH'A K'A LAS CHAD PA GCOD PAR GYUR, ,CES MKHA' 'GRO CHOS SKYONG DPANG DU BTZUGS TE MI DANG MI PHRAD CING CHE 'DI'I SNANG SHAS PHRA MO'ANG MED PAR SGRUB PA SNYING POR MDZAD PA'I DAM BCA' BRTAN POS SKU MTSAMS BCAD DE NYIN MTSAN THAMS CAD DU STONG NYID RTOGS PA'I LTA BA DANG SNYING RJE ZUNG DU 'BREL BA'I TING NGE 'DZIN GYIS DUS 'DA' BAR MDZAD DO, ,DE DUS AE NAS DGE BSHES RNAMS KYIS GDAN 'DREN PAR PHYIN TE DA DUNG CHOS GSUNG BAR ZHU 'PHRIN PHUL BAS MJAL KHA YANG MA GNANG BAR, NYID KYI ZHAL NAS, NA MO LO KE SHVA R'A YA, DBANG

LAS MKHYEN BRTZE 'PHRIN LAS 'OD ZER GYIS, ,GNAS SKABS BAD DANG GTAN DU PHAN PA'I LAM, ,'GRO BA KUN LA GSAL BAR STON MDZAD PA'I, ,RGYAL BA SRAS DANG BCAS LA PHYAG 'TSAL NAS, ,BRTZE YANG GZHAN PHAN NUS MED MA nI BA, ,MCHI MA'I RGYUN DANG SNYING RJES GDONG DANG YID, ,RNAM BAR BRLAN PAR GYUR NAS RANG NYID KYI, ,SLOB MA RNAMS LA SNYING GTAM 'DI SKAD SMRA, ,DAL 'BYOR RIN CHEN GLING DU CHUD DUS 'DIR, ,DAM CHOS YID BZHIN NOR BU MI LEN PAR, ,DON MED TSE 'DI'I BYA BA LHUR BLANGS NA, ,'GYOD KYANG 'PHYIS PA'I DUS SHIG BYUNG DOGS BDOG ,DE BAS RANG GIS RANG NYID MA BSLU BAR, ,TSUL GNAS THOS BSAM SGOM PA'I SBYOR BA YIS, ,DAM CHOS TSUL BZHIN SGRUBS LA DAL 'BYOR 'DI, ,THOB PA DON YOD MDZOD CIG SHES LDAN RNAMS, ,RGAN GZHON BAR MA GO RIM MA NGES BAR, ,'CHI SNYAM MED PAR GLO BUR 'CHI BA'I TSUL, ,MTHONG YANG RANG NYID 'CHI SNYAM MI SEMS PA, ,NANG NA BLO GDENG CI YOD LEGS PAR SOMS, ,DES NA RNYED BKUR GRAGS PA LA SOGS PA, ,TSE 'DI'I TSE THABS MA SGRUB PHA ROL TU, ,PHAN PA'I DAM CHOS BSGRUBS TE PHYI MA RU, ,'GRO BA'I TSE NA GDENG DANG LDAN PAR MDZOD, ,SDUG BSNGAL MI 'DOD BDE LA RAB SRED CING, ,LAS 'BRAS BSLU BA MED BAR SHES BZHIN DU, ,SDIG SPYOD DGE BA MA SGRUB SGYES BU DE, ,MKHAS PA YIN NA DA BAS BLUN BA SU, ,DES NA TSE 'DIR KUN GYIS BRNYAS GYUR CING, ,ZAS SKOM LA SOGS MED BAR SHI YANG BLA, ,MI DAG SPANGS TE RGYUN DU DGE BA'I LAS, ,SPYOD NA MKHAS BA YIN NO SHES

, ,LDAN RNAMS, ,BLUN PO YI DVAGS LA YANG SKYABS 'GRO ZHING, ,BRTZE MED SDIG CAN MI LA SKYABS 'GRO MOD, ,DE DAG MKHAS BA SNYING RJE CAN RNAMS KYI, ,SKYABS GNAS MA YIN SNYING RJE'I YUL NYID YIN, ,DE BAS MKHYEN BRTZE NUS LDAN DKON MCHOG LA, ,BLO LTOS GTOD LA 'PHRAL GYI BDE SDUG RKYEN, ,GANG BYUNG BYIN RLABS YIN PAR SHES BAR GYIS, ,YUN DU PHAN PAR 'GYUR BA GDON MI ZA, ,NYON MONGS KYIS BSKYED LAS KYI BUNG SHING LA, ,SDUG BSNGAL GSUM GYI ME LCE RAB 'BAR BA'I, ,'KHOR BA BDE BAR SEMS PA PHYE MA LEBS, ,MAR ME'I GZUGS LA DGA' BAS RGYUG DANG MTSUNGS, ,DAS NA 'KHOR BA SDUG BSNGAL RANG BZHIN DU, ,SHES NAS DE RGYU LAS DANG NYON MONGS RNAMS, ,SPANGS TE MYANG 'DAS THOB PAR BYA BA'I PHYIR, ,THAR PA'I LAM LA RAB TU 'BAD PAR MDZOD, ,BAD BA 'DOD DANG SDUG BSNGAL MI 'DOD PAR, ,BDAG DANG SEMS CAN MTSUNGS PAR RTOGS BZHIN DU, ,BDAG GI DON DU GZHAN LA GNOD BYED PA'I, ,MI DE MI YI GZUGS CAN DUD 'GRO YIN, ,GANG GIS SNGON CHAD 'KHOR BAR LAN MANG DU, ,BYAMS PA'I SHUGS KYIS SDUG BSNGAL KHUR BLANGS TE, ,PHAN BDE SGRUB PA'I MAR GYUR 'GRO RNAMS LA, ,GNOD BYED CHOS PA YIN NA CHOS MED SU, ,GANG GIS RANG GI BDE BA YAL BOR NAS, ,YU BU'I DON DU SDUG BSNGAL KHUR BLANGS BA'I, ,SEMS CAN TSOGS 'DI BLO YIS YAL BOR NA, ,THAG CHEN DAM CHOS THOS PA'I DGOS PA CI, ,DES NA MTHA' YAS SEMS CAN BSGRAL BYA'I PHYIR, ,BLA MED BYANG CHUB MCHOG

TU SEMS BSKYED DE, ,RANG DON SPANGS TE DNGOS SAM BRGYUD NAS KYANG, ,GZHAN DON SGRUB DE SKYES BU MCHOG YIN NO, ,GZHAN LA MI PHAN SRED ZAD BDE BA YANG, ,DMYAL BA'I ME LTAR MTHONG NAS RAB SPONG ZHANG, , GZHAN LA PHAN NA MNAR MED ME NANG DU'ANG, ,RAB DAGS 'JUG PA RNAMS KYI RJES SU SLOBS, ,SNANG BA THAMS CAD RMI LAM SGYU MA BZHIN, ,SNANG TZAM 'DI NAS RANG RANG NGO BOS STONG, ,STONG DANG SNANG BA GCIG MIN THA DAD MIN, ,RNAM PAR BRTAGS NA BRTAG DPYAD YUL LAS 'DAS, ,SHES BYA'I GNAS LUGS CIR YANG MA GRUB PAS, ,GANG DU BZUNG YANG 'DZIN BYED 'KHRUL PA YIN, ,DES NA MTHA' BZHIR 'DZIN PA RNAM SPANGS TE, , DBU MA'I LAM LA MNYAM PAR 'DOG PAR MDZOD, ,RANG GI STOBS KYIS SDUG BSNGAL KUN BSKYED PA'I, ,DNGOS 'DZIN NAD CHEN ZHI BAR MA NUS NA, ,BSHES GNYEN SMAN PA MKHAS PA NYAR BSTEN CING, ,DAM CHOS SMAN BZANG RNYED PA'I DGOS PA CI; ;DE BAS YONGS 'DZIN MKHAS PA'I GSUNG BZHIN DU, ,RIGS PAS LEGS PAR BRTAGS NAS DAM CHOS SMAN, ,TSUL BZHIN 'THUNGS NAS DNGOS 'DZIN NAD SPANGS TE, ,RANG GZHAN DON GNYIS SGRUB LA BRTZON PAR MDZOD, ,BSLAB GSUM BLANGS PAS NYES LTUNG DRI MAS GOS, ,THOS BSAM BYAS PAS TSIG BZHI'I GTING MA RNYED, ,GZHAN DON BYAS PAS RANG DON ME LTAR 'BAR, ,DBEN PAR BSDAD PAS SNYOMS LAS DBANG SONG BA, ,BDAG 'DRAS GZHAN LA BSKUL BA MI RIGS MONG, ,

, ,'ON KYANG SNYING GTAM YI GER BKOD PA 'DI, ,KHYED LA PHAN PAR 'DOD PA MA GTOGS PA, ,BDAG LA ZHE 'DOD 'GA' YANG YOD MIN PAS, ,LEGS PAR BRTAGS TE NYAMS SU BLANG BAR MDZOD, , PHRAD KYANG 'DI LAS GZHAN PA SMRA RGYU MED, ,SHI YANG KHA CHEMS GZHAN 'GA' MA MCHIS SO, ,ZHES SOGS GDAMS NGAG GNANG NAS BTANG NGO, ,DE NAS LO 'GA'I BAR DU GSOL 'DREN PA'I BUG MA GTOGS SGO BKAG STE SU YANG NANG DU GTONG BAR MA MDZAD, PHYI NAS 'BUL BA'I DAD RDZAS RNAMS KYANG MA BLANGS, THENG CIG SLOB DPON YON TAN DAR NYE GNAS LA YOD DUS, SHA GSAR ZUG GCIG DANG, ZHO RDZA GANG, PHUD DAM GANG 'BUL BA BYUNG BA NYE GNAS KYIS BLANGS PAS, NYID RANG GSOL GSUNG NAS GSOL DU MA GNANG, NYI GNAS KYIS KYANG MA NUS PAR CHAD DANG ZHO GNYIS PHO, SHA DE CHU SKYEL MI LA BYIN CES GRAG GO ,NYID KYI ZHAL NAS, RI KHROD DBEN PA'I GNAS SU RNYED BKUR LA, ,RE BA MED CING KHA ZAS ZHIM PA YI, ,RO LA CHAGS PA SPANGS TE 'KHOR BA YI, ,RA BA LAS NI THAR BAR BYA PHYIR 'BAD, ,CES SOGS GSUNGS TE, LO NYI SHU RTZA GRANGS KYI BAR DU SKU MTSAMS KHOR YUG LA BZHUGS TE, DA DUS CHOS RJE KUN MKHYEN PAS DNGUL CHUR BYON NAS RANG RE ZHAL ZHIG MJAL BAR ZHU, CHOS KYI GSUNG GLENG MDZAD PA YIN GSUNG BA LA, DA LTA MTSAMS DAM PO'I DAM BCA' ZHIG BDOG PAS, MI MJAL BAR

DU; DA GZOD NGED MJAL DU 'ONG ZHES PA ZHAL DANG KHONG GI DRI PA'I LAN ZHU YIG BUL TE SKU MTSAMS MA PHYE'O, ,DE DUS CHOS RJE BSOD NAMS RGYAL MTSAN PA BO DONG DU BYON NAS MJAL DU 'BYON GSUNGS LA YANG DA RES MI 'BYON PAR ZHU ZHES ZHU BA BSKUR TE, DE'I DUS SU, MI TSE LA KHA DRAG PA SUS ZHUS KYANG SKU MTSAMS MA PHYE BAR, SKU NI 'DU 'DZI'I G-YENG BAS DBEN, GSUNG NI BRI MO'I GTAM GYIS DBEN, THUGS NI GZUNG 'DZIN RTOG PAS DBEN PAR GYUR TO, ,DE LTAR DBEN PAR SGRUB PA RTZE GCIG TU MDZAD PAS RTOGS PA RNAMS RIM GYIS 'KHRUNGS TE, NYID KYI ZHAL NAS, GNAS DBEN PAR RIG PA DVANGS PA'I DUS SU, MI 'DI DANG 'DI ZHES BYA BA SHI ZER BA THOS TZA NA, 'O SKOL GYI LUS 'DI LA YANG CHU'I L'U BA'AM, RLUNG NANG GI MAR ME BZHIN DU SKAD CIG KYANG SDOD PA'I MTHU MED PAR RIG NAS BZOD GLAGS MED PA CIG YONG GIN 'DUG GSUNG, NYE GNAS KYIS GZIM KHANG LA MKHAR LHAN ZHIG BYED PA YIN ZHUS PAS, 'O SKOL GYIS YUN RING SDOD PA'I NGES PA MED, ,DE'I RKYEN GYIS SEMS CAN MANG PO 'CHI GSUNG NAS MA GNANG, RGYAL SRAS RIN PO CHE BLA MA RIN YE BA'I SAR BYON PA'I BSHUL DU NYE GNAS KYIS GSANGS NAS GZIM KHANG BYAS PAS, RGYAL SRAS RIN PO CHES SEMS CAN MANG PO SHI YOD, GZUNGS SNGAGS 'DREN DGOS SDUG GE KUN DE LA CI BA DER 'DUG, SNYING RE RJE GSUNG ZHING, DE'I DUS SU GSUNGS PA, NA MO LO KE SHVA R'A YA, MKHYEN BRTZE NUS PA PHUL PHYIN 'GRO BA'I MGON, ,SPYAN RAS GZIGS

, ,LA GUS PAR PHYAG 'TSAL NAS, ,SNYOM LAS CAN GYI SPRANG PO MA nI BA, ,RANG LA RANG GIS BSKUL PHYIR 'DI SKAD SMRA, ,MI BZAD SKYE BA'I BTZON RAR TSUD GYUR CING, ,NA DANG RGAS PA'I LCAGS SGROG GIS BCINGS TE; ;'CHI BDAG MTSON CHA PHYAR BA'I DRUNG GNAS NA, ,TSE 'DIR GTAN DU SDOD SNYAM KHYOD SEMS SAM, ,'KHOR BA'I RGYA MTSO GTING MTHA' YANGS PA 'DIR, ,LAS DANG NYON MONGS RLUNG SHUGS DRAG POS BSKYOD, ,'JIGS RUNG NGAN 'GRO'I KLONG 'KHYIL KHAR GNAS NA, ,RNYED BKUR GRAGS PA BSGRUB PA KHYOD DRAN NAM, ,LANG TSO'I NYIN PHYED LO ZLA'I NUB RIS BSGRIBS, ,LUS KYI RI KLUNGS RGAS PA'I GRIB MAS NON, ,'CHI KHA'I MUN NAG MYUR DU 'BYUNG NGES NA, ,SOS DAL SKYID CHOS BYED PAR KHYOD KHOM MAM, ,MGO LA SKRA DKAR LCAGS KYU RNON POS BTAB, ,LUS NI GNYER MA'I ZHAGS PA DAM POS BCINGS, ,BRTZE MED 'CHI BDAG SBAR MOR CHUD GYUR NA, ,BAG MED GNYID KYIS LOG PAR KHYOD KHOM MAM, ,RGYAB NAS LO ZLA MANG PO'I DMAG GIS BDAS, ,MDUN DU THAR MED 'CHI BA'I G-YANGS SAR THUG ,GANG DU BLTAS KYANG 'GRO SA MI 'DUG NA, ,DON MED LONG GTAM SMRA BAR KHYOD KHOM MAM, ,SHIN TU NYAM CHUNG CHU BUR LTA BU'I LUS, ,SNA TSOGS RKYEN NGAN RLUNG GIS RAB BSKYOD NAS, ,SKAD CIG GNAS PA'I GDENG YANG MI 'DUG NA, ,CHOS MIN YID LA SEMS PA'I LONG 'DUG GAM, ,DE RING TZAM YANG MI 'CHI'I GDENG MED CING, ,SHI NAS GAR

SKYE RANG DBANG MED BZHIN DU, ,DON MED TSE 'DI'I BYA BA LHUR BLANGS NA, ,RANG GIS RANG NYID BSLUS BAR MI 'GYUR RAM, ,NOR LDAN LAG STONG SGREN MOR 'GRO 'GYUR ZHING, ,KHA DRAG CAN LA YUD TZAM SDAD DBANG MED, ,'KHOR NA NGAN PA NAS GROGS MED GCIG PUR 'GRO, ,DE DUS CHOS MIN PHAN BA CI 'DUG SOMS, ,KHYOD KYIS SNGON CHAD TSE 'DI'I MDUN MA BSGRUBS, ,YENGS PA'I LAM LA MI TSE STONG ZAD BYAS, ,DA DUNG RNAM G-YENG LE LO MA SPANGS NA, ,'CHI KHAR 'GYOD KYANG 'PHYIS PAR MI 'GYUR RAM, ,GZHAN GYIS 'TSE MED RANG SEMS SON GNAS, ,GSUNG RAB BSTAN BCOS MAN NGAG DRAN DUS 'DIR, ,CHAGS SDANG 'KHRUL RTOG GZHOM PHYIR MA 'BAD NA, ,BAR DOR 'KHRUL SNANG SHAR TSE CI 'GYUR SOMS, 'DUL RGYU'I DGRA MED SKYONG RGYU'I GNYEN MED CING, ,PHAR LTOS DPON MED TSUR LTOS G-YOG MED PAS, ,DBEN PA'I GNAS 'DIR RANG SEMS MI 'DUL NA, ,KHYOD LA BYA RGYU CI 'DUG MA nI BA, ,DE BAS RNYED SOGS SRED DANG RNAM G-YENG DANG, , LE LO SPONGS LE RGYUN DU DRAN SHES STEN, ,THABS SHES ZUNG DU 'BREL BA'I LAM MCHOG GIS, ,GNYIS 'DZIN 'KHRUL PA'I BAG CHAGS SBYANG BAR GYIS, ,ZHES DANG, RGAN GZHON DAR MA GO RIM MA NGES PAR, ,'CHI SNYAM MED BAR GLO BUR 'CHI 'GYUR ZHING, ,SMAN DPYAD RIM GRO SOGS KYIS BZLOG MI NUS, ,'DI 'DRA BSAMS LA TSE 'DI'I ZHEN PA SPANGS, ,NOR LDAN LAG STONG SGREN MOR 'GRO 'GYUR ZHING, ,KHA DRAG CAN LA YUD TZAM SDAD DBANG MED, ,'KHOR MANG NAL?

, ,NAS GROGS MED GCIG PUR 'GRO ,'DI 'DRA BSAMS LA TSE 'DI'I ZHEN PA SPANGS, ,ZHES SOGS GSUNGS SHING, MI RTAG PA SGOM BA 'DI ZAB, 'DI RGYUD LA SKYES NA DANG POR CHOS LA 'JUG PA'I RGYU BYED, BAR DU SGRUB PA NYAMS SU LEN PA'I LCAG BYED, MTHAR 'OD GSAL CHOS SKU THOB PA'I RGYU BYED PAS 'DI SGOM PA GAL CHE GSUNG, SEMS DPA' CHEN PO 'DI NYID NI MI RTAG PA THUGS LA 'KHRUNGS PAS 'DOD YON GYI 'KHRI BA CHOD, PHYI CHIS KYI GRAGS GSHOM BOR, TSE 'DI'I MDUN MA MI CHOS KYI BYA BYED BLOS BTANG STE, ,BAG STE LANGS PAS GZHIS RDZOGS PA, ,BYAR MED DE NI BSTAN YUL YIN, ,ZHES BKA' GDAMS GLEGS BAM LAS GSUNGS PA DE PHYAG LEN LA THEBS PAR MDZAD DO, ,SEMS DPA' CHEN PO 'DIS TSE 'DI'I 'KHRI BA PHRA MO TZAM YANG MED PAR LAM CHA TSANG LA SGRUB PA SNYING POR MDZAD CING SKAL BA DANG LDAN PA GZHAN DAG LA YANG CHOS RNAM DAG SGRUB PA LA TSE 'DI'I SNANG SHAS 'DI LAS BAR CHAD CHE BA MED PAS RGYAL BA DGYES PA'I LAM LA SLOB PAR 'DOD PA RNAMS KYIS THOG MAR DAL 'BYOR RNYED DKA' DANG NAM 'CHI CHA MED BSAMS NAS TSE 'DI LA MA CHAGS PA ZHIG SKYES BU'I RTZAL CI YOD KYIS SGRUB DGOS SO ZHES 'DOMS PAR MDZAD BA NI, BLA MA DANG DKON MCHOG GSUM LA PHYAG 'TSAL LO, ,YON TAN 'OD ZER RAB TU RGYAS PA YIS, ,SKYON GYI RAB RIB MA LUS SEL MDZAD PA'I, ,RGYAL BA SRAS DANG BCAS LA PHYAG 'TSAL

NAS; ;DAM CHOS TSUL BZHIN SGRUB THABS BSHAD PAR BYA, ,DAM CHOS THAR PA'I LAM DU 'GRO BA LA, ,TSE 'DI'I PHUN TSOGS SGRUB LA RTZE GCIG PA'I, ,BLO NGAN 'DI LAS BAR CHAD CHE BA MED, ,DE PHYIR RNAM PA KUN TU 'DI SPANG BYA, ,THOS BSAM SGOM SOGS DGE BA GANG BYED KYANG, ,BLO NGAN 'DI DANG 'DRES NA RO BRGYA'I ZAS, ,NGAN SKYUGS DAG DANG BSRES PA JI BZHIN DU, ,BZANG PO NGAN PAR BYED PA GDON MI ZA, ,DPON SLOB MCHED GROGS GNYEN LA RTZOD BYED CING, ,BDE SDUG GTAM NGAN KUN LA MI 'DZEM PAR, ,NGAL BA CHEN POS LONGS SPYOD SGRUB BYED PA, ,BLO NGAN 'DI YIS DBANG MED BSKUL BAR ZAD, ,GZHAN GYI DPAL 'BYOR GZHOM PHYIR LUS SEMS KYI, ,'BAD PA DRAG POS 'THAB DANG RTZOD BYAS NAS; ;RANG GZHAN 'DI PHYI GNYIS KAR PHUNG BYED PA, ,DE YI SNYING DU BLO NGAN GDON 'DI ZHUGS, ,GSUNG RAB SGRON ME LAG TU THOGS NAS KYANG, ,RNYED BKUR 'KHOR SDE'I DON DU 'THAB RTZOD BYED, ,SDIG PA'I G-YANG SAR GOM PA 'DOR BA'I MIG ,BLO NGAN RAB RIB 'DI YIS BSGRIBS PAR NGES, ,NOR MANG SBYIN YANG GRAGS DANG 'KHOR LA SOGS, ,DON DU GNYER PHYIR SBYIN PA CHEN PO LAS, ,'BRAS BU CHUNG ZHING NGAN PAR BSGYUR BA NI, ,BLO NGAN BA MO 'DI YIS BCOM PAR NGES, ,'BAD BAS TSUL KHRIMS BSRUNGS KYANG RNYED SOGS KYI, ,'CHING BAS BCINGS NAS THAR LAM MI BGROD CING, ,'KHOR BA'I BTZON RAR 'DZIN BYED LCAGS SGROG DE, ,BLO NGAN 'DI YI LAG NA NGES PAR GNAS, ,YUN

, ,RING BSAM GTAN BSGOMS KYANG CHAGS SDANG GIS, ,BDAG BSTOD GZHAN SMOD RNYED PHYIR 'THAB RTZOD BYED, ,ZHI GNAS BSGOMS PAS MA ZHI'I BLO SKYES PA, ,BLO NGAN YUR MA'I RTZA BA YOD PAS LAN, NAD GDON CHOM RKUN DGRA SOGS DAM CHOS KYI, ,BAR GCOD YIN ZHES GRAGS KYANG RANG GI BLO, ,LAS SU RUNG NA DE KUN GROGS SU 'GYUR, ,BLO NGAN 'DI NI DAM CHOS GEGS SU NGES, ,DA LTA'I DAM CHOS TSUL BZHIN SGRUB 'DOD PAS; ;TSE 'DI'I PHUN TSOGS SGRUB 'DOD RNAM RTOG 'DI, ,DAM PA'I CHOS KYI GEGS SU SHES BYAS NAS, ,RNAM PA KUN TU SPONG BA SHIN TU GCES, ,TSE 'DI'I PHUN TSOGS BSGRUBS PAS 'GRUB PA DKA', ,GRUB KYANG RANG DBANG SPYOD PA'I NGES PA MED, ,BDAG LA NGES BAR 'ONG BA 'CHI BA YIN, ,DE TSE NOR DANG 'KHOR SOGS KYIS MI PHAN, ,DE DANG BRAL BAS LHAG PAR SDUG BSNGAL 'GYUR, ,DE LTAR BSAMS LA TSE 'DI'I CHE THABS SPANGS, ,'CHI BAR NGES SO NAM 'CHI NGES PA MED, ,'CHI TSE NGES PAR PHAN PA DAM CHOS YIN, ,SKYE BAR NGES SO GAR SKYE NGES PA MED, ,GANG DU SKYES KYANG PHAN NGES DAM CHOS YIN, ,STON BSAGS DPYID KA SPYOD PA'I NGES MED KYANG, ,DPYID RGYAGS STON NAS MI SGRUB BLUN ZER NA, ,'CHI BAR NGES SHING 'CHI TSE PHAN NGES CHOS, ,DA LTA NYID NAS MI SGRUB SHIN TU BLUN, ,DES NA RNYED BKUR GRAGS SOGS TSE 'DI YI, ,PHUN TSOGS SGRUB PA'I BSAM SBYOR YONGS SPANGS NAS, ,'CHI TSE

NGES PAR PHAN PA'I DAM CHOS LA, ,G-YEL PA MED PAR RTAG TU 'BAD PAR BYA, ,ZHES GSUNGS SO, ,BDAG NYID CHEN PO 'DIS SKYES BU GSUM GYI LAM LA SBYANGS PAS MYONG BA PHUL PHYIN THON TE BSHES GNYEN BSTEN TSUL DANG, DAL 'BYOR DANG MI RTAG PA'I SKOR LA MYONG BA PHUL PHYIN THON PA BSHAD ZIN PA LTAR DANG, SKYABS 'GRO LAS 'BRAS LA MYONG BA PHUL PHYIN THON PA NI RGYAL SRAS 'DI DBUS SU BYON PA'I DUS GUNG THANG NAS LHA SAR 'BYON PA'I CHU KHAR PHEBS DUS; RTA BDUN BRGYAD CIG LA MI RE RE ZHON NAS CHU LA RKYAL BTANG NAS BYUNG BAS, CHU DKYIL DU THAMS CAD NUB NAS SONG BA GZIGS PA DANG, AA KA KHA SKYON CHE GSUNG NAS PHYAG THAL MO SBYAR TE, SGROL MA SGROL MA, 'PHAGS MA 'PHAGS MA, GSUNG NAS SPYAN CHAB NYIL NYIL 'DUG PA DANG, MI RTA ZUNG GCIG MA GTOGS PA RTA DANG MA BRAL BAS YUD CIG NA CHU 'GRAM DU THON BYUNG, MI RTA ZUNG GCIG CHUS KHYER SONG BA DANG, SEMS DPA' CHEN PO'I SKU RGYAB NAS DA CI MED PA'I MI DKAR PO GZUGS RING, PHRUG GOS DKAR PO RNYING NGE SONG BA ZHIG LA, SKA RAGS DRES MA TSIG RKYANG BCINGS PA CIG BYUNG NAS NGA 'GRO NGA 'GRO ZER ZHING CHU LA TSAM TSAM MED PAR RGAL SONG BA NAS, MI DES LAG PA NAS DRUNG BYUNG STE CI YANG MA NYES PAR GSOS RTING MI DKAR PO DE GAR SONG CHA MED LA SONG BAS KUN YA MTSAN PAR GYUR TE, SEMS DPA' CHEN PO'I ZHAL NAS, CI THO DOD GSUNG BA LA, DRUNG NAS 'PHAGS MA LA GSOL BA BTAB PAS, 'PHAGS

, ,MA'I SPRUL PA YIN LAS CHE ZHUS PA LA, YIN PA DAG KYANG SRID, RE MTSAR CIG BYUNG, LAR RANG GIS BLO GTOD NUS NA DKON MCHOG 'DIS RANG MI BSLU BA CIG YIN GSUNGS, ,YANG NYO GNAS KYIS LO GCIG LO ZHING DUM PA GCIG BTAB PA GZIGS PAS, SEMS CAN MANG PO 'CHI, 'O SKOL LO MAS CI BYED GSUNG NAS BYED DU MA GNANG, DBYAR YOG MO'I ME SHING MA 'DON, DE LA SEMS CAN MANG PO YOD, MA SHIN 'KHOS GCIG 'CHAR NAS 'OD GSUNG, DBYAR 'OD KHANG MED DUS NUB MO DKAR ME PHUL NA PHYE MA LEB 'CHI GSUNGS NAS, DKAR ME NYIN BAR 'BUL, DBYAR KHA MCHOD BA SNGA SE GYIS, 'PHYIS NA SEMS CAN RKANG 'OG TU SONG BA MI MTHONG GSUNG SHING, MDOR NA LAS RGYU 'BRAS LA THUGS YID GTING NAS CHES PA'I RTAGS SROG GI PHYIR YANG SROG CHAGS PHRA MO RE LA'ANG GNOD PA MI MDZAD CING DUS RGYUN DU LAS RGYU 'BRAS SEMS PA LA BSNGAGS PA CHEN PO MDZAD DO, ,SKYES BU CHEN PO'I LAM LA MYONG BA PHUL PHYIN THON TE BDAG GZHAN DNGOS SU BRJE NUS PA BYUNG BA DANG SEMS CAN KUN LA NYE RING MED PAR PHAN SEMS KHO NA MDZAD BA NI, 'DI LTAR YON BDAG GI RIGS 'GA' ZHIG GIS, DMAG LA 'GRO BA'I DUS RIM GRO LA GTOR MA'I CHAS MANG PO BSKYAL CAN, GTOR MA PHUL NAS 'PHRIN LAS 'CHOL BA'I SKABS SU, 'O SKOL RANG DKON MCHOG DANG CHOS SKYONG LA ZHU BA BYED TZA NA, PHYOGS GNYIS

KAR 'KHRUG PA ZHI BAR BYIN GYIS RLOBS, BSAM NGAN SBYOR RTZUB THAMS CAD ZHI BAR MDZOD CIG ZER BA MA GTOGS, GCIG RGYAL GCIG PHAM PAR MDZOD MI ZER, NYID CAG RNAM PA'ANG DE BZHIN MDZOD, KHO BSTE RGYAL BA ZHIG 'DOD DE, RGYAL BA MA BYUNG YANG 'KHRUG BZHIN PHAR CHUR GNYIS KAR LA DES CHOG ,DE BZHIN BYAS PAS YON BDAG BSLUS PAR MI 'GRO GSUNG, SEMS CAN 'DI DANG 'DI ZHES BYA BA BDE ZHING SKYID PA 'DUG ZER BA GSAN CAN, DE LEGS SO GSUNG NAS SHIN TU MNYES SHING 'DI LTAR YANG GSUNG NGO, ,BDAG GIS SDUG BSNGAL RLUNG SHUGS KYIS BSKYOD NAS, ,GANG GIS BZHIN RAS NAG PO'I SPRIN BSDUS TE, ,MCHI MA'I CHAR PHAB DUD MO'I 'BRUG SGRA BSGRAGS, ,DE 'DRA YAL BAR 'DIR BA RIGS SAM CI, ,BDAG NYID BDE BA'I NYI ZER PHOG PA YIS, ,GANG GI BZHIN RAS PADMO'I CHAL RGYAS TE, ,SO YI ZE'U 'BRU DKAR PO STON GYUR PA, DE 'DRA YAL BAR 'DOR BA GA LA RIGS, ,ZHES SOGS GSUNG NGO, , YANG DRUNG NA 'KHOD PA'I RI DVAGS DANG GCAN GZAN KUN KYANG GCIG LA GCIG PHAN TSUN GNOD PA MED PAR BYAMS TE GZHAN GYIS PHUL BA'I SHA KHYI CHEN PO GCIG YOD PA YANG, RNA MOS RTZED MO'I PHYIR RDUNG BA LTAR BYAS CAN, MI RNUG PAR BROS 'GRO ZHING, SPRANG PO LA RMUG PA'I TSE MA nI BGRANGS PA DANG RMUG 'PHRO GCOD PA ZHIG YOD DO, ,BYI LA ZHIG YOD PA DE YANG BYE'U MTHONG KHAR BAB PA'I DUS GNOD PA'I SEMS SPANGS NAS, DE BYUNG BA LA DGA' ZHING 'GROGS

, ,DOGS PA'I PHYIR DES MI MTHONG BA'I SAR PHYIN NAS NYAL ZHING, BYI CHUNG LA YANG GNOD PA MI BYED DO, ,SPYANG KI GCIG YOD PA YANG SEMS CAN LA 'TSE BA'I SEMS SPANGS TE, RTING LA SHA BYIN KYANG MI ZA BA CIG BYUNG ZHING, NGANG PA GCIG YOD PA YANG SEMS DPA' CHEN PO BSKOR BA MDZAD PA'I DUS SU KHO YANG BSKOR BA BYED DE, BZHUGS PA'I DUS SU KHO YANG SDOD, SEMS DPA' CHEN PO'I SPYOD LAM GYI LAD MO BYED PA CIG BYUNG 'DUG ,DE LA MNYES SHING, DMAG BYUNG NAS BO DONG DU 'BYON DGOS PA BYUNG DUS, NYE GNAS LA GZHAN DNGOS PO MI THUB NGANG PA DE MA LUS PA GYIS GSUNG ZER, MKHAN CHEN BYANG CHUB RTZE MA'I GSUNG GIS, DUD 'GRO DE KUN GYI BYED LUGS DE RANG NGO MTSAR CHE, BYANG CHUB KYI SEMS 'DI 'BYONGS TZA NA GANG YANG DBANG DU 'DU BA CIG YIN PAR 'DUG GSUNG, DBUS PA'I DMAG 'JANG DU BYUNG DUS DNGUL CHU BA RNAMS LA, DNGOS PO LA MA CHAGS PAR THAMS CAD BROS, 'GRO BA MI 'ONG BA'I RGAS PA RNAMS KYI G-YOG NGAS BYED PA YIN GSUNG STE, BA SHUL NA YOD PA RNAMS KYIS BRED NAS DRUNG DU 'TSOGS NAS BSDAD PA'I DUS DMAG MI RNAMS KHRO ZHING RNGAM PA'I TSUL GYIS DRUNG DU BYUNG STE, ZHAL MTHONG BA DANG, 'PHRAL DU GTUM PA DANG KHRO ZHING RNGAM PA RNAMS KYANG ZHI NAS DRUNG NA 'KHOD PA RNAMS LA GNOD PA MI BYED PAR BYIN RLABS ZHUS KYIN 'GRO, 'GA' ZHIG DAD PA SKYES TE MCHI MA 'BYIN CING, MI

BSAD PA'I SDIG BSHAGS BYED DO ZHES GRAG GO ,DRUNG NA 'KHOD PA'I SLOB MA RNAMS KYANG NGA KHO NA LA MNYES SHING BYAMS SNYAM DU THAMS CAD DE LTAR DU SEMS SHING, DE RNAMS KYANG GCIG LA GCIG MTHONG CHE ZHING BYAMS PAS, PHAN TSUN TSA MI RTZAD PAR GRAL 'OG TU SDOD PA LA HAB THOB BYED CING GCIG LA GCIG SNYAN PAR SMRA'O, ,SEMS DPA' CHEN PO 'DI NI, DPER NA MA BU GCIG PU YID DU 'ONG BA LA BRTZE BA LTAR SEMS CAN RNAMS LA SNYING RJE CHEN PO MNGA' ZHING, KHYAD PAR DU DNGOS SU SDUG BSNGAL BA DANG, SDUG BSNGAL GYI RGYU LA SPYOD PA LA BRTZE STE, DGUNG LO BCU DRUG TZAM LON PA'I DUS ZANG ZING GIS PHAN 'DOGS BAG TZAM BYAS PA'I DGE BSHES GCIG GIS SANG NYIN LAN SLEB PA DGOS PA'I DON GAL CAN ZHIG GI BANG CHEN BCOL TE, BO DONG NAS SA SKYAR 'BYON PA'I PHYED LAM TZAM NA SLEB PA'I THANG DKYIL ZHIG NA, KHYI GU BZHI LNGA ZHIG SKYES PA MAS BOR NAS SONG 'DUG PA GZIGS PA DANG, SNYING RJE NAS BSHUMS SHING, DE RING 'DI PA SKYEL DU PHYIN NA NI KHONG GI DON MI 'GRUB, DE RING BZHAG NAS PHYIN NA NI DGUN YIN PAS 'KHYAGS NAS KYANG 'CHI, BYA ROG DANG GCAN GZAN DAG GIS KYANG GSOD SNYAM DU BSAM NAS DE RING 'DI PA BSKYAL LA, DO RED MTSAN LA 'GRO DGOS PA YIN DGONGS TE, KHYI GU SKYEL BA LA LOG NAS BYON PAS, DGE BSHES DE DANG DA RAS MA 'PHRAD BA BYA DGOS DGONGS PA, SRANG BAR GCIG TU 'PHRAD PAS, NYID KYIS DON GAL CAN GYI STABS BCOG PAR 'DUG

, ,ZER NAS 'THAB TU BYUNG BAS SKYENGS PO BYUNG GSUNG, DE NAS DE MA KHAD LOG NAS BYON PAS THO RANGS KHA SA SKYAR PHEBS LAN BSGYUR, CHAB GCIG GSOL NAS BYON PAS DGONG MO BO DONG DU PHEBS, DGE BSHES DE NA RE NGO MTSAR CHE NGAS 'THABS PA DE YANG BZOD PAR GSOL ZER BYUNG GSUNG, YANG DGUNG LO NYI SHU TZAM LON PA'I DUS SU AE'I DGE 'DUN RNAMS CHOS GZHI BTEG PAS, RGYA SGO'I 'GAG NA SPRANG MO ZHA MA GCIG YOD PA DE DU YIN 'DUG PAS THUGS KYIS MA BZOD DE CI NYES DRIS PAS, BTZUN PA THAMS CAD 'BYON PAR 'DUG ,DES NA NGA LA LTO STER MI MI YONG ZER, NGAS KHYOD LEN DU 'ONG GI SDUG BSNGAL MA BYED GSUNG STE, THAG PA KHYER NAS LOG BYON TE, NGA LA KHUR GSUNGS PA LA MOS KHUR MI NUS PA 'DUG ZER, SNGA LA MO'I GOS STAN RNAMS BSKYAL ,DE NAS MO RANG KHUR NAS CHOS BAR SAR BSKYAL GSUNG, DES NA SEMS CAN DNGOS SU SDUG BSNGAL BA GZIGS NA LTA SMOS KYANG CI 'CHAL, GZHAN GYIS SEMS CAN SDUG BSNGAL BA 'DI 'DRA 'DUG ZER BA GSAN NA, NGA'I MA RGAN RE SNYING RJE GSUNG STE BSHUMS NAS GSUNG GLENG KYANG 'PHRO CHAD NAS 'GRO ZHING, GLANG RI THANG PA LA GZHAN GYIS DO NAG PO BYAS PA GSAN PAS, NGA'I MA RGAN SEMS CAN GYI SDUG BSNGAL 'DI LA BSAMS NA NGO GDONG DKAR PO YONG SA MI 'DUG GSUNG ZER, DE KHONG PA MED PAR GDA' GSUNG NAS SPYAN CHAB NYIL NYIL MDZAD

CING 'DI LTAR YANG GSUNG NGO, ,SDUG BSNGAL MANG GZIR 'GRO 'DI YAL BOR NAS, ,RANG NYID ZHI BDE 'BA' ZHIG DON GNYER BA, ,PHA MA ME YIS 'TSIG PA YAL BOR NAS, ,RANG NYID BSIL BA'I RDZING BAR KHRUS BYED 'DRA, ,'GRO 'DIS RANG GI BDE BA YAL BOR NAS, ,BDAG GI DON DU SDUG BSNGAL KHUR BLANGS PA, ,SA DANG RGYA MTSO'I RDUL BAS CHES MANG NA, ,DE DAG BDAG GIS JI LTAR YAL BAR 'DOR, ,THOG MED DUS NAS LAN MANG PHAN BTAGS PA'I, ,'GRO MANG BZOD DKA'I SDUG BSNGAL GYIS GZIR BA, ,MTHONG THOS DRAN KYANG GAS PAR MA GYUR PA, ,BDAG GI SNYING 'DI LCAGS LAS BYAS SAM CI, ,SNGON CHAD YANG YANG SDUG BSNGAL SEL BYED MA, ,MNAR MED ME YI NANG DU TSIG GYUR NA, ,DE LA SNYING RJE'I BSAM PA MI SKYES, ,BDAG 'DRA MI YI LUS CAN DUD 'GROR ZAD, ,CES GSUNGS, DBUS PA'I DMAG RTING MA 'DZAD DU BYUNG DUS DNGUL CHU'I MDUN GYI THANG CHEN PO DE DMAG GIS GANG BA GZIGS PAS SDUG GE TSO SDUG GE TSO NGA'I MA RGAN 'DI TZAM ZHIG 'KHRUL NAS SDUG BSNGAL GYI RGYU LA SPYOD PA DE SNYING RE RJE SNYING RE RJE GSUNG ZHING BZHUGS GDAN GYI STENG DU 'DRE LDOG MDZAD CING BSHUMS PA'I MTHAR BRGYAL BRGYAL GYI BAR DU BSHUMS PA ZHIG BYUNG, GZHAN YANG 'DI LTAR GSUNGS TE, NGAN SONG GSUM STA AA CANG CHE, MI'I NANG NAS KYANG SDUG BSNGAL DNGOS SU SPYOD PA 'DI RNAMS SNYING SHIN TU YANG RJE MOD, BSAM BLO LEGS PAR BTANG NA SDUG BSNGAL GYI RGYU LA SPYOD PA 'DI RNAMS SNYING RJE

, ,GSUNG ZHING, DA LTA 'JIG RTEN GYI MI CHE RU RE, GRUNG DU RE, 'KHOR MANG, KHA DRAG ,NOR CHE, LAS SU SDIG PA 'BA' ZHIG BYED PA DE 'DRA RNAMS GZIGS PA'AM, DRAN PA'AM, DE DAG GI GLENG SO BYUNG TZA NA YANG SPYAN CHAB 'BYIN CING, PHA ROL PO RNAM RTOG SKYER YONG BSAM PA BYUNG NAS NYAMS SNA DKYIL GYIN TSOD BZUNG BA MIN NA, DE 'DRA RNAMS DANG PHRAD PA NA MCHI MA RANG DBANG MED PAR YONG GI 'DUG GSUNG, 'O SKOL CHOS PA 'DI RNAMS SDUG BSNGAL GYI RGYU LA SPYOD PA 'DI RNAMS LA SNYING RJE SKYE THANG BA CIG 'DUG PA LA, SKYE BA NYUNG BA DE RANG RE RNAMS KYANG TSE 'DI'I DPAL 'BYOR KHA DRAG DE RNAMS LA SKYON DU MI LTA BA'I BLO NGAN DE PHUGS SU ZHUGS PAS LAN 'DUG ,DA LTA SDUG BSNGAL LA RNAMS LA SNYING RJE SKYE BA DE, SDUG BSNGAL DE LA RANG RE SKYON DU LTA BAS YIN PAR 'DUG STE, DE GNYIS RANG SKYON GANG CHE MI SHES GSUNG, TSOGS CHOS GSUNG BA'I DUS SEMS CAN GYI SDUG BSNGAL LA GZIGS NAS SEMS DPA' CHEN PO NYID KYIS BSHUMS TZA NA TSOGS PA BYINGS PO DU CO THEG THEG YONG BA DE LA MTSAN NYID PA CIG NA RE, MKHAN CHEN BU STON PA DANG, BLA MA PAn CHEN PA CHOS GSUNG TZA NA, BZHAD GAD ZEG ZEG NYAMS DGA' ZHAD CHE BAR 'DUG ,'DI PAS CHOS GSUNG BA DE SDUG ZHAD CHE, MI GCES SHI BA BZHIN DU DU CO THEG THEG YONG ZER, RGYAL SRAS 'DI SKU MTSAMS DAM PO LA BZHUGS PA'I DUS, MKHAN

CHEN RIN PO CHE BSOD NAMS GRAGS PA ZHENG GZHAN DU GSHEGS PA MNGON PAR SHES PAS MKHYEN TE, MTSAMS HU RA THON MDZAD NAS BYON PA'I LAM KHAR MI GNYIS KYIS RA GCIG MI 'GRO BZHIN KHRID 'GRO BA DANG PHRAD PA NA CI BYED DRIS BAS, HOR 'DRA LA SPROD BA YIN ZER, SNYING RJE NAS BSHUMS TE GSER ZHO PHYED BYIN NAS 'DI HOR 'DRA LA SPROD LA RA 'DI MA GSOD NGA LA BLANGS BYAS GSUNG, DE NAS SHANGS KYI MDA'I GAD SKYIBS SHIG TU PHEBS PA DANG, 'DIR JA SKOL NGAL SO BA YIN GSUNG BA LA, 'DI NA CHU MI GDA' ZHUS PAS, CHU'I KHAG NGAS KHUR ME SHING THUS LA SHOG GSUNG, SHING BTUS NAS SLEB PA DANG, CHU 'DI NA GDA' YIS GSUNG NAS PHYAG GIS BYE MA LA RUD RUD MDZAD PA LA SNGAR MED PA'I CHU BYUNG BAS ZHABS TOG PA RNAMS KYI BSAM PA LA MIG 'PHRUL YIN NAM BSAM PA BYUNG ZER, JA GSOL ZIN PA'I RJES LA'ANG CHU 'DUG ,YAR LAM CHED KYIS BLTAS PAS CHU'I RJES YANG MI 'DUG ZER RO, ,DE NAS MKHAN CHEN RIN PO CHE DANG MJAL PAS NYID BYON PA DE DGA' GSUNG NAS MNYES TSOR CHEN PO MDZAD, 'JUG PA SEMS BSKYED 'DI SNGAR BLA MA RIN YE BA LA THOB LAGS TE YIN KYANG DRUNG DU GCIG THOB NA BSAM PAS SKU KHEMS KYIS LCOGS TZAM GDA' NA THUGS LA 'DOGS BAR ZHU ZHUS PAS, DE DUS BSNYUNG RAB 'DUG STE SHIN TU YANG SPRO YO, DA LTA RANG MCHOD PA SHOMS SHIG GSUNG, SEMS BSKYED KYI CHO GA DNGOS GZHI GRUB NAS MKHYEN PAR GSOL BA GDAB PA'I SKABS SU, SA CHEN PO NI RAB TU G-YOS

, ,LHA'I ME TOG NI CHAR BZHIN DU BABS, SPOS KYI DRI ZHIM PO'I NGAD PA NI RNAM PAR LDANG, ROL MO'I SGRA SNYAN PA NI DBYAR GYI 'BRUG BZHIN DU GRAG ,SPRIN RNAMS KYIS KYANG 'JA' TSON SNA LNGA'I BLA RE BRES PAR GYUR CES GRAG GO ,CHO GA TSAR BA'I RJES LA MKHAN RIN PO CHE'I ZHAL NAS, CHOS BDAG PO'I LAG TU 'PHROD, DA STE BTZUN RGAN DE RING SHI YANG 'GYOD PA MED DO GSUNG NAS RGYAL TSAB TU DBANG BSKUR TE, DE NAS RING PO MA THOGS PAR SKU GSHEGS SHING, GSHEGS KHAR SGYU MA'I DPE BRGYAD PO DE NAR BA GCIG GSUNG NAS GSHEGS ZHES GRAG GO ,MKHAN CHEN RIN PO CHE'I SLOB MA RNAMS KYIS, BLA MA RGYAL SRAS PA DE LA MNGON PAR MKHYEN PA YOD MED THE TSOM MI 'DUG ,MKHAN CHEN RIN PO CHE GSHEGS LA KHAD DER KHONG GIS PHEBS ZER, DE NAS SEMS DPA' CHEN PO NYID KYANG NYIN ZHAG RE LA DUS GSUM DU SMON 'JUG GI SEMS BSKYED BSDUS PA RE LEN CING, 'DI LTAR GSUNGS TE; GANG GIS RANG GI BDE BA YAL POR NAS, ,YU BU'I DON DU SDUG BSNGAL KHUR BLANGS PA'I, ,SEMS CAN TSOGS 'DI BLO YIS YAL BOR NA, ,THEG CHEN DAM CHOS THOS PA'I DGOS PA CI, ,DES NA MTHA' YAS SEMS CAN BSGRAL BYA'I PHYIR, ,BLA MED BYANG CHUB MCHOG TU SEMS BSKYED DE, ,RANG DON SPANGS TE DNGOS SA MA BRGYUD NAS KYANG, ,GZHAN DON SGRUB DE SKYES BU MCHOG YIN NO, ,ZHES SOGS GSUNGS SHING, DBUS GTZANG KHAMS

GSUM GYI DGE BA'I BSHES GNYEN DANG, SKYE PO'I TSOGS KHRI PHRAG DU MA LA BYANG CHUB SEMS KYI SDOM PA GNANG NAS, BYANG CHUB SEMS DPAR GYUR PAR MDZAD CING, DUS PHYIS MKHAN CHEN BYANG CHUB RTZE MOS DBU MDZAD PA'I DGE BA'I BSHES GNYEN 'BA' ZHIG TSOGS PA LA, 'JUG PA SEMS BSKYED GSUNGS PA'I SKABS SU 'O SKOL GYIS MKHAN CHEN RIN CHEN PA LA 'DI ZHUS PA'I DUS SU, CHOS BDAG PO'I LAG TU 'PHRED PA YIN GSUNG NAS MNYES TSOR CHEN PO MDZAD CING GDA', 'O SKOL LA BDAG PA'I BDAG RGYU TZAM MED DE, KHONG PA DE SKAD GSUNG GIN GDA', 'ON KYANG BYAS PAS, JO BO RJE YAB SRAS SKU MCHED GSUM LA SOGS PA'I DUS SU DAR, CHOS 'DI LA BKA' DOG PA YIN PAR 'DUG ,DUS PHYIS KYANG 'DI 'BOGS PA NYUNG BAR GDA', GANG LTAR LAGS KYANG, 'O SKOL LAS DBUS GTZANG GNYIS NA CHOS 'DI 'BOGS PA MANG BA MED, SNGAR YANG RGYUD LA SKYES PA MANG PO BYUNG ZHING, DA 'O SKOL NAS CHOS 'DI'I BKA' YANGS SU GTONG BA YIN PAS, NYID CAG DGE BA'I BSHES GNYEN 'BOGS PAR NUS PA THAMS CAD KYIS PHOG CIG GSUNG NGO, ,RGYAL SRAS 'DIS BDAG GZHAN BRJE BA'I MDZAD PA JI LTAR BSTAN PA NI SLOB DPON DPAL YE BAS BLO SBYONG LA NYAMS KHRID BSGOM DUS, LHONGS LA SHIG NAD BYUNG BAS, SEMS DPA' CHEN PO'I GSUNG GIS, NYID RANG GIS SNYING RUS BSKYED LA GSOS GAL TE MI GSOS PA 'DRA NA 'DIR BYON, NGED KYIS KYANG GSO ROGS BYA YIS GSUNG ZER,

, ,KHONG GIS YUN RING PO'I BAR DU GSOS KYANG NYUNG DU MA SONG, CHOS RDZONG DU BYON NAS BLA YEL DU MAL BCAS NAS ZHAG SHAS SONG BA DANG, SHIG RNAMS NYUNG DU SONG 'DUG PA, RNAM RTOG SKYES TE DRUNG DU BLTAR PHYIN PA DANG, DRUNG PA LA SHIG NYIL BA 'DUG PA MTHONG BAS, DRUNG NAS 'O BRGYAL NGA RANG GIS SNYING RUS BSKYED LA GANG GSOS BYED NGA RANG LA THUGS LA 'DOGS PAR ZHU ZHUS PAS, NYID KYI SHIG BLANGS PA MA YIN NGA RANG LA YOD PA YIN GSUNGS NAS MA GNANG, DE NAS ZHAG 'GA' NAS THAMS CAD YAL NAS SONG GSUNG, GZHAN GYI SDUG BSNGAL DNGOS SU LEN PA 'DI SNYING RJE'I BSAM PA DRAG POS BLANGS NA LONGS NGES SHES PA NYAMS SU MYONG BAS GRUB PA LAGS GSUNG, RGYAL SRAS BDAG NYID CHEN PO 'DI HOR DPON ZHIG GIS SA SKYAR GDAN DRANGS PA'I TSE SA SKYA'I RGYAB DER DRO 'DEBS PA'I SAR KHYI RGAN PO GCIG BYUNG BA LA, HOR GYI 'BA' HOR CHES RDO GCIG BRGYAB PAS 'GYEL NAS SKAD NGAN CHEN PO SHOR BAS, SEMS DPA' CHEN PO RANG LA BRGYAB PA BZHIN DU AA GSUNG NAS PHYAG NAS DKAR YOL 'CHOR LA KHAD BYUNG ZHING SPYAN CHAB MANG PO BTON, DE NAS SA SKYAR BYON TE, DGE BA'I BSHES GNYEN DANG SKYE BO'I TSOGS CHEN PO LA, ZAB BA DANG RGYA CHE BA'I CHOS GSUNGS NAS 'GRO? BA DPAG TU MED PA'I DON MDZAD DE, GSER YIG PAS TSONG DUS NAS MAR GDAN DRANGS DUS, HOR GYI G-YOG PO GSUM LA NAG CHEN PO THUG NAS GSOD DU BYUNG BA LA, RGYAL SRAS 'DIS THUGS KYIS

MA BZOD PAR HOR GYI DPON LA DE LTAR MA BYED CES GSUNG BYON PAS SROG LAS THAR BAR MDZED ,SKU ZHANG GI RTZIS KYI RTEN 'BREL LA DBEN SHR'I'I GDAN GYI 'OG TU KHO RANG GI GZUGS DANG, RAL GRI DANG, RANG THAG SOGS BCUG PA DBEN SHR'IS MTHONG NAS RTZA RA CHEN PO BYED DU BYUNG BA LA YANG GSUNG BYON PA TZAM GYIS GROL BAR MDZAD DE, RIN SPUNGS PAR BYON NAS DBUS SU 'BYON MA DGOS PAR YAR BYON TE, ZHA LUR GDAN DRANGS NAS DGE BA'I BSHES GNYEN DANG SKYE BO'I TSOGS DPAG TU MED PA LA CHOS KYI SBYIN PA MDZAD, DE DUS BU STON RIN PO CHE BSNYUNG NAS GRONGS LA KHAD PA MA MJAL TE ,SKU GSUNG THUGS RDO RJE'I RANG BZHIN DU BYIN GYIS BRLABS NAS BSTAN PA DANG SEMS CAN GYI DON LA BZHUGS PA'I RTEN 'BREL DANG ,BDAG GZHAN BRJE BA'I DMIGS PA MDZAD NAS DE'I NUB MO NAS SKU BSKYED BYUNG NAS BSNYUNG BA DANG, DE DUS BLA MA RGYAL SRAS PAS MKHAN CHEN BU STON PA'I BSNYUNG NAD SDANGS ZER BA'I GRAGS PA CHEN PO YANG BYUNG ZHING, MKHAN CHEN PA'I ZHABS TOG PA GCIG GI RMI LAM DU MDANGS DRUNG PA LA BLA MA RGYAL SRAS PA SKU LUS SHEL DKAR LTAR DVANGS PAR GYUR BAS GSER GYI DBU RGYAN GSOL NAS DBANG BSKUR MDZAD PA RMIS LAGS ZHUS PAS, RMI LAM BZANG PO YIN, NGA YANG MDANGS KHAMS BDE ZHING RIG PA DRANGS PA CIG BYUNG GSUNG NAS MNYES 'DUG GSUNG, YANG BLA MA DAM PA BSOD NAMS RGYAL MTSAN PAS CHOS ZHU BA LA SA SKYAR GDAN DRANGS NAS, CHOS KYI 'KHOR LO RGYA CHEN PO BSKOR TE

, ,TSUR 'BYON DUS LA RDZAS NAG POR JAG PA BYUNG STE, SEMS DPA' CHEN PO RANG GI SKU LA MA NGAG ZHABS TOG BA RNAMS 'O LA BA RE BKYIGS TE JAG PA ZA MA ZA DUS, ZHABS TOG PA GCIG BKYIGS PA GROL BYUNG BA'I RTZA NA, JAG PA'I RAL GRI BZHAG 'DUG PA KHYER NAS BROS NA BSAM YOD TZA NA, SEMS DPA' CHEN POS MKHYEN NAS NYID DE BLO CAB TZUB MA BYED AANG GSUNGS PAS BROS MA NUS ZER, DNGOS PO 'DI RNAMS RIN CHEN SGANG PA'I SA CHAR KHYER, NGAS BLOS BTANG YOD PAS PHROGS PA YIN SNYAM PA'I BLO YANG MA BYED DA'I GOS 'DI KHYER NA YANG KHYER GSUNGS PAS, JAG PAS PHYAG BTZAL NAS, NGED TSO YANG PHONGS NAS THABS SDUGS PAS NYID LTA BU DANG THUG ZER; JAG PA RNAMS RJES ZLOS BYED DU BCUG NAS BSNGO BA YANG MDZAD GSUNG, DBUS BA'I DMAG MANG PO MTHONG BA DE DANG ,DPON CHEN BYANG BA 'DIS 'O SKOL LA CHOS 'BREL MA BYAS PA'I GONG DU BTZON SDUG GI GCIG MI GSOD PA'I ZHU BA BYAS KYANG MA GRUB PA DE GNYIS KYIS LO MANG PO'I BAR DU DGE SBYOR GYI BSKUL MA BYAS ,DE BAR LA DGE SBYOR GANG BYED KYANG DE RNAMS DANG DBUS PA'I DMAG SNGON MA RANG RE DNGUL CHUB 'JOMS MI DE RNAMS KYI DON DU BSNGOS, SMON LAM MANG PO BTAB STE AE PHAN NI MI SHES GSUNG, YANG LAN CIG RGYAL SGA'I 'GAG NA SHIG NAD TSABS CAN BYUNG BA'I SPRANG RGAN LUS KYI ZUNGS SHOR BA GOS DANG STAN LA SOGS PA SHIG GI PHUNG POR GYUR PA CIG GI DI

CHEN PO MNAM PA CIG 'DUG PA DE LA, DRUNG SKU MCHED PA'I SKYE BO TSOS ,DRUNG NAS SKYUG BRO 'GAG DER MA BSDAD ZER ZHING 'BUD PA GZIGS PAS, SNYING RJE DRAG PO SKYES NAS SPYAN CHAB SHOR TE, DE'I NUB MO KHO'I GOS DANG STAN SHIG GI PHUNG POR GYUR PA RNAMS NANG DU KHYER, SPRANG PO LA NA BZA' GCIG GNYIS DANG ZA RGYU GNANG NAS SHIG RNAMS LA SKU LUS SBYIN BAR BTANG STE SHIG GI PHUNG PO'I GSEB TU GZIM NAS GAG BA nIG GNYIS SONG BA DANG, SLOB DPON DANG MCHED GROGS 'GA' RES TSOR NAS BLTAR BYON PAS SPRANG PO'I GOS DANG STAN SHIG GI PHUNG POR SONG BA RNAMS GSOL ,SKU LUS THAMS CAD 'BRUM NAD THUG BO BYUNG BA BZHIN DU GYUR 'DUG PA MTHONG NAS, KHONG RNAM PA HA LAS TE NYID DA LTA LUS GTONG BA'I DUS TZAM LA MA SLEBS LAS CHE, DE 'DA RANG HA CANG THAL DRAGS MI MDZAD PAR ZHU ZHUS PAS, SPYOD 'JUG LAS, BDAG GIS LUS CAN THAMS CAD LA, ,LUS 'DI CI BDER BYIN ZIN GYIS, ,RTAG TU GSOD DANG SMOD BA 'AM, BRDEG SOGS CI DGAR BYED LA RAG ZHES DANG, 'GO MANG RDOG BAS BDAG GI SPYIR 'TSOG GAM, ,'GUM YANG MI BSNGO 'JIG RTEN MGON DGYES MDZOD, ,GSUNG NAS MA GSAN PAS, KHONG RNAM PAS 'JAM PA'I DBYANGS DON YOD PA'I DRUNG DU PHYIN TE 'DI BZHIN MDZAD KYIN GDA', NGED RNAMS KYIS ZHU BA BYAS KYANG 'DI SKAD GSUNG NAS MI GNANG BAR 'DUG ,DRUNG NAS GSUNG BYON DGOS PAR GDA' ZHUS PAS, 'JAM DBYANGS DON YOD PAS KYANG

, ,DE KHAR BYON TE, DE LTA BU RANG MI MDZAD PA ZHU ,HA CANG 'O BRGYAL DRAGS CIR 'GYUR YANG MI SHES ZHUS PA LA YANG, SKYAS RABS LAS, LUS TZAM GYIS KYANG GZHAN LA PHAN THOGS PAR, ,NAM ZHIG 'GYUR ZHES BDAG GIS GANG BSAMS PA, ,SMON LAM DE NI 'BRAS BU YOD PAR BYA, ,ZHES DANG, NYID KYI ZHAL NAS, GZHAN LA MI PHAN SRED ZAD BDE BA YANG, ,DMYAL BA'I ME LTAR MTHONG NAS RAB SPONG ZHING, ,GZHAN LA PHAN NA MNAR MED ME NANG DU'ANG, ,RAB DGAS 'JUG PA RNAMS KYI RJES SU SLOB, ,CES GSUNGS TE MA GSAN PAR GSOL BAS, RING POR MA LON PAR SHIG RNAMS YAL NAS SONG ZHES GRAG GO, ,DE DUS HA CANG SO TSA RANG DRAGS NAS MA BZUG PA'I DUS SU STOD KYI CHA LA DAR GYI DUM RE DKRIS NAS BZHAG GSUNG, NYID KYI ZHAL NAS, GANG ZHIG KHRO DANG NGA RGYAL DBANG GYUR NAS, ,BDAG GI LUS LA RMA SROL CHER GTOD DE, ,'CHI BAR NGES PA'I GNAS SKABS BYUNG GYUR NA'ANG, ,DE TSE DAM BCA' 'DI NI DRAN PAR BGYI,, ZHES DAM BCAS PA BZHIN MDZAD DO, ,YANG BO DONG DU SPRANG PHRUG SHIG NAD BYUNG BA ZHIG GI SHIG THAMS CAD BLANGS PAS, SEMS DPA' CHEN PO'I SKU LUS LA 'PHUNGS NAS ZHAG GCIG LA SHI 'DUG ZER, SEMS DPA' CHEN PO LA BRTEN NAS DE PA RNAMS GNAS GONG MA ZHIG TU 'PHOS NGES BSAM PA BYUNG NGO, ,ZHES RGYAL SRAS BDAG NYID CHEN PO 'DI'I THUGS SRAS NYAN PO DPAL RIN GSUNG NGO, ,GZHAN YANG BO DONG DANG ,DNGUL CHU GNYIS SU SPRANG PO SHIG NAD BYUNG BA

MANG PO'I SHIG NAD BLANGS TE MYUR POR YAL GYIN SONG ZHES GRAG GO, DUS PHYIS PA NA YUL GLANG THANG PA YIN PA'I STON SGOM BYANG CHUB SEMS DPA' GCIG LA KHONG RANG LA SHIG BYUNG BA'I STENG DU GZHAN GYI SHIG NAD KYANG BLANGS TE SEMS CAN LA LUS DNGOS SBYIN PAR BTANG NAS GSHEGS PA'I DE MA THAG LA, BDAG GIS THUGS DAM LA 'DOGS PAR ZHU BA'I PHAN CHES KHYER NAS, NYE GNAS LA 'DI LTAR DUS BYAS PAS NYE GNAS DRUNG DU SONG NAS LOG BYUNG PA ,A CI GSUNG DRIS PAS, GO, RJES SU YI RANG, SH'AKYA THUB PA RUS SBAL DU SKU 'KHRUNGS PA'I DUS SU, SRIN BU KE TA KA BRGYAD KHRI LA SKU LUS SBYIN PAR BTANG BA DANG, DON GYI CHA MTHUN PA DE YIN, KHONG GI SEMS LA 'GYOD PA YONG BA'I RIGS SU MI 'DUG NGO MTSAR CHE, 'O SKOL PO SBYONG BA YIN PAS SHIG DE TZAM ZHIG 'CHIR 'JUG PA SNYING RJE YAR LA'ANG LA SHOG GSUNG GIN 'DUG, DRUNG NAS SKU BGRES PA DANG, SHIG TSAN CHES DRAGS PAS CI 'GYUR MI SHES ZHUS KYANG MI GSAN PAR LONG SHOG GSUNG, RGYAL SRAS BDAG NYID CHEN PO 'DI SBYIR SEMS CAN SU LA'ANG SKYON BRJOD MI GSUNG ZHING, LHAG PAR CHOS SGOR ZHUGS PA RNAMS LA DAG SNANG KHO NA MDZAD PA LAS SKYON BRJOD YE MI MDZAD ,GZHAN LA SKYON BRJOD BYED PA GSAN NA 'O SKOL RANG BLO MA DAG PA YIN, KHONG KUN CI 'DRA YIN MI SHES, SLAR YANG 'O SKOL GYIS PAR MI LA SKYON BRJOD MANG PO BYAS TZA NA 'O SKOL LA YANG THAMS CAD KYIS TSUR 'THAB PA CIG RTEN 'BREL LA CIS KYANG YONG GSUNG, RGYAL SRAS BDAG NYID CHEN PO

, ,'DI'I MDZAD PA RNAM THAR 'DI DAG LA DPANG LO TZ'A BA BLO GROS BRTAN PAS, THOG MAR SHES BYA KUN LA MKHAS PAR BYA, ,BAR DU MKHAS PA'I TSOGS SU LEGS PAR BSHAD, ,THA MAR 'DIS PA'I DON LA BRTZON PAS BSGOM, ,DUS GSUM RGYAL BA KUN GYI BZHED GZHUNG YIN, ,ZHES SA SKYA PAndI TAS GSUNGS PA DE, GU RU THOGS MED KHONG GIS BYAS PA YIN NO, ,'O SKOL CHOS PA RNAMS KYI NANG NA CHOS BYED PA MANG RAB 'DUG STE BRTAN PA THOB PA RANG DU TZAM BDOG GAM, GZHAN GYI RGYUS NI NGA LA MED, BRTAN PA THOB NGO SHES PA GU RU THOGS MED KHONG YIN, PHO SKYES PA ZER NA DE KUN LA ZER BA LAGS, MI GZHAN GYIS NGA'I RGYUD TSOD LA SLEB PA LA DA RUNG DKA' LAS CHEN PO YOD, NGAS GU RU THOGS MED KYI RGYUD TSOD SLEB PA LA BSKAL PA MANG PO TSOGS GSOG DGOS, NGA KHONG GI BLA MA YIN, KHONG NGA'I SLOB MA YIN TE NGA NI BLA MA ZHIG LAS KYANG DE LA MOS, MI RGAN NAM 'CHI PA'I SNGAS KHA DER GU RU THOGS MED YOD PA CIG BYUNG NA DGA' STE NGA PHYOGS THAMS CAD DU RGYUG, KHONG PA GCIG TU BZHUGS PA 'DIS YID SMON THOG TU AA 'BAB YIN GSUNG ZER ZHING, GSUNG YIG SNYAN DANG DNGAGS DANG BCAS PA BSKUR BA'I NANG NA YANG, KHYOD LA NGA 'DRA'I SLOB DPON BRGYA YONG KYANG GANG LA KHYOD 'DRA'I SLOB MA KHYOD LAS MED, ,CES SOGS KYI BSTOD PA MANG PO YANG MDZAD DO, ,KUN MKHYEN RONG PO'I ZHAL NAS KYANG, NGA LA PHA BAS LHAG PA'I BU

GCIG YOD PA YIN, NGA'I SLOB MA 'DI 'DRA GZHAN LA YOD NA SMON NE 'TSOR, SKYES BU DAM PA 'DI 'DRA 'JIG RTEN NA DKON GSUNG, CHOS RJE BU STON RIN PO CHES KYANG, SDE SNOD GSUM GYI DON LA MKHAS GYUR CING, ,RGYUD SDE ZAB MO'I RTOGS PAS KUN CHUB PA, ,BYANG CHUB SEMS GNYIS 'BYONGS PA RGYAL BA'I SRAS, ,ZHES SOGS KYI BSTOD PA YANG MDZAD CING, SEMS DPA' CHEN POS ZHA LUR BYON PA'I TSE BU STON RIN PO CHES ZHA LU'I GRVA PA RNAMS LA, DA LTA BOD GANGS CAN GYI KHROD NA CHOS SHES NAS NYAMS SU BLANG SHES PA RGYAL SRAS THOGS MED BA TZAM GCIG YIN, NGAS KYANG CHOS SHES PA SHES TE, KUN MKHYEN 'PHAGS PA 'OD KYIS BSTAN PA'I DON DU BSHAD NYAN DANG MDO RGYUD KYI 'GREL PA MANG DU RTZOMS ZHES GSUNG BA LA BRTEN NAS BSHAD NYAN BYED DGOS PA BYUNG BA, KHONG 'DRA BA'I NYAMS LEN BYUNG BA MED, 'DI LTA BU'I BYANG CHUB SEMS DPA' LA CHOS 'BREL THOGS PA TZAM GYIS KYANG 'KHOR BA MTHA' CAN DU 'GYUR NOG SHES PA YIN PAS, MTSAMS LA YOD PA RNAMS KYANG GSENG LA CHOS ZHUS, DE BAR GYI GZHABS TOG THAMS CAD BLA BRANG NAS BYED PA YIN GSUNG, DE'I RES SEMS DPA' CHEN POS KYANG ZLA BA GCIG ZHA LUR BZHUGS NAS GANG LA GANG 'DOD KYI CHOS GSUNGS TE 'GRO BA DPAG TU MED PA'I DON MDZAD DO, ,RGAL SRAS 'DI'I RTZAR GZHAN DAG GIS RANG RE'I CHOS BRGYUD DANG BLA MA DANG, RANG LA SMOD PA BYUNG BA'I DUS SU MAD LAGS

, ,BYAS PAS, DA KAS TSIG SKE YANG CHAD NAS PHAN TSUN RGYUD SREG RES KYANG MI YONG, RANG RE BZOD LDAN DU YANG 'GRO BA YEN GSUNGS NAS DAM BCA' YANG 'DI LTAR MDZAD DE, 'GRO MANG DBUS SU SDANG MIG LDAN PA'I MAS, ,TSIG NGAN BZOD PAR DKA' BAS SMA PHAB NAS, ,GDONG PA LEGS PA'I SKABS KYANG MED BYAS NA, ,DE TSE DAM BCA' 'DI DAG DRAN PAR GYIS, ,ZHES GSUNG, YANG BSTAN PA DANG SEMS CAN SPYI MTHUN LA GNOD PA CHEN PO BYED PA DE 'DRA RNAMS LA, 'GA' ZHIG GIS 'DI LTA BU KUN HA CANG MI RIGS DRAGS 'DUG ZER NAS ZHE SDANG BSGOM PA GZIGS TZA NA, HA CANG MI RIGS DRAGS PA DE KA SNYING RJE BA YIN GSUNGS NAS, DE LTA BU RNAMS LA LHAG BAR YANG BRTZE BAR MDZAD CING, 'DI LTAR GSUNG STA, BDAG GAM BDAG GI PHYOGS LA GNOD BYED DAM, ,BSTAN DANG 'GRO BA YONGS LA GNOD BYED PA'I, ,MA RUNGS SKYE BO MTHONG THOS DRAN GYUR NA, ,LHAG PAR SNYING RJE'I GNAS SU SHES BYAS NAS, ,RNYED BKUR SNYAN SMRAS SOGS KYIS DNGOS SU PHAN, ,GDAGS PAR NUS NA GDAGS SHING MA NUS NA'ANG, ,BYAMS DANG SNYING RJE DRAG POS DAG NYID KYI, ,BDE DGE CI YOD DE DON BSNGO BA GCE,S ,ZHES GSUNGS SO, ,RANG LA GZHAN GYIS DNGOS SU TSIG NGAN SMRA BA DANG BRNYAS PA BYED PA'I TSE DE'I LAN MA BYAS NA PHA ROL PO YANG ZHE SDANG MI BSKYED CING, RANG RE YANG SKYON MED KYI SKYES BU BZOD LDAN DU 'GRO BA YIN, GZHAN GYIS MI RIGS PA BYAS, RANG RES KYANG DE'I LAN

BYAS TZA NA, GNYIS KA SKYON CAN DU 'GRO BA YIN GSUNG, DE LTAR MDZAD PA RNAM THAR GANG GI THAD NAS KYANG SA'I STENG NA 'GRAN GYI DO ZLA THAMS CAD DANG BRAL BA'I SEMS DPA' CHEN PO 'DI'I SNYAN PA'I DRI BSUNG GRAGS PA'I DIR BZHON GYIS SA'I STENG THAMS CAD KHYAB PAR BYAS PAS, RGYA NAG PO'I YUL NAS KYANG STOBS KYIS 'KHOR LOS BSGYUR BA'I RGYAL PO CHEN PO DANG, RGYAL PO CHEN PO HONG THA'I TZTSE DANG, RGYA GAR DANG, BLA YUL DANG, YA RTA DANG, MNGA' RIS LA SOGS PA'I RGYAL PHRAN THAMS CAD KYIS KYANG MOS GUS CHEN POS, SH'AKYA THUB PA'I RGYAL TSAB BSTAN PA'I BDAG PO BO DONG THOGS MED CAS SOGS KYIS BSTOD PA DANG, GDAMS PA BSKUR BAR ZHU ZHES PA'I 'PHRIN YIG 'BUL BA DANG BCAS PA RIM PAR BSKUR ZHING DAD PA CHEN POS SPYI BOR 'I GTZUG TU SGOM PAR BYED PA DANG, DNGOS SU MI CHEN GYI SLOB BU'I RIGS 'DUS PA LA YANG, 'JAM DBYANGS CHEN PO DON YOD RGYAL MTSAN DPAL BZANG PO, CHOS RJE BSOD NAMS RGYAL MTSAN DPAL BZANG PO, ,TI SHR'I CHEN PO BSOD NAMS BLO GROS SKU MCHED, TA DBEN GU SHR'I KUN DGA' RIN CHEN RGYAL MA TSAN DPAL BZANG PO DANG, TAD BEN GU SHR'I KUN DGA' LEGS PA'I RGYAL MTSAN DPAL BZANG PO LA SOGS PA DPAL LDAN SA SKYA PA'I GDUNG RGYUD RNAMS DANG, MKHAN CHEN THAMS CAD MKHYEN PA BYANG CHUB RTZE MO, MKHAS BTZUN DKON MCHOG RGYAL MTSAN DANG, MKHAS GRUB CHEN PO KHYUNG PO BA DANG, DBUS PHYOGS KYI YANG PHAG

, ,MO GRU, STAG LUNG ,TSAL PA, RGYA MA LA SOGS PA'I RIN PO CHE RNAMS DANG, MDOR NA DBUS GTZANG GNYIS KYI DGE BA'I BSHES GNYEN MKHAS BTZUN BZANG GSUM 'DZOM PA PHAL CHER SLOB MAR 'DUS SHING, GZHAN YANG DBUS GTZANG GI TA DBEN, GU SHR'I, SI TU, DPON CHEN ,DU DBEN SHA LA SOGS KYI LAS KA 'DZIN PA'I MI CHEN THAMS CAD KYIS KYANG, SPYI PO'I GTZUG TU BKUR ZHING MCHOD DO, ,RGYAL SRAS BDAG NYID CHEN PO 'DI NI YID BZHIN GYI NOR BU RIN PO CHE LTAR DGOS 'DOD THAMS CAD RTZOL MED DU 'BYUNG, 'DAS MA 'ONGS THAMS CAD MKHYEN PA'I MNGON PAR SHES PA THOGS MED DU MNGA', YI DAM GYI LHA STON GNAM DNGAS PA'I SKAR TSOGS TZAM GZIGS ,JI LTA BA DANG JI SNYED PA'I DON LA DBANG 'BYOR KYANG THUGS LA RLOM PA DANG, KHENGS PA RDUL TZAM YANG MI MNGA' ZHING, 'DI LTAR GSUNG TE, RANG GI NYE DU'I BKUR STI RAB SPANGS NAS, ,GZHAN GYI BKUR STI 'DOD NA BLOS BTANG NYAMS, ,DE PHYIR GANG DU SU DANG 'GROGS KYANG RUNG, ,MTHO DMAN 'BRING GSUM SPYI BOR 'KHUR BA GCES, ZHES PA DANG, 'O SKOL CHOS PA RNAMS LA YANG MKHAS BTZUN BZANG GSUM GYI YON TAN GANG YOD KYANG, DES RANG MCHOG TU 'DZIN CING NGA RGYAL GYIS RANG LAS DMA' BA LA BRNYAS PA, MNYAM PA LA 'GRAN SEMS, MTHO BA LA PHRAG DOG BYED NA CHOS GNAD DU MA SONG BA YIN ,DPER NA SMAN GYIS NAD BSKYED PA'AM

'DRE SHAR NAS GNOD BA LA GLUD NUB SGOR SKYEL BA DANG 'DRA GSUNG, RGYAL SRAS BDAG NYID CHEN PO 'DI NI SKYE BO KUN GYIS MCHOD PA'I GNAS SU BZUNG YANG 'DOD YON LA SRED PA CHUNG BAS GSOL GANG DRANGS KYANG ZHIM PA DANG MI ZHIM PA'I ZHAL SNYAD MI MDZAD PAR GANG DRANGS PA GSOL BAS GZHAN GYIS BKUR BA DANG, BSGRUBS PA DANG, ZHABS TE GSAL ZHING 'DI LTAR YANG GSUNG NGO, ,CHU RGYA MTSO CHE LA 'PHYO BA'I NYA, ,RKAN LCAGS KYU RNON POS PHUG PA DE, ,RANG ZAS LA SRID PA CHES PAS LAN, ,SRED ZHEN GYIS ZAS LA MA RGYUGS NA, LCAGS KYU YIS YA RKAN 'BUG DON MED, ,YUL MTHUN RKYEN GYIS 'KHOR BAR 'DZIN BA 'DI, ,RANG 'DOD YON LA SRED PA CHES BAS LAN, ,'DOD YON GYI SRED PA SPANGS TZA NA, ,YUL MTHUN RKYEN LAM GYI GROGS SU 'CHAR, ,'DOD SON SPYAD KYANG ZHEN MED SHIN TU GCES, GSUNG BA DANG, 'O SKOL DANG PO GRVA SA'I DUS NAS DNGOS PO GSOG PA'I BLO MA SKYES PAS 'PHRAL LTO SKYID PA CIG BYUNG GSUNGS, RGYAL SRAS 'DI SPYIN PA'I PHAR PHYIN LA SLOB PAR MDZAD BA'I TSE LUS DANG LONGS SPYOD THAMS CAD SEMS CAN LA DNGOS SU GTONG BAR MDZAD DE, LHO SGO RU NAD PA SNYOMS CHUNG YUN RING NA BA BRGYU MED PA GCIG LA ,BSOD SNYOMS MDZAD PA'I RTZAM PA PONG RGYAB GCIG YOD PA DE BYIN PAS ,DA DE 'CHI BA'I 'DRE MED BAR BAS

, ,ZER NAS DU YIN 'DUG ,DE LA SNYING RJE DRAG PO SKYES GSUNGS, LAN CIG SA SKYA NA SPRANG PO 'CHI LA KHAD CIG 'DUG PA LA MA SHI BAR NAM LA KHYIS ZA BAR 'DUG ZER NAS SEMS LAS CHEN PO 'DUG PAS BYA BRAL BA GCIG LA RNGAN PA BYIN NAS BSRUNG DU BCUG PAS DE'I NUB MO SHI 'DUG, SPYIN PA DA GNYIS CHUNG YANG YID TSIM BAR BYUNG GSUNG, BSHAD NYAN MDZAD DUS BSHAD GSAR BAS BSHAD SLONGS ZHUS BA NA NANG DU 'DONG GSUNG NAS NANG DU PHEBS PA DANG, KHYED RANG 'DI NAS GANG DGA' PA ZHIG KHYER SONG GSUNG NAS GRUM TZE BZANG PO ZHIG YOD PA KHYER SONG GSUNG BA DANG, YANG BRO PAS GNANG SBYIN ZHUS PAS, KHYOD RANG 'DI NAS GANG DGA' BA ZHIG KHYER GSUNG PAS GSOL SDER KHYER SONG GSUNG BA DANG, GZHAN YANG NA BZA' SOGS GANG YOD GNANG ZHING, GRVA SKOR BA SOGS LA GZHAN GNANG RGYU MED NA YOL BA BLA BRE NAS KYANG BREGS KYIN GNANG NGO, ,THENG CIG NYAN PA'I SER SLONGS PA BYUNG NAS SLONG DU BYUNG BA LA GZHAN STER RGYU MED PAR CHOS STAN GYI GRUM TZE GCIG YOD PA BYIN PAS, SLOB DPON GYIS TSOR NAS KHONG TSO LA NAS KHAL GCIG BYIN GRUM TZE BLANGS TE KHYER BYUNG NAS STAN GCIG PO LAS MED PA GSUNG NAS 'THAB TU BYUNG GSUNG, YANG RTZE GDONG DU CHOS BAR LA BYON DUS NYI MA DPAL ZER BA'I GRVA PA ZHIG GI PHYAM RTZE

RKUN MA GCIG GIS KHYER BA LA KHO LA SEMS LAS CHEN PO 'DUG PA LA, SEMS DPA' CHEN PO RANG LA PHYAM RTZE GNYIS YOD PA'I GCIG KHO LA GNANG STE, DE DUS MKHAN CHEN BSOD NAMS GRAGS PA BO DONG DU BYON NAS DGUN GCIG SROD THO RANGS GNYIS KA CHOS GSUNG BA GSAN DU BYON PAS, PHYAM RTZE GCIG LAS MED PA DES GRANG MO BYUNG YANG SLOB DPON LA G-YAR NA YONG STE 'THAB TU YONG BSAMS NAS G-YOR MA NUS GSUNG, GRVA SA'I DUS SU RTZAM PA CHEN PO MED KYANG SPRANG PO LA SDER MAS BCUS KYIN GNANG TZA NA, DE BZHIN MDZAD NA NYID RANG LA GSOL RGYU MI YONG ZHUS TZA NA NAM ZAD TZA NA BLTA RGYU ZHIG YONG GSUNG NAS, RANG NYID DBUL POR GNAS KYANG SLONG BA PO'I SEMS SPONG BA MI SRID DE, ,DNGUL CHUR NYE GNAS MED PA'I BSHUL DU SER SLONG LA BYANG DANG RA NAS YONGS PA'I MI SUM CU TZAM ZHIG SLONG DU BYUNG BA LA NA BZA' PER THUL GCIG DANG RTZAM PA GANG YOD GNANG, YANG SPRANG PO GCIG SLONG DU BYUNG BA LA PHRUG PHYAM GCIG SNGON LA GNANG BA LA BZANG PO STER RGYU YOD BZHIN DU MI SNYER BA DGONGS TE, PHYAM RTZE BLANGS NAS BER THUL GCIG GNANG BAS ,PHYI LO YANG BRNYOGS NAS SLONG DU BYUNG BA LA PHRUG GI RING 'GAG GCIG GNANG GSUNG, YANG THENG CIG NYA GA NAS MED PA'I 'SHUL DU SPRANG SLONG GCIG SLONG DU PHYUNG BA LA GZHAN GNANG RGYU MED PAR RA LPAGS KYI SBUD PA

, ,GCIG YOD PA YANG GNANG NGO, ,DE LTAR RGYAL SRAS BDAG NYID CHEN PO 'DIS LO NYI SHU RTZA GRANGS SU KHOR YUG TU SKU MTSAMS DAM PO MDZAD PA DE GROL BA'I RJES SHIG LA, DNGUL CHUR DGE 'DUN DANG SKYE BO'I TSOGS CHEN PO LA SEMS BSKYED DANG, BLO SBYONG DANG, SKYES RABS DANG, BYANG CHUB SEMS DPA'I SA LA SOGS PA GSUNGS PA'I DUS SU LHA'I ME TOG GI CHAR KHA BA BU YUG 'TSUBS PA TZAM PA BAS SO, ,YANG THENG CIG BYANG CHUB SEMS DPA'I SPYOD 'JUG GSUNGS PA'I DUS SU LHA'I ME TOG GI CHAR SNGAR BZHIN DU BABS SO, ,DE NAS TA'I SI TU SOGS DBUS PHYOGS KYI CHEN PO MANG POS SPYAN DRANGS TE DGUNG LO DRUG CU RE BDUN BZHES PA'I DUS SU GLANG LO ZLA BA DANG PO'I TSES BCU DRUG LA BO DONG NAS BTEG STE, DPAL SDING DANG CHU MIG DANG ZHA LU LA SOGS PA RNAMS SU YANG DGE 'DUN DANG SKYE BO'I TSOGS CHEN PO LA CHOS KYI SBYIN PA MDZAD NAS, MKHAN CHEN BU STON RIN PO CHE DANG RIN SPUNGS PAR BSDEBS NAS BYON PA'I LAM KHAR MDZO MO ZHIG YOD PA LA PHYAGS PHYI BA RNAMS KYIS ZAN MANG PO BYIN PAS 'GRANGS DRAGS NAS NA BA LA, MKHAN CHEN PAS KHRO BO'I DRAG SNGAGS LA SOGS PA BGRANGS KYIN BYIN BRLABS BYAS KYANG MA PHAN PAR MDZO MO SHI BAS, SEMS DPA' CHEN POS MDZO MO'I SPYI BO THEN THEN MDZAD CING, NGA'I MA RGAN RE SNYING RJE GSUNG ZHING YUN RING BSHUM PA LA MKHAN CHEN PAS, BLA MA PA DA GSHEGS PAR ZHU GSUNGS PAS, DRUNG PA SNGON LA GSHEGS PAR

ZHU; 'O SKOL DUM PAS MI 'GRA GSUNG NAS YUN RING PO'I BAR BSHUM ZHING BZHUGS, RJES LA MKHAN CHEN PA'I GSUNG GIS, MDZO ME'I DON GRUB, DUD 'GRO GCIG LA DE LAS TSOGS BSAGS PA MI YONG GSUNG, DE NAS TA'I SI TU BYANG CHUB RGYAL MTSAN GYIS ZHU 'BROG LHA KHANG NAS BSU BA BYAS TE RIN SPUNGS SU PHEBS PA'I DUS, DE NAS MI MTHONG BA'I SAR SUS KYANG ZHUS PA MED PAR, DUR SMRIG GI SGROL MA RANG BYON BZHUGS SA DE RI PHA GI'I MDUN NA BDOG GAM GSUNG, DE NAS SI TU BYANG RGYAL BAS RDZONG RNAMS SU RIM PA BZHIN DU ZHABS TOG BYAS NAS, DBUS KYIS CHA BSAM YAS LA NYEN LAM GNYIS TZAM YOD PA'I LAM KHA GCIG TU PHEBS PA DANG, SPRIN DKAR PO GCIG LA TSAD BTZUGS NAS PHA GI'I THAD NA GANG YOD GSUNG PA LA, SA SNA BA CIG NA RE, PHA GI'I THAD NA BSAM YAS YOD ZER BAS, DE TSOD CIG 'DUG NGO MTSAR CHE GSUNG PA LA, SLOB DPON YON TAN 'OD KYIS CI GDA' ZHUS PAS, RGYU MTSAN 'DRA GDA' YA GSUNG, DE NAS SI TU BYANG RGYAL GYIS YAR KLUNGS SNE GDONG DU SBYAN DRANGS TE, GUS PA CHEN POS BSNYEN BKUR ZHING MCHOD PA'I KHYAD PAR MANG POS ZHABS TOG BYAS TE GTZUG GI NOR DU LTAR BZUNG NAS CHOS STON PAR GSOL BA BTAB PAN BDAG NYID CHEN PO 'DIS SNE GDONG DANG, KHA 'BRUG DANG, RTZES THANG LA SOGS PA RNAMS SU DGE 'DUN DANG SKYE BO'I TSOGS CHEN PO RNAMS LA CHOS GSUNGS PA'I DUS SU, LHA'I ME TOG CHAR BZHIN

, ,DU BABS PAS THAMS CAD RANG DBANG MED BAR DAD BAR BYAS NAS 'GRO BA DPAG TU MED PA'I DON MDZAD CING, 'CHI NGES BA'I MI MANG PO'I SROG YANG THAR BAR BYAS NAS ZLA BA LNGA PA LA LHA SAR BYON TE JO BO RIN PO CHE'I DRUNG DU GSER CHAB GSOL, DKAR ME PHUL, BSTAN PA DANG SEMS CAN GYI DON DU GSOL BA RGYA CHEN PO BTAB STE, LHA SAR PHYOGS THAMS CAD NAS DGE BA'I BSHES GNYEN DUR SMRIG GI RGYAL MTSAN 'DZIN PA GNAM GYI SKAR MA TZAM 'DUS PA DANG, SKYE PO'I TSOGS CHEN PO 'DUS PA RNAMS LA THUGS BSKYED LA SOGS PA GSUNGS PA'I TSE, LHA'I ME TOG CHAR BZHIN DU BABS PAS THAMS CAD DAD PAR BYAS SHING 'GRO PA DPAG TU MED PA SMIN GROL LA BKOD NAS GUNG THANG DANG, GSANG BDE DANG, ZUL SKOR DANG, SNYE THANG LA SOGS LA CHOS GAR GSUNGS THAMS CAD DU ME TOG GI CHAR BABS PAS, THAMS CAD DAD PAR BYAS NAS PHAN BDE LA BKOD PA KUN LA THUN MONG DU GRUB BO, ,SEMS DPA' CHEN PO'I DRUNG DU, MTSUR YON RIN YES GSANG PHU DANG GZHAN DU CHOS GSUNG DUS ME TOG GI CHAR BABS PA LAS KYANG, LHA SA RU CHOS GSUNGS DUS ME TOG GI CHAR 'BAB PHUL CHE BA 'DUG ZHUS PAS; GNAS KYI KHYAD PAR YIN MCHI GSUNG, DE NAS YANG SI TU BYANG RGYAL BAS YAR KLUNGS SA GDAN DRANGS TE, DANG SHI DBANG PHYUG GI BANG KHANG NOR DANG BCAS PA PHUL NAS, BSAM GTAN GLING DU SI TU BA 'KHOR DANG BCAS PAS

ZHABS TOG RGYA CHEN PO BSGRUBS TE, RTZES THANG BA LA SOGS PA'I DGE BA'I BSHES GNYEN DU MA DANG SKYE BO'I TSOGS DPAG TU MED PA LA CHOS KYI 'KHOR LO BSKOR ZHING, DE'I DUS SI TU BA LA SEMS DPA' CHEN POS, NGED LA DNGOS PO'I 'BUL BA CI YANG MI DGOS BCUN BA RNAMS LA KHRAL DMAG 'U LAG 'GEL BA 'DI BSTAN PA LA GNOD PAS MI MDZAD PAR ZHU GSUNG ZHES GRAG GO ,DE NAS GDAN SA MTHIL DANG BSAM YAS LA SOGS PA RNAMS SU YANG CHOS KYI 'KHOR LO RGYA CHEN PO BSKOR BA LA ME TOG GI CHAR SNGAR BZHIN BABS PAS THAMS CAD DAD PAR BYAS NAS PHAN BDE LA BKOD CING, SI TU BAS 'BUL BA RGYA CHEN PO BSGRUBS PA RNAMS DANG, GZHAN YANG DBUS PHYOGS NAS BYUNG BA'I PHYAG RDZAS RNAMS SA SKYAS THOG DRANGS PA'I DGON SDE RNAMS SU JA SKOL BTANG ZHING, BSHAD NYAN DANG SGOM SGRUB LA BRTZON PA RNAMS DANG, KHYAD PAR DU 'TSO BAS PHONGS PA RNAMS LA GNANG ZHING THAMS CAD CHOS DANG ZANG ZING GI SBYIN PHAS TSIM PAR MDZAD DO, ,DE NAS YANG TSAL PAS GDAN DRANGS TE, SI TU DGE LEGS BZANG PO YAB SRAS KYIS SBYIN BDAG MDZAD NAS DGE BA'I BSHES GNYEN DANG SKYE BO'I TSOGS CHEN PO LA CHOS KYI 'KHOR LO BSKOR NAS, DE DUS RIMS NAD CHEN PO BYUNG BA YANG RGYUN CHAD CING, BTZON MANG PO YANG THAR BAR MDZAD CES GRAG GO, MDOR NA DBUS KYI CHOS DON DU GNYER PA'I DGE PA'I BSHES GNYEN DANG, SKYE BO'I TSOGS THAMS CAD SBYIN PAS TSIM PAR

, ,MDZAD NAS LHA SAR JO BO RIN PO CHE'I DRUNG DU DKAR ME PHUL, GSER CHAB GSOL, BSTAN PA DANG SEMS CAN GYI DON DU GSOL BA RGYA CHEN PO BTAB NAS, SI TU BYANG RGYAL BA LA SOGS PA THAMS CAD KYIS DBUS PHYOGS SU BZHUGS PAR ZHU BA NAN CHEN PO BYAS KYANG MA BZHUGS PAR GTZANG PHYOGS LA BYON TE, YAR LAM STAG TSANG DU SPYAN DRANGS TE BLA MA KHYUNG PO BA DANG, BLA MA DBANG GIS THOG DRANGS PA'I DGE 'DUN DANG SKYE BO'I TSOGS CHEN PO LA CHOS KYI 'KHOR LO RGYA CHEN PO BSKOR ZHING, LAR NI LAM NA YOD PA'I SGOM GRVA BSHAD GRVA GRONG KHYER LA SOGS PA THAMS CAD DU CHOS KYI SBYIN PA RGYA CHEN PO BTANG STE, MDOR NA DE RES DBUS GTZANG GNYIS KAR CHOS DANG ZANG ZING DANG, MI 'JIGS PA'I SBYIN PAS TSIM BAR MDZAD NAS, YOS LO ZLA BA BCU BA'I TSES GCIG LA GRU 'DZIN DNGUL CHU CHOS RDZONG DU PHEBS SO, ,BDAG NYID CHEN PO 'DIS SO SO THAR PA'I SGOR ZHUGS NAS BSLAB PA NYIS BRGYA LNGA BCU RTZA GSUM LA NYES LTUNG DRI MA'I SKYON GYIS MA GOS, SMON 'JUG BYANG CHUB MCHOG TU SEMS BSKYED NAS RANG BDE 'DOD PA'I RNAM PAR RTOG PA THAMS CAD SPANGS NAS SGE GSUM GZHAN DON 'BA' ZHIG BSGRUBS, RDO RJE THEG PA'I SGOR ZHUGS NAS MA NGAG PA'I RNAM RTOG SPANGS TE, SNOD BCUD DAG PA'I 'KHOR LOR GZIGS PAS SKU LA TSUL KHRIMS KYI DRI ZHIM PO LDANG STE, GZIM KHANG GI NANG THAMS CAD KYANG DRI ZHIM POS KHYAB PA YOD CING, GSOL

'PHRON BZA' DANG DBU ZHVA LA SOGS GZHAN LA GNANG BA RNAMS KYI DRI ZHIM PO YANG ZLA RE TZAM KYI PHAR DU MI YAL BAR YONG, DGUNG LO LNGA BCU RTZA BDUN PA'I BAR DU SHA YANG GTAN NAS MI GSOL BA LA, DE LO BLA MA DBANG GRAGS PA RGYAL MTSAN DANG, BLA MA DKON RGYAL BA GNYIS LA LUNG MANG PO MDZAD PA'I DUS SU SKU KHAMS ZIB BYUNG BAS, KHONG RNAM GNYIS KYIS SHA GSOL BAR NAN CHEN PO ZHUS PAS, DE PHYIN CHAD SEMS CAN LA PHAN PAR DGONGS TE BAG RE GSOL, BDAG NYID CHEN PO 'DI NYIN ZHAG PHRUGS GCIG LA CHOS SPYOD KYI RIM PA 'DI LTAR MDZAD DO, NANG PHYOGS BZHENGS NAS SKU KHRUS MDZAD DE, PHYAG BRGYA RTZA RE DANG SBRAGS YAN LAG BDUN PA RGYAS PA MDZAD NAS SMON 'JUG GI SEMS BSKYED BSDUS PA RE LEN ZHING, GTOR MA'I RIM PA TSA GONG DU DKAR GTOR CHA BZHI, CHA BA GSOL NAS BRGYA RTZA, MI G-YO BA, DBYU GU, BRUL GTOR, BAR DO'I GTOR MA LA SOGS PA RNAMS MDZAD NAS, YANG SMON 'JUG GI SEMS BSKYED BSDUS PAR BLANGS NAS BSKOR BA BRGYA RTZA RE MDZAD, MA nI KHRI TSO GNYIS GNYIS, YUM SGRUB, SGROL MA CHAR SUM CU RE, BHEE shA DZHE NYER GCIG ,RNAM RGYAL GYI GZUNGS CHAR GCIG, DGONG MO BDE MCHOG GI MNGON RTOGS GZHUNG NAS BSHAD PA BZHIN BSGOMS NAS, SNYING PO STONG PHRAG RE'I BZLAS PA DANG, GZIM KHAR YAN LAG BDUN PA PHUL NAS SMON 'JUG GI SEMS BSKYED BSDUS PA RE LEN PA RNAMS MTSAMS KYI DUS SU 'CHAG MED DU MDZAD, GZHAN

, ,NGES PA MED GSUNG, BDAG NYID CHEN PO 'DI MDO SNGAGS KYI LAM YONGS RDZOGS LA NYAMS LEN MTHAR PHYIN PAS BSHAD NYAN MDZAD PA'I DUS NA'ANG, RMI LAM DU DAG PA'I ZHIS KHAMS GANG 'DOD PA BLTA BA DANG, DE NA BZHUGS PA'I SANGS RGYAS DANG BYANG CHUB SEMS DPA' GRANGS MED PA LA CHOS NYAN PAR NUS PA ZHIG YOD, CHOS RJE BSOD NAMS RGYAL MTSAN GYIS BO DONG AE'I KUN DGA' RA BA BZHENGS NAS RAB GNAS MDZAD PA'I DUS SU, SEMS DPA' CHEN PO DANG BU STON RIN PO CHE GNYIS RMI LAM GYI GSUNG GLENG BYUNG BA'I TSE, SEMS DPA' CHEN POS RMI LAM BZUNG STE DGA' LDAN DU PHYIN NAS BYAMS BA MGON PO LA BYAMS PA'I CHOS LNGA RDZOGS PAR NYAN GSUNG, CHOS RJE BU STON RIN PO CHES CHOS 'CHAD PA'I TSE NYIN PAR LTA RTOG MA GRUB NA MTSAN MO RMI LAM BZUNG NAS LTA RTOG BYAS GSUNG, RGYAL SRAS BDAG NYID CHEN PO 'DI CHOS GSUNG BA'I TSE NA YANG LUNG 'DREN LA SOGS PA'I TSIG NAM 'THOGS DUS SPYAN NAM MKHA' LA CHER MDZAD BAS SHAR DE GSUNG BA ZHIG YOD PAR 'DUG STE DE NA YI DAM GYI LHAS STON PA YIN ZHES SEMS DPA' CHEN PO NYID KYI THUGS SRAS RNAMS GSUNG NGO, ,RGYAL SRAS BDAG NYID CHEN PO 'DI JI TZAM GYI RTOGS PA MTHON POR BYON YANG DUS KUN TU RANG GI 'KHRUL PA LA RTOG BA LHUR MDZAD DE ZHAL NAS, RANG LA RANG GIS GROS 'DI 'DEBS SO KVA, MKHAS PA DANG, BTZUN PA DANG, BZANG BA'I YON TAN GANG YANG MED

BZHIN DU RANG BZANG POR RE BA'I RLOM STANGS CAN RANG SKYON RI TZAM YANG MI MTHONG ZHING, GZHAN SKYON RDUL PHRAN TZAM LA YANG RTOG, RANG DON ZHE LA BZHAG NAS GZHAN DON BYED PAR SMRA, CHOS PAR BRDZUS NAS TSE 'DI'I CHE THABS 'BA' ZHIG SGRUB PA KHYOD KYIS, SNGAR YANG RANG GI SPYOD PA LA MA BRTAGS PAR RANG GIS RANG BSLUS PAS SNGAR YANG SDUG BSNGAL MANG PO MYONG ZHING, DA DUNG 'KHOR BA DANG NGAN SONG GI SDUG BSNGAL LAS GROL BA'I GDENG MED PA 'DI KHYOD RANG GIS NYES PA YIN ZHING, DA YANG GTAN GYI BDE BA THOB BAR 'DOD NA DBEN PA'I GNAS SU SDOD LA, BLO BLA MA DKON MCHOG KHO NA LA GTOD, 'JIG RTEN GYI CHOS BRGYAD SPONGS LA CHOS BRGYAD CAN GYI MI DANG MA 'GROGS, RANG 'DOD KYI 'KHRI NGA CHOD LA GZHAN DON GYI GO CHA BSKYED, NGA RGYAL DANG KHONG YUS SPONGS LA DMAN CHA ZUNGS, SKYES BU DAM PA RNAMS KYI MDZAD SPYOD LA SOMS LA, DKA' THUB KYI SRAN BSKYED CES SOGS GSUNGS, YANG, NYON MONGS DBANG GIS RGYAL SRAS GZHAN DAG GI ,NYES PA GLENG NA BDAG NYID NYAMS 'GYUR BAS, ,THEG PA CHE LA ZHUGS PA'I GANG ZAG GI ,NYES PA MI SMRA RGYAL SRAS LAG LEN YIN, ,ZHES BA LTAR PHYAG LEN LA BTAB STE, DE YANG SEMS DPA' CHEN PO 'DI NI CHOS KYI GSUNG GLENG DANG GZHAN LA PHAN PA'I GSUNG TZAM MA GTOGS PA, DON MED KYI SMRA BRJOD MI GSUNG ZHING, KHYAD PAR DU GZHAN GYI NYES PA GLENG BA GTAN NAS MI SRID CING, 'GA' ZHIG GIS NGED KYI BLA MA

, ,BZANG KHYED KYI BLA MA MI BZANG ZER BA DANG, CHOS ZAB MI ZAB DANG, LTA BA LOG MA LOG SOGS GZHAN GYI NYES PA GLENG BA GSAN NA, DMIGS SU BKAR NAS MI GSUNG YANG, CHOS GSUNG PA'I DUS SU, SPYIR LONG GTAM LA SNYING PO MED, MI DGE BA 'PHEL, DGOS SU GZHAN LA SMAD PAS RANG MI MTHO'I STENG DU NYES PA 'PHOG, CHAGS SDANG 'BEL, KHYAD PAR DU CHOS DANG GANG ZAG LA SDE RIS SU PHYE NAS SMOD PA 'DI RANG 'JIGS GSUNG, SMRA BA MANG POS MI DGE BSKYED SRID CING, ,DE MA BSKYED KYANG DON MED DUS 'DA' BAS, ,RANG DANG GZHAN LA PHAN NGES MA GTOGS PA, ,SMRA BRJOD SPONG BA BRTZON 'GRUS GROGS SU GCES, ,GSUNG NGO, ,RGYAL SRAS 'DIS SKU TSE'I MJUG LA ZLA BA DGU DGU MCHAMS DAM PO LA BZHUGS NAS, ZLA BA GSUM GSUM SKU MTSAMS GSENGS TE, PHYOGS THAMS CAD NAS 'DUS PA'I DGE BA'I BSHES GNYEN DU MA DANG, TSE BLOS BTANG BA'I BYA BRAL PA GNAM GYI SKAR MA TZAM DANG; GZHAN YANG MI CHEN GYI RIGS LA SOGS PA SKYE BO'I TSOGS CHEN PO DANG, MDOR NA TSOGS BA RGYA MTSO LTA BU LA CHOS KYI SBYIN PA MDZAD CING, DE'I DUS SU GZHAN GYIS PHUL BA'I RNA MO DANG SHA KHYI DANG, TSE THAR GYI LUG YOD PA KUN KYANG DUS DER RUG GE 'DUS NAS CHOS NYAN GYIN YOD BA LA, LAN CIG SNAR THANG NAS KHRID ZHU PA LA BYUNG BA'I BTZUN PA GCIG GIS, KHOS BLA MAS GSUNG PA BZHIN MA BYAS AR, SHES PA PHAR 'PHRA PA DANG, TSUR BSDU

BA DANG, DE MA KHAD RLUNG BSGOMS 'DUG PAS, KHO SMYO NAS TSOGS CHOS GSUNG PA'I DUS SU SGRAN MOR SHOR BYUNG BA LA, KHO 'DZIN DU PHYIN PA RNAMS LA RDO BRGYAB NAS 'GRO SA MA BYUNG BA'I SKABS SU, RNA MO DE DRUNG NA CHOS NYAN KYIN YOD BA LA HAR TE LANGS NAS KHO'I PHYIR RGYUGS SONG STE, HAR HAR LANGS KYIN BRDUNGS TZA NA KHOS RVA CO NAS BZUNG GIN PHYIR PHUL BYED KYIN TSOGS CHOS MA GROL GYI BAR DU KHONG GNYIS 'DZING GIN BSDAD PAS GZHUG KHOS DRAN PA RNYED NAS 'DUG PA LA; SEMS DPA' CHEN POS, DA KHOS RDO MI BRDEG MCHI, GOS SHIG G-YOGS NAS KHRID SHOG GSUNG, DRUNG NA 'KHOD PA CIG GIS PHYIN PAS DRAN PA RNYED NAS NGO TSA ZHING 'DUG, DRUNG DU KHRID PHYIN PA DANG, RJE BTZUN MTSAR GCIG GSUNGS NAS BYIN RLABS MDZAD DE, DE RING NYID KYI GEGS SEL DE RNA MOS BYAS, MOS KYANG GO BCAD GSUNG BA LA, KHOS DUS PAS, SGROL MA GYIS LA SKAD CHEN BO THONG LA DUS GSUNGS PAS, RNA MO DES RJE BTZUN MA'I 'PHRIN LAS BYAS BA YIN BAR 'DUG, DE LTA BU'I YA MTSAN CHE BA CIG BYUNG BA DE DUS KYI TSOGS PA THAMS CAD LA MNGON SUM DU GRUB CING, BLA MA LA BYIN RLABS DANG THUGS RJE YOD TZA NA DUD 'GROS KYANG MI'I GEGS SEL NUS PA 'BYUNG NGO, ,BLA MKHYUNG PO BA'I SLOB MA GSUM GYIS BOGS 'DON GYI GDAMS PA CIG ZHUS PAS, TSE 'DI BLOS THONGS, SEMS CAN LA BYAMS SNYING RJE SGOMS, BLA MA LA GSOL BA DUNG PA THOB LA SPROS PA MED PA'I NGANG LAM YENGS PAR ZHOG GSUNG, DE YANG

, ,SEMS DPA' CHEN PO 'DI NI 'BYOR PA DANG LDAN PA'I MI CHEN RNAMS LAS KYANG SNYOMS CHANG CHOS DON DU GNYER BA RNAMS LA MNYES SHING KHYAD PAR DU KHRI ZHU BA RNAMS LA MNYES TE, KHRID ZHU BA 'DI RNAMS DUS RGYUN DU SGOM PA MA BYUNG YANG KHRID ZHU BA'I RIN DE LA 'JUR PO RE SGOM PAR 'DUG, DE'I STABS KYIS PHAL CHER LA NYAMS MYONG DGA' RAB RE SKYE YIN 'DUG PAS, GDUL BYA SKYONG BA'I DUS KHRID 'BOGS PA 'DI RANG 'GRO DON CHE GSUNG, PHYOGS NAS MJAL 'PHRAD PA DANG, BSNYEN BKUR BA NANG NA YOD PA'I DUS SU KHRID PA RNAMS 'TSOGS NAS GDA' ZHUS NA, DO ZHAG MTSAMS GROL BA'I SKABS DER GAL CHA SHOS CHOS 'CHAD PA 'DI YIN PAS, GZHAN RNAMS DUM PA SGOR BYON, KHRID PA TSO LA SHOG GYIS GSUNG NAS CHOS GSUNG, 'GRON PO MANG RAB RANG NANG NA YOD NA, STAN PHYIR THON 'O SKOL RANG SGOR CHOS 'CHAD 'GRO'O GSUNG NAS PHYIR BYON TE CHOS GSUNG NGO, ,DA LTA'I SLOB DPON TSO LA BLTAS TZA NA DE LTA BU'I MDZAD SPYOD RANG DKA' BAR GDA'O, ,KHRID TSAR BA'I RJES THAMS CAD DU MI LA RAS PAS DVAGS PO LHA RJE LA GDAMS NGAG ZAB SHOS RANG GCIG YOD PA 'GRO KHAR SPYIN ZER BA'I GTAM BRGYUD GSUNGS NAS THAMS CAD LA SGOM SKYE BAR 'DUG PAS SNYING DUS BSKYED LA SGOM DGOS PA YIN TE, SGOM CHEN PA BYA BSTAN THOG TU SDONG TSUGS PA CIG RANG DGOS GSUNGS, YANG DGON PA GSHEGS KHAR KHONG GI ZHAL NAS, KHYED SGOM CHEN PHO MO RNAMS KYIS RAB KYIS LO DGU DGU, 'BRING GIS LO GSUM, THA

MAS KYANG ZLA BA GSUM RI LA BSDAD NAS SGRUB PA MA BYAS NA, NGA DANG DAM TSIG MED GSUNGS NAS ZHAL CHEMS BZHAG PAR 'DUG, DE BZHIN DU THAMS CAD KYIS RGYUN DU SGOM PA BYUNG NA SHIN TU LEGS, THA MA YANG SROD THO RANGS DRAN TZAM RI MA BYAS NA DAM TSIG MED PA YIN NO GSUNG, RGYAL SRAS BDAG NYID CHEN PO 'DIS BSTAN 'GRO'I DON RGYA CHER MDZAD PAS SLOB BU'I RIGS KYANG RGYA GAR, RGYA NAG, BAL PO, HOR, YU GUR, SOG PO, 'GA', MDO STOD SMAD, DBUS GTZANG, YANG RTZE, MNGA' RIS LA SOGS PA'I MI RIGS MI GCIG PA GRANGS MED PA CIG SMIN CING GROL BAR MDZAD CING, SEMS DPA' CHEN PO 'DI'I 'PHRIN LAS RNAM PAR THAR PA BSAM GYIS MI KHYAB CING BRJOD KYIS MI LANG STE, BYAMS SNYING RJE BYANG CHUB KYI SEMS LA BLTAS NA, SKYE BA DBAG TU MED PA'I GONG ROL NAS BYAMS SNYING RJE BYANG CHUB KYI SEMS KHON LA SBYANGS PA 'DRA BA YOD, TING NGE 'DZIN DANG MNGON PAR SHES PA MNGA' TSUL LA BLTAS NA, SKYE BA DPAG TU MED PA'I GONG ROL NAS TING NGE 'DZIN KHO NA LA SBYANGS PA 'DRA BA YOD, RMI LAM LA DBANG THOB PA LA BLTAS NA, SKYE BA DPAG TU MED PA'I GONG ROL NAS SGYU LUS DANG RMI LAM KHO NA LA SBYANGS PA 'DRA BA YOD, YI DAM LHA'I ZHAL GZIGS PA LA BLTAS NA, SKYE BA DPAG TU MED PA'I GONG ROL NAS BSKYED RIM KHON LA GOMS PAR BYAS PA 'DRA BA YOD, SKU TSE 'DIR YANG DANG PO NYAN BSHAD MDZAD PA'I DUS KYI SLOB MA STON CHEN STON PA LA BLTAS NA, SKU TSE

, ,RIL PO NYAN BSHAD MDZAD PA 'DRA BA YOD, SKU MTSAMS DAM PO BCAD PA'I LO GRANGS LA BLTAS NA, SKU TSE RIL PO DBEN PA BSTEN PA 'DRA BA YOD, PHYAG DANG BSKOR BA MDZAD PA'I GRANGS LA BLTAS NA, SKU TSE RIL PO PHYAG DANG BSKOR BA MDZAD PA 'DRA BA YOD, MA nI DANG RJE BTZUN MA'I GZUNGS LA SOGS PA GZUNGS SNGAGS BZLAS PA'I GRANGS BCAD LA BLTAS NA, SKU TSE RIL PO BZLAS BRJOD KHO NA MDZAD PA 'DRA BA YOD, SO SO THAR PA'I SDOM PA PHOG PA'I SLOB MA DGE TSUL DANG DGE SLONG LA BLTAS NA, SKU TSE RIL PO MKHAN SLOB MDZAD PA 'DRA BA YOD, BYANG CHUB MCHOG TU SEMS BSKYED PA'I SLOB MA LA BLTAS NA, SKU TSE RIL PO BYANG CHUB SEMS DPA'I SDOM PA PHOG PA 'DRA BA YOD; BDAG PAS GZHAN GCES PA'I BYANG CHUB KYI SEMS 'KHRUNGS NAS GNOD LAN DU PHAN 'DOGS PA'I DAM BCA' BYED PA'I SLOB MA LA BLTAS NA, SKU TSE RIL PO KUN RDZOB BYANG CHUB KYI SEMS KHRID BSKYANGS PA 'DRA BA YOD, ZHI LHAG ZUNG 'JUG GI RTOGS PA DANG LDAN PA'I SLOB MA LA BLTAS NA, SKU TSE RIL PO DON DAM BYANG CHUB KYI SEMS KYI KHRID BSKYANGS PA 'DRA BA YOD, YANG ZHAL NAS, DGE BA BSAGS PA BYANG CHUB TU MA BSNGOS NA, YUL KHYAD PAR CAN LA KHONG KHRO SKYES PA LA SOGS PA DGE BA 'DZAD PA'I RGYU 'GA' ZHIG BYUNG NA 'DZAD CING, BYANG CHUB TU BSNGOS PA'I DGE BA NAM YANG MI 'DZAD CING, RANG NYID GCIG BU'I DON DU KHAMS GSUM GYI BDE 'BRAS DANG THEG PA DMAN PAR MI BSNGO STE,

SEMS CAN THAMS CAD KYI DAN DU BLA NA MED PA'I BYANG CHUB TU BSNGO BA GAL CHE, BSNGO BA'I DBANG POR RGYAL BA SRAS DANG BCAS PA BZHUGS PAR BSAMS LA, BSNGO BYA BSNGO BYED LA SOGS BA'I CHOS THAMS CAD MI DMIGS BZHIN DU BSNGO; ;BSNGO BZHIN DU MI DMIGS PAR SHES DGOS, DE LTAR MI SHES NA YANG 'O SKOL SO SO SKYE BO MOS PAS SPYOD PA YIN PAS, 'JAM DBYANGS DANG KUN TU BZANG PO LA SOGS PAS JI LTAR BSNGOS PA BZHIN DU BDAG GIS KYANG BSNGO SNYAM PA BYAS PAS CHOG GSUNG, LAN CIG CHOS SDE'I NYE GNAS DGE BSHES RGYAL BZANG BYA BAS, NYE GNAS STON PA LA ZHU BA BRGYUD NAS, SANG RED SKU MTSAMS GSENGS NAS ZLA BA GSUM CHOS GSUNG BA DE, BDAG GIS CHAR BYON NAS GSUNG BAR ZHU, DPON SLOB DU BYON PA'I ZHABS TOG DANG 'GRON PO JI TZAM BYUNG BA LA 'DI LA 'DI BYIN ZER BA GANG DGOS PA NGED RANG GIS SGRUB, DRUNG DU ZHUS ZER NAS ZHUS PAS, KHONG GI DE SEMS NAN TAR BZANG BLO STOBS CHE STE, RANG RE SANG PHOD DA TZAM NA KHONG GI GDAN 'DREN PA DE LAS THAG RING BA CIG TU 'GRO NYEN 'DUG, LAR GYIS KYANG DA NA SO RGAS BAS ZLA BA GSUM GSUM BA'I MTSAMS GSENG BA 'DI YANG G-YENG BA CHES 'DUG SNYAM PA LA; DE NA YAR 'GRO BA GA LA YONG, KHYED LA NOR YOD PAR 'DUG PAS NGA GDAN MA 'DRONGS KYANG CHOS PHYOGS GZHAN DANG GZHAN DU GTONG BA ZHU, RANG RE GZHAN DU 'GRO BA'I GLENG MO DE KHONG DANG GZHAN LA MA LAB, GRAGS PA BRDEG

, ,PA LAS YI YONG GSUNG ZER, YONG DE LO GONG DU GDAN 'DREN PA'I GSER YIG PA YONG GI YOD PA 'DUG ZER BA CIG THOS NAS SLOB DPON YON TAN 'OD KYIS DRUNG DU ZHUS PAS, YONG DAN MED MCHI PHO TSOD MED PAR BYUNG SRID NA'ANG, DE GONG DU GDAN 'DREN GZHAN CIG YONG BAR GDA' YI GSUNG, DE'I LO SKU MTSAMS LA 'JUG KHAR PHYAG RDZAS GANG YOD THAMS CAD DER 'DUS PA'I DGE 'DUN DANG, SKYE BO'I TSOGS CHEN PO RNAMS LA 'GYED CHEN PO MDZAD, THUB PA'I BSTAN PA RIN PO CHE LA BYA BA RGYA CHEN PO BSGRUBS, BSTAN PA DANG SEMS CAN GYI DON LA DMIGS PA'I GZHAN DON KHO NA MDZAD PA'I ZHAR LA RANG DON THOB BYA THAMS CAD THOB, SPANG BYA THAMS CAD SPANGS NAS, BCOM LDAN 'DAS THUB BA'I DBANG PO NYID KYANG, SKU RGYAB BSNYUN PA DANG, SMAN PA 'TSO BYED LAS SMAN BZHES PA'I TSUL BSTAN PA LTAR, SA MO BYA'I LO ZLA PA GNYIS PA NAS SNYUN PA'I TSUL BSTAN TE, LHA RJE LA STON PA DANG, GSOL SMAN BSTEN PAR ZHU ZHUS PAS, NGA'I BSAM PA LA SUS KYANG MA TSOR BAR SHIB CIG BYA BSAM PA YIN GSUNG PAS, NYE GNAS KYIS PHYIS MI THAMS CAD KYIS GSOL SMAN BSTEN PA LA SOGS PA'I ZHU BA GANG YANG MA BYAS ZER BA'I KHAG YONG LAGS ZHUS PAS DE RANG MED GSUNG NAS, LHA RJES PHYAG RTZA BLTAS PAS, GDAN 'DREN PA'I GSER YIG PA PHEBS PA LA BLTA RGYU MI 'DOG GAM MCHI GSUNG, DE'I DUS SU NYIN GCIG SLOB DPON

NAM MKHA' SENGGE LA BRGYAD STONG BA'I BYANG CHUB SEMS DPA' CHOS 'PHAGS DANG RTAG TU DU GNYIS KYI LE'U SGROGS GSUNG PA LA, BYANG CHUB SEMS DPA' RTAG TU DU'I TING NGE 'DZIN GYI SGO DU MA THOB DUS GYI SKABS SU, NGED KYI TING NGE 'DZIN 'DI DAG GI NGO BO NYID DANG RANG BZHIN LA BLTAS NA, GANG MNYAM PAR BZHAG BAR BYA BA'AM, LDANG BAR BYA PA'AM, BYANG CHUB TU SPYAD PA 'AM, GANG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BA'I CHOS DE GANG YANG YANG DAG PAR RJES SU MI MTHONG, RIGS KYI BU 'DI NI SHES RAB KYI PHA ROL TU PHYIN PA YIN TE, ZHES PA'I SKABS SU DE 'DRA ZHIG RANG YIN GSUNG NAS YUN RING PO'I BAR DU TING NGE 'DZIN LA 'BYAMS SO, ,DE'I DUS DRUNG RANG DU NYIN GCIG MI LNGA SMAN BLA'I CHO GA RGYAS PA CIG SKAD GSANG MTHON PO'I SGRO NAS BYAS PA CHAR RTING YUN RING PO ZHIG NAS KHYED RNAMS KYIS SMAN BLA BYAS SAM MA BYA SA GSUNG BAL CHAR ZHUS PAS, KHYED RNAMS GRABS BYED KYI 'DUG PA DE DRAN PA YIN TE, RJES LA MNYAM GZHAG GCIG LA YENGS NAS KHYED RNAMS KYIS CHO GA BYAS PA MTSOR 'DUG GSUNG, DE'I DUS SU SA G-YO BA DANG, NAM THO RANGS KHA GZIM KHANG GI NYE SKOR 'JA' 'OD KYIS KHANGS PA LA SOGS PA'I LTAS CHEN PO RNAMS PANG BAS, THAMS CAD SEMS MA BAD BAR SKU RIM LA 'JANG STONG SKOR BSAGS NAS 'GYED BYED PA DANG, SKU RIM DANG GSOL 'DEBS NAR MAR SGRUBS PA DANG, GZHAN YANG PHYOGS THAMS CAD DU GSOL BA 'DEBS PA DANG, KHYAD PAR DU BDAG NYID CHEN PO NYID KYI SRAS KYI ZU PHO MKHAN CHEN BYANG CHUB RTZE MO DANG,

, ,CHOS RJE NYI MA SENG GE GNYIS KYIS BZHUGS STAN PHUL, ME TOG GTOR NAS BSTAN PA DANG SEMS CAN GYI DON DU BZHUGS PAR GSOL PA BTAB PA'I MTHU CHEN PO LA BRTEN NAS ZLA BA GSUM BZHI'I BAR DU SNYUN PA DVANGS PAR GYUR TO, ,YANG DE'I DUS SU SEMS DPA' CHEN POS KHONG RNAM GNYIS LA NAD PA GZHAN DANG MI 'DRA, DAR KHA MED KYANG DGE SBYOR 'PHEL DU SONG, RIG PA DANGS PO YOD GSUNGS, RGYAL SRAS 'DIS PHYI RABS KYI GDUL BYA RNAMS KYI DON DU GSUNG RAB THAMS CAD KYI SNYING PO'I DON GCIG TU BSDUS BA BLO SBYONG DON BDUN MA'I KHRID YIG DANG, RGYAL SRAS LAG LEN, 'ZUG PA SEMS BSKYED, SPYOD 'JUG GI t'IKKA, MDO SDE RGYAN GYI t'IKKA , THEG PA CHEN PO RGYUD BLA MA'I t'IKKA, SMYUNG GNAS KYI CHO GA ,RTEN 'BREL GYI KHRID YIG ,BLO SBYONG BLA MA RGYUD PA'I GSOL 'DEBS SMON TSIG DANG BCAS PA, BLO SBYONG GI BLA MA'I RNAL 'BYOR LAM GYI LUS YONGS SU RDZOGS PA, BLA MA RNAMS DANG SANGS RGYAS BYANG SEMS KYI BSTOD TSOGS, RANG GZHAN LA GDAMS PA SOGS CHOS TSAN BRGYA DANG BCO LNGA MDZAD DO, ,DE NAS ZLA BA BDUN PA NAS SNYUN LOG PA'I TSUL BSTAN NAS, SPYIR MI 'GYUR RDO RJE' SKU THOB PAS BSNYUN MI MNGA' YANG, RGYUD BLA MA LAS, YANG DAG JI BZHIN MTHONG BA'I PHYIR, ,SKYE SOGS RNAMS LAS 'DAS GYUR KYANG, ,SNYING RJE'I BDAG NYID SKYE BA DANG, ,'CHI BA DANG NI RGA BAR STON, ,ZHES GSUNG PA LTAR, SNYUN

PA'I TSUL BSTAN PA LA, DA RUNG SMAN DANG LHA RJE BSTEN PAR ZHU ZHUS PAS, NA SO MTHAR PHYIN PA DANG, NAD KYANG BYING CHES PA'I PHYIR PHAN PAR DKA' BAS DGAG SGRUB MED BAR RANG SOR GLOD NAS 'JOG PA YIN, LAR YANG RANG NYID MI BSGRUB PA DE GZHAN LA BSTAN PAR MI RIGS, 'O SKOL GYIS DANG PO SA SKYAR PHYIN DUS RTZI BAS RI BA YIN PA'I RTOGS LDAN GCIG SA SKYA'I YANG DGON NA NAD DRAG POS BTAB 'DUG PA GCIG GIS, NA TSA LA SOGS PA LAM DU 'KHYER NA JI LTAR BYED ZER BA LA, BDAG GZHAN SGYU LUS KYI PHUNG PO 'DI, ,NA NA NA STEN BAS DGA', ,SNGAR BSAGS KYI LAS NGAN 'DZAD PA YIN, ,CHOS SPYOD KYI BYA BA SNA TSOGS KYANG, ,SGRIB GNYIS SPYONG BA'I CHED DU YIN, ,NA BA MED NA MED DE DGA', ,LUS SEMS BDE NA DGE SBYOR 'PHEL, ,MI LUS DON CAN BYED PA YANG, ,SGO GSUM DAG LA SBYOR BA YIN, ,'BYOR PA MED NA MED DE DGA', ,BSKUNG GSOG GI BYA BREL DE LA MED, ,'THAB RTZOD KYI KHRO 'KHRUG JI SNYED PA, ,'DZIN CHAGS KYI NOR LAS BYUNG BAR NGES, ,'BYOR PA YONG NA YOD DE DGA', ,BSOD NAMS KYI DGE TSOGS SPEL BAS CHOG ,'PHRAL PHUGS KYI PHAN BDE JE SNYED PA, ,BSOD NAMS KYI 'BRAS BU MIN PAR NGAS, ,MYUR DU SHIN SHI BAS DGA', ,RKYEN NGAN GYIS BAR DU MCHOD CING, ,'TSAMS SBYOR GYI BAG CHAGS BZANG 'GROGS PAS, ,MA NOR GYI LAM DU TSUD PAR NGES, ,YUN DU GSON NA GSON PAS DGA', ,NYAMS MYONG GI LO TOG SKYES PA

, ,LA; ;GDAMS NGAG GI RLAN DROD MA YAL BAR, ,YUN DU BSTEN BAS SMIN PAR 'GYUR, ,ZHES BSTAN PA BZHIN DU, 'O SKOL RANG YANG GANG BYUNG LA DGA' BA SGOM PA'I MAN NGAG 'DI NYAMS SU LEN PA'I PHYIR PHAN PA'I THABS MI TSOL, NA BAR SNANG BA 'DI RGYU 'BRAS BSLU BA MED PAR STON PA'AM, SGRIB GNYIS SBYONG BA'I THABS MCHOG KYANG YIN, DGE SBYOR GYI BSKUL MA LTA BUR YANG 'DUG PAS, 'DI MI YONG BA'I THABS MI 'TSOL, PHYOGS KYI RIM GRO BA 'DI RNAMS KYIS KYANG DA BAR LA 'CHIR MA BCUG GSUNG BA LA, DRUNG GI ZHAL MTHONG BA DANG, GSUNG THOS SU RE BA'I GDUL BYA DPAG MED MCHIS PAS, DA DUNG SKU TSE BYIN GYIS RLOBS PAR ZHU ZHUS PAS; PHRU BA'I NANG NA MED PAR GZAR BUR 'BYUNG BA NI RIGS PA MIN NA'ANG PHAN THOGS PA YANG MANG RAB BYUNG, GZHAN DON GYI LAS LA CHES BYA BA MA MCHIS KYANG, 'O SKOL GYI TSOD RTZIS PA'I ZANG ZING YANG CUNG MANGS PA TZAM YANG YIN, SHI NA YANG GZHAN DON CHUNG DU YANG MI 'GRO MCHI GSUNG PA LA, DRUNG NAS GZHAN DON GZHAN DU RGYA CHE YANG, BDAG CAG GDUL BYA RNAMS MGON MED PAR 'GYUR BAS, CI NAS KYANG BZHUGS PAR ZHU ZHUS PAS, NUS BA MED NA LHAN CIG 'GROGS KYANG DGOS PA CHUNG, NUS PA BYUNG NA MYUR DU 'GRO BA THAMS CAD SGROL BAR 'DOD NA, BLO GTAD BA'I LTOS SA DANG BCAS PA KHYED RNAMS YAL BAR GA LA 'DOR, NGA DANG BRAL BA LA MYA NGAN BYA MI

DGOS, RGYUN DU GSOL BTOB DANG KHO BO YOD PA DANG MTSUNGS GYIS GSUNG, DE'I DUS MKHAN CHEN BYANG CHUB RTZE MO BYON NAS GDAN BZHUGS ZHUS PAS MA BZHES PAR TSUR LA GDAN BZHUGS MDZAD DE, SEMS DPA' CHEN PO RANG GI SNGAR GYI BZHUGS GDAN GYI STENG DU YANG GDAN BA DAGS GSUNG NAS MKHAN CHEN PA BZHUGS SU BCUG, RTEN 'BREL MDZAD PAS, DNGOS SU GSUNG MA BYON YANG BZHUGS GDAN GYI STENG DU BZHUGS SU 'JUG PA DE, CHOS BRGYUD ZUNGS ZER BA'I ZHAL TA RU GO ZHES NYE GNAS STON PA GSUNG NGO, ,DE DUS THAMS CAD LA MJAL KHA CIG GTONG BAR ZHUS PAS, DA LTA'I SKABS 'DI 'DRAR 'PHRAD KYANG RANG GZHAN GNYIS KA LA GNOD PA LAS MI YONG GSUNG, DE'I DUS KYANG MTSAN BCAS KYI THUGS DAM RNAMS YE MA CHAG PAR MDZAD PA DANG, MNAL BSRUNG BA'I PHYIR DKON BRTZEGS SGRAGS PA'I DUS DANG, MGUR MA BLANGS BA'I DUS SHUGS CHEN PO BSHUMS PAS, DO ZHAG MTSAN BCAS KYI THUGS DAM RNAMS KYANG GLOD BA DANG, KHYAD BAR DU SNYING RJE'I DMIGS PA MI MDZAD PAR ZHU, GLO BUR DU SER MA BYUNG DOGS GDA' ZHUS PAS, 'O SKOL GYI MTSAN MED LA MTSAN BCAS KYI DGE SPYOR GYIS MI GNOD PAR GDA' ZHING, THABS SHES RAB ZUNG DU 'BREL BA'I PHYIR RTZOL BA CUNG ZAD YOD KYANG BYED BAR SPRO BAR 'DUG ,SNYING RJE'I DMIGS PA CHED KYIS MA BYAS KYANG 'GRO BA'I SDUG BSNGAL DRAN TZA NA DAM NGAM SHUGS KYIS SKYE BAR 'DUG ,BYUNG RGYAL DU

, ,BTANG NA NYID CAG RNAMS YANG BAR DOGS NAS DRAN 'DZIN CHEN PO BYAS PA YIN, 'CHI KHAR 'PHO BA YANG SGOM PA LAS 'DI 'DRA'I 'PHRO LA SHI NA LEGS BA YIN MOD GSUNG, DE'I DUS SPYIR BSKYED RDZOGS GNYIS LA BRTAN PA THOB PA, KHYAD PAR DU SGYU LUS RMI LAM LA DBANG 'BYOR BA'I MKHAS GRUB CHEN PO SEMS DPA' CHEN PO'I THUGS SRAS BLA MA RDOR ZHON BA BYA BA DNGUL CHU NA SKU MTSAMS DAM PO LA BZHUGS PA'I CHU SKYEL BA ZHU PA BSKUR NAS, DRUNG NAS BSNYUNG BA 'DI LA GSOL BA THEBS MI THEBS KYI RMI LAM ZHIG BZUNG NAS LAN CIG YI GER BTAB NAS BSKUR BA ZHU ZHUS PAS, DA RES RANG GSOL BA THEBS SNYAM PA MI 'DUG ,LHAG PA'I YI DAM GYI LHA DPAG TU MED PA 'DU PA DANG, DPA' BO DANG MKHA' 'GRO MA'I TSOGS BSAM GYIS MI KHYAB PA DANG, LHA DANG LHA MO DU MAS MCHOD PA'I TSOGS MTHA' YAS BA RNAMS KYIS BSU BA DANG, CHOS RJE NYID KYANG ZHING GZHAN DU GSHEGS PA LA THUGS SPRO BA'I RNAM 'GYUR LA SOGS PA'I GTAN TSIG DU MA ZHIG 'DUG STE, ZHIB TU BSHAD NA CI RIGS KYI BLOR MI SHONG BA'I RGYU MTSAN ZHIG 'DUG PAS MI 'CHAD DE TZAM GYIS GO MOD GSUNG, DE NAS NYE GNAS KYIS 'ON 'DI LTAR GYIS GSUNG BA'I ZHAL TA GSUNG BAR ZHU ZHUS PAS, RGYAL SRAS 'DI'I ZHAL NAS KHA CHEMS 'JOG PA SKABS SU BAB 'DUG NA'ANG, NAD KYIS GDUNGS, LUS KYI SHED ZAD PA'I SKABS 'DIR, TSIG BZHI PA RE RTZOM PA

DANG; SMRAS PA LA YANG CU GAL YONG GIN 'DUG LAR GYIS 'O SKOL LA KHAMS BZANG DUS, CHOS DANG 'JIG RTEN GYI BYA BA GANG LA'ANG, KHRIGS KHA 'DI LTAR YIN GYI TIG TIG MED PAR GANG BYUNG LA GTONG GIN YONG PA DE YIN MOD, DA 'CHI KHA DANG, SHI BA'I RJES LA 'DI LTAR BYED KYI KHRIGS KHA DE BAS KYANG GA NA YONG, GAL TE KHA CHAMS LA NYAN MKHAN YOD NA, SNGAR KHAMS BZANG DUS RANG GI SHES TSOD DPE 'KHYUD MED PAR BSTAN, RTZOM BA YANG CHA CHUNG CI RIGS BA BYAS SHING, KHYAD BAR DU TSIGS BCAD TSE CHUNG MANG DAG CIG YI GER BKOD PA DA RNAMS KHA CHEMS YIN, DE MA GTOGS DO ZHAG 'BREL MED TSIG GSUM SMRAS PA LA DGOS PA MED, DE KA LA BSAMS NAS, 'PHRAD KYANG 'DI LAS GZHAN BA SMRA RGYU MED, ,SHI YANG KHA CHAMS GZHAN 'GA' MA MCHIS SO, ,BYAS PA DE KA YIN, NYID CIG RANG RNAMS KYANG BLO DKON MCHOG LA GTOD LA, TSE 'DI DANG MA 'DRES PA'I TSOS RO GYIS, SEMS CAN GYI DON DU CHOS TSUL BZHIN DU BYAD PA THAMS CAD RGYAL BA SRAS DANG BCAS PA'I RGYUD 'DZIN YIN PA LA, 'O SKOL GYIS LTA SMOS KYANG CI 'TSAL, DES NA KUN GYIS CHOS BRGYUD KYANG LAGS PAR ZUNGS, KHYAD BAR DU STON BA ZLA BZANG RANG YANG DAG SBYOR LA 'BAD PA THON, BYA BRAL GYI MING BTAGS YIN PA'I BYA'I, LONGS SPYOD MED NA LEGS PAS, NGA'I RJES LA BRA GANG BTANG RGYU MA BYUNG YANG BZOD, NUS PA BYUNG CHAD KYIS SNYOM CHUNG LA BYAMS SU BYED PA DANG, KHYAD PAR DU DA LTA

, ,RANG RES SKYONG DGOS KYIN YOD PA'I MA NUS PA 'DI RNAMS LA SKYONG RAN LEGS PO GYIS, SDUG GE RNAMS SNYING RJE BA YIN NO, ,LAB RGYU'I DNGOS GZHI DE ,YIN GSUNGS, YANG ZHAL NAS RMI LAM 'DZIN PA 'DI LA SNGAR NAS BYANG CHA CHEN BO ZHIG YOD, ZHING KHAMS GRANGS MED BLTA BA DANG, DE NA BZHUGS PA'I SANGS RGYAS DPAG TU MED BA LA CHOS NYAN PA LA SOGS PA 'BAD RTZOL MI DGOS PAR YONG BA CIG BYUNG, BAR SKABS SHIG TU 'GRIBS 'DUG PA YIN TE, DENG SANG NA BA 'DIS RMI LAM SOR TSUD 'DUG ,MA 'GAGS PA'I SNANG BA 'DI MTSAR CHE, BAR SKABS SU 'GRIB PA DE YANG BSOD NAMS SU MING BTAGS PA'I 'DU LONGS 'DIS LAN NAM BSAM, LAR BLO CHOS SU SONG BA RE BYUNG NA 'JIG RTEN GYI BSOD NAMS CHEN PO SKAD ZER BA 'DI KUN MA BYUNG NA RANG LEGS PA 'DUG STE, 'BAD RTZOL GYIS MA BSGRUBS PAR BYUNG NA LONGS SPYOD DU RUNG, ZHES SOGS KYI DGAG SGRUB MANG PO BSHAD 'DUG NA'ANG, 'BYOR NA'ANG 'BYOR PA LAM DU SLONG, RGUD NA'ANG RGUD BA LAM DU SLONG BA 'DI LA CI 'DRA'I CU GAL ZHIG 'DUG GSUNG, DE NAS ZLA BA BCU PA'I TSES BRGYAD KYI THO RANGS, SLOB DPON DPAL YE LA NGA YAR TZONG SLONGS LA MDUN RGYAB CIG SGYU RE GSUNG STE, DE BZHIN BYAS PAS, PHYAG THAL MO SBYAR NAS, YUN RING PO BSHUMS PA'I BAR SKABS SHIG TU GSUNG MANG PO 'BYON PA'I TSIG 'BRU GANG YIN MA

GNAS NANG BAR RGYU MTSAN ZHUS PAS, NGA SNYES NYAL BYAS PAS DE'I MDUN NA RJE BTZUN MA BYON 'DUG PAS, RJE BTZUN MA'I MDUN DU NGA NYAL BSDAD PAS MI YONG, TZONG LANGS LA GSOL BA BTAB DGOS BSAMS NAS DE LTAR BYAS PA YIN GSUNG BA LA, RJE BTZUN MA RNAL 'BYOR MA LAGS SAM SGROL MA LAGS ZHUS PAS, SPYAN NAM MKHA' LA CHER MDZAD NAS SGROL MA SGROL MA ZHES LAN GNYIS GSUNG BAS, RJE BTZUN MA GSUNG 'BYON GYI GDA' LAGS SAM ZHUS PAS; HE DE 'DRA MI 'DUG STE, 'O SKOL NGOS KYIS SEMS CAN GYI SDUG BSNGAL MA BZOD NAS RJE BTZUN MA LA BYAS PA MED PA'I YUS MANG BO BTZONGS GSUNGS, DE DANG DUS MNYAM PAR MYANG STOD DU SI TU 'PHAGS PA'I SAR BU MO BRONG BA'I CHOS KYIS MA GOS BA CIG LA, LHA KHA BAB NAS DANG PO DMAG GI G-YUL RGYAL PHAM 'CHAD PA'I 'PHRO LA, DE 'DRA RNAMS LTA CHA MED DE, NYI MA NUB PHYOGS YA GI NA, BLA MA RGYAL SRAS THOGS MED BYA BA ZLA BA BCU PA'I TSES BRGYAD LA RJE BTZUN MA SGROL MAS G-YU LO BKOD PA'I ZHING KHAMS SU GDAN DRANGS NAS 'GRO BAR 'DUG ZER BA ZHIG BYUNG ZHES GRAG GO ,DE DUS NYIN GCIG DA RUNG 'CHI NI MI 'CHI BAR 'DUG KYANG RTZA KHO NI BTUL 'DUG ,RTZA LA'ANG 'JU SA MI 'DUG GSUNGS NAS PHYAG BRGYANG BYUNG BA LA BLTAS BAS, RTZA BTUL 'DUG STE, DE LA BRTEN NAS SNYUN G-YOG CIG GIS, BLA MA LA MOS GUS CHE RAB YOD KYANG SANGS RGYAS DNGOS KYI 'DU SHES MED PA'I RTAGS SAM, 'ON KYANG GSUNG 'DI RNAMS 'BYON PA'I

, ,RKYEN DU, RTZA BTUL NAS CHEN PO MI SDOD PA YIN ZER, GAL TE MI 'DOD PA THOG TU BAB NAS SKU GSHEGS NA, 'PHO BA LA SOGS PA THUGS DAM GYI GSAL 'DEBS 'DI LTAR GYIS GSUNG PA'I ZHAL TA THUGS LA 'DOGS MI 'TSAL LAM ZHUS PAS, HE NYID NA RE, MI 'DOD PA THOG TU BAB NAS SHIN ZER GYIN 'DUG STE, SHI YANG MI 'DOD PA THOG TU BAB PA MIN, 'DI KO YONG BA'I GRABS SHIG SNGAR NAS TSAR, MI RGAN GYI LAS THABS ZIN, PHO LO YANG BDUN CU DON LNGA LON 'DUG TSE YANG THUNG THUNG MIN, MTSAMS GROL NAS MI MANG PO 'TSOGS PA DANG, CHOS STON PA'I 'PHRO YANG MED PAS NA BA'I DUS KYANG SNGA PHYI RAN, 'DI 'DRA ZHIG MA GRUB SNYAM PA'I BLO'I LHAG MA YANG LAS PA MED, DO CIG NAS STON DUS 'GRO DON DGA' RAB YONG GI 'DUG STE, 'GRO DON CHUNG DU YANG MI 'GRO MCHI, BYANG CHUB KYI SEMS GNYIS PO 'DI DANG NAM YANG 'BRAL MA MYONG, NA BA'I RKYEN GYIS RMI LAM SOR TSUD BYAS PA DANG 'DRA BAR, CI YIN CHA MED CIG LA KHA SANG SPYI BO NA BA NAS BZUNG STE DENG SANG GI BAR DU LUS LA SHED MED KYANG, LHAG PAR DU BYANG CHUB KYI SEMS GNYIS 'PHEL BA'I SKABS 'DI 'DRA 'JOM PA'I 'CHI BA RNYED DKA' YANG, BDAG GIS 'BAD MED DU RNYED PAS DKON MCHOG GI DRIN YIN, DE LTA BU'I DANG NAS 'CHI BA DE KA LA 'PHO BA ZER BA YIN, GZHAN GSAL 'DEBS BYA RGYU CI YANG MED, BYAS KYANG DGA' RU AE GTONG

ME SHES, DE YI SANGS RGYAS RJES DRAN SOGS, ,SUS KYANG G-YENGS PAR 'GYUR BA MED, ,CES PA DE DANG KHYED RANG RNAM PA YANG MA 'GAL BA MDZOD GSUNG, DE NAS NYE GNAS KYIS DA ZHAL MI BZHUGS NA ZHING KHAMS GANG DU SKYA BA BZHES ZHES ZHUS PAS, 'GRO LA PHAN PAR GYUR NA DMYAL BAR 'GRO BA YANG SHIN TU SPRO, MI PHAN NA DAG PA'I ZHING YANG MI 'DOD LAGS GSUNGS, DE DUS DGONG GCIG MAndAL DANG MCHOD PA RNAM LNGA KHYER SHOG GSUNG NAS, BDUD RTZI PHYAG MDZUB KYIS GTOR ZHING PHUD MCHOD RGYAS PA RE MDZAD, YANG PHYAG THAL MO SBYAR ZHING DBU DUD PA RE MDZAD, MCHOD PA RNAM LNGA PHYAG RGYA DANG BCAS PA LAN LNGA TZAM SKYAR KYIN DBUL, DRUNG NA 'KHOD PA RNAMS LA YANG MCHOD PA PHUL GSUNGS NAS SPYAN CHAB MANG PO 'BYIN GYIN 'DUG PA'I NANG PAR RGYU MTSAN ZHUS PAS, YI DAM GYI LHA 'DRA BYON PAS KHYED RNAMS LA YANG MCHOD PA PHUL BYAS PA YIN, GZHAN BSHAD RGYU TZAM MI GDA'I GSUNGS NAS ZHIB CHA GSUNG DUM GNANG, DE NAS SLOB DPON YON TAN 'OD SNYUN G-YOG RE MOS LA YOD PA'I SKABS SU, NUB CIG SROD KYI CHA LA MA DAG PA'I LAS SNANG THAMS CAD 'GAGS NAS, ZHING KHAMS RNAM PAR DAG PA, MDZES SHING YID DU 'ONG BA, DANGS SHING THOGS PA MED PA, NAM MKHA'I DBYINGS LTAR RGYA KHYON DANG TSAD RTZA BA NAS GZHAL BAR MI NUS PA 'DUG GSUNG GIN PHYAG NAM MKHA' LA YUG YUG MDZAD DE, MNAN NA NEM GYIS BYED CING BTEG NA SPAR GYIS BYED, REG NA BDE BA

, ,BSKYED PA LA SOGS PA MTSAR DU CHE BA CIG GI DBUS NA RANG RE 'DUG ,DE'I KHOR YUG KUN 'KHOR GYI TSOGS GRANGS MED PAS BSKOR 'DUG ,DE DUS TZAN YOD BA'I GNAD YIN NAM, BLA MA RGYAL BA RNAM PA GSAL BAR 'DUG ,GZHAN YANG 'OD GSAL GYI SNANG BA ZA ZI LANG LONG BRJOD KYIS MI LANG PA CIG 'DUG STE, DA STE MGYOGS POR 'GRO BAR 'DUG GSUNG, DE'I NAD PAR SLOB DPON DPAL YES, GLANG RI THAD PA BDE BAR GSHEGS PA BZHIN DU, DAG PA'I SNANG BA 'BA' ZHIG TU GDA' LAGS SAM ZHUS PAS, DA LTA ZA ZI'I SNANG BA SNA TSOGS SHIG LA YENGS NAS 'GRO YI 'DUG STE, DE THAMS CAD LA MNGON ZHEN BYA RGYU MED RMI LAM SGYU MA DANG 'DRA GSUNG, BDE BAR GSHEGS LA KHAD PA'I DUS DER YANG SNGAR NAS NYAL BA DANG SNYES PA LAM GOMS PAS, TZOG TZOG PUR SDOD PA 'DI KA BDE BA 'DUG GSUNG NAS DANG PO BSNYAN PA'I 'GO BRTZAMS NAS PHYIS BDE BAR GSHEGS KYI BAR DU SKU RNAM SNANG GI CHOS BDUN DANG NAM YANG MI 'BRAL BA'I DAR LAS, BCU DGU'I NUB MO NAS GSUNG BCAD MDZAD DO, SPYAN LA YANG 'GYAR 'GYUR MED PAR 'OD GSAL CHOS KYI SKU LAS MA G-YOS BZHIN DU, GDUL BYA RTAG 'DZIN CAN RNAMS 'DUL BA DANG, LAS TSUL BSAM GYIS MI KHYAB PA BSTAN PA DANG, ZHING KHAMS GZHAN DU GDUL BYA RGYA CHEN POR DGONGS TE SEMS DPA' CHEN PO NYID KYIS DGUNG LO BDUN CU DON LNGA BZHES PA, SA MO BYA'I LO ZLA BA BCU PA

SMIN DRUG ZLA BA'I TSES NYI SHU, RES GZA' SPEN PA, SKAR MA LAG PA YOD PA'I DGONG MO'I CHA, GZIM KHANG CHOS RDZONG GI SPU SHU LA NYI MA NUB PA DANG MNYAM DU SKU'I BKOD PA BSDUS SO, ,DE'I NUB MTSAN MO YANG DNGUL CHU'I STENG GI BAR SNANG THAMS CAD 'JA' TSON RNAM LNGA DANG, 'OD ZER GYI RANG BZHIN GYIS KHENGS SHING, SGRA CHEN PO GRAG PA DANG, DRI ZHIM PO'I NGAD PAS KHYAB PA DANG, SA CHEN PO G-YOS PAS, SMAN BLA'I COG KHRI'I STENG NAS GSER SKU SA LA LHUNG BA TZAM BYUNG, LHA'I ME TOG GI CHAR KHA BA BU YUG 'TSUBS PA LTA BU BABS SO, ,RGYAL SRAS BDAG NYID CHEN PO 'DIS BSTAN 'GRO'I DON RGYA CHER MDZAD PAS BRGYUD 'DZIN GYI SLOB MA MTHA' YAS PA BYON YANG THEG PA CHEN PO'I BLO SBYONG 'DI RGYA CHER SPEL BA'I 'PHRIN LAS KYI BKA' BAB PA NI RJE BTZUN RED MDA' PA GZHON NU BLO GROS SO, ,DES NA BYANG CHUB LAM GYI RIM PA LA BLO SBYONG BAR 'DOD PA RNAMS KYIS RGYAL SRAS BDAG NYID CHEN PO 'DI LA GUS PAS GSOL BA 'DEBS SHING, SEMS DPA' CHEN PO 'DI'I RNAM THAR LTAR DANG POR MDO SNGAGS KYI LAM GYI GNAD RNAMS LA 'KHRUL MED KYI NGES PA BRTAN PO RNYED PAR BYAS, DE NAS TSE 'DI'I PHUN TSOGS GANG LA'ANG MA CHAGS PAR DBEN PA'I RI SUL DU LAM CHA TSANG LA SGRUB PA SNYING POR BYA ZHING LHAG PAR BYANG CHUB KYI HSEMS RIN PO CHE NYAMS LEN GYI MTHIL DU BZUNG NAS RGYAL BA DGYES PA'I LAM LA SLOB PA LA BRTZON PA LHUR BYA'O,, ,,

, ,RJE BTZUN RED MDA' BA GZHON NU BLO GROS NI, SA SKYA DANG NYE BA'I SA'I CHA RED MDA' KHANG SOR BLON PO 'GAR STONG BTZAN YUL BSRUNG GI BRGYUD DU YAB BKRA SHIS RGYAL MTSAN DANG, YUM DBANG PHYUG SKYID GNYIS KYI SRAS SUS MO GLANG LA SKU 'KHRUNGS, RGYAL SRAS 'DI YUM GYI LHUMS SU ZHUGS PA'I TSE YUM LA NYI ZLA SHAR BA DANG, SGRON ME SBAR BA DANG, GTZUG LAG KHANG BZHENGS PA SOGS RMI LTAS BZANG PO BYUNG, RGYAL SRAS 'DI BTZAS PA'I TSE YANG NGO MTSAR BA'I LTAS MANG DU BYUNG, DE NAS RGYAL SRAS GZHON NU DE YAB YUM GNYIS KYIS 'O MA DANG, ZHO DANG, MAR GYI NYING KHU SOGS KYIS BSKYED BSRINGS TE MTSAN YANG BTZUN NE ZHES BYA BAR GSOL TE SMRA SHES DON GO TSUN CHAD DKON MCHOG GSUM GYI SGRA THOS PA'AM, RTEN MTHONG BA NA DAD CING GUS PA CHER SKYE BA BYUNG, RGYAL SRAS 'DI CHUNG NGU'I DUS NA YAB YUM GNYIS KA 'DAS PAS AA NE MO BKRA SHIS 'BUM BYA BAS BSKYANGS RGYAL SRAS BDAG NYID CHEN PO 'DIS BYIS PA'I DUS SU, AA NE LA, NGA YANG NAS SKYA DPON CHEN GYI LAG RTAGS BLANGS NAS BOD KHAMS BDE LA 'GOD, YANG NA BSTAN PA'I SGOR ZHUGS TE SANGS RGYAS KYI BSTAN PA NYIN MO LTAR BSAL BAR BYED GSUNGS PAS, AA NE NA RE, BTZUN NE BLO PO CHE KHYOD KYIS DE LTAR AE YONG ZHES ZER ZHING, DE NAS BZUNG STE RGYAL SRAS GZHON NU 'DI LA BTZUN NE BLO BO CHE ZHES 'BOD PA BYUNG, DE NAS RGYAL SRAS GZHON NU DE SKYES RABS

MANG POR CHOS LA SBYANGS PA'I BAG CHAGS BRTAS PAS PHYIS PA GZHAN DAG NU ZHO LEN PA DANG 'KHRUL PA'I RTZED MO LA BSLAB MI DGOS PAR NGANG GIS 'JUG PA LTAR, RGYAL SRAS 'DI DAM PA'I CHOS 'TSOL BA LA NGANG GIS 'JUG PA ZHIG BYUNG STE, 'PHAGS CHEN CHOS BZANG DPAL LA SKYABS 'GRO SEMS BSKYED DANG, BSNYEN GNAS KYI SDOM PA DANG, THUGS RJE CHEN PO'I CHOS SKOR MANG DU ZHU BAR MDZAD, DE NAS RGYAL SRAS 'DI'I THUGS LA DAL BA'I RTEN BZANG PO LAN CIG THOB PA'I DUS 'DIR SNGON BYON DAM PA'I RJES SU ZHUGS TE THOS BSAM SGOM GSUM MTHAR PHYIN PA ZHIG MA BYAS NA YID BZHIN GYI NOR BU'I GLING NAS LAG STONG DU LDOG PA LTAR DAL 'BYOR THOB PA DON MED DU 'GYUR ZHING, DE YANG KHYIM DU GNAS PA NI NYES PA DANG NYON MONGS PA DU MA'I 'BYUNG GNAS, SDUG BSNGAL DU MAS GZIR PA'I BTZON RA DANG 'DRA BA 'DI LAS MYUR DU THAR BAR BYAS NAS CHOS RNAM DAG CIG BYA'O SNYAM DU DGONGS NAS NGES 'BYUNG GI BSAM PA SHUGS DRAG POS DGUNG LO BCO BRGYAD BA LA SA BZANG PAn CHEN GYI DRUNG DU DGE TSUL GYI SDOM PA MNOS TE MTSAN GZHON NU BLO GROS SU BTAGS, DE NAS MKHAS PA'I DBANG PO NYA DBON KUN DGA' DPAL BA DANG, LUNG RIGS SMRA PA MKHAN CHEN SANGS RGYAS DPAL PA GNYIS LA GTUGS TE TSAD MA RNAM 'GREL LA SBYANGS PAS DRI MA MED PA'I RIGS PAS RTOG GE'I TSIG DON BRGYAD LEGS PAR RTOGS NAS MKHAS PA'I GRAGS PAS KHYAB PAR MDZAD, DE RJES

, ,SDE BDUN MDO 'GREL DANG BCAS PA LA SBYANGS SHING, MKHYEN RAB DBANG PHYUGS SKYA PAndI TA DANG, 'OD YUG BA RIGS PA'I SENG GE'I LEGS BSHAD RNAMS LA'ANG GZIGS PAS, DPAL LDAN TSES KYI GRAGS PA'I GZHUNG LUGS PHYIN CI MA LOG PAR THUGS SU CHUD DE RNAM 'GREL GYI t'IKKA CHE CHUNG GNYIS SPYI DON DANG BCAS PA'ANG MDZAD, DE NAS BSTAN BCOS MNGON BAR RTOGS PA'I RGYAN 'GREL PA DANG BCAS PA LA LEGS PAR SBYANGS PAS, RING POR MA LON PAR MKHAS PA'I PHUL DU PHYIN PAR GYUR, GZHAN YANG DPAL LDAN BLA MA DAM PA BSOD NAMS RGYAL MTSAN PA SOGS LA'ANG PHAR PHYIN GSAN, KHYAD PAR DU NYI KHRI SNANG BA DANG, BRGYAD STONG 'GREL CHEN 'BRE MAR GYI t'IKKA RNAMS LA'ANG ZHIB TU GZIGS PAS, 'PHAGS SENG GNYIS KYI DGONGS PA JI LTA BA BZHIN DU THUGS SU CHUD DE, PHAR PHYIN GYI t'IKKA DANG, DON BDUN CU LA RNAM BSHAD KYANG MDZAD, DE NAS CHOS THAMS CAD KYI MA MO MNGON PA'I SDE SNOD GSAN PAR DGONGS NAS, LO CHEN BYANG CHUB RTZE MO'I ZHABS LA BSNYEN TE, MNGON PA GONG 'OG TSAR MANG DU GSAN CING, SA SDE LNGA DANG SDOM RNAM PA GNYIS, PR'A K'A RA nA SDE BRGYAD 'GREL BSHAD DANG BCAS PA LA GZIGS SHING, MKHAS PA'I DBANG PO DBANG LO'I LEGS BSHAD RNAMS LA'ANG GZIGS PAS, THOGS MED SKU MCHED KYI BZHED PA JI BZHIN THUGS SU CHUD NAS, MNGON PA GONG 'OG GI t'IKKA BSDUS DO CHA DANG BCAS

BA MDZAD, DE NAS MKHAN CHEN LDOG LONG PA KUN DGA' BZANG PO'I DRUNG DU BYON TE, MKHAN SLOB DGE 'DUN DANG BCAS PA'I DBUS SU BSNYEN PAR RDZOGS TE, MKHAN CHEN PA'I DRUNG DU MDO RTZA PA TSAR GCIG GSAN PAS, MKHAN CHEN BA'I ZHAL NAS, 'DUL BA NGED LAS KHYED MKHAS PAR BYUNG BAR GDA' BAS CHOS BDAG PO LA 'PHROD DO GSUNG, MKHAN CHEN 'DIS BSKUL NAS MDO RTZA'I t'IKKA DANG, LAS CHOG KYANG MDZAD DE PHYIN CHAD NAS DBYAR GNAS DANG GSO SBYONG DGAG DBYE GSUM 'CHAG MED DU MDZAD DO, ,DE NAS DBU MA'I GZHUNG LA SBYONG BAR BZHED DE CHOS RJE BYANG SANG BA'I DRUNG DU DBUM RIGS TSOGS DANG, BZHI BRGYA PA, 'JUG PA SOGS DBU MA'I SKOR RNAMS GSAN TE, DKON MCHOG LA GSOL BA BTAB CING YANG YANG DPYAD PAS, SNGON GYI SMON LAM DANG DKON MCHOG GI BYIN RLABS LA BRTEN NAS KLU SGRUB YAB SRAS KYI DGONGS PA PHYIN CI MA LOG PAR THUGS SU CHUD DE DBU MA RTZA BA SHES RAB DANG, DBU MA LA 'JUG PA DANG, BZHI BRGYA PA GSUM LA t'IKKA MDZAD CING, RTZA SHE'I 'GREL BA TSIG GSAL LA SPYI DON YANG MDZAD DO, ,DE NAS BDAG NYID CHEN PO 'DI DANG 'DI'I RJES SU SLOB PA THAMS CAD KYIS DBU MA LA 'CHAD NYAN MDZAD BAS DBU MA'I SROL LEGS PAR GTOD DE KHO BOS BSTAN PA LA BYA BA BYAS PA YIN ZHES GSUNG NGO, ,DE RJES THEG PA'I YANG RTZE RDO RJE THEG PA LA 'JUG PAR DGONGS NAS, LO CHEN BYANG CHUB RTZE MO'I DRUNG DU GSANG BA 'DUS PA MI SKYOD PA'I DBANG ZHUS TE

, ,GSANG MTSAN MI SKYOD RDO RJER BTAGS, LO CHEN SKYABS MCHOG DPAL BZANG PO'I DRUNG DU RGYUNG KYI BSHAD PA, DPAL LDAN BLA MA DAM PA BSOD NAMS RGYAL MTSAN PA'I DRUNG DU DPAL GSANG BA 'DUS PA'I 'GREL PA SGRON GSAL CHA LAG DANG BCAS PA ZHIB PAR GSAN CING, KYEE RDO RJE'I MAN NGAG LAM 'BRAS BU DANG BCAS PA SOGS SNGAGS KYI ZAB CHOS MANG DU GSAN, SA BZANG PAn CHEN GYI DRUNG DU BDE MCHOG GI DBANG, LO CHEN SKYABS MCHOG PA LA RDO RJE PHRENG BA, 'JAM RDOR, 'JIG RTEN DBANG PHYUG, SA SKYA PA'I RDO RJE GZHON NU, RIM LNGA MDOR BYAS, SPYOD BSDUS SGRON MA SOGS GSAN CING, SA SKYA PA DANG, BU STON RIN PO CHE LA SOGS PA'I YIG CHA RNAMS LA'ANG YANG DAG PAR GZIGS TE, DPAL GSANG BA 'DUS PA'I RGYUD 'GREL CHA LAG DANG BCAS PA THUGS SU CHUD NAS, RTZA RGYUD LA t'IKKA, MNGON RTOGS, BDAG 'JUG MCHOD PHRENG, RIM LNGA'I BSDUS DON SOGS MDZAD CING, GZHAN YANG RGYUD BLA MA, BSHES SPRING, LUNG KUN LAS BTUS PA RNAMS LA t'IKKA'ANG MDZAD DO, ,RGYAL BA'I SRAS PO THOGS MED BZANG PO DPAL GYI DRUNG DU SMON 'JUG GNYIS KYI SEMS BSKYED, BLO SBYONG LA SOGS PA'I CHOS SKOR MANG DU ZHU BAR MDZAD DO, ,RGYAL SRAS BDAG NYID CHEN PO 'DI NI DAM PA'I CHOS 'TSOL BA LA NGOMS PA MED PAS MDO SNGAGS KYI CHOS 'TSOL PHYIR BSHES GNYEN JI TZAM BSTEN PA NI, NYID KYI ZHAL NAS, SKYA DGU'I GTZUG

RGYAN CHOS RJE BSOD RGYAL DANG, ,RGYAL BA'I SRAS PO THOGS MED BZANG PO DPAL, ,MA TI PAn CHEN PAn CHEN BYANG RTZE DANG, ,MKHAS BA'I DBANG PO NYA DPON KUN DGA' SOGS, ,BKA' DRIN MNOS PA'I BLA MA BCU PHRAG GNYIS, , YUN RING 'BAD DE GUS PAS GTZUG GIS BSTEN, ,ZHES GSUNGS TE, MDOR NA BDAG NYID CHEN PO 'DIS BSHES GNYEN DU MA LA BRTEN TE MDO SNGAGS MA LUS PA'I TSIG DON LA MKHAS PAR MDZAD DE SKAL BA DANG LDAN PA RNAMS LA CHOS KYI 'KHOR LO'ANG RGYA CHEN PO BSKOR NAS SANGS RGYAS KYI BSTAN PA RIN PO CHE 'DZIN SKYONG SPEL BAR MDZAD DO, ,MKHAS PA CHEN PO 'DIS DBUS PHYOGS SU BYON NAS RJE BTZUN TZONG KHA PA CHEN PO DANG ZHAL 'DZOM STE GNAM RTZENG LDENG DANG; BYANG RA SGRENG DANG, SKYID SHOD KYI SA'I CHA MANG PO DANG, GTZANG STAG TSANG RDZONG KHA SOGS SU YAB SRAS GNYIS ZHAL 'DZOM STE CHOS KYI 'KHOR LO RGYA CHER BSKOR NAS RGYAL BA'I BSTAN PA GZHI NAS GSO BAR MDZAD PA'I TSUL ZHIB PAR NI RJE RIN PO CHE'I RNAM THAR DU GSAL BA LTAR RO, ,DE NAS RJE BTZUN RED MDA' PA CHEN PO 'DIS SNGON BYON DAM PA'I RNAM THAR LTAR MANG DU THOS PA'I DON SGRUB PA SNYING BOR MDZAD BZHED NAS RNYED BKUR SNYAN GRAGS 'KHOR LONGS SPYOD THAMS CAD MCHIL MA'I THAL BA BZHIN DU DOR TE NYID KYI RJES SU SLOB PA TSE BLOS BTANG ZHING NGES 'BYUNG GI BSAM PA SHUGS DRAG POS RGYUD BSKUL TE THEG PA MCHOG GI LAM LA SGRUB PA SNYING POR BYA 'DOD PA 'GA' ZHIG DANG

, ,BCAS GANGS BU LE DKAR PO'I G-YAS MGUL G-YU LUNG RDO RJE LJONGS SU LO LNGA'I BAR DU SKU MTSAMS LA BZHUGS TE MDO SNGAGS KYI LAM YONGS SU RDZOGS PA LA SGRUB PA RTZE GCIG TU MDZAD PAS LAM THUN MONG BA DANG THUN MONG MIN PA SNGAGS KYI LAM RIM GNYIS LA MYONG BA PHUL PHYIN THON TE LHAG PA'I LHA MANG PO'I ZHAL GZIGS PA DANG, TING NGE 'DZIN GYI SGO MANG PO 'KHRUNGS PA DANG, RANG DANG GZHAN GYI TSE RABS BRGYA STONG DRAN PA DANG; SANGS RGYAS KYI ZHING MANG POR BGROD NUS PA SOGS RGYAL BAS BSNGAGS PA'I RTOGS PA MCHOG THOB PAR GYUR TO, ,DE LTA NA'ANG PHYI RABS KYI GDUL BYA RNAMS LA BSLAB PA'I PHYIR DBEN PA 'BA' ZHIG LA THUGS DGYES PA'I TSUL MDZAD DE SGRUB PA RTZE GCIG TU MDZAD BZHED PA'I GSUNG 'DI LTAR BYON TE, GANG ZHIG LEGS GSUNGS DAM CHOS 'DUL BA LA, ,RAB TU BYUNG NAS LEGS PAR MI SDOM ZHING, ,THUB PA'I BKA' LUNG TSUL MIN 'DA' BYED PA'I; ;DGE SBYONG DE DAG 'JIG RTEN CHO MA RKUN YIN, ,'KHYOG POR SMRA LA GZHAN DAG BRLINGS POR SEMS, ,NGAG MI BTZUN PA DGE SBYONG TSUL MIN PAS, ,GYA GYU'I SEMS DANG DE YI TSUL SPANGS TE, ,GSONG POR SMRA LA KHO BO RTAG TU BRTEN, ,'DZEM MAD SMRA LA GZHAN DAG SMOBS PAR SEMS, ,NGAG MI SDOM PA DGE SBYONG TSUL MIN PAS, ,MU COR SMRA BA SMYON PA'I TSUL SPANGS TE, ,ZHI BA'I TSUL LA KHO BO RTAG TU BRTEN, ,PHYI TSUL 'CHOS PA

GZHAN DAG BTZUN POR SEMS, ,G-YO RGYU'I SPYOD BA DGE SBYONG TSUL MIN PAS, ,PHA ROL 'DRID BYED YON PO'I TSUL SPANGS TE, ,DES PA'I TSUL LA KHO BO RTAG TU BRTEN, ,RANG DGA'I SPYOD PA GZHAN DAG DRANG POR SEMS, ,DBANG PO MI SDOM DGE SBYONG TSUL MIN PAS, ,BAG DANG MI LDAN HRAL PO'I TSUL SPANGS TE, ,BAG YOD TSUL LA KHO BO RTAG TU BRTEN, ,BYA BYED MANG BA GZHAN DAG GRUNG POR SEMS, ,RNAM G-YENG 'DONG PA DGE SBYONG TSUL MIN PAS, ,'DU 'DZI BSREL BA KHYIM PA'I TSUL SPANGS TE, ,DON NYUNG TSUL LA KHO BO RTAG TU BRTEN, ,LONGS SPYOD 'BYOR PA GZHAN DAG DPAL DU SEMS, ,'DOD ZHEN CHE BA DGE SBYONG TSUL MIN PAS, ,ZANG ZING DANG BCAS GRONG PA'I TSUL SPANGS TE; ;CHOG SHES TSUL LA KHO BO RTAG TU BRTEN, ,GRONG 'DAB 'GRIM PA GZHAN DAG GDUL BYAR SEMS, ,RNYED BKUR SGRUB PA DGE SBYONG TSUL MIN PAS, ,KHA SPOGS 'DOD PA TSONG PA'I TSUL SPANGS TE, ,BAS MTHA'I GNAS LA KHO BO RTAG TU BRTEN, ,ZHES DANG, DBEN PAR BYON TE SGRUB PA RTZE GCIG TU MDZAD PA'I DAM BCA' MDZAD PA NI, GANG GI ZHABS ZUNG PADMO'I GE SAR RDUL, ,TSANGS DANG LHA DBANG KHYAB 'JUG LA SOGS PA, ,'JIG RTEN DREGS LDAN GTZUG GIS GUS BSTEN PA'I, ,SPYAN RAS GZIGS MGON DE LA PHYAG 'TSAL LO, ,MANG DU THOS KYANG TSUL BZHIN BSGRUB LA G-YEL, ,KHRIMS BRGYA NOD KYANG NYES LTUNG DRI MA CAN, ,DGE SBYONG BDAG GI G-YAR DAM 'DI

, ,RNAMS LA, ,MKHYEN LDAN THUGS RJE'I LHA KHYOD YUD TZAM DGONGS, ,GANG DU GNAS NA SNANG SHAS 'PHEL 'GYUR ZHING, ,RANG RGYUD RNYED BKUR ZHAGS PAS 'CHING BYED LA, ,GZHAN RGYUD PHRAG DOG 'GRAN SEMS KYIS GDUNGS PA'I, ,GNAS DER SKAD CIG TZAM YANG MI GNAS SO, ,DENG NAS BZUNG STE JI SRID 'TSO BAR DU, ,GANGS DANG RI SUL NAGS KYI KHROD RNAMS SU, ,BSE RU LTA BUR RTAG TU GNAS BYED CING, , GRONG DANG 'KHOR MANG DBUS SU GNAS MI BGYI, ,CHOS BRGYAD RKYEN GYIS NAM YANG MI G-YO BA'I, ,SEMS LA JI SRID BRTAN PA MA THOB BAR, ,GCIG PU RANG RGYUD 'DUL BA MA GTOGS PA, ,GZHAN DON THABS KYIS RANG DON NYAMS MI BGYI, ,CHOS GOS GSUM DANG LHUNG BZED LA SOGS PA, ,RANG NYID 'CHO BA'I YO BYAD MA GTOGS PA, ,GSER DANG DBYIG SOGS LHAG PA'I YO BYAD NI, ,RANG GI DON DU TIL TZAM MI BCANG NGO, ,GZHAN GYI NYES PA NAM YANG MI GLENG ZHING, ,DON DANG LDAN ZHING CHOS MTHUN MA GTOGS PA, ,DMAG DANG CHOM RKUN RGYAL PO'I GTAM LA SOGS, ,'KHRUL PA'I BKA' MCHID NAM YANG MI BGYID DO, ,CHOS KYI DON DU DKA' SPYAD SRAN BZOD CING, ,'JIG RTEN BLOS BTANG RNAM GROL DON DU GNYER, ,'DOD CHUNG CHOG SHES RANG DANG RJES MTHUN PA'I, ,RJES 'BRANG 'KHOR NI BZHI BAS LHAG MI BSTEN, ,GAL TE BDAG GI G-YAR DAM 'DI RNAMS

DANG, ,'GAL BAR BGYIS NA RGYAL BA SRAS BCAS DANG, ,THUGS RJE'I MNGA' BDAG SPYAN RAS GZIGS MGON GYIS, ,KHYI PHAG LUG BOD RNAMS DANG BDAG SNYOMS SHIG ,CES RGYAL BA SRAS BCAS DBANG DU BZHAG STE DAM BCA' MDZAD, DBEN PA'I YON TAN BSAM NAS RANG GIS RANG LA BSKUL BA NI, KHO BO DBEN PA BSTEN PA'I RGYU MTSAN YANG 'KHOR DANG GROGS KYIS YID SUN BYUNG BA'AM, RNYED BKUR DANG GRAGS PA 'DOD PAS MA YIN GYI GZHAN DU NA, 'KHOR BA'I SDUG BSNGAL ME 'OBS LTAR SHIN TU BRANG DKA' BAR MTHONG BA'I PHYIR DANG, BCOM LDAN 'DAS KYIS RNAM GRANGS DU MAR BSNGAGS PA'I DBEN PA'I GNAS PAD MA'I TSAL BAS KYANG SHIN TU YID DU 'ONG BAR MTHONG BA'I PHYIR RO, , DE YANG 'DI LTAR, GANG LA NYES PA RDUL TZAM MI MNGA' ZHING, ,RMAD BYUNG YON TAN DPAL GYIS RAB BRJID PAS, ,SNYAN PA'I BA DAN 'JIG RTEN GSUM NA G-YO, ,THUB DBANG LHA YI LHA LA PHYAG 'TSAL LO, ,KA YE NYON CIG SHES LDAN GROGS PO DAG ,BSTAN PA'I NYIN BYED NUB RI'I RTZE LA SON, ,LUS SROG G-YO BA 'BAB CHU'I RGYUN DAD MTSUNGS, ,THAR 'DOD RNAMS KYIS BAG YOD BSTEN BAR RIGS, ,RIN CHEN BDUN LDAN GLING CHEN BZHI LA DBANG, ,DPAG MED CHER GNAS DGE BCU'I DPAL LA SPYOD, ,PHUN TSOGS MNGON MTHO'I BDE LA ROL BYED PA'I, ,'KHOR LOS BSGYUR RGYAL DPAL DE'ANG CHU SHING 'DRA, ,LHUN PO'I SPO LA YUN RING GNAS BCAS TE, ,YONGS 'DU'I TSAL DU DGA' BDE'I

, ,DANG LA GYIS ROL, ,'CHI MED NYE DBANG TSOGS KYIS GUS BTUD PA'I, ,'PHROG BYED MIG STONG LDAN DE'ANG SRID PA'I BRAN, ,LUS SEMS ZUG RDU'I GDUNG BA RANG DU SPANGS, ,TING 'DZIN BDE BAS BSKAL MANG 'DA' BYED PA'I, ,'JIG RTEN MES PO GSER GYI MNGAL LDAN YANG, ,'CHI MED GO 'PHANG LAS RING GYI NAR 'KHOR, ,GANG GIS REG NA RAB BRTAN LHUN PO YANG, ,SKAD CIG TZAM GYIS BRAL BAR RLOG BYED PA'I, ,ME LCE'I PHRENG BA LUS LA RAB 'BAR BA, ,DMYAL BA'I ZUG RDU SU YIS BRANG PAR NUS, ,BLTAS PA TZAM GYIS KLUNG CHEN RGYUN SKEMS SHING, ,LJON SHING 'BRAS BU MED PAR BYED PA YI, ,TA LA YA TOG SKAM LTA'I YI DVAGS GZUGS, , GANG ZHIG MTHONG NA 'JIGS RUNG SKYI YANG G-YA', ,BLANG DOR RMONGS PA'I GTI MUG SMAG RUM 'THIB, ,GCIG LA GCIG ZA RDO RJE'I ME STAG DANG, ,BGOL BTZEG CHAR RGYUN LUS LA RTAG 'BAB PA'I, ,RNAM MANG DUD 'GRO'I GDUNG BA SU YIS BZOD, ,SRID PA'I PHUN TSOGS DE LTAR MNOG CHUNG ZHING, ,RAB MANG NYES PA'I TSOGS DANG LDAN RIG NAS, ,RANG GZHAN SRID PA'I MTSO LAS BSGRAL BYA'I PHYIR, ,MANG THOS BDAG NI DBEN PA'I NAGS SU 'GRO ,CHAR SDOD BYE'US 'BRUG SGRA THOS PA LTAR, ,DBEN PA'I GTAM 'DI KHO BO'I SNYING LA 'BAB, ,THOS PA'I DON RNAMS DON YOD BYA BA'I PHYIR, ,GZHON NU BLO GROS DBEN PA'I NAGS SU 'GRO ,NGANG PA'I TSOGS KYIS PADMA'I MTSO

MTHONG LTAR, ,BAS MTHA'I GNAS LA KHO BO SEMS RAB G-YO, ,DAL 'BYOR LUS LA SNYING BO BLANG BA'I PHYIR, ,GZHON NU BLO GROS DBEN PA'I NAGS SU 'GRO ,BUNG BA GZHON NUS 'DAB BRGYA'I TSAL MTHONG LTAR, ,KHO BO'I YID NI DBEN BA'I RO LA CHAGS, ,TENG 'DZIN BDUD RTZI'I RO DE MYANG BYA'I PHYIR, ,GZHON NU BLO GROS DBEN PA'I NAGS SU 'GRO ,DBYID DUS BSAL BA'I MA LA YA RLUNG LTAR, ,NAGS KYI SMAN LJONGS KHO BO'I YID LA 'BAB, ,NYON MONGS BDUD KYI SDE DE GZHOM BYA'I PHYIR, ,GZHON NU BLO GROS DBEN PA'I NAGS SU 'GRO ,ZHES DANG, 'JIG RTEN 'DREN PA LHA MI'I STON PA YIS, ,'DOD LA ZHEN PA PHUNG KROL RTZA BAR BSTAN, ,'DOD PA'I YON TAN SDUG BSNGAL BSKYENG PA STE, NAD DANG 'BRAS DANG ZUG RDU'I RTZA BA YIN, ,JI LTAR MDZE CAN G-YAN PA PHRUGS PA DANG, ,TSA BA'I NAD CAN BSIL BA'I CHU DANG NI, ,SKOM PAS NYEN PA LAN TSVA'I CHU 'THUNGS BZHIN, ,'DOD PA BSTEN PAS NAM YANG NGOMS MI 'GYUR DUG DANG BCAS PA'I KHA ZAS G-YOS LEGS DANG, ,SBU GRI'I SO LA CHAGS PA'I SPRANG RTZI DANG, ,SHING RTA 'DREN PA'I PHYUGS KYIS RTZVA ZOS BZHIN, ,'DOD PA'I YON TAN GNOG CHUNG NYES PA MANG, ,GLANG CHEN DRI LA CHAGS PA'I SBRANG BU DANG, ,RNGON PA'I GLU DBYANGS NYAN PA'I RI DVAGS DANG, ,LCAGS KYU'I SHA LA CHAGS PA'I NYA BZHIN DU, ,'DOD LA RKAM PA'I BYIS BA MYUR DU BRLAG ,CES SOGS GSUNGS NAS, DBEN PA'I GNAS SU SGRUB PA SNYING POR MDZAD

, ,PHYIR BLA BOD KYI SA'I MTSAMS MANG YUL SKYID GRONG GI NAGS KHROD DU PHEBS TE, DRANG SRONG MNGON BAR DGA' BA'I BSTI GNAS ME TOG MDANGS CAN DU RGYAL BA'I SRAS PO THOS PA DGA'I RNAM THAR BSKYANGS TE SGRUB PA LA RTZE GCIG TU BZHUGS SO, ,DE'I TSE BDAG NYID CHEN PO 'DI'I RJES SU 'BRANGS NAS DBEN PA'I GNAS SU SGRUB PA RTZE GCIG TU BYA 'DOD PA'I SDE SNOD 'DZIN PA MANG PO'ANG PHYOGS DER LHAGS TE DUS DUS SU RJE BTZUN RED MDA' PA CHEN PO 'DI LA CHOS STON PAR GSOL BA BTAB NAS CHOS KYI BDUD RTZI ZHU ZHING, RGYUN DU NAGS KHROD DBEN PA SO SOR SGRUB PA LA BZHUGS TE 'GA' ZHIG NI GCIG PU DANG, LA LA NI BZHI SDE DANG, LA LA NI BRGYAD DANG; LA LA NI NYI SHU SOGS SPONG BA PA SDE SDER GNAS NAS SGRUB PA MDZAD DE ME TOG MDANGS CAN GYI G-YAS G-YON GYI RI NGOS RNAMS DANG, MA nI LA KHA, BRAG KHA, PHUG PO CHE, CHOS SDINGS, LHA LNGA PHUG ,LA LDEBS CHOS RDZONG, RKYANG PHAN NAM MKHA' RDZONG, KLONG RTZE BSAM GTAN GLING, DGUN PHU DGON GSAR, RTZVA'I RKANG TSUGS PHUG SOGS SU BSLAB GSUM LDAN PA'I DGE SLONG SPONG BA BA MANG PO GNAS TE SNGON SANGS RGYAS ZHAL BZHUGS PA'I DUS DANG, SGRUB PA'I DUS KYI BSTAN PA LTAR LAM CHA TSAD LA SGRUB PA MDZAD PAS PHYOGS DE GANG STE DKAR PHYOGS KYI LHA RNAMS DGA' ZHING MGU NAS SHIS PA BRJOD PA ZHIG BYUNG NGO, ,DE DUS RJE BTZUN TZONG

KHAB CHEN POS KYANG RJE RED MDA' PA CHEN PO'I DRUNG DU SGRUB PA MDZAD PA RNAMS LA BSNGAGS PA CHE BAR MDZAD DO, ,GRUB THOB THANG STENG RGYAL POS KYANG RJE BTZUN RED MDA' PA CHEN PO'I SNYAN PA GSAN NAS ME TOG MDANGS CAN DU MJAL BAR PHEBS TE CHOS GSAN PAS THOG MAR THUGS CHOS LA 'GYUR BA'I RKYEN BYAS PAR GRAGS SO, ,BDAG NYID CHEN PO 'DIS RGYAL BA'I DGONGS PA SHING RTA CHEN PO RNAM GNYIS KYIS JI LTAR BKRAL BA'I DON LTAR DANG POR DRI MA MED PA'I RIGS PAS GSUNG RAB KYI DGONGS DON RNYED PAR MDZAD PA NI, NYID KYI ZHAL NAS, STON PA 'DAS NAS BZHI BRGYA'I LO 'DAS TSE, ,BE TA'I YUL DU LI TZA BYI GZHON NU, ,KLU SGRUB CES BYA'I DGE SLONG DU GYUR NAS, ,THUB BSTAN RGYAS PAR MDO SDE'I CHOGS LAS GSUNGS, ,KLU YI YUL SOGS 'JIG RTEN GZHAN DAG NAS, ,ZAB CING RGYA CHE'I MDO SDE RNAM MANG BLANGS, ,RTAG CHAD MTHAR LTA'I MUN PA STUG PO BCOM, ,MTHA' BRAL DBU MA'I SGRON ME DE YIS SBAR, ,DE 'OG THUB PAS LUNG BSTAN THOGS MED KYIS, ,MI PHAM MGON LA BKA' DRIN RJES THOB NAS, ,RNAM RIG SMRA BA'I GRUB MTHA' GSAL BYAS ZHES, ,RGYA BOD SHING RTA CHEN PO RNAMS LA GRAGS, ,'DI DAG THEG CHEN SHING RTA'I SROL 'BYED DE,, THEG CHEN MDO DANG RGYUD SDE'I DGONGS PA RNAMS, ,GNYIS PO 'DI YI LUGS DANG MI MTHUN PA, ,GANG GIS BKRAL DE LOG PA'I LAM DU SHES, ,THUB PA'I BSTAN PA NYID KYI DGONGS PA BZHIN, ,'KHRUL MED SMRA BA 'PHAGS PA KLU

, ,SGRUB YIN, ,KLU SGRUB DANG NI THOGS MED GNYIS, ,KHYOD BSTAN 'DZIN PAR KHYOD KYIS GSUNGS, ,DE DAG GZHUNG GI RJES 'BRANGS NAS, ,BDAG GIS KHYOD KYI DGONGS PA BTZAL, ,ZHES GSUNGS SO, ,KHYAD PAR BDAG NYID CHEN PO 'DIS RGYAL PA'I GSUNG RAB KYI DGONGS PA DPAL MGON 'PHAGS PA KLU SGRUB KYIS LEGS PAR BKRAL BA'I DKA' GNAS MTHAR THUG PA ZAB MO RTEN CING 'BREL PAR 'BYUNG BA RTAG CHAD KYI MTHA' DANG BRAL BA'I DBU MA'I LAM BZANG 'PHAGS PA KLU SGRUB KYI DGONGS PA DPAL LDAN ZLA BA GRAGS PAS BKRAL BA JI BZHIN THUGS SU CHUD DE ZAB MO DBU MA'I LAM LA GZHAN DRING MI 'JOG PA'I NGES PA BRTAN PO RNYED CING PHYIR MI LDOG PA'I GDENG THOB NAS GANGS RI'I KHROD 'DIR DBU MA'I LAM SROL GSAL BAR STON PAR MDZAD PA NI, NYID KYI ZHAL NAS, RGYA GAR BAL PO BOD KYI YUL RNAMS SU, ,MDO DON SMRA BA'I MKHAS PA MANG BYON YANG, ,PHAL CHER RTOG PAS SBYAR BA'I DON TZAM LA, ,MKHAS PAR ZAD KYI DE NYID DON LA MIN, ,THUB PA'I BSTAN LA NYID KYI DGONGS PA BZHIN, ,'KHRUL MED SMRA BA 'PHAGS BA KLU SGRUB YIN, ,DE YI BZHED GZHUNG RAB DKAR KUN DA'I TSAL, ,JI BZHIN 'BYED PA DPAL LDAN ZLA BA YIN, ,SLOB DPON DE DAG DGONGS PA 'DI YIN ZHES, ,MKHAS RLOMS MANG YANG SU LA CI CHA YOD, ,RNAM BKRA CHEN GYI RI MO GSAL

PA YI; ,RNAM DBYED MUS LONG DAG LA YOD DAM CI, ,LONG BAS RIN CHEN GTER KHA PHYED PA LTAR, ,RNAM DAG 'PHAGS PA'I MIG DANG MI LDAN YANG, ,RGYAL DANG RGYAL BA'I SRAS KYI BYIN RLABS LAS, ,RTEN 'GYUNG ZAB MO'I LAM DE KHO BOS RNYED, ,'DAS DANG MA BYON DA LTAR BZHUGS PA YI, ,RGYAL BA SRAS BCAS DGYES PA'I LAM 'DI YIN, ,'DI LAS GZHAN DU THAR PA'I LAM YOD CES, ,SMRA BA DE DAG BDAG GIS GYI NAR RTOGS, ,PHYOGS BCUR BZHUGS PA'I RGYAL DANG DE SRAS RNAMS, ,MNGON SUM BYON NAS DBYANGS DANG MGRIN GCIG GIS, ,'DI LAS GZHAN DU THAR PA'I LAM STON KYANG, ,BDAG BLO G-YO BA MED DO GROGS PO DAG ,DE PHYIR GANG ZHIG NYAM NGA'I LAM SPANGS NAS, ,BDE GSHEGS DGYES PA'I LAM LA 'JUG 'DOD NA, ,DKA' DANG 'BAD PA BRGYA PHRAG DAG GIS KYANG, ,KLU SGRUB LUGS BZANG 'DI LA 'JUG PAR RIGS, ,'DI MA RTOGS NA GZHUNG LUGS MANG BSLABS KYANG; ;BDE GSHEGS DGONGS PA RTOGS PA'I THABS GZHAN MED, ,PHAL CHER RTOG PA'I DRA BA SPEL BA'I PHYIR, ,BLO GROS NGAL BA TZAM ZHIG THOB PAR ZAD, ,DE PHYIR RANG NYID DRAN PA GSO PHYIR DANG, ,SKAL BZANG GZHAN LA PHAN BAR BYA PHYIR DANG, ,THUB PA'I BSTAN PA YUN RING GNAS BYA'I PHYIR, ,DUS GSUM RGYAL BA'I LAM 'DI BDAG GIS BSHAD, ,CES DANG, 'DI NA BLO NGAN RNAMS KYI NYES BSHAD KYIS, ,THUB BSTAN DRI MAR BYAS PA MA BZOD NAS, ,

, ,RIGS DANG MI RIGS CUNG ZAD PHYI NA YANG, ,DENG SANG 'DI NA BDAG LA GSHE BA MANG, ,'JIG RTEN SKYE BO MA MNYES GYUR KYANG BLA'I, ,DAM PAS KHREL NA GSON PO SROG SONG YIN, ,DE PHYIR BDAG LA BSTAN PA DANG 'GAL BA'I, ,LTA SPYOD YOD NA DAM PA RNAMS KYIS SMOD, ,KHO BOS SANGS RGYAS BSTAN LA RAB BYUNG NAS, ,RIGS DANG MI RIGS 'BYED SHES TSUN CHAD DU, ,LUS NGAG YID KYI SPYED PA CI BYAD KYANG, ,RAB TU BSGRIMS NAS THUB PA'I GSUNG BZHIN BSGRUBS, ,THOG MED GOMS BA'I NYON MONGS SHUGS DRAG PAS, ,GAL TE MI RIGS CUNG ZAD BYAS NA YANG, ,DE YI MOD LA DUG ZAS DRAN PA BZHIN, , 'GYOD SEMS LDAN PAS SLAR YANG CHOS BZHIN BYAS, ,GNAS LUGS 'BYED PA'I 'OD STONG LDAN PA YI, ,THUB BSTAN NYI MA'I DKYIL 'KHOR MTHONG BAS NA, ,BLO NGAN MUN PA'I KHROD NA 'OD 'BYIN PA'I, ,GZHAN GZHUNG ME KHYER TSOGS LA BDAG MI GUS, ,GSUNG RAB RIN CHEN GLING LA DBANG BSGYUR PA'I, ,KLU SGRUB KLU DBANG LEGS BSHAD GDENGS KA'I NOR, ,DGOS 'DOD KUN 'BYUNG 'DOD DGUR SPYOD PAS NA, ,NYES BSHAD MCHING BU'I TSOGS KYIS BDAG MI MGU ,MTHA' GNYIS SPANGS PA'I CHU GTER LA GNAS TE, ,GDENGS CAN DBANG PO KLU SGRUB RING LUGS 'DZIN, ,KHO BO'I LTA ZER 'BAR BA'I GZI BRJID LA, ,PHAS RGOL 'DAB

BZANG STONG GIS 'GOM MI NUS, ,ZHES GSUNGS BA LTAR RO, ,BDAG NYID CHEN PO 'DIS PHYI RABS KYI GDUL BYA RNAMS LA THUGS BRTZE BAS 'PHAGS PA KLU SGRUB KYI DGONGS PA ZAB MO DBU MA'I LTA BA RTOGS PA'I TSAD BSTAN PA NI, RGYU 'BRAS BSLU BA MED PA'I YID CHES DANG, ,RTEN 'BREL STONG PAR RTOGS PA'I SHES RAB GNYIS, ,'BRAL MED ZUNG DU CHUD PAR NAM GYUR PA, ,DA TSE MTHA' BREL DBU MA'I LAM LA ZHUGS, ,JI LTAR SNANG ZHING GRAGS PA'I DNGOS 'DI LA, ,RANG GZHAN GRUB MTHAS BTAGS PA'I KUN BRTAGS DANG, ,LHAN SKYES YID KYI DNGOS 'DZIN MUN PA RNAMS, ,RNAM DAG LUNG RIGS ZER GYIS RAB BSAL TE, ,SNANG DUS NYID NA STONG PAR RTOGS PA DANG, ,STONG BAR RTOGS TSE SNANG BA MI 'GOG BA'I, ,ZUG 'JUG TSUL LA NGES PA NAM SKYES NA, ,DE TSE RGYAL BA'I DGONGS PA RTOGS PA YIN, ,ZHES GSUNGS, BDAG NYID CHEN PO 'DIS DE LTAR RGYAL BA'I DGONGS PA BTZAL BAS NGES PA RNYED NAS SGRUB PA MTHAR PHYIN PAR MDZAD PA RGYAL BA SRAS DANG BCAS PAS BSNGAGS PA'I 'OS SU GYUR PA NI, RJE RIN PO CHES RJE BTZUN NGED MDA' PA LA BSTOD PA MDZAD PA LAS, 'JIG RTEN 'DREN PA'I DGONGS PA BZHIN, ,DGONGS SHING DE BZHIN 'DOMS PA DANG, ,'DOMS PA BZHIN DU LEGS SGRUB PA, ,'DI NI KHYOD KYI YON TAN LAGS, ,GZHAN DU TSUL 'DI MA MTHONG BAS, ,GSHONG PU DMA' BAR CHU RGYUN BZHIN, ,DUS KUN TU NI BDAG

, ,GI YID, ,KHYOD NYID LA NI RJES SU SONG, ,ZHES GSUNGS BA LTAR RO, ,BDAG NYID CHEN PO 'DIS SHING RTA CHAN PO'I DGONGS DON JI BZHIN RNYED NAS DRI MA MED PA'I LAM SROL GANGS RI'I KHROD DU GSAL BAR MDZAD PA NI, THUB PA'I DGONGS PA 'TSOL BA'I SGO GCIG PU, ,LUNG DON TSUL BZHIN DPYOD PA'I RIGS PA YI, ,DO SHAL MCHOG 'DIS KHYOD KYI MGRIN PA NYID, ,YONGS SU BZUNG NAS GZHAN DU 'GRO MI BYED, ,LUNG TZAM SKYABS SU GYUR PA'I SKYE BO 'DIS, ,RANG GI KHAS 'CHE TZAM LA RIGS LA ZHES, ,RNAM PAR ZHEN NAS THUB PA'I LUGS 'DZIN PA, ,MTHONG BAR GYUR TSE LHAG PAR KHYOD NYID DRAN, ,ZHES GSUNGS PA LTAR RO, ,BDAG NYID CHEN PO 'DIS BSTAN PA'I NANG MDZOD 'DUL BA LUNG SNGA BZHI'I DON SLOB DPON YON TAN 'OD KYIS BKRAL BA LTAR THUB PA'I BCAS MTSAMS MTHA' DAG THUGS SU CHUD NAS PHYAG LEN LA BTAB STE BSTAN PA'I BYA PA MDZAD PA NI, LEGS TSOGS JI SNYED MCHIS PA SKYE BA DANG, ,GNAS DANG 'PHEL BA GANG LA RAG LUS PAR, ,RGYAL BAS LAN CIG MIN PAR BSNGAGS PA YI, ,TSUL KHRIMS 'PHAGS PA'I NOR DU GZIGS NAS NI, ,NYER SPAS ZLA BA'I NOR BU YON TAN 'OD, ,THAMS CAD YOD SMRA'I MKHAS PA'I DGONGS PA BZHIN, ,'DUL BA 'BUM SDE'I DGAG SGRUB GNANG GSUM GYI, ,BSLAB PA'I GNAS LA MKHAS SHING 'DA' MI BYED, ,CES GSUNGS PA LTAR RO, ,BDAG NYID CHEN PO 'DIS GSUNG RAB KYI DON LA LTA BA'I MIG GCIG BU

TSAD MA SDE BDUN MDO DANG BCAS PA'I DGONGS BA'I DON GTING BYIN PAR RNYED NAS GANGS RI'I KHROD 'DIR RIGS BA'I LAM SROL GSAL BAR MDZAD PA NI, THUB PA'I GSUNG LAS RNAM PA GZHAN NYID DU, ,DNGOS PO'I DE NYID BSTAN PAR 'DOD PA YI, ,SER SKYA RKANG MIG SOGS KYIS BSTAN PA'I LAM, ,CHU SHING BZHIN TE TSIG TZAM SNYING PO RU, ,LEGS PAR MTHONG ZHING BDE BAR GSHEGS PA'I LUGS, ,DON BZANG TSIG 'BRU BZANG ZHING MA 'DRES RDZOGS, ,THOG MTHA' BAR DU DGE BA RO GCIG BAR, ,YID CHES GTING NAS RNYED PA'I THABS KYI MCHOG, RIGS TSUL BRGYA PHRAG DU MA'I RO LDAN PAS, ,BLO CHEN LDAN RNAMS DGA' BA RGYAS BYED BA, ,RNAM 'GREL MDZAD PA'I THUN MONG MIN PA'I LUGS, ,YONGS SU RDZOGS BAR SMRA BA'ANG KHYOD DU BAS, ,ZHES GSUNGS PA LTAR RO, ,BDAG NYID CHEN PO 'DIS SHING RTA CHEN PO GNYIS KA'I BZHED GZHUNG MTHA' DAG THUGS SU CHUD NAS RGYAL BSTAN YONGS RDZOGS LA NGES PA BSKYED PAR MDZAD PA NI, ,STOBS BCU MNGA' BA THUB PA'I RING LUGS PA, ,TSUL GNYIS SHING RTA'I SROL 'BYED 'DZAM GLING RGYAN, ,GANG GIS BDE BAR GSHEGS PA'I GDUNG 'TSOB PA, ,KLU SGRUB THOGS MED GNYIS KYI BZHED PA'I GZHUNG, ,JI BZHIN GSAL BAR GZIGS NAS BRTZE BA YIS, ,SKYON BRAL GSUNG GIS GZHAN LA LEGS 'DOGS DES, ,BSTAN PA'I GNAD LA NGES PA STER BA 'DI, ,KHYOD KYI RJES SU BSTAN PAS GZHAN SU ZHIG, CES GSUNGS PA LTAR RO, ,BDAG NYID CHEN PO 'DIS MDO

, ,PHYOGS LA BSTAN PA'I BYA BA RGYA CHEN PO MDZAD PAR MA ZAD GSANG CHEN RDO RJE THEG PA'I SNYING PO'I YANG SNYING PO GSUNG RAB KUN GYI RAB DANG PHUL DU GYUR PA DPAL GSANG BA 'DUS PA'I RTZA RGYUD 'GREL PA SGRON GSAL, GYI STENG NAS MTHA' DRUG DANG TSUL BZHI'I RGYA BKROL TE ZAB LAM RIM PA GNYIS KYI MAN NGAG RNAMS GSAL BAR MDZAD PA NI, THUB PA CHEN POS CHOS KYI RNAM GRANGS NI, ,JI SNYED GSUNGS PA KUN GYI RTZER GYUR PA, ,RGYUD SDE'I MTHAR THUG DPAL LDAN 'DUS PA YI, ,MTHA' DRUG TSUL BZHI'I RGYAS BTAB RDO RJE'I CHIG, JI BZHIN LEGS PAR PHYED NAS RIM GNYIS KYI, ,TING 'DZIN MCHOG GI BDE LA ROL BAS NA, ,RDO RJE 'DZIN PA ZHES PA'I SGRA DE YANG, ,MGON PO KHYOD LA DON DANG BCAS PAR GYUR,, CES GSUNGS PA LTAR RO, ,MDOR NA BDAG NYID CHEN PO 'DI NI GANGS RI'I KHROD 'DIR MDO SNGAGS GNYIS KA'I BSTAN PA YONGS SU RDZOGS BA 'DZIN CING SDEL BA LA ZLA DANG BRAL BAR GYUR PA NI, DE LTAR THOS PA RGYA MTSO'I PHA ROL SON, ,GZHAN LA 'DOMS PA'I NGAG TSIG DRI MA MED, ,TSIG GIS MI NGOMS SGRUB PA SNYING POR BYED, ,DE PHYIR KHYOD NI MKHAS PAS BSNGAGS PAR 'OS, ,KHYOD KYIS RANG GI STON PA YI, ,YON TAN DANG NI LUGS GZHAN GYI, ,SKYON RNAMS MTHONG PA'I RIGS PA'I MIG, DRI MA MED PA LEGS PAR STZAL, ,SKYON DANG BRAL BA THUB PA'I LUGS, ,GZHUNG 'JUGS BGYID PA'I SGRUB PA DANG, ,SMRA BA NGAN RNAMS TSAR GCOD PA'I, ,SUN 'BYIN BGYID PA'I GNAS RNAMS LA, ,SKYON YANG YON TAN LTA BU DANG,,

YON TAN SKYON LTAR SNANG BA YI, ,YANG DAG PA DANG LTAR SNANG GI, RNAM PAR DBYE BA'ANG LEGS PAR BSTAN, ,DE LTAR LOG PAR 'GRO BA BKAG, MKHAS PA DGYES PA'I LAM DU KHRID, ,MANG THOS CHUD MI ZA BA'I RGYU, ,DE DON SGRUB LA'ANG RAB TU SBYAR, , DE PHYIR KHYED KYIS GDUL BYA LA, ,BGYI BAR 'OS PA MA LUS MDZAD, ,CES GSUNGS PA LTAR RO, ,MKHAS PA'I DBANG PO 'DIS BSTAN PA'I DON DU LEGS BSHAD KYI RTZOM PA'ANG MANG DU MDZAD PA NI, NYID KYI ZHAL NAS, 'DZAM GLING MKHAS PA'I RGYAN MCHOG DKA' CHEN BZHI, ,RTZA 'JUG GZHI GSUM THEG CHEN RGYUD BLA DANG, ,CHOS MNGON MDZOD DANG DPAL LDAN 'DUS PA SOGS, ,RNAM BSHAD BYAS PA'I GZHUNG LUGS BCU PHRAG GCIG, GZHAN YANG BOD YUL 'GYUR PA'I BSTAN BCOS DANG; ;MDO DANG RGYUD SDE PHAL CHER LEGS PAR BLTAS, ,RANG GZHAN GRUB MTHA'I DE NYID 'BYED PA LA, ,MKHAS PA'I MDUN SAR MI 'JIGS SPOBS PA THOB, ,CES GSUNGS PA LTAR YIN ZHING, DE DAG KYANG GTZO CHA BA 'GA' ZHIG GSUNGS PA YIN GYI, DE DAG LAS GZHAN YANG MANG STE, BDAG NYID CHEN PO 'DIS LUNG KUN LAS BTUS PA'I t'IKKA YANG MDZAD CING ,GZHAN YANG BSHES SBRING GI t'IKKA DANG, GSANG 'DUS KYI CHOG CHA TSANG YANG MDZAD, GZHAN YANG SANGS RGYAS BYANG SEMS KYI BSTOD PA, BSTAN 'DZIN DAM PA MANG PO'I DRIS LAN, DAD LDAN MANG POR ZHAL GDAMS GNANG BA, ,NYAMS MGUR MDZAD PA SOGS MANG DU SNANG NGO, ,DE LTAR RGYAL SRAS BDAG NYID CHEN PO RED MDA' PA

, ,GZHON NU BLO GROS ZHES MTSAN YONGS SU GRAGS PA'I MKHAS PA'I DBANG PO 'DIS BSTAN PA LA BYA BA RGYA CHER MDZAD PAS CHOS BRGYUD 'DZIN PA'I SLOB MA BSTAN 'DZIN DAM PA'ANG MANG DU BYON TE, NYID KYI ZHAL NAS, KUN MKHYEN SHER 'OD BLO BZANG GRAGS PA SOGS, ,GZHUNG LUGS RAB 'BYAMS SHES PA'I BSHES GNYEN BDUN, ,DKA' BZHI LEGS PAR SMRA BA BCU PHRAG GCIG, PHAR TSAD SHES BA'I SLOB MA BRGYA PHRAG BRGAL, ,ZHES GSUNGS PA LTAR TE DE THAMS CAD KYI NANG NAS ZLA DANG BRAL BA THUB BSTAN YONGS RDZOGS KYI BDAG PO NI RJE BTZUN CHOS KYI RGYAL PO TZONG KHA PA CHEN PO BLO BZANG GRAGS PA'I DPAL LO, ,RJE BTZUN RED MDA' PA CHEN PO DANG RJE BTZUN TZONG KHA PA CHEN PO GNYIS NI SKU CHE 'DI TZAM DU MA ZAD SKYES RABS MANG POR MDZAD PA 'PHRIN LAS MTHUN PA RES 'GA' RJE BTZUN RED MDA' PAS BLA MA DANG RJE RIN PO CHES SLOB MA MDZAD, RES 'GA' RJE RIN PO CHES BLA MA DANG RJE BTZUN RED MDA' PAS SLOB MA MDZAD DE RGYAL SRAS KYI SPYOD PA STABS GCIG TU SPYAD CING GNYIS KA RJE BTZUN 'JAM PA'I DBYANGS KYI SRAS KYI THU BOR GYUR TE SMON LAM LHAN CIG TU MDZAD NAS ZHING 'DIR BSAM BZHIN DU BYON PA YIN PAR RJE BTZUN 'JAM PA'I DBYANGS DANG GSANG BA'I BDAG PO PHYAG NA RDO RJES LUNG BSTAN PA'I TSUL MANG DU YOD DE, RJE BTZUN 'JAM PA'I DBYANGS KYIS DBU MA PA DPA' BO RDO RJE LA GSUNGS PA DANG, GSANG BA'I BDAG POS LHO BRAG MKHAN CHEN LA GSUNGS PA SOGS SO SO'I

RNAM THAR DU GSAL BA LTAR RO, ,DE LTAR BDAG NYID CHEN PO 'DIS RGYAL BA'I BSTAN PA LA BYA BA RGYA CHER MDZAD NAS SKU TSE 'DI'I MDZAD PA PHAL CHER RDZOGS NAS ZHING GZHAN DU 'BYON PAR BZHED PA NA PHYI RABS KYI GDUL BYA RNAMS LA NYID KYIS JI LTAR MDZAD PA 'DI LTAR DU 'BYUNG BAR BYA DGOS SO ZHES 'DOMS PHYIR GDENG THOB PA'I GSUNG BYON PA NI, GANG LA SKYABS NA BSLU MED DKON MCHOG GSUM, ,'BRAL MED SPYI GCUG RGYAN DU RTAG BZHUGS GSOL, ,SNANG STONG SGYU MA'I RNAL 'BYOR RI KHROD PA, ,SEMS GNONG MED KYI GLU SKAD 'DI BZHIN LEN, ,SHUL NA 'PHRENG BA'I ZAS NOR LUS PA MED, ,GDONGS NA TSER BA'I LAS NGAN BSAGS BA MED, ,THEG CHEN BSLAB PA'I BSAM SBYOR NYAMS PA MED, ,DA SGYU MA'I LUS SEMS 'BRAL YANG 'GYOD PA MED, ,TSE 'DI'I RNYED BKUR CHE THABS SGRUB MA MYONG, ,'DOD YON SRED PA'I RJES PHYIR 'BRANG MA MYONG, ,DA SGYU MA'I LUS SEMS 'BRAL YANG 'GYOD PA MED, ,CIR SNANG SGYU MAR RTOGS PA'I SHES RAB YOD, ,'GRO DRUG PHA MAR SHES PA'I LHAG BSAM YOD, ,THABS SHES ZUNG DU 'BREL BA'I NYAMS LEN YOD, ,DA SGYU MA'I LUS SEMS 'BRAL YANG 'GYOD PA MED, ,THOG MAR GSUNG RAB DGONGS DON TSUL BZHIN SPYANGS, ,BAR DU BLO GSAL GDUL BYA'I TSOGS LA BSHAD, ,THA MAR 'DIS PA'I DON LA RTZE GCIG BSGOMS, ,DA SGYU MA'I LUS SEMS 'BRAL YANG 'GYOD PA MED, ,RGYAL BA'I BSTAN PA SROG PAS GCES PAR BZUNG, ,RIGS DANG MI RIGS TSUL BZHIN RNAM PAR PHYE, ,'CHAD RTZOD RTZOM

, ,PAS DAL 'BYOR DON YOD BYAS, ,DA SGYU MA'I LUS SEMS 'BRAL YANG 'GYOD PA MED, ,'GYOD MED GDENG BROD KYI MGUR MA 'DI, ,GANGS BU LE'I MBUL DU BLANGS PA YIN, ,MI KHO BO'I RJES 'JUG DAD LDAN RNAMS MING BZHAN BYED NA 'DI BZHIN MDZOD, ,TSOGS GNYIS ZUNG DU 'JUG PAS RGYUD SBYANGS TE, ,BDEN GNYIS ZUNG DU 'JUG PA'I DON RTOGS SHING, ,RIM GNYIS ZUNG 'JUG RDO RJE'I LAM BSGOMS NAS, ,'JA' LUS RDO RJE'I SKU RU BDAG GYUR CIG, CES GSUNGS PA LTAR RO, ,DE NAS KLONGS RTZE BSAM GTAN GLING DU PHEBS NAS DGE 'DUN BRGYA DANG LNGA BCU SKOR LA CHOS KYI 'KHOR LO RGYA CHER BSKOR ZHING DBU MA 'JUG PA GSUNGS SKABS, GANG TSE SKYE MED DE NYID YIN CING BLO YANG SKYE BA DANG BRAL BA, ,ZHES PA'I SKABS SU SLEBS PA NA MYA NGAN LAS 'DA' BAR BZHED NAS CUNG ZAD BSNYUN PA'I TSUL BSTAN PA NA, GDUL BYA RNAMS KYIS GSOL BA SHUGS DRAG TU BTAB PAS ZHAG BDUN DU SKU TSE BYIN GYIS BRLABS NAS GDUL BYA RNAMS LA CHOS BSTAN, DE NAS DGUNG LO RE BZHI PA CHU PHO 'BRUG GI LO ZLA BA BCU GNYIS PA'I NYER DGU'I NYIN MYA NGAN LAS 'DA' BA'I TSUL BSTAN NAS DED DPON YID BZHIN GYI NOR BU RNYED NAS RANG YUL DU 'GRO BA LTAR DGA' BZHIN SPRO BZHIN DU DGA' LDAN CHOS KYI PHO BRANG DU PHEBS SO, ,RGYAL SRAS DAM PA 'DI ZHING GSHEGS PA'I TSE SA CHEN PO 'DIS KYANG MYA NGAN BYAS PA LTAR CHES CHER G-YOS SHING DKAR PHYOGS KYI LHA RNAMS KYIS BDAG NYID CHEN PO 'DI DGA' LDAN DU PHEBS PA

LA MCHOD PA'I BYE BRAG SNA TSOGS PA THOGS NAS BSU BA BYAS SHING LHA RNAMS KYIS BRDUNGS PA'I RNGA BO CHE'I SGRA CHER GRAG PA MI RNAMS KYIS THOS PA'ANG BYUNG NGO, ,RJE BTZUN RED MDA' PA LA RJE BTZUN CHOS KYI RGYAL PO TZONG KHA BA CHEN POS BLO SBYONG DON BDUN MA'I KHRID LEGS PAR GSAN ZHING RJE RIN PO CHES SKAL BA DANG LDAN PA MTHA' YAS PA LA SPEL PAR MDZAD DE RJE RIN PO CHES BYANG CHUB LAM GYI RIM PA'I KHRID GNANG SKABS BYANG CHUB KYI SEMS SBYONG TSUL LA RGYU 'BRAS MAN NGAG BDUN GYI SGO NAS SBYONG TSUL DANG, RGYAL SRAS ZHI BA LHA'I GZHUNG LA BRTEN NAS BDAG GZHAN MNYAM RJE'I SGO NAS SBYONG TSUL GNYIS SU MDZAD NAS BDAG GZHAN MNYAM RJE'I SGO NAS SBYONG TSUL LA BLO SBYONG 'DI'I MAN NGAG RNAMS STEN PAR MDZAD LA, YANG BYANG SEMS 'CHAD KHA BAS BLO SBYONG 'DI LA DON BDUN DU SA BCAD MDZAD CING MING YANG BLO SBYONG DON BDUN MA ZHES 'DOGS PAR MDZAD PA LTAR DE DANG MTHUN PA'I KHRID TSUL RGYAL SRAS THOGS MED BZANG PO DPAL GYIS DON BDUN MA'I KHRID YIG ZUR DU MDZAD LA LTAR BLO SBYONG DON BDUN MA'I KHRID ZUR DU'ANG GNANG STE RJE RIN PO CHE 'ON BKRA SHIS RDO KHAR PHEBS SKABS SEMS DPA' CHEN PO HOR STON PA SOGS RGYAL SRAS CHANG PO LA BLO SBYONG DON BDUN MA'I KHRID RGYAS PAR STZAL, SEMS DPA' CHEN PO HOR STON PAS RJE DGE 'DUN GRUB LA GNANG, ,DES 'DUL 'DZIN BLO GROS SPAS PA LA GNANG, DES PAn CHEN YE SHES RTZE MO LA GNANG, DES RJE SKYABS MCHOG DPAL LA GNANG, DES RGYAL BA

, ,DBEN SA PA LA GNANG, DES MKHAS GRUB SANGS RGYAS YE SHES LA GNANG, DES RJE BTZUN BLO BZANG CHOS KYI RGYAL MTSAN LA GNANG, DES ZHABS DRUNG LHA PA BSTAN PA DAR RGYAS LA GNANG, DES GRUB CHEN BLO BZANG BYAMS BA LA GNANG, DES GRUB DBANG CHOS RGYA MTSO LA GNANG, DES RJE BTZUN BLA MA GRUB PA'I DBANG PHYUG BLO BZANG RNAM RGYAL LA GNANG, RJE BLA MA BKA' DRIN MTSUNGS MED DI'I ZHABS DRUNG DU BDAG GIS CHOS 'DI'I BKA' DRIN THOB PO, , YANG RGYAL BA'I SRAS PO THOGS MED BZANG PO DPAL GYIS SEMS DPA' CHEN PO RGYA MA BA YON TAN 'OD LA GNANG, DE NAS RIM GYIS BRGYUD DE BDAG GI DRIN CAN RTZA BA'I BLA MA RJE BTZUN NGAG DBANG BYAMS PA'I ZHABS DRUNG DU CHOS 'DI'I BKA' DRIN BDAG GIS RGYAS PAR THOB BO, ,BLO SBYONG SNYAN RGYUD CHEN MO 'DI'I RGYUD RIM MDOR BSDUS GSOL 'DEBS KYI TSUL DU BKOD NA 'DI LTAR, THUB DBANG 'JAM DBYANGS RGYAL SRAS ZHI BA LHA, ,AE LA DHA RI DPA' BO RDO RJE DANG, ,RIN CHEN DPAL DANG BLA MA GSER GLING PA, ,GSOL BA 'DEBS SO BDAG RGYUD BYIN GYIS RLOBS, ,YID BZHIN NOR 'DRA'I THUGS MNGA' MAR ME MDZAD, ,RGYAL PA'I 'BYUNG GNAS STON PA RIN PO CHE, ,BSTAN PA RIN CHEN GSAL MDZAD PO TO BA, ,GSOL BA 'DEBS SO BDAG RGYUD BYIN GYIS RLOBS, ,YON TAN MCHOG GI GRAGS PA'I SHA RA BA, ,BYANG CHUB THUGS GNYIS 'BYONGS BA'I 'CHAD KA BA, ,LTA SPYOD RNAM PAR DAG PA'I RGYAL BA SE, ,GSOL BA 'DEBS SO BDAG RGYUD BYIN GYIS

RLOBS, ,GCIG TU GZHAN DON MDZAD PA'I SKYES MCHOG LHA, ,BSLAB GSUM RNAM PAR DAG PA'I LHA SDINGS PA, ,SGO GSUM GZHAN DON MDZAD PA'I LHA SDINGS DPON, ,GSOL BA 'DEBS SO BDAG RGYUD BYIN GYIS RLOBS, ,DUS GSUM RGYAL BA'I LAM GNAS YON TAN DPAL, ,SANGS RGYAS BSTAN PA RGYAS MDZAD BDE BA DPAL, ,MKHAS BTZUN 'GRAN ZLA BRAL BA'I DKA' BZHI PA, ,GSOL BA 'DEBS SO BDAG RGYUD BYIN GYIS RLOBS, ,PHAN BDE KUN GYI 'BYUNG GNAS RIN PO CHE, ,BSOD NAMS YE SHES STOBS KYIS STONG GSUM GRAGS, ,BYAMS DANG SNYING RJE'I MNGA' BDAG CHOS KYI RJE, ,GSOL BA 'DEBS SO BDAG RGYUD BYIN GYIS RLOBS, ,THOGS MED GNYIS PA RGYAL SRAS RIN PO CHE, ,'DZAM GLING MKHAS PA'I GTZUG RGYAN RED MDA' PA, ,RGYAL BA KUN DNGOS BLO BZANG GRAGS PA'I DPAL, ,GSOL BA 'DEBS SO BDAG RGYUD BYIN GYIS RLOBS, ,THEG MCHOG GDAMS PA'I GTER GYUR NAM MKHA' DPAL, ,KHAMS GSUM BSTAN PA'I BDAG PO DGE 'DUN GRUB, ,SEMS DPA' CHEN PO BLO GROS SPAS PA'I ZHABS, ,GSOL BA 'DEBS SO BDAG RGYUD BYIN GYIS RLOBS, ,YE SHES MTSAN CAN 'JAM DBYANGS SKYABS MCHOG DPAL, ,SKU GSUM MNGON GYUR RJE BTZUN DBEN SA PA, ,DE SRAS THU BO SANGS RGYAS YE SHES ZHABS, ,GSOL BA 'DEBS SO BDAG RGYUD BYIN GYIS RLOBS, ,RJE BTZUN BLO BZANG CHOS KYI RGYAL MTSAN ZHABS, ,DE SRAS THU BO ZHABS DRUNG LHA PA DANG, ,GRUB CHEN BLO BZANG BYAMS PA RIN PO CHER, ,GSOL PA

, ,'DEBS SO BDAG RGYUD BYIN GYIS RLOBS, ,SEMS DPA' CHEN PO GRUB DBANG CHOS RGYA MTSO, ,RTZA BA'I BLA MA BLO BZANG RNAM RGYAL TE, ,DNGOS DANG BRGYUD PA'I BLA MA MCHOG RNAMS LA, ,GSOL BA 'DEB SO BDAG RGYUD BYIN GYIS RLOBS YANG RTZA BA'I BLA MA BYAMS PA'I MTSAN CAN GYI GSAN RGYUN LTAR GSOL BA 'DEBS PA NI, RGYAL SRAS THOGS MED YAN GONG LTAR LA, DE NAS 'DI LTAR, RGYAL BA'I SRAS PO THOGS MED BZANG PO DPAL, ,YON TAN 'OD DANG BLO 'BAL TSUL KHRIMS DAR, ,BSOD NAMS LHA DBANG BSOD NAMS LEGS MCHOG LA, ,BSOL BA 'DEBS SO BDAG RGYUD BYIN GYIS RLOBS, ,SNYUG LA PAn CHEN NGAG DBANG GRAGS PA DANG, ,SPYAN SNGA NGAG DBANG CHOS GRAGS BRAG DGON PA, ,DPAL 'BYOR LHUN GRUB 'PHRIN LAS RAB RGYAS LA, ,GSOL BA 'DEBS SO BDAG RGYUD BYIN GYIS RLOBS, ,GANGS CAN MGON PO BLO BZANG RGYA MTSO'I SDE, ,BLO BZANG DAR RGYAS 'JAM DBYANGS GRAGS PA'I DPAL, ,LAM BZANG GSAL MDZAD DGE LEGS RGYA MTSO LA, ,GSOL BA 'DEBS SO BDAG RGYUD BYIN GYIS RLOBS, ,RGYAL BA KUN GYI MKHYEN BRTZE NUS PA KUN, ,GCIG BSDUS 'JAM MGON BSTAN PA'I SROG SHING CHE, ,RTZA BA'I BLA MA NGAG DBANG BYAMS PA LA, ,GSOL BA 'DEBS SO BDAG RGYUD BYIN GYIS RLOBS, ,RAB 'BYAMS GSUNG RAB KUN GYI SNYING PO'I DON, ,GCIG TU BSDUS NAS GSAL BAR STON MDZAD PA, ,BKA' DRIN MTSUNGS MED RJE BTZUN BLA MA LA, ,GSOL BA 'DEBS SO BDAG RGYUD

BYIN GYIS RLOBS, ,ZHES BA'O, ,DES NA BYANG CHUB LAM GYI RIM PA LA BLO SBYONG BAR 'DOD PA'I GDUL BYA RNAMS KYIS BDAG PAS GZHAN GCES PA'I BYANG CHUB KYI SEMS RIN PO CHE MYUR DU RGYUD LA SKYE PAR BYA BA'I PHYIR BLO SBYANG SNYAN RGYUD KYI BLA MA RNAMS LA GSOL BA 'DEBS SHING BLO SBYONG RGYUD PA'I BLA MA RNAMS KYI MDZAD PA RNAM THAR RNAMS BSAMS LA BYANG CHUB KYI SEMS RIN PO CHE MA SKYES PA BSKYED PA DANG SKYAS ZIN GONG NAS GONG DU SPEL BA LA BLO GROS DANG NUS PA DANG RTZOL BA CI YOD THAMS CAD GCIG TU DRIL TE RNAM PA KUN TU 'BAD BAR BYA'O,, ,,` JO BO RJE DPAL LDAN AA TI SHA DANG CHOS KYI RGYAL PO TZONG KHA BA CHEN PO GNYIS KYI THUGS KYI BCUD PHYUNG PA'I MAN NGAG BYANG CHUB LAM GYI RIM PA 'DI LA MDO SNGAGS GNYIS KA'I THUN MONG BA'I LAM GYI RIM PA DANG, THUN MONG MIN PA RDO RJE THEG PA'I LAM GYI RIM PA GNYIS LAS, THUN MONG BA'I LAM GYI RIM PA LA JO BO RJE LA RGYUD PA'I CHU BO GSUM 'DRES PAS RGYA CHEN SPYOD RGYUD DANG, ZAB MO LTA RGYUD DANG, RGYA CHAN SPYOD RGYUD LAS PHYE BA RLABS CHEN SPYOD PA'I RGYUD GSUM GYI BLA MA GONG MA RNAMS KYI RNAM PAR THAR PA MDOR BSDUS BRJOD ZIN NAS RDO RJE THEG PA'I LAM GYI RIM PA'I BLA MA RNAMS KYI RGYUD RIM LA JO BO RJES NYAMS LEN BYIN RLABS RGYUD BA ZHES THA SNYAD MDZAD LA, 'DI LA YANG RDO RJE THEG PA SPYI'I BRGYUD RIM DANG, JO BO YAB SRAS KYI GSANG CHOS THUN MONG MIN PA BKA' GDAMS THIG LE BCU DRUG GI BRGYUD RIM GNYIS LAS, DANG PO MDO SNGAGS SPYI'I

, ,BRGYUD RIM LA YANG RGYUD SDE BZHI'I DBANG LUNG MAN NGAG MTHA' YAS PA YOD MOD KYANG 'DIR MTHA' DAG BRI MI NUS PAS GZHAN DU SHES PAR BYA ZHING, 'DIR CHOS KYI RGYAL PO RGYAL BA TZONG KHA PA CHEN PO LA MGON PO 'JAM PA'I DBYANGS KYIS SNYIGS DUS KYI TSE THUNG 'DI LA MYUR BA LAS KYANG CHES MYUR BAR 'TSAD RGYA BAR 'DOD PA RNAMS KYIS BSHES GNYEN BSTEN TSUL NAS SPYOD PA SPYI BSLAB KYI BAR THUN MONG BA'I LAM GYI RIM PA LA MYONG BA THON NGES BYAS NAS BDE GSANG 'JIGS GSUM GYI DBANG DANG MAN NGAG RNAMS THOB PAR BYAS LA DE GSUM YA MA BRAL BA'I NYAMS LEN LA 'BAD DGOS TSUL RGYU MTSAN DU MAS 'DOMS PAR MDZAD PA LTAR BSTAN PA'I SNYING PO MTHAR THUG PA'I NYAMS LEN GYI GNAD 'DI DAG MA NUB NA CI MA RUNG SNYAM DU SMON PAS GSANG BDE 'JIGS GSUM GYI DBANG LUNG MAN NGAG GI BRGYUD RIM BLA MA RNAMS KYI MTSAN TZAM ZHIG BRJOD PA NI, STON PA BCOM LDAN 'DAS THUB PA'I DBANG PO THUGS RJE CAN 'DIS RDO RJE THEG PA'I CHOS KYI 'KHOR LO BSKOR TSUL NI THUB PA'I RNAM THAR GYI SKABS SU BSHAD ZIN PA LTAR YIN LA, THUB PA'I DBANG PO NAS DA LTA'I BAR DU RDO RJE THEG PA'I BLA MA BRGYUD RIM JI LTAR BYUNG BA NI, STON PA ZHAL BZHUGS DUS NUB PHYOGS AOO dI YA'I YUL NA RGYAL PO AINDRA BHO TI NAS BYA BA BYUNG STE, RGYAL PO DE KHANG BZANG GI THOG NA GNAS PA'I TSE DGE SLONG DGRA BCOM PA NAM MKHA' LA 'PHUR TE SHAR NUB TU 'GRO BA DAG MTHONG

BAN 'DI DAG CI YIN ZHES DRIS PAS, BLON PO SANGS RGYAS 'JIG RTEN DU BYON PA'I RGYUS YOD PA DAG GIS 'DI DAG NI SH'AKYA'I RGYAL PO ZAS GTZANG GI SRAS PO SANGS RGYAS NAS 'PHAGS YUL NA CHOS KYI 'KHOR LO BSKOR BAR MDZAD PA DE'I NYAN THOS DAG YUL GZHAN DANG GZHAN DU RGYU BA NA NAM MKHA' LA 'PHUR TE 'GRO BAS RGYAL POS GZIGS PA DE DAG KYANG SANGS RGYAS KYI NYAN THOS DAG GO, ZHES BRJOD PA NA RGYAL PO PHYIR MI LDOG PA'I DAD PA SKYES TE SANGS RGYA LA GSOL BA BTAB PAS STON PAS MKHYEN BZHIN DU 'KHOR DANG BCAS PA RDZU 'PHRUL GYIS BYON NAS RGYAL PO'I KHANG BZANG DU PHEBS TE RGYAL PO LA CHOS BSTAN PAS RGYAL PO DAD PA LHAG PAR SKYES SHING, 'DI SKRAD DU BDAG GIS KHYIM PA'I RTAGS CHA LUGS MA BOR BAR 'DI NYID DU GNAS NAS 'TSANG RGYA BAR NUS PA ZHIG 'DOD CES ZHUS PAS RGYAL PO DE RIN PO CHE LTA BU'I GDUL BYA YIN PAS BCOM LDAN 'DAS KYIS DPAL GSANG BA 'DUS PA'I DKYIL 'KHOR DU RDO RJE 'CHANG GI SKUR BZHENGS NAS DBANG BSKUR, GDAMS NGAG BSTAN, RGYUD GSUNGS, PHYAG NA RDO RJES LEGS PAR KHRID BAS RGYAL PO AINDRA BHO TIS LAM THUN MONG BA DANG THUN MONG MIN PA'I RIM GNYIS KYI RNAL 'BYOR MTHAR PHYIN TE SPROS BCAS KYI SPYOD PA SPYAD NAS TSE DE NYID LA ZUNG 'JUG GI SKU GRUB, DE NAS RGYAL PO AINDRA BHO TIS YUL DE'I SKYE PO RNAMS LA RDO RJE'I THEG PA BSTAN PAS GRUB PA THOB PA BGRANG BA LAS 'DAS PA BYUNG ZHING DPAL GSANG BA 'DUS PA'I DBANG DANG GDAMS NGAG RNAMS SPEL BA LA BKA'

, ,BABS PA KLU MO RNAL 'BYOR MA LA RDZOGS PAR GNANG, DES RGYAL PO BI SU KA PA LA GNANG, DES KYANG BSGOMS PAS GRUB PA THOB STE DPAL LDAN SA RA HA PA LA GNANG, DES KYANG BSGOMS PAS GRUB PA THOB STE DPAL MGON 'PHAGS PA KLU SGRUB LA DPAL GSANG BA 'DUS PA'I DBANG LUNG MAN NGAG THAMS CAD RDZOGS PAR GNANG, 'PHAGS PA KLU SGRUB KYIS LHO PHYOGS DPAL GYI RI BOR BSGOMS NAS SKU TSE DE LA ZUNG 'JUG GI SKU BRNYES NAS SRAS KYI THU BO A'ARYA DE BA DANG, KLU'I BYANG CHUB DANG, SH'AKYA BSHES GNYEN DANG, ZLA BA GRAGS PA SOGS THUGS SRAS MANG PO LA DPAL GSANG BA 'DUS PA'I DBANG LUNG MAN NGAG RNAMS RDZOGS PAR GNANG, SLOB DPON A'ARYA DE BA DANG, SLOB DPON KLU'I BYANG CHUB DANG, SLOB DPON SH'AKYA BSHES GNYEN DANG, SLOB DPON ZLA BA GRAGS PA BZHI GAS DPAL GSANG BA 'DUS PA'I LAM RIM GNYIS MTHAR PHYIN TE SKU TSE DE LA ZUNG 'JUG RDO RJE 'DZIN PA'I GO 'PHANG BRNYES, GZHAN YANG SLOB DPON SANGS RGYAS BSKYANGS SOGS SLOB DPON KLU SGRUB KYI THUGS SRAS ZUNG 'JUG GRUB PA CHES MANG NGO, ,SLOB DPON KLU SGRUB YAB SRAS DE DAG LAS GSANG BA 'DUS PA'I DBANG LUNG MAN NGAG GI BRGYUD RIM MTHA' YAS PA BYUNG MOD KYANG MTHA' DAG BGRANG BAR GA LA NUS, YONGS SU GRAGS PA'I DBANG GI BRGYUD RIM NI, SLOB DPON MA TANGKI PA, DES GRUB CHEN TE LO PA, DES PAn CHEN N'A RO PA, DES SGRA BSGYUR MAR PA LO TZ'A, DES MTSUR STON DBANG GI RDO RJE,

DES 'KHON STON GAD PA K'I RTI, DES BYA SGANG PA BSOD NAMS RIN CHEN, DES THUR LTA BA TSUL KHRI LAS SKYABS, DES THANG SPE PA 'PHAGS PA SKYABS, DES GSER SDINGS BA GZHON NU 'OD, DES KUN MKHYEN CHOS SKU 'OD ZER, DES KUN MKHYEN 'PHAGS BA 'OD, DES CHOS RJE BU STON RIN CHEN GRUB, DES KHYUNG PO LHAS PA GZHON NU BSOD NAMS, DES CHOS KYI RGYAL PO TZONG KHA PA CHEN PO, DES MKHAS GRUB DGE LEGS DPAL BZANG, DES PAn CHEN CHOS KYI RGYAL MTSAN, DES GRUB CHEN CHOS RDO RJE, DES RGYAL BA BLO BZANG DON GRUB, NGES MKHAS GRUB SANGS RGYAS YE SHES, DES RJE BTZUN BLO BZANG CHOS KYI RGYAL MTSAN, DES RDO RJE 'DZIN BA DKON MCHOG RGYAL MTSAN ,DES RJE BTZUN BLO BZANG YE SHES, DES RDO RJE 'DZIN PA BLO BZANG RIG GROL, DES MKHAS SHING GRUB PA RDO RJE 'DZIN PA YE SHES DPAL 'BYOR, BKA' DRIN MTSUNGS MED RDO RJE 'DZIN PA CHEN PO DE'I ZHABS DRUNG DU BDAG GIS DPAL GSANG BA 'DUS PA'I DBANG BZHI YONGS SU RDZOGS PA THOB, YANG RJE THAMS CAD MKHYEN PA NAS RJE BTZUN SHES RAB SENG GE 'DUL NAG PA DPAL LDAN BZANG PO, RGYUD CHEN DGE 'DUN 'PHEL, RGYUD CHEN BKRA SHIS 'PHAGS, RGYUD CHEN BSAM GRUB RGYA MTSO, RGYUD CHEN BRTZON 'GRUS 'PHAGS, RGYUD CHEN RDO RJE BZANG PO, RGYUD CHEN SANGS RGYAS RGYA MTSO, RGYUD CHEN DKON MCHOG RGYA MTSO, RGYUD CHEN DKON MCHOG YAR 'PHEL, THANG SAG PA DNGOS GRUB RGYA MTSO, GRUB PA'I DBANG PHYUG DON YOD MKHAS GRUB, RJE BTZUN NGAG DBANG BYAMS PA, RJE

, ,BTZUN BLA MA BKA' DRIN MTSUNGS MED DE NYID KYI ZHABS DRUNG DU BDAG GIS DPAL GSANG BA 'DUS PA'I DBANG DANG RGYUD KYI LUNG RIM GNYIS KYI MAN NGAG YONGS SU RDZOGS PA THOB, YANG DPAL MGON 'PHAGS PA KLU SGRUB NAS SLOB DPON ZLA BA GRAGS PA, SLOB PA'I RDO RJE, GRUB CHEN NAG PO SPYOD PA, BLA MA SPRIN GYI SHUGS CAN, RJE RIN PO CHE 'GOS, MANG RA BA SENG GE RGYAL MTSAN, RDOG YE SHES SENG GE, RDOG A'ARYA DE BA, GLAN TSA NYI MA LCAM, LTAG PA RIN CHEN GRAGS, THUR LHA BA TSUL KHRIMS SKYABS, THANG SPE BA 'PHAGS PA SKYABS, GSER SDING PA GZHON NU 'OD, KUN MKHYEN CHOS SKU 'OD ZER, KUN MKHYEN 'PHAGS PA 'OD, CHOS RJE BU STON RIN CHEN GRUB, BLA MA DAM PA BSOD NAMS RGYAL MTSAN, SGRA BSGYUR NAM MKHA' BZANG PO, MNYAM MED RJE BTZUN RED MDA' PA CHEN PO, CHOS KYI RGYAL PO TZONG KHA PA CHEN PO, RJE BTZUN SHES RAB SENG GE ,RGYUD CHEN SBYIN PA DPAL BA NAS 'DUS PA'I BSHAD SROL SPEL PA'I RGYUD 'DZIN RIM PAR BRGYUD PA YONGS SU GRAGS PA LTAR LA 'DUS PA'I BSTAN PA'I BDAG PO RJE BTZUN NGAG DBANG BYAMS PA NAS PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES, SKYABS MGON BKA' DRIN MTSUNGS MED DE NYID KYI ZHABS DRUNG DU BDAG GIS DPAL GSANG BA 'DUS PA'I RGYUD KYI BSHAD PA 'GREL PA BZHI SPRAGS SU GRAGS PA CHA TSANG PHA THOB BO,, ` ,,DPAL 'KHOR LO SGOM PA'I CHOS SKOR NI, STON PA THUB DBANG RDO RJE

'CHANG GIS GSANG BA'I BDAG PO PHYAG NA RDO RJE LA 'KHOR LO SDOM PA'I DBANG DANG RGYUD YONGS SU RDZOGS PA GNANG, GSANG BA'I BDAG POS GRUB CHEN SA RA HA LA GNANG, DES DPAL MGON 'PHAGS PA KLU SGRUB LA, DES DPAL SHA BA RI PA LA; DES GRUB CHEN L'U AI PA LA, DES RGYAL PO DHA RI KA PA LA, DES SLOB DPON RDO RJE DRIL BU PA LA, DES GRUB CHEN RUS SBAL ZHABS LA, DES GRUB CHEN DZ'A LAN DHA RA PA LA, DES GRUB CHEN NAG PO SPYOD PA LA, DES GRUB CHEN GSANG BA PA LA, DES GRUB CHEN RNAM RGYAL ZHABS LA, DES GRUB CHEN TEE LO PA LA, DES PAn CHEN N'A RO PA LA, DES PHAM MTHING PA SKU MCHED LA, DES GLOG SKYA SHES RAB BRTZEGS LA, DES MAL LO TZ'A BA BLO GROS GRAGS LA, DES SA CHEN KUN DGA' SNYING PO LA, DES RJE BTZUN BSOD NAMS RTZE MO LA, DES RJE BTZUN GRAGS PA RGYAL MTSAN LA, DES CHOS RJE SA PAndI TA LA, DES RGYAL SRAS BSOD NAMS SENG GE LA, DES SLOB DPON SANGS RGYAS 'BUM LA, DES MCHOG LDAN LEGS PA'I BLO GROS LA, DES BLA MA DPAL LDAN SENG GE LA, DES BU STON RIN CHEN GRUB LA, DES KHYUNG PO LHAS PA GZHON NU BSOD NAMS LA, DE LA CHOS KYI RGYAL PO TZONG KHA PA CHEN POS GSAN, RJE RIN PO CHE NAS BRGYUD RIM PHAL CHER GSANG BA 'DUS PA DANG 'DRA BA LA BDE MCHOG L'U AI BA'I RIM GNYIS KYI MAN NGAG RNAMS THANG SAG PA DNGOS GRUB RGYA MTSOS GRUB PA'I DBANG PHYUG 'JAM DBYANGS BDE BA'I RDO RJE LA GNANG, DES RJE BTZUN NGAG DBANG BYAMS

, ,PA LA GNANG, GRUB CHEN DRIL BU LUGS KYI BDE MCHOG GI DBANG DANG RIM GNYIS KYI MAN NGAG RNAMS PAn CHEN BLO BZANG CHOS KYI RGYAL MTSAN GYIS RDO RJE 'DZIN PA DKON MCHOG RGYAL MTSAN LA GNANG, DES SKYID SHOD ZHABS DRUNG NGAG DBANG BSTAN 'DZIN 'PHRIN LAS LA GNANG, DES MKHAS GRUB BLO BZANG MKHAS BTZUN LA GNANG, DES RJE BTZUN NGAG DBANG BYAMS PA LA GNANG STE, RJE BTZUN BLA MA BKA' DRIN MTSUNGS MED DE NYID KYI ZHABS DRUNG DU BDAG GIS LEGS PAR THOB BO, ,BDE MCHOG RGYUD 'GREL SBAS DON KUN GSAL RTZA 'GREL SPRAGS PA'I LUNG DANG RTZA BSHAD SBYAR BA'I MAN NGAG NI PAn CHEN THAMS CAD MKHYEN PA RJE BTZUN BLO BZANG DPAL LDAN YE SHES DPAL BZANG PO'I ZHABS DRUNG DU BDAG GIS LEGS PAR THOB BO,, ` ,,DPAL RDO RJE 'JIGS BYED CHEN PO'I CHOS BSKOR NI, 'PHAGS YUL GYI GRUB CHEN L'A LI TA SA 'JAM DPAL MTSAN BRJOD ZHAL 'DON DU MDZAD PA NA, RDO RJE 'JIGS BYED 'JIGS PAR BYED, ,CES PA DANG, KHRO BO'I RGYAL PO GDONG DRUG 'JIGS, ,ZHES PA DANG, GSHIN RJE GSHED PO BGEGS KYI RGYAL, ,ZHES PA RNAMS KYI DON LA BSAMS PA NA, DPAL RDO RJE 'JIGS BYED CHEN PO'I RGYUD DANG GSHIN RJE'I GSHED DMAR NAG GI RGYUD RNAMS YOD BAR BSAMS NAS 'PHAGS YUL GYI PAn GRUB RNAMS LA RTZAD BCAD KYANG DE DUS RGYUD 'DI DAG 'PHAGS YUL NA MA BZHUGS PAS

MA RNYED, AYON GYI YUL NA BZHUGS PAR RIG NAS BLA MA DANG RJE BTZUN 'JAM PA'I DBYANGS DBYER MA MCHIS PA LA GSOL BA SHUGS DRAG LA RGYUN RING PO BTAB, RGYAL BA'I BSTAN PA 'BA' ZHIG LA DGONGS TE NYID KYI SKU DANG SROG LA'ANG MI LTA BAR DKA' BA CHEN POS AYON GYI YUL DU BYON NAS GSOL BA SHUGS DRAG TU BTAB BAN YE SHES KYI MKHA' 'GRO MAS RJES SU BZUNG STE DPAL RDO RJE 'JIGS BYED CHEN PO'I DBANG DANG GSHIN RJE'I GSHED DMAR NAG GNYIS KYI DBANG RNAMS GNANG, GDAMS PA DANG RJES SU BSTAN PA LEGS PAR STZAL, SEMS CAN RNAMS KYI DON DU RGYUD KYI GLEGS BAM GNANG DGOS PAR GSOL BA BTAB PA NA YE SHES KYI MKHA' 'GRO MAS CHOS MDZOD ZHAL PHYE NAS DPAL RDO RJE 'JIGS BYED CHEN PO'I RTZA BA'I RGYUD RGYAS PA SHO LO KA 'BUM RTOG BA SUM BRGYA YOD PA RNAMS BSTAN TE ZHAG BDUN GYI RING LA 'DI'I NANG NAS GANG BLO LA GZUNG THUB PA RNAMS ZUNGS, DE LAS MI YONG ZHES RGYUD THAMS CAD MA GNANG BA NA GRUB CHEN GYIS ZHAG BDUN GYI RING LA GLEGS BAM CHEN PO 'DI NAS MANG PO ZHIG 'DZIN MI THUB PAS SMON LAM GDAB PA GAL CHE DGONGS NAS ZHAG BDUN GYI RING RGYUD KYI GLEGS BAM RNAMS LA MCHOD PA PHUL TE PHYAG DANG BSKOR BA BYED CING GSOL BA SHUGS DRAG TU BTAB PA NA ZHAG BDUN SONG BA'I NYIN RTOG BA SUM BRGYA'I NANG NAS DNGOS GRUB KYI RTOG PA ZHES BYA BA DPAL RDO RJE 'JIGS BYED CHEN PO'I RGYUD RTOG PA BDUN PA 'DI THUGS LA WA LA GYIS SHAR, 'DI LA NOR

, ,'KHRUL DANG LHAG CHAD YOD DAM MED BLTA DGOS DGONGS BA NA, DE'I THAD KYI GLEGS BAM RANG ZHAL PHYE NAS THUGS LA GANG SHAR BA DE KHA JI BZHIN DU BYUNG, DE MA THAG GLEGS BAM RNAMS MKHA' 'GRO MA RNAMS KYI GSANG BA'I CHOS MDZOD DU BZHUGS SU GSOL, DE NAS GRUB CHEN L'A LI TAS 'PHAGS YUL DU PHEBS NAS GSHIN RJE'I GSHED DMAR NAG 'JIGS GSUM GA DANG, KHYAD PAR DPAL RDO RJE 'JIGS BYED CHEN PO'I DBANG DANG RIM GNYIS KYI MAN NGAG RGYUD KYI LUNG RNAMS SKAL BA DANG LDAN PA MANG PO LA RGYA CHER SPEL BAS LAM 'DI LA BRTEN NAS GRUB PA THOB PA CHES MANG BA BYUNG, RGYUD 'DZIN 'PHRIN LAS KYI BKA' BAB PA NI GRUB CHEN DON YOD RDO RJE CHE CHUNG GNYIS SO, ,DON YOD RDO RJE CHUNG PAS GRUB CHEN PADMA BADZRA LA GNANG, DES GRUB CHEN MAR ME MJAD SRUNG CHEN PO LA GNANG, DES RGYUD 'DI SPEL BA'I SMON LAM RLABS PO CHE'I MTHU GRUB PA RVA LO RDO RJE GRAGS LA GNANG, RVA LO CHEN POS DBUS GTZANG KHAMS GSUM GYI SA'I CHA THAMS CAD DU SKAL BA DANG LDAN PA MTHA' YAS PA LA RGYA CHER SPEL ZHING, RGYUD 'DI DBU 'PHANG MTHON POR BYAS TE RTOG BDUN GYI LUNG RE TZAM ZHU BA LA'ANG GSER SRAD MANG PO 'BUL DGOS PA GSER CHOS KHO NAR MDZAD, DE'I TSE DPAL RDO RJE 'JIGS BYED CHEN PO'I RNAL 'BYOR GYI SGO NAS LAS BZHI'I 'PHRIN LAS GRUB PA DANG, RIM GNYIS LA MYONG BA THON PA DANG, RIM PA DANG PO MTHAR

SON BA DANG, RDZOGS RIM GYI RTOGS PA THOB PA SOGS LAM 'DI'I NUS PA THON BA BGRANG BA LAS 'DAS PA BYUNG NGO, ,RVA LO CHEN BOS RGYA CHER SPEL BAR MDZAD PA LAS 'PHRIN LAS RGYUD 'DZIN GYI BKA' BAB NI RVA CHOS RAB BO, ,RVA CHOS RAB KYIS RVA YE SHES SENG GA LA GNANG, DES RVA 'BUM SENG LA GNANG, DES RJE BTZUN RGVA LO LA GNANG, DES RONG PA SHES RAB SENG GE LA GNANG, DES BLA MA YE SHES DPAL BA LA GNANG STE BLA MA GONG MA DE DAG THAMS CAD KYANG DPAL RDO RJE 'JIGS BYED CHEN PO'I RIM GNYIS LA NUS PA THON PA SHA STAG GO ,BLA MA YE SHES DPAL BAS CHOS RJE DON GRUB RIN CHEN LA GNANG STE, CHOS RJE DON GRUB RIN CHEN NI DPAL RDO RJE 'JIGS BYED CHEN PO'I GRUB THOB TU YONGS SU GRAGS PA LTAR YIN ZHING, CHOS RJE DES DPAL RDO RJE 'JIGS BYED CHEN PO LA PHYI NANG GSANG BA DE KHO NA NYID KYI MCHOD PA PHUL TE GSOL BSHUGS DRAG TU BTAB PA NA DPAL RDO RJE 'JIGS BYED CHEN PO'I ZHAL NAS NGA SANG PHOD DA TZAM LUNG PA 'DI'I MDA' RU SLEB YONG BAS DE'I BAR BDE BAR GYIS ZHES GSUNGS, DE NAS CHOS RJE DON GRUB RIN CHEN GYIS KHONG RANG BZHUGS SA'I LUNG BA'I MDA' NA RJE RIN PO CHE 'KHRUNGS SA'I YUL TZONG KHA YOD PAS DER RDO RJE 'JIGS BYED KYI SPRUL PA CI 'DRA ZHIG YONG SNYAM DU BRTAGS PA NA TZONG KHAR KLU 'BUM DGE DANG SHING BZA' AA CHOS GNYIS KYI SRAS SU RDO RJE 'JIGS BYED KYI SPRUL PA BYON PAR RIG NAS YAB YUM DE GNYIS LA SPRUL PA'I SRAS DE LA GTZANG SPRA DANG GCES SPRAS BYED

, ,DGOS PA'I BKA' NAN TAN DU GNANG ZHING DAM RDZAS BDUD RTZI RIL BU BZHES RGYU DANG, SKUL BCANG RGYU'I SRUNG MDUD SOGS GNANG STE SPRUL PA'I SKU DE MJAL BAR PHEBS, DE NAS YAB YUM GNYIS LA ZANG ZING GI DNGOS PO TSAD MED PA GNANG STE SPRUL PA'I SKU 'DI NGA LA DGOS ZHES RJE RIN PO CHE 'KHRUNGS MA THAG NAS BDAG GIR MDZAD DO, ,DE LTAR NA RJE RIN PO CHE 'DI NI RJE BTZUN 'JAM PA'I DBYANGS BSTAN PA DANG 'GRO BA'I DON DU BSAM BZHIN DU BYON PA ZHIG YIN LA, DE LTA NA'ANG PHYI RABS KYI GDUL BYA RNAMS LA 'DOMS PA'I PHYIR RANG NYID RJE BTZUN 'JAM BA'I DBYANGS YIN ZHES ZHAL GYIS MA BZHES PAR THA MAL PA'I TSUL BZUNG STE, CHOS RJE DON GRUB RIN CHEN YONGS 'DZIN DU BSTEN NAS DPAL RDO RJE 'JIGS BYED CHEN PO'I DBANG DANG GDAMS NGAG RNAMS LEGS PAR GSAN TE DGUNG LO BDUN BRGYAD KYI DUS TZAM NAS DPAL RDO RJE 'JIGS BYED CHEN PO'I BSNYEN SGRUB MTHAR PHYIN PAR MDZAD, DUS PHYIS DBUS SU PHEBS NAS BLA MA DBU MA PAS 'TSAMS SPYAR TE RJE BTZUN 'JAM PA'I DBYANGS LA 'JAM DBYANGS CHOS SKOR DANG, RDO RJE 'JIGS BYED KYI GDAMS NGAG MANG DU GSAN ZHING, DE NAS RJE BTZUN 'JAM PA'I DBYANGS NYID KYIS DNGOS SU ZHAL BSTAN NAS MDO SNGAGS KYI CHOS MTHA' YAS PA GSUNGS SHING, LHAG PAR DPAL RDO RJE 'JIGS BYED CHEN PO'I DBANG GNANG BA'I CHE RJE BTZUN 'JAM PA'I DBYANGS

SKAD CIG GIS RDO RJE 'JIGS BYED KYI SKUR BZHENGS NAS DBANG BZHI YONGS SU RDZOGS BA BSKUR BA DANG, GSHIN RJE CHOS KYI RGYAL PO SRUNG MAR BKA' BSGO BA SOGS MDZAD PA'I RNAM 'PHRUL BSAM GYIS MI KHYAB BA DE 'DRA YOD PAR GSUNGS, DES NA THUN MONG MIN BA'I DBANG DU BYAS NA RJE RIN PO CHE RANG NYID RJE BTZUN 'JAM DBYANGS DNGOS YIN BAR MA ZAD YI DAM ZHI KHRO GNYIS KAS RJE RIN PO CHE LA DNGOS SU ZHAL BSTAN NAS YI DAM 'DI'I DBANG DANG GDAMS NGAG RNAMS RDZOGS PAR GNANG BA YIN PAS NYE RGYUD THUN MONG MIN PA'I RGYUD RIM GSOL 'DEBS SU BYAS NA 'DI LTAR, 'JAM DPAL RDO RJE RGYAL BA TZONG KHA BA, ,MKHAS GRUB SKU MCHED DHARM'A BADZRA ZHABS, ,DBEN SA YAB SRAS BLO BZANG CHOS KYI RGYAL; ;GSOL PA 'DEBS SO DNGOS GRUB RNAM GNYIS STZOL, ,GRUB BA MCHOG BRNYES DKON MCHOG RGYAL MTSAN DANG, ,DKYIL 'KHOR MNGA' BDAG BLO BZANG YE SHES ZHABS, ,RJE BTZUN BLO BZANG BSKAL BZANG RGYA MTSO LA, ,GSOL BA 'DEBS SO DNGOS GRUB RNAM GNYIS STZOL, ,RGYAL KUN THUGS RJE'I NGO BO BYAMS PA'I MTSAN, ,RJE BTZUN BLO BZANG DPAL LDAN YE SHES ZHABS, ,BKA' DRIN MNYAM MED RTZA BA'I BLA MA LA, ,GSOL BA 'DEBS SO DNGOS GRUB RNAM GNYIS STZOL, ,RGYAL BA KUN GYI YAB GCIG 'JAM BA'I DBYANGS, ,MA RUNGS GDUL DKA' MTHA' DAG 'DUL BA'I PHYIR, ,'JIGS BYED KHRO BO CHEN PO'I SKUR BSTAN PA, ,GSOL BA 'DEBS SO DNGOS GRUB RNAM GNYIS STZOL, ,DE

, ,LTAR BSTOD PAS BYANG CHUB SNYING PO'I BAR, ,'GAL RKYEN BDUD BZHI'I G-YUL LAS RNAM RGYAL TE, ,ZHI RGYAS DBANG DRAG GRUB CHEN BRGYAD LA SOGS, ,DNGOS GRUB KUN GYIS RTAG TU 'BYOR GYUR CIG , MDOR NA DENG NAS TSE RABS THAMS CAD DU, ,'JAM DPAL DPA' BOS DGYES BZHIN RJES BZUNG STE, ,RIM GNYIS LAM GYI RTOGS PA MTHAR PHYIN NAS, ,SKU GSUM GO 'PHANG BDE BLAG THOB GYUR CIG ,CES PA'O, ,RJE BTZUN THAMS CAD MKHYEN PA BLO BZANG YE SHES KYIS RJE BTZUN BLO BZANG BSKAL BZANG RGYA MTSO LA GNANG, DES RJE BCUN BLO BZANG DPAL LDAN YE SHES LA GNANG, RJE DE NYID KYI ZHABS DRUNG DU BDAG GIS RDO RJE 'JIGS BYED KYI DBANG LEGS PAR THOB CING, YANG RJE BLO BZANG YE SHES KYIS RDO RJE 'DZIN PA BLO BZANG RIG GROL LA GNANG, DES RDO RJE 'DZIN PA YE SHES DPAL 'BYOR LA GNANG, RDO RJE 'DZIN PA DE'I ZHABS DRUNG DU BDAG GIS YI DAM 'DI'I DBANG THOB, YANG RJE BLO BZANG YE SHES KYIS MKHAN CHEN NGAG DBANG BLO BZANG LA GNANG, DES KHRI CHEN NAM MKHA' BZANG PO LA GNANG, DE'I ZHABS DRUNG DU BDAG GIS YI DAM 'DI'I DBANG THOB, YANG RJE BTZUN SHES RAB SENG GE NAS SRAD RGYUD GONG MA RNAMS LA RIM GYIS BRGYUD PA RJE BTZUN BLA MA NGAG DBANG BYAMS PA'I ZHABS DRUNG DU BDAG GIS YI DAM 'DI'I DBANG DANG RIM GNYIS KYI MAN NGAG RNAMS LEGS PAR THOB BO,, ,,

` GSANG BDE 'JIGS GSUM GYI BRGYUD RIM GONG DU BSTAN PA DE DAG KYANG DENG SANG YONGS GRAGS LTAR BKOD PA YIN GYI, 'DI DAG LA NANG GSES KYIS PHYEN RGYA GAR GRUB CHEN MANG PO NAS BRGYUD PA'I BRGYUD RIM DANG, LO TZ'A BA MANG PO BRGYUD PA DANG, DE LA'ANG DBANG GI BRGYUD PA DANG, RGYUD KYI LUNG GI BRGYUD PA DANG, RIM GNYIS KYI MAN NGAG MYONG KHRID GYI BRGYUD PA DANG, RTZA BSHAD SBYAR BA'I BSHAD SROL GYI BRGYUD RIM SOGS MANG DU YOD DE, RJE RIN PO CHE'I GSAN YIG DANG, MKHAS GRUB RIN PO CHE'I GSAN YIG DANG, PAn CHEN BLO BZANG CHOS KYI RGYAL MTSAN GYI GSAN YIG DANG, KUN MKHYEN LNGA PA CHEN PO'I GSAN YIG GANGG'A'I CHU RGYUN DANG, RJE BTZUN BLO BZANG YE SHES KYI GSAN YIG SOGS LAS GSUNGS PA LTAR RO,, ` ,,JO BO YAB SRAS KYI GSANG CHOS THUN MONG MIN PA BKA' GDAMS THIG LE BCU DRUG GI BRGYUD RIM NI, JO BO YAB SRAS ZHAL BZHUGS DUS SHIN TU GSANG BAR MDZAD NAS GSANG CHOS 'DI 'DZIN PA'I SMON LAM GYI MTHU GRUB PA RJE BTZUN 'JAM PA'I DBYANGS KYIS BYEN GYIS BRLABS PA'I BSHES GNYEN CHEN PO RDOG LEGS PA'I SHES RAB GCIG PU LA GNANG STE BKA' RGYA DAM POR BTAB, JO BO RJE ZHING GSHEGS NAS 'BROM RIN PO CHES DGE BSHES KA BA LA 'DI'I DBANG DANG GDAMS NGAG MDOR BSDUS SHIG GNANG NAS BKA' RGYAS BTAB, SRAS KYI THU BO SKU MCHED GSUM LAS PHU CHUNG BA

, ,LA BKA' GDAMS SNYING GI THIG LE'I MAN NGAG GI MDZOD 'DZIN PAR LUNG BSTAN MDZAD DO, ,DES NA 'BROM RIN PO CHE'I THUGS SRAS DGE BA'I BSHES GNYEN PHU CHUNG BA ZHES GRAGS PA DE NI , 'PHAN YUL RGYAL GYI SKYI RA RDZING KHAR LCAGS MO LUG GI LO LA SKU 'KHRUNGS, TSE RABS MANG POR LAM LA SBYANGS PA'I BAG CHAGS BRTAS PAS BYIS PA'I DUS NAS MI RTAG BA RTOGS PA'I BLO RANG 'KHRUNGS BYUNG STE SRID PA'I PHUN TSOGS GANG LA'ANG MA CHAGS PAR RGYAL BA'I BSTAN BA LA ZHUGS TE CHOS RNAM DAG CIG MDZAD BZHED NAS RGYAL LHA KHANG DU BROS TE ZHANG CHEN PO DANG, GLAN TSUL BYANG LA RAB TU BYUNG, MTSAN GZHON NU RGYAL MTSAN DU BTAGS, DE NAS 'DUL BA'I BCAS MTSAMS RNAMS MIG GI 'BRAS BU LTAR BSRUNG ZHING SNGON BYON DAM PA'I RNAM THAR BSAMS TE THOS PAS MA SGOM GSUM CHA TSANG PA ZHIG MDZAD BZHED NAS MKHAS PA CHEN PO KHU STON LA PHAR PHYIN GYI 'GREL CHUNG TSAR BCO LNGA GSAN PA SOGS THOS PA MANG DU MDZAD, 'DUL BA LA'ANG GSAN SBYONG MTHAR PHYIN PAR MDZAD NAS, SNYE THANG DU JO BO'I ZHAL MJAL ZHING CHOS KYANG CUNG ZAD GSAN, JO BO GSHEGS NAS DGE BSHES STON PA'I PHYAGS PHYI MDZAD NAS RA SGRENG DU PHEBS, GDAMS PA RDZOGS PAR GSAN ZHING THUGS NYAMS SU BZHES, DGE BSHES STON PA'I BKA' LUNG GIS SLOB MA SKYONG BA'ANG MDZAD DE, 'BROM RIN PO CHE'I

ZHABS DRUNG DU DGE SLONG GSAR BU BYUNG BA RNAMS LA 'DUL BA'I BSLAB BYA LEGS PAR SLOBS SHIG CES BKA' GNANG NAS, 'DUL BA'I PHYAG LEN KHRID BAR MDZAD, DGE BSHES STON PA LO BCU GCIG TU BSTEN NAS YON TAN MA LUS THUGS LA MNGA' BAR MDZAD, DGE BSHES STON PA 'DAS NAS TSE 'DI'I 'KHRI BA PHRA MO 'ANG MED PAR DBEN PA'I GNAS SU MDO SNGAGS KYI LAM CHA TSANG LA NYAMS LEN MTHAR PHYIN BA ZHIG MDZAD BZHED BAR BYUNG STE, DGE BSHES PHU CHUNG BA 'DE NYID NI, SKYES KYANG NAGS SU SKYES, DENGS KYANG NAGS SU DENGS PA LTA BU ZHIG YIN TE, SHA GZUG RANG ZA GSUNGS NAS SGRUB PA 'BA' ZHIG MDZAD DE, 'PHAN YUL YUNG BA'I PHU PHU CHUNG DU SGRUB KHANG BRTZIGS TE SGRUB PA GTZO BOR MDZAD, DE'I TSE SGRUB KHANG GI NUB NA BRAG LA PHYAG MDZUB BTZUGS PAR SGRUB CHU BYUNG BA'ANG YOD DO, ,'DIS SLOB MA DRUNG DU 'DUS PA DAG LA'ANG RTEN CING 'BREL PAR 'BYUNG BA YAN LAG BCU GNYIS KYI GDAMS PA GTZO BOR 'DEBS BAR MDZAD CING, LAM GYI RIM PA'ANG DE'I KHONGS SU 'THUS PAR MDZAD DO, ,BDAG NYID CHEN PO 'DI RI DVAGS RMAS MA LTAR 'DU 'JI LA CHES 'JIGS PAS SKU MCHED GSUM TSOGS PA'I SKABS MA GTOGS TSOGS MI SDUD CING, GCIG BU GNYIS SU MED SAR DBEN PA NAS DBEN PAR 'PHO BAR MDZAD KYANG YON TAN GYI DRI BSUNG LA THAMS CAD 'KHOR TE SKU MCHED GNYIS KYI SLOB MA PHAL CHE BAS CHOS MA GSAN PA MED DE, SPYAN SNGA GSHEGS

, ,NAS BYA YUL BAS PHU CHUNG DU BYON TE RTEN 'BREL GYI KHRID GSAN CING BZHUGS DUS MANG RA'I ZHAL NAS, DA LTA PHU CHUNG NA NYAN THOS KYI RDZU 'PHRUL GYIS 'GRO BA'I BYANG CHUB SEMS DPA' ZHIG SMIN BDOG GSUNG SKAD, PHU CHUNG BA'I LUGS KYI RTEN 'BREL GYI KHRID NYAMS SU LEN CHUL BYA YUL BA'I BKA' RGYUD LA DAR CHE CHE BAR BYUNG NGO, ,DGE BSHES PHU CHUNG BA DE NYID DKON MCHOG MCHOD BA LA GTZO BOR MDZAD PAS GZIM KHANG GI PHYI ROL TU SBOS KYI DRI NGAD LDANG BA LAGS PAR GDA', ZHAL NAS NGAS DANG POR SPANG SPOS SNA CHA TING NGE BA PHUL, DE NAS RENG BU BZHI SBYOR MNGAR SID DE BA 'BUL RGYU BYUNG, DA LTA AA KA RU DANG DU RU KA LA SOGS PA DRI BSUNG CHING NGE BA 'BUL GSUNG, LAN CIG LA GSER SRANG NYI SHU RTZA GNYIS KYI SPOS SBYAR SKAD, YANG ZHAL NAS, DA LTA NAS SKYABS 'GRO GOMS CAN NA BA'I TSE AA RA ZER BA'I DOD LA SANGS RGYAS SOGS 'ONG STE GSUNG, YANG LAN CIG G-YANG SHUN MGO LA BKAB NAS RGYAL LHA KHANG GI SHI BA RNAMS BGRANG GIN SNANG SKAD, YANG LAN CIG PHU CHUNG BA DANG KHAM LUNG BA 'DZOM DUS DGE BSHES PA NI LAS 'BRAS KHO NA GAL CHE BAR GSUNG BA LA, DA LTA BSHAD RIN DANG NYAN RIN DANG SGOM RIN MED PAR BYED DE, 'DI KHO NA NYAMS SU BLANGS DKA' SEMS GSUNG BAS, PHU CHUNG BA YANG DE TZUG LAGS GSUNG BA DANG, YANG PHU CHUNG BA'I ZHAL NAS, NGA NI RGAS KHAR MDZANGS BLUN LA KHA

LHAN GYIS SONG GSUNG SKAD, YANG ZHAL NAS, 'U CAG DGE BA'I TSIG 'BRU BTON DANG, MI DGE BA DON BTON DU 'GRO GSUNG, YANG PHU CHUNG BA CHEN POS LAN CIG NAM PHYED CAN AA TZA MA GSUNG, CI NONGS ZHUS PAS, DE RING MDO SDE BLTAS PA NA DUS KYI MTHA'I NYAN THOS BYE MA'I SGRO BA KHA SPUB BA BZHIN MAR LA 'GRO BAR BSHAD SNANG, DE'I GSEB NA NI NGA YANG YOD BLA LHAG BA'I CHOS NI MA BYAS, SRUB KAR CHAGS PA 'DRA YIN NA RUNG STE ZHES GSUNGS, YANG ZHAL NAS; CHOS BYED PA LA SHES DGOS, DE LA GO DGOS, DE LA NYAN DGOS, YANG HUR CHEN PO PHYUNG NAS BYED DGOS, LUNG PA'I SROL BSGYUR NAS CHOS BYED DGOS TE, BDAG GZHAN BRJE BA'AM, 'JIG RTEN DANG MI MTHUN BAR BYED DGOS, GTAM NGAN BLANGS NAS BYED DGOS, SNYING KHAM RANG DPE THE'U TZAM DGOS GSUNG, YANG LAN CIG DGE BSHES SHA BO SGONG PA'I MTSAN PHYUNG NAS, JO BO PA 'CHI BA 'DI MNGON SUM DU MI RO LUD BZHIN SKYEL BA 'DI MI GO BAR CHOS RNAMS KYI GNAS LUGS 'JIG RTEN MTHA' DAG GIS IYID CHES PAR DKA' BA LA BLO 'GRO BA SKAD ZER BA 'DIL GLO BA MI CHES BAR GDA'O GSUNG SKAD, YANG SHA BO SGANG PA LA NGA DE RING KHYED LA CHOS SHIG NYAN GSUNGS NAS, SLE MO THANG DU RO BSREGS PA RNAMS STON CIG GSUNG, SHA BO SGANG PAS 'DIR 'DI SKAD BYA BA BSREGS PA LAGS, 'DIR 'DI SKAD BYA BA BSREGS BA LAGS BYA BA LA SOGS PA GSUNGS PAS, NYON MONGS PA

, ,RA YOM MI BA, SGRO LDEM ME BA, RMIG PA SHA RA BAR BZHAG BA'I CHOS BYED SHES PA GSUNGS PA LA, SHA BO PA'I ZHAL NAS, SHES PHA BAS KYANG MKHAS KYANG MKHAS, MKHAS PA BAS MANG YANG MANG GSUNG NGO, ,YANG LAN CIG ZHAL NAS 'CHI BA MI RTAG PA DANG LAS DANG 'BRAS BU MANG DU SGOMS SHIG ,PHAS PHAM PA BZHI BYUNG YANG SBYOD NUS PA CIG 'ONG GI ,DE NGA'I KHA CHEMS YIN GSUNG NGO, ,YANG ZHAL NAS, BDAG NYID GANG LA MI DGA' BA, ,GZHAN LA KUN DU CHI SPYAD DO, ,ZHES PA BYANG CHUB SEMS DPA'I BSLAB PA'I KHOG PA YIN GSUNG, 'BROM RIN PO CHE'I ZHABS DRUNG DU SKU MCHED GSUM 'TSOGS NAS 'BROM RIN PO CHE ZHING GSHEGS KYI PAR DU 'BRAL MED DU BZHUGS KYANG JO BO YAB SRAS KYI GSANG BA'I CHOS RDZOGS BAR MNGA' BA NI PHU CHUNG BA NYID MIN TE, 'BROM RIN PO CHE'I ZHAL NAS KYANG, TSUL KHRIMS 'BAR BA RIN CHEN 'OD GSAL BA, ,RIN CHEN GSAL BAS TSUL KHRIMS RGYAN MJES PA, ,NGA YI RNAM THAR MI NUB SKYONG BAR MDZOD, ,GZHON NU RGYAL MTSAN NGA DANG GNYIS SU MED, ,THUGS RJE CHEN PO KUN TU SBAS PA'I BU, ,'JIG RTEN KHAMS RNAMS RGYAL MTSAN 'DI YIS GANG, ,PADMA'I SUL RNAMS GZHON NU 'DI YIS BRGYAN, ,CES DANG, 'DI LA GRA BAR GYUR PA SU YANG MED, ,SLOB MAR MA GYUR CHOS PA SU YANG MED, ,'DI LA GNAS MED ZHING KHAMS THAMS CAD 'DZIN, ,MI GRAL

NAS BUD MI DBANG RNAMS KYIS MCHOD, ,GZHON NU RGYAL MTSAN RTAG TU RGYAL GYUR CIG ,CES GSUNGS TE LEGS PAR BSNGAGS PA'I SEMS DPA' CHEN PO 'DIS JO BO YAB SRAS KYI GSANG CHOS BKA' GDAMS THIG LE BCU DRUG GI DBANG DANG GDAMS NGAG JI LTAR GSAN BA DANG, NYAMS LEN JI LTAR MDZAD BA DANG, BDAG NYID CHEN PO 'DI'I PHYAG TU SPRUL PA'I GLEGS BAM JI LTAR BYUNG CHUL SOGS LO RGYUS RNAM THAR CUNG ZAD BRJOD NA, JO BO YAB SRAS GNYIS YER PA LHA RI SNYING PO'I MGUL NA BZHUG SA DUS MDO SNGAGS GSUNG RAB DGONGS 'GREL DANG BCAS PA THAMS CAD KYI SNYING PO'I DON BYANG CHUB LAM GYI RIM PA'I GNAD RNAMS LA BKA' BGRO BAR MJAD PA'I TSE RGYUD PA GSUM GYI BLA MA GONG MA THAMS CAD KYANG DNGOS SU BYON TE ZHAL 'DZOM, MGON PO SPYAN RAS GZIGS DANG RJE BTZUN MA SGROL MA SOGS LHAG PA'I LHA RNAMS KYIS KYANG DNGOS SU ZHAL BSTAN, DE'I TSE MGON PO GSER GLING PAS BYANG CHUB LAM GYI RIM PA'I SNYING PO DANG SROG SHING DANG LAM GYI RTZA BA BYANG CHUB KYI SEMS RIN PO CHE MA SKYES PA BSKYED PA DANG, SKYES ZIN GONG NAS GONG DU SPEL BA DANG, NYAMS LEN MTHAR PHYIN PAR BYED PA LA SNYING RJE'I LHA MGAN PO SPYAN RAS GZIGS LHAG PA'I LTAR BSTEN NAS GSOL BA GDAB DGOS PA DANG, MGON PO SPYAN RAS GZIGS KYI SKU'I BKOD PA BSAM GYIS MI KHYAB PA THIG LE BCU DRUG GI MAN NGAG LAS 'BYUNG BA LTAR YOD TSUL RNAMS

, ,GSUNGS, RJE BCUN MA SGROL MAS KYANG GSUNG RAB DGONGS 'GREL DANG BCAS PA THAMS CAD SKYABS GNAS BLA MA RJES DRAN, RANG LUS LHA SKUR RJES DRAN, NGAG BZLAS BRJOD DU RJES DRAN, 'GRO KUN PHA MAR RJES DRAN, GNAS LUGS STONG PA RJES DRAN TE RJES DRAN LNGAR BSDUS NAS NYAMS SU LEN TSUL RGYAS PAR GSUNGS TE, DE NI THIG LE BCU DRUG GI GDAMS NGAG 'DI'I NYAMS LEN BYA TSUL NYID DO, ,DE NAS JO BO RJES 'BROM RIN PO CHE'I SKYES RABS RNAM THAR RNAMS DANG SPRUL PA'I BKOD BA BSAM GYIS MI KHYAB PA RNAMS MDOR BSDUS GSUNGS SHING, 'BROM RIN PO CHE NYID LA'ANG KHYED BOD KYI MGON PO THUGS RJE CAN YIN PAS HA CANG SPA BAR MA MDZAD PAR PHYI RABS KYI GDUL BYA'I DON DU CUNG ZAD GSUNGS SHIG CES BSKUL BA NA 'BROM RIN PO CHES THA MAL PA'I SNANG NGOR BSTAN PA'I SKU DE YAL NAS THUGS RJE CHEN PO RGYAL BA RGYA MTSO RTEN DANG BRTEN BAR BCAS PA'I DKYIL 'KHOR DU DNGOS SU BZHENGS NAS THIG LE BCU DRUG GI GDAMS BA ZAB MO RNAMS GSUNGS, DE YANG JO BO YAB SRAS KYIS GSUNGS BA TZAM MIN GYI, MDO RGYUD NAS GSUNGS PA'I MAN NGAG STE MDO SDE ZA MA TOG BKOD PAR THIG LE BCU DRUG GI DKYIL 'KHOR 'DI DANG CHA 'DRA BAR THUGS RJE CHEN PO'I SKU'I BA SBU'I BU GA RE RE YANG SANGS RGYAS KYI ZHING MANG PO YOD PA SOGS GSUNGS, DE BZHIN DU 'DUS PA CHEN PO'I GZUNGS LA SOGS PA DANG, DPAL

GSANG BA 'DUS PA YE SHES ZHABS LUGS GYI RTZA BA'I MAN NGAG 'JAM PA'I DBYANGS KYI ZHAL LUNG DANG, DE'I MAN NGAG SGRUB THABS KUN BZANG DANG, GROL BA'I THIG LE RTZA 'GREL SOGS LAS THIG LE BCU DRUG GI NYAMS LEN 'DI'I GNAD RNAMS GSUNGS TE DA DAG GI TSUL ZHIB PAR BDAG GIS YI GE LOGS SU BRIS NAS YOD DO, ,DE LTA BU'I SNYING GI THEG LE'I DKYIL 'KHOR SGOM TSUL GYI GDAMS PA ZAB MO YID CHES KHUNGS BTZUN BYIN RLABS KYI TSAN KA SHIN TU CHE BA 'DI JO BO YAB SRAS GNYIS KYIS DGE BSHES GSANG PHU BA LA GNANG STE, DE YANG DGE BSHES GSANG PHU BA RDOG LAGS PA'I SHES RAB CES BYA BA 'DI NI BSKAL PA DPAG TU MED PA NAS TSOGS RGYA CHEN PO BSAGS SHING, LHAG PAR JO BO YAB SRAS KYI GSANG BA'I MDZOD 'DZIN PA'I SMON LAM RLABS PO CHE BTAB PA, RJE BTZUN 'JAM PA'I DBYANGS KYIS DNGOS SU BYIN GYIS BRLABS BAS SHES BYA'I GNAS THAMS CAD LA MKHYEN PA THOGS PA MED PAR 'JUG PA ZHIG STE, DE LTA BU'I BDAG NYID CHEN PO DE GSANG PHU NA DGE 'DUN LNGA BRGYA TZAM LA GZHUNG LUGS RAB 'BYAMS 'CHAD CING BZHUGS PA NA, RJE BTZUN 'JAM PA'I DBYANGS KYI BKAS BSKUL NAS TSE 'DI'I BUN LONG THAMS CAD DOR TE PHYI BZHIN 'BRANG BA ZHIG DANG BCAS YER PA LHA RI SNYING POR PHEBS NAS JO BO YAB SRAS LA DNGUL GYI MAndAL MDA' GANG BA ZHIG LA DUNG GI TSOM BU BKOD PA SOGS MCHOD PA'I DNGOS PO TSAD MED BAS MCHOD DE YANG DANG YANG DU GSOL BA BTAB NAS

, ,'BROM RIN PO CHE'I SKYES RABS RNAMS DANG, SNYING GI THIG LE'I GDAMS PA YONGS SU RDZOGS BAR ZHUS, GANG GSUNGS THAMS CAD THUGS LA BZUNG, RJE BTZUN 'JAM PA'I DBYANGS KYI MTHUS GDAMS PA YONGS SU RDZOGS PA YI GE'I GZUGS SU SHAR PA'I BKA' GDAMS SPRUL PA'I GLEGS BAM CHEN MO YANG PHYAG TU BZHUGS, DE NAS RDOG LEGS PA'I SHES RAB KYIS GSANG PHUR PHEBS NAS BKA' GDAMS SPRUL PA'I GLEGS BAM LA MCHOD PA TSAD MED PAS MCHOD CING KHOR YUG TU GSOL BA BTAB, NAM ZHIG NA RJE BTZUN 'JAM PA'I DBYANGS KYIS BSKUL NAS MNGA' RIS BA SHES RAB RGYAL MTSAN ZHES BYA BA'I BYANG CHUB SEMS DPA' CHEN PO ZHIG GSANG PHU'I NAGS KHROD NA SGOM ZHING YOD PA'I SAR GSANG PU BA CAN PO BYON NAS SNYING GI THIG LE'I GDAMS BA 'DI'I LO RGYUS CUNG ZAD GSUNGS PA NA BYANG CHUB SEMS DPA' SHES RAB RGYAL MCHAN GYIS KYANG DE LTA BU'I GDAMS BA ZAB MO DE CI NAS KYANG GSUNG 'CHAL ZHES GSOL BA BTAB BA NA, GSANG PHU BA CHEN POS KYANG ZHAL GYIS BZHES NAS 'DI LA SPYAN RAS GZIGS KYI DKYIL 'KHOR LA MCHOD PA'I RGYU ZHIG DGOS GSUNGS PA NA, BYANG CHUB SEMS DPA' SHES RAB RGYAL MTSAN GYIS YO BYAD CI YOD MCHOD PA'I RGYUR PHUL, DA'I STENG DU GSANG PHU BA CHEN POS KYANG YO BYAD MANG DU GNANG STE, THIG LE'I DKYIL 'KHOR BZHENGS NAS SGRUB GROGS DGE SLONG BZHI DANG

BCAS ZHAG SUM CU'I RING LA THIG LA BCU DRUG GI DBANG DANG GDAMS PA YONGS SU RDZOGS BAR GNANG, MTHAR SPRUL BA'I GLEGS BAM YANG GNANG STE BKA' RGYAD DAM DU MDZAD, DE NAS BYANG CHUB SEMS DPA' SHES RAB RGYAL MTSAN GYIS MI MED DBEN PA'I GNAS DU MAR NYAMS SU BZHES TE RTOGS PA MCHOG BRNYES NAS DGE BSHES PHU CHUNG BA'I SAR BYON PA NA, PHU CHUNG BAS KYANG KHONG LA SNYING GI THIG LE'I GDAMS PA ZAB MO 'DI YOD PAR MNGON SHES KYIS MKHYEN NAS DE GNANG DGOS BAR GSOL BA BTAB, BYANG CHUB SEMS DPA' CHEN POS KYANG ZHAL GYIS BZHES NAS 'DI LA SPYAN RAS GZIGS KYI DKYIL 'KHOR LA MCHOD RDZAS SHIG DGOS GSUNGS PA NA, PHU CHUNG BAS RNAM SRAS LA 'PHRIN LAS KYI GROGS BCOL BA NA DE MA THAG TU MCHOD RDZAS THAMS CAD THOGS PA MED PAR GRUB STE DKYIL 'KHOR BSHAMS, GNYIS KA KUN SPANG BYA BRAL DU SONG BAS SGRUB GROGS GZHAN MA RNYED PA NA PHU CHUNG BAS 'PHAGS PA GNAS BRTAN BCU DRUG LA GSOL BA BTAB NAS GNAS BRTAN BCU DRUG GIS SGRUB GROGS MDZAD, DER BYANG CHUB SEMS DPA' SHES RAB RGYAL MTSAN GYIS SNYING GI THIG LE'I DKYIL 'KHOR DU DBANG BSKUR BA DANG GDAMS NGAG RNAMS SPEL MAR BYAS TE ZLA BA GCIG DANG ZHAG BCO BRGYAD KYI RING LA YONGS SU RDZOGS PA GNANG ZHING, MTHAR BKA' GDAMS SPRUL PA'I GLEGS BAM YANG DGE BSHES PHU CHUNG BA LA GTAD NAS BYANG CHUB SEMS DPA' SHES RAB RGYAL MTSAN SKU'I SNANG BA BSDUS

, ,TE 'JA' LUS SU GSHEGS SO, ,DE NAS DGE BSHES PHU CHUNG BA CHEN POS DBEN PA'I GNAS DU MAR THUGS NYAM SU BZHES TE ZUNG 'JUG GI GO 'PHANG BRNYES PA NA BYANG CHUB SEMS DPA' RIN CHEN RGYAL MTSAN ZHES BYA BA'I SAR PHEBS, DES KYANG PHU CHUNG BA CHEN PO LA BKA' GDAMS BSTAN PA'I SNYING PO 'DI GNANG DGOS PAR GSAL BA BTAB PA NA, GDAMS NGAG 'DI LA THUGS RJE CHEN PO'I DKYIL 'KHOR LA MCHOD RDZAS SHIG DGOS BAS KHYOD RANG YANG BSOD SNYOMS CUNG ZAD MDZOD, NGAS KYANG GROGS BYA GSUNGS NAS PHU CHUNG BA CHEN POS RA SGRENG SOGS NAS ZAS SNA DANG SMAN SNA BTZAL, BYANG CHUB SEMS DPA' RIN CHEN RGYAL MTSAN GYIS BSOD SNYOMS BYAS TE YO BYAD RNAMS TSOGS BA NA ZHAG RE LA THIG LE RE MDZAD NAS ZHAG BCU DRUG LA THIG LE BCU DRUG GI DBANG RDZOGS BAR MDZAD, MAN NGAG RNAMS ZLA BA DRUG GI RING RDZOGS PAR BSTAN NAS RGYUD SMIN CING GROL BAR MDZAD DO, ,DE'I TSE PHU CHUNG PA CHEN BOS BKA' GDAMS BSTAN PA'I SNYING PO 'DI NYID GANGS RI'I KHROD 'DIR MI NUB CING 'PHEL BAR BYA PA'I PHYIR BKA' GDAMS LHA CHOS BDUN LDAN SNYING GI THIG LE'I MAN NGAG 'DI JI LTAR BYON TSUL GTER GYI KHA BYANG LTA BU ZHIG KYANG YI GER 'GOD BAR MDZAD DO, ,DE LTAR PHU CHUNG BA CHEN POS SEMS DPA' CHEN PO RIN CHEN RGYAL MTSAN LA BKA' GDAMS SNYING GI THIG LE'I MAN NGAG YONGS SU RDZOGS BAR

BSTAN NAS MTHAR SPRUL PA'I GLEGS BAM YANG GNANG STE PHU CHUNG BA CHEN PO 'JA' LUS SU GSHEGS SO, ,DE NAS BYANG CHUB SEMS DPA' RIN CHEN RGYAL MTSAN GYIS DBUS GTZANG MNGA' RIS BAL YUL SOGS DBEN GNAS DU MAR BYON NAS NYAMS SU BA ZHES SHING RTOGS PA MCHOG BRNYES PA NA RA SGRENG DU BYON TE ZHANG STON DAR MA RGYAL MTSAN BTZUN CHUNG GZHON NU ZHIG YOD PA DE GDAMS NGAG 'DI'I BDAG POR 'GYUR BAR MKHYEN NAS DE RJES SU BZUNG, DGE BSHES STABS KAB CHEN POS ZHU SNA DANG MCHOD RDZAS THAMS CAD SBYOR BAR MDZAD NAS RA SGRENG GI KA GNYIS MAR THIG LE BCU DRUG GI DKYIL 'KHOR RGYAS PAR BRIS TE, JO BO YAB SRAS GNYIS KYANG DNGOS SU BYON NAS BSNYEN PA'I GROGS MDZAD, ZLA BA GCIG DANG ZHAG GNYIS KYI RING LA THIG LE BCU DRUG GI DBANG RGYAS PA ZHIG MDZAD, DE NAS LO BCU GNYIS KYI RING ZHABS 'BRING DU BSTEN TE DPEN PA'I GNAS DU MAR GDAMS NGAG YONGS SU RDZOGS PAR BSTAN, MTHAR GLEGS BAM YANG GNANG STE ZHANG STON DAR MA RGYAL MTSAN CHOS 'DI'I BDAG POR BYIN GYIS BRLABS PO ,DE NAS ZHANG STON DAR MA RGYAL MTSAN GYIS DBEN GNAS DU MAR THUGS NYAMS SU BZHES SHING RTOGS PA MCHOG BRNYES PA NA STABS KA BA BYANG CHUB BZANG PO RJES SU BZUNG, BYANG CHUB BZANG POS KYANG ZHANG STON DAR MA RGYAL MTSAN LA SNYING GI THIG LE'I GDAMS PA 'DI GSUNG BAR GSOL BA BTAB PA NA ZHAL GYIS BZHES TE MCHOD RJES RNAMS BSAGS, MCHOD PA'I YO BYAD

, ,RNAMS 'JOM PA NA 'BROM RIN PO CHE'I 'KHRUNGS YUL PHUG RING DU BYON NAS ZHAG BCU DRUG GI RING LA THIG LE BCU DRUG GI DBANG TSAR BAR MDZAD, DE NAS RA SGRENG DU BYON NAS ZLA BA GCIG GI RING LA THIG LE'I SGRUB PA MDZAD, DE NAS LO DGU'I BAR DU BSTEN NAS GDAMS NGAG RNAMS RDZOGS PAR GSAN NO, ,DE NAS SLOB DPON BYANG CHUB BZANG POS SNYING GI THIG LE'I GDAMS PA THUGS NYAMS SU BZHES SHING RTOGS PA MCHOG BRNYES BA NA STABS KA BA NAM MKHA' RIN CHEN RJES SU BZUNG STE, STABS KA BA NAM MKHA' RIN CHEN GYIS SLOB DPON BYANG CHUB BZANG BO LA BKA' GDAMS BSTAN PA'I SNYING PO SNYING GI THIG LE'I GDAMS PA GNANG DGOS PAR ZHUS PA NA 'DI LA MCHOD RDZAS CUNG ZAD CIG DGOS GSUNGS, DE 'TSOL BAR ZHUS NAS YO BYAD RNAMS BTZAL TE MCHOD RDZAS RNAMS TSANG BAR BTZAL GRUB PA NA ZHAG BCU DRUG GI RING THIG LE BCU DRUG GI DBANG MDZAD DE NAS DBEN PA'I GNAS DU MAR PHEBS NAS GDAMS NGAG RNAMS YONGS SU RDZOGS PAR GNANG STE, LO NYI SHU RTZA BZHI'I RING 'BRAL MED DU BSTEN NAS BKA' GDAMS KYI GDAMS NGAG YONGS SU RDZOGS PAR GSAN GSUNG NGO; ;'DI YAN CHAD NI CHIG RGYUD KHO NA YIN PA LA SLOB DPON BYANG CHUB BZANG POS STABS KA BA NAM MKHA' RIN CHEN LA DA PHYIN CHAD MAN NGAG CUNG ZAD YANGS SU THONGS ZHES BKA' GNANG, DE NAS SLOB DPON NAM MKHA'

RIN CHEN GYIS BYANG CHUB SEMS DPA'I NOR BU'I PHRENG BA RGYA CHER SPEL ZHING, BKA' GDAMS GLEGS BAM YANG DON GNYER CAN MANG PO LA BSHAD, SNYING GI THIG LE'I GDAMS PA NI 'BROM KU MA RA MA TI LA GNANG STE, MCHOD PA'I YO BYAD RNAMS TSOGS PAR BYAS TE THIG LE BCU DRUG GI DBANG ZHAG BCU GNYIS LA RDZOGS PA ZHIG MDZAD, GLEGS BAM YANG YONGS SU RDZOGS PAR BSTAN TE THUGS LA GZUNG DU BCUG ,'BROM KU MA RA MA TIS KYANG BKA' GDAMS GLEGS BAM YONGS SU RDZOGS PA TSIG GCIG KYANG MA LUS PAR THUGS LA BZUNG NAS RGYUN DU ZHAL TON MDZAD, BKA' GDAMS SPRUL PA'I GLEGS BAM CHEN MO NI SLOB DPON NAM MKHA' RIN CHEN GYIS STABS KA'I MCHOD RTEN GYI NANG DU BZHUGS SU GSOL ZHES 'BYUNG NGO, ,DE NAS 'BROM KU MAR MA TIS SNAR THANG DU NGES NAS BKA' GDAMS GLEGS BAM RGYA CHER SPEL ZHING, SNAR THANG MKHAN CHEN GYI MA RGYAL MTSAN GYIS 'BROM KU MA RA MA TI'I ZHAL NAS JI LTAR GSUNGS PA LTAR BKA' GDAMS GLEGS BAM YI GOR BKOD, DEL MA PHYI BYAS NAS PHYOGS PHYOGS SU 'PHEL BA YIN PAS DENG SANG BKA' GDAMS GLEGS BAM YI GER 'KHOD PA LA BLTAR YOD PA NI 'BROM KUN MA RA MA TIS BKA' GDAMS GLEGS BAM THUGS LA BZUNG BA DE'I BKA' DRIN LAS BYUNG BA YIN NO, ,DE NAS RIM GYIS THAMS CAD MKHYEN PA DGE 'DUN GRUB DANG, RGYAL BA DGE 'DUN RGYA MTSO GNYIS KYIS RGYA CHER SPEL BAR MDZAD, DE NAS RIM GYIS BRGYUD DE PAn CHEN

, ,THAMS CAD MKHYEN PA BLO BZANG CHOS KYI RGYAL MTSAN DANG, RGYAL DBANG THAMS CAD MKHYEN PA NGAG DBANG BLO RGYA MTSO GNYIS KYIS SPEL BAR MDZAD, RGYAL DBANG THAMS CAD MKHYEN PA NGAG DBANG BLO BZANG RGYA MTSOL NI 'BROM RIN PO CHES DNGOS SA ZHAL GZIGS NAS SNYING GI THIG LE'I DBANG DANG GDAMS NGAG GNANG BA YIN ZHES BDAG GI BLA MA DAM PA GSUNG NGO, ,DUS PHYIS MI BDAG GI DRIN CAN RTZA BA'I BLA MA RJE BTZUN NGAG DBANG BYAMS PAS SNYING GI THIG LE'I DBANG DANG GDAMS NGAG MI NUB PAR BZUNG NAS DON GNYER CAN KHA SHAS LA GNANG BA LAS HA CANG DAR CHA CHE BA MI SNANG LA, BLA MA RIN PO CHE DE NYID KYI ZHABS DRUNG DU BDAG GIS THIG LE BCU DRUG GI DBANG DANG BKA' GDAMS SNYING GI THIG LE'I GDAMS NGAG 'DI'I BKA' DRIN LEGS PAR THOB LA JO BO YAB SRAS KYI GSANG CHOS BKA' GDAMS LHA CHOS BDUN LDAN GYI SNYING PO'I YANG SNYING PO THIG LE BCU DRUG GI GDAMS NGAG 'DI MA NUB NGAR YUN RING DU GNAS NA CIM RUNG SNYAM DU SMON PAS THIG LE BCU DRUG GI GDAMS NGAG 'DI'I BLA GONG MA'I BRGYUD RIM RNAM THAR DANG, 'DI'I DKYIL CHOG SLOB MA RJES SU 'DZIN TSUL DANG BCAS PA CHES ZHIB PAR BKOD PA BKA' GDAMS GSAL BYED CES BYA BA DANG, BLO DMAN RNAMS KYIS 'DI'I CHO GA RNAMS NGAG 'DON DU BYA TSUL DANG, 'DI'I MAN NGAG JI LTAR NYAMS SU YEN TSUL GYI KHRID YIG DANG, BKA' GDAMS LHA CHOS BDUN LDAN

GYI RNAM THAR LA SMON LAM DU BYA TSUL TSIGS BCAD DU BSDEBS PA BCAS GDAMS NGAG 'DI CHA LAG DANG BCAS PA'I YI GE BDAG GIS LOGS SU BRIS NAS YOD DO, ,DES NA BYANG CHUB LAM GYI RIM PA LA BLO SPYOD BAR 'DOD PA RNAMS KYIS RGYA CHEN SPYOD PA'I RGYUD KYI BLA MA RNAMS DANG, ZAB MO LTA BA'I RGYUD KYI BLA MA RNAMS DANG, NYAMS LEN BYIN RLABS RGYUD KYI BLA MA RNAMS LA GSOL BA 'DEBS SHING LAM PHYOGS DER MA SONG BAR MDO SNGAGS GNYIS KA'I LAM GYI LUS YONGS SU RDZOGS PA LA SGRUB PA SNYING POR BYA ZHING THA NA SMON LAM GYI YUL TSUN CHAD DU BYAS TE BAG CHAGS CI THEBS BYA'O,, ,,SMRAS PA, NAM MKHA'I MTHAS GTUGS PHYOGS BCU'I 'JIG RTEN NA, ,LUS CAN RNAMS LA PHAN BDE GANG 'BYUNG BA, ,RGYAL BA'I BSTAN PA NYID LA RAG LAS ZHES, ,RGYAL DANG RGYAL SRAS KUN GYIS MTHUN PAR GSUNGS, ,PHAN BDE'I 'BYUNG GNAS RGYAL BA'I BSTAN PA NI, ,TSANG LAM NOR BYANG CHUB LAM RIM STE, ,RGYAL BSTAN THAMS CAD LAM RIM 'DIR 'DU BAR, ,SHING RTA CHEN PO GNYIS KYIS GSUNGS PHYIR RO, ,DE PHYIR BYANG CHUB LAM GYI RIM PA YI, ,BSHAD SGRUB JI SRID GNAS PA DE SRID DU, ,RGYAL BA'I BSTAN PA GNAS PA ZHES BYA STE, ,'DI NYAMS NA NI RGYAL BSTAN MED PHYIR RO, ,SKYA BA 'DZIN PA MED PAR NI, ,GRU YIS PHA ROL MI BGROD LTAR, ,LAM STON BSHES GNYEN MED NA NI, ,LAM BZANG DAR BA'I SKABS MED DO, ,NYI MA MED PAR NYIN MO MED, ,SA GZHI MED PAR LO TOG MED, ,RGYA MTSO MED

, ,PAR NOR BU MED, ,LAM STON MED PAR LAM MED DO, ,RTZVA SHING NAGS TSAL LO TOG THAMS CAD NI, ,SA LA GNAS SHING SA LAS 'BYUNG BA LTAR, ,MTHO RIS THAR PA'I YON TAN MA LUS PA, ,LAM STON BSHES GNYEN NYID LA RAG LAS SO, ,MA NOR LAM STON BSHES GNYEN DAM PA NI, ,MTHO RIS THAR PA'I LAM BZANG LTA BA'I MIG ,MCHOG DANG THUN MONG DNGOS GRUB KUN GYI GZHIR, ,RGYAL DANG RGYAL SRAS KUN GYIS RGYA CHER BSNGAGS, ,TSUL DE MTHONG NAS BDAG GIS NI, ,MA NOR LAM BZANG STON MDZAD PA'I, ,RTZA BRGYUD BLA MA'I TSOGS RNAMS KYI, ,RTOGS PA BRJOD PA 'DI BYAS SO, ,'KHOR BA THOG MA MED PA NAS, ,LAS NYON DBANG GIS LUS BLANGS TE, ,BYA BA GANG DANG GANG BYAS PA, ,THAMS CAD DON MED LAS ROR SONG, ,DA RES RGYAL BSTAN 'PHEL BA'I PHYIR, ,BSTAN 'DZIN DAM PA'I TSOGS RNAMS KYI, ,RTOGS BRJOD NGAL BA 'DI BYAS PAS, ,LUS 'DIS SNYING PO CUNG ZAD LON, ,'KHOR BA THOG MA MED PA NAS, SEMS DANG SEMS BYUNG 'DI DAG NI, ,LOG PA'I LAM DU BRGYUGS BRGYUGS NAS, ,RGYUN DU RANG NYID PHUNG BAR BYAS, ,DA RES YUL 'DZIN RNAM RIG 'DIS, ,RGYAL DANG RGYAL BA'I SRAS RNAMS KYI, ,MDZAD BZANG YON TAN LTAS PAS NA, ,RNAM RIG BKRA BA DON LDAN BYAS, ,THOG MED DUS NAS LAS NYON SGYU MA MKHAN PO YIS, ,MI GTZANG KHU BA KHRAG GI THIGS PA TSOGS PA LA, ,RO LANGS SHA RUS 'KHRUL 'KHOR JI SNYED BCOS BCOS KYANG, ,CI BYAS THAMS CAD RANG GZHAN PHUNG BA'I LAS SU SONG, ,DA RES KHU KHRAG THIG

PA'I DANG MA MCHOG ,GZUGS 'DZIN DBANG POS DAM PA'I RNAM THAR LA, ,YANG DANG YANG DU BLTAS TAR BYAD DPYAD NAS, ,LEGS BSHAD GRUB BAS LTA BYED DON DANG LDAN, THOG MA MED NAS NGO 'DZIN STONG GRUB KYANG, ,NYON MONGS DUG GSUM DBANG DU SONG SONG NAS, ,MI DGE'I GTAM GYIS NYIN MTSAN DUS 'DAS TE, ,RANG GZHAN THAMS CAD PHUNG BA BRGYUD MAR BYAS, ,DA RES 'GRO BA'I SGRON ME SANGS RGYAS DANG, ,RGYAL BA'I SRAS PO RIM PAR BYON RNAMS KYI, ,MDZAD TSUL RNAM THAR BZANG PO CHER BSGRAGS PAS, , LCE YI DBANG PO DON DANG LDAN PAR BYAS, ,RGYUD PA GSUM LDAN BLA MA'I TSOGS RNAMS KYI, ,MDZAD PA RNAM THAR BZANG PO'I TSUL DAG LA, ,BDAG GIS BSGRIMS TE RAB TU BSTOD BYAS KYANG, ,YON TAN CHA TZAM BRJOD BAR GAL NUS, ,BYIS PA'I 'DOM GYIS LHA LAM 'JAL BA DANG, ,CHIG GU'I KHOG PAS CHU GTER 'JAL BA BZHIN, ,BDAG GIS RGYAL BA SRAS BCAS BSNGAGS BA YANG, ,DE DANG 'DRA BAS BSAM PA BZANG BCAM, ,RGYUD PA GSUM LDAN RNAMS KYI YON TAN NI, ,MKHA' LTAR RGYA CHE MTSO LTAR GTING ZAB PA,, BDAG BLO NYAM CHUNG SHIN TU MI GSAL BAS, ,NONGS PAR GANG GYUR BRTZE LDAN RNAMS LA BSHAGS, ,BYIS PA CHUNG DUS PHA MA'I MING TZAM ZHIG, 'KHRUL PAR BRJOD NA'ANG MTSAR DU BYED PA LTAR, ,BLO DMAN BDAG 'DRAS RGYAL BA SRAS BCAS KYI, ,YON TAN BSNGAGS, PA'ANG MTSAR DU DGONGS PAR RIGS, ,DRI MED RIGS LAM MKHYEN PA'I MKHAS PA DANG, ,NYAMS MYONG GNAD DU KHEL BA'I DAM PA RNAMS, ,THUGS KHREL BYUNG NA GSON YANG SHI DANG MTSUNGS, ,DE PHYIR DAM PAS SMAD PA'I LAS MI BYA, ,BLO NGAN PHRAG DOG GDON

, ,GYIS DKRUGS RNAMS KYIS, ,'DI LTAR BGYIS LA SMAD PA BYAS GYUR KYANG, ,DE YI RANG BZHIN DE NYID YIN PAS NA, ,DE 'DRA DE LA SU YIS CI ZHIG BYA, ,JI LTAR BDE GSHEGS SKU GZUGS RTZIG NGOS LA; ;BYIS PAS RTZED MOR RI MOR BRIS PA YANG, ,DON DANG LDAN ZHING DE NYID MTHONG BA YANG, BSOD NAMS 'PHEL ZHES RGYAL BAS BSNGAGS GYUR NA, ,RGYAL DANG RGYAL SRAS RNAMS KYA MDZAD PA'I TSUL, ,DANG PA'I SEMS KYIS PHYOGS TZAM BSNGAGS PA 'DI, ,DON DANG LDAN ZHING BSOD NAMS CHER 'PHEL BAR, ,'GYUR SNYAM TSUL 'DIR BDAG GIS NGAL BA BYAS, ,'DIR 'BAD PA LAS THOB PA'I DGE PA DES, ,'GROL LAM BZANG MTSON PA'I MIG GCIG PU, ,BYANG CHUB LAM GYI RIM PA'I MAN NGAG 'DI, ,NAM YANG MI NUB 'PHEL BA'I RGYU RU BSNGO, ,SA 'DZIN LHUN PO CHU GTER SMAD G-YOGS MA GROL ZHING, ,SRID PA'I SGRON ME ZUNG GI SNANG BAM CHAD BAR, ,DAM PA'I SPYOD TSUL BSNGAGS PA'I LEGS BSHAD 'DI YIS KYANG, ,'GRO LA LAM BZANG LTA PA'I SNANG BA STER GYUR CIG ,BDAG KYANG DENG NAS CHE RABS THAMS CAD DU, ,THEG MCHOG DAM PA'I MGON GYIS RJES BZUNG NAS, ,TSANG LA MA NOR BYANG CHUB LAM RIM LA, ,SGRUB PA SNYING POR BYED PA NYID GYUR CIG ,RGYUD PA GSUM LDAN BLA M'I BYIN RLABS MTHUS, ,SDE SNOD GSUM GYI DON LA NGES RNYED NAS, ,BSLAB PA GSUM GYI NYAMS LEN MTHAR PHYIN TE, ,SKU GSUM

GO 'PHANG MYUR DU THOB GYUR CIG ,BLO BZANG THUB DBANG RDO RJE 'CHANG CHEN POS, ,CHOS 'DI GANG LA GNYER DU GTAD MDZAD PA, ,SKYES BU GSUM GYI LAM GYI SRUNG MA YIS, ,CHOS 'DI SGRUB LA RTAG TU GROGS MDZOD CIG , TSANGS DBANG 'JIG RTEN SKYONG BA BZHI LA SOGS, ,DKAR PHYOGS SKYONG BA'I SRUNG MA THAMS CAD KYIS, ,CHOS TSUL 'DI LA RTAG TU GROGS BYED CING, ,'JIG RTEN BDE LEGS CHEN POS KHYA' GYUR CIG ,CES BYANG CHUB LAM GYI RIM PA'I BLA MA BRGYUD PA'I RNAM PAR THAR PA RGYAL BSTAN MDZES PA'I RGYAN MCHOG PHUL BYUNG NOR BU'I PHRENG BA ZHES BYA BA 'DI NI, SNGA MO NAS DGE PA'I BSHES GNYEN MANG PO ZHIG GIS BSKUL MA BYUNG BA DANG; SGRUB PA SNYING POR BYED PA DGE SLONG NGAG DBANG BSNYAN 'DZIN GYIS BDE LAM DANG ZHAL LUNG GNYIS KA'I BLA MA BRGYUD PA'I RNAM PAR THAR PA RGYAS PA ZHIG DGOS ZHES YANG DANG YANG DU NAN CHEN POS BSKUL ZHING, RANG GI NYE 'KHOR BA DGE SLONG YE SHES BSAM GTAN GYIS KYANG RJE BDAG NYID CHEN PO'I RNAM PAR THAR PA RGYAS PA ZHIG DGOS ZHES BSKUL BA DANG, BSTAN PA'I GSAL BYED DAM PA DGE BSHES THOGS MED KYIS KYANG BYAMS MGON BLA MA RIN PO CHE'I RNAM THAR RGYAS PA ZHIG DGOS ZHES YANG YANG BSKUL BA DANG, NYE CHAR ^ GANGS CAN 'GRO BA'I MGON PO RGYAL DBANG THAMS CAD MKHYEN GZIGS CHEN PO RJE BTZUN BLO BZANG BSTAN PA'I

, ,DBANG PHYUG 'JAM DPAL RGYA MTSO DPAL BZANG POS STON PA THUB PA'I DBANG PO NAS BZUNG NGA LTAR ZHAL BZHUGS PA'I RTZA BA'I BLA MA LA THUG GI BAR BYANG CHUB LAM GYI RIM PA'I BLA MA BRGYUD PA TSANG BA'I RNAM PAR THAR PA RGYAS PA ZHIG BYUNG NA BSTAN PA'I SNYING PO 'DI 'PHEL BA'I RKYEN DU CHE BAS CIS KYANG BGYI DGOS SO ZHES BKA' LUNG SPYI BOR PHEBS PA GUS PAS MNOS TE, DON GYI SLAD DU MTSAN NAS SMOS TE MKHAN PO RIN PO CHE PAn CHEN THAMS CAD MKHYEN PA RJE BTZUN BLO BZANG YE SHES DPAL BZANG PO'I BKA' DRIN LAS RGYAL BA'I BSTAN PA RIN PO CHE'I SGOR RAB TU BYUNG NAS SHING RTA CHEN PO'I GZHUNG RNAMS LA SBYONG PA'I SKAL BA THOB CING, DPAL DPEN SA SNYAN RGYUD KYI MAN NGAG LA BRTEN NAS GRUB PA'I GO 'PHANG MTHON POR GSHEGS PA BYA BRAL GRUB PA'I DBANG PHYUG RJE BTZUN BLA MA BLO BZANG RNAM RGYAL DANG, THUB BSTAN YONGS RDZOGS KYI BDAG PO RJE BTZUN NGAG DBANG BYAMS PA GNYIS KYI BKA' DRIN LAS BYANG CHUB LAM GYI RIM PA'I MAN NGAG LEGS PAR THOB PA DGE SLONG YE SHES RGYAL MTSAN GYIS RAB BYUNG BCU GSUM PA'I SPRE'U ZHES PA ME MO LUG GI LO PHE BRANG CHEN PO PO TA LAR SBYAR BA'I, ,'DIS KYANG RGYAL BA'I BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG, ,,

AOm STVA STI; BSKAL BZANG 'DI LA RNAM 'DREN MANG BYON YANG, ,MGON MED SNYIGS DUS NYAM THAG 'GRO RNAMS LA, ,RGYAL BA GZHAN LAS THUGS RJE CHES LHAG PA, ,ZLA MED STON PA SH'AKYA'I RGYAL POR 'DUD, ,STON PA MNYAM MED THUB PA'I DBANG PO YIS, ,MTHA' YAS GDUL BYA'I KHAMS DANG BSAM PA DANG, ,BAG LA NYAL DANG DBANG PO LA GZIGS NAS, , CHOS PHUNG BRGYAD KHRI BZHI STONG BKA' STZAL TO, ,RGYAL BA'I GSUNG RAB KUN GYI SNYING BO'I DON, ,SKAL BZANG GCIG GI NYAMS ?LEN RIM PA RU, ,LEGS PAR DRIL BAM TSANG MED PA'I CHOS, ,BYANG CHUB LAM GYI RIM BA 'DI NYID DO, ,RAB 'BYAMS ZHING GI RGYAL BA MA LUS PA'I, ,GDUNG 'CHOB THEG PA MCHOG GI DGE BA'I BSHES, ,BYANG CHUB LAM GYI RIM PA STON MDZAD PA'I, ,RGYA BOD RIM BYON BLA MA RNAMS LA 'DUD, ,SA GSUM 'GRO BA'I RE SKONG YID BZHIN NOR, ,SKYES PU GSUM GYI LAM BZANG GSAL MDZAD PA'I, ,BLA MA RNAMS KYI NGO MTSAR MDZAD PA'I TSUL, ,GSAL BAR STON PA'I SNGON MED LEGS BSHAD 'DI, ,GANGS CAN 'GRO BA YONGS KYI MGON GCIG PU, ,RJE BTZUN BLO BZANG 'JAM DPAL RGYA MTSO YIS, ,MTHA' DBUS SKYE 'GRO YONGS LA BRTZER

[DD1] !, ,DGE SDIG SHAN 'BYED DAM CAN CHOS KYI RGYAL, , [DD2] !, ,DPAL LDAN YE SHES MGON PO LAG DRAG PA, , *, ,DGONGS NAS, ,CHOS SBYIN 'DZAD MED DAL 'GRO'I RGYUN 'DI SPEL, TSUL 'DIR 'BAD LAS DUNG DANG KUN DA LTAR; ;RAB DKAR DGE BA GANG ZHIG THOB PA DES, ,TSANG LA MA NOR RBYANG CHUB LAM RIM 'DI, ,PHYOGS RNAMS KUN TU 'PHEL ZHING RGYAS GYUR CIG, SARBA MANGGA LAm, [DD3] !, ,??LDAN SKONG 'DZAD RGYAL CHEN RNAM GRONG?